Friday, July 11, 2008

Agent အိမ်မှထွက်ပြေးရင်းသေဆုံးခဲ့ရသောရင်နင့်ဖွယ်မြန်မာအမျိုးသမီးတဦး


(၄)နှစ်အရွယ် သမီးတစ်ယောက် မိခင်၊ မခင်ချိုဦး၊ B.A (History)၊ အသက်(၃၃)နှစ်သည် ခင်ပွန်းသည်နှင့် လမ်းခွဲပြီးနောက်ပိုင်း စီးပွားရေး မပြေလည်မှုများ ဖြေရှင်းနိုင်ရန် ၂၀၀၈၊ မေလတွင် စင်္ကာပူနိုင်ငံသို့ အိမ်ဖော် အဖြစ် အလုပ်၊ လုပ်ရန် ရောက်ရှိခဲ့သည်။
ဘ၀ပေး အခြေအနေအရ လာရောက် လုပ်ကိုင်ခဲ့ရ သော်လည်း အလုပ်တွင် ပျော်ရွှင်ခြင်း အလျှင်း မရှိ ကြောင်း သူမ၏ အလုပ်ရှင် Mr. Lee ၏ ပြောစကား အရ သိရှိခဲ့ ပါသည်။ တစ်လအကြာထိ အလုပ်တွင် မပျော်ပိုက်ပဲ မြန်မာပြည်သို့ ပြန်ချင်ကြောင်းသာ ပြောဆိုနေသဖြင့် သူမ အလုပ်ရှင် Mr. Lee က သူမ Agent ထံသို့ ပြန်လည် ပို့ဆောင်ခဲ့သည်။
သူမ၏ ဦးလေးဖြစ်သူ (ဆောက်လုပ်ရေး လုပ်သား) ပြောပြချက်အရ သူမအနေဖြင့် မြန်မာပြည်သို့ ပြန်လိုပါက စာချုပ်စာတမ်း အရ S$ 1000 အား Agent သို့ ပေးရမည် ဖြစ်သည်။ လျှော်ကြေးငွေ မပေးနိုင်ခင် သူမသည် Agent ထားသောအိမ်တွင် အခြားသော အိမ်ဖော်အဖြစ် အလုပ် လာရှာသူများ နှင့်အတူ နေထိုင်ခဲ့ရာမှ လွန်ခဲ့သော ဗုဒ္ဓဟူးနေ့၊ ညနေ ၅း၃၀ နာရီခန့်တွင် သူမ နေထိုင်သော Blk896C Woodlands Dr. 50 တတိယလွှာမှ ခွေးလည်ပတ်တစ်ခု နှင့် မျက်နှာသုတ်ပုဝါ (၅)ခု ဆက်ကာ ထွက်ပြေးရင်း ပြုတ်ကျ သေဆုံးခဲ့ပါသည်။
လောလောဆယ် မည့်သို့သော အကြောင်းကြောင့် ထွက်ပြေးခဲ့ရခြင်း၊ သေဆုံးမှုဇာတ်မြစ်ကို မသိရသေးသော်လည်း ရဲဘက်ဆိုင်ရာမှ သမရိုးကျ မဟုတ်သော သေဆုံးမှုအဖြစ် သတ်မှတ်ကာ လိုအပ်သော စုံစမ်း စစ်ဆေးမှုများ စတင်ဆောင်ရွက် နေပါသည်။
ထိုသို့ မိသားစု စီးပွားရေး အဆင်မပြေမှုကြောင့် ကံအကြောင်းမလှ ဖြစ်ခဲ့ရရှာသော ကလေးတစ်ယောက် မိခင် ပညာတတ် မြန်မာအမျိုးသမီး တစ်ဦး၏ ဈာပန ကောင်းမွန်စွာ ပြီးမြောက်ရေး နှင့် ကျန်ရစ်သော မိသားစု ဘ၀ ရှေ့ရေးအတွက် တတ်အားသရွေ့ ၀ိုင်းဝန်းကူညီ ကြပါရန် စင်္ကာပူနိုင်ငံရောက် ရွှေမြန်မာအား တိုက်တွန်းအပ်ပါသည်။
မခင်ချိုဦး၏ ဈာပနနှင့် ကျန်ရစ်သူမိသားစုအတွက် အလှူငွေများကို ပန်နီဆူးလားပလာဇာရှိ စင်းမြန်မာဆိုင်ရှေ့တွင် လက်ခံလျက်ရှိပါသည်။ စေတနာရှင်များအားလုံး စင်းမြန်မာဆိုင်ရှေ့ရှိ အလှူခံပုံးတွင် ထည့်ဝင်လှူဒါန်းနိုင်ပါသည်။

ဗိုလ်အောင်ဆန်းကိုသတ်သောသူ။ ။


သောကြာသတင်း

အနောက်နိုင်ငံများက မြန်မာစစ်အစိုးရ စစ်သံမှူးများကို လက်မခံနိုင်ငံခြားရေးဝန်ကြီးဌာန အရပ်ဘက်ဝန်ထမ်းများ ရာထူးတက်ရန် လမ်းပိတ်
NEJ/ ၁၁ ဇူလိုင် ၂၀၀၈
မြန်မာစစ်သံမှူးများနှင့် တွဲဖက်စစ်သံမှူးများကို နိုင်ငံအသီးသီးက လက်မခံတော့သည့်အတွက် အဆိုပါ စစ်သံမှူးဟောင်း စစ်အရာရှိများ နိုင်ငံခြားရေးဝန်ကြီးဌာန ရောက်လာမည်ကို အရပ်ဘက် ၀န်ထမ်းများ စိုးရိမ်နေသည်ဟု နေပြည်တော်သတင်းရပ်ကွက်က ပြောသည်။
စစ်တပ်မှ ပြောင်းလာသည့် စစ်အရာရှိများကို တဆင့်မြင့်ရာထူးဖြင့် နိုင်ငံခြားရေးဝန်ကြီးဌာန၌ ခန့်အပ်နေသည့်အတွက် နိုင်ငံခြားရေးဝန်ကြီးဌာန အရပ်ဘက်ဝန်ထမ်းများအား သတ်မှတ်သည့်
ဝန်ထမ်းသက်အလိုက် ရာထူးပေးသည့်စနစ်ကို ရပ်ဆိုင်းထားသည်ဟု အရာရှိတဦးက ပြောသည်။
အရပ်ဘက်ဝန်ထမ်းများ ရာထူးတက်ပေးရာတွင် ဘာသာရပ်ဆိုင်ရာ အထူးကျွမ်းကျင်သူများ၊ လက်မှတ်ရပြီးသူများနှင့် မဟာဘွဲ့ရပြီးသူများမှအပ ကျန်အရပ်ဘက် ၀န်ထမ်းများကို ရာထူးတိုး ပေးတော့မှာ မဟုတ်သည့်အတွက် နေပြည်တော် နိုင်ငံခြားရေးဝန်ကြီးဌာန အရပ်ဘက်ဝန်ထမ်း များ ပိုပြီး မကျေမနပ် ဖြစ်နေသည်ဟု စုံစမ်းသိရသည်။
မြန်မာစစ်အစိုးရ လုပ်ရပ်အပေါ် မကျေနပ်သည့်အတွက် နိုင်ငံခြား မြန်မာသံရုံးများတွင် စစ်သံမှူး များအား လက်မခံသည့် နိုင်ငံအရေအတွက်မှာ လက်ရှိ စစ်အစိုးရလက်ထက်တွင် အများဆုံး ဖြစ်သည်။ အထူးသဖြင့် လက်ရှိ စစ်အစိုးရလက်ထက်တွင် မြန်မာစစ်သံမှူးများ လက်မခံသည့် အနောက်နိုင်ငံများ၊ ဥရောပနိုင်ငံများ အများအပြားရှိသည်ဟု အမည်မဖော်လိုသည့် သံတမန် တဦးက ပြောသည်။
မြန်မာစစ်အစိုးရ စေလွှတ်သည့် စစ်သံမှူးများကို လုံးဝ လက်မခံသည့် နိုင်ငံများ ရှိလာသည့် အတွက် အချို့နိုင်ငံများရှိ မြန်မာသံရုံးများတွင် အနည်းဆုံး ဒု-အရာခံဗိုလ်အဆင့်များကို တွဲဖက်ထားနိုင်အောင် စစ်အစိုးရက မလိမ့်တပတ် ကြိုးပမ်းခဲ့သည်ဟု နေပြည်တော်သတင်း ရပ်ကွက်က ပြောသည်။
အဆိုပါ ဒု-အရာခံဗိုလ်အဆင့် တွဲဖက်စစ်သံမှူးများကို သက်ဆိုင်ရာ မြန်မာသံရုံး သံမှူးကြီးဖြစ်စေ၊ သံမှူးကဖြစ်စေ ပူးတွဲတာဝန်ယူ အုပ်ချုပ်ခဲ့သော်လည်း အဆိုပါ တွဲဖက်စစ်သံမှူးများမှာ တာဝန်
သီးခြားမရှိဘဲ နိုင်ငံတော်ငွေ လာရောက်ဖြုန်းနေသူများဟု အရပ်ဘက် သံတမန်များက မြင်လေ့ ရှိသည်။

နိုင်ငံခြား မြန်မာသံရုံးများတွင် စစ်သံမှူးများကိုယ်စား ရောက်လာသည့် အဆိုပါ တွဲဖက်စစ်သံမှူး များတွင် အတိုက်အခံဘက်မှ ထောက်ပံ့ကြေး ရယူထားသူအချို့လည်း ပါဝင်သည်ဟု အမည် မဖော်လိုသည့် သံတမန်တဦးက ပြောသည်။
ယခုအခါ မြန်မာစစ်အစိုးရသည် နိုင်ငံခြား မြန်မာသံရုံးများရှိ စစ်သံမှူးများနေရာတွင် ခန့်ထားသည့် ဒု-အရာခံဗိုလ်အဆင့် တွဲဖက်စစ်သံမှူးများကိုပါ နိုင်ငံခြား စေလွှတ်တော့မှာ မဟုတ်သည့်အတွက် အဆိုပါ အရာရှိများ နေပြည်တော် နိုင်ငံခြားရေးဝန်ကြီးဌာန ရောက်လာမည်ကို အရပ်ဘက် ၀န်ထမ်းများ စိုးရိမ်နေခြင်း ဖြစ်သည်ဟု စုံစမ်းသိရသည်။

ထိုင်းနိုင်ငံခြားရေးဝန်ကြီး ဘာကြောင့်ရာထူးမှ နုတ်ထွက်
(သတင်းသုံးသပ်ချက်)
ကိုဝိုင်း/ ၁၁ ဇူလိုင် ၂၀၀၈
ထိုင်း-ကမ္ဘောဒီးယားနယ်စပ်ရှိ (၁၁) ရာစုခေတ် ဘုရားကျောင်းတခုအား ကုလသမဂ္ဂ ပညာရေး၊ သိပ္ပံနှင့် ယဉ်ကျေးမှုအဖွဲ့ (ယူနက်စကို) ၏ လက်အောက်သို့ လွှဲပြောင်းရေး လက်မှတ်ထိုးခဲ့သည့် ထိုင်းနိုင်ငံခြားရေးဝန်ကြီး နို့ပဒွန် ပထမား ရာထူးမှ နုတ်ထွက်လိုက်ရသည်။
အဆိုပါဘုရားကျောင်းအား ယူနက်စကိုသို့ လွှဲပြောင်းရေးအတွက် ကမ္ဘောဒီးယားအစိုးရ၏ အဆို ပြုလွှာတွင် လက်မှတ်ထိုးပေးခဲ့ခြင်းသည် ဖွဲ့စည်းပုံအခြေခံဥပဒေကို ချိုးဖောက်ရာရောက်ကြောင်း ထိုင်းဖွဲ့စည်းပုံဆိုင်ရာတရားရုံးက ယခုလ (၈) ရက်နေ့တွင် ဆုံးဖြတ်ပြီးနောက် ယခု နုတ်ထွက်မှု ဖြစ်ပေါ်လာခြင်းဖြစ်သည်။
ဝန်ကြီးချုပ်ဟောင်း တပ်ဆင်မိသားစု၏ ဥပဒေအကျိုးဆောင်ဖြစ်ခဲ့သူ ထိုင်းနိုင်ငံခြားရေးဝန်ကြီး၏ နုတ်ထွက်မှုသည် တပ်ဆင်၏ ရင်ခွင်ပိုက် ၀န်ကြီးချုပ်ဟု အတိုက်အခံဘက်က မြင်ထားသူ ၀န်ကြီး
ချုပ် မစ္စတာစမတ်၏ အစိုးရအပေါ် သက်ရောက်မှု မည်သို့ရှိမည်ကို စောင့်ကြည့်ရဦးမည်ဖြစ်သည်။ သို့သော် အိမ်နီးချင်း မြန်မာနိုင်ငံအပေါ် ထားရှိသည့် ထိုင်းအစိုးရပေါ်လစီမှာမူ တစုံတရာ ပြောင်း လဲမှု ရှိမည်မဟုတ်ကြောင်း ကုလသမဂ္ဂဆိုင်ရာ အငြိမ်းစား ထိုင်းသံအမတ်ကြီး အတ်စ်ဒါ ဂျာယာ နာမားက ခေတ်ပြိုင်သို့ ပြောသည်။

အငြိမ်းစားသံအမတ်ကြီး အတ်စ်ဒါ ဂျာယာနာမားက “အခြေခံအားဖြင့် အစိုးရ ပြောင်းသွားတာ မဟုတ်ပါဘူး။ ဒါကြောင့် နိုင်ငံခြားရေးဝန်ကြီး နုတ်ထွက်သွားတဲ့ ကိစ္စဟာလည်း တကယ့် အပြောင်းအလဲ မဟုတ်ပါဘူး။ အခု နုတ်ထွက်သွားသူဟာ အရင်ဝန်ကြီးချုပ်ဟောင်း တပ်ဆင်နဲ့ အလွန်ရင်းနှီးတဲ့သူဖြစ်ပြီး တပ်ဆင်က ခန့်ထားသူလည်း ဖြစ်နိုင်ပါတယ်။ သူဟာ ပိုပြီးတော့ တိုးတက်တဲ့အမြင် ရှိချင်ရှိမယ်။ ဒါပေမယ့် အခုကိစ္စဟာ ပေါ်လစီ အပြောင်းအလဲကိစ္စ မဟုတ် ပါဘူး” ဟု ပြောသည်။
ကနေဒါနိုင်ငံတွင် ပြုလုပ်သော ယူနက်စကို အစည်းအဝေးမှ ထိုင်းနိုင်ငံသို့ ပြန်ရောက်ပြီး နာရီ အနည်းငယ်အတွင်း ပြုလုပ်သော သတင်းစာရှင်းပွဲ၌ ယင်းသို့ နုတ်ထွက်ကြောင်း ထိုင်းနိုင်ငံခြား ရေးဝန်ကြီးက ကြေညာခြင်းဖြစ်သည်။
မစ္စတာ နို့ပဒွန်က “ကျနော့်အနေနဲ့ အမှားတစုံတရာ ပြုလုပ်ခဲ့ခြင်း မရှိသော်လည်း ကျနော့်ရဲ့ စိတ်သဘောထားနဲ့ တာဝန်ယူမှုကို ပြသတဲ့အနေနဲ့ နိုင်ငံခြားရေးဝန်ကြီး တာဝန်ကနေ နုတ်ထွက် ပေးတာ ဖြစ်ပါတယ်” ဟု သတင်းထောက်များကို ပြောသည်။
မစ္စတာနို့ပဒွန်၏ နုတ်ထွက်မှုသည် ဒီမိုကရေစီလုပ်ငန်းစဉ်နှင့် ကိုက်ညီကြောင်း၊ သို့သော် ထိုင်း အစိုးရက ၎င်းအပေါ် ကျနေသည့်ဖိအားများ လျော့သွားစေရန်သာ ရည်ရွယ်ခြင်းဖြစ်ကြောင်း မြန်မာ့အရေး လေ့လာသူ ဦးအောင်နိုင်ဦးက ပြောသည်။
ဦးအောင်နိုင်ဦးက “ဒါက ဒီမိုကရေစီရဲ့ လုပ်ငန်းစဉ်ထဲမှာ ပါတာပေါ့ဗျာ။ ခေါင်းဆောင်တယောက် က သူမှားတယ်ဆိုလို့ရှိရင် တာဝန်ယူပြီး နုတ်ထွက်တာဟာ ကောင်းတဲ့လက္ခဏာပဲပေါ့။ ဒါပေမယ့် ပြဿနာက သူမှားတဲ့ကိစ္စတော့ မဟုတ်ဘူး။ ထိုင်းမှာ အင်မတန်ကြီးတဲ့ နိုင်ငံရေးပြဿနာ ဖြစ်နေ တဲ့အထဲမှာ သူက ဓားစားခံဖြစ်သွားတာပဲ။ အစိုးရအပေါ်မှာ ကျနေတဲ့ ဖိအားတွေကို လျော့သွား အောင်လို့ နုတ်ထွက်တဲ့သဘော” ဟု ပြောသည်။
ထိုင်းအစိုးရ၏ နိုင်ငံခြားရေးမူဝါဒသည် မြန်မာစစ်အစိုးရနှင့် နီးကပ်စွာ ဆက်ဆံရေး မူဝါဒဖြစ်ပြီး နိုင်ငံခြားရေးဝန်ကြီး နုတ်ထွက်ရုံနှင့် အဆိုပါမူဝါဒ ပြောင်းလဲသွားမည် မဟုတ်ကြောင်း ၎င်းက ပြောသည်။

ဦးအောင်နိုင်ဦးက “ဒီအစိုးရ ရှိနေသမျှ ဘာမှ မပြောင်းဘူး။ ပါတီတခုလုံး၊ အစိုးရ တခုလုံးရဲ့ ပေါ်လစီကို နိုင်ငံခြားရေးဝန်ကြီးဌာနနဲ့ နိုင်ငံခြားရေးဝန်ကြီးက ဦးဆောင်ပြီး လုပ်ရတာပဲ။ အစိုးရတခုလုံးရဲ့ပေါ်လစီက မြန်မာစစ်အစိုးရနဲ့ နီးနီးကပ်ကပ် ဆောင်ရွက်ရမယ်လို့ရှိတယ်။ စီးပွားရေးကိစ္စ၊ ဓာတ်ငွေ့ကိစ္စတို့၊ လမ်းဖောက်တာတို့ ခုမှ ပိုပြီးတောင် လုပ်လာတဲ့ အနေ အထားမျိုး ရှိလာတယ်လေ။ နောက်လာတဲ့ နိုင်ငံခြားရေးဝန်ကြီးကလည်း ဒီအတိုင်းပဲ
သွားမှာပဲ။ သူနဲ့ ဒီလောက် မဆိုင်ဘဲနဲ့ အစိုးရတခုလုံးရဲ့ ပေါ်လစီနဲ့ ဆိုင်တယ်” ဟု ပြောသည်။
အတိုက်အခံ ဒီမိုကရက်ပါတီ၏ အယုံအကြည်မရှိ အဆိုတင်သွင်းမှု၊ ပြည်သူများ၏ ရက်ရှည် ဆန္ဒပြမှုများနှင့် ရင်ဆိုင်ခဲ့ရသည့် လက်ရှိ ထိုင်းအစိုးရ၀န်ကြီးအဖွဲ့မှ ၀န်ကြီးချုပ်ရုံး ၀န်ကြီး သည်လည်း ဘုရင်အား စော်ကားမိသဖြင့် ပြီးခဲ့သည့် မေလ၌ နုတ်ထွက်ခဲ့ရသည်။ နောက်ထပ် လည်း နုတ်ထွက်မည့် ထိုင်းအစိုးရ၀န်ကြီးများ ရှိနိုင်သည်ဟု ထိုင်းအခြေစိုက် နိုင်ငံခြား သတင်းထောက် အချို့က ယူဆသည်။
နုတ်ထွက်သွားသည့် နိုင်ငံခြားရေးဝန်ကြီး နို့ပဒွန် ပထမားကို ၀န်ကြီးချုပ်ဟောင်း တပ်ဆင်၏ တခ်ျိန်က ထိုင်းရပ်ထိုင်းပါတီဝင်ဖြစ်လာအောင် သဘာဝရင်းမြစ်နှင့် ၀န်းကျင်ဆိုင်ရာ ၀န်ကြီး ယောင်ယွတ်က ဖိတ်ခေါ်ခဲ့ခြင်းဖြစ်သည်။ တပ်ဆင်အစိုးရ အာဏာသိမ်းမခံရခင် (၈၉) ရက် တိုင်တိုင် နို့ပဒွန် ပထမားက ယောင်ယွတ်၏ လက်ထောက်ဝန်ကြီး တာဝန်ထမ်းဆောင်ခဲ့သည်။ တပ်ဆင် နိုင်ငံခြားမှာနေစဉ် တပ်ဆင်အပေါ် စွဲဆိုသည့် အမှုများအတွက် မိသားစုရှေ့နေ ဖြစ်လာ ချိန်တွင် နို့ပဒွန် ပထမားအမည် ရေပန်းစားလာခဲ့သည်။
နို့ပဒွန် ပထမား နိုင်ငံခြားရေးဝန်ကြီး ဖြစ်လာချိန်တွင် ပြည်ပရောက် ဆရာသမားဖြစ်သူ တပ်ဆင် ထိုင်းနိုင်ငံ ပြန်လာရေးကို ဦးစားပေးခဲ့သည်ဟု စာနယ်ဇင်းများက စွပ်စွဲခဲ့သည်။

ဖမ်းဆီးခံရသည့် တရားမ၀င် အလုပ်သမားပေါင်း (၄) သောင်းခွဲရှိပြီ
ပီတာအောင်/ ၁၁ ဇူလိုင် ၂၀၀၈
ထိုင်းနိုင်ငံ၌ တရားမ၀င် အလုပ်လုပ်ကိုင်နေသည့် မြန်မာအပါအ၀င် နိုင်ငံခြားသား အလုပ်သမား ပေါင်း (၄၅,၀၀၀) ကို (၈) လအတွင်း ဖမ်းဆီးရမိခဲ့ကြောင်း ထိုင်းအလုပ်အကိုင်ရှာဖွေရေးဌာန ကြေညာချက်ကို ကိုးကား၍ ယခုသီတင်းပတ်ထုတ် ချင်းမိုင်မေးလ်သတင်းစာ၌ ဖော်ပြသည်။

ထိုပမာဏသည် ယမန်နှစ် အောက်တိုဘာ (၁) ရက်မှ ၂၀၀၈ မေ (၃၁) ရက်အတွင်း ဖမ်းဆီး ရမိခြင်းဖြစ်ပြီး ဖမ်းဆီးခံရသူများအနက် အများစုမှာ မြန်မာအလုပ်သမားများဖြစ်သည်။ ကျန်လူ နည်းစုမှာ လာအိုနှင့် ကမ္ဘောဒီးယားနိုင်ငံတို့မှ အလုပ်သမားများဖြစ်သည်။

ထိုင်းနိုင်ငံရှိ ကုမ္ပဏီလုပ်ငန်းပေါင်း (၂၆, ၇၆၄) ခုတွင် မြန်မာ၊ လာအိုနှင့် ကမ္ဘောဒီးယားနိုင်ငံတို့မှ တရားမ၀င်အလုပ်သမားပေါင်း (၁၂၆,၀၀၀) ဦး အလုပ်လုပ်ကိုင်နေသည်ဟု ထိုင်းအလုပ်အကိုင် ရှာဖွေရေးဌာနက ခန့်မှန်းထားပြီး နိုင်ငံခြားသား အလုပ်အကိုင် ခန့်ထားမှုဥပဒေကို ချိုးဖောက်သည့် အလုပ်ရှင် အမှုပေါင်း (၇၈၄) မှု ရှိသည်ဟု သိရသည်။

ပြီးခဲ့သည့် ဇွန် (၁၅) ရက်၌ အသစ်ပြောင်းလိုက်သည့် ထိုင်းဥပဒေအရ တရားမ၀င် အလုပ်သမား ခန့်သည့်အလုပ်ရှင်ကို ထိရောက်သည့် အရေးယူမှု မတွေ့ရဘဲ အလုပ်သမားကိုသာ (၅) နှစ်ထက် မပိုသည့် ပြစ်ဒဏ် သို့မဟုတ် ဘတ်ငွေ (၂,၀၀၀) မှ (၁) သိန်းထိ ချမှတ်နိုင်ကြောင်း ပြဋ္ဌာန်းထား သည်ဟု ထိုင်းနိုင်ငံ ဖန်ငအခြေစိုက် အလုပ်သမားအခွင့်အရေး ကာကွယ်ဆောင်ရွက်သည့် အခြေခံ လူထုလူ့အခွင့်အရေး ပညာပေးဌာန ဒါရိုက်တာ ဦးထူးချစ်က ပြောသည်။

၎င်းက “ဥပဒေရှိတာတောင်မှပဲ တရားဝင် အဖမ်းခံရတဲ့ အလုပ်ရှင်ဆိုတာ ကျနော်တို့ တခါမှ မကြား ဖူးဘူး။ အခုထပ်ပြီးတော့ အတည်ပြုလိုက်တဲ့ ဥပဒေက အလုပ်ရှင်တွေကို ပိုပြီးတော့ မတရား လုပ်ခွင့် ပေးလိုက်သလို ခံစားရတယ်။ အလုပ်ရှင်ရဲ့အခွင့်အရေးက အများကြီးရှိပြီး အလုပ်သမား တွေက အခွင့်အရေးမရှိဘူး။ ဒါကြောင့်မို့လို့ ဥပဒေသစ်က အလုပ်ရှင်နဲ့ အစိုးရအတွက်ပဲ အကျိုး ရှိပြီး အလုပ်သမားတွေအတွက် အကျိုးမရှိဘူးလို့ မြင်တယ်” ဟု ပြောသည်။
ယခင် ဥပဒေဟောင်း၌ တရားမ၀င် အလုပ်သမားခန့်ထားသည့် အလုပ်ရှင်သည် ထောင်ဒဏ် (၃) နှစ်နှင့် ငွေဒဏ် (၆၀,၀၀၀) ကျခံရနိုင်ပြီး တရားမ၀င် အလုပ်သမားသည် (၃) နှစ်ထက် မကျော်သည့် ပြစ်ဒဏ်နှင့် ငွေဒဏ် ဘတ် (၅,၀၀၀) ကျခံရမည်ဟု ပြဋ္ဌာန်းထားသည်။
ဥပဒေ၌ မည်သို့ပင် ပြဋ္ဌာန်းထားစေကာမှု လက်တွေ့အခြေအနေတွင် ဖမ်းဆီးခံရသည့် တရားမ၀င် အလုပ်သမားများကို ရဲအချုပ်ဖြင့် ထားရှိပြီး ဒဏ်ငွေဆောင်နိုင်ပါက ဘတ်ငွေ (၈) ထောင်ခန့် ပေးရကြောင်း၊ ဒဏ်ငွေ မဆောင်နိုင်ပါက လူဝင်မှုကြီးကြပ်ရေးအချုပ်ထောင်တွင် (၄၅) ရက်ခန့် အချုပ်ကျခံရပြီး နယ်စပ်သို့ ပြန်ပို့ခံရလေ့ရှိသည်ဟု ဘန်ကောက်မြို့ရှိ ကရင်အလုပ်သမားသမဂ္ဂ တာဝန်ခံ စောသန်းဇော်က ပြောသည်။
ပြီးခဲ့သည့် မတ်လအထိ ထိုင်းနိုင်ငံ၌ အလုပ်သမား (၆၂၁, ၄၃၇) တရားဝင် မှတ်ပုံတင်ထားပြီး တရားမ၀င် အလုပ်လုပ်ကိုင်နေသည့် နိုင်ငံခြားသား အလုပ်သမားပေါင်း (၇) သိန်းခန့် ရှိသည်ဟု ထိုင်းအလုပ်သမားဝန်ကြီးဌာနက ခန့်မှန်းထားသည်။ ။

ထီဈေးနှုန်း မတိုးမြှင့်ရန် သတိပေး
NEJ/ ၁၁ ဇူလိုင် ၂၀၀၈
ထီဈေးနှုန်း တိုးမြှင့်မရောင်းချရန် အောင်ဘာလေသိန်းဆုဌာနခွဲက သတိပေးထားကြောင်း ထီ လုပ်ငန်းရှင်များက ပြောသည်။
“သတိပေးတယ်ဆိုပေမယ့် ပြင်းပြင်းထန်ထန် အရေးယူတာမျိုးနဲ့ မဟုတ်ပါဘူး။ ဒါပေမယ့် ထီဈေး တွေ တိုးမြှင့်မရောင်းရင် ထီဆိုင်တွေရဲ့စရိတ်ကို သူတို့က ပေးမှာလားလို့တောင် မေးချင်တယ်။ ဆိုင်ခန်းတွေ အခု (၃) သိန်းနဲ့ မရတော့ဘူး၊ (၄) သိန်းကျော်နေပြီ။ ၀န်ထမ်းတွေရဲ့လစာ အရင်လို (၃) သောင်းလောက်နဲ့ မလုပ်နိုင်ကြတော့ဘူး။ အခု (၅) သောင်းလောက် ပေးနေရတယ်။ ထီ ထည့်ဖို့ ကတ်တွေ ၀ယ်ရတာ၊ ပုံနှိပ်ခ၊ ကြော်ငြာစရိတ်၊ သယ်ယူပို့ဆောင်ခ စရိတ်၊ ဒါတွေကို မထည့်ဘဲ ရောင်းရင် ရောင်းတဲ့လူက အရူးပေါ့” ဟု ထီလုပ်ငန်းရှင်တဦးက ပြောသည်။
ယခုလတွင် အောင်ဘာလေသိန်းဆုဌာနခွဲမှ “ကက” နံပါတ် အက္ခရာတလုံး ထပ်တိုးလိုက်သည့် အတွက် ထီတအုပ်လျှင် စောင်ရေ (၃၄) စောင် ဖြစ်သွားကြောင်း သိရသည်။
“ထီစောင်ရေများလာလေလေ ပေါက်ဖို့က ခဲယဉ်းလေလေပဲ။ အစိုးရကတော့ ၀င်ငွေပိုရသွား တာပေါ့“ ဟု ထီလစဉ် ထိုးနေသူတဦးက ပြောသည်။
ပြည်တွင်းထုတ် သတင်းဂျာနယ်တစောင်တွင် ၂၀၀၇ ခု ဧပြီအထိ ထီနံပါတ် အက္ခရာ အလုံး (၃၀) ထုတ်ပေးရာက ၂၀၀၇ ခု မေတွင် (၃၂) လုံး၊ ၂၀၀၇ ခု ဇွန်တွင် (၃၃) လုံး အဆင့်ဆင့် တိုးလာခဲ့ သည်ဟု ဖော်ပြထားသည်။
ရန်ကုန်တွင် လက်ရှိ ပုဂ္ဂလိကများ ရောင်းနေသော ထီဈေးနှုန်းမှာ တစောင်လျှင် (၁၈၀) ကျပ်မှ (၂၀၀) ကျပ်အထိ ရှိကြောင်း၊ အစိုးရက ထီ (၁၁) စောင်ပါ တအုပ်လျှင် (၁,၀၀၀) ကျပ်ဖြင့် ရောင်းချပေးကြောင်း၊ ပုဂ္ဂလိကလုပ်ငန်းရှင်များအနေဖြင့် တစောင်လျှင် (၉၁) ကျပ်သာရှိကြောင်း သိရသည်။
အောင်ဘာလေ သိန်းဆုဌာနခွဲက ထီအုပ်ရေ (၂၇) သိန်းထိ လစဉ် လက်ကျန်မရှိ ရောင်းချပေးနေ ကြောင်း အဆိုပါဌာနခွဲ၏ တာဝန်ရှိသူက ပြောသည်။
ထီလက်မှတ်ရောင်းရငွေမှ (၄၀) ရာခိုင်နှုန်းကို အစိုးရက အခွန်ဘဏ္ဍာငွေအဖြစ် ယူထားပြီး (၆၀) ရာခိုင်နှုန်းကို ဆုငွေအဖြစ်ပေးကြောင်း ပြောသည်။
အပြင်တွင် ထီဈေး ဈေးကြီးရခြင်းမှာ အပိုဆုငွေများ အပြိုင်အဆိုင်ပေးခြင်း၊ ဆိုင်ခန်းခများ၊ ခရီး စရိတ်၊ ၀န်ထမ်းလစာများ စသည့် ၀န်ဆောင်မှုများကြောင့် ဖြစ်ကြောင်း သိရသည်။

တရုတ်အိုလံပစ်သို့ မြန်မာအားကစားသမား (၆) ဦးစေလွှတ်မည်
ပီတာအောင်/ ၁၁ ဇူလိုင်၂၀၀၈
တရုတ်နိုင်ငံ ပေကျင်းမြို့၌ ကျင်းပမည့် အိုလံပစ်အားကစားပြိုင်ပွဲသို့ မြန်မာအားကစားသမား
(၆) ဦးအပါအ၀င် အဖွဲ့ဝင် (၂၀) ကျော် သွားရောက်မည်ဟု အားကစားဝန်ကြီးဌာနမှ ဦးစီး အရာရှိတဦးက ခေတ်ပြိုင်သို့ ပြောသည်။
မြန်မာအားကစားသမားများအနက် အမျိုးသား (၄) ဦးနှင့် အမျိုးသမီး (၂) ဦးတို့ ပါဝင်ပြီး ပြေးခုန် ပစ်၊ ရေကူး၊ မြားပစ်၊ ကနူးလှေနှင့် အနောက်တိုင်းလှေလှော် အားကစားနည်း (၅) မျိုး ပါဝင် ယှဉ်ပြိုင်မည်ဖြစ်ပြီး ယမန်နှစ်က ထိုင်းနိုင်ငံ၌ ကျင်းပသည့် ဆီးဂိမ်းစ်ပြိုင်ပွဲ ဆုတံဆိပ်ရ အတွေ့ အကြုံရှိ အားကစားသမားများ ပါဝင်ကြောင်း သိရသည်။
အားကစားသမားများမှာ အပြေး စိုးမင်းသူ မီတာ (၅,၀၀၀) နှင့် လဲ့လဲ့ဝင်း မီတာ (၂၀၀)၊ မြားပစ် နေမျိုးအောင်၊ ရေကူး ကျော်ဇင်၊ ကနူးလှေလှော် ဖုန်းမြင့်တေဇာနှင့် အနောက်တိုင်း လှေလှော် ရွှေဇင်လတ်တို့ဖြစ်သည်။
“ပြိုင်ပွဲစမှာက ရှေ့လ (၈) ရက်နေ့ဆိုတော့ (၃-၄) ရက်လောက် ကြိုထွက်မယ်ထင်တယ်။ မြန်မာ အဖွဲ့က ၀န်ကြီး (ဗိုလ်မှူးချုပ်သူရအေးမြင့် ) အပါအ၀င် အားလုံး (၂၁ ) ယောက် ပါမယ်။ အား ကစားသမား (၆) ယောက်၊ ဒိုင် (၁) ယောက်၊ အိုလံပစ်လူငယ်စခန်းအတွက် (၂) ယောက်ပါမယ်” ဟု အားကစားဝန်ကြီးဌာနမှ ဦးစီးအရာရှိတဦးက ပြောသည်။
(၂၉) ကြိမ်မြောက် အိုလံပစ်ပြိုင်ပွဲကို တရုတ်နိုင်ငံ ပေကျင်းမြို့၌ သြဂုတ် (၈) ရက်မှ (၂၄) ရက်ထိ ကျင်းပမည်ဖြစ်ပြီး နိုင်ငံပေါင်းစုံမှ အားကစားသမားပေါင်း (၁၀,၅၀၀) ခန့်က အားကစားနည်း (၂၈) မျိုးတွင် အမျိုးအစားပေါင်း (၃၀၀) ကျော် ယှဉ်ပြိုင်ကြမည်ဖြစ်သည်။
မြန်မာနိုင်ငံအနေဖြင့် ၁၉၄၈ ခု (၁၄) ကြိမ်မြောက် လန်ဒန်အိုလံပစ်ပြိုင်ပွဲမှစ၍ အားကစားသမား များ စေလွှတ်ခဲ့ပြီး ၁၉၇၆ ခု (၂၁) ကြိမ်မြောက် ကနေဒါ အိုလံပစ်သို့ စေလွှတ်ခြင်းမရှိခဲ့ပေ။ ပြီးခဲ့သည့် ၂၀၀၄ အေသင်အိုလံပစ်ပြိုင်ပွဲ၌ မြန်မာအမျိုးသမီး အားကစားသမား (၂) ဦးသာ မြားပစ်နှင့် အလေးမပြိုင်ပွဲ ၀င်ရောက်ယှဉ်ပြိုင်ခဲ့သည်။
အိုလံပစ်ပြိုင်ပွဲများတွင် မြန်မာအားကစားသမားများ ဆုတံဆိပ် ရရှိခဲ့ဖူးခြင်း မရှိသော်လည်း ၁၉၇၂ ခု အကြိမ် (၂၀) မြောက် မြူးနစ်အိုလံပစ်၌ မြန်မာဘောလုံးအသင်း အသန့်ရှင်းဆုံးဆု ရရှိခဲ့ပြီး ဖလိုင်းဝိတ်တန်း အလေးမပြိုင်ပွဲ၌ အောင်ကြည်က ကမ္ဘာ့စံချိန် ချိုးဖူးသည့် မှတ်တမ်းရှိသည်။

ရန်ကုန်စက်မှုဇုန်မှ စက်ရုံအချို့ ဈေးကွက်မရှိသဖြင့် ပိတ်ထားရ
NEJ/ ၁၁ ဇူလိုင် ၂၀၀၈
ရန်ကုန်ရှိ စက်မှုဇုန်များတွင် စက်ရုံအချို့ကို ရပ်နားထားရကြောင်း မြန်မာနိုင်ငံ ကုန်သည်များနှင့် စက်မှုလက်မှုလုပ်ငန်းရှင်တဦးက ပြောသည်။
၎င်းက “အထူးသဖြင့် အော်ဒါမရဘူး။ တချို့က စက်တွေပျက်နေတယ်။ အရင်းအနှီး ထပ်ထည့်ပြီး ပြန်မပြင်ချင်ကြတော့ဘူး။ ဘာလို့လဲဆိုတော့ စီးပွားရေးက မကောင်းဘူးလေ” ဟု ပြောသည်။
ပြည်ပသို့ ပို့သော Export အ၀တ်အထည်များ ရန်ကုန်တွင် ဈေးပေါပေါဖြင့် ဆိုင်ဖွင့်ရောင်းချ နေကြရသည့် အနေအထား ရောက်နေကြောင်း သိရသည်။
“ပြည်ပကို တင်ပို့မယ့် အထည်ဈေးထဲမှာ အနာအဆာတွေ ပါတာကိုမှ အရင်တုန်းက ဒီလိုဆိုင် တွေမှာ တင်ရောင်းတာ၊ အခုက တင်ပို့မယ့် အကောင်းတွေကိုပါ ရောင်းပါတယ်” ဟု လှည်းတန်း အနီး အင်းစိန်လမ်းမပေါ်မှ Export အထည်ဆိုင်တဆိုင်က ပြောသည်။
လွန်ခဲ့သော (၇) နှစ်ခန့်က ဂျပန်သို့ ဆရာဝန်ယူနီဖောင်းများ အော်ဒါရရှိသော လှိုင်သာယာမှ အထည်ချုပ်စက်ရုံ တရုံဆိုလျင် ယခုအခါ အဆိုပါ ယူနီဖောင်းများကို ဂျပန်သို့ မပို့တော့ဘဲ ရန်ကုန်ရှိ ဆေးရုံ ဆေးခန်းများသို့ အသိများမှတဆင့် ကမ်းလှမ်းရောင်းချနေကြောင်း သိရသည်။
ရန်ကုန်တိုင်းအတွင်းတွင် စက်ရုံပေါင်း (၅,၃၈၀) ကျော် ရှိသည်ဟု စစ်အစိုးရထုတ် သတင်းစာ များတွင် ဖော်ပြထားပြီး နာဂစ်မုန်တိုင်းကြောင့် ပျက်စီးသော စက်ရုံများကို ပြင်ဆင်ပြီးဖြစ်၍ ရာနှုန်းပြည့်နီးပါး စက်ရုံများ ပြန်လည်ပြီဟု သတင်းစာတွင် ရေးသားဖော်ပြသည်။
သို့သော် နာဂစ်မုန်တိုင်းကြောင့် ပျက်စီးသွားသော စက်ရုံများအားလုံး ပြင်ဆင်လည်ပတ်နေပြီ ဆိုသည်မှာ မမှန်ကန်ကြောင်း ရွှေပြည်သာမြို့နယ် စက်ရုံတရုံမှ အလုပ်သမားတဦးက ပြောသည်။
“နာဂစ်ကြောင့် စက်ရုံပေါင်း (၄,၀၀၀) ပျက်စီးသွားတာလို့ ကျနော်တို့ လူကြီးက ပြောတယ်ဗျ။ ဘယ်ကလာ အားလုံးပြီးမှာလဲ။ ပြင်ဆင်ရင် ကုန်ကျမယ့်စရိတ်နဲ့ စက်ရုံကို အမှာတွေ မလာဘူး။ အထူးသဖြင့်တော့ အထည်ချုပ်လုပ်ငန်းတွေ အမှာမရကြဘူးလေ။ ၀န်ထမ်းတွေတောင် လျှော့တဲ့ သူလျှော့နေကြတယ်” ဟု ၎င်းက ပြောသည်။
ရန်ကုန်တိုင်းတွင် အရှေ့ပိုင်းခရိုင်၊ တောင်ပိုင်းခရိုင်၊ မြောက်ပိုင်းခရိုင်၊ အနောက်ပိုင်းခရိုင်ဟူ၍ ခရိုင် (၄) ခုရှိပြီး အနောက်ပိုင်းခရိုင်နှင့် တောင်ပိုင်းခရိုင်တို့တွင် စက်ရုံများ မရှိကြောင်း ၎င်းက ပြောသည်။
အစိုးရက အပြင်းအထန် အကောင်အထည်ဖော်နေသော တောင်ပိုင်းခရိုင် သီလ၀ါစက်မှုဇုန်တွင် လောလောဆယ် မည်သည့်ကုန်ထုတ်လုပ်မှုမှ မလုပ်နိုင်ကြောင်းလည်း စုံစမ်းသိရှိရသည်။ ။

ဒီကေဘီအေအတွက် ဆန်သယ်သည့်ကား အင်းတိုင်မှာ အဖမ်းခံရ
သတင်းထောက်မောင်မန်း/ ၁၁ ဇူလိုင် ၂၀၀၈
ရန်ကုန်မြို့မှ ဆန်အိတ်များ တင်ဆောင်လာသည့် ကား (၆) စီးကို ဇူလိုင် (၄) ရက်နေ့ အင်းတိုင် စစ်တပ်ဂိတ်မှ ဖမ်းဆီးရာ ဒီကေဘီအေ တပ်သား (၂၅၀) အတွက် ဆန်သယ်လာသည့် ကား တစီးကိုပါ ဖမ်းထားသည်ဟု ရန်ကုန် ဆန်ကုန်သည် သတင်းရပ်ကွက်က ပြောသည်။
ဆန်တင်လာသည့် အရပ်ကား (၅) စီးမှ ဆန်များကို အပြီးအပိုင် သိမ်းယူထားသော်လည်း ဒီကေဘီအေလက်နက်ကိုင်အဖွဲ့အတွက် ဆန်တင်လာသည့် ကားကိုမူ မကြာခင် အာဏာပိုင် တွေဘက်က ပြန်လွှတ်ပေးမည့် အလားအလာရှိသည့်အတွက် ဆန်ကုန်သည်များက မကျေ မနပ် ဖြစ်နေသည်ဟု စုံစမ်းသိရသည်။
အဆိုပါကိစ္စနှင့်ပတ်သက်၍ ဒီကေဘီအေအဖွဲ့မှ ဗိုလ်ပြည်သိန်းကို ခေတ်ပြိုင်က မေးမြန်းရာ
“ဒီကေဘီအေအတွက် ဆန်သယ်ဖို့ရှိတာကို သိပေမယ့် ဒီကေဘီအေ ဆန်ကားကို ဖမ်းတဲ့ကိစ္စ မသိသေးပါဘူး။ ဗိုလ်ချစ်သူကလည်း ဘားအံရောက်နေလို့ အဆက်အသွယ်မရ ဖြစ်နေပါတယ်” ဟု ဖြေကြားသည်။
ထိုအတောအတွင်း ရန်ကုန် ဘုရင့်နောင် ဆန်ကုန်သည်များကို မိုးစပါးမထွက်မီ သြဂုတ်၊ စက်တင် ဘာ၊ အောက်တိုဘာ (၃) လအတွင်း ဆန်ကို ထိန်းထားပေးရန် ရန်ကုန် ဒုတိယမြို့တော်ဝန် ဦးပါက ညွှန်ကြားထားသည်။ သို့သော် မည်ကဲ့သို့ ထိန်းရမည်ဆိုသည်ကိုမူ ရှင်းရှင်းလင်းလင်း ပြောဆို ခဲ့ခြင်းမရှိဟု ကုန်သည်များက ပြောသည်။
မုန်တိုင်းကြောင့် ဧရာဝတီဆန် ရန်ကုန်အ၀င် နည်းနေသည့်အတွက် လာမည့် သြဂုတ်မှစပြီး ရန်ကုန်မှာ ဆန်ပြဿနာ ကြုံနိုင်ကြောင်း ဆန်ကုန်သည်များနှင့် ပညာရှင်များက မှန်းထားပြီး မကြာခင် ရန်ကုန် ဒုတိယမြို့တော်ဝန် ဦးပါ က (၃) လအတွင်း ဆန်ထိန်းရောင်းရန် ယခုကဲ့သို့ ညွှန်ကြားခဲ့ခြင်းဖြစ်သည်။ ရန်ကုန်ဆန်ဈေးကွက်ကို ရန်ကုန် ဒုတိယမြို့တော်ဝန် ဦးပါက
ဝင်ရောက်စွက်ဖက်ခြင်းသည် ဘုရင့်နောင် ဆန်ကုန်သည်များကို ဆန်အရောင်းအ၀ယ် မလုပ်ရန် ပြောသည်နှင့်တူသည်ဟု ဆန်ကုန်သည်များက ယူဆသည်။
နာဂစ်မုန်တိုင်းကြောင့် ဧရာဝတီတိုင်းအပါအ၀င် ပြည်နယ်တိုင်း (၄) ခု၏ စပါးပျက်စီးမှုကို တပြည် လုံး စိုက်ဧက၏ (၆၀) ရာခိုင်နှုန်း ပျက်စီးသည်ဟု အမေရိကန်လယ်ယာစိုက်ပျိုးရေးဝန်ကြီးဌာနက ထုတ်ပြန်ခဲ့သော်လည်း မြန်မာစစ်အစိုးရက တပြည်လုံး စိုက်ဧက၏ (၁) ရာခိုင်နှုန်းသာ ပျက်စီး သည်ဟု ကြေညာသည်။
ရန်ကုန်ဆန်ဈေးကွက်တွင် ပေါ်ဆန်းဈေးက တအိတ်ကို (၃၆,၀၀၀) ထိ ခုန်တက်နေပြီး ဆန်ကြမ်း ဈေးက အမျိုးအစားလိုက်ပြီး တအိတ်ကို (၁၂,၀၀၀) မှ (၁၈,၀၀၀) ထိ ဈေးမြောက်နေသည်။ ။

စစ်ကိုင်းတိုင်း ပဲခူးတိုင်း မြစ်ရေကြီး၊ လယ်များ ရေမြုပ်
ပီတာအောင်/ ၁၁ ဇွန် ၂၀၀၈
ချင်းတွင်းနှင့် စစ်တောင်းမြစ်ရေ တက်လာသဖြင့် စစ်ကိုင်းတိုင်းနှင့် ပဲခူးတိုင်းအတွင်းရှိ စပါးစိုက် လယ်ယာမြေအချို့ ရေနစ်မြုပ်လျက်ရှိသည်ဟု ဒေသခံများက ပြောသည်။
ချင်းတွင်းမြစ် ရေလျှံမှုကြောင့် စစ်ကိုင်းတိုင်း မုံရွာမြို့အနီးရှိ ထန်းလေးပင်၊ ကျွန်းကြီး၊ နတ်ကြီး ကျွန်း၊ ညောင်ဖြူပင်၊ ညောင်ပင်ကြီး စသည့်ကျေးရွာများရှိ လယ်ကွင်းများ ရေနစ်မြုပ်လျက်ရှိ ကြောင်း မုံရွာမြို့ခံတဦးက ပြောသည်။
၎င်းက “မုံရွာတောင်ဘက်က ကျွန်းရွာတွေပေါ့ဗျာ၊ ရွာ (၂၀- ၃၀) လောက်ရှိမယ်၊ စပါးတွေ နှမ်းတွေ အကုန်ပျက်တယ်။ တချို့က ရိတ်ရမယ့်ဟာတွေ အချိန်မီ မရိတ်လိုက်နိုင်ဘူးပေါ့ဗျာ” ဟု ပြောသည်။
မုံရွာမြို့ပေါ်တွင်လည်း မြစ်ရေသည် စိုးရိမ်ရေမှတ်ထက် (၃၀) စင်တီမီတာ ကျော်လွန်နေပြီး ယခု ထက် ပိုတက်လာပါက မြို့ပေါ်ရပ်ကွက်အချို့ရေမြုပ်သွားနိုင်ကြောင်း၊ မြို့အနောက်ပိုင်း ရပ်ကွက် များရှိ သီးနှံနှင့် ဆန်ပွဲရုံများ ရေမြင့်ရာသို့ ပြောင်းရွှေ့ထားနေကြသည်ဟု အဆိုပါမြို့ခံက ဆက် လက်ပြောသည်။
ပဲခူးတိုင်း မဒေါက်မြိ်ု့အနီးရှိ ကျေးရွာအချို့မှာမူ မြစ်ရေကြီးမှုကြောင့် မဟုတ်ဘဲ ရဲနွယ်ရေတံခါးမှ ရေလွှတ်လိုက်သဖြင့် စပါးကွင်းများ ရေလွှမ်းခံနေရကြောင်း မြို့ခံတဦးက ပြောသည်။
၎င်းက “အခုဖြစ်နေတာက ရေပေါ်တောင်ရွာအုပ်စုတွေဆိုလို့ရှိရင် ရဲနွယ်ရေတံခါးကလွှတ်တဲ့ အခါကျတော့ တာကြီးကခံထားတော့ အဲဒီရေက ချောင်းဘက်ကိုမစီးဘဲနဲ့ စပါးစိုက်ပြီးသား လယ်တွေမြုပ်ကုန်တယ်။ အဲဒီရေတွေဟာ ၀ါးရုံကုန်းတို့၊ တောင်သူကုန်းတို့အထိ ရေတွေ ဖွေးနေတာပဲ” ဟု ပြောသည်။
ရဲနွယ်ရေတံခါးသည် ရေအားလျှပ်စစ်ထုတ်လုပ်သည့်နေရာဖြစ်ပြီး ယမန်နှစ်က အဆိုပါ စီမံကိန်းပြီး ကတည်းက လယ်ယာမြေများ ရေလွှမ်းမှုနှင့်ကြုံတွေ့ရခြင်းဖြစ်ကြောင်း ဒေသခံတဦးက ပြောသည်။
ပဲခူးမြို့တွင်လည်း ပဲခူးမြစ်ရေလျှံမှုကြောင့် ကျောက်ကြီးစု၊ ဇိုင်းဂနိုင်းတောင်ပိုင်းနှင့် မြောက်ပိုင်း ရပ်ကွက်များ ရေ၀င်ကုန်ပြီး ပဲခူးမြို့အနီးရှိ ၀င်းကရင်နှင့် ၀င်းနက်ကြီးရွာများရှိ လယ်ဧက (၂၀၀) ခန့် ရေနစ်မြုပ်နေသည်ဟု ပဲခူးမြို့ခံတဦးထံမှ သိရသည်။
ညောင်လေးပင်မြို့၌မှု လယ်ပင်ဆိပ်ချောင်းရေလျှံမှုကြောင့် ကောက်ကွေ့ရွာနှင့် ရွက်လှကုန်းရွာရှိ စပါးပျိုးခင်းတချို့ရေနစ်မြုပ်သည်မှလွဲ၍ ကြီးကြီးမားမား အပျက်အစီးမရှိဟု သိရသည်။
ချင်းတွင်းမြစ်ရေသည် မော်လိုက်၊ ကလေးဝနှင့်မုံရွာမြို့တို့တွင် စိုးရိမ်ရေမှတ်အထက် ဆက်လက် ရှိနေပြီး ခန္တီး၊ ဟုမ္မလင်း၌ စိုးရိမ်ရေမှတ် အောက်ပြန်လည် ကျဆင်းသွားပြီဟု မိုးလေ၀သနှင့် ဇလဗေဒညွှန်ကြားမှုဦးစီးဌာနက ယနေ့သတင်းထုတ်ပြန်သည်။

မျိုးစပါး အပင်မပေါက်၍ လယ်သမားများ အခက်တွေ့
NEJ/ ၁၁ ဇူလိုင် ၂၀၀၈


ကန်စုရွာမှ လယ်ကွင်းတခု အနေအထား
ဧရာဝတီတိုင်း မုန်တိုင်းဒဏ်သင့် ဒေသများတွင် ယခုမိုးရာသီ အချိန်မီ စပါးစိုက်ပျိုးနိုင်ရန် မျိုးစပါး လိုအပ်နေသည့်အပြင် မျိုးစပါးများ မျိုးမအောင်သဖြင့် အခက်အခဲ ဖြစ်နေကြောင်း ဒေသခံ လယ် သမားများက ပြောသည်။
ဧရာဝတီတိုင်း ဒေးဒရဲမြို့နယ်၊ ဂွေးကုန်းအုပ်စု၊ ကန်စုရွာမှ လယ်သမားတဦးက “ကျနော်တို့ မိသားစု မုန်တိုင်းဒဏ်ခံရပေမယ့် လယ်တော့ ပြန်စိုက်နိုင်တဲ့အခြေအနေ ရှိပါသေးတယ်။
ဒါပေမယ့် မျိုးစပါးက ပြဿနာရှိတယ်၊ လက်ရှိ ၀ယ်ထားတဲ့ မျိုးစပါး တင်း (၁၀၀) ကျော်ကို
ရေစိမ် အပင်ဖောက်တာ မပေါက်ဘူး။ မျိုးမအောင်တော့ စိုက်လို့မရဘူး။ နောက်ထပ် ရှာဝယ်
ရဦးမယ်။ မျိုးစပါးကလည်း တတင်းကို ကျပ် (၁) သောင်းလောက်အထိ ဈေးမြင့်နေပေမယ့် မျိုးအောင်မယ် မအောင်ဘူး မသေချာတော့ ဒီနှစ် စိုက်နိုင်ပါ့မလားဆိုတာ မသေချာဘူး” ဟု ပြောသည်။
မျိုးစပါးများကို မစိုက်ပျိုးခင် (၂) ညခန့် ရေစိမ်ပြီး အပင်ဖောက်ရသည့်အတွက် ယခု ၎င်းတို့
ဝယ်ယူရရှိသည့် မျိုးစပါးများ အပင်မပေါက်သောကြောင့် ဘဲမွေးမြူသူများကို အခမဲ့ ပေးပစ် ရကြောင်း၊ မျိုးမအောင် အပင်မပေါက်သည့်စပါးများကို အခမဲ့ပေးသူ များလွန်းသောကြောင့် ဘဲမွေးသူများပင် စပါးမသယ်နိုင်သည့်အခြေအနေအထိ ဖြစ်ရကြောင်း ရွာခံများက ပြောသည်။
ယခုကဲ့သို့ ဖြစ်ရခြင်းသည် ဧရာဝတီတိုင်းအတွင်း ရေစိုပြီး ပြန်အခြောက်လှမ်းထားသည့် စပါး များကို ဈေးကောင်းရသောကြောင့် မျိုးစပါးအဖြစ် ပြန်လည်ရောင်းချခြင်းအပါအ၀င် စစ်အစိုးရ ဖြန့်ဖြူးသည့် မျိုးစပါးများမှာလည်း အလားတူ ရေစိုစပါးများဖြစ်နေပြီး မျိုးစပါး မဟုတ်ခြင်း ကြောင့်ဟု ဒေသခံလယ်သမားများက ပြောကြသည်။
စစ်အစိုးရ မြန်မာ့စိုက်ပျိုးရေးလုပ်ငန်းမှ ထုတ်ပြန်ချက်အရ ဖျာပုံခရိုင်တခုတည်းမှာပင် လယ်ဧက (၃) သိန်းကျော်အတွက် မျိုးစပါးတင်း (၆) သိန်းခန့် လိုအပ်နေဆဲဖြစ်ကြောင်း၊ ပုဂ္ဂလိက အလှူရှင် များအနေဖြင့် လှူဒါန်းကြစေလိုကြောင်း ပြည်တွင်းဂျာနယ်အချို့တွင် ဖော်ပြထားပြီး အဆိုပါဒေသ တခုလုံး မြန်မာ့စိုက်ပျိုးရေးမှ မျိုးစပါး (၁၁၇,၈၉၂) တင်းသာ ဖြန့်ဝေပေးနိုင်ကြောင်း သိရသည်။

FAO ကမ္ဘာ့စားနပ်ရိက္ခာအဖွဲ့ ထုတ်ပြန်ချက်အရ မုန်တိုင်းဒဏ် ဆိုးဆိုးရွားရွားခံရသည့် ဧရာဝတီ
တိုင်း (၇) မြို့နယ်တွင် လိုအပ်သည့် မျိုးစပါးတန်ချိန်မှာ အထူးအထွက်တိုး မျိုးအတွက် (၉၇၇) တန်၊ ထိပ်စ နှံကားမျိုးအတွက် (၁,၀၈၇) တန်နှင့် ဆားဒဏ်ခံ မျိုးစပါး (၂၅၇) တန် လိုသည်ဟု သိရသည်။ မုန်တိုင်းဒဏ် ဆိုးဆိုးရွားရွားခံရသည့် ရန်ကုန်တိုင်း (၄) မြို့နယ်တွင် လိုအပ်သည့် မျိုးစပါးအရေအတွက်မှာ (၉၉၄) တန်ဖြစ်သည်ဟု FAO ကမ္ဘာ့စားနပ်ရိက္ခာအဖွဲ့ (FAO) က ထုတ်ပြန်ထားသည်။
ဧရာဝတီတိုင်း ဒေးဒရဲမြို့နယ်အပါအ၀င် အခြားမြို့နယ်များရှိ ရွာများတွင်လည်း မျိုးစပါးများ အပင်မပေါက် မျိုးမအောင်သဖြင့် အခက်အခဲဖြစ်နေကြောင်း စုံစမ်းသိရသည်။

အဆိုပါ ကန်စုရွာတွင် စစ်အစိုးရ ဖြန့်ဝေသည်ဆိုသော လယ်ထွန်စက်နှင့် မျိုးစပါးများ မရရှိသော ကြောင့် လယ်ယာလုပ်ငန်းပြန်လည်လုပ်ကိုင်ရာတွင် အချို့မှာ ပုဂ္ဂလိက တပိုင်တနိုင် လှူဒါန်း သူများ၏ အကူအညီကို ရယူကြသကဲ့သို့ အချို့အပျက်အဆီး ဆုံးရှုံးမှုနည်းသည့် လယ်သမား များက ကိုယ့်အားကိုယ်ကိုး ပြန်လည်ထွန်ယက် စိုက်ပျိုးနေကြခြင်းဖြစ်သည်။

မုန်တိုင်းကျပြီးနောက်ပိုင်း မြန်မာနိုင်ငံ ဆန်စပါး စိုက်ပျိုးထုတ်လုပ်သူများအသင်းမှ တာဝန်ရှိသူ များက ပြည်ပမှ မျိုးစပါး တင်းပေါင်း (၂) သန်းခန့် တင်သွင်းခွင့်ပြုရန် အစိုးရထံ အကြံပြုတင်ပြ ခဲ့သော်လည်း အစိုးရက ခွင့်မပြုခဲ့ဟု အသင်းမှ ၀န်ထမ်းတဦးက ပြောသည်။
ဒေသခံလယ်သမားများက ၎င်းတို့သည် လောလောဆယ်တွင် အခြေအနေ ပေးသလောက် စိုက်ပျိုးနေကြသော်လည်း စိုက်မြေဧကများစွာ လျှော့နည်းမည်ဖြစ်သကဲ့သို့ လာမည့်မိုးစပါး ရာသီတွင် စပါးအများကြီး လျော့နည်းနိုင်ကြောင်း ခန့်မှန်းပြောဆိုနေကြသည်။ ။

နာဂစ်ဒုက္ခသည်များ ပြန်လည်ထူထောင်ရေးအတွက် ဒေါ်လာ သန်း ၂၈၀ ထပ်မံလိုအပ်
ဧရာဝတီ ဇူလိုင် ၁၁၊ ၂၀၀၈
နာဂစ်မုန်တိုင်းဒဏ်ခံခဲ့ရသည့် ဒုက္ခသည်များ ပြန်လည်ထူထောင်ရေးအတွက် အမေရိကန်ဒေါ်လာ သန်းပေါင်း ၂၈၀ ထပ်မံ လှူဒါန်းရန် ကမ္ဘာ့ကုလသမဂ္ဂက အဖွဲ့ဝင်နိုင်ငံများအား တိုက်တွန်းလိုက်သည်။
မစ္စတာ ဂျွန် ဟုမ်းလ်စ်နှင့်အဖွဲ့ နာဂစ်ဒုက္ခသည်များအား တွေ့ဆုံစဉ် (ဓာတ်ပုံ - အေအက်ဖ်ပီ)
အမေရိကန်နိုင်ငံ နယူးယောက်မြို့ရှိ ကုလသမဂ္ဂရုံးချုပ်တွင် ယမန်နေ့ကပြုလုပ်သည့် အထူးအစည်းအဝေးပွဲ၌ ကုလသမဂ္ဂ လူသားချင်း ညှာတာထောက်ထားမှုဆိုင်ရာ ဌာနအကြီးအကဲ မစ္စတာ ဂျွန် ဟုမ်းလ်စ်က ရန်ပုံငွေတောင်းခံခြင်းဖြစ်ပြီး ၎င်း ရန်ပုံငွေအား ကုလသမဂ္ဂ လက်အောက်ခံအဖွဲ့ ၁၃ ဖွဲ့နှင့် အန်ဂျီအိုအဖွဲ့ ၂၃ ဖွဲ့က မုန်တိုင်း ကယ်ဆယ်ရေးလုပ်ငန်း ၁၀၃ မျိုး အတွက် အသုံးပြုမည်ဟု ဟုမ်းလ်စ်က ပြောသည်။
ပြန်လည်ထူထောင်ရေးလုပ်ငန်းများအတွက် စုစုပေါင်းလိုအပ်သည့် ရန်ပုံငွေမှာ အမေရိကန်ဒေါ်လာ ၄၈၁ သန်း ဖြစ်ပြီး မူလကတောင်းခံထားသည့် အမေရိကန်ဒေါ်လာ ၂၀၁ သန်း အနက် တချို့တ၀က်ရပြီးဖြစ်သောကြောင့် ထပ်မံလိုအပ်ငွေ စုစုပေါင်းသည် အမေရိကန်ဒေါ်လာ ၃၀၄ သန်းဖြစ်သည်ဟုလည်း ဟုမ်းလ်စ်က ဖြည့်စွက် ပြောဆိုသည်။
နယူးယောက်ရှိ ကုလသမဂ္ဂရုံးချုပ်တွင်ပြုလုပ်သည့် အဆိုပါအစည်းအဝေးပွဲသို့ အာဆီယံ အတွင်းရေးမှူးချုပ် မစ္စတာ ဆူရင် ပစ်ဆူဝန် (Surin Pitsuwan) နှင့် ရန်ကုန်ရှိ ကုလသမဂ္ဂ လူသားချင်းညှာတာထောက်ထားမှုဆိုင်ရာ ဌာနအကြီးအကဲ မစ္စတာ ဒန်နီရယ် ဘိတ်ကာ (Daniel Baker) တို့လည်း တက်ရောက်ကြသည်။
ပြန်လည်ထူထောင်ရေး ရန်ပုံငွေများအနက် စားနပ်ရိက္ခာအတွက် အမေရိကန်ဒေါ်လာ ၁၁၂ သန်း၊ စိုက်ပျိုးရေးအတွက် ၅၈ သန်း၊ အစောပိုင်း ကယ်ဆယ်ရေးလုပ်ငန်းများအတွက် ၅၄ သန်း၊ သောက်သုံးရေသန့်အတွက် သန်း ၅၀နှင့် ထောက်ပံ့ပို့ ဆောင်ရေးအတွက် သန်း ၅၀ အသုံးပြုသွားမည်ဟု ဟုမ်းလ်စ် က ပြောသည်။
မုန်တိုင်းသင့်ဒေသများသို့ နိုင်ငံတကာမှကယ်ဆယ်ရေးများ ၀င်ရောက်လုပ်ကိုင်ခွင့်မရခင် ကိုယ်ထူကိုယ်ထ ကယ်ဆယ်ရေး လုပ်ခဲ့ကြသည့် ဒေသခံပြည်သူများ၊ ရဟန်းသံဃာတော်များနှင့် ပုဂ္ဂလိက အလှူရှင်များ၏ အစွမ်းကို လျှော့တွက်မိခဲ့သည် ဟုလည်း ဟုမ်းလ်စ်က ပြောဆိုလိုက်သည်။
မေလ ၂ ရက်နေ့နှင့် ၃ ရက်နေ့က မြန်မာနိုင်ငံ ရန်ကုန်တိုင်းနှင့် ဧရာဝတီမြစ်ဝကျွန်းပေါ်ဒေသတို့ကို တိုက်ခတ်သည့် နာဂစ် ဆိုင်ကလုန်းမုန်တိုင်းကြောင့် လူဦးရေ ရှစ်သောင်းကျော် အသက်ဆုံးရှုံးကာ ငါးသောင်းကျော် ပျောက်ဆုံးနေကြောင်း စစ်အစိုးရ စာရင်းများအရသည်ရသည်။ လူဦးရေ ၂ ဒဿမ ၄ သန်း အိုးမဲ့အိမ်မဲ့ ဖြစ်ခဲ့သည်။


မေဒေးနေ့တွင်ဖမ်းပြီး နှစ်ရှည်ထောင်ချထားသူများကို လွှတ်ပေးရန် ILO တောင်းဆို
အေးလဲ့ ဇူလိုင် ၁၁၊ ၂၀၀၈
ကမ္ဘာ့အလုပ်သမားနေ့ အလုပ်သမားအခွင့်အရေးဆွေးနွေး ပွဲသို့ တက်ရောက်ခဲ့ခြင်းကြောင့် ထောင်ဒဏ် နှစ်ရှည်ချခံထား ရသူ ၆ ဦး အား ပြန်လည်လွှတ်ပေးရန် အပြည်ပြည်ဆိုင်ရာ အလုပ်သမား အဖွဲ့ချုပ်(ILO) က ယနေ့ တွင် တောင်းဆို လိုက်သည်။
၂၀၀၇ ခုနှစ် မေလ ၁ရက် ကမ္ဘာ့အလုပ်သမားနေ့က အမေရိကန်စင်တာတွင် ကျင်းပသည့် အလုပ်သမား အခွင့်အရေး ဆိုင်ရာ ဆွေးနွေးပွဲသို့ တက်ရောက်ခဲ့သော ကိုသူရိန်အောင်၊ ကိုဝေလင်း၊ ကိုကျော်မင်း၊ ကိုမျိုးမင်း၊ ကိုကျော်ကျော်၊ ကိုညီညီဇော် တို့အား အမြန်ဆုံးပြန်လွှတ်ပေးရန် ဂျနီဗာ အခြေစိုက် ILO အဖွဲ့က ကြေညာချက် တစောင်ထုတ်ပြန် တောင်းဆိုလိုက်ခြင်းဖြစ်သည်။
ယင်း ILO အမှုဆောင် ဒါရိုက်တာ Mr Kari Tapiola က “အခုဖမ်းဆီး ထားသူတွေရဲ့ ပြစ်ဒဏ်တွေကို ပြန်လည် လျှော့ပေါ့ စဉ်းစားပြီး အမြန်ဆုံး ပြန်လွှတ်ပေးဖို့ မြန်မာအစိုးရ ကို ကျနော်တို့ မေတ္တာရပ်ခံတောင်းဆို ထား တာပါ”ဟု ၎င်း ထုတ်ပြန် ချက်တွင် ပြောဆိုထားသည်။
ထို့အပြင် ယခုထုတ်ပြန်ချက်၌ ကမ္ဘာ့အလုပ်သမားနေ့သည် အလုပ်သမားများ လွတ်လပ်စွာစည်းရုံး လှုပ်ရှားခြင်း၊ စိတ်ကူး စိတ်သန်း သတင်းအချက်အလက်များ လွတ်လပ်စွာ ဖလှယ်ပြောဆိုခြင်းများစသည့် ကမ္ဘာ့အလုပ်သမားအခွင့်အရေးများကို ဖော်ဆောင်ခြင်းအထိမ်းအမှတ် ဖြစ်သည့်အတွက် ကမ္ဘာ့အလုပ်သမား နေ့ တွင် အလုပ်သမား အခွင့် အရေးအတွက် ပြောဆို ဆွေးနွေးသူများအား ဖမ်းဆီးခြင်းသည် ၎င်းတို့၏ လွတ်လပ်ခွင့်အား ပိတ်ပင်ခြင်းဖြစ်ကြောင်းတို့လည်း ပါဝင်သည်။
“ဒီအမူနဲ့ ပတ်သက်ပြီး ၂၀၀၇ စက်တင်ဘာလ ကတည်းက သူတို့ကို လွှတ်ပေး ဖို့ ILO က တောင်းဆိုခဲ့ပါတယ်၊ တရားရုံး အဆင့်အထိ ပြန်လွှတ်ပေးဖို့ မျှော်လင့်ခဲ့ပါသေးတယ်”ဟု လည်း Mr Kari Tapiola ကပြော သည်။
အဆိုပါ ဖမ်းဆီးခံထားရသူများ၏ ရှေ့နေ ဦးခင်မောင်ရှိန်ကလည်း ၎င်း ၆ ဦး သည် တရားမဝင်အဖွဲ့ အစည်း ဖွဲ့စည်းမူ၊ လူဝင်မူကြီးကြပ်ရေး ဥပဒေချိုးဖောက်မှု၊ တရားမဝင် ပုံနှိပ်မှု ၊ အစိုးရကို အကြည်အညှိပျက်စေ မှုများဖြင့် ထောင်ဒဏ် အနှစ် ၂၀ မှ ၂၈ နှစ် အထိ ပြစ်ဒဏ် ချမှတ်ခံရခြင်းဖြစ်ကြောင်း ပြောသည်။
“ဆက်ပြီးတော့ လည်း နောက်ဆုံးအခွင့်အရေးအနေနဲ့ တရားရုံးချူပ်မှာ အထူးအယူခံဖို့ရှိပါတယ်” ဟုလည်း ဦးခင်မောင်ရှိန် ကပြောသည်။
၂၀၀၇ ခု အောက်တိုဘာလတွင် ထောင်နှစ်ရှည်ကျခံရမှုကို လျှော့ချ ပေးစေရန်အတွက် ထောင်ကျခံရသူ မိသားစုဝင်များ ကလည်း ILO မှတဆင့် အကူအညီတောင်းခံခဲ့ကြသည်။
ယမန်နှစ် မေဒေးနေ့ နံနက်ပိုင်းက အမေရိကန်စင်တာ၌ ဆွေးနွေးပွဲတက်ရောက်ပြီး ပြန်လာသည့် ယခု နှစ်ရှည် ထောင်ချ ခံရသူ ၆ ဦး အပါအင် ၃၃ ဦး ကို စစ်ဖက်ဆိုင်ရာလုံခြုံရေးအဖွဲ့(စရဖ) က ဖမ်းဆီးခဲ့ခြင်းဖြစ်သည်။

နာဂစ်ဆိုင်ကလုန်းကြောင့် သဘာဝပတ်ဝန်းကျင်ဆိုင်ရာ သင်္ခန်းစာရရှိ
အေးချမ်းမြေ့ ဇူလိုင် ၁၁၊ ၂၀၀၈
မေလဆန်းက တိုက်ခတ်သွားသော နာဂစ်ဆိုင်ကလုန်းမုန်တိုင်းက မြန်မာစစ် အစိုးရနှင့် ပြည်သူများကို သဘာဝပတ်ဝန်း ကျင်နှင့် ပတ်သက်သည့် သင်္ခန်းစာတခု ပေးသွား ခဲ့ကြောင်း မြန်မာ့သဘာဝပတ်ဝန်းကျင် ပညာရှင်တဦးဖြစ်သည့် ဦးအုန်းက သုံးသပ်သည်။
“ဒါ သဘာဝကပေးတဲ့ ကောင်းချီးမင်္ဂလာပဲဗျ။ ဖြစ်သွားတာတော့ ဖြစ်သွားပြီ။ ဒါပေမယ့် နောက်ကို ဒီလိုဆိုးဆိုးရွားရွား မဖြစ်အောင် ဘယ်လို လုပ်ရမယ်ဆိုတာ အစိုးရကိုကော ပြည်သူကိုပါ အမြင်ပွင့်အောင် လုပ်ပေးလိုက်သလိုပဲ” ဟု ဦးအုန်းက ဧရာဝတီသို့ ပြောကြားခဲ့သည်။
ဆက်လက်၍ ၎င်းက ဒီရေတောများ မျိုးသုဉ်းပျောက်ကွယ်လျှက်ရှိသည့် မြစ်ဝကျွန်းပေါ် ဒေသများသည် နာဂစ်ဆိုင်ကလုံး မုန်တိုင်း ဒဏ်ကို ဆိုးဆိုးရွားရွား ပိုမို ခံစားခဲ့ရသည်ဟု ရှင်းပြသည်။
“ဆူနာမီတုန်းက ဒီလောက်ဒဏ်မခံခဲ့ရဘူး။ အခုနာဂစ်မှာ တော်တော်သိသိသာသာ ခံလိုက်ကြရတယ်” ဟု ၎င်းကပြောသည်။
ဦးအုန်းသည် ရန်ကုန်အခြေစိုက်သဘာဝပတ်ဝန်းကျင်နှင့် သစ်တောထိန်းသိမ်းရေးဆိုင်ရာ အစိုးရမဟုတ်သော အဖွဲ့အစည်း ဖရီးဒါ (FREDA) ၏ အထွေထွေ အတွင်းရေးမှူး ဖြစ်သည်။ ယခုအခါ ၎င်းအဖွဲ့အစည်းက နာဂစ်ဆိုင်ကလုန်းမုန်တိုင်းဒဏ် ခံခဲ့ရသည့် ဧရာဝတီမြစ်ဝကျွန်းပေါ် ဒေသတွင် ဒီရေတောများ ပြန်လည်စိုက်ပျိုးရန် ကျိုးစားလျှက် ရှိသည်။
ဦးအုန်းက မြန်မာစစ်အစိုးရကော ပြည်သူများပါ ယခင်က သဘာဝပတ်ဝန်းကျင်ကို အလေးထား ဂရုစိုက်သင့်ကြောင်း အသိမရှိခဲ့သော်လည်း ယခုကဲ့သို့ နာဂစ် ဆိုင်ကလုန်း မုန်တိုင်းကြောင့် ဆိုးရွားစွာ ပျက်စီးဆုံးရှုံးခဲ့ပြီးသည့်အချိန်တွင် သဘာဝပတ်ဝန်းကျင်ကို အလေးထားရကောင်းမှန်း သိရှိလာသဖြင့် အဆိုးထဲမှ အကောင်းတခု ဖြစ်သည်ဟု ဆိုသည်။

စစ်အစိုးရပိုင် သတင်းစာတစောင်ဖြစ်သည့် ဇူလိုင် ၉ ရက်နေ့ထုတ် မြန်မာ့အလင်း သတင်းစာတွင် ဒီရေတောများ ထိန်းသိမ်းရန် ဆောင်းပါးတပုဒ် ထည့်သွင်းရေးသား လာသည်ကို တွေ့ရသည်။

မြစ်ဝကျွန်းပေါ်ဒေသတွင် ယခင်က ဒီရေတောများ ထူထပ်များပြားစွာ ပေါက်ရောက် ရှင်သန်လျှက်ရှိသော်လည်း လယ်မြေ အတွက် ဒီရေတောများရှင်းလင်းခြင်း၊ ငါးပုစွန် ကန်များအတွက် ဒီရေတောများကို တမန်တုတ်ကာ ပျက်သုဉ်းစေခြင်း၊ စီးပွားဖြစ် မီးသွေးဖုတ်ရန်အတွက်သော်လည်းကောင်း ထင်းအတွက်သော်လည်းကောင်း ဒီရေတောများကို ခုတ်ထွင်ခဲ့သဖြင့် ဒီရေတောများ ရှားပါးမျိုးသုဉ်းပျောက်ကွယ် ခဲ့ရသည်ဟု သဘာဝပတ်ဝန်းကျင် ပညာရှင်များက သုံးသပ်သည်။

“ခု အဖြစ်အပျက်က သဘာဝပတ်ဝန်းကျင်ကို စောင့်ရှောက်ဖို့ပျက်ကွက်ခဲ့တဲ့အတွက် တိုက်ရိုက်ဆိုးကျိုးခံစားရတယ် ဆိုတာ ထင်ထင်ရှားရှားပြလိုက်တာပဲ။ ကျနော်တို့ရဲ့ ဒီရေတောတွေကို ဆက်မထိန်းသိမ်းဘူးဆိုရင် နောက်တခါကျ ဒီထက် ဆိုးဆိုးရွားရွား ခံစားရလိမ့်ဦးမယ်” ဟု ဦးအုန်းက ပြောသည်။

မြန်မာပြည်၏ သဘာဝ သစ်တောကြိုးဝိုင်းဧရိယာမှာ ဟက်တာ ၃၄ သန်း ရှိပြီး အရှေ့တောင် အာရှနိုင်ငံများတွင် အင်ဒိုနီးရှားနိုင်ငံပြီးလျင် အကြီးဆုံးဖြစ်သည်။ သို့ရာတွင် ဧရာဝတီတိုင်း၌ သစ်တော ပြုန်းတီးမှုမှာ အဆိုးရွားဆုံးဖြစ်ပြီး လွန်ခဲ့သည့် ၁၀ နှစ်ကျော်ကာလအတွင်း ဒီရေတောပမာဏ ၂၀ ရာခိုင်နှုန်းကျော် မျိုးသုဉ်းပျောက်ကွယ်ခဲ့ကြောင်း ဝါရှင်တန် ဒီစီ အခြေစိုက် အကျိုးအမြတ်မရရှိသော အဖွဲ့အစည်း Conservation International ၏ လေ့လာတွေ့ရှိချက်အရ သိရသည်။

နာဂစ်ဆိုင်ကလုန်းမုန်တိုင်းကြောင့် ကျန်ရှိနေသည့် ဒီရေတောများစွာ ပျက်သုဉ်းခဲ့သည့် အပြင် ရန်ကုန်မြို့ရှိ နှစ် ၅၀ မှ ၁၀၀ အတွင်းသက်တမ်းရှိသည့် သစ်ပင်ကြီးများစွာ ပျက်စီး ပြိုလဲခဲ့ရသည်။

“ပြည်သူ့ဥယျာဉ်ထဲက သစ်ပင်တွေဆို မရှိတော့သလောက်ဘဲ။ ဟိုးဘက်လမ်းကို ဒီဘက်ပြည်လမ်းကနေ တိုးလျှိုပေါက် မြင်နိုင်လောက်အောင် ဖြစ်သွားတယ်။ ရန်ကုန်တက္ကသိုလ်ထဲက သစ်ပင်တွေလည်း ဒီတိုင်းပဲ။ အရင်က သီရိဆောင်တို့ မာလာဆောင်တို့ကို ကွယ်ထားတဲ့ အပင်ကြီးတွေ ဘာတပင်မှ မရှိတော့ဘူး” ဟု ရန်ကုန် မြို့ခံတဦးကဆိုသည်။

ရန်ကုန်မြို့တော် စည်ပင်သာယာရေးကော်မတီ ပန်းဥယျာဉ်နှင့် အားကစားကွင်းများ ဌာနက တာဝန်ရှိသူတဦး၏ ပြောကြား ချက်အရ နာဂစ် ဆိုင်ကလုန်းမုန်တိုင်းကြောင့် ရန်ကုန်မြို့ရှိ နှစ် ၅၀ နှင့် အထက် သက်တမ်းရင့် သစ်ပင် ၅၃၁ ပင် အပါအဝင် အပင်ပေါင်း ၁၀၀၀၀ နီးပါးခန့် ပြိုလဲ ပျက်စီးခဲ့ရကြောင်း ပြည်တွင်းဂျာနယ် တချို့တွင် ရေးသား ဖော်ပြထားသည်။

ရန်ကုန်မြို့တော် စည်ပင်သာယာရေး ကော်မတီအနေနှင့် ဆိုင်ကလုန်းမုန်တိုင်းကြောင့် ပြိုလဲပျက်စီးခဲ့ရသည့် သစ်ပင်ကြီး များကို သိမ်းဆည်းသွားပြီး မည်ကဲ့သို့ အသုံးချသည်ကို မသိရကြောင်း ရန်ကုန်မြို့ခံတဦးကပြောသည်။

ရန်ကုန်အခြေစိုက် ယခုတပတ် ဆဲဗင်းဒေး နယူးစ် အပတ်စဉ်ဂျာနယ်တွင်မူ စစ်အစိုးရက နာဂစ် ဆိုင်ကလုံးကြောင့် ပြိုလဲ ကျခဲ့သည့် ရန်ကုန်စည်ပင်သာယာ နယ်နိမိတ် အတွင်းမှ သစ်ပင်များနှင့် သစ်မြစ်ဆုံများကို ပုံစံပြောင်းကာ ပြည်တွင်းနှင့် နိုင်ငံခြား စီးပွားရေး လုပ်ငန်းရှင် များအတွက် လေလံပစ်တော့မည်ဟု ဖော်ပြပါရှိသည်။
ပုံစံပြောင်းကာ ပန်းပုထုရန်အတွက် ပဲခူးနှင့် ဒါးပိန်တို့မှ ပန်းပုဆရာ ၄၅ ဦးခန့်ကို ရွေးချယ် ခေါ်ယူထားသည်ဟု ၎င်းဂျာနယ် တွင် ရေးသားထားသည်။
ယခုအခါတွင် စစ်အစိုးရအနေနှင့် မုန်တိုင်းကြောင့် ပြိုလဲပျက်စီးသွားသော သစ်ပင်များ နေရာတွင် သစ်ပင်ပေါင်း ၃၀၀၀၀ ကျော် စိုက်ပျိုးသွားမည် ဖြစ်ကြောင်း ၎င်းတို့ပိုင် သတင်းစာများတွင် ရေးသားထားသည်ကို တွေ့ရသည်။

မစ္စတာ ဂန်ဘာရီ ကုလသမဂ္ဂ အထွေထွေညီလာခံ ဥက္ကဌ နှင့် တွေ့ဆုံ
ဧရာဝတီ ဇူလိုင် ၁၁၊ ၂၀၀၈
ကမ္ဘာ့ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် မစ္စတာ အီဘရာဟင် ဂန်ဘာရီ နှင့် အထွေထွေညီလာခံ ဥက္ကဌ မစ္စတာ ဆာဂျန် ကာရမ် (Srgjan Kerim) နှင့် တွေ့ဆုံကာ လက်ရှိ မြန်မာ့နိုင်ငံရေးအခြေ အနေနှင့် နာဂစ်မုန်တိုင်း ကူညီထောက်ပံ့ရေး အခြေအနေများကို ဆွေးနွေးကြကြောင်း သိရသည်။
စစ်အစိုးရ၏ ဒီမိုကရေစီ တိုးတက်ပြောင်းလဲမှုအခြေအနေနှင့် မုန်တိုင်းဒဏ်ကြောင့် ပျက်စီးဆုံးရှုံးမှုများကို စစ်အစိုးရ၊ ကုလ သမဂ္ဂနှင့် အာဆီယံများ ပူးပေါင်းလုပ်ဆောင်လျက်ရှိသည့် ကယ်ဆယ်ရေး အခြေအနေ များကိုလည်း ဆွေးနွေးခဲ့ကြသည်။
မစ္စတာ ဂန်ဘာရီသည် ယခုလကုန်ပိုင်းတွင် မြန်မာနိုင်ငံသို့ သွားရောက်ရန်ရှိပြီး နေ့ရက်အတိအကျ မသတ်မှတ်ရသေးပေ။
မစ္စတာ ဆာဂျန် ကာရမ် က မြန်မာနိုင်ငံနှင့်ပတ်သက်သည့် ကုလသမဂ္ဂ အထွေထွေညီလာခံ၏ ဆုံးဖြတ်ချက်များ အကောင် အထည်ပေါ်စေရေးအတွက် စစ်အစိုးရအား မစ္စတာ ဂန်ဘာရီနှင့် ပူးပေါင်းဆောင်ရွက်ရန် အပြင်းအထန် တိုက်တွန်းလိုက် ကြောင်း ပြောဆိုသည်။
မစ္စတာ ဂန်ဘာရီသည် ယခုနှစ် မတ်လ ၆ ရက်နေ့က မြန်မာနိုင်ငံသို့ နောက်ဆုံးအကြိမ် ရောက်ရှိခဲ့သည်။
၂၀၀၇ ခုနှစ်အတွင်းကလည်း မြန်မာနိုင်ငံသို့ ၂ ကြိမ် လာရောက်၍ စစ်အစိုးရ ခေါင်းဆောင်များ၊ ဒေါ်အောင်ဆန်းစုကြည် အပါအဝင် အန်အယ်လ်ဒီ အလုပ်အမှုဆောင်အဖွဲ့ဝင်များ၊ တိုင်းရင်းသား ကိုယ်စားလှယ်များနှင့် တွေ့ဆုံဆွေးနွေးခဲ့သည်။ ယင်းခရီးစဉ်များနှင့်ပတ်သက်၍ ကမ္ဘာ့ကုလသမဂ္ဂ အထွေထွေ အတွင်းရေးမှူးချုပ်က တိုးတက်မှုနည်းပါး၍ စိုးရိမ်ကြောင်း ထုတ်ဖော်ပြောကြားခဲ့ဖူးသည်။

အန်အယ်ဒီလူငယ် ၁၅ ဦး ပြန်လွတ်လာပြီ
နေသွင်
အင်္ဂါနေ့၊ ဇွန်လ 10 2008 12:58 - မြန်မာစံတော်ချိန်
ချင်းမိုင်။ ။ ရက်သတ္တ နှစ်ပတ်ကြာ ဖမ်းဆီးခံခဲ့ရသော အမျိုးသား ဒီမိုကရေစီ အဖွဲ့ချုပ်မှ လူငယ် ၁၅ ဦးသည် ယမန်နေ့ ညဦးပိုင်းက ထိန်းသိမ်းရေး စခန်းမှ ပြန်လည် လွတ်မြောက်လာသည်။
၁၈ နှစ်မြောက် ရွေးကောက်ပွဲ နှစ်ပတ်လည်နေ့ ဖြစ်သည့် မေလ ၂၇ ရက်နေ့တွင် လူငယ်များက ပါတီခေါင်းဆောင် ဒေါ်အောင်ဆန်းစုကြည်၏ နေအိမ်သို့ ချီတက်လာစဉ် လမ်းခုလတ်၌ အာဏာပိုင်များက ဖမ်းဆီးခဲ့ပြီးနောက် နှစ်ပတ်အကြာတွင် ယခုလို ပြန်လွှတ်ပေးလိုက်ခြင်း ဖြစ်သည်။
ပါတီ ပြောခွင့်ရ ပုဂ္ဂိုလ် ဦးဉာဏ်ဝင်းက “ကျနော့်ဆီ ဆက်တဲ့ ပုဂ္ဂိုလ်က ညက ၉ နာရီလောက်က လွှတ်လိုက်တယ် ပြောတယ်။ တယ်လီဖုန်းနဲ့ပဲ၊ တယောက်ပဲ ပြောရသေးတယ်။ ရုံးကိုတော့ တယောက်မှ မရောက်လာသေးဘူး” ဟု မဇ္ဈိမကို ပြောသည်။
လူငယ် ၁၅ ဦးစလုံးကို တပြိုင်တည်း ပြန်လွှတ်ပေးလိုက်ခြင်း ဖြစ်သည်ဟု ဦးဉာဏ်ဝင်းက ဖြည့်စွက်ပြောသည်။

ချင်းတွင်းမြစ်ရေ တက်နိုင်သည်ဟု ဒေသအာဏာပိုင်များ သတိပေး
မဇ္ဈိမသတင်းဌာန
သောကြာနေ့၊ ဂျူလိုင်လ 11 2008 22:03 - မြန်မာစံတော်ချိန်
ချင်းတွင်းမြစ်ရေ တက်နိုင်ဖွယ်ရှိသည်ဟု မုံရွာမြို့တွင် ဒေသ အာဏာပိုင်များက မြန်မာစံတော်ချိန် ည ၇နာရီခန့်က လိုက်လံ သတိပေးသွားသည်။
ချင်းတွင်းမြစ်ကမ်းနဖူးရှိ ရပ်ကွက် ကျေးရွာများတွင် နေထိုင်သော ပြည်သူများကို ရပ်ကွက်အတွင်းရှိ စာသင်ကောင်းတွေကို ပြောင်းရွှေ့နေထိုင်ရန်လည်း ညွန်ကြားထားကြောင်း ဒေသခံများက ပြောကြသည်။

ချင်းတွင်းမြစ်ရေကြီး ရေဘေးဒုက္ခသည်များ မော်လိုက်နှင့် ခန္ဓီးတွင် ပိုများလာ
မဇ္ဈိမသတင်းဌာန
အင်္ဂါနေ့၊ ဂျူလိုင်လ 08 2008 15:17 - မြန်မာစံတော်ချိန်
ချင်းမိုင်။ ။ ချင်းတွင်းမြစ်ရေ ထပ်မံမြင့်တက်နေပြန်ရာ ခန္ဓီးနှင့် မော်လိုက်မြို့များတွင် ရေလွတ်ရာသို့ ပြောင်းရွှေ့နေထိုင်ရသည့် ဒုက္ခသည်များ ယနေ့ ပိုမိုများပြားလာသည်။
မြန်မာပြည်အနောက်ပိုင်း စစ်ကိုင်းတိုင်းရှိ မြို့များအနက် ခန္ဓီးတွင် မြေနိမ့်ရာဒေသများမှ ပြောင်းရွှေ့လာသော အိမ်ထောင်စု ၆၁ စုသည် အခြေခံပညာ မူလတန်းကျောင်း အမှတ် ၁ တွင် လည်းကောင်း၊ အိမ်ထောင်စု ၂၂ စုသည် ပေါ်မိုင်းဘုန်းတော်ကြီးကျောင်းတွင်လည်းကောင်း၊ မိသားစု ၁၀ စုသည် မူလတန်းကျောင်း အမှတ် ၃ ကျောင်းနှင့် အိမ်ထောင်စု ၅ စုသည် အလယ်တန်းကျောင်းတကျောင်းတွင် ခိုလှုံနေထိုင်နေကြရသည်။
မော်လိုက်တွင် အိမ်ထောင်စု ၆၈ စုသည် မြို့နယ်ခန်းမ၊ မူလတန်းကျောင်းအမှတ် ၁ နှင့် အားကစားကွင်းတခုတွင် အစုခွဲ ခိုလှုံနေထိုင်နေကြရသည်။

ဆိုင်ကလုံး ဒုက္ခသည်များကို အကူအညီပေးနေသူ သတင်းစာဆရာ အဖမ်းခံရ
မဇ္ဈိမသတင်းဌာန
စနေနေ့၊ ဇွန်လ 14 2008 18:23 - မြန်မာစံတော်ချိန်
နယူးဒေလီ။ ။ နာဂစ်မုန်တိုင်းဒဏ်ခံ ဒုက္ခသည်များကို အကူအညီ ပေးနေသော သတင်းစာဆရာ တဦးကို ဖမ်းဆီးလိုက်ကြောင်း သတင်းရရှိသည်။
First Eleven အားကစားဂျာနယ် အယ်ဒီတာချုပ်ဟောင်း ဦးဇော်သက်ထွေးကို အထူးရဲများက ဖမ်းဆီးသွားခြင်း ဖြစ်သည်ဟု သတင်းရပ်ကွက် များက ပြောသည်။မဇ္ဈိမအနေဖြင့် ဆက်လက် စုံစမ်းလျှက် ရှိသည်။

မိုးကုတ်ရေကြီး မြေပြို လူ ၂၂ ဦးသေ၊ ၈ ဦး ပျောက်ဆုံး
မဇ္ဈိမသတင်းဌာန
သောကြာနေ့၊ ဇွန်လ 13 2008 14:30 - မြန်မာစံတော်ချိန်
နယူးဒေလီ။ ။ ပတ္တမြားမြေ မိုးကုတ်မြို့တွင် ယမန်နေ့ နံနက်မှစ၍ မိုးသည်းထန်စွာ ရွာသွန်းပြီး မြေပြိုရာမှ လူ ၂၂ ဦးသေဆုံးပြီး ၈ ဦး ပျောက်ဆုံးနေဆဲ ဖြစ်ကြောင်း ပြည်တွင်းမှလာသော သတင်းများအရ သိရသည်။
ကြာသပတေး နံနက် ၁ နာရီခန့်မှ စတင်ကာ မိုးသည်းထန်စွာ ဆက်တိုက် ရွာသွန်းပြီး နံနက် ၅ နာရီခန့်တွင် ရေနီချောင်းတလျှောက် တာရိုးများ ကျိုးပေါက်ကာ လူနေရပ်ကွက်များ၊ လမ်းများအတွင်း ရေများ အရှိန်အဟုန်နှင့် စီးဆင်းခဲ့ပြီးနောက် အဖိုးတန် ပတ္တမြား ထွက်ရှိ၍ နာမည်ကျော် မိုးကုတ်မြို့တွင် ယခုလို ပျက်စီးသေဆုံးမှုများ ဖြစ်ပွားခဲ့ခြင်း ဖြစ်သည်။
မိုးကုတ်မြို့ အရှေ့ပိုင်း အရပ်များဖြစ်သော ရေကြီး မြေပြိုမှုကြောင့် လူ ၂၂ ဦး မိုးကုတ် ဆေးရုံတွင် သေဆုံးခဲ့ပြီးဖြစ်ကာ လူ ၈ ဦး ပျောက်ဆုံးလျှက် ရှိသည်။
လေးပေဇေ။ တောင်နီ၊ သဲဖြူဝိုင်း၊ အုန်းကိုင်း၊ လယ်ဦး၊ အရပ်များတွင် ရေကြီး မြေပြိုမှု အများဆုံး ဖြစ်ပွါးခဲ့သည်။
မိုးများ ဆက်လက် ရွာသွန်းနေဆဲ ဖြစ်ပြီး အရပ်သားများ ကိုယ်ထူကိုယ်ထ စနစ်ဖြင့် ငွေကောက်ခံကာ အိမ်ပြို သေဆုံးရသော မိသားစုများကို လှူဒါန်းရန် ပြင်ဆင်နေကြသည်။
ချောင်းတလျှောက် နေအိမ် အဆောက်အဦများ ရေလွှမ်းမိုးခဲ့သည့်အပြင် တောင်ကမ်းပါးယံ အနီးရှိ နေအိမ်များ ကမ်းပါး ပြိုကျမှုကြောင့် ထိခိုက် ပျက်စီးရာ၌ အုန်းကိုင်းရွာသစ်၊ ပန်းခြံထာပွဲ ဝန်းကျင်နှင့် မိုးကုတ် မိုတယ်နေရာများ အထိအခိုက် အများဆုံး ဖြစ်သည်။
ကျောက်လုပ်ငန်း အဓိက လုပ်ကိုင်ရာ ပန်းခြံထာပွဲ တကွင်းလုံး ကနယ်မုံများ၊ အမှိုက်များ ထူထပ်စွာ ပြည့်လျှံ ပိတ်ဆို့နေပြီး လုပ်ငန်းလုပ်ကိုင်ရန် နေရာအခက်အခဲ အချိန်အတန်ကြာ ဖြစ်နိုင်သည်။

ဂဏန်းပိုမိသော်လည်း ဈေးကျနေပြန်
သန်းထိုက်ဦး
သောကြာနေ့၊ ဂျူလိုင်လ 11 2008 18:11 - မြန်မာစံတော်ချိန်
ချင်းမိုင်။ ။ လေဘေးသင့် လပ္ပတ္တာမြို့နယ်မှ ဂဏန်းဖမ်းသူများအတွက် အရေအတွက် ပိုမို ရရှိနေသော်လည်း ဈေးကျနေမှုနှင့် ကြုံနေရသည်။
သေဆုံး ပြောင်းရွှေ့မှုကြောင့် ဂဏန်းဖမ်းသည့် လုပ်ငန်းတွင် ယခင်ကလောက် လုပ်ကိုင်မည့်သူ မရှိတော့သဖြင့် လုပ်ငန်းခွင် ပြန်ဝင်သူများအတွက် ဂဏန်းရရှိမှု ပိုလာသော်လည်း အဓိကအားဖြင့် တရုတ်နိုင်ငံဘက်မှ အဝယ်လျော့သွားသဖြင့် ဈေးကျနေခြင်း ဖြစ်သည်။
“ဂဏန်းက အရင်ကထက် ပိုဖမ်းလို့ ရလာတယ်။ ဘာဖြစ်လို့လဲဆိုတော့ ဖမ်းတဲ့လူတွေ မရှိတော့ အရင်က တရက်ကို တပိဿာ ဖမ်းနိုင်တဲ့ လူတယောက်က အခုအချိန်မှာ တပိဿာခွဲလောက် ရအောင် ဖမ်းနိုင်လာတယ်” ဟု ဒေသတွင်း သွားရောက် လေ့လာခဲ့သူက ပြောသည်။
နာဂစ်မုန်တိုင်းဒဏ်သင့် ဧရာဝတီတိုင်းမှ လပွတ္တာမြို့နယ် အတွင်းရှိ ကျေးရွာ ရေလုပ်သားများ ဖမ်းဆီးရမိသည့် ဂဏန်းကောင်များကို မြို့နယ်အဝယ်ဒိုင်သို့ ပေးသွင်းရာတွင် မုန်တိုင်းမကျခင်က တပိဿာလျှင် ကျပ် ၂ဝဝဝ ကျော်အထိ ဈေးပေးဝယ်ခဲ့သော်လည်း ယခုအခါ ၁၃ဝဝ ကျပ်အထိ ဈေးကျနေခြင်း ဖြစ်သည်။
“အရင်ကဆိုရင် ရွာမှာ ကောက်တဲ့ဈေး ၂ဝဝဝ ကျော်ကနေ ၃ဝဝဝ ကျော်အထိ ရဖူးတယ်၊ တပိဿာကိုပေါ့နော်။ အခုတော့ တပိဿာကို ၁၃ဝဝ ပဲ ရတော့တယ်။ မူဆယ်ဘက်က ပေးတဲ့ဈေး ကျသွားလို့တဲ့” ဟု သူက ပြောသည်။
တရုတ်-မြန်မာနယ်စပ် မူဆယ်မှ ၁ဝ၅ မိုင်ဈေးရှိ ကုန်သည်တဦးက တရုတ်ဘက်သို့ ယခင်က ဂဏန်းကောင် တတန်လျှင် ဒေါ်လာ ၂၁ဝဝ မှ ၂၄ဝဝ အထိ ပေါက်ဈေး ရှိခဲ့ရာမှ ယခုဆိုလျှင် ဒေါ်လာ ၁၄၁ဝ အထိ ကျဆင်းနေသည်။
လပွတ္တာမြို့မှ ဂဏန်းဒိုင်တဦးကလည်း “အခုဟာက ပိုင်ရာဆိုင်ရာ (ကုန်သည်တွေ) က ဈေးချတာပေါ့။ အခု မြဝတီဘက်ဆို၊ မယ်တော် ဟိုဘက်ကမ်း မဲဆောက်ပေါ့။ အဲဒီဘက်က ဝယ်လက်က ဈေးဖြတ်တယ်။ နောက်ပြီးတော့ တရုတ်ဆိုလည်း မူဆယ်ဘက် ဈေးကွက်တွေက အဆင်မပြေ ဖြစ်တယ်။ ပွဲစားက ဈေးချတာပေါ့” ဟု မဇ္ဈိမကို ပြောသည်။
“ဂဏန်းကို ထီးရှယ်၊ မ’ ရှယ် ဆိုပြီး နှစ်မျိုးခွဲထားတယ်လေ။ အရင်က ဂရမ် ၁၅ဝ အထက်ကျော်တဲ့ အကောင်တွေကို ရှယ်အဖြစ် သတ်မှတ်တယ်။ တရုတ်နဲ့ ထိုင်းနယ်စပ်တွေကို ဈေးကောင်းကောင်းနဲ့ တင်ပို့ ရောင်းချတယ်။” သူက ထပ်ပြောသည်။

ကလေးဝ၊ မုံရွာ စိုးရိမ်ရေမှတ်ကျော်
မဇ္ဈိမသတင်းဌာန
သောကြာနေ့၊ ဂျူလိုင်လ 11 2008 17:05 - မြန်မာစံတော်ချိန်
ချင်းမိုင်။ ။ ချင်းတွင်းမြစ်ရေ လျှံတက်မှု နောက်ဆုံးရရှိသော သတင်းမှာ မော်လိုက်၊ မုံရွာ၊ ကလေးဝမြို့များတွင် စိုးရိမ်ရေ အမှတ်ထက်တွင် ဆက်လက် တည်ရှိနေပြီး အခြားမြို့များတွင်တော့ ရေကျဆင်းနေသည်။
မုံရွာမြို့တွင် ချင်းတွင်းမြစ်ရေအမြင့် စိုးရိမ်ရေမှတ်အထက် ၂ ပေကျော် မြင့်တက်ဆဲ ဖြစ်ကာ ကလေးဝနှင့် မော်လိုက်တွင်လည်း ရေတက်ဆဲ ဖြစ်သည်။
မုံရွာမြို့တွင် အနောက်မြောက်တိုင်း စစ်ဌာနချုပ်တိုင်းမှူး ရောက်ရှိနေပြီး မြစ်ရေ အခြေအနေကို စောင့်ကြည့်နေသည်။
မုံရွာမြို့တွင် ဒေသခံ အများအပြားကတော့ ကြွက်များ တာများကို ဖျက်ဆီးမည့် အန္တရာယ်နှင့် ရေအား ဆက်တက်လာလျှင် တာကျိုးမည့်အရေး စိုးရိမ်ပူပန်မှုများ ရှိနေသည်။
ရန်ကုန်ရှိ မိုးလေ၀သဌာန ခန့်မှန်းချက်ကတော့ မုံရွာတွင် ဇူလိုင် ၁၃ ရက်နေ့ရောက်မှ ရေကျသွားဖွယ် ရှိသည်ဟု ပါရှိပြီး မော်လိုက်နှင့် ကလေးဝတို့တွင် ဇူလိုင် ၁၂ ရက်နေ့ကတည်းက ရေပြန်ကျသွားဖွယ် ရှိသည်ဟု ဆိုသည်။
မိုးလေ၀သနှင့် ဇလဗေဒ၏ ထုတ်ပြန်ချက်တွင် မော်လိုက်၊ ကလေးဝနှင့် မုံရွာတို့တွင် ရေအမြင့်သည် စိုးရိမ်ရေ အမှတ်အထက်ဖြစ်ပြီး လွန်ခဲ့သည့် နှစ် ၄၀ ကျော်အတွင်း စတုတ္တအများဆုံး ဖြစ်သည်ဟု ပါရှိသည်။
မော်လိုက်၊ ကလေးဝနှင့် မုံရွာမြို့များတွင် ချင်းတွင်းမြစ်ရေသည် တနာရီလျှင် ၂ စင်တီမီတာနှုန်းဖြင့် တက်ဆဲ ဖြစ်သည်။ ရန်ကုန် မိုးလေ၀သဌာန အဆိုအရ ကလေးဝတွင် မြစ်ရေအမြင့် ၁၈၃၆ စင်တီမီတာ နှင့် မုံရွာတွင် ၁၉၉၀ စင်တီမီတာ အမြင့်သို့ ရောက်ရှိနေသည်။
အစောပိုင်းရက်များက ရေလွတ်ရာသို့ လူအချို့ တိမ်းရှောင်နေခဲ့ရသည့် ခန္ဓီး၊ ဟုမ္မလင်းမြို့များတွင်တော့ ရေတဖြည်းဖြည်း ကျဆင်းလာနေသည်

မြစ်ရေကြီး၍ ပဲခူးတိုင်း စပါးစိုက်ခင်းများ ပျက်စီး
ကိုစိုး ဇူလိုင် ၁၁၊ ၂၀၀၈
စစ်တောင်းမြစ် ရေကြီး ရေလျှံ ဖြစ်မှုကြောင့် ပဲခူးတိုင်း အတွင်းရှိ လယ်ယာမြေများ ရေမြုပ်၍ စပါးစိုက်ခင်းများစွာ ပျက်စီး ဆုံးရှုံးမှုရှိကြောင်း ဒေသခံများက ပြောသည်။
စစ်တောင်းမြစ်နှင့် စစ်တောင်းတူးမြောင်းမှ ရေလျှံသောကြောင့် ပဲခူးမြို့အပါအ၀င် သနပ္ပင်၊ က၀ ၊ ဝေါ မြို့တို့တွင် ပျိုးကျဲ ထားသည့် လယ်မြေများရေမြုပ်ပျက်စီးကုန်သော်လည်း သက်ဆက်ဆိုင်ရာ တာဝန်ရှိ သူ များက မည်သည့် ဆောင်ရွက်ပေး မှုမှ မရှိကြောင်း ပဲခူးမြို့မှ ရှေ့နေကြီး ဦးမြတ်လှက ပြောသည်။
“ရေက ကျနော်တို့ ပဲခူးမြို့ထဲတောင် ၀င်နေပြီ၊ ပဲခူးတ၀ိုက်က စစ်တောင်းမြစ် ရေလျှံတာ၊ ပဲခူးမြစ်နဲ့ စစ်တောင်း မြစ်နဲ့ ဆက်ထားတဲ့ စစ်တောင်းတူးမြောင်းလဲ ရေလျှံတယ်၊ သနပ္ပင်၊ က၀ ၊ ဝေါ တို့မှာလည်း ရေလျှံတယ်၊ သနပ္ပင် မှာ မျိုးစပါးတွေ ကျဲထားတာ ရေမြုပ်ကုန်ပြီ၊ အဲဒါ ၃ ရက် လောက်ရှိနေပြီ၊ ပဲခူးမြို့ထဲမှာလည်း အနိမ့်ပိုင်းတွေဖြစ် တဲ့ ဇိုင်းဂနိုင်းပိုင်းတို့၊ ကျောက်ကြီးစုပိုင်းတို့ကို ရေရောက် နေတာ ၂ ရက်ရှိပြီ၊ အမြင့်ပိုင်းကိုတော့ မရောက်သေး ဘူး၊ သက်ဆိုင်ရာကလည်း ဘာမှ စီစဉ်ပေးတာမရှိဘူး၊ လူ အသေအပျောက်တော့ မရှိသေးဘူး၊ လယ်တွေတော့ ပျက်စီးတယ်”ဟု ဦးမြတ်လှ က ပြောသည်။
နှစ်စဉ် ဇူလိုင်၊ သြဂုတ်လများတွင် ယခုကဲ့သို့ မြစ်ရေတက်တတ်သော်လည်း သက်ဆိုင်ရာအာဏာပိုင်များ အနေနှင့် မည်သည့် ကြိုတင်ပြင်ဆင်မှုမှ မရှိကြောင်း၊ ရေဆက်တက်ရန် အလားအလာ ရှိကြောင်းလည်း ၎င်း က ပြော သည်။
ပဲခူးတိုင်း ပြွန်တန်ဆာ မြို့နှင့် ဒေသတ၀ိုက်ရှိ ၀ါးရင့်ကုန်း၊ စံဖဲ ၊ အလယ်ရွာ ၊ အေးရွာ စသည့် ရွာများသည်လည်း ယခင်လ ၁၅ ရက်ပိုင်းက စတင်၍ စစ်တောင်း မြစ် ရေ လျှံသောကြောင့် လယ်သမားများ ယခုအချိန်အထိ စပါး စိုက်ရသည် မှာ၂ ကြိမ် ရှိသည့်တိုင် လယ်မြေများ ရေမြုပ် နေဆဲ ဖြစ်၍ စိုက်ပျိုးထားသော စပါးများ ပျက်စီးဆုံးရှုံး ရ ကြောင်း ဒေသခံတဦးက ပြောပြသည်။
“ရေက ဂိတ် ၁၈-၁၉ လောက်ကနေတက်တာ အခု ၃၉ လောက်အထိရှိနေပြီ၊ ဟို ၅ ရက် လောက်က ရေပြန်ကျ သွားလို့ လယ်တွေ ပြန်စိုက်တာ၊ အခု ပြန် မြုပ်ကုန်ပြီ၊ ရေပြန်တက်နေတာ ၇ ရက် ၊ ၈ ရက်လောက် ရှိနေပြီ၊ စပါး တွေ ၂ ခါသေ သွားပြီ၊ ရေတွေ ဖွေးနေ တုန်းပဲ၊ စစ်တောင်းမြစ်က တက်တာ၊ မဒေါက်ဘက်လည်း နည်းနည်းတက် တယ်” ဟု ၎င်း က ပြောသည်။
ပြွန်တန်ဆာ မြို့တွင် ယမန်နှစ်က ရေမတက်သော်လည်း ယခုနှစ်တွင် မြို့သစ်ပိုင်း၌ ရေ တက်သောကြောင့် လှေဖြင့် သွားလာနေရသည့်အတွက် သွားရေးလာရေး ခက်ခဲလျှက်ရှိသည်ဟုလည်း သိရသည်။
“ပြွန်တန်ဆာ မြို့ ထဲမှာတော့ မတက်ဘူး၊ မြို့သစ်နောက် ကျောပိုင်းမှာ ရေတွေ တအားနဲ့ဖွေးနေပြီးတော့ လှေတွေ နဲ့ပဲ သွားနေရတယ်၊ မနှစ်က ရေမရှိဘူး၊ ဒီနှစ်က တာတွေ ဟိုက ဖြတ်ပိတ်၊ ဒီကဖြတ်ပိတ်နဲ့ဆိုတော့ ရေတွေ တက်ပြီး လယ်တွေလည်း တော်တော်ပျက်စီးတယ်” ဟု ပြွန်တန်ဆာ ဒေသခံက ပြောသည်။
ယခုကဲ့သို့ ရေတက်ရက်ကြာရှည်၍ လယ်ယာမြေများ ရေမြုပ်ပျက်စီးရခြင်းသည် တာတမံများပြုလုပ်မှုကြောင့်လည်း ပါဝင်ကြောင်း ၎င်းက ဆိုသည်။
“ညောင်လေးပင် အထွက်ကနေ တာဖို့ထားတာ၊ ကျောင်းရွာတို့ ဂျောင်းတာတို့ ဘက်ကို သွားတဲ့ တာ၊ မဒေါက်မြစ်ကို ကာထားတဲ့ တာပေါ့၊ အဲဒီ ညောင်လေးပင်နားမှာ ဖို့ထားတာ၊ အဲဒီတာတွေကြောင့် ပါတာပေါ့၊ ပြီးခဲ့တဲ့ လ ၁၅ ရက်လောက် ကနေ ရေတက်လိုက်တာ ၄-၅-၁၀ ရက်နေတော့ နည်းနည်း ပြန်ကျသွားတယ်၊ ၂၈-၂၉ ရက်လောက် ကနေ အခုအချိန်အထိ ရေမကျသေးဘူး၊ မနှစ်က ရေတက်တာ အခုလောက်မဖြစ်ဘူး၊ ၂ ရက် ၃ ရက်ဆို ပြန်ကျ တာပဲ၊ အခုက ၀ါးပတော ရေအား လျှပ်စစ်ဘက်က ရေလာတာ ကျမတို့ ၀ါးရင့်ကုန်း၊ စံဖဲ ၊ အလယ်ရွာ တွေမှာ ရေတွေ ဖွေးနေ တာပဲ”ဟုလည်း ၎င်းက ဆက်ပြောသည်။
ပဲခူးတိုင်း ရွှေကျင် ၊ မဒေါက် မြို့များဘက်တွင်လည်း မြစ်ရေကြီးမှုဖြစ်နေကြောင်း သိရသည်။
“ရွှေကျင်မှာ တောင်ငူချောင်းဘက်ကတော့ တက်တယ်၊ ရွှေကျင်ချောင်းဘက်ကတော့ မတက်သေးဘူး၊ မဒေါက်ဘက်လည်း တက်တော့ တက်တယ်၊ သိပ်အများကြီးတော့ မတက်သေးဘူး၊ ရေ ချောင်းဘေးနားက လယ်တွေထဲ ရောက်တာတော့ ရှိတယ်၊ တအားမြုပ်တာတော့ မရှိသေးဘူး”ဟု ရွှေကျင်ဒေသခံ အအမျိုးသမီး တဦးက ပြောပြ သည်။
စစ်တောင်း မြစ်ရေသည် မဒေါက်မြို့တွင် ၁၀၉၄ စင်တီမီတာသို့ ရောက်နေပြီး စိုးရိမ်ရေမှတ်အထက် ၂၄ စင်တီမီတာ ကျော်လွန်နေကြောင်း၊ ယင်းမြစ်ရေသည် အင်္ဂါနေ့မွန်းတည့်မှ နောက် ၇၂ နာရီအတွင်း စိုးရိမ်ရေမှတ်အထက်တွင် ဆက်လက်တည်ရှိ နိုင်ကြောင်း ယမန်နေ့က ထုတ်ဝေသော အစိုးရ မြန်မာ့လင်း သတင်းစာတွင် မိုးလေ၀သ နှင့် ဇလဗေဒ ညွှန်ကြားမှု ဦးစီးဌာနကို ကိုးကား၍ ဖော်ပြထားသည်။
ယခင်အပတ်အတွင်းက စတင်၍ စစ်ကိုင်းတိုင်း အထက်ပိုင်း ချင်းတွင်း မြစ်ဖျားတွင် မိုးသည်းထန်စွာ ရွာသွန်းမှု ကြောင့် ချင်းတွင်းမြစ် ရေသည် ခန္တီး၊ ဟုမ္မလင်းနှင့် မော်လိုက်မြို့များ၏ စိုးရေမှတ်သို့ ရောက်ရှိခဲ့ပြီး လွန်ခဲ့သည့် ၂ ရက်ခန့်က စတင်၍ မုံရွာမြို့ ချင်းတွင်းမြစ်ကမ်း ရှိ လူနေအိမ်တချို့နှင့် ပွဲရုံတချို့မှာ ရေလွတ်ရာ အမြင့်ပိုင်းသို့ ပြောင်းရွှေ့မှုများပြုလုပ် နေကြောင်း၊ မုံရွာမြို့နှင့် ညောင်ပင်ကြီးမြို့သို့ ကူးသည့် ညောင်ပင်ကြီး ဆိပ်ကမ်းကို လည်း ယမန်နေ့က စတင်၍ ပိတ်ထားကြောင်း ဒေသခံ တဦးကပြောသည်။
“လှေတွေကို ဟိုဘက်ကမ်း ဒီဘက်ကမ်း ဘယ်ကမ်းကိုမှ ကပ်ခွင့်မပြုဖို့ အာဏာပိုင်တွေက အမိန့်ထုတ်ထားတယ်၊ အန္တရာယ် များမှာ စိုးလို့တဲ့”ဟု ၎င်း မုံရွာဒေသခံက ဆိုသည်။
ယနေ့ထုတ် အစိုးရ မြန်မာ့အလင်းသတင်းစာတွင် ချင်းတွင်းမြစ်ရေသည် ခန္တီးမြို့နှင့် ဟုမ္မလင်းမြို့များ၏ စိုးရိမ်ရေမှတ် အောက်သို့ ပြန်လည်ကျဆင်းသွားကြောင်းနှင့် မော်လိုက်၊ ကလေးဝနှင့် မုံရွာမြို့များတွင်မူ စိုးရိမ်ရေအမှတ် အထက်၌ ဆက်လက် တည်ရှိနေကြောင်း ဖော်ပြထားသည်။

သားသမီးအရေအတွက် ကန့်သတ်ရယူမှု အကျိုးကြီးမား
11 July 2008
Lisa Schlein in Burmese
ကမ္ဘာ့လူဦးရေနေ့တွင် မွေးဖွားသည့် ကလေးငယ်များကို အိန္ဒိယ သူနာပြုတဦးက ပြုစုနေပုံ (ဇူလိုင် ၁၁၊ ၂၀၀၈) မိသားစုစီမံကိန်းစံနစ်ဟာ အကျိုးဖြစ်ထွန်းမှု ရှိတဲ့အကြောင်း ဒီကနေ့ကျရောက်တဲ့ ကမ္ဘာ့လူဦးရေနေ့မှာ ကမ္ဘာ့ ကုလသမဂ္ဂ အဖွဲ့ကြီးက မီးမောင်းထိုးပြထားပါတယ်။ ဒီ မိသားစုစီမံကိန်းကြောင့် မိခင်တွေရဲ့ ကျန်းမာရေး၊ ယောက်ျား မိန်းမ အဆင့်အတန်း ခွဲခြားမှုနဲ့ ဆင်းရဲနွမ်းပါးမှု စတဲ့နေရာတွေမှာ တိုးတက်ကောင်းမွန်လာစေတယ်လို့ ကုလသမဂ္ဂက ပြောပါတယ်။ ဒီအကြောင်း ဂျနီဗာမြို့ကနေ ဗွီအိုအေသတင်းထောက် Lisa Schlein သတင်းပေးပို့ထားတာကို ကိုဇော်ဝင်းလှိုင်က တင်ပြထားပါတယ်။
ဒီကနေ့ ကမ္ဘာ့လူဦးရေဟာ ၆ ဒဿမ ၇ ဘီလီယံရှိပြီး နောင် အနှစ် ၄၀ အတွင်း ၉ ဒဿမ ၂ ဘီလီယံအထိ ရှိလာနိုင် ပါတယ်။ မလိုချင်ဘဲ သန္ဓေတည်လာတဲ့ ကလေးငယ်တွေ တော်တော်များများ ရှိလာနိုင်တာကြောင့် အခက်အခဲ အကျပ်အတည်းနဲ့ ရင်ဆိုင်နေကြရတဲ့ မိသားစုတွေမှာ ပြဿနာတွေ ပိုတိုးလာစေနိုင်ပါတယ်။
မိသားစုစီမံကိန်းစံနစ်ဟာ မိခင်နဲ့ ရင်သွေးငယ်တွေအတွက် ချက်ချင်း အကျိုးသက်ရောက်မှု ရှိစေနိုင်တယ်လို့ ကုလသမဂ္ဂ အဖွဲ့ကြီးက ပြောပါတယ်။ မိသားစုစီမံကိန်း လုပ်ဆောင်ခြင်းအားဖြင့် တနှစ်ကို မီးဖွားမှုက သေဆုံးတဲ့ မိခင်လောင်း ၅၀၀,၀၀၀ ရှိရာက သုံးပုံ တပုံလောက်အထိ လျော့ကျသွားစေနိုင်တယ်လို့ ဆိုပါတယ်။
အခုလို ၀ိုးတ၀ါး ကိန်းဂဏန်းတွေ ရှိနေပေမယ့်လည်း ဒီ မိသားစု စီမံကိန်းဟာ ကြီးမားတဲ့ တိုးတက်မှုတွေ ရှိခဲ့တယ်လို့ ဂျနီဗာမှာ အခြေစိုက်တဲ့ ကုလသမဂ္ဂ လူဦးရေ ရံပုံငွေအဖွဲ့ ညွှန်ကြားရေးမှူး ဆီရီ တယ်လီယာ (Siri Tellier) က ဗွီအိုအေကို ပြောပါတယ်။ လွန်ခဲ့တဲ့ ၁၉၆၀ ခုနှစ်လောက်တုန်းက ပဋိသန္ဓေတားဆီးမှု ၅ % ရှိခဲ့ပေမယ့် ၂၀၀၀ ခုနှစ်မှာ ၆၀ % အထိ တိုးများလာတယ်လို့ သူမက ပြောပါတယ်။
"သားဖွားမှုနှုန်းက တကမ္ဘာလုံးအတိုင်းအတာနဲ့ ကျဆင်းနေတယ်ရှင့်။ ၁၉၆၀ ခုနှစ်တွေကို ကျမတို့ ပြန်ကြည့်ကြမယ် ဆိုရင် ဖွံ့ဖြိုးဆဲနိုင်ငံတွေက အမျိုးသမီးတွေဟာ ယေဘုယျအားဖြင့် ကလေး ၆ ယောက်စီလောက် ယူကြတယ်။ အခုတော့ ၃ ယောက်စီလောက် ဖြစ်သွားပြီ။ ဒါဟာ ကြီးမားတဲ့ ပြောင်းလဲမှုပါ။ ဒါကလည်း ဒေသအပေါ်မှာ မူတည်ပါတယ်၊ ဥပမာ အာဖရိကတိုက်မှာ ဆိုရင် သားဖွားမှုနှုန်း သိသိသာသာ ကျဆင်းလာတာကို မတွေ့ရတဲ့အပြင် တချို့နေရာတွေမှာ ဆိုရင် ပိုများလာတာတောင် တွေ့ရသေးတယ်။ တကမ္ဘာလုံး အတိုင်းအတာနဲ့ မီးတွင်းမှာ သေဆုံးတဲ့ ကလေးအရေအတွက် အခုလို ကျဆင်းလာတာဟာ ဧရာမ ပြောင်းလဲမှုကြီးပါပဲရှင်။ လွန်ခဲ့တဲ့ အနှစ် ၂၀ လောက်က အသက် ၅ နှစ်အောက် ကလေးငယ် တနှစ်မှာ ၁၅ သန်းလောက် သေဆုံးကြတယ်။ အခု အဲဒါက ၁၀ သန်းအောက်ကို လျော့ကျသွားပြီ။ ဒါဟာ အင်မတန် ကြီးမားတဲ့ တိုးတက်မှုပါ။"
ကလေးငယ်သေဆုံးမှုနှုန်း ကျဆင်းလာတာဟာ အာဟာရပြည့်ဝတဲ့ အစားအစာတွေ ရရှိတာနဲ့ ကာကွယ်ဆေးတွေ ထိုးနိုင်တဲ့အတွက် ဖြစ်တယ်လို့ တယ်လီယာက ပြောပါတယ်။ ဒါပေမယ့် မွေးကင်းစကလေးငယ် သေဆုံးမှုနှုန်းကတော့ လျော့ကျမသွားဘူးလို့ ဆိုပါတယ်။ ဒါကလည်း ဘာကြောင့်လဲဆိုတော့ မီးဖွားရာမှာ အခက်အခဲတွေ ဖြစ်ပေါ်ရာကလည်း ကလေးငယ်တွေကို သေစေနိုင်တဲ့အတွက်ကြောင့် ဖြစ်တယ်လို့ ဆိုပါတယ်။
ဒီလို သေဆုံးမှုတွေ လျော့ကျအောင်လုပ်နိုင်တဲ့အချက် ၃ ချက်ရှိတယ်လို့ တယ်လီယာက ပြောပါတယ်။
"ပထမ တခုက ဘာလဲဆိုတော့ အရည်အချင်းရှိတဲ့ လက်သည်တွေ မီးဖွားတဲ့နားမှာ ရှိနေကြလို့ပါပဲ။ နောက်တခုက ဘာလဲဆိုတော့ သားဖွားပညာ တတ်ကျွမ်းသူတွေထံ အလွယ်တကူ သွားရောက်နိုင်ကြလို့ပါပဲ။ မီးဖွားတဲ့နေရာမှာ ဖြစ်လေ့ ဖြစ်ထရှိတဲ့ ပြဿနာက ဥပမာအားဖြင့် သွေးထွက်လွန်တဲ့ ကိစ္စ၊ ဒီပြဿနာကို လက်သည်တွေကချည်းပဲ မကိုင်တွယ်နိုင် ကြဘူးလေ။ ဒီလိုဖြစ်လာရင် ဆေးရုံကို ၂ နာရီအတွင်း ချက်ချင်း သွားနိုင်မှ လိုအပ်တဲ့ သွေးသွင်းတဲ့ ကိစ္စတွေ ဘာတွေ လုပ်နိုင်မှာလေ။ နောက်ဆုံး တတိယအချက်ကတော့ မိသားစု စီမံကိန်းပါပဲ။"
ဆာဟာရ သဲကန္တာရတောင်ပိုင်း အာဖရိကနိုင်ငံတွေထဲက အိမ်ထောင်သည် အမျိုးသမီး ၂၀ ကနေ ၃၀ % ဟာ ပဋိသန္ဓေ တားဆီးတဲ့ ပစ္စည်းတွေကို မရနိုင်ကြဘူးလို့ ကုလသမဂ္ဂက ပြောပါတယ်။
ကောက်ယူထားတဲ့ ကိန်းဂဏန်းတွေအရ နိုင်ဂျာ နိုင်ငံမှာရှိတဲ့ ကိုယ်ဝန်သည်အမျိုးသမီး ၇ ယောက်မှာ ၁ ယောက်က အသက်ဘေးနဲ့ ရင်ဆိုင်ရနိုင်တယ်လို့ ဆိုပါတယ်။ ဒါကို အမေရိကန်က ၄,၈၀၀ မှာ ၁ ယောက်နဲ့ ဆွီဒင်နိုင်ငံက ၁၇,၄၀၀ မှာ ၁ ယောက်နဲ့ နှိုင်းယှဉ်လိုက်ရင် အများကြီး ကွာဟမှုရှိနေတာကို တွေ့ရမှာဖြစ်ပါတယ်။

မေဒေးအဖမ်းခံရသူများ အယူခံပယ်ချမှု ILO ရှုတ်ချ
11 July 2008
ကိုဇော်ဝင်းလှိုင်
၂၀၀၇ ခုနှစ် မေလ ၁ ရက်နေ့ နိုင်ငံတကာ အလုပ်သမားနေ့မှာ အလုပ်သမား အခွင့်အရေးအကြောင်း ဟောပြောပွဲကို သွားတက်ခဲ့ရာက ဖမ်းဆီး အပြစ်ပေးခံထားရသူ ၆ ယောက်ရဲ့ အယူခံမှုကို မြန်မာဗဟိုတရာရုံးချုပ်က ပယ်ချလိုက်တဲ့ အပေါ် ILO နိုင်ငံတကာ အလုပ်သမားအဖွဲ့ချုပ်က ပြစ်တင် ရှုတ်ချလိုက်ပါတယ်။ အခု ဖမ်းဆီး အပြစ်ပေးခံထားရသူ ၆ ယောက်ဟာ အမေရိကန် စင်တာမှာကျင်းပတဲ့ အလုပ်သမားနေ့အခမ်းအနားကို သွားတက်ခဲ့ရာ အခုလို ဖမ်းဆီး အပြစ်ပေးခံခဲ့ရတာ ဖြစ်ပါတယ်။ ဒီ အယူခံမှုရဲ့ နောက်ဆုံးအခြေအနေနဲ့ပတ်သက်လို့ ကိုဇော်ဝင်းလှိုင်က တင်ပြထားပါတယ်။
အခု အဖမ်းခံထားရတဲ့ ကိုသူရိန်အောင်၊ ကိုဝေလင်း၊ ကိုကျော်မင်း၊ ကိုမျိုးမင်း၊ ကိုညီညီဇော်နဲ့ ကိုကျော်ကျော်တို့ဟာ ပြီးခဲ့တဲ့ ၂၀၀၇ ခုနှစ် မေလ ၁ ရက်နေ့က အမေရိကန်စင်တာမှာ ကျင်းပတဲ့ နိုင်ငံတကာ အလုပ်သမားနေ့ အခမ်းအနားကို သွားတက်ရာက အဖမ်းခံခဲ့ကြရတာပါ။
ဒီအထဲက ကိုညီညီဇော် နဲ့ ကိုကျော်ကျော်တို့ ၂ ယောက်ကို ထောင်ဒါဏ် အနှစ် ၂၀ စီနဲ့ ကျန် ၄ ယောက်ကိုတော့ ၂၈ နှစ်စီ ပြီးခဲ့တဲ့ ၂၀၀၇ ခုနှစ် စက်တင်ဘာလ ထဲမှာပဲ ပြစ်ဒဏ်ပေးတာပါ။
အခုလို သူတို့ရဲ့ အယူခံလွှာကို ဗဟိုတရားရုံးချုပ်က ပယ်ချလိုက်တဲ့အပေါ် ILO နိုင်ငံတကာ အလုပ်အသမား အဖွဲ့ချုပ်အနေနဲ့ စိတ်ပျက်မိကြောင်း ILO အမှုဆောင် ညွှန်ကြားရေးမှူး တဦးဖြစ်တဲ့ ကရီ တာပီယိုးလာ (Kari Tapiola) က ဗွီအိုအေကို အခုလို ပြောပြပါတယ်။
"သူတို့ရဲ့ အယူခံလွှာကို ပယ်ချလိုက်တဲ့အပေါ် စိတ်ပျက်မိပါတယ်။ အစိုးရအနေနဲ့ သူတို့အမှုကို အသေအချာ ပြန်လည် ဆန်းစစ်ပြီး လွှတ်ပေးနိုင်မယ့် နည်းလမ်းကို ရှာဖွေလိမ့်မယ်လို့ ကျနော် မျှော်လင့်ပါတယ်၊ ဘာဖြစ်လို့လဲဆိုတော့ အထူးသဖြင့် ဒီကိစ္စက ဒီမှာတင် ဆုံးမှာ မဟုတ်ပါဘူး၊ ကျနော်တို့က ဒီအမှုကို အမြဲတမ်း စောင့်ကြည့် လုပ်ဆောင်သွားမှာ ဖြစ်ပါတယ်။ "
အခု အယူခံလွှာ ပယ်ချခံလိုက်ရသူ ၆ ယောက်နဲ့ တခြား အဖမ်းခံထားရသူတွေ ပြန်လည် လွတ်မြောက်ရေးအတွက် ILO အနေနဲ့ ဆက်လက် လုပ်ဆောင်သွားမယ်လို့လည်း မစ္စတာ တာပီယိုးလားက ပြောပါတယ်။
မြန်မာနိုင်ငံအတွင်းမှာ အဓမ္မ လုပ်အားပေး ခိုင်းစေမှုတွေ ဖြစ်ပေါ်ရင် လုပ်အားပေးခိုင်းစေခံရသူ ကိုယ်၌ပဲဖြစ်ဖြစ်၊ ဒါကို ကိုယ်တိုင် ကြုံတွေ့ရသူကပဲဖြစ်ဖြစ် ILO ထံမှာ လာရောက် တိုင်ကြားခွင့်ပြုဖို့ စစ်အစိုးရနဲ့ ILO အကြား ရရှိထားတဲ့ သဘောတူညီချက် ဆက်လက် အကျုံးဝင်နေပြီး နောက်ထပ် တိုင်ကြားမှုတွေ ရှိတယ်လို့လည်း မစ္စတာ တာပီယိုးလားက ပြောပါတယ်။

အခု နောက်ဆက်တွဲ ဖြစ်ပေါ်လာတဲ့ အဓမ္မ လုပ်အားပေးခိုင်းစေမှုဆိုင်ရာ တိုင်ကြားချက်တွေကို လာမယ့် နိုဝင်ဘာလမှာ ကျင်းပမယ့် ILO အလုပ်အမှုဆောင် အစည်းဝေးကျရင် တင်ပြပြီးတာနဲ့ ထုတ်ပြန်သွားမယ်လို့ မစ္စတာ တာပီယိုးလားက ပြောသွားပါတယ်။

နာဂစ်မုန်တိုင်း ပြန်လည် ထူထောင်ရေး ရံပုံငွေ အမေရိကန်ဒေါ်လာ သန်း ၄၈၀ ကုလတောင်းခံမည်
11 July 2008
ဒေါ်ခင်မျိုးသက် -
ကုလသမဂ္ဂ လူသားချင်းစာနာမှု ဆိုင်ရာ အကြီးအကဲ မစ္စတာ ဂျွန်ဟုမ်းလ်စ်။
(ဓာတ်ပုံ-ယူအန်) မြန်မာနိုင်ငံက နာဂစ်ဆိုင်ကလုံးဒဏ် ခံခဲ့ကြရသူတွေအတွက် အကူအညီငွေ စုစုပေါင်း အမေရိကန်ဒေါ်လာ
သန်း ၅၀၀ လောက် လိုအပ်နေတယ်လို့ ကုလသမဂ္ဂကထုတ်ပြန်ကြေညာလိုက်ပါတယ်။
သုံးပွင့်ဆိုင်ဗဟိုအဖွဲ့မှာပါတဲ့ အာဆီယံအဖွဲ့က အလှည့်ကျသဘာပတိ မစ္စတာ ဆူရင်ပစ်ဆူဝန်ကတော့မုန်တိုင်းသင့်ဒေသက လူတွေဆီကိုသွားတဲ့ ပွန်ဂျာခေါ်အကဲဖြတ်ပူးတွဲအဖွဲ့သားတွေ သွားရောက်စစ်ဆေးတဲ့နေရာမှာ ပိတ်ပင်တားဆီးမှုတွေကို မြန်မာအာဏာပိုင်တွေဘက်က မလုပ်တဲ့အတွက် မြန်မာစစ်အစိုးရကိုချီးကျူးလိုက်ပြီး သဘာဝဘေးအန္တရာယ်တွေ
လက်တွေ့ကြုံတွေ့ခဲ့ကြရတဲ့ ကျွမ်းကျင်သူတွေရဲ့ အကြံပေးချက်တွေကို လိုက်နာဖို့ တိုက်တွန်းပြောဆိုလိုက်ပါ
တယ်။ နယူးယောက်ခ် ကုလသမဂ္ဂ ဌာနချုပ်မှာ မြန်မာပြည်က ဆိုင်ကလုံးမုန်တိုင်းဒဏ်ခံခဲ့ရသူတွေအတွက် အကူအညီပေးဖို့ ဗုဒ္ဓဟူးနေ့က တင်သွင်းခဲ့တာတွေနဲ့ပတ်သက်ပြီးအပြည့်အစုံကို ဒေါ်ခင်မျိုးသက်က တင်ပြပေးထားပါတယ်။
မေလ မြန်မာနိုင်ငံမှ တိုက်ခတ်ခဲ့တဲ့ နာဂစ်ဆိုင်ကလုံးဒဏ်ကို ပြင်းပြင်းထန်ထန်ခံရသူ
၂ သန်းရှိနေပြီး သူတို့ကို အကူအညီတွေ ဆက်ပြီးပေးနိုင်အောင် နဂိုတောင်းခံထားတာ
ထက် ပိုပြီးလိုအပ်နေတယ်လို့ ကုလသမဂ္ဂ လူသားချင်းစာနာမှုဆိုင်ရာ အကြီးအကဲ
ဂျွန်ဟုမ်းလ်စ်က ပြောပါတယ်။
“ကုလသမဂ္ဂအဖွဲ့ ၁၃ ဖွဲ့နဲ့ အန်န်ဂျီအို အစိုးရမဟုတ်တဲ့အဖွဲ့ ၂၃ ဖွဲ့ မြန်မာနိုင်ငံ မုန်တိုင်း
သင့်ဒေသတွေမှာ သုံးစွဲနိုင်ဖို့ လိုအပ်တဲ့ငွေပမာဏ စုစုပေါင်း အမေရိကန်ဒေါ်လာ
၄၈၁.၈ သန်းကို တောင်းခံပါတယ်။ ဒါဟာ ကနဦးတောင်းခံငွေ ၂၀၁ သန်းထက်
နောက်ထပ်သန်းပေါင်း ၂၈၀ ပိုပြီးလိုအပ်ပါတယ်လို့ ဆိုလိုတာပါ။ ကနဦးတောင်းခံငွေ
ထဲက တချို့တ၀က်ကို ရထားပြီးပြီမို့ နောက်ထပ် သန်းပေါင်း ၃၀၃.၆ သန်း လိုအပ်နေ
ပါသေးတယ်။”
ဒီငွေတွေနဲ့ ရှေ့နှစ် ၂၀၀၉ ခုနှစ် ဧပြီလအထိ ဆက်ပြီး အကူအညီတွေပေးဖို့ လုပ်မယ်လို့
ဆိုပါတယ်။ လတ်တလော မြန်မာနိုင်ငံထဲမှာ မုန်တိုင်းသင့်ဒေသတွေဆီသွားပြီး စုံစမ်း
စစ်ဆေးခဲ့တဲ့နောက်ပိုင်း ဒုက္ခသည်တွေအတွက် လိုအပ်တဲ့အကူအညီတွေ အပြည့်အ၀
မရသေးဘူးဆိုတာ သိရတယ်လို့ မစ္စတာဟုမ်းလ်စ်က ပြောပါတယ်။
အခုတောင်းခံမှုကနေ မုန်တိုင်းသင့်ဒေသ အဆိုးဝါးဆုံး ၁၃ နေရာမှာ စိုက်ပျိုးရေး
လုပ်ငန်း၊ ပညာရေး၊ ကျန်းမာရေး၊ သတင်းအချက်အလက် ရရှိရေးနဲ့ သောက်ရေသန့်
ရရှိရေး ကိစ္စတွေအတွက် သုံးဖို့လျာထားတယ်လို့ ဆိုပါတယ်။ ကုလသမဂ္ဂ မြန်မာ
ကိုယ်စားလှယ် ဦးကျော်တင့်ဆွေကတော့ နိုင်ငံတကာအသိုင်းအ၀ိုင်းက အကူအညီ
ပေးချင်စိတ် ရှိကြတဲ့အတွက် မြန်မာအစိုးရဘက်က ၀မ်းသာတယ်လို့ ပြောကြားခဲ့ပြီး
ကယ်ဆယ်ရေးလုပ်ငန်းတွေကို မြန်မာအစိုးရနဲ့အတူ နိုင်ငံတကာက ဆောင်ရွက်သင့်
ပါတယ်လို့ ဆိုပါတယ်။
“နာဂစ်ဆိုင်ကလုံးမုန်တိုင်းဒဏ် ခံရသူတွေကို အဓိက ကူညီစောင့်ရှောက်ပေးရမှာက
နိုင်ငံတော်အစိုးရလို့ ကျနော်တို့ လက်ခံထားပါတယ်။ တချိန်တည်းမှာပဲ အခု နာဂစ်
ဆိုင်ကလုံးဒဏ်ကြောင့် ပျက်စီးခဲ့ရတဲ့ အတိုင်းအတာဟာ သိပ်ပြီးတော့ကြီးမားတာမို့
နိုင်ငံတကာအသိုင်းအ၀ိုင်းရဲ့ ထောက်ပံ့မှုတွေ၊ အကူအညီတွေလည်း လိုအပ်နေပါ
တယ်။”
ဒါ့အပြင် မြန်မာစစ်အစိုးရအနေနဲ့ မုန်တိုင်းသင့်ဒေသတွေမှာ အခြေအနေတွေ ပိုပြီး
ကောင်းမွန်လာစေဖို့ လုပ်ဆောင်နေတယ်လို့ ပြောသွားကြောင်းလည်း ရုံးချုပ်မှာ
သတင်းသွားယူတဲ့ မာဂရက် ဘက်ရှာနဲ့ မဟာဆက်တို့က ပြောပါတယ်။ နောက်ပိုင်း
သတင်းစာရှင်းလင်းပွဲမှာတော့ ဂျွန်ဟုမ်းလ်စ်နဲ့အတူ ကုလသမဂ္ဂ ရန်ကုန်ရုံးချုပ်က
ဒန်ဘေကာနဲ့ အာဆီယံ အလှည့်ကျသဘာပတိ ဆူရင် ပစ်ဆူဝန်တို့ကလည်း နောက်ဆုံး
အခြေအနေကို ရှင်းပြခဲ့ပါတယ်။
မစ္စတာဆူရင်က မုန်တိုင်းဒဏ်ခံရတဲ့ ဒေသတွေကို အပိုင်း ၁၂၈ ပိုင်းခွဲပြီး ပွန်ဂျာလို့
ခေါ်တဲ့ နာဂစ်ဒဏ်ခံရတဲ့ ဒေသတွေအတွက် အကဲဖြတ်တဲ့ ပူးတွဲအဖွဲ့က အဖွဲ့ဝင် ၃၀၀
ကျော် သွားရောက်စစ်ဆေးခွင့် ရရှိခဲ့တယ်လို့ ပြောပါတယ်။ ဒီလိုသွားရောက်စစ်ဆေးမှု
တွေကို အပိတ်ပင်မခံရတဲ့အပြင် ဇွန်လဆန်းကစပြီး ကုလသမဂ္ဂ၊ အာဆီယံနဲ့ မြန်မာ
စစ်အစိုးရ သုံးပွင့်ဆိုင်ဗဟိုအဖွဲ့ ပူးတွဲဆောင်ရွက်ခဲ့တဲ့အတွက် ရလာတဲ့ရလဒ်တွေကို
ပွန်ဂျာအစီရင်ခံစာအဖြစ်နဲ့ ဇူလိုင်လ ၂၁ ရက်နေ့ စင်ကာပူနိုင်ငံမှာ ကျင်းပမယ့်
အစည်းအဝေးကျရင် ထုတ်ပြန်ကြေညာမယ်လို့ ဆိုပါတယ်။
မုန်တိုင်းသင့်ဒေသတွေမှာ နောက်ဆက်တွဲ ဒုတိယကပ်ဆိုးအဖြစ်နဲ့ ရောဂါဘယဘေး
တွေ၊ ငတ်မွတ်ခေါင်းပါးမှုဘေးတွေ ဖြစ်လာနိုင်တယ်လို့ ကုလသမဂ္ဂက သတင်း
ထုတ်ပြန်မှုတွေ ရှိခဲ့ပေမယ့် အခုလိုတွက်ထားတာတွေ ဖြစ်မလာတာနဲ့ပတ်သက်ပြီး
ဒေသခံတွေဟာ ဓူပေဒါပေခံနိုင်စွမ်းရှိတာကို တွေ့ရတဲ့အပြင် ဒေသခံလူထုရဲ့အစွမ်းကို
လျှော့တွက်မိတယ်လို့လည်း မစ္စတာဟုမ်းလ်စ်က ပြောပါတယ်။
“ကျနော်တို့ လျှော့တွက်မိတဲ့ အချက်တချက်ရှိပါတယ်။ ဒါကလည်း ၀မ်းနည်းစရာပါ။
ဒေသခံ ပုဂ္ဂလိက ကူညီသူတွေဖြစ်တဲ့ ရဟန်းသံဃာတွေ၊ ဒေသခံအဖွဲ့အစည်းတွေနဲ့
ပုဂ္ဂိုလ်တဦးချင်းစီက နိုင်ငံတကာ အကူအညီတွေ ၀င်ခွင့်မရတဲ့ အစောပိုင်းအခြေအနေ
မှာ မုန်တိုင်းဒဏ်ခံရတဲ့သူတွေကို ကူညီပေးကြတဲ့ အတိုင်းအတာပါ။ ဒါကို လျှော့တွက်မိ
ခဲ့ပါတယ်။”
နိုင်ငံတကာကပေးတဲ့ အကူအညီတွေထဲမှာ ဗြိတိန်နိုင်ငံက အများဆုံး အကူအညီပေးခဲ့
သလို အမေရိကန်ပြည်ထောင်စုကလည်း အမေရိကန်ဒေါ်လာ ၄၅ သန်းဖိုး ကူညီခဲ့ပြီး
လေကြောင်းက အကူပစ္စည်း ၁၈၅ ခေါက် ပို့ပေးခဲ့တယ်လို့လည်း မစ္စတာဟုမ်းလ်စ်က
ပြောပါတယ်။