Monday, October 6, 2008

ကနေဒါကနာဂစ်အလှု

၆.၁၀၂၀၀၈သတင်း

>ရုံးထုတ်ရာတွင် မိသားစုဝင်များ ကြားနာခွင့်မရ၍ ၈၈ ကျောင်းသားများက တရားရုံးနှင့် ဆက်လက် ပူးပေါင်းဆောင်ရွက်မည် မဟုတ်
ကိုစိုး အောင်တိုဘာ ၆၊ ၂၀၀၈

စစ်အစိုးရက ဖမ်းဆီးထားသည့် ၈၈ မျိုးဆက်ကျောင်းသားများက ၎င်းတို့အား အင်းစိန်ထောင်တွင်း သီးသန့် တရားရုံးတွင် ရုံးထုတ်စစ်ဆေးရာသို့ မိသားစုဝင်များကို လာရောက်ကြားနာခွင့်မပေးသဖြင့် တရားရုံးနှင့် ဆက်လက် ပူးပေါင်းဆောင်ရွက် ခြင်းမပြုနိုင်ဟု ပြောကြား ကြောင်းသိရသည်။

အင်းစိန်ထောင် သင်္ဃန်းကျွန်းမြို့နယ် သီးသန့် တရားရုံးတွင် ၎င်းတို့အား ယနေ့ ရုံးထုတ်ရာသို့ မိသားစုဝင်များကို လာရောက် ကြားနာခွင့်မပေးသောကြောင့် ထင်ရှားသည့် ကျောင်းသားခေါင်းဆောင်များဖြစ်သော မင်းကိုနိုင်၊ ကိုကိုကြီးတို့ အပါအ၀င် ၈၈ မျိုးဆက် ကျောင်းသားများက ယခုကဲ့သို့ တရားရုံးအား ပြောကြား သည်ဟု ရှေ့နေ ဦးခင်မောင်ရှိန်က ပြောသည်။

၈၈ ကျောင်းသားခေါင်းဆောင် ကိုကိုကြီး၏ ညီဖြစ်သူကိုအောင်ထွန်းကလည်း ပြီးခဲ့သည့် သောကြာနေ့က ရုံးထုတ်ရာမှ အပြန်တွင် ထောင်အာဏာပိုင်တဦးက ယနေ့မှ စ၍ ရုံးထုတ်ရာသို့ မိသားစုဝင်များကိုကြားနာခွင့်မပြု ကြောင်းမှာကြား လိုက်သည်ဟု ပြောပြသည်။

“ပုံမှန်ထောင် ၀င်စာတွေ့နေကြ တနလာင်္၊ အင်္ဂါ၊ ဗုဒ္ဓဟူး တရက်ကိုလည်း အဲဒါကို ဖျက်လိုက်ပြီတဲ့၊ စနေ၊ တနင်္ဂနွေ တရက် မှာ လာတွေ့ကြပါဆိုပြီး ပြောင်းလိုက်ပြီဆိုပြီးတော့ ထောင်အရာရှိက အကြောင်းကြားတယ်၊ ဒါ သက်ဆိုင်ရာက ပြောတာ တဲ့၊ အဲဒါ တယောက်က၊ ဒါဆိုရင် အတွင်းထဲက လူတွေ ၂ ပတ်စာ ဒုက္ခရောက်မယ် ဆိုပြီးသွားပြောတော့မှ မနေ့က ပါဆယ် ပို့ခွင့်ရတယ်၊ လူမတွေ့ရဘူး”ဟုလည်း ကိုအောင်ထွန်းက ပြောသည်။

လွန်ခဲ့သော စက်တင်ဘာလဆန်းမှ စတင်၍ ရုံးထုတ်ရာသို့ မိသားစုဝင်များ ကြားနာခွင့်ရခဲ့ပြီး ယခု မည်သည့် အကြောင်းပြ ချက်မှ မည်မည်ရရ မသိရှိရဘဲ ကြားနာခွင့် ပြန်လည်ပိတ်ပင်လိုက်ခြင်းဖြစ်သည်ဟုလည်း ၎င်းက ပြောဆိုသည်။

လွန်ခဲ့သည့်အပတ်အတွင်း လူ့အခွင့်အရေးလှုပ်ရှားသူ မစုစုနွေကို ရုံးထုတ်ရာတွင်လည်း အာဏာပိုင်များက အစ်မဖြစ်သူ မဌေးဌေးကြည်ကို တွေ့ခွင့်မပြုခဲ့ပေ။

ထိုင်းနိုင်ငံ အခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP) အတွင်းရေးမှူး ဦးတိတ်နိုင် က နိုင်ငံရေးအကျဉ်းသားများရုံးထုတ်ရာတွင် မိသားဝင်များအနေနှင့် နဂိုအခွင့်အရေးအရ ကြားနာ ခွင့်ရှိသည်ဟု ပြောဆိုသည်။

“ကျနော်တို့ကြားတာက မိသားစုဝင်တွေက တရားရုံးမှာ ကြားနာခွင့်မရှိဘူးလို့ကြားတယ်၊ နောက် ဒီအပတ်ထဲမှာ တနလာင်္နေ့ က သောကြာနေ့အထိ ထောင်ဝင်စာ တွေ့လို့မရတော့ဘူးလို့ကြားတယ်၊ နဂိုရှိပြီးသားအခွင့် အရေး အရ မိသားစုတွေက ကြားနာခွင့်ရှိရပါမယ်၊ ဒါကို ကန့်သတ်နေတယ်ဆိုတာက နအဖ က အခုအချိန်မှာ အရမ်းကို အကြောက် တရားတွေကြီးနေ တယ်လို့ကျနော်တို့ မြင်ပါတယ်”ဟု ဦးတိတ်နိုင် က ပြောသည်။

ယခု အဖမ်းအဆီးခံထားရသည့် ၈၈ မျိုးဆက်ကျောင်းသားများက ရုံးထုတ်ရာတွင် လက်ထိပ်မခတ်ရန်၊ တရားခွင်၌ မိသားစု ၀င်များနှင့် သတင်း မီဒီယာများကို ကြားနာခွင့် ပြုရန်တို့ကို ၎င်းတို့၏ အကျိုးဆောင်ရှေ့နေများမှ တဆင့် တောင်းဆိုထား သည်။

ပြီးခဲ့သည့် ၂၀၀၇ ခု သြဂုတ်လအတွင်းက ရွှေဝါရောင်တော်လှန်ရေးဖြစ်ပေါ်ရန် အစပြုခဲ့သော လောင်စာဆီနှင့် ကုန်ဈေးနှုန်း ကျဆင်းရေး လမ်းလျှောက်ဆန္ဒပြခဲ့သည့်အတွက် မင်းကိုနိုင်၊ ကိုကိုကြီး၊ ကိုမြအေး၊ ကိုကျော်မင်းယု ခေါ် ကိုဂျင်မီ၊ ကိုမင်းဇေယျတို့ အပါအ၀င် ၈၈ မျိုးဆက်ကျောင်းသားအဖွဲ့ဝင်များကို စစ်အစိုးရက ဖမ်းဆီးခဲ့ခြင်း ဖြစ်သည်။ ၎င်းတို့အထဲမှ အများစုမှာ ထောင်ဒဏ် ၁၅ နှစ်ကျော် ကျခံပြီးသူများဖြစ်သည်။

ယနေ့တွင် နိုင်ငံရေးလှုပ်ရှားသူ ကိုစိုးမြင့်ထိန်ကို အာဏာပိုင်များက ထောင်ဒဏ် ၄ နှစ် နှင့် ၆ လ ချမှတ်လိုက်ပြီး မခင်အေး ဆိုသူ အမျိုးသမီး နိုင်ငံရေးလှုပ်ရှားသူနှင့် တခြားသော ၂ ဦးကို ထောင်ဒဏ် ၂ နှစ်နှင့် ၆ လ ချမှတ် လိုက်ကြောင်းလည်း သိရသည်။

အမေရိကန်နိုင်ငံအခြေစိုက် မြန်မာ့အရေးလှုပ်ရှားသူများအဖွဲ့(USCB)နှင့် AAPP တို့ကလည်း ယနေ့ ရက်စွဲဖြင့် လွန်ခဲ့သည့် တနှစ်အတွင်း နိုင်ငံရေး အကျဉ်းသား ၈၇ ရာခိုင်နှုန်းခန့် တိုးလာကြောင်းနှင့် မြန်မာ့ ဒီမိုကရေစီ ခေါင်းဆောင် ဒေါ်အောင် ဆန်းစုကြည် အပါအ၀င် ဖမ်းဆီးထားသည့် နိုင်ငံရေးအကျဉ်းသားအားလုံး ပြန် လွှတ်ပေးရန် ပူးတွဲကြေညာချက်ထုတ် ပြန်ထားသည်။

“ကျနော်တို့ အဓိက တောင်းဆိုတာက ဒေါ်အောင်ဆန်းစုကြည်အပါအ၀င် နိုင်ငံရေး အကျဉ်းသားတွေကို ချက်ချင်း လွှတ်ပေး ဖို့၊ လူ့အခွင့်အရေးချိုးဖောက်မှုတွေနဲ့ ငြိမ်းချမ်းစွာဆန္ဒပြနေတဲ့ လူတွေကို စနစ်တကျဖြိုခွဲနေတဲ့ ကိစ္စတွေ ကို ရပ်တန်းက ရပ်ဖို့နဲ့ ဒေါ်အောင်ဆန်းစုကြည် အပါအ၀င် အနိုင်ရ ပါတီ၊ တိုင်းရင်းသားကိုယ်စားလှယ် တွေ နဲ့ နအဖ နဲ့ အဓိပ္ပာယ်ပြည့်ဝတဲ့ သုံးပွင့်ဆိုင် တွေ့ဆုံ ဆွေးနွေးဖို့ အရေးတကြီးလိုနေပြီဆိုတာကို ထောက်ပြ ထားပါတယ်”ဟု ဦးတိတ်နိုင်က ပြောသည်။

ယင်း နိုင်ငံရေးအကျဉ်းသားများသည် မြန်မာနိုင်ငံ၏ ဒီမိုကရေစီရေး ဖြစ်ပေါ်တိုးတက်မှုတွင် ပါဝင်လာရန် အရေး တကြီး လိုအပ်သည်ဟုလည်း ၎င်းက ပြောဆိုသည်။

“ကျနော်တို့ ကြေညာချက်ကိုပေးထာတာကိုက အမှောင်ထုဆီကို ဦးတည်နေတဲ့ ကျနော်တို့ နိုင်ငံ(The Future in the dark)၊ ဆိုလိုတာက ဒီလိုသာ နိုင်ငံရေး အကျဉ်းသားတွေကို မလွှတ်ပေးဘဲနဲ့ ဆက်လက် ဖမ်းဆီးနေဦးမယ် ဆိုရင် ကျနော်တို့နိုင်ငံဟာ ဒီမိုကရေစီရေးနဲ့ လူ့အခွင့်အရေးတွေ ကို ဘယ်လိုမှ မျှော်လင့်လို့ ရမှာ မဟုတ်ပါဘူး” ဟု လည်း ဦးတိတ်နိုင်က ဆက်ပြောသည်။

အဆိုပါကြေညာချက်နှင့်ပတ်သက်ပြီး ကုလသမဂ္ဂ အထွေထွေအတွင်းရေးမှူးချုပ် မစ္စတာ ဘန်ကီမွန်း အပါအ၀င် အရေးကြီး သည့် ၆ နေရာသို့ ဖြန့်ဝေပေးပို့ကြောင်း၊ ဥရောပ သမဂ္ဂ ၊ အာဆီယံ ၊ လူ့အခွင့်အရေး ကောင်စီ စသဖြင့် ၁၇ နေရာကို မိတ္တူပူးတွဲပေးပို့ထားကြောင်းလည်း သိရသည်။

လွန်ခဲ့သည့် ၂၀၀၃ ခုနှစ်တွင် နိုင်ငံရေး အကျဉ်းသား ၁၃၀၀ခန့်ရှိခဲ့ပြီး ၂၀၀၇ ခုနှစ် သြဂုတ်လတွင် ၁၁၉၂ ဦးရှိကာ ယခု နှစ် ၂၀၀၈ ခုနှစ် စက်တင်ဘာလတွင် ၂၁၂၃ ဦး ရှိကြောင်း ယခုပူးတွဲကြေညာချက်အရ သိရှိရသည်။

တူရကီနိုင်ငံတွင် ကုန်ကားတိမ်းမှောက်၊ မြန်မာနှင့် အာဖဂန်နစ္စတန် ၁၈ ဦး သေဆုံး
ဧရာဝတီ အောက်တိုဘာ ၆၊ ၂၀၀၈

တူရကီနိုင်ငံ မယ်ကာရမြို့ (Malkara) အနီးတွင် ကုန်တင်မော်တော်ယာဉ်တစီး ယမန်နေ့ကတိမ်းမှောက်ခဲ့ရာ မြန်မာနိုင်ငံနှင့် အာဖဂန်နစ္စတန်နိုင်ငံတို့မှ တရားမ၀င်ရွှေ့ပြောင်းအလုပ်သမား ၁၈ ဦးသေဆုံးကာ ၂၃ ဦး ဒဏ်ရာရရှိကြောင်း သိရသည်။

တိမ်းမှောက်ခဲ့သည့် ကုန်တင်ယာဉ်သည် နောက်ခန်းတွင် မြန်မာနိုင်ငံနှင့် အာဖဂန်နစ္စတန်နိုင်ငံတို့မှ တရားမ၀င် အလုပ် သမားများကိုတင်ဆောင်လာသော လူကုန်ကူးသည့် မော်တော်ယာဉ်ဖြစ်သည်ဟု ဒေသအာဏာပိုင်တို့က အတည်ပြုပြော ဆိုကြောင်း တူရကီအစိုးရပိုင် Anatolia သတင်းဌာနက ပြောဆိုသည်။

သေဆုံးသူများတွင် မြန်မာနိုင်ငံသားပိုများသည်ဟုလည်း ဒေသအာဏာပိုင်က ပြောသည်။

မော်တော်ယာဉ် တိမ်းမှောက်ခဲ့ပြီးနောက် ကားမောင်းသမား ထွက်ပြေးတိမ်းရှောင်လျက်ရှိပြီး မော်တော်ယာဉ်ပေါ်၌ စီးနင်း လိုက်ပါလာသူများသည် ဂရိနိုင်ငံသို့ တရားမ၀င် ၀င်ရောက်ရန် စီစဉ်ထားသူများဖြစ်ကြသည်။

ဥရောပနိုင်ငံများသို့ တရာမ၀င် သွားရောက်လိုသူများသည် တူရကီနိုင်ငံမှတဆင့် အဆင့်ဆင့် သွားရောက်လေ့ရှိကြောင်း စုံစမ်းသိရှိရသည်။

စစ်အစိုးရ ချုပ်ကိုင်မှုကြောင့် ရွှေဆိုင်ပိုင်ရှင်များ အခက်တွေ့နေ
အောင်သက်ဝိုင်း အောက်တိုဘာ ၆၊ ၂၀၀၈

စစ်အစိုးရက အတင်းအကျပ် ၀င်ရောက် ထိန်းချူပ်နေသောကြောင့် ရွှေအရောင်း အ၀ယ် စီးပွားရေးလုပ်ငန်း လုပ်ကိုင်နေသူ များမှာ လွတ်လွတ်လပ်လပ် ရောင်းဝယ်ခြင်း မပြု နိုင်သည့်အပြင် အစိုးရနှင့် ပူးပေါင်း ဆောင်ရွက်ခြင်း မပြုပါက ရွှေလုပ်ငန်း လုပ်ကိုင်ခွင့် မရရှိနိုင်သည့် အခြေအနေများ ပေါ်ပေါက်နေကြောင်း ရန်ကုန်နှင့် မန္တလေးရွှေဆိုင် ပိုင်ရှင် များက ပြောသည်။

ရွှေဈေးအတက်အကျပေါ်မူတည်ပြီး ပြည်တွင်းအခြေခံ စားသောက်ကုန်နှင့်တခြား ကုန်စည်ဈေးနှုန်းများ ရိုက်ခတ်ပြောင်း လဲမှုရှိသောကြောင့် စစ်အစိုးရသည် ရွှေဈေး အတက်အကျကို အထူးအလေးထားကိုင်တွယ်နေပြီး ရွှေဈေးနှုန်းကို အပတ်စဉ် အစည်း အဝေးထိုင် ထိန်းချုပ်မှုများပြုလုပ်နေကြောင်း ရွှေစီးပွားရေး သမားများကပြောသည်။

စစ်အစိုးရက ရွှေရောင်းဝယ်ရေး ဈေးကွက်ကို ၀င်ရောက် ထိန်းချုပ်နိုင်ရန် ၂၀၀၂ ခုနှစ်တွင် ရွှေလုပ်ငန်းရှင်များ အသင်းကို ဖွဲ့စည်းပေးပြီး ရွှေဈေးကွက်ကို ခြယ်လှယ်နေခဲ့ကာ ခြောက်နှစ် ခန့်အကြာ ယခု ၂၀၀၈ ခုနှစ် တွင် ရွှေဈေးကွက်မှာ စစ်အစိုး ရ၏ တိုက်ရိုက်ကိုင်တွယ်မှု အောက် ရောက်ရှိနေပြီ ဖြစ်ကြောင်း မန္တလေးမြို့ ရွှေလုပ်ငန်းလုပ်ကိုင်သည့် စီးပွားရေး သမား များက ဆိုသည်။

“ရွှေဈေးကို ၀န်ကြီးဦးအောင်သောင်း ကွပ်ကဲတဲ့ နေပြည်တော် ကုန်ဈေးနှုန်း ထိန်းသိမ်းရေး ကော်မတီက အပတ်စဉ် အစည်းအဝေးထိုင်ပြီး တိုက်ရိုက်ကိုင်တွယ်တယ်။ အဲဒီ အစည်းအဝေး ကို ရွှေလုပ်ငန်းရှင်အသင်းက အဖွဲ့ခေါင်းဆောင်တွေ က ပုံမှန်တက်ပြီး ဦးအောင်သောင်း ခိုင်းတဲ့အတိုင်း ရွှေဈေးနှုန်းကို ညှိနှိုင်း သတ်မှတ်ပေးရတယ်” ဟု မန္တလေး ရွှေဆိုင် စီးပွားရေး သမား တဦးက ပြောသည်။

စစ်အစိုးရက ရွှေဈေးကို ထိန်းချုပ်သည့်အပြင် ရွှေအရောင်းအ၀ယ် လုပ်ကိုင်သည့် စီးပွားရေး သမားများကိုပါ ထိန်းချုပ်နိုင် ရန်အတွက် ၎င်းတို့အတင်းအကျပ်ဖွဲ့စည်းခိုင်းထားသည့် ရွှေ လုပ်ငန်းရှင် အသင်းသို့ ၀င်ရောက်ခြင်းမရှိပါက ရွှေလုပ်ငန်းနှင့် ပတ်သက်သော လုပ်ငန်း လိုင်စင်များ ထုတ်ပေးခြင်း၊ သက်တမ်းတိုးခြင်းများ မပြုလုပ်ပေးသည့်အတွက် လုပ်ငန်းရှင်များ အခက်အခဲတွေ့နေရကြောင်း ရန်ကုန်ရွှေလုပ်ငန်းရှင်တဦးက ရှင်းပြသည်။

“ရန်ကုန်မှာ ရွှေဆိုင်စီးပွားရေးလုပ်မယ်ဆိုရင် ရွှေလုပ်ငန်းရှင်အသင်းကို မဖြစ်မနေ၀င်ရတယ်။ မ၀င်ရင် ရန်ကုန်စည်ပင် က ရွှေဆိုင်လိုင်စင်ထုတ်မပေးဘူး” ဟု ၎င်းက ပြောသည်။

အစိုးရ၏ ဖိအားပေးမှုကြောင့် ရွှေလုပ်ငန်းလုပ်ကိုင်သူ အားလုံး ရွှေလုပ်ငန်းရှင် အသင်းသို့ ၀င်ရောက်နေရပြီး ရွှေဈေးနှုန်းကို အာဏာပိုင်များက ညှိနှိုင်းသတ်မှတ်ပေးသည့် ဈေးနှုန်းဖြင့် အရောင်းအ၀ယ်ပြုနေရ၍ ယခုအခါ ရွှေလုပ်ငန်းရှင် အသင်းတွင် အသင်းဝင် စီးပွားရေး သမား ၈၆၀ ထိရှိလာပြီဖြစ်ကြောင်း ရွှေလုပ်ငန်းရှင် အသင်း၏ ထုတ်ပြန်ချက်အရ သိရသည်။

“အသင်းဝင်မှ လုပ်ငန်းလုပ်ဖို့ အဆင်ပြေမယ်ဆိုတော့ ၀င်ရတာပေါ့။ တော်တော်များများ အသင်းဝင်တွေကလည်း စိတ်ပါလို့ တော့ မဟုတ်ဘူး။ မဖြစ်မနေ၀င်ရမယ် ဆိုတော့ ၀င်ကြတဲ့ သဘောပါပဲ” ဟု မန္တလေးမှ ရွှေလုပ်ငန်းရှင်တဦးက ပြောပြသည်။

ကမ္ဘာ့ရွှေဈေးတက်ချိန်တွင် နိုင်ငံတွင်းရွှေဈေးလည်းတက်ကြောင်း၊ သို့ရာတွင် ထိုကဲ့သို့ ရွှေဈေးတက်ချိန်များတွင် စစ်အစိုးရ က ဈေးကို အတင်းအကျပ် ဖိအားပေး ချခိုင်းပြီး ချုပ်ကိုင်လေ့ရှိသည့် အတွက် ရွှေဈေးတက်ချိန်များတွင် ရွှေကုန်သည်များ က အရောင်း အ၀ယ်များ ရပ်တန့်ထားလေ့ရှိကြောင်း လွတ်လွတ်လပ်လပ် ရောင်းဝယ်ခွင့် မရှိခြင်းက စီးပွားရေးသမားများကို အခက်အခဲများဖြစ်စေကြောင်း ရန်ကုန် ရွှေကုန်သည် တဦးက ပြောသည်။

“တကယ် ဈေးကွက်စီးပွားရေး စနစ်ကို ကျင့်သုံးမယ်ဆိုရင် ဈေးကွက်ကို ချုပ်ကိုင်စရာ မလိုပါဘူး။ ဒီလို အသင်းအဖွဲ့တွေဖွဲ့ ပြီး စီးပွားရေးသမားတွေကို အကျပ်ကိုင်တာမျိုးလည်း မလုပ်သင့်ပါဘူး။ စီးပွားရေးတိုးတက်ဖို့၊ ဈေးကွက်ကို လွတ်လွတ် လပ်လပ် ရောင်းဝယ် နိုင်အောင် ဖွင့်ပေးဖို့လိုပါတယ်” ဟု အသက် ၅၃ နှစ်အရွယ်ရှိ ရန်ကုန်ရွှေကုန်သည်တဦးက အကြံပြုသည်။

ယခုအခါ ရွှေဈေးကွက်တွင် အခေါက်ရွှေတကျပ်သားလျင် ကျပ်ငါးသိန်း ခြောက်သောင်းနှင့် ခုနစ်သောင်းကြား ရှိနေပြီး အလုပ်အကိုင်ရှားပါးမှုနှင့် စီးပွားရေးကျဆင်းမှုကြောင့် ရွှေဝယ်သူ နည်းလာကြောင်း ရန်ကုန်ရွှေကုန်သည်များက ဆိုကြသည်။

နာဂစ် မုန်တိုင်းဒဏ်သင့် မြစ်ဝကျွန်းပေါ်တွင် အဓမ္မလုပ်အားပေး ခိုင်းစေမှုများရှိ
ကြည်ဝေ အောက်တိုဘာ ၆၊ ၂၀၀၈

နာဂစ်ဆိုင်ကလုန်းဒဏ် ခံခဲ့ရသော ဧရာဝတီတိုင်းအတွင်းရှိ ဒေသများ ပြန်လည် ပြုပြင် တည်ဆောက်ရေးအတွက် ဒေသခံ ရွာသူရွာသားများကို အတင်းအကျပ် လုပ်အားပေး စေခိုင်းမှုများ ရှိနေကြောင်း သတင်းရရှိသည်။

လက်ရှိတွင် လပွတ္တာ - သင်္ကန်းကြီးမြို့နယ် ကားလမ်းဖောက်လုပ်နေရာ လိုအပ်သည့် အလုပ်သမားများအဖြစ် ဒေသခံ အမျိုးသမီး၊ အမျိုးသားများကို စစ်အာဏာပိုင်များက ဖိအားပေး ခိုင်းစေလျှက်ရှိကြောင်း ၀ါးဘိုးကုန်းကျေးရွာသူ တဦးက ပြောပြသည်။

“ကားလမ်းဖောက်နေတဲ့ ကုန်းကြီး ကျေးရွာကို မနက် ၈ နာရီ မထိုးခင် ရောက်ရတယ်။ အဲလိုရောက်ဖို့ ကျမတို့ ရွာကနေ မနက် ၅ နာရီခွဲကတည်းက ထလာခဲ့ရတယ်” ဟု ၎င်းက ဆိုသည်။ သူက ကိုယ်ဝန်လေးလ လွယ်ထားရသူဖြစ်သည်။

ကားလမ်းဖောက်ရာတွင် ပြင်စလူအုပ်စုအတွင်းမှ ကျေးရွာများတွင် နေထိုင်သူတိုင်း တမိသားစုလျင် တယောက်ကျ မဖြစ် မနေ ပါဝင်လုပ်အားပေးရမည်ဟူသော အမိန့်ထွက်လာပြီး နောက်ပိုင်း နေ့စဉ် နံနက် ၈ နာရီမှ ညနေ ၄ နာရီထိ လုပ်အားပေး ဆင်းနေရကြောင်း သူက ဆက်ပြောသည်။

“ကျမယောက်ျားကလည်း ပြင်စလူမြို့ပေါ်က ဆောက်လုပ်ရေးတွေမှာ သွားပြီးလုပ်အားပေး နေရတယ်၊ အိမ်မှာလည်း သူနဲ့ ကျမကလွဲရင် ၅ နှစ်အရွယ် သမီးလေးပဲ ကျန်တော့ ကျမဘဲ လုပ်အားပေး ဆင်းပေးရတာပေါ့” ဟု သူကဆိုသည်။

ပြင်စလူမြို့နယ်တွင်းရှိ ဆောက်လုပ်ရေး လုပ်ငန်းများအတွက် ပြင်စလူအုပ်စုခွဲမှ ကျေးရွာ တရွာလျင် လုပ်နိုင် ကိုင်နိုင်သော အမျိုးသား အယောက် ၅၀ ကို မဖြစ်မနေ ထည့်ပေးလိုက် ရကြောင်း ကုန်းကြီးကျေးရွာ ရယက ဥက္ကဌက ပြောသည်။

ကုန်းကြီးရွာမှ အရွယ်ကောင်း ယောက်ျားသား အတော်များများမှာ ပြင်စလူ ဆောက်လုပ်ရေးများတွင် သွားရောက် လုပ်အား ပေးနေသောကြောင့် ယခုကဲ့သို့ လမ်းဖောက်ရန် တအိမ် တယောက် မဖြစ်မနေ ပါဝင်ရသည့်အခါ၌ အိမ်ရှိ နေမကောင်းသူ များ၊ ကိုယ်ဝန်ဆောင် အမျိုး သမီးများပါ ပါဝင်နေရကြောင်း ကုန်းကြီးရွာခံများထံမှ သိရသည်။

ယခုကဲ့သို့ မဖြစ်မနေ လုပ်အားပေး ဆင်းနေရသည်မှာ စက်တင်ဘာလ ၁၆ ရက်နေ့ ကတည်းက ဖြစ်ပြီး မည်သည့် နေ့ရက် အထိ ဆက်လက် လုပ်ဆောင် နေရမည်ဆိုခြင်းကို မသိရသေးဘဲ လုပ်အားပေးမဆင်းလျင် ခွဲတမ်းပစ္စည်းများ ပေးမည် မဟုတ်ဟု သက်ဆိုင်ရာအာဏာပိုင်များက အကြောင်းကြားထားသည်ဟု ဒေသခံ ရွာသားများက ဆိုသည်


လေဘေးသင့် ဒုက္ခသည်များအတွက် ခွဲတမ်းပစ္စည်းများမှာ ယူနီဆက်ဖ်၊ ယူအန်ဖက်ဖ်ပီနှင့် တခြားသော အိုင်အန်ဂျီအို၊ အန်ဂျီအိုများမှ လှူဒါန်းထားသည့် အိမ်ဆောက်ပစ္စည်းများ၊ ပြည်တွင်း စေတနာရှင်များ လှူဒါန်းထားသော မိုးရေကာ ဖျင်များ၊ အ၀တ်အထည်များ၊ အစားအသောက်များနှင့် ဆေးဝါးပစ္စည်းများ စသည်တို့ ဖြစ်သည်။

ပုံမှန်ထောင်ဝင်စာနှင့် တရားခွင်နားထောင်ခွင့်ပေးရန် မိသားစုဝင်များ တောင်းဆို
မြင့်မောင်၊ နန်းဒေဝီ
တနင်္လာနေ့၊ အောက်တိုဘာလ 06 2008 20:29 - မြန်မာစံတော်ချိန်

နယူးဒေလီ။ ။ အင်းစိန်ထောင်အတွင်း ချုပ်နှောင်ခံနေရသော နိုင်ငံရေးအကျဉ်းသားများ၏ မိသားစုဝင် ၅ဝ ဦးတို့ စုပေါင်းကာ ပုံမှန် ထောင်ဝင်စာတွေ့ခွင့်နှင့် တရားခွင် ကြားနာခွင့်များ ပြန်လည်ရရှိရန် ယနေ့တွင် တောင်းဆိုလိုက်ကြသည်။
ယခင် တနင်္လာ၊ အင်္ဂါ၊ ဗုဒ္ဓဟူးနေ့များကို ထောင်ဝင်စာခွင့်ပြုသည့် နေ့ရက်များအဖြစ် သတ်မှတ်ထားသော်လည်း စနေ၊ တနင်္ဂနွေ - ၂ ရက်တည်းသို့ လျှော့ချသတ်မှတ်ခဲ့သည်။ ထို့အပြင် ထောင်အတွင်းပြုလုပ်သော နိုင်ငံရေးအကျဉ်းသားများ၏ တရားခွင်သို့ မိသားစုဝင်များ တက်ရောက်ကြားနာခွင့်ကိုလည်း ပိတ်ပင်ခဲ့ရာက တောင်းဆိုမှုများ ပြုလုပ်လာခြင်းဖြစ်သည်။

“အမေတွေ စုပေါင်းပြီးတော့ ဒီနေ့ မနက် ၉ နာရီလောက်မှာ အင်းစိန်ထောင်ရှေ့မှာ ဆုံကြတယ်။ ကိုမင်းကိုနိုင်တော့ အမ ပါလာတာပေါ့။ တရားခွင် အမှုစစ်ဆေးတဲ့နေရာမှာ အေးအေးဆေးဆေး ကြားနာခွင့်ပေးဖို့။ ထောင်ဝင်စာကို နဂိုတွေ့ခွင့်အတိုင်း ပေးဖို့ဆိုပြီးတော့ သွားတောင်းတာ” ဟု အမည်မဖော်လိုသူ နိုင်ငံရေးအကျဉ်းသားတဦး၏ မိခင်က ပြောသည်။

ထောင်အာဏာပိုင် တဦးမှတဆင့် အထက်အရာရှိများထံ ၁ နာရီခြား တောင်းဆိုမှုများ ပြုလုပ်ခဲ့ပေးခဲ့သော်လည်း ထောင်အုပ်ချုပ်ရေး အကြီးအကဲများက လက်မခံ ငြင်းပယ်ခဲ့သည်။

“အန်တီတို့မကြောက်ပါဘူး။ ပထမအနေနဲ့ နှုတ်နဲ့ တောင်းမယ်။ မရရင် အခုလာတဲ့ မိသားစုဝင်တွေနဲ့ တိုင်ပင်ပြီးတော့ ထောင်ပိုင်နဲ့ အကျဉ်းဦးစီးဌာနကို စာရေးပြီး တောင်းဆိုမယ်။ မရမချင်း ဆက်တောင်းဆိုသွားမယ်” ဟု သူမက ပြောသည်။

“စိတ်မကောင်းဘူး။ ကျမမှာ သားကို ကျွေးစရာတွေ ပါတယ်။ သားနဲ့ပတ်သက်လို့ စကားပြောစရာလေးတွေ ရှိတယ်။ သားက မျက်စိနီနေတယ်။ မျက်သားတက်တာလား မသိဘူး။ ရုံးထုတ်တိုင်း ကျမ အနီးကပ်ကြည့်ခွင့်ရတယ်။ ဒီတခေါက် ကြည့်ခွင့်မရတဲ့အတွက် ကျမအနေနဲ့ စိတ်ပူတယ်” ဟု မိသားစုဝင်များ တရားခွင် တက်ရောက်နားထောင်ခြင်းဖြင့် အမှုစစ်ဆေးရာတွင် နှောင့်နှေးကြန့်ကြာစေကြောင်း ထောင်အာဏာပိုင်တဦးက စွပ်စွဲပြောဆိုခဲ့သည်။

ဤအတောအတွင်း တရားသူကြီးများ မျှတစွာ ဆောင်ရွက်မှု မရှိသည့်အတွက်ဆိုကာွှေဝါရောင်တော်လှန်ရေးတွင် ဦးဆောင်ပါဝင်ခဲ့သည့် ရဟန်းတော် ဦးဂမ္ဘီရ နှင့် ၁၁ ဦးပါအမှုအား ဆက်လက် လိုက်ပါ ဆောင်ရွက်ပေးတော့မည် မဟုတ်ကြောင်း ဗဟိုတရာုးံးချုပ်ရှေ့နေ ဦးအောင်သိန်းက ကြေညာလိုက်သည်။

“၁၁ ဦးအမှုနဲ့ ပတ်သက်ပြီး စာမျက်နှာ ၁၃ မျက်နှာပါ လျှောက်လဲချက်ကို တခါထဲ ချေပဖို့  အစိုးရရှေ့နေတွေက ပြောတဲ့အတွက် ဘယ်လိုမှ မဖြစ်နိုင်ဘူး။ ဒါကြောင့် ၁၁ ယောက်ရဲ့ သဘောတူညီချက်နဲ့ ရှေ့နေပါဝါကို ပြန်လည်ရုတ်သိမ်းခဲ့တာ။ ဒါပေမဲ့ ဦးဂမ္ဘီရ ရဲ့ ကျန်ရှိနေတဲ့ ၁၅ မှုကိုတော့ ဆက်လုပ်သွားမယ်” ဟု ဦးအောင်သိန်းက ပြောသည်။

ကရင်တပ်ကို တိုက်ဖို့ နအဖ က စစ်အင်အားတိုးချဲ့
သန်းထိုက်ဦး
တနင်္လာနေ့၊ အောက်တိုဘာလ 06 2008 20:19 - မြန်မာစံတော်ချိန်

ချင်းမိုင်။ ။ ကရင်အမျိုးသား လွတ်မြောက်ရေးတပ်မတော် (KNLA) ထိန်းချုပ်ရာ ဒေသအတွင်း နအဖတပ်နှင့် ပူးပေါင်းထားသော တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) တပ်များ ထိုးစစ်ဆင်ရန်အတွက် တပ်အင်အား ထပ်မံ တိုးချဲ့ထားသည်ဟု KNLA က ပြောသည်။
ကရင့်အမျိုးသားအစည်းအရုံး KNU ကရင်ပြည်နယ် ကော့ကရိတ်မြို့နယ်အတွင်း အခြေချ လှုပ်ရှားနေသော KNLA တပ်မဟာ ၆ နယ်မြေ ၂ဝ၁ စခန်းများ ရှိသော ဒေသများ၌ လွန်ခဲ့သည် စက်တင်ဘာလ ၂၄ ရက်နေ့မှ စတင်၍ ၁ဝ ရက်အတွင်း နအဖ နှင့် ပူးပေါင်းထားသော ဒီကေဘီအေ တပ်များက ၄ ကြိမ် ထိုးစစ်ဆင်ခဲ့ပြီးနောက် ထပ်မံ ထိုးစစ်ဆင်ရန် ပြင်ဆင်ထားပုံကို KNLA က ပြောဆိုခြင်း ဖြစ်သည်။

“အခု နောက်ဆုံးအခြေအနေက ကျနော်တို့ကို လာတိုက်ဖို့ အင်အားဖြည့်ပြီးတော့ ပြင်ဆင်ထားတယ်။ အဲဒီတပ်ရင်းတွေကတော့ ဒီကေဘီအေ တပ်ရင်း ၉ဝ၇ ၊ ၉ဝ၆ ၊ ၃၃၃ တပ်ရင်းနဲ့ နအဖ (ခလရ) ခြေလျင်တပ်ရင်း ၄ဝ၁ ၊ ၄ဝ၇ ရယ်၊ ကေအန်အယ်လ်အေ ဒေသအတွင်းမှာ ရှိတဲ့ ကလဲဝေါ၊ ဘလာတို၊ ကော့စဲ ဟောဖိုးကီး၊ ဖော်ဘူးလထ၊ ဝေါလေခီး စတဲ့ ကျေးရွာတွေမှာ တပ်စွဲထားတယ်” ဟု KNLA ၂ဝ၁ တပ်ရင်းမှ အမည်မဖော်လိုသူ ဗိုလ်ကြီးအဆင့် ရှိသူတဦးက မဇ္ဈိမကို ပြောသည်။

သူက ဆက်ပြီး “အခုဖြစ်တဲ့ တိုက်ပွဲတွေက သူတို့ (ရန်သူ) ထိုးစစ်ဆင်လို့ တိုက်ပွဲတွေ ဖြစ်တာပဲ ရှိတယ်။ ကျနော်တို့က သူတို့ကို တခါမှ ထိုးစစ်မဆင်ပါဘူး။ တိုက်ပွဲဖြစ်တယ်ဆိုတာ ကျနော်တို့ဘက် ကိုယ့်ကိုယ်ကို ကာကွယ်ပြီးတော့ တိုက်ပွဲဖြစ်တာပဲ ရှိတယ်။ အခု တိုက်ပွဲက ထိုးစစ်ဆင်တာကြောင့် ဖြစ်တာဖြစ်တယ်” ဟု ပြောသည်။

ပူးပေါင်းထားသော တပ်ရင်းများမှ နအဖ နှင့် DKBA တပ်သား ခန့်မှန်ခြေ အင်းအား ၄ဝဝ ခန့် ရှိသည်နိုင်ကြောင်းနှင့် တိုက်ပွဲစတင်ဖြစ်ပွားခဲ့သည် ရက်မှစ၍ ၄ ကြိမ် တိုက်ပွဲဖြစ်ပွားရာ ပူးပေါင်းတပ်ဖွဲ့ဘက်မှ ၅ ဦးကျဆုံးခဲ့သလို ၁ဝ ဦးဒဏ်ရာရရှိခဲ့ကြောင်း KNLA က ဆိုသည်။ သို့သော် KNLA ဘက်မှ ကျဆုံးခြင်းမရှိဟု ဆိုသည်။

Help Without Frontiers Refugees For Burma – အဖွဲ့မှ အမည်မဖော်လိုသူ တာဝန်ရှိသူတဦးကလည်း “လက်ရှိ နအဖ တပ်သားတွေ အဲဒီဒေသတွေမှာ ရှိတဲ့ ကျေးရွာတွေမှာ အခြေချ နေထိုင်နေကြတယ်။ နောက်ပြီးတော့ ရွာသူရွာသားတွေလည်း ဒုက္ခရောက်နေကြတယ်။ သူတို့တွေ ကြောက်ရွံ့တာပေါ့နော်။ ပုန်းနေရတဲ့လူတွေလည်း ပုန်းနေပေါ့။ စာသင်ကျောင်းတွေ ပိတ်ထားတာ ၃ ရက်လောက်ရှိပြီ။ ဆေးခန်းတွေလည်း ပိတ်ထားရတယ်။ ဆရာဝန်တွေက အခုတလော ထွက်ပြေးနေရတယ်” ဟု ပြောသည်။

ဤအဖွဲ့သည် အစိုးရမဟုတ်သော အဖွဲ့အစည်း (အန်ဂျီအို) ဖြစ်ကာ ထိုင်း-မြန်မာနယ်စပ်တလျှောက် မြန်မာဘက်ခြမ်းတွင် ပညာရေးနှင့် ကျန်းမာရေးအတွက် လိုက်လံကူညီနေသည့် အဖွဲ့အစည်းတခုဖြစ်သည်။

ယခုလို နအဖ ၊ DKBA ပူးပေါင်းတပ်များနှင့် KNLA တပ်ရင်းများ တိုက်ပွဲဖြစ်ပွားရာ ကျေးရွာများသည် ထိုင်း- မြန်မာ နယ်စပ်မြို့ မဲဆောက်၏ တောင်ဘက် ၄၅ ကီလိုမီတာခန့် အကွာအဝေးတွင် တည်ရှိသည်။

မစိုးရိမ်တိုက် သံဃာတော်များ လေဘေးပြန်လည်ထူထောင်ရေး လုပ်ဦးမည်
ဇာနည်
တနင်္လာနေ့၊ အောက်တိုဘာလ 06 2008 19:47 - မြန်မာစံတော်ချိန်

ချင်းမိုင်။ ။ ၀ါကျွတ်သည်နှင့် နာဂစ်ဒဏ်သင့် ဒေသများမှ ကလေးငယ်များ ပညာရေးအတွက် အကူအညီ အထောက်အပံ့ပေးရေးလုပ်ငန်းများကို မန္တလေး မစိုးရိမ်ကျောင်းတိုက်မှ သံဃာတော်များက ပြန်လည်လုပ်ဆောင်သွားမည် ဖြစ်သည်။
မုန်တိုင်းကျပြီးနောက် ကယ်ဆယ်ရေးလုပ်ငန်းများကို ပါဝင်လုပ်ဆောင်ခဲ့သော မစိုးရိမ်မှ သံဃာတော်များသည် ၀ါတွင်းကာလဖြစ်သဖြင့် လုပ်ငန်းများကို ခေတ္တ ရပ်နားထားရာမှ ယခုလ ၁၄ ရက်တွင် ကျရောက်မည့် သီတင်းကျွတ်နောက်ပိုင်းတွင် ပြန်လည် လုပ်ဆောင်သွားမှာဖြစ်သည်။

"သီတင်းကျွတ်ပြီးတာနဲ့ ကယ်ဆယ်ရေးတွေ ပြန်စမယ်။ အခု အဲဒီအတွက် အလှူတွေ လိုက်ကောက်နေတယ်။ ဘယ်နေရာကို ဘယ်လို၊ ဘာတွေ သွားလုပ်ပေးမယ် ဆိုတာတော့ ဆွေးနွေးနေကြတုန်းပဲ" ဟု မစိုးရိမ်ကျောင်းတိုက် သံဃာတော်တပါးက မဇ္ဈိမကို မိန့်သည်။

ယခုတခေါက် ကယ်ဆယ်ရေး လုပ်ငန်းများတွင် မုန်တိုင်းသင့် ကျောင်းသားလူငယ်များ၏ ပညာရေးအတွက် လိုအပ်ချက်များ ဖြည့်ဆီးပေးရန် အဓိကထား လုပ်ဆောင်သွားမည် ဖြစ်သည်။

လေဘေးသင့် ကျောင်းသားလူငယ်များ၏ ပညာရေးအတွက် စာရေးကိရိယာများ အပါအ၀င် ပညာရေး လိုအပ်ချက်များ ရှိနေသည်ဟု ကယ်ဆယ်ရေးလုပ်ငန်းများ ဦးဆောင်လုပ်ခဲ့သူ ဆရာတော်တပါးက ယခုလို မိန့်ကြားသည်။

ဆရာတော် "ကိုယ်တိုင် သွားခဲ့တဲ့အခါမှာ ဦးဇင်းတို့ တွေ့ရတာက တချို့ရွာတွေက ကျောင်းတွေမှာ ကလေးတွေက ဗလာစာအုပ်လေး တအုပ်ထဲမှာ ဘာသာရပ် ၃-၄ ခု ရောပြီး ရေးကြရတယ်။ တချို့ ကျောင်းတွေမှာက စာအုပ်က မရှိတော့ ကျောက်သင်ပုန်းမှာ ဆရာက ရေးတာကိုပဲ လိုက်ပြီး အလွတ်ရွတ်နေရတယ်။ အဆင်မပြေကြဘူး" ဟု ဆရာတော်က မိန့်ကြားသည်။

မစိုးရိမ်အနေဖြင့် ခဲတံ၊ ခဲဖျက်၊ ပေတံ အချို့နှင့် ဗလာစာအုပ် ဒါဇင် ၅၀၀ ကျော် ကောက်ခံ ရထားသလို၊ အခြား အလှူရှင်များ၊ အဖွဲ့အစည်းများ ရှိနေသော်လည်း အလှူရှင်များဘက်က ယခင်ကလို မလှူဒါန်းနိုင်သောကြောင့် လိုအပ်ချက်များ ရှိနေသည်။

"အလှူရှင်တွေက လှူကြပေမယ့် အခုတော့ အရင်ကလို မဟုတ်ဘူး။ မလှူနိုင်ကြတော့ဘူး။ အလှူရှင်တွေ ပင်ပန်းသွားတယ်ပေါ့" ဟု အဆိုပါ ဆရာတော်က မိန့်ကြားသည်။

ဆရာတော်က ဆက်ပြီး "မုန်တိုင်း မသင့်တဲ့ နေရာတွေက ကျောင်းသားလေးတွေက သူတို့ တနှစ်စာ သုံးမယ့်ထဲက စာအုပ်လေး တအုပ်ဖြစ်ဖြစ် စုပြီးတော့ လိုအပ်နေတဲ့ သူလေးတွေကို ဂရုဏာထားပြီး လှူမယ်ဆိုရင် သိပ်ကောင်းမှာပါ။ လှူတဲ့သူလည်း မပင်ပန်းဘူး။ ရတဲ့သူလည်း လုံလုံလောက်လောက် သုံးနိုင်လိမ့်မယ်။ ဒီလိုလှူဒါန်းတာတွေကနေ နောင် ဒီကလေးတွေ ကြီးလာတော့ ကိုယ်ချင်းစာတရားတွေ ရှိတဲ့၊ မြင့်မြတ်တဲ့ လူကြီးတွေ ဖြစ်လာစေချင်တယ်" ဟု မိန့်ကြားသွားသည်။

မစိုးရိမ်ကျောင်းတိုက်မှ သံဃာတော်များအနေဖြင့် နာဂစ်မုန်တိုင်း တိုက်ခတ်ပြီး ၁၀ ရက်ခန့်မှ စတင်ကာ ဧရာဝတီတိုင်း ဖျာပုံ၊ လပွတ္တာနှင့် ဘိုကလေးမြို့နယ်အတွင်းရှိ ကျေးရွာများတွင် အ၀တ်အစားနှင့် စားနပ်ရိက္ခာများကို ၀ါဝင်သည့် အချိန်အထိ ဖြန့်ဝေပေးခဲ့ရာ ကျပ်သိန်းပေါင်း ၅၀၀ ကျော်ခန့် လှူဒါန်းခဲ့ပြီး ဖြစ်သည်။

နာဂစ်မုန်တိုင်းကြောင့် အပျက်အစီးများ သတင်းကို ကြားရသည့် အချိန်မှစ၍ မစိုးရိမ်ကျောင်းတိုက်မှ ဆရာတော်၊ သံဃာတော်များသည် မန္တလေး မြို့အတွင်း ကားများဖြင့်လှည့်လည်ကာ အလှူခံခြင်းများ ပြုလုပ်ခဲ့သည်။

“တပည့်တကာတွေက လာလှူတာတွေကို ဦးဇင်းတို့က ဦးဆောင်ပြီးတော့ ကြပ်မတ်လှူပေးတယ်လေ။ လိုအပ်တဲ့သူတွေဆီကို သေချာ ရောက်တာပေါ့။ တကာတွေကလည်း ဦးဇင်းတို့နဲ့အတူ ကူညီကြပါတယ်” ဟု မစိုးရိမ်တိုက်မှ ဆရာတော်က မိန့်ကြားသည်။

အလှူရှင်များ အနေဖြင့်လည်း ဆရာတော် သံဃာတော်များ အလှူခံခြင်းဖြစ်၍ ပိုမို လှူဒါန်းကြပြီး ပြန်လည်ဖြန့်ဝေခဲ့ရာတွင်လည်း သံဃာတော်များက ဦးဆောင်သောကြောင့် ပိုမိုထိရောက် စနစ်ကျ မျှတသည်ဟု ဆရာတော်က မိန့်ကြားသည်။

မန္တလေး မဟာဂန္ဓာရုံကျောင်းတိုက်မှ သံဃာတော်များသည်လည်း နာဂစ်မုန်တိုင်း ကယ်ဆယ်ရေးလုပ်ငန်းများတွင် ပါဝင်ခဲ့ကြပြီး ကယ်ဆယ်ရေး လုပ်ငန်းများ မပြီးပြတ်ပါက ၀ါတွင်းကာလအတွင်းတွင် မိမိတို့ ရောက်ရာအရပ်မှ ကျောင်းများတွင်ပင် ၀ါဆိုရန် ပြင်ဆင်ခဲ့ကြသေးသည်။

ထင်ရှားသော သီတဂူဆရာတော် အရှင်ဥာဏ်ဏိဿရ၏ ဦးဆောင်မှုအောက်တွင်လည်း ကမ္ဘာအနှံ့မှ ဗုဒ္ဓဘာသာဝင်များ၏ စိတ်ပါဝင်စား လှူဒါန်းမှုများ ရှိနေသည်။ ဆရာတော် ကိုယ်တိုင်သည်လည်း လေဘေးသင့်ဒေသများတွင် ကိုယ်တိုင်ကိုယ်ကျ သွားရောက်၍ ကယ်ဆယ်ရေး လုပ်ငန်းများ ဦးဆောင်လုပ်ကိုင်ခဲ့သည်။

ထို့အတူ ရန်ကုန်တိုင်း ကြည့်မြင်တိုင်မြို့နယ် နတ်စင်လမ်းရှိ သာဓု ပရိယတ္တိစာသင်တိုက် ဆရာတော် အရှင်ပညာသီဟ (ရွှေည၀ါ ဆရာတော်) သည်လည်း ဧရာဝတီတိုင်းအတွင်းရှိ လေဘေးသင့် ဒေသများသို့ ကိုယ်တိုင် ကြွရောက်ကာ တပည့်သံဃာနှင့် အရပ်သား ၁၀၀ ခန့်တို့နှင့် ကယ်ဆယ်ရေး အကူပစ္စည်းများ သွားရောက် ပေးလှူခြင်း၊ ရေသန့်ရရှိရေးနှင့် အခြားဝေယျဝစ္စ လုပ်ငန်းများ လုပ်ဆောင်ပေးခြင်း၊ မရှင်းလင်းရသေးသော လေဘေးဒဏ်သင့် ရုပ်အလောင်း များကို ရှင်းလင်းဖယ်ရှား သဂြုင်္ိဟ်ပေးခြင်းနှင့် မကျွတ်မလွတ်သေးသည့် မုန်တိုင်းအတွင်း သေဆုံးခဲ့သူများအတွက် အမျှအတန်း ပေးခြင်းများကို လုပ်ဆောင်ပေးခဲ့သည်။

ဆရာတော် သံဃာတော်များ၏ စည်းရုံးလှုံ့ဆော်မှုများကြောင့် စေတနာဆရာဝန်များ ကယ်ဆယ်ရေးလုပ်ငန်းများတွင် ပါဝင်လာပြီး ကျန်းမာရေးမှူးအဆင့်သာ ရှိသော ရွာများသို့ လိုက်လံ ဆေးကုသပေးနိုင်ခဲ့သည်။ ဆေးရုံများသို့ ဆေးနှင့် ဆေးပစ္စည်းများ ပေးလှူနိုင်ခြင်းများအထိ လုပ်ဆောင်နိုင်ခဲ့သည်။

မယ်လမင်းပါသော နို့မှုန့် ၁၆ တန် မြန်မာနိုင်ငံတွင် ဖျက်ဆီး
ဖနိဒါ
တနင်္လာနေ့၊ အောက်တိုဘာလ 06 2008 19:51 - မြန်မာစံတော်ချိန်

ချင်းမိုင်။ ။ လူကှို ဘေးအန္တရာယ်ကျရောက်စေသည့် မယ်လမင်းဓာတ် ပါဝင်သော နို့မှုန့် ၁၆ တန်ကို မြန်မာနိုင်ငံတွင် မီးရှို့ဖျက်ဆီးခဲ့သည်။ ကလေးငယ်များ၏ ကျန်းမာရေးအန္တရာယ် ကျရောက်ခြင်းမှ ကာကွယ်နိုင်ရန်အတွက် Inner Mongolia Yill Industrial Group မှထုတ်လုပ်သော နို့မှုန့်များတွင် မယ်လမင်းဓာတုပစ္စည်းပါဝင်သည်ကို တွေ့ရှိပြီးနောက် ကျန်းမာရေးဝန်ကြီးဌာနက မီးရှို့ဖျက်ဆီးပစ်ခဲ့ခြင်းဖြစ်သည်။
"အဲဒါကို အခု စမ်းသပ်စစ်ဆေးဆဲပါ။ ကျနော်တို့ တရားဝင် သတင်းထုတ်ပြန်ပါ့မယ်။ စစချင်းမှာတော့ ကုမ္မဏီတခုကနေ တွေ့ထားတဲ့ ၁၆ တန်ကိုတော့ မီးရှို့ဖျက်ဆီးနေပြီ။ အဲဒါတွေ လုပ်နေပါတယ်" ဟု အမည်မဖော်လိုသူ ကျန်းမာရေးဝန်ကြီးဌာန တာဝန်ရှိသူတဦးက မဇ္ဈိမကို ပြောသည်။ ကုမ္မဏီအမည်ကိုတော့ ဖြေဆိုရန် သူက ငြင်းဆန်သွားသည်။

ပလတ်စတစ်နှင့် ဓာတ်မြေသြဇာတို့တွင် ထဲ့သွင်းအသုံးပြုသော မယ်လမင်းဓာတုပစ္စည်းများ ရောစပ်ထားသော နို့မှုန်များကြောင့် တရုတ်နိုင်ငံတွင် ကလေး ၄ ယောက်သေဆုံးပြီး ၅၃၀၀၀ နာမကျန်းဖြစ်နေခဲ့သည်။ တရုတ်နိုင်ငံမှ တင်သွင်းသော နို့မှုန့်များအတွက်
ရန်ကုန်-မန္တလေးမြို့ကြီးများတွင် မှတ်ပုံတင်ထားသော ကုမ္မဏီများကို စစ်ဆေးမှု ပြုလုပ်လျှက်ရှိသည်ဟု ကျန်းမာရေးဝန်ကြီးဌာနက ပြောသည်။

သို့သော် အမရပူရမြို့မှ ဆိုင်ရှင်များက တရုတ်ပြည်မှ ၀င်ရောက်လာသော နို့မှုန့်များ ရောင်းချခြင်းကို ရပ်ဆိုင်းရန် အကြောင်းကြားစာ ရရှိခြင်း မရှိဟု ပြောသည်။

"ကျနော်တို့ မန္တလေးမှာတော့ လက်ရှိ ဘာမှ လာတားတာတော့ မရှိသေးဘူး။ ဘာတားမြစ်တာမှ မကြားသေးဘူး။ ရောင်းတာတော့ ကျသွားတယ်။ သိတဲ့လူတွေက မတိုက်တော့ဘူး။ အသုံးနည်းသွားတယ်။ ဆိုင်မှာတော့ တင်နေတုန်းပဲ" ဟု ကုန်သည်တဦးက ပြောသည်။

ကချင်ပြည်နယ် တွင်လည်း တရုတ်ထုတ် ကလေးနို့မှုန့်များကို မြို့တော် မြစ်ကြီးနားသို့ တင်ပို့ခြင်းကို တားဆီးပိတ်ပင်နေသော်လည်း ဈေးဆိုင်များတွင် ရောင်းချလျှက်ရှိနေသေးသည်ဟု ဒေသခံများက ပြောသည်။

"မြစ်ကြီးနားဘက်ကိုတော့ မပို့တော့ဘူး။ ဂိတ်တွေမှာ တော်တော် စစ်ဆေးတာတွေ ရှိနေတယ်။ ဆိုင်တွေမှာတော့
နည်းနည်းရှိသေးတယ်။ ရောင်းရတာလည်း လျော့သွားတယ်။ ဖောက်သည်တွေတော့ လာမယူတော့ဘူး။ ဒါပေမဲ့ သောက်နေတဲ့လူတွေက ဆက်ဝယ်သောက် နေတာတွေ ရှိတယ်" ဟု လိုင်ဇာမြို့က ဒေသခံက ပြောသည်။ တချိန်တည်းတွင် ထွက်ပေါ်နေသော နို့မှုန့် သတင်းများကြောင့် ရန်ကုန်မြို့ပေါ်ရှိ နယူးဇီလန်နိုင်ငံ အခြေခံ နို့မှုန့်ကိုသာ အဓိက ရာင်းချဖြန့်ဝေနေသည့် Pep ကုမ္မဏီမှာ ၄၀ ရာခိုင်နုန်းခန့် ရောင်းအား ကျဆင်းသွားသည်ဟု တာဝန်ရှိသူတဦးက ပြောသည်။

"ကျနော်တို့ ကုမ္မဏီလည်း စစ်ဆေးသွားပါပြီ။ မယ်လမင်းဓာတ် ပါရှိမရှိ ဘာမှ လာပြောတာ မရှိဘူး။ ကျနော်တို့ ကုမ္မက နယူးဇီလန်နိုင်ငံကပဲ ကုန်ကြမ်းယူတယ်။ တရုတ်က ပစ္စည်း မပါဘူး။ Whole Milk Powder တခုထဲ ဖြန့်တယ်။ အများအားဖြင့်တော့ မသုံးရဲတာတွေ ရှိနေပြီ။ ရောင်းအား နည်းနည်းကျသွားတယ်။ ၄၀ ရာခိုင်နုန်း ကျသွားတယ်" ဟု သူက ပြောသည်။

အမေရိကန်ဘဏ္ဍာရေး အကြပ်အတည်းကြောင့် နိုင်ငံခြားကူညီငွေ ထိခိုက်ဖွယ်ရှိ
မဇ္ဈိမသတင်းဌာန
တနင်္လာနေ့၊ အောက်တိုဘာလ 06 2008 20:12 - မြန်မာစံတော်ချိန်

အမေရိကန်တွင် ဖြစ်ပေါ်လျက်ရှိသော ဘဏ္ဍာရေးအကြပ်အတည်းကြောင့် ၂ဝဝ၉ ခုနှစ်တွင် ဒီမိုကရက်တစ်ပါတီမှ သမ္မတဖြစ်လာလျှင် ယခင် ကတိပြုထားသော နိုင်ငံခြားအကူအညီ ၂ ဆ တိုးပေးမည်ဆိုသည်ကို ပြန်လည် သုံးသပ်ရဖွယ်ရှိသည်ဟု ဒီမိုကရက်တစ် ဒုတိယသမ္မတလောင်း ဂျိုးဘီဒင် (Joe Biden) က ယမန်နေ့ညက ပြောသည်။
ပြည်တွင်းငွေရေးကြေးရေး အဖွဲ့အစည်းများအား ကယ်ဆယ်ရန် ဒေါ်လာ ဘီလျံ ၇ဝဝ အဆိုပြုထားခြင်းကြောင့် နိုင်ငံခြားအကူအညီကို ၂ ဆတိုးပေးမည်ဟု အိုဘားမား-ဘီဒင် (Obama-Biden) အုပ်ချုပ်ရေးအဖွဲ့က အစောပိုင်း ကတိပြုထားချက်ကို ပြန်လည်ရုပ်သိမ်းရဖွယ်ရှိသည်ဟု စိန့်လူးဝစ်မြို့တွင် ကျင်းပသော ဒုသမ္မတလောင်း ၂ ဦး၏ အချေအတင်ပြောပွဲတွင် ဘီဒင်က သတိပေးပြောကြားသွားခဲ့ခြင်းဖြစ်သည်။

“ကျနော်တို့ နည်းနည်းလျှော့ဖို့လိုတာက နိုင်ငံခြား အကူအညီကို ၂ ဆ တိုးပေးမယ်ဆိုတဲ့ ကတိကဝတ်ပဲ ဖြစ်ပါတယ်။ ဒီကိစ္စကို လျှော့ချရဖွယ် ရှိပါတယ်” ဟု လက်ရှိ ဘဏ္ဍာရေးအခြေအနေ ဆိုးဝါးမှုများကြောင့် ယခင်ပြောထားသော မူဝါဒ ရည်မှန်းချက်များကို ဘယ်လိုထိခိုက်နိုင်ပါသလဲဆိုသည့် မေးခွန်းကိုဖြေကြားရာတွင် ယခုလို ဘီဒင်က ပြောဆိုသွားခဲ့ခြင်းဖြစ်သည်။

ဘုရ်ှအစိုးရက ၂ဝဝ၈ ခုနှစ်အတွက် ကွန်ဂရက်လွှတ်တော်သို့ တင်ပြတောင်းခံခဲ့သော နိုင်ငံခြားအကူအညီ ဘတ်ဂျက်မှာ ၂ဝ.၂၇ ဘီလျံဒေါ်လာရှိပြီး ၂ဝဝ၇ ခုနှစ်ကနှင့် နှိုင်းစာလျှင် ၁၂ ရာခိုင်နှုန်း တက်လာခဲ့ခြင်းဖြစ်သည်။

မည်သို့ပင်ဆိုစေ မြန်မာနိုင်ငံကို အုပ်ချုပ်လျက်ရှိသော ဗိုလ်ချုပ်ကြီးများနှင့် အမေရိကန်အစိုးရတို့ ဆက်ဆံရေး မကောင်းလှခြင်းကြောင့် မြန်မာနိုင်ငံအတွက် ၂ဝဝ၈ ခုနှစ်တွင် ပေးရန် သတ်မှတ်ထားသော အကူအညီမှာ နှိုင်းယှဉ်ချက်အရ နည်းလှပြီး ဒေါ်လာ ၁၃ သန်းသာ ရှိသည်။

၂ဝဝ၈ ခုနှစ် တလုံးတစည်းတည်းသော လျာထားငွေ အက်ဥပဒေ (The Consolidated Appropriations Act for 2008) အရ “အဓိကအားဖြင့် ပြည်ပတွင်ရှိသော ကျောင်းသားအဖွဲ့များနှင့် အခြားဒီမိုကရေစီအဖွဲ့အစည်းများ၊ လူသားချင်းစာနာသည့် အကူအညီများအတွက် ဒေါ်လာ ၁၃ သန်း (အများစုမှာ စီးပွားရေး ထောက်ပံ့မှုရံပုံငွေမှ) ပေးအပ်ရန် လျာထားသတ်မှတ်ထားသည်။

ဤခွင့်ပြုအကူအညီငွေမှ ဒေါ်လာ ၃ သန်းနီးပါးကို မြန်မာ့အရေးဆောင်ရွက်နေသော ထိုင်းနယ်စပ်အခြေစိုက် အဖွဲ့အစည်းများက ရရှိလိမ့်မည်ဖြစ်သည်။

ဤသို့လျှော့ချမှုများရှိခဲ့လျှင် မြန်မာနိုင်ငံနှင့် မြန်မာ့အဖွဲ့အစည်းများသို့ အိုဘားမား - ဘီဒင်အစိုးရက အကူအညီ ပမာဏ မည်မျှအထိ လျှော့ချသွားမည်ကို ယခုအချိန်တွင် မသိရသေးပါ။

ဘီဒင် (Biden) သည် အထက်လွှတ်တော် နိုင်ငံခြားဆက်ဆံရေး ကော်မတီ ဥက္ကဋ္ဌဋ္ဌဖြစ်ပြီး ယမန်နှစ်က မြန်မာနိုင်ငံမှ ဗိုလ်ချုပ်ကြီးများကို ရည်ရွယ်ပြုလုပ်ခဲ့သည့် လက်ရှိ ဘဏ်နှင့် ခရီးသွားလာမှု ပိတ်ဆို့အရေးယူရေး ဥပေဒကြမ်းဖြစ်သော မြန်မာ့ဒီမိုကရေစီ မြှင့်တင်ရေးအက်ဥပဒေ (Burma Democracy Promotion Act) ကို ရေးသားခဲ့သူဖြစ်သည်။ အခြား နိုင်ငံတနိုင်ငံ၏ အရေးတွင် မည်သည့်အချိန်၊ မည်သည့်နေရာ၌ ကြားဝင်ဆောင်ရွက်သင့်သည် ဆိုသည့်ကိစ္စနှင့် စပ်လျဉ်း၍ စံထားချက်တရပ်ကိုလည်း ပုံကြမ်းဖော်တင်ပြခဲ့သည်။

“ဤစံထားချက်မှာ ဤသို့ရေးဆွဲသတ်မှတ်ထားသင့်သည်။ ပထမဦးစွာ ကျွန်ုပ်တို့ A ဆိုပါစို့၊ ဤနိုင်ငံနှင့်စပ်လျဉ်း၍ မည်သည့်ကိစ္စမဆို ဆောင်ရွက်နိုင်စွမ်း ရှိရမည်။ ဒုတိယအချက်မှာ နိုင်ငံတကာတွင် ဤသို့ တိတိကျကျ သတ်မှတ်ထားချက်များ ရှိရေးဖြစ်သည်။ နိုင်ငံတနိုင်ငံသည် လူမျိုးတုံးသုတ်သင်မှုများ လုပ်လာလျှင်၊ နိုင်ငံတနိုင်ငံသည် အကြမ်းဖက်သမားများကို ခိုလှုံခွင့်ပေးထားပြီး၊ ထိုသူတို့နှင့် ပတ်သက်၍ ဘာမှလည်း မလုပ်ဘူးဆိုလျှင် ထိုအချိန်မျိုးတွင် ဘားရက်အို ဘားမားနှင့် မိမိတို့၏အမြင်မှာ ကျနော်တို့နိုင်ငံရဲ့ အရေးမှာ ခင်ဗျားတို့ ဘာမှဝင်စွက်စရာ မလိုဘူးဟု သူတို့၏ ပြောဆိုနိုင်ခွင့်ကို ရုပ်သိမ်းပစ်ရေးပင်ဖြစ်သည်” ဟု ဒီလာဝဲပြည်နယ် အထက်လွှတ်တော်အမတ်က ပြောကြားသွားခဲ့သည်။

“ဒါဖေါလိုကိစ္စမျိုးတွင် လူမျိုးတုံးသုတ်သင်နေသည့် ကိစ္စမျိုး၌ ကျနော့်တွင် ထိုသို့ပေးရန် ဆန္ဒမရှိပါ” ဟု ဘီဒင်က တက်ရောက်လာသူများကို ဆက်လက်ပြောကြားသွားခဲ့သည်။ ၂ဝဝ၈ ခုနှစ် ဘတ်ဂျက်အရ ဆူဒန်နိုင်ငံသည် နိုင်ငံခြား အကူအညီ ဒေါ်လာ သန်း ၁၄ဝ ရရှိမည်ဖြစ်သည်။

ကြားဝင်ဆောင်ရွက်ရေး ကိစ္စများကို ထောက်ခံအားပေးသူအဖြစ် ဘီဒင်မှာ လွှတ်တော်တွင် နာမည်ရသည်။ ဘော့စနီးယား၊ ကိုဆိုဗို၊ အီရတ်၊ ပါကစ္စတန်နှင့် ဆူဒန်နိုင်ငံတို့သို့ အမေရိကန်တပ်ဖွဲ့များစေလွှတ်ရေးကို ပြင်းပြင်းထန်ထန် ထောက်ခံပြောဆိုခဲ့သည်။

ကြာသပတေးနေ့ညကကျင်းပခဲ့သော နိုင်ငံခြားရေးမူဝါဒဆိုင်ရာ အချေအတင်ဆွေးနွေးပွဲတွင် အဓိကအားဖြင့် အရှေ့ အလယ်ပိုင်း၊ အီရတ်၊ အာဖဂန်နစ္စတန် နှင့် အီရန်တို့အကြောင်းသာ
ဆွေးနွေးပြောဆိုခဲ့ကြပြီး၊ မြန်မာနိုင်ငံအကြောင်း နာမည်တပ်၍တခါမှထုတ်ဖေါ်ဆွေးနွေးခဲ့ခြင်းမရှိပါ။

လောလောဆယ်တွင် အမေရိကန်နိုင်ငံခြားအကူအညီကိုအများဆုံးရရှိနေသူမှာ အီရတ်နိုင်ငံဖြစ်သော်လည်း အစဉ်အလာအားဖြင့် ဤသို့ အများဆုံး ဝေစုရရှိခဲ့သည့်နိုင်ငံ ၂ နိုင်ငံမှာ အစ္စရေးနှင့် အီဂျစ်တို့ဖြစ်သည်။ ၂ဝဝ၈ ခုနှစ်အတွက် အစ္စရေးနိုင်ငံသို့ ပေးအပ်ရန် သတ်မှတ်ထားသော အကူအညီပမာဏမှာ ဒေါ်လာ ၂ ³ ၄ ဘီလျံ ဖြစ်သည်။ အားလုံးကို စစ်ရေးအကူအညီအဖြစ် ပေးအပ်မည်ဖြစ်သည်။

နိုင်ငံခြား အကူအညီသည် ၃ ထရီလီယံ ဒေါ်လာရှိသော အမျိုးသားဘတ်ဂျက်နှင့် နှိုင်းစာလျှင် အလွန်သေးငယ်သော အချိုးအစားသာရှိသည်။

အမေရိကန် ငွေကြေးအကျပ်အတည်းကြောင့် အာရှနှင့် ဥရောပ စတော့ခ်ဈေး ကျဆင်း

06 October 2008

ငွေကြေးဈေးကွက်အခြေအနေ စောင့်ကြည့်နေသော ကုန်သည်အချို့။
အောက်တိုဘာ ၆၊ ၂၀၀၈။
ငွေကြေးအကျပ်အတည်းက ကမ္ဘာ့စီးပွားရေးကို
ဆက်လက်ကျဆင်းစေလိမ့်မယ်ဆိုတဲ့ ခန့်မှန်း
ပြောဆိုမှုများကြောင့် ရေနံဈေးနှုန်းက တပီပါကို
ဒေါ်လာ ၉၀ အောက် ရောက်သွားလို့ ၉ လအတွင်း
အနိမ့်ဆုံးဖြစ်ပါတယ်။

အမေရိကန်နိုင်ငံမှာ သောကြာနေ့က အတည်ပြု
လိုက်တဲ့ ဒေါ်လာဘီလီယံ ၇၀၀ ကယ်တင်ရေးအစီ
အစဉ်က ကမ္ဘာ့စီးပွားရေး အကျပ်အတည်းကို
သိပ်ပြီးထိန်းနိုင်မယ်လို့ ငွေရင်းနှီးမြှုပ်နှံသူများက
မယုံကြည်ကြတဲ့အတွက် တနင်္လာနေ့က ဥရောပနဲ့
အာရှဈေးကွက်မှာ သိသိသာသာ ကျသွားပါတယ်။

ဥရောပဈေးကွက်မှာ မနက်ပိုင်းတင် ၅% အထိ ကျဆင်းပြီး ရုရှားမှာတော့ ၁၅% ကျော်
ကျသွားလို့ ဈေးပိတ်လိုက်ရပါတယ်။ တိုကျို၊ တိုင်ပေနဲ့ တောင်ကိုရီးယားတို့မှာ ၄%
ကျော်နဲ့ ဈေးပိတ်ခဲ့ရပြီး ဟောင်ကောင်ရဲ့ ဟန်ဆန်း (Hang Seng) အညွှန်းမှာ ၅%
ကျဆင်းသွားသလို ဂျပန်နိုင်ငံရဲ့ နစ်ကီ (Nikkei) လည်း လေးနှစ်အတွင်း အနိမ့်ဆုံး
ကျသွားပါတယ်။

ငွေကြေးအရောင်းအ၀ယ်မှာလည်း ယူရိုငွေဟာ ၁၃ နှစ်အတွင်း ဒေါ်လာနဲ့လဲလှယ်နှုန်း
အနိမ့်ဆုံးကျသွားပါတယ်။ ဂျာမန်အစိုးရနဲ့ ဂျာမန်ဘဏ်များက ၆၈ ဘီလီယံ ကယ်တင်
ရေး အစီအစဉ်ကို ချမှတ်လိုက်ပြီးနောက် အဲဒီလို ယူရိုဈေးနှုန်း ကျသွားတာဖြစ်ပါတယ်။

ကမ္ဘာ့ငွေကြေးအကျပ်အတည်း ပိုပြီး စုပေါင်းကိုင်တွယ် ဖြေရှင်းရေးအတွက် အခက်ကြုံ
နေတဲ့ဘဏ်များကို ၀ယ်ယူ၊ ငွေရင်းနှီးမြှုပ်နှံသူများ ကာကွယ်ရေး လုပ်ဆောင်သွားမယ်
လို့ ဥရောပခေါင်းဆောင်များက ကတိပြုထားကြပါတယ်။

မိသားစုတွေ တရားခွင် လာရောက်ခွင့်မရလို့ နိုင်ငံရေးအကျဉ်းသားတွေ ကန့်ကွက်

06 October 2008
မြန်မာစစ်အစိုးရ ဖမ်းဆီးတာကို ခံထားရတဲ့ နိုင်ငံရေးအကျဉ်းသားတွေကို တရားရုံးတင်
စစ်ဆေးမှုတွေ လုပ်တဲ့နေရာမှာ မိသားစုတွေကို လာရောက်ခွင့် မပြုတော့တဲ့အတွက်
ကြောင့် ၈၈ မျိုးဆက်ကျောင်းသားတွေ အပါအ၀င် ထိန်းသိမ်းခံနေရသူတွေအနေနဲ့
တရားစီရင် စစ်ဆေးနေတာတွေကို ရပ်တန့်ပြီး သပိတ်မှောက်လိုက်ကြပါတယ်။ ဒီလို
မိသားစုတွေ တက်ရောက်ခွင့်မရှိတဲ့ တရားခွင်တွေမှာပဲ ဖမ်းဆီးခံနေရတဲ့ နိုင်ငံရေး
လှုပ်ရှားသူတချို့ကို ဒီကနေ့ပဲ ပြစ်ဒဏ်ပေး စီရင်တာတွေ လုပ်ခဲ့လို့လည်း မိသားစုတွေ
က မကျေမနပ် ဖြစ်နေကြရပါတယ်။ အကြောင်းစုံကို ကိုအောင်လွင်ဦးက တင်ပြ
ပေးထားပါတယ်။

မြန်မာစစ်အစိုးရက ဖမ်းဆီးထိန်းသိမ်းထားတဲ့ နိုင်ငံရေးအကျဉ်းသားတွေကို လွန်ခဲ့တဲ့
လတွေကစလို့ တရားရုံးတင် စစ်ဆေးတဲ့နေရာမှာ မိသားစုတွေ လာရောက်ခွင့် ပိတ်ပင်
လိုက်တဲ့အတွက် နိုင်ငံရေးအကျဉ်းသားတွေဘက်က ကန့်ကွက်တောင်းဆိုမှုတွေ လုပ်ခဲ့
ကြတာပါ။ နိုင်ငံရေး တက်ကြွလှုပ်ရှားသူတွေဖြစ်ကြတဲ့ ၈၈ မျိုးဆက်ကျောင်းသားတွေ
အပါအ၀င် ပြီးခဲ့တဲ့နှစ် သြဂုတ်လ ကုန်ဈေးနှုန်းကျဆင်းရေး ဆန္ဒပြခဲ့ကြသူတွေ၊
စက်တင်ဘာ သံဃာတော်တွေရဲ့ လှုပ်ရှားမှုတွေမှာ ပါဝင်ခဲ့ကြသူတွေအနေနဲ့ ဒီလို
မိသားစုတွေကို လာရောက်ခွင့် မပေးတဲ့အတွက် တရားခွင်ရဲ့လုပ်ငန်းတွေမှာ ပူးပေါင်း
ဆောင်ရွက်တာတွေမလုပ်ဖို့ ဆုံးဖြတ်ခဲ့ကြတာလို့ ထိန်းသိမ်းခံနေရသူတွေရဲ့ ဥပဒေ
အကျိုးဆောင် ပုဂ္ဂိုလ်တဦးဖြစ်တဲ့ ဦးခင်မောင်ရှိန်က ပြောပါတယ်။

"ပထမဆုံး လှိုင်မြို့နယ်တရားရုံးက ကိုထွန်းထွန်းဦးပါ ၄ ဦးအမှုကို စတယ်။ စတဲ့အခါ
ကိုထွန်းထွန်းဦးတို့၊ ကိုမောင်မောင်လတ်တို့၊ ကိုအောင်ကျော်မိုးတို့၊ မထားထားသက်
တို့က ကျနော်တို့ရှေ့နေတွေကို ညွှန်ကြားမှုပေးတယ်။ သူတို့မိသားစုတွေကို ၀င်ရောက်
နားထောင်ခွင့် မပေးတော့ဘူး၊ ထောင်ဝင်စာတွေ့တဲ့ရက်ကလည်း စနေ၊ တနင်္ဂနွေ
ပြောင်းလိုက်တဲ့ကိစ္စနဲ့ ပတ်သက်လို့ သူတို့ မကျေနပ်ဘူး။ ဒါကြောင့် ဒီနေ့ တရားရုံးမှာ
စစ်ဆေးတဲ့ အမှုကိစ္စမှာ ရှေ့နေကြီးများအနေနဲ့ မေးမြန်းတာမလုပ်ပါနဲ့လို့ ညွှန်ကြားချက်
ပေးတယ်။ သူတို့ကိုယ်တိုင်လည်း ပြန်လည်မေးမြန်းမှု မလုပ်ဘူးလို့ပြောတယ်။

"အဲဒီအပိုင်းမှာ ကျနော်တို့က ရုံးတော်ကို လျှောက်ထားတယ်။ ရုံးတော်ကတော့
သက်သေလာရင် အမှုဆက်စစ်သွားမယ်လို့ပြောတယ်။ ကျနော်တို့က အမှုသည်ရဲ့
ညွှန်ကြားချက်အရ ဆက်လက်မစစ်ဆေးဘဲ၊ ပြန်လှန်မေးခွန်းတွေ မမေးဘဲ ရုံးပြင်
ထွက်လာတယ်။

"နောက်တခါ ရှင်သဒ္ဓမ္မနဲ့ ကိုထွန်းထွန်းနိုင် နှစ်ယောက်အမှု တရားခွင်စတဲ့အခါမှာ
ရှင်သဒ္ဓမ္မတို့ကလည်း ကျနော်တို့ကို ကြိုတင်ပြီး ညွှန်ကြားချက်ပေးထားတယ်။ မိသားစု
တွေ လာရောက်တွေ့ဆုံခွင့် မပေးဘူး၊ နားထောင်ခွင့်မပေးဘူးဆိုတဲ့ ပြောင်းလဲ
ညွှန်ကြားတဲ့ ညွှန်ကြားချက်အပေါ်မှာ သူတို့ မကျေနပ်ဘူး။ ဒါကြောင့် တရားခွင်မှာ
စစ်ဆေးတဲ့အခါ ရှေ့နေများအနေနဲ့လည်း မေးမြန်းခွင့်မလုပ်ပါနဲ့၊ သူတို့ကိုယ်တိုင်က
လည်း မေးမြန်းစစ်ဆေးမှု မလုပ်ပါဘူးဆိုတဲ့ ညွှန်ကြားချက်ပေးတယ်။

"အဲဒါပြီးတဲ့အခါ ရုံးမှာ ကိုမင်းကိုနိုင်က လျှောက်တယ်။ အနိမ့်ဆုံးအဆင့် ပုံမှန် မိသားစု
များကို တွေ့ဆုံခွင့်၊ နားထောင်ခွင့်ပေးဖို့။ လာမယ့်ရုံးချိန်းမှာ ဒီလိုမပေးဘူးလို့ တုံ့ပြန်ခဲ့
ရင် သူတို့အနေနဲ့ ဒါနဲ့ညီတဲ့တုံ့ပြန်မှုကို ဆောင်ရွက်သွားမယ်လို့ တရားရုံးကိုပြောတယ်။"အခုတပတ်ကစလို့ တရားရုံးကြားနာမှုတွေမှာ မိသားစုတွေ ၀င်ရောက်နားထောင်ခွင့်
မရတဲ့အတွက် နိုင်ငံရေးအကျဉ်းသားတွေ၊ အထူးသဖြင့် ကျန်းမာရေး ယိုယွင်းနေသူတွေ
အတွက် ပြဿနာတွေနဲ့ ကြုံရတာတွေလည်း ရှိနေတယ်လို့ ဦးခင်မောင်ရှိန်က သူ့ရဲ့
ဒီကနေ့ တရားခွင်အတွေ့အကြုံကို ပြောပြပါတယ်။

"ကိုမင်းကိုနိုင်တို့ ၈၈ ကျောင်းသားတွေအမှု၊ ဒါက သင်္ဃန်းကျွန်းမြို့နယ် တရားသူကြီးရုံး
ရယ်၊ တွဲဖက်တရားသူကြီးရုံးရယ် ၂ ရုံး။ ပထမဆုံး သင်္ဃန်းကျွန်းမြို့နယ် တရားသူကြီးရုံး
က စတင်စစ်ဆေးဖို့လုပ်တယ်။ ဒီမတိုင်ခင် ကိုမင်းကိုနိုင်တို့ကို ရုံးထုတ်လာတာက
၉ နာရီခွဲထဲကထုတ်လာတယ်။ ဘာအစားအသောက်မှ မစားရဘူး။ ရုံးစစစ်တဲ့အချိန်က
၂ နာရီခွဲလောက်မှာမှ စစစ်ဖို့လုပ်တယ်။ ကြားမှာ ကိုအောင်သူက Pressure တက်ပြီး
မူးလဲသွားတယ်။ အဲတော့ တရားခွင်မှာ စွပ်စွဲခံရသူတွေထိုင်တဲ့ ထိုင်ခုံတွေကို ဆက်ပြီး
တော့ ကိုအောင်သူ လဲလျောင်းနေရတယ်၊ ဘေးကနေ ပြုစုကြရတယ်။

"ဒီမှာ အစားမစားရတာလည်း ပါတယ်။ ကိုအောင်သူက ဆေးရုံမှာ တက်ရောက်ကုသ
နေရတယ်။ ဆေးရုံကနေ ရုံးထုတ်လာတာ။ ပြီးတော့ ကိုအောင်သူက ဦးနှောက်နဲ့ အာရုံ
ကြောမှာ ပြထားရတယ်။ နှလုံးရောဂါရှိတယ်။ သွေးတိုးတယ်၊ သွေးတက်တယ်၊
လေဖြန်းတဲ့အနေအထားရှိတယ်။ ဒါကြောင့် ကိုအောင်သူရဲ့ ညာဘက်ခြမ်းက လက်တွေ၊
ခြေတွေ သိမ်နေတဲ့အနေအထားရှိတယ်လို့ သိရတယ်။

"အဲတော့ ၉ နာရီခွဲ ရုံးထုတ်လာတယ်။ ၂ နာရီကျော်လောက်အထိ ဘာအစားမှ မစားရ
ဘူး။ အဲဒါက ခါတိုင်းလို မိသားစုက တရားခွင်မှာ လာရောက်နားထောင်ခွင့်၊ တွေ့ဆုံခွင့်၊
ကျွေးမွေးခွင့် မရှိတဲ့အတွက် သူတို့ ဘာမှမစားရလို့ ဒီလိုဖြစ်တာလည်း ပါမှာပေါ့။"

ရန်ကုန်မြို့က ရှေ့နေကြီး ဦးခင်မောင်ရှိန် ပြောပြသွားတာ ဖြစ်ပါတယ်။

ဒီလို မိသားစုတွေ လာရောက်ခွင့် ပိတ်ပင်လိုက်တဲ့ တရားခွင်တွေကနေ ပြစ်ဒဏ်ပေး
စီရင်ချက်ချမှတ်လိုက်တာတွေလည်း ရှိနေတာပါ။ အခုနောက်ဆုံးဆိုရင်လည်း
ထိန်းသိမ်းခံနေရတဲ့ နိုင်ငံရေးလှုပ်ရှားသူ ၄ ယောက်ကို အင်းစိန်ထောင် အထူးတရားရုံး
တွေကနေ ထောင်ဒဏ် ၂ နှစ်ခွဲကနေ ၄ နှစ်ခွဲစီ အသီးသီး ချမှတ်လိုက်တယ်လို့လည်း
သူတို့ရဲ့အမှုတွေမှာ လိုက်ပါဆောင်ရွက်ပေးနေတဲ့ ရှေ့နေတဦးဖြစ်တဲ့
ဦးမောင်မောင်လတ်က ပြောပါတယ်။

"တောင်ဒဂုံကနေ စွဲတင်တဲ့ ဦးစိုးကြွယ်၊ ဒေါ်ခင်အေး၊ ဒေါ်မြင့်သိန်း၊ ၃ ယောက်တတွဲ
တည်းကို ပြစ်မှုပုဒ်မ ၁၄၃၊ ၁၄၅၊ ၅၀၅(ခ) တွေနဲ့ စွဲချက်တင်တယ်။ ဒီနေ့ အမိန့်ချတာ
ကတော့ ၁၄၃ အတွက် ၆ လ၊ ၁၄၅ ကိုတော့ ပယ်ဖျက်ပေးတယ်။ ၅၀၅(ခ) ကိုတော့
၂ နှစ်။ သီးခြားစီကျခံစေဆိုတော့ ၂ နှစ်နဲ့ ၆ လပေါ့။

"နောက်တမှုက ဦးစိုးမြင့်ထိန်ဆိုတာလည်း ဒီတိုင်းပဲ။ သူကတော့ ၁၄၃၊ ၁၄၅၊ ၁၄၇၊
၅၀၅(ခ)၊ ပုဒ်မ ၄ ခုနဲ့ စွဲချက်တင်ထားတာ ဒီနေ့ အမိန့်ချတော့ ၁၄၃ အတွက် ၆ လ၊
၁၄၅ ကို ပယ်ဖျက်ပေးလိုက်တယ်။ ၁၄၇ ကို ၂ နှစ်၊ ၅၀၅(ခ) ကို ၂ နှစ်၊ အားလုံး ၄ နှစ်နဲ့
၆ လကျတယ်။ အဲဒါကို ၂ နှစ်၊ ၂ နှစ်၊ ၆ လကို သီးခြားစီ ကျခံစေဆိုပြီး အရှေ့ပိုင်းခရိုင်
တရားသူကြီးက အမိန့်ချတယ်။"

ဒီလို မိသားစုတွေရဲ့မျက်ကွယ်မှာ ထောင်ဒဏ်ပြစ်ဒဏ်တွေ ချမှတ်ခံခဲ့ရလို့လည်း
မိသားစုဝင်တွေဘက်က မကျေမနပ် ဖြစ်တာတွေကလည်း ရှိနေတာပါ။ ကုန်ဈေးနှုန်း
ကျဆင်းရေး လှုပ်ရှားမှုတွေနဲ့ ဆက်စပ်ပတ်သက်ပြီး ဖမ်းဆီးခံထားရတဲ့ နောက်ထပ်
နိုင်ငံရေးလှုပ်ရှားသူတဦးဖြစ်တဲ့ ကိုစိုးမြင့်ထိန်ဟာ ဆိုရင်လည်း အခုနောက်ဆုံး
ထောင်ဒဏ် ၄ နှစ်ခွဲ ချမှတ်ခံခဲ့ရတာပါ။ ဒါနဲ့ပတ်သက်လို့ ညီဖြစ်သူ ကိုသိန်းအောင်မြင့်
က အခုလိုဆိုပါတယ်။

"သူ့ကိုစွဲတာက ဥပဒေနဲ့ဆန့်ကျင်တဲ့ အစုအဝေး၌ ပါဝင်ခဲ့ပြီး နိုင်ငံတော်အစိုးရနဲ့
နိုင်ငံတော်ငြိမ်ဝပ်ပိပြားရေးကို ထိခိုက်စေနိုင်သော ပြစ်မှုတခုခုကို ဆောင်ရွက်ကျူးလွန်
အောင်၊ ဖြစ်ပေါ်လာအောင် ကျူးလွန်ခြင်း၊ စည်းရုံးခြင်း၊ သတင်းဖော်ပြခြင်း၊ ဆူပူဆန္ဒပြ
အမှုများဖြစ်ပေါ်အောင် ဆောင်ရွက်ခြင်းဆိုပြီး စွဲတင်တယ်။

"ကျနော်တို့ဘက်က ရှေ့နေကလည်း လက်ရှိစွဲတင်ထားတဲ့အမှုတွေက ဘယ်လိုဟာမျိုး
တွေလည်းလို့ သိချင်လို့ မေးတော့ ကိုစိုးမြင့်ထိန် မနှစ်က စက်တင်ဘာ ရွှေဝါရောင်
တော်လှန်ရေးမဖြစ်ခင် တောင်ဒဂုံတို့၊ မြောက်ဥက္ကလာတို့၊ မြောက်ဒဂုံတို့၊ လှိုင်သာယာ
တို့မှာ အမျိုးသားရေးဦးဝင်းနိုင်နဲ့ ဆန်သွားလှူတဲ့ကိစ္စရယ်၊ ကိုကျော်သူ၊ ကိုဇာဂနာ၊
အမျိုးသားရေးဦးဝင်းနိုင်တို့နဲ့အတူ ရွှေတိဂုံဘုရား အရှေ့မုခ်မှာ သံဃာတော်တွေကို
ဆွမ်းလောင်းလှူတဲ့ကိစ္စနဲ့ တာရာမင်းဝေ တလပြည့်အလှူကို သွားရောက်ခြင်းကိစ္စဆိုတဲ့
အဲဒီအမှုသုံးမှုက နိုင်ငံရေးစည်းရုံးမှုတွေ လုပ်တာဆိုပြီး စွဲတင်တာပါ။ အခု ညနေ
၃ နာရီကျော်လောက်မှ ကိုစိုးမြင့်ထိန်ကို ထောင် ၄ နှစ်ခွဲချလိုက်တယ်ဆိုပြီး သိရပါ
တယ်။"

တရားရုံးတင် စစ်ဆေးမှုတွေ လုပ်နေတဲ့နေရာမှာ မိသားစုတွေကို လာရောက်ခွင့်
ပိတ်ပင်လိုက်တာ၊ ဒီလို တရားခွင်တွေကပဲ နိုင်ငံရေး တက်ကြွလှုပ်ရှားသူတွေကို
ပြစ်ဒဏ်ပေး ထောင်ချနေတာတွေနဲ့ ပတ်သက်လို့ ဥပဒေအကျိုးဆောင်တွေ၊ မိသားစု
ဝင်တွေ ပြောပြကြတာပါ။

နိုင်ငံရေး တက်ကြွလှုပ်ရှားသူတွေကို တရားလက်လွတ် ဖမ်းဆီးနေတာတွေ၊ ထိန်းသိမ်း
ခံနေရတဲ့ နေရာမှာလည်း ဂုဏ်သိက္ခာနဲ့အညီ ပြုမူတာတွေမရှိလို့ အသစ်ခန့်အပ်လိုက်
တဲ့ ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး မစ္စ နာဗီ ပီလေး (Navi Pillay) က
ပြီးခဲ့တဲ့ တပတ်ထဲမှာပဲ ပြစ်တင်ဝေဖန်ခဲ့ပြီး တိုက်တိုက်ဆိုင်ဆိုင်ဆိုသလို မြန်မာအာဏာ
ပိုင်တွေဘက်က ဖမ်းဆီးထားသူတွေအပေါ် အခုလို ကန့်သတ်ချုပ်ချယ်တဲ့ ဆောင်ရွက်
ချက်တွေလည်း ထွက်ပေါ်လာတာ ဖြစ်ပါတယ်။

တူရကီတွင် ခိုးဝင်သူများ ပါသည့်ကား မှောက်၊ မြန်မာနိုင်ငံသားများပါ

06 October 2008တရားမ၀င် ၀င်ရောက်လာသူတွေကို သယ်လာတဲ့ ထရပ်ကားတစင်း တနင်္ဂနွေနေ့မှာ မှောက်ပြီးတော့ တူရကီနဲ့ ဂရိနိုင်ငံ နယ်စပ်က ချောင်းထဲ ထိုးကျသွားတဲ့အတွက် လူ ၁၈ ယောက် သေဆုံးပြီး ၂၅ ယောက် ထိခိုက် ဒဏ်ရာရခဲ့တယ်လို့ တူရကီနိုင်ငံထုတ် Anatolian သတင်းအေဂျင်စီမှာ ဖော်ပြထားပါတယ်။

သေဆုံးသွား သူတွေထဲက အများစုဟာ မြန်မာနဲ့ ပါကစ္စတန် နိုင်ငံသားတွေ ဖြစ်တယ်လို့ အဲဒီ သတင်းမှာ ဖေါ်ပြထားပါတယ်။ ဒီကားမှောက်မှုဟာ Istanbul မြို့ရဲ့အနောက်ပိုင်း Malkara မြို့မှာ ဖြစ်ပွားခဲ့တာလို့ ဒေသဆိုင်ရာ တာဝန်ရှိသူတွေက ပြောပါတယ်။

တူရကီနိုင်ငံဟာ အရှေ့တောင် အာရှနိုင်ငံတွေနဲ့ အရင် ဆိုဗီယက်ပြည်ထောင်စု နိုင်ငံထဲက ခွဲထွက်ခဲ့တဲ့ နိုင်ငံကလူတွေ ဥရောပ နိုင်ငံတွေကို ခိုးဝင်တဲ့ အဓိက လမ်းကြောင်းဖြစ်နေပါတယ်။ ဒီ တရားမ၀င် ၀င်ရောက်သူ အများစုကို မွန်းကျပ် ပြွတ်သိပ်အောင် ထိုးသိပ်ပြီး သယ်ဆောင်လာလေ့ ရှိပါတယ်။

ပြည်ပကတင်သွင်းတဲ့ နို့မှုန့်တွေ မစားသုံးဖို့ မြန်မာအာဏာပိုင်တွေ နှိုးဆော်

06 October 2008
တရုတ်နိုင်ငံက ထုတ်လုပ်တဲ့ နို့ထွက် ပစ္စည်းတွေကို မစားသုံးကြဖို့အတွက် မြန်မာအာဏာပိုင်တွေက လူထုကို နိုးဆော် ထားတယ်လို့ တနင်္ဂနွေနေ့ထုတ် မြန်မာအလင်းသတင်းစာ ဖော်ပြလိုက်ပါတယ်။ ပလက်စတစ် ပစ္စည်းတွေ ထုတ်လုပ်ရာမှာ သုံးတဲ့ မယ်လမင်း ဓာတုဓာတ် ပါဝင်မှု အချိုးများတာကြောင့် သောက်သုံးတဲ့ ကလေးတွေမှာ ကျောက်ကပ် ပျက်စီးစေနိုင်တာမို့ ကျန်းမာရေး ၀န်ကြီး၊ ကျန်းမာရေး ဦးစီးဌာန၊ အစားအသောက်နဲ့ ဆေးဝါး ကွပ်ကဲရေး ဌာနကနေ တရုတ်နိုင်ငံက မြန်မာ ပြည်တွင်း တင်သွင်းလာတဲ့ ကလေးနို့မှုန့် ၁၆တန်ကို ဖျက်ဆီးခဲ့တဲ့အကြောင်း၊ ဈေးတွေမှာလည်း မယ်လမင်း အဆိပ်သင့်တဲ့ နို့မှုန့်နဲ့ နို့ထွက်ပစ္စည်းတွေ မရောင်းချဖို့ ညွှန်ကြားတဲ့ အကြောင်း မြန်မာ့အလင်း သတင်းစာက ရေးသားထားပါတယ်။

တရုတ်နိုင်ငံက အဆိပ်သင့်တဲ့ နို့မှုန့်တွေ ထုတ်လုပ်တဲ့ ကုမ္မဏီတွေ စာရင်းပြုစု ရာမှာ မပါဝင်တဲ့ တချို့ ကုမ္မဏီတွေကနေ မြန်မာပြည်ကို တင်သွင်းခဲ့တဲ့ နို့မှုန့်တန်ချိန် ၁၅၀၀ကိုလည်း စစ်ဆေးဖို့ စီစဉ်နေပြီလို့ မြန်မာ့အလင်း သတင်းစာမှာ ဖော်ပြထားပါတယ်။ တချိန်ထဲမှာလည်း ဒီနေ့ တရုတ်ပြည်မှာရှိတဲ့ မြို့ကြီး ၂၇မြို့က အသစ်ထုတ်လုပ်တဲ့ နို့ အရည်တွေမှာ အမျိုးပေါင်း ၆၀၀ကျော်မှာ မယ်လမင်း ဓာတုဓာတ် ကင်းစင်တာ တွေ့ရတယ်လို့ တရုတ်နိုင်ငံက လာတဲ့ သတင်းတွေမှာ ဖော်ပြထားပါတယ်။

နိုင်ငံရေး အကျဉ်းသား ဦးရေ မနှစ်ကထက် နှစ်ဆ ပိုများလာဟု မြန်မာလူ့အခွင့်အရေးအဖွဲ့များ အစီရင်ခံ

05 October 2008
မြန်မာနိုင်ငံမှာ နိုင်ငံရေး လှုပ်ရှားသူတွေ ဒီနှစ်အတွင်း ဖမ်းဆီးခံရမှုဟာ ၂၀၀၇ခုနှစ်ကထက် အဆမတန်များလာခဲ့တယ်လို့ နိုင်ငံရေး အကျဉ်းသားများ ကူညီစောင့်ရှောက်ရေးအသင်း မြန်မာနိုင်ငံ AAPPBနဲ့ အမေရိကန် အခြေစိုက် မြန်မာ့အရေး လှုပ်ရှားနေတဲ့ US Campaign For Burma အဖွဲ့က ပူးတွဲ ထုတ်ပြန်တဲ့ အစီရင်ခံထဲမှာ ဖော်ပြထားပါတယ်။ အစီရင်ခံစာရဲ့ နာမည်ကိုလည်း အမှောင်ထဲရောက်နေတဲ့ အနာဂတ်များဆိုတဲ့ မြန်မာနိုင်ငံက နိုင်ငံရေး အကျဉ်းသားတွေ လွတ်မြောက်ရေးအတွက်ကို ကုလသမဂ္ဂအတွင်းရေးမှူးချုပ်က အားထုတ်ဆောင်ရွက်ပေးဖို့ တောင်းဆိုတဲ့ အိတ်ဖွင့်ပေးစာကိုလည်း ကုလသမဂ္ဂအတွင်းရေးမှူးချုပ် ဘန်ကီမွန်းကို ပေးပါတယ်။ ဒီအစီအရင် ခံစာရေးသားသူ US Campaign For Burma အဖွဲ့က ညွှန်ကြားရေးမှူး ဦးအောင်ဒင်ကို ဒီအစီအရင်ခံစာမှာ အဓိက ဘာတွေကို မီးမောင်းထိုးပြထားသလဲဆိုတာကို မေးတော့

"နိုင်ငံရေးအကျဉ်းသားတွေက ခိုး ဆိုး လုယက်ပြီး ထောင်ကျကြတာမဟုတ်ဘူးလေ။ သူတို့ ယုံကြည်တဲ့ နိုင်ငံရေး၊ ဒီမိုကရေစီနဲ့ လူ့အခွင့်အရေး၊ တိုင်းသူပြည်သားများအတွက် အခြေခံ လူ့အခွင့်အရေးတွေ ရရှိဖို့အတွက် သူတို့ ရဲရဲဝင့်ဝင့် တောင်းဆိုကြတယ်၊ ဖော်ထုတ်ပြတယ်။ သူတို့ဟာ တကယ်ကျတော့ ကျွန်တော်တို့ တိုင်းပြည်ရဲ့ အနာဂတ်တွေပဲ။ အဲဒီ အနာဂတ်တွေကို အကျဉ်းထောင်ထဲမှာ ထည့်သွင်း အကျဉ်းချထားခြင်းဖြင့် ကျွန်တော်တို့ အနာဂတ်တွေ အမှောင်ထုထဲကို ရောက်နေတယ်။ ဒီအနာဂတ်တွေကို အမှောင်ထုကြီးထဲက မဆွဲထုတ်နိုင်မချင်း ကျွန်တော်တို့ တိုင်းပြည်ရဲ့ အနာဂတ်က ဆက်ပြီးတော့ မှောင်မိုက်နေဦးမှာပဲ။ ကျွန်တော်တို့က ဒါကြောင့်မို့ ဒီအစီရင်ခံစာကို အမှောင်ထုထဲက အနာဂတ်များလို့ အမည်ပေးထားတာပါ။"

ဒီအစီရင်ခံစာထဲမှာ ဖော်ပြထားတာကတော့ ၂၀၀၇ခုနှစ်ကနေပြီး ၂၀၀၈ခုနှစ်အတွင်းမှာ ဖမ်းခံရတဲ့သူဟာ ၇၈%အထိ တိုးလာတယ်ဆိုပြီး ဖော်ပြထားပါတယ်။ ဘာဖြစ်လို့ အခုလိုများလာရသလဲဆိုတဲ့အပေါ် US Campaign For Burma အဖွဲ့က ဘယ်လို သုံးသပ်ပါသလဲရှင့်။

"ပထမအချက်က ပြီးခဲ့တဲ့ ၂၀၀၇ သြဂုတ် ဖြစ်ခဲ့တဲ့ ၈၈ မျိုးဆက်ကျောင်းသားများ ဦးဆောင်ပြီး လှုပ်ရှားခဲ့တဲ့ လှုပ်ရှားမှုတွေ၊ စက်တင်ဘာမှာ ဖြစ်ခဲ့တဲ့ သံဃာဦးဆောင်မှု ရွှေဝါရောင် တော်လှန်ရေး လှုပ်ရှားမှုတွေမှာ ဖမ်းဆီးထားတဲ့ လူတွေ အများကြီးရှိတယ်။ အဲဒီလူတွေကို တကယ်ကျတော့ နအဖ စစ်အုပ်စုက တယောက်မကျန် ပြန်လွှတ်ပေးရမှာ။ အဲဒီလို ပြန်လွှတ်ပေးဖို့ကိုလည်း သူက ကုလသမဂ္ဂ လုံခြုံရေး ကောင်စီကိုရော၊ အထွေထွေ အတွင်းရေးမှူးချုပ်ကိုရော သဘောတူ ကတိက၀တ်ပြုလုပ်ပြီးသား။ ဒါပေမယ့် မလွှတ်ပေးဘဲနဲ့ ဆက်ပြီး ဖမ်းထားတာ၊ ထောင်တွင်း အကျဉ်းချထားတာက အနဲဆုံး ၇၀၀ ကျော်ရှိတယ်။ နောက်ပိုင်း နအဖရဲ့ စစ်အာဏာရှင်အောက် ရာသက်ပန် သွတ်သွင်းရေး အစီအစဉ် လုပ်နေတာက တဖြေးဖြေးနဲ့ အရှိန်အ၀ါရလာပြီ။ အဲဒီလို ရလာတဲ့အချိန်မှာ ဒီဆန္ဒခံယူပွဲကို မတရားသဖြင့်လုပ်ပြီးတော့ ဖွဲ့စည်းပုံ အခြေခံ ဥပဒေကို အတင်း အဓ္ဓမပြုတယ်။ တဘက်မှာလည်း လူထု ဒုက္ခကို မျက်ကွယ်ပြုတယ်။ ဒီကိစ္စတွေနဲ့ ပတ်သက်ပြီး ပြည်တွင်းက အင်းအားစုတွေရဲ့ တုန့်ပြန်မှုကလည်း ပိုပြီး အရှိန်အဟုန် ကြီးမားလာတယ်။ အဲဒီလို အရှိန်အဟုန် ကြီးမားလေလေ ဖမ်းဆီးမှုက များလေလေဖြစ်တယ်။ ဒါကြောင့် ဂျူလိုင်ကနေ စက်တင်ဘာအထိ သုံးလအတွင်းမှာ နအဖ စစ်အုပ်စုက ဖမ်းဆီးလိုက်တဲ့ ဒီမိုကရေစီ အင်အားစု အရေအတွက်က ၁၀၀ ကျော်တယ်။ ဒါကြောင့်မို့ နိုင်ငံရေး အကျဉ်းသား အရေအတွက်က လျော့နည်းမသွားဘဲ တိုးပြီးရင် တိုးနေတာပါပဲ။"

အစီအရင်ခံစာနဲ့အတူ ကုလသမဂ္ဂအတွင်းရေးမှူးချုပ်အပါအ၀င် ကုလမသဂ္ဂထဲမှာ အရေးပါတဲ့ အဖွဲ့တွေကို အိတ်ဖွင့်ပေးစာ ပေးတယ်လို့လည်း သိရပါတယ်။ အဲဒီ အိတ်ဖွင့်ပေးစာက နိုင်ငံရေး အကျဉ်းသားတွေ လွတ်မြောက်ရေး တောင်းဆိုတဲ့ အိတ်ဖွင့်ပေးစာပေါ့လေ။ အဲဒီ အိတ်ဖွင့်ပေးစာဟာ တကယ်တမ်း မြန်မာနိုင်ငံရဲ့ နိုင်ငံရေး အကျဉ်းသားတွေ လွတ်မြောက်လာဖို့က ဘယ်လောက်အထိ မျှော်လင့်ချက် ရှိပါသလဲ။

"အဲဒီ အဖွဲ့အစည်းတွေက ဘယ်လောက်အထိ အလုပ်လုပ်နိုင်ကြမလဲဆိုတာ။ အင်အားစုတွေဖြစ်တဲ့ အမေရိကန် ပြည်ထောင်စုနဲ့ ဥရောပအဖွဲ့တွေရဲ့ ဆောင်ရွက်မှု၊ နောက် တရုတ်၊ အိန္ဒိယ၊ အာစီယံစတဲ့ နိုင်ငံတွေရဲ့ လှုပ်ရှားဆောင်ရွက်မှုတွေဖြစ်တဲ့ မြန်မာပြည်မှာ နိုင်ငံရေး အကျဉ်းသားတွေ အားလုံး လွတ်မြောက်ရမယ်။ တွေ့ဆုံဆွေးနွေးရေးတွေ ဖြစ်ရမယ်ဆိုတာကတော့ အခြေခံအားဖြင့် သဘောတူပေမယ့် လက်တွေ့လုပ်တဲ့နေရာမှာ ကွဲလွဲနေတာရှိတယ်။ အမေရိကန်နဲ့ ဥရောပနိုင်ငံတွေက ဖိအားပေးမှုတွေ တိုးမြင့်ချင်တယ်။ အိန္ဒိယ၊ တရုတ်၊ အာစီယံတွေက နအဖကို ပျော့ပျော့ပြောင်းပြောင်း ချဉ်းကပ်ပြီးတော့ ကြိုးစားချင်တယ်။ အဲဒီလို ကွဲလွဲမှုတွေကို ညှိနှိုင်းပြီးတော့ တသံတည်း ထွက်နိုင်ဖို့က ကုလသမဂ္ဂ အထွေထွေ အတွင်းရေမှူးချုပ်ရဲ့ အခန်းကဏ္ဍက အင်မတန် အရေးကြီးပါတယ်။ ကျွန်တော်တို့ အစီရင်ခံစာရဲ့ အဓိက တုန့်ပြန်မှုက ကုလသမဂ္ဂအထွေထွေ အတွင်းရေးမှူးချုပ်ကို နိုင်ငံ ၁၉၂နိုင်ငံက အပ်နှင်းထားတဲ့ လုပ်ပိုင်ခွင့်အာဏာကို အသုံးချပြီးတော့ ခုနက ကွဲလွဲနေတဲ့ နိုင်ငံတွေကြားထဲမှာ တညီတညွတ် အသံထွက်လာအောင် ဖိအားပေးတာပါ။ အဲဒီလို ဖိအားကလည်း အောင်မြင်မယ်၊ အထွေထွေ အတွင်းရေးမှူးချုပ်ကလည်း သူရဲ့ စွမ်းအားကို မြင့်တင်မယ်ဆိုရင် ကွဲပြားတဲ့ နိုင်ငံတွေကြားမှာ ညီညွတ်တဲ့ သဘောထားတရပ်ကို ချမှတ်နိုင်မှာ ဖြစ်ပြီး အဲဒီ ညီညွတ်တဲ့ တုန့်ပြန်မှုက နအဖကို နိုင်ငံရေး အကျဉ်းသားတွေ လွှတ်ပေးစေနိုင်ပြီးတော့၊ တွေ့ဆုံဆွေးနွေးပွဲပေါ်မှာ စိတ်ဝင်စား အကောင်အထည်ဖော်လာတဲ့အထိ ရောက်လာနိုင်မယ်လို့ မျှော်လင့်ပါတယ်။

ကမ္ဘာတ၀န်းမှာ ဖမ်းဆီးခံစားရသူတွေရဲ့ လူ့ဂုဏ်သိက္ခာနဲ့ တရားမျှတမှု ရရှိစေရေးအတွက် ကုလသမဂ္ဂလူ့အခွင့်အရေးကော်မရှင်ရဲ့ အစပြု ဆောင်ရွက်မှု စတင်ချိန်နဲ့ တိုက်ဆိုင်ပြီးတော့ ဒီ အစီရင်ခံစာကို ထုတ်ပြန်တာ ဖြစ်ပါတယ်။

တပ်သားက အရာရှိကို ပစ်ခတ်ထွက်ပြေး

Kaowao အောက်တိုဘာ ၆ ၊ ၂၀၀၈။

လွန်ခဲ့သော အောက်တိုဘာလ ၄ ရက်နေ့ ညပိုင်းတွင် ပဲခူးတိုင်း၊ သာယာဝတီခရိုင်၊ အုတ်ဖိုမြို့နယ်၊ အေးချမ်း သာယာမြို့သစ်အဝင် (ရန်ကုန်-ပြည်လမ်းမကြီး) တွင် ဒေသစစ်တပ်နှင့် ရဲများ ဝိုင်းဝန်းပိတ်ဆို့ ပစ်ခတ်မှုကြောင့် ခမရ (၇၀၇) မှ ရခိုင်အမျိုးသား ကျော်ရွှေမောင် သေဆုံးသွားသည်။

ဖြစ်စဉ်မှာ တိုက်ကြီးမြို့တွင် အခြေစိုက်သော ခမရ (၇၀၇) တွင် တပ်ထောက် ဗိုလ်ကြီးတစ်ဦးနှင့် ဗိုလ်မှူးတစ်ဦးကို ထိုနေ့၊ နေလည်ပိုင်းတွင် တပ်သား ကျော်ရွှေမောင် သေနတ်ဖြင့် ပစ်ခတ်ခဲ့၍ တစ်ဦး သေဆုံးသွားပြီး လွတ်မြောက်ရာသို့ ထွက်ပြေးတိမ်းရှောင်ခဲ့သည်။

တပ်သား ကျော်ရွှေမောင်သည် ၉ မမ ပစ္စတိုတစ်လက်၊ M1 မောင်းပြန်ရိုင်ဖယ်နှင့် ကျည်ဆံများ ရရှိထားပြီး ပြည်မြို့ဘက်သို့ ထွက်ပြေးစဉ် ဝိုင်းဝန်းပိတ်ဆို့ ခံရခြင်း ဖြစ်သည်။ ပိတ်ဆို့စဉ်တွင် အပြန်အလှန် ပစ်ခတ်မှုများကြောင့် ခမရ (၆) မှ ဗိုလ်မှူးတစ်ဦး ရင်ဘတ်နှင့် ဖနောင့်တွင် ဒဏ်ရာရရှိခဲ့ပြန်သည်။

တပ်သား ကျော်ရွှေမောင်၏ဇနီးနှင့် အချို့အရာရှိ လူမှုရေးဖောက်ပြန်မှု ကိစ္စရပ်များကြောင့် ယ္ခုကဲ့သို့ ဖြစ်ပေါ်ရသည်ဟု သတင်းပေးပို့သူက ပြောဆို၏။

ဒေသခံရွာသားများအား စစ်တပ်က ငွေကြေးတောင်းခိုင်းစေခြင်းများ ပြုလုပ်နေ

ဖြိုးကြီး။ အောက်တိုဘာ ၆၊ ၂၀၀၈

ဘိုကလေးမြို့နယ်၊ စက်ဆန်းကျေးရွာအုပ်စုအတွင်း ကျေးရွာများမှ ဒေသခံပြည်သူများအား စစ်တပ်အာဏာပိုင်များက ငွေကြေးကောက်ခံခြင်းနှင့် လုပ်အားပေးခိုင်းစေခြင်းများ ပြုလုပ်နေ လျှက်ရှိသည်။

စက်ဆန်းကျေးရွာအုပ်စု၊ ရွှေပြည်အေးကျေးရွာတွင် တပ်မ (၆၆) မှ အာဏာပိုင်များက ရွာသား များအား လုပ်အားပေးခိုင်းစေလျှက်ရှိပြီး မလုပ်နိုင်ပါက ငွေ ၂,၅၀၀ ကျပ် ပေးဆောင်နေရ ကြောင်း ရွာသားတဦးက ပြောသည်။

“စစ်တပ်က ရွာသားတွေကိုခေါ်ပြီး စာပို့၊ ဟိုခိုင်းဒီခိုင်း သူတို့ခိုင်းတာ လုပ်ပေးရတယ်၊ နောက်နေ့ လုပ်အားပေး၊ နောက်နေ့ဆိုကင်းစောင့် အဲလိုတွေခိုင်းတယ်၊ နားရက်မရှိ လုပ်ပေးနေရတာ၊ လုပ်အားပေးမလိုက်ရင် ၂,၅၀၀ ပေးရတယ်၊ ရွာထဲမှာလဲ ဟင်းစားတွေ ဘာတွေ ပို့ပေးနေရ တယ်”ဟု အဆိုပါရွာသားက ပြောသည်။

ထိုကဲ့သို့ တပ်မ (၆၆) က ရွာသားများကို လွန်ခဲ့သည့် ၂ လခန့်ကတည်းက ခိုင်းစေနေခြင်းဖြစ်ပြီး ကုလသမဂ္ဂစားနပ်ရိက္ခာအဖွဲ့(WFP)မှ ရိက္ခာများကိုလည်း အခမဲ့ သယ်ယူပေးနေရကြောင်း ၎င်းက ဆက်လက်ပြောသည်။

“WFP ရိက္ခာတွေကိုလည်း ထမ်းတင်ထမ်းချလုပ်ပေးရတယ်၊ လုပ်အားခလဲမရဘူး၊ ရိက္ခာလာ လှူတယ်ဆိုရင် (ရယက)တွေက ငွေ ၅၀၀ ကောက်တယ်၊ အဲလိုတွေလုပ်နေကြတာ”ဟု ရွာသားက ဆက်ပြောသည်။

ထို့အပြင် စက်ဆန်းအုပ်စုအပိုင် ဆားချောင်းရိုးကျေးရွာတွင် အာဏာပိုင်များက ရိက္ခာပေးဝေရန် တအိမ်ထောင်လျှင် ငွေ ၅,၀၀၀ ကျပ် ကောက်ခံထားကြောင်း အဆိုပါရွာသားက ဆက်ပြော သည်။

စက်ဆန်းကျေးရွာအုပ်စုတွင် ရွာပေါင်း ၂၇ ရွာရှိပြီး လယ်ယာစိုက်ပျိုးရေးနှင့် ရေလုပ်ငန်းများ ကိုသာ အဓိကထား လုပ်ကိုင်ကြသည်အတွက် ယခုကဲ့သို့ လုပ်အားပေးများ လုပ်ပေးနေရသည့် အတွက် စားဝတ်နေရေးအခက်အခဲများနှင့် ကြုံတွေ့နေရကြောင်း ၎င်းက ဆက်လက်ပြောဆို သည်။

ဘင်္ဂလား-မြန်မာနယ်စပ်တွင် တောကြွက်များကြောင့် တောင်သူများအခက်ကြုံ
10/6/2008


မောင်အေး(နိရဉ္စရာ) မြန်မာနိုင်ငံ ချင်းပြည်နယ် ပလက်ဝမြို့နယ်နှင့် နယ်ချင်းစပ်လျက်ရှိသည့် ဘင်္ဂလားဒေ့ခ်ျနိုင်ငံ နယ်စပ်တလျှောက်တွင် တောင်ယာခင်းများကို တောကြွက်များဝင်ရောက် ဖျက်စီးနေ ခြင်းကြောင့် တောင်သူများအခက်အခဲများနှင့် ရင်ဆိုင်နေကြရကြောင်း နယ်စပ်မှပေးပို့သည့် သတင်းအရ သိရှိရသည်။
ယခုကဲ့သို့ တောင်ယာစပါး ရိတ်သိမ်းချိန်တွင် တောကြွက်များ ၀င်ရောက်ဖျက်စီခြင်းခံနေရ သည့် ဒေသများမှာ ဘင်ဒရိုဘင် (ရွာတော်) ခရိုင် တန်းဆိပ်မြို့နယ် အတွင်းရှိသည့် ဒေသများတွင်ဖြစ်ကြသည်။

“အခုဖြစ်နေတာက တန်းဆိပ်၊ သိန်းကမ္ဘာ၊ မော်တုတ်ကြီး၊ ရုံမော်၊ ရမက်ကြီးစတဲ့ နေရာတွေမှာ ဖြစ်နေတာပါ။ တောနဲ့နီးတဲ့ ယာခင်းတွေမှာဆို ညကျရင် ကြွက်တွေအုပ်စုလိုက်ထွက်လာပြီး စပါးနှံတွေကို ကိုက်ပြီးသယ်သွားတယ်။ မသယ်နိုင်ရင်လည်း သူတို့အဲဒီနေရာမှာပဲ စားပစ်ကြ တယ်၊ ကြွက်အုပ်တွေက ရာနဲ့ချီပြီးပါတယ်။” ဟု သိန်းကမ္ဘာကျေးရွာမှ တောင်သူ ခမီးအမျိုး သားတဦးက ပြောသည်။

အဆိုပါဒေသများတွင် လွန်ခဲ့သည့်နှစ်ကလည်း ယခုကဲ့သို့ တောင်ယာစပါး ရိတ်သိမ်းချိန်တွင် စပါးခင်းများကို ကြွက်များ ၀င်ရောက် ဖျက်ဆီးပစ်ခဲ့သဖြင့် တောင်သူများမှာ ၀မ်းစာစပါး လုံလုံလောက်လောက် မရရှိခဲ့ကြောင်း သိရှိရသည်။

“ကျွန်တော့်မှာ စပါးသုံးဧက စိုက်ပျိုးတာပါ။ စပါးရိတ်သိမ်းချိန်မှာ အနည်းဆုံးစပါးတောင်း ၂၀၀ ရမယ်လို့ ခန့်မှန်းထားပါတယ်။ ဒီနှစ်ဝမ်းစာအတွက် လုံလောက်တယ်လို့ ခန့်မှန်းထားတာ အခုတော့ စပါးတောင်း (၁၀ )လောက်ပဲ ရတော့မယ်။ ကျွန်တော်တို့မှာက ဒီယာကထွက်တဲ့စပါးကိုဘဲ အားထား နေရတာ ဒီနှစ်မိသားစုဝမ်းစာအတွက် အခက်ခဲရှိပါယ်။” ရမက်ကြီးရွာသားတဦးက နိရဉ္စရာ သို့ပြောသည်။

ယခုကဲ့သို့ တောင်ယာများကို တောကြွက်များ ၀င်ရောက်ဖျက်စီးနေခြင်းကြောင့် အဆိုပါဒေသ ရှိ လူဦးရေ ၇၅ ရာခိုင်နှုန်းမှာ အခက်အခဲနှင့် ရင်ဆိုင်နေရကြောင်း ဘင်္ဂလာ ဒေသအုပ်ချုပ်ရေး အာဏာ ပိုင်များက ပြောသည်။

ယခုကဲ့သို့ တောကြွက်များပွားများရခြင်းမှာ လွန်ခဲ့သည့်နှစ်က ၀ါးများအသီးသီးရာမှ ကြွက် များပွားလာခြင်းဖြစ်ပြီး မကြာသေးမီကလည်း မြန်မာနိုင်ငံ ချင်းပြည်နယ်တွင် ယခုကဲ့သို့ ဖြစ်ရပ်များ ဖြစ်ပွားခဲ့သည်။

သံတွဲမြို့မှ ရေထွက်ပစ္စည်းများ ထိုင်းနိုင်ငံသို့တင်ပို့
10/6/2008
သျှင်ထွီးခိုင် (နိရဉ္စရာ)
ရခိုင်ပြည်နယ်တောင်ပိုင်း သံတွဲမြို့နယ် ငါးဖမ်းလုပ်ကွက်များမှ ဖမ်းဆီးရမိသော ငါးမျိုးစုံကို အာဏာပိုင်များနှင့် ဖက်စပ်ထားသည့် ငါးဒိုင်ကြီးများက ထိုင်းနိုင်ငံသို့ တင်ပို့နေကြောင်း သတင်း ရရှိသည်။
၂၀၀၈-၀၉ မြန်မာနိုင်ငံဘဏ္ဍာရေးနှစ်တွင် သံတွဲမြို့မှ အမေရိကန်ဒေါ်လာ ၁ ဒသမ ၇၅ သန်းရှိ ရေထွက် ပစ္စည်းများကို ပြည်ပသို့ တင်ပို့နိုင်ရန် မျှော်မှန်းထားသည်ဟု သံတွဲ ရေလုပ်ကွက်ပိုင်ရှင် တဦးမှ ပြောသည်။

မြန်မာနိုင်ငံ ဘဏ္ဍာရေး နှစ်တွက်ချမှု အရ ယခုနှစ်တွင် ဧပြီလ ၁ ရက်နေ့မှ သြဂတ်စ် ၃၀ ရက် အတွင်း အမေရိကန်ဒေါ်လာ ၀ ဒသမ ၂၀၉ သန်းထိ ထိုင်းနိုင်ငံသို့တင်ပို့ပြီး ဖြစ်ကြောင်းသိရှိ ရသည်။

သံတွဲအခြေစိုက် ရေလုပ်ကွက်မှဖမ်းဆီးရမိသော ငါးများကို FOB စနစ်ဖြင့် ရေကြောင်းမှ သယ်ယူပြီး ကော့သောင်မှ တဆင့် ထိုင်းနိုင်ငံသို့ တင်ပို့ရောင်းချနေသည်။

ယခင်နှစ်များက ငါးဖမ်းသင်္ဘောများ၏ စည်းကမ်းမဲ့ ငါးများဖမ်းယူခဲ့ခြင်းကြောင့် ယခုနှစ်ငါး များမှာ လွန်စွာရှားပါးနေသဖြင့် ငါးဖမ်းသင်္ဘောများမှာ အခက်ခဲများနှင့် ရင်ဆိုင်နေရကြောင်း သတင်း တရပ်တွင် ဖေါ်ပြသည်။

ထို့အပြင် ဒေသခံ ငါးဖမ်းသင်္ဘောများ အနဖြေင့် ၎င်းတို့ဖမ်းဆီးရမိသော ငါးများကို လွတ်လပ်စွာ ကာလ ပေါက်ဈေးဖြင့် ရောင်းချခွင့် မရှိဘဲ အာဏာပိုင်များနှင့် ပူးပေါင်း ဖက်စပ် လုပ်ကိုင်နေသော ငါးဒိုင်များသို့ သူတို့ သတ်မှတ်ထားသော ဈေးအတိုင်း တင်သွင်း ရောင်းချ နေရကြောင်း ငါးလုပ်ငန်းပိုင်ရှင် တဦးက ပြောသည်။

စစ်အစိုးရ အာဏာပိုင်များက ၂၀၀၈-၀၉ ဘဏ္ဍာရေးနှစ်အတွင်း ရခိုင်ပြည်နယ်မှ အဓိက ရေထွက် ပစ္စည်း ပြည်ပသို့ တင်ပို့နေသည့် စခန်း သုံးခုဖြစ်သော စစ်တွေ၊ မောင်တောနှင့် သံတွဲ ငါးလုပ်ငန်း စခန်းများမှ ပြည်ပသို့ အမေရိကန်ဒေါ်လာ ၃၉ သန်းကျော် ရေထွက် ပစ္စည်းများ တင်ပို့နိုင်ရန် မျှော်မှန်းထားကြောင်း သတင်းရရှိသည်။


ဗိုလ်ချုပ်ကြီးမောင်အေးခရီးစဉ် ဘင်္ဂလာဒေခ်ျ့ဘက်က အကောင်းမျှော်လင့်
10/5/2008
မြန်မာနှင့်ဘင်္ဂလာဒေခ်ျ့ နိုင်ငံအကြား ဆက်ဆံရေး တိုးတက် ကောင်းမွန်လာသည့် လွန်ခဲ့သော ၇ နှစ်ခန့်က စတင်ပြီး နှစ်ဘက် နိုင်ငံအကြား သဘောတူညီချက် အများအပြားကို သဘောတူ လက်မှတ် ရေးထိုး နိုင်ခဲ့သော်လည်း ယနေ့ အချိန်ထိ အဆိုပါ သဘောတူညီချက်များကို အကောင်အထည်ဖေါ် ဆောင်ရွက်နိုင်ခဲ့ခြင်း မရှိသဖြင့် ဘင်္ဂလာဒေခ်ျ့နိုင်ငံ အနေဖြင့် အဂါင်္နေ့တွင် စတင်မည့် ဗိုလ်ချုပ်ကြီး မောင်အေးခရီးစဉ်ကို အကောင်းဘက်မျှော်လင့်နေသည်မှာ သိသာထင်ရှားသည်။
မြန်မာ စစ်အစိုးရနှင့် ပတ်သက်ပြီး လိပ်ခဲတည်းလည်း ဖြစ်နေသော ကိစ္စရပ်တချို့အပေါ် ဘင်္ဂလာဒေခ်ျ့ဘက်မှ မရှင်းမလင်း ရှိသော်လည်း ဘင်္ဂလာဒေခ်ျ့၏ လက်ရှိ ချမှတ်ထားသော အရှေ့သို့ကြည့် (Look East) ပေါ်လစီအရ မြန်မာနှင့် နီးကပ်စွာ ဆက်ဆံရေးသည် သူတို့မျှော်မှန်းချက် ပြည့်မှီရေးအတွက် မဖြစ်မနေ တည်ဆောက်ရမည့် အရေးတကြီး ကိစ္စရပ်ဖြစ်သဖြင့် ဘင်္ဂလာဒေခ်ျ့ နိုင်ငံ အနေဖြင့် တချိုကိစ္စရပ်များအပေါ် ယခင်ကကဲ့သို့ မြန်မာနှင့် ထိပ်တိုက်ရင်ဆိုင်ဖြေရှင်းခြင်းမှ ရှောင်လွဲတော့မည် ဖြစ်သည်။

အထူးသဖြင့် ကာလကြာရှည်စွာ အငြင်းပွားနေသော မြန်မာ မူဆလင် ဒုက္ခသည်များကိစ္စနှင် တဖြည်းဖြည့် ဘင်္ဂလာဒေခ်ျ့နိုင်ငံအတွင်း စိမ့်ဝင်လာနေသာ နေရာပြောင်းရွှေ့နေထိုင်သူ မြန်မာနိုင်ငံသား မူဆလင်ကိစ္စမှာ ဘင်္ဂလာဒေခ်ျ့အတွက် အရေးကြီး သော နိုင်ငံတော်လုံခြုံရေးဆိုင်ရာ ကိစ္စတရပ်ဖြစ်သော်လည်း သူတို့ချမှတ်ထားသော အရှေ့ကြည့် ပေါ်လစီအောက်တွင် အဆိုပါကိစ္စအပေါ် အာရုံစူးစိုက်မှုကို ဘင်္ဂလာဒေခ်ျ့ဘက်က လျော့ချပစ်ခဲ့သည်။

၎င်းပြင် ဘင်္ဂလာဒေခ်ျ့နှင့် မြန်မာအကြားတွင် သဘာဝသံယံဇာတ ဆိုင်ရာ ရှာဖွေရေးကြောင့် တိုးပွားနေသော ရေပြင်ပိုင်နက်ဆိုင်ရာ အငြင်းပွားမှုများလည်း ရှိနေခဲ့ သည်။

ဘင်္ဂလာဒေခ်ျ့ နိုင်ငံအနေဖြင့် အိမ်နီးချင်း အိန္ဒိယနိုင်ငံအပေါ် အလွန်အမင်း စီးပွားရေးအရ မှီခိုအားထားမှုကို လျော့ချပစ်ရေးတွင် တရုတ်နှင့်အာစီယံ အဖွဲ့ဝင် နိုင်ငံများနှင့် ကုန်သွယ်ရေးတိုးမြှင့်ရေးသည် အရေးကြီးသည်ဟု ယူဆရာမှ ပထ၀ီအနေအထားအရ မြန်မာနိုင်သည် အဓိကအရေးကြီးသော နေရာသို့ရောက်ရှိလာခဲ့ခြင်းဖြစ်သည်။

မြန်မာ၏ အကူအညီနှင့် ထောက်ခံမှုမရှိဘဲ သူတို့ ချမှတ်ထား သော အရှေ့ကြည့် ပေါ်လစီသည် အောင်မြင်ရန်လမ်းမရှိသည်ကို မြင်လာပြီးနောက် မြန်မာနှင့် ဆက်ဆံရေး ကောင်းမွန်ရေးအပေါ် ဘင်္ဂလာဒေခ်ျ့က အထူးအာရုံစူးစိုက်လာခဲ့သည်။

သို့အတွက် ယခု ဗိုလ်ချုပ်ကြီး မောင်အေး၏ သုံးရက်ကြာ ဘင်္ဂလာ ခရီးစဉ်အတွင်း ဘင်္ဂလာဒေခ်ျ့နိုင်ငံအနေဖြင့် မျှော်လင့်ချက်များစွာထားရှိပြီး ယခု ဗိုလ်ချုပ်မောင် အေး ခရီးစဉ်သုံးနိုင်ငံကုန်သွယ်ရေးလမ်းကြောင်း (ဘင်္ဂလာ-မြန်မာ-တရုတ်)ကို အပြီးသတ် လက်မှတ် ရေးထိုးနိုင်လိမ့်မည်ဟု မျှော်လင့်ထားသည်။

အဆိုပါ လမ်းကြောင်းသည် ဘင်္ဂလာဒေခ်ျ့နိုင်ငံ ကော့ဘဇားမြို့မှ မြန်မာနိုင်ငံ ကျောက်တော်မြို့ထိ ၁၄၂ ကီလိုမီတာ ရှည်လျားသောလမ်းဖြစ်ပြီး ကျောက်တော်မြို့ အရောက်တွင် စစ်တွေ-ရန်ကုန်ကားလမ်းမနှင့် ချိတ်ဆက်မည့် လမ်းဖြစ်သည်။

ထိုလမ်းကို အသုံးပြုပြီး ဘင်္ဂလာဒေခ်ျ့နိုင်ငံ စစ်တကောင်း ဆိပ်ကမ်းမှ တရုတ်နိုင်ငံ ယူနန်ပြည်နယ်ကူးမင်းထိ ကုန်သွယ်ရေးလမ်းကြောင်းကို ဘင်္ဂလာဘက်မှ ချဲ့ထွင်လိုနေပြီး တချိန်တည်းတွင် ထိုင်း၊ မလေးရှားနှင့် စင်္ကာပူနိုင်ငံတို့ဖြင့်လည်း ဆက်သွယ်ရေး ကို တိုးမြှင့်နိုင်ရန် ဘင်္ဂလာဘက်က မျှော်လင့်ထားသည်။

အဆိုပါ ဘင်္ဂလာဒေခ်ျ့၏ မျှော်လင့်ချက်သည် သူတို့ ချမှတ်ထား သော အရှေ့ကြည့်ပေါ်လစီ၏ အဓိကပင်မ အဆောက်အအုံဖြစ်ပြီး ယခု ဗိုလ်ချုပ်ကြီး မောင်အေးခရီးစဉ်အတွင်း တခြားကိစ္စရပ်များထက် အဆိုပါ လမ်းဖေါက်လုပ်ရေးမှာ တခုတည်း သော အခရာအကျဆုံး ကိစ္စရပ်အနေဖြင့် တည်ရှိနေမည်ဖြစ်ပြီး အဆိုပါ ကိစ္စနှင့်ပတ်သက်ပြီး မပြည့်စုံမှုအားလုံးကို ဗိုလ်ချုပ်ကြီးမောင်အေးက အဆုံးသတ်ပေးလ်ိမ့်မည်ဟု ဘင်္ဂလာဒေခ်ျ့ ဘက်က ယုံကြည် မျှော်လင့်ထားသည်။

သူတပါးကွန်ပျူတာ (သို့) ဆိုင်ဘာမှာသုံးရင် သိထားသင့်တဲ့အချက်တစ်ချို့

တေဇာတေ
မြန်မာပြည်တွင်းက အချို့သော ဆိုင်ဘာကဖီး(သို့) အင်တာနက်ဆိုင်များမှာ keylogger ဟုခေါ်သည့်ဆော့ဖ်ဝဲများထည့်သွင်းထားပြီး လာရောက် သုံးစွဲနေသူတွေအထဲမှာမှ နိုင်ငံရေးနှင့်ပတ်သက်၍ ပြည်တွင်းပြည်ပဆက်သွယ်နေကြတဲ့ ပြည်တွင်းမှတတ်ကြွလှုပ်ရှားသူများအားခြေရာခံ နိုင်အောင် လုပ်ဆောင်နေမှုများ ရှိနေပြီး ထိုကဲ့သို့တတ်ကြွလှုပ်ရှားသူများအားဖမ်းဆီးမိနိုင်အောင် လုပ်ဆောင်ထားတာတွေရှိနေပါသည်။

keylogger ဆိုသည်မှာ window စတက် စဉ်ကတည်းက စအလုပ်လုပ်နေပါသည်။ ပိတ်လိုက်လည်း နောက်ကွယ်မှာ လုပ်နေဆဲဖြစ်ပါသည်။ tray icon လည်းပေါ်နေခြင်းမရှိ၍ငှင်းအလုပ်လုပ်နေမှန်း မသိနိုင်တော့ပါ။ ၄င်းမှမိမိ keyboard တွင်ရေးလိုက်သမျှ၊ mouse နဲ့နှိပ်လိုက်သမျှများ အားလုံးအား အချိန်နဲ့တကွ မှတ်ထားပေးနေပါသည် .. ။ ထိုအခါ မိမိတို့၏ကိုယ်ရေးကိုယ်တာနှင့်သက်ဆိုင်သမျှ အားလုံးအား ငှင်းဆော့ဖ်ဝဲမှ မှတ်တမ်းတင်ထားပြီးဖြစ်နေ၍ လုံခြုံမှုလုံးဝမရှိနိုင်တော့ပါ။ (All in 1 key-logger သာဆိုပါလျှင် ဓါတ်ပုံများ၊ အသံများနှင့် ဗီဒီယိုများအစရှိသဖြင့်အစစအရာရာအားအတိအကျပင် ၄င်းကမှတ်သားထားပေးနိုင်တဲ့ဆော့ဖ်ဝဲဖြစ်ပါသည်။)

ထိုကဲ့သို့သောဆော့ဖ်ဝဲမျိုးအား ကွန်ပျူတာတွင်သွင်းထားပြီး လာရောက်သုံးစွဲသည့်သူ၏ လုပ်ဆောင်ချက်များအားအတိအကျ ထောက်လှမ်းထား နိုင်၍ မိမိတို့အနေဖြင့်ဆိုင်ဘာကဖီးသို့မဟုတ်တစ်ပါးသူ၏ကွန်ပျူတာအားသုံးစွဲတော့မည်ဆိုပါက မိမိသုံးစွဲမည့် ကွန်ပျူတာထဲတွင် ငှင်းဆော့ဖ်ဝဲအား ရှိမရှိ အရင်ဆုံးစစ်ဆေးကြည့်ဖို့အတွက် အလေ့အကျင့်လုပ်ထားပါက အကောင်းဆုံးနှင့်လုံခြုံမှု အနည်းငယ် ပိုမို၍ရှိသွားမှာ ဖြစ်ပါသည်။

မိမိတို့၏ကိုယ်ရေးကိုယ်တာအချက်အလက်များအားသူတစ်ပါးဆီပါမသွားနိုင်အောင်လုပ်ရမည့် နည်းလမ်းမှာ အောက်ပါအတိုင်းဖြစ်ပါသည်။ .. ။

ပထမဦးစွာ Ctrl+Shift+Esc(or)Ctrl+Alt+Del နဲ့ Task manager ကို ခေါ်လိုက်ပါ ..။
Task manager ၀င်းဒိုးတက်လာပါက
Process ဆိုတဲ့ tab ကို နှိပ်ပြီး msdts.exe ဆိုတာကို လိုက်ရှာကြည့် ပါ ။ ရှိနေခဲ့လျှင်ထိုကွန်ပျူတာတွင် keylogger အသုံးပြုထားပြီဖြစ်ပါသည်။
ထိုသို့တွေ့ရှိပြီဆိုလျှင်ငှင်းဖိုင်လ်အား End process ပေးလိုက်ရန်လိုအပ်ပါသည် ။
ထိုသို့ end process လုပ်လိုက်ခြင်းအားဖြင့်ငှင်းလုပ်ဆောင်နေသည့်လုပ်ငန်းတွေအားလုံး
ပြီးဆုံးသွားပြီးမိမိလုပ်ကိုင်နေသည်များကိုလဲမှတ်ထားတော့မည်မဟုတ်တော့ပါ။

Task Manager ကို အထက်ပါအတိုင်း ကီးသုံးခုနှိပ်တာအပြင် window logo+R နှိတ်ပြီးတတ်လာတဲ့ Run box မှာ taskmgr လို့ရေးပြီး ခေါ်ယူလဲရပ်ါသည်။အကောင်းဆုံးနည်းလမ်းမှာtask manager မှာရှိနေသော process tab ထဲမှာရှိနေတဲ့ကောင်တွေထဲကကိုယ်သုံးမယ့် gtalk လောက်ပဲအိုကေထားပြီး ကျန်တာတွေကို disable သို့မဟုတ် end process ပေးလိုက်ခြင်းသာဖြစ်ပါသည်။ အဘယ့်ကြောင့်ဆိုသော် ရိုးရိုးယူဆာတွေအနေနှင့် ဘယ်လိုဖိုင်အမျိုးအစားက အချက်အလက်တွေကိုရီကော့လုပ်တာလဲဆိုခြင်းကိုမသိနိုင်၍အန္တရာယ်ကင်းဘေးရှင်း ၄င်း process tab ထဲတွင်ရှိသမျှဖိုင်လ်များအားလုံးအား end process လုပ်ပြီးမိမိအသုံးပြုမည့်ဖိုင်လ်ကိုပဲ manually ခေါ်သုံးတာ အကောင်းဆုံး ဖြစ်ပါသည်။

အကယ်၍ task manager ကိုခေါ်လို့မရခဲ့ပဲ admin အခွှင့်အရေးရှိမှရမည် ဆိုလျှင်တော့ ထိုသို့သော အင်တာနက်ကဖီးမျိုးကို ရှောင်ဖို့သင့်ပါသည်။ စိတ်ချရသည့် နည်းပညာပိုင်း အားနည်းသောအင်တာနက်ဆိုင်ကိုသာ သွားရောက်အသုံးပြုစေချင်ပါသည်။ အဘယ့်ကြောင့်ဆိုသော် နည်းပညာအရ အဆင့်အတန်းငှင်းဆိုင်တွင်အသင့်အတင့်မြင့်နေပြီဖြစ်၍ တော်ရုံမဟုတ်တော့ဘူးဟူ၍ယူဆလို့ရနိုင်နေပါသည်။ ပြီးနောက် keyloggerတွေထဲမှာပင် လျှင် အွန်လိုင်းဝဘ်ပေ့ဂ်ျမှာတင်လို့ရသည့် keyloggerနှင့်hardware keyloggerဆိုပြီးရှိနေပါသေးသည်။ ငှင်းတို့အားသုံးစွဲထားသည့် ကွန်ပျုတာမှဆိုလျှင် taskmanager ခေါ်ပြီး end process ပေးလိုက်လျှင်တောင်မရနိုင်တော့ပါ။ ထို့အတွက် အများကြီး သတိထားနိုင်ကာမှ တော်ကာကျမည်ဖြစ်ပါသည်။

ယခုပို့စ်လေးကို ရေးပြီးမိတ်ဆွေတို့အားလုံးကိုပို့ရတဲ့အကြောင်းရင်းမှ့ာပြီးခဲ့တဲ့တစ်ရက်ကပဲ ကျွန်တော့်ကိုပြည်တွင်းမှတတ်ကြွလှုပ်ရှားနေသူ မိတ်ဆွေ တစ်ယောက်မှနေ၍ ရန်ကုန်ုမြို့တာမွေမြို့နယ်ကျောက်မြောင်းအရပ်တွင်ရှိသောအင်တာနက်ဆိုင်တစ်ဆိုင်တွင် နိုင်ငံရေးလှုပ်ရှားသူတစ်ယောက် ပြည်ပနှင့်အဆက်အသွယ်လုပ်နေကြောင်း တွေ့ရှိရ၍ဆိုကာ အထောက်အထားနှင့်တကွ အဖမ်းခံရတယ်ဟုပြောပြခဲ့၍ အခြားသောပြည်တွင်းမှ တက်ကြွလှုပ်ရှားသူတွေ အနှေနှင့်နည်းပညာပိုင်းအရရှောင်လွှဲလို့ရနိုင်တဲ့အချက်လေးတစ်ချက်အဖြစ်နဲ့တစ်ဘက်တစ်လမ်းကနေအထောက်အကူ ဖြစ်စေချင်လို့ပဲ ဖြစ်ပါသည်။ မိတ်ဆွေတို့ရဲ့ပြည်တွင်းအဆက်အသွယ်တွေကို ပြောပြရင်းး သူတို့ရဲ့ အန္တရာယ်ကင်းရှင်းရေးအတွက် အထောက်အကူ ပြုကြပါလို့လည်း မေတ္တာရပ်ခံအပ်ပါသည်။

ခေတ်ပျက်တုန်းမှာ စီးပွါးရှာ

ခေတ်ပျက်တုန်းမှာ စီးပွါးရှာဆိုသလို မြန်မာနိုင်ငံမှာ နအဖနဲ့  အမြီးစားဖက် ခေါင်းစားဖက် စီးပွါးရေးတောကြောင်တွေ အကွက်တွေ့ နေတာကို ပြောချင်ပါတယ်။

ဆန်တပြည် တစ်ထောင်ကျပ် ကျော်ဖြစ်နေပြီး ပြည်သူတွေ ငတ်ပြတ် တိုင်းပြည်စီးပွါးရေး ချွတ်ခြုံကျနေတဲ့ အချိန်မှာ ဦးတေဇ တို့ အောင်သက်မန်းတို့ စတဲ့ ပိုင်ရာဆိုင်ရာ စားဖားကြီးတွေ အတွက်ကတော့ စားမကုန်တဲ့ ပဒေသာပင် တောကြီး ပိုင်နေကြတာပေါ့။

အရင်ကလည်း နိုင်ငံပိုင် စက်ရုံတွေထဲက သူတို့ လိုချင်တဲ့ စက်ရုံတွေကို အရှုံးပေါ် နေတယ်ဆိုတဲ့ အကြောင်းပြချက်တွေနဲ့ ရောင်းချပြီး လက်သိပ်ထိုးဝယ်ခွင့်ရတဲ့ စားဖားတွေ ကြီးပွါးနေကြတာ အများအမြင်ပါ။ အခုလည်းပဲနေပြည်တော် ၀န်ကြီးဌာနများကို အမြန်စာရင်းပိတ်ဖို့ရန် ဗိုလ်ချူပ်မှူးကြီးသန်းရွှေက အမိန့်ပေးထားတဲ့ အတွက် စက်မှု (၁) ၀န်ကြီးဌာနပိုင် စက်ရုံ (၂၀၀) နီးပါးကို ပုဂ္ဂလိကလက် အမြန်လွှဲပြောင်းရေး ရာဖြတ်အဖွဲ့သုံးဖွဲ့နဲ့  လိုက်လံရာဖြတ်နေတယ်လို့ စက်မှု (၁) ၀န်ကြီးဌာန မှာ သတင်းထွက်နေကြောင်း အင်တာနက်မှာ သတင်းကို ဖတ်လိုက်ရပါတယ်။


ဘိလပ်မြေစက်ရုံကြီးများမှအပ ပြည်သူပိုင်စက်ရုံများအပါအ၀င် စက်မှု (၁) ၀န်ကြီးဌာနပိုင် စက်ရုံအားလုံး နီးပါးကို ပုဂ္ဂလိကလက် လွှဲပြောင်း ရောင်းချမယ်၊ပြီးတော့ စစ်တပ်ပိုင် မြန်မာ့ စီးပွားရေး ဦးပိုင်အဖွဲ့ မလိုချင်တဲ့ စက်ရုံများကိုသာ ပြင်ပပုဂ္ဂလိကများ ရမှာ ဖြစ်တဲ့ အတွက် ပြင်ပ စီးပွားရေးလုပ်ငန်းရှင်များ စိတ်ဝင်စားမှု နည်းတယ်လို့လဲ ဖော်ပြထားပါတယ်။

နေပြည်တော် ၀န်ကြီးဌာနများကို အမြန်စာရင်းပိတ်ရန် ဗိုလ်ချူပ်မှူးကြီးသန်းရွှေက အမိန့်ပေးထား တဲ့အတွက် စက်မှု (၁) ၀န်ကြီးဌာနပိုင် စက်ရုံ (၂၀၀) နီးပါးကို ပုဂ္ဂလိကလက် အမြန်လွှဲပြောင်းရန် ရာဖြတ်အဖွဲ့သုံးဖွဲ့နှင့် လိုက်လံရာဖြတ်နေကြောင်း အတွင်းသိများထံက ကြားနေရတာ ကြာပါပြီ၊ အခုတော့ လက်တွေ့  ဖြစ်လာပြီပေါ့လေ။ ဘိလပ်မြေစက်ရုံကြီးများမှအပ ပြည်သူပိုင်စက်ရုံ များအပါအ၀င် စက်မှု (၁) ၀န်ကြီးဌာနပိုင် စက်ရုံအားလုံး နီးပါးကို ပုဂ္ဂလိကလက်သို့ လွှဲပြောင်းရောင်းချမှာ ဖြစ်ပါသတဲ့၊ ဒါပေမယ့် စစ်တပ်ပိုင် မြန်မာ့စီးပွားရေး ဦးပိုင်အဖွဲ့ မလိုချင်တဲ့ စက်ရုံများကိုသာ ပြင်ပပုဂ္ဂလိကများ ရမည်ဖြစ်သည့်အတွက် ပြင်ပစီးပွားရေးလုပ်ငန်းရှင်များ စိတ်မ၀င်စားကြတာ ဖြစ်မှာပါ၊

စက်မှု (၁) ၀န်ကြီးဌာနလက်အောက်မှာ သဘာဝဓာတ်ငွေ့သုံးပြီး လည်ပတ်သည့် စက်ရုံများရှိရာ စစ်တပ်ပိုင် မြန်မာ့စီးပွားရေး ဦးပိုင်အဖွဲ့လိုချင်တဲ့ စက်ရုံများမှလွဲ၍ ကျန်စက်ရုံများ သာမန်ပုဂ္ဂလိကလက် ရောင်းရာတွင် ဓာတ်ငွေ့များ ဖြတ်ပစ်မှာဖြစ်ကြောင်း စက်မှု (၁) ၀န်ကြီးဌာန အသိုင်းအ၀ိုင်းမှာ သတင်းလည်းထွက်နေပါသတဲ့။

ယခုလို စက်မှု (၁) ၀န်ကြီးဌာနပိုင် စက်ရုံများကို ထုတ်ရောင်းမည်ဆိုခြင်းမှာ အရှုံးပေါ်နေသည့် စက်ရုံများကို ဖယ်ရှားသည့်နည်းဖြစ်ပြီး ၂၀၁၀ ပြည့်နှစ် ရွေးကောက်ပွဲအပြီး ပေါ်ပေါက်လာမယ့် အရပ်သားအစိုးရသို့ လွှဲရာတွင် အရှုံးးမရှိပြနိုင်ရန် ဥာဏ်ကြီးရှင် နအဖ စီးပွါးရေး ပညာရှင်တို့ ရည်ရွယ်ရင်းဖြစ်ကြောင်း ဝေဖန် ချက်တွေလည်း ထွက်နေပါတယ်။

ကိုင်း-နအဖ ကတော့ ၂၀၁၀ ရွေးကောက်ပွဲပြီးလို့ အာဏာလွှဲပြောင်းအပြီးမှာ သူတို့ စီးပွါးရေး အခိုင်အမာနဲ့ ဆက်လက်ချီတက်ိုင်အောင် အင်ဒိုနီးရှားက အာဏာရှင် ဟောင်းဆူဟာတို ထုံး-နှလုံးမူပြီး ဘိုးဘွာပိုင် စီးပွါးရေးလိုတစစီ ဖြုတ်ထုတ် ရောင်းချလို့တနည်း၊ တရားဥပဒေလုပ်ထုံးနည်းနဲ့ တသွယ် ပြောင်းလဲ လွှဲပြောင်း ရယူနေတာ ဝေမျှအသိပေး လိုက်ပါတယ်။

ရွှေ အထောက်တော်

ကျွန်ုပ်နှင့် တဆယ်လမ်းကြောင်း

ရန်လိုကျွဲ
အောက်တိုဘာ ၆၊ ၂၀၀၈

မြန်မာပြည်သို့ သွားရပြန်လေပြီ။ ယခုတကြိမ်တွင်လည်း အထူးဖိတ်ကြားခံရခြင်းဖြစ်သည်။ မြန်မာသတင်းသမဂ္ဂညီလာခံတွင် ကျွန်ုပ် ဆွေးနွေးပြောဆိုနေသည့် ဓာတ်ပုံတပုံကို ဘန်ကောက်မြန်မာသံရုံးက ရသွားသဖြင့် ရန်ကုန်ခရီးစဉ် ထပ်မံ ပေါ်ပေါက်လာခြင်းဟု ဆိုရမည်။ ဓာတ်ပုံကိုကြည့်ပြီး သတင်းသမဂ္ဂ အကြီးအကဲတယောက်ဟု ယူဆပြီး ကျွန်ုပ်အား အထင်ကြီးသွားကြဟန်တူသည်။

အတိုချုပ် ပြောရလျှင် “ငါတို့ဝန်ကြီးဌာနက လှမ်းပြောတယ်၊ သြဇာရှိတဲ့ စာနယ်ဇင်းသမားတယောက်ကို နေပြည်တော်ပို့ပေးပါ တဲ့၊ ကဲ လူကြီးမင်း သွားပေတော့” ဟု ဆိုသည်။ သို့နှင့် မြန်မာပြည်သို့ သွားရပြန်လေပြီ။

ထပ်မံ၍ တိုတိုပြောရလျှင် ပြည်ထဲရေးဝန်ကြီးဗိုလ်ချုပ်မောင်ဦးနှင့် ရန်ကုန်မြို့တနေရာတွင် တွေ့ကြလေသည်။

- ဦးဝင်းတင်တို့ကို နိုင်ငံတော်သစ် ထူထောင်ရာမှာ အကျိုးပြုမယ့် နိုင်ငံသားတွေ ဖြစ်လာစေဖို့ လွတ်ငြိမ်းချမ်းသာခွင့် ပေးလိုက်ပြီ။

ဟုတ်ကဲ့။

-နိုင်ငံခြားရေးဌာန ဆရာတွေက မောင်ရင့်ကိုရွေးပြီး ဖိတ်လိုက်တာပဲ။ မောင်ရင်က သတင်းသမားသမဂ္ဂမှာ အရေးပါတဲ့လူတယောက်လို့ သူတို့က ပြောတယ်။ ဗိုလ်ချုပ်မှူးကြီးကလည်း မောင်ရင်တို့ ပြည်ပက အလုပ်ဖြစ်မယ့် စာနယ်ဇင်းသမားတယောက်ကို ခေါ်ပြီး ဒါတွေကို သေချာ အသိပေးပါ၊ ရှင်းပြပါလို့ ပြောတယ်။

(ထို့နောက် မြန်မာ့အလင်း၊ ကြေးမုံတို့တွင် နေ့စဉ်ပါဝင်သော အကြောင်းအရာများကို နာရီဝက်ကျော် အလွတ်ရွတ်ပြရာ ကျွန်ုပ်ကလည်း ဟုတ်ကဲ့ဟု အကြိမ် ၅၀ ကျော် ရေရွတ်ပြီး အလိုက်အထိုက် နားထောင်လိုက်သည်။)

- မောင်ရင်က ဟုတ်ကဲ့ချည်းပဲ ပြောနေတာ ဘာသဘောလဲ။ သဘောတူတယ်၊ သဘောကျတယ် ဆိုတဲ့ သဘောလား။

- ဟုတ်ကဲ့၊ ၀န်ကြီးရှင်းပြတာကို ကျနော် နားလည်ပါတယ် လို့ ဆိုလိုတာပါ၊ ဟုတ်ကဲ့။

- အေး၊ ဒါဆိုလည်း ပြီးရော။ မောင်ရင်တို့ နှစ်ထောင့်တဆယ် (၂၀၁၀) ရွေးကောက်ပွဲနဲ့ ပတ်သက်လို့ အမြင်ရှင်းလောက်ပြီပေါ့။

- ဟုတ်ကဲ့ခင်ဗျ၊ ရှင်းပါပြီ။ ကျနော်က အဲဒီ ရွေးကောက်ပွဲမှာ ၀င်ပြိုင်ဖို့ စိတ်ကူးနေတာ။ အဖွဲ့ချုပ်ကို ဒေါ်စုနဲ့အတူဖွဲ့ခဲ့တဲ့ ဟို စာရေးဆရာကြီးဗျာ၊ အဲ သူကလည်း တိုက်တွန်းနေပြီလေ။ ရွေးကောက်ပွဲ ၀င်ကြစို့ တဲ့။ ဟို စာရေးဆရာဗျာ၊ မောင်စူးစမ်း၊ ဆရာမောင်စူးစမ်း။

- အေး၊ မောင်စူးစမ်း ဆိုလို့ ပြောရဦးမယ်၊ မောင်ရင်တို့ ဆရာကြီး ဦးဝင်းတင်ကို နိုင်ငံတော်က လွတ်ပေးတုန်းက သူ ထောင်ထဲက မထွက်ချင်ဘူး ဘာဘူး ငြင်းတာ ဘာကြောင့်လဲ သိသလား။

ဟုတ်ကဲ့၊ ၀န်ကြီးတို့က သူ့ကို လွတ်ငြိမ်းသက်သာခွင့်ပေးတယ် ဆိုတဲ့အချက်ကို သဘောမတူလို့ပါ။ ဦးဝင်းတင်က သူက လွတ်ရက်စေ့ …

- အဲဒါ ကြားကောင်းအောင် လျှောက်ပြောနေတာ။ တကယ့်တကယ်က မောင်စူးစမ်းကြောင့်ပဲ။

ဗျာ။

- ဒီလို - - - ကွ။ ဦးဝင်းတင်ကို နိုင်ငံတော်က လွတ်ပေးခါနီးမှာ ဆရာမောင်စူးစမ်းက ဆောင်းပါးရေးတယ်လေကွာ၊ နိုင်ငံတော်က နှစ်ထောင့်တဆယ် (၂၀၁၀) မှာ ပြုလုပ်ပေးမယ့် ရွေးကောက်ပွဲကို ထောက်ခံကြဖို့ ဆိုပြီး။

ဟုတ်ကဲ့။

- ဆရာမောင်စူးစမ်းက အဲသလို အမြင်မှန် ရသွားပေမယ့် ဦးဝင်းတင်က ခေါင်း သိပ်မာတယ် မောင်ရင်။

ဟုတ်ကဲ့။

- သူ့ရဲဘော်ဟောင်း မောင်စူးစမ်းက ရွေးကောက်ပွဲကို ထောက်ခံနေတယ်၊ ဒီလိုလူတွေနဲ့ မျက်နှာချင်းမဆိုင်ပါရစေနဲ့၊ ထောင်ထဲမှာပဲ ဆက်နေပါရစေလို့ ကျုပ်တို့ကို ပြောတယ်။ အဲဒါ ကျုပ်ကောင်တွေက သူ့ကို ထောင်ထဲမှာ မနေဖို့၊ အပြင်ထွက်ဖို့ မနည်း နားချလိုက်ရတယ်။ မင်းတို့လေးစားတဲ့ ဦးဝင်းတင်က ခပ်တုံးတုံးပါ၊ နာရီ ၂၀ လောက် ပြောပြမှ သူ နိုင်ငံတော်အကြီးအကဲတွေရဲ့ စေတနာကို သဘောပေါက်ပြီး ထောင်ထဲက ထွက်သွားတယ်။

ဟုတ်ကဲ့၊ ကျနော်ကတော့ သဘောပေါက်ပြီးသားပါ။ ဒါကြောင့် ရွေးကောက်ပွဲမှာ ကျနော် ၀င်အရွေးခံရရင် ကောင်းမလားလို့ ကျနော် စဉ်းစား - -

- မောင်ရင့်မှာ ဘယ်လိုအခြေအနေတွေ ရှိလို့ ၀င်အရွေးခံမှာလဲ။ သတင်းသမားဆို လူတွေက သိပ်အထင်ကြီးမယ်မဟုတ်ဘူး။

ကျနော်က ရိုးမဘဏ် ပိုင်ရှင်ပါ။

- ဟေ့၊ ကျုပ်ကိုကို လာဖြီးမနေနဲ့။ ရိုးမဘဏ် တာဝန်ရှိတဲ့သူတွေကို ကျုပ်သိတယ်၊ အဲဒီထဲမှာ မောင်ရင် မပါဘူး။

ပိုင်ရှင်မဟုတ်ဘူး ဆိုရင်လည်း ကျနော်က ရိုးမဘဏ်နဲ့ တိုက်ရိုက် ပတ်သက်နေတဲ့သူပါ။

- ဘယ်လို ပတ်သက်တာလဲ၊ ဘဏ်ရှေ့ ဖြတ်လျှောက်ဖူးတာလား၊ ပြက်လုံးထုတ်တာတွေ လာမလုပ်နဲ့နော်။ ကျုပ်လည်း လူရွှင်တော် မဟုတ်ဘူး၊ မောင်ရင်လည်း လူရွှင်တော် မဟုတ်ဘူး။

ဒီလိုပါ၊ ရိုးမဘဏ်ရဲ့ ကြော်ငြာလား၊ ဆောင်ပုဒ်လား မသိ၊ ‘ရိုးမဘဏ်၊ သင့်ဘဏ်’ တဲ့ ကျနော် မှတ်မိတာ။ သင့်ဘဏ် ဆိုတော့ ကျနော့်ဘဏ်ပေါ့ဗျာ။ လက်ခံရတော့မှာပေါ့။ အဲဒါကို ပြောတာပါ။

- သြော် မှားပါတယ်။ မေးမိတာကိုက ကျုပ်အမှား။ လက်စသတ်တော့ မောင်ရင်တို့ စာနယ်ဇင်းသမားတွေက ဇာတ်ထဲက လူပျက်တွေလိုပါပဲကွာ၊ ပေါက်ကရတွေ လျှောက်ပြောနေတာ။ ဘာအရည်အချင်းမှ ရှိပုံမရဘူး။

အဲဒီလိုတော့မဟုတ်ပါဘူး၊ အရည်အချင်း ရှိပါတယ်။ ကျနော့်ကို အမေရိကန်မှာ ထုတ်တဲ့ကမ္ဘာကျော် Time မဂ္ဂဇင်းကြီးက Person of the Year ဆိုပြီး ရွေးချယ်ဖူးတယ်။ သူတို့က ကျနော့်ကို အရည်အချင်းရှိတယ်လို့ သတ်မှတ်တယ် ထင်တာပဲ။

- မြန်မာပြည်က ဘယ်သူမှ အဲသလို အရွေးမခံရဖူးဘူး။ မောင်ရင် ကျုပ်ကို လာလိမ်မနေနဲ့။

တကယ်ပြောတာဗျ။ ၂၀၀၆ တုန်းက။ Person of the Year ဆိုပြီး ကျနော့်ကို ရွေးဖူးတယ်။

- အင်း - မောင်ရင် လိမ်သမျှ ခံရတော့မှာပဲ။ ကဲ ဆိုစမ်းပါဦး၊ ဘာတွေရေးထားလဲ၊ မဂ္ဂဇင်းထဲမှာ။

ဘာတွေရေးထားလဲ ကျနော်လည်း မသိဘူး။ Time မဂ္ဂဇင်းဆို ကျနော်က ပုံပဲ လိုက်ကြည့်တာ။ အဲဒီတုန်းက မျက်နှာဖုံးမှာတော့ You လို့ ရေးထားတာပဲ။ Person of the Year တဲ့။ You တဲ့။ You ဆိုတော့ သင် ပေါ့ဗျာ။ သူတို့က ‘သင်’ ဆိုတော့လည်း ကျနော်ပေါ့။ ကျနော့်ကို ရွေးတာပေါ့။

- အမေရိကန်တွေနဲ့ မင်းတို့နဲ့တော့ ဟန်ကျပါတယ်။ ဒါနဲ့ မောင်ရင် စောစောကပြောတဲ့ ရွေးကောက်ပွဲမှာ ၀င်ပြိုင်မယ်ဆိုတာ နောက်နေတာလား၊ အတည်ပြောတာလား။

အတည်ပြောတာပါ။ တကယ်ဝင်ပြိုင်မှာပါ။ ကျနော်က အသက် ၁၈ နှစ် ပြည့်ပြီးသား မြန်မာပြည်သားတယောက်ပဲ။ ၀င်ပြိုင်ခွင့် ရှိပါတယ်။ ပြိုင်မယ်ဗျာ၊ ပြီးရင် နိုင်ငံတော်အကြီးအကဲ ဖြစ်တဲ့အထိ ကျနော် ကြိုးစားမယ်။ အဲဒါ ကျနော့် ရည်ရွယ်ချက်ပဲ။

- သြော် သနားစရာ စာနယ်ဇင်းဆရာရယ်၊ နိုင်ငံတော်အကြီးအကဲဆိုတာ သာမန်လူတွေ မဖြစ်နိုင်ဘူးနော်။ အခု ပြဋ္ဌာန်းလိုက်တဲ့ အခြေခံဥပဒေအရ ဆိုရင် စစ်ရေးအတွေ့အကြုံရှိရမယ်တို့ ဘာတို့ သတ်မှတ်ချက်တွေ ရှိတယ်နော်၊ အဲဒါ သတိထားမိရဲ့လား စာနယ်ဇင်းဆရာ။

ဟုတ်ကဲ့။ စစ်ရေးအတွေ့အကြုံက ကျနော့်မှာ အပြည့်ပါပဲ။ မြန်မာပြည်မှာ ပြည်တွင်းစစ်ဖြစ်နေတာ ကျနော်မမွေးကတည်းက။ ပြီးတော့ ကြုံခဲ့တဲ့ အစိုးရတွေကလည်း စစ်အစိုးရ အဲ တပ်မတော်အစိုးရတွေချည်းပဲ။ ကျနော့်မှာ စစ်ရေးအတွေ့အကြုံ ဆယ်စုနှစ်နဲ့ချီပြီး အပြည့်ရှိတာပေါ့။ မဟုတ်ဘူးလား။

- အင်း မေးမိတာ မှားပါတယ် စာနယ်ဇင်းဆရာရယ်။ ကဲ - မောင်ရင်လည်း ရန်ကုန်ပြန်မရောက်တာ ကြာရောပေါ့။ ဟိုဟိုဒီဒီ သွားလည်၊ ဘုရားလေး ဘာလေး သွားဖူးလိုက်ဦး။ ကျုပ် စီစဉ်ပေးမယ် ဟုတ်ပြီလား။

ဟုတ်ကဲ့။

ဝန်ကြီး၏ စီစဉ်ညွှန်ကြားချက် အရ သူ၏လက်ထောက်အရာရှိများက ကျွန်ုပ်အား ရန်ကုန်မြို့အတွင်းသို့ လိုက်လံပို့ဆောင်ပေးကြလေသည်။

(မှတ်ချက် - “ကျွန်ုပ်အား ရွှေတိဂုံသို့ အတင်းအကြပ် ပို့ဆောင်ခြင်း” အကြောင်းအရာကို မကြာမီ အနာဂတ်တွင် ရေးသားတင်ဆက်နိုင်မည်ဟု ယူဆပါသည်။)

ပြည်တွင်းက ဖတ်မိသမျှ ဂျာနယ် အပိုင်းအစ

ဝင်သက်ထွက်သက်များ … အမြဲ ငါကြည့်နေတယ် … ရန်ကုန်

ညွန့်ထွေး
အောက်တိုဘာ ၆၊ ၂၀၀၈
ရန်ကုန်ရဲ့ မွန်းကြပ်မှုတွေ၊ ပြည်သူတွေရဲ့ နေ့တဓူဝ ဒုက္ခတွေကို သတင်းပို့ရတာ၊ သတင်းရေးရတာကို ငြီးငွေ့လှပြီလို့ သတင်းသမားတယောက်က ပြောပါတယ်။ ပြည်သူတွေ ပျော်တာကို ကလေးသူငယ်တွေ ပြုံးပျော်တာ သတင်းရေးချင်လှပြီလို့ သူက ဆက်ပြောပါတယ်။ ဟုတ်ပါတယ်။

“ကျနော်တို့မှာက ဆင်းရဲမွန်းကြပ်တဲ့ သတင်း၊ မတရားမှုတွေ၊ အဓမ္မမှုတွေကို ဖော်ထုတ်တဲ့သတင်းတွေကို ကိုယ့်ဖာသာ အရင်မြိုချရတယ်၊ ကိုယ်က အဆင်ပြေလောက်မယ်ထင်တဲ့ သတင်းကို ရေးပြီး တင်လိုက်ပေမယ့် အဆင့်ဆင့် ဖြတ်ရတယ် မဟုတ်လား။ အခန့်မသင့်ရင် ကိုယ့်အပေါ်က အကြီးတန်း သတင်းထောက်က သတင်းကို မြိုချလိုက်တယ်။ လွတ်သွားခဲ့လို့ ဆက်သွားရင် အယ်ဒီတာက မြိုချလိုက်တယ်။ ပြီးမှ စာပေစိစစ်ရေးကို ရောက်တယ်။ မြိုချခံလိုက်ရတဲ့သတင်းတွေ မဟုတ်ဘဲနဲ့တောင် စိစစ်ရေးက ပယ်ချလိုက်ရင် စာဖတ်သူတွေဆီ ရောက်တဲ့ သတင်းက ဘယ်လိုသတင်းမျိုးလေလဲ …” သတင်းသမားတယောက်က ပြောလိုက်တာ ဖြစ်ပါတယ်။

နံနက်ခင်း အရုံဦးစမှာ ဈေးသည်တွေ၊ အလုပ်သမားတွေနဲ့ ငိုက်မြည်းနေတဲ့ ဘတ်စကားတွေပေါ်မှာလည်း သတင်းထောက်တွေ သတင်းမပို့လိုက်ရဘဲ မြိုချလိုက်ရတဲ့ သတင်းတွေ အများကြီးပဲ။ ဒါကို ကျနော်တို့ သတင်းပို့ပေးချင်ပါတယ်။

မနက်ခင်းမှာ ဈေးသည်တွေက ရေဒီယိုကလေးတွေနဲ့ သတင်းလေးဖမ်း၊ နားထောင်၊ နီးစပ်ရာကို ပွင့်ပွင့်လင်းလင်း ဝေဖန်ပြီး ခရီးသွားချိန်တွေမှာ အပူအပင်တွေကို ခေတ္တခဏ မေ့ပြီး နေထိုင်ချင်ကြပေမယ့် အခုတော့ သူတို့တွေရဲ့ မနက်ခင်းများလည်း အကန့်အသတ်တွေ ရှိသွားပြီ ဖြစ်ပါတယ်။

“တနေ့က ဘတ်စကားတစီးမှာ ကုန်ဈေးနှုန်းအကြောင်း ပြောပြီး ဝေဖန်လို့ဆိုပြီး အဲဒီ ဈေးသည်ကို ရဲစခန်းခေါ်သွားတယ် တဲ့ဗျ။ အဲဒီ သတင်းက ဒီမနက်မှာ ကျနော်တို့ ဈေးကားတွေမှာ တောမီးလောင်သလို ပြန့်သွားတာ …”

သတင်းထောက် တယောက်ကို ဈေးသမားတဦးက ဈေးကားပေါ် အတူစီးကြရင်း ရင်ဖွင့်သွားတာပါ။ မနက်အစောကြီး ထလာရသူ ဈေးသမားခမျာ စားဝတ်နေရေးကိစ္စအပြင် သည်စိတ်ရှုပ်စရာကိစ္စကို တအံ့တသြ ဖြစ်နေပုံရပါတယ်။

“မနက်ဆိုရင် ရေဒီယိုနားထောင်တဲ့သူလည်းပါတယ်။ သီချင်းနားထောင်တဲ့သူတွေလည်း ရှိတယ်။ သတင်းတွေကို ကြားသမျှ ဝေမျှပြော၊ ထင်ရာ မြင်ရာ ပြောနေတဲ့ သူတွေလည်း ပါတာပဲ။ ဒီအချိန်လေးမှာ ကျနော်တို့က လွတ်လွတ်လပ်လပ်နေကြတဲ့ အချိန်လို သဘောထားတာ။ အခုတော့ ကျနော်တို့ လန့်သွားတယ်။ မနက်ဈေးကားတွေမှာ ခါးပိုက်နှိုက်တို့ သူခိုးတို့မှ မပါတာဗျာ။ ဒီကားကြီးတွေကိုလည်း ဘယ်အကြမ်းဖက်သမားကမှ ဗုံးဖောက်ဖို့ မရှိဘူး ထင်တာပါပဲနော်။ အခုတော့ ရဲတွေ သတင်းပေးတွေက ကျနော်တို့ ဈေးကားပေါ် ပါလာပြီတဲ့ဗျာ”

သူက စိတ်ထဲရှိတာ ပြောလိုက်ပါတယ်။

ဘတ်စကားပေါ်က ထွေရာလေးပါး စကားတွေကိုပါ စစ်အစိုးရက အရေးတယူ လုပ်လာတယ်။ ဒါမှမဟုတ် စစ်အစိုးရ နောက်လိုက် ရဲတွေ၊ သတင်းပေးတွေ၊ အလိုတော်ရိတွေက အရေးတယူလုပ်လာတယ်။ ပြီးတော့ ခရီးသည်တွေကို အကြမ်းဖက်ပြီး အာဏာတွေ၊ ပါဝါတွေ ပြပြီး ခြိန်းခြောက်တာ၊ စော်ကားတာတွေ လုပ်လာတယ် ဆိုတာက သတင်းတပုဒ်ပါပဲ။ ဒါ့အပြင် စစ်အစိုးရရဲ့ မတရား အုပ်ချုပ်မှုအောက်က ပြည်သူတွေမှာ ဘယ်လောက်တောင်မှ လွတ်လပ်မှု ကင်းမဲ့နေရပြီ၊ ဘယ်လောက်တောင်မှ တဦးကို တဦး သံသယစိတ်တွေနဲ့ ချစ်ခင်စည်းရုံးမှုတွေ ဆင်းရဲနေပြီ ဆိုတာကိုပါ တပါတည်း စဉ်းစားခန်းဖွင့်စရာ ဖြစ်လာပါတယ်။

နေ့ခင်းဘက် ဘတ်စကားစီးနေသူ ၀န်ထမ်းကတော့ သူ့အမြင်ကို ဒီလိုပြောပြပါတယ်။

“ကားစီးတယ် ဆိုတာက နီးစပ်ရာ မိတ်ဖွဲ့ပြီး စီးတာမျိုးလေ။ အိမ်ရှင်မတွေက ကုန်ဈေးနှုန်းအကြောင်း၊ ငွေရှာတာ မလောက်တဲ့အကြောင်း၊ သက်ကြီးပိုင်းတွေက နိုင်ငံရေးကလေးတွေ၊ ရပ်ကွက်က လူကြီးတွေက ဘယ့်နှယ့် ညာနှယ့်ပေါ့။ ဥပမာ - အောင်ကြည်နဲ့ ဒေါ်စု တွေ့ဦးမယ် ဆိုတာမျိုး၊။ ယောကျားင်္ပရိသတ်ကတော့ ဘောလုံးပွဲတွေ အကြောင်း၊ ဟိုသတင်း၊ ဒီသတင်း။ လမ်းမှာ ယာဉ်ထိန်းရဲက ငွေစားနေတာ၊ ခွင်ဖန်နေတာတွေကို တွေ့နေရရင်၊ စပယ်ယာက ပြေးပြီး ပိုက်ဆံတွေ သွားထည့်ပေးနေရရင် နီးစပ်ရာ လက်ကုတ်ပြီး ဝေဖန်တဲ့စကား၊ ပြစ်တင်တဲ့ စကားလိုမျိုးက ပြောနေကြ မဟုတ်လားဗျာ။ ဘတ်စကားစီးတာက ရန်ဖြစ်ဖို့၊ ရန်ရှာဖို့ စီးကြတာ မဟုတ်ဘူးလို့ ထင်တာပဲ။ သိပ်အပေါက်ဆိုးတဲ့ စပယ်ယာတွေ၊ ကြမ်းတဲ့ ဒရိုင်ဘာတွေကတော့ တမျိုးပေါ့နော်။ ခရီးသွားတဲ့ ခရီသည်တွေဟာ မိတ်ဆွေတွေချည်းပဲ ရှိသင့်တာပေါ့နော်။”

သူပြောသွားတဲ့ ပုံစံက ဘတ်စကားစီးတဲ့ အနုပညာတခုလိုပါပဲ။ တစိမ်းတရံစာများနဲ့ မိတ်ဆွေအဖြစ် အဖော်ပြုပြီး ခရီးသွားချင်တဲ့ ပုံစံ ဖြစ်ပါတယ်။ အခုဟာကတော့ မြန်မာပြည်သူတွေက ပြည်သူအချင်းချင်း တနိုင်ငံတည်းသားအချင်းချင်း မိတ်ဆွေ အဖြစ် ခရီးမသွားရဘဲ သံသယရဲ့ သားကောင်တွေ အဖြစ် ခရီးသွားနေရသလိုမျိုး ဖြစ်နေပါတယ်။

ဒီသတင်းကို သတင်းအနေနဲ့လည်း အမြန်ရေးပြီး ပို့မယ့်အစား သူတို့ အမြင်တွေ၊ ကိုယ့်အမြင်တွေကို မြိုမချတော့ဘဲ ဖွင့်ပြီး ရေးပေးလိုက်ပါတယ်။ ကျော်ဟိန်း … ပြီးတော့ ချစ်ကောင်း ဆိုခဲ့တဲ့ “၀င်သက် ထွက်သက်များ” သီချင်းကို ပြန်ဖွင့်ကြည့်ပါ။ သူဆိုထားပါတယ်။ မင်းရဲ့ ခြေလှမ်းတွေ၊ ၀င်သက် ထွက်သက်တွေက အစ … အမြဲ ငါ ကြည့်နေတယ် … တဲ့။ အဲဒီလိုမျိုးနဲ့ ရန်ကုန် …

မြန်မာနှင့် လာဘ် လောင်း ယစ်


ဆောင်းပါး
အောင်မော်ဦး
တနင်္လာနေ့၊ အောက်တိုဘာလ 06 2008 11:47 - မြန်မာစံတော်ချိန်


(၁)

ကမ္ဘာ့ချန်ပီယံ ဘရာဇီးအသင်းနှင့် ထိုင်းအသင်းတို့ ချစ်ကြည်ရေးပွဲကစားစဉ်က လောင်းကြေးကို တိတိကျကျမမှတ်မိတော့။ ကျနော့်အထင် "နှစ်လုံး-ငါးမူးရှုံး" ဖြစ်မည် ထင်သည်။ သို့သော် ထိုစဉ်က မိတ်ဆွေတဦး ပြောသည့်စကားလေး တခွန်းကိုမူ ခုထိ နားထဲ စွဲနေသေးသည်။

"နှစ်လုံး-ငါးမူးရှုံး မကလို့ သုံးလုံးကျောပဲ ပေးရပေးရ၊ အပေါ်က ထိုင်မယ်ကွာ။ ထိုင်းဆိုတာ ခုမှ ဘောလုံးမှာ အမည်း ဘယ်နှစ်ကွက်၊ အဖြူ ဘယ်နှစ်ကွက် ရှိသလဲ သိဖို့ ဂဏန်းပေါင်းစက် တလုံးနဲ့ တွက်တုန်းချက်တုန်း ရှိသေးတာ။ ဘရာဇီး ဆိုတာက အမိ ၀မ်းထဲမှာကတည်းက ဘယ်ညာ အတော့ကျင့်လာတဲ့ ကောင်တွေ။ ဘာပဲဖြစ်ဖြစ် ဘရာဇီးဘက်ကပဲ ထိုင်မယ်ကွာ"ဟု ပြောပါသည်။ (နှစ်လုံး-ငါးမူးရှုံး ဆိုသည်မှာ

လောင်းကြေး အခေါ်အဝေါ်တခု ဖြစ်ပါသည်။ အကယ်၍ ဘရာဇီးအသင်းက ထိုင်းအသင်းကို နှစ်ဂိုး-သုညဖြင့် နိုင်လျှင်သော်မှ ဘရာဇီး အသင်းဘက်မှ လောင်းထားသူသည် သူ၏ လောင်းကြေးငွေ ထက်ဝက် ရှုံးရပေမည်။ ဘရာဇီးအသင်းက သုံးဂိုး ပြတ်နိုင်ပါမှ ဘောနိုင် ငွေနိုင် ပြုံးနိုင်ပေလိမ့်မည်။) ထိုင်းအသင်းကို နှိမ်ချလို၍ ပြောခြင်းမဟုတ်ဘဲ ဘရာဇီးအသင်းကို ကြိုက်လွန်း၍ ငွေမနိုင်ခင် စကားအနိုင်ရအောင် လုပြောထားနှင့်သည့် သူ့ကို ဆန့်ကျင်၍ မည်သူမျှ ထိုင်းအသင်းဘက်မှ မလောင်းရဲကြခြင်းကို မှတ်မိသည်မှလွဲ၍ ဘယ်နှစ်ဂိုး ပြတ်သွားသည်ကိုမူ အမှတ်မရတော့။


(၂)

တုတ်တုတ်မျှ လှုပ်၍မရ၊ နည်းနည်းမျှ လုပ်ခွင့်မရသည့် ဖက်ဆစ်အုပ်စု လက်အောက်၌ တရားဝင်နှယ် လုပ်ခွင့်ရနေသည့် အရာ(၃)ခု ရှိနေပါသည်။ တခုမှာ "အဂတိ လိုက်စားမှု"၊ နောက်တခုမှာ "လောင်းကစားမှု" ဖြစ်၍ အခြားတခုမှာ "မူးယစ် ဆေးဝါးသုံးစွဲမှု" တို့ပင် ဖြစ်ပါသည်။ ဌာနဆိုင်ရာတိုင်း လာဘ်စားကြ၍၊ ပေါင်းနုတ်မြှောက်စား နားလည်သူတိုင်း လောင်းကစားကြသည်ဟု မနှိုင်းအပ်လင့်ကစား "၀ိုင်းကြီး ၀ိုင်းကြီး ဘယ်လောက်ကြီး၊ ဟောဒီလောက်ကြီး"ဟု ဆို၍ မြန်မာပြည် မြေပုံကြီးကို ၀ိုင်းပြရတော့မတတ် ကြီးသည်ထက် ကြီးမားလာနေသည့် ၀ိသမလောဘ နွံအိုင်ကြီးကို တွေ့နေရသည်မှာ ရင်ထဲမချိလှ။

ဝန်ထမ်းအတော်များများကို အဂတိလိုက်စားမှုနှင့် စာရိတ္တ ပျက်ပြားနေစေ၍၊ မိသားစုကြီးငယ်လိုက်ကို လောင်းကစားမှုနှင့် စိတ်ဓာတ် ပျက်ယွင်းနေစေပြီး၊ လူငယ်အတော်များများကို မူးယစ်ဆေးဝါး လောကထဲ၌ မှိုင်းမိနေစေသည့် လုပ်ကြံမှုသည် ဖက်ဆစ်အုပ်စု၏ သက်ဆိုးရှည်ရေး စီမံချက်များထဲမှ အဓိက လုပ်ငန်းစဉ်တခုပင် ဖြစ်ပေမည်။ လုပ်ခွင့်ကိုင်ခွင့်ရှိသည့် လူတန်းစားက အဂတိလိုက်စားမှုကို ကျူးလွန်၍၊ လုပ်ခွင့်ကိုင်ခွင့်မဲ့သည့် လူတန်းစားက လောင်းကစားမှုကို ကျူးလွန်နေကြသည်။ ထိုလူတန်းစား နှစ်ရပ်ပေါင်းက မူးယစ်ဆေးဝါးအမှုကို ကိုယ့်နည်းကိုယ့်ဟန်နှင့်ကို ကျူးလွန်၍ နေကြပြန်ပါသေးသည်။ ထို့ကြောင့် ယင်းလူတန်းစား(၂)ရပ်အား ကိုယ့်သိက္ခာကိုယ် တန်ဖိုးထားလာအောင် မလုပ်ဆောင်နိုင်ကြပါလျှင် တိုင်းပြည်အပြောင်းအလဲဖြစ်ရန် မျှော်မှန်းသည်ထက် ပို၍ ကြာမြင့်ပေလိမ့်မည်။ ဘောလုံးပွဲ လောင်း၍ မိသွားလျှင် လာဘ်ထိုးလိုက်ရုံပင်။ နှစ်လုံးထီထိုး၊ ချဲထီထိုး၍ ဖမ်းမိသွားလျှင် လာဘ်ထိုးလိုက်ရုံပင်။ လွန်ရောကျွံရော အချုပ်ထဲ ခဏသွားနေလိုက်ရုံပင်။ ထို့ကြောင့် မနက်စာအတွက်မပူ၊ ညနေစာအတွက် မကြောင့်ကြ။ စိတ်ကူးကောင်းလျှင် အိတ်ကြီးဖောင်း၍ စိတ်ကူးမှားလျှင် အိတ်ကြီးပြားသည့်ထုံး နှလုံးပိုက်၍ ရရစားစား လောင်းကြစားကြသည်။ မိမိတို့ရသည့် မစို့မပို့ နေ့တွက်စာ တကျပ်တပြားကို မနှမြော၊ ၀မ်းဟောင်းလောင်းဖြင့်နေ၍ လောင်းကစားပစ်ကြသည်။ နိုင်ငံရပ်ခြား၌ အလုပ်လုပ်၍ အိမ်ပြန် ပို့နေကြသည့် မိသားစုဝင်များ၏ ချွေးနှဲစာကို မငဲ့မညှာ လောင်းကစားပစ်ကြသည်။ ဤသို့ဖြင့် ရှုံးသွားလျှင် ပေါင်နှံချေးငှား၍ နိုင်လျှင် ဖဲ့ဆပ်ကြသည့် တိုးရင်းပေါင်း သံသရာထဲ၌ လုံးပါးပါး နေကြသည်။ တစ်လုံး(ဘောလုံး)၊ နှစ်လုံး(နှစ်လုံးထီ)၊ သုံးလုံး(ချဲထီ)ဖြင့် ဘ၀ဆုံးတော့မည့်အရေး၊ မျိုးဆက် သုဉ်းတော့မည့် အရေးသည် စေ့စေ့တွေးကြည့်လျှင် တိုင်းပြည်၏ အနာဂတ်နှင့် တိုက်ရိုက် ဆက်စပ်နေသဖြင့် ရင်လေးဘွယ်ရာပင်။


(၃)

လူအတော်များများသည် "အဂတိလိုက်စားမှု"နှင့် "လောင်းကစားမှု"တို့အထဲ၌ အာရုံ ရောက်နေသဖြင့် အခြား အရေးကိစ္စများကို နေရာမပေးနိုင်တော့၊ အချိန်မပေးနိုင်တော့။ အထူးသဖြင့် နိုင်ငံ့အရေးအရာ ကိစ္စများကို ကိုယ့်အရေး မဟုတ်သလို သဘောထားလာကြသည်အထိပင်။ တဘက်၌လည်း

နိုင်ငံရေးနှင့် ပတ်သက်ပါက လာဘ်ထိုးရုံနှင့်မရ၊ အချုပ်ထဲ ခေတ္တသွား နေရုံနှင့်မရ။ ထို့ကြောင့် နိုင်ငံရေးဆိုလျှင် "နားမလည်" ဟုဆို၍ ရှောင်ကြသည်။ "ကျနော်/ကျမက နိုင်ငံရေး မဆွေးနွေးချင်ဘူး"ဟု ဆို၍ ချဲတွက်နေကြသည်။ ဘောလုံးပွဲ လောင်းနေကြသည်။ နှစ်လုံးထီ ထိုးနေကြသည်။ ဆေးခြောက် ရှူနေကြသည်။ ညကလပ်များ၌ ကြိတ်ကြိတ် တိုးနေကြသည်။

သို့သော် ကျနော်တို့ လူငယ်များ၊ ကျနော်တို့ ပြည်သူများတွင်လည်း ဘရာဇီးလို အသင်းမျိုးနှင့် တပွဲတလမ်းလောက်တော့ အကဲစမ်းလိုက်ချင်သေးသပ ဟူသည့် အိပ်မက်တခု မရှိနိုင်ဘူးဟု မည်သူ အတတ်ပြောနိုင်ပါမည်နည်း။ သို့သော် ထိုလူငယ်များကို အားကစားကွင်းများ၊ လေ့ကျင့်ရေး စခန်းများတွင် မတွေ့ရ။ နံနက် လင်းအားကြီး အချိန်ကျကာမှ အိပ်မှုန်စုံမွှားနှင့် စောင်ကြမ်း ကိုယ်စီပတ်၍ တီဗွီစလောင်းရုံများမှ လေးတိလေးကန် ခြေလှမ်းများဖြင့် ခေါင်းငိုက်စိုက်ချ ထွက်လာကြသည် ကိုသာ စိတ်မကောင်းခြင်းကြီးစွာ တွေ့မြင်နေကြရပါသည်။

စတုတ္ထမဏ္ဍိုင်ဟုဆိုရမည့် သတင်းစာများက စစ်တပ် ကြီးစိုးရေးတရားကို တွင်တွင်ဟော၍၊ အားကစား ဂျာနယ်များက လောင်းကစားလမ်းညွှန် ကျမ်းကြီးကျမ်းခိုင်များသဖွယ် ကိုးရန်ကားရန် ဟောကိန်းများ ထုတ်ပြန်ပေးနေကြသည်မှာ ရေနစ်သူကို ၀ါးကူထိုးနေကြသည်လား၊ မနစ်နစ်အောင် ထိုးနှစ်နေကြသည်လား မပြောတတ်တော့။

ကိုလိုနီခေတ်က တရုတ်ပြည်သည် "ဘိန်းစစ်ပွဲ"ကို အမျိုးသားရေး လှုပ်ရှားမှုအဖြစ် သတ်မှတ်၍ အလေးထား ဆင်နွှဲခဲ့ကြရ သကဲ့သို့ ကျနော်တို့ တိုင်းပြည်သည်လည်း "အဂတိ လိုက်စားမှု၊ လောင်းကစားမှုနှင့် မူးယစ်ဆေးဝါး နွံအိုင်ထဲမှ ရုန်းထွက်ရေး တိုက်ပွဲ" ကို အမျိုးသားရေး လှုပ်ရှားမှုအဖြစ် သတ်မှတ်၍ အလေးထား ဆင်နွှဲကြရပေလိမ့်မည် ထင်သည်။ တိုင်းပြည်တပြည်၏ အပြောင်းအလဲသည် ယင်းတိုင်းပြည်ရှိ နိုင်ငံ့အရေး စိတ်ပါဝင်စားသည့် နိုင်ငံသူနိုင်ငံသားများ (တနည်း) ကိုယ့်အရေးကိုယ် အလေးထားသည့် တိုင်းသူပြည်သားများ များသည်ထက် များပြားလာရုံမျှမက ၎င်းတို့၏ အပြောင်းအလဲကို လိုလားသည့် စိတ်ဆန္ဒအပေါ်၌လည်း မူတည်လိမ့်မည်ဟု ထင်မိသည်။


(၄)

အာဇာနည်ခေါင်းဆောင် ဆရာကြီးဦးရာဇတ်တို့၊ လူထုဦးလှတို့၊ ကျားဘညိန်းတို့ ခေတ်တုန်းက ဆိုလျှင် စိတ်လေနေသည့် လူငယ်များ၊ တွေဝေနေသည့် လူငယ်များ၊ စိတ်ဓာတ် ပျက်ပြားနေသည့် လူငယ်များအား အားကစား လှုပ်ရှားမှုများ လုပ်စေခြင်းဖြင့် လူငယ့်အားမာန်ကို လေ့ကျင့်မွေးမြူ ပေးခဲ့ဖူးပါသည်။ နိုင်ငံနှင့်အ၀န်း ကျယ်ပြန့်၍ အမျိုးသားရေး လှုပ်ရှားမှုအသွင် ဆောင်ခဲ့သည့် ထိုလှုပ်ရှားမှုများသည် လူငယ်ထုကို သာမက ယင်းလူငယ်ထု၏ မိဘမောင်ဘွားများနှင့် ဆွေမျိုးသားချင်းများ ကိုပါ လမ်းမှန်ကို ပြသပေးခဲ့ပါသည်။ အမြော်အမြင်ရှိ၍ လက်တွေ့ကျသည့် ခေါင်းဆောင်မှု အောက်၌ လိုက်ပါခွင့်ရခဲ့သည့် ထိုစဉ်ကလူထုသည် ရုပ်ပိုင်းဆိုင်ရာအရ သာမက စိတ်ဓာတ်ရေးရာ အရပါ ဖွံ့ဖြိုး တိုးတက်ခဲ့ကြရပေသည်။ ထိုခေတ်က မြန်မာ့ အားကစားသည်လည်း အာရှတလွှား၌ လူရိုသေရှင်ရိုသေ ရှိခဲ့ရသည်အထိ အဆင့်အတန်း မြင့်မားခဲ့ရဖူးပါသည်။ ကျနော်တို့တိုင်းပြည်ရှိ တိုင်းချစ်ပြည်ချစ် ပုဂ္ဂိုလ်ကြီးငယ်များ အနေဖြင့်လည်း (တလွဲဆံပင် ကောင်းနေသည့် စစ်အုပ်စု၏ ဟန်ပြ စီမံချက်များကို ဘေးချိတ်ထား၍) ဆရာကြီး ဦးရာဇတ်တို့၊ လူထုဦးလှတို့၊ ကျားဘညိန်းတို့ကဲ့သို့သော ရည်ရွယ်ချက် ကောင်းများ ထားရှိ၍ လမ်းလွဲနေသည့် မိသားစုများ၊ ၀န်ထမ်းများနှင့် မျက်မှောက်ခေတ် လူငယ်ထုကြီးအား လမ်းမှန်ကို ညွှန်ပြပေးသင့်သည်၊ ထိုသို့ ညွှန်ပြပေးရန်လည်း တာဝန်ကိုယ်စီ ရှိကြသည်ဟု ထင်မြင်မိပါသည်။

"ဧရာဝတီသာ မြန်မာပြည် အလယ်ပိုင်းကို ဖြတ်မစီးဘူးဆိုရင်၊ ဧရာဝတီသာ တနှစ်တခါ ရေမလျှံဘူးဆိုရင် အထက်အညာ ဒေသဟာ ဆန်ရေစပါး ပါးရှားရှာမယ်" ဟု ဒေါက်တာမောင်ဖြူးက ဆိုခဲ့ပါသည်။ အကယ်၍ လူငယ်များသာ လောင်းကစား နွံနှင့် မူးယစ်ဆေးဝါးနွံထဲမှ ရုန်းမထွက်နိုင်ကြဘူးဆိုလျှင်၊ မိသားစုကြီးငယ်များသာ လောင်းကစားနွံထဲမှ ရုန်းမထွက်နိုင်ကြ ဘူးဆိုလျှင်၊ ဌာနဆိုင်ရာ ၀န်ထမ်းကြီးငယ်များသာ အဂတိလိုက်စားမှုနွံထဲမှ ရုန်းမထွက်နိုင်ကြဘူးဆိုလျှင် တိုင်းပြည်၏ အနာဂတ်သည်လည်း ……….။

ချေ (သို့မဟုတ်) ရဲဘော်ရဲဘက်


ရွှေအိမ်စည်
တနင်္လာနေ့၊ အောက်တိုဘာလ 06 2008 22:10 - မြန်မာစံတော်ချိန်
(၁၉၆၇ခုနှစ် အောက်တိုဘာလ ၉-နေ့တွင် ကျဆုံးခဲ့သည့် ပျောက်ကျားစစ်သူကြီး ရဲဘော် ချေဂွေဗားရားအား ဂုဏ်ပြုရေးဖွဲ့သည်)

(၁)
မြေ၀သုန်သည် ဂုဏ်ပြုအပ်သည့် ဧည့်သည်တယောက်အား ဆီးကြို၍ထွေးပွေ့ထားခဲ့သည်မှာ ကြာပြီ။ သူ....ကျဆုံးခဲ့သည့် ၁၉၆၇ခုနှစ် အောက်တိုဘာလ (၉)ရက်နေ့ မှ ....။ နှစ်ပေါင်း (၄၁) ရှိလေပြီ။

သူကား....ဆရာဝန်တဦး ...။ သို့သော်...သူကား မောင်းပြန်ရိုင်ဖယ်သေနတ်ကိုသာ ကိုင်၏။ "လူတယောက်ချင်း
ခံစားရတဲ့ ရောဂါတွေကို ကုရတာထက် လူ့အဖွဲ့အစည်းအလိုက် ခံစားရတဲ့ ဝေဒနာတွေကို ကုသပေးရတာ ပိုအကျိုးရှိပါတယ်"

သူပြောခဲ့သည့်စကားဖြစ်၏။ ၁၉၅၉ခုနှစ် ဇန်န၀ါရီလ (၁)ရက်နေ့က ကျူးဘားနိုင်ငံ ဟားဗားနားမြို့၌ ပြောခဲ့ခြင်းဖြစ်၏။

(၂)
၁၉၆၇ခုနှစ် အောက်တိုဘာလ (၉)ရက်နေ့တွင် သူကွယ်လွန်ခဲ့ပြီဟူသည်အား အတည်ပြုနိုင်သည်က ... အောက်တိုဘာလ (၁၅)ရက်နေ့မှဖြစ်သည်။

ကျူးဘားသမ္မတ ဖီဒယ်ကက်စထရိုမှ အတည်ပြုထုတ်ပြန်ပေးခဲ့ခြင်းဖြစ်သည်။ သူ၏ရုပ်အလောင်းမှ ဖြတ်၍ယူလာခဲ့သည့် လက်မောင်းရင်းမှ ပြတ်နေသည့် လက်နှစ်ဖက်အား ကြည့်၍ သူကွယ်လွန်ခဲ့ပြီဟု အတည်ပြုခဲ့ရခြင်းဖြစ်သည်။ သူ၏အလောင်းကိုမူ မတွေ့ခဲ့ကြရ။ နှစ်ပေါင်း (၃၀)အထိ ပျောက်ဆုံးနေခဲ့၏။ ၁၉၉၇ခုနှစ် ဇူလိုင်လ (၁၂)ရက်တွင်မှပင် သူ၏ရုပ်အလောင်းအား မြေ၀သုန်အတွင်းမှ ပြန်လည်တူးဖော်ရရှိတော့၏။

ဘိုးလီးဗီးယားနိုင်ငံ " ဗယ်ရီဂရန်ဒေသ" လေ ယာဉ်ကွင်းငယ်လေးအနီးမှဖြစ်သည်။ ကျင်းငယ်အတွင်း၌ ရုပ်အလောင်းအရိုးစု (၇)စုအား တွေ့ရ၏။

အရိုးစုအမှတ် (၂)က လက်မောင်းရင်းမှနေ၍ လွှနှင့်တိုက်ဖြတ်ထားခြင်း ခံရသဖြင့် လက်နှစ်ဖက်စလုံးမရှ္ဇိ္ဇ။ ဒီအင်အေ စစ်ဆေးမှု ပြု၍ အတည်ပြုနိုင်ခဲ့၏။
သူ .... ။

သူကား ... နှစ်ပေါင်း (၃၀) ကြာမှပင် ကျူးဘားနိုင်ငံ " ဆန်တာကလာရာမြို့" ရှိ သူ၏ ဂူဗိမာန်အတွင်း ကိုယ်အင်္ဂါစုံလင်စွာနှင့် လဲလျောင်းရတော့၏။

(၃)
သူနှင့်ပါတ်သတ်၍ သူ့ဝန်းကျင်၏ မှတ်ချက်အမြင်များမှ သူ့အား တွေ့ရမည်။ ပြင်သစ်အတွေးအခေါ်ပညာရှင် " ယန်ပေါဆတ်" က သူ့အား ...

"ကျနော်တို့ခေတ်ရဲ့ အပြီးအပြည့်အစုံဆုံး လူသား" ဟူ၍ မှတ်ချက်ပေး၏။ အမေရိကန်နိုင်ငံ မေရီလင်းအင်စတီကျူ က သူ့အား " ကမ္ဘာပေါ်တွင် နာမည်အကျော်ကြားဆုံး ၂၀-ရာစု ၏ သင်္ကေတတစ်ခု " ဟု သတ်မှတ်၏။ ဖီဒယ်ကက်စထရိုကမူ သူ့အား .... " သူဟာ သူ့ရဲ့အကျင့်စာရိတ္တ၊ သူ့ရဲ့စိတ်ဓါတ်၊ သူ့ရဲ့ကြံ့ခိုင်မှုနဲ့ အလုပ်လုပ်ရာမှာ စိတ်အားထက်သန်မှုတွေကို ထားရစ်ခဲ့တာဖြစ်တယ်။ တခွန်းတည်းအတိုချုပ်ပြောရမယ်ဆိုရင် သူ့ရဲ့ စံနမူနာတွေကို ကျနော်တို့အတွက် ထားခဲ့တာဖြစ်တယ်"

(၄)
သူ့အား အားဂျင်တီးနားနိုင်ငံ၏မြို့တော် " ဗွေနိုဇာရီမြို့" မှ မိုင်၁၀၀-ကျော်ဝေးသည့် " ရိုစာရီယို မြို့" တွင် မွေးဖွားခဲ့၏။ " ရိုစာရီယို မြို့" က " ပါရာနာ" မြစ်၏ မြစ်ဝကျွှန်းပေါ်ဒေသတွင် တည်ရှိသည့် မြို့ဖြစ်သည်။ စိုစွတ်၏။ အစဉ်အမြဲအေးခဲ၍နေသည်။

သူကား .... ၁၉၂၈ခုနှစ် ဇွန် (၁၄)ရက်နေ့ဖွားဖြစ်သည်။ မောင်နှမ ၅-ယောက်အနက် အကြီးဆုံးဖြစ်သည်။ ဖခင် အာနက်စ်စတိုဂွေဗားယာလင်(ခ်ျ)က အင်ဂျင်နီယာတဦးဖြစ်ပြီး မိခင်က စီလီယာဆာနာဖြစ်၏။ သူကား ငယ်စဉ်က ချူချာ၏။ ပန်းနာရင်ကျပ်သည်တဦး ....။ အေးလျှင် ပန်းနာဝေဒနာက ထပြီ။ ပန်းနာရင်ကျပ်ရောဂါရှိပေမယ့် သူကား အားကစားဖက်တွင်လည်း ထူးချွှန်ခဲ့၏။ " ရဂ္ဂဘီ" ပွဲ များတွင်ခပ်ကြမ်းကြမ်းကစား တတ်သည်။ ဖခင်က သူ့အား
ငယ်စဉ်ကပင် သေနတ်ပစ်သင်ပေး၏။

စစ်တုရင်ကစားနည်းသင်ပေး၏။ သူသည် စစ်တုရင်ကစားရာတွင်လည်း ထူးချွန်သူတဦးဖြစ်ခဲ့သလို သေနတ်ပစ်ရာတွင်လည်း .... ။

(၅)
သူက ငယ်စဉ်ကပင် စာအုပ်ပုံအကြား၌ ကြီးပြင်းခဲ့ရသူဟု ဆိုရမည်။ ဖခင်၏ကိုယ်ပိုင်စာကြည့်ခန်းတွင် စာအုပ်ပေါင်း ၃၀၀၀-ကျော်ရှိ၏။

စာကြည့်တိုက်ငယ်လေးတခုပမ္ဇာ၏၏။ "ဂျက်လန်ဒန်" ၊ ""ဂျူးလဘန်း"၊ "ဆစ်ဂမန်ဖရိုက်"၊ "ဘာထရန်ရပ်ဆဲလ်"
တို့အား ငယ်စဉ်ကပင် ဖတ်ခဲ့ရ၏။

သူက ကဗျာကိုလည်း အရူးအမူးစွဲလမ်း၏။ "ပက်ဘလိုနီရူးဒါ" ၏ ကဗျာများအား အာဂုံဆောင်နိုင်သည်အထိ ဖတ်ခဲ့၏။

ဖခင်က လက်ဝဲ၀ါဒီတစ်ဦးဖြစ်၍ သူ့ဖခင်၏ စာကြည့်ခန်းတွင် ကားမတ်ခ်၏ ကျမ်းများက ရှိပြီးဖြစ်သည်။ သူ ... လေ့လာခွင့်ရခဲ့၏။

(၆)
၁၉၄၇ခုနှစ်တွင် သူ ... " ဗွေနိုဇာရီး"တက္ကသိုလ်တွင် ဆေးပညာသင်ယူခဲ့သည်။ထိုတက္ကသိုလ်မှပင် ဒေါက်တာဘွဲ့ ရရှိခဲ့၏။ ၁၉၅၁ခုနှစ်တွင် သူသည်

ဆေးတက္ကသိုလ်တတ်နေရင်း ခွင့်ယူ၍ သူငယ်ချင်းတဦးနှင့်အတူ မော်တော်ဆိုင်ကယ်တစ်စီးနှင့် လက်တင်အမေရိကတိုက်တလွှား ခရီးနှင်၏။

ချီလီသို့ရောက်၏။ ချီလီမှသည် ပီရူး ၊ အီကွေဒေါ ၊ ကိုလံဘီယာ ...ထိုမှ ဗင်နီးဇွဲလား ....။
ဤခရီးစဉ်မှ သူသည် လက်တင်အမေရိကရှိ ပြည်သူတို့၏ ဆင်းရဲမွဲတေမှု ၊ လူတန်းစားမညီမျှမှုများအား တွေ့ခဲ့မည်။ ဤခရီးစဉ်အကြောင်းအား

သူကိုယ်တိုင် စာပြန်ရေး၏။ " မော်တော်ဆိုင်ကယ်ဒိုင်ယာရီ" ဟူ၍ စာအုပ်အဖြစ် ထုတ်ဝေခဲ့၏။ စရေးသည်မှာ စပိန်ဘာသာနှင့်ဖြစ်သည်။

နောက်ပိုင်းတွင်မူ အင်္ဂလိပ်ဘာသာသို့ ပြန်၍ ထုတ်ဝေခဲ့သည်။ ၂၀၀၄ခုနှစ်တွင် ထိုစာအုပ်အား မှီ၍ ရုပ်ရှင်ပြန်ရိုက်၏။

(၇)
၁၉၅၃ခုနှစ်တွင် အာဂျင်းတီးနားအစိုးရက ဆရာဝန်များအား အတင်းအကျပ်အမှုထမ်းခိုင်း၏။ သူက လူတယောက်ချင်း ခံစားနေရသည့်ဝေဒနာအား မကုသချင် ....။ ဤတွင် သူသည် အာဂျင်းတီးနားမှ တိမ်းရှောင်ထွက်ခဲ့တော့၏။

ပီးရူး ၊ အီကွေဒေါ၊ ပနားမား၊ ကော်စတာရီကာ၊ နီကာရာဂွား၊ ဟွန်ဒူးရပ်စ်၊ အဲလ်ဘာလဗာဒို၊ ဂွာတီမာလာတို့မှ မက္ကဆီကိုသို့ရောက်၏။

မက္ကဆီကိုတွင် သူသည် ကျူးဘားမှ ဖီဒယ်ကက်စထရိုတို့ အုပ်စုနှင့်တွေ့၏။ ပေါင်းမိ၏။ ထိုစဉ်က ဖီဒယ်ကက်စထရိုတို့ အုပ်စုအား " ၂၆ဲ " ရဲဘော်များဟု ခေါ်ကြသည်။ ဖီဒယ်ကက်စထရိုတို့၏ " ၂၆ " ရဲဘော်များက ကျူးဘားအာဏာရှင် " ဖူလ်ဂျင်စီယိုဘာတစ္စတာ" အစိုးရအား လက်နက်ကိုင် ပုန်ကန်ရန် ကြိုးပမ်းနေကြသည့် တော်လှန်ရေးသမား လူငယ်များ ....။

မက္ကဆီကိုတွင်ပင် " ၂၆ဲ " ရဲဘော်များနှင့် အတူ သူ .... ၏စစ်သင်တန်းတတ်ခဲ့၏။ သင်တန်းဆရာက မက္ကဆီကိုမှ ဗိုလ်မှူးကြီးဟောင်းတဦး

....။ သင်တန်းမှူး ဗိုလ်မှူးကြီးဟောင်း " အယ်ဘာတိုဘေးယို" က မှတ်ချက်ပြု ၏။ " သူသည် သင်တန်းသားများအားလုံးအနက် အထူးချွန်ဆုံး ဖြစ်သည်" ဟူ၍ ....။

(၈)
၁၉၅၆ခုနှစ် နိုဝင်ဘာလ (၂)ရက်နေ့တွင် " ၂၆ " ရဲဘော်များနှင့်အတူ သူသည် ကျူးဘားနိုင်ငံသို့ ၀င်ခဲ့ကြ၏။ Gramma အမည်ရှိ
မော်တော်ငယ်တစီးနှင့် .... ။ မိုင် ၁၃၀-ကျော်ဝေးသည့် ပင်လယ်ခရီးအား နှင်ကြ၏။ ရဲဘော်ရှစ်ကျိပ်နှင့် တယောက် ...။ ဓါးကောက်သဏ္ဍာန်

ကျူးဘားကျွှန်းပေါ်သို့ ရောက်၏။ မကြာ .... ကျူးဘားအာဏာရှင်တပ်များနှင့် တိုက်ပွဲများ ဖြစ်သည်။ တိုက်ပွဲအဖြေက မကောင်း။ သူတို့ဘက်မှ ရဲဘော် ၆၉-ယောက် ကျဆုံးကုန်၏။ သူ ..... ၊ ဖီဒယ်ကက်စထရိုနှင့် ရဲဘော် ၁၂-ယောက်သာကျန်တော့၏။ အငတ်ငတ်အပြတ်ပြတ် ....။ ကြံခင်းများအတွင်း ပုန်းနေကြ၏။ ကြံများစုတ်ရင်းသာ အဟာရဖြည့်နေကြရသည်မှာ ရက်သတ္တပတ်ခန့်ကြာ၏။ ဤမှ .... သူတို့ အာဏာရှင်အား ပြန်တိုက်၏။

မောင်းပြန်ရိုင်ဖယ် ၁၂-လက် .... ။

လူ ၁၂-ယောက်နှင့် .... ။

(၉)
ကျူးဘားနိုင်ငံ "ဆီအဲယားမေထရာ" တောင်တန်းများပေါ်မှ သူတို့ လွတ်မြောက်နယ်မြေ တည်ဆောက်၏။
သူပုန်စခန်းဖွင့်၏။ အောင်မြေ .... ။

သူသည် .... ထိုဒေသမှစ၍ လူထုအတွင်း ဆေးခန်းများဖွင့်၏။ စာသင်ကျောင်းများ တည်ထောင်၏။ ဤတွင် .... သူသည် မောင်းပြန်ရိုင်ဖယ်အား လက်မှကိုင်းရင်း လူထုအား ဆေးကုသ၏။ လူတယောက်ချင်း၏ဝေဒနာအား သက်သာစေရန် ဆောင်ရွက်သလို လူ့အဖွဲ့အစည်း၏ခံစားနေရသော ဝေဒနာကိုလည်း ကု၏။ လူထုမှ ထောက်ခံလာသည်။ တော်လှန်ရေးသည် မြင့်တတ်၍လာ၏။ ဒီလှိုင်းများသဖွယ် .... အားနှင့်မာန်နှင့် .... အဆုံး၌ ကျူးဘားအာဏာရှင်အစိုးရ ကျဆုံးရ၏။

(၁၀)
ကျူးဘားတော်လှန်ရေးတွင် ကျူးဘားမဟုတ်သော သူသည် ရဲဘော်ကြီး ဖီဒယ်ကက်စထရိုပြီးလျှင် ဒုတိယသြဇာအာဏာအရှိဆုံးဖြစ်လာ၏။

ကျူးဘားနိုင်ငံ၏ ပြန်လည်ထူထောင်လုပ်ငန်းများတွင် အဓိကတာဝန်ယူခဲ့သည်။ လူတန်းစားမဲ့ လူ့အဖွဲ့အစည်းသစ်ဆီသို့ ချီတတ်ရာတွင် သူသည် စီးပွားရေးရာအပိုင်း၌ အဓိက ပဲ့နင်းကြီးအဖြစ် မောင်းနှင်ခဲ့ရသည်။ ကျူးဘားနိုင်ငံသုံး ငွေစက္ကူပေါ်၌ သူ့လက်မှတ်ထိုးပေးရ၏။

ထိုစဉ်က ..... GATT (ကုန်သွယ်ရေးနှင့်အခွန်အကောက်ဆိုင်ရာ အထွေထွေသဘောတူညီ
ချက်အဖွဲ့) အစည်းအဝေးပွဲများသို့ သူတတ်ရောက်ခဲ့ရသည်။ သံလွင်ရောင်စစ်ဝတ်စုံ ၊ပြောက်ကျားယူနီဖောင်းနှင့် .... ။

(၁၁)
၁၉၆၂ခုနှစ်ကား.... စစ်ရေးတိုက်ပွဲအရှိန်၏ အမြင့်မားဆုံးကာလဟု ဆိုရမည်။ ဆိုဗီယက်တို့၏ ဒုံးကျည်များအား ကျူးဘားတွင် တည်ဆောက်မည်။ အမေရိကန်က သဘောမတူ။ ဤတွင် တင်းမာမှုက ကြီးမား၍လာ၏။ နူးကလီးယားစစ်ပွဲများ ဖြစ်လေမည်လား ..... ။ ကက်စထရိုနှင့် ခရူးရှော့ ဆက်ဆံရေးက အထူးကောင်းမွန်၏။

(၁၂)
၁၉၆၄ခုနှစ် ဒီဇင်ဘာလမှ ၁၉၆၅ခုနှစ် မတ်လအထိ သူသည် နိုင်ငံတကာခရီးစဉ်များသွား၍ သံခင်းတမန်ခင်းများအား ခင်းကျင်း၏။ ပြင်သစ်၊ အီဂျစ်၊ အယ်ဂျီရီယား၊ ဂါနာ၊ ဂီနီ၊ မာလီ၊ ဒါဟိုမီ၊ကွန်ဂို၊ အိုင်ယာလန်၊ နှင့် တရုတ်ပြည်သစ်နိုင်ငံများသို့ ..... ။

ထိုစဉ်က ဆိုဗီယက်ပြည်ထောင်စုနှင့် တရုတ်ပြည်တို့က သဘောတရားအရ ကွဲလွဲနေကြချိန် ဖြစ်သည်။ သူက သဘောတရား
အရတွင် "မော်" တို့နှင့်တူ၏။ ဤအတိုင်းပင် သူ့ခရီးစဉ်များအတွင် ပြောဆိုဆွေးနွေး၏။ ကျူးဘားခေါင်းဆောင်တဦးပြောခြင်းဖြစ်၍ ကျူးဘားသဘောထားဟု ကမ္ဘာက မြင်ကြ၏။ ဤတွင် သူ့အပေါ် ဖီဒယ်ကက်စထရိုတို့ ညီအစ်ကို မနှစ်မြို့တော့ .... ။
သူတို့ ညီအစ်ကိုက "ခရူးရှော့"နှင့် နီးစပ်သူ .... ။ သူခရီးစဉ်အပြီး

"ဟားဗားနား" သို့ ပြန်ရောက်၏။ ဖီဒယ်ကက်စထရိုတို့ ညီအစ်ကိုနှင့် သူ၏ဆက်ဆံရေးက အေးအေးစက်စက် ......။ မကြာ သူ ကျူးဘားမှ ပျောက်သွားခဲ့တော့၏။ အားလုံးအား စွန့်လွှတ်၍ .... ။

(၁၃)
အာဖရိကတိုက်ရှိ ကွန်ဂို -ကင်ရှာဆား ပြောက်ကျားစစ်ပွဲအတွင်း ... သူ ...သေနတ်ကိုင်၍ ရောက်သွား၏။ အာဖရိက
တောနက်ကြီးအတွင်း ပြောက်ကျားစစ် ဆင်နေတော့၏။ ရာသီဥတုက ဆိုးသည်။ ထိုစဉ်က သူအသက်သည် ၃၈-နှစ်ခန့်ရှိပြီ။ ပန်းနာရင်ကျပ်ဝေဒနာက ပြန်ထ၍လာပြီ။ ဆိုးဆိုးဝါးဝါး ..... ။

မရတော့ .... ။ သူ အနားယူရသည်။ အနားယူစဉ် ကာလအတွင်း " ကွန်ဂိုဒိုင်ယာရီ" အားရေးခဲ့သည်။ သူ၏ တော်လှန်ရေးကာလ ကွန်ဂို အတွေ့အကြုံများ .... ။

(၁၄)
ထိုနောက် .... ။

သူသည် ဘိုလီးဗီးယား အစိုးရအား တော်လှန်ရန် ဘိုလီဗီးယားသို့ ထွက်ခဲ့၏။ သူနှင့်ရဲဘော် ၁၇-ယောက် ..... ။ ဗီယက်နမ်ရဲဘော်များလည်းပါသည်။ ပြီးလျှင် လက်တင်အမေရိကမှ ရဲဘော်များ .... ။

၁၉၆၇ခုနှစ် အောက်တိုဘာ (၇)ရက်နေ့တွင် သူနှင့်ရဲဘော်များ ဘိုလီးဗီးယားနိုင်ငံ ယူဂို(ချူရီ) တောင်ကြားအတွင်းသို့ ၀င်ခဲ့ကြ၏။

ရိုင်ဖယ်သေနတ်များနှင့် ... ။ ချောင်းရိုးငယ်အား ဖြတ်ကြ၏။ ဤတွင် ... ၀ိုင်းဝန်ပစ်ခတ်မှုအား သူတို့ ရုတ်တရက်ခံလိုက်ကြရ၏။ သူ .... ဦးဆောင်သည့်ပြောက်ကျားများ ဘိုလီးဗီးယားစစ်တပ်၏ ချုံခိုတိုက်ခိုက်ခြင်းအား ခံကြရပြီ .... ။ အကျအဆုံးက များသည်။ သူလည်း ထိ၏။ ဆုတ်၍မရ .... ။ တတ်၍မရ .... ။ နောက်ဆုံး .... သူ ဘိုလီးဗီးယားစစ်တပ်၏ ဖမ်းဆီးခြင်းအား ခံလိုက်ရ၏။

(၁၅)
၁၉၆၇ခုနှစ်အောက်တိုဘာလ (၉)ရက်နေ့ ...... ။

ဘိုလီးဗီးယားနိုင်ငံ၏မြို့တော်နှင့်ဝေးကွာလွန်းသည့် "ဗယ်လီဂရန်ဒေမြို့" လေယာဉ်ကွင်းငယ်၏ အနီးတွင် ဘိုလီးဗီးယားစစ်တပ်သည် ဒဏ်ရာနှင့်စစ်သုံ့ပန်တဦးအား နောက်ပြန်လက်ထိပ်ခတ်၍ ထားသည်။ လက်ထိပ်ခတ်ခံထားရသည့် စစ်သုံ့ပန်သည် ဘိုလီးဗီးယားစစ်သားများ၏အရှေ့၌ မတ်မတ်ရပ်၍နေသည်။ စစ်သားများက စစ်သုံ့ပန်အား
မောင်းပြန်ရိုင်ဖယ်သေနတ်များနှင့် ချိန်ထား၏။ စစ်သုံ့ပန်က စစ်သားများအား သူ၏စူးရှသော မျက်လုံးများနှင့်ကြည့်၏။

အမိန့်သံထွက်လာ၏။

ယမ်းပေါက်ကွဲသံများ ဆူညံ၍သွားသည်။ ယမ်းညော်နံ့တို့က လေယာဉ်ကွင်းအနီး မွှန်၍နေသည်။
စစ်သုံ့ပန်သည် တဖြေးဖြေး ပျော့ခွေ၍ ကျသွားသည်။ သွေးတို့က ခန္ဓာကိုယ်အနှံ့မှ ယိုစီး၍ ထွက်လာသည်။ ပြီးလျှင် ..... ဘိုလီးဗီးယားစစ်သားများက သွေးအလူးလူးနှင့်လဲနေသော အလောင်း၏ လက်နှစ်ဖက်အား လက်မောင်းရင်းမှ လွှနှင့်တိုက်၍ ဖြတ်ကြ၏။ ထိုနောက်...... လေယာဉ်ကွင်းအနီးတွင်ပင် လက်မပါသော ခန္ဓာကိုယ်အား ကျင်းတူး၍
မြုပ်နှံလိုက်ကြတော့၏။

(၁၆)
မပုပ်မသိုးရန် ဆေးရည်စိမ်ထားသည့် လက်နှစ်ဖက်အား ဘိုလီးဗီးယားအစိုးရမှ ကျူးဘားသမ္မတဖီဒယ်ကက်စထရိုထံသို့ ပို့လိုက်၏။

၁၉၆၇ခုနှစ် အောက်တိုဘာလ (၁၅)ရက် .... ။

ဤလက်နှစ်ဖက်အား ဖီဒယ်ကက်စထရိုသည် မြင်သည်နှင့်သိ၏။ သူနှင့် တော်လှန်ရေးများအတွင်း လက်တွဲခဲ့သည့်လက်များ .... ။ မလွဲနိုင် .......။ သူ ...... ။ သူ .... ။

"အာနက်စ်တိုဂွေဗားရားဒီလာဆနာ" သို့မဟုတ် ..... "ချေ" ။ ချေ ဟူသည်က .....စပိန် ဘာသာအရ " ရဲဘော်၊ ရဲဘက်" ဟူ၍ဖြစ်သည်။

"မြေ၀သုန်ရေ ...... ဂုဏ်ပြု့အပ်တဲ့ ဧည့်သည်တယောက်ကို ဆီးကြိုပေတော့ ...."

(အော်ဒင်)
ရွှေအိမ်စည်


အမေရိကန် စီးပွားရေးစနစ် ရေတိမ်နစ်ရခြင်း - ဆပ်ပရိုင်း အပိုင်း (၂)


ဆောင်းပါး
ဘိုဘိုကျော်ငြိမ်း
တနင်္လာနေ့၊ အောက်တိုဘာလ 06 2008 14:24 - မြန်မာစံတော်ချိန်

အောက်တိုဘာ ၆ ရက်၊ ၂ဝဝ၈ ခုနှစ်

ကျနော် အမေရိကန် ဆပ်ပရိုင်း Sub Prime ဒုက္ခ-အပိုင်း (၁) ကို ရေးခဲ့စဉ်က အမေရိကန်စီးပွားရေးစနစ် ခေါင်က မိုးပြိုလိမ့်မယ်လို့ မမျှော်လင့်ခဲ့မိဘူး။ လူအများ တွေးကြတဲ့အတိုင်း - စီးပွားရေးဒုက္ခ Economic Crisis တခုလို့ပဲ ထင်ခဲ့မိတယ်။ အခုမှ အရူးမီးဝိုင်းသလို - အမေရိကန် စီးပွားရေးစနစ် ခေါင်က မိုးပြိုကိန်း ရောက်နေမှန်း ကမ္ဘာကြီးနဲ့အတူ အမေရိကန် အစိုးရ အပါအဝင် သိကြတော့တယ်။

ပြီးခဲ့တဲ့ စက်တင်ဘာလ အကုန်လောက်မှာ အမေရိကန် စီးပွားရေးအတွက် တာဝန်ရှိတဲ့ အမေရိကန် ဗဟိုဘဏ် ဖက်ဒရယ် ရီဇပ်(ဗ်) Federal Reserve မှ ဥက္ကဋ္ဌ မစ္စတာ ဘာ(လ်)နမ်ကီ Mr. Bernanke နဲ့ အမေရိကန် အစိုးရ ဘဏ္ဍာရေးဝန်ကြီး မစ္စတာပေါ(လ်)စင် Mr. Paulsen တို့ နှစ်ယောက် ဘဏ်နဲ့ စီးပွားရေး မဏ္ဍိုင်တခုချင်းကို ရွေးချယ် ကယ်တင်ရုံနှင့် မလောက်တော့ဘူး၊ အခြေအနေ ဆိုးနေပြီ၊
Comprehensive Plan လို့ခေါ်တဲ့ ပြဿနာရဲ့ ကဏ္ဍတခုလုံးကို ကိုင်တွယ် ဖြေရှင်းမှဆိုပြီး အမေရိကန် ကွန်ကရက်ကို တင်ပြခွင့် တောင်းလာပါတယ်။

ဒီလို ပြဿနာကို ရင်ဆိုင်ဖြေရှင်းဖို့ အမေရိကန်ဒေါ်လာ ဘီလီယံ ၇ဝဝ (သန်းပေါင်း ၇ သိန်း) ကုန်ကျစရာ ရှိတာကြောင့် အမေရိကန် ကွန်ကရက် အမတ်တွေကို သုံးစွဲခွင့်ဥပဒေ ပြုပေးဖို့ တောင်းဆိုလာပါတယ်။ စက်တင်ဘာလ ၂၉ ရက်နေ့က မဲခွဲရာမှာ အမေရိကန် အောက်လွှတ်တော်မှာ ကန့်ကွက်မဲ ၂၂၈ မဲ၊ ထောက်ခံမဲ ၂ဝ၅ မဲနဲ့ ရှုံးနိမ့်သွားပါတယ်။

လက်ရှိ ပြဿနာဟာ အင်မတန်မှ ရှုပ်ထွေးတာကြောင့် သာမန် အမေရိကန်လည်း နားမလည်နိုင်ကြပါဘူး။ ဒါကြောင့် Wall Street ဝေါလ်စထရိ က ငွေရှင် သူဋ္ဌေးတွေကို ဘာကြောင့် ပြည်သူပိုင်တဲ့ အစိုးရ ဘဏ္ဍာငွေနဲ့ ကူညီရမှာလဲဆိုပြီး စိတ်တိုလျက်ရှိကြပါတယ်။ ပြည်သူတွေရဲ့ ကိုယ်စားလှယ်လို့ခေါ်တဲ့ အောက်လွှတ်တော် အမတ်တွေဟာ အမေရိကန် ဖွဲ့စည်းအုပ်ချုပ်ပုံ ဥပဒေအရ ပြည်သူနဲ့ မကင်းဝေးသွားအောင် ၂ နှစ် တကြိမ် ပြည်သူ့ရှေ့မှာ ပြန်လည် အရွေးခံကြရပါတယ်။ ဖြစ်ချင်တော့ နိုဝင်ဘာလ ၄ ရက်မှာ ရွေးကောက်ပွဲ ရှိပါတယ်။ ဝေါလ်စထရိ က ငွေရှင်ကြေးရှင်တွေကို ကူရကောင်းလားလို့ အမျက်ထွက်နေတဲ့ ပြည်သူတွေက ဒဏ်ခတ်မှာ ကြောက်လို့တကြောင်း၊ ဈေးကွက် စီးပွားရေးမှာ အစိုးရက ဝင်မစွက်ရဘူး ဆိုတဲ့ တယူသန် ရှိကြတဲ့ လက်ျာ တဖက်စွန်းရောက် အောက်လွှတ်တော် အမတ်တွေကြောင့် တကြောင်း လက်ရှိဥပဒေ အဆိုပြုချက်ဟာ ရှုံးနိမ့်ခဲ့ရပါတယ်။

လက်ငင်း အကျိုးဆက်က အမေရိက Dow Jones စတော့ ဈေးကွက်ဟာ ၇၇၇ ပွိုင့် ထိုးကျ ဆုံးရှုံးခဲ့ပါတယ်။ ၉/၁၁ ဖြစ်ပြီးနောက် စက်တင်ဘာလ ၁၇ ရက်၊ ၂ဝဝ၁ ခုနှစ်မှာ တနေ့တာ ကျဆုံးရှုံးခြင်း ၇၂၁ ဒဿမ ၆၅ ပွိုင့်ထက် ပိုပါတယ်။ ဆိုလိုတာက အရင်းရှင် (သို့) ငွေကြေး မြှုပ်နှံသူတွေက အမေရိကန် ကုမ္ပဏီတွေနဲ့ အမေရိကန် ဈေးကွက်ကို အယုံအကြည် မရှိဘူး၊ မသေချာ မရေရာတဲ့ စီးပွားရေး အခြေအနေကြောင့် သူတို့ ပိုင်ဆိုင်တဲ့ စတော့တွေကို ထုတ်ရောင်းမှုကြောင့် စတော့ဈေးတွေ ကျရတာပါ။ ဒီ စတော့ (Stock) ဈေးတွေ ကျဆုံးမှုဟာ လက်ရှိ Credit Crunch ပြဿနာကို ပိုမို ဆိုးဝါးစေပါတယ်။ ဘဲဥအစ ရှာမရသလို ပြဿနာတွေက ရွာလည်နေပါတယ်။

လက်ရှိ အမေရိကန်ရဲ့ စီးပွားရေး ပြဿနာဟာ လောလောဆယ် အခြေအနေမှာ ဝေါလ်စထရိ လို့ ခေါ်တဲ့ အမေရိကန်ရဲ့ စီးပွားရေးမှာ ထိပ်ဆုံးက နေရာယူထားတဲ့ အမေရိကန် ဗရာမင် (Brahmin) တွေလို့ တင်စားရမယ့် ထိပ်ဆုံး ငွေရှင်ကြေးရှင်တွေကိုပဲ ဆိုးဆိုးဝါးဝါး ထိခိုက်လျက် ရှိပါတယ်။ ဒီပြဿနာကို မကိုင်တွယ်နိုင်ရင် Main Street လို့ခေါ်တဲ့ လမ်းပေါ်က လူတွေကိုပါ မကြာခင် ထိခိုက် လာနိုင်တဲ့အပြင် အမေရိကန်စီးပွားရေး တခုလုံးပါ ချွတ်ခြုံ ကျသွားနိုင်တယ်။ လက်ရှိ ပြဿနာဟာ ၁၉၃ဝ ခုနှစ်များမှာ ဖြစ်ခဲ့တဲ့ The Great Depression လို့ ခေါ်တဲ့ အဆိုးဆုံး စီးပွားရေး ကပ်ကြီးအပြီး အဆိုးရွားဆုံး စီးပွားရေး ဒုက္ခလို့ ဆိုနိုင်ပါတယ်။ အမေရိကန်အစိုးရက ဒီပြဿနာကို မကိုင်တွယ်နိုင်ရင် မကြာခင် တကမ္ဘာလုံး ပြန့်နှံ့ပြီး ကမ္ဘာ့စီးပွားရေးကပ် ဆိုက်ရောက်နိုင်တဲ့အတွက် အန္တရာယ်ဟာ ကြီးမားလှပါတယ်။

ဒီလောက်ကြီးမားတဲ့ ပြဿနာက်ို လက်တွေ့ ရင်ဆိုင်နေရတဲ့ အမေရိကန် နိုင်ငံမှာတောင် အများစု လက်ရှိ လုပ်ကိုင် စားသောက်နေကြတဲ့ သာမန်လမ်းပေါ်က လူတွေကိုယ်၌က ပြဿနာရဲ့ အရင်းနဲ့ ရှုပ်ထွေး ဆက်စပ်နေကြပုံကို သေသေချာချာ မသိတာကြောင့် ဘယ်လောက် အန္တရာယ် ကြီးမားတယ် ဆိုတာကို မသိရှာသေးကြပါဘူး။ ပြဿနာကလည်း အဆင့်ဆင့် ရှုပ်ထွေး လည်ပတ်နေကြတာကြောင့် စီးပွားရေးကို စိတ်ဝင်စားသူ လိုက်စားသူ မဟုတ်ရင် အသေးစိတ် ရှင်းရှင်းလင်းလင်း သိရန် မလွယ်ကူလှပါ။ သုံးစွဲတဲ့ အသုံးအနှုံးများမှာလည်း ကြားနေကျ အသုံးအနှုံးများ မဟုတ်ပါ။ ဒါပေမဲ့ ပြဿနာကို မသိလို့ မရတော့ပါ။ အသေအချာ လေ့လာရင်လည်း အလွန် စိတ်ဝင်စားစရာ ကောင်းပါတယ်။ ဒီပြဿနာ အားလုံးဟာ ဒေါ်လာပြဿနာ၊ ရေနံပြဿနာ၊ ဆန်ပြဿနာတို့ အားလုံးနဲ့ ဆက်စပ် ငြိတွယ်နိုင်ပါတယ်။ ဒါကြောင့် ဓာတ်ဆီဈေးတွေ တက်၊ ကားတွေ ရှိပြီး ကားတွေရပ်ထားတဲ့ အခြေအနေနဲ့ ကြုံကြရတယ်။ ဆန်ဈေးတက်တော့ လူတွေ ထမင်းမဝတော့ဘူးပေါ့။ ဒါ့အပြင် နောင်တခေတ် မြန်မာပြည်ကြီးကို ထူထောင်ရမယ့် မြန်မာ လူငယ်လေးတွေကို သတိပြုစေချင်တာက နိုင်ငံတနိုင်ငံမှာ စီးပွားရေး ခေါင်းထောင်မှ တိုင်းပြည်ရော၊ ပြည်သူပါ ချမ်းသာ လာကြမှာပါ။ ဒါကြောင့် စီးပွားရေးဟာ အရေးပါလှပါတယ်။ နိုင်ငံရေး ဆိုတာဟာလည်း စီးပွားရေးနဲ့ မကင်းနိုင်ပါ။

ဒါကြောင့် လက်ရှိပြဿနာနဲ့ အကျိုးဆက်တွေကို တင်ပြပါရစေ။ လက်ရှိပြဿနာက Credit Crunch လို့ခေါ်ပါတယ်။ လွယ်လွယ်ပြောရရင် ပြည်သူတွေ၊ ကုမ္ပဏီတွေ နေ့စဉ်လည်ပတ်ဖို့ (ငွေချေး) ဖို့ အခက်အခဲ ရှိတာပါ။ ဘဏ်တွေ၊ ငွေရှင်ကြေးရှင်တွေ ပြဿနာ ပေါ်လာတော့ ငွေရှိသူတွေက ကြောက်လန့်ပြီး ငွေမချေးတော့ဘူး၊ ငွေလည်ပတ်မှု လျော့သွားတော့ ငွေမလည်တော့ဘူးပေါ့။ အရင်းရှင်စနစ် လွတ်လပ်တဲ့ဈေးကွက် Free Market ဆိုတာက (ချေးငွေ) Credit နဲ့ ငွေလည်ပတ်မှု Liquidity အပေါ် မူတည်နေတာကြောင့် ငွေမလည်ပတ်နိုင်ရင်၊ ငွေချေးမရရင် စီးပွားရေး ယန္တရားကြီးတခုလုံး မရပ်သွားတောင် တုံ့နှေးကုန်တာပေါ့။ မော်တော်ကား ဆီမလိုက်ရင် တွန့်ဆုတ် တွန့်ဆုတ်နဲ့
ရွေ့နေသလို နွားလှည်းကြီး နွံနစ်နေသလိုပဲပေါ့၊ ဒီ Credit Crunch ရဲ့ တရားခံအရင်းက အိမ်ယာမြေ ဈေးကွက်။ အိမ်ဈေးတွေ မတရားတက်ပြီး ပေါက်ကွဲ ပြုတ်ကျတာကြောင့်ပါ။ ဒီ ပေါက်ကွဲမှုဟာ ဆပ်ပရိုင်း Sub Prime ဈေးကွက်က စခဲ့တာပါ။

ဆပ်ပရိုင်း အပိုင်း(၁) မှာ Boom & Bust, Housing Bubble, Sub Prime ဆိုတာကို ရှင်းပြခဲ့ပြီးပါပြီ။ Bust ဖြစ်တိုင်းမှာ လူတွေက ကြောက်လန့်ပြီး ငွေချေးတာ လက်တွန့်သွားပြီး ငွေမချေးကြတော့ဘူး။ အထူးသဖြင့် ဘဏ်တွေက ရဲရဲ မချေးကြတော့ဘူး။ ဒါကို Credit Crunch လို့ခေါ်ပါတယ်။ ကုမ္မဏီ ကြီးသည်ဖြစ်စေ၊ ငယ်သည်ဖြစ်စေ မိမိလုပ်ငန်း လည်ပတ်မှုအတွက် ငွေလိုရင် ဘဏ်တွေဆီ ပြေးချေးကြပါတယ်။ Credit Crunch ဖြစ်ခဲ့ရင် ဘဏ်တွေက ငွေ လွယ်လွယ် မချေးကြတော့ လုပ်ငန်းတွေ နှေးကွေးကုန်တာပေါ့။ ငွေမလည်တော့ လုပ်ငန်းတွေနှေး၊ ဒီတော့ အပိုလူတွေလျှော့၊ အပိုပစ္စည်းတွေ မဝယ်နိုင်ကြတော့၊ အားလုံး ရောင်းအားကျနဲ့ စီးပွားရေး နှေးကွေးမှု ဆိုတာဖြစ်ပါရော။ ဒီမှတဆင့် ၃ လပတ် ဆက်တိုက် တပြည်လုံး ထုတ်ကုန် အနုတ်လက္ခဏာ ပြခဲ့ရင် - စီးပွားရေး ကျဆင်းမှုလို့ သတ်မှတ်ကြပါတယ်။ ဆိုလိုတာက ၆ လတိတိ တပြည်လုံး ထုတ်ကုန် ဆက်တိုက် ကျဆင်းခဲ့ရင် စီးပွားရေး ကျဆုံးမှု Recession ဖြစ်ပြီပေါ့၊ ဒါထက်ဆိုးခဲ့ရင် စီးပွားရေးကပ် Depression ဆိုက်ပြီလို့ သတ်မှတ်ရပါမယ်။

အခု လက်ရှိ အခြေအနေမှာ အမေရိကန် စီးပွားရေး အခြေအနေဟာ Recession ရောက်လုရောက်ခင် ရှိပါတယ်။ လက်ရှိ ပြဿနာကို မဖြေရှင်းနိုင်ရင် Recession ကနေ Depression အထိ ဆုတ်ယုတ် သွားနိုင်ပါတယ်။ အမေရိကန်ကတဆင့် တကမ္ဘာလုံး ပြန့်နှံ့ပြီး တကမ္ဘာလုံး စီးပွားရေးကပ် ဖြစ်နိုင်စရာ အန္တရာယ် ရှိပါတယ်။


ဒီတခါ ကျ မှ ဘာကြောင့် ဒီလောက်အထိ ဒုက္ခတွေ့ရတာလဲ။

ဒီမေးခွန်းကို မဖြေခင် အမေရိကန် အရင်းရှင်စနစ်ရဲ့ အဆောက်အဦ တည်ဆောက်မှုကို နားလည်ရပါမယ်။

အမေရိကန် အရင်းရှင်စနစ်မှာ ယေဘုယျအားဖြင့် အရင်းရှင်စနစ်မှာ အရင်းရှိတဲ့ (ဘဏ်) တွေဟာ ဟိန္ဒူဘာသာက ဗရာမင် (Brahmin) တွေလိုပါပဲ။

ဒီ ဗရာမင်ဆိုတဲ့ စကားလုံးဟာ ဘယ်အထိ အဓိပ္ပာယ် သက်ရောက်တယ် ဆိုတာကို ကျနော်ရဲ့ လက်တွေ့ ကြုံတွေ့မှုတွေနဲ့ ယှဉ်ပြီးတင်ပြပါရစေ။

ဟိန္ဒူဘာသာမှာ ဇာတ်အဆင့် ၅ မျိုး ရှိတယ်။ အမြင့်ဆုံးဇာတ်က ဗရာမင် ဖြစ်ပါတယ်။ ဗရာမင်တွေဟာ (ဇာတ်) သိပ်မြင့်တဲ့အတွက် တခြားသူတဦးက သူတို့စားတဲ့ ပန်းကန်ကို ထိမိရင်တောင် ထမင်း ဆက်မစားတော့ဘူးလို့ ဆိုနိုင်ပါတယ်။

ကျနော့်ဖခင် ဦးကျော်ငြိမ်းဟာ ထိုစဉ်က Asian Socialist အာရှဆိုရှယ်လစ် အဖွဲ့အစည်းကို ကူညီ တည်ထောင်ခဲ့ပါတယ်။ ဆူကာနိုတို့ အင်ဒိုနီးရှားမှာ ဒတ်ခ်ျတွေကို ပုန်ကန်စဉ်က လက်နက်ကိုင် ကူညီခဲ့ရုံမျှမက သခင်သာခင်ကိုပါ လွှတ်ပြီး ကူညီခဲ့ပါတယ်။ နီပေါမှာ ဘုရင်စံနစ်ကို ပုန်ကန်ကြတော့လည်း လက်နက်တွေ အကူအညီ ပေးခဲ့ပါတယ်။ မြန်မာပြည် အစိုးရ အနေနဲ့ ကူညီခဲ့တာပါ။ ဒါကြောင့် အိမ်စောင့်အစိုးရ ခေတ်မှာ နီပေါမှာ အာရှဆိုရှယ်လစ် အစည်းအဝေးလုပ်တော့ အပြန်မှာ ဘုရားဖူးဖို့ ကျနော်တို့ (ကလေး) တွေကိုပါ ခေါ်သွားခဲ့ပါတယ်။ ဘုရားပွင့်ရာ လုမ္ပဏီဥယျာဉ်ဟာ နီပေါနိုင်ငံထဲမှာ ရှိပါတယ်။ ဝန်ကြီးချုပ်ရဲ့ ဧည့်သည်အနေနဲ့ လုမ္ပဏီဥယျာဉ်ရှိရာ ပြည်နယ်အုပ်ချုပ်ရေးမှူး (Governor) က နေ့လည်စာ ဧည့်ခံပါတယ်။ ကျနော်က (ကလေးပီပီ) ဘာမသိညာမသိ၊ အုပ်ချုပ်ရေးမှူးရဲ့ ထမင်းပန်းကန်ကို ထိမိရာ ထမင်းမစားတော့ပါ။ ဗရာမင်ရဲ့ ပန်းကန်ကို နိုင်ငံခြားဧည့်သည်တောင် မထိရပါ။

တခါ ဗုဒ္ဓဂါယာကိုအသွား ဟိန္ဒူဘုရားကျောင်း တခုကို ဝင်ကြည့်ကြပါတယ်။ ဒီဘုရားကျောင်း အတွင်းမှာ အဝိုင်းပုံသဏ္ဍာန် ရေချိုးရာနေရာကိုလည်း တည်ဆောက်ထားပါတယ်။ ရေချိုးဖို့ အဆောက်အဦမှာ (ဇာတ်) အလိုက် အဆင့်ဆင့် တည်ဆောက်ထားပါတယ်။ အမြင့်ဆုံးအဆင့်က ဗရာမင်များ ချိုးပြီး ရေကို ရေမြောင်းကတဆင့် ရေခံပြီးနောက် (ဇာတ်) တွေက ချိုးရပါတယ်။ ဒီလို အဆင့်ဆင့် ရေခံပြီး စီးဆင်းစေရာ အောက်ဆုံးအဆင့် Untouchable အဆင့်ကို ရောက်တဲ့အခါ ရေဟာ ညစ်ပတ်တဲ့ ဆပ်ပြာရေ ဖြစ်နေပါပြီ။ အောက်ဆုံးအဆင့်မှ လူတွေဟာ ဗရာမင်တွေ ဘယ်လို စံစားနေတယ်ဆိုတာ မမြင်ရ (တက်ခွင့်မရှိ) ဆပ်ပြာရေတွေကိုပဲ ကျေကျေနပ်နပ် ချိုးသုံးနေတာကို မြင်ရတဲ့မြင်ကွင်းကို
ဒီကနေ့အထိ မမေ့နိုင်ပါ။ အောက်ဆုံးအဆင့်ကနေ ကြည့်ရင် ဗရာမင်တွေဟာ တိမ်ညွန့်ခူးစားနေတဲ့ နတ်ဘုံ၊ နတ်နန်းက သူတွေနဲ့ တူပါတယ်။ ဝေးလွန်းတဲ့ အမြင့်ဘုံမှ (ဇာတ်) မြင့်တွေ ဖြစ်တယ်။ အမေရိကန် အရင်းရှင်စနစ်တွင် (ဇာတ်) လို လူတန်းစား အတိအကျ မခွဲထားပေမယ့် ငွေကြေး ပိုင်ဆိုင်မှု ပမာဏပေါ် မူတည်ပြီး အဆင့်အတန်း ကွဲတယ်လို့ ဆိုနိုင်ပါတယ်။ အောက်ဆုံးအဆင့် လခစား (သို့) နေ့စားလုပ်သားတွေဟာ နေ့ဒဓူဝ အလုပ်ဝင်၊ အလုပ်ထွက် လခ (သို့) နေ့စားရကြတယ်။ အမြင့်ဆုံးအဆင့် လူချမ်းသာ (ဗရာမင်) တွေက ငွေပုံပေါ်ထိုင်ပြီး ငွေရှာကြတာကို မမြင်ရ မသိနိုင်ပါ။ ဒါကြောင့် Main Street က လူတွေက Wall Street က လူတွေကို ငေးမျှော် ကြည့်ကြရတယ်။ ခွဲခြားမှု (ဇာတ်) ဆိုတာ ဘယ်စံနစ်မှာမဆို ကောင်းကျိုးမပေးပါဖူး။

အရင်းရှင်စနစ်မှာ အရေးပါတဲ့ လုပ်ဆောင်ချက် (သို့) ခံယူချက်တခု ရှိပါသေးတယ်။ ကျနော် အင်းစိန်မှာ နေခဲ့စဉ် အတွေ့အကြုံလေးနဲ့ ယှဉ်ပြီး တင်ပြပါရစေ။ အင်းစိန်ထောင်မှာ ကျင့်သုံးတဲ့ လုပ်ငန်းစဉ် (သို့) စံနစ်တခု ရှိပါတယ်။ လူသတ်မှု၊ ဓားပြမှု စတာတွေနဲ့ ထောင်ကျလာသူတွေကို (နှစ်ကြီးသမား) တွေလို့ ခေါ်တယ်။ ရာဇဝတ်မှုနဲ့ ထောင်ကျလာသူတွေဟာ ထောင်တွင်း စားသုံးဖို့အတွက် မြေယာစိုက်တဲ့ အလုပ်တွေကို စေခိုင်းခံရတယ်။ နှစ်ကြီးသမားတွေကို (လုံချည်အပြာ) ထုတ်ပေးကာ ခွဲခြားထားတာကြောင့် (လုံချည်ပြာ) လို့ ခေါ်ဆိုညွှန်းလေ့ ရှိပါတယ်။

ရာဇဝတ် အကျဉ်းသားတိုင်း ထောင်စည်းကမ်းအရ ၂ ပတ် တခါ မိသားစုနဲ့ တွေ့ခွင့် ရကြပါတယ်။ ဒါကို (ထောင်ဝင်စာ) တွေ့တယ်လို့ ခေါ်ပါတယ်။ အကျဉ်းသား အများစုရဲ့ ဇနီး၊ သားမယား၊ ဆွေမျိုး၊ မောင်နှမ၊ မိသားစု အများစုက မရှိမဲ့ ရှိမဲ့ ငွေကလေးနဲ့ ငါးပိကြော်၊ ဆေးလိပ်၊ ဆေးပေါ့လိပ်လေးတွေနဲ့ ၂ ပတ် တခါ တွေ့ကြရပါတယ်။ ထောင်ထဲမှာ တရားဝင် ငွေကိုင်ခွင့် မရှိပါ၊ ဒါကြောင့် ဆေးလိပ် (ဝါ) ဆေးပေါ့လိပ်ဟာ ငွေ ဖြစ်လာတယ်။ ရာဇဝတ် အကျဉ်းသားတွေဟာ မိမိတို့ ရလာတဲ့ ထောင်ဝင်စာတွေထဲက ကောင်းနိုးရာရာ အစားအစာတွေ၊ ဆေးလိပ်တွေနဲ့ လုံချည်ပြာတွေကို ပူဇော်ပါမှ နေပူထဲတွင် လုံချည်ပြာတွေရဲ့ မတရားမောင်းနှင် စေခိုင်းတဲ့ဒဏ်ကနေ သက်သာရာရပါတယ်။ ထောင်ဝင်စာ မတွေ့နိုင်သူ၊ ခိုကိုးရာမဲ့နေသူ အကျဉ်းသားတွေအဖို့တော့ တရိစ္ဆာန်တကောင်အလား အမောင်းခံရဖို့ပဲ ရှိပါတော့တယ်။ အကျဉ်းသား တယောက်ကို မြိုးမြိုးမြက်မြက်လေး ခေါင်းပုံဖြတ်ပြီးတဲ့ လုံချည်ပြာ တယောက်ဟာ အဲဒီအကျဉ်းသားကို လက်ညှိးထိုးပြီး တခြား လုံချည်ပြာ တယောက်ကို ဆေးပေါ့လိပ် ၁ဝဝ၊ ၂ဝဝ၊ ၃ဝဝ စသည်ဖြင့် လက်လွှဲရောင်းစားလေ့ ရှိပါတယ်။ အကျဉ်းသား မှန်မှန် လက်ခံရရှိတဲ့ ပမာဏ ထောင်ဝင်စာပေါ် မူတည်ပြီး ဈေးသတ်မှတ်ကြတယ်။

ဤထောင်တွင်းစနစ်ဟာ လူလူချင်း ခေါင်းပုံဖြတ်တဲ့ စံနစ်ဖြစ်တယ်။ ဒီစံနစ်မှာ (ဝင်ငွေ) ဟာ ထောင်ဝင်စာပမာဏ ဖြစ်တယ်။

အရင်းရှင်စနစ်ဟာ ငွေသားအပေါ်မှာ ခေါင်းပုံဖြတ်ခြင်း ဖြစ်တယ်။ ထောင်ထဲမှာ အကျဉ်းသား တယောက်ဟာ သူ မသိဘဲ လုံချည်ပြာတယောက်က နောက် လုံချည်ပြာတယောက်ကို ဆေးပေါ့လိပ်နဲ့ တန်ဖိုးဖြတ်ပြီး အရောင်းစားခံရသလိုမျိုး အရင်းရှင်စနစ်မှာ (Loan) လို့ ခေါ်တဲ့ ငွေချေးစာချုပ်ကို အရင်းရှင်တယောက်ကနေ နောက်အရင်းရှင် တယောက်ဆီကို လက်လွှဲရောင်းခံရပါတယ်။ ဥပမာ - ကျနော်က အိမ်ဝယ်ဖို့ အမေရိကန်ဒေါ်လာ ၂ သိန်း ချေးပြီး တလမှာ ၂ဝဝဝ ပေးဆပ်ရတယ် ဆိုပါစို့။ ကျနော့်ကို ချေးတဲ့ ABC ဘဏ်က နောက်ဘဏ်တခုကို (ကျနော်သိစရာ မလိုဘဲ) ရောင်းစားလိုက်ပါမယ်။ အဲဒီဘဏ်က ကျနော်တို့လိုပဲ Loans တွေကို ပေါင်းစပ်ပြီး၊ တခါ MBS (Mortage Back Securities) အဖြစ် ရောင်းစားလိုက်ပါမယ်။ နောက်တဆင့် ပိုပြီး အရင်းရှိသူက MBSတွေကို တခြား Securities Bonds တွေနဲ့ ရောပြီး နောက်တဆင့် ရောင်းစားပြန်ပါတယ်။ အခုလို အဆင့်ဆင့် ရောင်းစားခံရတာကို အောက်ဆုံးအဆင့် ငွေချေးသူ (ကျနော်) က ဘာမှ မသိလိုက်ရပါ။ ဒါကြောင့် အမေရိကန် အရင်းရှင်စနစ်ကို ဟိန္ဒူ (ဇာတ်) နဲ့ နှိုင်းပြီး ဥပမာ ပေးရတာ ဖြစ်ပါတယ်။ (မှတ်ချက်။ MBS နဲ့ တခြား အခေါ်အဝေါ်တွေကို ရှေ့မှာ ရှင်းပြပါမယ်။)

အရင်းရှင်စနစ်မှာ ငွေရှိသူ၊ ငွေရင်းသူတွေဟာ ဗရာမင်တွေလို ထိပ်ဆုံးအဆင့်မှာ ရှိတာကြောင့် Banker လို့ ခေါ်တဲ့ ဘဏ်လုပ်ငန်းရှင် (သို့) ဘဏ်ထိပ်ကဲတွေဟာ အရင်းရှင်စနစ်မှာ သြဇာ အကြီးမားဆုံးလို့ ဆိုနိုင်ပါတယ်။ အရင်းရှင်စနစ်မှာ ဘဏ် နှစ်မျိုးနှစ်စား ရှိပြန်တယ်။ Commercial Bank လို့ ခေါ်တဲ့ ပြည်သူတွေနဲ့ အလုပ်လုပ်တဲ့ ဘဏ်နဲ့ Investment Bank လို့ ခေါ်တဲ့ အရင်းပြုဘဏ်ဆိုပြီး ဖြစ်တယ်။ ဘဏ်စနစ်ရဲ့ အခြေခံက (လူတွေ) Customers တွေက ဘဏ်မှာ ငွေအပ်နှံကြပါတယ်။ ဘဏ်က အတိုးနဲနဲပေးပြီး ငွေပေးယူခ ဝန်ဆောင်ခ Service Fees စားပါတယ်။ ဒီစုငွေတွေကို စုပေါင်းပြီး ဘဏ်က လုပ်ငန်းရှင် Business People တွေကို အတိုးနဲ့ ငွေချေးပါတယ်။ ဘဏ် အကြီးအသေးပေါ် မူတည်ပြီး Community Bank ရက်ကွက်ဘဏ်၊ Regional Bank ဒေသပြည်နယ်ဘဏ်၊ National Bank
တပြည်လုံးဆိုင်ရာဘဏ်၊ International Bank အပြည်ပြည်ဆိုင်ရာ ဘဏ်ဆိုပြီး ကြီးစဉ်ငယ်လိုက် တည်ရှိကြပါတယ်။ ဒီဘဏ်တွေဟာ ပြည်သူတွေရဲ့ ငွေတွေကို လက်ခံပြီး ငွေလည်ပတ်မှု လုပ်တာကြောင့် အစိုးရက ထိန်းကွပ်မှု (Regulation) အတိုင်း လိုက်နာရပါတယ်။ အရမ်းကာရော နားလည်မှုနဲ့ ချေးရင် ရှုံးပြီး ဒုက္ခ မရောက်ရအောင်ပါ။

ဘဏ်မှာ ငွေစာရင်း ဖွင့်သူတိုင်းအတွက် အမေရိကန်ဒေါ်လာ တသိန်းကို အစိုးရ အဖွဲ့အစည်း FDIC က အာမခံ ပေးထားပါတယ်။ ဘဏ်တခု ဒုက္ခရောက်မယ် ထင်ရင် FDIC က ဝင်ပြီး ဘဏ်ကို ထိန်းကွပ် ရောင်းပစ်နိုင်ပါတယ်။ ပြည်သူတွေဆီက Deposit ငွေ လက်ခံပြီး ချေးတာ ဘဏ်တွေရဲ့ တစိတ်တပိုင်းပဲ ရှိတယ်။ ဒီပြည်သူတွေဆီက Deposit လက်ခံပြီး ငွေချေးတဲ့ ဘဏ်တွေကို Commercial Bank လို့ ခေါ်ပါတယ်။

လက်လုပ်လက်စား၊ လခစား ပြည်သူတွေနဲ့ ထိတွေ့မှု လုံးဝ မရှိတဲ့ ဘဏ်တမျိုး ရှိပါသေးတယ်။ ဒီဘဏ်တွေကို Investment Bank ငွေရင်းရှာဘဏ်လို့ ခေါ်ပါတယ်။ ၁၉၂၄ ခုနှစ် ဥပဒေအရ Investment Bank နဲ့ Commercial Bank တို့ကို ပေးမရောပါ။ ၁၉၉၉ ခုနှစ် သမ္မတ ကလင်တန် လက်ထက်မှာ ဥပဒေအသစ်အရ ဒီဘဏ် ၂ မျိုး ရောခွင့်ရသွားပါတယ်။ ဒီကနေ့ ပြဿနာ ကြီးမားရခြင်းမှာ ဒီဘဏ် ၂ မျိုး ရောခွင့်ရလို့ ပိုမိုရှုပ်ထွေးကုန်ခြင်း ဖြစ်တယ်။

Investment Bank ဆိုသည်မှာ ငွေရင်းကို ရှာပေးသောဘဏ် ဖြစ်သည်။ ငွေရင်းကို ဘယ်ကရှာရမှာလဲ။

အရင်းရှင် ဗရာမင်တွေ ရဲလောကမှာ ထိပ်ဆုံးမှ အချမ်းသာဆုံး ပုဂ္ဂိုလ် (သို့) မဏ္ဍိုင်တွေမှာ -
၁။ Independently Wealthy (အမှီအခိုမရှိ တသီးတခြား ချမ်းသာသူတွေ)

၂။ Pension Funds & Mutual Funds (ပင်စင်ငွေစုတွေနဲ့ အများစု ငွေစုတွေ)

၃။ Insurance Companies (အာမခံ ကုမ္ပဏီကြီးတွေ) ဖြစ်တယ်။

ကျနော်တို့ မြန်မာနိုင်ငံတွင် ငွေ ရှိလာပါက ရွှေ၊ စိန်၊ ကား၊ တိုက် ဝယ်ပြီး ငွေများကို ပိုက်ထားကာ အတိုးပေးစားတာလောက်ပဲ ရှိကြပါသည်။ မိမိ၌ ရှိပြီးသား ငွေများမှ ငွေထပ်ပေါ်ရန် လမ်းကြောင်း သိပ်မရှိလှပါ။ အရင်းရှင်စနစ်တွင် ငွေရှိရင် ဒီငွေမှ ငွေထပ်ပေါ်အောင် (ရင်းနှီး) Investment လမ်းကြောင်းတွေ ရှိကြပါတယ်။ ဒါကြောင့် ကျိကျိတက် ချမ်းသာလာကြတဲ့ ဘီလ်ဂိတ်၊ ရော်ကီဖဲလား၊ ကနေဒီ၊ ဂျေပီမော်ဂန်တို့လို ပုဂ္ဂိုလ်တွေဟာ Trust Fund တွေ ထောင်ပြီး Professional Money Managers လို့ ခေါ်တဲ့ ကြေးစား ငွေကြေးစီမံခန့်ခွဲမှု မန်နေဂျာတွေကို လွှဲထားကြပါတယ်။ အင်တာနက် တဟုန်ထိုးတက်ချိန် Internet Boom၊ အခုအခါ အိမ်ယာမြေ တဟုန်ထိုးတက်ချိန် Housing Boom တွေမှာ ချမ်းသာလာကြတဲ့ ခေတ်သစ် သူဋ္ဌေးတွေကလည်း Money Manager တွေကိုပင် အပ်နှံပြီး အရင်းရှာ၊ ငွေရှာ (Invest) လုပ်ကြပါတယ်။

အရင်ခေတ်တွေက အလုပ်သမားတယောက်ရဲ့ လုပ်သက်တလျှောက် နောင်မှာ ပင်စင်ယူနိုင်ဖို့ လစဉ်မှန်မှန် လခကနေ ဖြတ်ပြီး ငွေစု ကြရပါတယ်။ ကုမ္ပဏီကြီးတွေကသော် လည်းကောင်း၊ အစိုးရ အလုပ်သမားဖြစ်ရင် အစိုးရ ကသော်လည်းကောင်း၊ အချိုးကျ လုပ်သားတဦးစီ ပင်စင်အတွက် လစဉ်မှန်မှန် ထပ်ဖြည့်ဆည်းပေးရပါတယ်။ ဒီအလုပ်သမားတွေကို ကိုယ်စားပြုတဲ့ အလုပ်သမား Professional Money Manager တွေကို ငှားပြီး ရင်းနှီးကာ ငွေတိုးပွားအောင် လုပ်ဆောင်ကြရပါတယ်။

အခုနောက်ပိုင်း ခေတ်တွေမှာ ပင်စင်အစား 401 (k) လို့ ခေါ်တဲ့ စုငွေနည်းစနစ်အသစ် ပေါ်လာပါတယ်။ အရင်စံနစ်အရ အလုပ်သမားတယောက်ဟာ ကြိုက်သည်ဖြစ်စေ၊ မကြိုက်သည်ဖြစ်စေ မိမိရဲ့စုငွေဟာ မိမိနဲ့ဆိုင်ရာ ပင်စင်စုဆောင်းရာ Pension Funds ကိုပဲ ပေးသွင်းရပါတယ်။ 401 (k) စနစ်မှာ အလုပ်သမား တယောက်ဟာ မိမိကျေနပ်ရာ Mutual Funds ကို ရွေးချယ်နိုင်ခွင့် ရှိပါတယ်။ Mutual Funds ဆိုတာ ရင်းနှီးမှုကို ကျွမ်းကျင်တဲ့ Investment Bank အရင်းအနှီး ဘဏ်တွေက ဖွဲ့စည်းထားတဲ့ ငွေစုအဖွဲ့တွေ ဖြစ်တယ်။ Mutual Funds တွေက သုံးလ တကြိမ် မိမိတို့ရဲ့ ငွေကြေးပမာဏ တိုးတက်မှု၊ ဆုတ်ယုတ်မှု အစီရင်ခံစာတွေကို ထုတ်ဝေရပါတယ်။ တချို့က Mutual Funds တွေက မစွန့်စား၊
အမြတ်နည်းနည်းနဲ့ ပုံမှန် တိုးတက်မှုကို ရည်စူးတယ်။ တချို့က စွန့်စွန့်စားစား ရင်းရဲတယ်။ အမြတ် များနိုင်သလို ရှုံးလည်း ရှုံးနိုင်တယ်။ တချို့က အာရှနိုင်ငံတွေ (ဥပမာ တရုတ်ပြည်ကြီး) မှ ကုမ္ပဏီတွေမှာ ရင်းနှီးမယ် စသည်ဖြင့် ခွဲခြား၊ ထူးခြားမှုလေးတွေ ရှိပါတယ်။ မိမိကုမ္ပဏီ (သို့) အစိုးရနဲ့ နားလည်မှုရှိတဲ့ Mutual Funds တွေကနေ ကြိုက်ရာကို ရွေးချယ်နိုင်ပါတယ်။

အာမခံ ကုမ္ပဏီတွေဟာ ခေတ်အဆက်ဆက် အာမခံငွေတွေကို ရင်းနှီးခဲ့ကြတာကြောင့် အရင်းအနှီး ရှိပြီးတဲ့ ငွေပုံပေါ် ထိုင်နေသူတွေ ဖြစ်ကြတာကြောင့် ငွေရှိကြပါတယ်။

ဒီလို ငွေရှိသူတွေကနေ အရင်းအနှီး ရှာပေးတဲ့ ဈေးကွက်ကို ငွေကြေး အရင်းအနှီး ဈေးကွက် Capital Market လို့ ခေါ်ပါတယ်။ နယူးရောက်မြို့ ဝေါ်လ်စထရိနဲ့ လန်ဒန် ငွေကြေးဈေးကွက် London Financial Market ဟာ ငွေရင်းဈေးကွက်မှာ ထိပ်က ပြေးနေကြပါတယ်။


Stocks & Bonds ဆိုတာ ဘာလဲ။

ရင်းနှီးမြှုပ်နှံမှု ပြုမယ်ဆိုရင် Stocks & Bonds တွေကို နားလည်လို့ မရပါ။


Stock ဆိုတာ ဘာလဲ။။

ကျနော်က စီးပွားရေး လုပ်ချင်တယ် ဆိုပါစို့။ လွယ်လွယ်ကူကူ ပလပ်စတစ်အိတ်တွေ ထုတ်တဲ့ လုပ်ငန်းလုပ်ချင်တယ် ဆိုပါစို့။ လွယ်လွယ် တွေးနိုင်အောင် ချမ်းသာတဲ့မိတ်ဆွေ သော်လည်းကောင်း ဘဏ်ကသော် လည်းကောင်း ငွေ ၅ သိန်းကို သုံးရစ်ထုတ် ချေးပြီး စက်ရုံတည်တယ် ဆိုပါစို့။ တနှစ်၊ တနှစ်ခွဲ အကြာမှာ ကျနော့်ဆီက ဝယ်မယ့်သူ အယောက် ၂ဝ လောက် ဖြစ်လာလို့ နောက်ထပ် Customer ၁ဝ ယောက်လောက် အလားအလာ ရှိနေပြီ။ ပြိုင်ဘက်တွေထက် သာဖို့ စက်အသစ်တွေ ဝယ်ရမယ်။ ပစ္စည်းသစ်တွေ ထုတ်ရမယ်၊ အရောင်းသမားတွေ ထပ်ငှားရမယ်၊ စက်လည်မယ့်သူ အင်ဂျင်နီယာ အသစ်တွေ ထပ်ငှားရမယ်၊ အလားအလာလည်း ကောင်းနေပြီ၊ ငွေတသန်းခွဲ ထပ်လိုတယ် ဆိုပါတော့။ ဘဏ်က အတိုးများတယ်၊ သူငယ်ချင်းကလည်း ငွေ မပိုတော့ဘူး၊ ဘာလုပ်မလဲ။ အရင်းရှင်စနစ်မှာ ဆိုရင် မိမိရဲ့ ပိုင်ဆိုင်မှုကို မျှဝေပြီး ငွေဖော်နိုင်၊ ရောင်းနိုင်ပါတယ်။ မိမိရဲ့ လုပ်ငန်း ငွေ အဝင်အထွက်၊ အင်အား၊ အလားအလာကို ကြည့်ပြီး Investment Banker တွေက ဈေးကွက်ကိုကြည့်ပြီး ဈေးသတ်မှတ် ပေးလိမ့်မယ်။ လွယ်လွယ်နဲ့ နားလည်အောင် ပြောရရင် ဒီ Investment Bank ကပဲ ဦးစီးပြီး Stock တွေကို ဖော်ထုတ် ရောင်းပေးပါလိမ့်မယ်။ ဒါကို Stock offering လို့ ခေါ်ပါတယ်။ ပထမဆုံး Stock စရောင်းတာကို IPO (Initial Public offering) လို့ ခေါ်ပါတယ်။ ဈေးသိပ်ကြီးရင် လူမဝယ်ဘူး။ ဈေးသိပ်နိမ့်ရင်လည်း ကိုယ်နာတယ်။ ဒါကြောင့် ဒါတွေဟာ ပညာသား ပါလှတယ်။

တကယ်လို့ မိမိရဲ့ စတော့ (Stock) တခုကို ၁၅ ဒေါ်လာနဲ့ ရောင်းမယ်။ Stock ပေါင်း တသိန်း ထုတ်မယ်ဆိုရင် လိုတဲ့ ငွေ တသန်းခွဲ ရပြီမို့ လုပ်ငန်း ပိုမို တိုးချဲ့နိုင်ပြီပေါ့။ Stock ဝယ်တဲ့ သူကတော့ စွန့်စားမှု ရှိတယ်ပေါ့။ ဒီကုမ္ပဏီ အောင်မြင်ရင် မိမိဝယ်ရင်းလိုက်တဲ့ စတော့တွေက ဈေးတက်ရင် မြတ်ပြီ၊ မအောင်မြင်ရင် ရှုံးပြီပေါ့။ Stock ဝယ်ရင်ကုမ္ပဏီရဲ့ တစိတ်တဒေသကို ဝယ်ယူတာနဲ့ အတူတူပါပဲ။


Bond ဆိုတာဘာလဲ။

Bond ဆိုတာက အာမခံနဲ့ ငွေချေး စာချုပ်တာပါပဲ၊ အစိုးရကဖြစ်စေ၊ ကုမ္ပဏီတခုက ဖြစ်စေ ငွေလိုတဲ့အခါ စာချုပ် ထုတ်ပြီး အများလူထုဆီက ငွေချေးခြင်းပါပဲ၊ ဥပမာ ဗာဂျီးနီးယား ပြည်နယ်အုပ်ချုပ်ရေးမှူး က တံတားတခု ဆောက်လိုတယ်။ ဒေါ်လာ ၁ဝ သန်း ကုန်မယ်၊ အဲဒီအတွက် ဗာဂျီးနီးယား အစိုးရက အများလူထုကို စာချုပ် ထုတ်ရောင်းနိုင်ပါတယ်။ ဘွန်းစာချုပ်တွေမှာ ရေတို - တနှစ်အတွင်း ပြန်ဆပ်ရတာ။ အလယ်အလတ် - ၁ဝ နှစ်ပြည့်မှ ပြန်ဆပ်ရတာ။ ရေရှည် - ၁ဝ နှစ် အထက်မှာ ဆပ်ရတာတွေ ရှိပါတယ်။ ကူပွန် Coupon ဆိုတာက စာချုပ်ရဲ့ အတိုးနှုန်းပါ။ အကြမ်းအားဖြင့် စာချုပ် တခုကို ဒေါ်လာ တထောင်တန်လေ့ ရှိတယ်။ အမေရိကားမှ တနှစ်မှာ နှစ်ကြိမ် အတိုးပေးပြီး၊ ဥရောပမှာတော့ တနှစ်မှာ တကြိမ်ဘဲ ပေးလေ့ရှိတယ်။

ဒီ Stocks & Bonds တွေကို Securities လို့ ခေါ်ပါတယ်။ ဒီနေရာမှာ သတိပြုစေချင်တာက စာချုပ်ဟာ အတိုးပဲ စားရပါတယ်။ စတော့ ကတော့ ပိုင်ဆိုင်မှု ဖြစ်တာကြောင့် ရှုံးနိုင်၊ မြတ်နိုင်ပါတယ်။ ကျနော် Cisco မှာ လုပ်ခဲ့စဉ်က Cisco Stocks တွေဟာ ၈ လတိုင်းမှာ ၂ ဆ ဖြစ်သွားပါတယ်။ ပြုတ်ကျတော့ ဝုန်းဆို ၁ဝဝ ကနေ ၁ဝ ဖြစ်သွားတယ်။ စာချုပ် တွေမှာ ရှုပ်ထွေးတဲ့ စာချုပ် တွေ ရှိပါသေးတယ်။ ဒီနေရာမှာ သိသင့်တာကတော့ Assets Back Securities ဆိုတာက တခြားကဝင်တဲ့ ဝင်ငွေအပေါ် မူတည်ပြီး အရင်းနဲ့ အတိုးကိုပေးတဲ့ စာချုပ်ကို ဆိုလိုတာပါ။ ဥပမာ ရှေ့မှာ ရေးခဲ့တဲ့ အိမ်ကို ဝယ်ဖို့ဆိုရင် ABC ကုမ္ပဏီက ငွေ တသိန်း ချေးတယ်။ ဒီချေးငွေတွေကို ABC က Freddie Mac (သို့မဟုတ်) ဘဏ် XYZ ကို ရောင်းလိုက်ပါတယ်။ ဘဏ် XYZ က ဒီလို ချေးငွေပေါင်း ၁ဝဝ ကို မှီပြီး စာချုပ် ပြန်ရောင်းရင် ဒီ စာချုပ်ဟာ အိမ်ကို မှီပြီး ထုတ်တာကြောင့် Mortgage Back Securities (MBS) လို့ ခေါ်ပါတယ်။ MBS အပြင် ကျန် Securities တွေလည်း ရှိပါသေးတယ်။ ထို့နည်းတူစွာပဲ ကျနော်တို့ရဲ့ ကားကြွေး၊ ဗီဇာကဒ်၊ မာစတာကဒ် အကြွေးတွေကို မှီပြီး တခြား Securities အဖြစ် Public အများလူထုကို ပြန်ရောင်းနိုင်ပါသေးတယ်။

အင်းစိန်ထောင်မှာ လုံချည်ပြာက ထောင်ဝင်စာပေါ် မူတည်ပြီး အကျဉ်းသားကို လုံချည်ပြာ အချင်းချင်း ဆေးလိပ်နဲ့ ရောင်းစားတယ်။ ကျနော်တို့ရဲ့ ချေးငွေ Loans က ရတဲ့ ဝင်ငွေနဲ့ အမြတ်ပေါ် မူတည်ပြီး ဘဏ်တွေက အချင်းချင်း ပြန်ရောင်းစားခြင်းပါပဲ။ ဒါကြောင့် အဆင့်ဆင့် အမြတ်ထုတ်ကြတာကြောင့် ဟိန္ဒူဘာသာက ဇာတ်တွေအတိုင်း အဆင့်ဆင့် ရှိကြပါတယ်။

ပြဿနာပေါ်လာပြီဟေ့။

အခု လက်ရှိ ပြဿနာတွေဟာ MBS က အရင်း တည်လာတာပါ။ သပွတ်အူလို ရှုပ်ထွေးတာတွေကို နောက်ဆုံး အပိုင်း (၃) မှာ ဆက်ရှုပါ။


ဘိုဘိုကျော်ငြိမ်း