Tuesday, September 23, 2008

ဦးဝင်းတင်နှင့်မေးမြန်းခန်း


အော်…နေပြည်တော်လေဆိပ်တဲ့လား



စွာကျယ် (၁၈-၈-၀၈)။ ။

ကြပ်ပြေးနေပြည်တော်ရဲ့ဗဟိုချက်ပွိုင့်နေရာဖြစ်တဲ့ ရာဇဌာနီ၊ ဇေယျဌာနီ ကွန်ကရစ်လမ်းမကြီး နှစ်သွယ်ဖြာ ထွက်တဲ့ သပြေကုန်းအဝိုင်းကနေ ရှစ်လမ်းသွား ကွန်ကရစ်လမ်းမကြီးအတိုင်း (၁၀) မိနစ်လောက် တောင်ဘက် စူးစူးကို ကားနဲ့သွားရင် လက်ဝဲဘက်မှာ ဟိုတယ်ဇုန်ဆိုတာရှိတယ်။ ဟိုတယ်တွေလို့ဆိုပေမယ့် မြင့်မြင့်မားမား၊ ခန့်ခန့်ညားညားပုံစံမျိုး ဟိုတယ်ကြီးတွေလိုမဟုတ်ဘူး။ မိုးအခါဖြစ်လို့ မြက်တော၊ ချုံတောတွေနဲ့ စိမ်းစိုနေတဲ့ ကုန်းကမူလေးတွေပေါ်မှာ ဆောက်ထားတဲ့ များသောအားဖြင့် တထပ်အဆောက်အအုံ၊ အရွယ်အစားခပ်သေး သေးတွေ။

လက်ချိုးရေတွက်လို့ရတဲ့ ရွှေမြန်မာ၊ သင်္ဂဟ၊ Golden Guest Hotel၊ မြတ်တော်ဝင်၊ ရွှေနန်းတော်၊ ဒီလောက်ပဲ။ ဆီးကြိုဖိတ်ခေါ်တဲ့ လောက်လောက်လားလား သားနားတဲ့ဆိုင်းဘုတ်ကလည်း မတွေ့ရတော့ အခုလို ခြောက် ခြောက်ကပ်ကပ်ဖြစ်နေတာ မဆန်းဘူးပေါ့။ အဲဒီနေရာအထိလောက်ပဲ ကွန်ကရစ်လမ်းမကြီးမှာ ပလက်ဖောင်းနဲ့ ဓာတ်မီးတိုင်ကိုသာ တွေ့ရတယ်။

ဟိုတယ်ဇုန်နဲ့ မျက်နှာချင်းဆိုင်နေရာကို မျှော်ကြည့်လိုက်ရင် ယခင်က ယိုင်နဲ့နေတဲ့သံတမန်အိမ်ရာနေရာဆိုတဲ့ ဆိုင်းဘုတ်ကလည်း အခုတော့ ပြိုလဲသွားလို့ မတွေ့ရတော့ပြန်ဘူး။ ရေနံချောင်း၊ ချောက်ဒေသတွေက ကုန်း ခေါင်ခေါင် ကမ္ဘာမြေခဲ၊ ကမ်းပါးမြေခဲတွေမှာ ဆူးချုံတောထနေတဲ့ ကျပ်တည်းခဲမြေနေရာကို ဘယ်နွားကျောင်း သားကမှတောင် နွားလာမကျောင်းတဲ့နေရာ၊ ဒါဟာ သံတမန်အိမ်ရာနေရာတဲ့။

ဒီဟိုတယ်ဇုန်ဧရိယာ ကျော်လာတာနဲ့ ရှစ်လမ်းသွား ကွန်ကရစ်လမ်းမကြီးဟာ ပလက်ဖောင်းနဲ့ ဓာတ်မီးတိုင်တွေ ကို မတွေ့ရတော့တာက နေပြည်တော်လေဆိပ် အဝင်ဝဂိတ်အထိပါပဲ။ တွေ့ပါပြီ၊ ခပ်နိမ့်နိမ့်သာမြင်ရတဲ့ “နေပြည် တော်လေဆိပ်” လို့ အုတ်တံတိုင်းနံရံမှာ ကပ်ရေးထားတဲ့ဆိုင်းဘုတ်။

ဂိတ်အဝင်ဝ အုတ်တံတိုင်းရဲ့ဝင်ထွက်ပေါက်က ကားတစီးဝင်ထွက်ရုံသာ ကြည့်ပါ။ လုံခြုံရေးက ခြောက်တိ ခြောက်ချက်နဲ့ အဲဒီ အဝင်ပေါက်လမ်းကဝင်သွားရင်တော့ လေးလမ်းသွားကွန်ကရစ်လမ်း၊ အလယ်ကျွန်းမှာ ပန်းအလှသစ်ပင်အချို့က ကြဲတိကြဲတဲ၊ ဒီအဝင်လမ်းကလည်း ပလက်ဖောင်းမရှိတော့ ကလေးတရပ်သာသာ ရှိတဲ့ တောမြက်ရိုင်းတွေက အပြိုင်းအရိုင်းနဲ့ ကြီးထွားနေကြတယ်။

ဒီလမ်းအတိုင်း အထဲဝင်တော့ ဟိုမှာ လက်ျာဘက်က မြင်ရတဲ့ တထပ်အဆောက်အဦကို တွေ့ရပါပြီ။ ပုံစံက ခပ်ကုပ်ကုပ် “နေပြည်တော်လေဆိပ်” တဲ့။ ရန်ကုန်ကန်တော်ကြီးစောင်းမှာရှိတဲ့ စားသောက်ဆိုင်တခုရဲ့ တဝက် ခန့်သာရှိတဲ့အရွယ်အစား။ ဘယ်ခန့်ညားပါ့မလဲ။ လက်ဝဲဘက်အနီးမှာတော့ တခန်းလျှင် (၂၅) ပေပတ် လည်ရှိတဲ့ (၅) ခန်းတွဲ၊ တထပ်အဆောက်အဦမှာ (၂) ခန်းက Air Bagan ရုံးနဲ့ အခြားရုံးခန်း (၁) ခု၊ စားသောက်ဆိုင်က (၃) ခန်း၊ ဆိုင်ထဲလည်း ဝင်ထိုင်ကြည့်ပါဦး။ စားပွဲသုံးလေးလုံး ချထားတာနဲ့တင် ဆိုင်ကပြည့်သွားပြီ။

အော်-နေပြည်တော်လေဆိပ်၊ နေပြည်တော်လေဆိပ်၊ နေပြည်တော်လေဆိပ်၊ သေသေချာချာကြည့်တော့မှ ရန်ကုန်-မန္တလေး မီးရထားလမ်းမှာရှိတဲ့ တောဘူတာရုံ “ကျည်တောင်ကန်” ဘူတာရုံသာသာလို့ပဲမြင်ရတယ်။ လေဆိပ်ဆိုတဲ့ အဆောက်အဦရှေ့ ရောက်တဲ့ကားက ချက်ချင်းမထွက်ရင် နောက်ကပါလာတဲ့ကားက ရပ်ဖို့ ခပ်ခက်ခက်။ ကား Parking နေရာက များများရပ်နိုင်တဲ့ အကျယ်အဝန်းမရှိဘူး။ ဘေးပတ်ဝန်းကျင်မှာလည်း နှစ်စီးသုံးစီးလောက်သာ ကတ်ကတ်သတ်သတ် ရပ်ထားနိုင်တဲ့ ပါကင်မျိုး။ ပန်းအလှပင်နဲ့ဝေဆာနေတာ မရှိတော့ လေညာက တဖြူးဖြူးတိုက်နေတဲ့ လေပူတွေကို ရှူရှိုက်ခံစားရုံပါပဲ။

လေဆိပ်ထဲဝင်ပါပြီ။

ပစည်းတွေချိန်တွယ်တဲ့ ကတ္တား…အားလားလား ကြည့်ပါ။ ဈေးထဲကပွဲရုံမှာ ကြက်သွန်ချိန်တဲ့ Avery ကတ္တား၊ ဘာလို့များထားပါလိမ့်။ အမျိုးသား၊ အမျိုးသမီး တယောက်စီသာသုံးနိုင်တဲ့ ခပ်ကျဉ်းကျဉ်းရေအိမ်နှစ်လုံး။

သုံးရရုံသာ အဖြစ်ဆောက်ထားတဲ့မဟာလေဆိပ်ကြီး၊ လေယာဉ်ကွင်းထဲကိုမျှော်ကြည့်ရင် MAI လောက်သာ ပုံမှန်ပျံသန်းတဲ့ လေယာဉ်သေးသေးက ဗျိုင်းဌက်တကောင်ကွင်းထဲမှာ နားနေသလိုမြင်ရတဲ့ တကယ့်နေပြည် တော်လေဆိပ်။

နေပြည်တော်လေဆိပ်က ခြောက်ကပ်နေသလို၊ လေဆိပ်အသွားကွန်ကရစ်လမ်းကလည်း ဒီလမ်းဘေးက ရွာနီးချုပ်စက် သဲတောကြီးကျေးရွာ၊ ညောင်ကုန်းကျေးရွာစတဲ့ ရွာလေးငါးရွာက ရွာသားတွေ စက်ဘီးအိုစီးပြီး မြက်ထုံးတွေသယ်တဲ့လမ်းဖြစ်နေပြီ။

ဒါတင်မကသေး။
ယာထဲကနုတ်လာတဲ့ မြေပဲပင်တွေကို ကွန်ကရစ်လမ်း နှုတ်ခမ်းသားတလျှောက်မှာ အားရပါးရ နေလှမ်းလို့ရလို့ ဒီရွာသားတွေအတွက် အသုံးတည့်နေပါသတဲ့။

By NEJ


၂၃.၀၉.၂၀၀၈သတင်း

သတင်းစာ ဆရာကြီး ဦးဝင်းတင် ထောင်ကလွတ်ပြီ
ကိုစိုး စက်တင်ဘာ ၂၃ ၊ ၂၀၀၈

စစ်အစိုးရက ယနေ့ အကျဉ်းသား ၉၀၀၀ ကျော်ကို လွှတ်ပေးရာတွင် ထောင်ဒဏ်နှစ်ရှည်ချခံထားရသော အသက် ၇၉ နှစ်ရှိ သတင်းစာ ဆရာကြီး ဦးဝင်းတင် အပါအ၀င် နိုင်ငံရေး အကျဉ်းသား တချို့ကိုလည်း ပြန်လည်လွှတ်ပေး လိုက်ကြောင်း သိရသည်။

သတင်းစာ ဆရာကြီး ဦးဝင်းတင်ကို ယနေ့ ညနေပိုင်းတွင် စစ်အစိုးရက အင်းစိန် အကျဉ်းထောင်မှ ပြန်လည် လွှတ်ပေးလိုက် သည်ဟု
ဦးဝင်းတင်၏ မိတ်ဆွေ ဦးမောင်မောင်ခင်က ပြောသည်။

“အခုပဲ ဦးဝင်းတင်ကို အိမ်ကို လာပို့ပါတယ်၊ အခုလို လွှတ်တာတော့ ကောင်းပါတယ်၊ ဒါပေမယ့် သူက လက်မှတ် ထိုး ထွက်လာတာ မဟုတ်ပါဘူး၊ သူ့ရပ်တည်ချက်ကို သူပြောတယ်၊ သူ့ရပ်တည်ချက်ကို လက်ခံလို့ လွှတ်လိုက် တာပါ”ဟု ဦးမောင်မောင်ခင်က ဧရာဝတီသို့ ပြောသည်။

ဦးဝင်းတင်၏ ကျန်းမာရေး အခြေအနေ ကောင်းမွန်သည်ကို တွေ့ရှိရကြောင်းလည်း ၎င်းက ပြောပြသည်။

သတင်းစာ ဆရာကြီး ဦးဝင်းတင်မှာ ထောင်တွင်း၌ နှလုံး ၊ သွေးတိုး ၊ ဆီးချိုနှင့် ကျောရိုးအဆစ် ကျည်းပေါင်း တက်သည့် ရောဂါများကိုလည်း ခံစားနေရသူဖြစ်သည်။

အဆိုပါ ဦးဝင်းတင်သည် မြန်မာနိုင်ငံ စာရေးဆရာများသမဂ္ဂ ဒု ဥက္ကဌ နှင့် ဟံသာဝတီ သတင်းစာ အယ်ဒီတာ ဟောင်း တဦးလည်း ဖြစ်သည်။

ဦးဝင်းတင်သည် ၁၉၈၈ ခုနှစ် ဒီမိုကရေစီရေးလှုပ်ရှားမှုတွင် ပါဝင်ခဲ့ရာ ၁၉၈၉ ခုနှစ်တွင် စစ်အစိုးရ က အစိုးရ ဆန့်ကျင်သည့် နိုင်ငံရေးပုဒ်မတို့ဖြင့် ထောင်ဒဏ် အနှစ် ၂၀ ချမှတ်ခြင်းခံခဲ့ရပြီး ထောင်တွင်း၌ ၁၉ နှစ် ကျော်နေခဲ့ ရသည်။

ဦးဝင်းတင်ကို ၂၀၀၁ ခုနှစ်တွင် ယူနက်စ်ကို ဂွီလာရ်မို ကာနို ကမ္ဘာ့စာနယ်ဇင်း လွတ်လပ်ခွင့်ဆုနှင့် ကမ္ဘာ့ သတင်းစာများ အသင်းကြီးက လွတ်လပ်မှု ရွှေကလောင်ဆု၊ နယ်စည်းမခြား သတင်းထောက်များဖွဲ့နှင့် ပြင်သစ် ဖောင်ဒေးရှင်းများက ပူးတွဲ၍ လွတ်လပ်မှု ရွှေကလောင်ဆုများကို ချီးမြှင့်ခဲ့သည်။

ယခုအကျဉ်းသားများ လွှတ်ပေးရာတွင် အမျိုးသားဒီမိုကရေစီအဖွဲ့ချုပ်(အန်အယ်လ်ဒီ) လွှတ်တော် အမတ် များဖြစ်သည့် ဒေါက်တာ သန်းငြိမ်း၊ ဒေါက်တာ ဒေါ်မေ၀င်းမြင့်နှင့် ဦးအောင်စိုးမြင့်တို့လည်း ပြန်လည် လွတ် မြောက်လာသည်ဟု အန်အယ်လ်ဒီ ပြောခွင့်ရ ဒေါက်တာ ၀င်းနိုင် ကပြောသည်။

“ကျနော်တို့ အတိအကျ ပြောနိုင်တာကတော့ ဒေါက်တာ သန်းငြိမ်းက ပြည်ထောင်ကလွတ်တာ၊ ဦးအောင်စိုးမြင့် က သရက်ထောင်၊ ဒေါ်မေ၀င်းမြင့်က အင်းစိန် ထောင်က လွတ်တာ”ဟု ဒေါက်တာ ၀င်းနိုင်က ဧရာဝတီ သို့ ပြောသည်။

သရက်ထောင်မှ လွှတ်သည့် အကျဉ်းသား ၄၀ တွင် ဦးအောင်စိုးမြင့် တဦးသာလျှင် နိုင်ငံရေးအကျဉ်းသား ပါဝင် ကြောင်း သိရသည်။

အန်အယ်လ်ဒီ လွှတ်တော်အမတ် တဦးဖြစ်သူ ဦးခင်မောင်ဆွေ ကို လားရှိုးထောင်မှ ပြန်လည် လွှတ်ပေးလိုက် ကြောင်း၊ တတ်သိပညာရှင်များအဖွဲ့မှ ဦးဝင်းထိန်ကို ကသာထောင်မှလွှတ်ကြောင်း၊ သပိတ်ကျင်း အန်အယ်လ်ဒီ ဦးအေးသိန်း ကို ကလေးထောင်မှ ပြန်လွှတ်လိုက်ကြောင်းနှင့် မန္တလေး အန်အယ်လ်ဒီ ဦးသိန်းတန်ကို မန္တလေး ထောင်မှ ပြန်လွှတ်လိုက်ကြောင်းလည်း မိသားစုဝင်များက ပြောပြသည်။

စစ်အစိုးရက ယခုကဲ့သို့ အကျဉ်းသားများအားပြန်လွှတ်ပေးခြင်းသည် နိုင်ငံတော်သစ် တည်ဆောက်ရေးတွင် အကျိုးပြုစေမည့် နိုင်ငံသားများဖြစ်စေရန်နှင့် ၂၀၁၀ ရွေးကောက်ပွဲတွင် ပါဝင်ရန် နိုင်ငံတ၀န်း အကျဉ်းစခန်းများမှ အကျဉ်သား ၉၀၀၂ ဦးကို ပြန်လည်လွှတ်ပေးလိုက်ခြင်းဖြစ်ကြောင်း ယနေ့ထုတ် မြန်မာ့အလင်း သတင်းစာတွင် ဖော်ပြထားသည်။

ထိုင်းနိုင်ငံအခြေစိုက် နိုင်ငံရေးအကျဉ်းသားများ ကူညီစောင့်ရှောက်အသင်း(AAPP)အတွင်းရေးမှူး ဦးတိတ်နိုင်ကမူ စစ်အစိုးရအနေနှင့် နိုင်ငံရေးအရ အကြပ်အတည်းကြောင့်သော်လည်းကောင်း၊ ပြည်တွင်းပြည်ပ ဖိအားကြီးမား သည့် အခြေအနေမျိုး၌သော်လည်းကောင်း ယခုကဲ့သို့ အကျဉ်းသားများလွှတ်ပေးခြင်းဖြစ်နိုင်ကြောင်း ပြောသည်။

“သူတို့ သတင်းစာမှာ ပါတာကတော့ ၂၀၁၀ ရွေးကောက်ပွဲကို ရည်ရွယ်တယ်လို့တော့ ပါတာပေါ့၊ ဒါပေမယ့် အခုလိုမျိုး လွှတ်ပေးနေတယ်ဆိုတာတွေက အရင်တုန်းကလည်း ရှိခဲ့ဖူးတယ်၊ နိုင်ငံရေးအရ အကြပ်အတည်း သိပ်ကြီးလာတဲ့ အခြေအနေမျိုးတွေမှာ၊ နောက်တခုက ပြည်တွင်းပြည်ပ ဖိအားတွေ သိပ်ကြီးနေတဲ့ အခြေအနေ မျိုးတွေမှာ အခုလိုမျိုးလွှတ်ပေးလေ့ရှိပါတယ်၊ အဲဒီလိုလွှတ်ပေးတဲ့ အခါမှာလည်း နိုင်ငံရေး အကျဉ်းသားပါဝင်မှုက အင်မတန် နည်းပါတယ်၊ တကယ်တော့ ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသား အားလုံးကို လွှတ်ပေးရမှာဖြစ်ပါတယ်”ဟု ဦးတိတ်နိုင်က ပြောဆိုသည်။

ယင်းသို့ နိုင်ငံအတွက်အရေးပါသည့် ဒေါ်အောင်ဆန်းစုကြည်ကဲ့သို့ လူထုခေါင်းဆောင် အပါအ၀င် နိုင်ငံရေး အကျဉ်းသား များကို ဖမ်းဆီးထားပြီး ဒီမိုကရေစီရေး နိုင်ငံရေးအရ ဖြစ်ပေါ်တိုးတက်မှုများ ရှိနေသည်ဟူသော စစ်အစိုးရ၏ ပြောဆိုချက် များသည် လက်ခံနိုင်ဖွယ်ရာ မရှိကြောင်းလည်း ၎င်း ကပြောသည်။

ဒေါက်တာ ၀င်းနိုင်ကလည်း ယခုကဲ့သို့ စစ်အစိုးရက အကျဉ်းသားများ လွှတ်ပေးခြင်းသည် နိုင်ငံတကာနှင့် ကုလသမဂ္ဂ၏ လုပ်ဆောင်ချက်များအပေါ်တွင် ချိန်ညှိ၍ ပြုလုပ်လေ့ရှိသော လုပ်ဆောင်ချက်မျိုးဖြစ်သည်ဟု ပြောဆိုသည်။

“နှစ်ရှည်လများ အခုလို မတရားဖမ်းဆီး ထိန်းသိမ်းထောင်ချထားတာ၊ လူမှုရေးအရပဲကြည့်ကြည့် မိသားစုတွေ အကုန် ဒုက္ခရောက်နေတာ ၊ ထောင်ထဲရောက်နေတဲ့သူတွေကလည်း နိစ္စဓူဝ ငရဲ ကျနေတာနဲ့ အတူတူပဲ၊ ဒါ ကျနော်တို့က
ဝမ်းသာတာပေါ့၊ ကြိုဆိုတာပေါ့၊ ဖြစ်နိုင်ရင် ဒေါ်အောင်ဆန်းစုကြည်အပါအ၀င် နိုင်ငံရေး အကျဉ်း သားတွေ အားလုံး လွှတ်ပေးရင် ပိုကောင်းတာပေါ့”ဟုလည်း ဒေါက်တာ ၀င်းနိုင်က ပြောသည်။

စစ်အစိုးရ အကျဉ်းထောင်များအတွင်း ယုံကြည်ချက်ကြောင့် အကျဉ်းကျခံနေရသည့် နိုင်ငံရေး အကျဉ်းသား ပေါင်း ၂၀၀၈ ခုနှစ် စက်တင်ဘာ ၁၈ ရက်အထိ ၂၁၃၀ ရှိကြောင်း AAPP ၏ ထုတ်ပြန်ချက်အရ သိရသည်။



မီးစင်ကြည့်က နိုင်ငံခြားရေးမူဝါဒကို ကျင့်သုံးနေဟု ပြည်ထဲရေးဝန်ကြီးပြောဆို
အေးချမ်းမြေ့ စက်တင်ဘာ ၂၃၊ ၂၀၀၈

မြန်မာနိုင်ငံတော်အစိုးရ၏ လက်ရှိနိုင်ငံခြားရေး မူဝါဒမှာ မီးစင်ကြည့် က ဆိုသည့် ရည်မှန်းချက်အတိုင်း သွားနေကြောင်း ပြည်ထဲရေးဝန်ကြီးဌာန ဝန်ကြီး ဗိုလ်ချုပ်မောင်ဦးက ပြည်ထဲရေးဝန်ကြီးဌာန အစည်း အဝေးခန်းမတွင် ကျင်းပပြုလုပ်သည့် ၆/ ၂၀၀၈ စည်းဝေးတွင် ပြောကြားသွားသည်။

“နိုင်ငံတော်အစိုးရအနေနဲ့ အကြပ်အတည်းက ရှိနေတယ်။ ဒီနေ့လုပ်နေတဲ့ မူဝါဒက မီးစင် ကြည့်ကရမှာပဲ။ ဒါပေမယ့် မူကိုတော့မပြောင်းနိုင်ဘူး” ဟု ၎င်းက ဇူလိုင် ၆ ရက်နေ့တွင် ကျင်းပသော အစည်းအဝေး၌ ပြောကြားသွားခြင်းဖြစ်သည်။

သူက မြန်မာနိုင်ငံအနေနှင့် တရုတ်ကို ပူးပေါင်းရသည့်အနေအထားနှင့် ပတ်သက်၍ လည်း ရှင်းပြသည်။

“တရုတ်ကိုကပ်ရတဲ့အကြောင်းရင်းက လက်ရှိအစိုးရအနေနဲ့ တရုတ်ကမျက်နှာသာ ပေးနေလို့၊ တရုတ်နဲ့ ပေါင်းစည်းနေလို့၊ တရုတ်ကို အမှီပြုချင်လို့ ဝန်ကြီးကပြောတယ် ဆိုပြီး ခင်ဗျားတို့က ထင်ကြဦးမယ်” ဟု သူကဆိုသည်။

အမှန်မှာ ထိုကဲ့သို့မဟုတ်ဘဲ ယနေ့ မြန်မာနိုင်ငံအနေနှင့် တနိုင်ငံတည်း နေ၍ မရတော့ သဖြင့် ချမှတ်ထားသည့်မူအရ ပတ်ဝန်းကျင်နိုင်ငံများအားလုံးနှင့် ဆက်ဆံပြီး အာဆီယံအဖွဲ့အစည်းနှင့်လည်း သင့်မြတ်အောင်နေရခြင်းဖြစ်သည်ဟု ပြောသည်။

ယခုလက်ရှိအနေအထားအရ အမေရိကန်နှင့် အနောက်အုပ်စု နိုင်ငံများက ကုလသမဂ္ဂ လုံခြုံရေးကောင်စီကို အသုံးချ၍ မြန်မာနိုင်ငံကို ကျဉ်းထဲကျပ်ထဲရောက်အောင် ဝိုင်းဝန်း လုပ်ဆောင်လျှက် ရှိကြောင်းလည်း ၎င်းက ဆက်ပြောသည်။

“လုံခြုံရေးကောင်စီ ဥက္ကဌက ထုတ်ပြန်ကြေညာချက် ၂ ခါလုပ်ပြီးပြီ။ ၃ ကြိမ်လုပ်ပြီးရင် ဆုံးဖြတ်ချက်ချပြီး Must do လုပ်ကိုလုပ်ရမယ်ဆို ကျန်တဲ့ ၁၉၂ နိုင်ငံက မလုပ်လို့ကို မရတော့ဘူး” ဟု သူက ဆိုသည်။

ထိုကဲ့သို့ ချမှတ်မည့် ဆုံးဖြတ်ချက်ထဲတွင် မြန်မာနိုင်ငံကို စီးပွားရေးပိတ်ဆို့ရန်၊ လက်နက် ခဲယမ်း ရောင်းချခြင်းများ ပိတ်ဆို့ရန် စသည်တို့ လုပ်ဆောင်ကြမည်ဖြစ်ရာ မပြင်းထန်သော်လည်း နောင်တွင် မြန်မာနိုင်ငံကို သိုးမည်း တကောင်ကဲ့သို့ ဖြစ်ရန် အမေရိကန်အပါအဝင် အနောက်အုပ်စု နိုင်ငံများက ကုလသမဂ္ဂ အားကိုးဖြင့် လုပ်တော့မည်ဟု ၎င်းကပြောကြား သည်။

လက်ရှိတွင် အမေရိကန်နိုင်ငံသည် စီးပွားရေးအရ စစ်ရေး အင်အားကြီးလာသည့် နိုင်ငံဖြစ်သောကြောင့် ရုရှား၊ တရုတ်နှင့် အိန္ဒိယတို့ သီးခြားစီမယှဉ်နိုင်သော နိုင်ငံ တနိုင်ငံဖြစ်နေရာ ထိုသုံးနိုင်ငံပေါင်းပြီး အမေရိကန်၏ လွှမ်းမိုးမှုကို ပြန်ယှဉ်နိုင်ရန် လုပ်ရမည့် ကာလ ဖြစ်သည် ဟု ဗိုလ်ချုပ်မောင်ဦးက သုံးသပ်သည်။

အမေရိကန်က ချမှတ်သော အမိန့်များကို တခြားနိုင်ငံများက မလိုက်နာလျင် ဖြစ်နိုင် သော်လည်း ကုလသမဂ္ဂ လုံခြုံရေးကောင်စီ၏ ဆုံးဖြတ်ချက်ကိုမူ တခြားသော အဖွဲ့ဝင် ၁၉၂ နိုင်ငံက လိုက်နာလုပ်ဆောင် ရလိမ့်မည် ဖြစ်သောကြောင့် မြန်မာနိုင်ငံအနေနှင့် အကြပ်အတည်း ရှိနိုင်သည်ဟုလည်း သူက ရှင်းပြသည်။

စက်တင်ဘာ ကာလက ဖြစ်ပေါ်လာသည့် လူထုလှုပ်ရှားမှု အားလုံးကို စစ်တပ်ဖြင့် နှိမ်နင်းသည့်အပေါ် နောက်ပိုင်း၌ နိုင်ငံတကာ အသိုင်းအဝန်းက အပြည်ပြည်ဆိုင်ရာ ဥပဒေအရ တရားမဝင်ဟု ထောက်ပြခဲ့ကြသည်ဟု သူကဆိုသည်။ အမှန်မှာ တရားဥပဒေ စိုးမိုးရေးအတွက် လုပ်ရသည့် ပြည်ထဲရေးဌာနအနေနှင့် လူမုန်းခံပြီး လုပ်ရသည့် ဌာနဖြစ်နေသည်ဟု ဆက်ပြောသည်။

“အရပ်သားနဲ့ ပတ်သက်တာကို တပ်မတော်ကဝင်မရှင်းတော့ဘဲ ရဲနဲ့ပဲရှင်းရတော့မယ် ဆိုတာတွေ့လာတယ်။ နိုင်ငံတကာကလည်း အုပ်ချုပ်ရေးအရ အားနည်းချက်ကို အမြဲ ထောက်နေတာ။ နိုင်ငံတော်ကလည်း ဒီဌာနကို လုပ်ပိုင်ခွင့်၊ အာဏာ ပေးထားတယ် ဆိုပေမယ့် တကယ်က လူမုန်းခံပြီး လုပ်ရမယ့်ကိစ္စအားလုံး ဒီဌာနက လုပ်နေရတယ်” ဟု ဗိုလ်ချုပ်မောင်ဦးက ဆိုသည်။

ဆက်လက်၍ ၎င်းက အမေရိကန်၊ အိုင်အန်ဂျီအို နှင့် ယူအန် အဖွဲ့အစည်းများ အနေနှင့် မြန်မာနိုင်ငံကို အမျိုးမျိုးခေါင်းစဉ်တပ်ကာ အကြောင်းရှာ အမြတ်ထုတ်နေသည်ဟု စွပ်စွဲသည်။

“နာဂစ် ဆိုင်ကလုန်းအတွက် အမေရိကန်က အကူအညီပေးတယ်ဆိုတာ စတိပဲ။ သောက်ရေသန့်ရယ်၊ ကြာရှည်ခံအစားအစာရယ်၊ ဆေးဝါးရယ် ဒါပဲ။ သောက်ရေသန့် တဘူးကို ဘယ်လောက် စာရင်းတင်မလဲ တောင် မသိနိုင်ဘူး” ဟု သူက ပြောသည်။

အဓိက ပြဿနာမှာ အမေရိကန်က ပေးပို့သည့် ကယ်ဆယ်ရေးလုပ်သားများ သည် အစိုးရကို ဆန့်ကျင်သည့် ကျောင်းသားအဖွဲ့၊ အန်အယ်လ်ဒီအဖွဲ့၊ နိုင်ငံရေးသမားဟောင်း များ အဖွဲ့၊ စီးပွားရေးအရ မကျေနပ်သူများ တို့ကို သုံးကာ မြစ်ဝကျွန်းပေါ်ဒေသ၌ စုစည်း အုံကြွရန် ကြံစည်ကြခြင်းသာ ဖြစ်သည်ဟု ၎င်းက စွပ်စွဲ လိုက်သည်။

နိုင်ငံတော်အနေနှင့် တနေ့လျင် လူဦးရေ ၆ သောင်းကျော်ကို ထမင်းကျွေးနေသော်လည်း မည်သူမှ ထိုကိစ္စကိုအသိအမှတ်မပြုဟု ဆိုသည်။ ယူအန်အဖွဲ့အစည်းက ကူညီသည်၊ နိုင်ငံတကာက ငွေထည့်သည် ဆိုသော်လည်း အစိုးရဆီကို မဝင်ကြောင်းနှင့် အားလုံး ၎င်းအန်ဂျီအိုများက သူတို့ဘာသာ သုံးပြီး စာရင်းပြသွားခြင်းသာဖြစ်ကြောင်း ထို အစည်းအဝေး တွင် ဗိုလ်ချုပ်မောင်ဦးက ပြောကြားခဲ့သည်။

“ကြာရှည်ခံအစားအစာတွေ၊ ဘီစကွတ်တွေ၊ ရေတွေ တော်ပါပြီ ရပ်ပါတော့လို့ပြောတော့ မရဘူး။ တကယ့်တကယ် အိမ်ဆောက်ပစ္စည်းလိုတယ်ဆိုတော့ ဘယ်သူမှပေါ်မလာဘူး။ တာပေါ်လင်စတွေပဲ ပေးတယ်” ဟု သူကပြောသည်။

အမေရိကန်လူထုက စစ်အစိုးရနှင့် တွေ့ဆုံဆွေးနွေးရန် လိုလား
မဇ္ဈိမသတင်းဌာန
အင်္ဂါနေ့၊ စက်တင်ဘာလ 23 2008 16:35 - မြန်မာစံတော်ချိန်

နယူးဒေလီ။ ။ နိုဝင်ဘာလတွင် ကျင်းပမည့် သမတ ရွေးကောက်ပွဲ မတိုင်မီ အမေရိကန် နိုင်ငံခြားရေး ပေါ်လစီ၏ ဦးစားပေး အစီအစဉ်များနှင့် ပတ်သက်၍ စစ်တမ်းကောက်ယူမှု အသစ်တရပ်ကို ပြုလုပ်ခဲ့ရာ အမေရိကန် အကျိုးစီးပွါးကို ရန်လိုသည့် နိုင်ငံခြား တိုင်းပြည်များမှ အစိုးရများနှင့် တွေ့ဆုံ ဆွေးနွေးမှုများ ပြုလုပ်သင့်သည်ဟု ဖြေဆိုသူ အများစုက သဘောထား ပေးခဲ့ကြသည်။

ယမန်နေ့က ထုတ်ပြန်လိုက်သည့် ချီကာဂို ကောင်စီ ကမ္ဘာ့အရေးစစ်တမ်း (Chicago Council on Global Affairs) တွင် ဝါရှင်တန်နှင့် နေပြည်တော်အကြား အစိုးရချင်း တွေ့ဆုံဆွေးနွေးမှုများ ပြုလုပ်သင့်သည်ဟု ၆၃% က ထောက်ခံ ပြောဆိုကြပြီး ၃ဝ% က ကန့်ကွက်ကြပါသည်။

ဤတွေ့ရှိချက်သည် စစ်တမ်းတခုလုံးတွင် တွေ့ရှိချက်များနှင့် တသမတ်တည်း တူညီနေပြီး အများစုက တွေ့ဆုံဆွေးနွေးမှုကို ထောက်ခံကြသည်။ ကျူဘား၊ မြောက်ကိုရီးယား၊ အီရန်၊ ဇင်ဘာဘွေ၊ ဟားမားစ် နှင့် လက်ဘနွန်ဟစ်ဘိုလာ တို့နှင့်မူ အမေရိကန် နိုင်ငံခြားရေး မူဝါဒတွင် ပြတ်ပြတ်သားသား ဆန့်ကျင်ရန် လိုလားကြသည်။

ဤရလဒ်သည် ဒီမိုကရက်တစ် သမတလောင်း မစ္စတာ ဘားရက်အိုဗားမား (Barack Obama) ၏ ပေါ်လစီများဟု ဆိုသည့် အယူအဆများနှင့်အညီ ဖြစ်နေပြီး သူ့နိုင်ငံရေးပြိုင်ဘက် ရီပတ်လင်ကန် သမတလောင်း ဂျွန်မက်ကိန်း (John McCain) အတွက်မူ ဆန့်ကျင်ဘက် ဖြစ်နေသည်။

စစ်တမ်းတွင် မေးမြန်းထားသော နိုင်ငံခြားရေးမူဝါဒ ပြဿနာ ၁၄ ခုအနက် ဖြေဆိုသူများ၏ ထောက်ခံမှု အနည်းဆုံး ကိစ္စမှာ “အခြားနိုင်ငံများတွင် ဒီမိုကရေစီ အစိုးရတရပ် ထူထောင်ရေး၌ ပါဝင်ကူညီခြင်း” ဆိုသည့်မူဝါဒ ဖြစ်သည်။

ဖြေဆိုသူ ၁၇ % ကသာ နိုင်ငံခြား တိုင်းပြည်များတွင် ဒီမိုကရေစီနည်းကျ အစိုးရတရပ် တည်ထောင်ရာတွင် အကူအညီ ပေးခြင်းကို “အလွန်အရေးပါသည်” ဟု သဘောထားပေးကြပြီး၊ ၂၃% ကမူ ဤရည်မှန်းချက်သည် “အရေးမကြီး” ဟု နားလည်ထားကြသည်။

နိုင်ငံရပ်ခြား တိုင်းပြည်များ၌ ဒီမိုကရေစီစံများ တည်ထောင်ခြင်းကို ဆန့်ကျင် ကန့်ကွက်ကြခြင်းမှာ ချီကာဂို ကောင်စီ၏ အဆိုအရ၊ ဘုရ်ှအယူဝါဒ၏ အဓိက အစိတ်အပိုင်းတရပ်ဖြစ်သော အီရတ်စစ်ပွဲအပေါ် မေးခွန်း ထုတ်နေမှုများနှင့် တိုက်ရိုက် ပတ်သက် ဆက်စပ်နေသည်ဟု ဆိုပါသည်။ ဘုရ်ှအယူဝါဒ (Bush Doctrine) အရ ဒီမိုကရေစီ အစိုးရများ ထူထောင်ခြင်းကို နိုင်ငံခြားရေး မူဝါဒ၏ အဓိက ရည်မှန်းချက်အဖြစ် ထားရှိသည်။

ထိုအတောအတွင်း အမေရိကန် မဲဆန္ဒရှင်များ၏ ဦးစားပေးမှု နယ်ပယ်တွင် တတိယမြောက် အနည်းဆုံးထောက်ခံမှု ရသည့်ကိစ္စမှာ “အခြားတိုင်းပြည်များ၌ လူအခွင့်အရေးများ ကာကွယ်မြှင့်တင်ခြင်း လုပ်ငန်း” များဖြစ်သည်။ ဖြေဆိုသူ ၃၁% ကသာ “အလွန်အရေးပါသည်” ဟု ဖြေဆိုခဲ့ကြသည်။ ကမ္ဘာလုံးဆိုင်ရာ လူ့အခွင့်အရေး ပြောဆိုဆွေးနွေးမှုများ ကိုမူ ၁၂% ကသာ “အရေးမပါ” ဟု သဘောထားပေးခဲ့ကြသည်။

"တွေ့ရှိရသော အပြောင်းအလဲများသည် အယူဝါဒ အတွေးအခေါ်များထက် လက်တွေ့ပေါ်တွင် ပိုအခြေခံပုံ ရသည်" ဟု ဤစစ်တမ်းကို ထုတ်ပြန်ရာ၌ ချီကာဂိုကောင်စီ က ပြောကြားသွားခဲ့ပါသည်။ "ဦးတည်ချက်လားရာတွင် အကြီးအကျယ် ပြောင်းလဲမှုများကို ဖြေဆိုသူများက ဖြည့်စွက်ပေးခဲ့ကြသည်။ ပြဿနာများကို ကိုင်တွယ်ဖြေရှင်းရာ၌ ဆွေးနွေးပွဲများ၊ ဘက်ပေါင်းစုံ အကျိုးတူ ပူးပေါင်းဖွဲ့စည်းထားသည့် အဖွဲ့အစည်းများကတဆင့် ဆောင်ရွက်ခြင်းကို ပိုမို အသားပေး လာကြပြီး တချိန်တည်းတွင် စစ်အင်အား ကြီးထွားနေခြင်းကိုလည်း လိုလားကြသည်"

ယခင် စစ်တမ်းများတွင်မူ အမေရိကန်ပြည်သူများက တရုတ်နိုင်ငံကို ယနေ့ကမ္ဘာတွင် သြဇာအာဏာ အကြီးဆုံးနိုင်ငံ အဖြစ် ရှုမြင်ကြပြီး၊ အမေရိကန် နိုင်ငံသား အများစုက တရုပ်ပြည်၏ တိုးတက် ကြီးထွားလာမှုကို ဆန့်ကျင်မှု မပြုလုပ်စေလိုဘဲ ဤအရှေ့အာရှနိုင်ငံနှင့် အလုပ်ဖြစ်သော ဆက်ဆံရေးကို ထူထောင်ထားရှိကာ နှစ်နိုင်ငံ အကျိုးတူ ကိစ္စများကို ပိုမို တိုးတက် ဆောင်ရွက်စေလိုကြသည်။

ထို့ပြင် အသိဥာဏ်ကွန်ရက် (Knowledge Networks) က ပြုလုပ်ခဲ့သော အစောပိုင်း စစ်တမ်းတခုတွင် အမေရိကန်လူမျိုး သုံးပုံနှစ်ပုံက လာမည့် ရွေးကောက်ပွဲတွင် စီးပွါးရေးသည်သာ အရေးအကြီးဆုံး ပြဿနာဖြစ်သည်ဟု ယုံကြည်ကြကြောင်း တွေ့ရှိခဲ့ရသည်။ ဤရလဒ်သည် နိုင်ငံခြားရေး မူဝါဒအပေါ် စဉ်းစားချက်များနှင့် အများကြီးကွာနေသည်။ ဤအသိဥာဏ် ကွန်ရက်သည် ချီကာကို ကောင်စီစစ်တမ်းကို ကိုင်တွယ် ဆောင်ရွက်ပေးခဲ့သည့် အဖွဲ့အစည်းလည်း ဖြစ်သည်။

နောက်ထပ် သဘောထားစစ်တမ်း ကောက်ယူသည့် ကုမ္ပဏီတခုဖြစ်သော ဂဲလပ် (Gallup) ၏ တွေ့ရှိချက်အရမူ တနိုင်ငံလုံးကို ထိခိုက်စေခဲ့သည့် လက်ရှိ ရင်းနှီးမြှုပ်နှံမှု ဘဏ်များ၏ အကြပ်အတည်းအပြီး မကြာသေးခင်ရက် သတ္တပတ်များအတွင်း ပေါ်ပေါက်ခဲ့သည့် အမေရိကန်၏ စီးပွါးရေး အခြေအနေပေါ်တွင် အသစ်တဖန် ဖြစ်ပေါ်လာသော စိုးရိမ်ပူပန်မှုများကြောင့်သာ ဤသို့ စီးပွါးရေးကိစ္စများကို ဦးစားပေးမှု ရွေးကောက်ပွဲနှင့် စပ်လျဉ်းသည့် လူထု သဘောထားများ ပေါ်ထွက်လာခြင်း ဖြစ်သည်ဟု ဆိုပါသည်။

ချီကာဂိုကောင်စီ၏ စစ်တမ်းတွင် နောက်တက်မည့် အိမ်ဖြူတော် အစိုးရသစ်အတွက် နိုင်ငံခြားရေး မူဝါဒ ရည်မှန်းချက်များတွင် ထောက်ခံမှု အများဆုံးရသည်မှာ "ကမ္ဘာတွင် အမေရိကန်၏ အဆင့်အတန်းကို တိုးတက်အောင် လုပ်ရန်" ဖြစ်သည်။ ဤအချက်ကို ဖြေဆိုသူ ၈၃% က “အလွန်အရေးပါသည်” ဟု သဘောထားပေးခဲ့ကြသည်။

တရုတ်လုပ်နို့မှုံ့များ ဓါတ်ခွဲခန်းများ၌ စစ်ဆေးခြင်းကို မြန်မာနိုင်ငံ၌ စတင် လုပ်ဆောင်
မဇ္ဈိမသတင်းဌာန
အင်္ဂါနေ့၊ စက်တင်ဘာလ 23 2008 10:21 - မြန်မာစံတော်ချိန်

နယူးဒေလီ။ ။ တရုတ်လုပ်နို့မှုံ့များကို ဓါတ်ခွဲခန်းများ၌ စမ်းသပ်စစ်ဆေးခြင်းကို မြန်မာနိုင်ငံတွင် စတင်လုပ်ဆောင်နေပြီ ဖြစ်ပြီး နိုင်ငံခြားမှ တင်သွင်းလာသော နို့မှုံ့များကြောင့် ကလေး သူငယ်များ နာမကျန်း ဖြစ်ခြင်းများကိုမူ မတွေ့ရှိရသေးကြောင်းဖြင့် ကျန်းမာရေး ဝန်ကြီးဌာနက ပြောသည်။

"တရုတ်လုပ်နို့မှုံ့တွေကို စစ်ဆေးတာ ကျနော်တို့ စလုပ်နေပါပြီ။ နမူနာတွေယူပြီး ဓါတ်ခွဲခန်းတွေကို ပို့ပေးနေပါတယ်" ဟု ကျန်းမာရေး ဝန်ကြီးဌာန ဒုတိယ ညွှန်ကြားရေးမှူး ဒေါက်တာဝင်းမြင့်က ပြောသည်။

ယခုအထိ မြန်မာပြည်ရှိ မည်သည့်အဓိက ကလေးဆေးရုံကြီးကမျှ နို့မှုံ့ကြောင့် နာမကျန်းဖြစ်သည့် ကလေးများရှိကြောင်း သတင်းပေးပို့လာခြင်း မရှိသေးဟုလည်း သူက ဆိုသည်။

"ကျနော်တို့ မြန်မာပြည်က အဓိကကျတဲ့ ကလေးဆေးရုံကြီးတွေ အများစုမှာ စောင့်ကြည့် လေ့လာတာတွေ လုပ်နေပါတယ်။ အခုအထိတော့ နို့မှုံ့နဲ့ ပတ်သက်ပြီးတော့ ဆေးရုံတင်ရတာရယ်လို့ မတွေ့ရသေးပါဘူး"

တရုတ်ပြည်မှလာသော နို့ထွက်ပစ္စည်းများ၊ အစားအစာများ အားလုံးကို စစ်ဆေးရန် အသေးစိတ် မဟာဗျူဟာတရပ် ချမှတ်ထားပြီးဖြစ်ပြီး ကျန်းမာရေးဝန်ကြီး ဒေါက်တာကျော်မြင့် အပါအဝင် ကျန်မာရေးဝန်ကြီးဌာန အဆင့်မြင့် အရာရှိကြီးတွေရဲ့ အစည်းအဝေးတခုကို တနင်္လာနေ့က ကျင်းပခဲ့ပါတယ် ဟု ဒေါက်တာဝင်းမြင့်က ပြောသည်။

တရုတ်နိုင်ငံမှ နို့ထွက်ပစ္စည်း ထုတ်လုပ်သည့် ကုမ္ပဏီ ၂ ခုသည် မသန့်ရှင်းသောနို့မှုံ့များကို မြန်မာနိုင်ငံ အပါအဝင် ဖွံ့ဖြိုးဆဲနိုင်ငံ ၅ ခုသို့ တင်ပို့ခဲ့ကြောင်းဖြင့် တရုတ် နိုင်ငံခြားရေး ဝန်ကြီးဌာနက ယခင် ရက်သတ္တပတ်က ဝန်ခံပြောကြားခဲ့သည်။

တရုတ်ကုမ္ပဏီ ၂ ခုမှထုတ်လုပ်သော ပလပ်စတစ် ထုတ်လုပ်ရာတွင် အသုံးပြုသည့် မယ်လမင်း ဓါတုပစ္စည်း ပါဝင်နေသည့် နို့မှုံ့များကို ယီမင်၊ ဘင်္ဂလာဒေ့ရှ်၊ မြန်မာ၊ ဂါဘွန် နှင့် ဘူရွန်ဒီ နိုင်ငံတို့က တင်သွင်းခဲ့ကြသည်ဟု တရုတ် နိုင်ငံခြားရေး ဝန်ကြီးဌာန ပြောရေးဆိုခွင့်ရှိသူ ကျန်းယု (Jiang Yu) က ကြာသပတေးနေ့က ပြောခဲ့သည်။

မယ်လမင်း ပါဝင်နေကြောင်း တွေ့ရှိပြီးနောက် နို့ထွက်ပစ္စည်း ထုတ်လုပ်သည့် ကုမ္ပဏီ ၂၂ ခုအား တရုတ် အစိုးရက ပိတ်ပင်လိုက်ပါသည်။ ဤနို့မှုံ့များကို စားသုံးခဲ့ပြီးနောက် ယခုအထိ တရုတ်ပြည်တွင်ကလေး ၄ ဦး သေဆုံးခဲ့ပြီး၊ ကလေးပေါင်း ၆၂ဝဝဝ မှာ အကြီးအကျယ် နာမကျန်း ဖြစ်လျက်ရှိသည်။

ဤနို့မှုံ့ အရှုပ်တော်ပုံ ပေါ်ပေါက်ခဲ့ပြီးနောက်၊ အိမ်နီးချင်းနိုင်ငံများ အပါအဝင် နိုင်ငံအများအပြားက တရုတ်ပြည်မှ နို့ထွက်ပစ္စည်းများ တင်သွင်းခြင်းကို ပိတ်ပင်ခဲ့ပြီး၊ တိုင်းပြည်တွင်းသို့ ဝင်ရောက်လာသော နို့မှုံ့များကိုလည်း စစ်ဆေး စမ်းသပ်မှုများ လုပ်ဆောင်လျက် ရှိကြပါသည်။

အလားတူပင် မြန်မာ ကျန်းမာရေး ဝန်ကြီးဌာနကလည်း တရုတ်ပြည်မှ တင်သွင်းသော နို့မှုံ့များကို စစ်ဆေးခြင်းနှင့် နမူနာများ စမ်းသပ်စစ်ဆေးခြင်းကိုလည်း ဆောင်ရွက်လျက်ရှိကြောင်း တနင်္လာနေ့က ထုတ်ဖေါ် ပြောကြားသည်။

"ကျနော်တို့ နမူနာတွေ စစ်ဆေးနေပါတယ်။ ဒါပေမဲ့ခုထိ မသန့်ရှင်းတဲ့ နို့မှုံ့ရယ်လို့ မတွေ့ရသေးပါဘူး။ တခုခု မှတ်ချက်ချ ပြောကြားဘို့တော့ သိပ်စောပါသေးတယ်" ဟု ဒေါက်တာဝင်းမြင့်က ပြောသည်။

ဤသို့ မသန့်ရှင်းသော နို့မှုံ့များ ပါဝင်နေသည် ဟူသော အထောက်အထား ယခုအထိ မတွေ့ရသေးဟု အစိုးရက ပြောဆိုနေသော်လည်း တရုတ် ကုမ္ပဏီများ အနေဖြင့် တရားမဝင် နယ်စပ်ကုန်သွယ်ရေး လမ်းကြောင်းမှတဆင့် သူတို့၏ ထွက်ကုန်များကို မြန်မာနိုင်ငံသို့ ပြောင်းလဲ တင်သွင်းလာနိုင်ဖွယ် ရှိကြောင်းဖြင့် တရုတ်-မြန်မာ နယ်စပ်အခြေစိုက် မြန်မာ့အရေး လေ့လာသူ ဦးအောင်ကျော်ဇော က ပြောကြားသည်။

တရုတ်-မြန်မာ ဆက်ဆံရေးကို အနီးကပ် လေ့လာနေသူ ဦးအောင်ကျော်ဇောက တရုတ်၏ ကုန်သွယ်ဘက် နိုင်ငံအများစုသည် တရုတ်နိုင်ငံမှ နို့နှင့် နို့ထွက်ပစ္စည်းများ တင်သွင်းခြင်းကို ပိတ်ပင်လိုက်ကြပြီ ဖြစ်သဖြင့် ထိုကုမ္ပဏီများအတွက် မြန်မာနိုင်ငံသည် ပိတ်ပင်ခံထားရသော သူတို့ ကုန်စည်များကို ရောင်းချရန် ပစ်မှတ် ဖြစ်လာနိုင်သည်ဟု ဆိုသည်။

သူ့အဆိုအရ မြန်မာနိုင်ငံနှင့် တရုတ်နိုင်ငံတို့၏ တရားမဝင် နယ်စပ် ကုန်သွယ်ရေးသည် တရားဝင် နိုင်ငံခြား ကုန်သွယ်ရေးထက် အဆများစွာ ကြီးသဖြင့် အာဏာပိုင်တို့ထံမှ တရုတ်နို့မှုံ့များကို အရည်အသွေး စစ်ဆေးစမ်းသပ်ရန်၊ သို့မဟုတ် ပိတ်ပင်ရန် မည်သည့် အမိန့်မှ မရရှိသောကြောင့် လူများမသိလိုက်ဘဲ မြန်မာနိုင်ငံ ဈေးကွက်အတွင်းသို့ ဝင်ရောက်လာနိုင်သည်ဟု ဆိုသည်။

"အရည်အသွေး ထိန်းချုပ်မှုနဲ့ ပတ်သက်ပြီးတော့ တင်းကြပ်တဲ့ စည်းမျဉ်းစည်းကမ်းတွေ မရှိတာကြောင့် ဘာအကျိုးဆက်တွေ ဖြစ်နိုင်တယ် ဆိုတာမသိဘဲ မြန်မာနိုင်ငံသားတွေက နို့မှုံ့တွေကို အရမ်းကာရော သုံးစွဲတာတွေ ဖြစ်လာနိုင်ပါ တယ်" ဟု သူက ဆက်လက် ပြောဆိုသွားခဲ့ပါသည်။

တရုတ်နိုင်ငံမှ တင်သွင်းနေသော နို့မှုံ့များနှင့် စပ်လျဉ်းပြီး မည်သည့် တရားဝင် ကန့်သတ်မှုမျိုးမျှ ယခုထိမရှိသေးကြောင်း ဖြင့် တရုတ်-မြန်မာ နယ်စပ်မြို့ဖြစ်သော လိုင်ဇာမြို့မှ ဒေသခံ စီးပွါးရေးသမားတဦးက ပြောကြားသွားပါသည်။

"လူအတော်များများက ဘယ်နို့မှုံ့တွေ၊ ဘယ်ပစ္စည်းတွေ၊ ဘယ်ကုန်စည်တွေ (ကချင်ပြည်နယ်မြို့တော်) မြစ်ကြီးနားကို ဝင်နေတယ်ဆိုတာ သိတောင် သိကြတာ မဟုတ်ဘူး" ဟု သူကပြောပါသည်။

တရားမဝင် ကုန်သွယ်ရေး လမ်းကြောင်းများမှတဆင့် အဆိုပါ ကုန်စည်များ အများအပြား ဝင်ရောက်နေသဖြင့် အစိုးရ အနေဖြင့် ဤနို့မှုံ့များ တင်သွင်းခြင်းကို ကန့်သတ်မှုများ ပြုလုပ်ရန် ခက်ခဲလိမ့်မည် ဖြစ်ကြောင်းဖြင့်လည်း သူက ဆက်လက် ပြောသည်။

အလားတူပင် နောက်ထပ် တရုတ်-မြန်မာ နယ်စပ်မြို့ဖြစ်သော ရှမ်းပြည်နယ် မူဆယ်မြို့မှ ကုန်သည်တဦးကလည်း တရုတ် နိုင်ငံ၏ နို့မှုံ့ အရှုပ်တော်ပုံ သတင်းသည် ဈေးကွက်တွင် ရောင်းချနေသော နို့မှုံ့များက သူတို့ကို အန္တရာယ်ပေးနိုင်သည် ဆိုသည်ကို လူထုအား နားလည် သဘောပေါက်စေနိုင်လိမ့်မည် မဟုတ်ဟု ပြောသည်။

"အရောင်းအဝယ်က ပုံမှန်ပဲ၊ လူတွေကလည်း တရုတ်ပစ္စည်းတွေကို ဆက်ရောင်းဝယ်နေကြတာပဲ။ ဘာလို့လဲဆိုတော့ သူတို့အတွက် ဒါပဲ ရောင်းဝယ်စရာ ရှိတာကိုး" ဟု အဆိုပါ ကုန်သည်က ပြောသွားပါသည်။

နယ်စပ်မှတဆင့် တရုတ် ကုန်ပစ္စည်းများနှင့် ကုန်စည်များကို တိုက်ရိုက် ရရှိနေသည့် မြန်မာနိုင်ငံ၏ ဒုတိယ အကြီးဆုံးမြို့နှင့် စီးပွါးရေး ဗဟိုအချက်အခြာ ဖြစ်သော မန္တလေးမြို့မှ ကုန်သည်တဦးကလည်း ဈေးအများစုတွင် တရုတ် ကုန်ပစ္စည်းများနှင့်သာ ပြည့်နှက်နေပြီး၊ ဤအထဲတွင် တရုတ်နို့မှုံ့များမှာလည်း ခြွင်းချက် မဟုတ်ပါဟု ပြောကြား သွားခဲ့သည်။

"လူတွေက တရုတ်လုပ်နို့မှုံ့တွေက ပေးနိုင်တဲ့ အန္တရာယ်ရဲ့ အတိုင်းအတာကို နားလည်ပုံမရဘူး။ တရုတ် နို့မှုံ့ရောင်းနေတဲ့ လူတွေ အများကြီး ကျနော် တွေ့နေရတာဘဲ" ဟု အဆိုပါ ဒေသခံက ဆက်လက် ပြောကြားသည်။

မန္တလေးရှိဈေးများတွင် တရုတ်လုပ်ပစ္စည်းများသား လွှမ်းမိုးလျက်ရှိပြီး မန္တလေး ဈေးကွက်ထဲတွင် ရောင်းချလျက်ရှိသော ပစ္စည်းများ၏ အနည်းဆုံး ၈ဝ%မှာ တရုတ်လုပ ပစ္စည်းများသာ ဖြစ်သည်ဟု ယုံကြည်ရသည်ဟု သူက ပြောသည်။

(သဲသဲနှင့် ဖနိဒါ မှ သတင်းပေးပို့၍ မုံပီး ရေးသားသည်)

အဝေးရောက် မြန်မာအမျိုးသမီးများက မနီလာသိန်းအတွက် စိုးရိမ်နေ
ဆော်လမွန်
အင်္ဂါနေ့၊ စက်တင်ဘာလ 23 2008 11:38 - မြန်မာစံတော်ချိန်

နယူးဒေလီ။ ။ အမျိုးသမီးများအဖွဲ့ချုပ် မြန်မာနိုင်ငံ က စစ်အစိုးရ၏ ဖမ်းဆီး ထိန်းသိမ်းခြင်း ခံခဲ့ရသော ဒီမီုကရေစီရေး တက်ကြွလှုပ်ရှားသူ မနီလာသိန်း၏ လုံခြုံရေးနှင့် ပတ်သက်၍ စိုးရိမ် ပူပန်လျက်ရှိကြောင်း တနင်္ဂနွေနေ့က ထုတ်ဖော် ပြောကြားလိုက်သည်။

WLB အမျိုးသမီးများ အဖွဲ့၏ ထုတ်ပြန် ကြေညာချက်တွင် စက်တင်ဘာလ ၁၀ ရက်က စစ်အစိုးရမှ ဖမ်းဆီးခေါ်ဆောင်သွားပြီး ဆက်လက် ချုပ်နှောင်ထားဆဲ ဖြစ်သော တနှစ်ကျော်အရွယ် သမီးငယ်ကလေး၏ မိခင်ဖြစ်သူ မနီလာသိန်းသည် ညှင်းပန်းနှိပ်စက်ခြင်း၊ ရိုင်းပျစွာ ဆက်ဆံခြင်း စသော အန္တရာယ်များကြားထဲတွင် ရောက်ရှိနေခဲ့သည်ဟု ဖော်ပြ ပါရှိခဲ့သည်။

မနီလာသိန်း၏ မိသားစုများက သူ ဘယ်နေရာတွင် ရှိနေသည်ကို ယခုအချိန်ထိ မသိရှိရသေးဘဲ သူအတွက်ရော၊ မိဘမဲ့ဖြစ်နေရသည့် သမီးကလေး အတွက်ရော စိုးရိမ်နေကြရသည်ဟု ပြောကြားခဲ့သည်။

ပြီးခဲ့သည့်နှစ်က ဖြစ်ပွါးခဲ့သော လူထုအုံကြွမှုတွင် အဓိကအခန်းကဏ္ဍမှ ပါဝင်လှုပ်ရှားခဲ့သည့် ၈၈ မျိုးဆက် ကျောင်းသားများအဖွဲ့မှ အဖွဲ့ဝင်တဦးဖြစ်သူ မနီလာသိန်းသည် လွန်ခဲ့သည့်စက်တင်ဘာလ အတွင်းက စစ်အစိုးရမှ ဆန့်ကျင်ဆန္ဒပြသူများကို စတင် နှိမ်နင်းခဲ့ချိန်မှစ၍ ပုန်းရှောင်နေခဲ့ရသည်။

"ကျမတို့ သူ့အတွက် အရမ်း စိတ်ပူမိတယ်။ ပုန်းအောင်းနေတုန်းက လုပ်ဆောင်ခဲ့တဲ့ လှုပ်ရှားမှုတွေကြောင့် သူ့ကို ပိုပြီး အညိုးထားပြီးမှ လုပ်ဆောင်နိုင်တယ်။ အဲဒါကြောင့် သူ့အတွက် ပိုပြီး စိုးရိမ်နေရပါတယ်။" ဟု WLB ၏ အထွေထွေ အတွင်းရေးမှူး မနန်းယဉ်က ပြောသည်။

"တိမ်းရှောင်နေတုန်းက မနီလာသိန်းဟာ နိုင်ငံတကာကို အခြေအနေတွေနဲ့ ပတ်သက်ပြီး စာတွေပို့ထားတာ ရှိတယ်။ ကမ္ဘာ့ကုလသမ္မဂ္ဂ လုံခြုံရေး ကောင်စီကိုို မြန်မာနိုင်ငံရေး ပဋိပက္ခတွေ ဝင်ရောက် ဖြေရှင်းပေးဖို့ တိုက်တွန်းခဲ့တာတွေ ရှိတယ်"

"သူမကို ဘယ်မှာ ထိန်းသိမ်းထားတယ်ဆိုတာ အတိအကျ မသိရသေးဘူး။ ဒါကြောင့် အရမ်း စိုးရိမ်နေရတယ်။ ဘာသတင်းမှလည်း အခုထိ မရသေးဘူးလေ။" ဟု မနန်းယဉ်က ထပ်ပြောသည်။

အမျိုးသမီး နိုင်ငံရေး အကျဉ်းသားများ၏ အခြေအနေကို စစ်ဆေးနိုင်ရန်အတွက် မြန်မာနိုင်ငံသို့ အဖွဲ့တဖွဲ့ စေလွှတ်ပေးပါရန် လူ့အခွင့်အရေး အဖွဲ့များနှင့် အပြည်ပြည်ဆိုင်ရာ အသိုင်းအဝိုင်းသို့ WLB မှ ပန်ကြားထားသည်။

"မြန်မာပြည်ထဲကိုသွားပြီး အမျိုးသမီး နိုင်ငံရေး အကျဉ်းသားတွေရဲ့ အခြေအနေတွေကို စစ်ဆေးပြီး သတင်းပို့ အကြောင်းကြားနိုင်မယ့် အပြည်ပြည်ဆိုင်ရာ လူ့အခွင့်အရေး အဖွဲ့တွေ ဒါမှမဟုတ် ဘယ်အဖွဲ့မဆိုကို ကျမတို့ တိုက်တွန်းချင်ပါတယ်" ဟု သူကထပ်ပြော၏။

ချက်သမ္မတနိုင်ငံမှ ချီးမြှင့်သော လူ့အခွင့်အရေးနှင့် သက်ဆိုင်သည့် (Homo Homini Award) ဆု ရရှိထားသည့် မနီလာသိန်းသည် စစ်အစိုးရက ဖမ်းဆီး ထိန်းသိမ်းထားသော လုပ်ဖော်ကိုင်ဖက် တဦးဖြစ်သူ ကိုအံဖွယ်ကျော်၏ မိခင်ထံသို့ စက်တင်ဘာလ ၁၀ ရက် နေ့က သွားရောက်ခဲ့စဉ် ဖမ်းဆီးခံခဲ့ရခြင်း ဖြစ်သည်။

ပြီးခဲ့သည့်နှစ် စက်တင်ဘာလအတွင်းက လေးလအရွယ် သမီးငယ်လေးအား မိဘများနှင့် ထားခဲ့ရပြီး ပုန်းရှောင်ခဲ့ရသော မနီလာသိန်းသည် သူ၏ နိုင်ငံရေး လှုပ်ရှားမှုများကြောင့် စောစောပိုင်းက နှစ်ကြိမ်တိုင်တိုင် အကျဉ်းချခြင်း ခံခဲ့ရဘူးသည်။ ၁၉၉၁-ခုနှစ်တွင် နှစ်လတိတိ ဖမ်းဆီး ချုပ်နှောင်ခြင်းခံခဲ့ရပြီး၊ ၁၉၉၆-ခုနှစ် မှ ၂၀၀၅-ခုနှစ်အထိ ကိုးနှစ်တိုင်တိုင် ထိန်းသိမ်းခြင်း ခံခဲ့ရသည်။

သူမ၏ အမျိုးသားလည်းဖြစ်၊ လုပ်ဖေါ်ကိုင်ဖက်လည်း ဖြစ်သော ကိုကျော်မင်းယု (ခေါ်) ကိုဂျင်မီ သည် ၂၀၀၇ ခုနှစ် သြဂုတ်လ ၂၁ ရက်နေ့တွင် ထင်ရှားသော ကျောင်းသားခေါင်းဆောင် ကိုမင်းကိုနိုင် အပါအဝင် ၈၈ မျိုးဆက် ကျောင်းသားအဖွဲ့မှ လုပ်ဖေါ်ကိုင်ဖက် ၁၂ ဦးတို့နှင့်အတူ အဖမ်းခံခဲ့ရသည်။

ကိုမင်းကိုနိုင်နှင့် လုပ်ဖော်ကိုင်ဖက် ၁၂ ယောက် တို့သည် အစိုးရ၏ လောင်စာဆီဈေး ရုတ်တရက် မြှင့်တင်လိုက်မှုကြောင့် ကြီးမားစွာ ထိခိုက်ခံခဲ့ရသည့် ဆင်းရဲသားပြည်သူများနှင့် အတူ ၂၀၀၇ ခုနှစ် သြဂုတ်လ ၂၁ ရက်နေ့က တစည်းတလုံးတည်း ငြိမ်းချမ်းစွာ ဆန္ဒပြချီတက်ခဲ့ကြသည်။

ရုံးထုတ်စဉ် အရှင် ဂမ္ဘီရ နေမကောင်းဖြစ်
ဇာနည်
အင်္ဂါနေ့၊ စက်တင်ဘာလ 23 2008 14:58 - မြန်မာစံတော်ချိန်

ချင်းမိုင်။ ။ တရားရုံးထုတ် စစ်ဆေးခြင်း ခံနေရသော အရှင်ဂမ္ဘီရသည် မလန်းမဆန်း ဖြစ်နေသည်ဟု သူ၏ အကျိုးဆောင် ရှေ့နေတဦးဖြစ်သူ ဦးခင်မောင်ရှိန် အပြောအရ သိရသည်။

စက်တင်ဘာ သံဃာ လှုပ်ရှားမှုတွင် ဦးဆောင် ပါဝင်ခဲ့သော အရှင်ဂမ္ဘီရကို တင်္နလာနေ့ နံနက်က ရုံးထုတ် စစ်ဆေးချိန်တွင် အရှင်ဂမ္ဘီရမှာ နေထိုင်မကောင်း ဖြစ်နေခြင်း ဖြစ်သည်။

"အစာ အဆိပ်သင့်သလို ဖြစ်နေတယ်။ မနက်က အန်ထားတာ ၃ ခါ ရှိသွားပြီ တကာ၊ အနံ့အသက်တွေ ဆိုးနေတော့ အားတော့ နာပါတယ် တကာ" ဟု သူ့အား မိန့်ကြောင်း ရှေ့နေက မဇ္ဈိမကို ပြောသည်။

အမှုကြားနာနေစဉ် အချိန်တွင် အရှင်ဂမ္ဘီရမှာ မောပန်းနွမ်းနယ်နေပြီး မှိန်းနေသည်။

"သူ့ ညီမတွေက ပါလာတဲ့ ပရုတ်ဆီတွေ ပေးရှုတာ၊ ခြေတွေ လက်တွေ လိမ်းပေး ဆုပ်နယ်ပေးနေတာပဲ တွေ့ခဲ့ရတယ်" ဟု ရှေ့နေက ပြောသည်။

"ဘယ်တုန်းက ဘာစားမိလို့ ဘယ်လို ဖြစ်ရတယ် ဆိုတာကို လုံးဝ မသိခဲ့ရပါဘူး။ အစားမှားပြီး ဖြစ်တာ ထင်တယ်လို့ပဲ သူက မိန့်တယ်"

အတင်းအကြပ် ရဟန်းဝတ် ချွတ်ချခြင်း ခံထားရပြီး လက်ထိပ်ခတ် ခံထားရသော အရှင်ဂမ္ဘီရကို စွဲတင်ထားသည့် ပုဒ်မများမှာ လဝက ဥပဒေ တရားမဝင် နယ်စပ်ဖြတ်ကျော်မှု ၁၃၊၁၊ မတရားအသင်းနှင့် ဆက်သွယ်မှု ၁၇ (၁)၊ အသင်းအဖွဲ့ ပုဒ်မ ၆၊ နိုင်ငံတော်ကို ဆူပူမှုကို လှုံ့ဆော်မှု ၅ဝ၅(ခ)၊ ဘာသာတရားကို ညိုးနွမ်းစေမှု ၂၉၅ (က)၊ ဥပဒေနှင့် မညီညွတ်သဖြင့် လူစုခွဲရာ၌ မလိုက်နာမှု ၁၄၅၊ ၁၄၇၊ ပုံနှိပ်အက်ဥပဒေ ၁၇/၂ဝ နှင့် အီလက်ထရောနစ် ဥပဒေ ၃၃ (က)/၃၈ တို့ ဖြစ်သည်။

ရွှေဝါရောင် တော်လှန်ရေးတွင် ပါဝင်ဦးဆောင်ခဲ့သူ အရှင်ဂမ္ဘီရသည် မြန်မာနိုင်ငံလုံးဆိုင်ရာ ရဟန်းပျိုများသမဂ္ဂ (အိန္ဒိယ) မှ ချီးမြှင့်သော ဆရာတော် ဦးရေဝတ အမှတ်တရ ငြိမ်းချမ်းရေးဆုနှင့် လန်ဒန်အခြေစိုက် Index on Censorship အဖွဲ့ကြီးက ချီးမြှင့်သော "လွတ်လပ်စွာ ထုတ်ဖော် ပြောဆိုခွင့်ဆု ၂ဝဝ၈" တို့ကို ရရှိထားသူ ဖြစ်သည်။

ထိုနေ့တနေ့ထဲတွင် ၈၈ မျိုးဆက်ကျောင်းသား ခေါင်းဆောင် ကိုမင်းကိုနိုင်အပါအ၀င် ၂၁ ဦးကိုလည်း ရုံးထုတ်ခဲ့သေးသည်။ ကိုမင်းကိုနိုင် အပါအ၀င် ၂၁ ဦးတို့မှာ ကျန်းမာရေး အခြေအနေ ကောင်းမွန်နေပြီး အမှုကြားနာရာသို့ မိသားစုဝင်များလည်း ၀င်ရောက် နားထောင်ခွင့်များ ရခဲ့သည်ဟု ရှေ့နေက ပြောသည်။

အန်အယ်လ်ဒီ လွှတ်တော်ကိုယ်စားလှယ်အချို့လည်း ထောင်မှလွတ်
NEJ/ ၂၃ စက်တင်ဘာ ၂၀၀၈။ ။

ဦးဝင်းတင်နှင့်အတူ ယနေ့ပြန်လွတ်လာသည့် အခြားနိုင်ငံရေးအကျဉ်းသားများအနက် မရမ်းကုန်းမြို့နယ် မဲဆန္ဒနယ် အမှတ် (၂) ပြည်သူ့လွှတ်တော်ကိုယ်စားလှယ် ဒေါက်တာ မေ၀င်းမြင့်၊ ကျောက်တန်းမြို့နယ် မဲဆန္ဒနယ် အမှတ် (၁) ပြည်သူ့လွှတ်တော် ကိုယ်စားလှယ် ဒေါက်တာသန်းငြိမ်း၊ စမ်းချောင်း မဲဆန္ဒနယ် လွှတ်တော်ကိုယ်စားလှယ် ဦးခင် မောင်ဆွေနှင့် တောင်ငူမြို့နယ် မဲဆန္ဒနယ် အမှတ် (၁) ပြည်သူ့ လွှတ်တော်ကိုယ်စားလှယ် ဦးအောင်စိုးမြင့်တို့လည်း ပါဝင်ကြောင်း အမျိုးသားဒီမိုကရေစီအဖွဲ့ချုပ် ပြောရေးဆိုခွင့်ရှိသူ ဦးညဏ်ဝင်းက ပြောကြားသည်။

ဦးခင်မောင်ဆွေသည် ၁၉၉၄ ခုတွင် မြင်းခြံထောင်တွင် ထောင်ဒဏ် (၇) နှစ် ချမှတ်ခြင်းခံရပြီး၂၀၀၁ ခု အောက်တို ဘာတွင် ပြန်လွတ်ရမည့်သူဖြစ်သည်။ ဒေါက်တာမေ၀င်းမြင့်သည် ၁၉၉၇ ခုတွင် အင်းစိန်ထောင်၌ ထောင်ဒဏ် (၇) နှစ် ချမှတ်ခြင်းခံရပြီး ၂၀၀၄ ခု ဒီဇင်ဘာတွင် ပြန်လွတ်ရမည့်သူဖြစ်သည်။

ဒေါက်တာသန်းငြိမ်းသည် အကျယ်ချုပ်ခံနေရသည့် ဗိုလ်ချုပ်ကြီးဟောင်း ခင်ညွန့်၏ ယောက်ဖတော်သူဖြစ်သည်။ ၁၉၉၇ ခုတွင် အဖမ်းခံရပြီး အင်းစိန်ထောင်၌ ထောင်ဒဏ် (၇) နှစ် ချမှတ်ခြင်းခံရသည်။ ဆက်တိုးသည့် ပြစ်ဒဏ်များအရ ၂၀၁၄ ခုတွင်မှ လွတ်ရမည့်သူဖြစ်သည်။

ဦးအောင်စိုးမြင့်မှာ တောင်ငူ မဲဆန္ဒနယ်အမှတ် (၁) မှဖြစ်ပြီး ၂၀၀၃ ခုတွင် အင်းစိန်ထောင်၌ ထောင်ဒဏ် (၇) နှစ် ချမှတ် ခံရသည်။၂၀၁၀ ပြည့်နှစ်တွင်မှ ပြန်လွတ်ရမည့်သူ ဖြစ်သည်။

မြန်မာစစ်အစိုးရ အကျဉ်းသား (၉) ထောင်ကျော်လွှတ်ပေး
Agencies/ ၂၃ စက်တင်ဘာ ၂၀၀၈။ ။

မြန်မာစစ်အစိုးရက အကျဉ်းသား (၉,၀၀၂) ဦးကို “မေတ္တာရှေ့ထားပြီး ရည်ရွယ်ချက်ကောင်းဖြင့်” ပြန်လည်လွှတ်ပေး လိုက်ကြောင်း ယနေ့ထုတ် ၎င်းပိုင်သတင်းစာများတွင် ဖော်ပြသည်။

မြန်မာနိုင်ငံတွင် နိုင်ငံရေးနှင့် ဘာသာရေး ယုံကြည်ချက်တို့ကြောင့် အကျဉ်းကျနေသူ (၂,၀၀၀) ကျော်ရှိကြောင်း လူ့အခွင့်အရေးအဖွဲ့များက ပြောသည်။

ယခုကဲ့သို့ လွှတ်ပေးခြင်းသည် “၎င်းတို့ မိသားစုများအတွက် ငဲ့ညှာသောအားဖြင့်” လည်းကောင်း၊ ဒီမိုကရေစီလမ်းပြ မြေပုံအဆင့်ပါ ၂၀၁၀ ပြည့် ရွေးကောက်ပွဲ၌ တစိတ်တပိုင်း ပါဝင်နိုင်ရေးအတွက် ရည်ရွယ်ခြင်းဖြစ်ကြောင်း စစ်အစိုးရ သတင်းစာများက ဖော်ပြသည်။

ထို့အပြင် စည်းကမ်းနှင့် အကျင့်စာရိတ္တကောင်းမွန်လာသော အကျဉ်းသားများ ဖြစ်သောကြောင့်လည်း ယခုကဲ့သို့ ပြန်လွှတ်ပေးခြင်းဖြစ်ကြောင်း၊ နိုင်ငံတော်သစ် တည်ဆောက်ရေးတွင် တဖက်တလမ်းမှ အကျိုးပြုစေမည့် နိုင်ငံသား များအဖြစ်သို့ ပြောင်းလဲပေးရန်လည်း ဆောင်ရွက်ခြင်းဖြစ်ကြောင်း ဖော်ပြသည်။

မြန်မာစစ်အစိုးရသည် နိုင်ငံအတွင်း ထူးခြားသည့် နေ့များ၌ ယခုကဲ့သို့ အကျဉ်းသားများပြန်လွှတ်ပေးလေ့ရှိသော်လည်း များသောအားဖြင့် ရာဇ၀တ်သားများသာ ဖြစ်သည်။

ယနေ့လွှတ်ပေးခြင်းသည်လည်း သံဃာတော်များ မေတ္တာပို့ဆုတောင်းပွဲ ပြုလုပ်ခဲ့မှုအား အကြမ်းဖက်ဖြိုခွင်းခဲ့သည့် တနှစ်ပြည့် အထိမ်းအမှတ်ဖြစ်သော ယခုလ (၂၆-၂၇) ရက်များ နီးကပ်လာချိန်နှင့် တိုက်ဆိုင်နေသည်။

ထုံးစံအရ ခံဝန်ချက် လက်မှတ်ထိုးခဲ့သည်ဟု ပြန်လွတ်လာသူ NLD ကိုယ်စားလှယ်တဦးကဆို
23 September 2008
ဦးသိန်းထိုက်ဦး
၁၁ နှစ်နီးပါး အကျဉ်းထောင်ထဲမှာ နေခဲ့ရပြီးနောက် ပြင်ပအခြေအနေတွေကို လေ့လာပြီး
လုပ်သင့်လုပ်ထိုက်တာတွေကို စဉ်းစားလုပ်ဆောင်သွားမယ်လို့ ဒီနေ့ အကျဉ်းထောင်က
လွတ်မြောက်လာတဲ့ ကျောက်တန်းမြို့နယ် အန်န်အယ်လ်ဒီ လွှတ်တော်ကိုယ်စားလှယ်
ဒေါက်တာသန်းငြိမ်းက ပြောပါတယ်။ အာဏာပိုင်တွေဘက်က ထောင်ကမလွတ်
မြောက်ခင် ကန့်သတ်တဲ့ ခံဝန်ချုပ်တွေနဲ့ ပတ်သက်လို့ သူ့အနေနဲ့ အလေးအနက်
မထားဘူးလို့ ပြောပါတယ်။ ပြည်အကျဉ်းထောင်က လွတ်မြောက်ပြီးစအချိန်
ကိုသိန်းထိုက်ဦးနဲ့ ဆက်သွယ်မေးမြန်းတဲ့အခါ ဒေါက်တာသန်းငြိမ်းက ၁၁ နှစ် ပြင်ပနဲ့
ကင်းကွာပြီး အပြင်ကိုရောက်လာတဲ့ အခြေအနေတွေအပေါ် အခုလိုစပြောပါတယ်။

"အခု ကျနော် အိမ်တောင်ပြန်မရောက်သေးဘူး၊ ပြည်မှာပဲ ရှိပါသေးတယ်။ ဘာတွေ
ကွဲလွဲတယ်ဆိုတာတော့ ကျနော်လည်း ဘာမှသိပ်ပြီး မလေ့လာရသေးဘူး။"

၁၁ နှစ်လုံးလုံး ထောင်ထဲမှာနေခဲ့ရတော့ အပြင်ကိုထွက်တဲ့အချိန်မှာ အန်ကယ့်အနေနဲ့
ဘာတွေ ထူးခြားချက်ရှိပါသလဲ၊ အန်ကယ် လွတ်မယ်ဆိုတာရော ကြိုသိလားခင်ဗျ။

"ကြိုမသိပါဘူး၊ ဒီနေ့မနက်မှပဲ သိပါတယ်။"

ဒီနေ့မနက်မှ သူတို့က လာပြီးအကြောင်းကြားတာလား။

"ဟုတ်ပါတယ်။"

အန်ကယ့်ကျန်းမာရေး အခြေအနေရော ဘယ်လိုရှိပါသလဲ။

"ကျန်းမာရေးကတော့ ကျနော် နေလို့တော့ ကောင်းပါတယ်။ သို့သော်လည်း ရောဂါ
တွေကတော့ ရှိနေတာကိုး။ ဒီရောဂါတွေက ပျောက်မယ့်ရောဂါတွေတော့ မဟုတ်ပါဘူး။
ကျနော့်အမျိုးသမီးက စီစဉ်ထားတာတော့ ဒီကနေပြီး ရန်ကုန်ပြန်ရောက်ရင် ဆေးရုံမှာ
သွားပြီး စစ်ဆေးဖို့တို့ ဘာတို့ လုပ်ရမှာပေါ့ဗျာ။"

ရောဂါအနေနဲ့ဆိုရင်ရော ကျနော်တို့ သိလို့ရမလား၊ ဘာတွေ အဓိက စစ်ဆေးဖို့၊ ကုသ
ဖို့ လိုပါသလဲ။

"တော်တော်တော့များပါတယ်။ အထူးသဖြင့် အသည်းနဲ့ပတ်သက်တဲ့ရောဂါ၊ ပြီးတော့
ကျနော်တို့အရွယ်မှာဖြစ်တတ်တဲ့ ဆီးကျိတ်ရောဂါ၊ အစာအိမ်နဲ့ပတ်သက်တဲ့ရောဂါ၊
နှလုံးနဲ့ပတ်သက်တဲ့ရောဂါ၊ အဲလို တော်တော်များများရှိပါတယ်။"

အန်ကယ် ကျန်းမာရေးစစ်ဆေးပြီးရင် ကျန်တဲ့နိုင်ငံရေးကိစ္စတွေ ပြန်ပြီးလုပ်ဖို့ ရည်ရွယ်
ချက်တွေ ရှိပါသလား၊ ဘာတွေစီစဉ်ထားပါသေးလဲခင်ဗျ။

"ဒါတွေကတော့ ချက်ချင်းလည်း ကျနော့်မှာ မရှိသေးပါဘူး။ ကျနော်လည်း ၁၁ နှစ်
လုံးလုံး အကုန်ကွဲကွာနေတဲ့အခါကြတော့ ရမ်းပြီးတော့လည်း ဒါမျိုးက လုပ်လို့ရတာ
မဟုတ်ဘူး။ ဘာဖြစ်လို့လဲဆိုတော့ လုပ်ခွင့်တို့ဘာတို့ကလည်း သူ့အခြေအနေ၊ သူ့အချိန်
အခါ ဒါမျိုးတွေက ရှိသေးတာကိုး။ အဲတော့ အရမ်းတော့ ကျနော် လုပ်ဖို့မရှိပါဘူး။
အေးအေးဆေးဆေးပေါ့။"

အန်ကယ် အခု လွတ်မြောက်လာတဲ့အချိန်မှာ အာဏာပိုင်တွေဘက်က တစုံတရာ
ခံဝန်ချက် လက်မှတ်ရေးထိုးခိုင်းတာမျိုး၊ တစုံတရာ သဘောတူညီမှု ပေးခဲ့ရတာမျိုးတွေ
ရှိပါသလား။

"ဒါကတော့ ထုံးစံအတိုင်းလုပ်တာလေး နည်းနည်းပါးပါးတော့ ရှိပါတယ်။ ဒါပေမယ့်လည်း
ကျနော်က သိပ်တော့ အလေးအနက် မထားပါဘူး။"

နိုင်ငံရေးဆက်ပြီးလုပ်ခွင့်ကို ပိတ်ပင်တဲ့ သဘောတူညီချက် ခံဝန်ချက်မျိုး ထိုးခဲ့ရပါသေး
လား။

"ဒီလိုသဘောမျိုးထိတော့ မဟုတ်ပါဘူး။"

လောလောဆယ် အန်န်အယ်လ်ဒီ အမျိုးသားဒီမိုကရေစီအဖွဲ့ချုပ်နဲ့ရော အဆက်အသွယ်
ရပါပြီလား။

"ကျနော် အခုမှ ပြည်မှာပဲရှိပါသေးတယ်။ ရန်ကုန်ကို ပြန်မရောက်သေးဘူး။ ကျနော်
ဘယ်သူနဲ့မှ အဆက်အသွယ် မရှိသေးဘူး။"

၁၁ နှစ်နီးပါး စစ်အစိုးရ အကျဉ်းထောင်ထဲမှာ နေခဲ့ရပြီး ဒီနေ့ ပြန်လွတ်လာတဲ့
ကျောက်တန်းမြို့နယ် အန်န်အယ်လ်ဒီ ပြည်သူ့လွှတ်တော်ကိုယ်စားလှယ် ဒေါက်တာ
သန်းငြိမ်းကို ကိုသိန်းထိုက်ဦးက ဆက်သွယ်မေးမြန်းခဲ့တာ ဖြစ်ပါတယ်။

နိုင်ငံရေးအကျဉ်းသားအချို့ လွတ်မြောက်မှု ကုလ လူ့အခွင့်အရေး ကိုယ်စားလှယ် ကြိုဆို
23 September 2008
ဦးသားညွန့်ဦး -

မြန်မာနိုင်ငံက ထင်ရှားတဲ့ နိုင်ငံရေးအကျဉ်းသားတဦးဖြစ်တဲ့ ဦးဝင်းတင်နဲ့ အခြားနိုင်ငံရေး
အကျဉ်းသားအချို့ ပြန်လည်လွတ်မြောက်လာတဲ့အပေါ် ကြိုဆိုကြောင်းနဲ့ အလားတူဆုံးဖြတ်ချက်
မျိုးတွေ အစိုးရက ချမှတ်စေချင်တယ်လို့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး
ကိုယ်စားလှယ် သောမတ်စ် အိုဟေး ကင်တားနား(Tomas Ojea Quintana) က ပြောလိုက်ပါတယ်။
မစ္စတာကင်တားနားကို ဆက်သွယ်မေးမြန်းပြီးကိုသားညွန့်ဦးက တင်ပြပေးထားပါတယ်။

မစ္စတာကင်တားနားဟာ ပြီးခဲ့တဲ့ သြဂုတ်လကပဲမြန်မာနိုင်ငံကို သွားရောက်ပြီးတော့ ဦးဝင်းတင်
အပါအ၀င် နိုင်ငံရေးအကျဉ်းသားအချို့ကို တွေ့ဆုံခွင့်ရခဲ့သူပါ။ အခုလို နိုင်ငံရေး
အကျဉ်းသားအချို့လွှတ်ဖို့ စစ်အစိုးရရဲ့ လုပ်ရပ်အပေါ် ကြိုဆိုတယ်လို့ မစ္စတာ
ကင်တားနားက ပြောပါတယ်။

"နိုင်ငံရေးအကျဉ်းသားတွေကို လွှတ်ဖို့ မြန်မာအစိုးရရဲ့ ဆုံးဖြတ်ချက်ကို ကြိုဆိုပါတယ်။
ကျနော် မြန်မာနိုင်ငံကို သွားရောက်စဉ်တုန်းက ထောင်ထဲမှာ ဦးဝင်းတင်နဲ့ တွေ့ခဲ့ရပါ
တယ်။ အခုလို သူ့ကိုလွှတ်ပေးလိုက်တာကို ကြိုဆိုပါတယ်။ အခြား သာမန်အကျဉ်းသား
တွေ အတော်များများလည်း လွတ်တယ်လို့ သိရပါတယ်။ ဒါလည်း အရေးကြီးပါတယ်။
ဒီလို ဆုံးဖြတ်ချက်မျိုးတွေအတွက် မြန်မာအစိုးရကို ကျနော် အားပေးနေပါတယ်။"

မစ္စတာကင်တားနားဟာ မြန်မာနိုင်ငံကိုရောက်စဉ် စစ်အစိုးရရဲ့ နိုင်ငံရေးလမ်းပြမြေပုံ
ကို ရည်ညွှန်းပြောဆိုခဲ့တာကြောင့် အတိုက်အခံအချို့ရဲ့ ဝေဖန်တာကို ခံခဲ့ရပါတယ်။
အခုလည်း လာမယ့် ၂၀၁၀ ခုနှစ် စစ်အစိုးရ ရွေးကောက်ပွဲမတိုင်ခင် မြန်မာနိုင်ငံမှာ
လူ့အခွင့်အရေးအခြေအနေ တိုးတက်လာအောင်လုပ်ဖို့ စစ်အစိုးရကို အကြံပြုခဲ့တယ်
လို့ ပြောပါတယ်။

"နောက်လာမယ့် တနှစ်ခွဲအတွင်းမှာ လူ့အခွင့်အရေးဆိုင်ရာ တိုးတက်လာစေဖို့
ဆုံးဖြတ်ချက်မျိုး ချမှတ်လုပ်ဆောင်ဖို့ မြန်မာအစိုးရကို ကျနော် ပြီးခဲ့တဲ့ခရီးစဉ်အတွင်း
က အကြံပြုခဲ့ပါတယ်။ ဒီအထဲမှာ နိုင်ငံရေးအကျဉ်းသားတွေ လွှတ်ပေးဖို့ဆိုတာလည်း
ပါဝင်ပါတယ်။"

အခုလွတ်တဲ့အထဲမှာ ဦးဝင်းတင်နဲ့ ၁၉၉၀ ပြည့် ရွေးကောက်ခံကိုယ်စားလှယ်အချို့
ပါဝင်တယ်ဆိုပေမယ့် နိုင်ငံတကာက တောင်းဆိုနေတဲ့ ဒေါ်အောင်ဆန်းစုကြည်
လွတ်မြောက်ရေး၊ နိုင်ငံရေးအကျဉ်းသားအားလုံး လွတ်မြောက်ရေးသဘောတော့
ဖြစ်မလာသေးဘူးလို့ ဆိုရမှာပါ။ ဒါပေမယ့် မစ္စတာကင်တားနားကတော့ အခုလိုအခြေ
အနေကို ကနဦးပထမအဆင့်လို့ ယူဆခဲ့ပါတယ်။

"ဦးဝင်းတင်ဆိုတာဟာ အမျိုးသားဒီမိုကရေစီအဖွဲ့ချုပ်ရဲ့ အထင်ကရ ပုဂ္ဂိုလ်တဦးပါ။
ဒီအချက်က အလွန်အရေးပါတယ်လို့ ကျနော်ထင်ပါတယ်။ ဒါဟာ ပထမဆုံးအဆင့်
ဖြစ်ပါလိမ့်မယ်။ အကျဉ်းထောင်တွေထဲမှာ နိုင်ငံရေးအကျဉ်းသား အတော်များများ ရှိနေ
ပါသေးတယ်။ အစိုးရအနေနဲ့ ဒီလူတွေကိုလည်း ဆက်ပြီးလွှတ်ပေးသင့်တယ်လို့ ကျနော်
ယူဆပါတယ်။"

နိုင်ငံရေးအကျဉ်းသားအချို့ အခုလွှတ်တယ်လို့ဆိုပေမယ့် ဒီရက်ပိုင်းအတွင်းမှာပဲ ပြီးခဲ့တဲ့
တနှစ်ဝန်းကျင်က ဖမ်းဆီးထားသူတွေကို ရုံးထုတ်တရားစွဲတာ၊ နောက်ထပ်ဖမ်းဆီးမှု
တွေ ရှိနေတာကြောင့် အခုအခြေအနေမှာ လူ့အခွင့်အရေးအခြေအနေ တိုးတက်လာ
တယ်လို့ ပြောဖို့တော့ ခက်ပါတယ်။ မစ္စတာကင်တားနားကလည်း ဒါကို သဘောတူပါ
တယ်။ ဥပမာ တရားဥပဒေအရ အခွင့်အလမ်းတွေ ကင်းမဲ့နေတာတွေအပေါ် သူ့အနေနဲ့
စိုးရိမ်မိတယ်လို့ ပြောပါတယ်။

"မြန်မာ့ဒီမိုကရေစီရေး လှုပ်ရှားသူတွေ နောက်ထပ်ဖမ်းဆီးတာတွေ၊ ဖမ်းဆီးထားသူ
တွေကို တရားစွဲဆိုတာတွေ တရားရုံးမှာ သူတို့ရဲ့အခြေအနေ ဘယ်လိုဖြစ်နေတာတွေ
စသဖြင့် နေ့စဉ်အခြေအနေတွေကို ကျနော် သိရှိထားပါတယ်။ ကျနော့်စိုးရိမ်ချက်က
တော့ သူတို့အတွက် တရားခွင်မှာ တရားဥပဒေဆိုင်ရာ အခွင့်အလမ်း အာမခံချက်တွေ
မရှိတာပါပဲ။ ဒါကို အစိုးရနဲ့ ဖြေရှင်းဆောင်ရွက်နေပါတယ်။"

မစ္စတာကင်တားနားဟာ နောက်နှစ် ၂၀၀၉ ခုနှစ် မတ်လ နှစ်စဉ်လုပ်နေကြ လူ့အခွင့်
အရေးကောင်စီမှာ မြန်မာ့လူ့အခွင့်အရေး အခြေအနေ အစီရင်ခံစာ တင်ရဦးမှာပါ။
ဒီမတိုင်ခင်တော့ မြန်မာနိုင်ငံကို ထပ်သွားရောက်နိုင်ဖို့ မြန်မာအာဏာပိုင်တွေနဲ့ ညှိနှိုင်း
ထားတယ်လို့ ပြောပြပါတယ်။

အခုလို သတင်းစာဆရာကြီး ဦးဝင်းတင် လွတ်မြောက်လာတဲ့အပေါ်မှာ ကမ္ဘာ့စာနယ်
ဇင်းအဖွဲ့တွေက ၀မ်းပန်းတသာ ကြိုဆိုခဲ့ကြပါတယ်။ ဒီအထဲမှာ WAN လို့ခေါ်တဲ့ ကမ္ဘာ့
သတင်းစာကြီးများအဖွဲ့လည်း ပါဝင်ပါတယ်။ WAN အဖွဲ့က ပြောခွင့်ရသူ လယ်ရီ
ကေးလ်မန်း (Larry Kilman) က အခုလိုပြောပါတယ်။

"ဦးဝင်းတင် နောက်ဆုံးမှာ လွတ်မြောက်လာတာအတွက် ၀မ်းသာပါတယ်။ ဒါပေမယ့်
သူဟာ လွတ်သင့်တာ အချိန်ကျော်လွန်နေပါပြီ။ အခု ကျနော်တို့သိထားသမျှတော့
သတင်းစာဆရာ ၆ ဦး အကျဉ်းထောင်မှာ ရှိပါသေးတယ်။ သူတို့လွတ်မြောက်လာ
လိမ့်မယ်လို့လည်း ကျနော်တို့ မျှော်လင့်ပါတယ်။"

WAN အဖွဲ့ကြီးဟာ ဦးဝင်းတင်ကို ၂၀၀၁ ခုနှစ် လွတ်မြောက်ရေး ရွှေကလောင်ရှင်ဆု
ချီးမြှင့်ခဲ့ပါတယ်။ ဦးဝင်းတင်ဟာ အလားတူ နိုင်ငံတကာရဲ့ လွတ်မြောက်ရေးဆုတွေ၊
စာနယ်ဇင်းဆိုင်ရာ လွတ်လပ်ခွင့်ဆုတွေ အတော်များများ ချီးမြှင့်ခံခဲ့ရသူ ဖြစ်ပါတယ်။

မြန်မာပြည်သူတွေ လွတ်မြောက်ရေး ဖိအားပေးဖို့ သမ္မတဘုရ်ှ တိုက်တွန်း
23 September 2008

မြန်မာစစ်အစိုးရရဲ့ ဖိနှိပ်အုပ်ချုပ်မှုအောက်မှာ ဖိနှိပ်ခံနေရတဲ့ မြန်မာပြည်သူတွေ
လွတ်မြောက်ရေးအတွက် ဆက်လက်ကြိုးပမ်း ဆောင်ရွက်ပေးဖို့ အမေရိကန်
သမ္မတ ဂျော့ခ်ျ ဒဘလျူ ဘုရှ် (George W.Bush) က ကုလသမဂ္ဂ အဖွဲ့ဝင်နိုင်ငံတွေ
ရှေ့မှောက်မှာ ပန်ကြားသွားပါတယ်။

သမ္မတဘုရ်ှဟာ ဒီနေ့ အမေရိကန်ပြည်ထောင်စု နယူးယောက်ခ်မြို့ ကုလ
သမဂ္ဂ အထွေထွေညီလာခံကြီးမှာ မိန့်ခွန်းပြောကြားတဲ့အချိန် မြန်မာနိုင်ငံ အရေးကိစ္စ
ကို ထည့်သွင်းပြောကြားသွားတာ ဖြစ်ပါတယ်။

မြန်မာစစ်အစိုးရရဲ့ ဖိနှိပ်မှုအောက်မှာ နှစ်ပေါင်းများစွာ ခံစားနေကြရတဲ့ မြန်မာပြည်သူ
တွေ လွတ်မြောက်ရေးအတွက် ဒီ့ထက်ပိုပြီး ကြိုးပမ်းလုပ်ဆောင်ကြဖို့ လိုတဲ့အကြောင်း
သမ္မတဘုရ်ှက ပြောဆိုသွားတာပါ။

သမ္မတဘုရ်ှက အမေရိကန်ပြည်ထောင်စုမှာ ကြုံတွေ့ရင်ဆိုင်နေရတဲ့ စီးပွားရေးအကျပ်
အတည်းတွေနဲ့ ပတ်သက်လို့လည်း ထည့်သွင်းပြောဆိုသွားပါတယ်။ အမေရိကန်အစိုးရ
အနေနဲ့ အမေရိကန် ငွေကြေးဈေးကွက် တည်ငြိမ်အောင် ရဲရဲဝံ့ဝံ့၊ အင်တိုက်အားတိုက်၊
ဆုံးဖြတ်ချက်တွေကို ပြတ်ပြတ်သားသား ဆောင်ရွက်ပြီး လုပ်ဆောင်နေတယ်လို့လည်း
ထည့်သွင်းပြောဆိုသွားပါတယ်။

ဒီအတောအတွင်း ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) လည်း
အထွေထွေညီလာခံ အဖွင့်မိန့်ခွန်းပြောကြားပြီး သီတင်းပတ်နဲ့ချီကျင်းပမယ့်
အထွေထွေညီလာခံကြီးကို စတင်ဖွင့်လှစ်ခဲ့ပါတယ်။

ရာသီဥတုပြောင်းလဲမှု၊ အိတ်ခ်ျအိုင်ဗွီ၊ အေအိုင်ဒီအက်စ်၊ ငှက်ဖျားရောဂါတိုက်ဖျက်ရေး၊
စားနပ်ရိက္ခာနဲ့ ငွေကြေးဈေးကွက် ကိစ္စတွေကို သူ့ရဲ့မိန့်ခွန်းမှာ ထည့်သွင်းပြောဆိုသွား
ပါတယ်။

အီရန်နိုင်ငံအနေနဲ့ နျူကလီးယား အစီအစဉ်တွေနဲ့ ပတ်သက်ပြီး ကုလသမဂ္ဂ လုံခြုံရေး
ကောင်စီရဲ့ ဆုံးဖြတ်ချက်တွေကို လိုက်နာဖို့လည်း အတွင်းရေးမှူးချုပ် ဘန်ကီမွန်းက
ညီလာခံမှာ တိုက်တွန်းပြောဆိုသွားပါတယ်။


အခွန်ထမ်းတွေကို အကာအကွယ်ပေးဖို့ အမေရိကန် လွှတ်တော်အမတ်တွေ တောင်းဆို
23 September 2008
Dan Robinson’s Report in Burmese -
အောက်လွှတ်တော်အမတ်များ သတင်းစာရှင်းလင်းပွဲပြုလုပ်နေစဉ်။
စက်တင်ဘာ ၂၂၊ ၂၀၀၈။
အကျပ်ရိုက်နေတဲ့ အမေရိကန် ရင်းနှီးမြှုပ်နှံမှု
ကုမ္ပဏီကြီးတွေကို အဖတ်ဆယ်နိုင်ဖို့ အစိုးရက
ဒေါ်လာ ဘီလီယံ ၇၀၀ (ဒေါ်လာသန်းပေါင်း
၇၀၀,၀၀၀) သုံးစွဲမယ့် အစီအစဉ်နဲ့ပတ်သက်ပြီး
အမေရိကန်လွှတ်တော်မှာ အချေအတင်
ဆွေးနွေးနေကြပါတယ်။ အခွန်ထမ်းပြည်သူတွေ
ကို အကာအကွယ်ပေးနိုင်ဖို့နဲ့ လွှတ်တော်ကနေ
စိစစ် ကွပ်ကဲပေးနိုင်ဖို့ ဒီ့ထက်မက တိုးပြီး လုပ်ဆောင်ပေးရမယ်လို့ လွှတ်တော်အမတ်တွေ
က တောင်းဆိုနေကြပါတယ်။ ဒီအကြောင်းနဲ့ ပတ်သက်လို့ ဗွီအိုအေ လွှတ်တော်သတင်းထောက်
ဒန် ရော်ဘင်ဆင် (Dan Robinson) သတင်း ပေးပို့ထားတာကို ဒေါ်ခင်စိုးဝင်းက စုစည်းတင်ပြ
ပေးထားပါတယ်။

သမ္မတဘုရှ် အစိုးရက အဆိုပြုထားတဲ့ ဒီအစီအစဉ်နဲ့ပတ်သက်ပြီး လွှတ်တော်မှာ ဒီမို
ကရက်အမတ်တွေနဲ့ ရီပတ်ဘလီကန် အမတ်တချို့က မကျေမနပ် ဖြစ်နေကြပါတယ်။
သမ္မတဘုရှ် အစိုးရနဲ့ လွှတ်တော်အမတ်တွေကြား စေ့စပ်ညှိနှိုင်းတာတွေ ဆက်လုပ်
နေကြပြီး ဥပဒေမူကြမ်းကို မနက်ဖြန် အစောဆုံး လွှတ်တော်အတွင်းမှာ ဖြန့်ဝေနိုင်မယ်
လို့ ခန့်မှန်းရပါတယ်။ အကျပ်ရိုက်နေတဲ့ အမေရိကန် ဘဏ္ဍာရေးကုမ္ပဏီကြီးတွေကို
ကယ်တင်ဖို့အတွက် ပြည်ထောင်စုအစိုးရက ဒေါ်လာသန်းပေါင်း ၇၀၀,၀၀၀ သုံးစွဲဖို့
အရေး လွှတ်တော်က အတည်ပြုပေးဖို့ အချေအတင် ဆွေးနွေးနေကြတာ ဖြစ်ပါတယ်။

အထူးသဖြင့် အိမ်ဝယ်ဖို့ ဘဏ်တွေက ထုတ်ချေးထားပြီး ပြန်မဆပ်နိုင်တဲ့ပြဿနာ၊
ဆုံးရှုံးတော့မယ့် အခြေပစ္စည်းတွေ ပြန်ဝယ်ယူရေး စတဲ့အချက်တွေအတွက် ဒီငွေတွေ
ကို ဘယ်လိုသုံးစွဲမလဲဆိုတာကို ညှိနှိုင်းနေကြတာ ဖြစ်ပါတယ်။ စာမျက်နှာ သုံးမျက်နှာ
ပါတဲ့ ဘဏ္ဍာရေးဝန်ကြီး ဟင်နရီ ပေါလ်ဆင် (Henry Paulson) အဆိုပြုလိုက်တဲ့ ဒီအစီ
အစဉ်ဟာ အမေရိကန် အခွန်ထမ်းပြည်သူတွေအတွက် ထိခိုက်ဖို့သိပ်လွယ်တဲ့ အနေ
အထား ဖြစ်နေတယ်လို့ အော်ရီဂွန်ပြည်နယ်ကိုယ်စားပြု အောက်လွှတ်တော် ဒီမိုကရက်
အမတ် ပီတာ ဒက်ဖာဇီရို (Peter DeFazio) က အခုလိုဝေဖန်လိုက်ပါတယ်။

"အခွန်ထမ်းပြည်သူတွေအတွက် အကောင်းဆုံးဖြစ်အောင် ဒီအစီအစဉ်ကို လုပ်ထားတာ
လို့ ၀န်ကြီး ပေါလ်ဆင်က ပြောနေပေမယ့် ဒီအတိုင်းဖြစ်လာမယ့်ပုံ မပေါ်ပါဘူး။
ဒီကုမ္ပဏီကြီးတွေရဲ့ အခြေပစ္စည်းတွေကို အာမခံအနေနဲ့ ယူထားကြမလား၊ ဒါမှမဟုတ်
သူတို့ကို ငွေထုတ်ချေးမှာလား၊ ဒီအရှုပ် အမှိုက်တွေကို ဈေးချရောင်းမှာလား၊ တဒေါ်လာ
မှာ ၂၂ ဆင့်နှုန်းနဲ့ သူတို့ကို ဈေးတွေလျှော့ သတ်မှတ်ခိုင်းမှာလား စသဖြင့်တော့
လုပ်ကြဖို့ လိုပါတယ်။"

အလားတူ ဖလော်ရီဒါပြည်နယ်ကိုယ်စားပြု ရီပတ်ဘလီကန် အောက်လွှတ်တော်အမတ်
ကလစ်ဖ် စတန်းစ် (Cliff Stearns) ကလည်း ဒီအဆိုပြုချက်ဟာ ဘဏ္ဍာရေးဝန်ကြီးကို
မကြုံစဘူး အထူးအာဏာတွေပေးထားပြီး အသုံးစရိတ်တွေနဲ့ပတ်သက်ပြီး ကြီးကြပ်
ကွပ်ကဲဖို့ တာဝန်တွေကိုလည်း ဖော်ပြမထားဘူးလို့ ဝေဖန်လိုက်ပါတယ်။

"ဒီအစီအစဉ်က အမေရိကန်တွေ အိမ်ဝယ်တဲ့ ကြွေးမြီကိုကိုင်ထားတဲ့ နိုင်ငံခြားဘဏ်
တွေကို ဒေါ်လာသန်း ထောင်နဲ့ချီ အကုန်အကျခံ၊ အကျိုးခံစားခွင့်တွေပေးမယ်၊ တမျိုး
သားလုံးရဲ့ အကြွေးအမြီ ၁၁.၃ ထရီလီယံ ဒေါ်လာအထိ မကြုံစဘူး ထိုးတက်သွားပါပြီ။
အမေရိကန်ပြည်ထောင်စုရဲ့ သမိုင်းမှာ အစိုးရက ငွေကြေးပမာဏ အများဆုံးနဲ့ အကြွေး
တွေကို အမ်းယူမယ့် အစီအစဉ်ကြီး ဖြစ်ပေမယ့်လည်း အခွန်ထမ်းပြည်သူတွေကို အကာ
အကွယ်ပေးဖို့ ဘာတခုမှတော့ ပြောမထားပါဘူး။"

သမ္မတဘုရှ် အစိုးရရဲ့ ကနဦးအဆိုပြုချက်က နောက်ဆုံး ဘာတွေ အဖြေထွက်လာမလဲ
ဆိုတာ အဓိပ္ပာယ် ရှာလို့မရ ဖြစ်နေတယ်၊ လွှတ်တော်က ပြဋ္ဌာန်းထားတဲ့ ဘယ်ဥပဒေ
မဆို အားကိုးအားထားပြုလို့ရပြီး တာဝန်ခံနိုင်တဲ့ အနေအထားထိရောက်အောင် ပြဋ္ဌာန်း
ရလိမ့်မယ်လို့ အထက်လွှတ်တော် ဒီမိုကရက်အမတ်ခေါင်းဆောင် ဟယ်ရီ ရိဒ်
(Harry Reid) က အခုလို သုံးသပ်ပါတယ်။

"ဒီလုပ်ငန်းစဉ်မှာ ကောင်းကောင်းဝေဖန်ပိုင်းခြားတာကို မပစ်ပယ်ဘဲ အမှားအမှန်ကို
မမှိတ်မသုန် စိစစ်သွားကြရမှာပါ။ သမ္မတဘုရှ် အစိုးရက သူတို့အဆိုပြုထားတဲ့ ဥပဒေ
မူကြမ်းကို အလေးအနက် ဆွေးနွေးတာလည်းမရှိ၊ ပိုကောင်းအောင်လည်း ပြင်ဖို့မကြိုး
စားဘဲ လွှတ်တော်ကိုပဲ အတည်ပြုပေးဖို့ အစဉ်တစိုက် တောင်းဆိုနေတော့တာ
ဒီအတိုင်းတော့ လက်ပိုက်ကြည့်နေလို့ မရပါဘူး။"

ပြိုကွဲလုနီးပါးဖြစ်နေတဲ့ ဘဏ္ဍာရေးနဲ့ ရင်းနှီးမြှုပ်နှံမှု ကုမ္ပဏီကြီးတွေရဲ့ အလုပ်
အမှုဆောင် အရာရှိကြီးတွေအတွက် လစာတွေ သန်းနဲ့ချီပြီး ယူနေကြတဲ့အပေါ် လူထု
က မကျေမနပ် ဖြစ်နေတာကြောင့် ဥပဒေပြုလွှတ်တော်အနေနဲ့ သူတို့အတွက်
လျော်ကြေးကို ကန့်သတ်နိုင်ဖို့လည်းရှိတယ်လို့ ဆိုကြပါတယ်။

အထက်နဲ့ အောက်လွှတ်တော် နှစ်ရပ်စလုံးက ဒီဥပဒေကြမ်းနဲ့ပတ်သက်ပြီး လာမယ့်
ရက်အနည်းငယ်အတွင်း အပြီးသတ် ညှိနှိုင်းနိုင်ကြလိမ့်မယ်လို့ မျှော်လင့်နေကြပါတယ်။
ဒီဥပဒေကို အပြီးသတ် မညှိနှိုင်းနိုင်သရွေ့ အစုရှယ်ယာဈေးကွက်ကို ဂယက်ရိုက်နေဦး
မှာဖြစ်တဲ့အတွက် တနင်္လာနေ့က ဝေါလ် စထရိ (Wall Street) ရဲ့ ပင်မ ဒေါင်း ဂျုံးစ်
(Dow Jones) အစုရှယ်ယာဈေးဟာ ပျမ်းမျှ ၃၇၁ မှတ်အထိ ကျဆင်းသွားခဲ့တယ်လို့
ဗွီအိုအေ လွှတ်တော်သတင်းထောက် ဒန် ရော်ဘင်ဆင်က သတင်းပေးပို့ထားပါတယ်။