Sunday, July 6, 2008

ဘလူးဖီးနစ်၏ဖုန်းအလကားခေါ်နည်း



ကြပ်ပြေးအရှုပ်တော်ပုံ၁၊၂

စနေ၊တနင်္ဂနွေသတင်း

နာဂစ်အလွန် မြန်မာ့စီးပွားရေး GDP ကျဆင်း
06 July 2008
ဇွန် ၂၃၊ ၂၀၀၈။ နာဂစ်အလွန် မြန်မာ့စီးပွားရေးအခြေအနေမှာ တမျိုးသားလုံး ကုန်ထုတ်လုပ်မှုတန်ဖိုး ၁ ရာခိုင်နှုန်းအထိ ကျဆင်းသွားသည်ဟု အင်္ဂလန်အခြေစိုက် Economic Intelligent Unit က အစီရင်ခံ ထုတ်ပြန်ခဲ့ပါတယ်။ EIU အနေဖြင့် ကမ္ဘာ့နိုင်ငံ အသီးသီးမှ စီးပွားရေးအခြေအနေများကို တနှစ် လေးကြိမ် အစီရင်ခံ ထုတ်ပြန်လျက်ရှိရာမှာ ယခုနှစ် ဒုတိယပတ် အစီရင်ခံစာထဲ မြန်မာနိုင်ငံစီးပွားရေးအခြေအနေကို ယခုလို ရေးသားထားတာပါ။
အခုလို ဂျီဒီဘီ တန်ဖိုး ဘာကြောင့် ကျဆင်းသွားသလဲ၊ ဂျီဒီဘီ တန်ဖိုးကိုရော EIU က ဘယ်လို တွက်ဆထားသလဲ - စသဖြင့် အမေရိကန်တက္ကသိုလ်က မြန်မာ့စီးပွားရေး သုတေသီ ဦးဇော်ဦးကို ဆက်သွယ်မေးမြန်းထားပါတယ်။


ဇင်ဘာဘွေ အကျပ်အတည်း ဖြေရှင်းဖို့ မူဂါဘီနှင့် တောင်အာဖရိက သမ္မတ တွေ့ဆုံ
06 July 2008
ဇင်ဘာဘွေနိုင်ငံက နိုင်ငံအရေး အကျပ်အတည်းတွေကို ကူညီဖြေရှင်းဖို့ တောင်အာဖရိကနိုင်ငံ သမ္မတ သန်ဘို အမ်ဘီကီ (Thabo Mbeki) ဟာ ဇင်ဘာဘွေသမ္မတ ရောဘတ်မူဂါဘီ (Robert Mugabe) နဲ့ တွေ့ဆုံခဲ့ပါတယ်။
စနေနေ့တုန်းကလည်း အတိုက်အခံ ဒီမိုကရေစီပြောင်းလဲရေး လှုပ်ရှားမှုအဖွဲ့က နိုင်ငံရေးခေါင်းဆောင်တွေနဲ့ မစ္စတာ အမ်ဘီကီ တွေ့ဆုံခဲ့ပါသေးတယ်။ ဒါပေမယ့် အတိုက်အခံ ပါတီခေါင်းဆောင် မော်ဂန်ရှန်ဂရိုင်း ကတော့ အဲဒီ တွေ့ဆုံ ဆွေးနွေးပွဲကို တက်ရောက်ဖို့ ငြင်းဆိုခဲ့ပါတယ်။

နှစ်ဖက်ပါတီအကြား စေ့စပ်ညှိနှိုင်းမှုမှာ အာဖရိက သမဂ္ဂ AU ပါဝင်လာတာကို အတိုက်အခံ ပါတီက စောင့်နေတာ ဖြစ်တယ်လို့ အတိုက်အခံပါတီ ပြောခွင့်ရသူက ပြောပါတယ်။ မစ္စတာ အမ်ဘီကီရဲ့ စေ့စပ်ညှိနှိုင်းမှုက သမ္မတ မူဂါဘီကို ဘက်လိုက်တာမျိုးတွေ ရှိတယ်လို့ အတိုက်အခံအဖွဲ့က ဝေဖန်ပါတယ်။

မစ္စတာ မာဘီကီကတော့ စေ့စပ်ညှိနှိုင်းမှု အမြန်ဆုံး ရှေ့ဆက်နိုင်ဖို့ လိုလားတယ်လို့ စနေနေ့က ဆွေးနွေးမှုအပြီးမှာ သတင်းထောက်တွေကို ပြောဆိုခဲ့ပါတယ်။

ဒီအစည်းအဝေးကို မစ္စတာ ရှန်ဂရိုင်း မတက်ရောက်တာနဲ့ပတ်သက်လို့ ဒါဟာ လေးစားမှုမဲ့ရာ ရောက်တယ်လို့ ဖြစ်တယ်လို့ ဇင်ဘာဘွေ အစိုးရအရာတွေက ဝေဖန်ကြပါတယ်။

မစ္စတာ ရှန်ဂရိုင်းဟာ သူ့ကို ထောက်ခံသူတွေအပေါ် အစိုးရဖက်က စနစ်တကျ အကြမ်းဖက် တိုက်ခိုက်မှုတွေ ဆက်တိုက် လုပ်နေတာကြောင့် ဇွန်လထဲမှာလုပ်တဲ့ တကြော့ပြန် သမ္မတ ရွေးကောက်ပွဲကနေ နုတ်ထွက်ခဲ့တာပဲ ဖြစ်ပါတယ်။

ဇင်ဘာဘွေသတင်းကို မြန်မာစာပေစိစစ်ရေးက ပိတ်ပင်
05 July 2008
တကမ္ဘာလုံး စိတ်ဝင်စားပြီး ထိပ်တန်းရောက်နေတဲ့ ဇင်ဘာဘွေနိုင်ငံနဲ့ ပတ်သက်တဲ့ သတင်းတွေကို မြန်မာနိုင်ငံထဲက ပုဂ္ဂလိက သတင်းနဲ့ ဂျာနယ်တွေ၊ မဂဇ္ဇင်းတွေမှာ ဖော်ပြခွင့်မရှိဘူးလို့ သိရပါတယ်။ အကြောင်းစုံကို မသင်းသီရိက တင်ပြထားပါတယ်။

ကမ္ဘာ့ထိပ်တန်းသတင်း တပုဒ်ဖြစ်တဲ့ ဇင်ဘာဘွေသတင်းကို ရေးသားခွင့် ပိတ်ပင်တာ မဟုတ်ပေမယ့် ထုတ်ဝေတဲ့အခါမှာ စာပေစိစစ်ရေးက ခွင့်ပြုချက်မပေးဘဲ ပယ်ချတာဖြစ်တယ်လို့ ရန်ကုန်သတင်းသမားတဦးက အခုလို ပြောပြတယ်။

"သတင်းကတောင်မှ သူတို့ တရုတ်သတင်းတွေလေ၊ တချို့ဆိုရင် Chinese News ပေါ့နော်။ ဆင်ဟွာ တို့ဘာတို့က နေပြီးတော့ ဘာသာပြန်ပြီးတော့ အဲဒီ သတင်း Source ကို ထည့်ပေးတာတောင်မှ တပုဒ်လုံး ဖြုတ်ခံရတယ်။ အရင်တုန်းကတော့ ကျနော်တို့ ဒီ ရွေးကောက်ပွဲဆိုင်ရာ ဇင်ဘာဘွေအကြောင်းလေ၊ ဆောင်းပါးရေးသေးတယ်။ အဲဒီတုန်းကတော့ လွတ်သေးတယ်။ အခုနောက်ပိုင်းကျမှ ဒီ မူဂါဘီရဲ့ လက်ရှိလုပ်ရပ်တွေကို နောက်ပိုင်းကျမှ သတင်းတွေမှာ ထည့်ခွင့်မပေးဘူး။ လုံးဝ နီးပါးပါပဲ။"

အခုလို ပုဂ္ဂလိက ထုတ်ဝေမှုတွေမှာသာမကဘဲနဲ့ မြန်မာစစ်အစိုးရပိုင် သတင်းနဲ့မီဒီယာတွေမှာလည်း ဖော်ပြခြင်း မရှိဘူးလို့ ပြောပါတယ်။ ဒါပေမယ့် မြန်မာပြည်သူတွေဟာ ပြင်ပက ထုတ်လွှင့်ပေးနေတဲ့ မြန်မာပိုင်း ရေဒီယို အစီအစဉ်တွေကို နားထောင်ပြီး ဇင်ဘာဘွေရဲ့ နိုင်ငံရေးအကြောင်းကို သိကြတယ်လို့ ပြောပါတယ်။ မြန်မာ့သတင်းမီဒီယာတွှေအနေနဲ့ အရင်တုန်းက တရုတ်နိုင်ငံနဲ့ပတ်သက်တဲ့ သတင်းတွေကို အိမ်နီးချင်းနိုင်ငံမို့ ဖော်ပြခြင်း မပြုရဘူးလို့ သတ်မှတ်ထား ပေမယ့် အခုလို အလှမ်းဝေးလှတဲ့ ဇင်ဘာဘွေ ကိစ္စကိုတော့ သူတို့နဲ့ ဖြစ်ရပ်ချင်း တူနေတာမို့ စိုးရိမ်လို့ ပိတ်ပင်တာ ဖြစ်တယ်လို့ အခုလို ဆက်ပြောပြပါတယ်။

"အခုဟာက နေရာဒေသမခွဲတော့ဘူးဗျ။ အခုဟာက ကျနော်တို့ Information Age ဖြစ်နေပြီ။ ဆိုတော့ အကုန်လုံးက ဘယ်လောက်ပဲဝေးဝေး ဒီသတင်းက ဖြစ်တဲ့ဖြစ်ရပ်က ကျနော်တို့က နီးစပ်နေတာကိုး။ ဒီလို နီးစပ်နေတော့ ဖြစ်ရပ်တခုက နေရာဒေသ မဝေးတော့ဘူး။ သတင်း ထိုးဖောက်ဝင်ရောက်လာတာကို တားလို့မရဘူး။ ဒီဟာက အကုန် ပြန့်နှံ့ သိရှိနိုင်တယ်။ ဘယ်လောက်ပဲဝေးဝေး၊ ဘာပဲ ဖြစ်နေဖြစ်နေ ဒီဖြစ်ရပ်က ဒီလိုဖြစ်ပုံက သူတို့နဲ့ ဖြစ်ရပ်ချင်း တူနေတယ်။ စိုးရိမ်စရာ အနေအထားတခု သတင်းတခုဖြစ်ရင်တော့ ဒီဟာကို ဆင်ဆာ လုပ်မှာပဲ။ ရေဒီယိုတွေကို သူတို့ တော်တော် နားထောင်နေကြပြီလေ။ အဲဒီကနေပြီးတော့ ဒီနိုင်ငံခြား အသံလွှင့်ဌာနတွေကနေ ဒီသတင်းတွေကို သိနေကြပြီ။ ဥပမာ - ကျနော်တို့ ကိုဆိုဗို လွတ်လပ်ရေး ကြေညာတယ်ဟုတ်လား။ ကြေညာတော့ ဒီ အမေရိကန်တို့ ပြင်သစ်တို့က ထောက်ခံတာကိုး။ ဒီထောက်ခံတဲ့အကြောင်းကို ရေးတော့ ကျနော်တို့ ဂျာနယ်တွေမှာ ရေးတာကို သူတို့ ဖြုတ်ပစ်တာတွေ ရှိတယ်။"

ရန်ကုန်သတင်းသမားတဦးက ပြောပြခဲ့တာပါ။ အခုလို သတင်းလွတ်လပ်ခွင့်မရှိဘဲ ပိတ်ပင်နေမှုတွေဟာ သတင်းသမားတွေအတွက် အခက်တွေ့ရတယ် ဆိုပေမယ့် သတင်းသမားတွေအတွက် အကင်းပါးမှုတွေအပေါ်မှာ ရပ်တည်ရေး စာမူတွေကို ကြိုးစားရေးသားနေပါတယ်လို့လည်း ဆိုပါတယ်။

"လွတ်လပ်ခွင့် ပိတ်ပင်တာက ဒါတွေက မကောင်းဘူးပေါ့ဗျာ။ ဘာဖြစ်လို့လဲဆိုတော့ အကုန်လုံးက ဘာပဲဖြစ်နေဖြစ်နေ ထည့်ခွင့်ရှိရမှာပဲလေ။ အခု ကျနော်တို့ အစတုန်းကဆိုရင်တောင်မှ သဘာဝ ဘေးအန္တရာယ်နဲ့ပတ်သက်ပြီး မထည့်ဘူး။ နာဂစ်ဒဏ်ကိုကျတော့ သူတို့ ထည့်ခွင့်ပေးတဲ့အတွက် ဒါ အကူအညီတွေ ရလာပြီးတော့ ဒီသတင်းရဲ့ တာကို သူတို့က သိသွားပြီလေ။ ဒီလို သိသွားပြီအတွက် ဒီ ဇင်ဘာဘွေလည်း ရွေးကောက်ပွဲဖြစ်ရပ်တခုအနေနဲ့ကတော့ အကုန်လုံး သိရမှာပဲလေ။ ဘာဖြစ်လို့လဲဆိုတော့ ဒီ ၂၀၁၀ မှာ ရွေးကောက်ပွဲတွေ လာမှာကိုး။ ဆိုတော့ အဲဒီအပေါ်မှာ မူတည်ပြီးတော့ ရွေးကောက်ပွဲတွေရဲ့ အနေအထား ကောင်းခြင်းဆိုးခြင်းတွေ အပေါ်မှာ မူတည်ပြီးတော့ ဆုံးဖြတ်ကြမှာကိုး။ သတင်းသမား တယောက်အနေနဲ့ အခုအတိုင်းအတာကနေ ၀ုန်းဒိုင်းကြီး မပြောင်းလဲရင်တောင် တဖြည်းဖြည်းနဲ့တော့ အနေအထား တရပ်ကို ကျနော်တို့က လုပ်ယူရမယ့်အနေအထားမှာ ရှိပါတယ်။ အခုအတိုင်းအတာကတော့ ကျနော်တို့က လှည့်ပတ်ပြီး ရေးနေတာပဲ။"

ဒါကတော့ ရန်ကုန်က သတင်းသမားတဦး ပြောပြခဲ့တာဖြစ်ပါတယ်။

(၂၃၂) ကြိမ်မြောက် အမေရိကန် လွတ်လပ်ရေးနေ့ ဆင်နွှဲ
05 July 2008
အမေရိကန်နိုင်ငံသား ခံယူပွဲ အခမ်းအနား မိန်ခွန်းပြောကြားနေသည့် သမ္မတ ဘုရှ်
(ဇူလိုင်လ ၄၊ ၂၀၀ဂ)
အင်္ဂလိပ်ကိုလိုနီ လက်အောက်က လွတ်မြောက်ခဲ့တဲ့ (၂၃၂) ကြိမ်မြောက် လွတ်လပ်ရေးနေ့ အခမ်းအနားတွေကို မြို့တော် ၀ါရှင်တန်ဒီစီ အပါအ၀င် အမေရိကန်နိုင်ငံ အ၀ှမ်းမှာ ကျင်းပနေကြပါတယ်။ ဒီလို လွတ်လပ်ရေးနေ့မှာ မြို့တွင်း လှည့်လည် ချီတက်ပွဲတွေ၊ မိသားစုလိုက်ထွက်ကြတဲ့ ပျော်ပွဲရွှင်ပွဲတွေနဲ့ မီးရှူးမီးပန်း ပစ်လွှတ် ခဲ့ကြသလို အမေရိကန် နိုင်ငံသားတွေ အဖြစ် အသိအမှတ် ပြုခံရတဲ့သူတွေအတွက်တော့ ဒီလိုနေ့ဟာ အထူး အရေးပါတဲ့နေ့တနေ့ ဖြစ်ပါတယ်လို့ ဗွီအိုအေ သတင်းထောက် Kent Klein ရဲ့ သတင်းပေးပို့ချက်ကို မခင်ဖြူထွေးက တင်ပြထားပါတယ်။

လွတ်လပ်ရေး ကြေညာစာတမ်းကို ရေးသားခဲ့တဲ့ အမေရိကန် သမ္မတ သောမတ်စ် ဂျက်ဖာဆင် ရဲ့ ဗာဂျီးနီးယား နေအိမ်ရှိရာ မွန်တီဆဲလိုး (Monticello) မှာ နိုင်ငံသားပေးအပ်တဲ့ အခမ်းအနားအတွင်း အမေရိကန် နိုင်ငံသားဖြစ်လာသူ ၇၂ ယောက်တို့ကို အမေရိကန် သမ္မတ ဘုရ်ှက ကြိုဆိုလိုက်ပါတယ်။

"ဒီကနေ့ အခမ်းအနားမှာ အမေရိကန်နိုင်ငံသားတွေအဖြစ် ခံယူကြတဲ့ ခင်ဗျားတို့တွေဟာ နိုင်ငံပေါင်း ၃၀ ကျော်ကနေ အမေရိကန်ပြည်ထောင်စုကို အသီးသီး ရောက်လာကြတဲ့သူတွေပါ။ ခင်ဗျားတို့ဟာ မတူခြားနားတဲ့ လူမျိုးစု မျိုးနွယ်တွေ၊ ကွဲပြားတဲ့ ဘာသာတရားတွေကို ကိုယ်စားပြုကြပါတယ်။ ဒါပေမယ့် အားလုံးအတွက် တူတာတခုကတော့ လွတ်လပ်ခြင်းမှာ မြတ်နိုးမှုပါပဲ။ ဒီလို လွတ်လပ်ခြင်းမှာ မြတ်နိုးမှုက ကျနော်တို့ကို အခုလို အတူတကွ တည်ရှိခွင့် ပေးနေတာ ဖြစ်သလို ဒီမြတ်နိုးမှုကြောင့်ပဲ ကျနော်တို့အားလုံးဟာ အမေရိကန်နိုင်ငံသားတွေ ဖြစ်နေကြတာပါ။"

လွတ်လပ်ရေးကြေညာစာတမ်းမှာ ရေးသားဖော်ပြခဲ့တဲ့ သမ္မတဟောင်း သောမတ်စ် ဂျက်ဖာဆင်ရဲ့ ယုံကြည်ချက်တွေကို အတွက် မကြာခင် သမ္မတသက်တမ်း ကုန်ဆုံးမှာဖြစ်တဲ့ သမ္မတ ဘုရ်ှက အလေးအနက် ဂါရ၀ ပြုခဲ့ပါတယ်။

"လွတ်လပ်ရေး ကြေညာစာတမ်းမှာ သောမတ်စ် ဂျက်ဖာဆင် ဖော်ပြခဲ့တဲ့ သူ့ရဲ့ ယုံကြည်ချက်နဲ့ အခြေခံမူဝါဒတွေဟာ နိုင်ငံသစ်တခုကို ဦးဆောင်လမ်းပြပေးတဲ့ အခြေခံ လူ့ကျင့်ဝတ်စည်းကမ်းတွေ ဖြစ်ခဲ့ပါတယ်။ ဘုရားသခင် ပေးတဲ့ အခွင့်အရေးဖြစ်တဲ့ အသက်ရှင် နေထိုင်ခွင့်၊ လွတ်လပ်ခွင့်နဲ့ ပျော်ရွှင်ငြိမ်းချမ်းစွာ နေထိုင်ခွင့် အစရှိတဲ့ အခွင့်အရေးတွေ လူသားအားလုံးမှာ တန်းတူ ရှိကြတယ် ဆိုတဲ့ ဒီယုံကြည်ချက်ကို ကျနော်တို့ရဲ့ နောင်လာနောက်သားတွေ၊ အမေရိကန်တွေကလည်း အဆင့်ဆင့် လက်ဆင့်ကမ်း သယ်ဆောင်ခဲ့ကြတာ ဖြစ်ပါတယ်။"

ဇူလိုင်လ ၄ ရက်နေ့ဟာ အမေရိကန်သမိုင်းမှာ ပြန်ပြောင်း အမှတ်ရစရာ အကောင်းဆုံး နေ့တနေ့ ဖြစ်သလို ဒီနေ့မှာ မြို့တွင်း လှည့်လည်ချီတက်ပွဲတွေ၊ အခမ်းအနားတွေ၊ မီးရှူးမီးပန်း အလှအပတွေနဲ့ ဂုဏ်ပြုကျင်းပကြတာ ဖြစ်တယ်လို့ လွတ်လပ်ရေး ကြေညာစာတမ်းကို လတ်မှတ်ရေးထိုးခဲ့သူ၊ သမ္မတ ဂျက်ဖာဆင် နောက် သမ္မတ အဖြစ် တာဝန်ယူခဲ့တဲ့ ဂျွန် အဒမ် (John Adams) က ဆိုပါတယ်။

မစ္စတာ အဒမ် ပြောသလိုပဲ ဒီလို လွတ်လပ်ရေးနေ့မှာ အထိန်းအမှတ် အခမ်းအနားတွေနဲ့ ပျော်ပွဲရွှင်ပွဲတွေကို အမေရိကန် တ၀ှမ်းက ပြည်သူတွေ နှစ်ဆင်နှစ်တိုင်း ဆင်နွှဲခဲ့ကြတာဖြစ်ပါတယ်။ အခု မြို့တော် ၀ါရှင်တန်ဒီစီမှာလည်း နိုင်ငံအ၀ှမ်းက သောင်းနဲ့ချီ ပြည်သူတွေ စုရုံးပြီး လွတ်လပ်ရေးနေ့ကို ဆင်နွှဲနေကြပါတယ်။

"လွတ်လပ်တဲ့ တိုင်းပြည်မှာနေပြီး ကျမတို့ရဲ့ ကိုယ်ပိုင်အခွင့်အရေးဖြစ်တဲ့ လွတ်လပ်မှုကို ခံစားရပါတယ်။" – လို့ လွတ်လပ်ရေးနေ့ပွဲကို ရောက်လာတဲ့ သူ အမျိုးသမီးတယောက်က ဆိုသလို တခြား အမျိးသမီးတဦးကလည်း -
"ဒါကို လွတ်လပ်ခြင်း လို့ ခေါ်တာပါပဲ။" - လို့ ဆိုပါတယ်။
"စားစရာတွေနဲ့ သောက်စရာတွေလေ။" လို့လည်း တခြား တယောက်က ပြောပြနေတာပါ။

"တိုင်းပြည်တပြည်မှာ လွတ်လပ်ခွင့် ရှိတာကနေ ကမ္ဘာတ၀ှမ်း လွတ်လပ်ခွင့်တွေ ရှိလာအောင်လည်း ပိုပြီးတော့ လုပ်နိုင်ပါတယ်။ အမေရိကန်နိုင်ငံသားတယောက် ဖြစ်ရတာ ဂုဏ်ပါတယ်။" - လို့လည်း လွတ်လပ်ရေးနေ့ အခမ်းအနားတက်ရောက်လာသူ တဦးက ပြောဆိုခဲ့ပါတယ်။

အီရတ်နိုင်ငံမှာ စစ်မှုထမ်းနေတဲ့ အမေရိကန် တပ်သား ၁,၂၀၀ ကျော်ကလည်း လွတ်လပ်ရေးနေ့ကို ဂုဏ်ပြုရင်း အီရတ်စစ်ဆင်ရေးမှာ ဆက်ပြီး တာဝန်ထမ်းဆာင်ဖို့ စာရင်းပေးခဲ့ကြပါတယ်။

ဒီမိုကရက်တစ်ပါတီက သမ္မတလောင်း ဘားရက် အိုဘားမား လည်း အနောက်မြောက်ပြည်နယ် မွန်တားနား (Montana) က လွတ်လပ်ရေးနေ့ မြို့တွင်း လှည့်လည်ပွဲကို တက်ရောက်ခဲ့သလို ရီပက်ပလစ်ကန် ပါတီဘက်က သမ္မတလောင်း ကလည်း သူ့ရဲ့ မွေးရပ်ဇာတိ အရီဇိုးနား ပြည်နယ်မှာ လွတ်လပ်ရေးနေ့ကို ဆင်နွှဲခဲ့ပါတယ်။

ဒေါ်အောင်ဆန်းစုကြည် မွေးနေ့ပွဲမှာ ဖမ်းဆီးခံရ သူတွေကို စတင်ရုံးထုတ်
05 July 2008
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ မွေးနေ့က ဖမ်းဆီးခံခဲ့ကြရတဲ့ သူမကို ထောက်ခံသူတွေကို အာဏာပိုင်တွေက ပထမဆုံးအကြိမ်အဖြစ် တရားရုံးတင်ခဲ့တယ်လို့ အမျိုးသားဒီမိုကရေစီအဖွဲ့ချုပ် (အဲန်အယ်လ်ဒီ) က ပြောပါတယ်။ တချိန်တည်းမှာပဲ ပါတီဝင်တချို့ကို အာဏာပိုင်တွေဖက်က မေးမြန်းစုံစမ်းမှုတွေ လုပ်ဆောင် နေတာတွေလည်း ရှိနေတယ်လို့ ဆိုပါတယ်။ ဒါတွေကို စုံစမ်းထားတဲ့ ကိုအောင်လွင်ဦး က တင်ပြပေးပါမယ်။

ဒေါ်အောင်ဆန်းစုကြည်ရဲ့ (၆၃) နှစ်မြောက် မွေးနေ့ပွဲကို ပြီးခဲ့တဲ့လ ၁၉ ရက်နေ့မှာ ကျင်းပခဲ့တုန်းက ဖမ်းဆီးခံခဲ့ရသူ တွေကို ရန်ကုန်မြို့က တရားရုံးတခုမှာ ရုံးထုတ်ခဲ့တာပါ။ မနေ့တုန်းက ဒီလို ရုံးထုတ်ခဲ့တဲ့နေရာမှာ သူတို့အပေါ် စွဲဆိုချက်နဲ့ ပတ်သက်လို့ အတိအကျ မသိရသေးပေမယ့် မတည်မငြိမ် ဖြစ်အောင် လှုံ့ဆော်တယ်ဆိုတဲ့ စွပ်စွဲချက်နဲ့ စွဲဆိုခဲ့တယ် ဆိုတာမျိုး ကြားရတဲ့အကြောင်း အမျိုးသားဒီမိုကရေစီအဖွဲ့ချုပ် အဲန်အယ်လ်ဒီ ပြောခွင့်ရပုဂ္ဂိုလ် ဦးဥာဏ်ဝင်း က အခုလို ပြောပြပါတယ်။

"မနေ့ကပေါ့ သောကြာနေ့ ၄ ရက်နေ့ ညနေ ၄ နာရီလောက်မှာ ကျနော်တို့ အဲဒီသတင်းကို ရတယ်။ အဲဒီသတင်းဆိုတာက ကျနော်တို့ တရားရုံးမှာ ဗဟန်းတရားရုံးမှာ ကြုံကြိုက်လို့ ရှေ့နေတယောက်က အဲဒါကို တွေ့ခဲ့တယ်။ အဲဒီ ၁၄ ယောက်ပေါ့။ သူကတော့ အဲဒီ ၁၄ ယောက်လို့တော့ မပြောဘူး။ အဲဒီနေ့က လူတွေကို ရုံးထုတ်တယ်တဲ့။ ရုံးထုတ်တာ ဆိုပေမယ့် ရမန်ယူတာလား၊ တရားစွဲတင်တာလား ဆိုတာ ကျနော်တို့ အခုထိ မသိရသေးဘူး။ အဲဒီနေ့ကလည်း ၄ နာရီလောက်မှသိတော့ ကျနော်တို့ အချိန်မရလို့ ကျနော်တို့ မသိလိုက်ရဘူးပေါ့လေ။ အဲတော့ အဲဒီဟာတော့ ဗဟန်းတရားရုံးကို ရုံးထုတ်တယ်ဆိုတာကတော့ မှန်တာပေါ့။ ၅၀၅ (ခ) နဲ့ ရမန်ယူတယ်လို့ ကျနော် ကြားတယ်။ ဒါပေမယ်လို့ ဒီဟာကိုတော့ သိပ် Confirm တော့ မလုပ်နိုင်သေးဘူး။ ၅၀၅ (ခ) က ရပ်ရွာ တည်ငြိမ်အေးချမ်းရေးကို ထိခိုက်အောင်ဆောင်ရွက်တဲ့အခါမှာ တပ်တဲ့ပုဒ်မပါ။ ကျနော်တို့ ဒေါ်အောင်ဆန်းစုကြည်မွေးနေ့မှာ ဒီလူတွေက ဒေါ်အောင်ဆန်းစုကြည် လွတ်မြောက်ရေးအတွက် ကြွေးကြော်တယ်။ ဒေါ်အောင်ဆန်းစုကြည် မတရား ဖမ်းဆီးခံနေရလို့ လွတ်မြောက်ရေး ကြွေးကြော်တာ အေးချမ်းသာယာရေးနဲ့ ဘာမှမဆိုင်ဘူ။ ဥပဒေအရ တဖက်သက်ကြီး ကိုယ်ပြောချင်ရာပြော လုပ်တာကတော့ မမှန်ဘူးပေါ့ဗျာ။ ဒီဥပဒေ ဒီပုဒ်မနဲ့တော့ မဆိုင်ဘူးလို့ ကျနော်တို့ ယူဆတယ်။"

အခုလို အဲန်အယ်လ်ဒီ အဖွဲ့ဝင်တွေကို ဖမ်းဆီးတဲ့လုပ်ရပ်နဲ့ ပတ်သက်လို့ ကန့်ကွက်တဲ့ စာတစောင်ကိုလည်း အဲန်အယ်လ်ဒီက မြန်မာစစ်အစိုးရ အကြီးအကဲ ဗိုလ်ချုပ်မှူးကြီး သန်းရွှေထံကို မကြာသေးခင်ကပဲ ပေးပို့ခဲ့ပါတယ်။ ဒါပေမယ့်လို့ မြန်မာစစ်အစိုးရ အာဏာပိုင်တွေ ဖက်ကတော့ ဒီကိစ္စတွေနဲ့ ပတ်သက်လို့ တစုံတရာ ပြောတာ ဆိုတာမျိုးတော့ မကြားရပါဘူး။ တကယ်တော့ ပြီးခဲ့တဲ့နှစ် စက်တင်ဘာ လူထုအုံကြွမှု ကာလကတည်းက ဖမ်းဆီးခံထားရသူတွေဟာ ဆိုရင်လည်း အလားတူ ပုဒ်မအမျိုးမျိုး တတ်လိုက် ပြောင်းလဲလိုက်၊ နောက်ထပ် ရမန်အချုပ် ထပ်ယူလိုက်နဲ့ ဆက်လက် ဖမ်းဆီးထိန်းသိမ်းတာကို ခံနေရတာပါ။ အခုနောက်ဆုံး ဖမ်းဆီးခံခဲ့ရသူ အဲန်အယ်လ်ဒီ အဖွဲ့ဝင်တွေဟာလည်းပဲ တရားရုံးထုတ်ပြီး ထိန်းသိမ်းခံနေရတာမို့ ဒီလို တရားလက်မဲ့ အဖြစ်တွေနဲ့ ရင်ဆိုင်ရနိုင်တဲ့ အခြေအနေတွေနဲ့ ကြုံနေရတာပါ။ ဒါနဲ့ ပတ်သက်လို့ အဲန်အယ်လ်ဒီ ပြောခွင့်ရပုဂ္ဂိုလ် ဦးဥာဏ်ဝင်း ကတော့ -

"အဲဒီကိစ္စတွေက လုံးဝ ဥပဒေနဲ့ မညီဘူး။ ဒီလိုဆောင်ရွက်လို့ ဥပဒေရဲ့ ပြဌာန်းချက် လုံးဝ မရှိဘူး။ ကျနော် ပြောချင်တာက အခုကိစ္စလည်း အဲဒီလို ဖြစ်မယ်မဖြစ်မယ် ကျနော်တို့ မပြောနိုင်ဘူး။ အရင်လုပ်ခဲ့တဲ့ ဒီ ၈၈ ကျောင်းသားတွေကို အခုဖမ်းမိန့် ချုပ်မိန့်ပေးထားတာတွေက လုံးဝ ဥပဒေနဲ့ ဆန့်ကျင်နေတယ်။ အဲဒီတော့ တရား ဥပဒေကို ပြည်သူချည်းပဲ လိုက်နာလို့မရဘူး။ အစိုးရပါ လိုက်နာမှ တရားဥပဒေ စိုးမိုးရေးဆိုတာ ရှိမယ်လို့ ကျနော် အဲဒါကို ပြောချင်ပါတယ်။"

အခုလို အဲန်အယ်လ်ဒီ အဖွဲ့ဝင်တွေ ဖမ်းဆီးခံနေရတဲ့ တချိန်တည်းမှာပဲ ကျန်နေတဲ့ အဖွဲ့ဝင်တွေ အနေနဲ့လည်း အာဏာပိုင်တွေရဲ့ မေးမြန်းတာတွေ၊ စစ်ဆေးတာတွေနဲ့ ရင်ဆိုင်နေရတာတွေ ရှိနေတယ်လို့ လူငယ်အဖွဲ့ဝင် တဦးဖြစ်တဲ့ ကိုနေခြည်ဝင်း ကပြောပါတယ်။

"သူတို့ရဲ့ မိသားစုရဲ့ နောက်ခံအကြောင်းတွေကို စုံစမ်းတာတို့၊ SB တွေ ထောက်လှန်းရေးတွေဆီ ပို့တာတွေ ရှိတယ်။ အခုလောလောဆယ် အဲဒီလို လုပ်တဲ့မြို့နယ်တွေက တောင်ဥက္ကလာပမြို့နယ်၊ သံလျင်မြို့နယ်၊ တောင်ဥက္ကလာ မြို့နယ်၊ အဲဒီသုံးမြို့နယ်မှာ လုပ်တာတွေ့ရတယ်။ ဘာကြောင့်လာမေးတာလဲဆိုရင် ဘယ်သူမေးခိုင်းလို့ မေးတာပါလဲ ဆိုတာမျိုးပဲ ပြောတယ်။ တကယ်ဆိုလို့ရှိရင် သူတို့က ဒီလို ကိစ္စမျိုးကို စုံစမ်းမေးမြန်းလို့ ရတယ်လေ။ ဒါကတော့ လူငယ် လုပ်ငန်း အဖွဲ့ဝင်တွေကို သွယ်ဝိုက်သောနည်းလမ်းနဲ့ ခြိမ်းခြောက်တာကိုး။ ဆန္ဒခံယူပွဲပြီးတဲ့အခါမှာ ရွေးကောက်ပွဲအတွက် ပြင်ဆင်နေတယ် ဆိုတော့ ဆန္ဒခံယူပွဲတုန်းကလည်း လူငယ်လုပ်ငန်းအဖွဲ့ဝင် တော်တော်များများက သူတို့ရဲ့ မတရားမှုတွေကို ဖော်ထုတ်ခဲ့တာတွေ ရှိတယ်လေ။ အဲတော့ အဲဒီဖော်ထုတ်မှုကို မကျေနပ်တာကလည်း တကြောင်း၊ နောက်တခုကလည်း နောက် ရွေးကောက်ပွဲလုပ်တဲ့အခါမှာလည်း အဖွဲ့ချုပ်လူငယ်တွေ အနေနဲ့ ပုံစံတမျိုးနဲ့ ကြိုးစားလာမှာကို စိုးရိမ်လို့လုပ်တာလို့လည်း ယူဆရပါတယ်။"

အဲန်အယ်လ်ဒီ လူငယ်အဖွဲ့ဝင်တချို့ အာဏာပိုင်တွေ မေးမြန်းစစ်ဆေးတာတွေနဲ့ ကြုံနေရတဲ့အကြောင်း အဲန်အယ်လ်ဒီ လူငယ်အဖွဲ့ဝင် တဦးဖြစ်တဲ့ ကိုနေခြည်ဝင်း ပြောပြသွားတာပဲ ဖြစ်ပါတယ်။ ပြီးခဲ့တဲ့လ ၂၇ ရက်နေ့တုန်းကလည်း ရခိုင်ပြည်နယ် တောင်ကုတ်မြို့က လူထုဆန္ဒခံယူပွဲကာလ ကတည်းက ဖမ်းဆီးခံနေရတဲ့ အဲန်အယ်လ်ဒီ ပါတီဝင် ၄ ယောက်ကို တောင်ကုတ်မြို့ တရားရုံးတခုကနေ ထောင်ဒဏ်ပြစ်ဒဏ် ၁ နှစ်စီ အသီးသီး ချမှတ်ခဲ့ပြီးနောက် အခုနောက်ဆုံး သံတွဲထောင်မှာ ပြစ်ဒဏ်တွေ ကျခံနေရပြီလို့လည်း လုပ်ဖော်ကိုင်ဖက် အဲန်အယ်လ်ဒီ အဖွဲ့ဝင်တွေက ပြောပါတယ်။

အိမ်ငှါးခများ အဆမတန်တက် ဟု အကူအညီပေးရေး အုပ်စုများက ပြော
ဆော်လမွန်နှင့်မြင့်မောင်
စနေနေ့၊ ဂျူလိုင်လ 05 2008 16:18 - မြန်မာစံတော်ချိန်
နယူးဒေလီ။ ။ မုန်တိုင်းဘေးမှ အသက်မသေ လွတ်မြောက်ခဲ့သူများကို ကူညီရန်အတွက် ကုလသမဂ္ဂ အပါအဝင် အကူအညီပေးရေး အေဂျင်စီ အများအပြား ရောက်လာခဲ့ပြီးနောက် မုန်တိုင်းဒဏ်ခံ ဧရာဝတီ မြစ်ဝကျွန်းပေါ်ဒေသတွင် အိမ်ငှါးခများ အဆမတန် မကြုံဖူးအောင် တက်သွားသည်ဟု သိရသည်။

ယခင်က တလလျှင် ကျပ် ၂ဝဝဝဝ မှ ၃ဝဝဝဝ (အမေရိကန်ဒေါ်လာ ၂၃ ခန့်) အထိသာ ပေးရသော ရိုးရိုးသာမန် တထပ်အိမ်သည် အဆိုပါ အကူအညီပေးရေး အုပ်စု အများအပြား ရောက်လာပြီးနောက် တလလျှင် ကျပ် တသိန်း (အမေရိကန်ဒေါ်လာ ၈ဝ ခန့်) အထိ တက်သွားသည်ဟု လပွတ္တာမြို့ခံ တဦးက ပြောပြပါသည်။

“ပုံမှန်အတိုင်း ဆိုရင်တော့ အိမ်ငှါးခတွေ ဒီလိုတခါမှ မတက်ဖူးပါဘူး၊ အိမ်ရှင်တွေက အိမ်ငှါးမဲ့သူတောင် လိုက်ရှာနေရတာ” ဟု အဆိုပါ မြို့ခံက ပြောသည်။

ကြိုတင် အားဖြည့်ကွန်ကရိ (RC) နှစ်ထပ်အိမ်ဆိုလျှင် ယခုအခါ တလလျှင် ကျပ် ၄ သိန်း (အမေရိကန်ဒေါ်လာ ၃ဝဝ) ဖြစ်နေပြီ ဖြစ်ပြီး၊ မြို့ပေါ်တွင် အခြေချ နေထိုင်လိုသည့် အကူအညီပေးရေး အုပ်စုများနှင့် အစိုးရမဟုတ်သည့် အဖွဲ့အစည်းများ ပိုမို ရောက်ရှိလာနေသည့်အတွက် အိမ်ငှါးလိုသူများ ပို၍ပင် များလာနေသည်ဟု အဆိုပါ မြို့ခံက ဆက်လက် ပြောဆိုသွားပါသည်။

သူ့အဆိုအရ ယခုအခါ မြို့ပေါ်တွင် အနည်းဆုံး နိုင်ငံတကာ အန်ဂျီအို ၆ ခု၊ အခြား ပြည်တွင်းအန်ဂျီအို အများအပြားနှင့် ပုဂ္ဂလိကအလှူရှင်များ အခြေစိုက် နေထိုင်လျက် ရှိကြသည်ဟု ဆိုသည်။

နာဂစ် ဆိုင်ကလုံးမုန်တိုင်း မြန်မာပြည် ကမ်းရိုးတန်းဒေသကို ဝင်ရောက် မွှေနှောက် တိုက်ခတ်သွားသည်မှာ ၂ လကြာမြင့်ခဲ့ပြီ ဖြစ်သော်လည်း အရေးပေါ် ကယ်ဆယ်ရေး အကူအညီများ မုန်တိုင်း ဒုက္ခသည် အားလုံးထံ ရောက်ရှိခြင်း မရှိသေးဘဲ ပြန်လည် တည်ဆောက်ရေး လုပ်ငန်းများမှာ ယခုမှ စတင်ရန် အစပျိုးဆဲ ရှိသည်ဟု အကူအညီပေးရေး လုပ်သားများက ပြောဆိုကြပါသည်။

ကုလသမဂ္ဂ ကမ္ဘာ့စားနပ်ရိက္ခာ အစီအစဉ် (WFP) သည် ဘိုကလေး၊ လပွတ္တာ နှင့် ဖျာပုံမြို့များတွင် ဂိုဒေါင်များ ဖွင့်လှစ်ထားရှိပြီ၊ အဆိုပါ ဂိုဒေါင်များမှ စားနပ်ရိက္ခာများကို မုန်တိုင်း ဒုက္ခသည်များထံ ဖြန့်ဝေ ပေးပို့နေသည်။

“မြို့ထဲမှာ အကူအညီပေးရေး လုပ်သားတွေ သွားနေတာ နေ့တိုင်း မြင်နေရတယ်ဗျာ၊ အများကြီး ရှိနေပုံရတယ်” ဟု ဖျာပုံမြို့မှ လက်ဖက်ရည်ဆိုင် ပိုင်ရှင်တဦးက မဇ္ဈိမသို့ ပြောပြပါသည်။

ဤသို့ မုန်တိုင်း ဒုက္ခသည်များကို အကူအညီပေးရာ၌ ကုလသမဂ္ဂ အကူအညီပေးရေး အေဂျင်စီများ အပါအဝင် လူသားချင်း စာနာသည့် အကူအညီပေးရေး အုပ်စုများသည် မြင့်တက်နေသော အိမ်ငှါးခကို သာမက အကူအညီပေးရေး ပစ္စည်းများ သယ်ယူရန် ငှါးရမ်းရသည့် ယာဉ်များ၊ မော်တော်ဘုတ်များ၏ ငှါးရမ်းခများ တက်သည့် ထောက်ပို့ စရိတ်စကများမြင့် တက်သည့်ဒဏ်ကိုပါ ခံနေရသည်ဟု ဆိုသည်။
စပါးတင်း ၃ဝ မှ ၄ဝ အထိ သယ်နိုင်သည့် မော်တော်ငယ်လေးကို တနေ့လျှင် ကျပ် ၅ဝဝဝဝ (အမေရိကန်ဒေါ်လာ ၃၈) ပေးနေရပြီး၊ အနည်းဆုံး စပါးတင်း ၁ဝဝ တင်ဆောင်နိုင်သည့် မော်တော်ကြီး တစင်းလျှင် တရက် ကျပ်ငွေ တသိန်း (အမေရိကန်ဒေါ်လာ ၈ဝ) ပေး ငှါးရမ်းနေရသည်ဟု လပွတ္တာမြို့မှ ဒေသခံ အကူအညီပေးရေး လုပ်သားတဦးက ပြောပါ သည်။

အလားတူပင် ထရပ်ကားများ၊ လေးဘီးယက်ကားများ ငှါးရမ်းခသည်လည်း တလလျှင် ကျပ် ၁ဝ သန်းမှ သန်း ၂ဝ (အမေရိကန်ဒေါ်လာ ၁၅ဝဝ) ပေးနေရပြီး ဤမျှများပြားသည့် ကားငှါးခကို ကုလသမဂ္ဂ အေဂျင်စီများနှင့် နိုင်ငံတကာ အန်ဂျီအိုများကသာ တတ်နိုင်သည် ဟုလည်း သူက ဆက်လက် ပြောဆိုသွားပါသည်။

ဝေးလံခေါင်ဖျားသည့် အရပ်ဒေသများသို့ ကယ်ဆယ်ရေး ပစ္စည်းများ ပေးပို့ရန် ဤ မော်တော်များ၊ ယဉ်များဖြင့်သာ အရောက် ပေးပို့နိုင်သည့်အတွက် ဤသို့ငှါးရမ်းခ ဈေးနှုံးများ အဆမတန် မြင့်တက်နေသော်လည်း မော်တော်ဘုတ်များ၊ ယာဉ်များအားလုံး ငှါးရမ်းနေကြရသည်ဟု ဆိုပါသည်။
“မော်တော်ကြီးတစင်းကို တရက် ကျပ် တသိန်းပေး ငှါးနေရတယ်” ဟု အကူအညီပေးရေး လုပ်သားတဦးက ပြောသွားပါသည်။