Monday, June 23, 2008

နေ့ဘုရားဘုရားညကားယားကားယားနအဖ



ရွှေဂုံတိုင်မြို့နယ်ထဲမှာရှိတယ်လို့သိ၇ပါတယ်

ဒီမိုကရေစီတိုက်ပွဲဝင်နေသူများကြည့်ဖို့

ပါးစပ် မြည်.သေနတ်။ အားပြတ်နေတဲ့ဒေါင်း။

ပါးစပ် မြည်.သေနတ်။ အားပြတ်နေတဲ့ဒေါင်း။
ဒိုင်းဒိုင်း နဲ့ တဒက်ဒက်..
ပစ်နေတဲ့ လက်နက်..

ကိုယ်ကလွဲ..ခေါင်းကိုတောင်မယုံ..
မိမိသာလျှင်ပြည့်ဝတဲ့ ပုံ..
ဟိုရေး ဒီရေး ပရောဂျက်..
မယားစားဖို့ ဘဲ ဘတ်ဂျက်..


ဆင်ဖမ်းမယ်..ကျားဖမ်းမယ်
လမ်းပြမယ်..ဦးဆောင်မယ်..
ထပ်ပြန်လဲလဲ..လေလုံးထွားဆဲ
တကယ်ကျ..
နယ်စပ်တောင် မကျော်ရဲ..


ကိုယ်သာဘဲ မှန်.
သူများဆို လက်ညှိုးထိုးပြန်..
သူများခြေတွေနင်း..အတ္တ များနေခြင်း.
ငါသာ ခေါင်းဆောင်...
နံမည်ယူချင် မျက်နှာပြောင်..
သေစရာရှိရင်..မျိုးဆက်သစ်..
စစ်တလင်းမှာ ထိ်ုးကြွေး.
ခေါင်းဆောင်သွေးမရှိတဲ့ခေါင်းဆောင်.
အရှေ့ ဆုံးတွေမှာ အူကြောင်ကြောင်..


ယောက်ျားအစစ်.. ဆိုရင်..
ပါးစပ်နဲ့ သေနတ်မပစ်.
တိုင်းပြည်ကို လိမ်ညာပြီးမချစ်။


လေတွေကို လျှော့..
အားတင်းပါတော့..
နိုးကြားပါလော့
စည်းလုံးပါတော့
ခွပ်ချိန် တန်တဲ့ ဥဒေါင်း
တောင်ပံ မညောင်းစေချင်..
တိုက်ပွဲဝင် တိုက်မောင်းဒူဒူ..
ခွပ်လိုက်ကြပါစို့  ညီညာတူ။
ဒါမှသာ..သတ္တိနဲ့ လူ။

မသဒ္ဓါ ( ၆။၁၁။၂၀၀၈)
.

နာဂစ်မုန်တိုင်း တလပြည့် အမေးအဖြေ


နာဂစ်မုန်တိုင်း တလပြည့် အမေးအဖြေ


မေး။ ။ မြန်မာနိုင်ငံရောက်နေတဲ့ နိုင်ငံတကာ ကယ်ဆယ်ရေးအဖွဲ့တွေ လုပ်ငန်း ဘယ်လို ဆောင်ရွက်ပါသလဲ။

ဖြေ။ ။ မုန်တိုင်းဒုက္ခသည်တွေ ကူညီတဲ့နေရာမှာ ကဏ္ဍတွေခွဲပြီး ကဏ္ဍအသီးသီးမှာ စုပေါင်း တာဝန်ယူတဲ့စနစ်ကို သုံးပါတယ်။ ဥပမာ-ထောက်ပံ့ရေးကဏ္ဍ၊ အစားအစာ ဖြန့်ဝေရေးကဏ္ဍ၊ အမိုးအကာ ဆောက်ပေးရေးကဏ္ဍ၊ ကျန်းမာရေးကဏ္ဍ၊ WASH လို့ အတိုကောက်ခေါ်တဲ့ ရေ၊ ရေဆိုးနုတ်စနစ်နဲ့ သန့်ရှင်းမှုကဏ္ဍ၊ စိုက်ပျိုးရေးဆိုင်ရာကဏ္ဍ၊ ကလေးနဲ့ အမျိုးသမီးကာကွယ်ရေး ကဏ္ဍ၊ ပညာရေးကဏ္ဍ၊ ဆက်သွယ်ရေးကဏ္ဍနဲ့ ကနဦး ပြန်လည်ထူထောင်ရေးကဏ္ဍဆိုပြီး အသီးသီးခွဲ ကူညီကြတာ ဖြစ်ပါတယ်။

မေး။ ။ ဒီကဏ္ဍတွေကို ဘယ်အဖွဲ့အစည်းတွေက တာဝန်ယူပါသလဲ။

ဖြေ။ ။ ထောက်ပံ့ရေးကဏ္ဍအတွက် WFP ခေါ် ကမ္ဘာ့စားနပ်ရိက္ခာအဖွဲ့က ဦးဆောင်ပြီး
UNJLC ခေါ် ကုလသမဂ္ဂ ပူးတွဲထောက်ပံ့ရေးအဖွဲ့က ကူညီပံ့ပိုးပေးပါတယ်။ ဒီအဖွဲ့က ကယ်ဆယ်ရေးပစ္စည်းတွေ ဒုက္ခသည်တွေရှိရာ ဒေသ ပို့ပေးရေး၊ မုန်တိုင်းသင့်ဒေသ အသီးသီးမှာ ရိက္ခာထားဖို့ ဂိုဒေါင်တွေငှားရမ်း တည်ဆောက်ရေး၊ မုန်တိုင်းသင့်ဒေသတွေနဲ့ ပတ်သက်တဲ့ ခရီးစဉ်အချက်အလက်တွေ ထုတ်ပြန်ရေး စတဲ့ တာဝန်တွေ ယူပါတယ်။ ဒီအချက်အလက်တွေ အခြေခံပြီး ခေတ်ပြိုင်က ရေးဆွဲထားတဲ့ Diagram တွေ၊ Chart တွေကို ခေတ်ပြိုင် ၀က်ဘ်ဆိုက်မှာ ကြည့်ရင် ပိုရှင်းပါလိမ့်မယ်။

အစားအစာ ဖြန့်ဝေရေးကဏ္ဍကိုလည်း WFP က တာဝန်ယူပါတယ်။ အမိုးအကာ ဆောက်ပေးရေး ကဏ္ဍကိုတော့ UNHCR ခေါ် ဒုက္ခသည်များဆိုင်ရာ ကုလသမဂ္ဂ မဟာမင်းကြီးရုံးအဖွဲ့က ဦးဆောင်ပြီး နိုင်ငံတကာ ကြက်ခြေနီအဖွဲ့က ပံ့ပိုးပါတယ်။ ဒုက္ခသည်တွေအတွက် ကျန်းမာရေး ကိုတော့ WHO ကမ္ဘာ့ကျန်းမာရေးအဖွဲ့က ဦးဆောင်တာဝန်ယူထားပြီး ဒီအဖွဲ့မှာ ကုလအဖွဲ့ အစည်းတွေ၊ နိုင်ငံတကာ NGO (၂၀) ကျော် ပါဝင်ပါတယ်။

WASH လို့ အတိုကောက်ခေါ်တဲ့ ရေ၊ ရေဆိုးနုတ်စနစ်နဲ့ သန့်ရှင်းမှုကဏ္ဍကိုတော့ ကုလသမဂ္ဂ ကလေးသူငယ်များ အရေးပေါ်ရန်ပုံငွေ (ယူနီဆက်) အဖွဲ့က ဦးဆောင်ပါတယ်။ မေလ (၂၆) ရက်ထိ လူ (၁) သန်းကို ရေသန့် ပေးဝေနိုင်တဲ့ ရေသန့် စက် (၂၇) လုံး ဆောက်ပေးနိုင်ခဲ့ပါပြီ။

ဒုက္ခသည်တွေအတွက် စိုက်ပျိုးရေးကဏ္ဍကိုတော့ FAO ကုလသမဂ္ဂ အစားအစာနဲ့ စိုက်ပျိုးရေး အဖွဲ့က ဦးဆောင်တာဝန်ယူပါတယ်။ ကလေးနဲ့ အမျိုးသမီးကာကွယ်ရေး ကဏ္ဍကိုတော့ ယူနီဆက်နဲ့ Save The Children အဖွဲ့က တာဝန်ယူပါတယ်။ ပညာရေးကဏ္ဍကိုလည်း ယူနီဆက်က တာဝန်ယူပါတယ်။ ဆက်သွယ်ရေးကဏ္ဍအတွက် ယူနီဆက်နဲ့ WFP တို့က
တာဝန်ယူသလို လပွတ္တာမှာ IPSTAR ဂြိုဟ်တုသုံး အင်တာနက်စနစ်ကို ယူနီဆက်က လုပ်ပေးခဲ့ တာပါ။ ကနဦး ပြန်လည် ထူထောင်ရေးကဏ္ဍကိုတော့ UNDP ကုလသမဂ္ဂ ဖွံ့ဖြိုးရေးအစီအစဉ်က
တာဝန်ယူပါတယ်။

မေး။ ။ မြန်မာမုန်တိုင်းဒုက္ခသည်တွေအတွက် ဒီနိုင်ငံတကာအဖွဲ့တွေရဲ့ လုပ်ငန်းတိုးတက်မှု အခြေအနေကို ကမ္ဘာက ဘယ်လိုသိနိုင်ပါသလဲ။

ဖြေ။ ။ ကဏ္ဍတွေခွဲလုပ်ကိုင်နေပေမယ့် ဒီအဖွဲ့တွေ တခုနဲ့တခုကြား လုပ်ငန်းညှိနှိုင်းမှု ရှိသလို အဖွဲ့အသီးသီးကနေ မကြာခဏ လုပ်ငန်း တိုးတက်မှုအစီရင်ခံစာ အကျဉ်းချုပ်တွေ ထုတ်ပြီး ကမ္ဘာကို ဖြန့်ဝေပါတယ်။ ဒီအဖွဲ့တွေရဲ့ အစီရင်ခံစာပါ အချက်တွေကို အခြေခံပြီး ကမ္ဘာ့စာနယ်ဇင်း တွေက သတင်းရေးကြသလို နိုင်ငံတကာအစိုးရအဖွဲ့တွေ အလှူငွေကူညီမယ့်နိုင်ငံတွေကပါ ဒီအစီ ရင်ခံစာတွေ ကြည့်ပြီး လိုမယ့် ငွေပမာဏ ဘယ်လောက်ဖြည့်ဆည်းသင့်သလဲ ဆုံးဖြတ်ပါတယ်။

မေး။ ။ မြန်မာစစ်အစိုးရဘက်ကလည်း ဒုက္ခသည်တွေအတွက် တာဝန်ယူ ကူညီတာတွေ ရှိတယ်လို့ ပြောပါတယ်။ နိုင်ငံတကာအဖွဲ့တွေ ကုလအဖွဲ့တွေလို စနစ်တကျ ကမ္ဘာက သိအောင် အစီရင်ခံစာ ထုတ်ပြန်တာ ရှိပါသလား။

ဖြေ။ ။ စစ်အစိုးရသတင်းစာတွေမှာပါတဲ့ ၀ါဒဖြန့် သတင်းဆောင်းပါးမျိုးကလွဲပြီး စနစ်တကျ ကမ္ဘာကသိအောင် ထုတ်ပြန်တဲ့ ပုံမှန်လုပ်ငန်းတိုးတက်မှု အစီရင်ခံစာမျိုး မရှိပါ။

မေး။ ။ မုန်တိုင်းအပျက်အစီး ပြန်လည်ထူထောင်ဖို့ မြန်မာစစ်အစိုးရဘက်က ဘယ်လောက် လိုတယ်လို့ ပြောပါသလဲ။

ဖြေ။ ။ အမေရိကန်ဒေါ်လာ သန်းပေါင်း (၁) သောင်းကျော် လိုမယ်လို့ ရန်ကုန်မှာ ကျင်းပခဲ့တဲ့ နိုင်ငံတကာ အလှူရှင်အစည်းအဝေးမှာ ပြောပါတယ်။ ဒါပေမယ့် အလှူရှင်တွေဘက်က ဒေါ်လာ သန်း (၅၀) ပဲ ကတိပေးခဲ့ပါတယ်။ သဘောကတော့ စစ်အစိုးရတောင်းတဲ့ ကိန်းဂဏန်း ယုတ္တိ မရှိတဲ့အချက်၊ ဒုက္ခသည်တွေ ကူညီမယ့် နိုင်ငံတကာ ကယ်ဆယ်ရေးအဖွဲ့တွေကို နှောင့်နှေးအောင် လုပ်တဲ့အချက်တွေကြောင့် စောင့်ကြည့်လေ့လာပြီးမှ သင့်သလို ကူညီမယ်ဆိုတဲ့သဘောနဲ့ အလွယ်တကူ သဘောမတူတာ ဖြစ်ပါတယ်။

မေး။ ။ မြန်မာမုန်တိုင်း ဒုက္ခသည်တွေအတွက် ကယ်ဆယ်ရေးလုပ်ငန်း အချိန်ဘယ်လောက် ကြာမယ်ထင်ပါသလဲ။

ဖြေ။ ။ ကုလသမဂ္ဂ အထွေထွေအတွင်းရေးမှူးချုပ်ကတော့ အနည်းဆုံး (၆) လ ကြာမယ်လို့ မှန်းပါတယ်။ မြန်မာစစ်အစိုးရကတော့ ကယ်ဆယ်ရေးလုပ်ငန်း ပြီးပါပြီလို့ ပြောတာ ကမ္ဘာက လက်မခံပါဘူး။

မေး။ ။ မုန်တိုင်းဒုက္ခသည်တွေကို နိုင်ငံတကာရောက်နေတဲ့ မြန်မာအသိုင်းအ၀န်းက ငွေလှူချင်တယ်ဆိုရင် ဘယ်လိုနည်းနဲ့ စိတ်ချလက်ချ လှူရင် အဆင်ပြေပါသလဲ။

ဖြေ။ ။ အကောင်းဆုံးနည်းကတော့ မြန်မာနိုင်ငံမှာ လောလောဆည် ကယ်ဆယ်ရေးလုပ်ငန်း တွေ လုပ်ကိုင်နေတဲ့ နိုင်ငံတကာ NGO အဖွဲ့တွေရဲ့ ဌာနချုပ်တွေကို ဆက်သွယ်လှူဒါန်းတဲ့ နည်း ဖြစ်ပါတယ်။ ဥပမာ-အမေရိကန်မှာနေတဲ့ မြန်မာတွေက USAID လို အဖွဲ့တွေကို ဆက်သွယ် လှူဒါန်းတဲ့နည်း၊ အင်္ဂလန်မှာ နေသူတွေက Oxfam လို အဖွဲ့တွေကတဆင့် လှူတဲ့နည်းဖြစ်ပါတယ်။

မေး။ ။ မြန်မာနိုင်ငံမှာ ကယ်ဆယ်ရေးလုပ်နေတဲ့ နိုင်ငံတကာ NGO အဖွဲ့တွေ ဘယ်လောက် ရှိပါသလဲ။

ဖြေ။ ။ မုန်တိုင်းတလပြည့်တဲ့အချိန် မြန်မာနိုင်ငံမှာ ကယ်ဆယ်ရေးလုပ်နေတဲ့ နိုင်ငံတကာ NGO အဖွဲ့ (၄၅) ဖွဲ့ ရှိပါတယ်။ ဒီအဖွဲ့တွေရဲ့ ဌာနချုပ်လိပ်စာ သိချင်ရင် အင်တာနက် Google ကနေ အောက်ဖော်ပြပါ NGO နာမည်တခုခု ရိုက်ပြီး ရှာရင် အသေးစိတ် သိနိုင်ပါတယ်။

1-ActionAid.
2-Action by Churches Together (ACT)
3-Action Contre la Faim/Action Against Hunger (ACF)
4-Adventist Development and Relief Agency International (ADRA)
5-AmeriCares Foundation
6-Association of Medical Doctors of Asia (AMDA)
7-American Red Cross (ARC)
8-Australian Aid International
9-Baptist World Aid (BWAid)
10-The British Red Cross (BRC)
11-CARE
12-Caritas Internationalis
13-Christian Aid
14-Concern Worldwide
15-Emergency Assistance Team (EAT-BURMA)
16-European Commission - Humanitarian Aid Office (ECHO)
17-Gates Foundation
18-Global Refugee International
19-HelpAge International
20-Hong Kong Red Cross
21-International Committee of the Red Cross (ICRC)
22-The International Federation of Red Cross and Red Crescent Societies (IFRC)
23-International Medical Corps (IMC)
24-The International Organization for Migration (IOM)
25-International Rescue Committee (IRC)
26-Malaysian Red Crescent Society (MRCS)
27-Malteser International
28-Medecins Sans Frontieres (MSF, or Doctors Without Borders) 29-Medical Emergency Relief International (Merlin) 30-Medical Teams International (MTI)
31-Mercy Corps (MC) 32-MERCY Malaysia 33-Muslim Aid
34-Oxfam International
35-Plan
36-Project HOPE
37-Relief International (RI)
38-Save the Children (SC)
39-Sheikh Khalifa Bin Zayed Al Nehayan Foundation,
40-Tearfund
41-Telecoms Sans Frontieres
42-Trócaire
43-Tzu Chi Foundation
44-Welthungerhilfe
45-World Vision (WV)





မေး။ ။ မြန်မာနိုင်ငံကို နာဂစ်မုန်တိုင်းတိုက်ပြီး တလအကြာမှာ လူအသေအပျောက်နှုန်း တိတိကျကျ သိပြီလား။

ဖြေ။ ။ မြန်မာစစ်အစိုးရ မေလ (၁၆) ရက် ထုတ်ပြန်ချက်အရ စုစုပေါင်း သေဆုံးသူ (၇၈,၀၀၀)၊ စုစုပေါင်း ပျောက်ဆုံးသူ (၅၆,၀၀၀) နဲ့ သေဆုံး (ဒါမှမဟုတ်) ပျောက်ဆုံးသူ (၁၃၃,၀၀၀) ရှိ တယ်လို့ သိရပါတယ်။ ဒီစာရင်းကို တလပြည့်တဲ့အချိန်ထိ စစ်အစိုးရဘက်က ပြင်ဆင်ထုတ်ပြန်တာ မရှိသေးပါ။ ကုလသမဂ္ဂကတော့ သေဆုံးသူ (၁) သိန်းထိ ရှိနိုင်ပြီး ပျောက်ဆုံးသူ (၂၂၀,၀၀၀) ရှိတယ်လို့ မှန်းပါတယ်။

မေး။ ။ နာဂစ်မုန်တိုင်းကြောင့် မြန်မာနိုင်ငံမှာ လူပေါင်း ဘယ်လောက် ဒုက္ခရောက်ခဲ့ပါလဲ။

ဖြေ။ ။ မုန်တိုင်းကြောင့် စုစုပေါင်း လူ (၂.၄) သန်း ဒုက္ခရောက်တယ်လို့ ကုလသမဂ္ဂ လူသားချင်းစာနာမှု ကူညီရေးဆိုင်ရာအဖွဲ့ (UNOCHA) က မှန်းပါတယ်။ အစိုးရဘက်ကတော့ (၅.၅) သန်း ဒုက္ခရောက်တယ်လို့ ပြောပါတယ်။ UNOCHA ရဲ့ စာရင်းအရ တိုင်းအလိုက်ပြောရရင် ရန်ကုန်တိုင်းက (၃၄) ရာနှုန်းနဲ့ ဧရာဝတီတိုင်းက (၆၆) ရာနှုန်း ဒုက္ခရောက်ပါတယ်။ မုန်တိုင်းထိတဲ့ ဧရာဝတီတိုင်း (၁၁) မြို့နယ်မှာ မြို့နယ်အလိုက် မုန်တိုင်းဒဏ်သင့်ဦးရေ ရာနှုန်းကို ကြည့်ရင် ဘိုကလေးက စုစုပေါင်း (၁၁) မြို့နယ်ရဲ့ (၁၉) ရာနှုန်းနဲ့ အများဆုံး ခံရတဲ့မြို့ဖြစ်တယ်လို့ UNOCHA က မေလ (၂၉) ရက်နေ့စွဲနဲ့ ထုတ်ပြန်ထားပါတယ်။

မေး။ ။ မုန်တိုင်းကြောင့် ကျောင်းတွေ အပျက်အစီး သိပါရစေ။

ဖြေ။ ။ စစ်အစိုးရ ပညာရေးဝန်ကြီးဌာန ထုတ်ပြန်ချက်အရ ကျောင်း (၃,၀၀၀) ပျက်စီးပြီး ကလေး(၅,၀၀၀) အခက်အခဲဖြစ်သွားတယ်လို့ သိရပါတယ်။ ဒါပေမယ့် UNOCHA ကတော့ ကျောင်း (၂,၄၀၀) ပျက်စီးပြီး ကျောင်းသား (၃၆၀,၀၀၀) အခက်အခဲဖြစ်တယ်လို့ ထုတ်ပြန်ပါတယ်။ မုန်တိုင်းကြောင့် ပညာရေးအဆောက်အဦအားလုံးရဲ့ (၈၅) ရာနှုန်း ပျက်စီးတယ်လို့ပါ ယူနီဆက်က ပြောပါတယ်။ ဒါ့အပြင် သေဆုံး ဒါမှမဟုတ် ပျောက်ဆုံးနေတဲ့ ဆရာ ဆရာမအရေအတွက် ခုထိ မသိရသေးဘူးလို့ ယူနီဆက်က ပြောပါတယ်။

မေး။ ။ လေဘေးသင့်တဲ့သူတွေကို ဘယ်လိုနေရာချထားပါသလဲ

ဖြေ။ ။ ကုလသမဂ္ဂ ကလေးသူငယ်များ အရေးပေါ် ရန်ပုံငွေအဖွဲ့ (ယူနီဆက်) ရဲ့ မေလ (၂၃) ရက် ထုတ်ပြန်ချက်အရဆိုရင် လပွတ္တာ ကယ်ဆယ်ရေး စခန်း (၄၉) ခုမှာ လူ (၄၀,၀၀၀)၊ ဘိုကလေး ကယ်ဆယ်ရေးစခန်း (၆) ခုမှာ လူ (၅,၀၀၀) နဲ့ (၆,၀၀၀) ကြား၊ ဖျာပုံကယ်ဆယ် ရေးစခန်း (၁၅) ခုမှာ လူ (၃,၀၀၀)၊ မြောင်းမြမှာ ကယ်ဆယ်ရေး စခန်း (၃) ခု၊ မအူပင် ကယ်ဆယ် ရေးစခန်း (၈) ခုမှာ လူ (၄,၀၀၀) စသဖြင့် နေရာချထားပါတယ်။ ဒီကြားထဲ စစ်အစိုးရက ဒုက္ခသည်တွေကို နေရင်းဒေသ အဓမ္မပြန်ပို့တာ၊ စခန်းအပြောင်းအရွှေ့ လုပ်တာတွေ မကြာခဏ ရှိပါတယ်။

မေး။ ။ မုန်တိုင်း ဒုက္ခသည်တွေအတွက် နိုင်ငံတကာ ကယ်ဆယ်ရေးလုပ်ငန်းတွေ ထိထိ ရောက်ရောက် ကူညီခွင့်ရရဲ့လား။

ဖြေ။ ။ ကယ်ဆယ်ရေး အကူအညီတွေ ပေးရာမှာ ကုလသမဂ္ဂအဖွဲ့အစည်းတွေ၊ ကြက်ခြေနီ၊ ပြည်တွင်းပြည်ပ NGO တွေ၊ လူထုအဖွဲ့အစည်းတွေ မျိုးစုံရှိပါတယ်။ မေလ (၂၄) ရက် မတိုင်ခင်ထိ စစ်အစိုးရ နိုင်ငံတကာ အကူအညီတွေ ကြန့်ကြာအောင် အမျိုးမျိုး လုပ်ပါတယ်။ မုန်တိုင်း တလပြည့်တဲ့အချိန်မှာ စုစုပေါင်း လေဘေးသင့် ဦးရေ (၂.၄) သန်းအနက် (၄၂) ရာနှုန်းသာ အကူအညီရပြီး မုန်တိုင်းဒဏ် အဆိုးဆုံးခံရတဲ့ (၁၅) မြို့နယ်က ဒုက္ခသည် (၂) သန်းအနက် (၂၃) ရာနှုန်းသာ အကူအညီရသေးတယ်လို့ UNOCHA အဖွဲ့က ထုတ်ပြန်ထားပါတယ်။

မေး။ ။ ဧရာဝတီတိုင်းမှာ မုန်တိုင်းကြောင့် စပါးအပျက်အစီး ဘယ်လိုရှိပါလဲ။

အဖြေ။ ။ လယ်ယာစိုက်ပျိုးရေးနှင့် ဆည်မြောင်းဝန်ကြီးဌာန မေ (၁၆) ရက် နေ့စွဲနဲ့ ထုတ်ပြန်တဲ့ အစီရင်ခံစာမှာ ဧရာဝတီတိုင်း စပါးအပျက်အစီးကို တန်ချိန် (၇၀၀,၀၀၀) ကျော်ရှိပြီး ဆန်အပျက်အစီးမှာ ၂၀၀၇-၂၀၀၈ ခုနှစ် အထွက်နှုန်း၏ (၂.၃) ရာနှုန်းသာရှိတယ်လို့ ဖော်ပြ ပါတယ်။ ဒါပေမယ့် မုန်တိုင်းကြောင့် နွေစပါးအပျက်နှုန်းက ပြည်နယ်နှင့်တိုင်း (၅) ခုမှာ စုစုပေါင်း ထုတ်လုပ်မှုရဲ့ (၆၆) ရာနှုန်းရှိပြီး မိုးစပါးအပျက်နှုန်းက စုစုပေါင်း ထုတ်လုပ်မှုရဲ့ (၆၂) ရာနှုန်း ရှိနိုင်တယ်လို့ မြန်မာစီးပွာေးရး ပညာရှင်များက တွက်ချက် ခန့်မှန်းပါတယ်။ ဒါ့အပြင် နွေစပါး စိုက်ဧက ပျက်စီးမှုက စုစုပေါင်း စိုက်ဧကရဲ့ (၆၅) ရာနှုန်းရှိပြီး မိုးစပါး စိုက်ဧက ပျက်စီးမှုက စုစုပေါင်းစိုက်ဧကရဲ့ (၆၀) ရာနှုန်းထိ ရှိနိုင်တယ်လို့ပါ မြန်မာစီးပွားရေး ပညာရှင်တွေက မှန်းပါတယ်။ ။

(ခေတ်ပြိုင်မှ စုစည်းတင်ပြသည်)

တနင်္လာနေ့သတင်းများ

ပုဂ္ဂလိကဘဏ် သွင်းငွေပမာဏ ကန့်သတ်
NEJ/ ၂၃ ဇွန် ၂၀၀၈
မြန်မာနိုင်ငံအတွင်းရှိ ပုဂ္ဂလိကဘဏ်များတွင် ဘဏ်အပ်နှံငွေ လက်ခံမှုပမာဏကို လျှော့ချ ကန့်သတ်လိုက်ကြောင်း ရန်ကုန်မြို့မှ ဘဏ်နှင့်ဆက်သွယ် လုပ်ကိုင်နေသူများက ပြောသည်။

ကမ္ဘောဇဘဏ် လမ်းမတော်ဘဏ်ခွဲ၌ ငွေစာရင်းဖွင့်လှစ်ထားသူ ရွှေဆိုင်ပိုင်ရှင်တဦးက “ပြီးခဲ့တဲ့ သောကြာနေ့က ငွေ သိန်း (၁၀၀) ဘဏ်မှာ သွင်းဖို့သွားတယ်။ အဲဒီမှာ ဘဏ်က သွင်းငွေကို ကျပ် (၁၀) သိန်းပဲ လက်ခံတယ်လို့ ပြောတယ်။ ဘာကြောင့်ဆိုတာတော့ မပြောဘူး။ ဒါနဲ့ (၁၀) သိန်းပဲ သွင်းရတယ်” ဟု ပြောသည်။

ကမ္ဘောဇဘဏ်က ပြီးခဲ့သည့် သီတင်းပတ်မှစပြီး တရက်လျှင် သွင်းငွေ အများဆုံး ကျပ် (၁၀) သိန်းသာ လက်ခံပြီး မိမိပိုင်ငွေစာရင်းမှ ပြန်လည်ထုတ်ယူမှုကိုမူ အကန့်အသတ်မထားဘဲ စာရင်း တွင် ရှိသမျှ ပြန်လည်ထုတ်ယူနိုင်ကြောင်း၊ သို့သော် (၁) ပတ်လျှင် တကြိမ်သာ ငွေထုတ်ရန် ကန့်သတ်ထား ကြောင်း၊ အလားတူ အခြားပုဂ္ဂလိကဘဏ်များကလည်း ငွေသွင်း၊ ငွေထုတ်ကိစ္စ စည်းကမ်းချက်အသစ်များ ထပ်မံချမှတ်ထားကြောင်း သိရသည်။

မြန်မာနိုင်ငံသားများ ဘဏ်တွင် (၁) ပတ်ကို အပ်ငွေ ကျပ် (၁၀) သိန်းအထိသာ လက်ခံပြီး ရိုးမ ဘဏ်တွင် အပ်နှံငွေလက်ခံမှု ယာယီပိတ်ထားကာ ငွေထုတ်ပေးမှုကိုသာ လုပ်ဆောင်နေကြောင်း၊ မြန်မာအရှေ့တိုင်းဘဏ်တွင် ငွေမည်မျှ အပ်နှံနိုင်သည်ကို တိတိကျကျ ဖြေကြားခြင်းမပြုဘဲ အခြေအနေကိုကြည့်ပြီး လက်ခံကြောင်း၊ လက်ခံငွေပမာဏ နေ့စဉ် အပြောင်းအလဲရှိကြောင်း သိရသည်။

သမ၀ါယမဘဏ်လီမိတက်တွင် အပ်နှံငွေ ပမာဏ များနေသူများကိုသာ ကန့်သတ်မှု လုပ်နေပြီး အပ်နှံငွေနည်းနေသူများနှင့် စာရင်းအသစ် ဖွင့်လှစ်သူများကိုမူ ကန့်သတ်မထားကြောင်း၊ သို့သော် ပမာဏ မည်မျှအထိ လက်ခံနိုင်သည်ကို ထုတ်ဖော်ပြောဆိုခြင်း မပြုကြောင်း၊ မြန်မာနိုင်ငံတွင်းက ပုဂ္ဂလိက ဘဏ်များသည် အခြားနိုင်ငံများက ဘဏ်များနှင့် မတူသည့် စည်းမျဉ်းများဖြင့် လည်ပတ် နေကြောင်း အမည်မဖော်လိုသူ စီးပွားရေးပညာရှင်တဦးက ပြောသည်။

ပုဂ္ဂလိကဘဏ်များတွင် ငွေစာရင်းအသစ် ဖွင့်လှစ်လိုသူသည် စာရင်းဖွင့်ပြီးသား အခြားသူ (၂) ဦး၏ ထောက်ခံချက်ပါမှ ဖွင့်လှစ်ခွင့်ရှိပြီး ယခင်က ငွေသွင်းခြင်းကို ပမာဏ ကန့်သတ်မထား သော်လည်း ယခုအခါ ကန့်သတ်လာခြင်းဖြစ်သည်။

ထိုသို့ ကန့်သတ်လာရခြင်းမှာ ပုဂ္ဂလိက ဘဏ်တခုအနေဖြင့် ငွေလက်ခံခြင်း၊ ငွေထုတ်ချေးခြင်း ပမာဏကို ဗဟိုဘဏ်တွင် Deposit (အပေါင်သဘော) တင်ထားသည့် ငွေပမာဏ၏ (၇) ဆထက် ကျော်လွန်ပြီး မပြုလုပ်ရဆိုသည့် စည်းမျဉ်းကို အခြေခံပြီး ဖြစ်ပေါ်လာခြင်းဖြစ်ကြောင်း အဆိုပါ စီးပွားရေးပညာရှင်က ရှင်းပြသည်။

၎င်းက “ကမ္ဘောဇဘဏ်လို ဘဏ်ခွဲနဲ့ ဖောက်သည်သိပ်များတဲ့ ဘဏ်အနေနဲ့ ဗဟိုဘဏ်မှာ Deposit ပမာဏ ထပ်တင်ပြီး လုပ်ငန်းကြီးမားအောင် ထပ်ချဲ့နိုင်ပေမယ့် အာရှဓနဘဏ်၊ မေဖလားဝါး
ဘဏ်၊ ယူနီဗာဆယ်ဘဏ်တွေရဲ့ နမူနာကိုကြည့်ပြီး အန္တရာယ်မရှိအောင် ပုံမှန်လောက်သာ လုပ်ကိုင်နေတာဖြစ်တယ်” ဟု ပြောသည်။

မြန်မာနိုင်ငံမှ ဘဏ်စနစ်သည် ရှိရုံသာရှိပြီး ကောင်းမွန်စွာ အသက်မ၀င်သောကြောင့် အခြားသော စီးပွားရေးကဏ္ဍများအား အထောက်အကူမဖြစ်နိုင်ကြောင်း စီးပွားရေးသမားများက ဝေဖန် ကြသည်။

မြန်မာနိုင်ငံတွင် ပုဂ္ဂလိကဘဏ်များ ထပ်ဖွင့်ခွင့် ပိတ်ထားခြင်း၊ ဖွင့်ပြီးသား ပုဂ္ဂလိကဘဏ်များ၏ ဘဏ်ခွဲများ ဆက်ဖွင့်ခွင့်မပြုခြင်း၊ ဘဏ်တိုးနှုန်းကို ဗဟိုဘဏ်က သတ်မှတ်သည့်အတိုင်းသာ ပုံသေသုံးရခြင်း၊ အကြွေးဝယ်ကတ်များ အသုံးပြုနိုင်အောင် စီစဉ်မပေးနိုင်ခြင်း၊ တပတ်တကြိမ်သာ ဘဏ်မှ ငွေထုတ်ခွင့်ပြုထားခြင်း၊ ကျပ်ငွေတမျိုးတည်းသာ အသုံးပြုနိုင်ခြင်း စသည့်ဘဏ်လုပ်ငန်း အားနည်းချက်များ ရှိနေကြောင်း ပုဂ္ဂလိကစီးပွားရေးလုပ်ငန်းရှင်များက ပြောသည်။

မြန်မာနိုင်ငံရှိ မေဖလားဝါးနှင့်အာရှဓနဘဏ်နှစ်ခုကို ငွေရေးကြေးရေးအဖွဲ့အစည်းများ ဥပဒေ၊ နည်းဥပဒေများကို လိုက်နာခြင်းမရှိသည့်အတွက်ဟု အကြောင်းပြကာ စစ်အစိုးရက ၂၀၀၆ ခု မတ်လကုန်တွင် ဘဏ်လုပ်ငန်းများ ပိတ်သိမ်းခဲ့သည့်အတွက် ထိုစဉ်အခါက ငွေအပ်နှံသူများ၏ ငွေများကို ပြန်ထုတ်ပေးခဲ့ရသည်။

အဆိုပါဘဏ် (၂) ခုကို ငွေကြေးခ၀ါချမှု၊ အရှေ့တောင်အာရှ မူးယစ်ဆေးမှောင်ခိုကူးသူများနှင့် ဆက်စပ်မှုရှိသည်ဟု အမေရိကန်အစိုးရက စွပ်စွဲခဲ့သည်။


စတစ်ကာကပ်ကား မောင်းသည့် ယာဉ်မောင်းကို ဖမ်းဆီးထောင်ချမည်
NEJ/ ၂၃ ဇွန် ၂၀၀၈
စတစ်ကာကပ်ထားသော မော်တော်ယာဉ် မောင်းနှင်သည့် ယာဉ်မောင်းအား ပုဒ်မ (၁၈၈) ဖြင့် ဖမ်းဆီးအရေးယူမည်ဟု ရန်ကုန်တိုင်း ကြိုးမဲ့ကြေးနန်းနှင့် ယာဉ်ထိန်းတပ်ဖွဲ့မှူးရုံးက တရားဝင် သတင်းထုတ်ပြန်လိုက်သည်။

အရေးယူမှု ပြုလုပ်ရခြင်းမှာ ဒုစရိုက်မှုများ၊ ရာဇ၀တ်မှုများ မကျူးလွန်ကြစေရန်ဖြစ်ကြောင်း၊ စတစ်ကာကပ်ထားသည်ကို အကာအကွယ်ယူ၍ မော်တော်ယာဉ်ပေါ်တွင် ပြစ်မှုကျူးလွန်ခြင်း မရှိစေရန်ဖြစ်ကြောင်း ကြိုးမဲ့ကြေးနန်းနှင့် ယာဉ်ထိန်းတပ်ဖွဲ့မှ ဒုတိယ ရဲမှူးကြီး အောင်နိုင်ကို ကိုးကားပြီး ပြည်တွင်းဂျာနယ်အယ်ဒီတာတဦးက ပြောသည်။

ကားများတွင် စတစ်ကာကပ်သည်ကို ထားမြစ်ထားသော်လည်း ယာဉ်ပိုင်ရှင်များက လိုက်နာမှု မရှိဘဲ ယခုအခါ စတစ်ကာကပ်သည့်ကားများ ပိုများလာသည့်အတွက် ပုဒ်မ (၁၈၈) အရ ပြင်းထန်စွာ အရေးယူရန် သတင်းထုတ်ပြန်ခြင်းဖြစ်ကြောင်း သိရသည်။

မော်တော်ယာဉ် ဥပဒေအရ ထားမြစ်ထားသည်ကို ကျူးလွန်ပါက ဥပဒေပုဒ်မ (၂၄) ဖြင့် အရေး ယူခြင်း ခံရမည်ဖြစ်ပြီး ယင်းဥပဒေတွင် ဒဏ်ငွေသာ တပ်၍ရကြောင်း၊ ယခုပုဒ်မ (၁၈၈) မှာ (မြန်မာနိုင်ငံရဲတပ်ဖွဲ့) ဥပဒေဖြစ်ပြီး လူကိုပါ ဖမ်းဆီးထောင်ချမည့် ဥပဒေဖြစ်ကြောင်း အဆိုပါ အယ်ဒီတာက ရှင်းပြသည်။

ဥပဒေပုဒ်မ (၁၈၈) အရ ယာဉ်မောင်းကို ဖမ်းဆီးကာ သက်ဆိုင်ရာ မြို့နယ်ရဲစခန်းများတွင် အမှုဖွင့် အရေးယူမည့်စီမံချက်ကို ဇူလိုင်လ (၁) ရက်နေ့၌ စတင်မည်ဟု သိရသည်။

ယခုလအတွင်း မြန်မာနိုင်ငံ အနုပညာလောက၌ မူးယစ်ဆေးဝါးသုံးစွဲသော အနုပညာရှင်များ ခေါ်ယူစစ်ဆေးခံရသည့်သတင်း ပျံ့နှံ့နေပြီး ထိုသတင်းနောက်ပိုင်းတွင် ယခုဥပဒေပုဒ်မ ထွက်ပေါ်လာခြင်းဖြစ်သည်။

ပြည်တွင်း မီဒီယာတခုမှ ၀ါရင့် သတင်းစာဆရာတဦးက “ကျနော်တို့သိလောက်ကတော့ မင်းသမီး၊ မင်းသားတွေက စတစ်ကာကပ်တဲ့ကားကို စီးတာများတယ်ဗျ၊ ပြီးတော့ အရာရှိကြီးတွေရဲ့ သား သမီးတွေကပဲ ဒီစတစ်ကာကပ်ထားတဲ့ကားကို စီးတာလေဗျာ။ ကားကောင်းတွေစီးတဲ့ လူတန်း စားက ရန်ကုန်မှာ လက်ချိုးရေလို့ရပါတယ်” ဟုပြောသည်။

ဆေးသုံးသည်ဟု သတင်းထွက်နေသည့် သရုပ်ဆောင်အချို့နှင့် သူဌေးအချို့တို့က ဒရိုင်ဘာရှိ သည့်အတွက် ဥပဒေအရဖမ်းမည်ဆိုပါက လခနှင့်မောင်းသည့် ယာဉ်မောင်းသာ ဒုက္ခရောက်မည် ဖြစ်ကြောင်း ၎င်းကပြောသည်။

“ဥပမာဗျာ၊ ဇေကမ္ဘာ ဦးခင်ရွှေ၊ မောင်ဝိတ်တို့ဆို သူတို့ကားတွေမှာ စတစ်ကာနဲ့။ ယာဉ်မောင်းက အငှား၊ ဒါကို ဘယ်လိုလုပ်မလဲ၊ ဘာပဲဖြစ်ဖြစ် ပုဒ်မ (၁၈၈) ထုတ်ပြန်တာတောင် မော်တော်ယာဉ် ပိုင်ရှင်ကို လွှတ်ထားပေးတဲ့သဘော သက်ရောက်နေတာပဲ” ဟု အဆိုပါ သတင်းစာဆရာက ပြောသည်။

ရန်ကုန်မြို့တွင်း လမ်းမပေါ်တွင် စတစ်ကာကပ် မော်တော်ယာဉ်များကို ဖမ်းဆီးသည်ဟု ဆိုသော်လည်း ယာဉ်ထိန်းရဲများကို ပိုက်ဆံပေးလျှင် ကင်းလွတ်သည်ဟု အဲယားကွန်းဘတ်စ် ဒရိုင်ဘာတဦးက ပြောသည်။

၎င်းက “လမ်းတွေမှာ ရဲတွေက အဖွဲ့လိုက်စောင့်နေတယ်။ ကားတစီးကို ဖမ်းမယ်ဆိုရင် (စည်းကမ်း ဖောက်ဖျက်မှုနဲ့) တားလိုက်တယ်။ ဒါပေမယ့် အဲဒီကားဟာ နအဖနဲ့ပတ်သက်တာဆိုရင် ဘာမှ မလုပ်ဘူး။ နောက်တနည်းက ပိုက်ဆံလျှံတဲ့ကားဆိုရင် ငွေကိုသာ ပစ်ပေးလိုက် ဒီကောင်တွေ ဘာမှမလုပ်ရဲဘူး။ အခုလို စတစ်ကာကပ်တဲ့ကိစ္စတွေကို ဖမ်းတယ်ဆိုတာ ရဲတွေအတွက် တွက်ခြေ ကိုက်မယ့် စီးပွားရေးလို့ပဲမြင်တယ်” ဟု ပြောသည်။

စတစ်ကာကပ်သည့် မော်တော်ယာဉ်များကို ကြိုးမဲ့ကြေးနန်းနှင့် ယာဉ်ထိန်းတပ်ဖွဲ့က ၁၉၉၈ ခုနှစ်က ဒဏ်ငွေ (၅,၀၀၀) ကျပ် သတ်မှတ်ဖမ်းဆီးခဲ့ပြီး နောက်ပိုင်းတွင် ဒဏ်ငွေ (၅၀,၀၀၀) ကျပ်ထိ တိုးမြှင့်သတ်မှတ် ဖမ်းဆီးခဲ့သော်လည်း စတေကာကပ်မှုများ လျော့မသွားသည့်အပြင်
ပို၍ တိုးလာကြောင်း သိရသည်။ ။


လူကုန်ကူးမှု၌ ပါဝင်သည်ဟု သံသယရှိသူများ ကော့သောင်းတွင် ဖမ်းဆီးခံရ
ကျော်ထင်/ ၂၃ ဇွန် ၂၀၀၈
ပြီးခဲ့သည့်ဧပြီလက ထိုင်းနိုင်ငံတောင်ပိုင်း၊ ဖူးခက်သို့အသွား အအေးခန်းကားပေါ်တွင် မြန်မာ နိုင်ငံသား (၅၄) ဦး လေမွန်းကျပ်ပြီး သေဆုံးပြီးနောက်ပိုင်း ကော့သောင်းမှ လူကုန်ကူးမှုနှင့် ပတ်သက်နေသူများကို ပြီးခဲ့သည့်လကုန်ပိုင်းမှစ၍ ဆက်တိုက်ဖမ်းဆီးလျက်ရှိသည်။

လက်ရှိအချိန်ထိ တည်းခိုခန်းပိုင်ရှင်များ၊ ငွေလွှဲလုပ်ငန်းလုပ်ကိုင်သူများနှင့် ဆိုင်ကယ်တက္ကစီ သမားများအပါအ၀င် လူကယ်ရီဟု ယူဆရသူ (၃၀) ကျော်ကို ကြပ်ပြေးနေပြည်တော်မှ တိုက်ရိုက် ဆင်းလာသည့် အထူးစုံစမ်းစစ်ဆေးရေး (အက်စ်ဘီ) မှ ခေါ်ယူစစ်ဆေးနေကြောင်း နယ်ခြား ကော်မတီနှင့်နီးစပ်သည့် ကော့သောင်းမှ မြန်မာကုန်သည်ကြီးတဦးက ပြောသည်။

၎င်းက “တချို့ကလည်း ငွေလွှဲနဲ့ပတ်သက်တယ်။ တချို့က ပက်ကေခ်ျ့နဲ့ပတ်သက်တယ်။ တချို့က တည်းခိုခန်းတို့၊ ဆိုင်ကယ်နဲ့ ပုိ့တာတို့ပေါ့။ အဲဒီလုပ်ငန်းကလည်း တမြို့လုံးလိုလို တခုမဟုတ်တခုနဲ့ပတ်သက်နေတော့ အဆွဲခံရမလားဆိုပြီး ရှောင်တဲ့သူလည်း တော်တော် များတယ်။ အရင် ကော့သောင်းက အက်စဘီဟောင်းဖြစ်တဲ့ ဦးသောင်းအေး၊ သူ့ကို ဘာသာ ပြန်ပေးနေတဲ့ ဦးအောင်တို့ဆိုတာ တိုက်ရိုက်ကိုပတ်သက်နေတယ်လေ။ အဲလို လူတွေက ပထမတော့ ဆန္ဒခံယူပွဲအမီ ကော့သောင်းပြန်လာပါမယ်ဆိုပြီးမှ လုံးဝမလာရဲတော့ဘူးလေ” ဟု ပြောသည်။

စောစောပိုင်းက နယ်မြေခံရဲ၊ စစ်တပ်နှင့် လူဝင်မှုကြီးကြပ်ရေးကဲ့သို့ အစိုးရ၀န်ထမ်းများလည်း လူကုန်ကူးမှုများတွင် တနည်းမဟုတ်တနည်း ပါဝင်ပတ်သက်သည်ဟု သတင်းများထွက် ပေါ်ခဲ့သော်လည်း လက်ရှိအချိန်ထိ ၎င်းတို့အား ခေါ်ယူစစ်ဆေးခြင်းမရှိသေးပေ။

“အခုအရေးယူတဲ့အထဲ ၀န်ထမ်းတွေတယောက်မှမပါဘူး။ ၀န်ထမ်းက မေးစရာကိုမလိုဘူး၊ လုံးဝကို ပါဝင်ပတ်သက်နေတာ။ ဒါပေမယ့် ဒီလူတွေက နည်းနည်းလည်တယ်ဗျ၊ ထိုင်းကို ကယ်ရီတွေနဲ့ ၀င်မယ်ဆိုတာသိသိနဲ့ အိမ်ထောင်စု စာရင်းပါပြီး ဘောင်ဝင်နေတယ်ဆိုရင် နည်းနည်းပါးပါးယူပြီး လုပ်ပေးလိုက်တာပဲ” ဟု ပြောသည်။

ကော့သောင်းသို့ ရောက်လာသူများသည် ၎င်းတို့သွားရောက်မည့် ဒေသခံများထံမှ နေရပ် လိပ်စာအပြည့်အစုံ သန်းကောင်စာရင်း (ပုံစံ-၁၀) စသည်တို့ ပြသနိုင်မှသာ မြို့တွင်းသို့
ဝင်ရောက်ခွင့်ရကြသည်။

ကော့သောင်းမှ မြို့မျက်နှာဖုံးတဦးဖြစ်သူ ရွှေကမ္ဘာတည်းခိုခန်းပိုင်ရှင် ဦးဝင်းနိုင်သည် မြန်မာ နိုင်ငံသား (၅၄) ဦး သေမှုများဖြစ်ပွားပြီးနောက် ထိုင်းဘက်ကမ်းသို့ သွားရောက်တိမ်းရှောင် နေရာမှ ဇွန်လ (၃) နေ့က လာရောက်ဖမ်းဆီးခံခဲ့ပြီး ၎င်း၏ဇနီးမှာ အခင်းဖြစ်ပွားပြီး ရက်ပိုင်း အတွင်း ဖမ်းဆီးခံခဲ့ရကြောင်း သိရသည်။

လက်ရှိလည်း ရနောင်းတွင် တိမ်းရှောင်နေသူအချို့ကို မြန်မာဘက်မှ တောင်းဆိုမှုကြောင့် ထိုင်း အာဏာပိုင်များက ပြန်လည်ပို့ဆောင်ရန်စီစဉ်နေကြောင်း ကော့သောင်းမှ အဆိုပါကုန်သည်ကြီးက ပြောသည်။

မြန်မာနိုင်ငံမှ သဘာဝဓာတ်ငွေ့များကို ဒေ၀ူးက တရုတ်နိုင်ငံသို့ ရောင်းမည်
agencies / ၂၃ ဇွန် ၂၀၀၈
မြန်မာနိုင်ငံ သဘာဝဓာတ်ငွေ့လုပ်ကွက်များမှ သဘာဝဓာတ်ငွေ့များကို တရုတ်အမျိုးသား Petrolem ကော်ပိုရေးရှင်း (CNPC) သို့ ရောင်းချမည်ဟု တောင်ကိုရီးယားနိုင်ငံ ကုန်သွယ်ရေး ကုမ္ပဏီတခုဖြစ်သော ဒေ၀ူးအင်တာနေရှင်နယ် ကော်ပိုရေးရှင်းက ပြောသည်။

မြန်မာ့ကမ်းလွန်လုပ်ကွက်များဖြစ်သည့် (A-1) နှင့် (A-3) လုပ်ကွက်တို့မှ သဘာဝဓာတ်ငွေ့များကို တရုတ်နိုင်ငံ၏ အကြီးမားဆုံး လောင်စာကုမ္ပဏီအား ထောက်ပံ့ရန် ပဏာမသဘောတူညီချက်ကို ဇွန်လ (၂၀) ရက်နေ့တွင် လက်မှတ်ရေးထိုးခဲ့ပြီဟု ဆိုးလ်မြို့အခြေစိုက် ဒေ၀ူး နိုင်ငံတကာ ကော်ပိုရေးရှင်းက ယနေ့ ထုတ်ဖော်ပြောဆိုသည်။

မြန်မာ့ရေနံနှင့် သဘာဝဓာတ်ငွေ့အင်တာပရိုက်စ်မှလည်း လုပ်ကွက်များ ဖွံ့ဖြိုးတိုးတက်ရေးတွင် ပါဝင်ရန် သဘောတူညီခဲ့ပြီး ဒေ၀ူး နိုင်ငံတကာ ကော်ပိုရေးရှင်း၏ ရင်းနှီးမြှုပ်နှံငွေကို (၆၀) ရာခိုင် နှုန်းမှ (၅၁) ရာခိုင်နှုန်းသို့ လျှော့ချလိုက်သည်ဟုလည်း သဘောတူညီချက်အရ သိရှိရသည်။

မြန်မာ့ရေနံမှ ရင်းနှီးမြှုပ်နှံမှု (၁၅) ရာခိုင်နှုန်း၊ ရေနံနှင့်သဘာဝဓာတ်ငွေ့ ကော်ပိုရေးရှင်းမှ (၁၇) ရာခိုင်နှုန်း၊ GAIL အိန္ဒိယ လီမိတက်မှ (၈.၅) ရာခိုင်နှုန်းနှင့် ကိုရီးယား ဓာတ်ငွေ့ကော်ပိုရေးရှင်းမှ (၈.၅) ရာခိုင်နှုန်းတို့ ပါဝင်မည်ဖြစ်သည်။

ဒေ၀ူးသည် မြန်မာနိုင်ငံတွင် နောက်ထပ် သဘာဝဓာတ်ငွေ့လုပ်ကွက် (၄) ခုကိုလည်း စူးစမ်း ရှာဖွေနေဆဲဖြစ်ပြီး မြန်မာနိုင်ငံမှ သဘာဝဓာတ်ငွေ့များကို ဒီဇင်ဘာ (၅) ရက်နေ့မှ စတင်ပြီး ပိုက်လိုင်းများမှတဆင့် ပို့ဆောင်မည်ဟု ဒေ၀ူး နိုင်ငံတကာ ကော်ပိုရေးရှင်းက ပြောသည်။

သဘာဝဓာတ်ငွေ့ ထုတ်လုပ်နိုင်မည်ဟု ယူဆရသည့် ၂၀၁၂ ခုမှ စတင်ပြီး (၂၅) နှစ်ကာလအတွင်း အမေရိကန်ဒေါ်လာ (၁၀) ဘီလီယံ အကျိုးအမြတ်ရနိုင်မည်ဟု မျှော်လင့်ကြောင်း ဒေ၀ူး၏ အစီရင် ခံစာတ စောင်တွင် ဖော်ပြထားကြောင်း သိရသည်။


နိုင်ငံခြားရေးဝန်ကြီးဌာနမှ ထွက်လိုသူများကို (၃) နှစ်စောင့်ခိုင်း
NEJ/ ၂၃ ဇွန် ၂၀၀၈
နေပြည်တော် နိုင်ငံခြားရေးဝန်ကြီးဌာနမှ နုတ်ထွက်လိုကြောင်း လျှောက်ထားသူများကို နုတ်ထွက်ခွင့်တောင်းပြီး (၃) နှစ်ကြာမှ ထွက်ခွင့်ပြုသည့်အတွက် အမှုထမ်း အရာထမ်းများ စိတ်ဓာတ်ကျနေသည်ဟု သံတမန်သတင်းရပ်ကွက်က ပြောသည်။

နိုင်ငံခြားမြန်မာသံရုံးများတွင် တာဝန်ထမ်းဆောင်နေသည့် သံတမန်များ မကြာခဏ ထွက်ပြေးခြင်း အကြောင်းတရားများအနက် နေပြည်တော်မှာ မနေချင်သည့်အချက်က အဓိကအချက်ဖြစ်သည်ဟု နေပြည်တော်အရာရှိတဦးက ပြောသည်။

နိုင်ငံခြားတွင် တာဝန်ထမ်းဆောင်ရာမှ နေပြည်တော် နိုင်ငံခြားရေးဝန်ကြီးဌာန ပြန်ရောက်လျှင် နောက်တခေါက် နိုင်ငံခြားပြန်ထွက်ရန် အနည်းဆုံး (၃) နှစ်စောင့်ရလေ့ရှိသည်။ သို့သော် အထက်လူကြီးနှင့် ပြေလည်သူများကိုမူ နေပြည်တော်ရောက်ပြီး (၃) လနှင့် (၆) လကြား နိုင်ငံခြားမြန်မာသံရုံးတခုခုသို့ ပြန်လွှတ်လေ့ရှိသည်ဟုပါ ပြောသည်။

နိုင်ငံခြားရေးဝန်ကြီးဌာနမှာ တာဝန်ထမ်းဆောင်နေသည့် ဗိုလ်ချုပ်မှူးကြီးသန်းရွှေ၏ သမီး (၄) ဦး အပါအ၀င် ဆွေမျိုးစုစုပေါင်း (၈) ဦးခန့်ရှိပြီး အထူးအခွင့်အရေးများ ရနေသည်ဟု စုံစမ်းသိရသည်။


အိန္ဒိယက မြန်မာနိုင်ငံအတွက် ဒေါ်လာ ၈၄သန်း ချေးငှားမည်
23 June 2008
ဦးသားညွန့်ဦး -
အိန္ဒိယနိုင်ငံက ထိပ်တန်း အစိုးရအရာရှိတဦး မြန်မာနိုင်ငံကို ရောက်ရှိနေစဉ် အခုအပတ်အတွင်း ရင်းနှီးမြုပ်နှံမှုဆိုင်ရာ သဘောတူညီချက် တရပ်ကို လက်မှတ်ထိုးဖို့ရှိပြီး၊ မြန်မာစစ်အစိုးရအတွက်လည်း အကြွေး အမေရိကန်ဒေါ်လာ ၈၄သန်း ပေးဖို့ ကမ်းလှမ်းချက်လည်း ရှိနေပါတယ်။

အိန္ဒိယနိုင်ငံ စီးပွားရေးနဲ့စွမ်းအင်ဝန်ကြီး ဂျရမ်း ရာမတ်ရ်ှဟာ မနေ့က ရန်ကုန်မြို့ကို ထွက်ခွာသွားပါတယ်။ မြန်မာနိုင်ငံမှာ ရှိစဉ်အတွင်းမှာတော့ နှစ်နိုင်ငံ ရင်းနှီးမြုပ်နှံမှုတွေ တိုးများလာစေဖို့ ရည်ရွယ်တဲ့ ၁၀နှစ်ကြာ သဘောတူညီချက်ကို လက်မှတ်ထိုးဖို့လည်း ရှိပါတယ်။

ဒါ့အပြင် မြန်မာနိုင်ငံကို အမေရိကန် ဒေါ်လာ ၈၄သန်း အကြွေးပေးဖို့ အိန္ဒိယနိုင်ငံဖက်က ကမ်းလှမ်းချက်ကိုလည်း မစ္စတာ ရာမတ်ရ်ှရဲ့ ခရီးစဉ်အတွင်းမှာ ကြေညာမယ်လို့ မျှော်လင့်ရပါတယ်။ ဒါ့အပြင် နာဂစ်ဆိုက်ကလုံးမုန်တိုင်းလွန် ပြန်လည်ထူထောင်ရေးအစီအစဉ်အတွကလည်း အမေရိကန်ဒေါ်လာ နှစ်သန်း ပေးသွားဖို့ရှိပါတယ်။

ဒီနှစ်သန်းကိုတော့ မုန်တိုင်းကြောင့် ပျက်စီးသွားတဲ့ လျပ်စစ်ဓါတ်အားပေးစက် ၁၆လုံး ကို ပြန်လည်ပြုပြင်ရေးအတွက် ပေးအပ်မှာဖြစ်ပါတယ်။


WFP ရဲ့ မြန်မာ့လေဘေး ထောက်ပံ့ရေးအတွက် အမေရိကန်က ဒေါ်လာ ၃ သန်း ထပ်မံကူညီ
23 June 2008
ဦးကျော်ကျော်သိန်း
အမေရိကန်ပြည်ထောင်စု နိုင်ငံတကာ ဖွံ့ဖြိုးတိုးတက်ရေးအေဂျင်စီ (USAID) က ကုလသမဂ္ဂ စားနပ်ရိက္ခာ အစီအစဉ် (WFP) အတွက် အမေရိကန်ဒေါ်လာ ၃,၀၀၀,၀၀၀ ထပ်ပြီး ကူညီလိုက်ပါတယ်။ ဒီကူညီငွေကို WFP အတွက် အရေးတကြီး လိုအပ်နေတဲ့ သယ်ယူပို့ဆောင်ရေးကဏ္ဍ ရန်ပုံငွေအတွက် ပေးအပ်တာဖြစ်ပါတယ်။
ဒါဟာ မြန်မာနိုင်ငံက မုန်တိုင်းဒဏ်သင့် လူထုဆီ အကူအညီတွေ ပေးပို့ရာမှာ အများကြီး အထောက်အကူ ဖြစ်စေပါတယ်လို့ WFP တာဝန်ရှိသူတဦးက ပြောပါတယ်။ အပြည့်အစုံကို ဘန်ကောက်ရောက် ဗွီအိုအေ၀ိုင်းတော်သား ကိုကျော်ကျော်သိန်းက တင်ပြပေးထားပါတယ်။ WFP ဟာ မြန်မာ့မုန်တိုင်းဒုက္ခသည်တွေဆီ စားနပ်ရိက္ခာ အကူအညီတွေ အဓိက ပေးပို့နေတဲ့ ကုလသမဂ္ဂ အဖွဲ့အစည်း ဖြစ်ပါတယ်။ ဒီလိုပေးပို့ရာမှာ လေယာဉ်တွေ၊ ရဟတ်ယာဉ်တွေ အပါအ၀င် မြစ်ကြောင်းတွေအတွင်း သွားလာလို့ရတဲ့ လှေမျိုးစုံကိုလည်း အသုံးပြုပြီးတော့ ပေးပို့နေတာပါ။ ပြီးခဲ့တဲ့ရက်ပိုင်း တွေ အတွင်းမှာတော့ သယ်ယူပို့ဆောင်ရေးအတွက် ရန်ပုံငွေပြတ်လပ်နေတာကြောင့် ရန်ပုံငွေ အရေးတကြီး လိုအပ်နေတဲ့အကြောင်း WFP က သတင်းထုတ်ပြန်ခဲ့ပါတယ်။ USAID က အခုလို ဒေါ်လာ ၃,၀၀၀,၀၀၀ ထပ်ပြီးပေးအပ်လိုက်တာကြောင့် သယ်ယူ ပို့ဆောင်ရေးအတွက် အများကြီး အထောက်အကူဖြစ်စေပြီး တခြားအလှူရှင်တွေအနေ နဲ့လည်း ဆက်ပြီးကူညီကြဖို့ လိုပါတယ်လို့ WFP ရဲ့ ဘန်ကောက်အခြေစိုက် အာရှ- ပစိဖိတ်ရုံးခွဲက ပြောရေးဆိုခွင့်ရှိသူပေါလ် ရစ္စလေ (Paul Risley) က ဗွီအိုအေကို ပြောပါတယ်။
“ဒီငွေဟာ အင်မတန့်ကို အထောက်အကူဖြစ်ပါတယ်။ ကျနော်တို့ အခုလိုနေတာက
ဒီလုပ်ငန်းစခဲ့ကတည်းက ရန်ပုံငွေပေးအပ်ခဲ့တဲ့ အလှူရှင်နိုင်ငံတွေအားလုံးက ရန်ပုံငွေ
တွေ ဆက်ပြီးပေးဖို့ပါ။ နောက် သီတင်းခြောက်ပတ်အတွင်း မြစ်ဝကျွန်းပေါ်ဒေသဆီ
အကူအညီတွေပို့နေတဲ့ ရဟတ်ယာဉ်တွေအတွက်သာမက ထိုင်းနိုင်ငံကနေ မြန်မာနိုင်ငံ
ဆီ ပစ္စည်းတွေပေးပို့နေတဲ့ လေယာဉ်တွေအတွက်လည်း ရန်ပုံငွေ ဆက်လိုအပ်ပါလိမ့်
မယ်။” လို့ ပေါလ် ရစ္စလေက ပြောပါတယ်။

မြန်မာနိုင်ငံမှာ လွန်ခဲ့တဲ့ သီတင်းရှစ်ပတ်နီးပါးက တိုက်ခတ်ခဲ့တဲ့ နာဂစ် ဆိုင်ကလုန်း
မုန်တိုင်းကြောင့် လူပေါင်း ၁၃၀,၀၀၀ ကျော် သေဆုံးပြီး သန်းနဲ့ချီ အိုးမဲ့အိမ်မဲ့ဖြစ်ခဲ့၊
၂.၄ သန်းကျော် ဘေးဒုက္ခရောက်ခဲ့ရပါတယ်။ ဒီလောက်ကြီးမားတဲ့ ဘေးဒုက္ခကြီး
အတွက် လိုအပ်တဲ့ အကူအညီပမာဏဟာ လက်ရှိ နိုင်ငံတကာက ပေးအပ်နေတဲ့ အကူ
အညီတွေ၊ ပြည်တွင်းပြည်ပက ပုဂ္ဂလိက စေတနာရှင်၊ အလှူရှင်တွေက ပေးအပ်နေတဲ့
အကူအညီတွေနဲ့တောင်မှ လုံလောက်မှုမရှိသေးပါဘူး။

ပေါလ် ရစ္စလေကတော့ USAID ဟာ အကူအညီတွေ ဆက်ပြီးပေးသွားလိမ့်မယ်၊ အထူး
သဖြင့်တော့ ရဟတ်ယာဉ်နဲ့ လေယာဉ်တွေ ဆက်ပြီးအသုံးပြုနိုင်ဖို့အတွက် ကူညီ
သွားလိမ့်မယ်လို့ မျှော်လင့်ထားပါတယ်။

ရဟတ်ယာဉ်တွေ အသုံးပြုနိုင်ခဲ့တဲ့အတွက် အရင်က မရောက်နိုင်ခဲ့တဲ့ ဒေသတွေက
လူထုဆီ အကူအညီတွေ ပေးပို့နိုင်တယ်ဆိုပေမယ့် အကူအညီ လုံးဝမရသေးသူတွေက
လည်း ဒုနဲ့ဒေး ရှိနေပါသေးတယ်။ ကုလသမဂ္ဂရဲ့ အကူအညီ လုံးဝမရသေးတဲ့သူ အများ
အပြား ကျန်နေသေးတယ်ဆိုတာကို ပေါလ် ရစ္စလေကလည်း သဘောတူပါတယ်။

“သိပ်ကိုသေချာပါတယ်။ ကျနော်တို့ ရဟတ်ယာဉ်တွေနဲ့ သွားပေးလို့ အကူအညီရတဲ့
ရွာသူရွာသားတွေက ဒါ မုန်တိုင်းတိုက်ပြီးကတည်းကဆိုရင် သူတို့ ပထမဆုံးရတဲ့ အကူ
အညီပါလို့ ပြောကြပါတယ်။ ဒီအခြေအနေဟာ တကယ့်ကို စိတ်ပျက်ဝမ်းနည်းစရာ၊
ဒီလို သဘာဝဘေးအန္တရာယ်မျိုး ကျရောက်ခဲ့ပြီးချိန်မှာ တကယ့်ကို ပုံမှန်မဟုတ်တဲ့
အခြေအနေပါ။ ဒါဟာ လူသားဘေးဒုက္ခဆိုင်ရာ အကူအညီတွေ အရေးတကြီး ဆက်ပြီး
လိုအပ်နေသေးတယ် ဆိုတာကိုလည်း ထင်ရှားစေပါတယ်။” လို့ ပြောပါတယ်။

ကုလသမဂ္ဂ၊ ASEAN အရှေ့တောင်အာရှနိုင်ငံများအဖွဲ့နဲ့ မြန်မာအစိုးရတို့ပူးတွဲပြီး
အဖွဲ့ဝင် ၂၅၀ နဲ့ လုပ်ဆောင်ခဲ့တဲ့ နာဂစ် ဆိုင်ကလုန်းမုန်တိုင်း တိုက်ခတ်အပြီး အပျက်
အစီး အခြေအနေနဲ့ လိုအပ်ချက်ပမာဏတွေကို တိုင်းတာစစ်ဆေးမှုဟာ မကြာသေးခင်
ကပဲ ပြီးဆုံးသွားခဲ့ပါတယ်။ ဒီတိုင်းတာစစ်ဆေးမှုကနေ တွေ့ရှိခဲ့တာတွေကို အခုအခါမှာ
စုပေါင်းပြုစုနေပြီ ဖြစ်တာကြောင့် အကူအညီ မရသေးသူ အရေအတွက် ဘယ်လောက်
ရှိနေတယ်ဆိုတာကို မကြာခင်မှာပဲ သိနိုင်မှာပါလို့ ပေါလ် ရစ္စလေက ပြောပါတယ်။

အမေရိကန်ပြည်ထောင်စုကတော့ USAID အပါအ၀င် အဖွဲ့အစည်းအသီးသီးကနေ
တဆင့် အမေရိကန်ဒေါ်လာ သန်း ၄၀ ကျော်ဖိုး အကူအညီတွေ ပေးအပ်ခဲ့ပြီးပြီလို့
USAID ရဲ့ ဇွန်လ ၁၈ ရက် နေ့စွဲနဲ့ ထုတ်ပြန်ချက်မှာ ဖော်ပြထားပါတယ်။ USAID နဲ့
အစိုးရမဟုတ်တဲ့ အဖွဲ့အစည်းတွေ ဇွန်လ ၁၃ ရက်ကနေ ၁၈ ရက်အထိ ပူးတွဲ
လုပ်ဆောင်ခဲ့တဲ့ တိုင်းတာစစ်ဆေးမှုအရဆိုရင် မြစ်ဝကျွန်းပေါ်တောင်ပိုင်း မုန်တိုင်းသင့်
ဒေသက လူထုဟာ ဒီနှစ် နိုဝင်ဘာလ စပါးရိတ်သိမ်းချိန် ရောက်တဲ့အထိ စားနပ်ရိက္ခာ
အကူအညီတွေ ဆက်ပြီးလိုအပ်နေနိုင်သေးတယ်လို့ အဲဒီထုတ်ပြန်ချက်မှာပဲ ဖော်ပြထား
ပါတယ်။

WFP ရဲ့ ပေါလ် ရစ္စလေကတော့ စပါးစိုက်ခင်းတွေ မုန်တိုင်းဒဏ် အပြင်းအထန်ခံခဲ့ရလို့
ဒီစပါးစိုက်ရာသီမှာ ပြန်မစိုက်ပျိုးနိုင်တဲ့ ဒေသတွေမှာဆိုရင် နိုဝင်ဘာထက်တောင်
ကျော်ပြီးတော့ စားနပ်ရိက္ခာအကူအညီတွေ ဆက်ပြီး လိုနေပါလိမ့်ဦးမယ်လို့ ပြောခဲ့ပါ
တယ်။

စစ်အစိုးရထိပ်သီး ခေါင်းဆောင်နှစ်ဦး နုတ်ထွက်ဟု သတင်းများ ပျံ့နှံ့
ဧရာဝတီ ဇွန် ၂၃၊ ၂၀၀၈
မြန်မာ စစ်အစိုးရခေါင်းဆောင် နှစ်ဦးဖြစ်သည့် ဗိုလ်ချုပ်မှူးကြီး သန်းရွှေနှင့် ဒုတိယဗိုလ်ချုပ်မှူးကြီး မောင်အေး တို့ ရာထူးမှ နုတ်ထွက်ကာ အနားယူသွားပြီဟူသော ကောလာဟလ သတင်းများ ပျံ့နှံ့လျှက်ရှိကြောင်း သိရ သည်။

ထိုကဲ့သို့ အနားယူရန် မတ်လကတည်းကစီစဉ်နေသည်ဟူသည့် ကောလာဟလ သတင်းများ ထွက်ပေါ်ခဲ့ပြီး လေ့လာသူ များက အကြီးပိုင်း စစ်အရာရှိ အတော်များများ အနားယူလိမ့်မည်ဟု ခန့်မှန်းကြသည်။

ထိုင်းနိုင်ငံအခြေစိုက် စစ်အစိုးရ၏ အတိုက်အခံအင်အားစုများနှင့် မြန်မာစစ်အစိုးရ အသိုင်းအဝန်းနှင့် နီးစပ် သော စစ်ဘက် ကျွမ်းကျင်သူတို့က စစ်ဆင်ရေးအထူးအဖွဲ့မှူး (BSO) ၄ ဦးကိုပါ အနားယူရန် ညွှန်ကြားထား သည်ဟု ပြောကြသည်။ လက်ရှိတွင် မြန်မာပြည်၌ ထိပ်ပိုင်း နအဖ ခေါင်းဆောင်အဖွဲ့ဝင် အဖြစ် စစ်ဆင်ရေး အထူးအဖွဲ့မှူး ၅ ဦးရှိသည်။

စစ်ဆင်ရေးအထူးအဖွဲ့ ၄ ဖွဲ့ကို ၂၀၀၁ ခုနှစ် နိုဝင်ဘာလမှစတင် ဖွဲ့စည်းကာ စစ်ဒေသ ၁၃ ခုကို အထူး ကြပ် မတ်ခဲ့သည်။ စစ်ဆင်ရေး အထူးအဖွဲ့ ၅ ကိုမူ ၂၀၀၆ ခုနှစ်မှ စတင်၍ ဗိုလ်ချုပ်မှူးကြီး သန်းရွှေ၏ ကြီးကြပ်မှု အောက်တွင် ရန်ကုန် စစ်ဒေသအတွက် ဒု ဗိုလ်ချုပ်ကြီး မြင့်ဆွေက အဖွဲ့မှူးအဖြစ် ဦးဆုံး ဆောင်ရွက်ကြောင်း ကြားသိရသည်။

ဇွန်လ ၂၁ ရက်နေ့ထုတ် စစ်အစိုးရပိုင် သတင်းစာများတွင် စစ်တပ်ထိပ်ပိုင်းခေါင်းဆောင်တချို့ အပါအဝင် ဝန်ကြီးအဖွဲ့ဝင် တချို့ ရာထူးအပြောင်းအလဲ ပြုလုပ်ကြောင်း သတင်းများ ပါလာခဲ့ပြီးသည့်နောက် ယခုကဲ့သို့ သော စစ်အစိုးရ ထိပ်ပိုင်း ခေါင်းဆောင်များ ရာထူးမှနုတ်ထွက်မည်ဟူသည့် ကောလာဟလသတင်းများ ဆက်တိုက် ထွက်ပေါ်ခဲ့ခြင်းဖြစ်သည်။

လေ့လာသူတို့ကမူ ယခုကဲ့သို့ ရာထူးအပြောင်းအလဲများ ပြုလုပ်ခြင်းမှာ ဗိုလ်ချုပ်မှူးကြီး သန်းရွှေအနေနှင့် ငယ်ရွယ်နုပျိုသော စစ်ဗိုလ်ချုပ်များကို အစားထိုးလဲလှယ်ကာ ၎င်း၏ စစ်တပ်ကို အသွင်ပြောင်းလို၍ ဖြစ်နိုင် ကြောင်း သုံးသပ်ကြသည်။ ဒု ဗိုလ်ချုပ်ကြီး မြင့်ဆွေမှလွဲ၍ ကျန် စစ်ဆင်ရေးအထူးအဖွဲ့မှူး ၄ ဦးမှာ အငြိမ်းစား ယူရမည့် အသက်အရွယ်ကို နီးကပ်နေကြပြီး တချို့မှာ အသည်းအသန် မမာမကျန်းဖြစ်နေသည်ဟု ကြားသိ ရသည့်အတွက် ၎င်းတို့ ၄ ဦးကို အငြိမ်းစားပေးမည်ဟု ခန့်မှန်းခြင်းဖြစ်သည်။

မည်သို့ပင် ဆိုစေကာမူ ဗိုလ်ချုပ်မှူးကြီး သန်းရွှေ အနေနှင့် ရာထူးမှ နုတ်ထွက်ကာ ၎င်းနေရာကို ဗိုလ်ချုပ်ကြီး သူရရွှေမန်း အား ခန့်အပ်မည်ဟူသောကောလာဟလမှာ ရန်ကုန် သတင်းအသိုင်းအဝန်းနှင့် ထိုင်းနိုင်ငံ အခြေ စိုက် အတိုက်အခံ အင်အားစုများကြားတွင် ပျံ့နှံ့လျှက်ရှိသည်။ ထို့ပြင် ဒုတိယဗိုလ်ချုပ်မှူးကြီး မောင်အေး နေရာကို ဒု ဗိုလ်ချုပ်ကြီး မြင့်ဆွေက ဆက်ခံမည်ဟူသည့် သတင်းထွက်ပေါ်လျှက်ရှိသည်။

တချို့သော စစ်ရေးကျွမ်းကျင်သည့် လေ့လာသူတို့ကမူ ဗိုလ်ချုပ်မှူးကြီး သန်းရွှေအနေနှင့် ရာထူးမှ အနား ယူမည်မဟုတ်ဘဲ စစ်ကောင်စီတရပ်ကို ဖွဲ့စည်းကာ ဆက်လက်၍ အာဏာကို ဆုပ်ကိုင် သွားလိမ့်မည် ဟု သုံးသပ်ကြသည်။

အထက်ပါကောလာဟလများကို အသေးစိတ်အတည်မပြုနိုင်သေးသော်လည်း လက်ရှိအနေအထားအရ နေပြည်တော်တွင် စစ်ဗိုလ်ချုပ်ကြီးများ၏ လေးလပတ်မျက်နှာစုံညီ အစည်းအဝေးနောက်ပိုင်း ထွက်ပေါ်လာ ခြင်း ဖြစ်ကြောင်း ပြည်တွင်း သတင်း အသိုင်းအဝန်းမှ ကြားသိရသည်။

ကျပ်သိန်း ၁ဝဝဝ တန် အောင်ဘာလေထီ ဆုအသစ် ဖွင့်လှစ်ရန် စစ်အစိုးရကြံ
မဇ္ဈိမသတင်းဌာန
တနင်္လာနေ့၊ ဇွန်လ 23 2008 14:43 - မြန်မာစံတော်ချိန်
နယူးဒေလီ။ ။ အမြင့်ဆုံး ဆုငွေ ကျပ် သိန်း ၁ဝဝဝ အထိပေးမည့် အောင်ဘာလေထီ ပုံစံသစ်တခုကို သြဂုတ်လအတွင်း ဖွင့်လှစ်သွားရန် ရှိကြောင်း ထီရုံးအရာရှိတဦး အပြောအရ သိရသည်။

“၂ဝဝ၇-၂ဝဝ၈ ဘဏ္ဍာရေး နှစ်ကုန်ပိုင်းကတည်းက စီမံကိန်း ချထားပြီးသား။ ဒါပေမဲ့ လျှို့ဝှက်ချက် အနေနဲ့ပဲ ရှိနေသေးတယ်” ဟု နိုင်ငံပိုင် အောင်ဘာလေထီရုံးမှ အမည်မဖော်လိုသူ အရာရှိတဦးက ပြောသည်။

ထီဆုသစ် သတင်းက ဆယ်စုနှစ်နှင့်ချီ မြန်မာနိုင်ငံတွင် ဖြစ်ပွားနေခဲ့သော ကုန်ဈေးနှုန်း ကြီးမြင့်မှုနှင့် ငွေကြေး ဖောင်းပွမှုကို ဆက်လက် တွန်းအားပေးနေဖွယ် ရှိနေသည်။

ဆုမဲ အစီအစဉ်သစ်သည် လက်ရှိ ရောင်းချနေသော ထီလက်မှတ် တစောင်လျှင် ကျပ် ၁ဝဝ ဈေးနှုန်းကိုမူ တိုးမြှင့်မသွားဘဲ လက်မှတ် အရေအတွက်သာ ပိုမိုလာမည်ဟု အရာရှိက ပြောသည်။

အစိုးရအနေဖြင့် အခွန်တော် များများလိုသဖြင့် ထီလက်မှတ် အရေအတွက် ပိုမို ထုတ်ရောင်းရခြင်း ဖြစ်သည်ဟု သူက ပြောသည်။

ထီစီမံကိန်းအသစ် ဖွင့်လှစ်ပြီးနောက် ထီပေါက်သူများကို အပိုဆုငွေပေးကာ ထီလက်မှတ် အရောင်းအဝယ် လုပ်နေသည့် ထီပွဲစားများကို အရေးယူ နှိမ်နင်းသွားဖွယ် ရှိသည်ဟု ရန်ကုန်အခြေစိုက် ထီပွဲစားတဦးက ပြောသည်။

တရားမဝင် နှစ်လုံးထီ၊ သုံးလုံးထီ (ချဲထီ) လောင်းကစားခြင်းများ ရေပန်းစားလွန်းနေသော နိုင်ငံတွင် ထီဆု အစီအစဉ်သစ်က နောက်ထပ် ဝန်ထုပ်ဝန်ပိုးတခု ဖြစ်လာနိုင်သည်။

ဖားကန့်တွင် ရေကြီး
ဖနိဒါ
တနင်္လာနေ့၊ ဇွန်လ 23 2008 19:03 - မြန်မာစံတော်ချိန်
ချင်းမိုင်။ ။ နာမည်ကျော် ကျောက်စိမ်းထွက်ရှိရာ ကချင်ပြည်နယ် ဖားကန့်မြို့နယ် ရပ်ကွက်အချို့တွင် ရေလွှမ်းမိုးမှု ဖြစ်ပေါ်နေသည်။

ယခုလ ၁၉ ရက်နေ့မှ ၂၂ ရက်နေ့အထိ မိုးများစွာ ရွာသွန်းသဖြင့် ဖားကန့်မြို့ပေါ်ရှိ ဖားကန့်၊ အေးမြသာယာ၊ ငှက်ပျောတော၊ ဆိုင်းတောင်၊ လုံးခင်း၊ မြို့မ ရေတက်လာခြင်း ဖြစ်သည်။

“ရေက တော်တော်ကို ကြီးတာ။ ဖားကန့်မှာ ပထမဦးဆုံး စ ရေကြီးတယ်ဆိုပေမယ့် မနှစ်တုန်းကထက် တအားလွန်သွားတဲ့ အခြေအနေ ဖြစ်သွားတာပေါ့။ မနှစ်တုန်းက စံချိန်ထက်ဆိုရင် ၇ ခေါက် ၈ ခေါက်လောက် ရေကြီးပြီးမှ ဒီအဆင့်ကို ရောက်တယ်လေ။ အခုဟာက ပထမဆုံး စကြီးတဲ့ ရေကိုက ဒီအဆင့် ရောက်တာ” ဟု ဖားကန့်မြို့ ငှက်ပျောတော ရပ်ကွက်နေ ဒေသခံတဦးက ပြောသည်။

ဥရုချောင်းသည် မြောက်ဘက် အိန္ဒိယ-မြန်မာနယ်စပ်ရှိ ကျောကန် တောင်တန်းဒေသမှ အစပြုကာ အနောက်မြောက်မှ တောင်ဘက်သို့ စီးဆင်းကာ ချင်းတွင်းမြစ်ထဲသို့ စီးဝင်သွားသည်။

ယခုရက်ပိုင်းအတွင်း ဆိုင်းတောင်မြို့မှ ဖားကန့်မြို့သို့ စက်လှေနှင့် သွားရာ စက်လှေမှောက်သဖြင့် ကျောက်ကုန်သည်တဦး သေဆုံးကာ လူတဦး ပျောက်ဆုံးနေသည်။

နှစ်စဉ်လိုပင် ရေကြီးမှုသည် ဇူလိုင်တွင် စဖြစ်တတ်ပြီး လက်ရှိ ရေတက်နှုန်းသည် သြဂုတ်နှင့် စက်တင်ဘာ၌ ဖြစ်ပေါ်လေ့ ရှိသော်လည်း ယခုနှစ်တွင် စောစွာ ရေတက်လာခြင်း ဖြစ်သည်။

“နှစ်တိုင်းလုပ်နေတဲ့ ကျောက်တွင်း မြေဇာတွေကို ဥရုမြစ်ထဲ ပုံတော့ မြစ်က ကျဉ်းသွားတာပေါ့။ တရက်နှစ်ရက်ကြီးပြီး ပြန်ကျသွားတယ်လေ” ဟု ဖားကန့်မြို့ရှိ အေးမြသာယာ ရပ်ကွက်မှ ဒေသခံတဦးက ပြောသည်။

ဖားကန့်တွင် နှစ်စဉ် ရေလွှမ်းမိုးမှု ဖြစ်ခြင်းမှာ ၁၉၉၄ ခုနှစ်အတွင်းက ဝင်ရောက်လာသည့် ကျောက်တူး ကုမ္ပဏီများက မြေဇာများကို ဥရုချောင်းထဲ စွန့်ပစ်သဖြင့် ရေသွားလမ်း ပိတ်ဆို့ရာမှ ဘေးသို့ စီးဆင်းလာခြင်း ဖြစ်သည်ဟု ကချင် သဘာဝပတ်ဝန်းကျင် ထိန်းသိမ်းရေး အဖွဲ့များက ပြောသည်။

“ဥရုချောင်းရဲ့ အောက်မှာ ကျောက်တွေ ရှိတယ်။ မြေဇာတွေနဲ့ မူလရေကြောင်းကို ပိတ်လိုက်မယ်၊ ရေစီးကြောင်းက လွဲသွားတယ်။ ဒါကြောင့် ဆိုင်းတောင်မြို့ဘက် မိုးရာသီ ရေကြီးတာ ဖြစ်တယ်။ ကုမ္ပဏီတွေ များလာလို့လည်း ဟုတ်တာပေါ့နော်။ သူတို့က လွတ်တဲ့နေရာတွေ ချောက်တွေမှာ မြေဇာတွေ ပုံလိုက်တယ်၊ ရေသွားလမ်းက တဖြည်းဖြည်းနဲ့ လွဲပြီး မိုးရာသီဆိုရင် ရေလွှမ်းတာတို့ ဖြစ်လာတာပေါ့လေ” ဟု ထိုင်းနိုင်ငံအခြေစိုက် ကချင်အမျိုးသား ဖွံ့ဖြိုးတိုးတက်ရေးအဖွဲ့ လက်အောက်ခံ သဘာဝ ပတ်ဝန်းကျင် ထိန်းသိမ်းရေးဌာနခွဲမှ တာဝန်ခံ အမျိုးသမီး Ban Yong က မဇ္ဈိမကို ပြောသည်။
ယခုအခါ ဖားကန့်မြို့ပေါ် ဥရုချောင်း ပတ်ဝန်းကျင်တွင် အနည်းဆုံး ကုမ္ပဏီ ၆ဝ ခန့် ရှိသည်။


မုန်တိုင်းသင့် လယ်ယာမြေအချို့ သစ်တောကြိုးဝိုင်းထဲ ရောက်သွားမည်
မြင့်မောင်
တနင်္လာနေ့၊ ဇွန်လ 23 2008 20:08 - မြန်မာစံတော်ချိန်
နယူးဒေလီ။ ။ ဧရာဝတီတိုင်း ဘိုကလေးမြို့နယ် ကတုန်းကနီ ကျေးရွာအုပ်စုအတွင်းရှိ လယ်ယာမြေဧက နှစ်သောင်းခွဲခန့်သည် တိုးချဲ့ သစ်တောကြိုးဝိုင်းအတွင်း ဝင်ရောက်သွားတော့မည် ဖြစ်သည်။
ယခုလ ၁၅ ရက် နေ့စွဲဖြင့် ထွက်ပေါ်လာသည့် ဧရာဝတီတိုင်း သစ်တောဦးစီးဌာန လမ်းညွှန်ချက်ဖြင့် ဘိုကလေးမြို့နယ် သစ်တောဦးစီးဌာန ဦးစီးမှူး ဦးကံထွန်းက ၁၇ ရက်နေ့တွင် ထပ်ဆင့်ထုတ်ပြန်သည့် ကြေညာချက်တွင် ဖော်ပြပါ စာရင်းအင်းအရ မုန်တိုင်းသင့် မြေဧက ၂ သောင်းခွဲ ကျော်သည် သစ်တောကြိုးဝိုင်းအတွင်း ဝင်ရောက်သွားမည်ဟု ဒေသခံများက ပြောဆိုခြင်း ဖြစ်သည်။

“ကြေညာတဲ့ အတိုင်းဆိုရင် မြေဧက ၂ သောင်းခွဲကျော် ထိန်းသိမ်းလာနိုင်တယ်” ဟု ဘိုကလေး မြို့ခံတဦးက မဇ္ဈိမကို ပြောသည်။

သစ်တောမြေဧရိယာ ၃၃၃၄ဝ ရှိပြီး မြေဧက တိုးချဲ့လိုက်ပါက ဧကပေါင်း ၅၈၄၄၃ အထိ ရောက်ရှိလာမည်။

သစ်တောကြိုးဝိုင်းအတွင်း ပါဝင်သွားမည့် လယ်ယာများကို ပိုင်ဆိုင်သည့် လယ်သမားများ ပြောင်းရွှေ့ရမည်ကို တိုင်း သစ်တောဦးစီးဌာန ညွှန်ကြားရေးမှူးက ဧရာဝတီတိုင်းရှိ ပုသိမ်၊ မြောင်းမြ၊ ဘိုကလေး အစရှိသည့် မြို့များမှ ဌာနဆိုင်ရာများအပြင် ဘိုကလေးမြို့နယ် ကတုန်းကနီ ကျေးရွာအုပ်စုအတွင်းရှိ ကျင်ချောင်းနှင့် ကျွန်းသာယာကျေးရွာ ရယက ဥက္ကဋ္ဌ များထံ အမိန့်စာမိတ္တူ ပေးပို့ထားပြီး ဖြစ်သည်။

ဧရာဝတီတိုင်းရှိ မုန်တိုင်းထိ လယ်သမားများ အနေဖြင့် မကြာခင် မြေယာလက်မဲ့ဘဝ ကျရောက်မည့် အခြေအနေသို့ သက်ရောက်နေကြာင်း ဘိုကလေး မြို့ခံများက ပြောဆိုသော်လည်း လယ်သမား အရေအတွက် မည်ရွေ့မည်မျှ ပါရှိသွားမည်ကို အသေးစိတ် မသိရပေ။

ဘိုကလေး ဒေသခံတဦးက “တချို့ လယ်သမားတွေက ထွန်ယက် စိုက်ပျိုးနေတာ ရှိသလို၊ တချို့ကလည်း စက်ပစ္စည်းတွေ မစုံသေးတဲ့ အတွက် ကြောင့်လည်း မလုပ်နိုင်သေးတဲ့ လူတွေလည်း ရှိသေးတယ်” ဟု ပြောသည်။

သူက ဆက်ပြီး “သစ်တော အာဏာပိုင်တွေဘက်က အတင်းအဓမ္မ လုပ်လာမယ်ဆိုရင် မူလတုန်းက ဒီမြေတွေကို ကုန်သွယ်လ ယ်ယာဆီက ဝယ်ခဲ့ဖူးတယ်ဆိုတဲ့ အထောက်အထား စာရွက်စာတမ်းတွေ၊ ဒီလယ်ယာမြေတွေဟာ အရင်ကတည်းက စာရင်းပေါက်ဖြစ်တယ်ဆိုတဲ့ အထောက်အထားတွေ၊ သစ်တောနဲ့လည်း အပြန်အလှန် သဘောတူညီမှု ရှိတယ်ဆိုတဲ့ အထောက်အထားတွေကို စုပြီးတော့ အသနားခံစာ တင်မယ်” ဟု ပြောသည်။


ကိုရီးယား သတင်းထောက်ကို မြန်မာအာဏာပိုင်များ နှင်ထုတ်
ဇာနည်
တနင်္လာနေ့၊ ဇွန်လ 23 2008 21:04 - မြန်မာစံတော်ချိန်
ဘန်ကောက်။ ။ ရန်ကုန်ရှိ အမျိုးသား ဒီမိုကရေစီ အဖွဲ့ချုပ်ရုံးသို့ သွားရောက်ခဲ့သဖြင့် ကိုရီးယားလူမျိုး သတင်းထောက်တဦးကို အာဏာပိုင် များက ယမန်နေ့က ပြန်လည် နှင်ထုတ်လိုက်သည်။

အလွတ် သတင်းထောက် မစ္စ လီယူဂျွန်း (Ms. Lee Yu Kyung) သည် ဇွန်လ ၁၈ ရက်နှင့် ၁၉ ရက်နေ့များက အန်အယ်ဒီ ရုံးချုပ်သို့ သွားရောက် ခဲ့ခြင်းကြောင့် အာဏာပိုင်များက သူတည်းခိုနေရာ ၃၂ လမ်းရှိ အိုကီနာဝါ ဧည့်ရိပ်သာမှ တင်္နဂနွေ နံနက်ပိုင်းတွင် လာရောက် စစ်ဆေးပြီး ထိုင်းနိုင်ငံသို့ လေယာဉ်ဖြင့် တင်ပို့လိုက်ခြင်း ဖြစ်သည်။

လီယူဂျွန်းသည် ဇွန်လ ၁၆ ရက်နေ့က မြန်မာနိုင်ငံသို့ ၀င်ရောက်ခဲ့ပြီး ရန်ကုန်မြို့ ကျောက်တံတားမြို့နယ် ၃၂ လမ်းရှိ အိုကီနာဝါ တည်းခိုခန်းတွင် တည်းခိုနေခဲ့သည်။

"မနက် ၇ နာရီမှာ လူ ၅ ယောက် ရောက်လာတယ်။ ပြီးတော့ ဇွန် ၁၈ နဲ့ ၁၉ မှာ ဘယ်ကို သွားခဲ့လဲလို့ မေးတယ်။ တိုးရစ် ဗီဇာနဲ့ လာတဲ့အတွက် အဲဒီကို မသွားသင့်ဘူး။ ဒါ တရားမ၀င်ဘူးလို့ ပြောတယ်" ဟု မစ္စလီက မဇ္ဈိမကို ပြောပြသည်။

"ကျမက ကိုးရီးယား သံရုံးကို ဖုန်းခေါ်မယ်ပြောတော့ သူက မရဘူး၊ အခု ချက်ချင်း ဒီက ပြန်ရမယ်ဆိုပြီး ပြောတယ်။ တယောက်က မနက် ၁၀ နာရီ ထွက်တဲ့ ထိုင်းအဲယားဝေးနဲ့ ပြန်ဖို့ ဖုန်းဆက် စီစဉ်နေတယ်" ဟု သူက ပြောသည်။

သို့သော်လည်း မပြန်ခင်တွင် ကိုးရီးယား ကောင်စစ်ဝန်ကို ဆက်သွယ်ခွင့် ရခဲ့သည်။ သူဝယ်ထားသော နာဂစ်မုန်တိုင်း ပုံရိပ်များ ပါသည့် စီဒီ အခွေ ၄ ချပ်ကို သိမ်းဆည်းသွားသော်လည်း သူ၏ လက်တော့ပ် ကွန်ပြူတာနှင့် ကင်မရာကိုမူ စစ်ဆေးခြင်းမပြုဟု သိရသည်။

သူ့ကို လာရောက် ခေါ်ဆောင်ချိန်တွင် အရပ်ဝတ် ရဲသတင်းတပ်ဖွဲ့မှ အရာရှိတဦးနှင့်အတူ ယူနီဖောင်းဝတ် တဦး၊ အခြား အရပ်ဝတ်နှင့် ၃ ဦး ပါဝင်ကာ မည်သည့် အကြောင်းကြောင့် သူ့ကို ပြန်ပို့ရသည်ကို သေချာ ရှင်းမပြပါဟု သူက ဆိုသည်။

"လေဆိပ်ရောက်တော့ လူဝင်မှုကြီးကြပ်ရေး ရုံးခန်းကို သွားရတယ်။ အဲဒီမှာ ကျမ ပတ်စ်ပို့ပေါ်မှာ ကြယ်အကြီးကြီးနဲ့ ပြန်လည် စေလွှတ်ခြင်း ခံရသူ (Deportee) ဆိုတာကို ရိုက်လိုက်တယ်။ နောက် ကျမကို ဘက်ပေါင်းစုံကနေ ဓာတ်ပုံတွေရိုက်ပြီး ကျမ ပြန်ခဲ့ရတာပါပဲ" ဟု မစ္စလီက ပြောသည်။

သူမအနေဖြင့် မုန်တိုင်းဖြစ်ပွားပြီးကာစ မေလအတွင်းကတည်းက မြန်မာနိုင်ငံသို့ ၀င်ရောက်ရန် ကြိုးစားခဲ့ဖူးသည်။ သို့သော် သူ၏ နိုင်ငံကူး လက်မှတ်အဟောင်းတွင် အခြား နိုင်ငံများသို့ သတင်းထောက် ဗီဇာဖြင့် သွားရောက်ခဲ့ခြင်းများ ရှိနေ၍ မြန်မာဗီဇာ မရခဲ့ပါ။ ယခု နိုင်ငံကူး လက်မှတ် အသစ်တွင်မူ အဆိုပါ အထောက်အထားများ မပါရှိသောကြောင့် ခရီးသွား တိုးရစ် ဗီဇာ ရရှိခဲ့ခြင်း ဖြစ်သည်ဟု သူက ဖြည့်စွက်ပြောသည်။

သူသည် ဇွန်လ ၁၆ ရက်နေ့ ကတည်းက မြန်မာပြည်သို့ ရောက်ရှိနေသူ ဖြစ်သည်။ နာဂစ်မုန်တိုင်းဒဏ် သင့်သူများနှင့် ပတ်သက်သည်များကို လေ့လာရန် သွားခြင်းဖြစ်သည်ဟု သူက ပြောသည်။

ဇွန်လ ၁၈ ရက်နေ့က အမျိုးသား ဒီမိုကရေစီ ရုံးချုပ်သို့ သွားရောက်ခဲ့ပြီး မုန်တိုင်းနှင့် ပတ်သက်သည်များကို မေးမြန်း စုံစမ်းခဲ့သည်။ ဇွန် ၁၉ ရက်နေ့တွင် ဒေါ်အောင်ဆန်းစုကြည် မွေးနေ့ အခမ်းအနားသို့ တက်ရောက်ခဲ့ပြီး အဖွဲ့ဝင်များကို ဖမ်းဆီးခြင်းများကိုလည်း တွေ့ခဲ့ရသည် ဟု သူက ပြောသည်။

"ကျမက အဲဒီမှာ ဓာတ်ပုံ ထွက်ရိုက်တော့ အဲဒီမှာ သူတို့ ကျမကို သတိထားမိသွားတယ် ထင်ပါတယ်" ဟု သူက ပြောသည်။

မြန်မာ အာဏာပိုင်များသည် သတင်း လွတ်လပ်ခွင့်နှင့် နိုင်ငံတကာမှ သတင်းထောက်များ ၀င်ရောက်ခြင်းကို ကန့်သတ်လျက်ရှိရာ နာဂစ်မုန်တိုင်းအပြီး နိုင်ငံတကာမှ သတင်းထောက်များကို ပြန်လည် နှင်ထုတ်ခြင်းမှာ ယခု အကြိမ်သည် ဒုတိယအကြိမ် ဖြစ်သည်။

ပြီးခဲ့သည့် မေလ အတွင်းကလည်း ဘီဘီစီမှ သတင်းထောက်တဦးကို ရန်ကုန် အပြည်ပြည်ဆိုင်ရာ လေဆိပ်မှပင် ပြန်လည် နှင်ထုတ်ခဲ့ သေးသည်။


ရုပ်ရှင်နယ် မူးယစ်ကိစ္စ ဂျာနယ်နှင့် အငြင်းပွား
နန်းဒေဝီ
တနင်္လာနေ့၊ ဇွန်လ 23 2008 21:15 - မြန်မာစံတော်ချိန်
နယူးဒေလီ။ ။ မူးယစ်ဆေးဝါး သုံးစွဲမှုဖြင့် ရုပ်ရှင် အနုပညာရှင် အများအပြားကို အာဏာပိုင်များက ခေါ်ယူ စစ်ဆေးမှုပြုအပြီး နောက်ဆက် တွဲ ပြဿနာကတော့ ဂျာနယ်တစောင်နှင့် အနုပညာရှင်အချို့ အငြင်းပွားမှု ဖြစ်သည်။

ယနေ့ထုတ် First Music ဂျာနယ်က ရုပ်ရှင်နယ်ပယ်မှ အကျော်အမော် အချို့၏ ပုံများ ဖော်ပြခဲ့ပြီး မူးယစ်ဆေးဝါး သုံးစွဲခြင်း၏ ဆိုးကျိုးများ ကြောင့် သုံးစွဲခြင်းမပြုရန် ရေးသားခဲ့ခြင်းအပေါ် တောင်းပန်စာ ထည့်သွင်း ဖော်ပြခဲ့ရသည်။

“အနုပညာရှင်များအား တောင်းပန်ခြင်း” ခေါင်းစီးဖြင့် “သက်ဆိုင်ရာ ကာယံရှင်များအား ထင်ယောင်ထင်မှား ဖြစ်စေခြင်း၊ ဂုဏ်သိက္ခာကို ထိပါးရာ ရောက်ခြင်းတို့ ရှိခဲ့ပါက ကာယကံရှင် အနုပညာရှင်များနှင့် တကွ အနုပညာရှင်များ၏ ပရိသတ်များကို First Music Journal မှ အနူးအညွတ် တောင်းပန်အပ်ပါသည်” ဟု ပါရှိသည်။

ယခင် အပတ်ထုတ် First Music ဂျာနယ်တွင် ရုပ်ရှင်ဒါရိုက်တာ မောင်မျိုးမင်း (ရင်တွင်းဖြစ်)၊ မင်းသား ဖိုးကျော်၊ မင်းသမီး စိုးမြတ်သူဇာ၊ နန္ဒာလှိုင်၊ နဝရတ်၊ ဂန္ထဝင်နှင့် အဆိုတော် ဖြိုးကြီးတို့၏ ဓာတ်ပုံများ ဖော်ပြခဲ့ပြီး စာသားတွင်မူ “မူးယစ်ဆေးဝါး သုံးစွဲခြင်းဖြင့် အနုပညာရှင်များ၏ အောင်မြင်မှုနှင့် ဘဝခရီးအား ကြီးမားသော ဆုံးရှုံးမှု ဖြစ်စေနိုင်” ဟု ရေးသားခဲ့သည်။

အမှန်တကယ်က နဝရတ်၊ နန္ဒာလှိုင်တို့ အပါအဝင် အနုပညာသည် ၂ ဒါဇင်ခန့်ကိုပင် မက်တာဖီတမင်း မူးယစ်ဆေးပြား သုံးစွဲမှုဖြင့် ရဲက သံသယရှိကာ ခေါ်စစ်ခံခဲ့ရသူများ ဖြစ်သည်ဟု မဇ္ဈိမက စုံစမ်း သိရှိရသည်။

သို့သော်လည်း ပြန်ကြားရေးဝန်ကြီး ဗိုလ်မှူးချုပ် ကျော်ဆန်း၏ မေတ္တာရပ်ခံချက်ဖြင့် ပြန်လွတ်ပေးခဲ့ခြင်း ဖြစ်သည်ဟုလည်း ထပ်မံ သိရှိခဲ့ရသည်။

“ဂျာနယ်က အဲဒီလို တောင်းပန်စာ ရေးရတာကလည်း အာဏာပိုင်တွေဘက်က ဖိအားပေးလို့ အခုလို ရေးလိုက်ရတာ” ဟု ရန်ကုန် စာပေ အသိုင်းအဝိုင်းမှ အယ်ဒီတာတဦးက ပြောသည်။

ပြည်ထဲရေး ဝန်ကြီးဌာန၏ ခေါ်ယူ စစ်ဆေးခံရသူများတွင် မကြာခင်ကမှ ရာထူးမှ အနားယူသွားပြီ ဖြစ်သည့် ဒုတိယ ဗိုလ်ချုပ်ကြီးရဲမြင့်၏သား အောင်ဇော်ရဲမြင့်၊ လူငယ်စီးပွားရေး လုပ်ငန်းရှင်ကြီး မောင်ဝိတ်တို့လည်း ပါဝင်ခဲ့သည်။

နာမည်ကျော် မင်းသမီး မင်းသားများ ပါဝင်မှုက လူအများ စိတ်ဝင်တစား ဖြစ်စေပြီး အမှုနှင့် ပတ်သက်သော ကောလာဟလများ ရေပမ်းစား နေခဲသည်။ သို့သော် စစ်အစိုးရက တရားဝင် သတင်း ထုတ်ပြန်ပေးခြင်း မရှိဘဲ သတင်းမီဒီယာများက ရေးသား ဖော်ပြခွင့်ကိုလည်း ပိတ်ပင် ခဲ့သည်။

အထိတ်တလန့် ကောလာဟလ သတင်း
မောင်စွမ်းရည်
မကြာသေးခင်က ကောလာဟလသတင်းတပုဒ် ပေါ်ထွက်လာပါတယ်။ ဒီသတင်းဟာ စာနယ်ဇင်း တွေမှာသာမက အင်တာနက်စာမျက်နှာတွေပေါ်ကိုလည်း တက်ရောက်လာခဲ့ပါတယ်။ “ငလျင်ကြီး တခု လှုပ်လိမ့်ဦးမယ်” ဆိုတဲ့ သတင်းပါ။

ဗမာပြည်မှာ နာဂစ်အမည်ရှိတဲ့ သမိုင်းမှာ မကြုံစဖူး ထူးကဲပြင်းထန်တဲ့ လေမုန်တိုင်းကြီးတခု ၂၀၀၈ မေ (၂) ရက် (၃) ရက်က တိုက်ခတ်သွားခဲ့ပြီးပြီ။ လူတွေ အသေအပျောက်များလွန်းလှတဲ့အပြင် မြန်မြန်ဆန်ဆန် စနစ်တကျ အရေးယူ မဆောင်ရွက်နိုင်လို့ မုန်တိုင်းလွန်ကာလရဲ့ (၁) လ (၂) လ ရောက်လာတာတောင် သေသူရော ပျောက်သူရော စာရင်းကောက်လို့ မဆုံးနိုင်သေးပါဘူး။ ကိုယ့်မိသားစု အလောင်းကိုတောင် ကိုယ်တိုင်လည်း အသေအချာ ရှာခွင့်မရကြ၊ ဘယ်သူကမှလည်း အသေအချော ရှာမပေးသေးပါဘူးတဲ့။

နာဂစ်ကလည်း မကြုံစဖူး ထူးကဲပြင်းထန်တဲ့ မုန်တိုင်း။ အစိုးရကလည်း မကြားစဖူး ထူးကဲ ရက်စက် တဲ့ အစိုးရဆိုတော့ အဆိုးကြီး နှစ်ခုပေါင်းပြီး မြန်မာကို ကမ္ဘာက သိသွားခဲ့ကြပါပြီ။ မုန်တိုင်းဒဏ် ခံကြရတဲ့ ဆင်းရဲသား ပြည်သူတွေမှာ စားဝတ်နေရေး ပျက်စီးသွားပြီး ခရုဆန်ကျွတ် ဘ၀မှာ အသက်ရှူမှားလောက်အောင် အထိတ်တလန့် ကြုံခဲ့ရတဲ့အပြင် အရှိန်မသေသေးတဲ့ စစ်ဗိုလ် ချုပ်ကြီးများရဲ့ ကိုယ်စားလှယ်တွေဖြစ်ခဲ့တဲ့ စစ်သားတွေနဲ့ ကြံ့ဖွတ်၊ ကျွဲဖွတ်၊ ဆင်ဖွတ်တွေက ရေနစ်ရာ ၀ါးကူနှစ်သလို လုပ်နေကြလို့ မျက်ကလဲဆန်ပြာ ဖြစ်နေကြရရှာပါတယ်။ ဘယ်သူတွေ ဘယ်တော့လာပြီး စားဝတ်နေရေး ကူညီမလဲဆိုတာအထိ မတွေးတတ် မတွေးရဲကြရှာဘဲ ဒင်းတို့တတွေ သေနတ်တကားကားနဲ့ ဘယ်တော့ ဘယ်လို ပေါ်တာလာဆွဲမလဲ။ ဘယ်ကို ဘယ်လို ရွှေ့ပြောင်းခံရမလဲ၊ ငါတို့ဆီကို ကူညီဖို့ လာသူတွေကို လမ်းမှာ ဖမ်းလား ဆီးလား ရိုက်လား နှက်လား လုပ်နေကြသလားဆိုတာတွေကို အထိတ်တလန့်နဲ့ တွေးပူနေကြရရှာပါတယ်။ ပြည်သူတွေမှာ “ကြောက်ရောဂါ” စွဲနေပြီး ကျောက်ခေတ် (ကြောက်ခေတ်) က မတက်နိုင်ကြဘဲ နုံဖျင်း သိမ်ငယ်နေကြရှာပါပြီ။

ခုလို နည်းပညာတွေ တိုးတက်နေတဲ့ ခေတ်ကြီးမှာ ဗမာပြည်သူတွေက ကြီးနိုင်ငယ်ညှဉ်း တောကြီးတွင်း ၀ါဒအတိုင်း ရိုင်းစိုင်းပြီး ခေတ်နောက်ကျ ကျန်ရစ်နေပါပြီ။ မုန်တိုင်းနဲ့ မိုးလေ
ဝသတို့လို ငလျင်လှုပ်တာနဲ့ ရေကြီးရေလျှံတာလို ကိစ္စတွေဟာ သဘာဝတရားတွေ ဖြစ်ကြပြီး သိပ္ပံပညာနဲ့ ကြိုတင် တွက်ဆလို့ ရနေပါပြီ။ မိုးလေ၀သဌာနဆိုတာမျိုးဟာ နိုင်ငံတကာ နေရာ တကာမှာ ရှိနေပါပြီ။ ကိုယ့်နိုင်ငံမှာ ခေတ်မီကိရိယာတွေ မပြည့်စုံတောင်မှ နိုင်ငံကြီးတွေက အမြဲတမ်း သတင်းဝေငှ ကြေညာပေးနေတာပါ။ ဒီသတင်းတွေ ရယူပြီး ပြည်သူတွေကို အမြန် ကြိုတင်သတင်းပေးဖို့ ပျက်ကွက်တာဟာ ပြည်သူ့အစိုးရမဟုတ်တဲ့ လက္ခဏာကို အထင်အရှား ပြနေခြင်းပါပဲ။

ပြည်သူတွေခမျာမှာ ဒီလို အရေးကိစ္စတွေ ကြုံလာရင် အစိုးရက ကြိုတင်သတင်းပေးပြီး ကာကွယ်ခြင်း၊ ရွှေ့ပြောင်းခြင်း လုပ်ပေးရတယ်ဆိုတာဟာ အုပ်ချုပ်သူတွေရဲ့ ၀တ္တရားဆိုတဲ့ အချက်ကိုတောင် မသိကြရှာပါဘူး။ စစ်အစိုးရလို အစိုးရမျိုးကလည်း ပြည်သူတွေကို ကူညီဖေးမဖူးတာ မရှိလေတော့ ပြည်သူတွေကလည်း ဒင်းတို့ အကူအညီကို မျှော်လင့်အားထား တာမျိုး မရှိဘူးပေါ့။ အစိုးရရဲ့ စစ်သားတွေကလည်း ပြည်သူတွေကို ဖိနှိပ် သတ်ဖြတ်ဖို့သာ သင်တန်းတက်ခဲ့ရပြီး ကယ်ဆယ်စောင့်ရှောက်ရေး သင်တန်းတွေကို မတက်ခဲ့ရဖူးဘူးလေ။ “တပ်မတော်သည် ပြည်သူတို့၏ အသက်အိုးအိမ် စည်းစိမ်ကို ကာကွယ်စောင့်ရှောက်သည်” ဆိုတဲ့ ဆောင်ပုဒ်တော့ ရှိပါရဲ့၊ အဲဒီ ဆောင်ပုဒ် စာတမ်းကို အရာရှိရိပ်သာမှာပဲ ထားရှိပြီး လူမြင်သူမြင် ထားလေ့မရှိပါဘူး။ လမ်းမမှာ ဒီလို စာတမ်းမျိုးတွေ ထုတ်ချိတ်ရင် ရှက်စရာလို့များ ထင်နေကြ ပြီလားမသိ။

ပြည်သူတွေဟာ ပြည်သူအချင်းချင်း ကူညီရေးကိုပဲ မျှော်လင့်ကြရှာပါတယ်။ အစိုးရမှာ ကူညီဖို့
ဝတ္တရားရှိတာကို မသိကြရှာတဲ့အပြင် နိုင်ငံတကာ ပြည်သူတွေကလည်း လူသားချင်းစာနာပြီး ကူညီကြလိမ့်မယ်ဆိုတာမျိုးကိုလည်း မမျှော်တတ် မမျှော်ရဲကြရှာပါဘူး။ ကိုယ့်ဘေးနားမှာရှိတဲ့ “ရေပုတ်သောက် ဖားကောက်စား” “ ပေါင်းပင်နုတ် ဆန်ပြုတ်စား” နေရတဲ့ ဘ၀နဲ့ မိုးထဲ လေထဲမှာ မုန်တိုင်းကျတာကို အုန်းလက်ကာပြီး နေကြရှာပါတယ်။ သူတို့မှာ ရေဒီယိုမရှိ၊ ရုပ်မြင်သံကြားလည်း မရှိ၊ သတင်းစာလည်း မရှိ၊ ရှိတဲ့ သတင်းစာကိုလည်း ၀ယ်မဖတ်နိုင်။ ဖတ်ရတာကလည်း စစ်ယူနီဖောင်း ကြော်ငြာလောက်ပဲ ဆိုတော့ လူပြော သူပြော ကောလာဟလတွေကိုပဲ ဟုတ်နိုးနိုးနဲ့ နားစွင့်နေကြရရှာပါတယ်။

ပုဂံပြည်ကြီး ပျက်ခါနီးတော့ လေပြင်းမုန်တိုင်း ကျသတဲ့။ အဖွားအိုတယောက်ဟာ မုန်တိုင်းထဲမှာ သူ့ဇကော (ဆန်ကော) လွင့်ပါသွားလို့ “င့ါဇကော၊ ငါ့ဇကော”လို့ အော်ရင်း ဟစ်ရင်း သူ့ဇကော နောက်က အပြေးလိုက်သတဲ့” အဲဒါကို ကြားမိလိုက်သူတွေက “င့ါဇကော” ဆိုတာကို စကောလူမျိုး စစ်တပ်ကြီး လာပြီ မှတ်ပြီး “စကောတွေလာကုန်ပြီတဲ့ဟေ့” လို့ အော်ရင်း “အိမ်ကို ဆူးဆို့၊ လင်ကို လက်တို့၊ ခွေးအို့အို့” နဲ့ လုပ်ရင်း ကလေးတွေ လက်ဆွဲပြေးကြသတဲ့။ ဒါနဲ့ ပုဂံပြည်ကြီးလည်း ပျက်ကရောတဲ့။

ကောလာဟလဆိုတာ မသိမိုက်မဲမှုက လာတာများပါတယ်။ တခါတုန်းက ဗမာပြည်မှာ လူတယောက် ခလုတ်တိုက်တဲ့သတင်းက “ဖားပြုတ်ကိုက်တယ်” လို့ နားကြားလွဲပြီး နောက်ဆုံးတော့ “တရုတ်ရိုက်တယ်” လို့ ကောလာဟလတွေ ဖြစ်ပြီးလာရာက တရုတ်-ဗမာ အဓိကရုဏ်းကြီးတခု ဖြစ်ပွားခဲ့ရတယ်ဆိုပဲ။ ဒါလည်း ကောလာဟာလရဲ့ ပုံတိုပတ်စပေါ့လေ။ အထိတ်တလန့် ခေတ်ကြီးမှာ အထိတ်တလန့် ကောလာဟလတွေ ပိုများတယ်။ ဗမာဘုရင် အင်္ဂလိပ်လက်ကို ပါတော်မူစ အခါကဆိုရင် မင်းလောင်းပေါ်တဲ့ ကောလာဟလာတွေ အများကြီးပါပဲ။ မင်းလောင်းရူးလည်းရှိတယ်။ မင်းလောင်းအတုလည်း ရှိတယ်။ ဆင်ခြင်တုံတရား အားနည်းသူတွေ ကြားမှာ ကောလာဟလတွေ ဖန်တီးရတာ ပိုလွယ်တယ်။

ဒီခေတ်ကို “သတင်းခေတ်” လို့ ဂုဏ်ယူပြီး ပြောလေ့ရှိတယ်။ စီးပွားရေး၊ နိုင်ငံရေး၊ ပညာရေး စသည့် ခေတ်မီတိုးတက်အောင် သတင်းမီဒီယာတွေက ကူညီနိုင်တယ်။ စာနယ်ဇင်းတွေက ခေတ်မီတိုးတက်ရေးအတွက် အထူးအရေးပါအရာရောက်ပါတယ်။ ကမ္ဘာ့သတင်းစာလောကမှာ
“အ၀ါရောင် စာနယ်ဇင်းအတတ်” (ရဲလိုး ဂျာနယ်လစ်ဇင်း) ဆိုတာရှိတယ်။ ထိတ်လန့်တကြား သတင်းတွေထုတ်လွှင့်ပြီး ကောလာဟလသတင်းတွေနဲ့ သတင်းစာစောင်ရေ တက်အောင်လုပ်တဲ့ အတတ်ပါပဲ။ (ဗမာ့ခေတ်၊ ကြေးမုံစတဲ့သတင်းစာကြီးတွေမှာ အထိတ်တလန့် သတင်းဖန်တီးပုံကို ကြေးမုံဦးသောင်းက သူရေးတဲ့ ‘ဗမာ့ခေတ်မှ ကြေးမုံသို့’ ဆိုတဲ့စာအုပ်မှာ ရေးထားတာတွေကို ဖတ်ကြည့်နိုင်ပါတယ်။)

လူတွေအတွက်အာရုံထိခိုက်လွယ်တဲ့ သတင်းအမျိုးအစားတွေကတော့ ကာမရာဂ သတင်း၊ လူမျိုးရေး ဘာသာရေးသတင်းမျိုးတွေဖြစ်ပါတယ်။ နှိုးဆွလှုံ့ဆော်ဖို့လွယ်တဲ့ အာရုံတွေပေါ့။ အစိုးရတွေဟာ အကျပ်အတည်းကြုံရင် လူမျိုးရေး အဓိကရုဏ်း၊ ဘာသာရေးအဓိကရုဏ်း
တွေဖန်တီးတတ်ကြတာကို ကျွန်တော်တို့ အထူးသတိထားကြရပါတယ်။ အဲဒါတွေဟာ ‘ဝါတာဖလူး’
အောက်လမ်းသတင်းအတတ်တမျိုးလို့ တချို့ကနာမည်ပေးပြီး နှာခေါင်းရှုံ့ ကြပါတယ်။ ဂျာနယ်
ကျော်၊ လူထု၊ မြန်မာ့အလင်း၊ ရန်ကုန်၊ ဟံသာဝတီ စတဲ့သတင်းစာကြီးတွေဟာ ဒါမျိုးတွေကို ရှောင်
လေ့ရှိပါတယ်။ စစ်ဗိုလ်ခေတ်မှာ သတင်းစာမရှိတော့ပါ။

ကျွန်တော်တို့ ကျောင်းသားဘဝတုန်းက ‘အင်းလျားကန်ထဲမှာ ရေဘဝဲကြီးပေါ်ခြင်း’၊ ‘ပါမောက္ခ ကြီးတဦးက အငြိမ့်မင်းသမီးလေးကို ခိုးပြေးခြင်း’၊ ‘စော်ဘွားကတော်တဦး မှော်ဆရာနောက်ကို ပါသွားခြင်း’၊ ‘ဝန်ကြီးတဦးက မီးခွက်မှုတ်ခြင်း’ ဆိုတဲ့သတင်းမျိုးတွေ လှုပ်လှုပ်ရှားရှား ဖြစ်ခဲ့ ဖူးပါတယ်။ ဒါမျိုးတွေကို သိက္ခာရှိတဲ့သတင်းသမားကြီးတွေက ပုံကြီးမချဲ့ပါဘူး။ ထိတ်လန့်တကြား မလုပ်ပါဘူး။

ငလျင်လှုပ်လိမ့်မယ်၊ မုန်တိုင်းကျလိမ့်မယ်ဆိုတဲ့ သဘာဝသတင်းတွေဟာ ထိန်ချန်စရာမဟုတ်သလို ဖန်တီးလှုံ့ဆော်စရာလည်းမဖြစ်သင့်ပါဘူး။ ကောလာဟလသတင်းလား၊ သိပ္ပံနည်းကျ သုတေသန ကြေညာချက်လား ဆိုတာ အင်တာနက်တွေမှာကြည့်ရင် သိနိုင်ပါတယ်။ ‘ကြောက်’ နေတဲ့လူတွေကို ‘ကြောင်’ ကုန်အောင် သတင်းမပေးသင့်ပါဘူး။ အယူသီးမှုအားပေးတဲ့ တိုင်းပြည်ပျက်ကိန်း သတင်း မျိုးတွေဟာလည်း ရှောင်နိုင်ရင်ကောင်းပါတယ်။ ‘မင်းဆိုးမင်းညစ်တွေ သေဆုံးမယ့် နှစ်ပဲလို့’ ကြား ရရင် အဖိနှိပ်ခံ ပြည်သူတွေဟာ ဝမ်းသာကြမှာပဲ။ (ကျွန်တော်တို့ လည်း ဝမ်းသာရမှာပေါ့။) ဒါပေမယ့် နိုင်ငံရေးအသိတရားအရ ဖိရင်ကြွမယ်၊ ပြည်တင်းရင်မင်းမခံနိုင်ဘူး၊ အမှန်တရားဘက်က နိုင်ရမယ်၊ စတဲ့အခြေခံတရားမျိုးတွေပဲ တိုးပွားစေသင့်ပါတယ်။ ပြည်သူလူထုဟာ ကြောက်ရွံ့ထိန့်လန့်မှုတွေနဲ့ ညှိုးငယ်နိမ့်ကျနေပါတယ်။ သူတို့အတွက်မှန်ကန်တဲ့၊ တရားတဲ့ အသိစိတ်ဓာတ်မြင့်တက်ပွားများ စေပြီး အနာဂတ်လင်းရောင်ခြည်ကို ထင်လင်းစေသင့်တယ်လို့ ထင်မြင်မိပါကြောင်း တင်ပြလိုက်ရ ပါတယ်။

သစ္စာလေးမြတ် တရားဓာတ် လွှမ်းပတ်ကမ္ဘာတည်ပါစေ။
ထိတ်လန့်သတင်း လိမ်ညာခြင်း ကင်းရှင်းကြပါစေ။