Monday, July 7, 2008

7 July အိုးဝေဂျာနယ်



အွန်လိုင်းစွယ်စုံကျမ်း မြန်မာစာဖြင့်ကြည့်နိုင်ပြီ

ပီတာအောင်/ ၇ ဇူလိုင် ၂၀၀၈
အွန်လိုင်းစွယ်စုံကျမ်း ၀ီကီပီးဒီး ယားကို မြန်မာဘာသာဖြင့် ဖတ်ရှု လေ့လာ၍ ရနေပြီဖြစ်ကြောင်းနှင့် စိတ်ပါဝင်စားသူများကိုယ်တိုင် ပါဝင်၍ အချက်အလက်များ ဖြည့်စွက်ရေးသားနိုင်ကြောင်း မြန်မာအွန်လိုင်း စွယ်စုံကျမ်း အကောင်အထည်ပေါ်လာအောင် ကြိုးပမ်းနေသူတို့ထံမှ သိရသည်။

ထိုစွယ်စုံကျမ်း၌ သမိုင်း၊ ပထ၀ီ၊ အတ္ထုပ္ပတ္တိ၊ လူမှုရေး၊ နိုင်ငံရေး၊ နေ့စဉ် ဖြစ်ပျက်နေသည့် သတင်းများ စသဖြင့် ကဏ္ဍစုံပါဝင်ပြီး လတ်တလော မြန်မာနိုင်ငံအကြောင်း၊ တိုင်းရင်းသား လူမျိုးအချို့အကြောင်းနှင့် ဗိုလ်ချုပ်အောင်ဆန်းနှင့် ဒေါ်အောင်ဆန်းစုကြည်အကြောင်းများ အပါအ၀င်အကြောင်းအရာ (၂၅၀) ကျော် ရေးသားထားပြီးဖြစ်သည်။

စွယ်စုံကျမ်းဖြစ်မြောက်ရေး ကမကထပြုဆောင်ရွက်နေသူ မြန်မာအင်ဖိုတက် ဆော့ဝဲစလူးရှင်း ကုမ္ပဏီမှ အမှုဆောင်အရာရှိချုပ် ကိုငွေထွန်းက “အချက်အလက်တွေ ရှာတဲ့အခါမှာ ပြည့်စုံတဲ့ အဖြေတွေ ပေးနိုင်အောင်လို့ ရည်ရွယ်ပြီးလုပ်တာပါ။ အင်္ဂလိပ်လိုကတော့ ရှိပြီးသားပါ။ ခုဟာက မြန်မာစာနဲ့ ကြိုးစားကြည့်တာပါ။ ရေးချင်တဲ့သူတွေ ရေးနိုင်အောင်၊ ဖတ်ချင်တဲ့သူတွေ ဖတ်နိုင် အောင် ကျနော်တို့အနေနဲ့ စီစဉ်ပေးထားတာပါ။ ကျနော်တို့ အားပေးချင်တာကတော့ မြန်မာလို ပြန်နိုင်တဲ့သူတွေပြန်ပါ။ ရေးနိုင်တဲ့လူတွေ ဆက်ရေးကြပါ” ဟု ပြောသည်။

စွယ်စုံကျမ်းကို မည်သူမဆို အခမဲ့ဝင်ရောက်ဖတ်ရှုနိုင်ပြီး လွတ်လပ်စွာ ကိုယ်တိုင်ပါဝင် ရေးသားနိုင် ကြောင်း၊ အချက်အလက်များ မှန်ကန်ကြောင်းကိုမူ ရေးသားသူကိုယ်တိုင် တာဝန်ခံရမည်ဖြစ်ပြီး မှားယွင်းနေသည်ကို တွေ့ရှိပါက မည်သူမဆို ၀င်ရောက်ပြင်ဆင်နိုင်ကြောင်း သိရသည်။

မြန်မာအွန်လိုင်းစွယ်စုံကျမ်းကို ဖတ်ရှုရန် အင်တာနက်လိပ်စာမှာ http://my.wikipedia.org/ ဖြစ်ပြီး အင်္ဂလိပ်ဘာသာဖြင့် ရေးသားထားသည့် မူရင်း ကမ္ဘာ့စွယ်စုံကျမ်း ၀ီကီပီးဒီးယား အင်တာ နက်စာမျက်နှာမှာ http://www.wikipedia.org/ ဖြစ်သည်။

မြန်မာဘာသာဖြင့် ဖတ်ရှုနိုင်ရန် ပိတောက်၊ မြန်မာသရီးနှင့် ပုရပိုက် မြန်မာစာဖောင့်များ ရှိရန် လိုအပ်သည်။ အဆိုပါဖောင့်များကို မြန်မာဝီကီပီးဒီးယား အင်တာနက်စာမျက်နှာနှင့် http:// www.zawgyi.org/ စာမျက်နှာတို့တွင် ဒေါင်းလုဒ်ရယူနိုင်သည်။

ကမ္ဘာ့အွန်လိုင်းစွယ်စုံကျမ်း ၀ီကီပီးဒီးယားကို ၂၀၀၁ ခုက စတင်ခဲ့ပြီး ဘာသာပေါင်း (၂၅၀) ကျော် ဖြင့် ရေးသားထားကာ လူအများ ကိုးကားရည်ညွှန်းစရာ အင်တာနက် စာမျက်နှာတခုဖြစ်သည်။ နှစ်စဉ် လူပေါင်း သန်းနှင့်ချီ၍ ၀င်ရောက်ဖတ်ရှုကြပြီး ၂၀၀၈ ခု၌ ၀င်ရောက်ကြည့်ရှုသူ အနည်း ဆုံးသန်း (၆၈၄) သန်းရှိသည်ဟု ၀ီကီပီးဒီးယားက ခန့်မှန်းထားသည်။

တော်လှန်ရေးမှန်သမျှ ကဗျာထဲမှာ ပထမဆုံး ပေါက်ဖွားတာချည်းပဲ


ဆောင်းပါး
မဇ္ဈိမသတင်းဌာန
တနင်္လာနေ့၊ ဂျူလိုင်လ 07 2008 17:39 - မြန်မာစံတော်ချိန်

(က)
စတာလင်
(ဆေတန် - ဆေတန်)

သူကပြောတယ်
"ငါ့ကိုယုံကြည်စမ်းပါ၊ ငါဟာ အချိန်ကာလပဲ" တဲ့။

ပြီးတော့
သူတို့က သူ့ကိုယုံကြည်လိုက်ကြတဲ့ အခါမတော့
ခလေးတွေအားလုံးကို သူက ဖျက်ဆီး ၀ါးမြိုပစ်လိုက်ပါလေရော ... ။

ဒီကဗျာကို ရေးတဲ့ ကဗျာဆရာကတော့ "ဗလာဒီမာ လိဖ်ချက်" ပါ။ ဘူလ်ဂေးရီးယား ကဗျာဆရာပါ။ သူက ၁၉၅၇-ခုနှစ်မှာ မွေးတယ်ဆိုတော့ ဆီုဗီယက်ယူနီယံရဲ့ ခေါင်းဆောင်ကြီး "စတာလင်" သေဆုံးပြီးမှ ရေးတဲ့ ကဗျာလို့ ပြောလို့ ရပါတယ်။ ဒါပေမယ့် ဆိုဗီယက်ကမ္ဘာမှာ "စတာလင်" ကို တို့ထိလို့ မရသေးတဲ့အချိန်။ "စတာလင်" ကို အာဏာရှင်ကြီး ဖြစ်တယ်ဆိုတာ ဆိုဗီယက်ကမ္ဘာမှာ ဘယ်သူမှ မပြောရဲသေးတဲ့ အချိန်။ "လိဖ်ချက်" က ဘူလ်ဂေးရီးယား ကဗျာဆရာ ဖြစ်ပေမယ့် "စတာလင်" ကို အခုလို "ဆေတန်" နဲ့ နှိုင်းပြီး ဘာ့ကြောင့် ရေးရတာလဲ ဆိုတော့ "စတာလင်" ခေါင်းဆောင်တဲ့ ဆိုဗီယက် ကွန်မြူနစ်တွေဟာ အရှေ့ဥရောပ နိုင်ငံတွေကို စစ်ရေး အရ၊ နိုင်ငံရေးအရ လွှမ်းမိုးထားပြီး အဲဒီ တိုင်းပြည်တွေမှာ ဆိုဗီယက်ယူနီယံကို မှီခိုထောက်ခံတဲ့ ကွန်မြူနစ်အစိုးရတွေ၊ တပါတီ အာဏာရှင် အစိုးရတွေကို ကျောထောက်နောက်ခံ ပြုနေတဲ့အတွက် ဒီလိုဖြစ်ရတာဟာ အာဏာ ရှင်ကြီး "စတာလင်" မှာ တာဝန်အရှိဆုံး အနေနဲ့ အခုလို ဗြောင်ဖွင့်ချပြီး ကဗျာရေးခဲ့တာပါ။


ငါတို့ရဲ့ဘ၀တွေဟာ
ဒါတွေရဲ့အောက်မှာ
ကြာရှည်လေးမြင့် မနေနိုင်ကြတော့ဘူး။
သူ့ရဲ့ တုတ်ခိုင်ပူနွေးတဲ့လက်ချောင်းကြီးဆယ်ချောင်း
သူ့စကားလုံးတွေဟာ အလေးချိန်တိုင်း ကိရိယာတွေလိုပါပဲ။

ဒီကဗျာကတော့ ရဟူဒီ ကဗျာဆရာ "အိုစစ် မင်ဒယ်လ်စတန်း" ရဲ့ ကဗျာထဲက စာသားတချို့ပါ။ သူက ရုရှားနိုင်ငံသား။ ကဗျာဆရာခေါင်းစဉ်က "ရှေ့ဆောင်လမ်းပြ ခေါင်းဆောင်ကြီး စတာလင်" ဆိုပြီး "စတာလင်" ကို ငေါ့ပြီး လှောင်ပြီး ပေးတဲ့ ခေါင်းစဉ်။ ဒီကဗျာကို ၁၉၃၃-ခုနှစ်မှာ ရေးတာဆိုတော့ အာဏာရှင်ကြီး စတာလင် မသေဆုံးခင်အချိန်။ ဆိုဗီယက် ကမ္ဘာတခုလုံး ဖိန့်ဖိန့်တုန်အောင် ကြောက်နေရတဲ့ ပုဂ္ဂိုလ်ကို နာမည်တပ်ပြီးမှကို ကဗျာ ရေးပြီး လှောင်ပြောင်ရှုံ့ချလိုက်တာ ... ။ ဒီလိုနဲ့ "မင်ဒယ်လ်စတန်း" လည်း အဖမ်းခံရ၊ ဆိုက်ဗေးရီးယား မဲဇာ အပို့ခံရတော့တာပဲ။

ဒါတွေကတော့ အရှေ့ဥရောပတခွင်နဲ့ ဆိုဗီယက်ကမ္ဘာမှာ ထိပ်ဆုံးက တာဝန်အရှိဆုံး အာဏာရှင်ကြီး "စတာလင်" ကို ဗြောင်နာမည်တပ်ပြီး ဆန့်ကျင်ရှုံ့ချတဲ့ကဗျာတွေပါပဲ။


အန္တိမသက်ငြိမ်

ပြီး ပြည့်စုံတဲ့ အမှောင်ထုထဲမှာ
လ မရှိ၊ အလင်းရောင် မရှိ၊ မီးတောက်မီးပွား မရှိ
ဟိုနေရာ မရှိ၊ ဒီနေရာ မရှိ
အမှောင်ထုအပေါ်က အမှောင်ထုရဲ့
ပြီး ပြည့်စုံတဲ့ဖြစ်တည်ခြင်းတခု ... ။ ။

ဒီကဗျာကတော့ ရူမေးနီးယား ကဗျာဆရာမ "နီနာကော်ရှန်" ရဲ့ ကဗျာပါ။ ကျနော်တို့ဆီမှာလိုပဲ ဖောက်ပြန်မှားယွင်းတဲ့ စနစ်အောက်မှာ နေကြထိုင်ကြရတဲ့ အခြေအနေကို တင်စားတဲ့ကဗျာပါ။ သူက တပါတီ အာဏာရှင်စနစ်အောက်က သူ့ရဲ့ လူ့အဖွဲ့အစည်း အခြေအနေကို "အမှောင်ထုအောက်မှာ" လို့ ဆိုလိုက်ပါတယ်။ ရူမေးနီးယားနိုင်ငံမှာ လ မရှိ၊ အလင်းရောင် မရှိ၊ မီးတောက်မီးပွား မရှိ ... ဘူးတဲ့။


ညတညရဲ့ ပြတင်းပေါက်တခု
တွေ့ဆုံခြင်း သို့မဟုတ် ခွဲခွါခြင်းရဲ့ အော်သံဟစ်သံများ
အမှန်စင်စစ်
ဒါတွေဟာ အလင်းရောင်တွေ အများကြီး
အမှန်စင်စစ်
ဖယောင်းတိုင် သုံးတိုင်မျှသာပါပဲ။

ဒါပေမယ့်
ငါ့စိတ်ရဲ့ နေရာတိုင်းမှာ မငြိမ်းချမ်းနိုင်ဘူး
ငါ့အိမ်ထဲမှာလည်း ဒီလိုပဲ
ဒါတွေအားလုံး အစပြုခဲ့ပြီ ... ။

လူတွေ မငြိမ်းချမ်းနိုင်တဲ့ သောကဖိစီးနေရတဲ့ အခြေအနေကို ဖော်ပြတဲ့ကဗျာပါ။ ရုရှားကဗျာဆရာမ "မာရီနာ စဗက်ထရေဗာ" ရဲ့ "အင်ဆွန်မီနီယာ" ကဗျာထဲက တပိုဒ်ပါ။ ဒီလို အခြေအနေမျိုးအောက်မှာ "မာရီနာ" ဟာ ခံနိုင်ရည် မရှိခဲ့ရှာပါဘူး။ သူဟာ အကြိမ်ကြိမ် အဖမ်းခံရပြီးတဲ့နောက် ဒုက္ခသည် စခန်းတခုမှာပဲ ကိုယ့်ကိုယ်ကို အဆုံးစီရင်သွားခဲ့ပါတယ်။


သူ့ရဲ့ ဘယ်ဖက်လက်မောင်းကို
သူတို့ ဖြတ်ပစ်လိုက်ကြတယ်။

ပြီးတော့ ... ညာဖက်လက်မောင်း။

ခြေထောက်တဖက်
ပြီးတော့ နောက်ထပ်ခြေထောက်တဖက်။

သူ့ခေါင်းကိုလည်း အသေအချာပဲ
သူ့လည်တိုင်ကိုတော့ မြေဆီမြေသြဇာအဖြစ် စိုက်ထူလိုက်ကြတယ်
အပင်ပေါက်လာဖို့အတွက်။

ခလေးတွေနဲ့
ဆိတ်တွေ သိုးတွေ
သူ့လည်တိုင်ကို တွဲခိုစီးကာနေကြပေါ့။ ။

မျိုးဆက်တဆက်အတွက် မျိုးဆက်တခုက အရင်းအနှီး ပြုရတဲ့သဘော ရေးတဲ့ကဗျာပါ။ ဒါပေမယ့် ဘယ်သူတွေကများ သူ့ရဲ့ လက်တွေ၊ ခြေထောက်တွေနဲ့ ခေါင်းကို ဖြတ်ခဲ့ကြတာလဲ။ ဒီကဗျာကိုတော့ ယူဂိုဆလပ် ကဗျာဆရာ "ဂိုကို ရိုဂို" ရဲ့ "အမျိုးသား သူရဲကောင်း" ဆိုတဲ့ ကဗျာပါ။ သူကတော့ ဒုတိယ ကမ္ဘာစစ်ကြီးပြီးတဲ့ နောက် ယူဂိုဆလားဗီးယားမှာ ပထမဦးဆုံး ဖမ်းဆီးထောင်ချခံရတဲ့ ကဗျာဆရာပါ။ သူဦးစီးထုတ်ဝေတဲ့ သတင်းစာလည်း အပိတ်ခံခဲ့ရပါတယ်။


ဘာတွေလိုအပ်ခဲ့သလဲ
ငါတို့
ဆောင်ရွက်ခဲ့ပြီးပြီ။

ကွင်းပြင်တွေ လဲလျောင်းလျက်
ငါတို့ စိုက်ပျိုးခဲ့ကြတယ်
မျိုးစေ့တွေ ကြဲချခဲ့ကြတယ်
ပြီးတော့ ငါတို့စောင့်ခဲ့ကြတယ်။

ငါတို့အမျိုးသမီးတွေက လဲလျောင်းလျက်
ပြီးတော့ ဘာတွေလိုအပ်ခဲ့သလဲ
ငါတို့ ဆောင်ရွက်ခဲ့ပြီးပြီ။

ပြီးတော့ ငါတို့စောင့်ခဲ့ကြတယ်။

နိုင်ငံခြား ကျူးကျော်သူတွေရောက်လာကြတဲ့အခါ
ဘာတွေလိုအပ်ခဲ့သလဲ
ခြံတွေ၊ အိမ်တွေကို ခြံစည်းရိုးခတ်ကြပြီးပြီ
ပုဆိန်တွေ၊ ဓါးတွေ သွေးကြပြီးပြီ။

ဒီကဗျာကတော့ ချက်ကဗျာဆရာမ "ဆီလ်ဗာ ဖစ်ရှာရိုဗာ" ရဲ့ "လိုအပ်ချက်" ဆိုတဲ့ ကဗျာပါ။ သူက ၁၉၆၃-ခုနှစ်မှာ မွေးပါတယ်။ ဒီထဲက "နိုင်ငံခြားကျူးကျော်တွေ" ဆိုတာ ဆိုဗီယက် စစ်တပ်တွေကို ပြောတာပါ။ ဆိုဗီယက် စစ်တပ်တွေက ကွန်မြူနစ်စနစ်ကို ကာကွယ်ဖို့ဆိုပြီး ချက်ကိုစလိုဗက် နိုင်ငံထဲကို ကျူးကျော်ဝင်ရောက် ခဲ့ကြပါတယ်။ ချက်ကိုစလိုဗက် ပြည်သူတွေရဲ့ ဒီမိုကရေစီအုံကြွမှုကို ဖောက်ပြန်တဲ့ ချက်ကိုစလိုဗက် အစိုးရနဲ့ ပေါင်းပြီး နှိမ်နင်းကြပါတယ်။ ဒီအဖြစ်အပျက်ကို "ဖစ်ရှာရိုဗာ" က ကဗျာရေးဖွဲ့ခဲ့တာပါ။


(ခ)

အခုအချိန်မှာတော့ ကျနော်တို့နိုင်ငံက စာပေပညာရှင်တွေရဲ့ခေါင်းပေါ်မှာ စစ်အာဏာရှင်တွေ လက်သီး ၀ဲပြနေကြပါတယ်။ တချိန်က နိုင်ငံရေး အပြောင်းအလဲတွေ အောင်မြင်အောင် မလုပ်နိုင်ခင်အချိန်တုန်းက အရှေ့ ဥရောပ ပြည်သူတွေရဲ့ ခေါင်းပေါ် တပါတီ အာဏာရှင်အစိုးရတွေက လက်သီးဝဲပြသလိုမျိုး၊ အခုလည်း စစ်အစိုးရက ကျနော်တို့ ပြည်သူတွေအပေါ် တုတ်တ၀ဲဝဲ၊ ဓါးတ၀ဲဝဲ လုပ်ပြနေတဲ့ အချိန်ပါ။ အခုတော့ အရှေ့ဥရောပ ပြည်သူတွေက သူတို့ခေါင်းပေါ်မှာ ၀ဲနေတဲ့ လက်သီးကို ပုတ်ချလိုက်ကြပြီးပါပြီ။ အရှေ့ဥရောပ ပြည်သူတွေ လွတ်မြောက်သွားကြပါပြီ။ လွတ်မြောက်ရာလမ်းစ သူတို့ ဘယ်မှာ ရှာခဲ့ကြပါသလဲ။ ကဗျာတွေထဲမှာ ရှာခဲ့ကြတာပါ။ တော်လှန်ရေး လမ်းစကို ကဗျာတွေထဲမှာ သူတို့တွေ့ခဲ့ကြတာပါ။

အခုလည်း ကျနော်တို့နိုင်ငံက ကဗျာဆရာ "စောဝေ" ရဲ့ "ဖေဖော်ဝါရီဆယ့်လေး" ကဗျာနဲ့ ကဗျာဆရာ "ကြည်မောင်သန်း" ရဲ့ "ဒီပရင်္ဂ" ကဗျာတွေထဲမှာ ကျနော်တို့ ပြည်သူတွေဟာ "လွတ်မြောက်ရာ လမ်းစ" ကို ရှာနေကြပါပြီ။ တော်လှန်ရေးရဲ့ အချက်ပြသံကို ကဗျာတွေထဲမှာ ရှာလို့တွေ့နေကြပါပြီ။ မကြာခင် ကျနော်တို့ခေါင်းပေါ် ၀ဲနေတဲ့ အာဏာရှင်ရဲ့ "လက်သီး" ကို ကျနော်တို့ ကိုယ်တိုင် ပုတ်ချနိုင်တော့မှာပါ။

ဒီနေရာမှာ မှတ်သားဖွယ်ကောင်းတဲ့ စကားတခွန်းနဲ့ ဒီဆောင်းပါးကို နိဂုံးချုပ်ချင်ပါတယ်။ ဒီလို အခြေအနေ အားလုံးကို ခြုံငုံ အကျုံးဝင်တဲ့ စကားတခွန်း ဖြစ်ပါတယ်။ အဲဒါကတော့ ရုရှား ကဗျာဆရာကျော် "ယက်တူရှန်ကို" ပြောခဲ့ဖူးတဲ့ စကားပါ။ သူက ဘယ်လိုပြောခဲ့သလဲ ဆိုတော့ ...၊ "တော်လှန်ရေး မှန်သမျှ ကဗျာထဲမှာ ပထမဆုံး ပေါက်ဖွားတာချည်းပဲ" တဲ့ ... ။ ။


ငြိမ်းဝေ

ကိုးကား
SELECTED POEMS OF MARINA TSVETAYEVA
AN ANTHOLOGY OF CONTEMPORARY ROMANIAN POETRY
SELECTED POEMS OF OSIP MANDELSTAM
CHILD OF EUROPE

ရသလွင်ပြင်

ကဗျာဆိုတာ ပြောက်ကျားလက်နက်
ငြိမ်းဝေ ဇူလိုင် ၇၊ ၂၀၀၈

(က)

၂၀၀၈-ခုအ၀င်ကာလများမှာ မြန်မာနိုင်ငံရဲ့ ယဉ်ကျေးမှု စစ်မျက်နှာတခုရယ်လို့ ဆိုရမယ့် ကဗျာစာပေနယ်ပယ်မှာ ပေါက်ကွဲ သံတွေ ဆူညံနေခဲ့ပါတယ်။ ဒီပေါက်ကွဲသံတွေဟာ ကမ္ဘာ့အာဏာရှင်စနစ် ဆန့်ကျင်ရေးတိုက်ပွဲသမိုင်းမှာ ကဗ္ဓျည်းထိုးကြရ မယ့် တိုက်ပွဲသံတွေလည်း ဖြစ်ပါတယ်။ ကျနော်ဆိုလိုတာကတော့ ကဗျာဆရာ စောဝေရဲ့ “ဖေဖော်ဝါရီဆယ့်လေး” ကဗျာ၊ ကဗျာဆရာ ကြည်မောင်သန်းရဲ့ “ဒီပရင်္ဂ” ကဗျာတွေဟာ စစ်အာဏာရှင်ရဲ့ ခံကတုပ်များဖြစ်ကြတဲ့ စာပေစီစစ်ရေးမြောင်း တွေကို အပြင်းထန်ဆုံး ပစ်ခတ်ထိုးဖောက် တိုက်ခိုက်လိုက်တဲ့ တိုက်ပွဲသံတွေကို ဆိုလိုတာပါ။ ဒီအဖြစ်အပျက်တွေနဲ့ ဆက်စပ်ပြီး လွန်ခဲ့တဲ့ နှစ် (၃၀) ကျော်လောက်က မြန်မာကဗျာနယ်ပယ်အတွင်း ဖြစ်ထွန်းခဲ့တဲ့ စာပေလှုပ်ရှားမှုတခုကို သွားပြီး သတိရမိပါတယ်။

၁၉၇၀-ခုနှစ်ဝန်းကျင်က “စာပေဆည်းဆာ” ဆိုတဲ့ စာပေလှုပ်ရှးမှုတခု ရှိခဲ့ဖူးတယ်။ မဆလ တပါတီ အာဏာရှင်အောက်မှာ ဖြစ်တာမို့ ထင်ထင်ပေါ်ပေါ်တော့ မဟုတ်ဘူးပေါ့။ ဒါပေမယ့် ဒီ “စာပေဆည်းဆာ” ဟာ ကဗျာနဲ့ပါတ်သက်တဲ့ ဖြစ်ထွန်းမှု တချို့ကို တွန်းတင်ပေးနိုင်ခဲ့ပါတယ်။ အထူးသဖြင့် အတတ်ပညာအပိုင်းမှာ ဖြစ်ပါတယ်။

“စာပေဆည်းဆာ” လှုပ်ရှားမှုရဲ့ အစီစဉ်ထဲမှာ ကိုယ့်အစုနဲ့ကိုယ်၊ ကိုယ့်ဒေသနဲ့ကိုယ် ကဗျာစာအုပ်တွေ ထုတ်ကြဖို့ ဆိုတဲ့ အစီစဉ်လည်းရှိခဲ့ပါတယ်။ ဒီအစီစဉ်နဲ့ပဲ ဒေသအရဆိုရင် ပျဉ်းမနားက “တောင်ညိုခင်တန်း”၊ ပဲခူးက “ဒီရေ” နဲ့ “ဆီးပွင့်”။ တခြားဒေသတချို့ကလည်း ကဗျာစာအုပ်တွေ ထုတ်ကောင်းထုတ်နိုင်ခဲ့ပါလိမ့်မယ်။ ကျနော် မှတ်မိသလောက် အဲဒီ ပဲခူး၊ ရန်ကုန်၊ ပျဉ်းမနား အစရှိတဲ့ ဒေသက ကဗျာဆရာတွေက ကိုယ့်ဒေသရယ်လို့ မဟုတ်ပဲ၊ တခြားဒေသက ကဗျာဆရာတွေ ဆီက ကဗျာတွေကိုပါတောင်းပြီးထုတ်တော့ ကိုယ့်ဒေသက တာဝန်ယူ ထုတ်ခဲ့ကြတဲ့သဘောပါပဲ။ ဥပမာ ... ကျနော်တို့ ပဲခူးကဆိုရင် “ဆီးပွင့်” ကဗျာစာအုပ်ထုတ်တော့ ရန်ကုန်က “မုံရွာအောင်ရှင်” တို့ ပျဉ်းမနားက “မောင်သင်းခိုင်” တို့ရဲ့ ကဗျာတွေကိုတောင်းပြီး ကျနော်တို့ ကဗျာစာအုပ်မှာ ထည့်ခဲ့ကြတာပဲ။ ရာဇ၀င်တွင်ဖို့လိုအပ်တယ်လို့ ယူဆပြီးပြောရရင် ရန်ကုန်မှာထုတ်တဲ့ ကဗျာစာအုပ်တွေဟာ၊ အသိုင်းအ၀ိုင်းအားဖြင့် ကျယ်ပါတယ်။ တကယ့်တပ်ပေါင်းစုသဘောလည်း ဆောင်ပါတယ်။ ဒီတုန်းက ရန်ကုန်ကထုတ်တဲ့ ပထမဦးဆုံးနဲ့ ဒုတိယအကြိမ်ထုတ်ဝေတဲ့ ကဗျာစာအုပ်ရဲ့ နာမည်တွေကို ဆရာ “ဒဂုန်တာရာ” က နာမည်ပေးခဲ့တာပါ။ လက်ရေးနဲ့ရေးတဲ့သူတွေက ပထမ “မုံရွာအောင်ရှင်”၊ ဒုတိယ “ကိုအောင်ငြိမ်း”။ ပထမဦးဆုံး ထုတ်ဝေတဲ့ ကဗျာစာအုပ်ရဲ့ အမည်က “နွေဦးသစ်မှာပေါ်တဲ့ ပွင့်သစ်” တဲ့။ ဒုတိယစာအုပ်ကတော့ “မိုးရိပ် လေရိပ်” ဖြစ်ပါတယ်။ ဒီစာအုပ်တွေဟာ ထုတ်ဝေခွင့်ရယူပြီး တရားဝင်ပုံနှိပ်ထုတ်ဝေခဲ့တာ မဟုတ်ပါဘူး။ ဖယောင်းစက္ကူ ပေါ်မှာ ကညစ်နဲ့ရေးပြီး ကျောက်ပုံနှိပ်လက်ရေးကဗျာစာအုပ်တွေအဖြစ် ထုတ်ဝေခဲ့ကြတာပါ။

ကျနော်ထင်ပါတယ်။ ဒီတုန်းက အဲဒီ “စာပေဆည်းဆာ” လှုပ်ရှားမှုဟာ အကြောင်းအရာ (နိုင်ငံရေး) အရ၊ အတတ်ပညာအရ မြန်မာကဗျာဖြစ်ထွန်း တိုးတက်မှုကို တွန်းတင်နိုင်ခဲ့တယ်လို့ ယူဆနိုင်ပါတယ်။ ဒီ “စာပေဆည်းဆာ” လှုပ်ရှားမှုထဲကပဲ စာပေအယူအဆတချို့ ပေါ်ထွက်လာခဲ့တယ်လို့ ဆိုရပါမယ်။

(ခ)

၁၉၇၀-ခုနှစ်တ၀ိုက်က၊ “စာပေဆည်းဆာ” လှုပ်ရှားမှုထဲမှာ ကျနော် စိတ်ဝင်စားတဲ့ အယူအဆ (၂) ခု ရှိခဲ့ပါတယ်။ ပထမ အချက်က “ကဗျာနှင့်လူ ထပ်တူဖြစ်မှု မဖြစ်မှု” ဆိုတဲ့အယူအဆ။ နောက်တချက်ကတော့ “ကဗျာဆိုတာ ပြောက်ကျား လက်နက်” ဆိုတဲ့ အယူအဆပါပဲ။ ဒီကနေ့ ဒီဆောင်းပါးမှာတော့ “ကဗျာဆိုတာ ပြောက်ကျားလက်နက်” ဆိုတဲ့ အယူအဆ ကိုပဲ ကျနော်ပြောပါမယ်။

ပြောမယ့်သာပြောရတာပါ။ ဒီ “စာပေဆည်းဆာ” ကဗျာလှုပ်ရှားမှုလုပ်တဲ့အချိန်က ကျနော်က ကဗျာတပုဒ်ပဲ ပုံနှိပ်ဖော်ပြခံရ ဖူးသေးတဲ့ တကယ့်နောက်တန်းရဲ့ နောက်တန်းက လူတယောက်ပါ။ အသက်အရွယ် အားဖြင့်လည်း (၂၀) ၀န်းကျင်ပဲ ရှိပါ သေးတယ်။ နောင်တော် ကဗျာဆရာတွေဖြစ်ကြတဲ့ “အောင်ငြိမ်း”၊ “မုံရွာ အောင်ရှင်”၊ “မောင်သင်းခိုင်”၊ “ဇော် (ပျဉ်းမနား)” တို့ရဲ့ နောက် ... ၊ ခတ်လှမ်းလှမ်းက လူတယောက်ပါပဲ။ “စာပေဆည်းဆာ” ကိစ္စ၊ ကျနော့်မှာ ပြောခွင့်ရှိတဲ့အနေအထား၊ ပြောနိုင်လောက်တဲ့ “၀ါ”၊ ကျနော့်မှာ မရှိပါဘူး။ အခုလို စာတတန် ပေတတန်ရေးပြီး ပြောတယ်ဆိုတာကလည်း ကိုယ့်ကိုယ် ကို ပြောနိုင်တဲ့ လူတယောက်လို့ ယူဆပြီး ပြောတာလဲ မဟုတ်ပါဘူး။ ဒါပေမယ့် “စာပေဆည်းဆာ” ကို ကျနော်တန်ဘိုး ထားတယ်။ “စာပေဆည်းဆာ” ဟာ ကျနော်ရဲ့ ပဲ့ကိုင်၊ “စာပေဆည်းဆာ” ဟာ ကျနော့်ရဲ့ ဖြတ်သန်းမှုတခုဖြစ်တာမို့ “စာပေ ဆည်းဆာ” ကို လွမ်းသတဲ့အနေနဲ့ ကျနော်ရေးတာပါ။

အဲဒီစာပေဆည်းဆာလှုပ်ရှားမှုထဲမှာ ကျနော်တို့ရဲ့ နောင်တော်ကြီးတွေ ပြောသံဆိုသံကြားလို့ ၀င်ပြီး နားထောင်၊ ၀င်ပြီး ဆွေးနွေးရင်းနဲ့ “ကဗျာဆိုတာ ပြောက်ကျားလက်နက်” ဆိုတဲ့ စကားကို ကျနော်ကြားခဲ့ရတာပါ။ လွဲချင်လည်း လွဲနိုင်ပါတယ်။ “ကဗျာဆိုတာ ပြောက်ကျားလက်နက်ဖြစ်တယ်” ဆိုတဲ့စကားကို ဆရာ “မောင်သင်းခိုင်” တို့က စပြီး ပြောခဲ့တာလို့ပဲ မှတ်ယူ ခဲ့ဖူးပါတယ်။

(ဂ)

ဒီ ၂၀၀၈-ခုနှစ်၊ နှစ်လည်မကျော်ခင်မှာပဲ၊ မြန်မာစာပေသမိုင်းမှာ ထင်ရှားတဲ့အဖြစ်အပျက် (၂) ခု ရှိခဲ့ပါတယ်။ နှစ်ခုစလုံး ကဗျာနဲ့ ပါတ်သက်တဲ့ သမိုင်းဝင်အဖြစ်အပျက်တွေပါပဲ။ ပထမ အဖြစ်အပျက်ကတော့ ကဗျာဆရာ စောဝေရဲ့ “ဖေဖော်ဝါရီ ဆယ့်လေး” ကဗျာကိစ္စ၊ နောက်တခုကတော့ ကဗျာဆရာ “ကြည်မောင်သန်း” ရဲ့ “ဒီပရင်္ဂ” ကဗျာ ကိစ္စပါပဲ။ ဒီကဗျာ (၂) ပုဒ်ဟာ တခုနဲ့တခု ဦးတည်ချက်ချင်းတော့ တူကြပါတယ်။ ဆရာ “စောဝေ” ရဲ့ ကဗျာက အုပ်စိုးသူ စစ်အစိုးရရဲ့ ဦးနှောက် နဲ့နှလုံးသားကို တိုက်ရိုက်ထိုးနှက်တဲ့ ကဗျာဖြစ်ပြီး၊ ဒုတိယကဗျာတပုဒ် ဆရာကြည်မောင်သန်းရဲ့ကဗျာကြတော့ စစ်အစိုးရ ဆန့်ကျင်ရေး တိုက်ပွဲဝင် အဖြစ်အပျက်နဲ့ တိုက်ပွဲဝင် ခေါင်းဆောင်တွေကို ဂုဏ်ပြုမှတ်တမ်းတင်တဲ့ ကဗျာဖြစ်ပါတယ်။ ဟိုတုန်းက အသုံးပြုခဲ့တဲ့ စကားလုံးတွေအရ ပြောရရင် ဆရာစောဝေရဲ့ ကဗျာက “ဖွင့်ချရေး” အလုပ်ကိုလုပ်ပြီး၊ ဆရာ ကြည်မောင်သန်းရဲ့ကဗျာ ကတော့ “အမွှန်းတင်ရေး” အလုပ်ကိုလုပ်ပါတယ်။

ဒီအဖြစ်အပျက်နဲ့ ဒီကဗျာ (၂) ပုဒ်ကိုကြည့်ရင် ကဗျာဆရာနှစ်ယောက်စလုံးဟာ လူထုဖက်က ရပ်တည်ကြတဲ့ ကဗျာဆရာ တွေဆိုတာ ရှင်းပါတယ်။ အခုလို လူထုနဲ့အုပ်စိုးသူ စစ်အစိုးရ ပဋိပက္ခဖြစ်တဲ့အခိုက်၊ ဒီကဗျာ ဆရာနှစ်ယောက်ဟာ လူထု ဖက်ကရပ်ပြီး လူထုရဲ့ရန်သူ၊ ဖိနှိပ်သူ စစ်အစိုးရကို ထိုးနှက်တိုက်ခိုက်ကြတဲ့ ရာဇ၀င်တွင်တဲ့ ကဗျာဆရာတွေပါပဲ။ ဒီနေရာမှာ ကဗျာဆရာနှစ်ယောက်စလုံး ကဗျာဆရာပီပီ၊ ကဗျာလက်နက်ကိုပဲ ကိုင်ဆွဲခဲ့ကြပေမယ့် သူတို့ကိုင်ဆွဲတဲ့ကဗျာ၊ သူတို့အသုံး ပြုတဲ့ကဗျာဟာ “ပြောက်ကျားလက်နက်” သဘော အသုံးပြုသွားတာ တွေ့ကြရပါတယ်။ စစ်အစိုးရဲ့ စာပေစီစစ်ရေး အဟန့် အတားတွေကို အလစ်အငိုက် ထိုးဖောက်ဝင်ရောက်ဖြတ်သန်းနိုင်ဖို့ သူတို့ရဲ့ကဗျာတွေဟာ ကိုယ်ရောင်ဖျောက်ထားတဲ့ကဗျာ စကားလုံး၊ ကိုယ်ရောင်ဖျောက်ထားတဲ့ ပါဒ၊ ကိုယ်ရောင်ဖျောက်ထားတဲ့ ကဗျာပိုဒ်တွေကို အသုံးပြုခဲ့ကြပါတယ်။ မထင်မှတ် တဲ့အချိန်၊ မထင်မှတ်တဲ့နေရာက မထင်မှတ်တဲ့အသွင်သဏ္ဌာန်နဲ့ စစ်အစိုးရဲ့ ခံတပ်၊ စာပေစီစစ်ရေးကို အပြင်းထန်ဆုံး ၀င်ရောက်ထိုးဖောက် တိုက်ခိုက်လိုက်ကြတဲ့ သဘောပါပဲ။ ဒါဟာဖြင့် ပြောက်ကျားသေနင်္ဂဗျူဟာပါပဲ။

လူထုကြီးနဲ့ စစ်အစိုးရ အခုလို ရင်ဆိုင်ပဋိပက္ခဖြစ်နေတဲ့အချိန်မှာ လူထုကြီးက လက်နက်မဲ့ဖြစ်ပါတယ်။ ဖိနှိပ်သူ စစ်အစိုးရက လက်နက်ရှိဖြစ်ပါတယ်။ လူထုကြီးက အင်အားနည်းပြီး ဖိနှိပ်သူစစ်အစိုးရက အင်အားကြီးပါတယ်။ စစ်ရေးသေနင်္ဂဗျူဟာမှာ အင်အားကြီးသူကို အင်အားနည်းသူက ရင်ဆိုင်တိုက်ခိုက်တဲ့အခါ “ပြောက်ကျားသေနင်္ဂဗျူဟာ” ဟာ အထိရောက်ဆုံးနဲ့ အမှန်ကန်ဆုံးဗျူဟာပါပဲ။ ပြောက်ကျားဗျူဟာမှာ အလစ်အငိုက်ဝင်ရောက် တိုက်ခိုက်ခြင်း၊ ကိုယ်ရောင်ဖျောက်ထားခြင်း၊ အသေမရပ်တည်ပဲ အမြဲလှုပ်ရှားနေခြင်း၊ ရွေ့လွယ်ပြောင်းလွယ်ဖြစ်ခြင်း၊ အစရှိတဲ့ အင်္ဂါရပ်တွေရှိပါတယ်။ လူထုကြီးဖက်က ရပ်တည်တဲ့ ကဗျာဆရာတွေဟာ သူတို့ရဲ့ ကဗျာလက်နက်ကို “ပြောက်ကျားလက်နက်” တခုအဖြစ် ကျွမ်းကျင်စွာ ကိုင်တွယ် အသုံးပြုခဲ့ကြပါတယ်။ ဒါကြောင့်မို့ ထိလည်း ထိရောက်ခဲ့ကြပါတယ်။ အုပ်စိုးသူဟာ အကြီးအကျယ်အထိနာခဲ့ရပါတယ်။

ဒီအဖြစ်အပျက်တွေကိုကြည့်ရင် ဟိုတချိန်တုန်းက “စာပေဆည်းဆာ” စာပေလှုပ်ရှားမှုကို ဦးဆောင်ခဲ့ကြတဲ့ ဆရာ “မောင်သင်းခိုင်”တို့၊ ဆရာ “မုံရွာအောင်ရှင်”တို့ပြောခဲ့ကြတဲ့ “ကဗျာဆိုတာ ပြောက်ကျားလက်နက်”ပဲဆိုတဲ့ စကားဟာ ဒီက နေ့အထိ လူထုဖက်က ရပ်တည်တဲ့ ကဗျာဆရာတွေ ကိုင်စွဲကြရမယ့် သဘောထားတခုဖြစ်တယ်လို့ပဲ ယူဆမိပါတယ်။

တနင်္လာသတင်းများ


ကျောင်းသားသမဂ္ဂဖြိုဖျက်မှု ၄၆နှစ်ရှိခဲ့ပြီ
07 July 2008
ဦးကျော်အောင်လွင် -
လွန်ခဲ့တဲ့ ၄၆နှစ်က ဒီလိုနေ့မှာ ရန်ကုန် တက္ကသိုလ် ကျောင်းသူကျောင်းသားတွေကနေ သူတို့ရဲ့  ကျောင်းသား အခွင့်အရေး တွေရရှိရေး ဆန္ဒပြ တောင်းဆိုခဲ့ကြတာကို မြန်မာ့ တပ်မတော်က အကြမ်းဖက်ပစ်ခတ်ပြီး ဖြေရှင်းခဲ့လို့ သေဆုံးမှုတွေဖြစ်ခဲ့ ပြီး နောက်တနေ့ မနက်ပိုင်းမှာတော့ ရန်ကုန် တက္ကသိုလ် ကျောင်းသား သမဂ္ဂ အဆောက်အဦးကို မြန်မာ့ တပ်မတော်ကပဲ ဗုံးခွဲဖျက်စီးခဲ့တဲ့ အထိ လုပ်ဆောင်ခဲ့ပါတယ်။ အဲဒါကြောင့် ဒီကနေ့ကို Seven July, ဇူလိုင် ၇ရက် ကျောင်းသားလှုပ်ရှားမှုနေ့ အဖြစ် လူသိများလာခဲ့ပြီး ကျောင်းသူကျောင်းသားတွေနဲ့ စစ်တပ်နဲ့ကြားက မပြေလည်မှုတွေဟာလည်း အဲဒီအချိန်ကပဲ ပီပီ ပြင်ပြင် စတင်လာခဲ့တယ် လို့ဆိုရမှာပါ။

ဒီကနေ့ကျရောက်တဲ့ ၄၆နှစ်မြောက် Seven July အထိမ်းအမှတ်နဲ့ပါတ်သက်ပြီးပြည်ပရောက်မြန်မာ့အရေးလှုပ်ရှားကြသူ တွေကတော့ အထိမ်းအမှတ်အခန်းအနားတွေကြေညာချက်ထုတ်ပြန်တာတွေလုပ်ကြပါတယ်။ ဒီအကြောင်း ဦးကျော် အောင်လွင်က တင်ပြပေးပါတယ်။

၁၉၆၂ခုက စစ်အာဏာသိမ်း အစိုးရက ကျောင်းသားတွေရဲ့  တောင်းဆိုမှုတွေကို မလိုက်ရောပဲ အကြမ်းဖက် သတ်ဖြတ်မှု တွေနဲ့ တုန့်ပြန်ခဲ့လို့ သမိုင်းနဲ့ ချီပြီး ဖြစ်လာခဲ့တဲ့ စစ်အစိုးရ အဆက်ဆက်နဲ့ ကျောင်းသားလှုပ်ရှားမှု အဆက်ဆက်ကြားက ပြ ဿနာတွေဟာ အခုထိ ကျေလည်အောင် မဖြေရှင်းနိုင်သေးပါဘူး။ ကျောင်းသူကျောင်းသားတွေကို သတ်ဖြတ် ထောင်ချ အပစ်ပေးဖို့ အမိန့်ပေးခဲ့တဲ့ သူတွေ တချို့ ရော။ အပစ်ကျခံခဲ့ရတဲ့ ကျောင်းသူကျောင်းသား တချို့ နဲ့ မိဘတချို့လည်း ကွယ်လွန် ခဲ့ကြပြီဆိုပေမယ့်။ ဒီအဖြစ်အပျက်တွေဟာ မှေးမှိန် ပျောက်ကွယ် မသွားပဲ ဆက်ပြီှး ရှင်သန်နေတယ်လို့ပဲ ဆိုရမှာပါ။ အခုဆိုရင်ပဲ စစ်အာဏာပိုင်တွေ အဆက်ဆက် ကျောင်းသား ပြည်သူတွေအပေါ် သတ်ဖြတ်။ အကျဉ်းချခဲ့မှု တွေဟာ ပြစ်မှုကျုး လွန်တာတွေပဲဖြစ်ပြီး ဒီကိစ္စတွေကိုလည်း အစိုးရ အဆက်ဆက် ဖေါ်ထုတ် စစ်ဆေးတာတွေ မလုပ်ခဲ့လို့ ပြစ်မှုဆိုင်ရာ နိုင်ငံတ ကာတရားရုံးကို တိုင်ကြား အရေးယူသွားဖို့ ထိုင်းနိုင်ငံအခြေစိုက် မြန်မာနိုင်ငံရှေ့ နေများကောင်စီ BLC က ဇူလိုင် ၇ရက်နေ့ မှာတိုက်တွန်းလိုက်ပါတယ်။ အဲဒါကြောင့် BLC အဖွဲ့က ရှေ့ နေဦးမျိုးကို ကျွန်တော်ဆက်သွယ် မေးမြန်းခဲ့ပါတယ်။

"စစ်အာဏာပိုင် အဆက်ဆက်က ဒီလိုပြစ်မှုတွေ ကျူးလွန်ခဲ့တာတွေကိုကျွန်တော်တို့ မျက်ကွယ် ပြုထားမယ်ဆိုရင် နောက် ပိုင်း သူတို့ကို ကျုးလွန်ပိုင်ခွင့်ဆိုတဲ့ လိုင်စင် ပေးထားသလိုဖြစ်နေမယ်။ ကျွန်တော်တို့ ကျောင်းသား ပြည်သူတွေဘက်က နစ်နာ ဆုံးရှုံးမှုတွေ ရှေ့ ဆက် မဖြစ်ရအောင်ဆိုပြီး ကျွန်တော်တို့က စစ်အာဏာပိုင်တွေရဲ့ လှုပ်ရှားမှုတွေကို ဖေါ်ထုတ်ပြီး အရေးယူသွားရင် တစုံတရာ ပြည်သူလူထုဘက်က နစ်နာ ဆုံးရှုံးမှုတွေဟာ ကုစားမှုလည်း တစုံတရာ ရလာနိုင်တယ်။ ပြီးတော့ သူတို့ရဲ့  လုပ်ရပ်တွေဟာလည်း ရပ်တန့် သွားနိုင်တယ်ခင်ဗျ။"

လက်ရှိ အခြေအနေတွေမှာ မြန်မာ စစ်အစိုးရ ခေါင်းဆောင်တွေကို နိုင်ငံတကာ ပြစ်မှုဆိုင်ရာ တရားရုံးကနေပြီး အရေးယူ ဆောင်ရွက်ဖို့ အခြေအနေတွေဟာ ဖြစ်နိုင်ခြေတွေ ဘယ်လောက် ရှိပါလဲခင်ဗျ။

"၂၀၀၂ ဇူလိုင်နောက်ပိုင်းမှာ ဖြစ်တဲ့ အမှုတွေနဲ့ ပတ်သက်လို့ကတော့ ရှင်းပါတယ်။ အရေးယူ ဆောင်ရွက်ဖို့က လွယ်ပါ တယ်။ ဒါပေမယ့် ၂၀၀၂ ဇူလိုင်ရဲ့ အရှေ့မှာ ဖြစ်ခဲ့တဲ့ အမှုတွေနဲ့ ပတ်သက်လို့ကတော့ နိုင်ငံတကာ ရာဇ၀တ် တရားရုံးက လက်ခံတယ်ဆိုတဲ့ စီရင်ပိုင်ခွင့် အာဏာကို ဖော်ပြထားတာရှိပါတယ်။ ၂၀၀၂ ဇူလိုင်ရှေ့မှာ ဖြစ်ခဲ့တဲ့ ပျောက်ဆုံးသွားတယ်။ ဥပမာ အရေးအခင်းတခုမှာ သတ်ဖြတ်ပစ်တယ်။ စာရင်းဇယားမရဘူးခင်ဗျ အတိအကျ။ အခုဇူလိုင်၇ရက်နဲ့ ပါတ်သက်ပြီး စာရင်းဇယားတွေနဲ့ လိုက်တဲ့ အခါ ပျောက်ဆုံးနေတဲ့ စာရင်းဟာ ကိုအောင်ထွန်းရဲ့ မြန်မာနိုင်ငံ ကျောင်းသားလှုပ်ရှားမှု သမိုင်းထဲမှာ လေးဆယ်လောက်ပဲတွေ့တယ်။ ဒါထက်မကဘူး အများကြီးရှိတယ်။ ပျောက်ဆုံးသွားတဲ့စာရင်းတွေကို ပြည်သူတွေ၊ ကျောင်းသားအဖွဲ့အစည်းတွေက လိုက်လံစုစည်းပြီးတော့ တရားရုံးဆွဲ တင်လို့ရနိုင်ပါတယ်ခင်ဗျ။ အဲဒီအတွက် ကျွန်တော်တို့ဟာ မြန်မာနိုင်ငံရှေ့နေများ ကောင်စီနဲ့ Global justice ကို တင်တယ်ပေ့ါဗျာ။ ပူးပေါင်း ဆောင်ရွက်မှုတွေ ရှိတယ်။ ဒီလိုပဲ တခြားခြား နိုင်ငံတကာ အဖွဲ့အစည်းတွေနဲ့ ပူးပေါင်းဆောင်ရွက်ပြီးတော့ တရားရုံးမှာတင်နိုင်အောင် ကြိုးစားကြဖို့ ကျွန်တော်တို့ BLCက ဦးဆောင်ဦးရွက်လုပ်ပြီးတော့ ကျွန်တော်တို့ ကြိုးစားနေပါတယ်ခင်ဗျ။"

ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ ချုပ်နိုင်ငံခြားရေးရာ တာဝန်ခံကိုမင်းနိုင်ကလည်း မြန်မာပြည်မှာ စစ်အာဏာရှင်ရှိနေသရွေ့ ကျောင်းသားလှုပ်ရှားမှုတွေရှိနေဦးမှာပဲလို့ဆိုပါ တယ်။

" ၇ ဇူလိုင် အရေးအခင်းကနေ စလိုက်မယ်ဆိုရင် ဒီခေတ်မှာ ကျောင်းသားလှုပ်ရှားမှုတွေက ရပ်တန့်ခဲ့တာ မတွေ့ပါဘူး။ ဘယ်တော့မှလည်း ရပ်တန့်သွားမယ်လို့ ကျွန်တော်တို့ မယူဆဘူးခင်ဗျ။ ၆၂ကစမယ်ဆိုရင် ၇၄၊ ၇၅၊ ၇၆လို သမိုင်းတွေ ရှိခဲ့တယ်။ နောက် ၈၈ ကျောင်းသားလှုပ်ရှားမှုတွေရှိခဲ့တယ်။ နောက်ဆုံး စက်တင်ဘာ လှုပ်ရှားမှုနဲ့တွဲတဲ့ ကျောင်းသားလှုပ်ရှားမှုတွေက တောက်ရှောက်ရှိခဲ့တယ်။ ကျောင်းသား သမဂ္ဂပေါ်ပေါက်ဖို့ဆိုရင် စစ်အာဏာရှင်စနစ် မရှိမှ ဖြစ်မယ်။ ဒီ စစ်အာဏာရှင်စနစ်ရှိနေသ၍ကတော့ ကျောင်းသားလှုပ်ရှားမှုတွေက ဆက်ပြီးတော့ ရှိနေဦးမှာပဲလို့ ကျွန်တော် ပြောချင်ပါတယ်။"

လူ့ဘောင်သစ်ဒီမိုကရက်တစ်ပါတီရဲ့ ဥက္ကဌ ကိုအောင်မိုးဇော်ကလည်း ကျောင်းသားလှုပ်ရှားမှုတွေဟာ သမိုင်းနဲ့ချီပြီးအခိုင် အမာရှိလာတာကြောင့် ပျောက်ပျက်အောင်လုပ်လို့မရနိုင်ဘူးလို့ဆိုပါတယ်။

"ဇူလိုင်၇ရက် စိတ်ဓာတ်ဆိုတာ စစ်အာဏာရှင်စနစ် ဆန့်ကျင်တဲ့ စိတ်ဓာတ်ပဲဖြစ်တယ်လို့ ကျွန်တော်ပြောချင်တယ်။ ဗမာပြည်မှာ စစ်အာဏာရှင်စနစ် စပြီး အခြေချဖို့ ကြိုးစားတဲ့အချိန်မှာ ကျောင်းသားတွေက ဒါတွေဟာ စစ်အာဏာရှင် စနစ်ဖြစ်တယ်၊ စစ်အာဏာရှင် စနစ်ဆိုတာကို အမြစ်ကလှန်ရမယ်ဆိုတာကို မီးမောင်းထိုးပြလိုက်တဲ့ ပွဲလည်းဖြစ်တယ်။ အဲဒီ ဇူလိုင် ၇ရက် စိတ်ဓာတ်ကို ယနေ့အချိန်အထိ ကျောင်းသား မျိုးဆက် အဆက်ဆက်က ကိုင်ဆွဲတုန်းပဲဖြစ်တယ်။ စက်တင်ဘာ လှုပ်ရှားမှုအထိ ဆက်လက် တိုက်ပွဲဝင်နေတယ်။ နောက်ထပ် မျိုးဆက်သစ် ကျောင်းသားတွေကလည်း အဲဒီ စိတ်ဓာတ်နဲ့ အပြီးကိုင်ပြီး ဆက်ကြိုးစားသွားဦးမယ်လို့ ကျွန်တော် ယုံကြည်တယ်။"

လက်ရှိအခြေအနေတွေမှာလည်း ကျောင်းသားလှုပ်ရှားမှုတွေကို စစ်အစိုးရဘက်က မျက်ခြေမပြတ်စောင့်ကြည့်ပြီးဖိနှိပ်နေ သလိုပဲ ကျောင်းသူကျောင်းသားတွေဘက်ကလည်း အခွင့်အခါအလိုက်စစ်အစိုးရဆန့်ကျင်ရေးနဲ့ ဒီမိုကရေစီရေးတွေကို တောင်းဆိုနေကြတုန်းပါ။ အကျဉ်းထောင်တွေထဲမှာလည်း ကျောင်းသားခေါင်းဆောင်တွေကိုနှစ်ရှည်ဖမ်းဆီးထားဆဲဖြစ် သလို သူတို့အားလုံးလွတ်မြောက်ရေးအတွက် နိုင်ငံတကာကလည်းတောင်းဆိုနေကြပါတယ်။ ၁၉၆၂ ဇူလိုင်၇ ရက်ကစခဲ့ တဲ့ဇာတ်လမ်းဟာ ဒီကနေ့အထိ အဆုံးသတ်လို့မရနိုင်သေးဘူးလို့ပဲပြောရမှာပါခင်ဗျား။

ဆဲဗင်းဂျူလိုင်နေ့ ရန်ကုန်တွင် လုံခြုံရေးတင်းကျပ်
ဖနိဒါ
တနင်္လာနေ့၊ ဂျူလိုင်လ 07 2008 17:06 - မြန်မာစံတော်ချိန်
ချင်းမိုင်။ ။ ဆဲဗင်းဂျူလိုင်နေ့တွင် ရန်ကုန်တိုင်း မြို့နယ်များတွင် အာဏာပိုင်များမှ လုံခြုံရေးများ တင်းကျပ်စွာ ချထားသည်။

ယနေ့ ကျရောက်သည့် ၄၆ နှစ်မြောက် ဆဲဗင်းဂျူလိုင်နေ့တွင် အမျိုးသား ဒီမိုကရေစီ အဖွဲ့ချုပ်ရုံးရှေ့၊ မြို့နယ် အများအပြားရှိ လမ်းဆုံလမ်းခွများနှင့် တက္ကသိုလ်များ အနီးတွင် စွမ်းအားရှင်များ ချထားသလို၊ စစ်သားများကလည်း ကင်းလှည့်ကာ လုံခြုံရေး တင်းကျပ်ထားခြင်း ဖြစ်သည်။

“လုံခြုံရေးကတော့ တော်တော်များတယ်။ ဒါပေမဲ့ ထူခြားတာကလေ ရဲ မရှိဘူး။ စွမ်းအားရှင်တွေပဲ ချထားတယ်။ ရုံးရှေ့မှာ ၅ဝ၊ ၆ဝ လောက် ရှိတယ်။ ထိုင်ပြီး စောင့်နေကြတယ်။ ဒိုင်နာကား ၄ စီးလောက် ရှိတယ်။ ဆူးလေမှာကတော့ ၃ဝ၊ ၄ဝ လောက် ရှိတယ်” ဟု အဖွဲ့ချုပ် လူငယ် ပြန်ကြားရေး တာဝန်ခံတဦး ဖြစ်သူ ကိုနိုင်ငံလင်းက ပြောသည်။

မဇ္ဈိမ ပြည်တွင်း သတင်းထောက်ကလည်း “မနေ့ညကတည်းက ရဲကားထဲမှာ စစ်သားတွေကော ကင်းလှည့်နေတာကို ဒီနေ့ ထူးထူးခြားခြား လမ်းဆုံလမ်းခွ အတော်များများမှာ အရပ်ဝတ် လုံခြုံရေးနဲ့ စွမ်းအားရှင် ပုံစံမျိုးတွေ တွေ့ရတယ်။ အခုမနက် လှည့်ကြည့်တဲ့ အနေအထားအရ လုံခြုံရေးအင်အား ဖြန့်ထားတာ တွေ့ရပါတယ်။ 7 July ဖြစ်နေတော့လေ။ ဒီနေ့ ပိုပြီး လုံခြုံရေးအင်အား ဖြန့်ထားတဲ့ အနေအထားပေါ့” ဟု ပြောသည်။

ရန်ကုန်မြို့လယ်ရှိ မြို့တော်ခန်းမရှေ့တွင်လည်း ရဲမှူးကြီးတဦးက မာစဒါဂျစ် တစီး၊ လုံးထိန်းကား တစီး၊ စွမ်းအားရှင် ၂ဝ ခန့် ချထားသည်ဟု သူက ဆက်ပြောသည်။

ကုက္ကိုင်းမီးပွိုင့်၊ ရွှေဂုံတိုင်၊ ဆူးလေ၊ သင်္ကန်ကျွန်း၊ ကြည့်မြင်တိုင်၊ စမ်းချောင်း၊ လှည်းတန်း၊ တောင်ဥက္ကလာပ၊ လမ်းမတော်၊ လသာ စသည့် မြို့နယ်များတွင် ဝတ်စုံအပြည့်ဖြင့် ရဲများ၊ စစ်သားများနှင့် အရပ်ဝတ် စွမ်းအားရှင်များ ထိုင်နေကြောင်းလည်း ရန်ကုန် ဒေသခံတဦးက ပြောဆိုသည်။

ရန်ကုန်တိုင်းရှိ ဒဂုံတက္ကသုိုလ်၊ တာဝ တက္ကသိုလ်တို့မှာ လုံခြုံရေး ချရန်အတွက် ဒေါပုံမြို့နယ်မှ စွမ်းအားရှင် ၈ဝ ခန့်ကို မြို့နယ် မယကမှ ယနေ့ နံနက်ပိုင်းတွင် လာရောက် ခေါ်ဆောင်သွားသည်ဟု သိရသည်။

၁၉၆၂ ခုနှစ် ဇူလိုင်လ ၇ ရက်နေ့တွင် ရန်ကုန်တက္ကသိုလ် ကျောင်းသားများက လွတ်လပ်စွာ ပညာသင်ကြားခွင့် ရရှိရေးအတွက် ငြိမ်းချမ်းစွာ ဆန္ဒပြရာတွင် အာဏာရှင်ဟောင်း ဗိုလ်ချုပ်နေဝင်း၏ အာဏာသိမ်း စစ်ကောင်စီက လက်နက်နှင့် ပစ်ခတ်ဖြိုခွဲခဲ့သည့် ၄၆ နှစ်မြောက် နှစ်ပတ်လည်နေ့ ဖြစ်သည်။

ဗမာနိုင်ငံလုံးဆိုင်ရာ ကျောင်းသားသမဂ္ဂများ အဖွဲ့ချုပ်မှ ပြောရေးဆိုခွင့်ရှိသူ ကိုမျိုးတေဇက “သူတို့ကတော့ ကျောင်းသားတွေ ဆူပူမှုတွေ လုပ်လာမယ်လို့ အမြဲတမ်း ကြောက်နေကြတာပဲလေ။ အခု ဗကသ ကျောင်းသားတွေကလည်း ကျောင်းတိုင်းလို စာကပ်နေတာတွေ ရှိနေတယ်လေ” ဟု ပြောသည်။

ဗကသ က ယနေ့ ထုတ်ပြန်လိုက်သည့် “စစ်ကျွန်မခံ ဒို့တွန်းလှန် ... ခွပ်ဒေါင်းအလံ လွှင့်ကြစို့” ဟူသည့် ကြေညာချက်များကို ရန်ကုန်တိုင်းရှိ ဝိဇ္ဇာသိပံ္ပ တက္ကသိုလ်၊ ကွန်ပြူတာ ကောလိပ်၊ ဂျီတီစီ၊ အစိုးရနည်းပညာ တက္ကသိုလ် ကျောင်းများတွင် လိုက်ကပ်ထားသည်ဟု သိရသည်။

ကြေညာချက်ထဲတွင် အခြေအနေဆိုးများမှ အမှန်တကယ် လွန်မြောက် ကျော်လွှားနိုင်မည့် အကောင်းဆုံးနှင့် အငြင်သာဆုံး နည်းလမ်းမှာ တခုတည်းသာ ရှိပြီး မတရား ဖမ်းဆီးခံထားရသည့် ကျောင်းသားလူငယ်များ အပါအဝင် ရဟန်းသံဃာတော်များ၊ သီလရှင်များနှင့် နိုင်ငံရေး အကျဉ်းသား အားလုံးတို့အား ခြွင်းချက်မရှိ အမြန်ဆုံး လွှတ်ပေးကာ တွေ့ဆုံဆွေးနွေး အဖြေရှာရေးနည်းလမ်းပင် ဖြစ်သည်ဟု ရေးသားထားသည်။

“ပညာရေးက နိုင်ငံရေး ဖြစ်တယ်။ ပညာရေး လွတ်လပ်မှ နိုင်ငံရေး လွတ်လပ်မယ်ဆိုတဲ့ ပုံစံအတိုင်း ယူပြီးတော့ ကျောင်းသား လူငယ်တွေရဲ့ လူအများကို ဖွင့်ဟချင်စိတ်၊ လွတ်လွတ်လပ်လပ်နဲ့ ဆန္ဒအမှန်အတိုင်း သင်ယူခွင့်ရအောင် ကျနော်တို့က ရှေ့ဆုံးကနေ ဦးဆောင်ပြီး လုပ်နေတာပါ” ဟု ကိုမျိုးတေဇက ပြောသည်။

လက်နက်အားကိုး၊ လူမိုက်အားကိုးဖြင့် တဖက်သတ် အဓမ္မ အနိုင်ကျင့်လုပ်ဆောင်မှု မှန်သမျှသည် လတ်တလောတွင် ပြဿနာများ ပြေလည်သွားမည် မဟုတ်ဘဲ ပိုမို ရှုပ်ထွေးစေသကဲ့သို့ ရေရှည်တွင်လည်း အုံကြွမှုများနှင့် ကပ်ဘေး ဒုက္ခအမျိုးမျိုးတို့ ကျရောက်ကာ နိုင်ငံတခုလုံး ဆုံးရှုံး ပျက်သုဉ်းမည့် အခြေအနေသို့ ဆိုက်ရောက် သွားစေလိမ့်မည်ဟု ဗကသ ကြေညာချက်က ဆိုသည်။

ကိုလိုနီနယ်ချဲ့နှင့် ဖက်ဆစ်ဝါဒ လက်အောက်မှ လွတ်မြောက်ရေးအတွက် ကျောင်းသား လှုပ်ရှားမှုများ၏ စုရုံးရာ လွတ်လပ်ရေးသမိုင်းဝင် တက္ကသိုလ် ကျောင်းသားသမဂ္ဂ အဆောက်အဦကြီးအား ဗိုလ်ချုပ်နေဝင်း၏ စစ်ကောင်စီက ၁၉၆၂ ခုနှစ် ဇူလိုင်လ ၈ ရက်နေ့ နံနက်ပိုင်းတွင် ဒိုင်းနမိုက်ဖြင့် ဖြိုခွဲ ဖျက်ဆီးပစ်ခဲ့သည်။

7 July အထိမ်းအမှတ် ဗကသ ကျောင်းသားများ လှုပ်ရှား
ကိုသက် ဇူလိုင် ၇၊ ၂၀၀၈
စစ်အာဏာရှင်စနစ်ကို ပထမဆုံး တော်လှန်ဆန်ကျင်သည့် ၄၆ နှစ်မြောက် ဇူလိုင်လ ၇ ရက် (7 July) အထိမ်းအမှတ် အဖြစ် ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် (ဗကသ) က လက်ကမ်းစာစောင်နှင့် ကြေညာချက် ဖြန့်ဝေပြီး အိုးဝေ ဂျာနယ်ကိုလည်း ထုတ်ဝေလိုက်သည်ဟု ဗကသ အဖွဲ့ တာဝန်ရှိသူတဦးက ဧရာဝတီကို ပြောသည်။
ဗကသ ကျောင်းသားများသည် လွန်ခဲ့သည့်အပတ်ကစ၍ 7 July လက်ကမ်းစာစောင်များကို ပဲခူးတိုင်း အနောက်ခြမ်း ဒေသနှင့် ဧရာဝတီတိုင်းတို့တွင် ဖြန့်ဝေကြပြီး ရန်ကုန်မြို့၌ ယနေ့ဖြန့်ဝေသည်ဟု ဗကသ ကျောင်းသားအဖွဲ့၏ တာဝန် ရှိသူက ပြောသည်။

“ဒီနေ့ ရန်ကုန်မှာ မိုးရွာနေတဲ့ကြားက ဘတ်စ်ကားတွေ ပေါ်မှာ ပြည်သူတွေနဲ့ ကြေညာချက်တွေကို စာစောင်တွေ လိုက်ဝေကြပါတယ်” ဟု ဗကသ အဖွဲ့၏ တာဝန်ရှိသူက ပြောသည်။

ဗကသ အဖွဲ့က ဖြန့်ဝေသည့်စာစောင်တွင် “ကျောင်းသားညီအကိုအပေါင်းတို့ … ကျောင်းသားရှိရင် သမဂ္ဂ ရှိရမယ်၊ ကျောင်းသားသမဂ္ဂ စိတ်ဓာတ်နဲ့ တိုက်ပွဲဝင် ခွပ်ဒေါင်းအလံတော်ကို အမြင့်မားဆုံးလွှင့်ထူရမယ်၊ ကျောင်းသားသမဂ္ဂ အလံတော်အောက်မှာ စစ်အာဏာရှင်စနစ် ကျဆုံးတဲ့အထိ တိုက်ပွဲဝင် …” ဟုရေးသားကာ ကျောင်းသားထုအား တပ်လှန့် ထားသည်။

အာဏာရှင်ဟောင်း ဗိုလ်ချုပ်နေ၀င်း၏ တော်လှန်ရေးကောင်စီက ၁၉၆၂ ခုနှစ်တွင် နိုင်ငံတော်အာဏာကို သိမ်းယူပြီး မြန်မာ နိုင်ငံတွင် အာဏာရှင်စနစ်ကို စတင်အသက်သွင်းခဲ့သည်။

ထိုစစ်အာဏာရှင်စနစ်ကို ရန်ကုန်တက္ကသိုလ်ကျောင်းသားများက ၁၉၆၂ ခုနှစ် ဇူလိုင်လ ၇ ရက်နေ့တွင် ပထမဆုံး ဆန့်ကျင် ဆန္ဒပြခဲ့ရာ စစ်အာဏာရှင်တို့က ကိုလိုနီနယ်ချဲ့ကို ဆန့်ကျင်ရာ၌ သမိုင်းဝင်အဆောက်အဦဖြစ်သည့် ရန်ကုန်ပင်မ တက္ကသိုလ်ဝန်းအတွင်းရှိ ကျောင်းသားသမဂ္ဂအဆောက်အဦကို ဒိုင်းနမိုက်ဖြင့် ဖောက်ခွဲဖျက်ဆီးခဲ့သည်။ ကျောင်းသား အများအပြားလည်း သွေးမြေကြခဲ့ရသည်။

ထို့ကြောင့် ဇူလိုင် ၇ ရက်နေ့အရေးအခင်းသည် စစ်အာဏာရှင်ကို ပထမဆုံး တော်လှန်ဆန့်ကျင်သည့် နေ့တနေ့အဖြစ် မြန်မာ့သမိုင်းတွင် ထင်ရှား လူသိများခဲ့ခြင်း ဖြစ်သည်။

၈၈ မျိုးဆက်ကျောင်းသားအဖွဲ့၏ ပြောရေးဆိုခွင့်ရှိသူ ကိုထွန်းမြင့်အောင်က “ဗိုလ်နေ၀င်းက ၁၉၆၂ ခုနှစ်မှာ ကျောင်းသား သမဂ္ဂ အဆောက်အဦကို ဖြိုခွဲခဲ့ပေမယ့် သမဂ္ဂစိတ်ဓာတ်တွေက ဒီနေ့အထိပျောက်မသွားဘူး၊ ကျောင်းသားလှုပ်ရှားမှုတွေ ပျောက်မသွားဘူး၊ ဖိနှိပ်မှုတွေရှိနေသရွေ့ ကျောင်းသားလှုပ်ရှားမှုတွေ ရှိနေဦးမှာပါ” ဟု ပြောသည်။

မြန်မာနိုင်ငံ လွတ်လပ်ရေးမရမီ အင်္ဂလိပ် ကိုလိုနီနယ်ချဲ့ဆန့်ကျင်ရေးကာလတလျှောက် ကျောင်းသားသမဂ္ဂက ထုတ်ဝေခဲ့ သည့် အိုးဝေဂျာနယ်ကိုလည်း ဗကသ ကျောင်းသားများက ပြန်လည်ထုတ်ဝေလိုက်သည်။ အိုးဝေဂျာနယ်ကို အင်တာနက်မှ တဆင့် ဖြန့်ဝေရန် စီစဉ်ထားကြောင်း သိရသည်။

ကျောင်းသားဆန္ဒပြပွဲများ ဖြစ်ပွားလေ့ရှိသည့် ရန်ကုန်မြို့ ဆူးလေဘုရားပတ်ဝန်းကျင်၊ သမိုင်းလမ်းဆုံနှင့် လှည်းတမ်းလမ်း ဆုံတို့တွင် ယနေ့နံနက်ပိုင်းကစ၍ လက်နက်ကိုင် လုံခြုံရေးတပ်သားများ တင်းကျပ်စွာ ချထားသည်ကို တွေ့မြင်ရသည်ဟု ရန်ကုန်မြို့ခံတဦးက ပြောသည်။

ယမန်နေ့ကလည်း အမေရိကန်နိုင်ငံ နယူးရောက်မြို့ရှိ ကမ္ဘာ့ကုလသမဂ္ဂဆိုင်ရာ မြန်မာကိုယ်စားလှယ်ရုံးရှေ့နှင့် တောင်ကိုး ရီးယားနိုင်ငံ ဆိုးလ်မြို့ရှိ မြန်မာသံရုံးရှေ့တွင်လည်း မြန်မာ့ဒီမိုကရေစီအင်အားစုများက ၄၆ နှစ်မြောက် 7 July အရေးအခင်း အထိမ်းအမှတ် ဆန္ဒပြပွဲများကို ပြုလုပ်ကာ နိုင်ငံရေးအကျဉ်းသားများ လွတ်မြောက်ရေးနှင့် မြန်မာ့နိုင်ငံရေးအကြပ် အတည်းကို အမြန်ဆုံးဖြေရှင်းရန် စစ်အစိုးရအား တောင်းဆိုခဲ့ကြသည်။

NLD ၉၀ရွေးကောက်ပွဲ ရလာဒ်ပျက်ပြယ်သွားပြီဟု စစ်အစိုးရသတင်းစာတွေ ဖော်ပြ
ဦးအောင်လွင်ဦး
မြန်မာနိုင်ငံက အဓိကအတိုက်အခံ နိုင်ငံရေးပါတီတခုဖြစ်တဲ့ အမျိုးသားဒီမိုကရေစီ အဖွဲ့ချုပ် (အန်အယ်လ်ဒီ) အောင်ပွဲခံခဲ့ တဲ့ ၁၉၉၀ ပြည့်နှစ် ရွေးကောက်ပွဲ ရလာဒ်ဟာ မကြာသေးခင်က မြန်မာစစ်အစိုးရက ဦးဆောင်ရေးဆွဲခဲ့တဲ့ အခြေခံဥပဒေ မူကြမ်း အတည်ဖြစ်သွားတာကြောင့် ပျက်ပြယ်သွားပြီလို့ မြန်မာစစ်အစိုးရပိုင် သတင်းစာတွေက ရေးသားဖော်ပြ လိုက်ပါ တယ်။ ဒါကြောင့်မို့လို့လည်း ဒီရလာဒ်ဟောင်းကို ဖက်တွယ်မနေပဲ လာမယ့် ရွေးကောက်ပွဲ အသစ်တွေ အတွက်သာ အလေးထား လုပ်ဆောင်ဖို့ လိုတယ်လို့လည်း ဆိုလိုက်ပါတယ်။ ဒါပေမဲ့လို့ အစိုးရသတင်းစာတွေရဲ့ ဖော်ပြချက်တွေဟာ ကြောင်းကျိုး မညီဘူးလို့ အန်အယ်လ်ဒီ ပါတီကတော့ ရှုမြင်ထားတာပါ။ အကြောင်းစုံကို အန်အယ်လ်ဒီ ပါတီ ပြောခွင့်ရ ပုဂ္ဂိုလ်ကို ဦးအောင်လွင်ဦး က ဆက်သွယ်မေးမြန်းထားပါတယ်။
မြန်မာစစ်အစိုးရက ရေးဆွဲခဲ့တဲ့ ဖွဲ့စည်းပုံ အခြေခံဥပဒေ မူကြမ်းကို လူထုဆန္ဒခံယူပွဲတွေကတဆင့် တခဲနက် အတည်ပြုခဲ့ တာကြောင့် ၁၉၉၀ ပြည့်နှစ်တုန်းက အန်အယ်လ်ဒီ ပါတီ တခဲနက်အနိုင်ရခဲ့ပေမဲ့ ဒီရလာဒ်တွေဟာ ပျက်ပြယ်သွားပြီဆိုပြီး ဒီကနေ့ထုတ် အစိုးရပိုင်သတင်းစာတွေမှာ ဖော်ပြလိုက်တာပါ။ အန်အယ်လ်ဒီ ပါတီ အနေနဲ့ အရင်က ရွေးကောက်ပွဲ ရလာဒ်ကို ဆုပ်ကိုင်နေတာဟာလည်း အာဏာကို ဖြတ်လမ်းက အချောင်လိုက်ချင်လို့ ဖြစ်တယ်လို့လည်း စွပ်စွဲထားတာပါ။ ဒီလိုဖော်ပြချက်တွေနဲ့ ပတ်သက်လို့ အန်အယ်လ်ဒီ ပါတီရဲ့ အထူးပြန်ကြားရေး တာဝန်ခံတဦးဖြစ်တဲ့ ဦးသိန်းညွန့် ကို မေးကြည့်တဲ့ အခါမှာတော့ -

"မူအရဆိုရင်တော့ သတင်းစာက ရေးတဲ့ ဆောင်းပါးတွေနဲ့ ပတ်သက်ရင် သဘောထား တုန့်ပြန်လေ့မရှိပါဘူး။ ဒါပေမယ့် အခုကိစ္စမှာတော့ ၁၉၉၀ခုနှစ် ရွေးကောက်ပွဲ ရလာဒ်နဲ့ ပတ်သက်ပြီး ပြောလာတဲ့အခါ ကျွန်တော်တို့ အဖွဲ့ချုပ်ရဲ့ ရပ်တည် ချက်ကို ကျွန်တော် ရှင်းပြပါမယ်။ ဒီမိုကရေစီ စနစ်ကို သွားမယ်ဆိုတာ ပြည်သူ့ဆန္ဒကို အလေးထားရတာပေါ့။ ၁၉၉၀ခုနှစ်ရွေးကောက်ပွဲဟာ ပြည်သူ့ရဲ့ ဆန္ဒကို လွတ်လပ်ပြီး တရားမျှတစွာ ဆုံးဖြတ်ခဲ့တယ်ဆိုတာ အားလုံး အသိပါပဲ။ နောက်တချက်ပြောချင်တာက ပြည်သူ့ဆန္ဒကို မလေးစားရုံတင်မကဘဲ အဲဒီရွေးကောက်ပွဲကို လုပ်ခဲ့တဲ့သူတွေကပဲ ဒီနေ့အထိ အာဏာပိုင်အဖွဲ့တွေမှာ ခေါင်းဆောင်မှုတာဝန် ယူထားတယ်။ အဲဒီလို သူတို့ကိုယ်တိုင် ပြည်သူလွှတ်တော် ရွေးကောက်ပွဲ ဥပဒေအရ လုပ်ခဲ့တဲ့ ၁၉၉၀ခုနှစ်ရွေးကောက်ပွဲ ရလာဒ်လို လေးစားတယ်ဆိုတာ ပြည်သူ့ဆန္ဒကို လေးစား တာပါ။ ကိုယ်ပြဌာန်းတဲ့ ဥပဒေကို ကိုယ်လေးစားတာပါ။"

အစိုးရသတင်းစာ ဆောင်းပါးကတော့ ဒီလို ရွေးကောက်ပွဲ ရလာဒ်ဟောင်းကို ဖက်တွယ်နေတာဟာ အဓိပ္ပါယ်မရှိဘူး၊ နောက် ၂ နှစ်အကြာ ၂၀၁၀ ခုနှစ်ကျရင် အစိုးရက ကမကထလုပ် ကျင်းပပေးမယ့် ရွေးကောက်ပွဲ အသစ်တွေမှာ ၀င်ရောက်ယှဉ်ပြိုင်ဖို့ ပြင်ဆင်သင့်တယ် ဆိုပြီးတော့လည်း ပြောထားပါတယ်။ အန်အယ်လ်ဒီ အနေနဲ့ကတော့ ၉၀ ပြည့်နှစ် ရွေးကောက်ပွဲ ရလာဒ်ကို အကောင်အထည်ဖော်မှ ပြဿနာတွေ ပြေလည်နိုင်မယ်လို့ ဆိုပါတယ်။

"မေလ ၂၇ရက်နေ့က ရွေးကောက်ပွဲ နှစ်ပတ်လည်မှာ ကျွန်တော်တို့ ကြေညာချက်ထုတ်ခဲ့ပါတယ်။ အဲဒီမှာ ၈နှစ်မြောက် ရွေးကောက်ပွဲတုန်းက အဖွဲ့ချုပ် အထွေထွေ အတွင်းရေးမှူး ဒေါ်အောင်ဆန်းစုကြည် ပြောခဲ့တဲ့ မိန့်ခွန်းကို ကျွန်တော်တို့ အထူး မီးမောင်းထိုးပြီးတော့ ဖော်ပြထားတာရှိပါတယ်။ အဲဒါက ရွေးကောက်ပွဲဆိုတာ တိုင်းပြည်ရဲ့ အနာဂတ်ပြဿနာပဲ။ တိုင်းပြည်ရဲ့ အနာဂတ်ကို တလေးတစား သဘောထားရပါမယ်။ ၁၉၉၀ခုနှစ် ရွေးကောက်ပွဲ ရလာဒ်ကို အရင် အကောင်အထည်ဖော်ဖို့ လိုပါတယ်။ ဘာကြောင့် အကောင်အထည် ဖော်ဖို့ လိုပါသလဲဆိုရင်။ ပြည်သူဆန္ဒကို အလေးထားဖို့ပါ။ အချက်အလက်ကို ကျွန်တော်တို့ ဖော်ပြထားပါတယ်။ ကျွန်တော်တို့ ထားရှိတဲ့ ဒီနေ့ သဘောထားကတော့ အခု အခြေခံဥပဒေ တရားဝင်မှု မ၀င်မှုဆိုတဲ့ အခြေအနေတွေကိုလည်း အများ ပြည်သူ လက်ခံနိုင်တဲ့ အမျိုးသား ပြန်လည်သင့်မြတ်ရေး ဘောင်အတွင်းက ဖြေရှင်းနိုင်ဖို့ဆိုရင် လွှတ်တော်ကို ခေါ်ပေးပါ။ ပြည်သူ့လွှတ်တော် ဥပဒေ ပုဒ်မ ၃နဲ့အညီ ပြည်သူ့လွှတ်တော်ကို ခေါ်ပေးဖို့ ကျွန်တော်တို့ တောင်းဆိုနေတာဖြစ်ပါတယ်။ ဥပဒေရှိပါတယ်။"

မြန်မာစစ်အစိုးရဖက်ကတော့ မေလတုန်းက ကျင်းပခဲ့တဲ့ ဆန္ဒခံယူပွဲတွေမှာ ၉၂ ဒဿမ ၄၈ ရာခိုင်နှုန်းနဲ့ အခြေခံ ဥပဒေ အသစ်တရပ်ကို အတည်ပြုလိုက်တယ်လို့ ပြောဆိုထားပေမဲ့ ဒီလို ကျင်းပရာမှာ မသမာမှုတွေ၊ အတင်းအကြပ် မဲရယူတာတွေ၊ ဒီမိုကရေစီ မဆန်တဲ့ လုပ်ဆောင်မှုတွေ ရှိခဲ့တယ်ဆိုပြီး အတိုက်အခံ အန်အယ်လ်ဒီ အပါအ၀င် ဝေဖန်မှုတွေကလည်း အကြီးအကျယ် ထွက်ပေါ်ခဲ့တာပါ။ ဒီလို ဝေဖန်မှုတွေ ကန့်ကွက်မှုတွေ ရှိနေတဲ့ကြားကပဲ အစိုးရဖက်ကတော့ သူ့ရဲ့ဒီမိုကရေစီလမ်းပြမြေပုံလို့ ဆိုတဲ့ မူဝါဒလမ်းစဉ် (၇) ရပ်အတိုင်း ဆက်လုပ်သွားမယ်လို့ ပြောနေတာပါ။ ဒီလိုသာသွားနေမယ်ဆိုရင်တော့ တိုင်းပြည်အတွက် အကျိုးမရှိနိုင်ဘူးလို့ အန်အယ်လ်ဒီ က ဆိုပါတယ်။

"အများပြည်သူ သဘောတူညီမှုမရပဲ တဖက်သတ် ဆောင်ရွက်မယ်ဆိုရင်တော့ မမျှော်လင့်တဲ့ အကျိုးသက်ရောက်မှုတွေ ဖြစ်လာမှာပေါ့။ လောလောဆယ်ဆယ်မှာကို ဒီနေ့ရင်ဆိုင်နေရတဲ့ စီးပွားရေး အကြပ်အတည်း၊ နိုင်ငံရေး အကြပ်အတည်း တွေကို မဖြေရှင်း နိုင်ပဲနဲ့ ဆွေးနွေး ညှိနှိုင်းခြင်း မလုပ်ဘဲနဲ့ အင်အားသုံးပြီး ဆောင်ရွက်မှု မှန်သမျှကတော့ နောင်တချိန်မှာ အပေါင်းလက္ခဏာ မဆောင်ဘဲနဲ့ တိုင်းပြည်အတွက် အနှုတ်လက္ခဏာ အခြေအနေမျိုး ပေါ်ပေါက်လာမယ်လို့ ကျွန်တော် တို့ကတော့ မြင်ပါတယ်။"

အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) ပါတီရဲ့ အထူးပြန်ကြားရေး တာဝန်ခံတဦးဖြစ်တဲ့ ဦးသိန်းညွန့် ဖြစ်ပါတယ်။ တကယ်တော့ အခုအစိုးရသတင်းစာ ဆောင်းပါးတွေက ပျက်ပြယ်သွားပြီလို့ ပြောနေတဲ့ ၁၉၉၀ ပြည့်နှစ် ရွေးကောက်ပွဲမှာ အန်အယ်လ်ဒီ ပါတီက ကိုယ်စားလှယ်ပေါင်း ၄၈၅ နေရာ ရှိတဲ့အထဲက ၃၉၂ နေရာမှာ ရွေးချယ်ခံခဲ့ရပြီး တခဲနက် အနိုင်ရခဲ့တာလည်း ဖြစ်ပါတယ်။

၉၀ ရွေးကောက်ပွဲရလဒ်ကို မစွန့်လွှတ်ဟု အဖွဲ့ချုပ်တုံ့ပြန်
အေးလဲ့ ဇူလိုင် ၇၊ ၂၀၀၈
စစ်အစိုးရသတင်းစာပါ ၁၉၉၀ ပြည်နှစ် ရွေးကောက်ပွဲ ရလဒ်ကိုစွန့်ရန် ရေးသားချက်အပေါ် အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) နှင့် ဝါရင့်နိုင်ငံရေးသမားကြီးများက လက်မခံကြောင်း တုံ့ပြန်ပြောကြားသည်။

၁၉၉၀ ပြည်ရွေးကောက်ပွဲ ရလဒ် သည် ပြည်သူ့ဆန္ဒအရဖြစ်ပေါ်လာရခြင်းဖြစ်သည့်အတွက် ပြည်သူ့ဆန္ဒကို လေးစားသည့် အနေနှင့် အရင်ဆုံး အကောင်အထည်ဖော်ရန် လိုအပ်သည်ဟု အန်အယ်လ်ဒီ အထူးပြန်ကြား ရေးအဖွဲ့ဝင် ဦးသိန်းညွန့် က ပြော သည်။

“အဖွဲ့ချူပ် အထွေထွေအတွင်းရေးမှူး ဒေါ်အောင်ဆန်းစုကြည်ပြောခဲ့တဲ့ မိန့်ခွန်းအရ ရွေးကောက်ပွဲဆိုတာ တိုင်းပြည်ရဲ့ အနာဂတ်ပြဿနာပဲ၊ တိုင်းပြည်ရဲ့ အနာဂတ်ကို တလေးတစား သဘောထားရပါမယ်၊ ၁၉၉၀ ခုနှစ် ရွေးကောက်ပွဲ ရလဒ်ကို အရင် အကောင်အထည်ဖော်ဖို့ လိုပါတယ်” ဟု ဦးသိန်းညွန့်ကပြောသည်။

ပါတီမူအရ သတင်းစာ ဆောင်းပါးရှင်အာဘော်များကို တုံ့ပြန်ဖြေကြားခြင်း မရှိကြောင်းနှင့် ယခုမူ ၁၉၉၀ ပြည့် ရွေးကောက် ပွဲနှင့်ပတ်သက်သည့် ပါတီ၏သဘောထားကို ပြောဆိုရခြင်းဖြစ်သည်ဟုလည်း ၎င်းကပြောသည်။

၎င်းကဆက်လက်ပြီး“ ဘာကြောင့် ၁၉၉၀ ရလဒ်ကို အကောင်အထည်ဖော်ဖို့ လိုပါသလဲဆိုရင်၊ ပြည်သူ့ ဆန္ဒကို အလေးထား ဖို့ပါ၊ ကျွန်တော်တို့ ထားရှိတဲ့ ဒီနေ့ သဘောထားကတော့ အခု အခြေခံဥပဒေ တရားဝင် မှု မ၀င်မှုဆိုတဲ့ အခြေအနေတွေ ကိုလည်း အများ ပြည်သူ လက်ခံနိုင်တဲ့ အမျိုးသား ပြန်လည်သင့်မြတ်ရေး ဘောင်အတွင်းက ဖြေရှင်းနိုင်ဖို့ဆိုရင် လွှတ်တော် ကို ခေါ်ပေးပါ။ ပြည်သူ့လွှတ်တော် ဥပဒေ ပုဒ်မ ၃ နဲ့အညီ ပြည်သူ့လွှတ်တော်ကို ခေါ်ပေးဖို့ ကျွန်တော်တို့ တောင်းဆိုနေ တာဖြစ်ပါတယ်”ဟု လည်း ပြောသည်။

ယမန်နေ့က ထုတ်ဝေသော မြန်မာ့အလင်းသတင်းစာတွင် ပြီးခဲ့သည့် မေလအတွင်းက ဖွဲ့စည်းအုပ်ချူပ်ပုံ အခြေခံမှုကြမ်း ၂၀၀၈ ကို အတည်ပြုပြီးဖြစ်သဖြင့် အန်အယ်လ်ဒီ ၏ ၁၉၉၀ ရွေးကောက်ပွဲရလဒ်ကိုစွန့်ပစ်၍ ၂၀၁၀ ခုနှစ်တွင် ကျင်းပမည် ဖြစ်သော ရွေးကောက်ပွဲ အသစ်ကို လက်ခံပါဝင်ယှဉ်ပြိုင်ရန် ဖော်ပြထားခြင်းဖြစ် သည်။

ဖွဲ့စည်းပုံအခြေခံဥပဒေ ၂၀၀၈ ကို နိုင်ငံတဝန်း ဆန္ဒမဲပေးခွင့်ရှိသူ လူဦးရေ ၂၇ သန်းကျော်ထဲ က ၉၂.၄၈ ရာခိုင်နှုန်းသော ပြည်သူတို့က တခဲနက် ထောက်ခံခဲ့ပြီးဖြစ်သည့်အတွက် အန်အယ်လ်ဒီ ၏ ၁၉၉၀ ပြည့် ရွေးကောက်ပွဲ ရလဒ်သည် ပျက်ပြယ် သွားကြောင်းလည်း သတင်းစာတွင် ဖော်ပြထားသည်။

ပြည်သူ့လွှတ်တော် ကိုယ်စားပြု ကော်မတီ အတွင်းရေးမှူး ဦးအေးသာအောင်ကမူ စစ်အစိုးရ၏ ဖွဲ့စည်းပုံ အခြေခံမှုကြမ်း ၂၀၀၈ ကို လက်မခံနိုင်ကြောင်း ပြောဆိုသည်။

“စစ်အစိုးရ အခုသွားနေတဲ့ မူဝါဒလမ်းစဉ် (၇) ချက် အပါအဝင် ဖွဲ့စည်းအုပ်ချူပ်ပုံအခြေခံဥပဒေကိုလည်းပဲ လက်မခံနိုင်ဘူး၊ ဒီဖွဲ့စည်းပုံအခြေခံဥပဒေအရ ပေါ်ပေါက်လာမယ့် ရွေးကောက်ပွဲအပါအဝင် နောက်ထပ် ပါတီ ထောင်မယ် ဆိုတာကိုလည်း လက်မခံဘူး” ဟု ဦးအေးသာအောင်က ပြောသည်။

လက်ရှိ တိုင်းပြည်တွင် နိုင်ငံရေးအင်အားစုများ၊ တိုင်းရင်းသားအင်အားစုများနှင့် တပ်မတော်အင်အားစုများ ပါဝင်သည့် အမျိုးသားပြန်လည်သင့်မြတ်ရေး၊ ညီညွတ်ရေးတည်ဆောက်ရန် လိုအပ် ကြောင်းလည်း သူက ပြောသည်။

နအဖ စစ်အစိုးရက အမိန့်ကြေညာချက် အမှတ် ၁/၂၀၀၈ အရ ဖွဲ့စည်းပုံအခြေခံဥပဒေမူကြမ်း ၂၀၀၈ ကို မေလက အတည်ပြုခဲ့ပြီး လာမည့် ၂၀၁၀ ခုနှစ်တွင် ရွေးကောက်ပွဲအသစ်ကို ကျင်းပမည်ဖြစ်ကြောင်း ကြေညာချက်အမှတ် ၂/၂၀၀၈ ဖြင့် ထုတ်ပြန်ကြေညာထားသည်။

၁၉၉၀ ပြည့်နှစ် ရွေးကောက်ပွဲတွင် အန်အယ်လ်ဒီ ပါတီက ကိုယ်စားလှယ်ပေါင်း ၄၈၅ နေရာ ရှိသည့် အနက် ၃၉၂ နေရာ တွင် ရွေးချယ်ခံခဲ့ရပြီး ရာခိုင်နှုန်း ၈၀ ကျော် မဲအပြတ်အသတ်ဖြင့် အနိုင်ရခဲ့သည်။

တချိန်တည်းတွင် စစ်အစိုးရက အကျဉ်းထောင်တွင်း ဖမ်းဆီးထိန်းသိမ်းထားသော ၈၈ မျိုးဆက်ကျောင်းသား ခေါင်းဆောင် များကို၂၀၁၀ ရွေးကောက်ပွဲပါဝင်ရန် သဘောထားမေးမြန်းမှုများ ပြုလုပ်နေကြောင်း သိရသည်။

ဆောင်းပါး
လမ်းပြမြေပုံအသစ် လိုအပ်နေပြီ
အောင်ဇော် ဇူလိုင် ၇၊ ၂၀၀၈
မြန်မာနိုင်ငံတွင် စစ်အစိုးရက အဆိုပြု အကောင်အထည်ဖော်လာခဲ့သည့် “လမ်းပြမြေပုံ” ဆိုသည်မှာ အမှန်တော့ ဘာမှ မဟုတ်ချေ။ စစ်အစိုးရ၏ ထွက်ပေါက်မဟာဗျူဟာတခုသာ ဖြစ်ပါသည်။ မြန်မာနိုင်ငံ၏ ထိပ်တန်းစစ်ခေါင်းဆောင် ဗိုလ်ချုပ် မှူးကြီးသန်းရွှေက အရှင်ထွက် ထွက်လိုသည်။ ဤလမ်းပြမြေပုံ ဆိုသည်မှာလည်း ဤသို့ အရှင်ထွက်နိုင်ရန် ၎င်း၏ အသွင် ကူးပြောင်းရေးကြားကာလ အစီအစဉ်သာ ဖြစ်သည်။ အဆင့် ၇ ဆင့်ပါသည့် ဤလမ်းပြမြေပုံကိုသုံး၍ ဗိုလ်ချုပ်သန်းရွှေက နိုင်ငံရေးပြဿနာ အရှုပ်အထွေးများထဲမှ အန္တရာယ် ကင်းစွာ၊ အရှင်ထွက် ထွက်လိုနေသည်။ သူက ဤလမ်းပြမြေပုံကိုလည်း ၂၀၁၀ ခုနှစ်တိုင်အောင်သာ လိုအပ်ချက်ရှိသည်။ ဤအချိန်တိုင် သူ၏မိသားစုနှင့် နီးစပ်သူ လက်ဝေခံများအတွက် လုံခြုံအန္တရာယ်ကင်းစွာ နေနိုင်ရေးအတွက် သူက သေချာ အောင်လုပ်ထားချင်သည်။
သူက ၂၀၁၀ ခုနှစ်တွင် ရွေးကောက်ပွဲကျင်းပမည်ဟု ကြေညာထားပြီး၊ ပြီးလျှင် စစ်တပ်က ကျောထောက်နောက်ခံပြုထား သည့် အရပ်သားအစိုးရတခု ပေါ်ထွက်လာမည်မှာလည်း သေချာလှသည်။ ယခုလမ်းပြမြေပုံကို မည်သူမျှ မဖျက်ဆီး မနှောင့် ယှက်နိုင်စေရန် ကာကွယ်မည်ဟုလည်း ဗိုလ်ချုပ်သန်းရွှေက သံန္နိဌာန်ချထားသည်။
အသက်အရွယ် အိုမင်းလှပြီဖြစ်သည့် ခေါင်းဆောင်ကြီးက ယခုလမ်းပြမြေပုံအပေါ် ခိုင်ခိုင်မာမာရှိနေကြောင်းကို လွန်ခဲ့သည့် မတ်လ တပ်မတော်နေ့ မိန့်ခွန်းပေးရာတွင်လည်း အထင်အရှားဖော်ပြခဲ့သည်။ ဤမိန့်ခွန်းတွင် သူက အာဏာကို မမက်မော ကြောင်း၊ ၂၀၁၀ ရွေးကောက်ပွဲတွင် အနိုင်ရသူများကို အစိုးရအာဏာလွှဲပြောင်းပေးမည် ဖြစ်ကြောင်း ပြောခဲ့သည်။ သူ၏ ဆုံးဖြတ်ချက်အတိုင်း စိတ်ပြောင်းသွားလိမ့်မည် မဟုတ်ပေ။

နာဂစ်ဆိုင်ကလုန်းမုန်တိုင်း မတိုက်ခတ်မီ နေပြည်တော်တွင် တခြားခေါင်းဆောင်များ၊ စစ်တပ် တပ်မှူးများနှင့် တွေ့ဆုံသည့် အစည်းအဝေးတခု၌လည်း ဗိုလ်ချုပ်သန်းရွှေက ဖွဲ့စည်းပုံအခြေခံဥပဒေအတွက် ဆန္ဒခံယူပွဲကိုသော်လည်းကောင်း၊ ၂၀၁၀ ရွေးကောက်ပွဲအတွက် ပြင်ဆင်မှုများကိုသော်လည်းကောင်း နှောင့်ယှက်ဖျက်ဆီးရန် ကြိုးပမ်းလာသူမှန်သမျှကို သုတ်သင် ချေမှုန်းရန်လည်း အမိန့်ပေးခဲ့သေးသည်။

ဆန္ဒခံယူပွဲနှင့် ရွေးကောက်ပွဲကို နှောင့်ယှက်ဖျက်ဆီးရန် ကြံစည်ကြိုးပမ်းသူမှန်သမျှကို လိုအပ်ပါက ဖမ်းဆီးရန်၊ ထိန်းသိမ်း ရန်နှင့် သုတ်သင်ချေမှုန်းရန် လုပ်ပိုင်ခွင့်အာဏာကိုလည်း စစ်တပ်မှူးများသို့ အပြည့်အ၀ အပ်နှင်းထားခဲ့သည်။

ဆိုင်ကလုန်းမုန်တိုင်းကြောင့် ကပ်ဘေးဒုက္ခများကြုံရသည့်တိုင် ဗိုလ်ချုပ်သန်းရွှေကို မဟန့်တားနိုင်ခဲ့ပါ။ သူက ဆန္ဒခံယူပွဲကို ဇွတ်တိုး၍ ဆက်လုပ်ခဲ့သည်။ ဤဆန္ဒခံယူပွဲတွင်လည်း ပြောင်မဲခိုးမဲလိမ်ခဲ့ပြီး လာမည့် ၂၀၁၀ ခုနှစ် ရွေးကောက်ပွဲတွင်လည်း အလားတူ ညစ်ပတ်၍ မဲအရယူကြလိမ့်ဦးမည် ဖြစ်သည်။

ယခုအချိန်တွင် ထွက်ပေါ်လာသည့် မေးခွန်းတခုမှာ ယခုလမ်းပြမြေပုံအစား တခြားရွေးချယ်စရာလမ်းကြောင်း မရှိတော့ပြီ လောဟူ၍ပင် ဖြစ်သည်။

ကုလသမဂ္ဂက ယခုလမ်းပြမြေပုံတွင် အင်အားစုအားလုံး ပါဝင်ခွင့်ရှိရန်နှင့် တွေ့ဆုံဆွေးနွေးညှိနှိုင်းမှုများ ပြုပါရန် တောင်းဆို ခဲ့သည်။ သို့သော်လည်း ဗိုလ်ချုပ်သန်းရွှေက မသိကျိုးကျွံပြုနေခဲ့သည်။ ပြည်တွင်းရှိ အတိုက်အခံများကလည်း ဆန္ဒခံယူပွဲ တွင် ကန့်ကွက်မဲများပေးကြရန် လှုပ်ရှားစည်းရုံးခဲ့ကြသော်လည်း စစ်အစိုးရ ခေါင်းဆောင်ကြီးက ခပ်ရဲရဲပင် သူ့လမ်းအတိုင်း ရှေ့တိုးချီတက်ခဲ့သည်။

ဗိုလ်ချုပ်သန်းရွှေအဖို့ ရှေ့ဆက်ရမည့်လမ်းသည် ကြမ်းတမ်းခက်ခဲသော လမ်းကြမ်းနှင့်ကြုံရပေတော့မည်။ သံသယရှိစရာ မလိုသည့်အချက်မှာ ပြည်တွင်း ပြည်ပရှိ အတိုက်အခံ အင်အားစုများသည် လာမည့် ရွေးကောက်ပွဲကို ပျက်စီးရာပျက်စီး ကြောင်း ဆောင်ရွက်စည်းရုံးကြတော့မည် ဖြစ်သည်။ မကြာသေးမီကာလက ပြည်ထောင်စုကြံ့ခိုင်ဖွံ့ဖြိုးရေးအဖွဲ့ (USDA) ရုံး တခုအနီးတွင် ဗုံးပေါက်ကွဲမှုမှာ လာမည့်ကာလတွင် ပို၍ တိုက်ခိုက်မှုများ ကြုံရဖွယ်ရှိကြောင်း ခိုင်လုံသည့် သက်သေပြ ချက်ပင် ဖြစ်သည်။

ဤပေါက်ကွဲမှုက ရန်ကုန်မြို့မြောက်ပိုင်း၊ ရွှေပြည်သာမြို့နယ်တွင် ဖြစ်ပွားခဲ့သည်။ သို့သော်လည်း ထိခိုက်ဒဏ်ရာရမှုများ မရှိကြောင်း သတင်းများက ဖော်ပြခဲ့သည်။

စစ်အစိုးရ၏ လက်ကိုင် ဤကြံ့ဖွံ့အဖွဲ့ကို ၁၉၉၃ ခုနှစ်တွင် စစ်အစိုးရက စတင်ဖွဲ့စည်းခဲ့ပြီး ပံ့ပိုးမှုများ ပေးထားခဲ့သည်။ ယခု အခါ မြန်မာနိုင်ငံရှိ လူဦးရေ ၅၇ သန်း အနက် ကြံ့ဖွံ့အဖွဲ့ဝင် ၂၃ သန်းကို စည်းရုံးထားနိုင်ပြီဟုလည်း ဖော်ပြခဲ့သည်။ ဤအဖွဲ့ ၀င်များသည် ဒီမိုကရေစီ အတိုက်အခံ အဖွဲ့ဝင်များကို လူရမ်းကားဆန်ဆန် တိုက်ခိုက်မှုများ၌ ပါဝင်ပတ်သက်ခဲ့ကြသည်ဟု လူအများက စွပ်စွဲခဲ့ကြသည်။

ကြံ့ဖွံ့အဖွဲ့ဝင်များနှင့် စစ်အစိုးရကို အမာခံ ထောက်ခံနေသည့်သူများအပေါ် အလားတူ တိုက်ခိုက်မှုများမှာလည်း ယခုမှစ၍ ၂၀၁၀ ရွေးကောက်ပွဲ ကာလများအတွင်း ထပ်မံပေါ်ပေါက်လာနိုင်သေးသည်။ အကြမ်းဖက်မှုများသည်လည်း ကြောင်လိမ် လှေခါးသဖွယ် ထပ်၍ အဆင့်တက်ဖြစ်ပေါ်လာဖွယ် ရှိနေပါသည်။

ကုလသမဂ္ဂ အပါအ၀င် ဒေသတွင်း ဒေသအပြင်ရှိ အစိုးရများအနေဖြင့် မြန်မာစစ်အစိုးရအပေါ် မည်သို့မည်ပုံ ကိုင်တွယ် ဆက်ဆံရမည်ကို သဘောကွဲနေကြလျှင်၊ မပြတ်မသားဖြစ်၍ နေကြလျှင်၊ ဗိုလ်ချုပ်သန်းရွှေအနေဖြင့် သူဖြတ်သန်းရမည့် လမ်းတွင် ကြုံတွေ့ရမည့် အတားအဆီးများကိုလည်း ကောင်းစွာနှိမ်နင်း ကျော်ဖြတ်သွားနိုင်ဦးမည်သာ ဖြစ်သည်။

မြန်မာနိုင်ငံရှိ ထင်ရှားသည့်၊ လူထောက်ခံမှု ရရှိကြသည့် အတိုက်အခံ ခေါင်းဆောင်အများမှာ လူထုကို စည်းရုံးအုံကြွ၍ စစ်အစိုးရ၏ တရားဝင်မှုကို စိန်ခေါ်အံတုနိုင်ကြသော်လည်း ထိုသူအများမှာ ယခုအခါ ပုန်းအောင်း၍ဖြစ်စေ၊ ထောင်တွင်း၌ ဖြစ်စေ ရှိနေကြရပါသည်။ အကယ်၍ စက်တင်ဘာဆန္ဒပြပွဲများကဲ့သို့ လူထုအုံကြွမှု ပေါ်ပေါက်လာမည်ဆိုဦးတော့ စစ်တပ် များက “တရားဥပဒေ စိုးမိုးရေး” အကြောင်းပြ၍ အလျှင်အမြန် ချေမှုန်းနှိမ်နင်းပစ်ကြဦးမည်မှာ သံသယရှိစရာမလိုသည့် အချက်ပင် ဖြစ်ပါသည်။

ထို့အပြင် ပြည်တွင်း ပြည်ပရှိ အတိုက်အခံအင်အားစုများကလည်း အစိတ်စိတ်အမွှာမွှာ ပြိုကွဲနေကြပြီး တညီတညွတ်တည်း အသံမထွက်နိုင် ဖြစ်နေကြပါသည်။ တိုင်းရင်းသား လက်နက်ကိုင်တပ်များနှင့် အပစ်ရပ်အဖွဲ့များမှာလည်း စစ်အစိုးရကို စိန်ခေါ်ရန် မဖြစ်နိုင်လောက်အောင် ချိနဲ့အားပျော့နေကြပါသည်။ အချို့သော တိုင်းရင်းသားအဖွဲ့များကလည်း စစ်အစိုးရ အလိုကျ လာမည့်ရွေးကောက်ပွဲတွင် ပါဝင်ယှဉ်ပြိုင်ကြပါလိမ့်မည်။

ယခုအချိန်တွင် ဗိုလ်ချုပ်သန်းရွှေ၏ လမ်းပြမြေပုံကို စိမ်ခေါ်နိုင်မည့် နောက်ထပ်ရွေးချယ်စရာ လမ်းပြမြေပုံအသစ်တခုကို ရေးဆွဲကြရတော့မည့် အချိန်ပင် ဖြစ်ပါသည်။ အသွင်ကူးပြောင်းရေး ကာလအတွက်လည်း ပြင်ဆင်ကြရတော့မည့် အချိန် ဖြစ်ပါသည်။ ယခုလမ်းပြမြေပုံမှတဆင့် ဗိုလ်ချုပ်သန်းရွှေ အရှင်ထွက် ထွက်နိုင်ကောင်း ထွက်နိုင်ပါလိမ့်မည်။ သို့သော်လည်း မြန်မာနိုင်ငံ၏ ဒီမိုကရေစီ သန္ဓေသားကတော့ အသက်မဲ့မြဲ မဲ့နေဦးမည်သာ ဖြစ်ပါတော့သည်။

ဆောင်းပါး
စာနယ်ဇင်းသမားများ သို့မဟုတ် စစ်အစိုးရ၏ နံပတ် ၂ ရန်သူ
အေးချမ်းမြေ့ ဇူလိုင် ၇၊ ၂၀၀၈
“စစ်အစိုးရအတွက်ကတော့ နိုင်ငံရေးသမားပြီးရင် သူတို့ရဲ့ နံပတ် ၂ ရန်သူက ဂျာနယ်လစ်တွေပဲ” ဟု ရန်ကုန် သတင်း ဂျာနယ်တစောင်မှ သတင်းထောက်တဦးက ပြောဆိုချက်က ယနေ့ မြန်မာစာပေလောက မည်သို့ ရပ်တည်လှုပ်ရှားနေ ရသည်ကို ရောင်ပြန်ဟပ်ဖော်ပြချက်တခုဟု ဆိုရမည်သာ။

မြန်မာသတင်းထောက်များသည် ပြည်တွင်း ဂျာနယ်များတွင် ဖော်ပြခွင့်မရသည့် နာဂစ်မုန်တိုင်း နောက်ဆက်တွဲ သတင်း များကို ပြည်ပရှိ လွတ်လပ်သည့် မီဒီယာများထံ ရသည့်နည်းနှင့် ပေးပို့ခြင်းအားဖြင့် သတင်းမှန်များကို ကမ္ဘာက သိခွင့် ရအောင် ကြိုးပမ်းခဲ့ကြသဖြင့် စစ်အစိုးရက ၎င်းတို့၏ ညံ့ဖျင်းမှုနှင့် တာဝန်မယူမှုများကို ဖော်ထုတ်သော သတင်းသမားနှင့် စာရေးဆရာများကို ရန်သူအဖြစ် သဘောထား လာပုံရကြောင်း မြန်မာသတင်းစာဆရာများက ပြောဆိုနေကြသည်။

“မြန်မာ စာနယ်ဇင်းတွေမှာ ဒုက္ခသည် ဆိုတဲ့ အသုံးအနှုန်းကို သုံးလို့မရဘူး။ လူတွေငတ်နေတယ် ဆိုတာရေးလို့ မရဘူး။ လေဘေး ကယ်ဆယ်ရေးစခန်း လို့ပဲရေးရတယ်။ အကူအညီ အလုံအလောက် မရဘူး ဆိုတာမျိုး ရေးရင် စိစစ်ရေးက ဖြတ်တာပဲ” ဟု ရန်ကုန်အခြေစိုက် သတင်းထောက် တဦးကပြောပြသည်။

သတင်းထောက်များ ကြိုးစားပမ်းစားလိုက်ထားသည့် အဖြစ်မှန်၊ သတင်းမှန်များကို စိစစ်ရေးတင်ပြီး မူကြမ်းကျလာသည့် နေ့များတွင် ဂျာနယ်တိုက်၌ ဆဲဆိုသံများ ကြားနေရသည်ဟု သူကဆို၏။

“ကျနော်တို့ ရေးထားတဲ့ သတင်းတွေ ဖြုတ်ခံလိုက်ရတဲ့ နေ့ဆို ကျနော်တို့တော့ ထိုင်ပြီး ဆဲတာပဲ။ တတ်နိုင်တာ ဒါပဲရှိတယ် လေ။ လူတွေက တကယ်ငတ်နေပြီ၊ အကူအညီက မလုံလောက်ဘူး။ အဲဒါကို ပြည်သူလူထုသိအောင် ရေးလို့မရဘူး။ ဘယ်လောက် ဒေါသထွက်စရာကောင်းလဲ” ၎င်း သတင်းထောက်က ဆက်ပြော၏။

လက်တလော ထွက်ရှိနေသည့် မြန်မာ သတင်းစာနှင့် ဂျာနယ်များတွင် မုန်တိုင်းကြောင့် ရွာလုံးကျွတ် ပျက်စီးနေသည်ကို အပေါ်စီးက ထင်ထင်ရှားရှား ရိုက်ယူထားသည့် ပုံများ၊ ဆန်ရဖို့ တန်းစီနေသည့်ပုံများ၊ စားစရာ အိုးခွက် ပန်းကန်မရှိသော ကြောင့် ဖက်ရွက်များနှင့် ထမင်းစား နေသည့်ပုံများ စသည့် ဒုက္ခသည် များ၏ တကယ့်အခြေအနေကို ကွက်ကွက်ကွင်းကွင်း ဖြစ်စေသည့် သတင်းဓာတ်ပုံနှင့် သတင်း ပေးပို့ချက် များအစား အပြုသဘော ဆောင်သည့် သတင်းနှင့် ဆောင်းပါးများသာ ရေးရမည်ဟု စိစစ်ရေးက အမိန့် ထုတ်ထားကြောင်း ရန်ကုန်အခြေစိုက် နာမည်ကြီး ဂျာနယ်တစောင်မှ အယ်ဒီတာတဦးက ပြောသည်။

“ကျနော်ကိုယ်တိုင် တွေ့ခဲ့တဲ့ မြင်ကွင်းကို ဆောင်းပါးရေးလိုက်တယ်ဗျာ။ အဘွားအို တယောက် ဘာ အကူအညီမှမရဘူး။ ငှက်ပျောအူတွေကို ဒီတိုင်းစားနေရတာ။ အဲဒီအကြောင်း ဆောင်းပါးရေးတာ အဖြုတ်ခံရတယ်” ဟု သူက ပြောပြ၏။

နာဂစ် ဆိုင်ကလုန်းမုန်တိုင်းအပြီးတွင် သတင်းစာဆရာများကိုသာမကဘဲ ရသ စာရေးဆရာများကိုပါ ပိုမို စည်းကမ်း တင်းကျပ်လာကြောင်း မြန်မာ စာပေအသိုင်းအဝန်းမှ ကြားသိရသည်။

“အရင်ကလည်း ကဗျာတွေကို ဖြုတ်တာပါပဲဗျာ။ ဒါပေမယ့် ခုဟာက ပိုဆိုးလာတယ်။ နာဂစ်နဲ့ ပတ်သက်တဲ့ ကဗျာတွေက လည်း တကယ့် ခံစားမှုစစ်စစ်တွေ ဆိုတော့ စစ်အစိုးရကို ပိုိထိတယ်ထင်ပါရဲ့။ တချို့ ကဗျာ တွေဆို အဓိပ္ပာယ်လုံးဝ ပျောက်တဲ့ထိ အကြောင်းလိုက်၊ အပုဒ်လိုက် ဖြုတ်ခံရတာ” ဟု ကဗျာဆရာတဦးက ပြောပြသည်။

လတ်တလော နာဂစ် ဆိုင်ကလုန်း မုန်တိုင်းနှင့် ဆက်စပ်ပြီး ဖမ်းဆီးထိန်းသိမ်းခံထားရသည့် ဂျာနယ်လစ် ၄ ဦးရှိပြီ ဖြစ်ကြောင်း မြန်မာ မီဒီယာ အဖွဲ့အစည်း (BMA) က ထုတ်ပြန်ကြေညာထားသည်။

မကြာခင်က အဖမ်းခံလိုက်ရသည့် ဂျာနယ်လစ်များမှာ မြန်မာထရီဗြွန်းဂျာနယ်၏ အယ်ဒီတာချုပ် ဦးအောင်ကျော်ဆန်း၊ အီကိုဗစ်ရှင်း ဂျာနယ် သတင်းထောက် မအိမ့်ခိုင်ဦး၊ နာမည်ကြီး ဟာသသရုပ်ဆောင် နှင့် ဘလော့ဂါ ဇာဂနာနှင့်အလွတ်တမ်း ဂျာနယ်လစ်တဦးဖြစ်သည့် ကိုဇော်သက်ထွေးတို့ဖြစ်သည်။

“ပြည်တွင်းက ဂျာနယ်လစ်တွေက နိုင်ငံတကာ မီဒီယာတွေကို အဖြစ်မှန်အတိုင်း အသိပေးလိုက်တော့ စစ်အစိုးရက အရှက်ကွဲတော့တာပေါ့။ အဲဒီတော့ ဂျာနယ်လစ်တွေကို မဲပြီး ဖမ်းတော့တာပဲ။ ဘယ်လိုပဲ ဖမ်းဖမ်း ဂျာနယ်လစ်တွေကတော့ လုပ်စရာရှိတာ လုပ်နေကြမှာပဲ” ဟု ရန်ကုန်သတင်းထောက်က ပြောသည်။

သတင်းမှန်များကို ဖော်ထုတ် တင်ပြရေးအတွက် အန္တရာယ်ကိုမမှုဘဲ ပြည်ပမီဒီယာများမှတဆင့် ရေးသားတင်ပြနေသည့် ပြည်တွင်းအခြေစိုက် စာနယ်ဇင်းသမားများကမူ ယနေ့ခေတ်တွင် သတင်းကို ဖုံးဖိ ထား၍ မရတော့ဟု ဆိုကြသည်။

“စာနဲ့ရေးလို့မရရင် ပါးစပ်နဲ့ သတင်းဖြန့်နေမှာပဲ။ မြန်မာပြည်မှာ ဒီနည်းက ထိရောက်တယ် ဗျ။ အဲဒီပါးစပ် သတင်းကို သူတို့က ကောလာဟလလို့ နာမည်တပ်တာ။ တကယ်တော့ မြန်မာနိုင်ငံက ကောလာဟလတွေ က ၉၀ ရာခိုင်နှုန်းလောက် မှန်တယ်။ အဲဒါကို စစ်အစိုးရကလည်းသိတယ်” ဟု ရန်ကုန်အခြေစိုက် သတင်းထောက်က ဆက်ပြောသည်။

စက်မှုထိပ်သီးညီလာခံ တက်နေတဲ့ သမ္မတဘုရ်ှက ဒေါ်စုလွှတ်ပေးရေး တောင်းဆို
07 July 2008
ဦးသိန်းထိုက်ဦး
စက်မှုထိပ်သီးညီလာခံ တက်ရောက်လျက်ရှိသော ကမ္ဘာ့ခေါင်းဆောင်အချို့။(၀ဲမှယာ) ဗြိတိန်ဝန်ကြီးချုပ်ဂေါ်ဒွန်ဘရောင်း၊ ဂျပန်ဝန်ကြီးချုပ်ယာဆူအိုဖူကူဒါ၊ အမေရိကန်သမ္မတ ဘုရှ်၊ ကနေဒါဝန်ကြီးချုပ် စတီဖင်ဟာပါ။
ဇူလိုင် ၇၊ ၂၀၀၈။ မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည်ကို လွှတ်ပေးဖို့ ဂျပန်နိုင်ငံမှာကျင်းပတဲ့ စက်မှုအင်အားကြီးနိုင်ငံ
ရှစ်နိုင်ငံ ထိပ်သီးဆွေးနွေးပွဲကို တက်ရောက်နေတဲ့ အမေရိကန်သမ္မတ ဂျော့ခ်ျ ဒဗလျူဘုရှ် (George W.Bush) က တောင်းဆို
လိုက်ပါတယ်။ ကုန်သွယ်ရေးနဲ့ ရင်းနှီးမြှုပ်နှံမှု၊ ရာသီဥတု ပြောင်းလဲလာတဲ့ အရေးကိစ္စတွေကို ဦးစားပေး ဆွေးနွေးမယ့် စက်မှု
အင်အားကြီးနိုင်ငံတွေရဲ့ ဆွေးနွေးပွဲမှာမြန်မာ့နိုင်ငံအရေး အပါအ၀င် လူ့အခွင့်အရေးကိစ္စတွေလည်း အရိပ်ထိုးနိုင်တယ်လို့
ဂျပန်နိုင်ငံရောက် မြန်မာ့အရေး လှုပ်ရှားသူတွေက သုံးသပ်ပါတယ်။ အပြည့်အစုံကို ကိုသိန်းထိုက်ဦးက တင်ပြပေးထားပါတယ်။
စက်မှုအင်အားကြီးနိုင်ငံ ရှစ်နိုင်ငံရဲ့ဆွေးနွေးပွဲကို တက်ရောက်ဖို့ ဂျပန်နိုင်ငံကိုရောက်နေတဲ့ အမေရိကန်သမ္မတ ဂျော့ခ်ျ ဒဗလျူ ဘုရ်ှက မနေ့က ဂျပန်ဝန်ကြီးချုပ် ယာဆူအိုဖူကူဒါ (Yasuo Fukuda) နဲ့ တွေ့ဆုံတဲ့အချိန်မှာ မြန်မာနိုင်ငံအရေးနဲ့ ပတ်သက်လို့
စိုးရိမ်တဲ့အကြောင်း ပြောဆိုသွားပါတယ်။ မြန်မာနိုင်ငံမှာ နာဂစ်မုန်တိုင်းဒဏ်ခံရပြီးစစ်အစိုးရက အကူအညီပေးရေး အဖွဲ့တွေအပေါ် ကန့်သတ်ခဲ့တာနဲ့ ပတ်သက်လို့လည်းဝေဖန်အပြစ်ဖို့သွားပါတယ်။ ဒေါ်အောင်ဆန်းစုကြည်ကို လွှတ်ပေးဖို့လည်း တောင်းဆို
ခဲ့ပါတယ်။
ဂျပန်နိုင်ငံမြောက်ပိုင်း ဟိုကိုင်းဒိုးကျွန်းပေါ်မှာ မီးတောင်ဟောင်း ချော်ရည်အေးခဲရာက
ပေါ်လာခဲ့တဲ့ တိုရာရေကန်ကို အပေါ်စီးကကြည့်တဲ့ ဇိမ်ခံအပန်းဖြေ နားနေရာနေရာ
တွေမှာ ဒီထိပ်သီးဆွေးနွေးပွဲကို ဒီနေ့ စတင်ကျင်းပါတယ်။ သမိုင်းမှာမကြုံဘူးတဲ့
လောင်စာဆီဈေးကြီးမြင့်မှု၊ ကမ္ဘာ့စီးပွားရေးနဲ့ ကုန်သွယ်ရေးကိစ္စတွေ၊ ရာသီဥတု
ပြောင်းလာတဲ့ ကိစ္စတွေ၊ ဖန်လုံအိမ်ဓာတ်ငွေ့ လျှော့ချရေးနဲ့ အာဖရိကတိုက်နိုင်ငံတွေကို
အကူအညီပေးရေးကိစ္စတွေ အဓိက ဆွေးနွေးကြဖို့ ရှိပါတယ်။

ဒီလို နိုင်ငံတကာ အကြောင်းအရာတွေ ဆွေးနွေးဖို့ စီစဉ်ထားတဲ့အချိန်မှာ မြန်မာနိုင်ငံနဲ့
ဇင်ဘာဘွေနိုင်ငံတွေလို လူ့အခွင့်အရေးကိစ္စတွေကို အချိန်ပေး ဆွေးနွေးနိုင်ခွင့် ရမှ
ရပါ့မလား။ ဂျပန်နိုင်ငံ တိုကျိုမြို့ မြန်မာ့ရေးရာရုံး ညွှန်ကြားရေးမှူး ဒေါက်တာမင်းညိုက
အခုလိုသုံးသပ်ပါတယ်။

“အခု ဂျပန်ပြဿနာကလည်း မြောက်ကိုရီးယားကနေပြီးတော့ ဂျပန်ပြည်သူတွေကို
ပြန်ပေးဆွဲတဲ့ကိစ္စကလည်း ရှိနေတော့ အဲဒီကိစ္စကို ဆွေးနွေးမယ်ဆိုရင်တော့
ဒေါ်အောင်ဆန်းစုကြည် အဖမ်းခံထားရတဲ့ကိစ္စကလည်း ပါလာမှာပဲ။ ဒါကြောင့်မို့လည်း
ပြောတဲ့သဘောတော့ ရှိပါတယ်။ အဲဒါကြောင့် လူ့အခွင့်အရေးကိစ္စကတော့ ဂျပန်နိုင်ငံ
မှာလုပ်နေတဲ့အတွက် ဂျပန်ပြည်သူတွေကိုယ်နှိုက်က ပြောစေချင်တဲ့သဘော ရှိတာ
ကြောင့် ဆွေးနွေးလိမ့်မယ်လို့ ကျနော်ထင်ပါတယ်။”

ပြီးခဲ့တဲ့ ဇွန်လနောက်ဆုံးပတ်က ဂျပန်နိုင်ငံ တိုကျိုမှာကျင်းပခဲ့တဲ့ စက်မှုအင်အားကြီး
နိုင်ငံ ရှစ်နိုင်ငံ နိုင်ငံခြားရေးဝန်ကြီးတွေရဲ့ အစည်းအဝေးကနေ မြန်မာစစ်အစိုးရဘက်
က လေဘေးကယ်ဆယ်ရေး နိုင်ငံတကာ အကူအညီတွေကို လက်ခံလာအောင် G-8
နိုင်ငံခြားရေးဝန်ကြီးတွေက တိုက်တွန်းခဲ့ပါတယ်။ စစ်အစိုးရဘက်က နိုင်ငံတကာအကူ
အညီတွေနဲ့ ပတ်သက်လို့ ထိန်ချန်ဖုံးကွယ်မှုမရှိဘဲ တာဝန်ယူလာအောင် တိုက်တွန်းဖို့
စက်မှုအင်အားကြီးနိုင်ငံတွေက ကုလသမဂ္ဂကို တောင်းဆိုဖို့လည်း အီတလီနိုင်ငံက
အဆိုပြုခဲ့ပါတယ်။

ဒါကြောင့်လည်း မြန်မာနိုင်ငံအရေးကိစ္စကို ထည့်သွင်းဆွေးနွေးမယ်လို့ မြန်မာ့အရေး
လှုပ်ရှားသူတွေ မျှော်လင့်နေကြတာ ဖြစ်ပါတယ်။ ဒေါက်တာမင်းညိုက အခုလိုပြောပါ
တယ်။

“မြန်မာပြည်ရဲ့ကိစ္စကိုလည်း ကြေညာချက်ထုတ်တဲ့အချိန်မှာ ပါအောင်လို့ ပြောမယ်
ဆိုပြီး ဂျပန်နိုင်ငံခြားရေးဌာနက ပြောပါတယ်။ အဲလိုပြောထားတဲ့အတွက် အခု
အင်္ဂလန်၊ ပြင်သစ်၊ အမေရိကန်ကတော့ ဒီကိစ္စကို ပါစေချင်တဲ့သဘော ရှိနေပါတယ်။
တကယ်တော့ ထွက်လာမှပဲ တကယ်ပါမပါ သိရမှာပဲ။ ဒါပေမယ့်လည်း မြန်မာပြည်
ကိစ္စက သေးတဲ့ကိစ္စမဟုတ်တော့ အဲဒီကြေညာချက်ထဲတော့ ပါလာလိမ့်မယ်လို့
မျှော်လင့်ရပါတယ်။”

စက်မှုအင်အားကြီးနိုင်ငံ ရှစ်နိုင်ငံဟာ ဂျာမဏီ၊ အီတလီ၊ ကနေဒါ၊ ဂျပန်၊ ပြင်သစ်၊
ရုရှား၊ ဗြိတိန်နဲ့ အမေရိကန်ပြည်ထောင်စုတို့ ဖြစ်ပါတယ်။

စက်မှုအင်အားကြီး နိုင်ငံတွေရဲ့ ထိပ်သီးဆွေးနွေးပွဲ ကျင်းပနေတဲ့အချိန် ဂျပန်နိုင်ငံ
အတွင်းမှာ ဆန္ဒပြပွဲတွေ နှစ်ရက်ဆက်တိုက် ကျင်းပတယ်ဆိုပေမယ့် လုံခြုံရေး
တင်းကျပ်တာကြောင့်ရော၊ ဝေးလံတဲ့ အပန်းဖြေကျွန်းမှာ ကျင်းပတာကြောင့်ရော
အနီးဆုံး ဆန္ဒလာပြနိုင်တဲ့အဖွဲ့က အစည်းအဝေးကျင်းပတဲ့ မိုင် ၆၀ ကျော်အကွာအဝေး
မှာ လာပြနိုင်တာပါ။ ဒီထက်နီးတဲ့ ဆန္ဒပြပွဲ မရှိဘူးလို့လည်း သတင်းတွေမှာ ရေးပါ
တယ်။

မြန်မာ့ဒီမိုကရေစီ အင်အားစုတွေအနေနဲ့ရော ဘယ်လိုမျိုးလှုပ်ရှားမှုတွေ ရှိပါသလဲ၊
အန်န်အယ်လ်ဒီ လွတ်မြောက်နယ်မြေ ဂျပန်ဌာနခွဲက ဒု-ဥက္ကဋ္ဌ-၁ ဦးလှဟန်က အခုလို
ပြောပါတယ်။

“နိုင်ငံခြားရေးဌာနကိုတော့ ကျနော်တို့ စာပို့ထားပါတယ်။ သူတို့ပို့ပေးမယ်လို့တော့
ကတိပေးပါတယ်။ မြန်မာနိုင်ငံရဲ့ လက်ရှိအခြေအနေ၊ ပြည်သူ့ဆန္ဒခံယူပွဲကိစ္စ၊ အဲဒါကို
အဓိကထားပြီး ဒီဟာ လိမ်လည်မှုတွေရှိတယ်၊ မမှန်ကန်မှုတွေရှိတယ်ဆိုပြီး အဲဒီစာ
ပေးတာပဲ ရှိပါတယ်။”

ပြီးခဲ့တဲ့ ဇွန်လ ၂၇ ရက်နေ့ကနေ ၂၉ ရက်နေ့အထိ ဂျပန်နိုင်ငံ အိုဆာကာနဲ့ ကျိုတိုမှာ
ကျင်းပခဲ့တဲ့ ကမ္ဘာ့နိုင်ငံအသီးသီးက ဘာသာပေါင်းစုံ ဘာသာရေးခေါင်းဆောင်တွေ
အစည်းအဝေးမှာလည်း မြန်မာနိုင်ငံနဲ့ တိဘက်ဒေသ ဘာသာရေးဖိနှိပ်ခံရမှုတွေကို
ဆန့်ကျင်ရှုတ်ချတဲ့ ကြေညာချက်တွေ ထုတ်ပြန်ပေးဖို့ စက်မှုအင်အားကြီးနိုင်ငံ
ရှစ်နိုင်ငံကို ဘာသာရေးခေါင်းဆောင်တွေက တိုက်တွန်းခဲ့ကြပါတယ်။

ထိုင်းနိုင်ငံရောက် မြန်မာအလုပ်သမားတွေ ပြည်တော်ပြန်ရေး ချင့်ချိန်နေရ
07 July 2008
ဒေါ်အေးအေးမာ
ဒီနှစ်အတွင်း မြန်မာနိုင်ငံသား ၃၀၀,၀၀၀ လောက် ထိုင်းနိုင်ငံထဲကို လာရောက် အလုပ်
လုပ်ကိုင်ရင်း အဲဒီထဲက သုံးပုံတပုံလောက်ဟာ မြန်မာနိုင်ငံကို မပြန်ကြတော့ကြောင်း
ထိုင်းလူဝင်မှုကြီးကြပ်ရေးဌာနက အစီရင်ခံစာ ထုတ်ပြန်ပါတယ်။ မြန်မာနိုင်ငံမှာ နာဂစ်
မုန်တိုင်းဖြစ်ပြီး မြန်မာနိုင်ငံသား ၃၀,၀၀၀ ကျော်ဟာ ထိုင်းနိုင်ငံကိုရောက်လာပြီး
မြန်မာနိုင်ငံကို မပြန်ကြတော့ဘူးလို့ ပြောပါတယ်။ ထိုင်းနိုင်ငံ မဲဆောက်မြို့ကို မကြာ
ခင်ကရောက်လာတဲ့ မြန်မာနိုင်ငံသားတွေကို ဆက်သွယ်မေးမြန်းပြီး မအေးအေးမာက
တင်ပြပေးထားပါတယ်။

ဒီနှစ် နှစ်ဝက်အတွင်း မြန်မာနိုင်ငံသား ၃၀၀,၀၀၀ လောက် မြ၀တီ-မဲဆောက်
ချစ်ကြည်ရေးတံတားကိုဖြတ်ပြီး ထိုင်းနိုင်ငံထဲကို လာရောက် အလုပ်လုပ်ကိုင်ရင်း အဲဒီ
ထဲက သုံးပုံတပုံလောက်ဖြစ်တဲ့ လူဦးရေ ၈၅,၀၀၀ လောက်ဟာ မြန်မာနိုင်ငံကို မပြန်
ကြတော့ကြောင်း ထိုင်းလူဝင်မှုကြီးကြပ်ရေးဌာနက အစီရင်ခံစာ ထုတ်ပြန်ပါတယ်။
မြန်မာနိုင်ငံမှာ နာဂစ်မုန်တိုင်းဖြစ်ပြီး မေလနဲ့ဇွန်လအတွင်းမှာ မြန်မာနိုင်ငံသား
၃၀,၀၀၀ ကျော်ဟာ ထိုင်းနိုင်ငံကိုရောက်လာပြီး မြန်မာနိုင်ငံကို မပြန်ကြတော့ဘူးလို့
ပြောပါတယ်။ ထိုင်းနိုင်ငံတွင်းကို နာဂစ်မုန်တိုင်းဖြစ်ပြီး ဇွန်လအတွင်းက ရောက်ရှိလာ
ခဲ့တဲ့ ဧရာဝတီတိုင်း၊ ၀ါးခယ်မမြို့နယ်က လယ်သမားတဦးကတော့ မြန်မာပြည်မှာ
လုပ်ကိုင်စားသောက်ဖို့ အရင်းအနှီးမရှိတာရယ်၊ ချေးငှားပြီးလုပ်ရင်လည်း ကြွေးနဲ့ပဲ
လုံးခြာလည်နေတာကြောင့် ထွက်လာခဲ့ကြောင်း အခုလိုပြောပါတယ်။

"လယ်လုပ်တဲ့လူတွေအတွက် အခက်အခဲက နွေစပါးတွေ အညှောင့်ပေါက်လို့ အရင်း
အနှီးတွေ ဆုံးရှုံးကုန်တယ်။ မြေပဲတွေဆိုရင်လည်း အညှောင့်ပေါက်တယ်။ အစေ့တွေ
ဘာတွေ ပွင့်ထွက်ကုန်လို့ အရင်းတွေနဲ့ လုပ်ထားရတာ အမြတ်လည်းမရဘူး၊ အကုန်
ဆုံးရှုံးကုန်တော့ ကြွေးတွေနဲ့ နစ်သွားရတယ်။ တံငါဆိုလည်း ပိုက်တဖောင်နဲ့ လှေ
တစင်းဆိုရင် ၆၀၀,၀၀၀ လောက်ကုန်တယ်။ လယ်ကြတော့လည်း ၁၀ ဧကလောက်
လုပ်မယ်ဆိုရင် အရင်းက မနည်းသွင်းရတယ်။ မျိုးဖိုးနဲ့ စိုက်ခဆိုရင် ရှာလို့မရနိုင်ဘူး။
အရင်းရှာဖို့ကလည်း မလွယ်ဘူး။ ပြောမယ်ဆိုရင် ငွေတိုးဒဏ်ခံရတယ်။ အရင်းမရှိလို့
ရှာရမယ်ဆိုရင် ၁၀ တိုးဒဏ်ခံရတယ်။ အဲတော့ ပိုပိုနစ်သွားတာပေါ့။ လယ်လုပ်မယ်
ဆိုရင်လည်း မြေပဲတို့ ဘာတို့အတွက် စိုက်စရိတ်တွေရှာရတယ်။ ပိုက်ဆိုရင်လည်း
လေးငါးခြောက်သိန်းနဲ့ နှစ်နှစ် သုံးနှစ်ချပြီးရင် ဒီအရင်းက ဆုံးရှုံးသွားပြန်ရော။ အခုလို
နာဂစ်ဖြစ်တဲ့အခါကျတော့ ထွက်မရှာလို့ မဖြစ်တော့ဘူးဆိုပြီး ထွက်ရှာတာပေါ့။"

ထိုင်းနိုင်ငံဘက်ကို ထွက်လာတော့လည်း အခက်အခဲတွေ ကြုံတွေ့ခဲ့ရကြောင်း၊
လမ်းခရီးမှာ ငွေပေးပြီး ဖြတ်ခဲ့ရကြောင်းကိုလည်း ဆက်ပြောသွားပါတယ်။

"ထွက်လာတော့လည်း ခက်ခဲပါတယ်။ မှတ်ပုံတင်စစ်တယ်၊ တဂိတ်ကို ငါးရာ၊
ဟောက်လားဟိန်းလားနဲ့တောင်းတယ်။ အဲတော့ အကျိုးအကြောင်းပြောပြပြီး ဒီလိုပဲ
ခြိုးခြံပြီး တက်လာရတာပေါ့။"

မြန်မာနိုင်ငံမှာ ပညာတတ်တွေထဲကလည်း ထိုင်းနိုင်ငံဘက်ကို ထွက်လာသူတွေ ရှိကြ
ပါတယ်။ မြန်မာပြည်မှာ ပထ၀ီနဲ့ကျောင်းပြီးပြီး အလုပ်အကိုင် ရှားပါးတာကြောင့်
ဈေးရောင်းဈေးဝယ် လုပ်နေရတဲ့ ကျောင်းသူတဦးကတော့ ထိုင်းနိုင်ငံမှာ အလုပ်
လုပ်ရတာ မြန်မာနိုင်ငံထက်စာရင် အဆင်ပြေတယ်လို့ ဆိုပါတယ်။

"အလုပ်အကိုင်ကလည်း မကောင်းဘူး။ ဈေးကလည်း အပြင်မှာ ပျံကျဈေးအနေနဲ့
ရောင်းရတယ်။ ရောင်းတဲ့အခါ အဆင်မပြေဘူး၊ အဆင်မပြေလို့ တက်လာတယ်။
ဒီဘက်မှာကျတော့ အဆင်ပြေပါတယ်။"

ဧရာဝတီတိုင်း ၀ါးခယ်မက လယ်သမားတဦးကတော့ မြန်မာနိုင်ငံမှာ လယ်လုပ်လို့
ရနိုင်တဲ့ငွေကြေးနဲ့ ထိုင်းနိုင်ငံမှာ အလုပ်လုပ်ရင် ရနိုင်မယ့်ငွေကြေးကို နှိုင်းယှဉ်ပြီး
ပြောသွားပါတယ်။

"ကျနော်တို့ လယ်သူရင်းငှားတယောက် ကိုယ့်လုပ်အားနဲ့ကိုယ် မြန်မာပြည်မှာလုပ်မယ်
ဆိုရင် နွေရော မိုးရောမှ ၂၀၀,၀၀၀ လောက်ရတယ်။ အခုဒီမှာ တလကို ဗမာငွေနဲ့
၈၀,၀၀၀ လောက်ရမယ်ဆိုရင် ကျနော်တို့အတွက် နည်းနည်းပိုလာမယ်ပေါ့။ အဲဒီလို
တွက်ပြီး ထွက်လာတာပါ။"

မြန်မာပြည်ကထွက်လာတဲ့သူတွေကို စက်ရုံနဲ့ ပန်းရန်လုပ်ငန်း၊ ဥယျာဉ်ခြံမြေလုပ်ငန်း
တွေမှာ အလုပ်ရှာဖွေပေးနေသူ၊ အလုပ်သမားအရေး ဆောင်ရွက်နေသူတဦးဖြစ်တဲ့
ကိုအောင်ဒင်ကလည်း ထိုင်းနိုင်ငံမှာရတဲ့ ၀င်ငွေဟာ မြန်မာနိုင်ငံကထက်စာရင်
လုံလောက်မှုရှိပြီး တယောက်လုပ်ရင် နှစ်ဦးလောက် စားလို့ရတာကြောင့် သူတို့
အတွက် အဆင်ပြေတယ်လို့ ဆိုပါတယ်။

“အခုဒီမှာ ပန်းရန် အလုပ်ကြမ်းသမားတယောက်ဆိုရင် တရက်ကို ၈၀ ပေးတယ်။
စက်ရုံမှာဆိုရင်လည်း ၈၀-၉၀ ပေးတယ်။ တယောက်လုပ်စာက နှစ်ယောက်စားလို့
ရတယ်။ နှစ်ရက် သုံးရက် စားလို့ရတယ်။ သူတို့အနေနဲ့ အားလုံးအဆင်ပြေမှုရှိတယ်
ပေါ့။ နှစ်ယောက်လုပ်ရင် တယောက်စာစုမိတယ်။ ၈၀ က ဗမာငွေ ၃,၀၀၀ ရှိတယ်။”

ထိုင်းနိုင်ငံကို အခု တလနှစ်လအတွင်း မြန်မာနိုင်ငံသား အလုပ်လာလုပ်သူတွေ ပို
များများလာကြပြီး စားဝတ်နေရေး အဆင်မပြေတာကြောင့်ရော နာဂစ်မုန်တိုင်းဖြစ်ပြီး
နေထိုင်ရပ်တည်လို့ မရတော့တာကြောင့်ပါဖြစ်တယ်လို့ အလုပ်လာလုပ်သူတွေက
ပြောပါတယ်။ ဒါ့အပြင် ထိုင်းနိုင်ငံထဲမှာ ၁၀ နှစ်ခံ နေထိုင်ခွင့်လက်မှတ်တွေ လုပ်ပေး
နေတယ်ဆိုတဲ့ သတင်းကြောင့်လည်း တနေ့တနေ့ ထိုင်းကိုလာပြီး အလုပ်လာလုပ်သူ
တွေဟာ ပိုမိုများပြားလာနေပါတယ်။ တရားဝင် မြ၀တီ-မဲဆောက် တံတားကသာမက
တရားမ၀င်တဲ့ ဂိတ်တွေကရော တောလမ်းတွေကပါ ၀င်ရောက်လာသူတွေများနေပြီး
ထိုင်းနိုင်ငံဘက်ကလည်း နေ့စဉ်ဖမ်းဆီးပြီး ပြန်ပို့ဆောင်တာမျိုးတွေ လုပ်နေပါတယ်။
ထိုင်းနိုင်ငံဘက်ကလည်း အခုလို ပြန်လည်ပို့ဆောင်တာအပြင် ဖမ်းဆီးပြီး အရေးယူ
တာမျိုးတွေ၊ ထောင်ချတာမျိုးတွေ လုပ်နေပေမယ့် မြန်မာဘက်ခြမ်းကလာပြီး အလုပ်
လာလုပ်တဲ့ မြန်မာနိုင်ငံသားဦးရေကိုတော့ ထိုင်းနိုင်ငံဘက်က ဟန့်တားနိုင်တာမျိုး
မရှိသေးပါဘူး။

အထိန်းသိမ်းခံ ဘလော့ဂါ နေဘုန်းလတ် ပုဒ်မ ၅ ည ပြောင်းခံရ၊ စုစုနွေး တိုက်ပိတ်ခံရ
07 July 2008
မသင်းသီရိ
မြန်မာနိုင်ငံက အင်းစိန်ထောင်ထဲမှာ ဖမ်းဆီးခံထားရတဲ့ ဘလော့ဂါ ကိုနေဘုန်းလတ်ကို
ဗွီဒီယိုအက်ဥပဒေနဲ့ ပုဒ်မတပ် ဖမ်းဆီးစွဲဆိုထားရာက နိုင်ငံရေးပုဒ်မ ၅(ည) နဲ့ ပုဒ်မ
ပြောင်းလိုက်တယ်လို့ သိရပါတယ်။ အပြည့်အစုံကို မသင်းသီရိက ဆက်သွယ်မေးမြန်း
ပြီး တင်ပြပေးထားပါတယ်။

အင်းစိန်ထောင်မှာ ဒီနေ့မနက် ကိုနေဘုန်းလတ်မိခင်က ထောင်ဝင်စာသွားတွေ့တဲ့အခါ
အရင်စွဲဆိုထားတဲ့ ပုဒ်မ ၃၂(ခ) လို့ခေါ်တဲ့ ဗွီဒီယိုအက်ဥပဒေကနေ နိုင်ငံရေးပုဒ်မဖြစ်တဲ့
၅(ည) နဲ့ ပုဒ်မပြောင်းလိုက်တယ်ဆိုတာ ကိုနေဘုန်းလတ်က ပြောပြခဲ့တယ်လို့ မိခင်
ဒေါ်အေးသန်းက ပြောပြပါတယ်။

"ဒီနေ့ အန်တီတို့ ထောင်ဝင်စာသွားတွေ့တော့ သူက ၂ ရက်နေ့၊ ဗုဒ္ဓဟူးနေ့က အရေး
ပေါ်စီမံချက်ပုဒ်မ ၅(ည) နဲ့ ပုဒ်မပြောင်းလိုက်တယ်လို့ပြောတယ်။ အရင်က ပုဒ်မ ၃၂(ခ)
ပေါ့။ အဲဒါ အမေတို့ သိပြီးပြီလားဆိုတော့ မသိရသေးဘူးလို့ ပြောလိုက်တော့ အဲဒါဆို
သူ့ရှေ့နေကို ပြောပေးပါလို့ ပြောတယ်။"

ပြီးခဲ့တဲ့အပတ်တွေကတည်းက ကိုနေဘုန်းလတ်မှာ မျက်စိဝေဒနာ ခံစားနေရပြီး ဒီနေ့
တွေ့တဲ့အခါ သူ့ရဲ့ မျက်စိအခြေအနေက ပိုဆိုးနေတာကို တွေ့ရတယ်၊ ဒါပေမယ့် အခု
အချိန်အထိ ဆေးဝါးကုသခွင့် မရသေးတဲ့အတွက် မိခင်ရဲ့သောကကိုလည်း အခုလို
ပြောပြပါတယ်။

"သူက လွန်ခဲ့တဲ့ သုံးပတ်လောက်ကတည်းက မျက်စိမကောင်းဘူးပေါ့။ နဂိုကတည်းက
မျက်မှန်တပ်ထားရတာ။ အခု မျက်စိက ပုတ်ခတ်ပုတ်ခတ်ဖြစ်ပြီး ညဘက်ဆိုရင်
ဘယ်ဘက်မျက်လုံးက မျက်ရည်ကျတယ်တဲ့။ စာလည်း အဖတ်များတာကိုး။ ဆရာဝန်ကို
တွေ့ဖို့၊ ကုသဖို့ပြောတော့လည်း အထူးကုတွေက မလာဘူးပေါ့။ အဲဒီကတည်းက အန်တီ
တို့ ဆရာဝန်နဲ့ ကုသခွင့်ပေးဖို့ သက်ဆိုင်ရာကိုတော့ နည်းနည်းပါးပါး ပြောထားတာပေါ့၊
အောက်ခြေ၀န်ထမ်းတွေကိုပေါ့။ လူတကိုယ်မှာ မျက်လုံးက အရေးအကြီးဆုံးပဲဆိုတော့
မျက်လုံးထိခိုက်မှာတော့ အန်တီက စိုးရိမ်တယ်။

"ပြီးတော့ ထောင်ရာဇ၀င် သမိုင်းမှာလည်း ရှိခဲ့ဖူးပါတယ်။ မျက်လုံးနဲ့ပတ်သက်ပြီး
ထောင်ထဲမှာ မျက်ကြောသေသွားတာတို့၊ မျက်စိအမြင်အာရုံ မကြည်လင်တော့တာတို့
အဲဒါမျိုးတွေ ရှိခဲ့ဖူးတော့ အန်တီ့သားကိုတော့ အဲဒီလိုဖြစ်မှာ စိုးရိမ်တယ်။ သူတို့
ခေါ်သွားတဲ့အချိန်တုန်းက တကယ့် ကျန်းကျန်းမာမာ၊ သန်သန်စွမ်းစွမ်းနဲ့ ခေါ်သွားတာ။
အဓိက မျက်စိဝေဒနာ ခံစားနေရပြီဆိုတော့ အန်တီ့အနေနဲ့တော့ စိုးရိမ်တာပေါ့။"

ကိုနေဘုန်းလတ်ကို ၂၀၀၈ ခုနှစ်၊ ဇန်န၀ါရီ ၂၉ ရက်နေ့ကတည်းက သူ့ရဲ့ ဘလော့ဂါ
စာမျက်နှာတွေအတွက် မေးမြန်းစရာရှိတယ်ဆိုပြီး အာဏာပိုင်တွေက ခေါ်သွားခဲ့တာပါ။
ဖမ်းပြီး နှစ်ပတ်အကြာ အင်းစိန်ထောင်မှာ မိသားစုတွေနဲ့ အပတ်စဉ် တနင်္လာနေ့တိုင်း
ထောင်ဝင်စာတွေ့ခွင့်ရတယ် ဆိုပေမယ့် သူ့အတွက်ငှားထားတဲ့ ရှေ့နေနဲ့ တွေ့ခွင့်ပေး
တာမျိုး၊ ရုံးထုတ်စစ်ဆေးတာမျိုးကိုလည်း တခါမှ မလုပ်သေးဘဲ အခုတော့ စွဲဆိုထား
တဲ့ပုဒ်မ ပြောင်းလိုက်တာဖြစ်တယ်လို့ ကိုနေဘုန်းလတ်မိခင် ဒေါ်အေးသန်းက
ဆက်ပြောပြပါတယ်။

"သူတို့သိချင်တာတွေ၊ ဘလော့ကိစ္စတွေ ဒီကြားထဲမှာ ထပ်ပြီး မေးတာမြန်းတာတွေ
ရှိတယ်၊ လွန်ခဲ့တဲ့တလလောက်က။ အခု ငါးလလည်းကျော်လာပြီ။ အဲဒီကျော်လာတဲ့
အချိန်ကျတော့မှ ဒီလို ပုဒ်မပြောင်းတပ်လိုက်တယ်ဆိုတော့ သူတို့ အပြစ်လိုက်ရှာပြီး
ပုဒ်မတခုပြီးတခု ပြောင်းတပ်တဲ့သဘောမျိုး ဖြစ်နေတာပေါ့။ မိဘအနေနဲ့တော့ စိုးရိမ်
တာပေါ့။

"ဘာဖြစ်လို့လဲဆိုတော့ လူတယောက်ကို ဒီပုဒ်မနဲ့ပဲသွားတယ်ဆိုလည်း တမျိုး။ အခု
တော့ ပုဒ်မက တမျိုးပြီးတမျိုး။ ဒါပေမယ့် သူတယောက်တည်းတော့ မဟုတ်ဘူးပေါ့။
ကျန်တဲ့လူတွေလည်း အကုန်လုံး ဒီလိုပဲ ပုဒ်မပြောင်းတယ်ဆိုတာတော့ ရှိတာပေါ့။
ဒါပေမယ့် သူတို့ပြောတော့ ပထမ နိုင်ငံရေးနဲ့ဖမ်းထားတာ ၅(ည) တွေဘာတွေ မရှိဘူး
ဆိုပြီး အခုတော့ ၅(ည) ကို တပ်လိုက်တယ်ဆိုတော့ ဘယ်လိုအဓိပ္ပာယ်လဲဆိုတာ
အန်တီတို့လည်း စဉ်းစားလို့မရဘူး ဖြစ်နေတာပေါ့။"
ကိုနေဘုန်းလတ်မိခင် ဒေါ်အေးသန်း ပြောပြခဲ့တာ ဖြစ်ပါတယ်။

လူ့အခွင့်အရေးလှုပ်ရှားတဲ့ အမျိုးသမီးတဦးအဖြစ် လူသိများတဲ့ မစုစုနွေးကို ပြီးခဲ့တဲ့
စနေနေ့ ဇူလိုင်လ ၅ ရက်နေ့ကတည်းက နောက်နှစ်ပတ်တိတိ တိုက်ပိတ်ထားမယ်လို့
သိရတယ်လို့ ဒီနေ့ ထောင်ဝင်စာသွားတွေ့တဲ့ မိသားစုဝင်တွေက ပြောပါတယ်။

အခု မစုစုနွေးကို ထောင်ဝင်စာပိတ်ထားသလို ဒီနေ့ရုံးချိန်းမှာ မစုစုနွေးကို သူ့မိသား
စုဝင်တွေက တွေ့ခွင့်မရခဲ့ဘူးလို့ မိသားစုနဲ့နီးစပ်တဲ့ အန်န်အယ်လ်ဒီ လူငယ်အဖွဲ့ဝင်
တဦးက ပြောပါတယ်။

"မစုစုနွေးနေတဲ့ထောင်မှာ တလတကြိမ် ရှာဖွေသိမ်းဆည်းတဲ့အလုပ် လုပ်တယ်။
ထောင်ဝန်ထမ်းတွေက လုပ်ရတာပေါ့။ အဲလိုလုပ်တဲ့အချိန်မှာ ထောင်ဝန်ထမ်းတွေက
မစုစုနွေးအခန်းကို ရှင်းပြီးတော့ စည်းကမ်းမရှိဘူး၊ စနစ်မရှိဘူး၊ ပွတယ်ဆိုပြီးပြော
တယ်။ မိုက်မိုက်ရိုင်းရိုင်းတွေ ပြောတယ်။ အဲတော့ မစုစုနွေးကလည်း ရင်ထဲမှာ ခံစား
ချက်ရှိတဲ့အခါကျတော့ သူကလည်း ပြန်ပြောတယ်။ အဲလိုပြန်ပြောတဲ့အတွက်
၅-၇-၂၀၀၈ နေ့ကတည်းက တိုက်ပိတ်ခံလိုက်ရတယ်။ အဲဒီအတွက် ထောင်ဝင်စာပို့ခွင့်
ရော၊ မိသားစုနဲ့တွေ့ခွင့်ရော မရဘူး။ ဒီနေ့ ၇-၇-၂၀၀၈ ရုံးချိန်းမှာလည်း မစုစုနွေးမိသား
စုက သွားတွေ့တော့လည်း မတွေ့ခဲ့ရဘူး။"

ပြီးခဲ့တဲ့ရက်ပိုင်းတွေအတွင်းကပဲ အကျဉ်းထောင်ထဲမှာ အာဏာပိုင်တွေကို အကျဉ်း
တံခါးဖွင့်ပေးဖို့ကိစ္စ တောင်းဆိုရင်း မစုစုနွေးနဲ့ အာဏာပိုင်တွေနဲ့ အချင်းများခဲ့ရာက
မစုစုနွေးက တိုင်နဲ့ခေါင်းနဲ့ဆောင့်ပြီး ဆန္ဒပြခဲ့ပါတယ်။ ၁၅ မိနစ်ကြာလောက် မူးမေ့
လဲခဲ့ပြီး ခေါင်းမှာလည်း ဒဏ်ရာရခဲ့တယ်လို့ သိရပါတယ်။

မစုစုနွေးကို ၂၀၀၇ ခုနှစ် သြဂုတ်လကတည်းက ဖမ်းသွားတာဖြစ်ပြီး သူဟာ သွေးအား
နည်းတဲ့ရောဂါနဲ့ ကျန်းမာရေးမကောင်းတဲ့အတွက် မိသားစုအနေနဲ့ အခုလို တိုက်ပိတ်
ခံထားရတဲ့အပေါ်မှာ စိုးရိမ်မိကြောင်းလည်း ဆက်ပြောပြပါတယ်။

“ကြော်ငြာသင်ပုန်းမှာ မစုစုနွေးကို ၁၄ ရက် တိုက်ပိတ်ထားတယ်ဆိုပြီးတော့ စာချိတ်
ထားတယ်။ မိသားစုတွေက ထောင်ဝန်ထမ်းတွေကို သွားမေးတော့ သူတို့က စာထွက်
ပြီးမှ တိုက်ပိတ်တဲ့အကြောင်း ပြောတယ်။ မိသားစုကတော့ မစုစုနွေးရဲ့ ကျန်းမာရေးကို
စိုးရိမ်နေတယ်။ ဘာဖြစ်လို့လဲဆိုတော့ သူက သွေးအားနည်းရောဂါကြောင့် ခဏခဏ
မူးလဲတယ်။ အဲလို မူးလဲတဲ့အခါ အပြင်ကမသိဘူးဆိုရင် သူ့ရဲ့ကျန်းမာရေးကို စိုးရိမ်
ပူပန်မှုရှိတာပေါ့။”
မစုစုနွေးရဲ့ ထောင်တွင်းနောက်ဆုံးအခြေအနေကို မိသားစုနဲ့နီးစပ်သူတဦး ပြောပြ
သွားတာဖြစ်ပါတယ်။

လေဘေးသင့် နေပြည်တော်ဝန်ထမ်းများကို ကွက်ပြီး ချေးငွေထုတ်ပေး
NEJ/ ၇ ဇူလိုင် ၂၀၀၈
နာဂစ်မုန်တိုင်းဒဏ်ခံရသည့် ၀န်ထမ်းများကို စစ်အစိုးရက ချေးငွေထုတ်ပေးရန် ညွှန်ကြားခဲ့သော် လည်း နေပြည်တော်တွင် တာဝန်ထမ်းဆောင်သူ ၀န်ထမ်းများကသာ ချေးငွေအမြန်ရရှိကြောင်း ရန်ကုန်တိုင်း အခွန်ဦးစီးရုံးမှ ၀န်ထမ်းတဦးက ပြောသည်။

၎င်းက “ကျနော့်အိမ်က တောင်ဒဂုံမှာ၊ လေဘေးကြောင့် အိမ်အတော် ပျက်စီးသွားတယ်၊ ဒါနဲ့ ဌာနကနေ လစာ (၃) လစာနဲ့ ညီမျှတဲ့ ချေးငွေ ထုတ်ချေးပေးမယ်ပြောတယ်။ (၂) နှစ်အတွင်း ပြန်ဆပ်ရမယ်။ အဲဒါနဲ့ လျှောက်လွှာတင်ပါဆို တင်ထားတာ ခုထိမရသေးဘူး။ တခြား နေပြည် တော်နဲ့ ဧရာဝတီတိုင်းက တချို့ဝန်ထမ်းတွေတော့ ရကြတယ်” ဟု ပြောသည်။

လေဘေးကျရောက်ပြီး (၂) လ ကျော်သည့်တိုင် ရန်ကုန်တိုင်းအတွင်းရှိ လေဘေးသင့် ၀န်ထမ်း
များကို ထုတ်ပေးမည့် ကယ်ဆယ်ရေးချေးငွေ ယခုထိ မရသေးကြောင်း ၎င်းကပြောသည်။

စစ်အစိုးရက မုန်တိုင်းဒဏ်ခံရသည့် နေပြည်တော်၊ ရန်ကုန်နှင့် ဧရာဝတီတိုင်းတို့မှ ၀န်ထမ်းများကို ယခုကဲ့သို့ ချေးငွေများ ထုတ်ပေးရန် မေ (၁၂) ရက်က ညွှန်ကြားချက်ထုတ်ခဲ့ပြီး အဆိုပါအမိန့်သည် လေဘေးသင့်ဒေသတွင် မိသားစုရှိပြီး နေပြည်တော်၌ တာဝန်ထမ်းဆောင်နေသည့် ၀န်ထမ်းများ လည်း အကျုံးဝင်သည်။

လျှောက်ထားသူသည် သက်ဆိုင်ရာဌာနတွင်းမှ အသိသက်သေ (၂) ဦး၊ ထောက်ခံသူ (၂) ဦး၏ ထောက်ခံချက်များနှင့်တကွ ပြည်နယ်၊ တိုင်း အခွန်ဦးစီးမှူးရုံးများမှတဆင့် လျှောက်ထားကြရပြီး လျှောက်လွှာကို လက်ခံပါက လစာ (၃) လစာနှင့် ညီမျှသည့်ငွေကို ထုတ်ပေးမည်ဖြစ်ကာ (၂၄) လအတွင်း လစာထဲမှ အရစ်ကျ ဖြတ်တောက်သွားမည် ဖြစ်သည်။

ပြီးခဲ့သည့် မေ (၂) ရက်နှင့် (၃) ရက် မုန်တိုင်းတိုက်ခတ်စဉ် ဧရာဝတီတိုင်းနှင့် ရန်ကုန်တိုင်းရှိ ပြည်သူများနည်းတူ ၀န်ထမ်းအချို့လည်း သေဆုံး၊ ဒဏ်ရာရ၊ အိမ်ယာပျက်စီးမှုများ ရှိခဲ့သည်။
ထိုသို့ မုန်တိုင်းဒဏ်ခံရသည့် ၀န်ထမ်းများအနက် နေပြည်တော်တွင် တာဝန်ထမ်းဆောင်နေသူ
ဝန်ထမ်းများကသာ ၎င်းတို့၏ လေဘေးသင့် မိသားစုများအတွက် ချေးငွေ အမြန်ရရှိခြင်း ဖြစ်သည်ဟု သိရသည်။

ရန်ကုန်တိုင်းနှင့် ဧရာဝတီတိုင်းတို့တွင် တာဝန်ထမ်းဆောင်နေသည့် ၀န်ထမ်းများမှာမူ ချေးငွေ ရရှိခြင်း မရှိသေးကြောင်း၊ ၀န်ထမ်းအချင်းချင်း နေပြည်တော်နှင့် အခြားမြို့နယ် ခွဲခြားအခွင့်အရေး ပေးသည့်အပေါ် မကျေမလည် ဖြစ်နေကြောင်း ၀န်ထမ်းအသိုင်းအ၀န်းမှ ပြောသည်။

အင်းစိန်မြို့ခံတဦးက ၎င်း၏ သမီးတယောက်သည် နေပြည်တော်၌ ကျောင်းဆရာမအဖြစ် တာဝန်
ထမ်းဆောင်နေကြောင်း၊ ၎င်းတို့အိမ် မုန်တိုင်းဒဏ်ခံရသည့်အတွက် နေပြည်တော်တွင် ချေးငွေ လျှောက်ထားရန် အိမ်ထောင်စု စာရင်းပုံစံ ပို့ပေးခဲ့ရကြောင်း၊ မေလမကုန်မီ ချေးငွေ ကျပ် (၁) သိန်း (၈) သောင်းနှင့် ဆန်တအိတ်ရကြောင်း ပြောသည်။

ရန်ကုန်တိုင်းအတွင်းမှ လေဘေးဒဏ်ခံရပြီး လျှောက်ထားသည့် ၀န်ထမ်းများမှာမူ ယနေ့တိုင် ချေး ငွေ မရရှိသေး၍ မြို့နယ်ရုံးမှတဆင့် တိုင်းအခွန်ဦးစီးမှူးရုံးသို့ စုံစမ်းကြည့်ရာ အထက်သို့ တင်ပြ ထားကြောင်းသာ ပြောပြီး မည်သည့်အကြောင်းမှ ပြန်ကြားခြင်းမရှိသေးကြောင်း ပြောသည်။ ။

လာမည့်ရွေးကောက်ပွဲအတွက် ကချင်ပြည်နယ်က ပါတီထောင်မည်ဟု ကချင်လက်နက်ကိုင်အဖွဲ့ပြော
NEJ/ ၇ ဇူလိုင် ၂၀၀၈
၂၀၁၀ ပြည့်နှစ် ရွေးကောက်ပွဲအတွက် ကချင်ပြည်နယ်က ပါတီထောင်မည်ဖြစ်ပြီး စစ်အစိုးရ ကျောထောက်နောက်ခံပေးထားသည့် ပါတီများနှင့် မဟာမိတ်အဖြစ် ပူးပေါင်းသွားမှာဖြစ်ကြောင်း NDAK ဒီမိုကရေစီသစ်တပ်မတော်-ကချင်အဖွဲ့က ယနေ့ ထုတ်ဖော်ပြောဆိုသည်။

ကချင်ပြည်နယ် မြောက်ပိုင်းတိုင်း တိုင်းမှူးသစ် ဗိုလ်မှူးချုပ်စိုးဝင်းနှင့် မကြာခင်က တွေ့ဆုံခဲ့သည့် ဒီမိုကရေစီသစ်တပ်မတော်-ကချင်အဖွဲ့ကို ခေတ်ပြိုင်က တယ်လီဖုန်းဖြင့် မေးမြန်းရာ ဥက္ကဋ္ဌ ဦးဇခုန်တိန့်ယိန်းက ယခုကဲ့သို့ ပြန်လည်ဖြေကြားခဲ့ခြင်းဖြစ်သည်။

လာမည့်ရွေးကောက်ပွဲတွင် ကချင်ပြည်နယ်က ပါတီထောင် ၀င်ရောက်ယှဉ်ပြိုင်ရေးအစီအစဉ်ကို ထောက်ခံသည့်အဖွဲ့အစည်း အတော်များများရှိသည်ဟု ဥက္ကဋ္ဌ ဦးဇခုန်တိန့်ယိန်းက ပြောသည်။ စစ်အစိုးရကျင်းပရန် ရည်မှန်းထားသည့် ၂၀၁၀ ပြည့်နှစ်ရွေးကောက်ပွဲတွင် တစညပါတီက
ဝင်ရောက်ယှဉ်ပြိုင်မည်ဖြစ်ပြီး လက်ရှိ ကြံ့ဖွံ့အဖွဲ့ကိုလည်း နိုင်ငံရေးပါတီအဖြစ် ပြောင်းလဲမည်ဟု တစညပါတီ ပြောခွင့်ရပုဂ္ဂိုလ် ဦးခင်မောင်ကြီးက ပြောသည်။

ကချင်ပြည်နယ် မြောက်ပိုင်းတိုင်း တိုင်းမှူးသစ် ဗိုလ်မှူးချုပ် စိုးဝင်းနှင့်တွေ့ဆုံရာတွင် အပစ်အခတ် ရပ်စဲရေးအဖွဲ့များ လက်နက်ချရေးအတွက် ဖိအားပေးခဲ့ခြင်းရှိမရှိ ခေတ်ပြိုင်က မေးမြန်းရာ ဖိအား ပေးခဲ့ခြင်း မရှိကြောင်း ဥက္ကဋ္ဌ ဦးဇခုန်တိန့်ယိန်းက ပြောသည်။

ဒီမိုကရေစီသစ်တပ်မတော်-ကချင် အပစ်အခတ်ရပ်စဲရေးအဖွဲ့သည် ၁၉၈၉ ခု ဒီဇင်ဘာတွင် မြန်မာစစ်အစိုးရနှင့် အပစ်အခတ် ရပ်စဲခဲ့သည့် အဖွဲ့ဖြစ်ပြီး ကချင်ပြည်နယ် အထူးဒေသ (၁)
ပန်ဝါနယ်မြေကို အုပ်ချုပ်ခွင့်ရထားသည့် အဖွဲ့ဖြစ်သည်။ ၁၉၉၃ အမျိုးသားညီလာခံကို NDAK ကိုယ်စားလှယ်များ တက်ရောက်ခဲ့ခြင်းမရှိဘဲ ၂၀၀၄ ခု အမျိုးသားညီလာခံကျမှ NDAK ကိုယ်စားလှယ် (၅) ဦး စတင်တက်ခဲ့သည်။ ။

ချင်းတွင်းမြစ်ရေ စိုးရိမ်ရေမှတ်ထက် ၆ ပေနီးပါးမြင့်တက်
သန်းထိုက်ဦး
တနင်္လာနေ့၊ ဂျူလိုင်လ 07 2008 16:29 - မြန်မာစံတော်ချိန်
ချင်းမိုင်။ ။ ချင်းတွင်းမြစ်ရေသည် အချို့ နေရာများတွင် စိုးရိမ်ရေမှတ်ထက် ၆ ပေနီးပါး မြင့်တက်နေပြီ ဖြစ်ကြောင်း ရန်ကုန် မိုးလေဝသနှင့် ဇလဗေဒဌာန ပြောကြားချက်အရ သိရသည်။

နောက်ထပ် ၂၄ နာရီအတွင်း ပျှမ်းမျှအားဖြင် ရေအမြင့် ၃ ပေခန့် တက်သွားလိမ့်မှာ ဖြစ်ကြောင်းလည်း အမည်မဖော်လိုသူ မိုးဇလဗေဒ အရာရှိက ပြောသည်။ ပြည်ပအခြေစိုက် သတင်းဌာနများကို ဖြေကြားလျှင် အထက်အရာရှိများ၏ အပြစ်တင်ခံရမည်စိုး၍ သူမက အမည် ထုတ်ဖော်ပြောကြားလိုခြင်း မရှိပေ။

သို့သော်လည်း ယခုကဲ့သို့ မြစ်ရေ စိုးရိမ်ရေမှတ် ကျော်တက်မှုသည် ဖြစ်ရိုးဖြစ်စဉ်တခုလို ဖြစ်နေခဲ့သည်ဟု သူမက ထပ်မံ ပြောကြားသွားကာ အပျက်အစီး အဆုံးအရှုံးများနှင့် ပတ်သက်၍ ဖြေကြားရန် ငြင်းဆိုသွားသည်။

ရေတက်မှုကြောင့် ခန္တီးမြို့ဈေးပတ်ဝန်းကျင်တဝိုက် ရေအနက် ၄ ပေခန့် ရောက်ရှိနေပြီး မြေနိမ့်ရာဒေသမှ လူအများ ရေလွတ်ရာသို့ ရွှေ့ပြောင်းခဲ့ရကြောင်း မဇ္ဈိမက ခိုင်လုံသော ဌာနဆိုင်ရာ သတင်းအရ သိရသည်။

မုံရွာနှင့် ကလေးမြို့များတွင် မြို့တွင်း ရေလျှံမှုဖြစ်ပွားခြင်း မရှိသော်လည်း ဟုမ္မလင်း၊ မော်လိုက်တို့တွင်လည်း မြို့တွင်းရေလျှံမှုများ ဖြစ်ပွားနေသည်ဟု ဒေသတွင်းမှလာသော ခရီးသွားများက ပြောပြကြောင်း မုံရွာမြို့ခံများက တဆင့် မဇ္ဈိမက စုံစမ်း သိရှိရသည်။

မော်လိုက်နှင့် ဟုမ္မလင်းမြို့များတွင် တယ်လီဖုံး ဆက်သွယ်၍ မရနိုင်၍ ဒေသခံများနှင့် ဆက်သွယ် မေးမြန်းခြင်း မပြုနိုင်သော်လည်း မုံရွာအခြေစိုက် မိုးလေဝသ တိုင်းထွာရေး စခန်းကတော့ မဇ္ဈိမသို့ ပြောကြားရာတွင် မော်လိုက်တွင် လူအသေအပျောက် မရှိဟု ဆိုသည်။

ကလေးဝတွင် လက်ရှိအချိန်တွင် ၁၄၁၅ စင်တီမီတာ မြင့်တက်နေပြီး နောက် ၂၄ နာရီအတွင်း ၁၅၅ဝ စင်တီမီတာသို့ တက်နိုင်မည်ဟု မုံရွာမိုးဇလ စခန်းက ပြောသည်။
ချင်းတွင်းမြစ်တလျှောက် ခန္ဓီး၊ ဟုမ္မလင်း၊ မော်လိုက်၊ ကလေးဝနှင့် မုံရွာမြို့များတွင် မိုးဇလ၏ တိုင်းထွာရေး စခန်းများ ထားရှိသည်။

ကုန်ဈေးနှုန်း ကြီးမြင့်မှုကြောင့် မလေးရှားတွင် ဆန္ဒပြ
07 July 2008
အပြည့်အစုံ
အစိုးရက ပိတ်ပင်ထားပေမဲ့၊ မလေးရှား ထောင်ပေါင်းများစွာဟာ ငွေဖောင်းပွမှု နဲ့ မကြာမီက လောင်စာဆီ ဈေးနှုန်း မြင့်မားမှုတွေ အပေါ် ကန့်ကွက် ဆန္ဒပြကြဖို့ အားကစားကွင်းမှာ စုရုံးခဲ့ကြပါတယ်။ မလေးရှားမှာ လွန်ခဲ့တဲ့ အပတ်အတွင်း နိုင်ငံရေး တင်းမာမှုက ကြီးထွား လာနေခဲ့တာ ကို ဂျာကာတာမြို့ မှ Chad Bouchardက သတင်းပေးပို့ထားပါတယ်။ ဦးတင်မောင်သန်းက တင်ပြပေးပါတယ်။

ပြီးခဲ့တဲ့လက ဓာတ်ဆီဈေးနှုန်း ၄၀ ရာခိုင်နှုန်း မြင့်တက်သွားခဲ့တာကို အစိုးရက အဆုံးသတ်ပေးဖို့ ဆန္ဒပြသူတွေ ဟာ ကွာလမ်လမ်ပူမြို့၊ ဆင်ခြေဖုံးက အားကစားကွင်း တစ်ခု မှာ စုရုံးခဲ့ကြပါတယ်။

ဆန္ဒပြသူတွေက ပြုပြင်ပြောင်းလဲဖို့ ကြွေးကြော် နေကြတာပါ။ မတ်လ ရွေးကောက်ပွဲမှာ အာဏာရ အစိုးရ ရခဲ့တဲ့ မဲက စိတ်ပျက်လောက်ဖွယ် ဖြစ်ခဲ့ပြီးတဲ့နောက် အစိုးရအတွင်း အပြောင်းအလဲတွေ လုပ်ဖို့ တိုးတိုးပြီး တောင်းဆိုနေခဲ့ကြပါတယ်။ အခု ကြွေးကြော်သံတွေ က အဲဒီ တောင်းဆိုချက်တွေကို ပဲ့တင်ထပ် တောင်းဆိုတာပါ။

အဲသလို စုဝေးဆန္ဒပြတာ ကို ဗဟို အစိုးရက အစက ပိတ်ပင်ထားခဲ့ပါတယ်။ စည်းရုံးသူတွေမှာ လိုအပ်တဲ့ ခွင့်ပြုမိန့် မရှိကြဘူးလို့ အစိုးရက ပြောပါတယ်။

အတိုက်အခံ ခေါင်းဆောင် Anwar Ibrahim ဟာ ဆန္ဒပြသူတွေကို မိန့်ခွန်း ပြောလိမ့်မယ်လို့ မျှော်လင့်ခဲ့ကြပါတယ်။ သူ့ လက်ထောက် တစ်ဦးက သူ့အပေါ် လိင်တူ ဆက်ဆံခဲ့တယ်လို့ စွပ်စွဲခဲ့ပြီးတဲ့နောက် မစ္စတာ အန်ဝါဟာ တူရကီ သံရုံး မှာလွန်ခဲ့တဲ့ တစ်ပတ်က ခိုလှုံခဲ့ပါတယ်။

အစိုးရကို ထောက်ခံတဲ့ ပါတီရဲ့ ဥက္ကဌ Abdul Azeez Abdul Rahmanက မစ္စတာ အန်ဝါ ဟာ လူထု ကို နိုင်ငံရေး ကစားနေတယ်လို့ စွပ်စွဲခဲ့ပါတယ်။

လိင်တူ ဆက်ဆံတယ်ဆိုတဲ့ ရဲတပ်ဖွဲ့ရဲ့ အစီရင်ခံချက်ကို လူသိရှင်ကြား ရှုတ်ချတာမျိုးလို ပုဂ္ဂိုလ်ရေး အကြောင်းတွေ အတွက် လူထု အစည်းအဝေးကြီးတွေ ကျင်းပတာကို မစ္စတာ အန်ဝါ ရပ်သင့်ပါပြီလို့ သူက ပြောပါတယ်။

တနင်္ဂနွေနေ့မှာ ကျင်းပတဲ့ ဆန္ဒပြပွဲ ကို ရပ်ဆိုင်းဖို့ လိုအပ်ရင် စစ်တပ် ကို ခေါ်ဖို့ အစီအစဉ် ရှိတယ်လို့ ရဲချုပ် က ပြောပါတယ်။

အဲသလို စစ်သားတွေ ချထားဖို့ ခြိမ်းခြောက်တာကို လူ့အခွင့်အရေးဆိုင်ရာ ရှေ့နေ S. Sivanesan က ပြစ်တင်ရှုတ်ချလိုက်ပါတယ်။

"ရဲက စစ်တပ်ကို ခေါ်မယ်လို့ ခြိမ်းခြောက်တာ၊ အဲသလို ကိစ္စတွေ လုပ်ဆောင်လာတာ .. ဒီ အဆင့်အထိ ဖြစ်လာတာ ကျွန်တော်တို့ တွေ့ခဲ့ရသမျှ အနက် ဒါက ပထမဆုံး အကြိမ်ပါပဲ။ အရင်က မရှိခဲ့ပါဘူး။ အရပ်သားတွေ ကြားမှာ ဖြစ်ပျက်နေတဲ့ အခြေအနေ တစ်ရပ် အတွက် လူအုပ်ကို ထိန်းသိမ်းဖို့ စစ်တပ်ဟာ မပါဝင် မပတ်သက် နိုင်ပါဘူး။ ၀၀်တပ်က ၀င်ပါစရာ အကြောင်း မရှိပါဘူး။ ဒါက လူထု ကို ခြိမ်းခြောက်ဖို့ပဲ ဖြစ်ပါတယ်။"

လူထု ဆန္ဒပြပွဲ က ညနေပိုင်းအထိ ငြိမ်းငြိမ်းချမ်းချမ်း နဲ့ ပြီးသွားပါတယ်။ ရဲ အနည်းငယ် က ကားတွေ နဲ့ ပဲ ကင်းလှည့်ခဲ့ပါတယ်။

ထိုင်းဝန်ကြီးချုပ်ဟောင်း သက်ဆင် ထောက်ခံသူတွေကို အရေးယူပေးဖို့ လူထုဆန္ဒပြ
07 July 2008

ထိုင်းနိုင်ငံ၊ ဘန်ကောက်မြို့တွင် PAD ကို ထောက်ခံသူများ ဆန္ဒပြနေကြစဉ်။
ဇူလိုင် ၇၊ ၂၀၀၈။
ထိုင်းဝန်ကြီးချုပ်ဟောင်း သက်ဆင်ရှင်နာဝပ် (Thaksin Shinawatra) အပေါ်ထောက်ခံမှုပေးနေသူတွေကို ရဲက အရေးယူပေးပါလို့ တောင်းဆိုပြီး ထောင်ပေါင်းများစွာသော ဆန္ဒပြသူတွေဟာဘန်ကောက်မြို့က ရဲဌာနချုပ်ရှိရာကိုချီတက်ဆန္ဒပြခဲ့ကြပါတယ်။

မစ္စတာသက်ဆင်အပေါ် ထောက်ခံသူတွေကို အမှုဖွင့်နိုင်ဖို့ ရဲက တက်တက်ကြွကြွဆောင်ရွက်ခြင်းမရှိဘူးလို့ People Alliancefor Democracy ဦးဆောင်တဲ့ ဆန္ဒပြသူတွေက ရဲတပ်ဖွဲ့တွေကို စွပ်စွဲခဲ့ပါတယ်။
လက်ရှိဝန်ကြီးချုပ် ဆမတ် ဆွန်ဒရာဝေး (Samak Sundaravej) ဟာ မစ္စတာသက်ဆင်
ရဲ့ ရုပ်သေးရုပ်ဖြစ်တယ်လို့ဆိုပြီး ၀န်ကြီးချုပ်ကို ရာထူးကဆင်းပေးဖို့ ဆန္ဒပြနေတာ
လည်း သီတင်း ၇ ပတ်နီးပါး ရှိနေပါပြီ။ မစ္စတာသက်ဆင် ၀န်ကြီးချုပ်ဖြစ်စဉ်က
အာဏာအလွဲသုံးစားလုပ်မှုနဲ့ တရားစွဲဆိုခံထားရတဲ့ မစ္စတာသက်ဆင်နဲ့ သူ့ဇနီးတို့ရဲ့အမှု
ကို အင်္ဂါနေ့မှာ စစ်ဆေးကြားနာဖို့ ရှိပါတယ်။

ပါကစ္စတန်မြို့တော်မှာ အသေခံဗုံးခွဲတိုက်ခိုက်မှုကြောင့် လူ၁၅ဦးသေဆုံး
07 July 2008
ပါကစ္စတန်နိုင်ငံ အစ္စလာမ်မာဘတ်မြို့က ဗလီနီအနားမှာ ရဲတွေကို ပစ်မှတ်ထားပြီး တိုက်ခိုက်တဲ့ အသေခံဗုံးခွဲမှုကြောင့် အနည်းဆုံး လူ ၁၅ဦး သေဆုံးပြီး ၂၂ဦး ထိခိုက်ဒဏ်ရာရခဲ့ပါတယ်။ ထိခိုက်သေဆုံးသူ အတော်များများကတော့ ရဲတွေဖြစ်တယ်လို့ လုံခြုံရေးတာဝန်ရှိသူတွေက ပြောပါတယ်။

ဗလီနီကို စစ်တပ်က စီးနင်းတိုက်ခိုက်ခဲ့တဲ့ တနှစ်ပြည့်အနေနဲ့ တောင်နဲ့ချီတဲ့ အစ္စလာမ်ဘာသာဝင်တွေ စုဝေးပြီး အထိမ်းအမှတ်လုပ်ကြပြီးနောက် မကြာခင်မှာပဲ အခုလို တိုက်ခိုက်မှုဖြစ်ခဲ့တာပါ။

ဒီ အထိမ်းအမှတ်လူထုစုဝေးပွဲကို စောင့်ကြည့်လုံခြုံရေးယူထားကြတဲ့ ရဲတွေကို အသေခံဗုံးခွဲသူက ပစ်မှတ်ထား တိုက်ခိုက်တာလို့ တာဝန်ရှိသူတွေက ပြောပါတယ်။ ဒါဟာ အကြမ်းဖက်လုပ်ရပ်ဖြစ်တယ်ဆိုပြီး သမတ ပါဗာဇ် မူရှရတ်ကတော့ ပြစ်တင်ရှုတ်ချခဲ့ပါတယ်။

ဗလီနီမှာလုပ်တဲ့ အထိမ်းအမှတ် စုဝေးပွဲကြောင့် ပါကစ္စတန်မှာ တင်းတင်းကြပ်ကြပ်လုံခြုံရေးယူထားပါတယ်။ အဲဒီ ဒေသကို ယဉ်သွားယဉ်လာတွေ ပိတ်ဆို့ထားသလို အတားအဆီးတွေ ချထားပါတယ်