Monday, June 16, 2008

ဒီနေ့မြန်မာသတင်းများ(တနလာင်္နေ့)



အရေးတော်ပုံကား မျိုးဆက်တိုင်းအား တပ်လှန့်၍ နေချေပြီ
ဆောင်းပါး
အောင်မော်ဦး
တနင်္လာနေ့၊ ဇွန်လ 16 2008 16:00 - မြန်မာစံတော်ချိန်
“နိုင်ငံသားတိုင်း၌ မိမိတို့လိုချင်သည့် အစိုးရမျိုးကို မိမိတို့ဘာသာ ရွေးချယ်ပိုင်ခွင့် ရှိကြပေသည်။ ဤအခွင့်အရေးကို ဆုပ်ကိုင်၍ မိမိတို့ ဆန္ဒအလျောက် မိမိတို့ဘာသာ မရွေးချယ်ခဲ့ကြပါက မိမိတို့ မလိုချင်သည့် အစိုးရမျိုးကိုသာ ရရှိကြပေလိမ့်မည်။ သို့သော် အရာရာ နှောင်းသွားပြီ ဖြစ်သဖြင့် ညံ့ဖျင်းသည့် အစိုးရကို သာလျှင် မိမိတို့နှင့် တန်သည့် အစိုးရအဖြစ် သဘောပိုက်၍ လူမဆန်သည့် အစိုးရ၏ အဓမ္မပြုကျင့်မှုကို ပြားပြားဝပ်မျှ ခံကြရပေလိမ့်မည်”
စစ်အုပ်စုက ဆန္ဒခံယူပွဲ၌ (၉၂.၄) ရာခိုင်နှုန်း ထောက်ခံမဲ ရရှိခဲ့သည်ဟု ကြေညာခဲ့သည်။ စကတည်းက လိမ်လည်ညစ်ပတ် လိမ့်မည်ဆိုသည်ကို ကြိုခန့်မှန်းထားနှင့်ကြသည့် လူများအတွက်မူ ဤကြေညာချက်သည် ပြက်လုံးတခုသဖွယ် ဖြစ်ကောင်း ဖြစ်နေပေလိမ့်မည်။ သို့သော် ဤ ပြက်လုံးသည် ဘ၀နှင့်ရင်း၍ ရယ်ရမည့် ပြက်လုံးမျိုး၊ အနာဂတ်ကို ထိုးကျွေး၍ ရယ်ရမည့် ပြက်လုံးမျိုး၊ သခင်ရှေ့မှောက် ဒူးထောက်၍ ကျွန်ရယ် ရယ်ရမည့် ပြက်လုံးမျိုး ဖြစ်နေသဖြင့် ရယ်ရ ခက်ကြပေလိမ့်မည်။
လူအတော်များများက ဆန္ဒခံယူပွဲရလဒ်ကို ၆၀% - ၄၀% ခန့် ဖြစ်နိုင်ဘွယ်ရာ ရှိသည်ဟူ၍ မှန်းဆထားခဲ့ပါသည်။ ပြည်သူ လူထုကို လျှော့တွက်၍ မဟုတ်ဘဲ စစ်အုပ်စု၏ လိမ်လည် ညစ်ပတ်မှုကို ထည့်တွက်၍ ဤသို့ ခန့်မှန်းထားခြင်း ဖြစ်ပါသည်။ အကယ်၍ လူအများ မှန်းဆထားသလို စစ်အုပ်စုက နှာတဖျားသာရုံလေး ကပ်၍ ကြေညာခဲ့မည်ဆိုလျှင် လူတိုင်းလိုလို မျက်စေ့ လည်သွားနိုင်ပါသည်။ (၁) စစ်အုပ်စုကို လိမ်လည် ညစ်ပတ်သည်ဟူ၍ တိတိကျကျ ပြောရန် ခက်ခဲနိုင်ပါသည်။ (၂) ပြည်သူလူထုအတွင်း ငါက ကန့်ကွက်တယ်၊ နင်က ထောက်ခံတယ်ဟူ၍ အချင်းချင်း အထင်အမြင် လွဲမှားမှုများ ပေါ်ပေါက် လာနိုင်ပါသည်။ (၃) နိုင်ငံတကာ အစိုးရများနှင့် ကမ္ဘာ့ပြည်သူများအားလည်း ရှင်းပြရန် အတော့်ကို ခက်ခဲနိုင်ပါသည်။
သို့သော် စစ်အုပ်စုက (၉၂.၄%) ဟု ကြေညာလိုက်သဖြင့် (၁) စစ်အုပ်စု၏ လိမ်လည် ညစ်ပတ်မှုမှာ ဘွားဘွားကြီး ပေါ်ထွက် လာခဲ့ပါသည်။ (၂) ပြည်သူ အားလုံးသည်လည်း မိမိတို့ လိမ်ညာခံရ၊ မတရားပြုခံရသည်ကို မျက်မြင်ဒိဌိ သိရှိခွင့် ရရှိသွားခဲ့ကြပါသည်။ (၃) နိုင်ငံတကာ အစိုးရများနှင့် ကမ္ဘာ့ပြည်သူများအားလည်း ရှင်းပြရန် မလိုတော့လောက်အောင်ပင် စစ်အုပ်စု ၏ ငါတကောကောသည့် လုပ်ရပ်က ဘူးပေါ်သလို ပေါ်နေပါတော့သည်။
တရုတ်ပြည် လွတ်မြောက်ရေး ကြိုးပမ်းစဉ်ကာလက ဗုံးမိုးရွာနေသည့် ဂျပန် လေယာဉ်ပျံများအား ခုခံရေးနှင့် ပတ်သက်၍ ဥက္ကဌမော် ပြောခဲ့သည့် စကားတခွန်း ရှိပါသည်။ “ငါတို့က ဂျပန်စစ်တပ်ဟာ မကောင်းဘူး၊ ဒါကြောင့် ဂျပန်စစ်တပ်ကို ခံတိုက်ကြဆိုပြီး ငါတို့ပြည်သူတွေကို တကူးတက ရှင်းပြနေစရာ မလိုတော့ဘူး။ ငါတို့ ပြောချင်တဲ့စကားကို ငါတို့ကိုယ်စား ဂျပန်တွေက ဗုံးတွေကျဲပြီး ပြောလိုက်ကြပြီ။ ရန်သူက ငါတို့ပြည်သူတွေကို အမျိုးသား လွတ်မြောက်ရေးအတွက် တိုက်ပွဲဆင်ကြဖို့ လှုံ့ဆော်ပေးလိုက်ပြီ” ဟူ၍ မော်က အဆိုးထဲမှ အကောင်းကို ထုတ်ဖော် တင်ပြခဲ့သည်။ ထို့အပြင် မော်က “ဂျပန် စစ်တပ်ဟာ တရုတ်ပြည်မှာ ဘယ်တုန်းကမှ မရှိခဲ့ဖူးတဲ့ အမျိုးသား ညီညွတ်ရေးကို ယူဆောင်လာခဲ့တယ်” ဟူ၍ တပ်နီတော်နှင့် ကူမင်တန်တို့အကြား အမျိုးသားညီညွတ်ရေး တည်ဆောက်ရန် လမ်းပွင့်သွားမှုကိုပါ ထုတ်ဖော် တင်ပြခဲ့သည်။
ကျနော်တို့ အနေဖြင့်လည်း စစ်အုပ်စုသည်မတရား၊ စစ်အုပ်စုသည် မမျှတ၊ ထို့ကြောင့် စစ်အုပ်စုကို တော်လှန်ကြဟူ၍ ပြောနေရန် လိုပါဦးမည်လား။ စစ်အုပ်စုသည် အများ ပြောချင်သည့်စကားကို အားလုံးကိုယ်စား ရုပ်မြင်သံကြားမှ ကြေညာပေးခဲ့သည်။ ရေဒီယိုမှ ထုတ်လွှင့်ပေးခဲ့သည်။ သတင်းစာများမှ ပုံနှိပ် ဖော်ပြပေးခဲ့သည်။ ထိုမျှမက စစ်အုပ်စု၏ လိမ်လည် ညစ်ပတ်မှုသည် “ဒုတိယ ရှစ်လေးလုံး” ဟု ဆိုနိုင်မည့် လူထုအုံကြွမှုကြီးတရပ် ပေါ်ပေါက်လာစေရန်ပင် တပ်လှန့်ပေးလိုက်ပေသည်။
သို့သော် ၁၉၄၈ ခုနှစ်မှ ၂၀၀၈ ခုနှစ်အထိ အနှစ် ၆၀ လုံးလုံး စစ်ကျွန်ဘ၀ ရောက်နေခဲ့ကြရသည်မှာ နိုင်ငံသား အခွင့်အရေးအတွက် တောင်းဆို တိုက်ပွဲဝင်ကြသည့် နိုင်ငံသား အရေအတွက်က စစ်သား အရေအတွက်ထက် နည်းပါးနေခြင်းကြောင့်ပင် ဖြစ်လေမည်လား မပြောတတ်ပါ။ ၂၀၀၇ ခုနှစ်၊ စက်တင်ဘာ လှုပ်ရှားမှု အပါအ၀င် အခြားသော အရေးတော်ပုံကြီးငယ်များတွင် ပွဲတိုင်းလိုလို ဒီလူတွေချည်း လှုပ်ရှားလိုက်၊ ဒီလူတွေချည်း ထောင်ချခံရလိုက်၊ ဒီလူတွေချည်း မြေလျှိုးရလိုက်၊ ဒီလူတွေချည်း နယ်စပ်သို့ ရှောင်တိမ်းကြရလိုက်၊ ဒီလူတွေချည်း ဘ၀ပျက်ခံရလိုက်၊ ဒီလူတွေချည်း မိသားစုနှင့် ကွေကွင်းရလိုက်၊ ဒီလူတွေချည်း အသက်စွန့်လွှတ်ရလိုက်နှင့် တကယ်လှုပ်ရှားသူ အရေအတွက်မှာ လက်ချိုး ရေနိုင်ရုံလောက်မျှသာ ရှိခဲ့သည်ဟူ၍ အရေးတော်ပုံ မှတ်တမ်းများက သက်သေထူပြနေသည်ကို ကျနော်တို့ မငြင်းနိုင်ပါ။
လှုပ်ရှားမှုများ၌ ဒီလူတွေချည်းလိုလို ဖြစ်နေရသည့် ကိစ္စနှင့် ပတ်သက်၍ ကျနော့်မိတ်ဆွေ အယ်ဒီတာတဦးက ပြောဖူးပါ သည်။ အခြေခံ ပြဿနာမှာ လူထုစည်းရုံးမှု အ၀န်းအ၀ိုင်းကို မချဲ့ထွင်နိုင်ဟု ဆိုပါသည်။ အရေးတော်ပုံ တပ်သားများ (တနည်း) လူထု စည်းရုံးရေးသမားများ အနေဖြင့် ကျေးလက်ဒေသများအထိ ကွင်းဆင်း၍ လူထုစည်းရုံးရေး လုပ်ငန်းများကို ဇောက်ချ မလုပ်နိုင်ဘဲ မြို့ပြဒေသများ၌သာ ဆန္ဒပြ တောင်းဆိုမှုများ ပြုလုပ်နေကြခြင်းကို တွေ့နေရသည်ဟု ဆိုပါသည်။ ရှစ်လေးလုံး အရေးတော်ပုံတုန်းက တက္ကသိုလ် ကျောင်းသားများနှင့် အထက/အလက ကျောင်းသားများသည် (ကျောင်းများ ပိတ်ပစ်လိုက်ခြင်းကို အခွင့်ကောင်းယူ၍) ကျေးလက်ဒေသများအထိ ကွင်းဆင်း၍ တောင်သူဦးကြီးများအား လှုပ်ရှားမှုထဲ ဆွဲခေါ်နိုင်ခဲ့ကြပါသည်။ စက်ရုံအလုပ်ရုံများမှ ကော်လာပြာ လုပ်သားများနှင့် လက်လုပ်လက်စား အလုပ်သမား များအား လှုပ်ရှားမှုထဲ ဆွဲခေါ်နိုင်ခဲ့ကြပါသည်။ သို့နှင့် ပြည်လုံးကျွတ် အထွေထွေ လူထုလှုပ်ရှားမှုကြီးတရပ် ပေါ်ပေါက်ခဲ့ရပါသည်။ ယနေ့ အခြေအနေ၌ ဆိုလျှင် ရဟန်းသံဃာတော်များ၊ အနုပညာရှင်များနှင့် ဆေးဘက်ဆိုင်ရာ၊ လူမှု စောင့်ရှောက်ရေးဆိုင်ရာ ပညာရှင်များပါ ပါဝင် လှုပ်ရှားနေကြသဖြင့် လူထုစည်းရုံးရေး နယ်ပယ်ကို ချဲ့ထွင်ရန် အခွင့်အခါ သင့်လှပေသည်။
ဆိုကြပါစို့။ ယနေ့၌ အသက် ၂၀ အရွယ်ရှိသည့် လူငယ်လေးတဦးသည် အာဏာရှင်စနစ် အောက်၌ အနှစ် ၂၀ မျှ ဖြတ်သန်း ကြီးပြင်းခဲ့ရပေလိမ့်မည်။ ထိုလူငယ်၏ မိဘနှစ်ပါးသည် အသက် ၄၀ ၀န်းကျင် အရွယ်များ ဖြစ်နိုင်သဖြင့် တပါတီ အာဏာရှင်စနစ်နှင့် စစ်အာဏာရှင်စနစ် နှစ်ခုပေါင်းအောက်၌ နှစ်ပေါင်း ၄၀ မျှ ဖြတ်သန်း ကြီးပြင်းခဲ့ကြရပေလိမ့်မည်။ ထိုလူငယ်လေး၏ ဘိုးဘွားတို့သည်လည်း အသက် ၆၀ ၀န်းကျင် အရွယ်များ ဖြစ်နိုင်သဖြင့် လွတ်လပ်ရေးအရ ပြည်တွင်းစစ်အစဟု ဆိုရမည့် ခေတ်ကာလများမှသည် မျက်မှောက်ခေတ် ကာလများအထိ နှစ်ပေါင်း ၆၀ ကျော် စနစ်ဆိုး ရိုက်ခတ်မှုဒဏ်ကို ခံစားခဲ့ကြရ ရှာပေလိမ့်မည်။
မျိုးဆက် ၃ ဆက်မျှ ခေတ်ဆိုး စနစ်ဆိုးများ အောက်၌ ဖြတ်သန်းခဲ့ကြရသည့် သမိုင်းသည် ဤတွင် တခန်းရပ်သင့်ပါပြီ။ ထို့အတူ ထိုလူငယ်လေး မှ မွေးဖွားလာမည့် မျိုးဆက်သစ် ရင်သွေးလေးများခမြာ သူတို့၏ ဘိုးဘွားမိဘများနည်းတူ ခေတ်ဆိုး စနစ်ဆိုးကြီးများ အောက်၌ ထပ်မံ ဖြတ်သန်းကြရဦးတော့မည့်အရေး မဖြစ်သင့်တော့ပါ။ အနာဂတ်၏ ရင်သွေးငယ်လေးများ (တနည်း) စတုတ္ထ မျိုးဆက်လေးများအား ဤခေတ်၊ ဤစနစ်နှင့် ဤလို ဖက်စစ်အုပ်စု၏ သေနတ်ပြောင်းအောက်၌ ကြီးပြင်းစေ၊ လူလားမြောက်စေရန် မသင့်တော်ပါ။
ဆန်နှင့် လောင်စာဆီ ပြဿနာကို ကမ္ဘာနှင့်အ၀န်း ရင်ဆိုင်နေကြရချိန်တွင် မွဲပြာကျ၍ ချွတ်ခြုံကျနေသည့် မြန်မာပြည်အဖို့ ပို၍ အလူးအလဲ ခံရမည်မှာ မြေကြီးလက်ခတ် မလွဲချေ။ ယနေ့ (သို့) မနက်ဖြန်၌ လူထုသည် သူတို့ အသက်ရှင် ရပ်တည်ရေးအတွက် အစားအစာရရှိရေး၊ အမိုးအကာရရှိရေး၊ ထွန်ယက်စိုက်ပျိုးစရာ ရရှိရေး စသဖြင့် အခြေခံ အကျဆုံးသော လိုအပ်ချက်များအတွက် တောင်းဆိုကြပေလိမ့်မည်။ ငတ်၍ သေရမည့် အတူတူ တိုက်၍သာ သေတော့မည် ဟူသည့် ပိုင်းဖြတ်မှုများကြောင့် လူထုလှုပ်ရှားမှုသည် အားနှင့်အင်နှင့် ပေါ်ပေါက်လာနိုင်ပေ သည်။ ထိုသို့ ပေါ်ပေါက်လာနိုင်သည့် လူထုအုံကြွမှုအား တနေရာတည်း၌ ကွက်ကျား မဖြစ်စေဘဲ နေရာအနှံ့အပြား၌ အကျယ်အပြန့် ဖြစ်စေရေးနှင့် မြို့ပြရော၊ ကျေးလက်ပါ ပါဝင်စေရေးတို့အတွက် လူထုစည်းရုံးရေးသမားများ အနေဖြင့် ပြင်ဆင်ကြရန် လိုပေမည်။ ထိုမျှမက သွေးချောင်းစီးမှု နည်းနိုင်သမျှ နည်းပါးစေရေးအတွက် ရနိုင်သမျှသော နည်းလမ်းများအား အသုံးပြုကြရန်လည်း လိုပေလိမ့်မည်။
“ကယ်ဆယ်ရေး အကူအညီများကို ပိတ်ပင်သည့် နည်းဖြင့် ပြည်သူ သန်းပေါင်းများစွာကို သေတွင်းပို့ရုံနှင့် အားမရ၊ ဆန္ဒခံယူပွဲ၌ မဲလိမ်သည့် နည်းဖြင့် ပြည်သူ သန်းပေါင်းများစွာကို ကျွန်ပြုရန် စီမံကိန်းချ အကောင်အထည် ဖော်နေသည့် စစ်အုပ်စုကို ဒီအတိုင်း ထင်တိုင်းကျဲခွင့် ပြုထားဦးမည်ဆိုလျှင် နိုင်ငံ့သမိုင်း၌ ရာဇ၀င် ရိုင်းရပေရော့မည်။”


လေဘေးကူညီသူ ၈၈ ကျောင်းသားများ အဖမ်းခံရ
ဆော်လမွန်
တနင်္လာနေ့၊ ဇွန်လ 16 2008 18:30 - မြန်မာစံတော်ချိန်
နယူးဒေလီ။ ။ လေဘေးဒုက္ခသည် ကယ်ဆယ်ရေး လုပ်ငန်းများ လုပ်ဆောင်နေသူ ၈၈ မျိုးဆက် ကျောင်းသား ၃ ဦးကို ယခုလ ၁၂ ရက် နေ့တွင် အာဏာပိုင်များက ဖမ်းဆီးသွားခဲ့သည်။
ကိုမြတ်သူ၊ မယဉ်ယဉ်ဝိုင်းနှင့် မတင်တင်ချိုသည် လေဘေးကိစ္စအတွက် ရန်ကုန်မြို့ လှည်းတန်း မြေနီကုန်းရှိ ရွှေလ္ဘက်ရည်ဆိုင်တွင် ရောက်ရှိ နေခိုက် အရပ်ဝတ်နှင့် အမည်မသိ အာဏာပိုင်များ ဖမ်းဆီးသွားခြင်း ဖြစ်သည်။
“သွားတုန်းက ဘုန်းကြီးနဲ့ တွေ့မယ်ဆိုပြီး သွားတာ။ အလှူခံတဲ့ ဘုန်းကြီးလေ။ အဲလိုမျိုး ချိန်းထားလို့ သွားတာ။ အဲဒါ မြေနီကုန်း ရွှေလ္ဘက်ရည် ဆိုင်မှာ အလှူကိစ္စကို ဘုန်းကြီးက လွှတ်လိုက်တာ ဆိုပြီးတော့ အဲလိုပုံစံနဲ့ ဝင်လာတာ။ အဲဒီမှာပဲ ပျောက်သွားတာ” ဟု မတင်တင်ချို၏ ခင်ပွန်းသည်က ပြောသည်။
သူတို့ကို မည်သည့်နေရာတွင် ထိန်းသိမ်းထားသည်ကိုမူ အာဏာပိုင်များဘက်က မိသားစုဝင်များသို့ တစုံတရာ အကြောင်းကြားခြင်း မရှိဟု မိသားစုဝင်များက ပြောသည်။
၁၄ ရက်နေ့နှင့် ၁၅ ရက်နေ့ ညတွင် နယ်မြေခံရဲများ အပါအဝင် ဒေသ အာဏာပိုင်များသည် ဖမ်းဆီးခံထားရသူ ၃ ဦး၏ နေအိမ်များသို့ လာရောက်ကာ ရှာဖွေ မေးမြန်းမှုများ ပြုလုပ်ခဲ့သည်။
“မေးတာက ကယ်ဆယ်ရေး ပိုက်ဆံတွေ ပို့ထားတာ ဘယ်မှာ ထားသလဲ၊ ဘယ်ကို သူ ဆက်သလဲ၊ သူတို့ မှတ်ထားတဲ့ ငွေစာရင်းလယ်ဂျာ (ledger) သိချင်တယ်၊ ပြပါ ဆိုပြီး မေးပါတယ်။ ရှာတာက တအိမ်လုံးကို ရှာတာပေါ့။ ဗီရိုတွေ ဖွင့်ကြည့်တယ်။ ပထမတခေါက်တော့ သိပ်ပြီး ထွေထွေထူးထူး ပါမသွားဘူး။ ဒေါ်အောင်ဆန်းစုကြည်ရဲ့ သတင်းစာ ဖြတ်ပိုင်းပုံကလေးတွေ ဖြတ်ထားတဲ့ဟာတွေ ပါသွားတယ်။ ဒုတိယ တခေါက်တော့ လက်တော့ပ် laptop တို့ တောင်းတာ ရှိတယ်” ဟု အမည်မဖော်လိုသူ မိသားစုဝင် တဦးက ပြောသည်။
ဘာကြောင့် ဖမ်းဆီးသွားသည်ကို မသိရသေးသော်လည်း နေအိမ်များသို့ လာရောက် မေးမြန်းခဲ့သူ အာဏာပိုင်များ၏ စကားများအရ လေဘေး ဒုက္ခသည် ကယ်ဆယ်ရေး လုပ်ငန်းနှင့် ပတ်သက်သည်ဟု ယူဆရကြောင်း မိသားစုဝင်များက ပြောသည်။
အဖမ်းခံလိုက်ရသည့် ၈၈ မျိုးဆက် ကျောင်းသားများသည် မေတ္တာပေါင်းကူး အမည်ရှိ လေဘေး ကူညီရေးအဖွဲ့က ဧရာဝတီတိုင်းအတွင်းသို့ အနည်းဆုံး ၆ ခေါက်ခန့် ပေးပို့လှူဒါန်းမှုများ ပြုလုပ်ခဲ့ပြီး ဖြစ်သည်။
ဆိုင်ကလုန်းမုန်တိုင်း ဒုက္ခသည်များအတွက် ကူညီနေသည့် နာမည်ကျော် ရုပ်ရှင် သရုပ်ဆောင်နှင့် လူရွှင်တော် ဇာဂနာ (ကိုသူရ) သည် ယခုလ ၄ ရက်နေ့တွင်၎င်း၊ First Eleven ဂျာနယ် အယ်ဒီတာ ဇော်သက်ထွေးသည် ၁၃ ရက်နေ့တွင်၎င်း ဖမ်းဆီးခံခဲ့ကြရသေးသည်။

ဘလော့ဂ်ဂါ နေဘုန်းလတ် ကို တကျော့ပြန် စစ်ဆေးမှုလုပ်နေ
ဖနိဒါ
တနင်္လာနေ့၊ ဇွန်လ 16 2008 17:10 - မြန်မာစံတော်ချိန်
ချင်းမိုင်။ ။ ၅ လခန့် ဖမ်းဆီး ခံနေရသည့် စာရေးဆရာ ဘလော့ဂ်ဂါ ကိုနေဘုန်းလတ်အား ယခုတိုင် အာဏာပိုင်များက တကျော့ပြန် စစ်ဆေးမှုများ ဆက်လက် ပြုလုပ်နေသည်။
ရုံးထုတ်ခြင်း မရှိဘဲ အာဏာပိုင်များက အင်းစိန်ထောင် အတွင်းသို့ မုန်တိုင်းကျအပြီး တကြိမ်နှင့် ယမန်နေ့က တကြိမ် ဘလော့ဂ်နှင့် ပတ်သက်၍ စစ်ဆေး မေးမြန်းနေဆဲ ဖြစ်သည်ဟု သိရခြင်း ဖြစ်သည်။
“ထောင်တွင်းမှာပဲ ခေါ်မေးတာပေါ့နော်။ စစ်ကြောရေးလို့ ပြောရမှာပေါ့နော်။ နာဂစ်အပြီး နောက်ပိုင်းမှာလို့ ပြောတယ်လေ။ နှစ်ကြိမ်ရှိပြီလို့ ပြောတယ်။ ဘလော့ဂ်အကြောင်းပဲ မေးတယ် ပြောတာပဲလေ။ သူ့နာမည်ဝှက် ရှိလား မေးတယ်တဲ့။ တချို့က နာမည်ဝှက်နဲ့ ရေးတာပေါ့နော်။ ဆရာမ မေငြိမ်းတို့၊ ဒေါက်တာ လွဏ်းဆွေတို့က နာမည်နဲ့တကွ ရေးတယ်ပေါ့နော်။ အဲဒီလူတွေရဲ့ နာမည်ကို သိလားလို့ မေးတယ်တဲ့” ဟု ယနေ့ ထောင်ဝင်စာ သွားတွေ့ခဲ့သူ မိခင် ဒေါ်အေးသန်းက မဇ္ဈိမကို ပြောသည်။
သူက ဆက်ပြီး “ထူးဆန်းတယ်။ နာဂစ်အလွန်မှာမှ ဘလော့ဂ်ကိစ္စကိုပဲ ထပ်ခါထပ်ခါ မေးနေတော့ ဘယ်လို သဘောလဲပေါ့နော်။ အန်တီ ထင်တာကတော့ သူ့ကို အပြစ်မရှိ အပြစ်ရှာပြီးတော့ စွဲချက်တင်လို့ ရအောင် လုပ်နေတယ်လို့ပဲ ထင်တာပဲ။ အန်တီ သိသလောက်ကတော့လေ၊ သူ့မှာ သတင်းပို့တာတို့၊ ဘာမှ မရှိတာ။ သူတို့ဟာ သူတို့ ထင်ယောင်ထင်မှားနဲ့ မေးနေတာပဲ” ဟု ပြောသည်။
ဘလော့ဂ်ဂါ ကိုနေဘုန်းလတ်အား ယခုနှစ် ဇန်နဝါရီလ ၂၉ ရက်နေ့တွင် အာဏာပိုင်များက ဖမ်းဆီးကာ ဗီဒီယို အက်ဥပဒေ ၃၂ (ခ) ဖြင့် တရားစွဲဆိုရန် ပုဒ်မတပ်ခဲ့သည်။
သူ့ကို လူတွေ့ ညွန်ကြားချက် ရယူခွင့် စာရရန် ရှေ့နေ ဦးအောင်သိန်းမှ တွေ့ဆုံခွင့်ပြုရန် ယနေ့တွင် အင်းစိန်ထောင်၌ စာတင်ခဲ့သည်။
ကိုနေဘုန်းလတ်ကို မေးမြန်းမှုများ လုပ်ခဲ့ကြောင်း ပြည်ထဲရေး သတင်းရပ်ကွက်ကလည်း အတည်ပြုခဲ့ပြီး နိုင်ငံအတွင်းမှ အမည်မဖော်ဘဲ တင်သော ဘလော့ဂ်များ နှင့်ပတ်သက်၍ အထက်အရာရှိများ သိလိုနေကြသည်ဟု မဇ္ဈိမက စုံစမ်း သိရှိရသည်။
ရှေ့နေ ဦးအောင်သိန်းက “ထောင်ကို လျှောက်ရတယ်။ တခါမှ မပေးသေးဘူး။ သူတို့ တွေ့ပေးမယ်ဆိုတဲ့ သဘောမျိုး စာကပ်ထားလို့ လျှောက်ကြည့်တာ။ တွေ့ခွင့်ရရင် သွားတွေ့မယ်။ (power) အပြည့်ပေးထားပြီပဲ။ ပုံမှန်အားဖြင့်တော့ ဒီနေ့ကနေ သောကြာနေ့အထိ သူ့ကို တွေ့ခွင့်ရမယ်ဆိုရင် သွားတွေ့မယ်” ဟု ပြောသည်။
ဒေါ်အေးသန်းက “တပ်ထားတာက ဗီဒီယို အက်ဥပဒေ ၃၂ (ခ) ပဲလေ။ အခုဟာက အဲဒီဟာနဲ့ မဆိုင်တော့ဘူး။ ဘလော့ဂ်ကိစ္စပဲ ထပ်မေးတာ တဲ့လေ။ အဲဒါနဲ့လည်း ရုံးမထုတ်ဘူးကွယ်။ အခုဟာက နောက်ကိစ္စ။ ၃၂ (ခ) က ခိုင်မာမှုမရှိလို့ နောက်တခု အပြစ်ရှာနေတဲ့သဘော ရှိတယ် ပေါ့နော်။ လူတယောက်ကို ဖမ်းထားချင်လို့ ပုဒ်မတခု တပ်လိုက်တာပေါ့နော်။ ဖမ်းတုန်းက စင်္ကာပူအငြိမ့်ခွေ တစုံပဲ ရတာကိုး” ဟု ပြောသည်။

ရုပ်ရှင်မင်းသားကျော်သူ ဆေးရုံတက်ကုသမှု ခံယူ
မဇ္ဈိမသတင်းဌာန
တနင်္လာနေ့၊ ဇွန်လ 16 2008 15:48 - မြန်မာစံတော်ချိန်

နယူးဒေလီ။ ။ လေဘေးကူညီရေးလုပ်ငန်း လုပ်ကိုင်နေသူ နိုင်ငံကျော် ရုပ်ရှင်မင်းသား ကျော်သူသည် ရန်ကုန်ရှိ ဆေးရုံတခု၌ ဆေးကုသ ခံယူနေရသည်။
ရန်ကုန်ရှိ နာရေးအသင်း ခေါင်းဆောင်လည်းဖြစ်သူ အသက် ၄၈ နှစ်အရွယ် ပြည်သူ့အချစ်တော် မင်းသား ကျော်သူသည် ဧရာဝတီတိုင်း ပျဉ်ခရိုင် ခရီးစဉ်အတွင်း နေထိုင်မကောင်း ဖြစ်လာသဖြင့် ယခုလ ၁၄ ရက်နေ့မှ စတင်ကာ ရန်ကုန်မြို့ ပုဂ္ဂလိကဆေးရုံ ပန်းလှိုင်တွင် ဆေးကုသမှု ခံယူနေရခြင်း ဖြစ်သည်။
“စိတ်ရှုပ်ရင်၊ စိတ်ဒုက္ခဖြစ်ရင် ဖြစ်တတ်ပါတယ်။ သွေးတိုးလည်း နည်းနည်းရှိတယ်။ ဆေးလိပ်လည်း အရမ်းသောက်တဲ့အပြင် အစားအသောက် လည်း မဆင်ခြင်လို့ ကျန်းမာရေး ထိခိုက်တာ ဖြစ်တယ်” ဟု ဦးကျော်သူ၏ ဇနီးဖြစ်သူ ဒေါ်ရွှေဇီးကွက်က ပြောသည်။
ကယ်ဆယ်ရေး လုပ်ငန်းကို အတူတကွ လုပ်ကိုင်နေသူ တဦးကလည်း “ကျနော်တို့ ပျဉ်ခရိုင်ဘက် သွားရင်းနဲ့ ပုသိမ်အရောက် လမ်းခရီးမှာ ခြေတွေလက်တွေ အေးပြီးတော့၊ ချွေးတွေ ထွက်လာပြီးတော့ နေမကောင်းတာနဲ့ ဆေးရုံ ပြန်တက်တာပါ” ဟု ပြောသည်။
နောက်ထပ် နှစ်ရက်ခန့် အကြာတွင် ဆေးရုံမှ ဆင်းမည်ဖြစ်ကာ ပျဉ်ခရိုင် တီတူးကုန်းကျေးရွာတွင် သူ ဦးဆောင် ဆောက်လုပ်ပေးနေသည့် ကျောင်းသား ၆၂ဝ ဆန့် ဆောက်လက်စ အလယ်တန်းကျောင်းသို့ ထပ်မံ၍ သွားရောက်မည် ဖြစ်သည်။
သူ၏ နာရေးကူညီမှု အသင်းသားများသည် ယခုအခါ ဧရာဝတီတိုင်း ဘိုကလေးမြို့နယ်ရှိ အမာနှင့် ကွမ်းမူ၊ ကျိုက်ထော်အနီးရှိ မှော်တောဘက် တွင် လေဘေး ကူညီရေး လုပ်ငန်းများကို ဆက်လက် လုပ်ဆောင်နေသည်။

ကောလာဟလများ မြန်မာပြည်တွင် ပျံ့နေ
အေးလဲ့ ဇွန် ၁၆၊ ၂၀၀၈
သဘာဝဘေးအန္တရာယ်ကျရောက်မှုဆိုင်ရာ ကောလာဟလသတင်းဆိုးများထွက်ပေါ်နေမှုကြောင့် ရန်ကုန်နှင့် မန္တလေး မြို့ကြီးများအပါအဝင် မြန်မာနိုင်ငံ ဒေသအနှံ့ရှိ ပြည်သူများ စိုးရိမ်ထိတ်လန့်မှု ဖြစ်နေကြကြောင်း သိရသည်။
အဆိုပါ သတင်းများနှင့်ပတ်သက်ပြီး ရန်ကုန်မြို့လူထုအကြားတွင် စိုးရိမ်ထိတ်လန့်မှု ဖြစ်နေကြသည်ဟု ဒေသခံ တဦးက ဧရာဝတီသို့ ပြောသည်။
“တခါဖြစ်ဖူးထားတော့ ကြောက်နေကြတယ်၊ သတင်းစာထဲမှာ ကြေညာတာလောက်ပဲ ရှိတယ်၊ ဘာတွေ ကြိုတင်ပြင်ဆင်ရ မလဲဆိုတာ မသိရဘူး၊ ဘယ်ကိုပြေးရမလဲ၊ ဘာလုပ်ရမှာလဲ မသိဘူး၊ ဖြစ်လာရင် လူတွေက ကိုယ်ထူကိုယ်ထ ဘယ်လိုလုပ် ကြမလဲဆိုတာပဲ စဉ်းစားထားကြတယ်”ဟု အထက်ပါ ဒေသခံက ပြောသည်။
နာဂစ် မုန်တိုင်း တိုက်ခတ်အပြီး ယခုလ အစောပိုင်းက ပုသိမ် ဆရာတော်၊ မြောင်းမြဆရာတော်နှင့် ရန်ကုန်တိုင်း လှိုင်သာယာ ဆရာတော် စသည့် ဆရာတော် ၃ ဦးတို့က နောက်ထပ် မုန်တိုင်းသော်လည်း ကောင်း၊ မြေငလျင်သော်လည်း ကောင်း ဘေးအန္တရာယ် ကျရောက်နိုင်သည်ဟု တပြိုင်နက်တည်း အိပ်မက် မက်ကြ ကြောင်း ကောလာဟလ သတင်းများ ရန်ကုန်လူထုအကြားတွင် ပျံ့နှံ့ခဲ့သည်ဟု ဆိုသည်။
“အဲဒီ ဆရာတော်ကြီးတွေ အိပ်မက်က စက်တင်ဘာတုန်းက သံဃာတော်တွေကို သတ်ထားလို့ နတ်တွေက မနေဘူ့း့့ အဲဒါ ဆုံးမမယ် ၊ ရေဘေး လေဘေး ကတော့ ဧရာဝတီ တလျောက်မှာ ပြီးသွားပြီ၊ အခု အညာ တလျောက်ဘက်ကို ရေကြီးမယ်၊ ရွှေတိဂုံ ဘုရားကုန်းအထိ ရေမြုပ်မယ်တဲ့၊ အဲဒီတော့ ရန်ကုန် တတိုင်းလုံး ကုန်ပြီပေါ့၊ ဆရာတော်ကြီးတွေက ငြင်းတော့ ငလျင်ဒဏ် မဟုတ်ရင် တခုခုတော့ ဖြစ်မယ်လို့ အိပ်မက်တယ် တဲ့၊ အဲဒါကို ကြားပြီးကြောက်နေကြတာ” ဟု အထက်ပါ ရန်ကုန်ဒေသခံကပြောဆိုသည်။
၎င်းက ဆက်လက်ပြီး“အန္တရာယ်ကင်းဖို့ ဆရာတော်အိပ်မက်အရ ယတြာပေးတယ် ၆ရက်နေ့ သို့မဟုတ် ၁၆ ရက်နေ့မှာ ရှောက်သီးသုံးလုံး ဆွမ်းတော်တင်ပါ၊ အဲဒါစွန့်ပြီးရင် အိမ်မှာစားကြပါဆိုတဲ့ ယတြာလည်း အိမ်မက် ထဲမှာ ပါတယ်တဲ့” ဟုပြောသည်။
တခြားသော ရန်ကုန်မြို့ခံတဦးကလည်း“မနေ့က မြို့ထဲမှာ လူတွေခြောက်ကပ်ပြီး အသွားအလာနည်းနေ တယ်၊ ဒီ ၁၅ ၊၁၆ ၊၁၇ ရက်နေ့တွေမှာ မုန်တိုင်းဖြစ်မယ် ဆိုတာတွေကြားနေတော့ လူတွေက ကျီးလန့်စာ စားနေရသလိုပဲ၊ ကောလာဟလ တွေ အမျိုးမျိုးထွက်နေတယ်”ဟုပြောသည်။
ယင်းကောလာဟလများနှင့် တပြိုင်နက်တည်းလိုပင် မြန်မာပြည်အနှံ့တွင် ရန်ကုန်ရွှံ့ပုံ၊ မန္တလေး ပြာပုံ၊ နေပြည်တော်အရိုးပုံ ဆိုသည့် တဘောင် ဆန်ဆန် စကားများလည်း လူအများကြားတွင် ပျံ့နှံ့နေသည် ဟု ဆိုသည်။
ထိုသို့ ကောလာဟလများပျံ့နှံနေချိန်တွင် အစိုးရ သတင်းဌာနများကလည်း ရာသီဥတုဆိုင်ရာ စိုးရိမ်ဖွယ်ရာ သတင်းများကို ထုတ်ပြန်ကြေညာနေခဲ့သည်။
“မြန်မာ့ကမ်းရိုးတမ်း တလျောက် ဒေသအလိုက် မိုးကြီးနိုင်”ဟူသော ခေါင်းစဉ်ဖြင့် မိုးလေဝသနှင့်ဇလဗေဒ ညွန်ကြားမှုးဦးစီး ဌာန၏ သတင်းထုတ်ပြန်ချက်ကို ယမန်နေ့က မြန်မာ့ရုပ်မြင်သံကြား တနင်္ဂနွေနေ့ခင်းပိုင်း ရုပ်ရှင်ဇတ်လမ်းပြနေချိန် အတော အတွင်း စာတမ်းထိုးကြေညာခဲ့ပြီး ယနေ့ထုတ် သတင်းစာများတွင် ဖော်ပြ ထားသည်။
ယင်းသို့ မိုးလေဝသ ဌာန၏ ကြေညာချက်ကို မြန်မာပြည်သူ လူထုက မယုံတဝက် ယုံတဝက်ဖြင့် ယုံရခက် နေကြကြောင်း လည်း လူအများအကြားပြောဆိုနေကြောင်း သိရသည်။
“မိုးလေဝသ သတင်းက ဟုတ်ချင်လည်းဟုတ်မှာပေါ့ အခုတလော ရန်ကုန်မှာ မိုးနည်းနည်းရွာရင် ရေအရမ်း ကြီးနေတာ၊ ရန်ကုန်မြို့မှာ အိမ်ထဲမှာတောင် မနေရဲအောင် ကြောက်လန့်နေတယ်” ဟု ဒေသခံတဦးက ပြော သည်။
ပြီးခဲ့သည့် နဂစ်မုန်တိုင်းမတိုင်ခင် ဧပြီ ၂၉ရက်စွဲဖြင့် မြန်မာ့အလင်းသတင်းစာ၌ မိုးသက် လေပြင်းများ ကျ ရောက်ပြီး လှိုင်းကြီးနိုင်ခေါင်းစဉ်အောက်တွင် ယနေ့မြန်မာစံတော်ချိန် ညနေ၆နာရီတိုင်းထွာချက်အရ ဘင်္ဂလား ပင်လယ်အော်တွင် ဖြစ်ပေါ်နေသော ဆိုင်ကလုန်းမုန်တိုင်းသည် အားကောင်း လာခြင်းမရှိဘဲ မြောက်ဘက်သို့ ရွေ့လျားမည်ဖြစ်ကြောင်းနှင့် မုန်တိုင်း၏အရှိန်ကြောင့် နောက် ၄၈နာရီအတွင်း ဧရာဝတီ တိုင်း နှင့် ရန်ကုန်တိုင်းအပါအဝင် တခြားသော ပြည်နယ်တိုင်း ၅ ခုခန့် နေရာစိပ်စိပ်မှ နေရာအနှံ့မိုးထစ်ချူန်း ရွာနိုင်ကြောင်း၊ မိုးသက်လေပြင်းများကျရောက်ပြီး လှိုင်းကြီးနိုင်ကြောင်း၊ မိုးသက်လေပြင်းကျစဉ် ရေပြင် မြေပြင် လေသည် တနာရီမိုင် ၄၀ မှ ၄၅ အထိတိုက်ခတ်နိုင်ကြောင်း မိုးလေဝသနှင့်ဇလဗေဒ ညွန်ကြားမှု ဦးစီးဌာန၏ ကြေညာချက်အပေါ် လူအများက အယုံအကြည်နည်းခဲ့ ကြောင်း သိရသည်။
ယနေ့ထုတ်သတင်းစာတွင်လည်း မိုးသက်လေပြင်းကျစဉ် မြေပြင်၊လေပြင်၊ ရေပြင်လေသည် တနာရီလျှင် ၄၅မိုင်မှ မိုင် ၅၀ အထိ တိုက်ခတ်နိုင်ကြောင်း၊ မုတ်သုန်လေအားကောင်းမှုကြောင့်မြန်မာ့ကမ်းရိုးတန်း တလျောက်တွင် ယနေ့နံနက်မှ နောက်ထပ် ၇၂နာရီ အထိ နေရာအနှံ့အပြားမိုးရွာနိုင်ပြီး နေရာကွက် ကျား မှနေရာ အနှံ့မိုးကြီးနိုင်ကြောင်း သတင်း ထုတ်ပြန်ချက် ပါရှိသည်။
ကောလဟာလသတင်းကြောင့် မြန်မာ့သမိုင်းတွင် ပြည်သူတွေ အထိတ်တလန့်ဖြစ်ပြီး သရေခေတ္တရာမြို့ သုပညာနဂရစိန္ဒ မင်းလက်ထက် တိုင်းပြည်ပျက်ခဲ့ရကြောင်းကို “အုပ်ချုပ်သူများ အကျင့်ပျက်လွန်းသော ကြောင့် လူအများ အထိတ်တလန့် ဖြစ်နေစဉ် ကောလာဟလကြောင့် မြို့ပျက်ရသည်” ဟု မြန်မာသမိုင်း ပညာရှင် ဒေါက်တာ သန်းထွန်း၏ တိုင်းရင်းမြန်မာ စာအုပ်တွင် ဖော်ပြထားသည်။
ယနေ့ထုတ်မြန်မာ့အလင်းသတင်းစာတွင်” မြန်မာ့ကမ်းရိုးတန်းတလျောက်ဒေသအလိုက်မိုးကြီးနိုင်” ဆိုသည့် ခေါင်းစဉ်ပိုင်း နှင့် မိုးလေဝသနှင့်ဇလဗေဒ ညွန်ကြားမှုးဦးစီးဌာနက သတင်းထုတ်ပြန်ချက်ပါ သတင်းကို ဖော်ပြထားသည်။
ယနေ့ထုတ်သတင်းစာတွင် ”ဇွန်လ၁၅ ရက်နေ့စွဲဖြစ် မိုးလေဝသတင်းထုတ်ပြန်ချက်အရ ကပ္ပလိပင်လယ်ပြင်၊ ယင်းနှင့် ဆက်စပ် နေသော ဘင်္ဂလားပင်လယ်အော်တွင် အနောက်တောင် မုတ်တုန်လေသည် အားကောင်း ရာမှ အလွန်အားကောင်း လျက် ရှိနေပါသည်။ အဆိုပါမုတ်တုန်လေအားကောင်းမှုကြောင့် မြန်မာ့ကမ်းရိုးတန်း တလျောက်နှင့် ကမ်းလွန်ပင်လယ်ပြင် တို့တွင် မကြာခဏမိုးသက်လေပြင်များကျရောက်ပြီး လှိုင်းကြီးနိုင်သည်။”
ဆက်လက်ပြီး ၎င်းအိမ်မက်မှာ “ စက်တင်ဘာတုန်းက သံဃာတော်တွေကို သတ်ထားလို့ နတ်တွေကမနေဘူ့း့့ အဲဒါ ဆုံးမ မယ့့့့် ရေဘေး လေဘေး ကတော့ ဧရာဝတီတလျောက်မှာ ပြီးသွားပြီ၊ အခု အညှာတလျောက်ဘက်ကို ရေကြီးမယ် တိမ်ငုတ်သရ ရွှေတိဂုံဘုရားကုန်း အထိရေမြုပ်မယ်၊ အဲတော့ ရန်ကုန်တိုင်းတတိုင်းလုံးကုန်ပြီပေါ့့့ ဒီတော့ ဆရာတော်က မလိုချင်ဘူးလို့ငြင်းတယ်၊ ဒါဆို ငလျှင်ဒဏ်တော့ ခံစားရလိုက်မယ် တခုမဟုတ်တခုတော့ခံစားရလိုက်မယ်လို့ပြောတယ် ဆိုပြီး အိမ်မက်မက်တယ်ဆိုတာကြားတော့ ကြောက်နေကြတယ်” ဟု မြို့ခံတဦးက ပြောပြသည်။
ဆက်လက်ပြီး သူမကဘဲ “ဆရာတော်အိမ်မက်အပြီး မှာ ဆရာတော်က ရတရာပေးတယ် ၆ရက်နေ့  သို့မဟုတ် ၁၆ရက်နေ့ ခြောက်သီးသုံးလုံး ဆွမ်းတော်တင်ပါ အဲဒါစွန့်ပြီးရင်အိမ်မှာစားကြပါဆိုတဲ့ ရတရာက အိမ်မက်ထဲမှာ ပါတယ် တဲ့” ဟုပြောသည်။
ဒီကော်လဟာလများအပေါ် လူများက ယုံရခက်မယုံရခက်ဖြစ်နေပုံကို ”ဟုတ်တော့ဟုတ်မှာ အခုလတ်တလော မိုးနဲနဲရွာရင် ရေအရမ်းကြီးနေတာ ရန်ကုန်မြို့မှာ အိမ်ထဲမှာတောင်မနေရဲအောင် ခြောက်လှန်နေတယ်”
အခြားမြို့ခံတဦးကလည်း ”မြို့ထဲမှာ လူတွေခြောက်အသွားအလာနည်းနေနတယ်၊ ဒီ၁၅၊၁၆၊၁၇ရက်နေ့မှာ မုန်းတိုင်းဖြစ် မယ်ဆိုတာတွေကြားနေတော့လူတွေက ကျီးလှန်စာစားနေရသလို ကော်လဟာလတွေ အမျိုးမျိုးထွက်နေတယ်” ဟုပြောသည်။
ထို့အတူယမန်နေ့ကူ မြန်မာ့ရုပ်မြင်သံကြားတနင်္ဂနွေနေခင်းပိုင်းရုပ်ရှင်ဇတ်လမ်းပြနေချိန် အတောအတွင်းလည်း စာတမ်း ထိုးကြေညာ ကြောင်းသိရသည်။
၎င်းစာတမ်းကို ဖတ်ခဲ့သည့် မန္တလေးမြို့မှ ဒေသခံတဦးက “စာတမ်းထိုးတာတွေ့တယ် ၊ သြော် နောက်ထပ်ဖြစ်ဦးမယ် ထင်တယ်၊ မိုင်၅၀ဆိုရင်တော့မများ လောက်ပါဘူးလို့ပဲ တွေးလိုက်တယ်” ဟု ပြောသည်။
၎င်းအကြောင်းအရာများနှင့်ပတ်သက်ပြီး ဧရာဝတီသတင်းဌာနက မိုးလေဝသနှင့်ဇီဝဗေဒ ဌာနတို့ စုံစမ်းမေးမြန်းရာ ”ယနေ့ ၁၂ နာရီ သတင်းထုတ်ြပန်ချက်အရ ကပ္ပလိပင်လယ်ပြင်နှင့်ဘင်္ဂလားပင်လယ်တို့ တွင် မုတ်သုန်လေအားအလွန်ကောင်းနေ ပါသည်” အခုဖြစ်တာက မုန်တိုင်းမဟုတ်ဘူ့း့  သာမန် ဖြစ်လေ့ဖြစ်ထရှိတဲ့အတိုင်းပါဘဲ့ မုတ်သုန်က နှစ်တိုင်းလည်း ဒီလို အားကောင်းနေကြပဲဟု တာဝန်ရှိသူတဦး က ပြန်လည်ဖြေကြား သည်။
ပြီးခဲ့သည့် နဂစ်မုန်တိုင်းမတိုင်ခင် နေပြည်တော် ဧပြီ ၂၉ရက်စွဲဖြစ် မြန်မာ့အလင်းသတင်းစာတွင် မိုးသက် လေပြင်းများ ကျရောက်ပြီး လှိုင်းကြီးနိုင်ခေါင်းစဉ်အောက်တွင် ”ယနေ့မြန်မာစံတော်ချိန် ညနေ၆နာရီတိုင်း ထွာချက်အရ ဘင်္ဂလား ပင်လယ်အော် အနောက်အလယ်ပိုင်းတွင် ဖြစ်ပေါ်နေသော ဆိုင်ကလုန်မုန်တိုင်းသည် အားကောင်းလာခြင်းမရှိပဲ မြောက် ဘက်သို့ဖြည်းညင်းစွာ ရွေ့လျားမည်ဖြစ်ကြောင်းနှင့် မုန်တိုင်း၏အရှိန် ကြောင့် ယနေ့မွန်းလွဲမှ နောက် ၄၈နာရီအတွင်း ဧရာဝတီတိုင်းနှင့် ရန်ကုန်တိုင်းအပါအဝင် တခြားသော ပြည်နယ်တိုင်း ၅ ခုခန့် နေရာအစိပ်စိပ်မှ နေရာအနှံ့အပြား မိုးထစ်ချူန်းရွာနိုင်ကြောင်း၊ မိုးသက်လေပြင်းများ ကျရောက်ပြီး လှိုင်းကြီးနိုင်ကြောင်း၊ မိုးသက်လေပြင်းကျစဉ် ရေပြင်မြေပြင် လေသည် တနာရီမိုင် ၄၀ မှ ၄၅ အထိတိုက်ခတ်နိုင်ကြောင်း မိုးလေဝသနှင့်ဇလဗေဒ ညွန်ကြားမှုးဦးစီးဌာနက ကြေညာခဲ့သည်
ယခုနှစ်အတွင်း ပြီးခဲ့သည့် မေလဆန်းပိုင်းက မြန်မာနိုင်ငံတွင် ၀င်ရောက်တိုက်ခိုက်ခဲ့သော နာဂစ်မုန်တိုင်း ကြောင့် လူတ သိန်းကျော် သေဆုံးပြီး လူဦးရေ ၃ သန်းနီးပါး အိုးမဲ့အိမ်မဲ့ ဖြစ်ပြီးနောက်ပိုင်း မိုးကုတ်မြို့တွင် ဖြစ်ပွားသော မြေပြိုမှုမှာ လူအသေ အပျောက်ရှိသည့် သဘာဝဘေးအန္တရာယ် တခုဖြစ်ခဲ့သည်။
ထိုအတူ မြန်မာပြည်အနှံ့တွင် တပေါင်ဆိုသည့်ကော်လသတင်းများထဲတွင် ရန်ကုန်ရွံ့ပုံ၊ မန္တလေး ပြာပုံ၊ နေပြည်တော် အရိုးပုံ ဆိုသည့် လူများပါးစပ်ဖျားတွင် လည်းပျံ့နှံ့ခဲ့သည်။
၎င်း ကောလဟာလသတင်းကြောင့် မြန်မာ့သမိုင်းတွင့် ပြည်သူတွေ အထိတ်တလန့်ဖြစ်ပြီး သရေခေတ္တရာမြို့ သုပညာနဂရ စိန္ဒလက်ထက်တိုင်းပြည်ပျက်ခဲ့ရပုံကို မြန်မာ့သမိုင်းပညာရှင်ဒေါက်တာသန်းထွန်းက ” အုပ်ချူပ်သူတွေ အကျင့်ပျက်လွန်း လို့လူတွေ အထိတ်တလန့်နေရစဉ် ကောလဟလကြောင့် မြို့ပျက်ရသည်” ဟု ၎င်း၏ အစောဆုံးအက္ခရာတင် တိုင်းရင်း မြန်မာမှတ်တမ်းများ စာအုပ်တွင် ဖော်ပြထားသည်။


ကိုဇာဂနာနှင့် ကိုဇော်သက်ထွေးတို့ဦးဆောင်သည့် ကယ်ဆယ်ရေးလုပ်ငန်းများ ရပ်ဆိုင်းထား
ကိုသက် ဇွန် ၁၆၊ ၂၀၀၈
လူရွှင်တော် ဇာဂနာနှင့် အာကစားအယ်ဒီတာ ဇော်သက်ထွေးတို့ ၂ ဦးကို အာဏာပိုင်တို့က ဖမ်းဆီးထိန်းသိမ်း ထားသဖြင့် ၎င်းတို့ဦးဆောင်လုပ်ကိုင်နေသည့် ကယ်ဆယ်ရေးလုပ်ငန်းများကို ရပ်ဆိုင်းလိုက်ကြောင်း သိရသည်။ဧရာဝတီတိုင်းရှိ လေဘေးဒုက္ခသည်များကို အနုပညာရှင်များ သွားရောက်ကူညီနေပုံ (ဓာတ်ပုံ - ဧရာဝတီ)
ကိုဇာဂနာ၊ ကိုဇော်သက်ထွေးတို့နှင့်အတူ ကယ်ဆယ်ရေးလုပ်ငန်းများကို လုပ်ကိုင်ခဲ့သူတဦးက “တယောက်ပြီး တယောက် အဖမ်းခံနေရလို့ အဲဒီလုပ်ငန်းကို ကျနော်တို့ ခဏဆိုင်းထားပါတယ်။ နောက်ဆုံး အသုတ်အနေနဲ့ လပ္ပတ္တာကို ဦးအောင်လွင် ဦးဆောင်ပြီးသွားလှူတာ မနေ့ညက ပြန်လာခဲ့ပြီ။ တဘက်က (အာဏာပိုင်က) ကိုင်တွယ်တာတွေက သိပ်ကြမ်းတယ်လေ … တယောက်တလေမှာ သူတို့မကြိုက်တာရှိရင် အကုန်လုံး တနွယ်ငင် တစင်ပါ ဖြစ်သွားမှာ ဆိုးရိမ်တယ်။ အဲဒါကြောင့် တိုင်ပင်ပြီးရပ်လိုက်တာ၊ အလှူရဖို့လည်း မကြိုးစား တော့ဘူး” ဟု ဧရာဝတီကို ပြောသည်။
မေလ ၂ ရက်နေ့နှင့် ၃ ရက်နေ့များက ဧရာဝတီမြစ်ဝကျွန်းပေါ်ဒေသနှင့် ရန်ကုန်တိုင်းတို့ကို နာဂစ်အမည်ရှိ အင်အားကြီး မားသည့် ဆိုင်ကလုန်းမုန်တိုင်း ဖြတ်သန်းတိုက်ခိုက်ခဲ့ရာ အသက်ပေါင်းတသိန်းကျော်ဆုံးရှုံးခဲ့ပြီး လူသန်းချီကာ အိုးမဲ့အိမ်မဲ့ ဖြစ်ကြရသည်ဟု ကမ္ဘာ့ကုလသမဂ္ဂနှင့် နိုင်ငံတကာအဖွဲ့အစည်းများက ကြေညာခဲ့သည်။
မုန်တိုင်းတိုက်ခတ်ပြီးနောက် ကိုဇာဂနာ၊ ကိုဇော်သက်ထွေးတို့သည် စာပေနှင့် ရုပ်ရှင်အသိုင်းအ၀န်းရှိ လုပ်ဖော်ကိုင်ဖက် များအပါအ၀င် လူမှုကယ်ဆယ်ရေးလုပ်ကိုင်လိုသူများနှင့် ပူးပေါင်းကာ မုန်တိုင်းဒဏ်ခံရသည့် ဒေသများသို့သွားရောက်၍ ကယ်ဆယ်ရေးလုပ်ငန်းများကို လုပ်ကိုင်ခဲ့ကြသည်။
အာဏာပိုင်တို့က ဇွန်လ ၁၃ ရက်နေ့က ကိုဇော်သက်ထွေးအား မြန်မာနိုင်ငံအလယ်ပိုင်း မကွေးမြို့တွင် ဖမ်းဆီးခဲ့ပြီး ကိုဇာဂနာအား ယခုလ ၄ ရက်နေ့ညတွင် ရန်ကုန်မြို့နေအိမ်၌ ဖမ်းဆီးခြင်း ခံခဲ့ရသည်။ ကိုဇော်သက်ထွေးအား ရန်ကုန်မြို့ အောင်သပြေ စစ်ကြောရေးစခန်း၌ ဖမ်းဆီးထားကြောင်းကို မိသားစုမှတဆင့် စုံစမ်းသိရှိရသည်။
၎င်းတို့ ၂ ဦးကို မည့်သည့်အတွက်ကြောင့် ဖမ်းဆီးထိန်းသိမ်းထားသည်ကို အာဏာပိုင်တို့က မိသားစုဝင်များကို အသိပေး အကြောင်းကြားခြင်း မရှိပေ။
၎င်းတို့ ၂ ဦးသည် မုန်တိုင်းကယ်ဆယ်ရေးလုပ်ငန်းများကို လုပ်ကိုင်နေသည့်အတောအတွင်း အကူပစ္စည်းများအား အာဏာ ပိုင်အဖွဲ့အစည်းများက အလွဲသုံးစားပြုလုပ်ပုံနှင့် ဝေးလံသီခေါင်သည့် ရွာများရှိ လေဘေးဒုက္ခသည်များ ကူကယ်ရာမဲ့နေပုံ များကို လွတ်လပ်သည့်သတင်းဌာနများအား ပြောဆိုခဲ့ရာ ယင်းလုပ်ရပ်များကြောင့် အဖမ်းခံရခြင်းဖြစ်သည်ဟု ၎င်းတို့နှင့် နီးစပ်သူများက သုံးသပ်ကြသည်။
“ကျနော်တို့ကတော့ အမျိုးသားရေးအမြင်နဲ့ ကူညီရတာပါ။ ကယ်ဆယ်ရေးလုပ်ငန်းတွေကို ရပ်လိုက်ရပေမယ့် ကျနော်တို့က တဆင့် လှူဒါန်းချင်တဲ့ အလှူရှင်တွေရှိပါသေးတယ်။ လေဘေးဒုက္ခသည်တွေမှာလည်း အကူအညီ လိုအပ်နေဆဲပါ” ဟု ကိုဇာဂနာ၊ ကိုဇော်သက်ထွေးတို့နှင့်အတူ ကယ်ဆယ်ရေးလုပ်ငန်း လုပ်ကိုင်ခဲ့သူက ပြောသည

ပြည်တွင်းကယ်ဆယ်ရေးလုပ်သားများ ထပ်အဖမ်းခံရ
ဧရာဝတီ ဇွန် ၁၆၊ ၂၀၀၈
နာဂစ် မုန်တိုင်း ကယ်ဆယ်ရေးလုပ်ငန်းများလုပ်ကိုင်နေသည့် ပြည်တွင်းကယ်ဆယ်ရေးလုပ်သား ၃ ဦးကို ယခုလ ၁၂ ရက်နေ့တွင် အာဏာပိုင်တို့က ဖမ်းဆီးလိုက်ကြောင်း သိရသည်။ကိုဇော်သက်ထွေး
မယဉ်ယဉ်ဝိုင်း၊ မတင်တင်ချိုနှင့် ကိုမြတ်သူတို့ ၃ ဦးကို ၁၂ ရက်နေ့ ညနေပိုင်းက ရန်ကုန်မြို့ မြေနီကုန်းတွင် ဖမ်းဆီးခြင်း ဖြစ်သည်ဟု မယဉ်ယဉ်ဝိုင်း၏ မိသားစုဝင်တဦးက ပြောသည်။
၎င်းတို့ ၃ ဦးကို ဖမ်းဆီးပြီးနောက် ညပိုင်းတွင် မယဉ်ယဉ်ဝိုင်း၏ နေအိမ်ကို အာဏာပိုင်တို့ က ၀င်ရောက်ရှာဖွေကာ မုန်တိုင်း အကူငွေကိစ္စများကို မေးမြန်းသည်ဟု မယဉ်ယဉ်ဝိုင်း၏ မိသားစုဝင်က ပြောသည်။
အဖမ်းခံရသူ ၃ ဦးသည် ရန်ကုန်တိုင်းကွမ်းခြံကုန်း၊ တွံတေးနှင့် ဧရာဝတီတိုင်း ဒေးဒရဲ နယ်များတွင် မုန်တိုင်း ကယ်ဆယ်ရေး လုပ်ငန်းများကို လုပ်ကိုင်ခဲ့ကြသည့် ပုဂ္ဂလိက အလှူရှင်များ ဖြစ်ကြသည်။
စစ်အစိုးရက မုန်တိုင်း ကယ်ဆယ်ရေးလုပ်ငန်းလုပ်ဆောင်သူတချို့ကို ယခုလအတွင်း ဖမ်းဆီးချုပ်နှောင်မှုများ ဆက်တိုက် ပြုလုပ်နေသော်လည်း မည်သည့်အကြောင်းကြောင့် ဖမ်းဆီးနေသည်ကို ထုတ်ဖော်ပြောဆိုခြင်းမရှိပေ။
လေပြင်းမုန်တိုင်းတိုက်ခတ်အပြီး မကြာမီကာလအတွင်း လေဘေးကယ်ဆယ်ရေးလုပ်ငန်းများကို တက်ကြွစွာ လုပ်ဆောင် သည့် လူရွှင်တော် ဇာဂနာနှင့် အာကစားအယ်ဒီတာ ဇော်သက်ထွေးတို့ကို အကြောင်းပြချက် တစုံတရာမပေးဘဲ ဖမ်းဆီး ခဲ့သည်။
ယခုလ ၄ ရက်နေ့ညတွင် အာဏာပိုင်တို့က ကိုဇာဂနာအား ရန်ကုန်ရှိနေအိမ်တွင် ၀င်ရောက်ဖမ်းဆီးခဲ့ပြီး ကိုဇော်သက်ထွေး အား လွန်ခဲ့သည့် ၁၃ ရက်နေ့က မြန်မာနိုင်ငံအလယ်ပိုင်း မကွေးမြို့တွင် ဖမ်းဆီးခဲ့သည်။
လူရွှင်တော် ဇာဂနာ အဖမ်းခံရမှုနှင့်ပတ်သက်၍ ကမ္ဘာ့ကုလသမဂ္ဂ၏ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စား လှယ်က အကြောင်းပြချက်မပေးဘဲ ဖမ်းဆီးထားသည့်အပေါ် အလွန်စိုးရိမ်ပူပန်သည်ဟု ပြောဆိုခဲ့သည်။

ဒီမိုကရေစီအင်အားစုများ အားထားရာ သာသာနာ့သိပ္ပံကျောင်းတိုက် အပိတ်ခံရ
16 June 2008
ဦးအောင်လွင်ဦး -
မကြာသေးခင်ကမှ ဘ၀နတ်ထံ ပျံလွန်တော်မူသွားတဲ့ ဆရာတော် ဘဒ္ဒန္ဒ တေဇိန္နစာရ သီတင်းသုံးနေထိုင်တဲ့ ရန်ကုန်မြို့က သာသနာ့သိပ္ပံကျောင်းတိုက်ကို အာဏာပိုင်တွေက မကြာသေးခင်ကပဲ ချိတ်ပိတ်သိမ်းဆည်းလိုက်ပါတယ်။ နိုင်ငံရေး တက်ကြွလှုပ်ရှားသူတွေ ဘာသာရေးအခမ်းအနားတွေ ဆောင်ရွက်လေ့ရှိတဲ့ ဆရာတော်ရဲ့ကျောင်းကို အခုလို အာဏာပိုင်တွေက သိမ်းယူလိုက်တဲ့အပေါ် ဆရာတော်ကို ကြည်ညိုလေးစားသူတွေက ဘယ်လိုသဘောထားနေကြပါသလဲ။ အကြောင်းစုံကို ကိုအောင်လွင်ဦးက တင်ပြပေးထားပါတယ်။
သိက္ခာတော် ၅၂ ၀ါ၊ သက်တော် ၇၂ နှစ်ရှိတဲ့ ဆရာတော် ဘဒ္ဒန္ဒ တေဇိန္နစာရရဲ့ ဗဟန်းမြို့နယ်က သာသနာ့သိပ္ပံကျောင်းတိုက်ကို ဆရာတော် ဘ၀နတ်ထံ ပျံလွန်တော်မူပြီး ရက်ပိုင်းအတွင်းမှာပဲ အာဏာပိုင်တွေက သိမ်းယူလိုက်တာပါ။ ဆရာတော်ဆုံးပါးပြီး ၁၀ ရက်အကြာမှာပဲ ဆရာတော်နေထိုင်ခဲ့တဲ့ကျောင်းမှာ သီတင်းသုံးနေကြတဲ့ သံဃာတော်တချို့ကို ဖယ်ရှားပြီး အာဏာပိုင်တွေက ချိတ်ပိတ်သိမ်းဆည်းလိုက်တာလို့ ဆရာတော်ကို လေးစားကြည်ညိုသူ ဒကာတယောက်က ပြောပြပါတယ်။
“စစ်ဒေသမှူး ဗိုလ်မှူးကြီးတင့်ဆန်းက သာသနာရေးလည်းကိုင်တယ်၊ သူက ၁၃-၆-၂၀၀၈၊ ညနေ ၅ နာရီမှာ သာသနာ့သိပ္ပံကျောင်းကို ချိတ်ပိတ်သွားတယ်။ အဲဒီ ချိတ်ပိတ်သွားတဲ့အကြောင်းကို သံဃာ့မဟာနာယကအဖွဲ့ဆီကို ကျောင်းကို ပြန်ရချင်ရင် ပြန်လျှောက်နိုင်တယ်လို့လည်း ပြောတယ်။ အခု ကျောင်းမှာရှိတဲ့သံဃာတွေက အဲဒီအနီးအနား ပတ်ဝန်းကျင်မှာ အာဂန္တုအနေနဲ့ သွားနေနေရတယ်။”
အခုလို ကျောင်းကိုသိမ်းယူခဲ့ပေမယ့်လည်း အာဏာပိုင်တွေဘက်က ဘာအကြောင်းကြောင့်ဆိုတာ အကျိုးအကြောင်း တစုံတရာ ရှင်းလင်းပြောဆိုတာမျိုး မရှိဘူးလို့လည်း ဆိုပါတယ်။ ဒါပေမယ့်လည်း ဆရာတော်ဟာ ဒီမိုကရေစီရေး လှုပ်ရှားသူတွေက ကျင်းပလေ့ရှိတဲ့ ဘာသာရေးအခမ်းအနားတွေကို ပါဝင်ဆောင်ရွက်ပေးလေ့ရှိသလို အခုသိမ်းယူခံရတဲ့ ကျောင်းမှာလည်း အာဏာပိုင်တွေရဲ့ ဟန့်တားမှုတွေကြားက လက်ခံကျင်းပလေ့ရှိတာဖြစ်တာမို့ ဒါတွေဟာ အကြောင်းရင်းခံတွေ ဖြစ်လိမ့်မယ်လို့ ယူဆနေတာလည်း ဖြစ်ပါတယ်။
“ကျနော်တို့ထင်ရတာတော့ ဟိုတုန်းက ၈၈ အခမ်းအနားတို့ ဘာတို့လုပ်တယ်။ နောက် ဆရာတော်ကြီးတွေက အန်န်အယ်လ်ဒီရုံးချုပ်က ဘာသာရေးနဲ့ပတ်သက်တဲ့ အခမ်းအနားတွေလုပ်ဖို့ ပင့်ရင် ကြွတယ်။ အဲဒါမျိုးတွေရှိဘူးတဲ့အတွက် ပိတ်တာလို့ ထင်ရတာပေါ့။”
အခုလ ၃ ရက်နေ့မှာ ကင်ဆာရောဂါနဲ့ ဘ၀နတ်ထံ ပျံလွန်တော်မူခဲ့တဲ့ ဆရာတော်ကြီးရဲ့ အန္တိမဈာပန အခမ်းအနားကို ၇ ရက်နေ့မှာ ရန်ကုန်မြို့ ရေဝေးသုသာန်မှာ ကျင်းပခဲ့ပါတယ်။ ဒီလို ဆရာတော်ကြီး ပျံလွန်တော်မူခဲ့တဲ့နောက် ဒီလို ကျောင်းကို အာဏာပိုင်တွေက သိမ်းယူလိုက်တဲ့အတွက်ကြောင့်မို့လို့လည်း ဆရာတော်ကို လေးစားကြည်ညိုသူတွေအနေနဲ့ ခံပြင်းစိတ်တွေ ဖြစ်နေရတယ်လို့လည်း ဆိုပါတယ်။
“ဆရာတော်ကြီးရဲ့ သြဇာ၊ သူ့ဘုန်းကတော့ ကြီးပါတယ်။ အခု ရက်လည်မှာဆိုရင်လည်း ဒကာ၊ ဒကာမတွေ တော်တော်များများလာတယ်။ အခု ရက်လည်တဲ့အခမ်းအနားအတွက် ဒကာတဦးတည်းက အကုန်အကျခံ လုပ်ပေးတာမျိုးတွေရှိတယ်။ တော်တော်ကြီးကို ဘုန်းကံကြီးပါတယ်၊ ဆရာတော်ကြီးအနေနဲ့။ ဘုန်းကြီးကလည်း တကယ်တော်တဲ့ ဆရာတော်ကြီးဆိုတော့။ အလွန်ကို စိတ်မကောင်းဖြစ်မိပါတယ်။ ဆရာတော်ကြီး ပျံလွန်တော်မူတဲ့အတွက် ၀မ်းနည်းရတာကတမျိုး၊ အခု ကျောင်းကို ချိတ်ပိတ်ခံရတယ်ဆိုတော့ ၀မ်းလည်းနည်း၊ ဒေါသလည်းထွက်ပေါ့၊ အဲလို ခံစားရပါတယ်။ ကျနော်တင်မကပါဘူး၊ တခြား ဒကာ၊ ဒကာမတွေအကုန်လုံး အဲလိုပဲ ခံစားနေရပါတယ်။ စိတ်မကောင်းဖြစ်တာရော၊ ဒေါသထွက်တာရော တော်တော်လေးကို ဆိုးဆိုးဝါးဝါး ခံစားရပါတယ်။”
ရန်ကုန်တိုင်း ဗဟန်းမြို့နယ်က သာသနာ့သိပ္ပံကျောင်းတိုက်ကို အာဏာပိုင်တွေ သိမ်းယူခဲ့တာနဲ့ပတ်သက်လို့ ပျံလွန်တော်မူသွားတဲ့ ဆရာတော် တေဇိန္နစာရကို ကြည်ညိုလေးစားသူ ဒါယိကာတဦး ပြောသွားခဲ့တာပါ။ ပြီးခဲ့တဲ့နှစ် စက်တင်ဘာ သံဃာတော်တွေ ဦးဆောင်ဆန္ဒပြပွဲကာလတွေအတွင်း ရန်ကုန်မြို့က ထင်ရှားတဲ့ မဂ္ဂင်ကျောင်းတိုက်က ဆရာတော် သံဃာတော်ကို ဖမ်းဆီးတာတွေ၊ ဖယ်ရှားတာတွေ လုပ်ခဲ့အပြီး နောက်ဆုံး ကျောင်းတိုက်ကို အာဏာပိုင်တွေက ပိတ်ပစ်ခဲ့တာမျိုးလည်း ရှိခဲ့ပါတယ်။

လေဘေးသင့်ဒေသ သွေးလွန်တုပ်ကွေး ကာကွယ်ရေး ကုလသမဂ္ဂ စတင်
16 June 2008
ဦးဇော်ဝင်းလှိုင်
နာဂစ်ဆိုင်ကလုံး တိုက်ခတ်ခဲ့တဲ့ ဒေသတွေမှာ သွေးလွန်တုပ်ကွေးရောဂါ ကာကွယ်ရေးလုပ်ငန်းတွေ လုပ်ဆောင်ဖို့ ကုလသမဂ္ဂအဖွဲ့ကြီးက စီစဉ်နေတယ်လို့ အရာရှိတွေက ပြောပါတယ်။ ကုလသမဂ္ဂက ဘယ်လို ကာကွယ်ရေးလုပ်ငန်းတွေ လုပ်မယ်ဆိုတာကို ကိုဇော်ဝင်းလှိုင်က စုစည်းတင်ပြထားပါတယ်။
ဒီ ကာကွယ်ရေးလုပ်ငန်းတွေကို နာဂစ်ဆိုင်ကလုံးမုန်တိုင်း တိုက်ခတ်ခံခဲ့ရတဲ့ ရန်ကုန်နဲ့ မြစ်ဝကျွန်းပေါ်ဒေသတွေမှာ လုပ်မှာဖြစ်ပါတယ်။ ဒီဒေသတွေမှာရှိတဲ့ ရေလှောင်ကန်တွေနဲ့ ရေ၀ပ်နေတဲ့နေရာတွေက ခြင်တွေပေါက်လာမှာ စိုးတဲ့အတွက် ပိုးလောက်လန်းသတ်ဆေးနဲ့ ပိုးသတ်ဆေးတွေ ဖြန်းမှာဖြစ်ပါတယ်။ မုန်တိုင်းဖြစ်တဲ့ဒေသက အများစုဟာ အမိုးအကာမရှိဘဲ နေထိုင်နေကြရတာကြောင့် ခြင်ကတဆင့် သွေးလွန်တုပ်ကွေးနဲ့ ငှက်ဖျားရောဂါအပါအ၀င် တခြားရောဂါတွေ ပြန့်ပွားမှာစိုးရိမ်တဲ့အတွက် အခုလို ကြိုတင်ကာကွယ်ဆေးဖျန်းဖို့ စီစဉ်တာလည်း ဖြစ်ပါတယ်။
အခုလို ပိုးသတ်ဆေးဖြန်းမယ့် လုပ်ငန်းစဉ်နဲ့ပတ်သက်ပြီး ဆွစ်ဇာလန်နိုင်ငံ ဂျနီဗာမြို့မှာရှိတဲ့ WHO က ပြောရေးဆိုခွင့်ရှိသူ မစ္စတာ ပေါလ် ဒါဝုဒ် (Mr. Paul Darwood) က ဗွီအိုအေကို အခုလိုပြောပြပါတယ်။
“မုန်တိုင်းဒဏ် အဓိက အဆိုးရွားဆုံးခံခဲ့ရတဲ့ ဧရာဝတီတိုင်းအတွင်းက အရေးပါတဲ့ မြို့နယ် ၁၁ မြို့နယ်မှာ သွေးလွန်တုပ်ကွေးရောဂါကာကွယ်ရေးနဲ့ ထိန်းချုပ်ရေးလုပ်ငန်းကို လုပ်ကိုင်သွားမှာဖြစ်ပါတယ်။”
ဧရာဝတီတိုင်းဟာ မုန်တိုင်းဒဏ် အဆိုးရွားဆုံးခံခဲ့ရတာဖြစ်ပေမယ့် ရန်ကုန်တိုင်းအတွင်းမှာလည်း ဦးစားပေးလုပ်ဆောင်ဖို့လိုတဲ့အကြောင်း သူက အခုလို ဆက်ပြောပါတယ်။
“ရန်ကုန်မြို့မှာလည်း သွေးလွန်တုပ်ကွေးရောဂါ တော်တော်များများ ဖြစ်ပွားနိုင်ခြေရှိတာကြောင့် ရန်ကုန်တိုင်းအတွင်းမှာလည်း ကာကွယ်ရေးလုပ်ငန်းတွေ ဦးစားပေး လုပ်ဆောင်ရမှာဖြစ်ပါတယ်။”
ကုလသမဂ္ဂက အခုလို သွေးလွန်တုပ်ကွေး ကာကွယ်ရေးလုပ်ငန်း လုပ်ဆောင်ရတဲ့ အဓိကရည်ရွယ်ချက်ကတော့ ဒီမိုးရာသီကာလအတွင်း သွေးလွန်တုပ်ကွေး ကူးစက်ပြန့်ပွားမှုကို လျှော့ချဖို့၊ နောက် အစိုးရ ကျန်းမာရေးဝန်ကြီးဌာနအနေနဲ့ သွေးလွန်တုပ်ကွေး ကာကွယ်ကုသရေးဆိုင်ရာလုပ်ငန်းတွေ ပိုမိုအင်အားဖြည့် လုပ်ဆောင်လာနိုင်စေရေးတို့ ဖြစ်တယ်လို့လည်း မစ္စတာ ဒါဝုဒ်က ပြောပါတယ်။
အခုချိန်ထိတော့ ပိုးလောက်လန်းသတ်ဆေး ၁.၅ တန် မြန်မာနိုင်ငံကို ရောက်ရှိပြီးဖြစ်ပြီး နောက်ထပ် ၅ တန်ဟာ မြန်မာနိုင်ငံကို တင်ပို့ဖို့အတွက် ထိုင်းနိုင်ငံ ဘန်ကောက်မြို့မှာ အဆင်သင့်ရှိနေတယ်လို့ ကုလသမဂ္ဂက ပြောပါတယ်။
အရင်နှစ်တွေကထက်စာရင် သွေးလွန်တုပ်ကွေး ပိုဖြစ်တဲ့လက္ခဏာ အခုထိ မတွေ့ရသေးဘူးလို့ ကုသလမဂ္ဂ မြန်မာနိုင်ငံ ဌာနေရုံးက သွေးလွန်တုပ်ကွေးရောဂါ ကျွမ်းကျင်သူ လီယိုနာ့ဒ် အော်တေးဂါး (Leonard Ortega) ကပြောကြောင်း အေပီသတင်းမှာ ကိုးကားဖော်ပြထားပါတယ်။
တကယ်တော့ မြစ်ဝကျွန်းပေါ်က မုန်တိုင်းဒဏ်ခံခဲ့ရတဲ့ဒေသတွေမှာ ၀မ်းရောဂါတွေ ကျယ်ကျယ်ပြန့်ပြန့်ဖြစ်ပေါ်လာပြီး လူတချို့ သေဆုံးမှုရှိလာနေတဲ့အကြောင်း ဒီဒေသတွေမှာ ကယ်ဆယ်ရေးလုပ်ငန်းတွေ လုပ်ကိုင်နေတဲ့ ကျန်းမာရေးဝန်ထမ်းတွေက ပြောဆိုနေကြတဲ့အချိန်မှာ ကုလသမဂ္ဂက အခုလို သွေးလွန်တုပ်ကွေး ကာကွယ်ဆေးတွေဖြန်းဖို့ စီစဉ်တာလည်း ဖြစ်ပါတယ်။
ဒီကာကွယ်ဆေးဖြန်းတဲ့ အစီအစဉ်ကို WHO၊ UNICEF နဲ့ စစ်အစိုးရတို့ ပူးပေါင်းလုပ်ဆောင်ကြမှာဖြစ်ပြီး လုပ်အားပေး ၁,၇၀၀ လောက် ပါဝင်မယ်လို့လည်း သွေးလွန်တုပ်ကွေးရောဂါ ကျွမ်းကျင်သူ လီယိုနာ့ဒ် အော်တေးဂါးက ပြောပါတယ်။

လုံခြုံရေးအတွက်လည်း ကိုယ်ထူကိုယ်ထ ဆောင်ရွက်နေရ
အောင်သက်ဝိုင်း/ရန်ကုန် ဇွန် ၁၆၊ ၂၀၀၈
နာဂစ်မုန်တိုင်းတိုက်ခတ်ပြီး တလကြာလာချိန်တွင် ရန်ကုန်မြို့တွင်း ရပ်ကွက်များရှိ လူနေအိမ်ခြေများ၌ ပစ္စည်းခိုးမှုများ ထူပြောလာခြင်းကြောင့် ရပ်ကွက်အလိုက် ကိုယ်ထူကိုယ်ထ လုံခြုံရေးအဖွဲ့များ ဖွဲ့စည်းကာ သူခိုးအန္တရာယ်ကင်းရှင်းရေး ဆောင်ရွက်နေရကြောင်း ရန်ကုန်မြို့ခံများကပြောသည်။
“ရပ်ကွက်ထဲမှာ ပစ္စည်းတွေခဏခဏ အခိုးခံနေရတယ်။ အ၀တ်အထည်တွေနဲ့ ဒန်အိုးဒန်ခွက်ကစပြီး ဖိနပ်စုတ်အထိပဲ။ မနေ့ညတုန်းက လမ်းထိပ်မှာ ရပ်ထားတဲ့ ထီဆိုင်လှည်းက သစ်သားတွေ အကုန်ခွာပြီး ခိုးသွားတယ်။ လစ်ရင်လစ်သလို အခိုးခံရတာ။ အထူးသဖြင့် ညဘက်တွေမှာ အခိုးခံရတာအများဆုံးပဲ” ဟု ဒဂုံမြို့သစ်အရှေ့ပိုင်း၊ ၇ ရပ်ကွက် မိုးကောင်းလမ်းတွင် နေထိုင်သူ တဦးကပြောသည်။
နာဂစ်မုန်တိုင်းအပြီး ပိုမို ဆင်းရဲကြပ်တည်းလာကာ အလုပ်အကိုင်ရှားပါး လာသည့်အတွက် ခိုးမှုများ ဖြစ်ပွားလာရပြီး လွယ်ကူစွာ ပိုက်ဆံရနိုင်သည့် ဖြတ်လမ်းအနေဖြင့် ပစ္စည်းခိုးသည့် နည်းကို သုံး၍ လတ်တလောရင်ဆိုင်ကြုံတွေ့နေရသော စားဝတ်နေရေးအခက်အခဲကို ဖြေရှင်းကြခြင်းဖြစ်ကြောင်း လမ်းမတော်မြို့နယ်တွင်နေထိုင် သည့် အထက်တန်းရှေ့နေ တဦးကပြောသည်။
“တနေ့က အသက် ၁၃ နှစ်လောက်ပဲရှိဦးမယ့် ကောင်လေးတယောက် ကျနော့်မုန့်ဆိုင်က မုန့်တွေယူပြီးထွက်ပြေးတယ်။ နေ့ခင်းကြောင်တောင် ဆိုင်မှာလူရှင်း နေတဲ့အချိန်ဆိုတော့ သိသိချင်း ကျနော်လည်း လိုက်ဖမ်းလိုက်တယ်။ မိတော့ နားပန်ကျင်းလိုက်တယ်” ဟု လမ်းမတော်မြို့နယ် ညောင်ပင်လေးဈေးတွင် မုန့်မျိုးစုံနှင့် စားသောက်ကုန် မျိုးစုံ ရောင်းချ သည့် ကုန်စုံဆိုင်ပိုင်ရှင်တဦးက ပြောသည်။
၎င်းကုန်စုံဆိုင်ရှင်က မေးကြည့်ရာ ခိုးယူထွက်ပြေးသည့် ကလေးမှာ လှိုင်သာယာ၊ ရိုးကြီးရွာက ဖြစ်ကြောင်းနှင့် သူတို့နေထိုင် သည့် ၀ါးတဲမှာ မုန်တိုင်းကြောင့်ပြိုကျသွားပြီး မိသားစု စား ၀တ်နေရေးဒုက္ခရောက်နေသောကြောင့် မြို့ထဲတွင်အလုပ်လာ ရှာရင်း ဗိုက်ဆာလွန်းသဖြင့် မုန့်ယူပြေးခြင်း ဖြစ်ကြောင်း ဖြေကြားသည်ဟု ဆိုသည်။
“ကောင်လေးက တော်တော် ကြောက်နေတာ။ အဲဒါနဲ့ ကျနော်လည်း ထမင်းကျွေးပြီး ပြောဆိုဆုံးမ လွှတ်လိုက်ရတယ်” ဟု လမ်းမတော်မြို့နယ် ညောင်ပင်လေးဈေးတွင် မုန့်မျိုးစုံနှင့် စားသောက်ကုန် မျိုးစုံ ရောင်းချသည့် ကုန်စုံဆိုင်ပိုင်ရှင်တဦးက ပြောသည်။
အဆိုပါ ကုန်စုံဆိုင်ရှင်ကပင် ညောင်ပင်လေးဈေး၊ သိမ်ကြီးဈေးနှင့် ကမ်းနားလမ်းတလျှောက် တောင်းရမ်း စားသောက်နေ သည့် ကလေးငယ်အများအပြားတွေ့လာရပြီး ကြီးကောင်ဝင်စ ကလေးငယ် တချို့မှာ မြို့တွင်းလူနေတိုက်ခန်းများအတွင်း သို့ ၀င်ရောက်ပြီး ခိုးမှု အသေးစား များ ပြုလုပ်လာကြကြောင်း ပြောပြသည်။
“လစ်ရင်ခိုးတယ်။ လိုက်ရင်ပြေးတယ်။ မိရင်ပြန်ပေးတယ်။ ကလေးတွေဆိုတော့ ရဲစခန်းပို့ရ အခက်။ တော်ရုံ နားပန်ကျင်း၊ ခေါင်းခေါက်ပြီး ပြန်လွှတ်ပေးကြတယ်။ ကိုယ့်သားသမီးအရွယ် လေးတွေဆိုတော့ မလုပ်ရက်ကြဘူး” ဟု ၎င်းကဆိုသည်။
ယင်းသို့ အလစ်သုတ် ခိုးယူမှုများပြုလုပ်ကြသည့် ကလေးငယ်များတွင် အရွယ်မရောက်သေး သည့် မိန်းကလေးငယ်များပါ ခိုးယူအလစ်သုတ်မှုများ ပြုလုပ်ကြခြင်းဖြစ်ကြောင်း ရန်ကုန်မြို့ခံ များက ပြောသည်။
“မိန်းကလေးငယ်လေးတွေ ပလတ်စတစ်ကောက်တဲ့ ပုံစံနဲ့ ဟိုဟာရှာသလို၊ ဒီဟာရှာသလို လုပ်ပြီး မယောင်မလည်နဲ့ အိမ်ထဲဝင် ပစ္စည်းတွေခိုးတာ” ဟု ကျောက်တံတားမြို့နယ်အတွင်းရှိ အထပ်မြင့် တိုက်တတိုက်၏ မြေညီထပ်တွင်နေထိုင်သူ အိမ်ရှင်မတဦးက ပြောသည်။
အသက် ၁၈ နှစ်အောက် ကလေးများသာမက အရွယ်ရောက်ပြီး လူငယ်များနှင့် လူကြီးပိုင်း အရွယ် များလည်း အလစ်သုတ် မှုနှင့် ခိုးမှုများ ပိုမိုပြုလုပ်လာကြကြောင်း ရန်ကုန်မြို့ခံများက ပြောသည်။
“ထဘီလှန်းထားရင် ထဘီခိုးတယ်။ အိမ်မှာလူမရှိတာနဲ့ ပစ္စည်းပျောက်တော့တာပဲ။ ထရံကာထားတဲ့ အိမ်ဆိုရင် လက်ဝင် သာရုံ ထရံတွေချိုးဖဲ့ အပေါက် ဖောက်ပြီး အိုးခွက်ပန်း ကန်နဲ့ လက်လှမ်းမီတဲ့ ခွက်စုတ်ကအစ ခိုးကြတာ” ဟု လှိုင်သာယာ ၂၁ ရပ်ကွက်နေ အိမ်ရှင်မ တဦးကဆိုသည်။
ညပိုင်းအချိန်များတွင် ခိုးမှုများ အလွန်ဖြစ်ပွားနေရာ လျှပ်စစ်မီးမရရှိသည့်အတွက် မှောင်မည်း နေခြင်း၊ မိုးရာသီဖြစ်သည့် အတွက် ညပိုင်းအချိန်များတွင် မိုးသည်းထန်စွာ ရွာသွန်းခြင်းများ ကလည်း ခိုးမှုကျုးလွန်သူများအတွက် ပိုမိုအတင့်ရဲစေ ကြောင်း လှိုင်မြို့နယ် ၇ ရပ်ကွက်တွင် နေထိုင်သူတဦးက ဆိုသည်။
ခိုးမှုနှင့် အလစ်သုတ်မှုများမှာ ရန်ကုန်မြို့တွင်းမြို့နယ်များနှင့် ဆင်ခြေဖုံးဒေသများ အားလုံးတွင် ဖြစ်ပွားခြင်းဖြစ်ပြီး သက်ဆိုင်ရာ ရပ်ကွက်အလိုက် ရပ်ကွက်သူ ရပ်ကွက်သားများ စုပေါင်းပြီး လုံခြုံရေးကင်းများ ချထားဆောင်ရွက်နေရကြောင်း သိရှိရသည်။
“လမ်းလုံခြုံရေးအဖွဲ့ဆိုပြီးဖွဲ့၊ ရန်ပုံငွေရှာပြီး လုံခြုံရေး ကင်းသမားငှားရတယ်။ တအိမ်ကို တထောင် လောက်ကောက်ပြီး လုံခြုံရေးအစောင့်တဦးအတွက် တလ သုံးသောင်းခွဲပေး ကင်းစောင့်ခိုင်းရတယ်” ဟု လှိုင်သာယာ မြို့နယ် ရပ်ကွက်တခုမှ ကိုယ်ထူကိုယ်ထ လမ်း လုံခြုံရေးအဖွဲ့ ဥက္ကဌတဦးက ပြောသည်။
ရန်ကုန်မြို့တွင်း ဖြစ်ပေါ်နေသည့် ခိုးမှုနှင့် အလစ်သုတ်မှုများကို သက်ဆိုင်ရာ နယ်မြေခံ ရဲတပ်ဖွဲ့များအား သတင်းပို့ တိုင်ကြားသော်လည်း ထိရောက်သော အရေးယူမှုများ ဆောင်ရွက်ပေးခြင်း မရှိကြောင်း သိရှိရသည်။
“စက်ဘီးပျောက်လို့ ရဲတိုင်ထားတာ တလကျော်ကြာပြီ။ ဘာမှမထူးခြားတဲ့အပြင် အိမ်မှာရှိတဲ့ ကက်ဆက်ပါထပ်အခိုးခံလိုက် ရတယ်” ဟု ဒဂုံမြို့သစ်မြောက်ပိုင်း ၅၀ ကွေ့ အနီးနေထိုင်သူ တဦးကဆိုသည်။
တိုင်ကြားသည့် ခိုးမှုနှင့် အလစ်သုတ်မှုများကို ရဲတပ်ဖွဲ့က ဖော်ထုတ်ရာတွင် လာဘ်ငွေများများ ရနိုင်သည့် အကြီးစားအမှု များကိုသာ ဖော်ထုတ် ဖမ်းဆီးအရေးယူ ဆောင်ရွက်ပေးပြီး လာဘ်ငွေ မရရှိနိုင်သော သာမန်စက်ဘီးခိုးမှု၊ အ၀တ်အထည် နှင့် အိမ်ထောင်သုံး ပရိဘောဂများ ခိုးယူအလစ်သုတ်ခံရမှုများကို ဖော်ထုတ်ဖမ်းဆီးခြင်း မရှိကြောင်း အမှုတိုင်ကြားခဲ့သည့် ရန်ကုန်မြို့ခံများကပြောသည်။
“သိန်းတရာ၊ နှစ်ရာတန်ပစ္စည်းတွေ အခိုးခံရရင် ရဲတွေအလုပ်လုပ်တယ်။ အခိုးခံရတဲ့သူတွေ ကလည်း သိန်းကိုဆယ်ဂဏန်း ချီ လာဘ်ထိုးရတော့ ရဲတွေချက်ချင်း အလုပ်လုပ်ပြီး သူခိုးဖမ်းကြတယ်။ ဒါကြောင့် လူတွေက သာမန် အသေးအမွှား အခိုး ခံရတာမျိုးကို ရဲ တိုင်မနေကြတော့ဘူး” ဟု ကိုယ်တိုင် စက်ဘီးအခိုးခံခဲ့ရသူ လှိုင်မြို့နယ်သား တဦးက ပြောသည်။
ကူညီပါရစေ ဆိုသော စကားဆောင်ပုဒ်ကို လက်ကိုင်ထားသည့် မြန်မာနိုင်ငံရဲတပ်ဖွဲ့ အနေဖြင့် ခိုးမှုနှင့် အလစ်သုတ်မှုများ လျော့ကျစေရန် ဆောင်ရွက်သင့်သည်ဟု ရန်ကုန်မြို့ခံ များက သုံးသပ်သည်။
“ရဲလုပ်ရမယ့်အလုပ်တွေကို ကျနော်တို့ ပြည်သူတွေက အပင်ပန်းခံပြီးလုပ်နေရတယ်။ ညဆိုရင် ရပ်ကွက်လုံခြုံရေး ကင်းတွေ ဖွဲ့ပြီး ကင်းစောင့်နေရတော့ ရဲတွေဘာလုပ်နေသလဲ ဆိုတာ မေးခွန်းထုတ်ဖို့ လိုလာပြီ” ဟု ပြည်တွင်းသတင်းထောက် တဦးက ၎င်း၏အမြင်ကို ပြောသည်။
ရန်ကုန်မြို့တွင်းဖြစ်ပေါ်နေသည့် ခိုးမှုထူပြောလာမှုနှင့် ပတ်သက်၍ ရန်ကုန်တိုင်းအတွင်း အချက်အချာကျ မြို့နယ်တခုမှ မြို့နယ်ရဲတပ်ဖွဲ့မှူးကြီး တဦးကို ဆက်သွယ်မေးမြန်းရာ ၎င်းက ခိုးမှုနှင့် အလစ်သုတ်မှု များပြားလာသည်ဆိုခြင်းမှာ မဟုတ်မှန်ကြောင်း နှင့် မြန်မာနိုင်ငံ ရဲတပ်ဖွဲ့ အနေဖြင့် ရပ်ရွာ အေးချမ်းသာယာရေးအတွက် အင်တိုက် အားတိုက် ဆောင်ရွက်နေသောကြောင့် မှုခင်းများကျဆင်းလျှက်ရှိကြောင်း ပြန်လည်ဖြေကြားသည်။
“ခိုးမှုတွေအရမ်းများနေတယ်ဆိုတာ အဓိပ္ပာယ်မရှိတဲ့ ကောလာဟလပါ။ ကျနော်တို့ ရဲတွေက နေ့ရော၊ ညရော လှည့်ကင်း တွေနဲ့ ရပ်ရွာလုံခြုံရေးဆောင်ရွက်နေတာပါ။ ရပ်ကွက်တွေမှာ ကိုယ်ထူကိုယ်ထ လုံခြုံရေးလုပ်ကြတာကတော့ ကောင်းတာပဲ” ဟု အဆိုပါ မြို့နယ်မှူးက ပြောသည်။
ရဲတပ်ဖွဲ့က ယင်းသို့ ဖြေကြားသော်လည်း ညအချိန်ရောက်တိုင်း ရပ်ကွက်များတွင် “နေအိမ်ခြံဝင်းတံခါးများလုံခြုံစွာ ပိတ်သိမ်းပြီးမှ အိပ်ကြပါ” ဟူသော ကိုယ်ထူကိုယ်ထ ရပ်ကွက်လုံခြုံရေးအဖွဲ့များ၏ သတိပေး နှိုးဆော် တိုက်တွန်းသံများ ပျံ့နှံ့လျက်ရှိသည်။

ရန်ကုန်တွင် နာဂစ် ရန်ပုံငွေ ပန်းချီပြပွဲ ပြသ
ကိုစိုး ဇွန် ၁၆၊ ၂၀၀၈
မြန်မာပန်းချီဆရာများ၏ လက်ရာစုံ ပန်းချီ ကားပေါင်း ၂၀၀ ခန့်ပါဝင်ပြသသည့် နာဂစ် ဆိုင်ကလုန်း ရန်ပုံငွေ ပန်းချီပြပွဲ တပွဲကို ရန်ကုန်မြို့ သမ္မတ ဟိုတယ်၌ ဇွန်လ ၁၄ ရက်နှင့် ၁၅ ရက်တွင် ကျင်းပခဲ့သည်။
အဆိုပါ Nargis Relief Art Show အမည်ရှိ ရန်ပုံငွေ ပန်းချီပြပွဲတွင် ဝါရင့်ပန်းချီ ဆရာကြီးများဖြစ်သော ခင်မောင်ရင်၊ ကြီးမြင့်စော၊ ဝင်းဖေမြင့်၊ မောင်ညိုဝင်း၊ မောင်မောင်သိုက်၊ ကျော်သောင်း၊ ဖေညွန့်ဝေ၊ အောင်မြင့် တို့နှင့် နာမည်ကြီး ပန်းချီဆရာများ အပါအဝင် ပန်းချီဆရာပေါင်း ၁၀၀ ခန့်ပါဝင် ပြသခဲ့ပြီး ပန်းချီကား ၁၅ ကား ရောင်းချရကြောင်း ပြပွဲစီစဉ်သူ တဦးဖြစ်သည့် ဗြူတီးမဂ္ဂဇင်းမှ ကိုထွန်းဝင်းညိန်းက ပြောသည်။
“ဆရာကြီးမြင့်စောရဲ့ Yangon Night စီးရီးထဲက အက်ဖ်အီးစီ ၂၀၀၀ နဲ့ရောင်းရတဲ့ကားနဲ့ ကိုကျော်လင်း၊ ကိုသန်းမြင့်အောင်၊ ကိုဇော်ဝင်းဖေ၊ ကိုသန်းဌေးမောင် တို့ရဲ့ ပန်းချီကားတွေအပါအဝင် ကားပေါင်း ၁၅ ကား ရောင်းရပါတယ်၊ ဒီအခြေအနေ ကြားထဲမှာ အခု လောက်ရောင်းရတာ မဆိုးဘူးလို့ ထင်ပါတယ်၊ ကျပ် သိန်း ၃၀ ဝန်းကျင် ဖိုး လောက်ရှိပါတယ်၊ ပရိသတ် ကလည်း ထင်တာထက်တော်တော်များများ လာရောက်ကြပါတယ်”ဟု ၎င်းက ဧရာဝတီ သို့ပြောပြသည်။
ရရှိလာသည့် ရန်ပုံငွေများကို နာဂစ် မုန်တိုင်း ဒုက္ခသည်များကူညီရေးအတွက် ဖွဲ့စည်းထားသော စာရေးဆရာ၊ စာအုပ်ထုတ် ဝေသူများနှင့် မိတ်ဆွေများအဖွဲ့မှတဆင့် လှူဒါန်းသွားမည်ဖြစ်သည်ဟုလည်း ကိုထွန်းဝင်းညိန်း က ပြောသည်။
၎င်းက ယခုပြပွဲနှင့် ပတ်သက်၍ အခက်အခဲများရှိခဲ့သော်လည်း အဆင်ပြေခဲ့သည်ဟု ပြောဆိုပြီး ပြပွဲတင်ပန်းချီကားများ ထဲမှ တချို့ပန်းချီကားများအား ဆင်ဆာခွင့်ပြုချက်မရမည်ကို စိုးရိမ်မှုရှိခဲ့ကြောင်းနှင့် သက်ဆိုင်ရာမှ ရန်ပုံငွေပွဲဖြစ်၍ ပန်းချီကား အားလုံးကို ပြသခွင့်ပြုခဲ့ကြောင်းလည်း ဆက်ပြောသည်။
ပန်းချီ ထွန်းဝင်းညိန်း ရေးဆွဲထားသော နာဂစ် ဒုက္ခသည် ကလေးငယ်များပုံ ပန်းချီကား “ဖွင့်ပွဲနေ့ မနက်ပိုင်းက ပြန်ကြားရေးဝန်ကြီးဌာနက လာစစ် ပါတယ်၊ ပန်းချီကားတွေကို ကြည့်ရှုနေတဲ့ အချိန်မှာ တချို့ ကားတွေကို လွတ်ပါ့မလားဆိုပြီး စိတ်ထဲမှာတော့ တထင့် ထင့်နဲ့ပါ၊ တချို့ ပန်းချီဆရာတွေက သူတို့အာရုံ ရတာတွေ ရေးကြတယ်မို့လား၊ ဒုက္ခရောက်နေသူတွေရဲ့ မျက်နှာတွေ၊ တချို့ အိမ်တွေ ပြိုပျက်နေတဲ့ အပြိုအပျက် တွေပေါ့၊ အဲဒါ တကားမှ ဆင်ဆာ မထိဘူး၊ အကုန်လုံးကို ခွင့်ပြုချက်ပေး သွားတယ်၊ ကျနော်တို့လည်း တော်တော် အံ့သြမိတယ်”ဟု ကိုထွန်းဝင်းညိန်းက ပြောသည်။
ယင်း နာဂစ် ရန်ပုံငွေ ပန်းချီပြပွဲကို စာပေလော စာအုပ်တိုက် (၁)၊ ဗြူတီး မဂ္ဂဇင်း နှင့် သရဖူ မဂ္ဂဇင်းတို့က တာဝန်ယူ ဦးစီး စီစဉ်ခြင်းဖြစ်ပြီး စာပေနှင့် ပန်ချီအနုပညာရှင်များအပါအဝင် ပန်းချီဂယ်လာရီ တချို့မှ ဝိုင်းဝန်းပံ့ပိုး၍ ကျင်းပခြင်းဖြစ် ကြောင်း သိရသည်။
ယခုပြပွဲတွင် ကိုယ်တိုင်ပါဝင်ပြသသူ ဝါရင့်ပန်းချီဆရာ ဖေညွန့်ဝေက“တိုက်ရိုက် နာဂစ်ကို ခံစားရေးဆွဲကြတာ အပါအဝင် အကြမ်းဖျင်းပန်းချီအကြောင်း အရာ ၂ မျိုး တင်ဆက်ကြပါတယ်၊ သဘာဝဘေးအန္တရာယ်ဆိုတာ ရှောင်လွှဲလို့ မရတဲ့ ကိစ္စ၊ ဘာကို တွေ့ရလည်းဆိုတော့ ဒီနေရာမှာ လူသားစိတ်ဓာတ်ဆိုတာ ပေါ်လာတယ်၊ ကျနော်တို့လုပ်နိုင်တဲ့ အပေါ်မှာ လုပ်ရတာ ပိုပြီး ဝမ်းသာ တယ်၊ ပန်းချီဆွဲတဲ့လူက ပန်းချီ၊ ပန်းပု သမားက ပန်းပု အဲဒါတွေနဲ့ လှူဒါန်းရတာ ပိုမွန်မြတ်တယ်လို့ ယူဆ ပါတယ်”ဟု ဆိုသည်။
ထိုသို့ နာဂစ်ရန်ပုံငွေ ပြပွဲတွင် ၎င်း၏ ပန်းချီကားရောင်းရ ငွေကြေးဖြင့် လေဘေး ဒုက္ခသည်များကို လှူဒါန်းရသည့် အတွက် အလွန်ဝမ်းသာကြောင်း ပန်းချီကားရောင်းရသူ ပန်းချီဆရာ တဦးကလည်း ပြောသည်။
ယခုရောင်းရသော ပန်းချီကားမှာ နာဂစ်မုန်တိုင်း မတိုက်ခတ်မီ ၆ နာရီခန့်အလို ရန်ကုန်မြို့လယ်ရှိ လူအများ ရုတ်ရုတ်သဲသဲ လှုပ်ရှားသွားလာနေကြပုံကို မှတ်တမ်းတင် ရိုက်ကူးထားသည့် ဓာတ်ပုံများထဲမှ ပြန်လည်ရေးဆွဲ သည့် ပန်းချီကားဖြစ်၍ အံသြ ဝမ်းသာကြောင်းလည်း ၎င်းက ပြောပြသည်။
ပြပွဲတွင် ပန်းချီ ဒီဇိုင်း စိုးဝင်းညိန်း၏ မုန်တိုင်း ဒဏ်သင့် မြစ်ဝကျွန်းပေါ် ဒေသကို သွားစဉ်က ရိုက်ကူထားသော မှတ်တမ်း ဓာတ်ပုံ ၅ ပုံလည်း ပါဝင်ပြသခဲ့ပြီး ယင်းဓာတ်ပုံများထဲကတချို့ကို ရောင်းချရသည်ဟုလည်း သိရသည်။
“အခုလို ဒီပြပွဲကို လုပ်ဖြစ်တာဟာ အနုပညာသမားတွေက သူတို့ တတ်စွမ်းတဲ့ အနုပညာနဲ့ မုန်တိုင်း ဖြစ်ပြီး နောက်ပိုင်း မုန်တိုင်း ဒဏ်ခံရသူတွေရဲ့ ဘဝကို နည်းမျိုးစုံနဲ့ ပြန်လည်ထူမတ်ပေးကြတယ်လို့ ဆိုရပါမယ်၊ အနုပညာနဲ့ လူသားဆန်တဲ့ စိတ် ပေါင်းစပ်မိတယ်လို့ လည်း ခံစားရပါတယ်”ဟု ကိုထွန်းဝင်းညိန်း က ပြောသည်။
ယင်းပြပွဲသို့ သွားရောက်ကြည့်ရှု လေ့လာခဲ့သည့် ရန်ကုန်အခြေစိုက် သတင်းဂျာနယ် အယ်ဒီတာ တဦးကမူ ယခုပြပွဲ နှင့် ပတ်သက်ပြီး ပြပွဲရက်နည်းသည့် အတွက် အားမရကြောင်း ပြောသည်။
နာဂစ်ရန်ပုံငွေပြပွဲတွင် ပြသထားသည့် ပန်းချီဆရာ ဝင်းဖေမြင့်၏ ပန်းချီကားတချပ်
“တပတ်လောက် ပြနိုင်ရင်တော့ ကောင်းမယ်၊ ပြပွဲ စရိတ်ကလည်း ကြီးလို့ ထင်တယ်၊ အတိုင်းအတာတခု အထိတော့ ထိရောက်မှုရှိမှာပါ၊ ခြုံပြောရရင် ပွဲရက်တိုတာ တခုကလွဲလို့ အားလုံးကောင်းပါတယ်၊ ပြသထားတဲ့ ပန်းချီကား ရသတွေ လည်း ကောင်းပါတယ်၊ မုန်တိုင်း ဖြစ်စဉ်ကမရှိလို့ မုန်တိုင်းကြောင့် အပျက်အစီး မြင်ကွင်းကို ဒီ တလအတွင်းမှာ မမြင်ခဲ့ ရရင်တောင်မှ ဒီပန်းချီကားတွေကြည့်ပြီးတော့ ခံစားနိုင်ပါတယ်”ဟု ၎င်းက ပြောဆိုသည်။
ထိုင်းနိုင်ငံ ချင်းမိုင်မြို့ ချင်းမိုင် တက္ကသိုလ် အနုပညာပြတိုက်တွင်လည်း နာဂစ် ဒုက္ခသည်များ ရန်ပုံငွေပွဲအဖြစ် ပြည်ပ ရောက် သီးလေးသီးနှင့် ဆေးရောင်စုံ အငြိမ့် အဖွဲ့က ယမန်နေ့ညတွင် ကပြဖျော်ဖြေခဲ့သည်။

ရန်ကုန် လမ်းမများပေါ်က ဧရာဝတီရဲ့ မိဘမဲ့ ကလေးငယ်များ
ကြည်ဝေ ဇွန် ၁၆၊ ၂၀၀၈
ရန်ကုန်ဘူတာရုံအနီး၊ ပန်းဆိုးတန်း ခုံးတံတားကြီးအောက်ဘက် ညာဘက်လူသွားလမ်းကလေး အနီးရှိ တံတားထောက်တိုင် အောက်ခြေအနီးမှာ ထိုင်ပြီးပိုက်ဆံတောင်းနေသော ရှပ်အင်္ကျီနက်ပြာရောင်၊ အညိုရောင်ဘောင်းဘီတိုလေးနှင့် ပိန်ကပ်ကပ် ဖြူဖျော့ဖျော့၊ အသက် ၉ နှစ်အရွယ် ကောင်လေးဆီကို နံရိုးတွေအချောင်းလိုက်မြင်နိုင်သည့် ညစ်နွမ်းပေရေနေသော ချိုင်းပြတ်စွပ်ကျယ်ဖားဖားကြီးနှင့် ပုဆိုးကို ဖရိုဖရဲဝတ်ထားသော အရိုးပေါ်အရေတင် ၁၄ နှစ်သားအရွယ် ယောက်ျားလေးက ခပ်သွက်သွက်လှမ်းလာပြီး ကြွပ်ကြွပ်အိတ်ထုပ်ကလေးကို လှမ်းပေးလိုက်သည်။

ကြွပ်ကြွပ်အိတ်ထဲမှ ဟင်းအနှစ်နီနီများ ဆမ်းထားသောထမင်းများကို ၉နှစ်သားအရွယ် ကလေးငယ်က ညာလက် ဖြင့်နှိုက် ယူပြီး လည်ချောင်းထဲ နင်လောက်အောင်ပင် ပလုတ်ပလောင်းစားနေသည်ကို ၁၄နှစ် အရွယ်ကောင်လေးက တချက်ကြည့် ပြီး ပြန်လှည့်ထွက်သွားသည်။

ထမင်းလာကျွေးသော ကောင်လေးနှင့် ထမင်းစားနေသော ကောင်လေးမှာ ဆွေမျိုးတော်စပ်သော ညီအစ်ကိုတွေ မဟုတ်ကြ ပါ။ တမြို့တရွာတည်းမှာ အတူနေပြီး ကြီးပြင်းလာကြသော သူငယ်ချင်းများလည်း မဟုတ်ကြပါ။ သို့ပေမယ့် သူတို့ နှစ်ယောက်စလုံးမှာ တူညီသော ခံစားချက်များနှင့် ဘ၀ပေး အခြေအနေတို့ ရှိကြသည်။

အသက် ၉ နှစ်အရွယ်ကောင်လေးနှင့် အသက် ၁၄ နှစ်အရွယ်ကောင်လေးမှာ မုန်တိုင်းဒဏ်ကြောင့် မိဘနှင့် ကွဲကွာရခြင်း၊ မိဘမဲ့ ဖြစ်ရခြင်း၊ အိုးမဲ့အိမ်မဲ့ဖြစ်ရတာခြင်း စသည့် အချက်တို့ တူညီကြသလို၊ လေးဘေးကြောင့် မိဘနှင့် ညီအစ်ကို မောင်နှမများဆုံးပါးခဲ့သော ရပ်ရွာကိုစွန့်ပြီး ရန်ကုန်မြို့သို့ လာရောက်ခဲ့ကြတာခြင်းလည်း တူညီကြသည်။

"ဘယ်သွားလို့ ဘယ်လာရမှန်းမသိတာနဲ့ ရန်ကုန်မြို့ကိုလာခဲ့တာပါ။ ကျနော်နဲ့အတူ သူငယ်ချင်း တယောက် ပါသေးတယ်။ ဒီကောင်လေးကိုတော့ ဈေးထိပ်မှာ ထိုင်ငိုနေတာတွေ့တာနဲ့ သနားလို့ခေါ်လာတာ၊ သူကတော့ အလုပ်မရသေးဘူး" လို့ အသက် ၁၄ နှစ်အရွယ် ကောင်လေးက သူတို့၏ အဖြစ်အပျက်ကို ပြောပြသည်။

ရန်ကုန်တိုင်း၊ ကွမ်းခြံကုန်းမြို့နယ်၊ သမက်ရွာမှာ မေလ ၃၁ ရက်နေ့တွင် ထွက်လာခဲ့သော အသက် ၁၄ နှစ် အရွယ်ကောင် လေးသည် ရန်ကုန်ရောက်ပြီး နောက်တရက်မှာပင် ၃၄လမ်းထိပ်မှ စားသောက်ဆိုင်တဆိုင်တွင် စားပွဲထိုးအဖြစ် အလုပ်ရ သည်။ သူ့ သူငယ်ချင်း တဦးကလည်း လက်ဖက်ရည်ဆိုင်တဆိုင်တွင် အလုပ်ဝင်နေပြီ ဖြစ်ကြောင်း သူက ပြောပြသည်။

သူ သနားစိတ်ဖြင့် ခေါ်လာခဲ့သော ၉ နှစ်အရွယ်ကောင်လေးမှာ ကျန်းမာရေးကောင်းပုံ မရသောကြောင့် အလုပ် မရသေး ကြောင်း၊ အလုပ်မရခင် သူကထမင်းတနပ်ကျွေးပြီး အိပ်စရာ နေရာပေးထားသလို၊ ညနေစာအတွက် ကောင်လေးမှာ တောင်းစားနေခြင်းဖြစ်ကြောင်း သိရသည်။

ရန်ကုန်တိုင်း၊ ကွမ်းခြံကုန်းမြို့နယ်၊ သရက်သုံးပင်ရွာတွင် နေထိုင်ခဲ့သော ၉ နှစ်အရွယ်ကလေး၏ မိဘ နှစ်ပါးစလုံး နှင့် အသက် ၁၅ နှစ်အရွယ် အစ်ကို တယောက်၊ ၈ နှစ်အရွယ် ညီမတယောက်မှာ မုန်တိုင်းထဲ သေဆုံးသွားရပြီ ဟု ယူဆ ကြောင်း သူ့အနေနှင့် ရွာမှာ ပြန်နေရန်အတွက် အခက်အခဲရှိသည့်အပြင် ထမင်းစားရန် အတွက်လည်း ခက်ခဲနေသော ကြောင့် ကွမ်းခြံကုန်းမြို့ဈေးအနီးတွင် ထိုင်ငိုနေခြင်းဖြစ်ကြောင်း သိရှိရသည်။

"ရွာကို မပြန်တော့ဘူး၊ ရွာမှာ သားကို ထမင်းကျွေးမဲ့သူလည်းမရှိဘူး၊ နေစရာအိမ်လည်း မရှိတော့ဘူး၊ အဖေ အမေတို့နဲ့ အကိုတို့ကိုလည်း ရှာမတွေ့တော့ဘူး၊ ဒီက အကိုနဲ့ပဲ နေတော့မယ်" ဟု အသက် ၉ နှစ်အရွယ် ကလေးက ပြောသည်။

ရန်ကုန်တိုင်းအတွင်း လူအသေအပျောက်အများဆုံးဖြစ်သော ကွမ်းခြံကုန်းမြို့နယ်တွင် အိုးမဲ့အိမ်မဲ့ဖြစ်ရခြင်း၊ မိသားစုဝင် များ ဆုံးရှုံးရခြင်းအပြင် အလုပ်အကိုင်များ ပျက်စီးဆုံးရှုံးရခြင်းများရှိသောကြောင့် လေဘေးသင့် မိသားစုများမှာ လုပ်ငန်း ခွင်သို့ ပြန်ဝင်နိုင်ခြင်းမရှိသေးဘဲ စားဝတ်နေရေးအတွက် အလှူရှင်များ လာရောက် လှူဒါန်းမည်ကိုသာ မျှော်လင့်နေထိုင် နေရခြင်းဖြစ်ကြောင်း ကွမ်းခြံကုန်းမြို့တွင် နေထိုင်သူ တဦး၏ ပြောပြချက်အရ သိရသည်။

"ဒီမှာလည်း လယ်တွေကော လုပ်ငန်းတွေကော အားလုံး ပျက်စီးကုန်တယ်၊ လူတွေမှာ အလုပ်မရှိကြတော့ဘူး၊ စားဖို့လည်း မရှိကြဘူး၊ အလှူရှင်တွေရှိမှ စားရသောက်ရတဲ့ ဘ၀တွေရောက်ကုန်ကြတယ်။ အလှူရှင်တွေ မလာတော့တဲ့နေ့ ငတ်ကြ တာပဲ" ဟု သူက ပြောပြသည်။

ကွမ်းခြံကုန်းမြို့နယ်တွင်းရှိ ရွာများမှာ အလုပ်အကိုင်မရှိခြင်း၊ အလုပ်အကိုင်အတွက် လိုအပ်ချက်များ ရှိနေခြင်း တို့ကြောင့် အလုပ်မလုပ်နိုင်ကြသလို၊ ရသမျှ ဆန်ကိုလည်း မျှပြီး စားသောက်နေရခြင်းတို့ကြောင့် စားဝတ်နေ ရေး အတွက်သာမက ရေရှည် ဘ၀ရပ်တည်ရှင်သန်ရေးအတွက်ပါ အခက်အခဲများကြုံနေရကြောင်း သူက ပြောဆိုသည်။

ထို့ကြောင့်လည်း ကွမ်းခြံကုန်းမြို့နယ်တွင်းမှ အမျိုးသားများနှင့်ကလေးများမှာ အလုပ်အကိုင်ရရှိရေးအတွက် နီးစပ်ရာ မြို့များတွင် သွားရောက်ပြီး အလုပ်ရှာဖွေနေကြရခြင်းဖြစ်ကြောင်းသိရှိရသည်။

ရန်ကုန်မြို့ပေါ်ရှိ လက်ဖက်ရည်ဆိုင်တချို့၊ စားသောက်ဆိုင်တချို့တို့တွင် မုန်တိုင်းဒဏ်ကြောင့် လူသေဆုံးမှု အများဆုံးဖြစ် သော ကွမ်းခြံကုန်းမြို့နယ်နှင့် ဧရာဝတီတိုင်းတို့မှ မိဘမဲ့ကလေးငယ်များကို စားပွဲထိုးများ အဖြစ် ၀င်ရောက် အလုပ်လုပ် ကိုင်နေကြသည်ကို တွေ့မြင်ကြရသည်။

"လမ်းထိပ်က လက်ဖက်ရည်ဆိုင်မှာ စားပွဲထိုးကောင်လေး အသစ်၂ ယောက်ရောက်တယ်ဆိုလို့ မေးကြည့်တော့ ဧရာဝတီ တိုင်းကနေ ခေါ်လာတာလို့သိရတယ်။ တယောက်က တော်တော်ငယ်သေးတယ် ၇ နှစ် ၈ နှစ်လောက်ပဲ ရှိမယ်၊ နောက် တယောက်ကတော့ ၁၂ နှစ်လောက်ရှိပြီ"ဟု ရန်ကုန်မြို့ တာမွေမြို့နယ်တွင် နေထိုင်သူ တဦးက မုန်တိုင်းကြောင့် မိဘမဲ့ ဖြစ်ခဲ့ရသော ကလေးများကို အလုပ်ခိုင်းရန် ခေါ်လာသည်တွေ့မြင်ရသည့်အတွက် စိတ်မကောင်းဖြစ်ရကြောင်း ပြောဆိုသည်။

နာဂစ်မုန်တိုင်းဒဏ်ကို လူပေါင်း ၂.၄ သန်းခန့် အပြင်းအထန်ခံလိုက်ရပြီး ၄၀ ရာခိုင်နှုန်း ကျော် (တသန်းနီးပါး) မှာ ကလေး သူငယ်များဖြစ်ကြောင်း ရန်ကုန်အခြေစိုက် ယူနီဆက်၏ ခန့်မှန်းစာရင်းများအရ သိရသည်။

ယူနီဆက်မှ မုန်တိုင်းဒဏ်သင့်ဒေသများမှ မိဘမဲ့ကလေးငယ်များ၏ စာရင်းစစ်တမ်းကောက်ယူလျက်ရှိ ကြောင်း၊ ကလေး ငယ်များအတွက်လည်း ဘ၀လုံခြုံရေးနှင့်စိတ်ပိုင်းဆိုင်ရာ အစီအစဉ်များအတွက် ရန်ကုန်တိုင်းနှင့်ဧရာဝတီ တိုင်းတို့မှ ကလေးအကျိုးပြု နေရာ ၃၀ ထူထောင်ထားပြီး ဂေဟာ ၆၀ ကိုလည်း ထူထောင်နေဆဲဖြစ်ကြောင်း ယူနီဆက် ကလေး သူငယ်ကာကွယ်စောင့်ရှောက်ရေး အဖွဲ့မှ တာဝန်ရှိသူ တဦးက ပြောသည်။

"မုန်တိုင်းကြောင့် နောက်ဆက်တွဲဖြစ်ရပ်ဆိုးတွေ ကြုံတွေ့နေရတဲ့ ကလေးတွရဲ့ အခြေအနေနဲ့ပတ်သက်ပြီး စိုးရိမ်မကင်း ဖြစ်နေရပါတယ်"ဟု အဆိုပါ ကလေးသူငယ်ကာကွယ်စောင့်ရှောက်ရေးအဖွဲ့မှ တာဝန်ရှိသူက ပြောသည်။

မိဘမဲ့ကလေးများအပါအဝင် မိဘနှင့်ကွဲကွာနေကြသော ကလေးများနှင့်ပတ်သက်ပြီး လူမှုဝန်ထမ်း ဦးစီးဋ္ဌာနနှင့် အန်ဂျီအို များ၊ အဖွဲ့အစည်းများက ဧရာဝတီတိုင်း၊ ရန်ကုန်တိုင်းတို့ရှိ ဒေသတချို့မှ စတင်ကာ စစ်တမ်းကောက်ယူ လျက်ရှိကြောင်း အိုင်အန်ဂျီအိုအဖွဲ့အစည်းတခုမှ စေတနာ့ဝန်ထမ်းတဦးက ပြောဆိုသည်။

"အစိုးရက စခန်းတွေ သိမ်းလိုက်တော့ ပိုဆိုးကုန်တယ်။ ဒုက္ခသည်တွေလည်း ပျံ့ကုန်တယ်၊ အထူးသဖြင့် ကလေး တွေပေါ့၊ မိဘမရှိပေမယ့် ဆွေမျိုးကျန်ခဲ့တဲ့သူက ပြဿနာမဟုတ်ပေမယ့် ဘယ်သူမှ မကျန်ခဲ့တဲ့ ကလေးတွေကတော့ ဘယ်သွားလို့ သွားရမှန်းမသိ ဖြစ်နေတဲ့အချိန်မှာ လာခေါ်တဲ့သူတွေရှိတော့ လိုက် သွား ကြတယ်၊ ဘယ်သူကမှလည်း လိုက်ပါ မလိုက်နဲ့ ၀င်မပြောနိုင်ကြဘူး၊ ကလေးက လိုက်ချင်ရင် လိုက်သွားကြ တာပဲ" ဟု သူက လပွတ္တာမြို့နယ်တွင် မြင်တွေ့ခဲ့ရသည်ကို ပြောဆိုသည်။

မိဘမဲ့ကလေးတချို့ကို သနားကရုဏာစိတ်ဝင်ကာ မွေးစားလိုသူများရှိသော်လည်း လက်တွေ့တွင်မူ မွေးစားရန် မလွယ်ကူ သော အခြေအနေကြောင့် လက်တွန့်သွားကြသည်ကို တွေ့မြင်ရကြောင်း၊ မိဘမဲ့ ကလေးတချို့မှာတခြားနေရာဒေသများသို့ ပြောင်းရွှေ့နေထိုင်ကြသောကြောင့် စစ်တမ်းကောက်ယူရာတွင်လည်း စာရင်းအတိ အကျ ရရန် ခက်ခဲလျက်ရှိကြောင်း သူက ပြောဆိုသည်။

နာဂစ်မုန်တိုင်းကြောင့် မိဘမဲ့ဖြစ်သွားရသောကလေးများနှင့် မိဘနှင့်ကွဲကွာနေကြသော ကလေးများကို လတ်တလော အခြေအနေတွင် မည်သူ့ကိုမှ မွေးစားခွင့်မပြုကြောင်း လူမှုဝန်ထမ်း ဦးစီးဋ္ဌာနမှ ဒုတိယညွှန်ကြားရေးမှူးချုပ် ဦးအောင်ထွန်းခိုင်က ဇွန်လပထမပတ်တွင် ပြောကြားခဲ့ကြောင်း သိရသည်။

ယင်းသို့ မွေးစားခွင့်မပြုခြင်းမှာ ကလေးများအား လူကုန်ကူးခြင်းမှ ကာကွယ်ရန်၊ နှိပ်စက်ညှဉ်းပန်းခြင်းမှ ကာကွယ်ရန်နှင့် အဓမ္မ စေခိုင်းခြင်းတို့မှ ကာကွယ်ရန်အတွက် ဖြစ်သည်ဟု သူက ပြောဆိုခဲ့သည်။

လူကုန်ကူးမှုတားဆီးကာကွယ်ရေးအဖွဲ့မှ ဒုတိယ ရဲမှူးကြီး ရာလျန်မုန်းကလည်း လေဘေးသင့်ဒေသများမှ ကလေးငယ် များကို အလုပ်အတွက် ခိုင်းစေရန် ခေါ်ယူခြင်းသည် လူကုန်ကူးမှုမြောက်ပြီး ပြစ်မှုထင်ရှားပါက ထောင်ဒဏ် ၁၀ နှစ်မှ ထောင်ဒဏ်တသက်အထိ ချမှတ်နိုင်သည့်အပြင် ငွေဒဏ်လည်းချမှတ်နိုင်ကြောင်း ပြည်တွင်းဂျာနယ်များတွင် ဖော်ပြရန် အတွက် သတင်းထောက်များအား ပြောကြားခဲ့ကြောင်း သိရသည်။

နာဂစ်ကြောင့် မိဘမဲ့ဖြစ်သွားခဲ့ရသော ကလေးများနှင့်ပတ်သက်ပြီး ပြည်တွင်းပြည်ပ အဖွဲ့အစည်းများနှင့် အစိုးရပိုင်းဆိုင်ရာ အဖွဲ့အစည်းများမှ အစီအစဉ်များရှိသည်ဟု ပြည်တွင်း ၈ျာနယ်များတွင် အကျယ်တ၀င့် ဖော်ပြထားကြသော်လည်း လက်ရှိ အခြေအနေတွင် လုပ်ဆိုင်မှုအားဖြင့် မတွေ့ရသေးကြောင်း ပြည်တွင်း သတင်းထောက်တဦးက ပြောဆိုသည်။

မိဘမဲ့ကလေးများနှင့် ပတ်သက်ပြီး နေရာဒေသအချို့တွင် ဂေဟာများကို ထူထောင်ထားတာ တွေ့မြင်ရသော်လည်း အမှန်တကယ် မိဘမဲ့ကလေးဦးရေနှင့် စာလျှင် နည်းပါးလျက်ရှိသလို၊ မိဘမဲ့ကလေးငယ်များကို လိုက်လံ ရှာဖွေ ထိန်းသိမ်း ခြင်းများလည်း မည်သည့်အဖွဲ့အစည်းကမှ ပြုလုပ်နေသည်ကိုမတွေ့ရှိကြောင်း လေဘေးသင့် ဒေသများသို့ သွားရောက် သတင်းယူခဲ့သော ပြည်တွင်း ဂျာနယ်သတင်းထောက်များ၏ ပြောပြချက်အရ သိရှိရ သည်။

"ခုချိန်ထိ ဘာလုပ်ပေးမယ်၊ ညာလုပ်ပေးမယ်ဆိုပြီး ပြောနေကြတုန်းပဲ၊ လက်တွေ့လုပ်ဆောင်မှု ပိုင်းက အားနည်း နေတော့ ကလေးတွေလမ်းပေါ်ရောက်ကုန်တာပေါ့၊ သူတို့အနာဂတ်တွေက မတွေးရဲစရာပဲ" ဟု ပြည်တွင်းဂျာနယ် အယ်ဒီတာ တဦးက သူ့အမြင်ကို သုံးသပ်ပြောဆိုသည်။

ပျော်ရွှင်ဖွယ် ဇာတ်ပေါင်းခန်း မတွေ့သေးပါ
ရဲနည် ဇွန် ၁၆၊ ၂၀၀၈

နာဂစ်ဆိုင်ကလုန်း မုန်တိုင်းနောက်ပိုင်း သတင်း များကိုဖေါ်ပြသည့်နေရာတွင် နိုင်ငံတကာနှင့် ပြည်ပရောက် မြန်မာ သတင်းမီဒီယာတို့က အရေးကြီးသည့် အခန်းကဏ္ဍမှ ပါဝင်ခဲ့ကြပါသည်။ သို့သော်လည်း ယခုအချိန်အထိ မျှော်လင့်ချက် ရောင်ခြည်သန်းသည့် စိတ်ကြည်နူးဖွယ် သတင်းမျိုး မတွေ့ရသေးချေ။

မြန်မာ စစ်အစိုးရသည် ကပ်ဘေးများနှင့် ပတ်သက်လာလျင် သဘာဝဘေးဒုက္ခများဖြစ်စေ လူကြောင့်ဖြစ်ရသော ကပ်ဘေးဒုက္ခအကြောင်းများကို ဖြစ်စေ တလျှောက်လုံး ဖုံးကွယ်ခဲ့သည်ချည်း ဖြစ်သည်။ နာဂစ် မုန်တိုင်းတိုက်အပြီး စစ်အစိုးရပိုင် သတင်းမီဒီယာများက သတင်းဖေါ်ပြပုံမှာလည်း အလားတူဖုံးကွယ် ဖော်ပြနေခဲ့သည် မှာ ဘာမျှအံ့သြစရာ မရှိပါ။ အခြေအနေကို စစ်ဗိုလ်ချုပ်များက နိုင်နိုင်နင်းနင်း ကိုင်တွယ်နိုင်ကြောင်း ပြသရန် နောက်ထပ် အခွင့်အလမ်း တခုထက် ဘာမှပို မဖော်ပြခဲ့ချေ။

မြန်မာပြည်သူလူထုကို အမှောင်ချထားလိုသော စစ်အစိုးရ၏ ပင်ကိုစိတ်နေစိတ်ထားမှာ မုန်တိုင်းမတိုက်မီကပင် ပေါ်လွင် ထင်ရှားခဲ့ပြီး ဖြစ်သည်။ အိန္ဒိယနှင့် ထိုင်းနိုင်ငံရှိ မိုးလေ၀သ အေဂျင်စီများက ဆိုင်ကလုန်း မုန်တိုင်း ဖြတ်သမ်းလာဖွယ် ရှိသော လမ်းကြောင်းကို စစ်အစိုးရထံ ၂ ရက် ကြိုတင် အသိပေးခဲ့သော်လည်း စစ်အစိုးရက ၎င်းအန္တရာယ်အကြောင်း ပြည်သူတို့ကို တိတိပပ အသိမပေးခဲ့ပေ။

မုန်တိုင်းတိုက်ပြီးစ ရက်များက စစ်အစိုးရ၏ သတင်းစာများသည် ဧရာဝတီ မြစ်ဝကျွန်းပေါ်ဒေသတွင် အနည်းဆုံးလူပေါင်း ၁၃၄,၀၀၀ ကျော် သေဆုံးခဲ့ရပြီး လူသန်းပေါင်းများစွာ၏ အိုးအိမ်စည်းစိမ်များ ပျက်စီးဆုံးရှုံးသွားစေခဲ့သော ကပ်ဘေး ဒုက္ခကြီး၏ အတိုင်းအဆကို ခြုံငုံဖေါ်ပြပေးနိုင်ခြင်း မရှိခဲ့ရုံမက မျက်နှာဖုံးသတင်းပင် မဖေါ်ပြခဲ့ပေ။

မြန်မာနိုင်ငံ၏ သတင်းမီဒီယာလုပ်ငန်းများကို စောင့်ကြည့်လေ့လာနေသူ တချို့၏ အဆိုအရ စစ်အစိုးရ အာရုံကျနေသည်မှာ ကျင်းပတော့မည့် ဖွဲ့စည်းပုံ ဆန္ဒခံယူပွဲဖြစ်ပြီး အများပြည်သူတို့၏ စိတ်ထဲတွင်လည်း ဤဆန္ဒခံယူပွဲကိုသာ ဦးစားပေးအဖြစ် ထည့်သွင်းပေးထားလိုခြင်း ဖြစ်သည်။ စစ်အစိုးရက ဖြောင့်ဖြောင့်မှန်မှန် သတင်းပေးလိုစိတ် သည့်ထက်ပို၍ ရှိမည်ဆိုစေဦး အစိုးရသတင်းများ၏ တိကျမှန်ကန်မှုကို ပြည်သူအများက ယုံကြည်လေ့မရှိပေ။

တိုင်းပြည်ကို ထိခိုက်စေခဲ့သော ကပ်ဘေးဒုက္ခများထဲတွင် အကြီးမားဆုံးဖြစ်သည်ဟူသော အချက်ကို အသိအမှတ်မပြုခဲ့ရုံ မျှမက တခြားသူများ မသိရလေအောင်လည်း စစ်အစိုးရက အထူးသတိထား ပိတ်ဆို့နေခဲ့ သည်။

နိုင်ငံခြားမှ ကယ်ဆယ်ရေးလုပ်သားများကဲ့သို့ပင် နိုင်ငံတကာ သတင်းမီဒီယာလောကမှ သတင်းစာဆရာများကိုလည်း ဆိုင်ကလုန်း အပြင်းထန်ဆုံး တိုက်ခတ်ဖျက်ဆီးခဲ့သည့် နေရာဒေသများသို့ မ၀င်ရောက်နိုင်အောင် တားဆီးထားခဲ့သည်။
ဘီဘီစီ သတင်းထောက် အင်ဒရူး ဟာဒင်း ကဲ့သို့သော ပုဂ္ဂိုလ်များကို တိုင်းပြည်ထဲသို့ပင် ၀င်ခွင့်မပြုခဲ့ချေ။ ဟာဒင်းကို ပြည်ဝင်ခွင့်ဗီဇာ စည်းကမ်းချိုးဖောက်မှုဖြင့် ရန်ကုန်နိုင်ငံတကာလေဆိပ် ရောက်ရောက်ချင်းမှာပင် ပြန်ပို့ခဲ့သည်။ မြန်မာ သတင်း ကြေညာသူ ကမူ "ပုံမှားရိုက်ထားသော ခရီးသွားဗီဇာ" ကိုင်ဆောင်ထားမှုကြောင့်ဟု ဆိုသည်။

“လူတွေ သိန်းနဲ့ချီပြီး သေနေကြတယ်။ လူသန်းပေါင်းများစွာက အကူအညီ လိုအပ်နေတယ်။ နိုင်ငံခြား ကယ်ဆယ်ရေး လုပ်သားတွေကလည်း ဗီဇာရဖို့ စောင့်နေရတာ စိတ်မရှည်ကြတော့ဘူး။ သတင်းကြေညာသူက ဒီကိစ္စတွေအားလုံးကို ဘေးချိတ်ထားပြီး ကျနော့် ပြစ်မှုနဲ့ ကျနော်ပြန်ပို့ခံခဲ့ရတဲ့ အကြာင်းကိုပဲ အချိန်အကုန်ခံပြီး ခပ်တည်တည် ဖတ်ပြနေတယ်” ဟု ဟာဒင်းက သူ့အတွေ့အကြုံကို ပြောပြခဲ့သည်။ ဗြိတိသျှ သတင်းစာဆရာ၊ စာရေးဆရာ အင်ဒရူး မာရှယ်လည်း ပြန်ပို့ခံခဲ့ရသည်။

စီအန်အန် သတင်းထောက် ဒင်ရေးဗား ကဲ့သို့ အထဲဝင်ရောက်သွားနိုင်သူ အတွက်မူ အတွေ့အကြုံက ဆန်းနေ သည်သာ မက သည်းထိတ်ရင်ဖို ကြောက်စရာလည်းကောင်းနေသည်။ ရက်ပေါင်းများစွာ အာဏာပိုင်များ မတွေ့အောင် ရှောင်နေရ ပြီးနောက်တွင် သူ၏အသက်အန္တရာယ်ကိုပင် စိုးရိမ်လာရသည်ဟု ရေးဗားက ပြန်ပြောပြခဲ့သည်။

“ကျနော်တို့  တနေရာကို ရောက်သွားကြတယ်။ ဘယ်နေရာလဲဆိုတာ ဘယ်သူမှ ရေရေရာရာ မသိကြဘူး။ ကျနော်တို့ကို ပစ်သတ် မြစ်ထဲပစ်ချပြီး၊ မတော်တဆ ဖြစ်သွားတာပါလို့ ပြောလိုက်ရုံပဲ” ဟုသူက ပြန်ပြောပြခဲ့သည်။

မြစ်ဝကျွန်းပေါ်ဒေသတွင် အစုလိုက် အပြုံလိုက်သတ်ဖြတ်မှုမျိုးကို စစ်အစိုးရက ကျူးလွန်ခြင်းမဟုတ် ဟူသော အချက်က ရေးဗားအတွက် အရေးမကြီးပါ။ လူသေအလောင်းများကို အစိုးရအလုပ်သမားများ မြစ်ထဲပစ်ချနေပုံကို သူ့ ဗီဒီယိုကင်မရာ သမားက ရိုက်ကူးသည့်အခါတွင်မှ သူ့အနေနှင့် အဖြစ်မှန်ကို ဖုံးကွယ်လိုစိတ်လွန်ကဲနေသော အစိုးရမျိုးနှင့် ဆက်ဆံ နေရပါလား ဟူသည့် အတွေးဝင်လာသည်ဟု ဆိုသည်။

“သူတို့က ဘာကြောင့်မို့လို့ သဘာဝဘေးဒုက္ခအကြောင်းကို ဖုံးကွယ်ဖို့ ကြိုးစားနေရတာလဲ။ ဒါသူတို့ အပြစ်မှ မဟုတ်ဘဲ။ ဒီအဖြစ်က စစ်အစိုးရရဲ့ စိတ်နေစိတ်ထားကို ပေါ်လွင်စေတယ်။ စစ်အစိုးရက ပြင်ပကမ္ဘာကို ဒီလောက်ထိအောင် မယုံ သင်္ကာ ဖြစ်နေတာပဲ” ဟု ရေးဗားက ပြောသည်။

ရေးဗားက သတင်းယူပြီး မြန်မာနိုင်ငံထဲမှနေ၍ ခဲရာခဲဆစ် ထွက်လာနိုင်ခဲ့သော်လည်း နယ်ခံသတင်းထောက်များကမူ ပို၍ အန္တရာယ်များသော အနေအထားနှင့် ရင်ဆိုင်ကြရလေသည်။ တရားဝင်ခွင်ပြုချက် မရဘဲ ဤဘေးဒုက္ခအကြောင်း သတင်းပို့ သည်ကို မိသွားပါက နိုင်ငံရပ်ခြားသတင်းထောက်များကဲ့သို့ ထိုင်းနိုင်ငံသို့ ပြန်ပို့မည်မဟုတ်။ ဖမ်းဆီးပြီး အင်းစိန်ထောင် ထဲတွင် နှစ်ရှည် ထောင်ချခံရလိမ့်မည် ဖြစ်သည်။

ဤဒေသခံသတင်းထောက်များက ပြည်တွင်းထုတ် စာစောင်များတွင် ရေးကြသည်ဖြစ်စေ စီအန်အန်၊ အယ်လ် ဂျာဇီးရား ကဲ့သို့သော နိုင်ငံတကာ သတင်းဌာနကြီးများအတွက် လုပ်ကိုင်ပေးကြသည် ဖြစ်စေ သို့မဟုတ် ဒီမိုကရက်တစ် မြန်မာ့အသံ (ဒီဗီဘီ)၊ ဧရာဝတီမဂ္ဂဇင်း ကဲ့သို့သော ပြည်ပရောက် မြန်မာသတင်းမီဒီများအတွက် လျှို့ဝှက် သတင်းထောက် အဖြစ် လုပ်ကိုင်ပေးကြသည် ဖြစ်စေ ကပ်ဘေးသင့် နေရာဒေသများမှနေ၍ သတင်းပေးပို့နိုင်ရန် မြန်မာသတင်း ထောက်များအဖို့ အတော်လေး စွန့်စားကြရပါသည်။

မေလ ၁၉ ရက်နေ့က အဆိုးရွားဆုံး မုန်တိုင်းဒဏ် ခံစားခဲ့ရသော လပွတ္တာမြို့နယ်အတွင်းမှနေ၍ သတင်းပေးပို့ရန် ကြိုးစား မှုကြောင့် မြန်မာသတင်းထောက် ၈ ဦးကို စစ်သားများက ဖမ်းဆီးထိန်းသိမ်းထားခဲ့ပြီး တညတာ ချုပ်နှောင်ထားခဲ့သည်။ ထိုနယ်မြေသို့ နောက်တကြိမ် မလာတော့ပါ ဟူသော သဘောတူ လက်မှတ်ရေးထိုးခိုင်းပြီး နောက်တနေ့တွင်မှ သူတို့ကို ပြန်လွှတ်ပေးခဲ့ခြင်း ဖြစ်သည်။

တခြားသောမြန်မာသတင်းထောက်များကို သတိပေးသည့်အနေနှင့် ဤသို့လုပ်ပြလိုက်ခြင်းလည်း ဖြစ်နိုင်သည်။ သို့ရာတွင် မည်သူမျှ အရေးစိုက်ကြသည်တော့ မဟုတ်ချေ။ ခြိမ်းခြောက်နေသည့်ကြားမှ စွန့်စားကာ မိုးသည်းသည်း လေထန်ထန်ကို အံတုရင်း မြစ်ဝကျွန်းပေါ်ဒေသ၏ အခြေအနေမှန်ကို ပြင်ပကမ္ဘာသို့ တင်ပြနိုင်ရန် ဒေသခံသတင်းထောက်တို့က အရေး ပါသောအခန်းကဏ္ဍမှာ ဆက်လက် ပါဝင် ဆောင်ရွက်ပေးနေခဲ့ကြ သည်။

သူတို့သည် ဒုက္ခသည်များရှိရာ ဘုန်းကြီးကျောင်းများနှင့် အခြားနေရာများသို့ သွားရောက်၍ အသက်ရှင်ကျန်နေသူများကို တွေ့ဆုံ မေးမြန်းခဲ့ကြသည်။ စစ်အစိုးရ၏ အရေးပေါ်ကယ်ဆယ်ရေးကာလ ပြီးဆုံးသွားကာ ပြန်လည်ထူထောင်ရေး လုပ်ငန်း များ စတင်ရန် အသင့်ဖြစ်နေပြီ ဟူသော ပြောစကား မမှန်ကြောင်း ထင်ဟပ်ပြသနေသည့် အခြေအနေ များကိုလည်း သူတို့ ကိုယ်တွေ့ မြင်ခဲ့ရ၍ တင်ပြပေးခဲ့ကြသည်။

သူတို့ ဤသို့ အန္တရာယ်ကြားမှ အရဲစွန့် လုပ်ကိုင်ဆောင်ရွက်နေကြသည်မှာ သတင်းစာပညာဖြင့် သက်မွေးဝမ်းကြောင်း မှုဆိုင်ရာ ကျင့်ဝတ် အရမျှသာ မဟုတ်ပါ။ တိုင်းပြည်ထဲတွင် အမှန်တကယ် ဖြစ်ပျက်နေသည်တို့ကို သတင်း ဖော်ပြပေးပို့ နိုင်ခြင်း မရှိဘဲ အကြီးအကျယ် ထိန်ချန်ထားခဲ့သော ဒုက္ခဝေဒနာများ၏ အတိုင်းအတာကို ကိုယ်တိုင် ကိုယ်ကျ မြင်တွေ့ ခံစားစာနာမိသောကြောင့်လည်း ဖြစ်သည်။

ဧရာဝတီမဂ္ဂဇင်း၏ သတင်းထောက်များ အပါအ၀င် တခြားသော သတင်းထောက်တချို့၏ နေအိမ်များသည်လည်း မုန်တိုင်း ကြောင့် ထိခိုက်ပျက်စီးခဲ့ကြ ရပါသည်။ အမှန်တကယ်ထိခိုက် ပျက်စီးသော အတိုင်းအဆ၏ တစိတ်တပိုင်း မျှလောက်ကိုသာ သူတို့မြင်တွေ့ရသေးသည် ဟူသည့် အသိစိတ်က ၎င်းတို့ကို ဆက်လက်တွန်းအားပေးနေခဲ့၏။

“ကိုယ့်တိုင်းသူပြည်သားတွေ ထောင်နဲ့ချီပြီး သေသွားတာ၊ သောင်းနဲ့ချီပြီး ငတ်ပြတ်၊ ဒုက္ခရောက်နေတာကို အိမ်ထဲမှာ ထိုင်ပြီး တီဗီမှာ ကြည့်နေရုံ စိတ်မကောင်းဖြစ်နေရုံနဲ့ ကျနော်တို့ နေလို့မရဘူး” ဟု ဧရာဝတီမဂ္ဂဇင်း၏ သတင်းထောက် ကြည်ဝေက ပြောခဲ့သည်။

မြစ်ဝကျွန်းပေါ်ဒေသရှိ ဒုက္ခသည်များထံသို့ အရောက်သွားနိုင်ရေးက တခုဖြစ်ပြီး မြန်မာနိုင်ငံတွင်းရှိ စာဖတ်သူများထံ အရောက်ပေးပို့နိုင်ရေးကလည်း တမှောင့်ဖြစ်သည်။ ပြည်တွင်းရှိ စာစောင်များတွင် ရေးသားလုပ်ကိုင်ကြသော သတင်း ထောက်များအဖို့ သူတို့မြင်တွေ့ရသမျှတို့ကို သတင်းဖေါ်ပြပေးခြင်း မပြုနိုင်သည့်အတွက်လည်း နောက်တမျိုး မခံချိ မခံသာ ဖြစ်ကြရပြန်သည်။

တင်းတင်းကျပ်ကျပ် ချုပ်ကိုင်ခံထားရသော ပြည်တွင်းသတင်းမီဒီယာများသည်လည်း ဖိအားအမျိုးမျိုး ကြုံနေရသည်။ အစိုးရက ကယ်ဆယ်ရေးလုပ်ငန်းများကို နိုင်နိုင်နင်းနင်း ဆောင်ရွက်ထားကြောင်းနှင့် အခြေအနေသည် ပုံမှန်အနေအထား သို့ ပြန်ရောက်နေကြောင်း ပေါ်လွင်စေမည့် အရေးအသားများကို ဖော်ပြရေးသားပေးရန် တိုး၍တိုး၍ ဖိအားပေးခံနေရ ပြန်သည်။

မြစ်ဝကျွန်းပေါ်ဒေသသို့ နိုင်ငံတကာ ကူညီရေး အဖွဲ့များ မလာရောက်ရအောင် ပိတ်ပင်ထားသော ပြဿနာအကြောင်း ဖေါ်ပြခြင်း မပြုရန်လည်း အယ်ဒီတာများကို ပြောထားသည်။ ဘုန်းကြီးများ၏ မေတ္တာရှေ့ထားသော လုပ်ဆောင်ချက် များသည်လည်း ပိတ်ပင်တားမြစ်ထားသော အကြောင်းအရာ ဖြစ်သည်။

မြန်မာ့အလင်း သတင်းစာကဲ့သို့သော အစိုးရအာဘော် သတင်းစာများတွင် ဖေါ်ပြထားသည့် တရားဝင်သတင်းများ အရ ဆိုလျင် ၀န်ကြီးချုပ် ဗိုလ်ချုပ်သိန်းစိန် တဦးတည်းလိုလိုက အရေးပေါ်ကယ်ဆယ်ရေးလုပ်ငန်းအဆင့်ဆင့်ကို စီစဉ် ဆောင်ရွက် ခဲ့ပြီး ဤအဆင့်သည် မြစ်ဝကျွန်းပေါ်ဒေသသို့ နိုင်ငံတကာ ကယ်ဆယ်ရေးလုပ်သားများကို ၀င်ခွင့်မပြုမီမှာပင် အောင်မြင် ပြီးမြောက်ခဲ့သည်ဟု ဆိုနိုင်သည်။

စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေ မြစ်ဝကျွန်းပေါ်ဒေသသို့ မုန်တိုင်းတိုက်ပြီး သီတင်းနှစ်ပတ်ကြာ နောက်ကျ ပြီးမှ ရောက်လာသောအချိန်၌ နိုင်ငံခြားမှ အကြီးအကဲပုဂ္ဂိုလ်များမှာ အကူအညီပေးရန် တဖွဲဖွဲ ရောက်လာကြသည် ဖြစ်ရာ စစ်အစိုးရ၏အမြင်၌ အထုပ်များကမ်းရန်နှင့် ဓာတ်ပုံအရိုက်ခံရန်မှလွဲ၍ ဘာမျှ လုပ်စရာမကျန်တော့ပါ။

ကပ်ဘေးဒုက္ခကြီး၏ သတင်းကျော်ကြားမှုကြောင့် စစ်အစိုးရ၏ ၀ါဒဖြန့်ချိရေးယန္တရားသည် မမျှော်လင့်ဘဲ ကြီးထွားလာခဲ့ရ သည်။ စစ်အစိုးရသတင်းစာများက အမေရိကန် ကယ်ဆယ်ရေးပစ္စည်းများဖြင့် ရန်ကုန်တွင် ဆင်းသက်လာသော စီ-၁၃၀ လေယာဉ်ကြီးများ၏ ဓာတ်ပုံများနှင့် သတင်းများကို စာမျက်နှာပြည့် ဖေါ်ပြပေးခဲ့ကြသည်။ မြန်မာအစိုးရကို အပြင်းထန်ဆုံး ဝေဖန်ခဲ့သော တိုင်းပြည်ကပင်လျင် “မြန်မာဗိုလ်ချုပ်များသည် ကမ္ဘာ၏ယုံကြည်စိတ်ချမှုနှင့် ထူးထူးခြားခြား ထိုက်တန်သည်” ဟု ကောက်ကာငင်ကာ သတ်မှတ်သည်အထိ ဖြစ်သွားသေးသည်

တကယ်တော့ မြန်မာစစ်အစိုးရသည် မိမိအား ဝေဖန်ရှုတ်ချသူအကြောင်း မကောင်းပြောခြင်းကို ရပ်တန့်လိုက်သည်တော့ မဟုတ်ချေ။ ပြည်တွင်း သတင်းမီဒီယာများက နာဂစ်မုန်တိုင်း၏ ဒဏ်ရာဒဏ်ချက်များနှင့် ပတ်သက်၍ စစ်အစိုးရ ကိုင်တွယ် ဖြေရှင်းနေပုံများကို အမွှမ်းတင်ဖေါ်ပြနေစဉ်မှာပင် အမေရိကန်နိုင်ငံ၊ နယူးအော်လင်းပြည်နယ်၏ ဟာရီကိန်းမုန်တိုင်းဒဏ် သင့်သူများထံ အကူအညီများပေးပို့ရာ၌ အမေရိကန်အစိုးရ၏ နှောင့်နှေးခဲ့ပုံများအကြောင်းကို အပုပ်ချ ဖော်ပြနေခဲ့သည်။ ဗီအိုအေနှင့် ဘီဘီစီတို့ကိုလည်း ၎င်းတို့၏သတင်းများကြောင့် တိုက်ခိုက်နေခဲ့သည်။

နာဂစ်မုန်တိုင်းနှင့်ပတ်သက်သော ဖြစ်ရပ်မှန်များကို ဖေါ်ပြပေးသောလုပ်ငန်းသည် မုန်တိုင်းဒဏ် အဆိုးရွားဆုံးခံရသည့် နယ်မြေဒေသများသို့ ကိုယ်တိုင်ကိုယ်ကျ စွန့်စား၍ သွားရောက်ခဲ့ကြပြီး မိမိတို့မြင်တွေ့သမျှတို့ကို ကမ္ဘာသို့ သတင်းပေး ပို့နေခဲ့သူ ပြည်တွင်းသတင်းထောက်များ၏ တာဝန်အဖြစ်သာ ကျန်ရစ်ရတော့သည်။

“သူတို့ ပေးပို့တဲ့ သတင်းတွေက အရင်တုန်းက မသိသေးတဲ့၊ အကူအညီလိုအပ်နေတဲ့ နယ်မြေတွေအကြောင်းကို ဖေါ်ပြပေး ပါတယ်။ နိုင်ငံတကာအလှူရှင် အသိုင်းအ၀န်းကိုလည်း အခင်းဖြစ်ပွားရာနယ်မြေနဲ့ ပတ်သက်တဲ့ သတင်း အချက်အလက် တွေ မပြတ်ပေးပါတယ်” ဟု နယူးယောက်အခြေစိုက် သတင်းထောက်များ ကာကွယ်စောင့်ရှောက်ရေးကော်မီတီ (Committee to Protect Journalists) က ဆိုပါသည်။

ဤသို့ ချီးကျူးပြောဆိုချက်သည် အခြား အခြားသော မြန်မာနိုင်ငံသူနိုင်ငံသားများနည်းတူ မြစ်ဝကျွန်းပေါ်ဒေသရှိ မိမိတို့၏ တိုင်းသူပြည်သားများအတွက် ကြီးစွာရတက်မအေးဖြစ်နေရသော မြန်မာသတင်းစာဆရာများအဖို့ ကြိုဆိုရမည့် သတင်း ကောင်းလည်း ဖြစ်သည်။ သို့ရာတွင် လူ့အသက်ပေါင်းများစွာသေဆုံးခဲ့ရသော ဘေးဒုက္ခကြီးကို မြင်တွေ့ခဲ့ရပြီး စာဖတ်သူ များထံ သတင်းများ ပေးပို့ခဲ့သော ဧရာဝတီမဂ္ဂဇင်း၏ သတင်းထောက် အောင်သက်ဝိုင်း အဖို့မူ ထူးထူးခြားခြား အပြောင်း အလဲများ ပေါ်ပေါက်လာစေရန် သူ့အနေနှင့် သေးငယ်သော အခန်းကဏ္ဍတခုမှနေ၍ ဆောင်ရွက်နေရသည် ဟူသည့် အသိနှင့် ဖြေသိမ့်ဆောင်ရွက်နေခဲ့သည်။

တဘက်ကလည်း မြစ်ဝကျွန်းပေါ်ဒေသတွင် ထိခိုက်ပျက်စီးမှု ပမာဏကို မြင်တွေ့နေရလျှက် စစ်အစိုးရက မုန်တိုင်းသင့် ဒုက္ခသည်များ၏ လိုအပ်ချက်များကို ဖြည့်ဆည်းပေးရန် မကြိုးစားသေးခင်မှာပင် ကပ်ဘေး၏ အရေးပေါ် ကယ်ဆယ်ရေး ကာလပြီးဆုံးကြောင်း အဆောတလျင် ကြေညာခဲ့သည်ကို မြင်တွေ့ခဲ့ရပြန်သည်။ အောင်သက်ဝိုင်းကမူ အခြေအနေ အားလုံးကို သူမြင်တွေ့နေရပြီဖြစ်ရာ အများပြည်သူတို့ ပြောပြမည့် အချက်အလက်များကို သတင်းများအဖြစ် ဆက်လက် ရေးသားတော့မည်ဟု ဆုံးဖြတ်ခဲ့သည်။

“ပျော်ရွှင်စွာ ဇာတ်ပေါင်းကြလေသတည်း ဆိုတဲ့ ဇာတ်လမ်းမျိုး တပုဒ်တလေတောင် မကြားရသေးပါဘူးဗျာ” ဟု သူက ဆိုပါသည်။

တိုင်းပြည်လည်း မွဲပြာကျ၊ တပ်မတော်ကြီးလည်း အင်အားမရှိ
အောင်သူငြိမ်း
၁၉၈၈ ခုနှစ်၊ စစ်အစိုးရ တက်လာချိန်မှစ၍ "တပ်မတော်ကို ခေတ်မီတပ်မတော် ဖြစ်လာအောင် ချဲ့ထွင်ရေး" ဟူ၍ အစဉ် တစိုက် ကြွေးကြော် ပြင်ဆင်လာခဲ့သည်။ ထိုထက် ပိုဆိုးသည်မှာ "တပ်မတော် အင်အားရှိမှ တိုင်းပြည် အင်အားရှိမည်" "တပ်မတော်သာ အမိ၊ တပ်မတော်သာ အဖ" ဟူသော ကြွေးကြော်သံများ မတန်တရာ တင်လာခဲ့ခြင်း ဖြစ်သည်။ ထို့အပြင် တပ်မတော် မော်ကွန်းဌာနမှ "မြန်မာနိုင်ငံနှင့် တပ်မတော်၏ အခန်းကဏ္ဍသမိုင်း" ဟူ၍ အတွဲများစွာ ထုတ်ဝေခဲ့သည်။ နောက်ဆုံး ယခု ရေးဆွဲခဲ့သည့် ဖွဲ့စည်းပုံ အခြေခံ ဥပဒေတွင်ပင် "မြန်မာနိုင်ငံ၏ အနာဂတ် နိုင်ငံရေး ဦးဆောင်မှု၌ တပ်မတော်က ပါဝင် တာဝန်ယူရန်" ဟူ၍ အတိအလင်း ပြဌာန်း ထည့်သွင်းလာခဲ့ပါသည်။

တင်လာခဲ့သည့်အတိုင်း စစ်တပ်ကိုလည်း တိုးချဲ့လာခဲ့သည်။ ၁၉၅၀ မှ ၁၉၆၉ ခုနှစ်အထိ မြန်မာနိုင်ငံက လက်နက်ဝယ်ယူ တင်သွင်းမှုမှာ တနှစ်လျှင် အမေရိကန်ဒေါ်လာ ၄ သန်းအောက်မှာသာ ရှိခဲ့သည်။ ၁၉၇၀ မှ ၁၉၈၈ ခုနှစ်အတွင်းတွင် ကြည့်လျှင်လည်း ပျမ်းမျှအားဖြင့် နှစ်စဉ် အမေရိကန်ဒေါ်လာ ၁၈ သန်းမျှသာ ရှိခဲ့ပါသေးသည်။ ၁၉၈၈ ခုနှစ် အာဏာသိမ်း ချိန်မှစ၍ တပ်ဖွဲ့များကို တိုးချဲ့ ဖွဲ့စည်းလာခဲ့သလို၊ လက်နက်ဆန်းများကိုလည်း တိုးတက် ၀ယ်ယူလာခဲ့ပါသည်။ အာဏာသိမ်းပြီးစ ကာလတွင်ပင် တရုတ်နိုင်ငံမှ စစ်လက်နက် ဒေါ်လာသန်း ၁,၀၀၀ ကျော်ဖိုး တလုံးတခဲတည်း ၀ယ်ယူတင်သွင်းခဲ့ပြီး၊ နောက်ပိုင်းတွင်လည်း ယူကရိန်း၊ ရုရှားနှင့် အခြားနိုင်ငံများမှ ၀ယ်ယူ တင်သွင်းနေခဲ့ပါသည်။ လေတပ်တွင် MiG-29, Chendu F-7 M, NAMC A-5C, SOKO G-4 Super Galeb, FT-7, Shenyang FT- 6 စသည့် တိုက်လေယာဉ်နှင့် အခြားသုံး လေယာဉ်၊ ရဟတ်ယာဉ် အစီးပေါင်း ၁၈၀ ကျော်ကို ထပ်မံ ဖြည့်ဆီးခဲ့ သည်။ ရေတပ်တွင်လည်း တရုတ်နိုင်ငံမှ ဟိုင်နန် အမျိုးအစား စစ်သင်္ဘောများ အပါအ၀င် စစ်သင်္ဘောသစ် ၃၀ ကျော်ကို ထပ်မံ ဖြည့်ဆီးခဲ့ပါသည်။

ဂျိန်းစ် ကာကွယ်ရေးမဂ္ဂဇင်း (Jane's Defence Weekly) မှ ရရှိခဲ့သည့် မြန်မာစစ်တပ်၏ စာရွက်စာတမ်းများအရ ၁၉၉၂ ခုနှစ် နှစ်လည်တွင် ကြည်း-ရေ-လေ စုစုပေါင်း အင်အား ၂၇၀,၀၀၀ အထိ တိုးတက်ခဲ့ပြီး၊ အာဏာသိမ်းပြီးချိန် ၁၉၈၈ မှစ၍ ၆၀% တိုးချဲ့ခဲ့ခြင်း ဖြစ်သည်။ အပြည်ပြည်ဆိုင်ရာ အကျပ်အတည်းများ လေ့လာရေးအဖွဲ့ (ICG) ၏ အစီရင်ခံစာတခုအရ ၁၉၈၈ ခုနှစ်တွင် စစ်သည်အင်အား ၁၉၀,၀၀၀ ရှိရာမှ ၁၉၉၈ ခုနှစ်တွင် ၄၀၀,၀၀၀ အထိ ရှိလာခဲ့သည်။ (န၀တ) စစ်အစိုးရ ကလည်း စစ်အင်အား ၅၀၀,၀၀၀ အထိ ရောက်အောင် တိုးချဲ့မည်ဟု ပြောင်ဖွင့်ပြော ကြေညာခဲ့ပါသည်။ ၁၉၆၀ ခုနှစ်က မြန်မာ့စစ်တပ်တွင် တပ်ရင်း (၅၀) မျှသာ ရှိသေးပြီး၊ ၁၉၇၄ ခုနှစ်တွင် တပ်ရင်း (၁၂၀) မျှသာ ရှိပါသေးသည်။ အပြည်ပြည် ဆိုင်ရာ လုံခြုံရေးနှင့် မဟာဗျူဟာ လေ့လာရေးဌာန (IISS) ၏ အဆိုအရ မြန်မာစစ်တပ်တွင် ၁၉၉၅ ခုနှစ် နှစ်လယ်တွင် တပ်ရင်း ၂၄၅ ရင်း ရှိလာပြီး၊ ယခုအခါ တပ်ရင်းပေါင်း ၅၀၀ ကျော်အထိ တိုးချဲ့ ထားခဲ့ပါသည်။

မစ်တိုက်လေယာဉ်အသစ်များ၊ လက်နက်များ ထပ်မံ ၀ယ်ယူခဲ့သလို၊ ယူကရိန်း နိုင်ငံနှင့် ရုရှား နိုင်ငံများမှလည်း တီ-၅၂ အမျိုးအစား တင့်ကားများ၊ ရဟတ်ယာဉ်များ၊ လေကြောင်းရန် ကာကွယ်ရေး စနစ်များ၊ အင်တာနက် ဆိုင်ဘာစစ်ဆင်ရေး အတွက် ထိန်းချုပ်စီမံရေး ကရိယာများ ထပ်မံ ၀ယ်ယူ ခဲ့ပါသေးသည်။ ထိုမျှမက စရိတ် ကုန်ကျမှု များပြားလှသော အဏုမြူ ဓါတ်ပေါင်းဖို စီမံကိန်းများကဲ့သို့သော ကိစ္စများကိုလည်း ချဲ့ထွင် လာခဲ့ပါသေးသည်။ စစ်အသုံးစားရိတ်လည်း တစတစ တိုးတက်လာနေခဲ့သည်။

ထို့အပြင် စစ်တပ်ဖွဲ့စည်းပုံ၊ အမိန့်ပေးဌာနများကိုလည်း တိုးချဲ့လာခဲ့သည်။ ယခင်က အထူး စစ်ဆင်ရေး ကွပ်ကဲမှု အဖွဲ့ ၁ ခုသာ ရှိရာမှ ယခုအခါ ၅ ခုသို့ တိုးချဲ့ခဲ့သည်။ လေကြောင်းရန် ကာကွယ်ရေး ဦးစီးချုပ်အဖြစ် တာဝန်အသစ်နှင့် ကြည်း-ရေ-လေ တပ်များ၏ ပူးပေါင်းစစ်ဆင်ရေး ကွပ်ကဲရေးမှူးချုပ် တာဝန်များကိုလည်း တိုး၍ ခန့်ထားခဲ့သေးသည်။ ထို့အပြင် မြန်မာ့ တပ်မတော်ထံမှ မသိနားမလည်သူများထံ ကြွားလုံးများလည်း ကြားခဲ့ရသေးသည်။ ၁၉၉၁ ခုနှစ် ကေအဲန်ယူက ဘိုကလေး ဒေသသို့ ထိုးဖောက်၍ တိုက်ပွဲများ ဖြစ်လာအပြီး ကာလတွင်၊ ဗိုလ်ချုပ်ခင်ညွန့် အပါအ၀င် တပ်မတော် ခေါင်းဆောင်များထံမှ ယခုအခါ၌ သူတို့ထံတွင် လိုအပ်လျှင် လေကြောင်းချီ တင်ပို့နိုင်သော တပ်မကြီးများ ရှိနေပြီဟု ဆိုခဲ့ကြသေးသည်။ အသစ် ၀ယ်ယူထားသော လက်နက်များဖြင့် စစ်ရေးပြ၍ ကြည်း-ရေ-လေ ပူးတွဲ စစ်ဆင်ရေး လေ့ကျင့်ခန်းများလည်း ပြုလုပ်ခဲ့ကြပြီး ၁၉၉၅ ခုနှစ်နှင့် ၁၉၉၇ ခုနှစ်များတွင် စစ်သည် အင်အား ၃၀,၀၀၀ ကျော် ပါဝင်သည့် ကြည်း-ရေ-လေ ပူးတွဲ စစ်ဆင်ရေးများ ကို ဧရာဝတီတိုင်း ငွေဆောင်ကမ်းခြေနှင့် မိတ္ထီလာတို့တွင် ပြုခဲ့ကြသည်။ နောက်ပိုင်းတွင် ပူးတွဲ စစ်ဆင်ရေး လေ့ကျင့်ခန်းကို "ရွှေပြည်သာ" "ရွှေမြန်မာ" စသဖြင့် သဲမြေပုံ စစ်ဆင်ရေး လေ့ကျင့်ခန်းများ ၂ ခါ လေ့ကျင့်ခဲ့ကြသေးသည်ဟု ဆိုပါသည်။ ထိုမျှမက မိန့်ခွန်းများတွင် နိုင်ငံတကာတပ်များ ကျူးကျော် လာပါက ခုခံရန် ပြည်သူ့စစ် မဟာဗျူဟာ ဖြင့် အသင့်ပြင်ထားကြောင်း ဆိုခဲ့ကြပါသေးသည်။

အချို့သော ပညာရှင်များက မြန်မာနိုင်ငံ၏ စစ်အသုံးစရိတ်သည် ဘဏ္ဍာရေး ဘတ်ဂျက်၏ (၆၀%) မျှ ရှိမည်ဟု တွက်ချက် နေကြပါသည်။ သို့သော် ဆင်ကြီးခြေမခိုင် သကဲ့သို့ တပ်မတော်က အောက်ခြေက ပြိုနေပြီ ဖြစ်သည်။ တပ်တွင်း ဖိနှိပ်မှု၊ အခွင့်အရေး တန်းတူညီမျှ မရှိမှုများ၊ စားဝတ်နေရေး ပြဿနာများကြောင့်လည်း ရဲဘော်များ တပ်ပြေးနေကြပြီ။ ဂျိန်းစ် ကာကွယ်ရေးဆိုင်ရာ မဂ္ဂဇင်း (၂၀၀၆ ဧပြီထုတ်) အဆိုအရ ၎င်းတို့ ရရှိခဲ့သည့် မြန်မာ့တပ်မတော်၏ လျှို့ဝှက် မှတ်တမ်းတခု အရ (အတိအကျ မသိနိုင်သော ကာလအတွင်း) တပ်ပြေးပေါင်း ၈,၇၆၀ ဦး ရှိခဲ့သည် ဆိုသည်။ ၎င်းတို့ အထဲတွင် ၄,၇၀၁ ဦးမှာ ခွင့်မဲ့ ပျက်ကွက် ဖြစ်ပြီး၊ စစ်သား ၂,၀၀၀ ကျော်မှာ မည်သည့် အကြောင်းကြောင့် မသိရဘဲ ဖမ်းဆီး ထိန်းသိမ်းခဲ့သည် ဟု ဆိုသည်။ ၎င်းမှတ်တမ်းအရပင် ဖော်ပြထားရာ၌ မြန်မာ့တပ်မတော် တပ်ရင်းတခုတွင် စစ်သား ၇၅၀ ဦး ပုံမှန်ရှိသော်လည်း၊ တပ်ရင်း စုစုပေါင်း ၅၀၄ ခု ရှိသည့်အနက်မှ တပ်ရင်း ၂၂၀ မှာ စစ်သား ၂၀၀ နှင့် ၃၀၀ ကြားသာ ရှိနေပြီး၊ တပ်ရင်း ၂၈၄ ခုတွင် စစ်သား ၂၀၀ အောက် လျှော့နည်း၍သာ ရှိနေသည်ဟု ဆိုထားသည်။ သူတို့ ခိုင်းစားနေရသည့် တပ်မတော်ကလည်း ဟန်သာ ကျန်ပါတော့သည်။

ယခု နာဂစ်မုန်တိုင်း အပြီးကာလတွင် တပ်မတော်၏ ချိနဲ့နေမှု၊ ထိန်းချုပ်မှု စနစ် ပျက်ပြားနေမှု အခြေအနေက ပို၍ သိသိ သာသာ ထင်ထင်ရှားရှား တွေ့လာရပါသည်။ ကယ်ဆယ်ရေး လုပ်ငန်းများအတွက် စစ်သားများ ချက်ချင်း ရောက်မလာခဲ့ ကြပါ။ စစ်အင်ဂျင်နီယာ (BEME) တပ်ဖွဲ့ဝင်များ၊ စက်ယန္တယားများ မတွေ့မမြင်ကြရသလို၊ စစ်ဆေးတပ်ဖွဲ့များကိုလည်း ကပ်ဘေးသင့် ဒေသများတွင် မမြင်ခဲ့ကြရပါ။ မရှေးမနှောင်း ဖြစ်ပျက်ခဲ့သည့် တရုတ်နိုင်ငံ၏ မေလ ၁၂ ရက် မြေငလျှင်၌မူ တရုတ်နိုင်ငံက တရုတ်ပြည်သူ့ တပ်မတော် တပ်ဖွဲ့ဝင် စုစုပေါင်း (၈၄,၀၀၀) နှင့် ဆေးဝန်ထမ်း၊ ရဲနှင့် အရံတပ်ဖွဲ့ အင်အား ၉၀,၀၀၀ ကျော် ချသုံးခဲ့ပါသည်။ ငလျှင်ဖြစ်ပွားပြီး ၂ နာရီအတွင်းမှာပင် ကယ်ဆယ်ရေး လုပ်သား ၁၅၀ ကျော်နှင့် ကယ်ဆယ်ရေး ခွေးများ လေယာဉ် ၂ စီးဖြင့် ရောက်လာခဲ့ကြသည်။ ရာသီဥတု ဆိုးရွားမှုကြောင့် ရဟတ်ယာဉ် မဆင်းသက်နိုင်သည့် ဒေသများသို့လည်း ချက်ချင်းဆိုသလိုပင် ခြေလျှင်တပ်များ စေလွှတ်ခဲ့ကြသည်။ မေလ ၁၃ ရက်နေ့ နံနက်တွင်မူ အမှတ် ၁၂၇ စက်ယန္တယားတပ် ခြေလျှင်တပ်မမှ စစ်သား ၅,၀၀၀၊ အမှတ် ၁၅ လေကြောင်းချီတပ်မှ လေထီးစစ်သား ၆,၄၂၀ ကို ၂၄ နာရီအတွင်း၊ စစ်တပ်လေယာဉ် ၂၂ စီး၊ အရပ်ဖက်သုံး လေယာဉ် ၁၂ စီးဖြင့် လေယာဉ် ၇၉ ခေါက်တိုင်တိုင် ကြိုပို့ခဲ့ပါသည်။ တရုတ်နိုင်ငံ၏ သမိုင်းတွင်ပင် အကြီးမားဆုံး လေကြောင်းချီ စစ်ဆင်ရေးအဖြစ် ဆောင်ရွက်ခဲ့ခြင်း ဖြစ်သည်။ ဆက်သွယ်ရေးခက်ခဲ၊ ရာသီဥတု ဆိုးရွားသည့် ဒေသများသို့ လေထီးများဖြင့်ပင် ချပေးခဲ့ပါသည်။ မေလ ၁၅ ရက်နေ့ (၃) ရက်ကြာ ကာလ ရောက်သောအခါ စစ်သားနှင့် အရံတပ်ဖွဲ့ဝင် တသိန်းကျော် ကပ်ဘေးသင့် ဒေသတွင်းသို့ ရောက်ရှိနေပြီ ဖြစ်ပါသည်။ ထို့အပြင် အိုလံပစ်ပွဲတွင် အရေးပေါ် ကပ်ဘေးသင့် အခြေအနေ ဖြစ်လာပါက တရုတ်နိုင်ငံက ပြင်ဆင်ထားသည့် အနေဖြင့် တပ်မတခုကိုလည်း ကယ်ဆယ်ရေး တပ်မအဖြစ် လေ့ကျင့်ထားခဲ့ပါသည်။ ဤတပ်မကိုလည်း ယခု ကယ်ဆယ်ရေးတွင် အဆင်သင့် ချသုံးနိုင်ခဲ့ပါသည်။ သို့သော်လည်း နာဂစ်လေမုန်တိုင်း ကိစ္စ၌မူ အလားတူ အခြေအနေမျိုး မတွေ့ကြရပါ။ အမည်မဖော်လိုသူတဦး၏ အကဲဖြတ် အစီရင်ခံစာအရ မေလ ၁၄ ရက်နေ့တိုင် ဧရာဝတီတိုင်း အတွင်းသို့ တပ်မ ၆၆ ကို စေလွှတ်ရန် လျာထားရာမှ (သုံးပုံတပုံ ခန့်သာ) ရောက်ရှိ သေးသည်ဟု ဆိုသည်။ တပ်မ-၄၄ ကို စေလွှတ်ရန် လျာထားသော်လည်း မတွေ့ရဟု ဆိုပါသည်။ (နောက်ပိုင်းတွင် ရန်ကုန်မှ တပ်မ-၁၁ ကို ဧရာဝတီတိုင်းနှင့် ရန်ကုန်တိုင်းအစပ် ကွမ်းခြံကုန်းဒေသသို့ တာဝန်ဖြင့် စေလွှတ်ခဲ့ကြောင်း သိရပါသည်။) သို့သော် လည်း စေလွှတ်လိုက်သည့် တပ်များအတွက် ကယ်ဆယ်ရေး လက်နက် ကိရိယာများ ပါမလာခဲ့ပါ။ ရိက္ခာအတွက်ကိုပင် ဒုက္ခသည်များထံမှ ခွဲကျွေးနေရကြောင်း သတင်းများလည်း ကြားသိရ ပါသည်။ ဤသို့ဆိုလျှင် ဧရာဝတီတိုင်း ကပ်ဘေးသင့်ဒေသအတွင်း ပို့လွှတ်ထားသည့် တပ်မမှာ အင်အား ၂,၀၀၀ ကျော်သာ အများဆုံး ရှိနိုင်ပါသည်။ ဧရာဝတီတိုင်းအတွင်း အခြေပြုရာ အနောက်တောင်တိုင်း စစ်ဌာနချုပ်ရှိ တပ်ရင်းများ (၂၀၀၇ ခုနှစ် စာရင်းအရ ၁၃ ရင်း) နှင့်ပါ ပေါင်းသော်မှ ၄,၀၀၀ မှ ၅,၀၀၀ ကြားတွင်သာ ရှိနိုင်ပါသည်။ လက်တွေ့တွင်မူ အရေအတွက် ယခုခန့်မှန်းချက်ထက် နည်းနိုင်ပါသေးသည်။

အလားတူ ရန်ကုန်မြို့တွင်လည်း တပ်မတော်သားများကို အားကိုးဖွယ်ရာ မတွေ့မမြင်ကြရပါ။ ရုပ်မြင်သံကြား၌သာ ယူနီဖောင်းဝတ် အချို့ သစ်ပင် ခုတ်ဖြတ်နေသည်၊ ရန်ကုန်လေဆိပ်တွင် ကယ်ဆယ်ရေး ပစ္စည်းများ လေယာဉ်ပေါ်မှ သယ်ချ နေသည်ကို မြင်ကြရပါသည်။ စစ်တပ်၏ အင်ဂျင်နီယာ ယန္တယား တပ်ဖွဲ့များကိုလည်း မမြင်မတွေ့ကြရပါ။ တပ်မတော် ဆေးတပ်ဖွဲ့က ဒုက္ခသည်များကို ဆေးကုပေးနေပုံကို လည်း မမြင်ကြရပါ။ ထို့အပြင် ပျက်စီးသွားသည့် ဧရာဝတီတိုင်းရှိ လမ်း၊ တံတားများကို စစ်တပ် အင်ဂျင်နီယာတပ်၏ တံတားခင်း စက်ယန္တယားများ (Armoured Bridge layers) ဖြင့် ပြင်ဆင် နေကြသည်ကိုလည်း မမြင်ကြရပါ။ လေကြောင်း ချီတပ်မကို မျှော်လင့်ရန်ကား ပို၍ ဝေးပါတော့မည်။ ဧရာဝတီတိုင်းသို့ ခေါက်တုံ့ပြန် ပစ္စည်းသယ်ပို့နေသည့် ရဟတ်ယာဉ်သည်ပင် ၇-၈ စီးမျှ ရှိပါသည်။

ဤသို့သော ကပ်ဘေးသင့် အရေးပေါ် အခြေအနေတွင် "ပြည်သူ့စစ် မဟာဗျူဟာ" ဆိုသည့် စစ်ဗျူဟာကြီးနှိုး၍ ပြည်သူများကို ကယ်တင်ရန် မသင့်ပါသေးသလော။ လူတသိန်းနီးပါး သေဆုံးရ၊ သန်းကျော် အိုးအိမ်မဲ့ရသည့် အခြေအနေသည် အမှန်တကယ် အရေးပေါ်နေပြီ ဖြစ်သည့် အခြေအနေ မဟုတ်ပါသလော။ မေးခွန်းထုတ်ရန် ရှိနေပါသည်။ လေကြောင်းချီ တပ်မကြီးများဖြင့် တရုတ်နိုင်ငံက ဆောင်ရွက်သကဲ့သို့ ပြည်သူများ အသက်ကယ်ဆယ်ရေး လုပ်ငန်းများ မဆောင်ရွက်ကြတော့ပြီလော။ တပ်မတော်၏ စစ်အင်ဂျင်နီယာ တပ်ဖွဲ့ဝင်များ၊ ဆေးတပ်ဖွဲ့ဝင်များ မည်သည့် အချိန်မှ တွေ့ကြရမည်လော မေးခွန်းထုတ်ရန် ရှိနေပါသည်။ သို့သော်လည်း မေးခွန်းသာ အဖတ်တင်ပါလိမ့်မည်။ ဓါတ်ပုံများတွင် တွေ့နေရသည်မှာ ရဟန်း သံဃာများကသာ ဦးဆောင်၍ သစ်ပင်ခုတ် လမ်းရှင်းသည်မှစ၍ ဒုက္ခသည် ကယ်ဆယ်ရေးအဆုံး လုပ်ဆောင်နေကြပါသည်။ တပ်မတော်ကတော့ ဆန္ဒခံယူပွဲ မဲအနိုင် ရရှိရေးအတွက်၊ ရေရှည် အာဏာတည်မြဲရေးအတွက် လုံးပမ်းနေကြပါသည်။

အမှန်ကတော့ ဖွဲ့စည်းထားပုံအရပင် ပြဿနာရှိနေပြီ ဖြစ်သည်။ တပ်မများ၊ စစ်ဌာနချုပ်များက အခြားနိုင်ငံမှ တပ်များ ကဲ့သို့ ယန္တယားတပ် တပ်မများ (Mechanised Brigades) မဟုတ်ကြပါ။ ထို့အပြင် ဤသို့အရေးပေါ် ကပ်ဘေးများ ကယ်ဆယ်နိုင်ရန်၊ အရေးပေါ် အခြေအနေများကို တုံ့ပြန်နိုင်ရန်အတွက် ပြင်ဆင် လေ့ကျင့်ထားခြင်းလည်း မရှိပါ။ အိမ်နီးချင်း ထိုင်းနိုင်ငံတွင်ဆိုလျှင် ဗိုလ်ချုပ်ကြီးအဆင့် ဦးဆောင်သည့် "နွေဖတ်ထနား ခလင့်ထိ" ခေါ် နယ်လှည့် ဖွံ့ဖြိုးရေး တပ်ဖွဲ့များ ရှိနေပါသည်။ ထိုင်းတပ်မတော်၏ ၂၀ ရာခိုင်နှုန်းမျှ (အင်အား ၂၀,၀၀၀ နီးပါးခန့်) ရှိနေပါသည်။ သူတို့က နယ်စပ်ဒေသများတွင် စာသင်၊ ဆေးကုပေးကြသလို ဘုရင့် ဖွံ့ဖြိုးရေး စီမံချက်များနှင့် အခြား အရေးပေါ် အခြေအနေများတွင်လည်း အသုံးပြုနိုင်ကြပါသည်။ မြန်မာ့ တပ်မတော်တွင်မူ ဤမျှအထိ ပြည်သူအပေါ် စေတနာရှိရှိ စဉ်းစား ဖွဲ့စည်းထားသည့်ပုံ မတွေ့ရသေးပါ။

ထို့အပြင် မုန်တိုင်းဒဏ်ကြောင့် မြန်မာနိုင်ငံ ပြင်ပ ကျူးကျော်ရန်ကို ကာကွယ်နိုင်ရန် ကာကင်းအဖြစ် တပ်ချထားသည့် ပမ္မ၀တီ ရေတပ်စခန်း ဌာနချုပ်လည်း ရစရာ မရှိအောင် ပျက်စီးခဲ့ရကြောင်း ဧရာဝတီ မဂ္ဂဇင်းပါ သတင်းတပုဒ်အရ သိရှိရ ပါသည်။ ရန်လွန်းအောင်၊ ရန်တိုင်းအောင်၊ ရန်စစ်အောင် စသည့် A Class ကမ်းခြေကာကွယ်ရေး ရေယာဉ်များ ဆုံးရှုံးရ သကဲ့သို့၊ တရုတ်နိုင်ငံမှ ၀ယ်ယူထားသည့် ချန်ဂီ အမျိုးအစား ရေငုတ်သင်္ဘောဖျက် ယာဉ်များ (Jianghuclass frigates) လည်း ပျက်စီးခဲ့ရပါသည်။ ထိုင်းနိုင်ငံ အခြေစိုက် ဒီမိုကရေစီနှင့် ဖွံ့ဖြိုးတိုးတက်ရေး ကွန်ရက်အဖွဲ့ NDD ၏ သတင်းများအရ ဆိုင်ကလုံးကြောင့် ရေတပ်သင်္ဘော ၂၅ စီး နစ်မြုပ်ရပြီး၊ အနည်းဆုံး အရာရှိ ၃၀ ဦးနှင့် ရေတပ်သား ၂၅၀ ကျော် ပျောက်ဆုံးနေသည်ဟု ဆိုပါသည်။ ဤအချက်ကပင် စနစ်ကိုယ်တိုင်က ပြိုလဲ ကျဆုံးနေကြောင်း သိသာစေပါသည်။ ရေတပ် သင်္ဘောများ ဆိုသည်မှာ ရေထဲ၊ မိုးထဲ ရှင်သန်ကြံ့ခံအောင် ပြင်ဆင် တည်ဆောက်ထားကြသည် ဖြစ်ပြီး၊ မုန်တိုင်းကဲ့သို့သော သဘာဝ ဘေးအန္တရာယ်သာမက၊ ရန်သူအနံ့ခံ ရေဒါကဲ့သို့သော ကရိယာများပါ တပ်ဆင်ထားကြပါသည်။ ဤရေ တပ်ကြီး မုန်တိုင်းဒဏ်သင့် ပြိုလဲသွားသည်ကို မြင်ရသည်မှာ မည်မျှ အားကိုးအားထားစရာ မရှိကြောင်း ဖော်ပြနေပါသည်။

ထိုမျှမကပါ၊ အခြား အားကိုးချင်စရာ သတင်းများလည်း ရှိပါသေးသည်။ အတည်မပြုနိုင်သော သတင်းများအရ အသစ်ဝယ် ယူထားသော တင့်ကားများ၊ လေယာဉ်များလည်း အိုမင်း ပြိုဆင်းနေကြပြီ ဆိုပါသည်။ တရုတ်နှင့် ယူကရိန်းမှ ၀ယ်ယူထားသည့် T-69 II နှင့် T- 63 တင့်ကားများမှာလည်း အက်ကြောင်း ထင်နေကြပြီဟု ဆိုသည်။ အမြောက်ပင် စမ်း၍ မပစ်ရဲဟု ဆိုနေကြပါသည်။ ၀ယ်ယူခဲ့သည့် မစ်တိုက်လေယာဉ် ၆ အုပ် (အစီး ၆၀ ကျော်) အနက် ၂၁ စီးမှာ ပျက်ကျခဲ့ပြီ ဖြစ်သည်။ ကျန် အစီး ၂၀ ကျော်မှာ မြေပြင်ပေါ် ဆင်းသက် ရပ်နားနေရပြီး၊ အစီး ၂၀ ခန့်သာ ပျံသန်းနိုင်ပါတော့သည်။ ဤလေယာဉ်များ အတွက်လည်း ပြုပြင် ထိန်းသိမ်းရန် ပစ္စည်းများ အလျှင်အမြန် လိုအပ်နေပြီ ဖြစ်ပါသည်။ အမှန်တွင်တော့ စစ်ခေါင်းဆောင် ဗိုလ်ချုပ်များက တပ်မတော်ကိုယ်လည်း အမှန်တကယ် အင်အားကြီးအောင် တည်ဆောက်ခဲ့ခြင်း မဟုတ်ဘဲ၊ ပေါချောင်ကောင်း လက်နက်များဖြင့် ခဏတာ ကြွားလုံးထုတ် ဟန်ရေးပြခဲ့ခြင်းသာ ဖြစ်ပါသည်။

သြစတြေလျမှ မြန်မာ့စီးပွားရေး လေ့လာနေသူ ပညာရှင် ရှောင်တာနဲက တခါက သုံးသပ်ခဲ့ဖူးပါသည်။ အခြား အာဏာရှင်များကတော့ မာဖီးယားနှင့် တူသည်။ အခြားပြည်သူတို့၏ အကျိုးအမြတ်များပေါ်မှ အညွန့်ဖူးကို ခူးစားရုံသာ စားသည်။ မြန်မာ စစ်အစိုးရကတော့ ဖုတ်သဘက်တစ္ဆေနှင့် တူသည်၊ အားလုံး ရသမျှကို သိမ်းကျုံး၍ စားနေသည်ဟု သုံးသပ်ထားခဲ့ပါသည်။ ဤသဘက်ကြီးက ဖုတ်သက်ငင်နေဆဲ ဖြစ်ပါသည်။

ဤဖုတ်သဘက်ကြီးကြောင့် တပ်မတော်ကြီးလည်း အင်အား ကြီးထွားမလာခဲ့ပါ။

တိုင်းပြည်လည်း မွဲပြာကျခဲ့ရပါသည်။