Tuesday, October 14, 2008

၁၄၁၀၂၀၀၈သတင်း


၉၈ ကျောင်းသားများ၏ သီတင်းကျွတ်လပြည့် ဒါနနှင့် မီးပုံးကာတွန်းများ
အောက်တိုဘာ ၁၄။ ဟစ်တိုင်



ထွန်းညှိပူဇော်သည့် မီးပုံးများမှ ဒေါ်အော်ငဆန်းစုကြည် (၀ဲ)နှင့် ကွယ်လွန်သူ နိုင်ငံရေးအကျဉ်းသား ကိုသက်ဝင်းအောင်
သီတင်းကျွတ် လပြည့် အဘိဓမ္မာ အခါတော်နေ့တွင် ပြည်ပရောက် ၉၈ မျိုးဆက် ၉၈ ကျောင်းသားများက နိုင်ငံရေး အကျဉ်းသားများ လွတ်မြောက်ရေး အထိမ်းအမှတ်အဖြစ် မီးပုံးများတွင် ကယ်ရီကေးချား ကာတွန်းပုံများ ရေးဆွဲကာ တ်ြစွာဘုရားအား ထွန်းညှိ ပူဇော်ကြသည်။

ပြည်ပရောက် ၉၈ မျိုးဆက် ကျောင်းသားများက မဲဆောက်မြို့ ဟုန်ဖိုင်ရပ်ရှိ မြန်မာအလုပ်သမား မိဘများ၏ ရင်သွေးငယ်များကို အာဟာရ သာကူ တိုက်ကျွေးပြီး လာရောက်သည့် ဧည့်သည်များကို အအေးလှူဒါန်းကြသည်။ မီးပုံးများတွင် လွန်ခဲ့သော နှစ်နှစ် အောက်တိုဘာလ ၁၅ ရက်က မန္တလေး အိုးဘိုထောင်တွင် ကွယ်လွန်ခဲ့သော ကိုသက်ဝင်းအောင်၏ ကယ်ရီကေးချားပုံ အပါအ၀င် ကာတွန်းပုံများ ရေးဆွဲပြီး ညမိုးချုပ်ချိန်တွင် မီးပုံများကို ထွန်းညှိကြသည်။

ကိုနေမျိုးအေး၊ ကိုထွန်းအောင်၊ ကိုဂျွန်ခိုင်၊ ကိုဥာဏ်တို့ လေးဦးက ကယ်ရီကေးချား ပုံများ ရေးဆွဲကြပြီး အခမ်းအနား ဒီဇိုင်းဆရာအဖြစ် ကိုသီဟမောင်မောင်က ဆောင်ရွက်သည်။ အခမ်းအနားသို့ မဲဆောက်မြို့ရှိ နိုင်ငံရေး အဖွဲ့အစည်းများမှ လှုပ်ရှားသူများ ၅၀ ခန့် တက်ရောက်ကြသည်။

“ဒီပွဲကို ကျွန်တော်တော့ အားရတယ်။ ထောင်ထဲမှာ တကယ် တိုင်းပြည်အတွက် ပေးဆပ်သွားတဲ့ ရဲဘော်တစ်ယောက် (ကိုသက်ဝင်းအောင်)အတွက် လုပ်ရတဲ့အတွက် အများကြီး ဂုဏ်ယူတယ်။ နောက်လဲ လုပ်နိုင်မယ်လို့ မျှော်လင့်တယ်။ လက်ရှိ ထောင်ထဲမှာ မလွတ်သေးတဲ့ ရဲဘော်တွေအတွက်လဲ တိုက်ပွဲဝင်သွားမယ်။ ဒီမိုကရေစီ ရဖို့အတွက်လဲ တစ်ဖက်တစ်လမ်းက ဆက်တိုက်ပွဲဝင် သွားမယ်”ဟု အခမ်းအနား တက်ရောက်ခဲ့သော ၉၈ ကျောင်းသားတစ်ဦးဖြစ်သူ ကြိုးကြာက ပြောကြားသည်။


လူ့ဘောင်သစ်ပါတီ နှစ် (၂၀) ပြည့်အခမ်းအနား ကျင်းပ
ရိုးမ ၃။ အောက်တိုဘာ ၁၄၊ ၂၀၀၈

လူ့ဘောင်သစ်ဒီမိုကရက်တစ်ပါတီ တည်ထောင်ခြင်း နှစ် (၂၀) ပြည့်အခမ်းအနားကို
ထိုင်း-မြန်မာ နယ်စပ်တနေရာတွင် ယနေ့နံနက်ပိုင်းက ကျင်းပပြုလုပ်ခဲ့သည်။

လူ့ဘောင်သစ်ဒီမိုကရက်တစ်ပါတီအနေဖြင့် လက်ရှိ မြန်မာနိုင်ငံရေးအကြပ်အတည်းများကို ဖြေရှင်းနိုင်ရန် နအဖစစ်အစိုးရအနေဖြင့် ဒေါ်အောင်ဆန်းစုကြည်နှင့် နိုင်ငံရေးအကျဉ်းသား အားလုံး ချွင်းချက်မရှိအမြန်ဆုံး ပြန်လွှတ် ပေးရန်၊ ပြည်သူ့လွှတ်တော်ခေါ်ပေးရန်နှင့် နိုင်ငံရေး အရ တန်းတူရည်တူ တွေ့ဆုံဆွေးနွေးအဖြေရှာရန် စသည့် လုပ်ငန်းစဉ် (၃) ရပ်ကို အမြန်ဆုံး စတင်ဆောင်ရွက်ပေးရန်လိုကြောင်းနှင့် ၎င်းလုပ်ငန်းစဉ်များကို တောင်းဆိုနေရုံမျှဖြင့် စစ်အစိုးရ က အသာတကြည် လိုက်လျောမည်မဟုတ်သဖြင့် တိုက်ပွဲဖန်တီးယူရမည်ဟု လူ့ဘောင်သစ် ဒီမိုကရက်တစ်ပါတီ တာဝန်ရှိသူများက ပြောသည်။

“အဓိကပြောချင်တာကတော့ ကျနော်တို့ တိုင်းပြည်ရဲ့ ပြဿနာကို ကျနော်တို့ဘာသာ ဖြေရှင်း ကြရမှာဖြစ်တယ်၊ တိုက်ပွဲနဲ့ ဖန်တီးယူရမယ်ဆိုတဲ့နေရာမှာ ကျနော်တို့ ဆုပ်ကိုင်ရမဲ့ ကျနော်တို့ရဲ့ အဓိကအင်အားက ပြည်သူ၊ အဲဒီအားကို ကျနော်တို့ ဆုပ်ကိုင်နိုင်ဖို့ကြိုးစားရမယ်၊ အဲဒီအားကို ကျနော်တို့ဆုပ်ကိုင်ပြီးတော့ နအဖကို အင်အားချိနဲ့သွားအောင် လုပ်ရမယ်၊ အဲဒါက ကနေ့ လတ်ကလောလုပ်ရမဲ့ အလုပ်လို့ ကျနော်မြင်တယ်၊ ကျနော်တို့ပါတီအနေနဲ့ အဲဒီအားတွေကို စုစည်းပြီး တစိုက်မတ်မတ်ကြိုးစားသွားမယ်လို့ ကျနော်ပြောချင်တယ် ”ဟု ပါတီဥက္ကဌ ဦးအောင်မိုးဇော်က ပြောသည်။

နအဖစစ်အစိုးရသည် ၉၀ ခုနှစ်ရွေးကောက်ပွဲရလာဒ်အား အကောင်အထည်ဖော်ဆောင်ခြင်း မရှိသည့်အပြင် ပြီးခဲ့သည့်မေလအတွင်းက ပြုလုပ်ခဲ့သည့် ဆန္ဒခံယူပွဲတွင် ပြည်သူ့ဆန္ဒကို အတင်းအကြပ် လုယူခြင်းများ ပြုလုပ်သည့်အတွက် ၎င်းတို့ ရေးဆွဲထားသည့် ဖွဲ့စည်းအုပ်ချုပ်ပုံ အခြေခံဥပဒေအား ဥပဒေအရသော်၎င်း၊ အနှစ်သာရအားဖြင့်၎င်း လက်ခံနိုင်ခြင်းမရှိကြောင်း ဦးအောင်မိုးဇော်က ဆက်ပြောသည်။

လူ့ဘောင်သစ်ဒီမိုကရက်တစ်ပါတီသည် ရှစ်လေးလုံး ဒီမိုကရေစီရေး လူထုအုံကြွမှုကြီးနှင့်အတူ ပေါက်ဖွားလာသည့် လူငယ်ကျောင်းသားအများစုပါဝင်သည့် ပါတီဖြစ်သည့်အပြင် မြန်မာနိုင်ငံ အတွင်း ဒုတိယအင်အားအကြီးဆုံး ပါတီလည်းဖြစ်သည်။

၁၉၈၈ ခုနှစ်၊ အောက်တိုဘာလ (၁၄) ရက်နေ့တွင် အထွေထွေအတွင်းရေးမှူး မိုးသီးဇွန် ဦးဆောင်ပြီး တရားဝင် တော်လှန်ရေးပါတီအဖြစ် မြန်မာပြည်တွင်း ရပ်တည်ခဲ့ပြီး ၁၉၉၁ ခုနှစ် ဒီဇင်ဘာ (၆) ရက်နေ့တွင် စစ်အစိုးရက တရားဝင်ပါတီအဖြစ်မှ ဖျက်သိမ်းခြင်းခံခဲ့ရသည်။

ထို့အပြင် လူ့ဘောင်သစ်ဒီမိုကရက်တစ်ပါတီ ဥပဒေတွင်းဖြတ်သန်းမှုမှ ဥပဒေပြင်ပ ဖြတ်သန်းမှု အခြေအနေများကို ဥက္ကဋ္ဌ ဦးအောင်မိုးဇော်က ဆက်ပြောသည်။

“ကျနော်တို့ပြောချင်တာက မြေပေါ်နိုင်ငံရေးကိုလှုပ်ရှားပြီးတဲ့နောက်မှ ပြည်ပကို ထွက်လာခဲ့တာ မဟုတ်ဘူး၊ အဓိကကတော့ တိုင်းရင်းသားဧရိယာတွေမှာရှိတဲ့ ညီအကိုမောင်နှမတွေ တိုင်းရင်းသားအင်အားစုတွေနဲ့ လက်တွဲပြီး တိုက်ပွဲဝင်ခဲ့တယ်၊ ဒါပေမဲ့ မာနယ်ပလောဌာနချုပ် ကျဆုံးသွားတဲ့နောက် နောက်တနေရာကို သွားတယ်၊ အဲဒီနေရာထပ်ကျသွားတဲ့နောက်မှ ကျနော်တို့ ပြည်ပကို ရောက်လာတာပါ”ဟု ပြောသည်။

လူ့ဘောင်သစ်ဒီမိုကရက်တစ်ပါတီ အနှစ် (၂၀) ပြည့်အထိမ်းအမှတ်အခမ်းအနားသို့ နယ်စပ် အခြေစိုက် မြန်မာ့ဒီမိုကရေစီအရေးလှုပ်ရှားဆောင်ရွက်နေသည့် အဖွဲ့အစည်းအသီးသီးမှ ခေါင်းဆောင်များနှင့် လူငယ်များ အင်အား (၁၀၀) နီးပါး တက်ရောက်ခဲ့ကြသည်။

စင်ကာပူအတိုက်အခံပါတီ အသရေဖျက်မှုနဲ့ ဒဏ်ရိုက်ခံရ
14 October 2008
စင်ကာပူဝန်ကြီးချုပ် လီရှန်လွန်း (Lee Hsien Loong) နဲ့ သူ့ဖခင်ကို အသရေဖျက်မှုနဲ့
အတိုက်အခံပါတီအနေနဲ့ ဒေါ်လာ ၄၀၀,၀၀၀ လျော်ကြေးပေးဖို့ စင်ကာပူအစိုးရက
အမိန့်ချမှတ်လိုက်ပါတယ်။ မစ္စတာလီရှန်လွန်းနဲ့ သူ့ဖခင် လီကွမ်ယု (Lee Kwan Yu) ရဲ့
ဂုဏ်သိက္ခာကို ထိပါးအောင် လုပ်ဆောင်မှုနဲ့ စင်ကာပူ အတိုက်အခံ ဒီမိုကရက်တစ်ပါတီ
နဲ့ ပါတီခေါင်းဆောင် ၂ ယောက်အနေနဲ့ ဒဏ်ငွေပေးဖို့ စင်ကာပူ ဗဟိုတရားရုံးက
အခုလို ဆုံးဖြတ်လိုက်တာပါ။

အဂတိလိုက်စားမှု၊ ဆွေမျိုးကောင်းစားရေးဝါဒ၊ မရိုးသားမှု စတဲ့စွပ်စွဲချက်တွေနဲ့
အတိုက်အခံပါတီရဲ့ ၂၀၀၆ ခုနှစ်ထုတ် သတင်းစာထဲမှာ အသရေပျက်အောင် စွပ်စွဲထား
ချက်တွေဟာ မစ္စတာလီးရဲ့ ဘ၀တသက်စာ အောင်မြင်ခဲ့မှုတွေကို ထိပါးစေတယ်လို့
တရားရုံးအမိန့်ထဲမှာ ဖော်ပြထားပါတယ်။စင်ကာပူ အတိုက်အခံ ဒီမိုကရက်တစ်ပါတီခေါင်းဆောင် ဒေါက်တာချီစွန်းဂျွမ်။
မေ ၂၆၊ ၂၀၀၈။
စင်ကာပူ ဒီမိုကရက်တစ်ပါတီ အထွေထွေအတွင်း
ရေးမှူး ချီစွန်းဂျွမ် (Chee Soon Juan) နဲ့ သူ့ညီမတို့
အပေါ် အခုချမှတ်လိုက်တဲ့ အသရေဖျက်မှုဟာ အရင်
ချမှတ်ထားပြီးသား အသရေဖျက်မှုတွေအပြင်
နောက်ထပ်ချမှတ်ခြင်း ဖြစ်ပါတယ်။ အရင်အမှုအတွက်
ချမှတ်လိုက်တဲ့ ဒဏ်ငွေတွေကို မပေးနိုင်တဲ့အတွက်
မစ္စတာ ချီစွန်းဂျွမ်ဟာ ဒေ၀ါလီခံထားပြီး ဖြစ်ပါတယ်။

တနင်္လာနေ့က အသစ်ချမှတ်လိုက်တဲ့ ပြစ်ဒဏ်အရ
စင်ကာပူ ဒီမိုကရက်တစ်ပါတီအနေနဲ့ ဒေ၀ါလီခံရနိုင်ပြီး
ပါတီပါ ဖျက်ပစ်ရမယ့် အနေအထားကို ရောက်သွားနိုင်
တယ်လို့ သူကပြောပါတယ်။

ဓာတ်ငွေ့သုံးကားများ မလုံခြုံဖြစ်မှုအပေါ် ရန်ကုန်ခရီးသည်များ ထိတ်လန့်နေ
အေးချမ်းမြေ့ အောက်တိုဘာ ၁၄၊ ၂၀၀၈

ခရီးသည်တင် ယာဉ်များတွင် တပ်ဆင်ထားသော စီအန်ဂျီ စလင်ဒါအိုးများ ပေါက်ကွဲမှု ဆက်တိုက်ဆိုသလို ဖြစ်ပေါ်နေသော ကြောင့် ရန်ကုန်နေ ပြည်သူလူထုမှာ ကျီးလန့်စာစား ဘဝသို့ ရောက်ရှိနေကြသည်။လသာမြို့နယ်အတွင်းရှိ ရွှေစင် ရွှေဆိုင်ရှေ့တွင် ခရီးသည်တင်ယာဉ်တစီး ပေါက်ကွဲမှုဖြစ်စဉ်

“တနေ့တနေ့ ဗုံးကို ဖင်ခုထိုင် နေရသလိုပဲ” ဟု ဒဂုံမြို့သစ်မြောက်ပိုင်းမှ ရန်ကုန်မြို့ထဲသို့ နေ့စဉ် ရုံးတက်ရုံးဆင်း ပြုလုပ်နေ ရသူ ကုမ္ပဏီဝန်ထမ်း တဦးကပြောသည်။ ဗုံးဆိုသည် မှာ စီအန်ဂျီဓာတ်ငွေ့ထည့်သည့် စလင်ဒါ အိုးများကို ဆိုလိုသည်ဟု သူကဆို၏။

ခရီးသည်တင် ယာဉ်များကို ဓာတ်ဆီ၊ ဒီဇယ်သုံးသည့် ယာဉ်အဖြစ်မှ စီအန်ဂျီဓာတ်ငွေ့သုံး ယာဉ်များအဖြစ်သို့ ပြောင်းလဲ တပ်ဆင်ခဲ့သည်မှာ ၃ နှစ်ခန့် ရှိပြီဖြစ်သည်။ ထိုကဲ့သို့ ပြောင်းလဲ တပ်ဆင်ရာတွင် ယာဉ်လိုင်းများကို ရပ်နားထားရသည့် အတွက် အချိန်နှင့် ငွေကြေး ဆုံးရှုံးရပြီး စီအန်ဂျီဓာတ်ငွေ့သုံး ယာဉ်အဖြစ် ပြောင်းလဲ တပ်ဆင်ခ အနေနှင့် ကျပ် ၁၀ သိန်း ဝန်းကျင် ကုန်ကျခံခဲ့ရသည်။

၂၀၀၅ ခုနှစ်က မြန်မာစစ်အစိုးရသည် ခရီးသည်တင်ကားပိုင်ရှင်များကို စီအန်ဂျီဓာတ်ငွေ့သုံး ယာဉ်များအဖြစ် ပြောင်းလဲ တပ်ဆင် အသုံးပြုရန် ဖိအားပေး ခဲ့သည်။ ထိုကဲ့သို့ စီအန်ဂျီ ဓာတ်ငွေ့သုံးယာဉ်အဖြစ် ပြောင်းလဲ တပ်ဆင်မှုကို တာဝန်ယူ သည့် ကုမ္ပဏီမှာ IGE ကုမ္ပဏီ ဖြစ်ပြီး စက်မှု ၁ ဝန်ကြီး ဦးအောင်သောင်း၏ သားများ ဖြစ်ကြသော ဦးနေအောင်နှင့် ဦးပြည်အောင်တို့ ပိုင်ဆိုင်သည်ဟု ရန်ကုန်စီးပွားရေး အသိုင်းအဝန်းမှ ကြားသိရသည်။

စီအန်ဂျီဓာတ်ငွေ့အိုးများ ပေါက်ကွဲမှုမှာ ယခုနှစ်ပိုင်းတွင် စတင်ဖြစ်လာခဲ့ပြီး အကြိမ်ရေအား ဖြင့် စိပ်လာခဲ့သည်။ ယခု စက်တင်ဘာနှင့်အောက်တိုဘာ ၂ လအတွင်းမှာပင် ခရီးသည်တင် ယာဉ်ပေါက်ကွဲမှု ၃ ကြိမ်ဖြစ်ပေါ်ခဲ့သည်။

“ဖြစ်သင့်တာက တနှစ်တခါ လိုင်စင်ဝင်တဲ့အချိန်မှာ အဲဒီစီအန်ဂျီစနစ်မှာ သွယ်တန်းထားတဲ့ ပိုက်လိုင်းတွေ၊ အိုးတွေ အကုန်လုံး လုံခြုံရဲ့လားဆိုတာကို သေချာစစ်ဆေးပြီးတော့မှ သက်တမ်း တိုးပေးသင့်ပါတယ်” ဟု စက်မှုတက္ကသိုလ် ကျောင်းဆင်း တဦးက သုံးသပ်သည်။

ဆက်လက်၍ ၎င်းက ဓာတ်ဆီ၊ ဒီဇယ်ဆီ သုံး ယာဉ်များမှ စီအန်ဂျီ ဓာတ်ငွေ့သုံး ယာဉ်များ အဖြစ် ပြောင်းလဲလိုက်သည်မှာ ၃ နှစ်ခန့် ကြာပြီဖြစ်သောကြောင့် ဝါရှာများ၊ ပိုက်များ ယိုယွင်း ပျက်စီးမှု ရှိနိုင်သည်ဟု ဆိုသည်။

“ပိုက်တွေ၊ ဝါရှာတွေ ပျက်စီးနေရင် ဓာတ်ငွေ့ကစိမ့်နေနိုင်တယ်။ ဓာတ်ငွေ့ယိုတာက ဓာတ်ဆီတို့ ဒီဇယ်တို့ ယိုတာလို မမြင်ရတော့ ပိုဆိုးတာပေါ့ဟု” သူကပြောသည်။

ယာဉ်လိုင်စင် သက်တမ်းတိုးရာတွင် အချိန်ကုန်သဖြင့် ယာဉ်ပြေးဆွဲရာ၌ နှောင့်နှေးမည် စိုးသောကြောင့် မိမိကားကိစ္စ မြန်မြန်ပြီးစီးစေရန် ယာဉ်ပိုင်ရှင်ဘက်က လာဘ်ထိုးခြင်း ယာဉ်ကိုစစ်ဆေးသူကလည်း လာဘ်ယူ၍ အပေါ်ယံသာ အမြန် စစ်ဆေးခြင်းများ ရှိကြောင်း ကြားသိရသည်။

စက်တင်ဘာ ၉ ရက်နေ့က လှည်းတန်းမီးပွိုင့်အနီး ကားပေါက်ကွဲကာ မီးလောင်ပျက်စီးခဲ့မှုနှင့် ပတ်သက်၍ စစ်အစိုးရက ပေါက်ကွဲမှု ဖြစ်သည် ဟုသာ ပြောပြီး ဓာတ်ငွေ့အိုး ပေါက်ကွဲသည် ဟု မပြောဘဲ တရားခံကို ဖော်ထုတ်မည်ဟု မြန်မာ့ အလင်း သတင်းစာတွင် ရေးသားထား သည်။

“အစိုးရက လူတွေ စီအန်ဂျီကား မစီးရဲမှာစိုးလို့ ဓာတ်ငွေ့အိုးပေါက်တာလို့ မပြောဘူး။ ဗုံးလိုလို ဘာလိုလို လုပ်ထားတယ်” ဟု သန်လျင်တွင် နေထိုင်သူ တဦးကပြောပြသည်။

ယခုနောက်ပိုင်းတွင် ယာဉ်ပေါက်ကွဲမှုများ အကြိမ်ရေစိပ်လာသဖြင့် ရန်ကုန်နှင့် အနီးတဝိုက် နေထိုင်သူတို့မှာ လိုင်းကား စီးရန် ကြောက်ရွံ့နေကြသော်လည်း ရွေးချယ်စရာ မရှိသောကြောင့် စိတ်ဆင်းရဲနေကြရသည်ဟု သူက ဆက်လက် ပြောပြသည်။

“သန်လျင်ကနေ ရန်ကုန်ကို မိနစ် ၄၀ လောက် အနည်းဆုံး စီးရတယ် ကားပေါ်မှာ တထိတ် ထိတ်နဲ့ ဘုရားစာသာ ရွတ်ပေ တော့ပဲ။ ကိုယ်လိုတဲ့နေရာရောက်မှ ဟင်းချနိုင်တယ်။ ဒါပေမယ့် ညနေ အပြန်ကျ တခါ စိတ်ဆင်းရဲရပြန်ရော” ဟု ၎င်းကဆိုသည်။

ယခင်ကဆိုလျှင် ညနေ ရုံးဆင်းအိမ်အပြန်အတွက် ကားကျပ်မှာကိုသာ ပူပန်နေရသော်လည်း ယခုအခါ မည်သည့်အချိန်၌ အသက်နှင့်ကိုယ် အိုးစားကွဲမည်ကို ပူပန်နေရသည်ဟု သူက ပြောသည်။

“အိမ်မှာကျန်ခဲ့တဲ့ သူတွေလည်း တထိတ်ထိတ်ပါပဲဗျာ” ဟု ၎င်းက ဆက်ပြော၏။

မနေ့က ဖြစ်ပွားခဲ့သော ပေါက်ကွဲမှုဆိုလျှင် လက်ရှိဖြစ်ခဲ့သည့် ကားပေါက်ကွဲမှုများ၌ အကြီးမား ဆုံးဟု ဆိုရမည်ဖြစ်သည်။ လူ ၇ ဦးသေဆုံးခဲ့သည့် ဖြစ်ရပ်ကြောင့် ရန်ကုန်လူထုမှာ စိတ်မချမ်း မသာ ဖြစ်နေရသည်။ ထိုဖြစ်ရပ်ကို ရဲအရာရှိက စီအန်ဂျီဓာတ်ငွေ့အိုး ပေါက်ကွဲသည်ဟု ယူဆခဲ့သည်။

ရန်ကုန်နေပြည်သူ အများစုမှာ ခရီးသည်တင်ယာဉ်များကိုသာ အားကိုးနေရပြီး အနည်းစုသာ တက္ကစီစီးနိုင်သည့် လူတန်း စားဖြစ်သည်။ သို့ရာတွင် တက္ကစီစီးရေ၏ ၈၀ ရာခိုင်နှုန်းမှာလည်း စီအန်ဂျီဓာတ်ငွေ့သုံး ယာဉ်အဖြစ် ပြောင်းလဲ တပ်ဆင်ပြီးဖြစ်သည်။

“နအဖ က ဘတ်စ်ကားစီးတာမှ မဟုတ်ဘဲ။ ပြည်သူတွေ ထိခိုက်တာ သူတို့ ထိခိုက်တာ မဟုတ်တော့ ဂရုစိုက်မှာ မဟုတ်ပါဘူး” ဟု ရန်ကုန်မြို့ခံ တဦးကပြောသည်။

ရန်ကုန်နှင့် အနီးတဝိုက်တွင် နေထိုင်သူ အများစုမှာ ရွေးချယ်စရာ မရှိသည့် အနေအထားဖြင့် နေ့စဉ် လုံခြုံမှုမရှိသော ဘဝတွင် ကျင်လည်နေကြရသည်။

“ကားစီးတော့လည်း ဘယ်အချိန်ကားထပေါက်မလဲ ကြောက်ရ၊ မှတ်တိုင်မှာ ကားစောင့်ရင်း လည်း ဗုံးပေါက်ကွဲမလား ကြောက်ရ၊ အိမ်ထဲထိုင်နေပြန်တော့ ဓားပြလာတိုက်မလား ကြောက်ရနဲ့ အချိန်တိုင်း ကြောက်နေရတော့တာပဲ” ဟု ရန်ကုန်မြို့ခံက ပြောဆိုသည်။

မကြာမီကာလတွင် စားရေရိက္ခာ ပြတ်လပ်မည်ကို မုန်တိုင်း ဒုက္ခသည်များက စိုးရိမ်
ဧရာဝတီ အောက်တိုဘာ ၁၄၊ ၂၀၀၈

နာဂစ်မုန်တိုင်းဒဏ်ခံခဲ့ရသော ဧရာဝတီမြစ်ဝကျွန်းပေါ်ဒေသအတွင်း ကမ္ဘာ့စားနပ်ရိက္ခာ အစီအစဉ် (WFP) က ရိက္ခာ ထောက်ပံ့နေမှုကို မကြာမီက လျှော့ချလိုက်သောကြောင့် နိုင်ငံတကာအကူညီများ ရပ်ဆိုင်းသွား မည်ကို ဒေသခံများက စိုးရိမ်ပူပန်လျှက်ရှိကြောင်းသိရသည်။

လပွတ္တာဒေသခံ ကိုအေးကြူက“ဒုက္ခသည်တွေက WFP ထောက်ပံ့နေတဲ့ ဆန်၊ ဆီ၊ ပဲစတဲ့ ရိက္ခာ ထောက် ပံ့မှုတွေ ရပ်မှာ ပူပန်နေကြတယ်၊ တချို့ဆိုရင် ဟင်းသီးဟင်းရွက် စိုက်တာ တို့၊ ငါး၊ ပုစွန်ဖမ်းတာတို့ ပြန်လုပ် ဖို့ ပြင်ဆင်နေကြတယ်၊ တကယ်သာ ရပ်လိုက်ရင်တော့ အားလုံးဒုက္ခရောက်ကုန် မှာ အမှန်ပါပဲ” ဟု ဧရာဝတီ သို့ ပြောသည်။

ဘိုကလေးမှ ပြန်လည်ထူထောင်ရေး လုပ်သားတဦးကလည်း “WFP က ဒီဒေသမှာပေးနေတဲ့ အထောက်အ ပံတွေကို လျှော့ချလိုက်တယ်၊ ပြန်လည်တည်ဆောက်ရေး လုပ်ငန်းတွေမှာ သက်ဆိုင်ရာဒေသ အာဏာပိုင် တွေက ကြီးကြပ်ဆောင် ရွက်နေတယ်၊ ဘိုကလေးမြို့နားကရွှေပြည်အေးရွာမှာဆိုရင် ပြန်လည်တည်ဆောက် ရေး လုပ်ငန်းတွေမှာ ပါဝင်ဆောင် ရွက်ဖို့ ရွာသားတွေကို အာဏာပိုင်တွေက ဖိအားပေးတယ်၊ ငြင်းတဲ့ သူတွေ ကို ၂၀၀၀ ကျပ် ဒဏ် တပ်တယ်”ဟုပြောသည်။

WFP အနေဖြင့် နာဂစ်ဆိုင်ကလုန်းမုန်တိုင်း ဒဏ်သင့် ဒေသများ၏ ပြန်လည်တည်ထောင်ရေးလုပ်ငန်းများကို ပြောင်းလဲ ဆောင်ရွက်သွားရန်အစီအစဉ် ရှိသောကြောင့် လက်ရှိအစားအစာဖြန့်ဝေပေးနေခြင်းကို အောက်တို ဘာလ အကုန်တွင် ရပ်တန့်နိုင်ဖွယ်ရာရှိ်သည်ဟုလည်း ဒေသခံများက ပြောဆိုသည်။

ထောက်ပံပေးနေသည့် ရိက္ခာများလျှော့ချလိုက်ကြောင်း ၀န်ခံခဲ့သော်လည်း အောက်တိုဘာလ အကုန်တွင် ရိက္ခာထောက်ပံမှု ရပ်တန့်မည့် အစီအစဉ်ကိုမှု WFP က အတည်ပြုပြောကြားခြင်း မရှိပေ။

WFP ပြောခွင့်ရ ပေါလ်ရစ္စလေက“လတ်တလောမှာတော့ ကျနော်တို့ဟာ အစားအသောက်တွေကို ဖြန့်ဝေ ပေး နေဆဲဖြစ်ပါ တယ်၊ ရှေ့အစီအစဉ်နဲ့ ပတ်သက်လို့ကတော့ အသေးစိတ် ဘာမှ မပြောနိုင်သေး ပါဘူး” ဟု ဧရာဝတီသို့ ပြောသည်။

ပြည်တွင်းပုဂ္ဂလိက အလှူရှင်များ လာရောက်မှုများကို အာဏာပိုင်များက တင်ကျပ်မှုများ ပြုလုပ်နေခြင်းသည် လည်း ဒုက္ခသည်များ စားရေရိက္ခာ အကူအညီများရရှိရန် အခက်အခဲများ ဖြစ်ပေါ်ရကြောင်း သိရသည်။

“ပြည်တွင်းပုဂ္ဂလိက အလှူရှင်တွေကိုလည်း ဒုက္ခသည်တွေဆီကို မသွားနိုင်အောင် အာဏာပိုင် တွေက တင်း ကျပ်နေတယ်၊ လာလည်တဲ့ ဧည့်သည်တိုင်းကိုလည်း စုံစမ်းစစ်ဆေးမှုတွေ လုပ်တယ်” ဟု လပွတ္တာမြို့ခံတ ဦး က ပြောသည်။

ယခုအခါယင်းဒေသတွင် ၁၀ ရက်ခန့် မိုးရွာသွန်းမှုမရှိသဖြင့် သောက်သုံးရေရရှိရေးအတွက် အခက်အခဲများ ရင်ဆိုင်နေရ ကြောင်းလည်း ၎င်းက ဆက်လက်ပြောဆိုသည်။

ရှေ့လာမည့်သီတင်းပတ်အတွင်း မြန်မာ့နိုင်ငံတွင် မိုးရာသီ ပြီးဆုံးတော့မည် ဖြစ်သည့်အတွက် မုန်တိုင်းဒဏ် သင့်ဒေသ များတွင် သောက်သုံးရေပြတ်လပ်သည့် ပြဿနာမှာပိုမိုဆိုးဝါးနိုင်ကြောင်း သိရသည်။

လပွတ္တာနှင့်ဘိုကလေးမြို့တို့သည် မေလ ၂ ရက်နှင့် ၃ရက်နေတွင် တိုက်ခတ်ခဲ့သော နာဂစ်ဆိုင်ကလုန်း မုန်တိုင်းဒဏ်ကို အပြင်းအထန်ခံစားခဲ့ရသော ဒေသများဖြစ်ပြီး မြန်မာ့ အာဏာပိုင်များ၏ တရားဝင် ထုတ်ပြန်ချက် များအရ သေဆုံးသူနှင့် ပျောက်ဆုံးသူပေါင်း ၁၄၀၀၀၀ခန့်ရှိသည်။

မယ်လမင်းဓာတ်ပါဝင်သော နို့မှုန့် ၇ မျိုး ပြည်တွင်းဈေးကွက်တွင် ထပ်မံတွေ့ရှိ
ကြည်ဝေ အောက်တိုဘာ ၁၄၊ ၂၀၀၈

ပြည်တွင်းတွင်ရောင်းချလျှက်ရှိသော နို့မှုန့်အမျိုးအစား ၈၇ မျိုးအနက် ၇ မျိုးတွင် မယ်လမင်းဓာတ် ပါဝင်သည်ကို ထပ်မံ စစ်ဆေး တွေ့ရှိရကြောင်း ပြည်ထောင်စု မြန်မာနိုင်ငံတော် အစိုးရအဖွဲ့ အမိန်ကြေညာစာ အမှတ် ၄၂/ ၂၀၀၈ အောက်တိုဘာ လ ၁၃ ရက်နေ့ နေ့စွဲဖြင့် အစိုးရပိုင် မီဒီယာများမှတဆင့် ထုတ်ပြန်ခဲ့သည်။

နို့မှုန့်နှင့် နို့ထွက်ပစ္စည်းများ၊ အစားအသောက်များ၌ မယ်လမင်းဓာတ် ပါဝင်မှု ရှိမရှိ သက်ဆိုင်ရာ ကျန်းမာရေးဝန်ကြီးဌာနနှင့် အမှတ် (၁) စက်မှု ၀န်ကြီးဌာနတို့က ဆက်လက် စမ်းသပ်စစ်ဆေးလျက်ရှိပြီး စစ်ဆေး တွေ့ရှိချက်များကို ကျန်းမာရေး ၀န်ကြီးဌာနမှ ဆက်လက် သတင်းထုတ်ပြန်သွားမည်ဖြစ်ကြောင်း ၎င်းကြေညာချက်တွင် ဖော်ပြထားသည်။

ပြည်တွင်းဈေးကွက်အတွင်း ရောင်းချလျက်ရှိသော နို့မှုန့်များကို ကျန်းမာရေးဝန်ကြီးဌာနနှင့် အမှတ် (၁) စက်မှု ၀န်ကြီးဌာန၊ မြန်မာ့ဆေးဝါးနှင့် အိမ်သုံးပစ္စည်း လုပ်ငန်း၊ မြန်မာနိုင်ငံ ဆေးဝါးလုပ်ငန်းစက်ရုံ (ရန်ကုန်) နှင့်ဆေးဝါးထုတ်လုပ်မှု နည်းပညာ ဖွံ့ဖြိုးရေးဌာနတို့က Melamine Assay Test Kit ဖြင့် စမ်းသပ်စစ်ဆေးခဲ့ရာမှ ယခုကဲ့သို့ တွေ့ရှိခဲ့ရခြင်း ဖြစ်ကြောင်း သိရှိရသည်။

အဆိုပါ မယ်လမင်းဓာတ်တွေ့ရှိသည် ဆိုသော နို့မှုန့်အမျိုးအစား များမှာ Full Cream Milk power-GOLDEN RIVER, Calcium Milk Power-BUTTERFLY, Full Cream Milk power-Yu-Li, Sweet Whey Powder, Non-Dairy Cream (Korean), Non Dairy Cream (China), Elfalac A+ တို့ဖြစ်သည်။

လက်ရှိ ပြည်တွင်းဈေးကွက်ထဲတွင် အဆိုပါ အမှတ်တံဆိပ်များနှင့် နို့မှုန့်များ ရှိနေသည့်ပြင် မည်သည့် အမှတ်တံဆိပ်မှ မတပ်ဘဲ ပလတ်စတစ် အိပ်ငယ်များအတွင်း နို့မှုန့်များကို လက်လီထည့်သွင်းကာ ငွေကျပ် ၁၀၀ ဖြင့် လူနေရပ်ကွက်များ အတွင်း ရောင်းချလျက် ရှိသည်ကိုလည်း တွေ့မြင်နေရသည်။

အဆိုပါ ကျပ် ၁၀၀ တန် နို့မှုန့်ထုပ်များကို အခြေခံလူတန်းစား အများစုက စားသုံးလျှက်ရှိသည်။ ထိုနို့မှုန့်များမှာ တရုတ်နိုင်ငံ မှ ဈေးပေါပေါနှင့် ၀င်ရောက်လာသော သက်တမ်းလွန် နို့မှုန့်များကို ပလတ်စတစ် အိပ်ငယ်များ အတွင်း ထည့်သွင်း ရောင်းချခြင်း ဖြစ်ကြောင်း ညောင်ပင်လေးဈေးမှ ကုန်သည်တဦးက ပြောပြသည်။

“ကျမတို့က မတတ်နိုင်တော့ ကျမ အလုပ်သွားတဲ့အချိန်မှာ သမီးကို တထုပ် ၁၀၀ တန် နို့မှုန့်တွေကိုပဲ ၀ယ်တိုက်နေခဲ့တာ။ ခုဆို သမီးက ၆ လတောင် ကျော်နေပြီ။ သမီးအတွက် စိတ်ပူမိတယ်။ ဒီနို့မှုန့်တွေက အန္တရာယ်ရှိတယ်ဆိုတော့ ဘာလုပ်လို့ လုပ်ရမှန်းတောင် မသိတော့ဘူး” ဟု သာကေတမြို့နယ်၊ ၉ ရပ်ကွက်အတွင်း နေထိုင်သူ ကလေးမိခင်တဦးက ဆိုသည်။

ထို့ပြင် မြန်မာနိုင်ငံတွင် ၀င်ငွေနည်းမိသားစုများမှာ ၎င်းတို့၏ ကလေးငယ်များကို နို့မှုန့်အစား နို့ဆီနှင့် ရေနွေး ဖျော်တိုက်ကြ သည်။ တချို့သော နို့ဆီများမှာ တရုတ်ပြည်မှ လာသော ဈေးနှုန်းသက်သာသည့် နို့မှုန့်များဖြင့် ပြုလုပ်ထားသည်ကို သိရှိရ ကြောင်း ဗဟို အစား အသောက်နှင့် ဆေးဝါးကွပ်ကဲရေးဌာနမှ တာဝန်ရှိသူ တဦးက ပြောဆိုသည်။

“ဒီမှာက တရုတ်နို့မှုန့်တွေကို အသုံးပြုကြတာ များတော့ ကျနော်တို့အနေနဲ့ ကော်ဖီမစ်တွေ၊ ဘီစကစ်တွေ၊ ချောကလက်၊ သကြားလုံးတွေကိုပါ စစ်ဆေးဖို့လိုနေပါတယ်” ဟု သူက ဆိုသည်။

သူ၏ ပြောပြချက်အရ နို့မှုန့်ကို သုံး၍ ပြုလုပ်လျက်ရှိသော စားသောက်ကုန်ပစ္စည်းများမှာ နို့ဆီ၊ သကြားလုံး၊ ဘီစကစ်၊ ချောကလက်၊ နို့အေးချောင်း၊ ဒိန်ချဉ်၊ ဒိန်ခဲ၊ ရေခဲမုန့်။ လက်ဖက်ရည် ကော်ဖီဖျော်ရာတွင် အသုံးပြုသော ကော်ဖီမိတ်တို့ ဖြစ်ကြောင်း သိရှိရသည်။

အောက်တိုဘာလ ၉ ရက်နေ့ထုတ် မြန်မာအစိုးရပိုင် သတင်းစာများတွင် ၄၁/၂၀၀၈ ကြေညာချက် ထုတ်ပြန်ထားပြီး မယ်လမင်းပါဝင်သော နို့မှုန့် အမျိုးအစား ၉ မျိုး ဖော်ပြ ထားသည်ကို တွေ့ရသည်။

အဆိုပါ ကိုးမျိုးမှာ Star Milk Powder (20 gm), Crown, Happy Baby Topys, Dulac (Dumex step1) (Infant Formula), Star (450 gm), Mandalay-Raw Powder, Whole sweet Milk Powder(two Cows,Shi Lin), Rainbow Milk powder, Enfagrow Milk Powder တို့ဖြစ်ကြောင်း အစိုးရပိုင် သတင်းမီဒီယာများတွင် ဖော်ပြ ထားသည်။

ထို နို့မှုန့် ၉ မျိုးတွင် ပါဝင်သော Dulac (Dumex step1) (Infant Formula) မှာ ဈေးနှုန်း မြင့်မားသဖြင့် မြန်မာနိုင်ငံရှိ အခြေခံ လူတန်းစားများ မတိုက်ကျွေးနိုင်ဘဲ အနည်းငယ် ငွေကြေးတတ်နိုင်သည့် ကလေးမိဘများ သုံးစွဲသည့် အမျိုးအစား ဖြစ်သည်။ အဆင့် ၁ ဖြစ်သောကြောင့် မွေးကင်းစ ကလေးများကို တိုက်ကျွေးကြသည်။

မြန်မာနိုင်ငံတွင်း ရှိနေခဲ့သော Inner Mongolia Yili Industrial Group ထုတ် နို့မှုန့် အလေးချိန် ၁၆ မက်ထရစ်တန်ကို အောက်တိုဘာလ ၄ ရက်နေ့တွင် မီးရှို့ ဖျက်ဆီးခဲ့ကြောင်း ဗဟိုအစားအသောက်နှင့် ဆေးဝါးကွပ်ကဲရေးဌာနမှ တာဝန်ရှိသူ တဦးက ပြောကြားသည်။

တရုတ်နိုင်ငံထုတ် နို့မှုန့်တချို့တွင် မယ်လမင်းဓာတ်များ ပါဝင်နေသောကြောင့် ကလေးငယ်ပေါင်း ၅၄၀၀၀ ခန့် အဆိပ်သင့်မှု ဖြစ်ပွားခဲ့ပြီး ကလေးငယ် ၄ ဦးမှာ အသက်သေဆုံးခဲ့ရသည်။

ရန်ကုန်မီးထွန်းပွဲတော် စည်ကားခြင်းမရှိ
ကိုသက် အောက်တိုဘာ ၁၄၊ ၂၀၀၈

ယခုနှစ်ကျရောက်သည့် သီတင်းကျွတ်မီးထွန်းပွဲတော်သည် ရန်ကုန်မြို့တွင် စည်ကားခြင်းမရှိကြောင်း မြို့နေလူထုက ဧရာဝတီကို ပြောဆိုကြသည်။

ရန်ကုန်မြို့ တာမွေမြို့နယ်ရှိ အိမ်ရှင်မတဦးက “ကျမတို့ဆီမှာ သီတင်းကျွတ်က တိတ်ဆိတ်လို့ … မီးကလည်း လာလိုက်၊ ပျက်လိုက်နဲ့ ဘာပွဲလမ်းသဘင်မှမရှိဘူး” ဟု ပြောသည်။

အထက်တန်းကျောင်းသူ တဦးကလည်း “ဘာမှလဲမရှိဘူး၊ ဗြောက်အိုးလဲမဖောက်ရဘူး … ငယ်ငယ်တုန်းကမှ ရဟတ်တွေ ဘာတွေစီးနဲ့ ပျော်စရာကောင်းသေးတယ်၊ ဒီနှစ်က ဘာကြီးမှန်းကိုမသိတာ … လမ်းဘေးဈေးသည် ဟိုနားနည်းနည်း ဒီနားနည်းနည်းလောက်ပဲ ရှိတယ်” ဟု ပြောသည်။

မြန်မာနိုင်ငံတွင် သီတင်းကျွတ်မီးထွန်းပွဲတော်ကို အဖိတ်၊ လပြည့်နှင့် လပြည့်ကျော်တရက်ဟူ၍ ၃ ရက် ကျင်းပလေ့ရှိရာ ယခုအခါ မီးထွန်းပွဲတော်မမည်ဘဲ တိတ်ဆိတ်နေခြင်း ဖြစ်သည်။ ယနေ့သည် သီတင်းကျွတ် လပြည့်နေ့ ဖြစ်သည်။

အမည်မဖော်လိုသည့် dj တဦးက “ic က မျှော်စင်ကျွန်းမှာတီးမယ်၊ စိုင်းစိုင်းခမ်းလှိုင်တို့အဖွဲ့တွေက ယုဇနပလာဇာမှာ … အဲဒီ ၂ ပွဲပဲရှိတယ်။ အိမ်တွေကတော့ မီးတွေထွန်းကြတာပေါ့၊ ကလေးတွေကတော့ လမ်းတွေမှာ လျှောက်သွားနေကြတာပဲ၊ ဘာမှတော့မရှိပါဘူး” ဟု ပြောသည်။

ရန်ကုန်တွင် လွန်ခဲ့သည့် ဆယ်စုနှစ်များက သီတင်းကျွတ်ပွဲတော်ကို လူနေရပ်ကွက်များတွင် ကျင်းပကြပြီး စင်မြင့်ဖျှော်ဖြေ ပွဲများ၊ အငြိမ့်ပွဲ၊ ဆိုင်းဝိုင်း၊ တေးသရုပ်ဖော် အစရှိသည့် ဖျော်ဖြေမှုများအပြင် ချားရဟတ်များ၊ စားသောက်ဆိုင်နှင့် တခြား အရောင်းဆိုင်များကို ပွဲတော်ကျင်းပသည့်နေရာတွင်ဖွင့်လှစ်ကာ စည်ကားသိုက်မြိုက်စွာ ကျင်းပလေ့ ရှိသည်။

တောင်ဒဂုံမြို့သစ်မြို့နယ်ရှိ အသက် ၃၀ ကျော်အမျိုးသားတဦးက “ကျနော်တို့ငယ်ငယ်က သီတင်းကျွတ်ကမှ သီတင်းကျွတ် ပီသတာပါ။ အခုဟာက ဘာပွဲလမ်းမှလည်းမရှိဘူး၊ မီးထွန်းတာလည်း မတွေ့ရဘူး။ တချို့အိမ်တွေမှာ ဖယောင်းတိုင် နည်းနည်းပါးပါးထွန်းတာပဲ ရှိတယ်။ တနယ်ခြားနယ်တွေမှာတော့ မပြောတတ်ဘူး၊ ရှိမယ်လို့တော့ မထင်ပါဘူး” ဟု ပြောသည်။

ကုမ္ပဏီဝန်ထမ်းတဦးကလည်း “အခုခေတ်ကလေးတွေ သနားစရာသိပ်ကောင်းတယ်၊ ဘာပွဲလမ်းသဘင်မှ မရှိကြရှာဘူး။ လူကြီးမိဘတွေကို ကန်တော့ကြတာလောက်ပဲ ရှိတော့တယ်” ဟု ပြောဆိုသည်။

ယနေ့နံနက်ပိုင်းကမူ ရွှေတိဂုံစေတီတော်တွင် ဘုရားဖူးများဖြင့် စည်ကားသိုက်မြိုက်လျက်ရှိကြောင်း စုံစမ်းသိရှိရသည်။

၈၈ မျိုးဆက်ကျောင်းသားများကို တရားရုံးပြောင်းရွှေ့
ကိုသက် အောက်တိုဘာ ၁၄၊ ၂၀၀၈

ယမန်နေ့ နေ့လယ်ပိုင်းကရုံးထုတ်သည့် ၈၈ မျိုးဆက်ကျောင်းသားများကို ရန်ကုန်တိုင်း အင်းစိန်မြို့နယ်နှင့် လှိုင်သာယာ တရားရုံးများမှ အရှေ့ပိုင်းခရိုင်တရားရုံးသို့ လွှဲပြောင်းလိုက်သည်ဟု ၎င်းအမှုကို လိုက်ပါဆောင်ရွက်ရှိသော အကျိုးဆောင် ရှေ့နေတဦးဖြစ်သည့် ဦးခင်မောင်ရှိန်က ပြောသည်။

“အမှုအခြေအနေက တရားရုံးပြောင်းလိုက်တဲ့အခါကျတော့ မစစ်ဖြစ်သေးဘူး။ တရားသူကြီးနဲ့ အမှုမှာ လိုက်ပါဆောင်ရွက် နေတဲ့ရှေ့နေတွေကို မိတ်ဆက်တယ်။ လှိုင်သာယာတရားရုံးနဲ့ အင်းစိန်တရားရုံးက အမှုတခုချင်းစီမှာ အရှေ့ပိုင်းခရိုင်တရား ရုံးကို အမှုနံပါတ်ဘယ်လောက်နဲ့ပြောင်းတယ်ဆိုတာကို ရှင်းပြတယ်” ဟု ဦးခင်မောင်ရှိန်က ဧရာဝတီကို ပြောသည်။

တရားခံပြေးဟုသတ်မှတ်ထားသော ၈၈ မျိုးဆက်ကျောင်းသူများဖြစ်ကြသည့် မနီလာသိန်းနှင့် မမာမာဦး တို့ကိုလည်း အဆိုပါအမှုတွင်တွဲကာ ရုံးထုတ်သဖြင့် မူလက ကိုမင်းကိုနိုင်အပါအ၀င် အမှုတွဲ ၃၅ ဦးသည် ယခု ၃၇ ဦး ဖြစ်သွားသည်ဟု ဦးခင်မောင်ရှိန်က ပြောသည်။

မနီလာသိန်းသည် လွန်ခဲ့သည့်နှစ် သြဂုတ်လကတည်းက လောင်စာဆီနှင့် ကုန်ဈေးနှုန်းကျဆင်းရေး ဆန္ဒပြပွဲများကို ဦးဆောင်ခဲ့သဖြင့် စစ်အစိုးရ၏ လိုက်လံဖမ်းဆီးခြင်းကိုခံခဲ့ရပြီး လွန်ခဲ့သည့်လက အဖမ်းခံခဲ့ရသည်။

မနီလာသိန်း၏ ခင်ပွန်းဖြစ်သူ ကိုဂျင်မီသည်လည်း ၈၈ မျိုးဆက် ကျောင်းသားခေါင်းဆောင် တဦး ဖြစ်ပြီး လွန်ခဲ့သည့်နှစ် သြဂုတ်လကတည်းက တခြားကျောင်းသားခေါင်းဆောင်များနှင့်အတူ အဖမ်းခံခဲ့ရပြီး ယခုအခါ ၎င်းတို့ ဇနီးမောင်နှံသည် အမှုတွဲများအဖြစ် တရားရင်ဆိုင်နေကြရသည်။

အသက် တနှစ် ငါးလသာရှိသေးသည့် မနီလာသိန်းနှင့် ကိုဂျင်မီတို့၏သမီးငယ် ဖြူနေကြည်မင်းယုသည် လေးလသမီး အရွယ် ကတည်းက မိဘများနှင့် နေထိုင်ခွင့်မရခဲ့ပေ။

၈၈ မျိုးဆက်ကျောင်းသားများ၏အမှုများကို အရှေ့ပိုင်းခရိုင်တရားသူကြီးနှင့် တွဲဖက်ခရိုင်တရားသူကြီးတို့က ဆက်လက် စစ်ဆေးမည်ဖြစ်ပြီး လာမည့် ၂၇ ရက်နေ့တွင် ရုံးချိန်းထပ်မံ ချိန်းဆိုထားသည်။

၈၈ ကျောင်းသားအဖွဲ့မှ တရားစွဲခံထားရသူ ၃၇ ဦးအနက် ၃၆ ဦးမှာ ယုံကြည်ချက်ကြောင့် နှစ်ရှည်ထောင်ကျခဲ့ဖူးသူများ ဖြစ်ကြသည်။

မြန်မာနိုင်ငံလုံးဆိုင်ရာ သံဃာ့တပ်ပေါင်းစုအဖွဲ့ကြီး၏ ဦးဆောင်သံဃာတပါးဖြစ်သည့် အရှင် ဂမ္ဘီရကို ယမန်နေ့က အင်းစိန် ထောင်ရှိ ကမာရွတ်မြို့နယ်တရားရုးတွင် ရုံးထုတ်ကာ စွဲဆိုထားသည့်အမှု ၉ မှုကို စစ်ဆေးခဲ့ကြောင်း သတင်းရရှိသည်။

နိုင်ငံရေးလှုပ်ရှားသူများအား ရုံးထုတ်စစ်ဆေးရာတွင် မိသားစုဝင်များ တရားရုံးအတွင်းသို့ ၀င်ရောက်ကြားနာခွင့်ကို လွန်ခဲ့ သည့်လဆန်းပိုင်းက ခွင့်ပြုခဲ့သော်လည်း ယခုလဆန်းပိုင်းကစ၍ ခွင့်မပြုတော့ပေ။

ယမန်နေ့က ၈၈ မျိုးဆက်ကျောင်းသားများရုံးထုတ်ရာ အင်းစိန်ထောင်ဘူးဝသို့ မိသားစုဝင်များ သွားရောက်စောင့်ဆိုင်းနေ ကြသော်လည်း အာဏာပိုင်တို့က ၀င်ရောက်ခွင့်မပြုခဲ့ပေ။

တရားရုံးအတွင်း ၀င်ရောက်ကြားနာခွင့်ရရေးအတွက် အဖမ်းဆီးခံနိုင်ငံရေးလှုပ်ရှားသူများ၏ မိသားစုဝင်များက အကျဉ်း ဦးစီးဌာနအပါအ၀င် အာဏာပိုင်တို့ကို ယခုလ ၁၁ ရက်နေ့က စာတင်ထားသည်ဟု မိသားစုဝင်များက ပြောဆိုသည်။

စစ်တွေ ဆွမ်းဆန်လောင်းပွဲ သံဃာတော်အရေအတွက် ကန့်သတ်ခံရ
ဖနိဒါ
တနင်္လာနေ့၊ အောက်တိုဘာလ 13 2008 11:01 - မြန်မာစံတော်ချိန်

ချင်းမိုင်။ ။ သီတင်းကျွတ်လပြည့်နေ့ နီးကပ်လာချိန်တွင် ရခိုင်ပြည်နယ် စစ်တွေမြို့တွင် စစ်အစိုးရဆန့်ကျင်ရေးဆန္ဒပြမှုများ ဖြစ်ပွားလာမှာကို စိုးရိမ်နေသော အာဏာပိုင်များက ဘုန်းကြီးကျောင်းတကျောင်းလျှင် သံဃာတော် ၂ ပါးသာ အလှုခံထွက်ရန် ကန့်သတ်ထားသည်။
အလှုခံထွက်မည့် ရဟန်းတော်များအနေဖြင့် အာဏာပိုင်များသို့ ဘွဲ့အမည်၊ ကျောင်းအမည်များ ကြိုတင်ပေးထားရပြီး စုရပ်နေရာတွင်သာ အလှုခံရမှာဖြစ်သည်။ ထို့အပြင် ဘုန်းကြီးကျောင်း တကျောင်းလျှင် ၂ ပါးထက်ပိုမကြွရန် တားမြစ်ထားသည်။
ကန့်သတ်လိုက်ခြင်းသည် သာသနာကို ညိုးနွမ်းအောင် လုပ်လိုက်ခြင်း ဖြစ်သည်ဟု ဒေသခံတဦးက စွပ်စွဲပြောဆိုလိုက်သည်။

” သံဃာတော်တွေက ၀ိနည်းတော်နဲ့ အညီ ဘုရားအဆုံးအမအောက်မှာ နေကြရတယ်လေ။ ဒီလို မြတ်စွာ ဘုရားအပေါ်ကနေ အာဏာပိုင်တွေ စီးမိုးပြီးတော့ ဘာသာ၊ သာသနာကို ရိုက်ချိုး ပစ်လိုက်သလို ဖြစ်နေတယ်။ မလုပ်သင့် မလုပ်ထိုက်ဘူး။ … ဒကာ၊ ဒကာမတွေဘက်ကိုဆိုရင်လည်း ခြိမ်းခြောက်မှုတွေလုပ်တယ်၊ လွတ်လပ်စွာ ကိုးကွယ် ယုံကြည်မှုကို ဆော်ကားရာရောက်တယ်။ ရိုးရာ အစဉ်အလာ တခုလုံးကို ရိုက်ချိုးပစ်လိုက်သလို ဖြစ်နေတယ်လေ” ဟု ဦးသိန်းလှိုင်က မဇ္ဈိမသို့ ပြောသည်။
ဘုန်းကြီးကျောင်း ၂၅၀ ခန့်ရှိသည့် နိုင်ငံရေးလှုပ်ရှားမှုအားကောင်းသည့် ပြည်နယ်မြို့တော်တွင် ယခင်နှစ်က သီတင်းကျွတ်လပြည့် အလှုပွဲသို့ သံဃာတော် အပါး ၁၅၀၀ ကျော် ကြွရောက်ခဲ့သည်။

အတိုက်အခံလှုပ်ရှားမှုမှန်သမျှကို ပြင်းပြင်းထန်ထန် ဖြိုခွင်းလေ့ရှိသော စစ်တပ်အုပ်ချုပ်သည့် နိုင်ငံတွင် ယမန်နှစ်ကစတင်ကာ ရခိုင်ပြည်နယ်အတွင်း သံဃာတော်များက စီတန်းလမ်းလျှောက်မှုများဖြင့် အာဏာပိုင်များကို အာခံတုံ့ပြန်မှုများ ဖြစ်ပေါ်ခဲ့သည်။

စက်တင်ဘာ ၂၇ ရက်နေ့က သံဃာတော်အပါး ၁၅၀ ခန့်သည် တိတ်ဆိတ်ငြိမ်သက်စွာ စစ်တွေမြို့တွင်း လမ်းလျှောက်ခဲ့ကြသည်။ ရွှေဝါရောင်တော်လှန်ရေးတနှစ်ပြည့် အထိမ်းအမှတ်အဖြစ် ပြုလုပ်ခြင်းဖြစ်သည်ဟု ရဟန်းတော်များက ပြောသည်။

မြန်မာနိုင်ငံအတွက် လုပ်နိုင်သမျှ လုပ်မည်ဟု ဗြိတိန်က ကတိပြု
မုံပီးနှင့်ဆော်လမွန်
အင်္ဂါနေ့၊ အောက်တိုဘာလ 14 2008 13:01 - မြန်မာစံတော်ချိန်

နယူးဒေလီ။ ။ မြန်မာနိုင်ငံ ဒီမိုကရေစီရရှိရေးအတွက် လုပ်နိုင်သမျှ လုပ်ပါမည်ဟု ဗြိတိသျှ အစိုးရက ကတိပြု ပြောကြား လိုက်ပါသည်။ ယင်းကတိပြုချက်သည် ယူနိုက်တက်ကင်းဒမ်း နိုင်ငံမှ ကင်ပိန်း လှုပ်ရှားသူများ အွန်လိုင်းတွင် တင်ထားသည့် ပန်ကြားချက်ကို တုံ့ပြန် ဖြေကြားခဲ့ခြင်း ဖြစ်ပါသည်။

ဝန်ကြီးချုပ်၏ ဝက်ဘ်ဆိုက်ဖြစ်သော (www.number10.gov.uk/page17117) တွင် တင်ထားခဲ့သည့် ပန်ကြားချက်ကို ဗြိတိသျှအစိုးရက တုံ့ပြန်ရာတွင်၊ မြန်မာနိုင်ငံ၏ နိုင်ငံရေး အခြေအနေသည် အစိုးရအတွက် ဦးစားပေြး ဖစ်မြဲဖြစ်နေဆဲ ဖြစ်ပြီး ဝန်ကြီးချုပ် ကိုယ်တိုင်လည်း လွန်ခဲ့သော ၁၂ လလုံးလုံး ဤအတိုင်း ဆောင်ရွက်ခဲ့ပါသည်ဟု ဖြေကြားထားပါသည်။ မြန်မာပြည်သူများအတွက် တတ်နိုင်သမျှ လုပ်ဆောင်သွားမည် ဖြစ်ကြောင်းလည်း ကတိပြုထားပါသည်။

"မြန်မာ ပြည်သူပြည်သားများ သူတို့နှင့် ထိုက်တန်သည့် ငြိမ်းချမ်းသာယာ ဝပြော၍ ဒီမိုကရေစီရှိသော အနာဂါတ်ကို ရယူ ပိုင်ဆိုင်နိုင်ရေးအတွက် လုပ်နိုင်သမျှ အားလုံးကို လုပ်ဆောင်၍ ဗြိတိသျှအစိုးရက ဆက်လက် ကူညီဆောင်ရွက်သွားမည် ဖြစ်ပါသည်" ဟု တုံ့ပြန်ချက်တွင် ဖြေကြားထားပါသည်။

မြန်မာ စစ်အာဏာပိုင်များက ၂ဝဝ၇ ခုနှစ် စက်တင်ဘာလတွင် ငြိမ်းချမ်းစွာ ဆန္ဒပြနေသူများအား ရက်ရက်စက်စက် နှိမ်နင်းအပြီး ဘားမားကင်ပိန်း ယူကေ (BCUK) ကအွန်လိုင်းပေါ်တွင်တင်ထားသည့် ပန်ကြားချက်ကို အစိုးရက တုံ့ပြန် ဖြေကြားခဲ့ခြင်း ဖြစ်ပါသည်။

အောက်တိုဘာ ၉ ရက်နေ့စွဲဖြင့် ဖြေကြားခဲ့သော အဆိုပါ တုံ့ပြန်ချက်တွင် စစ်အစိုးရ လက်အောက်တွင် ဖိနှိပ်မှုများကို ဆက်လက် ခံစားနေရရုံသာမက မေလအတွင်းက လူပေါင်း သိန်းနှင့်ချီ၍ သေဆုံးခဲ့ရပြီး၊ လူပေါင်း ၂.၄ သန်း အိုးအိမ် စည်းစိမ်များ ပျက်စီးခဲ့ရသည့် ဆိုင်ကလုံးနာဂစ်၏ ဖျက်ဆီးမှုကို ခံခဲ့ရသည့် မြန်မာပြည်သူများ၏ ဆင်းရဲဒုက္ခအတွက် စိုးရိမ်ပူပန်ကြောင်းလည်း ဖေါ်ပြထားပါသည်။

လူပေါင်း ၅ဝဝဝ ကျော် လက်မှတ် ရေးထိုးထားသည့် ဤအွန်လိုင်း ပန်ကြားချက်တွင် မြန်မာ့ဒီမိုကရေစီရေး လှုပ်ရှားမှုကို အစဉ်တစိုက် ထောက်ခံခဲ့သည့်အတွက် ဗြိတိသျှ အစိုးရကို ချီးကျူး ပြောဆိုထားပြီး၊ မြန်မာ့အရေးတွင် ကမ္ဘာ့ခေါင်းဆောင် များနှင့်အတူ ကိုယ်တိုင်ကိုယ်ကျ ပါဝင် ဆောင်ရွက်ပါရန်နှင့် အပြောင်းအလဲအတွက် အချိန်ဇယား သတ်မှတ်ချက်နှင့် အပြောင်းအလဲ၏ စံအဆင့် သတ်မှတ်ချက်များကိုပါ ပြုလုပ်ပေးပါရန်လည်း ဝန်ကြီးချုပ် ဂေါ်ဒွန်ဘရောင်းကို တိုက်တွန်း ပြောဆိုထားပါသည်။

"မြန်မာနိုင်ငံတွင်း အပြောင်းအလဲများအတွက် အချိန်ဇယား သတ်မှတ်ချက်နှင့် အပြောင်းအလဲ စံအဆင့် သတ်မှတ်ချက်များ ထားရှိပေးပါရန် ဝန်ကြီးချုပ်ကို ကျွန်ုပ်တို့ တောင်းဆိုပါသည်။ တိုးတက်မှု တစုံတရာ မရှိခဲ့ပါက စစ်အစိုးရအပေါ် နိုင်ငံရေးနှင့် စီးပွါးရေး ဖိအားများ တဆင့်ပြီးတဆင့် ချမှတ်ရန် လိုပါသည်" ဟု အဆိုပါ ပန်ကြားချက်တွင် ရေးသားထားပါသည်။

ဤအတောအတွင်း မြန်မာ လူ့အခွင့်ရေး လှုပ်ရှားသူ တဦးဖြစ်သော ဇိုယာဖန်း (Zoya Phan) ကလည်း ချက်သမတ နိုင်ငံ ပရပ်ဂ်မြို့တွင် ကျင်းပသော ဖိုရမ် ၂ဝဝဝ ကွန်ဖရင့် ၁၂ ကြိမ်မြောက် နှစ်ပတ်လည် အစည်းအဝေးတွင် ဖိနှိပ်ချုပ်ချယ် လွန်းလှသည့် အစိုးရအောက် မြန်မာပြည်သူများ၏ ဆင်းရဲဒုက္ခများကို တနင်္လာနေ့က အကျယ်တဝင့် တင်ပြဆွေးနွေးသွားခဲ့ပါသည်။

BCUK ၏ အင်တာနေရှင်နယ် ကိုသြဒီနေတာ တဦးဖြစ်သူ၊ အောက်တိုဘာ ၁၂ မှ ၁၄ အထိ ကျင်းပခဲ့သည့် ကွန်ဖရင့်ကို တက်ရောက်ခဲ့သူ ဇိုယာဖန်းက သူမအနေနှင့် မြန်မာနိုင်ငံ အခြေအနေနှင့် စပ်လျဉ်း၍ လူအများ အပြား သိရှိနားလည်လာအောင် ဆောင်ရွက်နိုင်ခဲ့ကြောင်း ပြောပါသည်။

"မြန်မာပြည်အကြောင်း မသိတဲ့ လူတွေက အများကြီး၊ ကျမလဲ မိန့်ခွန်းပြောပြီးရော သူတို့ ကျမဆီလာပြီး ကျမတို့ တိုင်းပြည်အကြောင်း မေးကြပါတယ်" ဟု ဖန်းက ပြောသွားပါသည်။

ဖန်းသည် ချက်သမတနိုင်ငံသို့ လော်ဘီခရီးစဉ်အဖြစ် ရောက်ရှိနေခြင်း ဖြစ်ပြီး၊ ကွန်ဖရင့်တွင် တက်ရောက် စကားပြောခွင့် ရခဲ့သူတဦး ဖြစ်ပါသည်။ ဤကွန်ဖရင့်ကို တကမ္ဘာလုံးမှ သမတဟောင်းများ၊ ဝန်ကြီးချုပ်ဟောင်းများ အပါအဝင် အကြီးတန်း နိုင်ငံရေးသမားများ တက်ရောက်ခဲ့ကြပြီး၊ ရုရှ၊ ဇင်ဘာဘွေ နှင့် အခြား ဆိုးဝါးသော လူ့အခွင့်အရေး ချိုးဖောက်မှု မှတ်တမ်းများ ရှိနေသည့် နိုင်ငံများမှ အတိုက်အခံ ခေါင်းဆောင်များလည်း တက်ရောက်ခဲ့ကြပါသည်။

"ဥရောပနိုင်ငံတွေက ပြည်သူအများစုက မြန်မာနိုင်ငံမှာ ဘာတွေ ဖြစ်နေတယ်ဆိုတာ မသိကြဘူး၊ အစိုးရတွေကလဲ စစ်အစိုးရနဲ့တွဲပြီး စီးပွါးရေးတွေ လုပ်နေတာဘဲ။ မြန်မာပြည်သူတွေအတွက် လုံလောက်တဲ့ လူသားချင်း စာနာမှု အကူအညီတွေ မပေးကြဘူး" ဟု BCUK ၏ ဒါရိုက်တာ ဖြစ်သော မာ့ခ်ဖါမေးနား (Mark Farmaner) က ပြောဆိုသွားပါသည်။

ဇိုယာဖန်းသည် တိုင်းရင်းသား တော်လှန်ရေး အဖွဲ့အစည်းတရပ် ဖြစ်သော ကရင်အမျိုးသား အစည်းအရုံး (KNU) ၏ ခေါင်းဆောင် ကွယ်လွန်သူ ဖဒိုမန်းရှာ၏ သမီးဖြစ်ပြီး၊ မြန်မာ့အရေးအတွက် ကင်ပိန်းနှင့် လော်ဘီ လုပ်ငန်းများတွင် တက်ကြွစွာ ဆောင်ရွက်နေသူ ဖြစ်ပါသည်။

ထိုင်းနှင့် စင်ကာပူတို့က မြန်မာနိုင်ငံတွင် နောက်ထပ် ရင်းနှီးမြုပ်နှံမှု ပြုလုပ်
မဇ္ဈိမသတင်းဌာန
တနင်္လာနေ့၊ အောက်တိုဘာလ 13 2008 11:03 - မြန်မာစံတော်ချိန်

ချင်းမိုင်။ ။ ထိုင်းနိုင်ငံနှင့် စင်ကာပူနိုင်ငံတို့သည် ပြီးခဲ့သည့် ကြာသပတေးနေ့က ရေအားလျှပ်စစ် ထုတ်လုပ်ရေးလုပ်ငန်းတွင် နောက်ထပ် ရင်းနှီးမြုပ်နှံမှုပြုရန် စစ်အစိုးရနှင့် သဘောတူလိုက်ခြင်းအားဖြင့် မြန်မာနိုင်ငံ၏ မက်မောဖွယ်ရာ စွမ်းအင်ဈေးကွက်ဝေစုအပေါ် ခွဲတမ်း ပိုမိုရရှိသွားသည်။

အောက်တိုဘာလ ၉ ရက်နေ့တွင် မြန်မာအစိုးရ အရာရှိများသည် ထိုင်းအခြေစိုက် အီတလီ-ထိုင်း ဖွံဖြိုးတိုးတက်ရေး ပြည်သူ့ကုမ္ပဏီ၊ ဗြိတိသျှဗားဂျင်းကျွန်းမှ စင်ကာပူအခြေစိုက် ဝင်းဖော စွမ်းအင် ဝန်ဆောင်မှု ကုမ္ပဏီ တို့နှင့် ရေအားလျှပ်စစ် စီမံကိန်းများနှင့် ပတ်သက်၍ နားလည်မှု့သဘောတူစာချုပ် (MOU) ကိုလက်မှတ်ရေးထို့ခဲ့ကြသည်ဟု ယမန်နေ့က ထုတ်ဝေသော "နယူးလိုက်အော့(ဖ်) မြန်မာ" သတင်းစာက ဖော်ပြထားသည်။

ပြည်တွင်းစွမ်းအင် လိုအပ်ချက်ကို ဖြည့်စည်းလျှက်ရှိသော ဒေသတွင်းနိုင်ငံများအတွက် ဓာတ်အား ၆၀၀ မဂ္ဂါဝပ် ထုတ်လုပ်ပေးနိုင်မည့် ရေအားလျှပ်စစ်စီမံကိန်း သဘောတူစာချုပ်သည် မြန်မာပြည် ဈေးကွက်သို့ အလုအယက် ၀င်ရောက်နေသော ရင်းနှီးမြုပ်နှံမှု့များ၏ နောက်ဆုံးပေါ်တခု ဖြစ်သည်။

မြန်မာနိုင်ငံတောင်ပိုင်း တနင်္သာရီတိုင်း အတွင်းဆောက်လုပ်ရန် ရှိသော ရေအားလျှပ်စစ်စက်ရုံသည် နှစ်စဉ် ၃၅ ဘီလီယံ ကီလိုဝပ် အထက်ထုပ်လုပ် နိုင်လိမ့်မည်ဟုဆိုသည်။

လွန်ခဲ့သောလက အလားတူ ပမာဏရှိသော စီမံကိန်း ၂ ခုအတွက် အိန္ဒိယက ရင်းနှီးမြုပ်နှံခဲ့သလို ပြီးခဲ့သည့် သီတင်းပတ်တွင်းက မြန်မာနိုင်ငံ၏ ဒုတိယအကြီးအကဲ ဒုဗိုလ်ချုပ်မှုးကြီး မောင်အေးက ဘင်္ဂလားဒေ့ရ်ှခရီးစဉ်အတွင်း နောက်ထပ် အလားအလာရှိသော ရေအားလျှပ်စစ်စီမံကိန်းများနှင့်ပတ်သက်၍ ဆွေးနွေးခဲ့သေးသည်။

မကြာသေးခင်နှစ်များကစတင်၍ တရုတ်၊တောင်ကိုရိးယားနိုင်ငံများနှင့်အတူ ထိုင်း၊အိန္ဒိယ၊စင်ကာပူ နှင့်ဘင်္ဂလားဒေ့(ရှ်) နိုင်ငံများသည် မြန်မာ့ရေအားလျှပ်စစ် ဈေးကွက်သို့ တက်ကြွစွာဝင်ရောက်လာခဲ့ကြသည်။

မြန်မာပြည်သို့ နိုင်ငံခြားမှ တိုက်ရိုက် ရင်းနှီးမြုပ်နှံမှု (FDI) ပမာဏသည် ၂၀၀၇ခု နိုဝင်ဘာလ အရောက်တွင် ဒေါ်လာ ၁၅ ဘီလီယံ နီးပါးရှိနေပြီး အများစုမှာ ရေအားလျှပ်စစ်စီမံကိန်းများအတွက် ဖြစ်သည်ဟု အမေရိကန် နိုင်ငံခြားရေးဌာနက ထုတ်ပြန်ထားသည်။

၂၀၀၈ ခုနှစ်တွင် မြန်မာပြည်၏ နိုင်ငံခြား တိုက်ရိုက်ရင်းနှီးမြူပ်နှံမှု့(FDI) ၏ ၄၃ ရာခိုင်နှုန်းမှာ ရေအားလျှပ်စစ် စီမံကိန်းများဖြစ်၍၊ ၎င်းပမာဏသည် လောင်စာဆီ နှင့် သဘာဝဓာတ်ငွေ့ လုပ်ငန်း၏ ၂ ဆမျှ ရှိပြီး ဟိုတယ်နှင့် ခရီးသွားလုပ်ငန်း၏ ၆ ဆ မျှ ရှိသည်။

ထိုင်းနိုင်ငံသည် မြန်မာပြည်၏ FDI စုစုပေါင်း၏ ထက်ဝက်မျှကို ပိုင်ဆိုင်သော အမျာဆုံးရင်းနှီးမြုပ်နှံ့သည့်နိုင်ငံ ဖြစ်သည်။ ဗြိတိသျှဗားဂျင်းအိုင်လန်း ကဲ့သို့သော ဗြိတိသျှ နယ်နမိတ် အားလုံးကိုပါ ထဲ့တွက်လျှင် ဗြိတိန်နိုင်ငံသည် အရှေ့တောင်အာရှရှိ ငွေပြတ်နေသော မြန်မာနိင်ငံတွင် ဒေါ်လာ ၁.၉ ဘီလီယံ ပမာဏမြုပ်နှံကာ ဒုတိယလိုက်နေသော နိုင်ငံတခု ဖြစ်သည်၊

ယခုလက်ရှိ မြန်မာပြည်၏ (FDI) ပမာဏသည် ၁၉၈၈ ခုနှစ်ကနှင့် နှိုင်းယှဉ်လျှင် အများဆုံးရရှိနေသော အနေအထားဖြစ်သည်။


အာရှဆန်များ အပြိုင်ဈေးချရောင်း၊ မြန်မာ့ဆန်ရောင်းမသွက်
Bangkok Post/USDA / ၁၄ အောက်တိုဘာ ၂၀၀၈။ ။
ကမ္ဘာ့ဆန်ဈေးကွက်အေးနေချိန်တွင် မြန်မာစစ်အစိုးရက ပုဂ္ဂလိက ဆန်ကုန်သည်များအား ဆန်ပြည်ပတင်ပို့ခွင့်ပြုသော်လည်း အနုတ်အသိမ်းမရှိသည့်အတွက် ဈေးကွက်အေးနေသည်ဟု ရန်ကုန် ဆန်ကုန်သည်များက ပြောသည်။

မြန်မာနိုင်ငံ၏ နိုင်ငံခြားဆန်တင်ပို့မှုက လာမည့်နှစ်တွင် တန်ချိန်(၄)သိန်းကျော် ထိ ကျဆင်းပြီး ဆန်ထုတ်လုပ်မှုက တန်ချိန် (၁) သန်းခွဲနီးပါးကျဆင်းမည်ဟု အမေရိကန်လယ်ယာစိုက်ပျိုးရေးဝန်ကြီးဌာနက မှန်းထားသည်။ သို့သော် အာရှဆန်တင်ပို့သူများက ဆန်ဈေးကို အပြိုင်ချပြီး ရောင်းနေသည့်အတွက် မြန်မာဆန်များ ရောင်းမထွက်ဖြစ် နေသည့်အပြင် ဆန်အရည်အသွေးကောင်းသည့် ထိုင်းဆန်ဈေးကွက်ပါ အေးနေသည်။

ထိုင်းနိုင်ငံ၏ နိုင်ငံခြား ဆန်တင်ပို့မှုသည် ၂၀၀၇ ခုနှစ် ပထမ (၈) လမှ ၂၀၀၈ ခု ပထမ (၈) လအတွင်း (၄၄) ရာနှုန်းနီးပါး ထောင်တက်ခဲ့သော်လည်း ယခုနှစ်ကုန်ထိ ထိုင်းဆန်ဈေးကွက်အေးနေမည်ဟု ဆန်ကုန်သည်များက မှန်းထားသည်။

လွန်ခဲ့သည့် တနှစ် ဆန်ဈေးအ၀ယ်လိုက်နေချိန်တွင် ထိုင်းနိုင်ငံမှ ဥရောပသို့ ဆန်တင်ပို့မှု (၆၅) ရာနှုန်းထိတက်ခဲ့ပြီး အာဖရိကတိုက်သို့ တန်ချိန် (၃) သိန်းခွဲနီးပါးထိ တင်ပို့နိုင်ခဲ့သည်။ ယခုနှစ်လယ်ပိုင်းတွင် ဖြစ်ပွားခဲ့သော အစားအစာအကျပ်အတည်းကာလက ပမာဏအမြောက်အမြား ၀ယ်ယူမှုရှိခဲ့သော်လည်း
ယခုအခါ နိုင်ငံခြားမှတင်သွင်းသူများက ပမာဏအနည်းငယ်သာ ၀ယ်ယူနေကြသဖြင့် ထိုင်းဆန်ဈေးကွက်အတွင်း ရောင်းဝယ်ရေး ကျဆင်းနေမှုသည် ယခုနှစ်ကုန်အထိ ဆက်လက်ဖြစ်သွားမည်ဟု မျှော်လင့်ရကြောင်း ဆန်ကုန်သည်များက ပြောသည်။

“၀ယ်ယူအားက စားလောက်ရုံလောက်ပဲဖြစ်နေတယ်။ တချို့တင်ပို့မှုတွေဆိုရင် တန်ချိန် (၁,၀၀၀) အောက်လောက်ပဲရှိတယ်” ဟု ထိုင်းနိုင်ငံ ဆန်တင်ပို့မှုထိပ်တန်းကုမ္ပဏီများထဲမှတခုဖြစ်သော Kamolkij Group of Companies ၏အကြီးအကဲ Korbsook Iamsuri က ပြောသည်။

ယခုကဲ့သို့ ရောင်းဝယ်မှုကျဆင်းသွားရခြင်းသည် ဗီယက်နမ်ကဲ့သို့သော ဆန်အဓိကတင်ပို့နေသည့် အခြားနိုင်ငံများနှင့် နှိုင်းယှဉ် လျှင် ထိုင်းဆန်ဈေးနှုန်းကြီးမြင့်နေမှုကြောင့်လည်းဖြစ်သည်ဟု Korbsook Iamsuri က ထောက်ပြသည်။ ဗီယက်နမ်ဆန်ဖြူဈေး သည် တတန်လျှင် အမေရိကန်ဒေါ်လာ (၅၀၀) သာဖြစ်သဖြင့် ထိုင်းဆန်တင်ပို့သူများက လိုချင်သော တတန် ဒေါ်လာ (၆၀၀-၇၀၀) ထက်နှိုင်းယှဉ်လျှင် သက်သာနေခြင်းဖြစ်သည်။

ဆန်အဓိကထုတ်လုပ်တင်ပို့သည့် အခြားနိုင်ငံဖြစ်သော အိန္ဒိယနိုင်ငံ၌လည်း သိုလှောင်ဆန်အမြောက်အမြားရှိနေပြီး အိန္ဒိယ အာဏာပိုင်များကလည်း ဆန်တင်ပို့မှုတားမြစ်ချက်ကို လာမည့်လ (သို့) လာမည့်နှစ် ဖေဖော်ဝါရီလနောက်ဆုံးထား ပယ်ဖျက်ပေး မည်ဟု ၎င်းအနေဖြင့် ယုံကြည်ကြောင်း Korbsook က ပြောသည်။

ကမ္ဘာ့အစားအစာထုတ်လုပ်မှုကျဆင်းခြင်းနှင့် ရေနံဈေးတက်ခြင်းတို့ကြောင့် နိုင်ငံခြားမှ ဆန်ဝယ်ယူမှုပမာဏတက်လာသဖြင့် ယခုနှစ်မေလအတွင်း ဆန်ဖြူ တတန်လျှင် ပျှမ်းမျှ ဒေါ်လာ (၉၉၀)၊ ဟုမ်းမားလီးဆန်မွှေးက (၁,၁၈၇) ဒေါ်လာ အထိတက်ခဲ့ပြီးနောက် သြဂုတ်လမှစ၍ ဈေးကွက်အတွင်း ဈေးနှုန်းများ ပြန်လည်ကျဆင်းလာခဲ့ခြင်းဖြစ်သည်။

“(၈) လကြာ ရောင်းဝယ်မှုအတွင်း တချို့နိုင်ငံတွေက ပမာဏအမြောက်အမြား ၀ယ်ယူသွားခဲ့ကြတယ်။ အဲဒီဝယ်ယူမှုဟာ တနှစ် စာ ဖူလုံတဲ့အနေအထားဖြစ်လို့ ဒီအချက်ဟာလည်း ဒီနေ့ ရောင်းဝယ်မှုကျဆင်းရတဲ့ အချက်တချက်ဖြစ်နိုင်ပါတယ်” ဟု Korbsook ကပြောသည်။

နိုင်ဂျီရီးယားနိုင်ငံကလည်း ယခုနှစ် (၈) လအတွင်း ဆန်တန်ချိန် (၆) သိန်း ပြည်ပသို့တင်ပို့ခဲ့ကြောင်း၊ အဆိုပါတင်ပို့မှုသည် ယခင် နှစ် ကာလတူအတွင်း တင်ပို့မှု၏ (၃၃၈) ရာခိုင်နှုန်းကျော်ဖြစ်သည်သာမက ပြီးခဲ့သည့် (၂) နှစ်အတွင်း ၎င်းနိုင်ငံက ၀ယ်ယူခဲ့သည့် တန်ချိန် (၃-၄) သိန်းထက် ပိုနေကြောင်း ထိုင်းနိုင်ငံကုန်သွယ်ရေးအဖွဲ့၏ စာရင်းအင်းများက ဖော်ပြနေသည်။

ဆန်ဈေးနှုန်းများသည် အနည်းဆုံးအဆင့်သို့ ကျဆင်းသွားခြင်း မရှိသေးသောကြောင့် နိုင်ငံခြားဝယ်လက်များအနေဖြင့်လည်း တုံ့ဆိုင်းနေကြခြင်းလည်းဖြစ်နိုင်ကြောင်း ထိုင်းနိုင်ငံဆန်တင်ပို့သူများအဖွဲ့ အတွင်းရေးမှူးလည်းဖြစ်သူ Korbsook ကတွက်ဆ သည်။

ထို့အပြင် လာမည့်လ စပါးရိတ်ရာသီအတွင်း ထိုင်းနိုင်ငံ၏ ဆန် ဈေးနှုန်းကြီးကြပ်ရေးအစီအစဉ်အရ သတ်မှတ်မည့် ဈေးနှုန်းဆိုင် ရာ အသေးစိတ်အချက်အလက်များကို နိုင်ငံခြားဈေးကွက်က စောင့်ဆိုင်းနေခြင်းကြောင့်လည်း ရောင်းဝယ်မှုကျဆင်းရခြင်း ဖြစ်နိုင်ကြောင်း သိရသည်။

Korbsook က “ဆန်ဈေးကွက်ဟာ ၀ယ်လက်အတွင်းမှာ ထပ်ရှိနေဦးမှာပါ။ ဒီနှစ်အတွင်း ထိုင်းဆန်ထုတ်လုပ်ရေးလုပ်ငန်းတွေ အတွက် အကျိုးဖြစ်ထွန်းသလိုမျိုး နောက်နှစ်မှာတော့ ဖြစ်နိုင်လိမ့်မယ်လို့ ကျမ မထင်ပါဘူး” ဟု ဖြည့်စွက်ပြောသည်။

ထိုင်းနိုင်ငံ ဆန်တင်ပို့ကုမ္ပဏီအကြီးဆုံးဖြစ်သော Capital Rice ကုမ္ပဏီအုပ်စုမှ တာဝန်ရှိသူ Wanlop Pichpongsa ကမူ လက်ရှိအခြေအနေများအရ ထိုင်းအစိုးရအနေဖြင့် လာမည့်စပါးရိတ်ရာသီအတွင်း ၎င်း၏ ဈေးနှုန်းကြီးကြပ်ရေးအစီအစဉ်အား သတိထား ဆောင်ရွက်သင့်ကြောင်းပြောသည်။

ထိုသို့ ဈေးနှုန်းသတ်မှတ်ရာတွင် ကမ္ဘာ့ ဂျုံထုတ်လုပ်ရောင်းဝယ်မှုအပါအ၀င် ဈေးကွက်အတွင်း၌ ဗီယက်နမ်၊ အိန္ဒိယတို့နှင့် ပြိုင်ဆိုင်နေရမှုတို့ကို ထည့်သွင်းစဉ်းစားရန် လိုအပ်သည်ဟု Wanlop က ပြောသည်။

လာမည့် စပါးရိတ်ကာလအတွက် ဈေးနှုန်းသတ်မှတ်ရာတွင် ၂၀၀၇-၀၈ ခုနှစ် ဒုတိယကြိမ်မြောက်ဖြစ်သည့် ယခုနှစ်လယ် စပါးရိတ်ကာလအတွင်း အစိုးရကသတ်မှတ်ပေးခဲ့သည့် ဈေးနှုန်းအတိုင်း မမြင့်မားသင့်ကြောင်း Wanlop က ပြောသည်။

၎င်းက “ပြီးခဲ့တဲ့ စပါးရိတ်ကာလအတွက် ဈေးနှုန်းမြင့်ပေးခဲ့တာကို ကျနော်သဘောတူပါတယ်။ ဒါပေမယ့် အခု အခြေအနေကတော့ မတူနိုင်ပါဘူး” ဟု ပြောသည်။

လာမည့်ကောက်သစ်ရာသီတွင် အရည်အသွေးပြည့် ဆန်ဖြူအတွက် စပါး တန်ချိန် (၈) သန်းကို တတန်လျှင် (၁၄,၀၀၀) ဘတ်ဖြင့် ၀ယ်ယူသွားမည်ဖြစ်ကြောင်း ကုန်သွယ်ရေးဝန်ကြီးဌာနက အစောပိုင်းတွင်ပြောခဲ့သည်။ သို့သော် အဆိုပါဈေးနှုန်းကို ပြန်လည် ပြင်ဆင်မည်ဟု မျှော်လင့်ရသည်။

ထိုင်းနိုင်ငံက ယခုနှစ်အတွက် ဆန်တင်ပို့မှုကို တန်ချိန် (၉.၅-၁၀) သန်း အစီအစဉ်ရှိသည်။ ၎င်းအထဲမှ တန်ချိန် (၁.၈-၁.၉) သန်းသည် Capital Rice ကုမ္ပဏီအုပ်စုမှ ကုမ္ပဏီများက တင်ပို့မည်ဖြစ်သည်။

လေဘေးသင့် ကျောင်းသားများအတွက် ရန်ကုန်မြို့မှ ဂျပန်သင်တန်းကျောင်းအလှူ နှောင့်ယှက်ခံရ
ကိုဝိုင်း/ ၁၄ အောက်တိုဘာ ၂၀၀၈။ ။

ကွမ်းခြံကုန်းမြို့မှ လေဘေးသင့် ကျောင်းသူကျောင်းသားများအတွက် ရန်ကုန်မြို့ ပုဂ္ဂလိက ဂျပန်သင်တန်းကျောင်းမှ စာရေးကိရိယာအပါအ၀င် အသုံးအဆောင်ပစ္စည်းများကို ယခုလ (၃) ရက်နေ့၌ သွားရောက်လှူဒါန်းခဲ့ရာ ထောက်လှမ်းရေးများ၏ နှောင့်ယှက်မှုကို ကြုံခဲ့ရကြောင်း သိရသည်။

ဂျပန်သင်တန်းမှ ကျောင်းသူကျောင်းသားများက ကွမ်းခြံကုန်းမြို့နယ်ရှိ ကျောင်းသားလေးများကို ၎င်းတို့တွေ့ကြုံခဲ့ရသည့် ဆိုးရွားသည့် အဖြစ်အပျက်များအတွက် စိတ်အနာတရမဖြစ်စေရန်၊ ကျောင်းသူကျောင်းသားအချင်းချင်း စိတ်ဓာတ်ရေးရာအား ပေးလိုစိတ်ဖြင့် အလှူဒါနပြုရန် သွားခဲ့ခြင်းဖြစ်ကြောင်း သိရသည်။

ကွမ်းခြံကုန်းမြို့ အရှေ့ကျောင်းကြီးတိုက် ပရိဝုဏ်အတွင်းပြုလုပ်သည့် အဆိုပါ အလှူပွဲ၌ အထက်တန်းကျောင်း အမှတ် (၁) နှင့် အမှတ် (၂) မှ ကျောင်းသူကျောင်းသား (၅၀၀) ခန့်နှင့် ဆရာ-ဆရာမ (၂၀) ခန့်တို့ တက်ရောက်ခဲ့သည်။

အလှူပွဲအခမ်းအနားဖွင့်ပြီးနောက်မကြာမီ စာသင်ကျောင်းများသို့ ထောက်လှမ်းရေးမှ ၀င်ရောက်မေးမြန်း စစ်ဆေးနေသည်ဟု ဆိုပြီး ကျောင်း၌ကျန်ခဲ့သော ဆရာဆရာမအချို့က ကျောင်းသူကျောင်းသားများကို လာရောက်ခေါ်ဆောင်သွားခဲ့ကြောင်း အလှူပွဲတက်ရောက်ခဲ့သူတဦးက ပြောသည်။

ကျောင်းကြီးတိုက်ဆရာတော်က သက်ဆိုင်ရာ ဗျူဟာမှူးနှင့် မြို့နယ်အာဏာပိုင်များထံ ဖုန်းဆက်မေးသော်လည်း ၎င်းတို့ မသိ ကြောင်းသာ ပြန်လည်ဖြေကြားခဲ့သဖြင့် ဂျပန်ကျောင်းအဖွဲ့သည် ပြဿနာပိုကြီးလာမည်ကို စိုးရိမ်သဖြင့် နေ့ချင်းပင် ရန်ကုန်သို့ ပြန်သွားကြရကြောင်း သိရသည်။

အလှူပစ္စည်းများကိုမူ သက်ဆိုင်ရာကျောင်းများမှ ဆရာဆရာမများက ယင်းနေ့ ညနေပိုင်းတွင် လာရောက်ယူဆောင်သွားကြောင်း အလှူပွဲတက်ရောက်သူက ပြောသည်။

ဧရာဝတီတိုင်းအတွင်းမှ ဒေသခံ အာဏာပိုင်များနှင့် နောက်လိုက်များ၏ မေးမြန်းစစ်ဆေးခြင်း၊ ဓာတ်ပုံများရိုက်ယူခြင်း၊ သွားလာ ရေးအကန့် အသတ်များပြုလုပ်ခြင်းတို့ကြောင့် နာဂစ်မုန်တိုင်းဘေးသင့်သူများအတွက် လာရောက်ကူညီသည့် ပုဂ္ဂလိက အလှူရှင် အရေအတွက် နည်းသွားကြောင်း သိရသည်။

မယ်လမင်းပါသည့် တရုတ်နို့ထွက်ပစ္စည်းကြောင့် ထိုင်း-မြန်မာနယ်စပ်ဈေးကွက်ထိခိုက်
Bangkok Post/ ၁၄ အောက်တိုဘာ ၂၀၀၈။ ။

တရုတ်နိုင်ငံမှ တင်သွင်းသည့် နို့မှုန့်နှင့် နို့ထွက်ပစ္စည်းဖြင့် ပြုလုပ်ထားသော အခြားအစားအစာများကို ထိုင်းပြည်သူများက မစားဘဲ ရှောင်ကြသည့်အတွက် ထိုင်း-မြန်မာနယ်စပ်နှင့် ထိုင်း-မလေးရှားနယ်စပ်တို့တွင် တရုတ်အစားအစာရောင်းချသူများပါ ထိခိုက်နေသည်။

ချင်းရိုင်ပြည်နယ်အတွင်း၌လည်း အဆိုပါအဆိပ်သင့်နို့ထွက် အစားအစာသတင်းကြောင့် စားသုံးသူ ယုံကြည်မှု ကျဆင်းသွားခဲ့သည်။ ပြည်နယ်ကျန်းမာရေးဝန်ကြီးဌာနမှ တာဝန်ရှိသူများက တရုတ်အစားအစာအားလုံးကို နမူနာများယူ၍ စမ်းသပ်စစ်ဆေးလျက်ရှိသည်။ ပြည်နယ်ဆေးရုံများတွင်လည်း ကျောက်ကပ်ရောဂါခံစားရသည့် ကလေးများရှိမရှိ စစ်ဆေးရန် ညွှန်ကြားချက်များ ထုတ်ပြန်ခဲ့သည်။

သို့သော် ချင်းရိုင်ပြည်နယ်ရှိ မယ်ဆိုင်နယ်စပ်ဈေးများတွင်မူ အ၀ယ်ကျနေပြီး အချို့ဆိုင်များတွင် ရက်စွဲအတိအကျမပါသော တရုတ်နို့ထွက်ပစ္စည်းများကို ရောင်းချခြင်းမရှိတော့သည့်တိုင် နိုင်ငံခြားခရီးသွားများမှာမူ အခြားအန္တရယ်ကင်းတံဆိပ်ပါ တရုတ် ပစ္စည်းများကိုလည်း ရှောင်ရှားကြကြောင်း သိရသည်။ ထို့အပြင် အရောင်းဝယ်ကျ၍ တွက်ခြေမကိုက်သောကြောင့် အနွေး ထည်နှင့် တရုတ်လျှပ်စစ်ပစ္စည်းများသို့ ပြောင်းလဲရောင်းချသူများလည်းရှိကြောင်း သိရသည်။

အခြားနယ်စပ်တခုဖြစ်သော တာ့ခ်ပြည်နယ် မဲဆောက်ဒေသ အက်ဖ်ဒီအေ (ထိုင်းနိုင်ငံ အစားအစာနှင့် ဆေးဝါးစိစစ်ရေးဌာန) တာဝန်ရှိသူများက တရုတ်လုပ်အစားအစာနမူနာများကို စမ်းသပ်နေသော်လည်း စားသုံးသူယုံကြည်မှုကျဆင်းနေဆဲဖြစ်ပြီး နိုင်ငံခြားခရီးသွားများက ယခင်က ခေတ်စားသော တရုတ်လုပ် ချောကလက်နှင့် နို့ထွက်အစားအစာများအပြင် တရုတ်လုပ်အခြားပစ္စည်းများကိုပါ ရှောင်ရှားကြသောကြောင့် နယ်စပ်ဈေးရောင်းဝယ်မှုကို ထိခိုက်နေကြောင်း ဒေသခံဈေးသည်များက ပြောသည်။

ယခုနှစ် သြဂုတ် တလအတွင်း၌ပင် ထိုင်းနိုင်ငံသို့ တရုတ်နိုင်ငံမှ နို့မှုန့် (၁၇၅) တန် တင်သွင်းခဲ့ပြီး တန်ဖိုးအားဖြင့် ဘတ် (၂၁) သန်းရှိကြောင်း၊ ဇန်န၀ါရီလမှစလျှင် (၃၇၅) တန်ရှိပြီး တန်ဖိုးအားဖြင့် ဘတ် (၄၇) သန်းရှိကြောင်း ထိုင်းအကောက်ခွန်ဌာန အစီရင်ခံစာများတွင် ဖော်ပြသည်။

တရုတ်နှင့် မလေးရှားပစ္စည်းများ အဓိကရောင်းသည့် ထိုင်း-မလေးရှားနယ်စပ် ဟတ်ယိုင်မြို့ ကင်ယွန်းဈေးတွင် တရုတ်နို့ထွက်ပစ္စည်း ၀ယ်လိုအားကျဆင်းသွားကြောင်း၊ အက်ဖ်ဒီအေ ခွင့်ပြုတံဆိပ်ပြသထားသည့်ကြားမှ ၀ယ်ယူသူများ၏ ယုံကြည်မှုကျဆင်းသွားကြောင်း၊ အချို့ဆိုင်များတွင် တရုတ်ချောကလက်များနှင့် နို့ထွက်အစားအစာအားလုံးကိုပင် ရောင်းချခြင်းမပြုတော့ကြောင်း သိရသည်။

အဆိုပါဈေးမှ ချဝီခန် ဆိုသူ ဆိုင် (၃) ဆိုင်ပိုင်ရှင် ဈေးသည်တဦးက “အဆိပ်သင့်တရုတ်နို့မှုန့်ကိစ္စဖြစ်လာကတည်းက ဈေးဝယ်တာ ရပ်သွားတယ်။ ဒါကြောင့် ဈေးသည်အားလုံး ထိခိုက်ကြတာပါပဲ။ အရင်ကဆို တနေ့ကို (၁၀,၀၀၀) လောက်ဝင်ငွေရှိတယ်။ အခု တော့ (၂,၀၀၀) လောက်ပဲရတော့တယ်။ ဒီမှာရောင်းတာက များသောအားဖြင့် အက်ဖ်ဒီအေက ခွင့်ပြုထားတဲ့ မလေးရှားပစ္စည်းပါ။ အက်ဖ်ဒီအေ လက်မှတ်ပြထားတာတောင် နိုင်ငံခြားခရီးသွားအများစုက မ၀ယ်ကြတော့ဘူး” ဟု ပြောသည်။

အန္တရာယ်ဖြစ်စေနိုင်သည့် နို့မှုန့် (၇) မျိုး စစ်အစိုးရ ထပ်မံပိတ်ပင်
ပီတာအောင်/ ၁၄ အောက်တိုဘာ ၂၀၀၈။ ။

ကလေးငယ်များ၏ကျောက်ကပ်ကိုအန္တရာယ်ဖြစ်စေပြီး အများပြည်သူစားသုံးရန် မသင့်တော်သော မယ်လမင်းပါ ၀င်သည့် နို့မှုန့်အမျိုးအစား နောက်ထပ် (၇) မျိုးကို ပိတ်ပင်တားမြစ်လိုက်ကြောင်း နအဖစစ်အစိုးရက ယနေ့ ထုတ်ပြန်ကြေညာသည်။

ထပ်မံပိတ်ပင်လိုက်သည့် အမျိုးအစား (၇)မျိုးမှာ Full Cream Milk Powder- Golden River ၊ Calcium Milk Powder- Butterfly ၊ Full Cream Milk Powder- Yu- Li ၊ Sweet Whey Powder, Non-Dairy Creamer (Korea), Non-Dairy Creamer ( China),နှင့် ElfalacA+ တို့ဖြစ်သည်။

ယင်းနို့မှုန့်များကို တင်သွင်းဖြန့်ဖြူရောင်းချခြင်း၊ ပြည်တွင်းတွင် ပြန်လည်ပြုပြင်ထုပ်ပိုးရောင်းချခြင်းနှင့် ထိုနို့မှုန့် များကိုသုံး၍ စားသောက်ကုန်ပစ္စည်းများအဖြစ် ထုတ်လုပ်ရောင်းချခြင်းတို့ကို ပိတ်ပင်တားမြစ်လိုက်သည်ဟု ထုတ်ပြန်ကြေညာချက်တွင် ပါရှိသည်။

စစ်အစိုးရက စားသုံးရန်မသင့်သည့် နို့မှုန့်များအား မရောင်းချရန် တားမြစ်နေသော်လည်း ပိတ်ပင်ထားသည့် နို့မှုန့်တံဆိပ်အများအပြားကို ဈေးများ၊ ကုန်စုံဆိုင်များ၌ မြင်တွေ့နေရဆဲဖြစ်သည်ဟု ရန်ကုန်မြို့နေ အိမ်ရှင်မများ က ပြောသည်။

ဗိုလ်ချုပ်ဈေး၌ ဆိုင်ခန်းဖွင့်လှစ်ရောင်းချနေသည့် အိမ်ရှင်မတဦးက “ပိတ်တာ ပိတ်တာပဲ။ ဈေးကွက်ထဲမှာတော့ ရောင်းတာကတော့ ရောင်းနေကြတုန်းပဲ။ လိုက်သိမ်းတာတော့ မတွေ့သေးဘူး။ ကျမတို့ တွေ့နေတာတော့ မြို့ပေါ်က လူတွေကတော့ သိပ်မသုံးတော့ဘူး၊ တောကလူတွေကတော့ ဈေးသက်သာတာနဲ့ ၀ယ်သုံး နေကြတုန်းပဲ။ တချို့တွေက ဈေးကြီးတဲ့ဟာတော့ အန္တရာယ်ကင်းလောက်တယ်ဆိုပြီး ၀ယ်တိုက်နေကြတယ်။ ဆင်းရဲတဲ့လူတွေကြတော့လည်း အဲဒီဟာကို ဂရုမစိုက်နိုင်တော့ဘူး။ ၀ယ်သုံးနေရတာပဲ” ဟု ပြောသည်။

ကလေးမိခင်များအနေဖြင့် ပိတ်ပင်ထားသည့် နို့မှုန့်များ ၀ယ်ယူသုံးစွဲနေမှုကို လုံးဝရပ်ကာ မိခင်နို့တိုက်ကြွေးသင့် ကြောင်းနှင့် အစိုးအနေဖြင့်လည်း ယင်းနို့မှုန့်များကို သောက်သုံးမိသည့်ကလေးများ၏ ကျန်းမာရေးအတွက် တာဝန်ယူဖြေရှင်း ဆောင်ရွက်ပေးသင့်သည်ဟု ထိုင်း-မြန်မာနယ်စပ် မယ်တော်ဆေးခန်း ကလေးလူနာဌာနမှ ဒေါက်တာ မင်းသူရိန်က ပြောသည်။

၎င်းက “ဒီပိတ်လိုက်တာတခုတည်းနဲ့ မလုံလောက်ဘူး။ မပိတ်ခင် ဒီနို့မှုန့်သောက်သုံးတဲ့ကလေးတွေမှာ ဘယ်လောက်အထိ ရောဂါဖြစ်နေလဲ၊ ကျန်းမာရေးချို့တဲ့ ကလေးတွေ ဘယ်လောက်ရာနှုန်းလောက်ရှိနေလဲ ဆိုတာ ပြန်သုတေသန လုပ်သင့်တယ်။ ရောဂါရှိနေရင် ဆေးကုပေးမယ်။ ဆေးစစ်ပေးမယ်။ ကလေးတွေ၊ မိဘတွေအတွက် လျော်ကြေးတို့၊ နစ်နာကြေးတို့ ဆေးကုသစရိတ်ပြန်ပေးတာ စတဲ့ကျန်းမာရေးအပိုင်းတွေ အစိုးရအနေနဲ့ ပြန်ပြီးတော့ ဆောင်ရွက်ပေးသင့်တယ်” ဟု ပြောသည်။

ပြီးခဲ့သည့် သီတင်းပတ်အတွင်းကလည်း Star ၊ Crown၊ Two Cows နှင့် Rainbow တို့အပါအ၀င် မယ်လမင်း ပါဝင်သည့် နုိ့မှုန့် အမျိုးအစား (၉) မျိုးကို စစ်အစိုးရက ပိတ်ပင်ထားခဲ့သဖြင့် မြန်မာနိုင်ငံ၌ စားသုံးရန်မသင့်ကြောင်း ပိတ်ပင်ထားသည့်နို့မှုန့် အမျိုးအစားပေါင်းမှာ (၁၆) မျိုးရှိပြီဖြစ်သည်။

တရုတ်နိုင်ငံ၌ မယ်လမင်းပါဝင်သည့် နို့မှုန့်ကြောင့် ကလေးငယ်များ ကျောက်ကပ်ဝေဒနာခံစားခဲ့ရပြီး (၄) ဦး သေဆုံးခဲ့ရကာ ကလေးငယ်ပေါင်း (၅၄,၀၀၀) ကျော် နာမကျန်းဖြစ်ခဲ့ရသည်။

လျှပ်စစ်မီး ပြန်လည်ပြတ်တောက်မှုကြောင့် အငှားယာဉ်မောင်းများ ၀င်ငွေထပ်မံလျော့ကျ
မင်းနိုင်သူ/ ၁၃ အောက်တိုဘာ ၂၀၀၈။ ။

ရန်ကုန်မြို့တွင် လျှပ်စစ်မီး ပြန်လည်ပြတ်တောက်နေသဖြင့် အစိုးရစက်သုံးဆီဆိုင်များကိုသာ အားထား၍ ဆီဖြည့်တင်းနေရသော အငှားယာဉ်မောင်းများ ဒုက္ခကြုံတွေ့နေကြသည်။


“အခုရက်ပိုင်း မီးမမှန်ဘူးဗျာ။ ဂတ်စ်တအိုး ဆီဖြည့်ရဖို့ နေ့တ၀က်လောက် တန်းစီနေရတော့ သေပြီပေါ့။ ကျနော်တို့က မနက် (၆) နာရီ ကားထုတ်၊ ညနေ (၆) နာရီ ကားအပ်စနစ်နဲ့ အငှားယူမောင်းကြရတာ” ဟု အငှားယာဉ်မောင်းတဦးက ပြောသည်။

ရန်ကုန်မှ အငှားယာဉ်မောင်းအများစုသည် နေ့ကားထုတ်၊ ညနေကားအပ်၊ (၁၂) နာရီ ကားငှားရမ်းခ ကျပ် (၁၀,၀၀၀) မှ (၁၈,၀၀၀) အထိ အုံနာကြေးပေးသွင်းကာ တဆင့်ငှားရမ်း မောင်းနှင်နေကြခြင်းဖြစ်သည်။

လျှပ်စစ်မီး ပြတ်တောက်မှုကြောင့် အစိုးရစက်သုံးဆီဆိုင်များရှေ့တွင် ကားများ တန်းစီစောင့်ဆိုင်းနေရပြီး မိမိအလှည့် ရောက်ရှိရန် ရံဖန်ရံခါ နေ့တ၀က်ခန့်အထိ စောင့်ဆိုင်းကြရသည်။

“၂၀၀၇ ခု လောင်စာဆီဈေးတက်ပြီးကတည်းက ၀င်ငွေလျော့နေတာ။ အခုလို နေ့တ၀က်လောက်အထိ ခရီးသည် မတင်ရဘဲ ဆီရဖို့စောင့်နေရတော့ ပိုဆိုးလာပြီပေါ့။ အရင်က တရက်ကို (၁) သောင်းကျော်ကျန်ပေမယ့် အခုက (၅) ထောင်တောင် အနိုင်နိုင်ရယ်” ဟု အခြားယာဉ်မောင်းတဦးက ပြောသည်။

လူစီးအငှားယာဉ်များတွင် ကီလို (၆၀) ၀င်နှင့် (၇၀) ၀င် အိုးတလုံးစီ ပါရှိပြီး မီးလာသော်လည်း လျှပ်စစ်ဓာတ်အား ပြည့်ဝခြင်းမရှိပါက တအိုးပြည့်ရန် နာရီဝက်ကျော် အချိန်ကြာပြီး အခြားကားများက တန်းစီစောင့်ဆိုင်းနေရသည်။
ရန်ကုန်မြို့တွင် လူစီးအငှားကား (၂) သောင်းကျော်ရှိပြီး အများစုကို အစိုးရက စီအန်ဂျီယာဉ်အဖြစ် ပြောင်းလဲခိုင်း ခဲ့သည်။

စီအန်ဂျီသုံး အငှားယာဉ်များအနေဖြင့် တရက်မောင်းစာ (၇၀) ကီလိုဝင် တအိုးအတွက် ထုတ်ဈေး (၃,၅၀၀) ၀န်းကျင် ဖြင့်ရရှိသော်လည်း ဂက်(စ်) ပြတ်တောက်ပါက ဆီသုံးယာဉ်များကဲ့သို့ အလွယ်တကူ ပြင်ပဈေးကွက်မှ ၀ယ်ယူဖြည့် တင်း၍ မရရှိပေ။

ထို့ကြောင့် ပြေးဆွဲချိန်လျော့နည်းလာ၍ ၀င်ငွေကျဆင်းလာရာ ပြင်ပဈေးကွက်မှ ဆီဝယ်ယူပြေးဆွဲနေကြသော ယာဉ်များကသာ ၀င်ငွေသာလွန်နေကြောင်း စီအန်ဂျီသုံးယာဉ်မောင်းများက ပြောသည်။

ရန်ကုန်မြို့တွင် စီအန်ဂျီ အရောင်းဆိုင်ပေါင်း (၄၀) ကျော်အထိ ဖွင့်လှစ်သွားမည်ဟု စွမ်းအင်ဝန်ကြီးဌာနက ပြောဆို ထားသော်လည်း လျှပ်စစ်မီး ပြဿနာကို ဖြေရှင်းနိုင်ခြင်းမရှိသောကြောင့် ဆိုင်အားလုံးတွင် ကားတန်းကြီးများ တန်းစီ နေရဆဲဖြစ်သည်။

ပါရမီ တက်စ်စီအငှားယာဉ်မောင်း တပ်ထွက်တဦးက “အဓိပ္ပာယ်မရှိဘူးဗျာ။ ဆီတအိုးပြည့်ဖို့ ဒီလောက်စောင့်ဆိုင်း နေရတာ။ ကျနော်တို့မှာ မနက် (၁၀) နာရီဆိုရင် ဘယ်နေရာရောက်နေနေ တောင်ဥက္ကလာမှာရှိတဲ့ ပါရမီရုံးကို လက်မှတ်သွားထိုးဖို့ အချိန်ပေးရသေးတယ်။ ဒီကြားထဲ ဆီဆိုင်တန်းစီရသေးတယ်ဆိုတော့ ပြေးဆွဲချိန်ဆိုတာ မရှိသလောက် ဖြစ်သွားပြီ” ဟု ပြောသည်။

ပြည်တွင်းနွားနို့ဈေး ထိုးတက်
NEJ/ ၁၃ အောက်တိုဘာ ၂၀၀၈။ ။

ပြည်တွင်း နွားနို့ဈေး ယခင်တပိဿာလျှင် (၅၀၀) ကျပ်မှ (၁,၅၀၀) ထိ မြင့်တက်လာကြောင်း ဈေးကွက်အတွင်းရှိ နွားနို့အရောင်းဆိုင်များထံမှ သိရသည်။

တရုတ်နိုင်ငံမှ တင်သွင်းလာသော နို့မှုန့်များ၌ မယ်လမင်းပါဝင်သည့်နောက်ပိုင်း ယင်းသို့ ဈေးတက်သွားခြင်း ဖြစ်သည်ဟု အဆိုပါအရောင်းဆိုင်များက ပြောသည်။

ရန်ကုန်တွင် တနေ့လျှင် နွားနို့ ပိဿာချိန် (၄,၀၀၀) ကျော် ထုတ်လုပ်ဖြန့်ဖြူးကြောင်း မြန်မာနိုင်ငံ မွေးမြူရေး လုပ်ငန်း၏ စာရင်းများအရ သိရသည်။

နွားနို့စားသုံးမှု ပြည်တွင်းဈေးကွက်တွင် ယခုထက်ပို၍ ဈေးကောင်းလာပါက နို့စားနွားမွေးမြူသူများအတွက် ၀င်ငွေတိုးမြင့်လာနိုင်ကြောင်း မြန်မာနိုင်ငံ မွေးမြူရေးလုပ်ငန်းအဖွဲ့ချုပ်မှ အရာရှိတဦးက ပြောသည်။

တာမွေဈေးရှိ နွားနို့အရောင်းဈေးကွက်မှ နို့ရောင်းသူတဦးက “အရင်ထက် ပိုဝယ်တယ်လို့ ပြောရပေမယ့် တကယ် တော့ ဒီဈေးမှာ လာရောင်းသူတွေက အရင်အတိုင်း၊ နို့ကလည်း အရင်အတိုင်းပါပဲ၊ ပိုပြီးယူလာတာမရှိဘူး။ ဈေးတက် သွားတာတခုပဲရှိတယ်။ ကျနော်တို့က မရဖူးတဲ့ ဈေးကို ရဖူးတာပေါ့ဗျာ” ဟု ပြောသည်။

ရန်ကုန်ရှိ နွားနို့ဈေးကွက်ကြီးများဖြစ်သော အင်းစိန်နှင့် တာမွေတို့တွင် ဈေးမြင့်လာဖွယ်ရှိကြောင်း၊ ဈေးနှုန်းထပ်တိုး မြင့်လာမည်ဖြစ်၍ နို့စားနွားမွေးမြူသူများ တိုးလာပြီး ဈေးကွက်ပိုကြီးလာမည်ဟု မျှော်လင့်ရကြောင်း နွားနို့ရောင်း သူများက ပြောသည်။

ရန်ကုန် အနော်ရထာလမ်းနေ အသက် (၄၀) ကျော် အမျိုးသမီးတဦးကမူ “အခုက နွားနို့ဈေးတွေ ထပ်တက်ဖို့ ရှိတယ်ပြောနေကြတယ်။ တရုတ်နို့မှုန့်မှာ မယ်လမင်းပါလို့ဆိုတဲ့ အကြောင်းပြချက်နဲ့ အခုလို ဈေးတက်တာတော့ မကောင်းပါဘူး” ဟု ပြောသည်။

အာရှဆန်များ အပြိုင်ဈေးချရောင်း၊ မြန်မာ့ဆန်ရောင်းမသွက်
Bangkok Post/USDA / ၁၄ အောက်တိုဘာ ၂၀၀၈။ ။
ကမ္ဘာ့ဆန်ဈေးကွက်အေးနေချိန်တွင် မြန်မာစစ်အစိုးရက ပုဂ္ဂလိက ဆန်ကုန်သည်များအား ဆန်ပြည်ပတင်ပို့ခွင့်ပြုသော်လည်း အနုတ်အသိမ်းမရှိသည့်အတွက် ဈေးကွက်အေးနေသည်ဟု ရန်ကုန် ဆန်ကုန်သည်များက ပြောသည်။

မြန်မာနိုင်ငံ၏ နိုင်ငံခြားဆန်တင်ပို့မှုက လာမည့်နှစ်တွင် တန်ချိန်(၄)သိန်းကျော် ထိ ကျဆင်းပြီး ဆန်ထုတ်လုပ်မှုက တန်ချိန် (၁) သန်းခွဲနီးပါးကျဆင်းမည်ဟု အမေရိကန်လယ်ယာစိုက်ပျိုးရေးဝန်ကြီးဌာနက မှန်းထားသည်။ သို့သော် အာရှဆန်တင်ပို့သူများက ဆန်ဈေးကို အပြိုင်ချပြီး ရောင်းနေသည့်အတွက် မြန်မာဆန်များ ရောင်းမထွက်ဖြစ် နေသည့်အပြင် ဆန်အရည်အသွေးကောင်းသည့် ထိုင်းဆန်ဈေးကွက်ပါ အေးနေသည်။

ထိုင်းနိုင်ငံ၏ နိုင်ငံခြား ဆန်တင်ပို့မှုသည် ၂၀၀၇ ခုနှစ် ပထမ (၈) လမှ ၂၀၀၈ ခု ပထမ (၈) လအတွင်း (၄၄) ရာနှုန်းနီးပါး ထောင်တက်ခဲ့သော်လည်း ယခုနှစ်ကုန်ထိ ထိုင်းဆန်ဈေးကွက်အေးနေမည်ဟု ဆန်ကုန်သည်များက မှန်းထားသည်။

လွန်ခဲ့သည့် တနှစ် ဆန်ဈေးအ၀ယ်လိုက်နေချိန်တွင် ထိုင်းနိုင်ငံမှ ဥရောပသို့ ဆန်တင်ပို့မှု (၆၅) ရာနှုန်းထိတက်ခဲ့ပြီး အာဖရိကတိုက်သို့ တန်ချိန် (၃) သိန်းခွဲနီးပါးထိ တင်ပို့နိုင်ခဲ့သည်။ ယခုနှစ်လယ်ပိုင်းတွင် ဖြစ်ပွားခဲ့သော အစားအစာအကျပ်အတည်းကာလက ပမာဏအမြောက်အမြား ၀ယ်ယူမှုရှိခဲ့သော်လည်း
ယခုအခါ နိုင်ငံခြားမှတင်သွင်းသူများက ပမာဏအနည်းငယ်သာ ၀ယ်ယူနေကြသဖြင့် ထိုင်းဆန်ဈေးကွက်အတွင်း ရောင်းဝယ်ရေး ကျဆင်းနေမှုသည် ယခုနှစ်ကုန်အထိ ဆက်လက်ဖြစ်သွားမည်ဟု မျှော်လင့်ရကြောင်း ဆန်ကုန်သည်များက ပြောသည်။

“၀ယ်ယူအားက စားလောက်ရုံလောက်ပဲဖြစ်နေတယ်။ တချို့တင်ပို့မှုတွေဆိုရင် တန်ချိန် (၁,၀၀၀) အောက်လောက်ပဲရှိတယ်” ဟု ထိုင်းနိုင်ငံ ဆန်တင်ပို့မှုထိပ်တန်းကုမ္ပဏီများထဲမှတခုဖြစ်သော Kamolkij Group of Companies ၏အကြီးအကဲ Korbsook Iamsuri က ပြောသည်။

ယခုကဲ့သို့ ရောင်းဝယ်မှုကျဆင်းသွားရခြင်းသည် ဗီယက်နမ်ကဲ့သို့သော ဆန်အဓိကတင်ပို့နေသည့် အခြားနိုင်ငံများနှင့် နှိုင်းယှဉ် လျှင် ထိုင်းဆန်ဈေးနှုန်းကြီးမြင့်နေမှုကြောင့်လည်းဖြစ်သည်ဟု Korbsook Iamsuri က ထောက်ပြသည်။ ဗီယက်နမ်ဆန်ဖြူဈေး သည် တတန်လျှင် အမေရိကန်ဒေါ်လာ (၅၀၀) သာဖြစ်သဖြင့် ထိုင်းဆန်တင်ပို့သူများက လိုချင်သော တတန် ဒေါ်လာ (၆၀၀-၇၀၀) ထက်နှိုင်းယှဉ်လျှင် သက်သာနေခြင်းဖြစ်သည်။

ဆန်အဓိကထုတ်လုပ်တင်ပို့သည့် အခြားနိုင်ငံဖြစ်သော အိန္ဒိယနိုင်ငံ၌လည်း သိုလှောင်ဆန်အမြောက်အမြားရှိနေပြီး အိန္ဒိယ အာဏာပိုင်များကလည်း ဆန်တင်ပို့မှုတားမြစ်ချက်ကို လာမည့်လ (သို့) လာမည့်နှစ် ဖေဖော်ဝါရီလနောက်ဆုံးထား ပယ်ဖျက်ပေး မည်ဟု ၎င်းအနေဖြင့် ယုံကြည်ကြောင်း Korbsook က ပြောသည်။

ကမ္ဘာ့အစားအစာထုတ်လုပ်မှုကျဆင်းခြင်းနှင့် ရေနံဈေးတက်ခြင်းတို့ကြောင့် နိုင်ငံခြားမှ ဆန်ဝယ်ယူမှုပမာဏတက်လာသဖြင့် ယခုနှစ်မေလအတွင်း ဆန်ဖြူ တတန်လျှင် ပျှမ်းမျှ ဒေါ်လာ (၉၉၀)၊ ဟုမ်းမားလီးဆန်မွှေးက (၁,၁၈၇) ဒေါ်လာ အထိတက်ခဲ့ပြီးနောက် သြဂုတ်လမှစ၍ ဈေးကွက်အတွင်း ဈေးနှုန်းများ ပြန်လည်ကျဆင်းလာခဲ့ခြင်းဖြစ်သည်။

“(၈) လကြာ ရောင်းဝယ်မှုအတွင်း တချို့နိုင်ငံတွေက ပမာဏအမြောက်အမြား ၀ယ်ယူသွားခဲ့ကြတယ်။ အဲဒီဝယ်ယူမှုဟာ တနှစ် စာ ဖူလုံတဲ့အနေအထားဖြစ်လို့ ဒီအချက်ဟာလည်း ဒီနေ့ ရောင်းဝယ်မှုကျဆင်းရတဲ့ အချက်တချက်ဖြစ်နိုင်ပါတယ်” ဟု Korbsook ကပြောသည်။

နိုင်ဂျီရီးယားနိုင်ငံကလည်း ယခုနှစ် (၈) လအတွင်း ဆန်တန်ချိန် (၆) သိန်း ပြည်ပသို့တင်ပို့ခဲ့ကြောင်း၊ အဆိုပါတင်ပို့မှုသည် ယခင် နှစ် ကာလတူအတွင်း တင်ပို့မှု၏ (၃၃၈) ရာခိုင်နှုန်းကျော်ဖြစ်သည်သာမက ပြီးခဲ့သည့် (၂) နှစ်အတွင်း ၎င်းနိုင်ငံက ၀ယ်ယူခဲ့သည့် တန်ချိန် (၃-၄) သိန်းထက် ပိုနေကြောင်း ထိုင်းနိုင်ငံကုန်သွယ်ရေးအဖွဲ့၏ စာရင်းအင်းများက ဖော်ပြနေသည်။

ဆန်ဈေးနှုန်းများသည် အနည်းဆုံးအဆင့်သို့ ကျဆင်းသွားခြင်း မရှိသေးသောကြောင့် နိုင်ငံခြားဝယ်လက်များအနေဖြင့်လည်း တုံ့ဆိုင်းနေကြခြင်းလည်းဖြစ်နိုင်ကြောင်း ထိုင်းနိုင်ငံဆန်တင်ပို့သူများအဖွဲ့ အတွင်းရေးမှူးလည်းဖြစ်သူ Korbsook ကတွက်ဆ သည်။

ထို့အပြင် လာမည့်လ စပါးရိတ်ရာသီအတွင်း ထိုင်းနိုင်ငံ၏ ဆန် ဈေးနှုန်းကြီးကြပ်ရေးအစီအစဉ်အရ သတ်မှတ်မည့် ဈေးနှုန်းဆိုင် ရာ အသေးစိတ်အချက်အလက်များကို နိုင်ငံခြားဈေးကွက်က စောင့်ဆိုင်းနေခြင်းကြောင့်လည်း ရောင်းဝယ်မှုကျဆင်းရခြင်း ဖြစ်နိုင်ကြောင်း သိရသည်။

Korbsook က “ဆန်ဈေးကွက်ဟာ ၀ယ်လက်အတွင်းမှာ ထပ်ရှိနေဦးမှာပါ။ ဒီနှစ်အတွင်း ထိုင်းဆန်ထုတ်လုပ်ရေးလုပ်ငန်းတွေ အတွက် အကျိုးဖြစ်ထွန်းသလိုမျိုး နောက်နှစ်မှာတော့ ဖြစ်နိုင်လိမ့်မယ်လို့ ကျမ မထင်ပါဘူး” ဟု ဖြည့်စွက်ပြောသည်။

ထိုင်းနိုင်ငံ ဆန်တင်ပို့ကုမ္ပဏီအကြီးဆုံးဖြစ်သော Capital Rice ကုမ္ပဏီအုပ်စုမှ တာဝန်ရှိသူ Wanlop Pichpongsa ကမူ လက်ရှိအခြေအနေများအရ ထိုင်းအစိုးရအနေဖြင့် လာမည့်စပါးရိတ်ရာသီအတွင်း ၎င်း၏ ဈေးနှုန်းကြီးကြပ်ရေးအစီအစဉ်အား သတိထား ဆောင်ရွက်သင့်ကြောင်းပြောသည်။

ထိုသို့ ဈေးနှုန်းသတ်မှတ်ရာတွင် ကမ္ဘာ့ ဂျုံထုတ်လုပ်ရောင်းဝယ်မှုအပါအ၀င် ဈေးကွက်အတွင်း၌ ဗီယက်နမ်၊ အိန္ဒိယတို့နှင့် ပြိုင်ဆိုင်နေရမှုတို့ကို ထည့်သွင်းစဉ်းစားရန် လိုအပ်သည်ဟု Wanlop က ပြောသည်။

လာမည့် စပါးရိတ်ကာလအတွက် ဈေးနှုန်းသတ်မှတ်ရာတွင် ၂၀၀၇-၀၈ ခုနှစ် ဒုတိယကြိမ်မြောက်ဖြစ်သည့် ယခုနှစ်လယ် စပါးရိတ်ကာလအတွင်း အစိုးရကသတ်မှတ်ပေးခဲ့သည့် ဈေးနှုန်းအတိုင်း မမြင့်မားသင့်ကြောင်း Wanlop က ပြောသည်။

၎င်းက “ပြီးခဲ့တဲ့ စပါးရိတ်ကာလအတွက် ဈေးနှုန်းမြင့်ပေးခဲ့တာကို ကျနော်သဘောတူပါတယ်။ ဒါပေမယ့် အခု အခြေအနေကတော့ မတူနိုင်ပါဘူး” ဟု ပြောသည်။

လာမည့်ကောက်သစ်ရာသီတွင် အရည်အသွေးပြည့် ဆန်ဖြူအတွက် စပါး တန်ချိန် (၈) သန်းကို တတန်လျှင် (၁၄,၀၀၀) ဘတ်ဖြင့် ၀ယ်ယူသွားမည်ဖြစ်ကြောင်း ကုန်သွယ်ရေးဝန်ကြီးဌာနက အစောပိုင်းတွင်ပြောခဲ့သည်။ သို့သော် အဆိုပါဈေးနှုန်းကို ပြန်လည် ပြင်ဆင်မည်ဟု မျှော်လင့်ရသည်။

ထိုင်းနိုင်ငံက ယခုနှစ်အတွက် ဆန်တင်ပို့မှုကို တန်ချိန် (၉.၅-၁၀) သန်း အစီအစဉ်ရှိသည်။ ၎င်းအထဲမှ တန်ချိန် (၁.၈-၁.၉) သန်းသည် Capital Rice ကုမ္ပဏီအုပ်စုမှ ကုမ္ပဏီများက တင်ပို့မည်ဖြစ်သည်။

ထိုင်းတပ်တွေ ၂၄ နာရီအတွင်း ရုပ်သိမ်းပေးဖို့ ကမ္ဘောဒီးယား တောင်းဆို
14 October 2008ကမ္ဘောဒီးယားဝန်ကြီးချုပ်မစ္စတာဟွန်ဆန်။
စက်တင်ဘာ ၁၅၊ ၂၀၀၈။
ထိုင်းနဲ့ ကမ္ဘောဒီးယားနိုင်ငံအကြား အငြင်းပွားနေတဲ့
နယ်နိမိတ်ဒေသကနေ ထိုင်းတပ်ဖွဲ့တွေ ၂၄ နာရီ
အတွင်း ပြန်ရုပ်သိမ်းမပေးရင် နှစ်နိုင်ငံအကြား
လက်နက်ကိုင်ပဋိပက္ခ ဖြစ်လိမ့်မယ်လို့ ကမ္ဘောဒီးယား
ဝန်ကြီးချုပ် ဟွန်ဆန် (Hun Sen) က သတိပေး
ပြောကြားလိုက်ပါတယ်။

ဒီဒေသ သေရေး ရှင်ရေး စစ်တလင်းပြင်ဖြစ်မလာခင်
ထိုင်းတပ်ဖွဲ့တွေ ပြန်ရုပ်သိမ်းပေးဖို့ ၀န်ကြီးချုပ်
ဟွန်ဆန်က တနင်္လာနေ့မှာ ထိုင်းနိုင်ငံကို အခုလို သတိပေး ပြောကြားလိုက်တာပါ။
ထိုင်းတပ်သား ၈၄ ယောက် တနင်္လာနေ့က ကမ္ဘောဒီးယားနိုင်ငံထဲကို တမီလာလောက်
အထိ ၀င်လာပြီး ကမ္ဘောဒီးယားတပ်တွေနဲ့ မီတာ ၄၀ လောက်အကွာမှာ စခန်းချနေခဲ့
ကြတယ်လို့ မစ္စတာဟွန်ဆန်က ပြောပါတယ်။

ထိုင်းနိုင်ငံခြားရေးဝန်ကြီး ဆွမ်ပေါင် အမွန်ဝီ၀တ် (Sompong Amonrnviwat) နဲ့
ဖနွမ်းပင်မြို့မှာ တွေ့ဆုံအပြီး ကမ္ဘောဒီးယားဝန်ကြီးချုပ်က အခုလို ပြောဆိုလိုက်တာပါ။
ထိုင်းနိုင်ငံခြားရေးဝန်ကြီးဟာ ကမ္ဘောဒီးယားနိုင်ငံခြားရေးဝန်ကြီး ဟော် နမ်ဟွန်း
(Hor Namhong) နဲ့လည်း တွေ့ဆုံခဲ့ပါတယ်။

ကမ္ဘာ့ အစုရှယ်ယာဈေးကွက် သိသိသာသာ ပြန်ဦးမော့လာ
14 October 2008
Michael Bowman & Paula Wolfson's Report in Burmese

အီတလီဝန်ကြီးချုပ် စီလ်ဗီယို ဘယ်လူစကိုးနီး(၀ဲ) နှင့် အမေရိကန် သမ္မတ ဘုရ်ှတို့ အိမ်ဖြူတော်တွင် ဆွေးနွေးအပြီး တွေ့ရစဉ်။
အောက်တိုဘာ ၁၃၊ ၂၀၀၈။
အတောမသတ်နိုင်သေးတဲ့ ကမ္ဘာ့ငွေကြေး အကျပ်
အတည်း ပြဿနာကို ကိုင်တွယ်ဖြေရှင်းဖို့နဲ့
ယိမ်းယိုင်နေတဲ့ ကမ္ဘာ့အစုရှယ်ရာဈေးကွက်
ပြန်လည်တည်ငြိမ်လာစေဖို့အတွက် အမေရိကန်
သမ္မတ ဘုရ်ှက တခြားနိုင်ငံ့ခေါင်းဆောင်တွေနဲ့
ပူးပေါင်းဆောင်ရွက်နေပါတယ်။ မနေ့ကလည်း
သမ္မတဘုရ်ှက အီတလီနိုင်ငံဝန်ကြီးချုပ် စီလ်ဗီယို
ဘယ်လူစကိုးနီး (Silvio Berlusconi) ကို အိမ်ဖြူ
တော်မှာ ဖိတ်ခေါ်ဆွေးနွေးခဲ့ပါတယ်။

အလားတူ ဥရောပခေါင်းဆောင်တွေကလည်း
ခေါင်းချင်းဆိုင်ပြီး စီမံကိန်းသစ်တွေ ချမှတ်နိုင်ခဲ့
ပါတယ်။ အဲဒီနောက် ကမ္ဘာ့အစုရှယ်ရာဈေးဟာ
တပတ်ကြာ အထိနာခဲ့ရာက ပြန်လည်ဦးမော့လာနိုင်ခဲ့ပါတယ်။ အကြောင်းစုံကို
ဗွီအိုအေသတင်းထောက် မိုက်ကယ် ဘိုးမန်း (Michael Bowman) နဲ့ ပေါ်လာ ၀ုဖ်ဆင်
(Paula Wolfson) သတင်းပေးပို့ထားတာကို နော်ရှိုးက တင်ပြပေးထားပါတယ်။

မနေ့က အမေရိကန်သမ္မတဘုရ်ှနဲ့ အီတလီဝန်ကြီးချုပ် စီလ်ဗီယို ဘယ်လူစကိုးနီးတို့ဟာ
ဝါရှင်တန်မြို့တော်မှာရှိတဲ့ သမ္မတအိမ်ဖြူတော်မှာ တွေ့ဆုံခဲ့ကြပြီး အမေရိကန်နဲ့ ဥရောပ
နိုင်ငံတို့ ကမ္ဘာ့စီးပွားရေး အကျပ်အတည်း ပြဿနာကို တုံ့ပြန်ရာမှာ ဟန်ချက်ညီညီရှိဖို့
ဆွေးနွေးခဲ့ကြပါတယ်။ ပြီးခဲ့တဲ့ စနေ၊ တနင်္ဂနွေနေ့တုန်းကလည်း အဓိကဘဏ္ဍာရေး
ဝန်ကြီးတွေ ၀ါရှင်တန်မြို့တော်မှာ တွေ့ဆုံခဲ့ကြပါတယ်။ ဒါ့အပြင် တနင်္ဂနွေနေ့တုန်းက
လည်း ပြင်သစ်နိုင်ငံ ပဲရစ်မြို့တော်မှာ ဥရောပ ၁၅ နိုင်ငံက ခေါင်းဆောင်တွေ အရေး
ပေါ် ထိပ်သီးအစည်းအဝေး ကျင်းပပြီး အရှုံးပေါ်နေတဲ့ ဘဏ်တွေကို အစိုးရက
ကယ်တင်ဖို့၊ ဘဏ်ကကြွေးတွေကို အာမခံပေးဖို့နဲ့ ဘဏ်တွေ ဆက်ပြီး ငွေထုတ်ချေး
ပေးနိုင်ဖို့အတွက် စီမံကိန်းတရပ် ချမှတ်နိုင်ခဲ့ပါတယ်။ ဒေါ်လာ ၁ ထရီလီယံကနေ
၃ ထရီလီယံအထိ ကုန်ကျမယ့် အဲဒီစီမံကိန်းကို နိုင်ငံတကာ ငွေကြေးရန်ပုံငွေအဖွဲ့
(IMF) အပါအ၀င် တခြား နိုင်ငံတကာအဖွဲ့အစည်းတွေက ကြိုဆိုခဲ့ကြပါတယ်။

အခုလို အတ္တလန္တိတ်သမုဒ္ဒရာ တဖက်တချက်က နိုင်ငံ့ခေါင်းဆောင်တွေ ခေါင်းချင်းဆိုင်
ဆွေးနွေးပြီး သွေးကြောပိတ်နေတဲ့ ချေးငွေဈေးကွက် ပုံမှန်အတိုင်း ပြန်လည်လှုပ်ရှား
လည်ပတ်နိုင်ဖို့အတွက် ဆောင်ရွက်ရမယ့် လုပ်ငန်းစဉ် တခုပြီးတခု ချမှတ်ကြပြီး
မကြာခင်မှာပဲ ကမ္ဘာ့အစုရှယ်ရာဈေးဟာ သီတင်းတပတ်လုံး ၁၅% ကနေ ၂၅%
အရှုံးတွေနဲ့ ဇောက်ထိုးမိုးမျှော် ဖြစ်ခဲ့ရာကနေ သိသိသာသာ ပြန်လည်ဦးမော့လာခဲ့ရပါ
တယ်။ အခုလို တိုးတက်မှုလက္ခဏာတွေကြောင့် အတိုင်းအတာတခုအထိ စိတ်သက်သာ
ရာ ရခဲ့ပေမယ်လို့လည်း ဒါဟာ အခြေမခိုင်သေးဘူးဆိုတာနဲ့ ဈေးကွက်ဟာ ခုထိ ခိုင်ခိုင်
မာမာ မရှိသေးဘူး ဆိုတာကိုတော့ ကမ္ဘာ့ခေါင်းဆောင်တွေ သတိမူထားကြဆဲ ဖြစ်ပါ
တယ်။

ဘယ်လိုပဲဖြစ်ဖြစ် မျှော်လင့်ချက် ထိန်းထားဟန်ရှိတဲ့ သမ္မတဘုရ်ှက အခုလိုပြောခဲ့ပါ
တယ်။

"ကျနော်တို့ တိုင်းပြည်စီးပွားရေးတွေမှာ တကယ်ပဲ ခက်ခဲတဲ့ကာလတွေကို ရင်ဆိုင်
နေရတာပါ။ ဒါပေမယ့် ဒီစိန်ခေါ်မှုတွေကို ကျနော်တို့ အစွမ်းကုန်ကြိုးစားပြီး အဆုံးမ
တော့ ရင်ဆိုင်ကျော်လွှားနိုင်မယ်ဆိုတာ ယုံကြည်ပါတယ်။"

နောက် သမ္မတဘုရှ် ပြောသွားတာကတော့ ပမာဏကြီးတဲ့ ကြွေးဆုံးတွေကြောင့်
လုပ်ငန်းလည်ပတ်ဖို့ အသက်ရှုကြပ်သွားတဲ့ ပုဂ္ဂလိကဘဏ်တွေ ပုံမှန်အတိုင်း ပြန်ပြီး
လည်ပတ်နိုင်ဖို့အတွက် လိုအပ်တဲ့ အရင်းအနှီးတွေရနိုင်ဖို့အပြင် ငွေကြေးစနစ် ပိုမို
ခိုင်မာလာဖို့နဲ့ စီးပွားရေးလုပ်ငန်းရှင်တွေနဲ့ စားသုံးသူ ပြည်သူတွေ လိုအပ်တဲ့ချေးငွေ
တွေ ရရှိနိုင်ဖို့အတွက် အမေရိကန်နဲ့ မဟာမိတ်နိုင်ငံတွေက ခေါင်းဆောင်တွေ အဓိက
ဇောင်းပေးကြိုးစားနေတယ် ဆိုတာပဲ ဖြစ်ပါတယ်။

အီတလီဝန်ကြီးချုပ် စီလ်ဗီယို ဘယ်လူစကိုးနီးကလည်း ဒီလောက်ကြီးမားတဲ့ ငွေကြေး
အကျပ်အတည်းမျိုး ကမ္ဘာမှာ တခါမှ မကြုံဖူးဘူးလို့ ဆိုပါတယ်။ ဒါပေမယ့် လက်တွေ့
ကြုံတွေ့နေရတဲ့ ကမ္ဘာလုံးနီးပါးဆိုင်ရာ ဘဏ္ဍာရေးပြဿနာကြီးကို တကယ်ရင်ဆိုင်
ကျော်လွှားနိုင်မယ်ဆိုတာ သူ့အနေနဲ့ ရာနှုန်းပြည့် ယုံကြည်တယ်လို့ အီတလီဘာသာ
စကားနဲ့ ပြောခဲ့ပါတယ်။

တချိန်ထဲမှာပဲ ဗြိတိန်ဘဏ္ဍာရေးဝန်ကြီး အလစ္စတဲ ဒါလင် (Alistair Darling) ကလည်း…

"ကျနော်တို့အားလုံး ပြတ်ပြတ်သားသားနဲ့ မြန်မြန်ဆန်ဆန် အတူပူးပေါင်း ဆောင်ရွက်
လိုက်ကြမယ်ဆိုရင် ဒီလိုခက်ခဲတဲ့ကာလကို မုချရင်ဆိုင်ကျော်လွှားနိုင်မယ်ဆိုတာ
ဘယ်နည်းနဲ့မဆို ရဲရဲကြီး ယုံကြည်နိုင်ပါတယ်" လို့ ပြောခဲ့ပါတယ်။

ပြန်လည်ဦးမော့လာတဲ့ အမေရိကန် အစုရှယ်ရာဈေးကွက်ကို ကြည့်မယ်ဆိုရင်တော့
ကိန်းဂဏန်း ၃ ခုထိ ထိုးတက်ခဲ့ပါတယ်။ ဥရောပမှာ မနေ့ နေ့လယ်ခင်းကဆိုရင် ၈%
ကနေ ၁၂% ထိ တက်ခဲ့ပါတယ။် မနေ့က ဈေးအပိတ်မှာ ဟောင်ကောင်အစုရှယ်ရာ
ဈေးကတော့ ၁၀% နီးပါး တက်ခဲ့ပါတယ်။ တခြား စီးပွားရေးတက်သစ်စ တိုင်းပြည်တွေ
ဖြစ်တဲ့ မက္ကဆီကိုနဲ့ မလေးရှားမှာလည်း အစုရှယ်ရာဈေးတွေက အပေါင်းလက္ခဏာ
ဘက်ကို ပြန်ရောက်ခဲ့ပါတယ်။

အစုရှယ်ယာဈေးတွေက ပြီးခဲ့တဲ့သုံးလေးပတ်နဲ့စာရင် ဈေးသက်သာသေးတာမို့
ဈေးပေါပေါနဲ့ ရှယ်ရာတွေဝယ်ထားသူ ရင်းနှီးမြှုပ်နှံသူတွေက မကြာခင်မှာ အမြတ်
အစွန်းရဖို့အတွက် မျှော်လင့်နေကြတယ်လို့ အမေရိကန်အခြေစိုက် Standard and
Poor ကုမ္ပဏီရဲ့ ရင်းနှီးမြှုပ်နှံမှုဆိုင်ရာ မဟာဗျူဟာ လေ့လာသုံးသပ်သူ အကြီးအကဲ
ဆမ် စတိုဗောလ် (Sam Stovall) က ပြောပါတယ်။ ဒါ့အပြင် အခု လူတိုင်းလူတိုင်း
အစုရှယ်ရာဈေး အခြေအနေ ဘယ်လောက်ဆိုးသလဲဆိုတာကို ပြောနေကြတာမှန်ပေ
မယ့် ဒါဟာ အဆိုးဆုံးအခြေအနေ ဖြစ်နေတာမို့ တဖက်ကကြည့်ရင် ဒီအချိန်ဟာ အစု
ရှယ်ရာတွေ ဖမ်းဝယ်ဖို့ အကောင်းဆုံးအချိန်ပါပဲလို့ မစ္စတာ စတိုဗောလ်က ဆိုပါတယ်။

အမေရိကန်နိုင်ငံတ၀ှမ်း အရစ်ကျပေးရမယ့် အိမ်ကြွေးတွေ အချိန်အတန်ကြာ မပေး
နိုင်လို့ ငွေထုတ်ချေးသူဖြစ်တဲ့ ဘဏ်တွေက အိမ်တွေကို အိမ်ဝယ်သူတွေလက်က
ပြန်လည်သိမ်းယူခဲ့ရတဲ့ Foreclosure လို့ခေါ်တဲ့ ဖြစ်ရပ်အများအပြား ပျံ့နှံ့သွားရာကနေ
အခုလို တိုင်းပြည်တခုလုံး ငွေကြေးနဲ့ ဘဏ္ဍာရေးအကျပ်အတည်း ပြဿနာ ရင်ဆိုင်ခဲ့
ရတာလို့ အများက နားလည်ထားကြပါတယ်။ စီးပွားရေးပညာရှင်တွေ ကြောက်ရွံ့စိုးရိမ်
တာတခုကတော့ တကယ်လို့ ဘဏ်တွေအနေနဲ့ စီးပွားရေးလုပ်ငန်းရှင်တွေနဲ့ ပြည်သူ
တွေကို ဆက်ပြီး ငွေထုတ်ချေးဖို့ တွန့်ဆုတ်နေရင်၊ ထုတ်ချေးဖို့လည်း မတတ်နိုင်ကြ
တော့ဘူးဆိုရင် ကမ္ဘာ့စီးပွားရေး လည်ပတ်မှုကြီးတခုလုံး ရပ်တန့်သွားနိုင်တဲ့ အနေ
အထားရှိတာကိုပဲ ဖြစ်ပါတယ်။

ဘဏ်တွေအားဖြည့်ရန် အမေရိကန်အစိုးရ ဆောင်ရွက်
14 October 2008
Michael Bowman's Report in Burmeseသမ္မတဘုရှ် အမေရိကန်ဘဏ်စနစ် ကယ်တင်ရေးနှင့်ပတ်သက်၍ မိန့်ခွန်းပြောကြားနေစဉ်။
အောက်တိုဘာ ၁၄၊ ၂၀၀၈။
ငွေကြေးလုပ်ငန်းကြီးတွေကို ကျားကန်ပေးရင်းနဲ့
ချေးငွေတွေ ပြန်လည်ပတ်နိုင်စေရေးအတွက်
ညှိနှိုင်းကြိုးပမ်းမှုတွေကို နိုင်ငံတကာ အတိုင်း
အတာနဲ့ အစိုးရတွေက ဆက်လက်လုပ်ဆောင်နေ
ချိန်မှာ ဒုတိယနေ့ ဆက်တိုက်အဖြစ် ကမ္ဘာ့
စတော့ခ်ဈေးတွေ တက်ခဲ့ပါတယ်။ အမေရိကန်ရဲ့
ဘဏ်စနစ်ကို ကယ်တင်နိုင်မယ့် အရေးပေါ် ဆောင်ရွက်ချက်အသစ်ကိုလည်း သမ္မတဘုရ်ှက
ဒီနေ့ ကြေညာခဲ့ပါတယ်။ ဒီအကြောင်းနဲ့ပတ်သက် ပြီး ဗွီအိုအေသတင်းထောက် မိုက်ကယ် ဘိုးမန်း
(Michael Bowman) သတင်းပေးပို့ထားတာကို ဒေါ်လှလှသန်းက တင်ပြပေးထားပါတယ်။

အမေရိကန်ရဲ့ ပုဂ္ဂလိကပိုင် ဘဏ်တွေမှာ အစိုးရက အရင်က အစဉ်အလာ မရှိခဲ့တဲ့
အစီအစဉ်နဲ့ တိုက်ရိုက်ပါဝင်ပတ်သက်စေတဲ့ အသေးစိတ်အစီအစဉ်ကို အမေရိကန်
ငွေကြေးဈေးကွက်တွေ မဖွင့်မီ သမ္မတဘုရ်ှက ကြေညာလိုက်တာဖြစ်ပါတယ်။ ဗဟို
အစိုးရအနေနဲ့ ဒီဘဏ်ကြီးတွေရဲ့ တချို့စတော့ခ်တွေကို ၀ယ်ယူခြင်းအားဖြင့်
ဒီဘဏ်တွေရဲ့ ငွေလုံးငွေရင်းကို အားဖြည့်ပေးမှာ ဖြစ်ပါတယ်။

"အခုရင်းနှီးငွေတွေဟာ လက်ရှိ အခြေအနေကောင်းတဲ့ ဘဏ်တွေအနေနဲ့ စီးပွားရေး
လုပ်ငန်းတွေနဲ့ စားသုံးသူတွေကို ငွေထုတ်ချေးစေနိုင်မှာ ဖြစ်ပါတယ်။ ဒါ့အပြင် လက်ရှိ
အကျပ်အတည်းတွေနဲ့ ရုန်းကန်နေကြရတဲ့ ဘဏ်တွေအတွက်လည်း သူတို့ဆုံးရှုံးခဲ့တဲ့
ငွေယိုပေါက်တွေကို ပိတ်စေပြီး တခါ ငွေပြန်ထုတ်ချေးစေနိုင်မှာဖြစ်သလို အလုပ်
အကိုင်လည်း ဖြစ်ထွန်းပြီး စီးပွားရေးလည်း အားကောင်းလာစေမှာ ဖြစ်ပါတယ်။"

ဒါ့အပြင် ဘဏ်အချင်းချင်းကြား ထုတ်ချေးတဲ့ ကာလတိုချေးငွေ အပါအ၀င် စုဆောင်း
ငွေတွေအတွက် အာမခံထုတ်ပေးတဲ့ ဘဏ်တွေအတွက်လည်း ချေးငွေတွေကို ဗဟို
အစိုးရက တာဝန်ယူပြီး အာမခံပေးမှာဖြစ်တယ်လို့ သမ္မတဘုရ်ှက ပြောပါတယ်။
စီးပွားရေးလုပ်ငန်းတွေအတွက်လည်း နေ့စဉ်လည်ပတ်နိုင်ဖို့ လိုအပ်တဲ့ငွေကို အခက်
အခဲမရှိ ချေးယူနိုင်စေမယ့် ခြေလှမ်းတွေကိုလည်း ဗဟိုအစိုးရက ယူမှာဖြစ်တယ်လို့
သိရပါတယ်။

ဒါပေမယ့် ယူမယ့်ခြေလှမ်းတွေဟာ ယာယီပဲဖြစ်တယ်လို့ သမ္မတက အလေးအနက်
ပြောပါတယ်။ လွတ်လပ်တဲ့ဈေးကွက်ကို အစိုးရက တာဝန်ယူ ထိန်းချုပ်ဖို့ မရည်ရွယ်ဘဲ
ဆက်လက်ရှင်သန်နိုင်ရေးအတွက် ပံ့ပိုးပေးတာပဲဖြစ်တယ်လို့လည်း မစ္စတာဘုရ်ှက
ပြောပါတယ်။

အိမ်ဖြူတော်က ဒီနေ့ထုတ်ပြန်တဲ့ ကြေညာချက်မှာ အရေးပေါ် စီးပွားရေးတည်ငြိမ်မှု
သက္ကရာဇ် ၂၀၀၈ အက်ဥပဒေအရ ဘဏ္ဍာရေးဝန်ကြီးအနေနဲ့ အခက်အခဲ ကြုံတွေ့နေရ
တဲ့ ဘဏ်တွေထံက စတော့ခ် စသဖြင့်တို့ကို ၀ယ်ယူရာမှာ ဒေါ်လာ ၃၅၀ ဘီလီယံအထိ
သုံးစွဲခွင့်ပြုထားတာ တွေ့ရပါတယ်။ ဒီငွေဟာ ဒီလစောစောပိုင်းက အထက်နဲ့ အောက်
လွှတ်တော် နှစ်ရပ်က အတည်ပြုခဲ့ပြီး သမ္မတဘုရှ် လက်မှတ်ရေးထိုးခဲ့တဲ့ ဒေါ်လာ
ဘီလီယံ ၇၀၀ ကယ်တင်ရေးအစီအစဉ်ကနေ ထုတ်ယူသုံးစွဲရမှာ ဖြစ်ပါတယ်။
ဒီအရေးယူဆောင်ရွက်မှုသစ်ရဲ့ တချို့အချက်တွေဟာ တနင်္လာနေ့က ဥရောပက
ထုတ်ပြန်တဲ့ အစီအစဉ်မှာလည်း ထင်ဟပ်ပေါ်လွင်တာ တွေ့ရပါတယ်။

ဒီအတောအတွင်း ကမ္ဘာ့စတော့ခ်ဈေးကွက်ကတော့ ဆက်ပြီး အားကောင်းနေတာ
တွေ့ရပါတယ်။ မနေ့က မယုံနိုင်လောက်အောင် စတော့ခ်ဈေးတွေ တက်ခဲ့ရာမှာ တိုကျို
နစ်ကေး (Nikkei) အညွှန်းကိန်းဟာ ၁၄% ကျော် တက်ခဲ့ပါတယ်။ ညနေပိုင်းအရောင်း
အ၀ယ်မှာလည်း ဥရောပဈေးကွက်တွေမှာ ၅% ကနေ ၇% အထိတက်ခဲ့တာ တွေ့ရပါ
တယ်။

အမေရိကန် ဒေါင်းဂျုံးစ် (Dow Jones) စက်မှုပျှမ်းမျှကတော့ တနင်္လာနေ့က ၁၁%
ကျော် တက်ခဲ့တဲ့အတွက် ဒါဟာ ၁၉၃၃ ခုနောက်ပိုင်းမှာ တနေ့တည်း အများဆုံး
ဈေးတက်တာလည်း ဖြစ်ပါတယ်။

ပင်လယ် ဓါးပြများ၏ လက်ချက်ကြောင့် ငါးဖမ်းသမား ၆ ဦးဆေးရုံတင်ထားရပြီး ၆ ဥိးမှာ ယခုအချိန်ထိ ပျောက်ဆုံးနေ
10/14/2008


ရခိုင်ပင်လယ်ပြင်တွင် ငါးဖမ်းနေသော ငါးဖမ်းဘုတ်များအား တဘက်နိုင်ငံ ဘင်္ဂလာဒေခ်ျ့မှ ဓါးပြများက ၀င်ရောက် ဓါးပြတိုက်မှုကြောင့် ငါးဖမ်းသမား ၆ ဦးမှာ ဒဏ်ရာ ပြင်းထန်စွာ ရရှိသွားပြီး ကျန် ၆ ဦးမှာ ငါးဖမ်း ဘုတ် တစီးနှင့် အတူ ယခုအချိန်ထိ ပျောက်ဆုံးနေကြောင်း သတင်းရရှိသည်။
ငါးဖမ်းဘုတ်ပိုင်ရှင် တဦးက “သူတို့ ၆ ဦးကို အတွင်း လူနာ အဖြစ်နဲ့ စစ်တွေဆေးရုံကြီးမှာ တင်ထားရပြီး ကျန် ၆ ဦးကတော့ ယခုအချိန်ထိ စက်လှေ တစီးနဲ့အတူ ပျောက်ဆုံးနေပါတယ်၊” ဟု ပြောသည်။

လွန်ခဲ့သော အောက်တိုဘာလ ၁၁ ရက်နေ့က မောင်တောမြို့နယ် အနောက်တောင်ဘက် ကျောက်ပန်းတူကျေးရွာ အနီး ပင်လယ်ပြင်တွင် ငါးဖမ်းနေသော စစ်တွေမြို့မှ ငါးဖမ်းစက်လှေ ၅ စီးကို ဘင်္ဂလာဘက်မှ ဓါးပြများက လုပ်သေနတ်များ၊ ယမ်းထောင်းများကို ကိုင်ဆောင်ပြီး ဓါးပြတိုက်ခဲ့သည်။

ေါးပြတိုက်စဉ်အတွင်း ငါးဖမ်းပိုက်များ၊ ဓါတ်ဆီများ ဒီဇယ်များကို လူယူသွားပြီး ထွက်ပြေးသည့် စက်လှေများကို သေနတ်များဖြင့် ပစ်ခတ်ခြင်းကြောင့် ငါးဖမ်းသမား အများအပြားမှာ ဒဏ်ရာရရှိခဲ့သည်။

ယခု ဒဏ်ရာရရှိသွားသူ အများစုမှာ ကျေးတော ပိုက်ဆိပ်နှင့် သဲတောပိုက်ဆိပ်တို့ မှ ဖြစ်သည်။

ငါးဖမ်းဘုတ်ပိုင်ရှင်များက ယခုအခါ အဆိုပါကိစ္စနှင့် ပတ်သက်ပြီး စစ်တွေမြို့ အမှတ် ၁ ရဲစခန်းကို တိုင်ကြားပြီး အမှုဖွင့်ထားကြောင်းလည်း သိရှိရသည်။

နောက်ဆုံးရရှိသော သတင်းအရ ငါးဖမ်းသမား ၄ ဦး အသတ်ခံခဲ့ရကြောင်း သို့သော်လည်း အဆိုပါ သတင်းကို အတည်ပြုချက် ရယူနိုင်ခြင်း မရှိသေးကြောင်း စစ်တွေမြို့ခံ တဦးက ပြောသည်။


ရခိုင်ကွန်မြူနစ်ပါတီ အဖွဲ့ဝင် တဦး ထောင်မှ လွတ်မြောက်လာ
10/14/2008


သျှင်ထွီးခိုင် (နိရဉ္စရာ) ယခင် ရခိုင် ကွန်မြူနစ်ပါတီမှ အဖွဲ့ဝင် တဦးဖြစ်သူ ဦးခိုင်ထွန်းသည် အောက်တိုဘာ ၁၀ ရက်နေ့ က ထောင်ထဲမှ ပြန်လည် လွတ်မြောက်လာကြောင်း သတင်းရရှိသည်။
ဦးခိုင်ထွန်းသည် ထောင်ဒဏ် ၂၂ နှစ် ကျခံပြီးနောက် ပြန်လည် လွတ်မြှောက်လာခြင်း ဖြစ်သည်။

ဦးထွန်းခိုင် အသက် ၄၈ နှစ်တွင် ဖမ်းဆီးထောင်ချခံခဲ့ရပြီး ယခုအခါ အသက် ၇၀ နှစ် ရှိပြီ ဖြစ်ကြောင်း သိရှိရသည်။

ဦးခိုင်ထွန်းမှာ လွန်ခဲ့သော နှစ် ၂၀ ကျော်အတွင်းက မင်းပြားမြို့ကို ဝင်တိုက်ရာတွင် ပါဝင်ခဲ့ပြီး စစ်တွေမြို့သို့ ကိစ္စတခုဖြင့် ဝင်ရောက်ရာမှ အာဏာပိုင်များ၏ ဖမ်းဆီးခြင်းကို ခံခဲ့ရပြီး နောက်ပိုင်းတွင် အင်းစိန်ထောင်သို့ ပို့ဆောင်ခံခဲ့ရသည်။

အင်းစိန်ထောင်တွင် သူ့အား နိုင်ငံတော်ပုန်ကန်မှုဖြင့် တရားစွဲဆိုပြီး သေဒဏ်ချမှတ်ခဲ့သည်။ နောက်ပိုင်းတွင် ထောင်ဒဏ် တသက်တကျွန်းပြောင်းလဲချမှတ် ခံလိုက်ရပြီး နှစ်ပေါင်း ၂၂ နှစ်ကြာမှ လွတ်မြှောက်လာခြင်း ဖြစ်သည်။

ဦးခိုင်ထွန်းမှာ ထောင်သက်တန်း ၂၂ နှစ် ကာလ အတွင်းတွင် မိသားစု ဝင်များနှင့် တကြိမ်သာ တွေ့ခွင့်ရရှိခဲ့ကြောင်း သိရှိရသည်။

“ထောင်ထဲမှာ နေရာတာ တကယ်ကိုလူသား မဆန်ဘူး၊ တော်တော်ရက်စက်တယ်၊ ကျွန်တော် မှာက သွေးတိုးရောဂါ၊ ထုံနာ၊ ကျဉ်နာ ရောဂါတွေရှိတယ်လေ။ ဒါပေမယ့် ဆေးကုသခွင့် မရခဲ့ဘူး၊ ထောင်တွင်း တလျှောက်လုံး စိတ်ဓာတ် ရေးရာနဲ့ဘဲ အသက်ရှင်သန်ခဲ့ရတယ်။ ထောင်တွင် ၂၂ နှစ် တာကာလမှာလည်း မိသားစုနဲ့ တခါဘဲ တွေ့ခွင့်ရခဲတယ်၊ အဲဒါလည်း လွန်ခဲ့တဲ့ ၅ နှစ်က ကမ္ဘာ့ကြက်ခြေ နီ အဖွဲ့ (ICRC) ရဲ့ အကူအညီနဲ့တွေ့ခွင့်ရခဲ့တာ။” ဟု ဦးခိုင်ထွန်းမှ ပြောသည်။


ရခိုင် ဒီမိုကရေစီ အဖွဲ့ချုပ် အနှစ် ၂၀ ပြည့် အခမ်းအနား ရန်ကုန်တွင် ကျင်းပ
10/13/2008


သျှင်ထွီးခိုင် (နိရဉ္စရာ) ရခိုင် ဒီမိုကရေစီအဖွဲ့ချုပ် ထူထောင်ခဲ့သည့် နှစ် ၂၀ ပြည့် အထိမ်းအမှတ် အခမ်းအနားကို ရန်ကုန်မြို့ရှိ ရခိုင်ဒီမိုကရေစီအဖွဲ့ချုပ် ပါတီ ခေါင်းဆောင် ဦးအေးသာအောင် နေအိမ်တွင် ယမန်နေ့က ကျင်းပပြုလုပ်ခဲ့သည်။
အဆိုပါ နှစ် ၂၀ မြှောက် အခန်းအနားကို မိတ် ဆုံစားပွဲပုံစံဖြင့် ကျင်းအခဲ့ခြင်း ဖြစ်သည်ဟု အဖွဲ့ဝင် တဦးက ပြောသည်။

အခမ်းအနားသို့ မကြာသေးမှီက ထောင်မှ လွတ်မြောက်လာခဲ့သည့် သတင်းစာဆရာကြီး ဦးဝင်းတင် နှင့် ဒေါက်တာ အေးမြင့်တို့ အပါအဝင် ရန်ကုန်မြို့ရှိ နိုင်ငံရေးအသိုင်းဝိုင်းမှ ပုဂ္ဂိုလ်အများ အပြားတက်ရောက်ခဲ့သည်။

အခမ်းအနားသို့ တက်ရောက်ကြသော ပုဂ္ဂိုလ်များအား အစားအသောက်များဖြင့်တည်ခင်း ဧည့်ခံကျွေးမွေးခဲ့ပြီး တက်ရောက်လာသူများက ပြည်တွင်းပြည်ပ နိုင်ငံရေး အခြေအနေများကို ဆွေးနွေးခဲ့ကြသည်။

အခမ်းအနားတွင် ဦးအေးသာအောင်မှာ ၁၉၉၀ ရွေးကောက်ပွဲ တွင် အမတ် နေရာ ၁၁ နေရာဖြင့်အနိုင်ရရှိခဲ့ပြီး စစ်အစိုးရ အာဏာပိုင်များ၏ အမိန့်ကြေငြာ ချက် အမှတ် ၁/၉၀ ကို မလိုက်နာသည့် အတွက် ၁၉၉၄ ခုနှစ်တွင် ရခိုင်ပါတီ ဒီမိုကရေစီအဖွဲ့ချုပ်ကို တရားဝင်ပါတီအဖြစ် မှတ်ပုံတင်ထားသည့်နေရာမှ ပယ်ဖျက်ခြင်းခံခဲ့ရခြင်း ဖြစ်ကြောင်း ပြောကြားသည်။

ဦးအေးသာအောင်မှာ ဒီမိုကရေစီ အဖွဲ့ချုပ် အပါအ၀င် တိုင်းရင်းသား ပါတီများနှင့် စုပေါင်း ဖွဲ့စည်းထားသော ပြည်သူ့လွှတ်တော်ကိုယ်စားပြု ကော်မီတီ (CRPP) တွင်လည်း အတွင်းရေးမှူးအဖြစ် တာဝန်ယူ ဆောင်ရွက်နေသူ ဖြစ်သည်။

၁၉၉၄ ခုနှစ် ရခိုင်ဒီမိုကရေစီအဖွဲ့ချုပ်အား တရားဝင် မှတ်ပုံတင်ထားရာမှ စစ်အစိုးရမှ ပယ်ဖျက်ပြီနောက် အဖွဲ့ချုပ်မှ ခေါင်းဆောင်တချို့သည် ဘင်္ဂလားဒေ့ခ်ျ။ အိန္ဒိယ၊ ထိုင်း၊ မလေးရှား၊ သြစတြေလျနှင့် ဂျပန်နိုင်ငံများသို့ ထွက်ခွာလာခဲ့ပြီး ရခိုင်ဒီမိုရေစီ အဖွဲ့ချုပ်၏ ရည်မှန်းချက်များ အောင်မြင်ရေးအတွက် ဆက်လက် ကြိုးပမ်း ဆောင်ရွက်လျက် ရှိသည်။


ယင်ရဲရွာမှ ဝှေ့တိုးကို ဘယ်သူသတ်သလဲ
10/11/2008
မင်းအောင် (နိရဉ္စရာ)

ချင်းပြည်နယ် ပလက်ဝမြို့နယ်ရှိ တွီဆုံဝ အုပ်စု ယင်ရဲ ကျေးရွာမှ ရွာသားတဦးကို လက်နက်ကိုင် တော်လှန်အဖွဲ့အစည်း တခုမှ ပစ်သတ်သွားကြောင်း သတင်းရရှိသည်။
ပစ်သတ်ခံရသူမှာ ဝှေ့တိုးဖြစ်ပြီး သူ့အား အောက်တိုဘာလ ၃ ရက်နေ့က ပစ်သတ်သွားခြင်း ဖြစ်သည်ဟု ကျေးရွာသား တဦးမှ ပြောသည်။

သူက “အဖွဲ့အစည်း နာမည်ကိုတော့ ကျွန်တော်တို့ မပြောပါရစေနဲ့။ အသက်အန္တရာယ်ရှိလို့ ဖြစ်ပါတယ်။ တော်လှန်ရေး အဖွဲ့အစည်း တခုက သတ်သွားတာဖြစ်ပါတယ်။” ဟုသူက ပြောသည်။

ဝှေ့တိုး၏ ဦးခေါင်းနောက်စေ့အား သေနတ်ဖြင့် ပစ်ခတ် သတ်ဖြတ်ပြီးနောက် ယင်ရဲရွာနောက်ဖက်ရှိ တောထဲတွင် ပစ်ထားခဲ့သည်။

နောက်ပိုင်းတွင် ပလက်ဝရဲအဖွဲ့၏ ခွင့်ပြုချက်ဖြင့် သူ့ အလောင်းအား ရွာသားများက အဆိုပါ နေရာတွင်ပင် မြုပ်နှံထားခဲ့သည်ဟု သူက ပြောသည်။

အဆိုပါ ဝှေ့တိုး အလောင်းကို ခလရ ၅၅ မှ ဗိုလ်ကြီး အောင်ဇော်ဦး ဦးဆောင်သော အဖွဲ့မှလည်း ပြန်လည် တူးဖေါ်ပြီး စစ်ဆေးကြည့် ရှု့ခဲကြောင်း သူကပြောသည်။

0 အကြံပြုခြင်း: