Friday, July 25, 2008

အဖွဲ့ချုပ်ဗဟိုတွင်ကျင်းပသော၆၁နှစ်မြောက်အာဇာနည်နေ့အခမ်းအနားနှင့်ဗိုလ်မှုးအောင်လင်းထွဠ်မေးမြန်းခန်း

videoဆုံးလျှင်အောက်၌ပေါ်လာသောlinksတွင်အခြားသတင်းများဆက်ကြည့်နိုင်ပါသည်။

ချင်းပြည်နယ်တွင်နှစ်၅၀တွင်တခါပွင့်သောဒီပန်းတွေကြွက်တွေကြိုက်ရာမှစပါးခင်းနှင့်တောင်ယာသို့ဆက်သွားခဲ့သည်။

သောကြာသတင်း


မြန်မာကိစ္စ လုံခြုံရေးကောင်စီမှာ သဘောထားကွဲ
Agencies/ ၂၅ ဇူလိုင် ၂၀၀၈
မြန်မာနိုင်ငံ၏ လူ့အခွင့်အရေးမှတ်တမ်း တိုးတက်ကောင်းမွန်လာစေရေး၊ ဒီမိုကရေစီ ပြုပြင် ပြောင်းလဲရေးတို့နှင့် ပတ်သက်၍ ကုလသမဂ္ဂလုံခြုံရေးကောင်စီအတွင်း၌ သဘောထားကွဲလွဲမှုများ ဖြစ်ပေါ်နေသည့်ပြင် မစ္စတာဂမ်ဘာရီ၏ ခရီးစဉ်မှ ခိုင်မာသည့်ရလဒ် ထွက်ပေါ်ရန် အမေရိကန်က ဖိအားပေးနေသည်။
ကုလအတွင်းရေးမှူးချုပ်၏ အထူးကိုယ်စားလှယ် မစ္စတာ အီဘရာဟင် ဂမ်ဘာရီ မြန်မာနိုင်ငံသို့ မကြာမီသွားရောက်ရန် ပြင်ဆင်နေစဉ် အဖွဲ့ဝင် (၁၅) နိုင်ငံ ပါဝင်သော လုံခြုံရေးကောင်စီက နိုင်ငံရေးပြောင်းလဲမှုများ ပြုလုပ်ရန် မြန်မာစစ်အစိုးရအပေါ် ဖိအားပေးရန် ပြန်လည်အာရုံစိုက်လာ ခြင်းဖြစ်သည်။
မစ္စတာဂမ်ဘာရီ၏ လာမည့်လ မြန်မာခရီးစဉ်မှ “ခိုင်မာသည့် ရလဒ်” တခု လိုလားကြောင်း၊ သို့မ ဟုတ်ပါက စစ်အစိုးရအနေဖြင့် “ပိုမိုပြင်းထန်သော ဖိအားပေးမှု” ကို ရင်ဆိုင်ရဖွယ်ရှိသည်ဟု အမေရိကန်အစိုးရက ပြောသည်။
ကုလသမဂ္ဂဆိုင်ရာ အမေရိကန်သံအမတ် ဇာမေး ခါလီဇဒ်က “စစ်အစိုးရကို ကျနော်အသိပေးလို တာကတော့ မစ္စတာဂမ်ဘာရီရဲ့ခရီးစဉ်ကို အခွင့်ကောင်းတခုအဖြစ် အရယူပါ။ စာမျက်နှာအသစ် တခုကို ဖွင့်လိုက်ပါ။ ဒါမှမဟုတ်ရင်တော့ ပိုပြီးဖိအားပေးခံရ မယ်ဆိုတာပါပဲ” ဟု သတင်းထောက် များကို ပြောသည်။
မစ္စတာဂမ်ဘာရီ၏ ခရီးစဉ်အောင်မြင်မှုအတွက် နိုင်ငံရေးလုပ်ငန်းစဉ်များအပေါ် မြန်မာစစ်အစိုးရ၏ ပူးပေါင်းဆောင်ရွက်မှု၊ ၂၀၁၀ ပြည့်နှစ် ရွေးကောက်ပွဲမတိုင်မီ နိုင်ငံရေးပြောင်းလဲမှုနှင့် ငြိမ်းချမ်းရေး နိုဘယ်လ်ဆုရှင် ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားများကို လွှတ်ပေးမှုတို့ လိုအပ်ကြောင်း ၎င်းက ပြောသည်။
ကုလသမဂ္ဂဆိုင်ရာ ဗြိတိန်သံအမတ် ဂျွန်ဆ၀ါးက မြန်မာနိုင်ငံအပေါ် ဖိအားပေးမည့် အတိုင်းအတာ ကို သဘောတူရန် လုံခြုံရေးကောင်စီအဖွဲ့ဝင်နိုင်ငံများအကြား အခက်အခဲများ ရှိနေသည်ကို အသိ မှတ်ပြုသော်လည်း လုံခြုံရေးကောင်စီအနေဖြင့် မြန်မာနိုင်ငံ၏ နိုင်ငံရေးပြဿနာများအပေါ် ဆက်လက်အာရုံစိုက်သင့်ကြောင်း ပြောသည်။
မစ္စတာဂျွန်ဆ၀ါးက “မြန်မာစစ်အစိုးရက နိုင်ငံတကာရဲ့တောင်းဆိုချက်တွေကို တုံ့ပြန်တာ မရှိတဲ့ အတွက် ကျနော်တို့မှာ အကျပ်အတည်းဖြစ်နေတဲ့ အနေအထားရှိပါတယ်။ ပြီးခဲ့တဲ့ ခြောက်လ လောက်ကဆို မြန်မာနိုင်ငံဟာ ဟိုးအရင်တုန်းက အနေအထား ပြန်ရောက်သွားတာပဲ” ဟု သတင်းထောက်များကို ပြောသည်။
သို့သော် ကုလသမဂ္ဂဆိုင်ရာ တရုတ်သံအမတ် ၀န်ဂွမ်ကျားကမူ မြန်မာနိုင်ငံအရေးသည် လုံခြုံရေး ကောင်စီ၏ အရေးယူမှု မလိုအပ်ပဲ စိတ်ရှည်သည်းခံရန်သာ လိုအပ်သည်ဟုပြောသည်။ ကုလ သမဂ္ဂဆိုင်ရာ ဗီယင်နမ်အမတ် လီလောင်မင်းကမူ မြန်မာ့ပြဿနာသည် ကျယ်ပြန့်သဖြင့် ဖြစ်ပေါ် လာမည့် မည်သည့်ဖြေရှင်းချက်မဆိုလည်း ကျယ်ပြန့်ရမည်ဟု ပြောသည်။
မစ္စတာဂမ်ဘာရီ ခရီးစဉ်ကိစ္စနှင့် ပတ်သက်၍ ကုလသမဂ္ဂ အထွေထွေအတွင်းရေးမှူး ဘန်ကီမွန်း ကလည်း လုံခြုံရေးကောင်စီ အမြဲတမ်းအဖွဲ့ဝင် (၅) နိုင်ငံအပါအ၀င် မြန်မာ့မိတ်ဆွေနိုင်ငံများအစု ဖြစ်သည့် အိန္ဒိယ၊ ထိုင်း၊ အင်ဒိုနီးရှား၊ စင်ကာပူ၊ ဗီယက်နမ်၊ ဂျပန်တို့နှင့် ဆွေးနွေးခဲ့ပြီးနောက် မစ္စတာဂမ်ဘာရီ၏ ခရီးစဉ်သည် “နိုင်ငံတကာ၏ စိုးရိမ်ပူပန်မှုများနှင့် ကိုက်ညီနိုင်သော တိုးတက် မှုတစုံတရာ ဖော်ဆောင်ပေးရန်” လိုအပ်သည်ဟု ထုတ်ပြန်ခဲ့သည်။
မစ္စတာဂမ်ဘာရီ၏ လာမည့်လ မြန်မာခရီးစဉ်သည် တတိယအကြိမ်မြောက်ဖြစ်ပြီး ဒုတိယအကြိမ် ခရီးစဉ်အတွင်း မြန်မာထိပ်တန်းစစ်ခေါင်းဆောင်များနှင့် တွေ့ဆုံခွင့်မရသဖြင့် သိသာသည့် အောင်မြင်မှု မရရှိခဲ့ကြောင်း ၎င်းက ထုတ်ဖော်ခဲ့သည်။ ။

ရွှေဝါရောင်တော်လှန်ရေးတွင်ပါသည့် မြန်မာမွတ်စလင်များကို ရဲဘက်စခန်းပို့
ကိုသက် ဇူလိုင် ၂၅၊ ၂၀၀၈
လွန်ခဲ့သည့်နှစ် စက်တင်ဘာလတွင် ပေါ်ပေါက်ခဲ့သော ရွှေဝါရောင် တော်လှန်ရေးတွင် ပါဝင်ခဲ့သည့် ကျောင်းသား လူငယ် ၁၀ ဦးကို စစ်အစိုးရက ထောင်ဒဏ် ၂ နှစ်စီချမှတ်၍ ရဲဘက်စခန်းများသို့ပို့ရာ ၎င်းတို့အနက် အများစုသည် မွတ်စလင် ဘာသာဝင်များဖြစ်ကြောင်း ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့ (အေအေပီပီ) က ပြောသည်။
အဆိုပါ နိုင်ငံရေးအကျဉ်းသား ၁၀ ဦးကို စစ်အစိုးရက ယခုအပတ်အတွင်း ထောင်ဒဏ် ၂ နှစ်စီချမှတ်ပြီး ပြည်ထဲရေးဝန်ကြီး ၏ အမိန့်ဖြင့် ဒေါက်ခြေချင်းများခတ်ကာ ရဲဘက်စခန်းအသီးသီးသို့ ပို့ဆောင်လိုက်ခြင်းဖြစ်သည်ဟု ယနေ့ထုတ် အေအေပီပီ ကြေညာချက်တွင် ဖော်ပြထားသည်။
မွတ်စလင်အများစုပါဝင်သည့် အဆိုပါ နိုင်ငံရေးအကျဉ်းသား ၁၀ ဦးကို ကျိုက်မရော ဘ၀သစ် (၆) ရဲဘက်စခန်း၊ ဘားအံ ဘ၀သစ် (၇) ရဲဘက်စခန်း၊ ဇင်းကျိုက် ကျောက်စခန်း၊ ရင်းငြိမ် ကျောက်စခန်းနှင့် တောင်စွန်း ရဲဘက်စခန်းများသို့ ပို့ဆောင်ခြင်း ဖြစ်သည်။
အေအေပီပီ ကြေညာချက်တွင် “ယေဘုယျအားဖြင့် နိုင်ငံရေးအကျဉ်းသားများကို ရဲဘက်စခန်းသို့ပို့ဆောင်၍ အလုပ်ကြမ်း များ ခိုင်းစေခြင်း မရှိခဲ့ပေ။ သို့သော်လည်း ၁၉၉၀ ခုနှစ် အောက်တိုဘာလတွင် ပတ္တနိက္ကုဇ္ဇန ကံဆောင်ခဲ့သော သံဃာတော် များကို ရဲဘက်စခန်းများသို့ ပို့ဆောင်၍ အလုပ်ကြမ်းများ ခိုင်းစေခဲ့ခြင်းကြောင့် သံဃာတော် ၁၉ ပါးမှာ အလုပ်ကြမ်းဒဏ် မခံနိုင်၍ ထိုနေရာများတွင်ပင် ပျံလွန်တော်မူခဲ့ရသည်” ဟု ဖော်ပြထားသည်။
အေအေပီပီ အတွင်းရေးမှူး ဦးတိတ်နိုင်က “ပြည်ထဲရေးဝန်ကြီးရဲ့အမိန့်နဲ့ ရဲဘက်စခန်းကိုပို့လိုက်တာဟာ ဘာသာရေးအရ နှိပ်ကွပ်မှုတခုဖြစ်တဲ့အပြင် ဒီကျောင်းသားလူငယ်တွေရဲ့ အသက်အန္တရာယ် စိုးရိမ်ရတဲ့အနေအထားမှာ ရှိနေပါတယ်” ဟု ပြောသည်။
ရွှေဝါရောင် တော်လှန်ရေးနောက်ပိုင်း စစ်အစိုးရက ဘာသာရေးဖိနှိပ်မှုများကို အလွန်အကျွံလုပ်လာသည်ကို တွေ့ရသည်ဟု လည်း ဦးတိတ်နိုင်က ပြောသည်။
လွန်ခဲ့သည့် ၂ ပတ်ခန့်က မန္တလေးဘူတာတွင် နာဂစ်မုန်တိုင်းကယ်ဆယ်ရေး သွားရောက်လုပ်ကိုင်မည့်သံဃာတော် ၉ ပါးကို အာဏာပိုင်တို့က ဖမ်းဆီးလိုက်ပြီး ၎င်းတို့အား ယမန်နေ့က ရုံးထုတ်သည်ဟု ကြားသိရသည်။
“၁၉၈၈ ခု အရေးအခင်းကာလတုန်းက ရန်ကုန်ဆေးရုံကြီးကို ဖမ်းလာတဲ့ မွတ်စလင်တွေ ရှိခဲ့ဖူးတယ်။ အဲဒီအထဲက တချို့ ဆိုရင် လုံးဝပျောက်သွားတဲ့ အဆင့်အထိ ရှိတယ်” ဟုလည်း ဦးတိတ်နိုင်က ပြောသည်။

မုန်တိုင်း ကယ်ဆယ်ရေးတွင် ဂီတအနုပညာရှင်များလည်း ပါဝင်
ကိုစိုး ဇူလိုင် ၂၅၊ ၂၀၀၈
နာဂစ် မုန်တိုင်း ဒုက္ခသည်များအတွက် လှူဒါန်းရန် ရည်ရွယ်ပြီး မြန်မာပြည်တွင်းရှိ နာမည်ကျော် ဂီတအနုပညာ ရှင်များက တေးစီးရီး သီဆို ထုတ်လုပ်ရန် စီစဉ်နေကြကြောင်း သိရသည်။
သီချင်းအများစု အသံသွင်းပြီးနေပြီဖြစ်သော အဆိုတော်ပေါင်း၂၀ ကျော် ပါဝင်သီဆိုထားသည့် အဆိုပါ တေးစီးရီး ထုတ်လုပ် ရောင်းချရာမှ ရရှိလာမည့် ငွေများ အားလုံးကို လေဘေးဒုက္ခသည်များသို့ တိုက်ရိုက် လှူဒါန်းသွားမည် ဖြစ်ကြောင်း စီစဉ်သူ ကိုဝေထွန်း (နဝရတ် စတူဒီယို) က ပြောပြသည်။
“အရင်လထဲက စပြီး အသံသွင်းနေတာပါ၊ အခုအထိ ဆိုတာ တီးတာတွေ အတော်ပြီးနေပါပြီ၊ ၂ ပုဒ်လောက်ပဲ ကျန်မယ်၊ အင်ပါယာ ၀ိုင်းက နည်းနည်းကျန်တယ်၊ ဒါပါပဲ၊ ဗီစီဒီ ရိုက်ကူးရေးအတွက်တော့ ကျန်သေးတယ်၊ အဲဒါတွေ ပြီးမှ စိစစ်ရေး တင်၊ ကျမှ ဖြန့်ချိရမှာဆိုတော့ ဖြန့်ချိဖို့တော့ နည်းနည်းလိုဦးမယ်၊ အဲဒီအခွေက ရရှိလာ မယ့် ငွေတွေ ကို အကုန်လှူကြမှာပါ၊ ဒုက္ခသည်တွေကို တိုက်ရိုက်လှူမှာပါ၊ ဒါပေမယ့် ပိုက်ဆံ ရမှပဲ အဆိုတော် တွေနဲ့တိုင်ပင်ပြီး သူတို့ ဘာလုပ်စေချင်လဲဆိုတာ၊ သူတို့ ဆန္ဒရှိတဲ့အပေါ်မှာ လုပ်ရမှာပါ”ဟု ကိုဝေထွန်း က ဧရာဝတီသို့ ပြောသည်။
ယင်းတေးစီးရီးတွင် ချစ်ကောင်း၊ ရင်ဂို၊ ထူးအယ်လ်လင်း၊ ဂရေဟန်၊ စည်သူလွင်၊ ဆောင်းဦးလှိုင်၊ နွဲ့ယဉ်ဝင်း၊ မေခလာ၊ ဟေမာနေဝင်း၊ ကော်နီ၊ လေးလေးဝါး၊ ကဗျာဘွဲ့မှူး၊ ချောစုခင်၊ မီးမီးခဲ၊ ဆုန်သင်းပါရ်၊ ရှင်ဘုန်း၊ခင်ဘုန်း၊ သံသာဝင်း၊ ဇန်နူး၊ မို့မို့ဇော်ဝင်း၊ အားမူ စသည့် ပရိသတ် နှစ်သက်မည့် အဆိုတော်ပေါင်း ၂၄ ဦးခန့် ပါဝင်ကြောင်း၊ အင်ပါယာ၊ ဥက္ကာ+၃ ၊ စပက်ထရန် တီးဝိုင်းများဖြင့် န၀တ်စတူဒီယိုတွင် အသံသွင်းယူနေခြင်း ဖြစ်ကြောင်းလည်း ၎င်းက ပြောပြသည်။
“အင်ပါယာ၊ ဥက္ကာ + ၃ နဲ့ စပက်ထရန် ၀ိုင်းတွေက တီးပေးတယ်၊ သီချင်းတွေက ကိုယ်ပိုင် သံစဉ်ရော၊ ကော်ပီ ရောပါပဲ၊ ကျနော့်ကို အတင်းဝင်တီးခိုင်းကြလို့ တပုဒ် ဝင်တီးပေးထားတယ်၊ အသံသွင်းတာကတော့ ကျနော့် စတူဒီယို မှာပါပဲ”ဟု ကိုဝေထွန်းက ဆက်ပြောသည်။
အဆိုတော် ဆုန်သင်းပါရ်ကလည်း ယခုတေးစီးရီးသည် လေဘေးဒုက္ခသည်များကို လှူဒါန်းမည့် မွန်မြတ်သော အစီအစဉ် ဖြစ်သောကြောင့် အကျိုးခံစားခွင့်များကိုလှူဒါန်းရန် ကိုယ်တိုင်လိုလားစွာပါဝင် သီဆိုလိုခြင်းဖြစ်ကြောင်း ပြောဆိုသည်။
“သီချင်းတော့ မပေးရသေးဘူး၊ ဆိုတော့ဆိုမှာပါ၊ ကောင်းတဲ့ကိစ္စ ဆိုတော့ ကိုယ်လည်း ပါချင်တာပေါ့”ဟု ဆုန်သင်းပါရ်က ပြောသည်။
ကိုဝေထွန်းက ဆက်လက်၍ ယခုအစီအစဉ်ကို ၎င်းအနေနှင့် စတင်လုပ်ဆောင်ဖြစ်ခြင်းမှာ မြစ်ဝကျွန်းပေါ် ဖျာပုံဘက်သို့ လေဘေး ကူညီရေး သွားရောက်လုပ်ကိုင်နေသည်ကို အဆိုတော်များက သိရှိပြီး ကူညီလိုကြရာမှ အကောင်အထည်ပေါ် လာခြင်းဖြစ်သည်ဟုလည်း ပြောပြသည်။
“ဘယ်လို စလုပ်ဖြစ်တာလဲ ဆိုတော့ ကျနော် ဖျာပုံဘက်ကို သွားပြီး ဒုက္ခသည်တွေ ပြန်လည်တည်ဆောက်ရေးတွေ လုပ်ပါ တယ်၊ ထူထောင်ရေး အပိုင်းတွေ ကိုင်ပေးနေပါတယ်၊ ကျနော်တို့ ခရစ်ယာန်အသင်းကနေ စာသင် ကျောင်းတွေ လှူပါတယ်၊ အဲဒီမှာ ကျနော် ကူညီပြီး လုပ်ပေးနေပါတယ်၊ လုပ်ပေးနေတဲ့အခါမှာ လိုအပ်တာလေး တွေ ထိရောက်အောင်ပေါ့၊ သူတို့တွေ က ပါဝင်ချင်တယ်၊ အားလုံးကလည်း လုပ်ပေးချင်ကြတယ်၊ အဆိုတော် တွေက ကူညီချင်တာနဲ့ ကျနော်က အခွေလေးသွင်း ပါလား ဆိုပြီးတော့ ကျနော်က စပွန်ဆာ လုပ်ပေးတာပါ”ဟု ၎င်းက ပြောဆိုသည်။
အလားတူ အဆိုတော် ခင်မောင်တိုးကလည်း လေဘေးသင့် ဒုက္ခသည်များကို ပေးလှူရန်ရည်ရွယ်၍ ၎င်း ကိုယ်တိုင် သီဆို မည့် တေးစီးရီးတခွေ ထုတ်လုပ်ရန် စီစဉ်နေကြောင်း ဇနီး ဖြစ်သူက ပြောသည်။
“အဲဒီ အခွေက သီချင်းနည်းနည်းပါးပါးတော့ စုပြီးနေပြီ၊ ခရီးအသွားအလာတွေ နည်းနည်းရှိနေတာနဲ့ အသံသွင်းတာတော့ မစရ သေးပါဘူး၊ အတီးသမားတွေကလည်း အလုပ်နည်းနည်းများနေသေးလို့၊ နာမည်တွေ ဘာတွေလည်း မရွေးရသေး ပါဘူး၊ သီချင်း အဟောင်းထဲကတော့ ကရုဏာ သီချင်းတို့ဘာတို့ကို ရွေးတော့ ရွေးထားပြီး ပါပြီ၊ သီချင်းက အဟောင်းရော အသစ်ရော ပါမှာပါ၊ ကိုယ်ပိုင် သံစဉ်တွေပါပဲ၊ အကုန်လုံးတော့ တိုင်ပင်ထားပြီးပါပြီ၊ တေးရေးတွေက ကိုနိုင်မင်း၊ ကိုအီးချိုနဲ့ အရင်ရေးနေကြ လူတွေပါပဲ”ဟု ၎င်းက ပြောပြသည်။
အဆိုတော် ခင်မောင်တိုးသည် အာဇာနည်၊ မေခလာ၊ ကိုမြတ်မင်း တို့နှင့်အတူ ဂျပန်နိုင်ငံတွင် စင်မြင့် ဖျော်ဖြေပွဲ သီဆိုရန် ယမန်နေ့က ထွက်ခွာသွားကြောင်းလည်း သိရသည်။
“မေခလာ၊ အာဇာနည်နဲ့ ကိုတိုးနဲ့ သုံးယောက်ပါ၊ တီးတာကတော့ ကိုမြတ်မင်း တယောက်ပဲပါတယ်၊ နာဂစ် ရန်ပုံ ငွေပွဲလို့ တော့ ပြောတယ်၊ တပတ် ၁၀ ရက်လောက် ကြာမယ်ဆိုတော့ အဲဒီက ပြန်လာမှပဲ အခု အခွေကို ဆက်လုပ်ရမှာပါ”ဟု အဆိုတော် ခင်မောင်တိုး၏ ဇနီး က ဆိုသည်။
အဆိုတော် ခင်မောင်တိုးသည် သီချင်းအဟောင်းများထဲက မထွက်ဘူးသေးသော Live Show အခွေ တခွေကို စိုးသက်အောင် တေးစီးရီးထုတ်လုပ်ရေးနှင့် ရိုက်ကူး စီစဉ်နေကြောင်းလည်း သိရှိရသည်။

ဓာတ်မြေသြဇာဈေး ယခင်နှစ်ကထက် နှစ်ဆ ခန့် မြင့်တက်
ကြည်ဝေ ဇူလိုင် ၂၅၊ ၂၀၀၈
စပါးစိုက်တောင်သူလယ်သမားများအနေနှင့် လက်ရှိ ဓာတ်မြေသြဇာဈေးမှာ ယခင်နှစ်ကထက် ၂ ဆ ၀န်းကျင် ခန့်မြင့်တက် လာမှုကြောင့် ဓာတ်မြေသြဇာ ၀ယ်ယူသုံးစွဲရန် အခက်အခဲဖြစ်လျှက်ရှိကြောင်း သိရှိရသည်။
လက်ရှိ ရန်ကုန်ဈေးကွက်အတွင်း ၅၀ ကီလိုအိတ်တအိတ် ဓာတ်မြေသြဇာပေါက်ဈေးမှာ ကျပ် ၅၀၀၀၀ ၀န်းကျင် အထိ ပေါက်ဈေးရှိပြီး ပိုတက်မှာ ကျပ် ၄၈၀၀၀ ဈေး၊ မြေသြဇာနက် ဟုခေါ်သော GTSP မှာ ၄၁၀၀၀ ဈေး ပေါက် လျက်ရှိသည်ဟု ဓာတ်မြေသြဇာ အရောင်းအ၀ယ်သမားများက ပြောသည်။
ယခင်နှစ်က ဓာတ်မြေသြဇာပေါက်ဈေးမှာ တအိတ်လျှင် ကျပ် ၂၀၀၀၀ ၀န်းကျင်ဈေးမှ ကျပ် ၂၆၀၀၀ ဈေး အထိ အမြင့်ဆုံး ရှိခဲ့ကြောင်း သိရှိရသည်။
လက်ရှိပေါက်ဈေးကြောင့် ဓာတ်မြေသြဇာကို ကုန်သည်များနှင့်တောင်သူလယ်သမားတချို့ကသာ ၀ယ်ယူကြကြောင်း မြေသြဇာအရောင်း အ၀ယ်လုပ်ငန်းသမားများက ဆိုသည်။
လက်ရှိမြင့်တက်လျှက်ရှိသော ဓာတ်မြေသြဇာဈေးကြောင့် တနိုင်ငံလုံးရှိ တောင်သူလယ်သမားများအနေနှင့် ဓာတ်မြေသြဇာ ၀ယ်သုံးရန်အတွက် စဉ်းစားချင့်ချိန်နေရသော အခြေအနေမျိုးဖြစ်ပြီး မုန်တိုင်းဒဏ်သင့် လယ်သမားများမှာအနေနှင့်မူ အလှူရှင်မရှိပါက ၀ယ်ယူသုံးစွဲနိုင်သည့် အခြေအနေမရှိကြောင်း ရန်ကုန်တိုင်း ကွမ်းခြံ ကုန်းမြို့နယ်မှ တောင်သူလယ် သမားများ၏ ပြောပြချက်များအရ သိရှိရသည်။
“စိုက်ပြီးတဲ့ စပါးကိုအောင်မြင်အောင်ဆိုရင် ဓာတ်မြေသြဇာက မထည့်မဖြစ်ကို ထည့်ရတော့မှာ၊ ဓာတ်မြေသြဇာ သုံးမှပဲ စပါးအထွက်ကောင်းတာပါ။ ကျနော်တို့ အနေနဲ့ ဓာတ်မြေသြဇာကို ၀ယ်သုံးရမယ်ဆိုရင် ဘယ်လိုမှကို ၀ယ်သုံးနိုင်မှာ မဟုတ်ပါဘူး” ဟု ကွမ်းခြံကုန်းမြို့နယ် တောကျောင်းကျေးရွာမှ တောင်သူလယ်သမားတဦးက ပြောဆိုသည်။
ဓာတ်မြေသြဇာကို စပါးစိုက်ပျိုးချိန်တွင် ပထမအကြိမ်ထည့်ရပြီး စိုက်ပျိုးပြီးနောက်ပိုင်းတွင် ဒုတိယအကြိမ် စုစု ပေါင်း ၂ ကြိမ်တိုင်တိုင်ထည့်ပေးရကြောင်း ၊ ပထမအကြိမ်ကို စိုက်ပျိုးချိန်တလအတွင်း ထည့်ရမည်ဖြစ်ကြောင်း၊ ဓာတ်မြေသြဇာ မသုံးပါက တဧကလျှင် တင်း၂၀ မှ ၄၀ ခြားသာထွက်နိုင်ကြောင်း ၊ သုံးစွဲပါက တင်း ၇၀ မှ တင်း ၁၀၀ အထိ ထွက်နိုင် ကြောင်း တောင်သူလယ်သမားများက ပြောသည်။
တဧက အတွက် ဓာတ်မြေသြဇာလိုအပ်ချက်မှာ ၂ အိတ် ခွဲမှ ၃ အိတ်ထိ ကုန်ကျသည်ဟု လည်း ၎င်းတို့က ပြောပြသည်။
လက်ရှိအနေအထားအရ မုန်တိုင်းသင့်ဒေသများမှ တောင်သူလယ်သမားများအနေနှင့် အဓိက လိုအပ်ချက်မှာ မျိုးစပါးအပြင် ဓတ်မြေသြဇာလည်း လိုအပ်လျှက်ရှိကြောင်း သိရှိရသည်။
ယခုကဲ့သို့ ပြည်တွင်းဈေးကွက်အတွင်း ဓာတ်မြေသြဇာဈေးမြင့်လာခြင်းမှာ ယခင်တင်သွင်းဈေးနှင့်ယခုတင်သွင်း ဈေး မှာ ၂ ဆခန့်မြင့်တက်လာသည့်အတွက် ဈေးကွက်တွင်းမှာလည်း နှစ်ဆနီးပါးမြင့်တက်လာခြင်းဖြစ်ကြောင်း ဓာတ်မြေသြဇာရောင်းချသူများက ပြောဆိုသည်။
ဓာတ်မြေသြဇာ ပြည်ပမှ တင်သွင်းဈေးမှာ တအိတ်လျှင် အနည်းဆုံးကျပ် ၂၆၀၀၀ မှ ကျပ် ၃၁၀၀၀ ဈေးနှင့် တင်သွင်းရ ခြင်းကြောင့် ရန်ကုန်အရောက်ပေါက်ဈေးမှာ ၄၈၀၀၀ မှ ၅၀၀၀၀ ကျော်ဈေးအထိ မြင့်တက်ရခြင်း ဖြစ်ကြောင်း သိရှိရသည်။ ယခင်နှစ်က တင်သွင်းဈေးမှာ တအိတ်လျှင် ကျပ် ၁၇၀၀၀ ၀န်းကျင်ဈေးရှိသည်ဟု ဓာတ်မြေသြဇာ ရောင်းသူများက ပြောသည်။
မြန်မာနိုင်ငံတွင်းသို့ ဓာတ်မြေသြဇာတင်သွင်းရာတွင် နယ်စပ်ဂိတ်များ ဖြစ်သောမူဆယ်၊ မြ၀တီ၊ မောင်းတောဂိတ်များမှ တင်သွင်းကြခြင်းဖြစ်ပြီး တရုတ်နိုင်ငံမှ ဓာတ်မြေသြဇာများကို အများဆုံးဝယ်ယူတင်သွင်းကြကြောင်း ကုန်သည်များက ပြောပြသည်။
မြန်မာနိုင်ငံတွင် စပါးစိုက် ဧက ၁၉ သန်းရှိပြီးအမှန်တကယ်သုံးစွဲမည်ဆိုပါက ဓာတ်မြေသြဇာ အိတ်ရေ ပေါင်း ၁၉ သန်း လိုအပ်ကြောင်း မြန်မာ့စိုက်ပျိုးရေးဌာန စာရင်းများအရ သိရသည်။
လက်ရှိ ပြည်တွင်းဈေးကွက်အတွင်းသို့တင်သွင်းပြီး ပမာဏမှာ လိုအပ်ချက်၏ ၂၅ ရာခိုင်နှုန်း ခန့်တင်သွင်းပြီးဖြစ်ကြောင်း လည်း သိရှိရသည်။
ယခုနှစ် အစိုးရ စိုက်ပျိုးစရိတ်ချေးငွေမှာ တဧကလျှင် ကျပ် ၈၀၀၀ ဖြစ်ပြီး ယခင်နှစ်က ကျပ် ၆၀၀၀ ဖြစ်ကြောင်း တောင်သူ များက ပြောသည်။

ရွှေဝါရောင်ကို ကူညီသူ မြန်မာမွတ်စလင် ကျောင်းသားများ ရဲဘက်စခန်းပို့
မြင့်မောင်
သောကြာနေ့၊ ဂျူလိုင်လ 25 2008 21:49 - မြန်မာစံတော်ချိန်
နယူးဒေလီ။ ။ ရွှေဝါရောင် လှုပ်ရှားမှုအတွင်း သံဃာတော်များကို ရေနှင့် အခြားပစ္စည်းများ လှူဒါန်းသည့် အတွက် မြန်မာ-မွတ်စလင် ကျောင်းသား ၁ဝ ဦးကို အာဏာပိုင်များက ထောင်ဒဏ် ၂ နှစ်စီ ချမှတ်ကာ ရဲဘက်စခန်းများသို့ ယခုတပတ်အတွင်း ပို့ဆောင်လိုက်ကြောင်း အေအေပီပီ က ယနေ့ ပြောဆိုလိုက်သည်။
၂ဝဝ၇ ခုနှစ် ရွှေဝါရောင် တော်လှန်ရေးတွင် ယခုလို ပါဝင်ခဲ့သဖြင့် အောက်တိုဘာလ ၂ဝ ရက်နေ့က မြန်မာ-မွတ်စလင် ကျောင်းသား ၁ဝ ဦးကို ဖမ်းဆီးပြီးနောက် ကျောက်တံတားမြို့နယ် တရားရုံးက ယခုတပတ်အတွင်း ရုံးထုတ်စစ်ဆေးကာ ထောင်ဒဏ်၂ နှစ် အမိန့်ချမှတ်ပြီး ပြည်ထဲရေး ဝန်ကြီးဌာန၏ အမိန့်ဖြင့် ရဲဘက်စခန်းများသို့ ပို့လိုက်ကြောင်း ထိုင်းနိုင်ငံအခြေစိုက် နိုင်ငံရေး အကျဉ်းသားများ ကူညီစောင့်ရှောက်ရေး အသင်း (မြန်မာနိုင်ငံ) အေအေပီပီက ယနေ့တွင် ကျေညာချက် ထုတ်ပြန်ကာ ပြောဆိုလိုက်ခြင်း ဖြစ်သည်။
“ဒီအပတ်ထဲမှာ သူတို့ကို ရုံးထုတ်တယ်။ ရုံးထုတ်ပြီးတော့ ထောင် ၂ နှစ်စီ ချလိုက်တယ်။ ထောင်ရောက်တာနဲ့ ဒေါက်ခြေချင်းခတ်ပြီး ရဲဘက်စခန်းကို ပို့လိုက်တယ်။ အဓိက ဘာသာရေး ဖိနှိပ်မှုတခုဖြစ်ပြီး စစ်အစိုးရအနေနဲ့ တမင်သက်သက် လုပ်တယ်လို့ ကျနော်တို့ မြင်တယ်” ဟု အေအေပီပီ အတွင်းရေးမှူး ကိုတိတ်နိုင်က ပြောသည်။
သူတို့ကို ကျိုက်မရော ဘဝသစ်စခန်း အမှတ် ၆၊ ပန်း ဘဝသစ်စခန်း အမှတ် ၇၊ တောင်စွန်၊ ဇင်းကျိုက် ကျောက်ထုစခန်းနှင့် ယင်းယိမ် (Yinnyein) ကျောက်ထုစခန်းများသို့ ပို့ဆောင်ခဲ့သည်ဟု အေအေပီပီ ကျေညာချက်က ဆိုသည်။
၁၉၉ဝ ခုနှစ်တွင် ပြုလုပ်ခဲ့သည့် ဘာသာရေးအရ အာဏာပိုင်များနှင့် အဆက်အဆံ မပြုလုပ်ရေး ပတ္တနိက္ကုဇ္ဇန ကံဆောင်ခဲ့သည့် သံဃာတော် အချို့အား သာသနာတော် ညှိနွမ်းရန် ပြုမူသည်စွပ်စွဲကာ ရိုးရိုးပုဒ်မများတပ်ပြီး အဆိုပါ စခန်းများသို့ ပို့ဆောင်ရာတွင် အလုပ်ကြမ်းခိုင်းစေမှုနှင့် အာဟာရ ချို့တဲ့မှုကြောင့် သံဃာ ၁၉ ပါး ပျံလွန်တော်မူခဲ့သည်ဟု အေအေပီပီ က ဆိုသည်။
ကျေညာချက်ထဲတွင် အဆိုပါ ရဲဘက်စခန်းများသို့ ယခင်က နိုင်ငံရေး အကျဉ်းသားများကို ပို့ဆောင်ခြင်း မရှိခဲ့ဖူးကြောင်းလည်း ရေးသားထားသည်။
ကိုတိတ်နိုင်က “ရဲဘက်ဆိုတာက သာမန်လူတယောက် အနေနဲ့တောင်မှ တော်တော်ကို ဖြတ်သန်းရတဲ့ ကိစ္စ။ သံဃာတော်တွေ၊ လူငယ်ကျောင်းသားတွေကို အသက်ရှင်ဖို့တောင်မှ မလွယ်နိုင်တဲ့ အခြေအနေမျိုး ဖြစ်တယ်” ဟု ပြောသည်။
ရဲဘက်စခန်းများသို့ ပို့ဆောင်ခံရသည့် မြန်မာနိုင်ငံသား မွတ်စလင် ကျောင်းသား ၇ ဦးမှာ ထွန်းမြင့်အောင်၊ အီစွပ် ခေါ် သောင်းထွဋ်၊ ညီညီဇော် (တတိယနှစ် စိတ်ပညာကျောင်းသား၊ အရှေ့ပိုင်း တက္ကသိုလ်)၊ ကျော်လှိုင် ခေါ် ဂျပန်ကြီး၊ မျိုးသန့်၊ မျိုးဝင်း၊ နိုင်လင်းဦးတို့ဖြစ်ပြီး၊ မြန်မာကျောင်းသားလူငယ် ထွန်းထွန်းနိုင်၊ နိုင်လင်းနှင့် ဟန်သော်မင်းအောင် (ဒလ) တို့ ဖြစ်သည်။
“သူတို့ကို ခြိမ်းခြောက်နိုင်တဲ့ အနေအထားဆိုရင် သူတို့က ဘာသာရေးတွေကို စိုးရိမ်ပုံရတယ်။ သံဃာတော်တွေ ခေါင်းမထောင်နိုင်အောင်၊ ဗုဒ္ဓဘာသာတွေကို ခေါင်းမထောင်နိုင်အောင် လုပ်သလို၊ မွတ်စလင် ဘာသာဝင်တွေ၊ ခရစ်ယာန် ဘာသာဝင်တွေ၊ ဟိန္ဒိူ ဘာသာဝင်တွေကို ဘာသာရေးနဲ့ ပတ်သက်လာရင် ပိတ်ဆို့မှုတွေ ရှိလာတယ်။ ဘာသာရေးနဲ့ ပြင်းပြင်းထန်ထန် နှိပ်ကွပ်တော့မယ် ဆိုရင်တော့ ကျနော်တို့အနေနဲ့ ကမ္ဘာ့ငြိမ်းချမ်းရေးကို ထိခိုက်စေနိုင်သလို ကမ္ဘာ့နိုင်ငံ အသီးသီးမှာ ရှိတဲ့ အဖွဲ့အစည်း အသီးသီးကို ခြိမ်းခြောက်နေတဲ့ သဘောမျိုး ရှိနေတယ်” ဟု အေအေပီပီ အတွင်းရေးမှူးက ပြောဆိုလိုက်သည်။
ယနေ့ထုတ်ပြန်သည့် ကျေညာချက်ကို ဘာသာရေးဆိုင်ရာ အဖွဲ့အစည်းများ၊ လူ့အခွင့်အရေး အဖွဲ့များနှင့် နိုင်ငံတကာ အစိုးရများ သိရှိရန်အတွက် ပေးပို့လိုက်ကြောင်းလည်း သိရသည်။

နေဘုန်းလတ်အား ရုံးထုတ်စစ်ဆေးမှု စတင်ပြီ
နန်းဒေဝီ
သောကြာနေ့၊ ဂျူလိုင်လ 25 2008 19:28 - မြန်မာစံတော်ချိန်
နယူးဒေလီ။ ။ ဘလော့ဂါ နေဘုန်းလတ်ကို အင်းစိန်ထောင်အတွင်း အနောက်ပိုင်းခရိုင် သီးသန့်တရားရုံးက ယခုလ ၂၂ ရက်နေ့တွင် ရုံးထုတ်စစ်ဆေးမှု စတင်လိုက်သည်။
အင်းစိန်ထောင်တွင် ဖမ်းဆီးခံထားရသည့် အသက် ၂၈ နှစ်အရွယ် ဘလော့ဂါ နေဘုန်းလတ် ခေါ် ကိုနေမျိုးကျော်ကို စွဲဆိုထားသည့် အမှုသုံးခုမှ အမှုတခုကို စတင်၍ စစ်ဆေးလိုက်ခြင်း ဖြစ်သည်။
“အမှုတခုပဲ စစ်ဆေးပြီးသေးတယ်။ ကိုနေဘုန်းလတ်နဲ့ မသင်းဂျူလိုင်ကျော်တို့ ပူးတွဲအမှုဖြစ်တဲ့ ဗီဒီယို ၃၂ (ခ)/၃၆ အမှုပဲ စစ်သေးတယ်။ တရားလိုဘက်ဖြစ်တဲ့ ဒုရဲအုပ် ရဲအောင်ကိုလည်း စစ်တယ်။ သူပြောတာက ဆင်ဆာမဲ့ သီးလေးသီး အခွေ ၃ ခု သူတို့ဆီမှာ တွေ့တယ်လို့ ပြောတယ်” ဟု ကိုနေဘုန်းလတ်၏ ရှေ့နေ ဦးအောင်သိန်းက ပြောသည်။
ကိုနေဘုန်းလတ်ကို ရုပ်မြင်သံကြားနှင့် ဗီဒီယိုအက်ဥပဒေ ၃၂ (ခ)/၃၆ ၊ နိုင်ငံတော် လုံခြုံရေးကို ထိခိုက်ပျက်ပြားစေရန် လှုံ့ဆော်မှု ၅ဝ၅ (ခ) နှင့် အီလက်ထရွန်းနစ် ဥပဒေ ၃၃ (က)/၃၈ တို့ဖြင့် တရားစွဲဆိုထားသည်။
ယခုလ ၈ ရက်နေ့က ရုံးထုတ်ရာတွင် အမှုစစ်ဆေးခြင်း မပြုဘဲ စွဲဆိုထားသည့် အမှု အမျိုးအမည်များကိုသာ တရားရုံးက တရားဝင် ပြောဆိုခဲ့သည်။
ဦးအောင်သိန်းက “လာမယ့် အင်္ဂါနေ့မှာတော့ အမှု ၃ ခုကို စစ်ဆေးမယ်။ ဘယ်အမှုကို စစ်ဆေးမယ် ဆိုတာတော့ မသိရသေးဘူး” ဟု ပြောသည်။
ယခုနှစ် ဇန်နဝါရီလ ၂၉ ရက်နေ့တွင် အာဏာပိုင်များက ဖမ်းဆီး ထိန်းသိမ်းခဲ့သည့် စာရေးဆရာနှင့် လူငယ် ဘလော့ဂါ ကိုနေဘုန်းလတ်နှင့် မသင်းဇူလိုင်ကျော်တို့ကို ရုံးထုတ် စစ်ဆေးစဉ်အတွင်း ကျန်းမာရေး အခြေအနေ ကောင်းမွန်ကြောင်း တွေ့မြင်ခဲ့ရသည်ဟု ရှေ့နေ ဦးအောင်းသိန်းက ပြောသည်။
ရုံးချိန်းရက်ကို လာမည့် အင်္ဂါနေ့သို့ ချိန်းဆိုလိုက်သည်။

နိုင်ငံခြားမြန်မာသံရုံးတွေက လစဉ် ဒေါ်လာ သိန်းဆယ်ဂဏန်းအထက်ရှာပေး
သံရုံးဝန်ထမ်းတွေ လစာငွေ မလုံမလောက်သာရ
NEJ/ ၂၅ ဇူလိုင် ၂၀၀၈
တကမ္ဘာလုံးရှိ မြန်မာသံရုံးအသီးသီးမှ လစဉ် နိုင်ငံခြားငွေ ဒေါ်လာ သိန်း (၂၀) ကျော် ရှာပေးနေ သည့်တိုင် စစ်ဗိုလ်သံအမတ်ကြီးများသာ ထိုငွေထဲမှ အကျိုးအမြတ်ရပြီး အရပ်ဘက်သံတမန် အများစုမှာ မလောက်မင သုံးစွဲနေရသည်ဟု သံတမန်အသိုင်းအ၀ိုင်းက ပြောသည်။
ဝင်ငွေရှာပေးနိုင်သည့် နိုင်ငံခြား မြန်မာသံရုံးကြီးတခုမှ အနည်းဆုံး ဒေါ်လာ (၁) သိန်း အထက် ရှာပေးနိုင်သော်လည်း ထိုငွေများ စစ်အစိုးရ၏ မည်သည့်ငွေစာရင်း ခေါင်းစဉ်အောက်မှာ ရောက် သွားသည်ကို မသိရသဖြင့် ၀န်ထမ်းများ မကျေမနပ် ဖြစ်သည်ဟု စုံစမ်းသိရသည်။
သို့သော် သံရုံးဝန်ထမ်းများအတွက် လစာစရိတ်မှာ လစဉ် ဒေါ်လာ(၅) သောင်းအောက်မှာသာရပြီး သံရုံးဝန်ထမ်းအများစု၏ လူမှုရေးအသုံးစရိတ်ကိုမူ စစ်အစိုးရက ဥပေက္ခာပြုထားသည်ဟု နေပြည်တော် သံတမန်တဦးက ပြောသည်။ အချို့ အရပ်ဘက် အကြီးတန်း သံတမန်များဆိုလျှင် ရသည့်ဒေါ်လာ ပြန်ရောင်းပြီး စရိတ်ကာမိအောင် လုပ်ရသည်ဟုပါ ဆက်ပြောသည်။
ကုမ္ပဏီများပေးသွင်းငွေ၊ တိုးရစ်ဗီဇာမှ ရငွေ၊ ပတ်စ်ပို့ သက်တမ်းတိုးငွေ စသည့်ဝင်ငွေ အများဆုံး ရှာပေးနိုင်သည့် သရုံးများမှာ ဂျပန်မြန်မာသံရုံး၊ ဂျာမနီမြန်မာသံရုံး၊ စင်ကာပူ မြန်မာသံရုံး၊ ကိုရီးယား မြန်မာသရုံး၊ ထိုင်းမြန်မာသရုံး၊ မလေးရှား မြန်မာသံရုံးစသည့် သံရုံးကြီးများ ဖြစ်သည်ဟု စုံစမ်း သိရသည်။
ဝင်ငွေရှားပေးနိုင်သည့် နိုင်ငံခြား မြန်မာသံရုံး စစ်ဗိုလ်သံအမတ်ကြီး အတော်များများဆိုလျှင် သံရုံး
ဝင်ငွေအားလုံးကို စစ်အစိုးရလက်သို့ အပ်လေ့မရှိဘဲ ငွေစာရင်းကိုင်နှင့်ပေါင်း၍ အလွဲသုံးစား လုပ်သည်က များသည်ဟု သံရုံးဝန်ထမ်းတဦးက ပြောသည်။
နိုင်ငံခြား မြန်မာသံရုံးအသီးသီးတွင် လခြုံရေးအစောင့်၊ ယာဉ်မောင်း၊ ဧည်ကြိုစာရေး စသည့် ရာထူးများကို ဒေသခံများ၊ ၀န်ထမ်းများ ငှားရမ်းခန့်ထားလေ့ရှိရာ ထိုဝန်ထမ်းများနှင့် သံရုံး အရာရှိအချို့ပေါင်းပြီး အဂတိလိုက်စားမှုမျိုးစုံ လုပ်သည်များလည်းရှိသည်ဟု နေပြည်တော် သတင်းရပ်ကွက်က ပြောသည်။
ထိုင်းနိုင်ငံ ဘန်ကောက် လုံခြုံရေးဝန်ထမ်းတဦးဆိုလျှင် မြန်မာသံမန်အရာရှိများနှင့် တွေ့လိုသူများ ထံမှ ငွေတောာင်းခဲ့သည့် သာဓကများရှိသည်ဟု ပေးကမ်းဖူးသူအချို့က ပြောသည်။ ထိုဒေသခံ
ဝန်ထမ်းများနှင့် သံရုံးဝန်ထမ်းများကြား ပြဿနာမျိုးစုံမဖြစ်သည့် မြန်မာသံရုံး အတော်ရှားသည်ဟု ပါ စုံစမ်းသိရသည်။ ။

သံသယတွေ ဘေးဖယ်၍ မြန်မာကယ်ဆယ်ရေးလုပ်ငန်းကို အားပေးအာဆီယံ အတွင်းရေးမှူးချုပ် မေတ္တာရပ်ခံ
ပီတာအောင်/ ၂၅ ဇူလိုင် ၂၀၀၈
သံသယတွေ ဘေးဖယ်၍ စစ်မှန်သည့် လူသားချင်းစာနာသည့်အကူများ ပေးအပ်ကြရန် အာဆီယံ အတွင်းရေမှူးချုပ် ဆူရင်ပစ်ဆူဝန်က ယနေ့ ဘန်ကောက်မြို့ရှိ နိုင်ငံခြား သတင်းထောက်များ အသင်း၌ကျင်းပသည့် သတင်းစာရှင်းလင်းပွဲ၌ မေတ္တာရပ်ခံလိုက်သည်။ ဒေါက်တာ ဆူရင်ပစ်ဆူဝန်က “ ရန်ကုန်မှာ ကျင်းပခဲ့တဲ့ အလှူရှင်တွေ ကတိက၀တ်ပြုတဲ့ အစည်း
အဝေးပွဲမှာလည်း သံသယတွေ ဘေးမှာဖယ်ထားကြပါ။ ခင်ဗျားတို့အားလုံး ဒီကိုလာတာ ရည်ရွယ် ချက်တခုတည်းအတွက်ပါ။ ဒါကတော့ သေရေးနဲ့ ရှင်ရေးကြားမှာ ဗျာများနေတဲ့ သန်းနဲ့ချီတဲ့ လူတွေအတွက် လူသားခြင်းစာနာမှုဆိုင်ရာ ကိစ္စပဲဖြစ်တယ်။ တခြားကိစ္စတွေ ဘေးဖယ်ထားဖို့ ပြောခဲ့ပါတယ်။ အဲဒါတွေအတွက် အချိန်ကျလာမှာပါ။ ဒီမှာရှိတဲ့ လူတွေအနေနဲ့ တခြားကိစ္စတွေ အတွက် စိုးရိမ်ပူပန်မှုရှိနေမယ်လို့ ကျနော် အသေအချာ ပြောနိုင်ပါတယ်။ ခုချိန်ထိလဲ ဒီကိစ္စ အတွက်ပဲ အာရုံစိုက်နေတယ်။ ကျနော်တို့ရဲ့ ရည်မှန်းချက် ကျနော်တို့ရဲ့လုပ်ပိုင်ခွင့်က လူသားချင်း စာနာမှုအကူ အညီတွေပေးရေးကိစ္စ သာဖြစ်တယ်” ဟု ပြောသည်။
ပြီးခဲ့သည့် မေလက ကျင်းပခဲ့သည့် လူထုဆန္ဒခံယူပွဲတွင် (၉၂) ရာခိုင်နှုန်း အနိုင်ရသည်ဟု နအဖ စစ်အစိုးရက ကြေညာခဲ့မှုနှင့် လာမည့် ၂၀၁၀ တွင် ရွေးကောက်ပွဲကျင်းပမည့် အစီအစဉ်အပေါ် အာဆီယံ၏ သဘောထားကို ခေတ်ပြိုင်က မေးမြန်းရာ “ပြည်တွင်းရေးသာဖြစ်တယ်” ဟု အာဆီယံ အတွင်းရေးမှူးချုပ်က ပြန်လည်ဖြေကြားသည်။
မုန်တိုင်းကြောင့် အပျက်အစီးသည် ကြီးမားလွန်းလှသဖြင့် အချိန်ယူ၍ ပြန်လည်တည်ဆောက်ရ မည် ဖြစ်ကြောင်းနှင့် နိုင်ငံတကာ အသိုင်းအ၀န်းအနေဖြင့် မုန်တိုင်းအကူညီပေးရေး ဆောင်ရွက် နေသည့် ကုလသမဂ္ဂ အေဂျင်စီမျာနှင့် အန်ဂျီအိုများကို ပံ့ပိုးပေးကြရန် ကုလသမဂ္ဂ လူဦးရေ ရန်ပုံငွေအဖွဲ့ မြန်မာနိုင်ငံ ကိုယ်စားလှယ် ဒန်နီရယ် ဘေကာ က ပြောသည်။
“(၃) နှစ်တာကာလ ပြန်လည်ထူထောင်ရေးလုပ်ငန်းတွေလုပ်ဖို့ မြန်မာ-အာဆီယံနှင့် ကုလသမဂ္ဂ သုံးပွင့်ဆိုင် ဗဟိုအဖွဲ့PONJA အစီရင်ခံစာ တွေ့ရှိထားတာက ဒေါ်လာ သန်း (၁) ထောင်၊ အဲဒီ လိုအပ်ချက်ကို ပြည့်အောင်ရဖို့က အဝေးကြီး လိုသေးတယ်။ ဒေါ်လာ သန်း (၄၈၂) သန်း တောင်းထားတာတောင် သန်း (၃၀၀) လောက်လို နေသေးတယ်။ ဒါကြောင့် ကျနော်တို့ နိုင်ငံတကာအသိုင်းအ၀န်းကို အကြီးအကျယ် တောင်းဆိုပါတယ် ” ဟု ပြောသည်။
မြန်မာနိုင်ငံ၌ တိုက်ခတ်ခဲ့သည့် ဆိုင်ကလုန်း နာဂစ်မုန်တိုင်း အပျက်အစီးနှင့် ပတ်သက်၍ မြန်မာ-အာဆီယံနှင့် ကုလသမဂ္ဂ သုံးပွင့်ဆိုင် ဗဟိုအဖွဲ့က ဇူလိုင် (၂၁) ရက် တွင် ပူးတွဲအကဲဖြတ်ချက် အစီရင်ခံစာထုတ်ပြန်ခဲ့ပြီး ပျက်စီးဆုံးရှုံးမှုတန်ဖိုး ဒေါ်လာသန်း (၄) ထောင်ရှိကြောင်း ဖော်ပြ ခဲ့သည်။
မုန်တိုင်းကြောင့် စပါးစိုက်ပျိုးဧက စုစုပေါင်း ( ၉၅,၁၃၅) ဧက ပျက်စီးသွားကြောင်း PONJA အစီရင်ခံစာ တွင်ခန့်မှန်းထားသည်။ ထိုပမာဏသည် ကမ္ဘာ့စားနပ်ရိက္ခာအဖွဲ့ (FAO) က ခန့်မှန်း ထားသည့် (၃၂၁,၂၃၆) ဧက ထက် သုံးဆနည်းပါးပြီး အမေရိကန် စိုက်ပျိုးရေးဝန်ကြီးဌာန (USDA) ခန့်မှန်းချက် (၁,၇၂၉,၇၃၇) ဧက ထက် အဆနှစ်ဆယ် လျော့နည်းနေသည်။
ခန့်မှန်းချက်များ တဖွဲ့နှင့်တဖွဲ့ ကွာခြားချက်များ ရှိမည်ဖြစ်ကြောင်း PONJA အစီရင်ခံစာသည် ပထမခြေလှမ်းဖြစ်ပြီး နောင်တွင် ပိုမိုပြည့်စုံသည့် အသေးစိတ်အချက်အလက်များ ပြုစုသွားနိုင်မှာ ဖြစ်ကြောင်း အစီရင်ခံစာရေးသားရာတွင် ပါဝင်သည့် သုံးပွင့်ဆိုင်ဗဟိုအဖွဲ့ဝင် ဒေါက်တာ ပူဂျီ ပူဂျီအိုနိုက ခေတ်ပြိုင်သို့ ပြောသည်။
အစီရင်ခံစာကို ပြုစုရာတွင် မုန်တိုင်းသင့်ဒေသများသို့ အပြည့်အ၀ လွတ်လပ်စွာ သွားလာ၍ မုန်တိုင်းဘေးဒုက္ခသည်များနှင့် တွေ့ဆုံကာ စစ်တမ်းကောက်ယူနိုင်ခဲ့ကြောင်း အစီရင်ခံစာသည် ကယ်ဆယ်ရေးလုပ်ငန်းအတွက် လမ်းညွှန်သဖွယ် အသုံးကျမည်ဖြစ်သည်ဟု အစီရင်ခံစာ ပြုစု သူတို့က သတင်းစာရှင်းပွဲ၌ ပြောကြားသည်။

မုန်တိုင်းကြောင့် ဘတ်ဂျက်လိုငွေပြမှု တိုးမည်
PONJA/ ၂၅ ဇူလိုင် ၂၀၀၈
မုန်တိုင်းဒဏ်ခံရသည့် ဧရာဝတီတိုင်း ရန်ကုန်တိုင်း စီးပွားရေးဆုံးရှုံးမှု ပမာဏမှာ ထိုနှစ်ပေါင်း စီးပွားရေး၏ (၁၁) ရာနှုန်းရှိကြောင်း ကုလသမဂ္ဂ အာဆီယံနှင့် မြန်မာစစ်အစိုးရ သုံးပွင့်ဆိုင် ဗဟိုအဖွဲ့ အစီရင်ခံစာ (PONJA) တွင် ဖော်ပြထားသည်။
ဘတ်ဂျက်လိုငွေပြမှုကို စစ်အစိုးရက ငွေထပ်ရိုက်သည့်နည်းဖြင့် ဖြေရှင်းလေ့ရှိသည့်အလျောက် နာဂစ်မုန်တိုင်းကြောင့် မြန်မာနိုင်ငံ၏ ဘဏ္ဍာရေးနှင့် ဘတ်ဂျက်လိုငွေပြမှုမှာလည်း သိသိသာသာ ဂယက်ရိုက်မည့် အလားအလာရှိသည်ဟုပါ အစီရင်ခံစာတွင် ဖော်ပြထားသည်။
မုန်တိုင်းပြန်လည်ထူထောင်ရေး ကယ်ဆယ်ရေးလုပ်ငန်းများတွင် အသုံးစရိတ်များ ရှိလာသည့် အတွက် ဘတ်ဂျက်လိုငွေပြမှုအပိုင်းမှာ တိုးလာမည်ဟု PONJA အစီရင်ခံစာက မှန်းထားသည်။ ၂၀၀၇ ခုနှစ်က ဘတ်ဂျက်လိုငွေပြမှု (၃) ရာနှုန်းရှိရာကနေ မုန်တိုင်းကြောင့် အသုံးစရိတ်နှင့် ပြန်လည်နေရာချထားရေး စရိတ်များ တိုးလာသည့်အတွက် ၂၀၀၈ ခုတွင် (၄) ရာနှုန်းထိ တိုးလာမည်ဟု မှန်းသည်။
မြန်မာစစ်အစိုးရက ဘတ်ဂျက်လိုငွေပြမှုကို ကာမိစေရန် ငွေထပ်ရိုက်သည့်နည်း ကျင့်သုံးသည့် အတွက် ငွေဖောင်းပွမှုကို တိုးစေခဲ့သည်ဟု PONJA အစီရင်ခံစာက ထောက်ပြထားသည်။
PONJA အစီရင်ခံစာတွင် မြန်မာနိုင်ငံ၏ မတ်ခရိုစီးပွားရေးဆိုင်ရာ ကိန်ဂဏန်းများကို သုံးသပ်ချက် နှင့်တကွ ဖော်ပြထားသည့်အတွက် မတ်ခရိုစီးပွားရေးအစီရင်ခံစာ ထုတ်ပြန်ရန် ၀န်လေးသည့် မြန်မာစစ်အစိုးရအနေဖြင့် ကြိုက်မည်မဟုတ်ဟု စီးပွားရေးပညာရှင် အချို့က ယူဆသည်။
ဧရာဝတီတိုင်း ရန်ကုန်တိုင်းမှာ မုန်တိုင်းဒဏ်ထိထားသည့်အတွက် အစိုးရအခွန်ကောက်ခံငွေ လျော့ကျသွားနိုင်သည်ဟုလည်း မှန်းထားသည်။ ။

ကုလနှင့်မပူးပေါင်းလျှင် မြန်မာကို အမေရိကန် ဖိအားပေးမည်
Agencies/ ၂၅ ဇူလိုင် ၂၀၀၈
မြန်မာစစ်အစိုးရအနေနှင့် ကုလသမဂ္ဂ အထူးသံတမန် အီဘရာဟင် ဂမ်ဘာရီနှင့် ပူးပေါင်းလုပ် ဆောင်သင့်ကြောင်း ပြောကြားလိုက်ပြီး အကယ်၍ ပူးပေါင်းလုပ်ဆောင်မှုမရှိပါက လုံခြုံရေး ကောင်စီမှ ဖိအားပေးမှု ပိုများလာမည်ဟု အမေရိကန်က သတိပေးလိုက်သည်။
လုံခြုံရေးကောင်စီအဖွဲ့ဝင် (၁၅) နိုင်ငံအနေနှင့် နောက်လတွင်မြန်မာနိုင်ငံသို့ ဂမ်ဘာရီ သွားရောက် လည်ပတ်မည့် ခရီးမှ ခိုင်မာသည့် ရလဒ်များ ရလာမည်ဟု မျှော်လင့်ကြောင်း ဂမ်ဘာရီနှင့် တံခါး ပိတ်ဆွေးနွေးပွဲအပြီးတွင် ကုလသမဂ္ဂဆိုင်ရာ အမေရိကန်သံအမတ် ဇယ်လ်မေ ခါလီဇက်က ပြောသည်။
“ကျနော် စစ်အစိုးရကို သတင်းပါးချင်တာကတော့ မစ္စတာဂမ်ဘာရီရဲ့ ခရီးစဉ်ကို အခွင့်ကောင်း ယူဖို့ပါပဲ။ နိုင်ငံရေး ပြောင်းလဲမှု ရှိမနေတဲ့အတွက် နိုင်ငံရေး မငြိမ်မသက်ဖြစ်မှုတွေ ဖြစ်ပွားနိုင်မယ့် အလားအလာကို တွေ့နေရတယ်။ ဖြစ်လာရင်တော့ ကျနော်တို့အနေနဲ့ အရေးမစိုက်ဘဲ နေမှာ မဟုတ်ပါဘူး” ဟု ခါလီဇက်က ပြောသည်။
စစ်အစိုးရအနေနှင့် စာမျက်နှာသစ်ဖွင့်လှစ်ပြီး (၂၀၁၀) ပြည့်နှစ် ရွေးကောက်ပွဲများအတွက် နိုင်ငံရေးလမ်းပြမြေပုံကို သဘောတူညီပြီး ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်း သားများကို လွှတ်ပေးသင့်ကြောင်းလည်း ဇယ်လ်မေ ခါလီဇက်က ပြောသည်။
“ဒီကိစ္စရပ်တွေမှာ တိုးတက်မှု ရှိမလာဘူးဆိုရင် ကျနော်တို့ လုပ်စရာရှိတာတွေကို ကြည့်ရပါမယ်။ စစ်အစိုးရအပေါ် ပိုပြီး ဖိအားပေးတာမျိုးတွေ လုပ်ရပါမယ်” ဟု ခါလီဇက်က ပြောသည်။
“ပြီးခဲ့တဲ့ (၆) လကျော်ကို ပြန်ကြည့်မယ်ဆိုရင် မြန်မာနိုင်ငံမှာ ဖြစ်ပျက်နေတာတွေက နောက် ကြောင်း ပြန်သွားနေပါတယ်။ နိုင်ငံတကာအသိုင်းအ၀ိုင်းရဲ့ တောင်းဆိုမှုတွေကို စစ်အစိုးရက တုံ့ပြန်မှု မရှိတဲ့အတွက် ကျနော်တို့အနေနဲ့ ခက်ခဲတဲ့ အခြေအနေမျိုး ရင်ဆိုင်နေရပါတယ်” ဟု ဗြိတိသျှသံအမတ် ဂျွန်ဆောရားစ်က လုံခြုံရေးကောင်စီစည်းဝေးပွဲမတိုင်မီ ပြောသည်။
သြဂုတ်လလယ်တွင် မြန်မာနိုင်ငံသို့ ဂမ်ဘာရီသွားရောက်မည့် ခရီးစဉ်ကို လုံခြုံရေးကောင်စီ အဖွဲ့ဝင် (၁၅) နိုင်ငံက ထောက်ခံကြောင်းနှင့် ခရီးစဉ် အောင်မြင်ရန် ဆန္ဒပြုကြကြောင်း ယခုလ လုံခြုံရေးကောင်စီ သဘာပတိဖြစ်သူ ဗီယက်နမ်နိုင်ငံမှ ကုလသမဂ္ဂ သံအမတ်ကြီး လီလောင်း မင်းက ထပ်လောင်း အတည်ပြုသည်။ ။

လေဘေး သုံးပွင့်ဆိုင်အစီရင်ခံစာ အခြေအနေမှန်ကို ထင်ဟပ်မှုရှိရဲ့လား
25 July 2008
ဦးသိန်းထိုက်ဦး နိုဘယ်ငြိမ်းချမ်းရေးဆုရှင် ဂျိုဒီ ၀ီလျံ(စ်)(ဇူလိုင် ၂၅၊ ၂၀၀၈၊ ဓါတ်ပုံ - ဗွီအိုအေ)အာဆီယံ၊ ကုလသမဂ္ဂနဲ့ မြန်မာစစ်အစိုးရတို့ ပူးပေါင်းလေ့လာပြီး ထုတ်ပြန်ထားတဲ့ လေဘေးဒဏ် ဆန်းစစ်ချက် အစီရင်ခံစာဟာ ပြည့်စုံမှုမရှိဘူးဆိုပြီး နိုဘယ် ငြိမ်းချမ်းရေးဆုရှင် ဂျိုဒီဝီလျံ(စ်) (Jody Williams) က ဝေဖန်လိုက်ပါတယ်။ တချိန်တည်းမှာ အာဆီယံ အတွင်းရေးမှူးချုပ် ဆူရင်းပစ်ဆူဝမ် (Surin Pitsuwam) ကလည်း အာဆီယံဟာ လူသားချင်း စာနာထောက်ထားမှု ကိစ္စ တခုတည်းကို ဦးတည်ပြီး ကူညီကယ်ဆယ်ရေး လုပ်ငန်းတွေကို လုပ်ကိုင်ခဲ့တယ်လို့ ဆိုပါတယ်။ ထိုင်းနိုင်ငံ၊ ဘန်ကောက်မြို့ နိုင်ငံခြား သတင်းစာဆရာများအသင်းမှာ ဒီကနေ့ ကျင်းပတဲ့ သတင်းစာ ရှင်းလင်းပွဲတွေကို ကိုယ်တိုင်တက်ရောက်ခဲ့တဲ့ ဦးသိန်းထိုက်ဦးက တင်ပြထားပါတယ်။
PONJA ခေါ် နာဂစ်မုန်တိုင်း အလွန် ပူးတွဲ စမ်းစစ်ချက်ဆိုတဲ့ အာဆီယံ၊ ကုလသဂ္ဂနဲ့ မြန်မာစစ်အစိုးရတို့ ပူးတွဲ ထုတ်ပြန်တဲ့ အစီရင်ခံစာကို ၁၉၉၇ ခုနှစ် နိုဘယ်ငြိမ်းချမ်းရေးဆုရှင် ဂျိုဒီဝီလျံ(စ်) က ဝေဖန်လိုက်ပါတယ်။ ဒီ အစီရင်ခံစာဟာ အောက်ခြေ လူထု ကြုံတွေ့နေရတဲ့ ပကတိ အခြေအနေတွ မပါဝင်ဘူးလို့ ဒီနေ့ မနက် ထိုင်းနိုင်ငံ နိုင်ငံခြား သတင်းထောက်များ အသင်းမှာ ကျင်းပတဲ့ သတင်းစာရှင်းလင်းပွဲမှာ ပြောပါတယ်။
သူ ထိုင်းမြန်မာနယ်စပ်ကို ၄ ရက်သွားရောက်ခဲ့တဲအချိန် မြန်မာနိုင်ငံသားတွေ ရာနဲ့ချီပြီး တွေ့ခဲ့ရတာ။ သိခဲ့ရာတွေနဲ့ နိုင်းယှဉ်ကြည့်မယ်ဆိုရင် တရားဝင် ထုတ်ပြန်တဲ့ အစီရင်ခံစာပါ အချက်အားလုံးကို ယုံကြည်ချင်ပေမယ့် ခက်တဲ့ အကြောင်း ဂျိုဒီဝီလျံ(စ်) က ပြောသွားတာပါ။
"အကူအညီတွေ ပေးရေးအနေအထားပိုပြီး ကောင်းလာခဲ့တာကို လက်ခံပါတယ်။ အကူအညီ လိုအပ်နေတဲ့သူတွေဆီကို အကူအညီ ရောက်အောင် ပို့ပေးနိုင်ခဲ့တာတွေ ရှိပါတယ်။ အထူးသဖြင့်တော့ မြန်မာစစ်အစိုးရက အစိုးရိမ်လွန်ပြီး အထီးကျန်ရပ်တည်ဖို့ ရွေးချယ်ခဲ့တဲ့အချိန် နိုင်ငံတကာ အကူအညီတွေကို လက်မခံခဲ့တဲ့အချိန်မှာ အာဆီယံဘက်က ကူညီဆောင်ရွက်ပေးခဲ့တာတွေက ထိရောက်မှုရှိခဲ့တယ်ဆိုတာကို လက်ခံပါတယ်။ ဒါပေမယ့်လည်း တချိန်တည်းမှာ အဲဒီဒေသက ဒေသခံ ပြည်သူတွေရဲ့ အသံတွေ၊ ပြောဆိုသံတွေကို သူ ပစ်ပယ်လို့ မရပါဘူးဆိုပြီး နိုဘယ်ငြိမ်းချမ်းရေးဆုရှင် ဂျိူဒီ ၀ီလျံ (စ်) က ပြောသွားတာပါ။ ဒါ့အပြင် တချို့ လေဘေး ဒုက္ခရောက်တဲ့သူတွေဟာ ဒီ အကူအညီတွေက အလကားရတာ၊ နိုင်ငံတကာက အခမဲ့ပေးတာပါ ဆိုတာကိုတောင် မသိတဲ့သူတွေ ရှိတယ်လို့ မြင်မိပါတယ်။ နိုင်ငံတကာ အသိုင်းအ၀ိုင်းအနေနဲ့ စစ်အစိုးရက လေဘေးကြောင့် အသက်မသေဘဲ ကျန်နေတဲ့သူတွေကို အကူအညီတွေ ရောင်းစားနိုင်အောင် ပေးနေတယ်ဆိုတာ စဉ်းစားလို့တောင် မရပါဘူး။"
စစ်အစိုးရဟာ နိုင်ငံတကာအကူအညီတွေကို သူတို့ရဲ့ သိုလှောင်ရုံတွေကို ပို့ပစ်ပြီး အရင်က ရိက္ခာအဟောင်းတွေကို လေဘေးဒဏ် ခံခဲ့ရတဲ့သူတွေကို ပေးခဲ့ပါတယ်။ ပလစ်စတစ် မိုးကာလေးတစ်ခု ရဖို့အတွက် ဆန္ဒခံယူပွဲမှာ ထောက်ခံမဲ ပေးလိုက်ရတဲ့ လေဘေး ဒုက္ခသည်တွေ ရှိခဲ့ပါတယ်လို့ ဂျိုဒီဝီလျံ(စ်) က ပြောသွားတာပါ။ အာဆီယံ၊ ကုလသမဂ္ဂနဲ့ စစ်အစိုးရတို့ ပူးပေါင်း လေ့လာခဲ့တဲ့ ဆန်းစစ်ချက် အစီရင်ခံစာမှာ ဒီအကြောင်းတွေ မပါဝင်ခဲ့ဘူးလို့ ဆိုပါတယ်။
ဒါကတော့ မနက် ၁၁ နာရီ ဘန်ကောက်မြို့ နိုင်ငံခြား သတင်းစာဆရာများ အသင်းမှာ ကျင်းပတဲ့ သတင်းစာရှင်းလင်းပွဲမှာ ပြောပြချက်တွေပါ။ မွန်းလွဲတစ်နာရီမှာ အာဆီယံအတွင်းရေးမှူးချုပ် ဆူရင်းပစ်ဆူဝမ်က ဦးဆောင်ပြီး သတင်းစာရှင်းလင်းပွဲ လုပ်ပါတယ်။ အာဆီယံ အတွင်းရေးမှူးချုပ် ဆူရင်း ပစ်ဆူဝမ် (ဇူလိုင် ၂၅၊ ၂၀၀၈၊ ဓါတ်ပုံ - ဗွီအိုအေ)ဆူရင်း ပစ်ဆူဝမ်က မြန်မာနိုင်ငံမှာ နာဂစ်မုန်တိုင်း ကယ်ဆယ်ရေး လုပ်ငန်းတွေကို အာဆီယံက ၀င်ရောက်ကြီးကြပ်ခဲ့တာ၊ ဆန်းစစ်ချက် အကဲဖြတ်တဲ့ အစီရင်ခံစာတွေ ထုတ်ပြန် နိုင်ခဲ့တာတွေက သမိုင်းမှာ ပထမဆုံး အာဆီယံ အဖွဲ့ကြီးရဲ့ ဦးဆောင်မှုနဲ့ ဒေသတွင်းမှာ ထိရောက်အောင် လုပ်နိုင်ခဲ့တဲ့ လုပ်ရပ်လို့ ဂုဏ်ယူပြောဆိုပါတယ်။ ပြဿနာ အခက်အခဲတွေ ဝေဖန်ချက်တွေနဲ့ ပတ်သက်လို့ အာဆီယံအနေနဲ့ သေရေးရှင်ရေး အဆုံးဖြတ် ပေးရတော့မယ့် လူတွေရဲ့ အကျိုးတခုတည်းကို ဦးတည်ဆောင်ရွက်ခဲ့တာလို့ ပြန်လည် ဖြေကြားပါတယ်။
"ကျနော်တို့ရင်ဆိုင်ရတဲ့ စိန်ခေါ်မှုတွေက အခုလတ်တလော ကြုံနေရတဲ့ အကျပ် အတည်းကို ချက်ချင်း တုံ့ပြန်ဖို့ပါ။ ကျနော်တို့က အခြားကိစ္စတွေနဲ့ ရောထွေးပြီး ရှုတ်ထွေးအောင် လုပ်မယ်ဆိုရင် နောက်ထပ် ဘေးအန္တရာယ်ဆိုးကြီး ထပ်ကြုံရနိုင် ပါတယ်။ ဒုတိယအကြိမ် ကြေကွဲရမယ့် အဖြစ်ဆိုးကြီးကို ထပ်ကြုံရနိုင်ပါတယ်။" - လို့ ပြောဆိုသွားတာပါ။
"ကျနော်တို့က ရောဂါကပ်ဆိုးတွေ ထပ်ကြုံမှာကို စိုးရိမ်တယ်။ ကျန်းမာရေး အန္တရာယ်တွေ ထပ်ပြီး ရောက်မှာကို စိုးရိမ်တယ်။ လူတွေကို ကယ်တင်နိုင်ခဲ့ပါတယ်။ မြန်မာနိုင်ငံက မုန်တိုင်းဒဏ်ခံရတဲ့ သူတွေကို ကယ်တင်နိုင်ခဲ့တဲ့ တချိန်တည်းမှာ အာဆီယံရဲ့ ဂုဏ်သိက္ခာကိုလည်း တည်ဆောက်နိုင်ခဲ့ပါတယ်။" - လို့ ပြောဆိုသွားတာပါ။
အာဆီယံအနေနဲ့ နိုင်ငံတကာ အကူအညီတွေကို ကြီးကြပ်ပြီး အကဲဖြတ် စမ်းစစ်ချက်တွေ စတင်ဖို့ ဆွေးနွေးခဲ့တဲ့အချိန် ကြိုတင်စည်းကမ်း သတ်မှတ်ချက်၂ ခု ထားခဲ့တယ်လို့ ပြောပါတယ်။
"တချက်ကတော့ ဒီ အစီရင်ခံစာ ဆန်းစစ်ချက်တွေ ရေးသားနိုင်ဖို့အတွက် အဖွဲ့တွေအနေနဲ့ လေဘေးဒဏ်ကြောင့် ပျက်ဆီးတာတွေကို တိုင်းထွာနိုင်ဖို့ လိုအပ်တဲ့နေရာတွေကို အပြည့်အ၀ သွားရောက် စစ်ဆေးနိုင်ခွင့် ရဖို့ပါ။ ဒုတိယ အချက်ကတော့ ဒီ အစီရင်ခံစာဟာ ယုတ္တိကျိုးကြောင်း ခိုင်လုံမှုရှိရမယ်။ ဘက်မလိုက်တဲ့ အစီရင်ခံစာ အချက်အလက်တွေ မှန်ကန်ကြောင်း ပြန်လည် စစ်ဆေးနိုင်တဲ့ အစီရင်ခံစာ ဖြစ်ရမယ်ဆိုတဲ့ သတ်မှတ်ချက်တွေပါ။" - လို့ အာဆီယံ အတွင်းရေးမှူးချုပ် ဆူရင်း ပစ်ဆူဝမ်က ပြောသွားပါတယ်။
မြန်မာနိုင်ငံအတွင်း နိုင်ငံတကာ အကူအညီပေးရေး အဖွဲ့တွေအနေနဲ့ အကူအညီတွေကို ငွေကြေးလဲလှယ်တဲ့နေရာမှာ စစ်အစိုးရရဲ့ နိုင်ငံခြားငွေလဲ လက်မှတ် FEC နဲ့ လဲရတဲ့အတွက် ၂၀ % ဆုံးရှုံးတယ်၊ ဒီ အကူအညီတွေကို စစ်အစိုးရက ရနေတယ်ဆိုတဲ့ သတင်းတွေနဲ့ပတ်သက်ပြီး သတင်းထောက်တွေက မေးခဲ့ကြပါတယ်။ မစ္စတာ ဆူရင်း ပစ်ဆူဝမ်ကတော့ ၂၀ % ဆုံးရှုံးတယ်ဆိုရင်တောင် ကျန်တဲ့ ၈၀ % နဲ့ လူတွေကို ကယ်တင်မယ်လို့ ပြောဆိုသွားပါတယ်။ ကုလသမဂ္ဂ အရာရှိတွေကတော့ ဒီကိစ္စက သိပ်ပြီး ထင်သလောက် မဆိုးဘူးဆိုတဲ့ သဘောမျိုး လျောလျော့ပေါ့ပေါ့ ပြောဆိုသွားပါတယ်။ ဒါပေမယ့် မြန်မာနိုင်ငံအတွင်း လုပ်ငန်း ဆောင်ရွက်ချက်တွေဟာ ရွေးချယ်စရာလမ်းတွေ အများကြီးထဲက ကိုယ့်စိတ်ကြိုက် ရွေးချယ်လုပ်ကိုင်ရတဲ့ အနေအထားမျိုး မဟုတ်တဲ့အကြောင်း သတင်းစာရှင်းလင်းပွဲမှာ ၀န်ခံပြောဆိုကြပါတယ်။

မစ္စတာဂမ်ဘာရီ ခရီးစဉ်ကို အခွင့်အလမ်းတရပ်အဖြစ် အသုံးပြုရန် မြန်မာအစိုးရကို အမေရိကန်တိုက်တွန်း
25 July 2008
ဦးသားညွန့်ဦး
ကုလသမဂ္ဂဆိုင်ရာ အမေရိကန် သံအမတ်ကြီး ဇာမေးလ်ခါလီဇတ်။အောက်တိုဘာ ၅၊ ၂၀၀၇။
ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံဆိုင်ရာ အထူးအကြံပေးပုဂ္ဂိုလ် မစ္စတာဂမ်ဘာရီ(Mr. Gambari) ရဲ့ မြန်မာနိုင်ငံခရီးစဉ်ကို အခွင့်အလမ်းတရပ်အနေနဲ့ အသုံးပြုပြီး နိုင်ငံတကာနဲ့ပူးပေါင်းဆောင်ရွက်ဖို့ ကုလသမဂ္ဂဆိုင်ရာ အမေရိကန်သံအမတ်ကြီးက မြန်မာစစ်အစိုးရကိုတိုက်တွန်းသွားပါတယ်။ အပြည့်အစုံကိုကိုသားညွန့်ဦးက တင်ပြပေးထားပါတယ်။
မနေ့က ကုလသမဂ္ဂ လုံခြုံရေးကောင်စီမှာမြန်မာ့အရေး ဆွေးနွေးညှိနှိုင်းမှုတွေ လုပ်ပြီးတဲ့နောက်ကုလသမဂ္ဂဆိုင်ရာအမေရိကန်သံအမတ်ကြီး ဇာမေးလ် ခါလီဇတ်
(Zalmay Khalilzad) က အခုလို ပြောသွားခဲ့တာပါ။
"မြန်မာစစ်အစိုးရအနေနဲ့ မစ္စတာဂမ်ဘာရီရဲ့ ဒီခရီးစဉ်ကို အခွင့်အလမ်းတရပ်အနေနဲ့
အသုံးပြုဖို့ ပြောလိုပါတယ်။ အချိန်သတ်မှတ်မှုထားရှိတဲ့ ညှိနှိုင်းဆွေးနွေးပွဲတွေလုပ်၊
ဒေါ်အောင်ဆန်းစုကြည် အပါအ၀င် နိုင်ငံရေးအကျဉ်းသားတွေကို လွှတ်ပေးပြီး ပူးပေါင်း
ဆောင်ရွက်မှုတွေနဲ့ စာမျက်နှာသစ်တရပ် ဖွင့်မလား၊ ပိုပြီးပြင်းထန်တဲ့ နိုင်ငံတကာ
ဖိအားတွေကို ရင်ဆိုင်မလား မေးခွန်းထုတ်ချင်ပါတယ်။ ဘယ်ဟာကို ရွေးမလဲဆိုတာ
သူတို့အပေါ်တည်ပါတယ်။"
မနေ့ကလုပ်တဲ့ လုံခြုံရေးကောင်စီ မြန်မာ့အရေး ဆွေးနွေးပွဲမှာတော့ ပြီးခဲ့တဲ့
ဆိုင်ကလုံးမုန်တိုင်း နောက်ဆက်တွဲ နိုင်ငံတကာ လူသားချင်းစာနာကူညီရေး ကိစ္စတွေ
ကို အတော်လေး အလေးပေးပြောဆိုခဲ့ကြတယ်လို့ ဆိုပါတယ်။ အမေရိကန်
ပြည်ထောင်စု အနေနဲ့ကတော့ နိုင်ငံရေးအရ မတူကွဲပြားမှုတွေကို အသာဘေးဖယ်
ထားပြီး လူသားချင်းစာနာမှုကိစ္စကို အလေးပေးခဲ့တယ်လို့ သံအမတ်ကြီးက သတင်း
ထောက်တွေကို ပြောပါတယ်။
"ဒီကိစ္စမှာ ကျနော်တို့အနေနဲ့ ဒီထက်ကို ပိုပြီး အကူအညီတွေပေးနိုင်ဖို့ ခွင့်ပြုချက်မရ
တာကိုပဲ ၀မ်းနည်းမိပါတယ်။ အမေရိကန်နဲ့ အခြားနိုင်ငံတွေအနေနဲ့က အဲဒီက
လေဘေးဒုက္ခသည် ပြည်သူတွေအတွက် သူတို့လိုအပ်ချက်တွေကို ဒီထက်ပိုပြီး အကူ
အညီ ပေးလိုကြပါတယ်။ အခုလို အရေးတကြီး လူသားတွေအတွက် လိုအပ်ချက်တွေ
ရှိနေချိန်မှာ ကျနော်တို့အနေနဲ့ နိုင်ငံရေးအရ မတူကွဲပြားတာတွေကို အသာထားပြီး
လူသားချင်းစာနာရေး လုပ်ငန်းတွေကိုပဲ အမြဲ ဖြေရှင်းဆောင်ရွက်ပါတယ်။"
အခုလို ကပ်ဘေးဆိုးကြောင့် ဒုက္ခရောက်တဲ့ ပြည်သူတွေအတွက် အကူအညီပေးရေး
ကိစ္စတွေကို ဆက်ပြီးလုပ်သွားရမှာ ဖြစ်ပေမယ့်လို့ နိုင်ငံရေးအခြေအနေတွေကိုလည်း
ပြန်လှည့်စဉ်းစားဖို့ အချိန်ရောက်လာပြီလို့လည်း အမေရိကန်သံအမတ်ကြီးက
ပြောသွားပါတယ်။ အခု မစ္စတာဂမ်ဘာရီရဲ့ ခရီးစဉ်အတွင်း တစုံတရာ ရလဒ်ထွက်လာဖို့
မျှော်လင့်ထားတယ်လို့ ဆိုပါတယ်။
"မစ္စတာဂမ်ဘာရီရဲ့ အခု သြဂုတ်လခရီးစဉ်ကနေ အခိုင်အမာရလဒ်တွေရဖို့ ကျနော်တို့
မျှော်လင့်ထားတယ်လို့ မစ္စတာဂမ်ဘာရီကို ပြောထားပါတယ်။ အခုလာမယ့် ၂၀၁၀
ခုနှစ် ရွေးကောက်ပွဲမတိုင်ခင်မှာ အချိန်ကာလသတ်မှတ်ထားတဲ့ ညှိနှိုင်းဆွေးနွေးမှုတွေ
နဲ့ နိုင်ငံရေးအသွင်ကူးပြောင်းမှုတရပ် ဖြစ်လာဖို့ မစ္စတာဂမ်ဘာရီအနေနဲ့ သဘောတူညီ
ချက်တရပ် အောင်အောင်မြင်မြင် ယူလာနိုင်မယ်လို့ ယူဆထားပါတယ်။ ဒေါ်အောင်ဆန်း
စုကြည် အပါအ၀င် နိုင်ငံရေးအကျဉ်းသားတွေ လွတ်မြောက်လာဖို့ လိုပါတယ်။"
အကယ်၍သာ အခုလို မြန်မာအစိုးရဘက်ကနေ မစ္စတာဂမ်ဘာရီနဲ့ ပူးပေါင်းဆောင်ရွက်
ပြီး တိုးတက်မှုတွေ ရလာမယ်ဆိုရင်တော့ နိုင်ငံတကာဘက်ကလည်း အပြုသဘော
တုံ့ပြန်မှာပါလို့ အမေရိကန်သံအမတ်ကြီး ဇာမေးလ် ခါလီဇတ်က ပြောပါတယ်။
ဒါပေမယ့်လို့ အတိုက်အခံနဲ့ အစိုးရအကြား ညှိနှိုင်းဆွေးနွေးမှုတွေ ဖြစ်မလာဘူး၊
တိုးတက်မှုတွေ ရှိမလာဘူးဆိုရင်တော့ အခြားနည်းလမ်းတွေနဲ့ ဖိအားပေးတာတွေကို
စဉ်းစားရမယ်လို့လည်း သံအမတ်ကြီးက သတိပေးခဲ့ပါတယ်။
ကုလသမဂ္ဂ လုံခြုံရေးကောင်စီရဲ့ အလှည့်ကျဥက္ကဋ္ဌတာဝန် ယူထားတဲ့ ဗီယက်နမ်နိုင်ငံ
သံအမတ်ကြီးကလည်း မြန်မာ့အိမ်နီးချင်းနိုင်ငံတွေဟာ မြန်မာ့နိုင်ငံရေးနဲ့ပတ်သက်လို့
အနီးကပ်ကို စောင့်ကြည့်အကဲခတ်နေတယ်လို့ ပြောသွားပါတယ်။
"မြန်မာ့အိမ်နီးချင်းနိုင်ငံ၊ အာဆီယံဒေသအဖွဲ့ဝင် နိုင်ငံအနေနဲ့၊ ဗီယက်နမ်နိုင်ငံဟာ
မြန်မာနိုင်ငံအခြေအနေကို အနီးကပ်ကို စောင့်ကြည့်နေပါတယ်။ ဗီယက်နမ်နဲ့ အခြား
အိမ်နီးချင်းနိုင်ငံတွေဟာ မြန်မာနိုင်ငံ တည်ငြိမ်ရေးကို လိုလားပါတယ်။ ကယ်ဆယ်ရေး
လုပ်ငန်းတွေအတွက် မြန်မာ၊ အာဆီယံနဲ့ ကုလသမဂ္ဂတို့အကြား ထိရောက်တဲ့ ပူးပေါင်း
ဆောင်ရွက်မှုတွေဟာ တိုးတက်အောင်မြင်မှုတွေ ရခဲ့ပါတယ်။ ဒီလိုဆောင်ရွက်မှုတွေ
ကြောင့် အခုဆိုရင် အဲဒီဒေသတွေမှာ ငတ်မွတ်မှုပြဿနာ၊ ရောဂါပြန့်ပွားမှု ပြဿနာမျိုး
တွေ မကြုံရပါဘူး။ ဒါကြောင့် ဒီလို ပူးပေါင်းဆောင်ရွက်မှုမျိုးတွေကပဲ မြန်မာအစိုးရနဲ့
မြန်မာပြည်သူတွေ ကြုံနေရတဲ့ အကျပ်အတည်းတွေကို ကျော်လွှားနိုင်စေလိမ့်မယ်လို့
ယုံကြည်ပါတယ်။"
လုံခြုံရေးကောင်စီဥက္ကဋ္ဌ ဗီယက်နမ်နိုင်ငံကတော့ အာဆီယံရဲ့ မူအတိုင်းပဲ မြန်မာနိုင်ငံနဲ့
ပတ်သက်လို့ နိုင်ငံတကာအနေနဲ့လည်း မြန်မာအစိုးရနဲ့ ပူးပေါင်းဆောင်ရွက်ဖို့ကိုပဲ
လိုလားတယ်လို့ ဆိုပါတယ်။ မနေ့က လုံခြုံရေးကောင်စီ တံခါးပိတ်အစည်းအဝေးက
တော့ မြန်မာနဲ့ပတ်သက်လို့ အခြားလုံခြုံရေးကောင်စီ အဖွဲ့ဝင်နိုင်ငံတွေရဲ့ သဘောထား၊
သူတို့ဆီကနေ မြန်မာအစိုးရကိုပြောလိုတဲ့ သတင်းစကား စတာတွေကို မစ္စတာဂမ်ဘာရီ
နဲ့ အကြုံပါးလိုတဲ့သဘောနဲ့ ညှိနှိုင်းဆွေးနွေးပွဲသဘောသာ ဖြစ်ပါတယ်။ ဒီကနေမှ
မစ္စတာဂမ်ဘာရီအပြန် လုံခြုံရေးကောင်စီမှာ နောက်တကြိမ်ဆွေးနွေးကြမယ်လို့လည်း
သိရပါတယ်။

မြန်မာ့လေဘေး ကယ်ဆယ်ရေးလုပ်ငန်းများ ရလဒ်ကောင်းများရှိနေဟု ကုလအကြီးအကဲ ပြောဆို
25 July 2008
ဦးသိန်းထိုက်ဦး မစ္စတာ ဂျွန်ဟုမ်းစ် ဘန်ကောက် လေဆိပ်တွင် သတင်းစာရှင်းလင်းပွဲ ကျင်းပနေပုံ ။ ဇူလိုင် ၂၄၊ ၂၀၀၈(ဓာတ်ပုံ - ဗွီအိုအေ မြန်မာပိုင်း) မြန်မာနိုင်ငံအတွင်း လေဘေးကယ်ဆယ်ရေး
လုပ်ငန်းတွေ တိုးတက်မှုရှိနေတယ်လို့ မြန်မာနိုင်ငံကို သွားရောက်ခဲ့တဲ့ ကုလသမဂ္ဂ လူသားချင်းစာနာထောက်ထားမှုဆိုင်ရာ အကြီးအကဲ
ဂျွန်ဟုမ်းစ် (John Holmes) က ပြောဆိုပါတယ်။ဒါပေမယ့် ကယ်ဆယ်ရေး အကူအညီတွေအတွက် နိုင်ငံခြားငွေ ပေးပို့တဲ့အခါ စစ်အစိုးရရဲ့
FEC နဲ့လဲရပြီး FEC ဈေး ကွာဟချက်ကြောင့်အလှူငွေတွေ ဆုံးရှုံးရတာ အပါအ၀င် တခြားအခက်အခဲတွေ ရှိနေတယ်ဆိုတာကိုလည်း
သူက ၀န်ခံပြောဆိုပါတယ်။ မြန်မာနိုင်ငံ ခရီးစဉ်ကအပြန် ထိုင်းနိုင်ငံ ဘန်ကောက်မြို့ သုဝဏ္ဏဘူမိလေဆိပ်မှာ မနေ့ညက သတင်းစာရှင်းလင်းပွဲ ကျင်းပခဲ့ပါတယ်။ အပြည့်အစုံကိုဦးသိန်းထိုက်ဦးက တင်ပြပေးထားပါတယ်။
ကုလသမဂ္ဂ လူသားချင်းစာနာထောက်ထားမှုဆိုင်ရာ အကြီးအကဲ မစ္စတာ ဂျွန်ဟုမ်းစ်က
မကြာသေးခင်က အာဆီယံ၊ ကုလသမဂ္ဂနဲ့ စစ်အစိုးရတို့ ပူးပေါင်းထုတ်ပြန်ခဲ့တဲ့
လေဘေးနဲ့ပတ်သက်တဲ့ အကဲဖြတ်စမ်းစစ်ချက် အစီရင်ခံစာကို ကြိုဆိုထောက်ခံပြော
သွားပြီး နိုင်ငံတကာ အလှူရှင်တွေအနေနဲ့ လိုအပ်တဲ့ငွေကြေးပမာဏကို ဆက်ပြီး
ပေးလှူမယ်လို့ မျှော်လင့်တဲ့အကြောင်း ပြောသွားပါတယ်။ သူ့ရဲ့ခရီးစဉ်အတွင်းမှာ
ကျေနပ်အားရစရာ တိုးတက်မှုတွေ တွေ့ရတယ်လို့လည်း ပြောပါတယ်။
"အားလုံးကိုကြည့်မယ်ဆိုရင်တော့ ကျနော့်ခရီးစဉ်ကို ကျေနပ်အားရ ဖြစ်မိပါတယ်။
တိုးတက်မှုတွေအတွက် ကျနော် ကျေနပ်ပါတယ်။ တခါတရံမှာတော့ စိတ်ချလက်ချ
အရာအားလုံး အဆင်ပြေချောမွေ့နေတယ်ဆိုပြီး ကျေနပ်နိုင်တဲ့ အနေအထားမျိုးတော့
မဟုတ်ပါဘူး။ ရှေ့ဆက်လုပ်တဲ့အချိန်မှာ ပြဿနာ အခက်အခဲတွေ ရှိနိုင်ပါတယ်။
အရေးအကြီးဆုံးကတော့ လက်ရှိအခြေအနေကနေ လုပ်စရာရှိတာတွေကို ဆက်ပြီး
လုပ်ဆောင်နိုင်ဖို့ပါ" လို့ ပြောဆိုသွားပါတယ်။
မြန်မာနိုင်ငံအတွင်း နိုင်ငံတကာအလှူငွေတွေ ပေးပို့တဲ့အခါ စစ်အစိုးရရဲ့ နိုင်ငံခြားငွေလဲ
လက်မှတ် (FEC) နဲ့လဲရတဲ့အတွက် အစိုးရက ဒီအလှူငွေတွေ အပေါ်ကနေ အကျိုး
အမြတ်တွေ ရနေတယ်ဆိုတဲ့ ပြောဆိုချက်တွေ ရှိပါတယ်။ ဒါနဲ့ပတ်သက်လို့ သတင်း
ထောက်တွေက မေးတဲ့အခါမှာတော့ ဒါက ငွေကြေးလဲလှယ်မှု နည်းလမ်းဆိုင်ရာ
ပြဿနာတခုဖြစ်နေပြီး FEC ဈေးက ဒေါ်လာဈေးထက် နိမ့်ကျနေတဲ့အတွက် အဓိက
ပြဿနာကြုံနေရတာပါလို့ ပြောပါတယ်။ ဒီအခက်အခဲကို ကုလသမဂ္ဂအနေနဲ့ သိတဲ့
အကြောင်းနဲ့ စစ်အစိုးရခေါင်းဆောင်တွေကိုလည်း ဒီဟာနဲ့ပတ်သက်လို့ ဖြေရှင်းပေးဖို့
ဆွေးနွေးခဲ့တာတွေရှိပြီး မြန်မာစစ်အစိုးရဘက်က အမြန်ဆုံးပြေလည်အောင် အဖြေ
ရှာပေးနိုင်မယ်လို့ မျှော်လင့်တဲ့အကြောင်း ပြောဆိုပါတယ်။
မြန်မာအာဏာပိုင်တွေက လေဘေးကယ်ဆယ်ရေး စခန်းတွေကို ပိတ်ပစ်ပြီး ဒုက္ခသည်
တွေကို နေထိုင်ရပ်တည်ဖို့ ခက်ခဲဆဲဖြစ်တဲ့ နေရပ်ရင်းတွေကို အတင်းအကျပ် ပြန်ပို့
နေတယ်ဆိုတဲ့ သတင်းတွေနဲ့ ပတ်သက်လို့တော့ …
"ဒီကိစ္စတွေကို အစိုးရအဆင့်ဆင့်နဲ့ ကျနော်တို့ တွေ့ဆုံတဲ့အခါတိုင်း ဒီလိုပြန်ပို့တာတွေနဲ့
ပတ်သက်လို့ စိုးရိမ်မိတဲ့အကြောင်း ကျနော်ပြောခဲ့ပါတယ်။ လေဘေးဒုက္ခသည်တွေကို
ပြန်ပို့တာတွေက သူတို့သဘောနဲ့သူတို့ ပြန်တာမျိုးပဲ ဖြစ်သင့်တယ်ဆိုတာမျိုး ကျနော်
တို့ဘက်က ရှင်းရှင်းလင်းလင်း ပြောခဲ့ပါတယ်။ မြန်မာစစ်အစိုးရကလည်း ကယ်ဆယ်
ရေးစခန်းတွေကို အကြာကြီးဖွင့်မထားချင်ဘူးဆိုတာ မှန်ရင်တောင် လေဘေးဒုက္ခသည်
တွေ နေရပ်ပြန်တာတွေက သူတို့သဘောနဲ့သူတို့ ပြန်တယ်ဆိုတာ သေချာပါတယ်" လို့
ပြောပါတယ်။
ကုလသမဂ္ဂက လေကြောင်းကနေ အကူအညီပေးနေတာတွေ ရပ်တန့်တော့မယ်ဆိုတာ
နဲ့ ပတ်သက်လုိ့တော့ ဘန်ကောက် ဒွန်မောင်းလေဆိပ်က တဆင့်ခံ အကူအညီတွေ
ပေးပို့နေတာကို လာမယ့် သြဂုတ်လ ၁၀ ရက်နေ့မှာ ရပ်ဆိုင်းတော့မှာဖြစ်ပြီး ဒါက အကူ
အညီတွေ လေကြောင်းကပေးပို့နေတာတွေကို နောင်မပို့တော့ဘူးလို့ ဆိုလိုတာမဟုတ်
တဲ့အကြောင်း၊ ဒါပေမယ့် တခြားနည်းလမ်းတွေနဲ့ အကုန်အကျနည်းနည်းနဲ့ ထိရောက်
အောင် ပေးပို့နိုင်မယ့်နည်းလမ်းကိုတော့ ရှာဖွေနေတယ်လို့ ပြောပါတယ်။
လေဘေးအကူအညီပစ္စည်းတွေကို အာဏာပိုင်တွေဘက်က လမ်းကြောင်းလွှဲပစ်တာမျိုး၊
တကယ်လိုအပ်နေတဲ့ လူတွေလက်ထဲကို တကယ့်အကူအညီတွေ မပေးတာမျိုးတွေ
ရှိနေတယ်ဆိုတဲ့သတင်းတွေ ထွက်နေပါတယ်။ ဒါနဲ့ပတ်သက်လို့ မေးမြန်းတဲ့အခါမှာ
တော့ …
"ကျနော်တို့တော့ ဒီကိစ္စကို မကြားမိပါဘူး။ ဘာလို့လဲဆိုတော့ အကူအညီတွေက အစိုးရ
ဆီကိုပေးတာ မဟုတ်ပါဘူး။ လေဘေးအကူအညီတွေကို အေဂျင်စီတွေ၊ အစိုးရ
လက်အောက်ခံမဟုတ်တဲ့ NGO အဖွဲ့တွေနဲ့ ကြက်ခြေနီအဖွဲ့တွေကတဆင့် ပေးခဲ့တာပါ။
တကယ်အကူအညီ လိုအပ်နေတဲ့လူတွေလက်ထဲကို ဒီအဖွဲ့အစည်းတွေကတဆင့်
ပေးတာပါ။ ဒီလိုပြောလို့ ရာနှုန်းပြည့် လေဘေးအကူအညီတွေ တလွဲကိုပို့ပစ်တာမျိုး
မရှိပါဘူးလို့ ကျနော် အာမခံတာတော့ မဟုတ်ပါဘူး။ ဒါပေမယ့် ကျနော်တို့ စောင့်ကြည့်
လေ့လာသလောက်တော့ ဒီလိုအကူအညီတွေကို တခြားကို လမ်းကြောင်းလွှဲပြီးပို့တဲ့
သက်သေအထောက်အထား မရှိပါဘူး" လို့ ပြောသွားပါတယ်။
ကုလသမဂ္ဂ လူသားချင်းစာနာထောက်ထားမှုဆိုင်ရာ အကြီးအကဲ မစ္စတာ ဂျွန်ဟုမ်းစ်က
အကူအညီလိုအပ်နေသူတွေ အများအပြားရှိနေပြီး လေဘေးဒုက္ခသည်တိုင်းရဲ့ လက်ထဲ
ကို အကူအညီတွေ မပေးနိုင်ခဲ့တာ၊ အကူအညီတွေ လိုအပ်နေတယ်ဆိုတာတွေကို သူက
ဝန်ခံပြောဆိုပါတယ်။ ဒီလို အကူအညီတွေ လိုအပ်နေဆဲပဲ ဆိုပေမယ့်လည်း ကယ်ဆယ်
ရေးလုပ်ငန်းတွေ မအောင်မမြင်ဖြစ်ခဲ့ရတယ်ဆိုတဲ့ ပြောဆိုချက်ကိုတော့ သူ့အနေနဲ့
အငြင်းပွားစရာတွေ ရှိနေပြီး သူ့ရဲ့ခရီးစဉ်အတွင်းမှာတော့ လေဘေးကယ်ဆယ်ရေးက
တိုးတက်မှုတစုံတရာ ရှိနေတာကို တွေ့ရတယ်လို့ ပြောဆိုသွားပါတယ်။


ပုခက်လွှဲသောလက်များ၏ အနာဂတ် အခန်းကဏ္ဍ

ဆောင်းပါး


ဝိုင်အိုလဲ့ချို၊ အေးလဲ့ | ဇူလိုင် ၂၅၊ ၂၀၀၈
လက်ချိုးရေတွက်၍ ရနိုင်သည့် အမျိုးသမီး တချို့သာ မြန်မာနိုင်ငံ ပြင်ပ အတိုက်အခံ လှုပ်ရှားမှုအတွင်း ထူးထူးခြားခြား အသိအမှတ်ပြုခံကြရသည်။ သို့သော် … လှုပ်ရှားမှုကြီး တခုလုံးနှင့်ယှဉ်လျင်မူ လိင်အရ အမှန်တကယ် တန်းတူညီမျှမှု ရှိ မရှိ ဆိုသည်မှာ မသေချာလှပေ။ဒေါ်အောင်ဆန်းစုကြည် ၆၃ နှစ်ပြည့် မွေးနေ့တွင် အိန္ဒိယနိုင်ငံ နယူးဒေလီမြို့၌ ချီတက်ဆန္ဒပြနေသည့် ဒီမိုကရေစီအရေး လှုပ်ရှားသူ မြန်မာအမျိုးသမီးတဦး (ဓာတ်ပုံ - အေအက်ဖ်ပီ)
နာဂစ်ဆိုင်ကလုန်းမုန်တိုင်း ဝင်ရောက် တိုက်ခတ်ခဲ့ပြီး ၃ ရက်အကြာတွင် ပုန်းအောင်း ရှောင်တိမ်းနေသည့် မဖြူဖြူသင်းတယောက် ဒုက္ခရောက်နေသူများကို ကူညီရန် အပြင်သို့ ထွက်လာခဲ့သည်။
“ကျမတို့ လူနာတွေ မုန်တိုင်းဒဏ်ကြောင့် ဒုက္ခရောက်နေ တော့မယ်ဆိုတာ သိတယ်။ ဒါနဲ့ ကျမလည်း သူတို့ကို အတတ်နိုင်ဆုံး အကူအညီပေးမယ်ဆိုပြီး ထွက်လာခဲ့တာ” ဟု မဖြူဖြူသင်းက ဆိုခဲ့သည်။
မဖြူဖြူသင်းမှာ အမျိုးသားဒီမိုကရေစီအဖွဲ့ချုပ် (အန်အယ်လ် ဒီ) လူငယ်ခေါင်းဆောင်တဦးဖြစ်ပြီး အိပ်ခ်ျအိုင်ဗွီ၊ အေအိုင် ဒီအက်စ် ဝေဒနာရှင်များအရေး လှုပ်ရှားဆောင်ရွက်နေသူ ဖြစ်သည်။ ထို့ပြင် မျိုးဆက်သစ် တက်ကြွ လှုပ်ရှားသူ တဦး အဖြစ် မြန်မာနိုင်ငံ ဒီမိုကရေစီ ရရှိရေးအတွက် ကြိုးစား လုပ်ဆောင်နေသည့် အဖွဲ့အစည်းများတွင် အမျိုးသားများနှင့် တန်းတူရည်တူ ဦးဆောင်နေသည့် အမျိုးသမီးတဦးလည်း ဖြစ်သည်။
“လူနာတွေက ချို့တဲ့ကြတယ်။ အခု မုန်တိုင်းကြောင့် သူတို့ ဘ၀တွေအားလုံး ပျက်စီးကုန်ကြပြီ။ သူတို့ မိသားစုတွေ လည်း ဆုံးရှုံးကုန်ကြပြီ။ စားစရာလည်း မရှိ၊ နေစရာလည်း မရှိကြတော့ဘူး” ဟု မဖြူဖြူသင်းက သူ့လူနာများနှင့် ပတ် သက်၍ ပြောပြခဲ့သည်။ သူသည် သြဂုတ်လက စစ်အစိုးရ ဆန့်ကျင်ရေး ဆန္ဒပြပွဲများတွင် ပါဝင်ခဲ့ပြီးနောက်ပိုင်း ဖမ်းဆီး ခံရမည့်ဘေးမှ ပုန်းအောင်းတိမ်းရှောင်နေခဲ့ရသည်။
မဖြူဖြူသင်းကဲ့သို့ပင် ခေတ်အဆက်ဆက် မြန်မာနိုင်ငံအရေးကိစ္စအတွက် တထောင့်တနေရာမှ ပါဝင် လှုပ်ရှားနေသည့် အမျိုးသမီးများစွာ ရှိခဲ့သည်။ ထိုသို့သော အမျိုးသမီးများကို သမိုင်းမှတ်တမ်းများမှ ဖယ်ထုတ်၍ မရစကောင်းပါ။
၁၉၃၁ ခုနှစ် ကတည်းက နိုင်ငံပေါင်း ချုပ်အသင်းကြီးသို့ အာရှအမျိုးသမီးများကို ကိုယ်စားပြု၍ အစည်း အဝေးတက် ရောက်ရန် ဒေါ်မြစိန်ကဲ့သို့သော ထူးချွန်သည့် မြန်မာအမျိုးသမီးများ ရွေးချယ်ခံရဖူးသည့် အစဉ်အလာ ရှိခဲ့သည်။ ထိုမျှမက ကိုလိုနီခေတ် လွှတ်တော်အမတ်များ ဖြစ်ကြသည့် ဒေါ်နှင်းမနှင့် ဒေါက်တာ စောစ၊ လွတ်လပ်ရေးရအပြီး ကရင်ပြည်နယ် ၀န်ကြီးအဖြစ် တာဝန်ယူခဲ့သူ ဒေါ်ဘမောင်ချိန်တို့သည်လည်း မြန်မာအမျိုးသမီးများ နိုင်ငံရေးကဏ္ဍအတွင်း ပါဝင်ဆောင် ရွက်ခဲ့သည့် လမ်းကို စတင်ဖောက် လုပ်ခဲ့ကြသူများ ဖြစ်ကြသည်။
၁၉၆၂ ခုနှစ်၊ ဗိုလ်ချုပ်နေ၀င်း စစ်အာဏာသိမ်း အုပ်ချုပ်ပြီး များမကြာမီတွင် မြန်မာ့နိုင်ငံရေးစင်မြင့်ပေါ်၌ အမျိုးသမီးများ ထင်ရှားစွာ ပါဝင်ဆောင်ရွက်ခဲ့ကြသည့် အစဉ်အလာတို့ ချုပ်ငြိမ်းရတော့သည်။ နောက်ပိုင်းတွင် ဟန်ပြသဘော နေရာပေး ထားခြင်းထက်ပို၍ နေရာပေးခံရခြင်း မရှိတော့ပေ။ ထို့အတွက်ကြောင့်လည်း အတိုက်အခံလှုပ်ရှားမှုများတွင် ၀င်ရောက်ပူး ပေါင်း ပါဝင်လာခဲ့ကြခြင်း ဖြစ်သည်။
မဖြူဖြူသင်းကဲ့သို့သော အမျိုးသမီးများက သူတို့၏ အခန်းကဏ္ဍကို တိုးတက်မှုရရှိအောင် စွမ်းဆောင် ပြသနိုင်ခဲ့ကြ သော်လည်း မြန်မာနိုင်ငံ ဒီမိုကရေစီလှုပ်ရှားမှု၏ ထိပ်ပိုင်း ဦးဆောင်သူများ နေရာတွင် ကျား - မ လိင်တန်းတူညီမျှမှုနှင့် ပတ်သက်၍ လစ်ဟာနေသေးကြောင်း လူအများက ထောက်ပြကြသည်။
အိပ်ခ်ျ အိုင်ဗွီ၊ အေအိုင်ဒီအက်စ် ဝေဒနာရှင်များနှင့် ဆက်ဆံလုပ်ကိုင်နေရသည့် အန်အယ်လ်ဒီ၏ လူမှုအထောက် အကူပြု အဖွဲ့ ခေါင်းဆောင်တဦးဖြစ်သူ မဖြူဖြူသင်းက ၎င်း၏ အဖွဲ့အစည်းတွင် လိင်မှုဆိုင်ရာ ကွဲပြားမှုမှာ အရေးကြီးသည့် ပြဿနာ တရပ်မဟုတ်ကြောင်း ပြောပြသည်။
“ယောက်ျား၊ မိန်းမ လိင်မခွဲခြားဘဲလည်း အတူတူ အလုပ်လုပ်နိုင်ကြတာပါပဲ” ဟု မကြာသေးမီက ဧရာဝတီမဂ္ဂဇင်းနှင့် တွေ့ဆုံ မေးမြန်းခန်းတွင် သူက ပြောခဲ့သည်။
တခြားသော အမျိုးသမီးများကလည်း ရည်မှန်းချက်တခုကို အတူတကွ ခိုင်ခိုင်မာမာ သံန္နိဌာန်ထား၍ လုပ်ကိုင်ဆောင်ရွက် နေကြချိန်တွင် ကျား - မ ကွာခြားမှုက မည်သို့မျှ အရေးမကြီးဟု ဆိုကြသည်။
“ကျားရယ်၊ မရယ် ဆိုပြီး ကွဲပြားတဲ့ ကိစ္စကို ဒီလောက်ကြီး စဉ်းစား မနေပါဘူး။ မြန်မာနိုင်ငံမှာ အပြောင်း အလဲတွေ ဖြစ်လာ ဖို့က နိုင်ငံသားတိုင်းရဲ့ တာဝန်ပါ” ဟု နိုင်ငံရေးအကျဉ်းသားဟောင်းတဦး ဖြစ်ပြီး ကျောင်းသားခေါင်းဆောင်တဦးအဖြစ် ၁၉၈၈ ခုနှစ်နှင့် ၁၉၉၆ ခုနှစ် လူထုဆန္ဒပြပွဲများတွင် ပါဝင်လှုပ်ရှား ခဲ့ဖူးသူ အမျိုးသမီးတဦးက ပြောသည်။
အမျိုးသမီးများက ဤကဲ့သို့သဘောထားများ ရှိနေချိန်တွင် တချို့ကမူ ဦးဆောင်ဆုံးဖြတ်ရမည့်နေရာတွင် အမျိုးသမီးများ ပါဝင်လာမည်ဆိုပါက အခက်အခဲများစွာ တွေ့နိုင်သည်ဟု ဆိုလာ၏။ ထင်ရှားသည့် အမျိုးသမီး ခေါင်းဆောင်များမှာ ဒေါ်အောင်ဆန်းစုကြည်၊ မဖြူဖြူသင်း စသည်ဖြင့် အရေအတွက် အလွန်နည်းနေသဖြင့် ဤသို့ မှတ်ချက်ပေးကြခြင်း ဖြစ်နိုင်ပါသည်။
ဒီမိုကရေစီ လှုပ်ရှားမှုအတွင်း ရှိနေကြသော အဓိကကျသည့် အဖွဲ့အစည်းများကို အပေါ်ယံကြည့်လိုက်မည် ဆိုပါကလည်း ခေါင်းဆောင်မှုပိုင်းတွင် အမျိုးသမီးများ ပါဝင်နေမှုက ၁ ရာခိုင်နှုန်းထက် နည်းနေသည်ကို တွေ့ရသည်။
ဤအချက်က ယဉ်ကျေးမှုနှင့်လည်း များစွာ သက်ဆိုင် နေနိုင်ပါသည်။ ရိုးရာထုံးတမ်းစဉ်လာများအရ အမျိုးသမီးများ၏ နေရာကို အိမ်တွင်း မီးဖိုချောင်ဟုသာ သတ်မှတ်ထားကြပြီး အမျိုးသမီးများ ပညာတတ်မြောက် စေရန်လည်း အားမပေး ခဲ့ကြပေ။ ထို့အပြင် ယောက်ျားတို့က “ဘုန်း” ကြီးသည်ဟူသည့် ယုံကြည်ချက်ကလည်း လူ့အဖွဲ့အစည်းအတွင်း ရှိနေ သေးသည်။
တချိန်တည်းမှာပင် တိုင်းရင်းသားလူမျိုးစုများ၏ နိုင်ငံရေးအဖွဲ့များသည်လည်း တော်လှန်ရေး လက်နက်ကိုင် တပ်များနှင့် ပူးတွဲတည်ရှိနေကြသော စစ်တပ်ဆန်သည့် ယဉ်ကျေးမှု သဘောသဘာဝကြောင့် ယောက်ျားများ ၏ အခန်းကဏ္ဍကိုသာ ဗဟိုပြုထားကြပြန်သည်။
သို့သော်လည်း ကရင်အမျိုးသားအစည်းအရုံး (ကေအန်ယူ) ၏ ဗဟိုအလုပ်မှုဆောင်တဦးလည်းဖြစ်၊ ကရင် အမျိုးသမီး အစည်းအရုံးတွင် ထင်ရှားသည့်ခေါင်းဆောင်တဦးလည်းဖြစ်သူ မခိုင်မာကျော်ဇောကမူ ကရင် အမျိုးသမီးများ၏ ပါဝင် ဦးဆောင်နိုင်ခွင့်ကို ကန့်သတ်ထားသည်မှာ သူတို့၏ ပညာမဲ့မှုကြောင့်ဟု ဆိုသည်။
“အမျိုးသမီးတွေ စီးပွားရေး၊ လူမှုရေး၊ နိုင်ငံရေးကဏ္ဍတွေမှာ မပါဝင်နိုင်တဲ့ အဓိက အကြောင်းရင်းကတော့ သူတို့မှာ လေ့လာသင်ယူဖို့ အခွင့်အလမ်း မရခဲ့တာကြောင့်ပဲ။ ကြီးလာပြန်တော့လည်း အိမ်မှာပဲနေ၊ အိမ် အလုပ်ပဲ လုပ်နေကြရတယ်။ ကျောင်းတက်ခွင့် မရပြန်ဘူး။ ဒါကြောင့် အမျိုးသမီးတွေက ယောက်ျား တွေနဲ့ယှဉ်ရင် သိမြင်မှုနည်းသလို ဖြစ်လာတယ်” ဟု သူက ပြောသည်။
ဆက်လက်၍ သူက ရိုးရာဓလေ့ ထုံးတမ်းစဉ်လာအရ ယောက်ျားများကို အိမ်ထောင်ဦးစီး၊ နိုင်ငံ ခေါင်းဆောင် စသည်ဖြင့် ယေဘုယျ သဘောထားကြသည့် အယူအဆကြောင့် အမျိုးသမီးများ၏ တာဝန်မှာ သူတို့၏ လင်ယောက်ျားများနှင့် ကလေး များကို ပြုစုစောင့်ရှောက်ရန်ဟူ၍ ဖြစ်လာပြီး ပြင်ပလောကတွင် တက်ကြွစွာ ပါဝင်လှုပ်ရှားခွင့်မရသည့် အကြောင်းရင်း ဖြစ်လာသည်ဟု ဆိုသည်။ အမျိုးသမီးများအနေနှင့် ပညာ အရည်အချင်းရှိလာပြီး သတ္တိလည်း ရှိမှသာ ပို၍ မြင့်မားသည့် ရည်မှန်းချက်များ ထားရှိလာနိုင်ကြမည်ဟု သူက သုံးသပ်သည်။
ထို့အပြင် စိတ်ဓာတ်ရေးရာ အားပေးမြေတောင်မြှောက်မှု မရှိခြင်းသည်လည်း အမျိုးသမီးများ တွေ့ကြုံရသည့် နောက်ထပ် အခက်အခဲတခုဖြစ်သည်ဟု ဒီမိုကရေစီအရေး လှုပ်ရှားနေသည့် အမျိုးသမီးခေါင်းဆောင် များက ဆိုကြသည်။
ကရင်နီ အမျိုးသားတိုးတက်ရေးပါတီ (ကေအန်ပီပီ) ၏ ပထမဦးဆုံးနှင့် တဦးတည်းသော အမျိုးသမီး ဗဟို အလုပ်အမှု ဆောင်ကော်မတီဝင် ဒေးဒေးဖောက သူ့မိဘများသည် ဘယ်တုန်းကမှ သူ့ကို ပညာသင်ရန် အားမပေးခဲ့ကြဟု ပြောပြသည်။
“သူတို့က ကျမကို အမြဲတမ်း အိမ်မှာနေဖို့၊ လယ်လုပ်ဖို့နဲ့ မောင်လေးတွေ၊ ညီမလေးတွေကို စောင့်ရှောက်ဖို့ပဲ ပြောကြတယ်” ဟု သူက ပြောပြသည်။ သူ့ မိသားစုက သူ ၉ တန်း ရောက်သည့် နှစ်တွင် အဓမ္မ ကျောင်း ထွက်ခိုင်းသောကြောင့် အိမ်မှ ထွက်ပြေးကာ တော်လှန်ရေးတွင် ပါဝင်ပူးပေါင်းခဲ့သည်ဟု ဆိုသည်။
“အဆင့်မြင့်ပညာရေး မသင်ကြားခဲ့ရလို့ ကျမ ၀မ်းနည်းမိတယ်။ အခု ကျမက ကရင်နီနိုင်ငံရေးအဖွဲ့ အစည်းမှာ ခေါင်းဆောင် တယောက် ဆိုပေမယ့် ကျမ ပြောချင်တာတွေ လူသိအောင် ပြောနိုင်ဆိုနိုင်ဖို့ ခက်နေသေးတယ်” ဟု သူက ဆက်ပြောသည်။
အမျိုးသမီးများ ရင်ဆိုင်နေရသည့် ပညာရေးအခွင့်အလမ်း ချို့တဲ့မှုမှာ ငယ်စဉ်ကာလ ကျောင်းတက်ခွင့် မရခြင်း တခုမျှသာ မဟုတ်ပါ။
“ကလေး ၅ ယောက်နဲ့ ယောက်ျားကို ပြုစုဖို့ ကျမ အချိန်အတော်ပေးရတယ်။ စာအုပ်တွေ ဖတ်ဖို့၊ သတင်းစာတွေ ရှာဖတ်ဖို့၊ ရေဒီယိုနားထောင်ဖို့ အချိန် မရဘူး။ ဒါကြောင့် ယောက်ျားတွေနဲ့ ပြောဆို ဆက်ဆံတဲ့ နေရာမှာ ပိုခက်ခဲတယ်” ဟု ဒေးဒေးဖောက ပြောသည်။
ကေအန်ပီပီအဖွဲ့ ၀န်ကြီးချုပ်၏ ဇနီးဖြစ်သောကြောင့်လည်း ဒေးဒေးဖောကို လူအများက ကရင်နီပြည်သူလူထု၏ ထိပ်တန်း အမျိုးသမီးခေါင်းဆောင်အဖြစ် သတ်မှတ်ကြသည်။ သူ ကိုယ်တိုင်လည်း ခေါင်းဆောင်မှု အရည်အချင်းရှိသူ ဖြစ်သည်။ သူက ကေအန်ပီပီပါတီအတွင်း အမျိုးသမီးများကို မြှင့်တင်ရန် ပျက်ကွက်မှုရှိနေသည်ကို ပွင့်ပွင့်လင်းလင်း ပြစ်တင်ဝေဖန်သူလည်း ဖြစ်သည်။ နိုင်ငံရေးတွင် စိတ်ဝင်စားသည့် အမျိုး သမီးများကို မြေတောင်မြှောက် အားပေးရန် လိုအပ်ကြောင်းလည်း သူက လူသိရှင်ကြား ပြောဆို တိုက်တွန်း လေ့ရှိ၏။
ထိုင်းနိုင်ငံအခြေစိုက် မြန်မာအမျိုးသမီးသမဂ္ဂ (BWU) ၏ အဖွဲ့ဝင်တဦးဖြစ်သူ မမြင့်မြင့်စန်းကမူ ဤသို့ ဖြစ်နေကြရသည့် ပြဿနာအများစုအတွက် အခြေခံအကြောင်းရင်းမှာ ယောက်ျားတို့တွင် “ဘုန်း” ရှိသည် ဟူသော ရိုးရာ အစွဲအလန်းကြောင့် ဟု မြင်သည်။
ရိုးရာအစဉ်အလာအရ ထိုသို့ပင် အမြစ်တွယ်နေကြသောကြောင့် အမျိုးသမီးများက သူတို့၏ နိမ့်ကျသည့် အနေအထားကို လက်ခံလိုက်ကြပြီး တိုးတက်ရာ တိုးတက်ကြောင်းအတွက် ကြိုးပမ်းအားထုတ်ရန် မစွမ်း သာတော့သလို ဖြစ်လာရသည်ဟု ဆိုသည်။ ဤအကြောင်းကြောင့်ပင် တချို့သော အမျိုးသမီးများအဖို့ နိုင်ငံရေးတွင် ပိုမိုတက်ကြွသည့် အခန်းကဏ္ဍမှ ပါဝင် ဆောင်ရွက်ရန် မစဉ်းစားတော့ကြောင်း မမြင့်မြင့်စန်းက ပြောသည်။
လက်နက်ကိုင်တိုက်ပွဲများဖြင့် မျိုးဆက်များစွာ အသားကျနေကြရသည့် နယ်စပ်ဒေသများရှိ အမျိုးသမီး များအဖို့ နိုင်ငံရေး နှင့် ၀င်ရောက်ပတ်သက်ရန် ပို၍ပင် ခက်ခဲတွန့်ဆုတ်စေသည်။ အကြောင်းမှာ ခေါင်း ဆောင်မှုနေရာရရန်အတွက် စစ်ရေး စွမ်းဆောင်မှု အရည်အချင်းပြနိုင်မှသာ လက်ခံကြမည့် အမြင်သဘောရှိ နေကြသောကြောင့် ဖြစ်၏။
မမြင့်မြင့်စန်းက ယောက်ျားအများစုသည် ၎င်းတို့ကိုယ်ကို အမျိုးသမီးများအား ကာကွယ်စောင့်ရှောက် ပေးသူများဟူသည့် အမြင်ရှိနေခြင်းကြောင့် လူမှုအဖွဲ့အစည်းကို ဦးဆောင်ရန်အခွင့်အရေး ရှိနေကြသူများ အဖြစ် သူတို့ကိုယ်သူတို့ ခံယူထားပုံ ရသည်ဟု ဆိုသည်။ ထိုအမြင်က အမျိုးသမီးများ၏ အားသာချက်များကို ငြင်းပယ်ထားသဖြင့် မျှတမှု မရှိကြောင်း သူက ပြောသည်။
“တကယ်တော့ ကျမတို့ကိုယ်ကို ကျမတို့ ကာကွယ်ကြရမှာ။ ဒါပေမယ့် အဲဒီလိုဖြစ်ရမယ့်အစား ကျမတို့ရဲ့ လင်ယောက်ျား တွေကို အလုပ်အကျွေးပြုရင်း ဘ၀ကို မြှုပ်နှံထားကြရတယ်” ဟု သူက ဆက်ပြောသည်။
တန်းတူညီမျှရေး ရရန်အတွက် အမျိုးသမီးများအနေနှင့် တိုက်ပွဲဝင်ရန် ပြင်ဆင်ကြရမည်ဟု သူ့အမြင်ကို ပြောပြသည်။ ဤတိုက်ပွဲက တောတွင်းတိုက်ပွဲမဟုတ်ပါ။ အမျိုးသားများ၏ ဘေးတွင်ယှဉ်တွဲ၍ ၎င်းတို့နှင့် အတူ လိုက်ပါဆောင်ရွက်ခွင့် ရရန်၊ အိမ်တွင်း၌သာ အမျိုးသမီးများကို ထားရှိသည့် ရိုးရာ အစွဲအလမ်းများကို အတူတကွ လက်တွဲတိုက်ခိုက်ကြရန်သာ သူက ဆိုလိုခြင်း ဖြစ်သည်။
အမျိုးသမီးများ အနေနှင့် ပညာသင်ယူခြင်းကို မည်သည့်အခါမျှ မရပ်တန့်ဘဲ မိမိတို့၏ အမှန်တကယ် စွမ်းဆောင်နိုင်မှုသည် လူမှုအဖွဲ့အစည်းအတွက် မည်မျှ ကောင်းကျိုးပြုနိုင်သည် ဆိုသည်တို့ကို ယောက်ျားများ သိရှိရန် အစဉ်အမြဲ သတိပေးနေဖို့ လိုအပ်သည်ဟု ဆိုသည်။
“လိင်ကွဲပြားလို့၊ လူတန်းစားကွဲပြားလို့ ဆိုပြီး တန်းတူညီမျှမှု မရှိရင် တရားမျှတမှုဆိုတာ ဘယ်တော့မှ ရမှာမဟုတ်ဘူး။ တန်းတူအခွင့်အရေး ရရှိဖို့၊ တန်းတူ ပါဝင်ခွင့်ရရှိဖို့ ဆိုတာတွေက လူမှုအဖွဲ့အစည်းတခု ဖွံ့ဖြိုးတိုးတက်ဖို့အတွက် အဓိကကျ တဲ့ ကိစ္စတွေပါ” ဟု မမြင့်မြင့်စန်းက သူ့အမြင်ကို ပြောပြသည်။
အမျိုးသမီးများအနေနှင့် တဦးချင်း စွမ်းဆောင်နိုင်သည့် အရည်အချင်းကို ယောက်ျားများအား ပြသနိုင်ကြပါသည်။ သို့သော် လည်း အဆုံးစွန်ရည်မှန်းချက် ပြည့်မြောက်ရန်မှာမူ အမျိုးသမီးများအားလုံး ညီညွတ်စွာ အတူတကွ ကြိုးပမ်းဆောင်ရွက်ကြ ရမည် ဖြစ်သည်။
“ကျမတို့က စနစ်ကို အသစ်ပြောင်းချင်တယ်ဆိုရင် အမျိုးသမီးရေးရာကိစ္စတွေကို ဖြေရှင်းပေးနိုင်မယ့် ဖွဲ့စည်းပုံဥပဒေဆိုင်ရာ ပြဌာန်းချက်တွေ လိုအပ်ပါတယ်။ ကျမတို့တွေ မညီညွတ်ဘဲ စနစ်တကျ မလုပ်နိုင်ဘူး ဆိုရင် အမျိုးသားတွေရဲ့ ခေါင်းဆောင် မှုနောက်မှာပဲ ကျန်ရစ်ခဲ့မှာပါ” ဟု အမျိုးသမီးများအဖွဲ့ချုပ် (မြန်မာ နိုင်ငံ) ကို စတင်တည်ထောင်ခဲ့သူတဦး ဖြစ်သည့် မခင်ဥမ္မာက ပြောသည်။ ၎င်းအဖွဲ့သည် ပြည်ပရောက် အမျိုးသမီး အဖွဲ့များကို စုစည်းထားသည့် တပ်ပေါင်းစု အဖွဲ့အစည်း တခုဖြစ်သည်။
ယနေ့ လက်ရှိ အမျိုးသမီးခေါင်းဆောင်များက အမျိုးသမီးများ နိုင်ငံရေးဦးဆောင်မှုတွင် ပိုမို နေရာရရှိရေး၊ ပိုမို တက်ကြွစွာ ဆောင်ရွက်နိုင်ရေးအတွက် အားပေး တိုက်တွန်းမှုများ ဆောင်ရွက်နေကြသည်။ မြန်မာနိုင်ငံ ဖွံ့ဖြိုးတိုးတက်မှုအတွက် အမျိုးသမီးများပါ ပူးတွဲတာဝန်ထမ်းဆောင်ကြရန် အားပေးပြောကြား နေသည်။
“အမျိုးသမီးတွေ သူတို့ကိုယ်သူတို့ အားနည်းပါတယ်ပြောရင် ကျမ မကြိုက်ဘူး။ ရိုးရာဓလေ့ထုံးတမ်းတွေနဲ့ နိုင်ငံရေးစနစ်က မြန်မာအမျိုးသမီးတွေကို တားဆီးထားတယ် ဆိုပေမယ့် လက်ရှိ ရက်စက်ကြမ်းကြုတ်လှတဲ့ စနစ်ဆိုးကြီးကို ပြောင်းလဲနိုင်ဖို့ လှုပ်ရှားနေကြတဲ့ တိုက်ပွဲတွေမှာ ကျမတို့ အမျိုးသမီးတွေလည်း ပါဝင်ကြိုးပမ်းနေကြတာပဲ” ဟု ကရင်အမျိုးသမီး အစည်း အရုံး၏အမှုဆောင်အတွင်းရေးမှူးလည်းဖြစ် ကေအန်ယူဗဟိုအလုပ်အမှုဆောင် တဦးလည်းဖြစ်သူ နော်စီဖိုးရာက ပြောသည်။
တချိန်တည်းတွင် ကေအန်ပီပီပါတီမှ ဒေးဒေးဖိုးကလည်း ပါတီခေါင်းဆောင်မှုအတွင်း နောက်ထပ် အမျိုးသမီး မျိုးဆက်သစ် များ ၀င်ရောက်တာဝန်ယူနိုင်ရေးအတွက် တိုက်တွန်းအားပေးလျှက် ရှိသည်။
မြန်မာနိုင်ငံအတွင်း တက်ကြွလှုပ်ရှားနေကြသူ အမျိုးသမီးများမှာမူ စစ်အစိုးရ၏ ဖိနှိပ်ကန့်သတ်မှုများကြောင့် အခက်အခဲများ ပိုမိုကြုံတွေ့ကြရသည်။ ပြောဆိုဆွေးနွေးခွင့်အတွက်ပင် ခက်ခဲနေကြရသည်။
“အမျိုးသမီးတွေကို မြေတောင်မြှောက် မြှင့်တင်အားပေးဖို့ နေရာမရှိဘူး။ သူတို့ကို သင်ကြားပေးဖို့၊ လှုပ်ရှားမှု ထဲမှာ ပိုပြီး ဆောင်ရွက်လာနိုင်အောင် စီစဉ်ပေးဖို့ နေရာမရှိဘူး။ ပြီးတော့အမျိုးသမီးငယ်တွေကို လေ့ကျင့် သင်ကြားပေးဖို့ အရင်းအမြစ် တွေလည်း မရှိဘူး” ဟု အမျိုးသားဒီမိုကရေစီ အဖွဲ့ချုပ်၏ ဗဟိုကော် မတီဝင် တဦးဖြစ်သူ ဒေါ်လဲ့လဲ့က ပြောသည်။
မြန်မာနိုင်ငံအတွင်း အပြောင်းအလဲများ အမှန်တကယ် ဖြစ်ပေါ်လာသည့်တိုင် မြန်မာအမျိုးသမီး အများစုမှာ အမျိုးသားများ ထက်နောက်ကျကျန်ရစ်နေရမည့် အနေအထားရှိနေသေးသည်။ သို့သော်လည်း နိုင်ငံပြင်ပရှိအမျိုးသမီးများမှာမူ စစ်အစိုးရ ဆန့်ကျင်ရေး လှုပ်ရှားမှုဆောင်ရွက်နေကြစဉ် ကာလ၌ အမျိုးသမီးရေးရာ ကိစ္စကို အမြဲတစေ ထည့်သွင်းဆွေးနွေး နေကြသည်။
“ကျမတို့အမျိုးသမီးတွေက သမိုင်းတလျှောက်လုံးမှာ လျစ်လျူရှုခံထားခဲ့ရတယ်။ နောက်တကြိမ် ဒါမျိုး လုံးဝ မဖြစ်စေရဘူး” ဟု မခင်ဥမ္မာကပြောသည်။

သားတို့ရုပ်ရည် သီတာမမည်တော့

ဆောင်းပါး


အေးချမ်းမြေ့/မဲဆောက် ဇူလိုင် ၂၅၊ ၂၀၀၈
မြန်မာရွှေ့ပြောင်းအလုပ်သမားများအတွက် လစာနည်းအလုပ်များ ဖောဖောသီသီ ရှိနေပါသည်။ သို့သော် ကလေးပါ ပါလာမည် ဆိုလျင်တော့ အဆင်မပြေနိုင်ပါ။ထိုင်းနိုင်ငံ မဲဆောက်မြို့ရှိ မယ်တော်ဆေးခန်း ဝန်ထမ်းများက မြန်မာအမျိုးသမီးတဦးကို ကလေးမွေးဖွားပေးစဉ် (ဓာတ်ပုံ - အေအက်ဖ်ပီ)

မွေးဖွားချိန်နီး၍ နာကျင်ခြင်း ဝေဒနာကို အပြင်းအထန်ခံစားနေရသော ကိုယ်ဝန်ဆောင်အမျိုးသမီးတဦးသည် ထိုင်း-မြန်မာ နယ်စပ်၊ မဲဆောက်မြို့၊ မယ်တော် ဆေးခန်းရှိ ကုတင်တလုံးပေါ်တွင် ထိုင်ရင်း သူ့ကိုအမြန်ဆုံး မွေးပေးပါရန် ကျယ်ကျယ် လောင်လောင် အော်ဟစ် တောင်းပန်နေသည်။ ဤမွေးလူနာခန်းမှာပဲ တခြား အမျိုးသမီးငယ်တဦးကတော့ သူ၏ မွေးကင်းစ ကလေးငယ်ကို ချစ်မြတ်နိုးစိတ်အပြည့်ဖြင့် စိုက်ကြည့်နေတာ တွေ့ရသည်။
ထိုအချိန်တွင် တတိယအမျိုးသမီးတဦးက ကျမကိုဆွဲဆောင်တော့သည်။ သူ၏ ဖျော့တော့အားနည်းနေသော မျက်နှာပေါ် တွင်ချွေးများရွှဲနစ်နေပြီး နက်မှောင်၍ ကြီးမားကျယ်ဝန်းသော အပြစ်ကင်းဟန်ရှိသည့် မျက်လုံးများကြောင့် ကျမသူ့ကို အထူး စိတ်ဝင်စားမိသွားခြင်း ဖြစ်၏။ သူ့အမည်က မခိုင်။ သူကတော့ သူ့ကိုယ်ဝန်ကို မြန်မာတိုင်းရင်း မီးယပ်သွေးပေါ်ဆေး ကေသီပန် သောက်၍ ဖျက်ချရန် ကြိုးစားခဲ့ကြောင်း ပြောပြသည်။
ကေသီပန်ကြောင့် သွေးအနည်းငယ် ဆင်းသည်မှအပ သူ့ ရင်သွေးက မည်သို့မျှ ထိခိုက်ဒဏ်ရာရခြင်း မရှိဘဲ ဘေးကင်း လွတ်ခဲ့သည်။ သို့သော်လည်း သူကြားလိုသည်က ထိုကဲ့သို့ မဟုတ်။ ဒေါက်တာ စင်သီယာမောင်၏ မယ်တော်ဆေးခန်းမှ ဆေးမှူးက သူ၏ကလေး ယခုထိတိုင် အသက်ရှင်နေသေးကြောင်း ပြောပြလိုက်ရာ ၀မ်းနည်းစိတ်ပျက်သွားပုံရသည်။
မခိုင်သည် မဲဆောက်အနီးရှိ ကြံစိုက်ခင်းတွင် အလုပ်လုပ်နေသူတဦးဖြစ်ပြီး အသက် ၂၃ နှစ်သာ ရှိသေးသည်။ တနေ့လျင် ဘတ် ၁၆၀ ရရှိနေရာ ကိုယ်ဝန်ရလာမည့်အရေးနှင့် မွေးကင်းစ ကလေးငယ်ကို ပြုစုရတော့မည့် အလုပ်က သူ၏ ရှင်သန် ရပ်တည်ရေးကို ခြိမ်းခြောက်လာခဲ့သည်။
“ကျမ ကလေးမလိုချင်ဘူး။ ကျမက အလုပ်လုပ်ပြီး ပိုက်ဆံပဲ စုချင်တာ” ဟု သူက ပြောလာသည်။ ကျမ မအံ့သြမိပါ။
မခိုင်၏ ဇာတ်လမ်းက မဲဆောက်မြို့ရှိ မြန်မာရွှေ့ပြောင်းအလုပ်သမား အများစု ကြုံတွေ့နေကြ ပုံမှန် ဇာတ်လမ်း တပုဒ်သာ ဖြစ်သည်ဟု မယ်တော်ဆေးခန်းမှ ၀န်ထမ်းတဦးဖြစ်သူ နော်ပိုင်မူးက ပြောသည်။ သူ သည်ဆေးခန်းတွင် လုပ်လာခဲ့သည့် ၅ နှစ်တာကာလအတွင်း ကိုယ်ဝန်ဖျက်ချမှုများစွာ ကြုံတွေ့ ခဲ့ရသည်ဟု ပြောပြသည်။
“အားလုံးက စက်ရုံတွေနဲ့ စိုက်ခင်းတွေမှာ အလုပ်လုပ်နေကြတဲ့ မြန်မာရွှေ့ပြောင်း အလုပ်သမားတွေချည်းပဲ” ဟုနော်ပိုင်မူး က ပြောသည်။ ထိုအမျိုးသမီးများမှာ ကိုယ်ဝန်ဆောင်သည့်အချိန်နှင့် ကလေးမိခင် ဖြစ်ချိန် အလုပ်နားကြရသောကြောင့် ၀င်ငွေမရှိမှာ စိုးရိမ်ကြသည်ဟု သူကဆက်ပြောသည်။
မခိုင်က သူ၏ ခင်ပွန်းနှင့်အတူ မဲဆောက်မြို့မှ ၂ နာရီခန့် သွားရမည့် ဟွေးကလုတ်ကျေးရွာ ကြံစိုက်ခင်း၌ အလုပ်လုပ် နေစဉ် ကိုယ်ဝန်ရခဲ့ခြင်းဖြစ်သည်။ သူ့ကိုယ်ဝန်က ၂ လသာ ရှိသေးသည်။
တနေ့၊ တနေ့ သူရသည့် အနည်းငယ်သော ၀င်ငွေဖြင့် ၅ နှစ်အရွယ် သားတယောက်ကို ထောက်ပံ့နေရသေးသည်။ သူတို့ သားကို အဘိုးအဘွားနှင့် မြ၀တီအနီးရှိရွာတွင် ထားခဲ့ရသည်။
“ဒီနှစ်ဆိုရင် ကလေးက ကျောင်းနေရတော့မှာ။ ကျမတို့ ပိုက်ဆံတိုးပို့ရမှာ” ဟု မခိုင်က ပြောသည်။
ထိုင်း-မြန်မာ နယ်စပ်မြို့တွင် အလုပ်လုပ်နေကြသည့် မြန်မာပြည်မှ ရွှေ့ပြောင်းလုပ်သား ၆၀၀၀၀ အနက် ၇၅ ရာခိုင်နှုန်းမှာ အမျိုးသမီးများ ဖြစ်ကြသည်ဟု မဲဆောက်အခြေစိုက် ရွှေ့ပြောင်းအလုပ်သမားများအရေး ဆောင်ရွက်ပေးနေသည့် ရောင်ခြည်ဦးအလုပ်သမားအဖွဲ့မှ အဖွဲ့ဝင်တဦး ဖြစ်သူ ဦးမောင်မောင်ကြီးက ပြောသည်။
အမျိုးသမီး ရွှေ့ပြောင်းအလုပ်သမားများသည် မဲဆောက်ရှိ အထည်ချုပ်စက်ရုံ ၂၀၀ နှင့် လယ်ယာ စိုက်ခင်းများ အပါအဝင် တချို့လိင်ဖျော်ဖြေရေးလုပ်ငန်း များတွင်ပါ ဝင်ရောက် လုပ်ကိုင်နေကြသည်။ ထိုင်းလုပ်ငန်း ရှင်များက လုပ်အားခဈေး ချိုချိုဖြင့် အမြတ်မျိုးမျိုးမြက်မြက် ရနေကြသဖြင့် ရွှေ့ပြောင်းအလုပ်သမားများကို အလိုရှိကြသည်။ မဲဆောက်မြို့တွင်းနှင့် ပတ်ဝန်းကျင်တွင် ရှိလာသည့် စက်ရုံ အရေအတွက်က လွန်ခဲ့သည့် ၅ နှစ်ထက် ဆယ်ဆမက တိုးတက်လာခဲ့သည်ဟု ရောင်ခြည်ဦးအဖွဲ့က ပြုစုထားသည့် စာရင်းများအရ သိရှိရသည်။
လုပ်ခက နည်းသလို နေထိုင်ကြရသည့် အခြေအနေကလည်း ကြပ်တည်းလှသည်။ သို့သော်လည်း မြန်မာ နိုင်ငံအတွင်းရှိ စက်ရုံများမှာ လုပ်ရသည်ထက်တော့ အခြေအနေသာသေးသည်ဟု ဆိုကြသည်။
အသက် ၃၅ နှစ်အရွယ်ရှိပြီဖြစ်သည့် မခင်မျိုးဝင်းက မြန်မာနိုင်ငံရှိ စက်ရုံတွင် လုပ်စဉ်က တလလျှင် ကျပ် ၁၀၀၀၀ သာ ရခဲ့သည်ဟု ပြောပြသည်။ မဲဆောက်တွင် ဤလခမျိုးကို နှစ်ရက်လုပ်ရုံနှင့်ပင် ရနိုင်သည်။ သို့သော်လည်း ဘတ် ၂၀၀ ခန့် ရရှိရန် တနေ့လုံးနီးပါး ရှည်ကြာစွာ လုပ်ကိုင်ကြရသည်။ တခါတလေ နံနက် ၈ နာရီမှ ည ၁၀ နာရီထိ အလုပ်လုပ်သည့်တိုင် ထိုပမာဏမရရှိကြောင်း မခင်မျိုးဝင်းကပြောသည်။
“ကျမတို့ နိုင်ငံမှာက ဘာအခွင့်အရေးမှ ရှိတာ မဟုတ်ဘူး။ ထိုင်းနိုင်ငံမှာ တရားမ၀င်လုပ် နေတာတောင်မှ မိသားစုကို ပြန်ထောက်ပံ့လို့ ရနိုင်သေးတယ်” ဟု သူက ပြောသည်။ မခင်မျိုးဝင်းက အိမ်ထောင်ကွဲထား သူဖြစ်ပြီး မြန်မာနိုင်ငံတွင် အဘိုး၊ အဘွားနှင့် နေထိုင်နေသည့် ၈ နှစ် အရွယ်သားကို ထောက်ပံ့နေရသည်။
အမျိုးသမီး စက်ရုံအလုပ်သမားများမှာ ၎င်းတို့၏ စက်ရုံ ၀င်းအတွင်းတွင်သာ နေထိုင်ကြရသည်။ ပြင်ပသို့ စူးစမ်းသွားလာရန် လည်းတားမြစ်ခံထားကြရသည်။ သူတို့အတွက် မိသားစုဘ၀၊ လူမှုဆက်ဆံရေး ဘ၀ဆိုသည်မှာ မရှိသလောက်ဖြစ်ပြီး ကျန်းမာရေးနှင့် ပညာရေးဆိုင်ရာကိစ္စများ အတွက်လည်း ထိတွေ့ခွင့် အလွန်နည်းပါးသည်ဟု ဒေါက်တာစင်သီယာမောင်က ပြောပြသည်။
“စက်ရုံပိုင်ရှင်တွေက ကလေးရှိလာရင် စက်ရုံမှာ ပေးမနေတာ့ဘူးလေ။ အမျိုးသမီးတွေက အလုပ်ပြုတ်မှာ ကြောက်တော့ ကလေးဖျက်ချကြတော့တာပဲ” ဟု သူကဆက်ပြောသည်။
မဲဆောက်ရှိ ကာရာအိုကေဘား အများစုတွင် လုပ်ကိုင်နေကြသည့် လိင်အလုပ်သမများအဖို့ ကိုယ်ဝန်ရှိလာ ခြင်းသည် ပို၍ကြီးမားသော ပြဿနာဖြစ်သည်။
အသက် ၂၁ နှစ်အရွယ်ရှိ မိုးသည် ၁၃ နှစ်သမီး အရွယ်မှစ၍ မဲဆောက်တွင်နေထိုင်ခဲ့ပြီး ကာရာအိုကေ ဘားတခုတွင် အလုပ်လုပ်နေသူ ဖြစ်သည်။
“ကျမ တခြားအမျိုးသမီးတွေလိုပဲ စက်ရုံတွေမှာ လုပ်ချင်တာပေါ့။ ဒါပေမယ့် သူတို့ရှာလို့ရတာက တလမှ ဘတ် ၂၅၀၀ အလွန်ဆုံးပဲ။ ကျမတို့က သူတို့ထက် ၃ ဆလောက် ငွေပိုဝင်တယ်။ မိသားစုဆီကို ငွေပြန်ပို့နိုင်တယ်” ဟု သူက ပြောသည်။
မိုးက သူနှင့် ဘဝတူ လိင်အလုပ်သမများကို သူတို့၏ ယောက်ျားများက ခေါင်းပုံဖြတ် အမြတ်ထုတ်နေကြသည်ဟု ခံပြင်းစွာ ပြောပြသည်။
“သူတို့ယောက်ျားတွေက ဘာမှမလုပ်ဘဲ အပတ်စဉ်ဆိုသလိုလာပြီး မိန်းမတွေဆီမှာ ငွေတောင်းကြတယ်။ ကျမ သူတို့ကို သိပ်မုန်းတာပဲ”ဟု သူကဆိုသည်။
အသက် ၁၉ နှစ်ရှိပြီ ဖြစ်သူ သဇင်ကတော့ မဲဆောက်ရောက်လာသည်မှာ ၂ လသာ ရှိသေးသည်။ သူ၏ တနှစ် အရွယ်သမီး ငယ်ကို ကရင်ပြည်နယ်အတွင်းရှိ မြိုင်ကလေးရွာတွင် ဆွေနီးမျိုးစပ်များနှင့် ထားခဲ့ရသည်။
“ကျမ သမီးကို ဘယ်တော့မှ ပြန်မတွေ့ဘူး။ ကျမအလုပ်ကြောင့် သမီးကို လူအထင်သေးတာ မခံနိုင်ဘူး။ ဒါပေမယ့် ကျမ သိပ်သတိရတာပဲ။ သားသမီးကို မချစ်တဲ့အမေဆိုတာ တွေ့ဖူးလို့လားအစ်မရယ်” ဟု သူက ကြေကွဲစွာ ပြောသည်။
သဇင်၏ ရည်မှန်းချက်က အိမ်တလုံးဝယ်နိုင်သည်အထိ ငွေစုရန်နှင့် ဤအိမ်တွင် သူ့သမီး၊ သူ၏မောင်ငယ်နှင့် အတူတကွ နေထိုင်မည်ဟု စိတ်ကူး ရည်မှန်းထားသည်။
သူ မဲဆောက်မလာခင်က ရွာရှိဈေးကလေးတွင် ဟင်းသီးဟင်းရွက်ရောင်းပြီး သူမ၏မောင်ငယ်နှင့် အဖေကို ရှာကြွေးခဲ့သည်။ သူ့တွင် ရည်းစားရှိလာပြီး ထိုသူက သူကိုယ်ဝန်ရသည့်အခါ ပစ်သွားခဲ့သည် ဟု သူ့ဘဝ ဇာတ်ကြောင်းကို ပြန်ပြောင်းပြော ပြသည်။
သဇင်က တခြား မြန်မာ မိန်းကလေး ၁၂ ဦးနှင့်အတူ ဘားတခုတွင် အလုပ်ဝင်လုပ်နေသည်။ သူတို့ကို အမျိုးသားတဦးက တခါခေါ်လျင် ဘတ် ၅၀၀ ရသည်။ ဘတ် ၂၅၀ ကို ဆိုင်ရှင်ကယူပြီး သူတို့က ၂၅၀ ရသည်။ သူတို့၏ အလုပ်ရှင်က သူတို့ ဝင်ငွေထဲမှ တလ ဘတ် ၁၈၀၀ ကို စုဆောင်းထားပေးမည်ဟု ဆိုကာ ဖြတ်သိမ်းထားသည်ဟု သိရသည်။
“အလုပ်ရှင်ဆီမှာ ကျမတို့ ပိုက်ဆံတွေရှိနေတော့ ဒီဆိုင်မှာမလုပ်ချင်လို့ဆိုပြီး ထွက်ချင်တိုင်း ထွက်လို့ မရဘူးပေါ့” ဟု မိုးကရှင်းပြသည်။
အန်ဂျီအိုအဖွဲ့အစည်းတခုဖြစ်သည့် ဝေါလ်ဗီးရှင်း က သူတို့လို လိင်အလုပ်သမများအတွက် ကျန်းမာရေး ပညာပေးမှုများ လစဉ်လုပ်ဆောင်ပေးသည်။ ထိုသို့ပညာပေးမှုများကို သွားရောက်နားထောင်ရန် ဆိုင်အထိကားနှင့် ကြိုပို့ပေးပြီး အစားအစာ များ ကျွေးမွေးခြင်း အပြင် တဦးကို ဘတ် ၅၀ ပေးသည်တဲ့။ မဲဆောက် ဆေးရုံကြီးကတော့ သူတို့ကို လစဉ် သားအိမ်စစ်ပေး ခြင်း၊ သွေးစစ်၊ ဆေးစစ်ပေးခြင်းများ ပြုလုပ်ပေးကြောင်း မိုးက ဆက်ပြောသည်။
ဒေါက်တာစင်သီယာမောင်က ဤကဲ့သို့သော ရွှေ့ပြောင်း အလုပ်သမများအတွက် ကျန်းမာရေး စောင့်ရှောက်မှုသာမက စိတ်ပိုင်း ဆိုင်ရာအရ ခွန်အားကိုပါ ဖြည့်တင်းပံ့ပိုးပေးရန် လိုအပ်သည်ဟု ဆိုသည်။
“သူတို့ ဘယ်လိုခံစားနေကြရတယ်ဆိုတာ ကျမသိပါ တယ်။ တကယ်တော့ ဒုက္ခဆိုတာ သူတို့အတွက် မဆန်းပါဘူး။ ဒီဒုက္ခ တွေကို ခံနိုင်ရည်ရှိအောင် ဘယ်လိုအားမွေးမလဲ ဆိုတာပဲ သူတို့ကို ပြောပြပေးရမှာ” ဟု ဆရာမက ပြောသည်။
ဒေါက်တာစင်သီယာမောင်၏ ကြင်နာသည့်အပြုံးက ကျမ၏ မှတ်ဉာဏ်ထဲ စွဲထင်ပါလာခဲ့သည်။ မခိုင်၏ နက်မှောင်ကာ အပြစ် ကင်းသည် မျက်ဝန်းများကလည်း ကျမကို စကားများစွာ ပြောပြနေသည်။ ဒုက္ခများစွာကြားထဲမှ သူ့တွင် မျှော်လင့်ချက်များ ရှိနေသေးသည်ဟု ပြောနေသလားမသိ။ တချိန်က သူ မလိုချင်ခဲ့သည့် ကလေးငယ်နှင့်အတူ တနေ့နေ့တွင် မိသားစုဘ၀ တည်ဆောက်ကာ ပုံမှန် ပြန်နေထိုင်မည်ဟူသည့် မျှော်လင့်ချက်ပဲ ဖြစ်လိမ့်မည်ထင်ပါသည်။