Wednesday, July 23, 2008

ဗုဒ္ခဟူးသတင်းများ

အကယ်၍ ဘေးအန္တရာယ်ကို လျင်မြန်စွာ တုံ့ပြန်ခဲ့ပါက အသက်ပေါင်းများစွာ ကယ်တင်နိုင်ခဲ့မည်ဟု စစ်အစိုးရအနေဖြင့် ခံစားရခြင်းရှိမရှိ မြန်မာနိုင်ငံခြားရေးဝန်ကြီး ဦးဥာဏ်ဝင်းအား အေပီသတင်း ထောက်တဦးက မေးမြန်းခဲ့ရာ စင်ကာပူဝန်ကြီးချုပ် ဂျော့ခ်ျယိုးက“နိုင်ငံရေးမေးခွန်း” ဆိုပြီး ပယ်ချခဲ့သည်။
မုန်တိုင်းကြောင့် ဒေါ်လာ သန်းလေးထောင် ဆုံးရှုံး
AP/ ၂၃ ဇူလိုင် ၂၀၀၈
နိုင်ငံတကာ ကူညီငွေ အမေရိကန်ဒေါ်လာ သန်း (၁) ထောင် ထပ်မံမရရှိပါက ဆိုင်ကလုန်း နာဂစ် ဘေးမှ အသက်ရှင်ကျန်ရစ်သူများအနေဖြင့် ဒုတိယမြောက် အရေးပေါ်အခြေအနေနှင့် ရင်ဆိုင်ကြ ရမည်ဖြစ်ကြောင်း ယခုလ (၂၁) ရက်ထုတ် ပထမဆုံးအကြိမ် သဘာဝဘေး အကဲဖြတ်ချက် အစီ ရင်ခံစာ (PONJA) က ဖော်ပြသည်။
မုန်တိုင်းကြောင့် ဧရာဝတီတိုင်းနှင့် ရန်ကုန်တိုင်းအတွင်း လမ်းပန်းဆက်သွယ်ရေးနှင့် ပိုင်ဆိုင်မှု တန်ဖိုး ဆုံးရှုံးမှု ပမာဏမှာ ဒေါ်လာ (၁.၇) ဘီလီယံနှင့် ထုတ်လုပ်မှုပိုင်းဆိုင်ရာ ဆုံးရှုံးမှု ဒေါ်လာ (၂.၃) ဘီလီယံရှိပြီး စုစုပေါင်း ဒေါ်လာ သန်း (၄) ထောင် ဆုံးရှုံးသည်ဟု အစီရင်ခံစာ၌ တွက်ပြ ထားသည်။ ယင်းသို့ စာရင်းဇယားများဖြင့် ကျားကန်ဖော်ပြထားသော်လည်း သဘာဝဘေး အန္တရာယ်အပေါ် မြန်မာစစ်အစိုးရ၏ တုံ့ပြန်မှု နှေးကွေးခဲ့ခြင်းကိုမူ တစွန်းတပါဒမျှ အစီရင်ခံစာတွင် ဖော်ပြထားခြင်း မရှိခဲ့ပေ။
အကယ်၍ ဘေးအန္တရာယ်ကို လျင်မြန်စွာ တုံ့ပြန်ခဲ့ပါက အသက်ပေါင်းများစွာ ကယ်တင်နိုင်ခဲ့မည်ဟု စစ်အစိုးရအနေဖြင့် ခံစားရခြင်းရှိမရှိ မြန်မာနိုင်ငံခြားရေးဝန်ကြီး ဦးဥာဏ်ဝင်းအား အေပီသတင်း ထောက်တဦးက မေးမြန်းခဲ့ရာ စင်ကာပူဝန်ကြီးချုပ် ဂျော့ခ်ျ ယိုးက “နိုင်ငံရေးမေးခွန်း” ဆိုပြီး ပယ်ချခဲ့သည်။
နာဂစ်ဆိုင်ကလုန်း ကျရောက်ပြီး ပထမသီတင်းပတ်အတွင်း အလောင်းများ ရေထဲမျောပါနေ ကြောင်း သတင်းများ ထွက်ပေါ်ချိန်တွင် မြန်မာစစ်သားများ၏ တုံ့ပြန်မှု တစုံတရာမျှ မတွေ့ရှိရသဖြင့် ကမ္ဘာတ၀န်းရှိ ပြည်သူများအနေဖြင့် အံသြတုန်လှုပ်ခဲ့ကြရသည်။
ထို့အပြင် မြန်မာစစ်အစိုးရက နိုင်ငံတကာအကူအညီများကိုလည်း နှေးကွေးစွာ လက်ခံခဲ့သည် သာမက မုန်တိုင်းဒဏ်ပြင်းထန်စွာ ခံရသော ဒေသများသို့ သွားရောက်ကူညီလိုသူ ကယ်ဆယ်ရေး လုပ်သားများကိုလည်း ကိုယ်ထိလက်ရောက် တားဆီးမှုများ ပြုလုပ်ခဲ့သည်။
နိုင်ငံတကာအစိုးရများကလည်း မြန်မာစစ်အစိုးရ၏ ဂရုမမူ နှေးကွေးသည့်တုံ့ပြန်မှုအပေါ် ပြင်းထန် စွာ ဝေဖန်ခဲ့ကြသကဲ့သို့ စစ်ခေါင်းဆောင်များအား အကူအညီများ ရယူရန် ဖျောင်းဖျပြောဆိုခဲ့ ကြသည်။ ။

နာဂစ်အကူငွေ ဒေါ်လာ သန်းတထောင် ဘယ်ကရမလဲ
(သုံးသပ်ချက်)
ပီတာအောင်/ ၂၃ ဇူလိုင် ၂၀၀၈
နာဂစ်မုန်တိုင်းကြောင့် မြန်မာနိုင်ငံ၌ အမေရိကန်ဒေါ်လာ (၄) ဘီလီယံကျော်ဖိုး ပျက်ဆီးဆုံးရှုံး သွားခဲ့ပြီး ပြန်လည်ထူထောင်ရေး လုပ်ငန်းများ ဆောင်ရွက်ရန် (၃) နှစ်စာအတွက် ဒေါ်လာ (၁) ဘီလီယံ (ဒေါ်လာ သန်းတထောင်) ကျော် အကူငွေ လိုအပ်ကြောင်း မြန်မာ၊ အာဆီယံနှင့် ကုလ သမဂ္ဂ သုံးပွင့်ဆိုင် ဗဟိုအဖွဲ့ ပူးတွဲအကဲဖြတ်ချက် အစီရင်ခံစာ (PONJA) ၌ ရေးထားသည်။
ဒေါ်လာငွေ သန်းလေးထောင် ဆုံးရှုံးရသည်ကို ဒေါ်လာ သန်းတထောင် လိုအပ်သည်ဟု အစီရင် ခံစာက ချပြသည်ကို မြန်မာစစ်အစိုးရ ကြိုက်မကြိုက် မသိရသော်လည်း ပြီးခဲ့သည့်မေလ နိုင်ငံ တကာအလှူငွေ ကတိက၀တ်ပြုသည့် အစည်းအဝေးပွဲ၌ စစ်အစိုးရက ပြောကြားထားသည့် ဒေါ်လာ ငွေပမာဏ (၁၁) ဘီလီယံထက်စာလျှင် စစ်အစိုးရလိုအပ်ချက်နှင့် များစွာကွာဟနေသည်က အမှန်ပင် ဖြစ်သည်။
လက်တွေ့အခြေအနေကိုကြည့်လျင် စစ်အစိုးရလိုအပ်သည့် ဒေါ်လာသန်း (၁,၀၀၀) ရရှိရန် မဆို ထားနှင့် ကုလသမဂ္ဂက တကြော်ကြော် အော်ဟစ်တောင်းခံနေသည့် ဒေါ်လာသန်း (၄၈၀) ကျော် ရရှိရန်ပင် မလွယ်သည့်ကိန်း ဖြစ်နေသည်။
တကယ်တမ်း ရရှိသည့်ငွေမှာ ဒေါ်လာသန်း (၁၈၀) ကျော်သာ ရရှိသေးသည်။ အဘယ်ကြောင့် အလှူရှင်နိုင်ငံများက အလှူငွေထည့်ဝင်ကြရန် လက်တွန့်နေကြသနည်းဟု မေးလျှင် မြန်မာပြည် သူလူထုကို စေတနာမရှိ၍ မဟုတ်ဘဲ စစ်အစိုးရကို အယုံကြည်မရှိ၍ဟု ဖြေမည့်သူက အများစု ဖြစ်သည်။
ကယ်ဆယ်ရေး အကူအညီပေးသူများကို စစ်အစိုးရက လွတ်လပ်စွာ သွားလာကယ်ဆယ်ခွင့် ပေး မထားဘဲ ချုပ်ချယ်ကန့်သတ်ချက်ထားမှု၊ မြန်မာနိုင်ငံ၏ အမျိုးမျိုး အဖုံဖုံဖြစ်နေသည့် ငွေကြေး လဲလှယ်ရေးစနစ်နှင့် အတိတ်က လူ့အခွင့်အရေး ချိုးဖောက်မှု မှတ်တမ်းများကလည်း အလှူရှင် များကို အလှူငွေထည့်ဝင်ရန် လက်တွန့်စေသည့် အကြောင်းတရားများဖြစ်၏။
၁၉၉၁ ခုနှစ်က ဘင်္ဂလားဒေ့ရှ် လေဘေးအကူအတွက် အရေးပေါ် အကူအညီ (၁.၈) ဘီလီယံ နိုင်ငံတကာကို တောင်းခံရာတွင် ဒေါ်လာသန်းအနည်းငယ်သာ ထည့်ဝင်ကြသော်လည်း ၁၉၉၁ ပင်လယ်ကွေ့ စစ်ပွဲအတွက် အမေရိကန် ကုန်ကျသည့် (၆၁) ဘီလီယံ ကျော် စစ်အသုံးစရိတ်ကိုမူ ကမ္ဘာ့နိုင်ငံများက ဘီလီယံနှင့် ချီ၍ ထည့်ဝင်ကြသည့် သာဓကလည်း ရှိနေပြန်သည်။
ယနေ့ မြန်မာ့နာဂစ်ဘေးအတွက် နိုင်ငံတကာက လုံးဝလျစ်လျူရှုထားသည်တော့မဟုတ်။ ဂျပန်က (၂၁) သန်း၊ သြစတြေးလျက ဒေါ်လာ (၂၉) သန်း အကူထပ်ပေးဦးမည်ဟု ကတိပေးထားပြီး အမေရိကန်နှင့် ဥရောပနိုင်ငံများကလည်း အထိုက်လျောက် ထည့်ဝင်ကူညီကြသည်။ မြန်မာ့ အိမ်နီးချင်း အာဆီယံနိုင်ငံ (၉) နိုင်ငံမှ ကူညီသည့်ငွေမှာမူ အားလုံးပေါင်းမှ ဒေါ်လာ (၁၀) သန်းပင် မပြည့်ဘဲ (၈) သန်းကျော်ကျော်သာရှိသည်။
သုံးပွင့်ဆိုင်ဗဟိုအဖွဲ့ ချပြထားသည့် ဆုံးရှုံးမှုပမာဏ ဒေါ်လာသန်း (၄,၀၀၀) အနက် ရုပ်ဝထ္တု အဆောက်အဦနှင့် ပစ္စည်းပစ္စယပိုင်းဆိုင်ရာ ပျက်စီးမှုတန်ဖိုးသည် အမေရိကန်ဒေါ်လာ သန်း (၁,၇၅၄) ဖိုးဖြစ်ပြီး အပျက်အစီးကြောင့် ကုန်ထုတ်လုပ်မှုနှင့် ၀န်ဆောင်မှုအပိုင်းမှ ဆုံးရှုံးသည့် ပမာဏမှာ ဒေါ်လာသန်း (၂,၂၆၈) မှ (၂,၃၈၀) သန်းထိ ဖြစ်သည်။
ပြန်လည်တည်ဆောက်ရေး လိုငွေ ဒေါ်လာသန်း (၁,၀၀၀) ကျော်အနက် ကျန်းမာရေးကဏ္ဍ အတွက် (၃၄) သန်း၊ ပညာရေးကဏ္ဍ၌ (၁၈၃) သန်း၊ လူနေမှုဘ၀များ ပြန်လည်ထူထောင်ရန် (၁၁၈) သန်း၊ ဘာသာရေး အဆောက်အဦများအတွက် (၁၆၂) သန်း၊ အိုးအိမ်အတွက် (၃၆၂)
သန်း၊ လမ်းပန်းဆက်သွယ်ရေးအတွက် (၅၉) သန်းနှင့် စိုက်ပျိုးရေးအတွက် (၅၁) သန်း စသဖြင့် လိုအပ်နေသည်။
ငွေလဲနှုန်းကို တွက်ချက်ရာ၌ ပြီးခဲ့သည့် မေလ မုန်တိုင်းအလှူငွေ ကတိက၀တ်ပြုသည့် နိုင်ငံတကာ အစည်းအဝေး၌ မြန်စစ်အစိုးရ အသုံးပြုခဲ့သည့် အမေရိကန် (၁) ဒေါ်လာလျှင် မြန်မာကျပ်ငွေ (၁,၁၀၀) ကိုပင် သုံးပွင့်ဆိုင်ဗဟိုအဖွဲ့က အသုံးပြုထားသည်။
ထိုသို့ ပြန်လည်ထူထောင်ရေးအတွက် ငွေအမြောက်အမြားလိုအပ်နေချိန်တွင် နာဂစ်ကြောင့် တိုင်းပြည်၏ ငွေဖောင်းပွမှုမှာ (၄၀) ရာနှုန်းထိတက်သွားနိုင်ပြီး ၂၀၀၈ ခုနှစ် ပြည်တွင်း အသားတင်ထုတ်လုပ်မှုတန်ဖိုး (ဂျီဒီပီ) ၏ (၂.၇) ရာခိုင်နှုန်းဆုံးရှုံးမည်ဟု သုံးပွင့်ဆိုင်ဗဟိုအဖွဲ့က ခန့်မှန်းသဖြင့် မြန်မာ့စီးပွားရေးအခြေအနေမှာလည်း ရတက်မအေးစရာဖြစ်သည်။
သို့သော် ယမန်နှစ်က မြန်မာနိုင်ငံ၌ နိုင်ငံခြားရင်းနှီးမြှုပ်နှံမှု စွမ်းအင်ကဏ္ဍ တခုတည်းမှ ဒေါ်လာ သန်း (၄၇၄) ရရှိထားသည်။ ပြီးခဲ့သည့် ၂၀၀၇-၀၈ ဘဏ္ဍာနှစ်တွင် အိမ်နီးချင်း ထိုင်းနိုင်ငံသို့ သဘာဝဓာတ်ငွေ့တင်ပို့ရောင်းချမှုမှ အမေရိကန်ဒေါ်လာ (၂.၆) ဘီလီယံ မြန်မာနိုင်ငံက ၀င်ငွေ ရရှိထားသည်။
ထိုဝင်ငွေ၏ ရာခိုင်နှုန်း မည်ရွေ့မည်မျှကို နာဂစ်မုန်တိုင်းဒဏ်ခံရသည့် ပြည်သူများနှင့် ပြန်လည် ထူထောင်ရေးလုပ်ငန်းများအတွက် အသုံးပြုမည်ဟု မသိရှိရသော်လည်း စစ်အသုံးစရိတ်နှင့် လာမည့် ၂၀၁၀ ရွေးကောက်ပွဲတွင် အနိုင်ရရေးအတွက် ပြင်ဆင်သည့် လုပ်ငန်းများတွင် အသုံးပြု ဖွယ်ရှိသည်ဟု ယူဆရသည်။
တကယ်တမ်းဆိုလျှင် တိုင်းပြည်၏ ၀င်ငွေက ဤရွေ့ဤမျှရှိသည်။ အရန်ငွေအင်အားက မည်မျှရှိ သည်။ နာဂစ်ဘေးအကူ လိုအပ်သည့်ငွေ မည်မျှရှိသည်။ အစိုးရကဖြင့် မည်မျှတတ်နိုင်သည်။ လိုနေသည့် ငွေပမာဏမှာ အဘယ်မျှရှိသည်ဟု စစ်အစိုးရဘက်က ပွင့်ပွင့်လင်းလင်း ပြည်သူကို ချပြထိုက်၏။ သို့သော် တစုံတရာ ရှင်းပြခြင်း မရှိခဲ့ပေ။
ပြည်သူလူထုက ချစ်ခင်လေးစားသည့် အစိုးရတရပ်ဆိုလျှင် လိုအပ်နေသည့်ငွေကို လူထုက
ထည့်ဝင်ကြမည်မှာ ယုံမှားသံသယဖြစ်စရာမရှိ။ လူတဦး (၁) ဒေါ်လာ ထည့်ဝင်လျှင်ပင် လူဦးရေ သန်း (၅၀) ကျော်ရှိသည့် မြန်မာနိုင်ငံ၌ ဒေါ်လာသန်း (၅၀) ကျော် ရနိုင်သည်။ ပျမ်းမျှ တယောက် (၁၀) ဒေါ်လာထည့်နိုင်လျှင် သန်း (၅၀၀) ကျော်ထိ ရရှိနိုင်သည်။ နိုင်ငံတကာ အကူနှင့်ပေါင်းပါက ယခုပြန်လည်ထူထောင်ရေးလုပ်ငန်းအတွက် လိုအပ်နေသည့် ငွေပမာဏ ရနိုင်ချေရှိသည်။
သို့ရာတွင် မြန်မာစစ်အစိုးရကို တိုင်းသူပြည်သားကလည်း အယုံအကြည်မရှိ၊ ငွေသာလာပါ လူ မလာပါနှင့် ဆိုထားသဖြင့် နိုင်ငံတကာကလည်း အယုံအကြည်ကင်းမဲ့ပြီး ရက်ရက်ရောရော အလှူငွေ ထည့်သင့်သလောက် မထည့်ကြသဖြင့် ကြားက နာဂစ်မုန်တိုင်းဘေးသင့် ပြည်သူ ငထွားတို့ခမျာ ခါးနာကြရမည့်ကိန်းသာ ဆိုက်မည့်ကိန်း ဖြစ်နေသည်။ ။

ရန်ကုန်-ဘန်ကောက်၊ ရန်ကုန်-မလေးရှား အမ်အေအိုင်လေကြောင်းလိုင်း
အရေးပေါ် ရပ်ဆိုင်းပြီ
ပီတာအောင်/ ၂၃ ဇူလိုင် ၂၀၀၈
လတ်တလော ယာယီအပိတ်ခံရသည့် ထိုင်းလေကြောင်းလိုင်းတခုမှ လေယာဉ်များငှားရမ်း အသုံး ပြုနေရသည့် မြန်မာနိုင်ငံတကာ လေကြောင်းလိုင်း (အမ်အေအိုင်) ပြေးဆွဲနေသော ရန်ကုန်-နိုင်ငံ တကာခရီးစဉ်အချို့ကို ယနေ့မှစ၍ အရေးပေါ် ရပ်ဆိုင်းလိုက်ရသည်။
ရန်ကုန် အမ်အေအိုင်ရုံးမှ ပြောရေးဆိုခွင့်ရှိသူ ဒေါ်အေးမြသာက “၀မ်းတူးဂိုးကိစ္စကြောင့်ပါ။ သူတို့ ရပ်ဆိုင်းခံရတဲ့အခါကျတော့ ကျမတို့လည်း အဲဒီလေယာဉ်ပျံကို ငှားထားမိရက်သားဖြစ်သွားတော့ နောက်ပိုင်း ဘယ်လိုမှလဲ အဆင်မပြေနိုင်တော့ဘဲ ပြန်အပ်လိုက်တာပေါ့နော်။ အခု အဲယားဘတ်စ် လေယာဉ်တစီး အသစ်ရထားတော့ အဲဒါနဲ့ပြန်ပြီး (၂၅) ရက်နေ့ကျရင် ပြန်ဆွဲမှာပါ။ ၀မ်းတူးဂိုးက တစီးပဲ ယူထားတာပါ” ဟု ပြောသည်။
ရန်ကုန်-ဘန်ကောက်နှင့် ရန်ကုန်-ကွာလာလမ်ပူ ခရီးစဉ် (၂) ခုကို ယနေ့စ၍ ရပ်ဆိုင်းလိုက် ကြောင်း၊ လေယာဉ်လက်မှတ် ကြိုတင်ဝယ်ထားသူများကို ငွေပြန်လိုချင်ပါက ငွေပြန်အမ်းပေး ကြောင်းနှင့် ယခုရက်အတွင်း ခရီးသွားလိုသူများကို ဘန်ကောက်လေကြောင်းလိုင်း၊ ထိုင်းလေ ကြောင်း (တီဂျီ) တို့ဖြင့် ခရီးသွားနိုင်အောင် စီစဉ်ပေးနေကြောင်း ၎င်းက ပြောသည်။ ရန်ကုန်-စင်ကာပူ ခရီးစဉ်ကိုမူ ပုံမှန်အတိုင်း ပြေးဆွဲနေကြောင်း သိရသည်။
သတ်မှတ်သည့် လုပ်ငန်းစံချိန်စံညွှန်း မမီသည့်အတွက် ထိုင်းနိုင်ငံ ၀မ်းတူးဂိုးလေကြောင်းလိုင်း အား ရက်ပေါင်း (၃၀) ပျံသန်းခွင့် ပိတ်လိုက်ကြောင်း ထိုင်းအစိုးရ မြို့ပြလေကြောင်းဦးစီးဌာနက ကြေညာပြီး ရက်ပိုင်းအတွင်း ရန်ကုန်နှင့် ပြေးဆွဲနေသည့် နိုင်ငံတကာလေယာဉ် ခရီးစဉ်အချို့ကို ရပ်ဆိုင်းကြောင်း မြန်မာနိုင်ငံတကာလေကြောင်းလိုင်း (အမ်အေအိုင်) က ထုတ်ဖော်ပြောဆို ခြင်းဖြစ်သည်။
ဝမ်းတူးဂိုး လေကြောင်းလိုင်းသည် လေကြောင်းဆိုင်ရာ ဘေးအန္တရာယ် ကင်းရှင်းရေး စည်းမျဉ်း များကို ချိုးဖောက်ခဲ့သည့်ပြင် လေကြောင်းလိုင်းကိုလည်း မှန်ကန်စွာ စီမံအုပ်ချုပ်နိုင်ခြင်းမရှိဟု ထိုင်းအစိုးရ မြို့ပြလေကြောင်းဦးစီးဌာနက စစ်ဆေးတွေ့ရှိသည်။ နောက်ဆက်တွဲအဖြစ် ၀မ်းတူးဂိုး လေကြောင်းလိုင်းမှ လေယာဉ်မှူး (၉) ဦးကိုပါ လေယာဉ်မောင်းနှင်ခွင့်လိုင်စင် ပြန်ရုပ်သိမ်းခဲ့သည်။
၂၀၀၇ ခုနှစ် စက်တင်ဘာတွင် ၀မ်းတူးဂိုး လေကြောင်းလိုင်းပိုင် လေယာဉ်တစီး ဖူးခက်တွင် ပျက်ကျ၍ လူ (၈၉) ဦးသေဆုံးသည့်ကိစ္စ စစ်ဆေးအပြီးတွင် ၀မ်းတူးဂိုးလေကြောင်းလိုင်းအား ယခုကဲ့သို့ အရေးယူခဲ့ခြင်းဖြစ်သည်။
မြန်မာနိုင်ငံတကာလေကြောင်းလိုင်း (အမ်အေအိုင်) ကို ၁၉၉၃ ခုနှစ်တွင် စစ်အစိုးရပိုင် မြန်မာ့လေ ကြောင်းနှင့် ဘရူနိုင်းဘုရင့်လေကြောင်းလိုင်း အထောက်အပံ့ ယူထားသည့် စင်ကာပူ ကုမ္ပဏီတခု တို့ဖြင့် ဖက်စပ်တည်ထောင်ခဲ့သည်။ ယမန်နှစ်က မြန်မာ့လေကြောင်းက (၅၁) ရာခိုင်နှုန်း ရှယ်ယာထည့်ဝင်ပြီး စင်ကာပူပိုင် Region Air (HK) Ltd. က (၄၉) ရာခိုင်နှုန်း ရှယ်ရာထည့်ဝင်၍ လုပ်ကိုင်နေသည်။ ။

ဘလော့ဂါ ကိုနေဘုန်းလတ်အမှုကို ပထမဆုံးအကြိမ် ရုံးထုတ်စစ်ဆေး
ကိုစိုး ဇူလိုင် ၂၃၊ ၂၀၀၈

စစ်အစိုးရက ဖမ်းဆီးထားသည့် မြန်မာလူငယ် ဘလော့ဂါ တဦးဖြစ်သူ ကိုနေဘုန်းလတ် ခေါ် ကိုနေမျိုးကျော်၏ အမှုကို ယမန်နေ့က အနောက်ပိုင်းခရိုင် တရားရုံးတွင် ပထမဆုံးအကြိမ် ရုံးတင် စစ်ဆေးကြောင်း သိရသည်။
ကိုနေဘုန်းလတ်ကို စွဲဆိုထားသော အမှု ပုဒ်မ များမှာ ဗီဒီယို ပုဒ်မ၊ ၅၀၅(ခ) နှင့် အီလက်ထရွန်းနစ် ဥပဒေတို့ဖြင့် စွဲဆိုခြင်း ဖြစ်ပြီး ယမန်နေ့က တရားလို သက်သေကို စစ်ဆေးခြင်းဖြစ်သည်ဟု ကိုနေဘုန်းလတ်အမှု၏ အကျိုး ဆောင် ရှေ့နေကြီး ဦးအောင်သိန်း ကပြောသည်။
“မနေ့က တရားလို သက်သေကို စပြီး စစ်တယ်၊ ဒဂုံမြို့နယ်က ဒုရဲအုပ် ရဲအောင် ဆိုတာ၊ စစ်တာက အနောက်ပိုင်း ခရိုင် တရားရုံးက စစ်တာ၊ အဲဒီ ဒုရဲအုပ် ရဲအောင်က စရဖ က သူ့ကို အပ်လို့ ကားပေါ် ခေါ်တင်လာပြီး ရဲစခန်း ကျမှ သီးလေးသီး အခွေ ဆင်ဆာမဲ့ ၃ ချပ်စီ တွေ့တယ်ဆိုပြီးတော့ ပြောတယ်၊ ဘာအခွေ ဘယ်တုန်းက အခွေလို့တော့ မပြောဘူး၊ တခြား အထောက် အထားလဲ မပြောဘူး၊ ဆင်ဆာမဲ့ အခွေ လက်ဝယ်တွေ့ရှိမှုနဲ့ စွဲတာ”ဟု ဦးအောင်သိန်းက ပြောဆိုသည်။
လွန်ခဲ့သည့် ဇန်န၀ါရီလ ၂၉ ရက်နေ့ က အဆိုပါ ကိုနေဘုန်းလတ်ကို ဖမ်းဆီးစဉ်ကပင် အတူတကွဖမ်းဆီးခံခဲ့ရသည့် မသင်းဇူလိုင်ကျော်သည်လည်း ဗီဒီယို ပုဒ်မ၊ ၅၀၅ (ခ) နှင့် အီလက်ထရွန်းနစ် ဥပဒေတို့ဖြင့် တရားစွဲဆိုခြင်း ခံရပြီး ယမန် နေ့က ရုံးအတူထုတ်ကြောင်းနှင့် မိသားစုဝင်များနှင့် တွေ့ကြရကြောင်း သိရသည်။
“ဒါ ပထမဆုံး အကြိမ် ရုံးထုတ် အမှုစစ်တာ ဖြစ်တယ်၊ သူတို့ ၂ ဦးကို စဖမ်းတာက ၂၉ ရက် ၁ လ ၂၀၀၈ မှာ ဖမ်းတာ၊ ယမန်ယူတော့ ပုဒ်မ အမျိုးမျိုးနဲ့ လှည့်ယူတယ်၊ အမှုတင်နိုင်တဲ့ အခါကျမှ အမှုတင်ပုဒ်မပေါ့၊ ပုဒ်မ တပ်တာက တခုချင်းစီ၊ ၂ ယောက်တွဲတခု၊ ၅၀၅ (ခ) က တယောက်တခုစီ၊ အီလက်ထရွန်းနစ်က တခုစီ”ဟု လည်း ဦးအောင်သိန်းက ပြောဆိုသည်။
ယခုစွဲဆိုထားသော ပြစ်မှုကြောင်းအရ ဗီဒီယို ဥပဒေသည် ပြစ်ဒဏ် ၆ လ ကျခံရမည်ဖြစ်ပြီး အာမခံပေးနိုင်သည့် အမှုဖြစ် ကြောင်း၊ အများပြည်သူ ဆူပူမှုဖြစ်ရန် လှုံ့ဆော်သည့် ပုဒ်မ ၅၀၅ (ခ) မှာ ထောင်ဒဏ်၂ နှစ် အထိ ပြစ်ဒဏ် ကျခံရနိုင် ကြောင်းနှင့် အီလက်ထရွန်းနစ် ဥပဒေမှာ ထောင်ဒဏ် ၇ နှစ်မှ ၁၅ နှစ် အထိ ပြစ်ဒဏ် ကျခံရနိုင်ကြောင်း သိရှိရသည်။
“အမှုမြောက် မမြောက်ကတော့ အခု တရားလိုကို စစ်နေတုန်းဆိုတော့ ပြောလို့ မရသေးပါဘူး၊ ကြိုပြောလို့လည်း မရပါဘူး၊ ကြိုပြောလို့လည်း မသင့်ပါဘူး၊ သူတို့ဘက်ကလည်း မရရအောင် စွဲမှာပဲ၊ ကိုယ့်ဘက်ကလည်း ထုခြေရမှာပေါ့”ဟု ဦးအောင်သိန်းက ဆက်လက် ပြောဆိုသည်။
နောက်ဆုံးအခြေအနေအရ ကိုနေဘုန်းလတ်နှင့် မသင်းဇူလိုင်ကျော်တို့ အမှုကို လာမည့် အပတ် အင်္ဂါနေ့သို့ ရုံးချိန်းပြန်ချိန်း လိုက်ကြောင်းနှင့် ၎င်းတို့ ၂ ဦးလုံးကို အင်းစိန် အကျဉ်းထောင်တွင် ဖမ်းဆီးထိန်းသိမ်းထားကြောင်း သိရသည်။

မူးယစ်မှုတွင် ပတ်သက်နေသည်ဟု စွပ်စွဲခံရသူ တဦး ထပ်မံ အဖမ်းခံရ
မဇ္ဈိမသတင်းဌာန
ဗုဒ္ဓဟူးနေ့၊ ဂျူလိုင်လ 23 2008 18:57 - မြန်မာစံတော်ချိန်

ချင်းမိုင်။ ။ အနုပညာရှင်များ ပတ်သက်နေသည့် ဟိုလေးတကျော် ဖြစ်နေသည့် မူးယစ်ဆေးဝါး ရောင်းဝယ်ဖောက်ကားတွင် ပါဝင်ပတ်သက်သည်ဟု သံသယ ဖြစ်ခံရသူတဦးကို ထပ်မံ ဖမ်းဆီးလိုက်သည်ဟု စုံစမ်း သိရှိရသည်။
စစ်အစိုးရနှင့် ငြိမ်းချမ်းရေး ရယူထားသော ၀ ပြည် သွေးစည်းညီညွတ်ရေးအဖွဲ့ ခေါင်းဆောင်အချို့နှင့် ဆက်စက်မှုရှိနေသော ဘီအမ်အီး ၁ ကလပ် မန်နေဂျင်း ဒါရိုက်တာ ကိုသက်နိုင် အဖမ်းခံရခြင်း ဖြစ်သည်။

ချင်းပြည်နယ် မြို့နယ်အချို့တွင် တပ်စခန်းများ တိုးချဲ့ချထားလာ
ဇလပ်မေ
ဗုဒ္ဓဟူးနေ့၊ ဂျူလိုင်လ 23 2008 18:01 - မြန်မာစံတော်ချိန်
အိုက်ဇော။ ။ ချင်းပြည်နယ်ရှိ မြို့နယ်အချို့တွင် ပြီးခဲ့သည့် ဇွန်လမှစတင်ကာ စစ်တပ်အင်အား တိုးချဲ့ ချထားလိုက်သလို စစ်ကြောင်းလှည့်မှုများလည်း ယခင်ထက် အကြိမ်အရေအတွက် ပိုများလာသည်။
ချင်းပြည်နယ် ထန်တလန်၊ ဟားခါး၊ ဖလမ်းနှင့် ပလက်ဝမြို့နယ်များတွင် ခြေလျင်တပ်ရင်း (ခလရ) နှင့် ခြေမြန်တပ်ရင်း (ခမရ) တပ်များ ၁၂ ခုထက်မနည်း တိုးချလာသလို လှုပ်ရှားတပ်များကလည်း ဒေသခံများကို စစ်ဆေးမှုများ ကြပ်မတ်လာခြင်း ဖြစ်သည်။
“အရင်တုန်းက ရွာမှာ ၃-၄ လဆိုရင် တခါလောက်ပဲ လှည့်တတ်တယ်။ အခု အရင်လှုပ်ရှားတဲ့ နေရာတွေမှာ တလမှာ ၄ ခါလောက် လှုပ်ရှားလာကြတယ်။ အဝင်အထွက် စစ်ဆေးတာတွေ အရမ်းလုပ်လာတာ။ မသင်္ကာရင် ဖမ်းပြီး စစ်ဆေးတာလည်း ခဏခဏပဲ။ အဲဒီလိုမျိုး စစ်ဆေးတော့ ခရီးသွားလာရတာ ကျပ်လာတယ်” ဟု ထန်တလန်မြို့နယ်ရှိ Sopum ကျေးရွာမှ ကိုတွာနိုက ပြောသည်။
ထန်တလန်၊ ဟားခါးနှင့် ဖလမ်းမြို့နယ်ဘက်တွင် ခလရ ၂၂၈၊ ၂၂၉၊ ၈၇၊ ၈၉၊ ခမရ ၁၆ နှင့် ပလက်ဝမြို့နယ်တွင် ခမရ ၃၅၅၊ ၅၅ဝ၊ ၅၃၉၊ ခလရ ၃ဝ၊ ၂ဝ တပ်ရင်းများ တပ်စွဲလာကြပြီး လှုပ်ရှားတပ်အဖြစ် တပ်ရင်း ခလရ ၁၁ဝနှင့် ၂၈၉ ကို စစ်ကြောင်းဖြန့်ထားသည်ဟု ဒေသခံများက ဆိုသည်။
လှုပ်ရှားတပ်များက ထန်တလန်မြို့နယ် zanak တောင်ကျောအုပ်စုရှိ ရွာသားတဦးအား ချင်းသူပုန်များနှင့် ဆက်သွယ်သည်ဟု မသင်္ကာကာ သေနတ်ဒင်ဖြင့် ထုနှက်စစ်ဆေးသဖြင့် နှာခေါင်းတွင် ပြင်းထန်စွာ ဒဏ်ရာရရှိကြောင်းနှင့် အမျိုးသမီးအချို့လည်း အဓမ္မ ပြုကျင့်ခံရမှုများ ရှိနေကြောင်း အိန္ဒိယနိုင်ငံ မီဇိုရမ်ဒေသသို့ ထွက်ခွါလာသည့် ဒေသခံအချို့က ပြောဆိုသော်လည်း အတည်ပြုနိုင်ခြင်း မရှိသေးပါ။
ထို့အပြင် ထန်တလန်မြို့နယ်အတွင်းရှိ Vanzang ရှိ Sopum, Tlanglo နှင့် Tlangpi ကျေးရွာများတွင် စစ်ရေးအရ ယာယီအခြေချလေ့ရှိပြီး ထိုဒေသများကို အနက်ရောင်နယ်မြေအဖြစ် သတ်မှတ်ထားသည်ဟု သိရသည်။
ယခင်ကတည်းက ထိုဒေသများတွင် ချင်းအမျိုးသား တပ်မတော် (Chin National Army - CNA) က အဓိက လှုပ်ရှားသည့် နယ်မြေဖြစ်သဖြင့် ဒေသတွင်း စစ်တပ်များသည် ဂရုတစိုက် စစ်ကြောင်းထိုးလေ့ ရှိခဲ့သည်။
“တပ်ရင်းတွေ တိုးချဲ့မယ်ဆိုတာက သူတို့ဗျူဟာပဲ။ တပ်ရင်းတွေ များများချလေ၊ ချင်းပြည်သူတွေ အခြေအနေ ဆိုးလေပဲ။ ပြည်သူတွေအတွက် စားနပ်ရိက္ခာ ဖြေရှင်းပေးတာမရှိဘူး၊ ဖွံ့ဖြိုးတိုးတက်မှုတွေ လုပ်ပေးတာ မရှိဘူး။ ချင်းပြည်မှာရှိတဲ့ လူဦးရေနဲ့ တပ်အင်အားက မမျှဘူးဖြစ်နေတယ်။ တပ်ရင်းများလာလေ လူ့အခွင့်အရေး ချိုးဖောက်တာတွေ၊ အမျိုးသမီးတွေအပေါ် မုဒိမ်းကျင့်တာတွေ များလာမယ်” ဟု ချင်းအမျိုးသားတပ်ဦးမှ ပြောရေးဆိုခွင့်ရှိသူ ဦးတာန်းရမ်က မဇ္ဈိမကို ပြောသည်။
ဟားခါးမြို့နယ် Sen Thang နယ်ရှိ ကျေးရွာပေါင်း ၂၈ ရွာရှိ ဒေသခံများအား ကြက်ဆူပင်စိုက်ပျိုးရန်အတွက် တအိမ်ထောင်လျှင် ကျပ်ငွေ တသောင်း နှုန်းကောက်ခံပြီး စပါးမျိုးစေ့ဝယ်ရန်ဟုဆိုကာ တအိမ်ထောင်လျှင် ကျပ် ၅ဝဝ စီ ကောက်ခံနေသည်။ မပေးနိုင်ပါက ပြင်းထန်စွာ အရေးယူမည်ဖြစ်ဟု ကျေးရွာ ရယက များက အမိန့်ထုတ်ပြန်ထားသည်။
ထို့အပြင် Sur Khar ကျေးရွာတွင် ရဲစခန်း ဆောက်လုပ်ရန် တအိမ်ထောင် ကျပ် ၅ဝဝ ကောက်ခံသလို၊ ငွေမပေးနိုင်ပါက စခန်းဆောက်လုပ်ရေး လုပ်အားပေး ဆင့်ခေါ်ထားကြောင်း သိရသည်။
ပြီးခဲ့သည့် မေလ ၁ဝ ရက်နေ့က ဖွဲ့စည်းပုံဥပဒေ (မူကြမ်း) အတည်ပြုရေးအတွက် ဆန္ဒခံယူပွဲကျင်းရာတွင် ထန်တလန်၊ ဟားခါးနှင့် ဖလမ်းမြို့နယ်ရှိ ဒေသအများအပြားတွင် ကန့်ကွက်မဲ အနိုင်ရခြင်းကြောင့် တပ်ရင်းများ ယခုလို တိုးချဲ့လာခြင်းဖြစ်နိုင်ကြောင်း ဒေသခံများက ခန့်မှန်း ပြောဆိုကြသည်။
ဟားခါး၊ တီးတိန်၊ ဖလမ်းနှင့် ထန်တလန်ဘက်တွင် ကန့်ကွက်မဲ အရေအတွက် ပိုများခဲ့သည်ဟု မီဇိုရမ်အခြေစိုက် ချင်းအမျိုးသားကောင်စီ (Chin National Council - CNC) က ပြောသည်။
“ကျနော်တို့က မဲဆန္ဒမကျင်းပခင် ပြည်တွင်းကနေ ကိုယ့်လူတွေ၊ စိတ်ချရပြီး ပြည်တွင်းမှာ သြဇာနည်းနည်း ရှိတဲ့သူတွေကို ခေါ်ပြီး သင်တန်းပေးတယ်။ CNC ကလည်း နယ်ဆင်းပြီး သင်တန်းပေးထားတဲ့ သူတွေဆီက အချက်အလက် ရယူတာ ဖြစ်တယ်” ဟု CNC မှ ကန့်ကွက်မဲထည့်ဝင်ရေး လှုပ်ရှားမှုနှင့် ပတ်သက်ပြီး အဓိက သတင်းအချက်အလက် စုဆောင်းသူ (တာဝန်ခံ) ကိုဟန်နရီက မဇ္ဈိမကို ပြောသည်။
ဃ္ဒဃ သည် မေလတွင် ကျင်းပခဲ့သည့် မဲဆန္ဒပေးပွဲ မတိုင်မီ အရေးပေါ် ကော်မတီတရပ် ဖွဲ့စည်းခဲ့ပြီး အိန္ဒိယ-မြန်မာ နယ်စပ်တလျှောက် သွားရောက်ကာ ချင်းပြည်သူများကို ဟောပြော စည်းရုံးခဲ့သေးသည်။

မြန်မာကာတွန်းအချို့ ဆင်ဆာထိ
သန်းထိုက်ဦး၊ နန်းဒေဝီ
ဗုဒ္ဓဟူးနေ့၊ ဂျူလိုင်လ 23 2008 16:06 - မြန်မာစံတော်ချိန်

ချင်းမိုင်၊ နယူးဒေလီ။ ။ နာဂစ်မုန်တိုင်းသင့်သူများ ကူညီရေး ရန်ပုံငွေအတွက် မြန်မာ ကာတွန်းဆရာများ၏ ‘မုန်တိုင်းမှ နိုးထခြင်း’ အမည်ရှိ ကာတွန်းပြပွဲတွင် စစ်အစိုးရ ပေါ်လစီနှင့် ငြိစွန်းသည်ဟု ယူဆရသော ကာတွန်းအချို့ကို ပြသခွင့်မပြုရန် အာဏာပိုင်များက ယမန်နေ့ နံနက်ပိုင်းတွင် တားမြစ်ခဲ့သည်။
ပြန်ကြားရေးဝန်ကြီးဌာန လက်အောက်ရှိ ကာတွန်းပြပွဲ ကြီးကြပ်ရေး ကော်မတီမှ တာဝန်ရှိသူ ၅ ဦးသည် ယမန်နေ့ နံနက်ပိုင်းက ရန်ကုန်တိုင်း ပန်းဆိုးတန်းလမ်းရှိ လောကနတ် ပန်းချီခန်းမ နံရံတွင် ချိတ်ဆွဲထားသည့် ရန်ပုံငွေ ရရှိရေးအတွက် ရောင်းချသွားမည့် မြန်မာကာတွန်းဆရာ ၆၄ ဦး၏ ကာတွန်းပေါင်း ၁၄၆ ကားထဲမှ ၄ ကားကို ဖြုတ်ခိုင်းခဲ့ခြင်း ဖြစ်သည်။
“အရာရှိ ၂ ယောက်နဲ့ သာမန်ဝန်ထမ်း ၃ ယောက်ပေါ့။ ကာတွန်းတွေကို ၂ နာရီကြာလောက် စစ်ဆေးတယ်။ မနက် ၁ဝ နာရီခွဲကစတာ။ ပြီးတော့ ကာတွန်း ၄ ကားကို ဖြုတ်ခိုင်းတယ်။ ပြပွဲကို အသိအမှတ်ပြုတဲ့အကြောင်း လက်မှတ် ထိုးပေးပြီးတော့ ပြန်သွားကြတယ်။ တခြား ဘာမှတော့ ပြောမသွားဘူး” ဟု အမည်မဖော်လိုသူ ပြပွဲ ဦးဆောင်သူတဦးက မဇ္ဈိမကို ပြောသည်။
ကာတွန်းဆရာ ဝင်းအောင်၊ အောက်တိုဘာ အောင်ကြီး၊ အောင်ကောင်းတို့၏ နာဂစ်မုန်တိုင်းနှင့် သက်ဆိုင်သည့် ကာတွန်းများကို အများပြည်သူများ လာရောက်ကြည့်ရှုခြင်း မပြုမီ နံရံအထက်မှ ဖြုတ်သိမ်းခဲ့သည့်အပေါ် ပြပွဲကျင်းပသူများဘက်က တစုံတရာ ကန့်ကွက်ပြောဆိုခြင်း မရှိခဲ့ကြောင်း ကာတွန်းပြပွဲတွင် ပါဝင်ပြသသည့် ကာတွန်းဆရာတဦးက ယခုလို ပြောပြသည်။
“အဲဒါမျိုး လုပ်နေကျပဲ။ ပန်းချီ၊ ကာတွန်းပြပွဲတွေတိုင်းလိုလို အဖြုတ်ခံရတာ ၄-၅ ကားလောက် အမြဲရှိတယ်။ မထူးဆန်းတော့ပါဘူး။ သူတို့စိတ်ထဲမှာ အစိုးရပေါ်လစီကို ထိတယ်လို့ ယူဆတဲ့ဟာတွေဆို အကုန် လူမြင်ကွင်းက သိမ်းခိုင်းတာပဲ” ဟု သူက ပြောသည်။
ပြပွဲကျင်းပရေး ကော်မတီဝင် ကာတွန်းဆရာ အော်ပီကျယ်က “ကျနော် ၂ ပုံ၊ ၃ ပုံလောက်တော့ သွားကြည့်လိုက်သေးတယ်။ ဆင်ဆာဖြတ်ခံထိတဲ့ ကာတွန်းပုံ ၄ ပုံမှာ ကျနော်ကြည့်တဲ့ တပုံနှစ်ပုံကတော့ သစ်တော ပြုန်းတီးနေတာတွေနဲ့ ပတ်သက်တာတွေပေါ့နော်။ သစ်တောပြုန်းတီးလို့ မုန်တိုင်းဝင်တာ နည်းနည်း များသွားတာပေါ့နော်။ အဲဒါမျိုး ရေးထားတဲ့ ဟာကို ဖျက်တာ” ဟု ပြောသည်။
အလားတူပင် ဇူလိုင်လ ၁၉ ရက်နေ့က အာဇာနည်နေ့ အထိမ်းအမှတ်အဖြစ် အာဇာနည်ကုန်းတွင် ပန်းခွေချ အလေးပြုသည့် အခမ်းအနားအတွက် ရန်ကုန်အခြေစိုက် ဂျာနယ်တိုက်များမှ သတင်းထောက်များအား အာဏာပိုင်များက တရားဝင် ခေါ်ယူ ဖိတ်ကြားခဲ့သော်လည်း အကန့်အသတ်အချို့ ပြုလုပ်ခဲ့ကြောင်း ဂျာနယ်တိုက်တခုမှ အမည်မဖော်လိုသူ အယ်ဒီတာတဦးက ပြောသည်။
“ဖိတ်တယ်။ အခမ်းအနား မတက်ခင်ကတည်းက ဘာတွေ ယူလာမယ်ဆိုတာ အသေးစိတ် ပြောပြရတယ်။ ဟိုရောက်တော့လည်း မှတ်ပုံတင်ပြပြီး ဝင်ရတယ်။ သတင်းယူခွင့်တော့ ပေးတယ်။ ဒါပေမဲ့ အခမ်းအနား တက်လာတဲ့ လူတွေကို အင်တာဗျူးခွင့် မပေးဘူး” ဟု သူက ပြောသည်။
သူက ဆက်ပြီး “အလွတ်သွားတဲ့ သူတွေသာ ခွင့်မပြုတာ။ ကိုယ့်အစီအစဉ်နဲ့ကိုယ် သွားတဲ့သူတွေ၊ ဖိတ်ထားတဲ့အထဲ မပါတဲ့သူတွေကိုတော့ သတင်း၊ ဓာတ်ပုံ ရိုက်ခွင့်မပေးဘူး။ ရိုက်ထားတဲ့ ဓာတ်ပုံတွေကိုတောင် ပြန်ဖျက်ခိုင်းတယ်” ဟု ပြောသည်။
မြန်မာစစ်အစိုးရလက်ထက် ပြန်ကြားရေးဝန်ကြီးဌာန လက်အောက်ရှိ စာပေစိစစ်ရေး၏ ဆိုးဝါးသော ဆင်ဆာ ဖြတ်တောက်မှုများသည် စာပေလွတ်လပ်ခွင့်၊ သတင်းမီဒီယာ လွတ်လပ်ခွင့်များ ဆုံးရှုံးရသည့်အပြင် ပြည်သူလူထုက လတ်တလော ဖြစ်ပျက်နေသော အခြေအနေမှန်များ သိရှိခွင့်ကိုပါ ကန့်သတ်ဘောင်အတွင်း၌ ထားရှိနေသည်ဟု နိုင်ငံတကာ စာနယ်ဇင်းလွတ်လပ်ခွင့် ရရှိရေး ကြိုးပမ်းနေသည့် အဖွဲ့အစည်းများက ပြောဆိုဝေဖန်ကြသည်။

မြန်မာသံရုံး မီးရှို့မှုကြောင့် မလေးရောက်မြန်မာများ စိုးရိမ်
ကိုသက် ဇူလိုင် ၂၃၊ ၂၀၀၈
ယမန်နေ့က မလေးရှားနိုင်ငံ ကွာလာလမ်ပူမြို့တွင် မြန်မာသံရုံးကို မီးရှို့ရန်ကြိုးစားသူ မြန်မာနိုင်ငံသားအား မလေးရှားရဲ များက ဖမ်းဆီးခဲ့ပြီးနောက်ပိုင်း မလေးရှားရောက် မြန်မာပြည်သားများကို ဒေသအာဏာပိုင်တို့က လုံခြုံရေး ပိုမိုတင်းကျပ် လာမည်ကို စိုးရိမ်လျက် ရှိသည်။
အသက် ၂၅ နှစ် ၀န်းကျင်ရှိ ကိုစောနောင်သည် မိမိကိုယ်ကို ဓာတ်ဆီလောင်းကာ သံရုံးအတွင်းဝင်ရောက်ရန် ကြိုးစားသည့် အပြင် ဓာတ်ဆီပုံးတပုံးကိုလည်း ပစ်သွင်းခဲ့ရာ မလေးရှားရဲက အချိန်မီဖမ်းဆီးနိုင်ခဲ့ကြောင်း သိရသည်။
မလေးရှား အန်အယ်လ်ဒီ ဌာနခွဲ၏ ဥက္ကဌ ကိုကျော်ကျော်က “မနေ့ကဖြစ်ဖြစ်ချင်း ရဲက ကျနော့်ကိုလှမ်းမေးတယ်၊ မင်တို့တွေ ဘယ်ရောက်နေလဲ၊ ဘာလုပ်နေလဲလို့၊ ကျနော်တို့အားလုံး ရုံးမှာရှိနေကြလို့ ဘာမှမပြောတော့တာ … အနည်းနဲ့ အများ ကျနော်တို့အပေါ်ကို ထိခိုက်တယ်လို့ မြင်တယ်။ မလေးအာဏာပိုင်က ဒါဟာ တဦးတယောက်ရဲ့ အကြံအစည်လို့ ယူဆထား တယ်လေ” ဟု ဧရာဝတီကို ပြောသည်။
မြန်မာသံရုံးအား မီးရှို့တိုက်ခိုက်မှုနှင့် ပတ်သက်၍ တရားခံကိုစောနောင်အား မလေးရဲတို့က စုံစမ်းစစ်ဆေးမှုများ ပြုလုပ်ပြီးမှ မလေးရှားရောက် မြန်မာအတိုက်အခံများကို အာဏာပိုင်ဘက်က စကားပြောရန် စီစဉ်ထားသည်ဟု ကိုကျော်ကျော်က ပြောသည်။
အခင်းဖြစ်ပွားချိန်၌ ကိုစောနောင်သည် မူးယစ်ဆေးဝါး တမျိုးမျိုးကို အလွန်အကျွံသုံးစွဲထားကြောင်းလည်း သိရသည်။
“အခြေအနေက စိုးရိမ်ဖို့ကောင်းတယ်။ အစကတည်းက ကျနော်တို့ မြန်မာနိုင်ငံသားတွေ မလေးရှားမှာ အဖိနှိပ်ခံနေရတာ အခုလိုပုံစံမျိုးဖြစ်လာတော့ မြန်မာနိုင်ငံသားတွေတင်မက ကျနော်တို့လို အဖွဲ့အစည်းတွေကိုပါ ထိခိုက်လာနိုင်ပါတယ်” ဟု ကိုကျော်ကျော်က ပြောသည်။
မလေးရှားနိုင်ငံတွင် အာဏာရပါတီနှင့် အတိုက်အခံများအကြား နိုင်ငံရေးပြဿနာများရှုပ်ထွေးလာပြီးနောက်ပိုင်း ဒေသ အာဏာပိုင်တို့က မြန်မာ့ဒီမိုကရေစီ အင်အားစုများအပေါ် ယခင်ကထက် ပိုမိုတင်းကျပ်လာသည်ဟုလည်း မလေးရှားရောက် မြန်မာနိုင်ငံ အလုပ်သမားသမဂ္ဂများအဖွဲ့ချုပ် အဖွဲ့ဝင် ကိုရန်နိုင်ထွန်းက ပြောသည်။
“အာဏာပိုင်ကခေါ်ပြီး သတိပေးတာတွေရှိတယ်။ ရှင်းရှင်းပြောရရင် သူတို့က (မှုခင်းရဲ) အတိုက်အခံနဲ့ မပေါင်းစေချင်ဘူး” ဟုလည်း ကိုရန်နိုင်ထွန်းက ပြောသည်။

ဗေဒင် နက္ခတ္တ ဆရာ မင်းသိင်္ခ ကျန်းမာရေး ဆိုးရွား
အေးလဲ့ ဇူလိုင်၂၃၊ ၂၀၀၈
ရန်ကုန်တိုင်း မှော်ဘီမြို့နယ်ရှိ ဗေဒင်နက္ခတ္တ ဆရာ မင်းသိင်္ခသည် နှလုံးသွေးကြောကျဉ်းရောဂါကြောင့် ယခုလအတွင်း ခြေထောက်ဖြတ်ရမည့် အခြေအနေအထိ ရောဂါဆိုးရွားခဲ့၍ ဆေးဝါး ဆက်လက်ကုသမှု ခံယူကာအနားယူနေရကြောင်း ဆရာမင်းသိင်္ခ၏ တပည့်ဖြစ်သူတဦးက ပြောသည်။

မင်းသိင်္ခ (ဓာတ်ပုံ - ဧရာဝတီ)
“ဒီလ ၄ ရက်နေ့ကနေ ၁၆ ရက်နေ့အထိ သုခကမ္ဘာဆေးရုံမှာ တက်ရ တယ်၊ အဓိကကတော့ နှလုံးသွေးကြော ကျဉ်းပြီးတော့ ညာဘက် ခြေထောက် အောက်ပိုင်းကို သွေးမစီးနိုင်တော့တဲ့အတွက် ခြေထောက် ဖြတ်ရမလို ဖြစ်တဲ့အထိ ကျန်းမာရေး ဆိုးဝါးသွားပါတယ်၊ အခုတော့ ဆေးလိပ်ဖြတ်၊ အစားအသောက်ရှောင်ပြီးတော့ပဲ ကျန်းမာအောင် အနားယူနေရပါတယ်” ဟု ဆရာမင်းသိင်္ခ၏ တပည့် ဆရာမင်းသိမ်းခိုင် က ပြောသည်။
ဆရာ မင်းသိင်္ခတက်ရောက်ကုသသော သုခကမ္ဘာဆေးရုံမှ တာဝန်ကျ ဆရာဝန်တဦးကလည်း “နှလုံးသွေးကြောကျဉ်းတာနဲ့ ခြေထောက် ဖြတ်ရတာနဲ့ အမှတ်တမဲ့ကြည့်ရင်တော့ နှလုံးနဲ့ခြေထောက်က အဝေး ကြီးပဲလေ၊ နှလုံးသွေးကြောကျဉ်းသလို ခြေထောက်လည်း သွေးကြော ကျဉ်းသွားတယ်၊ ဆေးလိပ် သိပ်သောက်တဲ့သူတွေက သွေးကြော ကျဉ်းပြီး မာသွားပါတယ်၊ လောလောဆယ်တော့ ဖြတ်ဖို့မလိုသေး ပါဘူးး လော လောဆယ်ကိုပြောတာနော် နောက် တချိန်ချိန်မှာ အဲဒီ သွေးကြောကပိုပြီးကျဉ်း သွားပြီဆိုရင်တော့ အဲဒီ အခြေအနေကိုရောက်ရင်လည်း ရောက်သွားနိုင်တယ်၊ ကံသေကံမတော့ မပြောနိုင်ဘူး”ဟု ပြောသည်။
ဆရာမင်း သိင်္ခကို နှလုံးရောဂါအထူးကု ဒေါက်တာနွယ်နွယ်က ကုသနေပြီး ကိုယ်ခန္ဓာပြန်လည်လှုပ်ရှားမှုရရန် အကြောပြင် ဆရာက လေ့ကျင့်ခန်းကုထုံးဖြင့် ကုသနေကြောင်းလည်း သိရသည်။
ဆရာမင်းသိင်္ခမှာ သတိမေ့မြောသည့် အခြေအနေမဟုတ်ဘဲ စာရေးသားနိုင်ကြောင်းနှင့် နေ့စဉ် ယတြာပေးသည့် လုပ်ငန်း များကိုမူ ဆရာမင်းသိမ်းခိုင်တို့က ဦးစီးလုပ်ဆောင် ပေးနေသည်ဟု ဆိုသည်။
ဆရာမင်းသိင်္ခသည် အန္ဒိယနိုင်ငံ ကာလာ ကတ္တား တက္ကသိုလ် နက္ခတ္တဆိုင်ရာ သုတေတနဌာနမှ ပေးအပ်သည့် ၂၀၀၉ ခုနှစ် ရိုးရာ ဗေဒင်ပညာရပ်ဆိုင်ရာ ပါရဂူဘွဲ့အတွက် ရွေးချယ်ခြင်းခံရပြီး ၎င်းဘွဲ့ကို လာမည့် နိုဝင်ဘာလတွင် သွားရောက်ယူရန် စီစဉ်နေကြောင်းလည်း ဆရာ မင်းသိမ်းခိုင်က ပြောသည်။
ပြီးခဲ့သည့် ဇွန်လ၂၅ ရက်နေ့တွင် အသက် ၇၀ ပြည့်ပြီးဖြစ်သည့် ဆရာမင်းသိင်္ခသည် နှလုံး၊ ဆီးချို၊ သွေးတိုး စသည့်ရောဂါ များကို ခံစားနေရပြီး ဘီးတပ်ကုလားထိုင်ဖြင့် သွားလာနေထိုင်နေရသည်။ ယမန်နှစ် ဒီဇင်ဘာလ အတွင်းကလည်း မျက်စိ ခွဲစိပ်ကုသမှု ခံယူခဲ့ရသေးသည်။
ဆရာမင်းသိင်္ခသည် ယခုနှစ် ဇန်န၀ါရီလအတွင်းက ၎င်း၏ မှော်ဘီ ခြံအတွင်းသို့ စစ်တပ်အရာရှိ ဆိုသူတဦးက ၀င်ရောက် ရမ်းကားသည့် အမှုနှင့် ပတ်သက်ပြီး တရားရင်ဆိုင်နေရကြောင်းလည်း သိရသည်။
“ဒီအမှုကိုတော့ ခရိုင်ရုံး၊ တိုင်းရုံး နောက်တော့ လှည်းကူးတရားရုံး၊ အခုလည်း ရုံးချူပ်ကိုလွဲလိုက်ပြန်ပြီ၊ အမှုမစစ်လည်းဘဲ လက်မှတ်တော့သွားထိုးနေရတယ်၊ ရှေ့လ ၁ ရက်နေ့မှာလည်း ရုံးချိန်းရှိတယ်” ဟု ဆရာမင်းသိမ်းခိုင်က ပြောဆိုသည်။

မုန်တိုင်းသင့် ဘိုကလေးမြို့နယ် ကျေးရွာတချို့ အကူအညီလုံလောက်စွာ မရရှိသေး
မိုးအောင်တင်/ဘိုကလေး ဇူလိုင် ၂၃၊ ၂၀၀၈
နာဂစ် မုန်တိုင်း တိုက်ခတ်ပြီး၂ လ ကျော်ကြာသည်အထိ ဧရာဝတီတိုင်း ဘိုကလေးမြို့နယ် ကျေးရွာ တချို့ရှိ လေဘေးဒုက္ခ သည်များမှာ အကူအညီများ လုံလောက်စွာ မရရှိ၍ အခက်အခဲများဖြစ်နေကြကြောင်း သိရှိရသည်။

ကျုံပွန်ကျေးရွာမှ အပျက်အစီးတချို့နှင့် အကူအညီလိုနေသော ရွာသားများ (ဓာတ်ပုံ - မိုးအောင်တင်/ဧရာဝတီ)
ဘိုကလေးမြို့နယ် အပိုင် ဂုံညင်းတန်းမြစ်နံဘေးတွင်ရှိသော ကျုံပွန်ရွာမှာ နာဂစ်မုန်တိုင်းဒဏ်ကြောင့် အိမ်ခြေအများ အပြား ပျက်စီးကာ ဆန်စပါးများအပါအ၀င် တခြားဝင်ငွေရသည့် အုန်းခြံနှင့် ကွမ်းသီးခြံများ ပျက်စီးခဲ့ရသော်လည်း ယခုအချိန်အထိ အကူအညီများလိုအပ်လျှက်ရှိနေသောကြောင့် လယ်ယာစိုက်ပျိုးရေးနှင့်တခြား အသက်မွေးဝမ်း ကျောင်းလုပ်ငန်းများ ပြန်လည်ထူထောင်ရန် ခက်ခဲလျှက်ရှိနေသည်ဟု ဒေသခံ လေဘေးဒုက္ခသည်များက ပြောသည်။
အဆိုပါရွာမှ လယ်ယာလုပ်ငန်းလုပ်ကိုင်သူ အမျိုးသမီးတဦးက“ကျမတို့ ရွာကို မုန်တိုင်းတိုက်ပြီး ၁၀ ရက်လောက်မှာပဲ အကူ အညီလာပေးတာ တကြိမ်ရှိတယ်။ အဲဒီနောက်တခါ အစိုးရက ဆန် ၁၅ ရက်စာဆိုပြီး လူတယောက်ကို ၃ ပြည်နှုန်းနဲ့ ဝေတယ်။ အဲဒီနောက် ဘာအကူအညီမှလည်း မရတာ ဒီနေ့အထိပဲ။ ဟိုးလှမ်းမြင်နေရတဲ့ ကျုံကျိုက်ရွာဆို အကူအညီတွေ ရတယ်။ အဲဒီရွာက ဖျာပုံအပိုင် ကျမတို့ရွာက ဘိုကလေးအပိုင်ပါ”ဟု ပြောပြသည်။
ယင်းကျုံပွန်ရွာရှိ ဘုန်းတော်ကြီးကျောင်းမှာလည်း ၈၀ ရာခိုင်နှုန်းနီးပါး ပျက်စီးခဲ့ကာ ယခုအချိန် အထိအပျက်အစီးများ နဂိုအတိုင်းကျန်ရှိနေဆဲ ဖြစ်ပြီး ဘုန်းတော်ကြီး ကျောင်းဆောင်များ ပြန်လည်ပြုပြင်နိုင်ရန် အတွက်လည်း ခက်ခဲသည့် အခြေအနေနှင့် ရင်ဆိုင်နေရသည် ဟု ရွာခံများကပြောဆိုကြသည်။
ကျုံပွန်ရွာအပြင် ပျားရေစု၊ ပန်းပဲစု စသည့် ဘိုကလေး မြို့နယ်အတွင်းရှိ လူသိနည်းသော ရွာများမှာ အကူအညီ လုံလောက် စွာမရရှိကြကြောင်းလည်း ဒေသခံ ဒုက္ခသည်များက ပြောသည်။
“ဘိုကလေးမြို့နယ်ထဲမှာ ဆိုရင် မြင်းကကုန်းဆိုတဲ့ရွာရဲ့ တောင်ဘက်ပိုင်း ကတော့ မုန်တိုင်းနဲ့အတူ ဒီရေတိုးပြီး အသေ အပျောက်များလို့ဆိုပြီး အကူအညီရကြတယ်။ ကူညီရေး အဖွဲ့အစည်း တွေ သွားကြတယ်။ဒါပေမယ့် အဲဒီ မြင်းကကုန်း ရွာရဲ့ မြောက်ပိုင်းကျတဲ့ ရွာတွေကတော့ အကူအညီမရသလောက်ဘဲ၊ လယ်ပြန်စိုက်ဖို့အတွက် မျိုးစပါး လည်း သက်ဆိုင်ရာကို တောင်းထားတုန်းပဲ၊ အခုထိတော့မရသေးဘူး”ဟု ဒေသခံ ဒုက္ခသည် တဦးဖြစ်သည့် မခင်ခင်ဝင်းက ပြောဆိုသည်။
မခင်ခင်ဝင်းမှာ ယခုအခါ ကောက်ညှင်း ရွှေထမင်းမုန့်လုပ်ပြီး ရွာထဲတွင်ရောင်းချခြင်းဖြင့်ရပ်တည် နေရသည်ဟု ပြောဆိုသည်။
ပျားရေစု ကျေးရွာမှ အသက် ၇၆နှစ်ရှိ အဘွားအို ဒေါ်သန်းတင်ကလည်း ၎င်း အသက်မွေးသည့် အုန်းခြံသည် မုန်တိုင်း ဒဏ်ကြောင့် အုန်းပင်အများစုမှာ အသီးမသီးတော့၍ လတ်တလော ရပ်တည်ရန် ခက်ခဲလျက်ရှိသည်ဟု ပြောဆိုသည်။
ယခုလောလောဆယ်တွင် လယ်ယာပြန်လည်စိုက်ပျိုးနိုင်ရန် မျိုးစပါး ရရှိရေးမှာ လယ်သမားများအတွက် အရေးကြီးဆုံး အချက်ဖြစ်နေပြီး အချိန်မီ မရရှိပါက စပါးစိုက်ပျိုးနိုင်မည်မဟုတ်ကြောင်း ယင်း ကျုံပွန်၊ ပျားရေစု၊ ပန်းပဲစု ရွာမှ လယ်သမား များက ပြောဆိုကြသည်။

မုန်တိုင်းကြောင့် ပျက်စီးသွားသော ကျုံပွန်ရွာ ဘုန်းတော်ကြီးကျောင်း (ဓာတ်ပုံ - မိုးအောင်တင်/ဧရာဝတီ)
ယခင် ပုံမှန်နှစ်များတွင် ယခုအချိန် ၌လယ်ကွက်အားလုံး မျိုးကျဲပြီး စိုက်ပျိုးပြီး ဖြစ်နေလေ့ရှိသော်လည်း ယခုနှစ်တွင် လယ်ထွန်ရန်နှင့် မျိုးစပါးရရှိရန်အခက်အခဲများကြောင့် ယခုကဲ့သို့ အချိန်လွန်နေရခြင်းဖြစ်သည်ဟုလည်း ဆိုကြသည်။
စစ်အစိုးရ၏ သတင်းစာများတွင် လယ်ထွန်စက်နှင့် မျိုးစပါးများ ကိုဧရာဝတီတိုင်းမှ မုန်တိုင်းဒဏ်ခံရသည့် ရွာများသို့ ပေးအပ်နေသည်ကို နေ့စဉ်လိုလိုဖေါ်ပြနေသော်လည်း မုန်တိုင်းဒဏ်ခံရသည့် ရွာများထဲမှ ထင်ရှားသည့်ရွာနှင့် မြို့နယ် ခွဲ များဖြစ်သည့် ကြိမ်ချောင်းကြီး၊ သင်္ဃန်းကုန်း၊ ပြင်စလူ၊ အမာ၊ စက်ဆန်း စသည့် နေရာများတွင်သာ အကူ အညီများ ရရှိသည်ကို တွေ့ရပြီး မုန်တိုင်းဒဏ်ခံရသည့် တခြားမထင်ရှားသည့် ရွာများတွင်မူ ယခုအချိန်အထိ ကိုယ်ထူ ကိုယ်ထ လယ်ယာလုပ်ကိုင်နိုင်ရန် ကြိုးစားနေရဆဲ ဖြစ်သည်ကို တွေ့ရသည်။
ဇူလိုင်လ ၁၇ရက်နေ့ထုတ် စစ်အစိုးရ ကြေးမုံသတင်းစာတွင် ဧရာဝတီတိုင်း၌ မိုးစပါးဧက ၂.၂သန်းစိုက်ပျိုးပြီးကြောင်း သတင်းတိုဖြင့် ဖေါ်ပြထားသော်လည်း တိုင်းတတိုင်းလုံး၏ စိုက်ဧက ဘယ်ရွေ့ဘယ်မျှရှိသည် စသည့် အချက်အလက်များ လုံးဝဖေါ်ပြထားခြင်း မရှိဘဲ နေပြည်တော်မှ သတင်း ထုတ်ပြန်သည်ဟုသာ ပါရှိသည်။

ဧရာဝတီတိုင်းမှာ မုန်တိုင်းနောက်ဆက်တွဲရောဂါများ ခံစားနေရ
မင်းရန်နိုင်/ ၂၃ ဇူလိုင် ၂၀၀၈
နာဂစ်မုန်တိုင်းဒဏ်မှ လွတ်မြောက်ရှင်သန်ခဲ့သူများမှာ ယခုအခါ မုန်တိုင်းအတွင်း ခံခဲ့ရသည့် ဒဏ်များကြောင့် စိတ်ဖိစီးမှုဒဏ် ခံရခြင်းအပါအ၀င် ယခင် မဖြစ်ခဲ့ဖူးသည့် ရောဂါဝေဒနာများ ခံစားနေကြရသည်။
အသက်မသေဘဲ လွတ်မြောက်ကျန်ခဲ့သည့် မုန်တိုင်းဒုက္ခသည်များသည် မုန်တိုင်းနောက်ဆက်တွဲ ဆိုးကျိုးများကို အချိန်နှင့်အမျှ ပိုခံစားလာကြရသည်ဟု လပွတ္တာမြို့နယ်တွင်း ကျေးရွာများသို့ အခမဲ့ဆေးလှည့်လည် ကုသပေးနေသသည့် ပုဂ္ဂလိက စေတနာရှင် ဆေးကုသရေးအဖွဲ့တခုမှ ဆရာဝန်တဦးက ပြောသည်။
၎င်းက “အဓိက အများဆုံးတွေ့ပြီး ကုသပေးရတာက အားနည်း အာဟာရချို့တဲ့လူနာတွေပါ၊ သူတို့တွေက ဒီမုန်တိုင်းကြီးဒဏ် ခံခဲ့ကြရပြီး သားသေ၊ မယားသေ၊ ဆွေမျိုးတွေသေ အသက် အိုးအိမ်စည်းစိမ်တွေ အများကြီး ဆုံးရှုံးခဲ့တော့ မစားနိုင်၊ မသောက်နိုင် ဖြစ်ကြတာပေါ့။ ညဘက် ဆိုလဲ စိတ်ဆင်းရဲစရာတွေပဲ အလိုလိုပြန်တွေးမိပြီး အိပ်မပျော်ကြတော့ဘူး။ နောက် ဒီလိုမျိုးကြီး ထပ်ဖြစ်ဦးမလားဆိုပြီး စိုးရိမ်စိတ်တွေလည်း ဖြစ်နေတာမျိုးတွေ အများကြီး တွေ့ရပါတယ်” ဟု ပြောသည်။
ယခင်က တခါတရံမှ ဖြစ်လေ့ရှိသော အအေးမိ၊ နှာစေး၊ အဆုတ်အအေးပတ် ရောဂါဝေဒနာများကို မုန်တိုင်းအပြီး (၂) လကျော်ကြာထိ ခံစားနေကြရဆဲ လူနာများလည်း ရှိသည်ဟု ဆိုသည်။
ထို့ပြင် ယခင်က တခါမှမဖြစ်ဖူးသော နားလေထွက်၊ အရည်ထွက်နှင့် မျက်စိေ၀၀ါးသည့် ဝေဒနာ များ ခံစားလာကြရသူများ ရှိလာသည်ဟု သိရသည်။
“မုန်တိုင်းကြောင့် မြင့်တက်လာတဲ့ ဒီရေလှိုင်း ရိုက်တဲ့ဒဏ်၊ အဲဒီရေလှိုင်းထဲမှာ အချိန်အကြာကြီး နေခဲ့ရတဲ့ဒဏ်တွေ၊ ရေငန်ဝင်ခံခဲ့ရတာတွေကြောင့် ဒီလိုလက္ခဏာတွေ ဖြစ်လာတာပါ။ အချိန်မီ ဂရုစိုက်မကုသနိုင်ရင် နားလေး၊ မျက်စိမှုံပြီး ကွယ်တာမျိုးတွေထိ ဖြစ်လာနိုင်ပါတယ်” ဟု မျက်စိ အထူးကု ဆရာဝန်ကြီးတဦးက ရှင်းပြသည်။
အဆိုပါဒေသများတွင် လူအချို့မှာ မုန်တိုင်းအတွင်း ထိခိုက်မိသော ဒဏ်များကြောင့် အကြောများ ဆိုင်း၊ ခြေလက်များ လေးလံကာ ယခင်ကလို ပေါ့ပေါ့ပါးပါး သွားလာလုပ်ကိုင်နိုင်ခြင်း မရှိတော့ ကြောင်း သိရသည်။
အာဟာရချို့တဲ့လူနာများအတွက် အားဆေးပုလင်းဒရစ်များ သွင်းပေးခြင်း၊ အကြောအားဆေး ထိုးပေးခြင်း၊ စားသောက်ကောင်းစေရန် မာလ်တီဗီတာမင် အားဆေးများ ပေးခြင်း၊ အသက်ကြီး သူများကို အဓိက ဗိုလက်ဇုံအားဆေးများ ပေးခြင်းဖြင့် ကုသခဲ့ကြောင်း၊ မိမိတို့ ကုသပေးခဲ့ရသည့် ရွာများထဲမှ တရွာဆိုလျှင် ရွာသူရွာသား (၅၀၀) ခန့်ရှိရာ၌ အားလုံးနီးပါး အားနည်းနေကြောင်း၊ အထူးသဖြင့် အာဟာရချို့တဲ့နေသည့် ကလေးအများအပြား တွေ့ရှိကုသပေးခဲ့ရကြောင်း စေတ နာရှင် ဆေးကုအဖွဲ့မှ အဆိုပါ ဆရာဝန်က ဆက်လက်ရှင်းပြသည်။
“အကောင်းဆုံးကတော့ နှစ်သိမ့်ဆွေးနွေး အထူးကုအဖွဲ့တွေ၊ (Counseling) ကျွမ်းကျင်သူတွေ လာပြီး နှစ်သိမ့်ဆွေးနွေးပေးဖို့ ကောင်းတယ်။ အဲဒါမျိုး အဖွဲ့တွေ လုံးဝ မတွေ့ရသလောက်ပဲ။ စိတ်ဝေဒနာခံစားနေရတဲ့ လူနာတွေအတွက် အိပ်ဆေး၊ စိတ်ငြိမ်ဆေး၊ ဒိုင်ယာစီပင် (DZ) စတဲ့ ဆေးတွေ အများဆုံးပေးရတယ်” ဟု ၎င်းက ပြောသည်။
၎င်းတို့အဖွဲ့သည် လပွတ္တာမြို့နယ် ရွေးမြစ်တလျှောက် လမ်းပန်းဆက်သွယ်ရေးခက်ခဲသည့် ရွာများသို့ အဓိက ကွင်းဆင်းကုသပေးခဲ့ကြောင်း၊ ဘိုကလေးမြို့နယ်အတွင်း ကျေးရွာများသို့ ကွင်းဆင်းကုသနေသည့် ၎င်း၏မိတ်ဆွေ ဆရာဝန်ဆေးကုအဖွဲ့မှလည်း ယခုကဲ့သို့ ရောဂါ ဝေဒနာများ အတွေ့များကာ ကုသပေးခဲ့ရသည်ဟု ဆိုကြောင်း သိရသည်။
အစိုးရမှ စေလွှတ်သည့် အထူးကုဆရာဝန်များအဖွဲ့ရှိသော်လည်း ၎င်းတို့သည် မြို့ပေါ်တွင်သာ ကုသမှုပေးကြောင်း၊ နိုင်ငံခြားမှ ပြည်တွင်းအခြေချ အန်ဂျီအိုများနှင့် ပုဂ္ဂလိကစေတနာရှင် ဆေးအဖွဲ့များကသာ မြို့နှင့်ဝေးသည့် ရွာများသို့ စက်လှေများဖြင့် သွားရောက်ကုသပေးနေ ကြကြောင်း သိရသည်။ ။

စစ်အစိုးရက ရွေးကောက်ပွဲကို တရားမျှတသည့် ရွေးကောက်ပွဲဖြစ်ရန်
သြတြေးလျနိုင်ငံက မြင်လို
Agencies/ ၂၃ ဇူလိုင် ၂၀၀၈
မြန်မာစစ်အစိုးရ၏၂၀၁၀ ပြည့်နှစ် ရွေးကောက် ပွဲအား အန်အယ်လ်ဒီခေါင်းဆောင် ဒေါ်အောင် ဆန်းစုကြည် အပါအ၀င် နိုင်ငံရေး အင်အားစု များအားလုံး ပါဝင်ပြီး လွတ်လပ်၍ တရား မျှတသော ရွေးကောက်ပွဲအဖြစ် တွေ့မြင်လို ကြောင်း သြစတြေးလျ နိုင်ငံခြားရေးဝန်ကြီး စတီဖန် စမစ်က ပြောသည်။
မစ္စတာ စမစ်က “မြန်မာနိုင်ငံခြားရေးဝန်ကြီးနဲ့ ကျနော် မနေ့က စကားပြောဖြစ်ပါတယ်။ မြန်မာ

မစ္စတာ စတီဖန် စမစ်
ပြည်သူတွေရဲ့ ဆန္ဒသဘောထားတွေကို ထင်ဟပ်စေမယ့် လွတ်လပ်ပြီး တရားမျှတတဲ့ ရွေး ကောက်ပွဲ ဖြစ်ပေါ်လာမှာကို သြစတြေးလျအစိုးရက မြင်တွေ့လိုပါတယ်” ဟု စင်ကာပူ၌ သတင်းထောက်များအား ယနေ့ပြောသည်။
စင်ကာပူတွင် ကျင်းပနေသော အာဆီယံ နိုင်ငံခြားရေးဝန်ကြီးများ အစည်းအဝေး၌ မြန်မာနိုင်ငံ ခြားရေးဝန်ကြီး ဦးဥာဏ်ဝင်းကို ယင်းသို့ပြောကြားခဲ့ရာ ဦးဥာဏ်ဝင်းထံမှမူ ၎င်းတို့အနေဖြင့် စစ်အစိုးရ Road Map အတိုင်း ဆက်လက်လုပ်ကိုင်နေသည်ဟူသော အဖြေကိုသာရခဲ့ကြောင်း မစ္စတာစမစ်က ပြောသည်။
စစ်ဗိုလ်ချုပ်ကြီးများ၏ အာဏာသက်ဆိုး ရှည်စေရန် ရည်ရွယ်လုပ်ဆောင်သည်ဟု စွပ်စွဲ၍ အတိုက် အခံ နိုင်ငံရေးအင်အားစုများက ပယ်ချထားသော ဖွဲ့စည်းပုံအခြေခံဥပဒေအောက်၌ ၂၀၁၀ ပြည့် နှစ်တွင် ရွေးကောက်ပွဲ ပြုလုပ်ရန် မြန်မာစစ်အစိုးရက ကြိုးစားနေခြင်းဖြစ်သည်။
လူ့အခွင့်အရေးဆိုင်ရာ အခြေခံ အာဆီယံပဋိညာဉ်စာချုပ်ကို ယခုလ (၂၁) ရက်တွင် သဘောတူခဲ့ သည့် မြန်မာစစ်အစိုးရအနေဖြင့် ဒေါ်အောင်ဆန်းစုကြည်အား လွှတ်ပေးရန် လိုအပ်ကြောင်း မစ္စတာစမစ်က ယနေ့ ထပ်မံတိုက်တွန်းလိုက်သည်။
သို့သော် လူ့အခွင့်အရေး ချိုးဖောက်မှုများကို ဆက်တိုက် ကျူးလွန်နေသော စစ်အစိုးရက အာဆီယံ ပဋိညာဉ်စာချုပ်ကို ယခုကဲ့သို့ သဘောတူခြင်းသည် ဟန်ပြသာဖြစ်၍ ပြောင်းလဲမည့် လက္ခဏာ တစုံတရာ မတွေ့ရကြောင်း လေ့လာသူများက ပြောသည်။
သြစတြေးလျအစိုးရက မြန်မာမုန်တိုင်းဘေးအတွက် ကူညီငွေ အမေရိကန်ဒေါ်လာ (၂၉) သန်း ထပ်မံပေးမည်ဖြစ်ကြောင်း ယနေ့ကြေညာခဲ့သည်။ ယခုငွေ မတိုင်မီကလည်း အမေရိကန်ဒေါ်လာ (၂၄) သန်းကျော် ကူညီပြီးဖြစ်သည်။ ။

မြန်မာ့အရေး ပိုလုပ်ရန် အာဆီယံကို အမေရိကန် နိုင်ငံခြားရေး ၀န်ကြီး တိုက်တွန်း
23 July 2008
ဦးကျော်ကျော်သိန်း
မြန်မာ့အရေးမှာ ASEAN အရှေ့တောင်အာရှနိုင်ငံများအဖွဲ့အနေနဲ့ အရေးကြီးတဲ့ အခန်းကဏ္ဍကနေ ပါဝင် ဆောင်ရွက်ဖို့ အမေရိကန် နိုင်ငံခြားရေးဝန်ကြီး ကွန်ဒိုလီဇာ ရိုက်စ် တိုက်တွန်း ပြောကြားလိုက်ပါတယ်။ စင်္ကာပူနိုင်ငံမှာ ကျင်းပတဲ့ ဒေသတွင်း လုံခြုံရေးဆိုင်ရာ အစည်းအဝေး တခုအတွင်းမှာ မစ္စရိုက်စ်က တိုက်တွန်းခဲ့တာပါ။ ကိုကျော်ကျော်သိန်းက အပြည့်အစုံ ပြောပြထားပါတယ်။

ကွန်ဒိုလီဇာ ရိုက်စ်အနေနဲ့ မြန်မာ့အရေးနဲ့ ပတ်သက်ပြီး မြန်မာ နိုင်ငံခြားရေး ၀န်ကြီး ဦးဥာဏ်ဝင်း ရှေ့မှာတင် အာဆီယံ အဖွဲ့ကို တိုက်တွန်း ပြောကြားတာဟာ ပထမဆုံး အကြိမ်လို့ ပြောမယ်ဆိုရင် မမှားပါဘူး။ မြန်မာ့ဒီမိုကရေစီ လှုပ်ရှားမှုကို ဖိနှိပ်နေတဲ့ မြန်မာနိုင်ငံရဲ့ အရေးကြီးတဲ့ ပြဿနာ အကြောင်းရင်းကို ကိုင်တွယ် ဖြေရှင်းရာမှာ အာဆီယံ အဖွဲ့အနေနဲ့ အရေးကြီးတဲ့ အခန်းကဏ္ဍမှာ ရှိတယ်လို့ မိမိတို့ယုံကြည်ကြောင်း ကွန်ဒိုလီဇာ ရိုက်စ်ကပြောခဲ့ပါတယ်။
မြန်မာ နိုင်ငံအရေး ကိစ္စနဲ့ ပတ်သက်လာရင် အမေရိကန် နိုင်ငံဟာ အပြင်းထန်ဆုံး ဝေဖန်လေ့ရှိတဲ့ နိုင်ငံပါ။ အခု တိုက်တွန်းတာက တော့ အာဆီယံအနေနဲ့ မြန်မာ့အရေးမှာ ထိထိရောက်ရောက် မလုပ်သေးတဲ့အတွက် ဖိအားပေးတာ ဖြစ်မယ်လို့ အမျိုးသား ဒီမိုကရေစီအဖွဲ့ချုပ် ပြောရေးဆိုခွင့်ရှိသူ ဦးဥာဏ်ဝင်းက သုံးသပ်ပါတယ်။
"နိုင်ငံတကာ အသိုင်းအ၀ိုင်းက နိုင်ငံ တခုရဲ့ အရေးအခင်းမှာ ပါဝင်ဆောင်ရွက်မှုဟာ တနေ့တခြား ပိုမို အရေးကြီး လာတယ်လို့ မြင်တယ်။ အထူးသဖြင့် အခု မြန်မာနိုင်ငံအရေးမှာ အိမ်နီးချင်း နိုင်ငံတွေရဲ့ ပါဝင်ဆောင်ရွက်မှုဟာ ပိုမို အရေးကြီးလာတယ်။ အာစီယံဟာ ဒီနေ့အထိတော့ မြန်မာနိုင်ငံအရေးနဲ့ ပတ်သက်ပြီးတော့ အာစီယံအဖွဲ့အနေနဲ့တော့ တစုံတခုမှ ဆောင်ရွက်ပေးတာ ကျွန်တော်တို့ မတွေ့ရဘူး။ သို့သော်လည်းပဲ အခု အာစီယံ လုံခြုံရေး ညီလာခံမှာ အမေရိကန် နိုင်ငံခြားရေး ၀န်ကြီးက ပြောတယ်ဆိုတာ ဒီလို မဆောင်ရွက်တာကို သိလို့၊ မဆောင်ရွက်ဖူးတာကို သိလို့ အဲဒီလို တွန်းအားပေးတဲ့ သဘောလည်း ရှိတယ်လို့ ကျွန်တော်တော့ မြင်ပါတယ်။"
နာဂစ် ဆိုင်ကလုန်း မုန်တိုင်း မြန်မာနိုင်ငံကို တိုက်ခိုက်ခဲ့ပြီးတဲ့နောက် မုန်တိုင်းဒဏ်သင့် လူထု ကူညီ ကယ်ဆယ်ရေးတွေ အတွက် အာဆီယံအဖွဲ့ဟာ မြန်မာအစိုးရနဲ့ နိုင်ငံတကာကြားမှာ ကြားဝင် ပေါင်းကူး ဆောင်ရွက်ပေးခဲ့ပါတယ်။ အဲဒီ ဆောင်ရွက်မှုအတွက် ကုလသမဂ္ဂ အတွင်းရေးမှူးချုပ်က ချီးကျူးပြောကြားခဲ့သလို အာဆီယံ ခေါင်းဆောင်တွေ ကိုယ်တိုင်ကလည်း ဒီအပေါ် ကျေနပ် အားရပုံပေါ်ပါတယ်။ မြန်မာ့အရေးမှာ ကုလသမဂ္ဂက ၀င်ရောက် ဆောင်ရွက်တဲ့ အတွက် နိုင်ငံတကာကပါ ပူးပေါင်းလာခဲ့တာ ဖြစ်တယ်လို့ ဦးဥာဏ်ဝင်းကကြိုဆိုပါတယ်။ အာဆီယံရဲ့ လုပ်ဆောင်ပေးလို စိတ်ကိုတော့ ဦးဥာဏ်ဝင်းက သံသယရှိပါ တယ်။
"အာစီယံနဲ့ မြန်မာနိုင်ငံရေးမှာ ထင်ထင်ရှားရှား ကြေညာတာ၊ သုံးသပ်တာတော့ မရှိဘူး။ နိုင်ငံတခုချင်း အနေနဲ့ကသာ မိမိတို့ ခံစားမှုကို ပြောတာပဲ ကျွန်တော် ဒီလောက်ပဲ တွေ့တယ်။ ကုလသမဂ္ဂကတော့ သီးခြားပါ။ အာစီယံအနေနဲ့ ပါဝင် ဆောင်ရွက်လို စိတ်မရှိဘူးဆိုတာ ကျွန်တော် ဒီလိုပဲ သဘောရပါတယ်။"
အမျိုးသားဒီမိုကရေစီအဖွဲ့ချုပ် ပြောရေးဆိုိခွင့်ရှိသူ ဦးဥာဏ်ဝင်းပါ။
နိုင်ငံရေးအရ ကွဲပြားမှုတွေရှိပေမယ့် မုန်တိုင်းကိစ္စ အကူအညီတွေကိုတော့ ဆက်ပေးသွားမှာပါလို့ ရိုက်စ်ကပြောပါတယ်။
သြစတြေးလျနိုင်ငံခြားရေးဝန်ကြီး Stephen Smith ကလည်း ဆိုင်ကလုန်းဒဏ်သင့်လူထုအတွက် နောက်ထပ် အကူအညီ သြစတြေးလျဒေါ်လာ သန်း ၃၀ ထပ်ပေးမယ့်အကြောင်း မြန်မာနိုင်ငံခြားရေးဝန်ကြီး ဦးဥာဏ်ဝင်းကို ပြောခဲ့ပါတယ်။ ၂၀၁၀ ခုနှစ် မှာ ကျင်းပမယ်ဆိုတဲ့ အထွေထွေရွေးကောက်ပွဲတွေ လွတ်လပ်ပြီး တရားမျှတဖို့နဲ့ မြန်မာ့ဒီမိုကရေစီခေါင်းဆောင် ဒေါ်အောင် ဆန်းစုကြည်အပါအ၀င် နိုင်ငံရေးအကျဉ်းသားတွေအားလုံးကို လွှတ်ပေးပြီး ပါဝင်ခွင့်ရစေဖို့လည်း စမစ်သ်က တောင်းဆိုခဲ့ပါတယ်။
လူ့အခွင့်အရေးကို လေးစားလိုက်နာတဲ့ မြန်မာနိုင်ငံအဖြစ်၊ တရားဥပဒေစိုးမိုးမှုကို လေးစားတဲ့ မြန်မာနိုင်ငံအဖြစ်၊ ဒီမိုကရေစီ ပြန်လည်တည်ဆောက်နိုင်တဲ့ မြန်မာနိုင်ငံအဖြစ် မိမိတို့မြင်ချင်ပါကြောင်း မြန်မာနိုင်ငံခြားရေးဝန်ကြီး ဦးဥာဏ်ဝင်းကို သြစတြေးလျ နိုင်ငံခြားရေးဝန်ကြီး Stephen Smith က တောင်းဆို တိုက်တွန်းခဲ့ကြောင်းပါ။

နိုင်ငံရေးအကျဉ်းသားများ အင်းစိန်ထောင်မှာ တိုက်ပိတ်ခံရ
23 July 2008
ဦးကျော်ကျော်သိန်း
စက်တင်ဘာရွှေဝါရောင်လှုပ်ရှားမှုနဲ့ ဆက်စပ်ပြီး ဖမ်းဆီးခံထားရတဲ့ ကျောင်းသားတဦးဖြစ်သူ ကိုဥာဏ်လင်းအောင် ဟာ ထောင်တွင်းမှာ တိုက်ပိတ်ခံထားရတယ်လို့ သူ့ရဲ့မိခင်ဖြစ်သူက ဗွီအိုအေ မြန်မာပိုင်းကို ပြောပါတယ်။ ဒီအတောအတွင်းမှာပဲ မြန်မာနိုင်ငံမှာ နိုင်ငံရေး အကျဉ်းသားမရှိဘူးလို့ မြန်မာအစိုးရအာဘော် သတင်းစာတွေမှာ ဆက်တိုက်လို ဖော်ပြရေးသား နေပါတယ်။ ဒီအကြောင်းတွေကို ကိုကျော်ကျော်သိန်းက စုစည်းတင်ပြထားပါတယ်။
ကိုဥာဏ်လင်းအောင်နဲ့ ကိုမောင်မောင်လတ်တို့နှစ်ဦးကို ဇူလိုင်လ ၅ ရက်နေ့ကတည်းက အင်းစိန် အကျဉ်းထောင် စစ်ခွေးတိုက်လို့ခေါ်တဲ့နေရာမှာ တိုက်ပိတ်ပြစ်ဒဏ်ပေးထားတယ်လို့ မိခင်ဖြစ်သူက ပြောပြခဲ့ပါတယ်ခင်ဗျ။ အဲဒီစစ်ခွေးတိုက်ဆိုတဲ့ နေရာဟာ အကျဉ်းထောင်မှာအသုံးပြုတဲ့ အနံ့ခံစစ်ခွေးတွေကိုထားတဲ့နေရာပါ။ အဲဒီတိုက်ထဲမှာ သူတို့ နေထိုင်ရတဲ့အခြေအနေကို မိခင်ဖြစ်သူ ပြောပြခဲ့တာက ဒီလိုပါ။
"စစ်ခွေးတိုက် အခန်းရှေ့မှာ သူတို့ကို ထားတယ်ပေါ့။ နောက် ထမင်းနဲ့ ရေကလွဲပြီး ကျန်တာ ဘာမှ ပေးလို့မရဘူးတဲ့။ ဘာမှလည်း ယူလို့မရဘူး။ နောက် သမံတလင်းပေါ်မှာ အိပ်ရတယ်။ အပေ့ါသွားရင်လည်း ဇလုံတလုံး ပေးထားပြီးတော့ ဒီအထဲမှာပဲ သွားရတယ်။ ရေတို့ စက္ကူတို့ ဘာမှ မပေးဘူး။ သူတို့မှာ ရှိတဲ့ အ၀တ်အစားတွေနဲ့ ဖြဲဆုတ် သုတ်ရတယ်။ ရေချိုးချိန်ကိုလည်း ၁၀မိနစ်လောက်ပဲ ပေးတယ်။ တနေ့လုံး တိုက်ထဲမှာပဲ ပိတ်ထားတယ်ပေါ့။ တိုက်ထဲမှာလည်း ကင်းခြေများတို့၊ ခြင်တို့၊ ယင်ကောင်တို့၊ ပိုးတို့တွေက အများကြီးရှိတာ။ ညဘက်ကြရင်လည်း မအိပ်ရဘဲနဲ့ တညလုံး ခဏခဏ ထကြည့်တယ်။ တခါတလေကြရင် တညလုံး မအိပ်ရဘဲနဲ့ ထိုင်နေရတယ်။
သူတို့ကိုတိုက်ပိတ်ရခြင်း အကြောင်းရင်းကတော့ အနက်ရောင်ပါတဲ့ အ၀တ်အစားတွေကို ထောင်အာဏာပိုင်တွေက သိမ်းမယ် ဆိုတာကို အသိမ်းမခံတဲ့အတွက် တိုက်ပိတ်တာလို့ပြောကြောင်း မိခင်ဖြစ်သူကပြောပါတယ်။
ကိုဥာဏ်လင်းအောင်ဟာ ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ်က ကျောင်းသားခေါင်းဆောင်တဦးဖြစ်ပြီး ပြီးခဲ့တဲ့ မတ်လ ၁၅ ရက်နေ့မှာ တခြားကျောင်းသားခေါင်းဆောင်တဦးဖြစ်တဲ့ ကိုကျော်ကိုကိုနဲ့ တရက်ထဲ အဖမ်းခံခဲ့ရတာပါ။
ကိုဥာဏ်လင်းအောင်တို့ကို တိုက်ပိတ်ထားတဲ့ အတောအတွင်းမှာပဲ မြန်မာအစိုးရအာဘော် သတင်းစာတွေမှာ မြန်မာ နိုင်ငံမှာ နိုင်ငံရေးအကျဉ်းသားဆိုတာ ဥပဒေအရ သတ်မှတ်ထားတာမရှိဘူးဆိုပြီး ဆက်တိုက်လို ရေးသားဖော်ပြနေတာတွေ တွေ့ရပါ တယ်။
ဒါပေမယ့် နိုင်ငံရေးအကျဉ်းသားဟောင်းတွေကိုယ်တိုင် ဖွဲ့စည်းထားပြီး အကျဉ်းသားတွေအရေး တစိုက်မတ်မတ် လုပ်ဆောင်နေတဲ့ ထိုင်း-မြန်မာနယ်စပ်အခြေစိုက် AAPPB နိုင်ငံရေးအကျဉ်းသားများ ကူညီစောင့်ရှောက်ရေးအသင်း (မြန်မာနိုင်ငံ) ရဲ့ အတွင်း ရေးမှူး ကိုတိတ်နိုင်ကတော့ သူတို့အဖွဲ့အနေနဲ့ နိုင်ငံရေးအကျဉ်းသားအဖြစ် ခုလို အဓိပ္ပာယ် ဖွင့်ဆိုထားတယ်လို့ ပြောပါတယ်။
"နိုင်ငံရေး ဖြစ်စဉ်တွေမှာ ပါဝင် ပတ်သက်နေပြီးတော့ ဒီမိုကရေစီအတွက်၊ လူ့အခွင့်အရေးအတွက် လှုပ်ရှားရင်းနဲ့၊ ပါဝင်ပတ်သက်ရင်းနဲ့ အဖမ်းခံရတဲ့ မည်သူမဆို၊ မည်သူမဆို ဆိုတဲ့အပေါ်မှာ အေအေပီပီက မှတ်သားထားတာရှိပါတယ်။ နိုင်ငံရေး အကျဉ်းသားနဲ့ သက်ဆိုင်တဲ့ ပုဒ်မတွေပေါ့၊ ၅ညပါမယ်။ ၁၇ပါမယ်။ ၁၀ခပါမယ်။ ၁၀က ပါမယ်။ ၁၁၀ကျော် ကနေပြီး၊ ၁၄၀ ကျော်အထိ ပုဒ်မတွေ ပါတယ်။ ထို့အပြင် ခုနစာရင်းအရ တချို့ဆိုရင် မူးယစ်ဆေးဝါး ပြစ်ပြီး ဖမ်းတာရှိတယ်။ စီးပွားရေး ကိစ္စအတွက် ဖမ်းတာရှိတယ်။ ဒါပေမယ့် ဒီလူတွေဟာ နိုင်ငံရေး ဖြစ်စဉ်တွေမှာ ပါဝင် ပတ်သက်နေရင်းနဲ့ အဖမ်းခံရတဲ့ ကိစ္စဖြစ်တဲ့အတွက် ဥပမာဆိုရင် ခွန်ထွန်းဦးဆိုရင် နိုင်ငံရေး အကျဉ်းသားဆိုတာ သေချာပါတယ်။ သူကိုတော့ တရား မ၀င်ငွေလဲမှုနဲ့၊ စီးပွားရေး မှုနဲ့ အများကြီးပဲ ပုဒ်မတွေ တပ်ပြီးတော့ ၃၃နှစ် ထောင်ချထားတယ်။"
အခု တိုက်ပိတ်ပြစ်ဒဏ်ပေးခံထားရတဲ့ ကိုဥာဏ်လင်းအောင်ဟာ သူတို့ရဲ့ နိုင်ငံရေးအကျဉ်းသား အဓိပ္ပာယ်ဖွင့်ဆိုချက်နဲ့ ကိုက်ညီ တဲ့အတွက် နိုင်ငံရေးအကျဉ်းသားတဦးဖြစ်ပါတယ်လို့လည်း ကိုတိတ်နိုင်ကပြောပါတယ်။
ကိုဥာဏ်လင်းအောင်ရဲ့ မိခင်ကတော့ သားဖြစ်သူကို ခုလိုတိုက်ပိတ်ထားတဲ့အတွက် ကျန်းမာရေးထိခိုက်နေတာကြောင့် စိုးရိမ်မိ ကြောင်းပြောပါတယ်။
မကြာသေးခင်ရက်ပိုင်းတွေအတွင်းကပဲ အမေရိကန်ပြည်ထောင်စုက ကမကထပြုရေးဆွဲပြီး ဥရောပပြည်ထောင်စု ၂၇ နိုင်ငံနဲ့ တခြား ၃၆နိုင်ငံတို့က သဘောတူထောက်ခံတဲ့ ယုံကြည်ချက်အကျဉ်းသား ကြေညာစာတမ်းဆိုတဲ့ နိုင်ငံရေးအကျဉ်းသားတွေနဲ့ ပတ်သက်တဲ့ ကြေညာစာတမ်းတခုကို ကုလသမဂ္ဂအဖွဲ့ဝင်နိုင်ငံတွေကြား ဖြန့်ဝေထားပါတယ်။ အဲဒီစာတမ်းမှာ ယုံကြည်ချက် ကြောင့် အကျဉ်းကျနေသူတွေ လွတ်မြောက်ရေး လုပ်ဆောင်သွားဖို့နဲ့ ဒီအကျဉ်းသားတွေ လွတ်မြောက်ရေးကိစ္စကို တခြားနိုင်ငံ တွေနဲ့ ဆက်ဆံရေးမှာ အဓိကဦးစားပေးအချက်တရပ်အဖြစ် ကိုင်စွဲကျင့်သုံးသွားမယ် ဆိုတာတွေကို အဲဒီ ၆၄ နိုင်ငံက သန္နိဋ္ဌာန်ချ ကြေညာထားကြပါတယ်။
ဒီကြေညာစာတမ်းကို ကုလသမဂ္ဂအဖွဲ့ဝင်နိုင်ငံတွေက အထွေထွေညီလာခံမှာဆွေးနွေးပြီး သဘောတူကြတယ်ဆိုရင်ဖြင့် အထွေ ထွေညီလာခံ ဆုံးဖြတ်ချက်ထဲမှာ ထည့်သွင်းတာပဲဖြစ်ဖြစ်၊ ICC နိုင်ငံတကာရာဇ၀တ်တရားခုံရုံးနဲ့ ကုလသမဂ္ဂလုံခြုံရေးကောင်စီတို့ က လိုအပ်သလို ဆက်လုပ်ဖို့ လွှဲပြောင်းတာမျိုးပဲဖြစ်ဖြစ် ဖြစ်လာနိုင်တယ်လို့ ကိုတိတ်နိုင်က ရှင်းပြခဲ့ပါတယ်။
မြန်မာနိုင်ငံအကျဉ်းထောင်အသီးသီးမှာ နိုင်ငံရေးအကျဉ်းသား ၂၀၀၀ ကျော်ရှိတယ်လို့ အေအေပီပီက စာရင်းပြုစု ထုတ်ပြန်ထားပါတယ်။ ဒီထဲကအများအပြားဟာ ကျန်းမာရေးချို့ယွင်းနေကြပြီး ပြည့်စုံတဲ့ဆေးဝါးကုသမှုမရတဲ့အပြင် မကြာခဏဆိုသလို နည်းမျိုးစုံနဲ့ နှိပ်စက်ညှဉ်းပန်းခံနေကြရတယ်လို့ အေအေပီပီက ပြစ်တင် ဝေဖန်ထားပါတယ်။ မြန်မာ့နိုင်ငံရေးပြောင်းလဲမှုဖြစ်စဉ်မှာ ဒီအကျဉ်းသားတွေလွတ်မြောက်ရေးဟာ ပထမဆုံး မလုပ်မဖြစ်တဲ့ အဆင့်ဖြစ်တယ် ဆိုပြီး ကုလသမဂ္ဂအပါအ၀င် နိုင်ငံတကာ ကလဲ ဒီအကျဉ်းသားတွေကို အမြန်ဆုံးပြန်လွှတ်ပေးဖို့ မပြတ် တောင်းဆိုနေ ပါတယ်။
ဒါပေမယ့် မြန်မာအစိုးရကတော့ အခုရက်ပိုင်း သတင်းစာတွေထဲမှာ ပါနေသလိုပဲ မြန်မာနိုင်ငံမှာ နိုင်ငံရေး အကျဉ်းသား မရှိဘူး ဆိုတာကို အစဉ်တစိုက် ငြင်းဆိုနေကြောင်းပါ။

ရာဒိုဗန် ခရာဒစ်ရှ် ပြစ်မှုတရားရုံးတွင် ကိုယ်တိုင် ခုခံလျှောက်လဲမည်
23 July 2008

ဘော့စနီးယား ဆာ့ဗ် ခေါင်းဆောင်ဟောင်း ရာဒိုဗန် ကရာဒစ်ရှ် (Radovan Karadzic) ဟာ သူ့အပေါ် စွဲဆိုထားတဲ့ လူမျိုးတုန်းသတ်ဖြတ်မှုဆိုင်ရာ စွဲဆိုချက်တွေကို The Hague မြို့က စစ်ရာဇ၀တ်မှုဆိုင်ရာ ကုလသမဂ္ဂ တရားခုံရုံးမှာ သူကိုယ်တိုင် ထုချေ လျှောက်လဲမယ်လို့ ကရာဒစ်ရှ် ရဲ့ ရှေ့နေ ဖြစ်သူက ပြောဆိုလိုက်ပါတယ်။ ဘော့စနီးယား ဥပဒေအကြံပေး အဖွဲ့တခုကလည်း ကရာဒစ်ရှ် အတွက် အကူအညီပေးဖို့ ရှိတယ်လို့လည်း ဆိုပါတယ်။ ဒါ့အပြင် သူ့ကို ကုလသမဂ္ဂ တရားခုံရုံးဆီ လွှဲပြောင်းမယ့် ဆုံးဖြတ်ချက်ကိုလည်း ကရာဒစ်ရှ် က အယူခံဝင်မယ်လို့ ပြောပါတယ်။ ကရာဒစ်ရှ် ဟာ ဘဲလ်ဂရိတ်မြို့တနေရာကနေ နောက်တနေရာကို ခရီးသွားနေတုန်း တနင်္လာနေ့က ဖမ်းဆီးခံခဲ့ရတာပါ။ သူ့ကို ကူညီနေတယ်လို့ သံသယရှိသူတွေကို နောက်ယောင်ခံလိုက်ပြီး ကရာဒစ်ရှ် ကို ခြေရာခံမိခဲ့တာလို့ တာဝန်ရှိသူတွေက ပြောပါတယ်။ ၁၉၉၀ ပြည့်နှစ် အစောပိုင်းတွေမှာ ဖြစ်ခဲ့တဲ့ ဘော်လကန်စစ်ပွဲအတွင်း ထောင်သောင်းချီတဲ့ ဘော့စ်နီးယား၊ ခရိုဧရှားနဲ့ မူဆလင်တွေကို သတ်ဖြတ်ခဲ့တာ၊ မတော်မတရား ပြုကျင့်ခဲ့တာ၊ နှိပ်စက်ညှင်းပမ်း ခဲ့တာတွေအတွက် ကရာဒစ်ရ်ှမှာ တာဝန်ရှိတယ်လို့ ကုလသမဂ္ဂ စစ်ရာဇ၀တ်မှုဆိုင်ရာ တရားခုံရုံးက သူ့ကို စွပ်စွဲထားတာလည်း ဖြစ်ပါတယ်။

0 အကြံပြုခြင်း: