Friday, October 10, 2008

ဘင်္ဂလားဒေရ်ှနိုင်ငံ၌ မောင်အေးအား ကန့် ကွက်ဆန္ဒပြမှု


နောက်ဆုံး တိုက်ပွဲကို ဦးတည်မလား၊ အမှိုက်ပုံးထဲက ကြားစကား နားထောင်မလား

စစ်ဗိုလ်ချုပ် နောက်လိုက် မီဒီယာသမားများ

ဥက္ကာမွန် အောက်တိုဘာ ၁၀၊ ၂၀၀၈။
အခုအောက်မှာ ဖော်ပြထားတဲ့ ပုဂ္ဂိုလ်များရဲ့ နာမည်ကတော့ စစ်ဗိုလ်ချုပ်တွေရဲ့ ဝါဒဖြန့်ချီရေး ဆောင်းပါးတွေ ရေးလေ့ရှိတဲ့ ကလောင်ရှင်တွေရဲ့ နာမည်တွေပါ။

ပေါက်စ၊ ဒေါ်ဝေဝေမွန်၊ မင်းဆွေ၊ စိုးမြတ်ကျော်၊ ၈၈ ရဲဘော်ဟောင်းတဦး (အမည်မဖော်ရဲသူ သတ္တိကြောင်) ၊ အောင်ဇေမင်း၊ စာဖတ်သူတဦး (အမည်ခံ) ရဲဘော် တင်ရွှေ၊ ဒေါက်တာ ချော၊ ကျော်မင်းလူ (ရွှေပြည်သာ) စသော စသော။

နအဖ စစ်အစိုးရက တိုက်ရိုက်ချုပ်ကိုင်နေတဲ့ မြန်မာ့အလင်း၊ ကြေးမုံသတင်းစာတွေဆိုရင် စစ်တပ်ရဲ့ ဝါဒဖြန့်သတင်း၊ ဆောင်းပါးတွေ ပါတာကိုတော့ ကျနော်အတွက် သိပ်ပြီးတော့ မထူးဆန်းလှပါဘူး၊ နောက်ပြီး ပုဂ္ဂလိကပိုင် မဂ္ဂဇင်း၊ စာစောင်တွေမှာလည်း မထည့်မနေရ ဆိုတဲ့ စစ်တပ်ဗိုလ်ချုပ်များရဲ့ အမိန့်ပေးချက်အရ ထည့်နေရတယ် ဆိုတာ ကိုတော့ ကျနော်တို့ နားလည်ပေးလို့ရပါတယ်။

ကျနော်တို့ မြန်မာပြည်သားတွေဟာ စစ်အစိုးရလက်အောက်မှာ နေရတော့ နိုင်ငံတစ်ခု ဖွံဖြိုးတိုးတက်ဖို့ အဓိက ရေသောက်မြစ် ကျောရိုးဖြစ်တဲ့ နိုင်ငံရေး၊ လူမှုရေး၊ ပညာရေး၊ ကျန်းမာရေး စတဲ့အရေးတွေကို စစ်တပ်က အားလုံး ထိန်းထားတော့ ကျနော်တို့ပြည်သူတွေ ပါဝင်ပူးပေါင်း လုပ်ဆောင်ခွင့် မရှိတဲ့အတွက် အလုပ်လက်မဲ့နဲ့ လက်ဖက်ရည်ဆိုင်မှာ အချိန်ဖြုန်းနေရတဲ့ဘဝနဲ့ သူတို့ အဆုံးသတ်နေရပါတယ်။

ဒါကြောင့် ကျနော်တို့ပြည်သူတွေဟာ ဆုံးရှုံးနေရတဲ့ သူတို့အချိန်ကို ဘောလုံး၊ နှစ်လုံးထီ၊ ချဲတွေနဲ့ အစားထိုးပါတော့ တယ်၊ ထိုကြောင့် မြန်မာပြည်မှာ ဘောလုံးပွဲ စိတ်ဝင်စားသူတွေ များပြားလာတာကို စစ်အစိုးရက သိသွားပါတယ်၊ "စစ်အစိုးရကို အကြံပေးတဲ့ပုဂ္ဂိုလ်တွေကလည်း"၊ "ကိုယ့်ပြည်သူတွေ ဘာကြိုက်တယ်ဆိုတာ" သိနေတဲ့အတွက်ပါ။

စစ်ဗိုလ်ချုပ်များရဲ့ တာဝန်ပေးချက်အရ ဝါဒဖြန့်ချိရေး သတင်း၊ ဆောင်းပါး ရေးသားရေး အစီအစဉ်မှာ ပါဝင်လုပ် ဆောင်နေရတဲ့ "ဤသို့ ဖြစ်သင့် မဖြစ်သင့် - ဒေါ်ဝေဝေမွန်”၊ " ၇၅ မင်းဆွေမှ ၈၈ မင်းကိုနိုင်သို့ - မင်းဆွေ"၊ "တကယ်တည်ငြိမ်အေးချမ်းစေချင်ပါသလား - စိုးမြတ်ကျော်" ၊ "မင်းကိုနိုင် ကြိုးမဲ့ လေတံခွန် (သို့မဟုတ်) တိုင်းပြည်အန္တရာယ် (၁) (၂) (၃) - ၈၈ ရဲဘော်ဟောင်းတဦး (အမည်မဖော်ရဲသူ သတ္တိကြောင်တဲ့ကောင်"၊ "ကိုယ့်ကျိုးအတွက် မလိမ့်တပတ် အမြတ်ထုတ်တဲ့ အချောင်းသမားလုပ်ရပ် - အောင်ဇေမင်း" ၊ "ရွာဆူအောင် လာမလုပ်နဲ့ တောထုတ်တဲ့ဓလေ့ - စာဖတ်သူတစ်ဦး (အမည်ရင်းမဖော်ရဲသူ)"၊ "ဝမရှိပဲ ဝိလုပ်ကြသတဲ့ - ပေါက်စ"၊ "အနာဂတ်နိုင်ငံတော်၏ ဥပဒေပြုမည့် အသွန်ပုံသဏ္ဍာန်နဲ့ အနှစ်သာရ အပိုဒ် ၁၀ - စိုးမြတ်ကျော်" "သားရွှေအိုး ထမ်းလာတာကို မြင်ရတော့မယ် - မောင်ကောင်းသူ"၊ အမျိုးသားညီလာခံကြီး အောင်မြင်စွာ ကျင်းပပြီးစီး၍ - ရဲဘော်တင်ရွှေ" ၊ "ကမ္ဘာ့တလွှား အမေရိကန်ဆန့်ကျင်ရေး ဆန္ဒပြပွဲ မြင်ကွင်းများမှ ဖြစ်ပေါ်လာသောဆန္ဒ - ဒေါက်တာ ချော" ၊ "ဤသို့ဖြစ်သင့်ဖြစ်သင့် - ရဲဘော်တင်ရွှေ" ၊"တွေ့ဆုံဆွေးနွေးရေး တွေ့ဆုံးဆွေးနွေးရေး ဟု ဆိုကာ (၁) (၂) - စိုးမြတ်ကျော်" ၊ “နှစ်ဖက်မျှမှ အဖြေလှမည် - ကျော်မင်းလူ (ရွှေပြည်သာ) တို့လို စာရေးဆရာတွေ ရေးသားနေတဲ့ ဝါဒဖြန့်ဆောင်းပါးတွေဟာ ဘောလုံးပွဲကို စိတ်ဝင်စားပြီး စာစောင် ဝယ်ဖတ်တဲ့ ပြည်သူတိုင်းက သိပါတယ်၊ ဖတ်တာ မဖတ်တာပဲ ရှိပါတယ်။

ပေါက်စ၊ ဒေါ်ဝေဝေမွန်၊ မင်းဆွေ၊ စိုးမြတ်ကျော်၊ ၈၈ ရဲဘော်ဟောင်းတဦး (အမည်မဖော်ရဲသူ သတ္တိကြောင်တဲ့ကောင်)၊ အောင်ဇေမင်း၊ စာဖတ်သူတဦး (အမည်ခံ) ရဲဘော်တင်ရွှေ၊ ဒေါက်တာချော၊ ကျော်မင်းလူ (ရွှေပြည်သာ) တို့ရေးတဲ့ ဆောင်းပါးတွေထဲမှာ အများအားဖြင့် ပါတဲ့အကြောင်းအရာတွေကတော့ စစ်ဗိုလ်ချုပ်တွေကို မြှောက်၊ အမျိုးသားညီလာခံကို ထောက်ခံပြီး ဒီမိုကရေစီပါတီ၊ လက်နက်ကိုင်အဖွဲ့အစည်း၊ ၈၈ မျိုးဆက်ကျောင်းသားဟောင်း များနဲ့ ဘီဘီစီ၊ ဗွီအိုအေ၊ အာရ်အက်ဖ်အေ၊ ဒီဗွီဘီ သတင်းဌာနကြီးတို့ကို ပုတ်ခတ်ပြောဆိုတဲ့ ဆောင်းပါးတွေကိုပဲ အမြဲတွေ့နေရပါတယ်။

ဒီအထဲမှာ ကြာသပတေးနေ့ ၊ ၄၊ ၂၀၀၇ ဖော်အဲဗား (Forever) ဘောလုံးဂျာနယ် စာစောင်တစ်ခုမှာ ပေါက်စရေးတဲ့ "အသံတွေ ကြားနေတယ် အသံတွေ ကြားနေရတယ်" ဆိုတဲ့ အမည်ပါ ဆောင်းပါးတစ်ပုဒ်ထဲမှာ ဆိုရင် လက်ရှိဖြစ်ပေါ် နေတဲ့ မြန်မာနိုင်ငံက သံဃာတော်တွေ စစ်အစိုးရကို ပတ္တနိက္ကုဇ္ဇန ကံဆောင်တဲ့ကိစ္စက ပြည်ပသတင်းတွေ မဟုတ်မမှန် ထုတ်ပြန်တဲ့အကြာင်းတွေ၊ ၈၈ မျိုးဆက်ကျောင်းသားအကြောင်းတွေက မြန်မာနိုင်ငံမှာ ရှိတဲ့ နိုင်ငံတကာ သံတမာန် တွေနဲ့ ပေါင်းပြီး တိုင်းပြည်ဆူပူအုံကြွမှုဖြစ်အောင် တမင်အကွက်ဆင်ဖန်တီးတဲ့အကြာင်းတွေ၊ အန်အယ်လ်ဒီက ပါတီလည်း ဘာညာ၊ ပြည်ပရောက်အတိုက်အခံ နိုင်ငံရေးအင်အားစုတွေအားလုံးက နယ်ချဲ့ သြဇာခံပြီး ပြည်သူတွေကို သွေးထိုးလှုပ်ဆော်ပြီး အစိုးရကို ဆန့်ကျင်မှုဖြစ်လာအောင် တမင်လုပ်ဆောင်ဖန်တီးတာတို့ စတဲ့အကြောင်းတွေနဲ့ စွပ်စွဲထားတာတွေ့ရပါတယ်၊ ပေါက်စ စုဆောင်းထားတဲ့ အချက်အလက်အရ ဆိုရင် တော်တော်လေး ပြည့်စုံတယ်လို့ပြောလို့ရပါတယ်။

ဘီဘီစီရဲ့ မှားယွင်းတဲ့ ထုတ်လွှင့်ချက်တခုကိုလည်း ရက်စွဲနဲ့ အကြောင်းအရာပါ အပြည့်အစုံ ထောက်ပြထားတာ ရှိသေးတယ်ဗျ၊ နောက်ပြီးတော့ ပေါက်စတစ်ခု ထောက်ပြထားတာကတော့ ပြည်ပသတင်းမီဒီယာဌာနတွေရဲ့ ဆက်သွယ်မေးမြန်းချက်ကို အောက်ပါအတိုင်း တွေ့ရပါတယ်။

"မြန်မာနိုင်ငံအတွင်းမှာ နေထိုင်ကြတဲ့ ပြည်သူအချင်းချင်းတောင် တခါတခါ ဖုန်းဆက်ရတာ အလွယ်တကူ ဆက်သွယ်ဖို့ မရနိုင်ပေမယ့် ပြည်ပအသံလွှင့်ဌာနတွေက အခုလိုနယ်စွန်းနယ်ဖျား ဆယ်သွယ်ရေးဖုန်းမရှိတဲ့ ကျေးလက်များက လူသူမကြီးကို ဘယ်လို ပဉ္စလက်ပညာ၊ ဂမ္ဘီရပညာတွေနဲ့ ဆက်သွယ်မေးမြန်းပါလိမ့်ဆိုပြီး ပေါက်စ ခေါင်းစားရသဗျ"။

ပေါက်စဆိုလိုချင်တာက စစ်အစိုးရလက်အောက်မှာ နေတဲ့တိုင်းပြည်တွေမှာ နယ်စွန်နယ်ဖျား နယ်စပ်တွေမှာ ဆိုရင် ဖွံ့ဖြိုးတိုးတက်မှုမရှိ၊ ဖုန်းတွေ မရှိဘူးလို့ ပေါက်စယူဆနေပုံရပါတယ်။ ပေါက်စ တခုနားလည်ထားမှာက မြန်မာနိုင်ငံနှင့် အရှေ့၊ အနောက်၊ တောင်၊ မြောက် နယ်နိမိတ်ချင်း ထိစပ်နေတဲ့ နိုင်ငံတွေဟာ ဖွံ့ဖြိုးတိုးတက်တဲ့ နိုင်ငံတွေပါ၊ ဖုန်းလောက်တောင် မပြောနဲ့ အိုင်တီဆိုင်ရာ ကွန်ပျူတာ၊ အင်တာနက်တွေတောင် သုံးလို့ရတယ် ဆိုတာကိုတော့ ပေါက်စ သိပုံ မပေါ်ပါဘူး၊ တိုးတက်နေတဲ့ အိုင်တီခေတ်ကြီးကို ကောင်းကောင်းအသုံးချတတ်တဲ့ ပြည်ပသတင်းမီဒီယာ ဌာနတွေအတွက်ကတော့ ဆယ်သွယ်မေးမြန်းရတာ မခက်ဘူးလို့ ထင်ပါတယ်၊ ပေါက်စက အိုင်တီတွေရဲ အကြောင်းတွေကို ကောင်းကောင်း နားလည်ပုံ မပေါ်သေးဘူး။

စစ်တပ်ဗိုလ်ချုပ်တွေကို အိုးဖာသလို လိုက်ဖာနေရတဲ့ ပေါက်စတို့လို စစ်ဗိုလ်ချုပ်များရဲ့ ညာလက်ရုံးတွေကတော့ ပြည်သူတွေ ငတ်ပြတ်နေတာကို မကြည့်အားပဲ စစ်ဗိုလ်တွေရဲ့ ရွှေခွက်ကို တဝက်ခွဲဖို့ပဲ ကြည့်နေတော့ စစ်ဗိုလ်ချုပ် တွေလိုပဲ ထင်ရာစိုင်းတော့မယ့်ပုံ ပေါ်နေပါတယ်။

ပေါက်စတို့ရေးတဲ့ ဆောင်းပါးတွေကိုတော့ ဖတ်လို့ကောင်းပါတယ်၊ ကဗျာ အလင်္ကာဆန်ဆန်နဲ့ သုံးထားတဲ့ အသုံအနှုန်းတွေကလဲ ဖွဲ့ဖွဲ့နွဲ့နွဲ့ ဖြစ်နေပါတယ်၊ ဒါပေမယ့် အမှန်ကို အမှားနဲ့ ဖုံးကွယ်ထားတဲ့ ဆောင်းပါးမျိုး သူများရဲ့အားနည်းချက်နဲ့ အပြစ်တွေကိုပဲ ဖော်ထုတ်နေတဲ့ ဆောင်းပါးမျိုး ဖြစ်နေတော့ ဖတ်ရတာ သိပ်ပြီးတော့ စိတ်ဝင်စားမှု မရှိပါဘူး။

ဒါပေမယ့် ပေါစရေ ပေါက်စ အချိန်ပေးပြီး ရေးထားတဲ့ ဝါဒဖြန့်ဆောင်းပါးတွေထဲပါတဲ့ အကြောင်းအရာတွေက ပြည်သူတွေအတွက် ပညာပေးတဲ့ ဆောင်းပါးတွေမဟုတ်ပဲ ပြည်သူတွေရဲ့နားကိုပိတ် မျက်စိကို မှိတ်စေပြီး စစ်အာဏာရှင်စနစ် သက်ဆိုးရှည်ရေးကို ထောက်ခံအားပေးနေတဲ့ ဆောင်းပါတွေ ဖြစ်ပါတယ်ဆိုတာ ပြည်သူတွေက ကောင်းကောင်း နားလည်နေတာကို ပေါက်စတို့ သိကော သိရပါရဲ့လား။

မြန်မာပြည်မှာ စစ်ဗိုလ်ချုပ်တွေအကြိုက် လိုက်ရေးပေးတဲ့ ပေါက်စတို့လို စာရေးဆရာတွေ များများစားစား ရှိမယ် မထင်ပါဘူး၊ ဒါကြောင့် ဘီဘီစီ၊ ဗွီအိုအေ၊ အာရ်အက်ဖ်အေနှင့် ဒီဗွီဘီတို့ကို တခုပြောချင်ပါတယ်၊ စစ်ဗိုလ်ချုပ်ပိုင် သတင်းစာ၊ ဂျာနယ်တွေမှာ စစ်တပ်အတွက် ကျောထောက်နောက်ခံဆောင်းပါတွေ ရေးသားပေးနေတဲ့ ပေါက်စ၊ ဒေါ်ဝေဝေမွန်၊ မင်းဆွေ၊ စိုးမြတ်ကျော်၊ ၈၈ ရဲဘော်ဟောင်းတဦး (အမည်မဖော်ရဲသူ သတ္တိကြောင်တဲ့ကောင်)၊ အောင်ဇေမင်း၊ စာဖတ်သူတဦး (အမည်ခံ)၊ ရဲဘော်တင်ရွှေ၊ ဒေါက်တာချော၊ ကျော်မင်းလူ (ရွှေပြည်သာ) တို့ကို ကလောင်ရှင်တွေရဲ့ အကြောင်းနဲ့ ရာထူး၊ နေရပ်လိပ်စာ အပါအဝင်ပေါ့ဗျာ ပြည်သူတွေသိအောင် ဖော်ပြပေးသင့်တယ် ထင်ပါတယ်။

ပေါက်စတို့လို စာပေကို ကောင်းကောင်းရေးသားတတ်တဲ့လူတွေဟာ အများအကျိုးအတွက် မဖြစ်ပဲ လူတစုစာအတွက် ဖြစ်နေတာကတော့ ရင်နာစရာ ကောင်းပါတယ်၊ ဒါကြောင့် ဘီဘီစီ၊ ဗွီအိုအေ၊ အာရ်အက်ဖ်အေနှင့် ဒီဗွီဘီတို့ ပေါက်စကို တစ်ချက် ပြောပေးလိုက်ပါ၊ ပေါက်စတို့လို ပညာတတ်သမားတွေဟာ အမှန်တကယ် ပြည်သူတွေဘက်ကို ရပ်တည်ပြီး ပြည်သူ့အကျိုးပြုစရာအဖြစ် ရပ်တည်မယ် ဆိုရင် နတ်လူ သာဓု ခေါ်လိမ့်မယ် ထင်ပါတယ်။

ပေါက်စကသာ ပြောနေတယ် စစ်တပ်တွေ သံဃာတွေကို မသတ်ပါဘူး မရိုက်ပါဘူး၊ စက်တင်ဘာ ၂၇ ရက် ၂၀၀၇ ရက်စက်အကြမ်းဖက်တဲ့ သတင်းနဲ့ ဗွီဒီယိုဖိုင်တွေကတော့ ကမ္ဘာ့အနှံအပြား ပျံ့နေပါပြီး၊ ပေါက်စနေတဲ့နေရာမှာ အင်တာနက်တို့ အီးမေလ်းတို့ ကိုင်၊ ဖွင့်ရရင်တော့ ချက်ချင်း မြင်တွေ့ရပါတယ်။

သံဃာတော်တွေနဲ့ ပြည်သူတွေကို တကယ်ရက်ရက်စက်စက် သတ်ဖြတ်နေတဲ့ စစ်ဗိုလ်ချုပ်နဲ့ တပ်သားတွေကို မြင်မြင်ကြီး ဖာနေတဲ့ ပေါက်စတို့လို စစ်ဗိုလ်ချုပ် နောက်လိုက်ခွေးတွေကတော့ အဝီစိက ကြိုဆိုနေတယ် ဆိုတာကိုတော့ ဧကန်မုချပါပဲ။

ပေါက်စတို့ အချိန်ပေးပြီး ရေးနေတဲ့ဆောင်းပါးတွေဟာ လက်ဝါးကြီးအုပ် ဗိုလ်ချုပ်တစုအတွက်သာ မရပ်တည်ပဲ တကယ်ဒုက္ခရောက်နေတဲ့ ပြည်သူတွေဘက်က ရပ်တည်ပြီးရေးရင် ပေါက်စတို့ ပိုပြီး တန်ဖိုးရှိပါလိမ့်မယ်။

ဘီဘီစီ၊ ဗွီအိုအေ၊ အာရ်အက်ဖ်အေနှင့် ဒီဗွီဘီတို့က ပေါက်စ ပြောသလို အသံတွေကြားနေတာလောက်ပဲ ပြည်သူတွေကို ကြားသိခွင့် ပေးနိုင်တာပါ၊ ပေါက်စနဲ့ စစ်ဗိုလ်ချုပ်တွေကတော့ တီဗွီ၊ သတင်းစာ၊ စာစောင်၊ မဂ္ဂဇင်းတွေထဲမှာတော့ ရုပ်သံကော အရေးအသားပါ ဝါဒဖြန့်ခွင့်ရနေတယ်ဆိုတာ ပြည်သူတွေအသိပါ။

ပေါက်စ နားလည်ထားရမှာက အမှန်တရားကို ပြည်သူတွေက ဦးနှောက်နဲ့ ကြည့်တတ်တဲ့ခေတ် ဖြစ်နေပြီးဆိုတာ ပေါက်စ နားလည်ထားပါ၊ ပြည်သူတွေကို အထင်မသေးပါနဲ့ ပေါက်စရေ။

ပေါက်စနဲ့ အပေါင်းအပါအားလုံးကို နောက်ဆုံးတစ်ခု ပြောချင်တာက အခုလိုနအဖ စစ်ဗိုလ်ချုပ်တွေ ကျူးလွန်နေတဲ့ အပြစ်တွေဟာ သာမန်အပြစ်တွေ မဟုတ်ဘူး၊ ကိုယ့်မိဘနဲ့ တကိုင်းတည်းဖြစ်ပြီး ကိုယ့်မိဘတွေတောင်မှာ ဦးညွတ်ရိုသေလေးစားနေတဲ့ ဗုဒ္ဓဘုရားရှင်တွေရဲ့ သား ဆိုတာ ပေါက်စတို့မမေ့ပါနဲ့။

ပေါက်စတို့အပေါင်းအပါ အချိန်မနှောင်းခင် အမှန်ကိုမြင်ပြီး ပြန်ပြင်လို့ ရပါသေးတယ်။

ပေါက်စတို့ အပေါင်းအပါအားလုံး ဒီလို "ဤသို့ဖြစ်သင့်မဖြစ်သင့် ဒေါ်ဝေဝေမွန်"၊ ၇၅ မင်းဆွေမှ ၈၈ မင်းကိုနိုင်သို့ မင်းဆွေ၊ တကယ်တည်ငြိမ်အေးချမ်းစေချင်ပါသလား စိုးမြတ်ကျော်၊ မင်းကိုနိုင် ကြိုးမဲ့လေတံခွန် (သို့မဟုတ်) တိုင်းပြည်အန္တရာယ် (၁) (၂) (၃) ၈၈ ရဲဘော်ဟောင်းတဦး (အမည်မဖော်ရဲသတ္တိ ကြောင်တဲ့ကောင်) ၊ကိုယ်ကျိုးအတွက် မလိမ့်တပတ် အမြတ်ထုတ်တဲ့ အချောင်သမားလုပ်ရပ် အောင်ဇေမင်း၊ ရွာဆူအောင်လာမလုပ်နဲ့ တောထုတ်တဲ့ဓလေ့ စာဖတ်သူတဦး (အမည်မဖော်ရဲသူ)၊ ဝမရှိပဲဝိလုပ်ကြသတဲ့ ပေါက်စ၊အနာဂတ်နိုင်ငံတော်၏ ဥပဒေပြုမည့် အသွန်သဏ္ဍာန်နဲ့ အနှစ်သာရ အပိုဒ် (၁၀) စိုးမြတ်ကျော်၊ သားရွှေအိုးထမ်းလာတာကို မြင်ရတော့မယ် မောင်ကောင်းသူ၊အမျိုးသားညီလာခံကြီး အောင်မြင်စွာ ကျင်းပပြီးစီး၍ ရဲဘော်တင်ရွှေ၊"ကမ္ဘာတလွှားအမေရိကန် ဆန့်ကျင်ရေးဆန္ဒပြပွဲ မြင်ကွင်းများမှ ဖြစ်ပေါ်လာသောဆန္ဒ ဒေါက်တာချော" "ဤသို့ဖြစ်သင့်မဖြစ်သင့် ရဲဘော်တင်ရွှေ" "တွေ့ဆုံဆွေးနွေးရေး တွေ့ဆုံဆွေးနွေးရေးဟု ဆိုကာ (၁) (၂) စိုးမြတ်ကျော်" "နှစ်ဖက်မျှမှ အဖြေလှမည် - ကျော်မင်းလူ (ရွှေပြည်သာ) တို့တတွေ ဆောင်းပါးရေးနေမယ့်အစား တိုင်းပြည်ကို စစ်ဗိုလ်တွေ ဘာစနစ်နဲ့ အုပ်ချုပ်နေလဲ အုပ်ချုပ်နေတဲ့စနစ်က ဘယ်လိုဆိုးနေတယ်၊ ပြည်သူပိုင်သော နိုင်ငံသဘာဝသယံဇာတ တွေကို နအဖစစ်ဗိုလ်ချုပ်တွေက ဘယ်လိုကြိုးကိုင်ထားသလဲ၊ တိုင်းပြည်ရဲ့ ဘဏ္ဍာငွေတွေကို စစ်ဗိုလ်ချုပ်တွေဘယ်လို သုံးဖြုန်းနေသလဲ၊ စစ်ဗိုလ်ချုပ်တွေကြောင့် ပြည်သူတွေ ဘယ်လောက်အသက်သေခဲ့ပြီးလဲ (စာရင်းပြုစု) စတဲ့ စစ်ဗိုလ်ချုပ်တွေရဲ့ လုပ်ရပ်တွေကို အမှန်တိုင်းဖော်ဆောင်ပေးရင် တိုင်းပြည်အတွက် ပိုမို အကျိုးရှိလာပြီး နိုင်ငံရဲ့ ဖွံ့ဖြိုးတိုးတက်မှုကိုလဲ မြန်မြန်ဦးတည်စေပါတယ်။

သီးလေးသီးဖျော်ဖြေမှု Saffron Revolution, One year anniversary, Chiang Mai Thailand


တပ်မတော်သာ အမိ၊ တပ်မတော်သာ အဘဟု ဆိုသော်လည်း


အေးချမ်းမြေ့ | အောက်တိုဘာ ၁၀၊ ၂၀၀၈

မြန်မာစစ်ဗိုလ်ချုပ်များက ၎င်းတို့၏ စစ်တပ်ကို အလွန်ခိုင်မာ စည်းလုံးသည်၊ တပ်မတော်ကို မည်သူမှ မဖြိုခွဲနိုင်ဟု အမြဲ ကြွေးကြော်လေ့ရှိသည်။ သို့ရာတွင် အောက်ခြေအဆင့် တပ်မတော်သားများက လက်နက်များယူဆောင်၍ ထွက်ပြေးတိမ်း ရှောင်မှုများ၊ လက်နက် ဖြင့် အထက်အရာရှိကို လုပ်ကြံသတ်ဖြတ် ထွက်ပြေးမှုများမကြာခဏ ကြားလာရသည်။

ထိုကဲ့သို့သော အနီးဆုံး အဖြစ်အပျက်တခု လွန်ခဲ့သည့် ၅ ရက် ခန့်က ဖြစ်ပွားခဲ့သေးသည်။

ရန်ကုန်တိုင်း တိုက်ကြီး မြို့နယ်အတွင်းရှိ တပ်ရင်း ၇၀၇ တွင် လက်အောက်ငယ်သား အောက်ခြေ တပ်သားက ၎င်း၏ တပ်ခွဲမှူးကို သေနတ်နှင့်ပစ်ကာ ဆိုင်ကယ်နှင့် ထွက်ပြေး ခဲ့ခြင်းဖြစ်သည်။

၎င်းကို အုတ်ဖိုမြို့နယ်အတွင်းရှိ စိန်ကန့်လန့်ကျေးရွာတွင် ပိတ်၍ သေနတ်နှင့် ပစ်ဖမ်း ကြသဖြင့် သေဆုံးသွားခဲ့ရသည်။

တပ်သားများက အထက်အရာရှိကို လုပ်ကြံထွက်ပြေးမှုများ ဖြစ်ရခြင်း၏ အဓိက အကြောင်းရင်းမှာ အောက်ခြေ တပ်မတော် သားများ၏ ရုန်းကန်ရမှု၊ အဖိနှိပ်ခံရမှုတို့ကြောင့် ဖြစ်သည်။ အနိမ့်ဆုံး တပ်မတော် သားများ၏ လစာခံစားခွင့်မှာ တလလျင် ကျပ် ၂ သောင်း ၂ ထောင်မျှသာ ဖြစ်သောကြောင့် အများစုမှာ မိသားစု စားဝတ် နေရေး အခက်အခဲ ကြပ်တည်းလွန်းလှပြီး မသေရုံတမည် စားသောက်နေရသည့် ဘဝများ ဖြစ်နေသည်။

“အရာရှိတွေနဲ့ စစ်သားတွေကြားက ကွာခြားချက် တော်တော်ကြီးတယ်” ဟု ထိုင်းနိုင်ငံ အခြေစိုက် စစ်ရေးလေ့လာသူ ဦးဌေးအောင်က ပြောပြသည်။

အောက်ခြေတပ်သားများမှာ အရာရှိများ၏ ခွဲခြားဆက်ဆံခြင်း ဖိနှိပ်ခြင်းကို ခံရလေ့ရှိပြီး အများစုမှာ အထက်အရာရှိများ၏ ကျွန်သဖွယ်ဆက်ဆံခြင်းကို ခံကြရကြောင်း သူက ဆက်ပြောသည်။

“တပ်သားတွေက မခံနိုင်တဲ့အဆုံး သူတို့ တတ်နိုင်တဲ့နည်းနဲ့ ပုန်ကန်ကြတော့တာပဲ။ တချို့ဆို လက်နက်နဲ့ အရာရှိကိုသတ် တဲ့ဖြတ်တဲ့ထိ ဖြစ်သွားတာ” ဟု ၎င်းကဆိုသည်။

ထို့ပြင် ယခုနောက်ပိုင်း၌ ရဲဘော်များထွက်ပြေးရာတွင် လက်နက်များကိုပါ ယူဆောင်သွားကြကြောင်း စစ်တပ်နှင့်နီးစပ်သည့် သူတဦးကပြောပြသည်။

ယခုနှစ်အတွင်း၌ပင် တောင်ပိုင်းတိုင်း စစ်ဌာနချုပ်တခု၏ တပ်ရင်းတခုမှ အောက်ခြေ တပ်သား ၇ ဦးတို့က ပစ္စတို ၁ လက်၊ အမ်အေ ၃ လက်နှင့် တခြားသေနတ် တလက် တို့ကိုယူဆောင်ကာ ထွက်ပြေးသွားမှု ဖြစ်ခဲ့သေးသည်ဟု သူကဆိုသည်။

“ဒီအက်စ်အေဆင်း အရာရှိပေါက်စတယောက်ရဲ့ သေနတ်ပါတယ်။ တော်တော်နဲ့ သူတို့ကို ဖမ်းမမိဘူး။ နောက်တော့ ရဲဘော်တယောက်ကို အသေဖမ်းမိတယ်လို့ ကြားတယ်” ဟု သူက ပြောသည်။

စစ်တပ်ထဲတွင် အဆင့်ဆင့် ကျွန်သဖွယ် ဆက်ဆံသည့်အလေ့ကြောင့် နာကြည်းမှုများ ရှိနေရာ အောက်ဆုံးမှ စစ်သားများက ထိုဒဏ်ကို အခံရဆုံးဖြစ်သည်။

“ကျမတော့ တပ်ထဲကို မဖြစ်လွန်းမှ သွားနေတယ်။ အပြင်က အိမ်မှာပဲနေတယ်။ တပ်ထဲ မှာဆို ကျမယောက်ျားက ဗိုလ်မှူးဆို ပေမယ့် တပ်ရင်းမှူးမိန်းမဈေးဝယ်ရင် ကျမက ဈေးခြင်း ဆွဲပြီး နောက်ကလိုက်ရတယ်။ သူချွတ်ခဲ့တဲ့ ထဘီကို လိုက်ခေါက် ရတယ်။ ကျမ အဲဒါတွေ မလုပ်နိုင်ဘူး” ဟု ဗိုလ်မှူးကတော်တဦးက ၎င်း၏အတွေ့အကြုံကို ပြောပြသည်။

အောက်ခြေစစ်သားက ပုန်ကန်ခြင်း၊ အရာရှိကို ရိုက်နှက် သတ်ဖြတ်ခြင်း၊ လက်နက်ယူ၍ ထွက်ပြေးခြင်း စသည့်အမှုများမှာ ကြည်းတပ်ထဲတွင် အများဆုံး ဖြစ်ပွားလေ့ရှိသော်လည်း ၂၀၀၃ ခုနှစ် ပတ်ဝန်းကျင်က ရေတပ်ထဲတွင်ပါ ထိုကဲ့သို့သော အမှုမျိုး ဖြစ်ပေါ်ခဲ့သည်ဟု ရေတပ် တပ်ကြပ်ကြီးတဦးကပြောပြသည်။

“ရေတပ်ကတော့ ဒါမျိုး အဖြစ်နည်းပါတယ်။ ဒါပေမယ့် အဲဒီတခါက တော်တော် ဆိုးသွား တယ်။ ဒုစစ်ရေယာဉ်မှူးက စစ်ရေယာဉ်မှူးကို ပစ်သတ်တာ” ဟု သူက ဆိုသည်။

စစ်ရေယာဉ်မှူးက ငါးဖမ်းသင်္ဘောများနှင့် ညှိထားသမျှ၊ ရေပိုင်နက်ရောင်းစား ထားသမျှ ဝင်ငွေများကို အောက်ခြေဝန်ထမ်း များအား မျှမစားသောကြောင့် အောက်ခြေရဲဘော်များ ဒုက္ခရောက်နေသည်ကို မကြည့်နိုင်သည့် ဒုစစ်ရေယာဉ်မှူးက ပစ်သတ်လိုက်ခြင်းဖြစ်သည်။

ထွက်ပြေးတိမ်းရှောင်သွားသည့် ထိုဒုစစ်ရေယာဉ်မှူးကို ကြည်းတပ်က ဖမ်းမိကာ ပစ်သတ် လိုက်ပြီး ၎င်းတို့စစ်သင်္ဘော အင်းတော် (၅၅) တွင် ပါသမျှ အရာရှိ၊ အရာခံ၊ အကြပ်၊ တပ်သား မှန်သမျှ အနည်းဆုံး ထောင် ၄ နှစ်စီ ကျခံရကြောင်း သိရှိရသည်။

“အဲဒီသင်္ဘောပေါ်မှာ ဘာမှမသိလိုက်ဘဲ အရက်မူးပြီး အိပ်ပျော်နေတဲ့ ရဲဘော်က အစ ထောင် ၄ နှစ်ကျတယ်။ ကျနော့် သူငယ်ချင်း ဂျီအို (Gun Officer) ဆို ထောင် ၁၅ နှစ် ကျသွားတယ်” ဟု တပ်ကြပ်ကြီးက ပြောပြသည်။

ပြည်တွင်းပြည်ပရှိ စစ်ရေးလေ့လာသူတို့က ထိုကဲ့သို့သော အမှုမျိုး ယခုနောက်ပိုင်း ဖြစ်ပွားမှု များပြားလာသည်ဟု ဆိုသည်။

၂၀၀၁ ခုနှစ်က ဖြစ်ပွားခဲ့သော ဗိုလ်မှူးမင်းမင်းစိုး လုပ်ကြံခံရမှု ဆိုလျင် ဟိုးလေးတကျော်ကျော် ဖြစ်ခဲ့သည်။

တချို့သော အရာရှိများမှာ အောက်ခြေတပ်သားများ၏ ကိုယ်ရေး ကိုယ်တာ ကိစ္စများကို လိုအပ်သည်ထက် ဝင်ရောက်စွက် ဖက်ခြင်း နှောင့်ယှက် အနိုင်ကျင့် ခြင်းများ မခံနိုင်အောင် လုပ်သဖြင့် အထက်အရာရှိကို ကိုယ်ထိလက်ရောက် သတ်ဖြတ် သည်အထိ ဖြစ်လာရခြင်း များလည်း ရှိသည်ဟု စစ်ရေးလေ့လာသူတို့က သုံးသပ်သည်။

၂၀၀၅ ခုနှစ်ကလည်း ကျောက်တော် အခြေစိုက် တပ်ရင်း ၃၇၈ မှ အရာရှိငယ်တဦးက ၎င်း၏တပ်ရင်းမှူးနှင့် တပ်ရင်းမှူး ကတော်တို့ကို သတ်ဖြတ်ပြီး ၎င်းကိုယ်၎င်း အဆုံးစီရင် ခဲ့သော အမှုတခု ဖြစ်ပွားခဲ့သည်။

“အုပ်စုဖွဲ့ပြီး ထွက်ပြေးတာတို့၊ အုပ်စုဖွဲ့ပြီး အရာရှိကိုပုန်ကန်တာတို့ပါ ဖြစ်လာတယ်။ အရာရှိတွေက တပ်သားတွေကို ခွဲခြားဆက်ဆံတာကနေ မခံနိုင်ပြီး ဖြစ်ကြတာ” ဟု ရန်ကုန်နေ စစ်တပ်အသိုင်းအဝန်းနှင့် နီးစပ်သူ တဦးက သုံးသပ်သည်။

၁၀၁၀၂၀၀၈သတင်း

ရန်ကုန်တွင်ဖြန့်ချီသောဆိုင်းဘုတ်




မြန်မာအမျိုးသမီးများအား ပြည့်တန်ဆာဘဝ သွတ်သွင်းးသည့် လူမိုက်ဂိုဏ်းများကို ထိုင်းရဲတပ်ဖွဲ့ ဖမ်းဆီး

Kaowao အောက်တိုဘာ ၁၀၊ ၂၀၀၈။

မြန်မာအမျိုးသမီးများအား ချူပ်နှောင်ထားပြီး လိင်ပိုင်ဆိုင်ရာလုပ်ငန်းများသို့ သွတ်သွင်းရန် သွေးဆောင်ဖြား ယောင်းသူ မြန်မာနိုင်ငံသား ၄ ယောက်အား ထိုင်းရဲတပ်ဖွဲ့ က မဟာချိုင်ဒေသတွင် ဖမ်းဆီးရမိခဲ့ကြောင်း ခရိုင်ဒေသ ၃ ကွပ်ကဲရေးမှူး နိုင်ပန်ရာ ပင်ဇော့က ပြောကြားသည်။

ဖမ်းဆီးခံရသူလူမိုက်ဂိုဏ်းဝင်တို့မှာ မြန်မာနိုင်ငံသား ဦးမြင့် (၂၇) နှစ်၊ ဦးမျိုး (၃၃) နှစ်၊ နိုင်စန်စော (၂၄) နှစ် နှင့် ဦးအင်းစိုး (၂၄)နှစ် တို့ဖြစ်ကြပြီး စမွတ်ဆာခွန်ခရိုင်၊ ထားစာတိုက်နယ် ၇ ရပ်ကွက်၊ ထိုင်းယူနီယံ ကုမ္ပဏီအနီးတွင် လွန်ခဲ့သော အောက်တိုဘာ ၂ ရက်နေ့ နေ့ခင်းပိုင်းက ဖမ်းဆီးရမိခဲ့ခြင်း ဖြစ်သည်။

ဒေသ ၃ ရဲတပ်ဖွဲ့ ကွပ်ကဲရေးမှူး နိုင်ပန်ရာ ပင်ဇော့ ပြောကြားရာတွင် ဦးမြင့်တို့အဖွဲ့သည် မိန်းခလေးများအား တစ်နေရာတွင် ဖမ်းဆီးချုပ်နှောင်ထားပြီး အဓမ္မပြုကျင့်ကြသည့်အပြင် ပြည့်တန်ဆာလုပ်ငန်းများတွင် အသုံးပြုရန် သွေးဆောင်နေကြောင်း ရတ်ထိုင်း ဖောင်းဒေးရှင်း၏ သတင်းပေးချက်အရ သွားရောက်ရှာဖွေ ဖမ်းဆီးခဲ့သည်။ ထိုလူမိုက်အဖွဲ့ လက်ဝယ်ဖမ်းဆီးထားသော မိန်းခလေး နှစ်ဦးကိုလည်း ကယ်တင်နိုင်ခဲ့သည်ဟု ဆက်လက် ပြောကြားသည်။

ဓားစာခံ မအေ အသက် (၁၄) နှစ် နှင့် မဘီ (၂၇) နှစ်တို့ ထုတ်ဖေါ်ပြောကြားရာတွင် ပုဇွန်စက်ရုံတွင် တစ်ရက် ၂၀၀ ဘတ်ဖြင့် အလုပ်အကိုင် ရရှိမည်ဟု ဦးမြင့်တို့အဖွဲ့က ကော့သောင်းမှ လိမ်လည်ခေါ်ဆောင်လာကြောင်းနှင့် စမွတ်ဆာခွန် (မဟာချဲာ) ရောက်လာသောအခါ တစ်နေရာတွင် ချုပ်နှောင်ထားပြီး ပြည့်တန်ဆာဘဝသို့ သွတ်သွင်းရန် နည်းလမ်းအမျိုးမျိုး သုံးပြီး ခြိမ်းခြောက်လှည့်ဖြားခဲ့ကြသည်။ အလုပ်အကိုင် ရရှိလျှင် ထိုအဖွဲ့အား လမ်းစရိတ်နှင့်အလုပ်အကိုင် ရှာဖွေပေးသည့်စရိတ်အဖြစ် ယင်းအမျိုးသမီးတို့က ဘတ်ငွေ ၁၃၀၀၀ ပြန်လည်ပေးဆောင်ရမည်ဟုလည်း ဂတိကဝတ်ပြုထားကြသည်။

ထိုင်းရဲတပ်ဖွဲ့နှင့် အလိမ်ခံရသူများ၏အဆိုအရ ယခု ဖမ်းဆီးခံရသည့်အဖွဲ့သည် ထိုင်းနိုင်ငံတွင် အလုပ်အကိုင် ရှာဖွေပေးမည်ဟု လိမ်လည်ပြီး လမ်းစရိတ်ပါ စိုက်ထုတ်ပေးကာ မြန်မာအမျိုးသမီးများအား ပြည့်တန်ဆာ လုပ်ငန်းများတွင် ရောင်းစားနေသောအဖွဲ့တစ်ဖွဲ့ဖြစ်ကြောင်းနှင့် ထိုင်းနိုင်ငံနှင့် မြန်မာနိုင်ငံအနှံ့ အထူးသဖြင့် နယ်စပ်ဒေသများတွင် ကွန်ယက်ဖွဲ့ လှုပ်ရှားနေသော လူမှောင်ခိုကူး ဂိုဏ်းလည်း ဖြစ်သည်။

အလိမ်ခံရသူ အမျိုးသမီးများ၏ အမည်များကို ပြောင်းလဲသုံးစွဲထားသည်။

မျိုးဆက်သစ်လူငယ်များအစည်းအရုံးက စစ်အစိုးရဆန့်ကျင်စာများ ဖြန့်ဝေ
အေးလဲ့ အောက်တိုဘာ ၁၀၊ ၂၀၀၈
“စစ်အာဏာရှင်အဆုံးသတ်၂၀၀၈” ဟုရေးသားထားသော တလက်မခွဲပတ်လည်ရှိ စာရွက်ပိုင်းများကို မျိုးဆက်သစ်လူငယ် များအစည်းအရုံး (Generation Wave-GW) က ၎င်းတို့ဖွဲ့စည်းသည့် တနှစ်ပြည့်သည့်နေ့တွင် ဖြန့်ဝေခဲ့ကြောင်း GW အဖွဲ့၏ ပြောရေးဆိုခွင့်ရှိသူ ကိုမိုဃ်းသွေးက ဧရာဝတီကို ပြောသည်။ဓာတ်ပုံ- GW
၎င်းစာရွက်များကို ရန်ကုန်၊ မန္တလေး၊ မုံရွာမြို့များအပါအ၀င် ဧရာဝတီတိုင်းတွင် မအူပင်မြို့၊ ပဲခူးတိုင်းတွင် ပြည်နှင့် တောင်ငူမြို့၊ ရခိုင်ပြည်နယ်ရှိ တောင်ဂုတ်နှင့် ဂွမြို့တို့နှင့် အဝေးပြေးကားလမ်း၊ ရထားလမ်းများတွင် အဆိုပါစာရွက်ပေါင်း တသိန်းကျော်ဖြန့်ဝေခဲ့သည်ဟု ကိုမိုဃ်းသွေးက ပြောသည်။

“ဖြန့်ဝေရခြင်းရဲ့ ရည်ရွယ်ချက်က ဘယ်လောက်ပဲဖိနှိပ်ဖမ်းဆီးနေပါစေ၊ အာဏာရှင်ကို ရဲရဲဝံ့ဝံ့ဆန့်ကျင်နေတဲ့ လူငယ်တွေ ရှိတယ်။ လူထုဟာမျှော်လင့်ချက်မမဲ့ဘူး ... လူထုတွေ ပူးပေါင်းပါဝင်ဆောင်ရွက်နိုင်တယ်။ ပူးပေါင်းပါဝင်ကြဖို့လည်း တောင်းဆိုချင်တယ်” ဟု ကိုမိုဃ်းသွေးက ပြောသည်။

GW အဖွဲ့ကို လွန်ခဲ့သည့်နှစ် စက်တင်ဘာလကပေါ်ပေါက်ခဲ့သည့် ရွှေဝါရောင်တော်လှန်ရေးအပြီး လူငယ်များ နိုးကြား တက်ကြွရန်ရည်ရွယ်ချက်ဖြင့် အောက်တိုဘာလ ၉ ရက်နေ့တွင်ဖွဲ့စည်းခဲ့သည်။

GW အဖွဲ့ဝင်များသည် လူငယ်များဖြစ်ကြပြီး စစ်အာဏာရှင်ဆန့်ကျင်ရေးလှုပ်ရှားမှုများအပြင် စစ်အစိုးရကို ဆန့်ကျင်သည့် တေးသီချင်းများကိုလည်း အသံသွင်းဖြန့်ဝေခဲ့သည်။ ၎င်းလှုပ်ရှားမှုများကြောင့် GW အဖွဲ့ဝင် များကို စစ်အစိုးရက စုံစမ်း ဖော်ထုတ်ကာ ဖမ်းဆီးမှုများလည်း ရှိခဲ့သည်။

ထင်ရှားသည့် ရက်ပ်အဆိုတော် ကိုဇေယျာသော်သည် GW အဖွဲ့ကို စတင်တည်ထောင်ခဲ့သူတဦးဖြစ်ပြီး ၎င်းအား စစ်အစိုးရ က ဖမ်းဆီးထိမ်းသိန်းထားသည်။ ထို့အပြင် GW အဖွဲ့ဝင်များဖြစ်ကြသည့် ကိုအောင်ဇေဖြိုး၊ ကိုအာကာဗိုလ်၊ ကိုဝေလွင်မျိုး၊ ကိုရန်နိုင်သူ၊ ကိုသီဟဝင်းတင်၊ ကိုကျော်ဦးနှင့် ကိုစောမောင်အပါအ၀င် ၁၀ ဦးကျော်ကို စစ်အစိုးရက မတရား ဖမ်းဆီး ထားသည်။

“ကျနော်တို့ ခေါင်းဆောင်တွေကိုဖမ်းရုံနဲ့ လှုပ်ရှားမှုဟာရပ်တန့်မသွားနိုင်ဘူး။ မျိုးဆက်သစ်တွေဆက်ပြီး တော်လှန်နေတယ်။ ရပ်ချင်ရင်လူငယ်အားလုံးဖမ်းမှပဲရမယ်” ဟုလည်း ကိုမိုဃ်းသွေးက ပြောသည်။

ဒုတိယ ဗိုလ်ချုပ်မှူးကြီး မောင်အေး၏ ဘင်္ဂလားဒေ့ရ်ှနိုင်ငံခရီးစဉ်တွင် ဦးတေဇ ပါဝင်
ဧရာဝတီ အောက်တိုဘာ ၁၀၊ ၂၀၀၈

ဒုတိယ ဗိုလ်ချုပ်မှူးကြီး မောင်အေး၏ ဘင်္ဂလားဒေ့ရ်ှနိုင်ငံ ၃ ရက်တာခရီးစဉ်တွင် မြန်မာနိုင်ငံ၏ ထိပ်တန်းစီးပွားရေးသမား ဦးတေဇ လိုက်ပါခဲ့သည်ဟု ရန်ကုန်မြို့ရှိ စီးပွားရေးအသိုင်းအ၀န်းက ပြောသည်။ဦးတေဇ (ဓာတ်ပုံ - အေအက်ဖ်ပီ)
ဗိုလ်ချုပ်မှူးကြီး သန်းရွှေနှင့် နီးစပ်သူ ထူး ကုမ္ပဏီပိုင်ရှင် ဦးတေဇသည် မြန်မာစီးပွားရေးအဖွဲ့ကိုဦးဆောင်ကာ ဘင်္ဂလားဒေ့ရှ် ကုန်သည်ကြီးများနှင့် စက်မှုလုပ်ငန်းရှင်များ အဖွဲ့နှင့် တွေ့ဆုံခဲ့နိုင်သည်ဟု ရန်ကုန်ရှိ စီးပွားရေးသမား တဦးက ပြောသည်။

ဘင်္ဂလားဒေ့ရ်ှနိုင်ငံအခြေစိုက် နိရဉ္စရာ သတင်းဌာန၏ အယ်ဒီတာ ဦးခိုင်မြတ်ကျော် က ဒုတိယဗိုလ်ချုပ်မှူးကြီး မောင်အေး ခေါင်းဆောင်သည့် ကိုယ်စားလှယ်အဖွဲ့သည် နှစ်နိုင်ငံချစ်ကြည်ရေးထက် နှစ်နိုင်ငံ စီးပွားရေးလုပ်ငန်း များကိုပိုမိုစိတ်ဝင်စားမှုရှိသည်ဟု ဧရာဝတီကို ပြောဆိုသည်။

အဆိုပါခရီးစဉ်အတွင်း မြန်မာနိုင်ငံမှ ဘင်္ဂလားဒေ့ရ်ှနိုင်ငံသို့ ဆန်တန်ချိန်တသိန်း တင်သွင်းရန်၊ ဓာတ်ငွေ့ရောင်းချရန်နှင့် နယ်စပ်ဖြတ်ကျော်သည့်ကာလမ်းဖောက်လုပ်ရေးလုပ်ငန်းများကို ဆွေးနွေးကြကြောင်း သိရသည်။

စစ်အစိုးရပိုင်သတင်းစာက ဒုတိယဗိုလ်ချုပ်မှူးကြီး မောင်အေး၏ ဘင်္ဂလားဒေ့ရ်ှခရီးစဉ်တွင် လိုက်ပါခဲ့ကြသည့် အနဖ အဖွဲ့ဝင်များနှင့် ၀န်ကြီးများ၏ အမည်များကို ဖော်ပြခဲ့သော်လည်း ဦးတေဇ လိုက်ပါခဲ့သည်ကို ဖော်ပြခြင်း မရှိပေ။

ဦးတေဇအား ရန်ကုန်စီးပွားရေးအသိုင်းအ၀န်းက လက်ရှိမြန်မာနိုင်ငံ၏ အကြွယ် ၀ဆုံးစီးပွားရေးသမားဟု သုံးသပ်ကြပြီး စစ်အစိုးရက ရုရှားနိုင်ငံလုပ် တိုက်လေယာဉ်များဝယ်ယူရာတွင် ပွဲစားလုပ်ပေးခဲ့ရာမှ ၎င်းအား လူသိများလာခဲ့သည်။

အမေရိကန်ဘဏ္ဍာရေးဝန်ကြီးဌာန၏ နိုင်ငံတကာငွေကြေးထိန်းချုပ်ရေးဗျူရို (OFAC) က ဦးတေဇ အပါအဝင် မြန်မာ့ ထိပ်သီး စီးပွားရေးလုပ်ငန်းရှင်များ၏ ငွေကြေးလည်ပတ်စီးဆင်းမှုကို တဦးချင်းစီစိစစ်၍ ပြင်းပြင်းထန်ထန် ပိတ်ဆို့အရေး ယူတော့ မည်ဟု ယခုလ လဆန်းပိုင်းက ကြေညာထားသည်။

ဦးတေဇ၏ ထူး ကုမ္ပဏီသည် ဆောက်လုပ်ရေး၊ ဟိုတယ်နှင့် ခရီးသွားလာရေး၊ သစ်နှင့် ပို့ကုန်သွင်းကုန် လုပ်ငန်းများကို လုပ်ကိုင် နေသည့်အပြင် လမ်းတံတားဆောက်လုပ်ရေးသုံး အကြီးစားစက်ပစ္စည်းများကိုလည်း ငှားရမ်းသည်။ အဲပုဂံလေကြောင်းလိုင်းကိုလည်း ၂၀၀၄ ခုနှစ်တွင် တည်ထောင်ခဲ့သည်။

ဦးတေဇသည် အသက် ၂၀ ကျော်ရှိ ၎င်း၏သားကြီး ဖြိုးတေဇအား ထူး ကုမ္ပဏီပိုင် လုပ်ငန်းများကို စတင်လွှဲပြောင်း လုပ်ကိုင်စေသည်ဟု ထူး ကုမ္ပဏီနှင့် နီးစပ်သူတဦးက ဧရာဝတီကို ပြောဆိုသည်။

ပုဂ္ဂလိကကုမ္ပဏီများ နာဂစ်မုန်တိုင်းသင့် လယ်မြေများကို ကန်ထရိုက်လယ်ယာ စနစ်ဖြင့် လုပ်မည်
ကြည်ဝေ အောက်တိုဘာ ၁၀၊ ၂၀၀၈

နာဂစ်မုန်တိုင်းသင့်ခဲ့သော ဧရာဝတီတိုင်းနှင့် ရန်ကုန်တိုင်းအတွင်းရှိ လယ်ယာမြေများကို ပုဂ္ဂလိကကုမ္ပဏီများမှ ကန်ထရိုက် စနစ်ဖြင့် စိုက်ပျိုးရန် စီစဉ်လျက်ရှိကြောင်း သိရှိရသည်။

အဆိုပါ ဒေသများတွင် လက်ရှိစိုက်ပျိုးနေသော တောင်သူများအား လာမယ့် နွေစပါးစိုက်ရာသီတွင် စိုက်ပျိုး နိုင်ရေးအတွက် ကုမ္ပဏီများမှ စိုက်စရိတ်ထုတ်ပေးမည်ဖြစ်ကြောင်း၊ တောင်သူများအနေနှင့် ထွက်ရှိလာသော စပါးများအား ၎င်းကုမ္ပဏီများ ထံသို့သာ ရောင်းချပေးရမည် ဖြစ်ကြောင်း မြန်မာနိုင်ငံ ဆန်စပါး စိုက်ပျိုးထုတ်လုပ် သူများအသင်းမှ တာဝန်ရှိသူ တဦး၏ ပြောပြချက်အရ သိရှိရသည်။

“လုပ်ငန်းရှင်တွေက စပါးအတွက် အကုန်အကျခံထားပေးမယ်၊ တောင်သူက လုပ်အားစိုက်ပြီး စိုက်ပျိုးပေးရမယ်၊ စပါးပေါ် ချိန်မှာ အကုန်အကျ ခံထားရတဲ့ ငွေကို နုတ်ပြီးကျန်တဲ့ အမြတ်ငွေကို တောင်သူနဲ့ လုပ်ငန်းရှင် ခွဲယူကြရ မယ်" ဟု သူက ပြောဆိုသည်။

ငွေကြေးအရင်းအနှီးတောင့်တင်းသော ကုမ္ပဏီများနှင့် တောင်သူများ အကျိုးတူပူးပေါင်းရာတွင် ကုမ္ပဏီမှ အထွက်ကောင်း မျိုးကောင်းမျိုးသန့်များ ဖြန့်ဖြူးပေးခြင်း၊ သီးနှံပေါ်ပေးစနစ်ဖြင့် အရည်အသွေးမီ ဓာတ်မြေသြဇာနှင့် ပိုးသတ်ဆေးများ ဖြန့်ဖြူးပေးခြင်း၊ သင့်တင့်သော အာမခံ အခြေခံဈေးနှုန်းများ တောင်သူမှ ကုမ္ပဏီသို့ သီးနှံ များ ပြန်လည်ရောင်းချရခြင်း စသည့် အချက်များကို သဘောတူညီချက်များရှိကြောင်းလည်း သူက ရှင်းလင်း ပြောဆိုသည်။

"ကျနော်တို့ကို လာမယ့် နွေစပါးစိုက်ချိန်မှ စိုက်ပျိုးဖို့ သဘောတူကြောင်း လက်မှတ်ထိုးခိုင်းလို့ တနေ့ကပဲ လက်မှတ်ထိုးပေး လိုက်ကြရပြီ၊ ဘယ်လိုလုပ်မလဲ ဒီမြေတွေကို အစိုးရက အလကားတောင် သိမ်းလို့ ရတယ်လို့ ပြောနေတာပဲ" ဟု ရန်ကုန်တိုင်း ကွမ်းခြံကုန်းမြို့နယ်မှ တောင်သူ တဦးက ပြောဆိုသည်။

တောင်သူများအနေနှင့် မိမိပိုင်လယ်မြေများပေါ်တွင် မည်သူ၏လွှမ်းမိုးမှုမှ မပါဝင်ဘဲ စိုက်ပျိုးထုတ်လုပ်လိုကြ သော်လည်း စစ်အာဏာပိုင်များက လုပ်ငန်းရှင်နှင့် အကျိုးတူပူးပေါင်းရမည်ဟု အတင်းအကျပ် စေခိုင်းလျက်ရှိ သောကြောင့် လာမည့် နွေစပါး စိုက်ပျိုးရာတွင် အကျိူးတူပူးပေါင်းပါမည်ဟု လက်မှတ်ထိုးပေးလိုက်ရကြောင်း ရန်ကုန်တိုင်းအတွင်းရှိ တောင်သူများ ထံမှ သိရှိရသည်။

အဆိုပါ ရန်ကုန်တိုင်းနှင့် ဧရာဝတီတိုင်းအတွင်းရှိ မုန်တိုင်းသင့်ဒေသများမှ လယ်ယာမြေများကို ကန်ထရိုက် စနစ်ဖြင့် စိုက်ပျိုးကြမည့် ကုမ္ပဏီများမှာ စုစုပေါင်း ၃၀ ၀န်းကျင်ခန့် ရှိသည်ဟုသိရသည်။

အဆိုပါ ကုမ္ပဏီများတွင် ဧရာရွှေဝါ၊ ထူး၊ ဇေကမ္ဘာ၊ ယုဇန၊ သော်တာဝင်း၊ အေးရှားဝေါ၊ ပြည့်ဖြိုးကျော်၊ ၀ါဝါ၀င်း၊ ရွှေသံလွင်၊ အာရုဏ်ဦး၊ ဖွံ့ဖြိုးအောင်၊ ရွှေတောင်၊ အေးရှားအိတ်စ်ပရက်၊ ဧဒင်၊ အက်ပီဒင်၊ အေးရိပ်မွန်၊ ရွှေကမ္ဘာ စသည့် ကုမ္ပဏီတို့ ပါဝင်ကြောင်း သိရှိရသည်။

ရန်ကုန်တိုင်းအတွင်းရှိ မြေဧကပေါင်း ၈၀၁၁၀ ဧကတွင် လက်ရှိ မိုးစပါးစိုက်ပျိုးနေသော တောင်သူ ၄၀၄၂ ဦးရှိ သည် ဟု သိရသည်။ ဧရာဝတီတိုင်းတွင် စိုက်ဧက ၄.၉ သန်း ရှိကြောင်း သိရှိရသည်။ ၎င်းတို့မှ တ၀က်ကျော်ကို ကုမ္ပဏီများနှင့် အကျိုးတူ ပူးပေါင်းရမည်ဟု သတ်မှတ်ထားကြောင်းလည်း သိရှိရသည်။

ထူးကုမ္ပဏီမှ ရန်ကုန်တိုင်းအတွင်းရှိ လယ်မြေဧကတချို့နှင့်ဧရာဝတီတိုင်းမှ လယ်မြေဧက တချို့တို့ကို လာမည့် နွေစပါး စိုက်ချိန်တွင် စိုက်ပျိုးသွားမည်ဖြစ်ကြောင်း၊ အဆိုပါ ဒေသများတွင်သာမက နေပြည်တော် ဒေသမှ တောင်သူများအနေ နှင့်လည်း ၄င်းတို့ကုမ္ပဏီနှင့် ပူးပေါင်းစိုက်ပျိုးလိုပါက ကြိုဆိုကြောင်း အဆိုပါ ကုမ္ပဏီဥက္ကဌ ဦးတေဇက နေပြည်တော် ပင်လောင်း လမ်းဆုံတွင် အောက်တိုဘာလ ၁ ရက်နေ့က ကျင်းပခဲ့သည့် စပါးစိုက်ခင်း များနှင့် ပတ်သက်သော အခမ်း အနားတွင် ပြောဆိုခဲ့ကြောင်းသိရှိရသည်။

ဦးတေဇ က ၄င်းတို့ကုမ္ပဏီနှင့် အကျိုးတူ စိုက်ပျိုးလိုပါက တောင်သူများအား တခြားသော ကူညီ ပံ့ပိုးမှုများကိုပါ လုပ်ဆောင် ပေးနိုင်မည်ဖြစ်ကြောင်း အဆိုပါ အခမ်းအနားတွင် ပြောကြားခဲ့သည်ဟု နေပြည်တော် ဒေသမှ တောင်သူ တဦး၏ ပြန်လည် ပြောပြချက်အရ သိရှိရသည်။


ဦးတေဇ၏ကုမ္ပဏီမှာ စစ်အာဏာပိုင်ဗိုလ်ချုပ်မှုးကြီးသန်းရွှေမိသားစုမှ အစုရှယ်ရာ အများဆုံးပါဝင်သော ကုမ္ပဏီဖြစ်ကြောင်း လူအများကြားတွင် ပြောဆိုနေကြသည်။

တရားမ၀င် ဆိုင်ကယ်တင်သွင်းမှု ပိုမိုများပြားလာ
ကိုစိုး အောက်တိုဘာ ၁၀၊ ၂၀၀၈

မြန်မာပြည်တွင်းရှိ တရားမ၀င် လိုင်စင်မဲ့ မော်တော်ဆိုင်ကယ်များကို လွန်ခဲ့သည့် ၄ လခန့်မှ စတင်၍ တရားဝင် လိုင်စင်များ ထုတ်ပေးပြီးနောက်ပိုင်း နယ်စပ်ဒေသများမှ လိုင်စင်မဲ့ ဆိုင်ကယ်အစီးရေ ထောင်နှင့် ချီ၍ တင်သွင်း မှုများရှိနေကြောင်း ကုန်သည်အသိုင်းအ၀န်းမှ သိရသည်။

ယင်း ဆိုင်ကယ်များကို တရုတ်နှင့် ထိုင်းနိုင်ငံများဘက်မှ နယ်စပ်ကို ဖြတ်ကျော်၍ မြန်မာပြည်တွင်းသို့ အများဆုံး တင်သွင်း ကြခြင်း ဖြစ်သည်ဟု ဆိုသည်။

အစိုးရက ထိုသို့ လိုင်စင်များထုတ်ပေးမည်ဟုကြေညာချိန်မှစတင်ပြီး မော်လမြိုင်မြို့ ဘက်သို့ ထိုင်းဘက်မှ ဆိုင်ကယ်များ တနေ့လျင် အစီး ၇၀၀ ခန့် နေ့စဉ် တင်သွင်းမှုရှိကြောင်း ထိုင်း-မြန်မာနယ်စပ် မြ၀တီမြို့မှ ဆိုင်ကယ်ပွဲစား တဦးက ပြောသည်။

“မော်လမြိုင်အထိဆိုရင် ဆိုင်ကယ်တစီးကို ဂိတ်ကြေးပေးရတာ ကျပ် ၁၁၀၀၀၀ လောက်ကုန်တယ်”ဟု ၎င်းက ပြောပြသည်။

မြ၀တီနှင့် မော်လမြိုင်ကြားတွင် မြန်မာစစ်တပ် အပါအ၀င် တိုးတက်သော ဗုဒ္ဓဘာသာ ကရင်အမျိုးသား တပ်ဖွဲ့ (DKBA) နှင့် ကရင်ငြိမ်းချမ်းရေးအဖွဲ့(KPF) စသည့် အဖွဲ့များက စောင့်ကြပ် စစ်ဆေးနေသည့် ဂိတ်ပေါင်း ၂၀ ကျော်ရှိကြောင်း သိရသည်။

“ထိုင်းဘက်ကနေ မြန်မာဘက်ကို ဖြတ်သယ်တဲ့ ကုန်ကျစရိတ်က ဆိုင်ကယ် တစီးကို ကျပ် ၁၀၀၀၀ လောက်ရှိတယ်” ဟုလည်း အထက်ပါ ဆိုင်ကယ် ပွဲစားက ပြောဆိုသည်။

ထို့အတူ ထိုင်းနိုင်ငံ မယ်ဆိုင်ဘက်မှ မြန်မာနိုင်ငံ တာချီလိတ် မြို့ဘက်သို့ တရားမ၀င် လိုင်စင်မဲ့ဆိုင်ကယ်များ နေ့စဉ် ၀င်ရောက်မှုရှိနေကြောင်းလည်း သိရသည်။

မြန်မာပြည်တွင်းသို့ တရုတ်-မြန်မာ နယ်စပ်ဘက်မှလည်း ယင်းလိုင်စင်မဲ့ ဆိုင်ကယ်များ နေ့စဉ် အစီး ၂၀၀ ခန့် ၀င်ရောက်မှု ရှိသည်ဟု ဒေသခံများက ပြောသည်။

တရုတ်နိုင်ငံ ဘေဂျင်း အိုလံပစ်ပွဲ မတိုင်မီက လိုင်စင်မဲ့ဆိုင်ကယ် တနေ့လျှင် အစီး ၅၀၀ ခန့် မြန်မာပြည်တွင်းသို့ တင်သွင်း မှုများရှိသော်လည်း အိုလံပစ်ကာလတွင် လုံခြုံရေး တင်ကျပ်မှုများရှိသောကြောင့် ဆိုင်ကယ်တင်သွင်းမှု ခေတ္တ ရပ်ဆိုင်းခဲ့ပြီး နောက်ပိုင်း ဆက်လက်တင်သွင်းမှုများရှိကြောင်း တရုတ်နယ်စပ်မှ ဒေသခံတဦးက ပြောဆို သည်။

စစ်အစိုးရ အာဏာပိုင်များက ဆိုင်ကယ်လိုင်စင်များကို အောက်တိုဘာလကုန်အထိ ထုတ်ပေးမည်ဖြစ်ပြီး တရက်လျှင် အစီးရေ ၃၀၀ ခန့်ထုတ်ပေးကာ လိုင်စင်သက်တမ်းမှာ ၂ နှစ်ဖြစ်ကြောင်း၊ ဆိုင်ကယ်တစီးလျှင် ကျပ် ၂၇၀၀၀၀ ခန့် ကုန်ကျ ကြောင်း သိရသည်။

လက်ရှိ ထိုင်း နိုင်ငံဘက်မှ တင်သွင်းသော Honda Dream ဆိုင်ကယ်တစီး၏ တန်ဖိုးမှာ ကျပ် သိန်း ၂၀ ခန့်ရှိပြီး တရုတ် နိုင်ငံလုပ် Kembo ဆိုင်ကယ်တစီး တန်ဖိုးမှာ ကျပ် ၅ သိန်းခန့်ရှိကြောင်း ဆိုင်ကယ်ပွဲစားက ပြောပြသည်။

မြန်မာနိုင်ငံတွင် ဆိုင်ကယ်ထုတ်လုပ်မှုမရှိသောကြောင့် တရုတ်၊ ထိုင်းနှင့် ဂျပန်နိုင်ငံများမှ ၀ယ်ယူသုံးစွဲကြရကာ နိုင်ငံတ၀န်း လိုင်စင်မဲ့ ဆိုင်ကယ် စီးရေ ၅ သိန်း ခန့်ရှိကြောင်း ယာဉ်ထိန်း ရဲတပ်ဖွဲ့ရုံး စာရင်းအရ သိရှိရသည်။

ဟက်ကာများ တိုက်ခိုက်မှုကြောင့် မဇ္ဈိမ ဝက်ဘ်ဆိုက်များ ရပ်ဆိုင်းသွား

မုံပီး (မဇ္ဈိမသတင်းဌာန)အောက်တိုဘာလ ၁ဝ ရက်၊ ၂ဝဝ၈ ခုနှစ်။

နယူးဒေလီ။ ။ ဟက်ကာများ၏ အဆက်မပြတ် တိုက်ခိုက်မှုများကြောင့် ကြာသပတေးနေ့ ညနေကတည်းက စတင်ကာ ဝဘ်ဆိုဒ် လွှင့်တင်ပေးထားသော ဆာဗာက ပိတ်ထားလိုက်သဖြင့် နယူးဒေလီ အခြေစိုက် လွတ်လပ်သော မာလ်တီမီဒီယာ သတင်းဌာနဖြစ်သော မဇ္ဈိမ၏ ဝဘ်ဆိုဒ်အားလုံး ဖွင့်မရ ဖြစ်သွားခဲ့သည်။

ဟက်ကာများ၏ အဆက်မပြတ် တိုက်ခိုက်မှုကြောင့် ဆာဗာပေါ်ရှိ အခြားဝဘ်ဆိုဒ်များပါ အန္တရာယ်ဖြစ် ထိခိုက်မည် စိုးရိမ်သဖြင့် မဇ္ဈိမ၏ ဝဘ်ဆိုဒ်များဖြစ်သော mizzima.com, mizzimaburmese.com, mizzima.tv, mizzimaphoto.com တို့ကို ရပ်ဆိုင်းထားလိုက်ရသည်ဟု ဝဘ်ဆိုဒ် လွှင့်တင်ပေးထားသော ကနေဒါအခြေစိုက် Hostpapa.ca က ပြောသည်။

မဇ္ဈိမ နည်းပညာဝန်ထမ်း၏ အပြောအရ အဆိုပါ ဟက်ကာ၏ တိုက်ခိုက်မှုသည် အလွန်အဆင့်မြင့်ပြီး သေချာပြင်ဆင် ချိန်ကိုက်၍ လုပ်ခြင်းဖြစ်ကြောင်းနှင့် ဟက်ကာ အသုံးပြုသည့် ဖိုင်တွင် ကုဒ်လိုင်းပေါင်း ၄ဝဝဝ ကျော်ပါပြီး၊ နာမည်ကြီး PHP Shell script ကို အသုံးပြုထားသည်ဟု ဆိုသည်။

“ဆာဗာများနှင့် သင့်ဝဘ်ဆိုဒ်ကို ဝင်ရောက် ကြည့်ရှုသူများကို ကာကွယ်နိုင်ရန် ကံဆိုးစွာပင် သင့်ဝဘ်ဆိုဒ် အကောင့်ကို ရပ်ဆိုင်း ထားလိုက်ရပါသည်” ဟု Hostpapa.ca ၏ အရာရှိက မဇ္ဈိမကို အကြောင်းကြားခဲ့သည်။

ဤဟက်ကာ တိုက်ခိုက်မှုများ၏ နောက်ကွယ်တွင် မည်သူရှိနေသလဲ ဆိုသည်ကို ခြေရာခံရန်မှာ နည်းပညာပိုင်းအရ အခက်အခဲများ ရှိဆဲ ဖြစ်သော်လည်း အဓိကတိုက်ခိုက်မှုသည် ရုရှနိုင်ငံမှ စတင်မြစ်ဖျားခံခဲ့ပြီး၊ ဂျာမဏီ၊ ပြင်သစ်နှင့် အိန္ဒိယနိုင်ငံတို့မှ ဟက်ကာများက ပူးပေါင်း ဆောင်ရွက်ခဲ့ကြသည်ဟု မဇ္ဈိမ၏ နည်းပညာဆိုင်ရာ ဝန်ထမ်းက ပြောသည်။

“ဒီလို အသေအချာ စည်းရုံးပြင်ဆင်ပြီး တိုက်တာမျိုးက တဦးချင်းအနေနဲ့ လုပ်နိုင်တာမျိုး မဟုတ်ပါဘူး။ အဖွဲ့အစည်းတခုခုက ပုံဖျက်ပြီး တိုက်ခိုက်တာပဲ ဖြစ်မှာပါ။ အဖြစ်နိုင်ဆုံးက ဒီကိစ္စရဲ့ နောက်ကွယ်မှာ စစ်အစိုးရပဲ ရှိနေမှာပါ” ဟု မဇ္ဈိမ၏ မန်နေဂျင်းအယ်ဒီတာ ဦးစိန်ဝင်းက ပြောသည်။
အိုင်တီနှင့် ဆက်နွယ်သော နည်းပညာများ သင်ယူနိုင်ရန် ရုရှနှင့် အခြား ကမ္ဘာတဝှမ်းရှိ နိုင်ငံများသို့ ပညာတော်သင်များအဖြစ် စေလွှတ်ထားသည့် မြန်မာစစ်အစိုးရသည် ပြည်တွင်းတွင် မဇ္ဈိမဝဘ်ဆိုဒ်ကို ဝင်ရောက်ကြည့်ရှုခြင်း မပြုနိုင်ရန် ပိတ်ပင်ထားသည်။

စစ်အစိုးရ၏ အင်တာနက် တားဆီးပိတ်ဆို့မှု စနစ်များကို ပရောက်ဇီဆာဗာများ အသုံးပြု၍ မဇ္ဈိမဝဘ်ဆိုဒ်ကို ဝင်ရောက်ကြည့်ရှုနိုင်ကြသော်လည်း၊ ယင်းသို့ ကြည့်ရှုခြင်းကို စစ်အစိုးရက ရာဇဝတ်မှုအဖြစ် သတ်မှတ်ထားကာ ဖမ်းမိသွားပါက ကြီးမားစွာ အပြစ်ပေးခံရနိုင်သည်။

မြန်မာနိုင်ငံအတွင်း လူ့အခွင့်အရေး ချိုးဖောက်မှုများနှင့် စစ်အစိုးရ၏ စီမံခန့်ခွဲမှု ညံ့ဖျင်းပုံများကို ဖော်ထုတ် တင်ပြနေကြသည့် နိုင်ငံခြား ရေဒီယို အသံလွှင့်ဌာနများနှင့် ပြည်ပ မီဒီယာ အဖွဲ့များကို စစ်အစိုးရက အစဉ်တစိုက် ပြစ်တင် ပြောကြားခဲ့သည်။

၂ဝဝ၇ စက်တင်ဘာ ဆန္ဒပြပွဲများအပြီး နိုင်ငံခြားအသံလွှင့်ဌာနများကို တိုက်ခိုက်သည့် လှုပ်ရှားမှုတရပ် အနေနှင့် စစ်အစိုးရသည် သူတို့၏အာဘော် မြန်မာ့အလင်း သတင်းစာမှနေ၍ ‘တိုင်းပြည်ကို ဖျက်ဆီးရန် ကြံနေသည့် မိုးလုံးပြည့် မုသာဝါဒများ။ ဘီဘီစီ လိမ်နေသည်၊ ဗွီအိုအေညာနေသည်၊ အာအက်ဖ်အေ ရန်လိုနေသည်၊ မလိုသူများ၏ စကားကိုနားမယောင်ကြနဲ့’ ဟူသော ကြွေးကြော်သံစာသားကို ထည့်သွင်းကာ ယူကေနိုင်ငံ၏ ဘီဘီစီ အသံလွှင့်ဌာန၊ အမေရိကန်နိုင်ငံ၏ အမေရိကန်အသံ (ဗွီအိုအေ) နှင့် လွတ်လပ်သော အာရှအသံ (အာအက်ဖ်အေ) တို့ကို ရည်ညွှန်းတိုက်ခိုက်ခဲ့သည်။

မဇ္ဈိမ၏ ဝဘ်ဆိုဒ်များ ဟက်ကာများ၏ ပစ်မှတ်ဖြစ်ရသည်မှာ ယခုအကြိမ်သည် ဒုတိယအကြိမ် ဖြစ်သည်။ ဇူလိုင်လအတွင်းကလည်း Distributed Denial of Service (DDoS) နည်းဖြင့် တိုက်ခိုက်ခံရမှုကြောင့် အလားတူ ရပ်ဆိုင်းသွားခဲ့ရဖူးသည်။ ဤသို့ တိုက်ခိုက်ခံရသည်မှာ မဇ္ဈိမ သတင်းဌာနတခုတည်း မဟုတ်ပါ။

ဇူလိုင်လအတွင်းက အော်စလိုအခြေစိုက် ဒီမိုကရက်တစ် မြန်မာ့အသံ (DVB) သည်လည်း အလားတူ DDoS နည်းဖြင့် တိုက်ခိုက်ခံခဲ့ရပြီး၊ စက်တင်ဘာလတွင် DVB သည် အခြား ပြည်ပရောက် မြန်မာမီဒီယာ အဖွဲ့အစည်းများဖြစ်သော ချင်းမိုင်အခြေစိုက် ဧရာဝတီ သတင်းဌာနနှင့် ဘန်ကောက်အခြေစိုက် ခေတ်ပြိုင်ဂျာနယ် (NEJ) တို့သည်လည်း အလားတူ DDoS နည်းဖြင့် ဟက်ကာများ၏ တိုက်ခိုက်မှုကို ခံခဲ့ရသည်။

စက်တင်ဘာ ဆန္ဒပြပွဲများကို အကြမ်းဖက် ဖြိုခွဲခြင်းမပြုမီ ၂ ရက်အလို စက်တင်ဘာလ ၂၄ ရက်တွင် အဆိုပါ ဝဘ်ဆိုဒ်များအားလုံး ဝင်ရောက်ကြည့်ရှု၍မရ ဖြစ်သွားခဲ့သည်။

“မဇ္ဈိမဟာ လူထုကို အလုပ်အကျွေး ပြုနေတာပါ။ ဒီလို တိုက်ခိုက်တဲ့ ရာဇဝတ်ကောင်တွေကို နှိမ်နင်းနိုင်အောင် ကျနော်တို့အားလုံး စုပေါင်းပြီး တရားစွဲဆိုတာ (သို့မဟုတ်) နှိမ်နင်းတာ လုပ်သင့်တယ်” ဟု ဦးစိန်ဝင်းက ပြောသည်။

မဇ္ဈိမသတင်းဌာနကို မြန်မာသတင်းစာဆရာများက လည်ပတ် လုပ်ကိုင်နေကြခြင်းဖြစ်ပြီး၊ မြန်မာနိုင်ငံနှင့် မြန်မာနိုင်ငံနှင့် ဆက်စပ်သော သတင်းများ၊ ပြဿနာများကို အဓိက အာရုံစိုက်တင်ဆက်နေသည့် လွတ်လပ်သည့် မာလ်တီမီဒီယာ သတင်းဌာနတခု ဖြစ်သည်။ သီးခြားဝဘ်ဆိုဒ် ၄ ခုရှိပြီး၊ ယင်းတို့မှာ mizzima.com, mizzimaburmese.com, mizzima.tv နှင့် mizzimaphoto.com တို့ ဖြစ်ကြသည်။

သတင်းအသစ်များကို အချိန်နှင့် တပြေးညီ မြန်မာဘာသာ၊ အင်္ဂလိပ်ဘာသာတို့နှင့် တင်ဆက်ပေးနေသည့်အပြင် mizzima.tv ၌လည်း ဗွီဒီယိုသတင်းများကို တင်ဆက်ပေးနေရာ အခြားသတင်းဌာနများက မကြာခဏ ယူငင် အသုံးပြုကြသည်။

မဇ္ဈိမသတင်းဌာနသည် နိုင်ငံတကာ လွတ်လပ်စွာပြောဆိုခွင့် ဖလှယ်ရေး (IFEX) ဟူသော နိုင်ငံတကာမီဒီယာ စောင့်ကြည့်ရေး အဖွဲ့ကြီး၏ အဖွဲ့ဝင် သတင်းဌာနတခုဖြစ်ပြီး၊ ဒေသဆိုင်ရာ မီဒီယာစောင့်ကြည့်ရေး အဖွဲ့ဖြစ်သည့် တောင်အာရှ သတင်းမဟာမိတ်အဖွဲ့ (SEAPA) ၏ လက်တွဲ ဆောင်ရွက်ဘက်လည်း ဖြစ်သည်။

မြန်မာနိုင်ငံတွင်း လွတ်လပ်စွာ ပြောဆိုခွင့် ချိုးဖောက်မှုများကို ဆယ်စုနှစ်တခုကျော် မီဒီယာတပ်လှန့်သံများထုတ်ပြန်ပေးနိုင်ခဲ့သည်။

မဇ္ဈိမသတင်းဌာန၏ မြန်မာဘာသာနှင့် အင်္ဂလိပ်ဘာသာ ဝဘ်ဆိုဒ်များကို နေ့စဉ် ဆိုဒ်တခုလျှင် ဟစ် ၁ သိန်းကျော် ရှိသည်။ မြန်မာနိုင်ငံတွင် ဖြစ်ပွားခဲ့သည့် ၂ဝဝ၇ ခုနှစ် စက်တင်ဘာ ဆန္ဒပြပွဲများနှင့် နာဂစ်ဆိုင်ကလုံးမုန်တိုင်း ဝင်ရောက်တိုက်ခတ်ချိန်များတွင် နေ့စဉ် ဝဘ်ဆိုဒ် ဟစ်ပေါင်း သန်းဂဏန်းသို့ ခုန်တက်သွားခဲ့သည်။

ကုလသမဂ္ဂ စောင့်ရှောက်ခံ ဒုက္ခသည် သုံးပုံတပုံ အခြေခံလိုအပ်ချက် မပြည့်
10 October 2008
Adaptation of Lisa Schlein's Report in Burmese
ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံးက တာဝန်ယူစောင့်ရှောက်တဲ့
မြန်မာနိုင်ငံအပါအ၀င် ဒုက္ခသည်တွေနဲ့ တခြားသူတွေရဲ့ သုံးပုံတပုံလောက်ဟာ သူတို့မှာ
တကယ်လိုအပ်နေတဲ့ အခြေခံထောက်ပံ့မှုတွေကို မရရှိကြတာ တွေ့ရှိတယ်လို့ အစီရင်
ခံစာ ပေါ်ထွက်လာပါတယ်။ ဘယ်နိုင်ငံတွေမှာ ဘယ်လိုသွားရောက်စစ်ဆေးပြီး
ဒီအစီရင်ခံစာ ထွက်ပေါ်လာသလဲ ဆိုတာနဲ့ပတ်သက်ပြီး ဗွီအိုအေသတင်းထောက်
လီဆာ ရှလိုင်း (Lisa Schlein) က ဂျနီဗာမြို့က သတင်းပေးပို့ထားတာကို ကိုရော်နီညိမ်း
က တင်ပြပေးထားပါတယ်။

ဒီနှစ်ထဲမှာ နိုင်ငံ ၈ နိုင်ငံဖြစ်တဲ့ ကင်မရွန်း၊ အီကွေဒေါ၊ ဂျော်ဂျီယာ၊ ရ၀မ်ဒါ၊ ထိုင်း၊
တန်ဇန်းနီးယား၊ ယီမင်နဲ့ ဇမ်ဘီယာနိုင်ငံတွေမှာ ကုလသမဂ္ဂ ဒုက္ခသည်များဆိုင်ရာ
မဟာမင်းကြီး (ယူအန်အိတ်ခ်ျစီအာ) ရုံးက သွားရောက်ကွင်းဆင်း လေ့လာပြီးမှ ဒီအစီ
ရင်ခံစာကို ပြုစုခဲ့တာလို့ ဗွီအိုအေသတင်းထောက် လီဆာ ရှလိုင်းက ပြောပါတယ်။

ဒုက္ခသည်စခန်းထဲမှာ နေထိုင်တဲ့သူတွေ၊ ဒုက္ခသည်စခန်းမှာ စာရင်းသွင်းပြီး မြို့ပေါ်မှာ
နေထိုင်နေကြတဲ့သူတွေ အပါအ၀င် နိုင်ငံမဲ့နေသူတွေ၊ နိုင်ငံရင်းကနေ အိုးပစ်အိမ်ပစ်
ထွက်ပြေးနေကြသူတွေအားလုံးကို စုံစမ်းမေးမြန်းတဲ့အခါ ဒုက္ခသည် ကူညီ
စောင့်ရှောက်ရေး လုပ်ငန်းတွေအတွက် ဆောင်ရွက်နေကြသူတွေဟာ သူတို့တွေ့ကြရ
မယ့်၊ ကြုံကြရမယ့်ကိစ္စတွေအတွက် တအံ့တသြ ဖြစ်ကြပြီး အဲဒီအတွက် သူတို့မှာ
ပြင်ဆင်ထားတာ မရှိကြဘူးလို့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး
ပြောခွင့်ရအမျိုးသမီး ဂျနီဖာ ပါဂိုနစ် (Jennifer Pagonis) က ပြောပါတယ်။

"ဒုက္ခသည်တွေ တကယ်လိုအပ်နေတဲ့အရာ ၃၀% လောက်ကို မရရှိဘူးဆိုတာ ကျမ
သိလိုက်ရတော့ တော်တော်လေး အံ့သြ တုန်လှုပ်ခဲ့ရပါတယ်။ ပညာရေး၊ ကျန်းမာရေး၊
နေ့စဉ် ကိုယ်လက်သန့်ရှင်းမှု၊ အညစ်အကြေးစွန့်မှုအတွက် လိုအပ်သမျှတွေပေါ့။
ဒီလောက် အခြေခံကျတဲ့ ကိစ္စလေးတွေတောင်မှ အထောက်အပံ့မရကြတော့ ဒုက္ခသည်
တွေရဲ့ဘ၀ဟာ သိပ်ကို ဆိုးဝါးလှပါတယ်။"

မြို့ပေါ်က ဒုက္ခသည်တွေထက်စာရင် စခန်းတွေမှာနေထိုင်ကြတဲ့ ဒုက္ခသည်တွေမှာ ပိုပြီး
လုံခြုံတဲ့ ပတ်ဝန်းကျင်အနေအထား ရှိတယ်လို့လည်း မစ္စပါဂိုနစ်က ဆိုပါတယ်။
ဒါပေမယ့်လည်း မြို့ပေါ်မှာနေကြတဲ့ ဒုက္ခသည်တွေအပေါ် စိုးရိမ်ပူပန်ရမှုတွေကတော့
တမျိုးတဘာသာပါ။ ဒီဒုက္ခသည်တွေဟာ တိုက်ခန်းနဲ့ဘာနဲ့ နေကြရတာတော့ အမှန်ပါ။
ဒါပေမယ့် တရားဝင်နေထိုင်ကြတာမဟုတ်လို့ သက်ဆိုင်ရာနိုင်ငံ လူဝင်မှုကြီးကြပ်ရေး
အာဏာပိုင်တွေရဲ့ အဖမ်းအဆီးခံကြရမှာ၊ နေရင်းနိုင်ငံတွေကို ပြန်ပို့ခံကြရမှာတွေကို
အမြဲပူပန်နေရပြီး မြို့ပြမှာနေတဲ့ ဒုက္ခသည်တွေဟာ ကုလသမဂ္ဂ ဒုက္ခသည်များဆိုင်ရာ
မဟာမင်းကြီးရုံး (ယူအန်အိတ်ခ်ျစီအာ) ရဲ့ တရားဝင် အကာအကွယ်ပေး စောင့်ရှောက်
မှု ပိုပြီးလိုအပ်နေပါတယ်လို့လည်း မစ္စပါဂိုနစ်က ရှင်းပြပါတယ်။ဂျော်ဂျီယာနိုင်ငံ၊ ဂိုရီမြို့ရှိ ဒုက္ခသည်စခန်း တခုအတွင်းမှ ကလေးငယ်တဦး။
စက်တင်ဘာ ၂၊ ၂၀၀၈။
၁၉၉၀ ခုနှစ်တွေထဲက ဂျော်ဂျီယာရဲ့ ခွဲထွက်
ဒေသတွေဖြစ်တဲ့ တောင်အိုဇက်စတီးယားနဲ့
အက်ဘ်ခါဇီးယား နယ်မြေတွေက ဒုက္ခ
သည်တွေ၊ အိုးပစ်အိမ်ပစ် ထွက်ပြေးနေကြ
ရသူတွေ သိန်းနဲ့ချီရှိနေပြီး ဒီဒုက္ခသည်တွေ
ဟာ ဒုက္ခသည်စခန်းရယ်လို့ ကျကျနနမရှိဘဲ
ဒုက္ခသည်စုဆောင်းရေးဌာနတွေမှာ အခုထိ
နေထိုင်နေကြရပုံကိုလည်း မစ္စပါဂိုနစ်က
အခုလို ဆက်ပြောပြပါတယ်။

"ဒုက္ခသည်စုဆောင်းရေးဌာနတွေမှာ နေမှုထိုင်မှု အခြေအနေတွေဟာ အံ့သြဖို့ကောင်း
လောက်အောင်ကို တုန်လှုပ်ချောက်ချားစရာ အခြေအနေတွေလို့ပဲ ပြောပါရစေတော့
ရှင်။ အခြေခံအကျဆုံး လူတယောက်အတွက် လိုအပ်ချက်ဖြစ်တဲ့ သောက်ရေ၊ သုံးရေ
မရှိ၊ မိလ္လာစနစ်ဆိုတာကတော့ ဝေလာဝေး၊ နေကြထိုင်ကြရတာကလည်း တကယ့်ကို
ကျင်းခလုပ်တွေပါ။

"အဘိုး၊ အဘွား၊ အဖေ၊ အမေ၊ သားသမီး၊ မြေးတွေအားလုံး အခန်းလေးတခုထဲမှာ စုပြီး
တော့ ပြွတ်သိပ်နေကြရပါတယ်။ အကျိုးဆက်အဖြစ် အခန်းကျဉ်းလေးထဲမှာ မျိုးဆက်
သုံးစုစာ မိသားစုမှာ အချင်းချင်းတင်းမာမှုတွေ ပိုများလာပါတယ်။ ကလေးတွေက
ကျောင်းမသွားကြဘူး၊ ရေမရှိလို့၊ ညစ်ပတ်လို့ ဖြစ်ရတဲ့ ကျန်းမာရေးပြဿနာတွေက
လည်း ရှင်းလို့ကို မနိုင်နိုင်အောင်ပါပဲ။"

ပြီးခဲ့တဲ့ဇွန်လကမှ အမေရိကန်ပြည်ထောင်စု မင်နီဆိုးတားပြည်နယ် စိန့်ပေါလ်မြို့ကို
ရောက်ရှိလာခဲ့တဲ့ ထိုင်း-မြန်မာနယ်စပ် အုန်းဖျန် ဒုက္ခသည်စခန်းမှာ နေထိုင်ခဲ့ရသူ
ကိုနေကော်က နာဂစ်မုန်တိုင်းအပြီး ဒုက္ခသည်တွေ သူတို့စခန်းကို ရောက်လာတဲ့
အတွက် ကြုံရတဲ့ အတွေ့အကြုံကိုလည်း ဗွီအိုအေကို အခုလိုပြောပြပါတယ်။

"မြစ်ဝကျွန်းပေါ် နာဂစ်မုန်တိုင်းနဲ့ပတ်သက်ပြီး လူသစ်တွေ တော်တော်များတယ်။
သူတို့က မြစ်ဝကျွန်းပေါ်မှာ လုံးဝ အခြေချနေထိုင်လို့ မရတဲ့အတွက် သူ့နည်းသူ့ဟန်နဲ့
ထွက်လာကြတာပဲ။ ပျှမ်းမျှခြင်း ထောင်ဂဏန်းတော့ ကျော်မယ်ထင်တယ်။
ရောက်တော့လည်း ပလာက အရမ်းအ၀င်မခံဘူး၊ ထိုင်းလုံခြုံရေးပေါ့၊ ပုလိပ်ခေါ်မယ်
ထင်တယ်။

"ယူအန်အိတ်ခ်ျစီအာကတော့ ချပေးတဲ့ပမာဏအပေါ်မှာ နည်းနည်းတော့ အခက်အခဲ
ရှိတယ်။ ကျနော်တို့က စာပြန်တင်ရတယ်၊ အဆင့်ဆင့်ပေါ့။ ရုံးအဆင့်ဆင့်တင်တဲ့နေရာ
မှာ အပေါ်ကိုမရောက်တော့ လောလောဆယ် ရောက်လာတဲ့လူသစ်တွေက နည်းနည်း
တော့ အခက်အခဲရှိတာပေါ့။"

ဒုက္ခသည်တွေအနေနဲ့ သူတို့ ဒုက္ခသည်အဖြစ် ရပ်တည်ရေး နိုင်ငံရေးခိုလှုံခွင့်စနစ်တွေ၊
ဒုက္ခသည်မှတ်ပုံတင်ရေးလုပ်ငန်း၊ စာရွက်စာတမ်း ပြုစုရေးလုပ်ငန်းနဲ့ နယ်စပ်တွေမှာ
စောင့်ကြည့်ရေးလုပ်ငန်းတွေပါ ပါဝင်ပြီး ကလေးသူငယ်တွေကို ကာကွယ်စောင့်ရှောက်
ဖို့နဲ့ အမျိုးသမီးတွေအပေါ် လိင်မှုဆိုင်ရာ အကြမ်းဖက်မှု အပါအ၀င် တခြား အကြမ်းဖက်
တာတွေ မကျရောက်ရအောင် စွမ်းအားမြှင့်လုပ်ဆောင်ရမယ်လို့ မစ္စပါဂိုနစ်က ပြောပြ
သွားပါတယ်။

နိုင်ငံတကာဒုက္ခသည်တွေရဲ့ လိုအပ်ချက်တွေကို ဖြည့်ဆည်းဖို့ ယူအန်အိတ်ခ်ျစီအာ
အနေနဲ့ အလှူရှင်နိုင်ငံကြီးတွေထံမှာ အမေရိကန်ဒေါ်လာ ၆၃ သန်း ၅ သိန်းကို တင်ပြ
တောင်းခံထားတယ်လို့ မစ္စပါဂိုနစ်က ပြောပြသွားပါတယ်။

မယ်လမင်းပါသည့် နို့မုန့်များ မြန်မာနိုင်ငံကို တင်သွင်းခွင့် ပိတ်ပင်
10 October 2008
မနန္ဒာချမ်း

မြန်မာပြည်ကို နိုင်ငံခြားကနေ တင်သွင်းတဲ့ နို့နဲ့ နို့ထွက်ပစ္စည်း အမျိုးအစားပေါင်း ၁၆ ခုထဲက ၉ ခုမှာ မယ်လမင်း လို့ ခေါ်တဲ့ ဓာတုပစ္စည်းပါဝင်တာကို တွေ့ရှိခဲ့ရတယ်ဆိုပြီး ဒီကနေ့ထုတ် စစ်အစိုးရပိုင် မြန်မာ့အလင်း သတင်းစာမှာ ရေးသားထားတာ တွေ့ရပါတယ်။ ဒါကြောင့်လည်း အစိုးရကနေ မြန်မာပြည်မှာ ရောင်းချနေတဲ့ နိုင်ငံခြားက တင်ပို့တဲ့ နို့ထွက် ပစ္စည်းတွေကို စမ်းသပ် စစ်ဆေးမှုတွေ စတင် လုပ်ဆောင်နေသလို တရုတ်ပြည်ထုတ် နို့ထွက်ပစ္စည်း အားလုံးကို မြန်မာပြည် တင်သွင်းခွင့် ပိတ်ပင်ခဲ့ပါတယ်။

အခုလို ပြည်သူတွေကို သတိပေးတာမျိုးတွေ၊ ပြီးတော့ နိုင်ငံခြားက တင်ပို့တဲ့ နို့ထွက်ပစ္စည်း တွေကို စမ်းသပ် စစ်ဆေးတာ၊ ပိတ်ပင်တာတွေ လုပ်လာတဲ့အတွက် အဓိက တရုတ်ပစ္စည်းတွေ အပေါ် မှီခိုနေကြတဲ့ မြန်မာ ပြည်သူတွေရဲ့ အခြေအနေ၊ ဒါ့အပြင် နို့နဲ့ နို့ထွက်ပစ္စည်း အရောင်းဆိုင်တွေ အခြေအနေ သိရအောင်လို့ ရန်ကုန်မှာ ရှိတဲ့ နို့ထွက်ပစ္စည်း ထုတ်လုပ်တဲ့ ကုမ္ပဏီ မန်နေဂျာတဦး ကို မနန္ဒာချမ်းက ဆက်သွယ်မေးကြည့်ခဲ့ပါတယ်။

အခု ဒီနေ့ မြန်မာ့အလင်းသတင်းစာမှာ နိုင်ငံခြားက တင်သွင်းတဲ့ နို့ မုန့်တွေထဲမှာ ဓါတုပစ္စည်းတွေ ပါတယ်လို့ သိရပါတယ်။ အဲဒါ ဈေးကွက် အခြေအနေ ဘယ်လို ရှိပါသလဲ ရှင့်။ -

“ဒီမှာကတော့လေ တရုတ် နို့မုန့် ဆိုရင် လန့်နေကြတယ်။ လူတွေ မစားရဲတော့ဘူး။ အဲဒီ နို့မုန့်နဲ့ ပတ်သက်တာတင် မဟုတ်ဘူး။ သူ့ဆီက အစားအစာတွေ မုန့်တွေရော အားလုံး မုန့်မျိုးစုံတွေ ၀င်ကြတယ်လေ။ အဲဒါတွေကိုပါ အခု လူတွေက နည်းနည်း လန့်သွားကြတယ်။ ခုနက ပြောသလို နို့မုန့်တွေလည်း ၀င်တယ်၊ အထူးသဖြင့် နို့မုန့်ဈေးကွက် ဆိုပြီးတော့ကို သီးခြား တရုတ်ကနေ ၀င်တယ်။ အခုဟာကတော့ အဲဒါနဲ့ ဆက်နွယ်နေတဲ့ မုန့်မျိုးစုံပဲ နည်းနည်း တန့်သွားတယ်။ ကျန်တာကတော့ ဘာမှ မပြောင်းလဲဘူး။ အဲဒီလို ဖြစ်လိုက်တဲ့အခါကျတော့ ပြည်တွင်းပစ္စည်းကိုပဲ တရုတ်က လွဲရင်ပေါ့လေ။ သို့သော်လည်းပဲ တရုတ်ကလည်းပဲ တံဆိပ်တွေများ ပြောင်းရိုက်ပြီး ဘယ်လိုလုပ်အုံးမလဲ ဆိုတာတော့ မသိကြဘူးလေ ဒါကတော့။ စီးပွားရေး ဆိုတာကလည်း တော်တော်တော့ ပြောရခက်တာကိုး။ တံဆိပ် ဆိုတာကလည်း ဒီပေါ်မှာတင် ထပ်ပြီး ရိုက်လိုက်ရုံပဲ။ အဲဒီလို အပြောင်းအလဲတွေ လုပ်လာတော့လည်း ပြည်သူတွေ အနေနဲ့က အဲဒီလောက်ထိ အဆင့်မမှီတော့ ဘာမှ သိမှာမဟုတ်ဘူးလေ။ ဈေးကွက်ထဲမှာ တင်တော့လည်း ဒါက တရုတ်၊ ဒါက မြန်မာပြည်က ထွက်တာ၊ ဒါက ထိုင်းက ထွက်တာ၊ ဒါက အိန္ဒိယ က ထွက်တာ ဆိုတာမျိုး ဘာမှ မခွဲနိုင်တာကိုး။ နဂိုတုန်းကသာ စာတွေနဲ့ တံဆိပ်တွေနဲ့မိုလို့ ခွဲလို့ ရတာကိုး။ အဲဒီ တံဆိပ်တွေကို လိမ်ပြီး ပြောင်းလဲရိုက်ပြီး ထုတ်ကြမယ်ဆိုရင်လည်း စားသုံးသူကတော့ ယောင်ဝါးဝါး နဲ့ စားသုံးမိကြမှာပဲ။”
မြန်မာပြည်က ထုတ်တဲ့ ပစ္စည်းတွေကျတော့ လူတွေက သိပ် မသုံးကြဘဲ ဘာဖြစ်လို့ တရုတ်ပစ္စည်းကို အရမ်း မှီခိုတာလဲ ရှင့်။ -

“အဲဒါက ဘယ်လို ပြောမလဲ ဆိုတော ပေါချောင်ကောင်း ပေါ့။ တရုတ်က နည်းနည်း ဈေးလည်း သက်သာတယ်။ အရည်အသွေးလည်း ပြည်တွင်းပစ္စည်းတွေထက် မြင့်တယ်။ မြင့်တယ် ဆိုတာက အရောင် အဆင်း အနံ့ အရသာ ပေါ့ခင်ဗျာ။ အခု packing ပိုင်းက အစ စားသုံးသူကို စွဲဆောင်မှုအား ပိုကောင်းတာပေါ့။ အဲဒီ အခြေအနေကြောင့်မိုလို့ တရုတ်ပစ္စည်းကို ကောက်ပိုင်မိတာပေါ့။ မြန်မာပြည်တွင်းက ထုတ်တဲ့ ပစ္စည်းနဲ့ ဘေးပတ်ဝန်းကျင်ပေါ့လေ။ အခြားသော ထိုင်း၊ တရုတ် က ၀င်တဲ့ပစ္စည်းတွေနဲ့ packing ပိုင်းက အစ အားလုံး လူတယောက်ကို အာရုံပိုင်းနဲ့ ပတ်သက်ပြီး စွဲဆောင်မှုအားတွေကြတော့ တော်တော်လေး နည်းပရိယာယ်တွေပေါ့လေ။ သူတို့ လုပ်ထားပုံက သာတယ်ဗျ။ ပြည်တွင်းရဲ့ အားနည်းချက်က ဒါတွေပဲဗျ။”


အခုလိုမျိုးဖြစ်တော့ အဲန်ကယ်လ်တို့ စီးပွားရေး ဈေးကွက်တွေရော ရိုက်ခတ်မှု ရှိလား။ -

“သိရသလောက်တော့ ကိုယ့်ဈေးကွက်နဲ့ကိုယ် အခိုင်အမာ ရှိတဲ့သူတွေအတွက်တော့ မထိခိုက်ဘူး။ အကုန်လုံးကတော့ ယှဉ်ပြိုင်ပြီး သွားနေတဲ့သူတွေကတော့ ပိုပြီးတော့ ထိခိုက်တာပေါ့။”

တခြား တရုတ်ပစ္စည်း အစားအစာတွေရော အ၀ယ် ဘယ်လို အခြေအနေ ရှိလဲ။ လူတွေက ဆက်သုံးနေတုန်းပဲလား။ -

“တရုတ်ကလုပ်တဲ့ မုန့်တော်တော်များများကိုတော့ လူတွေက တော်တော်လေး ဆင်ခြင်သွားတယ်ပေါ့။ အစား နည်းနည်း လန့်သွားတယ်ပေါ့။ အရမ်းမစားရဲတော့ဘူးပေါ့။ ခါတိုင်းလို။ ခုနက အဲန်ကယ်လ် ပြောသလိုပဲ သူတို့ကလည်း လှည့်ကွက်နဲ့ တရုတ် အစာလို့ မရိုက်တော့ဘဲနဲ့ ပြောင်းလဲပြီး ရိုက်လာလို့ရှိရင် အင်္ဂလိပ်လို ရိုက်လာလို့ ရှိရင် ဒီလူက ခွဲတတ်မှာ မဟုတ်ဘူး။ ဒါကလည်း ချက်ချင်း ပြောင်းလဲလိုက်လို့ရှိရင် ချက်ချင်း ဖြစ်သွားတာကိုး။ တရုတ်နဲ့ကလည်း သိပ်မှ မဝေးတာကိုး။ တချို့ ကုန်တွေ ၀င်နေတာက။”


အလားတူပဲ နောက်ထပ် ရန်ကုန်မှာ ရှိတဲ့ နို့ နဲ့ နို့ထွက်ပစ္စည်း အရောင်းဆိုင်မှ အရောင်းစာရေး အမျိုးသမီးတဦးကို မေးကြည့်တော့ - သူတို့ဆိုင်မှာ ရောင်းနေရတဲ့ အခြေအနေနဲ့ အခုလို ပြောပြခဲ့ပါတယ်။

“ကျမတို့က ပုံမှန်ပဲရှင့်။ ရောင်းကောင်းပါတယ်။”

တခြားနိုင်ငံက ထွက်တဲ့ နို့တွေ ဘာတွေရော တင်ရောင်းတာမျိုး ရှိလား။ အစ်မတို့ ဆိုင်မှာ။ -

“နွားနီ တံဆိပ် နို့မုန့်ပဲ ရှိတယ်ရှင်။ အဲဒါတွေက သိပ်မရောင်းရဘူး။ မရောင်းရဘူးကို ဖြစ်နေတာပါ ရှင်။”

ဒီနောက်ပိုင်း နွားနီရော တင်သေးလားရှင့်။ -

“တင်ပေမယ့် မရောင်းရဘူး ဖြစ်နေတယ်။ အခု မေးကို မမေးကြဘူး ဖြစ်နေတယ်။”


ဒါ့အပြင် ဘေးဖြစ်စေတဲ့ နို့မုန့်တွေနဲ့ ပတ်သက်တဲ့ ဒီကြေညာချက်တွေကြောင့်မိုလို့ ရန်ကုန်မြို့တွင်းက စတိုးဆိုင်ကြီး တွေမှာ ဒီရက်ပိုင်း နို့မုန့်တွေကို အထူး လျော့ဈေးနဲ့ ရောင်းချနေပါတယ်။ ၀ယ်ယူသူတွေလည်း ရှိနေတယ်လို့ ပြောပါတယ်။ ရန်ကုန်မြို့ခံ အမျိုးသမီးတဦးက စတိုးဆိုင်ကြီးတွေက ရောင်းချမှု အခြေအနေကို အခုလို စပြီး ရှင်းပြပါတယ်။

“မြို့ထဲက ဆူပါမားကက် တွေကို ပြောမယ်ဆိုလို့ရှိရင် တပတ်လောက်က လသာ က စတိုးဆိုင်တွေမှာ စပြီးတော့ နို့မုန့်တွေကို promotion ချပေးတယ်။ ချတယ် ဆိုတာက အဲဒီအချိန်တုန်းက လှုပ်လှုပ်ရှားရှား မရှိသေးဘူးပေါ့နော်။ promotion ချပေးတယ်။ ဒါကလည်း တဆိုင်၊ နှစ်ဆိုင်လောက် ကိုပဲ။ အခု မနေ့ကကျတော့ မနေ့တနေ့က စပြီးတော့ပေါ့နော် နှစ်ရက်လောက် ဆက်တိုက် ဒီဘက် မြို့ထဲပိုင်းက ဗိုလ်အောင်ကျော် နားက Central တို့ ဘာတို့မှာ ဆိုလို့ရှိရင် သတင်းစာတွေထဲမှာ ပါတဲ့ တံဆိပ်တွေပေါ့။ အဲဒီ တံဆိပ်တွေကို ထက်ဝက် ဈေးလောက်ထိကို လျော့ပြီးတော့ ရောင်းတယ်။ ဒါ promotion ချပေးထားတာပေါ့နော်။ ပန်းဆိုးတန်းထောင့်က The Home Mark မှာကျတော့ ဘာမှကို မချတာ။ နို့မုန့်ဘူး တောင်မှ ဘာမှ promotion ချထားတာမျိုးတောင် မရှိဘဲနဲ့ ဒီအတိုင်းပဲ ပေါ်ပေါ်တင်တင်ပဲ ရောင်းနေတယ်။ စောစောတုန်းကတော့ ကြက်ငှက်တုတ်ကွေး ဖြစ်တုန်းကလိုပဲ ကြက်ငှက် တုတ်ကွေး မဖြစ်ခင်တုန်းက ကြက်သား မစားရဘူး။ ကြက်ငှက်တုတ်ကွေး ဖြစ်လို့ ကြက်သားဈေးလည်း ကျသွားရော ကြက်သား ၀ယ်စားတယ်။ အဲဒီလိုပဲ အခုလည်း ချတယ်။ ချလို့ ၀ယ်တဲ့သူ မရှိဘူးလား ဆိုတော့ ၀ယ်တဲ့သူ ရှိတယ်။ Central ဆို ဟိုနေ့ကလည်း ရောက်တယ်။ မနေ့ကလည်း ရောက်တယ်။ တနေ့က ချထားတဲ့ ပစ္စည်းတွေက မနေ့က လုံးဝ မရှိတော့ဘူး။ ၀ယ်ကြတယ်။”

လောလောဆယ် စမ်းသပ်စစ်ဆေးတာတွေ လုပ်နေပြီး လိုက်လံ သိမ်းဆည်းနေတယ်လို့ အာဏာပိုင်တွေဘက်က ကြေညပေမယ့် ဈေးကွက်ထဲကို အကြောင်းအမျိုးမျိုးနဲ့ ပြန်ဝင်လာမှာကို စားသုံးသူတွေအကြား စိုးရိမ်နေကြပါတယ်။

“ရှေ့က ဖြစ်သွားလည်း နောက်က အဲဒီလိုမျိုး ဈေးကွက်ပေါ် ပြန်ရောက်လာတဲ့ ပစ္စည်းတွေက အများကြီး ရှိတယ်လေ။ ပြီးခဲ့တဲ့ သိပ်မကြာသေးဘူး။ Happy အချိုရည်တုန်းက ဈေးကွက်ပေါ် ပြန်ရောက်လာတယ် ဆိုတာ သတင်းဌာနတွေက နေပြီးတော့ပဲ ပြန်လွှင့်တာပဲ။ အဲဒီလို ပုံစံမျိုးတွေကတော့ ရှိနေတာပဲ။ ဒီ ၂၆ လမ်းမှာ ရှိတဲ့ ရောင်းတဲ့ဆိုင်တွေ ဆိုလို့ရှိရင် သူတို့ကိုယ်တိုင် ပြောပြတယ်။ - ကျနော်တို့ ဟိုက ၀င်လာတဲ့ ပစ္စည်းတွေက parking အထုတ်အကြီးကြီးတွေ နဲ့ ၀င်လာတယ်။ box တွေနဲ့ ၀င်လာတယ်။ ဒီရောက်တော့မှာ ကျနော်တို့ဘာသာ ကျနော်တို့ တံဆိပ်ရိုက်ပြီးတော့ ရောင်းတယ်။ သူတို့ကိုယ်တိုင်လည်း ပြောပြတာတွေ ရှိတယ်။ အဲဒီတော့ ဟိုက သူတို့ သွင်းလိုက်တဲ့ ကုန်ကြမ်းက ဘာလဲ ဆိုတာ မသိနိုင်ဘူး။ ဒီ နို့မုန့် သွားဝယ်မှ သိတာမဟုတ်ဘူးလေ။ တခြား ဈေးကွက်ထဲမှာရှိတဲ့ အလွယ်တကူ ၀ယ်စားလို့ရတဲ့ မုန့်တွေပေါ့နော်။ ဘီစကွတ် ပဲ ပြောပြော၊ ချောကလက် ပဲ ပြောပြော၊ ဝေဖာ ပဲ ဖြစ်ဖြစ် အကုန်လုံးက ဒါ နို့ထွက်ပစ္စည်းတွေ ပါနေတာပဲလေ။ ပါနေတော့ အဲဒီ ပစ္စည်းတွေ ကလည်း ဘယ်က ကုန်ကြမ်းကို ယူထားသလဲ ဆိုတာ လိုက်ကြည့်လို့ မရဘူးပေါ့။ အခုဆိုရင် ဒီမှာ ရောင်းနေတဲ့ထဲက သက် နို့မုန့်ဆိုရင် သူတို့ နယူးဇီလန် က နေပြီးတော့ နို့မုန့်ကို တင်သွင်းတာပါ ဆိုပြီးတော့ ကြော်ငြာ နေတယ်။ နောက်ပြီးတော့ နို့ဆီ တမျိုးကလည်း သူတို့ သြစတြေးလျ ကနေ သွင်းတာပါ။ အန္တရာယ် မရှိပါဘူး ဆိုပြီးတော့ပေါ့။”

ရန်ကုန်မြို့က စားသုံးသူ တယောက် ပြောပြသွားတာပါ။

နိုင်ငံခြားကနေ တင်သွင်းတဲ့ နို့နဲ့ နို့ထွက်ပစ္စည်းတွေမှာ မယ်လမင်းဓါတ် ပါဝင်တာ တွေ့ရတယ်လို့ အစိုးရက သတိပေးခဲ့တဲ့အတွက် ဈေးကွက် အခြေအနေနဲ့ ပြည်သူတွေရဲ့ ပြည်သူတွေရဲ့ သုံးစွဲမှု အခြေအနေတွေနဲ့ ပတ်သက်လို့ တင်ပြခဲ့တာ ဖြစ်ပါတယ်။

အာရှ စတော့ရှယ်ယာ ဈေးကွက် ထပ်ပြီး ကျဆင်းနေ
10 October 2008
ကိုဇော်ဝင်းလှိုင်
စတော့ရှယ်ယာဈေး စောင့်ကြည့် နေကြသည့် အိန္ဒိယနိုင်ငံ မွန်ဘိုင်း မြို့က စီးပွားရေးသမားတချို့ (အောက်တိုဘာ ၁၀၊ ၂၀၀၈)
အတိုးနှုန်းတွေ လျှော့ချလိုက်ပေမယ့်လည်း အမေရိကန်နိုင်ငံက ငွေကြေးဈေးကွက်မှာ စတော့ရှယ်ရာ ရောင်းချမှုတွေ မနေ့က ရာခိုင်နှုန်း ထပ်ပြီး ကျသွားပါတယ်။ ဒီကနေ့လည်း အာရှနဲ့ ဥရောပ စတော့ဈေးကွက်တွေမှာ ဈေးတွေ ထပ်ကျခဲ့ပါတယ်။ ဒီအခြေအနေတွေပေါ်မှာ ရင်းနှီးမြှုပ်နှံသူတွေက အစိုးရိမ် ကြီးနေကြတဲ့ အကြောင်း ဗွီအိုအေ သတင်းထောက်တွေ က သတင်းပေးပို့ထားတာကို ကိုဇော်ဝင်းလှိုင်က တင်ပြထားပါတယ်။

မနေ့က အမေရိကန်နိုင်ငံ နယူးယောက်မြို့ က Wall Street ငွေကြေးဈေးကွက် အကြီးအကျယ် အရောင်းထိုင်းခဲ့တဲ့ နောက်ပိုင်း ဥရောပနဲ့ အာရှ က စတော့ရှယ်ရာ ဈေးကွက်တွေ မှာလည်း ဒီကနေ့ ဈေးတွေ ထိုးကျခဲ့ပါတယ်။ အင်္ဂလန်၊ ပြင်သစ် နဲ့ ဂျာမဏီ နိုင်ငံတွေက စတော့ဈေးကွက်တွေ စဖွင့်တဲ့အချိန်မှာ အရောင်းအ၀ယ်တွေက ၁၀ % ကျဆင်း ခဲ့ပါတယ်။ ဂျပန်နိုင်ငံက နစ်ကေး စတော့ဈေးကွက် မှာလည်း ဈေးပိတ်တဲ့အချိန်မှာ ၁၀ % လောက် ကျဆင်းခဲ့ပါတယ်။ ဒါဟာ ၁၉၈၇ ခုနှစ် နောက်ပိုင်း အကြီးမား ဆုံးရှုံးမှု ဖြစ်ပါတယ်။

အိန္ဒိယ၊ တောင်ကိုရီးယား၊ ထိုင်း၊ ဖိလစ်ပိုင်၊ သြစတေးလျ၊ နယူးဇီလန်၊ မလေးရှား နိုင်ငံတွေ မှာလည်း ရှယ်ရာ ဈေးတွေ ဒီကနေ့ ကျပါတယ်။ ထိုင်ဝမ် စတော့ဈေးကွက် ကတော့ ဒီကနေ့ နိုင်ငံရဲ့ အမျိုးသားနေ့ ဖြစ်လို့ ပိတ်ပါတယ်။အင်ဒိုနီးရှား နိုင်ငံက ဈေးကွက်ကတော့ ဒီကနေ့ အထိ ၃ ရက် ဆက်တိုက် ပိတ်ထားတုန်းပါ။ ရင်းနှီးမြှုပ်နှံသူတွေကို အကာအကွယ် ပေးတဲ့ အနေနဲ့ရော၊ နောက်ထပ် ဈေးတွေ ဆက်ပြီး မကျအောင် ကြိုတင်ကာကွယ်တဲ့ အနေနဲ့ရော အခုလို ပိတ်ထားတာလို့ ဆိုပါတယ်။ တနင်္လာနေ့ကျရင်တော့ ပြန်ဖွင့်နိုင်လိမ့်မယ်လို့ အင်ဒိုနီးရှားနိုင်ငံ အရင်းဈေးကွက် စောင့်ကြည့်ရေး အဖွဲ့ ခေါင်းဆောင် ဖက်ဒ် ရာမနီ ကပြောပါတယ်။

"တနင်္လာနေ့ကျရင် ပြန်ဖွင့်နိုင်ဖို့ ကျွန်တော်တို့ ပိုကောင်းတဲ့ ပြင်ဆင်မှုတွေ လုပ်ရပါလိမ့်မယ်။ ဈေးကွက်က တော်တော် သဘာဝမကျပဲ ဖြစ်နေတာပါ။ ဈေးကွက်ထဲကို မှန်ကန်တဲ့ သတင်း အချက်အလက်တွေ ကျနော်တို့ ပေးရပါလိမ့်မယ်။ အဲဒါဆိုရင် ပိုပြီး ယုတ္တရှိရှိ၊ သဘာဝကျကျ ဈေးကွက်က ဆုံးဖြတ်နိုင်လိမ့်မယ်လို့ အင်ဒိုနီးရှား ဈေးကွက် စောင့်ကြည့်ရေး အဖွဲ့ ခေါင်းဆောင် ပြောသွားခဲ့တာပါ။ ဒီတပတ်အတွင်း အင်ဒိုနီးရှား စတော့ဈေးကွက်မှာ ၂၀ % ကျော် ကျဆင်းခဲ့ပါတယ်။ အိန္ဒိယ နိုင်ငံက အကြီးဆုံး ပုဂ္ဂလိက ဘဏ်ဖြစ်တဲ့ ICICI ရဲ့  ရှယ်ရာတွေလည်း ဒီကနေ့ ၂၀ % ကျော် ကျခဲ့တဲ့ အတွက် တော်တော် အထိနာခဲ့ပါတယ်။"

ဒီလိုအခြေအနေတွေကြောင့် အာရှက အစုရှယ်ရာ ရင်းနှီးမြှုပ်သူတွေဟာ သူတို့ရဲ့  ရှယ်ရာတွေကို တုန်တုန်လှုပ်လှုပ်နဲ့ ထုတ်ရောင်းခဲ့ကြပါတယ်။ ဒီတပတ်ထဲမှာ ကမ္ဘာတ၀ှမ်းက စတော့ရှယ်ရာ ဈေးကွက်တွေ အတွင်း ၆ ထရီလျှံ ကျော်ကျော် ဆုံးရှုံးခဲ့တာပါ။ နောက်နှစ်ထဲ အထိကို အခု ငွေကြေး ပြဿနာ က ဆက်ပြီး သွားနေ လိမ့်ဦးမယ်လို့ စီးပွားရေး သုံးသပ်သူတွေ တော်တော်များများ တွက်ချက် ထားကြပါတယ်။

မနေ့ကလည်း နယူးယောက်က ဒေါင်းဂျုံး စတော့ဈေးကွက် ပိတ်တဲ့အချိန်မှာ ၇ % ဈေးကျသွားလို့ ဒါဟာဆိုရင် ၂၀၀၃ ခုနှစ် သြဂုတ်လ က စပြီး ဒေါင်းဂျုံးရဲ့  အနိမ့်ဆုံး အခြေအနေပါပဲ။

David Gertz ဟာ High Mark ငွေကြေးလုပ်ငန်းက ကုန်သည်တဦးပါ။ သူ က - "ဈေးကွက်တွေကို လည်ပတ်ဖို့ အတွက် အခုလိုမျိုး ကျနော်တို့ ကြောက်မနေချင်ပါဘူး။ ဒါပေမယ့်လည်း အဲဒီလို ကြောက်ရမယ့် အနေအထား က ရောက်လာနေပါပြီ။ လုပ်ငန်းမှာက အခုလို ဖြစ်နေတဲ့ အခြေအနေတွေက သိပ်ပြီး အရေးပါတဲ့ ကိစ္စပါ။" - လို့ ပြောပါတယ်။

ချီကာဂို ငွေကြေးကုန်သွယ်မှု လုပ်ငန်းက Scott Nations ဆိုတဲ့ ပုဂ္ဂိုလ်ကလည်း အခုလို ပြောပါတယ်။

"အစိုးရက ဒေါ်လာဘီလျံ ၇၀၀ သုံးပြီး ၀င်ကူညီမယ် ဆိုတဲ့ ကိစ္စဟာ တကယ်ပဲ မှန်ကန်တဲ့ လုပ်ရပ် ဖြစ်ပါလိမ့်မယ်။ ဒါပေမယ့် ငွေကြေးစံနစ်ထဲကို ငွေတွေ ရောက်လာဖို့က ၄၅ ရက်လောက် ကြာနေမယ် ဆိုရင် ဒီ ၄၅ ရက် ကြားထဲမှာ ကျနော်တို့ က ဒုက္ခရောက်နေဦးမှာပါ။"

ဒီကနေ့ သောကြာနေ့မှာ G-7 လို့ ခေါ်တဲ့ စက်မှုထိပ်သီး ၇ နိုင်ငံက ဘဏ္ဍာရေးဝန်ကြီး တွေရဲ့ အစည်းအဝေးကို အမေရိကန် ဘဏ္ဍာရေး ၀န်ကြီးဌာနမှာ ကျင်းပဖို့ ရှိပါတယ်။ ပြီးခဲ့တဲ ၁၄ လမှာ အမေရိကန် နိုင်ငံ က စပြီး ဖြစ်ပွါးခဲ့ပြီး ဥရောပနဲ့ ကမ္ဘာတ၀ှမ်းကို ပြန့်နှံသွားခဲ့တဲ့ ချေးငွေ အကျပ်အတည်း ကိစ္စ အရေးပေါ် အခြေအနေတွေကို ဘဏ္ဍာရေး ၀န်ကြီးတွေ ဆွေးနွေးကြပါလိမ့်မယ်။ အဲဒီမှာ ကမ္ဘာ့ဘဏ်ရဲ့  ဥက္ကဌ ရောဘတ်ဇိုးလစ်ခ် လည်း ပါဝင်မှာပါ။ ငွေထုတ်ချေးမှု တွေ ပုံမှန် ပြန်စနိုင်ရေး ဈေးကွက်တွေကို ရပ်တန့်မနေအောင် လုပ်ဖို့ ကိစ္စတွေကို ဘဏ္ဍာရေး ဆိုင်ရာ အရာရှိကြီးတွေ က ဆွေးနွေးကြလိမ့်မယ်လို့ ဆိုပါတယ်။ မနက်ဖြန် စနေနေ့ မှာလည်း အမေရိကန် ဘဏ္ဍာရေးဝန်ကြီး ဟင်နရီ ပေါ်လ်ဆန် ကလည်း စက်မှုထွန်းကားပြီး ဖွင့်ဖြိုးတဲ့ ကမ္ဘာ့နိုင်ငံ ၂၀ က ဗဟိုဘဏ် အကြီးအကဲတွေ ဘဏ္ဍာရေး ၀န်ကြီးတွေနဲ့ အထူး ဆွေးနွေးပွဲတခုကို ကျင်းပသွားဖို့ စီစဉ်ထားပါတယ်။

ဖင်လန် သမ္မတဟောင်း မာတီအက်ရ်ှတီ ဆာရီ နိုဘယ်ငြိမ်းချမ်းရေးဆု ချီးမြှင့်ခံရ
10 October 2008
ကိုသိန်းထိုက်ဦး နိုဘယ် ငြိမ်းချမ်းရေးဆုရှင် မာတီ အက်ရ်ှတီ ဆာရီ)
ဖင်လန်နိုင်ငံ သမ္မတဟောင်း မာတီ အက်ရ်ှတီ ဆာရီ (Martti Ahtisaari) ကို နော်ဝေးနိုင်ငံ နိုဘယ်ဆုရွေးချယ်ရေး ကော်မတီက ဒီနှစ်အတွက် နိုဘယ်ငြိမ်းချမ်းရေး ဆုရှင်အဖြစ် ရွေးချယ်လိုက်ပါတယ်။ အသက် ၇၁ နှစ်အရွယ် နိုင်ငံရေးသမား မာတီ အက်ရ်ှတီ ဆာရီ ရဲ့ ထူးခြား လေးစားထိုက်တဲ့ ဆောင်ရွက်ချက်တွေနဲ့ ပတ်သက်ပြီး ဗွီအိုအေ သတင်းထောက် Lisa Bryant ရဲ့ သတင်းပေးပို့ချက်တွေနဲ့အတူ ကိုသိန်းထိုက်ဦးက တင်ပြထားပါတယ်။

နိုဘယ်ငြိမ်းချမ်ရေးဆုရှင်အဖြစ် ရွေးချယ်ခံရတဲ့ မာတီ အက်ရ်ှတီ ဆာရီ ဟာ ကုလသမဂ္ဂ သံတမန်အဖြစ် ရေရှည် တာဝန် ထမ်းဆောင်ခဲ့တဲ့ အချိန်က ကမ္ဘာတ၀ှမ်း ပဋိပက္ခတွေနဲ့ အတိဒုက္ခ ရောက်နေကြတဲ့ တိုင်းပြည်တွေမှာ ငြိမ်းချမ်ရေး ရအောင် စွမ်းအောင်ခဲ့သူ တဦး ဖြစ်တဲ့အကြောင်း နော်ဝေးနိုင်ငံ နိုဘယ် ကော်မတီက ကြေညာပါတယ်။ ဖင်လန်နိုင်ငံ သမ္မတအဖြစ် တာဝန် ထမ်းဆောင်ခဲ့ပြီး ငြိမ်းချမ်းရေး လှုပ်ရှားသူတွေနဲ့ စုပေါင်းဖွဲ့စည်းထားတဲ့ The Crisis Management Initiative အဖွဲ့ကို တည်ထောင်ခဲ့ပါတယ်။

ပြီးခဲ့တဲ့အနှစ် ၂၀ အတွင်း နမ်မီးဘီးယား၊ အင်ဒိုနီးရှား၊ ကော်ဆိုဗို နဲ့ အီရတ် က ဒေသတွေက ပြင်းထန်ရှည်ကြာလှတဲ့ ပဋိပက္ခတွေကို ဖြေရှင်းရေးမှာ အရေးကြီးတဲ့ အခန်းကဏ္ဍ က ပါဝင်ဆောင်ရွက်ခဲ့တဲ့ အကြောင်း နိုဘယ်ကော်မတီရဲ့ ကြေညာချက်မှာ ဖော်ပြထားပါတယ်။

နော်ဝေး ရုပ်မြင်သံကြားဌာန နဲ့ တွေ့ဆုံမေးမြန်းခန်းမှာ သူက ၁၉၈၉ ခုနှစ်တွေနဲ့ ၁၉၉၀ ခုနှစ်တွေ အတွင်း အာဖရိက အနောက်တောင်ပိုင်း နိုင်ငံတခုဖြစ်တဲ့ နမ်မီးဘီးယား နိုင်ငံ ငြိမ်းချမ်းရေး ဆွေးနွေးပွဲတွေအတွင်း သူ အောင်အောင်မြင်မြင် စွမ်းဆောင် ဆောင်ရွက်ခဲ့တာတွေကို မာတီ အက်ရ်ှတီ ဆာရီ က ကိုးကား ပြောဆိုသွားတာပါ။ ဒီ ငြိမ်းချမ်းရေး ဆွေးနွေးပွဲ အောင်မြင်မှုတွေ ကနေ တောင်အာဖရိကနေ နမ်မီးဘီးယားနိုင်ငံ လွတ်လပ်ရေးရအောင် လမ်းဖွင့်ပေးနိုင်ခဲ့တယ်လို့ ပြောပါတယ်။

ဖင်လန်နိုင်ငံခြားရေး ၀န်ကြီးဌာနမှာ တာဝန်မယူခဲ့ခင်တုန်းက မာတီ အက်ရ်ှတီ ဆာရီ ဟာ ကျောင်းဆရာတယောက်ပါ။ ၁၉၉၄ ခုနှစ် ဖင်လန် သမ္မတအဖြစ် ရွေးချယ်မခံရခင် ဖင်လန် နိုင်ငံခြားရေး ၀န်ကြီးနဲ့ ကုလသမဂ္ဂ ဒုတိယ အတွင်း ရေးမှူးချုပ် တာဝန်တွေကို ထမ်းဆောင်ခဲ့ပါတယ်။ ၂၀၀၀ ခုနှစ်မှာ ဟယ်လ်ဆင်ကီ အခြေစိုက် The Crisis Management Initiative အဖွဲ့ကို တည်ထောင်ခဲ့ပါတယ်။ ကမ္ဘာတ၀ှမ်း ပဋိပက္ခတွေ အဆုံးသတ်ရေး အတွက် အဖြေရှာနိုင်ဖို့ ကြိုးပမ်းတဲ့ အဖွဲ့တခုဖြစ်ပါတယ်။

ဒီနှစ် နိုဘယ်ငြိမ်းချမ်းရေးဆုရှင် ဖင်လန်သမ္မတဟောင်း မာတီ အက်ရ်ှတီ ဆာရီ ပတ်သက်ပြီး ဖင်လန်နိုင်ငံမှာ ရောက်နေတဲ့ မြန်မာ့အရေး လှုပ်ရှားသူတဦးဖြစ်တဲ့ ကိုသန့်ဇင်ထွန်းက အခုလို ပြောဆိုပါတယ်။


"သူ သမ္မတအဖြစ် တာဝန်ထမ်းဆောင်ခဲ့တဲ့ အချိန်မှာ မြန်မာနိုင်ငံသားတွေ ဖင်လန်နိုင်ငံကို လာပြီး နေနိုင်ဖို့ ကိစ္စကို ဆောင်ရွက်ခဲ့ပါတယ်။ သက္ကရာဇ် ၂၀၀၀ ခုနှစ်မှာ သူက ကျနော်တို့ ထိုင်းနိုင်ငံကို ရောက်နေတဲ့ မြန်မာနိုင်ငံသားတွေထဲက နိုင်ငံရေး တက်ကြွလှုပ်ရှားသူတွေ၊ တခြား စီးပွားရေး အခက်အခဲ တွေကြောင့် မြန်မာပြည်က ထွက်လာတဲ့ ဒုက္ခသည်တွေကို ဖင်လန်နိုင်ငံမှာ လက်ခံနိုင်ဖို့ ဆောင်ရွက်ခဲ့ပါတယ်။"

ဖင်လန်နိုင်ငံမှာ ရောက်နေတဲ့ မြန်မာ့အရေး လှုပ်ရှားသူတဦးဖြစ်တဲ့ ကိုသန့်ဇင်ထွန်းက နိုဘယ်ငြိမ်းချမ်းရေးဆုရှင် မာတီ အက်ရ်ှတီ ဆာရီနဲ့ ပတ်သက်လို့ ပြောသွားတာပါ။ ပြီးခဲ့တဲ့နှစ်က နိုဘယ်ငြိမ်းချမ်းရေးဆုရှင် အမေရိကန် ဒုသမ္မတဟောင်း အယ်လ်ဂိုး (Al Gore) က ကမ္ဘာတ၀ှမ်း ခြိမ်းခြောက်နေတဲ့ ရာသီဥတု ပြောင်းလဲမှုတွေကို အာရုံစူးစိုက်ဖို့ လှုပ်ရှားနေတဲ့ ကုလသမဂ္ဂ အဖွဲ့နဲ့အတူ ရရှိခဲ့ပါတယ်။

ငြိမ်းချမ်းရေးနဲ့ ပြန်လည်သင့်မြတ်ရေးအတွက် တိုက်ပွဲဝင် ကြိုးပမ်းရာမှာ စံနမူနာ ထားရမယ့် သူတွေကို နိုဘယ် ငြိမ်းချမ်းရေး ဆုချီးမြင့်တယ်လို့ နော်ဝေး နိုဘယ်ကော်မတီက ကြေညာခဲ့ဖူးပါတယ်။ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကတော့ ၁၉၉၁ ခုနှစ်မှာ နိုဘယ်ငြိမ်းချမ်းရေးဆု ချီမြှင့်ခံခဲ့ရတာဖြစ်ပါတယ်။

အမေရိကန် အစုရှယ်ယာဈေး အဖတ်မဆယ်နိုင်သေး
10 October 2008

မနေ့က အမေရိကန် အစုရှယ်ယာဈေးကွက် ဒေါင်းဂျုန်းစ် (Dow Jones) အညွန်းကိန်း
၇% အထိ ကျဆင်းခဲ့သလို ဥရောပဈေးကွက် ပိတ်ချိန်မှာလည်း ၂.၅% အထိ ရှယ်ယာ
ဈေးတွေ ကျဆင်းခဲ့ပါတယ်။

ဒီလို စီးပွားရေးအခြေအနေ ကမောက်ကမဖြစ်နေတာကြောင့် သမ္မတဘုရ်ှက ဒီနေ့
ကြေညာချက်တစောင် ထုတ်ပြန်ဖို့ရှိပါတယ်။

ဘဏ္ဍာရေးစနစ်ကြီးတည်ငြိမ်အောင် စီးပွားရေးရာ တာဝန်ခံတွေက ဖိဖိစီးစီး အရေး
တယူ ဆောင်ရွက်နေကြတာမို့ အမေရိကန်လူထုအနေနဲ့ ယုံကြည်မှု ရှိသင့်ကြတဲ့
အကြောင်း၊ ငွေချေးစနစ် အကျပ်အတည်းလျော့အောင် ဘဏ္ဍာရေးဌာနက အမြန်ဆုံး
လှုပ်ရှားနေပြီဖြစ်ကြောင်း သမ္မတဘုရ်ှက လူထုကို စိတ်ချရအောင် ရှင်းပြရမှာဖြစ်တယ်
လို့ အိမ်ဖြူတော် ပြောခွင့်ရအမျိုးသမီး ဒေနာ ပရီနို (Dana Perino) က ပြောဆိုလိုက်
ပါတယ်။

အိုင်အမ်အက်ဖ်ခေါ် အပြည်ပြည်ဆိုင်ရာ ငွေကြေးရန်ပုံငွေအဖွဲ့ ဥက္ကဋ္ဌ ဒေါမနစ် စထရပ်စ်
ခန်း (Dominique Strauss-Kahn) ကလည်း ကမ္ဘာကြီးဟာ စီးပွားရေး ကျဆင်းလုနီးပါး
အခြေစိုက်နေပေမယ့် ၂၀၀၉ ခု နှစ်ကုန်ပိုင်းမှာ ပြန်ပြီး နာလန်ထူလာလိမ့်မယ်လို့
မနေ့က ပြောဆိုလိုက်ပါတယ်။

ကမ္ဘာ့စီးပွားရေး ကျဆင်းမှုကို ထိန်းဖို့အတွက် နိုင်ငံအားလုံး အတူတကွ ပူးပေါင်းကြဖို့
လိုကြောင်း ဒီသီတင်းပတ်ထဲမှာ ကမ္ဘာ့ဗဟိုဘဏ်ကြီးတွေက အတိုးနှုန်းလျှော့ချတာကို
ဆက်သွယ်ညှိနှိုင်း ဆောင်ရွက်ခဲ့ကြတာဟာ နမူနာကောင်းတခုဖြစ်တယ်လို့
အိုင်အမ်အက်ဖ် ဥက္ကဋ္ဌက ပြောဆိုခဲ့ပါတယ်။

ကမ္ဘာ့စီးပွားရေး ကျဆုံးမှုကြောင့် မြန်မာကျွန်းသစ်များ နိုင်ငံခြားမပို့နိုင်
ကမ္ဘာ့စီးပွားရေး အကျပ်ရိုက်နေချိန် ရန်ကုန်မြစ်တွင် ကျောက်ချထားရသည့် သင်္ဘောတစ်စီး (ဓာတ်ပုံ-တေဇ-ဟစ်တိုင်)
အောက်တိုဘာ ၁၀။ တေဇ

ကမ္ကာစီးပွားရေးကျဆုံးမှု၏နောက်ဆက်တွဲကြောင့် မြန်မာပြည့်၏အဓိကနိုင်ငံခြားပို့ကုန်ဖြစ်သော မြန်မာကျွန်းသစ်နှင့် သစ်မာများမှာ နိုင်ငံခြားသို့တင်ပို့ခြင်းကို ရပ်တန့်ထားရကြောင့် သတင်းရရှိသည်။ မြန်မာပြည် ရေပိုင်နက်အတွင်းရောက်ရှိနေကြာသော နိုင်ငံခြားသဘောင်္လိုင်းများမှ ကုန်တင်သင်္ဘောများမှာ ရန်ကုန်မြစ်အတွင်းနေရာအနှံအပြားတွင် ကျောက်ချရပ်နားထားရပြီး ပင်လယ်ဝတွင် လည်း စောင့်ဆိုင်းနေရာသောသင်္ဘောများလည်း ရှိနေသည်။

ထိုသို့ဖြစ်ရခြင်း၏ အဓိကမှာ နိုင်ငံတကာဈေးကွက်အတွင်းရှိသစ်ဈေးနှုန်းမှာ ထိုးကျသွားခြင်းကြောင့်ဖြစ်ပြီး မြန်မာပြည် အခြေစိုက် သစ်ကုမ္ပဏိများမှ လုပ်ငန်းများပါရပ်ဆိုင်းထားရသည်။ လက်ရှိတွင်နိုင်ငံတကာသို့ မြန်မာသယံဇာသများဖြစ်သော ကျောက်စိမ်း၊ ဆန်၊ ပဲမျိုးစုံနှင့် ကျွန်းသစ် သစ်မာများကို ပို့ဆောင်ပေးနေသော သင်္ဘောများမှာ စစ်အစိုးရ၏ခေါင်းဆောင်ပိုင်းကပိုင်ဆိုင်သော မြန်မာကြယ်ငါးပွင့်သင်္ဘောလိုင်းမှ ၆ စင်း၊ အခြားပြည်ပသင်္ဘောလိုင်းများမှ ၂၁ စင်းတို့မှာ လက်ရှိတွင်ပြေးဆွဲလျှက်ရှိသည်။

အဲဒီလို့ လုပ်ငန်းတွေ့ရပ်ဆိုင်းထားရတော့ အစိုးရ ရဲ့ဝင်ငွေတွေ့အဘက်ဘက်ကနေရပ်ဆိုင်းထားရတယ်။ မြန်မာဆိပ်ကမ်းအာဏာပိုင် လက်အောက်ခံဌာနခွဲတွေအပါအ၀င် သစ်တောရေးရာဝန်ကြီးဌာန လက်အောက်ခံအဖွဲအစည်းတွေ့အနေနဲ့ တော်တော်လေးကို ထိခိုက်တယ်”ဟု ဆိုသည်။

မိထွေးတို့အကြိုက် တရုတ်နို့မှုန့်များ ပြန်သိမ်းနေ

အောက်တိုဘာ ၁၀။ ရဲအောင်သော်

အေအက်ဖ်ပီအဆိပ်နို့မှုန့်ကြောင့် ဆေးရုံတင်လိုက်ရသည့် မြေးငယ်ကို ကြည့်ရှုနေသည့် တရုတ်ဘွားအေ၊ ၀ူဟန်ပြည်နယ်၊ စက်တင်ဘာ

မြန်မာနိုင်ငံတွင်း ဖြန့်ဖြူးရောင်းချလျက် ရှိသော နို့မှုန့် ၁၈ မျိုးအနက် ၉ မျိုးတွင် မယ်လမင်းဓာတ် ပါဝင်နေကြောင်း စစ်အစိုးရက တရားဝင် ကြေညာလိုက်သည့်အတွက် နို့မှုန့်တိုက်ကျွေးနေသော ကလေးမိဘများ စိတ်ပူပန်လျက် ရှိသည်။

နာမည်ကြီး ဒူးမက်စ် ကုမ္ပဏီမှ နို့စို့ကလေးငယ်များအတွက် ထုတ်လုပ်သော ဒူးလက် Dulac နို့မှုန့်နှင့် သရဖူ နို့မှုန့်၊ နွားနှစ်ကောင် နို့မှုန့်များမှာ မယ်လ်မင်း ထည့်သွင်းထုတ်လုပ်သည့် နို့မှုန့်များတွင် ပါဝင်သည်။

တရုတ်နို့မှုန့်များတွင် မယ်လ်မင်း ပါဝင်ကြောင်း သတင်းများ ထွက်ပေါ်လာစက စားသုံးသူများက ဒူးမက်စ် နို့မှုန့်များကို တိုးမြှင့်ဝယ်ယူလာကြသဖြင့် မြန်မာနိုင်ငံ ဒူးမက်စ် ရုံးက ၎င်းတို့ နို့မှုန့်များ ဈေးနှုန်းတိုးမြှင့်ရန် အစီအစဉ် မရှိသေးကြောင်း ပြောကြားခဲ့သည်မှာ မကြာသေးပေ။ နောက်ပိုင်းတွင် ဒူးမက်စ်က တရုတ်နိုင်ငံထုတ် ၎င်းတို့၏ နို့မှုန့်များတွင် မယ်လ်မင်း ပါဝင်ခြင်း ရျိမရှိ အာမမခံနိုင်သော်လည်း အခြား နိုင်ငံများထုတ် နို့မှုန့်များတွင်မူ မပါဝင်ကြောင်း ဖြေရှင်းခဲ့သည်။ ယခု တရုတ်နိုင်ငံထုတ် ကလေးများအတွက် ဒူးမက်စ် နို့မှုန့်ဖြစ်သည့် Dulac တွင် မယ်လမင်း ပါဝင်ကြောင်း တွေ့ရှိရခြင်း ဖြစ်သည်။ ဈေးကွက်အတွင်း၇ှိ မယ်လမင်း ပါဝင်ကြောင်း ကြေညာခံရသည့် နို့မှုန့်များမှာ-

1-Dulac (Dumax step 1, infant formula)

2-Crown

3-Happy Baby Toys

4-Star (20 gm)

5-Star (450 gm)

6-Rainbow

7-Enfagrow

8-Whole milk powder (Two cows, Shi Lin)

9-Mandalay-Raw milk powder တို့ ဖြစ်သည်။

မယ်လမင်း ပါဝင်ကြောင်း ကြေညာထားသည့် အဆိုပါနို့မှုန့် ကိုးမျိုးလုံးကို ဆိုင်များတွင် တင်သွင်းရောင်းချခြင်း မရှိစေရန် လိုက်လံ သိမ်းဆည်းနေသည်။ ကုမ္ပဏီတစ်ခုမှ တင်သွင်းထားသော ၂၅ ကီလို ဂရမ်ဝင် နို့မှုန့် ၄၅၀ အိတ်တွင် မယ်လ်မင်းဓာတ် ပါဝင်သဖြင့် ဖျက်ဆီးခဲ့ကြောင်း စစ်အစိုးရက အောက်တိုဘာ ၅ ရက် နေ့စွဲဖြင့် ကြေညာခဲ့သည်။ မည်သည့် ကုမ္ပဏီ ဖြစ်ကြောင်းကိုမူ မပြောကြားပေ။

မိမိတို့ ရင်သွေးငယ်များအတွက် အဆိုပါ နို့မှုန့်ကိုးမျိုးကို ၀ယ်ယူခဲ့ဖူးသူ ကလေးမိဘများမှာ စိတ်ပူနေကြသည်။ “ကျွန်တော်တို့ သားလေးကို တိုက်ဖူးတယ်”၊ “သမီးလေးကို တိုက်ထားတာ ....ဗူး ရှိပြီ”ဟူသည့် အသံများ မိဘများထံမှ ပေါ်ထွက်လာသည်။ မယ်လ်မင်း မပါသည့် နို့မှုန့် ခုနစ်မျိုးကို ထည့်သွင်း မပြောသွားသည့်အတွက် မည်သည့်နို့မှုန့်ကို ၀ယ်တိုက်ရမည် မသိ ဖြစ်နေကြောင်းလည်း သိရသည်။ ကလေးငယ်များ ကျောက်ကပ်ပျက်စီး သေကြေစေနိုင်သည့် တရုတ်နို့မှုန့်များကို “မိထွေးတို့အကြိုက်”ဟု နောက်ပြောင်လျက် ရှိသည်။

အစိုးရ သတင်းစာများတွင် မိခင်နို့ မလောက်ငလျှင် နွားနို့၊ ဆိတ်နို့ တိုက်ရန် လှုံ့ဆော်ထားသည်။ နွားနို့မှာ တစ်ဆယ်သား ၁၅၀၀ ဈေး ရှိပြီး တစ်ပိဿာဝယ်လျှင် တစ်သောင်းခွဲ ဖြစ်သည်။


မိထ္ထီလာတွင် ဒုစရိုက်မှုများပိုမိုများလာ အာဏာပိုင်များက ထိရောက်စွာအရေးယူခြင်းမရှိ

ဖြိုးကြီး။ အောက်တိုဘာ ၁၀၊ ၂၀၀၈

မိထ္ထီလာမြို့တွင် စစ်အစိုးရက အကျဉ်းသားများ ပြန်လည်စေလွှတ်ပေးခဲ့သည့်နောက်ပိုင်း ဒုစရိုက်မှုများ ပိုမိုများပြားလာပြီး အာဏာပိုင်များက ထိထိရောက်ရောက် အရေးယူနိုင်ခြင်းမရှိ သေးကြောင်း ဒေသခံများက ပြောသည်။

လွတ်ငြိမ်းချမ်းသာခွင့်ဖြင့် ပြန်လည်လွတ်မြောက်လာသူများမှာ ဖောက်ထွင်းမှုကျူးလွန်သူများ၊ သူခိုးများဖြစ်ပြီး ယခုလဆန်းပိုင်းတွင် ဆိုင်ကယ်ခိုးမှုနှင့် ရိုက်နှက်လုယူမှုများဖြစ်ပွားနေ၍ ရဲစခန်းသို့ သွားရောက် အမှုဖွင့်ထားသော်လည်း အကောင်ထည်ဖော် ဆောင်ရွက်ပေးခြင်းမရှိ ကြောင်း မြို့ခံတဦးကပြောသည်။

“(၆) ရက်နေ့ကစပြီး (၈) ရက်နေ့ထိ သုံးရက်ဆက်တိုက် ဆိုင်ကယ်တွေ အလုခံရတယ်၊ မိထ္ထီလာ ကန်အောက်ဘက် ညောင်ကုန်းဘက်မှာ ရိုက်လုသွားတာ၊ အဲဒါ ရဲကိုတိုင်တာ အရေးယူတာမရှိ ဘူး။ ဆိုင်ကယ်တက္ကစီသမားတွေလဲ ညဘက်ဆို အလုပ်မလုပ်ရဲတော့ဘူး၊ ကိုယ့်အိမ်ထဲထားတာ တောင် တော်တော်ဂရုစိုက်နေရတယ်”ဟု ပြောသည်။

ထောင်မှ ပြန်လည်လွတ်မြောက်လာသူများမှာ ယခင်ကကဲ့သို့ ကိုယ်တိုင်လုပ်ဆောင်ခြင်းမရှိ တော့ဘဲ ဂိုဏ်းဖွဲ့ လူမွေး၍ ယခုကဲ့သို့ လုယက်မှုများ လုပ်ဆောင်နေခြင်းဖြစ်ကြောင်း ၎င်းက ဆက်ပြောသည်။

“အဲကောင်တွေက လူမိုက်တွေမွေး၊ ကလေးလေးတွေကိုလွှတ်ပြီး ဆိုင်ကယ်ငှားခိုင်းတယ်၊ သူတို့က လမ်းမှာစောင့်ရိုက်တာ၊ အဲလိုတွေ လုပ်တာ၊ အခု သူတို့အဖွဲ့ ၁၀ ဖွဲ့လောက် ရှိတယ်၊ ပြီးခဲ့တဲ့ (၇) ရက်နေ့ညက ကျနော်သူငယ်ချင်း ၁၃ နှစ်အရွယ်ကလေး ဆိုင်ကယ်လာငှားတာကို လိုက်ပို့တာ ကလေးက လမ်းမှာ သေးပေါက်ချင်လို့ရပ်ခိုင်းတော့ ရပ်ပေးတာ အဲမှာ ဝိုင်းရိုက်ပြီး လုတာ၊ သူလဲ ဆေးရုံပေါ်ရောက်နေတယ်”ဟု ဆိုင်ကယ်တက္ကစီသမားတဦးက ပြောသည်။

မိထ္ထီလာမြို့ပေါ်တွင် ဆိုင်ကယ်တက္ကစီသမားများမှာ အုံနာ(Owner)ကြေးပေး၍ ငှားရမ်းလုပ် ကိုင်နေသူများဖြစ်ပြီး ယခုကဲ့သို့ လုယက်ခံရပါက ဆိုင်ကယ်လျော်ပေးရသည့်အပြင် ကိုယ်တိုင် လည်း ထိခိုက်ဒဏ်ရာရရှိမှုများဖြစ်သည့်အတွက် အခက်အခဲဖြစ်နေရကြောင်း ၎င်းက ဆက်ပြော သည်။

“ကျနော်တို့က တနေ့ကို ၂,၅၀၀ အုံနာကြေးပေးပြီးဆွဲတာ၊ အဲလိုတွေဖြစ်တော့ မြို့အဝင် ဆိုင်းဘုတ်လောက်ထိပဲ သွားကြတော့တယ်၊ အဲတော့ ဝင်ငွေကမကောင်းဖြစ်တာပေါ့၊ ဒီကြားထဲ ဖြစ်သွားရင် လျော်ရတာနဲ့ဆိုတော့ မကိုက်တော့ဘူး၊ ကျနော်တို့ ဆိုင်ကယ်ဂိတ်မှာတင် အလုခံရတာ ၁၀ စီး ကျော်သွားပြီ”ဟု ပြောသည်။

ပြီးခဲ့သည့် ရက်ပိုင်းအတွင်း ဆိုင်ကယ်သူခိုးများသွားဖမ်းသည့် ဒုရဲအုပ် ထွန်းထွန်းမှာ ဓားဖြင့် အထိုးခံရသဖြင့် ဆေးရုံတင်ထားရကြောင်းနှင့် မိထ္ထီလာမြို့ပေါ်တွင် ထောင်မှပြန်လွတ်လာသူ ယောင်္ကျား ၆၆ ဦးနှင့် အမျိုးသမီး ၆ ဦးပါဝင်ပြီး ၎င်းတို့မှာ ခိုးဆိုးလုယက်မှုများဖြင့် ထောင်ကျ သွားသူများဖြစ်သည်ဟု ဆက်လက်ပြောသည်။


မိထ္ထီလာတွင် မီတာများစစ်ဆေးပြီး အဆမတန် ဒဏ်ရိုက်ခြင်းများပြုလုပ်

ဗထူး။ အောက်တိုဘာ ၁၀၊ ၂၀၀၈

မိထ္ထီလာမြို့တွင် နေပြည်တော်အထူးအဖွဲ့မှ ဝင်ရောက်၍ မီတာများ လိုက်လံစစ်ဆေးခြင်းများ ပြုလုပ်ပြီး အဆမတန် ဒဏ်ငွေရိုက်ခြင်းများပြုလုပ်နေသည့်အတွက် လုပ်ငန်းရှင်များမှာ မကျေမနပ်ဖြစ်နေကြသည်။

ယခုလဆန်းပိုင်းအတွင်း နေပြည်တော်အထူးအဖွဲ့ခေါင်းဆောင် ဗိုလ်မှူးမင်းခိုင် (၁/၃) ဦးဆောင် သည့်အဖွဲ့က မိတ္ထီလာစက်မှုဇုံအတွင်း ဝင်ရောက်စစ်ဆေးမှုများပြုလုပ်ကာ သက်မှတ်ထားသည့် ယူနစ်အထိ အသုံးပြုခြင်းမရှိသူများ၊ ပိုမိုသုံးစွဲသူများ၊ ခိုးယူသုံးစွဲသူများကို အကြောင်းအမျိုးမျိုး ပြ၍ တနေ့တည်းဖြင့် ဒဏ်ငွေသိန်းလေးရာကျော် ကောက်ခံသွားခြင်းဖြစ်သည်။

“တအိမ်ကို ၂ သိန်း ၃ သိန်း၊ ၆ သိန်း၊ သိန်း ၆၀၊ အဲလိုတွေအထိ လုပ်တယ်၊ စက်မှုဇုံထဲမှာက မီးမမှန်တော့ စစ်တပ်တွေထဲမှာ တချို့က စက်ရုံတွေသွားဖွင့်ထားတာ၊ အဲလိုရွှေ့သွားတဲ့အချိန် မှာ စက်မှုဇုံထဲမှာရှိတဲ့ စက်ရုံတွေကို ဓါတ်အားဝင်စစ်တဲ့အခါကျတော့ သုံးစွဲထားတာ မရှိဘူး၊ အဲမှာ သူတို့က တလသုံးစွဲရမဲ့ပမာဏကို ပြည့်မှီအောင် ဘာကြောင့်မသုံးစွဲတာလဲ၊ အဲဒါ နိုင်ငံတော်အတွက် နစ်နာတယ်ဆိုပြီး ဒဏ်ရိုက်တာ”ဟု လုပ်ငန်းရှင်တဦးက ပြောသည်။

ပြီးခဲ့သည့် ဖေဖော်ရီလအတွင်းကတည်းက အမှတ် (၂) လျှပ်စစ်စွမ်းအင်ဝန်ကြီးဌာနမှ အမိန့် အမှတ် (၄၇/၂၀၀၈) ဖြင့် ထုန်ပြန်ထားသည့် ရုံးမိန့်အား ပြည်သူများကို တစုံတရာ ထုတ်ပြန် ပြောဆိုခြင်းမရှိဘဲ ယခုကဲ့သို့ လုပ်ဆောင်ခြင်းဖြစ်ကြောင်း ၎င်းက ဆက်ပြောသည်။

“လျှပ်စစ်ဓါတ်အားကို တရားမဝင်သုံးစွဲတာကို အရေးယူရမယ်၊ လျှော်ကြေးပေး ဒဏ်တပ်မယ်၊ သူတို့ပြုလုပ်တဲ့ (၆/၂၀၀၈) အစည်းဝေးဆုံးဖြတ်ချက်အရ (၂၀.၂.၂၀၀၈) ရက်နေ့က စတင် ပြင်ဆင်သတ်မှတ်လိုက်တယ်ဆိုပြီး ပြောတယ်၊ အဲဒါ ပြည်သူတွေသိအောင် ချပြတာလဲမရှိဘူး၊ အခု (၁၀)လပိုင်းကျတော့မှ ဒီလိုလုပ်တာ”ဟု စက်မှုဇုံအတွင်းမှ လုပ်ငန်းရှင်တဦးက ပြောသည်။

ထိုကဲ့သို့ ဒဏ်ငွေများကောက်ခံပြီးနောက် အာဏာပိုင်များဘက်မှ ခံဝန်လက်မှတ်များထိုးခိုင်းပြီး အဆိုပါစက်ရုံများအား စစ်တပ်အတွင်း လက်ခံထားသည့် စစ်တပ်အာဏာပိုင်များကိုမူ တစုံတရာ အရေးယူခြင်းမရှိကြောင်း ၎င်းက ပြောသည်။

“စက်မှုဇုံက (၉၇) ခုနှစ်က ပေါ်လာတာ၊ နိုင်ငံတော်စီမံချက်အရ လျှပ်စစ်ဓါတ်အား (၂၄) နာရီ ပေးမယ် ဘာညာနဲ့ (၁) လလောက်တော့ ဟုတ်တယ်၊ နောက်တော့မလာတော့ဘူး၊ လုပ်ငန်းရှင် တွေက အရင်းအနှီးမြောက်များစွာနဲ့ တည်ထောင်ထားတာ၊ အဲလို မီးမရတော့ မိထ္ထီလာမြို့မှာရှိ တဲ့ စစ်တပ်ပေါင်း ၃၀ ကျော်ထဲကို စက်ရုံတွေက ရွှေ့သွားတာ၊ အဲလိုလက်ခံထားတာတွေကို တော့ အရေးမယူဘူး၊ နောက်ပြီးလျှပ်စစ်ဓါတ်အားကို ကျနော်ကျမတို့က ခိုးယူသုံးစွဲမိပါတယ် ဆိုတာကို သက်သေနှစ်ယောက်နဲ့ ဝန်ခံကတိလက်မှတ်ထိုးပေးရတယ်”ဟု အဆိုပါလုပ်ငန်းရှင် က ဆက်လက်ပြောဆိုခဲ့သည်။