Sunday, June 15, 2008

ဒီနေ့မြန်မာသတင်းများ(တနင်္ဂနွေနေ့)



ဆောင်းပါး
မင်းခက်မောင်/ဘိုကလေး ဇွန် ၁၄၊ ၂၀၀၈
အခက်အခဲ၊ အကန့်အသတ်များကြောင့် စေတနာအလှူရှင်များ လက်လျှော့ကြရ
ဘိုကလေးမြို့ စံကျောင်းဆရာတော် ဦးကောဝိဒက အနာဂတ်ကို မျှော်တွေးမိရင်း သက်ပြင်းရှည်ကြီးချသည်။ ခေါင်းကို လည်း ယမ်းနေမိသည်။ သူ၏ ဘုန်းတော်ကြီးကျောင်းတွင် မေလ ၂ ရက်နှင့် ၃ ရက်နေ့က တိုက်ခတ်ဖျက်ဆီးခံခဲ့ရသည့် နာဂစ် ဆိုင်ကလုန်းမုန်တိုင်းဒဏ်ခံခဲ့ရပြီး အသက်မသေဘဲ ရှင်ကျန်ရစ်ခဲ့သူ ဒုက္ခသည် ၁၀၀ ကျော် ခိုလှုံနေကြဆဲ ဖြစ်သည်။


ဧရာဝတီတိုင်းသို့ သွားရာလမ်းပေါ်က စစ်ဆေးရေးဂိတ်တခု (ဓာတ်ပုံ - မင်းခက်မောင်/ဧရာဝတီ)

“စိုးရိမ်စရာကတော့ အစားအသောက်အတွက် အခု ပင်မထောက်ပံ့နေတဲ့သူတွေ ပျောက်သွားကြပြီ”ဟု ဆရာတော်က ၀မ်းနည်းစွာ ညည်းညူသည်။

“အခုရက်အတောအတွင်းမှာ လာလှူတဲ့ စေတနာအလှူရှင်တွေ နည်းသည်ထက် နည်းသွား ကြပြီ”ဟု ဆရာတော်က ပြောပြသည်။

ဤသို့ စေတနာအလှူရှင်များ အရေအတွက် လျော့နည်းလာမှုအပေါ် စိုးရိမ်ကြောင့်ကြနေသည်မှာ ဆရာတော်တဦးတည်း မဟုတ်ပေ။ အိုးအိမ်ပျက်စီး ဆုံးရှုံးခဲ့ရသူ မုန်တိုင်းသင့်ဒုက္ခသည်များ ခိုလှုံနေကြသည့် အခြားနေရာများကလည်း အလားတူ မရေမရာ စိုးရိမ်ဖွယ် အခြေအနေနှင့် ကြုံတွေ့နေကြရသည်။ လွန်ခဲ့သည့်လက သူတို့ကို ရပ်တည်နိုင်စေခဲ့သည့် အစား အသောက်နှင့် အခြားလိုအပ်သည့် ပစ္စည်းများ လာရောက်လှူဒါန်းသူများလည်း တဖြည်းဖြည်းချင်း နည်းပါးသွားကြပေပြီ။

တွေ့ဆုံမေးမြန်းနိုင်ခဲ့သည့် ဒုက္ခသည်အများစုက ယခုကဲ့သို့ စေတနာအလှူရှင်များထံမှ အကူအညီများ ဆက်လက်လိုအပ် နေသေးကြောင်း ပြောပြကြသည်။ နိုင်ငံကိုအုပ်ချုပ်နေသည့် စစ်အစိုးရက သူတို့ကို လုံးဝလျစ်လျူရှုထားခဲ့ပြီး အစိုးရ အပေါ် အားကိုး၍ မရနိုင်သည်ကိုလည်း သူတို့က သိနေကြသည်။

ယခုအခါ အစိုးရမဟုတ်သည့် အဖွဲ့အစည်း (အန်ဂျီအို) တချို့ မုန်တိုင်းသင့်ဒေသများတွင် ၀င်ရောက်ဆောင်ရွက်ခွင့် ရနေပြီ ဖြစ်သော်လည်း စစ်အစိုးရ၏ ခေါင်းမာမှု၊ တင်းကျပ်မှုများကြောင့် ဤအဖွဲ့များလည်း မကြာခင်ထွက်သွားရဖွယ် ရှိနေသည် ဟု ဒုက္ခသည်များက စိုးရိမ်နေကြသည်။

မုန်တိုင်းဒဏ်သင့်ပြီး ရှင်ကျန်ခဲ့ရသူ လူအများအတွက်မူ မုန်တိုင်းပြီးပြီးချင်း စေတနာအလျှောက် သူတို့ကို လာရောက်ကူညီ ခဲ့ကြသည့် အလှူရှင်များက အစားအသောက်နှင့် အ၀တ်အထည်များသာမက ဤထက်ပို၍ သူတို့ကို ကူညီနိုင်ခဲ့ကြသည်။ မုန်တိုင်းအပြီး ကြံ့ကြံ့ခံရပ်တည်နိုင်အောင် ခွန်အားများ ဖြည့်ဆီးပေးနိုင်ခဲ့ကြသည်။

သူတို့က ရှိသမျှကို လာရောက်ပေးကမ်းလှူဒါန်းခဲ့ကြသော်လည်း ဤပုဂ္ဂလိက စေတနာအလှူရှင်များက အဖွဲ့အစည်းများမှ အကူအညီပေးရေးဝန်ထမ်းများထက် ပိုစွမ်းနိုင်ခဲ့ကြသည်။ သူတို့က ဆွေမျိုးရင်းချာပမာ အေးအတူပူအမျှဖြစ်ကြောင်း နွေးထွေးစွာ ပြသခဲ့ကြသည်။ ဤသူများက မုန်တိုင်းသင့် ဒုက္ခသည်များနှင့် စကားစမြည်ပြောဆိုရင်း၊ သူတို့၏ ဖြစ်ရပ်ကုန် စင် ကို နားထောင်ပေးရင်း ဤဒုက္ခသည်များ တုန်လှုပ်ဖွယ် ပျက်စီးဆုံးရှုံးခဲ့ရမှုများ၊ ပူဆွေးသောကများအတွက် များစွာ လိုအပ် နေသော နှစ်သိမ့်ဆွေးနွေးမှုများ၊ စိတ်ပိုင်းဆိုင်ရာ ခွန်အားများလည်း ပံ့ပိုးပေးနိုင်ခဲ့ကြသည်။

“သူတို့ လိုအပ်နေတာက စားစရာ တခုတည်း မဟုတ်ဘူး”ဟု ဒုက္ခသည် ထောင်ပေါင်းများစွာကို ကူညီခဲ့သည့် ဖျာပုံမြို့ ကျိုက်မှော်ဝန်း ဘုရားမှ ရဟန်းတပါးက ပြောသည်။

“သူတို့က သူတို့ခံစားနေရတဲ့ ပူဆွေးသောကတွေကို တစုံတရာ သက်သာစေဖို့ နှစ်သိမ့်တဲ့ အပြုံးတွေလည်း လိုတယ်”ဟု လည်း အဆိုပါ ရဟန်းက ပြောသည်။

မုန်တိုင်းအတွင်း သူမ၏ ၅ နှစ် အရွယ် သားကလေးနှင့် ပိုင်ဆိုင်မှုများ အားလုံးဆုံးရှုံးပျက်စီးခဲ့ရသူ ဒေါ်ခင်စန်းမြင့်ကမူ အလှူရှင်များထံမှ နှစ်သိမ့်အားပေးသည့် စကားများသာ မကြားရပါက သူရူးသွပ်သွားဖွယ်ရှိကြောင်း ပြောပြခဲ့ပါသည်။

“သူတို့က အမ ... ဘယ်လိုနေလဲလို့ မေးကြတယ်။ ဒီအခါ ကျမလည်း ကိုယ်ဆုံးရှုံးခဲ့ရတာကို နည်းနည်းတော့ သက်သာ တာပေါ့”ဟု အသက် ၄၂ နှစ် အရွယ် အမျိုးသမီးတဦးက ပြောပြပါသည်။

ယခုတော့ မုန်တိုင်းသင့်ဒုက္ခသည်များထံသို့ အလှူရှင်များ နည်း၍နည်း၍ ရောက်လာနေခဲ့ကြပြီ။ ဒေသခံ အန်ဂျီအိုအဖွဲ့များ ကလည်း မည်မျှအတိုင်းအတာအထိ သူတို့ကို ဆက်လက်ကူညီနိုင်မည်ကို မသိနိုင်သေးပါ။

လေ့လာသူများကမူ ယခုကဲ့သို့ အလှူရှင်များ လျှော့နည်းသွားရခြင်းမှာ ဒေသခံအာဏာပိုင်များက စေတနာအလျှောက် လှူဒါန်းရန် လာကြသူများကို နှောင့်ယှက် ဟန့်တားမှုများ ရှိခဲ့သောကြောင့်ဟု ဆိုကြပါသည်။

အလှူရှင်များက ဆိုကြရာတွင် သူတို့အနေဖြင့် လမ်းဖြတ်သန်းခ၊ တံတားခွန်များနှင့် ဧရာဝတီတိုင်းသို့ ပစ္စည်းသယ်ယူနိုင် ရေးအတွက် မတန်တဆကြေးများကို ပေးခဲ့ကြရသည်ဟု ပြောပြကြပါသည်။ ထိုမျှမက လမ်းလျှောက်ရှိ စစ်ဆေးရေးဂိတ် များတွင်လည်း စစ်ကြောမေးမြန်းမှု အကြိမ်ကြိမ်ကြုံတွေ့ခဲ့ကြရပါသည်။

အချို့ဖြစ်ရပ်များတွင် အလှူရှင်များ၏ ကားများကို အာဏာပိုင်များက သိမ်းဆည်းခြင်း၊ နောက်ပြန်လှည့်စေခြင်းများလည်း ကြုံတွေ့ခဲ့ကြရပါသည်။ တချို့အလှူရှင်များမှာမူ သူတို့လှူဒါန်းသည့် ပစ္စည်းများကို အရည်အသွေးမကောင်းသည့် ပစ္စည်း များဖြင့် လဲလှယ်၍ ပြန်လည် ဖြန့်ဝေပေးသည်ကို ကြုံတွေ့ခဲ့ကြရပါသည်။


မုန်တိုင်းသင့် ဧရာဝတီတိုင်းသို့ ဦးတည်ထွက်ခွာနေသော ပုဂ္ဂလိက အလှူရှင်ကားတန်း (ဓာတ်ပုံ - မင်းခက်မောင်/ဧရာဝတီ)
ပြည်တွင်းရှိ အန်ဂျီအိုအဖွဲ့အစည်းတခုဖြစ်သည့် မြန်မာ အီး-ဂရက်စ် (Myanmar Egress) အဖွဲ့တွင် လုပ်ကိုင်နေသူ စေတနာ့ဝန်ထမ်းတဦး၏ အတွေ့ အကြုံအရ လပွတ္တာသို့ သူတို့အကူအညီပေးရန် အသွားတွင် စစ်ဆေးရေးဂိတ်တခု၌ သူတို့ ၏ ကားကို ရပ်တန့်စေပြီး အရည်အသွေးမြင့်ဆန်အိတ် များကို အရည်အသွေးညံ့သည့် ဆန်အိတ်များနှင့် လဲလှယ်၍ ပေးလှူ ခိုင်းသည်ကို ကြုံတွေ့ခဲ့ရ ကြောင်း ဆိုပါသည်။

“သူတို့ (ဒေသခံအာဏာပိုင်များ) က ပြောတယ်။ သူတို့ညွှန်ကြားချက်ကို မလိုက်နာဘူးဆိုရင် ကျနော် တို့ ပြန်လှည့်ရုံပဲ ရှိတယ်လို့ ပြောလာတယ်”ဟု ၎င်းစေတနာ့ဝန်ထမ်းက ပြောပါသည်။

“ကျနော်တို့လည်း တခြားရွေးစရာလမ်း မရှိတော့ဘူး”ဟု စသည်ဖြင့် သူတို့လိုက်နာခဲ့ကြရကြောင်း ပြောပါသည်။

တချို့အလှူရှင်များမှာမူ စစ်ဆေးရေးဂိတ်များကို ဖြတ်သန်းရစဉ် သူတို့၏ ပစ္စည်းများ သိမ်းဆည်းခံကြရကြောင်းလည်း စောဒကတက် ပြောပြကြသည်။

သီတဂူဆရာတော် အရှင်ဥာနိဿရအပါအ၀င် နာမည်ကြီးဆရာတော်၊ သံဃာတော်များမှာလည်း ဒေသခံအာဏာပိုင်များ၏ အနှောင့်အယှက်ပေးမှုများနှင့် မလွတ်ကင်းခဲ့ပါ။ ရင်ဆိုင်ဖြေရှင်းခဲ့ကြရပါသည်။

မေလ တတိယပတ်တွင် မုန်တိုင်းသင့်ဒုက္ခသည်များထံ ဖြန့်ဝေပေးမည့် ဤဆရာတော်၏ ဆန်အလှူကား၂ စီးကို ပန်းလှိုင် တံတားအနီး စစ်ဆေးရေးဂိတ်တွင် စစ်ဆေးရန်ဟုဆိုကာ တားဆီးခံခဲ့ရပါသည်။ ပန်းလှိုင်တံတားမှာ ရန်ကုန်မှ ဧရာဝတီ တိုင်းသို့ သွားရာလမ်းတွင် ဖြတ်သန်းကြရသည့် တံတားတခု ဖြစ်ပါသည်။ ရဲများက ဆန်ကားတစီးသာ သွားခွင့်ပြုနိုင်မည်၊ အခြားဆန်ကားတစီးကို သိမ်းဆီးရလိမ့်မည်ဟု ဆိုလာပါသည်။

လေ့လာသူ အများစုကမူ ယခုကဲ့သို့ စေတနာအလှူရှင်များ မြန်မြန်ဆန်ဆန် အရေအတွက် လျော့ကျလာခဲ့ရခြင်းအတွက် အာဏာပိုင်များ၏ ပိတ်ဆို့မှုများအပေါ်ကိုသာ အပြစ်ဖို့ကြပါသည်။ တချို့ကမူ ကြပ်တည်းလာသည့် စီးပွားရေးအခြေအနေ နှင့်လည်း သက်ဆိုင်လိမ့်မည်ဟု ဆိုကြပါသည်။

အမည်မဖော်လိုသည့် စီးပွားရေးလေ့လာသုံးသပ်နေသူတဦးကမူ မြို့ပြများရှိ လူလတ်တန်းစား ပြည်သူများအနေဖြင့် သူတို့ စွမ်းနိုင်သမျှ အများဆုံး ကူညီထောက်ပံ့ပေးခဲ့ကြပြီဟု သုံးသပ်ပါသည်။

“သူတို့မှာလည်း အကန့်အသတ်ရှိတယ်”ဟု သူက ပြောသည်။ စီးပွားရေးသင့်တင့်ချောင်လည်သူများပင်လျှင် မြင့်တက်လာ နေသည့် လူနေမှုစရိတ်များကို ရုန်းကန်နေကြရသည်ဟု မှတ်ချက်ပေးပါသည်။ စီးပွားရေးစီမံခန့်ခွဲမှု လွဲချော်မှားယွင်းမှု များ ကြောင့်လည်း နိုင်ငံတ၀န်း ပို၍ ဆင်းရဲကြပ်တည်းလာနေရပါသည်။

“အခုတော့ သူတို့ဒုက္ခသည်တွေကို ထပ်လှူဖို့ရာ မကျန်ကြတော့ဘူး”ဟု လည်း သူက ထင်မြင်ချက်ကို ပြောသည်။

ယခုကဲ့သို့ လူအများက စေတနာအလျှောက် မုန်တိုင်းသင့်ဒုက္ခသည်များထံ အလုံးအရင်းဖြင့် လှူဒါန်းခဲ့ကြသူများကို သူက “လူသားချင်းစာနာစိတ်” ဖြင့် အလိုအလျှောက် မည်သူ့တိုက်တွန်းချက်မှ မပါဘဲ တုံ့ပြန်ခဲ့ကြခြင်းသာ ဖြစ်သည်ဟု ဆိုပါ သည်။ ဤသို့လှူဒါန်းခြင်းအားဖြင့် မြန်မာလူမှုအဖွဲ့အစည်းတွင် ပေါကြွယ်ဝနေသည်ဟု တွက်ဆ၍ မရနိုင်သကဲ့သို့ နိုင်ငံကို အုပ်ချုပ်နေကြသည့် စစ်အစိုးရက တွန့်တို စေတနာမဲ့နေပုံမှာလည်း ၎င်းစစ်ဗိုလ်ချုပ်များတွင် ငွေမရှိဟု တွက်ဆ၍ မရနိုင် ကြောင်း ပြောပြပါသည်။

မုန်တိုင်းသင့် ဒုက္ခသည်များထံ အ၀တ်အစားများ အကူအညီပေးရန် လှုံ့ဆော်စည်းရုံးခဲ့သူ တက္ကသိုလ်ကျောင်းသူ မဇင်ဇင် ကမူ ယခုအခါ အ၀တ် ဟောင်းများပင် အလှူခံရန် ခက်ခဲနေပြီဟု ဆိုပါသည်။

“ကျမတို့ ဆက်သွယ်ခဲ့တဲ့သူတွေက တကယ်ပဲ ကူညီချင်ကြပါတယ်။ အခုတော့ သူတို့လည်း ပေးဖို့ မကျန်တော့ဘူး”ဟု အသက် ၂၂ နှစ် ရှိ မဇင်ဇင်က ဆိုပါသည်။

“ကျမကိုယ်တိုင်လည်း အ၀တ် ၃ စုံပဲ ကျန်တော့တယ်”ဟု သူက ထပ်မံ ဖြည့်စွက်ပြောပြပါသည်။

သတင်းထောက်တဦးကလည်း“စေတနာအလှူရှင်တွေက သူတို့ အတတ်နိုင်ဆုံး လုပ်ပေးခဲ့ကြပါတယ်”ဟု ပြောပါသည်။

“အခုတော့ နိုင်ငံတကာအဖွဲ့အစည်းတွေကိုပဲ အားထားကြရတော့မှာပဲ”ဟု လည်း သူကဆိုပါသည်။

......................
ရန်ကုန်တိုင်းမှူးအမိန့်အရ သာသနာ့သိပ္ပံကျောင်းကို ချိပ်ပိတ်

မဇ္ဈိမသတင်းဌာန
စနေနေ့၊ ဇွန်လ 14 2008 16:51 - မြန်မာစံတော်ချိန်

နယူးဒေလီ။ ။ ဒီမိုကရေစီ လိုလားသူ အတိုက်အခံများ ကိုးကွယ်ရာ ဘုန်းကြီးကျောင်းတခုဖြစ်သော ရန်ကုန်မြို့ ခြောက်ထပ်ကြီး ဘုရားဝင်းအတွင်းရှိ သာသနာ့ သိပ္ပံကျောင်းကို ယမန်နေ့က အာဏာပိုင်များက ချိပ်ပိတ်လိုက်သည်။

ရန်ကုန်တိုင်း စစ်တိုင်းမှူး ဗိုလ်မှူးချုပ်လှဌေးဝင်း အမိန့်အရဆိုကာ မြို့နယ် အေးချမ်းသာယာရေး ကော်မတီ ဥက္ကဌအပါအ၀င် လုံခြုံရေး တပ်ဖွဲ့ဝင်များက သောကြာနေ့ နံနက် ၁၁ နာရီခန့်က ကျောင်းတိုက်သို့ ရောက်ရှိလာပြီး လစ်လပ်နေသော ကျောင်းထိုင် ဆရာတော်နေရာတွင် တရားဝင် ခန့်အပ်မှု မပြီးမချင်း ခေတ္တ ပိတ်ထားမှာ ဖြစ်သည်ဟု ပြောကာ ကျောင်းတိုက်ပေါ်တွင် သီတင်းသုံး နေထိုင်တော်မူနေသော သံဃာတော်များကို ဖယ်ရှားကြပါရန် ပြောကြားခဲ့သည်။

"မနေ့က မနက် ၁၁ နာရီလောက်မှာ ဆိုင်ကယ်တွေနဲ့ ရောက်လာတယ် မ.ယ.က ပါတယ် ရ.ယ.က တွေလဲပါတယ် အရပ်ဝတ်တွေနဲ့ ထောက်လှမ်းရေးတွေကော ကြံဖွံ့တွေ၊ စွမ်းအားရှင်တွေကော ၂၀ လောက်ရှိတယ်၊ ညနေ (၅)နာရီမှာ ဘုန်းကြီးကျောင်းကို သူတို့မှာ ပါလာတဲ့ သော့နဲ့ခတ်ပြီး ချိပ်ပါပိတ်သွားတယ်" ဟု ကျောင်းတိုက်တွင် ၀ါဆို သီတင်းသုံးနေထိုင်ခဲ့သူ ရဟန်းတော်တပါးက မဇ္ဈိမ သို့ ပြောကြားသည်။

ယခုအခါ ဝါဆို သံဃာတော်သုံးပါးမှာ ခြောက်ထပ်ကြီး ဘုရားဝန်းအတွင်းရှိ အခြားသော ကျောင်းတိုက်နှစ်ခုသို့ ရွှေ့ပြောင်း သီတင်းသုံးနေသည်။

ကျောင်းထိုင်ဆရာတော် ရွေးချယ်မှုမှာ အကြောင်းပြချက် သက်သက်သာ ဖြစ်ပြီး ပြန်လည် ဖွင့်ပေးလိမ့်မည် မထင်ကြောင်း ရဟန်းတော်များက လက်ခံထားကြသည်။

ဒီမိုကရေစီ လိုလားသူများ၏ ကိုးကွယ်လှူတန်းခြင်းကို စစ်အစိုးရငြိုငြင်မှာ မကြောက်မရွံ့ဘဲ လက်ခံလေ့ရှိသူ သာသနာ့သိပ္ပံ ကျောင်းထိုင် ဆရာတော်ကြီး၏ ဈာပနပွဲကို ဇွန်လ(၇) ရက်နေ့က ကျင်းပခဲ့ရာ ရန်ကုန်ရှိ အတိုက်အခံ အင်အားစုများမှ လိုက်ပါ ပို့ဆောင်ခဲ့ကြသည်။

ဈာပနပွဲကို အာဏာပိုင်များကလည်း အနီးကပ် စောင့်ကြည့်နေခဲ့ပြီး လိုအပ်လျှင် ဖြိုခွင်းခြင်းပြုရန် စွမ်းအားရှင်နှင့် ကြံ့ခိုင်ဖွံ့ဖြိုးရေးများကိုပါ အဆင်သင့် ခေါ်ယူထားခဲ့သည်။

၂၀၀၇ခုနှစ် သြဂုတ်နှင့် စက်တင်ဘာလက ဖြစ်ပွားခဲ့သော သံဃာတော်များ ဦးဆောင်သည့်"ရွှေဝါရောင် တော်လှန်ရေး" တွင် ဘုန်းကြီးကျောင်း များကို စစ်အစိုးရက ၀င်ရောက် စီးနင်းခံခဲ့ရပြီး ကျောင်းတိုက်အချို့မှာ ချိပ်ပိတ်ခံခဲ့ရသည်။

ခြောက်ထပ်ကြီး ဘုရားဝင်းအတွင်းရှိ သာသနာ့သိပ္ပံနှင့် သာသာနာ့ဂုဏ်ရည် ကျောင်းများမှာလည်း လုံခြုံရေး တပ်ဖွဲ့များ၏ ၀င်ရောက်စီးနင်း ရှာဖွေခြင်းခံခဲ့ရသည်။ သာသနာ့ ဂုဏ်ရည်ကျောင်းကို ချိပ်ပိတ်ထားခဲ့ရာ နာဂစ် မုန်တိုင်းကြောင့်လည်း ကျောင်းတိုက်ပျက်စီးမှုများ ရှိသည်။

..................
နာဂစ်ကြောင့် မြန်မာ့စီးပွားရေး ကျဆင်းနေ

ဖနိဒါ
သောကြာနေ့၊ ဇွန်လ 13 2008 16:16 - မြန်မာစံတော်ချိန်

ချင်းမိုင်။ ။ လူအသေအပျောက် များခဲ့သည့် မုန်တိုင်း အကျိုးဆက်ကြောင့် နိုင်ငံ၏ စီးပွားရေးကို ထိုင်းမှိုင်းလာစေသည်ဟု စီးပွားရေး ပညာရှင်များနှင့် ကုန်သည်များက သဘောတူညီ သုံးသပ်မှု ပြုထားသည်။

လယ်ယာစိုက်ပျိုးရေးနှင့် ရေလုပ်ငန်း အားကောင်းရာ ဧရာဝတီတိုင်းနှင့် နိုင်ငံ၏ စီးပွားရေးအရ အားအကောင်းဆုံး မြို့ဖြစ်သည့် ရန်ကုန်တွင် နာဂစ်မုန်တိုင်းကြောင့် မြန်မာ့ ရာဇဝင်တွင် မကြုံစဖူး ထူးကဲသည့် သေကြေ ပျက်စီးမှုများ ခံခဲ့ရ၍ တိုင်းပြည် စီးပွားရေးကို အကြီးအကျယ် ထိခိုက်သွားစေခဲ့သည်။

“စီးပွားရေး ကျသွားတော့ ဝယ်လိုအား အရမ်းနည်းသွားတယ်။ နောက် မိုးတွင်းလည်း ဖြစ်နေတယ်လေ။ နောက် အသီးအရွက်တွေ မစိုက်နိုင် တော့ဘူး။ လမ်းပန်း ဆက်သွယ်ရေးက အောက်ပိုင်းမှာ ပိုဆိုး၊ အပေါ်ပိုင်းမှာ အသွားအလာ နည်းလာ။ အရေးကြီးတာက ဆန်ဈေး တက်တာ။ စားစရာဆန်က အဓိကဆိုတော့ ဝယ်သူတွေ လျော့နည်းသွားတာပေါ့နော်။ အခု အောက်ပိုင်း (မြန်မာနိုင်ငံ တောင်ဘက်အရပ်) မှာက ဆန်အချိန်မှာ စပါး၊ ငှက်ပျော၊ ပီလောပီနံဥတို့ ရစရာတွေ ရှိတယ်။ အခုတော့ လယ်ထဲမက ကန်တွေမှာတောင် ရေဝင်နေတော့ အများကြီး ဒုက္ခရောက်တယ်” ဟု ရန်ကုန်မြို့ အခြေစိုက် စီးပွားရေးပညာရှင် ဦးခင်မောင်ညို (ဘောဂဗေဒ) က မဇ္ဈိမကို ပြောသည်။

ဦးခင်မောင်ညိုက တိုင်းပြည်အတွင်း အခြေအနေတခုမှ တခုသို့ ရုတ်တရက် ပြောင်းလဲခြင်းနှင့် သဘာဝ ဘေးအန္တရာယ် ကျရောက်ခြင်းတို့ ဖြစ်ပေါ်တိုင်း ဈေးနှုန်း အတက်ကြမ်းလေ့ရှိသဖြင့် နိုင်ငံ့စီးပွားရေး ကျဆင်းတတ်သည်ဟု ဆိုသည်။

“တခုခု အကြီးအကျယ် ပြောင်းလဲမှုတိုင်း၊ ပြောင်းလဲမှုတိုင်းမှာ စီးပွားရေး ကျတတ်ပါတယ်။ အမြဲတမ်း အတက်လည်း ရှိတယ်။ အကျလည်း ရှိတယ်။ စီးပွားရေး လောကမှာ ဒီလိုအချိန်မှာ အခွင့်အရေးယူကြတော့ အတက်အကျ ရှိတယ်နော်” ဟု ပြောသည်။

ရန်ကုန်မြို့တွင် ဆန်ဈေးနှုန်းမှာ ၁၅ ရာခိုင်နှုန်းကျော် အသီးသီး တက်သွားသည်။ ပေါ်ဆန်းမွေး တအိတ်လျှင် ကျပ် ၃၆ဝဝဝ ရှိရာမှ ၄၂ဝဝဝ ကျပ်၊ ဇီယာဆန်သည် ယခင်က ၂၄ဝဝဝ ကျပ်မှ ယခုအခါ ၂၈ဝဝဝ ကျပ်ဖြစ်သည်။ ရေစို၍ အဝါရောင် သန်းသွားသော ဆန်များကို စားသုံးလာရာ တအိတ်လျှင် ၁၇ဝဝဝ ကျပ် ဈေးပေါက်သည်။

စားသုံးဆီဈေးမှာ ပဲဆီဆိုလျှင် ၄ဝ ရာခိုင်နှုန်းကျော် မြင့်တက်သွားရာ ပဲဆီ တပိဿာ ၄၂ဝဝ ကျပ်မှ ၆ဝဝဝ ကျပ် ဖြစ်သွားသည်။

လောင်စာဆီဈေးများတွင် ဓာတ်ဆီဆိုလျှင် ပြင်ပပေါက်ဈေးအရ ၃ဝ ရာခိုင်နှုန်းကျော် မြင့်တက်သွားရာ တဂါလံလျှင် ၄၅ဝဝ ကျပ်မှ ၆ဝဝဝ ကျပ်၊ ဒီဇယ်တဂါလံက ၄၂ဝဝ မှ ၄၇ဝဝ ဖြစ်လာသည်။

ကုန်သည်ကြီးများနှင့် စက်မှုလုပ်ငန်းရှင်များ အသင်းမှ ထိပ်တန်း ကုန်သည်ကြီးတဦးကလည်း နိုင်ငံတွင် စီးပွားကျဆင်းမှု ဖြစ်ပေါ်နေခြင်းကို သဘောတူ လက်ခံထားသည်။

“ရောင်းအားကျတာ မုန်တိုင်းကြောင့်။ နာဂစ်ဖြစ်ပေါ်မှုရဲ့ နောက်မှာ ကယ်ဆယ်ရေးရော၊ ပြန်လည် ထူထောင်ရေးရော အကုန် လုပ်နေရတယ်လေ။ လူတသန်းခွဲလောက် အိုးမဲ့အိမ်မဲ့ ဖြစ်သွားတာကိုး၊ နည်းတာ မဟုတ်ဘူးလေ။ အသက်ရှင်နေတဲ့လူတွေအတွက် စားရေး၊ သောက်ရေး၊ ဝတ်ရေး အကုန်လုံး စီစဉ်ပေးရတဲ့အခါမှာ ဒီလို ဖြစ်သွားတာပေါ့” ဟု ပြောသည်။

အာဏာပိုင်များက အငြိုးထားတုံ့ပြန်မှု လုပ်မှာ စိုးရိမ်ကြောင့်ကြ၍ အမည် ထည့်မပြောရန်တော့ သူက မဇ္ဈိမကို မေတ္တာရပ်ခံခဲ့သည်။

ဒိုမီနို သက်ရောက်မှု (Domino effect) ဟု စီးပွားရေးပညာရှင်များ ပြောလေ့ရှိသည့်အတိုင်း စီးပွားရေး ကျဆင်းမှုမှာ မီးခိုးကြွက်လျှောက်ဖြစ်ပြီး အရောင်းအဝယ်တွင်လည်း လက်ကား လုပ်ငန်းရှင်ကြီးများရော လက်လီရောင်းသူများ၊ တနေ့လုပ် တနေ့စားများကိုပါ ထိခိုက်ကုန်သည်။

ရန်ကုန်ရှိ သီရိမင်္ဂလာဈေး ကုန်စိမ်းပွဲရုံများတွင်လည်း မုန်တိုင်း မဖြစ်ခင်က တနေ့ ရောင်းအား ကျပ်ငွေ ၂ သိန်းမှ ၃ သိန်းအထိ ရှိသော်လည်း ယခုရက်ပိုင်းတွင် ၃ သောင်းမှ ၄ သောင်းခန့်သာ ရသည်ဟု မျိုးမိသားစု ကုန်စိမ်းပွဲရုံက ပြောသည်။

“ဒီလပိုင်းကနေ အရောင်းအဝယ်တွေ အေးသွားတာပေါ့။ ကျမတို့က တောဘက်ကို အားထားပြီး ရောင်းရတာဆိုတော့ ဈေးရောင်းရတာ ကျတာပေါ့ရှင်။ ဘယ်လောက်အထိ ကျသွားလဲဆိုတော့ ဒီလိုကြီး ပြောလို့ မရဘူးလေ။ လာဝယ်တဲ့လူက နည်းသွားတယ်နော်။ အဝယ် ပါးသွားတယ်ပေါ့။ ဟိုရက်ကလေးကတော့ အဝယ်သွက်တယ်။ တောကလူတွေက ဒုက္ခရောက်သွားတော့ ဘယ်ဝယ်တော့မှာလဲ” ဟု ပွဲရုံမှ ပုဂ္ဂိုလ်တဦးက ပြောသည်။

အဆိုပါ ကုန်စိမ်းရုံမှာ အဓိကအားဖြင့် ဧရာဝတီတိုင်း လပွတ္တာ၊ ဘိုကလေး၊ ပုသိမ်မြို့နယ်များမှ ကုန်ပစ္စည်းများကို အဓိက ရယူကာ ပြန်လည် ရောင်းချနေခြင်း ဖြစ်သည်။

လှည်းတန်းဈေး ကုန်စုံဆိုင်တခုမှ ကုန်သည်တဦးက “ဆိုင်ကတော့ အရမ်းပါးတယ်။ တယောက်စ နှစ်ယောက်စပဲ လာတယ်။ ဘာလုပ်လို့ ဘာကိုင်ရမှန်းမသိ ဖြစ်နေတယ်။ တနေ့ကလည်း (Ready made) ရခိုင်မုန့်တီ လာရောင်းတာတောင် အရောင်းပါးလို့ မတင်ဘူးလေ။ တခြား အထည်ဆိုင်တွေဆိုရင် ပိုဆိုးတာပေါ့။ ဘေးက ဆိုင်ခန်းတွေတောင်မှ ဆိုင်ခန်း ရောင်းချင်တာ တပုံကြီး ဖြစ်နေတယ်၊ ရောင်းမကောင်း ကြဘူးလေ။ အဝယ် မလိုက်ဘူးတဲ့” ဟု ပြောသည်။

စားသုံးကုန်များ ဈေးတက်နေသည့်အပြင် မိမိရရှိသည့် လခနှင့် အိမ်သုံးစရိတ် မကိုက်သည့်အပြင် လေဘေး ကယ်ဆယ်ရေးတွင်လည်း ကူညီ လှူဒါန်းချင်သဖြင့် မီးဖိုချောင် သုံးစရိတ်များကို ချွေတာနေရသည်ဟု ရန်ကုန်မြို့ပေါ်ရှိ အိမ်ရှင်မတဦးက ပြောသည်။

“ကျမတို့က ဝင်ငွေနဲ့ စားဖို့သောက်ဖို့က မကိုက်ဘူးလေ။ အခု ကျောင်းဖွင့်တော့ ကလေးကျူရှင်ခတွေပေါ့။ သမီးကလည်း ဝန်ထမ်းသမားတွေ ရတဲ့လစာနဲ့ ဘယ်လိုလုပ် စားလောက်မှာတုန်း။ မုန်တိုင်းပြီးကတည်းက ငါးလည်း မစားတော့ဘူး။ ကြက်သားကလည်း တက်။ နောက် ဆန်ဈေးကလည်း မကျဘူး၊ တက်နေတာပဲ။ လူတွေက မုန်တိုင်းအတွက် သွားလှူကြတာမလား၊ အန်တီတို့တောင် နှစ်ခါလောက် လေဘေးအတွက် သွားလှူကြတော့ မီးဖိုသုံးဘက် ချွေတာကုန်ကြပြီ။ ဟိုဘက်မှာက စားစရာ သောက်စရာမရှိ။ အဲဒါကြောင့် လူတွေ အကုန်လုံးက မျှမျှတတ ချွေတာနေရတာပေါ့” ဟု ရန်ကုန်မြို့ရှိ အိမ်ရှင်မ တဦးက ပြောသည်။

တာမွေမှ အိမ်ရှင်မက “မိုးရာသီလည်းဖြစ်လို့ ဈေးရောင်းပွဲတော်တွေ ရှိတယ်။ ဒါပေမဲ့ သူတို့ မဝယ်နိုင်ကြဘူး။ ဘာကြောင့်လဲဆိုတော့ စားသောက်ကုန်တွေက မဖြစ်မနေ စားနေရတော့ ဝယ်စားနေရတာပဲလေ။ တခြား ပစ္စည်းတွေက ဘယ်ဝယ်စားနိုင်မလဲ။ ဝန်ထမ်းတွေ၊ မရှိဆင်းရဲသားတွေဆို ပိုဆိုးတာပေါ့။ မဝယ်စားနိုင်ဘူးလေ” ဟု ပြောသည်။

ယခင်နှစ်က ရောင်းအား သွက်ခဲ့သော လသာမြို့နယ်ရှိ ကျောင်းကျောပိုးအိတ် ဆိုင်ပင်လျှင် ယခုနှစ် ကျောင်းဖွင့်ချိန်တွင် ထက်ဝက်ခန့် ရောင်းအားကျသွားသည်။

“ကျနော်တို့ ဆိုင်ကတော့ အရောင်းကျသွားတယ်။ ဝယ်သူတွေတောင် မလာဘူး။ ကျောင်း စဖွင့်ကတည်းကလည်း အရင်နှစ်ကဆို ကျောင်းဖွင့်ချိန်မှာ ပိုရောင်းရတာ၊ အခုတော့ မုန်တိုင်း ကျသွားတယ်လေ” ဟု ဆိုင်ရှင်တဦးက ပြောသည်။

အင်းစိန်မှ အိမ်ရှင်မကမူ “စားသုံးသူတွေက ဈေးပေါတာပဲ ကြည့်တော့တယ်။ အပေါဆုံးဟာ ဘယ်ဟာလဲ ဆိုတာပဲ ကြည့်လိုက်တယ်လေ။ လူတွေက စားဖို့အတွက်ကို အတင်းရုန်းကန်နေရတဲ့ အခါကျတော့ ဝန်ထမ်းတွေ၊ လက်လုပ်လက်စားတွေ ဆိုရင်လည်း ကိုယ့်လုပ်အားခကို ကြည့်ပြီးတော့ မဝယ်စားနိုင်တော့ဘူးလေ” ဟု ပြောသည်။

ရန်ကုန်မြို့ပေါ်ရှိ ရွှေဖားစည် ကုန်စည်ပို့ဆောင်ရေး ကားဂိတ်မှ တာဝန်ရှိသူတဦးလည်း မုန်တိုင်း မဖြစ်ခင်က တနေ့လျှင် ကုန်ကား ၃-၄ စီးခန့် ကုန်စုံပစ္စည်းများ သယ်ယူ ပို့ဆောင်ခဲ့သော်လည်း ရောင်းအားကျခြင်း၊ မိုးတွင်းကျခြင်းတို့ကြောင့် ယခုရက်ပိုင်းတွင်မူ ၄ ရက်ကြာမှ ကုန်ကားတစီးသာ ထွက်နိုင်တော့ကြောင်း ပြောသည်။

ဦးခင်မောင်ညို (ဘောဂဗေဒ) က “တကယ့် တကယ်တော့ နည်းနည်းလေးတော့ စောင့်ရလိမ့်မယ်။ မစောင့်လို့တော့ မရဘူး။ စီးပွားရေးကပ် ကျတာပေါ့နော်။ အနည်းဆုံး ၆ လလောက် စောင့်ရလိမ့်မယ်။ ကျနော်တို့ နိုင်ငံခြား အကူအညီပဲ မျှော်လို့မရဘူး။ ကိုယ်တိုင်လုပ်ဖို့က တကယ်တော့ စီမံခန့်ခွဲတဲ့ လူကောင်းကောင်း ဦးဆောင် လုပ်ပေးလိုက်ရင်တော့ အနည်းငယ်တော့ ပြန်ကောင်းလာဖို့ ရှိမယ်လို့ သုံးသပ်တယ်” ဟု ပြောဆိုလိုက်သည်။

................




မြစ်ဝကျွန်းပေါ်ဒေသဒီနေ့ရာသီဥတုအခြေအနေ

လက်ရှိရရှိသောသတင်းများအရမြစ်ဝကျွန်းပေါ်ဒေသသို့မိုင်၅၀မှ၇၀ကြားတိုက်ခတ်နေပြီးနာရေးကူညီမှုအသင်းမှထောက်ပံ့ရေးယာဉ်တန်းမှာလည်းဘိုကလေးမြို့မှရှေ့ဆက်သွားမရဖြစ်နေကြောင်းသိရသည်။
Photobucket