Thursday, October 9, 2008

ဒီပဲယင်းနိုင်ငံရေး လုပ်ကြံ တိုက်ခိုက်မှု ထပ်မံ စုံစမ်း တွေ့ရှိချက်များ

ဒီပဲယင်း လုပ်ကြံမှု အရေးယူ ဆောင်႟ရွက်ရေး ကော်မရှင် ဒုတိယ အကြိမ် ပဏမ အစီရင်ခံစာ

အမျိူးသား ဒီမိုကရေစီ အဖွဲ့ချူပ်အား နအဖ စစ်အုပ်စု၏ တိုက်ခိုက် ချေမှုန်းမှုများ အကျဉ်း

ဗိုလ်သန်းေ႟ရွှ လမ်းစဉ်ကိုေ႟ရွးမလား၊ ဒေါ်အောင်ဆန်းစုကြည် လမ်းစဉ်ကိုေ႟ရွးမလား

မြန်မာနိုင်ငံတ၀န်းလုံးရှိတိုင်းရင်းသားပြည်သူများသို့Generation Wave (မျိုးဆက်သစ်လူငယ်များ အစည်းအရုံး)၏ နှစ်ပတ်လည်အစီရင်ခံစာ

မွန်အမျိုးသားတိုိ့၏နောက်ခံသမိုင်း

အခန်း (၅)
ဗြိတိသျှဆန့်ကျင်ရေး မွန်အမျိုးသားတို့၏အခန်း

ဗြိတိသျှနယ်ချဲ့သမားသည် ဧကရာဇ် မြန်မာနိုင်ငံအားလုံးကို၊ ၁၈၈၅ ခုနှစ်တွင် တိုက်ရိုက်သိမ်းပိုက်လိုက်သည်၊ မြန်မာနိုင်ငံတွင် မှီတင်းနေထိုင်ကြသော တိုင်းရင်းသားအားလုံး ဗြိတိသျှ နယ်ချဲ့သမားလက်အောက်သို့ ရောက်ရှိသွားသည်၊ မွန်အမျိုးသားတို့သည် ပထမတွင် ပဒေရာဇ် ဖိနှိပ်ရေးအသွင်ထက် သာသော အရင်းရှင်နယ်ချဲ့ ဖိနှိပ်ရေးအသွင်အောက်တွင် သက်သာသလို ရှိသည်၊ ပဒေသရာဇ်ခေတ်၏ ဒဏ်ရာ ဒဏ်ချက်ကြောင့် မိမိလူမျိုးသည် မွန်လူမျိုးဟု ပြောရန်ပင် အများစုက ကြောက်ရွံ့နေကြသည်၊ မိမိမွန်စကားကို မိမိတို့ရပ်ရွာ မိသားစုများကြားတွင်သာ ပြောကြသည်။ မြို့ရွာများတွင်၎င်း၊ လူစုလူဝေးနေရာ များတွင်၎င်း ပြောဆိုရန် ဝန်လေးကြသည်၊ ကြောက်ရွံ့ကြသည်၊ စီးပွားရေးအရလည်း မွန်များသည် လယ်သမားများပီပီ၊ လယ်ယာလုပ်ငန်းကိုသာ လုပ်ကြသည်၊ အရင်းရှင်စနစ်အရ ပထမတွင် လွတ်လပ်စွာ ရောင်ဝယ်ရခြင်းကြောင့်၎င်း၊ အကျိုးရရှိခဲ့သော်လည်း နောက်ပိုင်းတွင် အရင်းရှင်စနစ်၏ ကျင့်သုံးချက်အတိုင်း ကုန်ကြမ်းကို ဈေးပေါပေါ ရရှိရန်၊ မြန်မာနိုင်ငံ ထွက်ကုန်ကြမ်းများ ဖြစ်သော ဆန်၊ စပါး၊ ရေနံ၊ သစ်၊ သတ္တုများကို ကုမ္မဏီကြီးများဖွင့်ကာ ဈေးနှိမ်ဝယ်ယူခဲ့သည်၊ အရင်းရှင်နိုင်ငံ ထွက်ပစ္စည်းများ၊ အင်္ဂလိပ် လုပ်ပစ္စည်း ကုန်ချောများကို အမြတ်များများ ရရန် ဈေးကြီးကြီးနှင့် ရောင်းသည်၊ မြန်မာနိုင်ငံအတွင်းသို့ အိန္ဒိယမှ မိမိတို့၏ လက်ဝေခံ ချစ်တီးများကို ခေါ်သွင်းလာပြီး လယ်သမားပေါ်တွင် သွေးစုတ်စေသည်၊ လယ်သမားများသည် ၎င်းစီးပွားရေးဒဏ်ကို ခံရသည်၊ မွန်တို့အများစုမှာ လယ်သမားဖြစ်၍ ၎င်းဒဏ်ကို ခံရသည်။

ဗြိတိသျှ နယ်ချဲ့အောက်သို့ မွန်ဒေသသည် ပထမဆုံးရောက်ရှိခဲ့သဖြင့် မွန်အချို့မှာ အရင်းရှင်ကိုယ်စားလှယ် အဖြစ် ကူးသန်းရောင်းဝယ်ရေးများ လုပ်လာကြသည်၊ ချမ်းသာသော လယ်သမားစုများမှ လယ်သမား သားသမီးများသည် ဗြိတိသျှဖွင့်လှစ်သော အင်္ဂလိပ်ကျောင်းများတွင် နေကြ၍ အင်္ဂလိပ်စာသည် အဓိက ဘာသာ ဖြစ်လာ၍ ၎င်းဘာသာကို တတ်ကြသည်၊ အများစုမှာ ဗြိတိသျှအစိုးထံတွင် အမှုထမ်းကြသည်၊ အင်္ဂလိပ်စာကို သင်ယူရ၍ ဗဟုသုတကြွယ်ဝလာပြီး နယ်ချဲ့ဗြိတိသျှဖိနှိပ်မှုကို သိသထက်သိလာ၍ နယ်ချဲ့သမားအား ဆန့်ကျင်ရန် တိုင်းရင်းသားများနှင့် ပူးတွဲ လုပ်ဆောင်လာကြသည်၊ ထိုသို့ လုပ်ဆောင်ရန် တာစူလှုပ်ရှားနေစဉ် ပထမကမ္ဘာစစ်ကြီးအတွင်း ၁၉၁၇ ခုနှစ် နိုဝင်ဘာလ ၇ ရက်တွင် ပေါ်ပေါက်ခဲ့သော ရုရှားတော်လှန်ရေးသည် ကမ္ဘာကြီးကို ကိုင်လှုပ်လိုက်သည်၊ အရင်းရှင်စနစ်၊ ပဒေသရာဇ်စနစ်ကို ဖျက်သိမ်းပြီး၊ လူလူချင်း ခေါင်းပုံဖြတ်ခြင်း၊ လူမျိုးတမျိုးနှင့်တမျိုး ဖိနှိပ်မူ ကင်းသော ဆိုရှယ်လစ်စနစ်ကို တည်ဆောက်ခြင်း ဖြစ်သည်၊ ၎င်းဂယက်သည် မြန်မာနိုင်ငံသို့လည်း ရိုက်ခတ်ခဲ့သဖြင့် လူမျိုးချင်း ဖိနှိပ်မှုကင်းသော လွတ်လပ်သော မြန်မာနိုင်ငံကို ပြန်လည်တည်ဆောက်ရန် အားဖြည့်ပေးခဲ့သည်။

မြန်မာနိုင်ငံသည် အမျိုးသားလှုပ်ရှားမှုအဖြစ် ၁၉၀၆ ခုနှစ်လောက်တွင် အမျိုးဘာသာ၊ သာသနာကို အရင်းခံသော ဝိုင်-အမ်-စီ-အေ (ခရစ်ယာန်ကလျာဏယုဝအသင်း) ကဲ့သို့သော ဝိုင်-အမ်-စီ-အေ (ဗုဒ္ဓကလျာဏယုဝအသင်း) ကို တည်ထောင်သည်၊ များမကြာမီ ဝိုင်-အမ်-စီ-အေ မျိုးချစ်ပုဂ္ဂိုလ်များသည် စုစည်း၍ ဂျီ-စီ-ဘီ-အေ ခေါ် မြန်မာအသင်းချုပ်ကို တည်ထောင်ပြီး အမျိုးသားလွတ်မြောက်ရေးတာဝန်ကို စတင်ထမ်းဆောင်လာသည်။

ထို ဂျီ-စီ-ဘီ-အေ အဖွဲ့ချုပ်တွင် ခေါင်းဆောင်အဖြစ် မွန်အမျိုးသားဖြစ်သော ဦးချစ်လှိုင်မှာ ထင်ရှားသော မျိုးချစ်ခေါင်းဆောင်တဦး ဖြစ်သည်၊ မွန်အမျိုးသားများသည်လည်း ဂျီ-စီ-ဘီ-အေ တွင် မြို့နယ်၊ တိုက်နယ် ကျေးရွာအလိုက် တာဝန်ယူခဲ့ကြသည်။

၁၉၂၀ ခုနှစ်တွင် သမိုင်းဝင် အမျိုးသားနေ့အဖြစ် တည်ရှိနေသော တက္ကသိုလ်ကျောင်းသားသပိတ်တွင်လည်း မွန်အမျိုးသားများသည် တိုင်းရင်းသားများနှင့်အတူ ရှေ့တန်းမှ ပါဝင်ခဲ့သည်၊ ၎င်းတို့မှာ ဆရာကြီး ဦးသာဒင် (ပဲခူး)၊ ဦးလူဖေဝင်း၊ ဦးချစ်သောင်းတို့ ဖြစ်သည်။ မထင်ရှားသော မွန်အမျိုးသားသည် တက်ကြွစွာ ပါဝင် ခဲ့ကြသည်။

၁၉၃၀ ပြည့်နှစ်တွင် လယ်သမား သူပုန်ဆရာစံနှင့်အတူ မွန်လယ်သမားများလည်း နယ်ချဲ့ဗြိတိသျှတို့အား တိုက်ရိုက်ခဲ့သည်။ ၁၉၃၆ -၃၈ ခုနှစ်၌ ကျောင်းသားသပိတ်များတွင် မွန်များလည်း ပါဝင်ခဲ့ကြသည်၊ ၁၉၃၂ ခုနှစ်လောက်တွင် တည်ထောင်ခဲ့သော ဒို့ဗမာအစည်းအရုံးတွင် မွန်အမျိုးသားများသည် တက်ကြွစွာ ပါဝင်ခဲ့ကြသည်။ ဆိုရှယ်လစ်ဇင်ကို ပထမဆုံး မြန်မာသို့ သမစိတ္တ အမည်ဖြင့် ဘာသာပြန်သော မွန်သခင်ကြီး (သခင်ကြီး)သည် ထင်ရှားသောခေါင်းဆောင်တယောက် ဖြစ်သည်၊ သခင်ကြီးသည် မွန်လူမျိုးရေးရာ အဖွဲ့ချုပ်တွင် ဒုတိယ ဥက္ကဌ တာဝန်ထမ်းဆောင်ရင်း ၁၉၄၆ ခုနှစ်တွင် ကွယ်လွန်ခဲ့သည်။ ထို့ပြင် သခင်ဖေသန်း၊ သခင်ဘစော ကဲ့သို့သော မွန်များနှင့် မထင်မရှားသော မွန်များလည်း အများအပြား ရှိသည်။



မြန်မာပြည် မငြိမ်းချမ်းပါမှ

မြန်မာနိုင်ငံ ဒီမိုကရေစီအရေးမှာ လက်ရှိစစ်အစိုးရ၊ အတိုက်အခံဒီမိုကရေစီအင်အားစု၊ တိုင်းရင်းသားနှင့်လက်နက်ကိုင် အဖွဲ့အစည်းများ သုံးပွင့်ဆိုင် တန်းတူညီမျှတဲ့ အခြေခံတွေအပေါ် ဆွေးနွေးအဖြေရှာမှုများ မပြုလုပ်နိုင်ပါက နိုင်ငံတော်အနေဖြင့် ဘယ်တော့မှ ငြိမ်းချမ်းနိုင်မည်မဟုတ်သည်ကို နိုင်ငံရေးစိတ်ဝင်စားသူတိုင်း နားလည် ထားကြပါ သည်၊ ဒီလိုသုံးပွင့်ဆိုင်ဆွေးနွေးရေး မဖြစ်ပေါ်စေဖို့ ဘယ်သူတွေတွန်းအားပေးနေသလဲ၊ ရှာဖွေကြည့်ကြရအောင်။

မြန်မာနိုင်ငံ အိမ်နီးနားခြင်းနိုင်ငံဖြစ်ကြတဲ့ တရုပ်နဲ့အိန္ဒိယ၊ ကမ္ဘာပေါ်မှာ လက်နက်အများဆုံး ထုတ်လုပ်တဲ့ နိုင်ငံစာရင်းထဲမှ ထိပ်ဆုံးနေရာက ပါလာနေပြီး၊ ခေတ်မမီတော့တဲ့ စစ်လက်နက်နဲ့လေကြောင်း ကာကွယ်ရေး ကိစ္စရပ်တွေမကျန် အနီးကပ်ဆုံး ဖောက်သည်ကတော့ မြန်မာနိုင်ငံကစစ်အစိုးရတွေပါပဲ။ အဲဒီနိုင်ငံက ထုတ်လုပ်တဲ့ ဆေဝါးတွေကအစ အိမ်သုံးပစ္စည်း၊ လျှပ်စစ်ပစ္စည်းအမျိုးမျိုးတို့ကို လမ်းစရိတ်သိပ်မကုန်ကျပဲ ကုန်းတွင်းလမ်းကတဆင့် တိုက်ရိုက်တင်ပို့ နိုင်ကြပါတယ်။

ထိုအတူ အိမ်နီးခြင်း ထိုင်းနိုင်ငံအပါဝင် အာစီယံအဖွဲ့ဝင် နိုင်ငံအချို့ကလည်း သူတို့ဆီက ထုတ်လုပ်တဲ့ပစ္စည်းတွေ မြန်မာပြည်တွင်းကို နည်းအမျိုးမျိုးနဲ့ မှောင်ခိုလမ်းအပါအဝင် တင်သွင်းနေကြတာပါဘဲ။

ဒီနေ့ မြန်မာ့ သယံဇာတတွေ ဖြစ်ကြတဲ့ သဘာဝဓါတ်ငွေ့၊ ကျွန်းသစ်အပါဝင် အဖိုးတန်သစ်များ၊ ကျောက်မျက်ရတနာ မှအစ နောက်ဆုံးရေကာတာကြီးတွေ တည်ဆောက်ပြီး လျှပ်စစ်စွမ်းအား ဝယ်ယူလာတဲ့ အထိလက်ရဲဇက်ရဲ ရှိလာကြတယ်၊ သဘာဝဝန်းကျင်ထိခိုက်နစ်နာမှု သူတို့ နိုင်ငံမှာတိုက်ရိုက်မဖြစ်ပေါ်ယင်ပြီး တာပါဘဲ၊ ဌာနတုိုင်းရင်းသား များ မူလနေရာက နေပြောင်းရွေ့ထွက်ခွာပြီး ဘယ်ဒေသကိုပဲရောက်ရောက် သူတို့ လုံးဝမသိချင် ယောင်ဆောင် နေကြပါတယ်။

ဒီတော့ မြန်မာ့အရေးကို မြန်မြန်နဲ့အမှန်တကယ် ပြီးမြောက်စေချင်တဲ့ဆန္ဒ အဲဒီနိုင်ငံတွေရဲ့ ခေါင်းဆောင်တွေမှာ လိုလိုလားလားမရှိကြပါဘူး၊ မိမိနိုင်ငံကိုယ်ကျိုးအတွက်သာလျှင် သံတမန် အဝန်းအဝိုင်းကနေ “မြန်မာ့မိတ်ဆွေ အဖွဲ့တွေလို” နာမည်အမျိုးမျိုးပေးပြီး အုပ်စုဖွဲ့နေကြတာပါဘဲ၊ ကုလသမဂ္ဂလည်း ထူးမခြားနားပါဘဲ၊ ကိုယ်စားလှယ် တော်လွှတ်လိုက်၊ ပြန်သွားလိုက်၊ အချိန်ဆွဲလိုက်၊ သတင်းစာရှင်လင်းပွဲလုပ်ပြီး တိုက်တွန်းနေလိုက်ကြတာအချိန်ကုန်၊ လူပမ်းရုံပါဘဲ။

စစ်အစိုးရက ဒီအရာကို မြင်နေတော့ ဖမ်းဆီးလိုက်လွှတ်လိုက်၊ လွှတ်လိုက်ပြန်ဖမ်းလိုက် လုပ်ပြနေတာ၊ ပြီးခဲ့လက နိုင်ငံသမားအချို့ ပါဝင်ထောင်သား ကိုးထောင်ကျော်ကို လွှတ်ပေးလိုက်တာဟာ အားပြတ်နေတဲ့ နိုင်ငံရေးသမား အချို့က နိုင်ငံရေးမိုလေဝသ အခြေအနေသာယာ လာတယ်လို့ ယုံထင် ကြောင်ထင်ဖြစ်နေသူများလည်း ရှိနေပါတယ်၊ စစ်အစိုးရရဲ့ ၂၀၁၀ ရွေးကောက်ပွဲသည်သာ မြန်မာပြည်အရေးရဲ့ ထွက်ပေါက်အမှန်လို့ အော်ပြီး “ခြံခုန်” သမားတွေရဲ့ သံယောင်နောက်မလိုက်မိအောင်လည်း အရေးကြီးပါတယ်။

တရုပ်၊ အိန္ဒိယ၊ ထိုင်းအပါဝင် အာစီယံနိုင်ငံအသင်းနဲ့ ကုလသမဂ္ဂတို့ နားချနေရုံမျှနဲ့တော့ စစ်အစိုးရက သူ့လမ်းစဉ်ကို ပြောင်းလဲမှာမဟုတ်၊ ဒီနိုင်ငံတွေကတော့ ကမ္ဘာ့နိုင်ငံအသီးသီးတွေကြားမှာနားမည်ကောင်း၊ စေတနာကောင်းဟန်ရှိတဲ့ သူတော်ယောင်တွေလိုအော်ပြ၊ လုပ်ပြပါလိမ့်မယ်၊ ဘာအဖြေမှထွက်လာနိုင်မဟုတ်၊ အဲဒီနိုင်ငံက လက်ရှိခေါင်းဆောင် တွေဟာ မြန်မာနိုင်ငံအရေးကို ခရေစေ့တွင်းကျသိသည် ဆိုလေဦးတော့ စာနာစိတ်ထားပေးနိုင်မှာမဟုတ်ပါ၊ သူတို့ နိုင်ငံမှာလည်း သူတို့ပြဿနာတွေနဲ့ပါ၊ အာဏာမြဲအောင် ကုတ်ခဲဖက်တွယ်နေရသူတွေချည်းပါပဲ။

သုံးပွင့်ဆိုင်တွေ့ဆုံးနွေးရေး (စစ်အစိုးရ၊ နိုင်ငံရေးပါတီများ၊ တိုင်းရင်းသားနှင့် လက်နက်ကိုင်အုပ်စုများ) လမ်းစ မမြင်သေးပါ၊ တလောက ဒေါ်စုကြည် ကျန်းမာရေးသိပ်မကောင်းပါ၊ ဒါပေမဲ့ ကိစ္စမရှိတော့ပါ၊ ယ္ခုတလောဦးသန်းရွှေ အူလမ်းကြောင်း ကင်ဆာရောဂါက ကိစ္စရှိနေပါသည်၊ ဒီသုံးပွင့်ဆိုင် ကိစ္စဆိုတာ ဦးသန်းရွှေနဲ့ ဒေါ်စုကြည်တို့မပါ ယင်မပြီးပြတ်နိုင်ပါ၊ နိုင်ငံရေးရေစုံ ဆက်ပြီးမျောနေဖို့သာရှိပါတော့တယ်။ စစ်အစိုးရအနေနဲ့ ပြည်သူမျက်နှာကို မထောက်ပဲ ၂၀၁၀ ရွေးကောက်ပွဲကို အောင်မြင်စွာ ဆောင်ရွက်နိုင်ပါစေ၊ မြန်မာနိုင်ငံအရေးဟာ ဒီလိုရွေးကောက်ပွဲ လုပ်ပြရုံနဲ့ပြီး ပြည့်စုံပြီးလို ယူဆနိုင်ပါသလား။

စစ်အစိုးရအနေဖြင့် အထက်တင်ပြပါ အိမ်နီးနားချင်း မိတ်ဆွေကောင်း နိုင်ငံတွေနဲ့ အပေးအယူ အတိုင်အဖေါက်တည့် နေပါသည်၊ မြန်မာပြည်သားချင်း ညီညွတ်နေမယ်ဆိုယင် အင်အားစုကြီးတစ်ခုလို စုရုံးတက်လာတာကို အိမ်နီးနားချင်း တွေက သဘောမတွေ့ပါ၊ သူ့တို့ခိုးယူထားတဲ့ နိုင်ငံတော်ရဲ့ နယ်နိမိတ်ပြဿနာတွေ ဖြေရှင်းကြရပါမယ်၊ နောက်ဆုံးတော့ စားပွဲဝိုင်းအဆင့်မနိုင်ယင်ရတဲ့ နည်းနဲ့ဖြေရှင်းတတ်တဲ့ သတ္တိတွေ မြန်မာပြည်သားတွေမှာ အမြဲကိန်းအောင်းနေပါတယ်။

ဒါကြောင့် မြန်မာနိုင်ငံအရေး အေးဆေးတည်ငြိမ်လို့မဖြစ်၊ ဒီနာတာရှည်ရောဂါသည် စစ်အုပ်စုလုယူထားတဲ့ အမိနိုင်ငံတော်ကြီးဆီက ရသမျှအသွေးအသားအဆီအနှစ်တို့ကို ဈေးပေါပေါနဲ့ ဝယ်ယူပြီး ပြဿနာများရှည်ကြာအောင် မီးစတစ်ဖက်၊ ရေမှုတ်တစ်ဖက် စတဲ့ သူတို့ရဲ့အမျိုးသားနိုင်ငံရေး မဟာဗျူဟာကို အကောင်အထည်ဖော်ယင်းနဲ့ မြန်မာပြည်သူပြည်သားများ စိတ်ဝမ်းအမျိုးမျိုးကွဲပြားနေကြရအောင် အိမ်နီးနားချင်းကောင်းနိုင်ငံများက ကြိုးပမ်းနေလျှက်ရှိ်ကြောင်းပါ။



မင်းသက်အောင်


ဒေါ်အောင်ဆန်းစုကြည်အခြေအနေနဲ့ တိုင်းပြည်အရေး

ဆလိုင်းထွန်းသန်း

ဒေါ်အောင်ဆန်းစုကြည်က အခု အစာငတ်ခံတယ်လို့ ပြောတယ်။

ဒီက (ဒေါ်စုနားမှာ နေဖူးတဲ့) စောမြတ်မာဆိုတဲ့ မိန်းကလေး ပြောတာက ဒေါ်အောင်ဆန်းစုကြည်က အစာငတ်ခံ ဆန္ဒပြတာ သဘောမတူဘူးတဲ့။ သူ့အိမ်က ကလေးမလေးတွေကိုလဲ နှောင့်ယှက်တယ်တဲ့။ ဈေးခြင်းမယူတာလဲ သုံးပတ်လောက် ကြာပြီဆိုတော့ စဉ်းစားစရာက ဘာဖြစ်နေလဲဆိုတော့ ဘာကြောင့် ဒီကလေးမကို သူတို့က လိုက်နှောင့်ယှက်သလဲ။ ဈေးခြင်းက ဘာလို့ မယူတာလဲ။
ဈေးခြင်းမယူတာလဲ အဓိပ္ပာယ် ရှိရမယ်။ ကလေးမလေးတွေကို နှောင့်ယှက်တာလဲ အဓိပ္ပာယ် ရှိရမယ်။ အဲဒီတော့ ဘယ်လိုဖြစ်သလဲ ဆိုရင် သူဟာ ၁-အချက် ဈေးခြင်းကို မယူတာဟာ ဈေးခြင်းထဲမှာ ဘာတွေ ပါလို့လဲ။ တကယ်ပဲ အစာငတ်ခံ ဆန္ဒပြနေလို့လား။ ကောင်မလေးကို ဘာလုပ်ခိုင်းလို့လဲ။

ဒေါ်အောင်ဆန်းစုကြည်ကိုယ်နှိုက်က အစာငတ်ခံ ဆန္ဒပြတာ သူမကြိုက်ဘူး ဆိုတော့ သူ တကယ်လို့သာ အစာငတ်ခံ ဆန္ဒပြရင် သူ ဘာကြောင့် ပြရသလဲ။ အဲဒီဥစ္စာကို ကျနော်တို့က ကိုယ့်ဟာကိုယ် ဆင်ခြင်ကြည့်တာပေါ့လေ။ ဆန္ဒပြရအောင်ကို အကျိုးအကြောင်းက ရှိလာတယ်။

ရှင်းရှင်းပြောမယ်ဆိုရင် မြန်မာပြည်မှာ သူ ရှိမှ ဖြစ်မယ်။ သူမရှိရင် တိုင်းပြည်က အကုန် ၀ရုန်းသုန်းကား ဖြစ်မယ်။. စစ်တပ်က တိုင်းပြည်ကို ထိန်းနိုင်တာထက် သူက ပိုထိန်းနိုင်တယ်။ စစ်တပ်ထက် သူက ၁၀ ဆ သာတယ်။ အဲဒါကြောင့် သူ ရှိမှ ဖြစ်မယ်။ သူ မရှိရင် မဖြစ်ဘူး။ အပြင်က လူတွေ ကိုယ့်ကိုယ့်ကိုယ် အထင်ကြီးကြတဲ့လူတွေ ရှိတယ်။ ငါက အောင်ဆန်းစုကြည်လို လုပ်နိုင်တယ်ဆိုတာ။ အဲဒီကောင်တွေ တယောက်မှ မလုပ်နိုင်ဘူး။ သူ့လိုလဲ အနစ်နာ မခံနိုင်ဘူး။ သူ့လိုလဲ စေတနာ မရှိဘူး။ သူ့လိုလဲ ကမ္ဘာမှာ မသိကြဘူး။ အဲဒီတော့ သူရှိမှ ဖြစ်မယ်။

သူသာ မတော်တဆ တခုခု တိမ်းပါးသွားရင် တိုင်းပြည်ကြီး ၀ရုန်းသုန်းကား ဖြစ်မှာပေါ့။ အဲဒါတွေက မဖြစ်စေချင်ဆုံးပဲ။ အဲဒါတွေက မမျှော်လင့်ချင်တဲ့အရာ။ ဘယ်တော့မှ မမျှော်လင့်ပဲ။ ငါ ဆန္ဒပြတုန်းကတော့ ငါက အဘိုးကြီးပဲ။ ငါသေရင် အလောင်းမိးန်းမပေးလိုက် ဒါပဲ တောင်းတယ်။ ထမင်းမစားရတော့ရော ဘာဖြစ်သေးလဲ။ ဘာမှ မဖြစ်ဘူး။ လူဆိုတာ သတ္တိရှိရှိ သေဖို့ လိုတယ်။

အစိုးရကို အဘက ဘယ်လို ပြောချင်သလဲဆိုတော့ မြန်မာပြည်ရဲ့ အခက်အခဲရော လူထုရဲ့ အခက်အခဲရော တကယ် ထွက်ပေါက်က ဒေါ်အောင်ဆန်းစုကြည်ပဲ ရှိတယ်။ ဒေါ် က တကယ် ပျော့ပျောင်းတဲ့ ခွင့်လွှတ်တတ်တဲ့ သူ့အကျိုး မမျှော်ကိုးပဲ အစ်နာခံပြီး လုပ်နေတာ။ သူသာ ထွက်ပေါက် ဖြစ်နေတယ်။

တကယ်လို့ ဒေါ်ဗအာင်ဆန်းစုကြည်ကို နှိပ်စက်မယ်ဆိုရင် သူသာ မရှိတော့ဘူးဆိုရင် မြန်မာပြည်တော့ ငါးပါးတင်မက သံဃာစင်ပါ မှောက်မယ်။ အဲဒီအတွက် ဒေါ်အောင်ဆန်းစုကြည်ကို အမြန်ဆုံး လွှတ်ပေးလိုတယ်။

ဘ၀ဆိုတာ ရုန်းကန်ရတာချည်းပဲ။ လူ့ဘ၀ လာတာတောင်မှ ငါတို့က ခွက်ခွက်လန်ရယ်ပြီး ထွက်လာသလား။ အမေ့ဝမ်းထဲကနေ။ ငိုပြီးမှ ထွက်လာတာ မဟုတ်လား။ ကိုယ်လဲ နောက်မှ စားနိုင်သောက်နိုင် အသိဥာဏ်ဝင်လာမှ ပျော်တယ်ရွှင်တယ်ဆိုတာ သိလာတယ်။ ဒီလိုပါပဲ လောကကြီးဟာ။ အနာမခံဘဲနဲ့ အသာခံလို့တော့ မလွယ်ပါဘူး။ အနာမခံဘဲနဲ့ အသာစံတဲ့လူတွေ ရှိကောင်း ရှိမပေါ့။ အဲဒါက ယာယီပဲ။

၆၄ တုန်းကဆိုရင် ဦးနေ၀င်းက ဘယ်လောက်တောင် သူ့ကိုယ်သူ ကြွားသလဲဆိုရင် မြန်မာပြည်ငွေမှာ ကမ္ဘာမှာ အခိုင်ဆုံးထဲမှာ ပါတယ်ဆိုပြီး နှစ်နဲ့ချီပြီး သတင်းစာတွေမှာ ငွေဘယ်လောက်ရှိတယ်၊ ရွှေဘယ်လောက်ရှိတယ်ဆိုတာ နှစ်စဉ် ထည့်တယ်။ အဲဒီကနေ တဖြည်းဖြည်း ဆိုးလာလိုက်တာ ၈၇ မှာ ဗိုလ်ချုပ်နေ၀င်းကိုယ်တိုင် ယူအန်မှာ သွားပြီး မြန်မာပြည်ဟာ ကမ္ဘာ့အဆင်းရဲဆုံး နိုင်ငံထဲမှာ ပါပါတယ်လို့ ပြောရတယ်။

အဘ ဥပမာလေးတခု ပြောပြမယ်။ အဘ ထောင်ထဲမ၀င်ခင် ကြက်ဥတလုံးကို ၁၀ ပဲ ရှိတယ်။ ထောင်က ထွက်လာတဲ့အခါ ၃၅ ကျပ် ဖြစ်သွားတယ်။ တနှစ်ခွဲလေးထဲမှာကိုပဲ တော်တော်ကို ဈေးကြီးသွားတယ်။ ခု ဘဲဥကြက်ဥ တလုံးကို ၁၅၀ လို့ ပြောတယ်။ လူတွေ ရကြတဲ့ လခတို့ဆိုတာ တက်မလာဘူး။ တက်မလာတော့ လူတွေက အရမ်းဆင်းရဲလာတာပေါ့။ ဆင်းရဲလာတဲ့အခါကျတော့ လူငယ်တွေက သူတို့က စိတ်မရှည်တော့ဘူး။ မရှည်တော့ နိုင်ငံခြားကို သွားကြတယ်။ အဲဒီမှာ ပိုကောင်းတဲ့အလုပ် ရတဲ့လူလဲ ရှိသပေါ့။ မကောင်းတဲ့အလုပ် ရတဲ့လူလဲ ရှိတယ်။ ဗိုလ်ချုပ်ပြောတ့ နိုင်ငံက အခု ဖြစ်နေပြီ။ အင်မတန် ၀မ်းနည်းစရာ ကောင်းတယ်။ စစ်အစိုးရသည် တိုင်းပြည်ကို ဆက်အုပ်ချုပ်ဖို့ မကောင်းတော့ဘူး။ ၁၉၉၀က အနိုင်ရတဲ့ ပါတီကို လွှဲပေးဖို့ ကောင်းတယ်။

ဒီလိုမှ မဟုတ်ရင်လဲ နိုင်ငံတကာက စောင့်ကြပ်ထားတဲ့ မဲရုံတွေဟာ (သူတို့ကိုတော့ စောင့်ကြပ်ခိုင်းလို့ မရဘူး) ၉၄၇ က ဖွဲ့စည်းအုပ်ချုပ်ပုံ အခြေခံဥပဒေနဲ့ ရွေးကောက်ပွဲ လုပ်ရင်ကောင်းမယ်။

အခုွေဲစည်းအုပ်ချုပ်ပုံ အခြေခံ ဥပဒေလဲ မယူဘူး။ ဗိုလ်ချုပ် လုပ်ခဲ့တဲ့ ၁၉၄၇ ဖွဲ့စည်းပုံ အခြေခံဥပဒေ အဲဒီအတိုင်းပဲ လိုချင်တယ်။ နောက်မှ ပြန်ဖြစ်ပေါ့။

ဒါမှမဟုတ်လဲ ကြားဖြတ်အစိုးရတခုတော့ ဖွဲ့မှ ဖြစ်မယ်။ တိုင်းပြည်က တဖြည်းဖြည်း ဆိုးလာပြီ။ လူတွေက desprate ဖြစ်လာပြီ။ ဖြစ်လာရင် အသက်သေရမှာလဲ လူတွေက မကြောက်တော့ဘူး။ တတိုင်းပြည်လုံး သွေးချောင်းစီးသွားနိုင်တယ်။ မြန်မာပြည်ကို တကယ်ချစ်ရင် အာဏာကိုရော ကြားဖြတ်အစိုးရကိုရော ပေးမှ ဖြစ်မယ်လို့ အဘတော့ မြင်တယ်။

အဲဒီလိုမှ မလုပ်ရင် ဟိုတုန်းက အာရှမှာ ထိပ်တန်းက နေတဲ့ မြန်မာပြည်ဟာ အခုဆိုရင် နောက်ဆုံးပိတ်ကြီး ဖြစ်နေတယ်။ စီးပွားရေး ပညာရေး လူမှုရေးတင်မကဘူး။ အားကစားမှာတင် လူဦးရေ သုံးလေးသိန်းရှိတဲ့ ဘရူနူိုင်းလောက်တောင် ခွန်အား မရှိတော့ဘူး။ ပြည်သူလူထု ကြားမှာလဲ ညီညွတ်ကြဖို့ လိုတယ်။ ထောင်ဆိုတာ ကြောက်စရာ မလိုပါဘူး။ ညီညီညွတ်ညွတ်နဲ့ လုပ်ကြရမှာပဲ။

အဘလဲ အခုက အသက် ၈၀ ကျော်ပြီဆိုတော့ ပါးစပ်ကပဲ လုပ်နိုင်တော့တယ်။ သို့ပေမယ့် လက်နဲ့ခြေနဲ့ ဘယ်လောက် လုပ်နိုင်မလဲ ကြည့်နေတယ်။

မြန်မာပြည်သူပြည်သားတွေ အပြင်မှာ နေတဲhသူရော အတွင်းမှာ နေတဲ့သူရော ညီကြပါ။ အရိုးလေး အရင်းလေးခွပြီး စားရတာနဲ့ ပျော်မြူးမနေပါနဲ့။ သားစဉ်မြေးဆက်ရဲ့ အခြေအနေကို ကြည့်ပါ။ နောက်တချိန်

ဗိုလ်ချုပ်အောင်ဆန်းကို သတ်ခဲ့တဲံ ဦးစောသမီး ဘေဘီစောတို့ဆိုရင် လူရှေ့မှာ မျက်နှာတောင် မပြရဲဘူး။ နအဖနဲ့ ပေါင်းတဲ့သူတွေဟာ သူတို့ရဲ့ သားသမီးဟာ လူရှေ့မှာ မျက်နှာမပြရဲဘူးဆိုဆတာ ဖြစ်မယ်။ အပြင်က လူတွေလဲ ညီရမယ်။ အတွင်းက လူတွေလဲ ညီရမယ်။ ခေါင်းဆောင်ဆိုတာ ရှာမနေနဲ့။ ခေါင်းဆေတာင်ဆိုတာ ကိုယ်ပဲ။ လုပ်စရာ ရှိတာကိုသာ ညှိညှိနှိုင်းနှိုင်း လုပ်ရင် ဒီမိုကရေစီဆိုတာ ရမှာပဲ။

နောက်တခု အဘ ပြောလေ့ရှိတာက လူဟာ ဘာသာရေးကို မပါဘဲ ပြောမယ်ဆိုရင် ဒီကမ္ဘာကြီးမှာ မင်း ဘာအတွက် အသက်ရှင်မလဲလို့ အဘကို မေးရင် အဘ မဖြေတတ်ဘူး။ အဘသိတာ တခုလေးတော့ ရှိတယ်။ ဒီကမ္ဘာပေါ်မှာ သက်ရှိသတ္တ၀ါတွေ မှန်သမျှဟာ သေကြရမယ့် သူတွေချည်းပဲ။ ကမ္ဘာလောကကြီးသည် တခဏသာ နေရတဲ့ ယာယီတဲပဲ။ ဒီယာယီတဲကို ငါတို့ မက်နေလို့ မရဘူး။အဲဒီတော့ ဒီကမ္ဘာမှာ သေကြတဲ့ ပုံတွေကို ငါတို့ ကြညါ့ရအောင်။ ရိုးရိုး ဖျားနာပြီး သေတာက တမျိုး။ ကိုယ့်ရဲ့ စနက် မပါဘဲနဲ့ အေအိုင်ဒီအက်စ်လို ဆေးဝါးလို သေရတာက တမျိုး။

နောက်တခုက ကိုယ့်ရဲ့ အသိတရား မပါဘဲ သို့သော်လဲ ပါနေရတယ်။ ဘာ ပါနေရလဲဆိုတော့ မှန်သလား မှားသလား မဝေခွဲတတ်ဘူး။ သို့သော် ပါနေရတယ်။ ရန်ပွဲတခု၊ စစ်ပွဲတခု ကြားထဲမှာ ကိုယ်သေသွားနိုင်တယ်။

နောက်တခုက ကိုယ့်ကြောင့် ကိုယ့်ရဲ့ လိုချင်တဲ့ ဆန္ဒတခုကြောင့် ရန်ပွဲမှာ သေရတယ်။ ခုနဟာက မဝေခွဲတ်ဘူး။ ခုဟာက ဝေခွဲတတ်သားနဲ့ ကိုယ် သေသွားရတယ်။ နောက်ဆုံး တခုကိုတော့ ကိုယ် မသေချင်ဆုံးပဲ။ မတော်တဆ သေတာ၊ ကိုယ်မသိလိုက်ဘဲနဲ့ ရောဂါဆိုး ဖြစ်သေတာ။ ဒါက ကိစ္စမရှိဘူး။

ကိုယ့်လောဘကြောင့် ကိုယ့်ဟာကိုယ် သေရတာတော့ ဘယ်သူမှ မသေချင်ဘူး။ ဒီလောကမှာ အသက်ရှင်တဲ့ အခါမှာ အဓိပ္ပာယ်ရှိတဲ့ အသက်ရှင်မှု လိုတယ်။ ကိုယ် မသိဘဲနဲ့ သေရမယ် ဆိုရင်တော့ ရှောင်လို့ရရင်တော့ ရှောင်ချင်တာပေါ့ကွာ။ ရှောင်လို့ မရရင်လဲ ဘယ်တတ်နိုင်မလဲ။ ကိုယ့်ကြောင့်တော့ သူများသေတာရော ကိုယ့်ဟာကိုယ် သေတာရော မဖြစ်ချင်ဘူး။ အဲဒီတော့ ဒီကမ္ဘာမှာ ငါတို့ အသက်ရှင်စဉ်မှာ ဖြူစဉ်ဖြစ်စေ၊ မည်းသည်ဖြစ်စေ၊ လှသည်ဖြစ်စေ အရုပ်ဆိုးသည်ဖြစ်စေ ဘယ်လို ဘ၀အခြေအနေမျိုးပဲလာလာ အဓိပ္ပာယ်ရှိတဲံ အသက်ရှင်ခြင်း၊ အဓိပာယ်ရှိတဲ့ သေခြင်းက အကောင်းဆြုံးပဲ

အဲဒီတော့ အဘ ပြောချင်တာက ဒီကမ္ဘာမှာ ငါတို့ အသက်ရှင်စဉ်မှာ ယာယီပင် ဖြစသော်လည်း အဓိပ္ပာယ်ရှိတဲ့ အသက်ရှင်ခြင်းနဲ့ အသက်ရှင်ပြီး အဓိပာယ်ရှိတဲ့ သေခြင်းနဲ့ သေရတာကို အတော့ သဘောကျတယ်။

အဲဒီတော့ မြန်မာပြည်သူပြည်သားတွေကို ပြောချင်တာက ငါတို့ဟာ သေမျိုးတွေ၊ တနေ့ သေရမယ်။ အဓိပ္ပာယ်ရှိတဲ့ သေမျိုးနဲ့ ငါတို့ သေရမှာက မြတ်ပါတယ်။ ဟို နအဖတို့ ဘာတို့ မကောင်းတဲ့လူတွေ ဓားပြတိုက်တဲ့လူတွေ သူများပစ္စည်း လုတဲံသူတွေ အဲဒီလို လူမျိုးတွေနဲ့ တွဲပြီး အသက်မရှင်ပါနဲ့။ သူများအတွက် အကောင်းဆုံးကို လုပ်ရင်းနဲ့ သေရတာက မြတ်တယ်။ ဆိုလိုတဲ့ အဓိပ္ပာယ်က မြန်မာပြည်ကြီးက ငါတို့ ကောင်းစားစေချင်ရင် ငါတို့ အားလုံးသည် ကောင်းသော အသက်ရှင်ခြင်းနဲ့ ရှင်ပြီး ကောင်းသော သေခြင်းနဲ့ သေဖို့ရာ ပြင်ဆင်ဖို့ လိုကြတယ်။

ငါဟာ သေရမှာပဲဆိုပြီး ဘယ်သူမှ ကြောက်မနေနဲ့။ တနေ့ သေရမယ့် သူတွေချည်းပဲ။ ကောင်းသော သေခြင်းနဲ့ သေဖို့သာ အလိုရှိကြပါလို့

လှောင်အိမ်ထဲက လွတ်လာတဲ့ ခြင်္သေ့ကြီး

အောက်တိုဘာ ၉၊ ၂၀၀၈
သတင်းစာဆရာကြီး ဟံသာဝတီဦးဝင်းတင် ထောင်က လွတ်လာပြီဆိုတော့ ဦးလေးနဲ့ ဒေါ်ဒေါ် (လူထုဦးလှ နဲ့ ဒေါ်အမာ)တို့ကို ပြေးပြီး သတိရလိုက်မိပါတယ်။ ဦးဝင်းတင်က လူထုဦးလှ နဲ့ ဒေါ်အမာ တို့ကို မန္တလေးလူငယ်တွေ ခေါ်ကြသလိုပဲ ဦးလေးနဲ့ ဒေါ်ဒေါ်လို့ ခေါ်ပါတယ်။ တကယ့်ဆက်ဆံရေးကလည်း တူ သား အရင်းလိုပါပဲ။ ဦးလေး ကွယ်လွန်ပြီး ဒေါ်ဒေါ် ရန်ကုန်ကို အလည်လာတော့ မန္တလေးဇာတိ တူသားတယောက်လိုပဲ ရင်းနှီးတဲ့ မင်းသားကြီး ဦးထွန်းဝေက သူ့အိမ်မှာ ဂုဏ်ပြု ဧည့်ခံပွဲ လုပ်တယ်။ စာရေးဆရာ၊ သတင်းစာဆရာတွေနဲ့ အနုပညာလောကက လူစုံပါတယ်။ အဲဒီပွဲမှာ ဧည့်သည် လေးငါးယောက်က ဂုဏ်ပြုစကား ပြောကြတော့ ဦးဝင်းတင်က “ကျနော့်အမေအရင်းရဲ့ အမည်ကလည်း ဒေါ်အမာပါ၊ လူထုဒေါ်အမာကိုလည်း ကျနော် အမေလိုပဲ သဘောထားပါတယ်။ အမေ မသေပါနဲ့အုံး။ နှစ် ၃၀ လောက် တောင့်ထားပါအုံး” လို့ ပြောခဲ့ပါတယ်။ အမေကလည်း နှစ် ၂၀ လောက်တောင် အောင့်ထားပြီး သတင်းစာဆရာတို့ရဲ့ ကိုယ်စား တိုင်းပြည်အတွက် ပြောစရာ ဆိုစရာ ရှိတာကို ပြတ်ပြတ်သားသား ရဲရဲရင့်ရင့် ပြောဆိုခဲ့ပါတယ်။

ဦးဝင်းတင်ဟာ ငယ်စဉ် စာတွေပေတွေ ဖတ်ရှုလာစကတည်းက သတင်းစာဆရာ ဖြစ်ဖို့ကိုပဲ စိတ်သန်ခဲ့ပါတယ်။ ၁၉၄၉ ခုနှစ် တက္ကသိုလ်ရောက်စ၊ အသက် ၁၉-၂၀ အရွယ်ကတည်းကစပြီး ၀င်ခွင့်ရသမျှ စာနယ်ဇင်း ကြီးငယ်တွေမှာ သတင်းစာတိုက်တခု မပြုတ်မချင်း၊ မပိတ်မချင်း ၀င်ရောက်လုပ်ကိုင်ခဲ့တာဟာ ၁၉၇၈ ခုနှစ် ဟံသာဝတီသတင်းစာတိုက် ပိတ်ပြီး စစ်အစိုးရက သူ့ကို အလုပ်ဖြုတ်ပစ်လိုက်ချိန် အထိ ပါပဲ။ ဒါတောင် ရှစ်လေးလုံးကာလမှာ ရသမျှ အခွင့်အရေးကလေး ယူပြီး သတင်းစာ ထုတ်လိုက်ပါသေးတယ်။ ၀င်ရေးစရာရှိတဲ့ တခြားစာနယ်ဇင်းတွေမှာလည်း ရေးခဲ့ပါတယ်။ သူအလုပ်ပြုတ်တော့ အသက် ၅၀ မပြည့်သေးပါဘူး။ ဉာဏ်မီးတောက်တဲ့အရွယ်ပဲ ရှိပါသေးတယ်။ နိုင်ငံအတွက် အဖိုးတန် သားရတနာတွေကို စစ်ဝါဒီဗိုလ်ချုပ်တစုက အခုလိုပဲ ဖြုတ်ထုတ်သတ်နေတာ ကြာပါပြီ။

ဟံသာဝတီသတင်းစာဆိုတာက ၁၈၉၇ ခုနှစ်မှာ မစ္စတာ ရစ်ပလီက တည်ထောင်ခဲ့တာပါ။ သူက မင်းတုန်းမင်းကြီးရဲ့ မွေးစားသားတယောက်ပါ။ သားတော်ရင်းတွေနဲ့ ရွှေမြို့တော်မှာ ပညာသင်ဖက်ပါ။ သူ့ပုံနှိပ်တိုက်ဟာ ပိဋိကတ်သုံးပုံရော၊ ပုံမနှိပ်ဖူးသေးတဲ့ ရှေးစာပေတွေရော၊ လွှတ်တော်သုံး ရေးထုံးသတ်ထုံးတွေနဲ့ တလုံးတပါဒ အမှားမခံဘဲ ရှေးဦးဆုံးပုံနှိပ်ထုတ်ဝေခဲ့တဲ့ ပုံနှိပ်တိုက်ကြီးပါ။ ၁၇၉၈ ခုနှစ်က တည်ထောင်တာ ဆိုတော့ ခုဆိုရင် ၁၁၁ နှစ် သက်တမ်း ရှိခဲ့ပါပြီ။ ဟံသာဝတီသတင်းစာလည်းရှိ၊ ဦးလေးတို့ ဒေါ်ဒေါ်တို့လည်းရှိ၊ ဦးဝင်းတင်ရော ကျနော်တို့ရော မန္တလေးမှာ အတူရှိနေခဲ့ကြရင်တော့ ရာပြည့်ပွဲကြီး ၀ှဲချီးကျင်းပခဲ့ကြမှာ မလွဲပါဘူး။ ခုလို အဖိုးတန် သက်တော်ရှည် စာအုပ်တိုက်ကြီးတွေ၊ သတင်းစာတိုက်ကြီးတွေကို ပိတ်ခဲ့ဆို့ခဲ့ ဖျက်ဆီးခဲ့တာလည်း စစ်ဗိုလ်ချုပ်တစုပါပဲ။ ဒီလို အကုသိုလ်တွေ ရပ်ကြဖို့ ကောင်းလှပါပြီ။

ကြေးမုံသတင်းစာကြီးမှာ ဆရာအောင်ဗလ ခေါ် ကြေးမုံဦးသောင်းက စီမံအုပ်ချုပ်ရေးမှာသာ အဓိက လုပ်ခဲ့တာပါ။ ဦးသောင်းက စည်းရုံးရေး၊ စီမံအုပ်ချုပ်ရေး ကောင်းပါတယ်။ ဆရာဇ၀န၊ စိန်ခင်မောင်ရီ၊ ဦးကြီးမောင်၊ ဦးဝင်းတင် စတဲ့ စာပေ လူရည်ချွန်တွေကို စုစည်းပြီး ကြေးမုံသတင်းစာကြီးကို ထူထောင်ခဲ့ရာမှာ ဦးဝင်းတင်ဟာ အမှုဆောင်အယ်ဒီတာအဖြစ်နဲ့ တိုက်ထိုင်အယ်ဒီတာကြီ ဖြစ်ပါတယ်။ အသောက်အစား၊ လောင်းကစား စတဲ့ ကိစ္စတွေ ကင်းပါတယ်။ လွန်ကျွံတာ ဘာမှ မရှိပါဘူး။ ဆေးလိပ် မသောက်ပါဘူး။ သူ့ပတ်ဝန်းကျင်မှာက “လူပေလူတေ”ကြီးတွေ များပေမဲ့ သူက မပေ မတေဘဲ တိုက်ကိုလာသမျှ လူငယ်ကဗျာဆရာတွေ ပန်းချီကာတွန်းဆရာတွေကို ဧည့်ခံပြုစုနေလေ့ရှိပါတယ်။ ငြိမ်းချမ်းရေးဆွေးနွေးပွဲတွေ အပြီးမှာ သတင်းစာအယ်ဒီတာတချို့ အဖမ်းခံရတော့ အပြင်မှာ ကျန်ရစ်တဲ့ သားသမီးတွေ ကျောင်းနေရေးကအစ သူ့လခ သူမသုံးဘဲ ထောက်ပံ့ကူညီခဲ့သူပါ။ သူက သတင်းစာနဲ့ အိမ်ထောင်ကျနေသူလို့ ပြောခံရသူပါ။ အိမ်ထောင် မရှိပါ။ သူနဲ့ တသက်လုံး ရင်းနှီးလာတဲ့ ဆရာဒဂုန်တာရာကတော့ “သူကား သတင်းစာအလုပ်ကို ဧကမူစိတ်နှင့် လုပ်နေသူတည့်”လို့ မှတ်ချက်ချခဲ့ပါတယ်။ [ဒီအကြောင်းတွေကို ဒေါ်အောင်ဆန်းစုကြည်လည်း ရေးဖူးပါတယ်။]

ဦးဝင်းတင်က ဂျာနယ်ကျော်ဦးချစ်မောင်၊ လူထုဦးလှ၊ လူထုဒေါ်အမာ၊ ဦးခင်မောင်လတ်၊ ဒေါ်ခင်မျိုးချစ် စတဲ့ သတင်းစာဆရာကြီးတွေကို အထူး လေးစား အားကျပါတယ်။ ဦးခင်မောင်လတ်တို့နဲ့လည်း တူသားအရင်းလို ခင်မင်ရင်းနှီးပါတယ်။ ဟံသာဝတီသတင်းစာတိုက်ကို မန္တလေးမှာ ဖွင့်ပွဲလုပ်တော့ ဆရာကြီးရွှေဥဒေါင်း၊ ဆရာမြမျိုးလွင်၊ လူထုဦးလှ၊ လူထုဒေါ်အမာ စတဲ့ မန္တလေး သတင်းစာဆရာ၊ စာရေးဆရာကြီးများကို အမှူးထားပါတယ်။ ဦးလေး လူထုဦးလှက ဂုဏ်ပြုကြိုဆိုစကား ပြောတော့ ထုံးစံအတိုင်း ပုံပြင်လေးတခုနဲ့ ခြေဆင်းပြောပါတယ်။

တခါက ခြင်္သေ့မကြီးတကောင် သားဖွားတော့ သားသမီးတွေ တပြုံကြီး မွေးလေ့ရှိတဲ့ မြေခွေးမက မီးနေ မေးလာသတဲ့။ ခြင်္သေ့မကတော့ သားတကောင်းတည်းပဲ မွေးထားတယ်။ မြေခွေးမက “ဟင်-ရှင် မွေးတာ တကောင်တည်းပါလား”လို့ မလိုတမာ လေသံနဲ့ မေးသတဲ့။ ဒီတော့ ခြသေ့င်္မကြီးက “အေး ဟုတ်တယ်၊ တကောင်းတည်းတော့ တကောင်တည်းပါပဲ၊ ဒါပေမဲ့ ခြသေ့င်္ဟဲ့” လို့ ပြန်ပြောလိုက်သတဲ့။ မြန်မာသတင်းစာ စတင်ပေါ်ထွန်းရာ မန္တလေး ရတာနာပုံမြို့ကြီးမှာ စစ်အစိုးရရဲ့ကောင်းမှုကြောင့် စာနယ်ဇင်း တစောင်တလေမျှ မရှိတော့တဲ့ကာလမှာ ဦးဝင်းတင်လို ပုဂ္ဂိုလ်တဦး ဦးဆောင်တဲ့ သတင်းစာကြီးတစောင် လာဖွင့်တာဆိုတော့ ဦးလေး လူထုဦးလှက ဒီဖွင့်ပွဲအတွက် အထိုက်တန်ဆုံးပုံပြှုလေးနဲ့ ချီးမြှင့်ခဲ့တာဟာ ပြောစမှတ် ပြုရပါတယ်။ ခု ဦးဝင်းတင်တယောက် ထောင်ကလွတ်လာပြီဆိုတော့ ဦးလေးကို အမှတ်ရပြီး “ဦးလေးရဲ့သား ခြသေ့င်္ကြီး လှောင်ချိုင့်က လွတ်လာပြီ ဦးလေးရေ”လို့ ဟစ်အော် တိုင်တည်လိုက်ချင်မိတာကတော့ ကျနော့်ရင်ထဲမှာ ပေါ်လာတဲ့ ဆန္ဒပါပဲ။

ဦးဝင်းတင်က မန္တလေးမှာဆိုရင် ဦးလေးနဲ့အတူ ဘာသာရေး၊ လူမှုရေး၊ သာရေးနာရေး အရေးကြီးငယ်ဟူသမျှ လက်ညီ တက်ညီ ဆောင်ရွက်ခဲ့ပါတယ်။ ဦးလေး သူ့ကိုယ်သူ ပြောလေ့ရှိသလို “မယားပါ မန္တလေးသား”မျိုး ဖြစ်အောင်အထိ ဦးဝင်းတင်အတွက် မြို့မိမြို့ဖတွေက လိုလားခဲ့ကြပါတယ်။ ပါမောက္ခချုပ်ဦးကျော်ရင်၊ သမိုင်းပါမောက္ခ ဒေါက်တာသန်းထွန်း နဲ့ သတင်းစာဆရာ ဦးဝင်းတင် တို့ဟာ ဦးလေးနဲ့တကွ မြို့လူထုကပါ အသည်းစွဲ ချစ်ခင်ခြင်းခံကြရတဲ့ အမိ မန္တလေးရဲ့ အမွေစား အမွေခံ မွေးစားသားရတနာတွေ ဖြစ်ခဲ့ကြပါတယ်။ ဦးလေးနဲ့ ဒေါ်ဒေါ်တို့ရဲ့ အရင်းနှီးဆုံး ချစ်မိတ်ဆွေတွေလည်း ဖြစ်ခဲ့ကြပါတယ်။

တကယ်တော့ ဦးဝင်းတင်က ရတနာပုံမြို့တော်သားတွေ ပြောလေ့ရှိခဲ့တဲ့ “မန်းမနီး ရေဝေး”ကပါ။ ကြို့ပင်ကောက် ဇာတိပါ။ မိဘတွေက ဦးပု၊ ဒေါ်အမာ တဲ့။ ကုန်သည်မျိုးရိုးပါ။ သားသမီး မွေးချင်း သုံးယောက်အနက် သားကြီးသြရဿပါ။ ၁၉၃၀ ပြည့်နှစ် မတ်လ ၁၂ ရက်နေ့မှာ မွေးဖွားခဲ့တာ ဆိုတော့ မန္တလေး ဈေးချိုတော် ခေါင်မိုးပေါ်မှာ မွေးဖွားခဲ့သူ ရွှေမန်းသားစစ်စစ် ဆရာမောင်သာရနဲ့မှ ရွယ်တူပါ။ နိုင်ငံရေးကိုတော့ ငယ်စဉ်ကပဲ ၀ါသနာပါခဲ့ဟန် တူပါရဲ့။ နိုင်ငံရေးဗေဒ နဲ့ ခေတ်သစ်သမိုင်းကို ယူခဲ့ပါတယ်။ စာပေ၀ါသနာ အရင်းခံရှိလို့ အင်္ဂလိပ်စာပေကိုလည်း တွဲယူခဲ့ပြီး ၁၉၅၃ မှာ ၀ိဇ္ဇာဘွဲ့ ယူခဲ့သူပါ။

ဘွဲ့ရတော့ စာပေဗိမာန်မှာ ၀င်လုပ်တယ်။ ၀င်လုပ်ရင်း နယ်သာလန်နိုင်ငံ ဒတ်ခ်ျ အမျိုးသားသတင်းစာနဲ့ ပုံနှိပ်လုပ်ငန်း ကုမ္ပဏီကြီးဖြစ်တဲ့ ဂျမ်ဘာတမ်ကုမ္ပဏီကို သွားပြီး “လူထုသိပ္ပံ”အတွဲများနဲ့ နှစ်ငါးဆယ် နိုင်ငံရေး၊ စီးပွားရေး၊ ယဉ်ကျေးမှု ဆိုတဲ့ စာအုပ်တွဲများကို ကြီးကြပ် ပုံနှိပ်ရင်း သတင်းစာပညာ၊ ပုံနှိပ်ပညာ၊ စာအုပ်တည်းဖြတ်မှုပညာ၊ ထုတ်ဝေမှုပညာတွေကို သုံးနှစ်မျှ သင်ယူခဲ့ရပါတယ်။ နယ်သာလန်မှာက ဗင်ဂိုးပြတိုက်ကြီးလည်း ရှိတယ်ဆိုတော့ ဥရောပက ပန်းချီပြတိုက်တွေ၊ ပြပွဲတွေကို လေ့လာခံစားဖို့လည်း မမေ့မလျော့ လုပ်ခဲ့ပါတယ်။ နယ်ချဲ့တို့၊ ဖက်ဆစ်တို့ရဲ့ ခြေရာလက်ရာတွေကိုလည်း လက်တွေ့ ရှုမြင် သုံးသပ်ခွင့် ကြုံခဲ့ရပါတယ်။

ကျနော် နယ်သာလန်က စာပေစာတမ်းဖတ်ပွဲတခုကို သွားတော့ သူငယ်ချင်း တင်မိုးရဲ့ သမီး ဒေါက်တာ မိုးမိုးနျင်းလိုက်ပြလို့ ဦးဝင်းတင်တို့၊ ဦးတင်မိုးတို့ သွားခဲ့ ရောက်ခဲ့ လေ့လာခဲ့တဲ့ နေရာတွေကို ရောက်ခဲ့ရတော့ သူတို့နှစ်ဦးလုံးနဲ့ လည်ပင်းဖက်ပြီး သွားချင်လိုက်တာလို့ တမ်းတမိခဲ့ဖူးပါတယ်။ ဆရာတင်မိုးက နယ်သာလန်မှာ နေပေမယ့် ဂျပန်ကို စာပေဟောပြောပွဲ သွားနေခိုက်ဖြစ်လိုပ မဆုံခဲ့ရတာပါ။ ဦးဝင်းတင်ကတော့ ထောင်ထဲမှာပေါ့။ ရှစ်လေးလုံးအရေးတော်ပုံ မပေါ်ခင်ကတော့ ဦးဝင်းတင်ရဲ့အခန်းဟာ ကျနော်တို့ရဲ့ စုရပ်ပါ။ ပန်းချီပြပွဲတွေ ရှိရင်တော့ ဦးဝင်းတင်နဲ့ အတူကြည့်ရတာ အလွန် ပညာလည်းတိုး၊ ရသလည်းတိုးပါတယ်။ ဦးဝင်းတင်ဟာ “အလှရှာတော်ပုံ” ဆိုတဲ့ စာအုပ်တအုပ် ပြုစုပြီး မြန်မာလူငယ်တွေကို မြန်မာ့ပန်းချီသမိုင်း၊ ကမ္ဘာ့ပန်းချီသမိုင်းနဲ့ မိတ်ဆက်ပေးခဲ့သူတဦး မဟုတ်ပါလား။

ရန်ကုန် သရက်တောဘုန်းကြိးကျောင်းတွေနားက၊ လမ်းသစ်ရိပ်သာထပ်က တိုက်ခန်းတခုမှာ ဦးဝင်းတင် နေခဲ့ပါတယ်။ သူ့အိမ်ပြတင်းမှာ သစ်ခွပန်းလှလှကြီးတွေ ပွင့်နေတဲ့ ပန်းအိုးကြီးတွေ ချိန်ထားတယ်။ အဲဒီတိုက်ခန်းမှာ ဆရာဒဂုန်တာရာ၊ ဆရာမြသန်းတင့်တို့ရဲ့ အခန်းတွေလိုပဲ စာအုပ်ပုံအကြီးကြီးတွေ အပြည့် ရှိပါတယ်။ အဲဒီအခန်းမှာ စာရေးဆရာ၊ ပန်းချီဆရာ၊ ရုပ်ရှင်မင်းသား စတဲ့ သူ့အပေါင်းအသင်းတွေကို ဖိတ်ခေါ်ပြီး သူ့ကိုယ်တိုင် ချက်ပြုတ်ကျွေးမွေးလေ့ ရှိပါတယ်။ မန္တလေးမှာ အိမ်နေရာ နှစ်ခါပြေင်းခဲ့ပါတယ်။ နှစ်ခါလုံး ကျနော်နဲ့ အိမ်နီးချင်း ဖြစ်ခဲ့ပါတယ်။ အဲဒီမှာလည်း သူ့အပေါင်းအသင်း ကြီးငယ်တွေကို ဖိတ်ခေါ် ကျွေးမွေးရင်း စာအကြောင်း ပေအကြောင်းတွေကို ဆွေးနွေး ပြောဆိုလေ့ ရှိခဲ့ပါတယ်။

ဦးဝင်းတင်ဟာ သတင်းစာဆရာအသင်း အတွင်းရေးမှူးလည်း လုပ်ခဲ့၊ သတင်းစာဆရာ သင်တန်းတွေမှာလည်း ကထိက လုပ်ခဲ့ ဆိုတော့ သတင်းစာသမား တပည့်တပန်း အပေါင်းအသင်းကလည်း အလွန်များပါတယ်။ တပည့်တွေထဲမှာ စစ်ဗိုလ်တွေလည်း ပါကြပြီး သူ့ကို လေးစား ချစ်ခင်ကြပေမယ့် အကျွမ်းတ၀င်တော့ နေရလောက်အောင် ကံမကောင်းကြရှာပါ။ သူ့အိမ်မှာ ဆုံလေ့ရှိတဲ့ ပရိသတ်ကတော့ ရှစ်လေးလုံးအရေးတော်ပုံကြီးမှာ မဖိတ်ခေါ်ရဘဲ ဦးဝင်းတင်နဲ့အတူ စွန့်လွှတ်စွန့်စား ပါဝင်ခဲ့ကြပါတယ်။

ဦးဝင်းတင်ဟာ ပေါ်သစ် အမည်နဲ့ စာပေဝေဖန်ရေး၊ ပန်းချီဝေဖန်ရေးတို့ကို ရေးသားရာမှာ ပညာရှင်များ လေးစားလောက်အောင် အဆင့်အတန်း မြင့်ပါတယ်။ မောင်ဝန်ဇင်း၊ ပြည့်စုံ၊ မောင်ကြီးမြိုင်၊ ကိုဒေါင်း၊ စာသမား၊ မောင်သစ်ဆင်း စတဲ့ နာမည်တွေနဲ့လည်း သူ့သူငယ်ချင်း မင်းယုဝေရဲ့ ငွေတာရီမဂ္ဂဇင်းမှာ စာစုံ ရေးခဲ့ပါတယ်။ ဒီအမည်တွေနဲ့ သူရေးခဲ့တယ်လို့ သူက မပြောဖူးခဲ့၊ ကျနော်တို့ကလည်း မမေးဖူးခဲ့ပါဘူး။ ဒါပေမဲ့ ဒီလက်ရာတွေကိုကြည့်ပြီး သူမှတပါး တခြားလူတွေ ရေးနိုင်ဖွယ်မရှိပါ ဆိုပြီး ကျနော်ကတော့ ဒီအမည်တွေကိုလည်း သူ့အမည်အဖြစ်နဲ့ စာရင်းကောက်ထားလိုက်ပါတယ်။ ခု သူ ထောင်ကလွတ်လာတော့ သူ့ကို လှမ်းမေးပြီး ဒီကလောင်အမည်ခွဲတွေကို အတည်ပြုရပါဦးမယ်။

ဟံသာဝတီသတင်းစာဟာ မဆလသတင်းစာပါ။ မြန်မာ့ဆိုရှစ်လစ်လမ်းစဉ်ကို ၀ါဒဖြန့်ခိုင်းတာပါ။ ဒါပေမဲ့ ဦးဝင်းတင်က “သတင်းစာဆိုတာ ဘာလဲ” ဆိုတဲ့ ခေါင်းကြီးနဲ့ စပြီး “ချဲ”ပါတယ်။ နောက်ထပ်လည်း အကြိမ်ကြိမ် ဒါကိုပဲ ဖွင့်ဆိုခဲ့ပါတယ်။ သတင်းစာဆိုတာ အာဏာရှင်တွေ ငွေရှင်ကြေးရှင်တွေ မဟုတ်တာ လုပ်ရာမှာ ကာကွယ်ပေးတဲ့ “စက္ကူကန့်လန့်ကာ” မဟုတ်၊ ပြည်သူတွေ အမှန်မမြင်ရအောင် နားမျက်စိကို ဖုံးကွယ်ပေးတဲ့ “စက္ကူမျက်နှာဖုံး”လည်း မဟုတ်၊ ၀ါဒဖြန့်စာရွက်လည်း မဟုတ်၊ “ဘုန်းတော်ဘွဲ့”လည်း မဟုတ်၊ အားလုံးကောင်းပါသည် ဆိုတဲ့ “အစီရင်ခံစာ”မျိုးလည်း မဟုတ်၊ လက်ညှိုးညွှန်ရာ ရေဖြစ်ချင်သူတို့ရဲ့ “ဖောင်တော်စီးလက်မှတ်”လည်း မဟုတ်၊ ပြည်သူတွေနဲ့ အစိုးရကြား၊ အစိုးရနဲ့ အစိုးရချင်းတို့ရဲ့ကြား၊ ပြည်သူတွေနဲ့ ပြည်သူတွေရဲ့ကြား ဘာသာပြန်ပေးတဲ့ ပြည်သူတို့ရဲ့ စကားပြန်၊ ပြည်သူတို့ရဲ့ အာဘော၊ ပြည်သူတို့ကို အသိပညာပေးတဲ့စာ၊ ပြည်သူတို့ကို လှုံ့ဆော်တဲ့ စာကိုမှသာ သတင်းစာခေါ်တယ်။ ပြည်သူတွေကို မှောင်ချခြင်းဟာ မကောင်းမှုလုပ်ချင်လို့ အမှောင်ကြိုက်တဲ့ ခိုးသားဓားပြတွေရဲ့ အကြိုက်သာဖြစ်တယ်လို့လည်း သတင်းတွေကို ပိတ်ဟဲ့၊ ဆို့ဟဲ့၊ တားဟဲ့၊ ဆီးဟဲ့ လုပ်ချင်သူတွေကို ဒဲ့ဒိုး ချဲခဲ့ပါတယ်။ အဓိကကတော့ ပြည်သူတွေအတွက် သတင်းလွတ်လပ်ခွင့်၊ စာပေလတ်လပ်ခွင့်ရှိဖို့ပါပဲ။

မန္တလေးမှာ အထက်ဗမာနိုင်ငံစာရေးဆရာအသင်း အနေနဲ့ ဦးလေး လူထုဦးလှ ဦးဆောင်ပြီး ကျနော်တို့ လုပ်နေတဲ့ စာတမ်းဖတ်ပွဲတွေဟာ မဆလအစိုးရရဲ့ စာပေလုပ်သားအဖွဲ့ ပေါ်လာတော့မှာမို့ ရပ်လိုက်ရတယ်။ ဦးဝင်းတင်က စာတမ်းဖတ်ပွဲတွေကို သူ့ရဲ့ ဟံသာဝတီသတင်းစာ “စနေစာပေ၀ိုင်း” မှာ ဆက်လုပ်တယ်။ ကြုံရင်ကြုံသလို လုပ်ရင်းက ရန်ကုန်က စာရေးဆရာတွေလည်း ပါဝင်လာကြတယ်။ စာအုပ်တွေလည်း ထုတ်တယ်။ မန်း ဟံသာဝတီ ငါးနှစ်မြောက်အထိမ်းအမှတ် စာအုပ်လည်း ထုတ်တယ်။ အဓိကကတော့ စာပေလွတ်လပ်ခွင့်ပါပဲ။ ဒီလိုဟာတွေ ပြောလွန်းလို့လည်း ဗိုလ်နေ၀င်းကိုယ်တိုင် မျက်စိစပါးမွေး စူးလာပြီး သတင်းစာလည်း ပိတ်၊ အယ်ဒီတာကိုလည်း ဖြုတ်ချလိုက်ခဲ့တာ ဖြစ်ပါတယ်။

ခု ဦးဝင်းတင် ထောင်က လွတ်လာပြီ။ ပြည်ပက သတင်းဌာနမျိုးစုံနဲ့ ပြောကြ ဆိုကြတာတွေကို ကြားရသူတိုင်းက သဘောကျကြပါတယ်။ အမျိုးသားဒီမိုကရေစီ အဖွဲ့ချုပ်ကိုလည်း ချီးကျူးတယ်။ စစ်တပ်ထဲက စစ်ဗိုလ်ချုပ်တွေကိုလည်း စစ်တပ်နဲ့ စစ်အာဏာရှင်စနစ် ခွဲခြားပြီး ပြောတယ်။ ဒီလို အမြင်ရှင်းလင်း ပြတ်သားတဲ့ စကားမျိုးကို မကြားရတာ ကြာပြီဖြစ်တဲ့ ပြည်တွင်းပြည်ပ မြန်မာများကလည်း အားရ တက်ကြွကြပါတယ်။ “စု-လွှတ်-တွေ့”လမ်းစဉ်ကိုလည်း ဆုပ်ကိုင်ဆဲပါ။

မျက်မှောက်ကာလမှာ သတင်းစာဆရာအစစ်တွေဟာ ဒီမိုကရေစီရေးဘက်က အပြတ်အသား ရပ်ကြပါတယ်။ အလုပ်ပြုတ်ကြ၊ ထောင်ကျကြတာ များပါတယ်။ ဒီအထဲမှာ အမေလူထုဒေါ်အမာ၊ ဦးဝင်းတင် နဲ့ လူထုစိန်ဝင်းတို့က သတင်းစာဆရာတွေရဲ့ ရှေ့ဆုံးက အရဲရင့်ဆုံး ရပ်တည်ကြပါတယ်။ အမေလူထုဒေါ်အမာဟာ ဦးဝင်းတင်လွတ်မြောက်ရေးကို တဖွဖွ ပြောဆိုပြီး ပူပန်ကြောင့်ကြခဲ့ရှာပါတယ်။ ဦးဝင်းတင်နဲ့တကွ သူ့ရဲဘော် သတင်းစာဆရာတွေအားလုံးဟာ ဘယ်တော့မှ ဒီမိုကရေစီလမ်းကြောင်းက သွေဖည်သွားကြမှာ မဟုတ်ဘူးလို့ ကျနော်တို့ ယုံကြည်ပါတယ်။ တကယ့် သတင်းစာဆရာတွေဟာ ကမ္ဘာအရေး၊ ဗမာ့အရေးတွေကိုလည်း အမြဲ လေ့လာ သုံးသပ်နေကြသူတွေ ဖြစ်တဲ့အပြင် ပြည်သူ့ဘ၀တွေကို ထောင့်စေ့အောင် သိနေကြသူတွေ ဖြစ်ပါတယ်။ ဒါကြောင့် ဘယ်တော့မှ အမြင်စောင်းကြမှာ မဟုတ်ပါဘူး။

သူများမက်မောတဲ့ ၀န်ကြီးဘ၀က နှုတ်ထွက်ခဲ့သူ ပြည်တော်သာခေတ်က ဟံသာဝတီသတင်းစာ အယ်ဒီတာ သူရိယဦးထွန်းဖေ ခေါ် ထွန်းနေ့စဉ်ဦးထွန်းဖေက ပြောဖူးတာ ရှိပါတယ်။ “သတင်းစာဆရာ၊ သတင်းထောက်တွေ ခေါင်းဆောင်မှု မပါတဲ့ ခေတ် တခေတ်မှ မရှိပါဘူး၊ အမြဲ ခေါင်းဆောင်မှု ပေးနေတာပဲ ဆိုတာ ကျွန်တော် ရဲရဲကြီး ပြောချင်တယ်။ အဲဒီတော့ မေးစရာရှိတယ်။ ခေါင်းဆောင်မှုပေးလို့ သတင်းစာဆရာတွေ၊ သတင်းထောက်တွေကပဲ ယခုအခါ တာဝန်ရှိပုဂ္ဂိုလ်ကြီးတွေ ဖြစ်လို့လား ဆိုရင် မဟုတ်ပါဘူး။ သူတို့ အငတ်ခံပြီး ခေါင်းဆောင်မှု ပေးတယ်။ အသတ်ခံပြီး ခေါင်းဆောင်မှု ပေးတယ်။ ထောင်ချခံပီး ခေါင်းဆောင်မှု ပေးတယ်” တဲ့။ မှန်ပါပေတယ်။ သတင်းစာဆရာတွေဟာ ဆက်လက်ပြီး အငတ်ခံ အသတ်ခံကြဦးမှာပဲ လို့ မြေကြီးလက်ခတ်မလွဲ ယုံကြည်လျက် ရှိကြပါကြောင်း။ ။

မောင်စွမ်းရည် ၂၀၀၈၊ အောက်တိုဘာ ၂

၀၉၁၀၂၀၀၈သတင်း

ဒေါ်စု လွတ်မြောက်ရေး နေပြည်တော်မှာ အယူခံတင်
ကိုထွေး အောက်တိုဘာ ၉၊ ၂၀၀၈

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ နေအိမ်အကျယ်ချုပ်နှင့် ပတ်သက်သောအယူခံလွှာကို ယနေ့တွင် နေပြည်တော်သို့ တင်သွင်းလိုက်ပြီဖြစ်သည်။

ယင်းအယူခံလွှာအား နံနက်ပိုင်းတွင် အစိုးရအဖွဲ့က လက်ခံထားလိုက်ခြင်းဖြစ်သည်ဟု ဒေါ်အောင်ဆန်းစုကြည်၏ အကျိုးဆောင် ရှေ့နေကြီး ဦးကြည်ဝင်းက ပြောသည်။

“အယူခံလွှာကတော့ ကျနော့် လက်တွဲဖက် ရှေ့နေဦးလှမျိုးမြင့်က နေပြည်တော်မှာ ဒီနေ့ မနက်က တင်လိုက်ပါပြီ၊ အစိုးရ အဖွဲ့ကလည်း လက်ခံထားလိုက်ပြီ၊ နောက်တခါ ဒီဘက်က ပြည်ထဲရေးဗဟိုအဖွဲ့ ဆိုတာ ရှိတယ်၊ တရားပြိုင်ပေါ့၊ သူတို့က လည်း လက်ခံထားလိုက်တယ်၊ လျှောက်လွှဲချက် ဘယ်နေ့ပေးရမလဲ ဆိုတာ ရက်စွဲတော့ မပေးသေးဘူး”ဟု ဦးကြည်ဝင်းက ဧရာဝတီသို့ ပြောသည်။

အဆိုပါအယူခံလွှာသည် ပြည့်ပြည့်စုံစုံပါရှိသည့်အတွက် စိတ်ကျေနပ်မှုရှိကြောင်း၊ အယူခံလွှာနှင့် ပတ်သက် ၍ဖြစ်ပေါ်လာ မည့် အကျိုးသက်ရောက်မှု အသေးစိတ်ကို ဖြေဆိုခြင်းမပြု သော်လည်း အယူခံလွှာအား အတည်ပြုရန် မျှော်လင့်ထား ကြောင်း၊ ဒေါ်အောင်ဆန်းစုကြည်နှင့် ထပ်မံ၍တွေ့ဆုံနိုင်ရန်အတွက် လာမည့် သောကြာနေ့တွင် အာဏာပိုင်များထံ စာရေး၍ ခွင့်တောင်းရန်ရှိကြောင်းလည်း ၎င်းက ပြောဆိုသည်။

၎င်းအယူခံလွာနှင့်ပတ်သက်၍ ယခင်က ရှေ့နေကြီးများဖြစ်ကြသော ဦးကြည်ဝင်း၊ ဦးဥာဏ်ဝင်း၊ ဦးလှမျိုးမြင့် တို့က လိုက်ပါဆောင်ရွက်ရန် စီစဉ်ထားသော်လည်း စစ်အစိုးရက တားမြစ်သည့်အတွက် ဦးဥာဏ်ဝင်းမှာ လိုက်ပါ ဆောင်ရွက်နိုင် ခြင်းမရှိတော့ကြောင်း သိရသည်။

“အခုအမှုမှာ ဦးဥာဏ်ဝင်းက ပါဝင်ဆောင်ရွက်နိုင်ခြင်း မရှိတော့ဘူး၊ သူက အန်အယ်လ်ဒီ ပါတီဝင်ဖြစ်နေတယ်၊ တားဆီးမိန့် ၁၀(ခ)မှာ တခုပါတာက သံရုံးကပုဂ္ဂိုလ်တွေ၊ ပါတီကပုဂ္ဂိုလ်တွေနဲ့ ဆက်သွယ်မှုမရှိရဘူး၊ အဲဒီအတွက် အားလျော့သွား တာပေါ့”ဟုလည်း ဦးကြည်ဝင်းက ဆက်လက်ပြောဆိုသည်။

ထိုကြောင့် ဒေါ်အောင်ဆန်းစုကြည်၏ နေအိမ်အကျယ်ချုပ်နှင့် ပတ်သက်၍ ဥပဒေကြောင်းရ အယူခံဝင် ရန်အတွက် ဦးကြည်ဝင်းနှင့် လက်ထောက် ရှေ့နေ ဦးလှမျိုးမြင့်တို့ ၂ ဦးကသာ ဆက်လက် တာဝန်ယူ ဆောင်ရွက်သွား ကြမည်ဖြစ်သည်။

အယူခံလွှာကိစ္စနှင့် ပတ်သက်ပြီး ရှေ့နေကြီးဦးကြည်ဝင်းက ဒေါ်အောင်ဆန်းစုကြည်ထံ သွားရောက် တွေ့ဆုံ ဆွေးနွေးခဲ့ သည်မှာ ၅ ကြိမ်မြောက် ရှိသွားပြီဖြစ်သည်။

အဆိုပါအယူခံလွာတွင် ဒေါ်အောင်ဆန်းစုကြည်က သူ့ကို ပုဒ်မ ၁၀(ခ) အရ အရေးယူထားသည်မှာ ဥပဒေ နှင့် ညီမညီ၊ အရေးယူထားသည့်ကာလမှာ ဥပဒေနှင့် ညီမညီ၊ အတူနေ ဒေါ်ခင်ခင်ဝင်း သားအမိ အနေနှင့် တားဆီးမိန့် အကျုံးဝင် မ၀င်၊ ကျန်းမာရေးနှင့် ပတ်သက်၍ မိသားစု ဆရာဝန်နှင့် ပုံမှန်ဆေးစစ်ခွင့်၊ ရှေ့နေ ဦးကြည်ဝင်းအတွက် လက်ထောက်ရှေ့နေ ထပ်မံဌားရမ်းခြင်း စသည့် အချက်များ ပါဝင်ကြောင်း သိရသည်။

ဒေါ်အောင်ဆန်းစုကြည်သည် ၂၀၀၃ ခုနှစ် မေလ တွင် ဖြစ်ပွားခဲ့သော ဒီပဲယင်းအကြမ်းဖက်တိုက်ခိုက်မှု အပြီးမှ စတင်၍ နေအိမ် အကျယ်ချုပ်ဖြင့် အထိန်းသိမ်းခံနေရသည်မှာ ၅ နှစ်ပြည့်ပြီ ဖြစ်သော်လည်း

စစ်အစိုးရက ယခုနှစ်မေလတွင် အကျယ်ချုပ်သက်တမ်း ထပ်မံတိုးခဲ့သည်။ ၁၉၈၉ ခုနှစ်မှ စ၍ နေအိမ် အကျယ်ချုပ် ဘ၀ဖြင့် နေရချိန် စုစုပေါင်း ၁၂ နှစ် ကျော်ပြီ ဖြစ်သည်။

မြန်မာ့လူ့အခွင့်အရေး နိုင်ငံတကာစံတွေနဲ့ အလှမ်းဝေးနေဆဲ
09 October 2008
ဦးအောင်လွင်ဦး

မြန်မာနိုင်ငံက လူ့အခွင့်အရေး အခြေအနေတွေဟာ နိုင်ငံတကာက စံချိန်စံညွှန်းတွေနဲ့
အညီဖြစ်ဖို့ လိုနေသေးတဲ့အကြောင်း၊ နိုင်ငံရေးအခြေအနေတွေ တိုးတက်ဖို့ အခြေခံ
လွတ်လပ်ခွင့်တွေရှိဖို့ လိုသေးတဲ့အကြောင်း ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်
အရေး အထူးကိုယ်စားလှယ် မစ္စတာ တောမတ်စ် အိုဟဲ ကင်တားနား (Tomas Ojea
Quintana) က ပြောဆိုလိုက်ပါတယ်။ ဒီလို လူ့အခွင့်အရေး အခြေအနေတွေ တိုးတက်ဖို့
တိုက်တွန်းပြောဆိုလိုက်တဲ့အပေါ် မြန်မာနိုင်ငံက အတိုက်အခံ အမျိုးသားဒီမိုကရေစီ
အဖွဲ့ချုပ်က ကြိုဆိုလိုက်ပေမယ့် အခြေအနေတွေ တိုးတက်ဖို့က ပြောနေတာထက်ကို
လိုနေသေးတယ်လို့လည်း ဆိုလိုက်ပါတယ်။ အကြောင်းစုံကို ကိုအောင်လွင်ဦးက
တင်ပြပေးထားပါတယ်။

မြန်မာနိုင်ငံမှာ နိုင်ငံရေး တိုးတက်ဖြစ်ထွန်းမှုတွေ ရှိလာစေဖို့အတွက် လူ့အခွင့်အရေး
အခြေအနေတွေ တိုးတက်ဖို့က စိန်ခေါ်မှုတွေအဖြစ် ရှိနေဆဲပဲဆိုပြီး မနေ့တုန်းက
ထုတ်ပြန်လိုက်တဲ့ သူ့ရဲ့ အစီရင်ခံစာထဲမှာ ပြောဆိုခဲ့တာပါ။ မြန်မာစစ်အစိုးရက သူ့ရဲ့
နိုင်ငံရေးလမ်းပြမြေပုံအရ လာမယ့် ၂၀၁၀ ခုနှစ်မှာ ရွေးကောက်ပွဲအသစ်တွေ ကျင်းပဖို့
ပြင်ဆင်နေတဲ့နေရာမှာ အခြေခံလူ့အခွင့်အရေးတွေဖြစ်တဲ့ လွတ်လပ်စွာထုတ်ဖော်ခွင့်၊
ငြိမ်းချမ်းစွာစုရုံးခွင့် စတာတွေအပြင် ဖမ်းဆီးထားတဲ့ နိုင်ငံရေးအကျဉ်းသားတွေကို
ပြန်လွှတ်ပေးဖို့ လိုတယ်လို့လည်း သူက ဆိုလိုက်ပါတယ်။ လူ့အခွင့်အရေး ကိုယ်စား
လှယ်ရဲ့ ဒီလို ထောက်ပြပြောဆိုမှုတွေနဲ့ ပတ်သက်လို့ အတိုက်အခံ အမျိုးသားဒီမို
ကရေစီအဖွဲ့ချုပ် (အန်န်အယ်လ်ဒီ) ရဲ့ သဘောထားကတော့ …အန်န်အယ်လ်ဒီ ပြောခွင့်ရပုဂ္ဂိုလ် ဦးဉာဏ်ဝင်း။
"အဓိကအားဖြင့် အခြေခံလူ့အခွင့်အရေးတွေကို
ပေးမှဖြစ်မယ်။ ဒီဟာက လူ့အခွင့်အရေးဆိုင်ရာ
အခြေခံအချက် ၄ ချက်ပြောပါတယ်။ Right of
Express, Opinion, Right of Assembly နဲ့
Right of Association ရယ်။ ဒါတွေရှိမှပဲ ဒီမို
ကရေစီ ဖော်ဆောင်ရေးဆိုတာ ဖြစ်နိုင်မယ်လို့
ပြောတာ။ ကျနော်တို့ လုံးဝကြိုဆိုတယ်။ ဒါက
အမှန်လည်း အမှန်တရားပါ။

"နောက်တခုက နိုင်ငံရေးအကျဉ်းသားအားလုံး
လွှတ်ပေးခြင်းအားဖြင့် ၂၀၁၀ ရွေးကောက်ပွဲ ရော၊ နိုင်ငံရေးအကျပ်အတည်းရော ပြေလည်
နိုင်စရာရှိတယ်လို့ တင်ပြတဲ့ဟာတွေက ကျနော် တို့ ကြိုဆိုတယ်လို့ ပြောချင်ပါတယ်၊ အဲဒါတွေနဲ့
ပတ်သက်ရင်။ အဲဒီလိုပြောပေမယ့် ဒီထဲမှာ အဓိပ္ပာယ်တွေ အများကြီးရှိပါတယ်။

"နိုင်ငံရေးအကျဉ်းသားတွေ အားလုံးလွှတ်တယ်ဆိုရင် Dialogue ဆိုတာရှိလာမယ်၊
ညှိနှိုင်းမှုဆိုတာ ရှိလာမယ်။ ဒီဟာတွေ ရှိလာတဲ့အခါ ၂၀၁၀ ရွေးကောက်ပွဲအတွက်
အကျိုးရှိနိုင်တယ်လို့ ဒီလိုအဓိပ္ပာယ်မျိုး ကျနော်တို့ ယူပါတယ်။ ဒါလွှတ်လိုက်တာနဲ့
ဒါဖြစ်တယ်ဆိုတဲ့ အဓိပ္ပာယ်မျိုး မဟုတ်ပါဘူး။ ဒါတွေက အခြေခံ အဓိကလိုအပ်ချက်ကို
ပြောတဲ့သဘောလို့ အန်ကယ်တို့ နားလည်ထားပါတယ်။"

လတ်တလော အခြေအနေမှာတော့ တက်ကြွလှုပ်ရှားသူတွေကို ဆက်လက်ဖမ်းဆီးမှု
တွေ ရှိနေတာ အပါအ၀င် မြန်မာနိုင်ငံက လူ့အခွင့်အရေး အခြေအနေတွေဟာ ကျေနပ်
ဖွယ်ရာ မရှိတဲ့အကြောင်းလည်း လူ့အခွင့်အရေး အထူးကိုယ်စားလှယ်က သူ့ရဲ့ အစီရင်
ခံစာထဲမှာ ဖော်ပြခဲ့တာပါ။

အန်န်အယ်လ်ဒီပါတီကတော့ အခြေအနေတွေဟာ ပိုလို့တောင် ဆိုးလာတယ်လို့
ဆိုလိုက်ပါတယ်။

"ဖိနှိပ်မှုတွေ ပိုများတယ်လို့ ကျနော်တို့မြင်ပါတယ်။ သြဂုတ်၊ စက်တင်ဘာ ကာလမှာ
အဖမ်းအဆီး ပိုများလာတယ်။ တော်တော်ကြာကြာ နှစ်နဲ့ချီ ဖမ်းထားတဲ့လူတွေကိုလည်း
အခုမှ ပြစ်ဒဏ်ချတာတွေ တွေ့နေရတယ်။ ဒါကြောင့် ဖိအားပေးမှုကလည်း လက်တွေ့
မှာတော့ ဒီမှာ ပိုနေတယ်၊ ပိုများလာတယ်လို့ ပြောချင်ပါတယ်။"

လူ့အခွင့်အရေး အခြေအနေတွေကို စုံစမ်းစစ်ဆေးဖို့ ပြီးခဲ့တဲ့ သြဂုတ်လထဲတုန်းက
မြန်မာနိုင်ငံကို မစ္စတာကင်တားနား ရောက်နေခိုက်မှာပဲ တက်ကြွလှုပ်ရှားသူတွေကို
ဖမ်းတာဆီးတာတွေ ရှိခဲ့သလို ပြီးခဲ့တဲ့ လတွေအတွင်းမှာလည်း ဖမ်းဆီးမှုတွေ၊
ထိန်းသိမ်းခံနေရသူတွေကို ထောင်ဒဏ်ပြစ်ဒဏ်တွေ ချမှတ်နေတာတွေလည်း ရှိခဲ့တာ
ဖြစ်ပါတယ်။ ဒီလို လူ့အခွင့်အရေး အခြေအနေတွေ တိုးတက်ဖို့အတွက် အထူးကိုယ်စား
လှယ် သွားရောက်တဲ့ကြားက ဒီလို ဖြစ်ပျက်နေတာတွေနဲ့ ပတ်သက်လို့ အန်န်အယ်လ်ဒီ
ရဲ့ အမြင်ကိုလည်း မေးကြည့်ပါတယ်။

"လက်ရှိအခြေအနေမှာ ပြောရင်တော့ ဆုပ်ဆုပ်ကိုင်ကိုင်ပြနိုင်တဲ့ တိုးတက်မှု မရှိသေး
ဘူးလို့ ပြောလို့ရပါတယ်။ သို့သော်လည်း မစ္စတာကင်တားနားတို့လို၊ အထွေထွေအတွင်း
ရေးမှူး မစ္စတာဘန်ကီမွန်းတို့လို ပုဂ္ဂိုလ်တွေက မြန်မာနိုင်ငံအရေးနဲ့ ပတ်သက်ပြီး
ပြောတာတွေကို လက်ရှိ စစ်ခေါင်းဆောင်များကလည်း တလေးတစားရှိလာတဲ့ အခြေ
အနေဖြစ်လာနိုင်တယ်။ အဲဒီလိုဖြစ်လာရင် တိုင်းပြည်အတွက် လမ်းကြောင်းမှန်ပေါ်
ရောက်တယ်လို့ ပြောလို့ရမှာပေါ့။ ဒီလိုမျှော်လင့်ချက်မျိုး ကျနော်တို့ထားပါတယ်။"

အမျိုးသားဒီမိုကရေစီအဖွဲ့ချုပ် (အန်န်အယ်လ်ဒီ) ပါတီ ပြောခွင့်ရပုဂ္ဂိုလ် ဦးဉာဏ်ဝင်း
ပြောပြသွားတာ ဖြစ်ပါတယ်။

မြန်မာနိုင်ငံမှာ နိုင်ငံရေး တက်ကြွလှုပ်ရှားသူတွေကို တရားလက်လွတ် ဖမ်းဆီးနေတာ
တွေ၊ ထောင်သွင်းအကျဉ်းချနေတာတွေနဲ့ ပတ်သက်လို့လည်း အသစ်ခန့်အပ်လိုက်တဲ့
ကုလသမဂ္ဂ လူ့အခွင့်အရေးဆိုင်ရာ မဟာမင်းကြီး မစ္စ နာဗီ ပီလေး (Navi Pillay) က
မကြာသေးခင်တုန်းကပဲ ပြစ်တင်ဝေဖန် ခဲ့ပါသေးတယ်။ မြန်မာ့ဒီမိုကရေစီခေါင်းဆောင်
ဒေါ်အောင်ဆန်းစုကြည် အပါအ၀င် နိုင်ငံရေးယုံကြည်ချက်ကြောင့် ဖမ်းဆီးခံနေရသူ
တွေ အကျဉ်းကျခံနေရတဲ့ အချိန်ကာလတွေဟာဆိုရင် ရာဇ၀တ်ပြစ်မှုကျူးလွန်လို့
ပြစ်ဒဏ်ကျခံနေရသူတွေထက်တောင် ပိုနေသေးတယ် ဆိုပြီးတော့လည်း သူက
ပြောသွားခဲ့တာ ဖြစ်ပါတယ်။

လူ့အခွင့်အရေးကို လေးစားလိုက်နာရန် ကုလ လူ့အခွင့်အရေးကိုယ်စားလှယ် စစ်အစိုးရကို တောင်းဆို
အေးလဲ့ အောက်တိုဘာ ၉၊ ၂၀၀၈

မြန်မာစစ်အစိုးအနေနှင့် ၂၀၁၀ ရွေးကောက်ပွဲမတိုင်မီ အခြေခံလူ့အခွင့်အရေးများအား ကန့်သတ် ထိန်းချုပ် ထားသည့် ဥပဒေစနစ်များကို ပြန်လည်စိစစ် ပြင်ဆင်ရန် ကမ္ဘာ့ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာတောမတ်စ် အိုဟေး ကင်တာနာ က ပြောဆိုလိုက်သည်။

ယမန်နေ့က ကုလသမဂ္ဂသတင်းထုတ်ပြန်ကြေညာချက်တွင် “အခြေခံလူ့အခွင့်အရေးဖြစ်တဲ့ လွတ်လပ်စွာစုရုံးခွင့်နှင့် လွတ်လပ်စွာ ဖွဲ့စည်းခွင့်၊ လွတ်လပ်စွာ ထုတ်ဖော် ပြောဆိုခွင့်တို့ကိုလေးစားလိုက်နာမှသာ တိကျခိုင်မာတဲ့ ဒီမိုကရေစီ စနစ်တခုကို တည်ဆောက်နိုင်မှာဖြစ်တယ်” ဟု မစ္စတာ ကင်တာနာက ၎င်း၏ အစီရင်ခံစာ တွင် ပြောဆိုကြောင်း ဖော်ပြထားသည်။

ထို့အပြင် ခွဲခြားဆက်ဆံသည့် စည်းမျဉ်းဥပဒေ များကိုရုတ်သိမ်းပေးရန်၊ ကလေးစစ်သား စုဆောင်း သုံးစွဲ မှုများကို ရပ်တန့် ရန်နှင့် နိုင်ငံရေးအကျဉ်းသားများ အားလုံးလွှတ်ပေးရန်တို့ကိုလည်း မစ္စတာ ကင်တာနာ က အစီရင်ခံစာတွင် ထည့်သွင်း တောင်းဆိုထားသည်။

မစ္စတာကင်တာနာက စစ်အစိုးရက ဖမ်းဆီးထိန်းသိမ်းထားသည့် နိုင်ငံရေးအကျဉ်းသားများကို လွှတ်ပေး၍ ၂၀၁၀ ရွေးကောက်ပွဲတွင် ၎င်းတို့အား ပါဝင်ခွင့်ပြုရန်လည်း ထပ်မံ အကြံပြုထားသေးသည်။

နိုင်ငံတကာ လူ့အခွင့်အရေး စံထားချက်များမှ စစ်အစိုးရ၏ “ဒီမိုကရေစီသို့ လမ်းပြမြေပုံ”ကို ဖယ်ကျဉ်၍ မရနိုင်ကြောင်း လည်း မစ္စတာ ကင်တာနာ က ပြောဆိုသည်။

မြန်မာနိုင်ငံ၌ အရပ်သားအစိုးရတရပ် ပေါ်ပေါက်လာရန် ဒီမိုကရေစီ အသွင်ကူးပြောင်းရေးကာလတွင် အားလုံး ပါဝင်နိုင်မည့် အခြေခံဥပဒေသစ်တခု လိုအပ်ကြောင်းနှင့် သို့မှသာ ဒီမိုကရေစီ၏တန်ဖိုးများနှင့် ညီညွတ်မည်ဖြစ်ကြောင်းလည်း ၎င်းက ထောက်ပြထားသည်။

၎င်းထောက်ပြပြောဆိုချက်များနှင့်ပတ်သက်ပြီး အန်အယ်လ်ဒီပြောခွင့်ရ ဦးဥာဏ်ဝင်းက“မစ္စတာ ကင်တာနာ အနေနဲ့ လူ့အခွင့်အရေး ဆိုင်ရာနဲ့ပတ်သက်ပြီး ဒီမိုကရေစီစနစ် ကူးပြောင်းရေး အချိန်မှာ အခုလို အခြေခံ လူ့အခွင့်အရေးဆိုင်ရာ အရေးကြီးတဲ့ အချက်တွေကို ထောက်ပြထားတဲ့အတွက် သက်ဆိုင်ရာ အာဏာပိုင် တွေကလည်း ထည့်သွင်းစဉ်းစား သင့်တယ်” ဟု ပြောသည်။

မစ္စတာ ကင်တာနာသည် လူ့အခွင့်အရေးအခြေအနေများလေ့လာရန် ယခုနှစ်သြဂုတ်လ၃ရက်နေ့မှ ၇ရက်နေ့ အထိ မြန်မာ နိုင်ငံသို့ ၄ ရက်ကြာသွားရောက်ခဲ့ပြီး ၈ ရက်နေ့ နှင့် ၉ ရက်နေ့များတွင် ထိုင်း မြန်မာနယ်စပ် မဲဆောက် မြို့ ရှိ လူအခွင့် အရေး အဖွဲ့ တာဝန်ရှိသူများ၊ နိုင်ငံရေးအကျဉ်းသားများ ကူညီစောင့် ရှောက်ရေး အသင်း (AAPP) တာဝန်ရှိသူများနှင့် တွေ့ဆုံခဲ့သည်။

ထိုင်းနိုင်ငံ အခြေစိုက် AAPP အတွင်းရေးမှူး ဦးတိတ်နိုင်က“ ယခုလများအတွင်း စစ်အစိုးရက နိုင်ငံရေး တက်ကြွ လှုပ်ရှား သူများကို ဆက်လက်ဖမ်းဆီး နေတာတွေ၊ သေလုမျောပါးအထိ ဆိုးရွားလွန်းတဲ့ နှိပ်စက် မှုမျိုးတွေ၊ တရားခွင်မှာ မိသားစု ကြားနာခွင့် မပေးတာတွေ၊ တပတ်အတွင်း မိသားစုများ အားထောင်ဝင်စာ တွေ့ခွင့်မပေးတာတွေ စတဲ့ ဖိနှိပ်ကန့်သတ် ချက်တွေ ပိုမိုများလာတဲ့ ကိစ္စတွေမှာလည်း မစ္စတာကင်တာနာ အနေနဲ့ အထူးလေ့လာဖို့လိုအပ်တယ်”ဟု ပြောသည်။

ယခု အပတ် အင်္ဂါနေ့တွင် ကမ္ဘကုလသမဂ္ဂ အထွေထွေအတွင်းရေးမှူးချူပ် မစ္စတာဘန်ကီမွန်းကလည်း မြန်မာ နိုင်ငံတွင် ဒီမိုကရေစီရေးတိုးတက် ပြောင်းလဲမှု မတွေ့ရှိပါက လာမည့်ဒီဇင်ဘာလအတွင်း သွားရောက်မည့် မြန်မာနိုင်ငံခရီးစဉ် မသေချာကြောင်း ပြောကြားထားသည်။

လွန်ခဲ့သည့် ၂၀၀၃ ခုနှစ်တွင် နိုင်ငံရေး အကျဉ်းသား ၁၃၀၀ခန့်ရှိခဲ့ပြီး ၂၀၀၇ ခုနှစ် သြဂုတ်လတွင် ၁၁၉၂ ဦးရှိကာ ယခု နှစ် ၂၀၀၈ ခုနှစ် စက်တင်ဘာလတွင် ၂၁၂၃ ဦး ရှိကြောင်း အမေရိကန် နိုင်ငံအခြေစိုက် မြန်မာ့ အရေးလေ့လာသူများအဖွဲ့ (USCB) နှင့်AAPP တို့ ၏ အောက်တိုဘာ ၆ ရက်နေ့က ထုတ်ပြန်သည့် ပူးတွဲ ကြေညာချက်အရ သိရှိရသည်။

အဆိုတော်ချစ်ကောင်း ဓားဒဏ်ရာရ
ဧရာဝတီ အောက်တိုဘာ ၉၊ ၂၀၀၈

အာရှပလာဇာ အရှေ့တွင် အဆိုတော် ချစ်ကောင်း ဓားဒဏ်ရာရကြောင်း ဂီတအသိုင်းအ၀န်းမှတဆင့် သိရသည်။

လွန်ခဲ့သည့် ၂ ရက်က အဆိုတော် ချစ်ကောင်းအား ၎င်းနှင့်ပတ်သက်သည့် အမျိုးသမီးတဦးက ဓားဖြင့် ရန်ပြုသဖြင့် ညာဘက်ခြေထောက်တွင် ပြတ်ရှသည့်ဒဏ်ရာရရှိပြီး စိုးရိမ်ဖွယ်မရှိကြောင်းနှင့် ရန်ကုန်ဆေးရုံကြီးမှ ယနေ့ဆင်းမည်ဟု ဂီတအသိုင်းအ၀န်းက ပြောသည်။

အဆိုတော် ချစ်ကောင်း၏ ပရိသတ်တဦးက “ကြားရတာ စိတ်မကောင်းပါဘူး။ ချစ်ကောင်းက ဒီဘက်နောက်ပိုင်း ပွဲတွေမှာ အစီအစဉ်မှူးလဲ လုပ်သဗျ၊ သူက အသံသြဇာနဲ့ ဟန်ပန်တွေလဲ ကောင်းတယ်” ဟု ပြောသည်။

တခြား ပရိသတ်တဦးကလည်း “အနုပညာနယ်ပယ်မှာ ကြာရှည်ရပ်တည်နိုင်တဲ့ သူ့အစွမ်းအစ လေးကို သဘောကျပေမယ့် သူ့ ကိုယ်ရေးကိုယ်တာကိစ္စအတွက်တော့ အထူးတလည် မခံစားမိပါဘူး” ဟု ပြောသည်။

အခင်းဖြစ်ပွားမှုသည် အဆိုတော် ချစ်ကောင်း၏ ကိုယ်ရေးကိုယ်တာများနှင့် ပတ်သက်နေ သောကြောင့် အနုပညာ အသိုင်းအ၀န်းက အကျယ်တ၀င့် ပြောကြားခြင်း မရှိပေ။

အနုပညာအသိုင်းအ၀န်းနှင့် ရင်နှီးသူများက ဗိုလ်ချစ် ဟုခေါ်သော အဆိုတော် ချစ်ကောင်းသည် ၁၉၈၀ ကျော် ကာလများ ကတည်းက တေးရေး ၀င်းမင်းထွေး၏ ကော်ဖီခါးခါး တေးစီးရီးဖြင့် အောင်မြင်မှု ရရှိခဲ့သူ ဖြစ်သည်။

သီတင်းကျွတ်ရာသီအကြို နို့အခြေခံ တရုတ်စားသောက်ကုန်များ မြန်မာပြည်တွင်း အရောင်းသွက်နေ
အောင်သက်ဝိုင်း အောက်တိုဘာ ၉၊ ၂၀၀၈

မြန်မာ့ရိုးရာ သီတင်းကျွတ် မီးထွန်းပွဲတော်နီးကပ်လာသည်နှင့်အမျှ နို့မှုန့်ထုပ်များ၊ နို့နှင့် နို့မှုန့်တို့မှထုတ်လုပ်သည့် တရုတ် နိုင်ငံထုတ်စားသောက်ကုန်များ နယ်စပ်ဒေသများမှတဆင့် ရန်ကုန်၊ မန္တလေးအပါအ၀င် ပြည်တွင်း ဈေးကွက်သို့ ဈေးပေါပေါ ဖြင့်ဝင်ရောက်ကာ အလွန်အရောင်းအ၀ယ်ဖြစ်နေကြောင်း ရန်ကုန်ရှိ စားသောက်ကုန် ဆိုင်ရှင်များနှင့် စူပါမားကက်ဝန်ထမ်း များက ပြောသည်။

နယ်စပ်မှတဆင့် ဈေးကွက်အတွင်းသို့ဝင်ရောက်လျက်ရှိသည့် တရုတ်နိုင်ငံထုတ် စားသောက်ကုန်မျိုးစုံအနက် နို့နှင့် နို့မှုန့်မှ ထုတ်လုပ်သည့် စားသောက်ကုန်သည် အများဆုံးဖြစ်ပြီး ဈေးနှုန်းမှာလည်း ယခင်နှစ်များထက် ဈေးနှုန်း ချိုသာစွာဖြင့် ၀င်ရောက်နေကြောင်း နယ်စပ်ကုန်သည်များထံမှလည်း သိရသည်။

“တရုတ်မုန့်တွေ မူဆယ်ဝင်ပေါက်ကနေ အများဆုံးဝင်တာ၊ မုန့်တွေက နို့မှုန့်လည်းမဟုတ်တော့ အစစ်အဆေးမရှိ ၀င်လာ တယ်၊ ဘီစကစ်၊ ဝေဖာ၊ ချောကလက်၊ သကြားလုံးနဲ့ ကွတ်ကီးမုန့်တွေ အလုံးအရင်းနဲ့ကို ၀င်တာ၊ ဈေးကလည်း အရမ်းကျ တော့ ကုန်သည်တွေက အဲဒီစားသောက်ကုန် တော်တော်များများ သွင်းနိုင်ကြတယ်”ဟု မူဆယ် ၁၀၅ မိုင်ဂိတ်မှ တရုတ် စားသောက်ကုန်တင်သွင်းသည့် ရန်ကုန်ညောင်ပင်လေးဈေးရှိ ဆိုင်ရှင်တဦးက ပြောသည်။

အဆိုပါဆိုင်ရှင်ကဆက်လက်ပြီး“တရုတ်မုန့်ဈေးက တော်တော်သက်သာတယ်။ ဥပမာ- မနှစ်ကဆိုရင် Kunming Guandu Gangtai Biscuits Factory ကထုတ်တဲ့ QILEJIA တံဆိပ် နို့ဘီစကစ် ၃၆၀ ဂရမ်ကို ၁၆၀၀ ၊ ၁၇၀၀ ကျပ် လောက်နဲ့ရောင်း တယ်၊ အခု အဲဒီတံဆိပ် ဘီစကစ်က ကျပ် ၉၀၀ ၊ ၉၅၀ လောက်နဲ့ရောင်းတယ်၊ ဈေးက တအား ကို ကျသွားတာ”ဟုလည်း ပြောသည်။

ရန်ကုန်၊ မန္တလေးအပါအ၀င် တခြားမြို့ကြီးများရှိ စားသောက်ကုန်ဈေးကွက်သို့ ၀င်ရောက်နေသော တရုတ် စားသောက် ကုန်များမှာ ယူနန်ပြည်နယ်(Yunan) ကူမင်း( Kunming) ၊ ဂန်ဇု ( Ganzu) ၊ ရှန်ဒေါင်း ( Shandong) ၊ ဂွန်ဒေါင်း (Guang-dong)၊ ဟူနန် (Hunan)၊ ဂျင်စု (Jiangsu)၊ ဟီနန် (Henan)၊ ဟူဘိုင်း (Hubei) အပါအ၀င် တရုတ်နိုင်ငံတ၀န်းရှိ ပြည်နယ် များမှ ထုတ်လုပ်သော စားသောက်ကုန်များဖြစ်ပြီး တံဆိပ် အမျိုးအစား ပုံစံအမျိုးမျိုးဖြင့် မြန်မာနိုင်ငံဈေးကွက်သို့ ၀င်ရောက် နေကြောင်း စုံစမ်းသိရှိရသည်။

အဆိုပါစားသောက်ကုန်များနှင့်အတူ နို့မှုန့်များလည်း ၀င်ရောက်နေကြောင်း၊ သို့ရာတွင် နို့မှုန့် တင်သွင်းသည့် ပမာဏမှာ နို့နှင့် နို့မှုန့်မှထုတ်လုပ်သည့် စားသောက်ကုန်များနှင့်နှိုင်းယှဉ်ပါက နည်းပါးကြောင်း ရန်ကုန်မြို့ မင်္ဂလာဈေးရှိ ကုန်သည် တချို့က ပြောသည်။

“နို့မှုန့်တွေလည်း ၀င်တယ်၊ ဒါပေမယ့် အရမ်းကြီးတော့မဟုတ်ဘူး၊ ပြီးတော့ရန်ကုန်မှာ နို့မှုန့်သုံးတဲ့ လူအရေ အတွက်က နည်းလာတယ်၊ ဈေးကွက်ထဲဝင်လာတဲ့ နို့မှုန့်တံဆိပ် အနည်းဆုံး နှစ်ဆယ်ကျော် လောက်ရှိမယ်၊ အထူးသဖြင့် နွားနီတံဆိပ် ကတော့ အများဆုံးပဲ” ဟု ညောင်ပင်လေးဈေးရှိ ဆိုင်ရှင်က ပြောသည်။

မင်္ဂလာဈေး၊ ညောင်ပင်လေးဈေး၊ ယုဇနပလာဇာ၊ အင်းစိန်ဈေးနှင့် လှည်းတန်းဈေးတို့အပါအ၀င် ဈေးများ၊ အသေးစားစား သောက်ကုန်အရောင်းဆိုင်များ၊ ကုန်တိုက်များတွင် တရုတ်နို့မှုန့်နှင့် နို့မှုန့် မှထုတ်လုပ်သည့် စားသောက်ကုန်များရောင်းချ လျက်ရှိပြီး တချို့သော စားသောက်ကုန်ဆိုင်ကြီးများက ပျံကျဈေးသည်များကို အကြွေးစနစ်ဖြင့် ရောင်းချခိုင်းမှုများရှိ ကြောင်း သိရှိရသည်။

လှိုင်သာယာ မီးခွက်ဈေးအနီးရှိ ပျံကျဈေးအနီးတွင် တရုတ်နို့မှုန့်ထုပ်များနှင့် နို့မှုန့်မှထုတ်လုပ်သည့် စားသောက်ကုန် ရောင်းသည့် အမျိုးသမီးဈေးသည်တဦးက “မင်္ဂလာဈေးက ဆိုင်က ရောင်းခိုင်းတာ၊ နို့မှုန့်ထုပ်က နည်းနည်းပဲ ပါတယ်၊ အဓိကရောင်းတာက ဘီစကစ်၊ ချောကလက်၊ ဝေဖာနဲ့ ကွတ်ကီးတွေပေါ့၊ အခုရောင်းတဲ့ကုန်အားလုံး အရင်းချည်းပဲ ရှစ်သောင်းကျော် ရှိတယ်၊ ပိုက်ဆံကို ပစ္စည်းတွေရောင်းလို့ကုန်သွားတော့မှ သွားချေရမှာ၊ ကျမ လိုပဲ အဲဒီဆိုင်က တခြား ဈေးတွေမှာ ရောင်းခိုင်းထားတဲ့သူ တွေလည်းရှိပါတယ်” ဟု ရှင်းပြသည်။

အဆိုပါပျံကျဈေးသည်အမျိုးသမီးကပင် တရုတ်စားသောက်ကုန်များ နေ့စဉ် ကျပ်တသောင်းကျော်ဖိုး ရောင်းချရကြောင်း၊ သီတင်းကျွတ်ကာလ နီးလာသည့်အတွက် ဘီစကစ်ထုပ်များ ၀ယ်ယူမှုများကြောင်း ပြောသည်။

စစ်အစိုးရ ကျန်းမာရေးဝန်ကြီးဌာနက အစိုးရသည် တရုတ်နိုင်ငံထုတ် နို့မှုန့်နှင့် တခြားစားသောက်ကုန်များတွင် မယ်လမင်း များပါဝင်သည့်အတွက် စစ်ဆေးအရေးယူမှုများကို ပြုလုပ်နေကြောင်း၊ ယင်းသို့စစ်ဆေးရာတွင် ပြည်တွင်း သို့ဝင်ရောက်လာ သည့် Inner Mongolia Yilli Industrial Group မှထုတ်လုပ်သော နို့မှုန့်အိတ် ၄၆၀ (၁၆ မက်ထရစ်တန်) ကို မီးရှို့ဖျက်ဆီး ခဲ့ကြောင်း၊ ပြည်တွင်းသို့ ကုမ္ပဏီပေါင်း ၁၇ ခုမှ တင်သွင်းထားသည့် နို့မှုန့် တန်ချိန် ၁၅၀၀.၈၅၁ တန်ကို စစ်ဆေးရာ ပိတ်ပင်ထားသည့် ကုမ္ပဏီ ၂၂ ခုမှ ထုတ်လုပ်ခြင်း မဟုတ်သည်ကို အတည်ပြုစစ်ဆေးနိုင်ခဲ့ကြောင်း ၊ ပြည်တွင်းထုတ်နို့မှုန့် များနှင့် စားသောက်ကုန်များကို မယ်လမင်းပါ မပါ စစ်ဆေး သွားမည်ဖြစ်ကြောင်း သတင်းထုတ်ပြန်ထားသည်။

အမည်မဖော်လိုသည့် ကျန်းမာရေးဝန်ကြီးဌာနရှိ လက်ထောက်ညွှန်ကြားရေးမှူး တဦးကမူ ပြည်တွင်းဈေးကွက်တွင်ရောက် ရှိနေသော တရုတ်နို့မှုန့်နှင့် တခြားစားသောက်ကုန်များအားလုံးကို မယ်လမင်းပါဝင်မှုရှိ၊ မရှိစစ်ဆေးရန်မှာ မဖြစ်နိုင်ကြောင်း၊ ကျန်းမာရေးဝန်ကြီးဌာန ဗဟိုအစားအသောက်နှင့် ဆေးဝါးကွပ်ကဲရေးဌာန (FDA)တွင် ၀န်ထမ်း အင်အားအနည်းငယ်သာ ရှိပြီး နည်းပညာအခက်အခဲနှင့် စစ်ဆေးရန်လိုအပ်သည့် ဓာတ်ခွဲခန်း၊ စက်ပစ္စည်းများ ပြည့်စုံလုံလောက်မှုမရှိကြောင်း ပြောသည်။

ဈေးကွက်အတွင်း၌ နို့မှုန့်နှင့် စားသောက်ကုန်များကို စစ်ဆေးနေသည့်ပုံစံမှာ ဓာတ်ခွဲခန်းသို့ပို့ဆောင်ပြီး မယ်လမင်း ပါဝင်မှု ရှိ၊ မရှိ စစ်ဆေးခြင်းမဟုတ်ဘဲ မယ်လမင်းပါဝင်သဖြင့် ပိတ်ပင်ခံထားရသော တရုတ်ကုမ္ပဏီ အမည်များကို အွန်လိုင်းမှကူး ယူကာ အဆိုပါကုမ္ပဏီများမှ မှာယူတင်သွင်းသည့် ကုန်ပစ္စည်း ဟုတ်၊ မဟုတ် အညွှန်းစာဖတ်၍ တိုက်ကြည့်စစ်ဆေးနေရ ခြင်းသာ ဖြစ်ကြောင်း အဆိုပါ ညွှန်ကြားရေးမှူးက ရှင်းပြသည်။

“မြန်မာပြည် FDA က အဖြစ်သဘောပဲဖွဲ့ထားတဲ့ပုံစံ၊ လူအင်အားနဲ့ စက်ပစ္စည်းက နည်းနည်းပဲရှိတာ၊ တိုင်းပြည် တခုလုံးရဲ့ ဈေးကွက်ကို ဒီလောက်ဌာနသေးသေးလေးတခုနဲ့ အကုန်လိုက်စစ်ဆေးဖို့ဆိုတာ မလွယ်ဘူး၊ ဓာတ်ခွဲ ခန်းမှာ စစ်ဆေး တယ်ဆိုတာကလည်း တရုတ်ထွက်ကုန်နည်းနည်းလောက်ကိုပဲ စစ်ဆေးနိုင်တယ်” ဟု ၎င်းက ဆက်ပြောသည်။

ရန်ကုန်မြို့နေ လူအများစုက တရုတ်နို့မှုန့်များကြောင့် တရုတ်နိုင်ငံတွင် ကလေးငယ် ၄ ဦးသေဆုံးပြီး ငါးသောင်း ကျော် ဆေးရုံတက်ကုသနေသည်ဟူသောသတင်းများကြောင့် တရုတ်တံဆိပ်နို့မှုန့်များကို ၀ယ်ယူခြင်း မပြုကြ သော်လည်း နို့နှင့် နို့မှုန့်မှထုတ်လုပ်သည့် တရုတ်စားသောက်ကုန်များကိုမူ ၀ယ်ယူစား သုံးနေကြကြောင်း သိရှိရသည်။
ဒုဗိုလ်ချုပ်မှူးကြီး မောင်အေး ဘင်္ဂလားဒေ့ရှ် သို့ ရောက်ရှိ
ကိုစိုး အောက်တိုဘာ ၉၊ ၂၀၀၈

မြန်မာစစ်အစိုးရ၏ ဒုတိယ စစ်ခေါင်းဆောင် ဒု ဗိုလ်ချုပ်မှူးကြီး မောင်အေးသည် ၂ နိုင်ငံ စီးပွားရေးနှင့် ကုန်သွယ် ကူးသန်းမှု ဆက်ဆံရေးအတွက် ဘင်္ဂလားဒေ့ရှ် နိုင်ငံသို့ အဖွဲ့ဝင် ၅၀ ကျော်နှင့် ရောက်ရှိနေကြောင်း သိရသည်။

အဆိုပါ ဒု ဗိုလ်ချုပ်မှူးကြီး မောင်အေး ၏ ယခု ၃ ရက်ကြာ ခရီးစဉ်တွင် ၎င်း၏ ဇနီး ဒေါ်မြမြစန်း၊ အတွင်းရေးမှူး (၁) ဒုဗိုလ် ချုပ်ကြီး သီဟသူရ တင်အောင်မြင့်ဦး၊ စစ်ဖက်ရေးရာအရာရှိချုပ် ဒု ဗိုလ်ချုပ်ကြီး ရဲမြင့် နှင့် ၀န်ကြီး ၇ ဦး အပါအ၀င် အဖွဲ့ ၀င် ၅၅ ဦး ပါဝင်သည်။
ဒုဗိုလ်ချုပ်မှူးကြီး မောင်အေးနှင့် ဘင်္ဂလားဒေ့ရှ် နိုင်ငံခြားရေးရာ အကြံပေး အရာရှိ အစ်ဖ်တီခါ အာမက် ချိုဒူရီတို့ ပြောဆိုဆွေးနွေးနေစဉ် (ဓာတ်ပုံ - ရိုက်တာ)

ယင်းခရီးစဉ် မှာ ဘင်္ဂလားဒေ့ရှ် အိမ်စောင့်အစိုးရ အဖွဲ့ အကြံပေးအရာရှိချုပ် ဒေါက်တာ ဖာ့ခ်ရူဒင်အာမက် ၏ ဖိတ်ကြား ချက်အရ သွားရောက်ခြင်းဖြစ်ကြောင်း ယမန်နေ့ထုတ် မြန်မာ့အလင်း သတင်းစာတွင် ဖော်ပြထား သည်။

ယခု ခရီးစဉ်အတွင်း ဒု ဗိုလ်ချုပ်မှူးကြီး မောင်အေးသည် လက်ရှိ ဘင်္ဂလားဒေ့ရှ် အစိုးရ တာဝန်ရှိသူများနှင့် ရိုဟင်ဂျာ ဒုက္ခသည်ကိစ္စ၊ ပင်လယ်ရေပိုင်နက်အငြင်းပွားမှု ကိစ္စများ အပါအ၀င် သဘာဝ ဓာတ်ငွေ့၊ လမ်းဖောက် လုပ်ရေး၊ ဆန်တင် သွင်းရေး စသည့် ၂ နိုင်ငံ အကျိုးစီးပွား ကိစ္စရပ်များကို ဆွေးနွေး သဘောတူညီမှုများပြုလုပ် ကြောင်း သိရသည်။

အင်္ဂါနေ့က ဒု ဗိုလ်ချုပ်မှူးကြီး မောင်အေးနှင့် အဖွဲ့သည် အခွန်၂ ထပ် လျှော့ချရေးနှင့် ကုန်သွယ်မှုဆိုင်ရာ ကိစ္စရပ်များကို ဘင်္ဂလားဒေ့ရှ် အစိုးရ နှင့် သဘောတူလက်မှတ်ထိုးသည်။

“ဘင်္ဂလားဒေ့ရှ် နိုင်ငံနေနဲ့ သဘာဝ ဓာတ်ငွေ့နဲ့ ဆန်ကို မြန်မာနိုင်ငံ က တင်သွင်းမှာဖြစ်ပါတယ်”ဟု ဘင်္ဂလား ဒေ့ရှ် နိုင်ငံခြားရေးရာ အကြံပေးအရာရှိ အစ်ဖ်တီခါ အာမက် ချိုဒူရီ က ပြောကြောင်း ရိုက်တာ သတင်း တွင် ဖော်ပြထားသည်။

ဘင်္ဂလားဒေ့ရှ် ဘက်က တရုတ်-မြန်မာ-ဘင်္ဂလားဒေ့ရှ် ၃ နိုင်ငံ ဆက်သွယ်ရေးလမ်း အပြီးသတ်ရေးကိစ္စနှင့် ၂ နိုင်ငံ နယ်စပ် ရှိ ရိုဟင်ဂျာ ဒုက္ခသည်များအား မြန်မာနိုင်ငံသို့ ပြန်လည်ပို့ဆောင်ရေး ကိစ္စရပ်များကို ဆွေးနွေး တင်ပြသည်ဟုလည်း သိရသည်။

ဘင်္ဂလားဒေ့ရှ် နိုင်ငံ အခြေစိုက် နိဉ္စရာ သတင်းဌာန အယ်ဒီတာ ကိုခိုင်မြတ်ကျော်ကမူ ယခုရောက်ရှိနေသော ဒု ဗိုလ်ချုပ် မှူးကြီး မောင်အေး နှင့် အဖွဲ့သည် ရိုဟင်ဂျာ ဒုက္ခသည်များအရေးကို စိတ်ဝင်စားမည် မဟုတ်ဟု ပြောဆို သည်။

သို့သော် ရုပ်မြင်သံကြား၊ သတင်းစာ စသည့် ဘင်္ဂလားဒေ့ရှ် သတင်းမီဒီယာများတွင် ဘင်္ဂလားဒေ့ရှ် - မြန်မာ ၂ နိုင်ငံ စစ်ရေး ပူးပေါင်းဆောင်ရွက်မှုများ ပြုလုပ်မည်ဟု ဖော်ပြသည်ကို တွေ့ရှိရကြောင်း ကိုခိုင်မြတ်ကျော်က ပြောသည်။

ကိုခိုင်မြတ်ကျော်က ဆက်လက်ပြီး ဘင်္ဂလားဒေ့ရ်ှနိုင်ငံ ရောက် မြန်မာ အတိုက်အခံ အင်အား ၃၀ ခန့်က ဒု ဗိုလ်ချုပ်မှူးကြီး မောင်အေး ကို စတင်ရောက်ရှိသည့် အင်္ဂါနေ့တွင် ဒက္ကားမြို့ရှိ နိုင်ငံခြားရေးရုံးရှေ့ တရားရုံးချုပ် ဘေးတွင် ဆန္ဒပြကြကြောင်းလည်း ပြောပြသည်။

မြန်မာနိုင်ငံမှ တနှစ်လျင် ဆန်တန်ချိန် ၁ သိန်း ဘင်္ဂလားဒေ့ရ်ှနိုင်ငံသို့ တင်သွင်းမည်ဖြစ်ကြောင်းနှင့် မြန်မာနိုင်ငံရှိ စိုက်ပျိုး မြေများကို ကန်ထရိုက်လယ်ယာစနစ်ဖြင့် ဘင်္ဂလားဒေ့ရ်ှဘက်က ငှားရမ်းလုပ်ကိုင်မည်ဖြစ်ကြောင်းကို လည်း ဆင်ဟွာ သတင်းတွင် ဖော်ပြသည်။

“ကျနော်တို့ရဲ့ အခုဆွေးနွေးမှုတွေက အကျိုးစီးပွားများစွာ ရှိပါတယ်”ဟု ဘင်္ဂလားဒေ့ရှ် နိုင်ငံခြားရေးရာ အကြံပေး အရာရှိ အစ်ဖ်တီခါ အာမက် ချိုဒူရီ က ပြောကြောင်းလည်း ဆင်ဟွာ က ဖော်ပြသည်။

ကိုခိုင်မြတ်ကျော်ကမူ ဘင်္ဂလားဒေ့ရှ် နိုင်ငံသို့ ဒု ဗိုလ်ချုပ်မှူးကြီး မောင်အေး ခရီးစဉ် မတိုင်မီ မြန်မာစစ်ခေါင်း ဆောင်များ အကြိမ်ကြိမ် လာရောက်၍ သဘောတူ လက်မှတ်ထိုးမှုများပြုလုပ်ကြသော်လည်း ထိရောက်သည့် အကောင်အထည်ပေါ်မှု မတွေ့ရှိရသောကြောင့် ၎င်းအနေနှင့် ယခု သဘောတူညီမှုများအပေါ်တွင် မျှော်လင့်မှု မရှိကြောင်း ဘင်္ဂလားဒေ့ရှ် စီးပွားရေး လုပ်ငန်းရှင်တဦးက ပြောသည်ဟု ဆိုသည်။

ဒု ဗိုလ်ချုပ်မှူးကြီး မောင်အေး၏ ယခု ခရီးစဉ်သည် ၂၀၀၇ ခု စက်တင်ဘာလအတွင်းကပင် သွားရောက်ရန် ရှိပြီး ရန်ကုန်မြို့ နှင့် တခြားသော မြို့များတွင် ဒီမိုကရေစီရေးလှုပ်ရှားမှုများနှင့် သံဃာတော်များ ဦးဆောင်သည့် ရွှေဝါ ရောင် တော်လှန်ရေး ဖြစ်ပွားမှု တို့ကြောင့် ရွှေ့ဆိုင်းခဲ့ခြင်းဖြစ်ကြောင်း သိရသည်။

အဆိုပါ ဘင်္ဂလားဒေ့ရ်ှသို့ သွားရောက်မည့် ဒု ဗိုလ်ချုပ်မှူးကြီး မောင်အေး ကို ကျန်းမာရေး ဆိုးဝါးနေသည်ဟု သတင်းများ ထွက်ပေါ်နေသော ဗိုလ်ချုပ်မှူးကြီးသန်းရွှေက နေပြည်တော် လေဆိပ်တွင် လိုက်ပါ ပို့ဆောင်ကြောင်း အစိုးရ သတင်းစာများ တွင် ဓာတ်ပုံနှင့် ဖော်ပြထားသည်ကို တွေ့ရှိရသည်။

ပြီးခဲ့သည့် မေလ အခြေခံဥပဒေ ဆန္ဒခံယူပွဲတွင် မဲထည့်သည့် ဓာတ်ပုံကို အစိုးရ သတင်းစာများတွင် ဖော်ပြခဲ့ပြီး နောက်ပိုင်း ဆက်လက် ဖော်ပြသည်ကို မတွေ့ရှိ ရသောကြောင့် ကျန်းမာရေး ဆိုးဝါးနေကြောင်း ကောလာဟလ များ ထွက်ပေါ်ခဲ့သည့် ဗိုလ်ချုပ်မှူးကြီးသန်းရွှေ၏ ဇနီး ဒေါ်ကြိုင်ကြိုင်မှာမူ ဒု ဗိုလ်ချုပ်မှူးကြီး မောင်အေးအား လိုက်ပါ ပို့ဆောင်သည်ကို မတွေ့ရှိရပေ။

ဒေါ်စု နေအိမ်အကျယ်ချုပ်အတွက် အယူခံလွှာ တင်လိုက်ပြီ

09 October 2008
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို နေအိမ်အကျယ်ချုပ်
သက်တမ်းတိုးထားတာနဲ့ ပတ်သက်ပြီး အယူခံလွှာကို ဒေါ်အောင်ဆန်းစုကြည်ရဲ့ ရှေ့နေ
တွေက ဒီနေ့ မြန်မာစစ်အစိုးရကို တင်လိုက်ပြီ ဖြစ်ပါတယ်။ ဒေါ်အောင်ဆန်းစုကြည်ရဲ့
ရှေ့နေကြီး ဦးကြည်ဝင်းကို ဆက်သွယ်မေးမြန်းပြီး ကိုသိန်းထိုက်ဦးက တင်ပြပေးထား
ပါတယ်။

နေအိမ်အကျယ်ချုပ် ကျခံနေရတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်း
စုကြည်ရဲ့ အမှုကို ရှေ့နေ ဦးကြည်ဝင်းနဲ့အတူ လိုက်ပါကူညီ ဆောင်ရွက်တဲ့ ရှေ့နေ
ဦးလှမျိုးမြင့်က ဒီနေ့ နေပြည်တော်ကိုသွားပြီး အယူခံကို တင်ပါတယ်။ တရားပြိုင်ဖြစ်တဲ့
စစ်အစိုးရ ပြည်ထဲရေး ဗဟိုအဖွဲ့ကိုလည်း မိတ္တူပေးအပ်ခဲ့တယ်လို့ သိရပါတယ်။
ရှေ့နေကြီး ဦးကြည်ဝင်းကို ဆက်သွယ်မေးမြန်းတော့ အမှုနဲ့ပတ်သက်လို့ အခုလိုရှင်းပြ
ပါတယ်။

"ဦးလှမျိုးမြင့်က ဒီနေ့မနက် နေပြည်တော် အစိုးရအဖွဲ့ရုံးမှာ သွားတင်ပြီး ဟိုက လက်ခံ
တဲ့စာ ပေးလိုက်တယ်။ ကော်ပီကိုတော့ ကျနော်တို့က လျှောက်ထားခံရသူ၊ တရားပြိုင်
ပေါ့၊ ပြည်ထဲရေး ဗဟိုအဖွဲ့ကို ပေးလိုက်တယ်။ သူတို့ကလည်း လက်ခံရရှိတဲ့စာ ပေးပါ
တယ်။"

အခု အယူခံလွှာတင်တာဟာ နေအိမ်အကျယ်ချုပ်နဲ့ပတ်သက်လို့ ပထမဆုံး တင်ပြတဲ့
အယူခံဖြစ်ပါတယ်။ အရင်က ဒီလိုတင်တာမျိုးတွေ မရှိသေးတဲ့အတွက် စစ်အစိုးရဘက်
က ဘယ်လိုပုံစံနဲ့ တရားရေးအရ ဆက်ပြီး ရင်ဆိုင်ရမယ်ဆိုတာ အတိအကျ မသိရသေး
ပါဘူး။

တခြားအမှုတွေမှာ အယူခံလွှာတင်ရင် ဆိုင်ရာဌာနတွေက စိစစ်ပြီး လက်ခံတယ်ဆိုရင်
အယူခံ အမှုနံပါတ် ပေးလေ့ရှိပါတယ်။ အခုအယူခံကိုတော့ ၀င်စာအနေနဲ့သာ လက်ခံ
တာမျိုးဖြစ်တဲ့အတွက် လုပ်ထုံးလုပ်နည်းက တရားရုံးတွေကို တင်ပြတာမျိုးတွေနဲ့တော့
ကွဲလွဲနေတယ်လို့ ဦးကြည်ဝင်းက ပြောပါတယ်။

"ဒီအမှုမျိုး၊ ဒီပုဒ်မ၊ ဒီဥပဒေ နိုင်ငံတော်အား နှောင့်ယှက်ဖျက်ဆီးလိုသူများ
ဘေးအန္တရာယ်မှ ကာကွယ်စောင့်ရှောက်တဲ့ ဥပဒေဆိုတဲ့ Title အရှည်ကြီး၊ ပုဒ်မ ၁၉၊
၂၀ မှာက အယူခံခွင့်ရှိတယ်လို့ ပေးထားတယ်။ ကျနော်သိသလောက် အခု ကျနော်တို့
တင်တဲ့ဟာက ပထမအယူခံပဲ။ ဒီအရှေ့က အယူခံတင်တာတွေ ဘာတွေ မရှိခဲ့သေးဘူး။
အဲတော့ process က ဘယ်လိုသွားမလဲဆိုတာ ကျနော်လည်း တပ်အပ်တော့ မပြော
တတ်ဘူး။

"တရားရုံးမှာ ကျနော်တို့ အယူခံလွှာ သွားတင်တယ်ဆိုပါစို့၊ အယူခံလွှာတင်ရင် ဆိုင်ရာ
ဌာနစိတ်တို့၊ ဌာနစုတို့က စိစစ်ပြီး အားလုံးမှန်ကန်တယ်ဆိုရင် သူက အယူခံအမှုနံပါတ်
ပေးတယ်။ အခုဟာက အယူခံ အမှုနံပါတ် မပေးလိုက်ဘူး။ စာလက်ခံရရှိတဲ့ ၀င်စာဆိုပြီး
စာတစောင်အနေနဲ့ သူတို့က လက်ခံလိုက်တယ်။ အဲဒီတော့ လုပ်ထုံးလုပ်နည်းက အဲဒီ
နေရာမှာကတည်းက တရားရုံးနဲ့တော့ နည်းနည်း ကွဲလွဲနေပြီ။"

ရှေ့နေကြီး ဦးကြည်ဝင်း ပြောပြသွားတာ ဖြစ်ပါတယ်။

ဒေါ်အောင်ဆန်းစုကြည်ကို နေအိမ်အကျယ်ချုပ် သက်တမ်းတိုးခဲ့ကတည်းက မြန်မာ
စစ်အစိုးရဟာ သူတို့ချမှတ်ထားတဲ့ ဥပဒေပါ အချက်တွေကို သူတို့ကိုယ်တိုင် ချိုးဖောက်
တယ်ဆိုပြီး ဝေဖန်ခဲ့တာတွေ ရှိပါတယ်။ အခု စစ်အစိုးရရဲ့ ဥပဒေသတ်မှတ်ချက်မှာ ဒီလို
အမှုမျိုးကို အယူခံပိုင်ခွင့်ရှိတယ်လို့ ဖော်ပြတဲ့အတွက် ဒီဖော်ပြချက်အရ ရှေ့နေတွေက
အယူခံလွှာတင်ဖို့ ကြိုးစားတာဖြစ်ပါတယ်။

စစ်အစိုးရအနေနဲ့ သူတို့ချမှတ်ထားတဲ့ ဥပဒေပါ အချက်တွေကို ဘယ်လောက်အထိ
လိုက်နာတယ်ဆိုတာ ထပ်မံစမ်းသပ်လိုက်တာလို့လည်း အကဲခတ်တွေက ပြောဆိုဝေဖန်
ကြတာတွေ ရှိပါတယ်။ အခုအချိန်အထိတော့ ဒေါ်အောင်ဆန်းစုကြည်ဘက်က အယူခံ
ကို မြန်မာစစ်အစိုးရ လက်ခံကြားနာခြင်း ရှိမရှိ အတိအကျ မသိရသေးပါဘူး။

ဒီမိုကရေစီလမ်းပြမြေပုံအတွက် လူ့အခွင့်အရေးလိုအပ်ချက် ကင်တားနား ထောက်ပြ
09 October 2008

နိုင်ငံတကာ လူ့အခွင့်အရေး စံထားချက်တွေ အပေါ် လေးစားရေး ကို မြန်မာနိုင်ငံ ရဲ့ ဒီမိုကရေစီ လမ်းပြမြေပုံ မှာ ခွဲထုတ်ထားလို့ မရပါဘူး လို့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ ကင်တားနား က ဆိုပါတယ်။ ဒီ သတင်း ကို UN News Service အင်တာနက် စာမျက်နှာ မှာ တွေ့ရတာပါ။ မစ္စတာ ကင်းတားနား ရဲ့ အစီရင်ခံစာ ရှစ်ရက်နေ့ က ထွက်လာခဲ့ပါတယ်။ မြန်မာနိုင်ငံ ရဲ့ လမ်းပြမြေပုံ အရဆိုရင် နောက်တစ်ဆင့် က ၂၀၁၀ ရွေးကောက်ပွဲ ဖြစ်ပါတယ်။ လူ့အခွင့်အရေး ကို အပြည့်အ၀ လေးစားလိုက်နာတဲ့ ပတ်ဝန်းကျင် မှာသာ အဲဒီ ရွေးကောက်ပွဲတွေ ကို ကျင်းပခဲ့မယ်ဆိုရင်၊ လုပ်တဲ့ ဖြစ်စဉ် ကို ယုံကြည်ကြပါလိမ့်မယ် တဲ့။ ဒီမိုကရေစီ တန်ဖိုးတွေ ကို တဖြည်းဖြည်း ဖြည့်ဆည်းဆောင်ရွက်ရာရောက်လိမ့်မယ်လို့ မစ္စတာ ကင်းတားနား က ဆိုပါတယ်။

လွတ်လပ်စွာ ထုတ်ဖော်ပြောဆိုခွင့်၊ လွတ်လပ်စွာ စုရုံး ဖွဲ့စည်းခွင့်တွေ ရှိဖို့ လိုပါတယ် လို့ မစ္စတာ ကင်တားနား က ပြောပါတယ်။ ဒါကြောင့် ၂၀၁၀ မတိုင်မီမှာကတည်းက အစိုးရ ဟာ အဲဒီ အခြေခံ အခွင့်အရေးတွေ ကို ကန့်သတ်ထားတဲ့ ဥပဒေတွေ ကို ပြန်လည် စိစစ် ပြင်ဆင်ရပါမယ် လို့ သူ က ဆိုပါတယ်။ အဲဒီ အခွင့်အရေးတွေ ကို လေးစားမှသာ ခိုင်မာ၊ အားထားလောက်တဲ့ ဒီမိုကရေစီ စံနစ် ကို ထူထောင်နိုင်တဲ့ ဖြစ်စဉ် ဖြစ်ပါလိမ့်မယ် မစ္စတာ ကင်းတားနား က ထောက်ပြသွားပါတယ်။

ဒါပေမဲ့ လူတွေ ကို ဆက်လက် ဖမ်းဆီးနေတာ၊ ထိန်းသိမ်းဖမ်းဆီးထားတဲ့ သူတွေ ကို အကျဉ်းချတဲ့ သက်တမ်း တိုးလိုက်တာတွေ ဟာ ဒီ အခွင့်အရေးတွေ မရှိတာ ထင်ရှားနေပါတယ်။ ဒါကြောင့် မစ္စတာ ကင်တားနား က နိုင်ငံရေး အကျဉ်းကျနေသူတွေ ကို တိုးတိုးပြီး လွှတ်ဖို့ အကြံပြုထားပါတယ်။ ၂၀၁၀ ရွေးကောက်ပွဲ မှာ ဒီ အကျဉ်းသားတွေ မပါဝင်ဘဲနဲ့တော့၊ ၂၀၁၀ ရွေးကောက်ပွဲ အပေါ် ယုံကြည်နိုင်မှု တော်တော်ကြီး ထိခိုက်နိုင်ပါတယ် လို့ မစ္စတာ ကင်းတားနား က ဆိုပါတယ်။

ဖွဲ့စည်းပုံ အသစ် က ပြောထားတဲ့အတိုင်း၊ ပါတီစုံ ဒီမိုကရေစီ အရပ်သား အစိုးရ ကို ကူးပြောင်းရာမှာ ဒီမိုကရေစီ တန်ဖိုးတွေ ကို နက်နက်ရှိုင်းရှိုင်း ထည့်သွင်း လုပ်ဆောင်သွားဖို့ လိုအပ်လိမ့်မယ်လို့ မစ္စတာ ကင်တားနား က ပြောပါတယ်။ ခွဲခြားဆက်ဆံထားတဲ့ ဥပဒေတွေ ကို ရုပ်သိမ်းဖို့၊ ကလေးစစ်သားတွေ သိမ်းသွင်းနေတာ ကို ရှောင်ဖို့၊ နာဂိ ဆိုင်ကလုန်း တုံ့ပြန်ဆောင်ရွက်ခဲ့တာတွေ ကို ဆက်လက် ဆောင်ရွက်ဖို့ တွေ ကိုလည်း မစ္စတာ ကင်တားနား က အကြံပေးထားပါတယ်။

ဒါ့အပြင် တရားရေး စံနစ် ပြုပြင်ပြောင်းလဲရေးတွေ ကိုလည်း အကြံပေးထားပါတယ်။ လက်ရှိ တရားစီရင်ရေး စံနစ် က သီးခြား လွတ်လပ်တဲ့ စံနစ် မဟုတ်ဘဲ၊ အစိုးရ နဲ့ စစ်တပ် ရဲ့ တိုက်ရိုက် ချုပ်ထိန်းမှု အောက်မှာ ရှိနေပါတယ်။ ဒါကြောင့် သီးခြား လွတ်လပ်ပြီး၊ ဘက်မလိုက်တဲ့ တရားရေး စံနစ် အဖြစ် ပြောင်းလဲဖို့ တိုက်တွန်းထားပါတယ်။ လူ့အခွင့်အရေး ချိုးဖောက်မှုတွေ ကို စစ်ဆေးနိုင်တဲ့ နည်းလမ်းတွေ ထူထောင်ဖို့လည်း မစ္စတာ ကင်တားနား က ပြောသွားပါတယ် ခင်ဗျာ။

မလေးရှားဝန်ကြီးချုပ် ဘာဒါဝီ နုတ်ထွက်မည်
09 October 2008
ရှေ့လာမဲ့ မတ်လမှာ ရာထူးက ဆင်းပေးမှာဖြစ်တယ်လို့ မလေးရှား နိုင်ငံဝန်ကြီး ချုပ် အက်ဘ်ဒူလာ အာမက် ဘာဒါဝီ က ပြောဆိုလိုက်ပါတယ်။ လက်ရှိ အုပ်ချုပ်နေတဲ့ ပါတီအတွင်း ရှုတ်ရှုတ်ထွေထွေး တွေဖြစ်လာပြီးတဲ့ နောက် အခုလို ပြောဆိုမှု ဖြစ်လာတဲ့အကြောင်း ဗွီအိုအေသတင်းထောက် နန်စီ အမေလီယာ ကော် လင်းန်(စ်) က ဂျာကာတာမြို့ကနေ သတင်းပေးပို့ထားတာပါ။

သူ့ပါတီအတွင်း ကွဲပြားမှုတွေ မဖြစ်စေဘို့အတွက် သူ့ရဲ့ ၀န်ကြီးချုပ် သက်တမ်း (၄) နှစ်မပြည့်မီ ရှေ့လာမဲ့ မတ်လမှာ ရာထူးက ဆင်းပေးမယ်လို့ မလေးရှားဝန်ကြီးချုပ် အဘက်ဒူလာ အာမက် ဘဒါဝီက ပြောဆိုလိုက်တာပါ။

အခုလို ထုတ်ဖေါ်ပြောဆိုလိုက်ပြီးတဲ့နောက် သူ့ရဲ့ လက်ထောက် နာဂျစ်ဘ် ရာဇတ် ကို လက်ရှိ အုပ်ချုပ်နေတဲ့ သူ့တို့ ဘာ၇ီဆန် နေရှင်နယ်လ် ပါတီရဲ့ ဥက္ကဌအဖြစ်ရွေးချယ်ဘို့ အဆိုပြုခဲ့ပါတယ်။ လက်ရှိအုပ်ချုပ်နေတဲ့ ပါတီရဲ့ ဥက္ကဌဟာ အလိုလျောက် နိုင်ငံရဲ့ ၀န်ကြီးချုပ် ဖြစ်လာမှာ ဖြစ်ပါတယ်။

ပြီးခဲ့တဲ့ မတ်လ ရွေးကောက်ပွဲ ကာလက လူများစု မဲတွေကို အတိုက်အခံဘက်က ရရှိသွားတာကြောင့် အဗဒူလာ ဘာဒါဝီအနေနဲ့ အမ်နို လို့ခေါ်တဲ့ United Malays National Organization စည်းလုံးညီညွတ်သော မလေးအမျိုးသား အဖွဲ့ကို ဘာရီ ဆန် နေရှင်နယ်ပါတီရဲ့ ညွန့်ပေါင်းအဖွဲ့ တခု တည်ထောင်လိုက်ချိန်ကစပြီး သူကို ရာထူးက ဆင်းပေးဘို့ ဖိအားပေးမှု တွေ များလာခဲ့တာဖြစ်ပါတယ်။

အခုလို ရာထူးက ဆင်းပေးမယ်လို့ ဆုံးဖြတ်လိုက်တာဟာ ပါတီရဲ့ စည်းလုံးညီညွတ်မှုအတွက် ဖြစ်တယ်လို့ အဗဒူလာက ဆိုပါတယ်။

“ကျနော့်အနေနဲ့ လာမဲ့ ရွေးကောက်ပွဲမှာ အမ်နို ရဲ့ ဥက္ကဌနေရာမှာ နေရာယူဘို့မရှိပါဘူး၊ ပါတီရဲ့ ညွန်ပေါင်း အုပ် ချုပ်ရေး ပိုင်းမှာရော ပါတီအစိတ်အပိုင်းပိုင်း ကွဲသွားတာမျိုးရော မဖြစ်စေချင်ပါဘူး။ စည်းလုံးညီညွတ်ပြီး သဟဇာတာ ဖြစ်နေတာမျိုး တခုပဲ လိုချင်ပါတယ်။”

အတိုက်အခံ ခေါင်းဆောင် အန်န၀ါ အီဘရာဟင် ကတော့ ပါလီမန်နဲ့ သက်ဆိုင်တဲ့ စည်းမျဉ်းစည်းကမ်း ချိုးဖေါက်သူကို အစိုးရအဖွဲ့က ထွက်သွားအောင်လုပ်နိုင်ခဲ့တာက ကျေနပ်လောက်စရာပါပဲလို့ အထပ်ထပ် ပြောဆိုခဲ့ပါတယ်။ လိင်တူခြင်း ဆက်ဆံမှုနဲ့ တရား ရင်ဆိုင် နေရတဲ့ ကြားထဲကပဲ နိုင်ငံရေးအရ တက်တက်ကြွကြွပဲ ပြောဆိုခဲ့တာပါ။

နိုင်ငံရေး လေ့လာ သုံးသပ်သူ တဦးဖြစ်တဲ့ ခိုးကေပန် ကတော့ မလေးရှားနိုင်ငံအနေနဲ့ စီးပွားရေးရော နိုင်ငံရေးမှာပါ ရှုတ်ထွေမှုတွေ အများကြီးဖြစ်လာနေတာကြောင့် ဘယ်သူပဲ ၀န်ကြီးချုပ် ဖြစ်ဖြစ် အတိုက်အခံ ပါတီ နှစ်ဘက်စလုံး ပူးပေါင်း ဆောက်ရွက်မှုတွေ လုပ်သင့်တယ်လို့ ပြောဆိုခဲ့ပါတယ်။

“ ခင်ဗျားတို့အနေနဲ့ အမျိုးသားရေး စည်းလုံး ညီညွတ်မှုရှိတဲ့ အစိုးရ တရပ် လိုအပ်ပါတယ်။ ဘာဖြစ်လို့လဲဆိုတော့ မလေးရှားနိုင်ငံဟာ လက်ရှိအခြေအနေမှာ အဆင့်မြင့်မားတဲ့ ဗဟိုအုပ်ချုပ်ရေး ဖက်ဒရယ် အစိုးရ တရပ် အနေနဲ့ ရှိနေတာပါ။ ဒီတော့ အတိုက်အခံအကြား နိုင်ငံရေးအရ အကြိတ်အနယ် ယှဉ်ပြိုင်မှုတွေနဲ့ ဆက်လက်လုပ်ဆောင်နေမယ် ဆိုရင် ပူးပေါင်း အလုပ်လုပ်ဆောင်ကြဘို့ သိပ်ကို ခက်ခဲပါလိမ့်မယ်။ ဒါကြောင့် ကျနော်ထင်တာကတော့ နှစ်ဦး နှစ်ဘက် အနေနဲ့ အထူးသဖြင့် နိုင်ငံရဲ့ စီးပွားရေးအခြေအနေ ပေါ်မှာ အဓိကထားပြီး သူတို့ရဲ့ ထင်မြင်ယူဆမှုတွေကို ပြောဆို ဆောင်ရွက်သင့်ကြပါတယ်။”

မလေးရှားနိုင်ငံမှာ ရေနံဈေးနှုန်းတွေ မြင့်တက်လာတာကြောင့် စီးပွားရေး အခက်အခဲတွေ ရင်ဆိုင်နေကြရတယ်လို့ လေ့လာ သုံးသပ်သူတွေက ဆိုပါတယ်။ နိုင်ငံတွင်း ငွေကြေးဖေါင်းပွမှုဟာ (၂၇) နှစ်အတွင်း အခုလမှာ အမြင့်ဆုံးဖြစ်လာခဲ့တာပါ။ နိုင်ငံတကာငွေကြေးဈေးကွက်ပြသနာကြောင့်လည်း နိုင်ငံရဲ့ ငွေကြေးပမာဏ တိုးတက် မှုနှုန်းဟာ ၂၀၀၉ ခုနှစ်မှာ (၃) ရာခိုင်နှုန်းလောက်သာရှိနိုင်တယ်လို့လဲ ခန့်မှန်းပြောဆိုနေကြတာပါရှင်

အတိုးနှုန်းလျှော့ချရေး ကြေညာချက်ကြောင့် စတော့ခ်ဈေးတချို့ ပြန်တက်
09 October 2008
အာရှ၊ ဥရောပနဲ့ အမေရိကားမှာ အတိုးနှုန်းတွေကို ညှိနှိုင်းပြီး ရေတိုအားဖြင့် လျှော့ချ
သွားမယ်လို့ ကြေညာလိုက်ပြီးတဲ့နောက်ပိုင်း နယူးယောက်ခ်က ငွေကြေးဈေးကွက်တွေ
မှာ မနေ့က အတက်အကျ ရောထွေးနေခဲ့ပါတယ်။ အာရွေစ်းကြက္က စေတာ့ခ္ေစ်း
တချို့တော့ ဈေးတွေ ပြန်ပြီးတက်လာခဲ့ပါတယ်။ ဒီအကြောင်း ဗွီအိုအေသတင်းထောက်
ဘယ်ရီ ၀ုဒ် (Barry Wood) ပေးပို့ထားတဲ့သတင်းကို ကိုကျော်အောင်လွင်က တင်ပြ
ပေးထားပါတယ်။

မနေ့က ဗုဒ္ဓဟူးနေ့မှာ ဥရောပရဲ့ စတော့ခ်ရှယ်ရာဈေးကွက်တွေ ပိတ်တဲ့အချိန်မှာ
ဈေးတွေကျခဲ့ပါတယ်။ နယူးယောက်ခ်မှာတော့ တက်တာရော ကျတာရော ရှိခဲ့ပြီး
ဈေးကွက်ပိတ်တဲ့အချိန်မှာတော့ ကျဆင်းခဲ့ပါတယ်။ ပြင်သစ်၊ ဂျာမဏီနဲ့ အင်္ဂလန်နိုင်ငံ
တွေမှာတော့ ဆုံးရှုံးမှုတွေ ကြီးမားခဲ့ပါတယ်။ အမေရိကန် ဘဏ္ဍာရေးဝန်ကြီး ဟင်နရီ
ပေါ်လ်ဆန် (Henry Paulson) ကတော့ သူ့ရဲ့ ဦးစားပေးကိစ္စဟာ ငွေကြေးဈေးကွက်
တည်ငြိမ်လာအောင် လုပ်ဖို့ပဲလို့ သတင်းထောက်တွေကို ပြောခဲ့ပါတယ်။ ဘဏ္ဍာရေး
ဝန်ကြီးဌာနရဲ့ လုပ်ပိုင်ခွင့်အသစ်အရ ငွေကြေးဆိုင်ရာ လုပ်ငန်းတွေမှာ ရှိနေတဲ့ အကြွေး
ဆုံးတွေကို ဖယ်ထုတ်လိုက်ဖို့ကိစ္စ သီတင်းပတ်အနည်းငယ်အတွင်းမှာ အပြည့်အ၀
လုပ်ဆောင်လာနိုင်လိမ့်မယ်လို့ ဆိုပါတယ်။ ဒါပေမယ့် တည်ငြိမ်မှုရဖို့ကိစ္စကတော့
ပြောဖို့ စောနေသေးတယ်လို့ ဆိုပါတယ်။အမေရိကန် ဘဏ္ဍာရေးဝန်ကြီး
မစ္စတာ ဟင်နရီပေါ်လ်ဆန်။
အောက်တိုဘာ ၈၊ ၂၀၀၈။
"ငွေချေးတဲ့ဈေးကွက်တွေမှာ အားရစရာကောင်း
တဲ့ လက္ခဏာတွေကို မြင်ရဖို့က သိပ်ပြီးစောနေ
သေးတယ်လို့ ကျနော်ထင်ပါတယ်။ ဈေးကွက်ရဲ့
လုပ်ငန်းတွေ ပုံမှန်အခြေအနေ ပြန်ရောက်လာ
အောင် ကျနော်တို့ ဆက်ပြီးလုပ်သွားရမှာပါ။
ဒါပေမယ့် ဈေးကွက်တော်တော်များများမှာတော့
လုပ်ငန်းအခြေအနေတွေ ပုံမှန်ပြန်မဖြစ်သေးပါ
ဘူး" လို့ အမေရိကန်ဘဏ္ဍာရေးဝန်ကြီးက
ပြောသွားပါတယ်။

သူက တရုတ်၊ မြောက်အမေရိကနဲ့ ဥရောပမှာ
အတိုးနှုန်းတွေကို ရေတိုအားဖြင့် လျှော့ချသွားဖို့
ဗဟိုဘဏ်တွေက ညှိနှိုင်းဆောင်ရွက်မယ့်ကိစ္စကို
အကြီးအကျယ် ထောက်ခံခဲ့တာပါ။ ဒီလိုလုပ်ခြင်းအားဖြင့် အတိုးနှုန်းတွေ သက်သာလာ
လိမ့်မယ်၊ စီးပွားရေးလုပ်ဆောင်ရာမှာ နိုးကြားမှုတွေ ရှိလာလိမ့်မယ်။ အမေရိကန်
စီးပွားရေးနဲ့ ငွေကြေးအကျပ်အတည်း ဆိုးရွားနေတဲ့ အခြေအနေတွေက ပြန်ပြီး နာလံ
ထူလာအောင် အချိန် ဘယ်လောက်ကြာဦးမယ်ဆိုတာ သဲသဲကွဲကွဲ မရှိသေးဘူးလို့
ဆိုပါတယ်။ "ငွေကြေးစနစ် တည်ငြိမ်မှုရဖို့အတွက် လိုအပ်တဲ့ အဆင့်အားလုံးကို
လုပ်ဆောင်သွားဖို့ ကျနော် ကြည့်နေပါတယ်" လို့ အမေရိကန် ဘဏ္ဍာရေးဝန်ကြီး
ဟင်နရီ ပေါ်လ်ဆန်က ပြောသွားတာ ဖြစ်ပါတယ်။

ဒီကနေ့ အာရှ စတော့ခ်ရှယ်ရာဈေးကွက်တွေမှာတော့ အတက်ရော အကျပါ ရှိခဲ့ပါ
တယ်။ ဟောင်ကောင်မှာတော့ ၃% လောက် ပြန်မြင့်လာပါတယ်။ တောင်ကိုရီးယား
မှာလည်း ဈေးပြန်မြင့်လာပါတယ်။ ဂျပန်၊ ဖိလစ်ပိုင်၊ သြစတြေးလျ၊ ထိုင်ဝမ်နဲ့ နယူး
ဇီလန်နိုင်ငံတွေမှာတော့ ဈေးတွေကျဆင်းခဲ့ပါတယ်။