Thursday, October 2, 2008

ရန်ကုန် တက္ကသိုလ် ကျောင်းသားများ သမဂ္ဂ (တကသ)

တကသ စည်းမျဉ်း ရေးဆွဲခဲ့စဉ်က

မန္တလေးကအာဇာနည်၁၇ဦး

အနှစ်သာရကို ကွေ့မရှောင်စေချင်ပါ

မောင်မောင်သန်း(၂-၁၀-၀၈)။ ။

ဆောင်းပါးရေးဖို့ အကြိမ်ကြိမ် စိတ်ကူးခဲ့ပေမယ့် မရေးဖြစ်ခဲ့ဘူး။ ရေးချင်စိတ်က မကြာမကြာလှုံ့ဆော်နေတာကြောင့် ခုတော့ မရေးမဖြစ် ရေးလိုက်မိပါတယ်။

ရေးချင်တာက နိုင်ငံရေးအကြောင်းပါ။ ခုတလော၊ ဆိုလိုတာက ရှစ်လေးလုံးကာလရဲ့ ဒီဘက် ၂ဝဝဝ ပြည့်နှစ်လွန် ကာလမှာ ဗမာပြည်အခြေအနေက တော်တော်လေးရှုပ်ထွေးလာတာနဲ့အမျှ အသံဗလံတွေကလည်း ပိုဆူညံလာတယ်။ ပြောတဲ့အကြောင်းအရာတွေကလည်း ပိုရှုပ်ထွေးလာတယ်။ ပြောတဲ့လူတန်းစားနဲ့ လူအမျိုးအစားတွေကလည်း ပိုစုံ လာတယ်။ ဒီလိုစုံတာကတော့ မီဒီယာက တင်ပေးသလောက်ပါ။ ဥပမာ- ရေဒီယိုအင်တာဗျူးတွေဆိုပါတော့ တယ်လီ ဖုန်းနဲ့ပြောကြတယ်။ ဗမာပြည်လိုတိုင်းပြည်မျိုးမှာ တယ်လီဖုန်းနဲ့ပြောဖို့ဆိုတာ တော်ရုံလူ တတ်နိုင်တာမှ မဟုတ်ဘဲ။ အီးမေးလ်နဲ့ ဆက်သွယ်ဖို့ဆိုတာကတော့ ပိုလို့တောင် ခက်ပါသေးတယ်။

မဆလခေတ်ကို အမှတ်ရမိသေးတော့။ မဆလခေတ်မှာ မနက်ခင်း လက်ဖက်ရည်ဆိုင်တွေမှာ၊ ရုံးတွေမှာ၊ လမ်းဘေး အရက်ဆိုင်တွေမှာ နိုင်ငံရေးအကြောင်းပြောသံတွေ ကြားကြားနေရပါတယ်။ အမယ်၊ သိန်းဖေမြင့်လို မဆလ ဆရာကြီး တယောက်ကတောင် ဗိုလ်တထောင် သတင်းစာမှာ “ပွင့်ပွင့်လင်းလင်းပြောပါရစေ” ဆိုတဲ့ ပင်တိုင်ဆောင်းပါးရှည် အခန်း ကနေပြီး ဝေဖန်ရေးတွေ ဘာတွေ အာဘောင်အာရင်းသန်သန်နဲ့ ရေးတာတွေ့ရတယ်။ အဲဒီတုန်းက သူက နိုင်ငံရေး သိပ္ပံကျောင်းအုပ်ကြီးတောင် ဖြစ်နေသေးတယ်။ သူဝေဖန်တာတွေ ဖတ်ကြည့်လိုက်တော့ ဟုတ်ပါတယ်။ ဝေဖန်တာတွေ ပါပဲ။ စနစ်ကြီးတခုလုံးကို ဝေဖန်တာမဟုတ်ဘဲ လူကိုဝေဖန်တာပါ။ မဆလခေတ်မှာ “မူကောင်းတယ်၊ လူမကောင်းလို့” ဆိုတဲ့ စကားကို မဆလ လူကြီးမင်းတွေ ပြောတတ်ကြပါတယ်၊၊မဆလခေတ်ရဲ့ ဖုံးမနိုင်ဖိမရ နိုင်ငံရေးဆိုးကျိုးတွေ ပေါ်လာတိုင်း ဒီလက်သုံးစကားနဲ့ “စနစ်” သို့မဟုတ် “မူ” (မဆလ စနစ် သို့မဟုတ် မူ) ကို ကာကွယ်လေ့ရှိပါတယ်၊၊ “လူကိုဝေဖန်ပါ မူကိုတော့ မဝေဖန်ပါနဲ့” ပညတ်ချက်ကိုလည်း မဆလ ပါတီအမာခံတွေ လိုက်နာလေ့ရှိပါတယ်။ အဲဒီတုန်းက မဆလ အမာခံလုပ်ဖူးခဲ့ကြသူတွေ အမှတ်ရကြဦးမှာပါ။ လူကို ဝေဖန်ပါဆိုပေမယ့် ထိပ်သီးလူတွေ ဖြစ်ကြတဲ့ ဦးနေဝင်းတို့၊ ဦးစန်းယုတို့ကို ဝေဖန်တာတော့ မတွေရဖူးပါ။ အာဏာရှင် စနစ်ဆိုတာကို စိတ်ထဲက အသိအမှတ်မပြုရဲတာတောင် အသွေးအသားက သိနေတယ်ထင်ပါရဲ့။

ဒီနေရာမှာ မဆလစနစ်ကြီးကို မတူတဲ့ လူထုလူတန်းစားအလွှာအလိုက် ဘယ်လိုတုံ့ပြန်ကြသလဲဆိုတာကို ကွဲကွဲပြားပြား၊ ခြားခြားနားနား တွေ့ရပါတယ်။

ကျောင်းသားတွေ ဘယ်လိုတုံ့ပြန်ကြပါသလဲ။ အာလုံးသိကြတဲ့အတိုင်ပါပဲ။ မဆလပါတီရယ်လို့ မဖော်စပ်ရသေးခင်၊ စစ်တပ် အာဏာသိမ်းသိမ်းချင်းမှာပဲ ကျောင်းသားတွေက ဆန့်ကျင်ခဲ့လို့ မကြာခင်မှာဘဲ အာဏာသိမ်းစစ်တပ်က တမင်ရန်စပြီး ရက်ရက်စက်စက် သတ်ဖြတ်နှိမ်နင်းတာကို ခံလိုက်ရပါတယ်။ ကျောင်းသားသမဂ္ဂဆိုတဲ့ ကျောင်းသား ထုကို စုစည်းထားတဲ့ အဖွဲ့အစည်းနဲ့ နိုင်ငံရေးလေ့ကျင့်ထားတဲ့ ကျောင်းသားတွေသာ စစ်အစိုးရကို ဆန့်ကျင်ကြတာ မဟုတ်ပါဘူး။ ကျောင်းသားသမဂ္ဂနဲ့တကွ ကျောင်းသားသမဂ္ဂအဆောက်အအုံပါ ဖယ်ရှားခံလိုက်ရတဲ့ နောက်ပိုင်းမှာ လည်း ညီတော်ကျောင်းသားတွေက စစ်အစိုးရကို ဆန့်ကျင်ခဲ့ကြတာ ၁၉၆၉ ခုနှစ် ကျွန်းဆွယ်အားကစားပွဲ ကျောင်းသား ဆန္ဒပြပွဲကအစ ၁၉၈၈ ခုနှစ် ရှစ်လေးလုံးအရေးတော်ပုံ အထိပါပဲ။

သံဃာ့လှုပ်ရှားမှုကို ကြည့်ရင်လည်း သံဃာတော်တွေဟာ ကျောင်းသားတွေနဲ့ မရှေးမနှောင်းမှာဘဲ စစ်အစိုးရကို ဆန့်ကျင်ခဲ့ရုံသာမက နောင် စစ်အစိုးရဆန့်ကျင်ရေး လူထုလှုပ်ရှားမှုတွေမှာ သင်င်္ကန်းရောင် တထိန်ထိန်နဲ့ တက်တက် ကြွကြွပါဝင်ခဲ့ကြတာချည်းပါပဲ။ သံဃာတော်တွေဟာ လူထုလှုပ်ရှားမှုတွေမှာသာမက သာမန်အချိန်တွေမှာလည်း စစ်အစိုးရကို အကောင်းပြောသူတွေ မဟုတ်ကြပါဘူး။ သံဃာတော်အများစုဟာ လယ်သမားမျိုးရိုးက လာကြပြီး လယ်သမားတွေ ကပ်တဲ့ဆွမ်းကို ဘုဉ်းပေးနေကြရသူတွေပါ၊၊ (လယ်သမားလူတန်းစားရဲ့တုံ့ပြန်မှုကို နောက်ပိုင်းမှာ တင်ပြပါမယ်။)

အာဏာသိမ်းပြီးနောက်ပိုင်းမှာ လူထုကို လိမ်ညာမှိုင်းတိုက်ဖို့အကြံနဲ့ စစ်တပ်ဟာ “မြန်မာ့ဆိုရှယ်လစ်လမ်းစဉ်ပါတီ” ကို ကြေညာပြီး ဆိုင်ဘုတ်ထူခဲ့ရုံသာမက ၁၉၇၄ ခုနှစ်မှာ အခြေခံဥပဒေအရ ရွေးကောက်တင်မြှောက်ထားတဲ့ အစိုးရပါလို့ တဖက်သတ်ကြေညာပြီး စစ်အာဏာရှင်စနစ်ကို ဆက်လက်ထိန်းသိမ်းထားခဲ့ပါတယ်။ ဒါကို ဗမာပြည်တပြည်လုံးကရော ကမ္ဘာကပါ ဟာလာဟင်းလင်းမြင်သွားအောင် ရဲရဲရင့်ရင့် သွေးမြေကျခံပြီး ဖွင့်ချပြလိုက်သူတွေကတော့ အလုပ်သမား တွေပါပဲ။ အဲဒီနှစ်က ကုန်ဈေးနှုန်းတွေ အဆမတန် ခုန်တက်လာခဲ့ပါတယ်။ (ခု ကုန်ဈေးနှုန်းတက်နေပုံနှုန်းလောက်တော့ မဆိုးသေးပါဘူး)။ဗိုလ်နေဝင်းနဲ့ သူ့ရဲ့ဘောင်းတော်ညိတ်စိတ်တော်သိ သတင်းစာတွေကတော့ စီးပွားရေးအကျပ်အတည်းက ကမ္ဘာမှာလည်း ဖြစ်နေတာပဲလို့ ထမင်းရေပူလာ လျှာလွှဲပါတယ်။ မြို့ပေါ် အလုပ်သမားတွေက ဆန်ဝယ်စားကြရတော့ အကြီး အကျယ်ထိခိုက်ပါတယ်။ ဆန်အရောင်းအဝယ်ကိုလည်း စစ်အစိုးရက ပိတ်ပင်ထားသေး၊ အလုပ်အမားတွေအတွက်လည်း အစိုးရဈေးနှုန်းနဲ့ ဆန်ရောင်းမပေးတော့ အလုပ်အမားတွေခမျာရတဲ့ လုပ်ခ လခနဲ့ ဆန်ကိုတောင် ဝအောင် ဝယ်မစားနိုင်ကြတော့ အဲဒီ ၁၉၇၄ ခုနှစ် မေလနဲ့ ဇွန်လတွေမှာ ဆန္ဒပြကြပါတော့တယ်။ ဗမာပြည်တပြည်လုံး စက်ရုံ အလုပ်ရုံရှိတဲ့နေရာတိုင်းမှာ အလုပ်သမားသပိတ်တွေ ပေါ်ခဲ့ပါတယ်။

လယ်သမားတွေကတော့ စစ်အစိုးရ တက်တက်ချင်းမှာပဲ နူရာဝဲစွဲဆိုသလို နဂိုကမှ အခြေမလှရှာတဲ့ဘဝဟာ အပုံကြီး ပိုဆိုးသွားခဲ့ပါတယ်။ ပညာမတတ်လို့ နိုင်ငံရေးသိပ္ပံပညာတို့၊ သတင်းအချက်အလက်တို့၊ ကိန်းဂဏန်း ဖော်ပြချက်တို့ကို မသိနားမလည်ရှာပေမယ့် စစ်တပ်အာဏာသိမ်းအပြီး သူတို့ခံစားလိုက်ရတဲ့ လက်တွေ့ဘဝကြောင့် စစ်အစိုးရဟာ မကောင်းဆိုးဝါးကောင်ဆိုတာကို သူတို့ကောင်းကောင်းကြီး သဘောပေါက်ပါတယ်။ သူတို့ရဲ့ ဘောဂဗေဒ တွက်ချက်နည်းက လွယ်လွယ်လေးပါ။ ဥပမာ- စစ်အစိုးရမတက်ခင်က စပါးတတင်း ရောင်းရင် (၃ ကျပ်ရပါတယ်) ဆီတပိဿာ (၃ကျပ်ပေးရပါတယ်) ဝယ်စားနိုင်ပါတယ်။ စစ်အစိုးရတက်ပြီးနောက်ပိုင်းမှာ ဆီဈေးဟာ တပိဿာ (၇ဝ၊ ၈ဝ) ကျပ် တက်သွားတဲ့အထိ စပါးဈေးက ဒီအတိုင်းပဲ ရှိနေခဲ့ပါတယ်၊၊

ဒီနေရာမှာ စာရေးဆရာကြီး ဦးရန်အောင်ပြန်ပြောပြတဲ့ လယ်သမားကြီးတယောက်ရဲ့ စကားကို ပြန်သတိရမိပါတယ်။ “စပါးဈေးက ကြိုးချည်ထားတဲ့ နွားလိုပဲ နေရာမရွေ့ဘူး။ ကုန်ဈေးနှုန်းကတော့ ကြိုးလွှတ်ထားတဲ့မျောက်လိုပဲ တက်ချင် တိုင်းတက်နေတယ်” တဲ့။ ဒီတော့ လယ်သမားတွေဟာ စစ်အစိုးရကောင်းကြောင်း မပြောကြသလို စစ်အစိုးရဆီကလည်း သူတို့ဘဝ ကောင်းရာကောင်းကြောင်းအတွက် ဘာမျှော်လင့်ချက်မှ မထားခဲ့ကြပါဘူး။

စစ်အစိုးရ တက်တက်ချင်း စစ်တပ်ရဲ့ စီးပွားရေး အနိုင်ကျင့်မှုဒဏ်ကို ကိုယ်ထိလက်ရောက် ခံလိုက်ရသူတွေကတော့ ကုန်သည်တွေ၊ ကုန်ခြောက်နဲ့စတိုးဆိုင်ပိုင်ရှင်တွေ၊ လုပ်ငန်းရှင်အငယ်စားတွေပါပဲ။ စားကုန်တွေကို “ပြည်သူပိုင်” သိမ်း တယ်လို့ အမိန့်ကြော်ငြာစာတွေ တနေ့တမျိုးထုတ်ပါတယ်။ လက်ရင်းအနေနဲ့ ခံရသူတွေက အသိမ်းခံရသူတွေဆိုပေမယ့် ကုန်ပစ္စည်းရှာပါးမှုဒဏ်ကို တတိုင်းပြည်လုံး အလူးအလဲခံခဲ့ရပါတယ်၊။ ဒါပေမယ့် ပစ္စည်းအ သိမ်းခံရတဲ့ ဆိုင်ရှင်တွေ၊ အရောင်းအဝယ်ကန့်သတ်ပိတ်ပင်ခံရတဲ့ကုန်သည်တွေက နောက်ပိုင်းမှာ နာလန်ထူနိုင်လာပါတယ်။ မှောင်ခို ဈေးကွက် ကြီးပေါ်လာလို့ပါပဲ။ ဒီလူတန်းစားဟာ နိုင်ငံရေးဘက်ကို စိတ်ဝင်စားမှုနည်းပါတယ်၊၊ စီးပွားရေးအရ ပြန်လည်ရပ်တည် လာနိုင်တော့ နိုင်ငံရေးဆိုတာ ကိုယ်နဲ့ဘာဆိုင်လို့လဲ ဆိုတဲ့သဘောထားနဲ့ စီးပွားရေးကိုပဲ ခေါင်းမဖော်တမ်း လုပ်ပါတယ်၊၊ မိမိတို့ရဲ့စီးပွားရေးလုပ်ဆောင်ချက်တွေဟာ နိုင်ငံရေး စနစ်တခုနဲ့၊ အဲဒီနိုင်ငံရေးစနစ်က စီးပွားရေးပေါ်လစီအောက်က ပြေးမလွတ်ဘူးဆိုတာကို သဘောမပေါက်ကြ ပါဘူး။ သဘောပေါက်ချင်ပုံလည်း မရပါဘူး။ နောက်ဆုံးမှာ ထွက်ပေါက် ပိတ်သွားတော့မှ သဘောပေါက်လာကြပါတယ်။

ပညာတတ်လူတန်းစားတွေဟာ ထောင်လွှားစရာ ဥစ္စာဓနမရှိကြပေမယ့် ငါသိတယ်၊ ငါတတ်တယ်ဆိုတဲ့စိတ်ထားနဲ့ ထောင်လွှားတတ်ကြပါတယ်။ ရှစ်လေးလုံးအရေးတော်ပုံ မတိုင်ခင်အထိ ပညာတတ်လူတန်းစားထဲမှာ စစ်အစိုးရကို ဆန့်ကျင်သူတွေဟာ အနည်းတကာ့ အနည်းစုလေးပါ။ သူတို့တွေဟာ စစ်အစိုးရကို ဆန့်ကျင်တိုက်ဖျက်ဖို့ မဆိုထားနဲ့ စစ်အစိုးရဟာ ဆိုးရွားတယ်လို့တောင် ရဲရဲမမြင်တတ်ကြပါဘူး။ မဆလရဲ့နိုင်ငံရေးအကြောင်းကို ပြောဆိုဆွေးနွေးကြ တဲ့အခါ “မူကောင်းတယ်၊ လူမကောင်းဘူး” ဆိုတဲ့ စကားနဲ့ နိဂုံးချုပ်တတ်ကြပါတယ်။ သူတို့ဟာ စစ်အာဏာအုပ်စိုးမှု အစောပိုင်းကာလ၊ အလယ်ပိုင်းကာလနဲ့ နောက်ဆုံးအပိုင်းရဲ့ နှစ်အတော်များများအထိ ဟိုဝန်ကြီးမကောင်းကြောင်း၊ ဒီဝန်ကြီးမကောင်းကြောင်း၊ ဟိုပါတီကောင်စီပုဂ္ဂိုလ်မကောင်းကြောင်း၊ ဒီပါတီကောင်စီပုဂ္ဂိုလ်မကောင်းကြောင်းတွေ လောက်သာ ပြောတတ်ကြပါတယ်။ မဆလ အစိုးရတခုလုံးမကောင်းဘူးဆိုတဲ့ ကောက်ချက်ကို မချရဲကြပါဘူး။ မဆလစနစ်ထဲမှာ ကိုယ့်စိတ်ကူးယဉ်အိမ်မက်တွေ၊ မျှော်မှန်းချက်တွေ ချထားနိုင် ကြသူတွေဖြစ်ကြလို့ ဒီအိပ်မက်၊ ဒီမျှော်မှန်းချက်တွေပေါ်ကနေရပ်တည်ပြီး နိုင်ငံရေးကိစ္စကို စဉ်းစားတတ်ကြပါတယ်။

ဘယ်သူတွေက ဘယ်လိုမျှော်မှန်းချက်တွေထားထား၊ ဘယ်သူတွေက လေညာကနေ နေသာသပဖြစ်နေနေ စစ် အာဏာရှင်စနစ်ရဲ့ တနေ့တခြား အရစ်တိုးဖိနှိပ်မှုတွေ၊ လုယက်မှုတွေရဲ့ နောက်ဆုံးအဆင့်မှာ စစ်အာဏာရှင်ကို ဆန့်ကျင်ရမယ်ဆိုတဲ့ ဆုံမှတ်မှာ ဆုံတွေ့ကြပါတော့တယ်။

ခုတော့ ရှစ်လေးလုံးအရေးတော်ပုံကြီးရဲ့ ပညာပေးမှုအရ စစ်အုပ်စုနဲ့ လက်ဝေခံလုပ်စုတစုကလွဲရင် တိုင်းပြည်ရဲ့ လူမှုအင်အားစုတွေမှန်အမျှဟာ စစ်အစိုးရကို ဆန့်ကျင်တိုင်ဖျက်ရမယ်ဆိုတဲ့ အသိတရားတော့ရှိနေကြပါပြီ၊ ခိုင်ခိုင်မာမာ ရှိနေကြတာပါ။ သွေးတွေ၊ အသက်တွေနဲ့ရင်းပြီး ရယူခဲ့ရတဲ့ သင်ခန်းစာပါ။ ဒါပေမယ့် စစ်အာဏာရှင်စနစ်ကို ဘယ်လို တိုက်ဖျက်ကြမလဲဆိုတဲ့ မေးခွန်းအတွက်တော့ အဖြေထုတ်ရပါလိမ့်ဦးမယ်။ အကြမ်းမဖက်ရေးလား၊ စစ်တပ်ရဲ့ အကြမ်း ဖက်မှုကို အကြမ်းဖက်မှုနဲ့တုံ့ပြန်ရေးလား။

ဥပဒေတွင်း (စစ်အစိုးရရဲ့ ရွေးကောက်ပွဲမှာ ပါဝင်ပြီး “ပူးသတ်” ရေးလုပ်မယ်လို့ ကြွေးကြော်ရင်တော့ ၁၉၂ဝ ပြည့်နှစ် ပတ်ဝန်းကျင်က ဂျီစီဘီအေ ဝံသာနု အသင်းချုပ်ကြီးရဲ့ “တူ၊သာ၊သင်း” အုပ်စုဟာ ၉၁ ဌာနအုပ်ချုပ်ရေးရဲ့ ငါးထောင်စား အမတ်ရာထူးတွေယူပြီး “ပူးသတ်” သွာလိုက်ကြတာ နောက်ဆုံး ဘာတွေဖြစ်သွားကြသလဲဆိုတာ သမိုင်းမှာ ပြန်ကြည့် ပါ။) တိုက်ပွဲလား။ ဥပဒေပတိုက်ပွဲလား။ ကုလသမဂ္ဂနဲ့ နိုင်ကာတကာအသိုင်းအဝန်းရဲ့ ကြားဝင်မှုလား။ အမေရိကန်ရဲ့ စစ်ရေးအရ ဝင်ရောက်တိုက်ခိုက်ပေးမှုလား။

ဘယ်နည်းနဲ့ စစ်အစိုးရကို တိုက်ဖျက်မှာလဲ။

ကိုယ်ရပ်တည်ထားတဲ့ သို့မဟုတ် မျှော်မှန်းထားတဲ့ အကျိုးစီးပွားပေါ်ကနေ မစဉ်းစားဘဲ တကယ် လုပ်သင့်၊ တကယ် ဖြစ်နိုင်ခြေလည်းရှိတဲ့ နည်းလမ်းကို ဝိုင်းဝန်းစဉ်းစားကြဖို့လိုပါတယ်။ ခက်ခဲပေမယ့် တိုင်းပြည်အတွက် တကယ်လုပ် သင့်တာဆိုရင် စွန့်လွှတ်စရာရှိ စွန့်လွှတ်ပြီး လုပ်ကြရမှာပါပဲ။ ဆွေးနွေးရာမှာလည်း အနှစ်သာရကို ကွေ့ရှောင်ပြီး မဆွေးနွေးသင့်ပါ။ တိုင်း ပြည်အတွက် စိတ်ကောင်းစေတနာကောင်းထားပြီးဆွေးနွေးမှ အဖြေမှန်ပေါ်မှာဖြစ်ပါတယ်။

By NEJ


ဆုံလည်တံခါး - မလေးရှားရောက် မြန်မာဒုက္ခသည်များ၏ ဆင်းရဲဒုက္ခ


ဇာနည်
ကြာသပတေးနေ့၊ အောက်တိုဘာလ 02 2008 06:17 - မြန်မာစံတော်ချိန်

ချင်းမိုင်။ ။ ဒုက္ခသည်များ၏ဘဝ အထူးသဖြင့် မြန်မာဒုက္ခသည်များ၏ ဘဝကို ပထမဆုံး လူသိများအောင် လုပ်ဆောင်သည့် အနေနှင့် မလေးရှား အခွင့်အရေးကင်ပိန်း လှုပ်ရှားသူများက မြန်မာဒုက္ခသည် ၈ ဦးအကြောင်း ရေးသားထားသည့် စာအုပ်တအုပ်ကို ထုတ်ဝေ ဖြန့်ချိလိုက်ပါသည်။

“ဆုံလည်တံခါး” ဟု အမည်ပေးထားသော ထိုစာအုပ်တွင် မြန်မာနိုင်ငံတွင် ညှဉ်းပန်း နှိပ်စက်ခံရ၍ မလေးရှားတွင် ဒုက္ခသည်အဖြစ် ခိုလှုံခွင့် လျှောက်ထားကြသော မြန်မာဒုက္ခသည်များ ရင်ဆိုင် ကြုံတွေ့နေကြရသည့် မရေမရာဘဝများကို မီးမောင်းထိုး ဖေါ်ပြထားပါသည်။

စနေနေ့က ထုတ်ဝေ ဖြန့်ချိလိုက်သော စာအုပ်ကို ရေးသားသည့် ဒေါက်တာ အိုင်ရင်းဖာနန်းဒက်ဇ် (Dr. Irene Fernandez) က "ကျမ ဒီစာအုပ်ကို ရေးရတာ မလေးရှား နိုင်ငံသားတယောက်ရဲ့ နားလည် သဘောပေါက်မှုနဲ့ တာဝန်ရှိမှုကို တင်ပြဘို့ လိုအပ်လို့ပါ။ ပြီးတော့ နိုင်ငံတကာ အသိုင်းအဝိုင်း အနေနဲ့လည်း ဒီလူတွေအပေါ်မှာ ကျူးလွန်တဲ့ အကြမ်းဘက်မှုတွေအကြောင်း ပိုမို သိလာစေဘို့ပါ" ဟု ပြောကြား သွားခဲ့ပါသည်။

ဒေါက်တာ ဖာနန်ဒက်ဇ်က သူမ၏ စာအုပ်တွင် မလေးရှား နိုင်ငံသားများ အနေဖြင့် သူတို့နိုင်ငံတွင် ရောက်ရှိနေကြသော နိုင်ငံခြားသား အလုပ်သမားများနှင့် ဒုက္ခသည်များအပေါ် နားလည်မှုရှိဘို့ လိုအပ်ကြောင်း မီးမောင်းထိုး ဖေါ်ပြထားပါသည်။ မြန်မာ ဒုက္ခသည်များနှင့် အခြား နိုင်ငံခြားသား အလုပ်သမားများသည် နယ်စပ်တွင် မလေးရှား အာဏာပိုင်များ ၏ ဖမ်းဆီးခြင်းခံရပြီး မကြာခဏပင် နိုင်ငံရင်းသို့ ပြန်ပို့ခံကြရသည်။

ဤသို့ မလေးရှားနယ်စပ်တွင် နိုင်ငံရင်းသို့ ပြန်လည် စေလွှတ်သည့်ဖြစ်စဉ်၌ အဆိုပါ ဒုက္ခသည်များသည် လူကုန်ကူးသူများ၏ အန္တရာယ်နှင့်လည်း ကြုံကြရသည်။ ယင်းတို့သည် အဆိုပါ ဒုက္ခသည်များအား မလေးရှား အာဏာပိုင်များက ပြန်ပို့မည့် အချိန်ကို စောင့်နေကြပြီး၊ မလေးရှား နိုင်ငံတွင်းသို့ ငွေယူ၍ ပြန်ပို့ပေးကြသည် ဟု သူမက ပြောသွားသည်။

"ဒါကြောင့် ဒုက္ခသည်တွေ ကြုံနေရတဲ့ အခြေအနေဟာ ဆုံလည်တံခါးနဲ့တူလို့ ကျမဒီစာအုပ်ကို “ဆုံလည်တံခါး” လို့ နာမည်ပေးထားတာပါ" ဟု ဒေါက်တာ ဖာနန်ဒက်ဇ်က မဇ္ဈိမသို့ ပြောပြပါသည်။

သူမ၏ အဆိုအရ အမျိုးသမီးများ၊ ကလေးများ၊ ကိုယ်ဝန်ဆောင်များနှင့် သက်ကြီးရွယ်အိုများ အပါအဝင် ဒုက္ခသည်များကို တရားရုံးမှ အမိန့်ချပြီးပါက မလေးရှား အာဏာပိုင်များက ထိုင်းမြန်မာ နယ်စပ်သို့ ပြန်လည် နှင်ထုတ်ကြသည် ဟု ဆိုပါသည်။ ဤနေရာရောက်လျှင် လူကုန်ကူးသူများနှင့် တွေ့ကြရပြီး မလေးနိုင်ငံတွင်းသို့ ပြန်လည်ဝင်ရောက်ရန် ငွေအမြောက်အမြား တောင်းယူခြင်း ခံကြရသည်ဟု ဆိုသည်။

ဒုက္ခသည် အများစုသည် လူကုန်ကူးသူများ၏ မလေးရင်းဂစ် ၁၃ဝဝ မှ ၂ဝဝဝ ထိ (အမေရိကန်ဒေါ်လာ ၃၇၇ မှ ၅၈၁ အထိ) တောင်းယူခြင်းကို မကြာခဏ ခံကြရသည်။

မြန်မာဒုက္ခသည် ၈ ဦး၏ အဖြစ်အပျက်များကို ဖတ်ပြီး မလေးရှားရောက် ဒုက္ခသည်များနှင့် နိုင်ငံခြားသား အလုပ်သမားများ၏ ဘဝများ၊ ရုန်းကန်ရမှုများကို ပိုမိုနားလည် သဘောပေါက်လာကြမည်ဟု မျှော်လင့်ပါသည်ဟု ဒေါက်တာဖာနန်ဒက်ဇ်က ပြောပါသည်။

"ဒါဖတ်ပြီး အပြောင်းအလဲတချို့ ဖြစ်လာလိမ့်မယ်လို့ ကျမတို့ မျှော်လင့်ပါတယ်။ ဒီစာအုပ်ကို ဖတ်ပြီးရင် မလေးလူမျိုးတွေ ဒီသနားစရာကောင်းတဲ့ လူတွေအကြောင်း နားလည်လာကြပြီး၊ သူတို့အတွက် စဉ်းစား လာကြလိမ့်မယ်၊ သူတို့ကို ဒုက္ခသည်များအဖြစ် အသိအမှတ် ပြုလာနိုင်ကြပါလိမ့်မယ်" ဟု ဒေါက်တာဖာနန်ဒက်ဇ်က ပြောသွားခဲ့ပါသည်။

အရှေ့တောင်အာရှတွင် ထွန်းသစ်စ စီးပွါးရေး ကျားတကောင် ဖြစ်လာနေသည့် မလေးရှားသည် မကြာသေးခင် နှစ်များအတွင်း ဒေသတွင်း နိုင်ငံများ ဖြစ်ကြသည့် မြန်မာ၊ ဘင်္ဂလာဒေ့ရှ်၊ အင်ဒိုနီးရှား၊ ဖိလိပိုင်၊ သီရိလင်္ကာ၊ ဗီယက်နမ်နှင့် နီပေါတို့မှ ရွှေ့ပြောင်း အလုပ်သမားများနှင့် ဒုက္ခသည်များ သွားရောက်ရာ နိုင်ငံတခု ဖြစ်လာခဲ့ပါသည်။

ကွာလာလမ်ပူအခြေစိုက် မြန်မာ အလုပ်သမားများ၏ အခွင့်အရေး ကာကွယ်ရေး ကော်မတီ (BWPRC) ၏ စာရင်းဇယား များအရ မလေးရှားတွင် ရောက်ရှိနေသော ဒုက္ခသည်နှင့် ရွှေ့ပြောင်း အလုပ်သမားများမှာ မြန်မာတနိုင်ငံထဲမှပင် ၄သိန်း ရှိသည်ဟု ဆိုပါသည်။

ဤအတောအတွင်း မလေးရှားရောက် မြန်မာဒုက္ခသည်များနှင့် ရွှေ့ပြောင်း ဒုက္ခသည်များကလည်း ဤစာအုပ်ကို ဖတ်ပြီး RELA ဟု သိကြသည့် မလေးရှား စေတနာ့ဝန်ထမ်း တပ်ဖွဲ့၏ ဆက်လက် ပြုလုပ်နေသော နှောင့်ယှက် စော်ကားမှုများကြောင့် သူတို့ ကြာရှည်စွာ ခံစားနေရသည့် အတိဒုက္ခအပေါင်းကိုလည်း တစုံတရာ သိလာကြလိမ့်မည် ဖြစ်သည် ဟု ပြောပါသည်။

"မြန်မာဒုက္ခသည်တွေနဲ့ မြန်မာ ရွှေ့ပြောင်းအလုပ်သမားတွေအတွက် ကျနော်တို့ ဒီစာအုပ်ကို ကြိုဆိုပါတယ်။ ဒါမလေးရှားရောက် မြန်မာတွေအတွက် မျှော်လင့်ချက်ရောင်ခြည်တခု ဖြစ်လိမ့်မယ်လို့ ခံစားရပါတယ်။ ဒီမြန်မာတွေဟာ အလုပ်သမားအခွင့်အရေး၊ လူ့အခွင့်အရေးစတဲ့ အကာအကွယ်တွေ ဘာမှမရကြပါဘူး" ဟု BWPRC အတွင်းရေးမှူး ဦးရဲ မင်းထွန်းက ပြောသွားပါသည်။

အလုပ်လုပ်ခွင့် ပါမစ်နှင့် ကုလသမဂ္ဂ ဒုက္ခသည်များ မဟာမင်းကြီးရုံး (UNHCR) ၏ ဒုက္ခသည် အသိအမှတ်ပြု လက်မှတ် ရထားပြီးဖြစ်သော သူများပင် RELA အဖွဲ့များ၏ ကြုံသလို အရမ်းကာရော မကြာခဏ ဝင်ရောက်စီးနင်း ဖမ်းဆီးခြင်း ခံကြရသည်ဟု မြန်မာ အလုပ်သမားများနှင့် ဒုက္ခသည်များက ပြောကြပါသည်။

ထို့နောက် သူတို့ကို အတင်းအကြပ် ထိန်းသိမ်းရေး စခန်းများသို့ပို့၍ အကျဉ်းချခံကြရပြီး တရားရုံးမှ နေရင်းနိုင်ငံသို့ ပြန်ပို့ရန် အမိန့်ချမှတ်ခြင်း ခံကြရသည်ဟု ဆိုပါသည်။

မြန်မာဒုက္ခသည်များကို အသိအမှတ်ပြုရန်နှင့် သူတို့ အခွင့်အရေးများအား ချိုးဖောက်ခြင်းကို ရပ်တန့်ပါရန် သူမ၏ စာအုပ်က မလေးရှား အစိုးရကို တိုက်တွန်းခဲ့သည်ဟု ဒေါက်တာဖာနန်ဒက်ဇ်က ပြောပါသည်။

"မလေးရှားရောက် မြန်မာ ဒုက္ခသည်တွေရဲ့ ကြောက်မက်ဖွယ် ကောင်းလှတဲ့ အခြေအနေကို နိုင်ငံတကာ အသိုင်းအဝိုင်းက တုံ့ပြန်ကြဘို့လည်း ကျမတို့ တိုက်တွန်းလိုပါတယ်" ဟု ဒေါက်တာဖာနန်ဒက်ဇ် က ဆက်လက် ပြောကြားသွားပါသည်။

သူမ၏ လူ့အခွင့်အရေး ချိုးဖောက်မှုများကို သတ္တိပြောင်မြောက်စွာနှင့် ထင်ထင်ရှားရှား ဆန့်ကျင် တိုက်ပွဲဝင်ခဲ့မှုကြောင့် ၂ဝဝ၅ ခုနှစ်အတွက် ဒေါက်တာ ဖာနန်ဒက်ဇ်သည် (Right Livelihood Award) ချီးမြှင့်ခံခဲ့ရသည်။ ဤဆုကို Jakob von Uexkull က ၁၉၈ဝ ခုနှစ်တွင် စတင်ထူထောင်ခဲ့ပြီး နှစ်စဉ် ဒီဇင်ဘာလ ၉ ရက်နေ့တွင် “ကမ္ဘာကြီး ယနေ့ ကြုံတွေ့နေရသော လတ်တလော စိန်ခေါ်မှုများအတွက် လက်တွေ့ကျပြီး စံနမူနာ ယူလောက်သော အဖြေများကို ရှာဖွေဖေါ် ထုတ်ပေးခဲ့သူများကို” ချီးမြှင့်ပါသည်။

ရွှေ့ပြောင်း အလုပ်သမားများ၏ အခွင့်အရေးကို ချိုးဖောက်ခြင်းများ၊ အဟာရချို့တဲ့မှုများ၊ ခန္ဓာကိုယ်နှင့် လိင်ပိုင်းဆိုင်ရာ စော်ကားမှုများ၊ အလုပ်သမားများ၏ ဆိုးဝါးလှသော လုပ်ငန်းခွင် အခြေအနေများ၊ ရွှေ့ပြောင်းအလုပ်သမားများ ထိန်းသ်ိမ်းခံရပြီး သေဆုံးကြရသည့် ထိန်းသိမ်းရေး စခန်းများ၏ အခြေအနေများကို အစီရင်ခံစာတရပ် ရေးသားထုတ်ဝေခဲ့သည့်အတွက် “သတင်းမှားကို မလိုမုန်းထားစိတ်ဖြင့် ဖြန့်ချိခဲ့သည်” ဟူသော စွဲချက်ဖြင့် ဒေါက်တာ ဖာနန်ဒက်ဇ် ကို မလေးရှား အာဏာပိုင်များက ၁၉၉၅ ခုနှစ်က ဖမ်းဆီးခဲ့သည်။ အယူခံ တင်ထားစဉ် အာမခံဖြင့် နေရချိန်မှာပင် Tenaganita အဖွဲ့ကို ထူထောင်ခဲ့သူ ဒုက္ခသည်များနှင့် နိုင်ငံခြားသား အလုပ်သမားများ၏ အခွင့်အရေးအတွက် ရပ်တည် တိုက်ပွဲဝင်မှုကို သူမ သတ္တိရှိရှိ ဆက်လက် ပြုလုပ်ခဲ့သည်။

အရှိန်တိုးမြှင့်လိုက်သည့် စစ်အစိုးရ၏ မီဒီယာစစ်ဆင်ရေး

အောင်သက်ဝိုင်း | အောက်တိုဘာ ၂၊ ၂၀၀၈

ရန်ကုန်အခြေစိုက် သတင်းဂျာနယ် ၂ စောင်ကို ပိတ်ပင်လိုက်သည့် ဖြစ်ရပ်က ပြည်တွင်း သတင်းမီဒီယာများကို တရားဝင် စိန်ခေါ် ဖိနှိပ်မှုများ စတင်လိုက်ပြီဟု ပြောလိုက်သကဲ့သို့ပင်။

ပြည်သူလူထုကို သတင်းအမှောင်ချပြီး အမှန်တရားကို ဖုံးကွယ်လေ့ရှိသည့် စစ်အစိုးရသည် ပြည်ပအခြေစိုက် အင်တာနက် သတင်းမီဒီယာများကို ခေတ်မီ နည်းပညာများအသုံးပြု တိုက်ခိုက်ရုံမက နိုင်ငံတွင်းလက်ရှိ ဖြစ်ပျက်နေသော သတင်းအမှန် များကို ဖော်ပြပေးသည့် အပတ်စဉ်ထုတ် ပြည်တွင်းသတင်းဂျာနယ်များကိုပါ ၎င်းတို့ ချမှတ်ထားသည့် စည်းကမ်းများ ချိုးဖောက်သည်ဟူသည့် စွပ်စွဲချက်ဖြင့် ဂျာနယ်ထုတ်ဝေခွင့် ယာယီရပ်ဆိုင်းမှုများ ပြုလုပ်လာသည်။

စစ်အစိုးရ၏ တရားဝင် ခွင့်ပြုချက်နှင့် လုပ်ကိုင်နေရသော ပြည်တွင်းသတင်းမီဒီယာများ အနေဖြင့် စာပေ ကင်ပေတိုင်ဟု စာနယ်ဇင်းအသိုင်းအ၀န်းတွင် သတ်မှတ်ခေါ်ဆိုလေ့ရှိသည့် စာပေစိစစ်နှင့် မှတ်ပုံတင်ဌာနသို့ ဂျာနယ်မူကြမ်း တင်ပြပြီး စစ်အစိုးရ မကြိုက်နှစ်သက်သည့် သတင်းများ ဖြုတ်ပယ်ကာ ထုတ်ဝေရသည့် စနစ်ကို အချိန်ကြာလာသည်နှင့်အမျှ ရွံမုန်းလာ ပြီဖြစ်သည်။

အက်ရှင်တိုင်းမ်စ် (The Action Time) နှင့် ထရူး နယူးစ် (True News) ဂျာနယ် ၂ စောင်မှာ သတင်းအမှန် များကို ပြည်သူထံသို့ အရောက်ပို့မည် ဆိုသည့် စိတ်ဓာတ်နှင့် စာပေစိစစ်ရေးက ဖြုတ်ပယ်ရန် ညွှန်ကြား ထားသည့် သတင်းများကို ဂျာနယ်စာမျက်နှာပေါ်တင်ကာ အာခံမှုများ ပြုလုပ်လာခဲ့သည့်အတွက် ထုတ်ဝေခွင့် များ ရပ်ဆိုင်း အပြစ်ပေးခံခဲ့ရခြင်း ဖြစ်သည်။

အမျိုးသားအကျိုးစီးပွားရေး ကို ပျက်ပြားစေသည့် သတင်းများကို ရေးသားဖော်ပြခြင်း မပြုကြရန်နှင့် မြန်မာနိုင်ငံ၏ စည်းကမ်းပြည့်ဝသော ဒီမိုကရေစီ နိုင်ငံတော်သစ်ဟု ဆိုသည့် စစ်အစိုးရ စိတ်တိုင်းကျ ဆောင်ရွက်သည့် တိုင်းပြည် တည်ဆောက်ရေး လုပ်ငန်းစဉ်များတွင် အမျိုးသားရေးစိတ်ဓာတ်နှင့် ပါဝင်ကြရန် အမြဲတမ်း ပြောဆို တိုက်တွန်းလေ့ရှိသည့် ပြန်ကြားရေးဝန်ကြီး ဗိုလ်မှူးချူပ်ကျော်ဆန်းကို စက်တင်ဘာလ ၃၀ ရက် ၀န်းကျင်တွင် ထွက်ရှိသည့် ထရူးနယူးစ် ဂျာနယ်၏ ထိုင်းနိုင်ငံတွင် အလုပ်လုပ်နေသော မြန်မာ ကလေး ငယ်တဦး သတင်းဓာတ်ပုံနှင့် အက်ရှင်တိုင်းမ်စ် ဂျာနယ်၏ ထောင်မှ ပြန်လည် လွတ်မြောက် လာသော သတင်းစာ ဆရာကြီးဦးဝင်းတင်အကြောင်းပြည့်စုံစွာ ဖော်ပြထားသည့် သတင်းတို့က ဒေါသအမျက် ချောင်းချောင်း ထွက်စေခဲ့သည်။

စစ်အစိုးရအနေနှင့် ပြည်တွင်းသတင်းမီဒီယာများကို ရန်သူသဖွယ် သဘောထားလာခြင်းမှာ ယခုအချိန်မှ မဟုတ်ဘဲ လွန်ခဲ့သော တနှစ်ကျော် ၂၀၀၇ စက်တင်ဘာ ကတည်းက ဖြစ်သည်။

လမ်းမများပေါ်တွင် စုစည်းညီညွတ်ငြိမ်းချမ်းစွာ မေတ္တာပို့ချီတက် လမ်းလျှောက် ဆန္ဒပြ နေသော သံဃာနှင့် လူထုကို စစ်အစိုးရက အကြမ်းဖက် ပစ်ခတ် ရိုက်နှက်နှိမ်နင်း သုတ်သင်ချိန်တွင် မခံမရပ်နိုင်သော ပြည်သူ့ဘက်တော်သား သတင်း သမားများက တာဝန် သိသိဖြင့် ပြည်ပအခြေစိုက် မြန်မာမီဒီယာများနှင့် နိုင်ငံတကာမီဒီယာများမှ တဆင့် စစ်အစိုးရ၏ ယုတ်မာရိုင်းစိုင်း ရက်စက်ပုံများကို တင်ပြနိုင်ခဲ့ကြသည်။

လက်နက်ဟူ၍ အပ်တိုတချောင်းမှ ကိုင်ဆောင်ထားခြင်း မရှိသော ဆန္ဒပြ သံဃာထုနှင့် ပြည်သူလူထုကို ရက်ရက်စက်စက် သုတ်သင်ပုံများက နိုင်ငံတကာမီဒီယာများတွင် ရုပ်ပုံသက်သေများနှင့် ပေါ်ထွက်လာခဲ့ရာ စစ်အစိုးရ၏ ထိပ်တန်းရန်သူ စာရင်းတွင် သတင်းမီဒီယာများ ပါဝင် လာခဲ့တော့သည်။

နာဂစ် ဆိုင်ကလုန်းမုန်တိုင်း ၀င်ရောက်တိုက်ခတ် ချိန်ကလည်း ပြည်တွင်းသတင်းမီဒီယာများက အလွန် အရေးကြီးသော အခန်းကဏ္ဍမှ ပါဝင်ခဲ့ရာ ပြည်သူလူထု၏ ယုံကြည်အားကိုးမှုကို အကြီးအကျယ် ရရှိခဲ့ပြန်သဖြင့် သတင်းမီဒီယာများအပေါ် စစ်အစိုးရ မျက်စိစပါးမွေး စူးခဲ့ပြန်သည်။ အစိုးရပိုင် သတင်းမီဒီယာများတွင် မုန်တိုင်းအပျက်အစီး မဖော်ပြသလောက်ရှိ ချိန်တွင် အပတ်စဉ်ထုတ် သတင်းဂျာနယ်များက မုန်တိုင်းကြောင့် ဖြစ်ပေါ်ခဲ့ရသော ပျက်စီးဆုံးရှုံးမှုများကို ပြည့်ပြည့်စုံစုံ တိတိကျကျ တိုက်ရိုက်သော်လည်းကောင်း၊ သွယ်ဝိုက်၍ သော်လည်းကောင်း စာပေစိစစ်ရေး၏ တင်းကျပ်သော မူဘောင် များအတွင်းမှ ဖော်ပြခဲ့ကြရသည်။

ထိုသို့ ဂျာနယ်များက ဖော်ပြနိုင်ခဲ့သောကြောင့်လည်း ရန်ကုန်အပါအ၀င် မြို့ပြဒေသကြီးများမှ စေတနာရှင်၊ အလှူရှင်များကို မုန်တိုင်းသင့် ဒေသများသို့ အလျင်အမြန် သွားရောက်စေပြီး ကူညီ ထောက်ပံ့မှုများ ဖြစ်စေခဲ့ကာ မုန်တိုင်းဒုက္ခသည်များ၏ စားဝတ်နေရေး အခက်အခဲများကို အနည်းငယ် လျော့ပါးသက်သာစေခဲ့သည်။ ထို့ပြင် ကမ္ဘာ့ကုလသမဂ္ဂအပါအ၀င် နိုင်ငံ တကာ၏ ကူညီမှုများ အရေးပေါ် လိုအပ်နေကြောင်းကိုလည်း ပိုမိုပေါ်လွင်စေခဲ့သည်။

အခြားတဘက်တွင်လည်း ပြည်ပအခြေစိုက် မြန်မာ မီဒီယာများက နိုင်ငံတွင်း ပေါ်ပေါက်နေသည့် အခြေအနေ အမှန်များကို ပြည်တွင်းသတင်းသမားများ၏ အကူအညီဖြင့် အချိန်နှင့် တပြေးညီ ဖော်ပြခဲ့ကြရာ အဖြစ်မှန်ကို လိမ်ညာဖုံးကွယ်လိုသော စစ်အစိုးရကို ပိုမိုအထိနာ စေခဲ့သည်။

ပြည်တွင်းတရားဝင် ရပ်တည်နေသော သတင်းမီဒီယာများနှင့် ပြည်ပအခြေစိုက် မြန်မာမီဒီယာ များကို နှိမ်နင်းသုတ်သင်ရန် ဟူသော အကြံအစည်များ စစ်အစိုးရတွင်ရှိနေသည်ကား အသေအချာပင် ဖြစ်သည်။ ပြည်ပသတင်းမီဒီယာများကို ဆက်သွယ် သတင်းပေးသည် ဟူသော စွပ်စွဲ ချက်ဖြင့် ပြည်တွင်းသတင်းသမား၊ ဘလော့ဂါများကို ဖမ်းဆီးချုပ်နှောင်ထားရာ ဘလော့ဂါ ကိုနေဘုန်းလတ်၊ မြန်မာနေးရှင်း အယ်ဒီတာချူပ် ဦးသက်ဇင်၊ ဖလားဝါးသတင်းဂျာနယ်သတင်းထောက်ချုပ် ကိုစောမြင့်သန်း၊ အီကိုဗီးရှင်းသတင်းဂျာနယ်မှ သတင်းထောက် အိမ့်ခိုင်ဦး အပါအ၀င် သတင်းသမားများနှင့် ဘလော့ဂါများ အင်းစိန်ထောင်တွင် ယနေ့အချိန် အထိ မတရား ဖမ်းဆီး ချုပ်နှောင် ခံနေရသည်။

ထို့ပြင် ၂၀၀၈ ခုနှစ်ဧပြီလအတွင်း စာပေစိစစ်ရေးက ခွင့်ပြုချက်မပေးသည့် ဂြိုဟ်တုစလောင်း ရုပ်သံဖမ်းစက်များ အခွန် ဆောင်ရမည်ဆိုသော သတင်း ထည့်သွင်းမှုကြောင့် မြန်မာတိုင်းမ်သတင်းဂျာနယ်မှ သတင်းထောက်ချူပ်နှင့် အယ်ဒီတာ တချုို့ကို စာပေစိစစ်ရေးက ဖိအားပေးနုတ်ထွက်စေခဲ့သည်။

စစ်အစိုးရသည် ၂၀၀၈ ခုနှစ် ဇူလိုင်လမှစတင်ပြီး ပြည်ပအခြေစိုက် မြန်မာ သတင်းမီဒီယာများ၏ အင်တာနက်စာမျက်နှာများ ကိုလည်း ခေတ်မီ နည်းပညာများနှင့် တိုက်ခိုက် နှောင့်ယှက်မှုများ ပြုလုပ်ခဲ့သည်။

ယင်းနောက် ပြည်တွင်း အပတ်စဉ်ထုတ် ဂျာနယ်များကို ထိန်းချုပ်ရန် စည်းမျဉ်း စည်းကမ်း ပိုမို တင်းကျပ်ပြီး ခေါ်ယူ ခြိမ်းခြောက်မှုများ ပြုလုပ်လာသည်။


“ပုံမှန်ဆိုရင် ခွင့်ပြုချက်မရတဲ့ သတင်းနဲ့စာမူတွေကို ဂျာနယ်တွေက ထည့်သုံးရင် စာပေ စိစစ်ရေးမှာ ခံဝန် လက်မှတ်သွား ထိုးပြီး ဖြေရှင်းရုံနဲ့ ပြီးသွားတယ်။ အခုတော့ အဲလို မဟုတ် တော့ဘူး။ နည်းနည်းမှားတာနဲ့ ဂျာနယ်တွေကို ပိတ်တယ်။ ထရူးနဲ့ အက်ရှင်တိုင်းမ်စ် ကတော့ စံပြနမူနာဖြစ်သွားတာပေါ့” ဟု ရန်ကုန် သတင်းဂျာနယ် အယ်ဒီတာတဦးက ပြောသည်။

ထို့ပြင် မဂ္ဂဇင်းများကိုလည်း တင်းကျပ်သော ဥပဒေများထုတ်၍ ကိုင်တွယ်နေသည်ဟု မဂ္ဂဇင်း အယ်ဒီတာ တဦးကပြောပြ သည်။ ၎င်းတို့အနေနှင့် မဂ္ဂဇင်းများကို စိစစ်ရေးသို့တင်ရာတွင် စာအုပ်ထွက်သည့်အတိုင်း တသဝေ မတိမ်း ပြင်ဆင်ရိုက်နှိပ် ပြီး တင်ရကာ စိစစ်ရေးက ဖြုတ်ပယ်မှုများရှိလာလျင် တအုပ်လုံး အစအဆုံး ပြန်ပြင်ရ သဖြင့် အလုပ်မတွင်ဟု ၎င်းက ဆိုသည်။

အောက်တိုဘာလ ၂ ရက်နေ့ နောက်ဆုံးသိရှိချက်အရ စာပေစိစစ်ရေးက ထရူးသတင်းဂျာနယ်နှင့် အက်ရှင်တိုင်းမ်စ် သတင်း ဂျာနယ်တို့ကို စည်းမျဉ်းစည်းကမ်းချိုးဖောက်မှုကြောင့် အရေးယူခြင်းဖြစ်သည်ဆိုသောသတင်းကို တခြားပြည်တွင်း သတင်း ဂျာနယ်များတွင် ရေးသားဖော်ပြရန် ဖိအားပေး ညွန်ကြားလိုက်ကြောင်း စာပေစိစစ်ရေးရုံးမှ စာတည်းမှူးတဦးက အတည်ပြု ပြောဆိုသည်။

“ပြည်တွင်းသတင်းသမားအားလုံးစုစုစည်းစည်း ညီညီညွှတ်ညွှတ်နဲ့ စာပေစိစစ်ရေးကို တွန်းလှန်ကြဖို့ လိုပါတယ်။ ကိုယ့် ဂျာနယ် တခုတည်းအတွက် ဆိုတဲ့အမြင်နဲ့ မကြည့်ဘဲ သတင်းမီဒီယာ တခုလုံးအတွက် ဆိုတဲ့ ခံယူချက်နဲ့ ညီညီညွတ်ညွတ် လုပ်ကြဖို့ အရေး ကြီးတယ်” ဟု ပြည်တွင်း သတင်းမီဒီယာ အသိုင်းအ၀န်းမှ ၀ါရင့် သတင်းစာ ဆရာကြီး တဦးက တိုက်တွန်း လိုက်သည်။

၀၂.၁၀.၂၀၀၈သတင်း


နာဂစ်ကယ်ဆယ်ရေးလုပ်ငန်းများ လုပ်ဆောင်နေသည့် ကိုအောင်မိုးလွင် (ဓာတ်ပုံ - ဧရာဝတီ)

ပျောက်ဆုံးနေသည့် မကွေးတိုင်း အဖွဲ့ချုပ်လူငယ်တာဝန်ခံကို တွေ့ပြီ
ကိုသက် အောက်တိုဘာ ၂၊ ၂၀၀၈

အဖမ်းခံထားရသည်မှာ တလရှိပြီဖြစ်ပြီး စစ်ကြောရေးစခန်းတွင် သေဆုံးသွားသည်ဟု သတင်းများ ထွက်ပေါ်ခဲ့သည့် မကွေးတိုင်း အဖွဲ့ချုပ်လူငယ်တာဝန်ခံ ကိုအောင်မိုးလွင်ကို ယနေ့နေ့လယ်ပိုင်းက ရန်ကုန်မြို့ စမ်းချောင်းရဲစခန်းတွင် တွေ့ခဲ့သည်ဟု မကွေးတိုင်း နတ်မောက်မြို့မှ ရန်ကုန်သို့လိုက်လာသည့် ဖခင်ဖြစ်သူ ဦးသိန်းအောင်က ပြောသည်။

“စမ်းချောင်းရဲစခန်းကိုသွားကြည့်တော့ တိုက်တိုက်ဆိုင်ဆိုင်ပဲ အောင်မိုးလွင်ပါလာတဲ့ရဲကားက စခန်းထဲဝင်လာတာ တွေ့တယ်။ အသက်သေသွားတာထက်စာရင် အခုလိုပြန်တွေ့ရတာကိုပဲ အတော့်ကို ၀မ်းသာပါတယ်။ နည်းနည်းတော့ စကားပြောလိုက်ရပါတယ်။ အောင်မိုးလွင်လဲ အံ့သြသွားပြီး ဘယ်လိုသိလို့ လိုက်လာသလဲ မေးတယ်ခင်ဗျ” ဟု ဦးသိန်းအောင်က ပြောသည်။

ကိုအောင်မိုးလွင်သည် စက်တင်ဘာလ ၂ ရက်နေ့က ယုဇနပလာဇာအရှေ့တွင် အဖမ်းခံရပြီး ရန်ကုန်တိုင်းရဲရုံး၌ ထိန်းသိမ်း ထားခြင်းကို ခံခဲ့ရသည်။ ရဲရုံး၌အဖမ်းခံထားရစဉ် ညှဉ်းပန်းနှိပ်စက်မှုများကိုလည်း ခံခဲ့ရပြီး ရန်ကုန်မြို့ ရွှေပြည်သာမြို့နယ် ကြံ့ဖွံ့ရုံး ဗုံးပေါက်ကွဲမှုနှင့် အမှုတွဲထားကြောင်း သိရသည်။

ကိုအောင်မိုးလွင်ကို စမ်းချောင်းရဲစခန်းတွင် မှတ်ချက်ယူပြီး ကမာရွတ်စခန်းသို့ ဆက်လက်ပို့ဆောင်မည်ဟု ဦးသိန်းအောင် အား လိုက်လံကူညီနေသည့် မကွေးတိုင်း မြို့သစ်မြို့နယ် အန်အယ်လ်ဒီ လူငယ်တာဝန်ခံ ကိုဇော်မျိုးက ပြောသည်။

“အခုလို ဖမ်းချင်သလိုဖမ်းသွားပြီး ထားချင်ရာမှာထား၊ နှိပ်စက်ချင်သလို နှိပ်စက်တဲ့ အပြုအမူကိုတော့ ခံပြင်းတာပေါ့ဗျ။ မနေ့က ရန်ကုန်တိုင်းရဲရုံးမှာ အခန်းတိုင်းကိုဝင်မေးတော့ မသိဘူး၊ မရှိဘူးလို့ချည်း ပြောလွှတ်တယ်ဗျာ။ သူတို့က မသိဘူး ပြောလေ ပိုစိုးရိမ်လေ ဖြစ်ရတာပေါ့။ ကျနော်တို့က သေသွားတယ်ဆိုလည်း မိသားစုအနေနဲ့ ကောင်းမှုကုသိုလ်ပြုလုပ်ဖို့ အခွင့်အရေးများရှိမလားဆိုတဲ့အသိနဲ့ လိုက်စုံစမ်းတာပါ” ဟု ကိုဇော်မျိုးက ပြောသည်။

ယမန်နေ့က ကိုအောင်မိုးလွင်၏ ဖခင် ဦးသိန်းအောင်သည် ကိုဇော်မျိုးနှင့်အတူ ရန်ကုန်တိုင်း ရဲရုံးနှင့် အင်းစိန်ထောင်သို့ သွားရောက်စုံစမ်းခဲ့သော်လည်း ၎င်းဌာနများက မသိ၊ မရှိကြောင်းသာ ပြောဆိုသဖြင့် စိတ်လျှော့ကာ ပြန်ခဲ့ရသည်ဟု ဦးသိန်းအောင်က ပြောသည်။

ယနေ့နံနက်ပိုင်းက ရန်ကုန်တိုင်း ရဲရုံးသို့ ထပ်မံသွားရောက်စုံစမ်းရာ ၎င်းဌာနက ယမန်နေ့ကပြောဆိုသည့်အတိုင်း ပြောဆိုခဲ့ သည်ဟုလည်း ဦးသိန်းအောင်က ပြောသည်။

ကိုအောင်မိုးလွင်သည် မကွေးတိုင်း နတ်မောက်မြို့မှ ရန်ကုန်သို့ လာရောက်လှုပ်ရှားနေသော တက်ကြွသည့် အန်အယ်လ်ဒီ ပါတီဝင်တဦးဖြစ်ပြီး လွန်ခဲ့သည့်နှစ်ကပေါ်ပေါက်ခဲ့သည့် ရွှေဝါရောင်တော်လှန်ရေးတွင် ပါဝင်ခဲ့သည်။

၂၀၀၇ ခု စက်တင်ဘာ ၂၆ ရက်နေ့ည မဂ္ဂင်ကျောင်းတိုက်ကို လက်နက်ကိုင်တပ်ဖွဲ့များ ၀င်ရောက်စီးနင်းချိန်က ၎င်းကျောင်း အတွင်း၌ရှိနေပြီး အိပ်ခ်ျအိုင်ဗီ လူနာဟန်ဆောင်ခဲ့သောကြောင့် ဖမ်းဆီးခြင်းမှ လွတ်မြောက်ခဲ့သည်။

နာဂစ်မုန်တိုင်း တိုက်ခတ်ပြီးနောက်ပိုင်း၌ မုန်တိုင်းဒဏ်ခံရသည့်ဒေသများတွင် ကယ်ဆယ်ရေးလုပ်ငန်းများကို တက်ကြွစွာ လုပ်ဆောင်ခဲ့သူ ဖြစ်သည်။

နေပြည်တော်ဝန်ကြီးတဦး၏ ပိုင်ဆိုင်မှုစာရင်း (နိုင်ငံခြားရေဒီယိုအချို့မှလည်း မကြာခင်က အသံလွှင့်သွားသည်)
NEJ/ ၂ အောက်တိုဘာ ၂၀၀၈။ ။
-Star Flower Tissue Factory။ ။ မှော်ဘီမြို့ စိန်ရတနာဝတ်မှုံ သစ်ကုမ္ပဏီဘေးကပ်လျက်မှာ တည်ရှိသည်။ သာ ပေါင်းပျော့ဖတ်စက်ရုံတည်ဆောက်ခွင့်ရသည့် CMCE တရုတ်ကုမ္ပဏီက လက်ဆောင် ဆောက်ပေးခဲ့သည့် စက်ရုံဖြစ်သည်။

-အလားတူ Tissue စက်ရုံတခု စစ်တောင်းစက်ရုံနားတွင်ရှိသည်။ ၀န်ကြီးသား နာမည်နှင့်ထားသည့် စက်ရုံဖြစ်သည်။

-ရန်ကုန်မြို့ ၀ါးတန်းလမ်းမှာရှိသည့် Great Myanmar အချိုရည်စက်ရုံ၏ ရှယ်ယာအတော်များများကို ပိုင်ဆိုင်သည်။ Great Myanmar အချိုရည်စက်ရုံသည် လွယ်ဟိန်းကုမ္ပဏီမှ ခွဲထွက်လာသည့် ကုမ္ပဏီဖြစ်ပြီး ၂၀၀၅ ခုနှစ်မှစပြီး လည်ပတ်နေသည်။

-ဆောက်လက်စ နေပြည်တော် Shopping Complex အဆောက်အဦထဲတွင် ၀န်ကြီးကတော်အတွက် အထည်ဆိုင် ခန်းကြီးတခုကို စက်မှု (၁) ပြုပြင်ထိန်းသိမ်းရေးဌာနမှ ဆောက်လုပ်လျက်ရှိသည်။ ၂၀၀၈ ခု စက်တင်ဘာလကုန် အပြီးအပ်ရမည်။

-ပဒေါင်းဘက်တွင် ဧက (၁၀၀) ခန့်ရှိသည့် ဇီးတော်သီးခြံကို အထည်အလိပ် စက်ရုံမှူးတဦးက ၀ယ်ပေးထားရသည်။

-ပလိပ်မှာလည်း စက်ရုံမှူးတဦး ၀ယ်ပေးထားသည့် စိန်တလုံးသရက်ခြံကိုပိုင်သည်။ ထိုခြံမှထွက်သည့် စိန်တလုံး သရက်များကို တရုတ်သို့ တင်ပို့ရောင်းချသည်။

-နေပြည်တော် မင်းကုန်းမှာလည်း လက်အောက်ခံ ဦးဆောင်ညွှန်ကြားရေးမှူးများ ညွှန်ကြားရေးမှူးချုပ်များ စုပေါင်းပြီး ၀ယ်ပေးထားသည့် ဧက (၁၀၀) ကျော် သရက်ပိန္နဲခြံကြီးတခြံပိုင်သည်။

By NEJ

ရွှေပြည်သာကြံ့ဖွံ့ရုံး ဗုံးခွဲမှု ဦးမြင့်အေးထံမှ ရဲက အဓမ္မ ဖြောင့်ချက်ရယူ
ပီတာအောင်/ ၂ အောက်တိုဘာ ၂၀၀၈။ ။

လူ့အခွင့်အရေးကာကွယ်မြှင့်တင်သူများ ကွန်ရက် (HRDP) အဖွဲ့ခေါင်းဆောင် ဦးမြင့်အေးကို ရွှေပြည်သာကြံ့ဖွံ့ရုံး ဗုံး ပေါက်ကွဲမှုနှင့် ပတ်သက်၍ ရဲက ဖိအားပေးကာ အဓမ္မလက်မှတ်ထိုးခိုင်းခဲ့သဖြင့် ဦးမြင့်အေးက ၀န်ခံ ဖြောင့်ချက် ပေးခဲ့ရသည်ဟု HRDP အဖွဲ့က ပြောသည်။

ဗုံးကွဲမှုနှင့်ပတ်သက်သည်ဟု စွပ်စွဲခံထားရသည့် ဦးမြင့်အေးကို ရဲက စစ်ကြောရေး၌ (၇) နေ့၊ (၇) ညတိုင် ဆက်တိုက် စစ်ကြောမေးမြန်းခဲ့ပြီး ၎င်းနှင့်အမှုတွဲ ကိုရန်ရွှေ၊ ကိုမျိုးမင်း၊ ကိုသန်းဇော်မြင့်တို့အား ညှဉ်းပန်းနှိပ်စက်ပြကာ ရဲက ဦးမြင့်အေးထံမှ ဖြောင့်ချက်ရယူခဲ့ကြောင်း ယမန်နေ့က မြောက်ပိုင်းခရိုင်တရားရုံး၌ ဦးမြင့်အေးအား တွေ့ဆုံခဲ့သူ HRDP အဖွဲ့ဝင် ဦးမောင်မောင်လေးက ပြောသည်။

၎င်းက “ရိုက်နှက်စစ်ဆေးနေတာတွေကို ဦးမြင့်အေးကို ခေါ်ပြတယ်။ ခေါ်ပြပြီးတော့ သူတို့လိုချင်တဲ့ ထွက်ချက်အပေါ်မှာ ဦးမြင့်အေးကို လက်မှတ်ထိုးခိုင်းတယ်။ အဲဒီအခါမှာ ဦးမြင့်အေးက သူ့ HRDP တွေနဲ့ တခြားပုဂ္ဂိုလ်တွေ မြင်မကောင်း၊ ရှုမကောင်းလောက်အောင် ရိုက်နှက်စစ်ဆေးခံနေရတဲ့ အခြေအနေကနေ သက်သာသွားရင်ပြီးရောကွာ၊ ကျန်တာတွေ တရားရုံးကျမှပဲ ရှင်းကြတာပေါ့ဆိုပြီး စာရွက် (၉) ရွက်ပေါ်မှာ ဦးမြင့်အေးက လက်မှတ်ရေးထိုးပေးလိုက်ရတယ်လို့ မနေ့က ကျနော့်ကို ပြောပြလို့သိရပါတယ်။ သူတို့လိုချင်တဲ့ ထွက်ချက်တွေကို ဦးမြင့်အေးက သူ့လက်ရေးနဲ့ ကိုယ်တိုင် ရေးပေးရတယ်။ ရေးပေးပြီးတော့ အဲဒီအပေါ်မှာ လက်မှတ်ထိုးခိုင်းတယ်” ဟု ပြောသည်။

ဦးမြင့်အေးက ရဲထံ ဖြောင့်ချက်ပေးရာတွင် ဗုံးဖောက်ခွဲမှု၌ ပါဝင်ပတ်သက်ကြောင်း တိုက်ရိုက်ဝန်ခံထားခြင်းမရှိကြောင်း၊ နာဂစ်မုန်တိုင်းကယ်ဆယ်ရေး အလှူငွေများ မည်သည့်နေရာမှရ ရှိခဲ့ကြောင်းနှင့် တရုတ်နယ်စပ် ကျယ်ဂေါင်သို့ သွားခဲ့ ကြောင်းတို့ကိုသာ ၀န်ခံလက်မှတ်ထိုးခဲ့ခြင်းဖြစ်ပြီး ရဲထံပေးခဲ့သည့်ဖြောင့်ချက်သည် ဥပဒေအရ တရားရုံး၌ သက်သေခံ မ၀င်ကြောင်း ဦးမြင့်အေး၏ အမှုလိုက်ရှေ့နေ ဦးခင်မောင်ရှိန်က ပြောသည်။

ဦးမြင့်အေးအား မြောက်ပိုင်းခရိုင်တရားရုံး၌ ဗုံးပေါက်ကွဲမှုကို အကူအညီပေးသည်ဟု စွပ်စွဲကာ ပေါက်ကွဲစေတတ်သော အရာဝတ္ထုများ အက်ဥပဒေ ပုဒ်မ (၆) ဖြင့် တရားစွဲဆိုထားခြင်းဖြစ်သည်။ ယင်းပြစ်မှုဖြင့် ထောင်ဒဏ် တသက်တကျွန်း သို့မဟုတ် ထောင်ဒဏ် (၁၀) နှစ်နှင့် ငွေဒဏ်ချမှတ်နိုင်ကြောင်း သိရသည်။

ဦးမြင့်အေး၏အမှုကို တရားခွင်၌ ပြန်လှန်မေးခွန်းများထုတ်၍ ဦးမြင့်အေးလွတ်မြောက်ရေး ဆက်ကြိုးပမ်းမည်ဟု ၎င်း၏ ရှေ့နေက ပြောသည်။ ဦးမြင့်အေးသည် ရွှေပြည်သာတရားရုံး၌လည်း တရားမ၀င်အဖွဲ့ အစည်းနှင့် ဆက်သွယ်မှု၊ တရား မ၀င်နယ်စပ်ဖြတ်ကျော်မှုတို့ဖြင့်လည်း တရားစွဲခံထားရသည်။

ယခုကဲ့သို့ ရဲက အဓမ္မဖိအားပေးကာ ဖြောင့်ချက်ရယူခဲ့ခြင်းသည် လူ့အခွင့်အရေးချိုးဖောက်မှုဖြစ်ကြောင်း HRDP အဖွဲ့မှ ဦးမောင်မောင်လေးက “ဖမ်းဆီးထိန်းသိမ်းထားတဲ့လူတွေကို ရက်စက်ကြမ်းကြုတ်တဲ့ စစ်ကြောမှုတွေ၊ အဓမ္မ၀န်ခံ ခိုင်းတာတွေ၊ အဓမ္မဖိအားပေးတာတွေမှာ ရုပ်ပိုင်းဆိုင်ရာ စိတ်ပိုင်းဆိုင်ရာနှစ်မျိုးစလုံးကို လူ့အခွင့်အရေး ချိုးဖောက် မှုတွေရှိခဲ့တယ်။ လူတယောက်ကို (၇) ရက်ဆက်တိုက် နေ့မအိပ်ရ၊ ညမအိပ်ရလောက်အောင် ဆက်တိုက်မေးမြန်းတာ။ အစာမကျွေးတဲ့ကိစ္စ၊ ရေမတိုက်တဲ့ကိစ္စ၊ စစ်ကြောရေးစခန်းတွေမှာ ဒီလိုညှဉ်းပန်း နှိပ်စက်မှုတွေဟာ နိုင်ငံသားနဲ့ နိုင်ငံရေးဆိုင်ရာ အခွင့်အရေး အပိုဒ် (၇) အရ နိုင်ငံတကာ ရာဇ၀တ်မှုတွေ မြောက်နေပါတယ်” ဟု ပြောသည်။

ဇူလိုင် (၁) ရက် ရွှေပြည်သာကြံ့ဖွံ့ရုံးကို ဗုံးဖောက်ခွဲမှုကျူးလွန်ခဲ့သူများသည် ထန်းတပင် အန်အယ်လ်ဒီလူငယ် ရန်ရွှေ နှင့် ရွှေပြည်သာ အန်အယ်လ်ဒီ ဇော်ဇော်အောင်တို့ဖြစ်ကြောင်း၊ ဗုံးဖောက်ခွဲရန် ပြည်ပမှ အဓိကစီမံဆောင်ရွက်ပေးသူမှာ FDB ကိုကျော်ထက်ဖြစ်ပြီး ဗုံးပေးသူနှင့် ငွေကြေးတဆင့်ခံ ထောက်ပံ့ပေးသူမှာ ဦးမြင့်အေးဖြစ်သည်ဟု စက်တင်ဘာ (၇) ရက် သတင်းစာရှင်းလင်းပွဲ၌ ရဲချုပ်ဗိုလ်မှူးချုပ် ခင်ရီက စွပ်စွဲခဲ့သည်။

By NEJ
ခေတ် ပဒေါင်လူငယ်များ ကြေးကွင်း မစွပ်လိုတော့
အေးလဲ့ အောက်တိုဘာ ၂၊ ၂၀၀၈

ထိုင်းနိုင်ငံရှိ ကြေးကွင်းစွပ် ပဒေါင်တိုင်းရင်းသား လူငယ်အများစုသည် ၎င်းတို့ ရိုးရာကြေးကွင်းများကိုဖြုတ်၍ တတိယနိုင်ငံ သို့ သွားရောက်ပညာသင်ကြားနိုင်ရန် ကြိုးစားလာကြကြောင်း ပဒေါင်လူငယ်များက ပြောသည်။ကရင်နီဒုက္ခသည်စခန်းတွင်း ကျောင်းဆင်းလက်မှတ်ယူအပြီး အမှတ်တရ ဓာတ်ပုံရိုက်ခံနေကြသည့် ပဒေါင်ပျိုဖြူများ၊ ညာအစွန်ရှိ ပဒေါင်ပျိုဖြူမှာ ကြေးကွင်း ဖြုတ်ထားသည် (ဓာတ်ပုံ - ဧရာဝတီ)
အဆိုပါ ကြေးကွင်းဖြုတ်ထားသည်မှာ ၂ နှစ်နှီးပါး ရှိပြီး ကရင်နီဒုက္ခသည်စခန်းတွင် စီမံခန့်ခွဲမှုနှင့် ခေါင်းဆောင်မှု ဘာသာရပ်များ သင်ယူခဲ့သည့် ဟွေ့ပူကဲ ရွာခံတဦး ဖြစ်သူ မူဟွီ(Mu Hwit) က လူငယ်များအနေနှင့် လွတ်လပ်စွာ သွားလာလှုပ် ရှားလိုကြသည်ဟု ပြောဆိုသည်။

“ဒီလိုယဉ်ကျေးမှုနဲ့နေလာတာ အနှစ် ၂၀ နှီးပါးရှိ လာပြီးလည်း ကျမတို့အတွက် ဘာမှတိုးပွားမှု မရှိဘူး” ဟု လည်း ၎င်းက ပြောသည်။

မူဟွီက ဆက်လက်ပြီး“ဒီကြေးကွင်းတပ်ထားရင် ခရီးသွားခွင့်မရှိဘူး၊ ကျမတို့ကျေးရွာမှာကြေးကွင်း ဖြုတ်ထားတာ ၇ယောက် လောက်ရှိပြီ၊ ဘာလို့လဲ ဆို ရွာအပြင်ထွက်ပြီးလွတ်လွတ်လပ်လပ်သွားချင် တယ်၊ ပညာသင်ချင်တယ်၊ ရွာထဲမှာ ထိုင်ပြီး ရိုးရာ ထိန်းသိမ်းနေတဲ့လူတွေ ဟုတ်ချင်မှလည်းဟုတ် လိမ့်မယ်၊ လူငယ်တွေက လွတ်လပ်ချင်စိတ်ရှိတယ်” ဟု ပြောသည်။

ထိုင်းနိုင်ငံမြောက်ပိုင်း မယ်ဟောင်ဆောင်ခရိုင်တွင် နေထိုင်သော ကြေးကွင်းစွပ် ပဒေါင်များကို ကမ္ဘာလှည့် ခရီးသည်များက အထူးတဆန်းဖြစ်ပြီး လာရောက်ကြည့်ရှုခဲ့ရာမှ စွဲဆောင်မှုတခု ဖြစ်လာခဲ့သဖြင့် အာဏာပိုင်များက ခရီးသွားများအား အခ ကြေးငွေယူ၍ ယင်းပဒေါင်ရွာကို ကြည့်ရှုလည်ပတ်စေခဲ့ပြီး ပဒေါင်တိုင်းရင်းသား များ၏ သွားလာရေးကိုလည်း အထူးတင်းကျပ်ထားခဲ့ခြင်းဖြစ်သည်။

မူဟွီသည် ကြေးကွင်းဖြုတ်စဉ် မိဘများက အထူးတားမြစ်ခြင်းမရှိ်သော်လည်း အဘွားဖြစ်သူက ပြန်တပ်ရန် ဖိအားပေးပြောဆိုမှုကို အတိုက်အခံငြင်းဆန် ခဲ့ရကြောင်းပြောပြသည်။

မူဟွီက အဝေးတနေရာသို့ သွားရောက်ကာဆက်လက်ပညာသင်ကြားလိုကြောင်း၊ ပညာသင်ကြားခွင့်မရှိဘဲ ရိုးရာယဉ်ကျေးမှုထိန်းသိမ်းပြီးရွာထဲမှာနေလျှင် အနာဂတ်လှပနိုင်မည်မဟုတ်ကြောင်းလည်း ပြောသည်။

“ထိုင်းအာဏာပိုင်တွေက သူတို့သတ်မှတ်ထားတဲ့ရွာမှာ ကြေးကွင်းစွပ်ထားတဲ့ အမျိုးသမီးတွေကို လစာငွေ ထောက်ပံ့မယ်၊ စားသောက်စရိတ်ပေးမယ်ဆိုပြီး ကတိပေးခဲ့တယ်၊ နောက်တော့ တာဝန်ရှိသူတွေက မထောက်ပံ့တော့ဘူး၊ နိုင်ငံခြားခရီးသွားနည်းတော့ ဝင်ငွေနည်းပါးလာပြီး မိသားစုအခက်အခဲဖြစ်လာတယ်၊ ဒါကြောင့်လူငယ်တွေက သူတို့ ကြေးကွင်းဖြုတ်ပြီး အဝေးထွက်ဖို့စဉ်းစားလာကြတယ်”ဟုကရင်နီယဉ်ကျေးမှု ကြီးကြပ်ရေးကော်မတီ အဖွဲ့ဝင်တဦးဖြစ်သည့် တော်ရယ် (Thaw Reh ) ကပြောသည်

တချို့ ပဒေါင်တိုင်းရင်းသား အိမ်ထောင်သည်များမှာမူ လက်ရှိ၎င်းတို့ နေထိုင်နေရသော ဘဝကိုကျေနပ်ပြီး ထိုင်းနိုင်ငံတွင် ဆက်လက်နေထိုင် လိုကြကြောင်းလည်းသိရသည်။

ကြေးကွင်းစွပ် ပဒေါင်လူမျိုးများသည် မြန်မာနိုင်ငံတွင်းရှိ ကယားပြည်နယ် (ကရင်နီ) ဒီမောဆိုး မြို့နယ်များ နှင့် ရှမ်းပြည် တောင်ပိုင်း ဖယ်ခုံမြို့နယ်တို့တွင် အခြေချနေထိုင်ရာမှ လွန်ခဲ့သည့် အနှစ် (၂၀) အတွင်း မြန်မာ စစ်တပ်များ၏ အဓမ္မရွှေ့ပြောင်းခိုင်းမှု၊ ထိုးစစ်ဆင်မှုကြောင့် ထိုင်း-မြန်မာနယ်စပ်သို့ ထွက်ပြေးခိုလှုံခဲ့ကြ သည်။

ကြေးကွင်းများကို ပဒေါင်အမျိုးသမီးများက ၆ နှစ်အရွယ်မှစပြီး အသက်ကြီးသည်အထိ ကြေးကွင်း၂၆ ကွင်း အထိပင် ဝတ်ဆင်ကြောင်း သိရသည်။ ကြေးကွင်းကို ဘိုးဘွားအစဉ်အဆက်က တပ်ခဲ့ကြပြီး ကိုယ့်လူမျိုး ထူးခြားစေရန်ဟူသော ရည်ရွယ်ချက်ဖြင့်တပ်ဆင်ခြင်းဖြစ်ကြောင်းလည်း သိရသည်။

ယခုနှစ်ဆန်းပိုင်းက ယင်းပဒေါင်းလူမျိုးများအား ကနေဒါ၊ နယူးဇီလန်နှင့် ဖင်လန်နိုင်ငံများမှ အခြေချ နေထိုင်ခွင့် ပေးခဲ့ သော်လည်း ဒေသအာဏာပိုင်များက ခွင့်ပြုရန် ငြင်းဆိုခဲ့သည်။

ထိုင်းနိုင်ငံ မြောက်ပိုင်း မယ်ဟောင်ဆောင်ခရိုင်တွင် ယင်း လည်ပင်းရှည် ပဒေါင်များသည် ဟွေ့စူထောက်၊ ဟွေ့ပူကဲ၊ နိုင်ဆွိုင် စသည့် ရွာ ၃ ရွာ တို့တွင် နေထိုင်လျက်ရှိပြီး လူဦးရေ ၅၀၀ ကျော်ရှိခဲ့ရာမှ ယခုအခါ တတိယ နိုင်ငံသို့ ထွက်နိုင်ရန် အတွက် လူဦးရေ တဝက်ခန့်မှာ ကရင်နီဒုက္ခသည် စခန်းသို့ရွှေ့ပြောင်း သွားသဖြင့် လူဦးရေ ၂၅၀ ခန့် သာ ကျန်ရှိသည်ဟုသိရသည်။

အရှင်ဂမ္ဘီရ တရားရုံး မျှတမှုမရှိဟု ရှေ့နေပြောကြား
ကိုစိုး အောက်တိုဘာ ၂၊ ၂၀၀၈

မြန်မာနိုင်ငံလုံးဆိုင်ရာ သံဃာ့တပ်ပေါင်းစု ဦးဆောင် သံဃာတော်တပါးဖြစ်သည့် အရှင်ဂမ္ဘီရ အပါအ၀င် ၁၁ ဦး အမှုကို ယမန်နေ့က အင်းစိန်ထောင် သီးသန့်ရုံး၌ ရုံးထုတ်ရာတွင် ယင်းတရားရုံး၏ လုပ်ထုံးလုပ်နည်းမှာ တရား မျှတမှု မရှိသော ကြောင့် ၎င်း၏ ရှေ့နေပါဝါကို ပြန်လည်ရုပ်သိမ်းလိုက်ကြောင်း ရှေ့နေကြီး ဦးအောင်သိန်းက ပြောသည်။

အင်းစိန်ထောင်အတွင်းရှိ အလုံမြို့နယ် သီးသန့် တရားရုံး၌ ယမန် နေ့က အဆိုပါအမှုအား ရုံးထုတ်ရာတွင် တရားလိုများဘက်မှ ရုံးချိန်း ၂ ချိန်းအထိ စတင်ယူခဲ့ပြီး စာမျက်နှာ ၁၃ မျက်နှာခန့်အမှုတွဲအား တင်သွင်းစွဲဆိုခဲ့ကြောင်း၊ ရှေ့နေကြီး ဦးအောင်သိန်းက တရားခံများ ဘက်မှ ခုခံချေပရန်အတွက် ယင်းအမှုတွဲကူးယူရန်နှင့် ဖတ်ရှုညှိနှိုင်းရန် အချိန် မလုံလောက် သဖြင့် တရားရုံးသို့ ရုံးချိန်းထပ်မံရွှေ့ဆိုင်းပေးရန် တောင်းဆိုသည်ကို တရားရုံးက ခွင့်မပြုခဲ့ ကြောင်း၊ ထို့ကြောင့် ယခု အမှုကို လိုက်ပါ အကျိုးဆောင်နေခြင်းမှ ရပ်ဆိုင်းလိုက်ခြင်းဖြစ် ကြောင်း သိရသည်။

“အဓိကကတော့ Fair Trial မဖြစ်တာ၊ တရားမမျှတတာ၊ တရားလို ကိုယ်တိုင်က ရုံးချိန်း၂ ချိန်းယူတယ်၊ တရားလိုက သူ ထွက်ချက်တွေ ပေးရတာ၊ ၁၃ မျက်နှာလောက်ရှိတယ်ဗျာ၊ ကွန်ပျူတာနဲ့ စီထားတာ၊ နောက် သူတို့ စပြီး ထွက်တာ၊ ကျုပ်တို့ ကျတော့ မိတ္တူကူးဖို့ ကျတော့ အချိန်မရွေး ထုတ်မပေးဘူး၊ အဲဒီတော့ ဘာမှကြို မသိရဘူး၊ နောက် အမှုသည်နဲ့ ကြိုပြီး ညှိနှိုင်းမှုတွေ ဘာမှရတာမဟုတ်ဘူး၊ အမှုတွဲ ကူးလို့မရရင် အမှုသည်နဲ့ ကြိုတင် ညှိနှိုင်းလို့ မရနိုင်ဘူး၊ ဒီလို အခြေအနေ မျိုးမှာ အဲဒီ ပြဿနာတွေပေါ်ပေါက်ရင် ကျနော်တို့က ဘယ်လိုလုပ်မလဲ၊ ကျနော်က ထွက်ရတော့မှာပေါ့၊ အဲဒီ သဘောပဲ”ဟု ဦးအောင်သိန်းက ဧရာဝတီသို့ ပြောဆိုသည်။

ယင်းအမှုအတွက် ပြီးခဲ့သည့်အပတ် ဗုဒ္ဓဟူးနေ့က အင်းစိန်ထောင် အလုံမြို့နယ် သီးသန့် တရားရုံး၌ တရားလိုများ ကို စတင် စစ်ဆေးခြင်းဖြစ်ပြီး ယမန်နေ့ကပါ ဆိုလျင် ရုံးချိန်း၂ ချိန်းရှိပြီဖြစ်သည်ဟုလည်း ၎င်းက ဆိုသည်။

ယမန်နေ့က အရှင်ဂမ္ဘီရအပါအ၀င် ကိုအောင်ကျော်၊ ဦးအိန္ဒက၊ ဦးအိန္ဒြိယ၊ ဦးသုမန၊ ကိုအောင်ကျော်ကျော်၊ ကိုကျော်ကျော်နိုင်၊ ဦးသန်းနိုင်၊ ဦးရွှေမောင်း၊ ကိုဝဏ္ဏအောင်၊ ဦးဇော်ဝင်း စသည့် ၁၁ ဦးကို ၁၂၄(က)၊ ၅၀၅(ခ) ပုဒ်မအရ အစိုးရကိုအကြည်ညိုပျက်စေမှု သို့မဟုတ် လုံခြုံရေးကို ထိခိုက်ပျက်ပြားစေမှု ၊၂၉၅ (က) ပုဒ်မအရ သာသနာတော် ညှိုးနွမ်းစေမှု တို့အတွက်ရုံးထုတ်ခြင်း ဖြစ်ကြောင်း သိရသည်။

ဦးအောင်သိန်းက ဆက်လက်ပြီး“သူတို့က ဦးတိုက်လျှောက် တရားစွဲဆိုတာ၊ အဲဒါ အမှုတွဲကို ရုံးရှေ့မှာဖတ်တယ်၊ ပြီးသွားတဲ့ အခါကျတော့ ကျနော်ကတရားရုံးကိုတောင်းတယ်၊ နောက်တချိန်း ပေးပါ၊ ဒီမှာပါတဲ့ အကြောင်း အရာတွေမေးရမြန်းရဦး မယ်၊ မေးပြီးတော့မှ ကျနော်တို့ကလုပ်ရမှာ၊ ဘုန်းကြီးကလည်း ၅ ပါးလောက်ပါနေတယ်၊ ကျနော်က အဲဒါတွေ ရှင်းပြပြီး ရုံးချိန်း ထပ်တောင်းတာကို ခွင့်မပြုဘူး၊ အခုစစ်ခိုင်းတယ်၊ ဒါကြောင့် ကျနော့်ပါဝါ ပြန်ရုပ်သိမ်း လိုက်တာ၊ ဘယ်သူ့ကိုမှ မလွှဲဘူး၊ ကျနော်ဆက်ပြီးတော့ လိုက်စရာအကြောင်း မပေါ်ပေါက်တော့ ဘူး၊ ရှေ့နေနဲ့ အမှုသည်ရဲ့ကျင့်စဉ်အရ အမှုသည် ကရပ်ပါဆို လိုက်နေရင်းက ထွက်ပေးလိုက်ရတယ်၊ ရှေ့နေက လည်း သူမလိုက် တော့ဘူးဆို အမှုသည်ကို သဘောပေါက် အောင်ရှင်းပြပြီးတော့ သဘောတူတယ် ဆိုရင် ပါဝါ ရုပ်သိမ်းတယ် ဒါပဲ”ဟု ပြောဆိုသည်။

ထိုသို့ တရားခွင်၌ တရားမျှတမှု မရှိသည့်အတွက် ရှေ့နေကြီးဦးအောင်သိန်းက ၎င်း၏ ရှေ့နေပါဝါ ပြန်လည် ရုပ်သိမ်းလိုက် ရာ လတ်တလောတွင် ယင်းအမှုအား မည်သည့် ရှေ့နေက ဆက်လက်အကျိုးဆောင်ပေးမည်ကို မသိရှိရသေးပေ။

အရှင်ဂမ္ဘီရကို တရားမဝင်အဖွဲ့အစည်းနှင့် ဆက်သွယ်မှု ၊ အီလက်ထရွန်းနစ် ဥပဒေ၊ လူထုကို အထိတ် တလန့်ဖြစ်စေမှု၊ ဘာသာသာသနာ ညှိုးနွမ်းစေသည့် ပုဒ်မ၂၉၅(က)၊ အရေးပေါ် စီမံချက်အက်ဥပဒေ ၅(ည)၊ အသင်းအဖွဲ့ ပုဒ်မ (၆)၊ လဝက ဥပဒေ ၁၃/၁၊ နိုင်ငံတော် ငြိမ်ဝပ်ပိပြားမှုကို ထိခိုက်ပျက်ပြားစေမှု၊ လူ ၅ ဦး ထက်ပိုစုစည်းမှု၊ တရားမ၀င် ပုံနှိပ်ထုတ်ဝေမှု ၁၇/၂၀ စသည့် ပုဒ်မ များဖြင့် စွဲဆိုထားကြောင်းလည်း သိရသည်။

လွန်ခဲ့သည့်သြဂုတ်လ ၂၀ ရက်နေ့ကလည်း အရှင်ဂမ္ဘီရအား အီလက်ထရွန်းနစ် ဆက်သွယ်ရေးဆိုင်ရာ အမှုနှင့် ပတ်သက်ပြီး အင်းစိန်ထောင် အနောက်ပိုင်းခရိုင်တရားရုံးတွင် ရုံးထုတ်ခဲ့သေးသည်။

အရှင်ဂမ္ဘီရအား သြဂုတ်လ ၁၈ ရက်နေ့ က ပထမဆုံးအကြိမ် ရုံးထုတ်ရာတွင် မဂ္ဂင်ဆရာတော် ဦးအိန္ဒက၊ ဦးကေသလ (မန္တလေး)၊ ဦးသုမန (စာရေးဆရာ မင်းဆက်) အရှင်ဂမ္ဘီရ၏ အစ်ကိုဖြစ်သူ ကိုအောင်ကျော်ကျော်နှင့် အမျိုးသားဒီမိုကရေစီ အဖွဲ့ချုပ်ဝင်များဖြစ်သော ကိုရွှေမောင်း(မန္တလေး)၊ ကိုဝဏ္ဏအောင် (မန္တလေး)၊ ကိုသန်းနိုင် (တောင်တွင်းကြီး)၊ ကိုကျော်ကျော်နိုင် စသည် တို့ကိုလည်း ရုံးအတူ ထုတ်ခဲ့သည်။

အရှင်ဂမ္ဘီရကို လွန်ခဲ့သည့်နှစ် စက်တင်ဘာ ရွှေဝါရောင်တော်လှန်ရေးနှင့်ပတ်သက်ပြီး ၂၀၀၇ ခု နိုဝင်ဘာလ ၄ ရက်နေ့ ၌ မန္တလေးတိုင်း စဥ့်ကိုင်မြို့တွင် စစ်အာဏာပိုင်များက ဖမ်းဆီးခဲ့ခြင်းဖြစ်သည်။

အဖွဲ့ချုပ် လေဘေးကယ်ဆယ်ရေးကော်မတီ ဥက္ကဌ ဦးအုန်းကြိုင် အဖမ်းခံရ
ကိုသက် အောက်တိုဘာ ၂၊ ၂၀၀၈

အန်အယ်လ်ဒီ၏ လေဘေးကယ်ဆယ်ရေးကော်မတီ ဥက္ကဌ ဦးအုန်းကြိုင်ကို ယနေ့နံနက် ၂ နာရီခန့်တွင် ရဲအထူးသတင်း တပ်ဖွဲ့က နေအိမ်မှဖမ်းဆီးသွားကြောင်း အန်အယ်လ်ဒီပါတီ ပြောရေးဆိုခွင့်ရှိသူ ဦးဉာဏ်ဝင်းက ဧရာဝတီကို အတည်ပြု ပြောဆိုသည်။

ရဲအထူးသတင်းတပ်ဖွဲ့က ဦးအုန်းကြိုင်၏နေအိမ်ကို ယမန်နေ့ည ၁၀ နာရီခန့်မှ စတင်ရှာဖွေကာ နံနက် ၂ နာရီခန့်တွင် ဖမ်းဆီး သွားသည်ဟု ဦးဉာဏ်ဝင်းက ပြောသည်။

“ဘာကြောင့်ဖမ်းသွားတယ်ဆိုတာ မသိသေးဘူး … လက်ကိုင်ဖုန်းကိုလည်း သိမ်းသွားတယ်။ ကျနော်တို့မျက်စိထဲမှာတော့ ထူးထူးခြားခြားလုပ်တာ မတွေ့ဘူး။ သူက (ဦးအုန်းကြိုင်) ရေဘေးကယ်ဆယ်ရေး ဥက္ကဌ လုပ်တယ်။ ဒါလဲ တော်တော် အောင်အောင်မြင်မြင် လုပ်နိုင်တယ်” ဟု ဦးဉာဏ်ဝင်းက ပြောသည်။ဦးအုန်းကြိုင်သည် နာဂစ်မုန်တိုင်းဒဏ်ခံခဲ့ရသည့် ဧရာဝတီမြစ်ဝကျွန်းပေါ် ဒေသနှင့် ရန်ကုန်တိုင်းအတွင်း လှည့်လည်၍ ကူညီရေးလုပ်ငန်းများကို လုပ်ကိုင်ခဲ့သည်။

ဦးအုန်းကြိုင်သည် အန်အယ်လ်ဒီပါတီ၏ လွှတ်တော်ကိုယ်စားလှယ်တဦးလည်းဖြစ်ပြီး မန္တလေး အရှေ့တောင် အမှတ် (၂) မြို့နယ်မှ အနိုင်ရရှိခဲ့သည်။

စစ်အစိုးရက ဦးအုန်းကြိုင်ကို ၁၉၉၀ ခုနှစ်မှစ၍ ၂၀၀၅ ခုနှစ်အထိ ၁၅ နှစ်ကြာ ဖမ်းဆီးအကျဉ်းချခဲ့ဖူးသည်။

အသက် ၆၄ နှစ် ရှိပြီဖြစ်သည့် ဦးအုန်းကြိုင်သည် ထင်ရှားသည့် သတင်းစာဆရာတဦးလည်းဖြစ်ပြီး ကြေးမုံ၊ ဟံသာဝတီနှင့် ဗိုလ်တထောင်သတင်းစာတို့တွင် အယ်ဒီတာနှင့် လက်ထောက်အယ်ဒီတာ တာဝန်များကို ထမ်းဆောင်ခဲ့သည်။

ဦးအုန်းကြိုင်သည် မောင်ချစ်ဖွယ်၊ အောင်ဝင့်၊ မောင်တင့် စသည့် ကလောင်အမည်များဖြင့်လည်း စာပေများ ရေးသား ခဲ့သည်။

NLD မန္တလေးအမတ် ဦးအုန်းကြိုင် ဖမ်းဆီးခံရ
နန်းဒေဝီ
ကြာသပတေးနေ့၊ အောက်တိုဘာလ 02 2008 14:47 - မြန်မာစံတော်ချိန်

နယူးဒေလီ။ ။ မန္တလေးတိုင်း အရှေ့တောင်မြို့နယ် မဲဆန္ဒနယ် အမှတ် ၂ မှ အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ် ဦးအုန်းကြိုင်အား ယမန်နေ့ည သန်းခေါင်ချိန်တွင် အာဏာပိုင်များက နေအိမ်မှ ဖမ်းဆီးသွားသည်။

အသက် ၆၃ နှစ်အရွယ် ဦးအုန်းကြိုင်အား လက်ရှိနေထိုင်သည့် ရန်ကုန်တိုင်း တောင်ဥက္ကလာပရှိ နေအိမ်သို့ ယမန်နေ့ ည ၁ဝ နာရီခန့်တွင် အာဏာပိုင်များက စတင်ရှာဖွေစစ်ဆေးမှုများ ပြုလုပ်ခဲ့ပြီး ည ၁၂ နာရီကျော်တွင် ခေါ်ဆောင်သွားခြင်းဖြစ်သည်။

"မနေ့က သူ့အိမ်ကို အာဏာပိုင်တွေ ည ၁ဝ နာရီမှာ လာသွားတယ်။ စာရွက်စာတမ်းတွေ သိမ်းသွားတယ်။ ည ၁၂ နဲ့ ၁ နာရီလောက်မှာ အိမ်ကနေ ခေါ်သွားတယ်။ သူနေတဲ့ တောင်ဥက္ကလာ နေအိမ်ကို ရှာသွားတယ်" ဟု အန်အယ်ဒီ ပြောခွင့်ရပုဂ္ဂိုလ် ဦးဉာဏ်ဝင်းက မဇ္ဈိမကို ပြောသည်။ ဖမ်းဆီးမှုနှင့်ပတ်သက်ပြီး အသေးစိတ်ကိုမူ သိရှိနိုင်ခြင်း မရှိသေးကြောင်း ဦးဉာဏ်ဝင်းက ပြောသည်။

သူက "ဘာကြောင့် ခေါ်သွားတယ်ဆိုတာ မသိရသေးဘူး။ ထုံးစံအတိုင်းပဲ၊ ခေါ်သွားရင် ဘယ်တော့မှ မသိရဘူး။ သူတို့ကလည်း ဘယ်တော့မှ မှန်မှန်ကန်ကန် မပြောတတ်ဘူး။ အထင်တော့ မပြောချင်ဘူး။ မှားသွားလို့ရှိရင် တယောက်အတွက် နစ်နာသွားလိမ့်မယ်။ လက်ရှိ ဘယ်မှာ ထိမ်းသိမ်းထားတယ် ဆိုတာလည်း မသိရသေးဘူး။ မိသားစုဝင်တွေကလည်း မသိတော့ ကျနော်တို့လည်း မပြောပြတတ်သေးဘူး" ဟု ပြောသည်။

သတင်းထောက်ဟောင်း ဦးအုန်းကြိုင်သည် အမျိုးသား ဒီမိုကရေစီအဖွဲ့ချုပ် စတင်တည်ထောင်စဉ်ကတည်းက ပါဝင်ခဲ့သူဖြစ်ကာ ၁၉၉ဝ ခုနှစ် စက်တင်ဘာလတွင် အာဏာပိုင်များက ဒနိုင်ငံတော် အကြည်ညိုပျက်စေရန် ရေးသားဖြန့်ဝေမှုနှင့် နိုင်ငံတော် လုံခြုံရေးကို ခြိမ်းခြောက်သည်ဟု စွပ်စွဲခဲ့ကာ ထောင်ဒဏ် ၁၇ နှစ် ပြစ်ဒဏ်ပေးခဲ့သည်။

သူသည် ၂ဝဝ၅ ခုနှစ် ဇန်နဝါရီလ ၃ ရက်နေ့တွင် ပဲခူးတိုင်း တောင်ငူထောင်မှ ပြန်လည် လွတ်မြောက်လာခဲ့သည်။ အန်အယ်ဒီ ဗဟိုကော်မတီဝင်ဟောင်းဖြစ်သူ ဦးအုန်းကြိုင်သည် ပါတီ၏ နာဂစ်မုန်တိုင်း ကယ်ဆယ်ရေးအဖွဲ့တွင် ဥက္ကဋ္ဌအဖြစ် တာဝန်ထမ်းဆောင်နေသူလည်းဖြစ်သည်။

အဖမ်းခံရသည့် လွှတ်တော်ကိုယ်စားလှယ် ဦးအုန်းကြိုင် ပျောက်ဆုံးနေဟု မိသားစုကပြော
မင်းနိုင်သူ/ ၂ အောက်တိုဘာ ၂၀၀၈။ ။

ဦးအုန်းကြိုင်အား ရဲမှူးကြီး ၀င်းမောင် ဦးဆောင်သည့် အဖွဲ့ဝင် (၁၀) ဦးခန့်က ည (၁၀) နာရီခန့်က တောင်ဥက္က လာပမြို့နယ် နေအိမ်သို့ လာရောက် ဖမ်းဆီးခြင်းဖြစ်ကြောင်း ဦးအုန်းကြိုင်၏ သားက ခေတ်ပြိုင်သို့ ပြောပြသည်။

ဖမ်းဆီးသည့် အဖွဲ့ဝင်များက တအိမ်လုံး ရှာဖွေခဲ့ပြီး စာရွက်စာတမ်းများကိုပါ သိမ်းစည်းသွားသည့်အပြင် ဦးအုန်းကြိုင် ကိုင်ဆောင်သည့် လက်ကိုင်တယ်လီဖုန်းကိုလည်း သိမ်းယူသွားကြောင်း ဆက်လက်ပြောပြသည်။

ဦးအုန်းကြိုင်သည် အသက်(၆၄) နှစ်ရှိပြီဖြစ်ပြီး နှလုံးရောဂါ၊ သွေးတိုးရောဂါများ ခံစားနေရသဖြင့် မိသားစုက စိတ်ပူနေသည်။ ယခု သတင်းရေးသည့် အချိန်ထိ ဦးအုန်းကြိုင်အား မည်သည့်နေရာတွင် ဖမ်းဆီးချုပ်နှောင်ထားမှန်း မသိရဟု မိသားစုက ပြောသည်။

By NEJ

အန်န်အယ်လ်ဒီ လေဘေးကယ်ဆယ်ရေး ဥက္ကဋ္ဌ ဦးအုန်းကြိုင် ဖမ်းဆီးခံရ

02 October 2008
ဒေါ်ခင်မျိုးသက်

အမျိုးသားဒီမိုကရေစီအဖွဲ့ချုပ် ဗဟိုအမှုဆောင်ကော်မတီဝင် တဦးလည်းဖြစ်၊ နာဂစ်မုန်တိုင်း
ဒုက္ခသည်ကယ်ဆယ်ကူညီရေး ဥက္ကဋ္ဌလည်းဖြစ်တဲ့ ဦးအုန်းကြိုင်ကို မနေ့ကညပိုင်းမှာ သူ့နေအိမ်
ကနေ အာဏာပိုင်တွေက ဖမ်းဆီးခေါ်ဆောင်သွားပါတယ်။ ဖမ်းဆီးခေါ်ဆောင်မသွားခင်
နေအိမ်မှာ နှစ်နာရီလောက် ရှာဖွေခဲ့တယ်လို့အမျိုးသားဒီမိုကရေစီအဖွဲ့ချုပ်က ပြောပါတယ်။

လေဘေးကယ်ဆယ်ရေးလုပ်ငန်းတွေ တစိုက်မတ်မတ်လုပ်နေတဲ့ ဦးအုန်းကြိုင်ကို အခုလို
ဖမ်းဆီးတာဟာ စစ်အစိုးရအနေနဲ့ ဥပဒေမဲ့လုပ်ရပ်တခုကို ထပ်ပြီး ကျူးလွန်လိုက်တာလို့
နိုင်ငံရေးအကျဉ်းသား အခွင့်အရေး လှုပ်ရှားနေသူတွေက ဝေဖန်ပါတယ်။ အပြည့်အစုံ
ကို ထိုင်းနိုင်ငံကို ရောက်နေတဲ့ ဗွီအိုအေ၀ိုင်းတော်သူ ဒေါ်ခင်မျိုးသက်က တင်ပြ
ပေးထားပါတယ်။

အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့ဝင် ဦးအုန်းကြိုင်ကို ဗုဒ္ဓဟူး
နေ့ည ဆယ်နာရီလောက်က နေအိမ်မှာ ရဲတွေက လာရောက်ဖမ်းဆီးသွားခဲ့ပါတယ်။
ဘာ့ကြောင့် အခုလိုဖမ်းတယ်ဆိုတာကို မသိရသေးဘူးလို့ အဖွဲ့ချုပ်ပြောခွင့်ရ
ဦးဉာဏ်ဝင်းက ပြောပါတယ်။

"ဘယ်လိုလဲဆိုတာတော့ မသိသေးဘူး။ ညတုန်းက ဆယ်နာရီလောက်လာတယ်၊
နှစ်နာရီလောက် စာရွက်စာတမ်းတွေရှာပြီး ခေါ်သွားတာပဲ။"

ဘာအကြောင်းပြပြီး ခေါ်သွားတာပါလဲ။

"ထုံးစံအတိုင်းပဲ၊ သူတို့က ဘာမှအကြောင်းမပြဘူး။ ခဏပါ ဘာညာနဲ့ မျိုးစုံ
လျှောက်ပြောတာပဲ။"

လာခေါ်သွားတာ ဘယ်သူတွေလို့ သိရပါသလဲ။

"ရဲကပါ။"

ဦးအုန်းကြိုင်ဟာ ဗိုလ်တထောင်သတင်းစာ အယ်ဒီတာတဦးအဖြစ် တာဝန်ထမ်းဆောင်
ခဲ့သူဖြစ်ပြီး ကလောင်အမည်က အောင်ဝင့် ဖြစ်ပါတယ်။ သတင်းစာဆရာကြီး
ဦးဝင်းတင်နဲ့ ရင်းနှီးကျွမ်းဝင်သူတဦးဖြစ်ပြီး သတင်းလောကကနေ ၁၉၉၀ ခုနှစ်
ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ်ရဲ့ မန္တလေးတိုင်း လွှတ်တော်အမတ်
တဦးအဖြစ် ပါဝင်ယှဉ်ပြိုင်ပြီး အရွေးခံခဲ့သူ ဖြစ်ပါတယ်။သြဂုတ်လထဲမှာ သံဃာတော်တွေ ဆန္ဒပြတာကို ရက်ရက်စက်စက် ဖြိုခွဲခဲ့တာတွေနဲ့
ပတ်သက်ပြီး ဆန့်ကျင်ပြောဆိုခဲ့တဲ့နောက်ပိုင်း ၁၉၉၀ ခုနှစ် စက်တင်ဘာလထဲမှာ
နိုင်ငံတော် အရေးပေါ်စီမံချက် ဥပဒေ ၅(ည) နဲ့ရော၊ တရားမ၀င် ပုံနှိပ်အက်ဥပဒေ
၁၇/၂၀ နဲ့ပါ ဖမ်းဆီးအရေးယူတာကို ခံခဲ့ရတယ်လို့ AAPPB ခေါ် နိုင်ငံရေးအကျဉ်းသား
များ ကူညီစောင့်ရှောက်ရေးအဖွဲ့က ဦးဘိုကြည်က ပြောပါတယ်။

"ဦးအုန်းကြိုင်ကို ပထမအကြိမ်ဖမ်းတာက စက်တင်ဘာ ၆ ရက်၊ ၁၉၉၀ က သူ့အိမ်မှာ
လာဖမ်းသွားတာ။ အဲဒီအချိန်ဖမ်းတုန်းကတော့ စစ်တပ်တွေနဲ့ ၀ိုင်းပြီးတော့ ဖမ်းသွား
တယ်။ ဖမ်းတဲ့အဓိကအကြောင်းက အဲဒီတုန်းက စင်ပြိုင်အစိုးရဖွဲ့စည်းမှုနဲ့ ပတ်သက်
တယ်ဆိုပြီး ဖမ်းလိုက်တာ။ နောက်တခုက ၁၉၉၀ သြဂုတ်လ မန္တလေးမှာဖြစ်ခဲ့တဲ့
ဘုန်းကြီးသပိတ်တွေကို နအဖက ပြင်းပြင်းထန်ထန် ဖြိုခွဲခဲ့တယ်။ အဲဒီဖြိုခွဲတဲ့အပေါ်မှာ
ဦးအုန်းကြိုင်က ပြန်ပြီး Complain လုပ်တာတွေ၊ အကြမ်းဖက် ဖြိုခွဲမှုအပေါ်မှာ ဆန့်ကျင်
ပြီး ပြောဆိုတာတွေရှိတယ်။ ပထမအကြိမ်တုန်းကတော့ အဲဒီအတွက် အဖမ်းခံခဲ့ရ
တယ်။ သူ့ကို အမှုနှစ်မှုနဲ့ ထောင် ၁၇ နှစ်ချတယ်။"

၂၀၀၅ ခုနှစ် ဇန်န၀ါရီလ ၃ ရက်နေ့မှာ တောင်ငူအကျဉ်းထောင်ကနေ ပြန်လည်
လွတ်မြောက်လာတဲ့ ဦးအုန်းကြိုင်ဟာ အမျိုးသားဒီမိုကရေစီအဖွဲ့ချုပ်မှာ ဗဟိုအမှု
ဆောင် ကော်မတီဝင်အဖြစ်နဲ့ တာဝန်ထမ်းဆောင်နေပြီး နာဂစ်ဆိုင်ကလုံးဒဏ် ခံခဲ့ရ
တဲ့ အချိန်မှာတော့ ဒုက္ခသည်တွေအတွက် အကူအညီပေးတဲ့ ကယ်ဆယ်ရေးဥက္ကဋ္ဌ
အဖြစ်နဲ့ တာဝန်ယူခဲ့ပါတယ်။ ဦးအုန်းကြိုင်ရဲ့ ကယ်ဆယ်ရေးအဖွဲ့ဟာ ထူးထူးခြားခြား
ဒုက္ခသည်တွေအတွက် ရေတွင်းရေကန် တူးဖော်တာတွေ၊ သန့်စင်တာတွေကို
အောင်အောင်မြင်မြင် လုပ်ပေးနိုင်ခဲ့ပါတယ်။

ကူညီကယ်ဆယ်ရေးကိစ္စတွေနဲ့ လုံးပမ်းရင်း အချိန်ကုန်နေတဲ့ ဦးအုန်းကြိုင်ကို ဖမ်းဆီး
သွားတာဟာ ဥပဒေမဲ့ လုပ်ရပ်တခုလို့ ဦးဘိုကြည်က မြင်ပါတယ်။

"မြန်မာနိုင်ငံမှာ ဥပဒေစိုးမိုးမှု မရှိဘူးဆိုတာ ဒီလိုမျိုး လက်လွတ်စပယ် အဖမ်းခံရတာ
တွေက သက်သက်ပြနေတယ်။ ဒီလို လက်လွတ်စပယ် လူတွေကို ဖမ်းချင်တိုင်းဖမ်း
တယ်။ ပြီးရင် ဖမ်းတဲ့သူတွေက ဘယ်သူလဲ၊ ဘာကြောင့်ဖမ်းတယ်လို့ ပြောဆိုတာ
မတွေ့ရဘူး။ ဒါဟာ ဥပဒေအရ လုပ်ပိုင်ခွင့်မရှိပါဘူး။ တကယ်လို့ ဖမ်းတယ်ဆိုရင်
ဘာကြောင့်ဖမ်းတယ်၊ အဖမ်းခံရတဲ့အကြောင်းကို အဖမ်းခံရတဲ့သူကို ပြောရမယ်၊
သူ့မိသားစုကို ပြောရမယ်။ ဘယ်နေရာမှာထားမယ်၊ ဘယ်လိုဖြစ်မယ်ဆိုတာတွေ
ပြောရဆိုရမယ်။ ဒါတွေမရှိဘဲဖမ်းတာက ဥပဒေမဲ့ဖမ်းတာဖြစ်တယ်။"

နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့က ဦးဘိုကြည် ပြောပြသွားတာ
ဖြစ်ပါတယ်။

မြန်မာနိုင်ငံသားများအား မီဇိုရမ် ရပ်ကွက်တခုက နေထိုင်ခွင့်မပြု
ဇလပ်မေ
ကြာသပတေးနေ့၊ အောက်တိုဘာလ 02 2008 19:01 - မြန်မာစံတော်ချိန်

အိုက်ဇော။ ။ တရားမဝင် မြန်မာလုပ်သားများအား ရပ်ကွက်အတွင်း နေထိုင်ခွင့် မပြုသည့် ဆုံးဖြတ်ချက်ကို ဆက်လက် ဖော်ဆောင်သွားမည်ဟု အိန္ဒိယနိုင်ငံ မီဇိုရမ်ပြည်နယ် အိုက်ဇောမြို့ရှိ Thanhril ရပ်ကွက်မှ သြဇာကြီးမားသည့် လူငယ်အသင်း တခုက ယနေ့ ပြောဆိုလိုက်သည်။

ပြီးခဲ့သည့်လ ၇ ရက်နေ့တွင် မြန်မာနိုင်ငံသား ၄ ဦးနှင့် ဒေသခံ လူငယ်များအကြား ခိုက်ရန် ဖြစ်ပွားပြီးနောက် တပတ်ခန့်အကြာတွင် ရပ်ကွက်လူငယ်၊ အမျိုးသမီးနှင့် သက်ကြီးရွယ်အို အဖွဲ့တို့က မြန်မာပြည်သားများအား အောက်တိုဘာလ ၄ ရက်နေ့ နောက်ဆုံးထားကာ ရပ်ကွက်အတွင်းက ထွက်ခွါရန် ဆုံးဖြတ်ခဲ့သည့်အတိုင်း ဆက်လက် ဖော်ဆောင်သွားမည်ဟု မြို့တော် အိုက်ဇော အနောက်ပိုင်းရှိ Thanhril ရပ်ကွက်မှ မီဇိုလူငယ်များအသင်း Young Mizo Association (YMA) က ပြောဆိုလိုက်ခြင်း ဖြစ်သည်။

“ဆုံးဖြတ်ထားတဲ့အတိုင်း လုပ်ဆောင်ရမှာပဲ။ စိတ်တော့ မကောင်းပါဘူး။ ဒါပေမဲ့ ရပ်ရွာကောင်းကျိုးအတွက် လုပ်ရမှာပဲ။ မြန်မာနိုင်ငံသားတွေ ထွက်၊ မထွက် စစ်ဆေးသွားမှာ” ဟု Thanhril ရပ်ကွက် YMA President ဥက္ကဋ္ဌ Mr. Vanlalngeta က မဇ္ဈိမကို ပြောသည်။

စက်တင်ဘာလ ၇ ရက်နေ့တွင် မြန်မာပြည်သား ၄ ဦးသည် ဒေသခံ အမျိုးသမီးတဦး ရေတွင်း၌ ရေချိုးနေစဉ် မဖွယ်မရာစကား ပြောဆိုသဖြင့် ဒေသခံ လူငယ်များနှင့် ခိုက်ရန် ဖြစ်ပွားပြီးနောက် မီဇိုလူငယ်များအသင်း - YMA ကျေးရွာကောင်စီ – VC မီဇို အမျိုးသမီးများအဖွဲ့ - MHIP နှင့် မီဇို သက်ကြီးရွယ်အိုများအဖွဲ့ - MUP က အစည်းအဝေး ခေါ်ယူကာ နေထိုင်ခွင့်မပြုရေး ဆုံးဖြတ်ချက်ကို ချမှတ်ခဲ့ခြင်း ဖြစ်သည်။

“မြန်မာနိုင်ငံသား အချို့ဟာ ရပ်ကွက်အတွင်း စည်းကမ်းမဲ့၊ အရက်ရောင်းတာတွေ ရှိတယ်။ တပြည်နယ်လုံးက အရက် တားမြစ်ထားသလို ရပ်ကွက်ထဲမှာလည်း တားမြစ်ထားပါတယ်။ အခုလည်း အရက်မူးပြီး ပြဿနာ ရှာတယ်။ သူတို့ ၄ ယောက်ကို ကျနော် ခဏခဏ ခေါ်ပြီး ဆုံးမစကား ပြောဖူးပါတယ်။ အရက်မူးပြီး ပြဿနာလုပ်လွန်းလို့လေ။ ကောင်းကောင်းနေတဲ့ သူတွေရှိသလို၊ စည်းကမ်း မရှိတဲ့သူတွေလည်း အတော်များပါတယ်” ဟု Vanlalngeta က ပြောသည်။

ကာယကံရှင် ၄ ဦးကိုမူ ရဲက ဖမ်းဆီး ခေါ်ဆောင်သွားခဲ့သော်လည်း ယခုအခါ မည်သည့်နေရာတွင် ရောက်ရှိကာ၊ မည်ကဲ့သို့ ဆက်လက် အရေးယူမည်ကိုမူ မသိရှိရသေးပါ။

Thanhril ရပ်ကွက်တွင် မြန်မာနိုင်ငံသား ၁၅ဝ ခန့် နေထိုင်ကြပြီး ခြံစောင့်၊ ကျောက်ထု လုပ်ငန်းများတွင် လုပ်ကိုင်နေကြသည်။

မြန်မာနိုင်ငံသား ခြံစောင့်အလုပ်သမား ဦး Ro kung က “အခြေအနေက ပြောလို့မရသေးဘူး။ မြန်မာနိုင်ငံသား ၄ ယောက်ထဲက တယောက်ကတော့ ဒေသခံတွေ ထိုးကြိတ်လို့ နံရိုးကျိုးသွားပါတယ်။ သူတို့တွေက အရင်လကလည်း အရက်မူးပြီး ဒေသခံတွေနဲ့ ဓားထိုးမှုဖြစ်ပြီး ပြဿနာဖြစ်တာ မကြာသေးဘူး။ အခုလို ပြန်ဖြစ်တော့ အခြေအနေ ပိုဆိုးသွားတယ်” ဟု ပြောသည်။

သူက ဆက်ပြီး ”အခုချိန်အထိတော့ ဘာမှ တာဝန်ယူ ဆောင်ရွက်တာတွေ မရှိသေးဘူး။ အာဏာရှိတဲ့သူတွေက မြန်မာနိုင်ငံသားတွေ တကယ် ထွက်၊ မထွက် စစ်တဲ့အချိန်မှပဲ သိရမယ်။ တချို့ကတော့ ထွက်သွားတာ ရှိတယ်” ဟု ပြောသည်။

သတ်မှတ်ရက် ကျော်လွန်ကာ ဆက်လက် နေထိုင်သူများအား မည်ကဲ့သို့ အရေးယူသွားမည်ကို ကြေညာထားခြင်း မရှိသော်လည်း ဖြစ်ပေါ်လာမည့် အခြေအနေကို တာဝန်ယူမည် မဟုတ်ကြောင်းကိုမူ အဖွဲ့အစည်းများက ပြောဆိုထားသည်။

မီဇိုရမ်အခြေစိုက် လူ့အခွင့်အရေးနှင့် ဥပဒေကွန်ယက်အဖွဲ့ - (HRLN) တာဝန်ခံ Mr. Lalremruata က “ဒုစရိုက် လုပ်တဲ့သူကို ထိုက်တန်တဲ့အပြစ် ပေးပြီးရင် ကျေနပ်သင့်တယ်။ အခုလို မြန်မာနိုင်ငံသား မှန်သမျှအားလုံး ရပ်ကွက်ကနေ ထွက်ခွါခိုင်းတာဟာ လူ့အခွင့်အရေး ချိုးဖောက်တာလို့ ဆိုလို့ရပါတယ်” ဟု ပြောသည်။

သူက ဆက်ပြီး “မီဇိုရမ်မှာရှိတဲ့ လူအများစုဟာ စီးပွားရေးအရ ရွှေ့ပြောင်းလုပ်သားတွေ ဖြစ်တယ်။ နိုင်ငံရေး မတည်ငြိမ်မှု၊ အကြောင်းအမျိုးမျိုးကြောင့် ရောက်လာတဲ့ ရွှေ့ပြောင်း အလုပ်သမားတွေဟာ အခုလို ပြဿနာတွေနဲ့ ကြုံရမြဲပါ။ ဒါနဲ့ပတ်သက်ပြီး မီဇိုရမ်အစိုးရက ဘာမှ လုပ်ဆောင်တာ မရှိဘူး။ မီဇိုရမ်အစိုးရနဲ့ ဗဟိုအစိုးရ ပူးပေါင်းပြီး ဒုက္ခသည်စခန်းတွေ၊ နေထိုင်စရာ၊ စားစရာတွေ ပေးသင့်တယ်။ လိုအပ်သလို အခုထိ မဆောင်ရွက်သေးတာကို အထူးရှုတ်ချတယ်” ဟု ပြောသည်။

ပြီးခဲ့သည့် ၂ဝဝ၃ ခုနှစ်အတွင်းကလည်း မီဇိုရမ်ပြည်နယ်တွင် မြန်မာနိုင်ငံသားတဦးက ဒေသခံ အမျိုးသမီးတဦးအား မတရား ပြုကျင့်မှုကြောင့် မြန်မာနိုင်ငံသားများ နေရပ်ရင်းသို့ နှင်ထုတ်ခဲ့ဖူးသည်။

မြန်မာမူဆလင်များ အစ်ပွဲတော် ကျင်းပ
မဇ္ဈိမသတင်းဌာန
ကြာသပတေးနေ့၊ အောက်တိုဘာလ 02 2008 17:37 - မြန်မာစံတော်ချိန်


ချင်းမိုင်။ ။ မြန်မာပြည်ရှိ မူဆလင်ဘာသာဝင်များသည် ရာမာဒန်ဥပုဉ်လ လွန်မြောက်သည့် အထိမ်းအမှတ် Eid ul-Fitr အစ်ပွဲတော်ကို ကျင်းပလျက် ရှိကြသည်။

ရက်ပေါင်း ၃ဝ ဆက်တိုက် ရာမာဒန် ဥပုဉ်လအတွင်း မူဆလင်ဘာသာဝင်များသည် အစာစားခြင်း၊ ရေသောက်ခြင်းတို့ကို နေထွက်မှသည် နေဝင်ချိန်အထိ မပြုလုပ်ရန် ဘာသာရေးအရ နှိုးဆော်ထားသည်။ မြန်မာပြည် မူဆလင်ဘာသာဝင်များ အခေါ်အရ ထိုကာလကို ဝါတွင်းဟု သတ်မှတ်ပြီး၊ လွန်မြောက်လျှင် ဝါကျွတ်သည်ဟု ခေါ်ဆိုသည်။

မြန်မာမူဆလင်များအတွက် ပျော်ရွှင်စရာအကောင်းဆုံး အချိန်တခုဖြစ်ပြီး မုန့်များလုပ်ကာ ဝေငှလှူဒါန်းကြလေ့ ရှိသည်။ စမိုင်မုန့်ကို အဓိကအားဖြင့် ချက်လုပ်ကြပြီး အချို့က ဟာလဝါ၊ အုန်းနို့ခေါက်ဆွဲ၊ မုန့်ဟင်းခါးတို့လည်း ပါဝင်လှူဒါန်းကြသည်။

အစ်နေ့ရောက်လျှင် မြို့နယ်အလိုက် စုပေါင်းလုပ်ကြလေ့ရှိပြီး ဘုရားဝတ်ပြုသော ပလီကျောင်းများလည်း စည်ကားလေ့ရှိသည်။ လကို အခြေခံသည့် ပြက္ခဒိန်ပေါ် မူတည်တွက်ချက် လုပ်ကြသည့် "လေ့ရှိသော မြန်မာနိုင်ငံက မူဆလင်များအတွက် စမိုင်အစ်ဟု လူသိများသည့် မုန့်အချိုများ လှူဒါန်းလေ့ရှိသည့် အစ်သည် အခြားနိုင်ငံများနှင့် နှိုင်းယှဉ်လျှင် တရက်နောက်ကျနေသည်။

ရန်ကုန်မြို့ မူစလင်ဘာသာဝင် တဦးဖြစ်သည့် ဦးထွန်းစိန်အား မဇ္ဈိမသတင်းထောက် သန်းထိုက်ဦးက ဆက်သွယ်မေးမြန်းထားပါသည်။

မေး။ မြန်မာနိုင်ငံမှာ ဒီနေ့ကျရောက်တဲ့ အစ်နေ့ကို ဘာအစ်လို့ ခေါ်သလဲ။ ဘာကြောင့် လုပ်ရတာလဲ။

ဖြေ။ ကျနော်တို့ မူဆလင်မှာ တလလုံးလုံးကို ဝါစောင့်တာပေါ့နော်၊ ဥပုသ်စောင့်တာပေါ့။ ကျနော်တို့ စောင့်ပြီးတော့ အဲဒါ ဝါထွက်တဲ့ အထိမ်းအမှတ် အစ်ပဲလေ။ ကျနော်ကတော့ အဲလိုပဲ ပြောတတ်ပါတယ်။ ဘာကြောင့်လဲဆိုတော့ ဝါကျွတ်တာပဲလေ။ တလလုံး ဥပုသ်စောင့်ပြီးတော့ ဝါကျွတ်လို့ပေါ့။ အဲဒီ အထိမ်းအမှတ်နဲ့ လုပ်တာပဲ။

တလလုံးလုံး ဦးပုသ်စောင့်ခဲ့တာပေါ့ဗျာ။ အဲဒီ ဦးပုသ်စောင့်တဲ့ အောင်မြင်မှု အထိမ်းအမှတ်လို့ ပြောချင်ပြောလို့ ရမှာပေါ့နော်။ တလလုံး နေ့ခင်းဘက်မှာ မစားသောက်ခဲ့တာကို ဒီတလ ပြည့်ပြီးတော့ အခု တာဝန်တရပ် ပြီးဆုံးသွားပြီပေါ့ဗျာ။ ဥပုသ်စောင့်တာ ကျနော်တို့ရဲ့ တာဝန်တရပ် ဖြစ်နေတာကိုး။ တာဝန်ပြီးဆုံးသွားတဲ့ အထိမ်းအမှတ်ပွဲတပွဲပဲ ပြောရမှာပေါ့။

မေး။ ဗုဒ္ဓဘာသာ အများစုဖြစ်တဲ့ နိုင်ငံမှာ မူဆလင် အစ်လုပ်ရတာ စိတ်ပိုင်းနဲ့ ရုပ်ပိုင်းဆိုင်ရာ ဘယ်လို အခက်အခဲတွေ ကြုံတွေ့ရလဲ။

ဖြေ။ အဲဒါနဲ့ပတ်သက်ပြီးတော့ အခက်အခဲတော့ မရှိဘူး။ အစ်နေ့မှာ ကျနော်ကတော့ တနှစ်မှ မကြုံဖူးဘူးဗျာ။ တခုပဲ ရှိတာက ကျနော်တို့ဆီမှာက နိုင်ငံတကာနဲ့ မတူဘူးဗျာ။ နိုင်ငံတကာမှာဆို မနေ့က အစ်လုပ်ကြတယ်။ အများစုက ကျနော်တို့ နိုင်ငံမှာ ဒီနေ့မှာပေါ့၊ ကျနော်တို့မှာ အဲဒီ ပြဿဿနာပဲ ရှိတယ်။

မေး။ ဘယ်လိုမျိုးဖြစ်တာလဲ။

ဖြေ။ ကျနော်တို့က မူဆလင် လက သူ့လနဲ့ ရှိတာ။ နမူနာ - ပြက္ခဒိန်နဲ့ ပြောရရင် လနဲ့သွားတာကိုး။ လထွက်ပြီးရင် နောက်တလ စဝင်တယ်။ အဲဒီလိုမျိုး သတ်မှတ်ထားတာကိုး။ အဲဒီလိုမျိုး သတ်မှတ်တော့ ကျနော်တို့ဆီမှာ လရှိတဲ့ ပြဿဿနာပေါ့။ လကို စောင့်ကြည့်ကြတာပေါ့ဗျာ။ ပြီးတော့ ကျနော်တို့ ဝါထွက်တာပေါ့။ နိုင်ငံတကာမှာကျတော့ လကို မကြည့်တော့ဘူးဗျာ။ တွက်ချက်ပြီးတော့ သူတို့မှာ ရက်ကို အတိအကျ သတ်မှတ်တယ်။ ပြီးရင် အစ်နေ့ကို ကြေငြာထားပေးတယ်။

မေး။ မြန်မာ မူဆလင်တွေက ဘယ်လိုမျိုး အလှူတွေ လုပ်လဲ။ ဘာအစားအစာတွေ ကျွေးလဲ။

ဖြေ။ ကျနော်တို့မှာက ဒီအစ်ကတော့ အဓိက မုန့်လုပ်တာပေါ့ဗျာ။ မုန့်ကျွေးကြတာပေါ့။ မုန့်လုပ်တဲ့အထဲမှာ အစားအသောက်အများစုကတော့ စမိုင်ဆိုတဲ့ မုန့်ကို အဓိက ချက်ကြတာပေါ့ဗျာ။ ပြီးရင် အုန်းနို့ခေါက်ဆွဲရှိမယ်၊ မုန့်ဟင်းခါးချက်ကြတယ်။ အဲဒါတွေပဲ လုပ်ကြတယ်။ ဟာလဝါမုန့်လုပ်ကြတယ်။

မေး။ မြန်မာနိုင်ငံမှာ ရှိတဲ့ ပလီတွေ၊ အစ်နေ့ကျင်းပတဲ့ နေရာတွေမှာ ဘယ်ဒေသတွေက အကျော်ကြားဆုံးလဲ။

ဖြေ။ ဒါကတော့ တနိုင်ငံလုံး လုပ်ကြတာပဲ။ သူ့မြို့နယ်အလိုက် လုပ်ကြတာပဲ။ ဘယ်နေရာရယ် စည်ကားတယ်လို့ မရှိဘူး။ လူများတဲ့ နေရာ ပိုစည်ကားမှာပေါ့။

စမိုင် မုန့်လုပ်နည်း
မဇ္ဈိမသတင်းဌာန
ကြာသပတေးနေ့၊ အောက်တိုဘာလ 02 2008 21:35 - မြန်မာစံတော်ချိန်

၁။ စမိုင်ခြောက် (ကြာဇံခြောက်) ကို ထောပတ်လိုသလောက် ထည့်ကာ အရင်ဆုံး လှော်ပြီးနောက် သီးသန့် ဖယ်ထားရမည်။

၂။ ရေကို ဆူအောင် တည်ပြီးပါက အုန်းနို့စိမ်း ၂ ကီလိုဂရမ်၊ လှော်ထားသော မြေပဲ ချိန်ဆထည့်၊ နို့ဆီ ၁ ဗူး၊ နို့စိမ်းဗူး ၂ ဗူး၊ သကြား တစ်ကီလိုဂရမ်ခွဲ၊ စပျစ်ခြောက် အဖြူ (တစ်ကီလို၏ ၁ဝ ပုံ တပုံ) တို့ကို ထည့်ရမည်။ (ရေကိုမူ စမိုင် တစ်ကီလိုဂရမ် သုံးမည်ဆိုပါက အနည်းဆုံး ၁ဝ ကီလိုဂရမ် သုံးရသည်။) မှတ်ချက်။ ။ စပျစ်ခြောက် အမဲရောင် မသုံးရပါ။ အမဲရောင်သုံးပါက စမိုင်တအိုးလုံး မဲသွားနိုင်သည်။

၃။ လှော်ထားသည့် စမိုင်ခြောက်ကို ဆူပွက်နေသော အိုးအတွင်း ထည့်လိုက်ပြီးနောက် ၅ မိနစ်ခန့်အကြာတွင် အဆင်သင့် စားသုံးနိုင်သော စမိုင် မုန့်ရရှိမည် ဖြစ်သည်။

မိခင်နို့ တိုက်ကျွေးခြင်းသည်သာ လသားကလေးငယ်များအတွက် အလုံခြုံဆုံး
နန်းဒေဝီ
ဗုဒ္ဓဟူးနေ့၊ အောက်တိုဘာလ 01 2008 22:30 - မြန်မာစံတော်ချိန်

နယူးဒေလီ။ ။ မသန့်ရှင်းသည့် နို့များ သောက်သုံးခြင်းဖြင့် ကလေးငယ်များ၏ ကျန်းမာရေးအန္တရာယ် ကျရောက်ခြင်းမှ ရှောင်ရှားနိုင်ရန် ကမ္ဘာ့ကျန်းမာရေး အဖွဲ့ကြီး (WHO) နှင့် ကုလသမဂ္ဂ ကလေးသူငယ်များ ရံပုံငွေအဖွဲ့ (UNICEF) တို့ ပူးပေါင်း၍ ၆ လအောက် ကလေးငယ်များကို မိခင်နို့သာ တိုက်ကျွေးကြရန် မြန်မာမိခင်များအား တိုက်တွန်း ပြောကြားလိုက်ပါသည်။

မြန်မာ ကျန်းမာရေး ဝန်ကြီးဌာနနှင့် ကုလသမဂ္ဂ အေဂျင်စီ ၂ ခုတို့ ၆ လအောက် ကလေးငယ်များ လုံခြုံစိတ်ချရရေးအတွက် ပူးတွဲ ဆောင်ရွက်သည့် အနေဖြင့် မည်သည့်နို့မှုံ့ကိုမျှ အသုံးမပြုကြရန် မိဘာများအား အကြံပေး တိုက်တွန်းခဲ့ခြင်း ဖြစ်ပါသည်။

"လသားကလေးတွေနဲ့ ကလေးငယ်တွေအတွက် မိခင်နို့ တိုက်ကျွေးခြင်းသည်သာ တခုတည်းသော အထိရောက်ဆုံးနဲ့ စိတ်အချရဆုံး နည်းလမ်း ဖြစ်တယ်။ မူတရပ်အနေနဲ့ (UNICEF) က တရုတ်လုပ်ဖြစ်ဖြစ်၊ ဘယ်နိုင်ငံကဖြစ်ဖြစ် ဘယ်မိခင်နို့ အစားထိုး ပစ္စည်းကိုမှ အားပေးမြှင့်တင်တာ မလုပ်ပါဘူး" ဟု UNICEF ၏ ဆက်သွယ်ရေး အထူးကျွမ်းကျင်သူ အင်နာကေစတက်ချတ် (Anna K. Stechert) က ပြောကြားသွားခဲ့ပါသည်။

မသန့်ရှင်းသော နွားနို့များ သောက်သုံးခြင်းနှင့် ပတ်သက်၍ မြန်မာအစိုးရ၏ သတိပေးချက် အစိုးရအာဘော် သတင်းစာများတွင် ဖေါ်ပြပါရှိပြီးနောက် တရက်အကြာတွင် ဤကြေငြာချက် ထွက်ပေါ်လာခြင်း ဖြစ်ပါသည်။ သို့သော် ဤသတိပေးချက်တွင် တရုတ်လုပ် နို့မှုံ့များ၌ ပလပ်စတစ် ထုတ်လုပ်ရာတွင် အသုံးပြုသည့် စက်မှုသုံး ဓါတုပစ္စည်း မီလာမင်း ပါဝင်ကြောင်း တွေ့ရှိရသည်ဟု ဖေါ်ပြထားခြင်း မရှိပါ။

သို့သော် ဗုဒ္ဓဟူးနေ့က ထုတ်ပြန်သည့် ပူးတွဲ ထုတ်ပြန်ချက်တွင်မူ မြန်မာနိုင်ငံ ဈေးကွက်ထဲတွင် ပျံ့နှံ့လျက်ရှိသော မသန့်ရှင်းသည့် နို့မှုံ့များနှင့် ပတ်သက်၍ မြန်မာအစိုးရက ချက်ချင်း တုံ့ပြန်အရေးယူ ဆောင်ရွက်မှုများ ပြုလုပ်လျက်ရှိကြောင်း ဖေါ်ပြထားသည်။ ထို့ပြင် ဈေးကွက်အတွင်း ရောက်ရှိနေဖွယ်ရှိသော မသန့်ရှင်းသည့် နို့များကိုလည်း အစိုးရက ရှာဖွေ စမ်းသပ်ခြင်းများ လုပ်ဆောင်လျက် ရှိသည်ဟု ကြေငြာချက်တွင် ရေးသားထားပါသည်။

"UNICEF သည် မိခင်နို့ အစားထိုးပစ္စည်းများ သုံးစွဲခြင်းကို ဆန့်ကျင်ကြောင်း၊ နို့မှုံ့ဖျော်ရာတွင် မသန့်ရှင်းသောရေများ သုံးစွဲမိခြင်းဖြင့် ကလေးငယ်များ ဝမ်းလျှောဝမ်းပျက်ရောဂါ ရနိုင်ကြောင်း၊ ရေရောထားသော နို့ကို သောက်သုံးခြင်းဖြင့် အဟာရ ချို့တဲ့မှုများလည်း ပေါ်ပေါက်နိုင်ကြောင်း" အန်နာ က ပြောပါသည်။

ဤအတောအတွင်း မသန့်ရှင်းသော နို့မှုံ့များကို သောက်သုံးမိခြင်းကြောင့် အနည်းဆုံး ကလေးငယ် ၄ ဦး တရုတ်ပြည်တွင် သေဆုံးခဲ့ပြီးဖြစ်ပြီး၊ ကလေးပေါင်း ၅၂ဝဝဝ မှာ ဖျားနာနေကြပါသည်။ တရုတ်အစိုးရက နို့ထွက်ပစ္စည်း ထုတ်လုပ်သည့် ကုမ္ပဏီ ၂၂ ခုကို ဓါတုပစ္စည်း မီလာမင်း ပါဝင်နေကြောင်း စစ်ဆေး တွေ့ရှိခဲ့ပြီးနောက် ပိတ်ပစ်ခဲ့ပြီး ဖြစ်သည်။

တရုတ်လုပ် ပစ္စည်းများ တရားဝင်ရော တရားမဝင်ပါ စိမ့်ဝင်ဖြတ်ကျော် ဝင်ရောက်နိုင်သည့် တရုတ်နယ်စပ်မှ တင်သွင်းလာသော မသန့်ရှင်းသည့် နို့မှုံ့များကြောင့် ကလေးငယ်များ ဖျားနာရောဂါ ကျရောက်သည်ဆိုသည့် သတင်းပေးပို့ချက်များကို ယခုထိ မတွေ့ရှိရသေးပါ။

ဤအဖွဲ့ ၃ ဖွဲ့အနေဖြင့် မိခင်နို့ အစားထိုးပစ္စည်းများ ဈေးကွက် တင်ရောင်းချရေး ဆိုင်ရာ စည်းကမ်း သတ်မှတ်ပြဌာန်းချက်များကို ပုဂ္ဂလိက ကဏ္ဍတွင် ပိုမိုနားလည် သဘောပေါက်လာစေရန်နှင့် ပူးပေါင်း ဆောင်ရွက်မှု ရစေရန် နီးကပ်စွာ ကူညီ ဆောင်ရွက်သွားမည်ဟုလည်း ပူးတွဲ ကြငြာချက်တွင် ဖေါ်ပြထားပါသည်။ ဤစည်းကမ်းချက်များတွင် မိခင်နို့ အစားထိုး ပစ္စည်းများကို မိသားစုများထံ ကြော်ငြာခြင်း၊ ဤပစ္စည်းများကို ကျန်းမာရေး စောင့်ရှောက်သည့် ဌာနများမှတဆင့် အခမဲ့ ဖြန့်ဖြူးခြင်း မလုပ်ရန်နှင့်၊ လူလုပ်နို့ တိုက်ကျွေးခြင်းနှင့် ပတ်သက်၍ မည်သည့်ရုပ်ပုံ စာသားကိုမျှ ဖေါ်ပြခြင်းမပြုရေး စသည်တို့ ပါဝင်သည်။

ဤသို့ ကြိုးပန်း ဆောင်ရွက်မှုများ ရှိနေသော်လည်း မြန်မာနိုင်ငံ၏ မြို့တော်ဟောင်း ရန်ကုန်နှင့် ဒုတိယ အကြီးဆုံးမြို့ ဖြစ်သော မန္တလေးတို့မှ ဆိုင်ရှင်များကမူ ဤနို့မှုံ့များ ရောင်းချခြင်းကို ရပ်ဆိုင်းရန် မည်သည့် အကြောင်းကြားစာမျှ အာဏာပိုင်တို့ထံမှ ရရှိခြင်း မရှိသေးဟု ဆိုပါသည်။

စက်တင်ဘာ အရေးအခင်းမှာ သေနတ်မှန်သူ အန်အယ်ဒီလူငယ်ကို ထောင် (၄) နှစ်ချ
ကိုဝိုင်း/NEJ ၂ အောက်တိုဘာ ၂၀၀၈။ ။

အင်းစိန်ထောင်၌ ထိန်းသိမ်းခံထားရသူ အန်အယ်ဒီ သင်္ဃန်းကျွန်းမြို့နယ်လူငယ်အဖွဲ့ဝင် ကိုမြသန်းထိုက်အား ကျောက်တံတားမြို့နယ်တရားရုံးမှ ထောင်ဒဏ် (၄) နှစ် ယနေ့ ချမှတ်လိုက်သည်။

၎င်းအား လူစုလူဝေးပြုလုပ်မှု ပုဒ်မ (၁၄၅) ဖြင့် ထောင်ဒဏ် (၂) နှစ်၊ နိုင်ငံတော်ငြိမ်ဝပ်ပိပြားမှုကို ထိခိုက်စေသည့် ပုဒ်မ ၅၀၅ (ခ) ဖြင့် ထောင်ဒဏ် (၂) နှစ် ပေါင်း (၄) နှစ်ချလိုက်ခြင်းဖြစ်သည်။

ကျောက်တံတားမြို့နယ်တရားရုံးသို့ အင်းစိန်ထောင်မှ သွားရောက်အမှုရင်ဆိုင်နေရသူ ကိုမြသန်းထိုက်သည် ၂၀၀၇ ခုနှစ် စက်တင်ဘာလ ၂၇ ရက်တွင် သေနတ်ထိမှန်ခဲ့သူဖြစ်သည်။ ရန်ကုန်ဆေးရုံကြီး၌ ဆေးကုနေစဉ် ရဲကလာရောက်ဖမ်းဆီးခဲ့ပြီး ဂျီတီအိုင်ကျောင်းဝင်းအတွင်း ခေတ္တထိန်းသိမ်းထားရာက တဆင့် အင်းစိန်ထောင်သို့ အပို့ခံထားရသူဖြစ်ကြောင်း ၎င်း၏ဥပဒေအကျိုးဆောင် ရှေ့နေကြီး ဦးအောင်သိန်းကပြောသည်။

အဆိုပါ စီရင်ချက်နှင့်ပတ်သက်၍ ဦးအောင်သိန်းက “သေနတ်ဒဏ်ရာလည်း ထိမှန်သေးတယ် ထောင်လည်းကျသေးတယ်ပေါ့ ဗျာ” ဟုမှတ်ချက်ပေးသည်။

By NEJ

အန်အယ်လ်ဒီ နာဂစ်ကယ်ဆယ်ရေးအဖွဲ့ခေါင်းဆောင် အဖမ်းခံရပြန်
ပီတာအောင်/ ၂ အောက်တိုဘာ ၂၀၀၈။ ။

အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) နာဂစ်မုန်တိုင်းဒဏ် ကယ်ဆယ်ရေးကော်မတီ ဥက္ကဋ္ဌ ဦးအုန်းကြိုင်ကို ယမန်နေ့ ညပိုင်း၌ ရဲတပ်ဖွဲ့က ၎င်း၏ နေအိမ်မှ ဖမ်းဆီးခေါ်ဆောင်သွားသည်ဟု အန်အယ်လ်ဒီက ပြောကြားသည်။အန်အယ်လ်ဒီပြောရေးဆိုခွင့်ရှိသူ ဦးဥာဏ်ဝင်းက “ညတုန်းက (၁၀) နာရီလောက်လာတယ်။ (၂) နာရီလောက်အထိ ရှာဖွေပြီးတော့ ခေါ်သွားတယ်။ လာတာတော့ ရဲတွေပဲ။ ဘာကြောင့်လဲတော့မသိသေးဘူး။ တိတိကျကျ မသိတော့ မှန်းပြီးတော့ ပြောလို့သိပ်မကောင်းဘူး” ဟု ပြောသည်။

ဦးအုန်းကြိုင်သည် အန်အယ်လ်ဒီပါတီ၌ သုတေသန တာဝန်ခံအဖြစ် တာဝန်ယူထားသူလည်းဖြစ်ပြီး ၁၉၉၀ ပြည့်နှစ် အထွေထွေရွေးကောက်ပွဲ၌ မန္တလေးအရှေ့တောင်မြို့နယ် မဲဆန္ဒနယ် အမှတ် (၂) မှ အနိုင်ရခဲ့သည့် ပြည်သူ့လွှတ်တော် ကိုယ်စားလှယ်တဦးလည်း ဖြစ်သည်။

ဦးအုန်းကြိုင်သည် အောင်ဝင့် ကလောင်အမည်ဖြင့် ဆောင်းပါးများရေးသားခဲ့ဖူးပြီး မကြာသေးခင်က ပြန်လွတ်လာသည့် သတင်းစာဆရာကြီး ဦးဝင်းတင်၏ လက်အောက်တွင် ဟံသာဝတီသတင်းစာ အယ်ဒီတာတဦးအဖြစ် လုပ်ကိုင်ခဲ့ဖူးသည်။ အစိုးရဆန့်ကျင်ရေး စာရွက်စာတမ်းဖြန့်ချိမှုဖြင့် (၁၅) နှစ်ကျော် အကျဉ်းကျခံခဲ့ရပြီး ၂၀၀၅ ခု ကမှ ပြန်လွတ်လာသူ ဖြစ်သည်။

By NEJ


စီးပွားရေးကယ်တင်ရေး အစီအစဉ် အထက်လွှတ်တော် အတည်ပြု

02 October 2008
Kent Klein’s Report in Burmese

ဘဏ္ဍာရေးအခက်အခဲတွေနဲ့ ရင်ဆိုင်နေကြရတဲ့ အမေရိကန် ငွေကြေးရင်းနှီးမြှုပ်နှံမှု
ကုမ္ပဏီကြီးတွေရဲ့ ကြွေးဆုံးတွေကို အစိုးရက ၀ယ်ယူကယ်တင်နိုင်မယ့် ဥပဒေမူကြမ်းကို
ပြန်လည်မွမ်းမံပြီးတဲ့နောက် အထက်လွှတ်တော်က အတည်ပြုလိုက်တဲ့အတွက် ပထမ
အဆင့် အောင်မြင်သွားပြီ ဖြစ်ပါတယ်။ ဒါပေမယ့် ဒီဥပဒေမူကြမ်း သောကြာနေ့
အောက်လွှတ်တော်ကိုရောက်တဲ့အခါ အခက်အခဲတွေနဲ့ ရင်ဆိုင်ရနိုင်တယ်လို့ ဗွီအိုအေ
သတင်းထောက် ကန့်တ် ကလိုင်း (Kent Klein) က သတင်းပေးပို့ထားတာကို
ကိုဇော်ဝင်းလှိုင်က တင်ပြပေးထားပါတယ်။

ပြန်လည်မွမ်းမံ ဖြည့်စွက်ထားတဲ့ ဒီ ကယ်တင်ရေး ဥပဒေမူကြမ်းကို အထက်လွှတ်တော်
က ထောက်ခံမဲ ၇၄ မဲ၊ ကန့်ကွက်မဲ ၂၅ မဲနဲ့ တခဲနက် ထောက်ခံပြီး ဒေသစံတော်ချိန်
ဗုဒ္ဓဟူးနေ့က အတည်ပြုလိုက်ပါတယ်။ အခု အဲဒီဥပဒေမူကြမ်းကို ပြီးခဲ့တဲ့သီတင်းပတ်
ထဲမှာ ပယ်ချခဲ့တဲ့ အောက်လွှတ်တော်က မဲခွဲဆုံးဖြတ်နိုင်ဖို့ ဒုတိယအကြိမ် ပြန်ပို့ရမှာပါ။

သမ္မတဘုရ်ှအစိုးရက အခုအဆိုပြုထားတဲ့ အငြင်းပွားစရာ အစီအစဉ်အရ ဘဏ္ဍာရေး
ပြဿနာတွေနဲ့ ရင်ဆိုင်နေကြရတဲ့ အမေရိကန် ငွေကြေးကုမ္ပဏီတွေရဲ့ ကြွေးဆုံးတွေကို
အစိုးရက အမေရိကန်ဒေါ်လာ ဘီလီယံ ၇၀၀ သုံးပြီး ၀ယ်ယူမယ့် ကယ်တင်ရေး အစီ
အစဉ်ပါ။

ဒီဥပဒေမူကြမ်းကို အခုလို ဆီးနိတ် အထက်လွှတ်တော်က အတည်ပြုလိုက်တဲ့အတွက်
ပြီးခဲ့တဲ့ တနင်္လာနေ့တုန်းက ကန့်ကွက်မဲပေးခဲ့ကြတဲ့ အောက်လွှတ်တော်အမတ်တွေထဲ
က ထောက်ခံမဲပေးတဲ့ အရေအတွက် ပိုများလာမလားဆိုပြီး သမ္မတဘုရှ် အစိုးရအဖွဲ့
အတွင်း မျှော်လင့်ချက်ရောင်ခြည် သန်းလာပါတယ်။

အသေးစား စီးပွားရေးလုပ်ငန်းတွေနဲ့ အလယ်အလတ် ၀င်ငွေရှိတဲ့ မိသားစုဝင်တွေ
အတွက် ဒေါ်လာဘီလီယံ ၁၀၀ နဲ့ညီမျှမယ့် အခွန်သက်သာခွင့် အပါအ၀င် ဘဏ်မှာ
သိမ်းထားတဲ့ ပုဂ္ဂလိက စုငွေတွေကို အစိုးရက အာမခံပေးတဲ့ ပမာဏ တိုးမြှင့်ပေးလိုက်
တာတွေရယ်ကြောင့် အောက်လွှတ်တော်အမတ်တွေ အကြားမှာလည်း ဒီဥပဒေမူကြမ်း
ကို ထောက်ခံသူ တဖြည်းဖြည်း များလာနေတယ်လို့ သတင်းတွေ ထွက်နေပါတယ်။

အခုအဆိုပြုထားတဲ့ ကယ်ဆယ်ရေး ဥပဒေမူကြမ်းကို အခွန်ထမ်း အမေရိကန် ပြည်သူ
အများစုက မကြိုက်ကြပါဘူး။ စာတိုက်ကတဆင့်၊ အီးမေးလ်နဲ့တဖုံ၊ တယ်လီဖုန်းနဲ့တမျိုး
ဒီကယ်ဆယ်ရေး ဥပဒေမူကြမ်းကို ကန့်ကွက်ကြောင်း သက်ဆိုင်ရာ လွှတ်တော်အမတ်
တွေထံကို မဲဆန္ဒရှင်အများစုက ကန့်ကွက်နေကြတာပါ။ အောက်လွှတ်တော်တခုလုံးနဲ့
အထက်လွှတ်တော် သုံးပုံတပုံရဲ့ ရွေးကောက်ပွဲကလည်း တလလောက်ပဲ လိုတော့တာမို့
လွှတ်တော်အမတ်တွေက ဒီကိစ္စကို ထောက်ခံဖို့ ၀န်လေးနေကြတာ ဖြစ်ပါတယ်။

ဒီ ကယ်ဆယ်ရေး ဥပဒေမူကြမ်းကို ထောက်ခံမဲပေးခဲ့တဲ့ တောင်ကာရိုလိုင်းနားပြည်နယ်
ရီပတ်ဘလီကန် အထက်လွှတ်တော်အမတ် လင်းဆေး ဂရေဟမ် (Lindsey Graham)
ဆိုရင်လည်း သူ့အနေနဲ့ ထောက်ခံမဲ မပေးချင် ပေးချင်နဲ့ ပေးလိုက်ရတာလို့ ပြောပါ
တယ်။

"ကျနော်သိသလောက်တော့ ကျနော်တို့မှာ ရွေးချယ်စရာနည်းလမ်း ၂ ခုရှိတယ်၊
အများသိထားတဲ့ မှားယွင်းမယ့် ရွေးချယ်မှုကတော့ ကျနော်တို့ ဘာမှမလုပ်ပဲ နေတာ
ပါပဲ။"

ဒီဥပဒေမူကြမ်းကို ထောက်ခံမဲမပေးရင် စီးပွားရေးကပ်ကြီး ဆိုက်ကပ်နိုင်တယ်လို့
မနေ့ညက ထောက်ခံမဲပေးခဲ့ကြတဲ့ အထက်လွှတ်တော်အမတ်တွေက သတိပေးစကား
ပြောကြားလိုက်ပါတယ်။

ရွေးကောက်ပွဲဝင်ကြမယ့် သမ္မတလောင်း ၂ ယောက်စလုံးကလည်း သူတို့ရဲ့ မဲဆွယ်
စည်းရုံးမှုတွေကို ခဏရပ်ထားပြီး အထက်လွှတ်တော်မှာ ဒီကယ်ဆယ်ရေး ဥပဒေ
မူကြမ်းကို ထောက်ခံမဲ ပေးခဲ့ကြပါတယ်။ ဒီဥပေဒမူကြမ်းကို နောက်တချီ ကန့်ကွက်မဲ
ပေးကြရင် အမေရိကန် တနိုင်ငံလုံးကို ထိခိုက်နိုင်တယ်လို့ ဒီမိုကရက်တစ်ပါတီ သမ္မတ
လောင်း ဘရက်ခ် အိုဘားမား (Barak Obama) က သူမဲမပေးခင် အထက်လွှတ်တော်
ကို ပြောကြားခဲ့ပါတယ်။

"ဒါက ဘာကိုဆိုလိုသလဲဆိုတော့ စီးပွားရေးလုပ်ငန်းရှင်တွေအနေနဲ့ သူတို့လုပ်ငန်း
အသစ်တွေ စတင်နိုင်ဖို့ ငွေချေးလို့ရမှာ မဟုတ်သလို အလုပ်သမားတွေကိုလည်း
လုပ်အားခပေးဖို့ ခက်ခဲကုန်လိမ့်မယ်။ သောကြာနေ့မှာ လုပ်အားခမပေးနိုင်ဘူးဆိုရင်
တော့ တနင်္လာနေ့မှာ အလုပ်သမားတွေကို အလုပ်ဖြုတ်ပြစ်ရလိမ့်မယ်။ အဲဒီလို အလုပ်
သမားတွေ တနင်္လာနေ့မှာ အလုပ်ဖြုတ်ခံကြရရင် သူတို့အနေနဲ့ အိမ်လခတွေ၊ သူတို့ရဲ့
အကြွေးတွေကို ပေးနိုင်ကြတော့မှာ မဟုတ်ဘူး။ အဲဒီလိုနဲ့ ဆင့်ကဲဆင့်ကဲတွေဖြစ်ပြီး
မီးခိုးကြွက်လျှောက် စီးပွားရေးစနစ်ကြီး တခုလုံးကို ထိခိုက်ကုန်လိမ့်မယ်။"

တကယ်လို့ ပြန်လည်မွမ်းမံထားတဲ့ ဒီ ကယ်ဆယ်ရေး ဥပဒေမူကြမ်းကို ပယ်ချလိုက်ကြ
ရင် ကြီးမားတဲ့ ဆိုးကျိုးတွေနဲ့ ရင်ဆိုင်ရနိုင်တယ်လို့ ရီပတ်ဘလီကန်ပါတီ သမ္မတ
လောင်း အရီဇိုးနားပြည်နယ်က အထက်လွှတ်တော်အမတ် ဂျွန် မက်ကိန်း (John
McCain) က ပြောပါတယ်။

"အောက်လွှတ်တော်မှာ ဒီဥပဒေမူကြမ်းကို ထောက်ခံမှုမရခဲ့ရင် လတ်တလော စီးပွား
ရေးပြဿနာက ဧရာမ အခက်အခဲ၊ အကျပ်အတည်းကြီး ဖြစ်သွားလိမ့်မယ်။"

တနင်္လာနေ့တုန်းက ဒီဥပဒေမူကြမ်းကို အောက်လွှတ်တော်က ပယ်ချလိုက်ပြီးတဲ့နောက်
အမေရိကန် ရင်းနှီးမြှုပ်နှံမှု အစုရှယ်ယာဈေး Dow Jones ဟာ ၇၈၀ ပွိုင့် ဆုံးရှုံးခဲ့တာ
ကြောင့် အဲဒါဟာ တရက်တာအတွင်း အများဆုံးဆုံးရှုံးမှု ဖြစ်ခဲ့ပါတယ်။ ဒါပေမယ့် အင်္ဂါ
နေ့မှာတော့ အဲဒီ ဆုံးရှုံးမှုတွေထဲက ထက်ဝက်ကို ပြန်ရခဲ့ပါတယ်။

နို့မှုန့်သတိပေးချက် သတင်းစာဆောင်းပါး တရုတ်နိုင်ငံလုပ် ဆိုသည်ကို မဖော်ပြ
02 October 2008
ဦးသိန်းထိုက်ဦး

မြန်မာစစ်အစိုးရ သတင်းစာတွေမှာ တရုတ်နိုင်ငံလုပ် ဘေးဖြစ်စေတဲ့ နို့မှုန့်တွေနဲ့
ပြည်သူတွေကို ပညာပေးတဲ့ဆောင်းပါးတွေ ဖော်ပြနေပေမယ့်လည်း တရုတ်နိုင်ငံက
ထုတ်တယ်ဆိုတဲ့ အသုံးအနှုန်းကို ချန်ပြီး ရေးသားနေကြပါတယ်။ ဒါ့အပြင် တရုတ်နိုင်ငံ
လုပ် နို့နဲ့ နို့ထွက်ပစ္စည်းတွေ ဈေးဆိုင်တွေမှာ ဆက်ပြီးရောင်းချနေဆဲ ဖြစ်တဲ့အတွက်
စိုးရိမ်တဲ့အကြောင်း မိဘတွေက ပြောဆိုနေကြပါတယ်။ အကြောင်းစုံကို
ကိုသိန်းထိုက်ဦးက စုစည်းတင်ပြပေးထားပါတယ်။မြန်မာစစ်အစိုးရ သတင်းစာတွေမှာ မယ်လမင်းဓာတုဓာတ်ပါတဲ့ နို့မှုန့်တွေနဲ့ပတ်သက်
လို့ ပညာပေးဆောင်းပါးတွေ ရေးနေပေမယ့် တရုတ်နိုင်ငံက ထုတ်လုပ်တဲ့ နို့နဲ့ နို့ထွက်
ပစ္စည်းဆိုတာမျိုး တိတိကျကျ မဖော်ပြတဲ့အတွက် ပညာပေး သတိပေးတဲ့လုပ်ငန်းတွေ
အားနည်းနေတယ်ဆိုပြီး ရန်ကုန်မြို့ခံတွေက ဝေဖန်တာပါ။

ပြီးခဲ့တဲ့ သီတင်းပတ်တွေအတွင်းကတော့ တရုတ်နိုင်ငံကထွက်တဲ့ နို့မှုန့်တွေကြောင့်
ကလေးငယ်တွေ ဖျားနာတဲ့သတင်း မြန်မာသတင်းစာမှာ ဖော်ပြခဲ့ဖူးပါတယ်။ မြန်မာ
တိုင်းမ်စ် သတင်းစာမှာဆိုရင်လည်း အဆိပ်သင့် တရုတ်နို့မှုန့် ၁၆ တန် ရန်ကုန်
ဆိပ်ကမ်းမှာ အာဏာပိုင်တွေက သိမ်းဆည်းခဲ့တဲ့ အကြောင်းတွေကို ဖော်ပြခဲ့ဖူးပါတယ်။
ဒါပေမယ့်လည်း ဒီရက်ပိုင်း အခု သတင်းစာ ပညာပေးဆောင်းပါး ရေးသားချက်တွေမှာ
တော့ တရုတ်နိုင်ငံက ထုတ်လုပ်တယ်ဆိုတာကို ရှောင်ပြီးတော့ ကုမ္ပဏီ ၂၂ ခုက
ထုတ်လုပ်တဲ့နို့မှုန့် ဆိုတာမျိုး၊ ဆန်းလုကုမ္ပဏီက ထုတ်လုပ်တယ်ဆိုတာမျိုးလောက်ပဲ
ရေးသားဖြော်ပတာတွေ တွေ့နေရပါတယ်။

ဒါကြောင့် အာဏာပိုင်တွေက တိတိကျကျ လူထုကြားမှာ အသိပေးတာမျိုးတွေ မရှိဘူး
ဆိုပြီး ရန်ကုန်မြို့ခံတွေက ဝေဖန်ကြပါတယ်။

"ပညာပေးတယ်ဆိုတာကတော့ အခု သတင်းစာမှာ ဆောင်းပါးတွေရေးပြီး မိခင်နို့သာ
အဓိကကျတယ်ဆိုပြီး ပြောတယ်။ ဒါပေမယ့် ခက်တာက အဲဒီ ပညာပေးဆောင်းပါးတွေ
မှာလည်း တရုတ်ပြည်ကနို့မှုန့်လို့ ထည့်မရေးတာ။ ဒီစာရေးဆရာကပဲ မရေးရဲတာလား၊
စာပေစိစစ်ရေးကပဲ ခွင့်မပြုတာလား မသိဘူး။ တချို့နိုင်ငံတွေလို့ပဲရေးတယ်၊ တချို့
နို့မှုန့်တွေလို့ ရေးတယ်။ အမှန်တကယ်ဆိုရင်တော့ ကမ္ဘာ့မီဒီယာလောကတခုလုံး၊
တကမ္ဘာလုံး ပွက်လောရိုက်နေတဲ့ကိစ္စပဲ။ ရုတ်ရုတ်သဲသဲ ဖြစ်သွားတဲ့ကိစ္စကြီး၊
အင်မတန်ကြီးကျယ်တာပဲ။

"နောက်တခုက တချို့ဆိုင်တွေမှာ အခုထက်ထိ ဒီနို့မှုန့်တွေကို ရောင်းတုန်းရှိသေးတယ်။
ရောင်းအားကတော့ သုံးပုံတပုံလောက် ကျသွားတယ်တဲ့၊ ညောင်ပင်လေးဈေးက
ပြောတာ။ တချို့စတိုးဆိုင်ကြီးတွေမှာလည်း ရောင်းတုန်းပဲ။ လွန်ခဲ့တဲ့ တပတ်ကျော်
လောက်ကတော့ စီးတီးမတ်က သူတို့ဆီမှာ အဲဒီလို အန္တရာယ်ဖြစ်စေတဲ့နို့မှုန့်တွေ
မရောင်းဘူးလို့ ကြေညာတာရှိတယ်။"

မြန်မာသတင်းစာတွေမှာ တရုတ်နိုင်ငံကထုတ်တဲ့ နို့မှုန့်၊ နို့နဲ့ နို့ထွက်ပစ္စည်းဆိုတာမျိုး
မဖော်ပြရင်လည်း ပြည်ပအသံလွှင့်ဌာနတွေက ထုတ်လွှင့်ချက်တွေကို ကြားနေရတဲ့
အတွက် လူတော်တော်များများက သတိထားလာကြတယ်လို့ မြန်မာနိုင်ငံအလယ်ပိုင်း
က ဒေသခံတွေက ပြောပါတယ်။

ရန်ကုန်အပါအ၀င် နယ်တွေမှာ မိဘတွေက ကလေးတွေကို တရုတ်အစားအစာတွေ၊
တရုတ်သားရေစာတွေ မကျွေးကြတော့ဘူးလို့ ပြောပါတယ်။ ဒါပေမယ့်လည်း တရုတ်
ပစ္စည်း မသုံးဘူးဆိုရင် သုံးစရာပစ္စည်း မရှိသလောက် တရုတ်နိုင်ငံထုတ်ပစ္စည်းတွေကို
အားကိုးနေရတဲ့နိုင်ငံမှာ တရုတ်နိုင်ငံကတင်ပို့တဲ့ အစားအသောက်တွေကိုရှောင်ဖို့
ဆိုတာကလည်း အခက်အခဲတော့ရှိတယ်လို့ ပြောကြပါတယ်။

"နို့မှုန့်တင်မဟုတ်ဘူး၊ အန်တီတို့ဆိုရင် သူတို့ထုတ်တဲ့ ဘီစကစ်မုန့်တွေကအစ ကလေး
တွေကို မကျွေးတော့ဘူး၊ တရုတ်ပစ္စည်းဆိုရင်။ မိုးလင်းကတည်းက တရုတ်သိမ်းထား
တာ၊ တရုတ်မျက်နှာသုတ်စောင်နဲ့၊ တရုတ်သွားတိုက်ဆေးနဲ့ တရုတ်သွားပွတ်တံနဲ့။
ညကျ ပေါင်ချိန်ပြတဲ့အထိ တရုတ်က သိမ်းထားတာ။"

မြန်မာစစ်အစိုးရဘက်က တရုတ်နိုင်ငံထုတ်တဲ့ နို့နဲ့ နို့ထွက်ပစ္စည်းတွေကို ပိတ်ပင်လိုက်
တယ်ဆိုပြီး ပြည်တွင်းဂျာနယ်တွေမှာ ရေးသားပါတယ်။ ဒါပေမယ့်လည်း ဒီလိုပိတ်ပင်
တယ် ဆိုတာနဲ့ပတ်သက်လို့ တိတိကျကျ ကန့်သတ်ချက်တွေ မရှိသလို ဆိုင်တွေမှာ
လည်း တရုတ်နိုင်ငံကထွက်တဲ့ ကလေးအစားအစာ သားရေစာပစ္စည်းတွေကို တွေ့နေရ
ဆဲပဲလို့ ဒေသခံတွေက ပြောပါတယ်။

"တရုတ်နို့မှုန့်တွေကတော့ ဒီလို ဒီလို ဖြစ်နေပါပြီ၊ ပြည်သူလူထု မသောက်သုံးပါနဲ့၊
မစားသုံးပါနဲ့၊ ဒီပစ္စည်းတွေကို တတ်နိုင်သလောက် ပိတ်ပင်ပါတယ်၊ ဘာညာဆိုပြီး အဲဒီ
လိုမျိုး ကန့်သတ်ချက်တွေလည်း မရှိဘူး။ အခု ကျမကြည့်နေတာ ဆိုင်တိုင်းဆိုင်တိုင်းမှာ
ဒီပစ္စည်းတွေကို တွေ့နေရတယ်။ ကလေးစားတဲ့ ရယ်ဒီမိတ်မုန့်ထုတ်တွေဆို တော်တော်
များများက တရုတ်ပစ္စည်းများတယ်။ ၀င်တဲ့အခါ လက်ကားဆိုင်က လက်လီဆိုင်တွေကို
ရောက်တယ်၊ လက်လီဆိုင်ကလည်း ဘုမသိ၊ ဘမသိ ရောင်းတယ်။ ပြီးတော့ ကလေး
တွေ ကျန်းမာရေးချို့တဲ့တယ်။ ဒီအထဲမှာ ဓာတုဗေဒပစ္စည်း ဘယ်လောက်ပါဝင်တယ်၊
ဘာညာဆိုတာလည်း စစ်ဆေးချက် လုံးဝမရှိဘူး။"

မြန်မာစစ်အစိုးရ အာဏာပိုင်တွေကတော့ ရန်ကုန်ဆိပ်ကမ်းအပြင် နယ်စပ်ဒေသက
ဝင်လာတဲ့ ကုန်ပစ္စည်းတွေ အပေါ်မှာလည်း တင်းတင်းကျပ်ကျပ် စစ်ဆေးတာတွေ
လုပ်နေတယ်ဆိုပြီး ပြည်တွင်းဂျာနယ်တွေမှာ ပြောကြားချက်တွေကို ဖော်ပြနေကြပါ
တယ်။ ဒါပေမယ့်လည်း တကယ်တမ်း တိတိကျကျ ပိတ်ပင်ကန့်သတ်တာမျိုး မရှိတဲ့
အတွက် ဥပမာ ဆိုင်တွေမှာ အခုထက်ထိ အစားအသောက်တွေကို တွေ့နေရပြီး အခု
လောလောဆယ် ယာယီသိမ်းထားတယ်ဆိုရင်တောင် ဒီတရုတ်အစားအစာတွေ၊ တရုတ်
ထွက်ပစ္စည်းတွေ ဈေးကွက်ထဲကို တနည်းနည်းနဲ့ ပြန်ဝင်မှာကို ရန်ကုန်မြို့ခံတွေက
စိုးရိမ်နေကြပါတယ်။

"အပြည်ပြည်ဆိုင်ရာ နိုင်ငံတွေက လက်မခံဘူး၊ ပိတ်ဆို့တယ်ဆိုတော့ မှောင်ခိုလမ်းတွေ
ကနေ မြန်မာပြည်ထဲကို ၀င်လာမှာ ကြောက်ရတယ်။ အစိုးရကလည်း ၀င်လာတယ်
ဆိုပြီး စာနယ်ဇင်းတွေကို ပြောတယ်။ သူတို့ သိမ်းထားတယ်ဆိုပြီး ပြောတာတော့
ရှိတယ်။ ဒါပေမယ့် စတိုးဆိုင်တချို့က သိမ်းလိုက်တယ်၊ နောက်ကွယ်ရောက်သွားတယ်။
နောက်ကွယ်ရောက်သွားတော့ ခင်ဗျားတို့ ဖျက်ဆီးပစ်တာလားဆိုတော့ ဖျက်ဆီးပစ်
တာလည်း မဟုတ်ဘူး။ အဲတော့ ဖျက်ဆီးပစ်တာမဟုတ်ရင် နောက်ကွယ်ရောက်သွား
တဲ့ နို့မှုန့်တွေက တနည်းနည်းနဲ့ စားသောက်တဲ့ကုန်ကြမ်းတွေ ဖြစ်သွားနိုင်တယ်။

"ကလေးတွေက တရုတ်ကလာတဲ့ သားရေစာမုန့်တွေကို တအားစားတာ။ တကယ်တမ်း
ကျတော့ ဒါတွေက အာဟာရမဖြစ်ဘူး။ နောက်တခုက အစိုးရက တိတိပပ မတားမြစ်
တဲ့အခါ၊ လူထုအတွင်းမှာရော၊ အစိုးရအတွင်းမှာရော အဂတိလိုက်စားမှုတွေရှိတော့
သူတို့တားမြစ်ထားတဲ့၊ သိမ်းထားတဲ့ဟာတွေက တနည်းနည်းနဲ့ ဈေးကွက်ထဲကို
ရောက်သွားနိုင်တယ်။ အဲဒါဆိုလည်း ပြည်သူလူထုဘက်က အင်မတန် အန္တရာယ်ကြီး
ပါတယ်။"

ဘေးဖြစ်စေတဲ့ တရုတ်နိုင်ငံလုပ် နို့နဲ့ နို့ထွက်ပစ္စည်းတွေ၊ နို့မှုန့်တွေနဲ့ပတ်သက်ပြီး
မြန်မာစစ်အစိုးရရဲ့ ပညာပေးချက်တွေ၊ သတင်းစာတွေ၊ ဆောင်းပါးတွေမှာ တရုတ်
နိုင်ငံကထုတ်တယ်ဆိုတဲ့ အသုံးအနှုန်းကို ချန်ပြီး ရေးသားနေကြတာတွေနဲ့ ပတ်သက်
ပြီး စိုးရိမ်တဲ့အကြောင်း ရန်ကုန်မြို့ခံတွေက သုံးသပ်ပြောဆိုသွားတာ ဖြစ်ပါတယ်။

လေဘေးကယ်ဆယ်ရေး ရန်ပုံငွေ မှန်းချက်မကိုက်သေး
02 October 2008
မြန်မာနိုင်ငံက နာဂစ် ဆိုင်ကလုံးမုန်တိုင်းတွေအတွက် ကုလသမဂ္ဂက တင်ပြထားတဲ့ လိုအပ်တဲ့ ငွေကြေး အထောက်အပံ့ တွေထဲမှာ ငါးဆယ် ရာခိုင်နှုန်းပဲ ရရှိသေးတယ်လို့ ကုလသမဂ္ဂက ပြောဆိုလိုက်ပါတယ်။ မနေ့က ပြုလုပ်တဲ့ ကုလသမဂ္ဂရဲ့ ပုံမှန် သတင်းစာ ရှင်းလင်းပွဲမှာ ကုလသမဂ္ဂရဲ့ပြောရေးဆိုခွင့်ရှိသူ မိရှဲလ်မွန်းတက်က

“မြန်မာနိုင်ငံက နာဂစ်မုန်တိုင်း ဒဏ်သင့် ဒုက္ခသည်တွေအတွက် ကုလသမဂ္ဂက တင်ပြထားတဲ့ ကူညီကယ်ဆယ်ရေး အထောက်အပံ့ဟာအပြည့်အ၀ မရရှိသေးပါဘူးလို့ လူသားချင်း စာနာကူညီမှု ထောက်ပံ့ ညှိနှိုင်းရေးအဖွဲ့က ပြောလိုက်ပါတယ်။ လယ်ယာ စိုက်ပျိုးရေးနဲ့ ပြန်လည်ထူထောင်ရေး လုပ်ငန်းတွေအတွက် သန်း ၄၆၀ ကျော် လိုအပ်နေပေမယ့် သန်း ၂၄၀ပဲ ရရှိသေးတယ်လို့ အိုချာက ပြောပါတယ်။ နာဂစ်မုန်တိုင်းဒဏ်သင့်ခံခဲ့ရပြီး ငါးလအတွင်း စားနပ်ရိက္ခာ မက်ထရစ် တန်ချိန် ၂ သန်းကျော်ကို မုန်တိုင်း ဒုက္ခသည်တွေကို ပေးပို့နိုင်ခဲ့ပါတယ်။ ဆက်လက်ကူညီမှုတွေ ထပ်မံပြီး လုပ်ဆောင်နိုင်ဖို့လည်း လိုအပ်ပါတယ်”

မြန်မာနိုင်ငံဆိုင်ရာ ကုလသမဂ္ဂ ကိုယ်စားလှယ် ဘိရှိူးပါရာ ဂျူလီကလည်း မြန်မာနိုင်ငံက မုန်တိုင်းဒဏ်သင့် ဒုက္ခသည်တွေအတွက် အရေးပေါ် အကူအညီ အထောက်အပံ့တွေ ပေးပြီးနောက် ပြန်လည်ထူထောင် နေရာချထားပေးရေး အတွက်လည်း အကူအညီတွေ အများကြီးလိုအပ်ပါတယ်လို့ ပြောဆိုခဲ့ပါတယ်။ မေလ ၂ရက်နေ့နဲ့ ၃ရက်နေ့ တိုက်ခတ်ခဲ့တဲ့ နာဂစ် ဆိုင်ကလုံး မုန်တိုင်းဒဏ်ကြောင့် လူပေါင်း ၂သန်းကျော် နေထိုင်တဲ့ ဧရာဝတီတိုင်းနဲ့ ရန်ကုန်တိုင်းတို့ဟာ ပြင်းပြင်းထန်ထန် ခံခဲ့ရတာဖြစ်ပြီး လူ တစ်သိန်း လေးသောင်းကျော်ဟာလည်း ပျောက်ဆုံး ဒါမှမဟုတ် သေဆုံး ခဲ့ကြရပါတယ်။ လူသားချင်း ကူညီမှုဆိုင်ရာ အကူအညီ အထောက်အပံ့တွေ ပေးခဲ့တာ အခုဆိုရင် ငါးလရှိခဲ့တာဖြစ်ပြီး အရေးပေါ် ကူညီကယ်ဆယ်မှုလုပ်ငန်းတွေ ပြီးတဲ့နောက် ရေရှည်ဆက်လက်ကူညီလုပ်ဆောင်မှုတွေနဲ့ ပတ်သက်လို့လည်း ကုလသမဂ္ဂက ဦးဆောင်တဲ့ နိုင်ငံတကာ အဖွဲ့အစည်းတွေဟာ ဆွေးနွေး ညှိနှိုင်းနေကြပြီး ဖြစ်ပါတယ်