Saturday, June 7, 2008

နာဂစ်မုန်တိုင်းအပြီး အချက်အလက်မှတ်တမ်း

.................။..................../ဒီအောက်မှာနှိပ်ပြီး.............။.........../
ကုလဂြိုဟ်တုဓာတ်ပုံအရ ဧရာဝတီတိုင်း (၁၈) ရွာ (၉၄) ရာနှုန်းပျက်
နာဂစ်မုန်တိုင်းကြောင့် ဧရာဝတီတိုင်း ကျေးရွာ (၁၈) ရွာ အသေးစိတ် အပျက်အစီး ဂြိုဟ်တု မြင်ကွင်းကို ကုလသမဂ္ဂ ဂြိုဟ်တုတိုင်းထွာရေးအဖွဲ့ UNOSAT က ထုတ်ပြန်ရာ အဆောက်အဦ စုစုပေါင်း (၄,၀၂၈) ခု ပျက်စီးသွားသည်။
ဧရာဝတီတိုင်း ကျေးရွာ (၁၈) ရွာ အသေးစိတ် အပျက်အစီး ဂြိုဟ်တုမြင်ကွင်းကို ဇွန်လ (၄) ရက်နေ့မှာ တရွာချင်းအလိုက် ဂြိုဟ်တုဓာတ်ပုံများနှင့်တကွ UNOSAT အဖွဲ့က ထုတ်ပြန်ခြင်း ဖြစ်သည်။ ထိုကျေးရွာ အများစုမှာ ငပုတော၊ လပွတ္တာနှင့် ဘိုကလေးမြို့နယ်များမှ ဖြစ်သည်။
အဆိုပါကျေးရွာ (၁၈) ရွာရှိ အဆောက်အဦ အားလုံး၏ (၉၄) ရာနှုန်း ပျက်စီးသည်ဟု ဖော်ပြ ထားသည်၊ ဂြိုဟ်တုဓာတ်ပုံရိုက်ထားသည့် ရွာ (၁၈) ရွာတွင် ရာနှုန်းပြည့် အဆောက်အဦအားလုံး ပျက်စီးသည့် ရွာပေါင်း (၁၀) ရွာရှိပြီး ကျန်ရွာများမှာလည်း ရာနှုန်းပြည့်နီးပါး ပျက်စီးသည်။
ဧရာဝတီမြစ်ဝကို မေးတင်ပြီး ရာနှုန်းပြည့် ပျက်စီးခဲ့သည့် အဆိုပါရွာများမှာ-အနောက်ဂုံညင်းတန်း၊ ရွေးရွာ၊ မိကျောင်းကိုင်၊ အနောက်သပြုချောင်၊ သပြုချောင်၊ ချောင်းကြီး၊ ပြောင်းပြန်၊ တောင်ကလေးမြောက်ဘက် အမည်မသိရွာ၊ ဘုန်းတော်ပြည့်၊ အလယ်ပေါက်တောင်ဘက် အမည်မသိရွာတို့ဖြစ်သည်။








နာဂစ်မုန်တိုင်းကြောင့် လူ (၁) သန်းခွဲကျော် ဒုက္ခရောက်နေ

နာဂစ်မုန်တိုင်းဒဏ်ကြောင့် မြန်မာနိုင်ငံတွင်း လူ (၁) သန်းခွဲကျော် ဒုက္ခရောက်နေကြောင်း ကုလ သမဂ္ဂ လူမှုရေးရာညှိနှိုင်းရေးအဖွဲ့ (UNOCHA) ၏ မေလ (၁၂) ရက်နေ့စွဲဖြင့် ထုတ်ပြန်သည့် အစီရင်ခံစာတွင် ဖော်ပြသည်။ အစီရင်ခံစာပါ အချက်များနှင့် ကယ်ဆယ်ရေးလုပ်ငန်း အခြေ အနေများကို ခေတ်ပြိုင်မှ စုစည်းဖော်ပြပါသည်။

ကယ်ဆယ်ရေးလုပ်ငန်း အခြေအနေများ (မေလ ၁၂ ရက်ထိ) မုန်တိုင်းဒဏ်
ခံရသည့် မြို့နယ်များ (Source: UNOCHA)

ရန်ကုန်တိုင်း မြို့နယ် (၄၀) နှင့် ဧရာဝတီတိုင်း (၇) မြို့နယ်တို့ကို ယခုထိ မုန်တိုင်းဒဏ်သင့် နယ်မြေများအဖြစ် စစ်အစိုးရကိုယ်တိုင် သတ်မှတ်ထားဆဲဖြစ်သည်။ အထူးသဖြင့် လပွတ္တာ၊ ဘိုကလေးနှင့် မော်လမြိုင်ကျွန်း ဒေသတို့သည် နာဂစ်မုန်တိုင်းအပြင် မုန်တိုင်းကြောင့်ဖြစ်သည့် ပင်လယ်လှိုင်းများ ရိုက်ခတ်မှုဒဏ် အများဆုံးခံရသည့် မြို့နယ်များဖြစ်သည်။

မုန်တိုင်းသင့် ဒုက္ခသည်အခြေအနေ (Source: UNOCHA)

မုန်တိုင်းကျပြီး (၃) ရက်အတွင်း စစ်အစိုးရထုတ်ပြန်သည့် ကိန်းဂဏန်းများအရ (၈) မြို့နယ်တွင် လူ (၉၈၀,၀၀၀) ဒုက္ခရောက်သည်ဆိုသည့်အချက်ကို အခြေခံတွက်လျှင် အနည်းဆုံး လူ (၁) သန်းခွဲ ဒုက္ခရောက်နေသည်ဟု UNOCHA အစီရင်ခံစာတွင် ဖော်ပြသည်။

ဧရာဝတီတိုင်း ဆက်သွယ်ရေးအခြေအနေ (Source: UNJLC)

နိုင်ငံတကာ ကယ်ဆယ်ရေးအဖွဲ့များ ဧရာဝတီတိုင်း သွားလာခွင့်ကို စစ်အစိုးရက ငြင်းဆန်နေဆဲ ဖြစ်ပြီး မုန်တိုင်းဒဏ်သင့် မြစ်ဝကျွန်းပေါ်ဒေသများသို့ ဆက်သွယ်ရန် လွယ်ကူသည့် ပုသိမ်လေ ဆိပ်ကို နိုင်ငံတကာ ကူညီမည့် လေယာဉ်များ ဆင်းခွင့် ပိတ်ထားသည်။

လေကြောင်းအကူအညီအခြေအနေ (Source: UNJLC)

မေလ (၁၁) ရက်ထိ မြန်မာနိုင်ငံသို့ လေကြောင်းမှ ကယ်ဆယ်ရေးအကူအညီပေးသည့် အကြိမ် (၃၇) ကြိမ်ရှိပြီး ဘင်္ဂလားဒေ့ရှ် (၂ ကြိမ်)၊ လာအို (၄ ကြိမ်)၊ တရုတ် (၃ ကြိမ်)၊ ထိုင်း (၇ ကြိမ်)၊ အိန္ဒိယ (၂ ကြိမ်)၊ စင်ကာပူ (၁ ကြိမ်)၊ WFP ကမ္ဘာ့စားနပ်ရိက္ခာအစီအစဉ် (၆ ကြိမ်)၊ အီတလီ နိုင်ငံခြားရေးဝန်ကြီးဌာန (၁ ကြိမ်) နှင့် စပိန်နိုင်ငံခြားရေးဝန်ကြီးဌာန (၁၁ ကြိမ်) တို့ဖြစ်သည်။

လေယာဉ်ဆင်းသက်ခွင့်အခြေအနေ (Source: UNJLC)

အကူအညီပေးလိုသည့် နိုင်ငံတကာလေယာဉ်များ ရန်ကုန်လေဆိပ်မလာမီ မြန်မာစစ်အစိုးရ ဒုတိယ နိုင်ငံခြားရေးဝန်ကြီးထံ လေယာဉ်ဆင်းသက်ခွင့် လျှောက်လွှာ ဦးစွာတင်ရသည်။
လေယာဉ် ရန်ကုန်ရောက်ပြန်တော့လည်း ကယ်ဆယ်ရေးပစ္စည်း တင်ဆောင်လာသည့် လေယာဉ်ရောက်ရှိကြောင်း၊ မည်သည့်လေယာဉ် အမျိုးအစားဖြစ်ကြောင်း၊ အသေးစိတ် ကယ်ဆယ်ရေး ပစ္စည်းစာရင်း စသည်တို့ကို မြန်မာစစ်အစိုးရ ဒုတိယ နိုင်ငံခြားရေးဝန်ကြီးထံ ထပ်မံတင်ပြရပြန်သည်။ ။





မုန်တိုင်းအပြီး မြန်မာနိုင်ငံတွင်းရှိ နိုင်ငံတကာ ကယ်ဆယ်ရေးအဖွဲ့များ
(မေလ ၇ ရက်ထိ စာရင်း)

1- Action Against Hunger (ACF)
2- Bridge Asia Japan (BAJ)
3- Care
4- Christian Aid
5- Doctors Without Borders
6- International Federation of Red Cross/Red Crescent (IFRC)
7- International Organization for Migration (IOM)
8- Malteser International
9- Medical Aid International (AMI)
10- Merlin
11- New Humanity -FOCSIV
12- Pact
13- Save the Children
14- UN-(UNDP,UNCT,TBC,UNOCHA,UNDAC,UNDMT, UNICEF,WFP,
UNHCR,WHO, UNOPS)
15- World Vision International (WVI)

0 အကြံပြုခြင်း: