Monday, September 22, 2008

အနာဂါတ်လှိုင်း၏ဆုံမှတ်များ

နအဖအခြေခံဥပဒေNLDလက်မခံပါ



အိမ်သာထဲကသန်းရွှေပုံ

တရုတ်နို့မှုန့် မြန်မာ့ကလေးများအတွက် အန္တရာယ်ဖြစ်ဖွယ်ရှိ

22 September 2008
ဦးသားညွန့်ဦး
တရုတ်နိုင်ငံမှာ မယ်လမင်းဓာတုပစ္စည်းတွေ ပါဝင်နေတဲ့ နို့မှုန့်တွေကြောင့် ကလေးငယ်
တွေ ကျောက်ကပ်ပျက်စီးပြီး သေဆုံးမှုတချို့ ရှိလာတာကြောင့် အိမ်နီးချင်းနိုင်ငံတွေမှာ
လည်း အလားတူ တရုတ်နို့မှုန့်တွေအပေါ် စိုးရိမ်ချက်တွေ ရှိလာပါတယ်။ မြန်မာနိုင်ငံ
အတွင်းမှာတော့ အစိုးရအာဏာပိုင်တွေက ဒီကိစ္စကို ကိုင်တွယ်ဖြေရှင်းမယ်လို့
ပြောထားပေမယ့် တရားဝင်ဈေးကွက်ထဲမှာတော့ စစ်တာဆေးတာတွေ မတွေ့ရသေး
ဘူးလို့ ဒေသခံတွေက ပြောပြပါတယ်။ အကြောင်းစုံကို ကိုသားညွန့်ဦးက တင်ပြ
ပေးထားပါတယ်။

တရုတ်နိုင်ငံက ဆန်းလုတံဆိပ် နို့မှုန့်တွေမှာ မယ်လမင်းဓာတုပစ္စည်း ပါဝင်တာကြောင့်
ကလေးငယ်တွေ တော်တော်များများ ကျောက်ကပ်ပျက်စီးကုန်ပြီး တခြား တရုတ်နို့မှုန့်
တံဆိပ်တွေမှာလည်း အလားတူ ကျန်းမာရေးနဲ့ မညီညွတ်ဘူးဆိုတဲ့ စိုးရိမ်ချက်တွေ
ဖြစ်လာပါတယ်။ တချိန်တည်းမှာ ဟောင်ကောင်က ကလေးငယ်တဦးမှာ မယ်လမင်း
အဆိပ်သင့်တယ်ဆိုတာ တွေ့ရတော့ တရုတ်ရဲ့အိမ်နီးချင်း အခြားအာရှနိုင်ငံတွေမှာ
လည်း တရုတ်နို့မှုန့် သုံးစွဲတာကြောင့် ကလေးငယ်တွေရဲ့ ကျန်းမာရေးအတွက် စိုးရိမ်
စရာတွေ ဖြစ်လာပါတယ်။

မြန်မာနိုင်ငံကိုလည်း ဒီလိုမျိုး ကျန်းမာရေးနဲ့ မညီညွတ်တဲ့ တရုတ်နို့မှုန့်တွေ ၀င်လာ
နိုင်တယ်ဆိုပြီး ယူနီဆက်ဖ် အာရှ-ပစ္စဖိတ်ရုံးက စိုးရိမ်ကြောင်း ထုတ်ပြန်လာပါတယ်။
မြန်မာနိုင်ငံထဲမှာတော့ အာဏာပိုင်တွေဘက်က အများပြည်သူကို သတိပေး သတင်း
ထုတ်ပြန်တာမျိုး၊ ဆိုင်တွေမှာ စစ်ဆေးတာမျိုးတွေ မရှိဘူးလို့ သိရပါတယ်။

တရုတ်နိုင်ငံကပစ္စည်းတွေ အဓိက၀င်ရောက်တဲ့ မန္တလေးဈေးကွက်နဲ့ပတ်သက်လို့
မန္တလေးနယ်ခံတဦးက အခုလိုရှင်းပြပါတယ်။

"ဒီဘက်ကိုဝင်တာ များသောအားဖြင့် နွားနီဆိုတဲ့နို့မှုန့်ပဲ ၀င်တာများတယ်။ ပြဿနာ
ဖြစ်တဲ့နို့မှုန့်က နည်းနည်းဈေးကြီးတော့ ဒီဘက်ကို သိပ်မ၀င်ဘူး။"

အစိုးရအာဏာပိုင်တွေဘက်က တစုံတရာ သတိပေးတာမျိုးရော သတိထားမိပါလား။

"အခုထိတော့ ဘာမှမကြားမိသေးပါဘူး။"

အရောင်းအ၀ယ်တွေရော ဘယ်လိုနေလဲ။

"သိပ်ပြီး အထွေအထူးတော့ မရှိလှဘူး။ လူတွေစိတ်ထဲမှာ ဖြစ်တဲ့နို့မှုန့်နဲ့ ဒီမှာဝင်နေတဲ့
နို့မှုန့်နဲ့ မဆိုင်ဘူးလို့ပဲ ထင်နေကြတယ်။ ဒီမှာက နွားနီတံဆိပ် နို့မှုန့်ပဲ ၀င်တာများ
တယ်။"

ပုံမှန်တော့ အဲဒီနွားနီတံဆိပ်နို့မှုန့်က အရောင်းအ၀ယ် လိုက်နေတုန်းပဲလား။

"အရောင်းအ၀ယ် ဖြစ်နေတုန်းပါပဲ။ လူတွေရဲ့စိတ်ထဲမှာ နွားနီက ခုနဖြစ်တဲ့ကိစ္စနဲ့
မဆိုင်ဘူးလို့ ထင်နေကြတုန်းပဲ။ အဲဒါက ကျနော်တို့ဆီက သိပ်မသိနိုင်ဘူးထင်တယ်။
ဘာဖြစ်လို့လဲဆိုတော့ ကလေးဖြစ်တယ်ဆိုရင်လည်း ရိုးရိုးဖြစ်တယ်ပဲထင်မှာပဲ။"

ရန်ကုန်ဘက်မှာတော့ ပြည်ပကလာတဲ့ သတင်းတွေကြောင့် အများပြည်သူကြားမှာ
တရုတ်နို့မှုန့်နဲ့ပတ်သက်ပြီး စိုးရိမ်နေကြပေမယ့် အစိုးရဘက်ကတော့ တရားဝင်သတင်း
ထုတ်ပြန်တာမျိုး မရှိဘူးလို့ ရန်ကုန်မြို့ခံတဦးက ပြောပါတယ်။

"သိကြပါတယ်။ အားလုံးက ကြောက်တော့ ကြောက်နေကြတာပေါ့။ ပြီးတော့ နွားနီ
နို့မှုန့်ပါမှာကို စိုးရိမ်နေကြတယ်။"

ဆိုင်တွေဘာတွေမှာ ၀င်စစ်တာမျိုးတွေရော ရှိပါသလား။

"တွေ့လည်း မတွေ့ဘူး၊ ကြားလည်း မကြားမိပါဘူး။ လူတွေ ကြောက်နေတာပဲရှိတယ်။
အဲလိုမျိုးလုပ်နေတယ်လို့တော့ ဘယ်မှာမှ သတင်းမကြားပါဘူး။ သူတို့ရဲ့ စီးတီးမာ့တ်
ကြီးတွေမှာ လုပ်ရင်တော့ မသိဘူး၊ စီးတီးမာ့တ် မသွားနိုင်တဲ့ သာမန်လူတန်းစားတွေ
ကတော့ မကြားဘူး။"

အစိုးရကရော ဒါနဲ့ပတ်သက်လို့ သတိပေးချက်ထုတ်တာတွေ ရှိပါလား။

"သောက်ရေသန့်တွေကိုတောင် သူတို့ သတိပေးချက် မလုပ်နိုင်မှတော့ နွားနီနို့မှုန့်
လောက်ကိုတော့ ဝေးပါတယ်။"

အခု လူတွေကြားထဲမှာ စိုးရိမ်စိတ်ဖြစ်နေတယ်ဆိုတာက ဘယ်လိုမျိုးသတင်းရပြီး
စိုးရိမ်စိတ် ဖြစ်နေကြတာလဲ။

"စိုးရိမ်စိတ်ဆိုတာ အစ်မတို့က တရုတ်ပစ္စည်းတွေပဲ အားကိုးနေရတာ။ တရုတ်ပြည်မှာ
နို့မှုန့်တွေဖြစ်တယ်ဆိုရင် အစ်မတို့ဆီမှာ အခြေခံသုံးတဲ့ နွားနီနို့မှုန့်ဆိုတာ ဘူးနဲ့တောင်
မလာနိုင်ပါဘူး၊ နွားအနီရောင်တံဆိပ်နဲ့ပါတဲ့ ပက်ကင်ကိုပဲ သာမန်ပြည်သူလူထု အကုန်
သုံးနေကြတာပါ။ နို့ဆီထက်သက်သာတယ်။ လသားအရွယ် အမေနို့မတိုက်နိုင်တဲ့
ကလေးတွေဆိုလည်း လက်တိုဂျင်တွေ ဘာတွေဆိုတာ မကပ်နိုင်တော့ နွားနီနို့မှုန့်ကိုပဲ
ဖျော်တိုက်ရတာ။ အခြေခံလူတန်းစားတိုင်း နွားနီနို့မှုန့်ကိုပဲ သောက်ရတယ်။ အဲဒီနို့မှုန့်
ပါမှာကိုပဲ စိုးရိမ်ကြတယ်။"

တရုတ်ပြည်မှာ အခုလို ပြဿနာဖြစ်တယ်ဆိုတာ လူတွေက ဘယ်လိုများ သိကြပါလဲ။

"ဒါကတော့ အစ်မတို့အားကိုးနေရတဲ့ သတင်းဌာနတွေကပဲ သိရတာပေါ့။"

အခုလို အစိုးရဘက်က အများပြည်သူအပေါ် တရားဝင် သတင်းထုတ်ပြန်တာ မရှိသေး
တဲ့အပေါ် စိုးရိမ်မိတယ်လို့ ယူနီဆက်ဖ် အာရှ-ပစ္စဖိတ်ရုံးက မောနစ် စကစ်မိုးကလည်း
အခုလိုပြောခဲ့ပါတယ်။

"နို့မှုန့်ပြဿနာနဲ့ပတ်သက်လို့ မြန်မာနိုင်ငံမှာ အများပြည်သူကို သတိပေးကြေညာတာ
မျိုးတွေ လုံးဝမတွေ့ရသေးပါဘူး။ အစိုးရသတင်းတွေမှာရော၊ ကျန်းမာရေးဝန်ကြီးဌာန
ကရော ဆောင်ရွက်တာမျိုးတွေမှာ မတွေ့ရသေးပါဘူး။ ဥပမာ ဘင်္ဂလားဒေ့ရ်ှမှာဆိုရင်
နို့မှုန့်နမူနာတွေယူပြီး စစ်ဆေးတာတွေ ရှိပါတယ်။ ဒါပေမယ့် မြန်မာနိုင်ငံမှာက သိပ်ပြီး
စိုးရိမ်စရာ ကြီးကြီးကျယ်ကျယ် မရောက်သရွေ့ အစိုးရဘက်က သတိပေးထုတ်ပြန်တာ
မျိုးတွေ လုပ်လေ့မရှိပါဘူး" လို့ ယူနီဆက်ဖ်အရာရှိ မောနစ် စကစ်မိုး ပြောသွားတာ
ဖြစ်ပါတယ်။

ယူနီဆက်ဖ်အနေနဲ့ မြန်မာနိုင်ငံက အစိုးရတာဝန်ရှိသူတွေနဲ့တွဲပြီး နို့မှုန့်ကိစ္စနဲ့
ပတ်သက်လို့ ဖြေရှင်းဆောင်ရွက်ဖို့ ကြိုးစားနေတယ်လို့ ယူနီဆက်ဖ် ဘန်ကောက်ရုံး
ပြောခွင့်ရသူ ရှန်တာ ဘလိုးမင်းက ပြောပါတယ်။

"အခုဖြစ်နေတဲ့ နို့မှုန့်တွေ ဒေသတွင်းက မြန်မာနိုင်ငံအပါအ၀င် တခြားနိုင်ငံတွေကို
ပျံ့နှံ့သွားနိုင်တာဟာ စိုးရိမ်စရာဖြစ်ပါတယ်။ ဒီအတွက် ကျန်းမာရေးဝန်ကြီးဌာနနဲ့
တခြားအဖွဲ့အစည်းတွေနဲ့အတူ သူတို့ ညှိနှိုင်းဆောင်ရွက်နေပါတယ်" လို့ ယူနီဆက်ဖ်
ဘန်ကောက်ရုံး ပြောခွင့်ရသူက ပြောသွားတာဖြစ်ပါတယ်။

တရုတ်နိုင်ငံမှာ နို့မှုန့်ပြဿနာကြောင့် ကလေးငယ် ၁၃,၀၀၀ ကျော် ဆေးရုံတင်ထား
ရပြီး အဲဒီအထဲက ၁၀၀ ကျော်ဟာ စိုးရိမ်ရတဲ့အနေအထား ရှိနေတယ်လို့ သိရပါတယ်။

မြန်မာနိုင်ငံမှာတော့ ကျန်းမာရေးဝန်ကြီးဌာန ကျန်းမာရေးဦးစီးဌာနက ဒီကိစ္စပေါ်မှာ
အရေးယူကိုင်တွယ်နိုင်ဖို့ အစာနဲ့ ဆေးဝါးဌာန (FDA) ကို ညွန်ကြားထားတယ်လို့ ဆိုပါ
တယ်။ FDA ကိုတော့ အခုအထိ ဆက်သွယ်မေးမြန်းလို့ မရသေးပါဘူး။ ရန်ကုန်မှာရှိတဲ့
ယူနီဆက်ဖ်ရုံးကတော့ သူတို့အနေနဲ့ ကမ္ဘာ့ကျန်းမာရေးအဖွဲ့ (WHO) နဲ့ ညှိနှိုင်းပြီး
အစိုးရပိုင်းက တာဝန်ရှိသူတွေနဲ့ တွဲပြီးဆောင်ရွက်နေပါပြီလို့ ဗွီအိုအေကို ပြောခဲ့ပါ
တယ်။

တရုတ် အစားအစာတွေ အစစ်အဆေးမရှိ နယ်စပ်ကျော်ဝင် နေဆဲ

20 September 2008

ကိုဇော်ဝင်းလှိုင် - အစီအစဉ်ကိုရယူရန် (MP3)
ကိုဇော်ဝင်းလှိုင် - နားဆင်ရန် (MP3)


တရုတ်နိုင်ငံအတွင်းမှာ ဘေးဖြစ်စေတဲ့ နို့မုန့်တွေကြောင့် ခလေးငယ်တွေ သေဆုံးတဲ့ သတင်းတွေ ထွက်နေပေမယ့် တရုတ်နိုင်ငံလုပ် နို့မုန့်နဲ့ အစားအသောက် တွေကတော့ နယ်စပ်ကို ဖြတ်ပြီး အစစ်အဆေးမရှိ ၀င်နေဆဲပဲလို့ တရုတ်နယ်စပ် သတင်းရပ်ကွက်တွေက ပြောပါတယ်။

မြန်မာနိုင်ငံအတွင်းကို ဘေးဖြစ်စေတဲ့ တရုတ် နို့မုန့်တွေကို တင်သွင်းမယ်ဆိုရင် သက်ဆိုင်ရာက အရေးယူမယ့် အကြောင်း ပြည်တွင်းထုတ် ဂျာနယ်တွေမှာ ဖော်ပြနေကြပါတယ်။ စစ်အစိုးရ သတင်းစာတွေမှာလည်း တရုတ်နိုင်ငံမှာ နို့မုန့် ကနေ ခလေးငယ်တွေ သေဆုံးရတာတွေ အပါအ၀င် ကျန်းမာရေး ထိခိုက်လို့ ဆေးရုံတင်ရတဲ့ သတင်းတွေကို ဖော်ပြခဲ့ပါတယ်။

တရုတ်မြန်မာနယ်စပ် အခြေစိုက် ကချင် ဖွံ့ဖြိုးရေး ကွန်ယက်အဖွဲ့ ဥက္ကဌ ဦးအောင်ဝါ ကတော့ ပြည်ပ သတင်းဌာနတွေရဲ့ ထုတ်လွှင့်ချက်တွေကြောင့် တရုတ်နို့မုန့်တွေနဲ့ ပတ်သက်လို့ သတိထားမိတာတွေ ရှိပေမယ့် တရုတ်နိုင်ငံလုပ် အစားအသောက်တွေ မြန်မာနိုင်ငံအတွင်းကို နယ်စပ် ဖြတ်ပြီး အရင်လို ပုံမှန် ရောင်းဝယ်နေဆဲပဲ ဖြစ်တဲ့အကြောင်း ဗွီအိုအေကို ပြောပါတယ်။

“တရုတ်ပြည်ဘက်က သွင်းတဲ့ ဟာတွေတော့ ရှိတာပေါ့။ ဒီဘက်မှာတော့ သုံးနေတဲ့ ဟာတွေ ရှိပါတယ်။ ဒီ နယ်စပ်ကတဆင့် သွားလာနေတာ။ သိပ်ပြီး သုံးတဲ့ အဆင့်တော့ မရှိပါဘူး။ ဒီမှာ ရေဒီယို တွေကနေ ကြားသလောက်ပဲ ရှိနေတယ်။ သိပ်ကြီး အစိုးရကလည်း လက်ရှိ အခြေအနေမှာ သိပ်ပြီး သတိပေးတဲ့အချက်တွေလည်း မရှိဘူး။ ဒီက လူထုတွေကတော့ ဒီဟာကို ရေဒီယိုထဲက ကြားတဲ့အတွက် သတိထားတာတော့ ရှိတယ်။ တရုတ်ပြည်ဘက်က အစားအသောက်နဲ့ လူသုံးကုန်ပစ္စည်း ဆောက်လုပ်ရေး ပစ္စည်းတွေ တရုတ်ပြည်ဘက်က ၀င်တာများပါတယ်။ အဓိက တရုတ် ပြည်က သုံးနေရတဲ့ အဆင့်ဖြစ်တယ်လေ၊ ဆပ်ပြာက အစ၊ ဒီမှာက အစစ်အဆေးတော့ ဘာတော့ မရှိဘူး။ ဟိုကနေ ပို့နေတာတော့ သုံးနေတာပဲ။ ဒီမှာ စစ်ဆေးတဲ့ ဂိတ်တွေမှ မရှိတာ၊ ဒီအတိုင်းပဲ ဥဒဟိုသွားနေတာပဲ၊ ရောဂါ ဖြစ်တယ်။ ကျန်းမာရေး စစ်ဆေးတာ ဘာမှမရှိပါဘူး။ ဖြစ်ရင်လည်း လူထုက ခံယုံပဲ ရှိတာပဲ။”

တရုတ်-မြန်မာနယ်စပ် အခြေစိုက် ကချင် ဖွံ့ဖြိုးရေး ကွန်ယက်အဖွဲ့ ဥက္ကဌ ဦးအောင်ဝါ ပြောသွားတာပါ။ တရုတ်နိုင်ငံမှာ နို့မုန့်တွေကြောင့် ခလေးငယ်တွေ ဘေးအန္တရာယ် ကျရောက်တဲ့သတင်းတွေ ထွက်လာခဲ့ပြီးတဲ့နောက် တရုတ်နိုင်ငံက နို့နဲ့ နို့ထွက်ပစ္စည်းထုတ် Yashili နဲ့ Suncare ကုမ္မဏီတွေက မြန်မာ၊ ဘင်္ဂလားဒေ့ရှ်၊ ဘရွန်ဒီ နိုင်ငံတွေကို တင်ပို့ခဲ့တဲ့ ပစ္စည်းတွေကို ပြန်လည်ရုတ်သိမ်းမယ်လို့ ကြေညာခဲ့ပါတယ်။

တကယ်တော့ မြန်မာနိုင်ငံမှာ အသုံးပြုနေတဲ့ နို့မှုန့်အများစုဟာ တရုတ်နိုင်ငံက နည်းမျိုးစုံနဲ့ တင်သွင်းလာတဲ့ နို့မှုန့်တွေက အများစုဖြစ်တဲ့အကြောင်း စားသုံးသူတွေက ပြောကြပါတယ်။ လူထုကြားမှာ အသုံးအများဆုံးက နွားတံဆိပ်ဖြစ်ပေမယ့် အခု ပြဿနာဖြစ်နေတဲ့ နို့မှုန့်ဗူးကတော့ အောက်ခြေက အဖြူရောင်ခံပြီးတော့ တဖြည်းဖြည်းနဲ့ အပေါ်ပိုင်းမှာ အပြာရောင် အဖျော့ကနေ ရင့်လာတဲ့ ဗူးဖြစ်ပါတယ်။ ဗူးအပြင်မှာ တရုတ်စာတန်းအပြင် ရင်ဘတ်ကို လက်အုပ်ထားတဲ့ မိခင်တယောက်ရဲ့ပုံကိုလည်း စက်ဝိုင်းအတွင်းမှာ ဖော်ပြထားပါတယ်။

အခု ပြဿနာတွေဖြစ်နေတဲ့ ဆန်းလု နို့မှုန့်ဟာ တခြား မြန်မာနိုင်ငံမှာ လူသုံးများတဲ့ နို့မှုန့်တွေထက် ဈေးနဲနဲ ပိုများတာကြောင့် သိပ်မတွင်ကျယ်လှပေမယ့် တရုတ် - မြန်မာ နယ်စပ်က ကုန်သည်တွေရဲ့ အဆိုအရကတော့ မြန်မာနိုင်ငံနဲ့ နယ်နိမိတ်ချင်း ထိစပ်နေတဲ့ ယူနန်ပြည်နယ်ထဲကို ဒီနို့မှုန့်တွေ တင်သွင်းတာကြောင့် မြန်မာနိုင်ငံထဲကိုလည်း မှောင်ခိုလမ်းက တင်သွင်းပြီး အနည်းနဲ့ အများဆိုသလို သုံးစွဲမှုတွေ ရှိနိုင်တယ်လို့ ဆိုပါတယ်။

အခု ဘေးအန္တရာယ်ဖြစ်ခဲ့တယ်ဆိုတဲ့ နို့မုန့် တံဆိပ်ဟာ မြန်မာနိုင်ငံအတွင်းမှာ ကျယ်ကျယ်ပြန့်ပြန့် အသုံးများတဲ့ တံဆိပ်တော့ မဟုတ်ပါဘူး။ ဒါပေမယ့်လည်း နယ်ခြားကျော်ပြီး မှောင်ခိုလမ်းကြောင်းနေ တရုတ်နို့မုန့် နဲ့ တရုတ်ပစ္စည်းတွေ မြန်မာနိုင်ငံထဲကို အစစ်အဆေးမရှိ ၀င်နေတဲ့အတွက် ဘေးအန္တရာယ် ဖြစ်စေနိုင်တဲ့ အစားအသောက်တွေ ပါလာခဲ့ရင်လည်း ကြိုတင်သိဖို့ မလွယ်ကူတဲ့အကြောင်း နယ်စပ်သတင်း ရပ်ကွက်က ပြောပါတယ်။

ဒီနေ့ မဂ္ဂဇင်းကာတွန်းများ


ဆောင်းပါး
ရဲခေါင်မဲမောင်
တနင်္လာနေ့၊ စက်တင်ဘာလ 22 2008 16:24 - မြန်မာစံတော်ချိန်


ကျနော်တို့ မြန်မာနိုင်ငံမှာ ထုတ်ဝေနေတဲ့ မဂ္ဂဇင်းတွေထဲက ကျနော် ဖတ်မိ သဘောကျမိတဲ့ ကာတွန်းလေးတွေ အကြောင်း ပြောပါမယ်။

မဂ္ဂဇင်းကာတွန်းဆိုတော့ ထုံးစံအတိုင်း စာမျက်နှာ တမျက်နှာတည်းပေါ်မှာသာ ရေးဆွဲ ထားတဲ့ ကာတွန်းလေးတွေ ဖြစ်တယ်။ ဒါက နေရာနှင့် အရွယ်အစားကို ပြောတာ ဖြစ်တယ်၊ အနှစ်သာရပိုင်း အနေနဲ့ကတော့ အဆုံးမရှိတဲ့ ပင်လယ်ပြင်ကြီးတွေ၊ စကြဝဠာကြီးတွေလို ကျယ်ပြော နက်ရှိုင်း လေးနက်လှပါတယ်။ ရသမြောက် ဝတ္တုတပုဒ်၊ ကဗျာကောင်းတပုဒ် နဲ့ မခြား ဖတ်ရှု ခံစားသူကို အသိအမြင် ဗဟုသုတနှင့် လူပီသတဲ့ ခံစားချက်တွေကို အမှန်တကယ် ပေးစွမ်းနိုင်တဲ့ စွမ်းအားတွေ ကာတွန်းမှာ ရှိပါတယ်။

ရေးဆွဲတဲ့ အကြောင်းအရာတွေကလည်း နိုင်ငံရေး၊ စီးပွားရေး၊ လူမှုရေး၊ ကျန်းမာရေး၊ အုပ်ချုပ်ရေး စသည့်ဖြင့် စုံလင်များပြားလှပါတယ်။ ဒါပေမယ့် ကာတွန်းဆရာရဲ့ ထိုးထွင်းသိမြင်မှု၊ နက်ရှိုင်းသိမ်မွေ့တဲ့ ခံစားမှု၊ နောက် အနုပညာမြောက်အောင် တင်ပြနိုင်မှုအပေါ်မှာ မူတည်ပြီး ကာတွန်းဆရာရဲ့ အရည်အချင်း၊ ကာတွန်းတွေရဲ့ တန်ဖိုးရှိမှု၊ အသုံးဝင်မှုပေါ်မှာ အနိမ့်အမြင့်ကွာခြားသွားတာကို ကျနော်တို့ သတိပြုမိကြမှာ ဖြစ်တယ်။

ကာတွန်းဆရာဟာ သမိုင်းခေတ်ထဲမှာ ရှင်သန်နေထိုင်နေသူပဲ ဖြစ်ပါတယ်။ ဒါကြောင့် သူဖြတ်သန်း ကျော်လွှားနေရတဲ့ အဲဒီသမိုင်းခေတ်ရဲ့ ရိုက်ပုတ်ဖိစီးမှုတွေကို မလွဲမသွေ ခံစားနေရပါတယ်။ အဲဒီခံစားမှုထဲကနေ သန္ဓေတည်ပြီး ပေါက်ဖွားလာတဲ့ လောကအမြင်နဲ့ ဘဝအမြင်တွေဟာ ကာတွန်းဆရာတွေရဲ့ ကုန်ကြမ်းတွေ ဖြစ်လာပါတော့တယ်။ ဒီကုန်ကြမ်းတွေကို ကုန်ချောအဖြစ် အနုပညာပစ္စည်းအဖြစ် မဂ္ဂဇင်း စာမျက်နှာတွေပေါ်ကို တင်လိုက်တဲ့အခါမှာ အဲဒီ ကာတွန်းတွေဟာ လူထုရဲ့ မျက်မှောက်ခံစားမှုကို ဘယ်လောက်ထိ ကိုယ်စားပြုနိုင်လဲ၊ တိုင်းပြည်ရဲ့ ပကတိအခြေအနေကို ဘယ်အတိုင်းအတာထိ ထင်ဟပ်စေနိုင်သလဲ ဆိုတာကို ကျနော်တို့ လေ့လာ အားထုတ်ကြရမှာ ဖြစ်တယ်။

မြန်မာကာတွန်းဆိုပြီး ကျနော်တို့ မြန်မာနိုင်ငံရဲ့ အနုပညာ အသိုင်းအဝိုင်းထဲကို ကာတွန်းစရောက်လာတာ (၁၉၁၇) ခုနှစ်က ဖြစ်ပါတယ်၊ ဗြိတိသျှကိုလိုနီရဲ့ သူ့ကျွန်ဘဝကိုရောက် ရှိနေချိန်ပဲ ဆိုပါတော့။ အဲဒီအချိန်က ထုတ်ဝေတဲ့ သူရိယမဂ္ဂဇင်းထဲမှာ "ဘကြီးမေတ္တာတုံး၏ အာဒါသမုခ ဒီပနီ" ဆိုတဲ့ ရုပ်ပြောင်ခန်းတခု အမြဲပါပါတယ်။ အဲဒီခေတ် မြန်မာပြည်ရဲ့ နိုင်ငံရေး လောကကို သရော်လှောင်ပြောင်တာ ဖြစ်ပါတယ်။ အဲဒီ ရုပ်ပြောင်တွေကို ပန်းချီဆရာ ဦးဘစိန် နှင့် ဦးဘထွန်းတို့က စပြီးရေးခဲ့ကြတယ် ပြောပေမယ့် နောက်ပိုင်းမှာတော့ ရွှေတလေး အမည်ခံ ဆရာကြီးဦးဘကလေးက ပင်တိုင် ရေးဆွဲခဲ့ပါတယ်။ ဒါကြောင့် မြန်မာကာတွန်းတွေဟာ နိုင်ငံရေး ကာတွန်းတွေကနေ မြစ်ဖျားခံပြီး ဒီကနေ့ခေတ်ထဲကို အားကောင်းမောင်းသန် စီးဆင်းလာခဲ့တယ် လို့ တထစ်ချ ပြောနိုင်ပါတယ်။

ကာတွန်းတွေရဲ့ သဘောသဘာဝ၊ အနှစ်သာရ၊ ရည်ရွယ်ချက်နှင့် ကာတွန်းဆရာတွေရဲ့ ရပ်တည်ချက်ကို အထိအမိဆုံး ဖော်ပြထားတဲ့ သမိုင်းဝင် လေးချိုးတပုဒ် ရှိခဲ့ပါတယ်။ ကာတွန်းဆရာကြီး ရွှေတလေး ကိုယ်တိုင်ရေးဖွဲ့ခဲ့တာပါ၊ နားထောင်ကြည့်ပါဦး။

မည်သူ့ထိပ်ကိုမျှ

ပိတ်ရော့လို့ မောင်မဆော်

ဟုတ်တိုင်း မှန်ရာတွေးလို့

ရေးရပါသော်။


နာလုံးတွေဖော်

အော်ကာပ မည်သူဆဲ။


ရွှေတလေး မှာဖြင့်

ကျေအေးဘယ်ခါ မဟူပ

ကမ္ဘာသူတက်မှန်ပြသည်သို့

အမှားကို အမှန်ကျအောင် ရေးရတာပဲ။

အဓိပ္ပာယ်ကတော့ ရိုးရိုးရှင်းရှင်းလေးပါ၊ ကာတွန်းဆိုတာ မည်သူ တဦးတယောက်ကိုမျှ ထိခိုက် နစ်နာစေလိုတဲ့ စိတ်မျိုးနဲ့ ရေးဆွဲရတာ မဟုတ်ပါဘူး။ အဖြစ်အပျက် အကြောင်းတရား အမှန်တွေကိုသာ အဂတိ ကင်းကင်း သတ္တိရှိရှိ နှင့် ရေးဆွဲတင်ပြရမှာ ဖြစ်တယ်။ မတရားမှု၊ အကျင့်စာရိတ္တ ပျက်ပြားမှု၊ ကိုယ်ကျင့်တရား ခြစားမှု၊ ဥပဒေမဲ့ပြုမူမှု အစရှိတဲ့ ပြုသူ ကာယကံရှင်တွေကို နာ စေတဲ့ အချက်အလက်တွေကို ဖော်ထုတ် ရေးဆွဲရမှာ ဖြစ်တဲ့အတွက် အဲဒီ ကာယကံရှင်တွေက ဘယ်လောက်ပဲ အော်အော်၊ ဘယ်လိုပဲဆဲဆဲ ရွှေတလေးအနေနဲ့ကတော့ အာဃာတထားမှာ မဟုတ်တဲ့အပြင် အမြဲ ကျေအေး ခွင့်လွှတ်နေမယ်လို့ ဆိုပါတယ်။ ဒါကလည်း စောစောက ပြောသလို မတရားမှု၊ စော်ကားမှု၊ နှိပ်စက်ညှင်းပမ်းမှု၊ ဂုတ်သွေးစုပ်အမြတ်ထုတ်မှု အားလုံးကို လူ့ခန္ဓာကိုယ်တွင်းက ကလီစာတွေကို ဓါတ်မှန်ရိုက်ကြည့်တဲ့အခါ ထင်ထင်ရှားရှား ကွက်ကွက်ကွင်းကွင်း မြင်ရသလို ကမ္ဘာသူ၊ ကမ္ဘာသားအားလုံး မြင်ရတွေ့ရသိရအောင် ရေးပြတာပဲဖြစ်ပါသတဲ့။ ဒါကတော့ ကျနော်တို့မြန်မာပြည်ကို ကာတွန်း စတင်ရောက်ရှိလာပုံနှင့် ကာတွန်းတွေရဲ့ ဦးတည်ရာ လမ်းကြောင်းကို အကြမ်းသဘော ပြောပြတာ ဖြစ်တယ်။ အခု ကျနော်တို့ မြန်မာနိုင်ငံတွေမှာ ထုတ်ဝေနေတဲ့ မဂ္ဂဇင်းတွေထဲက ပြောသင့်ပြောထိုက်တဲ့ ကာတွန်းလေးတွေ အကြောင်းကို ပြောပါတော့မယ်။ အခု ဒီအပတ်ကစပြီး ပြောမယ့် မိတ်ဆက်မယ့် ကာတွန်းလေးက ဆရာအော်ပီကျယ်ရဲ့ "အော်ပီကျယ်" ကာတွန်းများ စာအုပ်ထဲမှ ဖြစ်ပါတယ်။ ဒီကာတွန်းတွေကို မဂ္ဂဇင်းတွေထဲမှာ ဖော်ပြပြီးမှ လုံးချင်း ကာတွန်းစာအုပ်ထဲမှာ ပြန်လည် ပုံနှိပ် ထုတ်ဝေခဲ့တာ ဖြစ်ပါတယ်။ ရှင်းအောင်ပြောရရင် ဒီကာတွန်းလေးတွေဟာ စာပေစီစစ်ရေးဆိုတဲ့ အနုပညာ သတ်ကွင်းထဲက နှစ်ကြိမ်တိုင်တိုင် လွတ်မြောက်ခဲ့ပြီးမှ လူထုရှေ့ကိုရောက်လာတဲ့ ကာတွန်းလေးပဲ ဖြစ်ပါတယ်။

ဆရာအော်ပီကျယ် ရေးထားတဲ့ ကာတွန်းတွေက စာရေးဆရာတယောက် ကိုင်ထားတဲ့ ကလောင်တံကို မင်အိုးတစ်လုံးရဲ့ အဖုံးပေါ်မှာ ပိတ်ပြီးထိုင်ထားတဲ့ တိုက်ပုံဝတ် လူကြီးတစ်ယောက်က "ကလောင်က ထက်သားပဲ" လို့ ရယ်ကျဲကျဲနှင့် ပြောနေတဲ့ ကာတွန်းလေး ဖြစ်ပါတယ်။ ဒီကာတွန်းလေးကို ဖတ်ပြီးတွေးကြည့်ရင် အာဏာရှင်တွေရဲ့ မီဒီယာအပေါ်ကို လွှမ်းမိုးချုပ်ကိုင်မှုကို ပညာသားပါပါနှင့် ထုတ်ဖော်ရေးဆွဲထားတာကို တွေ့ရမှာ ဖြစ်တယ်။

"ဓါးသွားထက် ကလောင်သွားထက်" ဆိုတဲ့စကားရှိပါတယ်။ ကလောင်ရဲ့ အရေးပါ အရာရောက်မှုနှင့် အသုံးဝင်မှုကို ဂုဏ်တင် ပြောဆိုထားတာ ဖြစ်ပါတယ်။ အဲဒီလို ဂုဏ်တင် ပြောဆိုနေရအောင်လည်း ကိုလိုနီ နယ်ချဲ့အုပ်စိုးနေတဲ့ နှစ်တရာလောက်အတွင်းမှာ မြန်မာစာရေး ဆရာတွေရဲ့ ကလောင်သွားဟာ ချွန်ခဲ့ထက်ခဲ့တာ အမှန်ပဲ။ ဆီးဘန်နီ ဆရာတော်တို့၊ အချုပ်တန်း ဆရာဖေတို့ကအစ ဆရာကြီး သခင်ကိုယ်တော်မှိုင်း၊ ဇော်ဂျီ၊ မင်းသုဝဏ်၊ ဒဂုန်တာရာ၊ ဦးရွှေတလေး၊ ဦးဘဂျမ်း တို့အဆုံးထိ မြန်မာ စာရေးဆရာတွေ၊ ကာတွန်းဆရာတွေ၊ ကဗျာဆရာတွေရဲ့ ကလောင်ဖျားက ထွက်ကျလာတဲ့ စာတွေ၊ ကာတွန်းတွေ၊ ကဗျာတွေကြောင့် တိုင်းပြည်နှင့် လူထုရဲ့ရင်ထဲမှာ ဇာတိသွေး ဇာတိမာန်တွေ၊ အမျိုး ဘာသာ သာသနာကို ကာကွယ် စောင့်ရှောက် လိုစိတ်တွေ၊ လွတ်လပ်ရေးကို ချစ်မြတ်နိုးမှုတွေ၊ အမျိုးသား စည်းလုံးညီညွတ်မှုတွေ ဖြစ်တည် အုံဖွဲ့လာနိုင်ခဲ့ပြီး နယ်ချဲ့ကို အမြစ်နှုတ် တွန်းလှန်နိုင်ခဲ့တယ်။

ဒါပေမယ့် အခု ဆရာအော်ပီကျယ် ရေးထားတဲ့ ကာတွန်းလေးမှာတော့ စာရေးဆရာရဲ့ ကလောင်ကို ထက်သားပဲလို့ ပြောလိုက်တဲ့သူဟာ မင်အိုးရဲ့ အဖုံးပေါ်မှာ ထိုင်နေပါတယ်၊ ကလောင်တံဆိုတာ သူချည်းသက်သက် ရေးလို့ ဆွဲလို့ရတာမျိုး မဟုတ်ဘူး။ မင်ကို ဆွတ်ပြီး တို့ပြီး ထည့်ပြီးမှ ရေးလို့ရတာမျိုး ဆွဲလို့ရတာမျိုး ဖြစ်ပါတယ်။ မင်ပါမှသာ စာလုံးထင်မှာ အရုပ်ထင်မှာ ဖြစ်တယ်။ အခုတော့ သူက မင်အိုးပေါ်မှာ ကျကျနနထိုင်နေတဲ့အတွက် ကလောင်ပိုင်ရှင် အနုပညာသည်အဖို့ မင်ကို အသုံးပြုခွင့်ရတော့မှာ မဟုတ်ပါဘူး။ မင်ကို အသုံးပြုခွင့်မရရင် ဘာစာလုံး ဘာအရုပ်မှလည်း ထင်ပေါ်လာမှာ မဟုတ်ဘူး။ စာပေအနုပညာရှင်တွေဆီက ဘာအနုပညာ ဖန်တီးမှုပစ္စည်းမှ ပေါ်ထွက်မလာတော့ဘူး ဆိုရင် ဒီအနုပညာ ဖန်တီးမှုကရရှိမယ့် အတွေးသစ် အမြင်သစ်တွေကို လုပ်သားပြည်သူတွေ အနေနဲ့ တို့ထိခွင့် ရမှာမဟုတ်ပဲ နစ်နာဆုံးရှုံး မှုတွေနဲ့သာ တွေ့ကြုံရမှာ ဖြစ်တယ်။

စာရေးဆရာနှင့် ကလောင်တံက မီဒီယာကို ကိုယ်စားပြုတာ ဖြစ်ပြီးတော့ မင်အိုးနှင့် မင်တွေက သက်ဆိုင်ရာ အာဏာရှင်တွေရဲ့ ပြည်တွင်းမှာ ဖြစ်ပျက်နေတဲ့ ဥပဒေမဲ့ ဖမ်းဆီး ချုပ်နှောင်မှုတွေ၊ အတင်းအဓ္ဓမ လုပ်အားပေး စေခိုင်းမှုတွေ၊ လေဘေးရေဘေး ကူညီတဲ့အလှူရှင်နဲ့ ပစ္စည်းတွေကို ကန့်သတ် ပိတ်ပင်မှုတွေ၊ ကိုယ်ကျင့်တရားပျက်ပြားမှု၊ လာဘ်ပေးလာဘ်ယူမှု စတဲ့အခြေအနေ အကြောင်းတရား အဖြစ်အပျက်တွေကို ရည်ညွှန်းသွားတာပါပဲ။

ခြေလှုပ်ရင်ခြေ၊ လက်လှုပ်ရင်လက် ဆိုသလို မတရားတဲ့ ဥပဒေတွေနှင့် လူတွေကို တင်းကြပ် ပြီး တိုင်းပြည်နဲ့အဝှမ်း အမှောင်ချထားခြင်း ခံနေရတဲ့ ဒီကနေ့လို အခြေအနေမျိုးမှာ Media တွေကို ဖိနှိပ် ချုပ်ချယ်ထားပြီး ပြင်းပြင်းထန်ထန် နှိပ်ကွပ် နေချိန်အတွင်း အဲဒီ အာဏာရှင်တွေရဲ့ မျက်စိရှေ့မှောက်ကနေ လွတ်မြောက်လို့ ပြည်သူ့ရှေ့ရောက်အောင် ပညာသားပါပါနှင့် အာဏာရှင်တွေရဲ့ သရုပ်မှန်ကို ရေးဆွဲဖော်ပြနိုင်တဲ့ ကာတွန်းဖြစ်တာကြောင့် ဆရာအော်ပီကျယ်ကို ကျေးဇူးတင်ပါကြောင်း ပြောကြားလိုက်ပါတယ်။

ကာတွန်းဆိုတာ အင်္ဂလိပ်စကားလုံး 'C.A.R.T.O.O.N' ကို အဲဒီ အသံထွက်အတိုင်း ခေါ်ထားတာပဲ ဖြစ်ပါတယ်။ မော်တော်ကားတို့၊ တယ်လီဖုန်းတို့၊ အင်ဂျင်နီယာတို့ကို ကျနော်တို့ မြန်မာတွေ ခေါ်နေကြသလိုပဲ ဆိုပါတော့။ အဓိပ္ပာယ် အတိအကျကိုတော့ ဘယ်သူမှ အသေအချာ ပြောနိုင်ကြမယ် မဟုတ်ဘူးလို့ ကျနော်ထင်ပါတယ်။ ကျနော်တို့ မြန်မာ မဂ္ဂဇင်းတွေမှာတော့ စာအုပ်ရဲ့ ရှေ့တန်းမျက်နှာစာမှာ ကဗျာပြီးတာနဲ့ ကာတွန်းတွေကို အသားပေး ဖော်ပြနေတာ တွေ့နိုင်ပါတယ်။

မဂ္ဂဇင်းမာတိကာမှာ “ကာတွန်း” ကို ဖော်ပြတဲ့အခါ အချို့က “ကာတွန်း” လို့ ရိုးရိုးကလေး ရေးသား လိုက်ကြပေမယ့် တချို့တတွေက “ဟာသ”၊ အချို့က “ရုပ်ပြောင်”၊ တခါ အချို့ မဂ္ဂဇင်းတွေ ကျပြန်တော့ “ရယ်စရာ စာမျက်နှာ” အစရှိသဖြင့် ရေးတတ်ကြပါတယ်။ “ဟာသ”တို့၊ “ရယ်စရာ” တို့လို အရေးအသားတွေနဲ့ ပတ်သက်ပြီးတော့ သဘောထားနဲ့ အမြင် ကွဲလွဲမှုလေးတွေ ရှိကြသလို “ရုပ်ပြောင်” ဆိုတာအတွက်လည်း စဉ်းစားချက်အချို့ ရှိနေကြပါတယ်။

ကာတွန်းမှာ “ရယ်စရာ” ဒါမှမဟုတ် “ဟာသ” ရသပါမှ ကာတွန်းပီသတဲ့ ကာတွန်းတပုံ ဖြစ်နိုင်တယ် ဆိုပေမယ့် “ရယ်စရာ” ချည်းသက်သက်နဲ့ “ဟာသ” ချည်းသက်သက် ရေးဆွဲထားမယ် ဆိုရင်တော့ အဲဒါ ကာတွန်းကောင်း မဟုတ်တော့ဘူးလို့ မှတ်ချက်ပေးသူတွေ ရှိနေကြပါတယ်။ ကာတွန်းဆိုတာ လောကအမြင်တခုခု ဒါမှမဟုတ် ဘဝအမြင်တခုခု ပါရမယ်၊ ပြီးတော့ ခေတ်ပြိုင်ခံစားမှု ဖြစ်နေရမယ်လို့ ဆိုပါတယ်။ ရယ်တော့ ရယ်ရတယ်၊ ဟာသလည်း တော်တော်မြောက်ပါရဲ့ ဒါပေမယ့်လို့ စောစောကပြောတဲ့ လောကအမြင်လည်း မပါ၊ ဘဝအမြင်လည်း နတ္ထိ၊ ခေတ်ပြိုင်ခံစားမှု ဆိုတာလည်း ဝေလာဝေးဆိုရင် ဘယ်မှာလာပြီး ကာတွန်းလို့ ပြောလို့ရပါတော့မလဲ ဆိုပြီး ပြောကြပြန်ပါတယ်။

၂ဝဝ၄ ခုနှစ် စာဆိုတော်လရာသီက ကျနော်ရယ်၊ ဆရာချစ်ဦးညိုရယ်၊ ဆရာအောင်သင်း ရယ်၊ တောင်ငူခရိုင် ဆွာမြို့ကို စာပေဟောပြောပွဲ သွားကြရပါတယ်။ ရန်ကုန်ဘူတာကြီးကနေ ရထားနဲ့ သွားကြတာဆိုတော့ ဆရာတပည့်သုံးယောက် ရထားပေါ်မှာ ရောက်တတ်ရာရာ ကလေးတွေ ပြောမိကြပါတယ်။ အဲဒီလို ပြောကြရင်း ကာတွန်းတွေ အကြောင်းဖက်ကို ရောက်သွားပါတယ်။ ဆရာအောင်သင်းက “ငါတို့ မြန်မာကာတွန်းတွေကို “ရုပ်ပြောင်” လို့ ရေးကြပြောကြတာကို ငါတော့ အတော် သဘောကျတယ်ကွ၊ ရုပ်ပြောင်ဆိုတာ စူးရှတာ၊ ထက်မြက်တာ၊ ပြောင်ပြောင်မြောက်မြောက် ရှိတာကို ပြောတာ၊ ကာတွန်းမှာ အိုင်ဒီယာအဓိကလို့ ပြောတာကို ငါမငြင်းပါဘူး၊ ဒါပေမယ့် လက်ရာကလေးပါ ကောင်းရင် ပရိသတ်ပိုပြီး စိတ်ဝင်စားမှု မရှိဘူးလား၊ ဒီကနေ့ မဂ္ဂဇင်းတွေမှာ အတွေးအခေါ်ကလည်း မပါ၊ ဆွဲထား ရေးထားတဲ့ ရုပ်ပုံတွေကလည်း ခပ်ညံ့ညံ့ ဆိုတာတွေကို တွေ့နေရတယ်။ အဲဒီ ကာတွန်းတွေဟာ “ရုပ်ပြောင်” တွေ မဟုတ်တော့ဘူးကွ သိလား၊ “ရုပ်ပျက်” တွေ၊ “ရုပ်ပျက်တွေ” လို့ ဆရာချစ်ဦးညိုနဲ့ ကျနော့်ကို ပြောပါတယ်။

ဒီတော့ ကာတွန်း ဒါမှမဟုတ် ရုပ်ပြောင်ဆိုတာ လက်ရာလည်း ကောင်းရမယ်၊ အိုဒီယာလို့ ခေါ်တဲ့ အတွေးအခေါ်ကလည်း စူးရှထက်မြက်ရမယ်ဆိုတာ ထင်ရှားပါတယ်။ ပြီးတော့ ကာတွန်းပညာဆိုတာ ပုံဆွဲခြင်း အတတ်ပညာနဲ့ စာရေးခြင်း အတတ်ပညာ နှစ်ခုကို အချိုးညီ ပေါင်းစပ်ရတဲ့ အနုပညာရပ် တခုလည်း ဖြစ်ပါတယ်။ ဒါ့ကြောင့် ပုံဆွဲခြင်း အတတ်ပညာမှာရော၊ စာရေးခြင်း အတတ်ပညာမှာပါ အထိုက်အလျောက် ကျွမ်းကျင်ဖို့ လိုအပ်ပါတယ်။ အချို့ ကာတွန်းကလေးတွေမှာ လက်ရာကလည်း ကောင်းပါရဲ့၊ အတွေးအခေါ်ကလည်း မဆိုးလှပါဘဲ အဲဒီ အတွေးအခေါ်ကို စာရေးပြီး တင်ပြလိုက်တဲ့အခါ ရှည်လျား ထွေပြားနေတာကြောင့် “ကာတွန်း မပီသတော့ဘဲ “စာတွန်း” တွေ ဖြစ်နေကြတာကို မကြာမကြာ တွေ့နေမြင်နေရပါတယ်။

ဒါကြောင့် ကာတွန်းတပုံအတွက် သရုပ်ဖော်ပုံကလေးတွေ ရေးပြီးလို့ရှိရင် အဲဒီရုပ်ပုံကလေးတွေက ပြောရမယ့်စကားကို တခါတည်း ရုပ်ပုံအပေါ်မှာ တန်းပြီး ချမရေးလိုက်သင့်ပါဘူး။ စာရွက်အလွတ်တရွက် အပေါ်မှာ ကိုယ်ပြောချင်တဲ့ စာကို ချရေးပြီး သေသေချာချာ ဖတ်ကြည့်ဖို့လိုမယ်လို့ ကျနော် ထင်ပါတယ်။ ပိုနေ ပွနေတဲ့ စကားလုံးတွေကို ဖြုတ်၊ လိုအပ်နေတယ်လို့ ထင်တဲ့ စာလုံးတွေကို အစားထိုးဖြည့်ပြီးတော့ အသံထွက် ဖတ်ကြည့်တာမျိုး လုပ်သင့်ပါတယ်။ နားဝင်ချောတဲ့ ဆိုလိုချင်တဲ့ အချက်ကို ရှင်းရှင်းလင်းလင်း ပေါ်လွင်စေတဲ့ ကျစ်လျစ်အား ရှိတဲ့ စကားပြောကို ရပြီဆိုတော့မှ အဲဒီစာသားကို စောစောက ရေးဆွဲထားတဲ့ ကာတွန်း ရုပ်ပုံတွေအပေါ်ကို ချရေးလိုက်သင့်ပါတယ်။

ကာတွန်းဆရာ တယောက်ရဲ့ တာဝန်ဟာ ဘယ်လောက်ကြီးမား လေးနက်သလဲ ဆိုတာကို တွေ့ကြရမှာပဲ ဖြစ်ပါတယ်။ ဦးဘဂျမ်း၊ ဦးဟိန်စွန်း၊ ဦးမောင်စိန်၊ ဦးဘထွေး၊ ဦးအောင်ရှိန်တို့ကအစ ရွှေမင်းသား၊ ငွေကြည်၊ မြေစာ၊ မောင်ဝဏ္ဏ၊ မောင်မောင် တို့အလည် အော်ပီကျယ်၊ ဇော်မောင်၊ ဝင်းအောင်၊ စိုးသော်တာ၊ ကိုရွှေထူး၊ နေမျိုးအေးတို့အဆုံး ဒီတာဝန်ကြီးကို လက်ဆင့်ကမ်း သယ်ဆောင်လာခဲ့ကြတာဟာ ဒီကနေ့အထိပဲ ဆိုပါတော့။

စောစောက ပြောခဲ့သလို မြန်မာကာတွန်းတွေဟာ နိုင်ငံရေး ကာတွန်းတွေကနေ မြစ်ဖျားခံလာတာ ဖြစ်လေတော့ ဒီကနေ့ မဂ္ဂဇင်း စာမျက်နှာတွေပေါ်မှာ ရေးနေကြတဲ့ အချို့သော ကာတွန်းလေးတွေဟာလည်း နိုင်ငံရေး ကာတွန်းလေးတွေ ဖြစ်နေတာကို သတိပြုမိပါတယ်။ ဒါပေမယ့် အားလုံး သိကြတဲ့အတိုင်း မြန်မာပြည်ရဲ့ စာပေလောကဟာ လွတ်လွတ်လပ်လပ် ဖန်တီးခွင့်၊ လွတ်လွတ်လပ်လပ် ထုတ်ဝေခွင့်ရှိတဲ့ ရာသီဥတုမျိုး မဟုတ်ပါဘူး။ ကတ်ကြေးတွေ၊ ဓားတွေ အောက်ကို ဖြတ်သန်း အစစ်ဆေးခံပြီးမှ စာဖတ်သူတွေရဲ့ မျက်စိရှေ့မှောက် ကို ရောက်ခွင့် ကြုံကြရတာပါ။ အထူးသဖြင့် နိုင်ငံရေးဆိုတာနဲ့ နိုင်ငံရေးသမားတွေကို ဖိဖိစီးစီး နှိပ်ကွပ်နေတဲ့ အချိန်မျိုးမှာ နိုင်ငံရေး ကာတွန်းတပုဒ်ကို ထုတ်ဝေ ဖြန့်ချိခွင့်ရအောင် ရေးရတာ အတော်မလွယ်တဲ့ ကိစ္စတရပ်ပဲ ဖြစ် ပါတယ်။

ဒါပေမယ့် ဝတ္ထုဖြစ်စေ၊ ကဗျာဖြစ်စေ၊ ကာတွန်းဖြစ်စေ၊ ခေတ်ပြိုင်ခံစားမှုကို ကိုယ်စားပြု မရေးဖွဲ့နိုင်ဘူးဆိုရင် ဒီအနုပညာရှင်ကို သမိုင်းက မှတ်တမ်းတင်မှာ မဟုတ်သလို နေရာပေးမှာလည်း မဟုတ်ပေဘူး။ ဒါကြောင့် ကာတွန်းဆရာဟာ သမိုင်းရဲ့ မှတ်တမ်းတင်မှုကိုလည်း ခံရအောင်၊ သက်ဆိုင်ရာ ရာစုနှစ်ရဲ့ တောက်ပတဲ့ ကြယ်တပွင့်ဆိုတဲ့ နေရာကလေးတခုလည်း ရအောင်ဆိုရင်၊ ပြီးတော့ စောစောကပြောတဲ့ ကတ်ကြေးတွေ ဓားတွေအောက်ကလည်း လွတ်အောင်ဆိုရင် သူ့ရဲ့ကာတွန်းကို ပညာသားပါပါနဲ့ ရေးဆွဲတင်ပြရပါတော့တယ်။ အဲဒီလို ကာတွန်းကလေး တခုကို မဂ္ဂဇင်း တအုပ်ထဲမှာ ကျနော် ဖတ်ခဲ့ရပါတယ်။

ကာတွန်းကလေးက အကွက်ကလေး ငါးကွက် ရေးထားတာပါ။ လူနှစ်ယောက် မတ်တတ် ရပ်နေကြတာဖြစ်ပြီး၊ ပထမအကွက်မှာ လူတယောက်က သူ့ရဲ့ အနောက်ဘက်ကို စိုးရိမ်တဲ့ အမူအရာနဲ့ လှည့်ကြည့် လိုက်ပါတယ်။ ကျန်တဲ့လူက အဲဒီလူရဲ့ အပြုအမူကို နားမလည်ဟန်နဲ့ အံ့သြနေတဲ့ ပုံကလေး ရေးထားပါတယ်။ ဒုတိယ အကွက်မှာတော့ စောစောက အနောက်ဘက်ကို လှည့်ကြည့်တဲ့လူကပဲ အရှေ့ဘက် တည့်တည့်ကို ကြည့်ပြန်ပါတယ်။ တတိယအကွက်မှာ အောက်ဘက်ကို သေသေချာချာကြည့်ပြီး စတုတ္ထအကွက်မှာ အပေါ် တည့်တည့်ကို ကြည့်လိုက်ပါတယ်။ အဲဒီလို အရှေ့ရယ်၊ အနောက်ရယ်၊ အပေါ်ရယ်၊ အောက်ရယ်ကို သေသေချာချာ ကြည့်ပြီးတော့မှ ပဉ္စမမြောက် အကွက်ဖြစ်တဲ့ နောက်ဆုံးအကွက်မှာ သူ့ရဲ့ရှေ့က ဘာမှန်းညာမှန်း မသိဖြစ်နေတဲ့သူကို လေသံတိုးတိုးကလေးနဲ့ စကားတခွန်း ပြောလိုက်ပါတယ်။ သူပြောလိုက်တဲ့ စကားလေးကတော့

“နေကောင်းတယ်နော်” တဲ့။

ရုတ်တရက် ကြည့်ရင်တော့ ဘယ်လိုမှ အဓိပ္ပာယ် မပေါက်နိုင်တဲ့ ကာတွန်းကလေးပါပဲ။ ဒါပေမယ့် သေသေချာချာ စဉ်းစား ကြည့်လိုက်ရင်တော့ဖြင့် စစ်အာဏာရှင် လက်အောက်မှာ နေထိုင်နေကြရတဲ့ ပြည်သူလူထုရဲ့ မွန်းကြပ်ပိတ်လှောင်နေတဲ့ ဘဝတွေ၊ နေရာတကာမှာ အကြောက်တရားရဲ့ လွှမ်းမိုးခြင်းကို ခံနေကြရတဲ့ ဘဝတွေကို မြင်ကြ တွေ့ကြရမှာပါ။ ဟုတ်ပါတယ်။ ကာတွန်း ပုံထဲမှာပါတဲ့ ဇာတ်ကောင်ခမျာ အဲဒီ “နေကောင်းတယ်နော်” ဆိုတဲ့ စကားကလေးတခွန်းကို ပြောဖို့အတွက် အရင်ဆုံး၊ အရှေ့ရော၊ အနောက်ရော၊ အပေါ်ရော၊ အောက်ရော ဆိုသလို စိုးရိမ်တကြီး ကြည့်ရှာရပါသေးတယ်။ ပတ်ဝန်းကျင်မှာ ဘယ်သူ တဦးတယောက်မှ ရှိမနေတာ တကယ့်ကို သေချာသွားတော့မှ စောစောက “နေကောင်းတယ်... နော်” ဆိုတဲ့ စကားကလေးကို ပြောရဲတာပဲ ဖြစ်ပါတယ်။ ပြောရဲတယ် ဆိုတာတောင်မှ ပွင့်ပွင့်လင်းလင်း ရဲရဲတင်းတင်း မဟုတ်ပါဘူး။ တိုးတိုးကလေးမှ တကယ့် တိုးတိုးကလေး။

တကယ်တော့ ဒီ “နေကောင်းတယ်... နော်” ဆိုတဲ့စကားဟာ လူတယောက်နဲ့ တယောက် တွေ့ရင် ယဉ်ကျေးမှုအရ နှုတ်ဆက်နေကျစကား၊ ပဋိသန္တာရစကားသာ ဖြစ်ပါတယ်။ ပြောကြားသူ ကိုယ်တိုင်ကိုသော်လည်းကောင်း အပြောခံရသူကိုလည်းကောင်း ဘယ်လိုမှ ထိခိုက်နစ်နာမှု မဖြစ်စေတဲ့ မရှိစေတဲ့ စကားပဲဖြစ်ပါတယ်။ ထိပ်တန်း လျှို့ဝှက် သတင်းတခုခု၊ တော်လှန်ရေး ကိစ္စတခုခု မဟုတ်ပါဘူး။ ကောင်းပြီ၊ ဒါဖြင့်ရင် ဒီစကားကလေး ပြောဖို့ကို ဘာဖြစ်လို့ အရပ်ရှစ်မျက်နှာကို အရင်ကြည့်၊ စိတ်ချရပြီ ဆိုတော့မှ တိုးတိုးကလေးကပ်ပြော လုပ်ရတာလဲလို့ မေးစရာ ရှိပါတယ်။ ကာတွန်းဆရာ ဆိုလိုချင်တာက စစ်အာဏာရှင်တွေရဲ့ လက်အောက်မှာ ဘယ်သူ တဦးတယောက်မှ လုံခြုံမှု မရှိဘူး ဆိုတာကိုပါပဲ......။

အာဏာရှင်တွေဟာ သူတို့ရဲ့ အာဏာတည်မြဲရေးအတွက် 'Informer' လို့ခေါ်တဲ့ သတင်းပေးတွေ ဖော်ကောင်တွေကို လက်သပ် မွေးထားတတ်ကြပါတယ်။ ဒီ 'Informer' တွေပေးတဲ့ သတင်း အချက်အလက်တွေ အပေါ် ဟုတ်တာမဟုတ်တာ နောက်ထား၊ သူတို့ သတင်းပေးလိုက်တဲ့ သူတွေကို ဖမ်းဆီးနှိပ်စက်တာ၊ ထောင်ချ သတ်ဖြတ်တာတွေ လုပ်ကြပါတယ်။ အာဏာရှင်ခေတ်မှာ လူနှစ်ယောက် မဆုံလိုက်နဲ့ ဆုံလိုက်ရင် တယောက်ဟာ အမြဲပဲ 'Informer' သတင်းပေး ဖြစ်နေတတ်ပါတယ်။

ကျနော့်ရဲ့ မိတ်ဆွေ စာရေးဆရာ ဆောင်းဝင်းလတ်ဟာ စားသောက်ဆိုင် တခုထဲမှာ စားရင်းသောက်ရင်း ဒေါ်အောင်ဆန်းစုကြည်ရဲ့ ရုပ်ပုံကလေးကို ခဲခြစ်ခြစ်ပြီး 'Sketch' ဆွဲလိုက်မိပါတယ်။ တခါတည်း ထောင်တနှစ် ကျသွားပါရောလား၊ ဒါကြောင့် အာဏာရှင်တွေရဲ့ လက်အောက်မှာ နေနေရတဲ့ ပြည်သူလူထုအဖို့ “နေကောင်းတယ်နော်” လို့ဆိုတဲ့ စကားကလေးမျိုးကိုတောင် ကျယ်ကျယ် မပြောရဲရှာဘူး ဆိုတာကို ကာတွန်းဆရာက ပညာသားပါပါနဲ့ တင်ပြလိုက်တာပဲ ဖြစ်ပါတယ်။


ရဲခေါင်မဲမောင်

ပုံရိပ် နိုင်ငံရေး

ဘိုဘိုကျော်ငြိမ်း
တနင်္ဂနွေနေ့၊ စက်တင်ဘာလ 21 2008 18:30 - မြန်မာစံတော်ချိန်

ကျနော်တို့ရဲ့ မြန်မာ့နိုင်ငံရေး လောကမှာ နိုင်ငံရေး အယူဝါဒ အခြေခံတာထက် ပုဂ္ဂိုရ်ရေး တိုက်ခိုက်မှုတွေက ပိုအားသာလျက် ရှိကြပါတယ်။ စစ်အစိုးရရဲ့ သတင်းစာတွေကို ကြည့်ရင် တိုင်းပြည်အတွက် အသက်ပေးပြီး တိုင်းပြည်အတွက် လွတ်လပ်ရေးကို အရယူပေးခဲ့တဲ့ ဗိုလ်ချုပ်အောင်ဆန်းရဲ့ မျက်နှာကိုမှမထောက်၊ ဒေါ်အောင်ဆန်းစုကြည်ကို ဘာမဟုတ်တဲ့ ငါးချီးလူးတွေက ပုဂ္ဂိုလ်ရေး စော်ကားလိုက်ကြတာ။

တခါ အတိုက်အခံဖက်ကို ကြည့်မယ်ဆိုရင်လည်း၊ ထူးမခြားနား ပုဂ္ဂိုလ်ရေး တိုက်ခိုက်မှုတွေကိုပဲ ရှေ့တန်း တင်လာကြတာကို တွေ့နိုင်ပါတယ်။

ဒီမိုကရေစီကို တကယ် ယုံကြည်သူ မှန်ရင် အတိုက်အခံ Opposition နဲ့အတိုက်အခံ အတွေးအခေါ် Opposite Thinking or OppositeView ကို အသိအမှတ်ပြု ကြရပါတယ်။ အတိုက်အခံ တည်ရှိမှုကို လက်မခံရင် ဒီမိုကရေစီကနေ အာဏာရှင်စနစ်သို့ ထိုးဆင်းသွားနိုင်တဲ့ အန္တရာယ်က ပိုကြီးမားပါတယ်။

ဒါကြောင့် အစိုးရဖြစ်စေ၊ နိုင်ငံရေး အဖွဲ့အစည်း ဖြစ်စေ၊ ပြည်သူအရှေ့မှာ ထွက်ရပ်ရဲတဲ့ ခေါင်းဆောင်ကိုဖြစ်စေ ဝေဖန်နိုင်ခွင့် ရှိရပါမယ်။ ဝေဖန် ရဲကြရပါမယ်။ ဝေဖန်တယ်ဆိုရာမှာ စေတနာ မပါရင်တောင် ဦးတည်ချက်ရှိပြီး ဓမ္မဓိဌါန်ကျကျ ပိုင်းခြားစိပ်ဖြာနိုင်ပြီး အကျိုးအကြောင်း စက်ဆပ် တင်ပြခြင်းကို ဆိုလိုတာပါ။ အင်္ဂလိပ်လို Analytical Criticism (or) Constructive Criticism ကို ရည်စူးတယ်လို့ ပြောရမယ် ထင်ပါတယ်။ ပရမ်းပတာ ဝေဖန်မှုမျိုး (Meaningless Criticism) ကို မဆိုလိုပါ။

ပရမ်းပတာ ဝေဖန်မှုထက် နိမ့်ကျတာကတော့ တိုက်ခိုက်မှု (Attack) ပါဘဲ။ ကျနော်တို့ရဲ့ မြန်မာ့ နိုင်ငံရေး လောကမှာ (ဝေဖန်မှု) နဲ့ (တိုက်ခိုက်မှု) တို့ အဓိပ္ပယ် ခြားနားတယ် ဆိုတာကို သတိပြုမိကြပုံ မပေါ်လှပါ။ ဝေဖန်မှုထက် နိမ့်ကျတဲ့နိုင်ငံရေး တိုက်ခိုက်မှုတွေ၊ အထူးသဖြင့် ပဂ္ဂိုလ်ရေး တိုက်ခိုက်မှု တွေလွှမ်းမိုးနေတာကို တွေ့မြင်နေရတော့ ရင်နာမိသလို တိုင်းပြည်အတွက် စိတ်မကောင်း ဖြစ်မိတယ်။

ဝေဖန်မှုထက် နိမ့်ကျတဲ့ တိုက်ခိုက်မှု၊ အထူးသဖြင့် ပု၈္ဂိုရ်ရေး တိုက်ခိုက်မှုမျိုးတို့ မြစ်ဖျားခံရာ စိတ်ဓါတ် အတွေးအခေါ်မျိုး မြန်မာ့ နိုင်ငံရေးလောကမှ ပပျောက်စေလိုသော စေတနာကြောင့် ဤဆောင်းပါးနှင့် ဆွေးနွေးခြင်း ဖြစ်ကြောင်း စာဖတ်သူများကို သိစေလိုပါတယ်။

ပုံရိပ်နိုင်ငံရေးကို မဆွေးနွေးခင်မှာ မြန်မာ့နိုင်ငံရေး၊ မြန်မာနိုင်ငံရဲ့ အရေးမှာ ခုထိ ကြီးစိုးနေတဲ့ စိတ်ဓါတ်နဲ့ ဝါဒ အကျင့်အကြံနှစ်ခု ရှိပါတယ်။

အဲဒါကတော့ မဆလ စိတ်ဓါတ်နဲ့ ကွန်မြူနစ်အတွေးအခေါ် (သို့) အကျင့်အကြံလို့ ပြောရမယ် ထင်ပါတယ်။

မဆလစနစ်ဆိုးကြီးဟာ ၁၉၈၈ ခုနှစ် ပြည်သူ့ အရေးတော်ပုံကြီးကြောင့် ဇီဝိန်ချုပ်ခဲ့ရပေမယ့် ၁၉၆၂ ခုနှစ်ကတည်းက သွပ်သွင်းထားခဲ့တဲ့ မဆလ စိတ်ဓါတ်ဟာ ခုထိ ရှင်သန်နေဆဲပါ။

မဆလ ဘဝက တခောတ်ပြောင်းခဲ့တဲ့ နအဖ အစိုးရဟာ ခုထိ စီးပွားရေး ကျဆုံးနေရတာ၊ ပြည်သူတွေကို ထမင်းဝအောင် မကျွေးနိုင်ဘဲ သယံဇာတ ပေါများတဲ့ မြန်မာပြည်လိုနိုင်ငံမှာ သန်းနဲ့ချီတဲ့ ပြည်သူတွေ ထမင်းမဝ ဖြစ်နေရတာဟာ ဒီ မဆလ စိတ်ဓါတ်ကြောင့်ပါပဲ။ ဘောင်းဘီဝတ်ရာကနေ ခေါင်းပေါင်းဆောင်း၊ တခါ ဘောင်းဘီပြန်ဝတ်နဲ့ အပြင်က ပုံစံပြောင်း သနပ်ခါးခြယ်ထားပေမယ့် နိုင်ငံ့အာဏာကို သေနတ်နဲ့ထောက်ပြီး မတရားအာဏာကို လုယူထားတဲ့ အာဏာရူးနေတဲ့ စစ်ဗိုလ်စစ်သားတွေရဲ့ အတွင်းစိတ်မှာ ဒီ မဆလ စိတ်ဓာတ်ဟာ ကြီးစိုးကြီးထွားလျှက် ရှိပါတယ်။

ကျနော့်အမြင်အရပြောပြရရင် မဆလ စိတ်ဓါတ်ဆိုတာ ငါ့အတွက်အဓိက၊ ငါ ကြီးပွားရေးက ပထမ၊ ငါ့(စစ်တပ် ) ငါ့ (စစ်သား)တွေ အာဏာတည်မြဲရေးက ပထမ၊ အပြင်လူအဝင်မခံနဲ့၊ မလှုပ်မရှုတ် မပြုတ် ဆိုတဲ့ အတွေးအခေါ်ဆိုးနဲ့ ရွာလည်နေတဲ့ အကျင့်ဆိုးကြီး ဖြစ်တယ်။

မြန်မာနိုင်ငံ အနှစ် ၄ဝ ကျော် ဆင်းရဲနေတာကို စကားလုံးတလုံးထဲနဲ့ ပြောရမယ်ဆိုရင် အင်္ဂလိပ်လို Control ဗမာလို “ချုပ်ကိုင်မှု” ကြောင့်ပဲ ဖြစ်ပါတယ်။

စစ်တပ်ဟာ အရာရာကို ချုပ်ကိုင်လိုတယ်။ လူမှုရေး၊ စီးပွားရေး၊ နိုင်ငံရေး ၊ နေရာတိုင်းမှာ ချုပ်ကိုင်လိုတယ်။ ဒီ ချုပ်ကိုင်လိုမှုဟာ အာဏာရှင်စံနစ်က မြစ်ဖျားခံလာတာပါ။ မဆလရဲ့ အခြေခံက အာဏာရှင်စံနစ်ပဲ မဟုတ်ပါလား။။

ဝမ်းနည်းစရာ ကောင်းတာက ဒီ မဆလ စိတ်ဓာတ်ဆိုးကြီးဟာ အတိုက်အခံတွေရဲ့ မသိစိတ်ထဲမှာလည်း ကိန်းအောင်းလျှက်ပါတယ်။ ယနေ့လူဖြစ်နေရတဲ့ မြန်မာနိုင်ငံသား အများစုဟာ အာဏာရှင် လက်အောက်မှာ ကြီးပြင်းခဲ့ရတာ ဖြစ်တဲ့အတွက် ကျနော်တို့ အားလုံးမှာ ဒီစိတ်ဓာတ်ဆိုးကြီးဟာ အနည်းနဲ့ အများဆိုသလို ကိန်းအောင်းလျှက် ရှိပါတယ်။

မဆလ လမ်းစဉ်ဆိုတာဟာ ကွန်မြူနစ်စံနစ်က အာဏာရှင်စံနစ်ကို တည်ဆောက်ရာတွင် အခရာကျတဲ့ Democratic Centralization လို့ခေါ်တဲ့ ဗဟိုဦးစီးစံနစ်ကို ပုံတူကူးချပြီး လူကြားကောင်းအောင် ဗုဒ္ဓဘာသာနဲ့ ရောထွေးပြီး လူထုကို နားလှည့်ပါးရိုက်လုပ်ဖို့ ကြိုးစားခဲ့တာပါပဲ။ ဒါကြောင့် မဆလ ပါတီကို ကွန်မြူနစ်လူထွက်တွေနဲ့ ကွန်မြူနစ် (ပျက်)တွေ အစုလိုက် အပြုံလိုက်ဝင်ပြီး ပံ့ပိုးခဲ့ကြသေးတယ် မဟုတ်ပါလား။။ မဆလ ဆိုတာ အရောင်ဆိုးထားတဲ့ ကွန်မြူနစ်စံနစ်ပါပဲ။ ကွန်မြူနစ်က ပစ္စည်းမဲ့ အာဏာရှင်စနစ်ကို တည်ထောင်တယ်။ မဆလ က ဆိုရှယ်လစ်အမည်ခံပြီး စစ်ဗိုလ်တွေအတွက် စစ်အာဏာရှင်စံနစ်ကို တည်ထောင်တယ်။ စံနစ် နှစ်ခုလုံး အာဏာရှင်စံနစ် ကိုတည်ထောင်ဖို့ ဗဟိုဦးစီးစံနစ်ကို ကျင့်သုံးကြပါတယ်။

စံနစ်နှစ်ခုလုံး အရာရာကို ချုပ်ကိုင်ဖို့ ကြိုးစားတာကြောင့် ကွန်မြူနစ်စံနစ်ဟာ ကမ္ဘာမှာ ရေတိမ်နစ်ခဲ့ရပြီး မဆလ စံနစ်ဟာလည်း တံတွေးခွက်မှာ ပက်လက်မျောခဲ့ရပါပြီ။ တရုတ်ပြည်ကြီးတခုပဲ တိန့်ရှောင်ဖိန်ရဲ့ ဥာဏ်အမျှော်မြင်ကြီးမှုကြောင့် ရှင်သန်တိုးတက်လျှက် ရှိပါတယ်။ တကယ်တော့ တရုတ်ပြည်ကြီးဟာ ကွန်မြူနစ်အမည်ခံ သက်သက်ပဲ ရှိပါတော့တယ်။ စီးပွားရေးစံနစ်မှာ အမေရိကန်နဲ့ အပြိုင် အရင်းရှင် ဈေးကွက် စီးပွားရေးစံနစ်ကို ကျင့်သုံးနေပြီး ကွန်မြူနစ်ပါတီ အာဏာတည်မြဲရေးကို ဦးတည်လျှက်ရှိပြီး မော်စီတုံးသာ အသက်ပြန်ရှင်ခဲ့ရင် မှတ်မိစရာ မရှိပါ။ သို့သော် တရုတ်ကွန်မြူနစ်တွေရဲ့ အားသာချက်က တရုတ်ကွန်မြူနစ် ခေါင်းဆောင်တွေဟာ တိုင်းပြည်ကို ချစ်တဲ့ စေတနာရှိပြီး တရုတ်ကွန်မြူနစ်ပါတီဟာ တိန့်ရှောင်ဖိန်ရဲ့ လမ်းညွှန်ချက်ကြောင့် အများကြီး တိုးတက်လျှက် ရှိပါတယ်။ အချိန်ရမှ တရုတ်ပြည်စံနစ်ကို ဆွေးနွေးပါဦးမယ်။ စစ်တပ်အုပ်စိုးတဲ့ မဆလနဲ့ နအဖဗိုလ်ချုပ်တွေက တိုင်းပြည်နဲ့ လူထုအပေါ် စေတနာတပြားသားမှ မရှိကြပါ။


ကွန်မြူနစ်တို့ရဲ့ သြဇာလွှမ်းမိုးမှု
ကျနော်တို့ မြန်မာနိုင်ငံမှာ ကြိုက်သည်ဖြစ်စေ၊ မကြိုက်သည်ဖြစ်စေ၊ နိုင်ငံရေးကို စိတ်ဝင်စားပြီး ဆိုတာနဲ့ ကွန်မြူနစ်တို့ရဲ့ သြဇာလွှမ်းမိုးမှုအရှိန်က မကင်းပါဘူး။ တချိန်ထဲမှာ ကွန်မြူနစ်တွေရဲ့ အားသာချက်က ဖက်တွယ်စရာ (ဝါဒ) ရှိတယ်။ ဒါ့အပြင် ခောတ်အဆက်ဆက် ဆန့်ကျင်ခဲ့တဲ့အတွက် အတွေ့အကြုံနဲ့ နိုင်ငံရေး အဆောက်အဦ (Political Infrastructure) ရှိခဲ့ကြတယ်။ ဒါကြောင့် မြန်မာ့နိုင်ငံရေး တလျှောက်လုံးမှာ ဆွဲအားနဲ့ စည်းရုံးရေး အားကောင်းခဲ့ကြတယ်။ မြေအောက် တော်လှန်ရေး Under Ground Movement မှာလည်း အနီတွေ အားကောင်းခဲ့ပြန်တယ်။

ဗမာပြည် ကွန်မြူနစ်ပါတီ အားနည်းချက်က အမျှော်အမြင်ကြီးတဲ့ ခေါင်းဆောင် မမွေးနိုင်ခြင်းနဲ့ မဟာဗျူဟာ (Strategy) နဲ့ နည်းဗျူဟာ (Tactical) မှာ အားနည်းခြင်းပဲလို့ ထင်မိတယ်။

စစခြင်းမှာ ကွန်မြူနစ်တို့ရဲ့ ဝါဒဘုရားသခင်က သခင်စိုးပါပဲ။ အနုပÉိလောမရုပ်ဝါဒ စတဲ့ စကားလုံးကြီးတွေကို နိုင်နိုင်သုံးပြီး လက်တွေ့ထက် ဝါဒရေးကို ဦးစားပေးခဲ့ပါတယ်။

ဒုတိယအကြိမ် ပါတီကွန်ကရက်မှာပဲ သခင်စိုးနဲ့ သခင်သန်းထွန်းတို့ ကွဲကြပြီး သိန်း-သန်း ကွန်မြူနစ် ဖြစ်ခဲ့ရတယ်။ သိန်း-သန်းကနေ သိန်းဖေမြင့်ခမြာ မြေနိမ့်စံဘဝမှာ ဘာတာဝန်မှ ပေးအပ်ခြင်းမခံရဘဲ စာတွေဖတ် လေ့လာရေးတွေ လုပ်နေရပြန်တယ်။

သခင်စိုးနဲ့ သခင်သန်းထွန်းကွဲကြတော့ အပြန်အလှန်ပုတ်ခတ် ဝါဒဖြန့်နဲ့ ပုဂ္ဂိုလ်ရေးတိုက်ပွဲတွေ ဆင်နွဲခဲ့ကြတယ်။ တဖက်က ဆိုရှယ်လစ်တွေကိုလည်း ပုဂ္ဂိုလ်ရေး တိုက်ပွဲတွေ တိုက်ခိုက်ရသေးတယ်။ ကွန်မြူနစ် ခေါင်းဆောင်တွေဟာ ဖဆပလကြီးကို ကြိုးကိုင်ဖို့ ကြိုးစားရင်း အိမ်ကြီးထဲမှာ အိမ်ငယ်ဆောက်ရာက နောက်ဆုံး ဗိုလ်ချုပ်အောင်ဆန်းက ခတ်ပြတ်ပြတ် ကွန်မြူနစ်တွေကို ဖဆပလထဲက ကန်ထုတ်ပြစ်လိုက်တယ်။

ဗိုလ်ချုပ်အောင်ဆန်းနဲ့ ဖဆပလ ခေါင်းဆောင်တွေကို ပုဂ္ဂိုလ်ရေး ပက်ပက်စက်စက် တိုက်ခိုက်ခဲ့တာ ငြင်းမရတဲ့ အချက်ပါပဲ။ ဗိုလ်ချုပ်အောင်ဆန်းဟာ တိုင်းပြည်ကို ရောင်းစားတယ်။ အလိမ်အညာ လွတ်လပ်ရေးကို လက်ခံတယ် စသည်ဖြင့် တိုက်ခိုက်ခဲ့ကြတယ်။ ကွန်မြူနစ်တွေ လူချနည်းတွေကို သိချင်ရင် ဗိုလ်ချုပ်အောင်ဆန်းရဲ့ မိန့်ခွန်း( ကွန်မြူနစ်တွေကို ဖဆပလထဲက ဘာကြောင့်ထုတ်ရသလဲ) -ဗိုလ်ချုပ်အောင်ဆန်း၏ မိန့်ခွန်းများစာအုပ် - ကို ဖတ်ကြည့်ပါ။ ဗိုလ်ချုပ်ကိုင်တိုင် ရင်ဖွင့်ခဲ့ရတာပါ။


ရလာဒ်က ဘာလဲ။
ရလာဒ်က ခုချိန်ထိ ခံစားနေရတဲ့ ကိုယ့်ပါတီ၊ ကိုယ့်လူမဟုတ်ရင် တဖတ်သတ် စွဲချက်တင် လူချကြတဲ့ အကျင့်ဆိုးကြီးပါပဲ။ ဒီမိုကရေစီဘောင်အတွင်းက ဒီမိုကရေစီ မျက်စိနဲ့ကြည့်ရင် ကိုယ်နဲ့ အမြင်မတူသူဟာ ဆန့်ကျင်ဖက် အမြင်ရှိသူ (သို့) အတိုက်အခံ Opposition ဟုသာ မြင်ရမည်။ ရန်သူဟု မြင်စရာ မရှိသေးပါ။ သို့သော် ကွန်မြူနစ် အမြင်နဲ့ကြည့်လျှင် မိမိနှင့်အမြင်မတူသူ ဝါဒမတူသူ မှန်သမျှသည် ရန်သူ။ နေရာ မပေးနှင့် စောစောစီးစီး တိုက်ထုတ်ထား၊ ပုဂ္ဂိုလ်ရေး တိုက်ခိုက်ထား။ စာဖတ်သူတို့လည်း အနည်းနဲ့အများ ကြားသိတွေ့ကြုံဖူးကြမှာပါ။

ယခု လက်ရှိ အခြေအနေနဲ့ ကြည့်ရင် စစ်အာဏာရှင် စနစ်ဆိုးကြီး ပြုတ်ကျအောင် တိုက်နေရတဲ့ ခောတ်ကြီးမှာ ပစ်မှတ်ကတော့ စစ်အာဏာရှင်စံနစ်သာ ဖြစ်သင့်ပါတယ်။ ဆိုရှယ်လစ်၊ ကွန်မြူနစ်၊ တသီးပုဂ္ဂလ၊ အရင်းရှင်၊ လစ်ဖရယ်ဒီမိုကရက် အားလုံးဟာ အမြင်မတူသော တော်လှန်ရေးသမား အချင်းချင်းဟုသာ မြင်သင့်သည်။ အပြိုင်ဟု မြင်နိုင်သည်။ ရန်သူဟု မမြင်သင့်ပါ။

လွတ်လပ်ရေး တိုက်ပွဲခောတ်က ကြည့်လျှင် ပစ်မှတ်သည် လွတ်လပ်ရေး၊ တိုက်ချက်သည် အင်္ဂလိပ်နယ်ချဲ့ ဖြစ်သင့်သည်။ ဗိုလ်ချုပ်အောင်ဆန်း အမှူးပြုသော ခေါင်းဆောင်များ၊ ဆိုရှယ်လစ်များကို ရန်သူသဖွယ် ပစ်မှတ် မပြုသင့်ပါ။ သို့သော် ကွန်မြူနစ် ခေါင်းဆောင်များက ထိုသို့ မတွေးခဲ့ကြပါ။ အာဏာရှင်စနစ်ကို အခြေခံသောကြောင့် မိမိတို့ပါတီ အာဏာရရေးသာ အဓိက၊ ရန်သူ (Enemy) နှင့် အတိုက်အခံ (Opposition) -(သို့မဟုတ်)- အမြင်ကွဲ Different View ရှိသူဟု ခွဲမမြင်နိုင်ကြပါ။


ဗျူဟာ (Strategy) လွဲမှားတယ် ဆိုတာဘာလဲ။။
ဗိုလ်ချုပ်အောင်ဆန်းလို ခေါင်းဆောင်မျိုးဟာ လေ့လာလေ ချစ်စရာကောင်းလေ၊ ကြည်ညိုစရာ ကောင်းလေဟု ဆိုရမည့် လူစားမျိုးဖြစ်သည်။ ကျနော်တွင် မကပါ၊ ကျနော့်ဖခင်ကိုယ်တိုင် လက်တွေ့ခံစားမှုမှ ဖွင့်ဟ ဝန်ခံဖူးပါတယ်။ "အောင်ဆန်းနဲ့ ငါနဲ့ ကျောင်းထဲက လုပ်ဖော်ကိုင်ဖက် မိတ်ဆွေရင်းတွေ ဖြစ်ပေမယ့် သူဟာ ရိုးသား စစ်မှန်ယုံမက နိုင်ငံရေးကို ကြိုမြင်တတ်ပြီး သူပြောထားတာတွေ မှန်လွန်းလို့ တဖြေးဖြေး လေးစားရာကနေ ငါ့ခေါင်းဆောင်ဆိုပြီး အသိအမှတ် ပြုလာမိတယ်။" ဦးကျော်ငြိမ်းက ဗိုလ်ချုပ်အောင်ဆန်းကို သူငယ်ချင်းဘဝကနေ ခေါင်းဆောင်အဖြစ် ခံယူခဲ့တာ အကြောင်းမဲ့ မဟုတ်ပါ။

ဗိုလ်ချုပ်အောင်ဆန်းဟာ ဖဆပလ အဖွဲ့ကြီးကို တည်ထောင်ရာတွင်လည်းကောင်း၊ ဖဆပလအဖွဲ့ကြီးကို ပြည်သူတွေ တခဲနက် ထောက်ခံတဲ့ အဖွဲ့ကြီးအဖြစ် တည်ဆောက်ရာတွင် လည်းကောင်း၊ လွတ်လပ်ရေးအတွက် နယ်ချဲ့ အင်္ဂလိပ်တို့နဲ့ ယှဉ်၍ ဥာဏ်ပြိုင်ခဲ့ရာတွင် လည်းကောင်း၊ လွန်စွာ လိမ်မာပါးနပ်လှသည့်အပြင် ဥာဏ်အမျှော်အမြင် ကြီးမားခဲ့ပါသည်။


ဖဆပလ အဖွဲ့ကြီး တည်ထောင်မှုကို ကြည့်ပါ။
ထိုစဉ် ထိုအခါက နိုင်ငံရေး နယ်ပယ်တွင် ဘုရားတဆူမျှ သြဇာရှိသူမှာ ကွန်မြူနစ် သခင်စိုးဖြစ်သည်။

သခင်စိုးဟာ ဝါဒရေးရာမှာ ကျွမ်းကျင်ရုံမျှမက ကွန်မြူနစ်ကျမ်းများကို ဘာသာပြန်ကာ ကွန်မြူနစ်ဝါဒကို ဟောကြားဖြန့်ဝေရာတွင် နာမည်ကြီးနေသည့် ခေါင်းဆောင်ကြီး ဖြစ်သည်။ ကမ္ဘာ စစ်ကြီးအပြီး ကိုလိုနီနယ်ချဲ့များကို ရွံရှာမုန်းတီး တော်လှန်နေချိန်ဖြစ်မက စစ်နိုင်သူတဖြစ်လဲ ဆိုဗီယက်ရုရှားတို့ တန်ခိုးတက်နေချိန်ဖြစ်ရာ တကမ္ဘာလုံး ရဲရဲနီနေချိန် ဖြစ်သည်။ စတာလင်ကို တန်ခိုးရှင်အဖြစ် ကိုးကွယ်နေသော သခင်စိုးသည် လက်နက်ကိုင် တော်လှန်ရေးကို စိတ်ကူးယဉ်ကာ ဂျပန်ခေတ်တစ်လျောက် တကိုယ်တော် တော်လှန်နေသူ ဖြစ်သည်။ မာနထောင်လွှား တန်ခိုးတက် နေသော ရဲရဲနီသခင်စိုးကို ကြုံးသွင်း ဆွေးနွေးရန်မှာ လွယ်ကူသော စိန်ခေါ်မှု မဟုတ်ပါ။ ထို့ကြောင့် ဗိုလ်ချုပ်အောင်ဆန်းသည် သခင်စိုးနှင့် နိုင်ငံရေး အားချင်းယှဉ်နိုင်ရန် စစ်တပ်ကို ကိုယ်စားပြုမျှမက ရဲဘော်သုံးကျိပ်ကို ရွေးချယ် စေလွှတ်ခဲ့သော မြေအောက်အဖွဲ့မှတဆင့် ကြီးထွားလာသော ပြည်သူ့ အရေးတော်ပုံ ပါတီ၏ ကိုယ်စားလှယ် အဖြစ်ပါ အားယူပြီးမှ သခင်စိုးနှင့် တွေ့ဆုံဆွေးနွေး နားလည်မှု ရယူခဲ့သည်။ ထိုမှတဆင့် ဖက်ဆစ် တိုက်ဖျက်ရေးနှင့် ပြည်သူ့လွတ်လပ်ရေး (ဖတပလ) (Anti Fascist Organization - AFO) ကို ကွန်မြူနစ်၊ စစ်တပ်၊ ပြည်သူ့အရေးတော်ပုံပါတီမှ ကိုယ်စားလှယ် သုံးဦးစီနှင့် စတင်ထူထောင်ခဲ့သည်။ ထိုမှတဆင့် လက်ဝဲ နိုင်ငံရေးသမားများ သာမက ဘကြီးဘဘေ ကဲ့သို့ ဝါရင့် လက်ျာနိုင်ငံရေးသမားများ၊ သခင်နု ကဲ့သို့သော တသီးပုဂ္ဂလများနှင့် ကရင်လူငယ်အဖွဲ့များကို တဖြည်းဖြည်း စည်းရုံး၍ ဖဆပလ အဖွဲ့ကြီးကို ဘက်ပေါင်းစုံ လူပေါင်းစုံ ပါဝင်သော လူထုကိုယ်စားပြု တပ်ပေါင်းစု အဖွဲ့ကြီးအဖြစ် တည်ထောင်နိုင်ခဲ့ပါသည်။ ဖဆပလ တပ်ပေါင်းစုအဖွဲ့ကြီး အင်အားကြီးလာမှ နယ်ချဲ့ အင်္ဂလိပ်အစိုးရကို ရင်ဘောင်တန်း ဆွေးနွေးခဲ့ပါသည်။

ဒီနေရာမှ ဖြတ်ပြီး ဗိုလ်ချုပ်အောင်ဆန်းရဲ့ ထူးခြားတဲ့ အရည်အချင်းနဲ့ ထိုစဉ်က ထိပ်တန်း ခေါင်းဆောင်တွေရဲ့ လုပ်စဉ်ကို တင်ပြပါရစေ။ ဗိုလ်ချုပ်အောင်ဆန်းရဲ့ အဓိကကျတဲ့ အဓိက အရည်အချင်းဟာ Honesty လို့ခေါ်တဲ့ ရိုးသားဖြောင့်မတ်မှုပါပဲ။ ဗိုလ်ချုပ်ဟာ နိုင်ငံရေးအကွက်မှာ ဖျံဖြစ်ပေမဲ့ နိုင်ငံရေး ကလိန်ကကျစ် မလုပ်ဘူး။ ရာထူးယူရဲမက ရှေ့က တာဝန်ယူရဲတယ်။ ပြောရဲဆိုရဲ လုပ်ရဲကိုင်ရဲမက ဟန်မဆောင်ဘဲ ပွင့်ပွင့်လင်းလင်း ပြောတယ်။ သခင်သန်းထွန်းကတော့ Ambitious လို့ခေါ်တဲ့ ကြီးပွားချင်စိတ် ကြီးပေမဲ့ ဟန်ဆောင်ကောင်းတယ်။ ကိုယ့်လက်ကို ဘယ်တော့မှ မပြဘူး။ ထိပ်တန်းခေါင်းဆောင် လူရင်းတွေကြားမှာ သခင်သန်းထွန်းရဲ့ နာမည်ဝှက်က (ကြောင်လက်သဲ) ပါပဲ။ ဝါဒစွဲ မာနနှင့် ဘဝင်ရှိပေမဲ့ ဟန်ဆောင်ကောင်းတယ်။ သခင်စိုးကတော့ ပုဂ္ဂိုလ်စွဲ၊ ဝါဒစွဲ နှင့် ငါဆိုတဲ့ မာန ပြင်းထန်လွန်းတယ်။ တရားဟောကောင်းတဲ့ နေရာမှာတော့ ကျောက်ရုပ်ကို ခေါင်းညိတ်အောင် ပြောနိုင်တယ်။ ရင်ပြင်နီမှာ အလေးပြုခံဖို့စိတ်ကူးရင်း လက်နက်ကိုင်တော်လှန်ရေးကို ကျစ်ကျစ်ပါအောင် ဆုတ်ကိုင်ထားသူဖြစ်တယ်။ ဦးကျော်ငြိမ်းကတော့ ရှေ့မထွက်ဘဲ နောက်ကကြိုးကိုင်တာကို ပိုပြီး အားသန်တယ်၊ ရဲဘော်စိတ်ပြင်းလွန်းတယ်၊ အဖော်ကောင်းရင် ငရဲပြည်တောင် တခေါက်လောက် အလည်သွားချင်တဲ့ လူစားမျိုး၊ နောက်ပြီး ဟန်ဆောင်မကောင်းလှတာမို့ ရန်သူလည်း များတယ်။ သခင်နုက လူငယ်ခေါင်းဆောင်တွေရဲ့ လေးစားမှုကို ရယူနိုင်မျှမက မိမိယုံကြည်ချက်ကို လူထုပါ ပါလာအောင် ဟောပြော ဦးဆောင်နိုင်တဲ့ ခေါင်းဆောင်ဖြစ်တယ်။ အင်္ဂလိပ်လို Charisma ဗမာလို (ဖုန်း) လို့ခေါ်နိုင်တဲ့ လူထုကို ဆွဲဆောင်နိုင်တဲ့ နိုင်ငံရေးသမား ဖြစ်တယ်။

ဒီထိပ်တန်းခေါင်းဆောင်တွေ အားလုံးဟာ လူတော်တွေဖြစ်မက ဝါဒစွဲပါတီစွဲနဲ့ မာနရှိတဲ့ ခေါင်းဆောင်တွေကို ရအောင်စုပြီး တပ်ပေါင်းစု ဖွဲ့နိုင်အောင် ဦးဆောင်နိုင်ခဲ့တာ ဗိုလ်ချုပ်အောင်ဆန်းရဲ့ သတ္တိနဲ့ အရည်အချင်း ကြောင့်ပါပဲ။ ဒီတပ်ပေါင်းစုကြီးကိုဖွဲ့၊ အင်းအားဖြစ်အောင် ပျိုးထောင်၊ လူထုထောက်ခံမှုရအောင် ကြိုးစားလုပ်ပြပြီးမှ အင်္ဂလိပ်အစိုးရကို စိန်ခေါ်၊ အင်္ဂလိပ်အစိုးရကို ဝင်လုံးပြီး လွပ်လပ်ရေးကို အရယူနိုင်ခဲ့တယ်။

ဒီလို မြန်မာနိုင်ငံရဲ့ လွပ်လပ်ရေးအတွက် တိုက်ပွဲဝင်ကြစဉ်က ဗိုလ်ချုပ်နဲ့ လူငယ် ခေါင်းဆောင်တွေဟာ အသက် (၂ဝ) ကျော် (၃ဝ) ဝင်စပဲရှိကြသေးတယ်။ ဝါရင့်ခေါင်းဆောင်တွေ ဖြစ်တဲ့ ဦးစော၊ ဒေါက်တာဘမော်တို့ကို ကျော်ပြီး လူထုနဲ့ နိုင်ငံရဲ့ ယုံကြည်မှုကို အရယူနိုင်ခဲ့ကြတယ်။ ဒါ့အပြင် ဒီလူငယ် ခေါင်းဆောင်တွေဟာ ဘဝင်မမြင့်သလို လူကြီးတွေကိုလည်း မစော်ကားခဲ့ကြဘူး။ ဘကြီး ဘဘေ၊ သခင်မြစတဲ့ ဥာဏ်ပညာ၊ စေတနာရှိတဲ့ လူကြီးတွေကိုလည်း နေရာပေး ဦးဆောင်စေခဲ့တယ်။ မျိုးချစ်စိတ်နဲ့ တိုင်းပြည်ချစ်စိတ်ပြင်းတဲ့ ကရင်၊ ချင်း၊ ရှမ်း၊ ရခိုင်ခေါင်းဆောင်တွေကိုလည်း လက်တွဲ ဆွဲခေါ်နိုင်ခဲ့ပြန်တယ်။

ကမ္ဘာစစ်ကြီးအပြီး စစ်နိုင်သူ အဖြစ်ပြန်ရောက်လာတဲ့ နယ်ချဲ့ကိုလိုနီ အစိုးရဟာ "စက္ကူဖြူ စာတန်း" ကြီးကိုကိုင်ပြီး နယ်ချဲ့အစိုးရ အဓွန့်ရှည်ဖို့ ကြိုးစားလာတယ်။ အင်္ဂလိပ်ဘုရင်ခံက သူ့ရဲ့ အလိုတော်ရိတွေနဲ့ အစိုးရဖွဲ့တယ်။ ဗြူရိုကရက် ငမိုက်သားတချို့က ဗိုလ်ချုပ်အောင်ဆန်းကို လူသတ်မှုနဲ့ဖမ်းပြီး နှိမ်နင်းဖို့ ကြံစည်ကြတယ်။ ဗိုလ်ချုပ်အောင်ဆန်း ဦးဆောင်တဲ့ ဖဆပလ တပ်ပေါင်းစုကြီးရဲ့ နောက်မှာ တိုင်းပြည်နဲ့ လူထုရှိမှန်းသိမှ ဘုရင်ခံအစိုးရထဲကို ဝင်ဖို့ ဖိတ်ခေါ်လာရတယ်။ ဖဆပလအဖွဲ့ကြီးက မဝင်ဘူး။ တောင်းဆိုချက်ကို လက်ခံမှ ရင်ကော့ပြီး အစိုးရအဖွဲ့ထဲ ဝင်ခဲ့ကြတယ်။ ဒါပေမဲ့ လုံးဝ မမောက်မာဘူး။ ဘဝင်မမြင့်ကြဘူး။ မိမိတို့ရဲ့ ရည်မှန်းချက်ဖြစ်တဲ့ (လွတ်လပ်ရေး) ရရှိရေးကို မျက်ခြေမပြတ်ခဲ့ကြဘူး။

ဒီမှာအရေးပါလှတဲ့ ထူးခြားတဲ့အချက်ကို ထောက်ပြချင်တာက လူထုရဲ့ လေးစားမှု ချစ်ခင်မှု၊ အားကိုးမှုကို ဆက်တိုက် လက်ခံရရှိတဲ့ ဗိုလ်ချုပ်အောင်ဆန်းဟာ (ပုဂ္ဂိုလ်ရေးကိုးကွယ်မှု) Hero worship ကိုအားမပေးခဲ့ဘူး၊ ငါတကော မကောခဲ့ဘူး။ ဒါ့အပြင် အရည်အချင်းပြည့်တဲ့ ခေါင်းဆောင်တွေကို ဦးဆောင်နေရပေမဲ့ တချက်မှ စိုးရိမ်ပူပန်စိတ် မရှိခဲ့ဘူး ကွန်မြူနစ်တွေက ပုဂ္ဂိုလ်ရေး တိုက်ခိုက်လာသည့်တိုင် သည်းခံစိတ်နှင့် မျှမျှတတ ဦးဆောင်မှု ပေးခဲ့သည်။ အဖွဲ့အစည်း အောင်မြင်မှုအတွက် အရေးကြီးဆုံး အဓိကအချက်မှာ အခြားခေါင်းဆောင်တွေကို နေရာပေးမက အခြားခေါင်းဆောင်တွေကို အားကိုး၊ နေရာပေး၊ နားထောင်ခြင်း ဖြစ်သည်။ (တနှစ်အတွင်း လွတ်လပ်ရေး ရနိုင်ရေး ဆိုသည်မှာ သခင်နုရဲ့ အကြံအစည် ဖြစ်သည်။ အသေးစိတ်သိလိုလျှင် တာတေစနေသားကို ဖတ်ကြည့်ပါ။ စာမျက်နှာ ၁ဝ၅ မှ ၁ဝ၇)။ ပထမတွင် ဦးနုကို ထောက်ခံသူမှာ ဦးကျော်ငြိမ်းသာ ရှိသည်။ ဗိုလ်ချုပ်အောင်ဆန်းက ဘက်ပေါင်းစုံ နားထောင်ပြီး ထောက်ခံခေါင်းငြိမ့်မှ ဖဆပလ အဖွဲ့ကြီး၏ ဆုံးဖြတ်ချက် ဖြစ်လာသည်။ ထို့အပြင် ထိုအချိန်က အင်္ဂလိပ်စံနစ်ကို ကောင်းစွာကျွမ်းကျင်သူ နှင့် အင်္ဂလိပ်က အားကိုးရဆုံး ဗြူရိုကရက်၊ ICS မှာ ဦးတင်ထွဋ် ဖြစ်သည်။ ဗိုလ်ချုပ်အောင်ဆန်းက ဦးတင်ထွဋ်ကို ရဲရဲဆွဲသုံးပစ်သည်။ ဘုရင်ခံအစိုးရတွင် ဦးတင်ထွဋ် ပါမက အောင်ဆန်းအက်တလီ Aung San-Atlee ဆွေးနွေးပွဲတွင်လည်း ပါဝင်ခဲ့သည်။ ယခုခေတ် အခြေအနေနှင့် နှိုင်းယှဉ်ပြောရလျင် ဒေါ်စုကို ဗိုလ်ချုပ်သန်းရွှေက မတတ်သာ၍ အစိုးရဖွဲ့ရန် ဖိတ်ခေါ်ခဲ့ပါက ဗိုလ်ချုပ်ခင်ညွန့်ကို လက်ရုံးအဖြစ် ဆွဲခေါ်ဆွဲစားခြင်းနှင့် တူပေလိမ့်မည်။ (မှတ်ချက်။ တရုတ်ပညာ ရှိပြောကြားခဲ့သော ယနေ့အထိ မှန်ကန်နေသည့် စကားရှိသည်။ ၎င်းမှာ Know your enemy သင်၏ ရန်သူကို သိပါစေ- (SunTzu's-The Art of War)၊ ထို့ကြောင့် ရန်သူ (အင်္ဂလိပ်) အကြောင်းကို နောကျေအောင်သိသော ဦးတင်ထွဋ်ကို ဆွဲသုံးခဲ့ခြင်း ဖြစ်သည်။ ဥါဏ်ပြေး လှသည့် ဗိုလ်ချုပ်အောင်ဆန်းပါပဲ။

မြင်းပွဲနိုင်လိုလျင် အပြေးကောင်းတဲ့ မြင်းကို စီးရပါမည်။ အပြေးမြန်သော မြင်းသည် ကြိုးဆွဲ သူ Jockey ကို ခါချ လက်စမ်းပါလိမ့်မည်။ မိမိကိုယ်ကို ယုံကြည်မှုရှိတဲ့ ဂျော်ကီဟာ လက်တဲ့စမ်းနိုင်တဲ့ ပြိုင်မြင်းကောင်းကို ကြိုးဆွဲရန် မကြောက်ရပါ။ ဤအရာသည် ဗိုလ်ချုပ်အောင်ဆန်း၏ ထူးခြားသော အရည်အချင်း ဖြစ်သည်။

ဗိုလ်ချုပ်အောင်ဆန်း ဦးစီးသော ဖဆပလ အဖွဲ့ကြီး၏ ရည်ရွယ်ချက်မှာ လွတ်လပ်ရေးကို တနှစ်အတွင်း ရရှိရေးဖြစ်သည်။ မည်သူမည်ဝါ အာဏာရရှိရေးသည် အဓိကမဟုတ်၊ ဖဆပလ နှင့် ဗိုလ်ချုပ်အောင်ဆန်း၏ ဗျူဟာသည် အင်အားစု၍ ၎င်းအင်အားကိုပြကာ အင်္ဂလိပ်နှင့် လွတ်လပ်ရေးကို ဆွေးနွေးရယူရန် ဖြစ်သည်။ ထို့အတွက် ဘက်ပေါင်းစုံမှ တိုက်ခိုက်အနိုင်ယူရေး Multi Faceted Approach ဟု ခေါ်ရပေမည်။

နယ်ချဲ့အင်္ဂလိပ် အစိုးရက ဖဆပလ အဖွဲ့ကြီးနှင့် ခေါင်းဆောင်များကို အရေးယူ ဆက်ဆံ ဆွေးနွေးရန်မှာ ဖဆပလအဖွဲ့ကြီးကို လူထုက ထောက်ခံကြောင်းပြဖို့ လိုသည်။ လူထု ထောက်ခံမှုရရန် ခေါင်းဆောင်ပိုင်းက ပေါ်လစီ၊ ဗျူဟာ Strategy ချပြကာ ဦးဆောင်မှုပေး၍ အဖွဲ့ဝင်များက လူတန်းလွှာ အသီးသီးနှင့် ထိတွေ့စည်းရုံးဖို့ လိုအပ်သည်။ ထို့ကြောင့် အဆင့်ဆင့် စည်းရုံးရေးမှူးများကို ပြုစုပေးရသည်။ အင်္ဂလိပ်က လက်ခံ ဆွေးနွေး လာသောအခါ လက်တွေ့ကျကျ တွေးခေါ်၍ နယ်ချဲ့ အင်္ဂလိပ်များနှင့် ဥာဏ်ချင်းယှဉ် ရင်ဘောင်တန်းကာ ဥာဏ်ကစား၍ တဆင့်ပြီး တဆင့်ဆွေးနွေးကာ မိမိရည်မှန်းချက်ရောက်အောင် ဆွေးနွေးယူရသည်။ ဆွေးနွေးပွဲ ဆိုသည်မှာ ကိုယ်က အသာရသည်ှိသလို ကိုယ်ကအလျော့ပေးရသည်လည်း ရှိသည်။ တဖက်သတ်၊ တယူ သန် ဆွေးနွေး၍မရပါ။ မိမိစည်းကို လုံအောင်ထိန်း၍ တခါတရံ အလိမ္မာသုံးရသည်။

အမျှော်အမြင်ကြီး၍ ရှေ့ကို ကြည့်တတ်သော ဗိုလ်ချုပ်ကဲ့သိုသော ခေါင်းဆောင်မျိုးလိုသည်။ ထို့ပြင် စိတ်ရှည်၍ လူကြီးဆန်ကာထိန်းထိန်းသိမ်းသိမ်း ဆွေးနွေးနိုင်သော သခင်မြ၊ သခင်နု တို့လို ခေါင်းဆောင်မျိုးလည်း လိုသည်။ ပညာတတ်အမြင် Intellectual capacity ရှိ၍ အုပ်ချုပ်မှု စနစ် Governing process နှင့် ဗျူဟာ Strategy ကိုနားလည်သော ဦးကျော်ငြိမ်း နှင့် ဦးတင်ထွဋ် တို့ကဲ့သို့သော ပညာရှင်များလည်း လိုအပ်ပါသည်။ အောက်ခြေနှင့် လူထု စည်းရုံးရေးကို နားလည်သော သခင်သန်းထွန်း၊ ဦးဘဆွေ၊ သခင်ချစ်၊ သခင်တင် တို့ကဲ့သို့သော စည်းရုံးရေးမှူးများလည်း လိုအပ်ပေသည်။ သူသန်ရာသန်ရာ သူနိုင်သည့် တာဝန်ကို အသီးသီး တာဝန်ပေးကာ မိမိ ရည်မှန်းချက်ကို ရအောင် ဆွတ်ခူးနိုင်ခြင်းမှာ ခေါင်းဆောင်ကောင်းတို့၏ အရည်အချင်း ဖြစ်ပေသည်။

တဖက်ကဆွေးနွေးမှုဖြင့် လွတ်လပ်ရေးကို ရယူရန် ဗျူဟာဆွဲခဲ့သလို တဖက်ကလည်း ရရင်ရ မရရင်ချဖို့ စစ်တပ်၊ စစ်သား၊ စစ်ဗိုလ်နှင့် လက်နက်စုထားသည်။ အင်္ဂလိပ်ကို လက်နက်နှင့် ချိန်ကာ လက်နက်ကိုင် တော်လှန်ရေး အန္တရာယ်ကို မီးမောင်းထိုးပြထားသည်။ လက်တွေ့ကျကျ ခြိမ်းခြောက်နိုင်ခဲ့သည်။ ဟာကွက် မကျန်ခဲ့ပါ။ Everything on the table ဟု ဆိုရပေမည်။ အင်္ဂလန်အသွား အိန္ဒိယ ခေါင်းဆောင် နေရူးကို အကယ်၍ လက်နက်ကိုင်ပုန်ကန်ရပါက အိန္ဒိယ စစ်သားတပ်ကို အင်္ဂလိပ်တို့ အသုံးပြုခွင့် မပေးရန် ကတိတောင်းခဲ့သည်။

အဖွဲ့အစည်း-ပါတီ-အင်အားစု လှုပ်ရှားမှုတခု အောင်မြင်ရန် ခေါင်းဆောင်ပိုင်း၏ ဗျူဟာသည် အရေးကြီးလှပါသည်။ ကူမင်တန်ခေါင်းဆောင် ချန်ကေရှိတ်က ကွန်မြူနစ်များကို ချေမှုန်း နှိမ်နင်းရန် ကြိုးစားရာ ထိုစဉ်က ကွန်မြူနစ် ခေါင်းဆောင်ပိုင်းက ဂျာမန် အကြံပေးများ စကားကို နားထောင်၍ ထိပ်တိုက်စစ်ပွဲ (Frontal Assault) ကို ဆင်နွှဲရာ အရှုံးနှင့် ရင်ဆိုင်ခဲ့ရသည်။ နောက်ဆုံး မော်စီတုံး၏ ပျောက်ကျားစံနစ်ဖြင့် တောရွာနှင့် လယ်သမားများကို အခြေခံ၍ ခုခံစနစ်ကို ဆင်နွှဲကာ ကွန်မြူနစ် စစ်တပ် Red Army ကို မပြိုကွဲရန် ထိုးဖောက်ထွက်ပြေးရသည့် ခရီးရှည်ချီတက်ပွဲ Long March ကို ဦးဆောင်မှ တဖြေးဖြေး အင်အားရှိကာ နောက်ဆုံး တပ်နီတော်က အောင်ပွဲခံခဲ့သည်။ မော်စီတုံးလည်း ကွန်မြူနစ်တချို့ နှင့် ဗမာကွန်မြူနစ်တို့၏ ဘုရားဘဝ ရောက်ခဲ့သည်။

နိုင်ငံရေးတွင် ဗျူဟာသည် အရေးပါလှပါသည်။ ဗိုလ်ချုပ်အောင်ဆန်းနှင့် ဖဆပလခေါင်းဆောင် တို့ ဗျူဟာမှန်ခဲ့၍ မြန်မာပြည် လွတ်လပ်ရေး ရခဲ့ရပေသည်။

ဗိုလ်ချုပ်အောင်ဆန်းနှင့် ဖဆပလခေါင်းဆောင်များသည်

၁။ ဗျူဟာမှန်ခဲ့သည်၊
၂။ ခေါင်းဆောင်မှု Leadership မှန်ခဲ့သည်၊
၃။ တကိုယ်ကောင်း မဆန်ခဲ့ပါ၊
၎။ ပုဂ္ဂိုလ်ရေးကို ဦးထိပ်မထားခဲ့ကြပါ၊
၅။ တဦးကိုတစ်ဦး ယုံကြည်ကာ လူတိုင်းကို နေရာပေးအားထားနိုင်ခဲ့သည်၊
၆။ ဘက်စုံ အလွှာစုံ Multi facet Multi layer ဗျူဟာ ကို သုံးနိုင်ခဲ့သည်။


ကွန်မြူနစ်တို့၏ ဗျူဟာနှင့် လုပ်ရပ်များကို ကြည့်ရအောင်
ဖဆပလကို ဖွဲ့စည်းချိန်နှင့် ဖဆပလကို ပျိုးထောင်စဉ်ကာလတွင် ကွန်မြူနစ်တို့သည် အသာစီးရလျက် ရှိပေသည်။ ထိုစဉ်က ကွန်မြူနစ်တို့သည် ဖဆပလအတွင်း အားအကြီးဆုံး အစုအဖွဲ့ ဖြစ်သည်။ သခင်သန်းထွန်းသည် ဖဆပလ၏ အထွေထွေ အတွင်းရေးမှူး ဖြစ်သည်။ ဖဆပလဦးစီး အဖွဲ့နှင့် ဗဟိုအလုပ်အမှုဆောင် ကော်မတီ Central Committe တွင် ကွန်မြူနစ်ခေါင်းဆောင်များက ကြီးစိုးလျက် ရှိသည်။ သခင်ချစ်၊ သခင်သိန်းဖေမြင့်၊ ကိုဘဟိန်း တို့သည် ထိပ်တန်းခေါင်းဆောင်များ ဖြစ်သည်။ ဖဆပလ အထွေထွေ အတွင်းရေးမှူး ရာထူးကို အသုံးပြု၍ သခင်သန်းထွန်းက အရေးပါသော နေရာများတွင် ကွန်မြူနစ်များကို ခန့်ထားခဲ့သည်။ ကွန်မြူနစ် ခေါင်းဆောင်များသာ စိတ်ထားမှန်ခဲ့လျင် အရှည်ကို မြင်တတ်သည့် အသိဥာဏ်ရှိခဲ့လျင် နိုင်ငံခြား သြဇာခံလိုစိတ် မရှိခဲ့လျင် ဗိုလ်ချုပ်အောင်ဆန်းနှင့် ကွန်မြူနစ်မဟုတ်သော ဖဆပလ ခေါင်းဆောင်များကို တိုက်စရာမလိုပေ။ လွတ်လပ်ရေးကို အရင်ယူပြီးမှ ဝါဒရေးတိုက်ပွဲကို အတွင်းမှ ဆင်နွှဲကာ အနိုင်ယူနိုင်သည်။ သို့သော် အာဏာလောဘကြီးသော ကွန်မြူနစ် ခေါင်းဆောင်များက တိုင်းပြည်နှင့် လူမျိုး လွတ်လပ်ရေး ရရှိရေးက အဓိကမကျ ကွန်မြူနစ်များ အာဏာရရေးကိုသာ အဓိက ထားလာသည်။ မိမိ၏အင်အားကို ပိုထည့်တွက်လာသည်။ အာဏာရှင်စနစ်ကို ယုံကြည် သူများဖြစ်ကြတာမို့ အပေးအယူ Compromise ကိုနားမလည်။ မိမိကသာ အနိုင်၊ အသာရယူလိုသည့်စိတ် Zero Sum Game ဟု ခေါ်သော သူနိုင်ကိုယ်နိုင် - လုံးဝဥဿုံ အနိုင်ရရှိရေးကို ထိပ်တန်းတင်လာကြသည်။ ပကတိ အခြေအနေကို သုံးသပ်၍ ရလိုသည်နှင့် ရနိုင်သည်ကို မခွဲတတ်။ နိုင်ငံရေးလောဘ ဇောကပ်ပြီး (မူ) ကို ကိုင်၍ (လူ) ကို တိုက်ခိုက်သည်မှာ ကွန်မြူနစ်တို့၏ စရိုက်ဖြစ်လာပါတော့သည်။ ထိုစည်ကတည်းက စခဲ့သည့် Zero Sum Game အမွေသည် မြန်မာ့နိုင်ငံရေးတွင် ယနေ့အထိ ခံစားနေရလျက် ရှိပါသည်။ (မှတ်ချက်။ သခင်သန်းထွန်းသည် ဖဆပလ၏ အထွေထွေ အတွင်းရေးမှူးဘဝတွင် ဝိရိယရှိ၍ အလုပ်တွင်ခဲ့သည်ကိုလည်း အသိအမှတ်ပြုမှ တရား မျှတမှု ရှိနိုင်ပါမည်။ စာရေးသူ။)

ဗိုလ်ချုပ်အောင်ဆန်း ဦးဆောင်သည့် ဖဆပလခေါင်းဆောင်တို့၏ ဗျူဟာ နှင့် သခင်စိုး၊ သခင်သန်းထွန်း ခေါင်းဆောင်သော ကွန်မြူနစ်တို့၏ ဗျူဟာကွာခြားပုံကို တင်ပြပါရစေ။

ဗိုလ်ချုပ်တို့၏ ပေါ်လစီသည် (ရရင်ရ မရရင်ချ) ဖြစ်သည်။ သို့သော် (ရ) နှင့် (ချ) ကို ခွဲခြား မြင်သည်။ သွေးထွက်သံယို နှင့် အသေအပျောက်၊ အပျက်အစီးကို မလိုလား၍ (ချ) ကို Plan (B) အနေနှင့်ထားသည်။ (ချ)ရန် အင်အားလိုသည်၊ လူထု ထောက်ခံမှု လိုသည်။ ထို့အတွက် အင်အားစု ပြီးမှ (ချ) နိုင်သည် (ချ) ရမလားလို့ ခြိမ်းခြောက်ပြီးမှ လွတ်လပ်ရေး (ရ) ရန် ဆွေးနွေးယူသည်။ ဆွေးနွေးရာ၌လည်း တဖက်သတ်မကျ၊ အခြေခံ အဓိက တာဝန်တွေကို ဆုပ်ကိုင်ထားပြီး တချို့ကို အလျော့ပေးခဲ့သည်။ ဥပမာ - အင်္ဂလိပ်က ၎င်းတို့ ရင်းနှီးတည်ဆောက်ခဲ့သည့် အခြေခံ အဆောက်အဦ Infrastructure များအတွက် လျော်ကြေးတောင်းသည်။ အတွေးအခေါ် ကောင်းသော ဥာဏ်ရှိသော ဗိုလ်ချုပ်က (ပေး)လိုက်သည်။ လွတ်လပ်ရေး (ရ)ဖို့က အရေးကြီးသည်၊ လွတ်လပ်ရေးရမှ တိုင်းပြည် ထူထောင်နိုင်မည်၊ လျော်ကြေးငွေသည် တိုင်းပြည်ပမာဏ နှင့် ကြည့်လျင် ဘာမှမရှိပါ။ ကွန်မြူနစ်တို့၏ အတွေးအခေါ် အသိဥာဏ်က ဗိုလ်ချုပ်အောင်ဆန်းကို လိုက်မမှီ။ ဗိုလ်ချုပ်က တိုင်းပြည်ကို ရောင်းစားနေသည်၊ အတုအယောင် လွတ်လပ်ရေး စသည်ဖြင့် တိုက်ခိုက်လာသည်။ Compromise တွင် သူ့ဆီက (ရ)တာကို လိုချင်လျင် ကိုယ်ကလည်း အလျော့ပေးရမည်ကို နားမလည်၊ Zero Sum အတွေးအခေါ်အရ (ငါ) ကသာ အနိုင်လိုချင်သည်။

တဖက်တွင်လည်း လူထုက ဗိုလ်ချုပ် နှင့် ဖဆပလခေါင်းဆောင်များကို အထင်မှားလျင် ကွန်မြူနစ်တွေ အသာရမည်၊ (မူ)ကိုပြ၍ (လူ) ကိုချသော အကျင့်ဆိုးသည် ကွန်မြူနစ်တို့၏ ညာဉ်ဆိုး ဖြစ်လာပြီး ဤအမွေဆိုးမှာ ယနေ့ထိ တိုင်းပြည်ကို ဒုက္ခပေးလျက် ရှိသည်။

ဤနေရာတွင် ဥာဏ်မရှိသော ကွန်မြူနစ်နှင့် ဥာဏ်ရှိသော ကွန်မြူနစ် တို့ကို ခွဲခြားပြရပါ မည်။ ဆိုဗီယက် ခေါင်းဆောင် လီနင်သည် အာဏာရပြီးကာစ တိုင်းပြည်အတွင်းရေး ရှုပ်ထွေးနေချိန်တွင် တဖက်က ဂျာမန်တို့နှင့် စစ်က ရှိသေးသည်၊ စေ့စပ်ရေး တာဝန်ခံက ခဏခဏ နားပူနားဆာ အမိန့်တောင်းခံလာသည့် နောက်ဆုံး လီနင်က လိုချင်တာပေးလိုက်ဟု အမိန့်ပေးရသည်။ လီနင်က အဓိက နှင့် သာမည ကို ခွဲနိုင်သည်။ ဒုတိယကမ္ဘာစစ် မစခင် စစ်ဖြစ်မည်ကို သိနေသော စတာလင် က ဟစ်တလာ နှင့် ငြိမ်းချမ်းရေးစာချုပ် ချုပ်ကာ အချိန်ကို ဝယ်ခဲ့သည်။ ဤအတောအတွင်း စက်များအား ဂျာမန် တို့၏ ရန်ရှောင်နိုင်ရန် အပူတပြင်း အတွင်းပိုင်းသို့ ရွှေ့ယူရသည်။ တရုတ်ပြည်ကြီးတွင်လည်း ဂျပန်၏ ကျူးကျော်မှုကို တော်လှန်ရန် မော်စီတုံးတို့ ချန်ကေရှိတ် နှင့်ပေါင်း၍ ဂျပန်ကို တိုက် ခဲ့ရသည်။ ဘုံရန်သူပေါ်လျင် ပြိုင်ဘက် အချင်းချင်းလက်တွဲခဲ့ရသည်။ (၁ဝ) ထပ်တိုက်ပေါ်ကအမြင် နှင့် လမ်းပေါ်ကအမြင်ကွာသလို ကွန်မြူနစ်တွေက (လမ်း)ပေါ်က အမြင်နှင့် ဘဝဆုံးခဲ့ကြသည်။ နောက်ဆုံး ပန်ဆန်မှသည် တဖက်ကမ်း တရုတ်ပြည်ကြီးကို လက်ပစ်ကူး ပြေးခဲ့ကြရသည်။ သိန်းချီ၍ စုးနိုင်ခဲ့သော ကွန်မြူနစ် ပါတီကြီးဘဝမှ ၅ ယောက်တပိုင်း၊ စနေအသင်းသာသာ အမြည်ခံ ကွန်မြူနစ်ပါတီ ဘဝ ရောက်ခဲ့ကြရသည်။

ဗမာပြည် ကွန်မြူနစ်ပါတီ ပျက်စီးသွားရသည်က အကြောင်းမဟုတ်။ ဗမာပြည်ကွန်မြူနစ် ပါတီ၏ အတွေးအခေါ်များက ယနေ့တိုင် စိမ့်ဝင်စီးကျန်လျက်ရှိသည်။ ၎င်းတို့ထဲတွင် Zero Sum လုံးဝနိုင်ရေး နှင့် ပုံရိပ်နိုင်ငံရေး အတွေးအခေါ်တို့သည် အန္တရာယ် အကြီးမားဆုံး ဖြစ်သည်။

(လူ) ချသော ပေါ်လစီ နှင့် (ပုံရိပ်) နိုင်ငံရေးတို့သည် ဆက်စပ်နေပါသည်။ (လူ)ချသည်မှာ ပြိုင်ဖက်ကို နှိပ်ကွပ်ရန်နှင့် (ပုံရိပ်) နိုင်ငံရေးအတွက် ကိုယ့်လူကို ကိုယ်တင်ခြင်း ဖြစ်သည်။


ပုံရိပ် နိုင်ငံရေးဆိုတာ ဘာလဲ။

အပိုင်း (၂) တွင် ဆက်လက် ဖေါ်ပြပါမည်။


ဘိုဘိုကျော်ငြိမ်း။

ကုလအထွေထွေ ညီလာခံတွင် တရုတ် ရုရှတို့၏ သြဇာကြီးထွားလာ


မဇ္ဈိမသတင်းဌာန
တနင်္ဂနွေနေ့၊ စက်တင်ဘာလ 21 2008 15:12 - မြန်မာစံတော်ချိန်

မြန်မာစစ်အစိုးရ၏ ကုလသမဂ္ဂတွင် ကိုယ်စားပြုမှုကို ဖယ်ရှားရန် ပန်ကြားချက်တရပ် ကုလအထွေထွေ ညီလာခံသို့ ရောက်ရှိနေချိန်တွင် ဥရောပသမဂ္ဂ၏ စုစည်းတင်ပြမှုကို လျစ်လျူရှုကာ တရုတ် ရုရှတို့၏ ရပ်တည်ချက်အတိုင်း ရပ်တည်ကြမည့် နိုင်ငံအရေအတွက်မှာ တိုးပွါး လာနေသည်ဟု သုတေသနတရပ်က ဆိုလိုက်ပါသည်။

ဥရောပသမဂ္ဂ၏ နိုင်ငံခြားဆက်ဆံရေး အကြောင်းအရာကို အသေးစိတ် လေ့လာ သုတေသန လုပ်နေသည့် ရစ်ချတ်ဂေါ်ဝန် (Richard Gowan) နှင့် ဖရန်ဇစ်စကာဘာတနာ (Franziska Brantner) တို့က အထွေထွေ ညီလာခံတွင် လွန်ခဲ့သော ၁ဝ စုနှစ်အတွင်းက ဥရောပသမဂ္ဂကို ထောက်ခံခဲ့ကြသည့် နိုင်ငံများသည် အထူးသဖြင့် လူ့အခွင့်အရေး ကိစ္စများ၌ တစတစေ လျာ့နည်းသွားပြီး အခြား တန်ဘိုးစနစ် တရပ်ဖြစ်သည့် နိုင်ငံတော် အချုပ်အခြာအာဏာ ဆိုသော အယူအဆပေါ်တွင် ဦးစားပေး ရပ်တည်လိုသည့် နိုင်ငံ အရေအတွက်မှာ ပိုမို များပြားလာနေသည်ဟု ပြောဆိုသွားပါသည်။

“လူ့အခွင့်အရေးဆိုင်ရာ ကမ္ဘာ့အင်အား” အမည်ရှိ အဆိုပါ လေ့လာချက်တွင် ကုလသမဂ္ဂရှိ ဥရောပသမဂ္ဂ၏ အင်အားကို လေ့လာ သုံးသပ်ထားပြီး၊ ယခင် ၁ဝ နှစ်က လူ့အခွင့်အရေး ကိစ္စရပ်များနှင့် စပ်လျဉ်းသည့် ဥရောပသမဂ္ဂ၏ အဆိုပြု တင်ပြချက်များကို ထောက်ခံမည့်နိုင်ငံ ၇ဝ% မျှ ရှိနိုင်သည်ဟု မျှော်မှန်း၍ ရခဲ့သော်လည်း၊ ယခုအခါတွင်မူ အဆိုပါ အဆိုပြုချက်မျိုးသည် ခန့်မှန်းခြေ ၅ဝ% ခန့်သာ ရနိုင်တော့သည်ဟု ဆိုပါသည်။ တရုတ်နှင့် ရုရှတို့က ယှဉ်ပြိုင် အဆိုပြုသော ကမကထလုပ်၊ ထောက်ခံထားသည့် အဆိုပြုချက်များသည် ယခုအခါတွင် ၇၅% မျှအထိ ထောက်ခံမှု ရရှိနေသည်ဟု ဆိုပါသည်။

ဗုဒ္ဓဟူးနေ့က ထုတ်ပြန်ခဲ့သော အဆိုပါ လေ့လာချက် စာတန်း၌ အရေအတွက်အားဖြင့် "၁၉၉၈-၉၉ ကာလက ကုလ အထွေထွေ ညီလာခံတွင် အခွင့်အရေး ပြဿနာ၌ မဟာမိတ်များအဖြစ် ယူဆနိုင်သော နိုင်ငံ အရေအတွက်မှာ ၄၁ နိုင်ငံ ရှိခဲ့ပြီး၊ ယခုအခါတွင် အဆိုပါ နိုင်ငံများမှာ ဤသို့ မလုပ်ဆောင်ကြတော့ပါ။ အဆိုပါ နိုင်ငံများအနက် တောင်အာဖရိကသည် စိတ်ပျက်စရာ အကောင်းဆုံး နမူနာတခုဖြစ်ပြီး ထွန်းသစ်စ အင်အားကြီး နိုင်ငံအများအပြားသည် ယခုအခါ ဥရောပသမဂ္ဂ၏ လူ့အခွင့်အရေးဆိုင်ရာ တင်ပြချက်များကို ဆန့်ကျင် နေကြပါသည်။" ဟု ဖေါ်ပြထားသည်။

ထိုအတောအတွင်း အလားတူပင် အမေရိကန်၏ မူဝါဒများကို အပြည်ပြည်ဆိုင်ရာ အဖွဲ့အစည်းကြီး၌ ထောက်ခံခဲ့ကြခြင်းမှာလည်း အဆိုပါ ကာလအတွင်း ယခင် ၇၅% ခန့်မှ ယခုအခါ သုံးပုံတပုံသို့ ကျဆင်းသွားခဲ့ပါသည်။

ဤသို့ တရုတ်နှင့် ရုရှတို့ကို အထွေထွေ ညီလာခံ၌ ထောက်ခံမှုများ ပိုမို များပြားလာခြင်းသည် လုံခြုံရေးကောင်စီ၌ တင်သွင်းသော အဆိုတင်သွင်းမှုများကို ပိတ်ဆို့ ဟန့်တာရန် ပိုမို လွယ်ကူသွားစေပါသည်။ အဆိုပါ နှစ်နိုင်ငံစလုံးသည် လုံခြုံရေးကောင်စီ၌ ဗီတိုအာဏာ ပိုင်ဆိုင်သည့် နိုင်ငံများ ဖြစ်သည်။

"ယမန်နှစ် မြန်မာနိုင်ငံနှင့် ဇင်ဘာဘွေနိုင်ငံ အကြပ်အတည်းများကို အရေးယူ ကိုင်တွယ်ရန် ဥရောပသမဂ္ဂက ကျောထောက်နောက်ခံ ပြုထားသည့် ကြိုးပန်းမှုများကိုလည်း တရုတ်နှင့်ရုရှတို့ကပင် ရပ်တန့် ဟန့်တားထားခဲ့ကြခြင်း ဖြစ်သည်" ဟု အဆိုပါစာတန်းရှင် ၂ ဦးက နိဂုံးချုပ် ကောက်ချက်ချ ပြောကြားခဲ့ပါသည်။ "သူတို့ပြောတာက အချုပ်အခြာ အာဏာကို လေးစားရေးဟာ လူသားချင်း စာနာမှုဆိုင်ရာ စိုးရိမ်ပူပန်မှုတွေထက် ပိုအရေးကြီး တပန်းသာတယ်တဲ့။"

ကုလသမဂ္ဂ မူဘောင်အတွင်း တရုတ်နှင့်ရုရှတို့၏ ပိုမို အားကောင်းလာသော သင်္ကြန်အမြောက်ပစ်မှုကို အဆိုပါ လေ့လာချက်က ယင်းတို့၏ “လူ့အခွင့်အရေးနှင့် စပ်လျဉ်း၍ အားကောင်းမောင်းသန် ပိုမို ပြောကြားလာချက်များ" နှင့် ဆက်စပ်ထားပြီး၊ "တရုတ်သည် သူများပြောသည်ကို နားထောင်ရာတွင် ဥရောပသမဂ္ဂတို့ထက် ပိုသာသည် ဟု မကြာခဏ ရှုမြင်ခြင်း ခံရကြောင်း ထင်ရှားသည့် အချက်ဖြစ်သည်" ဟုလည်း ဆိုထားပါသည်။

အထွေထွေ ညီလာခံ၌ လူ့အခွင့်အရေးကိစ္စ မဲခွဲရာတွင် အတည်ပြု ထောက်ခံမှုရသည့် တိုင်အောင်၊ ယခုအခါတွင် အဆိုပါ ထောက်ခံမှုမှာ ၅ဝ% အောက်တွင်သာ ရှိပါသည်။

"ဤအလားအလာသည် ဥရောပသမဂ္ဂ၏ ရပ်တည်ချက် သဘောထား မရေမရာ မခိုင်မာ ဖြစ်လာနေသည် ဆိုသည့် အချက်ကို ဖုံးကွယ်ထားပြီး၊ ယခင်က မြန်မာနိုင်ငံဆိုင်ရာ ဆုံးဖြတ်ချက်များကို တညီတညွတ်တည်း ချမှတ် အတည်ပြုနိုင်ခဲ့သော်လည်း ယခုလွန်ခဲ့သော ၂ နှစ်အတွင်းတွင်မူ အကြီးအကျယ် အငြင်းပွါးရသည့် အကြောင်းအရာ ဖြစ်လာခဲ့သည်"

၂ဝဝ၇ ခုနှစ်အတွင်း ငြိမ်းချမ်းစွာ ဆန္ဒပြနေသူများကို အကြမ်းဘက် နှိမ်နင်းခဲ့သည့်အတွက် မြန်မာ စစ်အစိုးရကို အထွေထွေ ညီလာခံက စည်းနှောင်မှု မပါသည့်ဆုံးဖြတ်ချက်တရပ် ၂ဝဝ၇ ခုနှစ် ဒီဇင်ဘာလအတွင်းက ချမှတ်ခဲ့ပါသည်။

သို့သော် အဆိုပါကိစ္စ မဲခွဲမှုတွင် ထောက်ခံမဲ ၈၃ မဲနှင့် ကန့်ကွက်မဲ ၂၂ မဲသာ ရှိခဲ့သော်လည်း ကုလသမဂ္ဂ အဖွဲ့ဝင်နိုင်ငံ အားလုံးအနေနှင့် ကြည့်လျှင် မဲမပေးသည့်နိုင်ငံ ၄ဝ နှင့် ကြားနေမဲ ၄၇ မဲရှိသဖြင့် စုစုပေါင်း ထောက်ခံသည့် ရာခိုင်နှုံးမှာ ၄၃.၂% သာ ရှိပါတော့သည်။

ဤသို့ဆိုလျှင် ဒီမိုကရေစီနှင့် ကျယ်ပြန့်သော တလောကလုံးဆိုင်ရာ လူ့အခွင့်အရေး အယူအဆတို့အကြား ဆက်စပ်မှုကရော ဘယ်လောက် သိသာမြင်သာ ရှိပါသနည်း။ ဥရေပသမဂ္ဂ၏ လေ့လာချက်အရ ဒီမိုကရေစီနည်းကျ အုပ်ချုပ်မှု ဆိုသည်မှာ လူ့အခွင့်အရေး အကြောင်း ကျယ်ကျယ်ပြန့်ပြန့် ဆွေးနွေးချက်များနှင့် ကျယ်ပြန့်သည့် တူညီမှုတရပ် ရှိသည်ဟု ညွှန်ပြမနေကြောင်း သိရပါသည်။ အာရှ၊ လက်တင်အမေရိက နှင့် အာဖရိကတိုက်တို့မှ ဒီိမိုကရေစီနိုင်ငံများ သည် ဥရောပသမဂ္ဂ၏ လူ့အခွင့်အရေးဆိုင်ရာ ပြဿနာရပ်များ၌ ၆၅%၊ ၅၁%၊ နှင့် ၄၆% အသီးသီးသာ ထောက်ခံခဲ့ ကြကြောင်း တွေ့ရပါသည်။

ဤသို့ တရုတ်နှင့် ရုရှတို့၏ သြဇာအာဏာ ကုလသမဂ္ဂတွင်း ကြီးထွားလာနေခြင်းကို ထိထိရောက်ရောက် တုံ့ပြန်နိုင်ရန် ဥရောပသမဂ္ဂ အနေနှင့် အထူးသဖြင့် အာဖရိက၊ အာရှ၊ လက်တင် အမေရိက နိုင်ငံများနှင့် သံတမန်ရေးအရ ပိုမို နီးစပ်အောင်နှင့် ဆွေးနွေးမှုများကို ကျယ်ပြန့်အောင် ပြုလုပ်ရန်လိုကြောင်း စာတန်းရှင်များက ပြောထားပါသည်။ ဒေသတွင်း နိုင်ငံများနှင့် သူတို့ အစိုးရများ၏ စိုးရိမ်ပူပန်မှုများအပေါ် အလေးထား စိတ်ဝင်စားပါကြောင်း ဖေါ်ပြရန်လည်း လိုသည်ဟု ဆိုထားပါသည်။

ထို့ပြင် အမေရိကန်၏ မူဝါဒများနှင့် ပတ်သက်လာလျှင် ဥရောပသမဂ္ဂသည် ဝေဘန်လိုစိတ်မရှိဘဲ၊ အထွေထွေ ညီလာခံ အတွင်း စံနှစ်မျိုး ကျင့်သုံးလျက် ရှိသည်ဟူသော ခံစားချက်များ နိုင်ငံငယ် အများအပြားအကြား ပေါ်ထွက်လာနေခြင်း ကိုလည်း ဥရောပသမဂ္ဂ အနေနှင့် တန်ပြန်ရန် လိုနေသည်ဟု သူတို့က သုံးသပ် တင်ပြထားပါသည်။

ဤတင်ပြချက်များကို အကောင်အထည် မဖေါ်လျှင်၊ ကုလသမဂ္ဂ စနစ်အတွင်း၌ ပိုမို ပျော့ပျောင်းသော သဘောထားကို ကျင့်သုံးခြင်းမပြုလျှင် "ဤကမ္ဘာ့အဖွဲ့အစည်းကြီးသည် တရုတ်၊ ရုရှ နှင့် သူတို့ မဟာမိတ်များ၏ အာဘော်များ ဖြန့်ချိရာ ဌာနကြီးတခု ဖြစ်သွားမည့် အန္တရာယ်ရှိနေသည်" ဟု Gowan, Brantner တို့က သတိပေး ပြောကြားသွားခဲ့ပါသည်။

အတိုက်အခံများ စစ်အစိုးရကို ကိုယ်စားလှယ်နေရာမှ ဖယ်ရှားရန် အထွေထွေ ညီလာခံတွင် တင်သွင်းထားသည့် ပန်ကြားချက်သည် လွန်ခဲ့သောနှစ် ၂ဝ အတွင်း မြန်မာနိုင်ငံတွင်း ညံ့ဖျင်းလှသည့် လူ့အခွင့်အရေး မှတ်တမ်းများနှင့် ၁၉၉ဝ ခုနှစ် ရွေးကောက်ပွဲ ရလဒ်ကို စစ်အစိုးရက ပယ်ဖျက်ခဲ့ခြင်းတို့အပေါ် အခြေခံ တင်ပြထားခြင်း ဖြစ်ပါသည်။ ဤ ရွေးကောက်ပွဲတွင် ဒေါ်အောင်ဆန်းစုကြည်၏ အမျိုးသား ဒီမိုကရေစီ အဖွဲ့ချုပ်က အပြတ်အသတ် အနိုင်ရခဲ့ပါသည်။

စစ်မိန့်ကြားက ရန်ကုန်


အောင်သက်ဝိုင်း/အေးချမ်းမြေ့ | စက်တင်ဘာ ၁၉၊ ၂၀၀၈

စက်တင်ဘာ ရွှေဝါရောင်တော်လှန်ရေး နှစ်ပတ်လည် အထိမ်းအမှတ်ကာလအတွင်း ရန်ကုန် မြို့တော်တွင်း လုံခြုံရေးများ အထူးတင်းကျပ်နေရာ ရွှေဝါရောင်တော်လှန်ရေး အခြေပြု စတင်သည့် ရွှေတိဂုံစေတီတော်တွင် အရပ်ဝတ်လုံထိန်းရဲများ၊ ကြံ့ဖွံ့များနှင့် စွမ်းအားရှင် များက အသွင်ပုံသဏ္ဍန် မျိုးစုံဖြင့် ဘုရားဖူးလာသူများကို စောင့်ကြည့်နေသည်။

ထိုသို့ စစ်အစိုးရ၏လုံခြုံရေး အထူးတင်းကျပ်မှု များကြောင့် ရွှေတိဂုံစေတီတော်သို့ ဘုရားဖူး လာရောက်သူများ စိတ်အနှောင့်အယှက် ဖြစ်နေပြီး ဘုရားဖူးအရေအတွက်မှာလည်း တဖြည်း ဖြည်း လျော့နည်းလာကြောင်း ရွှေတိဂုံစေတီမှ ပန်းသည်များ၊ နိဗ္ဗာန်ကုန် အရောင်းဆိုင်များက ပြောသည်။

“လုံခြုံရေးတအားများတယ်။ ဘုရားပေါ်မှာ လုံခြုံရေးယူထားတဲ့ ရဲ၊ ကြံ့ဖွံ့နဲ့ စွမ်းအားရှင် အရေအတွက်က ဘုရားဖူး အရေအတွက်ထက် ပိုများတယ်” ဟု ရွှေတိဂုံစေတီတော်တွင် ကုသိုလ်ဖြစ် သန့်ရှင်းရေး လုပ်ပေး နေသည့် စေတနာရှင် အမျိုးသမီး တဦးကပြောသည်။

ရွှေတိဂုံစေတီတော်တွင် ရဲများ၊ ကြံ့ဖွံ့များနှင့် စွမ်းအားရှင်များက လုံခြုံရေးယူထားရာတွင် ဘုရားမုခ် အသီးသီး၌ ၁၀ ဦးတဖွဲ့၊ ဘုရားရင်ပြင်ပေါ်တွင်လည်း ၁၀ ဦးတဖွဲ့ ပုံစံဖြင့် ရာပေါင်းများစွာသော ရဲ၊ ကြံ့ဖွံ့နှင့် စွမ်းအားရှင်များ က စောင့်ကြပ်မှုများ ပြုလုပ်ပြီး ဓာတ်ပုံဆရာ ပုံစံအသွင်ယူထားသော လုံခြုံရေးတပ်ဖွဲ့ဝင်များကလည်း ကင်မရာ များဖြင့် ဘုရားဖူးလာသူများကို ဓာတ်ပုံများရိုက်ကာ မှတ်တမ်းတင် နေသည်။

“မြောက်ဘက်မုခ်နဲ့ အရှေ့ဘက်မုခ်မှာ လုံခြုံရေးတအားများတယ်။ မြောက်ဘက်မုခ်ကနေ ဘုရားပေါ်ကို တက်လာတဲ့ လှေကားတွေမှာ ထိုင်နေတဲ့ စွမ်းအားရှင်တွေက တော်တော်များ တယ်။ ဘုရားတက်တဲ့သူကို ရန်သူတွေလိုပဲ စိုက်ကြည့်နေကြတာ” ဟု စက်တင်ဘာ ၁၈ ရက်နေ့တွင် ရွှေတိဂုံစေတီတော်ကို သွားရောက် ဖူးမြော်ခဲ့သည့် အသက် ၂၄ နှစ်အရွယ် ရန် ကုန်မြို့ခံ အမျိုးသမီးတဦး ကပြောသည်။

လူထုနှင့် သံဃာတော်များပူးပေါင်းပြီး မြို့တွင်းလှည့်လည်မေတ္တာပို့ ဆန္ဒပြမှုများ ပြုလုပ်ခဲ့သည့် ရွှေတိဂုံ စေတီ တော် အရှေ့ဘက်မုခ်ရှိ ကြေးသွန်းဘုရားကြီးအနီးတွင်လည်း လုံခြုံရေးများ ထူထူထဲထဲ ချထားပြီး ကြေးသွန်း ဘုရားအနီးရှိ ကျောင်းတိုက်များ၊ ဓမ္မာရုံများတွင် အရပ်ဝတ် ရဲများ၊ ကြံ့ဖွံ့များနှင့် စွမ်းအားရှင်များက ဒိုင်နာ ကားများနှင့်အတူ ဆန္ဒပြမှုများ ဖြစ်ပေါ် လာပါ က နှိမ်နင်းရန်အသင့် နေရာယူ ထားကြောင်း ဗဟန်းမြို့နယ်မှ ဒေသခံများကပြောသည်။

“ဝါးရင်းတုတ်တွေ၊ ဒိုင်းတွေကတော့ ပေါ်ပေါ်ထင်ထင်ကိုင်တာမတွေ့ရဘူး။ ကြေးသွန်း ဘုရားနားက ထမင်းဆိုင်၊ အအေးဆိုင်တွေမှာကတော့ အရပ်ဝတ်ရဲတွေချည်းပဲ။ ထူးခြား တာက ယူနီဖောင်းဝတ် လုံထ်ိန်းရဲတွေ တော်တော် နည်းသွားတယ်” ဟု အရှေ့ဘက်မုခ် ကြေးသွန်းဘုရားအနီး လမ်းဘေး ထမင်းဆိုင်မှ အမျိုးသမီးတဦးက ပြောသည်။

လုံခြုံရေးများ အလွန်အမင်းချထားနေလင့်ကစား ဆန္ဒပြမှုများ ဖြစ်ပေါ်ပါက ပူးပေါင်းပါဝင်ရန် ရွှေတိဂုံဘုရားသို့ နေ့စဉ်လာရောက်ပြီး အခြေအနေကို စောင့်ကြည့်သည့် လူငယ်တချို့ရှိ နေကြောင်း သိရှိရသည်။

“နေ့တိုင်း ဘုရားကို နေ့လယ် ၁ နာရီဆိုရင် ရောက် တယ်။ ၂၀၀၇ စက်တင်ဘာတုန်းကလည်း ပါခဲ့တယ်။ အခုလည်း ဖြစ်လာရင် ပါဝင်မှာပါ” ဟု အသက် ရွှေတိဂုံစေတီသို့ လာသည့် ၂၄ နှစ်အရွယ်ရန်ကုန်မြို့ခံ လူငယ် တဦးက ပြောသည်။ ၂၀၀၇ ရွှေဝါရောင်တော်လှန်ရေး စတင်ချိန်က ကြေးသွန်း ဘုရားကြီးတွင် နေ့လယ် ၁ နာရီတွင် စုဆုံပြီး ရန်ကုန်မြို့တွင်း လှည့်လည် ခြင်းဖြစ်သည်။

ရွှေတိဂုံစေတီတော်ကဲ့သို့ပင် ၂၀၀၇ စက်တင်ဘာ ရွှေဝါရောင်တော်လှန်ရေးတွင် သံဃာ တော်များနှင့် လူထုပေါင်းစည်းရာ အထင်ကရ ဘုရားစေတီများဖြစ်သည့် ဆူးလေ စေတီတော်၊ ကမ္ဘာအေးစေတီ၊ ကျိူက္ကဆံ စေတီနှင့် ဗိုလ်တထောင်စေတီတော် များတွင်လုံခြုံရေးများ တင်း တင်းကျပ်ကျပ် ချထားပြီး တခြား မြို့တွင်း အချက်အချာကျ နေရာများတွင်လည်း ယူနီဖောင်းဝတ် စစ်တပ်နှင့် ရဲများက လက်နက်အပြည့်အစုံနှင့် လုံခြုံရေးချထားသည်ကို တွေ့မြင်ရသည်။

ရန်ကုန်တွင် ည ၁၁ နာရီ၌ လက်ဖက်ရည်ဆိုင်၊ စားသောက်ဆိုင်၊ စတိုးဆိုင်အပါအ၀င် စီးပွားရေး လုပ်ငန်းများ အားလုံး ပိတ်ထားရမည်ဟု အာဏာပိုင်များက သက်ဆိုင်ရာ ခရိုင်၊ မြို့နယ်၊ ရပ် ကွက် တာဝန် ရှိသူများ မှတဆင့် အဆင့်ဆင့် ညွှန်ကြားမှုများ ပြုလုပ်ထားကြောင်း ရန်ကုန်မြို့ ခံများက ပြောသည်။

“ည ၁၁ နာရီ ဆိုတာနဲ့ ဆိုင်ပိတ်ဖို့ ရပ်ကွက်လူကြီးနဲ့ ရဲတွေကလာပြောတယ်။ စက်တင်ဘာလ ၁ရက်နေ့ကစပြီး ညဘက် ဆိုင်ပိတ်ရတာ” ဟု မရမ်းကုန်းမြို့နယ်မှ ဘီယာဆိုင်ပိုင်ရှင် တဦးက ဆိုသည်။

ရန်ကုန်တွင် ည ၁၁ နာရီ လူအသွားအလာ နည်းပါးသွားပြီး အာဏာပိုင်များက ည ၁၁ နာရီနောက်ပိုင်း လမ်းမ များပေါ်တွင် သွားလာလျက်ရှိသည့် ကိုယ်ပိုင်ကားများ၊ အငှားကား များကို ရပ်တန့် ရှာဖွေမှုများ အကြီးအကျယ် ပြုလုပ်နေကြောင်း သိရသည်။

“ည ၁၁ နာရီကျော်လောက်ဆိုရင် တက္ကစီနဲ့ ကိုယ်ပိုင်ကားတွေကို ရပ်ခိုင်းပြီးရှာတယ်။ ဘာ တွေရှာမှန်း မသိဘူး။ ကားနောက်ဖုံးတွေဖွင့်၊ လိုင်စင်တောင်း၊ မှတ်ပုံတောင်းတယ်။ အဲဒါ မပေးနိုင်ရင်တော့ ပြဿနာ တက်ပြီ။ ပြီးတော့ ကားတွေကို ဓာတ်ပုံရိုက်တယ်။ ကားတိုင်း ကိုတော့ မဟုတ်ဘူး” ဟုရန်ကုန်၊ လမ်း ၅၀ တွင်နေထိုင်သည့် တက္ကစီ ပိုင်ရှင်တဦးက ပြောသည်။

ရန်ကုန်မြို့၏ ည ၁၁ နာရီနောက်ပိုင်းအခြေအနေမှာ နေ၀င်မီးငြိမ်းအမိန့် ထုတ်ထားသကဲ့သို့ လူအသွားအလာ၊ ကားအသွားအလာ တဖြည်းဖြည်း နည်းလာကြောင်း မြို့ခံများကပြောသည်။

“အခုပုံစံက ညမထွက်ရအမိန့် ထုတ်ထားသလိုပဲ။ လူတွေက အစစ်အဆေးတွေ ရှိတော့ ညဘက် အပြင် မထွက်ကြတော့ဘူး” ဟု တာမွေမြို့နယ်၊ ယုဇနပလာဇာအနီး မအူကုန်း လမ်းတွင် နေထိုင်သူ ဒေသခံ တဦးကပြောသည်။

ရန်ကုန်မြို့၏ နာမည်ကျော် သရက်တော ကျောင်းတိုက်အပါအ၀င် စာသင်တိုက်များ၊ ဘုန်းကြီးကျောင်းများ အနီးတွင်လည်း လုံခြုံရေးများက စောင့်ကြည့်နေပြီး ကျောင်းတိုက် များအတွင်း လူအ၀င်အထွက်များကို သတိ ထားစောင့်ကြည့်လျှက် ရှိသည်။ ထို့အပြင် ဘုန်းကြီးကျောင်းများနှင့် စာသင်တိုက်များ တွင် ညဥ့်အိပ်ညဥ့်နေ ဧည့်သည်များ လုံးဝလက်မခံရန် မြို့နယ်သံဃနာယက အဖွဲ့များက ညွှန်ကြားထား ကြောင်း သိရှိရသည်။

“ကျောင်းတိုက်ရှေ့မှာ အရပ်ဝတ်ရဲတွေက နေ့တိုင်းလိုလိုကို စောင့်ကြည့်နေတာပဲ။ သူတို့ လည်း သူတို့အလုပ် သူတို့လုပ်နေတာပဲ။ ဦးပဉ္ဖင်းတို့ကလည်း ဦးပဉ္ဖင်းတို့အလုပ် လုပ်ရမှာ ပဲလေ” ဟု စမ်းချောင်းမြို့နယ် ကျောင်း တိုက်ကြီးတခု မှ သက်တော် ၂၉ အရွယ်ရှိ သံဃာ တပါးက မိန့်ကြားသည်။

မကြာသေးမီကလည်း သန်လျင်မြို့ မာလာရုံကျောင်းတိုက်တွင် အာဂန္တု ဘုန်းတော်ကြီး တပါးကို ဝင်ရောက်ဖမ်း ဆီးခဲ့သေးသည်။ ၂၀၀၇ စက်တင်ဘာ တော်လှန်ရေးအပြီးတွင် ရန်ကုန် မြို့ရှိ မဂ္ဂင်ကျောင်းနှင့် သာသနာ့ သိပ္ပံကျောင်းတို့ကို စစ်အစိုးရက ချိတ်ပိတ်ခဲ့သည်။

“ဘုန်းကြီးတွေကို ရန်သူတွေလို စောင့်ကြည့်တာ သူတို့ ရှက်တတ်ရင် ရှက်ဖို့ကောင်းတယ်။ နိုင်ငံတကာက နားမလည်လို့ ဘုန်းကြီးတွေ ဆန္ဒပြတယ်လို့ထင်တာ။ တကယ်က မေတ္တာပို့တယ်ဆိုတာသာ နားလည်ရင် ခုလို လုပ်တာ ရှက်စရာကြီး” ဟု ရန်ကုန်မြို့ခံ လူငယ်တဦးကပြောသည်။

စစ်အစိုးရအနေဖြင့် သတင်းအချက်အလက် စီးဆင်းမှုများကို တားဆီးနိုင်ရန် အင်တာနက် ဆက်သွယ်မှုများကို နှောင့်နှေးကြန့်ကြာအောင် ပြုလုပ်ထားပြီး ရန်ကုန်မြို့ရှိ အင်တာနက် ဆိုင်များတွင် အင်တာနက် အီးမေးလ် ဂျီတော့ချက်တင်၊ အသုံးပြုသူများကို သတိထား စောင့်ကြည့်မှုများ ပြုလုပ်နေကြောင်း လည်းမြို့ခံများက ပြောသည်။

“ကွန်နက်ရှင်က အရမ်းကိုနှေးတယ်။ ဂျီမေးလ်ဖွင့်ဖို့ တော်တော်ကြာတယ်။ ပြီးတော့ Proxy website တွေ ထပ်ပိတ်တယ်။ အီးမေးလ်ကနေ ဓာတ်ပုံတွေ၊ Attach ဖိုင်တွေလုံးဝ ပို့လို့မရဘူး” ဟု လသာမြို့နယ်မှ အင်တာနက်ဆိုင် ဖွင့်လှစ်ထားသူတဦးကဆိုသည်။

စက်တင်ဘာ ၁၇ ရက်နေ့က အင်တာနက် ဆက်သွယ်မှု အလွန်နှေးကွေးနေသောကြောင့် ကုမ္ပဏီဝန်ထမ်း လူငယ် တဦးက မြန်မာတယ်လီပို့သို့ ဖုန်းဖြင့် ဆက်သွယ်မေးမြန်းကြည့်ရာ ၎င်းဌာနမှ တာဝန်ရှိသူ တဦးက အင်တာနက်ပင်မလိုင်းကြီး (Back Bone) ပြတ်တောက် နေကြောင်း ဖြေကြားသည်ဟု ဆိုသည်။

တခြားသော အင်တာနက် အသုံးပြုသူ တဦးကလည်း “ကျနော် မြန်မာတယ်လီပို့ကို လှမ်းမေးတော့ ဟံသာဝတီ တယ်လီပို့ အတွက် လိုင်းစမ်းနေလို့ နှေးတာပါတဲ့။ သူတို့ ဘက်ဘုန်းဒေါင်းတာ၊ ဆိုက်ဘာ ဒေါင်းတာ၊ စမ်းသပ်တာတွေကလည်း အချိန်ကိုက်ချည်းပဲ” ဟု ပြောပြသည်။

ရန်ကုန်မြို့တွင်း အင်တာနက်ဆိုင်များတွင်လည်း အင်တာနက်သုံးစွဲသူများကို စောင့်ကြည့် သတိထားမှုများ ရှိနေကြောင်း သိရသည်။

“ဆိုင်မှာ အင်တာနက်သုံးသလိုလိုနဲ့ တကယ် လာသုံးတဲ့သူတွေကို လိုက်ကြည့်တာ မျိုးတွေရှိတယ်။ လူငယ်ပိုင်းတွေကို အဓိကစောင့်ကြည့်တာများတယ်” ဟု လသာ အင်တာနက် ဆိုင်ပိုင်ရှင်က ဆိုသည်။

ယမန်နှစ်စက်တင်ဘာ တော်လှန်ရေးကာလက အင်တာနက် ဆက်သွယ်ရေးကြောင့် သတင်း စီးဆင်းမှုမြန်ဆန်ပြီး မြန်မာပြည်မှ သတင်းအချက်အလက်များကို ကမ္ဘာအရပ်ရပ်က ချက်ချင်း ဆိုသလို သိရှိခဲ့ရာ စစ်အစိုးရအနေနှင့် အငိုက်မိခဲ့သည်ဟု ဆိုရမည်ဖြစ်သည်။

စက်တင်ဘာ ၁၈ ရက်၊ မနေ့ည ၇ နာရီက မြေနီကုန်းတွင် လက်ကမ်းစာရွက်များ ဝေငှသောကြောင့် ရဲများချက်ချင်းရောက်လာပြီး ရှာဖွေမှုများ၊ သိမ်းဆည်းမှုများ ပြုလုပ်သည် ဟု မြေနီကုန်း ဒဂုံစင်တာအနီးတွင် နေထိုင်သူ တဦးကပြောသည်။

“ခဏလောက် ရုတ်ရုတ် သဲသဲ ဖြစ်သွားသေးတယ်။ စာရွက်တွေ ဝေသွားလို့ လိုက်သိမ်း တယ်ပြောတာပဲ။ ရဲတွေက လမ်းသွားလမ်းလာတွေကို စစ်ဆေးတာတွေ၊ ရှာဖွေတာတွေ လုပ်နေတယ်” ဟု သူက ပြောသည်။

မနေ့က ညနေ ၆ နာရီခန့်ကလည်း သာကေတမြို့နယ် သင်္ဘောကျင်းမှတ်တိုင်ရှေ့မှ ရဲကား ၈ စီး ရဲအပြည့်၊ နံပါတ်တုတ်၊ ဒိုင်းများကိုင်ဆောင်၍ အပြင်းမောင်းနှင်သွားသည်ကို တွေ့ခဲ့ရ ကြောင်း ခရီးသွားတဦးက ပြောပြသည်။

ရန်ကုန်မြို့တွင် လုံခြုံရေးများ အထူးကျပ်ထားသော်လည်း မြို့ခံများမှာ ၂၀၀၇ စက်တင်ဘာ ကဲ့သို့ လူထုနှင့်သံဃာပါဝင်သည့် ဆန္ဒပြမှုများ ဖြစ်ပေါ်မည်လောဆိုသည့် မျှော်လင့်စောင့်စား မှုများ ရှိနေကြသည်။

“ကျနော်တို့က မနှစ်ကလို ဖြစ်ပါစေ ဆုတောင်းနေတာ။ ဒါပေမယ့် မလွယ်ဘူးဆိုတာလည်း သိပါတယ်။ နေရာတိုင်းမှာ အရင်ထက်ကို ကျပ်နေတာပဲလေ။ တနေရာလောက်ကပဲ စဖြစ်။ ကျနော်တို့ကတော့ ပါဖို့ အဆင်သင့်ပဲ။ ကျနော့်မှာရှိတဲ့ကင်မရာ အစုတ်ကလေးတောင် အဆင်သင့် ပြင်ထားတယ်” ဟု ရန်ကုန်မြို့ခံ လူငယ်တဦးကပြောသည်။ ။

၂၂.၀၉.၂၀၀၈ သတင်း



မြန်မာ့အရေး ကုလသမဂ္ဂမှာ သမ္မတဘုရှ် ပြောဖို့ရှိ
22 September 2008
ဦးသားညွန့်ဦး
အမေရိကန်သမ္မတဘုရှ် နယူးယောက်ခ် သို့ မထွက်ခွာမီ လက်ပြနှုတ်ဆက်နေစဉ်။

အမေရိကန်ပြည်ထောင်စု နယူးယောက်ခ်မြို့မှာစတင်ကျင်းပနေပြီဖြစ်တဲ့ နှစ်ပတ်လည် ကုလ
သမဂ္ဂ အထွေထွေညီလာခံကို တက်ရောက်ဖို့အမေရိကန်သမ္မတ ဘုရ်ှဟာ ဒီကနေ့ ကုလ
သမဂ္ဂ ဌာနချုပ်ရှိရာ နယူးယောက်ခ်ကို ထွက်ခွာမှာဖြစ်ပါတယ်။ ကုလသမဂ္ဂဌာနချုပ် အထွေထွေ
ညီလာခံမှာ သမ္မတဘုရ်ှအနေနဲ့ မနက်ဖြန်မိန့်ခွန်းပြောဖို့ရှိသလို နိုင်ငံတကာအရေးကိစ္စနဲ့
ကုလသမဂ္ဂရေးရာ ကိစ္စတွေကို ကုလသမဂ္ဂအတွင်းရေးမှူးချုပ်နဲ့ သီးခြားဆွေးနွေးမှာ ဖြစ်ပါ
တယ်။ ဒီလိုဆွေးနွေးရာမှာ မြန်မာ့အရေးဟာသမ္မတဘုရ်ှရဲ့ ထိပ်တန်းဦးစားပေး အကြောင်းတရပ်ဖြစ်တယ်လို့ အမေရိကန် နိုင်ငံခြား
ရေးဌာနက ပြောကြားခဲ့ပါတယ်။ အပြည့်အစုံကို ကိုသားညွန့်ဦးက ဆက်သွယ်မေးမြန်းတင်ပြထားပါတယ်။

၆၃ ကြိမ်မြောက်ကျင်းပတဲ့ နှစ်စဉ် ကုလသမဂ္ဂ အထွေထွေညီလာခံဟာ ပြီးခဲ့တဲ့အပတ်
ထဲက စတင်လိုက်ပြီဖြစ်ပေမယ့် နိုင်ငံအစိုးရ ခေါင်းဆောင်တွေဟာ လာမယ့် အင်္ဂါနေ့
ကျမှ စပြီး တရားဝင်မိန့်ခွန်းတွေ ပြောကြမှာပါ။

ညီလာခံကို အမေရိကန်သမ္မတ ဘုရှ် တက်ရောက်ပြီး မိန့်ခွန်းပြောမှာဖြစ်သလို လက်ရှိ
ကုလသမဂ္ဂက ကိုင်တွယ်ရာမှာ အခက်ဖြစ်နေတဲ့ အကြောင်းရပ် တော်တော်များများကို
လည်း သမ္မတဘုရ်ှအနေနဲ့ ကုလသမဂ္ဂ အတွင်းရေးမှူးချုပ်နဲ့ သီးခြားဆွေးနွေးမှာ ဖြစ်ပါ
တယ်။ ဒီအထဲမှာ မြန်မာနိုင်ငံကိစ္စကို ဦးစားပေးပြီး ဆွေးနွေးသွားဖို့ရှိတယ်လို့ ကုလ
သမဂ္ဂဆိုင်ရာ အမေရိကန်ပြည်ထောင်စု အမြဲတမ်းကိုယ်စားလှယ်ရုံး ပြောခွင့်ရသူ
ဘန်ချမ်းက ပြောပါတယ်။

"ကုလသမဂ္ဂ အတွင်းရေးမှူးချုပ်နဲ့ တွေ့ဆုံဆွေးနွေးစဉ် ပြောကြားမယ့်ကိစ္စရပ်တွေထဲမှာ
မြန်မာနိုင်ငံရဲ့ အရေးကိစ္စဟာ သမ္မတရဲ့ ဦးစားပေး စိုးရိမ်ချက် ဖြစ်ပါလိမ့်မယ်။
ဒီအကြောင်းကို ဆွေးနွေးပြောဆိုကြလိမ့်မယ်လို့ သူတို့ မျှော်လင့်ထားတဲ့အကြောင်း"
မစ္စတာဘန်ချမ်းက ပြောသွားပါတယ်။

သောကြာနေ့ အိမ်ဖြူ သတင်းစာရှင်းလင်းပွဲ အတွင်းကလည်း သမ္မတရဲ့ အမျိုးသား
လုံခြုံရေး အကြံပေး စတီဗင် ဟာလေးက သမ္မတဘုရ်ှအနေနဲ့ အတွင်းရေးမှူးချုပ်နဲ့
တွေ့တဲ့အခါ ကုလသမဂ္ဂ ပြုပြင်ပြောင်းလဲရေးကိစ္စ၊ အာဖဂန်နစ္စတန်၊ ဆူဒန်၊ မြန်မာနဲ့
ဇင်ဘာဘွေကိစ္စတွေကို ဆွေးနွေးသွားဖို့ရှိတယ်လို့ ပြောပါတယ်။

ကုလသမဂ္ဂဆိုင်ရာ အမေရိကန် သံအမတ်ကြီး ဇာမေးလ် ခါလီဇက်ကလည်း မြန်မာ
နိုင်ငံမှာ နိုင်ငံရေးအရ တိုးတက်မှုတွေ ဖြစ်လာစေဖို့ မြန်မာအစိုးရအပေါ် ဖိအားတွေ
ဆက်ပေးသွားဖို့ သူတို့အနေနဲ့ ဆက်လုပ်သွားမယ်၊ ဒါပေမယ့် လက်ရှိအခြေအနေထိ
မြန်မာနိုင်ငံမှာ တိုးတက်မှုတွေ ဘာမှမတွေ့ရသေးဘူးလို့ တနေ့ကပဲ သတင်းစာ
ရှင်းလင်းပွဲမှာ ပြောသွားပါတယ်။

မြန်မာနိုင်ငံအရေးနဲ့ပတ်သက်ပြီး အမေရိကန်ပြည်ထောင်စုအနေနဲ့ ကုလသမဂ္ဂထဲမှာ
အရင်ကတည်းက အတော်လေး တက်တက်ကြွကြွ ဆွေးနွေး တင်ပြနေတာပါ။ ကုလ
သမဂ္ဂ လုံခြုံရေးကောင်စီ၊ ကုလသမဂ္ဂ အထွေထွေညီလာခံ စသဖြင့် ကုလသမဂ္ဂ
ဆွေးနွေးပွဲတိုင်းမှာ အမေရိကန်ပြည်ထောင်စုအနေနဲ့ ဦးဆောင်ပြီး မြန်မာနိုင်ငံမှာ
နိုင်ငံရေးအရ တိုးတက်မှုတွေ ရှိလာဖို့အတွက် တွန်းအားပေး ပြောဆိုခဲ့ပါတယ်။

သမ္မတဘုရ်ှအနေနဲ့ ဒီကနေ့ တနင်္လာနေ့ညမှာ တက်ရောက်လာတဲ့ နိုင်ငံခေါင်းဆောင်
တွေ၊ နိုင်ငံကိုယ်စားလှယ်တွေကို ဧည့်ခံပွဲလုပ်မယ်လို့ သိရပါတယ်။ မနက်ဖြန် အင်္ဂါနေ့
မှာတော့ အထွေထွေညီလာခံ မိန့်ခွန်းပြောကြားမယ်လို့ သိရပါတယ်။

မြန်မာနိုင်ငံတွင်း ဘာသာရေး လွတ်လပ်ခွင့် မရှိဟု အမေရိကန်ပြော
မဇ္ဈိမသတင်းဌာန
တနင်္လာနေ့၊ စက်တင်ဘာလ 22 2008 20:22 - မြန်မာစံတော်ချိန်

မြန်မာနိုင်ငံကို အုပ်ချုပ်လျက်ရှိသော စစ်အစိုးရသည် အများစုဖြစ်သော ဗုဒ္ဓဘာသာဝင်များကိုရော၊ အခြားလူနည်းစု ဘာသာဝင်များကိုပါ စနစ်တကျ ဘာသာရေးအရ ညှဉ်းပန်းနှိပ်စက်မှုများ ပြုလုပ်လျက် ရှိကြောင်းဖြင့် အမေရိကန် နိုင်ငံခြားရေး ဝန်ကြီးဌာနက စွပ်စွဲ ပြောဆိုလိုက်ပါသည်။

သောကြာနေ့က ထုတ်ပြန်ခဲ့သော ၁ဝ ကြိမ်မြောက် အပြည်ပြည်ဆိုင်ရာ ဘာသာရေး လွတ်လပ်ခွင့် နှစ်ပတ်လည် အစီရင်ခံစာတွင် ထိုသို့ မြန်မာနိုင်ငံကို “အထူးစိုးရိမ်ရသော နိုင်ငံများ” ၈ နိုင်ငံစာရင်းတွင် နိုင်ငံခြားရေး ဝန်ကြီး ကွန်ဒို လီဇာရိုက်စ် က ထပ်မံထည့်သွင်း ဖေါ်ပြခဲ့ခြင်း ဖြစ်ပါသည်။ ဤအစီရင်ခံစာ ထုတ်ပြန်ခဲ့သည့် ၁ဝ ကြိမ်စလုံးတွင် မြန်မာနိုင်ငံကို ထိုသို့ ဘာသာရေး လွတ်လပ်ခွင့် မရှိသော နိုင်ငံအဖြစ် သတ်မှတ်ဖေါ်ပြခြင်း ခံခဲ့ရသည်။

ဤအစီရင်ခံစာတွင် ၂ဝဝ၇ ခုနှစ်က ဖြစ်ပွါးခဲ့သော သံဃာတော်များ ဦးဆောင်သည့် ဆန္ဒပြပွဲများကို အထူးရည်ညွှန်း ဖေါ်ပြထားပြီး၊ ဗိုလ်ချုပ်ကြီးများသည် "ဗုဒ္ဓဘာသာ ရဟန်းတော်များ ပြုလုပ်နေသည့် လူ့အခွင့်အရေးနှင့် နိုင်ငံရေး လွတ်လပ်ခွင့် မြှင့်တင်ရေး လုပ်ငန်းများကို စနစ်တကျ ကန့်သတ်ချုပ်ချယ်ရန် ကြိုးပန်းမှုများ ပြုလုပ်နေသည်" ဟု ဖေါ်ပြထားပါသည်။

ရွှေဝါရောင် တော်လှန်ရေး ပြီးကတဲက ရက်သတ္တပတ်ပေါင်းများစွာ၊ လပေါင်းများစွာ ဘုန်းကြီးကျောင်း အများအပြားကို ဝင်ရောက်၍ အကြိမ်ပေါင်းများစွာ စီးနင်းရှာဖွေ ဖမ်းဆီးခဲ့ခြင်းများကို ဤအစီရင်ခံစာတွင် ကိုးကား ဖေါ်ပြထားပြီး အစိုးရ လုံခြုံရေး တပ်ဖွဲ့ဝင်များ၏ လက်တွင် ဘုန်းတော်ကြီး အများအပြား ခန္ဓာကိုယ်ကို ညှဉ်းပန်းနှိပ်စက်မှုများ ခံခဲ့ရသေးကြောင်းလည်း ဆိုထားပါသည်။ လွတ်လပ်စွာ ထုတ်ဖေါ်ပြောဆိုခွင့် နှင့် လွပ်လပ်စွာ သင်းပင်းဖွဲ့စည်းခွင့် စသည့် ဘာသာရေး လွတ်လပ်ခွင့်များကို လျှော့ချဖြတ်တောက်မှုများ လုပ်နေသည်ဟုလည်း စစ်အစိုးရကို ဝေဘန် ပြစ်တင်ထားပါသည်။

"သံဃာတော်များ နိုင်ငံရေးနှင့် ဆက်နွယ်သည့် တရားများ ဟောကြားခြင်းကိုလည်း ခွင့်မပြုပါ။ ဘာသာရေး ဟောပြောချက်များ အားလုံးတွင် နိုင်ငံရေး အမြင်ကို ထင်ဟပ်ဖေါ်ပြသည့် စကားလုံး၊ စကားစု၊ ပုံပြင်ဇာတ်လမ်း စသည်တို့ကိုလည်း ထည့်သွင်း ဟောပြောခွင့်မပြု" ဟု အစီရင်ခံစာပါ တွေ့ရှိချက်များက ဆိုပါသည်။

ထိုအတောအတွင်း ဗုဒ္ဓဘာသာကို စစ်အစိုးရ၏ အကျိုးစီးပွါးနှင့်အညီ လိုက်နာကျင့်သုံးခြင်းများမှာမူ စစ်အစိုးရ၏ ရည်မှန်းချက် ပန်းတိုင်တခုအဖြစ် ဆက်လက် တည်ရှိနေပြီး၊ ထိုလမ်းကြောင်းအတိုင်း လိုက်နေသူများကလည်း မိမိတို့ပုဂ္ဂိုလ်ရေး တက်လမ်းများအတွက် အသုံးချလျက် ရှိကြောင်းဖြင့်လည်း ဆိုထားပါသည်။

အတင်းအကြပ် ဘာသာပြောင်းခိုင်းခြင်းများ မရှိတော့ဟု အစိုးရကို အစီရင်ခံစာတွင် အမှတ်ပေး ဖေါ်ပြထားသော်လည်း ဗုဒ္ဓဘာသာဝင်မဟုတ်သူများကို ဗုဒ္ဓဘာသာသို့ နည်းမျိုးစုံဖြင့် ပြောင်းခိုင်းခြင်းများမူ ရှိနေသေးကြောင်းဖြင့် အစီရင်ခံစာ တင်ပြသူများက စစ်အစိုးရကို ဝေဘန် ဖေါ်ပြထားပါသည်။

မြန်မာနိုင်ငံအတွင်း တင်းကြပ်စွာ ချုပ်ကိုင်ထားသော လူမှုရေး ကွန်ရက်အတွင်း ဗုဒ္ဓဘာသာဝင်များ ခံစားခွင့်ရနိုင်သော အကျိုးခံစားခွင့်များမှာ အစိုးရအလုပ်များ၌ ရာထူး တိုးပေးရာတွင် ဦးစားပေးခံရခြင်း၊ စစ်တပ်အတွင်း ရာထူးတိုးပေးခြင်း၊ ဘာသာရေးအရ သိမ်းသွင်းရာတွင် ဗုဒ္ဓဘာသာဝင်များကို အခြားဘာသာဝင်များ ဖြစ်သော ခရစ်ယန်၊ အစ္စလမ် ဘာသာဝင်တို့ကဲ့သို့ မဟုတ်ဘဲ ကန့်သတ်မှုများကို လျှော့ပေးခြင်း လုပ်သည်ဟုလည်း ဆိုထားပါသည်။

အစိုးရက ဗုဒ္ဓဘာသာကို အားပေးအားမြှောက် လုပ်ခြင်းသည် အခြား လူနည်းစု ဘာသာဝင်များကို ထိခိုက်နစ်နာစေခဲ့သည့် အဖြစ်အပျက်များမှာ မြန်မာခေတ်သစ် သမိုင်းတွင် အခိုင်အမာ အမြစ်တွယ်လျက် ရှိကြောင်းဖြင့် ဒီမိုကရေစီနည်းကျ ရွေးကောက် တင်မြှောက်ခံခဲ့ရသည့် ဝန်ကြီးချုပ်ဦးနု၏ ၁၉၅ဝ စုနှစ်များ နှောင်းပိုင်းနှင့် ၁၉၆ဝ စုနှစ်များအစပိုင်းတွင် ရှိခဲ့သော ဗုဒ္ဓဘာသာကို ကျယ်ပြန့်လာအောင် ကြိုးပန်းခဲ့သည့် မြန်မာ့နိုင်ငံရေးကို ထောက်ပြ ပြောဆိုထားပါသည်။

နှိုင်းယှဉ်ချက်အရ အသစ်ဖြစ်ထွန်းလာသော ဖြစ်ထွန်းမှုများတွင် တောင်အာရှနိုင်ငံများမှ လာသော နိုင်ငံသားများအပေါ် အာဃာတ ထားသည့် အပြုအမူများကိုလည်း တွေ့ရှိလာရသည်ဟုလည်း အစီရင်ခံစာတွင် ဖေါ်ပြထားပါသည်။ ဤဒေသမှ လာသော လူအများစုသည် အစ္စလမ်ဘာသာကို ကိုးကွယ်ယုံကြည်ကြသူများ ဖြစ်ကြသည်။

ထိုအတောအတွင်း "ခရစ်ယာန်အုပ်စုများသည် ဒေသအများစုတွင် မြေဝယ်၍ ဘုရားရှိခိုးကျောင်းများ ဆောက်လုပ်ရာတွင် ခွင့်ပြုချက်ရယူရာ၌ အခက်အခဲများနှင့် ဆက်လက် ရင်ဆိုင်ရဆဲ ဖြစ်သည်" ဟုလည်း အစီရင်ခံစာတွင် တွေ့ရှိချက်ကို ဖေါ်ပြထားပါသည်။

ရိုဟင်ဂျာ မူဆလင်များမှာ စစ်အစိုးရ၏ ရွေးချယ် ပစ်မှတ်ထား နှိပ်ကွပ်ခြင်းကို ခံနေကြရပြီး၊ သူတို့မှာ မြန်မာ့ လူ့အဖွဲ့အစည်းဝင်များ ဖြစ်ကြောင်း သက်သေခံဖြစ်သည့် အမျိုးသား မှတ်ပုံတင်ကဒ်ပြားများကိုလည်း ရရှိခွင့် မရှိကြပါ။

ထို့ပြင် "၁၉၈၈ ခုနှစ်မှစ၍ ရိုဟင်ဂျာများ နေထိုင်ရာ အဓိကမြို့နယ်များ ဖြစ်သော ရခိုင်ပြည်နယ်မြောက်ပိုင်း မောင်းတောနှင့် ဘူးသီးတောင် တို့တွင် ရွာတရွာလျှင် တနှစ်လျှင် မင်္ဂလာဆောင် ၃ ခုသာ အစိုးရက ခွင့်ပြုသည်" ဟုလည်း အစီရင်ခံစာက ထုတ်ဖေါ် ပြောဆိုထားပါသည်။ "မင်္ဂလာဆောင်တိုင်းသည် စစ်တိုင်းမှူး ခွင့်ပြုချက် လိုအပ်သည်" ဟုလည်း ဆက်လက် ဖေါ်ပြထားပါသည်။

"အမေရိကန် ပြည်ထောင်စုသည် ဘာသာရေး လွတ်လပ်ခွင့်ကို လူသားဂုဏ်သိက္ခာ၊ သန်မာတောင့်တင်းသော လူထု အခြေခံအဖွဲ့အစည်း၊ ဒီမိုကရေစီ တိုးတက်ဖြစ်ထွန်းမှု တို့အတွက် မရှိမဖြစ် လိုအပ်ချက်တရပ်အဖြစ် တက်ကြွစွာ ဆက်လက် မြှင့်တင်သွားမည် ဖြစ်ကြောင်း" ဖြင့် မစ္စရိုက်စ်က ဝါရှင်တန်ဒီစီတွင် သတင်းထောက်များကို ပြောကြားသွားခဲ့ပါသည်။

"သ်ု့သော် မိမိတို့သည် ဘာသာရေး အယူအဆများကို အသရေဖျက်သည် ဟူသော ပြောဆိုချက်များကို အာပေး မြှင့်တင်နေခြင်းများ အတွက်လည်း စိုးရိမ်ပူပန်မိကြောင်း၊ ဘာသာရေး ဆောင်ရွက်မှုများကို ကာကွယ်ရေးနှင့် သည်းခံခြင်းတရားကို အားပေး မြှင့်တင်ရမည့်အစား လွတ်လပ်စွာ ပြောဆိုခွင့်ကို ကန့်သတ်ခြင်းသည် အပြည်ပြည်ဆိုင်ရာ ဘာသာရေး လွတ်လပ်ခွင့်ကို ဖျက်လိုဖျက်ဆီး လုပ်ရာရောက်နေသည်" ဟု နိုင်ငံခြားရေးဝန်ကြီး မစ္စရိုက်စ် က ဆက်လက် ပြောဆိုသွားပါသည်။

ဤအစီရင်ခံစာတွင် တရုပ်၊ အိန္ဒိယ၊ အင်ဒိုနီးရှား၊ ရုရှ နှင့် ဗီယက်နမ် နိုင်ငံတို့ကိုလည်း ဘာသာရေးအရ ညှဉ်းပန်းနှိပ်စက်မှုတွင် အမေရိကန်ပြည်ထောင်စု က “အထူး စိတ်ဝင်စားခြင်းခံရသော နိုင်ငံများ” အဖြစ် ရွေးချယ်ဖေါ်ပြထားပါသည်။ ဤ ၅ နိုင်ငံစလုံးသည် အကြပ်အတည်းများနှင့် ပြည့်နှက်နေသော ဤအရှေ့တောင်အာရှနိုင်ငံ မြန်မာနိုင်ငံအတွက် “မိတ်ဆွေ နိုင်ငံများအုပ်စု” အဖြစ် ကုလသမဂ္ဂ အတွင်းရေးမှူးချုပ် မစ္စတာ ဘန်ကီးမွန်း က ကုလ၏ ရှေ့ဆောင်ရှေ့ရွက်ပြု ဆောင်ရွက်ချက်များနှင့် စပ်လျဉ်း၍ ပစ်မှတ်ထား ဖေါ်ပြ ပြောဆိုခံရသည့် နိုင်ငံများ ဖြစ်ကြပါသည်။

ရွေးကောက်ပွဲကို ကြိုဆိုသင့်သည်ဟု မောင်စူးစမ်းပြော
ထွန်းထွန်း
တနင်္လာနေ့၊ စက်တင်ဘာလ 22 2008 21:20 - မြန်မာစံတော်ချိန်

ချင်းမိုင်။ ။ မြန်မာနိုင်ငံ ဒီမိုကရေစီ အကူးအပြောင်းအတွက် ရွေးကောက်ပွဲကို ကြိုဆိုသင့်သည်ဟု ထင်ရှားသော စာရေးဆရာ မောင်စူးစမ်းက အပတ်စဉ်ထုတ် ဂျာနယ်တခုတွင် ဆောင်းပါးရေးသား ပြောဆိုလိုက်သည်။

လူထုအုံကြွမှုသည်လည်း အလုပ်မဖြစ်တော့ဘဲ ပြည်ပနိုင်ငံများက အကူအညီပေးကာ ဒီမိုကရေစီ ထူထောင်ရန်လည်း နိုင်ငံတွင် မလိုအပ်သဖြင့် အာဏာရှိ အဖွဲ့အစည်းက ကမကထပြုလုပ် ဒီမိုကရေစီ ဖြစ်ထွန်းစေသောနည်း ဖြစ်သည့် ရွေးကောက်ပွဲ ပြုလုပ်ပြီး ဖွဲ့စည်း အုပ်ချုပ်ပုံအတိုင်း ဆောင်ရွက်ခြင်းသာလျှင် အကောင်းဆုံးဟု အသက် ၈၁ နှစ်အရွယ် မောင်စူးစမ်းက ယနေ့ထုတ် Weekly Eleven ဂျာနယ်တွင် ရေးသားထားသည်။

"ဒီမိုကရေစီ ရီဆက်ရှင်းနှင့် စပွန်ဆာအကြောင်း" ဆောင်းပါးတွင် တောခို နိုင်ငံရေးသမားဟောင်း စာရေးဆရာက ရွေးကောက်ပွဲကို မည်သို့မည်ပုံ ကျင်းပသည် ဆိုခြင်းမှာ အရေးမပါဘဲ ရွေးကောက်ပွဲမှသည် အပြောင်းအလဲ တခုကို ချောချောမွေ့မွေ့ ဖြစ်နိုင်သည်ဟု ဆိုသည်။

"လူပြိန်းစကားနှင့်ပြောလျှင် ရွေးကောက်ပွဲကြောင့် "အထိုင်" ပြောင်းသွားမည်။ တည်ဆဲအခြေအနေ (ပိုနေမြဲ ကျားနေမြဲအနေအထား) အထိုင်ပြောင်းသွားခြင်းကိုပင် အခွင့်အလမ်းအဖြစ် မြင်အပ်သည်။" ဟု သူက ရေးသားထားသည်။

"နိုင်ငံရေးဆိုတာ ဖြစ်နိုင်ချေတို့ကို တွက်ရာတွင် လက်တွေ့ကျရမည်။ ပကတိ အစစ်အမှန်ကို ထင်ဟပ်ရမည်။ ဆန္ဒစွဲ ကင်းရမည်။ စိတ်ကူး မယဉ်ရပေ"

မောင်စူးစမ်း ခေါ် ဦးတင်ရွှေ ခေါ် ဦးချမ်းအေးသည် ဘာသာပြန်၊ စီးပွားရေး၊ နိုင်ငံတကာရေးရာ ဆောင်းပါးများ ပြည်တွင်းဂျာနယ်များတွင် ရေးသားလျှက်ရှိပြီး သူ့၏စာပေများမှာ အတော်အတန် လူကြိုက်များသည်။

အဓိက အတိုက်အခံ နိုင်ငံရေးပါတီဖြစ်သည့် အမျိုးသား ဒီမိုကရေစီ အဖွဲ့ချုပ်ကတော့ ယခုအချိန်အထိ ၂၀၁၀ ခုနှစ်တွင် စစ်အစိုးရက ဦးဆောင်ပြုလုပ်မည့် ရွေးကောက်ပွဲနှင့် ပတ်သက်၍ တရားဝင် ထုတ်ဖော် ပြောကြားခြင်း မပြုသေးပေ။ သို့သော်လည်း သြဇာရှိသည့် မြေအောက် လှုပ်ရှားသည့် သံဃာတော်များနှင့် ၈၈ မျိုးဆက် ကျောင်းသားများက ရွေးကောက်ပွဲ အစီအစဉ်ကို ကန့်ကွက်ထားသည်။

အငြင်းပွားဖွယ်ရာ စာရေးဆရာက ဒီမိုကရေစီ ထွန်းကားရေး နည်းလမ်းသုံးသွယ်ကို ကိုးကားဖော်ပြထားသည်။ နည်းလမ်းတခုဖြစ်သော လူထုအုံကြွမှုသည် မဖြစ်နိုင်ဟု သူက ပြောသည်။ ၁၉၈၈ ခုနှစ် အရေးအခင်းတွင် လူထုအနေဖြင့် မောပမ်း အားနည်းသွားသောကြောင့် ဖြစ်သည်ဟု ဆိုသည်။

၁၉၈၈ ခုနှစ်က ပါတီစုံ ဒီမိုကရေစီစနစ်သို့ ပြောင်းလဲရန် နိုင်ငံအ၀ှမ်း လမ်းပေါ် ဆန္ဒပြမှုများကို စစ်တပ်က ပစ်ခတ် နှိမ်နင်း၍ အနည်းဆုံး လူ ၃ ထောင် သေဆုံးပြီး စစ်တပ်က တိုက်ရိုက် အုပ်ချုပ်လာခဲ့သည်။

ပြည်ပနိုင်ငံများက ကမကထပြု ဒီမိုကရေစီ ဖြစ်ထွန်းစေသော နည်းမှာလည်း မြန်မာနိုင်ငံသည် နိုင်ငံနှင့် နိုင်ငံတော် ထူထောင်ရန် ကိုယ်ပိုင် အစွမ်းရှိသဖြင့် မလိုအပ်ဟု မောင်စူးစမ်းက ပယ်ချလိုက်သည်။

ထို့ကြောင့် ရွေးကောက်ပွဲကို လက်ခံလိုက်ခြင်းသာလျှင် ညင်သာသော အပြောင်းအလဲအတွက် အဖြေဖြစ်မည်ဟု သူက ပြောသည်၊

သို့သော် စာရေးသူ အနေဖြင့်လည်း ဒီမိုကရေစီ ထွန်းကားရေးအတွက် အသေအချာ မပြောနိုင်သေးသည့် အချက်ကို သတိပေးထားသည်။

"ရွေးကောက်ပွဲပြီးလျှင် ဖွဲ့စည်းအုပ်ချုပ်ပုံ အခြေခံဥပဒေက ပုံသွင်းလိုက်သော ပေါ်လစီ ချမှတ်မှုနှင့် ဆုံးဖြတ်ချက်ချမှတ်မှု ယန္တရားနှင့် ဖြစ်စဉ်အသစ်တို့သည် ထိရောက်ထက်မြက်မှု effective and efficient ဘယ်လောက် ဖြစ်မည်ကိုကား လက်တွေ့ စောင့်ကြည့်ရမည့် သဘောရှိသည်ဟု" ပါရှိသည်။

မောင်စူးစမ်းသည် ယခင်က ဗမာပြည် ကွန်မြူနစ်ပါတီဝင် တဦးဖြစ်ပြီး အစိုးရကိုပုန်ကန်ရန် ၁၉၄၉ ခုနှစ်တွင် တောခိုခဲ့သည်။ ထို့နောက် ထိုစဉ်က အစိုးရနှင့် ဆွေးနွေးရန် ဗကပ ကိုယ်စားလှယ်အဖြစ် တာဝန်ပေးခံရပြီး လျို့ဝှက်လှုပ်ရှားနေစဉ် ထောက်လှမ်းရေးများ၏ ဖမ်းဆီးခြင်းခံရပြီး မကြာခင် ပြန်လည် လွတ်မြောက်ခဲ့သည်။

၁၉၉၀ ခုနှစ် ပြည်လုံးကျွတ် အထွေထွေ ရွေးကောက်ပွဲတွင် အမျိုးသား ဒီမိုကရေစီ အဖွဲ့ချုပ်ဘက်မှ ၀င်ရောက်ယှဉ်ပြိုင်ခဲ့ပြီး မော်လမြိုင် မဲဆန္ဒနယ် ၂ မှ အမတ်အဖြစ် ရွေးချယ်ခံခဲ့ရသည်။ သို့သော် စစ်အစိုးရက မဲအပြတ်အသတ် နိုင်ခဲ့သော အမျိုးသား ဒီမိုကရေစီ အဖွဲ့ချုပ်ကို အာဏာလွှဲပြောင်းရန် ငြင်းဆန်ခဲ့သလို မောင်စူးစမ်းသည်လည်း အတိုက်အခံ နိုင်ငံရေး လှုပ်ရှားမှုကြောင့် ထောင်ကျခဲ့သည်။ ၁၉၉၂ ခုနှစ်တွင် ထောင်မှ ပြန်လည် လွတ်မြောက်လာသည့် ရှေ့နေဟောင်းသည် ပါတီမှ နှုတ်ထွက်ခဲ့ရသည်။

နိုင်ငံတကာက အသိအမှတ်ပြုမှု ထင်ထင်ရှားရှား မရှိသော မဲလိမ်မှု ကလိမ်ကျမှုများ ရှိခဲ့သည့် ဆန္ဒခံယူပွဲဖြင့် အတိုက်အခံတို့ ကန့်ကွက်သည့် အခြေခံဥပဒေကို စစ်အစိုးရက အတည်ပြုခဲ့ပြီး ၂၀၁၀ ခုနှစ်တွင် ရွေးကောက်ပွဲ ပြုလုပ်မည်ဟု ကြေငြာခဲ့သည်။


လူသတ်မှု လျော့ကျသည်ဟု ရဲတပ်ဖွဲ့က ပြောဆို
အေးချမ်းမြေ့ စက်တင်ဘာ ၂၂၊ ၂၀၀၈

ယခုနှစ်၏ ၈ လခွဲတာကာလအတွင်း ရန်ကုန်တိုင်းတွင် လူသတ်မှု ၇၇ မှုသာရှိသေးသဖြင့် ၉၁ မှုထိ ဖြစ်ပွားသည့်တိုင်အောင် ယခင် ၈ နှစ်တာ ကာလကိုပြည့်မီရုံသာ ရှိသေးကြောင်း ရန်ကုန်တိုင်းရဲတပ်ဖွဲ့မှ တာဝန် ရှိသူတဦးဖြစ်သည့် ရဲမှူးသိန်းဝင်းက ပြောကြားလိုက်သည်။

“ပြီးခဲ့တဲ့ ၈ နှစ်မှာ တလကို ၁၁ မှုနှုန်းနဲ့ဆိုတော့ ၈ လကို ၈၈ မှုထိဖြစ်တယ်။ အခု ဒီနှစ်မှာ ၈ လခွဲကို ၇၇ မှုပဲဖြစ်သေးတယ် ဆိုတော့ နောက်ထပ် ၁၀ ရက်စာထပ်ပေါင်းတောင်မှ လွန်ခဲ့တဲ့ ၈ နှစ်ထက် ပိုမဖြစ်နဲ့ အဲဒီအတိုင်းပဲဖြစ်ပါဆိုရင်တောင် ၉၁ မှုထိ ဖြစ်လို့ ရသေးတယ်” ဟု ၎င်းက ဘိုင်ဝိကလီးအလဲဗင်း ဂျာနယ်တွင် ပြောကြားထားသည်။

စက်တင်ဘာ ၁၉ ရက်နေ့ထုတ် ဘိုင်ဝိကလီးအလဲဗင်း ဂျာနယ်တွင် ၂၀၀၈ ခုနှစ်၏ ၈ လခွဲတာကာလအတွင်း လူသတ်မှု စုစုပေါင်း ၇၇ မှု ဖြစ်ပွားခဲ့ကြောင်းနှင့် ၂၀၀၀ ပြည့်နှစ်မှ ၂၀၀၇ ခုနှစ်အတွင်း လူသတ်မှု စုစုပေါင်း ၁၀၅၂ မှု ဖြစ်ပွားခဲ့ကြောင်း ရန်ကုန်တိုင်း ရဲတပ်ဖွဲ့၏ တရားဝင် ထုတ်ပြန်ချက်အရ ရေးသားထားသည်။

လွန်ခဲ့သည့် ၈ နှစ်တာကာလအတွင်း လူသတ်မှု ၁၀၅၂ မှု ဖြစ်ပွားသောကြောင့် တနှစ်လျင် ပျမ်းမျှ ၁၃၁ ဒဿမ ၅ မှု၊ တလလျင် ပျမ်းမျှ ၁၀ ဒဿမ ၉၅ မှု ဖြစ်ပွားခဲ့သည်ဟု ရဲမှူးသိန်းဝင်းက တွက်ချက်ပြထား သည်။

ရန်ကုန်တိုင်းရဲတပ်ဖွဲ့က ပျမ်းမျှနှုန်းဖြင့် တွက်ချက်၍ လွန်ခဲ့သည့် ၈ နှစ်တာကာလနှင့် နှိုင်းစာလျင် ယခုနှစ်တွင် လူသတ်မှု အရေအတွက် လျော့ကျသည်ဟု သုံးသပ်ထားသည်။

ရဲမှူးသိန်းဝင်းက လူသတ်မှုတမှုဖြစ်လာလျင် ၎င်းလူသတ်မှုဖြစ်ပေါ်ရသည့် အကြောင်းရင်း ကို ခွဲခြမ်း စိတ်ဖြာလေ့လာမှု ပြုထားသဖြင့် ယခုနှစ် အတွက် ဒေါသကြောင့်ဖြစ်သော လူသတ်မှု အရေအတွက်မှာ အများဆုံးဖြစ်ပြီး ငွေကြေးရလိုမှုနှင့် ရန်ငြိုးကြောင့်ဖြစ်သည့် လူသတ်မှုက အနည်းဆုံးဟု ဆိုသည်။

ယခင်က လူသတ်မှုအပါအဝင် မှုခင်းနှင့်ပတ်သက်သည့် အချက်အလက်များကို ရဲဌာနက ပွင့်လင်းစွာ ထုတ်ဖော် ပြောကြားခြင်း မရှိသော်လည်း ယခုအခါ အရေအတွက် တိတိကျကျ ဖော်ထုတ်ရေးသား လာသည့်အတွက် ထူးခြားကြောင်း ရန်ကုန်မြို့ခံ အငြိမ်းစား ရဲအရာရှိ တဦးက သုံးသပ်သည်။

ရန်ကုန်မြို့နေ သတင်းသမားတဦးကလည်း “အရင်ကဆို ဒါမျိုး တခါမှ မဖော်ထုတ်ဖူးဘူး။ ဖလားဝါးနယူးစ် ဂျာနယ်သတင်းထောက်ချုပ်နဲ့ ရဲဌာနနဲ့ ပြဿနာတက်လို့ အဖမ်းခံရပြီး နောက်ပိုင်းမှာ ခုလိုခေါ်ရှင်းတာတွေ လုပ်လာတယ်။ နောက်ပြီး ဒီလိုမှုခင်းနဲ့ဆိုင်တဲ့ သတင်း မျိုးတွေကို သတ်မှတ်ထားတဲ့ တိုင်းအဆင့်ဌာနတွေမှာ ခေါ်ပေးမှပဲ ရေးရမယ်၊ မြို့နယ်စခန်း တွေမှာ သတင်းမယူရတော့ဘူး ဆိုပြီးမှာထားတယ်” ဟု ပြောသည်။

ဖလားဝါးနယူးစ် ဂျာနယ် သတင်းထောက်ချုပ်ဟောင်း ကိုစောမြင့်သန်းကို သင်္ဃန်းကျွန်း လူသတ်မှုသတင်း ရေးသားမှုဖြင့် ရဲစခန်းက ခေါ်ယူကြိမ်းမောင်းခဲ့ရာ ထိုသတင်းကို ဧရာဝတီ သတင်းဌာနက ရေးသားခဲ့ပြီးသည့် နောက်ပိုင်း ၎င်းအား ကျောက်တံတားမြို့နယ် ရဲစခန်းတွင် ၂ ပတ်ကြာချုပ်နှောင်ထားခဲ့သည်။ ကိုစောမြင့် သန်းကို ယခုအခါ အင်းစိန် ထောင်သို့ ပို့လိုက်ပြီဖြစ်သည်။

ဘိုင်ဝိကလီးအလဲဗင်း ဂျာနယ်တွင် လူသတ်မှုအရေအတွက်၊ ဖြစ်ပေါ်ရသည့် အကြောင်း ရင်းများကို ဖော်ပြထားသော်လည်း ရဲဌာနမှ ဖော်ထုတ်ပြီးသည့် အမှုအရေအတွက်ကိုမူ ဖော်ပြထားခြင်းမရှိပေ။

၂၀၀၈ ခုနှစ်ဆန်းတွင် ဖြစ်ပွားသော ၅ လောင်းပြိုင်လူသတ်မှုမှာ ယခုနှစ်အတွက် အကြီးမားဆုံး လူသတ်မှုဖြစ်ပြီး တရားခံကို ယခုထိ ဖော်ထုတ်နိုင်ခြင်း မရှိသေးပေ။

ပြင်းထန်စွာ တိုက်ခိုက်ခံခဲ့ရသည့် ဧရာဝတီ ၀က်ဘ်ဆိုဒ် ပုံမှန်ပြန်ဖြစ်ပြီ
ဧရာဝတီ စက်တင်ဘာ ၂၂ ၊ ၂၀၀၈

ဧရာဝတီ သတင်းဌာန၏ ၀က်ဆိုဒ်ကို လွန်ခဲ့သည့် အပတ် အင်္ဂါနေ့မှစတင်၍ အတိုက်အခိုက်ခံရပြီးနောက် အရံ အင်တာနက်ဆိုဒ်များ တည်ဆောက်ကာ အစားထိုးခဲ့ရာမှ ယနေ့တွင် ပုံမှန်ပြန်၍ လည်ပတ်နိုင်ပြီဖြစ်သည်။

ရပ်နားခဲ့ရသည့် ဧရာဝတီ သတင်းဌာန၏ ပုံမှန် အဓိက ဖော်ပြနေသော www.irrawaddy.org ၀က်ဘ်ဆိုဒ်ကို သောကြာနေ့ ညနေပိုင်းက စတင်၍ www.irrawaddymedia.com အရံ ဆိုဒ်ဖြင့် အစားထိုးရန် ကြိုးပမ်းခဲ့ရာ စနေနေ့ ညနေပိုင်းတွင် စတင်ကြည့်ရှု လည်ပတ်နိုင်ခဲ့သည်ဟု ဧရာဝတီ ရုံးမန်နေဂျာ ကိုဝင်းသူကပြောပြသည်။

နောက်ထပ် တိုက်ခိုက်မှုများရှိလာပါက ရှောင်ရှား ကာကွယ်နိုင်ရန် ၀က်ဘ်ဆိုဒ် လိပ်စာ အသစ်များကို စီစဉ် ထား သည်ဟုလည်း ၎င်းက ပြောသည်။

“နောက်ထပ် တိုက်ခိုက်မှုတွေ မလုပ်လာဘူးလို့ အသေအချာမပြောနိုင်ပါဘူး၊ မြန်မာစစ်အစိုးရ အနေနဲ့ ကုန်ကျ စရိတ် သက်သာမယ့် နည်းလမ်းနဲ့ ကျွမ်းသူတွေကို ခိုင်းပြီး တိုက်ခိုက်လာနိုင်ပါသေးတယ်”ဟု ကိုဝင်းသူ က ဆို သည်။

ပြီးခဲ့သည့် အပတ်အတွင်းက ဧရာဝတီ ဝဘ်ဆိုဒ်ကို နည်းပညာပိုင်းဆိုင်ရာ Distributed Denial of Services (DDoS) တိုက်ခိုက်ခြင်းဖြစ်သည်။ ယင်း DDoS တိုက်ခိုက်မှု အဓိက ရည်ရွယ်ချက်မှာ သတင်းဆိုဒ်များကို ဝင်ရောက်ဖတ်ရှု၍မရနိုင်ရန်ဖြစ်ပြီး မလိုလားသူတစုက နောက်ကွယ်မှ ငွေပေး ခိုင်းထားခြင်းဖြစ်နိုင်ကြောင်း ဝဘ်ဆိုဒ် နည်းပညာရှင်များ၏ အဆိုအရ သိရသည်။

DDoS တိုက်ခိုက်မှုသည် သတင်းအချက်အလက်များကို တပြိုင်နက်တည်း တစက္ကန့်အတွင်း (၁ ဂျီဂါဘိုက်) ခန့်ကို ဆာဗာတွင်းသို့ ပို့လွှတ်လိုက်ခြင်းဖြစ်ပြီး ၎င်းပမာဏသည် သာမန်လက်ခံနိုင်သည့် ပမာဏထက်အဆ ပေါင်းများစွာ ကျော်လွန်နေသည့်အတွက် ဆာဗာအလုပ်မလုပ်နိုင်ဘဲ ၀က်ဘ်ဆိုဒ် ရပ်ဆိုင်းသွားရခြင်းဖြစ် သည်ဟု လည်း သိရှိရသည်။

ပြီးခဲ့သည့် ၂၀၀၇ ခုနှစ် စက်တင်ဘာလအတွင်းကလည်း ဧရာဝတီအင်တာနက် ဝက်ဘ်ဆိုဒ်ကို Trojans Virus ဖြင့်တိုက်ခိုက်ခံခဲ့ရပြီး ၎င်း Virus အား ၄ရက်ကြာ အချိန်ယူ ရှင်းထုတ်ခဲ့ရသည်။

တချိန်တည်းတွင်ပင် မြန်မာပြည်တွင်း၌ အင်တာနက် ဆက်သွယ်ရေး အမြန်နှုန်းများနှင့် အင်တာနက် အသုံးပြုသူ များကို စစ်အာဏာပိုင်များက ပိုမို တင်းကျပ်မှုများပြုလုပ်နေကြောင်း အသုံးပြုသူများနှင့် အင်တာနက်ကဖီးဆိုင် လုပ်ငန်း ရှင်များက ပြောသည်။

အင်တာနက် အမြန်နှုန်းများကို သက်ဆိုင်ရာက လျှော့ချထားသည့်အတွက် ၎င်းတို့ အနေနှင့် ဗီဒီယိုဖိုင်များ၊ ဓာတ်ပုံများ အပါအ၀င် ဆိုဒ်ကြီးဖိုင်များ ပေးပို့၍ မရကြကြောင်း ရန်ကုန်မြို့တွင်းရှိ အင်တာနက် အသုံးပြုသူများ က ပြောဆိုသည်။

ပြီးခဲ့သည့် သောကြာနှင့် စနေနေ့များအတွင်း အင်တာနက်အမြန်နှုန်းများမှာ ၁၀ မိနစ် တကြိမ်ခန့် သိသာစွာ လျော့ကျခဲ့ကြောင်း၊ အင်တာနက်ကဖီးဆိုင်များတွင် အင်တာနက်အသုံးပြုသူများအား အစိုးရ ဆန့်ကျင်သည့် ပြည်ပ သတင်းမီဒီယာ ၀က်ဘ်ဆိုက်များ အသုံးပြုမပြုကို အရပ်ဝတ် ရဲများက စောင့်ကြည့်မှုများပြုလုပ်နေကြောင်း လည်း သိရသည်။

အင်တာနက် အသုံးပြုသူများ၏ မှတ်ပုံတင်မှတ်တမ်းနှင့် အင်တာနက် အသုံးပြုမှုမှတ်တမ်းများကို ၂ ပတ်တကြိမ် ပေးပို့ရန် သက်ဆိုင်ရာအာဏာပိုင်များနှင့် ရဲ ထောက်လှမ်းရေးများက ညွှန်ကြားထားသည်ဟု ရန်ကုန်မြို့လယ်ရှိ အင်တာနက် ကဖီးဆိုင် လုပ်ငန်းရှင်များကလည်း ပြောပြသည်။

ယင်းကဲ့သို့ သတင်းပေးပို့ အကြောင်းကြားခြင်း မပြုလုပ်ပါက ပြဿနာ တစုံတရာဖြစ်ပေါ်လာလျင် ကိုယ့်တာဝန် ကိုယ်ယူရမည် ဖြစ်ကြောင်း အာဏာပိုင်များက မကြာသေးခင်က အမိန့်ထုတ်ပြန်ညွှန်ကြားသည်ဟုလည်း အင်တာနက် ကဖီးဆိုင် လုပ်ငန်းရှင် တဦး ကပြောသည်။

အင်တာနက်ဆိုင်များတွင် နိုင်ငံရေး လှုပ်ရှားသူများအပါအ၀င် ပြည်ပသတင်းဌာနများသို့ သတင်းပေးပို့သူများကို စောင့်ကြည့် စုံစမ်းရန် အရပ်ဝတ်ရဲများကို ချထားကြောင်း ရန်ကုန်မြို့ခံများကလည်း ပြောသည်။

စစ်အစိုးရက မကြာမီ အကြီးဆုံး အင်တာနက်ဆက်သွယ်ရေးလုပ်ငန်း တခုဖြစ်လာနိုင်သည့် ဟံသာဝတီ အင်တာနက် ဆယ်သွယ်ရေး ဌာနတခုကို လွန်ခဲ့သည့် ဇူလိုင်လအတွင်းက တည်ဆောက်ခဲ့သော်လည်း အများပြည်သူ သိရှိရန် ထုတ်ဖော်ကြေညာခြင်းမပြုကြောင်း မြန်မာနိုင်ငံ ကွန်ပျူတာ ပညာရှင်များအသင်း တာဝန်ရှိသူတဦး က ဆိုသည်။

ယင်းဟံသာဝတီ အင်တာနက်ဌာနသည် ရန်ကုန်တိုင်းအပါအ၀င် နိုင်ငံတ၀န်း အသုံးပြုလိုသူများအတွက် ၀န်ဆောင်မှုပေးရန် ရည်ရွယ်ထားကြောင်းနှင့် လတ်တလောတွင် စစ်တပ် ဦးစားပေး အသုံးပြုနေကြောင်းလည်း သိရသည်။

ဟံသာဝတီ ဌာန တည်ဆောက်ရာတွင် တရုတ်နိုင်ငံ ရှန်ဟဲ ဘဲလ် ကုမ္ပဏီနှင့် နာမည်ကြီး မြန်မာစီးပွားရေး လုပ်ငန်းရှင် ဦးတေဇ တို့က ထောက်ပံ့ကူညီခဲ့ကြောင်း၊ ဟံသာဝတီကို မန္တလေး ရတနာပုံ တယ်လီပို့နှင့် ချိတ် ဆက်ထားကြောင်း၊ နိုင်ငံတကာ အင်တာနက် ၀န်ဆောင်မှုဌာနများနှင့် အချိန်အဆက်ရှိသည့် ဟောင်ကောင် နိုင်ငံနှင့်ပါ ချိတ်ဆက်မှုရှိကြောင်းလည်း မြန်မာနိုင်ငံ ကွန်ပျူတာ ပညာရှင်များအသင်း တာဝန်ရှိသူက ပြောဆို သည်။

မြန်မာနိုင်ငံတွင် အစိုးရပိုင် မြန်မာ့ဆက်သွယ်ရေး၊စာတိုက်နှင့် ကြေးနန်း(MPT)၊ အစိုးရနှင့် ဖက်စပ်လုပ်သည့် ယခင် ပုဂံနက် ကို ပြောင်းလဲထားသော မြန်မာတယ်လီပို့ နှင့် ယခု ဟံသာဝတီ ဟူ၍ အင်တာနက် ဆက်သွယ်ရေးဌာနတို့ လက်ရှိ လည်ပတ်လျှက် ရှိကြောင်း သိရသည်။

စရဖကို စစ်ဆေးမေးမြန်းမိသည့် မြစ်ကြီးနားမြို့မှ ကင်းသမားများ ရိုက်နှက်ခံရ
NEJ/ ၂၂ စက်တင်ဘာ ၂၀၀၈။ ။

စစ်ဘက်ရေးရာ (စရဖ) တပ်ဖွဲ့ဝင်တဦးအား ညဘက် စစ်ဆေးမေးမြန်းမှုပြုလုပ်ခဲ့သည့် မြစ်ကြီးနားမြို့ ကင်းတာဝန်ကျ များအား စရဖအဖွဲ့ဝင်တို့က ခေါ်ယူရိုက်နှက် အပြစ်ပေးမှု ဖြစ်ပွားခဲ့သည်။

ကချင်ပြည်နယ် မြစ်ကြီးနားမြို့ ဂျာမိုင်ကောင်ရပ်ကွက်၌ ကင်းတာဝန်ကျ အရပ်သားလူငယ် (၂) ဦးနှင့် ရပ်ကွက်အတွင်း ရေးမှူးတို့အား မြစ်ကြီးနား စစ်ဘက်ရေးရာတပ်ဖွဲ့ဝင်တို့က စက်တင်ဘာ (၁၉) ရက်တွင် စရဖရုံးသို့ ခေါ်ယူရိုက်နှက်ပြီး ပြစ်ဒဏ်များပေး၍ ပြန်လွှတ်ပေးခဲ့ခြင်းဖြစ်သည်။

ညသန်းခေါင်ကျော်အချိန် လမ်းပေါ်တွင်တွေ့သည့် စစ်ဘက်ရေးရာတပ်ဖွဲ့ဝင် (စရဖ) တဦးအား မြစ်ကြီးနား၊ ဂျာမိုင် ကောင် ရပ်ကွက်၊ မီးသတ်ရုံးရှေ့တွင် ဖွင့်ထားသည့် ကင်းစခန်းက မသင်္ကာ၍ မေးမြန်းမှုပြုလုပ်ခဲ့ရာ အဆိုပါ စရဖ တပ်ဖွဲ့ဝင်က စခန်းကို ပြန်ပြီး ၎င်း၏တပ်ဖွဲ့ဝင်အချို့နှင့်အတူ ကားတစီးဖြင့် လာရောက်ကာ ကင်းတာဝန်ကျသည့် လူငယ် (၂) ဦးနှင့် ရယကအတွင်းရေးမှူး ဦးဂမ်အောင်တို့အား ခေါ်ဆောင်သွားကာ ရိုက်နှက်ပြီး ထိုင်ထပြစ်ဒဏ်ပေးကာ ပြန်လွှတ်ခဲ့သည်ဟု ရိုက်နှက်ခံရသူတဦး၏ ဆွေမျိုးသားချင်းဖြစ်သူ ဒေသခံ ကချင်လူငယ်တဦးက ပြောသည်။

၎င်းက “အဲဒီညက ကင်းစောင့်ကျတာက (၄) ယောက်ရှိတယ်။ စရဖကို စစ်မေးမိတဲ့ အရပ်ထဲက လူ (၂) ယောက်ကိုပဲ ခေါ်တာ၊ ကျန်တဲ့သူကိုတော့ ခေါ်မသွားဘူး။ လာခေါ်တဲ့အချိန်မှာ အတွင်းရေးမှူးက သူ့မှာတာဝန်ရှိတယ်ပေါ့။ အဲဒီလို စစ်ဆေးဖို့ အထက်က ညွှန်ကြားထားလို့ သူကလည်း ကင်းသမားတွေကို ခိုင်းထားတာပေါ့၊ သူလည်း လိုက်မယ်ဆိုပြီး ပါသွားတာ။ ဟိုရောက်တော့ စရဖက ဘာမပြော၊ ညာမပြောနဲ့ သူတို့ (၃) ယောက်လုံးကို ပါးတွေချည်းပဲ လှိမ့်ရိုက်တာတဲ့။ ပြီးတော့ ထိုင်ထလုပ်ခိုင်ထားတာတဲ့။ ဘာကြောင့် ဒီလို လုပ်သလဲလည်း မပြောဘူးတဲ့” ဟု ဆိုသည်။

မြစ်ကြီးနားမြို့၊ ရေစင်ကြီးအနီးရှိ စရဖရုံးတွင် ခေါ်ယူရိုက်နှက်ပြီးနောက် ၎င်း (၃) ဦးစလုံးကို ညတွင်းချင်း ပြန်လွှတ်ပေး ခဲ့ကြောင်းနှင့် အကြောင်းမဲ့ ရိုက်နှက်ခံရသည့်အတွက် ဒေသခံလူထုက စိတ်မကောင်းဖြစ်နေကြသည်ဟုသိရသည်။

“အခုက အကြောင်းမဲ့ စော်ကားခံရသလိုဖြစ်တာ။ ဘယ်သွားတိုင်လို့ တိုင်ရမှန်း မသိဘူး။ ကင်းလာစစ်လို့ အပြစ်တွေ့လို့ ရိုက်တယ်ဆိုရင်တော့ အကြောင်းမဟုတ်ဘူး။ အခုက ညအချိန်မတော်ကြီးမှာ အရပ်ဝတ်နဲ့၊ ပြီးတော့ ကျောပိုးအိတ်နဲ့ ဆိုတော့ ကင်းသမားက မေးမြန်းတာ အပြစ်မှ မဟုတ်တာ” ဟု အဆိုပါလူငယ်က ပြောသည်။

စက်တင်ဘာအစောပိုင်းမှ စတင်၍ မြစ်ကြီးနားမြို့ပေါ် ရပ်ကွက်များရှိ ရယကရုံးများတွင် သက်ဆိုင်ရာ ရပ်ကွက်အလိုက် အရပ်သားများက ည (၇) နာရီမှ မနက် (၆) နာရီအထိ အလှည့်ကျ ကင်းစောင့်နေရပြီး တရပ်ကွက်လျှင် ကင်းတခု သတ် မှတ်ကာ အနည်းဆုံး လူ (၄) ဦး ကင်းတာဝန်ယူပေးရခြင်းဖြစ်သည်။

By NEJ

ရဲစခန်းနှင့်တရားရုံးက ဧည့်စာရင်းမတိုင်သူများထံမှ ငွေညှစ်
NEJ/ ၂၂ စက်တင်ဘာ ၂၀၀၈။ ။

ရန်ကုန်တိုင်းအတွင်း ဧည့်စာရင်းမတိုင်သူများ ထောင်ဒဏ်မှ လွတ်မြောက်ရန် ပုံမှန်ဒဏ်ကြေးငွေထက် အဆပေါင်း မြောက်မြားစွာ ပေးဆောင်နေရကြောင်း ကိုယ်တွေ့ကြုံခဲ့သူတဦး က ပြောသည်။

ဧည့်စာရင်းမတိုင်သဖြင့် ပန်းပဲတန်းမြို့နယ်တွင် အဖမ်းခံရသူတဦးက “ကျနော်က နယ်ကပြောင်းလာပြီး ပုံစံ (၁၀) ၀င်ဖို့ အခက်အခဲရှိလို့ ဧည့်စာရင်းနဲ့ပဲနေနေတာ။ အရင်လုပ်ပေးဖူးတဲ့ ယာယီသန်းခေါင်စာရင်းဆိုတာလည်း ခုလုပ်မပေးပြန်ဘူး။ အဲဒါ တည ဧည့်စာရင်းတိုင်ဖို့ မေ့သွားတာ စီမံချက်ကာလနဲ့မိပြီး အဖမ်းခံရတာ၊ ငွေနဲ့လိုက်ရှင်းရတာ ကုန်ပါရောဗျာ” ဟု ပြောသည်။

ရဲစခန်းတွင် စာရွက်စာတမ်းကြေး (၃,၀၀၀) ကျပ်၊ မြို့နယ်တရားရုံး မှုခင်းမှတ်တမ်းဌာနတွင် (၅,၀၀၀) ကျပ်၊ တရားရုံး စီမံရေးရာတွင် (၃,၀၀၀) ကျပ်၊ ဒု-တရားသူကြီးအား (၂၀,၀၀၀) ကျပ်၊ တရားသူကြီးရုံးစာရေးအား (၅,၀၀၀) ကျပ်နှင့် ဘီလစ်စာရေးအား (၃,၀၀၀) ကျပ်၊ စုစုပေါင်း (၃၉,၀၀၀) ကျပ် ပေးဆောင်ခဲ့ရကြောင်း ၎င်းက ပြောသည်။

“မနက် (၉) နာရီခွဲကနေ ရဲစခန်းက စရှင်းလိုက်ရတာ တရားရုံးရောက် ဟိုအခန်းဝင် ဟိုလူပေးရ၊ ဒီလူပေးရနဲ့ မွန်းလွဲ (၂) နာရီလောက်မှပြီးတော့ဗျာ၊ ငွေလည်း (၄) သောင်းလောက်ကုန်သွားတယ်” ဟု အဆိုပါ အဖမ်းခံရသူက ပြောသည်။

ယခုရက်ပိုင်း၌ ဧည့်စာရင်းမတိုင်သူများအား အထူးစီမံချက်ချစစ်ဆေးလျက်ရှိပြီး ဧည့်စာရင်း မတိုင်သူများကို တွေ့ရှိပါက ရဲစခန်းတွင် ဖမ်းဆီးထိန်းသိမ်းထားပြီး နောက်တနေ့တွင် တရားရုံးတင်ကာ ထောင်ဒဏ် (၇) ရက်မှ (၁၄) ရက်ထိ ချမှတ် ကြောင်း၊ ထောင်ကျမခံလိုသူများအနေဖြင့် ဒဏ်ငွေပေးဆောင်ကြရကြောင်း သိရသည်။

ထောင်ကျမခံလို၍ ဒဏ်ငွေပေးဆောင်သူများအနေဖြင့် တရားရုံးသို့ အမှန်တကယ်ပေးဆောင်ရမည့် ဒဏ်ကြေးငွေမှာ (၅၀) ကျပ်သာ ဖြစ်သော်လည်း အထက်ပါအတိုင်း အဆင့်ဆင့်ကို လာဘ်ထိုးပေးဆောင်နေရခြင်းဖြစ်သည်။

ဧည့်စာရင်းမတိုင်သဖြင့် အဖမ်းခံရသူပေါင်း (၃၀) ခန့်ကို တရားရုံးအဖွဲ့ခွဲများတွင် ဒဏ်ငွေဆောင်နေသည်ကို တွေ့ရ ကြောင်း၊ အချို့မှာ အမျိုးသမီးများဖြစ်ပြီး အချို့ကို အိမ်ရှင်က စိုက်ပေးသည်ကို တွေ့ရကြောင်း ပန်းပဲတန်းမြို့နယ်မှ အဖမ်းခံရသူက ဆက်လက် ပြောပြသည်။

၎င်းက “အမှုစိစစ်အမိန့်ချမှတ်မယ့် တရားခွင်မှာ မြို့နယ်တရားသူကြီးနဲ့ကျရင် ကျပ် (၂) သောင်းက (၄) သောင်းအထိ၊ တွဲဖက်မြို့နယ်တရားသူကြီး ဒါမှမဟုတ် ဒု- မြို့နယ် တရားသူကြီးနဲ့ကျရင်တော့ ကျပ် (၁) သောင်းခွဲကနေ (၃) သောင်း အထိ ပေးရတယ်” ဟု ပြောသည်။

မြို့နယ်တရားသူကြီးနှင့် ညှိ၍ ရမရ ဆိုသည့်အပေါ် မူတည်ကာ ပေးရသည့် ငွေအနည်းအများ မတူညီကြောင်း ၎င်းက ဆက်လက်ပြောသည်။

ရန်ကုန်မြို့မှ ဥပဒေပညာရှင်တဦးကမူ တကယ့်ဥပဒေအမှန်နှင့် ယခုလုပ်ဆောင်နေသည်မှာ တလွဲဖြစ်နေကြောင်း၊ ယခု ဧည့်စာရင်းဖမ်းသည့် ဥပဒေအမှန်မှာ ၁၉၀၂ ခုနှစ် မြို့ပြကာကွယ်ရေးအက်ဥပဒေ ပုဒ်မ ၁၀/ ၂ အရ ဒုစရိုက်မှု ကျူးလွန် သူ၊ ရာဇ၀တ်သားရှိနိုင်သော၊ ပုန်းအောင်းနေနိုင်သော၊ နေထိုင်လျက်ရှိသော ဥပစာကို ၀င်ရောက်ရှာဖွေခွင့်သာ ဖြစ်ပြီး ယခုကဲ့သို့ ဧည့်စာရင်းမတိုင်မိသည့် အပြစ်တစုံတရာ ကျူးလွန်ခြင်းမရှိသူများနှင့် မသက်ဆိုင်ကြောင်း ရှင်းပြသည်။

ယခုအခါ ရန်ကုန်မြို့တွင်း (၆) မြို့နယ်တွင် ဧည့်စာရင်းစစ်စီမံချက် ပိုမိုတင်းကျပ်ပြီး ညပိုင်းများတွင် အသွားအလာ များကို စစ်ဆေးနေကြောင်းလည်း သိရသည်။

By NEJ

ပြည်တွင်းဂျာနယ်လစ်များ ပိုမိုတင်းကျပ်ခံနေရ၊ ဂျာနယ်ဈေးကွက် အရောင်းအေး
မင်းနိုင်သူ/ ၂၂ စက်တင်ဘာ ၂၀၀၈။ ။

ပြည်တွင်းဂျာနယ်များမှ သတင်းထောက်များ ဌာနဆိုင်ရာသတင်းများရယူရာတွင် သက်ဆိုင်ရာ လူကြီးများ၏ ပြော စကားများ၊ ပေးသတင်းများကို ရေးသားပြီးပါက ဌာနဆိုင်ရာသို့ ပြန်လည်တင်ပြပြီးမှသာ စာမျက်နှာပေါ် တင်ခွင့်ပေး မည်ဟုဆိုကာ လွန်ခဲ့သောရက်ပိုင်းများက စတင်၍ ဌာနဆိုင်ရာများက ပိုမိုတင်းကျပ်ကန့်သတ်လိုက်ပြီဖြစ်ကြောင်း ပြည်တွင်း လူငယ်စာနယ်ဇင်းသမားများက ပြောဆိုကြသည်။

“ကျနော်တို့အတွက် အလုပ်ပိုရှုပ်သွားတာပေါ့။ ဌာနသတင်းတခုရဖို့၊ ပထမသတင်းရဖို့ သက်ဆိုင်ရာလူကြီးနဲ့ သွားတွေ့ ရတယ်။ တခါရေးပြီးတော့ အဲဒီလူကြီးကို သွားပြန်ပြရတာတခေါက်။ သူမအားလို့ ချက်ချင်း (Edit) လုပ်မပေး နိုင်သေး ရင် စာမူကိုထားပြီးမှ သွားပြန်ယူရတာ တခေါက်ဆိုတော့ ဌာနသတင်းရေးဖို့ အရမ်းအလုပ်ရှုပ်သွားပြီ” ဟု လူငယ် သတင်းထောက်တဦးက သူတို့တွေ့ကြုံခဲ့ရသည့် အခက်ခဲကို ရှင်းပြသည်။

ပြည်တွင်းဂျာနယ်အမျိုးမျိုးတွင် သတင်းထောက်အဖြစ်လုပ်ကိုင်နေသည့် လူငယ်များအနေဖြင့် လစာငွေသုံးသောင်းနှင့် တသိန်းဝန်းကျင်အကြား ရရှိနေကြပြီး အချို့ ဂျာနယ်တိုက်များတွင် ခရီးစရိတ် ပေးလေ့မရှိသည့်အတွက် ယခုကဲ့သို့ သတင်းတပုဒ်ရရန် အခေါက်ခေါက်ခါခါ သွားလာရခြင်းအတွက် များစွာအခက်တွေ့နေကြရကြောင်း စုံစမ်းသိရှိရသည်။

လူငယ်အမျိုးသမီးသတင်းထောက်တဦးက “ဌာနဆိုင်ရာတွေက သူတို့ရဲ့ လုပ်ဆောင်ချက်တွေ ပြချင်ရင်တော့ သတင်း ထောက်တွေ လာပါဦး၊ ရေးပါဦးနဲ့။ အခုလို စောမြင့်သန်းကိစ္စလည်းဖြစ်သွားပြီးရော သတင်းထောက်တွေအပေါ် ဆက် ဆံပုံက တမျိုးပြောင်းတယ်။ အခုရက်ပိုင်း ဌာနဆိုင်ရာ သတင်းလိုက်ရတာ အရမ်းကြပ်သွားတယ်။ စိစစ်ရေးကလည်း အရမ်းဖြုတ်နေတယ်။ ကျမတို့က အပြင်ဈေးကွက်သတင်းတွေလောက်ပဲ ရေးရတော့မယ့် သဘောမျိုးဖြစ်နေတယ်” ဟု ဆိုသည်။

လွန်ခဲ့သော ရက်ပိုင်းအတွင်းကလည်း စာပေစိစစ်ရေးရုံးမှ တာဝန်ခံအယ်ဒီတာများအား ခေါ်ယူတွေ့ဆုံကာ စိစစ်ရေး ရုံးမှာ မူကြမ်းစစ်ဆေးပြီးသော စာမူများအား ဂျာနယ်တိုက်မှ ပြင်ဆင်ဖြည့်စွက်မှုများ ပြုလုပ်ပါက ထုတ်ဝေခွင့် ရုပ်သိမ်း မည့်အပြင် တိုက်အတွင်းရှိ ဆက်စပ်စက်ပစ္စည်းများကိုပါ သိမ်းဆည်းသွားမည်ဟု ပြောဆိုခဲ့ကြောင်း ပြည်တွင်းစာနယ် ဇင်း အယ်ဒီတာများထံမှ သိရှိရသည်။

“ဖြစ်ပေါ်လာနိုင်တဲ့ ပြဿနာတွေအားလုံးကို စိစစ်ရေးရုံးက တာဝန်ခံအယ်ဒီတာတွေအပေါ် ပုံချလိုက်တယ်။ သူတို့ဟာ စိစစ်ရေးလုပ်နေပေမယ့် ဘာတာဝန်မှ မယူဘူး။ ကိုကြည်မောင်သန်းရေးတဲ့ ဒီပရဂ်ကဗျာကိုပဲကြည့်လေ။ ဒီကဗျာဆိုရင် သူတို့စိစစ်ရေးက လွှတ်ပေးပြီးမှ ပုံနှိပ်ခဲ့တာပဲ။ အဲဒီလို ကိစ္စမျိုးဖြစ်လာရင်လည်း သူတို့က ဘာတာဝန်မှမယူဘူး။ သက် ဆိုင်တဲ့ ဂျာနယ်၊ မဂ္ဂဇင်းအယ်ဒီတာအဖွဲ့ကိုပဲ အရေးယူတာပဲ” ဟု မဂ္ဂဇင်းအယ်ဒီတာတဦးက ဆိုသည်။

ယခုနှစ်အတွင်း နအဖစစ်အစိုးရက ပြည်တွင်းစာနယ်ဇင်းသမားများအား ပိုမိုဖမ်းဆီးအရေးယူမှုများကြောင့် စာဖတ် ပရိသတ်များ စာနယ်ဇင်းများအပေါ် ယုံကြည်ကိုးစားမှု လျှော့နည်းလာကာ စာနယ်ဇင်းဈေးကွက်အတွင်း ရောင်းအား အေးစက်လျက်ရှိကြောင်း စုံစမ်းသိရှိရသည်။

“အယ်ဒီတာတွေ၊ သတင်းထောက်တွေ မကြာခဏ အဖမ်းဆီးခံနေရတယ်ဆိုတဲ့ သတင်းတွေကြားပါတယ်။ အခုနောက် ပိုင်း ဂျာနယ်တွေမှာလည်း သတင်းကို ထဲထဲဝင်ဝင်၊ လေးလေးပင်ပင် ရေးတာမျိုး သိပ်မတွေ့ ရတော့ဘူး။ ဈေးကွက် သတင်းတွေ၊ ပွဲလမ်းသတင်းတွေ၊ မင်းသားမင်းသမီးသတင်းမျိုးတွေပဲ အတွေ့ရများလာတယ်။ ပြောရရင် ကျော်ဟိန်း ဘုန်းကြီး ၀တ်တော့မယ်ဆိုတာမျိုးကိုပဲ အကုန်ဝိုင်းဖွနေကြတယ်။ ကျနော်တို့သိချင်တာက ၂၀၁၀ ရွေးကောက်ပွဲအတွက် ဘာတွေပြင်ဆင်ထားပြီလဲ။ ပါတီဖွဲ့ခွင့်တွေ ဘယ်တော့ပေးမလဲ။ ဒါတွေသိချင်တယ်။ ရွေးကောက်ပွဲမှာ ကျနော်တို့လူထုက တခါပြန်ပြီး အဆုံးအဖြတ်ပေးရအုံးမှာလေ။ အခုဘယ်ဂျာနယ်ကမှ ဒီလိုသတင်းမျိုးတွေကို ဖော်ပြနိုင်တာမတွေ့ရဘူး။ ဒါကြောင့် အရင်က တပတ်ကိုသတင်းစုံဂျာနယ် သုံးလေးစောင်ဝယ်ဖတ်ပေမယ့် အခုတော့ တစောင်လောက်ပဲ ၀ယ်ဖတ် တော့တယ်” ဟု မန္တလေးမြို ခံတဦးက ပြောသည်။`

ပန်ဆိုးတန်းလမ်းရှိ ဂျာနယ်ဖြန့်ချိရေးကိုယ်စားလှယ်တဦးက “ဂျာနယ်တွေ အရောင်းကျတယ်။ ကျတယ်ဆိုတာ အားလုံး ကျသွားတာ။ သတင်းစုံရော၊ Pop ဂျာနယ်တွေရော၊ အားကစားဂျာနယ်တွေရော အားလုံးပဲ။ တပတ်ကို စောင်ရေ (၁) ထောင်လောက် ဖြန့်ပေးနေရတဲ့ ဂျာနယ်ကြီးတစောင်တောင် အခုစောင်ရေ (၇၀၀) ၀န်းကျင်လောက်နဲ့ပဲ သွားနေရတယ်။ နယ်အမှာစာတွေမှာလည်း လျော့မှာလာကြတယ်။ အထူးသဖြင့် မွန်နဲ့ မြစ်ဝကျွန်းပေါ်ဘက်က အမှာပိုကျသွားတယ်” ဟု ဆိုသည်။

ပြည်တွင်းဂျာနယ်ဈေးကွက်အတွင်း ရက်သတ္တတပတ်လျှင် ဂျာနယ်အမျိုးပေါင်း (၅၀) ကျော် ထုတ်ဝေလျက်ရှိပြီး၊ အစိုးရက သတင်းသမားများအား ပြင်းထန်းစွာ ဖိနှိပ်မှုများကြောင့် ဂျာနယ်ပါသတင်းတန်ဖိုးများ လျော့ကျလာခြင်း သည်လည်း ဂျာနယ်အရောင်းကျစေသည့် အချက်တရပ်အဖြစ်ပါဝင်ကြောင်း အထက်ပါဖြန့်ချိသူက သုံးသပ်သည်။

By NEJ

တွေ့ဆုံဆွေးနွေးရေးလုပ်ရန် မြန်မာကို လုံခြုံရေးကောင်စီ ထပ်မံတောင်းဆိုဖွယ်ရှိ
NEJ/ ၂၂ စက်တင်ဘာ ၂၀၀၈။ ။

မြန်မာကို အရေးယူမည့်အချက်များမပါရှိဘဲ အမျိုးသားပြန်လည်သင့်မြတ်ရေးအတွက် တွေ့ဆုံဆွေးနွေးရေး ထပ်မံ တောင်းဆိုမည့် လုံခြုံရေး ကောင်စီဥက္ကဋ္ဌ၏ ကြေညာချက်သာ ထွက်ရှိလာနိုင်ကြောင်း စက်တင်ဘာ (၁၀) ရက် ထုတ်ပြန် သည့် လုံခြုံရေးကောင်စီ အစီရင်ခံစာ၌ ခန့်မှန်းရေးသားထားသည်။

မြန်မာအစိုးရအား ဒဏ်ခတ်ရေး ဆွေးနွေးချက်များ မှေးမှိန်သွားပုံရသည့်အတွက် လုံခြုံရေးကောင်စီ ဥက္ကဋ္ဌ၏ ယခင် ကြေညာချက် (၂) ခုပါ အချက်များအပါအ၀င် သံတမန်ရေးနည်းလမ်းများသုံးရန် ဖိအားပိုပေးလာနိုင်သည်ဟု အစီရင် ခံစာက သုံးသပ်သည်။ မြန်မာ့အရေးကို လုံခြုံရေးကောင်စီ ဆွေးနွေးမည့်အချက်များ၌ ထည့်သွင်းနေခြင်းကို တရုတ်က ဆက်ပြီး စိတ်မသက်မသာ ဖြစ်နေသည့်ပြင် မြန်မာစစ်အစိုးရအား လုံခြုံရေးကောင်စီက အရေးမယူရေးကို တရုတ်က လိုလားသည်။

လုံခြုံရေးကောင်စီက ဆောင်ရွက်နိုင်သည့် ရွေးချယ်စရာ နည်းလမ်းများအနက် လုံခြုံရေးကောင်စီအဖွဲ့ဝင်များအနေဖြင့် မစ္စတာ ဂမ်ဘာရီ၏ ဆွေးနွေးမှုကို နားထောင်ပြီး မည်သည့်အရေးယူဆောင်ရွက်မှုမှ မလုပ်ဘဲ သဘောထားထုတ်ပြန် နိုင်ကြောင်း၊ နိုင်ငံရေးအကျဉ်းသားများ ပြန်လွှတ်ရန် လိုအပ်ကြောင်းနှင့် စစ်မှန်သည့် တွေ့ဆုံဆွေးနွေးမှု လုပ်ဆောင်ရန် တို့ ပါဝင်သည့် လုံခြုံရေးကောင်စီ ဥက္ကဋ္ဌ၏ ယခင်ကြေညာချက် (၂) ခုပါ အဓိကအချက်များကို ထပ်မံကြေညာနိုင် ကြောင်းနှင့် လုံခြုံရေးကောင်စီ ဥက္ကဋ္ဌ၏ ပြီးခဲ့သည့် အောက်တိုဘာလ ထုတ်ပြန်ချက်ပါ အဓိကအချက်များကို ပြန်လည် အလေးထား ထုတ်ပြန်နိုင်ကြောင်း အစီရင်ခံစာတွင် ဖော်ပြထားသည်။

ပြီးခဲ့သည့် အောက်တိုဘာလ လုံခြုံရေးကောင်စီ ဥက္ကဋ္ဌ ကြေညာချက်၌ အားလုံးပါဝင်သည့် အမျိုးသားပြန်လည် သင့် မြတ်ရေးလုပ်ဆောင်ရန်၊ ကုလသမဂ္ဂက မြန်မာ့အရေး ဆက်လက်ပါဝင်ဆောင်ရွက်ရန်၊ ဒေါ်အောင်ဆန်းစုကြည်နှင့် စစ်မှန်သည့် တွေ့ဆုံဆွေးနွေးရေး လုပ်ဆောင်ရန်၊ နိုင်ငံရေးနှင့် လူ့အခွင့်အရေးကိစ္စများ ဆောင်ရွက်ရန်၊ ပြည်သူလူထု အတွက် စီးပွားရေးနှင့် လူသားချင်းစာနာမှု လိုအပ်ချက်များကို ကိုင်တွယ်လုပ်ဆောင်ရန်တို့ တောင်းဆိုထားသည်။

ထို့အပြင် လုံခြုံရေးကောင်စီ ဥက္ကဋ္ဌ ထုတ်ပြန်မည့် ကြေညာချက်၌ ပြီးခဲ့သည့် မေလ ဖွဲ့စည်းပုံအခြေခံဥပဒေ လူထုဆန္ဒ ခံယူပွဲ အပေါ် သဘောထားနှင့် နိုင်ငံရေးအကျဉ်းသားများကို လွှတ်ပေးရန်ကဲ့သို့ ကိစ္စများလည်းပါဝင်နိုင်ပြီး အတွင်းရေး မှူးချုပ်၏ မြန်မာနိုင်ငံ ခရီးစဉ်မတိုင်မီ လုံခြုံရေးကောင်စီနှင့် ကြိုတင်တွေ့ဆုံရန်တို့ ပါရှိနိုင်သည်ဟုလည်း အစီရင်ခံစာ၌ ဖော်ပြသည်။

ထိုအစီရင်ခံစာကို သြဂုတ် (၁၈)မှ (၂၃) ရက်အထိ မြန်မာနိုင်ငံသွားရောက်ခဲ့သည့် မစ္စတာဂမ်ဘာရီ၏ ခရီးစဉ် အပြီး၌ ထုတ်ပြန်ခဲ့ခြင်းဖြစ်ပြီး ထိုခရီးစဉ်၌ ကုလသမဂ္ဂ၏ တောင်းဆိုချက် (၅) ချက်ကို မြန်မာအစိုးရက ပိုမိုသဘောပေါက် လက်ခံလာသဖြင့် ထိုခရီးစဉ်ကို မစ္စတာဂမ်ဘာရီက ပိုမိုအကောင်းမြင်သည်ဟုလည်း အစီရင်ခံစာ၌ ရေးသည်။

မြန်မာအရေးနှင့် ပတ်သက်ပြီး အဓိကအရေးပါသည့် အချက်များကို စဉ်းစားရာ၌ မြန်မာနိုင်ငံသွားရန်များသည့် အတွင်း ရေးမှူးချုပ် ဘန်ကီမွန်း၏ ခရီးစဉ်မှ ခိုင်မာသည့် အောင်မြင်မှုရအောင် မည်သို့လုပ်ရမည်ဆိုသည့်အချက်အပါအ၀င် ဘန် ကီမွန်း မြန်မာနိုင်ငံသွားခြင်းသည် မြန်မာစစ်အစိုးရ၏ လမ်းပြမြေပုံကို ထောက်ခံခြင်းဟု အသုံးချမခံရအောင် မည်သို့ လုပ်ရမည် စသည့်အချက်များပါဝင်သည်။ ထို့ပြင် ကုလသမဂ္ဂသည် မြန်မာနှင့် ဆက်ဆံရာတွင် တိုးတက်မှုမရှိဆိုသည့် မကောင်းမြင်သတင်း ပျံ့နှံ့မှုကိစ္စအတွက် ကုလသမဂ္ဂနှင့် လုံခြုံရေးကောင်စီက မည်သို့ကိုင်တွယ်ရမည်ဆိုသည့် ကိစ္စ ဖြစ်သည်ဟု ရေးထားသည်။

ဘရာဇီးလ်ဘောလုံးအသင်း ရန်ကုန်မှာ နာဂစ်ရန်ပုံငွေပွဲ လာကစားမည်
ပီတာအောင်/ ၂၂ စက်တင်ဘာ ၂၀၀၈။ ။

၁၉၉၄ ကမ္ဘာ့ဖလားဘောလုံးပြိုင်ပွဲတွင် အနိုင်ရခဲ့သည့် ဘရာဇီးလ်ဘောလုံးအသင်းသည် နာဂစ်မုန် တိုင်းဘေး ဒုက္ခသည်များအတွက် ရန်ပုံငွေ ရှာဖွေပေးသည့်အနေဖြင့် မြန်မာနိုင်ငံ၌ ချစ်ကြည်ရေး ဘောလုံးပြိုင်ပွဲ လာရောက်ကစားမည်ဟု မြန်မာနိုင်ငံဘောလုံးအဖွဲ့ချုပ်မှ တာဝန်ရှိသူတဦး၏ ပြောပြ ချက်အရ သိရသည်။

ဘရာဇီးလ်အသင်းသည် မြန်မာနိုင်ငံ လာရောက်မည့်ရက် အတိအကျကို မသတ်မှတ်ရသေးသော် လည်း လာမည့်အောက်တိုဘာ (၂၆) ရက်၌ လာရောက်ရန် အကြမ်းဖျင်း စီစဉ်ထားကြောင်း၊ (၂၇) ရက်နေ့တွင် မြန်မာလူငယ်ဘောလုံးသမားများကို အချိန်တို ဘောလုံးသင်တန်းတခု ပေးသွားမည် ဖြစ်ပြီး (၂၈) ရက်နေ့၌ မြန်မာ့လက်ရွေးစင် အသင်းနှင့် ချစ်ကြည်ရေး ယှဉ်ပြိုင်ကစားရန် လျာထား ကြောင်း ဘောလုံးအဖွဲ့ချုပ်မှ ရုံးအဖွဲ့မှူး ဦးကိုကိုသိန်းက ခေတ်ပြိုင်သို့ ပြောသည်။

၎င်းက “ကျနော်တို့အသေးစိတ်တော့ တော်တော်များများ စီစဉ်ထားပြီးပြီ။ ကမ္ဘာဖလား ၁၉၉၄ ကမ္ဘာ့ ဖလားမှာပါတဲ့ ကမ္ဘာကျော် (၂) ယောက်ပါဖို့ကတော့ ဆွေးနွေးနေတုန်းပဲ ရှိသေးတယ်။ ဘယ်သူတွေ ပါမလဲကတော့ အတည်တော့ မပြုနိုင်သေးဘူး။ အားလုံး (၁၇) ယောက်ပါမယ်။ ညှိနှိုင်းတုန်းပဲရှိသေး တယ်။ ကျနော်တို့ကတော့ ကောင်းတဲ့ ကစားသမားတွေ၊ နာမည်ကြီးတဲ့ ကစားသမားတွေကို တောင်းဆိုထားပါတယ်” ဟု ခေတ်ပြိုင်သို့ ပြောသည်။

၁၉၉၄ ခု ဘရာဇီးအသင်း၌ ဒွန်ဂါ၊ ရိုမာရီယိုနှင့် ဘီဘက်တိုစသည့် ကမ္ဘာကျော် ဘောလုံးသမားများ ပါဝင်ပြီး ၁၉၉၄ ခုနှစ်က အမေရိကန်ပြည်ထောင်စု၌ ကျင်းပသည့်ကမ္ဘာ့ဖလား ဘောလုံးပြိုင်ပွဲ ဗိုလ်လုပွဲ၌ အီတလီအသင်းကို ပင်နယ်လ်တီ အဆုံးအဖြတ် (၃-၂) ဂိုးဖြင့် အနိုင်ရကာ ဗိုလ်စွဲခဲ့သည့် အသင်းဖြစ်သည်။

ဘရာဇီးလ်အသင်းနှင့် မြန်မာ့လက်ရွေးစင်အသင်းတို့ ချစ်ကြည်ရေးပြိုင်ပွဲ ကစားမည့်နေရာကို ရန်ကုန်မြို့ရှိ သုဝဏ္ဏဘောလုံးကွင်းကို သတ်မှတ်ထားပြီး ကွင်းဝင်ကြေး မသတ်မှတ်ရသေးသော် လည်း ရရှိသည့်ဝင်ငွေများအားလုံးကို နာဂစ်လေဘေးဒုက္ခသည်များအတွက် လှူဒါန်းသွားမည်ဖြစ် ကြောင်း ဘောလုံးအဖွဲ့ချုပ်က ပြောကြားသည်။

မြန်မာနိုင်ငံသို့ လာရောက်မည့် ဘရာဇီးလ်အသင်း၌ နာမည်ကြီးဘောလုံးသမားများ ပါဝင်မည် မပါ ၀င်မည်ကို အတိအကျ မသိရသေးသော်လည်း အသက် (၃၀) ကျော် အရွယ်ရှိ ဘရာဇီးလက်ရွေးစင် ဘောလုံးသမားဟောင်းများ အများစု ပါဝင်မည်ဟုသိရသည်။ ယခုကဲ့သို့ ကမ္ဘာ့ ဘောလုံးအကျော် အမော် ဘရာဇီးလ်အသင်း လာရောက်၍ ချစ်ကြည်ရေးကစားခြင်းသည် မြန်မာ့ဘောလုံးသမိုင်းတွင် ပထမဆုံးအကြိမ်ဖြစ်သည်။

By NEJ

မစုစုနွေး မိသားစုနှင့် တွေ့ဆုံခွင့်ရရန် ထောင်တွင်း ဆန္ဒပြ
ဖနိဒါ
သောကြာနေ့၊ စက်တင်ဘာလ 19 2008 21:54 - မြန်မာစံတော်ချိန်

ချင်းမိုင်။ ။ အင်းစိန်ထောင်အတွင်း အကျဉ်းကျခံနေရသည့် လူ့အခွင့်အရေး လှုပ်ရှားသူ မစုစုနွေးသည် မိသားစုဝင်များနှင့် တွေ့ဆုံခွင့်ရရန် တောင်းဆိုသည့် အနေဖြင့် ထောင်တွင်း အစားအစာ လက်မခံ ငြင်းပယ် ဆန္ဒပြနေခဲ့သည်မှာ စုစုပေါင်း ၉ ရက်ကြာခဲ့ပြီ ဖြစ်သည်။

တလကျော်ကြာ မိသားစုဝင်များနှင့် တွေ့ဆုံခွင့် မရခဲ့သည့် မစုစုနွေးသည် စက်တင်ဘာလ ၁၁ ရက်နေ့မှ စတင်ကာ ထောင်အတွင်း ကျွေးမွေးသည့် အစားအစာများကို လက်မခံ ငြင်းပယ် ဆန္ဒပြနေကြောင်း မစုစုနွေး အမဖြစ်သူ မဌေးဌေးကြည် မှ မဇ္ဈိမကို ယခုလိုပြောသည်။

"ရှေ့နေနဲ့ စကားပါးလိုက်တယ်။ အမနဲ့ မတွေ့ရမချင်း လက်မခံဘူးလို့ ပြောတယ်။ ကျမနဲ့ မိသားစုကို ပေးမတွေ့တဲ့အပြင် ကျမမှာလဲ ဘာအပြစ်မှ မရှိဘူး။ အဲဒါတွေကို မရလို့ဆိုပြီး သူ (စုစုနွေး) က ရေနွေးတောင် လက်မခံဘူး ပြောတယ်။ ကျမနဲ့ မတွေ့တာက ကြာပြီ။ ဒီနေ့အထိဘဲ။ ဆေးနဲ့ ပစ္စည်းကို ထောင်ဘူးဝမှာ ပေးထားခဲ့ရတယ်" ဟု မစုစုနွေး၏ အမဖြစ်သူ မဌေးဌေးကြည်က ပြောသည်။

အင်းစိန်ထောင် အာဏာပိုင်များထံ မစုစုနွေး နှင့်တွေ့ဆုံခွင့်ပေးရန် အစ်မဖြစ်သူ မဌေးဌေးကြည်မှ တောင်းဆိုစာ တင်သွင်းခဲ့သော်လည်း အာဏာပိုင်များမှ တစုံတရာ တုန့်ပြန်ခဲ့ခြင်း မရရှိခဲ့ပေ။

ကုလသမဂ္ဂ၏ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် တောမတ်စ် အိုဟေး ကွင်တန်နာ မှ နိုင်ငံရေး အကျဉ်းသားများနှင့် တွေ့ဆုံခဲ့ရာ မစုစုနွေးလည်း ပါဝင်ခဲ့သည်။

လွန်ခဲ့သည့် ဇူလိုင်လအတွင်းက မစုစုနွေးသည် ထောင်ဝန်ထမ်းများနှင့် ထောင်တွင်း တင်းကြပ်မှုကို ဆန့်ကျင် ပြောဆိုခဲ့သည့်အတွက် ထောင်ဝန်ထမ်းများနှင့် စကား အချေအတင် ဖြစ်ခဲ့ရာ ၂ ပတ်ကြာ တိုက်ပိတ်ခံခဲ့ရသည်။

၂ဝဝ၇ ခုနှစ် နိုဝင်ဘာလ ၁၄ ရက်နေ့တွင် မြရိပ်ညို ဟိုတယ်ရှေ့တွင် စစ်အစိုးရ ဆန့်ကျင်ရေး စာတမ်း ချိတ်ဆွဲခဲ့သည့် မစုစုနွေးအား အာဏာပိုင်များက ဖမ်းဆီး ထိမ်းသိမ်းခဲ့ကာ နိုင်ငံတော် ငြိမ်ဝပ်ပိပြားရေးကို ပျက်ပြားစေရန် လှုံ့ဆော်မှု၊ လူစုလူဝေးတွင် ပါဝင်မှု နှင့် အစိုးရကို အကြည်ညို ပျက်စေမှု စသည့် ပုဒ်မများတပ်ကာ တရားစွဲဆိုထားသည်။

လွန်ခဲ့သည့် စက်တင်ဘာလ ၁၇ ရက်တွင် မစုစုနွေးအား တရားရုံးထုတ် အမှုစစ်ဆေးရန် သတ်မှတ်ရက် ဖြစ်သော်လည်း ရုံးထုတ်ခြင်းမရှိဘဲ ရမန်ရက်သာ ပေးခဲ့သည်။

လူ့အခွင့်အရေး တောင်းဆို တိုက်ပွဲဝင်ခဲ့သည့် ကော့မူးမြို့နယ် ထန်းမနိုင်ရွာသူ မစုစုနွေးအား ကနေဒါ အခြေစိုက် “လူ့အခွင့်အရေးနှင့် ဒီမိုကရေစီ” အဖွဲ့မှ ချီးမြှင့်ခဲ့သည့် ၂ဝဝ၆ ခုနှစ် ဂျွန်ဟမ်ဖရေး လွတ်လပ်ခွင့် ဆုကို ရရှိခဲ့သည့်အပြင်၊ ၂ဝဝ၇ ခုနှစ်တွင် ချက်သမတ နိုင်ငံအခြေစိုက် the People-in-Need အဖွဲ့မှ ချီးမြှင့်ခဲ့သည့် 'Homo Homini Award' ဆုကို ရရှိခဲ့သည်။

မြန်မာနိုင်ငံကိစ္စ ကုလကိုယ်စားလှယ် စိစစ်ရေး ကော်မတီ ဆုံးဖြတ်မည်
ဆော်လမွန်
စနေနေ့၊ စက်တင်ဘာလ 20 2008 20:37 - မြန်မာစံတော်ချိန်

နယူးဒေလီ။ ။ ကုလသမဂ္ဂတွင် မြန်မာစစ်အစိုးရက အဖွဲ့ဝင်အဖြစ် ပါဝင်နေမှုကို စိန်ခေါ်ထားသည့် တင်ပြချက်သည် ဤကမ္ဘာ့ အဖွဲ့အစည်းကြီး၏ အကြီးအကဲက အထွေထွေ ညီလာခံသို့ ဆက်လက် ပေးပို့လိုက်ပြီ ဖြစ်သဖြင့် ချောမောစွာ ရှေ့တဆင့် တက်သွားပြီ ဖြစ်ကြောင်းဖြင့် ပြည်ပရောက် မြန်မာ့ အတိုက်အခံ အုပ်စုများက ပြောကြားလိုက်ပါသည်။

"ကုလသမဂ္ဂ အထွေထွေ အတွင်းရေးမှူးချုပ်က ကျနော်တို့ ပန်ကြားလွှာကို သူ့စာနဲ့အတူ အထွေထွေ ညီလာခံကို လက်ခံဘို့ ဆက်လက် ပေးပို့လိုက်ပါပြီ။ ဘာကန့်ကွက်မှုမှ မရှိပါဘူး၊ ဒါကြောင့် ပထမအဆင့်တော့ အောင်မြင်ပါပြီ" ဟု ပြည်ထောင်စု မြန်မာနိုင်ငံ အမျိုးသားကောင်စီ (NCUB) ၏ တွဲဘက် အထွေထွေ အတွင်းရေးမှူး (၂) ဦးမျိုးဝင်းက ပြောဆိုသွားပါသည်။ NCUB သည် ဤလှုပ်ရှားမှုကို ဦးဆောင်နေသည့် မြန်မာ အတိုက်အခံတို့၏ ထီးရိပ်အဖွဲ့အစည်း တခု ဖြစ်ပါသည်။

"ကျနော်တို့ ပန်ကြားချက်ကို အထွေထွေ ညီလာခံက လက်ခံလိုက်ပါပြီ။ ဒါကို ကိုယ်စားလှယ် စိစစ်ရေး ကော်မတီက ဆွေးနွေးပါလိမ့်မယ်" ဟု သူက ဆက်လက် ပြောကြားသွားခဲ့ပါသည်။

ပြည်ပရောက် မြန်မာအတိုက်အခံ အဖွဲ့အစည်းများ ဖြစ်ကြသော ပြည်ထောင်စု မြန်မာနိုင်ငံ အမျိုးသားကောင်စီ (NCUB) ၊ ပါလီမန် အမတ်များအဖွဲ့ (MPU) ၊ နှင့် အပြည်ပြည်ဆိုင်ရာ ရဟန်းတော်များ အဖွဲ့ သာသနာ့မောလိ (IBMO) တို့က မြန်မာ စစ်အစိုးရ၏ ကိုယ်စားလှယ်ဖြစ်မှုကို စိန်ခေါ်သည့် ပန်ကြားချက် တရပ်ကို ကုလသမဂ္ဂသို့ စက်တင်ဘာ ၉ ရက်နေ့က တင်သွင်းခဲ့ကြပါသည်။

စက်တင်ဘာလ ၁၆ ရက်နေ့က စတင် ကျင်းပသည့် ၆၃ ကြိမ်မြောက် ကုလသမဂ္ဂ အထွေထွေ ညီလာခံက အဖွဲ့ဝင် ၉ ဦး ပါ ကိုယ်စားလှယ် စိစစ်ရေး ကော်မတီကို အဖွင့်နေ့တွင် ဖွဲ့စည်း တာဝန်ပေးလိုက်ရာ ထိုကော်မတီတွင် ဘော့ဆွာနာ၊ တရုပ်၊ ဆိုက်ပရပ်၊ အမေရိကန်၊ ရုရှ၊ လူဇင်းဘာ့ခ်၊ မက္ကဆီကို၊ မိုဇမ်းဘစ်၊ စိန့်ကစ်၊ နှင့် နီဗစ်စ် တို့ ပါဝင်ကြပါသည်။

ဤတင်ပြချက်အပေါ် ဆုံးဖြတ်ချက် မချမီ အဆိုပါ ကော်မတီက ဤစိန်ခေါ်သည့် ပန်ကြားလွှာကို သုံးသပ် ဆွေးနွေးကြမည် ဖြစ်ပြီး ကော်မတီက ဆက်လက် ပေးပို့ရန် ဆုံးဖြတ်မှသာ အထွေထွေ ညီလာခံက အပြီးသတ် အဆုံးအဖြတ်ပေးမည် ဖြစ်သည်။

"ကိုယ်စားလှယ်စိစစ်ရေး ကော်မတီမှာပါတဲ့ နိုင်ငံတချို့က လွဲရင် အဖွဲ့ဝင်အများစုက ကျနော်တို့အပေါ် သွေးစည်း ညီညွတ်မှု ရှိကြပါတယ်။ ဒါကြောင့် ကျနော်တို့ အကောင်းမြင်ပါတယ်" ဟု ဦးမျိုးဝင်းက ပြောသွားပါသည်။

"ဒါပေမဲ့ တရုတ်နဲ့ ရုရှတို့က ကျနော်တို့ ပန်ကြားချက်ကို ကန့်ကွက်ကြလိမ့်မယ်လို့ သိထားပါတယ်။ ဒါပေမဲ့ ဒီကော်မတီ ထဲမှာ ဗီတိုအာဏာ သုံးစွဲခွင့် မရှိပါဘူး" ဟု ဦးမျုိးဝင်းက ပြောပါသည်။

မြန်မာနိုင်ငံသည် ၁၉၄၈ ခုနှစ်တွင် ကုလသမဂ္ဂ အဖွဲ့ဝင်နိုင်ငံ ဖြစ်လာခဲ့ပြီး၊ မြန်မာ သံတမန်တဦး ဖြစ်သော ဦးသန့်က ကုလသမဂ္ဂ၏ တတိယမြောက် အထွေထွေ အတွင်းရေးမှူးအဖြစ် ၁၉၆၁ ခုနှစ်မှ ၁၉၇၁ ခုနှစ်အထိ ဆောင်ရွက်ခဲ့ပါသည်။

မြန်မာနိုင်ငံသည် ဗြိတိသျှတို့ထံမှ လွတ်လပ်ရေးရပြီး ၁၉၄၈ ခုနှစ်မှ ၁၉၆၂ ခုနှစ်ထိ ယာယီမျှ ပါလီမန် ဒီမိုကရေစီစနစ်ကို ကျင့်သုံးနိုင်ခဲ့ပါသည်။ သို့သော် ၁၉၆၂ ခုနှစ် မတ်လတွင် ဗိုလ်ချုပ်ကြီး နေဝင်း ဦးဆောင်သော စစ်တပ်မှ အာဏာ သိမ်းယူခဲ့ပြီး တိုင်းပြည်ကို ဆိုရှယ်လစ် နိုင်ငံအဖြစ် ပြောင်းလဲ အုပ်ချုပ်ခဲ့သည်။

သို့သော် ၁၉၈၈ ခုနှစ်တွင် မြန်မာနိုင်ငံ ပြည်သူများက ဆိုရှယ်လစ်စနစ်ကို ပယ်ချခဲ့ပြီး ဦးနေဝင်း၏ တပါတီ အာဏာရှင်စနစ်ကို လူထုလှုပ်ရှားမှုဖြင့် ဖြုတ်ချခဲ့ပါသည်။ သို့သော် စစ်အုပ်စု၏ အမွေသည် လက်ရှိ ဗိုလ်ချုပ်ကြီးများ ၁၉၈၈ ခုနှစ် စက်တင်ဘာတွင် အာဏာ သိမ်းသည့်အခါ ဆက်လက် တည်ရှိနေခဲ့ပါသည်။

စစ်အစိုးရက ၁၉၉ဝ ခုနှစ်တွင် အထွေထွေ ရွေးကောက်ပွဲ ကျင်းပပေးခဲ့ပြီး ထိန်သိမ်းခံ အတိုက်အခံ ခေါင်းဆောင် ဒေါ်အောင်ဆန်းစုကြည်၏ အမျိုးသား ဒီမိုကရေစီ အဖွဲ့ချုပ်က အပြတ်အသတ် အနိုင်ရရှိခဲ့ပါသည်။ သို့သော် စစ်အစိုးရက အာဏာ လွှဲပြောင်းပေးရန် ငြင်းဆန်ခဲ့ပြီး၊ တိုင်းပြည်ကို တင်းကြပ်စွာ ဆက်လက် အုပ်ချုပ်ခဲ့ပါသည်။

စစ်အစိုးရကို ကုလသမဂ္ဂမှ ဖယ်ရှားရန် ပြည်ပရောက် အတိုက်အခံ အဖွဲ့အစည်းများက ကိုယ်စားလှယ်ဖြစ်မှုကို စိန်ခေါ်သည့် လှုပ်ရှားမှုတရပ်ကို ပြုလုပ်ခဲ့ကြပါသည်။ အဆိုပါ ပန်ကြားချက်တွင် ဗိုလ်ချုပ်ကြီးများသည် အာဏာကို မတရား အတင်းအကြပ် ရယူထားခဲ့ကြပြီး၊ တရားမဝင် အုပ်ချုပ်လျက် ရှိသည်၊ ထို့ကြောင့် စစ်အစိုးရ၏ ကိုယ်စားလှယ်ဖြစ်မှုကို ကုလသမဂ္ဂက ပြန်လည် စဉ်းစား သုံးသပ်သင့်ပါသည်ဟု ဖေါ်ပြထားခဲ့ကြပါသည်။

"ဒီ လှုပ်ရှားမှုက မြန်မာပြည်သူများ၏ ဆင်းရဲဒုက္ခကို မီးမောင်းထိုးပြနိုင်လိမ့်မယ်လို့ ကျနော်တို့ မျှော်လင့်ပါတယ်" ဟု ဦးမျိုးဝင်းက ပြောသွားပါသည်။

ရန်ကုန်မြို့တွင်း ကားလမ်းပိတ်ဆို့မှုများ ပိုမိုဖြစ်ပွား (ပေးစာ)
အယ်ဒီတာ့ထံပေးစာ
တနင်္လာနေ့၊ စက်တင်ဘာလ 22 2008 12:38 - မြန်မာစံတော်ချိန်

မြန်မာနိုင်ငံ၏ မြို့တော်ဟောင်း ရန်ကုန်တွင် ယခင်နှစ်များထက် ပိုမို၍ ယာဉ်ကြော ပိတ်ဆို့မှုများ ဖြစ်ပွားလျက်ရှိကာ ခရီးသွားများ အနေဖြင့် လမ်းမများပေါ်တွင် အချိန်များစွာ ကုန်ဆုံးလျက် ရှိသည်။

ပိုမို များပြားလာသော ရန်ကုန်မြို့ပေါ်ရှိ ယာဉ်အရေအတွက် အပြင် မီးပွိုင့်များ မကြာခဏ ပျက်စီးနေခြင်း၊ လမ်းများ ဆိုးရွားစွာ ပျက်စီးနေခြင်း၊ ယာဉ်စည်းကမ်းများကို မကြာခဏ ပြောင်းလဲ သတ်မှတ်နေခြင်းတို့ကြောင့် ရန်ကုန်မြို့၏ အချက်အခြာနေရာ တော်တော်များများမှာ ယဉ်ကြော ပိတ်ဆို့မှုများ ဆိုးရွားစွာ ဖြစ်ပွားလျက် ရှိသည်။

ရန်ကုန်ရှိ ရွှေဂုံတိ်ုင်မီးပွိုင့်ကို ဖြတ်သန်း သွားလာရသော ယာဉ်များအနေဖြင့် မီးပွိုင့်နှစ်ခါ သုံးခါ ဆက်တိုက် မိလေ့ရှိပြီး စောင့်စားရချိန်မှာ ၁၅ မိနစ်မှ ၂၅ မိနစ်အထိ ရှိသည်။ အချို့ အချိန်များတွင် ထိုထက်ပိုမိုပြီး ယဉ်တန်းများ အနေဖြင့် ရွှေဂုံတိုင် လမ်းမကြီးထက်တွင် မီးပွိုင့်မှ ခြောက်ထပ်ကြီး ဘုရားနားအထိ ရောက်ရှိနေတတ်သည်။ ထို့အပြင် ၀ိဇယမီးပွိုင့်၊ ပါရမီမ (ချော်တွင်းကုန်း) ပွိုင့်၊ လှည်းတန်း၊ တာမွေအ၀ိုင်းထိပ် မီးပွိုင့်၊ တာမွေဈေးထိပ်၊ ပန်းဆိုးတန်း (ကမ်းနားလမ်းထောင့်) တို့သည် ဆိုးဆိုးရွားရွား စောင့်စားရချိန် များပြားသော ပွိုင့်များ အဖြစ် ထင်ရှားပြီး လမ်းခရီး သွားလာနေသော ပြည်သူများအနေဖြင့် အခက်အခဲ ဖြစ်လျက် ရှိပါသည်။

ယဉ်စည်းကမ်း ထိမ်းသိမ်းရေး ကော်မတီမှ လမ်းမကြီးများပေါ်ရှိ မှတ်တိုင်အချို့ ပြောင်းလဲခြင်း၊ လိုင်းကားများအား တလမ်းမောင်း စနစ် သတ်မှတ်ခြင်း ၊ ကားမရပ်ရ နယ်မြေများ သတ်မှတ်ခြင်းဖြင့် ယဉ်ကြော ရှင်းလင်းရန် ဆောင်ရွက်နေသည်ဟု ဆိုသော်လည်း တကယ့် လက်တွေ့တွင် ထိရောက်သော ဆောင်ရွက်ချက်များအဖြစ် မတွေ့ရဘဲ ယဉ်ကြောများ ပိုမို ရှုပ်ထွေးမှုဖြင့်သာ ရင်ဆိုင်နေကြရသည်။

ဖလားဝါး ဂျာနယ် သတင်းထောက်ချုပ်ကို အင်းစိန်ပို့
မဇ္ဈိမသတင်းဌာန
တနင်္ဂနွေနေ့၊ စက်တင်ဘာလ 21 2008 15:16 - မြန်မာစံတော်ချိန်

ရန်ကုန်။ ။ အာဏာပိုင်များ ရန်ကုန်တိုင်း ကျောက်တံတားမြို့နယ် ရဲစခန်းတွင် ၂ ပတ်ကြာ ထိမ်းသိမ်းထားသည့် ဖလားဝါးနယူးစ် ဂျာနယ်မှ သတင်းထောက်ချုပ် ကိုစောမြင့်သန်း အား အင်းစိန်ထောင်သို့ ပို့လိုက်ပြီ ဖြစ်သည်။

ရန်ကုန်တိုင်း ရဲတပ်ဖွဲ့မှ အမှုဖွင့် တရားစွဲဆိုခံထားသည့် သတင်းထောက်ချုပ် ကိုစောမြင့်သန်းအား ကျောက်တံတားမြို့နယ် တရားရုံးတွင် အင်္ဂါနေ့က ရုံးထုတ်စစ်ဆေးပြီးနောက် အင်းစိန်ထောင်သို့ ပို့လိုက်ပြီဖြစ်ကြောင်း ရန်ကုန်အခြေစိုက် အပတ်စဉ် သတင်းဂျာနယ်မှ သတင်းထောက်တဦးက မဇ္ဈိမကို ယခုလိုပြောသည်။

"သူ့အမှု ပြီးသွားပြီ။ လွတ်လာပြီလို့ ကြားတယ်။ အပြင်မှာလည်း မတွေ့ရဘူး။ သူ့ရုံးက လူတွေလည်း မေးလို့မရတော့ ဟုတ်မဟုတ် သိရအောင် ရဲစခန်းသွားပြီး တွေ့ခွင့်တောင်းတော့ မရှိဘူး၊ ထုတ်ပြီး ထောင်ပို့လိုက်ပြီလို့ ပြောမှ သိရတာ" သူကပြောသည်။

သတင်းထောက်ချုပ် ကိုစောမြင့်သန်းအား စက်တင်ဘာ (၁) ရက်နေ့တွင် ရန်ကုန်တိုင်း ရဲတပ်ဖွဲ့မှ ရဲမှူး ခင်မောင်အေးက အင်တာနက် ဆက်သွယ်ရေး နည်းဥပဒေ ၃၄(ဃ)၊ ပြည်ပ တရားမဝင် အဖွဲ့အစည်းများနှင့် ဆက်သွယ်မှု ပုဒ်မ ၁၇/၁ တို့ဖြင့် ပုဒ်မတပ်ကာ ကျောက်တံတား ရဲစခန်းတွင် အမှုဖွင့် အရေးယူခဲ့ခြင်း ဖြစ်သည်။

ယခုလို ကိုစောမြင့်သန်း အမှုအား ကျောက်တံတားမြို့နယ် တရားရုံးမှ အမှုကြားနာ စစ်ဆေးခြင်းနှင့် အင်းစိန်ထောင် ပို့လိုက်ခြင်းအပေါ် အသေးစိတ် သိနိုင်ရန်နှင့် အတည်ပြုချက် ရယူရန် ဖလားဝါးနယူးစ် ဂျာနယ်တိုက်အား မဇ္ဈိမမှ ဆက်သွယ် မေးမြန်းရာတွင် တာဝန်ခံ အယ်ဒီတာမှ အခြေအနေအရ မဖြေဆိုနိုင်သေးကြောင်း ပြောသည်။

သြဂုတ်လ ၁၉ ရက်နေ့တွင် ရန်ကုန်တိုင်း၊ သင်္ကန်းကျွန်းမြို့နယ် နေထိုင်သူ ကားပွဲစား တဦးနှင့် သူ၏ဇနီးတို့ အသတ်ခံခဲ့ရသည်။

သင်္ကန်းကျွန်းမြို့နယ် ၂ လောင်းပြိုင် လူသတ်မှု သတင်းကို ဂျာနယ်တွင် ရေးသား ဖော်ပြခဲ့သည့်အတွက် ဟုဆိုကာ ရန်ကုန်တိုင်း ရဲတပ်ဖွဲ့မှ ကိုစောမြင့်သန်းအား ခေါ်ယူစစ်ဆေး ကြိမ်းမောင်းခဲ့သည့်သတင်း ပြည်ပ သတင်းဌာနတခုဖြစ်သည့် ဧရာဝတီ အင်တာနက် သတင်းတွင် ဖော်ပြခဲ့သည့် နောက်ပိုင်း ယခုလို အဖမ်းခံရခြင်း ဖြစ်နိုင်ကြောင်း ရန်ကုန်ဂျာနယ် အသိုင်းအဝိုင်းက ပြောဆိုကြသည်။

စီးတီးမတ် စူပါမားကက်များတွင် ဗုံးများတွေ့ဟုဆို
မဇ္ဈိမသတင်းဌာန
တနင်္လာနေ့၊ စက်တင်ဘာလ 22 2008 17:15 - မြန်မာစံတော်ချိန်

ချင်းမိုင်။ ။ ရန်ကုန်မြို့ရှိ စီးတီးမတ် စူပါမားကက် ဆိုင်နှစ်ခုတွင် မပေါက်ကွဲသေးသော ဗုံးများ တင်္နလာနေ့ နံနက်က တွေ့ရှိခဲ့ကြောင်း ရဲသတင်းရပ်ကွက်က ပြောသည်။

၄၆ လမ်းဆိုင်နှင့် ဇ၀နဆိုင်များတွင် အသေးစား ချိန်ကိုက်ဗုံးများ တွေ့ခြင်းဖြစ်ပြီး ဆိုင်လုံခြုံရေးများက သံသယဖြစ်သဖြင့် ရဲကို အကြောင်းကြားရာမှ သိမ်းဆည်းလိုက်နိုင်ခြင်း ဖြစ်သည်ဟု အဆိုပါ သတင်းရပ်ကွက်က ပြောသည်။

သို့သော် စီးတီးမတ် နှစ်ဆိုင်မှ သက်ဆိုင်ရာ တာဝန်ရှိသူများကို မဇ္ဈိမက ဆက်သွယ်မေးမြန်းရာ ၄၆ လမ်းဆိုင်က ဗုံးတွေ့သည် ဆိုသောသတင်းအပေါ် သိရှိရမှု မရှိကြေင်းနှင့် ဇ၀နဆိုင်ကတော့ ရဲများ လေ့ကျင့်ရေး လုပ်ခြင်းသာ ဖြစ်သည်ဟု ကွဲပြားစွာ ဖြေကြားခဲ့သည်။

၄၆ လမ်းဆိုင်မှ တာဝန်ခံ အမျိုးသမီးတဦးက "ကျမ မနက် ၈း၃၀ နာရီကတည်းက ဆိုင်ရောက်နေတာ၊ ဘာမှ မဖြစ်ပါဘူး။ တခုခု ကြားတာလဲ မရှိပါဘူး" ဟု ပြောသည်။

သို့သော် ဇ၀နဆိုင်မှ ၀န်ထမ်းတဦးက " ရဲတွေက သူတို့ဘာသာ သူတို့စမ်းသပ်တာ၊ သူတို့ပစ္စည်း၊ ဗုံးပစ္စည်းတော့ မဟုတ်ဘူး။ သူတို့ဘာသာ သူတို့ထားပြီး သူတို့ လူတွေကို ရှာခိုင်းတာ" ဟု မဇ္ဈိမသို့ တယ်လီဖုံးမှတဆင့် ရှင်းပြသည်။

မေလ ၂၀၀၅ ခုနှစ်က စီးတီးမတ် ဆိုင်တဆိုင် အပါအ၀င် ရန်ကုန်မြို့ လူစည်ကားသော နေရာ ၃ ခုတွင် တပြိုင်တည်းလိုလို ဗုံးပေါက်ကွဲမှုများ ဖြစ်ပွားရာ လူ ၁၁ ဦး သေဆုံးခဲ့သည်။

လှုံ့ဆော်မှုများ ပြုလုပ်ဟု အတိုက်အခံများပြော
သန်းထိုက်ဦး
တနင်္လာနေ့၊ စက်တင်ဘာလ 22 2008 19:52 - မြန်မာစံတော်ချိန်

ချင်းမိုင်။ ။ နေအိမ် အကျယ်ချုပ်ကျခံနေရသော သူတို့၏ ခေါင်းဆောင် လွတ်မြောက်ရေး လှုပ်ရှားမှုတခု အနေဖြင့် ငွေစက္ကူများတွင် “ဒေါ်အောင်ဆန်းစုကြည် အမြန်ဆုံး လွတ်မြောက်ပါစေ” ဟု ရေးသားခဲ့ကြကြောင်း အတိုက်အခံ နိုင်ငံရေးလှုပ်ရှားသူများက ပြောသည်။

ပဲခူးတိုင်း ဇီးကုန်းမြို့နယ်အတွင်း ဒီမိုကရေစီလိုလားသူ တက်ကြွလှုပ်ရှားသူ တစုမှ ကျပ်ငွေ ၅ဝဝ၊ ၂ဝဝ၊ ၁ဝဝ၊ ၅ဝ နှင့် ၁ဝ တန်တို့တွင် ဒေါ်အောင်ဆန်းစုကြည်အတွက် ဆုတောင်းစာများ ခဲတံဖြင့် ရေးသားထားပြီး နီးစပ်ရာ ဈေးဆိုင်များတွင် ဈေးဝယ်ခြင်းများ ပြုလုပ်ခဲ့သည်ဟု သူတို့က ပြောသည်။

သို့သော် မဇ္ဈိမအနေဖြင့် သီးခြား အတည်ပြုချက် မရနိုင်ပါ။

"ဒေါ်အောင်ဆန်းစုကြည်ကို လွတ်စေချင်တဲ့ လူတွေကနေပြီးတော့ လုပ်လိုက်တဲ့ လှုပ်ရှားမှုတခု ဖြစ်တယ်။" ဟု အစဉ်အလာအားဖြင့် တက်ကြွစွာ လှုပ်ရှားလေ့ရှိသူ တယောက်က ပြောသည်။

ဈေးဆိုင်များက အမှတ်မထင် လက်ခံသူများရှိသလို အချို့ ဆိုင်ရှင်များက သိလျက်ပင် ၎င်းငွေစက္ကူများကို လက်ခံပေးခဲ့သည်ဟု ပြောသည်။

ငြိမ်းချမ်းစွာ အတိုက်အခံ နိုင်ငံရေး လှုပ်ရှားမှုကြောင့် ထောင်ကျနိုင်သည့် နိုင်ငံတွင် ၁၂ နှစ်ကျော်ကြာ နေအိမ် အကျယ်ချုပ် ကျခံနေရသော အမျိုးသား ဒီမိုကရေစီ အဖွဲ့ချုပ် ခေါင်းဆောင်နှင့်ပတ်သက်၍ ပြောဆိုရေးသားမှုကို စစ်အစိုးရသည် အစဉ်အလာအားဖြင့် ပြစ်မှုတခုဟု မြင်လေ့ရှိသည်။

အလားတူ လှုပ်ရှားမှုကို ပဲခူးတိုင်း ကြို့ပင်ကောက်မြို့နယ် အတွင်း တနင်္ဂနွေနေ့က ပြုလုပ်ခဲ့သည်။ ထို့အပြင် “သံဃာတော်များကို သတ်သည့် စစ်အာဏာရှင် အစိုးရ ပြုတ်ကျပါစေ” ဟု ရေးသားထားသည့် စာရွက်များကိုလည်း လူစည်ကားသည့် ဈေးများ၊ လမ်းများတွင် ဖြန့်ဝေခဲ့သည်ဟု ဒေသခံ နိုင်ငံရေး အသိ်ုင်းအဝိုင်းက ပြောသည်။

လတ်တလောက မျိုးဆက်သစ် လူငယ်များ အစည်းအရုံး (Generation Wave) မှ ဦးဆောင်ကာ “နအဖ ဗိုလ်ချုပ်မှူးကြီး သန်းရွှေအား အလိုရှိသည်” ဟု ရေးသားထားသည့် ဓာတ်ပုံပါ စာတမ်းအား ရန်ကုန်မြို့ နေရာအချို့တွင် လိုက်လံ ဖြန့်ဝေခဲ့သည်ဟု အဖွဲ့ဝင်တဦးဖြစ်သူ ကိုမိုးသွေးက ပြောသည်။

အမေရိကန်စီးပွားရေး တည်ငြိမ်အောင် စက်မှုထိပ်သီး ၇ နိုင်ငံ ကူညီမည်
22 September 2008
နိုင်ငံတကာရဲ့ ငွေကြေးစနစ် တည်ငြိမ်မှုရှိလာအောင် လိုအပ်တဲ့ အရေးယူဆောင်ရွက်ဖို့
ရှိတာမှန်သမျှကို လုပ်ဆောင်သွားမယ်လို့ ကမ္ဘာ့အချမ်းသာဆုံး နိုင်ငံတွေရဲ့ စီးပွားရေး
ဆိုင်ရာ အရာရှိတွေက ပြောဆိုလိုက်ပါတယ်။

အမေရိကန်ရဲ့ ငွေကြေးဆိုင်ရာ အစိုးရက ကြားဝင် ကျားကန် ကူညီပေးရေး အစီအစဉ်
နဲ့ပတ်သက်ပြီး G7 ခေါ် ကမ္ဘာ့စက်မှုထိပ်သီး ၇ နိုင်ငံက ဗဟိုဘဏ်အုပ်ချုပ်ရေးမှူးတွေနဲ့
ဘဏ္ဍာရေးဝန်ကြီးတွေ ဒီနေ့ ဆွေးနွေးခဲ့ကြပါတယ်။

ဒေါ်လာငွေ ဘီလီယံပေါင်း ၇၀၀ သုံးစွဲပြီး ငွေကြေးဆိုင်ရာပြဿနာကို ကူညီသွားဖို့
အတွက် အောက်လွှတ်တော်ကို သမ္မတဘုရှ် အစိုးရအဖွဲ့က မေတ္တာရပ်ခံ တောင်းဆို
လိုက်ပြီးနောက်ပိုင်း အခုလို နိုင်ငံကြီးတွေရဲ့ ကတိက၀တ်တွေ ရှိလာခဲ့တာပါ။

အမေရိကန်အစိုးရရဲ့ လုပ်ဆောင်မှုတွေဟာ အာရှစတော့ခ်ဈေးကွက်မှာ စိုးရိမ်ပူပန်မှု
တွေ ရှိနေကြတဲ့ ရင်းနှီးမြှုပ်နှံသူတွေကို စိတ်သက်သာရာ ရစေခဲ့ပါတယ်။ အာရှ
စတော့ခ်ရှယ်ယာဈေးကွက် ဒီနေ့ပိတ်ချိန်မှာ ဈေးနှုန်းတွေ ပြန်မြင့်တက်လာခဲ့ပြီး
ဥရောပက စတော့ခ်ျရှယ်ယာဈေးကွက်မှာလည်း ဒီနေ့ နေ့ခင်းပိုင်းအထိ ဈေးနှုန်းတွေ
ပြန်မြင့်တက်လာနေပါတယ်။

အမေရိကန်က အဓိကကျတဲ့ ရင်းနှီးမြှုပ်နှံမှု ဘဏ်ကြီးနှစ်ခုဖြစ်တဲ့ Goldman Sachs
နဲ့ Morgan Stanley ဘဏ်တွေရဲ့ လုပ်ငန်းတွေကို အမေရိကန်ဗဟိုဘဏ်က ကြားဝင်
ကျားကန် ဆောင်ရွက်ပေးမယ်ဆိုပြီး မနေ့က ပြောဆိုလိုက်ပါတယ်။ အဲလိုလုပ်ပေး
ခြင်းအားဖြင့် ဘဏ်တွေရဲ့ ငွေသွင်းငွေထုတ်လုပ်ငန်းတွေ၊ လိုရင်လိုသလို ဗဟိုဘဏ်
က ချေးငွေတွေကို အဲဒီဘဏ်တွေ ရရှိနိုင်မှာဖြစ်ပါတယ်။

ဂျပန် နိုင်ငံခြားရေး ၀န်ကြီးဟောင်း တာရိုအာဆို ၀န်ကြီးချုပ် ဖြစ်လာရန် အလားအလာကောင်း
22 September 2008
ဂျပန် နိုင်ငံခြားရေး ၀န်ကြီးဟောင်း တာရို အာဆို (Taro Aso) ဟာ ဒီ သီတင်းပတ်အတွင်း ၀န်ကြီးချုပ်ဖြစ်လာမယ်လို့ ကျယ်ကျယ်ပြန့်ပြန့် ခန့်မှန်းထားကြပါတယ်။ အဆို့ဟာ အမေရိကန်လိုလားတဲ့ ခေါင်းဆောင်တဦးဖြစ်ပါတယ်။ ပြည်တွင်း စီးပွားရေးနဲ့ ပတ်သက်တဲ့ စိုးရိမ်မှုတွေကို မဖြေရှင်းဘူးဆိုရင် သူ့ရဲ့ ပါတီဟာ အသည်းအသန် နိုင်ငံရေး စိန်ခေါ်မှုတွေကို ရင်ဆိုင်ရဖို့လည်း ရှိနေပါတယ်။ ဗီအိုအေသတင်းထောက် Kurt Achin ဆိုးလ်မြ်ို့ကနေ ပေးပို့ထားတဲ့ သတင်းကို ကိုကျော်ကျော်သိန်းက တင်ပြထားပါတယ်။


တာရို အာဆိုရဲ့ အဖိုးဖြစ်သူ ရှိငဲ့ရု ယိုရှိဒနဲ့ ယောက္ခမဖြစ်သူ ဇဲန်ကို ဆူဇူကီတုိ့နှစ်ဦးစလုံးဟာ ဂျပန်ဝန်ကြီးချုပ်တွေ ဖြစ်ခဲ့ကြဖူး ပါတယ်။ အခုတော့ နိုင်ငံခြားရေးဝန်ကြီးဟောင်း အဆို့ဟာ သူကိုယ်တိုင်ဝန်ကြီးချုပ်ဖြစ်တော့မယ့် အလားအလာရှိနေပါပြီ။
ဂျပန်နိုင်ငံရဲ့ အာဏာရ လစ်ဘရယ် ဒီမိုကရက်တစ်ပါတီ LDP က ဒီကနေ့ တနင်္လာနေ့မှာ ကျင်းပမယ့် ရွေးကောက်ပွဲမှာ သူ့ကို ပါတီ ဥက္ကဋ္ဌအဖြစ် ရွေးချယ်မယ်လို့ ခန့်မှန်းထားကြပါတယ်။ ဒါဟာ ၀န်ကြီးချုပ်ဖြစ်ဖို့ လျာထားလိုက်တဲ့ သဘောပါပဲ။

သူ့ရဲ့နောက်ခံသမိုင်းကြောင်းအရကိုက သူ့အတွက် အခွင့်အလမ်း ကောင်းစေတယ် ဆိုပေမယ့် လူကြိုက်များသူ တဦးအဖြစ် အဆို့ ကို အများက မြင်ကြပါတယ်။ သူဟာ အိုလံပစ် လက်ဖြောင့် သေနတ်ပစ် ပြိုင်ပွဲဝင် အားကစားသမားဟောင်း၊ ဂျပန် ကာတွန်း စာအုပ်တွေကို နှစ်ခြိုက်သူ၊ စကားပြောတဲ့နေရာမှာ လူတချို့ အဆိုအရ တဲ့တိုး ပြောတတ်သူပါ။

တာရိုအာဆိုဟာ အမေရိကန်ပြည်ထောင်စုနဲ့ နီးနီးကပ်ကပ် ပူးပေါင်းဆောင်ရွက်မယ့် အလားအလာရှိတယ်လို့ တိုကျို ကေးအို့တက္ကသိုလ် က တွဲဘက်ပါမောက္ခ တနိဂုချိ တို့မို့ဟိကို့ကပြောပါတယ်။

“အမေရိကန် ပြည်ထောင်စုဟာ ဂျပန်နိုင်ငံအတွက် ပထမ၊ ဒုတိယ၊ တတိယနဲ့ စတုတ္ထ အရေးအကြီးဆုံး နိုင်ငံ ဖြစ်တယ် ဆိုတာကို ပြောဖို့ သူဟာ နောက်တွန့်နေမယ့် လူမျိုး မဟုတ်ပါဘူး။” လို့ ပါမောက္ခ တနိဂုချိကပြောတာပါ။

အာဖဂန်နစ္စတန် ပြန်လည် တည်ငြိမ်ရေး အမေရိကန် ဦးဆောင်တဲ့ ကြိုးပမ်းမှုတွေမှာ အထောက်အပံ့ပြုနေတဲ့ ရေယာဉ်တွေ လောင်စာဆီ ပြန်ဖြည့်တဲ့ နေရာမှာ ဂျပန်ရဲ့ အခန်းကဏ္ဍအတွက် ဥပဒေ တရပ် အတည်ပြုဖို့ မတင်မကျ ဖြစ်နေတာ ပြေလည်သွားအောင် အဆို့က အပြင်းအထန် တွန်းအားပေးလိမ့်မယ်လို့ တနိဂုချိကပြောပါတယ်။ ဂျပန်နိုင်ငံရဲ့ ပူးပေါင်း ဆောင်ရွက်မှုဟာ အရေးကြီးတယ်လို့ အမေရိကန်က မြင်ပြီး ဖြစ်နိုင်သမျှ အမြန်ဆုံး ပြန်စနိုင်ဖို့ နှိုးဆော်ထားပါတယ်။
တာရို အာဆိုဟာ ထိုင်ဝမ်ကို ထောက်ခံတဲ့ ကြေညာချက်တွေ အရင်တုန်းက ထုတ်ခဲ့ဖူးတဲ့အတွက် တရုတ်နိုင်ငံက စိတ်ဆိုးခဲ့ဖူး ပါတယ်။ ထိုင်ဝမ်ဟာ ကိုယ့်ဖာသာ သီးခြား အုပ်ချုပ်ရေးနဲ့ သွားနေတာဖြစ်ပေမယ့် တရုတ်ကတော့ သူ့ရဲ့ ခွဲထွက် ပြည်နယ် တခုအဖြစ် သတ်မှတ်ထားတာပါ။ အမေရိကန် ပြည်ထောင်စုနဲ့ လိုက်လျောညီထွေ ဖြစ်ဖို့အတွက် သူ့ရဲ့ တရုတ်ပေါ်အမြင်ကို အဆို့က လျှော့ချမယ့်ပုံရှိတယ်လို့ တိုကျိုမြို့တော် Temple တက္ကသိုလ်၊ အာရှရေးရာ လေ့လာရေးဌာန ပါမောက္ခ Jeffery Kingston က သုံးသပ်ပါ တယ်။

“နိုင်ငံတကာ စနစ်ထဲမှာ တရုတ်နိုင်ငံဟာလည်း အဓိက ဇာတ်ကောင်တခု ဖြစ်တယ်ဆိုတဲ့ ခံစားချက်မျိုး အမေရိကန်က ဖြစ်စေချင်ပါတယ်။ အဆို့ (Aso) တကယ်တမ်း အနိုင်ရမယ်ဆိုရင် သူ့ရဲ့ အပြောအဆိုတွေကို လေသံလျှော့တာမျိုး၊ သူ့အမြင်တွေကို ပြန်ပြီး ချိန်ညှိ ထိန်းချုပ်တာမျိုး ကျနော်တို့ မြင်ရလိမ့်မယ်လို့ ထင်ပါတယ်။”

ဒုတိယ ကမ္ဘာစစ်မှာ စစ်ရှုံးခဲ့ပြီးကတည်းက ပြီးခဲ့တဲ့ သမိုင်းကြောင်း တလျှောက်လုံးနီးပါး LDP ပါတီက ဂျပန်နိုင်ငံကို အုပ်ချုပ်လာတာပါ။ ဒီနှစ် နှောင်းပိုင်းမှာ ကျင်းပမယ်လို့ ခန့်မှန်းထားတဲ့ အထွေထွေ ရွေးကောက်ပွဲတွေမှာတော့ LDP ပါတီဟာ ခုချိန်ထိဆိုရင် အပြင်းထန်ဆုံး စိန်ခေါ်မှုနဲ့ ရင်ဆိုင်ရမယ်လို့ Kingston က တွက်ချက်ထားပါတယ်။

“LDP ဟာ ကြိုးတန်းပေါ်မှာ လမ်းလျှောက်ရတဲ့ အခြေအနေ သေချာပေါက် ရောက်နေတာပါ။ မမှားသင့်တဲ့ အမှားမျိုးတွေ၊ နောက်ပြန်ဆွဲတာတွေ တသီတတန်း ဖြစ်ခဲ့ပါတယ်။ လူတွေ တကယ်တမ်း အလေးထားတဲ့ စားဝတ်နေရေး ကိစ္စမျိုးတွေကို သူတို့ အလေးအနက် မဆောင်ရွက်သေးပါဘူး။”

တုန့်နှေးနေတဲ့ ဂျပန်စီးပွားရေးဟာ အခုချိန်မှာ အဓိက လွှမ်းမိုးထားတဲ့ နိုင်ငံရေးကိစ္စဖြစ်နေပါတယ်။ စီးပွားရေးရာ ကိစ္စရပ်တွေကို ကိုင်တွယ် လုပ်ဆောင်ပုံ မှားယွင်းတယ်လို့ ယူဆကြပုံရတဲ့အတွက် အရင် ၀န်ကြီးချုပ် နှစ်ယောက် ရုတ်တရက်ဆိုသလို ရာထူးက နုတ်ထွက်သွားခဲ့ကြတာပါ။

အစိုးရရဲ့ အသုံးစရိတ်တွေကို မြှင့်တင် သုံးစွဲခြင်းအားဖြင့် ဂျပန် ပြည်တွင်း စီးပွားရေးကို အားပြန် ဖြည့်ပေးဖို့ အဆို့က ကတိပေး ထားပါတယ်။ ဒါပေမယ့် သူဟာ ဂျပန်နိုင်ငံ အလွန်အမင်း လိုအပ်နေတဲ့ စီးပွားရေးဆိုင်ရာ ပြုပြင်ပြောင်းလဲမှု အရှိန်ကို နှေးကွေးသွားအောင် လုပ်လိမ့်မယ်လို့ အတိုက်အခံတွေက ဝေဖန်ကြပါတယ်။

တပ်နဲ့ ပြည်သူ ပူးပေါင်းပြီး ငြိမ်းချမ်းရေး ဖော်ဆောင်ရန် အမျိုးသမီးအဖွဲ့ချုပ် တိုက်တွန်း
21 September 2008 နော်ရှိုး -
နိုင်ငံတကာ ငြိမ်းချမ်းရေးနေ့ ဒါမှ မဟုတ် ကမ္ဘာ့ အပစ်အခတ် ရပ်ဆဲရေးနေ့အဖြစ် ကုလသမဂ္ဂ အဖွဲ့ကြီးက သတ်မှတ် ထားတဲ့ ဒီနေ့မှာ မြန်မာနိုင်ငံကို တကယ်စစ်မှန်တဲ့ ငြိမ်းချမ်းရေး ရနိုင်ဖို့ မျိုးချစ် မြန်မာ့ တပ်မတော်သားတွေ အနေနဲ့ ပြည်သူတွေနဲ့ ပူးပေါင်းကြဖို့ ထိုင်းအခြေစိုက် WLB အမျိုးသမီးများ အဖွဲ့ချုပ် မြန်မာနိုင်ငံက တိုက်တွန်းလိုက်ပါတယ်။ ဒီတိုက်တွန်းချက်ဟာ လက်တွေ့ဖြစ်နိုင်ဖို့ ဘယ်လောက် ဖြစ်နိုင်သလဲဆိုတာကို WLBရဲ့ အထွေထွေ အတွင်းရေးမှူး မနန်းရင်ကို မနော်ရှိုး က မေးမြန်းထားပါတယ်။

ပထမဆုံးအနေနဲ့ စစ်မှန်တဲ့ ငြိမ်းချမ်းရေးဆိုတာဟာ ဘယ်လို ငြိမ်းချမ်းရေးမျိုးကို ဆိုလိုပါသလဲလို့ မေးတဲ့အခါမှာ မနန်းရင်က အခုလို ဖြေပါတယ်။

ကျမတို့ ပြောတဲ့ ငြိမ်းချမ်းရေး ဆိုတာက တန်းတူညီမျှမှုတွေ ဒီမိုကရေစီ တည်ဆောက်မှုတွေ တကယ်ပဲ ရှိပြီး၊ လူထု ကိုယ်စားလှယ်တွေနဲ့ ကိုယ့်အမြင်တွေကို ပွင့်ပွင့်လင်းလင်း ထုတ်ဖော်ပြသနိုင်တဲ့ လူ့အခွင့်အရေးတွေ အပြည့်အ၀ရှိတဲ့ ငြိမ်းချမ်ရေးမျိုးကို ဆိုလိုချင်တာပါ။ သုဿာန်တဆပြင်လို မလုံခြုံမှုတွေ၊ ကြောက်ရွံ့မှုတွေ ရှိနေရတဲ့ ငြိမ်းချမ်းရေးမျိုး၊ အပစ်အခတ် ရပ်စဲမယ်၊ လက်နက်ချမယ်၊ သူတို့ ပြောတဲ့ ဘောင်တွေထဲမှာ လုပ်နေရတဲ့ ငြိမ်းချမ်းရေးမျိုးကို ကျမတို့ ပြောချင်တာ မဟုတ်ဘူး။

မျိုးချစ် တပ်မတော်သားတွေကို ပြည်သူနဲ့ ပူးပေါင်းဖို့ တိုက်တွန်းတယ်ဆိုတာမှာ ၁၉၈၈ လူထု အုံကြွမှုဖြစ်တဲ့ အခါမှာတုန်း တပ်မတော်သားတွေ အနေနဲ့ ပြည်သူဘက်ကနေ ရပ်တည်တာမျိုးတွေ ရှိခဲ့တယ်။ ဒါပေမယ့် တနှစ်ပြီးတနှစ် ကြာလာပြီး နှစ်ပေါင်း ၂၀ ရောက်တဲ့အခါမှာ တပ်မတော်နဲ့ ပြည်သူဟာ တကယ်ပဲ တိုင်းပြည်ကောင်းကျိုးအတွက် လက်တွဲ ပူးပေါင်းတာ အခုထိ မျက်ဝါးထင်ထင် မတွေ့ရပိုင်းမှာ ရှိတယ်ဆိုတော့ မျိုးချစ် တပ်မတော်သားတွေကို ပြည်သူတွေနဲ့ ပူးပေါင်းဖို့ ထပ်ပြီး တိုက်တွန်းတဲ့ အပေါ်မှာ ဘယ်လိုများ မျှော်လင့်ချက်တွေ ရှိပါသလဲ။ မျှော်လင့်လို့ရော ရမယ် ထင်ပါသလား။

တပ်မတော်သားတွေမှာ တကယ်ပဲ မျိုးချစ်စိတ်နဲ့ ပါချင်တဲ့ သဘောရှိတယ်။ ဒါပေမယ့် စစ်တပ်ဆိုတဲ့အတိုင်းက အမိန့်အောက်မှာ နေရတဲ့အခါမှာ ခက်ကောင်းခက်ပါလိမ့်မယ်။ ဒါပေမယ့် ကျမတို့ အားလုံးက အခု လက်ရှိ ဖြစ်နေတာ တွေဟာ စစ်တပ်ကြီးတခုလုံးက လုပ်နေတာဆိုတဲ့ အတွေးအခေါ်မျိုးမရှိဘဲနဲ့ ဒါတွေဟာ ထိပ်ပိုင်းမှာ ရှိနေတဲ့ အာဏာကို လက်မလွှတ်ချင်တဲ့ လူတစုကပဲ လုပ်နေတာဖြစ်တယ်။ ငြိမ်းချမ်းရေးလို့ ပြောရင် စစ်တပ်က အရေးကြီးတယ် ဆိုတာ ဟုတ်ပါတယ်။ တပြိုင်နက်ထဲမှာ ကျမတို့ မြန်မာနိုင်ငံသားအားလုံးမှာ တာဝန်ရှိတယ်။ အားလုံးကသာ တကယ်ပဲ စုစုစည်းစည်း ညီညီညွတ်ညွတ်နဲ့ လက်ရှိဖြစ်နေတဲ့ ကျမတို့ နိုင်ငံငြိမ်းချမ်းရေးအတွက် ဆိုပြီး ကျရာ ကဏ္ဍကနေ မကြောက်မရွံ့ဘဲ လုပ်နိုင်မယ် ဆိုရင် တပ်မတော်သားတွေဟာလည်း ကျမတို့ ဘက်မှာ ရပ်တည်နိုင်လာမှာ ဖြစ်ပါတယ်။ ကျမတို့ အားကောင်းလာတဲ့ အချိန်မှာ တပ်မတော်ဟာလဲ ကျမတို့ဘက်မှာ ရပ်တည်လာမယ်လို့ ကျမတို့ ယုံကြည်ပါတယ်။

ကျမတို့ မြန်မာနိုင်ငံမှာ စစ်မှန်တဲ့ ငြိမ်းချမ်းရေး ပေါ်ထွက်လာဖို့ အဓိကအဆင့်တွေက ဘာလဲဆိုတာကို မနန်းရင်ရဲ့ သဘောတာကို ပြောပြပါ။

စစ်မှန်တဲ့ ငြိမ်းချမ်းရေးကို ရဖို့ ပထမဆုံးအနေနဲ့ စစ်အာဏာရှင် လူတစုကို ဖယ်ရှားပြစ်နိုင်ဖို့က အရေးကြီးတယ်။ နောက်ပြီး လွတ်လပ်ရေး ရပြီးကတည်းက တိုင်းရင်းသားပေါင်းစုံနဲ့ တွေ့ဆုံဆွေးနွေးပွဲတွေဟာ ကောင်းကောင်းမွန်မွန် သေသေချာချာ မရှိခဲ့ရသေးတဲ့အတွက် တိုင်းရင်းသား ပေါင်းစုံ တွေ့ဆုံဆွေးနွေး သွားကြဖို့ ဆိုတဲ့ အဆင့်တွေကတော့ အများကြီးရှိပါတယ်။

ငွေကြေးဈေးကွက် တည်ငြိမ်ရေး အမေရိကန်အစိုးရ ဒေါ်လာသန်းထောင်ချီသုံးမည်
20 September 2008
ကမ္ဘာ့ ချေးငွေလုပ်ငန်း ဈေးကွက် အကျပ်အတည်း ကို သက်သာစေဖို့ ရည်ရွယ်ပြီး၊ အမေရိကန် အစိုးရ က ဒေါ်လာ သန်း ထောင်ပေါင်းများစွာ နဲ့ ၀င်ရောက်ဆောင်ရွက်ဖို့ ပြင်ဆင်နေကြောင်း အမေရိကန် ဘဏ္ဍာရေး ၀န်ကြီး ဟင်နရီ ပေါ်လ်ဆင်န် (Henry Paulson) က ပြောကြားပါတယ်။

ကယ်တင်ရေး အစီအစဉ် ကို အသေးစိတ် ဆွေးနွေးဖို့ ဥပဒေပြု အမတ်တွေ နဲ့ ဘုရှ် အစိုးရ အဖွဲ့တို့ ၀ါရှင်တန် မှာ ဆွေးနွေးနေကြပါတယ်။ ငွေးကြေး လုပ်ငန်းတွေ ရဲ့ ပြန်မရတဲ့ ချေးငွေတွေ ကို အစိုးရ က ယူလိုက်ဖို့ အစီအစဉ်တစ်ရပ် ကို အကြမ်း လျာထားဖို့ ဒီိမိုကရက်တွေ နဲ့ ရီပါဘလီကန်တွေ က သောကြာနေ့ မှာ သဘောတူလိုက်ကြပါတယ်။

အိမ်ဈေးကွက် အကျပ်အတည်း ဖြစ်လာတဲ့အတွက် ငွေကြေးလုပ်ငန်းကြီးတွေ ပျက်ကိန်းကြုံနေကြရတာ ဖြစ်ပါတယ်။ ဒါပေမဲ့ ဆုံးသွားတဲ့ အကြွေးတွေ အတွက် ဘဏ်တွေ ကို အစိုးရ က ငွေ ဘယ်လောက်ပေးမလဲ၊ ဒါမှမဟုတ် အစိုးရ က ထောက်ပံ့ရလို့ ငွေကြေးလုပ်ငန်းတွေ ဆီ က ဘာပြန်ရမလဲ စတဲ့ တိတိကျကျ အချက်တွေ ကိုတော့ ဥပဒေပြုအမတ်တွေ က သဘောမတူနိုင်ကြသေးပါဘူး။

အိမ်ဈေးကွက် အကျပ်အတည်းကြောင့် အထိနာသွားကြတဲ့ အိမ်ပိုင်တွေအတွက် ကယ်ဆယ်ရေး စီမံကိန်း ကိုလည်း တချို့ ဒီမိုကရက်တွေ က လိုချင်နေကြပါတယ်။

ဇာဂနာလွတ်မြောက်ရေး လှုပ်ရှားဖို့ နိုင်ငံတကာ အနုပညာအသင်း ဆော်သြ
20 September 2008
ကိုသိန်းထိုက်ဦး -
လေဘေး ဒုက္ခသည်တွေကို အကူအညီပေးရင်း စစ်အစိုးရရဲ့ ဖမ်းဆီးအကျဉ်းချ တာကို ခံခဲ့ရတဲ့ လူရွှင်တော် ဇာဂနာ ပြန်လည် လွတ်မြောက်ရေး ဆန္ဒပြပွဲကို ဗြိတိန်နိုင်ငံအခြေစိုက် International Committee for Artist's Freedom (ICAF) ခေါ် နိုင်ငံတကာ အနုပညာရှင်တွေရဲ့ လွတ်လပ်ခွင့် လှုပ်ရှားရေးအဖွဲ့က ကျင်းပဖို့ စီစဉ်နေပါတယ်။ အသေးစိတ်ကို ကိုသိန်းထိုက်ဦးက တင်ပြထားပါတယ်။

ရှေ့ သီတင်းပတ်အတွင်း စက်တင်ဘာ ၂၆ ရက်နေ့ နေ့ခင်းပိုင်း ဗြိတိန်နိုင်ငံ လန်ဒန်မြို့ ထိုင်း သံရုံးရှေ့ မှာ ဆန္ဒပြပွဲကျင်းပမှာဖြစ်တယ်လို့ ဗြိတိန်နိုင်ငံထုတ် The Statge သတင်းစာစောင်မှာ ဖော်ပြထားပါတယ်။ လက်ရှိ အာဆီယံ အလှည့်ကျ သဘာပတိဖြစ်တဲ့ ထိုင်းနိုင်ငံ သံရုံးရှေ့ မှာ ဆန္ဒပြပွဲ ကျင်းပမှာဖြစ်ပြီး ဒီဆန္ဒပြပွဲကို ဗြိတိန်နိုင်ငံ အခြေစိုက် Burma Campaign UK အဖွဲ့ကြီးနဲ့ ပူးပေါင်း ကျင်းပတာလို့ ပြောပါတယ်။

ဒီလှုပ်ရှားမှုဟာ မြန်မာနိုင်ငံအတွင်း နိုင်ငံရေးအကျဉ်းသားတွေ လွတ်မြောက်ရေးအတွက် ကုလသမဂ္ဂ အတွင်းရေးမှူးချုပ် ဘန်ကီမွန်းအနေနဲ့ ဦးဆောင်ဦးရွက်ဆောင်ရွက်ပေးရေး ဖိအားပေးဖို့ ဆောင်ရွက်တဲ့ လှုပ်ရှားမှုတွေ ထဲက တခုဖြစ်တယ်လို့ နိုင်ငံတကာ အနုပညာရှင်တွေရဲ့ လွတ်လပ်ခွင့် လှုပ်ရှားရေးအဖွဲ့က ကြေညာချက်မှာ ဖော်ပြထားပါတယ်။ အာဆီယံ အရှေ့ တောင်အာရှနိုင်ငံတွေအနေနဲ့လည်း မြန်မာနိုင်ငံအတွင်းက နိုင်ငံရေးအကျဉ်းသားတွေ လွတ်မြောက်ရေး ကုလသမဂ္ဂက တောင်းဆိုတာတွေကို ထောက်ခံပေးဖို့ ဆော်သြတဲ့ လှုပ်ရှားမှုဖြစ်တယ်လို့ ဆိုပါတယ်။

International Committee for Artist's Freedom (ICAF) နိုင်ငံတကာ အနုပညာရှင်တွေရဲ့ လွတ်လပ်ခွင့် လှုပ်ရှားရေး အဖွဲ့က အရင်က မန္တလေးမြို့ က လူရွှင်တော် ပါပါလေး ကို စစ်အာဏာပိုင်တွေ ဖမ်းဆီးခဲ့တဲ့အချိန်ကလည်း လူရွှင်တော် ပါပါလေး လွတ်မြောက်ရေးအတွက် စည်းရုံးလှုပ်ရှားပေးခဲ့ဖူး ပါတယ်။ မြန်မာနိုင်ငံက လူရွှင်တော်ဇာဂနာ အပါအ၀င် နိုင်ငံတကာမှာ ဖိနှိပ်အုပ်ချုပ်တဲ့ အစိုးရတွေကြောင့် မတရားဖမ်းဆီးခံနေရတဲ့ အနုပညာရှင်တွေရဲ့ လွတ်မြောက်ရေး အတွက် ၀ိုင်းဝန်းလှုပ်ရှားဖို့ စည်းရုံးနေပါတယ်။

ဒီအတောအတွင်း စက်တင်ဘာလ ၁၉ ရက်၊ ကြာသပတေးနေ့ ကတော့ လှုရွှင်တော်ဇာဂနာကို အင်းစိန်အကျဉ်းထောင် အထူး တရားရုံးမှာ အာဏာပိုင်တွေက ရုံးထုတ် စစ်ဆေးခဲ့ပါတယ်။ အမှုစစ်ဆေးတဲ့ အခြေအနေနဲ့ ဇာဂနာရဲ့ ကျန်းမာရေး အခြေအနေကို ခယ်မဖြစ်သူ မငြိမ်းက အခုလို ရှင်းပြပါတယ်။

“၃၃ (က) ဗွီဒီယို အက်ပေါ့၊ အဲဒီ ဥပဒေအရ သူနဲ့ ကိုသန့်ဇင်အောင်နဲ့ တွဲစစ်တယ်။ ကိုသူရတယောက်တည်းက ၁၇/၂၊ တရားမ၀င် နိုင်ငံရေးအဖွဲ့အစည်းတွေနဲ့ ဆက်သွယ်မှု၊ အီးမေးလ်တွေ အင်တာနက်က ချက်လုပ်တာ ဘာညာပေါ့။ ပြီးတော့ သူက ဟိုရက်က ကျီးပေါင်းဖြစ်တော့ မူးတယ်လေ၊ အာရုံကြော ကို ထိတော့၊ အဲဒါသူက သွေးတိုးတယ်ပဲ ထင်ခဲ့တာ၊ ဒီနေ့တော့ ကျမတို့ ကော်လာတွေ ဘာတွေ ၀ယ်ရပြီပေါ့။ ကော်လာထောက်တာပေါ့။ ကျီးပေါင်းဖြစ်တော့ ငုံ့လို့ မရတော့ဘူး။ ထောင်ထဲမှာ စားတာ၊ နေရတာလည်း တယောက်တည်း ဆိုတော့ စာပဲ ငုံ့ဖတ်နေတော့၊ ခုံလည်း မပါတော့ ငုံ့ပြီး ဖတ်လိမ့်မယ်။ ငုံ့ပြီး ဖတ်တာ အခု ဘယ်လောက် ကြာပြီလဲ၊ ကိုသူရ အင်းစိန်ရောက်တာပဲ နှစ်လကျော်သွားပြီ၊ နှစ်လကျော်လုံး သူ ဒီလိုပဲ စာဖတ်နေမှာပေါ့။ ကြာလာတော့ အခန်းကလည်း အေးမယ်လေ၊ ထောင်ဆိုတာ အေးစိမ့်စိမ့်ကြီး။ အပြင်ကလူတောင် အေးစိမ့်စိမ့်ကြီး၊ အတွင်းထဲမှာ ဘယ်လောက်အထိ အေးမှန်းမှ မသိတာ။”

ဇာဂနာရဲ့ ကျန်းမာရေးအခြေအနေနဲ့ အမှုစစ်ဆေးနေတဲ့ အခြေအနေတွေကို ခယ်မဖြစ်တဲ့ မငြိမ်းပြောပြသွားတာပါ။ လူရွှင်တော် ဇာဂနာရဲ့ အမှုကို ပုံမှန် တပတ်တခါ အာဏာပိုင်တွေက အကျဉ်းထောင်အတွင်းမှာ စစ်ဆေးနေပါတယ်။ တခါတရံ တရားလိုမလာလို့ အမှုပြန်ချိန်းတာမျိုး တရားသူကြီးမလာလို့ ပြန်ချိန်းတာမျိုးတွေ နှောင့်နှေးတာမျိုးတွေ ရှိပေမယ့် များသောအားဖြင့်တော့ ပုံမှန်စစ်ဆေးတာမျိုးတွေ လုပ်နေတယ်လို့ တရားရေး သတင်းရပ်ကွက်က ပြောပါတယ်။

ဗြိတိန်နိုင်ငံအခြေစိုက် နိုင်ငံတကာ အနုပညာရှင်တွေရဲ့ လွတ်လပ်ခွင့် လှုပ်ရှားရေးအဖွဲ့က အခု လူရွှင်တော် ဇာဂနာကို မြန်မာစစ်အစိုးရက ဖမ်းဆီးထားတာဟာ ကုလသမဂ္ဂရဲ့ နိုင်ငံတကာ လူ့အခွင့်အရေး ကြေညာစာတမ်းပါ အပိုဒ် (၁၉)၊ လွတ်လပ်စွာ ထုတ်ဖော်ခွင့်ကို ချိုးဖေါက်တာဖြစ်တဲ့အတွက် ချက်ခြင်း ပြန်လွှတ် ပေးဖို့လည်း တောင်းဆိုထားပါတယ်။

မြန်မာနိုင်ငံမှာ ဘာသာရေးလွတ်လပ်ခွင့် ကင်းမဲ့
20 September 2008
မြန်မာ၊ တရုတ် နဲ့ မြောက်ကိုရီးယား နိုင်ငံတွေဟာ လွန်ခဲ့တဲ့နှစ်က ဘာသာရေး ဆိုင်ရာ လွတ်လပ်ခွင့်တွေကို ချိုးဖောက်ခဲ့ကြတယ်လို့ အမေရိကန် ပြည်ထောင်စုက ပြောဆိုလိုက်ပါတယ်။ အမေရိကန်နိုင်ငံခြားရေးဝန်ကြီး ဌာန က နှစ်ပတ်လည် ဘာသာရေး လွတ်လပ်ခွင့် အစီရင်ခံစာကို သောကြာနေ့က ထုတ်ပြန်ရာမှာ အရှေ့အာရှ ဒေသ သုံးနိုင်ငံတို့ရဲ့ အခြေအနေဟာ ယခင် နှစ်ပေါင်းများစွာ က အခြေအနေ အတိုင်း ဆက်လက် ရှိနေတဲ့အတွက် စိုးရိမ်ဖွယ် ရှိတယ်လို့ ပြောဆိုထားတာပါ။

အမေရိကန်ပြည်ထောင်စု ရဲ့ ဘာသာရေး လွတ်လပ်ခွင့်ဆိုင်ရာ သံအမတ်ကြီး ဂျွန် ဟန်းဖို့ဒ် က မြောက်ကိုရီးယား နိုင်ငံဟာ ကမ္ဘာပေါ်မှာ ဘာသာရေး လွတ်လပ်ခွင့် ကို အပြင်းထန်ဆုံး ချိုးဖောက်နေတဲ့ နိုင်ငံတခု ဖြစ်တယ်လို့ ဆိုပါတယ်။ ဘာသာရေး အကြောင်းကြောင့် အကျဉ်းကျ ခံနေရသူတွေ မြောက်ကိုရီးယားနိုင်ငံမှာ အများအပြား ရှိတယ်လို့ အစီရင်ခံစာမှာ ဖော်ပြထားပါတယ်။ မြောက်ကိုရီးယားခေါင်းဆောင် ကင်မ်ဂျုံအီး အပေါ် ပုဂ္ဂိုလ်ရေး ကိုးကွယ်မှုဟာ နိုင်ငံတော် ဘာသာသဖွယ် ဖြစ်နေတယ်လို့လည်း ဆိုပါတယ်။

မြန်မာစစ်အစိုးရဟာလည်း ၂၀၀၇ ခုနှစ် စက်တင်ဘာလ အတွင်းက လူ့အခွင့်အရေး ထွန်းကားရေး ဆောင်ရွက်ခဲ့တဲ့ ဗုဒ္ဓဘာသာ ဘုန်းတော်ကြီးတွေကို ဖမ်းဆီးပြီး ဘုန်းကြီးကျောင်းတွေကိုလည်း ၀င်ရောက်စီးနင်းခဲ့တယ်လို့ အစီရင်ခံစာမှာ ဖော်ပြထားပါတယ်။ တချိန်တည်းမှာပဲ မြန်မာအာဏာပိုင်တွေဟာ ဗုဒ္ဓဘာသာ မဟုတ်တဲ့ တိုင်းရင်းသား လူနည်းစုတွေ ကြားမှာ ထေယ၀ါရ ဗုဒ္ဓဘာသာကို အတင်းအဓမ္မ သွတ်သွင်းနေတယ်လို့ လည်း ဆိုပါတယ်။ မြန်မာနိုင်ငံဟာ အထူး စိုးရိမ်ဖွယ် ကောင်းတဲ့ နိုင်ငံတခုအဖြစ် သတ်မှတ်ထားတဲ့အတွက် အမေရိကန်အစိုးရ ကို စစ်လက်နက်ပစ္စည်းတွေ တင်ပို့ရောင်းချတာကို ပိတ်ပင်ထားပါတယ်။