Monday, November 3, 2008

ဆက်လက် တိုက်ပွဲဝင်မည့် မြန်မာကျောင်းသား တပ်မတော်


အင်တာဗျူး
သန်းထိုက်ဦး
တနင်္လာနေ့၊ နိုဝင်ဘာလ 03 2008 17:51 - မြန်မာစံတော်ချိန်


ကမ္ဘာတ၀ှမ်း၌ တခုတည်းသော ကျောင်းသား လက်နက်ကိုင်တပ် ဖြစ်သည့် မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး - ABSDF ဖွဲ့စည်း ထူထောင်မှုသည် ယခုလ ၁ ရက်နေ့တွင် နှစ် ၂၀ ပြည့်မြောက်ခဲ့သည်။

ABSDF သည် သက်တမ်း နှစ် ၂၀ အတွင်း အပြောင်းအလဲများ၊ အတက်အကျများ မြောက်မြားစွာ ကြုံတွေ့ ဖြတ်သန်းခဲ့ရသည်။

လက်ရှိအချိန်တွင်လည်း ရန်ပုံငွေ အခက်အခဲ၊ အင်အားနှင့် နယ်မြေ အကျပ်အတည်းများ တည်ရှိနေသော်လည်း ယုံကြည်ထားသည့် လက်နက်ကိုင်လမ်းစဉ်ကို ကိုင်စွဲကာ ကျောင်းသားတပ်မတော် ရဲဘော်များက မြန်မာနိုင်ငံတွင် စစ်အာဏာရှင်စနစ် ချုပ်ငြိမ်းရေးအတွက် သက်စွန့်ကြိုးပမ်း တိုက်ပွဲဝင်နေဆဲ ဖြစ်သည်။

ABSDF နှစ် ၂၀ ဖြတ်သန်းမှု၊ ရဲဘော်များ၏ စိတ်ဓာတ်အားမာန်၊ လက်နက်ကိုင် တော်လှန်ရေးနှင့် အကြမ်းဖက်မှု ကွာခြားချက်၊ လက်နက်ကိုင်တိုက်ပွဲနှင့် လူထုတိုက်ပွဲ ပေါင်းစပ်ရေးလမ်းစဉ်နှင့် ဆက်လက်ဆောင်ရွက်မည့် ရှေ့လုပ်ငန်းစဉ်များကို သိရှိနိုင်ရန် ABSDF ဥက္ကဌ ရဲဘော် သံခဲထံ မဇ္ဈိမသတင်းထောက် သန်းထိုက်ဦးက ဆက်သွယ် မေးမြန်းထားသည်များကို တင်ပြလိုက်ပါသည်။

မေး။ လွန်ခဲ့တဲ့ နှစ် ၂၀ တုန်းက ABSDF ရဲ့ ဖွဲ့စည်းမှုကို ပြောပြစေလိုပါတယ်။

ဖြေ။ ပထမ ပြောချင်တာက ကျနော်တို့ မြန်မာပြည် နိုင်ငံရေးမှာ ABSDF ဖွဲ့စည်းတာဟာ အင်မတန်မှ ထူးခြားပါတယ်။ ABSDF ဟာ ၁၉၈၈ ဒီမိုကရေစီ အရေးတော်ပုံကြီးကို အာဏာရှင်တွေက အကြမ်းဖက် ဖျက်ဆီးဖိနှိပ်ခဲ့ပြီးတဲ့ နောက်မှာ ထောင်နဲ့ သောင်းနဲ့ ကျောင်းသားတွေ၊ အလုပ်သမားတွေ၊ လယ်သမားတွေဟာ တော်လှန်ရေးနယ်မြေ အသီးသီးကို ရောက်ရှိခဲ့ပါတယ်။

အဲဒီလို ရောက်လာတဲ့ ရည်ရွယ်ချက်ကလည်း လက်ရှိ တည်ရှိနေဆဲ စစ်အာဏာရှင်စနစ်ကို တော်လှန်မယ်ဆိုရင် စစ်ရေးတိုက်ပွဲဟာ မဖြစ်မနေ လိုအပ်တယ်ဆိုတဲ့ ခိုင်မာတဲ့ ဆုံးဖြတ်ချက်တချက် ပါပါတယ်။ အဲဒီအချိန်မှာ တိုင်းရင်းသား နယ်မြေအသီးသီးမှာ၊ လွတ်မြောက်နယ်မြေထဲမှာ အမျိုးသားရေးအတွက် လှုပ်ရှားနေတဲ့ တော်လှန်ရေး အဖွဲ့အစည်းတွေ အများကြီး ရှိပါတယ်။ အဲဒီဒေသတွေကို ကျနော်တို့သွားပြီးတော့ ခိုလှုံတယ်။ တပြိုင်နက်ထဲမှာပဲ အမျိုးသား ဒီမိုကရေစီ တပ်ပေါင်းစုလို့ခေါ်တဲ့ အမျိုးသားရေး တပ်ပေါင်းစုကြီးက တိုင်းရင်းသား ခေါင်းဆောင်တွေမှာလည်း ဆုံးဖြတ်ချက် ချခဲ့ပါတယ်။

ဆုံးဖြတ်ချက်က ဘာလဲဆိုရင် ဒီမိုကရေစီ လှုပ်ရှားမှုကြီးကို တိုင်းရင်းသား အဖွဲ့အစည်းတွေ အနေနဲ့ ဘယ်လို အထောက်အကူပြုမလဲ၊ ရောက်လာမယ့် ဒီမိုကရေစီ အင်အားစုတွေကို ဘယ်လို ပံ့ပိုးကူညီမလဲ၊ တပြိုင်နက်ထဲမှာပဲ အင်အားကောင်းတဲ့ အဖွဲ့အစည်းတခု ဖြစ်ပေါ်ရေးအတွက် သူတို့တွေအနေနဲ့ ဘယ်လို ကြိုးပမ်း ဆောင်ရွက်သွားကြမလဲဆိုတဲ့ ဆုံးဖြတ်ချက် ပါပါတယ်။

အဲဒီ ဆုံးဖြတ်ချက်အပေါ်မှာ မူတည်ပြီးတဲ့အခါ စခန်းအသီးသီးမှာ ရောက်လာခဲ့တဲ့ ကျောင်းသားလူငယ် အားလုံးကို မဒတ (အမျိုးသားဒီမိုကရက်တစ်တပ်ဦး - NDF) ခေါင်းဆောင်ကြီးတွေဖြစ်တဲ့ ဗိုလ်ချုပ်ကြီး တာမလာဘောတို့၊ ခိုင်စိုးနိုင်အောင်တို့၊ နောက် အဲဒီအချိန်တုန်းက ကချင်ခေါင်းဆောင်တွေလည်း ပါတယ်။ နောက် မွန်ခေါင်းဆောင်တွေလည်း ပါတယ်။ သူတို့က စုစည်းပေးပြီးတဲ့အခါမှာ KNU ရဲ့ ၀မ်းခ စခန်းမှာ ကျောင်းသားကိုယ်စားလှယ်တွေ အစည်းအဝေး ထိုင်တယ်။ ထိုင်ပြီးတဲ့အခါမှာ မြန်မာနိုင်ငံလုံးဆိုင်ရာ ကျောင်းသားများ ဒီမိုကရက်တစ်တပ်ဦး - ABSDF ကျောင်းသားတပ်မတော်ကို ကျောင်းသားတွေက ကိုယ်တိုင် အစည်းအဝေး ထိုင်ပြီးတော့မှ ဖွဲ့စည်းခဲ့ခြင်း ဖြစ်ပါတယ်။

ဒီတော့ ကျနော်ပြောချင်တာက ABSDF ရဲ့ ဖွဲ့စည်းမှုဟာ ရှစ်လေးလုံး ဒီမိုကရေစီ အရေးတော်ပုံအရ ပေါ်ပေါက်လာတာ ဖြစ်တယ်။ မြန်မာ့နိုင်ငံရေး လိုအပ်ချက်အရ ပေါ်ပေါက်လာတာ ဖြစ်တယ်။ နောက်တခုက တိုင်းရင်းသား ခေါင်းဆောင်ကြီးတွေ ကိုယ်တိုင်ကိုက ၀ိုင်းရံ ပံ့ပိုးမှုနဲ့ ပေါ်ပေါက်လာတဲ့ အဖွဲ့အစည်း ဖြစ်တယ်။ ဒါဟာ ဒီမိုကရေစီနဲ့ အမျိုးသားရေးအတွက် ပေါင်းစည်းမှုလည်း ဖြစ်တယ်လို့ ကျနော် ပြောချင်ပါတယ်။

မေး။ ABSDF ရဲ့ သက်တမ်း နှစ် ၂၀ အကြာ လက်ရှိ ရပ်တည်နေပုံကို သိချင်ပါတယ်။

ဖြေ။ ကျနော်တို့ ပထမဆုံး ပြောချင်တာက ဒီ နှစ် ၂၀ ကာလအတွင်းမှာ ကျနော်တို့တွေအနေနဲ့က ABSDF ရဲ့ ရပ်တည်မှုကို ပြောရရင် တော်တော်ကို ပြောင်းလဲသွားပါပြီ။ ၁၉၈၈ မှာ ကျနော်တို့တွေဟာ တိုင်းရင်းသား လွတ်မြောက်နယ်မြေတွေကို ရောက်ရှိလာတယ်။ အဲဒီအချိန်တုန်းက တိုင်းရင်းသား လွတ်မြောက်နယ်မြေတွေမှာ တော်လှန်ရေး အဖွဲ့အစည်းတွေရဲ့ လက်နက်ကိုင်လှုပ်ရှားမှုဟာ အင်မတန်မှ အားကောင်းပါတယ်။ ဒါပေမဲ့လည်း ဒီကြားထဲ နှစ် ၂၀ အတွင်းမှာပဲ ကျနော်တို့ရဲ့ လက်တွဲဖော် မဟာမိတ်အဖွဲ့အစည်းတွေဟာ၊ တိုင်းရင်းသား အဖွဲ့အစည်းတွေဟာ အပစ်အခတ်ရပ်စဲရေး ယူသွားပြီးတဲ့နောက်မှာ ကျနော်တို့ရဲ့ လှုပ်ရှားနယ်မြေတွေဟာလည်း နည်းလာတာ အမှန်ပါပဲ။

အခုအချိန်မှာ လှုပ်ရှားနယ်မြေတွေ ဘယ်လောက်ပဲ နည်းနေနေ၊ ကျနော်တို့အနေနဲ့က စစ်အာဏာရှင်စနစ်ကို ကျော်လွှားမယ်ဆိုရင် လက်နက်ကိုင်တိုက်ပွဲကို စွဲကိုင်ထားဖို့လိုတယ်။ အဲဒီအတွက်လည်း ကျနော်တို့ ဆက်လက်ပြီးတော့ အတတ်နိုင်ဆုံး ပြင်ဆင်မှုရှိရှိနဲ့ ကြိုးစားဆောင်ရွက်သွားဖို့လိုတယ်။ ဒါ အခြေခံ အချက်တခုပါပဲ။ ဆိုလိုချင်တဲ့ အဓိပ္ပာယ်က တိုင်ရင်းသားနယ်မြေတွေမှာ လှုပ်ရှားရတဲ့ လှုပ်ရှားမှုနယ်မြေတွေ နည်းပေမယ့် ကျနော်တို့ရဲ့ လက်နက်ကိုင်တိုက်ပွဲကို လျှော့ချပစ်ဖို့ မဖြစ်ပါဘူး။ ဒါ ပထမ တချက်ပါ။

ဒုတိယ တချက်ကတော့ ကျနော်တို့ လိုအပ်နေတဲ့ ရန်ပုံငွေ ကိစ္စပါ။ မကဒတ (ABSDF) အနေနဲ့ ရန်ပုံငွေကတော့ တိုက်ရိုက်ထောက်ပံ့တဲ့ မည်သည့် နိုင်ငံခြားအကူအညီမှ မရှိပါဘူး။ ကျနော်တို့ ဒီနေ့ ရပ်တည်နေရတာဟာ နိုင်ငံတကာမှာ ရောက်နေတဲ့ မကဒတ တပ်ဖွဲ့ဝင်ဟောင်းတွေ၊ နိုင်ငံတကာမှာ ရောက်နေတဲ့ မျိုးချစ်အင်အားစုတွေ၊ တခြားသော နိုင်ငံရပ်ခြားက တသီးပုဂ္ဂလ မိတ်ဆွေတွေရဲ့ အကူအညီနဲ့ပဲ ကျနော်တို့ ရပ်တည်နေရတော့ ရန်ပုံငွေကိစ္စဟာ အင်မတန်မှ ခက်ခဲပါတယ်။ သို့သော်လည်းပဲ ကျနော်တို့အတွက် အဓိကလုပ်ငန်းတွေဖြစ်တဲ့ လူထုတိုက်ပွဲနဲ့ လက်နက်ကိုင်တိုက်ပွဲနဲ့ ပေါင်းစပ်တိုက်ပွဲဝင်ရေးဆိုတဲ့ လုပ်ငန်းစဉ်တွေကို ဒီအထဲကပဲ ကျနော်တို့ ဦးစားပေးပြီးတော့ အကောင်အထည် ဖော်နေရတာ ဖြစ်ပါတယ်။ ဒါ ရန်ပုံငွေ ကိစ္စပါ။

တတိယအချက်ကတော့ အင်အားအရာ ကိစ္စပါ။ ကျနော်တို့ ရောက်စက ABSDF ဟာ အင်အားအရ သောင်းနဲ့ ချီပြီးတော့ ရှိပါတယ်။ သို့သော်လည်းပဲ ဒီကနေ့ကာလမှာ တော်လှန်ရေးရဲ့ ကြမ်းတမ်းတဲ့ အခြေအနေ၊ မိသားစုတွေရဲ့ အခြေအနေ၊ တဦးချင်း လိုက်ပါနိုင်မယ့် အခြေအနေ၊ အဲဒီ အခြေအနေအောက်မှာ ကျနော်တို့ရဲ့ လက်နက်ကိုင်တော်လှန်ရေးကို ယုံကြည်နေသူ ဖြစ်နေပါစေ၊ အခြေအနေ အကြောင်းအမျိုးမျိုးကြောင့်မို့လို့ တချို့ကတော့ တတိယနိုင်ငံကို ရောက်သွားကြပါပြီ။ တချို့ကလည်း မြန်မာပြည်ထဲကို ရောက်သွားတဲ့ လူတွေလည်း ရှိပါတယ်။ တချို့ကျတော့လည်း လွတ်မြောက်နယ်မြေမှာ မကဒတ အလံနဲ့ပဲ ဆက်လက်ချီတက်နေဆဲ ဖြစ်ပါတယ်။ ဒါပေမဲ့ အင်အားအရာအရ လျှော့သွားပေမယ့် ဒီကနေ့ နိုင်ငံရေး အခြေအနေဟာ ကျနော်တို့ကို ဆက်ပြီးတော့မှ အလုပ်လုပ်ဖို့ တောင်းဆိုနေဆဲ ဖြစ်တယ်ဆိုတာလည်း ကျနော်တို့ ယုံကြည်ပါတယ်။ ဒီ့နောက်မှာ ကျနော်မြင်တာက အင်အားအရာအရ လျှော့သွားပေမယ့် အလုပ်တွေ ရှိနေသေးတယ်။

နောက်တခုကတော့ ကျနော်တို့ ဒီလုပ်ငန်းတွေကို လုပ်မယ်ဆိုရင် အခု ပြန့်ကျဲနေတဲ့ ကျနော်တို့ မကဒတ အင်အားတွေကို ပြန်လည်ပြီးတော့ ညီညီညွတ်ညွတ်နဲ့ စုစည်းပြီးတော့ ဒီ နှစ် ၂၀ မှာ ကျနော်တို့တွေအနေနဲ့ ဆုံးဖြတ်ထားပါတယ်။ အားလုံးဟာ ဘယ်နေရာမှာပဲရောက်ရောက်၊ အလေးအနက် ယုံကြည်ထားတာက မကဒတရဲ့ လုပ်ငန်းစဉ်တွေကို ယုံကြည်နေသေးတယ်၊ မကဒတရဲ့ တိုက်ပွဲသဏ္ဌန်တွေကို လက်ခံတယ်၊ မကဒတကို ထောက်ပံ့ကူညီ လက်တွဲကြရမယ်ဆိုတာ အားလုံး နားလည်နေတယ်လို့ ကျနော်တို့က မြင်ထားပါတယ်။

မေး။ ABSDF ရဲ့ ရှေ့ဆက်ပြီးတော့ လုပ်ဆောင်သွားမယ့် လုပ်ငန်းစဉ်တွေကို ပြောပြပေးပါလား။

ဖြေ။ ပထမဆုံးက ABSDF ဟာ တဦးကောင်း တယောက်ကောင်း၊ တဖွဲ့တစည်းတည်းနဲ့ တည်ရှိနေတဲ့ အာဏာရှင်စနစ်ကို တော်လှန်လို့ မရဘူးဆိုတဲ့ အခြေခံကို ကျနော်တို့ ကိုင်ဆွဲလျက်ပဲ ရှိပါတယ်။ အဲဒီလိုမျိုး တဦးကောင်း တယောက်ကောင်း၊ တဖွဲ့ကောင်းနဲ့ အာဏာရှင်စနစ်ကို ပျောက်သွားဖို့ မရဘူးဆိုရင် အားလုံးနဲ့ လက်တွဲဆောင်ရွက်သွားမှာ ဖြစ်တယ်။ ဒါပေမဲ့လည်း ကျနော်တို့တွေဟာ တစုံလုံးကို ကြည့်နိုင်ရမယ်။ တစုံလုံးရဲ့ လိုအပ်တဲ့ အလုပ်တွေကို လုပ်နိုင်ရမှာပဲ။ ဒီနေ့ လိုအပ်နေတဲ့ အလုပ်ဟာ စစ်အာဏာရှင်စနစ်ကို ကျော်လွှားဖို့ဆိုရင် နိုင်ငံရေး၊ စစ်ရေး၊ သံတမန်ရေး၊ တိုက်ပွဲပုံသဏ္ဌန်ပေါင်းစုံနဲ့ ကျနော်တို့ လှုပ်ရှားဖို့လိုတယ်။

ဒီအထဲမှာ ပွင့်ပွင့်လင်းလင်း ပြောရရင် စစ်ရေးလုပ်ငန်းနဲ့ လုပ်နေတဲ့ လူတွေဟာ အင်အားအရာအရ အင်မတန်နည်းပါတယ်။ ဒီတာဝန်တွေကို ABSDF က ၀င်ရောက်ထမ်းဆောင်ရတာ ဖြစ်ပါတယ်။ ဒါဟာ အားလုံးနဲ့ အကြုံးဝင်တယ်လို့ ယူဆပါတယ်။ ABSDF တခုတည်းသာလျှင် ဒီတာဝန်နဲ့ သက်ဆိုင်တယ်လို့ မတွေးမိဖို့ အားလုံးကို ဒီနေရာကနေ တိုက်တွန်းပါတယ်။ လူတကာ လက်တွဲဆောင်ရွက်ပြီးတော့ တတူတကွ ညီညီညွတ်ညွတ် လုပ်ဆောင်ကြမယ်ဆိုရင် ဒီလုပ်ငန်း သုံးခုစလုံးဟာ စစ်အာဏာရှင်စနစ်ကို ထိထိရောက်ရောက်နဲ့ လုပ်နိုင်ပြီးတော့၊ ကျနော်တို့ အမြန်ဆုံး ဒီမိုကရေစီ ရရှိလိမ့်မယ်လို့ အခိုင်အမာ ယုံကြည်ဆဲ ဖြစ်ပါတယ်။

ဒါကြောင့် ABSDF ရဲ့ ချမှတ်ထားတဲ့ ရှေ့လုပ်ငန်းစဉ်မှာ အဓိကအားဖြင့်တော့ ပြည်သူလူထုဘက်က ကာကွယ်မယ်၊ စစ်အုပ်ချုပ်ရေးကို အနှောင့်အယှက်ဖြစ်စေမယ့် စစ်အုပ်ချုပ်ရေးကို ဖျက်ဆီးနိုင်တဲ့ နိုင်ငံရေး၊ စစ်ရေး၊ ပြည်တွင်းလုပ်ငန်းတွေကို လုပ်ပါမယ်။ တပြိုင်နက်ထဲမှာပဲ ကျနော်တို့ မကဒတ ကျောင်းသား တပ်မတော်ကို ကျစ်လစ်အောင် တည်ဆောက်သွားမယ်ဆိုတဲ့ အလုပ်ကိုပဲ ချမှတ်ထားပါတယ်။

မေး။ ABSDF ဥက္ကဌ တယောက်အနေနဲ့ လက်နက်ကိုင်လမ်းစဉ်နဲ့ လက်နက်မကိုင် အကြမ်းမဖက်ဘဲ တွေ့ဆုံဆွေးနွေးရေးကို ဘယ်လိုရှုမြင်ထားပါသလဲ။

ဖြေ။ လက်နက်ကိုင်လမ်းစဉ်နဲ့ အကြမ်းမဖက်ရေးဆိုတဲ့ ဝေါဟာရကို ကျနော် ရှင်းလင်းလိုပါတယ်။ ဆိုလိုတာက ကျနော်တို့ မြန်မာနိုင်ငံဟာ အကြမ်းဖက်မှုကို လုပ်နေတာဟာ စစ်အာဏာရှင်ပဲ ဖြစ်ပါတယ်။ ကျနော်တို့တွေ မဟုတ်ဘူးဆိုတာ မြန်မာနိုင်ငံသူ၊ နိုင်ငံသားတွေ အားလုံးရော နိုင်ငံတကာ အားလုံးရော သိပြီးသား ဖြစ်ပါတယ်။ ကျနော်တို့ တော်လှန်ရေးလုပ်ငန်း လက်နက်စွဲကိုင်ပြီးတော့ စစ်အာဏာရှင်စနစ်ကို ဆန့်ကျင်တာဟာ အကြမ်းဖက်မှု မဟုတ်ပါဘူး။ ကျနော်တို့တွေအနေနဲ့ စစ်အာဏာရှင်စနစ်ကို ကျော်လွှားဖို့ဆိုရင် လက်နက်ကိုင် တော်လှန်ရေးတွေ ရှိတယ်။ လူထုတိုက်ပွဲတွေ ရှိတယ်။ နောက်တခုက ဖိနှိပ်မှုတွေ ကြီးလေလေ၊ မကြေနပ်မှုတွေ ကြီးလေလေ၊ မတရားမှုတွေ ကြီးလေလေ၊ ဒီအပေါ်မှာ မူတည်ပြီး လူထုတွေရဲ့ တုံ့ပြန်မှုတွေက ပေါ်ပေါက်လာတာဟာ တော်လှန်ရေးပဲ ဖြစ်ပါတယ်။ အကြမ်းဖက်မှု မဟုတ်ပါဘူး။

ဒုတိယတခုအနေနဲ့ ကျနော် ပြောချင်တာက တွေ့ဆုံဆွေးနွေးရေးဆိုတာ အကောင်းဆုံးအဖြေ ဖြစ်ပါတယ်။ ကျနော်တို့ အလိုချင်ဆုံး ဆန္ဒဖြစ်ပါတယ်။ ဘယ်လိုမှ စစ်အာဏာရှင်စနစ်က တွေ့ဆုံဆွေးနွေးရေးကို မလုပ်တော့တဲ့ အခြေအနေ၊ တိုင်းပြည်ထဲမှာ ဥပဒေမဲ့ အုပ်ချုပ်နေတဲ့အချိန်၊ လွတ်လပ်မှုတွေ ကင်းမဲ့နေတဲ့ ဖိနှိပ်မှုတွေ ကြီးမားနေတဲ့အချိန်ဟာ ဒီလို မတည်ငြိမ်မှုတွေကို ဖန်တီးတာဟာ နအဖ စစ်အုပ်စုပဲလို့ ဒီနေရာကနေ အခိုင်အမာ ပြောလိုပါတယ်။ နအဖ သာလျှင် ဖန်တီးနေတဲ့ နိုင်ငံရေး အခြေအနေဖြစ်ပါတယ်။ အထူးသဖြင့် တွေ့ဆုံဆွေးနွေးရေးကို လိုချင်သလား၊ ကျနော်တို့ ဖိအားတွေ ရှိရမယ်၊ တိုက်ပွဲတွေ ဖော်ဆောင်နိုင်ဖို့ လိုပါတယ်။ ၁၉၉၀ ရွေးကောက်ပွဲ အနိုင်ရ ပါတီအဖွဲ့အစည်းနဲ့ ပါလီမန်ကို မြင်ချင်သလား၊ ဒီမိုကရေစီအစိုးရကို ဖွဲ့စည်းချင်သလား၊ ဘာပဲဖြစ်ဖြစ် ကျနော်တို့တွေအနေနဲ့က တိုက်ပွဲတွေ၊ ဖိအားတွေဟာ ဆက်လက် ဖော်ဆောင်ဖို့ လိုအပ်နေတယ်လို့ ကျနော် မြင်ပါတယ်။ ဒါကို အတူတကွ လက်တွဲဆောင်ရွက်ကြပါစို့ ကျနော်အနေနဲ့ ဒီနေရာက ပြောလိုပါတယ်။

မေး။ လက်ရှိ မြန်မာ့နိုင်ငံရေးကိုရော ဘယ်လို သုံးသပ်မိပါသလဲဗျ။

ဖြေ ။ လက်ရှိ ဖြစ်တည်နေတဲ့ မြန်မာ့နိုင်ငံရေးဟာ ကျနော့်အမြင်မှာတော့ ကောင်းလာမယ့် အခြေအနေထက်၊ အဆိုးဘက်ကို ဦးတည်သွားနိုင်တဲ့ အခြေအနေကို တွေ့နေရပါတယ်။ အဓိကကတော့ ဘယ်လိုပဲ ကျနော်တို့တွေအနေနဲ့ အမျိုးသား ပြန်လည်သင့်မြတ်ရေး၊ တွေ့ဆုံဆွေးနွေး အဖြေရှာရေးကို ကြွေးကြော် တောင်းဆိုနေပေမယ့် နအဖ လုပ်နေတဲ့ ပုံစံက လမ်းပြမြေပုံ ၇ ချက်ကိုပဲ အတည်ဆုပ်ကိုင်ထားမယ်။ လာမယ့် အချိန်မှာ နိုင်ငံရေးပါတီကိုလည်း ဖြုတ်ပစ်နိုင်တယ်၊ မတရားအသင်း ကြေညာပစ်နိုင်တယ်၊ အကြမ်းဖက် အသင်းအဖြစ်နဲ့လည်း စွပ်စွဲနိုင်တယ်။ အခုအချိန်မှာလည်း နိုင်ငံရေးခေါင်းဆောင်တွေကို ဖမ်းဆီးထားတယ်။ ကျောင်းသား ခေါင်းဆောင်တွေကို ဖမ်းဆီးထားတယ်။ နိုင်ငံရေး လုပ်မရအောင် ဖြစ်နေတဲ့ အခြေခံအောက်မှာ မြန်မာပြည်ရဲ့ နိုင်ငံရေးအခြေအနေဟာ အကောင်းဘက်ကနေ အဆိုးဘက်ကို ဦးတည်သွားနိုင်တယ်။

ဒါဟာ ဘာလဲဆိုရင် ကျနော်တို့မှာ တခြား ရွေးချယ်စရာ လမ်းမရှိတော့ဘူး။ နိုင်ငံရေးပါတီမှာလည်း ရွေးချယ်စရာ လမ်းမရှိတဲ့အချိန်လည်း ဆိုက်ရောက်နိုင်ပါတယ်။ ပြည်သူလူထုဘက်ကလည်း မကျေနပ်မှုတွေ ကြီးထွားလာတဲ့အတွက် တုံ့ပြန်မှုတွေဟာ ဒီ့ထက်ပိုပြီးတော့ ဆိုးရွားလာနိုင်ပါတယ်။ ဒီအခြေခံအောက်မှာ ရွေးချယ်စရာလမ်း ပိတ်တဲ့အချိန်မှာ ထိပ်တိုက်တွေ့ရေးကိုပဲ အားလုံးက ဦးတည်နေပြီလို့ ကျနော့်အနေနဲ့ ယူဆပါတယ်။ ဒီ့အတွက် နအဖ အနေနဲ့ အချိန်မီ ပြန်လည်ပြင်ဆင်ဖို့ ဒီနေရာကနေ တိုက်တွန်းလိုပါတယ်။

မေး။ ကိုသံခဲအနေနဲ့ ၈၈ အရေးတော်ပုံမှာ ဘယ်လို ပါဝင်ခဲ့လဲ၊ နောက် ABSDF မှာ ပါဝင်ခဲ့တဲ့ အကြောင်းလေးကို ပြောပြပေးပါလား။

ဖြေ။ ကျနော် ၁၉၈၈ မှာ မန္တလေး ဆေးတက္ကသိုလ်ရဲ့ နောက်ဆုံး အပိုင်း (က) မှာ ပညာသင်ကြားနေတဲ့ ကျောင်းသားတဦး ဖြစ်ပါတယ်။ ၁၉၈၈ ပြည်သူ့ဒီမိုကရေစီ အရေးတော်ပုံကြီးမှာ၊ ကျနော့်ဒေသ ကျနော့်နယ်မှာ ကျောင်းသားခေါင်းဆောင်တဦး အနေနဲ့သာ ပါဝင်ခဲ့ခြင်းဖြစ်ပါတယ်။ သို့သော်လည်းပဲ ၁၉၈၈ စစ်အာဏာသိမ်းပြီးနောက် တတိုင်းပြည်လုံးမှာရှိတဲ့ ကျောင်းသားခေါင်ဆောင်တွေ၊ ကျောင်းသားလှုပ်ရှားမှုတွေ အကန့်သတ်ခံရတယ်။ လူထုလှုပ်ရှားမှုတွေ အကန့်သတ်ခံရတယ်။ တဖက်မှာလည်း နိုင်ငံရေးပါတီတွေ ဖွဲ့ခွင့်ပေးတယ်။ တဖက်မှာလည်း တက်ကြွနေတဲ့ နိုင်ငံရေးအင်အားစုတွေကို အာဏာပိုင်တွေက ဖမ်းဆီးတယ်၊ နှစ်ရှည်လများ ထောင်ချပါတယ်။ ဒီတော့ ဒီအခြေခံအောက်မှာ ကျနော်တို့ စဉ်းစားမိတဲ့ ပုံစံက ကျနော်တို့ဟာ ဒီအတိုင်း တည်ရှိနေတဲ့ နအဖ အောက်က ရှိစုမဲ့စု အခွင့်အရေးတွေကို ကုတ်ကပ်ပြီးတော့ လှုပ်ရှားမလား၊ နောက်တခုက မြေအောက် ကျောင်းသားသမဂ္ဂအလံနဲ့ ရှေ့ဆက်သွားမလား၊ ဒါမှမဟုတ်ရင်လည်း လက်နက်ဆွဲကိုင် တိုက်ပွဲဝင်မလား။ ဆိုတဲ့ နောက်ဆုံး ရွေးတန်း သုံးခုထဲက ကျနော်အနေနဲ့ လက်နက်ကိုင် တော်လှန်ရေးမှာ ပူးပေါင်းပါဝင်သင့်ပြီဆိုတဲ့ ရည်ရွယ်ချက်နဲ့ အဲဒီ အုပ်စုထဲမှာ ပါဝင်ခဲ့ခြင်း ဖြစ်ပါတယ်။

မေး။ ကိုသံခဲအနေနဲ့ ဘာများ ဖြည့်စွက်ပြောကြားလိုပါသလဲ။

ဖြေ။ ကျနော်တို့ရဲ့ ဘ၀ မျိုးဆက်ဟာ ဒီ နှစ် ၂၀ လုံးလုံးပေါ့ဗျာ။ ကျနော်တို့ဟာ စစ်အာဏာရှင်စနစ်ကို ဒူး မထောက်တမ်း တိုက်ပွဲဝင်ခဲ့တာဟာ ကျနော်တို့အတွက် အင်မတန် ဂုဏ်ယူစရာတခု ဖြစ်ပါတယ်။ သို့သော်လည်းပဲ လက်ရှိ စစ်အာဏာရှင်စနစ်ဆိုးအောက်က ကျနော်တို့တွေ အမှန်တကယ် ရုန်းကန်ဖောက်ထွက်ဖို့အတွက် ကြိုးစားနေရဆဲပဲ ဖြစ်တယ်။ နောက်တခု ပြောချင်တာက စစ်အာဏာရှင်စနစ် တည်ရှိနေသရွေ့ ကျနော်တို့ မျှော်မှန်းနေတဲ့ ဒီမိုကရေစီအရေး၊ လူ့အခွင့်အရေး လွတ်လပ်ခွင့်ဆိုတာ ဘာမှ မရှိနိုင်ဘူး။

ဒီအတွက် ကျနော်တို့တွေဟာ မြန်မာနိုင်ငံမှာ သမိုင်းအရ မကဒတ ABSDF ဆိုတဲ့ ကျောင်းသား တပ်မတော်ဟာ အမှန်တကယ် ပေါ်ပေါက်ခဲ့တာ ဖြစ်ပါတယ်။ နှစ် ၂၀ သက်တမ်းပြည့်ပေမယ့် ဒီတာဝန်ကို ဆက်လက် ထမ်းဆောင်ဖို့ နောက်မဆုတ်တမ်း ဆက်လက် တိုက်ပွဲဝင်သွားမယ်ဆိုတာ ဒီနေရာကနေ ပြောကြားလိုပါတယ်။

မြန်မာ့အရေး ဘယ်သူ အလေးထားမလဲ


အင်တာဗျူး
နန်းဒေ၀ီ
တနင်္လာနေ့၊ နိုဝင်ဘာလ 03 2008 22:00 - မြန်မာစံတော်ချိန်


မြန်မာ့ဒီမိုကရေစီရေးအတွက် နိုင်ငံတကာ မျက်နှာစာတွင် ရှေ့တန်းမှ ဖိအားပေး လုပ်ဆောင်လေ့ ရှိသည့် အမေရိကန် ပြည်ထောင်စုတွင် ယခုလ ၄ ရက်နေ့၌ သမတ ရွေးကောက်ပွဲ ကျင်းပတော့မည် ဖြစ်သည်။

သမတလောင်းများအဖြစ် Democratic ပါတီမှ မစ္စတာ အိုဘားမားနှင့် Republican ပါတီမှ မစ္စတာ မက်ကိန်းတို့ ယှဉ်ပြိုင်နေကြရာတွင် မည်သူ အရွေးချယ်ခံရလျှင် မြန်မာ့အရေးအတွက် ပိုမို လုပ်ဆောင်နိုင်မလဲ၊ မည်သူ့အပေါ် ပိုမို လိုလားသလဲ၊ အစရှိသည့် မေးခွန်းများဖြင့် ပြည်တွင်းပြည်ပရှိ မြန်မာ့နိုင်ငံရေး ခေါင်းဆောင်များ၊ လေ့လာသုံးသပ်သူများသို့ မဇ္ဈိမသတင်းထောက် နန်းဒေ၀ီက ဆက်သွယ် မေးမြန်းထားသည်များကို တင်ပြလိုက်ပါသည်။


သတင်းစာဆရာကြီး ဦးဝင်းတင် (ဟံသာဝတီ)
သူတို့ နှစ်ယောက်ထဲက တယောက်ယောက်တော့ နိုင်မှာပဲ။ ဘယ်သူနိုင်စေချင်၊ ဘယ်သူတက်စေချင် ဆိုတာကိုတော့ ပြောဖို့လည်း မလိုပါဘူး။ ပြောလည်း မပြောသင့်ပါဘူးလို့ ထင်ပါတယ်။

ဘယ်သူပဲနိုင်နိုင် တက်လာတဲ့သူက ဗမာ့အရေးကို စိတ်ဝင်စားမယ့် ပုဂ္ဂိုလ်၊ အရင်က စိတ်ဝင်စားခဲ့တဲ့ သူဆိုရင်လည်း ပိုပြီး စိတ်ဝင်စားမယ့်သူ၊ အရင်က ပိုစိတ်ဝင်စားမှုရှိခဲ့တဲ့ ပုဂ္ဂိုလ်ဆိုလည်း ပိုပိုပြီး ဗမာ့အရေးကို စိတ်ဝင်စားမယ့်သူ ဖြစ်ဖို့ လိုပါတယ်။

မက်ကိန်းဆိုလည်း မြန်မာပြည်ကို နှစ်ခေါက်လောက် လာဖူးတယ်။ ဒေါ်အောင်ဆန်းစုကြည်နဲ့ တွေ့ခဲ့ဖူးတယ်။ ဒေါ်အောင်ဆန်းစုကြည် လွတ်မြောက်ရေး၊ နိုင်ငံရေး အကျဉ်းသားတွေ လွတ်မြောက်ရေးနဲ့ ဒီမိုကရေစီနဲ့ စီးပွားရေး ကိစ္စတွေမှာလည်း နည်းလမ်းရှာဖွေနိုင်သလို စစ်အစိုးရကိုလည်း အဲဒါတွေ လုပ်နိုင်ဖို့ ဖိအားပေးနိုင်တဲ့ အခြေအနေ ရှိတယ်။

သမ္မတ ဘုရှ် သက်တမ်းမှာကတည်းက မြန်မာပြည်အပေါ် သဘောထား၊ လော်ရာဘုရ်ှတို့လို မြန်မာ့ ဒီမိုကရေစီအရေး တွန်းအားပေးတဲ့ အစဉ်အလာတွေ ရှိခဲ့တယ်။ ဒါကြောင့် မက်ကိန်း အနိုင်ရခဲ့ရင် အဲဒီအစဉ်အလာတွေကို ဆက်လက်စောင့်ထိန်းမယ်လို့ မျှော်လင့်ရပါတယ်။

အိုဘားမား တက်လာမယ်ဆိုရင်လည်း စိတ်ပျက်စရာ မရှိပါဘူး။ မြန်မာ့အရေး၊ ဒေါ်အောင်ဆန်းစုကြည် လွတ်မြောက်ရေး၊ နိုင်ငံရေးအကျဉ်းသားများ လွတ်မြောက်ရေးအတွက် အစဉ်အလာတွေ ဆက်လုပ်သွားမယ်လို့ မျှော်လင့်ပါတယ်။


သခင်ချန်ထွန်း
(၀ါရင့် နိုင်ငံရေးသမားကြီးများ အဖွဲ့)

နှစ်ယောက်လုံးတော့ မြန်မာပြည် ဒီမိုကရေစီအကြောင်း ပြောနေကြတာပဲလေ။ ဒါပေမယ်လို့ မက်ကိန်းက မြန်မာပြည်အရေးနဲ့ ပတ်သက်လို့ ပိုမို ပြင်းထန်တယ်လို့ ပြောလို့ရမယ်။ ပြီးတော့ သူကိုယ်တိုင် မြန်မာပြည် ရောက်ဖူးတယ်။ ဒေါ်အောင်ဆန်းစုကြည်နဲ့လည်း တွေ့ခဲ့ဖူးတယ်ဆိုတော့ မြန်မာ့အရေး အခြေအနေမှန် သိတယ်။ သမ္မတ ဘုရှ် မြန်မာ့အရေး ပြောလာသလိုမျိုး မက်ကိန်းလည်း ဆက်ပြောလာနိုင်ပါတယ်။ ဒါကြောင့် မက်ကိန်းသာ သမ္မတ ဖြစ်လာရင်တော့ အိုဘားမားထက် ပိုပြောနိုင်မယ်။

အိုဘားမားကတော့ သူ့ပြည်တွင်း စီးပွားရေးကိစ္စကို အသားပေးလုပ်သွားမယ့် သဘောရှိတယ်။ သူ မဲဆွယ်နေတဲ့ ကာလတလျှောက်တော့ အမေရိကန် ပြည်တွင်းစီးပွားရေးကိစ္စကို ပိုမိုလုပ်မယ့် သဘောရှိတယ်။ နိုင်ငံတကာအရေးကို ဘာမှ ပြောသေးတာမရှိဘူး။ အီရတ်၊ အာဖဂန်ကိစ္စတွေ ပြောဖို့ စောနေပါသေးတယ်။ တကယ်တက်လာမှပဲ သိနိုင်မယ်။

ဘယ်သူ့ကို နှစ်သက်တယ်၊ သဘောကျတယ်ဆိုတာ ကိုယ်တွေပြောတော့၊ ကိုယ့်သမ္မတလည်း မဟုတ်တော့ ဘယ်သူပဲ နိုင်နိုင်လေ၊ တက်လာတဲ့သူက မြန်မာ့ ဒီမိုကရေစီအရေးကို အားပေးတာလောက်နဲ့တော့ ဘာမှ မထူးခြားဘူး။ မြန်မာ့အရေးကို တကယ် စိတ်ဝင်စားမယ့်သူသာ အရေးကြီးတာ။


ဦးဥာဏ်ဝင်း
(ပြောခွင့်ရပုဂ္ဂိုလ်၊ အမျိုးသား ဒီမိုကရေစီအဖွဲ့ချုပ်)

ကျနော့်အမြင်နဲ့ ပြောရရင်ဖြင့် နှစ်ယောက်စလုံးက လုပ်ထုံးလုပ်နည်း၊ လုပ်ကိုင်ပုံတွေသာ ပြောင်းသွားမယ်။ ဒါပေမဲ့ ပေါ်လစီပေါ်မှာ အခြေခံတာဆိုတော့ အမေရိကန် ပေါ်လစီအရ ဒီမိုကရေစီ၊ လူ့အခွင့်အရေး ကိစ္စတွေကို လုပ်မှာဖြစ်တဲ့အတွက် မြန်မာနိုင်ငံအတွက်လည်း အကျုံးဝင်မယ်လို့ မျှော်လင့်တယ်။

ဘယ်သူ့ကို ပိုနှစ်သက်တယ်ဆိုတာတော့ အန်ကယ် မပြောပါရစေနဲ့။ သတင်းတွေ ဖတ်ရသလောက်တော့ အိုဘားမားက အနိုင်ရဖို့ များတယ် ဆိုပါတယ်။


ဦးဝင်းမင်း
(ထိုင်းအခြေစိုက် မြန်မာ့အရေးလေ့လာသုံးသပ်သူ)

အမေရိကန်နိုင်ငံအတွက်ဆို အိုဘားမားကို ပိုနှစ်သက်တယ်လို့ ပြောလို့ရမယ်။ ဘာဖြစ်လို့လဲဆိုတော့ လက်ရှိ Republican က စီးပွားရေးမှာ စီမံခန့်ခွဲမှု ညံ့တယ်။ အရင် Democrat ကလင်တန်တုန်းကဆိုရင် စီးပွားရေး အခြေအနေ ကောင်းလာခဲ့ပြီးတော့ အပိုအလျှံ (Surplus) တောင် ရှိခဲ့တယ်။ အခု လိုငွေပြတဲ့ အခြေအနေထိတောင် ရှိနေပြီဆိုတော့ စီးပွားရေး ပိုမိုကောင်းလာအောင် Democrat က လုပ်နိုင်မယ့် အခြေအနေရှိတယ်။

မြန်မာနိုင်ငံနဲ့ ပတ်သက်လာရင် မက်ကိန်းက ပိုကောင်းမယ် ထင်ပါတယ်။ ဘာဖြစ်လို့လဲဆိုတော့ သမ္မတ ဘုရ်ှကလည်း တော်တော်လုပ်ခဲ့ပြီးသားဆိုတော့၊ အမေရိကန်မှာရှိတဲ့ အရင်က International Republican Institute မက်ကိန်းက ဥက္ကဌ လုပ်ခဲ့ဖူးတယ်။

မက်ကိန်းက အခုလက်ရှိ ရှိထားပြီးသား၊ ဖိအားပေးထားပြီးသားအပေါ်တွေမှာ ဆက်လက်ပြီးတော့ ထိန်းထားမယ်။ စစ်အစိုးရက လူ့အခွင့်အရေး ချိုးဖောက်မှုတွေကို ပိုလုပ်လာရင် သူက ဖိအားပေးသွားမယ်။ မက်ကိန်းပဲ တက်တက်၊ အိုဘားမားပဲ တက်တက် ဖိအားတွေက ဆက်ပြီး လုပ်သွားမယ့် အလားအလာရှိပါတယ်။

အိုဘားမားကို တဖက်က မျှော်လင့်ချက်ရှိတာက ဖိအားတွေကို ဆက်ထိန်းရင်းနဲ့ တခြားနိုင်ငံတွေနဲ့ ပူးပေါင်း ဆောင်ရွက်ညှိနိုင်း အလုပ်လုပ်လာမယ့် အလားအလာရှိတယ်။ မြန်မာ့အရေး ဆန့်ကျင်တဲ့ နိုင်ငံတွေကော၊ ထောက်ခံမယ့် နိုင်ငံတွေနဲ့ပါ ပူးပေါင်းလုပ်ဆောင်မယ့် သဘောရှိတယ်။ မက်ကိန်းကတော့ ဘုရ်ှလိုပေါ့ အမေရိကန်တနိုင်ငံပဲ ဦးဆောင်ပြီး လုပ်မယ်ဆိုတဲ့ ဆန္ဒရှိတယ်။


ဦးညိုအုန်းမြင့်
နိုင်ငံခြားရေး တာဝန်ခံ (အမျိုးသားဒီမိုကရေစီအဖွဲ့ချုပ် - လွတ်မြောက်နယ်မြေ)

ဗမာပြည်ရဲ့ အရေးကို ပြုပြင်ပြောင်းလဲနိုင်မယ့် လူကို ဖြစ်စေချင်တာပေါ့နော်။ ဒါကတော့ ပထမ ကျနော့်ဆန္ဒပါ။ ဒုတိယအချက်ကတော့ ကျနော်တို့တိုင်းပြည်ရဲ့ ပြဿနာကို အမေရိကန်အစိုးရ သမတ အသစ်တဦးဦးက မြန်မာ့အရေးအပေါ်မှာ အလေးထားမယ်ဆိုရင် ကျနော်တို့ ပြည်သူပြည်သားတွေအတွက် အများကြီး တန်ဖိုးရှိမယ်ထင်ပါတယ်။

ကျနော့်အနေနဲ့ကတော့ သမ္မတ နှစ်ယောက်စလုံးကလည်း အရည်အချင်းလည်း ရှိတယ်။ စိတ်ဝင်စားစရာကောင်းတဲ့ ခေါင်းဆောင်တွေပါ။ မစ္စတာ မက်ကိန်းကတော့ ပိုပြီးတော့ ကြမ်းတဲ့ ပိုမိုပြင်းထန်တဲ့ ဖိအားတခု ရနိုင်မယ်လို့မြင်ပါတယ်။ ကျနော်တို့ဘက်က ပိုမိုပြင်းထန်တဲ့ ဖိအားပြောရတာထက် ဗမာပြည်ရဲ့ တကယ့်ပြဿနာကို ဖြေရှင်းနိုင်မယ့်လူ လိုအပ်တယ်လို့ ထင်ပါတယ်။ အဲဒီအတွက်ကြောင့် ခုနပြောသလိုပဲ မစ္စတာ မက်ကိန်းအနေနဲ့ကတော့ မစ္စတာ အိုဘားမားထက် ပိုများမယ်လို့ ထင်ပါတယ်။ မြန်မာပြည်ရဲ့အရေးမှာ မစ္စတာ မက်ကိန်းအနေနဲ့ အဓိက တရုတ်နိုင်ငံနဲ့ ညှိနှိုင်းပြီးတော့ ဗမာပြည်ရဲ့ ပြဿနာကို ဖြေရှင်းနိုင်မယ့်သူလို့ ကျနော် ပိုမြင်ပါတယ်။

မစ္စတာ မက်ကိန်းပဲဖြစ်ဖြစ်၊ မစ္စတာ အိုဘားမားပဲဖြစ်ဖြစ် တက်လာချိန်မှာ ကျနော့်တို့ ဒီဘက်က မြန်မာ့အရေး လုပ်နေတဲ့သူတွေနဲ့ ကျနော်တို့ ဘာဖြစ်ချင်တယ်၊ ဘာဖြစ်သင့်တယ်ဆိုတဲ့ နှစ်မျိုးမှာ ကျနော်တို့ ဖြစ်ချင်တာတွေက ဘာတွေပဲဖြစ်နေနေ ဖြစ်သင့်ဖြစ်ထိုက်တာ တခုခုကို ကျနော်တို့ဘက်ကလည်း ပိုမိုပြီးတော့၊ တောင်းဆိုပြီးတော့ ပိုမို ပူးပေါင်းဆောင်ရွက်ဖို့ လိုပါတယ်။

ကျနော်တို့ဘက်ကလည်း မစ္စတာ အိုဘားမား အကြောင်းကို ပြန်ပြီး လေ့လာနေပါတယ်။ ဘာဖြစ်လို့လဲဆိုတော့ မစ္စတာ အိုဘားမား အနိုင်ရဖို့ များတယ်လို့ ထင်ထားတဲ့အတွက်။ မစ္စတာ အိုဘားမားရဲ့ နိုင်ငံခြားရေး ပေါ်လစီနဲ့ မြန်မာပြည်အပေါ် သဘောထားကို ကျနော်တို့အနေနဲ့ ဘယ်လို ပူးပေါင်းဆောင်ရွက်နိုင်မလဲ ဆိုတာကို ကျနော်တို့အနေနဲ့ monitor လုပ်နေပါတယ်။


အမည်မဖော်လိုသူ အယ်ဒီတာတဦး
(အပတ်စဉ်ထုတ် ဂျာနယ်၊ ရန်ကုန်)

ကျနော်တော့ အိုဘားမားကို ကြိုက်တယ်။ သူက လူငယ်လေ။ ပြီးတော့ ဓမ္မဓိဌာန်ကျကျ တွေးတတ်တယ်လို့ သိရတယ်။ လက်တွေ့ ကမ္တာ့အမြင်ရှိတယ်။ မက်ကိန်းလို စကားကြီး စကားကျယ် မပြောတတ်ဘူး။ မက်ကိန်းသာ သမတဖြစ်လာရင် အမေရိကန်နိုင်ငံရဲ့ ရပ်တည်ချက်ကိုပဲ ဆက်လက် ကျင့်သုံးမယ့်သဘော။ ပြီးတော့ အီရတ်အရေးက ပိုမိုရှုပ်ထွေးလာမယ့် သဘောမြင်တယ်။ မက်ကိန်း တက်လာရင်လည်း လောလောဆယ် မြန်မာ့အရေး အာရုံစိုက်နိုင်မယ် မထင်ဘူး။ အိုဘားမား တက်လာရင်တော့ သူက အလည်အလတ်လမ်းစဉ် လိုက်မယ့်သဘောပဲ။ အကြမ်းမကိုင်လောက်ဘူး။ သူ့ရှေ့က လူတွေ လုပ်ခဲ့တာ မအောင်မြင်တဲ့ဟာတွေ တွေ့ခဲ့ရပြီးပြီဆိုတော့ အဲလောက်လည်း အကြမ်းမကိုင်လောက်ဘူး။

၂၀၁၀ အတွက် အားလုံး ပါဝင်၊ အားလုံး ဆင်နွှဲ

အင်တာဗျူး
ဇာနည်
တနင်္လာနေ့၊ နိုဝင်ဘာလ 03 2008 22:04 - မြန်မာစံတော်ချိန်

ရွှေဝါရောင် လှုပ်ရှားမှုမတိုင်ခင် ပြီးခဲ့သည့်နှစ် စက်တင်ဘာလ ၅ ရက်နေ့က ပခုက္ကူ သံဃာတော်များ သွေးမြေကျ နှိပ်စက်ခံရသဖြင့် သံဃာထု သွေးစည်းညီညွတ်ရေးနှင့် အာဏာပိုင်များကို သပိတ်မှောက်ကံဆောင်ရန် ကြေညာချက်များကို အနယ်နယ်အရပ်ရပ်သို့ ဖြန့်ချိသလို၊ မင်းသုည ကလောင်အမည်ဖြင့် လှုံ့ဆော်စာများ ရေးသားသဖြင့် လိုက်လံရှာဖွေခံရသောကြောင့် တိုင်းပြည်အတွင်း လှည့်ပတ်တိမ်းရှောင်ရင်း ပြီးခဲ့သည့်လက ဦးဇင်း ဦးဣသရိယ ထိုင်း-မြန်မာနယ်စပ်သို့ ရောက်ရှိလာခဲ့သည်။

စစ်အစိုးရ ကျင်းပမည့် ၂၀၁၀ ရွေးကောက်ပွဲမတိုင်ခင် မြန်မာပြည် လွတ်လပ်ရေးရရှိရန် တာဝန်ရှိသည့် နိုင်ငံသားအားလုံးက ကြောက်စိတ်ကို ဖယ်ရှားပြီး တက်ညီလက်ညီ တိုက်ပွဲဝင်သွားရန်အတွက် ဦးဇင်း ဦးဣသရိယ ၏ မိန့်ကြားချက်များ အပါအ၀င် မဇ္ဈိမသတင်းထောက် ဇာနည်မှ မေးမြန်း လျှောက်ထားချက်များကို တင်ပြလိုက်ပါသည်။

မေး။ ။ ရွှေဝါရောင် သံဃာ့လှုပ်ရှားမှုတွေမှာ ဘယ်လိုပါဝင်ပတ်သက်ခဲ့ပါလဲ ဘုရား။

ဖြေ။ ။ ဦးဇင်းတို့က ရွှေဝါရောင်ဖြစ်မှ မဟုတ်ဖူး။ အရင်ကတည်းက လှုပ်ရှားခဲ့ကြတာ။ ၁၀ နှစ်လောက် ရှိပြီလေ။ ဦးဂမ္ဘီရတို့နဲ့က အရင်ကတည်းက လက်တွဲပြီးတော့ အလုပ်လုပ်ခဲ့ကြတဲ့ သူတွေလေ။ သံဃာ့တပ်ပေါင်းစုဆိုတာကို မဖွဲ့ခင်တုန်းက မန္တလေးက သံဃာ့သမဂ္ဂီမှာက ဦးဇင်းက ခေါင်းဆောင်ပေါ့။ ရန်ကုန်ရဟန်းပျိုများ သမဂ္ဂရဲ့ခေါင်းဆောင်က ဦးဂမ္ဘီရပေါ့။ အဲဒီလို နယ်တွေမှာ သူရဲ့ခေါင်းဆောင်တွေ ရှိကြတယ်လေ။ အဲလိုမျိုး ခေါင်းဆောင်တွေ စုံညီ အစည်းဝေးပွဲတွေ လုပ်ပြီးတော့ ဆွေးနွေးလေ့ ရှိတယ်။

စက်တင်ဘာ ရွှေဝါရောင်တွေ မပေါ်ခင်ကတည်းက ဦးဇင်းတို့က မေတ္တာသုတ်တွေ ရွတ်ဆိုတာတွေ၊ ဘုရားတွေမှာ လိုက်ပြီးတော့ မေတ္တာသုတ်ရွတ်ဖို့တွေ ၀ိုင်းပြီးတော့၊ စုပြီးတော့ လုပ်ဖို့ဆိုတာ ခေါ်နေကြတာ။ နောက်ပြီးတော့ လူတွေလည်း ကိုယ်တိုင်ပါဝင်ပြီးတော့ မေတ္တာသုတ်ရွတ်ဖို့ မေတ္တာပို့ဖို့တွေကို ဦးဇင်းတို့က စာရွက်တွေနဲ့ အရင်ကတည်းက ဦးဇင်းတို့က ဖြန့်နေကြတာ။ အဲဒီလိုလုပ်နေရင်းက ကုန်ဈေးနှုန်းတွေကျရေး ဆိုပြီးတော့ ဦးတည်ပြီးတော့ မင်းကိုနိုင်တို့ကနေစပြီးတော့ လမ်းလျှောက်ပွဲတွေ လုပ်တယ်လေ။ အဲဒီနောက် ပခုက္ကူက သံဃာတွေက မေတ္တာပို့ ချီတက်လမ်းလျှောက်ပွဲတွေ လုပ်လာတယ်။

အဲဒါတွေကို စစ်အစိုးရကနေပြီးတော့ နှိပ်ကွပ်တဲ့အခါမှာ ဦးဇင်းတို့က အရေးပေါ် အစည်းအဝေး လုပ်ပြီးတော့ ''ကဲ ပခုက္ကူ သံဃာတွေတော့ ဒီလိုမျိုး အစိုးရကတော့ နှိပ်စက်နေပြီ။ ဒါက သံဃာ အချင်းချင်းလည်း သွေးစည်းရမယ်။ အဲဒါကြောင့် နအဖသည် ပြန်လည်တောင်းပန်။ မတောင်းပန်ဘူးဆိုရင် သပိတ်မှောက် ကံဆောင် ဆန္ဒပြမယ်'' ဆိုပြီးတော့ ရဟန်းပျိုသမဂ္ဂအဖွဲ့ရယ်၊ ဦးဇင်းတို့ သံဃာ့သမဂ္ဂီအဖွဲ့ရယ် ပေါင်းပြီးတော့ ကြေညာချက်ထုတ်တယ်။

အဲဒီတုန်းက တပ်ပေါင်းစုတွေ ဘာတွေ မဖွဲ့ရသေးဘူး။ အဲဒီမှာ ဦးဇင်းတို့ စာရွက်တွေ ဘာတွေ ဖြန့်တယ်။ ပြီးတော့ ဘီဘီစီတို့ ဘာတို့ သတင်းဌာနတွေကို အော်လိုက်တယ်။ အဲဒါက ပထမဦးဆုံး ဦးဇင်းတို့ ထွက်တာပဲ။ နောက်ပိုင်းမှာ ဦးဇင်းတို့ စာတွေ ဆက်ဖြန့်တယ်ပေါ့။ နောက်ပိုင်း လှုပ်ရှားမှုတွေ ဖြစ်ပေါ်လာတဲ့ အချိန်ကျတော့ အကုန်လုံး တပ်ပေါင်းစုပေါ့၊ ပေါင်းပြီးတော့ သပိတ်မှောက်တယ်။ အဲဒီအချိန်တုန်းက ဦးဇင်းက မန္တလေးမှာ စည်းဝေးပြီးတော့ လုပ်တယ်။ အဲဒီ အတောအတွင်းမှာပဲ မန္တလေးမှာ ဦးဇင်းရဲ့ ကလောင်နာမည်က နည်းနည်းလေး ထင်ရှားလာတော့ သူတို့ဘက်က သတင်းပေးတွေက လိုက်လာကြတယ်။ အဲဒီတော့ မန္တလေးမှာ ဆက်နေရင် အကုန်လုံး သိသွားမှာစိုးတော့ ရန်ကုန်မှာလည်း လုပ်စရာ ရှိတာနဲ့ ရန်ကုန်ကို ပြောင်းပြီး လှုပ်ရှားတယ်။

မေး။ ။ ရန်ကုန်ရောက်လာပြီးတော့ရော ဘာတွေများ ဆက်လှုပ်ရှားခဲ့ပါလဲ ဘုရား။

ဖြေ။ ။ ရန်ကုန်ရောက်လာပြီးတော့ ဦးဇင်းကတော့ စာတွေ ဆက်ဖြန့်တာပေါ့။ ပခုက္ကူ သံဃာအရေးအခင်းမှာ သံဃာတော်တွေကို ရက်စက်ယုတ်မာစွာ နှိပ်စက်ခဲ့တယ်ဆိုတဲ့အကြောင်းတွေ၊ ဒီလိုလုပ်တာက အရင် ဂျပန်ခေတ်၊ အင်္ဂလိပ်ခေတ်မှာတုန်းကတောင် မရှိခဲ့တဲ့အတွက်ကြောင့် တကယ်လို့ သံဃာအချင်းချင်းသာ သွေးစည်းမှု မရှိဘူးဆိုရင် အစိုးရက ဒီထက်ပိုပြီးတော့ နှိပ်စက်သွားလိမ့်မယ်။ သံဃာတွေ သွေးစည်းတယ်ဆိုတာပြဖို့ ခြေကျင်လမ်းလျှောက် ဆန္ဒပြကြမယ်ဆိုတဲ့ စာရွက်တွေကို ရန်ကုန်ကနေ ပြည်၊ ပဲခူး၊ ရခိုင် စတဲ့ နယ်တွေ တော်တော်များများကို ပို့တယ်။ ဦးဇင်းအနေနဲ့က ကြေညာချက်တွေ ထုတ်ပေးတာတို့၊ လှုံ့ဆော်စာတွေ ဖြန့်ဝေတာတို့ကို လုပ်ပေးရတယ်။ အဲဒီတုန်းက ဦးဂမ္ဘီရတို့ကတော့ မန္တလေးမှာ ကျန်နေခဲ့ပြီး ဆက်လုပ်တာပေါ့နော်။

မေး။ ။ မင်းသုည ကလောင် နာမည်နဲ့ ဘာစာတွေ ရေးပြီး ဘယ်လိုဖြန့်ဝေခဲ့တာပါလဲ ဘုရား။

ဖြေ။ ။ ကဗျာတွေနဲ့ ဆောင်းပါးတချို့ပါ။ နိုင်ငံရေးနဲ့ ပတ်သက်တဲ့ ကဗျာတွေ စာတွေက အများစု ပါတာပေါ့။ အဲဒါတွေကို ဖြန့်တာကတော့ ဒီလိုပဲ လက်ကမ်းစာစောင်ပုံမျိုးနဲ့ အောက်ခြေက ဖြန့်ရတယ်။ တရားဝင်က ခွင့်ပြုတာမှ မဟုတ်တာတော့လေ။ ပတ်သက်ရာ ပတ်သက်ကြောင်း အသိုင်းအ၀ိုင်းတွေကို ဖြန့်တယ်။ အစကတော့ မန္တလေးမှာပေါ့။ ပူဇော်ပွဲတွေ ဘာတွေမှာထုတ်တဲ့ စာစောင်တွေမှာလည်း ကဗျာနဲ့ စာတချို့ရေးတယ်။ အဲဒီ မင်းသုညဆိုတဲ့ နာမည်က မန္တလေးမှာ တော်တော်လူသိများတယ်။

မေး။ ။ ရွှေဝါရောင် သံဃာ့လှုပ်ရှားမှု နောက်ပိုင်းမှာရော ဘာတွေ ဆက်လှုပ်ရှားခဲ့ပါလဲ ဘုရား။

ဖြေ။ ။တက်ကြွလှုပ်ရှားတဲ့ လူငယ်လေးတွေနဲ့ ပေါင်းပြီးတော့ လှုံ့ဆော်စာတွေဖြန့်တာ၊ နောက် စက်တင်ဘာ ၂၆ နှစ်ပတ်လည်နေ့ နှိုးဆော်စာတွေ ထုတ်ပြန်ချက်တွေ ဖြန့်တာတွေကို လုပ်တယ်လေ။

မေး။ ။ ဦးဇင်းကို အခု အာဏာပိုင်တွေက လိုက်ဖမ်းတဲ့ အခြေအနေကို ပြောပြပေးလို့ ရမလား ဘုရား။

ဖြေ။ ။ ဦးဇင်းရဲ့ကလောင်နာမည်က လူသိများလာတဲ့ အခါကျတော့ ဦးဇင်းကို သူတို့ လိုက်စုံစမ်းတယ်။ မန္တလေးကနေ ဦးဇင်းက ရန်ကုန်ပြောင်းလာတော့ သူတို့ နည်းနည်းတော့ မျက်ခြေပြတ်သွားတယ်။ နောက် သူတို့က ဦးဇင်းကို တိုက်ရိုက်လည်း မသိကြဘူးလေ။ သံသယတော့ ရှိနေတယ်။ အဲဒါကြောင့် မန္တလေးမှာ ဦးဇင်းနေခဲ့တဲ့ နေရာတွေမှာ မင်းသုည ဆိုတဲ့ နာမည်နဲ့ လာလာမေးတာတွေ ရှိတယ်။ ဒါပေမဲ့ ရန်ကုန်ထိ လိုက်လာလား မလာလားတော့ မသိသေးဘူး။

နောက် ရန်ကုန်မှာ ဦးဇင်းကို စာတွေဖြန့်တာမှာ ကူပေးတဲ့ လူငယ်လေးတွေကို သူတို့မိသွားတဲ့အခါမှာ ဖမ်းထားတဲ့ ကလေးတွေနဲ့အတူ ကျောင်းတိုက်တခုကို ၀င်စစ်တော့ ကွန်ပြူတာတွေ ဘာတွေ ၀င်သိမ်းတော့ Data တွေ ရသွားပြီး အဲဒီမှာ ဦးဇင်းဘွဲ့နာမည်နဲ့ ကလောင်ကို တွဲမိသွားပြီးတော့ ဦးဇင်းနေတဲ့ နေရာတွေ၊ ဦးဇင်း ဇာတိ ကွမ်းခြံကုန်းမြို့က ဦးဇင်းနေတဲ့ နေရာတွေကို လိုက်ရှာလိုက်မေးတယ်။ ဦးဇင်းသွားသမျှ နေရာတွေကို လိုက်တာတွေ ခြေလှမ်းစိတ်လာတယ်။ ဦးဇင်း ဆက်ရှောင်နေရင်လည်း မိသွားမှာပဲဆိုတော့ အလုပ်တွေလည်း ဆက်လုပ်မရတော့မှာ စိုးတာနဲ့ ဦးဇင်း ထွက်လာခဲ့တာပဲ။

မေး။ ။ အဲဒီလို ထွက်လာခဲ့တော့ ဘယ်လိုပုံစံနဲ့ ထွက်လာခဲ့ရလဲ ဘုရား။ အခက်အခဲ ဘာတွေ ရှိခဲ့ပါလဲ ဘုရား။

ဖြေ။ ။ အခက်အခဲတော့ မရှိပါဘူး။ သင်္ကန်းဝတ်နဲ့တော့ မရဘူး။ လူဝတ်လဲဝတ်ပြီး ထွက်လာခဲ့တာပါ။ အောက်တိုဘာ ၁၀ ရက်နေ့လောက်က ထွက်လာတယ်။ ထိုင်းနယ်စပ်ကို ၂၁ ရက်နေ့က ရောက်ပါတယ်။

မေး။ ။ ဦးဇင်းက သံဃာ့တပ်ပေါင်းစုမှာလည်း ပါဝင်ခဲ့တယ်ဆိုတော့ ဦးဇင်း သိရသလောက်က ဦးဂမ္ဘီရ အပါအ၀င် အဖမ်းခံထားရတဲ့ သံဃာတော် ဘယ်လောက် ရှိနေပြီလဲ ဘုရား။

ဖြေ။ ။ ဦးဇင်းတို့ သိရသလောက်ကတော့ အပါး ၁၅၀ လောက် ရှိပါတယ်။ အတိအကျ မသိရပါဘူး။ ဒီ့ထက်လည်း ပိုများနိုင်ပါတယ်။

မေး။ ။ နိုင်ငံရေးလှုံ့ဆော်မှု စာပေတွေကို ရေးပြီး ရွှေဝါရောင်တော်လှန်ရေးမှာပါဝင်ခဲ့တဲ့ ဦးဆောင် သံဃာတော် တပါးအနေနဲ့ သံဃာနဲ့ နိုင်ငံရေးဆိုတာကို ဘယ်လို ရှုမြင်ပါလဲ ဘုရား။

ဖြေ။ ။ နိုင်ငံရေး ဆိုတာကတော့ တတိုင်းပြည်လုံး ကောင်းစားရေးအတွက် လုပ်တာပါပဲ။ အဲဒီတော့ နိုင်ငံကောင်းစားဖို့က နိုင်ငံထဲမှာ နေနေကြတဲ့သူတွေ အားလုံး၊ ဘုန်းကြီးရော ကျောင်းသားရော လူထုရော အကုန်လုံးမှာ တာဝန်ရှိကြပါတယ်။ နိုင်ငံကောင်းစားရေးက နိုင်ငံရေးပါပဲ။ တိုင်းပြည်အုပ်ချုပ်တဲ့သူ မကောင်းရင် တိုင်းသူပြည်သားတွေ ပထမဆုံး ဆင်းရဲဒုက္ခရောက်စေတဲ့အတွက်ကြောင့် တိုင်းပြည်အုပ်ချုပ်တဲ့ မင်းတွေကျင့်ရမယ့် အကျင့်တွေ မြတ်စွာဘုရား ဟောခဲ့တာတွေ အများကြီး ရှိပါတယ်။ ဦးဇင်းတို့ သံဃာတွေ အနေနဲ့ကလည်း ဦးဇင်းတို့ တိုင်းပြည်ကို ကောင်းစေချင်တယ်။ လူတွေအားလုံး ငြိမ်းငြိမ်းချမ်းချမ်းနဲ့ ညီညီညွှတ်ညွတ် ဖြစ်စေချင်တယ်။ တိုင်းပြည်ငြိမ်းချမ်းရေးဟာလည်း နိုင်ငံရေး ဖြစ်တယ်။ အဲဒါကြောင့်မို့လို့ ဦးဇင်းတို့က ဒီလိုလုပ်ရတာပါ။

မေး။ ။ အာဏာပိုင်တွေက သံဃာတော်တွေက နိုင်ငံရေးလုပ်တာ ၀ိနည်း မညီဘူး။ သာသနာကို ညှိုးနွမ်းစေတယ်ဆိုတဲ့ ပြစ်ချက်တွေ တပ်တာနဲ့ ပတ်သက်ပြီးတော့ရော ဘာများ မိန့်ချင်ပါလဲ ဘုရား။

ဖြေ။ ။ အဲဒါနဲ့ ပတ်သက်ပြီး ပြောရရင်တော့ အများကြီးပဲ။ ဒါပေမဲ့ ဦးဇင်း အတိုချုံးပြောရရင် ဥပမာ ဘုန်းကြီးတပါး ဆိုပါစို့ သူက အရက်ပဲ သောက်သောက်၊ ဖဲပဲ ရိုက်ရိုက်၊ မိန်းမပဲ ရှုပ်ရှုပ်၊ မကောင်းတာတွေ လုပ်နေတာတွေ ဒါတွေ ရှိတာပဲ။ အားလုံးလည်း သိနေတာပဲ။ ဒါမျိုးဆိုရင်တော့ အစိုးရက ဘာမှ အရေးယူမှု မရှိဘူး။ နိုင်ငံအတွက် ကောင်းအောင်လုပ်ပြီ၊ တိုးတက်အောင်လို့ စာတွေရေးပြီ၊ နောက် တိုင်းသူပြည်သားတွေ ငြိမ်းချမ်းပါစေဆိုပြီး ဘုရားရဲ့ လမ်းစဉ်နဲ့အညီ မေတ္တာပို့ ဆုတောင်းတာတွေ လုပ်ပြီဆိုရင် အရေးယူမယ်။ အခုလည်း ဦးဂမ္ဘီရတို့လုပ်တာ ဒိပြင်အကြောင်း ဘာမှ မရှိပါဘူး။ ဒါက တိုင်းပြည်ကို ငြိမ်းချမ်းဖို့ အခြေအနေလုပ်တာပဲလေ။ ဒါကိုပဲ အာဏာက သူတို့လက်ထဲ ရှိနေတော့ စွဲချက်အမျိုးမျိုးနဲ့ လုပ်ချင်သလို လုပ်တာပဲ။

မေး။ ။ အခု ပြည်ပကို ရောက်လာတော့ရော ဘာတွေ ဆက်လုပ်သွားမယ်လို့ ရည်ရွယ်ထားပါသလဲ ဘုရား။

ဖြေ။ ။ အခု ပြည်ပကနေပြီး ပြည်တွင်းအထဲအတွက် လုပ်နိုင်တာတွေ အတတ်နိုင်ဆုံး ဆက်လုပ်သွားမှာပါ။ အခုလောလောဆယ်မှာတော့ ဒီရောက်တာ မကြာသေးတော့ ဘယ်လိုဘာတွေ ရှေ့ဆက်လုပ်သွားနိုင်မလဲ ဆိုတာတွေကို လေ့လာနေပါတယ်။

မေး။ ။ ဦးဇင်းအနေနဲ့ သံဃာထုကိုရော ပြည်သူလူထုကိုရော ဘာများ မိန့်ကြားချင်ပါသလဲ ဘုရား။

ဖြေ။ ။ အားလုံးကို ပြောချင်တာက အခု ၂၀၀၉ ဟာ အရေးကြီးတဲ့ အချိန်ဖြစ်နေပြီ။ အားလုံး ညီညီညွတ်ညွတ်ရှိကြဖို့ လိုပါတယ်။ ၂၀၁၀ မတိုင်ခင် လွတ်လပ်အောင် လုပ်ဖို့လိုပါတယ်။ မဟုတ်ရင် ၂၀၁၀ ကျရင် နအဖ က သူလုပ်ချင်ရာတွေ လုပ်မှာကို ခံသွားရမယ်။ သံဃာတွေက သူတို့ရဲ့ အချိန်တွေ၊ ဘ၀တွေကို ရင်းပြီးတော့ အကုန်လုံး ငြိမ်းချမ်းပါစေဆိုပြီး မေတ္တာပို့လမ်းလျှောက်တာတွေ လုပ်ခဲ့ကြပါတယ်။ နောက် လူထုတွေက နှစ်ရှည်လများ အဖိနှိပ်ခံထားရတော့ ကြောက်စိတ်တွေ များနေတယ်လို့ ဦးဇင်း ထင်ပါတယ်။ အဲဒီ ကြောက်စိတ်ကို မလုပ်ကြပါနဲ့လို့။ တကယ်လို့ တတိုင်းပြည်လုံးသာ ကျေးရွာတွေကအစ အကုန်လုံး တက်ညီလက်ညီနဲ့ ပါဝင်လှုပ်ရှားမယ်ဆိုရင် မအောင်မြင်စရာ မရှိပါဘူး။ စစ်မှန်တဲ့ ဒီမိုကရေစီရဖို့နဲ့ တိုင်းပြည်ငြိမ်းချမ်းဖို့ဆိုတာက တတိုင်းပြည်လုံးက ပြည်သူလူထုတွေမှာ တာဝန်ရှိပါတယ်။

………………………………………………………….


သာသနာ့ အောင်လံ လွှင့်ထူကြလော့
ဒို့ပြည်ဒို့ရွာ
ဒို့သာသနာကို
ဒို့ကာကွယ်ဖို့အသိ
ဒို့မှာတာဝန်ရှိပီမို့

ဒို့သာသနာ မကွယ်ပရေး
ဒို့အရေး
ဒို့သာသနာ့အန္တရာယ်
ဒို့ကာကွယ်
ဒို့သာသနာ့အလံ
ဒို့အောင်လံမို့
ဒို့ဘုရားကျောင်းကန်
ဒို့အိမ်ပါမကျန်
ဒို့ရဲ့အောင်လံ
ဒို့သာသနာ့အလံကို
ဒို့ရဟန်းပြည်သူ
ဒို့စိုက်ကာထူမည်
အဓမ္မဘေးဝေးပါစေ
မသူတော်ဘေးဝေးပါစေ
မိစ္ဆာတွေဘေးဝေးပါစေ

မင်းသုည (ကွမ်းခြံကုန်း)

ဗုဒ္ဓတက္ကသိုလ်

(ထိုင်းနိုင်ငံအတွင်း ရောက်ရှိပြီးနောက် ရေးသားခဲ့သည့် ကဗျာဖြစ်ပါသည်။)

………………………………………………….


လွတ်လပ်ရေးဖခင်
မြန်မာပြည်သူတွေရဲ့ဘ၀

တရားမျှတလွတ်လပ်ရေးရ အေးချမ်းကြဖို့

အစာငတ်ခံ ဒုက္ခတွေ အတန်တန်နဲ့

အသက်ကိုပေး ဘ၀ကိုစတေးရင်း

မျက်နှာဖြူ နယ်ချဲ့စစ်

ဖက်ဆစ်ဂျပန်ညစ်တွေရဲ့

နှိပ်စက်ကာ ညှဉ်းပန်း

သတ်ဖြတ်ကာ ရက်စက်မှုတွေရဲ့ဒဏ်

ဒို့ပြည်သူတွေ လုံးဝမခံစေရ

အမှန်မုချ လွတ်စေရမယ်

ကျွန်စင်စစ်ဘ၀ကနေ

သခင်ဘ၀ ပြန်ဖြစ်စေရမယ်။

ကမ္ဘာ့အလယ် မျက်နှာမငယ်ဘဲ

“ကမ္ဘာမှာ မြန်မာဟေ့” လို့

ထွန်းတောက်ကျော်ကြားရမယ်

ကြုံးဝါးမှုတွေ အတန်တန်

ဇွဲအားမာန်တွေနဲ့

တိုင်းပြည်ရဲ့ လွတ်လပ်ရေးကို

အသက်ပေးပြီး ရယူပေးခဲ့သူ

ဘယ်သူရှိလိမ့်အုံးမလဲ

လွတ်လပ်ရေးရဲ့ ဖခင်

သခင်ဗိုလ်ချုပ်အောင်ဆန်းပေါ့။

မြန်မာပြည်ရဲ့ သမိုင်းစာမျက်နှာမှာ

ဗိုလ်ချုပ်သာမပါရင်

ဟာတာတာနဲ့

ဗလာနတ္ထိ အရသာမရှိဘူး။

ဒို့ပြည်သူတွေရဲ့ ကျေးဇူးရှင်

လွတ်လပ်ရေးဖခင်

သခင်ဗိုလ်ချုပ်အောင်ဆန်းရဲ့

တည်ကြည်ရဲရင့် မြင့်မြတ်တဲ့ ဂုဏ်ပုဒ်ကို

ဒို့ပြည်သူတွေ နှလုံးသားမှာ

သမိုင်း မှတ်တမ်းတင်

ကမ္ဗည်းထိုးပါရဲ့

ကမ္ဘာတည်သရွေ့ တည်နေမယ်။

မင်းသုည (ကွမ်းခြံကုန်း)

ဗုဒ္ဓတက္ကသိုလ်

(မြန်မာပြည်တွင်း၌ ရေးသားခဲ့သည့် ကဗျာဖြစ်ပါသည်။)

နိုဝင်ဘာ ၃၊ ၂၀၀၈သတင်း

နိုင်ငံရေးအကျဉ်းသားများ၏ ရှေ့နေများ ဖိအားပေးခံနေရ
ကိုစိုး | နိုဝင်ဘာ ၃၊ ၂၀၀၈

စစ်အစိုးရက ဖမ်းဆီးအရေးယူထားသော နိုင်ငံရေးလှုပ်ရှားသူများ၏ အမှုများကို လိုက်ပါအကျိုးဆောင်ပေး နေသည့် ရှေ့နေ များသည် အာဏာပိုင်များ၏ ဖိအားပေး အကျပ်ကိုင်မှုများနှင့် ရင်ဆိုင်နေရကြောင်း ရန်ကုန်မြို့ရှိ နိုင်ငံရေး အကျဉ်းသား မိသားစုများ အသိုင်းအ၀န်းမှ သိရသည်။

အဆိုပါ နိုင်ငံရေးအကျဉ်းသားများကို အကျိုးဆောင်ပေးနေသည့် ရှေ့နေတဦးဖြစ်သူ ကိုညီညီလှိုင်အား မည်သည့် အကြောင်းပြချက်မှ မရှိဘဲ ရန်ကုန်တိုင်း တရားရုံးမှ တိုင်းတရားသူကြီး(၂)က တနလာင်္နေ့တွင် တရားရုံးသို့ လာရောက်ရန် ဆင့်ခေါ်ကြောင်း စမ်းချောင်းမြို့နယ် ရဲစခန်းမှူးက လွန်ခဲ့သော သောကြာနေ့က အကြောင်းကြားခဲ့ သည်ဟု ကိုညီညီလှိုင်နှင့် နီးစပ်သူ တဦးက ပြောသည်။

“ရှေ့နေ ကိုညီညီထွေးကို ဖမ်းတုန်းကလည်း လှိုင်သာယာ ရဲစခန်းက ရဲအုပ်က ခရိုင်ရုံးက ခေါ်နေတယ်လို့ ပြောလို့ သွားတာ အဖမ်းခံလိုက်ရတယ်၊ ကိုညီညီလှိုင်ကတော့ ဒီနေ့ သွားမယ်လို့ ပြောတယ်၊ အခုထိ အခြေအနေ မသိရသေးဘူး”ဟု ၎င်းက ပြောပြသည်။

ကိုညီညီထွေးကို စံပြအနေနှင့် အရေးယူခြင်း ဖြစ်နိုင်ကြောင်း၊ ရှေ့နေများကို ပြင်ပလောကနှင့် နိုင်ငံရေး အကျဉ်းသား များကြားတွင် ကြားခံဆက်သွယ်ပေးနေသူများဟု အာဏာပိုင်များက ထင်မြင်သည့်အတွက် ဖြစ်နိုင်ကြောင်းလည်း ၎င်းက ဆက်လက် ပြောသည်။

ရှေ့နေ ကိုညီညီထွေးကို ၎င်း၏အမှုသည်များဖြစ်သော လှိုင်သာယာမြို့နယ် အမျိုးသားဒီမိုကရေစီအဖွဲ့ချုပ် (အန်အယ်လ်ဒီ) အဖွဲ့ဝင် ကိုဝေလွင်မျိုး၊ ကိုအောင်မင်းနိုင်၊ ကိုရန်နိုင်ထွန်းတို့နှင့်အတူ တရားရုံးအား အနှောင့် အယှက်ပေးသည့် ပုဒ်မ ၂၂၈ ဖြင့် မြောက်ပိုင်းခရိုင် တရားရုံးက လွန်ခဲ့သော ကြာသပတေးတွင် ထောင်ဒဏ် ၆ လစီ ချမှတ်ခဲ့ခြင်းဖြစ်သည်။

ကိုညီညီထွေးသည် ၂၀၀၇ ခု ဇွန်လ ၁၉ ရက်က မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် လွတ်မြောက်ရေး လှုပ်ရှားမှုပြုလုပ်သည့်အတွက် အဖမ်းဆီးခံရသော လှိုင်သာယာမြို့နယ် အန်အယ်လ်ဒီ အဖွဲ့ဝင် ၁၁ ဦး၏ အမှုကို လိုက်ပါ အကျိုးဆောင်ပေးနေစဉ် ဤကဲ့သို့ ဖမ်းဆီး အရေးယူခံရခြင်းဖြစ်သည်။

ရှေ့နေကြီး ဦးအောင်သိန်းကိုလည်း အကြောင်းပြချက်မသိရဘဲ တရားရုံးက လာမည့် လဆန်း ၆ ရက်တွင် ဆင့်ခေါ်ထား ကြောင်း သိရသည်။

မြန်မာနိုင်ငံ ရှေ့နေများ ကောင်စီ အတွင်းရေမှူး ဦးအောင်ထူးက မည်သည့် ပြစ်မှုမှ မကျူးလွန်သည့် ရှေ့နေ တဦးအား အရေးယူထောင်ဒဏ်ချမှတ်ခြင်းသည် ဥပဒေကို အလွဲသုံးစားပြုလုပ်ခြင်းပင် ဖြစ်သည်ဟု ပြောဆိုသည်။

“ကျနော် သိသလောက် ဦးညီညီထွေးက သူ့အမှုသည်တွေ ရစရာရှိတဲ့ အခွင့်အရေးကို တရားခွင်မှာ တောင်းဆိုတာပဲ၊ ဒါ ရှေ့နေတိုင်းမှာ တောင်းဆိုခွင့်ရှိတယ်၊ ဒါ ရှေ့နေရဲ့တာဝန်ပဲ၊ တောင်းကို တောင်းဆိုရမှာဖြစ်တယ်၊ အဲဒီလို တောင်းဆိုချက် တွေ အကုန်လုံးက တရားဝင်တယ်၊ တရားရုံးကို မထေမဲ့မြင်လုပ်တာမဟုတ်ဘူး၊ ဒီလို တောင်း ဆိုတာကို တရားရုံးကို မထေမဲ့မြင်လုပ်တယ်ဆိုရင်တော့ ဒါ ဥပဒေကိုအလွဲသုံးစားလုပ်တာပဲ၊ အဲဒီလိုအလွဲသုံးစား လုပ်ပြီး လွတ်လပ်တဲ့တရားစီရင် ရေးစနစ်ကို တရားသူကြီးတွေကိုယ်တိုင် ဖျက်ဆီးတာပဲ၊ ဒီနေ့ တရားသူကြီး တွေ က နအဖ ရဲ့ လက်ကိုင် တုတ်တွေဖြစ်နေ ပြီလို့ ပြောလို့ ရတယ်”ဟု ဦးအောင်ထူး ကပြောသည်။

ကိုညီညီလှိုင်၊ ကိုညီညီထွေးအပါအ၀င် ဖမ်းဆီးခံထားရသည့် နိုင်ငံရေးလှုပ်ရှားသူများ၏အမှုများကို အကျိုးဆောင် ပေးနေ သော ရှေ့နေများမှာ ဦးအောင်သိန်း၊ ဦးခင်မောင်ရှိန်၊ ဦးမြင့်သောင်း၊ ဦးကျော်ဟိုး၊ ဦးမောင်မောင်လေး၊ ဦးတင်မောင်ဦး၊ ကိုစောကျော်ကျော်မင်း၊ ကိုဖိုးဖြူ၊ ဦးတင်တိုး၊ ဦးလှမြင့်၊ ဒေါ်ခင်ဌေးကြွယ် စသဖြင့် ၁၃ ဦးခန့် ရှိကြောင်း ထိုင်းနိုင်ငံအခြေ စိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း(AAPP)၏ ပြောဆိုချက် အရ သိရသည်။

ကျောင်းသားခေါင်းဆောင် ကိုမင်းကိုနိုင် အပါအ၀င် ၈၈ မျိုးဆက်ကျောင်းသား ၉ ဦး ကိုလည်း ၎င်းတို့အား ရုံး ထုတ် စစ်ဆေးချိန်တွင် လက်ထိပ်မခတ်ရန်၊ တရားခွင်သို့ မိသားစုများနှင့် အများပြည်သူ လာရောက် ကြားနာခွင့် ပြုရန်တို့ကို တောင်းဆိုသည့်အတွက် တရားစီရင်မှုကို အနှောင့်အယှက်ပေးသည်ဟူသော အကြောင်းပြချက်ဖြင့် အာဏာပိုင်များက ပြီးခဲ့သည့် ကြာသပတေးနေ့တွင် ထောင်ဒဏ် ၆ လစီ ချမှတ်လိုက်ပြီးနောက်တနေ့၌ အင်းစိန် ထောင်မှ မအူပင်ထောင်သို့ ပြောင်းရွှေ့လိုက်သည်။

ယခု ဖမ်းဆီးခံထားရသည့် ၈၈ ကျောင်းသားအဖွဲ့မှ ကိုလှမျိုးနောင်သည် အကျဉ်းထောင်အတွင်း၌ မျက်စိ ဝေဒနာကို ဆိုးဝါးစွာ ခံစားနေရကြောင်း ကျောင်းသားခေါင်းဆောင် ကိုကိုကြီး၏ ညီဖြစ်သူ ကိုအောင်ထွန်းက ပြောသည်။

ကိုလှမျိုးနောင်သည် ၂၀၀၇ ခုနှစ် အောက်တိုဘာလအတွင်းက ရန်ကုန်မြို့တွင် ၎င်း၏ မျက်စိဝေဒနာကို ဆေးခန်းသို့ သွားပြရာလမ်းတွင် ဖမ်းဆီးခံခဲ့ရခြင်းဖြစ်သည်။ ကိုလှမျိုးနောင်၏ ညာဘက်မျက်စိမှာ အကျဉ်းထောင် အတွင်းနှိုက်ပင် ကွယ်သွားခဲ့ကြောင်း သိရသည်။

မြန်မာဘင်္ဂလားဒေ့ရှ် ရေပိုင်နက်အငြင်းပွား
ဧရာဝတီ | နိုဝင်ဘာ ၃၊ ၂၀၀၈

မြန်မာနှင့် ဘင်္ဂလားဒေ့ရှ် နှစ်နိုင်ငံ ရေပိုင်နက် အငြင်းပွားရာ ဘင်္ဂလားပင်လယ်အော်အတွင်းသို့ စစ်သင်္ဘောများ ပို့လွှတ် လိုက်ပြီဖြစ်ကြောင်း ဘင်္ဂလားဒေ့ရှ် နိုင်ငံခြားရေးရာ အကြံပေး အရာရှိ အစ်ဖ်တီခါ အာမက် ချိုဒူရီက မနေ့ကပြောကြား လိုက်သည်ဟု ရိုက်တာသတင်းတွင် ရေးသားထားသည်။

မြန်မာနှင့် ဘင်္ဂလားဒေ့ရှ် နှစ်နိုင်ငံသည် အခြေအတင်ဆွေးနွေးမှုများကို နှစ်နှင့်ချီ၍ ပြုလုပ်ခဲ့ကြပြီးနောက် ဘင်္ဂလား ပင်လယ် အော်အတွင်းရှိ သဘာဝဓာတ်ငွေ့ကြွယ်ဝသော အငြင်းပွားရာ နယ်မြေကို နယ်နိမိတ် သက်မှတ် ပိုင်းခြားခဲ့ကြ၏။

သို့ရာတွင် မြန်မာစစ်အစိုးရက နယ်နိမိတ်သက်မှတ်ပြီးသော အငြင်းပွားရာ ဒေသတွင် သဘာဝဓာတ်ငွေ့ ရှာဖွေရန် အစဉ် ကြိုးပမ်းလျှက်ရှိကြောင်း ဘင်္ဂလားဒေ့ရ်ှနိုင်ငံခြားရေးရာ အကြံပေးအရာရှိက ပြောသည်။

၎င်းအနေနှင့် နှစ်နိုင်ငံအငြင်းပွားနေသည့်ကိစ္စရပ်ကို ငြိမ်းချမ်းစွာ ဖြေရှင်းနိုင်လိမ့်မည်ဟု မျှော်လင့်ကြောင်းလည်း ဆက်ပြော ခဲ့သည်။

ဘင်္ဂလားဒေ့ရှ် ဒေသတွင်း သတင်းဝက်ဘ်ဆိုက်တခုဖြစ်သော bdnews24.com တွင်လည်း ယခုကဲ့သို့ ရေတပ်စစ်သင်္ဘော များ ချထားရခြင်းမှာ မြန်မာစစ်အစိုးရကို တရားဝင် တားဆီးကာကွယ်ခြင်းသာ ဖြစ်သည်ဟု ရေးသားထားသည်။

“ကျနော်တို့ အနေနဲ့ ဘင်္ဂလားပင်လယ်အော်ထဲက နှစ်နိုင်ငံ အငြင်းပွားရာ ရေပိုင်နက်ကို ရောက်နေတဲ့ မြန်မာ ဓာတ်ငွေ့ရှာ ဖွေရေး သင်္ဘောတွေကို ပြင်းပြင်းထန်ထန် တားဆီးသွားဖို့ စီစဉ်ပြီးပါပြီ” ဟု ဘင်္ဂလားဒေ့ရှ် နိုင်ငံခြားရေးရာ အကြံပေး အရာရှိက ပြောကြားသည်။

အောက်တိုဘာလ အတွင်းက ဒုဗိုလ်ချုပ်မှူးကြီး မောင်အေးသည် ဘင်္ဂလားဒေ့ရ်ှနိုင်ငံသို့ အဖွဲ့ဝင် ၅၀ ကျော်နှင့် သွားရောက် ခဲ့ပြီး ပင်လယ် ရေပိုင်နက်အငြင်းပွားမှု ကိစ္စ အပါအဝင် တခြားသော သဘာဝ ဓာတ်ငွေ့၊ လမ်းဖောက်လုပ်ရေး၊ ဆန်တင် သွင်းရေး စသော နှစ်နိုင်ငံ အကျိုးစီးပွားကိစ္စရပ်များကို လက်ရှိ ဘင်္ဂလားဒေ့ရ်ှအစိုးရနှင့် ဆွေးနွေးခဲ့သည်။

အောက်တိုဘာ ၇ ရက်နေ့ကလည်း ဒုဗိုလ်ချုပ်မှူးကြီးမောင်အေးနှင့် အဖွဲ့သည် အခွန် ၂ ထပ်လျှော့ချရေးနှင့် ကုန်သွယ်မှု ဆိုင်ရာ ကိစ္စရပ်များကို ဘင်္ဂလားဒေ့ရှ် အစိုးရနှင့် သဘောတူ လက်မှတ်ရေးထိုးခဲ့သည်။

အစိုးရရုံးများ ဗုံးခွဲခံရမည်ဟု သတင်းထွက်၊ လုံခြုံရေးပိုမိုတင်းကျပ်
အောင်သက်ဝိုင်း | အောက်တိုဘာ ၃၁၊ ၂၀၀၈

အစိုးရ ၀န်ကြီးဌာန ရုံးအဆောက်အအုံများကို အဓိကပစ်မှတ်ထား ဗုံးဖောက်ခွဲမည့် အကြမ်းဖက်သမားများ ပြည်တွင်းတွင် ထပ်မံရောက်ရှိနေသဖြင့် လုံခြုံရေးသတိပိုမိုထားကြရန် ညွှန်ကြားချက်များ အစိုးရ၀န်ကြီး ဌာနများအတွင်း ထုတ်ပြန်ထား ကြောင်း နေပြည်တော်နှင့် ရန်ကုန် အစိုးရ၀န်ထမ်း အသိုင်းအဝန်းမှ စုံစမ်းသိရှိရသည်။

မြန်မာပြည်တွင် ၂၀၀၈ ခုနှစ်အတွင်း တဒါဇင်ထက်မနည်း ဗုံးပေါက်ကွဲမှုများဖြစ်ပွားပြီးနောက်ပိုင်း နောက်ထပ် အကြမ်းဖက် ဗုံးဖောက်ခွဲမှုများ ပြုလုပ်နိုင်လာသည်ဆိုသော သတင်းများ ရရှိထားသောကြောင့် နေပြည်တော်နှင့် ရန်ကုန်မြို့တို့တွင် ရဲနှင့်စစ်တပ်များ ချထားပြီး လုံခြုံရေး အထူးတင်းကျပ်နေကြောင်း ဒေသခံများက ပြောသည်။

“အစိုးရ၀န်ကြီးဌာနနဲ့ စက်ရုံတွေကို ပစ်မှတ်ထား ဗုံးဖောက်ခွဲမှုတွေ လုပ်နိုင်တယ်။ အဲဒီတော့ ၀န်ထမ်းတွေ လုံခြုံရေးသတိ ရှိကြဖို့ လိုတယ်ဆိုပြီး စက်ရုံမှူးက ခေါ်ပြောတယ်” ဟု မရမ်းကုန်းမြို့နယ်၊ အမှတ် ၁ စက်မှုဝန်ကြီးဌာနပိုင် အစိုးရစက်မှု ကုန်ထုတ်စက်ရုံမှ ၀န်ထမ်းတဦးကပြောသည်။

စက်တင်ဘာလက ရဲကား၊ စစ်ကားများဖြင့် လက်နက်အပြည့်အစုံ တပ်ဆင် ကင်းလှည့်ခဲ့သော်လည်း ယခုအခါ အစိုးရ ၀န်ကြီးဌာနပိုင် အဆောက်အအုံများ၊ သံရုံးများ၊ လမ်းဆုံလမ်းမများနှင့် အထင်ကရ နေရာများတွင်သာ အဓိကထားပြီး လုံထိန်းများကို ချထားတော့ကြောင်း ရန်ကုန်တိုင်း ရဲတပ်ဖွဲ့မှ ဒုရဲအုပ် တဦးက အတည်ပြုပြောဆိုသည်။

“အခု လုံခြုံရေးမြှင့်တာက ဗုံးခွဲမယ့်ရန်ကြောင့် အဓိကပဲ။ စက်တင်ဘာတုန်းကလို ရဲကားတွေနဲ့ လမ်းတွေပေါ်လှည့်တဲ့ လုံခြုံရေးမျိုးတော့ မဟုတ်ဘူး” ဟု ထို ရဲအရာရှိကပြောပြသည်။

ရန်ကုန်မြို့ရှိ ဘုရင့်နောင်ပွဲရုံအတွင်းတွင်လည်း နယ်မြေခံရဲများနှင့် ဈေးအာဏာပိုင်များက ပွဲရုံနယ်မြေ အတွင်း ဗုံးဖောက် ခွဲမှုများ ပြုလုပ်လာမည်ကို စိုးရိမ်သောကြောင့် တင်းကျပ်သော လုံခြုံရေးအစီအစဉ်များ ဆောင်ရွက်နေကြောင်း သတင်း ရရှိသည်။

နေပြည်တော်တွင်လည်း အလားတူလုံခြုံရေးတင်းကျပ်မှုများ ရှိနေပြီး လာမည့် နိုဝင်ဘာလအတွင်း ကျင်းပရန်ရှိသည့် ကြံ့ဖွံ့ သင်းလုံးကျွတ် ညီလာခံကြောင့် လူအ၀င်အထွက် များကို အထူးစောင့်ကြပ် သတိထားမှုများရှိကြောင်း ပျဉ်းမနားမြို့ခံများက ပြောသည်။

“နေပြည်တော်တ၀ိုက်ကတော့ အမြဲတမ်း လုံခြုံရေးရှိနေပါတယ်။ ဒါပေမယ့် အောက်တိုဘာလကစပြီး လုံခြုံရေးယူတဲ့ ရဲနဲ့ စစ်သားတွေ တအားများလာတာကို သတိထားမိတယ်” ဟု နေပြည်တော်အစိုးရ မွေးမြူရေးနှင့် ရေလုပ်ငန်းဝန်ကြီးဌာနမှ အရာရှိကြီးတဦး၏ မိသားစုဝင်တဦးကပြောသည်။

မြန်မာနိုင်ငံရဲချုပ် ဗိုလ်မှူးချူပ်ခင်ရီက နေပြည်တော်ရှိ အစိုးရအဆောက်အအုံများ၊ ရေကာတာကြီးများ၊ ဆည်ကြီးများကို အကြမ်းဖက်ဖျက်ဆီးမည့် ပြည်ပအခြေစိုက် အကြမ်းဖက်အဖွဲ့အစည်းများ၏ ဆောင်ရွက်မှုများကို အချိန်မီတားဆီးနိုင် ခဲ့ကြောင်း စက်တင်ဘာလ ၇ ရက်နေ့က ကျင်းပသည့် သတင်းစာရှင်းလင်းပွဲ ၁/၂၀၀၈ တွင်ပြောကြားခဲ့သည်။

“အစိုးရက ဖောက်ခွဲမှုတွေဖြစ်မယ်၊ ဖောက်ခွဲရေးသမားတွေ ရောက်နေပြီလို့ ပြောပြီးတိုင်း ဗုံးပေါက်ကွဲ မှုတွေက အမြဲတမ်း ဖြစ်တယ်။ ပြီးတော့ ဆန့်ကျင်ဘက် နိုင်ငံရေးအုပ်စုတွေက လုပ်တာ၊ NLD က လုပ်တာဆိုပြီး ရှင်းတယ်။ အဲဒီတော့ သေသေချာချာစဉ်းစားကြည့်ရင် ဒီလို ဗုံးပေါက်ကွဲမှုတွေက အစိုးရရဲ့ နိုင်ငံရေး ကစားကွက်ဖြစ်နိုင်တယ်” ဟု ရန်ကုန်မြို့မှ အထက်တန်းရှေ့နေ တဦးက သုံးသပ်သည်။

ပြည်တွင်း သတင်းမီဒီယာလောကမှ အယ်ဒီတာတဦးက လမ်းမကြီးများနှင့် အထင်ကရ နေရာများတွင် ရဲနှင့် စစ်သားများ လုံခြုံရေးယူနေသည့် မြင်ကွင်းမှာရန်ကုန်မြို့ခံများအတွက် အထူးအဆန်း မဟုတ်တော့ဘဲ ဖြစ်ရိုးဖြစ်စဉ် သဘောထားလာ ကြောင်း၊ လမ်းမများပေါ်တွင် ရဲနှင့်စစ်သားများ ပျောက်ကွယ်သွားခြင်းကသာ အထူးအဆန်း မြင်ကွင်းမျိုးဖြစ်လာကြောင်း ပြောဆိုသည်။

လုံခြုံရေးများ ဆက်တိုက်တင်းကျပ်ထားသည့် ကြားမှပင် ရန်ကုန်မြို့တော်တွင် ၂၀၀၈ ခုနှစ် ဇူလိုင်လ အတွင်းက ရွှေပြည်သာမြို့နယ် ကြံ့ဖွံ့ရုံးတွင်လည်းကောင်း၊ စက်တင်ဘာလ ၂၅ ရက်နေ့က မြို့တော်ခန်းမ အနီး မဟာဗန္ဓုလ ပန်းခြံရှေ့တွင် လည်းကောင်း၊ အောက်တိုဘာလ လကုန်ပိုင်းကရန်ကင်း မြို့နယ်၊ ဘောက်ထော် အားကစားကွင်းအနီးနှင့် ရွှေပြည်သာမြို့နယ်အတွင်းရှိ လူနေအိမ်တခုတွင် ဗုံးပေါက်ကွဲမှုများ ဖြစ်ပွားခဲ့ပြီး လူသေဆုံးမှုများနှင့် ထိခိုက်ဒဏ်ရာရမှုများ ရှိခဲ့သည်။

Printable View

မစ္စတာ ဂန်ဘာရီ မြန်မာပြည်လာရန် စစ်အစိုးရဖိတ်ကြား
ဧရာဝတီ | နိုဝင်ဘာ ၃၊ ၂၀၀၈

ကမ္ဘာ့ကုလသမဂ္ဂ အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာ အထူးအကြံပေးအရာရှိ မစ္စတာ အီဗရာဟင် ဂန်ဘာရီကို ယခုလနောက်ဆုံးအပတ် (သို့မဟုတ်) ဒီဇင်ဘာလဆန်းပိုင်းတွင် မြန်မာနိုင်ငံသို့ လာရောက်ရန် စစ်အစိုးရက ဖိတ်ကြားလိုက်သည်။


မစ္စတာ အီဗရာဟင် ဂန်ဘာရီ (ဓာတ်ပုံ - အေပီ)
မစ္စတာ ဂန်ဘာရီ ခရီးစဉ်နှင့်ပတ်သက်၍ အမေရိကန်နိုင်ငံ၊ နယူးယောက်မြို့ ကုလသမဂ္ဂ ဌာနချုပ်ရှိ တာဝန်ရှိသူများက လွန်ခဲ့သည့် သြဂုတ်လခရီးစဉ်ကဲ့သို့ ထပ်မံကြုံတွေ့မည်ကိုလည်း စိုးရိမ်လျက် ရှိသည်။

လွန်ခဲ့သည့် သြဂုတ်လက မစ္စတာ ဂန်ဘာရီ မြန်မာနိုင်ငံသို့ ရောက်ရှိနေစဉ် ကာလအတွင်း နအဖ စစ်ခေါင်းဆောင် ဗိုလ်ချုပ်မှူးကြီး သန်းရွှေနှင့် တွေ့ဆုံ ခွင့်မရသကဲ့သို့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ကလည်း တွေ့ဆုံရန်ငြင်းပယ်ခဲ့သည်။

မစ္စတာ ဂန်ဘာရီနှင့် စစ်အစိုးရ၏ ကုလသမဂ္ဂကိုယ်စားလှယ် ဦးကျော်တင့်ဆွေ တို့ တွေ့ဆုံခဲ့အပြီး မြန်မာနိုင်ငံသို့ လာရောက်ရန် ဖိတ်ကြားခံရခြင်း ဖြစ်သည်။ မစ္စတာ ဂန်ဘာရီက မြန်မာနိုင်ငံသို့ သွားရောက်မည့် နေ့ရက် အတိအကျကိုမူ ထုတ်ဖော်ပြောဆိုခြင်း မရှိသေးပေ။

မစ္စတာ ဂန်ဘာရီ၏ ယခုအကြိမ်ခရီးစဉ်သည်လည်း သြဂုတ်လခရီးစဉ်ကဲ့သို့ မအောင်မြင်မှုများနှင့် ထပ်မံကြုံတွေ့ရဦးမည်ဟု ကုလသမဂ္ဂ အရာရှိများက ယုံကြည်နေကြသည်။

လွန်ခဲ့သည့် သြဂုတ်လ မစ္စတာ ဂန်ဘာရီ မြန်မာနိုင်ငံမှပြန်သွားအပြီး အတိုက်အခံပါတီဖြစ်သည့် အန်အယ်လ်ဒီ အပါအဝင် မြန်မာ့ဒီမိုကရေစီအင်အားစုများက ၎င်းအား ဝေဖန်မှုများပြုလုပ်ခဲ့ကြသည်။ မစ္စတာ ဂန်ဘာရီ၏ မြန်မာနိုင်ငံ ဒီမိုကရေစီရေး ကြိုးပမ်းမှုများသည် အလုပ်မဖြစ်၊ လက်ဆုပ်လက်ကိုင်ပြနိုင်သည့် တိုးတက်မှုတစုံတရာမရှိဟု အန်အယ်လ်ဒီ ပါတီက ကြေညာချက်ထုတ်ပြန်ကာ ဝေဖန်ခဲ့သည်။

မစ္စတာ ဂန်ဘာရီသည် ကုလသမဂ္ဂ လက်ထောက်အတွင်းရေးမှူးချုပ်တာဝန်ယူထားစဉ် ၂၀၀၆ ခုနှစ် မေလ နှင့် နိုဝင်ဘာလ များမှစတင်၍ မြန်မာနိုင်ငံသို့ ၂ ကြိမ်သွားရောက်ခဲ့ပြီး အထွေထွေအတွင်းရေးမှူးချုပ်၏ မြန်မာနိုင်ငံဆိုင်ရာအထူးအကြံပေး ပုဂ္ဂိုလ်တာဝန်ဖြင့် လွန်ခဲ့သည့်နှစ် စက်တင်ဘာလမှ ယခုနှစ် သြဂုတ်လ နောက်ဆုံးအကြိမ်အထိ မြန်မာနိုင်ငံသို့ ၄ ကြိမ် သွားရောက်ခဲ့သည်။

နေပြည်တော် အရာရှိများ ၀န်ကြီးကို နေ့စဉ် ဘီယာငဲ့ပေးရ သစ်ပင်ရှင်အောင်မစိုက်သူအရာရှိကိုဝန်ကြီးကအလုပ်ဖြုတ်မည်
NEJ/ ၃ အောက်တိုဘာ ၂၀၀၈

နေပြည်တော် သတ္တုတွင်းဝန်ကြီးဌာန၀န်ကြီး ဗိုလ်ချုပ်အုန်းမြင့်သည် နေ့စဉ် ညနေ (၃) နာရီတိုင်း နေပြည်တော်မှာ ဂေါက်သီးကစားချိန် သို့မဟုတ် ဘိလိယက် ထိုးသည့်အချိန်များ၌ သတ္တုတွင်းဝန်ကြီးဌာန အရာရှိများကို ဘီယာငဲ့ဖို့ တာဝန်ပေးထားသည့်အတွက် အရာရှိများ မကျေမနပ် ဖြစ်နေသည်ဟု သတ္တုတွင်းဝန်ကြီးဌာန သတင်းရပ်ကွက်က ပြောသည်။

နေပြည်တော် စီးပွားကူးသန်းဝန်ကြီးဌာန ၀န်ကြီး ဗိုလ်ချုပ်တင်နိုင်သိန်းကလည်း လက်အောက်ခံ အရာရှိများကို အဓမ္မ သစ်ပင်စိုက်ခိုင်းရာတွင် အရာရှိတဦးချင်းအမည်ကိုပါ သစ်ပင်တွင်ချိတ်ဆွဲခိုင်းပြီး သစ်ပင်ရှင်အောင် မစိုက်နိုင်သည့် အရာရှိကို အလုပ်ဖြုတ်မည်ဟု ညွှန်ကြားချက် ထုတ်ထားသဖြင့် စီးပွားကူးသန်းဝန်ကြီးဌာန အရာရှိများ မကျေမနပ် ဖြစ်နေသည်ဟု စုံစမ်းသိရသည်။

ဒေါ်အောင်ဆန်းစုကြည်ခြံထဲက အမှိုက်ကို စည်ပင်သာယာလာသိမ်း ရန်ကုန်မှာနိုင်ငံရေးကောလာဟလထွက်
မြင့်မိုးဇော်/ ၃ နိုဝင်ဘာ ၂၀၀၈

ဒေါ်အောင်ဆန်းစုကြည်၏ နေအိမ်ခြံဝင်းထဲမှ အမှိုက်များကို နိုဝင်ဘာ (၁) ရက် နေ့လယ်ပိုင်း၌ စည်ပင်သာယာဝန်ထမ်းများ လာရောက်ရှင်းလင်းနေသဖြင့် နိုင်ငံရေးအရ တစုံတရာ အကြောင်းရှိမည်ထင်ပြီး ရန်ကုန်မြို့တွင် ဝေဖန်ခန့်မှန်းနေကြသည်။

မျက်မြင်သက်သေများ၏ ပြောဆိုချက်အရ နိုဝင်ဘာ (၁) ရက် နေ့လယ်ပိုင်း၌ ဒေါ်အောင်ဆန်းစုကြည်၏ ခြံတခါးပွင့်နေသည့်အပြင် စည်ပင်သာယာဝန်ထမ်းများ ခြံထဲမှထွက်လာသည်ဟု သိရသည်။

မျက်မြင်သက်သေတဦးက “ကျနော်တို့ တက္ကသိုလ်ထဲမှာ ဘွဲ့ နှင်းသဘင်အခမ်းအနားကိုတက်ဖို့ အဲဒီတက္ကသိုလ်ရိပ်သာလမ်းကနေ ဖြတ်သွားတာပါ။ အဲဒီမှာ မြင်ခဲ့ရတာက ဒေါ်အောင်ဆန်းစုကြည်ရဲ့ ခြံတံခါးကပွင့်နေပြီး စည်ပင် အမှိုက်သိမ်းကားက ခြံရှေ့မှာ ရပ်ထားတယ်။ နောက်စည်ပင်ဝန်ထမ်းတွေက ခြံထဲကနေထွက်လာတာကို တွေ့ရတယ်” ဟု ပြောသည်။

ထိုမြင်ကွင်းကြောင့် ကုလအတွင်းရေးမှူးချုပ် ဘန်ကီမွန်းလာနိုင်သည့်အတွက် အာဏာပိုင်များက ဒေါ်အောင်ဆန်းစုကြည်အိမ်ခြံကို ဆေးသုတ် ရှင်းလင်းပေနေသလား စသဖြင့် ရန်ကုန်မြို့တွင် ခန့်မှန်းဝေဖန်ပြောဆိုနေကြသည်။

အဆိုပါကိစ္စနှင့် ပတ်သက်၍ အန်အယ်လ်ဒီ ပြောခွင့်ရပုဂ္ဂိုလ် ဦးဥာဏ်ဝင်းကို ခေတ်ပြိုင်မှ ဆက်သွယ်မေးမြန်းရာ ဦးဥာဏ်ဝင်းက “(ဆေးသုတ် အမှိုက်ရှင်းတာ) ဟုတ်ပါတယ်။ ဒါပေမယ့် အဲဒါ စည်ပင်ကမဟုတ်ဘူး။ ဒေါ်အောင်ဆန်းစုကြည် သူကိုယ်တိုင် အစီအစဉ်နဲ့ လုပ်တာပါ။ တံခါးဆေးသုတ်တာ ကိုယ့်အစီအစဉ်နဲ့ ကိုယ်သုတ်တာ။ ကျနော်သိတာကတော့ ခြံထဲကမြက်ပုံကြီးကို စည်ပင်က လာယူတာဖြစ်ပါလိမ့်မယ်။ ဒေါ်စုရဲ့ အစီအစဉ်နဲ့ မြက်တွေကိုရှင်းတယ်။ ခြံထဲမှာ ရှင်းလိုက်တော့ မြက်ပုံကြီးဖြစ်နေတာပေါ့။ အဲဒါကို စည်ပင်က လာယူတာဖြစ်ပါလိမ့်မယ်။ ကျနော် အဲဒီလိုပဲ နားလည်ထားပါတယ်” ဟု ပြောသည်။

ယခင်ကလည်း ဒေါ်အောင်ဆန်းစုကြည်ခြံထဲမှ အမှိုက်များကို စည်ပင်သာယာမှ လာရောက် သိမ်းဖူးသည့် သာဓကရှိကြောင်း၊ သို့သော် ဒေါ်အောင်ဆန်းစုကြည်သည် ၎င်း၏ခြံကိုရှင်းလင်းရာ၌ အခြားသူများ လာရောက်လုပ်ကိုင်ခြင်းကို လက်ခံလေ့မရှိကြောင်းလည်း ဦးဥာဏ်ဝင်းက ပြောသည်။

အာဏာပိုင်များက ဒေါ်အောင်ဆန်းစုကြည်နေအိမ်ရှေ့ လမ်းပိုင်းကို မကြာခင်က ပြန်လည်ဖွင့်ပေးလိုက်သော်လည်း ဒေါ်အောင်ဆန်းစုကြည်နေအိမ်ဘေးတချက်ရှိ ယာဉ်တား မောင်းတန်များကိုမူ ဖြုတ်သိမ်းခြင်းမရှိသေးကြောင်း မျက်မြင်သက်သေများက ပြောသည်။

ဒီကေဘီအေဦးစီးမည့် ကရင်နှစ်သစ်ကူးပွဲကို စစ်အစိုးရပိတ်
NEJ/ ၃ နိုဝင်ဘာ ၂၀၀၈

ကရင်ပြည်နယ် ဘားအံမြို့ရှိ ဇွဲကပင်တောင်ခြေ အရှေ့ဘက် ခလောက်နို့ရွာဘက်ခြမ်းတွင် တိုး တက်သော ဗုဒ္ဓဘာသာ ကရင်အမျိုးသားတပ်မတော်အဖွဲ့ (ဒီကေဘီအေ) မှ ကမကထပြုကျင်းပမည့် ကရင်မျိုးနွယ်စုအားလုံးနှင့် နိုင်ငံတကာရောက် ကရင်များ လူမှုရေး၊ နိုင်ငံရေးအဖွဲ့အစည်းများပါဝင်နိုင်မည့် ကရင်အမျိုးသား နှစ်သစ်ကူးပွဲတော် ကျင်းပခွင့်ကို စစ်အစိုးရက ပိတ်ပင်လိုက်သည်။

ပွဲတော်ကျင်းပရေးကော်မတီဝင် တဦးက “ဒီပွဲလုပ်နိုင်ဖို့ အာဏာပိုင်တွေဆီက ခွင့်ပြုချက်ရထားပြီး ဖြစ်တယ်။ ပြီးခဲ့တဲ့လလယ်လောက်က အကြောင်းပြချက်မရှိဘဲ ပွဲကျင်းပခွင့်ကို ပိတ်လိုက်တယ်။ ဒီနှစ် ကျင်းပမယ့်ပွဲဟာ မြန်မာပြည် ကရင့်သမိုင်းမှာ အတော့်ကို ထူးထူးခြားခြား ဖြစ်ဖို့အတွက် စီစဉ်ထားတဲ့ပွဲ ဖြစ်တယ်။ မြန်မာပြည်အနှံ့မှာ နေထိုင်ကြတဲ့ ကရင်တိုင်းရင်းသား မျိုးနွယ်စုတွေအပြင် နိုင်ငံတကာရောက် ကရင်တွေကိုလည်း ဖိတ်ကြားဖို့ စီစဉ်ထားပါတယ်။ အဲဒီအထဲမှာ ကရင်အမျိုးသားအစည်းအရုံး (ကေအန်ယူ) ကိုလည်း ဖိတ်ဖို့ စီစဉ်ထားပါတယ်။ အဲဒါကို မြန်မာအာဏာပိုင်တွေဘက်က မလိုလားအပ်တဲ့ ပြဿနာတွေ ဖြစ်မှာကိုစိုးရိမ်တာရယ်၊ နိုင်ငံရေးအဖွဲ့အစည်းတွေကိုပါ ဖိတ်မှာဆိုတော့ ကရင်တွေ ရင်းနှီးစည်းလုံးသွားမှာကို မလိုလားလို့ ပိတ်တယ်လို့ပဲထင်တယ်” ဟု ခေတ်ပြိုင်သို့ ပြောသည်။

အည်မဖော်လိုသူ ဒီကေဘီအေ အရာရှိတဦးကလည်း “ဇွဲကပင်တောင်ခြေမှာ လုပ်မယ့်ပွဲကို မြန်မာအာဏာပိုင်တွေဘက်က ကျင်းပခွင့်မပြုတာကတော့ သေချာသွားပြီ။ အကြောင်းပြန်တာ ရက်ပိုင်းလောက်ပဲရှိ သေးတယ်။ ဒါပေမယ့် ဒီပွဲကိုတော့ ကျနော်တို့ဘက်က ဖြစ်အောင်လုပ်မှာပါ။ အရင်စီစဉ်ထားတဲ့အတိုင်းပဲ ပွဲကိုကျင်းပမယ်၊ အားလုံးကိုလည်း ဖိတ်မယ်။ နေရာကိုတော့ ဇွဲကပင်တောင်ခြေမှာ မဟုတ်တော့ဘူး ဒီကေဘီအေ (၉၉၉) တပ်မဟာ ဌာနချုပ်ဖြစ်တဲ့ လှိုင်းဘွဲ့မြို့နယ်က ကွမ်ဘီရွာမှာပဲ ကျင်းပမှာဖြစ်တယ်။ ကရင်နဲ့ပတ်သက်တဲ့ အဖွဲ့အစည်းတွေ အကုန်လုံးဖိတ်မယ်၊ အကုန်လုံးလာလို့ရတယ်။ လက်နက်တွေ ဘာတွေတော့ ယူဆောင်ခွင့်မပေးဘူး” ဟု ပြောသည်။

ဒီကေဘီအေမှကျင်းပမည့် ကရင်နှစ်သစ်ကူးနေ့ အခမ်းအနားနှင့်ပတ်သက်၍ ကရင်အမျိုးသား အစည်းအရုံး ကေအန်ယူအဖွဲ့၏ ဒု-ဥက္ကဋ္ဌ ပဒိုဒေးဗစ်သာကပေါ်က “အခုလို ဇွဲကပင်တောင်ခြေမှာ လုပ်မယ့်ပွဲကို လုပ်ခွင့်မပေးတာကတော့ နအဖဟာ ဒီကေဘီအေကို တပည့်ပီပီ လက်အောက်ခံအဖြစ်ပဲ နေစေချင်တယ်။ နအဖက ဖက်ဆစ်ဆိုတော့ ဖက်ဆစ်ဝါဒအတိုင်း လူတွေနဲ့ လူတွေရဲ့အတွေးအခေါ်ကို ထိန်းချုပ်မယ်။ ဒီကေဘီအေက တမူဆန်းပြီး ဟိုလူဖိတ်မယ်၊ ဒီလူဖိတ်မယ် ကြီးကြီးကျယ်ကျယ်တွေလုပ်တော့ သိကြတဲ့အတိုင်းပဲ နအဖဆိုတာက ကရင်တွေကို မျိုးဖြုတ်ဖို့ပဲရှိတယ်။ ဒီပွဲကို ဒီကေဘီအေနဲ့ နအဖလိုလားသူတစုကနေ ကျင်းပမှာဖြစ်တယ်။ သူတို့ရည်ရွယ်ချက်က နအဖကို လူထုထောက်ခံမှု ပိုရအောင်လုပ်ပေးတာပဲဖြစ်တယ်” ဟု ခေတ်ပြိုင်သို့ ပြောသည်။

ဇွဲကပင်တောင်ခြေ အရှေ့ဘက်ခြမ်းတွင် ဒီကေဘီအေမှ ကရင်အမျိုးသား နှစ်သစ်ကူးအခမ်းအနား ကျင်းပမည့်သတင်းများကို ပြည်တွင်းသတင်းဂျာနယ် တစောင်ဖြစ်သည့် Bi Weekly Eleven သတင်းဂျာနယ်နှင့် အခြားပြည်တွင်း ဂျာနယ်အချို့တွင် ဖော်ပြထားပြီးဖြစ်သည်။

ယခုနှစ်၏ ကရင်နှစ်သစ်ကူးနေ့သည် ကရင်သက္ကရာဇ် ၂၇၄၈ ခုနှစ် သလေထိုင်ခေါင်ဖိုး၊ လဆန်း (၁) ရက်၊ မြန်မာသက္ကရာဇ် ၁၃၇၀ ခုနှစ်၊ ပြာသိုလဆန်း (၁) ရက်နေ့၊ ခရစ်သက္ကရာဇ် ၂၀၀၈ ခုနှစ် ဒီဇင်ဘာ လ (၂၇) ရက်နေ့တွင် ကျရောက်မည်ဖြစ်သည်။

တွံတေးမြို့နယ်တွင် သားဖွားဆရာမရှားပါး
NEJ/ ၃ အောက်တိုဘာ ၂၀၀၈

တွံတေးမြို့ရှိ ကျေးရွာများတွင် ကလေးမီးဖွားခြင်းကို အရပ်လက်သည်ဖြင့် မွေးဖွားနေရဆဲဖြစ်ကြောင်း တွံတေးမြို့မှ ကျန်းမာရေးဝန်ထမ်းတဦးက ပြောသည်။


“တွံတေးမြို့က ရန်ကုန်တိုင်းထဲက မြို့တမြို့ဖြစ်ပေမယ့် အရပ်လက်သည်နဲ့ မွေးရတယ်ဆိုတာ သားဖွားဆရာမတွေ အလုံအလောက် ချမပေးနိုင်တဲ့အတွက်ပဲ” ဟု မိခင်နှင့်ကလေးစောင့်ရှောက်ရေးအသင်းမှ တာဝန်ရှိသူတဦးက ပြောသည်။

အရပ်လက်သည်နှင့် ကလေးမွေးဖွားခြင်းမှာ တွံတေးမြို့နယ်အတွင်း (၃၀) ရာခိုင်နှုန်းခန့် ရှိနေသေးကြောင်း ကလေးအထူးကုဆရာဝန်တဦးက ၎င်း၏မှတ်တမ်းများအရ ပြောသည်။ ၂၀၀၆ ခုနှစ် ကမ္ဘာ့ကျန်းမာရေးအဖွဲ့ ထုတ်ပြန်ချက်အရ မြန်မာနိုင်ငံ၌ လူတသောင်းတွင် သူနာပြုဆရာမ/၀မ်းဆွဲဆရာမ အရေအတွက် (၁၀) ဦး သာရှိသည်။

တွံတေးမြို့နယ် ဘုရားကြီးစံပြကျေးရွာမှ အရပ်လက်သည်ဖြင့် မွေးဖွားခဲ့ရသည့် ဒေါ်မြင့်ကြွယ်က “ရွာမှာ ကလေးမွေးတော့မယ်လို့ ဖြစ်နေချိန်မှာ သားဖွားဆရာမက တခြားတရွာကို ရောက်နေရင် အရပ်လက်သည်ကိုပဲ အားကိုးလိုက်ရတော့တာပဲ” ဟု ပြောသည်။

အဆိုပါမြို့နယ်ရှိ ကျေးရွာများမှ ကိုယ်ဝန်ဆောင်အမျိုးသမီးများမှာ ကိုယ်ဝန်ကြိုတင်စောင့်ရှောက်မှု ဗဟုသုတ အရလည်း အားနည်းနေသေးသည်ဟု ယင်းဒေတွင် နာဂစ်မုန်တိုင်းနောက်ပိုင်း ကျန်းမာရေးကာကွယ်စောင့်ရှောက်မှုများ ပြုလုပ်ပေးနေသည့် ပရဟိတ အမျိုးသမီးများအဖွဲ့မှ ခေါင်းဆောင် အမျိုးသမီးတဦးက ပြောသည်။

တွံတေးမြို့သည် ရန်ကုန်နှင့် (၁၇) မိုင်ကျော်ခန့်သာဝေးပြီး ဆက်သွယ်သွားလာရေး လွယ်ကူသောမြို့ဖြစ်သော်လည်း ကျန်းမာရေးနှင့်ပတ်သက်၍ ရွာများတွင် သားဖွားဆရာမ အင်အားနည်းကြောင်း ဒေသခံများက ပြောသည်။

တွံတေးမြို့တွင် ကုတင် (၂၅) ခုဆံ့ မြို့နယ်ဆေးရုံ (၁) ရုံ၊ ကုတင် (၁၆) ခုဆံ့ တိုက်နယ်ဆေးရုံ (၁) ရုံ၊ ကျေးလက်ကျန်းမာရေးဌာန (၅) ခု၊ ကျေးလက်ကျန်းမာရေးဌာနခွဲ (၂၈) ခုရှိကြောင်း တွံတေးမြို့နယ် အုပ်ချုပ်ရေးစာရင်းဇယားများအရ သိရသည်။

ကျေးလက်ကျန်းမာရေးဌာနခွဲတခုတွင် ကျန်းမာရေးဝန်ထမ်းတဦးနှင့် သားဖွားဆရာမတဦးသာ ရှိသည်။

တွံတေးမြို့နယ်ရှိ် ကျေးရွာအုပ်စု (၆၅) အုပ်စုတွင် ရွာပေါင်း (၂၃၁) ရွာရှိကာ တမြို့နယ်လုံးတွင် လူဦးရေ (၂) သိန်းကျော်ရှိသည်။

ထိုင်းဘွဲ့ရသူများ နိုင်ငံရေးမတည်ငြိမ်မှုကြောင့် စိတ်ပင်ပန်းမှုဒဏ်ပိုခံရ
The Nation/ ၃ နိုဝင်ဘာ ၂၀၀၈

ထိုင်းနိုင်ငံတွင် ဘွဲ့ရသူများက နိုင်ငံရေးမတည်ငြိမ်မှုကြောင့် စိတ်ပင်ပန်းမှုဒဏ် အများဆုံးခံနေရပြီး ဘွဲ့မရသူများက စီးပွားရေးအ ဆင်မပြေမှုကြောင့် စိတ်ပင်ပန်းမှုဒဏ် အများဆုံးခံနေရသည်ဟု မကြာခင်က ထုတ်ပြန်သည့် ထိုင်းနိုင်ငံ အေဘက်တက္ကသိုလ်စစ်တမ်း တခု၌ ဖော်ပြထားသည်။ ထိုင်းနိုင်ငံ ဘန်ကောက်နှင့် အခြားပြည်နယ် (၁၈) ခုမှ အိမ်ထောင်ဦးစီး သို့မဟုတ် မိသားစုအတွက် အဓိက ၀င်ငွေရှာ ပေးနေသူ (၃,၂၉၃) ကို ထိုင်းနိုင်ငံ အေဘက်တက္ကသိုလ်မှ စစ်တမ်းကောက်ယူ မေးမြန်းခဲ့ခြင်းဖြစ်သည်။

အငြင်းပွားနေသည့် ရေပိုင်နက်အတွင်း မြန်မာစစ်အစိုးရ ကျူးကျော်သည်ဟု ဘင်္ဂလားဒက် စွပ်စွဲ
DPA/၂ နိုဝင်ဘာ ၂၀၀၈

ဘင်္ဂလားဒက် မြန်မာအငြင်းပွားနေသည့် ရေပိုင်နက်ထဲ ကျုးကျော်ပြီး မြန်မာစစ်အစိုးရက ရေနံနှင့်သဘာဝဓါတ်ငွေ့ ရှာဖွေနေခြင်းကို ဘင်္ဂလားဒက်အစိုးရမှ ကန့်ကွက်လိုက်ပြီး ဒါခါအခြေစိုက် မြန်မာသံအမတ်ကို ဆင့်ခေါ် သတိပေးလိုက်သည်။

ဘင်္ဂလားဒက်အစိုးရသည် ၄င်း၏အကျိုးစီးပွားကို ကာကွယ်နိုင်ခွင့်ရှိသည့်အလျောက် မြန်မာ ဘင်္ဂလားဒက် ၂ နိုင်ငံကြား ရေပိုင်နက်သတ်မှတ်သည့်ကိစ္စ မပြီးဆုံးမီ မြန်မာဘက်မှ ရေနံနှင့်သဘာဝဓါတ်ငွေ့ ရှာဖွေနေခြင်း ရပ်ဆိုင်းပြီး မြန်မာသင်္ဘောများ ပြန်ခေါ်ဖို့ မြန်မာစစ်အစိုးရအား တိုက်တွန်းလိုက်ကြောင်း ဘင်္ဂလားဒက်နိုင်ငံခြားရေးဝန်ကြီးမှ ဒါခါအခြေစိုက် မြန်မာသံအမတ်ကြီး ဦးဖေသန်းဦးအား ပေးသည့် ကန့်ကွက်လွှာတွင် ဖော်ပြထားသည်။

ရေပိုင်နက် အငြင်းပွားမှုကိစ္စမပြီးဆုံးမီကာလအတွင်း မည်သည့်နိုင်ငံကမျှ သယံဇာတကျူးကျော်ရှာဖွေမှု မလုပ်ရန်ကတိကို မြန်မာဘက်က ချိုးဖောက်သည်ဟု ဘင်္ဂလားဒက်က စွပ်စွဲသည်။

နိုင်ငံရေးအမှုများ ဆောင်ရွက်သူ ရှေ့နေနှစ်ဦး တရားစွဲခံရပြန်ပြီ
ဖနိဒါ
တနင်္လာနေ့၊ နိုဝင်ဘာလ 03 2008 22:08 - မြန်မာစံတော်ချိန်


ချင်းမိုင်။ ။ အမျိုးသားဒီမိုကရေစီ အဖွဲ့ချုပ်ဝင်များ၏ အမှုများကို ကူညီပေးနေသည့် ဗဟိုတရားရုံးချုပ် ရှေ့နေ ဦးအောင်သိန်းနှင့် ဦးခင်မောင်ရှိန်တို့အား လှိုင်မြို့နယ် တရားရုံးက ပြီးခဲ့သည့်လ ၃၀ ရက်နေ့တွင် တရားစွဲဆိုလိုက်သည်။

အကျဉ်းကျခံနေရသည့် နိုင်ငံရေးအကျဉ်းသား အမှုသည်များက တရားရုံးတော်ကို အယုံအကြည် မရှိတော့သဖြင့် သူတို့၏ ရှေ့နေပါဝါများ ရုပ်သိမ်းလိုက်ကြောင်း တရားသူကြီးထံ တင်ပြရာ လှိုင်မြို့နယ် တရားသူကြီး ဒေါ်အေးမြိုင်က တရားရုံးကို မထီမဲ့မြင်ပြုမှုဖြင့် တရားစွဲဆိုလိုက်ခြင်း ဖြစ်သည်။

"သူတို့နှစ်ယောက်ကို ရန်ကုန် ဗဟိုတရားရုံးချုပ်ကနေ တရားရုံးအား မထီမဲ့မြင်ပြုမှု - ဥပဒေပုဒ်မ ၃ အရ တရားစွဲဆိုထားတယ်လို့ သိရတယ်" ဟု အန်အယ်ဒီ ပြောခွင့်ရပုဂ္ဂိုလ် ဦးဥာဏ်ဝင်းက ပြောသည်။

အမည်မဖော်လိုသူ ဗဟိုတရားရုံးချုပ်ရှေ့နေတဦးကလည်း "ထောင်အာဏာပိုင်တွေက ထောင်ဝင်ခွင့် မပေးဘူး။ တရားရုံးချုပ်က စွဲထားတာ။ လှိုင်မြို့နယ် တရားသူကြီးကနေ တရားရုံးကို မထီလေးစား လုပ်တယ်ဆိုပြီး တရားစွဲလိုက်တယ်။ သမ္မာန်စာလည်း ပို့ထားပြီ" ဟု ပြောသည်။

နှစ်ဦးစလုံးအား တရားရုံးမှ ယခုလ ၆ ရက်နေ့တွင် ရုံးချိန်းရက် ပေးထားသည်။

အောက်တိုဘာလ ၃၀ ရက်နေ့က စမ်းချောင်းမြို့နယ် တရားရုံး၌ နိုင်ငံရေးအမှုတခု လိုက်ပါဆောင်ရွက်နေစဉ် တရားသူကြီးက သတိထားနေရန်နှင့် နှောင့်ယှက်မှုဖြင့် ထောင်ဒဏ် ချခံရနိုင်သည်ဟု ရှေ့နေ ဦးခင်မောင်ရှိန်အား ခြိမ်းခြောက်ခဲ့ပြီးနောက် ယခုလို တရားစွဲဆိုမှု ပေါ်ပေါက်လာခြင်း ဖြစ်သည်။

အလားတူပင် နိုင်ငံရေး အမှုများကို ဆောင်ရွက်ပေးနေသူ လူငယ်ရှေ့နေ ကိုညီညီထွေးကိုလည်း ပြီးခဲ့သည့်လ ၁၇ ရက်နေ့က မြောက်ပိုင်းခရိုင်တရားရုံးက သမ္မာန်စာ ပေးပို့ကာ ၃၀ ရက်နေ့တွင် ရုံးချိန်းပေးခဲ့သော်လည်း ရုံးချိန်းရက် မတိုင်ခင် ၂၉ ရက်နေ့တွင် ဖမ်းဆီးခဲ့သည်။ မြောက်ပိုင်းခရိုင် တရားသူကြီး ဦးသောင်းညွန့်က တရားရုံးတော်ကို မထီလေးစားပြုမှု - ပုဒ်မ ၂၂၈ ဖြင့် ကိုညီညီထွေးကို ထောင်ဒဏ် ၆ လ ချမှတ်ပြီး၊ တပြိုင်တည်း တရားစွဲခံရကာ ထွက်ပြေးတိမ်းရှောင်နေသည့် ရှေ့နေ ကိုစောကျော်ကျော်မင်းကိုမူ ဖမ်းဝရန်းထုတ်ထားသည်။

ပြည်ပအခြေစိုက် မြန်မာလူငယ်ရှေ့နေများ ဥပဒေ အကျိုးဆောင်လုပ်ငန်း - Myanmar Youth Lawyers Law Firm က နိုင်ငံတကာ လူ့အခွင့်အရေး ဖက်ဒရေးရှင်း - International Federation of Human Rights (FIDH) နှင့် နှိပ်စက်ခြင်းများကို ဆန့်ကျင်သည့် ကမ္ဘာ့အဖွဲ့ကြီး - OMCT ထံ ရှေ့နေ ကိုညီညီထွေးအား ကိုယ်ကာယ၊ စိတ်ဓာတ်ရေးရာ တစုံတရာ ထိခိုက်ခြင်းမျိုး စစ်အာဏာပိုင်များက မပြုလုပ်ရေးအတွက် အာမခံရန်နှင့် ချက်ချင်း ပြန်လွှတ်ပေးရန် တောင်းဆိုပေးစေလိုကြောင်း ယမန်နေ့က ကြေညာချက်တရပ် ထုတ်ပြန်ခဲ့သည်။

ကိုညီညီထွေးနှင့် ကိုစောကျော်ကျော်မင်းတို့ အပါအ၀င် မြန်မာပြည်အတွင်းရှိ လူ့အခွင့်အရေး ကာကွယ်မြှင့်တင်သူများကို တရားဥပဒေအဆင့် အပါအ၀င် မတရားပြုချက်များကို ရပ်တန့်ရန်နှင့် နိုင်ငံတကာ လူ့အခွင့်အရေး ကြေညာစာတမ်းနှင့် မြန်မာနိုင်ငံတွင် အတည်ပြုပြဌန်းထားသည့် နိုင်ငံတကာ စာတမ်းများ၏ စံချိန်များနှင့်အညီ လူ့အခွင့်အရေးနှင့် အခြေခံလွတ်လပ်ခွင့်များကို အာမခံပေးရန်လည်း ပြောဆိုခဲ့သည်။

FIDH သည် နိုင်ငံတကာ လူ့အခွင့်အရေး ကြေညာစာတမ်း၊ နိုင်ငံသားနှင့် နိုင်ငံရေးအခွင့်အရေး သဘောတူစာချုပ်နှင့် စီးပွားရေး၊ လူမှုရေးနှင့် ယဉ်ကျေးမှု အခွင့်အရေးဆိုင်ရာ သဘောတူစာချုပ်ပါ အခွင့်အရေးများကို လေးစားလိုက်နာရန် ကြိုးပမ်းဆောင်ရွက်နေသည့် လူ့အခွင့်အရေးအဖွဲ့ဖြစ်သည်။

ထို့အပြင် ကုလသမဂ္ဂ၊ ယူနက်စ်ကို၊ ဥရောပကောင်စီတို့တွင် အကြံပေးအဆင့်ဖြင့် ဆောင်ရွက်လျက်ရှိပြီး၊ အာဖရိက လူသားနှင့် နိုင်ငံသားအခွင့်အရေး ကော်မရှင်တွင် လေ့လာသူအဖြစ်လည်း ဆောင်ရွက်နေသည်။

ရှေ့နေ ကိုညီညီထွေးနှင့် သူ လိုက်ပါဆောင်ရွက်ပေးနေသည့် နိုင်ငံရေးအကျဉ်းသား ကိုရန်နိုင်ထွန်း၊ ကိုအောင်မင်းနိုင် (ခ) မီးသွေးနှင့် ကိုမျိုးကျော်ဇင်တို့၏ လျှောက်လဲချက်များအား စစ်ဆေးခြင်းမပြုဘဲ ပြစ်ဒဏ်ချမှတ်လိုက်ခြင်းသည် ဥပဒေအရ မှားယွင်းပြီး ပြစ်မှုကျင့်ထုံးဥပဒေပုဒ်မ ၄၈၂ ပါ ပြဌာန်းချက်ကို ချိုးဖောက်ရာရောက်သည်ဟု ရှေ့နေ ကိုဖိုးဖြူက ယခုလို ပြောသည်။

"မြန်မာပြည်က ရှေ့နေရှေ့ရပ်တွေဟာ တရားစီရင်ရေးမှာ လွတ်လပ်စွာ အမှုလိုက်ပါဆောင်ရွက်ခွင့် ဆုံးရှုံးနေပါတယ်။ အမှုသည်ကိုယ်စား တင်ပြခွင့်၊ လျှောက်ထားခွင့်၊ ဆောင်ရွက်ခွင့်ကို ပိတ်ပင်ခံနေရပါတယ်။ ၁၈၈၀ ခုနှစ် ရှေ့နေလိုက်သူများ အက်ဥပဒေ ပုဒ်မ - ၈ ကို ချိုးဖောက်ခံနေရပါတယ်။ နိုင်ငံတကာ ဥပဒေနှုန်းစံတရပ်ဖြစ်တဲ့ ၁၉၉၀ ရှေ့နေများအတွက် အခြေခံမူတွေအရလည်း ညီညွတ်မှု မရှိပါဘူး" ဟု သူက ပြောဆိုလိုက်သည်။

ရေပိုင်နက် ကျူးကျော်မှုဖြင့် ဘင်္ဂလားဒေ့ရ်ှက မြန်မာအစိုးရကို ကန့်ကွက်
မဇ္ဈိမသတင်းဌာန
တနင်္လာနေ့၊ နိုဝင်ဘာလ 03 2008 12:24 - မြန်မာစံတော်ချိန်


ဒါကာ။ ။ မြန်မာပိုင် ရေယာဉ်များ သူ၏ ပင်လယ်ရေပိုင်နက်အတွင်း ၀င်ရောက်ကျူးကျော်မှုကို ဘင်္ဂလားဒေ့ရ်ှက တနင်္ဂနွေနေ့တွင် ပြင်းထန်စွာ ကန့်ကွက်လိုက်သည်။

ဘင်္ဂလားဒေ့ရှ် ရေပိုင်နက် အကွက် 08-13 တွင် မြန်မာပိုင်ရေယာဉ်များ ကျူးကျော် ၀င်ရောက်နေသည်ကို ဆန့်ကျင်ကြောင်း ဘင်္ဂလားဒေ့ရှ် နိုင်ငံခြားရေးဝန်ကြီးက ပြောသည်။

ဘင်္ဂလားဒေ့ရ်ှနိုင်ငံဆိုင်ရာ မြန်မာ သံအမတ်ကြီး ဦးဖေသန်းဦးကို မြို့တော်ဒါကာရှိ နိုင်ငံခြားရေးရုံးသို့ ခေါ်ယူတွေ့ဆုံပြီး ပြောဆိုလိုက်ခြင်း ဖြစ်သည်။

နိုင်ငံခြားရေး ၀န်ကြီးဌာန အတွင်းရေးမှူး တော်ဟဒ် ဟိုစိန်က ဆန့်ကျင်ကြောင်း သဘောထား မှတ်တမ်းလွှာကို မြန်မာ သံအမတ်ကို ပေးအပ်ပြီး ဘင်္ဂလားဒေ့ရှ်၏ ၁၉၇၄ ခုနှစ် ပိုင်နက်ပင်လယ်နှင့် ပင်လယ်ဇုန်များ အက်ဥပဒေအရ မြန်မာအစိုးရမှ အဆိုပါ ကျူးကျော်မှုများကို ချက်ချင်း ရပ်တန့်ပေးရန် တောင်းဆိုသည်။

ထိုမှတ်တမ်းလွှာတွင် ဘင်္ဂလားဒေ့ရှ် အစိုးရမှ သူ၏ ပိုင်နက်များကို ကာကွယ်ရန် အခွင့်အာဏာ ရှိသည်နှင့်အညီ၊ မြန်မာအစိုးရပိုင် ရေယာဉ်များက ပိုင်နက် ကျူးကျော်သဖြင့် မြန်မာ-ဘင်္ဂလားဒေ့ရှ် ရေပိုင်နက် ပြဿနာများ ဖြစ်ပေါ်နေမှုကို မြန်မာအစိုးရမှ ဖြေရှင်းပေးရန် တိုက်တွန်းကြောင်း ပါရှိသည်ဟု ဘင်္ဂလားဒေ့ရှ် နိုင်ငံခြားရေးဝန်ကြီး၏ သတင်းစာရှင်းလင်းချက်တွင် ဖော်ပြထားသည်။

ရေပိုင်နက်ကျူးကျော်မှုအရေး ဘင်္ဂလားဒေ့ရှ် အထူးကိုယ်စားလှယ် မြန်မာနိုင်ငံကို စေလွှတ်မည်

03 November 2008

ဦးဇော်ဝင်းလှိုင် - အစီအစဉ်ကိုရယူရန် (MP3)
ဦးဇော်ဝင်းလှိုင် - နားဆင်ရန် (MP3)



ဘင်္ဂလားဒေ့ရ်ှနဲ့ မြန်မာနှစ်နိုင်ငံ အငြင်းပွားနေကြတဲ့ ရေပိုင်နက်ကိစ္စကို ဖြေရှင်းဖို့
အတွက် ဘင်္ဂလားဒေ့ရ်ှက အထူးသံတမန်တယောက်ကို လာမယ့်ဗုဒ္ဓဟူးနေ့မှာ မြန်မာ
နိုင်ငံစေလွှတ်မယ်လို့ ဘင်္ဂလားဒေ့ရှ် နိုင်ငံခြားရေးဝန်ကြီးဌာနက ပြောကြားပါတယ်။
နှစ်နိုင်ငံအကြား တင်းမာမှုတွေဖြစ်နေတဲ့ ဘင်္ဂလားပင်လယ်အော်ထဲက ဘင်္ဂလားဒေ့ရှ်
နိုင်ငံ ရေပိုင်နက်ထဲဝင်ပြီး မြန်မာစစ်အစိုးရရဲ့ ရေတပ်သင်္ဘောတွေရဲ့ အကူအညီနဲ့ ရေနံ
နဲ့ သဘာဝဓာတ်ငွေ့တွေ တူးဖော်နေတဲ့ကိစ္စကို တရားဝင်ကန့်ကွက်တဲ့အနေနဲ့ မနေ့က
ဘင်္ဂလားဒေ့ရ်ှဆိုင်ရာ မြန်မာသံအမတ်ကြီး ဦးဖေသန်းဦးကို ဆင့်ခေါ်ပြီး ဘင်္ဂလားဒေ့ရှ်
နိုင်ငံခြားရေးဝန်ကြီးဌာနက တရားဝင် ကန့်ကွက်ခဲ့ပါတယ်။

အခုလို နှစ်နိုင်ငံအကြား တင်းမာမှုတွေ ဖြစ်ပွားနေတဲ့ နောက်ဆုံးအခြေအနေတွေ
သိရှိနိုင်ဖို့ ဘင်္ဂလားဒေ့ရ်ှအခြေစိုက် နိရဉ္စရာသတင်းဌာနက ကိုမျိုးထွန်းကို ဗွီအိုအေ
ဝိုင်းတော်သား ကိုဇော်ဝင်းလှိုင်က ဆက်သွယ်မေးမြန်းရာမှာ ကိုမျိုးထွန်းက အခုလို
ပြောပြပါတယ်။

"ဘင်္ဂလားဒေ့ရှ် ရေပိုင်နက်ထဲမှာ မြန်မာကလာပြီး ဂက်စ်ရှာဖွေနေတဲ့အတွက် နှစ်နိုင်ငံ
ရေပိုက်နက်ထဲမှာ တင်းမာမှုဖြစ်နေပါတယ်။ မနေ့တုန်းက မြန်မာရေတပ်က အစောင့်
အရှောက်တွေနဲ့လာပြီး ဒီဘက်မှာ ဂက်စ်လာရှာတဲ့အတွက် ဘင်္ဂလားဒေ့ရ်ှကလည်း
အဲဒီ ဂက်စ်ရှာတဲ့နေရာကို ရေတပ်ဖွဲ့တွေကို စေလွှတ်ထားပါတယ်။

"ပြီးတော့ မြန်မာသံအမတ်ကိုလည်း ဘင်္ဂလားဒေ့ရှ် နိုင်ငံခြားရေးဌာနက ခေါ်ပြီး သတိ
ပေးထားပါတယ်။ အခုတော့ နယ်စပ်ပြဿနာတွေက တင်းမာနေပါတယ်။ ဘင်္ဂလား
ဒေ့ရ်ှနိုင်ငံမှာ ဒီနေ့ထုတ် သတင်းစာတွေမှာလည်း ဒီသတင်းက မျက်နှာဖုံးသတင်းအဖြစ်
ပါနေပါတယ်။"

ဘင်္ဂလားဒေ့ရ်ှက ပြဿနာဖြစ်တဲ့နေရာကို ရေတပ်လွှတ်တယ်ဆိုတော့ ဘယ်နှစ်စင်း
လောက် လွှတ်ပါသလဲ။

"အဲဒီနေရာကို သွားရောက်ဖို့ ဘင်္ဂလားဒေ့ရ်ှက ရေတပ်သင်္ဘောသုံးစင်း လွှတ်ထားပါ
တယ်။"

မြန်မာဘက်က ရေတပ်သင်္ဘော ဘယ်နှစ်စင်းလောက်ပါတယ်လို့ အတိအကျ ကြားပါ
သလဲ။

"အဲဒါတော့ ဘယ်နှစ်စင်းပါတယ်ဆိုတာ ကျနော်တို့ အတိအကျ မသိရပါဘူး။ ဘင်္ဂလား
ဒေ့ရ်ှထဲမှာ ရေတပ် တပ်ဖွဲ့တွေနဲ့ ဂက်စ်လာရှာတယ်လို့ သတင်းရပါတယ်။ ဘယ်နှစ်စင်း
ပါတယ်ဆိုတာတော့ အတိအကျ မသိရသေးပါဘူး။"

အခု ဘင်္ဂလားဒေ့ရှ် အစိုးရကရော ရှေ့ဆက် ဘာလုပ်မယ်လို့ ပြောပါသလဲ။ ကျနော်တို့
ကြားတာကတော့ အထူးသံတမန်ကို ဗုဒ္ဓဟူးနေ့မှာ မြန်မာနိုင်ငံကိုလွှတ်မယ်လို့ ကြားပါ
တယ်။

"လောလောဆယ်တော့ ဘင်္ဂလားဒေ့ရ်ှက အထူးသံတမန်လွှတ်ပြီး ဒီကိစ္စကို အိမ်နီးချင်း
အစိုးရဖြစ်တဲ့အတွက် ပြေပြေလည်လည်နဲ့ ဆွေးနွေးပြီး ဖြေရှင်းမယ်လို့ပြောတယ်။
မြန်မာသံအမတ်ကြီးကို ပြောတာကတော့ ဒီပြဿနာကို ပြေပြေလည်လည်ပဲ ဆွေးနွေး
ပြီး ဖြေရှင်းချင်တယ်လို့ ပြောပါတယ်။"

ရေပိုင်နက်ပြဿနာကို ဖြေရှင်းတဲ့နေရာမှာ မြန်မာဘက်က ဘယ်လိုတုံ့ပြန်တယ်လို့များ
ပြောကြဆိုကြပါလဲ။

"အခုလောလောဆယ်တော့ မြန်မာဘက်က တုံ့ပြန်မှု ဘာမှ တိတိကျကျ မရှိသေးပါဘူး။
ဘင်္ဂလားဒေ့ရ်ှအစိုးရကလည်း ဒီကိစ္စနဲ့ပတ်သက်လို့ ဘာမှ တရားဝင်ပြောကြားတာ မရှိ
သေးပါဘူး။"

ဘင်္ဂလားဒေ့ရ်ှမှာရှိတဲ့ မြန်မာသံအမတ်ကလည်း ဘာမှ ထူးထူးခြားခြား မပြောဘူးလား။

"ဟုတ်ကဲ့၊ ဘာမှ ထူးထူးခြားခြား မပြောပါဘူး။ ဘင်္ဂလားဒေ့ရ်ှအစိုးရက မြန်မာ
သံအမတ်ကိုခေါ်ပြီး သတိပေးတဲ့အဆင့်၊ ပြီးတော့ ဘင်္ဂလားဒေ့ရ်ှနိုင်ငံထဲကို လာပြီးတော့
ရေပိုင်နက် ကျူးကျော်တဲ့အတွက် ကန့်ကွက်ရှုတ်ချတယ်။ အိမ်နီးချင်းနိုင်ငံအနေနဲ့
သူတပါးနိုင်ငံထဲကို ၀င်ရောက်ကျူးကျော်လာတာဟာ မကောင်းတဲ့အလုပ်ဆိုပြီး သူတို့
က ကန့်ကွက်တာပဲရှိပါတယ်။

"ဒါပေမယ့် ဒီနယ်စပ်ပြဿနာကတော့ ပိုပြီးဆိုးလာဖို့ပဲရှိပါတယ်။ မနေ့ကလည်း
ဘင်္ဂလားဒေ့ရ်ှနိုင်ငံသား ၃ ယောက်ကို နစကတွေက နယ်စပ်မှာ သတ်ထားတယ်။
ဒီသတင်းတွေက ဘင်္ဂလားဒေ့ရ်ှလူထုကြားမှာ အတော့်ကို ရေပန်းစားနေပါတယ်။"

အဲဒါ ဘယ်နေရာမှာ ဖြစ်တာပါလဲ။

"အဲဒါ ဘင်္ဂလားဒေ့ရ်ှနယ်စပ်မှာ ဖြစ်တာမဟုတ်ဘူး။ သူတို့က ဘင်္ဂလားဒေ့ရ်ှနိုင်ငံသား
၎ ယောက်ကို ဖမ်းခေါ်ပြီး ဟိုဘက်မှာ ပစ်သတ်တယ်။ ပစ်သတ်ပြီးမှ အလောင်းတွေကို
ဒီဘက်က စခန်းနားမှာ လာထားတယ်ဆိုပြီး ဒေသခံတွေက ပြောနေတယ်။ ဒီသတင်း
နှစ်ခုက ဘင်္ဂလားဒေ့ရ်ှမှာထုတ်တဲ့ ဘင်ဂါလီသတင်းစာမှာရော တခြားသတင်းစာတွေ
မှာပါ မျက်နှာဖုံးသတင်းအဖြစ် ပါနေပါတယ်။"

မြန်မာနိုင်ငံဘက်ကဆိုရင် ဘယ်နေရာလောက်ဖြစ်မလဲ။

"မြန်မာဘက်ကဆိုရင် မောင်တောမြို့နယ် တောင်ပြို မြို့သိုက်အနီးမှာ ဖြစ်တာပါ။"

အဲဒီကိစ္စနှစ်ခုပေါင်းပြီး ဘင်္ဂလားဒေ့ရ်ှဘက်က တော်တော်လေး လှုပ်လှုပ်ရွရွဖြစ်နေတဲ့
သဘောလား။

"ဟုတ်ပါတယ်။ ဒီကိစ္စနှစ်ခုပေါင်းပြီး ဘင်္ဂလားဒေ့ရ်ှပြည်သူတွေက ဘင်္ဂလားဒေ့ရ်ှအစိုးရ
ကို ကိုင်တွယ်စေချင်တယ်။ အရင်က ဘင်္ဂလားဒေ့ရှ် ပြည်သူလူထုကို ဖမ်းရင်လည်း
အခုလိုသတ်တာမျိုး မရှိပါဘူး။ အခုတော့ ၄ ယောက်တောင်မှ သတ်လိုက်တယ်၊
ပြီးတော့ အလောင်းတွေကို ဒီဘက်မှာလာထားတယ်ဆိုပြီး သတင်းတွေ ထွက်ပေါ်နေ
တယ်။ တဆက်တည်းမှာ ရေပိုင်နက်ကိုကျူးကျော်ပြီး ဂက်စ်လာရှာတယ်ဆိုတော့
နယ်စပ်ပြဿနာတွေနဲ့ပတ်သက်ပြီး အစိုးရအနေနဲ့ ခေါင်းရှုပ်နေတယ်။ ပြည်သူလူထု
ကလည်း ဒီနယ်စပ်နှစ်ခုမှာဖြစ်တဲ့ ပြဿနာတွေကို အတော်စိတ်ဝင်စားနေကြပါတယ်။"

အခု အစိုးရပိုင်းက ဖြေရှင်းတဲ့နေရာမှာ ဒီနှစ်ခုက ပေါင်းသွားပြီလား။ နယ်စပ်မှာ
သတ်တယ်၊ ရေပိုင်နက်လည်း ကျူးကျော်တယ်ဆိုပြီး ဘင်္ဂလားဒေ့ရ်ှအစိုးရဘက်က
ပေါင်းပြောတဲ့သဘောရှိလား။ ဒါမှမဟုတ် ရေပိုင်နက်ကိစ္စတခုတည်းကိုပဲ ထိပ်ပိုင်းမှာ
ဆွေးနွေးနေကြတာလား။

"အခုပြဿနာကတော့ မပေါင်းသေးပါဘူး။ ဘင်္ဂလားဒေ့ရ်ှအစိုးရက အဓိကထား
ပြောနေတာ ရေပိုင်နက်ကျူးကျော်တဲ့ကိစ္စကိုပဲ အဓိကထား ကန့်ကွက်နေတယ်။
အဓိက သူတို့ ဖြေရှင်းချင်တယ်ဆိုပြီး ပြောနေကြပါတယ်။"

ရွေးကောက်ပွဲ တရက်အလို လူထုစစ်တမ်းများ အိုဘားမား ရှေ့ကပြေးနေဆဲ

03 November 2008

သတင်း - အစီအစဉ်ကိုရယူရန် (MP3)
သတင်း - နားဆင်ရန် (MP3)



အမေရိကန် သမ္မတရွေးကောက်ပွဲ ကျင်းပဖို့ တရက်လိုအထိ အရေးပါတဲ့ ပြည်နယ်တွေ
မှာ ဒီမိုကရက်တစ်ပါတီ သမ္မတလောင်း ဘရက်ခ် အိုဘားမား (Barack Obama) က
ပြိုင်ဘက် ရီပတ်ဘလီကန်ပါတီ သမ္မတလောင်း ဂျွန်မက်ကိန်း (John McCain) ထက်
အသာစီးရနေတုန်းပဲလို့ ဆိုပါတယ်။

Real Clear Politics.com ဆိုတဲ့ အင်တာနက်ဝက်ဘ်ဆိုက်က စုစည်းထားတဲ့ စစ်တမ်းတွေအရ
အထက်လွှတ်တော်အမတ် အိုဘားမားကပြိုင်ဘက် အထက်လွှတ်တော်အမတ် ဂျွန်မက်ကိန်း
ထက် ပျမ်းမျှအားဖြင့် ၇% လောက် အသာစီးရနေတယ်လို့ ဆိုပါတယ်။ သမ္မတအဖြစ် အရွေးခံရဖို့
လိုအပ်တဲ့ ရွေးကောက်ပွဲကိုယ်စားလှယ်မဲအိုဘားမားက ရရှိလိမ့်မယ်လို့ အဲဒီဝက်ဘ်ဆိုက်ရဲ့
ခန့်မှန်းသုံးသပ်ထားတာကြောင့် အိုဘားမားဟာပထမဆုံး အမေရိကန် လူမည်းသမ္မတ ဖြစ်လာ
မယ့်ကိန်း ရှိနေပါတယ်။

အမေရိကန်ရွေးကောက်ပွဲစနစ်အရ သမ္မတကို
ရွေးချယ်ရာမှာ ပြည်နယ်တခုချင်းစီအလိုက် လူဦးရေနဲ့ လွှတ်တော်အမတ် အချိုးအစား
အရ ရွေးကောက်ပွဲ ကိုယ်စားလှယ်မဲအရေအတွက်နဲ့ ပိုင်းဖြတ်ရွေးချယ်တာ ဖြစ်ပါတယ်။
စုစုပေါင်း ၅၃၈ ကိုယ်စားလှယ်မဲ ရှိတဲ့အထဲက အနိုင်ရတဲ့ သမ္မတလောင်းအနေနဲ့ ၂၇၀
ရရှိရမှာ ဖြစ်ပါတယ်။

အထက်လွှတ်တော်အမတ် ဂျွန်မက်ကိန်းကတော့ ဒီကနေ့ အစောပိုင်း ဖလော်ရီဒါ
ပြည်နယ်မှာ စတင်မဲဆွယ် စည်းရုံးပြီး ညသန်းခေါင်အချိန် သူ့ရဲ့ပြည်နယ်ဖြစ်တဲ့
အရီဇိုးနားမှာ အဆုံးသတ်ပြီးတော့ တရက်ထဲတင် ပြည်နယ် ၇ ခုကိုလှည့်ပြီး မဲဆွယ်
စည်းရုံးမှာ ဖြစ်ပါတယ်။ အစဉ်အလာအားဖြင့် ရီပတ်ဘလီကန်ပါတီ အနိုင်ရလေ့ရှိတဲ့
ပြည်နယ်တွေမှာ အိုဘားမားက အသာစီးရလာနေတာကို မက်ကိန်းက လိုက်လံခုခံ
နေတဲ့သဘော ဖြစ်ပါတယ်။

နာဂစ် ၆ လအလွန် မုန်တိုင်းဒဏ်သင့်သူတွေရဲ့ ဘ၀ နာလံ မထူသေး
02 November 2008
နော်ရှိုး -


မြန်မာနိုင်ငံမှာ နာဂစ်မုန်တိုင်း ၀င်ရောက် တိုက်ခတ်ခဲ့တာ ဒီနေ့  နိုဝင်ဘာလ ၂ ရက်ဆို ၆ လတင်းတင်းပြည့်ခဲ့ပါပြီ။ ပြီးခဲ့တဲ့ ၆ လအတွင်း ကူညီကယ်ဆယ်ရေးတွေ အခက်အခဲတွေကြား ရောက်ရှိလာခဲ့ပေမယ့် ခုချိန်အထိ မုန်တိုင်းဒဏ်သင့် ပြည်သူတွေထဲမှာ နေ့စဉ် မှီဝဲဖို့  အစားအသောက်ကိုပင် အလုံအလောက်ရဖို့  မလွယ်ကူသေးဘူး။ နေ စဉ်သောက်သုံးစရာတွေ အလုံအလောက်ရှိမှာသာ လူတွေရဲ့  ဘ၀ ပုံမှန်ပြန်လည် လည်ပတ်နိုင်တဲ့ အဆင့်ရောက်နိုင်မှာမို့  နိုင်ငံတကာက ကူညီထောက်ပံ့မှုတွေ ထပ်လိုသေးတယ်လို့ 
မနေ့ ကထုတ်စေတဲ့ World Vision အဖွဲ့ ရဲ့  ၆ လပတ် အစီရင်ခံစာမှာဖော်ပြထားပါတယ်။ ဒါနဲ့ ပတ်သက်ပြီး World Vision ကို ဆက်သွယ်မေးမြန်းထားတဲ့ မနော်ရှိုးက အကြောင်းစုံကို ပြောပြပေးပါပါတယ်။

World Vision အဖွဲ့ ရဲ့  မကြာခင်က ကွင်းဆင်းကောက်ယူခဲ့တဲ့ စစ်တမ်းတွေအရ မုန်တိုင်းဒဏ်သင့် ပြည်သူအများဟာ မုန်တိုင်းတိုက်ခတ်ခဲ့ပြီးလို့  ၆ လအကြာမှာတောင် ပုံမှန်အတိုင်း ပြည်လည် မလှုပ်ရှား နိုင်ကြပဲ အခြေခံကျတဲ့ လိုအပ်မှုတွေ အများကြီး ရှိသေးတယ်လို့  ဆိုပါတယ်။ ဒာဓိကကတော့ အစားအသောက် မလုံလောက်မှုပါပဲ။ မုန်တိုင်းဒဏ်သင့်ဒေသမှာရှိတဲ့ ပြည်သူထဲက သုံးပုံနှစ်ပုံနီးပါးပဲ သန့် ရှင်းတဲ့သောက်သုံးရေကို ရနိုင်သေးတာ ဖြစ်တယ်လို့ ဆိုပါတယ်။ ကျန်တဲ့ သုံးပုံတပုံကတော့ သောက်သုံးရေ အလုံအလောက် မရရှိတဲ့အပြင် ပြီးခဲ့တဲ့ တလတာအတွင်း နေ့စဉ် ထမင်းနပ်မှန်အောင် မစားခဲ့ရဘူးလို့  တွေ့ ရပါတယ်။ ဒါနဲ့ ပတ်သက်ပြီး မြန်မာနိုင်ငံ World Vision အဖွဲ့က အရေးဖော်ဆိုင်ရာအကြံပေးဖြစ်သူ Mr. Ashley Clenments ကို ဆက်သွယ်မေးမြန်းကြည့်တော့ သူက အခုလိုရှင်းပြပါတယ်။

“မကြာခင်တုန်းက ကျွန်တော်တို့  ကောက်ယူတဲ့ စစ်တမ်းတွေအရ မုန်တိုင်းဒဏ်သင့် မိသားစုတွေ တော်တော်များများ နေ့ စဉ် စားသုံးတဲ့ အစားအစာပမာဏကို လျှော့ချကြ့ရတယ်။ ဒီလို ထမင်းနပ်မှန်အောင်မစားရတာဟာ တချို့ ဆို ၁ လ ၂ လလောက်တောင်ရှိပါပြီ။ ဆိုတော့ ကောင်းလာတဲ့အခြေအနေတွေရှိသလို ပိုဆိုးသွားတဲ့ အခြေအနေတွေကိုလည်းတွေ့ ရပါတယ်။”

ဒီလို အစားအသောက်ပြတ်လပ်မှုတွေကြောင့် မုန်တိုင်းဒဏ်သင့်သူတွေအများစုဟာ နေ့စဉ်အသက်ဆက်ရေးအတွက် အဖွဲ့အစည်းတွေက ပေးလှူတဲ့ အစားအသောက် အထောက်အပံ့တွေကိုပဲ အားကိုးနေရတုံးပဲလို့ ဆိုပါတယ်။ နောက်တခါ အသက် ၅ နှစ်နဲ့  ၁၁ နှစ်ကြား ကလေးတွေရဲ့  ၃၀% နဲ့  အသက် ၁၂ နဲ့  ၁၇ နှစ်အရွယ်ထဲက ၅၀% ဟာလည်း ခုချိန်ထိ ကျောင်းမတက်နိုင်သေးဘူးလို့ ဆိုပါတယ်။ နောက်ထပ် ကြုံတွေ့နေရတဲ့ အခက်အခဲကတော့ စိတ်ပိုင်းဆိုင်ရာ ထိတ်လန့်မှုတွေပဲ ဖြစ်ပါတယ်။ ဒါဟာ လူတွေသာမက လယ်ယာသုံး ကျွဲနွားတွေ အထိတောင် ဂယက်ရိုက်မှုရှိတယ်လို့ မစ္စတာ ကလန်မန့် က ဆက်ပြီးရှင်းပြပါတယ်။

“မုန်တိုင်းကို ရင်ဆိုင်ခဲ့ရတဲ့ လူကြီးရော ကလေးပါ စိတ်ပိုင်းဆိုင်ရာ ဖိစိးမှုတွေ အခက်အခဲတွေကို ကြုံရပါတယ်။ ဒီနေ့ပဲ ကျွန်တော် လယ်သမားတော်တော်များများဆီက ကြားခဲ့ရတာကတော့ မုန်တိုင်းတိုက်ပြီးကတည်းက သူ့ ရဲ့  သက်ရှင်ကျန်ရစ်တဲ့ ကျွဲတွေတောင် မုန်တိုင်းရဲ့  ခြောက်လှန့် မှုတွေကြောင့် ပုံမှန်အတိုင်းအလုပ်မလုပ်တော့ဘူး။ တိရိစ္ဆာန်တောင် ဒီလိုဖြစ်တယ်ဆိုရင် လူဆိုရင်မပြောပါတော့နဲ ဗျာ။”

နာဂစ်မုန်တိုင်းကြောင့် လူပေါင်း ၁ သိန်းကျော်သေဆုံးခဲ့ရုံသာမက လယ်ယာလုပ်ငန်းတွေမှာသုံးတဲ့ ကျွဲနွားပေါင်း ၂ သန်းဆုံးရှုံးခဲ့ရပါတယ်။ ဆန်စပါးစိုက်ပျိုးတဲ့ လယ်ဧက ၁ သန်းဟာလည် ဆားငံရေအောက်နှစ်မြုပ်ခဲ့ရသလို ငါးဖမ်းလှေရာပေါင်းများစွာနဲ့  အရေးကြီးတဲ့ အခြေအခံလူမှုအဆောက်အအုံတို့ လည်း ပျက်စီးခဲ့ရတာဖြစ်ပါတယ်။

ရေပိုက်နက် ကျူးကျော်မှု ဘင်္ဂလားဒေ့ရှ် အစိုးရက မြန်မာ သံအမတ်ကို ဆင့်ခေါ်

03 November 2008
ဦးရော်နီငြိမ်း

ဘင်္ဂလားဒေရှ့်နဲ့ မြန်မာ သူပိုင် ကိုယ်ပိုင် အငြင်းပွားပြီး ဆွေးနွေးဖြေရှင်းမှုတွေ မပြီးသေးတဲ့ ဘင်္ဂလား ပင်လယ်အော် နှစ်နိုင်ငံ ရေပိုင်နက်ထဲမှာ မြန်မာနိုင်ငံက သင်္ဘောတွေ ရောက်ရှိပြီး၊ ရေနံနဲ့ သဘာဝ ဓာတ်ငွေ့ရှာဖွေရေး လုပ်ငန်းတွေ ဆောင်ရွက်နေတာကို ဘင်္ဂလားဒေရှ့်အစိုးရက တရားဝင် ကန့်ကွက်စာ ထုတ်ပြန်ပြီး မြန်မာသံအမတ်ကြီး ဦးဖေသန်းဦးကို ဆင့်ခေါ်ပေးအပ်ခဲ့ပါတယ်။ မြန်မာသင်္ဘောတွေ ရှိရာ ရေပြင်ကိုလည်း ဘင်္ဂလားဒေရှ့် စစ်သင်္ဘောတွေ တစင်းကို စေလွှတ်ထားပြီး အငြင်းပွားနေတဲ့ ရေပြင်ကနေ မြန်မာ သင်္ဘောတွေ ချက်ချင်း ထွက်ခွာဖို့ တောင်းဆိုထားတယ်လို့လည်း ဘင်္ဂလားဒေရှ့် နိုင်ငံခြားရေး ၀န်ကြီှးဌာနက ဆိုပါတယ်။ ဒီကိစ္စနဲ့ ပတ်သက်ပြီး ရှေ့ဆက်ဘာတွေ ဖြစ်လာနိုင်သလဲလို့ မြန်မာသံအမတ်ဟောင်း ဦးခင်မောင်ကြည်ကို ဗွီအိုအေ ၀ိုင်းတော်သား ဦးရော်နီးငြိမ်းက ဆက်သွယ်မေးမြန်းထားပါတယ်။

“ကျွန်တော်တို့ မြန်မာနိုင်ငံဟာ နယ်နမိတ်အရဆိုရင် နတ်မြစ်အနီးမှာ ၃၉ ဒဿမ ၈ မိုင်ရှိတယ်။ အဲဒီ နယ်နိမိတ် ကိစ္စနဲ့ ပတ်သက်ပြီး ၁၉၈၈မှာ ဘင်္ဂလားဒေရှ့် ကုန်းပိုင်းနယ်နိမိတ် ကန့်သတ်ရေး သဘောတူချက် စာချုပ်ကို နှစ်နိုင်ငံ နိုင်ငံခြားရေး ၀န်ကြီးတွေက ရန်ကုန်မြို့မှာ လက်မှတ်ထိုးပြီး အတည်ပြုခဲ့တယ်။ နတ်မြစ်ထဲမှာတော့ အငြင်းပွားမှုတွေက မကြာခဏရှိခဲ့တယ်။”

နှစ်နိုင်ငံဆက်ဆံရေးက အခုပဲ ကောင်းနေသလိုလိုနဲ့ ပြီးခဲ့တဲ့လ ကပဲ ဗိုလ်ချုပ်မှူးကြီး မောင်အေးကလည်း အလည်သွားထားသေးတယ်။ စီးပွားရေးတွေရော ပူးပေါင်း ဆောင်ရွက်ဖို့တွေ ဆွေးနွေးခဲ့တယ်။ အခု ဒီကိစ္စ ဖြစ်တယ်ဆိုတော့ ဘယ်လိုများ မြင်ပါသလဲ။ ဘာတွေ ဆက်ဖြစ်နိုင်သလဲ။

“ဗမာပြည်မှာ ရခိုင်ကမ်းလွန်ဒေသမှာ သဘာဝ ဓာတ်ငွေ့တွေ တွေ့နေတဲ့ အခါ ဘင်္ဂလားဒေရှ့်နိုင်ငံကလည်း သူတို့အနေနဲ့လည်း ခံစားချင်တဲ့ ပြဿနာရှိတယ်။ ကြာလာရင်တော့ ကြီးကျယ်လာမယ်လို့ ကျွန်တော်တို့ မြင်တယ်။ ဗမာ သံအမတ်ကြီးကို ဆင့်ခေါ်ပြီး သတိထောက်လွှာ၊ ကန့်ကွက်လွှာတခု ပေးတယ်ဆိုတာက သံတမံ နည်းလမ်းမှာ ပထမဆုံး အဆင့် နည်းလမ်းပဲ။ သံတမံ အနေနဲ့ အဆက်အသွယ် ဖြတ်တောက်လာနိုင်တယ်။ ရန်သူသဘောမျိုး ဆက်ဆံလာနိုင်တယ်။ တနိုင်ငံနဲ့ တနိုင်ငံ အငြင်းပွားပြီး တိုက်တာခိုက်တာတွေ ဖြစ်လာနိုင်တယ်။ အခုက ပြဿနာ အစပျိုးတာပေါ့။ သံအမတ်ကို ခေါ်ပြီး ပြောတာဆိုတာ ကန့်ကွက်တာမျိုးက ကျွန်တော်တို့ မကြားခဲ့ဘူးပါဘူး။
ဒါဟာ ပထမဆုံး အကြိမ် ဖြစ်တယ်ဆိုတော့ မကောင်းတဲ့ လက္ခဏာပေါ့။”

၁၉၇၀ခုနှစ်တွေ ကုန်ခါနီးက ဖြစ်ခဲ့ဘူးတဲ့ ပြဿနာလေးလည်း မှတ်မိရင် ပြောပြပေးပါ။ နဂါးမင်း စစ်ဆင်ရေးဆိုပြီး ဒီဘက်ကနေ လုပ်ခဲ့တာတွေကိုပေါ့။

“အဲဒီတုန်းက ၁၉၇၉ခုနှစ်၊ မြန်မာပြည်မှာ နှစ်ကာလကြာမြင့်စွာနေလာတဲ့ ဘင်ဂါလီလူမျိုးတွေကို သွားပြီး နဂါးမင်း စစ်ဆင်ရေးဆိုပြီး မှတ်ပုံတင်တွေ စစ်ဆေးတော့ သူတို့က ဟိုဘက်နိုင်ငံကို ထွက်ပြေးကြတယ်။ အဲဒီအချိန်မှာ ဘင်္ဂလားဒေရှ့်အစိုးရကလည်း မခံဘူး။ သူတို့က စစ်သဘောင်္တွေနဲ့ နတ်မြစ်ဘက်ကို စစ်ဆင်ရေး စစ်ချီလာတော့ ဦးနေ၀င်းလည်း ကြောက်လန့်ပြီးတော့ အလျော့ပေးလိုက်တဲ့ပုံတွေ့ရတယ်။ သူတို့လည်း ဘာပဲပြောပြော ဗမာပြည်တွင်းမှာလည်း နိုင်ငံရေး၊ လူမှုရေး ပြဿနာတွေ မျိုးစုံတွေရှိတယ်။ အဲဒီ ပြဿနာတွေကို ဟိုဥစ္စာဖြစ်အောင်လဲ တမျိုး။ သူတို့ လောဘရမက်တွေ ကြီးပြီးတော့ ဘင်္ဂလားပင်လယ်အော်မှာ ရှိသမျှ ရတနာသိုက်ကို သူတို့ အပိုင်စီးတာက တမျိုး။ ဖြစ်တာကတော့ ဗမာအစိုးရရဲ့ ရမက်ကြီးတာကြောင့် ဖြစ်တယ်လို့ ကျွန်တော်ထင်တယ်။”

ပြည်တွင်းနိုင်ငံရေးတည်ငြိမ်မှုမရှိဘူး၊ ပြည်တွင်းမှာ မိမိကို ပြည်သူလူထုက ထောက်ခံမှု ကျဆင်းလာတဲ့အခါ အိမ်နီးနားချင်းနိုင်ငံတခုနဲ့ ပြဿနာ ရှာပြီး ပြည်သူလူထုကို အာရုံလွှဲတယ်ဆိုတဲ့ သဘောလား။

“ဒါမျိုးတွေက လုပ်ကို လုပ်လာတာ ကျွန်တော်တို့ တွေ့လာတာပဲ။ ပြဿနာ ပေါ်လာတိုင်း သူဟာ တိုင်းသူပြည်သားကို ဘယ်လိုလုပ် ပြန်ထိန်းရမလဲဆိုတာ သူရဲ့ နည်းဗျူဟာတခုကတော့ အနီးအနားနိုင်ငံတခုနဲ့ ပြဿနာ လုပ်တယ်။ တရုတ်-မြန်မာ အရေးအခင်းကို သူတို့ ဖန်တီးခဲ့တာဟာ ၁၉၆၇ခု ပတ်ဝန်ကျင် ဆန်ပြဿနာတွေ၊ အငတ်ဘေးတွေ ကြုံလာရတော့ တရုတ်တွေနဲ့ ပြဿနာလုပ်တယ်။ သူတို့မှာ အမှန်တော့ အင်အားမရှိဘူး။ လောလောဆယ် တိုင်းသူပြည်သားတွေ မျိုးချစ်စိတ်တွေ ထက်သန်ပြီး ကိုယ့်ဗမာအစိုးရဘက်က လိုက်အောင်ဆိုပြီး လုပ်တတ်တဲ့ အကျင့်ရှိတယ်။ ပြီးတော့မှ သူတို့က ဟိုဘက်အစိုးရကို တောင်းပန်ချင် တောင်းပန်လိုက်တာ။ မရဲဘဲနဲ့ ကျွဲပြဲစီးတဲ့ အကျင့်ကတော့ ဗမာအစိုးရမှာ ရှိတယ်။”

ရွေးကောက်ပွဲ အကြို ၂ ရက် လူထုစစ်တမ်းမှာ အိုဘားမား ရှေ့ပြေးနေဆဲ

02 November 2008

အမေရိကန်မှာ သမ္မတ ရွေးကောက်ပွဲ ကျင်းပဖို့ ၂ရက်ပဲ လိုတော့တဲ့အချိန် သမ္မတလောင်းများ ဖြစ်ကြတဲ့ ဘရက်အိုဘားမားနဲ့ ဂျွန်မက်ကိန်းတို့ အရေးကြီးတဲ့ပြည်နယ်များမှာ အကြီးအကျယ် မဲဆွယ်နေကြပါတယ်။

ဒီမိုကရက် အထက်လွှတ်တော် အိုဘားမားဟာ Ohio ပြည်နယ် မဲဆွယ်ပွဲတွေ တသီကြီး ပြုလုပ်ရင်း Cleveland မြို့ မှာတော့ ရော့ခ် အဆိုတော် ဗရု စပရင်း စတင်း က သူ့ဘက်က ပါဝင်ကူညီပါလိမ့်မယ်။ ရီပတ်ဗလစ်ကန် အထက်လွှတ်တော်အမတ် မက်ကိန်းလည်းပဲ Pennsylvania ပြည်နယ် Philadelphia မြို့ အနီးမှာ မဲဆွယ်ပွဲကို စတင်ပါလိမ့်မယ်။ အမေရိကန်မှာ သမ္မတ ဖြစ်ရေးအတွက် အနည်းဆုံး လိုအပ်တဲ့ ကိုယ်စားလှယ်မဲ ၂၇၀ထဲက ၁၅မဲကို အိုဟိုင်းယိုးနဲ့ ပင်ဆယ်ဗေးနီးယား နှစ်ပြည်နယ်ပေါင်း က ရရှိမှာမို့ သူတို့ အရေးထား မဲဆွယ်နေကြတာပါ။ စနေနေ့ည ရုပ်သံလွှင့် ဟာသခန်းကနေ မက်ကိန်းက နိုင်ငံရေး ပြက်လုံးများ ထုတ်သွားပြီး စောစောပိုင်းကတော့ Virginia နဲ့ Pennsylvania ပြည်နယ်တို့မှာ အခွန်လျော့ချမယ်၊ အလုပ်အကိုင်တွေ ဖန်တီးပေးမယ်၊ အားပျော့နေတဲ့ အမေရိကန် စီးပွားနေတဲ့ ဖြည့်တင်းပေးမယ်လို့ ဂတိပြု မဲဆွယ်ခဲ့ပါတယ်။

အိုဘားမားကလည်း Nevada၊ Colorado နဲ့ Missouri တို့မှာ မဲဆွယ်စဉ် စီးပွားရေးကိုပဲ အဓိကထား တင်ပြ သွားပါတယ်။ အိုဘားမားက အမေရိကန်ရဲ့ စီးပွားရေး ပြန်ကောင်းအောင် ပိုပြီးလုပ်နိုင်မယ်လို့ ယူဆတဲ့အတွက် ပိုပြီး လူကြိုက်များနေတာလို့ ဆိုပါတယ်။