Sunday, November 16, 2008

၈၈၈၈ ပြည်သူ့အင်အား နိုဝင်ဘာလဂျာနယ်

8888 People Power01

Get your own at Scribd or explore others:

အောင်သောင်းဆိုတာ

x Warriors Info 02

Get your own at Scribd or explore others:

နိုဝင်ဘာ ၁၆၊ ၂၀၀၈ သတင်း


ကျောင်းသားခေါင်းဆောင်များကို နယ်စွန်နယ်ဖျားရှိထောင်များသို့ ခွဲပို့
မိုးမခအထောက်တော် အမှတ် ၄
နိုဝင်ဘာ ၁၆၊ ၂၀၀၈
ယနေ့နံနက်ပိုင်းက အင်းစိန်ထောင်ရှိ နာမည်ကျော် ကျောင်းသားခေါင်းဆောင်များကို နယ်ထောင်အသီးသီးသို့ အောက်ပါအတိုင်း ပို့ဆောင်လိုက်ကြောင်း၊ ၎င်းတို့သည် ယခုရက်ပိုင်းအတွင်း နှစ်ရှည်ထောင်ဒဏ် ချမှတ်ခံထားရသူများဖြစ်ကြောင်း နိုင်ငံရေးအကျဉ်းသားများကူညီစောင့်ရှောက်ရေးအသင်း (အေအေပီပီ)က ဆိုသည်။

၁။ မင်းကိုနိုင်၊ ကိုကိုကြီး - ကျိုင်းတုံ(မြို့အကျဉ်းထောင်)၊ ရှမ်းပြည်နယ်

၂။ မြအေး(သူရ) - လွိုင်ကော်၊ ကယားပြည်နယ်

၃။ ပြုံးချို (ဋ္ဌေးဝင်းအောင်) - ကော့သောင်း၊ တနင်္သာရီတိုင်း

၎။ အောင်သူ နှင့် အခြား ၈ ဦး - ပူတာအို၊ ကချင်ပြည်နယ်

၅။ ဋ္ဌေးကြွယ် - ဘူးသီးတောင်၊ ရခိုင်ပြည်နယ်

၆။ မျိုးအောင်နိုင် - ကလေး၊ စစ်ကိုင်းတိုင်း

၇။ လှမျိုးနောင် - မြစ်ကြီးနား၊ ကချင်ပြည်နယ်


ရေပြင်ပိုင်နက် အငြင်းပွားမှု ဘင်္ဂလာ-မြန်မာ ဆွေးနွေးပွဲ ယနေ့ စတင်မည်
11/16/2008


မောင်အေး(နိရဉ္စရာ) မြန်မာနှင့်ဘင်္ဂလာ ရေပြင်ပိုင်နက် အငြင်းပွားမှုကို နှစ်နိုင်ငံ ကိုယ်စားလှယ်များအနေဖြင့် ယနေ့ ဒက္ကားမြို့တွင် ကျင်းပမည့် နှစ်ဘက်နိုင်ငံကျွမ်းကျင်သူများကော်မီတီ ဆွေးနွေးပွဲတွင် စတင် ဖြေရှင်းမည် ဖြစ်သည်။
အဆိုပါ ဆွေးနွေးပွဲသို့ တက်ရောက်ရန် နအဖ နိုင်ငံခြားရေး ဒုဝန်ကြီး ဦးမောင်မြင့် ဦးဆောင်သော ၁၁ ဦးပါ ကိုယ်စားလှယ်အဖွဲ့သည် ယမန်နေ့က ဒက္ကားမြို့ တော်သို့ ရောက်ရှိလာကြောင်း သိရသည်။ဘင်္ဂလာဒေ့ခ်ျနိုင်ငံမှ နိုင်ငံရေး ရာအကြံပေး ဒုတိယအတွင်းရေးမှူး MAK မိုဟာမတ်ဦးဆောင်သော ဘင်္ဂလာကိုယ်စားလှယ်အဖွဲ့မှ အဆိုပါအစည်းအဝေးသို့ တက်ရောက် ဆွေးနွေးမည်ဖြစ်ကြောင်း ဘင်္ဂလာထိပ်တန်း အရာရှိတဦးက ပြောသည်။

ယနေ့ စတင်ပြုလုပ်မည့် ဆွေးနွေးပွဲတွင် အငြင်းပွားနေသည့် ရေပြင်ပိုင်နက်သာမက နယ်စပ်တလျောက်တွင် ဖြစ်ပေါ်နေသည့် တင်းမာမှုများကိုပါ ဖြေရှင်းမည် ဖြစ်သည်ဟု ဘင်္ဂလာဘက်မှ ပြောသည်။

ဘင်္ဂလာနှင့် မြန်မာနှစ်နိုင်ငံတို့မှာ ရေပြင်ပိုင်ဆိုင်မှုကို အတိအကျ သတ်မှတ်နိုင်ရေးအတွက် ၁၉၇၄ ခုနှစ်မှ ၁၉၈၆ ခုနှစ်အတွင်း ၈ ကြိမ်တိုင်တိုင် ဆွေးနွေးခဲ့သော်လည်း အောင်မြင်မှု မရှိခဲ့ကြောင်း သိရသည်။

၂၂ နှစ်ကြာ နှစ်နိုင်ငံအကြား ရေပြင်ပိုင်နက် သတ်မှတ်ရေး ရပ်တန့်နေခဲ့ရာမှ ၂၀၀၈ ခုနှစ် မတ်လ ၃၀ ရက်နေ့တွင် ဒက္ကားမြို့၌ နှစ်နိုင်ငံအကြား ပြန်လည် စတင်နိုင်ခဲ့သည်။ ဒုတိယ အကြိမ်မြောက်ဆွေးနွေးပွဲကို လွန်ခဲ့သော စက်တင်္ဘာလက ရန်ကုန်မြို့ တွင် ပြုလုပ်ခဲ့သည်။

ယခုအကြိမ်မှာ တတိယ အကြိမ်မြှောက်ဖြစ်သည်။

ယခုဆွေးနွေးပွဲတွင် ရေပြင်ပိုင်နက်သတ်မှတ်ရေးနှင့် ပတ်သက်ပြီး နှစ်ဘက်ကိုယ်စားလှယ်များ အနေဖြင့် အခြေအတင် ငြင်းခုံနိုင်ရန် အခြေအနေရှိ်နေသည်ဟု လေ့လာသူ တဦးက ပြောသည်။

ရေပြင်ပိုင်နက် အငြင်းပွားမှုကြောင့် နှစ်နိုင်ငံအကြား စစ်ရေးအရ ထိပ်တိုက်ရင်ဆိုင်မှုကို ရှောင်လွဲနိုင်ခဲ့ပြီးနောက် သံတမန်ရေးအရဖြေရှင်းရန် နှစ်ဘက် နိုင်ငံစလုံး က ကြိုးစားလာခြင်း ဖြစ်သည်။

မြန်မာနှင့်ဘင်္ဂလာတို့သည် ဘင်္ဂလာပင်လယ်အော်အတွင်း မြန်မာ ဘက်မှ ဂတ်စ်ရှာဖွေတူးဖေါ်ရာမှ အငြင်းပွားခဲ့ကြပြီး နှစ်ဘက်နိုင်ငံစလုံးအနေဖြင့် ရေတပ် သင်္ဘော များကို စေလွတ်ခဲ့သည်။ နောက်ပိုင်းတွင် မြန်မာဘက်ကအလျော့ပေးခဲ့ပြီး ရေတပ်သင်္ဘောများနှင့် ဂတ်စ်တူးစင်များကို အငြင်းပွားရေပိုင်နက်မှ နှုတ်ယူသွားခဲ့သည်။

ယခုအငြင်းပွားနေသည့်နေရာမှာ လုပ်ကွက် အမှတ် ၈ နှင့် ၁၃ အကြားရှိသော ရေပိုင်နက်ဖြစ်ပြီး နတ်မြစ်ဝတွင်တည်ရှိသော စိန့်မာတင်ကျွန်း (အုန်းကျွန်း)မှ မြောက်ဘက် ကီလိုမီတာ ၅၀ အကွာအဝေးတွင် တည်ရှိသည်။

မြန်မာနိုင်ငံမှ ရွှေသဘာဝဓါတ်ငွေ့ လုပ်ကွက်နှင့် ၇ မိုင် ကွာဝေး ပြီး နှစ်နိုင်ငံ သူပိုင်ကိုယ်ပိုင် အငြင်းပွားနေကြသော နယ်မြေဖြစ်သည်။

စစ်သားများ၏ ရိုက်ပုတ် ထိုးနက်မှုကိုခံရသူ ကိုထွန်းအေးနိုင် အခြေအနေဆိုးရွား
11/15/2008


မင်းပြားမြို့တွင် တန်ဆောင်းမုန်းလပြည့်နေ့က စစ်သားများ၏ ရိုက်ပုတ် ထိုးကြိတ်ခြင်း ကိုခံရသူ ကိုထွန်းအေးနိုင်၏ အခြေအနေမှာ အထူးစိုးရိမ်စရာ အနေအထားသို့ ရောက်ရှိနေကြောင်း သိရသည်။
အမည်မဖေါ်လိုသူ သူ့ဆွေမျိုးတဦးက “သူ့ကို စိုးရိမ်ရတဲ့အတွက် မနေ့က စစ်တွေဆေးရုံကို ယူလာရပါတယ်။ စစ်တွေမှာမကောင်းရင် ရန်ကုန်ကို ဆက်ယူသွားရ ပါလိမ့်မယ်။ ” ဟု ပြောသည်။

ကိုထွန်းအေးနိုင်မှာ မင်းပြားစာရင်းစစ်ရုံးမှ ဦးသာထွန်းအေးနှင့် ဒေါ်အေးခိုင်ညိုတို့ သားဖြစ်ပြီး မင်းပြားဘီအိုစီ ကမ်းနားလမ်းမှ ဖြစ်သည်။

၎င်းပြင်ကိုထွန်းအေးနိုင်မှာ “ကဗျာရိပ်” အခွေငှားဆိုင်တွင် အလုပ် လုပ်ကိုင်နေသူ လူငယ်တဦးလည်း ဖြစ်သည်။

သူ့အား ရိုက်ပုတ်သူများမှာ မင်းပြားအခြေစိုက် ခမရ ၃၇၉ မှ ဒုတပ်ရင်းမှူး ဦးဆောင် သော အဖွဲ့ဖြစ်ပြီး တန်းဆောင်မုန်းလပြည့်ည ၉ နာရီအချိန်တွင် ၀င်ရောက် ရိုက်ပုတ် သွားခြင်း ဖြစ်သည်။

ခမရ ၃၇၉မှ ဒုရင်းမှူး ဦးဆောင်သော စစ်သားများသည် တန်းဆောင်မုန်း လဆန်း ၁၄ ရက်နေ့က ဈေးနားလမ်း ဦးမြင့်ဦးအိမ်တွင် အပျော်ထမ်း ထမင်းချက်စားရာမှ ဆူပူသောင်းကျန်းပြီး အမျိုးသမီးငယ်များကို နှောင့်ယှက်ရာမှ အရပ်သားများနှင့် စတင် ရန်ပွဲ ဖြစ်ပွားခဲ့သည်။

ရန်ပွဲမှာ အရပ်သားများကတဘက်၊ စစ်သားများကတဘက် ဖြစ်ပွားခဲ့ခြင်းဖြစ်ပြီး ရန်ပွဲမှာ ပြင်းထန်သဖြင့် မင်းပြားရဲက လာရောက်ထိန်းသိမ်းပြီး လူစုခွဲခဲ့ရသည်။

အဆိုပါ ပြဿနာဖြစ်ပွာပြီး နောက်တနေ့ လပြည့်နေ့ ည ၉ နာရီတွင် ၃၇၉ မှ ဒုရင်းမှူး ဦးဆောင်သော စစ်သား ၃၀ ခန့်သည် စစ်ကားများနှင့်အတူ မင်းပြားမြို့တွင်းသို့ ၀င်ရောက်လာပြီး လမ်းသွားလမ်လာသူ မည်သူ့ကိုမဆို ရိုက်ပုတ် ထိုးကြိတ်ခဲ့ သည်။

ထိုသို့ စစ်သားများ တိုက်ခိုက်မှုကြောင့် လူပေါင်း ၂၀ ခန့် ဒဏ်ရာရရှိခဲ့ပြီး ၄ ဦးမှာ ဒဏ်ရာပြင်းထန်သဖြင့် ဆေးရုံတင်ခဲ့ရသည်။ ထိုအထဲတွင် ကိုထွန်းအေးနိုင်လည်း ပါဝင်သည်။

နောက်ဆုံးရရှိသော သတင်းအရ စစ်သားများသည် မင်းပြားမြို့မှ ကိုထွန်းအေးနိုင် အပါအ၀င် လူငယ်အများအပြားကို မင်းပြားရဲစခန်းသို့ ဖမ်းဆီးခေါ်ဆောင်သွားပြီး အကြီးအကျယ် ညှဉ်းပမ်းထိုးကြိတ်မှုများ ပြုလုပ်ခဲ့သည်။ ကိုထွန်းအေးနိုင်နှင့် လူငယ် တချို့မှာ ဒဏ်ရာပြင်းထန်သဖြင့် အဆိုပါညတွင်ပင် မင်းပြားဆေးရုံသို့ ပို့ပေးခဲ့ရ သည်။

သို့သော် မင်းပြားရဲက စစ်သားများကို တစုံတရာ တရားစွဲဆို အရေးယူခြင်းမရှိဘဲ အရပ်သားများကိုသာ ခေါ်ယူစစ်ဆေးနေသဖြင့် လူငယ်အများအပြားမှာ ထွက်ပြေး တိမ်းရှောင်နေကြရသည်ဟု သိရသည်။

မြန်မာ-ဘင်္ဂလာ ရေပိုင်နက် အငြင်းပွားမှု နောက်ကွယ်က အကြောင်းအရာများ
11/15/2008 ၂၀၀၈ ခုနှစ် နိုဝင်္ဘာလ ၈ ရက်နေ့တွင် မြန်မာမှ ဘင်္ဂလာ ရေပိုင်နက် အတွင်း ကျူးကျော်ပြီး ဂတ်(စ်)ရှာဖွေ တူးဖေါ်သည်ဟု ဘင်္ဂလာအစိုးရမှ ကန့်ကွက်သဖြင့် မြန်မာနှင့် ဘင်္ဂလာဒေခ်ျ့ နိုင်ငံအကြား ရေပိုင်နက်အငြင်းပွားမှုကို စတင်ခဲ့သည်။
ရေပိုင်နက် အငြင်းပွားမှု ဖြစ်ပွားပြီးနောက် နှစ်ဘက်နိုင်ငံများအနေဖြင့် အဆိုပါ ရေပြင်ပိုင်နက်ကို သူပိုင်ကိုယ်ပိုင်ဖြစ်သည်ဟု အခြေအတင် အငြင်းအခုံဖြစ်ရာမှ မြန်မာနှင့်ဘင်္ဂလာဒေခ်ျ့အကြား ဆက်ဆံရေး အထူးတင်းမာခဲ့သည်။

မြန်မာစစ်အစိုးရသည် အဆိုပါအငြင်းပွားရာ ရေပိုင်နက်အတွင်း ဂတ်(စ်) တူးစင်ကြီးတခုကို စတင်ဆောက်ခဲ့သည်မှာ ၂၀၀၈ ခုနှစ် ဇန္န၀ါရီလကတည်းက ဖြစ်သည်ဟု ဒေသအတွင်းကလာသော သတင်းများအရ သိရသည်။

လေ့လာ အကဲခတ်သူများက ဘင်္ဂလာဒေခ်ျ့အစိုးရသည် မည့်သည့် အတွက် ကြောင့် ဂတ်(စ်)တူးစင်များ စတင်ဆောက်လုပ်စဉ်က မကန့်ကွက်ဘဲ စတင် တူးဖေါ်ရန် စီစဉ်သည့်အချိ်န်ရောက်မှ ကန့်ကွက်ရသလဲဟုဆိုကာ မေးခွန်းထုတ် ခဲ့ကြသည်။

အဆိုပါ မြန်မာဘက်မှ တည်ဆောက်နေသော ဂတ်(စ်)တူးစင်ကို ပင်လယ်ပြင် တွင် အဝေးကပင်မြင်နိုင်ပြီး ဘင်္ဂလာဒေခ်ျ့ အစိုးရအနေဖြင့်လည်း မြန်မာဘက် က အဆိုပါရေပိုင်နက်အတွင်း ဂတ်(စ်)တူးစင်များ တည်ဆောက်နေသည်ကို တစုံတရာအတိုင်းအတာထိ ယခင်ကပင်သိရှိပြီး ဖြစ်လိမ့်မည်ဟု လေ့လာသူများ က ယုံကြည်နေကြသည်။

တချို့လေ့လာသူများက ဘင်္ဂလာဒေခ်ျ့အစိုးရအနေဖြင့် အဆိုပါကိစ္စကို သိရှိထား သဖြင့် တိုးတိုးတိတ်တိတ် ဖြေရှင်းနိုင်ရန်အတွက် မြန်မာနိုင်ငံ နအဖ ဒုတိယ အကြီးအကဲ ဒုတ်ိယ ဗိုလ်ချုပ်ကြီး မောင်အေးကို အောက်တိုဘာလအတွင်းက ဘင်္ဂလာဒေခ်ျ့ကို လည်ပတ်ရန် ဖိတ်ခေါ်ပြီ်း တင်ပြဆွေးနွေးခဲ့သည်ဟု ပြောသည်။

ဘင်္ဂလာဒေခ်ျ့နိုင်ငံအနေဖြင့် နိုင်ငံဖွံ့ဖြိုးတိုးတက်ရန်အတွက် Look East အရှေ့သို့ မျော်ကြည့် ဆိုသည့် နိုင်ငံခြားရေး ပေါ်လစီတရပ်ကို ချမှတ်ထား သဖြင့် တရုတ်အပါအ၀င် အာစီယံနိုင်ငံများနှင့် စီးပွားရေး၊ နိုင်ငံရေး တိုးမြှင့်ရန် လွန်ခဲ့သော ဆယ်စုနှစ်အတွင်းက စတင်ကြိုးပမ်းလာခဲ့သည်။

အဆိုပါ ပေါ်လစီ ပေါက်မြောက်အောင်မြင်ရေးမှာ မြန်မာနိုင်ငံသည် ပထ၀ီ အနေအထားအရ အထူးအရေးပါသော နေရာတွင် တည်ရှိနေသည်။

သို့အတွက် ဘင်္ဂလာဒေခ်ျ့ နိုင်ငံအနေဖြင့် မြန်မာနှင့်ဆက်ဆံရေး ကောင်းမွန် ရေးကို အထူးအရေးကြီးသော အခန်းကဏ္ဍမှထားရှိပြီး မြန်မာနှင့်ပျော့ပျောင်းစွာ ဆက်ဆံရေးမူကို ကျင့်သုံးခဲ့သည်။ သို့အတွက်ကြောင်းလည်း ဘင်္ဂလာ မြန်မာ နယ်စပ်တလျောက်တွင် ခိုအောင်းနေသော မြန်မာနိုင်ငံမှ သူပုန်များကို ဘင်္ဂလာ အစိုးရမှ ရပ်တည်၍မရနိုင်အောင် နှိမ်နှင်းမှုများ ပြုလုပ်ခဲ့ပြီး မြန်မာနအဖ စစ်အစိုးရနှင့် ဆက်ဆံရေးကောင်းမွန်အောင် ကြိုးပမ်းခဲ့ခြင်း ဖြစ်သည်။

မြန်မာနိုင်ငံမှ လက်နက်ကိုင်အုပ်စု အတော်တော်များများကို ဘင်္ဂလာမှ နှိမ်နှင်းပြီးနောက် မြန်မာ-ဘင်္ဂလာ ဆက်ဆံရေးမှာ ပို၍ကောင်းမွန် တိုးတက်လာ ခဲ့သည်။

သို့အတွက် ဘင်္ဂလာဒေခ်ျ့အစိုးရမှ မြန်မာနှင့်ကောင်းမွန်နေသော ဆက်ဆံရေး ကို အပျက်အစီးမခံလိုသဖြင့် သူတို့ရေပိုင်နက်ဟု သတ်မှတ်ထားသော နယ်မြေ အတွင်း မြန်မာဘက်မှ ဂတ်(စ်)တူးဖေါ်ရန် စီစဉ်နေသည်ကို သိရှိသော်လည်း ဘင်္ဂလာဘက်က ရေငုံနှုတ်ပိတ် နေခဲ့ပုံရသည်ဟု လေ့လာသူများက ပြောသည်။

သို့သော်လည်း မြန်မာဘက်က အဆိုပါ ရေပိုင်နက် ပြဿနာအပေါ် ဖြေရှင်းလို သည့် အနေအထားမရှိဆိုသည်ကို ဗိုလ်ချုပ်ကြီး မောင်အေး၏ ဘင်္ဂလာခရီးစဉ် အတွင်း ဘင်္ဂလာဘက်မှ သဘောပေါက်ခဲ့ပုံရသည်။ သို့အတွက် ဗိုလ်ချုပ်ကြီး မောင်အေး ပြန်သွားပြီးနောက်ပိုင်း ဘင်္ဂလာမှ အဆိုပါ ရေပြင်ပိုင်နက် အငြင်းပွား မှုမှာ အချုပ်အချာပိုင်စိုးမှုကို ထိခိုက်နေသဖြင့် ရေငုံ နှုတ်ပ်ိတ်နေ၍ မရတော့ရာမှ နောက်ပိုင်းတွင် တရားဝင်ကန်ကွက်မှုကို ပြုလုပ်လာခဲ့ခြင်း ဖြစ်သည်ဟု လေ့လာသူများက ပြောဆိုသည်။

အဆိုပါ ပြဿနာကို လက်ရှိ ဘင်္ဂလာအစိုးရမှ မဖြေရှင်းခဲ့ပါက နောက် ၂၀၀၉ ခုနှစ်တွင် ရွေးကောက်ပွဲဖြင့်တက်လာသော အစိုးရလက်ထက်တွင် တစုံတရာ အပြစ်ပုံချလာနိုင်စရာရှိသဖြင့် နောက်အစိုးရတရပ် မတက်လာမှီ လက်ရှိ အစိုးရမှ လူသိရှင်ကြား ကန့်ကွက်ခဲ့ခြင်း ဖြစ်ဟန်တူသည်ဟု လေ့လာသူ တဦးက ပြောသည်။

ဘင်္ဂလာဘက်မှ အဆိုပါ ရေပြင်ပိုင်နက်မှာ ဘင်္ဂလာပိုင်ဟုပြောဆို ကန့်ကွက် သော်လည်း မြန်မာဘက်က အဆိုပါ ရေပိုင်နက်မှာ မြန်မာပိုင်နက်ဖြစ်သဖြင့် ဥပဒေနှင့် မညီသောတောင်းဆိုမှုကို မလိုက်လျော့နိုင်ကြောင်း တရားဝင် ဘင်္ဂလာသို့ အကြောင်းပြန်ခဲ့သည်။

၎င်းနောက်ပိုင်းတွင် ဘင်္ဂလာဒေခ်ျ့အစိုးရသည် အဆိုပါ ပြဿနာကို ငြိမ်းချမ်း စွာဖြင့် ဖြေရှင်းနိုင်ရေးအတွက် တရုတ်အစိုးရကို အကူအညီတောင်းခဲ့သည်ဟု သိရှိရသည်။

ယခုအခါ မြန်မာဘက်မှ အဆိုပါရေပြင်ပိုင်နက်အတွင်းမှ ရေတပ်သင်္ဘောများ ဂတ်(စ်)ရှာဖွေနေသော သင်္ဘောများ ခေတ္တဆုတ်ခွာသွားသော်လည်း အဆိုပါ စစ်သင်္ဘောများ ဆုတ်ခွာခဲ့ခြင်းမှာ အငြင်းပွားရေပြင်ပိုင်နက်မှာ မြန်မာပိုင် မဟုတ်ဟု သဘော သက်ရောက်ခြင်းမဟုတ်ဟု ပြောဆိုထားသဖြင့် ဘင်္ဂလာနှင့် မြန်မာအကြား အဆိုပါရေပြင်ပိုင်နက် အငြင်းပွားမှုမှာ မည်သို့ ဆက်ဖြစ်လာမည် ကို လူအများက စိတ်ဝင်တစား စောင့်ကြည့်နေကြသည်ဟု သိရှိရသည်။



မင်းကိုနိုင်အပါအဝင် နိုင်ငံရေးအကျဉ်းသား ၂၁ ဦးကို နယ်ထောင်များသို့ ပြောင်းရွှေ့
ကိုသက် နိုဝင်ဘာ ၁၆၊ ၂၀၀၈

ကိုမင်းကိုနိုင်နှင့် ၈၈ မျိုးဆက်ကျောင်းသားအဖွဲ့ဝင်များ၊ မစုစုနွေးနှင့် အန်အယ်လ်ဒီပါတီဝင်များ၊ သံဃာတော်တချို့နှင့် အနုပညာရှင် ၂ ဦးကို မိသားစုနှင့်ဝေးရာထောင်များသို့ ယနေ့နံနက် ၃ နာရီခန့်က စတင်ပို့ဆောင်လိုက်သည်ဟု မိသားစုဝင်များနှင့် နိုင်ငံရေးအကျဉ်းသားကူညီစောင့်ရှောက်ရေးအသင်း (အေအေပီပီ) တို့က ပြောသည်။

၈၈ မျိုးဆက်ကျောင်းသားခေါင်းဆောင် ကိုမင်းကိုနိုင်နှင့် ကိုကိုကြီးတို့ကို မိသားစုများနေထိုင်ရာ ရန်ကုန်နှင့် မိုင်ပေါင်း ၇၀၀ ခန့်ကွာဝေးသည့် ရှမ်းပြည်နယ်ရှိ ကျိုင်းတုံထောင်သို့ပို့လိုက်ပြီး ကိုဌေးကြွယ်အား မြန်မာနိုင်ငံ အနောက်ဘက်စွန်း ဘင်္ဂလားဒေ့ရ်ှနယ်စပ်နယ်စပ်ရှိ ဘူးသီးတောင်ထောင်၊ ကိုပြုံးချိုအား မြန်မာနိုင်ငံ တောင်ဘက်စွန်းရှိ ကော့သောင်းနှင့် ကိုမြအေးကို ကယားပြည်နယ်ရှိ လွိုင်ကော်ထောင်သို့ပို့လိုက်သည်ဟု အေအေပီပီ အဖွဲ့က ပြောသည်။

အေအေပီပီအဖွဲ့၏ အတွင်းရေးမှူး ဦးတိတ်နိုင်က ယခုကဲ့သို့ နိုင်ငံရေးအကျဉ်းသားများအား မိသားစုနှင့်ဝေးရာ အကျဉ်းထောင်များသို့ ပြောင်းရွှေ့လိုက်ခြင်းသည် မိသားစုဝင်များကိုပါ ဒုက္ခရောက်စေလိုသော ရည်ရွယ်ချက်ဖြစ်သည်ဟု ပြောသည်။

“ထောင်ပြောင်းလိုက်ပြီးတဲ့နောက် ဒုက္ခခံစားရတာ မိသားစုတွေပါ။ ပြောင်းလိုက်တဲ့ဒေသတွေကိုသွားဖို့ အချိန်ကုန်တယ်၊ အလုပ်ပျက်တယ်၊ ငွေကုန်မယ်။ ဥပမာ - ကိုပြုံးချိုကို ကော့သောင်းထောင်ကိုပို့လိုက်တယ်။ အဲဒီနေရာကို သင်္ဘောနဲ့သွားရင် ၄ ရက်ကြာတယ်၊ လေယာဉ်နဲ့ဆို လက်မှတ်က အင်မတန်ဈေးကြီးပြီး ဝယ်ရတာလည်း အလွန်ခက်ပါတယ်” ဟု ဦးတိတ်နိုင်က ပြောသည်။

၈၈ မျိုးဆက်ကျောင်းသားအဖွဲ့ဝင်များဖြစ်ကြသည့် ကိုလှမျိုးနောင်အား ကချင်ပြည်နယ်ရှိ မြစ်ကြီးနားထောင်၊ ကိုအောင်သူအား မြန်မာနိုင်ငံ မြောက်ဘက်စွန်းရှိ ပူတာအိုထောင်၊ ကိုအောင်နိုင် (ခ) ကိုမျိုးအောင်နိုင်ကို စစ်ကိုင်းတိုင်းရှိ ကလေးထောင်များသို့ ပို့ခဲ့သည်။

ကိုပြုံးချို၏ဇနီး မဝါဝါက “မနက်အစောကြီးထောင်မှာသွားတွေ့သေးတယ်၊ နောက်ပေါက်ကထုတ်တာဆိုတော့ မတွေ့လိုက်ဘူး။ အခုပို့တဲ့နေရာတွေက သွားရေးလာရေးခက်ခဲတယ် … ခရီးဘယ်လောက်ဝေးဝေး လိုက်သွားရမှာပေါ့။ အမက ၂ ပတ်တခါလောက် လိုက်သွားမှာ၊ ကိုယ့်လူကို ဘယ်သူတွေတန်ဖိုးမရှိအောင် ထားထား ကိုယ့်အတွက်တန်ဖိုးရှိတာကိုး၊ ဒီလူတွေက တတိုင်းပြည်လုံးအတွက်လည်း တန်ဖိုးရှိပါတယ်။ ဒီလိုစိတ်ဓာတ်မျိုးနဲ့ပဲ ဆက်သွားကြရမှာပေါ့” ဟု ဧရာဝတီကို ပြောသည်။

“အမတို့ စိတ်ဓာတ်မခိုင်လို့မရဘူးလေ၊ ကြိုတင်ပြင်ဆင်ပြီးသားပါ။ ကျန်မာရေးပဲဂရုစိုက်၊ မိသားစုအရေးတွေ ဘာတွေ ဘာမှမတွေးဖို့ မှာထားပြီးသား … အားလုံးကလည်း သူတို့အတွက် ဂုဏ်ယူကြမှာပါ” ဟု မဝါဝါက ဆက်ပြောသည်။

အဆိုပါ ၈၈ မျိုးဆက်ကျောင်းသားများကို တရားရုံးမထုတ်ဘဲ လွန်ခဲ့သည့် ၁၁ ရက်နေ့က မအူပင်ထောင်တွင်း၌ အပြစ်ဒဏ် ၆၅ နှစ်ချမှတ်ကာ ရန်ကုန်ရှိ အင်းစိန်ထောင်သို့ပြန်ခေါ်လာပြီး ယနေ့နံနက်တွင် ဝေးလံသည့်ဒေသများရှိ ထောင်များသို့ ပို့လိုက်ခြင်းဖြစ်သည်။

အန်အယ်လ်ဒီပါတီဝင် မစုစုနွေး၊ ၈၈ မျိုးဆက်ကျောင်းသားများဖြစ်သည့် ကိုမြတ်စံနှင့် ကိုတင့်ဆန်း၊ ကဗျာဆရာ ကိုစောဝေနှင့် ရွှေသံစဉ်တေးဂီတအဖွဲ့၏ ဂီတမှူး ကိုဝင်းမော်တို့ကိုလည်း မန္တလေးထောင်သို့ပို့လိုက်သည်ဟု နိုင်ငံရေးအကျဉ်းသား မိသားစုအသိုင်းအဝန်းက ပြောသည်။

သံဃာတော်တချို့အပါအဝင် အန်အယ်လ်ဒီပါတီဝင် ကိုဘိုဘိုဝင်းလှိုင်နှင့် စုစုပေါင်း ၈ ဦးကိုလည်း ၈၈ ကျောင်းသား ကိုအောင်သူနှင့်အတူ ပူတာအိုထောင်သို့ ပြောင်းရွှေ့လိုက်ကြောင်း သိရသည်။

“ထောင်ပြောင်းရင် မိသားစုနဲ့ အနီးဆုံးထောင်ကိုပြောင်းရမယ်လို့ အကျဉ်းထောင်လက်စွဲမှာ ပြဌန်းထားပြီး ဖြစ်တယ်။ အာဏာပိုင်တွေရဲ့ အခုလုပ်ရပ်ဟာ အကျဉ်းထောင်လက်စွဲနဲ့ လုံးဝဆန့်ကျင်နေပါတယ်” ဟု ဦးတိတ်နိုင်က ပြောသည်။

မြန်မာ-ဘင်္ဂလားဒေ့ရှ် နယ်စပ်လုံခြုံရေး လျော့ချမှု အဖြေမရသေး
ဆလိုင်းပီးပီး
စနေနေ့၊ နိုဝင်ဘာလ 15 2008 22:09 - မြန်မာစံတော်ချိန်


နယူးဒေလီ။ ။ နှစ်နိုင်ငံအကြား ပြဿနာ တက်နေသော ရေပိုင်နက်မှ စစ်သင်္ဘောများ ဆုတ်ခွာသွားသော်လည်း မြန်မာ-ဘင်္ဂလား ကုန်းမြေ နယ်စပ်တလျှောက်၌ လုံခြုံရေး တိုးမြှင့်ချမှု လျှော့ကျရန်အတွက် နှစ်နိုင်ငံ ဆွေးနွေးပွဲများမှာ အဖြေမထွက်နိုင်သေးဘဲ ဖြစ်နေသည်။

ရေနံ စမ်းသပ်ရှာဖွေနေသော တောင်ကိုရီးယားနိုင်ငံ ဒေဝူး ကုမ္ပဏီက ပြဿနာ တက်နေသည့် ပင်လယ်ရေပြင်မှ မြန်မာ စစ်သင်္ဘောနှစ်စီး အကူအညီဖြင့် ပြန်လည် ဆုတ်ခွာသွားသလို၊ ဘင်္ဂလားဒေ့ရှ် နိုင်ငံကလည်း စစ်သင်္ဘောများ ပြန်ဆုတ်သွားသော်လည်း နှစ်နိုင်ငံ မြေပြင်နယ်စပ် လုံခြုံရေးတိုးမြှင့်မှုများ လျှော့ချနိုင်ခြင်း မရှိသေးကြောင်း သိရခြင်းဖြစ်သည်။

"နှစ်ဘက်စလုံးက ပြဿနာကို သံတမန်နည်းလမ်းအရ ပြေလည်အောင်ဖြေရှင်းဖို့ ကြိုးစားနေတာဆိုတော့ နှစ်ဘက်စလုံးကပဲ စစ်သင်္ဘောတွေကို ပြဿနာဖြစ်နေတဲ့ ရေပြင်ကနေ ဆုတ်ပေးခဲ့ကြတာပါတယ်" ဟု ဘင်္ဂလားဒေ့ရှ် စစ်တကောင်း ရေတပ်ဆိပ်ကမ်း အခြေစိုက်အရာရှိတဦးက မဇ္ဈိမကို ပြောကြားခဲ့သည်။

သို့သော်လည်း ဘင်္ဂလားဒေ့ရ်ှနိုင်ငံ မြို့တော်ဒါကာ အခြေစိုက် The Daily Star သတင်းဌာန အဆိုအရ မရေမရာဖြစ်နေသော ဆွေးနွေးပွဲနှင့်အတူ နှစ်နိုင်ငံ နယ်စပ်တလျှောက် လုံခြုံရေးကို တိုးမြှင့်တင်းကြပ်ထားသည်ဟုလည်း သိရခြင်းဖြစ်သည်။

"တင်းမာမှုတွေက ရှိနေတုန်းပါပဲ။ နှစ်ဖက်တပ်တွေက နယ်စပ်တလျှောက် အသင့်နေရာယူထားတယ်။ အခြေအနေက တဖက်နဲ့တဖက် စောင့်နေကြတဲ့သဘော ရှိပါတယ်" ဟု The Daly Star အယ်ဒီတာက မဇ္ဈိမကို ပြောသည်။

နှစ်နိုင်ငံကြား တင်းမာမှုများသည် ပြီးခဲ့သည့် ရက်သတ္တပတ်က ဘင်္ဂလားပင်လယ်အော် လုပ်ကွက်အမှတ် AD-7 တွင် ရေနံရှာဖွေနေသည့် ဒေဝူးကုမ္ပဏီကို အကူအညီနှင့် လုံခြုံရေးပေးရန်အတွက် မြန်မာနိုင်ငံမှ စစ်သင်္ဘော ၂ စီး စေလွှတ်လိုက်သည့်အချိန်မှ စတင်ကာ ဖြစ်ပွားခဲ့သည်။

ဘင်္ဂလားဒေ့ရ်ှက လုပ်ကွက်အမှတ် AD-7 သည် သူ၏ ပင်လယ်ရေပိုင်နက်ထဲတွင် ရောက်ရှိနေသည်ဟုဆိုကာ ထိုဒေသတွင် မြန်မာအစိုးရမှ ပြုလုပ်နေသော ဓာတ်ငွေ့ရှာဖွေရေး လုပ်ငန်းများကို ချက်ချင်းရပ်ဆိုင်းပေးရန် တောင်းဆို ကန့်ကွက်ခဲ့သည်။

ဘင်္ဂလားဒေ့ရ်ှက ထိုပြဿနာကို သံတမန်နည်းလမ်းနှင့် ဖြေရှင်းနိုင်ရန် အားထုတ်သည့် အနေဖြင့် နိုင်ငံခြားရေးဝန်ကြီးအား မြန်မာ စစ်ဗိုလ်ချုပ်များနှင့် ဆွေးနွေးရန်အတွက် မြန်မာနိုင်ငံသို့ စေလွှတ်ခဲ့သော်လည်း မြန်မာအစိုးရက ဘင်္ဂလားဒေ့ရှ်၏ တောင်းဆိုချက်ကို ပယ်ချကာ ဒေဝူးကုမ္ပဏီနှင့် သူ၏ စစ်သင်္ဘောများ နေရာယူလုပ်ကိုင်နေသော ရေပြင်ဧရိယာသည် သူ့နိုင်ငံ ရေပြင် ပိုင်နက်ထဲတွင်ပင် တည်ရှိနေသေည်ဟု ပြောဆိုခဲ့သည်။

ဘင်္ဂလားဒေ့ရှ် နိုင်ငံခြားရေးအကြံပေး အိဖ်ခါး အာမက် ချောင်ဒရီနှင့် မြန်မာနိုင်ငံခြားရေးဝန်ကြီး ဦးဥာဏ်ဝင်းသည် ယခုလ ၁၁ ရက်မှ ၁၃ ရက်နေ့အထိ အိန္ဒိယနိုင်ငံ နယူးဒေလီတွင် ကျင်းပသော ဘင်္ဂလားပင်လယ်အော် နည်းပညာ၊ စီးပွားရေးနှင့် ကဏ္ဍစုံ ပူးပေါင်းဆောင်ရွက်ရေးအဖွဲ့ (BIMSTEC) အစည်းအဝေးပွဲ၏ ပြင်ပတွင် အချိန်ယူ၍ ထပ်မံတွေ့ဆုံခဲ့ကြသေးသည်။

ဆွေးနွေးပွဲများသည် နွေးထွေးမှု ရှိသော်လည်း ဝန်ကြီးနှစ်ဦးမှာ သဘောတူညီမှု မရရှိနိုင်ခဲ့ပေ။ သို့သော် နှစ်ဦးစလုံးက ထိုကိစ္စနှင့် ပတ်သက်၍ အဆင့်မြင့် ဆွေးနွေးပွဲများ ဆက်လက်ပြုလုပ်ရန်နှင့် သံတမန်နည်းလမ်း အရသာ ဖြေရှင်းရန် သဘောတူညီခဲ့ကြသည်။

ရန်ကုန်ရှိ ဒေဝူး အပြည်ပြည်ဆိုင်ရာ ကော်ပိုရေးရှင်းမှ အရာရှိ ဒီ အက်(စ်) ကင်(မ်) က ထိုနေရာတွင် စမ်းသပ်ရှာဖွေရေးလုပ်ငန်းများ ပြီးဆုံးသွားသောကြောင့် အခြားနေရာသို့ ရွှေ့ပြောင်းရန်အတွက် လုပ်ကွက်အမှတ် AD-7 မှ လုပ်ငန်းများကို ယခုလ ၈ ရက်နေ့က ပြန်လည် သိမ်းဆည်းခဲ့ခြင်း ဖြစ်သည်ဟု မဇ္ဈိမကို ပြောဆိုခဲ့သည်။

မစ္စတာ ကင်(မ်)က "ကျနော်တို့ လုပ်ကွက်အမှတ် AD-7 မှာ လုပ်ငန်းတွေ ပြီးစီးသွားလို့ တခြား လုပ်ကွက်အမှတ် A-3 ကို ရွှေ့ပြောင်းခဲ့တာပါ" ဟု ပြောဆိုခဲ့သည်။

ပြင်းထန်သော အပြစ်ပေးမှုများက စိတ်ဓါတ်များကို မဟန့်တားနိုင်ဟု အန်အယ်ဒီ လူငယ်ပြောကြား
ဆော်လမွန်
စနေနေ့၊ နိုဝင်ဘာလ 15 2008 20:54 - မြန်မာစံတော်ချိန်


နယူးဒေလီ။ ။ မကြာသေးခင်က သဘောထား ကွဲလွဲသူများကို နှစ်ရှည် ထောင်ဒါဏ်များ ချမှတ်ခဲ့သော်လည်း သူတို့၏ ယုံကြည်ချက်များနှင့် ဒီမိုကရေစီ တိုက်ပွဲဝင်ရန် သစ္စာ အဓိဌာန် ပြုထားခြင်းတို့ အပေါ်၌ မည်သို့မျှ မတားဆီးနိုင်ခဲ့ပါဟု မြန်မာ့ အဓိက အတိုက်အခံ ပါတီတခုဖြစ်သည့် အမျိုးသား ဒီမိုကရေစီအဖွဲ့ချုပ်မှ လူငယ်အဖွဲ့ဝင်များက ပြောကြားသည်။

မြန်မာစစ်အစိုးရသည် ပြီးခဲ့သည့်သီတင်းတပတ်လုံး ကျောင်းသားများ၊ တက်ကြွလှုပ်ရှားသူများ၊ ဘုန်းတော်ကြီးများ၊ စာရေးဆရာများ၊ သတင်းသမားများနှင့် ကဗျာဆရာများပင် ပါဝင်သော ထိန်းသိမ်းခံထားရသူ အများအပြားကို နှစ်ရှည် ထောင်ဒဏ်များ ချမှတ်ခဲ့သည်။

၈၈ မျိုးဆက် ကျောင်းသားများကို ထောင် ဒဏ် ၆၅ နှစ်စီ စီရင်ချက် ချမှတ်လိုက်ပြီး NLD အဖွဲ့ဝင်များ အပါအဝင် တက်ကြွလှုပ်ရှားသူ အများအပြားကိုလည်း ၂ နှစ်မှ နှစ် ၂၀ ထိထောင်ဒဏ်များ ချမှတ်လိုက်သည်။

သောကြာနေ့က ၂ နှစ်မှ ၁၆ နှစ်အထိ စီရင်ချက်ချမှတ်လိုက်သော အမှု ၁၄ မှု အပါအဝင် NLD အဖွဲ့ဝင်များနှင့် အခြား တက်ကြွလှုပ်ရှားသူများကို ပြီးခဲ့သည့် သီတင်းတပတ် တောက်လျှောက်လုံး ရန်ကုန်မြို့ရှိ အင်းစိန်တရားရုံးနှင့် အခြားမြို့နယ် တရားရုံးများမှ စီရင်ချက်များ ဆက်တိုက်ချမှတ်ခဲ့သည်။

ရန်ကုန်မြို့မှ NLD လူငယ်တဦးဖြစ်သူ ကိုပေါက်က ၎င်း၏ လုပ်ဖော်ကိုင်ဖက်များအပေါ် စစ်အစိုးရက နှစ်ရှည်ထောင်ဒဏ်များ ချမှတ်ရန် ဆုံးဖြတ်ခဲ့ခြင်းသည် ဒီမိုကရေစီရေး လှုပ်ရှားမှုအတွက် ကြီးမားသော ထိုးနှက်ချက်တခု ဖြစ်သော်လည်း ယခုတိုင် အဖမ်းအဆီး မခံရသေးသော သူနှင့် အခြား လုပ်ဖော်ကိုင်ဖက်များအား မြန်မာပြည် ဒီမိုကရေစီ ရရှိရေးအတွက် အထောက်အကူ ဖြစ်မည်ဟု ယုံကြည်သော လှုပ်ရှားမှုမှန်သမျှကို ဆက်လက် လုပ်ဆောင်သွားခြင်းမှ မည်သို့မျှ တားဆီးနိုင်မည် မဟုတ်ပါဟု ပြောကြားသည်။

"ဒီလို အခြေအနေမျိုးအတွက် ကျနော်တို့ ပြင်ဆင်ထားပြီးသားပါ။ တနေ့ ဒီလိုဖြစ်လာမယ်ဆိုတာ သိပြီးသားမို့ ဘာမှ စိုးရိမ်စရာမရှိပါဘူး။ ဘာလို့လည်းဆိုတော့ ဒီဟာက ကျနော်တို့ရဲ့ စိတ်ဓါတ်တွေကို မကျော်လွှားနိုင်ပါဘူး။ " ဟုသူက မဇ္ဈိမအား တယ်လီဖုန်းဖြင့် ပြောကြားသည်။

သူက အစိုးရရဲ့ ဆက်တိုက် ဖိနှိပ်မှုတွေ ရှိနေသော်လည်း သူနဲ့သူ့ရဲ့ လုပ်ဖော်ကိုင်ဖက်တွေဟာ အတွင်းကျကျ ဆက်လက် တိုက်ပွဲဝင်သွားဖို့ အသင့်ရှိနေပြီး စစ်အစိုးရရဲ့ ဖမ်းဆီးမှုကို ခံခဲ့ရရင် သူတို့ပေးဆပ်ရမယ့် အကျိုးဆက်တွေကိုလည်း ရင်ဆိုင်ဖို့ ပြင်ဆင်ထားပြီးသားပါဟု ပြောကြားပါသည်။

၂၀၀၇ခုနှစ် စက်တင်ဘာလက စစ်အစိုးရမှ ဆန္ဒပြသူများကို သွေးထွက်သံယို နှိမ်နှင်းမှုများ ပြုလုပ်ခဲ့ပြီး နောက်ပိုင်းတွင် ပြီးခဲ့သည့် နှစ်က ကိစ္စဖြင့် ရာပေါင်းများစွာသော တက်ကြွလှုပ်ရှားသူ များကို ဖမ်းဆီးထိန်းသိမ်းခြင်းဖြင့် တက်ကြွလှုပ်ရှားသူများအား ဖြိုခွဲမှုများ ဆက်လက် ပြုလုပ်ခဲ့သည်။

စစ်အစိုးရက စောစောပိုင်းက အမျိုးသားလုံခြုံရေးကို ပျက်ပြားစေရန် ပြည်သူလူထုကို စည်းရုံးလှုံ့ဆော်သည်ဆိုသော ထင်ရှားသည့် အီလက်ထရောနစ် ပုဒ်မ အပါအဝင် ပုဒ်မ တော်တော်များများနှင့် တရားစွဲဆို ထားခဲ့သော်လည်း တက်ကြွ လှုပ်ရှားသူ တော်တော်များများကို မကြာသေးခင်ကအထိ ပြစ်ဒဏ် ချမှတ်ခဲ့ခြင်း မရှိသေးပေ။

ကိုပေါက်မှ မကြာသေးခင် ရက်များက တက်ကြွလှုပ်ရှားသူ တော်တော်များများကို နှစ်ရှည် ထောင်ဒဏ်များ ချမှတ်လိုက်ခြင်းသည် ၂၀၁၀ ခုနှစ်တွင် ပြုလုပ်ရန် စီစဉ်ထားသော ရွေးကောက်ပွဲမတိုင်ခင် အဓိကကျသည့် တက်ကြွလှုပ်ရှားသူများကို ခွဲခြားကန့်သတ်ရန် လုပ်ဆောင်ခြင်း ဖြစ်နိုင်သည်ဟု ပြောကြားသည်။

စစ်အစိုးရက ဒီမိုကရေစီ ဖော်ဆောင်နိုင်ရန်အတွက် ၎င်း၏ လမ်းပြမြေပုံအတိုင်း ဆက်လက် လုပ်ဆောင်နေပြီး ၂၀၁၀ ခုတွင် အထွေထွေ ရွေးကောက်ပွဲ ကျင်းပမည်ဟု စောစောပိုင်းက ကြေညာထားခဲ့သည်။ သို့သော် ဝေဖန်သူများနှင့် အတိုက်အခံအုပ်စုများက စစ်အစိုးရသည် ၎င်းတို့၏ အုပ်ချုပ်မှုကို တရားဝင်ပြုလုပ်ရန် ကြိုးစားသည့် အနေဖြင့် ရွေးကောက်ပွဲကို မည်သည့်နည်းနှင့်မဆို အနိုင်ရအောင် ပြုလုပ်ရန် စိတ်ပိုင်းဖြတ်ထားပြီး ဖြစ်သည်ဟု ထင်မြင်ချက် ပေးကြသည်။

ထိုသို့သော နည်းလမ်းများကဲ့သို့ပင်စစ်အစိုးရ၏ မဟာဗျူဟာတခုမှာ အတိုက်အခံအဖွဲ့များကို ရှင်းလင်း ဖယ်ရှားခြင်းအားဖြင့် ရွေးကောက်ပွဲ၏ ရလဒ်ကို ဆုံးဖြတ်ရန် ဖြစ်သည်ဟု ဝေဖန်သူများက ပြောကြားသည်။

"တက်ကြွလှုပ်ရှားသူတွေကို နှစ်ရှည်ထောင်ဒဏ်များ ချမှတ်လိုက်ခြင်းအားဖြင့် သူတို့ (စစ်အစိုးရ) က သူတို့အတွက် ဘာအတားအဆီးမှ မရှိစေဖို့ အတိုက်အခံတွေ အားနည်း သွားအောင် လုပ်ဆောင်ခြင်တာပဲ ဖြစ်တယ်" ဟု ကိုပေါက်က ပြောသည်။

ထိုင်းနိုင်ငံအခြေစိုက် မြန်မာနိုင်ငံ နိုင်ငံရေးအကျဉ်းသားများ ကူညီစောင့်ရှောက်ရေး အဖွဲ့၏ အဆိုအရ မြန်မာနိုင်ငံ တဝှမ်းလုံးရှိ အကျဉ်းထောင်များတွင် NLD အဖွဲ့ဝင် အနည်းဆုံး ၄၀၀ ခန့် ရောက်ရှိနေကြသည်ဟု သိရသည်။

၂၀၀၇ ခုနှစ် စက်တင်ဘာလ သံဃာတော်များ ဦးဆောင်သော ဆန္ဒပြမှုများ အပြီးတွင် နိုင်ငံရေး အကျဉ်းသားစာရင်းသည် စောစောပိုင်းက ၁၁၀၀ ခန့်သာ ရှိနေခဲ့ရာမှ လက်ရှိ ၂၁၀၀ ကျော် ထိ လျင်မြန်စွာ မြင့်တက်လာခဲ့သည်။

မြန်မာပြည်အလယ်ပိုင်း မိထ္ထီလာ NLD မှ အတွင်းရေးမှူးဖြစ်သူ ဒေါ်မြင့်မြင့်အေးက နိုင်ငံရေး အကျဉ်းသားများအတွက် စိုးရိမ်သောကြောင့် ၎င်းတို့ လွတ်မြောက်ရေးအတွက် ဘုရားများသို့ သွားရောက်ကာ ဆုတောင်းနေရသည်ဟု ပြောကြားသည်။

"သူတို့ (စစ်အစိုးရ)က နိုင်ငံတော်ကို ပြုပြင်ပြောင်းလဲပေးမယ်လို့ သူတို့ ကြေညာထားတာနဲ့ အတိအကျကို ဆန့်ကျင်ပြီး လုပ်နေကြတယ်" ဟု သူမကပြောသည်။

သူမက NLD သည် နိုင်ငံကို အပြောင်းအလဲ ပြုလုပ်ပေးရန် တာဝန်ရှိသည့်အတွက် ဒီမိုကရေစီ တိုက်ပွဲကို ဆက်လက်ဆင်နွဲရန် သူ့ကိုယ်သူ ပိုမိုအားကောင်းသည့် အဖွဲ့တခုအဖြစ် ပြန်လည် ဖွဲ့စည်းရန် လိုအပ်သည်ဟု ပြောကြားသည်။

တခါက နိုင်ငံရေး အကျဉ်းသား ဖြစ်ခဲ့ဘူးသော သူမက ထောင်တွင်း၌ ဖြတ်သန်းခဲ့ဘူး၍ ထောင်တွင်းမှ ခက်ခဲပင်ပန်းသော အခြေအနေများကို သူမ ကောင်းကောင်းသိကြောင်း၊ သို့သော် ယခု အခါသူမသည် တိုက်ပွဲကို ဆက်လက်ဆင်နွဲရန် အဆင်သင့်ဖြစ်နေပြီး သူမ၏ စိတ်ဓါတ်သည်လည်း ယခင်ကထက် ပိုမို ခိုင်မာနေသည်ဟု သူမက ပြောသည်။

NLD မှ အခြားလူငယ် အဖွဲ့ဝင်တဦးက စစ်အစိုးရမှ အဆက်မပြတ် ဖိနှိပ်နေသော်လည်း စိတ်ပျက် အားလျော့သွားမည် မဟုတ်ပဲ ၎င်းတို့ လုပ်ဆောင်နိုင်သမျှကို ဆက်လက် လုပ်ဆောင်သွားမည်ဟု ပြောကြားသည်။

"မကြာသေးခင်ကအကြောင်း (တက်ကြွ လှုပ်ရှားသူများကို နှစ်ရှည် ထောင်ဒဏ်ချမှတ်ခြင်း) တွေကို ကျနော်တို့ ပြောကြတဲ့အခါ၊ ကျနော်တွေ့တာကတော့ ကျနော်တို့ ဘယ်သူမှ စိတ်ဓါတ် မကျကြပဲ အဲ့ဒိအစားပိုပြီး စိတ်ဆိုးရပြီး တိုက်ပွဲကို ရှေ့ဆက်ဖို့အတွက် ပိုပြီး စိတ်ဓါတ်ခိုင်မာလာကြပါတယ်။" ဟု အမည်မဖော်လိုသူ ရန်ကုန်မြို့မှ လူငယ်တဦးက ပြောကြားသည်။

သူက "အစိုးရဟာသူ့ရဲ့မတရားမှုတွေကို သက်သေပြနေတာ ဖြစ်ပြီး ပြည်သူတွေဘက်က သက်သေခံပေးနေတာပါပဲ။ ဘာတွေဘဲ ဖြစ်လာလာ ကျနော်တို့ကတော့ မကြောက်ဘူး။ ရှေဆက်လုပ်သွားမှာဘဲ"ဲဟု ပြောပါသည်။

ကိုမင်းကိုနိုင် အပါအ၀င် ၈၈ မျိုးဆက် ကျောင်းသားခေါင်းဆောင် ၉ ယောက်ကိုလည်း ထောင်ဒဏ် ၆၅ နှစ်ချမှတ်
ဖနိဒါ
စနေနေ့၊ နိုဝင်ဘာလ 15 2008 16:49 - မြန်မာစံတော်ချိန်

ချင်းမိုင်။ ။ လောင်စာဆီဈေးနှုန်း ကျဆင်းရေး လမ်းလျှောက် ဆန္ဒပြခဲ့သူ ကိုမင်းကိုနိုင်အပါအ၀င် ၈၈ မျိုးဆက်ကျောင်းသားခေါင်းဆောင် ၉ ယောက်ကိုလည်း အခြားသော လုပ်ဖော်ကိုင်ဖက်များကဲ့သို့ပင် ဧရာဝတီတိုင်း မအူပင်ထောင်တွင်း အထူးတရားရုံးက ထောင်ဒဏ် ၆၅ နှစ်ချမှတ်ခဲ့ကြောင်း မိသားစုဝင်များနှင့် မိတ်ဆွေများ အပြောအရ သိရသည်။

ကိုမင်းကိုနိုင်၊ ကိုကိုကြီး၊ ကိုလှမျိုးနောင်၊ ကိုဌေးကြွယ်၊ ကိုမြအေး၊ ကိုညဏ်လင်း၊ ကိုပြုံးချို (ခ)ကိုဌေးဝင်းအောင်နှင့် ကိုအောင်နိုင်တို့ကို နိုဝင်ဘာလ ၁၁ ရက်နေ့က မအူပင်ထောင်တွင်း တံခါးပိတ်ခုံရုံးတွင် ရုံးထုတ်ကာ ထောင်ဒဏ်ချမှတ်လိုက်ခြင်းဖြစ်သည်။

မင်းကိုနိုင်နှင့် ကျောင်းသား ခေါင်းဆောင်များကို နိုင်ငံ အစွန်အဖျား ထောင်များသို့ ပြောင်းရွှေ့

16 November 2008

စုမြတ်မွန် -

၈၈ မျိုးဆက် ကျောင်းသား ခေါင်းဆောင်တွေ အပါအ၀င် နိုင်ငံရေး အကျဉ်းသားတွေကို သွားရခက်ခဲလှတဲ့ အကျဉ်းထောင်တွေဆီကို ပို့နေပါတယ်။ မကြာခင်တုန်းကမှ ထောင်ဒဏ် ၆၅နှစ်ဆီ ချခံထား ကိုမင်းကိုနိုင်၊ ကိုကိုကြီး၊ ကိုဌေးကြွယ် စတဲ့ ၈၈မျိုးဆက် ကျောင်းသား ခေါင်းဆောင်တွေ အပါအ၀င် အခုချိန်အထိ သိရသလောက် အယောက် ၂၀ကျော်ကို နိုင်ငံ အစွန်အဖျားမှာ ရှိတဲ့ ကျိုင်းတုံ၊ ကော့သောင်း၊ ဗူးသီးထောင်စတဲ့ နယ်အကျဉ်းထောင်တွေဆီကို ပြောင်းရွှေ့ ပို့နေတာပါ။ ကော့သောင်း အကျဉ်းထောင်ကို အပို့ခံနေရတဲ့ ကျောင်းသားခေါင်းဆောင် ကိုပြုံးချိုရဲ့ ဖခင် ဦးဝင်မောင်က အခုလို ပြောင်းနေတာနဲ့ ပတ်သက်ပြီး အခုလို ပြောပြပါတယ်။

“မင်းကိုနိုင်နဲ့ ကိုကိုကြီးက ကျိုင်းတုံ၊ ကိုဌေးကြွယ်က ဗူးသီးထောင်၊ ကိုလှမျိုးနောင်က မြစ်ကြီးနား၊ ကိုမြအေးတို့က လွိုင်ကော်။ အားလုံးပေါင်း ၂၁ယောက်လို့ ပြောတယ်။ ဒီမှာ ကိုသစ်ဆန်းတို့လည်း ပါတယ်ကြားတယ်။ နေရာအနှံ့ပို့တာပဲ။ သူတို့ကို ထပ်ပြီး ခွဲမခွဲတော့ မသိဘူး။ အမျိုးသမီးတွေထဲမှာ စုစုနွေး တယောက်ပဲ ပါတယ် ကြားတယ်။”

အခုလို မိသားစုတွေ လက်လှမ်း မမှီနိုင်တဲ့ နယ်စွန်နယ်ဖျားက အကျဉ်းထောင်တွေကို ပို့လိုက်တဲ့အတွက် မိသားစုတွေ ထောင်ဝင်စာတွေ့နိုင်ဖို့ ခက်ခဲသွားပြီး ထောင်ကျနေသူတွေရဲ့ ကျန်းမာရေး အတွက် စိုးရိမ်ပူပန်တယ်လို့ ဦးဝင်မောင်က ပြောပါတယ်။

“ကျွန်တော်တို့ကတော့ ပိုပြီးတော့ အခက်အခဲ ဖြစ်လိမ့်မယ်လို့ ထင်တယ်။ အခုချိန်မှာ သွားရလာရတာက ရာသီဥတု အနေအထားအရ၊ အသက်အရွယ်အရ တော်တော်လေး ပင်ပန်းဆင်းရဲရမယ့် သဘောရှိတယ်။ မိသားစုအနေနဲ့က ပို ဒုက္ခ များသွားရတာပေါ့။ အလုပ်ပျက် သွားတာပေါ့။ သူတို့ကို ကျန်းမာရေးအတွက်ပဲ စိုးရိမ်တာပါ။ အခုဟာက ရာသီဥတု မမှန်ရင် ကျန်းမာရေး ထိခိုက်မှာ စိုးရတယ်။ ဆေးဝါး ကုသမှုလည်း မလွယ်တဲ့ နေရာတွေ ဖြစ်ဖို့များတယ်။ အဲဒါကြောင့် ကျွန်တော်တို့ စိုးရိမ်ပါတယ်။ စိတ်လည်း ပူပါတယ်။ သွားရတဲ့သူတွေအတွက်လည်း လမ်းပန်း ဆက်သွယ်ရေးက မလွယ်ကူတော့ ကျွန်တော်တို့ ကျန်းမာရေးပါ ထိခိုက်လာတယ်။

ပြီးခဲ့တဲ့ ၂၀၀၇ သြဂုတ်လထဲက ဖမ်းခံထားရပြီးတော့ မကြာခင် ရက်ပိုင်းတွေကမှ နှစ်ရှည် ထောင်ဒဏ်တွေ အချခံလိုက်ရတဲ့ ၈၈မျိုးဆက် ကျောင်းသား ခေါင်းဆောင်တွေကို အခုလို ထပ်ပြီးတော့ နိုင်ငံ အစွန်အဖျားမှာ ရှိတဲ့ ထောင်တွေ ပြောင်းနေတဲ့ အပေါ်မှာ ဖခင် တယောက်ရဲ့ ခံစားချက်ကိုလည်း ဦးဝင်မောင် က အခုလို ပြောပါတယ်။

“မတရား အမိန့်တွေ ချမှတ်ပြီး ထင်သလို လုပ်နေတာကို ကျွန်တော်တို့က ဘယ်လိုမှ လက်မခံနိုင်ပါဘူး။ ပြီးတော့ သူတို့မှာ ပြောရလောက်မယ့် အပြစ်လည်း ဘာမှ မရှိဘဲနဲ့ ဒီလို မညှာမတာ လုပ်တာတွေက သားသမီးချင်း ကိုယ်ချင်းစာဖို့ ကောင်းပါပြီလို့ ပြောချင်ပါတယ်။ ”

အခုလို ရန်ကုန် အင်းစိန် အကျဉ်းထောင်မှာ ဖမ်းခံထားရတဲ့ နိုင်ငံရေး အကျဉ်းသားတွေကို ဝေးလှတဲ့ နယ်ထောင်တွေဆီကို ပိုနေသလိုပဲ သူတို့ အမှုတွေကို လိုက်ပေးနေတဲ့ တရားရုံးကို မထီမဲ့မြင် လုပ်တယ်ဆိုပြီး ထောင်ဒဏ်လေးလ ချခံထားရတဲ့ တရားရုံးချုပ် ရှေ့နေကြီး ဦးအောင်သိန်းနဲ့ ဦးခင်မောင်ရှိန်တို့ကိုလည်း ပုသိမ်နဲ့ မြောင်းမြထောင်တွေဆီကို ပို့လိုက်ပါတယ်။ သူတို့ ထောင်ပြောင်းတာကိုတော့ ကိုယ်တိုင် တွေ့လိုက်ရတဲ့ နိုင်ငံရေး အကျဉ်းသား တယောက်ရဲ့ မိခင်က အခုလို ပြောပြပါတယ်။

“ရှေ့နေကြီး ဦးအောင်သိန်းကို ပုသိမ်၊ ဦးခင်မောင်ရှိန်ကို မြောင်းမြကို ပို့လိုက်တာကို အန်တီမျက်စိနဲ့ မြင်လိုက်ရတယ်။ ညနေ သုံးနာရီမှာ တီအီး ၁၁လို ကားမျိုး၊ အစိမ်းရောင်၊ လုံခြုံရေးတွေ၊ ရဲတွေရောပါတဲ့ ကားပေါ်မှာ ဆရာတို့က ကားထဲကနေ ပုသိမ်ကို မြောင်းမြကို ဆိုပြီး အသံပြုသွားတယ်။”


အခုလို မိသားစုတွေနဲ့ ဝေးတဲ့ ထောင်တွေဆီကို ပို့နေတဲ့အတွက် မိသားစုတွေ ကြုံတွေ့ရတဲ့ အခက်အခဲတွေနဲ့ ထောင်အကူးအပြောင်းမှာ အကျဉ်းသားတွေအတွက် ဘယ်လောက် အခက်အခဲ ဒုက္ခတွေ များသလဲဆိုတာကို အကျဉ်းသား မိခင်က ဆက်ပြီး ပြောပြပါတယ်။

ကိုလှမျိုးနောင်နဲ့ ကိုအောင်သူက မအူပင်ကနေပြီး အင်းစိန်ထောင်ကို ရောက်ရောက်ချင်း ထောင်တွင်းဆေးရုံ တင်လိုက်ရတယ်။ အခုတခါ မနက်အစောကြီး၊ ကိုအောင်သူက ပူတာအို၊ ကိုလှမျိုးနောင်က မြစ်ကြီးနားဆိုပြီး ပို့တယ်။ အခက်အခဲက အများကြီးပေါ့၊ လမ်းပန်းဆက်သွယ်ရေး အဆင်မပြေတာ၊ သွားရတဲ့ အခါ တည်းခိုစရာ၊ သွားရတာ အချိန်ကြာတာ၊ လေယာဉ်ဆိပ် မရှိတဲ့နေရာတွေဆို ကားလမ်းခရီးကလည်း မပေါက်တော့ သွားရတာ ခက်ခဲပါတယ်။ မစဉ်းစားရဲလောက်အောင် ခက်ခဲ့ပါတယ်။

အခုလို နိုင်ငံရေး အကျဉ်းသားတွေကို နယ်ထောင်တွေ ပြောင်းရွေ့နေတာကို မိသားစုတွေကို သက်ဆိုင်ရာက ကြိုတင် အကြောင်းကြားချင်း မရှိတဲ့အတွက်ကြောင့် မိသားစုတွေမှာ ဘယ်ကို လိုက်လို့ လိုက်ရမှန်းမသိဖြစ်နေကြပါတယ်။
ဒါနဲ့ပတ်သက်ပြီး မန္တလေးထောင်ကို အပြောင်းခံလိုက်ရတဲ့ ကဗျာဆရာ ကိုစောဝေရဲ့ ဇနီး မနန်းစန်းစန်းအေးက ပြောပြပါတယ်။

“သူဘယ်ထောင်ကို ပြောင်းလို့ ပြောင်းရမှန်း မသိ၊ သူနဲ့ အတူတူ ဘယ်နှစ်ယောက်ပါသွားမှန်း သေသေချာချာကို သတင်းမရသေးဘူး။ သူထွက်သွားပြီ၊ သူနဲ့ အတူ ၁၃ယောက်ပါသွားတယ်လို့တော့ ပြောတယ်။ ကြာသာပတေးနေ့က နောက်ဆုံးတွေ့လိုက်ရတော့ သူက ထောင်ပြောင်းရမယ်ဆိုရင် ဘာမှ မသိရဘူး။ သိမ်းတော့ သိမ်းတော့ ဆိုပြီး ချက်ခြင်းထွက်ရတာတဲ့ အဲဒီတော့ ကျမကို ထောင်ပြောင်းတယ်ဆိုပြီး သွေးရူး သွေးတန်း မလိုက်လာဖို့၊ အကြောင်း ကြားမယ်ဆိုတာမျိုးဆိုတဲ့ စကား အခံလေးရှိတော့ တော်သေးတယ်။ သူတို့လည်း ဒုက္ခရောက်တယ်။ ကျမတို့လည်း ဒုက္ခရောက်တယ်။ ဒီနေ့ဆို တနေ့လုံး သူဘယ်ကို ရောက်မှာလည်း သူဘယ်ကို ရောက်နေတာလဲဆိုပြီး ပူရတာပေါ့။ ခက်ဝေးဝေးပဲ ရောက်မလား၊ ခက်နီးနီးပဲ ရောက်မလား။ ဘယ်လိုလိုက်သွားရမလဲဆိုတာကို ပဲ စဉ်းစားနေရတယ်။ ကျမလိုပဲ သူများတွေ ဒီလိုပဲ ထင်တယ်။”

အခုလို ၈၈မျိုးဆက် ကျောင်းသား ခေါင်းဆောင်တွေ နိုင်ငံရေးပုဒ်မနဲ့ ထောင်အချခံနေရသူတွေကို မိသားစုနဲ့ ဝေးလှတဲ့ ထောင်တွေဆီကို ပို့နေတာ အစိုးရက တမင်အကွက်ချ စီစဉ်နေတာ ဖြစ်နိုင်တယ်လို့ နိုင်ငံရေး အကဲခတ်တွေက သုံးသပ်နေကြပါတယ်။

ကမ္ဘာ့စီးပွားရေးကျဆင်းမှု ဖြေရှင်းကြဖို့ ဘဏ္ဍာရေးထိပ်သီးဆွေးနွေးပွဲ ကတိပြု

16 November 2008
ဖွံ့ဖြိုးတိုးတက်ဆဲ နိုင်ငံတွေ နဲ့ တိုးတက်ပြီး နိုင်ငံတွေ ထဲ က နိုင်ငံ ၂၀ ခေါင်းဆောင်တွေ နဲ့ ဥရောပ သမဂ္ဂ တို့ ဟာ စီးပွါးရေး ကျဆင်းနေတာ ကို တိုက်ဖျက်ပြီး၊ ဈေးကွက်တွေ ကို ဖွင့်မြဲ ဆက်ဖွင့်ထားဖို့ တစ်ရက်ကြာ ထိပ်သီး အစည်းအဝေး မှာ သဘောတူလိုက်ကြပါတယ်။ ဗွီအိုအေ ဘယ်ရီ ၀ုဒ် သတင်းပေးပို့ထားတာ ကို ဦးတင်မောင်သန်း က တင်ပြထားပါတယ်။

အစည်းအဝေး ရလာဒ် အပေါ် ကျေနပ်ကြတဲ့အကြောင်း ခေါင်ဆောင်တွေ က ပြောကြပါတယ်။ နိုင်ငံ ၂၀ အုပ်စု လို့ ခေါ်တဲ့ ခေါင်းဆောင်တွေ ရဲ့ အစည်းအဝေး နဲ့ အတူ အသစ် တစ်ခုခု ကတော့ ပေါ်ပေါက်လာနေတယ် ဆိုတဲ့ အမြင်တွေ ရှိလာနေပါတယ်။ ဥရောပ နိုင်ငံတချို့၊ ဂျပန် နဲ့ အမေရိကန် တို့ပါဝင်တဲ့ စက်မှု ရှစ် နိုင်ငံ အုပ်စု နေရာ ကို နိုင်ငံ ၂၀ အုပ်စု က ယူလာဖွယ်ရှိတယ်လို့ ဘရာဇီး သမ္မတ Luiz Inacio Lula da Silva က ပြောပါတယ်။ အဲဒီ စက်မှု ၈ နိုင်ငံ အုပ်စု က နှစ်စဉ်တွေ့ဆုံခဲ့ကြတာ နှစ်ပေါင်း ၃၀ ကျော်ခဲ့ပါပြီ။ ကမ္ဘာ့ စီးပွါးရေး ဆုံးဖြတ်ချက်တွေ ချရာမှာ တက်သစ်စ စီးပွါးရေး နိုင်ငံတွေ ကိုလည်း ထည့်သွင်းရမယ် လို့ မစ္စတာ da Silva ဒါဆီးလ်ဗား က ဆိုပါတယ်။ အားလုံး စုပေါင်းလိုက်ရင်၊ တကမ္ဘာလုံး ထုတ်ကုန် ရဲ့ ၈၀ % ကို အဲဒီ နိုင်ငံ ၂၀ က ထုတ်နေကြတာပါ။

ကိုယ့် နိုင်ငံ ရဲ့ ဈေးကွက် ကို ကာကွယ်ဖို့ ကုန်သွယ်ရာမှာ တားမြစ်၊ လုပ်ဆောင်တာမျိုးတွေ ကို ရှောင်ကြမယ် လို့ ခေါင်းဆောင်တွေ က ပိုင်းဖြတ်ထားကြကြောင်း ဗြိတိန် ၀န်ကြီးချုပ် ဂေါ်ဒန် ဘရောင်း က ပြောပါတယ်။

"ရင်းနှီးမြှုပ်နှံမှု မလုပ်နိုင်အောင်၊ ကုန်သွယ်ရေး မဖြစ်အောင် အဟန့်အတားတွေ ချမှတ်ထားတာမျိုးတွေ ကို နောက် ၁၂ လအတွင်း ကျွန်တော်တို့ လုပ်လိမ့်မယ် မဟုတ်ပါဘူး။ ခေါင်းဆောင်အားလုံး က ဒါ ကို သဘောတူကြပါတယ်။ ပိုပြီး အရေးကြီးတာကတော့ နှစ်ကုန်မှာ ကုန်သွယ်မှု သဘောတူညီချက် အသစ် ကို သဘောတူဖို့ ကျွန်တော်တို့ ရဲ့ ကုန်သွယ်ရေး ၀န်ကြီးတွေ ကို ကျွန်တော်တို့ ညွှန်ကြားထား ပါတယ်။"

ကုန်သွယ်မှု ထိန်းချုပ်ထားတာတွေ ကို ဖြေလျှော့ဖို့ စကားပြောနေကြတဲ့ ဒိုဟာဆွေးနွေးပွဲ ဟာ ရှေ့မရောက်နိုင်ဖြစ်နေတာ ၂ နှစ်ကြာခဲ့ပါပြီ။ စီးပွါးရေး ကျဆင်းနေချိန်မှာ ဈေးကွက်တွေ ကို ခေါင်းဆောင်တွေ က ဖွင့်မြဲဖွင့်ထားချင်တာ ဟာ အရေးကြီးပါတယ် လို့ မစ္စတာ ဘရောင်း က ဆိုပါတယ်။

လက်ရှိ စီးပွါးရေး ကမောက်ကမ ဖြစ်နေတာ ဟာ ငွေရေးကြေးရေး ကိစ္စတွေ လုပ်ဆောင်တဲ့အခါ မဆင်မခြင် လုပ်ကိုင်ကြတာကြောင့် ဖြစ်ကြောင်း ထိပ်သီး အစည်းအဝေး ၉ မျက်နှာ ကြေညာချက် မှာ တုံးတိတိ ပြောထားပါတယ် လို့ သြစထြေးလျား ၀န်ကြီးချုပ် Kevin က ဆိုပါတယ်။ စီးပွါးရေး ၀ရုန်းသုန်းကား ဖြစ်လာတာကြောင့် ကြွေးပေးကြွေးယူ ဈေးကွက် ရပ်သွားပြီး၊ စတော့ ဈေးနှုန်းတွေ ကျလာခဲ့ပါတယ်။ ထိပ်တန်း ဘဏ် အရာရှိကြီးတွေ ကို လခ အလွန်အကျွံ ပေးထားတာ ကိုလည်း မစ္စတာ Rudd က ၀ါရှင်တန် သတင်းစာရှင်းလင်းပွဲ မှာ ရှုတ်ချသွားပါတယ်။

"ကမ္ဘာ့ စီးပွါးရေး မှားယွင်းသွားအောင် လုပ်ခဲ့ကြတဲ့ ကုမ္ပဏီကြီးတွေ ရဲ့ အလုပ်အမှုဆောင် အရာရှိကြီးတွေ ကို လခကြီးကြီး အကျိုးခံစားခွင့် များများ ပေးထားတာ အပေါ် ကမ္ဘာတ၀ှမ်း က လူထု က စိတ်ကုန်နေပြီး ဒေါသတွေ ထွက်၊ စိတ် ကသိကအောက် ဖြစ်နေကြပါတယ်။ ဒီအတွက် ဘယ်သူတွေ ဘာပေးလိုက်ရသလဲ။ အလုပ်လုပ်နေကြတဲ့ လူတွေ ခံကြရတယ်။ သူတို့ အလုပ်တွေ ဆုံးရှုံးသွားတယ်။"

အန္တရာယ် များပြီး၊ စည်းမျဉ်း ကလနား သတ်မထားတဲ့ အလုပ်တွေ အတွက် ငွေကြေး ဆိုင်ရာ အဖွဲ့အစည်း အသီးသီး က အများကြီး ချေးယူထားကြတယ် လို့ ထိပ်သီး အစည်းအဝေး ကျေညာချက် မှာ ဆိုထားပါတယ်။

ငါးလအတွင်း မှာ ထပ်တွေ့ဖို့ ခေါင်းဆောင်တွေ က စီစဉ်ထားကြပါတယ်။ နိုင်ငံတကာ ငွေကြေးရံပုံငွေ အဖွဲ့ (အိုင်အမ်အက်ဖ်) မှာ ဖွံ့ဖြိုးဆဲ နိုင်ငံတွေ ပြောပိုင်ခွင့် ပိုပေးမယ့် အစီအစဉ်တစ်ရပ် ကို ခေါင်းဆောင်တွေ က အဲဒီ အခါကျရင်၊ လိုချင်ကြပါတယ်။ ၀ါရှင်တန် ထိပ်သီး အစည်းအဝေး မှာ အိုင်အမ်အက်ဖ် စီမံခန့်ခွဲမှု ညွှန်ကြားရေးမှူး Dominique Strauss-Kahn လည်း တက်ရောက်ခဲ့ပါတယ်။

"မတ်လ ဒါမှမဟုတ် ဧပြီလ မှာ အစည်းအဝေးထပ်ဖြစ်တဲ့အခါ၊ အဲဒီ အစီအစဉ် ကို ကျွန်တော် မျှော်လင့်ထားပါတယ်။ နှစ်ပေါင်း ၆၀ တွင်း မဖြစ်ခဲ့တဲ့ အုပ်ချုပ်လုပ်ကိုင်ပုံ အပြောင်းအလဲ တစ်ရပ် ကို ကျွန်တော်တို့ ရရှိကြပါလိမ့်မယ်။" လို့ သူ က ပြောသွားတာပါ။

အချိန်တိုတိုအတွင်းမှာပဲ ကြိုပြောနိုင်ခဲ့ပြီး၊ ၀ါရှင်တန် ထိပ်သီး အစည်းအဝေး ကို ပြင်ဆင်ခဲ့ကြရတာပါ။ အဲသလို ဖြစ်ပေမဲ့ အစည်းအဝေး ရလာဒ် ကို တက်ရောက်သူတွေ က ကျေနပ်ပြီး ခွဲခွါနိုင်ခဲ့ကြပုံရပါတယ်။

မင်းကိုနိုင်နှင့် ခေါင်းဆောင် ကိုးဦး ၆၅ နှစ်စီ ထောင်ဒဏ် ချမှတ်ခံရ

15 November 2008

ဦးသိန်းထိုက်ဦး -


ကျောင်းသားခေါင်းဆောင် မင်းကိုနိုင်၊ ကိုကိုကြီး၊ ကိုဌေးကြွယ်တို့ အပါအ၀င် ကိုးယောက်ကို စစ်အစိုးရ က ထောင်ဒဏ် ၆၅ နှစ် ပြစ်ဒဏ် ချမှတ်လိုက်တဲ့အကြောင်း ကျောင်းသားခေါင်းဆောင်တွေရဲ့ မိသားစုတွေက ပြောပါတယ်။ ကျန်တဲ့ လူရွှင်တော် ဇာဂနာ နဲ့ အခြား နိုင်ငံရေး အကျဉ်းသားတွေရဲ့ အမှုတွေကိုလည်း ရုံးပိတ်ရက်ဖြစ်တဲ့ စနေ၊ တနင်္ဂနွေတွေမှာ အင်းစိန်ထောင် အတွင်း တရားရုံးက စစ်ဆေးနေတယ်လို့ ပြောပါတယ်။ အသေးစိတ်ကို ကိုသိန်းထိုက်ဦး က တင်ပြထားပါတယ်။

ကျောင်းသားခေါင်းဆောင် မင်းကိုနိုင် အပါအ၀င် စုစုပေါင်း ကိုးယောက်ကို မအူပင် ထောင်ကနေ အင်းစိန် ထောင်ကို စစ်အစိုးရ က ပြန်ပို့လိုက်ပါတယ်။ သူတို့ကို မအူပင်ထောင် မှာကတည်းက အာဏာပိုင်တွေက ထောင်ဒဏ် ၆၅ နှစ် ပြစ်ဒဏ် ချမှတ်ခဲ့တယ်လို့ ထောင်ဝင်စာ သွားတွေ့တဲ့ ကျောင်းသား ခေါင်းဆောင် ကိုဌေးကြွယ်ရဲ့ ညီမ မခင်မိမိကြွယ် က အခုလို ပြောပါတယ်။

“သူတို့ကို ဒီနေ့ ထောင်ဝင်စာ သွားတွေ့တယ်။ မအူပင်ကို သွားတွေ့တာ။ မအူပင်ကနေ ပြောင်းသွားပြီ ဆိုတော့ အင်းစိန်ထောင် ကို တခါ ကျမတို့ ပြန်လိုက်၊ ပြန်လိုက်တော့ ညနေ နှစ်နှစ်နာရီ နဲ့ ငါးမိနစ်မှာ အင်းစိန်ထောင်ကို သွားတွေ့တော့ သူတို့ကို သုံးနာရီ လောက်မှာ တွေ့ရတယ်။ အစ်ကိုလေးကို မေးကြည့်တော့ ၁၁ ရက် ၁၁ လ ၁၁ နာရီ မှာ သူတို့ကို ၆၅ နှစ်ချတယ်တဲ့။ မအူပင်မှာ ချတာ။ ဒီနေ့ အင်းစိန်ထောင်ထဲ ပြန်ပြောင်းတယ်။”

ကိုဌေးကြွယ်ရဲ့ ညီမ မခင်မိမိကြွယ် ပြောပြသွားတာပါ။ ဖမ်းဆီးခံထားရတဲ့ ကျောင်းသား ခေါင်းဆောင်တွေကို မအူပင်ထောင်မှာ ရှိနေသေးတယ် ထင်ပြီး အကျဉ်းသား မိသားစုတွေ မအူပင်ထောင်ကို လိုက်သွားတဲ့ အချိန်ကြမှ အခုလို ပြစ်ဒဏ်တွေ ချမှတ်လိုက်တယ် ဆိုတာကို မိသားစုဝင်တွေ သိခဲ့ကြတာလို့ ပြောပါတယ်။

အဲန်အယ်လ်ဒီ အမျိုးသားဒီမိုကရေစီ အဖွဲ့ချုပ် ပြောရေးဆိုခွင့်ရှိသူ ဦးဉာဏ်ဝင်း ကတော့ မြန်မာနိုင်ငံ တရားရေး စနစ်အပေါ် မေးခွန်းထုတ်စရာတွေ ရှိနေတယ်လို့ ပြောပါတယ်။

“ကျနော်တို့ ကိုမင်းကိုနိုင် တို့ကို ၆၅ နှစ်ချတယ် ဆိုပြီး သတင်း ဒီလိုပဲ ကျနော်တို့လည်း ကြားပါတယ်။ ဒီမှာ တော်တော် ထူးဆန်းတဲ့ ကိစ္စတခုက သူတို့ကို ပုဒ်မ (၂၈၂) နဲ့ ၆ လ ချပြီးတော့ မအူပင်ထောင်ကို ပို့ထားတာ။ ကျနော် နားလည်သလောက် သူတို့အမှုက သက်သေတွေ လုံလောက်အောင် မစစ်ရသေးဘူး။ မအူပင်ထောင် ကျတော့လည်း တရားသူကြီး က ထောင်ထဲဝင်ပြီး အမိန့်ချတယ် ပြောတယ်။ ကျနော်တို့ တရားရုံးရဲ့ အစဉ်အလာတွေ နဲ့တော့ လုံးဝ ဆန့်ကျင်နေတယ်။ တရားစီရင်ရေးနဲ့ပတ်သက်လို့ မေးခွန်းထုတ်စရာတွေ အများကြီး ဖြစ်နေပြီလို့ ကျနော် အဲလို ပြောချင်တယ်။”

ဒီသီတင်းပတ် စောစောပိုင်းကတည်းက ကျောင်းသားခေါင်းဆောင် တွေကို ထောင်ဒဏ်နှစ်ရှည်တွေ စပြီး ချမှတ်ခဲ့တာပါ။ ဒီလို ချမှတ်တာနဲ့ ပတ်သက်လို့ နိုင်ငံတကာနဲ့ လူ့အခွင့်အရေး အဖွဲ့တွေ က စစ်အစိုးရကို ပြစ်တင်ရှုတ်ချခဲ့ကြပါတယ်။

ဒီအတောအတွင်း တခြား နိုင်ငံရေးမှုနဲ့ ဖမ်းဆီးခံထားရသူတွေရဲ့ အမှုတွေကို စနေ၊ တနင်္ဂနွေ ရုံးပိတ်ရက်တွေမှာပါ အင်းစိန်ထောင် အထူးတရားရုံး က ဆက်ပြီး စစ်ဆေးနေပါတယ်။ ဒီလို စစ်ဆေးတဲ့ အတွက် ကျန်တဲ့ နိုင်ငံရေး အကျဉ်းသားတွေရဲ့ အမှုတွေကိုလည်း ပြစ်ဒဏ်တွေ ချမှတ်ဖို့ အာဏာပိုင်တွေဘက်က ခပ်မြန်မြန် ပြင်ဆင်လာတယ် ဆိုတဲ့ သတင်းတွေ ထွက်ခဲ့တာပါ။

နိုင်ငံရေး အကျဉ်းသားတွေနဲ့ အကျဉ်းသားတွေရဲ့ မိသားစုတွေ ကတော့ ရုံးပိတ်ရက်တွေမှာ ထောင်အာဏာပိုင်တွေက အခုလို ရုံးထုတ် စစ်ဆေးတာကြောင့် မိသားစုနဲ့ တွေ့ဆုံခွင့် ဆုံးရှုံးမှာကို ကန့်ကွက်ခဲ့ကြပါတယ်။ ဒီနေ့ အင်းစိန်ထောင် အတွင်း အထူးတရားရုံးမှာ ရုံးထုတ် စစ်ဆေးခံရတဲ့ အထဲမှာ လူရွှင်တော် ဇာဂနာ လည်း ပါဝင်ပါတယ်။ သီတင်းပတ် အတွင်း ရုံးဖွင့်ရက်တွေမှာလည်း အမှုတွေ ဆက်တိုက် ကြားနာပြီး တလျှောက်လုံး နေ့စဉ် နာရီ အတော်ကြာ စစ်နေတဲ့ အတွက် ကိုသူရ ခေါ် ဇာဂနာ အနေနဲ့ ပင်ပန်းဆင်းရဲတဲ့ ဒဏ်ခံနေရတယ်လို့ ဒီနေ့ ဇာဂနာကို ထောင်ဝင်စာ သွားတွေ့တဲ့ ဇာဂနာရဲ့ ခယ်မ မငြိမ်းက ပြောပါတယ်။

“သူတို့ ရုံးထုတ်ရင် ကျမတို့က တွေ့ခွင့် မရှိတော့ဘူးလေ။ တနေကုန် စစ်ဆေးတာလေ။ မနေ့က ဆိုရင်လည်း ခြောက်နာရီမှ ကိုသူရ တို့ကို ရုံးထဲကို ပြန်ထည့်တာတဲ့။ အခု ကျမ ရောက်တာ ၉ နာရီ ၂၀ ရောက်တယ်။ ကျမကို ရုံးထုတ်သွားပြီတဲ့။ မဟုတ်ဘူးလို့၊ ကျမက စည်းကမ်းအတိုင်း လာတာ၊ တနင်္လာကနေ သောကြာ အထိ တောင်းဆိုတာ မဟုတ်ဘူး။ စနေ တနင်္ဂနွေမှာ ကျမ အစ်ကို ကို တွေ့ရမယ့်ရက်။ ကျမ မတွေ့ရရင် မပြန်ဘူး၊ ကျမ အစ်ကို နေလည်း မကောင်းဘူး။ ဒီနေ့မှ ဖရောင်းပဆိုး ဆိုတာ သွင်းရမှာ။ အပြင်မှာ ရာသီဥတု ဒီလောက် အေးနေပြီ၊ ထောင်ထဲမှာ ဘယ်လောက် အေးမလဲ၊ ကျမ အစ်ကိုမှာ အခင်းလည်း မရှိဘူး။ ကျမထောင်ပိုင်နဲ့ တွေ့မယ်။ တခုခု လုပ်ပေးပါလို့။ မတွေ့ရရင် မပြန်ဘူး။ ကျမတို့ကို တနင်္လာကနေ သောကြာ အထိ မတွေ့ရဘူး။ စနေ တနင်္ဂနွေ တွေ့ရတဲ့ ကိစ္စကို ကျမ အလျော့ မပေးနိုင်ဘူးလို့ ပြောလိုက်တယ်။”

ရုံးထုတ်တဲ့အချိန် နာရီအတော်ကြာ စစ်ဆေးမေးမြန်းမှုတွေကြောင့် ကိုသူရရဲ့ ကျန်းမာရေး အခြေအနေ ပိုဆိုးလာတယ် လို့လည်း မငြိမ်းက ပြောပါတယ်။

အခုလို ရုံးပိတ်ရက်တွေမှာပါ အမှုတွေ စစ်ဆေးနေတဲ့အတွက် လာမယ့် ရက်ပိုင်း အတွင်းမှာ ပြစ်ဒဏ်တွေ ချမှတ်နိုင်လာနိုင်တယ်လို့ တရားရေး သတင်း ရပ်ကွက်က ခန့်မှန်းနေပါတယ်။ အဲန်အယ်လ်ဒီ ပြောရေးဆိုခွင့်ရှိသူ ဦးဉာဏ်ဝင်း ကတော့ တရားရုံးတွေ ရုံးထိုင်တာနဲ့ ပတ်သက်ပြီး Court Manual တရားရုံးများ လက်စွဲအရ စနေ တနင်္ဂနွေ နေ့တွေမှာ ရုံးမထုတ်ရတဲ့အကြောင်း၊ ဒီလို ရုံးထိုင်တာက ဥပဒေ ကို ချိုးဖေါက်တာ မဟုတ်ရင်တောင် တရားရုံးတွေ လိုက်နာရမယ့် စည်းကမ်းနဲ့တော့ မကိုက်ညီဘူးလို့ ပြောဆိုသွားပါတယ်။

နောက်ထပ် ဘဏ္ဍာရေး အကျပ်အတည်းမဆိုက်စေဖို့ ကမ္ဘာ့ခေါင်းဆောင်တွေ စီမံကိန်းချ

16 November 2008
စီပွားရေးအကျပ်အတည်း ဖြေရှင်းရန် ကမ္ဘာ့ခေါင်းဆောင်များ ၀ါရှင်တန်ဒီစီ တွင် ဆွေးနွေးခဲ့ကြစဉ် (နိုဝင်ဘာ ၁၅၊ ၂၀၀၈)
ကမ္ဘာလုံးဆိုင်ရာ စီးပွားရေးအကျပ်အတည်းကို ဖြေရှင်းရေး ဆွေးနွေးကြဖို့အတွက် စက်မှုနိုင်ငံတွေနဲ့ ဖွံ့ဖြိုးဆဲနိုင်ငံတွေက ခေါင်းဆောင်တွေ စနေနေ့က အမေရိကန် ပြည်ထောင်စု၊ ၀ါရှင်တန်မြို့တော်မှာ စုဝေးခဲ့ကြပါတယ်။ စီးပွားရေး နောက်ထပ် အားနည်းမှုကို ကာကွယ်ဖို့အတွက် ဘဏ္ဍာငွေကြေးဈေးကွက်ကို ဆက်ဖွင့်ထားရေး စည်းမျဉ်းမူဝါဒတွေကို သဘောတူ ချမှတ်ခဲ့ကြပါတယ်။

ဘဏ္ဍာရေးစနစ်တည်ငြိမ်ဖို့အတွက် လိုအပ်တဲ့နောက်ထပ် ဘယ်လို လုပ်ဆောင်မှု တွေကိုပဲဖြစ်ဖြစ် လုပ်ဆောင်ကြဖို့လည်း G20 နိုင်ငံတွေကခေါင်းဆောင်တွေ သဘောတူခဲ့ကြပါတယ်။ ဘဏ္ဍာရေးဈေးကွက်အပေါ် စည်းမျဉ်းစည်းကမ်းတွေ အားကောင်းအောင် လုပ်ဖို့ ကတိက၀တ် ပြုခဲ့ကြသလို ရင်းနှီးမြှုပ်နှံသူတွေကို အားပေးပြီး စားသုံးသူတွေကို အကာအကွယ် ပေးဖို့လည်း ခေါင်းဆောင် တွေ အခိုင်အမာပြောခဲ့ကြပါတယ်။

စားသုံးသူတွေရဲ့ ၀ယ်ယူသုံးစွဲမှု တိုးလာစေဖို့အတွက် စီးပွားရေး အားတိုးဆေး အစီအစဉ်တွေကို ချမှတ်ဖော်ဆောင်ကြဖို့ အစည်းအဝေးအပြီးထုတ်ပြန်တဲ့ ပူးတွဲကြေညာချက်ကနေ အစိုးရတခုချင်းစီကို တောင်းဆိုထားပါတယ်။

ငွေကြေးပြဿနာဖြေရှင်းရေး ကမ္ဘာ့ခေါင်းဆောင်များ ၀ါရှင် တန်တွင် ဆွေးနွေး

15 November 2008

Barry Wood's Report in Burmese
ဖွံ့ဖြိုးတိုးတက်မှုကို သိသိသာသာ အရှိန်လျော့သွားစေတဲ့ ကမ္ဘာ့ ဘဏ္ဍာ ငွေကြေး ဈေးကွက် ပြဿနာကို ဆွေးနွေး အဖြေရှာကြဖို့ စက်မှုတိုးတက်တဲ့ နိုင်ငံတွေနဲ့ ဖွံ့ဖြိုးဆဲနိုင်ငံ ၂၀ က ခေါင်းဆောင်တွေ ၀ါရှင်တန် ဒီစီကို ရောက်နေကြ ပါတယ်။ ဗွီအိုအေ သတင်းထောက် ဘယ်ရီ ၀ုဒ် (Barry Wood) ပေးပို့ထားတာကို ကိုဇော်ဝင်းလှိုင် က တင်ပြထားပါတယ်။ အမေရိကန်သမ္မတ ဘုရှ် (အလယ်)၊ ပြင်သစ်သမ္မတ နီကိုးလက်စ် ဆာကိုဇီ (၀ဲ) နှင့် ဥရောပ သမဂ္ဂ သမ္မတ ဂျို့စ် မန်နျူရယ် ဘာရိုဆို တို့အား အိမ်ဖြူတော်တွင် နုတ်ဆက်နေပုံ
(နိုဝင်ဘာ ၁၄၊ ၂၀၀၈)
အစိုးရရဲ့ ၀ယ်ယူမှုစွမ်းအား ကျဆင်း မသွားအောင် ထိန်းသိမ်းတဲ့ အနေနဲ့ အသုံးအစွဲတွေ လျော့ချဖို့ရေး ပူးပေါင်း လုပ်ဆောင်ကြဖို့ ခေါင်းဆောင်တွေ အနေနဲ့ ဆွေးနွေးကြ လိမ့်မယ်လို့ ဘဏ္ဍာရေး ဆိုင်ရာ ကျွမ်းကျင်သူတွေက ပြောပါတယ်။ အဲဒီလို အစီအစဉ်မျိုး လုပ်ဆောင်ဖို့ တရုတ်အစိုးရက ဆုံးဖြတ်ထားပြီးသား ဖြစ်သလို မြောက်အမေရိကား တိုက်နဲ့ ဥရောပ မှာလည်း အလားတူ အစီအစဉ်တွေ လုပ်ဆောင်ဖို့ ပြင်ဆင်နေကြပါပြီ။ အခု ၀ါရှင်တန်မှာ ကျင်းပမယ့် တရက်ကြာ ဒီ ထိပ်သီးစည်းဝေးပွဲကို တက်လာကြတဲ့ နိုင်ငံ ၂၀ ဟာ ကမ္ဘာ့ ကုန်ထုတ်လုပ်မှု ပမာဏ စုစုပေါင်းရဲ့ ၇၅ % နဲ့ ညီမျှပါတယ်။

ဒါပေမယ့် လတ်တလော ဖြစ်နေတဲ့ ငွေကြေးဈေးကွက် ပြဿနာ ထက်ကျော်လွန်ပြီး တခြား စီးပွားရေးနဲ့ ငွေကြေး ကိစ္စတွေ အပေါ် ခေါင်းဆောင်တွေအကြား စိတ်သဘောထား တိုက်ဆိုင်တယ်ဆိုတာ မရှိသလောက်ပဲလို့ ကျွမ်းကျင်သူတွေက ပြောပါတယ်။

အခုလို ပြဿနာ အခက်အခဲတွေနဲ့ ရင်ဆိုင်နေရတဲ့ ငွေကြေးဈေးကွက်က လူတွေကလည်း ဒီထိပ်သီးစည်းဝေးပွဲက ထွက်ပေါ်လာမယ့် ကြေငြာချက်ကို မျှော်လင့်နေကြပါတယ် - ဥပမာ - အိမ်နီးချင်းနိုင်ငံတွေအကြား ငွေကြေး အဖွဲ့အစည်းတွေ အပေါ် တင်းကြပ်တဲ့ ကန့်သတ်မှုတွေ လုပ်ဆောင်လာမှာလား၊ အရှိန်ပြင်းပြင်းနဲ့ ဖွံ့ဖြိုးတိုးတက်နေတဲ့ တရုတ်နဲ့ အိန္ဒိယလို နိုင်ငံတွေကို IMF နိုင်ငံတကာ ငွေကြေးရံပုံငွေ အဖွဲ့မှာ ဘယ်လိုမျိုး မဲပေးခွင့် အခွင့်အာဏာတွေ ပေးအပ်မလဲ၊ နောက် ဒီ ဖွံဖြိုးပြီးနိုင်ငံတွေနဲ့ ဖွံဖြိုးဆဲနိုင်ငံ ၂၀ စုပေါင်း တွေ့ဆုံတဲ့ ထိပ်သီး စည်းဝေးပွဲက G -7 ခေါ် စက်မှု ဖွံ့ဖြိုး တိုးတက်နိုင်ငံ ၇ နိုင်ငံနဲ့ ရုရှားတို့ နှစ်စဉ် တွေ့ဆုံနေတဲ့ ထိပ်သီးစည်းဝေးပွဲကို အစားထိုးသွားသင့်သလား ဆိုတာတွေဖြစ်ပါတယ်။

အခု ၀ါရှင်မှာကျင်းပတဲ့ ထိပ်သီးစည်းဝေးပွဲ ဖြစ်မြောက်ဖို့အတွက် ဗြိတိသျှဝန်ကြီးချုပ် ဂေါ်ဒန်ဘရောင်း (Gordon Brown) က အဓိက ဦးဆောင် ကြိုးပမ်းခဲ့တာပါ။ ငွေကြေးအဖွဲ့အစည်းတွေအပေါ် တင်းကြပ်တဲ့ စည်းမျဉ်း စည်းကမ်းတွေ ချမှတ်ဖို့ အတွက် ပြင်သစ်သမ္မတ နီကိုးလက်စ် ဆာကိုဇီ (Nicholas Sarkozy) နဲ့အတူ မစ္စတာ ဘရောင်းက လိုလားပါတယ်။

“ကမ္ဘာလုံးဆိုင်ရာ ပူးပေါင်းဆောင်ရွက်မှုမျိုး ကျနော်တို့ မလုပ်နိုင်ရင်တော့ ဘယ်မှာ ဘာဖြစ်တယ်ဆိုတာကို ကျနော်တို့ နားမလည်တာကြောင့် နောက်ထပ် ပြဿနာက ထပ်ဖြစ်ဦးမှာပဲ၊ ဘာဖြစ်လို့လဲ ဆိုတော့ လူတွေ ဒီလောက်အထိ အရဲစွန့် ရင်းနှီး မြှုပ်နှံနေကြတယ် ဆိုတာကို ကျနော်တို့ မသိခဲ့ကြဘူးလေ။ ဒါကြောင့် အစိုးရနဲ့ ဈေးကွက်တွေအကြား ဆက်ဆံရေး အသစ် ဖြစ်ထွန်းလာအောင် ကျနော်တို့ ကြိုးစားနေတာပါ။”

ဒါပေမယ့် အဲဒီလို တင်းကြပ်တဲ့ စည်းမျဉ်း စည်းကမ်းတွေ ချမှတ်တာဟာ မလိုအပ်တဲ့ လုပ်ရပ်ဖြစ်တဲ့အကြောင်း မကြာခင် ရာထူးက အနားယူတော့မယ့် သမ္မတဘုရှ် က ပြောပါတယ်။

ထိပ်သီး စည်းဝေးပွဲကိုတော့ သမ္မတဘုရ်ှကပဲ အိမ်ရှင်အဖြစ်နဲ့ လက်ခံကျင်းပတာ ဖြစ်ပြီးတော့ စုစုပေါင်း ဆွေးနွေးချိန်ဟာ ၅ နာရီလောက်ပဲ ကြာမယ်လို့ ဆိုပါတယ်။ စည်းဝေးပွဲပြီးချိန် ဒေသစံတော်ချိန် စနေနေ့ ညနေပိုင်းမှာ ကြေညာချက် ထုတ်ပြန်ဖို့ရှိပြီး ခေါင်းဆောင်တချို့ ကတော့ သတင်းထောက်တွေနဲ့ တွေ့ဆုံမယ်လို့ ဆိုပါတယ်။

ဟီလာရီ ကလင်တန် နိုင်ငံခြားရေးဝန်ကြီး ဖြစ်နိုင်ဖွယ်ရှိ

15 November 2008

မအေးသန္တာကျော်


အမေရိကန်ပြည်ထောင်စုမှာ သမ္မတအဖြစ် ရွေးချယ်ခံထားရတဲ့ ဘရက် အိုဘားမားရဲ့ အစိုးရအဖွဲ့မှာ နိုင်ငံခြားရေး ၀န်ကြီး အဖြစ် နယူးယောက်က အထက်လွှတ်တော်အမတ် ဟီလာရီ ကလင်တန် ကို ခန့်အပ်ဖို့ လျာထားတယ် ဆိုတဲ့ သတင်းတွေ ထွက်လာပါတယ်။ တချိန်တည်းမှာပဲ မစ္စတာအိုဘားမားနဲ့ သူ့ရဲ့ ယှဉ်ပြိုင်ဖက်ဖြစ်တဲ့ အထက်လွှတ်တော် အမတ် ဂျွန်မက်ကိန်း တို့ဟာလည်း အိမ်ဖြူတော်မှာ လာမယ့် တနင်္လာနေ့မှာ တွေ့ဆုံမှာပါ။ ဗွီအိုအေ သတင်းထောက် ဂျင် မက်လုံး သတင်းပေးပို့ထားတာကို မအေးသန္တာကျော် က တင်ပြထားပါတယ်။

အထက်လွှတ်တော်အမတ် ဟီလာရီ ကလင်တန် နဲ့ မစ္စတာအိုဘားမားတို့ ချီကာဂိုမြို့မှာ ကြာသပတေးနေ့က တွေ့ခဲ့ကြတယ်လို့ သိရပါတယ်။ လာမယ့် သောကြာနေ့မှာ နယူးယောက်မှာ မိန့်ခွန်းတခု မပြောခင်တုန်းကတော့ နောက်တက်မယ့် နိုင်ငံခြားရေးဝန်ကြီး သူ ဖြစ်နိုင် မဖြစ်နိုင်ဆိုတာကို ပြောဆိုဖို့ မစ္စစ်ကလင်တန်က ငြင်းဆန် သွားခဲ့ပါတယ်။
“သမ္မတသစ်ရဲ့ အစိုးရအဖွဲ့သစ်နဲ့ ပတ်သက်ပြီး ကျမ ဘာမှ ခန့်မှန်းပြောဆိုတာ မလုပ်ဘူးလို့ ပြောပါရစေ။ သမ္မတသစ်ရဲ့ လုပ်ငန်းစဉ်ကို ကျမတို့ ဂါရ၀ ထားရပါမယ်။ မေးစရာရှိရင် သူ့ရဲ့အဖွဲ့ကို တိုက်ရိုက်မေးသင့်ပါတယ်။”

မစ္စစ်ကလင်တန် ပြောသွားတာ ဖြစ်ပါတယ်။ ဒီနှစ် အစောပိုင်း ဒီမိုကရက်တစ် သမ္မတလောင်း ပဏာမ ရွေးကောက်ပွဲတွေ ကျင်းပတုန်းက မစ္စစ်ကလင်တန် နဲ့ မစ္စတာ အိုဘားမားတို့ဟာ တဖက်နဲ့တဖက် ခါးခါးသည်းသည်း သဘောထားတွေနဲ့ ယှဉ်ပြိုင်ခဲ့ကြပါတယ်။ ပြီးတော့ ဒုတိယသမ္မတလောင်းအဖြစ် နဲ့ ရွေးချယ်တော့လည်း မစ္စတာ အိုဘားမားက မစ္စစ်ကလင်တန် ကို မရွေးဘဲနဲ့ ဒလ၀ဲပြည်နယ် အထက်လွှတ်တော်အမတ် ဂျိုးဘိုင်ဒန်ကို ရွေးချယ်ခဲ့တာကိုလည်း မစ္စစ်ကလင်တန်ကို ထောက်ခံသူတချို့ စိတ်ပျက်ခဲ့ကြပါတယ်။ မစ္စစ်ကလင်တန်ရဲ့ တချို့အပေါင်းအဖော်တွေကတော့ သူ နိုင်ငံခြားရေးဝန်ကြီး ဖြစ်လာနိုင်တာကို သဘောကျနေကြပါတယ်။ သမ္မတ ဘီလ် ကလင်တန်လက်ထက်မှာ အိမ်ဖြူတော်ရဲ့ လက်ထောက်အဖြစ်နဲ့ တာဝန်ထမ်းဆောင်ခဲ့တဲ့ ဘလက်ဒီ ဒေးဗစ်က စီဗွီအက်စ် ရုပ်မြင်သံကြားရဲ့ မနက်အစောပိုင်း အစီအစဉ်မှာ အခုလို ပြောသွားပါတယ်။

“မစ္စစ်ကလင်တန်ဟာ ထူချွန်တဲ့ အမျိုးသမီးတယောက်ပါ။ တဖက်သား ပြောတဲ့စကားကို သေသေချာချာ နားထောင် တတ်တယ်။ ကမ္ဘာ့အရေးတွေကို ကြည့်တဲ့နေရာမှာလည်း သူများနေရာက ၀င်ပြီး ကြည့်ပေးတတ်ပါတယ်။ ဒါကြောင့်မိုလို့ သူဟာ တော်တဲ့ အထက်လွှတ်တော်အမတ်တယောက် ဖြစ်နေတာပါ။ ဒီအချက်ကပဲ သူ့ကို ထူးချွန်တဲ့ နိုင်ငံခြားရေးဝန်ကြီးတဦး ဖြစ်စေပါလိမ့်မယ်။”

သမ္မတ ဘီလ် ကလင်တန်လက်ထက်က အိမ်ဖြူတော်လက်ထောက်ဖြစ်ခဲ့သူ ဘလက်ဒီ ဒေးဗစ် ပြောသွားတာပါ။

အမေရိကန်နိုင်ငံခြားရေးဝန်ကြီးတယောက်အဖြစ် ခန့်အပ်ခံရမယ်လို့ အများက ခန့်မှန်းကြသူတွေထဲမှာတော့ ဒီမိုကရက်တွေ ဖြစ်ကြတဲ့ မက်ဆာချူးဆက်ပြည်နယ် အထက်လွှတ်တော်အမတ် ဂျွန် ကယ်ရီနဲ့ နယူးမက္ကဆီကို ပြည်နယ် အုပ်ချုပ်ရေးမှူး ဘီလ် ရစ်ချတ်ဆန်တို့အပြင် အခုဆိုရင် မစ္စစ်ကလင်တန်လည်း စာရင်းထဲမှာ ပါလာပြီ ဖြစ်ပါတယ်။ ဒီလိုမျိုး နိုင်ငံခြားရေးဝန်ကြီးဖြစ်နိုင်သူ စာရင်းထဲမှာ အင်ဒီယားနားပြည်နယ်က ရီပတ်ဘလီကန် အထက်လွှတ်တော်အမတ် ရစ်ချတ် လူဂါ နဲ့ နီဘရားစကားပြည်နယ်ရဲ့ ရီပတ်ဘလိကန် အထက်လွှတ်တော်အမတ်ဟောင်း ချက် ဟီဂယ် တို့လည်း ပါဝင်ပါတယ်။

အခုချိန်ထိတော့ မစ္စတာအိုဘားမားရဲ့ အစိုးရအဖွဲ့သစ်မှာ ဘယ်သူ့ကိုရွေးချယ်ဖို့ စဉ်းစားနေတယ် ဆိုတာနဲ့ ပတ်သက်ပြီးတော့ အသေးစိတ်သတင်းတွေ သိပ်ထွက်မလာသေးဘူးလို့ နိုင်ငံရေးကျွမ်းကျင်သူတွေက ပြောနေကြပါတယ်။ မစ္စတာအိုဘားမားရဲ့ အာဏာလွှဲပြောင်းရေးအဖွဲ့က သိပ်ကို လျှို့လျှို့ဝှက်ဝှက်နိုင်လို့ အပြင်က ဘာမှ သိပ်မသိရပါဘူးလို့ အကဲခတ်တွေက ပြောပါတယ်။ ဒီကြားထဲမှာတော့ သမ္မတသစ်အဖြစ်နဲ့ ရွေးချယ်ခံထားရတဲ့ မစ္စတာအိုဘားမားဟာ သူ့ပြိုင်ဘက်ဖြစ်ခဲ့တဲ့ အရီဇိုးနားပြည်နယ် ရီပတ်ဘလီကန် အထက်လွှတ်တော်အမတ် ဂျွန်မက်ကိန်းနဲ့ တနင်္လာနေ့မှာ တွေ့ဆုံလိမ့်မယ်လို့ သူ့ရဲ့ အာဏာလွှဲပြောင်းယူရေးအဖွဲ့ က ပြောပါတယ်။ မစ္စတာအိုဘားမားဟာ မစ္စတာမက်ကိန်းကို သူ့ရဲ့ အစိုးရအဖွဲ့သစ်မှာ ခန့်ထားမယ်လို့တောက အကဲဖြတ်တွေက မယူဆထားပါဘူး။ ဒါပေမယ့် ဇန်န၀ါရီလက စပြီးတော့ အစိုးရအဖွဲ့သစ် အာဏာတွေ လွှဲပြောင်းယူတဲ့အချိန်ကျရင်တော့ ပူးပေါင်းဆောင်ရွက်လို့ရမယ့် လုပ်ငန်းမျိုးတွေကို သူတို့ပြောဆို ဆွေးနွေးနိုင်ကြတယ်လို့ ခန့်မှန်းကြပါတယ်။

စီဘီအက်စ် သတင်းဌာနရဲ့ နိုင်ငံရေးအကြံပေးလည်းဖြစ်၊ အတ္တလန်းတစ်သတင်းစာရဲ့ အယ်ဒီတာလည်းဖြစ်တဲ့ မာ့က် အဲန်မင်တန်က အခုလို သုံးသပ်ပါတယ်။

“သူတို့နှစ်ယောက်အနေနဲ့ အနာဂတ်အရေးကိစ္စတွေကို ဆွေးနွေးဖို့ ရှိပါလိမ့်မယ်။ မစ္စတာ ဘရက် အိုဘားမား အနေနဲ့ မစ္စတာဂျွန်မက်ကိန်းကို သူ့ရဲ့ အုပ်ချုပ်ရေးအဖွဲ့နဲ့ ဘယ်လို ပူးပေါင်းဆောင်ရွက်နိုင်မလဲဆိုတာ ဆွေးနွေးနိုင်မှာပါ။ သိထားရမှာက ဂျွန်မက်ကိန်းရဲ့ အဓိကမူက သူဟာ လမ်းရိုးလမ်းဟောင်းကို လိုက်သူမဟုတ်ဘူး။ ပါတီ စည်းမထားတဲ့ ပြုပြင်ပြောင်းလဲရေးသမား ဖြစ်တယ်ဆိုတာပါပဲ။”

မစ္စတာ အိုဘားမားရဲ့ အာဏာလွှဲပြောင်းယူရေးအဖွဲ့ဟာ အိမ်ဖြူတော်ဝန်ထမ်း အဖြစ် ဘယ်သူတွေကို ထပ်ပြီးတော့ ခန့်အပ်မလဲ၊ ၀န်ကြီးအဖွဲ့ဝင်အဖြစ်နဲ့ ဘယ်သူတွေကို ရွေးချယ်ထားလဲဆိုတာ လာမယ့်သီတင်းပတ်တွေအတွင်းမှာ ကြေညာနိုင်ပါတယ်။

မစ္စတာအိုဘားမားဟာ လာမယ့်နှစ် ဇန်န၀ါရီ ၂၀ ရက်နေ့မှာ အမေရိကန်ရဲ့ Capitol အဆောက်အဦ လှေခါးထစ်မှာ အမေရိကန်ပြည်ထောင်စုရဲ့ ၄၄ ယောက်မြောက် သမ္မတအဖြစ်နဲ့ ကျမ်းသစ္စာကျိန်ဆိုမှာ ဖြစ်ပါတယ်။

ထိုင်းဝန်ကြီးချုပ် ဟောင်း တက်ဆင် ဘယ်ရောက်နေလဲ

15 November 2008


ပြည်ပမှာ တိန်းရှောင်နေတဲ့ ထိုင်းဝန်ကြီးချုပ်ဟောင်း တက်ဆင် ချီန၀ဒ် ဟာ ဒီတပတ်အစောပိုင်းက တရုတ်နိုင်ငံကို သွားရောက်ခဲ့ပြီးတဲ့နောက် အခု ဟောင်ကောင်ကို ကျော်ဖြတ်သွားပါတယ်။ မစ္စတာ တက်ဆင်ဟာ ဟောင်ကောင်က ထွက်ခွာသွားပြီး ဘယ်ကို ဦးတည်သွားသလဲ ဆိုတာ အတည်ပြု မပြောဆိုနိုင်သေးပါဘူး။

ပြီးခဲ့တဲ့အပတ်ကစပြီး သူ ဘယ်ရောက်နေတယ်ဆိုတဲ့သတင်း ပျောက်နေခဲ့တာပါ။ ဗြိတိန်နိုင်ငံဟာ မစ္စတာ တက်ဆင်ကို ပေးထားတဲ့ ပြည်ဝင်ခွင့် ဗီဇာကို ရုတ်သိမ်းခဲ့ပါတယ်။ ထိုင်းနိုင်ငံနဲ့ တရားခံ လွှဲပြောင်းရေး သဘောတူညီချက် မရှိထားတဲ့ နိုင်ငံတခုခုမှာ ခိုလုံခွင့်တောင်းဖို့ ကြိုးပမ်းနေတယ်လို့ ပြည်ပရောက် ထိုင်းတွေက ဆိုပါတယ်။ သူ့အပေါ် ထောင်ဒဏ် ၂ နှစ်ချမှတ်ထားတဲ့ ထိုင်းနိုင်ငံက သူ့ကို ပြန်လိုချင်နေပါတယ်။

တက်ဆင် စဉ်းစားနေတဲ့နိုင်ငံတခုကတော့ ယူအေအီး ခေါ် အာရပ်စော်ဘွားများ ပြည်ထောင်စု ဖြစ်နိုင်တယ်လို့ ဆိုပါတယ်။ မစ္စတာ တက်ဆင်ဟာ ပြည်ပရောက် ထိုင်းအာဏာပိုင်တချို့နဲ့ ဟောင်ကောင်မှာ ညနေစာ စားခဲ့တယ်လို့လည်း ဘန်ကောက်ပို့စ် သတင်းစာမှာ ဖော်ပြထားပါတယ်။

မတရားဖမ်းဆီးခံ သံဃာများကို စစ်ကြောရေးတွင် ခြိမ်းခြောက် ၀န်ခံချက်ယူကြောင်း

တရားရုံးတွင် သံယာတော် ၁ ပါးက ထုတ်ဖော် ပြောဆို


မိုးမခ အထောက်တော် ၀၀၃

နိုဝင်ဘာ ၁၅၊ ၂၀၀၈

၂၀၀၇ စက်တင်ဘာ သံဃာ့အရေးတော်ပုံတွင် သံဃာတော် အများအပြားကို ဖမ်းဆီးထားခဲ့ပြီး အချိန်ဆွဲ ရုံးထွက်နေခဲ့ရာ မကြာမီရက်ပိုင်းအတွင်းက တချို့ကို ထောင်ဒဏ်များ ချမှတ်ခဲ့သည်။ ယခင်အပတ်က တခါးပိတ်ရုံးထုတ်သည့် တရားခွင်တခုတွင် အဓမ္မလူဝတ်လဲခံထားရသည့် သံဃာတော်တပါးက စိတ်ထိခိုက်ဖွယ် အတွေ့အကြုံကို ထုတ်ဖော်ပြောဆိုခဲ့သည်။

သံဃာတော်မှာ သက်တော် ၈၀ ကျော်ရှိသည့် ရန်ကုန်နှင့် မိုင် အနည်းငယ်အကွာ မြို့မှ ဖြစ်ကြောင်း၊ ဆရာတော်ကြီးတပါး ဖြစ်ကြောင်း၊ စက်တင်ဘာ အရေးတော်ပုံက စစ်ကြောရေးတွင် ထိမ်းသိမ်းထားစဉ် မတရားစွဲချက်များကို အတင်းအဓမ္မ ၀န်ခံခိုင်းကြောင်း၊ ဆရာတော်ကြီးက ငြင်းဆန်နေသောအခါ ထောင်တွင်းမှ မုဒိန်းမှုဖြင့် ထောင်ကျ ၃ ဦးကို အကျဉ်းခန်းအတွင်း ထည့်ထားခဲ့ပြီး မ၀န်ခံပါက ထိုရာဇ၀တ်ကောင်များနှင့် ဆရာတော်ကို အနိုင်ကျင့်နှိပ်စက်ရန် ရန်တိုက်မည်ဟု ခြိမ်းခြောက်ခဲ့ကြောင်း၊ သို့အတွက် ဆရာတော်ကြီးက ၀န်ခံချက်ပေးခဲ့ရကြောင်း တရားသူကြီးရှေ့မှောက်တွင် စိတ်ထိခိုက်စွာ ရုံးတော်သို့ လျောက်ထားခဲ့သည်ဟု မျက်မြင် တရားရုံးဝန်ထမ်းတဦးက ပြောကြားသည်။

တရားသူကြီးနှင်အဖွဲ့မှာ မည်သို့ ဆုံးဖြတ်ရန် မသိသဖြင့် ရုံးချိန်းပေးလိုက်သည်ဟု သိရသည်။ ထိုကဲ့သို့ ထောင်တွင်းနှင့် စစ်ကြောရေးစခန်းများတွင် မတရားဖမ်းဆီးနှိပ်စက်မှုများ မည်မျှ များပြား တိုးပွားနေမည်ကို မခန့်မှန်းရဲပါဟု ရုံးဝန်ထမ်း တဦးက ပြောကြားသည်။ ၎င်းတို့အနေနှင့် ထို စစ်ချက်များ၊ ၀န်ခံချက်များကို နားနှင့် ဆတ်ဆတ်ကြားနေရသည်မှာ ဆင်းရဲလှသည်ဟု ၀န်ခံသည်။

ကျောင်းသင်္ခမ်း


ဇိုးဇက်
နိုဝင်ဘာ ၁၅၊ ၂၀၀၈
အခုရက်ပိုင်းအတွင်းမှာ နိုင်ငံရေးယုံကြည်ချက်ကြောင့် ဖမ်းခံရသူတွေ စီရင်ချက်ချခံရတယ်။ ၂နှစ်ကနေ ၆၅ နှစ်အထိ။ မကြားဝံ မနာသာပဲ။ စွဲချက်ပုဒ်မတွေက ကျန်သေးတော့ ဒီအတိုင်း ဆက်ထောင်ချနေရင် ၈၈တွေတော့ နှစ် ၁၀၀ ကျော်သွားနိုင်တယ် တဲ့။ ပြစ်မှုတွေကတော့ ငြိမ်းချမ်းစွာ ဆန္ဒပြလမ်းလျှောက်မိလို့၊ မေတ္တာသုတ်ရွတ်ရင်း စီတန်းဆန္ဒပြလို့၊ ဘလောဂ် ရေးမိလို့၊ ကဗျာနဲ့ သရော်လို့… ။

သူတို့ မိဘ ဆွေမျိုးတွေများလည်း ဘယ်လောက် ခံစားမိမလဲ။ သြော် .. ကိုယ်ချင်းမစာ ရက်စက်လိုက်တာလို့ စိတ်ထဲ ဖြစ်မိတယ်။

ဒီကြားထဲ တယောက်က “ရွေးကောက်ပွဲမလုပ်ခင် လွတ်ငြိမ်းချမ်းသာလာမှာပါ”လို့ စစ်အစိုးရအပေါ် ရက်ရက်ရောရော အကောင်းမြင်တတ်လွန်းတော့ .. “မြန်မာထောင်ထဲမှာ တရက်တည်း နေကြည့်ပါလား” လို့ မေးစမ်းချင်တယ်။

မြန်မာထောင်တွေကို “ဘ၀တက္ကသိုလ်” တို့၊ “သူရဲကောင်းပြတိုက်” တို့၊ အရင်က တင်စားလေ့ရှိကြတယ်။ ကျနော်ကတော့ .. ငြိမ်းချမ်းပြီး မြင့်မြတ်စိတ်ရှိသူတွေအတွက် ကဗျာ တပိုဒ်နဲ့ပဲ တင်စားချင်တယ်။

၁၇ရာစုက အင်္ဂလန်ကဗျာဆရာ Richard Lovelace ရဲ့ To Althea, from Prison ကဗျာထဲက တပိုဒ်ကို ဗီအိုအေက အန်ကယ် ဦးကျော်ဇံသာ လွှင့်သွားတာ သဘောကျလို့ သူ့မူရင်း ပြန်ထားတဲ့အတိုင်း အဲဒီကဗျာရဲ့ အပိုဒ်လေး ဖော်ပြလိုက်ပါတယ်။


အားလုံး ငြိမ်းချမ်းကြပါစေဗျား ..


Stone walls do not a prison make,

Nor iron bars a cage;

Minds innocent and quiet take

That for an hermitage;


ကျောက်နံရံများ ကာရံထားလည်း

ထောင် ကား မဖြစ်လာနိုင်ပါဘူး . .

သံတိုင် သံချောင်းများ စိုက်ထူထားတိုင်းလည်း

လှောင်ချိုင့်ဖြစ်မလာနိုင်ပါဘူး . .

အထဲမှာ ရှိနေတဲ့သူတွေဟာ

အပြစ်မဲ့သူတွေ
ငြိမ်းချမ်းဆိတ်ငြိမ်တဲ့ စိတ်ထားရှိသူတွေသာ ဖြစ်နေခဲ့ရင်တော့

ဒါတွေဟာ ကျောင်းသင်္ခမ်းတွေပါပဲ . . . . . .။ ။



(မူရင်း - http://zoezat.blogspot.com/)

အဆိပ်အတောက် ရွှေတြိဂံ ရှင်းတမ်း

တရုတ် စာနယ်ဇင်းသမားများ ရေးသည်။ ဖြူစင် ဘာသာပြန်သည်။

အခန်းဆက် ဘာသာပြန် မှတ်တမ်း - ၃

နိုဝင်ဘာ ၁၆၊ ၂၀၀၈

အပိုင်း (၂)

ရွှေတြိဂံဒေသကို ဘိန်းစိုက်ခိုင်းတဲ့ တရားခံ ဘယ်သူလဲ

ရွှေတြိဂံမှာ အရည်အသွေးအကောင်းစား ဘိန်းစိမ်း (ဘိန်းရိုင်း) ထွက်ရှိခြင်းနှင့် ထိပ်တန်း အသန့်စင်ဆုံး ဟီးရိုးအင်းဘိန်းဖြူပါ ထွက်ရှိပါတယ်။ ဘိန်းတို့၊ မူးယစ်ဆေးဝါးတို့နဲ့အတူ ထိုစဉ်နှစ်ကာလတွေတုန်းက တချိန် တည်း တပြိုင်တည်းပဲ ထိုင်း၊ လော၊ မြန်မာနိုင်ငံအသီးသီးမှာ တိုင်းရင်းသားလက်နက်ကိုင်အဖွဲ့တွေ၊ တခြား နိုင်ငံရေးအသင်းအဖွဲ့တွေ အမြဲတမ်းပဲ ပေါ်လာလိုက်၊ ပျောက်သွားလိုက်နဲ့ ဖြစ်ပျက်နေပါတယ်။ မူးယစ်ဆေး ဝါးနှင့် နိုင်ငံရေး၊ အမျိုးသားလွတ်မြောက်ရေးနှင့် မူးယစ်ဆေးဝါး ရောင်းဝယ်ဖောက်ကားရေး လက်နက်ကိုင်အဖွဲ့ အစည်းတို့ သပွတ်အူလှိုက် အတူတကွ ရှိနေကြပါတယ်။ ဒါတွေဟာ ကမ္ဘာ့ဇာတ်ရှုပ်ကြီးမှာ ဆိုးကျိုးတွေရဲ့ ပုံရိပ် ပြကွင်းပြကွက်တွေပါပဲ။

ဗြိတိသျှကိုလိုနီတို့ဟာ ရွှေတြိဂံပေါ်ပီပင် (Poppy ဘိန်းပင်) အစောဆုံး စိုက်ပျိုးသူတွေဖြစ် တယ်။


ရွှေတြိဂံရယ်၊ ကိုလံဘီယာရယ်၊ အာဖဂန်နှင့် အီရန်နယ်စပ်ချင်းထိကပ်နေတဲ့ ကျင်းစင်းယွဲ့ (ရွှေလခြမ်းသစ်) ရယ်တို့ကို ကမ္ဘာက မူးယစ်ဆေးဝါးအကြီးအကျယ်၊ အများပြားဆုံး ထုတ်လုပ်ထွက်ရှိတဲ့ အခြေခံ ဒေသကြီးသုံးခုလို့ ခေါ်တွင်ကြပါတယ်။ လူတွေက ယင်းဒေသနှင့် ပေါ်ပီ (Poppy) မူးယစ်ဆေးဝါးတို့ဆက်စပ်ပုံကို ဘယ်လိုမျိုးခိုင်းနှိုင်းထားပါသလဲဆိုရင် လူ့ခန္ဓာကိုယ်မှာရှိတဲ့ သွေးရည်နှင့် အသားတို့ ဆက်စပ်သလိုမျိုး အလားတူ ပါပဲလို့ နှိုင်းယှဉ်ပြီး ပြောကြပါတယ်။ နှိုင်းယှဉ်ပြောဆိုချက်တွေဟာ တစထက်တစ လေးနက်နက်ရှိုင်းလာပြီး ရွှေတြိဂံက လူသူတွေ၊ ယဉ်ကျေးမှုဓလေ့ ထုံးတမ်းတွေ၊ လူ့ဘောင်လောက နယ်မြေဒေသအကြောင်းတွေကနေ ပြီး ထောင့်တိုင်း အကွက်တိုင်းဆီကို ဆိုက်ရောက်သွားလေတယ်။ ရွှေတြိဂံက ထိပ်တန်းဘိန်းနဲ့ သန့်စင်မှုဒီဂရီနှုန်း ထား အင်မတန်မြင့်မားတဲ့ ဟီးရိုးအင်း ဘိန်းဖြူ အမြောက်အများ ထုတ်လုပ်ထွက်ရှိရုံမျှသာ မကသေးပါ။ တချိန် တည်း တပြိုင်တည်းမှာပဲ ထိုစဉ်တုန်းက ထိုင်း၊ လော၊ မြန်မာ နိုင်ငံအသီးသီးကနေ တိုင်းရင်းသား လက်နက်ကိုင် တပ်ဖွဲ့အချို့နှင့် တခြားနိုင်ငံရေးအသင်း အဖွဲ့တို့ကပါ ဒီနယ်မြေမှာ ပေါ်ထွက်လာလိုက်၊ ငုပ်လျှိုးပျောက်ကွယ် သွားလိုက်နဲ့ သံသရာလည်နေပါတယ်။ မူးယစ်ဆေးဝါးနှင့် နိုင်ငံရေး၊ အမျိုးသားလွတ်မြောက်ရေးနှင့် မူးယစ်ဆေး ဝါးရောင်းဝယ်ဖောက်ကားမှု လက်နက်တပ်ဆင်ရေး၊ ဒါတွေဟာ သပွတ်အူလို လိမ်ရှုပ်လို့ ယှဉ်တွဲနေကြပါတယ်။ ရွှေတြိဂံ နယ်မြေပြင်မှာ ပြကွင်းပြကွက်တွေ တကွက်ချင်း တကွက်ချင်း ထင်ဟပ်နေတဲ့ ပုံရိပ်တွေက ကမ္ဘာ့ ဇာတ်ရှုပ်အဖြစ် ထင်ဟပ်နေလေတယ်။

ဟိုး အစဦးပိုင်း ရွှေတြိဂံဆိုတာက ထိုင်း၊ လော၊ မြန်မာနယ်မြေချင်း ဆက်နေတဲ့ မြေနေရာ ကျဉ်းကျဉ်းကြုတ်ကြုတ်ကလေးကို ရည်ညွှန်းပြီး ခေါ်ဆိုတာပါ။ ဘာများလဲဆိုတော့ မူလက မဲခေါင်မြစ် (တရုတ် ပြည်နယ်မြေတွင်းမှာ လန်ချန်းမြစ်လို့ ခေါ်ပါတယ်) နှင့် မဲဆိုင်မြစ်တို့ ပေါင်းဆုံ တဲ့ မြစ်ဝကျွန်းပါပဲ။ 'ကျဉ်းမြောင်း တဲ့ ရွှေတြိဂံ' က လူဦးရေအရေအတွက်နဲ့စပ်လျဉ်းပြီး ယေဘုယျလူအများစူ ထင်မြင်ယူဆကြတာက ကျေးရွာ စုစုပေါင်း ၃ဝဝဝ ကျော်။ လူဦးရေ တသန်းကျော်ရှိတယ်ရယ်လို့ ထင်မှတ်ကြပါတယ်။ ဒါပေမယ့် တကယ့် အမှန်အကန် ကိန်းဂဏန်းကိုတော့ ဘယ်သူကမှ ရှင်းရှင်းလင်းလင်း မသိရသေးပါ။

အဲဒီ မြစ်ဝကျွန်းပေါ်က မြေဆီမြေ နှစ် အင်မတန် ကောင်းပါတယ်။ တနှစ်အတွင်း ရာသီအလိုက် သီးနှံတွေ တမျိုးပြီးတမျိုး ရိတ်သိမ်းနိုင်ပါတယ်။ စားနပ်ရိက္ခာတွေ ပေါကြွယ်ဝတယ်။ နှစ်စဉ် မတ်လ၊ ဧပြီလတွေမှာ လယ်ယာစိုက်ခင်းတွေ ရွှေဝါရောင် လျှမ်းလျှမ်း တောက်နေလေတယ်။ အဲသလို သဘာဝရှုခင်းပန်းချီကားချပ်ကနေပြီး ရွှေတြိဂံရယ်လို့ အမည်တွင်ကျယ် လာရခြင်းဖြစ်ပေတယ်။

ခုခေတ် ခုအခါမှာ လူတွေက ရွှေတြိဂံလို့ ခေါ်လိုက်တဲ့ 'ရွှေ' ဆိုတဲ့ စာလုံးကို နားလည် သဘောထားတာက ဟိုး ယခင်မူလဖြစ်စဉ်နဲ့ မတူကွဲပြားလွဲမှားပြီး ဒီဒေသက တလှိုင်လှိုင် ပေါပေါများများ ထွက်ရှိတဲ့ ဘိန်းကနေ ဘိန်းရာဇာကြီးတွေ တလှိုင်လှိုင်သဲ့ယူနေတဲ့ ဓနငွေကြေးရွှေငွေ ရုပ်ဝတ္ထုပစ္စည်းနဲ့ အစားထိုးရှုမြင်ပြီး ခေါ်ဝေါ်ကြတဲ့ 'ရွှေတြိဂံ' မျိုး ဖြစ်လို့နေချေပြီ။

မိဘကျေးဇူးဆပ်ရင်း ဘဝနစ်သူ


Tue 11 Nov 2008, ဂျော်ထော
"ဦးလူမုန်းကို သမီးယူမယ်၊ မယားငယ်အဖြစ်ပဲ သတ်မှတ်ပေးပါ၊ ရွှေငွေမပေးနဲ့၊ အဝတ် အစားလည်းမဝယ်ပေးနဲ့၊ သမီးမှာရှိတဲ့ အဝတ်နဲ့ပဲအဆင်ပြေအောင် ဝတ်မယ်၊ ဦးလူမုန်း တစ်ယောက်ပဲ ကြိုက်တဲ့အချိန် သမီးကိုလာတွေ့ပါ၊ အဲဒီလိုပြောပြီး ရှိခိုးတောင်းပန်တယ်၊ သူလက်မခံဘူး" ကွမ်းတမြုံ့မြုံ့ဝါးနေရင်း သူမပြောပြသည်။

သူမကတော့ တနင်္သာရီတိုင်း ကော့သောင်းမြို့မှ ထားဝယ်အမျိုးသမီး ခင်ခင် (နာမည်ရင်းမ ဟုတ်) ထိုင်းနိုင်ငံ မဟာချိုင်တွင်အလုပ်လုပ်ရန် ပွဲစားအကူအညီဖြင့် လာရာမှ အခန်းတစ်ခန်း တွင် အပိတ်ခံရပြီး အလုပ်ရှာပွဲစားခေါင်းဆောင်နှင့် ၄င်းတို့အပေါင်းအပါတစ်စု၏ အဓမ္မမုဒိမ်းပြု ကျင့်ခြင်း အကြိမ်ကြိမ် ခံရခြင်းကြောင့် သူမကို တရားဝင် မယားငယ်အဖြစ် သတ်မှတ်ပေးရန် ပွဲစားတစ်ဦးကို တောင်းပန်ခဲ့ပုံကို ပြန်လည်ပြောပြခြင်း ဖြစ်သည်။

မဟာချိုင်မြို့ ထိုင်းယူနီယံကုမ္ပဏီမှ အလုပ်သမားများနေသည့် တိုက်ခန်းတစ်ခန်းတွင် (၅) ရက်အကြာ အပိတ်ခံရသည့် ကာလအတွင်း ငရဲကျနေသည်နှင့်မခြားဟု ပြောသည်။ အဘယ် ကြောင့်ဆိုသော် ထို (၅) ရက်အတောအတွင်း တစ်နေ့လျှင် အနည်းဆုံး တစ်ကြိမ် မုဒိမ်းကျင့် ခြင်းကို ခံရသည်ဟု ဆိုသည်။ တစ်နေ့လျှင် တစ်ယောက်တည်းဖြင့် နှစ်ကြိမ်လာပြီး မုဒိမ်းကျင့် ခြင်း၊ တစ်ရက်တည်းတွင် နှစ်ယောက်လာပြီး အဓမ္မပြုတာကိုလည်း ခံခဲ့ရသည်ဟု ခင်ခင်က ပြောသည်။

"အခုမှ စိတ်နည်းနည်းချမ်းသာလာတယ်၊ ဟိုအခန်းထဲမှာ အပိတ်ခံရတဲ့အချိန်ဆို ငရဲလိုပဲ" ဟု သူမကို တွေ့သည့်အချိန်တွင် လှောင်ပိတ်ခံထားရသည့်နေရာမှ ထိုင်းလူမှုအဖွဲ့အစည်ှးတစ်ဖွဲ့ ဖြစ်သော ရတ် (က်) ထိုင်းအဖွဲ့က ကယ်ထုတ်လာပြီး ၎င်းတို့ရုံးတွင် စောင့်ရှောက်ထားခြင်းဖြစ် သည်။

ရက် (က်) ထိုင်း၏နယ်မြေတာဝန်ခံ ဦးအောင်မင်းက မိန်းမတစ်ဦး၏ ဖုန်းဆက်သတင်းပေးမှု ကြောင့် စက်တင်ဘာလကုန် မနက် (၇) နာရီတွင် ဘန်ကောက်မြို့မှ ထိုင်းပုလိပ်တို့က ပွဲစား (၄) ဦး ကိုဖမ်းဆီးခဲ့ပြီး ခင်ခင်ကို ကယ်ထုတ်လာသည်ဟု ပြောသည်။

ဦးအောင်မင်းက မဟာချိုင်တွင် မြန်မာအမျိုးသမီးတို့ကို ပွဲစားကတမျိုး၊ အလုပ်သမားချင်း မိန်းကလေးများကို မတရားပြုသည့်ကိစ္စကို မကြာခဏ ကြားနေရသည်။ သို့သော် အများစုမှာ ဒီအတိုင်းသာ တိတ်ဆိတ်နေကြပြီး၊ အနည်းကျည်းမျှသာ ၄င်းတို့အဖွဲ့သို့လာပြီး အကူအညီ တောင်းကြသည်ဟု ဆိုသည်။ လာရောက်တိုင်ကြားသည့်လူများသာ ၄င်းတို့က ကူညီနိုင် သည်။ အမှုများစုမှာ မြန်မာပြည်သားအချင်းချင်း ဖြစ်သည့်အမှုက များသည်ဟု ပြောသည်။ သူမ၏ အမှုမှာ အလိုမတူထိန်းချုပ်ထားမှု၊ ရောင်းစားမှု၊ အုပ်စုအ လိုက်မုဒိမ်းကျင့်မှုတို့ဖြစ် သည်ဟု ပြောပါသည်။

ရက် (က်) ထိုင်းအဖွဲ့အတွက် အမှုလိုက်ပေးနေသော ရှေ့နေက ၂၀၀၈ ခုနှစ်အောက် တိုဘာ လအထိကို အဖွဲ့ကိုလာတိုင်သည့် မုဒိမ်းမှု (၃၀) ခန့်ရှိမည်ဟု ဆိုပါသည်။

ခင်ခင်အမှုလိုက်ရှေ့နေမှ ဆေးစစ်ထားသည့်အဖြေထွက်လာပါက ထိုင်းနိုင်ငံတွင် သူမဘယ် နှစ်လအကြာ နေရမည်ကို ခန့်မှန်းနိုင်မည်ဟု ဆိုပါသည်။ ၄င်းအမှုကိုလည်း ရုံးတင်ထားဆဲ ဖြစ်သည်ဟု ပြောပါသည်။

ထိုင်းနိုင်ငံတွင်မနေလိုတော့ဘဲ မိဘဆီကိုသာ ပြန်ချင်သည်ဟု ခင်ခင်က ဆိုသည်။ သူမ အဖြစ်က မိဘနှင့်မိသားစု၏ ဆင်းရဲကြပ်တည်းမှုကို မကြည့်ရက်သည့်အတွက် မိမိလုပ် အားခ ဝင် ငွေဖြင့် ကူညီချင်သည့်အတွက် ထိုင်းနိုင်ငံ မဟာချိုင်တွင် အလုပ်လုပ်ရာမှ ရက်သတ္တပတ် (၂) ပတ်အတွင်း ဒုက္ခအမျိုးမျိုးကို ရင်ဆိုင်တွေ့ကြုံရပါသည်၊၊ ထိုရက်သတ္တ (၂) ပတ်အတွင်း (၂) ရက်လုံး အလိုမတူ အဓမ္မပြုခြင်းသာခံရပြီး ထမင်းမစားရသည့်ရက်များ ရှိသကဲ့သို့ အနှိပ် ခန်းဟုခေါ်သည့် ပြည့်တန်ဆာရုံတွင် ဘတ် (၅၀၀၀) တစ်ခါ၊ ဘန်ကောက် မြို့တွင် အိမ်ဖော်အဖြစ် ဘတ် (၄၀၀၀) တစ်ခါ ရောင်းစားခံရသည်ဟု ကွမ်းဝါးနေရင်းမှ နောက်ထပ် ကွမ်းတစ်ယာကို ပါးစပ်ထဲထည့်ငုံရင်း ခင်ခင်က ပြောသည်။

အောက်တိုဘာ ၁၂ ရက်နေ့ မနက် (၄) နာရီတွင် ထိုင်းနိုင်ငံ၊ မဟာချိုင်မြို့ ထိုင်းယူနီယံ ကုမ္ပဏီတွင် အလုပ်လုပ်ကြသည့် မြန်မာအလုပ်သမားများနေသည့် တိုက်ခန်းသို့ရောက်ပြီး မိနစ်ပိုင်းအကြာတွင် လူမုန်းဟုခေါ်သည့် ပွဲစား၏ မုဒိမ်းကျင့်ခြင်းကို ခံရသည်ဟု ခင်ခင်က ဆိုပါသည်။

"မနက် (၄) နာရီ အဲဒီအခန်းကိုရောက်တော့ သမီးတို့ ရေသောက်မုန့်စားကြတယ်၊ ဟို (ကော့သောင်းမြန်မာနယ်စပ်) ကနေ (အောက်တိုဘာ ၁၁ ရက်) မနက် (၆) နာရီကထွက် လာတာ ဘာမှလည်း မစားရဘူး၊ သမီးက လန်းလန်းဆန်းဆန်းဖြစ်အောင်ဆိုပြီး ရေချိုး လိုက်တယ်၊ အဲဒီမှာ ဦးလူမုန်းက ကလေးမအိပ်ဖို့ စောင်လာယူတဲ့၊ သမီးသွားယူတော့ သူ သမီးကိုဆွဲချတယ်၊ ပါးစပ်ပိတ်ပြီး သမီးကို မုဒိမ်းကျင့်တယ်၊ အဲဒီအချိန်ဆို သမီးသူငယ်ချင်းက မုန့်စားပြီးအိပ်ပျော်နေပြီး၊ မနက်မိုးလင်းတော့ နယ်စပ်ကနေခေါ်လာတဲ့ ကင်းမွှန် ဆိုတဲ့လူ ရောက်လာတယ်၊ သမီးသူ့ကို ပြောပြတယ်၊ သူဂရုမစိုက်ဘူး" ဟု ဆိုသည်။ အသက် (၃၀) ဝန်းကျင်ရှိ လူမုန်းသည် သူမတို့ (၂) ဦးကို စောင့်ကြည့်နေသည့် ပုဂ္ဂိုလ်ဖြစ်သည်။

ခင်ခင်၏ ပြောပြချက်အရ သူမ၏သူငယ်ချင်း (၁၄) နှစ်အရွယ်မိန်းကလေးကိုလည်း ကင်း မွှန်၊ လူမုန်းတို့က မုဒိမ်းကျင့်လိုက်သေးသည်ဟု ဆိုပါသည်။

"ကင်းမွှန်ရောက်တဲ့နေ့မှာ လူမုန်းက စားစရာမုန့်သွားဝယ်မယ်၊ သမီးကို လိုက်ခဲ့ဆိုပြီး ခေါ် သွားတယ်၊ အဲဒီအနီးနားမှာပဲ၊ လမ်းလျှောက်ရင်း လူမုန်းကဖုန်းပြောနေတယ်၊ မုန့်ဝယ်ပြီး သမီးအရင်အိမ်ပြန်နှင့်မယ်လို့ပြောတော့ လူမုန်းက မပေးသွားဘူး၊ သမီးသူငယ်ချင်း အတွက် စိတ်ပူတယ်၊ လူမုန်းသမီးကို အတင်းတားတယ်၊ သမီးမုန့်တွေပစ်ပြီး အတင်းပြန်လာတယ်၊ အခန်းရောက်တော့ သမီးသူငယ်ချင်းကပြောတယ်၊ ကင်းမွှန်က သူ့ကို အဲဒီလို လုပ်တယ်ပေါ့"။ ထို့နောက် သူမတို့ (၂) ဦးကို လူစုခွဲလိုက်သည်ဟု ခင်ခင်က ပြောသည်။

၎င်းနောက် အောက်တိုဘာ (၁၃) ရက်နေ့တွင် ကိုဇော်ဟုခေါ်သည့် လူက ၂ ကြိမ်၊ (၁၄) ရက် နေ့တွင် လူမုန်းက ၁ ကြိမ်၊ (၁၅) ရက်နေ့တွင် ထမင်းပို့ယောင်ဆောင်သည့် ကိုယ်ခန္ဓာဝဝနှင့် အမျိုးသားက မနက်ပိုင်းတွင် (၁) ကြိမ်၊ ကိုဇော်က (၁) ကြိမ်၊ ယင်းညနေတွင်လည်း ကိုယ် ခန္ဓာဝဝနှင့်လူမှ နောက်ထပ် (၁) ကြိမ်လာရောက် မုဒိမ်းကျင့်ရာတွင် မေ့ချင်သလိုလိုတောင် ဖြစ်သွားသည်ဟု ခင်ခင်ကပြောပါသည်။ နောက်တနေ့တွင် လူမုန်းက အဓမ္မကျင့်ဖို့ ကြံနေစဉ် မှာပင် လူတစ်ယောက်က တံခါးလာခေါက်ပြီး သူမကို အပြင်ထုတ်ခေါ်သွားပြီး မဟာချိုင်မြို့ရှိ အနှိပ်ခန်းဆိုင်တစ်ဆိုင်ကို ပို့ပါသည်။ ၎င်းဆိုင်ရှင်က သူမရှေ့တွင်ပင် လူမုန်းကို ဘတ်ငွေ (၅၀၀၀) ပေးလိုက်သည်ဟု ခင်ခင်ကပြောသည်။

"နာမည်ကသာ အနှိပ်ခန်း တကယ်တော့ အဲဒါဖာဆိုင်ပဲ၊ သမီးကို အဲဒီမှာ (၂) ရက်ထား ပြီးဟို အခန်းကို ပြန်ခေါ်သွားတယ်၊ အခန်းပြန်ရောက်တော့ စိုးပိုင်ဆိုတဲ့လူ (အသက် ၄၀) ကျော် လောက်) က လာစော်ကားတယ်၊ အကူအညီတောင်းရမယ့်လူကလည်းမရှိ၊ အခန်းနဲ့ မတိမ်းမ ရိမ်းမှာ သူတို့စောင့်နေတယ်၊ ထွက်ပြေးလို့လည်းမရ" ဟု ဆိုသည်။

အနှိပ်ခန်းဟု ခေါ်သည့် ပြည့်တန်ဆာဆိုင်ကပြန်လာပြီး (၃) ရက်အကြာတွင် ခင်ခင်ကို မဟာ ချိုင်မြို့ရှိ ဆွယ်ဆန်းဟုခေါ်သည့် နေရာကိုခေါ်သွားပြီး ထားဝယ်လင်မယား ပွဲစားအိမ်ကို ပို့ပြန်သည်။ ထိုနေရာတွင် မြန်မာပြည် အထူးသဖြင့်ကော့သောင်းဒေသမှလာသော လူများ အလုပ်မရခင်တွင် ထိုလင်မယားအိမ်တွင် တည်းနေကြသည်ဟု ခင်ခင်ကပြောသည်။

"အဲဒီမှာ လူအများကြီးနဲ့ နေတာထမင်းလည်းစားရတယ်၊ စိတ်ထဲမှာလည်းပျော်တယ်၊ သမီး သူ့ကို ပြောပြတယ်၊ သမီးကို ကင်းမွှန်ဆီကနေဝယ်လိုက်ပါလား၊ သူများလိုပဲ သမီးကိုအလုပ် ရှာပေး၊ ပိုက်ဆံကြေတဲ့အထိ သမီးအလုပ်လုပ်ပြီး ဆပ်မယ်လို့ သမီးသူတို့ကို တောင်းဆို တယ်၊ ကင်းမွှန်က သမီးကို နယ်စပ်ကနေခေါ်လာတဲ့အတွက် ကင်းမွှန်ကပဲ သမီးကို ပိုင်တယ် သူတို့က အဲလိုပြောတယ်"။

ထိုလင်မယားအခန်းတွင် (၃) ရက်ကြာပြီးနောက် ကင်းမွှန်ပြန်ရောက်လာပြီး လူအများရှေ့တွင် သူမကို ဖာသည်မ၊ ပြဿနာမ ဟုဆဲဆိုသည်ဟု ခင်ခင်က ပြန်ပြောသည်။

ထိုအခါ ခင်ခင်က "ဦးခေါ်လို့ ရောက်လာတာ၊ မီးဖာသည်မဖြစ်တာ ဦးနစ်နာသွားလား၊ မီးနေရာ မှာ ဦးညီမသာဖြစ်ရင် ဘယ်လိုဆုံးဖြတ်မလဲ" ဟု သူမ ပြန်မေးတော့ ကင်းမွှန်ဘာမှ ပြန်မပြော ချေ။

သူမကို (ယူနီယံဟု ခေါ်သည့်နေရာ) အရင်ထားခဲ့သည့်အခန်းကို ကင်းမွှန်ပြန်ခေါ် သွားသည်။ ထိုအခန်းတွင် (၃) ရက်ကြာနေရပြန်သည်။ ထိုရက်အတွင်း စိုးပိုင်၊ လူမုန်းနှင့် ထွန်းကိုဆိုသည့် လူတို့က လာရောက်စော်ကားပြန်သည်။ ၎င်းနောက် သူမကို ဘန်ကောက်တွင် တစ်လ ၃၀၀၀ အိမ်ဖော်သွားလုပ်ရန် ထွန်းကိုက ထိုင်းအမျိုးသမီးတစ်ယောက်ဆီကို မဟာချိုင်မြို့၏ တက်(စ်) ကိုလိုတပ်(စ်) တွင် လွှဲပြောင်းလိုက်ပြီး ဘတ်ငွေ (၄၀၀၀) ကို လက်ခံယူသည်ဟု ခင်ခင်က ပြောသည်။

ဘန်ကောက်တွင် မနက် (၅) နာရီ ထအလုပ်လုပ်ရပြီး ည (၉) နာရီထိုးမှ နားရသည်၊၊ အစား အစာကိုလည်း အိမ်ရှင်က စားသောက်ပြီး ပန်ကန်တွင် ကျန်နေသည်မှ စားရသည်။ ထိုအိမ် တွင် (၂) ရက်သာကြာသည်။ ထိုင်းအမျိုးသမီးက ခင်ခင်ကို သူမ လက်ထဲကိုထည့်လိုက်သည့် ပုဂ္ဂိုလ်က လာပြန်ခေါ်လိမ့်မည်ဟု ထိုင်းစကားဖြင့်ပြောသည်ကို ရနောင်းတွင်အလုပ်လုပ်ဖူး သည့် ခင်ခင်က တစ်လုံးစနှစ်လုံးစသာ နားလည်သည်။ သို့သော် ထိုင်းအမျိုးသမီးက ခင်ခင်ကို မဟာချိုင်ကို ပြန်ခေါ်သွားသည်မဟုတ်ပဲ ဘန်ကောက်မြို့ရှိ လူစည်ကားသည့်တနေရာတွင် ထားခဲ့သည်။ ညနေစောင်းလာသော်လည်း သူမကို မည်သူကမျှ လာမခေါ်ပေ။ ဗိုက်ကလည်း စာ ပိုက်ဆံကလည်းမရှိ၊ ထိုင်းစကားလည်း မပြောတတ်သည့် ခင်ခင်က အဝတ်တစ်ထုပ် ဖြင့်ငိုပြီး လမ်းပေါ်တွင် လျှောက်သွား နေခဲ့သည်။

ထိုအချိန်မှာပင် ပုလိပ်တစ်ယောက်ကို တွေ့သဖြင့်သူမသည် ဘတ်မရှိသည့်သူဖြစ်ပြီး၊ သူမ ကိုဖမ်းရန် ခင်ခင်က ငိုပြီးလက်နှစ်ဖက်ကမ်းပေးလိုက်သည်။

"မီးမှာသွားစရာ၊ လာစရာမရှိတော့ဘူးလေ၊ ပုလိပ်ဖမ်းလို့ အချုပ်ခန်းရောက်ရင် ထမင်းစား ရတယ်၊ အိပ်ဖို့နေရာရှိတယ်" ဟု ပြောသည်။

သို့သော်လည်း ပုလိပ်ကမဖမ်းဘဲ သူ့ဘေးမှာရှိနေသည့် ရွှေတွေအများကြီးဝတ်ထားသည့် အမျိုးသမီးက ထမင်းစားပြီးပြီးလား၊ ဘယ်မှာအလုပ်လုပ်လဲ စသဖြင့်မေးသည်။ ခင်ခင်က အိမ်ပြန်ချင်တယ်ဟု ငိုပြီးသူမကို ပြောသည်၊ ထိုအမျိုးသမီးက ဘတ် ၂၀၀ ပေးပြီး ထမင်းဝယ် စားဟု ပြောသည်။ ခင်ခင်က ထိုင်းစကားတစ်လုံးစ နှစ်လုံးစဖြင့် မဟာချိုင် သွားမည်ဟု ပြော သည့်အတွက် သူတို့က တက္ကစီ တစ်စီးကိုခေါ်ပေးသည်၊ ခင်ခင်က ထိုင်းနိုင်ငံတွင် သူမ သိ သည့်လူဟူ၍ လူမုန်းတို့အုပ်စုသာရှိသည်ဟုပြောသည်။ သူမတွင် လူမုန်း ဖုန်းနံပါတ်ရှိသည်။ တက္ကစီဒရိုင်ဘာကို အကူအညီတောင်းပြီး လူမုန်းကိုဖုန်းဖြင့် ကားပေါ်တွင် "နင်တို့ ငါ့ကိုယ် လည်းဖျက်ဆီးတယ်၊ လမ်းမှာလည်းပစ်ထားတယ်၊ နင်တို့ဆီကို ငါပြန်လာပြီး" ဟု ကွမ်းတံ တွေးထွေးစဉ် ခင်ခင်က ပြောသည်။

စာရေးသူမှာ မနက် (၁၀) နာရီဝန်းကျင်မှ ခင်ခင်နှင့်မိတ်ဖွဲ့ရင်း သူမပြောသည်ကို ရေးမှတ်နား ထောင်နေရင်းမှ နေ့လည်မွန်းတည့်ချိန်ပင်ရောက်နေသည်ကို ယခုမှသတိထားမိသည်၊ ခင်ခင် ဆံပင်ဆေးဆိုးနေသည့် ရုံးခန်း၏ အပြင်ဘက်ဝရန်တာကလေးတွင်ထိုင်ပြီး စကားပြောနေ သည့်အတွက် တိုက်ခတ်လာသောလေကြမ်း၏ အနည်းငယ်ညှီသော အနံ့ကို ရှုရှိုက်မိမှ ရတ်(က်) ထိုင်းရုံးသည် ကမ်းနားတွင်ရှိသတိထားမိပါတော့သည်။ မနက်ပိုင်းရုံးကို ဆိုင်ကယ် ဖြင့်အလာတွင် ငါး၊ ပုစွန်ခြင်းတို့ဖြင့်အလုပ်ရှုပ်နေသော နက်ပြာရောင်ဝတ်စုံ အင်္ကျီလက်ရှည်၊ ဘောင်းဘီရှည်ဖြင့် အလုပ်ရှုပ်နေကြသော အလုပ်သမားတစ်စုကို မျက်မှန်းတန်းမိသော်လည်း ပင်လယ်ကမ်းနားဖြစ်နေမှန်း မသိလိုက်ပေ၊ ယခုမှပင် စက်လှေကြီးတို့၏ ထိပ်ပိုင်းကို လှမ်းမြင် နေရပါသည်၊ ခုတ်မောင်းနေသော စက်လှေသံ သဲ့သဲ့ကိုလည်းကြားလိုက်ရသည်။

ဘန်ကောက်ကနေ မဟာချိုင်ကို ဘယ်အချိန်ပြန်ရောက်သလဲဟု မေးရာ ည (၁၂) နာရီ ဟု ခင်ခင်က ပြောသည်၊၊ "အဲဒီအခန်းကို ပြန်ရောက်တော့ (၂) ရက်လုံးလုံး၊ ထမင်းလာမကျွေး ဘူး၊ မီးလေဗိုက်အရမ်းဆာတော့ ရေပိုက်ကရေကိုသောက်တယ်၊ ဘုရားရှိခိုးတယ်"၊၊ ထိုကဲ့သို့ သူမဒုက္ခဖြစ်နေစဉ်မှာ တနေ့မနက်တွင် အခန်းတံခါးခေါက်သဖြင့် တံခါးဖွင့်ရာ အမျိုးသမီးတစ် ဦးက သူမကို လူမုန်းရှိလားဟု မေးသည်၊၊ လူမုန်းမရှိသည့်အတွက် အမျိုးသမီးကပြန်လှည့် သွားရာ ခင်ခင်က နောက်ကနေလိုက်ကြည့်ပြီး အမျိုးသမီးဝင်သွားသည့်အခန်းကို မှတ်ထား လိုက်သည်။ ဘေးပတ်ဝန်းကျင်ကိုလိုက်ကြည့်ရာ လူမုန်းက လူတစ်ယောက်နှင့်စကားပြော နေသည်ကို တွေ့သည်ဟု ခင်ခင်ကပြောသည်။ နောက်တနေ့ လူမုန်းက သူမဆီကိုလာရာ ထမင်းဝယ်စားရန် ဘတ်ငွေ (၄၀) ပေးခဲ့သည်။ လူမုန်းထွက်သွားပြီးနောက် ခင်ခင်က အမျိုးသ မီးအခန်းကို သွားပြီးသူမအကြောင်းကို ပြောပြရာ အမျိုးသမီးက ရတ်(က်) ထိုင်း လူမှုအဖွဲ့အ စည်းက ဦးအောင်မင်းကို ဆက်သွယ်ပြီး ခင်ခင်ကို ပွဲစားတို့၏လက်မှ ကယ်ထုယ်လာ ခဲ့သည်။

ခင်ခင် ထွက်မပြေးခင်တွင် စိုးပိုင်ဆိုသည့်လူက ထိုအခန်းတွင် ခင်ခင်ကို အခမဲ့နေခွင့်ပြုမည်။ သူတို့ တစ်လဘတ် (၆၀၀၀) ပေးမည်။ အခန်းတွင်နေပြီး လိင်အလုပ်သမဖြင့် လုပ်စားရန် သူမ ကို ပြောသည်ဟု ခင်ခင်က ပြောသည်။ ခင်ခင်က စိုးပိုင်မယားငယ် သတ်မှတ်ပါက စိုးပိုင်တစ် ဦးအနေဖြင့် လာတွေ့သည်ကို သူမလက်ခံမည်၊ စိုးပိုင်ပြောသလိုမျိုးမလုပ်နိုင်ဟု ဆိုသည်။

သူမကို ကယ်ထုတ်လာချိန်တွင် ထိုင်းပုလိပ်တို့က လူမုန်း၊ ထွန်းကို၊ ခန္ဓာဝဝ လူနှင့် ပွဲစား အဖွဲ့၏ တောက်တိုမယ်ရ အခိုင်းသမား ကျန်ကျောင်းကို ဖမ်းဆီးလိုက်သည်ဟု ခင်ခင်က ဆိုသည်၊၊ သူမကို အဓမ္မကျင့်သည့် (၆) ယောက်ထဲက ကင်းမွှန်၊ စိုးပိုင်၊ ကိုဇော်တို့က လွတ် သွားသည်ဟု ပြောသည်။

ခင်ခင်နှင့် (၁၄) နှစ်အရွယ် သူမသူငယ်ချင်းတစ်ယောက်က အများတကာနည်းတူ သာမာန် အလုပ်များဖြင့် ဝမ်းကျောင်းလိုသည့်အတွက် ရနောင်းမြို့၏ လိင်ရောင်းသည့်ဆိုင် တစ်ဆိုင်မှ ထွက်ပြေးလာကြသူများဖြစ်သည်။

ခင်ခင်၏ ပြောပြချက်အရ စက်တင်ဘာ (၉) ရက်နေ့၊ ၂၀၀၈ ခုနှစ်တွင် ရနောင်းမြို့မှ ကော့ သောင်းမြို့ကိုရောက်ပြီး၊ အချိန်ပိုင်းမှာပင် သူမမိခင်ဆီကို အကြွေးရှင်က အကြွေးလာတောင်း လေသည်။ ပွဲစားကလည်း လူခေါ်သည်ဟု သတင်းကြားသဖြင့် သွားမေးရာ ကော့သောင်းမြို့ ပွဲ စားအဒေါ်ကြီးမှ "ပွဲစားက တစ်လ ၅၀၀၀ ရမယ်၊ ကွတ်တီယိုရောင်းတဲ့အလုပ်ရှိတယ်၊ ငါး ပုဇွန်ရုံမှာ လုပ်လို့လည်းရတယ်၊ သမီးတို့ဘာမှ မစိုးရိမ်နဲ့ ဟို (မဟာချိုင်) မှာ သမီးအရွယ် အ ဒေါ်သမီး လည်းရှိတယ်၊ အဆင်ပြေတယ်" ဟု ခင်ခင်က ပြောသည်။ နောက်တနေ့တွင်ပင် မဟာချိုင်းကိုလာ သည်ဟုဆိုပါသည်။

မြန်မာနိုင်ငံတောင်ပိုင်း တနင်္သာရီတိုင်း ကော့သောင်းမြို့မှ ပွဲစား၏သဘောတူညီချက်ဖြင့် မဟာ ချိုင်ကိုရောက်လာခဲ့ခြင်းဖြစ်သည်။ ၎င်းခရီးစရိတ် (၄၅၀၀) ဘတ်ကို ပွဲစားမှ အရင် စိုက်ထုတ် ထားပြီး၊ ၎င်းတို့၏ လုပ်အားခမှ နှုတ်ယူရန် သဘောတူထားကြသည်။

ခင်ခင်အဖြစ်က အနာပေါ်တုတ်ကျဆိုသည့်စကားပုံထက် ပိုဆိုးနေသည်။ အနာစိမ်းပေါ် ဆူး ထပ်စိုက်သည်ဟု ဆိုရမည်။ အဘယ်ကြောင့်ဆိုသော် လူအများစုကမကောင်းဟု ယူဆကြ သည့် ပြည့်တန်ဆာရုံမှထွက်ပြေးလာပြီး အများနည်းတူ မိဘကိုလုပ်ကျွေးးရန် ကြိုး စားသော် လည်း မုဒိမ်းကျင့်သာကျင့်ပြီး၊ ထမင်းပင်မကျွေးသည့်လူနှင့် ဆုံရလေသည်။

ခင်ခင် လိင်အလုပ်သမဘဝရောက်သွားရသည့်အဖြစ်
ခင်ခင်မှာ အသက် (၂၃) နှစ် ကလေးအမေတစ်ယောက်ဖြစ်သည်။ ကော့သောင်းမြို့သည် ဆိပ်ကမ်းမြို့တစ်မြို့ဖြစ်သည့်အလျှောက် သူမ၏ခင်ပွန်းမှာ မော်တော်ဘုတ်မောင်းသမားဖြစ် သည်၊၊ ခင်ပွန်းမှာ ဥပဒေနှင့် မလွတ်ကင်းသည့်မူးယစ်ဆေးဝါး တမျိုးသုံးစွဲနေခြင်းကြောင့် သူမ တားမြစ်နေသည့်ကြားမှပင် မူးယစ်ဆေးဝါးအမှုနှင့် သက်ဆိုင်ရာက ဖမ်းဆီးလိုက်သည်။

ခင်ခင်မှာ (၃) နှစ်အရွယ်သမီးလေးကို လက်ဆွဲပြီး၊ မိခင်အိမ်သို့ရောက်လာသည်။ ခင်ခင်၏ မိဘမှာ လက်လုပ်လက်စား တံငါသည်များဖြစ်ပြီး၊ မိသားစု ဝမ်းစာအတွက် ငါးရှာရန် လှေကို ပင် သူတပါးဆီက အကြွေးဖြင့် ယူထားရသည့်သူများဖြစ်သည်။

"သမီးမောင်လေး ညီမလေးတွေက ကျောင်းမတက်နိုင်ကြဘူး၊ အမေ့အိမ်မှာနေတာ အကြွေး ရှင်တွေက အကြွေးလာတောင်းတယ်၊ တစ်နေ့အကြွေးရှင်တယောက်က အမေ့ကို ဆဲတယ်၊ ရိုက်လည်းရိုက်တယ်၊ မောင်နှမတွေမှာ သမီးကအကြီးဆုံး၊ မိဘလုပ်စာကို သမီးထိုင်မစား ရက်တော့ဘူး၊ သမီးအလုပ်အလုပ်ချင်တယ်" ဟု သူမပြောသည်။

သူမစိတ်ညစ်ပြီး အလုပ်လုပ်ချင်နေသည့်အချိန်မှာပင် ခင်ခင်၏ သူငယ်ချင်းတစ်ယောက်က ထိုင်းနယ်စပ်၊ ရနောင်းမြို့တွင်အလုပ်လုပ်နေရာမှ ကော့သောင်းကိုအလည်ပြန်လာသည်။

ခင်ခင်က သူငယ်ချင်းကို ရနောင်းတွင်လည်း သွားရောက်အလုပ်လုပ်ချင်သည့်အတွက် အ လုပ်အခြေအနေကို မေးမြန်းသည်၊ သူမ၏ သူငယ်ချင်းက ပြန်မဖြေပေ၊ သို့သော် မိသားစု ငွေမ ပြေလည်သည့် ပြဿနာကြောင့် ခင်ခင်အတော်စိတ်ဆင်းရဲနေရသလားဟုသာ မေးသည်။

"ဖေမေရဲ့ ဒုက္ခကို ကူညီရရင်ကျေနပ်ပြီး၊ ငါ့မိသားစု စိတ်ချမ်းသာရင်ကျေနပ်ပြီး၊ ငါဘာပဲ ဖြစ်ဖြစ်လို့ သမီးပြောတော့ တကယ်လားလို့ သမီးကိုမေးတယ်၊ သမီးက ဟုတ်တယ်လို့ ပြော တော့ ရနောင်းမှာ သူမကောင်းတဲ့အလုပ် လုပ်နေတယ့်လို သမီးကိုပြောတယ်" ဟု ခင်ခင်က မျက်လွှာချပြီး ပြောသည်၊၊ သူမ၏ ပါးစပ်တွင် ကွမ်းမရှိတော့ပါ။ သို့သော် ကွမ်းယာကိုလည်း ထပ်မငုံပါ၊၊ စာရေးသူနှင့် စကားမပြောခင်တွင် သူမဆံပင်ကို အနီရောင်ဆေးဆိုးနေသည့် အတွက် ဆေးပေးနေသည့် သူမကိုင်ထားသော ခေါင်းဖြီးဘီးကို သာလက်မဖြင့် ပွတ်နေသည်၊၊ သူမမှာကော့ သောင်းမြို့မှ ထားဝယ်သူ ဖြစ်သော်ငြားလည်း အသားဖြူသူဖြစ်သည်။ မျက်နှာ ဝိုင်းဝိုင်း ပြတ်ပြတ်နှင့် နှာခေါင်း အနည်းငယ်ပြားသော်လည်း မျက်နှာချိုသူဖြစ်သည်၊၊ စကားကို ခေတ္တရပ်ဆိုင်းထားပြီး မျက်လုံးကို တနေရာတွင် စိုက်ကြည့်ထားရာမှ အောက်ကိုပြန်ငုံ့ကြည့်ပြီး စကားဆက်ပြန်သည်။

"သူများဥစ္စာကို မခိုးစားရ၊ ကိုယ့်ဘဝကိုရင်းပြီးလုပ်ရပေမယ့် ငါတို့ဘဝတူချင်း ကိုယ့်ဘဝကို နားလည်တဲ့သူတွေအတွက်တော့ မိသားစုကို ကူညီနိုင်တော့ မကောင်းတဲ့ဆိုင်မှာ လုပ်ပေ မယ့် မြတ်သေးတယ်" ဟု သူတို့ချင်းချင်းပြောပြီး ခင်ခင်ရနောင်းသွားဖို့ ဆုံးဖြတ်လိုက်သည်။

ရပ်ရွာကိုခွဲခွာပြီး မသွားဖူးသည့်အတွက် မိဘက မည်သည့်အလုပ်အကိုင်မျိုးကို သွားလုပ်မည် နည်းဟု မေးမြန်းပြီးတားမြစ်သည်၊၊ ကွတ်တီယိုရောင်းသည့်အလုပ်နှင့် တခြားရနိုင်သည့် ကျ ပန်းအလုပ်တွေရနိုင်သည်ဟု သူမပြန်ပြောသည်၊၊ မိဘက မသွားရန်တားသော်လည်း "သမီး ငိုပြီးပြောတယ်၊ အဖေအမေတို့ကို လုပ်ကြွေးခွင့်ပေးပါ၊ အဖေ အမေတို့ ဒုက္ခကို သမီးကိုတဝက် လောက် ခံစားခွင့်ပေးပါ" ဟုပြောပြီး ခင်ခင်ရနောင်းကို ရောက်သွားသည်။

ခင်ခင်အလုပ်လုပ်သည့်ဆိုင်တွင် မိန်းကလေး (၁၀) ယောက်လောက်ရှိသည်။ ဘီယာဆိုင်အ ဖြစ် ဘန်းပြပြီး ဆိုင်ဖွင့်ထားသည့်အတွက် ထိုမိန်းကလေးအားလုံးတို့သည် စားပွဲထိုးအလုပ်ကို လည်း လုပ်ရသည်၊ ၎င်းအတွက် လုပ်အားခတစ်ပြားတစ်ချပ်မှ မရကြပေ၊ စားပွဲထိုးလုပ်ရင်း ဘီယာလာသောက်သည့် ယောကျာ်းများ မိမိကို မျက်စိကျလာအောင် ပြောဆိုရသည်ဟု သူမ ပြောသည်၊၊ တစ်လအတွင်း မိမိကို မျက်စိကျမည့်သူ မရှိပါက ငွေတစ်ဘတ်မျှမရဘဲ အခန်းခ မီးခပင်အကြွေးတင်တာလည်း ရှိသည်ဟု ခင်ခင်က ပြောသည်။

"သမီးလေ ရသမျှပိုက်ဆံအမေ့ဆီပို့ပေးတယ်၊ တစ်လ ၇၁၅၀ ရရင် ၁၅၀ ပဲသမီးသုံးတယ်၊ မ ကောင်းတဲ့အလုပ် လုပ်ပေမယ့်၊ ကိုယ်ပို့တဲ့ပိုက်ဆံနဲ့ အဖေအမေတို့အဆင်ပြေတော့ မီးစိတ် ချမ်းသာတယ်" ဟု ခင်ခင်က ပြောသည်၊၊ ရနောင်းက ကော့သောင်းနှင့် မဝေးသည့်အတွက် သူမလုပ်နေသည့်ဆိုင်တွင် ကော့သောင်းမြို့သူဆိုလို့ နှစ်ယောက် သာရှိပြီး၊ တခြားမိန်းကလေး တွေက ရန်ကုန်၊ ဘိတ်၊ ထားဝယ်မှ လာသူများဖြစ်သည်ဟု ဆိုသည်။

ခင်ခင် ပြည့်တန်ဆာအလုပ်လုပ်သည့်ဆိုင်တွင် (၅) လလောက်ကြာပြီးနောက် ကော့သောင်း မြို့မှ သူငယ်ချင်းတစ်ယောက်နှင့်ဆုံသည်။

ထိုသူငယ်ချင်းက ထိုအလုပ်ကို ခင်ခင်မလုပ်သင့်ကြောင်း၊ တခြားသာမာန်အလုပ်ကိုသာ လုပ် သင့်ကြောင်းနှင့် သူမ၏ မိဘသိသွားပါက စိတ်ဆင်းရဲမည်ဖြစ်ကြောင်း၊ သူများအ နှိမ်ခံရမည် ဟု ပြောသဖြင့် သူမ ထိုဆိုင်မှ ထွက်ပြေးလာခဲ့ခြင်းဖြစ်သည်ဟု ခင်ခင်ကပြောသည်။

မိဘများကို မိမိ၏ လုပ်အားခဖြင့် ကူညီချင်ပြီး မောင်လေးညီမလေးနှင့် သူမ၏ သမီးလေးတို့ အများတကာနည်းတူ ပညာသင်နိုင်ရန်သာ သူမ၏ဘဝတွင် အဖြစ်ချင်ဆုံးဆန္ဒဟု ခင်ခင်က ပြောသည်။

"သမီးဘယ်လောက်ပဲ ဒုက္ခဖြစ်ဖြစ် သမီးဖေမေနဲ့ မောင်လေး၊ ညီမလေးတို့ကို အလုပ်လုပ်လို့ ရတဲ့ ပိုက်ဆံနဲ့ထောက်ပံ့ချင်တယ်၊ မောင်လေးဆိုရည်မှန်းချက်ရှိတယ်၊ ပိုက်ဆံမရှိလို့ ကျောင်း ထုတ်ထားရတယ်၊ သမီးသူ့ကို ကျောင်းပြန်ထားချင်တယ်၊ သမီးလေးဆို နောင်နှစ်ကျောင်းနေ လို့ရပြီး" ဟု ခင်ခင်က သူမမိဘ၏ ဝန်ထုတ်တချို့ကို ကူညီချင်သည့် ဆန္ဒဖြင့်ပြောသည်၊ ခင်ခင် ၏ ပြောပြချက်အရ သူမသည် ကုန်စုံဆိုင်၊ အအေးဆိုင်တို့ကို ဖွင့်ပြီးစီးပွားလုပ်ခဲ့ရာမှ သူမ၏ ခင်ပွန်းက လာတောင်းသည့်အတွက် မိဘက သဘောကျသဖြင့် အိမ်ထောင်ကျသွားသည်ဟု ဆိုသည်။

"သမီးလေ မြန်မာငွေ တစ်သိန်းလောက်ရရင် ကော့သောင်းမှာ သမီးစီးပွားသေးသေးလေး တစ်ခု လုပ်လို့ရတယ်၊ သမီးလုပ်တတ်တယ်၊ ဗန်းတစ်ဗန်းနဲ့ ကုန်စိမ်းတွေ၊ ငါးတွေရောင်းတဲ့ သူ တွေကို နေ့စားအတိုးနဲ့ပိုက်ဆံချေး၊ သမီးလည်းဆိုင်ကလေးတစ်ခုနဲ့ ဈေးရောင်း၊ အဲဒီကနေ တ ဆင့်ပြီးတဆင့်သမီးတိုးပြီးလုပ်မယ်၊ အပျိုဘဝတုန်းကလည်း သမီးအဲဒီလိုလုပ်လို့ အိမ်ကိုကူ ညီနိုင်ခဲ့တယ်"။

မြန်မာပြည်၏ ဆင်းရဲတွင်းနက်မှုက ကျပ်ငွေတစ်သိန်းဖြင့်ပင် အရင်းနှီးလုပ်ပြီး မိဘကို ကူညီ ရန် ကြိုးစားသည့် ခင်ခင်လို မိန်းကလေးကိုပင် အခွင့်မပေးနိုင်သေးပေ၊၊

ဦးဝင်းတင်၏ သဝဏ်လွှာ

SEAPA
တနင်္ဂနွေနေ့၊ နိုဝင်ဘာလ 16 2008 18:21 - မြန်မာစံတော်ချိန်


အောက်ပါသဝဏ်လွှာသည် မကြာခင်က ထောင်မှ လွတ်မြောက်လာသော မြန်မာ သတင်းစာဆရာကြီး ဦးဝင်းတင်၏ ကြိုတင် အသံသွင်းယူ ရိုက်ကူးထားသော သဝဏ်လွှာကို ပြန်လည် ရေးကူးထားခြင်း ဖြစ်ပါသည်။ ဤဗွီဒီယိုခွေကို ထိုင်း နိုင်ငံ ဘန်ကောက်မြို့ တွင် ၂ဝဝ၈ ခုနှစ် နိုဝင်ဘာလ ၈ ရက်နေ့က ကျင်းပခဲ့သော SEAPA ၏ ၁ဝ နှစ်မြောက် နှစ်ပတ်လည် အစည်းအဝေးတွင် စတင်ပြသခဲ့ပါသည်။


ဦးဝင်းတင်၏ မိန့်ခွန်း
အရှေ့တောင်အာရှမှ ရောင်းရင်း သတင်းစာဆရာများ ခင်ဗျား ...

ကျနော့်ရဲ့ စာနယ်ဇင်း လွတ်လပ်ခွင့်၊ ဒီမိုကရေစီန့ လူ့အခွင့်အရေး တိုက်ပွဲဝင်မှုများကြောင့် စစ်အစိုးရက ကျနော့်ကို အကျဉ်းချထားခဲ့တာကြောင့် ကျနော့်ရဲ့ သတင်းစာလုပ်ငန်းကို မလုပ်နိုင်ခဲ့တာ အတော်ကြာခဲ့ပါပြီ။ ကျနော်ဆယ်စုနှစ် ၂ ခုစာမျှ ထောင်ထဲမှာ နေခဲ့ရပါတယ်။ ကျနော့်ရဲ့ ရှည်ကြာလှတဲ့ သတင်းစာဆရာဘဝမှာ ဒီကာလဟာ စိတ်ပျက်စရာ အကောင်းဆုံး ကာလတွေပါဘဲ။

ရှည်ကြာလှတဲ့ ကျနော်တို့ရဲ့ တိုက်ပွဲအတွင်းမှာ အခြားနိုင်ငံတဝှမ်းက နိုင်ငံရေး အတိုက်အခံများနဲ့အတူ ကျနော့်ရဲ့ သတင်းစာဆရာ ရဲဘော် အများအပြားလည်း စစ်အစိုးရရဲ့ ညှဉ်းပန်းနှိပ်စက်ခြင်းကို ခံခဲ့ရပါတယ်။ နာမည်ကျော်သတင်း စာဆရာ စာရေးဆရာ မောင်သော်က အပါအဝင် ကျနော့်ရဲ့ ရင်းနှီးတဲ့ သတင်းစာဆရာမိတ်ဆွေ ဆယ်ဂဏန်းအချို့ ဟာ ထောင်တွင်း လူမဆန်တဲ့ ညှဉ်းပန်းမှုဒဏ်ကြောင့် ကွယ်လွန်ခဲ့ကြရပါတယ်။ ကျနော့်လို တချို့သော ပုဂ္ဂိုလ်များကတော့ ငရဲခန်းလို တိုက်ခန်းကျဉ်းလေးတွေထဲမှာ နှစ်ရှည်လများ အကျဥိးချခံရပြီးမှ ပြန်လည် လွတ်မြောက်ခဲ့ကြပါတယ်။ ခုချိန် ထိသတင်းစာဆရာ အများအပြားနဲ့ စာရေးဆရာ အများအပြား ထောင်တွေထဲမှာ လူမသိသေးတဲ့ ဆင်းရဲဒုက္ခမျိုးစုံကို ခံစားနေကြရဆဲ ဖြစ်ပါတယ်။ သူတို့ထဲက တချို့ကတော့ ရုပ်ပိုင်းဆိုင်ရာအရ၎င်း၊ စိတ်ပိုင်းဆိုင်ရာအရ၎င်း မစွမ်းမသန် ဖြစ်သွားခဲ့ကြရပါတယ်၊ တချို့ကတော့ သေဆုံးသွားခဲ့ကြရပါတယ်။ တနိုင်ငံလုံးအနှံ့ ပြန့်ကြဲနေတဲ့ အကျဉ်းထောင်တွေက ရဲဘော် သတင်းစာဆရာတွေရဲ့ သတင်းတွေကို ကျနော်တို့ တိုရေရှားရေသာ ရရှိခဲ့ပါတယ်။

အကျဉ်းထောင်ထဲမှာ ကျနော်တို့စာရေး၊ စာဖတ်ခွင့် မရခဲ့ကြပါဘူး၊ အခြားအကျဉ်းသားတွေနဲ့ စကားပြောခွင့်လေး တောင်မရခဲ့ပါ။

ကျနော်တို့ကို ထောင်ထဲထည့် ဒုက္ခပေးခဲ့ကြပါတယ်၊ ဒါပေမဲ့ ကျနော်တို့ မကန်းသေးပါဘူး။ ဘယ်လောက်ဘဲ မှိန်ဖျော့နေပါစေ၊ ဘယ်လောက်ဘဲ သေးငယ်ပါစေ၊ လှိုဏ်ဂူအဝက အလင်းရောင်ကို ကျနော်တို့ အမြဲမြင်နေခဲ့ပါတယ်။ ဒီအလင်းရောင်ဆိုတာကို သတင်းတွေ၊ သတင်းစကားတွေ အဖြစ်နဲ့ ကျနော်တို့ မြင်တွေ့ခဲ့ကြတာပါ။ ဒီသတင်းတွေ အကုန်လုံးကိုစုပြီး ကျနော်တို့ သတင်းစဉ်လေးတခု ဖြစ်အောင်လုပ်ပါတယ်။ ဒီသတင်းစဉ်လေးနဲ့ နိုင်ငံရေးအကျဉ်းသားတွေ၊ ဘဝတူ သာမန်ရာဇဝတ် အကျဉ်းသားတွေကို သတင်းတွေ ပြန်ကြားအသိပေးပါတယ်၊ အားပေးပါတယ်၊ အသိအမြင် တိုးပွါးစေပါတယ်။ ဒီအကျိုးကြောင့် မတည်ငြိမ်တဲ့ နိုင်ငံရေး လှုပ်ရှားမှုတွေ၊ ဆန္ဒပြဘို့ ဆွေးနွေးတိုင်ပင် နိုင်တာတွေကို လုပ်နိုင်ခဲ့ပါတယ်။

ကျနော် ထောင်ကလွတ်လာတော့ နိုင်ငံရေးအရ ညှဉ်းပန်းနှိပ်စက်တာတွေ၊ စီးပွါးရေးအရ အမြတ်ထုတ်တာတွေ၊ လူမှုရေးအရ ခွဲခြား ဆက်ဆံတာတွေ၊ ယဉ်ကျေးမှု ပြိုကွဲနေတာတွေ၊ လူ့အခွင့်အရေး ချိုးဖောက်တာတွေကို နိုင်ငံတွင်းမှာ နေရာအနှံ့အပြား တွေ့နေရပါတယ်။

အခုကာလဟာ စာနယ်ဇင်းလုပ်ငန်းရဲ့ ဂုဏ်သိက္ခာနဲ့သြဇာ ကမ္ဘာတဝှမ်းမှာ အကြီးအကျယ် တက်နေတဲ့အချိန်ပါ။ ဒါပေမဲ့ဒါဟာ တလောကလုံး လက်တွေ့ဘဝတော့ မဟုတ်ပါဘူး။ မြန်မာပြည် စာနယ်ဇင်းလုပ်ငန်းက သတင်းစာဆရာ အများအပြားဟာ ခုထိ ခွဲခြားဆက်ဆံ ခံနေရတုံးဘဲ၊ ညှဉ်းပန်းနှိပ်စက်ခံနေရတုံး၊ အကျဉ်းချခံနေရတုံးဘဲ ဆိုတဲ့ခါးသီးတဲ့ အချက်အလက်တွေကို ကျနော် သိလာပါတယ်။ သူတို့ဟာ အရှေ့တောင်အာရှက နိုင်ငံအများအပြား၊ အာရှ၊ အာဖရိကနဲ့ တကမ္ဘာလုံးမှာ တရားစွဲခံနေရတုံး၊ နှိမ်နင်းခံနေရတုံး၊ တချို့ဆိုရင် သတ်ဖြတ်တာ တောင်ခံနေကြရတုံးပါ ဘဲ။ တခြားနိုင်ငံတွေနဲ့ မတူဘဲ၊ မြန်မာနိုင်ငံက သတင်းသမားတွေကတော့ ဖိနှိပ်ရေး ဥပဒေတွေရဲ့ ဖိအားပေးမှုကို ခံနေကြရပါတယ်။ အမျိုးသား လုံခြုံရေး ကိစ္စတွေ၊ အစိုးရ လျှို့ဝှက်ချက် ပေါက်ကြားမှုတွေ၊ အကြမ်းဘက်သမားတွေဆိုတဲ့ စွပ်စွဲချက်တွေနဲ့ ခြိမ်းခြောက်ခံနေကြရပါတယ်။

ဒါတွေဟာ ကနေ့ မြန်မာနိုင်ငံမှာ ရင်ဆိုင်နေရဆဲ အခြေအနေတွေပါ။ ဒီမိုကရေစီရေးနဲ့ သတင်းစာ လွတ်လပ်ခွင့်အတွက် ပြင်းပြင်းထန်ထန် ဆက်လက် တိုက်ပွဲဝင်ရပါဦးမယ်။ ဒီတိုက်ပွဲဟာ အရှေ့တောင်အာရှက စာနယ်ဇင်းသမားတွေ အားလုံး အဆုံးတိုင် ဆက်လက်ကြိုးပန်းရမဲ့ တိုက်ပွဲဖြစ်ပါတယ်။

အရှေ့တောင်အာရှ သတင်းစာသမဂ္ဂ (SEAPA) ရဲ့ ၁ဝ နှစ်မြောက် အထိမ်းအမှတ် အခမ်းအနားကို ကျနော် ကြိုဆို နှုတ်ခွန်းဆက်လိုက်ပါတယ်။ ဒါဟာ အချုပ်အချယ်ကင်းပြီး လွတ်လပ်တဲ့ သတင်းစာဆရာအားလုံး၊ အထူးသဖြင့် ယနေ့မြန်မာနိုင်ငံက ဖိနှိပ်ခံ၊ ထူးခတ်ခံ စာနယ်ဇင်းသမားတွေ အားလုံးအတွက် ပျော်ရွှင်ဘွယ် အချိန်ကာတရပ်လဲ ဖြစ်ပါတယ်။

ကျနော်တို့ရဲ့ သတင်းစာ လွတ်လပ်ခွင့်ဆိုတဲ့ တခုတည်းသော ဘုံတိုက်ပွဲကို ဘယ်တော့မှ မမေ့ကြပါနဲ။

အရှေ့တောင်အာရှ သတင်းသမဂ္ဂ အဓ္ဓန့်ရှည်ပါစေ။


မြန်မာနိုင်ငံဆိုင်ရာ အမေရိကန် မူဝါဒတွင် ချဉ်းကပ်မှုအသစ် ရှိမည်လား



ဒေါက်တာစိန်မြင့်
တနင်္ဂနွေနေ့၊ နိုဝင်ဘာလ 16 2008 18:23 - မြန်မာစံတော်ချိန်


မြန်မာနိုင်ငံဆိုင်ရာ မူဝါဒ အကြီးအကဲနှင့် အထူး သံတမန်အဖြစ် မိုက်ကယ်ဂရင်း (Michael Green) ကို ရာထူး သက်တမ်း ကုန်ဆုံးတော့မည့် အမေရိကန် သမတကြီး ဂျော့ခ်ျဘုရှ် (George Bush) က ခန့်အပ်ရန် အမည်စာရင်း တင်သွင်းလိုက်ခြင်းအား ကွန်ဂရက်လွှတ်တော်က အတားအဆီးမရှိ ချက်ချင်း အတည်ပြုပေးဖွယ် ရှိနေပါသည်။ ဤသို့ ခန့်အပ်မှုသည် သွေးထွက်သံယို ဖြစ်ခဲ့ရသော ဒီပဲရင်း အရေးအခင်းအပြီး လွန်ခဲ့သော နှစ်ပေါင်းများစွာ ကတည်းက ခန့်အပ်သင့်ခဲ့သည့် ကိစ္စရပ် ဖြစ်ပါသည်။ ယမန်နှစ် ၂ဝဝ၇ ခုနှစ် ရွှေဝါရောင်တော်လှန်ရေး အပြီးတွင်မူ ပြောရန်ပင် မလိုတော့ပါ။

သို့သော် ဝါရှင်တန်အခြေစိုက် မြန်မာ့အရေး ကင်ပိန်းလှုပ်ရှားသူများနှင့် အမျိုးသား ညွန့်ပေါင်းအစိုးရက ထောက်ခံ အားပေးထားသော စည်းရုံးလှုံ့ဆော်သူ လော်ဘီသမားများသည် ဤသို့ မြန်မာနိုင်ငံဆိုင်ရာ အထူး သံတမန်တဦးကို အမေရိကန်က ခန့်အပ်နိုင်ရေးအတွက် အာရုံစိုက် လုပ်ဆောင်ရမည့်အစား ယခုနှစ် လုံခြုံရေးကောင်စီ အစည်းအဝေး အစီအစဉ်တွင် မြန်မာနိုင်ငံကိစ္စ ထည့်သွင်းထားနိုင်ရေးအတွက် အမေရိကန် နိုင်ငံခြားရေးဌာနကို တွန်းအားပေး ဆွဲဆောင်စည်းရုံးနေကြသည်။ သို့သော် ကုလသမဂ္ဂ ကျွမ်းကျင်သူအများ မျှော်လင့်ခန့်မှန်းထားသည့် အတိုင်းပင် ဤမဟာဗျူဟာသည် မအောင်မြင်ခဲ့ပါ။

ဤသို့ဆိုလျှင် ဒေါက်တာဂရင်း အနေဖြင့် သူ၏ လက်ရှိနိုင်ငံအကြီးအကဲ ၂ဝဝ၉ ခုနှစ် ဇန်နဝါရီလ ၂ဝ ရက်နေ့တွင် ရာထူးတာဝန်များကို မစွန့်လွှတ်မီ ဘာတွေ အောင်မြင်အောင် လုပ်နိုင်ပါသလဲ၊ ဤရက်ကျော်လျှင်ကော သူ၏အခန်း ကဏ္ဍနှင့် အနေအထားသည် မည်သို့ ဖြစ်လာမည်လဲ။

သမတအဖြစ် ရွေးချယ်ခံထားရသူ မစ္စတာအိုဘားမားသည် သူ့အရင် သမတကြီး လက်ထက်တုံးက ထားရှိခဲ့သော မြန်မာနိုင်ငံ မူဝါဒများကိုပင် ဆက်လက်ကိုင်စွဲဖွယ် ရှိနေပါသည်။ မြန်မာ့ ဒီမိုကရေစီရေးကို အကြီးအကျယ်ထောက်ခံ အားပေးခဲ့သူ ဖြစ်ပြီး၊ ဒေါ်အောင်ဆန်းစုကြည်ကို ချစ်ခင်လေးစားလှသူ အမေရိကန် နိုင်ငံခြားရေး ဝန်ကြီးဟောင်း နှင့် နိုင်ငံခြားရေး မူဝါဒအကြီးတန်း အကြံပေးအရာရှိဖြစ်သူ မယ်ဒရင်း အောဘရိုက်္နေိနူငညန ဗူဘမငါ့အ ထံမှ အကြံ ဥာဏ်များကိုလည်း ရယူပါလိမ့်မည်။

မြန်မာ့အရေး မဟာဗျူဟာနှင့် မူဝါဒသစ်များကို ရေးဆွဲဖေါ်ထုတ်ရန် လိုသော်လည်း ဒေါက်တာဂရင်း အနေဖြင့် ကျယ်ပြန့်လှသော အတွေးအမြင်များ၊ သဘောထားများ ရရှိနိုင်ရန် သူ့အခန်း တံခါးဝတွင် အသင့်စောင့်ဆိုင်းနေသော ဆွဲဆောင် စည်းရုံးသူ လော်ဘီသမားများထံမှ သာမကဘဲ အမေရိကန်တွင် ရောက်ရှိနေထိုင်လျက် ရှိကြသော ပြည်ပရောက် မြန်မာ အသိုင်းအဝိုင်းများ၊ ကိုယ်စားလှယ်များ၊ တသီးပုဂ္ဂလ ပုဂ္ဂိုလ်များ၊ အထွေထွေ အထူးထူးသော ခေါင်းဆောင်များထံမှလည်း သဘောထားအမြင်များ ရယူပါမှ အမြော်အမြင်ကြီးရာ ကျပါလိမ့်မည်။

အလားတူပင် မြန်မာ့စစ်အစိုးရ ခေါင်းဆောင်များ၊ ဒေါ်အောင်ဆန်းစုကြည် နှင့် တိုင်းရင်းသား ခေါင်းဆောင်များနှင့် တိုက်ရိုက်တွေ့ဆုံပြီး၊ ပြည်တွင်းတွင် ဖြစ်ပျက်နေသော အခြေအနေများကို ကိုယ်တိုင် အကဲဖြတ်ခွင့်ရအောင် လုပ်နိုင်မှ သူ့အတွက် ဆင်ခြင်တုံတရား ပြည့်ဝရာ ရောက်ပါလိမ့်မည်။ သို့မှသာ မြန်မာပြည်တွင် အပြုသဘော ဆောင်သော အပြောင်းအလဲများ ဖြစ်ပေါ်လာရေးအတွက် မူဝါဒသစ်များ ချမှတ်နိုင်ရေးတွင် ထောက်ခံတင်ပြချက် အသစ်များကို အမေရိကန် သမတသစ်နှင့် ကွန်ဂရက်လွှတ်တော်သို့ တင်ပြနိုင်ပါလိမ့်မည်။

အမေရိကန်နှင့် မြန်မာနှစ်နိုင်ငံအကြား ပုံမှန်ဆက်ဆံရေးများ ပြန်လည်ထားရှိရန် ယခုကဲ့သို့ တိုင်းပြည်တွင်းတွင် ဒီမိုကရေစီရေးနှင့် လူ့အခွင့်အရေး တိုက်ပွဲဝင်သူများကို ပြင်းထန်လှသည့် ထောင်ဒဏ်များ ချမှတ်နေချိန်၌ သွားရောက်ပြောဆိုမည် ဆိုပါက သူ့ကို စော်ကားရာ ရောက်ပါလိမ့်မည်။

မြန်မာနိုင်ငံဆိုင်ရာ အမေရိကန် အထူးသံတမန်၏ အဓိက အခန်းကဏ္ဍ တခုမှာ မြန်မာစစ်အစိုးရအပေါ် ချမှတ်ထားသော ဖိအားများ၊ ရွေးချယ်ပြုလုပ်ထားသော စီးပွါးရေး ပိတ်ဆို့ အရေးယူမှုများသည် ခေါင်းမာ တဇွတ်ထိုးနိုင်သော နအဖ စစ်ခေါင်းဆောင်များအား အတိုက်အခံ ဒီမိုကရေစီအင်အားစုများနှင့် တွေ့ဆုံဆွေးနွေးမှု လုပ်ခြင်းအပါအဝင် မည်သည့် အပြုသဘောဆောင်သည့် ရလဒ်မျှ မရရှိခဲ့ခြင်း၏ အကြောင်းရင်းများကို ရှာဖွေဘို့ ဖြစ်သည်။

သူ့ရာထူးနှင့် အခန်းကဏ္ဍသည် မြောက်ကိုရီးယားဆိုင်ရာ အမေရိကန် အထူးသံတမန်နှင့် လက်ထောက်နိုင်ငံခြားရေး ဝန်ကြီးဖြစ်သူ ခရစ်စတိုဖာဟီးလ် (Christopher Hill) နှင့် အလားသဏ္ဍန် တူပါသည်။ သူသည် မြောက်ကိုးရီးယား ဆိုင်ရာ "ခြောက်နိုင်ငံ ဆွေးနွေးပွဲ" တွင် အမေရိကန်၏ အဓိက ညှိနှိုင်းရေးမှူးအဖြစ်လည်း ဆောင်ရွက်ရသည်။ သို့သော် မြန်မာနိုင်ငံ အရေးကိစ္စတွင်မူ ဆွေးနွေးပွဲများ မည်သို့သော ပုံစံဖြင့် ပေါ်လာမည် ဆိုသည်မှာ မရေမရာရှိဆဲပင် ဖြစ်သည်။ ဤဆွေးနွေးပွဲတွင် ပါဝင်နိုင်မည့် နိုင်ငံများနှင့် အဖွဲ့အစည်းပေါင်းစုံတို့ကို စဉ်းစားရွေးချယ်နေဆဲ ဖြစ်ပါသည်။ သို့သော် မည်သည့် "နိုင်ငံစုံကြိုးပန်းမှု" အဆိုပြုချက်တွင်မဆို ကုလသမဂ္ဂ၊ အမေရိကန် ပြည်ထောင်စု၊ ဥရောပသမဂ္ဂ၊ တရုတ်၊ အိန္ဒိယ၊ အာဆီယံနိုင်ငံများ၊ ဂျပန်၊ သြစတြေလျနှင့် မြန်မာစစ်အစိုးရ ကိုယ်တိုင်တို့ ပါဝင်ရမည် ဆိုသည်မှာ သေချာလှပါသည်။

သို့သော် ဤသို့သော အခြေအနေမျိုးတွင် အရေးအကြီးဆုံး အချက်မှာ တိုင်းပြည်ကို ဒီမိုကရေစီစနစ်သို့ ရှေးရှုရေးအတွက် ကာယကံရှင်အားလုံး ပါဝင်နိုင်သည့် တွေ့ဆုံဆွေးနွေးပွဲတရပ် ကျင်းပနိုင်ရေးအတွက် မြန်မာစစ်အစိုးရက လက်ခံလာရေးပင် ဖြစ်သည်။

ထို့ကြောင့် အမေရိကန် အထူးသံတမန် အနေဖြင့် စစ်အစိုးရကို ထိတ်လန့်တုန်လှုပ်သွားအောင် ကိုယ့်ဘက် ပြေးကပ်လာအောင် ဘယ်လို ဖိအားမျိုးကို သုံးမည်လဲ၊ ဒါမှမဟုတ် နိုင်ငံတကာ အသိုင်းအဝိုင်းဘက်ကို ကပ်လာအောင် မည်သို့ ချော့မြှူမည်လဲ ဆိုသည်ကို ရှာဖွေဖေါ်ထုတ်ရမည် ဖြစ်သည်။ သို့မှသာ လက်ရှိ နိုင်ငံရေး လေလုံးမိုးလုံး လွှတ်ခြင်း၊ သံတမန်ရေးအရ ဟန်ရေးဝါရေးပြခြင်းတို့ လုပ်နေခြင်းထက် မြန်မာနိုင်ငံ၏ ဆယ်စုနှစ်များစွာ ကြာခဲ့ပြီဖြစ်သော ပြဿနာဟောင်းများကို ဖြေရှင်းနိုင်မည့် လေးနက်သော ကြံဆချက်များကို ပြုလုပ်နိုင်မည် ဖြစ်ပါသည်။


ဒေါက်တာစိန်မြင့်
(ဒေါက်တာစိန်မြင့်သည် အမေရိကန်ပြည်ထောင်စု မေရီလင်းပြည်နယ်ရှိ မြန်မာနိုင်ငံ လူ့အခွင့်အရေးဆိုင်ရာ တရားမျှတမှု မူဝါဒဖွံ့ဖြိုးရေး ဒါရိုက်တာအဖြစ် တာဝန်ထမ်းဆောင်နေသူ ဖြစ်ပါသည်။ သူသည် ဝါရှင်တန်ဒီစီရှိ နိုင်ငံတကာလွတ် ငြိမ်းချမ်းသာခွင့်အဖွဲ့ကြီး၏ အပြည်ပြည်ဆိုင်ရာ ဌာနခွဲ အမှတ် ၂၂ ၏ ဂုဏ်ထူးဆောင် အဖွဲ့ဝင်လည်း ဖြစ်ပါသည်)

ဆေးထိုးအပ်နဲ့ လူသတ်မယ့်သူ

ပြည်တွင်းမှ စာဖတ်သူ တဦး
(အင်တာနက်စာတိုက်သေတ္တာထဲ ရောက်လာတဲ့ စာ)
နိုဝင်ဘာ ၁၄၊ ၂၀၀၈
သို့ . .
ချစ်လှစွာသော ဖိုးဖိုး
သမီးစာရေးလိုက်ပါတယ်။ ဖိုးဖိုးကြားပြီးပြီလား မသိဘူး၊ ဖိုးဖိုးရဲ့ မိတ်ဆွေ ဒေါက်တာ အေးမောင်ဟန် က သူလက်ရှိလုပ်နေတဲ့ ရန်ကုန်ဆေးတက္ကသိုလ် ၁ ပါမောက္ခချုပ် ရာထူးကနေ ထွက်ဖို့ နုတ်ထွက်စာကို မကြာခင်ကပဲ တင်လိုက်တယ်။
ပြဿနာက ဒီလိုပါ ဖိုးဖိုး။ ရန်ကုန်ဆေး ၁ က ကျောင်းတက်ချိန် ၇၅ ရာခိုင်နှူံး မပြည့်လို့ နောက်ဆုံးစာမေးပွဲကြီးကို ဖြေခွင့်မရတဲ့ ကျောင်းသားစာရင်း ထုတ်ပြန်လိုက်တယ်လေ။ အဲဒီစာရင်းထဲမှာ ပထမနှစ် ဆေးကျောင်းသူ နေခြည်လင်းလက် လည်း ပါတယ်။ သူကတော့ မော်ဒယ်မိန်းကလေးလည်းဟုတ်တယ်၊ ပြီးတော့ ဖိုးလပြည့် (ခေါ်) နေရွှေသွေးအောင်ရဲ့ ချစ်သူလည်းဖြစ်တယ်။ ဖိုးလပြည့်ဆိုတာ ဗိုလ်ချုပ်သန်းရွှေရဲ့ မြေးပေါ့။
အဲဒီကိစ္စလည်းဖြစ်ရော၊ ဖိုးလပြည့်က သူ့အဖိုးရဲ့ ပါဝါသုံးပြီး အတင်းအကျပ် ဖိအားပေးလိုက်တော့ နေခြည်လင်းလက်နဲ့ သူ့ရဲ့ သူငယ်ချင်းတချို့ကို စာမေးပွဲဖြေခွင့် ပြန်ပေးလိုက်ရတယ်။ စာမေးပွဲမဖြေရတဲ့ စာရင်းထဲမှာ ကျန်တဲ့ ဆေးကျောင်းသားတွေက မကျေနပ်ဘူးပေါ့၊ ကျန်းမာရေးဝန်ကြီး ဒေါက်တာ ကျော်မြင့် ကို သွားတိုင်တယ်။ နောက်ဆုံးတော့ ဆေးကျောင်းသား အားလုံးကို စာမေးပွဲဖြေခွင့် ပြန်ပေးလိုက်ရတယ်။
ဒီကိစ္စရဲ့ ဂယက်ဟာ တခြားဆေးကျောင်းတွေကိုလည်း ပြန့်သွားတော့တာပေါ့ ဖိုးဖိုး။ အဲဒီလိုနဲ့ တခြားဆေးကျောင်းတွေကလည်း ကျောင်းတက်ချိန် ပြည့်တာပဲဖြစ်ဖြစ် မပြည့်လို့ပဲဖြစ်ဖြစ် ဆေးကျောင်းသားတွေ အားလုံးကို စာမေးပွဲကြီးမှာ ဖြေခွင့်ပေးလိုက်ရတယ်။
နောက်တခုရှိသေးတယ် ဖိုးဖိုး၊ အရင်က ဆေး ၁ ကျောင်းနားက လမ်းတခုက မပြုပြင်ဘဲ နှစ်ပေါင်းများစွာ ပစ်ထားတာ နေ့ချင်းညချင်းပဲ အဲဒီလမ်းက ရန်ကုန်မှာ အကောင်းဆုံးလမ်း ဖြစ်သွားတယ်။ ဘာဖြစ်လို့လဲဆိုတော့ အဲဒီလမ်းကိုသုံးပြီး ဖိုးလပြည့်က သူ့ချစ်သူဆီ အမြဲလာနေကျလေ။ ဖိုးလပြည့်အတွက်ဆိုတော့ လမ်းကိုချက်ချင်း ကောင်းအောင် ခင်းပေးလိုက်တယ်။
နောက်ထပ်သတင်းတခုလည်း ရှိသေးတယ်။ ဖိုးဖိုးကြားရင် ပိုစိတ်ညစ်သွားအုံးမယ် ထင်တယ်။ စာတိုက်နဲ့ဆက်သွယ်ရေး ၀န်ကြီး ဗိုလ်ချုပ်သိန်းဇော်ရဲ့ သားကလည်း ဂျီအက်စ်အမ်(GSM)ဖုန်းတွေကို ဆေးကျောင်းက ဆရာဆရာမတွေကို အလကားပေး၊ ပြီးတော့ စာမေးပွဲမှာပါမဲ့ မေးခွန်းတွေကို ပြန်တောင်းတယ်။ ဖိုးဖိုးပဲ စဉ်းစားကြည့်တော့၊ ဒီလိုဖြစ်နေတာဟာ မြန်မာနိုင်ငံကလူတွေရဲ့ အသက်နဲ့ကျန်းမာရေးအတွက် ဘယ်လောက်အန္တရာယ်များသလဲ။ အရည်အချင်းမပြည့်တဲ့ ဆေးကျောင်းသားတွေကို မွေးထုတ်ပေးနေသလို ဖြစ်နေတယ်။ ဒီအတိုင်းပဲ ဆက်သွားနေရင်တော့ သမီးလည်း မတွေးချင်ဘူး။
ဆေး ၁ ကိစ္စကို အာဏာနဲ့အတင်းအဓမ္မ စည်းကမ်းမရှိ ကိုင်တွယ်ခဲ့တာကြောင့်ပဲ ထင်ပါတယ်လေ၊ ဖိုးဖိုးရဲ့ မိတ်ဆွေ ပါမောက္ခချုပ် ဒေါက်တာ အေးမောင်ဟန်က တော်တော့ကို စိတ်ညစ်သွားပြီး နုတ်ထွက်စာတောင် တင်လိုက်တယ်။ ဖိုးဖိုးလည်း သူ့ကို စာနဲ့ဖြစ်ဖြစ် ဖုန်းနဲ့ဖြစ်ဖြစ် စိတ်ဓာတ်မကျအောင် အားပေးလိုက်ပါအုံး။
သမီး ဒီမှာပဲ ရပ်တော့မယ်။