Sunday, October 19, 2008

ဗမာ့ အောင်ဆန်း


အဆိပ်အတောက် ရွှေတြိဂံ ရှင်းတမ်း

တရုတ် စာနယ်ဇင်းသမားများ ရေးသည်။ ဖြူစင် ဘာသာပြန်သည်။အခန်းဆက် ဘာသာပြန် မှတ်တမ်း - ၂
အောက်တိုဘာ ၁၇၊ ၂၀၀၈
အပိုင်း (၁)

ရွှေတြိဂံရဲ့ အကြီးမားဆုံးသော ကိန်းဂဏန်းအပြောင်းအလဲ

အမေရိကန်ပြည်က ဂြိုဟ်တုအာရုံခံနည်းပညာကို သုံးပြီး ထပ် တဖန် ကွန်ပျူတာနည်းပညာနဲ့ပါ ကိုင်တွယ်ဆောင်ရွက်လာတဲ့အခါ မြန်မာ ပြည်မြောက်ပိုင်း ရွှေတြိဂံနယ်မြေဒေသမှာ ဝ အဖွဲ့အစည်းဒေသ က ပင်မ အဓိကထားပြီး ပေါ်ပီပင် (poppy ဘိန်းပင်) စိုက်ပျိုးမှုမြေဧရိယာတိုးချဲ့မှုက မနှစ်ကထက် ကိန်းဂဏန်း အဆပေါင်း မြောက်များစွာ တိုးမြင့်လာတာကို တွေ့မြင်ကြရပါတယ်။

ကမ္ဘာပေါ်မှာ မူးယစ်ဆေးဝါးရောင်းဝယ်ဖောက်ကားမှုအတွက် ရည်စူးပြီး လက်နက်တပ်ဆင်ကြတဲ့ အကြီးမားဆုံး လှုပ်ရှားဆောင်ရွက်ချက် တွေအထဲမှာ အမေရိကန်ရဲ့ ဆောင်ရွက်ချက်က ဒီလိုရှိနေပါတယ်။ အမေရိကန်က ထိုင်းမြန်မာ နယ်စပ်မျဉ်းကြောင်းတလျှောက်မှာ စစ်ရေးနဲ့ ကိုင်တွယ် ရာမှာ ဝ ညွန့်ပေါင်း မဟာမိတ် စစ်တပ် အဖွဲ့အစည်းကို စစ်ဆင်ရေးပုံစံမျိုးနဲ့ ပြုမူဆောင်ရွက်ပြီး လေပြင်ဝေဟင်ကနေ ထိုးနှက် တိုက်ခိုက် လို့ နေပါတယ်။
x x x

၂ဝဝ၂ ခုနှစ် နွေဦး။ ရွှေတြိဂံသမိုင်းတလျှောက်လုံး အကြီးမားဆုံး သော ကိန်းဂဏန်း

ပြောင်းလဲမှုကြီး စတင် ပေါ်ထွန်း လာတော့မယ့် အာရုဏ်ဦး။

ဖေဖော်ဝါရီလ ၂၇ ရက်နေ့။ ကမ္ဘာ့ကုလသမဂ္ဂမူးယစ်ဆေးဝါး တိုက်ဖျက်ရေးဌာနကြီးက နှစ်ချုပ်အစီရင်ခံချက်ကို ထုတ်ပြန်လိုက်တယ်။ 'မြန်မာနိုင်ငံဟာ မျက်မှောက်အချိန်ကာလမှာ ဘိန်းထုတ်လုပ်မှုအများဆုံး နိုင်ငံဖြစ်တယ်။ တစ်ကမ္ဘာလုံး ဘိန်းထွက်ရှိမှုရဲ့ ၅ဝ%-၆ဝ% ကို မြန်မာ နိုင်ငံက ထုတ်လုပ်နေပါတယ်' ယခင်အတိတ်က အချက်အလက်တွေက အထင်အရှားဖော်ပြထားပါတယ်။ ရွှေတြိဂံဘိန်းစိုက်ပျိုးမှုက မြန်မာနိုင်ငံက ၈၉%၊ လောနိုင်ငံက ၈% ၊ ထိုင်းနိုင်ငံက ၂% အသီးသီးရှိကြပါတယ်။ ရွှေတြိဂံရဲ့ မူးယစ်ဆေးဝါးပိတ်ပင်ဟန့်တားတိုက်ဖျက်ရေးဆိုတဲ့ လုပ်ဆောင် ချက်က မြန်မာပြည်မြောက်ဘက် နယ်မြေဒေသကို အဓိကထား ကိုင်တွယ် ဆောင်ရွက်ကြရမှာဖြစ်တယ်ဆိုပြီး ဆုံးဖြတ်ချက် ချထားပါတယ်။ ဒါကြောင့် လည်း တစ်ကမ္ဘာလုံးရဲ့ မျက်လုံးတွေက နွေဦးသစ်ကာလပိုင်းတွေမှာ မြန်မာ ပြည်မြောက်ဘက်နယ်မြေဒေသကို ဆုံချက်တစ်ခုအဖြစ် စောင့်ကြည့်နေကြ ပါပြီ။

၂ဝဝ၁ ခုနှစ် နှစ်ကုန်ပိုင်းကနေ ၂ဝဝ၂ ခုနှစ် နွေဦး ဇန်နဝါရီနဲ့ ဖေဖော်ဝါရီလ ကြားကာလအချိန်ပိုင်းဟာ ရွှေတြိဂံတောင်ကြောအနှံ့ ပေါ်ပီပန်း (ဘိန်းပန်း) တွေ ဝေဝေဆာဆာ ပွင့်လန်း ကြတဲ့အခါသမယ ဖြစ်နေပါတယ်။ ဝေသီခေါင်ဖျားမြင့်မြင့်မားမား ကောင်းကင်ဝေဟင်ဆီကနေ စောင့်ကြပ်တိုင်း ထွာတဲ့ ဂြိုဟ်တုဆီက အောက်မြေလွှာဘက်ဆီမှာ ဘယ်ဟာကဖြင့် သဘာဝ သစ်ပင် ပန်းမာလ်တွေ ဖြစ်တယ်၊ ဘယ်ဟာကဖြင့် လူတို့ရဲ့ လုံ့လအားနဲ့ ပြုစု ပျိုးထောင်ထားတဲ့ ပေါ်ပီ (ဘိန်းပင်) တွေ ဖြစ်ချေသလဲဆိုတာကို အလွယ် တကူခွဲခြားနိုင်ပါတယ်။ ပေါ်ပီပင် စိုက်ပျိုးမှု မြေဧကအကျယ်အဝန်းကို စောင့်ကြပ်တိုင်းထွာခြင်းဆိုတာက မူးယစ်ဆေးဝါးထုတ်လုပ်မှုကို တိုက်ရိုက် ထောက်ပြချက်ထဲက ဆန်းစစ်ချက် တစ်ခုပဲဖြစ်ပါတယ်။

အမေရိကန်ပြည်ထောင်စုက ဂြိုဟ်တုအာရုံခံနည်းပညာသုံးပြီး ကွန်ပျူတာနည်းပညာနဲ့ပါ ထပ်ဆင့် ဆောင်ရွက်တဲ့အခါ မြန်မာပြည်မြောက်ပိုင်း ရွှေတြိဂံဒေသ ဝအဖွဲ့အစည်းနယ်မြေက ပေါ်ပီပင် (ဘိန်းပင်) အဓိက စိုက်ပျိုး တဲ့ မြေဧက မနှစ်ကထက် ကိန်းဂဏန်းအဆပေါင်းများစွာ တိုးလာတာကို တွေ့ရှိရပါတယ်။

ဒီတွေ့ရှိချက်ကြောင့် တမဟုတ်ချင်းမှာပဲ အနောက်နိုင်ငံတခွင်လုံး ရယ်၊ နိုင်ငံတကာ လူ့ဘောင်လောကကြီးကိုပါ ကိုင်လှုပ်လိုက်ပါတယ်။ ကမ္ဘာ့တစ်ခွင်လုံး သောသောညံ ဂယက် ရိုက်ခတ် သွားပါတယ်။ မူးယစ်ဆေးဝါး ဆိုတာက ရှေးဦးကတည်းက လူသားမျိုးဆက်တစ်ခုလုံးရဲ့ ဘုံရန်သူ ဖြစ်ခဲ့ ပြီးဖြစ်တယ်။ နိုင်ငံတကာ လူ့ဘောင်တစ်ခုလုံး နှစ်ကာလပေါင်းများစွာ မူးယစ်ဆေးဝါး တိုက်ဖျက်ရေး ကြိုးပမ်းမှုရဲ့ ရလာဒ်အကျိုးပါပဲ။ ဒီတွေ့ရှိချက် က အကြွင်းအကျန်ကလေးတောင် ဘာတစ်ခုမှမရှိတော့ဘဲ ဗလာနတ္တိ အဖြစ် ခံလိုက်ရသယောင်ယောင်ဖြစ်သွားပါတယ်။

မတ်လ ၂၇ ရက်နေ့။

အတင်းအကြပ်ဖိအားပေးမှုတွေကြောင့် မြန်မာနိုင်ငံအစိုးရ ပြည်ထဲရေးဝန်ကြီးဌာနက မြန်မာနိုင်ငံအခြေစိုက် ၁၇ နိုင်ငံ သံအမတ်ကြီးများနဲ့ ရွှေတြိဂံ မူးယစ်ဆေးဝါး ဟန့်တားတိုက်ဖျက်ရေး စူးစမ်းလေ့လာရေးအဖွဲ့ကို ဖွဲ့စည်းလိုက်ပါတယ်။

ဒီမတိုင်ခင် ရက်သတ္တ တစ်ပတ်လောက်က ကမ္ဘာ့ကုလသမဂ္ဂ မူးယစ်ဆေးဝါးဟန့်တားတိုက်ဖျက်ရေး ဌာနက နက်နက်ရှိုင်းရှိုင်း စူးစမ်းလေ့လာဖို့ အလားတူအဖွဲ့အစည်းမျိုးကို ဖွဲ့စည်းထားနှင့်ပြီးဖြစ်ပါတယ်။ ကုလသမဂ္ဂက ဖွဲ့စည်းထားတဲ့ အဖွဲ့အစည်း ကြီးရဲ့ စူးစမ်းလေ့လာမှုအရ တွေ့ရှိခဲ့ရတာကတော့ လွန်ခဲ့တဲ့ နှစ် ဆောင်းရာသီနှင့် ဒီနှစ် နွေဦးရာသီကာလတွေမှာ မြန်မာနိုင်ငံ မြောက်ဘက် နယ်မြေဒေသက မူးယစ်ဆေးဝါး အနေအထားဟာ တကယ့်ကိုပဲ အရမ်းကို ခက်ထန်ကြမ်းတမ်းနေတာကို တွေ့ခဲ့ကြရတာပါတယ်။

မတ်လဆန်း …

ထိုင်းနိုင်ငံက ထိုင်းနိုင်ငံသစ်ပြည်သူ့ပါတီ ဥက္ကဋ္ဌ ပုဆာချုတိခု ရေးသားတဲ့ ဆောင်းပါးရဲ့ ထုတ်ဖော်ရေးသားချက်က အမေရိကန်ရဲ့ အသစ်လွင်ဆုံးသတင်းအချက်အလက်အဖြစ် ပျံ့နှံ့သွားပါတယ်။

'ကမ္ဘာပေါ်က အင်အားအကြီးမားဆုံး မူးယစ်ဆေးဝါး ရောင်းဝယ်ဖောက်ကား ရေး လက်နက်ကိုင် တွေထဲက လှုပ်ရှားနေတဲ့ အဖွဲ့တစ်ဖွဲ့ကို ရည်စူးပြီး အမေရိကန်ပြည်ထောင်စုက ကိုင်တွယ် ဆောင်ရွက်နေပါတယ်။ အမေရိကန် ရဲ့ ဆောင်ရွက်ပုံက ထိုင်းမြန်မာ နယ်ခြားမျဉ်းကြောင်းတလျှောက် စစ်ရေးနဲ့ ဆောင်ရွက်မှုကို မဖယ်ရှားဘဲ၊ ဝ မဟာမိတ် ညွန့်ပေါင်းအဖွဲ့အစည်းကို စစ်ဆင်ရေးအသွင်သဏ္ဍာန်နဲ့ လေကြောင်းကနေ ထိုးနှက်မှာဖြစ်တယ် '

ဒီသတင်း တမဟုတ်ချင်းပဲ ရွှေတြိဂံနယ်မြေဒေသက များပြားလှတဲ့ တိုင်းရင်း သားလက်နက်ကိုင်အဖွဲ့အစည်းတွေကို ယောက်ယတ်ခတ်သွားပါ တယ်။

မတ်လ ၁၈ ရက် …

ထိုင်းနိုင်ငံ ဘန်ကောက်က အင်္ဂလိပ်ဘာသာ နဲ့ ထုတ်တဲ့ 'စာပို့သတင်း' မှာ အများသိရှိအောင် ဗြောင်ကျကျ စီရင်ခံ ထုတ်လွှင့်လိုက်တဲ့ အမေရိကန်ပြည်ထောင်စု ပြည်ထဲရေးဌာန မူးယစ် ဆေးဝါး ဆိုင်ရာ တာဝန်ခံနှင့် တရားဥပဒေရေးရာ နိုင်ငံခြားရေးရာ အထောက်အကူပြု ဝန်ကြီး နန်တက်-ပီသြရယ်၊ အကြမ်းဖက်အုပ်စုနှိမ်နင်းရေး အထူးသံတမန် စူဖရန်စီစူ-ထိုင်းကျဲ့တို့က အမေရိကန် ဆီးနိတ်ကြားနာမှုညီလာခံမှာ ထုတ်ဖော်ပြောကြားပါတယ်။

သူရဲ့ ထုတ်ဖော်ချက်ထဲမှာ ဝ မဟာမိတ် (ညွန့်ပေါင်း) တပ်ဖွဲ့ကို ဟောသလို ပြစ်တင်စကားပြောကြားပါတယ်။

'တစ်ယောက်မကျန် အားလုံးက သိနှင့်ပြီးသားလည်း ဖြစ်တယ်။ ကမ္ဘာ တခွင်လုံးက မူးယစ်ဆေးဝါး ကုန်သွယ်မှုလုပ်ငန်းကြီးတို့နှင့် ပေါင်းကူးဆက် သွယ်နေသော အကြမ်းဖက်ဝါဒီအဖွဲ့အစည်း' ဆိုပြီး စကားလုံးကြမ်းကြမ်းနဲ့ ဝ အဖွဲ့အစည်းကို လက်ညှိုးငေါက်ငေါက်ထိုးပြီး ပြောသွားပါတယ်။ ဒါကို သတင်းစားတွေရဲ့ ဝေဖန်ချက်ကလည်း 'ဒါဟာ အမေရိကန်ပြည်ထောင်စုရဲ့ ရှေးဦးဆုံးအကြိမ် လက်နက်ကိုင် မူးယစ်ဆေးဝါးရောင်းဝယ်ဖောက်ကားတဲ့ အဖွဲ့ကို အကြမ်းဖက်ဝါဒီအဖွဲ့အစည်းရယ်လို့ အနက်အဓိပ္ပာယ်ဖွင့်ဆိုလိုက် ခြင်းဖြစ်တယ်'

၂-၆-၂ဝဝ၂ နေ့မှာ တစ်ကမ္ဘာလုံးမှာရှိတဲ့ ဘိန်းရာဇာကြီး ၁၂ ဦးရဲ့ အမည်စာရင်းအသစ်ကို အမေရိကန်အစိုးရက ထုတ်ပြန်ကြေညာလိုက် ပါတယ်။

ဘိန်းရာဇာကြီး ၁၂ ဦးထဲက - မက္ကဆီကို ၆ ဦး၊ မြန်မာ ၁ ဦး (ခွန်ဆာ)၊ မြန်မာနိုင်ငံသားတရုတ်နွယ်ဖွား ၁ ဦး (ဝေ့ရွှေကန်း)၊ အာဖရိက တိုက် နိုင်ဂျီးရီးယား ၂ ဦး၊ ကယ်ရီဘီယန်ပင်လယ် ဒေသ စိန့်ကျီးချု-နီဝေးစ်လူမျိုး ၂ ဦး။ ဒီ ကမ္ဘာ့အဆင့်မြင်ဆုံး ဘိန်းရာဇာ ကြီး ၁၂ ဦးထဲပါဝင်နေတဲ့ တရုတ်နွယ်ဖွား ဝေ့ရွှေကန်းနဲ့ ခွန်ဆာတို့ဟာ မြန်မာနိုင်ငံ စစ်အစိုးရထံ ၁၉၉၆ ခုနှစ်က လက်နက်ချီအညံ့ခံလိုက်ကြပြီး ဖြစ်တယ်။

ဘန်ကောက် 'စာပို့သတင်းစာ' က စောစောကတည်းက ဖော်ပြ ခဲ့ပြီးဖြစ်တယ်။ ခွန်ဆာ လက်နက်ကိုင် တပ်ဖွဲ့ ၁၉၉၆ ခုနှစ်က လက်နက်ချ အညံ့ခံသွားပြီးတဲ့နောက်ပိုင်းမှာ ဝေ့ရွှေကန်းက တစတစနဲ့ ခွန်ဆာရဲ့ နေရာ ကို ဝင်ယူလာပါတယ်။ ရွှေတြိဂံမှာ အင်အားအကြီးဆုံး၊ အတောင့်တင်းဆုံး ဘိန်းရာဇာကြီးဖြစ်လာပါတယ်။