Sunday, October 26, 2008

ဗိုလ်ချူပ်အောင်ဆန်းကဗျာများ


ငါတို့ခေါင်းဆောင်




အရပ်ပုပု
မျက်မှောင်ကုတ်ကုတ်
ပိုသီပတ်သီ အညာသား။

ဘီအေကျောင်းသား
စကားမပြော
ပြောရင်မရပ်
ညှင်းသိုးသိုး အရိုးခံ
ခေါင်းအမာဆုံး
ဇွဲအရှိဆုံး
စိတ်ဓာတ်အပြင်းထန်ဆုံး လူသား။

သူမသိ နားမလည်တာတွေကအများသား
ရေမကူးတတ်ဘူး
စက်ဘီးမစီးတတ်ဘူး
စန္ဒရားမတီးတတ်ဘူး
သီချင်းကောင်းကောင်း
နားမထောင်ခဲ့ရဘူး
မိန်းမ မပိုးတတ်ဘူး။

ဘိလပ်ပြန်သန်းကို မေရှင့်သီချင်း ဆိုခိုင်းခဲ့သူ
ချစ်ရတဲ့နာစ့်မလေးကြည်ကို လူငှားနဲ့ ပိုးခဲ့ရသူ
ဗွီအိုင်ပီဆိုတဲ့ စာတန်းကို အလွန်စက်ဆုပ်ရွံရှာသူ
လမ်းဘေးမှာ ကျောက်ကျောရေသောက်တဲ့ ၀န်ကြီးချုပ်
မင်္ဂလာဆောင်မှာ ခဲဖိုးတောင်းတာ နားမလည်တဲ့သူ။

လွတ်လပ်ရေးကိုစဉ်းစားရင်း စစ်ဖိနပ်ပြောင်းပြန်စီးတဲ့သူ
လွတ်လပ်ရေးကိုစဉ်းစားရင်း ဆံပင်ညှပ်မပြီးခင် ထထွက်သွားတဲ့သူ
တွေ့ချင်လွန်းလို့ လမ်းမှာတားတဲ့ ရွာသားတွေနဲ့
အတူလမ်းဘေးမှာအကြော်စားတဲ့ ၀န်ကြီးချုပ်
သူ့ ကိုယ်သူ ပြည်သူတစ်ယောက်အဖြစ်ခံယူတဲ့ ၀န်ကြီးချုပ်-
ကြည်... ပဲပြုတ်နဲ့ နံပြားရရင် စားချင်တယ် - ဆိုတဲ့
မိန်းမကို မနက်စာပြင်ခိုင်းတဲ့ သူ့ ရဲ့ ကမ္ဘာကျော်စာ။

ဗိုလ်ချုပ်အဆင့်ရဲ့ အမှားနဲ့ သာမန်ရဲဘော်အဆင့်ရဲ့ အမှန်ကို
ကွဲကွဲပြားပြားသိတဲ့သူ
လူငယ်ဘ၀၊ လူ့ ဘ၀ရဲ့ စည်းစိမ်အရသာတွေ
ခံစားဖို့ အချိန်မရခဲ့တဲ့သူ
သူ့ ဖြတ်သန်းမှုမှာ
လွတ်လပ်ရေးဆိုတာတစ်ခုတည်းနဲ့
ပကတိရိုးရှင်းသန့်စင်ခဲ့တဲ့သူ
သူ့ကို
ဒဂုန်တာရာက ကင်ပွန်းတပ်
အောင်ဆန်း သို့မဟုတ် အရိုင်းတဲ့။

လုပ်သက်က ခပ်နုနု
ကျောင်းသားပေါက်စ
သခင်ပေါက်စ
စစ်သားပေါက်စ
နိုင်ငံရေးသမားပေါက်စ
ဘ၀တွေက အဖုံဖုံ
အသက်က ၃၀ မရှိတရှိ။

ဒီအောင်ဆန်း လက်တောက်လောက်လေးကို
ဘာ့ကြောင့်
နေမ၀င်အင်ပါယာကြီး ဒူးထောက်ခဲ့ရပါသလဲ...။

တကယ်ဆိုတော့
ငါတို့အောင်ဆန်းက
နယ်နယ်ရရမဟုတ်
-ရိုးသားတဲ့မြန်မာတွေထက်
ပိုရိုးသားတဲ့အောင်ဆန်း
သတ္တိပြောင်တဲ့ မြန်မာတွေထက်
ပိုသတ္တိရှိတဲ့ အောင်ဆန်း
စွန့်လွှတ်ရဲတဲ့ မြန်မာတွေထက်
ပိုစွန့်လွှတ်ပြတဲ့ အောင်ဆန်း၊
ဒီလိုအောင်ဆန်း
သူ့ သွေးသားအရိုးအချဉ်တွေအားလုံး
လွတ်လပ်ရေးတစ်ခုတည်းနဲ့အပြီး
စုစည်းတည်ဆောက်ပြတဲ့ အောင်ဆန်း
တကယ့်အရိုးခံ အောင်ဆန်းပေါ့။

ဒီအောင်ဆန်းကို
လွတ်လပ်ရေးလမ်းဝမှာ ဘွားကနဲ မြင်လိုက်ရရုံပဲ
အောင်ဆန်းရဲ့ ဆရာတွေ မှိုင်း၊ မြ၊ ချိုတို့ကအစ
- ငါတို့ အားကိုးပါရစေ - ဆိုလာကြ၊
ရှေးဘိုးဘွားမိဘပြည်သူတွေက
- ငါတို့ ကိုကယ်မယ့် မင်းလောင်းပေါ်ပြီ - ပြုံးပျော်ကြ
လူငယ်သွေးသောက်မြန်မာတွေက
- ငါတို့ စွန့်ပါရစေ - ဆိုပြီး ရှေ့ထွက်လာကြ
စုကြ၊ ရုံးကြ၊ စည်းလုံးကြ။

တကယ့်ဗမာတွေ
မဟာအောင်ဆန်းအနောက်က
ပြည်သူ့ ဒီလှိုင်းလုံးကြီးတွေရဲ့
တ၀ုန်းဝုန်း ရိုက်ခတ်သံဟာ
အဲဒီအချိန်က ၀ိတိုရိယဘုရင်မကြီးကိုတောင်
အိပ်မက်တွေ အေးခဲစေခဲ့သပေါ့။

အောင်ဆန်းရှေ့ ရောက်ရင်
ရှမ်းတွေက ရှမ်းစကားမဆိုကြ
ကချင်တွေကလည်း ကချင်စကားမဟကြ
အောင်ဆန်းကို ယုံကြည်စွာနဲ့
သူတို့ သခင်အဖြစ် သိမှတ်ပြုကြ
အားလုံးသော တိုင်းရင်းသားတွေ။

ဒီပြည်လုံးကျွတ်အားကို
စုစည်းနိုင်ခဲ့လိုလည်း
အင်္ဂလိပ်တွေက ဒီအောင်ဆန်းလက်တောက်လောက်နဲ့
တစ်စားပွဲထဲ ၀ိုင်းခဲ့ကြပေါ့
အကင်းပါးသူတွေပီပီ
မတိုက်မီက ရှုံးနေတဲ့ ဒီစစ်ကို
ဒင်းတို့ မတိုက်ဝံ့ကြ
မျက်နှာမပျက် အောင်မြင်စွာ ဆုတ်ခွာမယ့်လမ်းကို
သူတို့ ရွေးခဲ့ကြ
အောင်ဆန်းနဲ့အတွေ့ မှာ။

ယုံကြည်အားကိုးတဲ့ မျက်လုံးပေါင်း သန်း ၆၀
အောင်ဆန်းမှာ ရှိတယ်
လွတ်လပ်ရေးကို တရှိုက်မက်မက်တောင့်တတဲ့ နှလုံးသားသန်း ၃၀
အောင်ဆန်းမှာရှိတယ်
အောင်ဆန်းသေဆို သေပြ၀ံ့တဲ့သူ
အောင်ဆန်းမှာ တပြည်လုံးရှိတယ်
ဒီ မျက်လုံးနှလုံးအသက် ဗို့ အားသိန်းသန်းချီ မီးဆလိုက်အားတွေနဲ့
နေမ၀င်အင်ပါယာကို ပြတ်ပြတ်သားသား လှမ်းထိုးလိုက်တဲ့အခါ
အခြောက်တိုက် ဘ၀င်မြင့်နေသူတွေ
အားလုံး အရည်ပျော်သွားခဲ့ကြ။

ဘယ်ရာဇ၀င်မှာ ခင်ဗျားတို့ တွေ့ ဘူးလဲ။
ဂျပန်ဆိုတာ မနူးမနပ်မဟုတ်ဘူး။
အင်္ဂလိပ်ဆိုတာက ဝေလာဝေး
သူငယ်နှပ်စားမဟုတ်။
ဒင်းတို့တွေတောင် ရအောင် စည်းရုံးနိုင်တဲ့သူ
အောင်ဆန်း။

ဒီအောင်ဆန်းက စစ်ကို မလို
ဒါပေမဲ့

ရရင်ရ မရရင်ချ ဆိုတာ အောင်ဆန်းဝါဒ
လွတ်လပ်ရေးကို အမြန်ဆုံးလိုချင်နေတဲ့
အဲ့ဒီအချိန် ပြည်သူတွေရဲ့ တစ်ဦးတည်းသော ကိုယ်စားလှယ်
ငါတို့ အောင်ဆန်းပေါ့။

အောင်ဆန်း
ဒီအချိန်ဆို
၉၃ နှစ်ရှိပြီ
အောင်ဆန်းပြောမယ်
အဘိုးရဲ့ စကား နားထောင်...။

- မမေ့နဲ့
မင်းတို့
ကနေ့ ရှူနေတဲ့ လေဟာ
ငါတို့
မနေ့က ချွေးစက်တွေဆိုတာ၊
မမေ့နဲ့
မင်းတို့
မြန်မာဆိုတဲ့ စကားတစ်ခွန်းကိုရဖို့
ငါတို့
ဘုံးဘောလအော ကျဆုံးပေးခဲ့ရတာ၊
မမေ့နဲ့
မင်းတို့
ကမ္ဘာ့မြေပုံပေါ်တက်နိုင်ဖို့
ငါတို့
အလောင်းကောင်တွေဆင့်ပြီးထမ်းတင်ပေးခဲ့တာ
မမေ့နဲ့။

မြန်မာလူမျိုးတိုင်းမှာ
အဖေနှစ်ယောက်ရှိတယ်
တစ်ယောက်က
ကိုယ့်သွေးသားအဖေ

ကျန်တစ်ယောက်က
မြန်မာလူမျိုးကို မွေးပေးတဲ့အဖေ
မြန်မာလူမျိုးရဲ့ အဖေ
မြန်မာ့အဖေ
အောင်ဆန်းပေါ့။

ကျုပ်အဖေနဲ့အဖိုးဟာ အောင်ဆန်းသားတွေ
အောင်ဆန်းက ကျုပ်အဖိုး
ကျုပ်သားက အောင်ဆန်းရဲ့ မြစ်ပေါ့
သူ့ အဘိုးကို သူ လွမ်းတတ်နေပြီ
သူ့ သားကျရင်လဲ သူ့ အဘေးနဲ့
ပေးတွေ့ နိုင်ဖို့
အခုကတည်းက အသေအချာ
ကျုပ် မှာထားရအုံးမယ်။

(ဗိုလ်ချုပ်အောင်ဆန်းအမှတ်တရ။ ရေးသားသူ - icy)။

ဒဂုန်တာရာ (၁၉၁၉)လရောင်ရွှန်းမြသော ညတည

PhotobucketPhotobucketPhotobucket

လရောင်ရွှန်းမြသော ညတည (ဒေါင်းလုပ်ရန်)




http://www.scribd.com/doc/7541562/109-the-Night-With-Bright-Mon (ဒေါင်းလုပ်ရန်)

ငြိမ်းသတ်၍မရနိုင်သောမီးတောက်မီးလျှံများ

PhotobucketPhotobucketPhotobucketPhotobucket

မြန်မာပြည်က မိခင်နှင့်သားသမီးတွေပြန်လည် ဆုံစည်း နိုင်ပါ့မလား

PhotobucketPhotobucketPhotobucketPhotobucketPhotobucketPhotobucketPhotobucketPhotobucketPhotobucketPhotobucket

26 October 2008သတင်း

ဒေါ်အောင်ဆန်းစုကြည် အိမ်ရှေ့ကားလမ်း အတားအဆီးများ ဖယ်ရှား
26 October 2008
စုမြတ်မွန်
ဒေါ်စုအိမ်ရှေ့မှ အတားအဆီးများ (မေလ၊ ၂၇ရက် ၂၀၀၆)။ အေပီ။
NLD အမျိုးသားဒီမိုကရေစီအဖွဲ့ ချုပ်ခေါင်းဆောင် ဒေါ်အောင်ဆန်းစုကြည် နေအိမ်ရှိရာ တက္ကသိုလ်ရိပ်သာ လမ်းမပေါ်မှာ ချထားတဲ့ အတားအဆီးတွေကို ဒီနေ့ မှာ အာဏာပိုင်တွေက ဖယ်ရှားလိုက်ပါတယ်၊ ဘာအကြောင်းကြောင့် ဖယ်ရှား လိုက်သလဲ ဆိုတာ မသိရသေးပေမဲ့ လမ်းမပေါ်မှာ Barbed wire တွေနဲ့  တားထားတာတွေမရှိတော့ဘူး ဆိုတာကို NLD သတင်းနဲ့ ပြန်ကြားရေးတာဝန်ခံ ဦးညဏ်ဝင်းက VOA ကို ခုလို ပြောပြပါတယ်၊
“မိတ်ဆွေ တယောက်က ပြောလို့ ခြံအရှေ့တော့ မရောက်ပါဘူး။ ကမ္ဘာအေး ဘုရားလမ်းက ကြည့်တော့ လုံခြုံရေးချထားတဲ့ ၀ါယာတွေ ခါတိုင်းထား ထားတာတွေ မတွေ့ဘူး။ မနက်ကတည်းက အခုထိတော့ ဒါနဲ့ ပတ်သက်ပြီး ထူးထူးခြားခြား မကြားဘူးခင်ဗျ။”
NLD သတင်းနဲ့ ပြန်ကြားရေးတာဝန်ခံ ဦးညဏ်ဝင်းဖြစ်ပါတယ်၊ ဒေါ်အောင်ဆန်းစုကြည်ရဲ့  ခြံရှေ့ မှာ အရပ်ဝတ်နဲ့  အစောင့် တွေကတော့  ရှိနေဆဲပဲလို့ သိရပါတယ်၊ တက္ကသိုလ် ရိပ်သာလမ်း နှစ်ဘက်လုံးမှာ မနက် ၆ နာရီကနေ ညနေ ၆ နာရီအထိ လွတ်လွတ်လပ်လပ် ဖြတ်သန်းသွားနိုင်ပြီလို့  သက်ဆိုင်ရာကိုမေးခဲ့ သူက VOA ကို ပြန်ပြီး ပြောပြပါတယ်။ ဒေါ်အောင်ဆန်းစုကြည်ကို အာဏာပိုင်တွေက နေအိမ် အကျယ်ချုပ်ချ ဖမ်းဆီးထားတဲ့ အချိန်စုစုပေါင်းဟာ ပြီးခဲ့တဲ့
သောကြာနေ့  အောက်တိုဘာ ၂၄ ရက်နေ့ မှာ ၁၃ နှစ်ပြည့်  သွားခဲ့ ပါတယ်။ နိုင်ငံတကာအစိုးရတွေ ကမ္ဘာတ၀န်းက မြန်မာ့အရေး လှုပ်ရှားနေကြသူတွေလဲ ဒေါ်အောင်ဆန်းစုကြည်ကို အမြန်ဆုံး ပြန်လွှတ်ပေးဖို့ တောင်းဆိုနေကြဆဲ ဖြစ်ပါတယ်။ ၂၀၀၃ ခုနှစ် ဒီပဲယင်း အကြမ်းဖက်မှု ဖြစ်ပြီးတဲ့ နောက်ပိုင်း ဒေါ်အောင်ဆန်းစုကြည်ရဲ့ လုံခြုံရေးအတွက် ဆိုပြီး စစ်အစိုးရက ဒေါ်အောင်ဆန်းစုကြည်ကို အခုအချိန်အထိ ထိန်းသိမ်းထားတဲ့ အပေါ်မှာ ဒေါ်အောင်ဆန်းစုကြည်က ဥပဒေကြောင်းအရ စိန်ခေါ်ဖို့ သူမရဲ့ ရှေ့နေနဲ့  အတူ ဆောင်ရွက်နေပါတယ်။ ဒါပေမဲ့ ဒေါ်အောင်ဆန်းစုကြည်ကို နှစ်ရှည်လများ ဆက်ပြီး ဖမ်းဆီးထားတဲ့ အပေါ် တရားရုံးမှာ အယူခံတင်ထားတဲ့ ကိစ္စအတွက် ကြားနာမဲ့ ရက်ကိုတော့  ခုချိန်ထိမရသေးဘူးလို့  ရှေ့နေ ဦးကြည်ဝင်းက ပြောပါတယ်ရှင်။

မြန်မာ နိုင်ငံရေးအကျဉ်းသားတွေ လွှတ်ပေးဖို့ အာရှ နဲ့ ဥရောပ ခေါင်းဆောင်တွေ တောင်းဆို
26 October 2008
မညိုညိုလွင်
ဘေဂျင်းမြို့တွင် ကျင်းပခဲ့သည့် (၇) ကြိမ်မြောက် အာဆမ် အစည်းအဝေး (အောက်တိုဘာ ၂၅၊ ၂၀၀၈)
ဥရောပနဲ့ အာရှ နိုင်ငံပေါင်း ၄၀ ကျော်က ခေါင်းဆောင်တွေ မြန်မာစစ်အစိုးရအနေနဲ့ မြန်မာနိုင်ငံမှာ အမျိုးသား ပြန်လည် သင့်မြတ်ရေး ရရှိဖို့၊ စီးပွားရေးနဲ့ လူမှုရေး ဆိုင်ရာ ဖွံ့ဖြိုးတိုးတက်မှုတွေ ဖြစ်လာစေဖို့အတွက် သက်ဆိုင်တဲ့ သူတွေ အားလုံး ပါဝင်တဲ့ နိုင်ငံရေး ပြောင်းလဲမှုတွေ ဖော်ဆောင်သွားဖို့ ကြေညာချက် ထုတ်ပြန် ပြောဆိုလိုက်ပါတယ်။ အောက်တိုဘာလ ၂၄ ရက်နေ့နဲ့ ၂၅ ရက်နေ့က တရုတ်နိုင်ငံ ဘေဂျင်းမြို့ မှာ ကျင်းပခဲ့တဲ့ အာရှ ဥရောပ ထိပ်သီး အစည်းအဝေး မှာ အခုလို ကြေညာချက်ထုတ်ပြန်ခဲ့တာ ဖြစ်ပါတယ်။

ဒီကြေညာချက် ထုတ်ပြန်မှုကြောင့် မြန်မာ့အရေး ဘာတွေများ ထူးခြားမှု ရှိလာနိုင်ပါလဲ ဆိုတာနဲ့ပတ်သက်ပြီး ဥရောပ အခြေစိုက် မြန်မာ့အရေးလှုပ်ရှားသူ ဥရောပ မြန်မာရုံး ညွှန်ကြားရေးမှုး ဦးဟန်ယောင်ဝေ ကို မညိုညိုလွင် က မေးမြန်းကြည့်တော့ အခုလို ပြောဆိုပါတယ်။

“ကျနော့်အမြင်ကတော့ အာရှနဲ့ ဥရောပနိုင်ငံတွေက ဒီလိုမြင်တယ်ဆိုတော့ မြန်မာပြည်အတွက်ကတော့ ကောင်းပါတယ်။ ဘာကြောင့်လဲ ဆိုရင် အခုလက်ရှိ စစ်အစိုးရကလည်း သူ့အနီးအနား နိုင်ငံတွေကလည်း ဒီလို မြင်ပါတယ် ဆိုရင် သူကလည်း ငြင်းပယ်လို့ မရဘူး။ ဘာကြောင့်လဲ ဆိုရင် ဒီအခုလိုမျိုး အကြံပေးတဲ့နေရာမှာကလည်း ဒီ ၂၀၁၀ လာမယ့် ရွေးကောက်ပွဲမှာ နအဖ ကတော့ သူ လိုလားတဲ့ အခြေခံဥပဒေနဲ့ သူ သွားချင်တဲ့လမ်းနဲ့ သူ သွားမယ်ဆိုတာ ဖြစ်ပါတယ်။ ဒါပေမယ့် ဒီနိုင်ငံတွေ ပြောနေတာကတော့ တကယ် ဒီမိုကရေစီလိုလားရင် ရွေးကောက်ပွဲ တခုတည်းနဲ့ လုပ်လို့မရဘူး။ ရွေးကောက်ပွဲ ဆိုရင်လည်း လူထု ပါဝင်ရမယ်။ အတိုက်အခံတွေလည်း ပါဝင်ရမယ်။ လူတိုင်းပါမှ တကယ် ရွေးကောက်ပွဲ ဖြစ်လိမ့်မယ်လို့ ပြောချင်တာ ဖြစ်လိမ့်မယ်။ ပြီးတော့မှ ဒီ ပြန်လည် သင့်မြတ်ရေး ရှိသင့်တယ်၊ အဲဒီလိုမျိုး မရှိရင်လည်း ဒီရွေးကောက်ပွဲက အဓိပ္ပါယ်ရှိမှာ မဟုတ်ဘူး ဆိုတဲ့သဘော ဖြစ်ပါတယ်။”

နောက်ပြီးတော့ ဒီကြေညာချက် ထုတ်တဲ့နေရာမှာ အစည်းအဝေးကိုလည်း တရုတ်နိုင်ငံမှာ လက်ခံကျင်းပခဲ့တယ်။ တရုတ်အစိုးရက မြန်မာအစိုးရကို အမြဲတမ်း နောက်ကနေ အားပေးနေတဲ့ အစိုးရတရပ်လို့လည်း အားလုံး သိပြီးသား ဖြစ်ပါတယ်။ အဲတော့ ဒီကြေညာချက် ထုတ်တဲ့နေရာမှာ တရုတ်နိုင်ငံကလည်း ပါဝင်နေတယ် ဆိုတော့ ဒီတရုတ်နိုင်ငံက မြန်မာ ဒီမိုကရေစီရေး ပြောင်းလဲရေးမှာ စိတ်ပြောင်းသွားပြီလား လို့ရော ဦးဟန်တို့အနေနဲ့ ယူဆပါသလားရှင်။ -

“တရုတ်အနေနဲ့ကတော့ ကျနော်တို့ ပြည်ထောင်စုထဲမှာ ဖြစ်နေတဲ့ ပြည်တွင်းပြဿနာကို ၀င်မရှုပ်ဘူး။ ဒါပေမယ့် တိုင်းပြည်ကောင်းဖို့ကတော့ သူတို့ ကြိုးစားမယ် ဆိုတဲ့သဘော ဖြစ်ပါတယ်။ ဘာကြောင့်လဲ ဆိုရင် ကျနော်တို့ ပြည်ထောင်စုမှာ စစ်အစိုးရ ဖြစ်စေ၊ ဘယ်အစိုးရ တက်လာသည် ဖြစ်စေ၊ မြန်မာပြည်နဲ့ တရုတ်ပြည် ကတော့ ပူးပေါင်းပြီးတော့မှ မိတ်ဆွေအနေနဲ့ နေသွားရမယ်ဆိုတဲ့ သဘော ရှိပါတယ်။ အဲဒါကြောင့်လည်း သူတို့က ဒီအချိန်မှာ နအဖ က လုပ်မယ့် ရွေးကောက်ပွဲက တကယ် အလုပ်ဖြစ်မယ် ဆိုရင် သူတို့ အတွက်လည်း ကောင်းမယ်။ မြန်မာပြည်အတွက်လည်း ကောင်းမယ်ဆိုတဲ့သဘော ဖြစ်ပါတယ်။”

ဟုတ်ကဲ့။ ဒါပေမယ့် ဒီကြေညာချက်ထဲမှာ ပါတာက ရွေးကောက်ပွဲအကြောင်း မဟုတ်ဘဲနဲ့ အမျိုးသားပြန်လည် သင့်မြတ်ရေးအတွက် ဒေါ်အောင်ဆန်းစုကြည်ကို လွှတ်ပေးဖို့၊ နိုင်ငံရေး အကျဉ်းသားတွေကို လွှတ်ပေးဖို့၊ နိုင်ငံရေး ပါတီတွေကို လွတ်လွတ်လပ်လပ် လှုပ်ရှားခွင့်ပေးဖို့ ဆိုတဲ့ အကြောင်းအရာတွေ ဖြစ်နေတော့ တရုတ်အနေနဲ့က ဒီအကြောင်းအရာတွေအပေါ်မှာ လိုက်နာမှု ရှိလာမယ် လို့ရော ယူဆပါသလားရှင့်။ -

“ရှိပါတယ်။ ဘာကြောင့်လဲ ဆိုရင် အခု ရွေးကောက်ပွဲအကြောင်း မပြောပေမယ့် ပြန်လည်သင့်မြတ်ရေး မရှိရင် ရွေးကောက်ပွဲက အဓိပ္ပါယ် မရှိဘူး။ ဆိုတော့ သူတို့အနေနဲ့ ပြောချင်တာကတော့ အခုကနေ စပြီးတော့မှ ရွေးကောက်ပွဲ မတိုင်ခင်မှာ ပြန်လည်သင့်မြတ်ရေး လုပ်ကြပါ။ ပြန်ဆွေးနွေးကြပါ။ ဖမ်းထားတဲ့ ပုဂ္ဂိုလ်တွေလည်း လွှတ်ပေးပါ။ တကယ် နိုင်ငံရေး အဖြေရှာတဲ့ နည်းလမ်း ဖြစ်လာမယ် ဆိုတာ ကျနော်တို့ အဲဒီလိုမျိုး နားလည်ပါတယ်။”

အဲဒီတော့ တရုတ်အနေနဲ့ကတော့ ဒီကြေညာချက်မှာ ပါတဲ့အတိုင်းပေါ့နော်။ မြန်မာစစ်အစိုးရအပေါ်မှာ ပိုပြီးတော့ တိုက်တိုက်တွန်းတွန်း လုပ်လာမယ် လို့ရော ယူဆပါလား။ -

“ဟုတ်ကဲ့။ ကျနော် နားလည်တာကတော့ အခုမှ မဟုတ်ပါဘူး။ ဒါ သူတို့ကတော့ တိုက်တွန်းနေတာကတော့ တနှစ် နှစ် နှစ်လောက် ရှိပါပြီ။ အခု ကုလသမဂ္ဂ ကြိုးစားထားတဲ့ ဂမ်ဘာရီ ခရီးစဉ်တို့မှာလည်း တရုတ်အကူအညီ ပါပါတယ်။ နိုင်ငံတကာက တောင်းဆိုချက်တွေကို တရုတ်က လက်ခံတယ်။ ဆိုတော့ သူတို့ကတော့ ဆက်ပြီးတော့မှ ကြိုးစားမယ်လို့ ကျနော် ယူဆပါတယ်။ ဒီ နအဖ ကိုတော့ သူတို့က ဖိအားပေးမှာတော့ မဟုတ်ပါဘူး။ အမေရိကန်နိုင်ငံလိုမျိုး ဖိအားပေးမယ်၊ မကောင်းကြောင်း ပြောမယ်ဆိုရင် သူတို့ကတော့ မလုပ်ဘူးလို့ ကျနော် မြင်ပါတယ်။”

ဟုတ်ကဲ့။ နောက်တချက်က တရုတ်အစိုးရကိုရော ဥရောပ သမဂ္ဂနိုင်ငံတွေက မြန်မာပြည်ပြောင်းလဲရေးမှာ ပိုပြီး လုပ်ဆောင်ပါ ဆိုတဲ့ ဖိအားပေးမှုမျိုး ဖြစ်လာနိုင်ပါလားရှင်။ -

“ကျနော် နားလည်သလောက်ကတော့ တရုတ်မကဘူး။ တရုတ်ရော အိန္ဒိယ နိုင်ငံရော၊ အာဆီယံ ဖြစ်တဲ့ အနီးအနား နိုင်ငံတွေကိုရော သူတို့က တိုက်တွန်းနေတာ ကြာပြီ။ အခုလိုမျိုး အကောင်အထည် ပေါ်လာတယ် ဆိုတာ ဒါ ကောင်းတယ် လို့ ကျနော် မြင်ပါတယ်။”

ဥရောပ မြန်မာရုံးညွှန်ကြားရေးမှုး ဦးဟန်ယောင်ဝေ ပြောဆိုသွားတာပါ၊ အခုလို ကြေညာချက် မထွက်လာမီ ရက်ပိုင်းတွေမှာပဲ ကုလသမဂ္ဂ အပါအ၀င် အမေရိကန်၊ ဥရောပသမဂ္ဂ တို့ကလည်း မြန်မာနိုင်ငံမှာ စစ်မှန်တဲ့ အမျိုးသား ပြန်လည် သင့်မြတ်ရေးတွေ ဖြစ်ပေါ်လာစေနိုင်ဖို့ အတွက် မြန်မာ့ဒီမိုကရေစီ ခေါင်းဆောင် နိုဘဲလ် ငြိမ်းချမ်းရေးဆုရှင် ဒေါ်အောင်ဆန်းစုကြည် အပါအ၀င် ဖမ်းဆီးထိန်းသိမ်းထားတဲ့ ထောင်နဲ့ချီတဲ့ နိုင်ငံရေး အကျဉ်းသားတွေ အားလုံး ပြန်လွှတ်ပေးဖို့ကို တချိန်တည်း တောင်းဆိုလိုက်ကြတာကြောင့် မြန်မာနိုင်ငံရေး အပြောင်းအလဲတွေ ဖြစ်ပေါ်လာနိုင်ဖို့ဟာ ဖမ်းဆီး ထိန်းသိမ်းခံထားတဲ့ နိုင်ငံရေးလှုပ်ရှားသူတွေ လွတ်မြောက်လာဖို့ဟာ အဓိက ကျတယ်လို့ မြင်နိုင်ပါတယ်။

မြန်မာစစ်အစိုးရရဲ့ သတင်းစာတွေထဲမှာတော့ မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီး သိန်းစိန် တရုတ်ပြည်သူ့ သမတ နိုင်ငံ နန်နင်း မြို့မှာ ကျင်းပတဲ့ (၅) ကြိမ်မြောက် တရုတ်-အာဆီယံကုန်စည်ပြပွဲနဲ့ (၅) ကြိမ်မြောက် တရုတ် အာဆီယံ စီးပွားရေးနဲ့ ရင်းနှီမြှပ်နှံမှု ထိပ်သီး အစည်းအဝေး တက်ရောက်ဖို့ အောက်တိုဘာလ ၂၀ ရက်နေ့က သွားရောက်ခဲ့တဲ့ သတင်းနဲ့ အောက်တိုဘာလ ၂၃ ရက်နေ့မှာ မြန်မာနိုင်ငံကို ပြန်လည် ရောက်ရှိတဲ့အကြောင်း တွေကိုပဲ ဖော်ပြထားတဲ့ အတွက် ပြီခဲ့တဲ့ ၂၄ နေ့ နဲ့ ၂၅ ရက်နေ့မှာ ကျင်းပခဲ့တဲ့ အာရှ ဥရောပ ထိပ်သီးညီလာခံကို မြန်မာစစိအစိုးရ ကိုယ်စားပြု ဘယ်သူ တက်ရောက်ခဲ့သလဲ ဆိုတာကိုတော့ မသိရပါဘူး။

ကမ္ဘာ့ဘဏ္ဍာရေး စနစ်တခုလုံးကို ပြုပြင်ပြောင်းလဲဖို့ ကမ္ဘာ့ခေါင်းဆောင်တွေ အခိုင်အမာဆုံးဖြတ်
26 October 2008
ကမ္ဘာ့စီးပွားရေး စနစ်ကြီး တခုလုံး ပြုပြင်ပြောင်းလဲပစ်ဖို့ အာရှ နဲ့ ဥရောပ ခေါင်းဆောင်တွေက တရုတ် နိုင်ငံ ဘေဂျင်းမြို့မှာ ကျင်းပတဲ့ နှစ်ရက်ကြာ တံခါးပိတ် အစည်းအဝေးမှာ သံန္နိဌာန် ချသွားခဲ့ပါတယ်။ ကမ္ဘာ့ငွေကြေးနဲ့ ဘဏ္ဍာရေးစနစ်တွေကို ထိရောက်ပြီး အလုံးစုံ ပါဝင်မယ့် ပြုပြင်ပြောင်းလဲမှု လုပ်ဆောင်မယ်လို့ အာဆမ် အာရှ ဥရောပ ထိပ်သီးစည်းဝေးပွဲကို တက်ရောက်တဲ့ အဖွဲ့ဝင်နိုင်ငံ ၄၀ က ကတိပြုသွားကြောင်း ပူးတွဲကြေညာချက် ထုတ်ပြန်ပါတယ်။

တကမ္ဘာလုံး ဆိုင်ရာ ဘဏ္ဍာရေး ပဋိပက္ခကို ဖြေရှင်းဖို့ ကမ္ဘာ့နိုင်ငံ အသီးသီးက နည်းနာတွေ အကောင်အထည် ဖော်ကြတာ တွေ့ရလို့ ၀မ်းသာပါတယ်၊ ဒါပေမယ့် အခုထက်မက လုပ်ဆောင်ကြဖို့ လိုအပ်တယ်လို့ တရုတ်ဝန်ကြီးချုပ် ၀မ်ကျားပေါင် က အစည်းအဝေးတွင်းမှာ ပြောကြားသွားပါတယ်။

တချိန်တည်းမှာပဲ အမေရိကန် အမေရိကန်သမ္မတ ဘုရ်ှကတော့ ကမ္ဘာ့စီးပွားရေး ပြန်လည် နလံထူဖို့ နိုင်ငံတွေ အနေနဲ့ စိတ်ရှည်ရှည်ထားကြဖို့၊ ဘဏ္ဍာရေးဈေးကွက်တွေ ဖွင့်ထားတဲ့ ပြန်ပြီးတော့ ဆွဲကိုင်ကျင့်သုံးဖို့ တိုက်တွန်းသွားပါတယ်။ အခုအချိန်လိုမျိုး စီးပွားရေး အခြေအနေ မရေမရာ ဖြစ်နေတဲ့အခါမျိုးမှာ သူ သုံးသွားတဲ့စကားလုံးအတိုင်း ဆိုရင်တော့ ကြွယ်ဝမှုတွေ၊ မျှော်လင့်ချက်တွေကို အမှန်တကယ် ပေးစွမ်းတဲ့ နည်းနာတွေ ဆိုတဲ့ ဈေးကွက်ဖွင့် မူဝါဒတွေကို ပစ်ပယ်ရင် မှားလိမ့်မယ်လို့ မစ္စတာ ဘုရှ် က သူ့ရဲ့ အပတ်စဉ် စနေနေ့ည ရေဒီယို မိန့်ခွန်းမှာ ပြောကြားသွားပါတယ်။

သမ္မတ ဘုရှ် ဟာ လာမယ့် နိုဝင်ဘာလ ၁၅ ရက်နေ့မှာ နိုင်ငံ ၂၀ ပါဝင်ဆွေးနွေးမယ့် ဘဏ္ဍာရေး အကျပ်အတည်း ဆိုင်ရာ ထိပ်သီ အစည်းအဝေးပွဲကို ၀ါရှင်တန်မြို့တော်မှာ အိမ်ရှင်အဖြစ်နဲ့ စီစဉ်ကျင်းပပေးမှာပါ။ အစည်းအဝေးတက်မယ့် G 20 နိုင်ငံတွေထဲမှာတော့ ကမ္ဘာ့အဓိက စက်မှုနိုင်ငံတွေအပြင် တရုတ်၊ အန္ဒိယနဲ့ ဘရာဇေးလိုမျိုး ကမ္ဘာမှာ အားကောင်းလာတဲ့ စီးပွားရေးပိုင်ရှင် နိုင်ငံတွေ ပါဝင်ပါတယ်။

ဘုရားသုံးဆူ နှင့် မဲကဆကြား ရော်ဘာခြံတွင် သေနတ်ဖြင့် ပစ်၍ ဆိုင်ကယ်လုယက်မှု ဖြစ်ပွား
Kaowao အောက်တိုဘာ၂၆၊ ၂၀၀၈။
ဘုရားသုံးဆူ နှင့် မဲကဆကြား ရော်ဘာခြံတွင် လွန်ခဲ့သော အောက်တိုဘာ ၂၃ ရက်နေ့ ညနေပိုင်းတွင် သေနတ်ဖြင့် ပစ်ခတ်ပြီး မော်တော်ဆိုင်ကယ် လုယက်မှု ဖြစ်ပွားခဲ့သည်။

ဖြစ်ပွားပုံမှာ ဘုရားသုံးဆူမြို့ မော်တော်ဆိုင်ကယ် တက္ကစီသမားတစ်ဦးမှ ဘုရားသုံးဆူနှင့် မဲကဆ ရော်ဘာခြံ အရောက်တွင် အမည်မသိလူတစ်ဦးက လုပ်သေနတ်ဖြင့် ပစ်ခတ်ပြီး မော်တော်ဆိုင်ကယ်ကို လုယက်သွားခဲ့သည်။ အဆိုပါ လုယက်သောသူသည် ရန်ကုန်ဇာတိ ဗမာအမျိုးသားတစ်ယောက် ဖြစ်ပြီး လုယက်လာသော မော်တော်ဆိုင်ကယ်ကို ဘုရားသုံးဆူမြို့တွင် ရောင်းချနေရာမှ အမည်မဖော်လိုသော သတင်းပေးသူတစ်ဦး၏ သတင်းပေးမှုကြောင့် ဘုရားသုံးဆူမြို့ ရဲတပ်ဖွဲ့မှ ဖမ်းဆီးရခဲ့သည်။ အဆိုပါ လုပ်သေနတ်ကိုလည်း သိမ်းဆည်းရခဲ့သည်။

သေနတ်ဖြင့် ပစ်ခတ်ခံရသူ မော်တော်ဆိုင်ကယ်တက္ကစီသမားမှာ ဝမ်းဗိုက်တွင် ဒဏ်ရာ ရရှိပြီး ကန်ချနဘူရီဆေးရုံ၌ ခွဲစိတ်ကုသနေဆဲ ဖြစ်သည်။ ကျည်ဆံ ထုတ်ပြီး၍ အသက်အန္တရာယ် စိုးရိမ်ဖွယ် မရှိကြောင်း သိရသည်။

ဘုရားသုံးဆူမြို့သည် နယ်စပ်မြို့ ဖြစ်ပြီး ယခုအခါ ကုန်သွယ်ရေးလမ်းကြောင်းများ ပိတ်ပင်ထားသဖြင့် ဒုစရိုက်အမှုများဖြစ်သော ဆိုင်ကယ်လုယက်မှု၊ မူးယစ်ဆေးဝါးရောင်းဝယ်မှုများ မကြာခဏ ဖြစ်ပွားလျှက် ရှိကြောင်း ဒေသခံတစ်ဦးက ပြောကြားသည်။

မြန်မာနိုင်ငံအရေးကို ပိုမို ကူညီဆောင်ရွက်ပေးရန် ကုလအားတောင်းဆို
နွယ်လေး။
အောက်တိုဘာလ ၂၄ ရက်၊ ၂၀၀၈ ခုနှစ်။

ယနေ့ကျရောက်သည့် (၆၃) ကြိမ်မြောက် ကုလသမဂ္ဂ နှစ်ပတ်လည်နေ့တွင် ထိုင်းနိုင်ငံတွင်းရှိ မြန်မာအရေး လှုပ်ရှားသည့် Peace For Burma (မြန်မာနိုင်ငံ ငြိမ်းချမ်းရေး) အဖွဲ့မှ ကမ္ဘာ့ကုလသမဂ္ဂအား မြန်မာနိုင်ငံနှင့် ပတ်သက်ပြီး ယခုထက်ပိုမိုကူညီရန် အကြံပြုသည့် အိတ်ဖွင့်ပေးစာ ကို ဘန်ကောက် ရှိ ကုလသမဂ္ဂ သတင်း ပြန်ကြားရေး ဌာန (UN Information Service) ရုံးသို့ ပေးပို့သည်။

ကုလသမဂ္ဂ အနေဖြင့် သုံးပွင့်ဆိုင်တွေ့ဆုံဆွေးနွေးရေးပေါ်ပေါက်လာစေရန်နှင့် မုန်တိုင်းဒုက္ခသည်များအတွက် ရေရှည်တည်တံ့တဲ့ ဖွံ့ဖြိုးတိုးတက်မှုများ ပေါ်ပေါက်လာရေးအတွက် ပိုမိုတွန်းအားပေးရန် တောင်းဆိုခဲ့ကြောင်း Peace For Burma အဖွဲ့မှ တာဝန်ရှိသူ ကိုကျော်လင်းဦးက ပြောသည်။

“ကျနော်တို့ အဓိက အချက်ကတော့ UN အနေနဲ့ပေါ့လေ နအဖကို နိုင်ငံရေး အကျဉ်းသားတွေ လွတ် ပေးဖို့အတွက် ဖိအားပေးဖို့ ၊ ဒေါ်စုနဲ့ နအဖကြားမှာ ဒိုင်ယာလေ့ာ မဖြစ်ဖြစ်အောင် ကြားဝင် ဆောင် ရွက်ပေးဖို့၊ မြန်မာပြည် လူ့အခွင့်အရေး အခြေအနေတိုးတက်လာဖို့၊ နာဂစ်မုန်တိုင်းတွေနဲ့ ပတ် သက်လို့ ရေရှည်ခံတဲ့ ဖွံ့ဖြိုးတိုးတက်မှုဖြစ်အောင် UN ကဆောင်ရွက်ပေးဖို့ တောင်းတယ် ”

ကုလသမဂ္ဂ အတွင်းရေးမူးချုပ် မစ္စတာ ဘန်ကီမွန်းကို အဓိကလိပ်မူထားသည့် ၄င်းစာကို ယနေ့ ဆယ့်တစ်နာရီ တွင် ဘန်ကောက်ရှိ UN ရုံးသို့ သွားရောက်ပေးပို့ရာတွင် တာဝန်ရှိသူတဦးက လာရောက်လက်ခံယူပြီး အထက် လူကြီးထံ တဆင့်တင်ပြပေးသွားမည်ဟု အကြောင်းပြန်ခဲ့သည်။

လာမည့် ဒီဇင်ဘာ ကုလသမဂ္ဂ အတွင်းရေးမှုးချုပ် ဘန်ကီမွန်း မြန်မာနိုင်ငံခရီးစဉ်အတွင်း မြန်မာနိုင်ငံအရေး တိုးတက်မှုရှိစေရန် မဖြစ်မနေ အားထုတ်ကြိုးပမ်း ဆောင်ရွက်ပေးရန် လိုအပ်နေပြီး ကုလသမဂ္ဂ အတွင်းရေးမှုး ချုပ် အထူးအကြံပေး မစ္စတာ ဂမ်ဘာရီ ဆွေးနွေးစေ့စပ်ခြင်း ၀င်ရောက်ကူညီမှုတွင် လိုအပ်ချက်များ ရှိနေသေး ကြောင်းလည်း ၄င်းကဆက်ပြောသည်။

Peace For Burma အဖွဲ့သည် မြန်မာ့အရေးလှုပ်ရှားသည့် အဖွဲ့(၈)ဖွဲ့ဖြင့် ဖွဲ့စည်းထားသည့် အဖွဲ့တခုဖြစ်ပြီး ယခု ပထမဆုံးအကြိမ် ကုလသမဂ္ဂ ထံ တင်ပြတောင်းဆိုခြင်းဖြစ်သည် ။
PhotobucketPhotobucketPhotobucketPhotobucketPhotobucket

နယူးယောက်မှာ ပြုလုပ်တဲ့ မြန်မာ့အရေး ဆွေးနွေးပွဲ
အောက်တိုဘာ ၂၂ ရက်၊ ၂၀၀၈