Thursday, August 21, 2008

သန်းရွှေနာမည်ပျက်အောင်လုပ်သူတဦး


မြန်မာ့အရေး မျှော်တိုင်းဝေး


- ပီတာအောင် (မြန်မာအရေးသုံးသပ်ချက်) - (၂၁-၈-၂၀၀၈)
မြန်မာနိုင်ငံ၏ အမျိုးသားရင်ကြားစေ့ရေးပြဿနာကို အချင်းချင်းမဖြေရှင်းနိုင်သဖြင့် ကမ္ဘာ့ကုလသမဂ္ဂက ကြားဝင်
်ဖြေရှင်းဆောင်ရွက်ပေးနေရသည့် အခြေအနေဆိုက်နေသည်။ သို့သော် ကုလသမဂ္ဂ၏ကြိုးပမ်းမှုမှာလည်း ရည်မှန်း
ချက်သို့ ရောက်ရှိရန် တစထက်တစအားပျော့လာသည့် အနေအထားရောက်နေသည်ဟု အတိုက်အခံတို့ကယူဆ
သည်။ ထို့ကြောင့် ကုလသမဂ္ဂ၏ ကြားဝင်ဆောင်ရွက်မှုအပိုင်းကို စိစစ်ကြည့်ရမည်ဖြစ်သည်။

၂၀၀၈ ခုနှစ်အတွင်း မတ်လက တကြိမ် ယခု သြဂုတ်တွင်တကြိမ် မစ္စတာဂမ်ဘာရီ မြန်မာနိုင်ငံသို့ ၂ ကြိမ်လာ
ရောက်သည်။ ထိုခရီးစဉ်နှစ်ရပ်တွင် မြန်မာ့နိုင်ငံရေး ဖြေရှင်းဖို့ ကုလသမဂ္ဂ အတွင်းရေးမှူးချုပ်ကိုယ်စား စစ်အစိုး
ရကို မစ္စတာဂမ်ဘာရီ တင်ပြတောင်းဆိုခဲ့သည့် အချက်များကို အောက်ပါ ဇယားအတိုင်း နှိုင်းယှဉ်ကြည့်နိုင်၏၊

လာမည့် ဒီဇင်ဘာလအတွင်း အတွင်းရေးမှူးချုပ် ဘမ်ကီမွန်း မြန်မာနိုင်ငံလာရောက်၍ မြန်မာနိုင်ငံရေးကိစ္စ ဆောင်
ရွက်ရန် ဆိုသည့်အချက်သာ ယခုနောက်ဆုံးခရီးစဉ်တွင် အသစ်ပါလာပြီး ကျန်အချက်များမှာ ပြီးခဲ့သည့် မတ်လခရီး
စဉ်အတွင်း မြန်မာစစ်အစိုးရက မလိုက်လျောနိုင်ကြောင်း ငြင်းပယ်ခဲ့သည့် အချက်များသာဖြစ်သည်။

မြန်မာစစ်အစိုးရအပေါ် တောင်းဆိုမှု နှိုင်းယှဉ်ချက်
၂၀၀၈ ခုနှစ်ခရီးစဉ် (၂) ကြိမ်အတွင်း မစ္စတာ ဂမ်ဘာရီ၏ မြန်မာစစ်အစိုးရအပေါ် တောင်းဆိုမှု နှိုင်းယှဉ်ချက်

ဤတွင် မစ္စတာ ဂမ်ဘာရီ၏ ၂၀၀၈ ခု မတ်လ ခရီးစဉ်အတွင်း စစ်အစိုးရကို တင်ပြခဲ့သည့် အချက် (၅ ) ချက်ကို ပြန်ကြည့်ရန်လိုလာသည်။

၂၀၀၈ ခု မတ်လ ခရီးစဉ်၌ မစ္စတာဂမ်ဘာရီ တင်ပြချက် (၅) ချက်နှင့်ပတ်သက်ပြီး ပြန်ကြားရေးဝန်ကြီး ဗိုလ်မှူးချုပ်
ကျော်ဆန်းက မတ်လ (၇)ရက်၌ နိုင်ငံတော်ကာကွယ်ရေးတက္ကသိုလ် ဧည့်ရိပ်သာ၌ မစ္စတာဂမ်ဘာရီနှင့် မျက်နှာချင်း
ဆိုင် တွေ့ဆုံပြီး တချက်ခြင်းထောက်ပြ ငြင်းပယ်ခဲ့သည်။

ထိုစဉ်က ဂမ်ဘာရီတောင်းဆိုသည့် နိုင်ငံရေးအကျဉ်းသားများလွှတ်ရန်ကိစ္စနှင့်ပတ်သက်၍ နိုင်ငံရေးအကျဉ်းသားမရှိ
ကြောင်း၊ ဒေါ်အောင်ဆန်းစုကြည်အား ဖမ်းဆီးထားရခြင်းသည် တိုင်းပြည် အခြေအနေရှုတ်ထွေးအောင်ဖန်တီးပြီး ရုန်း
ရင်းဆန်ခတ်ဖြစ်အောင်ဆောင်ရွက်ခဲ့သဖြင့် ထိန်းသိမ်းထားခြင်းဖြစ်ကြောင်းနှင့် တိုင်းပြည်တည်ငြိမ်မှုကိုအထိပါးမခံနိုင်
ကြောင်း ဗိုလ်မှူးချုပ်ကျော်ဆန်း က ပြောကြားခဲ့သည်။

ထိုစဉ်က ဂမ်ဘာရီတောင်းဆိုသည့် ဒေါ်အောင်ဆန်းစုကြည်နှင့် ဆွေးနွေးရန်ကိစ္စသည်လည်း ထိပ်တိုက်ရင်ဆိုင်ရေး ၊
အလုံးစုံပျက်သုဉ်းရေး၊ စီးပွားရေးဖြတ်တောက်ရေးနှင့် အလုံးစုံပိတ်ဆို့ရေး (၄)ချက်ကိ စွန့်လွှတ်မှသာ ဒေါ်အောင်ဆန်း
စုကြည်နှင့်တွေ့ ဆုံမည်ဟု ဗိုလ်ချုပ်မှူးကြီးသန်းရွှေက ပြောထားပြီးဖြစ်ကြောင်း၊ ထိုအချက်များကို အန် အယ်လ်ဒီက
လုပ်ထားခြင်းမဟုတ်သဖြင့် မကြေညာဟု တုန့်ပြန်ခဲ့ခြင်းသည်။ ပိတ်ဆို့ရေး လက်နက်ပြန်သုံးမည်ဟု ခံယူထားခြင်း
ဖြစ်ကြောင်း ဗိုလ်မှူးချုပ်ကျော်ဆန်းက ဆိုပြန်သည်။

ပြီးခဲ့သည့် မတ်လခရီးစဉ်၌ မစ္စတာဂမ်ဘာရီ၏ ၀န်ထမ်းတဦးရန်ကုန်မှာ ရုံးဖွင့်ခွင့်ရရေးကိစ္စနှင့် ပတ်သက်၍မူ ရန်ကုန်
၌ ကုလသမဂ္ဂ လက်အောက်ခံအဖွဲ့အစည်းအများအပြားရုံးစိုက်ပြီး ဌာနေကိုယ်စားလှယ်များခန့်ထားပြီးဖြစ်၍ မလိုအပ်
ဟု ပြန်ကြားရေးဝန်ကြီးက တုန့်ပြန်ခဲ့သည်။

အဆိုပါ မတ်လခရီးစဉ်၌ပင် ကုလသမဂ္ဂ အကူအညီဖြင့် စီးပွားရေးလူမှုရေးဖြေရှင်းပေးရန် အမျိုးသား စီးပွားရေးဖိုရမ်
တခု တည်ထောင်ပေးမည်ဟု ကုလသမဂ္ဂ၏ကမ်းလှမ်းခဲ့သော်လည်း စီးပွားရေးပိတ်ဆို့မှုကြောင့်သာ ဖွံ့ဖြိုးတိုးတက်မှု
အခက်အခဲဖြစ်နေခြင်းဖြစ်ကြောင်း၊ စီးပွားရေးပိတ်ဆို့မှုကို ရုတ်သိမ်းအောင် ကူညီဆောင်ရွက်ပေးပါကပိုထိရောက်မည်
ဟု ဗိုလ်မှူးချူပ်ကျော်ဆန်းကငြင်းပယ်ခဲ့သည်။ စင်စစ် ကုလသမဂ္ဂက စီးပွားရေးပိတ်ဆို့ခဲ့ခြင်း မဟုတ်ဆိုသည့်အချက်
ကို ဗိုလ်မှူးချူပ် ကျော်ဆန်း သိပုံမရပေ။

ဖွဲ့စည်းပုံ အခြေခံဥပဒေရေးဆွဲရေးတွင် အားလုံးပါဝင်ရန်ကိစ္စသည်လည်းရေးဆွဲပြီးဖြစ်သဖြင့် မဖြစ်နိုင်တော့ဟု ဗိုလ်မှူး
ချုပ်ကျော်ဆန်းက ပြတ်ပြတ်သားသား ပြောသည်။

မစ္စတာဂမ်ဘာရီ၏ ယခုခရီးစဉ်၌ အခြေခံဥပဒေကိစ္စအစား အတွင်းရေးမှူးချုပ် ဘန်ကီမွန်း ဒီဇင်ဘာလတွင် မြန်မာနိုင်ငံ
လာရေးကိစ္စကို တောင်းဆိုထားသည်မှအပ စစ်အစိ်ုးရနှင့် နိုင်ငံရေး အပေးအယူညှိနှုင်းရန် အခြား မက်လုံး သို့တည်းမ
ဟုတ် ခြောက်လုံးများ အထူးတလည်ယူဆောင်လာနိုင်ခဲ့ခြင်း မရှိချေ။

မစ္စတာဂမ်ဘာရီ၏ ယခုခရီးစဉ် တောင်းဆိုချက် (၅)ရပ်စလုံးသည် ဖြစ်နိုင်ချေတချက်မှ မရှိကြောင်း နှင့် မစ္စတာဂမ်ဘာ
ရီ၏ (၅)ရက်ကြာခရီးစဉ်အတွင်း အမျိုးသားပြန်လည်သင့်မြတ်ရေး ကိစ္စဆွေးနွေးရန် အမျိုးသားဒီမိုကရေစီအဖွဲ့ချုပ်
(အန်အယ်လ်ဒီ) ခေါင်းဆောင်များအား ယမန်နေ့က မိနစ် (၂၀) ခန့်သာ အချိန်ပေးမှုကို အားရကျေနပ်မှုမရှိကြောင်း
အန်အယ်လ်ဒီ ကပြောသည်။

အန်အယ်လ်ဒီ ပြောရေးဆိုခွင့်ရှိသူ ဦးဥာဏ်ဝင်းက “ လောလောဆယ်တော့ ဖြစ်နိုင်တာ တချက်မှမရှိဘူး။ သူကကြိုး
စားမယ်သာပြောတယ်။ ကျနော်တို့က သူလုပ်နေတဲ့ဟာမှာ ဖြစ်နိုင်တာတခုမှ မတွေ့ဘူး။ ကုလသမဂ္ဂဆုံးဖြတ်ချက်ကို တကယ်အကောင်အထည်ဖော်နိုင်အောင် အင်တိုက်အားတိုက်လုပ်ဖို့လိုတယ်။ အိမ်ရှင်ကတွေ့စေချင်တဲ့လူနဲ့ပဲတွေ့၊
အိမ်ရှင်ပို့တဲ့ လူဆီပဲသွားနေလို့ ကတော့ အလုပ်မဖြစ်ဘူးထင်ပါတယ်”ဟုပြောသည်။

အန်အယ်လ်ဒီ ပြောရေးဆိုခွင့်ရှိသူ ဦးဥာဏ်ဝင်းက ဖြစ်နိုင်တာ တချက်မှမရှိဟု ပြောသော်လည်း မြန်မာ့နိုင်ငံရေး ဖြေ
ရှင်းဘို့အတွက် ဖြစ်နိုင်ခြေရှိသည့်အနေအထားမှ စတင်ပါမည်ဟု မစ္စတာဂမ်ဘာရီက အန်အယ်ဒီကို တချိန်က ကတိ
ပေးခဲ့ဘူးသည်။ အမျိုးသားရင်ကြားစေ့ရေးအတွက် တွေ့ဆုံဆွေးနွေးရေးက စတင်သင့်သည်ဟူ အန်အယ်ဒီဘက်က တင်ပြဆွေးနွေးရာမှာ ဖြစ်နိုင်ချေက စတင်နိုင်ဘို့ ကြိုးစာပါ့မယ်ဟု မစ္စတာဂမ်ဘာရီက မတင်မကျ ပြန်လည်ဖြေကြား
ခဲ့သည်။

အတွင်းရေးမှူးချုပ် ဘန်ကီမွန်းလာရောက်မည့်ကိစ္စသည်လည်း တကယ်တမ်းလာရောက်သည့် အချိန်မှသာ ထိရောက်
အောင်မြင်အောင် ဆောင်ရွက်နိုင်မည် မဆောင်ရွက်နိုင်မည်ဆိုသည် ကိုသိရမည်ဖြစ်ပြီး ယခုပြောရန်စောသေးသည်ဟု ဦးဥာဏ်ဝင်းကပြောသည်။

သို့သော် ၀ါရင့်နိုင်ငံရေးသမားကြီး ဦးမင်းလွင်ကမူ မစ္စတာဂမ်ဘာရီတောင်းဆိုသည့် အချက် (၅)ချက်စလုံးသည် တိုင်း
ပြည် တွင်ကြုံတွေ့နေရသည့် အခက်အခဲအကျပ်အတည်းများအား ဖြေရှင်းရန် မဖြစ် မနေ လုပ်ဆောင်ရမည့် အခြေခံအ ချက်များဖြစ်သည်ဟု ယူဆသည်။

၎င်းက “ဖြစ်နိုင်ခြေကတော့ နအဖက လုပ်မလားမလုပ်ဘူးလားအပေါ်မှာပဲမူတည်တယ်။ နအဖက လုပ်မှသာလျှင်ဒီ (၅)
ချက်စလုံးကဖြစ်မှာ။ အန်ကယ်လ်တို့လုပ်လို့မရဘူး။ အန်အယ်လ်ဒီလုပ်လို့ မရဘူး။ ဒေါ်အောင်ဆန်းစုကြည်လုပ်လို့မရဘူး
နအဖက တကယ်တမ်း တိုင်းပြည်နဲ့ ပြည်သူလူထု အကျိုးကို ရှေးရှုပြီးတော့ လုပ်မှသာလျှင် ဒီအချက်တွေက ပြည့်စုံမယ်
လို့ ယုံကြည်တယ်။ ဒီချက်တွေက လောလောဆယ်မလုပ်လို့မဖြစ်တဲ့ အချက်တွေချည်းပဲ။ အဲဒါမလုပ်ရင် တိုင်းပြည်ဟာ
ဘယ်တော့မှ မတည်ငြိမ်နိုင်ဘူး။ ဒီမိုကရေစီနိုင်ငံလည်းမဖြစ်နိုင်ဘူး။ စီးပွားရေးဖွံ့ဖြိုး တိုးတက်မှု လည်းမဖြစ်နိုင်ဘူး။ အမျိုးသားစည်းလုံးညီညွတ်ရေးဆိုတာလည်း မဖြစ်နိုင်ဘူး” ဟုပြောသည်။

လက်တွေ့အခြေအနေအရ ကုလသမဂ္ဂ၏တောင်းဆိုချက်များကို မြန်မာစစ်အစိုးရဘက်က လိုက်လျောမည့် အရိပ်အ
ယောင်မမြင်ရဘဲ ဖွဲ့စည်းပုံအခြေခံဥပဒေ လူထုဆန္ဒခံယူပွဲရလဒ်ကိုကိုင်စွဲ၍ ၂၀၁၀တွင် ရွေးကောက်ပွဲသစ်ဆီသို့ လမ်း
ပြ မြေပုံအတိုင်းချီတက်ရန် ပြင်ဆင်အားထုတ် နေ သည်။

ကုလသမဂ္ဂအနေဖြင့် အထွေထွေညီလာခံဆုံးဖြတ်ချက်များအတိုင်း တွေ့ဆုံဆွေးနွေးရေး၊ နိုင်ငံရေးအကျဉ်းသားများ
လွှတ်ပေးရေး၊ ၁၉၉၀ ရွေးကောက်ပွဲရလဒ် အကောင် အထည်ဖော် ပေးရေးတို့ကို ကိုင်စွဲ၍ ပြတ်ပြတ်သားသား လုပ်
ဆောင်သည်ကို ဒီမိုကရေစီရေးလှုပ်ရှားသူတို့ ကလိုလားတောင့်တသော်လည်း ၂၀၁၀ ရွေးကောက်ပွဲသည် လွတ်လပ်
၍ တရားမျှတမှုရှိရန်လိုအပ်သည်ဟု မစ္စတာ ဂမ်ဘာရီက ယခူခရီးစဉ်အတွင်း လေသံပစ်နေသဖြင့် အတိုက်အခံဘက်
က ဘ၀င်မကျဖြစ်နေသည်။

ဒေါ်အောင်ဆန်းစုကြည်အနေနှင့် မစ္စတာဂမ်ဘာရီအား ယမန်နေ့က အဘယ်ကြောင့် လက်ခံ မတွေ့ဆုံရသနည်း ဆို
သည်မှာလည်း ပဟေဌိ ဖြစ်နေသည်။ ကျန်းမာရေး ခြေအနေကြောင့်လော၊ မစ္စတာဂမ်ဘာရီ နှင့် ကုလသ မဂ္ဂအပေါ် မျှော်လင့်ချက်မထားသည့်သဘောလော၊ သို့တည်းမဟုတ်အခြား အခြေ အနေတရပ်ရပ် ကြောင့်လောဆိုသည်မှာ မေးခွန်းထုတ်စရာဖြစ်နေသည်။

ကုလသမဂ္ဂကိုယ်စားလှယ် တစ်ယောက်ပြီး တစ်ယောက်ပြောင်းကာ မြန်မာနိုင်ငံသို့ အကြိမ်ကြိမ် အခါခါ သွားရောက်
၍ ညှိနှိုင်းပြီး အောင်မြင်မှုမရသည့်အဆုံး နောက်ဆုံးကြိုးပမ်းသည့်အနေဖြင့် ယခုနှစ်ကုန်ပိုင်းတွင် ကုလသမဂ္ဂ အတွင်း
ရေးမှူးချုပ် ကိုယ်တိုင် မြန်မာနိုင်ငံ သွား ရောက်ရန် ကုလသမဂ္ဂက စဉ်းစားနေခြင်းဖြစ်နိုင်သည်။

သို့ သော် စစ်အစိုးရအား မစ္စတာ ဂမ်ဘာရီ တင်ပြမည့် အချက် (၅ ) ချက်သည် ဂမ်ဘာရီ တဦးတည်း၏ ကိုယ်ပိုင်
ဆုံးဖြတ်များ မဟုတ်ဘဲ ကုလသမဂ္ဂကို ကိုယ်စားပြုထားသည့် တနည်းပြောရလျှင် အတွင်းရေးမှူးချုပ် ဘန်ကီမွန်း သဘောတူထားသည့် အချက် (၅) ချက်ဟု ပြောနိုင်သည်။ သို့ဖြစ်၍ ဘန်ကီမွန်း လာရောက်ပါကလည်း ထူးထူး
ခြားခြား မြန်မာ့နိုင်ငံရေး ဖြေရှင်းပေးနိုင်မည့် အချက်မျိုး ပါလာလေမလားဆိုသည်မှာ မရေရာဟု ယူဆသူတို့လည်းရှိ
သည်။

အတွင်းရေးမှူးချုပ် ကိုယ်တိုင် သံတမန်နည်းဖြင့် ကိုင်တွယ်၍မရသည့်အဆုံးမြန်မာပြဿနာကို လုံခြုံ ရေးကောင်စီက
တိုက်ရိုက်ကိုင်တွယ် ရန် အတွင်းရေးမှူးချုပ်က တိုက်ရိုက်တာဝန် ပေးအ ပ်ခြင်း ရှိလာနိုင်ကြောင်း၊ အတွင်းရေးမှူးချုပ် ကိုယ်တိုင်တောင်းဆိုလာပါက ဗီတိုအာဏာသုံး၍ ကန့် ကွက်လေ့ရှိသည့် တရုတ်နှင့် ရုရှတို့အနေဖြင့် သဘောထား ပျော့ပြောင်းလာနိုင်ကောင်းရဲ့ဟု မျှော်လင့် သူတို့ကလည်း မျှော်လင့်ကြသည်။

သို့ သော် ပကတိဖြစ်ရပ်များကို အခြေခံပြီးကြည့်လျှင် ၂၀၀၈- ၂၀၀၉ ခုနှစ်အတွင်း မြန်မာနိုင်ငံ၌ နောက်ထပ် လူထု
အုံကြွမှုတရပ်ဖြစ်ပြီး လက်ရှိ စစ်အစိုးရကို ဖြုတ်ချနိုင်ဘို့ အလားအလာမရှိဟု ၂၀၀၈ ခု သြဂုတ်လထုတ် လန်ဒန် အ
ခြေစိုက် အီးအိုင် ယူမဂ္ဂဇင်းကြီးက သုံးသပ်ထားသည်။

ထိုမျှမက ငြိမ်းချမ်းစွာ ဆန္ဒပြမှုကို စစ်တပ်က အကြမ်းပတမ်း ဖြိုခွဲသည့် အရေးအခင်းမျိုး ၂၀၀၈- ၂၀၀၉ ခုနှစ်အတွင်း ထပ်ပေါ်သည့်တိုင် မြန်မာကို ဒဏ်ရန်ကြိုး စားသည်နှင့် တရုတ်က ဗီတိုသုံးရန်များသည့်အတွက် ပြည်ပအင်အားစုတ
ရပ်ရပ်က ၀င်ရောက်စွက်ဘက်ဖို့ အလားအလာလည်း မရှိကြောင်း အီးအိုင်ယူက ဆက်လက်ထောက်ပြသည်။

မကြာခင်က စစ်တပ်တွင်း အပြောင်းအလဲများကြောင့် အာဏာချိန်ခွင်လျှာ အပြောင်းအလဲ ဖြစ်လေမလား မှန်းဆခဲ့
သော်လည်း ဗိုလ်ချုပ်မှူးကြီးသန်းရွှေက ထိန်းချုပ်ထားနိုင်သည့်ပုံ ရှိနေပြီး ထိပ်ပိုင်း ဗိုလ်ချုပ်များအကြား နားလည်မှု
ရထားပုံလည်း ပေါ်သည်ဟု အီးအိုင်ယူ မဂ္ဂဇင်းက ယူဆသည်။ အီးအိုင်ယူ၏ ၂၀၀၈-၂၀၀၉ မြန်မာ့နိုင်ငံရေး ခန့်မှန်း
ချက်အရ စစ်အစိုးရသည် အာဏာကို ဆက်လက်ချုပ်ကိုင်ထားဦးမည်ဟု မှတ်ချက်ပေးထားသည်။

အန်အယ်ဒီက ကုသမဂ္ဂအပေါ် ယုံကြည်မှု ကျဆင်းလာသည့်အချက်၊ ကုလသမဂ္ဂဘက်က စစ်အစိုးရအား ဆွဲဆောင်
နိုင်မည့် အစီအစဉ် နည်းပါးလာသည့်အချက်၊ စစ်အစိုးရ ဘက်က ၄င်း တို့ မျက်ကန်းတောတိုးယုံကြည် ထားသည့်
Road Map အတိုင်း ဇွတ်တိုးရန် သေချာနေသည့် အချက်၊ လုံခြုံရေးကောင်စီက မြန်မာနိုင်ငံအပေါ် ဒဏ်ခတ်ရန်
အခွင့်အလမ်း နည်းပါးသည့် အချက်၊ အန်အယ်ဒီနှင့် မဆွေးနွေးနိုင်ကြောင်း စစ်အစိုးရဘက်က အကြိမ်ကြိမ် ပြော
ဆိုထားသည့်အချက်များသည့် မြန်မာ့နိုင်ငံရေးပြေလည်ရန် အားရစရာအခြေအနေမရှိသည်မှာ အမှန်ဖြစ် သည်။

ထိုအချက်များကို ထောက်ရှုပါလျှင် မြန်မာ့နိုင်ငံရေး ပြေလည်စေရန် အတွက် ပြည်ပအင်အားစု သို့ မဟုတ် ကုလသ
မဂ္ဂကဲ့သို့ အဖွဲ့မျိုး၏ ကြိုးပမ်းချက်ဖြင့် အောင်မြင်ရန် အလားအလာမှာ မှေးမှိန် ပျောက်ကွယ်လုဖြစ်နေပြီ ဟု ယူဆနိုင်
သည်။

ထို့ ကြောင့် မြန်မာ့နိုင်ငံရေးပြဿနာ ကို ဖြေရှင်းရန်အတွက် အပြောင်းအလဲကိုလိုလားသည့် မြန်မာပြည်သူလူထုက
သာ ပြေလည်အောင် ဖန်တီးကိုင်တွယ်ဖြေရှင်းရမည်ဆိုသည့်အချက်မှာ ပို၍ပို၍ ထင်ရှားနေပြီဖြစ်သည်။


ပါကစ္စတန် အာဏာရှင် ဗိုလ်ချုပ်ကြီး မူရှရတ် ထွက်တော်မူ နန်းကခွာပြီ - ကိုဝိုင်း (နိုင်ငံတကာရေးရာ သုံးသပ်ချက်)


- (၂၀-၈-၂၀၀၈)
ပါကစ္စတန်နိုင်ငံကို (၉) နှစ်ခန့် အုပ်ချုပ်ခဲ့ပြီး ပါကစ္စတန်ဖွဲ့စည်းပုံအခြေခံဥပဒေကို နှစ်
ကြိမ်တိုင်ဖျက်ခဲ့သူ အာဏာရှင် ဗိုလ်ချုပ်ကြီး ပါဗက်မူရှရတ် သမ္မတရာထူးမှ နှုတ်ထွက်
သွားပြီဖြစ်ပြီး လစ်လပ်သွားသည့် သမ္မတနေရာကို အစားထိုးရွေးချယ်ရန် အတိုက်အခံ
ညွန့်ပေါင်းအစိုးရ ခေါင်းဆောင်များအကြား အစည်းအဝေးများ ကျင်းပနေသည်။

မူရှရတ်သည် ၎င်း၏ ပြိုင်ဖက်များဖြစ်ကြသည့် ပါကစ္စတန်ပြည်သူ့ပါတီခေါင်းဆောင် အ
ဆစ် အလီ ဇာဒရီနှင့် ပါက စ္စတန် မူဆလင်အဖွဲ့ချုပ် (အန်) ခေါင်းဆောင် န၀တ်ရစ်တို့
ဦးဆောင်၍ ၎င်းအား နိုင်ငံတော်သစ္စာဖောက်၊ ဖွဲ့စည်းအုပ်ချုပ်ပုံကို ချိုးဖောက်သူအဖြစ်
ပါလီမန်အတွင်းဖွင့်ချအဆိုပြုရန် မပြုလုပ်မီ တရက်အလို၌ နုတ်ထွက်သွားခြင်းဖြစ်သည်။

နိုင်ငံရေးအကြံပေးများ၊ မဟာမိတ်များနှင့်တိုင်ပင်ပြီးနောက် ယခုကဲ့သို့ နုတ်ထွက်လိုက်
ခြင်းဖြစ်ပြီး၊ ၎င်းအနေဖြင့် အပြစ်တစုံတရာကျူးလွန်ခဲ့ခြင်းမရှိကြောင်း၊ မိမိကိုယ်မိမိ ပါက
စ္စတန်ပြည်သူများ၏ ဆုံးဖြတ်ချက်အတွင်း အပ်နှံထားလိုက်ပြီ ဖြစ်ကြောင်း နိုင်ငံတ၀န်းသို့
ထုတ်လွှင့်သည့် ရုပ်သံမှ တဆင့် မူရှရတ်ကပြောသည်။

မူရှရတ်သည် ပါကစ္စတန်တပ်မတော်တွင် ဗိုလ်ချုပ်ကြီးရာထူးရထားစဉ် (၁၉၉၉)ခု၌ ရွေး
ကောက်ခံဝန်ကြီးချုပ်န၀တ်ရှရစ်ထံမှ စစ်တပ်အားကိုးဖြင့် အာဏာသိမ်းခဲ့ပြီးနောက် န၀တ်
ရှရစ်ကို ပြန်ပေးမှု၊ အကြမ်းဖက်မှုများဖြင့်စွပ်စွဲ၍ထောင် ဒဏ်တသက်ချခဲ့သည်။ (၂၀၀၀)
ခုနှစ်ကုန်ပိုင်း၌ စစ်အာဏာပိုင်များ၏ လွတ်ငြိမ်းခွင့်ရခဲ့သည့် န၀တ်ရှရစ်သည် ပြည်ပ၌ ခို
လှုံနေထိုင်ခဲ့ရသည်။

အာဏာသိမ်းခေါင်းဆောင် ဗိုလ်ချုပ်ကြီး မူရှရတ်သည် နိုင်ငံရေးအာဏာ ဆက်လက်ဆုပ်
ကိုင်ထားနိုင်ရေးကို နည်းအမျိုးမျိုးဖြင့် ကြိုးစားခဲ့သူလည်းဖြစ်သည်။ အာဏာသိမ်းပြီးသည်
နှင့်နိုင်ငံတော်နှင့် ပြည်နယ်ဆိုင်ရာ ဥပဒေပြု လွှတ်တော်များကို ဖျက်သိမ်းခဲ့ပြီးနောက်
(၂၀၀၁) ခုတွင် မိမိကိုယ်မိမိ သမ္မတအဖြစ်ကြေညာခဲ့သည်။ ၎င်းအာဏာသိမ်းမှုနှင့်သမ္မတ
အဖြစ်ကြေညာမှုကို ဆန့်ကျင်မှုများရှိခဲ့သဖြင့် အဆိုပါနှစ်မေလအတွင်း၌ တရားရုံးချုပ်က
ရွေးကောက်ပွဲကျင်းပပေး ရန် အမိန့်ထုတ်ပြန်ခဲ့သဖြင့် (၂၀၀၂) ခုတွင် ရွေးကောက်ပွဲကျင်
းပပြီး သမ္မတအဖြစ် ဆက်လက် အုပ်ချုပ်နိုင်ခဲ့သည်။

(၂၀၀၁) ခုစက်တင်ဘာ၌ အမေရိကန်နိုင်ငံ အကြမ်းဖက်တိုက်ခိုက်မှုခံရပြီးနောက်ပိုင်း အာ
ဖကန် နစ္စတန်နိုင်ငံရှိ အယ်ကွေးဒါးနှင့် တာလီဘန်တို့ကို တိုက်ခိုက်ရာတွင် အရေးပါသည့်
ပါကစ္စတန်အပေါ်ချမှတ်ထားသည့် ပိတ်ဆို့ထားမှုများကို အမေရိကန် သမ္မတ ဘုရ်ှက ဖယ်
ရှားပေးခဲ့ပြီး စစ်ရေးအရအထောက်အပံ့များပြုလုပ်လာသည့်အတွက် ပါကစ္စတန်နိုင်ငံအတွင်း
အကြမ်းဖက်မှုများကူးစက်ပျံနှံလာခဲ့သည်။ လူပေါင်းရာချီသေဆုံးခဲ့သော ဗလီနီတိုက်ခိုက်မှုနှင့်
စစ်တပ်ဗဟိုဌာနချုပ်အဆောက်အဦများ တိုက်ခိုက်ခံရမှုတို့ ပေါ်ပေါက်ခဲ့သည်။ မူရှာရတ်ကိုယ်
၌ပင် လုပ်ကြံမှုမှလွတ်မြောက်ခဲ့သူဖြစ်သည်။ ယင်းအခြေအနေများကို ထိရောက်စွာ ကိုင်တွယ်
ဖြေရှင်းမှုများ မလုပ်နိုင်ခဲ့သဖြင့် ပြည်တွင်း၌ မူရှရတ်အားထောက်ခံမှုများ ကျဆင်းလာခဲ့သည်။

အဏုမြူလက်နက်ကို စမ်းသပ်နိုင်ခဲ့သူ မူရှရတ်၏ အာဏာကို အင်နှင့်အားနှင့် စတင် စတင်စိန်
ခေါ်ခဲ့သည့် ကာလမှာ ယမန်နှစ် မတ်လတွင် နိုင်ငံတော်ဆူပူရေးကြိုးပမ်းနေသည်ဟု အကြောင်း
ပြ၍ နိုင်ငံတော် တရားသူကြီးချုပ် မိုဟမ်းမက် ချောင်ဒရီအား ရာထူးမှအနားပေးလိုက်ခြင်းပင်
ဖြစ်သည်။ ပြည်ပတွင်ခိုလှုံနေရသည့် ၀န်ကြီးချုပ်ဟောင်းများဖြစ်ကြသော ဘနာဇီယာ ဘူတို၏
ပါကစ္စတန်ပြည်သူ့ပါတီနှင့် န၀တ်ရှရစ်၏ ပါကစ္စတန် မူဆလင်အဖွဲ့ချုပ် (အန်) ပါတီတို့အပါအ၀င်
ရှေ့နေအမြောက်အများက ဆန့်ကျင်ကန့်ကွက်ဆန္ဒပြမှုများ ဆက်တိုက်ပြုလုပ်ခဲ့ကြသဖြင့် ဇူလိုင်
လတွင် တရားရုံးချုပ်က မစ္စတာချောင်ဒရီအား ပြန်လည် ခန့်အပ်ခဲ့သည်။

သို့သော် အခြေအနေများဆက်လက် တင်းမာလာသဖြင့် ယမန်နှစ် ဇူလိုင်တွင် မူရှရတ်နှင့် မစ္စ
ဘူတိုတို့ ပြည်ပ၌ အာဏာခွဲဝေရေးအတွက် လျို့ဝှက်ဆွေးနွေးမှုများပြုလုပ်ခဲ့သည်။ အောက်တို
ဘာတွင် မစ္စဘူတို ပါကစ္စတန်သို့ ပြန်လည်ရောက်ရှိလာပြီး လုပ်ကြံရန်ကြိုးစားမှုနှင့် ကြုံတွေ့ခဲ့
ရသည်။

ယင်းကို အခွင့်ကောင်းယူ၍ ပါလီမန်အတွင်း သမ္မတရွေးကောက်ပွဲ၌ အနိုင်ရခဲ့သော်လည်း စစ်
တပ်အကြီးအကဲရာထူးရယူထားသူအနေဖြင့် သမ္မတတာဝန်ထမ်းဆောင်ရန် ဖွဲ့စည်းပုံအရ မဖြစ်
နိုင်သဖြင့် မူရှရတ်က နိုင်ငံတော် အရေးပေါ်အခြေအနေ ကြေညာပြီး တရားရုံးချုပ်က မစ္စတာ
ချောင်ဒရီကိုလည်း ထပ်မံအနားပေးခဲ့သည့်အပြင် မစ္စဘူတိုကိုလည်း နေအိမ်အကျယ်ချုပ် ခေ
တ္တချခဲ့သည်။ ထို့နောက် ကြားဖြတ်အစိုးရကတက်လာပြီးမကြာမီ မူရှရတ်က စစ်တပ်အကြီးအ
ကဲရာထူးမှ နှုတ်ထွက်၍ ဒုတိယအကြိမ် သမ္မတသက်တမ်းအတွက် ကျမ်းကျိန်ခဲ့သည်။ ယခုနှစ်
ဆန်း (၈) ရက်၌ ရွေးကောက် ပွဲကျင်းပရန် ပါကစ္စတန် ရွေးကောက်ပွဲကော်မရှင်ကကြေညာခဲ့
သည်။ ဒီဇင်ဘာ ၁၅ တွင် အရေးပေါ်အခြေအ နေရုတ်သိမ်းလိုက်သည်။

ယင်းလ ၂၇ ရက်တွင် ရာဝါပင်ဒီမြို့၌ ရွေးကောက်ပွဲမဲစွယ်စည်းရုံးနေသော မစ္စဘူတို လုပ်ကြံခံ
ရသဖြင့် တလရွှေ့ဆိုင်း လိုက်ပြီးမှ ကျင်းပနိုင်ခဲ့သည့် ရွေးကောက်ပွဲ၌ မူရှရတ်အားထောက်ခံ
သည့် ပါကစ္စတန်မူဆလင်အဖွဲ့ချုပ် (ဂျူ) အဖွဲ့ကို အတိုက်အခံပါတီများဖြစ်ကြသော ပါကစ္စတန်
ပြည်သူ့ပါတီနှင့် ပါကစ္စတန် မူဆလင်အဖွဲ့ချုပ် (အန်) တို့က မဲအအပြတ်အသတ် ဖြင့်အနိုင်ရခဲ့
ပြီးနောက် ညွန်ပေါင်းအစိုးရဖွဲ့နိုင်ခဲ့ပြီး ပါကစ္စတန်ပြည်သူ့ပါတီက အဆိုတင်သည့် ယူဆွတ်ရာ
ဇာ ဂီလာနီ ၀န်ကြီး ချုပ်ဖြစ်လာသည်။

ယင်းနောက် ယခုလတွင် သမ္မတမူရှရတ်အား နိုင်ငံတော်သစ္စာဖောက်၊ ဖွဲ့စည်းအုပ်ချုပ်ပုံကို ချိုး
ဖောက်သူအဖြစ်တရားစွဲရန် အဆိုပါ အစိုးရပါတီကြီးနှစ်ခုအကြား သဘောတူခဲ့ကြခြင်းဖြစ်သည်။
ယခုအခါ ယင်းပါတီကြီး နှစ်ခုအကြား သမ္မတနေရာ အစားထိုးရန်နှင့် မူရှရတ်ဖြုတ်ချခဲ့သည့် တ
ရားသူကြီးချုပ်ချောင်ဒရီကို ပြန်လည် ခန့်အပ်ရေးတို့ အတွက် ဆွေးနွေးပွဲများ ကျင်းပနေပြီဖြစ်
သည်။

ထိုသို့ ဆွေးနွေးကြရာတွင် သဘောထားကွဲလွဲမှုများ ရှိနေသဖြင့် သမ္မတမူရှရတ်၏ ရှေ့ရေးမှာ
လည်း မသေမချာဖြစ်နေသည်။ မစ္စတာ ဇာဒရီဦးဆောင်သော ပါကစ္စတန်ပြည်သူ့ပါတီက မူရှာ
ရတ်အနေဖြင့် တရားစွဲဆိုခြင်းမှ အကာအကွယ်ရသင့်သည်ဟုပြောနေပြီး န၀တ်ရှရစ် ဦးဆောင်
သည့် ပါကစ္စတန်မူဆလင်အဖွဲ့ချုပ် (အန်) ကမူ တရားရင်ဆိုင်သင့်သည်ဟု ယူဆနေသည်။

မူရှရတ်ရာထူးမှ နှုတ်ထွက်သွား၍ အောင်မြင်မှု တစုံတရာရသည်ဟု ယူဆနိုင်သော်လည်း အဆို
ပါ ပါတီကြီးနှစ်ခု ဦးဆောင်သည့် အစိုးရအသစ် အနေဖြင့် ရင်ဆိုင်ရမည့် အခြား စိန်ခေါ်မှုများ
လည်းရှိနေသေးသည်။ ၎င်းတို့မှာစီးပွားရေးကျဆင်းနေမှု၊ နိုင်ငံအနောက်မြောက်ဖက်ရှိ အာဖ
ကန်နစ္စတန်နယ်စပ် တောင်ပေါ်ဒေသများ၌ စစ်သွေးကြွများ၏ ခြိမ်းခြောက်မှု၊ မူရှာရတ် လက်
ထက် ထောက်လှမ်းရေးဌာနများ၏ ဖမ်းဆီးခြင်းခံထားရသည့် နိုင်ငံရေးတက်ကြွ လှုပ်ရှားသူများ
အရေး၊ စစ်တပ်အား အရပ်ဖက်အစိုးရ၏ စီမံမှုအောက်တွင်ထားရှိနိုင်ရေး၊ အကြမ်းဖက်ဆန့်ကျင်
ရေးလှုပ်ရှားမှုတွင် ထိရောက်စွာပါဝင်ရန် အမေရိကန်အပါအ၀င် အနောက်နိုင်ငံများ၏ဖိအားပေး
မှုကို ရင်ဆိုင်ဖြေရှင်းရေး တို့ပင်ဖြစ်သည်။

စာရင်းချုပ်လျှင် ဗိုလ်ချုပ်ကြီး မူရှရပ်ကို ပုံစံအမျိုးမျိုးနှင့် ပါကစ္စတန်ပြည်သူတွေ သတိရဘုိ့အ
ကြောင်းတွေရှိသည်။ ရွေးကောက်တင်မြှောက်ထားသည့် အစိုးရကို အာဏာသိမ်းခဲ့သူ၊ ပါကစ္စ
တန်ကို အိန္ဒိယနှင့်စစ်ဖြစ်လုနီးပါး ဒုက္ခပေးခဲ့သူ၊ အမေရိကန်ဦးဆောင်သည့် အကြမ်းဘက်မှုစစ်
ဆင်ရေးတွင် အဓိကအခန်းကပါခဲ့သူစသဖြင့် အမျိုးမျိုး သတိရနိုင်မည့်သူ ဖြစ်သည်။

မူရှရပ်သည် အတိုက်အခံခွင့်မပြုခဲ့သူဖြစ်သကဲ့သို့ အရေးပါသည့် နိုင်ငံတော်အဖွဲ့အစည်းများကို
အားနည်းအောင် လုပ်ခဲ့သူ လည်းဖြစ်သည်။ နောက်ဆုံး မိမိကိုယ်မိမိ အလွန်တော်သူ အမှားမရှိ
သူအဖြစ် ဘ၀င်မြင့်သည့်အဖြစ်ကိုရောက်သွားသည်ဟုပင် အဝေဖန်ခံရသည်ထိ ဖြစ်ခဲ့သည်။ မူရှ
ရပ်သည်လူတန်းစာအလွှာမျိုးစုံကို စစ်တပ်သြဇာလွှမ်းမိုးမှုဖြစ်အောင် အားပေးခဲ့သူဖြစ်သည်။ အ
မျိုးသားတွေကို ယူနီဖောင်းဝတ်ထားမှသဘောကျသူဖြစ်သည်။ စစ်တပ်ကလွဲပြီး အရပ်ဘက်အဖွဲ့
အစည်းတွေကို အထင်သေးလွန်းသည့်အတွက် ငြိုငြင်သည့် ပြည်သူတွေလည်းမရှား။

အမေရိကန်သံတမန်များ၊ ဗြိတိသျှသံတမန်များ၊ ဆော်ဒီသံတမန်များနှင့် ပါကစ္စတန်ဗိုလ်ချုပ်ကြီး
များအပြင်းအထန်ညှိုနှိုင်းအပြီး သမ္မတမူရှရပ် နှုတ်ထွက်သွားခြင်းဖြစ်သည်ဟုလည်း ပါကစ္စတန်
သတင်းတွေက ရေးသည်။ မူရှရပ်အနေနှင့် သမ္မတရာထူးက နှုတ်ထွက်ပြီးသည့်တိုင် သမ္မတ
လက်ထက်က လုံခြုံရေးအဆင့်အတန်း ရလိုသည့် ဆန္ဒရှိသည်။ သို့သော် စစ်သွေးကြွတွေ သတ်
လိုသည့် စာရင်းမှာ မူရှရပ်က ထိပ်ဆုံးကဖြစ်နေသည့်အတွက် ပါကစ္စတန်က အချိန် အတိုင်းအ
တာတခုထိ ထွက်ခွာသွားနိုင်သည်ဟုလည်း ထင်ကြေးပေးကြသည်။


နာဂစ်မှ နလန်ထူလာနိုင်ပြီဖြစ်သော်လည်း စိတ်ပိုင်းဆိုင်ရာ အမာရွတ်များထင်ကျန်ဆဲ



သတင်းထောက် ဘာတင်ဘိုလက်/၂၁ သြဂုတ် ၂၀၀၈-
မေလ (၂) ရက်နေ့တွင် တိုက်ခတ်ခဲ့သော နာဂစ်မုန်တိုင်း
ဒဏ်ခံရသည့် သွားရောက်ရန်ခက်ခဲသည့် ဒေသများသို့ စားရေရိက္ခာများ သယ်ဆောင်ပို့ပေးနေခြင်း၊ ရေဆိုးနှုတ်စ
နစ်များ ပြုလုပ်ပေးခြင်း၊ ကျန်းမာရေးစောင့်ရှောက်မှုများ ပြုလုပ်ပေးခြင်းတို့ကို ကယ်ဆယ်ရေးလုပ်သားများမှ ရုန်း
ကန်ကူညီပေးနေဆဲ ဖြစ်သည်။

သို့ရာတွင် မုန်တိုင်း၏ အခြားရလဒ်တခုဖြစ်သည့် မုန်တိုင်းကာလအတွင်း မိမိ မိသားစုဝင်များ၊ အိမ်နီးနားချင်းများ ရေနစ်သေဆုံးသွားရသည်ကို မြင်ခဲ့ရသူတို့၏ စိတ်ပိုင်းဆိုင်ရာ ပြဿနာများဆီ ကယ်ဆယ်ရေးများ အာရုံစိုက်နေရ
သည့် အခြေအနေသို့ ရောက်ရှိလာပြီဖြစ်သည်။

မုန်တိုင်းအထိနာဆုံးသော ရွာများတွင်ရေကူးသန်မြန်သူများသာ ရှင်ကျန်ရစ်ပြီး အမျိုးသမီးအများစုနှင့် ကလေး
သူငယ်များစွာမှာ သေဆုံးကြရသည်။ ကျန်ရစ်သူအချို့သည် မုန်တိုင်းဖြစ်ချိန်အတွင်းကြုံတွေ့ရမှုများကြောင့် သော
ကများဖိစီးကာ စိတ်ဓာတ်ကျခြင်း၊ စိုးရိမ်ကြောင့်ကြခြင်း၊ အိပ်မပျော်ခြင်းစသည့် ဝေဒနာများခံစားနေကြရသည်။

မြန်မာနိုင်ငံရှိ မုန်တိုင်းသင့် ဒုက္ခသည်များကို “လူမှုစိတ်ဓာတ် ထောက်ပံ့မှု” ပေးနေသည့် အဖွဲ့အစည်းများထဲတွင်
နိုင်ငံတကာ ကြက်ခြေနီအဖွဲ့နှင့် လခြမ်းနီအဖွဲ့များမှ ကျန်းမာရေးလုပ်သားများလည်း အပါအ၀င်ဖြစ်သည်။

မုန်တိုင်းမတိုင်မီကတည်းက မြန်မာနိုင်ငံထဲတွင် ရှိနေသည့် နယ်ခြားမဲ့ဆရာဝန်များအဖွဲ့က ဝေးလှမ်းလှသော နေ
ရာများသို့သွားလိုလျှင် လှေကြီးကြီးလိုအပ်ပြီး ရေလမ်းကြောင်းများမှာလည်း ရှုပ်ထွေးများမြောင်လှကာ ကပ်းကပ်
နိုင်သည့် လှေဆိပ်များမှာလည်း မုန်တိုင်းကြောင့် ပျက်စီးသွားသည်ကများသည်ဟု ပြောသည်။

လှေသမားများသည် ရာသီဥတုဆိုးဝါးသည့် အခါမျိုးများတွင် လမ်းခရီး၌ နောက်ထပ်မုန်တိုင်းတခု ကြုံမည်ကို စိုးရိမ်
ထိတ်လန့်ပြီး ခရီးဝေးများ လိုက်ပို့ရန် ငြင်းဆန်တတ်ကြသည်ဟုလည်း နယ်ခြားမဲ့ဆရာဝန်များအဖွဲ့မှ ရေးသားထား
သည့် အစီရင်ခံစာ တစောင်ထဲတွင် ဖော်ပြထားသည်။

သို့ရာတွင် ကြောက်ရွံ့ထိတ်လန့်နေကြသော “ဒုတိယ ကပ်ဘေး” ဖြစ်သည့် ကူးစက်ရောဂါများ ဖြစ်ပွားခြင်း မရှိခဲ့ပေ။

စစ်အစိုးရသည် ကနဦးက နိုင်ငံတကာ ကယ်ဆယ်ရေးကျွမ်းကျင်သူများနှင့် ကယ်ဆယ်ရေးထောက်ပံ့ပစ္စည်းများကို ငြင်းဆန်ထားသောကြောင့် မုန်တိုင်းသင့်ဒေသများတွင် အရာရှိများက ကူးစက်ရောဂါ အန္တရာယ်နှင့် ပတ်သက်ပြီး
သတိပေးခြင်းများ ပြုလုပ်ခဲ့သည်။ ထိုငြင်းဆန်မှုကြောင့် ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းက
မုန်တိုင်းတိုက်ပြီး ရှစ်ရက်အကြာတွင် စစ်အစိုးရအား ပြစ်တင်ရှုံ့ချကာ “လူသားချင်းစာနာထောက်ထားရမည့် အကြပ်
အတည်းကြီးအား တုံ့ပြန်မှုမှာ လက်မခံနိုင်စရာကောင်းလောက်အောင် နှေးကွေးလွန်းသည်” ဟု ဆိုခဲ့သည်။

ထိုနောက်ပိုင်းမှသာ စစ်အစိုးရသည် နိုင်ငံတကာအကူအညီများအတွက် ဖြည်းဖြည်းချင်း တံခါးများဖွင့်ပေးလာခြင်း
ဖြစ်သည်။

ပြီးခဲ့သည့် သြဂုတ်လ (၇) ရက်နေ့ ထိုင်းနိုင်ငံ ဘန်ကောက်သို့ လာရောက်သည့်ခရီးစဉ်တွင် မြန်မာ ဒီမိုကရေစီရေး လှုပ်ရှားဆောင်ရွက်သူများနှင့်တွေ့ဆုံရာ၌ “ကျနော်တို့ပေးတဲ့ ထောက်ပံ့မှုတွေ အမှန်တကယ်ပဲ ပြည်သူတွေ ရရှိသွား
တဲ့အတွက် ကျေနပ်မိပါတယ်”ဟု ပြောခဲ့သည်။

အိမ်ဖြူတော်၏ အဆိုအရ အမေရိကန်အစိုးရသည် မုန်တိုင်းကယ်ဆယ်ရေး အားထုတ်မှု တစိတ်တဒေသအဖြစ် အ
မေရိကန်ဒေါ်လာ (၅၀) သန်း ပေးအပ်ခဲ့ပြီး ဖြစ်သည်ဟု သိရှိရသည်။ မေလ (၁၂) ရက်နေ့မှ ဇွန်လ (၂၂) ရက်အ
တွင်းတွင် အမေရိကန်သည် ထိုင်းနိုင်ငံတွင်ရှိနေသော အမေရိကန်၊ ကုလသမဂ္ဂ နှင့် အခြားသော အကျိုးအမြတ်မယူ
သော အဖွဲ့အစည်းများမှ အရေးပေါ် ကယ်ဆယ်ရေး ထောက်ပံ့ပစ္စည်းများကို လေယာဉ်ဖြင့် မြန်မာနိုင်ငံသို့ (၁၈၅)
ကြိမ် ပျံသန်းပေးခဲ့သည်။

မြန်မာပြည်သူပြည်သားများ မိမိတို့ကိုယ်မိမိ တုံ့ပြန်ပုံမှာ “ကျနော်တို့အတွက် အံ့အားသင့်စရာကြီးဗျာ”ဟု နယ်ခြားမဲ့
ဆရာဝန်များအဖွဲ့မှ ဒေါက်တာ ဖိလစ် ဟမ်ဖရစ်က ပြောသည်။ သူတို့အံ့အားသင့်ရခြင်းမှာ “မြန်မာ လူနေမှု အဖွဲ့အ
စည်းများသည် လွန်စွာ ဒူပေနာပေ ခံနိုင်ကြခြင်း၊ မြန်မာလူမျိုးများသည် လွန်စွာ ကြံ့ကြံ့ခံနိုင်သည့် အနေအထားမျိုး
ရှိကြသည်” ဟုလည်း ဖိလစ်ကပြောသည်။

ဗုဒ္ဓဘာသာ လွှမ်းမိုးသော တိုင်းပြည်တွင် ဘုန်းကြီးကျောင်းများအားလုံးသည် ဒုက္ခသည်များအတွက် တံခါးဖွင့်ပေး
ထားကြသည်၊ ဒေသခံ လုပ်ငန်းရှင်များက ဆန်များ ဝေငှပေးကြသည်၊ လက်ထဲတွင် ဘာမှမရှိသည့်အခါ ၀ါးများ၊ ရေမျောကမ်းတင်သစ်စများဖြင့် နေစရာလေးများ ဆောက်လုပ်ကြသည်ဟုလည်း ဖိလစ်က ပြောသည်။

သဘာဝဘေးအန္တရာယ်မှပေးသည့် သင်ခန်းစာများထဲမှ တခုမှာ အနာဂတ်တွင် သဘာဝဘေးအန္တရာယ်များနှင့် ရင်
ဆိုင်ရမည့် အခါမျိုးများတွင် ဒေသခံတို့၏ လုပ်နိုင်စွမ်းရည်ကို ပိုမိုအားကောင်းအောင် လုပ်ရန်လိုသည် ဆိုသည့် သင်ခန်းစာပင်ဖြစ်သည်ဟု နိုင်ငံတကာ ကြက်ခြေနီအဖွဲ့၊ အာရှပစိဖိတ်ဒေသ ညှိနှိုင်းရေးမှူး ခရစ္စတင်း ဆောက်သ်က
ပြောသည်။ မုန်တိုင်းဖြစ်စ အစောပိုင်းကာလများတွင် မြန်မာကြက်ခြေနီအဖွဲ့၏ ကယ်ဆယ်ရေးအတွက် စွမ်းဆောင်မှု
မှာ လွန်စွာ ပြောင်မြောက်လှကြောင်းလည်း ဆောက်သ်က ပြောသည်။

အနာဂတ် သဘာဝဘေးအန္တရာယ်များတွင် မြန်မာနိုင်ငံကြက်ခြေနီအဖွဲ့အနေနှင့် ပိုမိုပြီး တာဝန်ယူလုပ်ဆောင်သည်ကို တွေ့မြင်လိုကြောင်းလည်း ပြောသည်။

ပြည်ပတွင်ရှိနေသည့် အေဂျင်စီများအနေနှင့်လည်း အခြား အရှေ့တောင်အာရှနိုင်ငံများတွင်ကျင့်သုံးသည့် သဘာဝဘေး
အန္တရာယ်ကာကွယ်ရေးလျော့ပေါ့ရေးအတွက် မြန်မာနိုင်ငံရှိ လူမှုအဖွဲ့အစည်းများကို ကူညီနိုင်ကြောင်းကိုလည်း ဆောက်
သ်ကပြောသည်။ ဘင်္ဂလားဒေ့ရ်ှနိုင်ငံရှိ အားနည်းသော မြေနိမ့်ဒေသများတွင် ကွန်ကရစ် အကာအကွယ်များ၊ အသေး
စိတ်သတိပေးစနစ် အဆင့်ဆင့်များ စသည်တို့ ပြင်ဆင်ထားရှိသည်။ ဗီယက်နိုင်နိုင်ငံတွင် မုန်တိုင်းအား တစိတ်တဒေသ လျော့ကျနိုင်ရန်အတွက် လမုပင်များ စိုက်ပျိုးထားကြသည်။

ထိုကာကွယ်မှုလုပ်ရပ်များသည် ထိုနိုင်ငံများတွင်ရှိနေသော အသက်များကို ကယ်တင်ပေးသည်ဟု ဆောက်သ်က ပြော
ပြီး ထိုကာကွယ်မှုလုပ်ရပ်များမှာ အစိုးရပါဝင်ပတ်သက်သော ဘက်စုံပါဝင်သည့် ကိုင်တွယ်ဖြေရှင်းမှု အစိတ်အပိုင်းဖြစ် သင့်သည်ဟုလည်း ပြောသည်။