Tuesday, July 15, 2008

ဖက်ဆစ်လက်သစ်များအတွက်။

ဖက်ဆစ်လက်သစ်များအတွက်။

သန်း (၅၀)ကျော်လူထုဟာ
ရွှေ ရောင်အနာဂတ်အတွက် မျှော်လင့်နေတာ
မောင် မောင်ခေါ်တုန်း ဗျာထူးဖို့
အေး ချမ်းစွာ မျှော်လင့်နေတာ
ရွှေ ရောင်လွှမ်းတဲ့ တိုင်းပြည်ဖြစ်ဖို့
မန်း မှုတ်လို့ရရင် မှုတ်ချင်ပါရဲ့`
မြင့် မားခဲ့တဲ့ မြန်မာပြည်
ဆွေ စဉ်မျိုးဆက် ဒို့တစ်သက်
ခွေး ဖက်ဆစ်လက်တဆုတ်စာ တစ်စုကြောင့်
စိတ် ရင်းစေတနာ အရိုးခံနဲ့ဒို့ပြည်သူနဲ့ဒို့နောင်တော်တွေ
ဓါတ် စာကျွေးသလို စတေးပေးခဲ့ရတာ
ခြင်း အတူတူပဲ မို

တစ်ခွန်းထဲသော စကားပြောလိုက်မယ်
မင်းတို့ စစ်အာဏာရှင်လက်တဆုတ်စာ တစု
အလှည့်ကျရင် မနွဲ့ကြနဲ့။

ဒို့ပြည်သူတွေ ဒဏ်ခတ်မယ်
သန်းရွှေအပါအ၀င် နောက်လိုက်တစ်သိုက်
သတိသာထားနေကြပေတော့။

လူထုတရပ်လုံးအတွက် စတေးခံ အ ကောင်း ဆုံး မြေ သြ ဇာ (BM-1)

ကြပ်ပြေးအရှုပ်တော်ပုံ ၃၊



အင်္ဂါသတင်းများ

PhotobucketPhotobucketPhotobucketPhotobucket
ဘလော့ဂ်ဖြင့် တုံ့ပြန်ရန် ဝန်ကြီးဌာနများကို တိုက်တွန်း
နန်းဒေဝီ
အင်္ဂါနေ့၊ ဂျူလိုင်လ 15 2008 17:04 - မြန်မာစံတော်ချိန်
နယူးဒေလီ။ ။ ပြည်ပ သတင်းမီဒီယာများအား တုံ့ပြန်ချေပမည့် ဘလောဂ့်များ ဖန်တီးရေးသားမှု အားမြှင့်လုပ်ဆောင်ရန် စစ်အစိုးရက ဝန်ကြီးဌာနများအား တိုက်တွန်းထားသည်။
ဝန်ကြီးဌာနတိုင်းတွင် “Blog လုပ်ငန်း ကြီးကြပ်မှု ကော်မတီ” က အရာရှိ ကြီးငယ်မဟူ စိတ်ပါဝင်စားသူ မည်သူမဆို ပြည်ပအခြေစိုက်
မီဒီယာများ၏ ထုတ်လွှင့် ရေးသားချက်များအား လက်တုံ့ပြန် ရေးသားတင်ပြရန် စီစဉ်ထားခြင်း ဖြစ်သည်၊။ ယခင် နှစ်ကုန်ပိုင်းက စတင်ခဲ့သည့် ပရောဂျက်ကို ပြန်လည် တွန်းအားပေး အသက်သွင်းမှု ယခုပြုလုပ်လာခြင်း ဖြစ်သည်။
“ဝန်ကြီးဌာနတွေက မလုပ်မနေရဆိုပြီး အတင်းတိုက်တွန်း လုပ်တာတော့ မရှိပါဘူး။ နိုင်ငံတော်အဆင့် လုပ်တာ မဟုတ်ဘူးဗျ။ ကိုယ့်အသိုင်းအဝိုင်းထဲမှာ ကိုယ်လုပ်တာလေ။ ကိုယ့်ဌာနနဲ့ ကိုယ် လုပ်တာပါ။ အဲလို အကြီးအကျယ် လုပ်တာမဟုတ်ဘူး။ ကျနော်တို့ လှုပ်ရှားမှု တခုအနေနဲ့ပဲ ဆောင်ရွက်တာပါ” ဟု နေပြည်တော်ရှိ “စီးပွား၊ ကူးသန်း ဝန်ကြီးဌာန ကုန်သွယ်ရေး ဦးစီးဌာန” ညွန်ကြားရေးမှူး ဦးမင်းမင်း က မဇ္ဈိမကို ပြောသည်။
ဆက်သွယ်ရေး၊ ကုန်သွယ်ရေးနှင့် လယ်ယာ စိုက်ပျိုးရေး ဝန်ကြီးဌာနများတွင် ဘလော့ဂ် ကြီးကြပ်ရေး ကော်မတီများ ထားရှိပြီ ဖြစ်သည်။ ကော်မတီများတွင် သက်ဆိုင်ရာဝန်ကြီးက နာယကအဖြစ် တာဝန်ယူပြီး ဒုဝန်ကြီးများ ဦးဆောင်ညွန်ကြားရေးမှူးများ ပါဝင် လုပ်ဆောင်နေရသည်။
“ဘလော့ဂ်ကတော့ ကျနော်တို့ ဌာနတွေက ဝန်ထမ်းတွေအနေနဲ့ ICT (Information, Communication and Technology) လုပ်ငန်း လုပ်နေရတဲ့ အခါကျတော့ ICT နဲ့ ပတ်သက်ပြီးတော့ ပိုပြီး လုပ်နိုင်အောင်လို့၊ ဌာနအလိုက် ကိုယ်လုပ်နေတဲ့ တကယ့်လက်ရှိ အရှိလေးတွေကို ဘလော့ဂ်မှာ ရေးနိုင်အောင် ကျနော်တို့ သင်ထားပေးတာပါ” ဟု ဦးမင်းမင်းက ထပ်ပြောသည်။
Myanmar Today (http://myanmartodayblog.blogspot.com) ၊ ရွှေရောင်ခံစားမှု (http://testgolden.blogspot.com) တို့သည် အစိုးရ စီမံကိန်းအောက်မှ ရေးသားလာသော ဘလော့ဂ်များတွင် ပါဝင်သည်။
ဘလော့ဂ်ဒီဇိုင်း၊ တည်ဆောက်ရာတွင် တုံ့ပြန်ရေးသားမည့် သတင်း အကြောင်းအရာ၊ ကိုးကားသည့် အချက်၊ မှတ်တမ်းများ ခိုင်မာကောင်းမွန်မှု ရှိ၊ မရှိ၊ တဖက် စွပ်စွဲချက်ကို ပြန်လည် ချေပနိုင်မှုအပြင် အခြား အချက်အလက်များကိုပါ ထည့်သွင်း အမှတ်ပေးထားကာ အကောင်းဆုံး ရေးသား တင်ပြနိုင်သူကို ဆုပေးမည်ဟု ကော်မတီတခုက ကြေညာထားသည်။
ယခု ပရောဂျက်အောက် ပါဝင်ရေးသားသူများကလည်း ဘီဘီစီ၊ ဗီအိုအေ၊ အာအက်အေ၊ ဒီဗီဘီနှင့် အင်တာနက် ဝဘ်ဆိုဒ် သတင်းဌာနများမှ အသံထုတ်လွင့်ချက်များ၊ ဖော်ပြ ရေးသားချက်များအပေါ် ဖြစ်သည့် သတင်းဆောင်းပါးများအပေါ် သူတို့၏ အမြင်ဖြင့် တုံ့ပြန်ညွန်းဆို ရေးသား ဝေဖန်ထားကြသည်။
မြန်မာ ဘလော့ဂ်များ ဖြစ်ပေါ်တိုးတက်မှုနှင့် ပတ်သက်၍ စောင့်ကြည့် လေ့လာနေသူတဦးက ပြည်တွင်းဘလော့ဂ်ဂါတဦးက ယခုဘလော့ဂ်များသည် စစ်အစိုးရ၏ မီဒီယာကို မီဒီယာနှင့် တိုက်ဖျက်သွားမည့် ဝါဒဖြန့်ချီရေး စီမံကိန်း၏ တစိတ်တဒေသဟု ပြောသည်။
သို့သော် ဦးမင်းမင်းကမူ ဝါဒဖြန့် စစ်ဆင်ရေး မဟုတ်ပါဟု ငြင်းဆိုလိုက်ပြီး အိုင်တီနှင့်အကျွမ်းတဝင် ဖြစ်ရေးအတွက်သာဟု ပြောဆိုသွားသည်။

ဂန်ဘာရီ မြန်မာပြည် ခရီးစဉ် ရွှေ့ဆိုင်း
ဧရာဝတီ | ဇူလိုင် ၁၅၊ ၂၀၀၈
ကမ္ဘာ့ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးကိုယ်စားလှယ် မစ္စတာ အီဘရာဟင် ဂန်ဘာရီ ၏ ယခုလအတွင်း မြန်မာနိုင်ငံသို့သွားရောက်မည့် ခရီးစဉ်ကို အချိန်ရွေ့ဆိုင်း လိုက်သည်။

နယူးရောက် ကုလသမဂ္ဂရုံးချုပ်တွင် လက်ရှိ မြန်မာနိုင်ငံ အခြေအနေနှင့် ပတ်သက်ပြီး သတင်းထောက်များကို ရှင်းလင်းပြောဆို နေသော မစ္စတာ ဂန်ဘာရီ (ဓာတ်ပုံ - UN Photo/Evan Schneider)
ယင်းသို့ ရွေ့ဆိုင်းရခြင်းမှာ ကုလသမဂ္ဂ၏ မြန်မာနိုင်ငံနှင့်ပတ်သက်သည့် ဆုံးဖြတ်ချက်များကို လက်တွေ့ အကောင်အထည်ဖော်ရာတွင် ရလဒ်ကောင်း များပေါ်ထွက်လာရန် မလွယ်ကူသော အခြေအနေ ဖြစ်သော ကြောင့်ဟု သိရသည်။
ယခုအချိန်တွင် ကုလသမဂ္ဂသည် အာဆီယံနှင့် ပူးပေါင်း၍ မြန်မာနိုင်ငံရှိ နာဂစ် မုန်တိုင်း ဒဏ်ခံရသည့် ဒေသ များတွင် လူသားချင်းစာနာမှုဆိုင်ရာ ကူညီ ကယ်ဆယ်ရေးများနှင့် အလုပ်များနေသည့်အတွက်ကြောင့် ကုလ သမဂ္ဂအနေ နှင့် နောက်ထပ် လုပ်ငန်းစဉ်တရပ်ကို ဆောင်ရွက်နိုင်ခြင်း မရှိသေးသည့်အတွက် ဖြစ်သည်ဟု ကုလသမဂ္ဂ တာဝန်ရှိ သူ တဦးက ပြောသည်။
မစ္စတာ ဂန်ဘာရီ၏ မြန်မာနိုင်ငံခရီးစဉ်တွင် ဒီမိုကရေစီဖော်ဆောင်ရေးနှင့် အမျိုးသားပြန်လည်သင့်မြတ်ရေး အပါအ၀င် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် နိုင်ငံရေး အကျဉ်းသားများလွတ် မြောက်ရေးတို့ ပါဝင်မည်ဖြစ်သည်ဟု ဆိုသည်။
ယခုလ ၁၁ရက်နေ့ကလည်း မစ္စတာဂန်ဘာရီသည် အထွေထွေညီလာခံ ဥက္ကဌ မစ္စတာ ဆာဂျန် ကာရမ် (Srgjan Kerim) နှင့် တွေ့ဆုံကာ စစ်အစိုးရ၏ ဒီမိုကရေစီ တိုးတက်ပြောင်းလဲမှုအခြေအနေနှင့် မုန်တိုင်းဒဏ် ကြောင့် ပျက်စီးဆုံးရှုံးမှုများအတွက် ကယ်ဆယ်ရေး အခြေအနေများကို ဆွေးနွေးခဲ့သေးသည်။
မစ္စတာ ဂန်ဘာရီသည် ယခုနှစ် မတ်လ ၆ ရက်နေ့က မြန်မာနိုင်ငံသို့ နောက်ဆုံးအကြိမ် ရောက်ရှိခဲ့ပြီး ၂၀၀၇ ခုနှစ် အတွင်းကလည်း မြန်မာနိုင်ငံသို့၂ ကြိမ် လာရောက်၍ စစ်အစိုးရခေါင်းဆောင်များ၊ ဒေါ်အောင်ဆန်း စုကြည် အပါအဝင် အန်အယ်လ်ဒီ အလုပ်အမှုဆောင်အဖွဲ့ဝင်များ၊ တိုင်းရင်းသား ကိုယ်စားလှယ်များနှင့် တွေ့ဆုံ ဆွေးနွေးခဲ့သည်။ ယင်း ခရီးစဉ်များနှင့်ပတ်သက်၍ ကမ္ဘာ့ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်းက တိုးတက်မှုနည်းပါး၍ စိုးရိမ်ကြောင်း ထုတ်ဖော်ပြောကြားခဲ့ဖူးသည်။
ကုလသမဂ္ဂ၏ လူသားချင်းစာနာမှုဆိုင်ရာ အရာရှိချုပ် John Holms ကလည်း မြန်မာနိုင်ငံတွင်း မုန်တိုင်း ဒဏ်သင့်ဒေသနှင့် သက်ဆိုင်သည့် ကုလသမဂ္ဂ၏ ကူညီပေးရေး ရည်မှန်းချက်များကို ဆက်လက်ဆောင်ရွက် သွားမည် ဖြစ်ကြောင်းသိရသည်။
ကုလသမဂ္ဂအနေနှင့် ကမ္ဘာ့အရေးများကိုဆောင်ရွက်ရာတွင် မြန်မာနိုင်ငံတွင်း လူသားချင်းစာနာမှုဆိုင်ရာ လုပ်ဆောင်ချက် များနှင့် နိုင်ငံရေးပြဿနာများအတွက် တိကျ ခိုင်မာသည့်ရလဒ်များ အကောင်အထည် ပေါ် လာရန် ဦးစားပေးဆောင်ရွက် သွားမည်ဖြစ်ကြောင်း ကုလသမဂ္ဂ သံတမန်များက ပြောဆိုသည်။

၂ဝ၁ဝ ရွေးကောက်ပွဲ ဝင်မလား၊ ကန့်ကွက်မလား
မဇ္ဈိမသတင်းဌာန
အင်္ဂါနေ့၊ ဂျူလိုင်လ 15 2008 18:46 - မြန်မာစံတော်ချိန်
ဦးအေးသာအောင် (အတွင်းရေးမှူး၊ လွှတ်တော်ကိုယ်စားပြု ကော်မတီ - စီအာပီပီ)

မေး။ ၂ဝ၁ဝ ရွေးကောက်ပွဲနဲ့ ပတ်သက်ပြီး အန်ကယ်တို့အနေနဲ့ ဘယ်လို သဘောထား ရှိပါသလဲ ခင်ဗျ။
ဖြေ။ ဒါတွေကို အန်ကယ်တို့အနေနဲ့ လက်မခံပါဘူး။ ဆန္ဒခံယူပွဲရော၊ ၂ဝ၁ဝ ရွေးကောက်ပွဲရောကို လက်မခံနိုင်ပါဘူး။ ရွေးကောက်ပွဲကိုလည်း ဝင်မှာ မဟုတ်ဘူး။

မေး။ ဘာကြောင့် လက်မခံနိုင်တာလဲခင်ဗျ။
ဖြေ။ အဓိကကတော့ နအဖရဲ့ လမ်းပြမြေပုံ ၇ ဆင့်မှာ ဖွဲ့စည်းအုပ်ချုပ်ပုံ ဥပဒေ ရေးဆွဲတာ၊ အခြေခံဥပဒေ ရေးဆွဲတဲ့ အနှစ်သာရ၊ အဓိကအားဖြင့် လုပ်ငန်းစဉ်တွေ အားလုံးဟာ ၉ဝ ရွေးကောက်ပွဲမှာ အနိုင်ရထားတဲ့ နိုင်ငံရေးပါတီကို အဓိက မထားဘူး၊ အလေးအနက် မထားဘူး။ နအဖက တဖက်သတ်လုပ်နေတဲ့ လုပ်ရပ်တွေ ဖြစ်တယ်။ ဒါ့အပြင် ဖွဲ့စည်းအုပ်ချုပ်ပုံ အခြေခံဥပဒေမှာ တပ်မတော်က ၂၅ ရာခိုင်နှုန်းကို ယူထားတဲ့အပြင် နိုင်ငံရေး ဦးဆောင်မှု အခန်းကဏ္ဍမှာ ပါရမယ်ဆိုတဲ့ အတွက်ကြောင့်၊ အဓိကအနေနဲ့ (၁) ဒီဖွဲ့စည်းပုံမှာ ဒီမိုကရေစီ နိုင်ငံဖြစ်ဖို့ ဦးတည်တာ မဟုတ်ဘူး။ တိုင်းရင်းသားတွေရဲ့ အခွင့်အရေးကိုလည်း ဖော်ဆောင်မယ့် ဖွဲ့စည်းပုံ မဟုတ်ဘူး။ ဒါကြောင့်မို့လို့ လက်မခံဘူး။ ဒါကြောင့်မို့လို့ ဒီ ဖွဲ့စည်းပုံကို ပြည်သူလူထုနဲ့ တွဲပြီးတော့ ဆန္ဒခံယူပွဲနဲ့ ပတ်သတ်လို့လည်း လက်မခံဘူး၊။ ၂ဝ၁ဝ ရွေးကောက်ပွဲနဲ့ ပတ်သက်လို့ လက်မခံနိုင်ဘူး။ ဒါပဲ။
စီအာပီပီ က အစည်းအဝေး မခေါ်တာ ကြာပြီ။ စီအာပီပီ ရဲ့ သဘောထားကို ပြောတာထက် အန်ကယ်ရဲ့ ကိုယ်ပိုင် သဘောထားကို ပြောတာ။ စီအာပီပီ က မူလ သဘောထားကတော့ အကောင်အထည် ဖော်ရမယ်။ ပြည်သူလွှတ်တော်ကို ခေါ်ပေးရမယ်။ ဒါတွေနဲ့လည်း မကိုက်ညီဘူး။

မေး။ ၂ဝ၁ဝ ရွေးကောက်ပွဲ လုပ်လာရင် ၉ဝ ခုနှစ် ရွေးကောက်ပွဲရလဒ်က ပျက်ပြယ် မသွားနိုင်ဘူးလား ခင်ဗျ။
ဖြေ။ မပျက်ပြယ်နိုင်ဘူး။ ၉ဝ ရွေးကောက်ပွဲကို တစုံတခု အတိုင်းအတာအထိ အကောင်အထည် မဖော်ဘူးဆိုရင် ဒါပျက်ပြယ်သွားတယ်လို့ ပြောလို့မရဘူး။ ရွေးကောက်ပွဲရဲ့ သက်တမ်းကို ဘာနဲ့တိုင်းတာလို့ ရမလဲ။ လွှတ်တော် ခေါ်ရမယ်။ လွတ်တော်မှာ လွှတ်တော် ကိုယ်စားလှယ်များကို အသိအမှတ် ပြုရမယ်။ ဒါတွေ မလုပ်ဘဲနဲ့ ပျက်ပြယ်သွားပြီလို့ ပြောတဲ့လူကို အန်ကယ်တို့ လက်မခံနိုင်ဘူး။

မေး။ မြန်မာအလင်း သတင်းစာမှာ ရိပ်ဖမ်းသံဖမ်း ရေးနေတဲ့အပေါ် အန်ကယ်တို့အနေနဲ့ ဘယ်လို ပြောချင်ပါသလဲ။
ဖြေ။ (၁) အချက် နိုင်ငံတော်ကို တာဝန်ယူထားတဲ့ အစိုးရ တရပ်အနေနဲ့ တာဝန်ယူရမယ်။ ကိုယ်လုပ်ခဲ့တဲ့ ရွေးကောက်ပွဲပေါ်မှာ အကောင်အထည် ဖော်ရမယ်။ အဲဒါကို မဖော်ဘဲနဲ့ တရားမဝင်ဘူးလို့ ပြောရင် ဒါ မမှန်ဘူး။ နောက်တခါ သတင်းစာတွေမှာ အစိုးရအာဘော်လား၊ ဘယ်သူ့အာဘော်လား မသိဘူး။ အဲလို ရေးနေတာကိုက တရားမဝင်ဘူး။

မေး။ ဆန္ဒခံယူပွဲကိုရော၊ ၂ဝ၁ဝ ရွေးကောက်ပွဲကိုရော လက်မခံဘူးဆိုတော့ အန်ကယ်တို့အနေနဲ့ ၉ဝ ရွေးကောက်ပွဲနဲ့ ပတ်သတ်ပြီး အန်ကယ်တို့ ဘယ်လိုမျိုး ဆက်လက် ဆောင်ရွက်သွားမလဲဗျ။
ဖြေ။ အခု နအဖ က ဘယ်လိုပဲ တဖက်သတ် လုပ်လုပ် တိုင်းရင်သား အင်အားစုတွေ၊ ဒီမိုကရေစီ အင်အားစုတွေ ပြည်သူတွေကတော့ လက်မခံဘူး။ အဲဒီလို အင်အားစုတွေကတော့ ဒီတိုင်းပြည်ကို ဒီမိုကရေစီ ထွန်းကားဖို့ တိုင်းရင်းသားတွေရဲ့ အခွင့်အရေးရဖို့၊ တိုင်းရင်းသား စည်းလုံးညီညွတ်ရေးနဲ့ အမျိုးသား ပြန်လည်သင့်မြတ်ရေးကို တည်ဆောက်ဖို့အတွက် ပူးပေါင်းပြီးတော့၊ ဆက်လက်ပြီးတော့ ကြိုးပမ်းသွားမှာ ဖြစ်တယ်။

မေး။ ၂ဝ၁ဝ ရွေးကောက်ပွဲကို ဆက်ပြီးတော့ မဖြစ်မနေ လုပ်သွားမယ်ဆိုရင် အန်ကယ်တို့က ဘယ်လို ရပ်တည်သွားမလဲဗျ။
ဖြေ။ ဒါကတော့ နအဖ ဟာ ဘာကြောင့် တဖက်သတ် လုပ်သလဲ။ လုပ်ပေမယ့်လည်း အန်ကယ်တို့အနေနဲ့ ကိုယ်မူနဲ့ကိုယ် ရပ်တည်နေတယ်။ ဆက်ပြီးတော့လည်း ရပ်မှာဖြစ်တယ်။

မေး။ အတင်းအကျပ်လုပ်လာရင် ၉ဝ ရွေးကောက်ပွဲ ရလဒ်ကို ပယ်ဖျက်လိုက်တဲ့ သဘောမျိုး သက်ရောက် မနေဘူးလား ခင်ဗျ။
ဖြေ။ သူတို့က ဒီလိုမျိုး လုပ်နေကြတာပဲ။ ၉ဝ ခုနှစ် ရွေးကောက်ပွဲကို ပယ်ဖျက်လို့ ဘယ်လိုမှ မဖြစ်နိုင်ဘူး။

မေး။ ၂ဝ၁ဝ ရွေးကောက်ပွဲနဲ့ပတ်သက်ပြီး ဘာဆက်ပြောချင်ပါသေးလဲဗျ။
ဖြေ။ အန်ကယ်တို့က ၂ဝ၁ဝ ရွေးကောက်ပွဲကို လက်မခံဘူး။ ဆန္ဒခံယူပွဲကို လက်မခံခဲ့သလို၊ ဖွဲ့စည်းပုံကိုလည်း လက်မခံခဲ့သလို ၂ဝ၁ဝ ရွေးကောက်ပွဲကို လက်မခံဘူး။ ပြင်လည်း မပြင်ဘူး။ တူရာတူရာ တိုင်းရင်းသားတွေ၊ ဒီမိုကရေစီ အင်အားစုတွေ လက်တွဲပြီးတော့ ရပ်တည်သွားမယ်။ သူတို့လုပ်သမျှကို လိုက်မလုပ်နိုင်ဘူး။ သူတို့ တဖက်သတ် လုပ်တိုင်းကို လိုက်မလုပ်နိုင်ဘူး။

ရဲဘော် ဖိုးသံချောင်း (ပြောရေးဆိုခွင့်ရှိသူ၊ ဗမာပြည် ကွန်မြူနစ်ပါတီ)
မေး။ ၂ဝ၁ဝ မှာ ကျင်းပမယ့် ရွေးကောက်ပွဲကို အကိုတို့အနေနဲ့ ဘယ်လို့ မြင်ပါသလဲ ခင်ဗျ။
ဖြေ။ ၂ဝ၁ဝ ရွေးကောက်ပွဲဟာ ဟိုတလောက အတည်ပြုလိုက်တဲ့ ဖွဲ့စည်းပုံ ဥပဒေဘောင်ထဲမှာ လုပ်မယ့် ရွေးကောက်ပွဲ ဖြစ်တယ်။ ဆိုလိုတာကတော့ စစ်အစိုးရ ဖွဲ့စည်းပုံအတိုင်း အာဏာ တည်မြဲရေးအတွက် လုပ်ထားတဲ့ ဘောင်ထဲမှာ လုပ်ရတဲ့ ရွေးကောက်ပွဲ ဖြစ်တယ်။ ဒီရွေးကောက်ပွဲဟာ ပြည်သူလူထု ရွေးချယ်ခဲ့တဲ့ ၁၉၉ဝ ရွေးကောက်ပွဲနဲ့ နှိုင်းယှဉ်လို့ လုံးလုံး မရဘူး၊ မဖြစ်နိုင်ဘူး။ အများကြီး ကွာတယ်။ အခု ရွေးကောက်ပွဲကနေ ရွေးကောက်လာမယ့် အမတ် အရေအတွက်မှာ စစ်တပ်က သူတို့အတွက် ၄ ပုံ၊ ၁ ပုံ ထားပြီးသား။ ကျန်တဲ့ နေရာတွေအတွက် ရွေးရမှာ ဖြစ်တယ်။ အဓိကနေရာတွေ တိုင်းပြည်အတွက် အဓိက နေရာတွေ၊ ဌာနတွေကို စစ်တပ်က ဦးစီးထားပြီးသား ဖြစ်တယ်။ ဒါကြောင့်မို့လို့ အခုရွေးကောက်ပွဲက ရွေးချယ်တင်မြှောက်လိုက်တဲ့ အမတ်ဟာ အမတ်ဦးရေအားဖြင့်ရော၊ ဒါမှမဟုတ်ရင် လုပ်ပိုင်ခွင့်အားဖြင့် သော်လည်းကောင်း စစ်အစိုးရရဲ့ လက္ခဏာ၊ စစ်အုပ်စုက ဗမာပြည်ကို ချုပ်ကိုင်ထားတဲ့ လက္ခဏာ၊ စစ်အာဏာရှင်ဆိုတဲ့ လက္ခဏာကို ဘယ်လိုမှ မပြောင်းလဲနိုင်ဘူး။

မေး။ အဲဒီလိုဆိုတော့ NLD အနေနဲ့ ဘယ်လို ရပ်တည်သင့်တယ်လို့ မြင်ပါသလဲ။
ဖြေ။ ကျနော်တို့ အဖွဲ့အစည်းအနေနဲ့ အမှန်အတိုင်း ပြောရရင် တခြားအဖွဲ့စည်းတွေကို ဘယ်လိုလုပ်ပါ ဆိုပြီးတော့ ပြောလို့ မသင့်တော်ဘူး။ ပြောလေ့လည်း မရှိဘူး။
ကျနော် ပြောနိုင်တာကတော့ NLD ဟာ NLD အနေအထားဟာ သူက ၁၉၉ဝ ရွေးကောက်ပွဲမှာ လူထုက ရွေးချယ်ပေးထားတာ ဖြစ်တယ်။ အဲဒါကြောင့်မို့ သူတို့ စဉ်းစားတဲ့ နည်းက ကျန်တဲ့ လူတွေ စဉ်းစားတာနဲ့ တူချင်မှ တူမယ်။ ကျန်တဲ့လူတွေ လုပ်တဲ့ဟာမျိုး သူတို့ လုပ်မရတာ။ သူတို့ဘက်က ကြည့်လိုက်လို့ ရှိရင်လည်း သူတို့နောက်မှာ ပြည်သူလူထု ရှိတယ်။ ကျန်တဲ့လူတွေမှာ နောက်ခံအင်အား မရှိဘူး။ အဲဒီလို အနေအထားတွေပေါ် မူတည်ပြီးတော့ သင့်တော်စွာ သူတို့ဘာသာ သူတို့ လုပ်နိုင်လိမ့်မယ်လို့ မျှော်လင့် ယုံကြည်တယ်။

မေး။ ကွန်မြူနစ် ပါတီကရော ၂ဝ၁ဝ မှာ ဘယ်လိုမျိုး ရပ်တည်သွားမလဲဗျ။
ဖြေ။ ကျနော်တို့က ခုနက အခြေခံ၊ ရွေးကောက်ပွဲရဲ့ အခြေခံ။ အဲဒီလိုဆိုတော့ ရွေးကောက်ပွဲရယ်လို့ လက်တွေ့ ကျင်းပလာမယ်ဆိုရင်၊ ကျင်းပလာပြီဆိုရင် သပိတ်မှောက်ဖို့ ဆိုရင်တော့ မတော်ဘူး။ ကျနော်တို့ ပြည်သူလူထု အနေနဲ့ သူတို့ စစ်ဗိုလ်တွေ လုပ်ချင်ရာလုပ်တော့ ဆိုပြီးတော့ လွှတ်တော်တခုလုံး ထိုးအပ်တဲ့ဟာမျိုး မဖြစ်အောင်လည်း စဉ်းစားသင့်တယ်လို့ ထင်တယ်။ နောက်ပြီးကျတော့ ပြည်သူလူထုဆိုတာလည်း အမျိုးမျိုးရှိတယ်။ စဉ်းစားနည်းတွေလည်း အမျိုးမျိုး ရှိတယ်။ တချို့ကလည်း ရွေးကောက်ပွဲ ဝင်ချင်တယ်။ လက်ဆုံစားချင်တယ်။ တချို့ကလည်း မစားချင်တော့ဘူး။ အဲဒါမျိုးတွေ ရှိနိုင်တယ်။ တချို့ စားချင်တဲ့လူတွေ အားပေးရမယ်၊ ပျော်ပျော်ပါးပါး စားစေချင်တယ်။ သူတို့စားမယ့်ဟာက အစိုးရကို ထိပ်တိုက်တွေ့မယ်၊ ရင်ဆိုင်မယ်ဆိုတဲ့ ရည်ရွယ်ချက်နဲ့ တွေ့တာ။ အားပေးသင့်တယ်လို့ ကျနော် ထင်တယ်။ အဲဒီလိုလူတွေ ရွေးကောက်ဝင်တာ ဝင်သင့်တယ်လို့ ထင်တယ်။ ရွေးကောက်ပွဲကို သပိတ်မှောက်လိုက်တဲ့ ဟာမျိုး၊ ဥပေက္ခာ ပြုလိုက်တာမျိုး မဖြစ်သင့်ဘူး။

မေး။ ပါတီအနေနဲ့ မြေပေါ်မှာ ပြန်လည်လှုပ်ရှားဖို့ ရည်ရွယ်ချက်မျိုး ရှိလား။ ၂ဝ၁ဝ မှာ ရွေးကောက်ပွဲ ဝင်ရောက်ယှဉ်ပြိုင်ဖို့ ရှိလား။
ဖြေ။ ကျနော်တို့ အဖွဲ့အစည်းက မြေပေါ်မှာ ရပ်တည်ခွင့် ရမှ မရတာ။ ကျနော်တို့ကို မြေပေါ်ရပ်တည်ခွင့် ပြုလို့ရှိရင် မြေပေါ်ပါတီတခု အနေနဲ့ သင့်တော်တဲ့ လုပ်ငန်းစဉ်၊ လမ်းစဉ်တွေ ပြန်ချမှတ်ပြီးတော့ လုပ်သွားမှာ အမှန်ပဲ။ ကျနော်တို့ဟာ အစောကြီးကတည်းက ၁၉၉ဝ ခုနှစ် အပြီးကတည်းက စစ်အစိုးရဆီကို ဗြောင်ပြောပြီးသားပဲ။ ကျနော်တို့ ပါတီအနေနဲ့ တခြား အဖွဲ့အစည်းများနည်းတူ တရားဝင် ရပ်တည်ခွင့် တခုသာ လိုချင်ပါတယ်။ တခြား ဘာမှ တောင်းတာ မဟုတ်ပါဘူး၊ အတိအလင်း ပြောပြီးသား။ အဲဒီတုန်းက ကွန်မြူနစ် ဆန့်ကျင်ရေး၊ ဆိုရှယ်လစ် ဆန့်ကျင်ရေး ဆိုတဲ့ အဖွဲ့အစည်းလို ဟာမျိုးတွေတောင်မှ ဆိုင်းပုဒ်ထောင်ခွင့် ရတယ်။ ကျနော်တို့ ဆိုင်းပုဒ်ထောင်ခွင့် မရဘူး။ အဲဒီတုန်းက အဲဒီလို တင်ပြခဲ့တာ ရှိတယ်။

မေး။ ၂ဝ၁ဝ ရွေးကောက်ပွဲမှာ ဝင်ရောက် ယှဉ်ပြိုင်ဖို့အတွက် ပါတီထောင်ခွင့် ရှိတယ်ဆိုရင် ကွန်မြူနစ်ပါတီ အနေနဲ့ မဟုတ်ဘဲ တခြားနာမည်နဲ့ ပါတီထောင်ဖို့ ရည်ရွယ်ချက် ရှိပါသလား။
ဖြေ။ ကျနော်တို့ ကွန်မြူနစ်ပါတီက ကွန်မြူနစ်ပါတီအတိုင်း ရပ်တည်မှာဖြစ်ပြီး တခြား နာမည်နဲ့တော့ ပါတီထောင်ဖို့ ရည်ရွယ်ချက် မရှိပါဘူး။

မေး။ အခု ၂ဝ၁ဝ မှာ ပါတီတွေဖွဲ့ဖို့ လုပ်ရမယ်ဆိုတော့ တစညတို့၊ ကြံ့ဖွံ့တို့က ပါတီတွေ ထောင်လာနိုင်မယ့် အနေအထား ရှိပါသလား။
ဖြေ။ ဝင်လာမယ်လို့ ကျနော်တို့ တွက်ထားတယ်။ သူတို့နဲ့ နီးစပ်တဲ့ အဖွဲ့တွေ၊ အရေအတွက်အရ များသထက် များအောင် လုပ်မယ်။ ငြိမ်းအဖွဲ့တွေကိုလည်း အတင်း ထောင်ခိုင်းမှာပဲ။

မေး။ တချို့ ငြိမ်းအဖွဲ့တွေက ပါတီထောင်လို့ရှိရင် လက်နက်ကိုင်လမ်းစဉ် စွန့်ရမယ်ဆိုတဲ့ ဟာမျိုးတွေ ရှိတဲ့အတွက်ကြောင့် ငြိမ်းအဖွဲ့ရဲ့ သဘောထားတွေနဲ့ ပတ်သက်ပြီးတော့ ဘယ်လိုမြင်လဲခင်ဗျ။
ဖြေ။ သူတို့ အနေအထားတွေ ရှိပါတယ်။ တချို့က နားလည်ယူရမယ့် ဟာလေးတွေ ရှိတယ်။ ကျန်တဲ့ အဖွဲ့အစည်းတွေနဲ့ တိုက်ရိုက်ပုံတူ မရဘူး။ ဗမာပြည်ရဲ့ နိုင်ငံရေး အခြေအနေအရ မတူတဲ့ဟာတွေ အမျိုးမျိုးရှိတယ်။ အဲဒီအတွက်ကြောင့် တပြေးညီ သတ်မှတ်တောင်းဆိုလို့ မရဘူး။ မတူတဲ့ အနေအထားအရ ကျနော်တို့ တမူထူးခြားတဲ့ အနေအထားရှိတယ်။ သာမန် ဗမာပြည်က ပုံမှန်လည်ပတ်နေတာ မဟုတ်ဘူး၊ နောက်တခါ မတူတဲ့ အနေအထားတွေမှာ ကျနော်တို့ အသိအမှတ်ပြု၊ အဲဒါတွေအရ အကြိမ်ကြိမ် ခွဲခြမ်းစိတ်ဖြာတဲ့ အဖွဲ့အစည်းတခု လူတဦးချင်း သုံးသပ်တာ အဲဒီလို လုပ်သင့်တယ်။

မေး။ ၂ဝ၁ဝ မှာ ရွေးကောက်ပွဲတွေ ဖြစ်လာလို့ရှိရင် ဝင်ပြိုင်မယ့် ပါတီတွေလည်း ရှိလာမယ်။ အဲဒီလို ရှိလာလို့ရှိရင် NLD ရဲ့ အခန်းကဏ္ဍက ဘယ်ရောက်သွားမယ်လို့ ထင်လဲခင်ဗျ။
ဖြေ။ သူတို့က ဘယ်အခြေအနေ၊ ဘယ်ခြေလှမ်း လှမ်းမယ်ဆိုတာ တိုက်ရိုက် ဆက်နေတယ်လို့ ထင်တယ်။ ကျနော်တို့ သဘောကတော့ NLD ဟာ ပြည်သူလူထုနဲ့ ငြိမ်းငြိမ်းချမ်းချမ်း ရပ်တည်နိုင်မှ အသက်ရှည်မယ်လို့ တင်တယ်။ ပြည်သူလူထုနဲ့ ကင်းကွာသွားလို့ရှိရင် အသက်တိုမယ်လို့ ထင်တယ်။ အဲဒါ တရားသဘော ပြောလိုက်တာပါပဲ။

မေး။ ၂ဝ၁ဝ ရွေးကောက်ပွဲက အခု မေလမှ ကျင်းပသွားသလိုပဲ နိုင်ရာ၊ နိုင်ရာကို ဆွဲပြီးတော့ စစ်အစိုးရအနေနဲ့ ကျင်းပသွားခဲ့မယ် ဆိုလို့ရှိရင်ရော။
ဖြေ။ ကျနော်တို့ သဘောကတော့ နအဖ က လုပ်တဲ့ ခြေလှမ်းတွေ၊ လမ်းပြမြေပုံ အပါအဝင် အဲဒီနောက်ကို အတိုက်အခံတွေက လိုက်မျောပါနေလို့ မဖြစ်ဘူး။ ကိုယ်လုပ်စရာရှိတာကို ကိုယ့်ဘာသာ လမ်းစဉ်ချမှတ်ပြီးတော့ လုပ်ရမှာ။ တပါထဲမှာ သူတို့ လုပ်တဲ့ဟာတွေကိုလည်း၊ ပေါ်ပေါက်လာတဲ့ ဟာတွေကိုလည်း အခါအားလျော်စွာ ရင်ဆိုင်ဖို့ လိုတယ်။ အဲဒီဟာနောက်ကို မျောပါမနေဘဲနဲ့၊ သူတို့နောက်ကနေ လိုက်မနေဘဲနဲ့၊ ဆန်စင်ရာ ကျည်ပွေ့လိုက် မဟုတ်ဘဲနဲ့ ကိုယ့်ဟာကိုယ် အဖွဲ့အစည်းထဲမှာ လုပ်ငန်းစဉ် ချမှတ်ထားပြီးတော့ အကောင်အထည် ဖော်နေရမယ်လို့ ယုံကြည်တယ်။

မေး။ အဲဒါဆိုတော့ NLD ရဲ့ အခန်းကဏ္ဍက သူတို့ ပါတီ မူအတိုင်း လုပ်သင့်တယ်ဆိုတဲ့ ဟာမျိုးပဲလား။ ၂ဝ၁ဝ မှာ ပါတီတွေ ဖွဲ့ပါဆိုလို့ရှိရင် ၉ဝ ခုနှစ် ရွေးကောက်ပွဲ ရလဒ်က ပျက်ပြယ် သွားမှာပဲလားခင်ဗျ။
ဖြေ။ ပါတီတိုင်းက သူ့လမ်းစဉ်အတိုင်း လုပ်ကြမှာ ဖြစ်တယ်။ ဒါပေမဲ့ အဲဒီလို ဖြစ်လာလို့ရှိရင် ပျက်သွားမှာတော့ အမှန်ပဲ။ နအဖ က ဖျက်ပစ်ရင်၊ အခုကိုပဲ ကြေညာပြီးပြီပဲ။ တရားဝင်တာ မဟုတ်သေးတာပဲ။ ဒီဟာကို အသိအမှတ် မပြုတော့ဘူး၊ ပြီးသွားပြီဆိုတဲ့ ပုံသဏ္ဍာန်မျိုး ကြေညာပြီးပြီပဲ။ အဲဒီ ရလဒ်ကို ပျက်တယ်၊ မပျက်ဘူး ဆိုတာက ကျနော်တို့ ဆန္ဒအပေါ် မူမတည်ဘူး။ ကျနော်တို့ကတော့ အပျက်မခံချင်ဘူး။ သူက ဖျက်လို့ ပျက်သွားလို့ရှိရင် ဘာတတ်နိုင်မှာလဲ။ ကျနော်တို့ နောက်တလှမ်း လှမ်းဖို့ ဘာဆက်လုပ်သင့်လဲဆိုတာ စဉ်းစားဖို့ လိုတယ်။

မေး။ ရွေးကောက်ပွဲနဲ့ ပတ်သက်ပြီးတော့ အကို့အနေနဲ့ ဘာများ ပြောချင်ပါသေးလဲခင်ဗျ။
ဖြေ။ ကျနော်တို့က တခြား အဖွဲ့အစည်းနည်းတူ တရားဝင် ပါတီထောင်ဖို့ ရှိတယ်။ ဒါပေမဲ့ နအဖ က ရှေ့လျှောက် မိုက်မိုက်ကန်းကန်း လုပ်မှာပဲ။ ကျနော်တို့ စိတ်ကူးယဉ်နေလို့ကတော့ မရဘူး။ နအဖ များ ပြန်လည်လာအုံးမလား၊ စိတ်ကောင်းလေး ပြန်ဝင်လာအုံးမလား၊ စိတ်ကူးယဉ်တဲ့ အထဲမှာ - ပြည်ပကများ အကူအညီတွေ ပေးနေအုံးမလား၊ အခုချိန်မှာ အဲဒီဟာတွေ စိတ်ကူးယဉ်တာ တမျိုးပဲ၊ မကောင်းဘူး။ တကယ့်ကို ဓား ဓားချင်း၊ လှံ လှံချင်း လုပ်ဖို့ ပြင်ရတော့မယ့် အခြေအနေမျိုး ရှိတယ်။ လျော့ရိ လျော့ရဲ လုပ်နေလို့ရှိရင် တိုင်းပြည်လည်း နာလှပြီ။ ထိပ်တိုက်ပဲ ပြောချင်တယ်။ ရှောင်နေလို့တော့ မရတော့ဘူးလို့ ပြောချင်တယ်။ သူတို့က ဆက်ပြီးတော့ ရမ်းနေတာ၊ သူတို့ ဖြစ်ချင်တာကို မဖြစ်ဖြစ်အောင် လုပ်တော့မယ့် အခြေအနေ ဖြစ်တယ်။ ကျနော်တို့က ရှောင်နေလို့၊ ဟိုပြေးဒီပြေး လုပ်နေလို့တော့ မရတော့ဘူး။ ဘာမှ ဖြစ်လာမှာ မဟုတ်ဘူး။

မေး။ ထိပ်တိုက်ရင်ဆိုင်မလား၊ နအဖ လုပ်တဲ့ လမ်းစဉ်ပေါ်မှာ အခြေခံပြီးတော့၊ ရွေးကောက်ပွဲကို ဝင်ပြီးတော့မှ အတွင်းကနေ တိုက်မလားဆိုတဲ့ နှစ်ခုထဲက ဘယ်လိုမျိုးဟာကို လုပ်သင့်တယ် ထင်ပါသလဲ။
ဖြေ။ ထိပ်တိုက်ဆိုတာကလည်း Confrontation ထိပ်တိုက်ရင်ဆိုင်မှုမျိုး မဟုတ်ဘဲ နည်းပရိယာယ်တွေနဲ့ လုပ်သွားဖို့ လိုတယ်။ ကိုယ့်ဘက်က အစီအစဉ် ဆွဲပြီးတော့မှ အသေအချာလုပ်မှ ဖြစ်တော့မယ်။ အိရော အိရောနဲ့ အရင်လို တိုက်ပွဲ ပုံသဏ္ဍာန်ဟောင်းတွေ၊ မအောင်မြင်တဲ့ ဟာတွေ ပြန်လိုက်နေလို့တော့ မဖြစ်တော့ဘူး။ လုပ်မှ ဖြစ်တော့မယ်။


ပဒေါင် ၁၁ ဦးကို ရှာဖွေနေဆဲဖြစ်
သန်းထိုက်ဦး
အင်္ဂါနေ့၊ ဂျူလိုင်လ 15 2008 18:51 - မြန်မာစံတော်ချိန်

ချင်းမိုင်။ ။ ထိုင်းနိုင်ငံမြောက်ပိုင်း မယ်ဟောင်ဆောင် ခရိုင်တွင် နေထိုင်သော ပဒေါင် ၁၁ ဦး ဆက်လက်၍ ရှာဖွေမှုများ ပြုလုပ်ဆဲ ဖြစ်သည်ဟု ထိုင်းတာဝန်ရှိသူ တဦးက ပြောသည်။
“ပျောက်သွားတဲ့ လူတွေရဲ့ သတင်းကို မသိရသေးဘူး။ ဒါပေမဲ့ မယ်ဟောင်ဆောင် မြို့တော်ဝန်က မနက်တုန်းက အစည်းအဝေး ခေါ်တယ်။ ပြီးတော့ မယ်ဟောင်ဆောင် မြို့နယ်မှူးက ပဒေါင်လူမျိုး ၁၁ ယောက်ကိစ္စနဲ့ ချင်းမိုင်ကို သွားနေတယ်” ဟု မယ်ဟောင်ဆောင် မြို့တော်ဝန်ရုံးမှ တာဝန်ရှိသူတဦးက မဇ္ဈိကို ပြောသည်။
ခရိုင်အတွင်းရှိ ဟွေ့ပူးကဲ့နှင့် ဟွေ့စူထောက် ကျေးရွာတွင် နေထိုင်သည့် ပဒေါင် ခေါ် ကယန်းလူမျိုးစု ၁၁ ဦးသည် ယခုလ ၃ ရက်နေ့က ပျောက်ဆုံးခဲ့ရာ ဒေသဆိုင်ရာ ထိုင်းအာဏာပိုင်များက ရှာဖွေရာတွင် မတွေ့နိုင်သေးဘဲ ဖြစ်နေသည်။
ပျောက်ဆုံးသွားသူများသည် ထိုင်းနိုင်ငံအတွင်း တရားဝင် နေထိုင်ခွင့်ရှိသည့် တောင်ပေါ်သားလက်မှတ် ကိုင်ဆောင်ထားသူများ ဖြစ်သော်လည်း အခြား ခရိုင်၊ ပြည်နယ်များသို့ ခရီးသွားလာလိုပါက မြို့နယ် အုပ်ချုပ်ရေးမှူးထံ ခရီးသွားလာခွင့် ထောက်ခံစာကို ရယူရမည် ဖြစ်သည်။
သူတို့ကို နိုင်ငံခြားသား ခရီးသည်များ အသွားအလာများသည့် ချင်းမိုင်၊ ချင်းရိုင်း၊ ချွန်ပူရီနှင့် ဖူးခက်ဒေသ တခုခုသို့ တစုံတယောက်က ခေါ်ဆောင်သွားခြင်း ဖြစ်နိုင်ကြောင်း ထိုင်းတာဝန်ရှိသူများက ခန့်မှန်းထားသည်။
ပဒေါင်လူမျိုးများ နေထိုင်ရာ ကျေးရွာများတွင် နိုင်ငံခြား ခရီးသွားဧည့်သည်များ လာရောက်လည်ပတ်မှု နည်းပါးသွားခြင်းကြောင့် ရပ်တည်ရန် အခက်အခဲများ ဖြစ်ပေါ်လျှက် ရှိသည်။
ပဒေါင်များသည် ကယား (ကရင်နီ) ပြည်နယ်နှင့် ရှမ်းပြည်နယ်တောင်ပိုင်း ဖယ်ခုံမြို့နယ်တွင် အခြေချ နေထိုင်ကြကာ လွန်ခဲ့သည့် ဆယ်စုနှစ် နှစ်စုခန့်က မြန်မာစစ်တပ်၏ ထိုးစစ်ဆင်မှုများ၊ အဓမ္မ ရွှေ့ပြောင်းခိုင်းမှုများကြောင့် ထိုင်း-မြန်မာနယ်စပ်သို့ ထွက်ပြေးလာကြသူများ ဖြစ်သည်။

ဘတ်စ်ကားဗုံး လူတဦးသေဆုံး
သန်းထိုက်ဦး
အင်္ဂါနေ့၊ ဂျူလိုင်လ 15 2008 13:25 - မြန်မာစံတော်ချိန်
ချင်းမိုင်။ ။ ဒိုက်ဦးမြို့နယ်အတွင်း ယမန်နေ့ နံနက်က ခရီးသည်တင် အဝေးပြေး ဘတ်စ်ကား တခုပေါ်တွင် ဗုံးပေါက်ကွဲမှု ဖြစ်ပွားရာ လူတဦးသေဆုံးပြီး တဦး ဒဏ်ရာရသွားခဲ့သည်။
ပဲခူးတိုင်း ဒိုက်ဦးမြို့အပြင် မိုင်တိုင်အမှတ် ၈၅၊ ကောလိယတံတားအနီး ကျောက်ကြီး-ရန်ကုန် ရွှေခရီး ခရီးသည်တင် မှန်လုံယာဉ်ဖြစ်သော
ယာဉ်အမှတ် ၅ခ-၃၆၄၄၏ အနောက်ဘက် ခုံးတန်းမှ ပေါက်ကွဲမှု တင်္နလာနေ့ နံနက် ၈နာရီ ၅ မိနစ်ခန့်က ဖြစ်ပွားခဲ့သည်။
သေဆုံးသွားသူမှာ ရန်ကုန်မြို့ ကျောက်တံတားမြို့နယ်နေ ဦးခန့် (ခ)ဘီရိုခါနာ – အသက် ၅၅ နှစ်ဖြစ်ပြီး ဆိပ်ကမ်းမြို့နယ်နေ ဦးပါးပါး (၄၆ နှစ်) မှာ ဝမ်းဗိုက်တွင် ဒဏ်ရာရရှိခဲ့သဖြင့် ဒိုက်ဦးမြို့နယ်ဆေးရုံသို့ တက်ရောက်ကုသရကြောင်း ယနေ့ထုတ် မြန်မာ့အလင်း သတင်းစာတွင် ပါရှိသည်။
ဒိုက်ဦး ဒေသခံတဦးက “ကားကြီးက ဝင်လာတော့လေ နောက်မှန်ကြီးက ပွင့်နေတယ်။ နောက်ဘက်ကလေ မှန်ကြီးတပြင်လုံး ပွင့်ပြီးတော့ အပေါ်က သံအမိုးလည်း နည်းနည်း ပျက်သွားတာပေါ့ နော်၊ ကားကတော့ မောင်းလို့ရတယ် ဒိုက်ဦးမြို့ထဲကို မောင်းပြီး ဝင်လာတာပဲ” ဟု ပြောသည်။
မှန်လုံကားပေါ်တွင် ခရီးသည် ၃၅ ဦး လိုက်ပါလာခဲ့ပြီး ရဲက စုံစမ်းစစ်ဆေးမှုများ ဆက်လက် ပြုလုပ်လျှက် ရှိသည်။
ဇူလိုင် ၁ ရက်နေ့က ရန်ကုန်မြို့ ရွှေပြည်သာမြို့နယ် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးရုံးခန်းတွင် လူအသေအပျောက် မရှိသော ဗုံးတလုံး ပေါက်ကွဲခဲ့သည်။ စွမ်းအားမြင့် ကျောင်းသား စစ်သည်တော်များအဖွဲ့က သူတို့ ဖောက်ခွဲခဲ့ခြင်း ဖြစ်ကြောင်း ထုတ်ဖော် ပြောဆိုခဲ့သည်။

မောင်ဝိတ်ကို ရုံးထုတ်
မဇ္ဈိမသတင်းဌာန
အင်္ဂါနေ့၊ ဂျူလိုင်လ 15 2008 15:57 - မြန်မာစံတော်ချိန်
ချင်းမိုင်။ ။ မူးယစ်ဆေးဝါးသုံးစွဲ ဖြန့်ဖြူးမှုဖြင့် စွပ်စွဲခံထားရသော စီးပွားရေး လုပ်ငန်းရှင်ကြီး မောင်ဝိတ်ကို ယနေ့တွင် အင်းစိန်ထောင်အတွင်း အထူးတရားရုံး၌ စတင်စစ်ဆေးခဲ့သည်။
ထောင်အနီး လုံခြုံရေးများ တိုးမြှင့်ချထားပြီး ယနေ့ နံနက် ၉ နာရီခွဲမှသည် ၂ နာရီကျော်ကြာ ပြုလုပ်သော တရားခွင်တွင် အစိုးရသက်သေ အချိုိ့ကို မေးမြန်းမှုများ ပြုလုပ်သွားခဲ့သည်။
အမှုဆိုင်နေရသူ အသက် ၃၅ နှစ်အရွယ် မောင်ဝိတ်နှင့် မိသားစု ကုမ္ဗဏီလိမိတက်၏ မန်းနေးဂျင်း ဒါရိုက်တာနှင့်အတူ အမှုတွဲ ၆ ဦးတို့၏ ဆွေမျိုး မိတ်သင်္ဂဟအချို့လည်း ထောင်သို့ လာရောက်ကြရာ လင်ခရူဆာကားချည်း ၄ စီးအပါအ၀င် ကားအကောင်းအစားများဖြင့် ထောင်အနီး ထူးခြား စည်ကားနေခဲ့သည်။
သို့သော် စိတ်ကြွဆေးပြားများ သုံးစွဲမှုဖြင့် အစောပိုင်းက ပတ်သက်ခဲ့သော ဒုဗိုလ်ချုပ်ကြီးရဲမြင့် (အငြိမ်းစား)၏ သားဖြစ်သူ အောင်ဇော်ရဲမြင့်ကတော့ ၀က်ထီးကန် မူးယစ်ဆေးဖြတ်စခန်းမှသည် နေအိမ်သို့ ပြန်ရောက်လာပြီ ဖြစ်သည်ဟု သိရသည်။

လေဘေးသင့်ဒေသရှိ ဆန်စက်များ ပြန်လည်နေသော်လည်း ရေရှည်မဖြစ်နိုင်
ကိုသက် | ဇူလိုင် ၁၅၊ ၂၀၀၈
နာဂစ်မုန်တိုင်းသင့်ဒေသများဖြစ်ကြသည့် ဧရာဝတီတိုင်း မော်လမြိုင်ကျွန်းမြို့နယ်ရှိ ဆန်စက်များနှင့် ဘိုကလေးမြို့နယ်ရှိ ဆန်စက်တချို့ ပြန်၍လည်ပတ်ကာ ရန်ကုန်ဈေးကွက်သို့ ဆန်များတင်ပို့နေသော်လည်း ပုံမှန်အခြေအနေအတိုင်း ရေရှည် တင်ပို့နိုင်မည်မဟုတ်ကြောင်း ဒေသခံများက ပြောသည်။
မေလ ၂ ရက်နှင့် ၃ ရက်နေ့များက ဧရာဝတီမြစ်ဝကျွန်းပေါ်နှင့် ရန်ကုန်တိုင်းတို့တွင် တိုက်ခတ်သော ဆိုင်ကလုန်း မုန်တိုင်းကြောင့် ကြိတ်ခွဲရန်အသင့်ဖြစ်နေသည့် စပါးများလည်းပျက်စီးခဲ့ရာ မုန်တိုင်း လွတ်စပါးတချို့ကြောင့် ဆန်စက်များ လည်ပတ်နိုင်ခြင်းဖြစ်ပြီး နောက်ထပ် ၂ လ ခန့်အတွက်သာ ကြိတ်ခွဲရန် စပါးရှိသည်ဟု မော်လမြိုင်ကျွန်းရှိ လယ်သမားများနှင့် နီးစပ်သူ ဒေသခံက ဆိုသည်။
အဆိုပါ ဒေသခံက “မော်လမြိုင်ကျွန်းမှာ ဆန်စက်တွေကတော့ ပြန်လည်နိုင်ပြီ။ အောက်ဘက် ပင်လယ်ပိုင်း ရွာတွေက ရေ၊ လေ နှစ်မျိုးလုံးထိတော့ လှောင်ထားတဲ့စပါးတွေအပါအ၀င် အားလုံးပျက် ကုန်တယ်။ ဒါပေမယ့် မော်လမြိုင်ကျွန်း အထက်ပိုင်းက တချို့ကျေးရွာအုပ်စုတွေက လေဘဲ နည်းနည်းထိပြီး အပျက်အစီး သိပ်မရှိတော့ အဲဒီကစပါးတွေကို ကြိတ်နိုင်တယ်” ဟု ပြောသည်။
အဆိုပါဒေသများမှ ရန်ကုန်ဆန်ဈေးကွတ်သို့ တင်ပို့လျက်ရှိသည့် ဆန်များတွင် နိုင်ငံခြားသို့တင်ပို့သည့် ဆန်ကောင်းများ ပါဝင်သော်လည်း အာဏာပိုင်ကဆိုသကဲ့သို့ ပုံမှန်အခြေအနေမဟုတ်ကြောင်းလည်း ၎င်းက ဆက်ပြောသည်။
လွန်ခဲ့သည့် အပတ် ၈ ရက်နေ့ထုတ် စစ်အစိုးရ သတင်းစာတွင် လေဘေးသင့်ဒေသများဖြစ်ကြသည့် ဧရာဝတီတိုင်း မော်လမြိုင်ကျွန်း၊ ဖျာပုံ၊ ဘိုကလေးအပါအ၀င် ဒေးဒရဲ၊ မြောင်းမြ၊ ကျိုက်လတ်မြို့နယ်များမှ ဆန်အိတ်များ ရန်ကုန်သို့ နေ့စဉ်ပုံမှန်ဝင်ရောက်သည်ဟု မြန်မာနိုင်ငံ ဆန်ကုန်သည်များအသင်းကို ကိုးကားဖော်ပြထားသည်။ ဇူလိုင်လ ၁ ရက်နေ့မှ ၆ ရက်နေ့အထိ ဧရာဝတီတိုင်း မြို့နယ်များမှ ဆန်အိတ်ပေါင်း နှစ်သိန်းနှစ်သောင်းကျော် ရန်ကုန်ဈေးကွက်သို့ တင်ပို့နိုင်ခဲ့ ကြောင်း သတင်းစာက ဆိုသည်။
“ဘိုကလေးကတော့ မောင်လမြိုင်ကျွန်းလောက်တောင် အခြေအနေမကောင်းဘူး။ ဆန်စက်တွေလည်း သိပ်မလည်နိုင် သေးဘူး၊ စပါးပျက်တာလည်း ပိုများတယ်” ဟု ဒေသခံက ပြောသည်။
နာဂစ်မုန်တိုင်းကြောင့် ဧရာဝတီတိုင်း လပ္ပတ္တာ၊ မော်လမြိုင်ကျွန်း၊ ငပုတော၊ ဘိုကလေး၊ ဖျာပုံ၊ ကျိုက်လတ်နှင့် ဒေးဒရဲ မြို့နယ်များရှိ လယ်စိုက်မြေစုစုပေါင်း ၁၀၆၆၂၇၁ ဧက ပင်လယ်ဆားငန်ရေးများဝင်ကာ ပျက်စီးခဲ့ကြောင်း စစ်အစိုးရ စာရင်းဇယားများအရ သိရသည်။

ဧရာဝတီ လေဘေးဒုက္ခသည်များ ရန်ကုန်သို့ ပြောင်းရွှေ့ အခြေချ
အေးချမ်းမြေ့ | ဇူလိုင် ၁၅၊ ၂၀၀၈
နဂို မူလကတည်းက အိမ်ခန်းငှားစားသည့် လုပ်ငန်းများဖြင့် စည်ပင်ခဲ့သော ရန်ကုန်မြို့ စက်မှုဇုန်များ အနီးတဝိုက်ရှိ ဆင်ခြေဖုံး ရပ်ကွက်များတွင် နာဂစ်ဆိုင်ကလုန်း တိုက်ခတ်ပြီး နောက်ပိုင်း ဧရာဝတီ တိုင်းဘက်မှ ပြောင်းရွှေ့လာသူများ ကြောင့် အခန်းငှား စီးပွားရေး လုပ်ငန်း ပိုမိုကျယ်ပြန့်လာခဲ့သည်။
“ကျနော်တို့နေရာက စက်မှုဇုန်နဲ့ နည်းနည်းလှမ်းတာတောင် ပွဲစားက ခေါ်လာပေးလို့ အိမ်ငှားတဲ့ မိသားစုတစုရတယ်” ဟု လှိုင်သာယာ မြို့နယ်တွင် နေထိုင်သည့် ကိုဇော်ဝင်း က ပြောသည်။ ကိုဇော်ဝင်း၏ အိမ်ခန်းကို တဝက်ပိုင်းကာ ဧရာဝတီတိုင်း လပွတ္တာ မြို့နယ်အပိုင် ရွာတရွာမှ ပြောင်းရွှေ့လာသည့် မိသားတစုကို ငှားထားသည်ဟု ဆိုသည်။
ကိုဇော်ဝင်း၏ အိမ်ကလေးမှာ ပျဉ်ကာသွပ်မိုး ဖြစ်ပြီး ၎င်းအိမ်ကို အလယ်မှကန့်လိုက်သော အခါ အကျယ် ၁၄ ပေ၊ အရှည် ၂၅ ပေခန့် ရှိသည်။ အိမ်ငှားသည့်မိသားစုဝင်မှာ ၅ ဦးဖြစ်သည်။
“ကျနော်တို့လှိုင်သာယာ မြို့နယ်ထဲမှာ အိမ်ပိုင်တွေအားလုံး အဲလိုပဲ အိမ်ကိုပိုင်းငှား ကြတယ်။ ကျနော့်အိမ်က တလကို ကျပ် ၁ သောင်းခွဲနဲ့ ငှားတာ။ ပွဲစားကို ၁ လစာ ပေးရတယ်” ဟု ကိုဇော်ဝင်းက ရှင်းပြသည်။
လပွတ္တာမြို့နယ်အပိုင် ဇင်ရွဲ၊ ကိုခွေးကြီး၊ ကံဘဲ့ စသည့် ရွာများမှ မိသားစုများ အစုလိုက်၊ အပြုံလိုက် ပြောင်းရွှေ့လာကြခြင်း ဖြစ်ပြီး လှိုင်သာယာမြို့နယ် တမြို့နယ်တည်းကို ဧရာဝတီတိုင်းမှ ဒုက္ခသည် မိသားစုပေါင်း ၁၀၀ ကျော် ရွှေ့ပြောင်းလာခဲ့ သည်ဟု သူက ဆက်ပြောသည်။
စက်မှုဇုန် ၃ နှင့် ၄ ကြားတွင်ရှိသော ရေဥက္ကံရွာ ဆိုလျင် ယခင်ကတည်းက အဆောင် မရှိသော အိမ်မရှိဟု ကိုဇော်ဝင်းက ပြောသည်။ ယခင်ကတည်းက နယ်အသီးသီးမှလာ၍ စက်မှုဇုန်များတွင် အလုပ်လုပ်ကြ သူများမှာ ရေဥက္ကံရွာတွင် အခန်းငှား နေကြသည်။
“အခန်းဆိုရုံပါဗျာ။ ၆ ပေ၊ ၇ ပေလောက်ပဲ ကျယ်တာ။ အိပ်ရုံ၊ ပစ္စည်းထားရုံပဲ လုပ်လို့ရတယ်။ လူနေလို့ မရပါဘူး။ အဲလိုအခန်းလေးမျိုးကို ၂ ခန်းပေါင်းပြီးတော့ ခု မိသားတစု လောက်ကို ငှားကြတယ်” ဟု ကိုဇော်ဝင်းက ပြောပြသည်။ ၆ ပေ၊ ၇ ပေ ကျယ်သည့် အခန်း တခန်းကို တလလျင် ကျပ် ၃၀၀၀၊ ၃၅၀၀ ခန့် ပေးရပြီး နှစ်ခန်းပေါင်း လိုက်သောအခါ အိမ်ရှင်က တလ ၆၀၀၀၊ ၇၀၀၀ စသည်ဖြင့် ယူသည်ဟု ဆို၏။
ဧရာဝတီတိုင်းဘက်မှ ပြောင်းရွှေ့လာကြသူများမှာ ရရာအလုပ် ဝင်လုပ်မည်ဟူ၍ ရန်ကုန်တက်လာခြင်း ဖြစ်သည်။ အမျိုးသားများအတွက် အလုပ်အကိုင် အနည်းငယ် အဆင်ပြေ နိုင်သော်လည်း အမျိုးသမီးများ အတွက် အခက်အခဲရှိ သည်ဟု သိရသည်။
“ကျနော့်မှာ လယ်ဧက ၂၀ လောက်ရှိတယ်။ ဒါပေမယ့် လယ်ပြန်စဖို့ ဘာမှမရှိဘူး။ လက်ချည်းပဲ ကျန်ခဲ့တာဆိုတော့ ငွေချေးပြီးလည်း မလုပ်ချင်တော့တာနဲ့ ရန်ကုန်တက် ရရာလုပ်မယ်ဆိုပြီး မိသားစုလိုက် ပြောင်းလာတာ” ဟု အသက် ၅၀ အရွယ် ဦးမြင့်စိုးက ပြောပြသည်။ ဦးမြင့်စိုးသည် လပွတ္တာမြို့နယ်အပိုင် ဇင်ရွဲရွာမှ လာခဲ့ခြင်းဖြစ်ပြီး ၎င်းနှင့်အတူ ဇနီး၊ သားနှင့် သမီး ၂ ယောက်ပါလာခဲ့သည်။ အငယ်ဆုံး သမီးကတော့ မုန်တိုင်းကြောင့် သေဆုံးခဲ့ရသည်တဲ့။
ဦးမြင့်စိုးနှင့် သားဖြစ်သူတို့မှာ နေ့စဉ် ဘုရင့်နောင်ပွဲရုံများရှိရာသွားပြီး ကုန်ထမ်းရန် စောင့်ဆိုင်းရသည်ဟု ဆို၏။ ၎င်း၏ သားဖြစ်သူမှာ အသက် ၂၅ နှစ်ခန့်ရှိပြီ ဖြစ်သည်။
“ကုန်ကားဝင်ရင် ပစ္စည်းထမ်းတဲ့ အလုပ်ရတယ်။ မဝင်ရင်တော့ ဒီတိုင်း ပြန်လာရတာပဲ။ အဲဒီမှာက ကုန်ထမ်းတဲ့ အဖွဲ့တွေ ရှိပြီးသားဆိုတော့ သူတို့မနိုင်မှ အလုပ်ရတာ” ဟု ၎င်းကပြောပြသည်။
ပြောင်းရွှေ့လာသူအများစုမှာ ဆွေမျိုးသားချင်း၊ မိတ်ဆွေ အခံရှိသူများဖြစ်ပြီး တချို့မှာ မည်သည့် အဆက်အသွယ်မျှ မရှိဘဲ ရန်ကုန်တက်လာကြခြင်းဖြစ်ကြောင်း သိရသည်။
“ကျနော်သိသလောက်တော့ ဧရာဝတီတိုင်းမှာကတည်းက ဘောက်လုပ်လာတဲ့သူတွေ များပါတယ်။ ကျနော်တို့လို လယ်ဧက နည်းနည်းပါးပါး ပိုင်တဲ့သူတွေလည်း ပါမှာပေါ့” ဟု ဦးမြင့်စိုးကပြောသည်။ ဘောက်လုပ်သည် ဆိုခြင်းမှာ ကြုံရာ ကျပန်း ဝင်ရောက်လုပ်ကိုင်သူများကို ဆိုလိုခြင်းဖြစ်သည်။
မိန်းကလေးငယ်များမှာ စက်မှုဇုန်ရှိ အထည်ချုပ်စက်ရုံများတွင် အလုပ်ရရန် စောင့်ဆိုင်းလျှက်ရှိကြပြီး လက်တွေ့တွင် အလုပ်လက်မဲ့များအဖြစ်သာ ရှိနေကြကြောင်း ရွှေလင်ဗန်း စက်မှုဇုန် အနီးတွင် နေထိုင်သော ရန်ကုန် အခြေစိုက် သတင်းထောက် တဦးကပြောသည်။ စက်မှုဇုန် ၃ ရှေ့ရှိ ကျန်စစ်သားအိမ်ရာတွင် အိမ်ခန်းတိုင်း နယ်ကလူများနှင့် ပြည့်နေခဲ့ပြီး ယခုနာဂစ်ပြီးနောက်ပိုင်းတွင် ဧရာဝတီတိုင်းဘက်မှ ပြောင်းလာသူ ပိုမို များပြားလာသည်ဟု ၎င်းက ဆက်ပြောသည်။
“ဒီဝန်းကျင်မှာ နယ်ကနေ လာနေကြတဲ့ မိန်းကလေး တော်တော်များများက နေ့ပိုင်း စက်မှုဇုန်တွေမှာ အလုပ်ဆင်းတယ်။ ညပိုင်း ကာရာအိုကေဆိုင် တွေမှာ သွားအလုပ်လုပ်ကြတယ်။ အဲလိုမှပဲ စရိတ်ကာ မိကြတာ။ ခုနောက်ပိုင်း အဲလို မိန်းကလေးတွေ ပိုများလာတာ တွေ့ရတယ်” ဟု ၎င်း သတင်းထောက်က ပြောသည်။
အသက် ၇ နှစ်၊ ၈ နှစ် ဝန်းကျင်အရွယ် ယောက်ျားလေးများမှာ လက်ဘက်ရည်ဆိုင်တွင် စားပွဲထိုးအလုပ် ဝင်ရောက် လုပ်ကိုင်ကြသည်ဟု ကိုဇော်ဝင်းက ပြောပြသည်။ တချို့ကို အုပ်ထိန်းသူကိုယ်တိုင် လာရောက် အပ်နှံသွားခြင်း ဖြစ်ကြောင်း သိရသည်။
“ကျနော် ထိုင်နေကျဆိုင်မှာတောင် တနေ့က ၂ ယောက်လာအပ်သွားတာတွေ့ရတယ်။ ကလေးတွေက လက်ဘက်ရည် ခွက်တောင် မနိုင်သေးပါဘူးဗျာ။ ကလေးတွေကိုအပ်ပြီး လစာ ကြိုထုတ်သွားကြတယ်။ တယောက်ကို စားရိတ်ငြိမ်း ကျပ် ၇၀၀၀ ပေးလိုက်တယ်တဲ့” ဟု ကိုဇော်ဝင်းက ဆက်ပြောသည်။
လှိုင်သာယာဝန်းကျင်မှာ စက်မှုဇုန်များနှင့် နီးသောကြောင့် ပြောင်းရွှေ့ အခြေချသူ ပိုမို များပြားပြီး ရန်ကုန်မြို့ တခြားသော ရပ်ကွက်များ၊ ဆင်ခြေဖုံးဒေသများ၊ မြို့နှင့် အနီးတဝိုက် မြို့နယ်များသို့ ပြောင်းရွှေ့ အခြေချသူ ဧရာဝတီတိုင်းသားများ လည်း များစွာရှိကြောင်း ဒေသခံများထံမှ သိရသည်။ အမျိုးသားများမှာ ရရာအလုပ် ဝင်ရောက်လုပ်ကိုင်ကြပြီး မိန်းကလေး များကို အိမ်ဖော်အလုပ်လုပ်ကိုင်ရန် ခေါ်ယူလိုသူများ ရှိသည်ဟု သိရသည်။ သို့ရာတွင် မိန်းကလေးများမှာ အိမ်ဖော် အလုပ်ကို လုံးဝဝင်ရောက်လုပ်ကိုင်ခြင်းမရှိဟု လှိုင်သာယာ ဒေသခံတဦးက ဆိုသည်။
“ကျမ အစ်မအိမ်က လူလိုလို့ လုပ်ချင်မလားလို့ ရှာကြည့်တာ။ လုံးဝမရဘူး။ သူတို့က အိမ်ဖော် အလုပ်ကို မလုပ်ချင်ကြဘူး လေ။ လစာက နည်းတာကိုး။ ကျပ် ၂၀၀၀၀ လောက်ပဲ အများဆုံးရနိုင်တာ။ ကာရာအိုကေတို့၊ အနှိပ်ခန်းတို့မှာ လုပ်တာ အများကြီးပိုရတယ်ဆိုတော့ အဲဒီလိုနေရာတွေမှာပဲ လုပ်ချင်ကြတယ်” ဟု ၎င်းက ဆက်ပြောသည်။
ရန်ကုန်အခြေစိုက် သတင်းထောက်က “စက်မှုဇုန်အနီးအနားနေရာတွေမှာ၊ မြို့စွန်ရပ်ကွက်တွေမှာ လူသစ်တွေနဲ့ ပြည့်နေပြီ။ အိမ်ပွဲစားတွေလည်း ခြေချင်းကို လိမ်နေတာပဲ။ တော်တော်လေး အလုပ်ဖြစ်နေတာ တွေ့ရတယ်။ မိန်းကလေး ခပ်ငယ်ငယ် တွေအတွက်တော့ ပြဿနာရှိတယ်ဗျ။ လက်ဘက်ရည်ဆိုင်တွေ၊ စားသောက်ဆိုင်တွေမှာ တောင်းစားတဲ့ သူတွေဆိုရင်လည်း အရင်ထက် အများကြီးများလာတယ်” ဟု ပြောပြသည်။

မြန်မာနိုင်ငံသားများကို တိုးရစ်ဗီဇာထုတ်ပေးရန် ရန်ကုန်ရှိ ထိုင်းသံရုံးက တင်းကျပ်
ဧရာဝတီ | ဇူလိုင် ၁၅၊ ၂၀၀၈
ရန်ကုန်မြို့ရှိ ထိုင်းနိုင်ငံသံရုံးက မြန်မာနိုင်ငံသားများကို ထိုင်းပြည်ဝင်ခွင့်ဗီဇာလျှောက်ထားရာ၌ ယခင်ကထက် ပိုမိုတင်းကျပ် လာသည်ဟု ထိုင်းဗီဇာ လျှောက်ထားသူများက ဧရာဝတီကို ပြောသည်။
နိုင်ငံကူးလက်မှတ်အသစ် ကိုင်ဆောင်သူများ ထိုင်းဗီဇာလျှောက်ထားပါက အခြားသူများထက် ဗီဇာရရန် ပိုခက်သည်ဟု ရန်ကုန်ရှိ ထိုင်းသံရုံးတွင် ဗီဇာလျှောက်ခဲ့သူက ဧရာဝတီကို ပြောသည်။
အဆိုပါ ဗီဇာလျှောက်ခဲ့သူက “လူသစ်တွေအတွက် ဗီဇာလျှောက်ရတာ ပိုခက်တယ်။ အိမ်၊ ခြံ၊ ကား၊ တယ်လီဖုန်း စတဲ့ ပိုင်ဆိုင်မှုတခုခု၊ ဒါမှမဟုတ် ၃ လစာ ဘဏ်စာရင်းပြရတယ်။ ဘဏ်စာရင်းမှာ အနည်းဆုံး ကျပ် ၁၈ သိန်း ရှိဖို့လိုတယ်” ဟု ပြောသည်။
ဗီဇာလျှောက်ထားသူတိုင်းသည် ရန်ကုန်ရှိ ထိုင်းသံရုံးတွင် ဗီဇာလျှောက်ထားချိန်၌ အမေရိကန်ဒေါ်လာ ၆၀၀ ကို ဗီဇာဌာန အားပြရကြောင်းလည်း သိရသည်။
မကြာခင်က ထိုင်းနိုင်ငံသို့ရောက်လာသည့် မြန်မာပြည်သားတဦးကလည်း ရန်ကုန်ရှိ ထိုင်းသံရုံးက ဗီဇာလျှောက်လွှာများကို ယခင်ကထက်ပို၍ စိစစ်လျက်ရှိပြီး စာရွက်စာတမ်းတုများဖြင့် ဗီဇာလျှောက်ထားသည်ကိုတွေ့ရှိပါက ထိုသူ၏ ဗီဇာလျှောက် ထားခွင့်ကို လအတန်ကြာ ဆိုင်းငံ့ခံရမည်ဟု ပြောသည်။
“နာဂစ်မုန်တိုင်းပြီးကတည်းက ထိုင်းသံရုံးမှာဗီဇာလျှောက်တဲ့သူ တဖြည်းဖြည်းနည်းလာတာတွေ့ရတယ်။ ကျမ သွားလျှောက် တုန်းကဆို သံရုံးကိုဗီဇာလာလျှောက်တဲ့လူ ၂ ယောက် တွေ့ခဲ့တယ်” ဟု ၎င်းက ဆက်ပြောသည်။
ထိုင်းဗီဇာများရရှိရန် ခက်ခဲလာခြင်းသည် ထိုင်းနိုင်ငံခြားရေးဌာန၏ မူဝါဒအပြောင်းအလဲ (သို့မဟုတ်) သံရုံးအာဏာပိုင်တို့၏ ဆုံးဖြတ်ချက်တို့ကြောင့်ဖြစ်နိုင်ပြီး ရှင်းလင်းစွာမသိရကြောင်း ရန်ကုန်ရှိ ခရီးသွားလုပ်ငန်း လုပ်ကိုင်သူများက ပြောသည်။
ရန်ကုန်မြို့ရှိ ထိုင်းသံရုံး၏ ပထမအတွင်းဝန်ကမူ ထိုင်းဗီဇာလျှောက်ထားသည့် အစီအစဉ်များ အပြောင်းအလဲ မရှိကြောင်း ဧရာဝတီကို ပြောသည်။
“နာဂစ် ပြီးတဲ့နောက်ပိုင်းမှာလည်း ဗီဇာလျှောက်တဲ့အစီအစဉ်တွေ မပြောင်းလဲပါဘူး။ အရင်က မလျှောက်ဘူးတဲ့သူတွေ ဗီဇာလာလျှောက်ရင် ငွေကြေးပိုင်ဆိုင်မှုဆိုင်ရာ အထောက်အထားတွေကို အရင်ပြရမှာပါ။ ဒီအတိုင်းလုပ်ခဲ့တာလည်း နှစ်အနည်းငယ် ကြာခဲ့ပါပြီ” ဟု ပထမအတွင်းဝန်က ပြောသည်။
မြန်မာ့အရေး လေ့လာသူများကမူ နာဂစ်မုန်တိုင်းတိုက်ခတ်ပြီးနောက်ပိုင်း နိုင်ငံ၏စီးပွားရေးအခြေအနေ ပိုမိုဆိုးယုတ်လာ သဖြင့် မြန်မာပြည်သားအမြောက်အများ ရွှေ့ပြောင်းအခြေချမည်ကို ထိုင်းအစိုးရအနေနှင့် စိုးရိမ်မှုများရှိနိုင်သည်ဟု သုံးသပ် ကြသည်။
လွန်ခဲ့သည့်အပတ်ကထုတ်ဝေသည့် ဘန်ကောက်ပို့စ် သတင်းစာတစောင်တွင် ယခုနှစ် ပထမ ၆ လအတွင်း ထိုင်း-မြန်မာ နယ်စပ် မဲဆောက် ချစ်ကြည်ရေးတံတားမှ မြန်မာနိုင်ငံသား ၂၉၈၈၄၇ ဦး တရားဝင် ဖြတ်ကျော် ၀င်ရောက်ခဲ့ပြီး ၈၆၅၁၇ ဦးသာ မြန်မာနိုင်ငံသို့ ပြန်ခဲ့ကြောင်း ဖော်ပြခဲ့သည်။
ထိုင်းနိုင်ငံတွင် လာရောက်အလုပ်လုပ်ကိုင်နေသည့် မြန်မာနိုင်ငံသား အနည်းဆုံး တသန်းရှိသည်ဟုလည်း အဆိုပါ သတင်းစာက ဆိုသည်။

ဗိုလ်ချုပ်ပုံပါ ဂျာနယ် ရောင်းကောင်း
NEJ/ ၁၅ ဇူလိုင် ၂၀၀၈
ယမန်နေ့ထုတ် True news သစ္စာဂျာနယ်တွင် ဗိုလ်ချုပ်အောင်ဆန်းနှင့် အာဇာနည် ခေါင်းဆောင် ကြီးများ၏ ဓာတ်ပုံ၊ အချက်အလက်များ ပါရှိသည့်အတွက် အလွန်ရောင်းကောင်းကြောင်း ရန်ကုန် မြို့ရှိ ဂျာနယ်ရောင်းသူများက ပြောသည်။
ပန်းဆိုးတန်းလမ်းတွင် ဂျာနယ်ရောင်းသူတဦးက “ဒီဂျာနယ်ဟာ ထုတ်တာ သိပ်မကြာသေးဘူး။ အရင်အပတ်တွေက သိပ်မရောင်းရဘူး။ ခုတပတ်တော့ ဗိုလ်ချုပ်အောင်ဆန်းနဲ့ အာဇာနည်တွေရဲ့ ဓာတ်ပုံတွေ၊ ဗိုလ်ချုပ်အောင်ဆန်းရဲ့ဘ၀ နေ့စွဲတွေ စတာတွေပါတော့ တော်တော်လေး ရောင်း ကောင်းတယ်။ ဗိုလ်ချုပ်တို့ပုံက အချပ်ပို စာမျက်နှာမှာ ရောင်စုံနဲ့ပါတာ။ ကျနော်တို့က အဲဒါကို မျက်နှာဖုံးမှာတင်ပြီး ရောင်းတော့ ရောင်းကောင်းတာပေါ့” ဟု ပြောသည်။
အဆိုပါ ဂျာနယ်သည် ယမန်နေ့က လက်ကျန်မရှိအောင် ရောင်းကောင်းကြောင်း၊ ဂျာနယ်များ၏ ရောင်းအားသည် နာမည်ကြီးရင် ကြီးသကဲ့သို့ ရောင်းအားကောင်းပြီး စောင်ရေများကြောင်း၊ သို့ သော် တခါတရံ မျက်နှာဖုံးပါ သတင်းဖြစ်စေ၊ အခြား ထူးခြားသည့် သတင်းတခုခုဖြစ်စေ ပေါက် သွားပါက အထူးရောင်းရကြောင်း (၄၃) လမ်းနှင့် မဟာဗန္ဓုလလမ်းရှိ ဂျာနယ်ဖြန့်ချိသည့် အရောင်း ဆိုင်များထံမှ စုံစမ်းသိရသည်။
ပြီးခဲ့သည့်နှစ်က မစ္စတာဂမ်ဘာရီနှင့် အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) တွေ့ဆုံကြ သည့် မျက်နှာဖုံးပါ ဂျာနယ်များ၊ ဒေါ်အောင်ဆန်းစုကြည်နှင့် မစ္စတာ ဂမ်ဘာရီ၊ ဒေါ်အောင်ဆန်း စုကြည်နှင့် ဦးအောင်ကြည် တွေ့ဆုံသည့် မျက်နှာဖုံးပါ ဂျာနယ်များ ရောင်းကောင်းခဲ့ကြောင်း၊ ပြီးခဲ့သည့် မေ (၅) ရက်ကလည်း မုန်တိုင်းတိုက်ပြီးပြီးချင်း ထွက်လာသည့် Weekly Eleven ဂျာနယ်သည် အလွန်ရောင်းကောင်းပြီး တစောင်ကို ကျပ် (၁,၀၀၀) ခန့်အထိ ဈေးတက်သွားခဲ့ ကြောင်း အဆိုပါ ဂျာနယ်ဖြန့်ချိသည့် အရောင်းဆိုင်များက ရှင်းပြသည်။
ရန်ကုန် မဟာဗန္ဓုလလမ်း၌ ဂိတ်ထိုးလေ့ရှိသည့် တက္ကစီသမားတယောက်က သူလည်း သစ္စာ ဂျာနယ်ကို ကြိုက်၍ ၀ယ်ထားကြောင်း၊ ဂျာနယ်ပါ ဗိုလ်ချုပ်အောင်ဆန်းပုံကို ပုံကြီးချဲ့ပြီး အိမ်တွင် ချိတ်ထားရန်ဖြစ်ကြောင်း ပြောသည်။
ဂျာနယ်အယ်ဒီတာတဦးက “စစ်အစိုးရ စာပေစိစစ်ရေးအနေနဲ့ ဗိုလ်ချုပ်အောင်ဆန်းရဲ့ ဓာတ်ပုံ
အပါအ၀င် အကြောင်းအရာတွေနဲ့ ပတ်သက်လို့ ရေးသားဖော်ပြခွင့် တရားဝင် ပိတ်ပင်ထားတာ မရှိပေမယ့် ပေါ်လွင်ထင်ရှားအောင် ရေးသားဖော်ပြခြင်းမျိုးကိုတော့ ခွင့်ပြုလေ့ မရှိဘူး၊ ဥပမာ ဂျာနယ်၊ မဂ္ဂဇင်းမျက်နှာဖုံးတွေမှာ ဖော်ပြခွင့် မပြုတာမျိုးတွေပေါ့” ဟု ပြောသည်။
ရွှေတိဂုံဘုရားလမ်းရှိ နအဖစစ်အစိုးရ စစ်သမိုင်းပြတိုက်တွင်မူ ဗိုလ်ချုပ်အောင်ဆန်း၏ ပုံများကို တပ်မတော်၏ ဖခင်ကြီးအဖြစ် လေးစားဖွယ်ကောင်းအောင် ထင်ထင်ရှားရှား ပြသထားခြင်း မရှိသော်လည်း သမိုင်းဆိုင်ရာ ဓာတ်ပုံအခန်း၌ မထင်မရှား ပြသထားကြောင်း သိရသည်။ ။

၆၁ နှစ်မြောက် အာဇာနည်နေ့ အခမ်းအနား သံတမန်တွေကို မဖိတ်ကြား
15 July 2008
ဦးသိန်းထိုက်ဦး
ဇူလိုင် ၁၉၊ ၂၀၀၆။
လာမယ့်စနေနေ့မှာ ကျရောက်မယ့် ၆၁နှစ်မြောက် အာဇာနည်နေ့အတွက် မြန်မာစစ်အစိုးရက နိုင်ငံခြားသံရုံး ၀န်ထမ်းတွေ
နဲ့ ကုလသမဂ္ဂ ၀န်ထမ်းတွေကို ဖိတ်ကြားထားခြင်းမရှိတဲ့အကြောင်း ရန်ကုန်အခြေစိုက် သံတမန်သတင်းရပ်ကွက်က
ဗွီအိုအေကို ပြောပါတယ်။ တချို့သံရုံးတွေကို အာဇာနည်နေ့ အခမ်းအနားအတွက်ဖိတ်ကြားပြီးမှ အခမ်းအနား ပယ်ဖျက်
လိုက်တယ်လို့ စစ်အစိုးရဘက်ကအကြောင်းကြားခဲ့တာပါ။ အပြည့်အစုံကိုကိုသိန်းထိုက်ဦးက တင်ပြပေးထားပါတယ်။
နှစ်စဉ်နှစ်တိုင်း အာဇာနည်နေ့ အခမ်းအနားတွေမှာ စစ်အစိုးရ အရာရှိတွေ၊ အာဇာနည်ခေါင်းဆောင်ကြီးတွေရဲ့ မိသားစုတွေအပြင် နိုင်ငံခြားသံတမန်တွေကိုပါ မြန်မာစစ်အစိုးရဘက်က ဖိတ်ကြားခဲ့ပါတယ်။
ဒီနှစ်အခမ်းအနားမှာ အာဇာနည်နေ့အတွက် နိုင်ငံခြားသံရုံးဝန်ထမ်းတွေနဲ့ ကုလသမဂ္ဂ၀န်ထမ်းတွေကို ဖိတ်ကြားထားခြင်း မရှိတဲ့အကြောင်း မြန်မာစစ်အစိုးရ နိုင်ငံခြားရေးဝန်ကြီးဌာနက အကြောင်းကြားထားတယ်လို့ အမည်မဖော်လိုသူ အနောက်တိုင်း
သံအရာရှိတယောက်က ဗွီအိုအေကို ပြောပါတယ်။
အာရှနိုင်ငံတခုက သံရုံးအရာရှိတယောက်ကတော့ စစ်အစိုးရက အာဇာနည်နေ့ အခမ်းအနားကိုတက်ဖို့ ပထမ စစ်အစိုးရဘက်က ဖိတ်ကြားစာပေးပို့ခဲ့ပြီး နောက်မှ အခမ်းအနားကို ပယ်ဖျက်လိုက်တယ်လို့ ပြောပါတယ်။ အခြား အာရှနိုင်ငံ သံရုံးအရာရှိ
တယောက်ကလည်း ပြီးခဲ့တဲ့သီတင်းပတ်ကတည်းက အာဇာနည်နေ့အခမ်းအနားကိုပယ်ဖျက်လိုက်တယ်ဆိုပြီး စစ်အစိုးရဘက်က အကြောင်းကြားထားခဲ့တယ်ဆိုတာကိုအတည်ပြုပြောဆိုပါတယ်။ ဘာကြောင့်ဆိုတာကိုတော့ အကြောင်းပြချက် မပေးဘူးလို့
ဆိုပါတယ်။
အခုအချိန်အထိ စစ်အစိုးရက အာဇာနည်နေ့ အခမ်းအနားကို နိုင်ငံခြားသံတမန်တွေမပါဘဲ ကိုယ့်အစီအစဉ်နဲ့ကိုယ် ကျင်းပမှာလား၊ ဒါမှမဟုတ် အာဇာနည်ဂုံးမှာကျင်းပမယ့်အခမ်းအနားကို လုံးဝ ပယ်ဖျက်လိုက်တာလားဆိုတာ ရှင်းရှင်းလင်းလင်း မသိရသေးပါဘူး။
သံအမတ်ကြီးဟောင်း ၀ါရင့်နိုင်ငံရေးသမားကြီး သခင်ချန်ထွန်းကတော့ အာဇာနည်နေ့အခမ်းအနားတွေဟာ ခေတ်အဆက်ဆက် နိုင်ငံခြားသံတမန်တွေကို ဖိတ်ကြားပြီးကျင်းပခဲ့တဲ့ အစဉ်အလာရှိတယ်လို့ အခုလိုပြောပါတယ်။
“ကျနော်တို့ ဖဆပလအစိုးရ လက်ထက်တုန်းကတော့ ဖိတ်တာပေါ့။ ဒါ ဒီအလေးပြုပွဲကိုအသားယူတာပဲ။ ပြီးတော့မှ လူအုပ်ကြီးနဲ့အတူ သူ့ လူထုအစည်းအရုံးတွေက သူ့ဟာနဲ့သူ အလေးပြုကြတာ။ ဖဆပလအစိုးရ လက်ထက်တုန်းကတော့။ ဟိုတုန်းကဆိုရင်
၇ ရက်၊ ၁၀ ရက်လောက်ကတည်းက ဗိုလ်ချုပ်အောင်ဆန်းရဲ့ အာဇာနည်နေ့ အကြောင်းတွေပြော၊ ဓာတ်ပုံတွေ၊ သတင်းစာတွေထဲက ဆောင်းပါးတွေရေး၊ ရေဒီယိုကလည်းသီချင်းတွေဘာတွေနဲ့ အာဇာနည်နေ့ကို မမေ့အောင်၊ အာဇာနည်နေ့ကို ဂုဏ်ပြုအောင်
အကုန်လုံး သေသေချာချာ ရေဒီယိုကနေ အသားပေးပြီး ဒါ လမ်းစဉ်ပါတီအစိုးရလက်ထက်ထိ ဒီအတိုင်းလုပ်လာတာပဲ။”
မြန်မာစစ်အစိုးရ အာဏာရယူခဲ့တဲ့နှစ်တွေအတွင်း အာဇာနည်နေ့ အခမ်းအနားတွေကို အရင်ခေတ်တွေတုန်းကလိုမဟုတ်ဘဲ သာမန် အကျဉ်းချုံးပြီး ကျင်းပတာမျိုးလောက်ပဲတွေ့ရတယ်လ်ို့ သခင်ချန်ထွန်းက ပြောပါတယ်။ စစ်အစိုးရဟာ အာဇာနည်ခေါင်းဆောင်
တွေရဲ့ အခန်းကဏ္ဍကို မှေးမှိန်အောင်လုပ်နေတယ်ဆိုတဲ့ ဝေဖန်တာမျိုးတွေလည်း ရှိပါတယ်။ သခင်ချန်ထွန်းကတော့ ဒီနှစ်အခမ်းအနားဟာ ၀တ်ကျေတမ်းကျေကျင်းပမယ့်အခမ်းအနားတခုသာဖြစ်မယ်လို့ ခန့်မှန်းပါတယ်။
“မနှစ်ကလည်း ဘာမှမှ မသိလိုက်ကြဘဲ။ အခုလည်း ဒီလိုပဲ ရှိမှာပဲပေါ့။ အခုတော့ နေပြည်တောင်ပြောင်းသွားတဲ့အခါကျတော့ ရန်ကုန်မှာ ဘာမှမရှိတော့ဘဲ၊ တိုင်းမှူးရှိရင်တိုင်းမှူးကိုယ်တိုင်လုပ်မလား၊ အဲလိုများခိုင်းမလား မပြောတတ်ဘူး။ မခိုင်းဘဲ ဒီ့ပြင်မြို့နယ်တွေလုပ်သလို သာမန်ပဲ လုပ်မလား၊ ဒါကတော့ စောင့်ကြည့်ရမှာပဲ။”ပြီးခဲ့တဲ့နှစ်က အခမ်းအနားကို မြန်မာစစ်အစိုးရကိုယ်စား ယဉ်ကျေးမှုဝန်ကြီး ဗိုလ်ချုပ်
ခင်အောင်မြင့်က တက်ရောက် လွမ်းသူ့ပန်းခွေချခဲ့ပါတယ်။
ဒီနှစ် အာဇာနည်နေ့အခမ်းအနားကို နိုင်ငံခြားသံတမန်တွေအပြင် နောက်ထပ်တက်ရောက်ခွင့်မရနိုင်ဘူးလို့ သတ်မှတ်ခံထားရသူကတော့ နေအိမ်အကျယ်ချုပ် ကျခံနေရတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ဖြစ်ပါတယ်။
ဒေါ်အောင်ဆန်းစုကြည်ဟာ အရင်က အနည်းဆုံး ၇ ကြိမ်လောက် တက်ရောက်ဂါရ၀ပြုခဲ့ဘူးပါတယ်။
ဒီဆယ်စုနှစ်တွေအတွင်း ဒေါ်အောင်ဆန်းစုကြည်ဟာ ၁၉၈၈ ခုနှစ် မြန်မာနိုင်ငံမှာလူထုအုံကြွမှုကြီးမဖြစ်ခင် ဇူလိုင်လက အာဇာနည်နေ့အခမ်းအနားကို တက်ရောက်ခဲ့ဘူးပါတယ်။ နောက် ပထမအကြိမ် နေအိမ်အကျယ်ချုပ်က လွတ်မြောက်ခဲ့တဲ့ ၁၉၉၅
ခုနှစ်ကနေ နောက်ပိုင်း ၂၀၀၀ ခုနှစ်အထိ ဆက်တိုက်တက်ရောက်ခဲ့ပေမယ့် ၂၀၀၁ခုနှစ်မှာတော့ နေအိမ်အကျယ်ချုပ် ထပ်မံကျခံခဲ့ရတဲ့အချိန်မှာ အာဇာနည်နေ့အခမ်းအနားကို မတက်ရောက်ခဲ့ပါဘူး။
နေအိမ်အကျယ်ချုပ်က ပြန်လည်လွတ်မြောက်ခဲ့တဲ့ ၂၀၀၂ ခုနှစ်မှာ နောက်ဆုံးဒေါ်အောင်ဆန်းစုကြည် အာဇာနည်နေ့အခမ်းအနားကို တက်ရောက်ပြီး ပန်းခြင်းတွေချဂါရ၀ပြုခဲ့ပါတယ်။ ဒီနှစ်ဆိုရင် အာဇာနည်နေ့အခမ်းအနားကို တက်ရောက်ခွင့်မရတော့
တဲ့ ၆ နှစ်မြောက်နှစ်ပဲ ဖြစ်ပါတယ်။
အန်န်အယ်လ်ဒီ အမျိုးသားဒီမိုကရေစီအဖွဲ့ချုပ် အဖွဲ့ဝင်တွေကတော့ ဌာနချုပ်နဲ့နယ်တွေမှာ အာဇာနည်နေ့အခမ်းအနားတွေ ကိုယ့်အစီအစဉ်နဲ့ကိုယ် ကျင်းပမယ်လို့ဗွီအိုအေကို ပြောဆိုထားပါတယ်။ကိုသိန်းထိုက်ဦး သတင်းပေးပို့သွားတာပါ။
အခုနောက်ဆုံးရတဲ့ သတင်းတွေအရလည်း မြန်မာစစ်အစိုးရက နိုင်ငံခြားသံရုံးတွေကိုအကြောင်းကြားတဲ့အခါ အာဇာနည်နေ့အခမ်းအနားကို ပယ်ဖျက်လိုက်တယ်လို့အကြောင်းကြားထားတဲ့အကြောင်း အနောက်တိုင်း သံတမန်သတင်းရပ်ကွက်က
ပြောပါတယ်။
ဒါပေမယ့် စစ်အစိုးရက ပုံမှန် အာဇာနည်ဂုံးမှာ ကျင်းပလေ့ရှိတဲ့ အာဇာနည်နေ့အခမ်းအနား တခုလုံးကို ပယ်ဖျက်လိုက်တာလား၊ ဒါမှမဟုတ် ကိုယ့်အစီအစဉ်နဲ့ကိုယ် ကျင်းပပြီး နိုင်ငံခြားသံတမန်တွေကိုပဲ မဖိတ်ကြားတော့တာလားဆိုတာ ရှင်းရှင်းလင်းလင်း
မသိရသေးပါဘူး။
သံရုံးတွေကို အကြောင်းကြားတဲ့အခါ အခမ်းအနားအစီအစဉ် ပယ်ဖျက်လိုက်တယ်လို့သာ အကြောင်းကြားပြီး အကြောင်းပြချက် တစုံတရာ စစ်အစိုးရဘက်က မပေးတဲ့အကြောင်း အနောက်တိုင်း သံတမန်သတင်းရပ်ကွက်က ပြောပါတယ်။

အာဇာနည်နေ့ အခမ်းအနား အန်န်အယ်လ်ဒီ ကျင်းပမည်
15 July 2008
ဦးအောင်လွင်ဦး
ယမန်နှစ် အန်န်အယ်လ်ဒီရုံးချုပ်တွင် ကျင်းပသည့် အာဇာနည်နေ့အခမ်းအနား မြင်ကွင်း။ ဇူလိုင် ၁၉၊ ၂၀၀၇။
မကြာခင်ကျရောက်တော့မယ့် အာဇာနည်နေ့ အခမ်းအနားတွေကို မြန်မာစစ်အစိုးရအာဏာပိုင်တွေက ကျင်းပချင်မှတောင်
ကျင်းပတော့မယ်ဆိုတော့ အာဇာနည်ခေါင်းဆောင်တဦးဖြစ်တဲ့ ဗိုလ်ချုပ်အောင်ဆန်းရဲ့ သမီးဖြစ်သူဒေါ်အောင်ဆန်းစုကြည် ဦးဆောင်တဲ့
အမျိုးသားဒီမိုကရေစီအဖွဲ့ချုပ်ကရောဒီအပေါ်မှာ ဘယ်လိုသဘောထားသလဲ။ရန်ကုန်မှာ အာဇာနည်နေ့ နီးလာတာနဲ့အမျှ တိုက်တိုက်ဆိုင်ဆိုင်ဆိုသလို လုံခြုံရေးတွေလည်း တိုးချထားပါတယ်။ အကြောင်းစုံကို ကိုအောင်လွင်ဦးက ဆက်သွယ်မေးမြန်း
ပြီး တင်ပြပေးထားပါတယ်။
အခုကျရောက်တော့မယ့် ၆၁ နှစ်မြောက် အာဇာနည်နေ့ အခမ်းအနားနဲ့ ပတ်သက်လို့မြန်မာစစ်အစိုးရ အာဏာပိုင်တွေဘက်က ဘာမှပြောသံဆိုသံ မကြားရဘဲ ရှိနေချိန်မှာပဲဒီနှစ်မှာ ကျင်းပချင်မှတောင် ကျင်းပတော့မယ်ဆိုတဲ့ သတင်းတွေ ထွက်နေတာပါ။ ဒါနဲ့
ပတ်သက်လို့ မြန်မာနိုင်ငံက အဓိကအတိုက်အခံ နိုင်ငံရေးပါတီကြီးတခုလည်းဖြစ်၊ အာဇာနည်ခေါင်းဆောင်တဦးဖြစ်တဲ့ ဗိုလ်ချုပ်အောင်ဆန်း သမီးလည်းဖြစ်တဲ့ဒေါ်အောင်ဆန်းစုကြည် ဦးဆောင်တဲ့ အမျိုးသားဒီမိုကရေစီအဖွဲ့ချုပ် အန်န်အယ်လ်ဒီပါတီ ပြောခွင့်ရပုဂ္ဂိုလ် ဦးဉာဏ်ဝင်းကို ဆက်သွယ်မေးမြန်းရာမှာ ဒါနဲ့ပတ်သက်လို့သူတို့လည်းကြားတယ်၊ ဒီလိုသာ တကယ်လုပ်ခဲ့ရင် ဒါဟာ မလုပ်သင့်တဲ့ လုပ်ရပ်တခုကိုလုပ်တာပဲလို့ ဦးဉာဏ်ဝင်းက ပြောပါတယ်။
“သံရုံးတွေကို အစိုးရက အကြောင်းကြားတယ်လို့ ကျနော်ကြားတယ်။ ကျနော်တို့တော့အခုနေ ပြောနိုင်တာက ကျနော်တို့ အဲဒီသတင်းကြားတယ်၊ ဒီသတင်းမှန်ခဲ့ရင်တော့တော်တော်မဖြစ်သင့်တဲ့ကိစ္စပဲ၊ နှစ်ပေါင်း ၆၀ လောက် ကျင်းပလာတယ်၊ အခု ၆၁ ကြိမ်
ကျမှ မကျင်းပဘူးဆိုတော့ ကျနော်တို့တိုင်းပြည် လွတ်လပ်ရေးကြိုးပမ်းခဲ့ကြတဲ့ ပုဂ္ဂိုလ်တွေကို ဒီလိုမပြုသင့်ဘူး။ သူတို့က ဘယ်လိုရည်ရွယ်ချက်နဲ့ လုပ်တယ်၊ မလုပ်တယ်ဆိုတာ သူတို့ပဲသိမယ်။

“ဒါပေမယ့် ကျနော်တို့ သာမန်ပြည်သူလူထုတယောက် အမြင်ကိုပြောရရင် အာဇာနည်နေ့ဆိုတာ ဗိုလ်ချုပ်အောင်ဆန်းတယောက်တည်း မဟုတ်ဘူး။ မန်းဘခိုင်၊ သခင်မြအများကြီးပါပါတယ်။ အဲဒီလိုအများကြီးပါတော့ ဒီလူတွေအားလုံးဟာ တိုင်းပြည်ရဲ့
လွတ်လပ်ရေးအတွက် သူတို့ရဲ့ ကြိုးပမ်းတဲ့ အသီးအပွင့်ကို ကျနော်တို့ ခံစားနေရတာ။ဒါဟာ ကျေးဇူးရှင်တွေပဲ။ ဒီလို အားလုံးအပေါ်မှာ သိမ်းကြုံးပြီး အကြောင်းအရာတခုလေး၊ သူတို့ ဘယ်လိုအကြောင်းလဲတော့ ကျနော်မသိဘူး၊ တခုခုအပေါ်မှာ သူတို့
ဆောင်ရွက်တာဖြစ်တဲ့အတွက် ဒီဥစ္စာ မဖြစ်သင့်ဘူးလို့ပဲ ကျနော်ပြောချင်တယ်။”
အန်န်အယ်လ်ဒီပါတီ အနေနဲ့ကတော့ အခု ဇူလိုင် ၁၉ ရက်နေ့မှာကျရောက်မယ့်အာဇာနည်နေ့ အခမ်းအနားတွေကို ရန်ကုန်မြို့က ပါတီဌာနချုပ်ရုံးမှာ ကျင်းပသွားဖို့ရှိတယ်လို့လည်း ဦးဉာဏ်ဝင်းက ပြောပါတယ်။ အလားတူ တခြားနယ်မြို့တချို့မှာရှိတဲ့
ပါတီရုံးခွဲတွေမှာလည်း အဲဒီနေ့တွေမှာ အခမ်းအနားတွေ လုပ်သွားဖို့ရှိတယ်လို့ ပါတီအသိုင်းအ၀ိုင်းက ပြောပါတယ်။
တကယ်တော့ တချိန်က တခမ်းတနားကျင်းပခဲ့တဲ့ အာဇာနည်နေ့ အခမ်းအနားတွေကိုမြန်မာနိုင်ငံထဲမှာ ကျယ်ကျယ်ပြန့်ပြန့် မကျင်းပခဲ့တာ အတော်ကြာခဲ့ပြီဖြစ်သလို အခမ်းအနား ကျင်းပသူတွေရှိရင်လည်း အာဏာပိုင်တွေစောင့်ကြည့်တာ၊ ကန့်သတ်တာမျိုး
တွေနဲ့ ကြုံရလေ့ရှိပါတယ်။
လတ်တလော အခြေအနေမှာတော့ အာဇာနည်နေ့ နီးကပ်လာတာနဲ့ တိုက်တိုက်ဆိုင်ဆိုင်ဆိုသလိုပဲ ရန်ကုန်မြို့က အာဇာနည်ဗိမာန်တည်ရှိရာ အနီးတ၀ိုက်အပါအ၀င်နေရာတချို့မှာ လုံခြုံရေးတွေ တိုးမြှင့်ချထားတာတွေလည်း ရှိနေတာပါ။ ရန်ကုန်မြို့က
လုံခြုံရေးအခြေအနေတွေနဲ့ ပတ်သက်လို့ မြို့ခံတယောက် ပြောပြတာကတော့ …“ရွှေတိဂုံဘုရား အရှေ့ဘက်မုခ်မှာ တပ်မ ၇၇ နဲ့ လုံထိန်းနဲ့ အင်အား ၂၀ လောက်ရှိတယ်၊ တပ်စွဲထားတယ်။ နောက် ရွှေတိဂုံဘုရား မြောက်ဘက်မုခ်၊ အာဇာနည်ဂုံးဘက်
မုခ်မှာ လင့်လမ်းအထိ လုံထိးရယ်၊ စစ်သားရယ် ရောပြီးတော့ နှစ်ယောက်တတွဲ၊သုံးယောက်တတွဲ တောက်လျှောက်ချထားတာ။ ဓာတ်တိုင်တတိုင်စာ မရှိတရှိလောက်ဆိုရင် သုံးယောက်၊ လေးယောက် အဲဒီလို အတွဲလိုက်ချထားတယ်။ အကုန်လုံး
ပေါင်းကြည့်ရင် အယောက် ၅၀ နီးပါးလောက် ရှိတယ်။”
အာဇာနည်နေ့ နီးကပ်လာတာနဲ့အမျှ ရန်ကုန်မှာ လုံခြုံရေးတွေ ချထားတဲ့အကြောင်းမြို့ခံတယောက်က ပြောပြသွားတာပဲ ဖြစ်ပါတယ်။
လာမယ့် စနေနေ့ကျရင် ၆၁ နှစ်မြောက် အာဇာနည်နေ့ ကျရောက်တော့မှာဖြစ်ပေမယ့်လို့ အာဏာပိုင်တွေဘက်က ဒါနဲ့ပတ်သက်လို့ ဘာမှပြောတာဆိုတာမျိုးတွေတော့မကြားရသေးပါဘူး။ တချိန်တည်းမှာပဲ မြန်မာ့ဒီမိုကရေစီခေါင်းဆောင် ဒေါ်အောင်ဆန်း
စုကြည်ဟာလည်း နေအိမ်အကျယ်ချုပ် ကျခံနေရဆဲဖြစ်တာမို့ အာဇာနည်ခေါင်းဆောင်ဖခင်ဖြစ်သူရဲ့ ဂူဗိမာန်ကို ဒီနှစ်မှာလည်း သွားရောက်ဂါရ၀ပြုနိုင်မယ့် အခြေအနေမျိုးမရှိဖြစ်နေရပါတယ်။

မြန်မာအမျိုးသမီးသံတမန်တဦးကို ဗြိတိသျှအစိုးရက ဗီဇာဆိုင်းငံ့ထား
NEJ/ ၁၅ ဇူလိုင် ၂၀၀၈
လန်ဒန်မြို့ မြန်မာသံရုံးတွင် တာဝန်ထမ်းဆောင်ရမည့် မြန်မာအမျိုးသမီး သံတမန်တဦးကို ဗြိတိသျှအစိုးရက ဗီဇာထုတ်မပေးဘဲ ဆိုင်းငံ့ထားသည်။
အဆိုပါ မြန်မာအမျိုးသမီး သံတမန်သည် ဗိုလ်ချုပ်မှူးကြီးသန်းရွှေ သမက် ဗိုလ်မှူးဇော်ဖြိုးဝင်း၏ ညီမဖြစ်ပြီး မကြာခင်က လန်ဒန်မြန်မာ သံရုံးမှ ထွက်ပြေးပြီး နိုင်ငံရေးခိုလှုံခွင့် လျှောက်ထားသူ ဒေါ်နွယ်နီနေရာ၌ တာဝန်ထမ်းဆောင်မည့်သူ ဖြစ်သည်ဟု နေပြည်တော် သတင်းရပ်ကွက်က ပြောသည်။ မည်သည့်အတွက် ဗြိတိသျှအစိုးရက ဗီဇာထုတ်မပေးဘဲ ဆိုင်းငံ့ထားသည်ကိုမူ ရှင်းရှင်းလင်းလင်း မသိရသေးပေ။
၁၉၉၀ ခုနှစ်များ အစောပိုင်းကစပြီး ရန်ကုန်ဗြိတိသျှသံရုံးမှ စစ်သံမှူးကို ဗြိတိသျှအစိုးရက ပြန်ခေါ်ခဲ့သကဲ့သို့ လန်ဒန်မြန်မာသံရုံးမှ မြန်မာစစ်သံမှူးကိုလည်း စစ်အစိုးရမှ ပြန်ခေါ်ရန် ဗြိတိသျှအစိုးရက ပြောခဲ့သည်ဟု အနောက်တိုင်း သံတမန်တဦးက ခေတ်ပြိုင်ကို ပြောသည်။ ။

ဆန္ဒခံယူပွဲ (၉၂) ရာနှုန်းသည် စစ်အစိုးရကို ပြည်သူထောက်ခံခြင်းမဟုတ်
NEJ/ ၁၅ ဇူလိုင် ၂၀၀၈
ဖွဲ့စည်းပုံအခြေခံဥပဒေကို အတည်ပြုသည့်နေ့မှစ၍ လက်ရှိစစ်အစိုးရသည် (၉၂) ရာနှုန်း ပြည်သူ ထောက်ခံမှုရသည့် အစိုးရဖြစ်သွားသည်ဆိုသည့် မြန်မာ့အလင်း ဆောင်းပါးပါ အချက်များ မှားနေ ကြောင်း ရန်ကုန်နိုင်ငံရေး အသိုင်းအ၀န်းက ပြောသည်။
အဆိုပါ ဆောင်းပါးကို ဆောင်းပါးရှင် မောင်စေတနာ B.A. B. Ed ဆိုသူက ရေးသားခြင်းဖြစ်သည်။ ဆောင်းပါးရှင် မောင်စေတနာသည် အမည်ရင်း ဦးငြိမ်းမောင်ဖြစ်ပြီး ပခုက္ကူမြို့မှ အငြိမ်းစား ပညာရေးမှူးတဦးဖြစ်သည်။ ဒေါ်အောင်ဆန်းစုကြည်နှင့် အန်အယ်လ်ဒီကို တိုက်ခိုက်သည့် ဆောင်းပါးများ မြန်မာ့အလင်းတွင် ရေးလေ့ရှိသည်။
သူ့ဆောင်းပါးပါ အချက်များမှာ စစ်အစိုးရ ဖွဲ့စည်းပုံနှင့် စစ်တပ်အခန်းကဏ္ဍကို ထောက်ခံရေးသား ထားခြင်းဖြစ်ပြီး လွှတ်တော်မှာ စစ်ဗိုလ်လွှတ်တော်ကိုယ်စားလှယ် (၂၅) ရာနှုန်း ပါသည့်ကိစ္စကို ပြည်သူများ နားရှုတ်အောင် ရေးထားသည်ဟု ရန်ကုန်မြို့ခံတဦးက ပြောသည်။
ဆန္ဒခံယူပွဲမှာ (၉၂) ရာနှုန်း ရရှိခြင်းသည် လူထုဆန္ဒပါသည်ဖြစ်စေ၊ မပါသည်ဖြစ်စေ စစ်အစိုးရ ရေးဆွဲထားသည့် ဖွဲ့စည်းပုံကို ထောက်ခံသည့်သဘောသာဖြစ်ပြီး လက်ရှိ စစ်အစိုးရအပေါ် လူထု ထောက်ခံမှု (၉၂) ရာနှုန်း ရသည်ဟု မှတ်ယူ၍မရကြောင်း အမည်မဖော်လိုသည့် ရန်ကုန်ရှေ့နေ တဦးက ခေတ်ပြိုင်သို့ ပြောသည်။ ရန်ကုန်နိုင်ငံရေးသမား အတော်များများကလည်း ဆန္ဒခံယူပွဲမှ ရသည့် (၉၂) ရာနှုန်းသည် စစ်အစိုးရကို လူထုက ထောက်ခံခြင်းမဟုတ်ကြောင်း ထောက်ပြသည်။
စစ်အစိုးရ မျှော်မှန်းသည့်အတိုင်း ၂၀၁၀ ပြည့်နှစ်မှာ ရွေးကောက်ပွဲလုပ်ဖြစ်သည်ဆိုလျှင် ပထမ အကြိမ် လွှတ်တော်ကို ရွေးကောက်ပွဲအပြီး ရက် (၉၀) အကြာတွင် ကျင်းပမည်ဖြစ်ကြောင်း စစ် အစိုးရက ကြေညာထားသည်။ ထို့ကြောင့် အစောဆုံး ထွက်ပေါ်လာမည့် အစိုးရသည် နောက်ထပ် (၂) နှစ်ကျော် လိုသေးပြီး ထိုအစိုးရကိုသာ (၉၂) ရာနှုန်းက အသိအမှတ်ပြုသည့်သဘော ဖြစ်သည် ဟု ရန်ကုန်ရှေ့နေတဦးက ပြောသည်။
ဝါရင့်နိုင်ငံရေးသမားတဦးကမူ “ဖွဲ့စည်းပုံမှာ နိုင်ငံဝန်ထမ်းချင်းအတူတူ အရပ်သားဝန်ထမ်းကို လွှတ်တော်ကိုယ်စားလှယ်ဖြစ်ခွင့် မရှိလို့ တားမြစ်ထားပေမယ့် စစ်သား စစ်ဗိုလ်ကိုတော့ လွှတ် တော်ကိုယ်စားလှယ် ဖြစ်နိုင်တယ်ဆိုပြီး ခြွင်းချက်နဲ့ ဖွဲ့စည်းပုံအခြေခံဥပဒေမူကြမ်း ပုဒ်မ (၁၂၁ ပုဒ်မခွဲ ည) မှာ ပြဋ္ဌာန်းထားပါတယ်။ လွှတ်တော်ကိုယ်စားလှယ် ဖြစ်ထိုက်သူ သတ်မှတ်ချက်ထဲမှာ စစ်ဗိုလ် စစ်သား ပါနိုင်တယ်လို့ ပြဋ္ဌာန်းလိုက်ရင် အရပ်ဘက်ဝန်ထမ်းတွေပါ အမတ်ဖြစ်လာနိုင်တာမို့ ခုလို ပြောင်ကျကျ အခြေခံဥပဒေကို အလွဲသုံးစားလုပ်ပြီး စစ်ဗိုလ်အမတ် (၂၅) ရာနှုန်းရအောင် ယူထားတာ ဖြစ်တယ်။ ဒါပေမယ့် ဖွဲ့စည်းပုံအခြေခံ ဥပဒေ ပုဒ်မ ၂၆ (က) မှာ နိုင်ငံ့ဝန်ထမ်းဟာ ပါတီနိုင်ငံရေးနဲ့ ကင်းရမယ်လို့ ဆိုထားတဲ့အတွက် စစ်ဗိုလ် လွှတ်တော်ကိုယ်စားလှယ်ဖြစ်ရမယ် ဆိုတဲ့ ဖွဲ့စည်းပုံအခြေခံဥပဒေမူကြမ်း ပုဒ်မ၁၂၁ (ည) နဲ့ ၀ိရောဓိ ဖြစ်နေတယ်” ဟု ပြောသည်။

မုန်တိုင်းကြောင့် ရေလုပ်သား အသေအပျောက် (၂၇,၀၀၀) ကျော်ရှိ
ပီတာအောင်/ ၁၅ ဇူလိုင် ၂၀၀၈
နာဂစ်မုန်တိုင်းကြောင့် ငါးဖမ်းလုပ်သားပေါင်း (၂၇, ၀၀၀) ကျော် သေဆုံးနှင့် ပျောက်ဆုံးသွားခဲ့ ကြသည်ဟု ကုလသမဂ္ဂ လူသားချင်းစာနာမှုဆိုင်ရာ ညှိနှိုင်းဆောင်ရွက်ရေးရုံး (OCHA) ၏ ယမန် နေ့ထုတ် အစီရင်ခံစာအရ သိရသည်။
မုန်တိုင်းကြောင့် ကမ်းဝေးနှင့် ကမ်းနီး ငါးဖမ်းစက်လှေ (၃၄,၆၈၆) အနက် အစီး (၂,၀၀၀) ကျော် ဆုံးရှုံးခဲ့ပြီး မုန်တိုင်းဒဏ်ခံရသည့် မြို့နယ်တခုစီ၌ ပျမ်းမျှလှေငယ်အစီး (၁,၀၀၀) ခန့် ပျက်စီး သွားသည်ဟု အစီရင်ခံစာ၌ ဖော်ပြသည်။ အအေးခန်းစက်ရုံ (၅၅) ခု ပျက်စီးသွားသည်ဟုလည်း သိရသည်။
ငါးဖမ်းလုပ်သား အများအပြား မုန်တိုင်းအတွင်း သေကျေပျက်စီးခဲ့ရသော်လည်း ငါးဖမ်းလုပ်ငန်း ထိခိုက်မှုမရှိဘဲ အစားထိုး လုပ်ကိုင်နိုင်မည်ဟု ယူဆကြောင်း ငါးလုပ်ငန်း ဦးစီးဌာန ညွှန်ကြားရေး မှူး ဦးဝင်းသိန်းဦးက ခေတ်ပြိုင်သို့ ပြောကြားသည်။
၎င်းက “ဒီမှာ လက်တွေ့တွေ့ရတာတော့ အဖေသေသွားမယ်၊ သူ့သားကျန်မယ်။ သား သေသွား မယ်၊ အဖေ ကျန်တာရှိမယ်။ အဲဒီအခါကျတော့ လုပ်ငန်းခွင်မှာတော့ သူတို့မိသားစုက ပြန်ပြီးတော့ အစားထိုးလုပ်နိုင်ပါတယ်။ နောက်တခုက သေဆုံးသွားတဲ့ အထဲမှာလည်း အကူလေးတွေ၊ ဘောက် သမားတွေ များတဲ့အခါကျတော့ ကျနော်တို့လုပ်ငန်းကို ပင်မထုတ်လုပ်ပေးနေသူတွေ သိပ်မပါဘူး ပေါ့။ ပါသွားလို့ရှိရင်လည်း မိသားစုတွေက အစားထိုးဝင်ရောက် လုပ်ကိုင်လာကြတယ်” ဟု ပြောသည်။
ရေလုပ်ငန်းကဏ္ဍ ပြန်လည်ထူထောင်ရန် အချိန်ကာလ (၃) လ သတ်မှတ်ထားပြီး ရေလုပ်သားများ အမြန်ဆုံး အလုပ်ခွင်ပြန်ဝင်နိုင်ရန် လိုအပ်သည့် ငါးဖမ်းလှေနှင့် ငါးဖမ်းပိုက်များ အပါအ၀င် ငါးဖမ်း ကိရိယာများလည်း ပံ့ပိုးပေးနေသည်ဟု ညွှန်ကြားရေးမှူး ဦးဝင်းသိန်းဦးက ဆက်လက်ပြောသည်။
ပျက်စီးသွားသည့် ငါးဖမ်းလှေပေါင်း အစီး(၇,၀၀၀) ခန့်ရှိကြောင်းနှင့် ပျက်စီးမှုကို အစားထိုးရန် စက်တပ် ငါးဖမ်းလှေငယ် အစီးရေ (၉,၅၀၀) ခန့် ထုတ်လုပ်လျက်ရှိကြောင်း ငါးလုပ်ငန်း ဦးစီးဌာန မှသိရသည်။ ထို ငါးဖမ်းလှေများအား ငါးဖမ်းလုပ်သားများကို ပေးအပ်၍ (၁) နှစ် အခမဲ့လုပ်ကိုင်ခွင့် ပြုမည်ဖြစ်ပြီး ကျသင့်ငွေ (၄) သိန်းကို ၂၀၀၉ ခု ဇူလိုင်လမှစ၍ (၄) ရစ်ခွဲ၍ ပြန်လည်ပေးဆပ်ရ မည်ဟု သိရသည်။
သေဆုံးသွားသည့် ငါးဖမ်းလုပ်သားများအတွက် သက်ဆိုင်ရာက နစ်နာကြေး တစုံတရာ ပေးအပ် ခြင်းမရှိကြောင်းနှင့် ငါးဖမ်းလှေများကိုလည်း ငါးဖမ်းလုပ်သားတိုင်း မရရှိဘဲ အာဏာပိုင်တို့နှင့် နီးစပ်သူများကိုသာ မျက်နှာပန်းလှရုံ ပေးအပ်နေခြင်းဖြစ်ကြောင်း ဘိုကလေးမြို့ခံတဦးက ပြောသည်။
နာဂစ်မုန်တိုင်းကြောင့် သေဆုံးသူ (၈၄,၅၃၇) ဦးနှင့် ပျောက်ဆုံးသူ (၅၃,၈၃၆) ဦးရှိကြောင်း စစ်အစိုးရက တရားဝင် ပြောကြားထားသည်။ ကုလသမဂ္ဂ အေဂျင်စီ (OCHA) က ပျောက်ဆုံးနှင့် သေဆုံးသူပေါင်း (၁၄၀,၀၀၀) ဦး ရှိပြီး (၅၅) ရာခိုင်နှုန်းသည် အမျိုးသမီးများဖြစ်သည်ဟု ယမန်နေ့ ထုတ်အစီရင်ခံစာ၌ ခန့်မှန်းသည်။ ။

ဒုက္ခသည်များအပေါ် စောင့်ရှောက်ရေးညံ့သည့်နိုင်ငံစာရင်းတွင် ထိုင်းနိုင်ငံပါဝင်
ကိုဝိုင်း/ ၁၅ ဇူလိုင် ၂၀၀၈
ထိုင်းနိုင်ငံက နိုင်ငံအတွင်းရှိ ဒုက္ခသည်များကို စခန်းများအတွင်း နှစ်ပေါင်းများစွာ ကန့်သတ် ထိန်းသိမ်းထားခြင်းနှင့် အချို့ကို အန္တရာယ်ရှိနိုင်သော နေရပ်ရင်းသို့ အဓမ္မပြန်ပို့ခြင်းတို့ကြောင့် ဒုက္ခသည်များအတွက် အဆိုးရွားဆုံးနေရာ (၁၀) ခုစာရင်းအတွင်း ထိုင်းနိုင်ငံအား ထည့်သွင်း ကြောင်း အစီရင်ခံစာတရပ်တွင် ဖော်ပြထားသည်။
အမေရိကန်နိုင်ငံ ဒုက္ခသည်များနှင့် ရွှေ့ပြောင်းနေထိုင်သူများဆိုင်ရာကော်မတီ (USCRI) ၏ ယခင်လ ထုတ်ပြန်ချက်၌ ယခုကဲ့သို့ ဖော်ပြထားခြင်းဖြစ်သည်။ ထိုင်း-မြန်မာနယ်စပ် ထိုင်းနိုင်ငံ ဘက်ခြမ်းရှိ ဒုက္ခသည်စခန်း (၉) ခုမှ မြန်မာဒုက္ခသည် (၁) သိန်းကျော်ကို စခန်းများအတွင်း၌ ထိန်းချုပ်ထားပြီး အလုပ်လုပ်ခွင့် မပြုကြောင်း ယင်းအစီရင်ခံစာ၌ ဝေဖန်ဖော်ပြထားသည်။
ယင်းကိစ္စနှင့် ပတ်သက်၍ ကရင်ဒုက္ခသည် ကော်မတီ (ကေအာစီ) အတွင်းရေးမှူး (၁) ဖြစ်သူ
ဆရာဂျော့အား ခေတ်ပြိုင်က ဆက်သွယ်မေးမြန်းရာ မြန်မာဒုက္ခသည်များအနေဖြင့် စခန်းပြင်ပ၌ တရားဝင် အလုပ်ထွက် လုပ်နိုင်ရေးအတွက် ထိုင်းအစိုးရ၊ ယူအန်အိတ်ခ်ျစီအာ၊ အိုင်အယ်လ်အို၊ ထိုင်းစီးပွားရေး လုပ်ငန်းရှင်ကြီးများ အပါအ၀င် အခြားသက်ဆိုင်ရာ အဖွဲ့အစည်းများ ပူးပေါင်း၍ အချက်အလက် ရှာဖွေစုံစမ်းမှုများကို ၂၀၀၇ ခုအတွင်း၌ ပြုလုပ်ခဲ့ပြီးဖြစ်ကြောင်း၊ သို့သော် အောင်မြင်မှု မရှိသေးကြောင်း ပြောသည်။
ဆရာဂျော့က “လောလောဆယ်ကတော့ အလုပ်လုပ်ခွင့် မရှိဘူး။ အခက်အခဲတွေ အမျိုးမျိုးရှိတယ် လေ။ လုံခြုံရေး၊ ငြိမ်ဝပ်ပိပြားရေး၊ မှုခင်းတို့၊ မူးယစ်ဆေးဝါးတို့ သူတို့လည်း အများကြီး စဉ်းစားရ တယ်လေနော်။ လာညှိနှိုင်းသွားတာကတော့ စက်ရုံ အလုပ်ရုံတွေဖွင့်မယ်။ စခန်းနဲ့ နီးတဲ့နေရာတွေ ဘာတွေမှာ လာကြည့်သွားတာပဲ။ ထိုင်းဘက်က စက်ရုံပိုင်ရှင်ကြီးတွေ၊ သူဌေးကြီးတွေလည်း လာကြတာပဲ။ အောင်မြင်မှုတော့ မရှိသေးဘူးလေ” ဟု ပြောသည်။
ထို့ပြင် အဆိုပါ စခန်း (၉) ခုမှ ဒုက္ခသည်များအနေဖြင့် စခန်းအတွင်း၌ နှစ်ပေါင်းကြာမြင့်စွာ နေရ သဖြင့် ငြီးငွေ့လာခြင်း၊ အကူအညီ အထောက်အပံ့များအပေါ်သာ မှီခိုနေရခြင်းတို့ကြောင့် အပြင် ထွက်၍ ၎င်းတို့နှင့် ကိုက်ညီမည့် အလုပ်များကို လုပ်လိုစိတ်များ ရှိနေကြခြင်း ဖြစ်သည်ဟုလည်း ဆက်ပြောသည်။
ဆရာဂျော့က “လူတိုင်းကတော့ ထွက်ပြီး အလုပ်လုပ်ချင်ကြတာပဲလေ။ အလုပ်ကြမ်းဆိုလည်း အလုပ်ကြမ်းပေါ့။ စက်ရုံဆိုလည်း လုပ်နိုင်တဲ့လူ ရှိသလို၊ စိုက်ပျိုးရေးမှာ လုပ်နိုင်တဲ့လူ ရှိမှာပေါ့လေ။ ဒါပေမယ့် ဘယ်လို အကောင်အထည် ဖော်နိုင်မလဲ၊ အခက်အခဲ ဘယ်လောက်ရှိမယ်ဆိုတာတော့ ဘယ်သိမလဲ၊ ထိုင်းအစိုးရရဲ့ ပူးပေါင်းပါဝင် ခွင့်ပြုမှု ဘယ်အတိုင်းအတာအထိ ရှိမလဲ ဆိုတာလည်း မသိဘူးပေါ့နော်” ဟု ပြောသည်။
ဒုက္ခသည်အခွင့်အရေးဆိုင်ရာ ၁၉၅၁ ခု ကုလသမဂ္ဂ သဘောတူညီချက်အား လက်မှတ်ထိုးထား ခြင်းမရှိသော်လည်း လူသားချင်းစာနာမှုဖြင့် မြန်မာဒုက္ခသည်များကို ယခုကဲ့သို့ လက်ခံထားခြင်း သာ ဖြစ်ကြောင်း ထိုင်းနိုင်ငံက အစဉ်အမြဲ ထုတ်ဖော်လေ့ရှိသည်။
ထိုင်းနိုင်ငံရှိ ဒုက္ခသည်စခန်းများမှာ ချင်းမိုင်ခရိုင်အတွင်း (၁) ခု၊ မယ်ဟောင်ဆောင်ခရိုင်အတွင်း (၄) ခု၊ တာ့ခ်ခရိုင်အတွင်း (၃) ခု၊ ကန်ချနဘူရီနှင့် ရတ်ခ်ျဘူရီတို့တွင် (၁) ခုစီတို့ ဖြစ်ကြပြီး လူဦး ရေ (၁၃၉,၇၆၈) ဦးရှိကြောင်း တီဘီဘီစီခေါ် ဒုက္ခသည်များကို ကူညီနေသည့် ထိုင်း-မြန်မာ နယ်စပ် အကူအညီပေးရေးအဖွဲ့၏ ယခင်လ စာရင်း၌ ဖော်ပြသည်။ ။

ဆူဒန်သမ္မတကို နိုင်ငံတကာခုံရုံးတွင် စစ်ရာဇ၀တ်မှု စွဲချက်တင်နိုင်ရန် ကြိုးပမ်း
15 July 2008
Tendai Maphosa’s Report in Burmese
ဇူလိုင် ၁၄၊ ၂၀၀၈။
နိုင်ငံတကာ ရာဇ၀တ်ခုံရုံးရဲ့ ရှေ့နေ လူးဝစ္စ မော်ရီနိုအိုကမ်ပို (Luis Moreno-Ocampo) က ဆူဒန်နိုင်ငံ
သမ္မတ အိုမာ ဟက်ဆန် အယ်လ် ဘရှီးယား(Omar Hassan al Bashir) ကို ဒါးဖောဒေသမှာ
မျိုးဖြုတ်သတ်ဖြတ်မှုတွေနဲ့ စစ်ရေးဆိုင်ရာရာဇ၀တ်မှုတွေမှာ ကြိုးကိုင်ခြယ်လှယ်ခဲ့တာကြောင့်
ဝရန်းထုတ်အရေးယူဖို့ တောင်းဆိုလိုက်ပါတယ်။ဒီလို ၀ရန်းထုတ် အရေးယူရေး မယူရေးအတွက်
တရားသူကြီး ၃ ဦးကနေပြီး ရက်နဲ့ လနဲ့ချီ အချိန်ယူပြီး ဆုံးဖြတ်နိုင်ဖွယ်ရှိကြောင်း ဗွီအိုအေသတင်း
ထောက် တန်ဒိုင်း မာဖိုဆာ (Tendai Maphosa) သတင်းပေးပို့တာကို နော်ရှိုးက
တင်ပြပေးထားပါတယ်။
ICC ခေါ် နိုင်ငံတကာ ရာဇ၀တ်ခုံရုံးရဲ့ရှေ့နေ လူးဝစ္စ မော်ရီနို အိုကမ်ပိုက နယ်သာလန်
နိုင်ငံ ဟိဂ်မြို့တော်အခြေစိုက် ICC ရုံးချုပ်မှာကျင်းပတဲ့ သတင်းစာရှင်းလင်းပွဲတခုမှာ
အခုလို ကြေညာခဲ့တာပါ။
“ဆူဒန်နိုင်ငံသမ္မတ အိုမာ ဟက်ဆန် အယ်လ် ဘရှီးယားကို ဒါးဖောဒေသမှာ မျိုးနွယ်တုံး
သတ်ဖြတ်မှုတွေ၊ လူမဆန်တဲ့ ရာဇ၀တ်မှုနဲ့ စစ်ရာဇ၀တ်မှုတွေကြောင့် ၀ရန်းထုတ်
ဖမ်းဆီးဖို့ ခုပဲ ကျနော် နိုင်ငံတကာ ရာဇ၀တ်မှုခုံရုံးကို လျှောက်လွှာတင်ခဲ့ပါတယ်။”
ဒါပေမယ့် အဲဒီရှေ့နေက သူကိုယ်တိုင် သမ္မတ ဘရှီးယားကို တရားရုံးမှာ စွဲချက်တင်မှာ
မဟုတ်ဘူးလို့ အခုလို အတိအလင်း ပြောသွားပါတယ်။
“ကျနော် ရှင်းရှင်းပဲပြောမယ်။ ကျနော်ဟာ တရားသူကြီးတွေရဲ့ ဆုံးဖြတ်ချက်ကိုသာ
တောင်းဆိုတာပါ။ သူတို့အနေနဲ့ ကျနော့် တင်သွင်းချက်လျှောက်လွှာကို သဘောတူနိုင်
တယ်၊ ဒါမှမဟုတ် ပယ်ချပြီး သူတို့ကြိုက်တဲ့ပုံစံမျိုးနဲ့ သွားနိုင်တယ်၊ ဒါမှမဟုတ် ပိုပြီး
ခိုင်လုံတဲ့ သက်သေအထောက်အထားကို ထပ်တောင်းဆိုနိုင်တယ်။ ဒါကြောင့် တရား
သူကြီးတွေဟာ သူတို့သဘောအတိုင်း ဆုံးဖြတ်နိုင်ပါတယ်။”
မစ္စတာ မော်ရီနို အိုကမ်ပိုက တကယ်လို့ သမ္မတ ဘရှီးယားကို ခုံရုံးမှာ တရားစွဲချက်တင်
ခံခဲ့ရလို့ရှိရင် သူ့အနေနဲ့ မျိုးနွယ်တုံးသတ်ဖြတ်မှု၊ လူတွေကို စိတ်သောက အလွန်အမင်း
ရောက်စေမှုနဲ့ ကိုယ်ကာယ အပျက်အစီး အဆုံးအရှုံးတွေ ဖြစ်ပေါ်လာဖို့ အခြေအနေ
ဖန်တီးခဲ့တဲ့အမှု စတဲ့ အမှုသုံးမှုတို့နဲ့ အရေးယူခံရပါလိမ့်မယ်လို့ ဆိုပါတယ်။ ဒါ့အပြင်
လူမဆန်တဲ့ ရာဇ၀တ်မှုအပါအ၀င် အမြစ်ဖြုတ်သတ်ဖြတ်မှု၊ လူအစုလိုက်အပြုံလိုက်ကို
အဓမ္မပြောင်းရွှေ့ခိုင်းမှု၊ ညှဉ်းပန်းနှိပ်စက်မှု၊ မုဒိမ်းမှု စသည်တို့ကို ထည့်တွက်မယ်ဆိုရင်
တော့ သမ္မတ ဘရှီးယားဟာ အမှု ၅ မှုအထိ ရင်ဆိုင်ရနိုင်ပါတယ်။
တကယ်လို့ တရားသူကြီးတွေက မစ္စတာဘရှီးယားကို ၀ရန်းထုတ်အရေးယူဖို့ ဆုံးဖြတ်ခဲ့
ရင် နိုင်ငံတကာ ရာဇ၀တ်ခုံရုံးကနေ အာဏာရှိဆဲ နိုင်ငံ့ခေါင်းဆောင်ကို တရားစွဲဆိုတာ
မျိုးမှာ သမ္မတ ဘရှီးယားဟာ ပထမဦးဆုံး ဖြစ်ပါလိမ့်မယ်။
ဆူဒန်နိုင်ငံဟာ နိုင်ငံတကာ ရာဇ၀တ်ခုံရုံးကို အသိအမှတ်မပြုပါဘူး။ တရားရုံးက အလို
ရှိတဲ့ သူတို့နိုင်ငံရဲ့ လူမှုကယ်ဆယ်ရေးဝန်ကြီး အာမက် ဟာရွန် (Ahmad Harun) နဲ့
စစ်သွေးကြွခေါင်းဆောင် အလီ ကူရှေ့ဘ် (Ali Kushayb) တို့ကို အပ်နှင်းဖို့ တစိုက်
မတ်မတ် ငြင်းဆိုခဲ့ပါတယ်။
ဆူဒန်ပြည်သူတွေက သမ္မတ ဘရှီးယားကို ခုလို နိုင်ငံတကာ ခုံရုံးကနေ အရေးယူဖို့ကိစ္စ
ကို ခါးခါးသီးသီး တုံ့ပြန်ကြပါတယ်။ သူတို့က ဒီလိုအရေးယူခြင်းအားဖြင့် ဆူဒန်အစိုးရနဲ့
ဒါးဖောသူပုန်တွေအကြား ငြိမ်းချမ်းရေးဆွေးနွေးတဲ့နေရာမှာ ထိခိုက်နိုင်တယ်လို့ ယူဆ
ကြလို့ ဖြစ်ပါတယ်။
လန်ဒန်မြို့က ဆူဒန်သံရုံးရဲ့ ပြောရေးဆိုခွင့်ရှိသူ ခါလစ် အယ်လ် မူဘာဘရက်က်
(Khalid al Mubabrak) က သမ္မတ ဘရှီးယားကို စွဲဆိုချက်တွေဟာ မမှန်ကန်ဘူးလို့
ပြောပါတယ်။ နိုင်ငံတကာ ရာဇ၀တ်ခုံရုံးအနေနဲ့ ဆူဒန်နိုင်ငံအပေါ် တရားစီရင်ပိုင်ခွင့်
မရှိဘူးလို့ အခုလိုဆိုပါတယ်။
“ပြောရရင် အမေရိကန်နိုင်ငံလိုပါပဲ။ ကျနော်တို့လည်း နိုင်ငံတကာ ရာဇ၀တ်ခုံရုံး
ဖြစ်ပေါ်လာဖို့ ဖန်တီးပေးခဲ့တဲ့ ရောမဥပဒေစာတမ်းကို အတည်ပြုလက်မှတ် ရေးထိုးခဲ့
တာမဟုတ်ပါဘူး။ ကျနော်တို့နိုင်ငံရဲ့ တရားစီရင်ရေးစနစ်ဟာ တော်တော် ထိထိ
ရောက်ရောက် စွမ်းဆောင်နိုင်စွမ်းရှိပါတယ်။ ဒါးဖောကိစ္စနဲ့ပတ်သက်လို့လည်း ကျနော်
တို့ စတင်လေ့လာခဲ့ပြီးဖြစ်တဲ့အပြင် တချို့ကို တရားစွဲဆို အရေးယူတာတွေ၊ အကျဉ်း
ကျနေသူတချို့ကို ပြန်လွှတ်ပေးခဲ့တာတွေ လုပ်ခဲ့ပြီးပါပြီ။”
ဆက်လက်ပြီး မစ္စတာ မူဘာဘရက်က်က ခုလို ခုံရုံးတင်မယ့်ကိစ္စတွေကြောင့် ဒါးဖော
သူပုန်တွေ ပိုပြီးဆူပူလာဖို့ အားပေးအားမြှောက်ပြုမှာမို့ ဒီပြဿနာကြီးတခုလုံးဟာ
ပိုပြီးတောင် ကြန့်ကြာသွားနိုင်ပါတယ်လို့ ဆိုပါတယ်။
ဒါးဖောပြဿနာဟာ ၂၀၀၃ ခုနှစ်တုန်းကတက်လာတဲ့ ဆူဒန်အစိုးရအသစ်ကို ဒါးဖော
သူပုန်တွေက ဆန့်ကျင်တိုက်ခိုက်တာကနေ စခဲ့တာပါ။ ဒီလိုဆန့်ကျင်တာက်ို ဆူဒန်
အစိုးရက စစ်သွေးကြွတွေသုံးပြီး လူထောင်ပေါင်းများစွာကို အတင်းအဓမ္မ ပြောင်းရွှေ့
စေခြင်းနဲ့ တုံ့ပြန်ခဲ့ပါတယ်။
ဒီအရှုပ်အရှင်းကြောင့် အနည်းဆုံး လူပေါင်း ၃ သိန်း အသက်ဆုံးရှုံးခဲ့ရပြီး ၂ သန်းကျော်
အိမ်ရာမြေစွန့်ပစ်ပြီး ပြောင်းရွှေ့နေထိုင်ခဲ့ရတယ်လို့ ကုလသမဂ္ဂက ခန့်မှန်းထားပါတယ်။

ဆူဒန်သမ္မတအပေါ် ICC ၏စွဲချက် တရုတ်စိုးရိမ်
15 July 2008
Daniel Schearf’s Report in Burmese -
ဆူဒန်သမ္မတကို ICC နိုင်ငံတကာ ရာဇ၀တ်ခုံရုံးက ဖမ်းဝရမ်းထုတ်တဲ့ကိစ္စအပေါ် စိုးရိမ်
ပူပန်ကြောင်း တရုတ်နိုင်ငံက ထုတ်ဖော်ပြောဆိုပါတယ်။ ဒါ့အပြင် ဆူဒန်နိုင်ငံအပေါ်
ကုလသမဂ္ဂက ချမှတ်ထားတဲ့ လက်နက်ရောင်းဝယ်မှု ပိတ်ဆို့ရေးဆိုင်ရာ ကန့်သတ်
ချက်ကို ချိုးဖောက်တယ်လို့ ဘီဘီစီသတင်းဌာနရဲ့ ပြောဆိုမှုကိုလည်း တရုတ်အစိုးရက
ငြင်းဆိုထားပါတယ်။ ဒီအကြောင်း ဗွီအိုအေ သတင်းထောက် ဒန်နီရယ်လ် ရှာ့ပ်ဖ်
(Daniel Schearf) သတင်းပေးပို့ထားတာကို ကိုဇော်ဝင်းလှိုင်က တင်ပြပေးထားပါ
တယ်။
ဆူဒန်နိုင်ငံမှာ ဖြစ်ပေါ်နေတဲ့ အစုလိုက်အပြုံလိုက်သတ်ဖြတ်မှု၊ လူသားအဖြစ်ကို
ဆန့်ကျင်ကျူးလွန်တဲ့ ရာဇ၀တ်မှု၊ ဒါးဖောဒေသက စစ်ရာဇ၀တ်မှု ကျူးလွန်မှုမှာ ဆူဒန်
အစိုးရ ပါဝင်ပတ်သက်ခဲ့မှု စတာတွေနဲ့ ICC နိုင်ငံတကာ ရာဇ၀တ်ခုံရုံးက ဆူဒန်သမ္မတ
အိုမာ အယ်လ် ဘရှီးယား (Omar al-Bashir) ကို စွဲချက်တင်ထားတာပါ။ နောက်
သူ့အတွက် ဖမ်းဝရမ်းထုတ်ပေးဖို့ကိုလည်း တောင်းဆိုထားပါတယ်။
တရုတ်အစိုးရအနေနဲ့ ဆူဒန်နိုင်ငံနဲ့ ချစ်ကြည်ရင်းနှီးစွာ ဆက်ဆံကြောင်းနဲ့ အခုလို
စွဲချက်တင်တဲ့အပေါ်မှာ အလေးအနက် စိုးရိမ်ပူမိကြောင်း တရုတ်အစိုးရ နိုင်ငံခြားရေး
ဝန်ကြီးဌာန ပြောခွင့်ရပုဂ္ဂိုလ် လျူ ဂျန်ချောင်း (Liu Jianchao) က ပြောပါတယ်။
“ဒါးဖောဒေသက အခြေအနေတွေဟာ စိုးရိမ်ရတဲ့အနေအထားကို ရောက်နေပါတယ်။
နောက် ပူးပေါင်းဆောင်ရွက်မှု အခြေအနေတွေကို ထိခိုက်စေမယ့် ရှုပ်ထွေးမှုတွေ
ထပ်မတိုးလာစေချင်ဖို့ နှစ်ဖက်စလုံးက သဘောထားကွဲပြားမှုတွေကို စေ့စပ်ညှိနှိုင်း
အဖြေရှာတဲ့နည်းနဲ့ လုပ်ဆောင်ကြလိမ့်မယ်လို့ မျှော်လင့်ပါတယ်” လို့ ပြောသွားပါတယ်။
လက်ရှိအာဏာရ တိုင်းပြည်ခေါင်းဆောင်တယောက်ကို နိုင်ငံတကာ ရာဇ၀တ်ခုံရုံးက
အခုလို စွဲချက်တင်လာတာ ဒါ ပထမဆုံးအကြိမ်ပါ။ ဆူဒန်အစိုးရကတော့ ဒီစွဲချက်တွေ
ကို ဝေဖန်ရှုတ်ချလိုက်ပြီး ဖမ်းဝရမ်းမှန်သမျှကို မသိကျိုးကျွန်ပြုထားမယ်လို့ ဆိုပါတယ်။
ဒါးဖောဒေသမှာရှိတဲ့ လူမည်း ဆူဒန်လူမျိုးတွေကို စနစ်တကျ မတရားပြုကျင့်ပြီး
သတ်ဖြတ်မှုတွေဖြစ်ပေါ်အောင် မစ္စတာ ဘရှီးယားက အားပေးအားမြှောက် လုပ်နေ
တယ်လို့ စွပ်စွဲခံထားရတာပါ။ ဆူဒန်တောင်ပိုင်းက ဒါးဖောဒေသမှာ အစိုးရတပ်တွေနဲ့
ဂျန်ဂျာဝီး (Janjawee) လို့ခေါ်တဲ့ စစ်သွေးကြွတွေအကြား ၂၀၀၃ ခုနှစ်က စဖြစ်ခဲ့တဲ့
တိုက်ပွဲတွေကြောင့် လူပေါင်း ၃ သိန်းလောက် သေဆုံးပြီး ဖြစ်ပါတယ်။
နိုင်ငံတကာ ရာဇ၀တ်ခုံရုံးက မစ္စတာ ဘရှီးယားကို ဖမ်းဝရမ်းထုတ်ထားတာ တားမြစ်ဖို့
အတွက် တခြား လုံခြုံရေးကောင်စီ အဖွဲ့ဝင်တွေနဲ့ ညှိနှိုင်းဆောင်ရွက်သွားမယ်လို့
မစ္စတာလျူက ပြောပါတယ်။
ဆူဒန်အစိုးရကို တရုတ်နိုင်ငံက လက်နက်တွေ ရောင်းချနေတာကြောင့် အခြေအနေ
တွေ ပိုဆိုးလာနေတယ်လို့ ဝေဖန်ပြောဆိုနေကြပါတယ်။ ဆူဒန်အပေါ် လက်နက်
ရောင်းဝယ်မှုမလုပ်ဖို့ ကုလသမဂ္ဂက ချမှတ်ထားတဲ့ ပိတ်ဆို့အရေးယူမှုကို တရုတ်အစိုးရ
က ချိုးဖောက်ပြီး လက်နက်တွေ ရောင်းချခဲ့တယ်လို့ ဘီဘီစီသတင်းဌာနက ဒီသီတင်း
ပတ်ထဲမှာ ဖော်ပြခဲ့ပါတယ်။ အဲဒီသတင်းထဲမှာ ဆူဒန်ကို တရုတ်အစိုးရက စစ်သုံးထရပ်
ကားတွေရောင်းပြီး စစ်သွေးကြွတွေကိုလည်း လေယာဉ်မောင်းသင်ပေးတယ်လို့ ဖော်ပြ
ထားပါတယ်။
ဘီဘီစီသတင်းဌာနအနေနဲ့ တခြားရည်မှန်းချက်ရှိလို့သာ အခုလို စွပ်စွဲပြောဆိုတာ
ဖြစ်မယ်လို့ မစ္စတာလျူက ပြောပါတယ်။
“ဘီဘီစီသတင်းဟာ မျှတမှုမရှိသလို မှန်ကန်မှုလည်း မရှိပါဘူး။ တရုတ်နိုင်ငံအနေနဲ့
လုံခြုံရေးကောင်စီရဲ့ ဆုံးဖြတ်ချက်တွေကို ဘယ်တုန်းကမှ မချိုးဖောက်ခဲ့ပါဘူး။” လို့
ပြောသွားခဲ့ပါတယ်။
ဆူဒန်နိုင်ငံရဲ့ ရေနံတူးဖော်ရေးလုပ်ငန်းတွေမှာ တရုတ်နိုင်ငံဟာ အဓိက ရင်းနှီးမြှုပ်နှံတဲ့
နိုင်ငံ ဖြစ်တာကြောင့် အစိုးရနဲ့ သူပုန်တွေအကြား ငြိမ်းချမ်းရေး ဆွေးနွေးဖြစ်အောင်
သူ့ရဲ့သြဇာကိုအသုံးပြုပြီး တိုက်တွန်းလုပ်ဆောင်ဖို့နိုင်ငံတကာက ၀ိုင်းဝန်းဖိအားပေး
နေတာပါ။ဒါပေမယ့် နိုင်ငံတကာ ငြိမ်းချမ်းရေးတပ်ဖွဲ့တွေ ဆူဒန်နိုင်ငံထဲဝင်ခွင့်ရအောင်
လုပ်ဆောင်ခဲ့မှုအပေါ်မှာတော့ တရုတ်နိုင်ငံကို ချီးကျူးခဲ့ကြပါတယ်။

ဒေသတွင်း ကပ်ဘေးကယ်ဆယ်ရေးဆိုင်ရာ စစ်ဖက်-အရပ်ဖက် ပူးတွဲလေ့ကျင့်ခန်းလုပ်ရန် အေအာရ်အက်ဖ်တွင် ဆွေးနွေးမည်
15 July 2008
ဦးသားညွန့်ဦး -
အေအာရ်အက်ဖ်ခေါ် အရှေ့တောင်အာရှဒေသ လုံခြုံရေးဆိုင်ရာ အစည်းအဝေးကို အခု
လာမယ့် ဇူလိုင် ၂၄ ရက်နေ့ ကျင်းပမှာဖြစ်ပါတယ်။ ဒီအစည်းအဝေးမှာ အာဆီယံနိုင်ငံ
တွေနဲ့ အခြားအင်အားကြီးနိုင်ငံတွေ ပူးပေါင်းပြီးတော့ ဒေသတွင်း ကပ်ဘေးအန္တရာယ်
ကျရောက်မှုရှိလာရင် ကယ်ဆယ်ရေးလုပ်ငန်းတွေ ပေါင်းပြီးလုပ်နိုင်ဖို့ စစ်ဖက်-
အရပ်ဖက် နှစ်ဖက်ပါဝင်တဲ့ လေ့ကျင့်မှုတရပ်ကို ပြုလုပ်ရေး အဆိုပြုချက်ရှိနေတယ်လို့
သိရပါတယ်။ ဒီအကြောင်းနဲ့ပတ်သက်လို့ အပြည့်အစုံကို ကိုသားညွန့်ဦးက တင်ပြ
ပေးထားပါတယ်။
အခုလို အာဆီယံနိုင်ငံတွေနဲ့ အခြားအင်အားကြီးနိုင်ငံတွေတွဲပြီး စစ်ဖက်-အရပ်ဖက်
ကပ်ဘေးကယ်ဆယ်မှုဆိုင်ရာ လေ့ကျင့်ခန်းလုပ်ဖို့ ဆွေးနွေးနေကြတယ်၊ အေအာရ်
အက်ဖ်ရဲ့ အဖွဲ့ဝင် ၂၇ နိုင်ငံအနေနဲ့ လာမယ့် ၂၀၀၉ ခုနှစ်အစောပိုင်းမှာ သဘောတူ
လက်ခံကြဖွယ်ရှိတယ်လို့ မနေ့ကထုတ်တဲ့ ထိုင်းနိုင်ငံ ဘန်ကောက်ပို့စ် သတင်းစာကြီး
က ရေးသားထားပါတယ်။ အဲဒီမှာပဲ အမေရိကန်အစိုးရရဲ့ အာဆီယံဒေသ အထူး
ကိုယ်စားလှယ် စကော့ မာဆီရယ်လ် (Scot Marciel) ရဲ့ ပြောဆိုချက်ကို ကိုးကားပြီး
တော့ အခုလာမယ့် ဇူလိုင် ၂၄ အေအာရ်အက်ဖ် အစည်းအဝေးမှာ ဒီကိစ္စကို ဆွေးနွေး
ဖွယ်ရှိတယ်လို့ ဆိုထားပါတယ်။
ပြီးခဲ့တဲ့ မြန်မာနိုင်ငံက ဆိုင်ကလုံးကပ်ဘေးကြောင့် ဒေသတွင်း အခုလို ကယ်ဘေးဆိုး
တွေ ကျရောက်လာရင် ဘယ်လို ဒေသတွင်းမှာ၊ ဒါမှမဟုတ် နိုင်ငံတကာအနေနဲ့ အမြန်
ဆုံး ပူးပေါင်းဆောင်ရွက်ကြမလဲဆိုတာဟာ မေးခွန်းဖြစ်လာပါတယ်။ ဒီအပေါ်မှာပဲ
အခုလိုစဉ်းစားချက်တွေ ပေါ်လာတယ်လို့ ယူဆရပါတယ်။ ဒါပေမယ့် အခု လေ့ကျင့်ခန်း
သဘောက အရပ်ဖက်ကယ်ဆယ်ရေးတင်မဟုတ်ဘဲ စစ်အင်အားတွေကိုပါ အသုံးချ
မယ့်သဘောဖြစ်တာကြောင့် အေအာရ်အက်ဖ် အပါအ၀င်ဖြစ်တဲ့ မြန်မာနိုင်ငံလို အခြား
အာဆီယံနိုင်ငံတွေဘက်က တကယ်တမ်း အင်အားကြီးနိုင်ငံတွေက စစ်ရေးပါဝင်လာမှု
ကို လက်ခံနိုင်ဖွယ်ရှိပါရဲ့လား။ ဂျော့ခ်ျတောင်းတက္ကသိုလ် လုံခြုံရေးဆိုင်ရာပညာရပ်
လေ့လာသူ ကိုမင်းဇော်ဦးကတော့ အာဆီယံနိုင်ငံအချို့က အင်အားကြီးနိုင်ငံတွေနဲ့
စစ်ရေးပူးတွဲဆောင်ရွက်ဖို့ သတိထားကြနိုင်တယ်လို့ ယူဆပါတယ်။
“အာရှနိုင်ငံ၊ အထူးသဖြင့် အာဆီယံနိုင်ငံတွေအတွင်းမှာတော့ အဲဒီကိစ္စနဲ့ပတ်သက်ပြီး
သဘောထားကွဲလွဲမှုတချို့ ဖြစ်နိုင်တယ်။ ထိုင်းနိုင်ငံနဲ့ ဖိလစ်ပိုင်နိုင်ငံက နေတိုးမဟုတ်
တဲ့ အမေရိကန်ရဲ့ မဟာမိတ်နိုင်ငံထဲမှာပါတယ်။ စင်ကာပူနိုင်ငံဆိုရင်လည်း ဒေသတွင်း
မှာ အမေရိကန်ရဲ့ စစ်လက်နက်ပစ္စည်း အများဆုံးကို တပ်ဆင်ထားတဲ့နိုင်ငံဖြစ်တယ်။
အဲဒါကြောင့် အမေရိကန်နဲ့ စင်ကာပူကြား၊ ထိုင်းနဲ့ ဖိလစ်ပိုင်တို့ကြားမှာ စစ်ရေးအရ
ပူးတွဲဆောင်ရွက်မှုတွေက ဟိုးအရင်ကတည်းက ရှိတယ်။
“ဒါပေမယ့် တခြားနိုင်ငံတွေအနေနဲ့ဆိုရင် ဒီလိုကိစ္စမျိုးကို သိပ်သတိထားတယ်။ ဥပမာ
ဆူနာမီဖြစ်တဲ့ကိစ္စတုန်းက အင်ဒိုနီးရှားမှာ အမေရိကန်က ၀င်ပြီးကူညီမယ့်ကိစ္စကို သူတို့
အများကြီး အသေးစိတ်ဆွေးနွေးတာတွေ လုပ်ခဲ့ရတယ်။ လေယာဉ်တင်သင်္ဘောကြီးကို
ဘယ်လိုပေးကပ်မလဲ၊ လေယာဉ်တင်သင်္ဘော ပေးကပ်တဲ့အတွက် အမေရိကန်
လေယာဉ်တွေက ပိုင်းလော့တယောက်က နှစ်ပတ်အနည်းဆုံး မဖြစ်မနေ ပျံရတာရှိ
တယ်။ အဲတော့ အင်ဒိုနီးရှားနိုင်ငံ လေပိုင်နက်အတွင်းမှာ လေယာဉ်ပျံတွေ
ဘယ်လောက်ပေးပျံမလဲ။ ဒါမျိုး အသေးစိတ်တွေကအစ ဆွေးနွေးရတာရှိတယ်။
“အဲဒီလို အသေးစိတ်ကိစ္စတွေ ဆွေးနွေးတဲ့အဆင့်မရောက်ဘဲ မူအရ အကုန်လုံးက
ဗြုန်းစားကြီးလက်ခံဖို့ဆိုတာတော့ မလွယ်သေးဘူးလို့ ကျနော်ထင်ပါတယ်။”
ပြီးခဲ့တဲ့ မြန်မာနိုင်ငံမှာ ဆိုင်ကလုံးမုန်တိုင်း တိုက်တုန်းကလည်း အမေရိကန်နဲ့ ပြင်သစ်
က စစ်သင်္ဘောတွေနဲ့ ကယ်ဆယ်ရေးလုပ်ငန်းတွေလုပ်ဖို့ ခွင့်တောင်းခဲ့တာကို မြန်မာ
အာဏာပိုင်တွေဘက်က ပယ်ချခဲ့ပါတယ်။ အခုအခြေအနေလိုမျိုး အင်အားကြီးနိုင်ငံ
တွေရဲ့ စစ်တပ်ပါ ပါတဲ့ လေ့ကျင့်ခန်းမျိုးတွေ လုပ်မယ့်အပေါ်မှာ မြန်မာဘက်က စိုးရိမ်
ချက်တွေ ရှိမလာနိုင်ဘူးလား။
“ဒီလို ဖြစ်စဉ်တခုကို လေ့ကျင့်ခန်းလုပ်လိုက်ရုံနဲ့ နိုင်ငံတခုမှာ ဒီလိုဖြစ်လာခဲ့လို့ရှိရင်
ဒီနိုင်ငံတွေက ၀င်ကူညီလို့ရတယ်၊ ၀င်စွက်ဖက်လို့ရတယ်ဆိုတဲ့ သဘောတူညီချက်ကို
လက်မှတ်ထိုးတာမဟုတ်ပါဘူး။ အဲတော့ မြန်မာပြည်ရဲ့ အနေအထားမှာလည်း ဒီလိုမျိုး
တိုင်းပြည်မှာ ကပ်ဘေးဒုက္ခဖြစ်လာရင် ကျနော်တို့တိုင်းပြည်က ခွင့်ပြုချက်မရဘဲ
တခြားတိုင်းပြည်က ၀င်လို့မရဘူးဆိုတဲ့ အခြေခံအချက် ရှိနေသရွေ့ကတော့ မြန်မာပြည်
လက်ရှိအစိုးရအတွက် ဒါတွေကို စိုးရိမ်စရာမလိုဘူးလို့ ထင်ပါတယ်။”
အခုလိုမျိုးစဉ်းစားချက် စစ်ရေးအရပါ ပူးပေါင်းဆောင်ရွက်မှုမျိုးတွေ အရင်ကရော
အေအာရ်အက်ဖ်အတွင်းမှာ ရှိခဲ့ဖူးပါသလား။
“ထိရောက်တဲ့အဆင့်လောက်အထိ မရှိခဲ့ဖူးဘူး။ အာဆီယံတခုလုံးအနေနဲ့လည်း မရှိခဲ့
ဘူး။ ရှိခဲ့တယ်ဆိုတဲ့ဟာတွေကလည်း အာဆီယံနိုင်ငံထဲမှာရှိနေတဲ့ နေတိုးမဟုတ်တဲ့
အမေရိကန်ရဲ့ မဟာမိတ်နိုင်ငံတွေဖြစ်တဲ့ ဖိလစ်ပိုင်တို့၊ ထိုင်းတို့၊ အမေရိကန်နဲ့ စစ်ရေး
အရ အစဉ်အဆက် ပူးပေါင်းဆောင်ရွက်ခဲ့တဲ့ စင်ကာပူလိုနိုင်ငံမျိုးတွေလောက်ပဲ ရှိပါ
တယ်။ တခြားနိုင်ငံတွေက ဒီလောက်အထိ ပူးပေါင်းဆောင်ရွက်မှု မရှိကြပါဘူး။”
ကိုမင်းဇော်ဦး ပြောပြသွားတာ ဖြစ်ပါတယ်။
အေအာရ်အက်ဖ်ဟာ အာရှ-ပစိဖိတ်ဒေသ အထူးသဖြင့် အာဆီယံဒေသတွင်း ငြိမ်းချမ်း
ရေးနဲ့ လုံခြုံရေးအတွက် အပြန်အလှန်ဆွေးနွေးရေး ဦးတည်ဖွဲ့စည်းထားတဲ့ လုံခြုံရေး
ဆိုင်ရာ ဒေသအဖွဲ့အစည်း ဖြစ်ပါတယ်။ ဒီအဖွဲ့အတွင်း အာရှနိုင်ငံတွေအပြင် အခြား
အမေရိကန်ပြည်ထောင်စုနဲ့ ဥရောပနိုင်ငံတွေကိုပါ ထည့်သွင်းထားတာပါ။ အခုလာမယ့်
အေအာရ်အက်ဖ် အစည်းအဝေးကိုတော့ အမေရိကန်ပြည်ထောင်စုက နိုင်ငံခြားရေး
ဝန်ကြီး ကွန်ဒိုလီဇာရိုက်စ် (Condoleezza Rice) လည်း တက်ရောက်မယ်လို့ နိုင်ငံခြား
ရေးဌာနက ဒီကနေ့ပဲ ကြေညာခဲ့ပါတယ်။