Monday, July 28, 2008

တနင်္လာသတင်းများ

မုံရွာမြို့တွင် သွေးလွန်တုပ်ကွေး ဖြစ်ပွား
ကိုစိုး | ဇူလိုင် ၂၈၊ ၂၀၀၈
စစ်ကိုင်းတိုင်း မုံရွာမြို့ နှင့် အနီးတ၀ိုက် ကျေးရွာများရှိ ကျောင်းနေအရွယ် ကလေးအများစုသည် သွေးလွန် တုပ်ကွေး ကူးစက်ရောဂါ ဖြစ်ပွားလျှက်ရှိပြီး သေဆုံးမှုရှိကြောင်း သိရှိရသည်။
ယင်းကူးစက်ရောဂါဖြစ်ပွားမှုမှာ ယခင်နှစ်ကထက် ပိုမိုများပြားပြီး လွန်ခဲ့သော ဇွန်လကတည်းက စတင် ဖြစ်ပွား ခဲ့ကာ ယခု အချိန်အထိ ဖြစ်နေဆဲ ဖြစ်သည်ဟု မုံရွာ မြို့တွင် ပုဂ္ဂလိကဆေးခန်းဖွင့်ထားသော ဆရာဝန် တဦး က ပြောသည်။
“တနေ့က ၅ လ သား ကလေး တယောက် ဆေးရုံမှာ သေသွားတယ်၊ အရင်လ ထဲကလည်း ၇ နှစ် သမီးလေး တယောက် သေတယ်၊ ဆေးရုံမှာပဲ၊ ဒီနှစ်က ဖြစ်တာ မနှစ်ကထက် တော်တော်လေးပိုများတယ်၊ အဓိက က ခြင် ကနေ ကူးတာ၊ ၁၀ နှစ် အောက်တွေအဖြစ်များတယ်၊ ကျောင်းနေ အရွယ်တွေ၊ ဖြစ်တာ ၂ လရှိ ပြီ၊ ကလေး တွေ ဖြစ်တာ၊ ရွာတွေကလည်း အများ ကြီးလာ တယ်၊ မုံရွာပတ်ဝန်းကျင်က ရွာတွေပေါ့၊ ဆေးရုံ မှာ တော်တော် များ တယ်”ဟု ၎င်း က ပြောပြသည်။
လွန်ခဲ့သော ၁၅ ရက် ခန့်က သွေးလွန်တုပ်ကွေး ဖြစ်ပွားသည့် အခြေအနေမှာ ယခုထက် ပိုမို ဆိုးရွားကြောင်း၊ သေဆုံးသည့် ကလေးရှိသော်လည်း ဖြစ်ပွားသည့် နှုန်းထက်ဆာလျင် နည်းပါးကြောင်းလည်း ၎င်းက ဆက်ပြော သည်။
“ဖြစ်တာကတော့ အခုထက်ထိကို ဖြစ်နေကြတုန်းပဲ၊ အခုနည်းနည်းတော့ ပါးသွားတယ်၊ ပြီးခဲ့တဲ့ ၁၅ ရက်လောက် တုန်းက တော်တော်လေးဆိုးတယ်၊ လာတဲ့ ကလေးတိုင်း ဆေးရုံတက်ပဲ၊ သေတဲ့ ကလေးက ဖြစ်တဲ့ ရာနှုန်းနဲ့ ဆာ ရင်တော့ နည်းပါတယ်၊ ကျမတို့ကလည်း သွေးလွန်တုပ်ကွေး လက္ခဏာပြလာတာနဲ့ ဆေးရုံကို တန်းလွှတ် တာ၊ ဖြစ်တဲ့ ကလေးတိုင်း ကလည်း သွေးလွန်တုပ်ကွေး လက္ခဏာတွေ ပြပြလာတော့ လူတွေကကြောက်ပြီး နည်းနည်း လေး ဖြားတယ်ဆိုရင်ကို ကလေးအထူးကုဆီကိုသွား အဲဒီကနေ ဆေးရုံတက်၊ အဲဒီလိုတွေ ဖြစ်ကုန်ကြတာ၊ ကျမ တို့က ၀န်ထမ်းမဟုတ်ဘူး၊ အပြင် GP တွေ ဆိုတော့ လာတဲ့ ကလေးလောက်ပဲ သိတာ၊ ဘယ် လောက်များ များ ဖြစ်နေတယ် ဆိုတာကိုတော့ အတိအကျ မသိဘူး”ဟု လည်း အထက်ပါ ဆရာဝန် ကပြောသည်။
အဆိုပါ သွေးလွန်တုပ်ကွေး ရောဂါဖြစ်ပွားမှုနှင့် ပတ်သက်ပြီး ဧရာဝတီ က မုံရွာ ဆေးရုံကြီးသို့ တယ်လီဖုန်းဖြင့် ဆက်သွယ် မေးမြန်းရာတွင်“ဆေးရုံအုပ်ကြီးက အစည်းအဝေးသွားတယ် ခင်ဗျ၊ ကျနော်တို့ က ရုံးဝန်ထမ်းတွေ ဆိုတော့ မသိဘူး၊ ဒီကိစ္စက ကုသ ရေး ၀န်ထမ်းတွေမှ သိတာပါ”ဟု ပြောဆို၍ ဖုန်းချသွားခဲ့သည်။
ယခု သွေးလွန်တုပ်ကွေး ဖြစ်ပွားသည့် ကလေးအများစုမှာ အသက် ၈ နှစ်နှင့် ၆ နှစ် အရွယ်များနှင့် ကလေးငယ် များပင် ပါဝင်ကြောင်းနှင့် ယင်းသို့ ဖြစ်ပွားရခြင်းမှာ ရေမစီးသော ရေဆိုးမြောင်းများအတွင်း အောင်း နေသည့် ခြင်များစွာပေါက် ပွား၍ ထိုခြင်များကိုက်ခြင်းမှတဆင့် သွေးလွန်တုပ်ကွေး ကူးစက် ဖြစ်ပွားခြင်းဖြစ်ကြောင်း သိရ သည်။
“ရေဆိုးမြောင်းတွေကလည်း ရေမစီးတော့ ခြင်တွေက တအားအောင်းတာပေါ့၊ ခြင်တွေက တအားပေါက်တာ၊ ဆေးတွေ ဘာတွေ ဖြန်းခြင်းလည်း မရှိဘူး၊ ဟိုတနေ့ကတော့ ဆေးလာဖြန်းတာတဲ့၊ အဲဒါကလည်း တအိမ်ကို ၃၀၀၀ ကျပ် ဆိုလား တောင်းတယ်၊ ဖြန်းပြီး အိမ်ထဲမှာ ၄၅ မိနစ် နေလို့ မဖြစ်ဘူးလို့ ပြောတယ်၊ အဲဒါ တချို့က ခေါ် မဖြန်းကြဘူး၊ အဲဒီ ရေဆိုး မြောင်း ရှင်းလင်းတာတွေကိုလည်း သက်ဆိုင်ရာက ဘာမှ လုပ်တာ မမြင်ဘူး၊ အခု ခြင်ကိုက်လွန်းလို့ ကိုယ့်ဘာသာကိုယ် ခြင်ဆေးတွေ ဘာတွေနဲ့ လုပ်နေရတာ၊
ခြင်နှိမ်နင်းမှု မရှိတော့ ပိုဆိုးတာ ပေါ့” ဟု မုံရွာ မြို့ခံ ကျန်းမာရေး ၀န်ထမ်း တဦးကလည်း ပြောသည်။
ဇွန်လ နှောင်းပိုင်းနှင့် ယခု ဇူလိုင် လဆန်းပိုင်းကလည်း ရန်ကုန်တိုင်း အတွင်းရှိ နာဂစ် ဆိုင်ကလုန်း မုန်တိုင်းသင့် ဒဂုန်မြို့သစ် တောင်ပိုင်း၊ မြောက်ပိုင်းနှင့် လှိုင်သာယာမြို့နယ်များရှိ အသက် ၅ နှစ်နှင့် အထက် ကလေးများ သွေးလွန် တုပ်ကွေး ဖြစ်ပွားမှု ရှိခဲ့သည်။
လွန်ခဲ့သော မေလ နှောင်းပိုင်း က သွေးလွန်တုပ်ကွေး လူနာ ဧရာဝတီတိုင်း အတွင်း ၄၈၁ ဦးနှင့် ရန်ကုန်တိုင်း အတွင်း ၇၈၁ ဦးကို မှတ်တမ်း ပြုစုရရှိကြောင်း WHO က ထုတ်ပြန်သည်။
၂၀၀၇ ခုနှစ် ပထမ ၇ လအတွင်း၌ သွေးလွန်တုပ်ကွေးရောဂါဖြစ်ပွားမှုကြောင့် ကလေးငယ် ၁၀၀ နီးပါး သေဆုံး ကြောင်း ကျန်းမာရေး ဝန်ကြီးဌာန က ဆိုသည်။
ကမ္ဘာ့ ကျန်းမာရေးအဖွဲ့(WHO)နှင့် ကမ္ဘာ့ကလေးများ ရန်ပုံငွေ အဖွဲ့(UNICEF)တို့က မြန်မာနိုင်ငံ ကြက်ခြေနီ အသင်း၊ မြန်မာနိုင်ငံ မိခင်နှင့်ကလေးစောင့်ရှေက်ရေးအဖွဲ့တို့နှင့် ပူးပေါင်း၍ ဧရာဝတီတိုင်းနှင့် ရန်ကုန်တိုင်း အတွင်း မုန်တိုင်း ဒဏ်သင့် ၁၁ မြို့နယ်တွင် သွေးလွန်တုပ်ကွေး တိုက်ဖျက်ရေးအတွက် အမေရိကန် ဒေါ်လာ ၇ သိန်း သုံးစွဲဆောင်ရွက် မည်ဖြစ်ကြောင်း သိရသည်။

နာဂစ်မုန်တိုင်း ရန်ပုံငွေ တေးဂီတ စင်မြင့် ဖျော်ဖြေပွဲများ ဆက်တိုက် ပြုလုပ်
အေးလဲ့ | ဇူလိုင် ၂၈၊ ၂၀၀၈
နာဂစ်မုန်တိုင်း ဒုက္ခသည်များအတွက် လှူဒါန်းရန် ရည်ရွယ်ပြီး မြန်မာဂီတပညာရှင်များနှင့် ဟာသအနုပညာရှင် လူရွှင်တော် များက ပြည်တွင်းပြည်ပတို့တွင် တေးဂီတ စင်မြင့်ဖျော်ဖြေပွဲများ ပြုလုပ်ကြသည်။
ပြီးခဲ့သည့် စနေ၊ တနင်္ဂနွေ နှစ်ရက်တွင် ရန်ကုန်မြို့ ရွေတိဂုံဘုရား တောင်ဘက်မုခ် Happy world ကစား ကွင်းရှိ ပြဇာတ်ရုံ၌ အဆိုတော် ရင်ဂို၊ စည်သူလွင်၊ ကိုင်ဇာ၊ သျှီ၊ ဇော်ပိုင်နှင့် တခြားသော hip-hop အဆို တော်များ၊ ကင်းကောင်၊ ဧရာ၊ မေတ္တာ စသည့် လူရွှင်တော်များက သီဆိုဖျော်ဖြေသည်ဟု ကိုယ်တိုင် ပါဝင် ဖျော်ဖြေခဲ့သည့် အဆိုတော် ရင်ဂိုက ပြောသည်။
“၂၆ရက်နေ့ နဲ့ ၂၇ ရက်နေ့ နှစ်ရက်လုပ်ပါတယ်၊ ညနေ ၄ နာရီကနေ ည ၉ နာရီအထိ ကျင်းပပါတယ်၊ ဖျော်ဖြေတဲ့ အဆိုတော် တွေကော ပရိသတ်ကော တော်တော် များပါတယ်” ဟု အဆိုတော် ရင်ဂိုက ပြော သည်။
ထိုပွဲ၌ ပထမနေ့ ကျပ်သိန်း၂၀ ၊ ဒုတိယနေ့တွင် ကျပ် ၁၇ သိန်း လက်ခံရရှိကြောင်းနှင့် ပွဲဖြစ်မြောက်ရေး စီစဉ် ဆောင်ရွက် သူများမှာ သားညီ၊ ဇွဲနိုင်ဝင်းအဖွဲ့နှင့် Happy World ပိုင်ရှင်တို့ဖြစ်ကြောင်းလည်း သိရသည်။
ထို့အတူ ယမန်နေ့တွင်ပင်“နာဂစ်မုန်တိုင်းလေဘေးဒုက္ခသည်များအတွက် ရန်ပုံငွေ” ဖျော်ဖြေပွဲ တခုကို ဂျပန် နိုင်ငံ တိုကျိုမြို့ရှိ koKaldo ခန်းမတွင် ကျင်းပခဲ့ကြောင်း ပွဲကျင်းပရေးကော်မတီ အဖွဲ့ဝင်တဦးက ပြောသည်။
ယင်းပွဲကျင်းပရေးကော်မတီ အဖွဲ့ဝင်က“ကျပ် သိန်း ၄၀ ကျော်ရရှိပါတယ်၊ အဆိုတော်များကိုယ်တိုင် မုန်တိုင်းသင့် ဒေသ များအထိ သွားရောက် လှူဒါန်းနိုင်အောင် သူတို့နဲ့အတူ ထည့်ပေးလိုက်မှာဖြစ်ပါတယ်” ဟု ပြော သည်။
၎င်းရန်ပုံငွေပွဲတွင် အဆိုတော် ခင်မောင်တိုး၊ R ဇာနည်၊ မေခလာ၊ ၊ ရတနာ၊ မေစံပယ်ညို တို့အပါအဝင် ဂီတမှူး ကိုမြတ်မင်းတို့က ဦးဆောင်၍ ညနေ ၆ နာရီခွဲမှ ည ၁၀ နာရီခွဲအထိ ဖျော်ဖြေခဲ့ကြောင်း လည်းသိရသည်။
ကိုယ်တိုင် ဖျော်ဖြေခဲ့သည့် အဆိုတော် မေခလာက“အနုပညာသမားအတွက် ဂုဏ်ယူပါတယ်၊ အမတို့က အခုလို ခရီးဝေးက နေလာပြီး ဖျော်ဖြေရတဲ့ အတွက်ဝမ်းသာပီတီဖြစ်ရပါတယ်” ဟု ပြောသည်။
လာမည့်သြဂုတ်လတွင်လည်း Iron Cross (IC) တေးဂီတအဖွဲ့က ဦးစီးပြီး အဆိုတော် လေးဖြူကိုယ်တိုင် သီဆို ဖျော်ဖြေ မည့် နာဂစ်လေဘေးဒုက္ခသည်များ အလှူငွေ စင်မြင့်ဖျော်ဖြပွဲ ကို ကျင်းပမည်ဖြစ်ကြောင်း IC အဖွဲ့မှ ကိုခင်မောင်သန့် က ပြောသည်။
ကိုခင်မောင်သန့် က “IC က ဖျော်ဖြေမှာ ဟုတ်ပါတယ်၊ လူအများကြီးလာမှာ ဖြစ်တဲ့အတွက် ရုံ နေရာ ကျယ် ကျယ်ဝန်းဝန်း ရှာနေပါတယ်၊ နေရာမရသေးတော့ ရက်အတိအကျတော့မသိသေးဘူး၊ ကိုလေးဖြူကိုလည်း သီချင်းဆိုဖို့ကို အထူး အကူအညီ တောင်းထားတာပါ” ဟု ပြောသည်။
နာဂစ် မုန်တိုင်းဒုက္ခသည်များ အတွက် IC အဖွဲ့နှင့် ခင်မောင်သန့် ဦးစီးပြီး “ကမ်းလင့်မယ့်လက်များ”ဟု အမည်ရသည့် လေးဖြူ၊ အငဲ၊ မျိုးကြီး၊ L လွန်းဝါတို့အပါအ၀င် အဆိုတော် ၂၂ ဦး ပါဝင် သီဆိုထားသော တေးစီးရီး အခွေလည်း လာမည့် လတွင် ထွက်ရှိမည်ဖြစ်ကြောင်းသိရသည်။

နေပြည်တော်ဝန်ကြီးများကို ရာထူးမှထွက်ပြီး နိုင်ငံရေးလုပ်ခိုင်းမည်
NEJ/ ၂၈ ဇူလိုင် ၂၀၀၈
၂၀၁၀ ပြည့်နှစ် ရွေးကောက်ပွဲဝင်မည့် ကြံ့ဖွံ့အသွင်ပြောင်း နိုင်ငံရေးပါတီတွေ ဖွဲ့ဘို့ နေပြည်တော် ၀န်ကြီးအချို့ကို တာဝန်ပေးမည်ဖြစ်ရာ နိုင်ငံရေးလိုင်းဝင်မည့် ၀န်ကြီးများ ၀န်ကြီးရာထူးမှ နုတ်ထွက်ပြီး အာဏာလက်လွတ်ဖြစ်မည်ကို စိုးရိမ်နေသည်ဟု နေပြည်တော် ၀န်ကြီးချုပ်ရုံးနှင့် နီးစပ်သည့် သတင်းရပ်ကွက်က ပြောသည်။
အထူးသဖြင့် ၀န်ကြီးအဖွဲ့တွင် အသက်အကြီးဆုံးဖြစ်သည့် နေပြည်တော်စက်မှု (၁) ၀န်ကြီး ဦးအောင်သောင်းလို ၀န်ကြီးတွေပင် ဗိုလ်ချုပ်မှူးကြီးသန်းရွှေနှင့် နီးစပ်သည့်တိုင် ရာထူးမှထွက်ပြီး ကြံ့ဖွံ့အသွင်ပြောင်း နိုင်ငံရေးပါတီခေါင်းဆောင် လုပ်ခိုင်းမှာ စိုးရိမ်နေသည်ဟု ၀န်ကြီးချုပ်ရုံး သတင်းရပ်ကွက်က ပြောသည်။
သို့သော် အသက်ကြီးသည့် လက်ရှိဝန်ကြီးတွေကို သက်ဆိုင်ရာဇာတိမြေ တိုင်းအလိုက် ကြံ့ဖွံ့ အသွင်ပြောင်း နိုင်ငံရေးပါတီတွေ ဖွဲ့ဘို့ တာဝန်ပေးခြင်းဖြင့် ၀န်ကြီးရာထူး နေရာသစ်များ ပေါ်လာနိုင်သည်- ထို့ပြင် နောက်တက် ဗိုလ်ချုပ်များကို ၀န်ကြီးရာထူး ပေးနိုင်ခြင်း၊ အသက်ကြီး ၀န်ကြီးတွေကို အချိုသတ်ပြီး ရုံခါနိုင်ခြင်းတို့ကြောင့် နေပြည်တော် ၀န်ကြီးများ ရာထူးလက် လွတ်ပြီး နိုင်ငံရေးလုပ်ရမှာ ထိတ်လန့်နေခြင်းဖြစ်သည်ဟု အမည်မဖော်လိုသည့် အရာရှိတဦးက ပြောသည်။
နေပြည်တော်ဝန်ကြီးများကို နိုင်ငံရေးပါတီဖွဲ့ဘို့ တာဝန်ပေးရာတွင် စက်မှု (၁) ၀န်ကြီး ဦးအောင် သောင်းကို မန္တလေးတိုင်း နိုင်ငံရေးပါတီ၊ စွမ်းအင်ဝန်ကြီး ဦးလွန်းသီကို ကွမ်းခြံကုန်းစသဖြင့်
ဝန်ကြီးများ ဇာတိမြေအလိုက် ကြံ့ဖွံအသွင်ပြောင်း နိုင်ငံရေးပါတီများကို ခေါင်းဆောင်ခိုင်းမှာ ဖြစ်သည်ဟု စုံစမ်းသိရသည်။
စက်မှု (၁) ၀န်ကြီး ဦးအောင်သောင်းဆိုလျှင် ၂၀၀၇ စက်တင်ဘာ အရေးအခင်းများ၌ ဆန္ဒပြသူ များအား ရိုက်နှက်ခိုင်းခဲ့သည့် စွမ်းအားရှင်များကိုလည်း နိုင်ငံရေးပါတီထဲ ၀င်ခိုင်းရန် မယုံသဖြင့် ပင်စင်သွားသည့် ညွှန်ကြားရေးမှူးများ၊ အထွေထွေမန်နေဂျာများကို နိုင်ငံရေးပါတီထဲ ၀င်ခိုင်းရန် ညွှန်ကြားထားသည်ဟု သိရသည်။
ဝန်ကြီးရာထူးမှ ထွက်ပြီး နိုင်ငံရေး လုပ်ရမည်ဆိုလျှင် အာဏာမရှိတော့ဘဲ လူထု အရိုက်ခံရမှာကို စက်မှု(၁) ၀န်ကြီး ဦးအောင်သောင်း စိုးရိမ်နေသည်ဟု စက်မှု (၁) အရာရှိများက ပြောသည်။ ။

ပြည်တွင်းဂျာနယ်များ မုန်တိုင်းနောက်ဆက်တွဲ
သတင်းရေးခွင့် စာပေစိစစ်ရေးပိတ်
NEJ/ ၂၈ ဇူလိုင် ၂၀၀၈
နာဂစ်မုန်တိုင်း ကယ်ဆယ်ရေးလုပ်ငန်းများနှင့် ပတ်သက်၍ ပြည်တွင်းထုတ် ဂျာနယ်များတွင် ဖော်ပြချက်များကို နအဖစစ်အစိုးရ စာပေစိစစ်ရေးက ပိတ်ပင်လိုက်ကြောင်း ပြည်တွင်း သတင်း ရပ်ကွက်မှ ပြောကြားသည်။
နာဂစ်မုန်တိုင်း တိုက်ခတ်ပြီးနောက်ပိုင်း ပျက်စီးမှု ဓာတ်ပုံများ၊ ကိုယ်တွေ့ကြုံရသည့် လေဘေး ဒုက္ခသည်များ၏ အသံများ၊ ကယ်ဆယ်ရေးလုပ်ငန်းများ ပြုလုပ်ကြသည့် အလှူရှင်များ၏ အသံ များကို ပြည်တွင်းဂျာနယ်များတွင် တပတ်ခန့် ဖော်ပြခွင့် ရရှိခဲ့ကြပြီးနောက် ယခုကဲ့သို့ ပိတ်ပင် လိုက်ခြင်းဖြစ်သည်။
လေဘေးသင့်ဒေသများတွင် အလှူရှင်များ ကွင်းဆင်းလှုပ်ရှားမှု အတွေ့အကြုံများ၊ စာသင်ကျောင်း များတည်ဆောက်ရန် လိုအပ်သည့် ပညာရေးသတင်းများ အစရှိသည့် နာဂစ်နှင့်ပတ်သက်သော သတင်းများကို ပြည်တွင်းဂျာနယ်များတွင် ဖော်ပြခွင့် မရတော့ကြောင်း ဂျာနယ်တိုက်များမှ စုံစမ်း သိရှိရသည်။
အပတ်စဉ်ထုတ် ဂျာနယ်များက နာဂစ်မုန်တိုင်းနှင့် ပတ်သက်၍ မူကြမ်းရေးသား တင်ပြချက်များကို ပြန်ကြားရေးဝန်ကြီးဌာန လက်အောက်ရှိ စာပေစိစစ်ရေးအဖွဲ့က ယခုရက်ပိုင်းအတွင်း ပိုမိုပယ်ချ လာခြင်းဖြစ်ကြောင်း စာပေစိစစ်ရေးရုံးသို့ သွားရောက်ရုံးတင်နေသည့် ဂျာနယ်အယ်ဒီတာတဦးက ပြောသည်။
ပြီးခဲ့သည့် ဇူလိုင် (၂၂) ရက်က ပြုလုပ်ခဲ့သည့် နာဂစ်ရန်ပုံငွေ ကာတွန်းပြပွဲသတင်းနှင့် လာမည့် သြဂုတ် (၃) ရက်တွင် ကျင်းပမည့် နာဂစ်ရန်ပုံငွေ မြန်မာနိုင်ငံ Hip Hop ပွဲတော် သတင်းကြိုတင် ရေးသားမှုများကိုလည်း စာပေစိစစ်ရေးက သတင်းဂျာနယ်အားလုံးကို ပယ်ချခဲ့ကြောင်း သိရသည်။
ပြည်တွင်းမှ သတင်းအယ်ဒီတာတဦးက “Hip Hop ပွဲတော်သတင်းကို သတင်းဂျာနယ်တွေမှာတော့ ထည့်ခွင့်မရဘူး၊ ဒါပေမယ့် အနုပညာဂျာနယ် တချို့မှာတော့ ရတယ်ကြားတယ်။ ဒီလိုမဖြစ်သင့် ဘူး။ အားလုံး မထည့်စေချင်လည်း မထည့်နဲ့ပေါ့၊ ခုတော့ အနုပညာကျရေး၊ သတင်းဂျာနယ်ကျ မရေးနဲ့ဆိုတာ လုံးဝမတရားတဲ့ ကိစ္စပဲ” ဟု ပြောသည်။
နာဂစ်သတင်းနှင့် ပတ်သက်၍ ခွင့်ပြုချက်မရဘဲ ရေးသားသည့် သတင်းဂျာနယ်များကို စာပေစိစစ် ရေးက ခေါ်ယူကာ နောက်နောင် ခွင့်မပြုသည့် ရေးသားချက်များကို ကိုယ့်သဘောနှင့်ကိုယ် မရေး သားပါဟု ၀န်ခံလက်မှတ် ထိုးခိုင်းကြောင်း သိရသည်။
သတင်းဂျာနယ်များအနေဖြင့် အစိုးရဌာနဆိုင်ရာသတင်းများ ရေးသားရာတွင် ဌာန၏ ဘက်တခု တည်းအမြင်ကို ရေးသားခွင့် ရသော်လည်း သတင်းအချက်အလက်ပြည့်စုံရန် အခြားအမြင်များ ထည့်သွင်းရေးသားပါက စာပေစိစစ်ရေးက ဖြုတ်ခိုင်းကြောင်း အဆိုပါ သတင်းအယ်ဒီတာက ပြောသည်။
၎င်းက “ကျနော်တို့ သတင်းထောက်တွေဟာ အမှန်ကို အမှန်အတိုင်း ရေးသားခွင့် မရှိတဲ့အတွက် သတင်းတွေဟာ ကြာလေလေ သတင်းတန်ဖိုးကျလာလေ ဖြစ်နေပြီ” ဟု ပြောသည်။
ရန်ကုန်အခြေစိုက် သတင်းဆောင်းပါးများ ဖော်ပြရေးသားနေသော ဇူလိုင်လထုတ် နာမည်ကြီး မဂ္ဂဇင်းတခုတွင်လည်း သတင်းထောက်များ ရေးသားသော မြင်ကွင်း ဆောင်းပါးများ အပုဒ်လိုက် အဖြုတ်ခံရကြောင်း သိရသည်။
“ဒီမြင်ကွင်းကတော့ အဆိုးအကောင်း ဒွန်တွဲပါတာပေါ့။ ဒါကို စာပေစိစစ်ရေးက စာစစ်မှူးတွေက ဖြုတ်တယ်။ သတင်း၊ ဆောင်းပါးတွေရေးပြီး ဘ၀ရပ်တည်နေရသူတွေအတွက် အခုလို သတင်း တွေအဖြုတ်ခံရတာဟာ ထိခိုက်တာပဲ” ဟု ပြည်တွင်းမှ သတင်းထောက်တဦးက ပြောသည်။
စာပေစိစစ်ရေးက သတင်းဂျာနယ်များကို အပြုသဘောဆောင်သည့် ရေးသားချက်များကိုသာ လိုလားပြီး ဌာနဆိုင်ရာအချို့၏ လုပ်ဆောင်ချက်များကို ရေးသားပါက သက်ဆိုင်ရာဌာန၏ ထောက်ခံချက်များကို တောင်းဆိုကြောင်း သတင်းဂျာနယ်များမှ သိရသည်။
အစိုးရသည် သတင်းသမားများကို အမြဲစောင့်ကြည့်ကာ ဖမ်းဆီးမှုများ ပြုလုပ်လေ့ရှိပြီး ယခုအခါ ပြည်တွင်းရှိ Ecovision ဂျာနယ်မှ မအိမ့်ခိုင်ဦးနှင့် မြန်မာထရီဗြူးဂျာနယ်မှ ဦးအောင်ကျော်ဆန်း၊ ဘလော့ဂ်ရေးသည့် ဇာဂနာ၊ ကဗျာရေးသည့် စောဝေ၊ ဘလော့ဂါ နေဘုန်းလတ်၊ ဂျာနယ်လစ် ကိုဇော်သက်ထွေး၊ ပြည်တွင်းအနုပညာ သတင်းဂျာနယ်များတွင် အယ်ဒီတာလုပ်ခဲ့သော ဥာဏ် လင်းအောင်တို့ကို ဖမ်းဆီးထားသည်။ ။

ငပုတောမြို့နယ်ရှိ လယ်သမားများအတွက် ရေစုပ်စက်များ အရေးပေါ်လိုအပ်
ပီတာအောင် / ၂၈ ဇူလိုင် ၂၀၀၈
ဧရာဝတီတိုင်း ငပုတောမြို့နယ် ပြင်ခရိုင်ဒေသရှိ လယ်သမားများအတွက် သောက်သုံးရေကန်များ ပြန်လည်တူးဖော်နိုင်ရန် ရေစုပ်စက်များ အရေးတကြီး လိုအပ်နေသည်ဟု ပုဂ္ဂလိက မုန်တိုင်းဘေး ကယ်ဆယ်ဆောင်ရွက်ပေးနေသူတို့က ပြောသည်။
ထိုဒေသ၌ ရေတွင်းတူးပါက ရေချိုမထွက်ဘဲ ရေငန်သာ ထွက်သဖြင့် ဒေသခံလယ်သမားများအနေ ဖြင့် အကျယ် ပေ (၃၀)၊ အနက် (၁၀) ပေခန့်ရှိ ရေကန်များတူး၍ မိုးရေ စုဆောင်းကာ အသုံးပြုလေ့ ရှိသော်လည်း နာဂစ်မုန်တိုင်းကြောင့် ပင်လယ်ရေငန်နှင့် ရွှံ့နွံများဝင်ကာ ရေကန်များ ပျက်စီးသွား ခဲ့ရသည်။
ထိုဒေသသို့ ပြီးခဲ့သည့်ရက်ပိုင်းက သွားရောက်ခဲ့သည့် ပုဂ္ဂလိက အလှူရှင် ဦးမင်းဆွေက “အဲဒီမှာ အရေးကြီးတဲ့ပြဿနာ တခုရှိနေတယ်။ အဲဒါ သူတို့ရဲ့လယ်ကွင်းတွေထဲမှာ သောက်ရေကန်တွေ လယ်သမားတွေက တူးထားတာရှိတယ်။ အဲဒီကွင်းတွေထဲမှာရှိတဲ့ သောက်ရေကန်ပေါင်း များစွာကို ကျတော့ ဘယ်သူကမှ အကူအညီမပေးဘူး။ အန်ဂျီအိုတွေကလည်း လယ်ယာစိုက်ပျိုးရေးမှာ ကူညီ ပံ့ပိုးမှု အားနည်းတယ်။ လယ်ကွင်းတွေထဲမှာရှိတဲ့ လယ်သမားတွေရဲ့ကန်တွေကို ဘယ်သူကမှ ဘာလို့ဖော်မပေးသလဲဆိုတာ နားမလည်ဘူး” ဟု ပြောသည်။
လက်ရှိအချိန်သည် မိုးတွင်းကာလဖြစ်၍ လယ်သမားများသည် တံစက်မြိတ်မှ မိုးရေခံကာ သောက် သုံးပြီး ကျွဲ၊ နွားများသည်လည်း လယ်ကွင်းထဲမှ မိုးရေကိုပင် သောက်သုံးနေကြသဖြင့် ပြဿနာ မရှိသော်လည်း နွေရာသီ၌ လူနှင့် ကျွဲနွားတိရိစ္ဆာန်များ သောက်သုံးရေ ရှားပါးပြတ်လပ်မှု အခက် အခဲနှင့် ရင်ဆိုင်ရမည်ကို ဒေသခံလယ်သမားများက စိုးရိမ်ပူပန်နေကြောင်း သိရသည်။
ပြင်ခရိုင်နှင့် သင်္ကန်းကုန်းရွာတို့တွင် အန်ဂျီအို အများအပြား လာရောက်၍ ကျောင်းဆောက်ပေးခြင်း၊ ရေလောင်းအိမ်သာ ဆောက်ပေးခြင်း၊ ကျန်းမာရေး စောင့်ရှောက်မှုပေးခြင်း စသည့် အကူအညီများ ပေးနေကြောင်း၊ ပတ်ဝန်းကျင်ကျေးရွာများရှိ လယ်သမားများ၏ ကြုံတွေ့နေရသည့် သောက်သုံးရေ အခက်အခဲကိုလည်း အစိုးရနှင့် အန်ဂျီအိုအဖွဲ့အစည်းများက အမြန်ဆုံး ကူညီဖြေရှင်းပေးသင့်သည် ဟု ဦးမင်းဆွေက ပြောသည်။
ငပုတောမြို့နယ်အတွင်းရှိ သင်္ကန်းကုန်း၊ ပြင်ခရိုင်၊ ချောင်းဝ၊ ကညင်ငူ၊ ၀ါးကုန်း၊ ဥက္ကယ်သောင်ရွာ များ၊ မော်တင်စွန်း အငူတ၀ိုက်နှင့် ဟိုင်းကြီးကျွန်းတ၀ိုက်ရှိ ကျေးရွာများတွင်လည်း အလားတူ ပြဿနာမျိုး ကြုံတွေ့နေရကြောင်း သိရသည်။ ထိုဒေသသည် နာဂစ်မုန်တိုင်း ဦးစွာ ၀င်ရောက်တိုက် ခတ်ခဲ့သည့် ဒေသဖြစ်ပြီး ယင်းနောက် လပွတ္တာ၊ ဘိုကလေး၊ မော်လမြိုင်ကျွန်း၊ ဖျာပုံ စသည့် ဒေသများသို့ ၀င်ရောက်တိုက်ခတ်ခဲ့သည်။
မုန်တိုင်းကြောင့် ဧရာဝတီတိုင်းတွင် ရေကန် (၄၃) ရာခိုင်နှုန်း ပျက်စီးသွားကြောင်းနှင့် ရေကန် အတွင်း မိုးရေစုဆောင်း၍ ခြောက်သွေ့ရာသီ၌ အသုံးပြုခြင်းသည် ထိုဒေသ၌ နေထိုင်သူတို့၏ အဓိက ရေအရင်းအမြစ်ဖြစ်ကြောင်း မြန်မာ၊ အာဆီယံနှင့် ကုလသမဂ္ဂ သုံးပွင့်ဆိုင် ဗဟိုအဖွဲ့၏ နာဂစ်မုန်တိုင်းအလွန် ပူးတွဲအကဲဖြတ်ချက် အစီရင်ခံစာ (PONJA) ၌ ဖော်ပြထားသည်။ ။

အစိုးရအဝေးပြေး ကားခဈေးနှုန်း မှောင်ခိုဖြစ်
NEJ/ ၂၈ ဇူလိုင် ၂၀၀၈
အစိုးရ အဝေးပြေးယာဉ်လိုင်း ကြီးကြပ်ထိန်းသိမ်းရေးကော်မတီက သတ်မှတ် ကားခဈေးနှုန်း ထက် ပိုရောင်းသည့်ကားလိုင်းများကို အရေးယူမည်ဟု ကြေညာခဲ့ပြီးနောက် ခရီးသည်များမှာ ကားခဈေးနှုန်းများကို မှောင်ခိုပေး ၀ယ်နေကြရသည်။
ရန်ကုန်မှ မော်လမြိုင်၊ မန္တလေး အစရှိသည့် နယ်မြို့များကို သွားသည့် ကားခဈေးနှုန်းများမှာ အမှန်မရှိတော့ဘဲ မှောင်ခိုသဘော ရောင်းချနေကြသည်။
ဇူလိုင် (၂၇) ရက်က မော်လမြိုင်သွားရန် ကားလက်မှတ် စုံစမ်းခဲ့သူတဦးက “ကျမ မော်လမြိုင် သွားဖို့ ကားလက်မှတ် ဈေးနှုန်းမေးတော့ ရာဇာမင်းကားလိုင်းက ဈေးနှုန်းကို တယ်လီဖုန်းထဲမှာ မပြောနိုင်ဘူး။ လက်မှတ်ရောင်းဌာနမှာ တခါတည်း လာဝယ်မှ ရမယ်လို့ဆိုတယ်” ဟု ပြောသည်။
အစိုးရ အဝေးပြေးယာဉ်လိုင်းများ ကြီးကြပ်ထိန်းသိမ်းရေးကော်မတီက ဇူလိုင် (၂၆) ရက်မှစပြီး ကားခဈေးနှုန်းများကို တိုးမြှင့်ရောင်းချရန် သတ်မှတ်ပေးခဲ့ပြီး သတ်မှတ်ဈေးနှုန်းထက် ပိုရောင်း သည့် ကားလိုင်းများကိုလည်း ဒဏ်ရိုက် အရေးယူမည်ဟု ကြေညာခဲ့သည့်အတွက် ယခုကဲ့သို့ ကားခဈေးနှုန်းများ မှောင်ခိုရောင်းချလာကြခြင်း ဖြစ်ကြောင်း မန္တလေးယာဉ်လိုင်းတခုမှ အရောင်း စာရေးတဦးက ပြောသည်။
၎င်းက “အခု ညွှန်ကြားချက် မတိုင်မီကတည်းက ကားခဈေးနှုန်းတွေဟာ အစိုးရ သတ်မှတ်ချက် ထက် ပိုများနေတယ်။ ဥပမာ မန္တလေး ကားခဆို အရင်က အစိုးရသတ်မှတ်ချက် ကျပ် (၈,၀၀၀) ခန့်သာ ရှိပေမယ့် ကားဂိတ်တွေမှာ ကျပ် (၁၁,၀၀၀) လောက် ရောင်းကြတယ်။ အခု ရန်ကုန်-မန္တလေးကားခကို ကျပ် (၁၀,၀၀၀) တိုးမြှင့်သတ်မှတ်လိုက်တော့ ကားဂိတ်တွေက ကျပ် (၁၂,၀၀၀) ရောင်းနေကြတယ်” ဟု ပြောသည်။
မြန်မာနိုင်ငံ၌ ပြေးဆွဲနေသည့် အဝေးပြေး ကားလိုင်းအားလုံးကို အဝေးပြေးယာဉ်လိုင်း ကြီးကြပ် ထိန်းသိမ်းရေးကော်မတီက ထိန်းချုပ်ထားကာ အဝေးပြေးယာဉ်လိုင်း တည်ထောင်ပြေးဆွဲခွင့် ကိုလည်း စစ်အစိုးရက ထိန်းချုပ်ထားပြီး စစ်မှုထမ်းဟောင်း၊ ကြံ့ဖွံ့ကဲ့သို့ အဖွဲ့အစည်းများနှင့် ပူးပေါင်းလုပ်ကိုင်သူများသာ လုပ်ခွင့်ရကြသည်။
ထို့ကြောင့် ကားလိုင်းများအကြား ပြိုင်ဆိုင်မှု နည်းပါးပြီး ဈေးနှုန်းကြီးမြင့်ခြင်း၊ ၀န်ဆောင်မှု ညံ့ဖျင်းခြင်းတို့ ရှိသော်လည်း ခရီးသွားပြည်သူများမှာ ရွေးချယ်စရာ မရှိသည့်အပြင် အစိုးရက ဘတ်စ်ကား တင်သွင်းခွင့် ပိတ်ပင်ထားသည့်အတွက် အဝေးပြေးယာဉ်အများစုမှာ ဟောင်းနွမ်း ချို့ယွင်းနေကြာင်း အဆိုပါ အရောင်းစာရေးဖြစ်သူက ပြောသည်။
အစိုးရက ယာဉ်လိုင်းများကို ဒီဇယ်ဆီ ခွဲတမ်းနှင့် ထုတ်ပေးပြီး ကားခဈေးနှုန်းကို သတ်မှတ်ပေး သော်လည်း ကားလိုင်းအားလုံးလိုလိုက တွက်ခြေမကိုက်၍ ကားခဈေးနှုန်းများကို တိုးမြှင့် ကောက်ခံလျက်ရှိကြကြောင်း သိရသည်။
ကားခဈေးနှုန်း တိုးမြှင့်ကောက်ခံ၍ အဝေးပြေးယာဉ်လိုင်း ကြီးကြပ်ထိမ်းသိမ်းရေး ကော်မတီကို တိုင်ကြားသည့်အခါတွင်လည်း အောင်မင်္ဂလာ အဝေးပြေးဂိတ်ကို ကိုယ်တိုင်လာတိုင်ရမည်၊ မှတ်ပုံ တင် အိမ်ထောင်စုစာရင်းများ ယူလာရမည်၊ အမှုစစ်ဆေးနေစဉ် ခေါ်သည့်အခါ မှန်မှန် လာရမည် ဆိုသည့်အချက်များကြောင့် နယ်အပါအ၀င် ရန်ကုန်မှ ခရီးသွားများက တိုင်ကြားနိုင်ခြင်း မရှိ ကြပေ။
ယခုကဲ့သို့ စစ်အစိုးရက ဈေးနှုန်းသတ်မှတ်မှုများ ရှိသော်လည်း ကားလိုင်းများက ဈေးနှုန်းတိုးမြှင့် ရောင်းချခြင်းသည် ထုံးစံလိုဖြစ်နေပြီး ခရီးသွားပြည်သူများကလည်း မည်သို့မျှ မတတ်နိုင်ဘဲ ပြောသည့်ဈေးနှုန်းအတိုင်း ၀ယ်ယူစီးနင်းနေကြရကြောင်း မြို့ခံများက ပြောသည်။

ဗြိတိန်နိုင်ငံ လွိုဒ်အာမခံကုမ္ပဏီနှင့် စစ်အစိ်ုးရပတ်သက်မှု ဖော်ထုတ်တော့မည်
The Observer/NEJ/ ၂၈ ဇူလိုင် ၂၀၀၈
မြန်မာစစ်အစိုးရပိုင် မြန်မာ့လေကြောင်းကုမ္ပဏီအား လွိုဒ်အာမခံကုမ္ပဏီကြီး၏ လန်ဒန်လက်ခွဲ အာမခံကုမ္ပဏီ (၃) ခုက ယခုနှစ် အစောပိုင်းတွင် အာမခံပေးခဲ့ကြောင်း ဘားမားကန်ပိန်း (ယူကေ) အဖွဲ့က ယခုသီတင်းပတ်အတွင်း ဖော်ထုတ်တော့မည့်အကြောင်း လန်ဒန်မြို့ တနင်္ဂနွေနေ့ထုတ် The Observer သတင်းစာက ဖော်ပြထားသည်။
လွိုဒ်အာမခံကုမ္ပဏီကြီး၏ လန်ဒန်လက်ခွဲ အာမခံကုမ္ပဏီများမှာ Kiln, Atrium နှင့် Catlin တို့ ဖြစ်သည်ဟု The Observer သတင်းစာမှာ ဖော်ပြထားသည်။ အဆိုပါ ကိစ္စနှင့်ပတ်သက်၍ လန်ဒန်အခြေစိုက် The Burma Campaign (U.K) ကို ခေတ်ပြိုင်က မေးမြန်းရာ အစီရင်ခံစာ အသေးစိတ်ကို ဇူလိုင် (၂၉) တွင် ထုတ်ပြန်မည်ဟုသာ ဖြေကြားခဲ့သည်။
လန်ဒန်အာမခံလုပ်ငန်းများက မြန်မာစစ်အစိုးရအား ကျားကန်ပေးနေခြင်းကို ဖော်ထုတ်နိုင်မှုသည် လန်ဒန်ငွေကြေးရပ်ကွက်မှ ကုမ္ပဏီကြီးများအား မျက်နှာပူစေမည့် ကိစ္စဖြစ်သည်။ ယင်းကိစ္စနှင့် ပတ်သက်၍ The Observer သတင်းစာကြီးက လွိုဒ်အာမခံကုမ္ပဏီကြီး၏ လန်ဒန်လက်ခွဲ အာမခံ ကုမ္ပဏီများအား ဆက်သွယ်ခဲ့သော်လည်း တစုံတရာ ပြောဆိုရန် အဆိုပါကုမ္ပဏီများက ငြင်းဆို ခဲ့သည်။
လွိုဒ်ကုမ္ပဏီအုပ်စုမှ အခြားကုမ္ပဏီများကလည်း မြန်မာစစ်အစိုးရ၏ ရေကြောင်းလုပ်ငန်းများ အတွက် အာမခံပေးရန် ပြင်ဆင်ခဲ့ပြီးဖြစ်သည်။ ရေကြောင်းနှင့် လေကြောင်းအာမခံများ မရှိပါက မြန်မာစစ်အစိုးရအနေဖြင့် ၎င်းတို့အတွက် နိုင်ငံခြားငွေအဓိက ရရှိစေသော ကျောက်မျက်၊ သစ်၊
အ၀တ်အထည်၊ ရေနံနှင့် သဘာဝဓာတ်ငွေ့တို့ကို တင်ပို့နိုင်တော့မည် မဟုတ်ပေ။
ဘားမားကန်ပိန်း (ယူကေ) အဖွဲ့၏ အဆိုပါလှုပ်ရှားမှုသည် လန်ဒန်ရှိ လွိုဒ်အာမခံလုပ်ငန်းကြီးက ၎င်း၏ အုပ်စုဝင်ကုမ္ပဏီများကို မြန်မာနိုင်ငံ၌ စီးပွားရေး မလုပ်ရန် တိုက်တွန်းချက်များ ဖြစ်ပေါ် လာစေရန် ရည်ရွယ်သည်။ လွိုဒ်အာမခံလုပ်ငန်းကြီး၏ ဥက္ကဋ္ဌ လော့ဒ် လီဗင်နှင့် ဆွေးနွေးနိုင် ရန်လည်း စည်းရုံးလှုပ်ရှားသူများက တောင်းဆိုနေသည်။
“လွိုဒ်အုပ်စုဝင်တွေအပါအ၀င် အာမခံကုမ္ပဏီတွေဟာ ကျင့်ဝတ်သိက္ခာထက် အကျိုးစီးပွားကို ဦးစားပေးနေတာပါ။ သူတို့က ကျင့်ဝတ်နဲ့အညီ လုပ်နေတဲ့ပုံစံ ဟန်ဆောင်နေကြပေမယ့် တကယ် ကတော့ ရက်စက်ကြမ်းကြုတ်တဲ့ မြန်မာစစ်အစိုးရဟာ လူမျိုးတုံးသတ်ဖြတ်ဖို့၊ လူထုကို ဖိနှိပ် အုပ်ချုပ်ဖို့အတွက် သူတို့ဆီကရတဲ့ ငွေတွေနဲ့ လက်နက်ခဲယမ်းနဲ့ တင့်ကားတွေ ၀ယ်မှာကို အဲဒီကုမ္ပဏီတွေက ဂရုစိုက်ကြတာ မဟုတ်ပါဘူး” ဟု ဘားမားကန်ပိန်း (ယူကေ) အဖွဲ့မှ
တာဝန်ခံတဦးဖြစ်သူ ဂျော်နီ ချတ်တာတန်က ပြောသည်။
လွိုဒ်အာမခံကုမ္ပဏီကြီးကမူ ၎င်း၏အုပ်စုအဖွဲ့ဝင်များအနေဖြင့် မြန်မာစစ်အစိုးရ၏ ကူးသန်းသွား လာရေးလုပ်ငန်းများကို အာမခံပေးခြင်းသည် ဥပဒေကို ချိုးဖောက်ခြင်း မဟုတ်ကြောင်း၊ နိုင်ငံ တကာပိတ်ဆို့မှုများ တရားဝင် ချမှတ်ထားသော်လည်း ၎င်းတို့အနေဖြင့် မည်သည့်အခန်းကဏ္ဍ၌ စီးပွားရေးလုပ်နိုင် မလုပ်နိုင်ကို ဈေးကွက်အား လမ်းညွှန်ခြင်း မရှိကြောင်း ယမန်နေ့က ထုတ်ဖော် ခဲ့သည်။
ဗြိတိန်ဝန်ကြီးချုပ် ဂေါ်ဒန်ဘရောင်းက မြန်မာနိုင်ငံနှင့် ဆက်စပ်လုပ်ကိုင်နေသော မည်သည့်စီးပွား ရေးလုပ်ငန်းကိုမျှ ခွင့်ပြုမည်မဟုတ်ကြောင်း ယခင်ကဖော်ပြခဲ့ဖူးသဖြင့် လွိုဒ်အာမခံကုမ္ပဏီကြီး ယခုကဲ့သို့ အလျော့ပေးမှု မရှိခြင်းသည် ဗြိတိသျှအစိုးရအား ၀င်ရောက်စွက်ဖက်လာစေရန် တွန်းအားပေးသကဲ့သို့ ဖြစ်သွားနိုင်သည်။ သို့သော် ဗြိတိန်နိုင်ငံခြားရေးဝန်ကြီးဌာနက အဆိုပါ ကိစ္စနှင့်ပတ်သက်၍ လွိုဒ်နှင့် ဆွေးနွေးမှုရှိမရှိမှာမူ မရှင်းလင်းသေးပေ။
ဘားမားကန်ပိန်း (ယူကေ) အဖွဲ့ကြီး၏ မကြာမီထုတ်ပြန်မည့် အစီရင်ခံစာ၌ မြန်မာနှင့်ပတ်သက် သည့် အခြားအာမခံကုမ္ပဏီ (၈) ခု၏ လုပ်ရပ်များကိုပါ ဖော်ထုတ်မည်ဖြစ်သည်။ ။

ချင်းမိုင်မှာ အာရှဌာနေတိုင်းရင်းသားပွဲတော်ကျင်းပ
ကျော်ထင်/ ၂၈ ဇူလိုင် ၂၀၀၈
ကုလသမဂ္ဂ၏ ဌာနေတိုင်းရင်းသား အခွင့်အရေး ကြေညာစာတမ်းကို ဂုဏ်ပြုသည့်အနေဖြင့် အာရှဒေသ ဌာနေတိုင်းရင်းသားပွဲတော်ကို ထိုင်းနိုင်ငံ၊ ချင်းမိုင်မြို့တွင် ယမန်နေ့က ကျင်းပခဲ့ရာ မြန်မာနိုင်ငံ ဌာနေတိုင်းရင်းသားများက ၎င်းတို့အခွင့်အရေးနှင့် ပတ်သက်ပြီး ဆွေးနွေးခဲ့ကြသည်။
အဆိုပါပွဲတော်သို့ တရုတ်၊ ဂျပန်၊ တိုင်ဝမ်၊ အိန္ဒိယ အပါအ၀င် အာရှ (၁၅) နိုင်ငံမှ ဌာနေတိုင်းရင်း သားကိုယ်စားလှယ် (၃၀၀) နီးပါး တက်ရောက်ခဲ့ကြသည်။
ပွဲတော်သို့ တက်ရောက်ခဲ့သူ ချင်းအမျိုးသား ဒေါက်တာရွှေခါးက မြန်မာနိုင်ငံမှ ဌာနေတိုင်းရင်းသား များအခွင့်အရေးကို ဒေသတွင်းနိုင်ငံများမှ ဌာနေတိုင်းရင်းသား အခွင့်အရေး လှုပ်ရှားသူများနှင့် တွေ့ဆုံခြင်းအားဖြင့် သဘာဝပတ်ဝန်းကျင်ဆိုင်ရာ ထိန်းသိမ်းရေး၊ မြေယာပိုင်ဆိုင်ခွင့်၊ ရိုးရာဓလေ့ ထုံးစံအရ တရားစီရင်ရေးများအပြင် ခေတ်နှင့်အညီ ပြောင်းလဲလာသည့် အခွင့်အရေးပိုင်းဆိုင်ရာ များကိုလည်း ဆွေးနွေးခဲ့ကြကြောင်း ပြောသည်။
၎င်းက “အခုချိန်မှာ ပြောင်းလဲနေတာက ဘာလဲဆိုတော့ အမျိုးသမီးအခွင့်အရေး၊ ဒီအခွင့်အရေး ဆုံးရှုံးခြင်းခံရတာက လွှမ်းမိုးအုပ်စိုးတဲ့ လူ့အဖွဲ့စည်းထဲမှာတင်သာမက ဌာနေတိုင်းရင်းသားတွေရဲ့ လူ့အဖွဲ့အစည်းမှာလည်း ရှိတယ်လေ။ သူနည်းသူ့ဟန်နဲ့ ပြုပြင်ပြောင်းလဲနေတာရှိတယ်။ ဒါကို ကျနော်တို့ အချင်းချင်း ဖလှယ်ကြခြင်းအားဖြင့် ပိုမိုကောင်းမွန်လာမယ်လို့ ယူဆတယ်” ဟု ပြောသည်။
တိုင်ဝမ်ကိုယ်စားလှယ်တဦးက “ဒီကိုရောက်လာတဲ့ ကျမတို့အားလုံးဟာ ဌာနေတိုင်း ရင်းသားတွေ ဖြစ်ကြတာနဲ့အညီ အခွင့်အရေးတွေအတွက် စုပေါင်းလုပ်ဆောင်ကြမှာ ဖြစ်တယ်။ ကျမတို့ရဲ့ ခံစား ချက်တွေ၊ လိုလားချက်တွေ၊ အခွင့်အရေးတွေကို တခြားလူတွေ သိနားလည်နိုင်ဖို့ လိုတယ်လေ။ အထူးသဖြင့် နိုင်ငံတကာက ဌာနေတိုင်းရင်းသားတွေနဲ့ ချိတ်ဆက်လုပ်ကိုင်နိုင်ဖို့အတွက် အဓိက ပါပဲ” ဟု ပြောသည်။
အခွင့်ရေးပိုင်းဆိုင်ရာ ဆွေးနွေးမှုများနှင့် ပတ်သက်ပြီး မြန်မာနိုင်ငံ၊ သဘာဝပတ်ဝန်းကျင်နှင့် စီပွား ဖွံ့ဖြိုးတိုးတက်ရေး ကွန်ရက် (NEED) ခေါင်းဆောင် ခိုင်ဓူဝံက အခြားနိုင်ငံမှ ကိုယ်စားလှယ်များ၏ ဆွေနွေးချက်သည် ၎င်းတို့အတွက် အလေးနက်ထားစရာဖြစ်ကြောင်း ပြောသည်။
၎င်းက “ကျနော်တို့တွေက ပြည်ပမှာ အခြေခံပြီး လုပ်ရတဲ့သူတွေဖြစ်တယ်။ ပြည်တွင်းကလာတာ မဟုတ်ဘူး။ အခြားလူတွေမှာကျတော့ သူတို့သက်ဆိုင်ရာ နိုင်ငံတွေက လာကြတာ။ သူတို့ရဲ့ ဒေသ တွေမှာ လက်တွေ့ကြုံတွေ့နေရတဲ့ အခြေနေတွေအပေါ် သူတို့ရဲ့ အခွင့်ရေးပိုင်းဆိုင်ရာတွေကို တင်ပြလာတဲ့အခါမှာကျတော့ ကျနော်တို့ထက် ပိုပြီးပြည့်စုံတယ်လေ” ဟု ပြောသည်။
ကုလသမဂ္ဂ၏ ဌာနေတိုင်းရင်းသားများ အခွင့်အရေး ကြေညာစာတမ်းကို ၂၀၀၇ ခု စက်တင်ဘာ (၁၃) ရက်တွင် ထုတ်ပြန်ခဲ့ခြင်းဖြစ်ပြီး ဌာနေတိုင်းရင်းသားများ၏ ရိုးရာယဉ်ကျေးမှုဓလေ့ထုံးစံ၊ စီးပွားရေး၊ လူမှုရေး၊ တရားစီရင်ရေးအပါအ၀င် အခွင့်အရေးများနှင့် ပတ်သက်၍ အဆိုပါကြေညာ စာတမ်းတွင် ပြဋ္ဌာန်းထားခြင်းဖြစ်သည်။ ။

အစိုးရထောက်ပံ့တဲ့ မျိုးစပါးမအောင်၊ လေဘေးသင့် လယ်သမား အခက်ကြုံ
28 July 2008
ဦးသိန်းထိုက်ဦး
ဧရာဝတီတိုင်းအတွင်း လယ်သမားတွေအချိန်မီစိုက်ပျိုးဖို့ မြန်မာစစ်အစိုးရက မျိုးစပါးတွေ ထောက်ပံ့ပေးခဲ့ပေမယ့် မျိုး
မအောင်တဲ့အတွက် အခက်အခဲတွေ ကြုံနေရတဲ့အကြောင်း ဒေသခံလယ်သမားတွေကပြောပါတယ်။ ဒါ့အပြင် ဓာတ်မြေ
သြဇာကို လက်ငင်းစနစ်နဲ့ ရောင်းချနေတဲ့အတွက်လည်း စိုက်ပျိုးရေးအတွက်အခက်အခဲတွေ့နေရတယ်လို့ ပြောပါတယ်။
အသေးစိတ်ကို ကိုသိန်းထိုက်ဦးက တင်ပြထားပါတယ်။
အခုလို စိုက်ပျိုးရာသီ ရက်ပိုင်းပဲ ကျန်တော့တဲ့အချိန် မုန်တိုင်းဒဏ်ထိခဲ့တဲ့ လယ်သမား
တွေ အချိန်မီအောင် အားသွန် စိုက်ပျိုးခဲ့ကြပေမယ့် လယ်သမား တော်တော်များများက
တော့ စိုက်ပျိုးနိုင်တဲ့ အဆင့်ကို မရောက်ခဲ့ကြဘူးလို့ လပွတ္တာမြို့က ဒေသခံတွေက
ပြောပါတယ်။ အဲဒီအထဲက စိုက်ပျိုးနိုင်တဲ့ လယ်သမားတွေ အတွက်လည်း မျိုးစပါးတွေ
မအောင်လို့ ဒုက္ခရောက်ကြရတဲ့ အကြောင်း လယ်သမား တယောက်ကအခုလို ပြော
ပါတယ်။
"ကျနော်တို့ မျိုးစပါးတွေပေါ့လေ၊ နိုင်ငံတော်က ပေးတာတွေက သုံးချိုး၊ နှစ်ချိုးလောက်
မပေါက်ဘူး။ မပေါက်တဲ့အခါကြတော့ ကျနော်တို့ လယ်သမားတွေမှာ အချိန်ကလည်း
နှောင်းနေ၊ နောက် မျိုးကလည်း မပေါက်တဲ့ အခါကြတော့ တော်တော်ကြီးကို ဒုက္ခ
ရောက်နေတာပေါ့ဗျာ။
"ဘာကြောင့် မပေါက်သလဲဆိုတော့၊ မျိုးကိုက သူက သိပ်ပြီးတော့ မမှန်ဘူးလေ၊
ကျနော်တို့ပေးတာ နှံကားတွေ ပေးတယ်ဗျ။ နှံကားမျိုးဆိုတာက ကျနော်တို့ ငစိန်
ထက်နည်းနည်းသာတာပေါ့လေ။ လုံးသွယ်ခေါ်တာပေါ့၊ နှံကား။ ကျနော်တို့က
လပွတ္တာမြို့နယ် ကညင်ကုန်း၊ စစ်ကွင်း၊ ဆတ်ကူးပေါ့လေ အဲဒီနေရာတွေမှာ
မပေါက်ကြဘူး။"
မုန်တိုင်းဒဏ် အဆိုးဆုံးခံရတဲ့ ဒေသတွေထဲကတခုဖြစ်တဲ့ လပွတ္တာမြို့နယ်အတွင်းမှာ
ကျေးရွာတချို့ဆိုရင် မျိုးစပါးတွေမပေါက်တာက ၇၅% လောက်တောင်ရှိတယ်လို့
ဒေသခံတချို့က ခန့်မှန်းပါတယ်။ အခုလို စိုက်ပျိုးဖို့ အချိန်နှောင်းလာတဲ့အချိန်
လယ်သမား တော်တော်များများ ဒီနှစ်အတွက်တော့ အဆင်သင့် မဖြစ်တော့ဘူးလို့
ဒေသခံတချို့က ပြောပါတယ်။
"မျိုးစပါးမပေါက်တာ ပြောမယ်ဆိုရင် ၂၀%၊ ၂၅% လောက်ပဲ ပေါက်တာ၊ ကျန်တာ
တွေက မပေါက်ဘူး။ ရှိတဲ့လူကတော့ အကြောင်းမဟုတ်ဘူး၊ မျိုးစပါးကောင်းတဲ့ဟာ
ရှာဝယ်တာ၊ မရှိတဲ့လူက အဲဒါတွေကို စောင့်လုပ်နေရတာ။ အဲဒါကျနော်တို့ တော်တော်
တော့ ဒုက္ခရောက်နေတယ်။ ကြိုးဝိုင်းထဲမှာဆိုလို့ရှိရင် မြက်တွေက သန်လွန်းအားကြီး
လို့ လယ်က မြက်တွေကြားထဲမှာ လိုက်လုပ်နေရတာ။ တကွက်ကြား တကွက်ကြား
လိုက်လုပ်နေရတာ။ မြက်တွေက အများကြီးဖြစ်နေတယ်။"
စစ်အစိုးရပိုင် သတင်းစာတွေမှာတော့ လယ်သမားတွေအတွက် အစိုးရ၊ နိုင်ငံတကာနဲ့
ပုဂ္ဂလိကအလှူရှင်တွေကနေ စုစုပေါင်း မျိုးစပါး တင်းပေါင်း တသန်းလောက် ထောက်
ပံ့ခဲ့တယ်လို့ ပြောပါတယ်။ အဲဒီအထဲမှာ အစိုးရကထောက်ပံ့တဲ့ မျိုးစပါး ခြောက်သိန်း
ကျော် ပါဝင်တယ်လို့လည်း ပြောပါတယ်။ ဒေသခံလယ်သမားတချို့ကတော့ အစိုးရက
ပေးတဲ့ မျိုးစပါးတွေအပြင် ပုဂ္ဂလိက အလှူရှင်တွေကပေးတဲ့ မျိုးစပါးတွေထဲမှာလည်း
မအောင်တဲ့ မျိုးစပါးတွေရှိတယ်လို့ ပြောပါတယ်။ အစိုးရ လက်အောက်ခံမဟုတ်တဲ့
အဖွဲ့အစည်းတွေက ထောက်ပံ့ပေးတာတွေ ရှိတယ်ဆိုပေမယ့်လည်း လောက်ငအောင်
ထောက်ပံ့မပေးနိုင်တဲ့အကြောင်း ဒေသခံတွေက ပြောပါတယ်။
"NGO က ပေးတာကလည်း အပြည့်အ၀ မပေးနိုင်ဘူး။ ၁၂ အုပ်စုလောက်ပဲ ရတယ်။
၄၈ အုပ်စု ရှိတာလေ။ မျိုးစပါးတွေကို ဘယ်လိုလည်း ဆိုတော့လေ၊ မိုးတွေမိထားတဲ့ဟာ
တွေပေါ့နော်။ ပြောရရင် ကျိတ်စားလို့လည်းမရ၊ တချို့ဆိုရင် မည်းပြီးတော့ ဆုံးရှုံး
သွားတဲ့လူတွေ ပြောတာကတော့ ဘဲတောင် မစားကြဘူးပေါ့နော်။ အဲဒီမှာ သူတို့
အခက်အခဲတွေရှိတယ်။"
လယ်သမားတွေအတွက် တခြားအခက်အခဲတခုကတော့ အာဏာပိုင်တွေဘက်က
ဓာတ်မြေသြဇာတွေကို လက်ငင်းစနစ်နဲ့ ရောင်းချနေတဲ့ အခက်အခဲလို့ ပြောကြပါတယ်။
အခုလို စိုက်ပျိုးချိန် သိပ်မကျန်တော့တဲ့အချိန်မှာ ဓာတ်မြေသြဇာ ၀ယ်ယူရေးကလည်း
အဓိက ပြဿနာတခု ဖြစ်နေတယ်လို့ ဆိုပါတယ်။
"ဒီ ၀ါဆိုလကုန်လောက်ဆိုရင်တော့ ကျနော်တို့က နှောင်းသွားပြီလို့ ခေါ်ရမှာပေါ့။
အဲတော့ နောက်ထပ် ရက် ၂၀၊ အစိတ်ထက် ပိုမကြာတော့ဘူး။ ရက် ၂၀၊ အစိတ်
လောက်တော့ ကျန်သေးတာပေါ့။ ဒီနှစ် လယ်သမားတွေအတွက် စက်ပစ္စည်းတွေ ပေး
တာကတော့ မဆိုးပါဘူး။ လယ်သမားမှာ အကျပ်အတည်းရှိတာက ဓာတ်မြေသြဇာ။
ကနေ့ ဓာတ်မြေသြဇာ ကို သူတို့က တအိတ်ကို ၂၀,၅၀၀ လို့ ပြောတယ်။ ၂၀,၅၀၀
ဆိုတော့ ကျနော်တို့မှာက လေဘေးဒဏ်ကြောင့် ဘာမှမရှိတော့ဘူး၊ ကုန်နေပြီ။
အဲတော့ ကုန်နေတဲ့အခါကြတော့ ဒီဓာတ်မြေသြဇာကို လက်ငင်းဆပ်ဖို့ဆိုတာ ဘယ်လို
နည်းနဲ့မှ ကျနော်တို့ မတတ်နိုင်ဘူး။ တဧကကို ကျနော်တို့ အနည်းဆုံး တအိတ်
လောက်သုံးရတယ်။"
မုန်တိုင်းဒဏ်ကြောင့် ဆန်စပါး အဓိကစိုက်ပျိုးတဲ့ ဧရာဝတီမြစ်ဝကျွန်းပေါ်ဒေသမှာ
လယ်ဧက တသန်းခွဲလောက် ပျက်စီးခဲ့တယ်ဆိုပြီး PONJA ခေါ် ကုလသမဂ္ဂ၊ အာဆီယံနဲ့
စစ်အစိုးရတို့ ပူးပေါင်းခဲ့တဲ့ မုန်တိုင်းလွန် ဆန်းစစ်ချက်အစီရင်ခံစာမှာ ဖော်ပြထားပါ
တယ်။ မြန်မာနိုင်ငံရဲ့ စိုက်ပျိုးဧက ၆၀% လောက် ပျက်စီးခဲ့တာလို့ ပြောပါတယ်။ ဒီလို
အပျက်အစီးတွေကြား ဓာတ်မြေသြဇာကို လက်ငင်း ၀ယ်နေရတဲ့အပြင် အမတော်ကြေး
ထုတ်ပေးတဲ့ငွေကလည်း ဓာတ်မြေသြဇာဘိုးတောင် မလောက်ဘူးလို့ ဒေသခံ လယ်
သမားက ဆိုပါတယ်။
"၂၀,၅၀၀ တအိတ်ကို၊ ပုလဲ တအိတ်ကို ၂၀,၅၀၀ ဆိုတဲ့ အခါကြတော့ ကျနော်တို့မှာ
ဝယ်စရာ မရှိဘူးလေဗျာ။ နောက်တခု၊ ကျနော်တို့ကို အမတော်ကြေး ထုတ်ပေးတာက
လည်း တဧကကို ၇,၀၀၀ နှုန်း၊ ဧက ၁၀၀ ရှိနေတဲ့လူလည်း ၇၀,၀၀၀ ပဲ ရတယ်။ ၁၀
ဧက ရှိလည်း ၇၀,၀၀၀ ပဲ ရတယ်။ အဲတော့ သူပေးတဲ့ ငွေ ၇၀,၀၀၀ ဟာ ကျနော်တို့
အခုနပြောသလို ဓာတ်မြေသြဇာဘိုးတောင် မရှိဘူး ဖြစ်နေတယ်။ အဲတော့ လယ်
သမားတွေမှာဗျာ၊ တကယ်တမ်း ငွေရေးကြေးရေးက အကျပ်အတည်းကတမျိုး စားဖို့
ဆန်က အခက်အခဲကတမျိုး။ ဒီနှစ် ကျနော်တို့ လယ်သမားဆိုရင် အခုအချိန်အထိ ဆန်
၅ အိတ်ဆိုတာ ပေးတာမျိုး မရှိသေးပါဘူး။ အဲတော့ ကျနော်တို့ လယ်သမားတွေမှာ
ဘာလည်းဆိုတော့ ဟို ခပ်တည့်တည့်ပြောရရင်တော့ ရိုးပြတ်ကိုက်ပြီးတော့၊ ငုတ်တုတ်
ကို ထိုင်နေရတဲ့ အချိန်မျိုးရောက်နေတယ်။"
ဧရာဝတီတိုင်းအတွင်း လယ်သမားတွေ ကြုံနေရတဲ့ အခက်အခဲတွေနဲ့ ပတ်သက်လို့
လပွတ္တာမြို့က ဒေသခံ လယ်သမားတယောက်ရဲ့ ပြောပြချက်ပါ။

တူရကီတွင် ဗုံးကွဲ အနည်းဆုံး ၁၅ဦး သေဆုံး
28 July 2008
တူရကီနိုင်ငံက အစ္စတန် ဘူလ်မြို့ မှာ မနေ့က ညနေပိုင်း ဗုံးနှစ်လုံး ပေါက်ကွဲခဲ့လို့ လူ အနည်းဆုံး ၁၅ယောက် သေဆုံးပြီး ၁၅၀ကျော် ဒဏ်ရာတွေ ရခဲ့ကြပါတယ်။ ဗုံးနှစ်လုံးဟာ မိနစ် အတော် ခြားပြီးမှ ပေါက်ကွဲခဲ့တာ ဖြစ်ပြီး အစ္စတန် ဘူလ်မြို့ရဲ့ အရောင်အ၀ယ် စည်ကားလှတဲ့ မြို့ အနောက်ပိုင်းမှာဖြစ်ပွါးခဲ့တာပါ။
ပထမ ဗုံး ကွဲခဲ့တဲ့နေရာကို လူတွေ စုရုန်း ရောက်လာတဲ့ အချိန်မှာ နောက်တလုံး ထပ်ပေါက်ကွဲခဲ့လို့ အဲဒီ ဒုတိယဗုံးရဲ့  ဒဏ်ကြောင့်လူတွေတော်တော် ထိခိုက်ခဲ့ တယ်လို့ မျက်မြင်သက်သေတွေက ဆိုပါတယ်။ အခုချိန်ထိတော့ ဘယ်သူတွေရဲ့  လက်ချက်လဲဆိုတာ ပြောဆိုမှုတွေ မရှိသေးပါဘူး။
တူရကီ သမ္မတကတော့ အခု ဗုံးခွဲမှုနဲ့ ပါတ်သက်ပြီး ပြစ်တင် ရှုတ်ချလိုက်ပြီး အာဏာပိုင်တွေဘက်ကလည်း ဗုံး တရားခံကို ဖမ်းမိဖို့ စုံစမ်းစစ်ဆေးမှုတွေ လုပ်နေပါတယ်။

ကမ္ဘောဒီးယား ရွေးကောက်ပွဲ လက်ရှိ အာဏာရပါတီ အနိုင်ရ
27 July 2008
အာဏာရ ပြည်သူ့ပါတီ CPPက ဒီနေ့ ပြုလုပ်ပြီးစီးသွားတဲ့ ပါတီစုံ ဒီမိုကရေစီ အထွေထွေ ရွေးကောက်ပွဲက အမတ်နေရာ အားလုံးရဲ့ သုံးပုံ နှစ်ပုံမှာ သူတို့ အနိုင်ရရှိတယ်လို့ ပြောပါတယ်။
မဲရေတွက်မှု ပြီးစီးနေတဲ့ အစောပိုင်း ရလာဒ်တွေအရ ၀န်ကြီးချုပ် ဟွန်ဆန်ရဲ့ CPPပါတီဟာ အမတ်နေရာ ၁၂၃နေရာထဲက နေရာ ၈၀လောက်မှာ အနိုင်ရရှိနေတယ်လို့ CPPရဲ့ ပြောရေးဆိုခွင့်ရှိသူ ခယူခမ်ပါရစ်က ဆိုပါတယ်။ ကျန်တဲ့ အမတ်နေရာ အများစုကို အတိုက်အခံ ဆမ် ရိန်ဆီပါတီက အနိုင်ရရှိလိမ့်မယ်လို့ မျှော်လင့်ရပါတယ်။
ကမ္ဘောဒီးယားရဲ့ ဒီနေ့ ရွေးကောက်ပွဲဟာ အရင် ရွေးကောက်ပွဲတွေနဲ့ နှိုင်းယှဉ်ရင် ပိုမိုတည်ငြိမ်အေးချမ်းတယ်လို့ ပြည်ပက လာရောက်လေ့လာသုံးသပ်သူတွေက မှတ်ချက်ချနေပေမယ့်လည်း အတိုက်အခံတွေနဲ့ လူ့အခွင့်အရေး လှုပ်ရှားသူတွေကတော့ အာဏာရပါတီဘက်က ချိန်းခြောက်မှုတွေ၊ မဲလိမ်၊ မဲခိုး၊ မရိုးသားမှုတွေ ရှိခဲ့တယ်လို့ စွပ်စွဲ ပြောဆို ခဲ့ကြပါတယ်။ ဒါတွေ အားလုံးကိုတော့ ကမ္ဘောဒီးယား အစိုးရက ငြင်းဆိုခဲ့ပါတယ်။




အာဏာဖြင့်တည်သော ဥပဒေ

ဆောင်းပါး
ကိုစိုး | ဇူလိုင် ၂၈၊ ၂၀၀၈
ကမ္ဘာပေါ်တွင် လက်ရှိကျင့်သုံးနေသောဥပဒေသည် လူမှုရေးစည်းကမ်းများကတဆင့် စတင်ပေါ်ပေါက်လာခြင်း ဖြစ်ကြောင်း ပညာရှင်များ၏ အဆိုအရ သိရသည်။
သမိုင်းဦး ဘုံမြေခေတ်နောက်ပိုင်းမှ ဥပဒေ သန္ဓေတည်ခဲ့သည်ဟုလည်း ဆိုသည်။
ခေတ်အဆက်ဆက် လူနေမှုအဆင့်အတန်းများ၊ ယဉ်ကျေးမှု အဆင့်အတန်းများ တိုးတက်မြင့်မားလာသည်နှင့်အမျှ စောင့်ထိန်းအပ်သည့် လူမှုရေးစည်းကမ်းများများပြားလာခဲ့ပြီး ဥပဒေပြဌာန်းချက်များလည်း တိုးလာခဲ့ခြင်း ဖြစ်ကြောင်း ပညာရှင်များက မှတ်တမ်းပြုခဲ့ကြသည်။
သို့ဖြင့် စည်းမျဉ်းစည်းကမ်းသည် ရှောင်ရန်၊ ဆောင်ရန်၊ ပြုသင့်၊ မပြုသင့်သည်များကို ပြောခြင်းဖြစ်ပြီး ဥပဒေ မှာ ပြုလုပ် ခိုင်းသည်ကို မပြုလုပ်လျှင်သော် လည်းကောင်း၊ မပြုလုပ်ရန် တားမြစ်ထားသည်ကို ပြုလုပ်လျှင်သော် လည်းကောင်း အကျိုးဆက်အနေနှင့် အရေးယူ အပြစ်ဒဏ်ပေးမှုများ ပါဝင်လာသည်။ ဤသည်မှာ စည်းကမ်းနှင့် ဥပဒေ၏ ကွဲပြား ကွာခြား ချက်ဖြစ်ကြောင်း သိရသည်။
ယနေ့ မြန်မာနိုင်ငံ၏ ဥပဒေ ကျင့်ထုံးနှင့် တရားစီရင်ရေးနှင့် ပတ်သက်ပြီး လေ့လာကြည့်ရာတွင် ဘီစီ ၁၇၈၀ ခု (၁၈ ရာစု ခေတ်) က ပေါ်ပေါက်ခဲ့သော ဟန်မူရာဘီ ကိုဓ ဥပဒေအရ အပြစ်ဒဏ်ပေးခြင်းကို သတိရမိသည်။ ယင်း ဥပဒေသည် လက်စားချေသည့် သဘောမျိုး ပြစ်ဒဏ်ပေးခြင်းဖြစ်သည်။
မျက်လုံး တလုံး ဆုံးရှုံးလျင် မျက်လုံးတလုံး ပေးဆပ်စေခြင်း၊ သွားတချောင်း ဆုံးရှုံးလျင်သွားတချောင်း ပေးဆပ်စေခြင်း ဟူသည့် ပြစ်ဒဏ်ပေးမှု ကျင့်သုံးခဲ့ခြင်း ဖြစ်သည်။
လက်စားချေသည့် သဘောတွင် အငြိုးအတေးထားသည့် သဘောလည်း ပါဝင်မည်ဟု ထင်ပါသည်။ မြန်မာ စစ်အစိုးရက ၎င်းတို့ကို ဆန့်ကျင်သူများအပေါ် ကျင့်သုံးနေသည့် ဥပဒေ စနစ်သည်လည်း အငြိုးအတေးများ ပါဝင်နေသည်ဟု ယုံကြည် ရသည်။
ပြည်ပ အခြေစိုက် မြန်မာနိုင်ငံ ရှေ့နေများကောင်စီအဖွဲ့ အတွင်းရေးမှူး ဦးအောင်ထူးက အစိုးရတရပ် လက်ထက်တွင် ဥပဒေ အသက်ဝင်မှု ၂ ပိုင်းရှိသည်ဟု ပြောသည်။
Rule of Law ဟု ခေါ်သော ဥပဒေ စိုးမိုးရေးအခြေခံနှင့် အသက်ဝင်သည့် ဥပဒေနှင့် Rule by Law ဟု ခေါ်သော ပြဌာန်း ထားသည့် ဥပဒေကို တရားမျှတမှု ရှိမရှိနှင့် မည်သူပြဌာန်းသည်ကို လေ့လာခြင်း ခွင့်မပြုဘဲ ယင်းဥပဒေကိုသာ လေးစား လိုက်နာခိုင်းသော အသက်ဝင်သည့် ဥပဒေဟူ၍ ဖြစ်ကြောင်း ဦးအောင်ထူးက ပြောပြသည်။
“အာဏာရှင်တွေက တိုင်းပြည်အာဏာကို သိမ်းယူအုပ်ချုပ်တဲ့ ပုံစံမျိုးနဲ့သွားတာတွေ အားလုံးက Rule by Law နဲ့ သွားတာ ချည်းပဲ၊ ဒါကို မလေးစား မလိုက်နာရင် အရေးယူမယ်”ဟု လည်း ဦးအောင်ထူး က ဆိုသည်။
လက်ရှိ မြန်မာနိုင်ငံတွင် ကျင့်သုံးနေသော ဥပဒေ ပုံစံသည် Rule by Law နှင့် ဖြစ်ကြောင်း သူက သုံးသပ်ပြသည်။
မြန်မာ စစ်အစိုးရသတင်းစာများတွင် အစိုးရကိုဆန့်ကျင်ပြီး ဒီမိုကရေစီအရေး၊ နိုင်ငံရေးလှုပ်ရှားသူများကို ဖမ်းဆီးအရေးယူ အပြစ်ပေးနေမှုများနှင့် ပတ်သက်၍ မြန်မာနိုင်ငံ ဥပဒေများတွင် နိုင်ငံရေး ပြစ်မှုဆိုသည်ကို ပြဌာန်းခြင်း မရှိကြောင်းနှင့် ကာလကြာရှည်စွာကပင် ပြောဆိုခဲ့သော နိုင်ငံရေး ပြစ်မှုနှင့် အရေးယူသည့်နိုင်ငံရေးအကျဉ်းသား မရှိကြောင်း၊ ပြစ်မှုအကျဉ်း သားများသာ ရှိကြောင်းတို့ကို ဇူလိုင် ၂၂ ရက်မှ စပြီး ၃ ရက်ဆက် ၍ ဥပဒေ ပုဒ်မများနှင့်တကွ ရေးသားဖော်ပြထားသည်။
ထိုသို့ နိုင်ငံရေးလှုပ်ရှားမှုကြောင့် ဖမ်းဆီးအရေးယူခံထားရသူများ၏ အမှုအခင်းများကို အကျိုးဆောင်ပေးနေသည့် ရန်ကုန် မြို့က ရှေ့နေကြီး ဦးအောင်သိန်းကမူ နိုင်ငံရှိလျင် နိုင်ငံရေးနှင့် နိုင်ငံရေးသမား၊ နိုင်ငံရေးနှင့် သက်ဆိုင်သည့် အမှုအခင်း များ ရှိကြောင်းကို သိလျက်နှင့် မသိဟန်ပြု၍ သတင်းစာတွင် ရေးသားဖော်ပြခြင်း ဖြစ်သည်ဟု ပြောသည်။
နိုင်ငံရေးသမားအတွက် သတ်မှတ်ပြဌာန်းထားသည့် ပြစ်မှု ပုဒ်မ သီးသန့်မရှိသော်လည်း လုံခြုံရေး အကြောင်းပြ ချက်အရ သော်လည်းကောင်း၊ ဘိန်းပစ် ဖမ်းသကဲ့သို့ တခြားသော ရဲ အရေးပိုင်သည့် ပုဒ်မများတပ်၍သော်လည်းကောင်း ပြစ်မှု သတ်မှတ်၍ အဓိက လုပ်ဆောင်ချက်နှင့် မသက်ဆိုင်သော ဖမ်းဆီးအရေးယူမှုများကို စစ်အစိုးရက နိုင်ငံရေး လှုပ်ရှားသူ များအပေါ် ပြုကျင့်နေခြင်း ဖြစ်သည်ဟုလည်း ဦးအောင်သိန်းက ဆိုသည်။
“နိုင်ငံရေးသမားအတွက် ပုဒ်မ သတ်မှတ်ထားတာ မရှိသော်လည်း ဖမ်းဆီးရခြင်း အကြောင်းတရားကို ကြည့်၊ နိုင်ငံရေးအရ ဆန္ဒပြတယ်၊ သူ့မှာ နိုင်ငံရေးအရ ဆန္ဒပြခွင့် ရှိတာပဲ၊ လူသားအခွင့်အရေးရှိတာပဲ၊ သူ့ရဲ့ ပုဂ္ဂိလက ခံစားမှုကို သူပြတာမဟုတ် ဘူး၊ ကုန်ဈေးနှုန်းတက်တယ်၊ ကုန်ဈေးနှုန်းချပေးဖို့၊ လောင်စာဆီဈေးတက်တယ်၊ လောင်စာဆီဈေးချပေးဖို့ ဆန္ဒပြတယ်၊ တဦးတယောက်အကြပ်အတည်းကို သူပြောနေတာမဟုတ်ဘူး၊ တပြည် လုံးနဲ့ချီပြီးတော့ ပြောတဲ့ ကိစ္စရပ်၊ ဒါ နိုင်ငံရေး အလုပ်ကို သူဆောင်ရွက်နေတာ ဖြစ်တယ်”ဟု သူ က ပြောသည်။
ဦးအောင်သိန်း က ဆက်လက်ပြီး “ဒါပေမယ့် အဲဒီလူကို လမ်းပိတ်ဆို့မှုနဲ့ ပြစ်မှု စွဲမယ်၊ ကုန်ဈေးနှုန်းတက်လို့ တက်တယ် ပြောတာကို အစိုးရကို အကြည်ညိုပျက်စေမှု ပုဒ်မ ၁၂၄ (က) နဲ့ စွဲမယ်ဗျာ၊ ဒီလို ပြစ်မှုပုဒ်မတွေနဲ့က ဘယ်လိုပဲ ဖြစ်ဖြစ် စွဲလို့ရတယ်၊ သူ့ရဲ့ အဓိက လုပ်ဆောင်ချက်က အများနဲ့ဆိုင်တဲ့ ကိစ္စရပ်ဆိုတော့ ဒါ နိုင်ငံရေး အလုပ်လုပ်တာပဲ၊ အဲဒီလူကို ဖမ်းပြီး ပြစ်မှုနဲ့ ထောင်ချတာပဲ”ဟု လည်း ပြောဆိုသည်။
ထို့အပြင် သတင်းစာ၌ ၁၉၅၀ ပြည့်နှစ် အရေးပေါ် စီမံမှု အက်ဥပဒေ တွင် ပုဒ်မ ၅ နှင့် ၅(ည)သည် အများပြည်သူ အေးချမ်း တည်ငြိမ်ရေး ထိပါးနှောင့်ယှက်သူကို ၀ရမ်းမပါဘဲဖမ်းဆီးနိုင်ပြီး ၂ လ အထိ ချုပ်နှောင်ထားနိုင်ကြောင်း၊ ယင်း ပုဒ်မအရ ခေါ်ယူထိန်းသိမ်း ခံရသူအများစုသည် နိုင်ငံရေးသမားများ ဖြစ်သောကြောင့် နိုင်ငံရေး ပုဒ်မအဖြစ် ကင်ပွန်းတပ်ကြခြင်း ဖြစ်ကြောင်း ရေးသားထားသည်။
“မြန်မာပြည် လွတ်လပ်ရေး ရပြီးကတည်းက နိုင်ငံရေးသမားကို သပ်သပ်စွဲတဲ့ ပုဒ်မရယ်လို့ သတ်မှတ်ပြဌာန်းထားတော့ မရှိဘူး၊ ပုဒ်မ ၅ ဆိုတာကို ဟိုတုန်းက နိုင်ငံရေးသမားတွေက ၅ စွဲတယ်လို့ ခေါ်ကြတယ်၊ အဲဒီလို ပုဒ်မ ၅ နဲ့ စွဲတဲ့ လူတွေက ဘယ်လို အဆင့်အတန်းရှိသလဲ ဆိုတော့၊ နိုင်ငံရေး အဆင့်အတန်း ရှိတယ်၊ တက္ကသိုလ် ကျောင်းသား အဆင့်အတန်းရှိ တယ်၊ ကျောင်းသားတွေဆိုရင် ထောင်ကနေ၊ အချုပ်ကနေ စာမေးပွဲဖြေလို့ရတယ်၊ အဲဒီလို အဆင့်အတန်းနဲ့ထားတာ၊ အဲဒီ ဂုဏ်သရေရှိတဲ့လူတွေ အချုပ်ခံရစဉ် အေ၊ ဘီ၊ စီ ကလပ်စ် တွေနဲ့ ထားတာ၊ နောက် ဦးနေ၀င်း တက်လာတော့မှ ထောင် တွေမှာ နောင် ဇိမ်နဲ့ နေရတော့မှာမဟုတ်ဘူး ဆိုပြီး ကလပ်စ် တွေကို ဖျက်ပစ်လိုက်တာ”ဟု ဦးအောင်သိန်းက ရှင်းပြသည်။
ယင်းသို့ နိုင်ငံရေးသဘောဆောင်သည့်မှုခင်းများ၊ အစိုးရကို ဆန့်ကျင်သည့် မှုခင်းများ၊ လူ့အဖွဲ့အစည်းတရပ် ပြောင်းလဲရန် ကြိုးစားသည့် မှုခင်းများနှင့်ပတ်သက်၍ နိုင်ငံတော် လုံခြုံရေးထိပါးသည်ဟူသော အကြောင်းပြချက်ဖြင့် အစိုးရက ကျူးလွန် သူအား ပုဒ်မ ၁၀(က) အရ ၁ နှစ်၊ ၁၀(ခ) အရ ၅ နှစ်အထိ တရားရုံး အမိန့်မယူ၊ ရမန် မယူဘဲ သက်တမ်းတိုး ချုပ်နှောင်မှု များကို လက်ရှိပြုလုပ်နေသည်ဟု ဦးအောင်ထူးကလည်း ပြောဆိုသည်။
ဦးအောင်ထူးကဆက်လက်ပြီး မြန်မာနိုင်ငံတွင် ဥပဒေ စိုးမိုးရေးအခြေခံမှာ ရာနှုန်းပြည့် နီးပါး လုံးဝ ပျက်စီးသွားကြောင်း၊ ဥပဒေကို ဥပဒေအတိုင်း ကျင့်သုံးခြင်းမရှိကြောင်းနှင့် တည်ဆဲဥပဒေများကိုပါ ဆန့်ကျင်၍ ဖမ်းချင်သည့် သူက ဖမ်းဆီးချင် သလို ဖမ်းနေကြောင်း ပြောသည်။
“စစ်သားက ဖမ်းခွင့်မရှိဘူး၊ အရပ်ဝတ် ၀တ်ထားတဲ့ လူ က ဖမ်းခွင့်မရှိဘူး၊ သူတို့က ဘယ်အခါမှာ ဖမ်းခွင့်ရှိ သလဲ ဆိုရင် ရဲ အရေးပိုင်တဲ့ ပြစ်မှုမျိုး၊ လူသတ်မှုအကြီးအကျယ် ကျူးလွန်တဲ့အခါမျိုးမှာ၊ ရဲက အကူအညီတောင်း ပြီး ဖမ်းခိုင်းတာမျိုးမှာ ၀င်ဖမ်းလို့ရတယ်၊ တခြားအမှုအခင်းတွေမှာ အရပ်ဝတ်နဲ့ လူတွေ ၀င်ဖမ်းခွင့်မရှိဘူး၊ ကြံ့ဖွံ့ တွေ ဖမ်းခိုင်းတာဟာ တည်ဆဲ ဥပဒေနဲ့ ဆန့်ကျင်ပြီး ဖမ်းချင်သလိုဖမ်းတာဖြစ်တယ်၊ အခုပဲ ဒေါ်အောင်ဆန်း စုကြည် ကို ၅ နှစ် ပြည့်ရင် လွှတ်ရမှာ ဆက်ချုပ်ထားတယ်၊ ဥပဒေကို ဥပဒေအတိုင်း မကျင့်သုံးဘဲ အာဏာနဲ့ လိုသလို ကျင့်သုံး နေတာပါ”ဟု ဦးအောင်ထူးက ဝေဖန်သည်။
ယခုကဲ့သို့ နိုင်ငံရေးလှုပ်ရှားသူများကို ဖမ်းချင်သလိုဖမ်း၍ ပုဒ်မများ တပ်ချင်သလို ပြောင်းတပ်နေခြင်းသည် Due process of law ဟု ခေါ်ဆိုသော ပြစ်မှုဆိုင်ရာ ကျင့်ထုံး ဥပဒေတွင် သတ်မှတ်ဖော်ပြထားသည့် ဥပဒေ လုပ်ထုံးလုပ်နည်း အဆင့်ဆင့် နှင့် အရေးယူအပြစ်ပေးရမည်ဟူသော အခြေခံပြဌာန်းချက်များကို ချိုးဖောက်ခြင်းဖြစ် ကြောင်းလည်း ဦးအောင်ထူးက သုံးသပ်သည်။ ။

ကိုးကား —
၁။ ရာဇသတ်ကြီး (Penal Code)
၂။ ဥပဒေ ဝေါဟာရများ
၃။ မြန်မာသတင်းစာများ
၎။ Hamurabi’s Code of Law [Top]