Sunday, October 12, 2008

မြန်မာနိုင်ငံ တစ်ဝန်းလုံးရှိ တိုင်းရင်းသားပြည်သူများသို့ Generation Weave (မျိုးဆက်သစ် လူငယ်များ အစည်းအရုံး) ၏ နှစ်ပတ်လည် အစီရင်ခံစာ

မဂ္ဂင်ကျောင်းတိုက်မှ ဦးပညာဇောတအား တွေ့ဆုံလျှောက်ထားခြင်း - အပိုင်း (၄)


၁၂၁၀၂၀၀၈သတင်း

နိုင်ငံရေး တက်ကြွလှုပ်ရှားသူ (၈) ဦး ဖမ်ဆီးခံရ

12 October 2008

ဦးအောင်လွင်ဦး -


မြန်မာနိုင်ငံတွင်းက နိုင်ငံရေးလှုပ်ရှားသူတွေကို ထိန်းသိမ်းထားတာတွေ ဆက်လက်ဖမ်းဆီးမှုတွေ ရှိနေတာတွေနဲ့ ပတ်သက်လို့ ပြစ်တင် ဝေဖန်သံတွေ ရှိနေတဲ့ကြားထဲကပဲ အခုနောက်ဆုံး တက်ကြွလှုပ်ရှားသူ အနည်းဆုံး (၈) ယောက်ကို အာဏာပိုင်တွေက ထပ်မံ ဖမ်းဆီးလိုက်ပါတယ်။ မျိုးဆက်သစ် လူငယ်များ အစည်းအရုံး (Generation Wave) လို့ခေါ်တဲ့ လူငယ် တက်ကြွ လှုပ်ရှားသူတွေ ပြီးခဲ့တဲ့ အပတ်အတွင်း နိုင်ငံရေး လှုပ်ရှားမှုတွေ လုပ်ခဲ့တဲ့နောက်၊ နောက်ဆက်တွဲ အဖြစ် အခုလို ဖမ်းဆီးခံခဲ့ကြရတာလည်းဖြစ်ပါတယ်။ အကြောင်းစုံကို ဦးအောင်လွင်ဦးက တင်ပြပေးပါတယ်။

နိုင်ငံရေး တက်ကြွလှုပ်ရှားသူတွေ ဖြစ်ကြတဲ့ မျိုးဆက်သစ် လူငယ်များအစည်းအရုံး (Generation Wave) အဖွဲ့က ဒီမိုကရေစီရေး၊ လွတ်လပ်ခွင့်တွေအတွက် ပြီးခဲ့တဲ့ ရက်သတ္တပတ်ထဲမှာ လှုပ်ရှားမှုတွေ လုပ်ခဲ့တဲ့နောက် ဒီအထဲက တချို့ကို အာဏာပိုင်တွေက ဖမ်းဆီးခဲ့တာပါ။ ပြီးခဲ့တဲ့ ကြာသပတေးနေ့ အောက်တိုဘာလ ၉ ရက်နေ့မှာ Generation Wave ဖွဲ့စည်းပြီး ဒီမိုကရေစီရေး လှုပ်ရှားခဲ့တာ တနှစ်ပြည့်အဖြစ် အစိုးရဆန့်ကျင်ရေး စာရွက်စာတမ်းတွေကို ဖြန့်ချီခဲ့အပြီး သူတို့ရဲ့ အဖွဲ့ဝင် (၄) ဦးအပါအ၀င် (၈) ဦး ဖမ်းဆီးခံခဲ့ရတာလို့ အဖွဲ့ရဲ့ တာဝန်ရှိသူတဦးဖြစ်တဲ့ ကိုမိုဃ်းသွေး က ပြောပါတယ်။

“၉ ရက်နေ့မှာ ညီညီ ခေါ် ရဲကိုကို ရယ်၊ ကိန်းကြီး ရန်မင်းအောင် ရယ်၊ နောက်ပြီး အောင်ပိုင်ဆိုတဲ့ တယောက်ရယ်၊ သူတို့က စာရွက်ဝေတယ်။ ပြီးတော့ အိမ်ပြန်လာတယ်။ သူတို့ နောက်က လိုက်လာတယ်လို့ ယူဆရတယ်။ ညနေ ၄နာရီ သူတို့ ရှိနေတဲ့ အချိန်မှာ ရဲကားတွေ လာပြီး ဖမ်းသွားတယ်။ ဖမ်းတော့ အိမ်မှာရှိနေတဲ့ သူတို့ရဲ့ အစ်ကိုရော၊ သူငယ်ချင်းတွေရော၊ အားလုံး လူ ၇ယောက်ကို ခေါ်သွားတယ်။ ညဘက်မှာ စစ်ကျောတယ်နဲ့ တူပါတယ်။ နောက်နေ့ မနက်မှာ ကိုငြိမ်းချမ်းဆိုတဲ့ လူကို ဖုန်းဆက်တယ်။ တနေရာမှာ ချိန်းတယ်။ ပြီးတော့ ကိုငြိမ်းချမ်းကိုပါ ဖမ်းသွားတယ်။ စာတွေဝေခဲ့တာက တမြို့လုံးမှာ အားလုံး ၀ိုင်းပြီး လှုပ်ရှားကြတယ်။ အဓိကကတော့ တောင်ဥက္ကလာ၊ သင်္ဃန်းကျွန်း၊ စံပြဈေး ပတ်ဝန်းကျင်၊ သုဝဏ္ဏတို့လို နေရာမျိုးတွေမှာလို့ ပတ်ဝန်းကျင်က ပြောတာကြားတယ်။ ဝေတဲ့စာတွေက တနိုင်ငံလုံးမှာ ရှိတဲ့ မြို့တော်တော်များများမှာ အားလုံးပေါင်း စာရွက်ရေ တသိန်းခွဲလောက် ဝေခဲ့တယ်။ အဲဒီမှာက GW လက်မထောင်နေတဲ့ အမှတ်တံဆိပ်ပါတဲ့ စာရွက်မှာ အာဏာရှင်စံနစ် အဆုံးသတ်နှစ် ၂၀၀၈၊ ဆင်းရဲတွင်းက လွတ်မယ့် နှစ် ၂၀၀၈၊ ဒုက္ခတွင်းမှ လွတ်မယ့်နှစ် ၂၀၀၈၊ ဒီမိုကရေစီ ရမယ့်နှစ် ၂၀၀၈ဆိုတာပဲ ဖြစ်ပါတယ်။”

ဒီလို အာဏာပိုင်တွေဖက်က နိုင်ငံရေးတက်ကြွ လှုပ်ရှားသူတွေကို ဖမ်းဆီးတာတွေ အပါအ၀င် နည်းအမျိုးမျိုးနဲ့ နှိမ်နင်းတာတွေ လုပ်နေပေမယ့်လည်း တက်ကြွလှုပ်ရှားသူတွေကတော့ ဆက်လုပ်သွားဖို့လည်း ရှိနေကြပါတယ်။ အခုဆိုရင်လည်း Generation Wave အဖွဲ့က သူတို့အဖွဲ့ဝင်တွေ ဆက်တိုက်ဆိုသလို ဖမ်းဆီးခံရတာတွေ ရှိနေပေမယ့်လည်း လွတ်လပ်ခွင့်နဲ့ ဒီမိုကရေစီအတွက် ဆက်လုပ်သွားဖို့ သန္နိဓာန် ချထားပြီးသားလို့ ဆိုပါတယ်။

“အားလုံး အယောက် ၂၀ ၀န်းကျင်မှာရှိနေပါပြီ။ မတ်လမှာ အဖမ်းခံရတာ ဆယ်ယောက်ကျော်ရှိတယ်။ ဇွန်တို့ သြဂုတ်လတွေမှာ၊ စက်တင်ဘာလတွေမှာလည်း ရှိခဲ့ပါသေးတယ်။ စက်တင်ဘာလမှာဆိုရင် ကိုစောမောင်၊ ကိုကျော်ဦး ရှိတယ်။ အောက်တိုဘာ မွေးနေ့ အထိမ်းအမှတ် လှုပ်ရှားမှုမှာတော့ လူဖမ်းသွားတာကတော့ ၈ယောက်၊ ကျွန်တော်တို့ အဖွဲ့ဝင်ကတော့ ၄ယောက်ပါပါတယ်။ ဖမ်းဆီးတာကတော့ သူတို့ အလုပ်ပေါ့။ အာဏာရှင်စနစ်ကိုက ဖိနှိပ်ရေး ယန္တရားကိုပဲ အခြေပြု ရပ်တည်ရတာပေါ့။ သူတို့က သူတို့အလုပ်ကို လုပ်မှာဖြစ်သလို ကျွန်တော်တို့ကလည်း ကျွန်တော်တို့ အလုပ်ကို လုပ်သွားမှာပါခင်ဗျ။ နအဖ အာဏာပိုင်တွေရဲ့ လုပ်ရပ်က မကြာသေးခင်က ထွက်တဲ့ အစီရင်ခံစာ တစောင်ရှိတယ်။ ကုလသမဂ္ဂလူ့အခွင့်အရေး ကိုယ်စားလှယ် မစ္စတာ ကင်တားနားကိုယ်တိုင် လာရောက်စဉ်တုန်းက အမျိုးသား ညီလာခံ ကော်မတီက ထုတ်ဖော်ပြောထားတာ တခု ရှိတယ်။ သူတို့ ၉၂ရာခိုင်နှုန်းနဲ့ အတည်ပြုထားတဲ့၊ အခြေခံဥပဒေမှာ အခန်း ၁နဲ့ အခန်း ၈တို့မှာ ပြောထားတာက လွတ်လပ်စွာ ထုတ်ဖော် ပြောဆိုခွင့်၊ ငြိမ်းချမ်းစွာ စုရုံးခွင့်၊ ဆော်သြလှုပ်ရှားခွင့်ဆိုတဲ့ အချက်တွေ ရှိတယ်။ နောက်ပြီးတော့ နိုင်ငံတကာ လူ့အခွင့်ရေး အခြေခံအချက်တွေမှာပါတဲ့ အသင်းအဖွဲ့တွေ ဖွဲ့စည်း လှုပ်ရှားခွင့်၊ ငြိမ်းချမ်းစွာ စုဝေးလှုပ်ရှားခွင့် စတဲ့ အချက်တွေကို အာမခံထားတယ်ခင်ဗျ။ အခြေခံ ဥပဒေ အသစ်အရရရော၊ သူတို့ သွားမယ့် လမ်းညွန်မြေပုံမှာရော အာမခံထားတယ်ခင်ဗျ။ ကျွန်တော့်တို့ လှုပ်ရှားမှုဟာ မိမိတို့ လွတ်လွတ်လပ်လပ် ယုံကြည်တာကို၊ အယူအဆတွေကို ဖော်ထုတ်တာဖြစ်တယ်။ ငြိမ်းငြိမ်းချမ်းချမ်းနည်းနဲ့ ရည်ရွယ်ထားတယ်။ ငြိမ်းချမ်းတဲ့ နည်းနဲ့ လှုပ်ရှားဖို့ ရည်ရွယ်ပြီး ဖွဲ့စည်းထားတဲ့ အဖွဲ့အစည်းဖြစ်တယ်။ ဒီလို အဖွဲ့အစည်းမှာ ပါလို့ ဖမ်းတယ်ဆိုရင်၊ လှုပ်ရှားမှုတွေကို လုပ်လို့ ဖမ်းတယ်ဆိုရင်၊ သူတို့ ပြောတဲ့စကားကို သူတို့ ကိုယ်တိုင် အရင်ဆုံး ချိုးဖောက်နေတာဖြစ်တယ်။”

မျိုးဆက်သစ် လူငယ်များအစည်းအရုံး (Generation Wave) အဖွဲ့က တာဝန်ခံတဦးဖြစ်တဲ့ ကိုမိုဃ်းသွေး ဖြစ်ပါတယ်။ တကယ်တော့ ကုလသမဂ္ဂအပါအ၀င် နိုင်ငံတကာအသိုင်းအ၀ိုင်းက ဒီမိုကရေစီရေး လှုပ်ရှားသူတွေကို အခုလို ဖမ်းဆီးနေတာ၊ အများအပြားကိုလည်း ဆက်လက်ထိန်းသိမ်းထားတဲ့အတွက် ဝေဖန်ပြစ်တင်မှုတွေကလည်း ရှိနေတာပါ။ ဒီလို အဖမ်းအဆီးတွေ သတင်းတွေ ထွက်ပေါ်မလာခင် ပြီးခဲ့တဲ့ အပတ်ထဲမှာတုန်းကလည်းပဲ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် မစ္စတာ တောမတ်စ် အိုဟဲ ကင်တားနား (Tomas Ojea Quintana) က မြန်မာနိုင်ငံမှာ နိုင်ငံရေး တိုးတက်ဖြစ်ထွန်းမှုတွေ ရှိလာစေဖို့အတွက် လူ့အခွင့်အရေး အခြေအနေတွေ တိုးတက်ဖို့က စိန်ခေါ်မှုတွေအဖြစ် ရှိနေဆဲပဲဆိုပြီး ကုလသမဂ္ဂကို တင်သွင်းတဲ့ သူ့ရဲ့ အစီရင်ခံစာထဲမှာ ပြောဆိုခဲ့တာပါ။ အမေရိကန်ပြည်ထောင်စုက နိုင်ငံတကာ ဘာသာရေးလွတ်လပ်ခွင့် ကော်မရှင် (USCIRF) ကဆိုရင်လည်း မြန်မာနိုင်ငံမှာ လူ့အခွင့်အရေးနဲ့ လွတ်လပ်ခွင့်ကင်းမဲ့နေတာတွေနဲ့ ပတ်သက်လို့ ပြစ်တင်ဝေဖန်ခဲ့သလို၊ နိုင်ငံရေး လှုပ်ရှားလို့ ဖမ်းဆီးခံထားရသူတွေ ပြန်လည်လွတ်မြောက်လာဖို့အတွက် အမေရိကန်ပြည်ထောင်စုနဲ့ မဟာမိတ်နိုင်ငံတွေက ဦးစားပေး ဆောင်ရွက်သွားဖို့လည်း တိုက်တွန်းခဲ့တာ ဖြစ်ပါတယ်ခင်ဗျာ။

စီးပွားရေးပိတ်ဆို့မှု ဖယ်ရှားရေး အတူတကွ လုပ်ဆောင်ဖို့ ဒေါ်အောင်ဆန်းစုကြည် ကမ်းလှမ်းခဲ့ဖူး

12 October 2008

ကိုကျော်ကျော်သိန်း


မြန်မာနိုင်ငံပေါ်မှာ အနောက်နိုင်ငံတွေက ချမှတ်ထားတဲ့ ဒဏ်ခတ် ပိတ်ဆို့အရေးယူမှုကို ရုပ်သိမ်းနိုင်အောင် အတူတကွ လက်တွဲလုပ်ဆောင်ဖို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က မြန်မာအစိုးရကို ကမ်းလှမ်းခဲ့ဖူးတယ်လို့ အမျိုးသားဒီမိုကရေစီအဖွဲ့ချုပ် NLD ပြောရေးဆိုခွင့်ရှိသူက ပြောပါတယ်။ ဒေါ်အောင်ဆန်းစုကြည်ဘက်က အခုလို ကမ်းလှမ်းဖူးတယ် ဆိုတာကို NLD က ပထမဆုံး အကြိမ် ထုတ်ဖော်ပြောဆိုတာလည်း ဖြစ်ပါတယ်။ ကိုကျော်ကျော်သိန်းက အပြည့်အစုံ တင်ပြထားပါတယ်။

မြန်မာနိုင်ငံပေါ်မှာ စီးပွားရေးအရ ဒဏ်ခတ်အရေးယူမှုတွေ ချမှတ်အောင် ဒေါ်အောင်ဆန်းစုကြည်က တောင်းဆိုတာ ဖြစ်တယ်လို့ မြန်မာအစိုးရဘက်က မကြာခဏဆိုသလို စွပ်စွဲပြောဆိုလေ့ရှိပါတယ်။ ဒီစွပ်စွဲချက်နဲ့ပတ်သက်ပြီး ဗွီအိုအေ မြန်မာ ပိုင်းရဲ့ စနေနေ့ညဘက် တိုက်ရိုက်လေလှိုင်းအစီအစဉ်မှာ NLD ပြောရေးဆိုခွင့်ရှိသူ ဦးဉာဏ်ဝင်းက တုန့်ပြန်ပြောဆိုခဲ့တာပါ။


အဲန်အယ်လ်ဒီ ပြောရေးဆိုခွင့်ရှိသူ ဦးဉာဏ်ဝင်း (ဇန်န၀ါရီ ၃၀၊ ၂၀၀၈)
“အခု တွေ့ဆုံဆွေးနွေးရေးအတွက် sanction တို့ဘာတို့ ရုပ်သိမ်းပေးပါလို့ ပြောတယ်။ အဲဒီကိစ္စတွေဟာ ကိုယ်မလုပ်ဘဲနဲ့ ကိုယ်လည်း တာဝန်မရှိဘဲနဲ့ ရုပ်သိမ်းပေးလို့ မရဘူး။ ဒါ ကျနော်တို့ တကယ်တမ်း အဲဒါနဲ့ပတ်သက်ပြီး ဘာအကြောင်းပြန်လဲ ဆိုတာကိုပဲ ကျနော် ဒီနေရာမှာ ပြောမယ်။ ဒီဘက်က ကျနော်တို့ ခေါင်းဆောင်က အကြောင်း ပြန်တာက အဲဒီကိစ္စတွေ တိုင်းပြည်အတွက် နစ်နာတယ် ဆိုရင် အဲဒီ sanction တို့ဘာတို့ အကုန်လုံး ရုပ်သိမ်းသွားဖို့ကို အစိုးရနဲ့ ပူးပေါင်း ဆောင်ရွက်မယ်လို့ အကြောင်း ပြန်တယ်။ ဒီ့ထက်ကောင်းတဲ့ အကြောင်းပြန်ချက် ကျနော်တို့ မရှိဘူး ထင်ပါတယ်။”

NLD ပြောရေးဆိုခွင့်ရှိသူ ဦးဉာဏ်ဝင်းပါ။

မကြာသေးခင်က ကျင်းပပြီးစီးသွားတဲ့ (၆၃) ကြိမ်မြောက် ကုလသမဂ္ဂ အထွေထွေညီလာခံမှာ မြန်မာနိုင်ငံခြားရေးဝန်ကြီး ဦးဉာဏ်ဝင်းက မြန်မာနိုင်ငံပေါ် စီးပွားရေးအရ ဒဏ်ခတ်အရေးယူထားတာဟာ စီးပွားရေး ဖွံ့ဖြိုးတိုးတက်မှုကို ထိခိုက်ကြောင်း၊ တန်ပြန်သက်ရောက်မှုတွေ ဖြစ်စေကြောင်း၊ နိုင်ငံတကာဥပဒေတွေနဲ့ ဆန့်ကျင်သလို ကိုယ်ကျင့်သိက္ခာ နဲ့လည်း ကိုက်ညီခြင်း မရှိကြောင်း၊ စီးပွားရေးအရ အရေးယူမှုကို မြန်မြန်ရုပ်သိမ်းလေ၊ မြန်မာနိုင်ငံဟာ ဒေသတွင်း စပါးကျီတခု အမြန်ဆုံး ပြန်ဖြစ်လာဖို့ အလားအလာနဲ့ နီးစပ်လေဖြစ်ကြောင်း စသည်ဖြင့် ပြောဆိုသွားပါတယ်။

ဒါပေမယ့် ဝေဖန်သူတွေကတော့ မြန်မာနိုင်ငံ စီးပွားရေးအရ ဖွံ့ဖြိုးတိုးတက်မှု နောက်ကျရတာဟာ ဒဏ်ခတ် အရေုးယူမှု သက်သက်ကြောင့်မဟုတ်ဘဲ မြန်မာစစ်အစိုးရရဲ့ စီမံခန့်ခွဲမှု ညံ့ဖျင်းတာကြောင့်လည်း ပါဝင်တယ်လို့ ထောက်ပြကြပါတယ်။ မြန်မာ့အရေး စောင့်ကြည့်လေ့လာသူတဦးဖြစ်တဲ့ ကိုစောကပိ က ဒဏ်ခတ် အရေးယူထားတာတွေကို ရုပ်သိမ်းလိုက်ရုံနဲ့ မြန်မာ့ စီးပွားရေး တိုးတက်လာဖို့ဆိုတာကတော့ ဖြစ်နိုင်ခြေမရှိဘူးလို့ သုံးသပ်ပါတယ်။

“စီးပွားရေး ဖွံ့ဖြိုးတိုးတက်မှု တခုတည်းကို လုပ်တယ်ဆိုတာ ဒီတိုင်းပြည်ထဲမှာ ရှိတဲ့ တကယ့် institutions လို့ခေါ်တဲ့ ဥပဒေအရပဲ ဖြစ်ဖြစ်၊ စီးပွားရေး လုပ်ကိုင်နိုင်တဲ့ လုပ်ထုံးလုပ်နည်း၊ တိုင်းပြည်ရဲ့ အခြေအနေ၊ တိုင်းပြည်ရဲ့ နိုင်ငံရေး အခြေအနေရယ်၊ တိုင်းပြည်ရဲ့ ဥပဒေရေးရာ ဥပဒေစိုးမိုးမှု အခြေအနေရယ် ဒီတိုင်းပြည်တွင်းမှာ ရှိတဲ့ လူသားရင်းမြစ် ပေါ့လေ။ ဒါတွေကို ဖွံ့ဖြိုးတိုးတက်မှု အခြေခိုင်လာအောင် တဆင့်ပြီးတဆင့် လုပ်ဆောင်ရတာလေးတွေ ရှိပါတယ်။ ဒီတော့ ဒီ စီးပွားရေး ပိတ်ဆို့မှုကို ဖယ်ရှားလိုက်ရုံနဲ့ မြန်မာနိုင်ငံရဲ့ စီးပွားရေးက ချက်ချင်း သိသိသာသာကြီး တိုးတက် ပြောင်းလဲ လာမယ်လို့ သုံးသပ်တာကတော့ အထူးသဖြင့် စီးပွားရေးနဲ့ပတ်သက်တဲ့ နားလည်မှုမျိုး အခြေခံမှာ အားနည်းတာလေးတွေ ရှိပါတယ်။”

မြန်မာ့အရေး စောင့်ကြည့်လေ့လာသူ ကိုစောကပိ ပါ။ စီးပွားရေးအရ ဒဏ်ခတ် အရေးယူဖို့ တောင်းဆိုသူတွေအနေနဲ့လည်း ဟိုးအရင်တုန်းကလို အကုန်လုံး ရောပြွမ်းပြီး အရေးယူ တာမျိုးကို ခုချိန်မှာ မတောင်းဆိုကြတော့ဘဲ စစ်အစိုးရ ခေါင်းဆောင်တွေ၊ သူတို့နဲ့နီးစပ်တဲ့ စီးပွားရေးသမားတွေကို တိုက်ရိုက် သက်ရောက်မှုရှိစေမယ့် အရေးယူမှုမျိုး ချမှတ်ဖို့ နောက်ပိုင်းမှာ ပြောင်းလဲ တောင်းဆိုလာကြပါတယ်။

စစ်အစိုးရနဲ့နီးစပ်တဲ့ စီးပွားရေးသမား ဦးတေဇ၊ လော်စစ်ဟန် တို့အပါအ၀င် သူတို့တည်ထောင်ထားတဲ့ စီးပွားရေး လုပ်ငန်းတွေကို မကြာသေးခင်ကပဲ အမေရိကန်ပြည်ထောင်စုက ပိတ်ဆို့ အရေးယူလိုက်တာမျိုးဟာ သက်ဆိုင်သူတွေကိုပဲ တိုက်ရိုက် သက်ရောက်ပြီး ပြည်သူလူထု ထိခိုက် နစ်နာမှုမရှိတဲ့ အရေးယူမှုမျိုးဖြစ်တယ်လို့ နမူနာပေး ပြောဆိုကြ ကြောင်းပါ။

အကျဉ်းစံ သံဃာတော် ဦးဂမ္ဘီရ ကျန်းမာရေးဆိုးရွား

ဖနိဒါ (မဇ္ဈိသတင်းဌာန)

အောက်တိုဘာလ ၁၁ ရက်၊ ၂၀၀၈ ခုနှစ်။

ချင်းမိုင်။ ။ မြန်မာနိုင်ငံလုံးဆိုင်ရာ သံဃတပ်ပေါင်းစု ဦးဆောင် ဆရာတော်တပါးဖြစ်သူ အရှင် ဂန္ဘီရသည် အင်းစိန်အကျဉ်းထောင်တွင် အကျဉ်းကျခံနေရစဉ်အတွင်း ဦးနှောက်နှင့် အာရုံကြော အခြေအနေ ဆိုးရွားနေသည်။

ဆရာတော်သည် ၂၀၀၇ ခုနှစ် ရွှေဝါရောင် တော်လှန်ရေးတွင် ဦးဆောင်ဆန္ဒပြသဖြင့် အာဏာပိုင်များက လိုက်လံဖမ်းဆီးသောကြောင့် တိမ်းရှောင်ပုန်းအောင်းနေစဉ် နိုဝင်ဘာလ ၄ ရက်နေ့တွင် မန္တလေးတိုင်း စဥ့်ကိုင်မြို့၌ ဖမ်းဆီးခံခဲ့ရခြင်းဖြစ်သည်။

ယခုအခါ ပြစ်မှုပေါင်း ၁၆ မှုဖြင့် တရားစွဲဆိုခံနေရသည်။

အရှင်ဂမ္ဘီရသည် မြန်မာနိုင်ငံလုံးဆိုင်ရာ ရဟန်းပျိုများသမဂ္ဂ (အိန္ဒိယ) မှ ချီးမြှင့်သော ဆရာတော် ဦးရေဝတ အမှတ်တရ ငြိမ်းချမ်းရေးဆုနှင့် လန်ဒန်အခြေစိုက် Index on Censorship အဖွဲ့ကြီးက ချီးမြှင့်သော "လွတ်လပ်စွာ ထုတ်ဖော် ပြောဆိုခွင့်ဆု ၂ဝဝ၈" တို့ကို ရရှိထားသူလည်း ဖြစ်သည်။

ဆရာတော်၏ လက်ရှိ ကျန်းမာရေးအခြေအနေနှင့် ပတ်သက်ပြီး ယနေ့တွင် ထောင်ဝင်စာ သွားတွေ့ခဲ့သည့် အမဖြစ်သူ မခင်သူဌေးအား မဇ္ဈိမသတင်းထောက် ဖနိဒါက ဆက်သွယ်မေးမြန်းချက်များကို တင်ပြလိုက်ပါသည်။

မေး။ အမရေ၊ ဦးဇင်းရဲ့ ကျန်းမာရေးအခြေအနေကို ဘယ်လိုကြားမိလဲရှင့်။

ဖြေ။ တော်တော်လေး ဆိုးနေတယ်။ ဦးဇင်းကို ထောင်ဝင်စာတွေ့တဲ့ ဧည့်ခန်းကို ခေါ်ခဲ့တယ်။ ဒီနေ့မနက် ၁၅ မိနစ်ပဲ တွေ့ခွင့်ရတယ်။ ဆေးရုံကို ပြီးခဲ့တဲ့ တနင်္ဂနွေနေ့ကတည်းကနေ တက်နေရတယ်။

မေး။ ဘာဖြစ်နေတယ်ဆိုတာရော အသေးစိတ် သိနိုင်မလားရှင့်။

ဖြေ။ ဆေးရုံမှာ လိုက်ပြီး တွေ့သင့်တာ။ တခုခုကို မေးလိုက်ရင် ဘာမှ စဉ်းစားလို့မရ ဖြစ်နေတာ။ စိတ်ပိုင်းဆိုင်ရာ ဖြစ်နေတဲ့ ပုံစံ ဖြစ်နေတယ်။ ဦးနှောက်နဲ့ အာရုံကြော ဆရာဝန်နဲ့ ပြဖို့လိုမယ်နဲ့ တူတယ်။ ဆေးတော့ သွင်းပေးတယ်လို့တော့ ပြောတယ်။ နေမကောင်းနေတဲ့ သူ့ကို ခင်ဗျာ့အမ ဘာဖြစ်တယ်၊ ညာဖြစ်တယ် ပြောတယ်လေ။ ဖြစ်တာက ဖျားကတည်းကနေ စဖြစ်တာပဲ။

မေး။ အမ ကရော ဦးဇင်းရဲ့ ကျန်းမာရေးအပေါ် ဘယ်လိုသုံးသပ်မိလဲရှင့်။

ဖြေ။ အင်းစိန် ဆေးရုံမှာပဲ။ သူတို့က အမနဲ့ ပတ်သက်ပြီး ဖိအားတွေ ပေးနေကြတာကိုး။ အမကို ဘာလုပ်မယ်၊ ညာလုပ်မယ်လို့ လုပ်ကြတာကိုး။ သူက အဲဒါတွေ စိတ်ဆင်းရဲနေတာ။ စိုးရိမ်နေရတာ။

မေး။ ဦးဇင်းကို ကြာသာပတေးနေ့ ရုံးထုတ်တဲ့အခါရော တရားရုံး ထွက်လာနိုင်ခဲ့လား။

ဖြေ။ ဆေးရုံကနေ ထွက်လာနိုင်တယ်။ မျက်နှာတွေ ချောင်ကျသွားတယ်။ မျက်နှာညှိုး နေတယ်။ တော်တော် ခံစားနေရရှာတယ်။

မေး။ ဦးဇင်းက ဘာတွေများ ပြောဖြစ်လဲ။

ဖြေ။ ဦးဇင်းက ပြောတယ်။ ''မမကြီးတဲ့ ကျုပ်ကို ဖိအားတွေ ပေးနေတယ်။ နိုင်ငံရေး မလုပ်ပါနဲ့'' တဲ့။ ''တပည့်တော် အရမ်းလည်း မလုပ်ပါဘူး'' လို့။ ''ဖြစ်နိုင်ရင် မကွေးတိုင်း ပေါက်အိမ်ကို နေပေးပါ'' တဲ့။ အဲလိုထိတောင် ပြောနေတာ။ တခြား သူ့ကို ဘယ်လောက်ထိ ဖိအားပေးနေလဲတော့ မသိဘူးပေါ့။

မေး။ ရုံးထုတ်တဲ့အခါ မိသားစု နားထောင်ခွင့်ရလား။

ဖြေ။ ဦးဇင်းနဲ့ ရှေ့နေတွေနဲ့တော့ တွေ့ခွင့်ရတယ်။ အမတို့ မိသားစုတွေနဲ့တော့ တွေ့ခွင့် မရသေးဘူး။

မေး။ ထောင်အာဏာပိုင်တွေကိုရော ဆရာဝန်နဲ့ ပြသခွင့်ရဖို့ တောင်းဆိုထားလားရှင့်။

ဖြေ။ မနက်ဖြန်မှ အာရုံကြောဆရာဝန်နဲ့ တွေ့ခွင့်ရဖို့ တောင်းဆိုမလို့။ မိသားစုနဲ့ စောင့်ရှောက်ခွင့် ရချင်တယ်။

မေး။ အမ အမျိုးသားနဲ့ မောင်လေးတွေရဲ့ အခြေအနေရော ဘယ်လို ရှိလဲ။

ဖြေ။ အမ အမျိုးသားနဲ့ မောင်လေးတို့လည်း မနေ့က အင်းစိန်ထောင်မှာ ရောက်လာပြီလေ။ ၆ တိုက်၊ ၆ ခန်းမှာ ထားတယ်တဲ့။ တနေ့က မြောက်ဒဂုံ တရားရုံးထုတ်တယ်။ ရမန်ပဲ ပေးလိုက်တယ်။ လာမယ့် ၂၀ ရက်နေ့ ပြန်ချိန်းတယ်။ သူတို့ကို ဥပဒေ ပုဒ်မ ၁၃ ̸ ၁ နဲ့ဆိုလား တရားစွဲထားတယ်။ နောက်ပြီးတော့ သူတို့ကို မနေ့က ရာဇ၀တ်မှုတွေနဲ့ရောပြီး ကြပ်သိပ်နေတဲ့ ကားနဲ့ ခေါ်လာတာတွေ့တော့ အမက စိတ်မချမ်းသာဘူး။ Taxi ငှားပေးမယ် ပြောတာတောင် မရဘူး။

မေး။ သူတို့အားလုံး ဘယ်နှစ်ယောက်လဲ။

ဖြေ။ မနေ့က တွေ့ဖြစ်တယ်။ အမျိုးသားနဲ့ မောင်လေးက တတွဲ။ ၄ ယောက်တတွဲ။ တယောက်က ဘားလမ်းအချုပ်ခန်းထဲမှာပဲ ရှိသေးတယ်။ အားလုံးပေါင်း ၇ ယောက်။

မေး။ သူတို့တတွေ နှိပ်စက်ခံရတယ် ဆိုတာကရော ဘယ်လိုကြားမိလဲရှင့်။

ဖြေ။ ဟုတ်ပါတယ်။ အမျိုးသားဆို မနေ့က တွေ့တော့ ရင်ဘတ် အောင့်နေတယ်တဲ့။ ကျန်းကျန်းမာမာတော့ ရှိပါတယ်။ ပိန်သွားတယ်။ မောင်လေးကိုတော့ သိပ်မခံရဘူးလို့ ပြောတယ်လေ။

မေး။ အမအနေနဲ့ ဦးဇင်းနဲ့ ပတ်သက်ပြီး ဘာများ ပြောချင်သေးလဲ။

ဖြေ။ ဦးဇင်းကို အမ တအား စိတ်ပူနေတယ်။ လိုအပ်တာတွေ လုပ်ပေးချင်တယ်။ ဦးနှောက်နဲ့ အာရုံကြောဆရာဝန်ကိုလည်း ပြသင့်တယ်လို့ ထင်တယ်။ အဲဒါကိုလည်း ပြချင်တယ်။ နောက်ပြီးတော့ ကိုယ်ကိုယ်တိုင် တွေ့ခွင့် မပေးရင်တောင်မှ အထဲမှာ အကိုတွေ မောင်လေးတွေနဲ့ အမျိုးသား ရှိတော့ ဦးဇင်းကို ပြုစုခွင့် ရချင်တယ်။ မနက်ဖြန်ဆိုလည်း အကိုကြီးကို သွားတွေ့မယ်။ ဒီနေ့ မတွေ့ခဲ့ရဘူး။ မနက်ဖြန်တော့ အမျိုးသားနဲ့ မောင်လေးတို့ကို သွားတွေ့ဖြစ်မယ်။

မေး။ အမရဲ့ မိသားစုတွေကို အခုလို ချုပ်နှောင်ထားတဲ့အပေါ် ဘာများ ထပ်ပြောချင်သေးလဲရှင့်။

ဖြေ။ စိတ်မကောင်းဘူး။ မြန်မာနိုင်ငံရဲ့ တရားဥပဒေဟာ သူတို့ လုပ်ချင်တိုင်း လုပ်နေတာလေ။ ဥပဒေမှ မရှိတာ။ ဦးဇင်းတို့မှ မဟုတ်ပါဘူး၊ ဒေါ်အောင်ဆန်းစုကြည်ကိုလည်း အမြန်လွှတ်စေချင်တယ်။ မြန်မာပြည်ကို အမြန် အပြောင်းအလဲ ရှိစေချင်တယ်။ ငြိမ်းချမ်းရေး ရစေချင်တယ်။ ပင်ပန်းပေမယ့် စိတ်ဓာတ် မကျဘူး။ အားတင်းထားတယ်။

ဘဏ္ဍာရေး အကျပ်အတည်း ပြေလည်ရေး ကမ္ဘာ့ ခေါင်းဆောင်တွေ ဆက်လက် ကြိုးပမ်းနေ

12 October 2008


ကမ္ဘာ တလွှား လတ်တလော ကြုံတွေ့နေရတဲ့ ဘဏ္ဍာရေး အကျယ်အတည်းကို ပူးပေါင်း ဖြေရှင်းရေး နည်းလမ်းရှာဖို့ ဥရောပ က ခေါင်းဆောင်တွေ မနေ့က ပြင်သစ်နိုင်ငံ ပဲရစ်မြို့မှာ တွေ့ဆုံခဲ့ကြပါတယ်။ အကြွေး ၀ယ်ယူတဲ့ စံနစ် ပြိုကျရာက ကမ္ဘာ့ စီးပွားရေး ဈေးကွက်ကြီး တခုလုံးနဲ့ စီးပွားရေး ဖွံ့ဖြိုး တိုးတက်မှုကို ထိခိုက်တော့မယ့်အရေး ဖြစ်လာတာကို ဟန့်တား ဖို့ နိုင်ငံပေါင်းစုံက ၀ိုင်းဝန်း ဖြေရှင်းကြဖို့ နောက်ဆုံး ကြိုးစားကြခြင်း ဖြစ်တဲ့အကြောင်း ၀ါရှင်တန်ကနေ ဗွီအိုအေ သတင်း ထောက် Michael Bowman က သတင်းပေးပို့ထားပါတယ်။

ဥရောပ ခေါင်းဆောင်တွေ ပြင်သစ်နိုင်ငံမှာ အခုလိုတွေ့ဆုံနေကြတဲ့ တချိန်တည်းမှာပဲ ပြီးခဲ့တဲ့သီတင်းပတ်ကုန်ပိုင်းက G – 7 စက်မှုဖွံ့ဖြိုး တိုးတက်တဲ့ နိုင်ငံ ၇ နိုင်ငံက ဘဏ္ဍာရေး ၀န်ကြီးတွေ တွေ့ဆုံခဲ့ကြတဲ့ နောက်ဆက်တွဲအဖြစ်နဲ့ ကမ္ဘာ့ဘဏ် နဲ့ နိုင်ငံတကာ ငွေကြေးရံပုံငွေအဖွဲ့ကလည်း ၀ါရှင်တန်မြို့မှာ ဆက်လက် ဆွေးနွေးနေကြပါတယ်။ အဲဒီ စက်မှု ဖွံ့ဖြိုး တိုး တက်တဲ့ နိုင်ငံတွေရဲ့ ဆွေးနွေးပွဲက တိကျခိုင်မာတဲ့ ဆုံးဖြတ်ချက် တစုံတရာ မရခဲ့ပေမယ့် အခက်အခဲနဲ့ ရင်ဆိုင်နေရတဲ့ ဘဏ်တွေကို ကူညီရေး၊ ဒေ၀ါလီခံမယ့် အရေးက ဟန့်တားရေးနဲ့ ငွေချည်းငှားနိုင်မှု ပြန်လည် လည်ပတ်နိုင်ရေး စတဲ့ကိစ္စ တွေမှာ နီးနီးကပ်ကပ် ပူးပေါင်း လုပ်ဆောင်ကြဖို့ သဘောတူခဲ့ကြပါတယ်။

လွန်ခဲ့တဲ့ သီတင်းပတ်အနည်းငယ်အတွင်း ဘဏ္ဍာရေးအဖွဲ့အစည်းတွေကို ကူညီတာတွေ၊ တင်းကျပ်ထားတဲ့ ငွေချည်းငှားတဲ့ စနစ်ကို လျှော့ချပေးတာတွေနဲ့ စိုးရိမ်ပူပန်နေတဲ့ ရင်းနှီးမြုပ်နှံသူတွေ စိတ်ချ လက်ချရှိလာအောင် တိုင်းပြည်တော်တော်များ များက ဖိဖိစီးစီး လုပ်ဆောင်လာနေကြပါတယ်။

အခက်အခဲနဲ့ ရင်ဆိုင်နေရတဲ့ အမေရိကန်ဘဏ်တွေမှာ ဗဟိုအစိုးရက တိုက်ရိုက် ရင်နှီးမြုပ်နှံဖို့ သမ္မတဘုရ်ှအစိုးရ ကလည်း အခု အဆိုပြုလာပါတယ်။ ဒီလိုလုပ်တာဟာ ပြဿနာတက်နေတဲ့ ဘဏ်တွေကို တနည်းအားဖြင့် အစိုးရက တစိတ်တပိုင်း နိုင်ငံပိုင် လုပ်ပစ်တာလည်း ဖြစ်ပါတယ်။ အလားတူ လုပ်ဆောင်ချက်တွေ ဥရောပနိုင်ငံ တော်တော် များများမှာလည်း လုပ် ဆောင်ပြီးနေပါပြီ။

ဘဏ်တွေရဲ့ လည်ပတ်မှုစနစ် တောင့်တင်းခိုင်မာလာအောင် လုပ်ဆောင်ဖို့က အရေးကြီးတယ်လို့ ဘဏ္ဍာရေး ၀န်ကြီး ဟောင်း Lawrence Summers က ပြောပါတယ်။

Lawrence Summers’ Act: “ အခုပြဿနာမှာ စတော့ဈေးကွက်က အဓိကမဟုတ်ပါဘူး။ ဘဏ်တွေရဲ့ လည်ပတ်မှု စနစ် ပုံမှန်ပြန်ဖြစ်လာအောင်လုပ်မှရမယ်၊ ပုံမှန်ပြန်ဖြစ်လာအောင်လည်း မြန်မြန်လုပ်မှရလိမ့်မယ်။ ”

မစ္စတာ ဆမ်းမားက တနင်္ဂနွေနေ့ အေဘီစီ ရုပ်မြင်သံကြားအစီအစဉ်မှာ ပြောသွားခဲ့တာပါ။

ပြီးခဲ့တဲ့ သီတင်းပတ်အတွင်း စတော့ဈေးကွက်အများစု ၂၀ ရာခိုင်နှုန်းအထိကျပြီး စံချိန် တင်ခဲ့ပါတယ်။ကမ္ဘာတလွားက အစိုးရတွေ စုပေါင်းပြီး ညီညွတ် ခိုင်မာစွာ လုပ်ဆောင်ကြမှသာ စတော့ဈေးတွေ ကျနေတာကို ဟန့်တားနိုင်မယ်လို့ ၀ါရှင် တန်အခြေစိုက် နိုင်ငံတကာ စီးပွားရေးအဖွဲ့က အကြီးအကဲ Fred Bergsten က CBS ရုပ်မြင်သံကြားအစီအစဉ်နဲ့ပြုလုပ်တဲ့ မေးမြန်းခန်းမှာ ပြောပါတယ်။

Fred Bergsten’s Act: “ ကျနော်တို့က ယုံကြည်မှုနဲတဲ့ ပြဿနာနဲ့ ရင်ဆိုင်နေရတာဗျ။ ငွေးကြေးဈေးကွက်က ထိန်းမနိုင်၊ သိမ်းမရတဲ့အခြေအနေလောက်ကို ရောက်နေတယ်။ အစိုးရနဲ့ ဗဟိုဘဏ်က သူတို့တွေ စိတ်အေးရအောင် လုပ်ဆောင်ပေးဖို့လိုတယ်။ ငွေချည်းငှားတဲ့ဈေးကွက် ပုံမှန် ပြန်လည်ပတ်နိုင်အောင်၊ ဘဏ်တွေ ငွေပြန်ချည်းနိုင်အောင်၊ စီးပွားစံနစ်ကြီးတခုလုံး ရှေ့ကို ဆက်တက်လှမ်းနိုင်အောင် အစိုးရနဲ့ ဗဟိုဘဏ်အနေနဲ့ တိကျ သေချာတဲ့ လုပ်ငန်းစဉ်တွေ အဆင့်လုပ်ဆောင်ပေးဖို့လိုတယ်ဗျ။ ယုံကြည်မှုတွေ ပြန်ရလာအောင် နောက် တရက်၊ နှစ်ရက်အတွင်း ဆုံးဖြတ်ချက် အမြန်ချမှတ် လုပ်ဆောင်ဖို့ လိုနေပြီ။ ”

သန်းနဲ့ချီတဲ့ အမေရိကန်ပြည်သူတွေ ကိုယ်မတတ်နိုင်တဲ့အကြွေးငွေတွေနဲ့ အိမ်တွေဝယ်ယူနိုင်အောင် ငွေချည်းငှားတဲ့ ကုမ္ပဏီတွေက အကျင့်သိက္ခာပျက်စွာ စံညွန်းတွေ လျှော့ချပြီး ချည်းငှားခဲ့ကြရာက အမေရိကန် အိမ်ယာမြေဈေးကွက် ပျက်ပြားပြီး တဖြည်းဖြည်းနဲ့ ကမ္ဘာ့ ဘဏ္ဍာရေးဈေးကွက်ကြီးတခုလုံးကို ထိပါးလာခဲ့တာပါ။

လွန်ခဲ့တဲ့သီတင်းပတ်အနည်းငယ်အတွင်းမှာတင် ဥရောပ၊ အာရှနဲ့ တခြား ဖွံ့ဖြိုးဆဲနိုင်ငံတော်တော်များများအထိ ဒီဘဏ္ဍာ ရေးဈေးကွက်ဂယက်က ရိုက်ခတ်လာခဲ့ပါတယ်။

ဒီပြဿနာကို ဖြေရှင်းဖို့အတွက် အခက်အခဲနဲ့ရင်ဆိုင်နေရတဲ့ ငွေကြေးအဖွဲ့အစည်းတွေ သိမ်းပိုက်တာ၊ ထောက်ပံ့ကူညီတာ၊ ကြီးမားတဲ့ ကယ်ဆယ်ရေးအစီအစဉ်တွေ ချမှတ်လုပ်ဆောင်တာနဲ့ စီးပွားရေးလုပ်ငန်းတွေ ပုံမှန်လည်ပတ်နိုင်အောင် ရေတို မှာ လိုအပ်တဲ့ ငွေချည်းငှားရေးစံနစ်ကို လွယ်ကူအောင် လုပ်ဆောင်ပေးတာတွေကို သမ္မတဘုရ်ှအစိုးရက လုပ်ဆောင်ခဲ့ပါ တယ်။

ဒီပြဿနာကို ဖြေရှင်းဖို့အတွက် နိုင်ငံတခုချင်းစီအနေနဲ့ စီမံကိန်း ချမှတ်လုပ်ဆောင်ဖို့ လိုအပ်တယ်လို့ စီးပွားရေး ပညာရှင်တွေနဲ့ အစိုးရ အရာရှိတွေအကြား ယုံကြည်နေကြပေမယ့် ဒီအခက်အခဲကြီး တခုလုံးရပ်တန့်ဖို့အတွက်ကတော့ တစ်ကမ္ဘာလုံးအတိုင်းအတာနဲ့ ပူးပေါင်း လုပ်ဆောင်မှရမယ်လို့ ဆိုပါတယ်။

စီးပွားရေး အကျပ်အတည်း ဖြေရှင်းရေး ငွေကြေးဆိုင်ရာ ကမ္ဘာ့ ခေါင်းဆောင်များဆွေးနွေး

12 October 2008


ကမ္ဘာ့ငွေကြေး အကျပ်အတည်း ကိုင်တွယ်ဖြေရှင်းရေး ဥရောပ ခေါင်းဆောင်များ ကမ္ဘာ့ဘဏ်၊ IMF အပြည်ပြည်ဆိုင်ရာ ငွေကြေးရံပုံငွေအဖွဲ့  ကတာဝန်ရှိသူများ သီးခြားစီစည်းဝေးတိုင်ပင်နေကြပါတယ်။ ပါရီမြို့ မှာပြင်သစ်သမ္မတ နီကိုလိုင်စာကိုဇီ က အီးယူ ဥရောပ သမဂ္ဂ၀င် ၁၄နိုင်ငံ ခေါင်းဆောင်များကို အိမ်ရှင်အဖြစ် ထိပ်သီးအစည်းအဝေးပွဲကို ဒီနေ့ ကျင်းပပေးနေပါတယ်။

ဗြိတိသျှ ၀န်ကြီးချုပ် ဂေါ်ဒါန် ဘရောင်းက ဗြိတိန်နိုင်ငံမှာ လုပ်သလို ဘဏ်တချို့ကို တပိုင်းတ၀က် နိုင်ငံပိုင် ပြုလုပ်ရေး ပုံစံမျိုး တခြား အီးယူ နိုင်ငံများကို နားချတိုက်တွန်းဖို့ ရည်ရွယ်ထားကြောင်း ပြောဆိုပါတယ်။ IMF အပြည်ပြည်ဆိုင်ရာ ငွေကြေး ရံပုံငွေ အဖွဲ့နဲ့ ကမ္ဘာ့ ဘဏ်တို့ကလည်း ၀ါရှင်တန်မြို့မှာ ဒီကိစ္စကို စည်းဝေး တိုင်ပင်နေကြပါတယ်။ စနေ့နေ့ကတော့ G7ခေါ် ကမ္ဘာ့ စက်မှု ထွန်းကား ၇နိုင်ငံက ဘဏ္ဍာရေး ၀န်ကြီးများနဲ့ အိမ်ဖြူတော်မှာ သမ္မတ ဘုရှ် စည်းဝေးပါတယ်။ သမ္မတ ဘုရ်ှက IMF ရုံးကို သွားရောက်ပြီးတော့ ချမ်းသာတဲ့ နိုင်ငံများနဲ့ ဖွံ့ဖြိုးစ နိုင်ငံများ ပါဝင်တဲ့ နိုင်ငံ ၂၀က ဘဏ္ဍာရေး ၀န်ကြီးများ၊ ဘဏ် တာဝန်ခံများနဲ့လည်း ဆွေးနွေးပါတယ်။

မြောက်ကိုရီးယားကို အကြမ်းဖက်ဝါဒ နာမည်ပျက်စာရင်းက ဖယ်ရှား

12 October 2008

David Gollust's Report in Burmese


မြောက်ကိုရီးယားနိုင်ငံရဲ့ နျူကလီးယားလက်နက်အစီအစဉ် အဆုံးသတ်ရေး ခြောက်နိုင်ငံဆွေးနွေးပွဲတွေ ပြန်စဖို့ မြောက်ကိုရီးယားနဲ့ အမေရိကန်တို့ သဘောတူလိုက်ကြပါပြီ။ မြောက်ကိုရီးယားက သူ့ရဲ့ နျူကလီးယားဆိုင်ရာ လုပ်ဆောင်မှုတွေနဲ့ ပတ်သက်လို့ အတည်ပြုနိုင်ရေးအတွက် အာမခံချက်အသစ်တွေ ပေးလာတဲ့အပေါ် အပြန်အလှန် အားဖြင့် အကြမ်းဖက်မှုကို အားပေးအားမြှောက်လုပ်တဲ့ နိုင်ငံတွေ စာရင်းထဲကနေ မြောက်ကိုရီးယားကို ဖယ်ရှားလိုက်ပြီလို့ သမ္မတဘုရ်ှအစိုးရက စနေနေ့ မှာပြောပါတယ်။ ကိုကျော်ကျော်သိန်းက အပြည့်အစုံ တင်ပြထားပါတယ်။

အခုသဘောတူညီချက်ဟာ သီတင်းပတ်အတော်ကြာ အဆင့်မြင့် သံတမန်ရေး ဆွေးနွေးပွဲတွေရဲ့ ရလဒ်ဖြစ်တယ်လို့ ဗွီအိုအေသတင်းထောက် David Gollust ပေးပို့တဲ့သတင်းထဲမှာ ဖော်ပြထားပါတယ်။ အကူအညီနဲ့ သံတမန်ရေးရာ အကျိုးအမြတ်တွေအတွက် မြောက်ကိုရီးယားက နျူကလီးယားအစီအစဉ်ကို ဖျက်သိမ်းဖို့ရာမှာ အတည်ပြုဖို့ လုပ်ငန်းစဉ်တွေနဲ့ ပတ်သက်ပြီး သဘောတူညီမှု ပျက်လုနီးပါး အငြင်းပွားနေတာတွေ အဆုံးသတ်သွားပြီ ဖြစ်ပါတယ်။

အမေရိကန်ရဲ့ နျူကလီးယား စေ့စပ်ညှိနှိုင်းရေးမှူးချုပ် ခရစ္စတိုဖာ ဟေးလ် လွန်ခဲ့တဲ့ သီတင်းတပတ်မှာ ပြုံယမ်း မြို့တော် သွားပြီး ဆွေးနွေးခဲ့တာအပါအ၀င် စေ့စပ်ညှိနှိုင်းမှုတွေရဲ့ အကျိုးရလဒ်အဖြစ် သဘောတူညီချက်ရခဲ့တာ ဖြစ်တယ်လို့ ဘုရှ် အစိုးရ တာဝန်ရှိသူတွေက ပြောပါတယ်။ ဇွန်လမှာ မြောက်ကိုရီးယားက ကြေညာခဲ့တဲ့ နျူကလီးယား အစီအစဉ်အပေါ် အတည်ပြုနိုင်ရေး အဓိကကျတဲ့ ပူးပေါင်း ဆောင်ရွက်မှုတွေပါဝင်တဲ့ လုပ်ဆောင်မှု တသီတတန်းကို မြောက်ကိုရီးယားက သဘောတူလိုက်ပါတယ်။

သဘောတူညီချက်အရ အမေရိကန်က မြောက်ကိုရီးယားကို အကြမ်းဖက်မှုဆိုင်ရာ နာမည်ပျက် စာရင်းကနေ ဖယ်ရှားပေးမယ်၊ အပြန်အလှန်အနေနဲ့ မြောက်ကိုရီးယားက ယုန်ဗြောင်း ဓာတ်ပေါင်းဖိုကို ပြန်လည်ပတ်မယ်ဆိုပြီး မကြာသေးခင်က ကြေညာထားတာကို မလုပ်တော့ဘူးလို့ အမေရိကန်နိုင်ငံခြားရေးဌာန ပြောရေးဆိုခွင့်ရှိသူ ရှောင်န် မက်ကောမက် (Sean McCormack) က ပြောပါတယ်။ နိုင်ငံခြားရေးဌာန ပြောရေးဆိုခွင့်ရှိသူ ရှောင်န် မက်ကောမက် (ဓါတ်ပုံ - ဗွီအိုအေ)
“အကြမ်းဖက်ဝါဒကို အားပေးအားမြှောက်လုပ်တဲ့ နိုင်ငံတခုအဖြစ် ကိုရီးယား ဒီမိုကရက်တစ် ပြည်သူ့သမ္မတနိုင်ငံအပေါ် သတ်မှတ်ထားတာကို နိုင်ငံခြားရေးဝန်ကြီးက လက်မှတ်ထိုး ဖယ်ရှားပေးလိုက်ပြီ ဖြစ်ပါတယ်။ မြောက်ကိုရီးယားက သူ့ရဲ့ နျူကလီးယား စက်ရုံတွေ ဖျက်သိမ်းတာကို ပြန်စမယ်လို့ ပြောပါတယ်။ ဒါဟာ အလုပ်ကို အလုပ်နဲ့ သက်သေပြရမယ် ဆိုတဲ့ ခြောက်နိုင်ငံရဲ့ မူဝါဒ အလုပ်ဖြစ်တယ် ဆိုတာ ပြသတာပါပဲ။”

အကြမ်းဖက်ဝါဒဆိုင်ရာ နာမည်ပျက်စာရင်းကနေ ဖယ်ရှားပေးမယ်ဆိုပြီး ပြီးခဲ့တဲ့ ဇွန်လ ၂၆ ရက်နေ့က ပေးခဲ့တဲ့ကတိကို အမေရိကန်က ဖောက်ဖျက်တယ်လို့ မြောက်ကိုရီးယားက စွပ်စွဲပြောဆိုပါတယ်။ အမေရိကန်ဘက်က ကျတော့လည်း ဒီလို ဖယ်ရှားပေးဖို့ ကိစ္စဟာ နျူကလီးယား အစီအစဉ်ကို အတည်ပြု သက်သေထူနိုင်ရေး မြောက်ကိုရီးက ပေးမယ့် လုပ်ငန်းအစီအစဉ်ပေါ်မှာ အမြဲတမ်း မူတည်နေတယ်လို့ ပြောခဲ့ပါတယ်။

သဘောတူညီလိုက်တဲ့ အတည်ပြု သက်သေထူနိုင်ရေး လုပ်ငန်းစဉ်ထဲမှာ ဟိုးအစောပိုင်းမှာ ကတည်းက အမေရိကန်က တောင်းဆိုလာခဲ့တဲ့ မြောက်ကိုရီးယားက မကြေညာသေးတဲ့ နျူကလီးယား စက်ရုံနေရာတွေကို သွားရောက်ခွင့် အပါအ၀င် အချက်အလက် အားလုံး ပါဝင်တယ်လို့ သတင်းထောက်တွေကို ရှင်းလင်းပြောကြားတဲ့ အစိုးရအဖွဲ့ တာဝန်ရှိသူတွေက ဆိုပါတယ်။

ကုလသမဂ္ဂဆိုင်ရာ အမေရိကန် သံအမတ်ဟောင်း ဂျွန် ဘိုလ်တန် အပါအ၀င် သမ္မတဘုရှ် အစိုးရကို ဝေဖန်သူတွေကတော့ နိုင်ငံခြားရေးဌာနဟာ နျူကလီးယားအရေး ဆွေးနွေးပွဲ ဆက်သွားနေနိုင်အောင် လုပ်တဲ့အနေနဲ့ အတည်ပြု သက်သေ ထူနိုင်ရေး လုပ်ငန်းစဉ်ကို လျှော့ပေါ့ပေးပြီး နိုင်ငံခြားရေးမူဝါဒဆိုင်ရာ အောင်မြင်မှုတခုအဖြစ် ကြွေးကျော်နေတယ်လို့ ပြောပါတယ်။ ရီပတ်ဘလီကန်ပါတီ သမ္မတလောင်း ဂျွန် မက်ကိန်းက လည်း အလားတူမှတ်ချက်မျိုး သောကြာနေ့မှာ ပြောပါတယ်။

သဘောတူညီချက်မှာ အမေရိကန်အစိုးရက လိုချင်တဲ့ အချက်အလက် အားလုံးပါဝင်ပြီး ပြည်တွင်းနိုင်ငံရေးပေါ် အခြေခံ စဉ်းစားတာ မဟုတ်ဘဲ အမေရိကန် အမျိုးသားအကျိုးစီးပွားပေါ် အခြေခံစဉ်းစားခဲ့တာ ဖြစ်တယ်လို့ မက်ကောမက် က ပြောပါတယ်။

“အမေရိကန်ပြည်ထောင်စုအနေနဲ့ ကိုရီးယားကျွန်းဆွယ်မှာ နျူကလီးယားကင်းရှင်းရေး ရည်မှန်းချက်ကို အဆုံး တနေ့မှာရရှိဖို့ အခု ဆုံးဖြတ်ချက်တွေက အထောက်အကူဖြစ်စေမှာ မဟုတ်ဘူးဆိုရင် သမ္မတ နဲ့ နိုင်ငံခြားရေးဝန်ကြီးတို့ဟာ ဒီလိုဆုံးဖြတ်ချက်မျိုးတွေ ချမှတ်မှာ မဟုတ်ပါဘူး။ ထပ်ပြောပါရစေ၊ ဒီသဘောတူညီချက်ဟာ မူဝါဒကို အပေးအယူမလုပ်ဘဲ ရယူခဲ့တာပါ။”

အကြမ်းဖက်ဝါဒဆိုင်ရာ နာမည်ပျက် စာရင်းထဲကနေ မြောက်ကိုရီးယားကို ဖယ်ရှားလိုက်တာဟာ ဂျပန်နိုင်ငံရဲ့ တည်ငြိမ်မှုကို ခြိမ်းခြောက်သလို ဖြစ်တဲ့အကြောင်း သမ္မတလောင်း မက်ကိန်း အပါအ၀င် တချို့က ပြောကြပါတယ်။ ၁၉၇၀ နဲ့ ၈၀ ပြည့်နှစ်တွေမှာ မြောက်ကိုရီးယားက ပြန်ပေးဆွဲ ဖမ်းဆီးသွားခဲ့တဲ့ ဂျပန်နိုင်ငံသားတွေနဲ့ပတ်သက်ပြီး ရှင်းလင်းချက်ပေးဖို့ ဂျပန်နိုင်ငံက ဖိအားပေး တောင်းဆိုနေတာပါ။

ပြန်ပေးဆွဲကိစ္စအပေါ် ဂျပန်ရဲ့ ရပ်တည်ချက်ကို အမေရိကန်က အကြွင်းမဲ့ထောက်ခံပြီး ပြန်ပေးဆွဲခံရသူ ဂျပန် နိုင်ငံသားတွေနဲ့ မိသားစုတွေ ခံစားရတာတွေကို ဘယ်တော့မှ မေ့မှာမဟုတ်ပါဘူးလို့ မက်ကောမက် က ပြောပါတယ်။

အကြမ်းဖက်ဝါဒဆိုင်ရာ ဒဏ်ခတ် ပိတ်ဆို့အရေးယူမှုကနေ မြောက်ကိုရီးယားကို ဖယ်ရှားလိုက်ပေမယ့် ၂၀၀၆ ခုနှစ် နျူကလီးယား လက်နက် စမ်းသပ်မှုနဲ့ပတ်သက်တဲ့၊ နျူကလီးယား ပြန့်ပွားစေတာတွေနဲ့ ပတ်သက်တဲ့၊ လူ့အခွင့်အရေး မှတ်တမ်းတွေနဲ့ ပတ်သက်တဲ့ ဒဏ်ခတ် အရေးယူမှု အများအပြားကတော့ ဒီတိုင်း ဆက်ရှိနေဦးမှာ ဖြစ်တယ်လို့လည်း မက်ကောမက် က ပြောပါတယ်။

ဂျပန်ဝန်ကြီးချုပ် တရို့ အဆို့ ဆီ စနေနေ့မနက်က တယ်လီဖုန်းနဲ့ ဆက်သွယ် ပြောဆိုရာမှာလည်း သမ္မတ ဘုရ်ှက အလားတူ အချက်တွေကို ပြောခဲ့တဲ့အကြောင်း သမ္မတ အိမ်ဖြူတော် က ဆိုပါတယ်။

ဒီမိုကရက်တစ်သမ္မတလောင်း ဘရက် အိုဘားမားရဲ့ ထုတ်ပြန်ချက်မှာ ဒီသဘောတူညီချက်ကို ရှေ့တဆင့်တက် ခြေလှမ်း တရပ် အဖြစ် ခေါ်ဆိုထားပါတယ်။ မြောက်ကိုရီးယားက သူလုပ်ဆောင်ရမှာတွေကို ပျက်ကွက်တယ်ဆိုရင် နောက်ဆက်တွဲ အကျိုးဆက်တွေ ချက်ခြင်း ဖြစ်လာမယ်ဆိုတာ ရှင်းရှင်းလင်းလင်း နားလည်မှုရှိထားသရွေ့ အကြမ်းဖက်ဝါဒဆိုင်ရာ နာမည်ပျက် စာရင်းထဲကနေ မြောက်ကိုရီးယားကို ဖယ်ရှားလိုက်တာဟာ သင့်လျော်တဲ့လုပ်ရပ် ဖြစ်တယ်လို့ ဘရက် အိုဘားမားက ပြောကြောင်းပါ။

ဒေါ်အောင်ဆန်းစုကြည်အား ဖမ်းဆီးထားခြင်းနှင့်ပတ်သက်၍ ဥပဒေလမ်းကြောင်းအရ တရားဝင်ဖြစ်ရန် အယူခံတင်

ဉာဏ်မောင်။ အောက်တိုဘာ ၁၁၊ ၂၀၀၈

မြန်မာဒီမိုကရေစီခေါင်းဆောင် ဒေါ်အောင်ဆန်းစုကြည်အား ဖမ်းဆီးချုပ်နှောင်ထားခြင်းနှင့်ပတ်သက်၍ စစ်အစိုးရအာဏာ ပိုင်များထံ ဥပဒေကြောင်းအရ တရားဝင်ဖြစ်အောင် အယူခံစာ တင်သွင်းကြောင်း ပါတီပြောရေးဆိုခွင့်ရှိသူက ဆိုသည်။

အဆိုပါအယူခံစာကို အမျိုးသားဒီမိုကရေစီအဖွဲ့ချုပ်မှတဆင့် သူမအား နေအိမ်အကျယ်ချုပ်ရှိနေမှုနှင့် ပတ်သက်၍ နေပြည် တော်ရှိ စစ်အစိုးရထံ ပြီးခဲ့သည့် ကြာသာပတေးနေ့က ပေးပို့ ခဲ့ခြင်းဖြစ်ကြောင်း AFP သတင်းတွင် ဖော်ပြထားသည်။

“ရှေ့နေဦးလှမျိုးမြင့်က နေပြည်တော်မှ အစိုးရအဖွဲ့ထံကို ကြာသပတေးနေ့ကတည်းက အယူခံစာပေးပို့ပြီး ဖြစ်ပါတယ်။ သူတို့လက်ခံရရှိကြောင်းလည်း လက်မှတ်ရေးထိုးထားပါတယ်”ဟု NLD ပြောရေးဆိုခွင့်ရှိသူ ဦးဉာဏ်ဝင်းက AFP သို့ ပြောသည်။

အယူခံစာတင်သွင်းမှုနှင့်ပတ်သက်၍ မကြာခင်အချိန်တွင်း ကြားသိကြရမည်ဖြစ်ကြောင်း ၎င်းက ထပ်လောင်းပြောဆိုခဲ့သည်။

“ဒေါ်အောင်ဆန်းစုကြည် လွတ်မြောက်ရေးအတွက် အယူခံစာနဲ့ နည်းလမ်းဖွင့်တယ်လို့ ကျနော်တို့ ပြောနိုင်ပါတယ်။ အခုထိတော့ ဘယ်လောက်ထိ တိုးတက်မှုရှိတယ်ဆိုတာကိုတော့ ပြောဖို့ စောပါသေးတယ်”ဟု ပြောသည်။

ဒေါ်အောင်ဆန်းစုကြည်သည် စက်တင်ဘာလအတွင်းက ရှေ့နေဦးကြည်ဝင်းနှင့် တွေ့ဆုံပြီး ဥပဒေကြောင်းအရ တရားဝင် အယူခံစာတင်သွင်းရန် နောက်ဆုံးမူကြမ်းကို ခွင့်ပြုခဲ့သည်။

ဒေါ်အောင်ဆန်းစုကြည်သည် ပြီးခဲ့သည့် သြဂုတ်လအတွင်းက မြန်မာနိုင်ငံသို့ ရောက်ရှိလာ သော ကုလသမဂ္ဂအထူးကိုယ်စားလှယ် မစ္စတာ အီဗရာဟင်ဂမ်ဘာရီကို မြန်မာနိုင်ငံ ဒီမိုကရေစီ ပြုပြင်ပြောင်းလဲမှုလုပ်ဆောင်ရာတွင် တိုးတက်မှုအလွန်နှေးကွေးသည့်အတွက် ထင်သာမြင်သာ အောင် ကန့်ကွက်ဆန္ဒပြသည့်အနေဖြင့် တွေ့ဆုံရန် ငြင်းဆန်ခဲ့သည်။

ဘက်ပေါင်းစုံအခက်အခဲများကြောင့် နွေစပါး အရှုံးပေါ်သည့်အပြင် မိုးစပါးအတွက် မျှော်လင့်ချက်နည်း

ဖြိုးကြီး။ အောက်တိုဘာ ၁၁၊ ၂၀၀၈

မြန်မာပြည်အလယ်ပိုင်းဒေသများတွင် စပါးစိုက်တောင်သူများအတွက် လိုအပ်သည့် စိုက်ပျိုးရေး သုံးပစ္စည်းများ ဈေးနှုန်းမြင့်မားမှုနှင့် ဆည်ရေရရှိမှု မရှိခြင်းများကြောင့် အခက်အခဲများနှင့် ကြုံတွေ့နေရသည်။

မိထ္ထီလာကန်အောက်ဘက် သဲတော၊ ကင်ဦး၊ မောင်းလောင်းနှင့် ညောင်ကုန်းကျေးရွာများမှ တောင်သူများမှာ စပါးစိုက်ပျိုးချိန်တွင် မိုးခေါင်းနေပြီး ဆည်မှရေပေးခြင်းမရှိသည့်အပြင် ဓါတ်မြေသြဇာများထုတ်ပေးရာတွင် အရည်အသွေးကောင်းမွန်းခြင်းမရှိသည်များကို ထုတ်ပေး နေသောကြောင့် ဖြစ်သည်။

“ရေကမရှိတော့ မိုးစပါးအတွက် ကန်ကလဲ ရေမထုတ်ပေးဘူး၊ အဲမှာ ပျိုးတွေသေကုန်တယ်၊ အဲတော့ ရေလာအောင် ဆည်မြောင်းအဖွဲ့တွေကို ငွေပေးရတာတွေရှိတယ်၊ ဓါတ်မြေသြဇာ ထောက်ပံ့တာမရှိဘူး၊ တော်တော် အခက်အခဲတွေဖြစ်နေတယ်၊ နွေစပါးတုန်းကလဲ ရှုံးတယ်”ဟု ဒေသခံ စပါးစိုက်တောင်သူတဦးက ပြောသည်။

ဓါတ်မြေသြဇာများ ထုတ်ပေးရာတွင် ပုလဲဓါတ်မြေသြဇာတအိတ်လျှင် ၂၂,၀၀၀ ကျပ် လက်ငင်း ပေးရပြီး အခြားအရည် အသွေးမပြည့်သည့် ဖော့စဖရိတ်တအိတ်လျှင် ၁၉,၀၀၀ ကျပ်ကို အကြွေးဖြင့် မယူမနေရ ထုတ်ပေးသဖြင့် အပြင်တွင် ပုလဲတအိတ် ၂၉,၀၀၀ ကျပ်ဖြင့်သာ ဝယ်သုံးနေရကြောင်း ၎င်းက ဆက်ပြောသည်။

“သူတို့က နှစ်မျိုးစလုံးယူမှရတယ်၊ တမျိုးတည်းဆိုမရောင်းတော့ အပြင်မှာဝယ်သုံးရတယ်၊ အဲတော့ ပိုနစ်နာတာပေါ့၊ နွေစပါးတုန်းကလဲ ရေမရတာနဲ့ အဲလို ဓါတ်ဆားဈေးကြီးတာတွေနဲ့ ဆိုတော့ ကျနော်တို့ တဧကကို အနည်းဆုံး (၂) သိန်းလောက် ရှုံးသွားတယ်”ဟု အဆိုပါ တောင်သူက ပြောသည်။

တောင်သူများအနေဖြင့် နွေးစပါးစိုက်ပျိုးရာတွင် အရှုံးပေါ်ခဲ့သည့်အပြင် ယခု မိုးစပါးစိုက်ပျိုးချိန် တွင်လည်း အခက်အခဲများနှင့်ရင်ဆိုင်နေရပြီး စပါးရောင်းချိန်တွင်လည်း ကုန်သည်များ၏ ဈေးကစားမှုကြောင့် စပါးဈေးကျနေသည့်အတွက် ထပ်မံအရှုံးနှင့်သာ ရင်ဆိုင်ရမှာဖြစ်ကြောင်း တောင်သူက ပြောသည်။

“အစိုးရက စပါးဈေးကို သေသေချာချာ သတ်မှတ်ထားတာလဲမရှိတော့ ကုန်သည်တွေက ကြိုက်သလို လုပ်တယ်၊ ကျနော်တို့တောင်သူတွေအတွက် ဘာမှ အာမခံချက်မရှိဘူး၊ ကျနော်တို့ ဘက်မှာတင် ဧက (၅၀၀၀) လောက်ရှိတာ၊ အခုအကုန်လုံး အရင်းတဝက်လောက်ပြန်ရဖို့တောင် မလွယ်ဘူးဖြစ်နေတယ်”ဟု ဆက်လက်ပြောဆိုသည်။

ဒေါက်တာမန်းသက်စံ နှလုံးရောဂါဖြင့် ကွယ်လွန်

Kaowao အောက်တိုဘာ ၁၁၊ ၂၀၀၈။

မော်လမြိုင်ဒီကရီကောလိပ်နှင့် ပုသိမ်ဒီကရီကောလိပ်တို့တွင် ကျောင်းအုပ်ကြီးအဖြစ် တာဝန်ထမ်းဆောင်ခဲ့ဘူးသူ ဒေါက်တာမန်းသက်စံ (PhD) အသက် ၇၉ နှစ်သည် ယမန်နေ့က ရန်ကုန်မြို့ ရွှေတောင်ကြားရပ်ကွက်ရှိ နေအိမ်တွင် နှလုံးရောဂါဖြင့် ရုတ်တရက် ကွယ်လွန်အနိစ္စရောက်ခဲ့ကြောင်း သိရှိရပါသည်။

ဆရာ၏ ဈာပနကို လာမည့် အောက်တိုဘာလ ၁၄ ရက် (သီတင်းကျွတ်လပြည့်နေ့) ညနေ ၄ နာရီတွင် ရေဝေး သုသာန်၌ မီးသင်္ဂြိုဟ် အခမ်းအနား ပြုလုပ်မည်ဖြစ်ကြောင်း ကျန်ရစ်သူ မိသားစုတို့ ပြောကြားခဲ့ပါသည်။
ဒေါက်တာမန်းသက်စံကို မော်လမြိုင်မြို့နယ် ကတိုးကော့နှပ် ဇာတိရွာတွင် အဖ နိုင်ထွန်းအောင်၊ မိခင် ဒေါ်သိန်းတင် တို့မှ မွေးဖွားခဲ့ပြီး ဓါတုဗေဒ ပညာရပ်ဖြင့် BSင , MSင နှင့် နိုင်ငံခြားတွင် PhD ဘွဲ့တို့ကို လေ့လာသင်ယူခဲ့ပါသည်။ ကျန်ရစ်သူဇနီး ဒေါ်ဌေးရီနှင့် သားသမီးနှစ်ဦး ထွန်းကားခဲ့ပါသည်။

မဆလခေတ်တွင် အမှတ် (၂) စက်မှုဝန်ကြီးဌာန ဒု-ဝန်ကြီး၊ နိုင်ငံတော်ပြည်သူ့တရားသူကြီး အဖွဲ့ဝင်၊ ညွန်ကြားရေးမှူးချုပ် ဗဟိုသုတေသနလုပ်ငန်းတို့တွင် တာဝန်ထမ်းဆောင်ခဲ့ဘူးသူ ဖြစ်သည်၊ မွန်ပြည်သစ်ပါတီ အပစ်ခတ်ရပ်ပြီး ကာလ၌ ပါတီလက်အောက်ခံ ရာမည အင်တာနေရှင်နယ် ကုမ္ပဏီလိမိတက်တွင် အကြံပေးပုဂ္ဂိုလ်အဖြစ် ဆောင်ရွက်နေပါသည်။ တက္ကသိုလ်များ မွန်စာပေယဉ်ကျေးမှုအဖွဲ့ နာယကအဖြစ် တက္ကသိုလ်ကောလိပ်ကျောင်းတွင် တာဝန်ထမ်းဆောင်စဉ် အမြဲတမ်း ပါဝင်ခဲ့ပါသည်။