Tuesday, November 18, 2008

ငှက်ကလေး ခရီးသွား

မိုးမိုးနှင်း၊ မိုးချိုသင်း
နိုဝင်ဘာ ၁၈၊ ၂၀၀၈

ဒီနေ့ဆို ရန်ကုန်မှာ နိုဝင်ဘာလ ၁၉ရက်။ အဖေသာ ဒီနေ့ ဒီအချိန်မှာ ရှိတယ်ဆိုရင် အသက် (၇၅) နှစ် ပြည့်ခဲ့ပြီ။
အဖေ့ မွေးနေ့အမှတ်တရအတွက် ကိုယ့် အမအငယ် မိုးမိုးနှင်းရဲ့ စာကဗျာ အတ္ထုပ္ပတ္တိလေးကို ဖော်ပြချင်ပါတယ်။ မနှင်းက ဒီစာစုလေးကို အဖေဆုံးပြီး ၃လ အကြာမှာ ရေးခဲ့တာပါ။ မနှင်းကတော့ ကိုယ်တို့ မိသားစုထဲမှာ အနုပညာသွေး အပါဆုံး၊ အဖေ့ကို နားလည်မှု အပေးနိုင်ဆုံး သမီးတယောက်ပါ။
ကိုယ့်ရဲ့ မှတ်တမ်းလေးမှာ ကိုယ့်အမတယောက်ရဲ့စာလေးကို အဖေ့မွေးနေ့ အမှတ်တရ ဖော်ပြခွင့်ရတာ ၀မ်းသာမိပါတယ်။ ဖတ်ကြည့်ကြပါအုံး။ (မိုးချိုသင်း)



ငှက်ကလေး ခရီးသွား
မိုးမိုးနှင်း

မတ်လရဲ့ ဥရောပမှာ ချယ်ရီတွေ စောစောစီးစီး မြိုင်မြိုင် ပွင့်နေပြီ ငှက်ကလေး။ ငှက်လေး ပြန်မလာဘူးလား။

အစ၏ သမိုင်း

သူ့ကို စမွေးတော့ သူ့အိမ်ရာသည် နွားစားကျက်သာသာဖြစ်သည်။ သူ့အိပ်ယာသည် နွားစားခွက်သာသာ ဖြစ်သည်။ ဒါဆို ယေရှုခရစ်လို ဖြစ်နေတာပေါ့ ဟု သူမက ပြူးပြူးပြက်ပြက် အံအားတသင့်မေးတော့ “အဲသလိုဆန်ဆန်ပါပဲ သမီးရဲ့” ဟု ခပ်တွေးတွေး ဖြေသည်။ အဖ ဦးဘအို နှင့် အမိ ဒေါ်စံထယ်တို့မှာ ရပ်ရွာသစ် ပြောင်းစ ကာလ ဖြစ်သည်။ ရေစကြို ခရိုင် မုံညင်း၊ မြေဖြူမှ တောင်သာမြို့နယ် ကန်မြဲဇဂျမ်းရွာသို့ အထုပ်အထည် သိပ်မပါ လက်ချည်းသာသာ ပြောင်းစဉ်က ဖြစ်သည်။

အဖိုး ဘုရားတကာ ဦးထွန်းတင်က သားမောင်ဘအိုကို မဟာဂီတ လိုက်စားစေခဲ့သည်။ ဘာသာ သာသနာနှင့် ဂီတကို စည်းကမ်း တင်းကြပ်စွာ မျိုးစေ့ချပေးခဲ့သည်။ အရွယ်တန်၍ တရွာသူ မစံထယ်နှင့် အကြောင်းပါတော့ အဖိုးက ငွေ အရင်းအနှီးထုတ်ကာ နယ်လှည့် စီးပွားရှာခိုင်းသည်။ ကိုဘအိုမှာ တောင်ယာ စိတ်မ၀င်စား၊ စီးပွားမမှု။ ဖခင်ပေးသော ငွေအရင်းအနှီးနှင့် နယ်လှည့် အထည်သည် ဖြစ်ရသည်။ ထိုဘ၀တွင် ပျော်ရွှင်စွာ ကျင်လည်သည်။

အထက်ပြည် အထက်ရွာ မန္တလေးအထိ၊ အောက်ပြည် အောက်ရွာ မော်လမြိုင်၊ ရွှေတိဂုံအထိ “စိန်ဗေဒါ”ဆိုင်းဝိုင်းနှင့် လိုက်သည်။ ဤတွင် ဂီတ အနုပညာနှင့် ပျော်မွေ့တော့သည်။ အထည်စီးပွားဖြစ်မဖြစ် သိပင်မသိတော့။ ဇနီး မစံထယ်နှင့် မိခင် ဖခင်ကိုပင် အမှတ်မရနိုင်တော့။

၎-၅-၁၀ နှစ် သူ့သည်းခြေကြိုက် စိန်ဗေဒါ ဆိုင်းဝိုင်းနောက် အထက်၊ အောက်၊ အညာ၊ အကြေ စုံအောင် စုန်ဆန်ပါတော့သည်။ မိခင် နာမကျန်းဖြစ်ကာမှ စာကလေး တစောင်မှ တဆင့် ရွာသို့ ပြန်လည်ခြေချ မိသည်။ ငွေလည်း မကျန်၊ လက်လုပ်လက်စားလည်း မလုပ်တတ်။

ထိုမှတဆင့် ဇနီးသည်ကို လက်ဆွဲကာ ကန်မြဲ ဇဂျမ်းသို့ အခြေချဖို့ ကြိုးပမ်းခဲ့သည်။ သားသမီး စုစုပေါင်း ဆယ်ဦးထက် မနည်း ဖွားခဲ့သော်လည်း နောက်ဆုံး သုံးဦးသာ အဖတ်တင်ရသည်။ အဖတ်တင်သည့် သမီးကြီးမှာ“တင်မေ” ဖြစ်လာရသည်။ ကန်မြဲမှ မွေးသူ သမီး “မမြဲ” မှာ အရွယ်မတန်ခင် ကွယ်လွန်ရသည်။ သည့်နောက် ကန်မြဲဖက် မွေးသူ ကန်မြဲဇဂျမ်းသား မောင်ဘဂျမ်းသည် “တင်မိုး” ဖြစ်ပါသည်။ နှမ အငယ်ဆုံးမှာ “မတင်စန်း” ဖြစ်သည်။

ကဗျာ အညွှန်း - ဒီအဖေနဲ့ ဒီသား (စာမျက်နှာ၂၈၀ မှ၂၈၆)

အစပထမ အရီးအံ့၏ အိမ်တွင် အဖီဆွဲနေခဲ့ကြခြင်း ဖြစ်သည်။ အရီးအံ့၏ အိမ်ဖီသည် သူ၏ မွေးဖွားရာ ဖြစ်လာရသည်။

ထိုမှအစပြု၍ ဖခင် မိခင်တို့၏ အပ်ချုပ်ပညာ၊ အဖ၏ဂီတ အနုပညာ မေတ္တာ၊ စေတနာ ရက်မှုနှင့် လုံ့လ ၀ီရိယတို့ကြောင့် တရွာတကျေးတွင် ချစ်ခင်မှုရရှိကာ အိမ်ယာ တင့်တယ် အတည်တကျ ဖြစ်ခဲ့ကြရသည်။ ထိုမှ ရွာဂီိတ၀ိုင်း၊ အိမ်ဂီတ အသိုင်းအ၀ိုင်းမှတဆင့် သူ၏ ဘုန်းကြီးကျောင်းပညာရေးကို ရွာဆရာတော် အရှင်အာစရဆီမှာ ကျိုးကျိုးနွံနွံ သင်ယူသည်။ စာတတ်၊ ပညာတတ် ဖြစ်လိုစိတ် အလွန်ပြင်းပြသည်။ မန္တလေး ရွှေရေးဆောင် ကျောင်းတိုက်မှ ကိုရင်ဘ၀မှာ အားရဖွယ်၊ အားကျဖွယ်၊ သနားစဖွယ်လည်း ဖြစ်သည်။

“ဖေဖေ မန္တလေး ကိုရင်လေးဘ၀ မနက်မနက် ဖိနပ်မပါ ဆွမ်းခံထွက်ရင်း တခါတရံ အမရပူရဖက်၊ အင်းဝဖက်ထိ လယ်ကန်သင်းရိုးတွေမှာ ဖြတ်လျှောက်ရင်း လောကီပညာတွေ သိပ်ဆည်းပူးချင်ခဲ့တာပဲ။ တနေ့တော့ ငါ လောကီပညာတွေ တတ်မြောက်ပြီး လောကီ အကျိုးပြုလုပ်ငန်းတွေ လုပ်ဖို့ အမြဲခံစား အိပ်မက်နေခဲ့တယ် သမီးရယ်”

ဆရာတော်များအား အလွန်အမင်း ကြည်ညိုပြီး ဗုဒ္ဓဘာသာအား အင်မတန် ဦးထပ်ထားသော်လည်း သူ၏တိုးတက်သော အမြင်က ရေစကြို “အမေတိုက်” အိမ်သို့ စွန့်စွန့်စားစား ပို့ခဲ့သည်။ ဤတွင် အဒေါ်ဖြစ်သူ အမေတိုက်၏ ဆိုင်လုပ်ငန်းများ ကူညီရင်း အတန်းကျောင်းပညာရေး စခဲ့ရသည်။

အဖေ၊ အမ၊ ကန်မြဲ ဇဂျမ်းနှင့် ဂီတကိုတော့ သူမမေ့။ ရွာကိုပြန်လာတိုင်း အကျိုးဆောင်သည်။ စာသင်ကြားရေး၊ စာကြည့်တိုက်လုပ်ငန်း အစရှိသည်..။ အဖေ့ရဲ့ မဟာဂီတကိုလည်း ရံဖန်ရံခါ လွမ်းဆွတ်သည်။

သည်လိုနှင့် အခြေခံပညာ အထက်တန်းအောင် ဆရာသမားများ ကျေးဇူးနှင့် မန္တလေးတက္ကသိုလ် ရောက်ခဲ့ရပါသည်။

“ဖေဖေ ဆယ်တန်းအောင်တော့ အသက် ၂၄နှစ် ရှိပြီ။ ကျောင်းစတက်တုန်းက ဘုန်းကြီးကျောင်းဘ၀ကလာတော့ အတန်းထဲမှာ အကြီးဆုံးဖြစ်နေတာ။ ငါ့သမီးက ၁၆နှစ်တောင် မပြည့်သေးဘူး ဆယ်တန်းအောင်တာ ကံကောင်းပါတယ် သမီးရဲ့”

ဟု အားပေးစကားများ အမှတ်ရမိပါသေးသည်။

မန္တလေး တက္ကသိုလ်မှ တဆင့် ကဗျာဆရာတင်မိုး၏ ကဗျာဇာတ်လမ်းများ အစပြုပါပြီ။

သူမ၏ငှက်ကလေး

သူမက ဖခင်ကို ငှက်ဟုခေါ်မည်။ ငှက်က အပြစ်ကင်းစင်သည်။ အသံချိုသည်၊ သဘာဝလောကကို အကောင်းမြင်သည်။ အလှဆုံး သီဖွဲ့သည်။ မနက်လင်းအားကြီးနိုး သီချင်းဆိုသည်။ သည်လောက်ဆို ငှက်ကလေး၏ ဂုဏ်အင်္ဂါ လောကတွင် တနေရာစာ ကြွယ်ဝပြီ။

ငှက်ကလေးနိုးလျှင် ချက်ချင်း မျက်နှာသစ်သည်။ နိုးထခြင်း၊ သစ်လွင်ခြင်း၊ အသံတွေကို ရှာမည်။ အရုဏ်၏အလှ အခင်းအကျင်းကို သူက အမက်မောဆုံးဖြစ်မည်။ သန့်စင်ခြင်း၏သဘောလား။ ကျေးငှက်တို့၏ ဂီတသံ၊ ပဲပြုတ်သည် မလေး၏ စူးရှရှ ဂရုဏာသံ၊ စမ်းချောင်းလေး တွတ်ထိုးသံ၊ လက်ဖက်ရည်ဆိုင်များ၏ တရားဓမ္မသံ (သို့မဟုတ်) ကြောင်ကျီကျီ ဂီတသံ၊ ဒါမှ မဟုတ် ကလေးနိုးထ သံ၊ အရုဏ်ဦး ဘုရားရှိခိုးသံ အကုန် စူးစမ်းသည်။ ကဗျာတပုဒ် ဖန်ဆင်းမိပြီပေါ့။ နောက် နေခြည်ထွက်လာ၊ နေစာလှုံ စာတပုဒ် ပြီး တပုဒ်၊ နောက်တပုဒ်။

လက်ဖက်ရည်ကြမ်း တခွက်၊ ဆေးလိပ်တတို၊ ကော်ဖီတငုံ၊ ပဲပြုတ်သည်မလေးရောင်းတဲ့ ကောက်ညှင်းပေါင်း။ အားလုံး ကဗျာဖြစ်ခဲ့ပြီ။

“မနက်ခင်း ကဗျာများ” သည် လှပသည်ချည်း။ ။

ထိုသို့ ကျေနပ်စွာ လွတ်လပ်ပြီးသကာလ ပြင်ပသို့ ထွက်ကာ ကဗျာနှင့် လောကရဲ့ အမှန်တရားကို ညှိမည်။ အဖြေရှာမည်။

ကျောင်းဆရာတဦးရဲ့ ဘ၀၊ ပန်းချီဆရာ၏ အတွေး၊ ကလေးငယ်၏ ပုံရိပ်၊ ဆိုက်ကားဆရာ၏ ဇာတ်လမ်း၊ အိမ်ရှင်မ၏ ဒုက္ခ၊ အရာရှိမင်း၏ ပြဿနာ၊ လူငယ်တို့၏ အရေး။ လောကတရားခုံရုံး၌ လွတ်လပ်တရားသူကြီး ဖြစ်မည်။ ကိုယ်ပိုင်အတွေး နိုင်ငံတွင် ကိုယ်တိုင် အစိုးရမည်။ အမှန်၊ အမှား၊ အချို၊ အခါး ခြုံငုံ ကြည့်ရှုမည်။ လက်ဖက်ရည်ဆိုင်များသည် သူ၏ကဗျာ စတူဒီယိုများသာ ဖြစ်ပါသည်။ နားထောင်စမ်း လူတွေရဲ့အသံ။ သူတို့ ပြောပြနေကြတာ၊ သူတို့ရဲ့ အလွှာလွှာ ခံစားမှုတွေ။ ရုံးမှာ၊ ကျောင်းမှာ၊ လမ်းမှာ။

ညဖက်အိမ်ပြန်တော့ ဒါတွေ ကဗျာဖြစ်ပြန်သည်။ ထိုကဗျာများကတော့ အရောင်စုံရပြီ။ ရသစုံသည်။ ခံစားမှု အစုံစုံ၊ စေတနာ အဖုံဖုံ။

ညနေဖက်တွင် ငှက်ကလေး၏တေးသံ အနည်းငယ် အက်ကွဲသည်။ ဘာပဲပြောပြော ဖခင်သည် သူမ၏ အရင်းနှီးဆုံး တေးသီငှက် ကလေးတကောင် ဖြစ်ရသည်။


အတ္ထုပ္ပတ္တိ


ပန်းများရဲ့ အတ္ထုပ္ပတ္တိ
မျိုးစေ့
ပန်းပင်
ပွင့်
ကြွေ
ဒါဟာ ပန်းပွင့်ရဲ့ အတ္ထုပ္ပတ္တိ မဟုတ်။

မြေထဲက ရုန်းထ မှု
လေထဲမှာ ရနံ့ ဖြန့်ဝေမှု
မုန်တိုင်းကို ခေါင်းငုံ့မခံ
လက်တုံ့ပြန်နိုင်မှု
နေရဲ့ ဒဏ်ကို
အားမာန်အဖြစ် ပြောင်းလဲမှု
သူ့စွမ်းအား သူ့ဂုဏ်သတ္တိတွေသာ
ပန်းပွင့်၏ အတ္ထုပ္ပတ္တိ ဖြစ်တယ်။

ပွင့်ပါစေ
ကြွေပါစေ
နိယာမ တရားထဲမှာ ကျင်လည်ပါစေ။

မြေ
လေ
ရေ
နေ
သူ့ အတ္ထုပ္ပတ္တိ ဖြစ်ထွန်းရာ အခြေအနေ
မွှေးပျံ့လာမယ့် ကမ္ဘာမြေ။
၁၉-၁၁-၉၅



အဖေမရှိမှ အဖ အကြောင်း ရေးရတော့မည်။ အရာရာ ချီတုံ ချတုံ၊ မချိတင်ကဲ။ အရာရာ အပိုင်းပိုင်း အစစ။ တိုတိုတောင်းတောင်း၊ ရှည်ရှည်လျားလျား။

အဖက အထည်ချုပ်၊ အမက ကြယ်သီးဖောက်၊ အဖက ဘင်ဂျိုတီး၊ ပတ္တလားခေါက်၊ အမက အကြမ်းတည်။ ဆရာအို တီးဝိုင်းသည် ရွာရှိလုလင်တို့၏ အနုပညာ ဘူမိနက်သန်။ ဖခင်၏ ကြီးပြင်းရာ အခြေအမြစ်။

ကဗျာ၏အချစ်က အချစ်ကို ကဗျာ ဖြစ်စေခဲ့သည်။ မန္တလေး တက္ကသိုလ် ဇာတ်လမ်းများတွင် ကဗျာသန်သူ၊ ကဗျာဆန်သူ၊ ကဗျာခင်သူ၊ ကဗျာ မင်သူ၊ ကဗျာမွေ့သူ၊ ကဗျာကို တွေ့သူ ရန်ကုန်သူ မိခင် “စန်း”နှင့် ချစ်ကြိုးသွယ်ခဲ့ရပြီ။ ထို့နောက် “ကဗျာ မိသားစု တည်ထောင်ကြလေသည်။

မန္တလေး စာပေလှုပ်ရှားမှုများမှ ရန်ကုန်သို့ ပြောင်းလာခဲ့ရာ သူမကို မွေးဖွားခဲ့သည်။ သူမကို “သမီးက မန္တလေး သန္ဓေ၊ ရန်ကုန်မွေး” ဟုပြောပြခဲ့သည်။



ကဗျာ မိသားစု

သူမကတော့ ဖခင်ကို စ သိချိန်တွင် ဖခင်၏ ဖောဖောသီသီ နှစ်နှစ်ခြိုက်ခြိုက် အပြုံးကို အဓိက မှတ်မိသည်။ ဖခင်သည် ငှက်တကောင်၏ တေးဆိုသံနှင့် မခြားမနား လေချွန်သည်။

သူမကတော့ သူမကိုယ်သူမ ၇ လအရွယ်နှင့် ကွယ်လွန်ခဲ့ရသော သူမအထက် အမ “မိုးမိုးမင်း” ၀င်စားသည်ဟု ယုံကြည်နေသည်။ ဖေဖေတို့ မေမေတို့ ဘ၀လေးထဲကို နှစ်ခါ ပြန်ဝင်လာတာ ဟု ဖခင်က အမှတ်တရ ပြောလေ့ရှိသည်။

“မင်းမင်းက သူ့အဖေ မြင်ရင် မျက်လုံးလေးတွေ ကြယ်လို ၀င်းတောက် သွားတာ။ အဖေ့လေချွန်သံကို ရှာပြီး ပြုံးပြရတာ အမော”

ဟု မိဘ၏ နက်ရှိုင်းမေတ္တာကို ငယ်ငယ်ကတည်းက ခံစားနေရသည်။

သူမအရွယ်ရောက်တော့ အိမ်သိပ်မကပ်ချင်။ ဖခင်နောက် တတောက်တောက် လျှောက်လိုက်သည်။ မိဘကျေးဇူးဖြင့် ဘ၀တွင် စာအုပ်ကောင်းများသာ ဖတ်ခွင့်ရခဲ့သည်။ ငယ်ငယ်ကတည်းက ပထမဦးဆုံး ဖတ်ခိုင်းတဲ့ စာအုပ်ကို မှတ်မှတ်ရရ ရှိလှသည်။ သမီး ဒါကို ကုန်အောင်ဖတ်။ စာအုပ်စင်မှ ဆွဲထုတ်ပေးသည်။ အင်ဒီရာဂန္ဓီသို့ ပေးစာများ။(ဖခင် နေရူးမှ-)

ယခင်ကတော့ Le Petit Prince (ခင်လေးမြင့် ဘာသာပြန် မင်းသားလေး)၊ Anderson ပုံပြင်များ၊ မိုးမခပင်ကြီးအောက်မှာ (အံ့မောင် ဘာသာပြန်)တို့ ဖတ်ဖူးပြီ။ နောက်ပိုင်းလည်း စာအုပ်အစုံစုံ Anne Frank Diary၊ မိုးကြယ်မို့လားနှင့် လမ်းသစ်၊ ငဘ၊ သူလိုလူ၊ ရင်နင့်အောင် မွှေး၊ လေရူးသုန်သုန်၊ ဦးစံရှား စုံထောက် ဇာတ်လမ်းများ၊ အစုံ အစုံ။

သူမကတော့ ဆရာဇော်ဂျီဘာသာပြန် နင်လားဟဲ့ ချစ်ဒုက္ခ ၀တ္ထုတိုများနှင့် ဆရာဝဏ် ဘာသာပြန် ဟိုက္ကူကဗျာများကို ငယ်ငယ်ရွယ်ရွယ် စိတ်ကူးယဉ် စွဲလန်းခဲ့ရသည်။ ယခု ကွယ်လွန်သူ ဆရာ မောင်ထွန်းသူရဲ့ လေလွင့်ငှက်ငယ်ကလေးများ ထင်သည် စသည်များ အပါအ၀င်ပါ။ ကလေးဘ၀တွင် မူးရင်း၊ ဘာသာပြန်၊ ကဗျာ၊ စာ စုံလှသည်။ မိဘေက်းဇူးပါ။

စံ နှင့် ချိုကတော့ သူမထက် စာဖတ်နိုင်သည်။ ကျောင်းဖွင့်ရက်၊ ကျောင်းပိတ်ရက် မရွေး အိမ်တွင် သည်းကြီး မည်းကြီး စာဖတ်ကြသည်။ ပြီး အမြင်တွေ ဖလှယ်ကြသည်။ ရွှေဥဒေါင်းများ၊ ဂျာနယ်ကျော်များ၊ ခင်နှင်းယုများ၊ စံစံက သူ့ရဲ့ ငယ်ဘ၀တခုလုံး စကားလက် အိုဟာရာက လွှမ်းမိုးနေပါသတဲ့။ “အေး”ကတော့ မဂ္ဂဇင်း ၀တ္ထုတိုများကို ပိုနှစ်ခြိုက်သည်။ “ချို”က မြန်မာစာ အရေးကောင်းသည်။ ဒါကြောင့် အယ်ဒီတာ နှင့် ၀တ္ထုရေးဆရာမလေး ဖြစ်လာသည်။ လွမ်းဆွတ်ဖွယ် “မှန်တင်ခုံပေါ်က နှင်းဆီပွင့်”။

“ဥာဏ်”ကတော့ ဟိုတအုပ်၊ သည်တအုပ်၊ ဟိုနားခွေ၊ သည်နားခွေ ဖတ်နေတာပါပဲ။ ဘာစာအုပ်တွေလဲတော့ သိပ်မသိ။

တအိမ်လုံး အကြိုက်ကတောပ မိုးမိုးအင်းလျား ဖြစ်မည်။ အမေက စ ဦးဆောင်။ “မြန်မာပြည်တွင် နေကြသည်”က အလွန် သရုပ်ပေါ်လှတဲ့ ဂန္တ၀င်အနုပညာလက်ရာ။

အိမ်တွင်းစကားဝိုင်းများတွင် စာပေနှင့် အနုပညာရေး က အဓိက ဖြစ်လို့နေသည်။ ၀မ်းရေး အတွက် အမေက မေတ္တာစေတနာ ဗလပွနှင့် အမေ့ကျောင်းပျိုးခင်း မူကြိုကို အောင်မြင်စွာ ဖွင့်၍ အဖေ့အနုပညာကို ပါရမီ ဖြည့်သည်။ သားသမီး ငါးဦး အ၀တ်လှ၊ ဗိုက်ဝခဲ့ပါသည်။

“ပုဂံကျောင်းက ခေါင်းလောင်းသံ” ကဗျာများ ၁၉၇၇ ထုတ်ကတော့ ဖခင်ရော သူမပါ အားအရဆုံး ကဗျာစာအုပ်ဟု ထင်မြင်ပါသည်။ အနုပညာ၊ လူမှုရေး လူသားရေးရာ အစစ စေတနာနဲ့ အရည်အသွေး ရောင်ပြန်ဟပ်နေသော ခေတ်၏ ကြေးမုံတချပ်လို့ သူမထင်သည်။ ကံကော်ရိပ်မှ အိမ်မက်များကိုလည်း အံ့သြတကြီး သူမ နှစ်ခြိုက်သည်။

ဆယ်ကျော်သက် သူမ စာလက်တဲ့စမ်းကြည့်တော့ “ရထားည” တို့ “အိမ် ဒိုင်ယာရီ” တို့ “စိတ္တဇ ပန်းချီ” တို့၊ “ပညတ်များ”တို့ “စပယ်မေမေနှင့် စကားပြောခြင်း”တို့ ထွက်လာသည်။ ဖခင် သိပ်သဘောတွေ့ပုံ မရ။ လက်တွေ့နဲ့ ဘ၀ကို ဆက်စပ်ပါ သမီးရဲ့၊ အတွေးနဲ့ ခံစားမှုတွေကို လျှော့ပါ။

လွင့်မျော မနေစေနဲ့။

ဖခင်က ဆရာကြီး ရွှေဥဒေါင်း၏ခွန်အားရှိသော စာကို ထောင့်အမျိုးမျိုးမှ တွေး၍ လိုလားသည်။ အနုပညာနဲ့ လောကကို အားပေးပါ ဒါ အဓိပ္ပါယ် ပိုရှိပါတယ် တဲ့။ သူမ ဖခင်ကဗျာများ ဖတ်ရင်း ရဲရဲဝင့်ဝင့် ထောက်ခံပါသည်။

ထို့နောက် ဖခင် အလုပ်ပြုတ်၊ “စာသင်ပြခြင်း” ၏ အပြစ်ဒဏ်။ အလကားပဲတင်း စေတနာ ကျောင်းဆရာအဖြစ် နှစ်ပေါင်းများစွာ အကျိုးပြုအပြီး ရလဒ်။

အိမ်ပြောင်း၊ အမေဆုံး၊ အဖေ ထောင်ကျ၊ ကဗျာများ အချိုမြ နည်းပါးချိန် ကာလ။

အမှန်တော့ အမေဆုံးပါးကတည်းက အဖေ အတော်ငိုင်ခဲ့ပြီ။ ဒါပေမဲ့ ခွန်အားတွေ ပြန်မွေးသည်။ လောကဓံကို တင်းခံကြည့်သည်။ အငိုမှ ပြုံးကြည့်သည်။


မိုးနှင့်စမ်း

မိုးရွာလျှင်
စမ်းကလေး စီးမှာပင်။
မိုးစဲလျှင်
စမ်းကလေး အားနည်းမှာပင်။
မိုးကုန်လျှင်
စမ်းကလေး၏ အဟုန်ရပ်ပြီး
အနာဂတ် မိုးရာသီကို
မျှော်အုံးမည်ပင်။
မိုးရှိလျှင်
စမ်းရှိမှာ သေချာသည်ပင်။
တင်မိုး

သူပေးခဲ့သော တာဝန်များ

မီးတိုင်ငြိမ်း၍
သိမ်းပိုက် အထုပ်၊ တလှုပ်လှုပ်ဖြင့်
မိုးချုပ်ချိန်မှာ၊ သူနားရှာပြီ
နားပါစေတော့ ငြိမ်းစေတော့။

သူ့တာဝန်များ၊ အလုပ်နား၍
တံခါးသော့တံ၊ သူအပ်နှံခဲ့။

သွေးလက်စ နှင့်
ဝင်းပ လက်လက်၊ အကွက်ကျကျ
အရည်လှသည့်၊ မြ နှင့် ပတ္တမြား
ချန်၍ ထားခဲ့။

ထွန်စ ယက်စ၊ ပေါင်းသင်ရမည့်
မြသား ယာမြေ ဟိုတောင်ခြေတွင်
နေ၀င်ခါစ၊ ချိုးမ ကူသံ
တောပန်းမန်နှင့်
စိုက်ရန်ပျိုးရန်၊ ချန်ခဲ့သည်။

သူစိုက်ခဲ့သည့်
နွဲ့နွဲ့ လေဟုန်၊ စံပယ်ရုံမှ
ဖူးငုံနေဆဲ ရှိသေးသည်။

စံပယ်ပန်းနံ့၊ သင်းပျံ့နေစဉ်
ငါ့ ဥယျာဉ်၌
ပေါင်းသင် ရေလောင်းရအုံးမည်။

သူထားခဲ့ရာ၊ ရတနာကို
ကောင်းစွာ သွေးရပေအုံးမည်။

သူသီလက်စ၊ တေးအလှသည်
ပါဒ ပြည့်ရန်၊ အဖြည့်ခံမို့
ထပ်မံ ဖြည့်စွက် ရအုံးမည်။

ငါ့မှာ တာဝန်၊ ထမ်းဆောင်ရန် မို့
လွမ်းပန်း မပန်နိုင်ပါသေး။
သူပေးခဲ့ရာ၊ မြတ်ဝန်တာကို
ငါ့မှာ ထမ်းဖို့ ရှိပါသေး။

(စန်း ၅လ ပြည့်)
၁၇-၄-၉၁



နောက် အကျဉ်းစံဘ၀။ သုတတို့၊ ကိုရင်ခေါင်းပြား တို့၊ သက်ဇော်တို့၊ သက်ထွန်းတို့၊ သက်ဝင်းအောင်တို့ရဲ့ တိုးတိုးဖော် ဖြစ်ခဲ့ရသည်။

မှတ်မှတ်ရရ အဖေထောင်ကထွက်တဲ့နေ့က အဖေ့ထောင်ဝင်စာတွေ့ရသည့်နေ့။ သမီးတွေလည်း အဖေလွတ်တာတွေ့တော့ အပျော်လွန်ပြီး ပြင်ဆင်ထားသော ထောင်ဝင်စာ အထုပ်များအား ထောင်ထဲမှာ ကျန်ခဲ့သော ရဲဘော်များကိုပေးရန် သတိမရလိုက်ကြ။

အဖေ ငိုသည်။

“သမီးတို့ ထောင်ဝင်စာ ပို့ဖို့ မေ့သွားကြတာလား” တဲ့။

နောက်မှ ၀န်ထမ်းများနှင့် ပြန်လည် ပို့လိုက်ရသည်။

ထိုမှ သူမလည်း ”ဖန်မီးအိမ်” ဆေးခန်းရှင် ဖြစ်၊ နိုင်ငံရပ်ခြားတွေ၊ ပြည်တွင်းတွေ လှည့်လည်၊ အိမ်ထောင်လဲကျ၊ ချစ်သော မြန်မာပြည် နှင့် ကဗျာ မိသားစုကလေးအား ခွဲခွာ ခဲ့ရ။ လောကကြီးမှာ အမှန်တကယ်တော့ ကဗျာထက် အရေးကြီးတာ သိပ်မရှိခဲ့။

တလောကမှ ကိုအောင်ဝန်း (နယ်သာလန်) ပြောပြမှ

“ဆရာတို့က ရသ ခံစားတတ်အောင် လူတိုင်းကို သင်ပေးချင်တာ၊ ရသ ခံစားတတ်မှ လူအချင်းချင်း ကိုယ်ချင်းစာတရားရှိမှာ လို့ ပြောခဲ့တာ”

သူ့ရင်ထဲမှာ ယနေ့အထိ စွဲခဲ့ရကြောင်း မှတ်မှတ်ရရ သိရသည်။ ဟုတ်ပါရဲ့။ ငွေကြေး၊ အာဏာ၊ ရာထူး၊ လောဘ တက်နေသရွေ့ လောကမှာ ကဗျာမဲ့၊ ရသမဲ့နေမည်လေ။



ကဗျာ မိသားစု

အိမ်မြိတ်စွန်း၌
ပြည့်ဝန်းသောလ၊ သိက္ခာကျအောင်
ရှင်မနဲ့သား၊ ဖွံ့ထွားထွား။

သည်မိ သည်ဖ
လပြည့်ဝန်းခိုင်၊ အပိုင်ရ သို့
သားလှ ရင်သွေး၊ ဖြူဖွေးဖွေး။

သမီးတစု၊ ကြယ်ဖြူဥ သို့
တယုတယ၊ ထွန်းပပ။

မိသားစုတွင်၊ စိတ်ကြည်ရွှင်လျက်
ကြင်နာ သစ်သစ်၊ အချစ် ထပ်ထပ်
မြတ်မြတ် ဆင့်ဆင့်၊ သက်ရွယ်ရင့်တိုင်
ချစ်နှင့် အတူ၊ ပြုံးကြည်ဖြူလျက်
လူသားကောင်းကျိုး၊ ဆောင်သည်ပိုးလျက်
နိုးကြားဘ၀၊ နေလိုလှ။

(မိုးဝေ၊ ၁၉၈၅၊ ဖေဖော်ဝါရီလ)

ဆက်ပါအုံးမည်။
မိုးမိုးနှင်း



မီးခြစ်တဆံ




မီးခြစ်တဆံ

(မောင်သော်က)

နိုဝင်ဘာ ၁၈၊ ၂၀၀၈

(၁)

အနှစ်၂၀ ဆိုပါလားဟေ့ …။

အမြင်ကပ်လောက်အောင်

ကိုယ့်ကိုယ်ကိုယ် တပ်မက်စိတ်ရှိသူများက

ကြောင်သူတော်သောကနဲ့လေ…။


အနှစ်၂၀ ဆိုပါလားဟေ့ …။

ကောက်ကျစ်သော အမြင်တိုသော

ကိုယ်ကျိုးငဲ့ ရန်လိုစိတ်နဲ့ 

လူလားမြောက်လာတဲ့ အာဏာပါးကွက်သားတို့က

ကိုယ့်ကိုယ်ကိုယ် လေးစားခြင်းငှာ မတတ်စွမ်းနိုင်တဲ့

ကောက်ရိုးမျှင် ဥပဒေနဲ့လေ…။



အနှစ်၂၀ ဆိုပါလားဟေ့ …။

အကောင်းအဆိုးအပေါ်မှာ

ရှက်ဖွယ်လိလိ ဥပက္ခာပြုနိုင်သူများက

ယုတ်ညံ့သိမ်ဖျင်းမှုနဲ့

မသန့်စင်သောအရာမှန်သမျှ မုသားပုဒ်မနဲ့လေ…။



အနှစ်၂၀ ဆိုပါလားဟေ့ …။

ရုပ်မှာ အာဏာနဲ့ ကျည်ဆန်

နာမ်မှာ ဖက်ဆစ်

မအောင်မြင်တဲ့ သူရဲကောင်းများရဲ့

အာဃာတထက် အဆိပ်အတောက်ပြင်းတဲ့ ခုံရုံးအမိန့်နဲ့လေ…။



(၂)

“မီးပွားကလေးကနေပြီး မီးတောက်ကြီးဖြစ်လာတဲ့အခါမှာ

ကမ္ဘာမြေပေါ်မှာရှိတဲ့ အညစ်အကြေးဟူသမျှနဲ့

လူလေလူလွင့် ဂျပိုးတေလေတွေကို လောင်စားသွားလိမ့်မယ်…” (ဂေါ်ကီ)

မောင်သော်ကရဲ့ ‘မီးခြစ်တဆံ’ ဟာ

နောင် … အနှစ် ၂၀ ကြာတဲ့အခါမှာ

လောင်စာများရဲ့ ပြာနဲ့ထုဆစ်

သမိုင်းဝင်ကျောက်တိုင် ဖြစ်လာလိမ့်မယ် ။ ။



မောင်သော်က (ခ) ဗိုလ်မှူးဘသော်

ရေတပ်ဗိုလ်မှူးဟောင်း တဦးလည်းဖြစ်၊ အမျိုးသားဒီမိုကရေစီအဖွဲ့ချုပ် ဗဟိုကော်မတီဝင်တဦးလည်းဖြစ်၊ သရော်စာအရေးကောင်းသူ စာရေးဆရာတဦးလည်းဖြစ်တဲ့ မောင်သော်က (အမည်ရင်း ဦးဘသော်) အကျဉ်းထောင်အတွင်းမှာ ရေးဖွဲ့ခဲ့တဲ့ ကဗျာတွေထဲမှတပုဒ်ဖြစ်သည်။

၁၉၈၉ အောက်တိုဘာတွင် တပ်မတော်အတွင်း ပုန်ကန်မှုဖြစ်အောင် ပြုလုပ်သည်ဟူသော စွပ်စွဲချက်ဖြင့် စစ်ခုံရုံးမှ ထောင်ဒဏ်အနှစ် ၂၀ ချမှတ်ခံရပြီး ၁၉၉၁ ဇွန်လ ၁၁ ရက်နေ့တွင် ရန်ကုန်ဆေးရုံကြီး အချုပ်ခန်းအတွင်း၌ ကျဆုံးသည်။

လက်ဝေခံတို့ ပေါင်းစားကြပြန်ပြီ


လုပ်ငန်းရှင်တဦး/ ၁၈ နိုဝင်ဘာ ၂၀၀၈


မြန်မာ့ရေနံလုပ်ငန်းမှာလည်း စစ်အစိုးရနှင့် ပတ်သက်သည့် မြန်မာကုမ္ပဏီများသာ အကျိုးခံစားခွင့်တွေရနေကြသည်။

၂၀၀၈ အောက်တိုဘာ ပထမပတ်မှာ မြန်မာ့ရေနံ (MOGE) နှင့် ဗီယက်နမ်အစိုးရ ကုမ္ပဏီတခုတို့ အကျိုးတူ ရေနံတူးဖော်ရန် (PSC-Production Share Contract)
off shore အတွက် M-2 ကို စာချုပ်ချုပ်ပါသည်။ မြန်မာပြည်ဘက်က ကုမ္ပဏီကတော့ အေဒင်အုပ်စု ဆောက်လုပ်ရေးကုမ္ပဏီဖြစ်ပါသည်။

အေဒင်အုပ်စုဆိုသည်မှာ စစ်အာဏာရှင်ကို လက်ဝေခံပြီး ကြီးပွားနေသည့် ဦးချစ်ခိုင် ပိုင်ဆိုင်သည့် ကုမ္ပဏီဖြစ်သည်။ သူဌေးဦးချစ်ခိုင်ဆိုသည်မှာ ထောက်လှမ်းရေးဗိုလ်ချုပ်ဟောင်း ကျော်ဝင်းနှင့် ရင်းနှီးပြီး ဗိုလ်ချုပ်ခင်ညွန့်လက်ထက်ပွားဟု ဆိုနိုင်ပါသည်။

အေဒင်အုပ်စုသည် ရန်ကုန်ကမ္ဘာအေးဘုရားလမ်းမှ Sakura Resident၊ ကန်တော်ကြီးစောင်းမှ Signature စားသောက်ဆိုင်၊ နေပြည်တော်မှ သင်္ဂဟဟိုတယ်၊ တောင်ကြီးအေးသာယာ Resort စသည်တို့ကို ပိုင်ဆိုင်ပြီး နေပြည်တော်မှာလည်း ဥာဏသိဒ္ဓိရပ်ကွက်ကြီး တည်ဆောက်ခဲ့သည့် ကုမ္ပဏီဖြစ်သည်။ ဧရာဝတီတိုင်းမှာလည်း အေဒင်ဦးချစ်ခိုင်၏ သမက်တဦးက ဦးစီးပြီး ဆောက်လုပ်ရေးလုပ်ငန်းများစွာကို ဆောက်ခွင့်ရနေသည်။

အလားတူပင် IGE ကုမ္ပဏီသည်လည်း အမှတ် (၁) စက်မှုဝန်ကြီး ဦးအောင်သောင်းပိုင်ဆိုင်သည့် ကုမ္ပဏီများထဲမှ တခုဖြစ်သည်။

IGE ကုမ္ပဏီသည် ၂၀၀၇ ခုနှစ်အစပိုင်းတွင် မလေးရှားကုမ္ပဏီတခုဖြစ်သည့် Petronas Global Limited(A member of RIMBUJNAN HIJAU GROUP) နှင့် အကျိုးတူပူးပေါင်းပြီး မြန်မာနိုင်ငံတွင် ကမ်းလွန်ရေနံတူးဖော်ရန်အတွက် M-1 နှင့် M-5 လုပ်ကွက်များကို စာချုပ်ချုပ်ဆိုခဲ့သည်။

အဆိုပါကုမ္ပဏီ (၂) ခုသည် အကျိုးအမြတ်များများ ရနေသည့် ကမ်းလွန်ရေနံနှင့်သဘာဝဓာတ်ငွေ့တူးဖော်ရာတွင် နောက်ဆုံးဝင်လာသည့် ကုမ္ပဏီသစ် (၂) ခုဖြစ်သည်။ မြန်မာနိုင်ငံ၌ ရေနံနှင့်သဘာဝဓာတ်ငွေ့လုပ်ကိုင်နေသည့် ကုမ္ပဏီ (၁၃) ခုအနက် အကျိုးတူပူးပေါင်းလုပ်ပိုင်နေသည့် မြန်မာကုမ္ပဏီ (၄) ခုရှိသည်။ နောက်တိုး ကုမ္ပဏီ (၂) ခုဖြစ်သည့် ဦးချစ်ခိုင်၏ အေဒင်အုပ်စုနှင့် ၀န်ကြီးဦးအောင်သောင်း ပိုင်ဆိုင်သည့် IGE ကုမ္ပဏီ (၂) ခုပါ ပေါင်းလျှင် အကျိုးတူပူးပေါင်းလုပ်ကိုင်နေသည့် မြန်မာကုမ္ပဏီပေါင်း (၆) ခု ရှိလာပြီဖြစ်သည်။

အဆိုပါ မြန်မာကုမ္ပဏီများမှာ စစ်တပ်လက်ဝေခံများဖြစ်ပြီး ပူးပေါင်း ကြီးပွားနေကြသည်။ စစ်တပ်မှ အကောင်အထည်ဖော်နေသည့် ဈေးကွက်စီးပွားရေးကို လက်ဝေခံပြီး တိုင်းပြည်သယံဇာတ ခိုးယူနေကြသည့် ကုမ္ပဏီများသာဖြစ်သည်။ ဈေးကွက်စီးပွားရေးဆိုသည့် လုပ်နည်းလုပ်ဟန်တခုကို ဥပမာပေးပါမည်။

၂၀၀၆ ခု နှစ်ဆန်းပိုင်းတွင် အစိုးရပိုင် မြန်မာ့ရေနံနှင့်သဘာဝဓာတ်ငွေ့လုပ်ငန်း MOGE မှ တင်ဒါတခုခေါ်ပါသည်။ MOGE မှာသုံးရန်အတွက် (Dumping Unit) ရေနံစုပ်စက်နှင့် ရေနံတွင်းတူးပိုက် စုစုပေါင်း အမေရိကန်ဒေါ်လာ သန်း (၂၀) ဖိုး တင်ဒါခေါ်ပါသည်။ မြန်မာပြည်မှာ ရေနံပစ္စည်းတင်ဒါ ပြိုင်ကြသည့် ကုမ္ပဏီ (၁၀) ခုခန့်က ဈေးပြိုင်ပေးပြီး နေပြည်တော်သို့ အခေါက်ခေါက်အခါခါ သွားရောက် တင်ဒါပြိုင်ကြရသည်။

MOGE မှ အကြောင်း သိသူများကတော့ “ခင်ဗျားတို့ တင်ဒါလာမပြိုင်ကြနဲ့။ ၀န်ကြီးဦးအောင်သောင်းရဲ့ IGE ကုမ္ပဏီက တင်ဒါဝင်ပြိုင်နေတယ်” ဟု ပြောသည်။ နောက်တနှစ်ခန့်အကြာ တင်ဒါဖွင့်ချိန်တွင် အမှန်တကယ်ပဲ ၀န်ကြီးဦးအောင်သောင်းပိုင်ဆိုင်သည့် IGE ကုမ္ပဏီကသာ တင်ဒါရသွားသည်။

IGE ကုမ္ပဏီတင်သွင်းသည့် ပစ္စည်းများကို ကြည့်လျှင် ဥပမာ ရေနံစုပ်စက် (ပေ ၉၀၀၀ အနက်စုပ်) တခုဆိုလျှင် ကမ္ဘာ့ပေါက်ဈေး အမေရိကန်ဒေါ်လာ (၃၀၀၀) ရှိသော်လည်း IGE က အမေရိကန်ဒေါ်လာ (၆၀၀၀) ဖြင့် MOGE သို့ ဈေးကြီးကြီးနှင့်ရောင်းသည်။ IGE တင်သွင်းသည့် ရေနံပိုက်ကလည်း ဈေး (၂) ဆခန့်ကြီးပြီး အပြင်ပန်းအတိုင်းအတာ ညီသော်လည်း အတွင်းပိုင်း (Inside diameter) မညီသည့်အတွက် ပစ္စည်းများ တင်မရ ချမရဖြစ်ရသည်။
စင်စစ် IGE ကုမ္ပဏီမှ တင်သွင်းသည့် ပစ္စည်းများသည် တရုတ်ပစ္စည်းများသာဖြစ်သည်။ IGE နှင့်တရုတ်တို့ ပေါင်းစားကြသည့်အတွက် ပစ္စည်းညံ့ ဈေးကြီး ရေနံပစ္စည်းများကို MOGE က သုံးစွဲနေရသည်။

အလားတူပင် ရန်ကုန်မြို့မှ ဓာတ်ငွေ့သုံးကားများအတွက် CNG compressor တွေ ၀ယ်တော့လည်း ၀န်ကြီးဦးအောင်သောင်းပိုင်ဆိုင်သည့် IGE ကုမ္ပဏီကသာ တင်ဒါအောင်ပြီး ထုံးစံအတိုင်း ဈေးကြီးပစ္စည်းညံ့များဖြစ်သည့် တရုတ်ပစ္စည်းများကိုသာ သွင်းခဲ့သည်။ အဆိုပါ CNG compressor များ ယခုဆိုလျှင် ပျက်စပြုနေပြီဖြစ်သည်။ စံချိန်စံညွှန်းဖြစ်နေသည့် ဖိအား ပေါင် (၂၀၀၀) ကိုပင် ဖြည့်ပေးနိုင်စွမ်း မရှိတော့ပေ။

မြန်မာစစ်အစိုးရ ဈေးကွက်စီးပွားရေးသည် လက်ဝေခံတို့ ပေါင်းစားသည့် စီးပွားရေးစနစ်သာဖြစ်သည်။


Tuesday, 18 November 2008 သတင်း

စီးပွားပျက်ကပ်ကြောင့် စင်ကာပူရောက် မြန်မာအလုပ်သမားများ ဒုက္ခ တွေ့နေ
Tuesday, 18 November 2008 19:42 အေးချမ်းမြေ့
အလုပ်ရှာမရခြင်းနှင့် အလုပ်ရပ်နား ခံရခြင်းတို့ကြောင့် စင်ကာပူနိုင်ငံမှ မြန်မာ အလုပ်သမားများမှာ တပတ်အတွင်း ရာနှင့်ချီ၍ ပြန်သွားရကြောင်း ကြားသိရသည်။

စင်ကာပူနိုင်ငံ လူ့စွမ်းအားအရင်းအမြစ် ဖွံ့ဖြိုးမှုဌာန (MOM) က စင်ကာပူနိုင်ငံရှိ ကုမ္ပဏီများ အနေနှင့် အလုပ်သမားနှင့် လစာ လျှော့ချနိုင်ကြောင်းကို ယခင်လက ထုတ်ပြန်ကြေညာခဲ့သည်။ စင်ကာပူရောက် မြန်မာများ စုကာငှားနေသည့် အိမ်ခန်းများ — ဓာတ်ပုံ - ချန်း (အလုံ)
စင်ကာပူ နိုင်ငံတွင် OCBC, POSB, DBS, UOB နှင့် City Bank ဟူ၍ ဘဏ် ၅ ခုရှိသည့်အနက် ကမ္ဘာ့ စီးပွားပျက် ကပ်ကြောင့် DBS ဘဏ်၏ ဟောင်ကောင်နှင့် စင်ကာပူဘဏ်ခွဲများမှ ဝန်ထမ်း ၉၀၀ ကို ယခင်အပတ်က ဖြုတ်လိုက်ပြီး ယနေ့တွင် တကမ္ဘာလုံးရှိ စီးတီးဘဏ်ဝန်ထမ်း ၃ သိန်း ၇ သောင်းအနက် ၅ သောင်းကို အလုပ်ဖြုတ်လိုက်သောကြောင့် စင်ကာပူအခြေစိုက် စီးတီးဘဏ်အလုပ်သမား များလည်း ပါဝင်နိုင်ကြောင်း သိရသည်။

စီးပွားပျက်ကပ်ကြောင့် အလုပ်သမားများလျှော့ချရာတွင် စင်ကာပူနိုင်ငံရှိ မြန်မာအလုပ်သမားများပါ ထိခိုက် ခြင်းဖြစ်ပြီး တချို့မှာ နေထိုင်ခွင့် (ပီအာရ်) ရရှိထားသူများပင် ပါဝင်သည်ဟု အော်တိုကတ် ဒရက်ဖ်မင်း (AutoCAD Draftsman) တဦးဖြစ်သူ ကိုဇော်မင်းဦးက ပြောသည်။

“ကျနော့်အခန်းဖော်ဆို ဘီအီး ဗိသုကာဘွဲ့ရ၊ စင်ကာပူနိုင်ငံမှာ ၁ နှစ်ခွဲ လုပ်သက်ရှိတာ။ ခု အလုပ်ပြုတ် သွားပြီ။ အောက်တိုဘာ ၃၁ ရက်နေ့ကမှ ပြန်သွားတာ” ဟု သူကဆိုသည်။ ၎င်း၏ အခန်းဖော်မှာ မပြန်ခင်တွင် S - pass ကဒ်ပြန်မသိမ်းသေးဘဲ တလခန့်အလုပ်ရှာရန် အချိန်ပေးသည့်ကြားမှ အလုပ်မရနိုင်ဘဲ ပြန်သွားရခြင်းဖြစ်သည်။

ဆက်လက်၍ ၎င်းက တချို့ကုမ္ပဏီများတွင် သောကြာနေ့ကို နှစ်စဉ်ခံစားခွင့်သဘောဖြင့် ခွင့်ပေးခြင်း၊ တချို့မှာ လစာမဲ့ခွင့် အကန့်အသက်မရှိ ယူခိုင်းခြင်း၊ တချို့က လစာ ၅ ရာခိုင်နှုန်း မှ ၁၀ ရာခိုင်နှုန်းထိ လျှော့ခြင်းများ ပြုလုပ်သည်ဟု ဆိုသည်။ ထိုသို့လျှော့ချခံရသူ၊ ခွင့်ပေးခံရသူ၊ အလုပ်ဖြုတ်ခံရသူများထဲတွင် ၎င်း၏ သူငယ်ချင်း များပါရှိသည်ဟု ပြောသည်။

“ပြည်တွင်းက အလုပ်လာရှာပြီး မရလို့ ပြန်ရတဲ့သူတွေကတော့ မှိုလိုပေါက်နေတာပဲ။ ခုချိန်မှာ ထွက်မလာပါနဲ့ လို့ပဲ ပြောချင်တယ်။ ဒီကဘဝတွေကို ဒီကလူတွေပဲ နားလည်ပါတယ်” ဟု သူကဆိုသည်။ စင်ကာပူတွင် ရှိသော ကာစီနို ကစားဝိုင်းတခုလည်း ရပ်နားလိုက်ပြီဖြစ်ရာ ဝန်ထမ်းများကို နေရပ်သို့ ပြန်ခိုင်းလိုက်ကြောင်း ၎င်းက ဆက်ပြောသည်။

အလုပ်ပြုတ်သူများမှာ အထွေထွေ အလုပ်သမားများသာမက အင်ဂျင်နီယာများနှင့် တခြားသော ပညာရှင်ဝန်ထမ်းများပါ ပါဝင်ကြောင်း စင်ကာပူနိုင်ငံတွင် အလုပ်လုပ် နေသည့် Senior consultant တဦးဖြစ်သူ ကိုဖိုးဂျူက ပြောပြသည်။

“တချို့အလုပ်က လစာလျှော့တယ်၊ တချို့ကဝန်ထမ်းလျှော့တယ်။ တချို့အလုပ်က ကျတော့ လစာလည်းမလျှော့ လူလည်း မလျှော့ဘူး ဒါပေမယ့် ကုမ္ပဏီကို မကြာခင် အပြီး ဖျက်သိမ်းမယ်လို့ ပြောတယ်” ဟု ၎င်းကဆက်ပြောသည်။

၎င်းကိုယ်တိုင် မကြာခင်ကမှ ရာထူးနှင့်လစာ တိုးထားသော်လည်း မည်သည့်အချိန်တွင် အိမ်ပြန်ရမည် မပြောနိုင်ဟု ဆိုသည်။ သူတို့ ရှေ့တွင်ပင် မကြာခင်ကမှ ဝန်ထမ်း ၈ ဦး အလုပ်ဖြုတ် ခံလိုက်ရသေးကြောင်း ပြောပြသည်။

“ဘဏ်တွေမှာ ဖြုတ်တာ ဒါရိုက်တာတွေပါ ပါတယ်။ ဘဏ်တွေပြီးရင် အရင်ဆုံးထိတာ ဆောက်လုပ်ရေး ဝန်ထမ်းတွေပဲ” ဟု ကိုဖိုးဂျူက ဆိုသည်။

ယခုနောက်ပိုင်းတွင် မြန်မာပြည်မှ စင်ကာပူနိုင်ငံသို့ အလုပ်ရှာရန်ထွက်လာသည့် ဦးရေ များပြားလာပြီး အများစုမှာ အလည်အပတ် ဗီဇာဖြင့် ထွက်ခွာလာကြခြင်း ဖြစ်ကြောင်း စင်ကာပူနိုင်ငံတွင် ဆိပ်ကမ်း အင်ဂျင်နီယာအလုပ် လုပ်ကိုင်နေသူတဦးက ပြောပြသည်။

“သူငယ်ချင်းတွေ ရောက်နေပြီး ကျနော်တို့ အခန်းတွေမှာ သောင်တင်နေကြတယ်။ ခု ပြန်ရဖို့ ရက်နီးနေပြီ။ အလုပ်ကရှာမရသေးဘူး” ဟု သူကဆိုသည်။

တချို့မှာ ၂ ခါ၊ သုံးခါ ပြန်ကျော့၍ အလုပ်လာရှာကြခြင်း ဖြစ်ရာ စရိတ်သာကုန်၍ အလုပ်မရသောကြောင့် အခက် တွေ့ကြကြောင်း ကြားသိရသည်။

“ကျနော့်သူငယ်ချင်း တယောက်ဆို အိမ်နဲ့ခြံကို ပေါင်ပြီးလာတာ။ နောက်တယောက်က သူများဆီက အတိုးနဲ့ ငွေချေးလာတာ။ နှစ်ယောက်လုံး အင်ဂျင်နီယာတွေပဲ။ အလုပ်မရလို့ ပြန်ရတော့မယ်” ဟု စင်ကာပူနိုင်ငံတွင် အလုပ်လုပ်နေသည့် ကွန်ပျူတာ ပညာရှင် တဦးဖြစ်သူ ကိုမိုးဦးက ပြောပြသည်။

မြန်မာနိုင်ငံမှ နိုင်ငံခြားအလုပ်ရှာဖွေရေး ကုမ္ပဏီများအနေနှင့် အမှန်တကယ် အလုပ် ရှာဖွေပေးနိုင်သူများ ရှိသော်လည်း အများစုမှာ ဝန်ဆောင်မှု အမှန်တကယ်မပေးနိုင် သောကြောင့် ပြည်ပတွင် တင်ကြို ရောက်ရှိနေသော အသိမိတ်ဆွေ တဦးဦး၏ အဆက်အသွယ်ဖြင့် အလည်အပတ်ဗီဇာလျှောက်ကာ အလုပ်ရှာကြကြောင်း ကြားသိရသည်။

“အလုပ်တွေ ဖြုတ်နေပေမယ့် အလုပ်ရှာဖို့ လာတဲ့သူတွေကတော့ လာနေတုန်းပဲ” ဟု စင်ကာပူ လေဆိပ်တွင် အလုပ်လုပ်သည့် မြန်မာဝန်ထမ်း တဦးက ပြောပြသည်။

ယခင်က အလည်အပတ်ဗီဇာနှင့်လာ၍ အလုပ်ရှာသူများမှာ အဆင်ပြေကြသော်လည်း ယခုနောက်ပိုင်း ကမ္ဘာ့စီးပွားပျက်ကပ်မတိုင်ခင် သုံး လေးလ အလိုကစ၍ အဆင်မပြေကြတော့ကြောင်း စင်ကာပူ နိုင်ငံတွင် နေထိုင်ခွင့် ဗီဇာ ရရှိနေပြီးဖြစ်သူ အင်ဂျင်နီယာတဦးက ပြောပြသည်။

တချို့မှာ အလုပ်ပွဲစားများနှင့် ချိတ်ခဲ့၍ အလုပ်ရသော်လည်း အလုပ်ရှင်နှင့် အလုပ်ပွဲစား ကြိုတင် ညှိထားသဖြင့် ၂ ပတ်ခန့်သာ အလုပ်လုပ်ရပြီး အလုပ်ပြုတ်ခဲ့ရသူများ ရှိသည်ဟု သူက ဆက်ပြောသည်။ ထိုအခါ ပွဲစားခ ဆုံးကြရသည်။

“ကျနော့်အလုပ်ကတော့ လောလောဆယ် ခိုင်တယ်လို့ ပြောရမယ် ကန်ထရိုက်စနစ်ဆိုတော့ စာချုပ်မပြည့် မချင်းအေးအေးဆေးဆေးပါ။ ဒါပေမယ့် အရမ်းတော့ခိုင်းတယ်။ ခုက ခိုင်းတာကိုပဲ ကျေးဇူးတင်ရမလို ဖြစ်နေပြီလေ” ဟု ကိုဇော်မင်းဦးက ပြောသည်။

လက်ရှိတွင် အလုပ်အဆင်ပြေနေသူတို့မှာလည်း အချိန်မရွေး အလုပ်ပြုတ်နိုင်သောကြောင့် ရင်ထိတ်နေရ သည်ဟု ကိုဖိုးဂျူက ပြောသည်။ အလုပ်ပြုတ်ခြင်း မပြုတ်ခြင်းမှာ အလုပ်ကြိုးစားခြင်း မကြိုးစားခြင်းနှင့် တိုက်ရိုက်သက်ဆိုင်ခြင်း မရှိတော့ကြောင်း သူက ဆက်ပြောသည်။

“ခုအချိန်မှာ စင်ကာပူ နိုင်ငံသားတွေက အပေါင်ဆိုင်တွေရောက်၊ ပီအာရ်တွေက အလုပ်လက်မဲ့ဖြစ်၊ နိုင်ငံခြားသား အလုပ်သမားတွေက ကိုယ့်နိုင်ငံကိုယ်ပြန် … အဲလိုဖြစ်နေတာ” ဟု ကိုဇော်မင်းဦးက ဆိုသည်။

စင်္ကာပူ စီးပွါးရေးကျ၍ မြန်မာနိုင်ငံသို့ ပြန်လွှဲပို့ငွေများ ထိခိုက်
ဂျွန်မိုး
အင်္ဂါနေ့၊ နိုဝင်ဘာလ 18 2008 13:39 - မြန်မာစံတော်ချိန်

စင်္ကာပူ (မဇ္ဈိမ)။ ။ မကြာသေးခင် နှစ်များက သန်းပေါင်းများစွာသော ဒေါ်လာငွေများ ငွေလွှဲလုပ်ငန်းများမှတဆင့် မြန်မာနိုင်ငံသို့ ရောက်ရှိ သွားခဲ့ကြသည်။ ဤလုပ်ငန်းကို ခြင်္သေ့မြို့တော်ရှိ ဈေးဆိုင်များ၊ အလုပ်အကိုင် ရှာဖွေရေး အေဂျင်စီများတဆင့် လုပ်ကိုင်ကြခြင်း ဖြစ်သည်။

မည်သို့ပင်ဖြစ်စေ စက်တင်ဘာလအတွင်းက စတင်ခဲ့သော ကမ္ဘာလုံးဆိုင်ရာ ငွေကြေး အကြပ်အတည်းကြောင့် စင်္ကာပူ မြန်မာ ငွေလွှဲလုပ်ငန်းလည်း ထိခိုက်ခဲ့ရသည်။ စင်္ကာပူနိုင်ငံသည် စီးပွါးရေး ကျဆင်းမှုနှင့် ကြုံနေရပြီ ဖြစ်ကြောင်း အောက်တိုဘာလအတွင်းက တရားဝင် ထုတ်ပြန် ကြေငြာခဲ့ပြီးနောက် စင်္ကာပူတွင် အလုပ် လုပ်ကိုင်နေသော မြန်မာများ၊ အလုပ်အကိုင် ရှာဖွေရန် လာရောက်သူ မြန်မာများအနေဖြင့် ယခင်ထက် ပို၍ အခက်အခဲများနှင့် ကြုံတွေ့နေကြရသည်။

"စီးပွါးရေးကတော့ ထိခိုက်နေပြီ၊ ရှေ့မှာ ပိုဆိုးဦးမယ်၊ ဒီအကျိုးကြောင့် မြန်မာနိုင်ငံက ပို့ကုန်လုပ်ငန်းလုပ်သူတွေလဲ အများကြီး ထိခိုက်တာဘဲ၊ အထူးသဖြင့် စင်္ကာပူကို ရာဘာ၊ ကျောက်မျက်၊ သစ် နဲ့ စိုက်ပျိုးရေး ထုတ်ကုန်တွေ ပို့နေတဲ့ လုပ်ငန်းတွေ ထိခိုက်ကုန်ကြတယ်" ဟု ပီနန်ဆူလာပလာဇာ (Peninsula Plaza) မှ အမည်မဖေါ်လိုသူ စီးပွါးရေး သမားတဦးက မဇ္ဈိမကို ပြောပါသည်။

မြန်မာအလုပ်သမားများကို အကြီးအကျယ် မထိခိုက်သေးသော်လည်း သုံးစွဲရာတွင်မူ အတော်သတိထား၍ စစ်စစ်စီစီ သုံးစွဲနေကြရသည်ဟု ဆိုသည်။ ရနံ့သစ် စားသောက်ဆိုင်ပိုင်ရှင် ကိုဘိုဘိုဝင်းက "ကျနော်တို့ ဆိုင်ကို လာနေကျ ဖောက်သည်တွေ သီတင်းပတ်ကုန် စနေ တနင်္ဂနွေတွေမှာ မလာကြတော့ဘူး။ အရောင်းက အတော်ကျသွားတာ။ ကျနော်တို့မှာ အရင်းကြေရုံလေးဘဲ ရှိတယ်" ဟု ပြောပါသည်။

စင်္ကာပူရောက် မြန်မာများမှာ ယခုအခါ မသုံးမဖြစ် ကိစ္စများအတွက်သာ ဝယ်ယူ သုံးစွဲနေကြရပြီး အပို ကုန်ကျစရာများကို ရှောင်ရှားနေကြရသည်။ "ဘဏ္ဍာရေးဈေးကွက် ကမောက်ကမ ဖြစ်သွားကတဲက ရောင်းကြေးလည်း ၁ဝ %ကျော် ကျသွားတယ်" ဟု အဆိုပါ စားသောက်ဆိုင် ပိုင်ရှင်က ဆက်လက် ပြောဆိုပါသည်။

ယခုအခါ မြန်မာစီးပွါးရေး လုပ်ငန်းရှင်များ အနေဖြင့် အရောင်းမြှင့်တင်ရေး လုပ်ငန်းများကို ပိုမို လုပ်ကိုင်နေကြရပြီး၊ လျော့နည်းသွားသော ဖောက်သည်များ ပြန်ရအောင် ကြိုးစားနေကြရသည်။

ထို့ပြင် ဤကမ္ဘာလုံးဆိုင်ရာ ဘဏ္ဍာရေး အကြပ်အတည်းကြောင့် စင်္ကာပူသို့ ခုမှ ရောက်ရှိလာကြသူများ အနေဖြင့် ဤ စီးပွါးရေး ကျဆင်းချိန်အတွင်း အလုပ်အကိုင် ရှာမရသောကြောင့် မြန်မာနိုင်ငံသို့ လက်ချည်းသက်သက်ဖြင့် ပြန်သွားနေကြရသည်။

အလုပ်လုပ်ခွင့်ပါမစ် (EP) ကိုင်ထားသူ မြန်မာပညာရှင်များ အနေဖြင့်လည်း ကုမ္ပဏီများက ဝန်ထမ်းများ လျှော့နေမှုကြောင့် အလားတူ ပြဿနာများကို ကြုံနေကြရသည်။

ပညာရှင်တဦးလည်းဖြစ်၊ EP ကိုင်ထားသူလည်း ဖြစ်သည့် မနွေးနွေးနိုင်သည် အခြား မြန်မာဗိသုကာနှင့် ဒီဇိုင်နာ ၈ ဦးနှင့်အတူ Smallwood, Reynolds, Stewart & Stewart (SRSS) ကုမ္ပဏီများမှ လူလျှော့ရာတွင် ပါသွားခဲ့ကြသည်။ သို့သော် ကုမ္ပဏီများက သူတို့၏ EP များကို ပယ်ဖျက်ခြင်း မလုပ်သေးဘဲ အလုပ်သစ်ရှာရန် နောက်တလ ခွင့်ပြုထားသည်။ ၆ ပတ်အတွင်း အလုပ်မရပါက သူတို့လည်း မြန်မာနိုင်ငံသို့ ပြန်ကြရတော့မည် ဖြစ်သည်။

"ကုမ္ပဏီမှာ အမြင့်ဆုံး စီမံခန့်ခွဲရေး ဝန်ထမ်းက အောက်ဆုံး အငယ်တန်း ဝန်ထမ်းအထိ စုစုပေါင်း ဝန်ထမ်းဦးရေ ၁၃၅ ယောက် ရှိတယ်။ ကုမ္ပဏီကို ပြန်လည်ပြုပြင် ဖွဲ့စည်းတဲ့အခါ ပြင်သစ်၊ ဖိလိပိုင်၊ မလေးရှား၊ အင်ဒိုနီးရှား ဝန်ထမ်းတွေအပါ အဝင် ဝန်ထမ်း ၅ဝ အလုပ် ဖြုတ်ခံရတယ်" ဟု မနွေးနွေးနိုင်က မဇ္ဈိမကို ပြောပါသည်။

ဤအတောအတွင်း အမြဲတမ်းနေထိုင်ခွင့် (PR) ရထားသူ မြန်မာနိုင်ငံသား အလုပ်လက်မဲ့များ အနေဖြင့် အလုပ်ရှာနေစဉ် နေလို့ထိုင်လို့ ဖြစ်အောင် ကြိုးစားနေကြရသည်။

"ကျမ စင်္ကာပူမှာ အလုပ်ရှာနေတာ ၃ လကျော်နေပြီ၊ အခုထိ မရသေးဘူး" ဟု ၀ါဏ္ဏိဇဘွဲ့ရထားသူ မြန်မာနိုင်ငံမှ အသက် ၂၅ နှစ်ရှိ မသီရိစန္ဒာထွန်းက ပြောပါသည်။

"ကျမအဖေက ဒီမှာ ကျမရဲ့ နေထိုင်စရိတ်အတွက် တလကို ဒေါ်လာ ၈ဝဝ ပို့ပေးပါတယ်။ ဒါပေမဲ့ ကျောင်းလခ အပါအဝင် ၆ လအတွင်း ကျမ ဒေါ်လာ ၁ သောင်းကျော် ကုန်သွားပြီးပြီ" ဟုလည်း သူမက ဆက်လက် ပြောဆိုသွားခဲ့ပါသည်။

စီးပွါးရေး စီမံအုပ်ချုပ်မှုဘွဲ့ ရထားပြီး ရန်ကုန်မြို့ရှိ Ginzarpan Pizza Hut တွင် စီမံအုပ်ချုပ်မှု မန်နေဂျာ လုပ်ခဲ့သူ မခိုင်ဇာလွင် (၂၄ နှစ်) သည်လည်း စင်္ကာပူရှိ စားသောက်ဆိုင် တဆိုင်တွင် စားပွဲထိုး လုပ်နေရပြီး၊ အလုပ် ပိုလုပ်ရသော်လည်း လုပ်ခမှာ ပုံမှန်ထက်ပင် လျှော့ပေးခြင်း ခံရသည်။

"ကျမှမှာ တခြားရွေးစရာလဲ မရှိဘူး၊ ပွဲစားကို ပေးခဲ့ရတာတွေလဲ ထည့်စဉ်းစားရတော့ မြန်မာပြည်ကို ဘာမှမပါဘဲ ပြန်မသွားချင်ဘူးလေ" ဟု မခိုင်ဇာလွင်က စိတ်ပျက်လက်ပျက် ပြောပါသည်။ သူမ၏ လစဉ်ဝင်ငွေ (ခန့်မှန်းခြေ အမေရိကန်ဒေါ်လာ ၆၅ဝ ခန့်) မှ ၆ဝ % ကို နေထိုင် စားသောက်စရိတ်နှင့် လမ်းစရိတ်အတွက် သုံးရပြီး ကျန် ၄ဝ% ကို အိမ်ပြန်ပို့နိုင်သည်ဟု ဆိုသည်။ ဤငွေပမာဏမှာ မြန်မာနိုင်ငံတွင် စားပွဲထိုးလုပ်လျှင် မည်သို့မျှ မရနိုင်သော အလွန် ကြီးမားသည့် ဝင်ငွေ ဖြစ်သည်။

လက်ရှိ စင်္ကာပူနိုင်ငံ၏ စီးပွါးရေး အခြေအနေမှာ ကျွန်းနိုင်ငံပေါ်တွင် နေထိုင်သော မြန်မာနိုင်ငံသားများအတွက် အလွန်ခက်ခဲသည့် အခြေအနေ ဖြစ်သည်။ ခမ်းနားကြီးကျယ်လှသော အနုပညာ အဆောက်အအုံတွေ၊ စာသင်ကျောင်းတွေ၊ ကုန်တိုက်ကြီးတွေ၊ အားကစားနဲ့ အပန်းဖြေနေရာ ဌာနတွေသည် အနောက်နိုင်ငံများ၏ အဆင့်အတိုင်း ဖြစ်ပြီး ငွေလဲ ကောင်းကောင်းပေးရသည်။

ဤကမ္ဘာလုံးဆိုင်ရာ စီးပွါးရေး အကြပ်အတည်း မတိုင်ခင်က မြန်မာအလုပ်သမားများ ရရှိခဲ့သော ခံစားခွင့်များက စင်္ကာပူသည် သူတို့အဖို့ နေချင့်စဖွယ် ပျော်စရာအတိ ပြီးစေခဲ့သည်။ ဘဝသစ်သို့ လွယ်လွယ်ူကူဘဲ ရောက်သွားခဲ့ကြသည်။ ကိုယ်တတ်နိုင်တဲ့ဈေးနဲ့ နေစရာ အိမ်တွေ ရခဲ့ကြသည်။ ယခုတော့ အခြေအနေများမှာ ပို၍ ခက်ခဲလာနေပြီး စင်္ကာပူရောက် မြန်မာများအဖို့ စားဝတ်နေရေး ဖူလုံရုံပင်မနဲ ရုန်းကန်နေကြရသည်။

အလုပ်လက်မဲ့ ဖြစ်နေခြင်းကြောင့် မနွေးနွေးနိုင်လဲအိမ်ကို ငွေပြန်မပို့နိုင်တော့။ ထို့ကြောင့် ယခုအခါ မြန်မာနိုင်ငံရှိ မိသားစုအများ မှီခိုနေကြရသည့် မြန်မာ စင်္ကာပူ ငွေလွှဲလုပ်ငန်း စနစ်ကြီး တခုလုံးမှာ အခြေအနေမဟန် ဖြစ်နေရသည်။ စင်္ကာပူရောက် မြန်မာများမှာ ဘဏ္ဍာရေး အကြပ်အတည်းတွင် ရှင်သန်ကျန်ရစ်ခဲ့အောင် လုံးပန်းနေကြရသလို ခြင်္သေ့မြို့တော် စီးပွါးရေး ကျားကြီးကလည်း အရင်လို စီးပွါးရေးအရ ကျားလိုဟိန်းနိုင်အောင် အပြင်းအထန် တိုက်ပွဲဆင်နေရသည်။

အရှင် ဂမ္ဘီရနှင့် တိုင်းရင်းသားလူငယ်များအား နှစ်ရှည်ထောင်ဒဏ်များ ချမှတ်
Tuesday, 18 November 2008 19:40 ဧရာဝတီ
ရွှေဝါရောင် သံဃာ့လှုပ်ရှားမှု၏ ဦးဆောင်သံဃာ တပါးဖြစ်သည့် အရှင်ဂမ္ဘီရကို ရန်ကုန် အင်းစိန်ထောင်ရှိ အထူးတရားရုံးက ထောင်ဒဏ် ၁၂ နှစ် ချမှတ် လိုက်ကြောင်း သိရသည် ။
အရှင်ဂမ္ဘီရနှင့် သူ၏ မိသားစု
အရှင်ဂမ္ဘီရ မိသားစုနှင့် နီးစပ်သူတဦးက “လောလောဆယ် ၁၂ နှစ်ချထားတယ်၊ အခုချထားတဲ့ ပုဒ်မတွေက ၅၀၅ (ခ)၊ ၂၉၅ (က) ၂နှစ်စီ သုံးနေရာကစွဲတယ်၊ အားလုံးပေါင်း ၁၂နှစ်ချထားတယ်။ အရှင်ဂမ္ဘီရ အပါအဝင် ၁၁ ဦးကိုဖမ်းဆီးထားပြီး စွဲထားတဲ့အမှုပေါင်းကတော့ မနည်းဘူး။ နောက်ရက်တွေ ဆက်ပြီး အမိန့်ချဖို့ ရှိတယ်” ဟု ပြောသည်။

အသက်၂၉ နှစ်ရှိ မြန်မာနိုင်ငံလုံးဆိုင်ရာ သံဃာ့တပ်ပေါင်းစု၏ ဦးဆောင်ကိုယ်တော်တပါးဖြစ်သည့် အရှင်ဂမ္ဘီရအား စစ်အစိုးရက ဖမ်းဆီးထားပြီးတနှစ်အကြာတွင် ထောင်ဒဏ်ချမှတ်လိုက်ခြင်း ဖြစ်သည်။

အရှင်ဂမ္ဘီရကိုလွန်ခဲ့သည့်နှစ် စက်တင်ဘာလကပေါ်ပေါက်ခဲ့သော ရွှေဝါရောင်တော်လှန်ရေးနှင့်ပတ်သက်ပြီး ၂၀၀၇ ခုနှစ် နိုဝင်ဘာလ ၄ ရက်နေ့တွင် မန္တလေးတိုင်း စဥ့်ကိုင်မြို့၌ စစ်အာဏာပိုင်များက ဖမ်းဆီးခဲ့ခြင်း ဖြစ်သည်။

ထို့အတူ မန္တလေးတိုင်း သံဃာ့တပ်ပေါင်းစုမှ အရှင်ဦးကေလာသ ကိုလည်း ပုဒ်မ ၁၇ (၂၀) ၊ ၁၇ (၁) ၊ မတရားအသင်းပုဒ်မ တို့ဖြင့် ထောင်ဒဏ် ၃၅ နှစ် ယနေ့ချမှတ်လိုက်ကြောင်း သိရသည်။

အရှင်ဂမ္ဘီရကို တရားမဝင်အဖွဲ့အစည်းနှင့်ဆက်သွယ်မှု၊ အီလက်ထရွန်းနစ်ပုဒ်မ၊ အများပြည်သူ အထိတ်တလန့်ဖြစ်စေမှု၊ သာသာနာညှိုးနွမ်းစေမှု ၊ အရေးပေါ် စီမံချက်အက်ဥပဒေပုဒ်မ ၅ (ည)၊ မတရားအသင်းပုဒ်မ ၊ တရားမဝင်နယ်စပ်ဖြတ်ကျော်သည့်ပုဒ်မ၊ နိုင်ငံတော်ငြိမ်ဝပ်ပိပြားမှုကို ထိခိုက်ပျက်ပြားစေမှု၊ လူငါးဦးထက်ပိုမိုစုဝေးမှု၊ တရားမဝင်ပုံနှိပ်ထုတ်ဝေမှုစသည့် ဥပဒေပုဒ်မများဖြင့် တရားစွဲဆိုထားကြောင်း ၎င်းအမှုလိုက်ရှေ့ နေကပြောသည်။

အလားတူ လှုပ်ရှားတက်ကြွသူ တိုင်းရင်းသားလူငယ်သုံးဦးကိုလည်း ရန်ကုန်အင်းစိန်ထောင် အထူးတရားရုံးက နှစ်ရှည်ထောင်ဒဏ် ချမှတ်လိုက်ကြောင်း အင်းစိန်ထောင် ဝန်ထမ်းအသိုင်းအဝန်းနှင့် နီးစပ်သူတဦးက ပြောသည်။

ချင်းတိုင်းရင်းသား ကပ်လှမ်ခုတ် (ခ) ကိုကျော်စိုးနှင့် ရခိုင်တိုင်းရင်းသား ကိုတင်ထူးအောင်တို့ကို တိုင်းရင်းသားလူငယ်များအား စည်းရုံးလှုပ်ရှားမှုဖြင့် ထောင်ဒဏ် ၃၃ နှစ်စီ ချမှတ်လိုက်ကြောင်း အဆိုပ်နီးစပ်သူက ပြောသည်။

ချင်းတိုင်းရင်းသား အန်ထော်နီ (ခ) ကက်ခွမ်ကွာကိုလည်း ထောင်ဒဏ် ၈ နှစ်ချမှတ်လိုက်သည်ဟု အဆိုပါ နီးစပ်သူကဆက်ပြောသည်။

ကပ်လှမ်ခုတ်သည့် တိုင်းရင်သားခေါင်းဆောင်တဦးဖြစ်သည့် ဦးကျင်ရှင်းထန်၏ သားဖြစ်ပြီး အန်ထော်နီမှာ တူုဖြစ်သည်။
“သူတို့ဟာ အမှုတွေဒီလောက်ကျူးလွန်ထားတာမဟုတ်ဘဲနဲ့ အခုလို နှစ်ရှည်အမိန့်ချမှတ်တာဟာ တရားမျှတမှုမရှိပါဘူး” ဟု ဦးကျင်ရှင်းထန်က ဧရာဝတီကို ပြောသည်။

အဆိုပါတိုင်းရင်းသားလူငယ် ၃ ဦးကို လွန်ခဲ့သည့်နှစ် စက်တင်ဘာလ သံဃာ့လှုပ်ရှားမှုနှင့်ပတ်သက်၍ ၂၀၀၇ ခုနှစ် အောက်တိုဘာလကုန်ပိုင်းကတည်းက အာဏာပိုင်များက ဖမ်းဆီးခဲ့သည်။

ဒေါက်တာသန်းငြိမ်း စင်ကာပူတွင် ခွဲစိတ်ကုသမှု ခံယူ
Tuesday, 18 November 2008 19:33 ဧရာဝတီ
မကြာသေးမီက ပြည်ထောင်မှ လွတ်မြောက်လာသည့် အန်အယ်လ်ဒီ ပါတီ၏ ရန်ကုန်တိုင်း ကျောက်တန်းမြို့နယ် လွှတ်တော် ကိုယ်စားလှယ် ဒေါက်တာ သန်းငြိမ်းသည် အသည်းတွင် အကြိတ်ဖြစ်သည့် ဝေဒနာကြောင့် စင်ကာပူ နိုင်ငံတွင် ခွဲစိတ်ကုသမှု ခံယူနေရသည်ဟု မိသားစုဝင် တဦးက ဧရာဝတီကို ပြောသည်။ဒေါက်တာ သန်းငြိမ်း
“ထောင်ထဲမှာ ကတည်းက အသည်းမှာ အကြိတ်တွေ့တယ် … ကင်ဆာ အကြိတ်လို့ ယူဆတာပဲလေ။ ထောင်က ထွက်လာတော့ နည်းနည်း နောက်ကျနေပြီ။ အဲဒါကြောင့် စင်ကာပူမှာ သွားကုမှ ရမယ်ဆိုပြီး စင်ကာပူမှာ ဆေးရုံတက်ပြီး ခွဲတာ … အခြေအနေ ကောင်းပါတယ်” ဟု မိသားစုဝင်က ပြောသည်။

ဒေါတာ သန်းငြိမ်းသည် လွန်ခဲ့သည့် ၉ ရက်နေ့က စင်ကာပူသို့ သွားရောက်၍ ဆေးဝါးကုသမှု ခံယူပြီး ယမန်နေ့က ခွဲစိတ်ကုသမှု ခံယူသည်ဟုလည်း မိသားစုဝင်က ပြောသည်။

ဒေါက်တာ သန်းငြိမ်းသည် အသက် ၇၁ နှစ် ရှိပြီဖြစ်ပြီး စစ်အစိုးရ၏ အကျဉ်းထောင်တွင်း၌ ၁၁ ခန့် ပင်ပန်း ဆင်းရဲစွာ နေထိုင်ခဲ့ရသူ ဖြစ်သည်။ ၎င်းအား စစ်အစိုးရက ၁၉၉၇ ခုနှစ်တွင် ဖမ်းဆီးကာ ထောင်ဒဏ် ၇ နှစ် ချမှတ်ခဲ့သည်။ ထောင်တွင်း၌ ၇ နှစ်အပြည့် အကျဉ်းကျခဲ့သော်လည် ၎င်းအား ပြန်မလွှတ်ဘဲ ပုဒ်မ ၁၀ (က) ဖြင့် ဆက်လက် ထိန်းသိမ်းထားခဲ့ပြီး စက်တင်ဘာလ ၂၃ ရက်နေ့က အန်အယ်လ်ဒီ ဗဟိုဦးဆောင် ကော်မတီဝင်များ ဖြစ်ကြသည့် ဦးဝင်းတင်၊ ဦးခင်မောင်ဆွေတို့နှင့် တရက်တည်း လွတ်မြောက်လာခဲ့သည်။

ဒေါက်တာ သန်းငြိမ်းသည် ထောင်မှ လွတ်မြောက်လာပြီး မကြာမီ၌ပင် အန်အယ်လ်ဒီ ပါတီကပေးအပ်သည့် မူလ တာဝန်များကို ဆက်လက် ထမ်းဆောင်နေသူ ဖြစ်သည်။

ဒေါက်တာ သန်းငြိမ်းသည် ၂၀၀၄ ခုနှစ် အောက်တိုဘာလတွင် စစ်အစိုးရက တာဝန်မှ ဖယ်ရှားကာ ယခု အချိန်အထိ နေအိမ် အကျယ်ချုပ် ချခံထားရသည့် စစ်ထောက်လှမ်းရေး အကြီးအကဲ ဗိုလ်ချုပ်ကြီး ခင်ညွန့်နှင့် သမီးယောက်ဖ တော်စပ်သူလည်း ဖြစ်သည်။

မြန်မာ-ဘင်္ဂလားဒေ့ရှ် နယ်စပ်ပြဿနာ မပြေလည်သေး
Tuesday, 18 November 2008 19:31 ကိုစိုး
ဘင်္ဂလား ပင်လယ်အော် အတွင်းရှိ ရေပိုင်နက် အငြင်းပွားမှု ပြဿနာအတွက် မြန်မာနှင့် ဘင်္ဂလားဒေ့ရှ် နှစ်နိုင်ငံ တာဝန်ရှိသူများ ဘင်္ဂလားဒေ့ရှ် နိုင်ငံ ဒါကာ မြို့၌ ၂ ရက်ကြာ တွေ့ဆုံဆွေးနွေးပြီး နောက် သဘောတူညီမှု မရရှိသောကြောင့်လာမည့် ၂၀၀၉ ခုနှစ် ဇန်န၀ါရီလတွင် ထပ်မံတွေ့ဆုံဆွေးနွေးမည်ဖြစ်ကြောင်း ဘင်္ဂလားဒေ့ရှ် သတင်း ဌာနများ၏ ထုတ်ပြန်ချက်အရ သိရှိရသည်။

အဆိုပါ ပြဿနာပြေလည်ရေးအတွက် မြန်မာဘက်ကအဖွဲ့ဝင် ၁၁ ဦး ပါဝင်သော ဒု နိုင်ငံခြားရေးဝန်ကြီး ဦးမောင်မြင့် ဦးဆောင်သည့် အဖွဲ့နှင့် ဘင်္ဂလားဒေ့ရ်ှဘက်က လက်ရှိအစိုးရ နိုင်ငံခြားရေးဝန်ကြီး အမ် အေ ကေ မာမွတ် ဦးဆောင်သည့် ၁၂ ဦးပါ အဖွဲ့တို့ပြီးခဲ့သည့် တနင်္ဂနွေ၊ တနင်္လာက တွေ့ဆုံဆွေးနွေးရာတွင်သဘောတူညီ မှု မရခဲ့ခြင်းဖြစ်သည်ဟု ဘင်္ဂလားဒေ့ရ်ှနိုင်ငံ ဒါကာမြို့အခြေစိုက် နိရဉ္စရာသတင်းဌာနအယ်ဒီတာ ကိုခိုင်မြတ်ကျော် က ပြောသည်။

“သူတို့ သဘောတူညီချက်မရဘူး၊ သဘောတူညီချက်မရတာက ရေပြင်ပိုင်နက်ကို ဘင်္ဂလားဒေ့ရ်ှဘက်က ပြောတာကို မြန်မာဘက် က လက်မခံဘူး၊ မနေ့က အစည်းအဝေးပြီးသွားပြီ၊ ဒါကာမှာပဲ တွေ့ကြတာ၊ ဇန်န၀ါရီမှ ထပ်တွေ့မယ်လို့သိရတယ်”ဟု ၎င်းက ဧရာဝတီသို့ ပြောသည်။

၂၀၀၉ ခုနှစ် ဇန်န၀ါရီလတွင် လက်ရှိ ဘင်္ဂလားဒေ့ရှ် အိမ်စောင့်အစိုးရသည် ရွေးကောက်ပွဲ ကျင်းပ၍ အာဏာ လွှဲပြောင်းရန် ရှိသောကြောင့် မြန်မာဘက်က ဇန်န၀ါရီလ၌ ထပ်မံတွေ့ဆုံရန် သတ်မှတ်ခြင်းဖြစ်နိုင်သည်ဟုလည်း ကိုခိုင်မြတ်ကျော်က ဆိုသည်။

ယင်း ရေပိုင်နက် အငြင်းပွားမှု ပြဿနာအတွက် ကမ္ဘာ့ကုလသမဂ္ဂ၏ ၁၉၈၂ ခုနှစ် ပင်လယ်ပြင်ရေပိုင်နက် ဆိုင်ရာ ဥပဒေအရ ကုလသမဂ္ဂတွင် ဘင်္ဂလားဒေ့ရ်ှနိုင်ငံ က ၂၀၁၁ ခုနှစ် ဇူလိုင်လ ၌ ၎င်း၏ ရေပိုင်နက်ကို အခိုင်အမာတင်ပြ ဖြေရှင်းရမည်ဖြစ်ပြီး မြန်မာနိုင်ငံက ၂၀၀၉ ခုနှစ် မေလနှင့်ဇွန်လအတွင်းတွင် တင်ပြဖြေရှင်း ချက်ပေးရမည်ဖြစ် ကြောင်း ဒေးလီးစတား သတင်းက ရေးသားထားသည်။

လက်ရှိ အခြေအနေအရ မြန်မာ-ဘင်္ဂလားဒေ့ရှိ ကုန်းတွင်းပိုင်း နယ်စပ် တလျှောက်တွင် နှစ်နိုင်ငံ လုံခြုံရေးတပ် များ ကို ဆက်လက်ချထားဆဲဖြစ်ကြောင်း၊ ယမန်နေ့က ဘင်္ဂလားဒေ့ရှ် ဘက်က လုံခြုံရေးတပ်များ တိုးချထား သည်ဟု သတင်းများ ထွက်ပေါ်ကြောင်း ကိုခိုင်မြတ်ကျော်က ဆိုသည်။

ထိုနှစ်နိုင်ငံ လုံခြုံရေးတပ်များကို ပြီးခဲ့သည့် နိုဝင်ဘာ ၉ ရက်နေ့က စတင်၍ တပ်လှန့်ချထားခြင်းဖြစ်သည်။

ထိုသို့ ရေပိုင်နက်အငြင်းပွားမှု ပြဿနာကြောင့် နယ်စပ်ကုန်သွယ်ရေး အခြေအနေ ကျဆင်းမှုရှိပြီး ဘင်္ဂလားဒေ့ရှ် နှင့် ကုန်သွယ်ကူးသန်းသည့် ရခိုင်ပြည်နယ် စစ်တွေမြို့၏ စီးပွားရေးထိခိုက်မှုရှိသည်ဟုလည်း ၎င်းကပြောသည်။

မြန်မာနိုင်ငံဘက်မှ ဘင်္ဂလားဒေ့ရ်ှသို့ ဆန် အဓိက တင်ပို့ခြင်းဖြစ်ကြောင်း၊ သစ်နှင့် ငါး များလည်း တင်ပို့မှု ရှိကြောင်း သိရသည်။

နိုဝင်ဘာ ၉ ရက်နေ့ထုတ် အစိုးရသတင်းစာတွင်မူ ကမ်းလွန် ရေနံနှင့် သဘာဝဓာတ်ငွေ့ရှာဖွေရေး လုပ်ကွက် AD-7 ရှိ စမ်းသပ်တိုင်းတာရေးလုပ်ငန်းများ နိုဝင်ဘာ ၈ ရက်တွင် ပြီးစီးသောကြောင့် A-3 လုပ်ကွက် သို့ စတင် ပြောင်းရွှေ့နေကြောင်းနှင့် လုပ်ငန်းအစီအစဉ်များကို ဆက်လက်လုပ်ကိုင်သွားမည်ဖြစ်ကြောင်း ထုတ်ပြန်ထား သည်။

နိုဝင်ဘာ ၆ ရက်နေ့က မြန်မာ ဒု နိုင်ငံခြားရေးဝန်ကြီး ဦးမောင်မြင့်အား ဘင်္ဂလားဒေ့ရှ် နိုင်ငံ နိုင်ငံခြားရေး အတွင်းဝန်နှင့် အဖွဲ့က လာရောက်တွေ့ဆုံပြီး နှစ်နိုင်ငံ အငြင်းပွားရာရေပိုင်နက်အတွင်း သဘာဝဓာတ်ငွေ့ တူးဖော်နေသည့်လုပ်ငန်းကို ရပ်ဆိုင်းပေးရန် တောင်းဆိုခဲ့သည်။

ယင်းတောင်းဆိုချက်ကို နောက်တနေ့တွင် မြန်မာအစိုးရဘက်က ပယ်ချကြောင်း အစိုးရပိုင် သတင်းစာများမှ တဆင့် ကြေညာချက်ထုတ်ပြန်ထားခဲ့သည်။

ဘင်္ဂလားဒေ့ရှ် တောင်ဘက် မိုင် ၃၀ ခန့် အကွာ စိန့်မာတင်ကျွန်း အနီးတွင် ရေနံနှင့် သဘာဝ ဓာတ်ငွေ့ရှာဖွေ နေသော ကိုရီးယားကုမ္ပဏီ သဘောင်္လုံခြုံရေးအတွက် မြန်မာ ရေတပ် စစ်သင်္ဘောများ အောက်တိုဘာလအတွင်း က ပို့ဆောင်လိုက်ပြီး နောက်ပိုင်း ယခုကဲ့သို့ နှစ်နိုင်ငံ တင်းမာမှု ဖြစ်လာရခြင်းဖြစ်သည်။

ပြီးခဲ့သည့် အောက်တိုဘာလဆန်းပိုင်းက စစ်အစိုးရ ဒုတိယ စစ်ခေါင်းဆောင် ဒု ဗိုလ်ချုပ်မှူးကြီး မောင်အေးသည် ဘင်္ဂလားဒေ့ရှ် နိုင်ငံသို့ အဖွဲ့ဝင် ၅၀ ကျော်နှင့် သွားရောက်ခဲ့ပြီး ပင်လယ်ရေပိုင်နက် အငြင်းပွားမှုကိစ္စ အပါအ၀င် သဘာဝဓာတ်ငွေ့၊ လမ်းဖောက်လုပ်ရေး၊ ဆန်တင်သွင်းရေး ၊ အခွန် ၂ ထပ် လျှော့ချရေး၊ ကုန်သွယ်မှုဆိုင်ရာ ကိစ္စများ စသည့် နှစ်နိုင်ငံ အကျိုးစီးပွားကိစ္စရပ်များကို လက်ရှိ ဘင်္ဂလားဒေ့ရှ် အစိုးရနှင့် ဆွေးနွေးခဲ့သည်။

တချိန်တည်းတွင်ပင် အမေရိကန်ဒေါ်လာ ၂.၅ ဘီလီယံ ကုန်ကျမည့် ရေနံနှင့် သဘာဝဓာတ်ငွေ့ပိုက်လိုင်း ဆောက်လုပ်ရေး စီမံကိန်းအတွက် မြန်မာစစ်အစိုးရနှင့် တရုတ်နိုင်ငံတို့ မကြာသေးခင်က သဘောတူညီခဲ့ကြ ကြောင်း ဂျပန်သတင်း ဌာန နစ်ကီ (The Nikkei) က ရေးသားသည်။

မြန်မာအစိုးရသည် ထိုင်းနိုင်ငံသို့ သဘာဝဓာတ်ငွေ့ရောင်းချမှုကြောင့် ပြီးခဲ့သည့်နှစ်က ဒေါ်လာ ၂.၅ ဘီလီယံ ၀င်ငွေရရှိခဲ့ကြောင်းလည်း သိရသည်။

တိုင်းရင်းသားခေါင်းဆောင် ဦးပူကျင့်ရှင်းထန်၏ သားကို ထောင်ဒဏ် (၃၃) နှစ် ချမှတ်
ကိုဝိုင်း/ ၁၈ နိုဝင်ဘာ ၂၀၀၈
ဇိုမီးအမျိုးသားကွန်ဂရက် ဥက္ကဋ္ဌ ဦးပူကျင့်ရှင်းထန်၏သားဖြစ်သူ ကမ်လမ်ခုပ် ခေါ် ကိုကျော်စိုးအပါအ၀င် (၃) ဦးကို အင်းစိန်ထောင်က ထောင်ဒဏ်နှစ်ရှည်များ ယနေ့ချမှတ်လိုက်ကြောင်း ဦးပူကျင့်ရှင်းထန်က ခေတ်ပြိုင်သို့ ပြောသည်။

“ကျနော့်သားကိစ္စက တင်ထွန်းအောင်ရယ်၊ ကျနော့်သား ကမ်လမ်ခုပ် (၃၃) နှစ်စီ၊ တူဖြစ်သူ ကပ်ခန့်ခွာလ်ကျတော့ (၈) နှစ် ဒီနေ့ချတယ်” ဟု ဦးပူကျင့်ရှင်းထန်က ပြောသည်။

ကမ်လမ်ခုပ်မှာ ယမန်နှစ် အောက်တိုဘာ (၂၈) ရက်တွင် စက်တင်ဘာအရေးအခင်းနှင့်ပတ်သက်ပြီး အဖမ်းခံရခြင်းဖြစ်သည်။ သားဖြစ်သူကို ထောင်ဒဏ် (၃၃) နှစ်ချမှတ်ကြောင်း မည်သို့အတည်ပြုချက်ရခဲ့ပါသနည်းဟု ခေတ်ပြိုင်က မေးမြန်းရာ ဦးပူကျင့်ရှင်းထန်က “ကျနော်တို့က အိမ်ကလူတွေကိုလည်း ၀င်ခွင့်မပြု၊ ကျနော်တို့ငှားထားတဲ့ ရှေ့နေကိုလည်း ၀င်ခွင့်မပြု၊ သူတို့က နောက်ဆုံး လျှောက်လဲချက်လုပ်ဖို့ တရားခံကိုယ်တိုင် စစ်ဆေးခံတဲ့အခါမှာပဲဖြစ်ဖြစ်၊ သက်သေခေါ်ဖို့ဖြစ်ဖြစ် အဲဒါမျိုးကို အခွင့်အရေး မပေးတော့ဘူး။ ဒီနေ့အမိန့်ချမယ်ဆိုတာကတော့ ကျနော့်နည်းကျနော့်ဟန်နဲ့ စုံစမ်းပြီးသိတယ်။ အဲဒါကြောင့် ဂိတ်ဝမှာ ကျနော့်တို့နည်း ကျနော်တို့ဟန်နဲ့ သားတယောက်က စောင့်နေတယ်။ အဲဒီမှာ ရဲတွေရဲ့ အကူအညီအရ တရားရုံးကို ပေါင်းစပ်ပြီးတော့ နောက်ဆုံးမှာ သိရပါတယ်” ဟု ပြောသည်။

ဝါရင့်နှင့် တိုင်းရင်းသားလူမျိုး ဒီမိုကရေစီအင်အားစုများ အမျိုးသားနေ့အောင်ပွဲကျင်းပမည်
မင်းနိုင်သူ/ ၁၈ နိုဝင်ဘာ ၂၀၀၈
ဝါရင့်နိုင်ငံရေးသမားကြီးများနှင့် တိုင်းရင်းသားလူမျိုး ဒီမိုကရေစီအင်အားစုများ ပူးပေါင်းကာ ယခုလ (၂၂) ရက် စနေနေ့တွင် ကျရောက်သော အမျိုးသားအောင်ပွဲနေ့ အခမ်းအနားကို သခင်သိန်းဖေအိမ်တွင် ကျင်းပသွားမည်ဖြစ်ကြောင်း ၀ါရင့်နိုင်ငံရေးသမားတဦးက ပြောကြားသည်။

“ဒီနှစ်တော့ ၀ါရင့်နဲ့ လူမျိုးစုတွေပေါင်းပြီးလုပ်မယ်။ အန်အယ်လ်ဒီကလည်းကျင်းပမယ် လို့ကြားတယ်။ ၀ါရင့်အဖွဲ့က မနက် (၈) နာရီလောက်မှာ လုပ်ပြီး အန်အယ်လ်ဒီက (၁၂) နာရီလောက်မှာ လုပ်မှာဆိုတော့ အခမ်းအနားကူးပြောင်း တက်ချင်သူတွေအတွက်လည်း အဆင်ပြေမှာပါ” ဟု ၎င်းက ဆိုသည်။

ဝါရင့်အဖွဲ့သည် ပြီးခဲ့သည့် စနေနေ့ကလည်း နှစ်ရှည်ထောင်ဒဏ်ကျခံခဲ့ကြရသော အန်အယ်လ်ဒီပါတီဝင် ဦးဝင်းတင်၊ ဦးခင်မောင်ရွှေနှင့် ဒေါက်တာမေ၀င်းမြင့်တို့ကိုလည်း
သခင်သိန်းဖေအိမ်မှာပင် ဂုဏ်ပြုပွဲတရပ် ကျင်းပပေးခဲ့သည်။ ဖိတ်ကြားခံပုဂ္ဂိုလ်တဦးဖြစ်သည့် သန်လျင်လွှတ်တော်အမတ် ဦးသန်းလွင်မှာမူ စင်ကာပူနိုင်ငံသို့ ဆေးကုသခံသွားရောက်နေရ သည့်အတွက် တက်ရောက်နိုင်ခဲ့ခြင်း မရှိပေ။

အမေရိကန်ကျောက်မျက်ဥပဒေကြောင့် ကျောက်ကုန်သည်ကြီးများပါ ထိခိုက်နိုင်
ကိုဝိုင်း/ ၁၈ နိုဝင်ဘာ ၂၀၀၈
မြန်မာကျောက်မျက်ရတနာများကို ပိတ်ဆို့အရေးယူသော အမေရိကန်အစိုးရ၏ နည်းလမ်းသည် ရည်ရွယ်ထားသည့်အတိုင်း ထိရောက်မှုမရှိကြောင်း ဘန်ကောက်ကျောက်မျက်ရတနာပြပွဲများဆိုင်ရာ အုပ်ချုပ်ရေးမှူး Somchai Phorchindarak က Financial Times သတင်းစာသို့ ပြောသည်။

အဆိုပါ ပိတ်ဆို့မှုကြောင့် ကျောက်တူးဖော်သူ၊ ကျောက်ကောက်သူနှင့် ကျောက်သွေးသမားများကိုသာ ထိခိုက်စေပြီး လက်ကြီး သမား ကျောက်ကုန်သည်များကို ထိခိုက်ခြင်းမရှိကြောင်း ၎င်းက ပြောသည်။

အောက်ခြေအလုပ်သမားများသာ ထိခိုက်သည်ဟု မစ္စတာ Somchai ပြောကြားချက် မည်မျှမှန်ကန်မှုရှိသည်ကို သိရှိနိုင်ရန် ကျောက်ကုန်သည်ပွဲစားများနှင့်နီးစပ်သူ တရုတ်-မြန်မာနယ်စပ်အခြေစိုက် ကချင်ဖွံ့ဖြိုးတိုးတက်ရေးကွန်ရက်တာဝန်ခံ ဦးအောင်ဝါကို ခေတ်ပြိုင်ကမေးခဲ့ရာ ပထမအဆင့်အနေဖြင့် အောက်ခြေအလုပ်သမားများကို ထိခိုက်သည်မှာ မှန်ကန်သော်လည်း ရေရှည်တွင် ကုန်သည်ကြီးများလည်း ထိခိုက်လာမည်ဟု ကျောက်စိမ်းဈေးကွက်ကို ဥပမာပေး၍ ၎င်းကပြောသည်။

ဦးအောင်ဝါက “ပထမအဆင့်မှာတော့ grassroots မှာလုပ်စားနေတဲ့ ပွဲစားတို့၊ ကျောက်သွေးတာတို့၊ ကျောက်ကောက်တဲ့ လက်လုပ်လက်စားတွေ ထိပါတယ်။ ဒါပေမယ့် ရေရှည်မှာကျတော့ ကုန်သည်တွေရော ထိလာမှာပါ။ အခုတောင်မှ လက်ကြီးသမားလောက်ပဲကျန်တော့တယ်။ ကျောက်စိမ်းဆိုတာလည်း တချို့တလေကျမှ ကျောက်အကောင်းတွေ ထွက်တယ်လေ။ ရေရှည်ကျရင် ကုန်ကျစရိတ်က များလာမယ်။ ကျောက်အရောင်းအ၀ယ်တွေပါးလာမယ်။ တရုတ်ပြည်မှာလည်း ကျောက်ကောင်းတဲ့ဟာတွေ လောက်ပဲဝယ်နေတယ်” ဟု ပြောသည်။

ထို့အပြင် မြန်မာနိုင်ငံရှိ ကျောက်ကုမ္ပဏီများသည် မြန်မာမူးယစ်ရာဇာများနှင့် ဆက်စပ်မှုများရှိနေသဖြင့် အမေရိကန်က အဆိုပါ မူးယစ်ရာဇာများ၏ ပိုင်ဆိုင်မှုများကို ထိန်းချုပ်မှုများ မကြာသေးမီက ပြုလုပ်ခဲ့ခြင်းသည်လည်း ကျောက်လုပ်ငန်းကို တစုံတရာ ရိုက်ခတ်မည်ဖြစ်ကြောင်း ဦးအောင်ဝါက ထောက်ပြသည်။

၎င်းက “အခု ကျောက်လုပ်နေတဲ့ ကုမ္ပဏီကြီးတွေကလည်း မူးယစ်ရာဇာတွေ၊ စစ်အုပ်စုတွေနဲ့ ဆက်နွှယ်နေတာတွေရှိတယ်။ ဆို တော့ ထိမှာပါ။ ကျောက်မျက်တွေဟာ ရန်ကုန် အရောင်းပြခန်းကနေတဆင့် သွားတာရှိတယ်။ တိုက်ရိုက်သွားတာရှိတယ်။ ဒီဟာ တွေက မူးယစ်ဆေးကရတဲ့ ငွေအရင်းအနှီးတွေကို သုံးတာတွေလည်းရှိတယ်။ မူးယစ်ရာဇာတွေကိုလည်း ငွေပိတ်တယ်ဆိုတော့ တဖြည်းဖြည်းထိလာမှာပါ” ဟု ပြောသည်။

ထို့အပြင် “အခုက ချက်ချင်းတော့ ထိဖို့ခက်တာပေါ့။ ဖားကန့်ဘက်မှာလည်း ကျောက်လုပ်ငန်း နည်းလာပြီ။ တရုတ်ဘက်လည်း နည်းလာပြီ။ ရွှေလုပ်ငန်းပိုင်ရှင်တွေ၊ သစ်လုပ်ငန်းပိုင်ရှင်တွေ၊ ကျောက်မျက်တင်မကဘူး တခြား သတ္တုမိုင်းလုပ်ငန်းကုမ္ပဏီတွေ၊ မူးယစ်ဆေးဝါးရောင်းဝယ်ဖောက်ကားတဲ့ လုပ်ငန်းပိုင်ရှင်တွေ ဒါတွေက ဆက်စပ်ပြီးမှ ဖြစ်နေတာကိုး။ အနောက်နိုင်ငံက ပိတ်တဲ့အတွက် ငွေတွေက တဖြည်းဖြည်းနဲ့ ခက်လာမယ် ထင်တယ်လေ။ အခု သစ်တွေလည်း လုပ်ငန်းတွေ လျော့လာတယ်။ ဘာလို့လည်းဆိုတော့ သစ်လုပ်ငန်းသူဌေးတွေက ကျောက်တွေဝယ်ပြီးမှ သိမ်းထားတာတွေ ရှိတယ်လေ။ ကျောက်စိမ်းတွေ၊ ပတ္တမြားတွေ ဆက်စပ်နေတယ် အကုန်လုံးက” ဟု ဦးအောင်ဝါက ဆက်ပြောသည်။

အမေရိကန်သို့ မြန်မာ့ကျောက်မျက်တင်သွင်းမှုကို ပိတ်ပင်ရေးဥပဒေ အသက်ဝင်လာစေရန် ယခုနှစ် ဇူလိုင် (၃၀) တွင် သမ္မတ ဂျော့ခ်ျဒဗလျူဘုရ်ှက လက်မှတ်ရေးထိုးခဲ့သည်။ အမေရိကန် ဘဏ္ဍာရေးဝန်ကြီးဌာနကလည်း စစ်အစိုးရထိပ်ပိုင်းခေါင်းဆောင် များနှင့် လက်အောက်အရာရှိများပိုင်ဆိုင် (သို့) ထိန်းချုပ်ထားသော ကျောက်မျက်ကုမ္ပဏီများအပါအ၀င် ကုမ္ပဏီ (၁၀) ခုကို ဘဏ္ဍာရေးအရ ပိတ်ဆို့မှုပြုလုပ်ခဲ့သည်။

အမေရိကန်ဘဏ္ဍာရေးဝန်ကြီးဌာနလက်အောက်ရှိ နိုင်ငံခြားပိုင်ဆိုင်မှုထိန်းချုပ်ရေးဌာန (OFAC) က မြန်မာစစ်အစိုးရနှင့် အပစ်ရပ်ထားသော ၀ပြည်သွေးစည်းညီညွတ်ရေးတပ်မတော် (ယူဒဗလျူအက်စ်အေ) ကို မူးယစ်ဆေးအဖွဲ့အဖြစ် အမေရိကန် သတ်မှတ်ပြီး ၎င်းအဖွဲ့မှ ထိပ်တန်းတပ်မှူးဖြစ်သည့် ဝေရှောက်ခန်၊ ၎င်း၏ညီများဖြစ်သော ဝေရှောက်လုံ၊ ဝေရှောက်ယင်နှင့် စစ်ဦးစီးချုပ်ပေါက်ယိုချန်၊ ဟော်ချွင်းထင်၊ ဆစ်ကော်နန်တို့အပါအ၀င် ၎င်းတို့နှင့် စီးပွားရေးအရ၊ ငွေကြေးအရ အဆက်အစပ်ရှိ သော လူပုဂ္ဂိုလ် (၂၀) ကျော်နှင့် ကုမ္ပဏီ (၁၇) ခု၏ ပိုင်ဆိုင်မှုများကို ထိန်းချုပ်မည်ဖြစ်ကြောင်း ယခုလ (၁၃) ရက်က ထုတ်ပြန် ခဲ့သည်။

စားအုန်းဆီမှ ဦးပိုင် အမြတ်အစွန်းများစွာ ရနေ
NEJ/ ၁၈ နိုဝင်ဘာ ၂၀၀၈
နိုင်ငံတကာ၌ စားအုန်းဆီဈေးများ ထိုးကျနေသော်လည်း ပြည်တွင်းကို စားအုန်းဆီများ လက်ဝါးကြီးအုပ်ပြီး တင်သွင်းနေသည့် မြန်မာ့စီးပွားရေး ဦးပိုင်လီမိတက်က ဈေးနှုန်းမြှင့်တင်ထားသည့်အတွက် အမြတ်အစွန်းများစွာ ရနေကြောင်း ပြည်တွင်း ဆီကုန်သည်များက ပြောပြကြသည်။

ဘုရင့်နောင် ပွဲရုံတန်းမှ ဆီကုန်သည်တဦးက “အခုဆိုရင် မလေးရှား စားအုန်းဆီဟာ ရန်ကုန်ဆိပ်ကမ်းအရောက် တပိဿာကို မြန်မာကျပ်ငွေ (၁,၁၉၅) ကျပ်နှုန်းပဲ ရှိတော့တယ်။ အဲဒါကို ဦးပိုင်လီမိတက်က လက်ဝါးကြီးအုပ်ပြီး တပိဿာကို (၂,၂၅၂) ကျပ်ဈေးနဲ့ ဖြန့်တယ်။ တပိဿာကို ကျပ် (၁,ဝဝဝ) ကျော် အမြတ်ယူထားတယ်။ ဦးပိုင်ဟာ ပြည်တွင်းဆီ ကုန်သည်တွေဆီကို တပတ် တပတ်ကို ဆီပိဿာချိန်ပေါင်း (၁ဝ) သိန်းလောက် ဖြန့်ဖြူးတယ်။ လက်ရှိ ပေါက်ဈေးနှုန်းနဲ့ တွက်ကြည့်ရင် စားအုန်းဆီ ဖြန့်ဖြူးရာကနေ တပတ်ကို ကျပ်ငွေ သန်းတစ်ထောင် (တစ်ဘီလီယံ) လောက် အမြတ်ရနေတာ တွေ့နိုင်တယ်”ဟု ပြောသည်။

မြန်မာနိုင်ငံမှာ စားအုန်းဆီ တင်သွင်းဖြန့်ဖြူးမှုကို မြန်မာ့စီးပွားရေး ဦးပိုင်လီမိတက်က လက်ဝါးကြီးအုပ် လုပ်ကိုင်နေပြီး တခါတရံ ဦးပိုင်လီမိတက်၏ ခွင့်ပြုချက်ဖြင့် ပြည်တွင်းစီးပွားရေးကုမ္ပဏီများက တင်သွင်းခွင့်ရသည်။ ထိုသို့ တင်သွင်းခွင့်ရသူများသည် များသောအားဖြင့် ထိပ်တန်းအာဏာပိုင် အသိုင်းအဝန်း မိသားစုဝင် ကုမ္ပဏီများသာ ဖြစ်ကြောင်း သိရသည်။

ဦးပိုင်လီမိတက်သည် နိုင်ငံခြားက ဝယ်ယူတင်သွင်းလာသည့် စားအုန်းဆီများကို ဈေးနှုန်းတခု သတ်မှတ်ပြီး ပြည်တွင်းက ၎င်းတို့ အသိအမှတ်ပြု ဆီကုန်သည် ကိုယ်စားလှယ်များကို ခွဲတမ်းစနစ်ဖြင့် ဖြန့်ဖြူးပေးသည်။ လောလောဆယ် ရန်ကုန်မှာ ဆီကုန်သည် ကိုယ်စားလှယ် (၃,ဝဝဝ) လောက်ရှိပြီး တဦးကို (၁၁၆) ပိဿာဝင် စားအုန်းဆီ ပီပါ (၃) လုံးစီ ဖြန့်ဖြူးရောင်းချပေးသည်။

မြန်မာနိုင်ငံက တင်သွင်းနေသည့် မလေးရှားနိုင်ငံ ဈေးကွက်မှာ ပြီးခဲ့သည့် ၂ဝဝ၈ ဇူလိုင်လတွင် စားအုန်းဆီ တတန် (၉၈၂) ဒေါ်လာခန့် ပေါက်ဈေးရှိရာမှ လက်ရှိ နိုဝင်ဘာတွင် တတန် (၄၂၆) ဒေါ်လာအထိ ကျဆင်းသွားသည်။ ဈေးနှုန်း ထက်ဝက် (၅ဝ ရာခိုင်နှုန်း) မက ကျဆင်းသွားခြင်းဖြစ်သည်။

သို့သော် မြန်မာဈေးကွက်ကို လက်ဝါးကြီး အုပ်ထားသည့် ဦးပိုင်လီမိတက်မှာမူ စားအုန်းဆီ ခွဲတမ်းဈေးကို နိုင်ငံတကာ ပေါက်ဈေးနှင့်အညီ ချမပေးခဲ့ကြောင်း၊ ဦးပိုင်က ဖြန့်ဖြူးသည့်ဈေးသည် ပြီးခဲ့သည့် ၂ဝဝ၈ သြဂုတ်လက စားအုန်းဆီ တပိဿာ ကျပ် (၂,၅ဝဝ) ခန့် ရှိခဲ့သော်လည်း လက်ရှိ (၂,၂၅၂) ကျပ်နှုန်းဖြင့်သာ အနည်းငယ်လျော့ချပြီး ဖြန့်ဖြူးနေခြင်း ဖြစ်သည်။

စားအုန်းဆီ လက်ဝါကြီးအုပ်တင်သွင်းသည့် မြန်မာ့စီးပွားရေး ဦးပိုင်လီမိတက်နှင့် ဗိုလ်ချုပ်သားသမီးများပိုင် ကုမ္ပဏီများသည် တလ တလကို ကျပ်ငွေ (၄) ဘီလီယံခန့် အမြတ်အစွန်းရနေကြောင်း ကုန်သည်များက သုံးသပ်နေကြသည်။

ပြည်တွင်း၌ ယခုကဲ့သို့ စားအုန်းဆီ ဈေးနှုန်းများ ကျသင့်သလောက် မကျသည့်အတွက် ထိုင်းနိုင်ငံကနေ ပုဇွန်နှစ်ကောင် တံဆိပ်အပါအဝင် စားအုန်းဆီများ ဈေးသက်သက်သာသာ ဖြင့် နယ်စပ်လမ်းမှတဆင့် ဝင်လာနေသည်။ ထိုကြောင့် အာဏာပိုင်များသည် နယ်စပ်မှတဆင့် စားအုန်းဆီ တင်သွင်းခွင့် လုံးဝ မပေးသည့်အပြင် ဘားအံ-ရန်ကုန်၊ မော်လမြိုင်- ရန်ကုန် ကားလမ်းတလျှောက်၌ အကြီးအကျယ် စစ်ဆေးပြီး စားအုန်းဆီများကို ဖမ်းဆီးနေကြောင်း တွေ့မြင်ရသည်။

ယခုနောက်ပိုင်း အမြန်အစွန်းများသည့် ပြည်တွင်းစားအုန်းဆီ တင်သွင်းခွင့်နှင့် ပတ်သက်၍ ဗိုလ်ချုပ်မှူးကြီးသန်းရွှေ၏ ဇနီး ဒေါ်ကြိုင်ကြိုင်ပိုင် ကုမ္ပဏီက စီမံခန့်ခွဲနေသည်ဟု ဈေးကွက်အတွင်း ကျယ်ကျယ်ပြန့်ပြန့် သတင်းဖြစ်ပေါ်နေသော်လည်း သီးခြား အတည်ပြုနိုင်ခြင်း မရှိသေးပေ။

အထည်ချုပ်စက်ရုံများ လုပ်သား လျှော့ချ
နန်းဒေ၀ီ
အင်္ဂါနေ့၊ နိုဝင်ဘာလ 18 2008 21:54 - မြန်မာစံတော်ချိန်
နယူးဒေလီ။ ။ နိုင်ငံခြားမှ အထည်ဝယ်ယူမှု ကျဆင်းသွားသဖြင့် ရန်ကုန်တိုင်း လှိုင်သာယာ စက်မှုဇုန်ရှိ အထည်ချုပ်စက်ရုံ အချို့တွင် ယခုလပိုင်းအတွင်း အလုပ်သမား လျှော့ချမှုများ ပြုလုပ်လာသည်။

ယခင်က ဟောင်ကောင်၊ သြစတြေးလျားနှင့် ဂျာမဏီနိုင်ငံမှ အမျိုးသားဝတ် ရှပ်အင်္ကျီများ မှာယူလေ့ ရှိသည့် လှိုင်သာယာ စက်မှုဇုံ (၂) ရှိ Myanmar People Garment အထည်ချုပ် စက်ရုံတွင် အော်ဒါမှာယူမှု ကျဆင်းလာသဖြင့် အချိန်ပိုလုပ်ခ ရပ်ဆိုင်း လိုက်ရသဖြင့် အလုပ်သမားများ အလုပ်မှ ထွက်သွားသည်ဟု စက်ရုံ တာဝန်ရှိသူတဦးက မဇ္ဈိမကို ပြောသည်။

သူက "စီးပွားရေးအရ ပါးသွားတယ်။ ပြင်ပဆက်သွယ်ရေး လမ်းကြောင်းတွေက အရင်ကထက်စာရင် မသွက်လက်တော့ဘူး။ နိုင်ငံခြားက အမှာက မလာတော့ အလုပ်သမားတွေ အိုတီ (အချိန်ပို) ဆင်းတာ ရပ်သွားတယ်။ အလုပ်သမားတွေက လျှော့ချတာတော့ မဟုတ်ဘူးဗျ။ ကျနော်တို့ အရင်က ပြည်ပပို့တာ ရှိတော့ အိုတီတွေ ဆင်းရတယ်။ အခုလို လုပ်ငန်းတွေ ပါးသွားတော့ အိုတီ မရှိတော့ဘူး။ ဒီတော့ အလုပ်သမားတွေက အိုတီရှိတဲ့ နေရာတွေ ပြောင်းကျတာပေါ့" ဟု ပြောသည်။

လုပ်သားဦးရေ မည်၍မည်မျှ လျှော့ရသည်ကိုမူ သူက ပြောဆိုခြင်း မပြုခဲ့ပါ။

စက်ရုံလုပ်သား ၂၀၀ ကျော်နှင့် လည်ပတ်နေသော လှိုင်သာယာ စက်မှုဇုန် (၃) ရှိ အထည်ချုပ်စက်ရုံ ၂ ရုံတွင်လည်း နိုင်ငံရပ်ခြားမှ အော်ဒါမှာယူမှု သိသာစွာ နည်းပါးသွားသဖြင့် အလုပ်သမားများ လျှော့ချနေရသည်။

"လူ ၂၀၀ ကျော်ရှိတယ်။ အလုပ်ရှင်ပြောတာက အမှာနည်းသွားတဲ့အတွက် အခုလို အလုပ်သမားတွေ လျှော့တာလို့ ပြောတယ်။ လိုအပ်ရင် ပြန်ထပ်ခေါ်မယ်ဆိုပြီး ဖုန်းနံပါတ်တွေ အိမ်လိပ်စာတွေတော့ ယူထားတယ်" ဟု စက်ရုံများနှင့် နီးစပ်သူတဦးက ပြောသည်။

စက်ရုံ ၂ ရုံမှ အလုပ်သမား ၁၀၀ ထက်မနည်း ၂ လစာ ကြိုတင်ပေးကာ အလုပ်မှ ရပ်ဆိုင်းစေခြင်း ဖြစ်သည်။

အလားတူ ပဲခူးမြို့အတွင်းရှိ အထည်ချုပ်စက်ရုံ ရန်စီကျန်တွင်လည်း နိုင်ငံခြားမှ အော်ဒါမှာယူမှု လျော့ကျသွားသဖြင့် ယခုတလော အလုပ်သမားများ လျှော့ချလာခဲ့ရာ နောက်ဆုံးတွင် စက်ရုံပါ ပိတ်ရမည့် အနေအထားရှိကြောင်း ကောလာဟလများ ပေါ်ထွက်နေသော်လည်း အဆိုပါ ကိစ္စနှင့် ပတ်သက်၍ တာဝန်ရှိသူများထံ ဆက်သွယ် မေးမြန်းခွင့် မရသေးပါ။

ယခုလို အထည်စက်ရုံများ၌ အလုပ်သမားများ လျှော့ချနေရသည့် အခြေအနေမှာ ကမ္ဘာ့ငွေကြေး အကျပ်အတည်း ပေါ်ပေါက်လာပြီး တလခန့်အကြာတွင် ပေါ်ထွက်လာခြင်း ဖြစ်သည်။

၂၀၀၃ ခုနှစ်အတွင်းကလည်း အမေရိကန်အစိုးရက မြန်မာနိုင်ငံအပေါ် စီးပွားရေး ပိတ်ဆို့မှုကြောင့် မြန်မာပြည်ရှိ အထည်ချုပ်စက်ရုံ ၁၀၀ ကျော် ရပ်ဆိုင်းခဲ့ရသည့်အပြင်၊ အလုပ်သမားဦးရေ ၅ သောင်းမှ ၆ သောင်းခန့်အထိ အလုပ် ထွက်ခဲ့ရသေးသည်။

ထို့နောက်တွင် ဥရောပနိုင်ငံများက အော်ဒါမှာယူမှု ဆက်ရှိသဖြင့် ကျန်ရှိသည့် စက်ရုံများမှာ ဆက်လက် လုပ်ကိုင်နိုင်ခဲ့သည်။

ပြီးခဲ့သည့်လက ဗြိတိန်အခြေစိုက် မြန်မာ့အရေး လှုပ်ရှားသည့်အဖွဲ့ Burma Campaign (UK) မှ မြန်မာစစ်အစိုးရနှင့် စီးပွားစပ်တူ လုပ်ကိုင်ခြင်းမပြုရန်နှင့် လုပ်ငန်းများ ရပ်ဆိုင်းရန်အတွက် ဗြိတိန်ရှိ Cotton Traders လုပ်ငန်းရှင်များအား လှုံ့ဆော်ခဲ့ရာတွင် လုပ်ငန်းရှင်အများစုက သဘောတူလက်ခံခဲ့သည်။

အတိုက်အခံများကို ထောင်ချနေမှုအပေါ် ကုလနှင့် အိမ်ဖြူတော်က ရှုတ်ချ
ဇာနည်
အင်္ဂါနေ့၊ နိုဝင်ဘာလ 18 2008 18:55 - မြန်မာစံတော်ချိန်
ချင်းမိုင်။ ။ မြန်မာစစ်အစိုးရက ဒီမိုကရေစီရေး လှုပ်ရှားသူများကို အဆက်မပြတ် နှစ်ရှည် ထောင်ဒဏ်များ ချမှတ်နေခြင်းအပေါ် ကုလသမဂ္ဂ လူ့အခွင့်အရေးဆိုင်ရာ ကျွမ်းကျင်သူများက ယနေ့တွင် ပြစ်တင် ရှုတ်ချလိုက်သည်။

ယမန်နှစ် သြဂုတ်လမှ စတင်ဖြစ်ပေါ်ခဲ့သော ဆန္ဒပြပွဲများ အပြီးတွင် ဖမ်းဆီး ထိန်းသိမ်းခဲ့သော ၈၈ မျိုးဆက် ကျောင်းသားများ၊ သံဃာတော်များနှင့် တက်ကြွနိုးကြားသူ လူငယ်များကို တံခါးပိတ် တရားရုံးများက ထောင်ဒဏ်များ ချမှတ်နေခြင်းအပေါ် သူတို့က ဝေဖန် ရှုတ်ချခြင်း ဖြစ်သည်။

"ထောင်တွင်းရှိ တရားရုံးမှ အများကြားနာခွင့်မရှိဘဲ စီရင်ချက်များ ချမှတ်မှုသည် လွတ်လပ်မှုနှင့် သမာသမတ်ကျမှု မရှိသလို၊ အမှုများကို လိုက်ပါဆောင်ရွက်နေသူ ရှေ့နေ ၃ ဦးကိုလည်း ထောင်ဒဏ်များ ချမှတ်ခြင်းသည် တရားမျှတမှု မရှိသော စီရင်မှု ဖြစ်သည်" ဟု ကုလသမဂ္ဂမှ ထုတ်ပြန်ချက်တွင် ရေးသားပါရှိသည်။

တရားရုံးတွင် တရားစီရင်ထုံး "စံ" များကို လိုက်နာကာ အများပြည်သူမှ လွတ်လပ်စွာ နာကြားခွင့်ပေးရန်၊ ပြစ်ဒဏ် စီရင်ခံရသူများ အနေဖြင့် ပြန်လည် ချေပနိုင်ခွင့်များအတွက် ထိန်းသိမ်းထားသော ရှေ့နေများကို ပြန်လွှတ်ပေးရန်တို့ကိုလည်း ကုလသမဂ္ဂဆိုင်ရာ အထူး ကျွမ်းကျင်သူများ ဖြစ်သည့် Mr. Tomas Ojea Quintana (မြန်မာ့ လူ့အခွင့်အရေး အခြေအနေ)၊ Mr. Leandro Despouy (တရားရေးဆိုင်ရာ လွတ်လပ်ခွင့်)၊ Mr. Frand La Rue (လွတ်လပ်စွာ အမြင်များ ထုတ်ဖော်ခွင့်)၊ Ms. Margaret Sekaggya (လူ့အခွင့်အရေး ကာကွယ်သူများ အခြေအနေ) နှင့် Ms. Asma Jahangir (ဘာသာရေးနှင့် ယုံကြည်မှုဆိုင်ရာ လွတ်လပ်ခွင့်) တို့က တောင်းဆိုကြသည်။

စစ်အစိုးရသည် စက်တင်ဘာ ၁၁ ရက်နေ့မှသည် ယနေ့အထိ လူ ၁၀၀ ကျော်ကို ရက်ဆက် ပြုလုပ်နေသော လျို့ဝှက်ခုံရုံးများက ထောင်ဒဏ်များ ချမှတ်ခဲ့ရာတွင် ကိုမင်းကိုနိုင်နှင့် ၈၈ မျိုးဆက် ကျောင်းသားအဖွဲ့ဝင် ၂၃ ယောက်ကို ထောင် ၆၅ နှစ်အထိ ပြစ်ဒဏ် ချမှတ်ခဲ့သည်။

ပြန်ကြားရေးဝန်ကြီး ဗိုလ်မှူးချုပ်ကျော်ဆန်းက သတင်းစာ ရှင်းလင်းပွဲတခုတွင် ၈၈ မျိုးဆက်ကျောင်းသားများသည် နိုင်ငံခြား အထောက်အပံ့ရယူပြီး တိုင်းပြည် မငြိမ်မသက်ဖြစ်အောင် လုပ်ဆောင်ခဲ့သည်ဟု စွပ်စွဲပြောဆိုခဲ့သည်။

ထို့အပြင် တရားဆိုင်များ၏ ရှေ့နေများဖြစ်သည့် ဦးအောင်သိန်း၊ ဦးခင်မောင်ရှိန်တို့ကို ထောင်ဒဏ် ၄ လချမှတ်ပြီး ကိုညီညီထွေးနှင့် ကိုစောကျော်ကျော်မင်းတို့ကိုလည်း ထောင်ဒဏ် ၆ လ ကျခံစေပြန်သည်။ အခြားသော နိုင်ငံရေးအမှုလိုက် ရှေ့နေများမှာ တရားရုံးများသို့ ၀င်ရောက်ခွင့် တားမြစ်ခံခဲ့ရသည်။

ကုလသမဂ္ဂအရာရှိများက မြန်မာအာဏာပိုင်များ အနေဖြင့် ငြိမ်းချမ်းစွာ ကြိုးပမ်းသော ပြည်သူလူထုများကို ဖမ်းဆီးခြင်းများကို ရပ်တန်းကရပ်ရန် ပြင်းထန်စွာ တိုက်တွန်းသည်ဟု သူတို့၏ ကြေညာချက်တွင် ဖော်ပြ ပါရှိသည်။

အလားတူပင် အမေရိကန်အစိုးရကလည်း ကုလသမဂ္ဂ လူ့အခွင့်အရေး ကြေညာစာတမ်းပါ အခြေခံအချက်များကို အသုံးချရန် ကြိုးပမ်းသော ပြည်သူများအား ဖိနှိပ်သည့် စစ်အစိုးရကို ပြင်းထန်စွာ ရှုတ်ချလိုက်ကြောင်း အိမ်ဖြူတော်၏ ယမန်နေ့က ထုတ်ပြန် ကြေညာလိုက်သည်။

"မျိုးချစ်စိတ်ရှိပြီး ရဲရင့်သော မင်းကိုနိုင်၊ ကိုကိုကြီးနှင့် ဌေးကြွယ်တို့သည် ထောင်ဒဏ် ၆၅ နှစ် ချမှတ်ခံရသူများတွင် ပါဝင်ကြပြီး ပြည်သူတို့၏ အခြေခံလိုအပ်ချက်များအတွက် ငြိမ်းချမ်းစွာ ဆန္ဒပြခဲ့ကြခြင်းသာ ဖြစ်သည်" ဟု အိမ်ဖြူတော် ကြေညာချက်က ဆိုသည်။

ထို့အတူ နိုင်ငံတကာ အသိုင်းအ၀ိုင်းမှ နိုင်ငံရေး အကျဉ်းသားများကို လွှတ်ပေးရန် တောင်းဆိုနေမှုများကို ပမာမထားသော စစ်အစိုးရ၏ လုပ်ရပ်များအပေါ် နိုင်ငံတကာ အသိုင်းအ၀ိုင်းများနှင့် ကုလသမဂ္ဂ လုံခြုံရေးကောင်စီ အနေဖြင့် ဆိတ်ဆိတ်မနေသင့်ဟုလည်း တိုက်တွန်းထားသေးသည်။

လွှတ်တော်အမတ် ဒေါက်တာလှအောင် ကွယ်လွန်
ဖနိဒါ
အင်္ဂါနေ့၊ နိုဝင်ဘာလ 18 2008 18:03 - မြန်မာစံတော်ချိန်
ချင်းမိုင်။ ။ အမျိုးသား ဒီမိုကရေစီ အဖွဲ့ချုပ်၏ ရွေးကောက်ခံ ပြည်သူ့လွှတ်တော် ကိုယ်စားလှယ် ဒေါက်တာလှအောင် ယမန်နေ့ နံနက်ပိုင်းက နေအိမ်တွင် ရုတ်တရက် ကွယ်လွန်သွားကြောင်း သိရသည်။

၁၉၉၀ ခုနှစ် ပါတီစုံ အထွေထွေ ရွေးကောက်ပွဲတွင် ရွေးချယ်တင်မြှောက်ခံခဲ့ရသော အမျိုးသား ဒီမိုကရေစီအဖွဲ့ချုပ်မှ လွှတ်တော်ကိုယ်စားလှယ် ၃၉၈ ဦးအနက် ဒေါက်တာလှအောင်သည် ကွယ်လွန်သွားသော ၉၉ ဦးမြောက် လွှတ်တော် ကိုယ်စားလှယ် ဖြစ်သည်။

ဝမ်းတွင်းမြို့နယ် ပြည်သာကျေးရွာ ပန်းပင်ကြီး တောရကျောင်းရှိ တရားစခန်း၌ တရားထိုင်နေရင်း အသက်ရှူကျပ်လာသဖြင့် နေအိမ်ကို ပြန်လာပြီး နာရီပိုင်းအတွင်း ကွယ်လွန်သွားခြင်းဖြစ်သည်ဟု ၀မ်းတွင်းမြို့နယ် အမျိုးသား ဒီမိုကရေစီအဖွဲ့ချုပ် တွဲဘက်အတွင်းရေးမှူး ဦးအောင်သူက မဇ္ဈိမကို ပြောသည်။

ဒေါက်တာလှအောင်သည် (၆၈ နှစ်) သည် ရှစ်လေးလုံး လူထုအုံကြွမှုတွင် တက်ကြွစွာ ပါဝင်ခဲ့ပြီး၊ ၁၉၉၀ ခုနှစ် ပါတီစုံ အထွေထွေ ရွေးကောက်ပွဲတွင် ၀မ်းတွင်းမြို့နယ် မဲဆန္ဒနယ် အမှတ် (၂)၏ လွှတ်တော်ကိုယ်စားလှယ်အဖြစ် အရွေးခံခဲ့ရသည်။

သူသည် မန္တလေး တက္ကသိုလ်မှ (ဘီအေ)ဘွဲ့၊ ရန်ကုန် တက္ကသိုလ်မှ နိုင်ငံတကာ ဆက်ဆံရေး (Diploma in international Relation) ဒီပလိုမာဘွဲ့များ ရရှိခဲ့သည့်အပြင်၊ မော်စကို တက္ကသိုလ်တွင် ၅ နှစ် ပညာသင်ကြားခဲ့ပြီး ရုရှားဘာသာ ဒီပလိုမာနှင့် စီးပွားရေးပါရဂူ (PHD) ဘွဲ့များ အသီးသီး ရရှိခဲ့သည်။

"ထူးချွန်ထက်မြတ်တဲ့ နိုင်ငံအကျိုးကို အများကြီးဆောင်ရွက်နိုင်တဲ့ ရိုးသားတဲ့ ပညာတတ် ပုဂ္ဂိုလ်တဦး ဆုံးရှုံးသွားဟာ မြန်မာပြည်သူလူထုအတွက် ဆုံးရှုံးမှုလည်း ဖြစ်ပါတယ်" ဟု သူနှင့် လုပ်ဖော်ကိုင်ဘက်ဖြစ်သူ ဦးအောင်သူက ပြောသည်။

ကွယ်လွန်ချိန်တွင် သားသမီး ၄ဦးနှင့် ဇနီသည် ဒေါ်အေးနု ကျန်ရစ်သည်။

အမျိုးသားဒီမိုကရေစီ အဖွဲ့ချုပ်မှ ရွေးကောက်ခံ လွှတ်တော် ကိုယ်စားလှယ် ၃၄ ဦးမှာ ယခုအခါ ပြည်ပနိုင်ငံများ တွင်ရောက်ရှိနေကြပြီး၊ ထောင်တွင်း အကျဉ်းကျခံနေရသူ လွတ်တော်ကိုယ်စားလှယ် ဦးရေမှာ ၁၇ ဦး ရှိသည်ဟု ပြည်ထောင်စုမြန်မာနိုင်ငံ အမျိုးသား ညွန့်ပေါင်းအစိုးရနှင့် နိုင်ငံရေး အကျဉ်းသားများ ကူညီစောင့်ရှောက်ရေး အသင်း (အေအေပီပီ) တို့၏ စာရင်းများအရ သိရသည်။

ပူးကျင့်ရှင်းထန်၏ သားဖြစ်သူ ၃၃ နှစ် ပြစ်ဒဏ်ကျ
သန်းထိုက်ဦး
အင်္ဂါနေ့၊ နိုဝင်ဘာလ 18 2008 18:31 - မြန်မာစံတော်ချိန်
ချင်းမိုင်။ ။ ချင်းအမျိုးသား ခေါင်းဆောင်တဦးဖြစ်သော ဇိုမီးအမျိုးသားကွန်ကရက် ဥက္ကဌ ပူးကျင့်ရှင်းထန်၏ သားဖြစ်သူ အပါအ၀င် ရွှေဝါရောင်လှုပ်ရှားမှုတွင် ပါဝင်ခဲ့သဖြင့် ဖမ်းဆီးခံထားရသူ ၃ ဦးအား အင်းစိန်ထောင်တွင်း အထူးတရားရုံးတခုက ယနေ့တွင် ထောင်ဒဏ် ၃၃ နှစ် ချလိုက်သည်။

အမျိုးသား ပြန်လည်သင့်မြတ်ရေး တောင်းဆို ဆန္ဒပြရာတွင် ပါဝင်ခဲ့သူများဟု စွပ်စွဲကာ ၂၀၀၇ ခုနှစ် အောက်တိုဘာ ၂၈ ရက်နေ့တွင် ရန်ကုန်ရှိ လ္ဘက်ရည်ဆိုင်တဆိုင်တွင် အဖမ်းခံရပြီး အင်းစိန်ထောင်၌ တနှစ်ကျော်ကြာ ချုပ်နှောင်ထားရာမှ သူ၏ သားဖြစ်သူ ကမ်းလန်ခုတ် (ခေါ်) ကိုကျော်စိုးနှင့် ကိုထင်ထူးအောင်တို့အား ထောင်ဒဏ် ၃၃ နှစ်စီနှင့် ကမ်လန်ခွါ (ခေါ်) ခွာပီးအား ထောင်ဒဏ် ၈ နှစ် ပြစ်ဒဏ်ချလိုက်ခြင်း ဖြစ်သည်။

"သံဃာတော်တွေ အရေးအခင်းတုန်းက ငြိမ်းချမ်းစွာ ဆန္ဒပြတယ်။ လူတွေက ကြည့်တယ်။ ကြည့်တဲ့လူတွေကိုပါ သူတို့ (အာဏာပိုင်) တွေက ဖမ်းတယ်၊ ဆွဲတယ်။ အဲဒီအထဲမှာ ပါတဲ့ပုံစံမျိုး ဖြစ်နေတော့ ဒါက သူတို့ဆန္ဒကို သူတို့ ထုတ်ဖော်ပြတာပဲ။ အဲဒီလောက် ကြီးလေးတဲ့ ပြစ်ဒဏ်ပေးတယ်ဆိုတော့ လုံးဝ မသင့်မြတ်တဲ့ ဥပဒေ လုပ်ရပ်တခုပဲလို့ အဲဒီလိုပဲ မြင်တယ်" ဟု ပူးကျင့်ရှင်းထန်က မဇ္ဈိမကို ပြောသည်။

သုံးဦးစလုံးအား ပုံနှိပ်အက်ဥပဒေ ပုဒ်မ ၁၇/၂၀၊ လူဝင်မှုကြီးကြပ်ရေး အရေးပေါ် ပြဌာန်းချက် ပုဒ်မ ၁၃/၁၊ မတရားအသင်းဖွဲ့စည်းမှု ပုဒ်မ ၁၇/၁၊ နိုင်ငံတော် လုံခြုံရေးကို ထိခိုက်ပျက်ပြားစေရန် လှုံ့ဆော်မှု ပုဒ်မ ၅၀၅ (ခ) အပါအ၀င် ပုဒ်မ ၈ ခုဖြင့် စွဲချက်တင်ထားခဲ့သည်။

ပူးကျင့်ရှင်းထန်သည် ဇိုမီးအမျိုးသား ကွန်ကရက်အဖွဲ့တွင် ဥက္ကဌဖြစ်သလို၊ ချင်းပြည်နယ် တီးတိန်မြို့မှ လွှတ်တော်အမတ်တဦးဖြစ်ပြီး၊ လွှတ်တော်ခေါ်ယူရေးအတွက် ၁၉၉၈ ခုနှစ်အတွင်းက ရွေးကောက်ခံအမတ် အများစုဖြင့် ဖွဲ့စည်းခဲ့သည့် ပြည်သူ့လွှတ်တော် ကိုယ်စားပြု ကော်မတီ (စီအာပီပီ) တွင်လည်း အဖွဲ့ဝင် ဖြစ်သည်။

ယနေ့တွင်ပင် ဆန္ဒပြရာတွင် ပါဝင်ခဲ့သူ ဘိုကလေး၊ ပုသိမ်နှင့် မြောင်းမြမြို့သား ၉ ဦးအား ယခုလ ၁၁ ရက်နေ့က အင်းစိန်ထောင်တွင်း တရားရုံးက ထောင်ဒဏ် ၂၄ နှစ် အပါအ၀င် နှစ်ရှည်ထောင်ဒဏ်များ ချမှတ်ခဲ့သည့်အနက် ထိုအထဲမှ ဘိုကလေးမြို့နယ်မှ နှစ်ဦးအား လူဝင်မှုကြီးကြပ်ရေး အရေးပေါ် ပြဌာန်းချက် ပုဒ်မ ၁၃/၁ ဖြင့် ပုဒ်မထပ်တိုးကာ ပြစ်ဒဏ် တိုးမြှင့်ချထားလိုက်သည်။

ကိုသိန်းဇော်အား ထောင်ဒဏ် ၁၀ နှစ်မှ ယခုအခါ ၁၈ နှစ်၊ ကိုသီဟသက်တင်အား ၈ နှစ်မှ ယခုအခါ ၁၃ နှစ်အထိ ထပ်တိုးပြစ်ဒဏ် ကျခံရသည်။

ကိုသီဟသက်တင်၏ အဒေါ်ဖြစ်သူ ဒေါ်မွှေးက "အခုတခါ ၁၃/၁ ပုဒ်မကို ထပ်ကပ်ပြီးတော့ ထပ်တက်တယ်ဆိုတော့ ကျမတို့အနေနဲ့ ဘယ်လိုမြင်ရမှန်းကို မသိတော့ဘူး။ ကိုယ်တွေကလည်း တရားစီရင်တဲ့ အချိန်အခါ၊ ကြားနာမှုတွေ မရတဲ့အခါကျတော့ ဘာတွေမှန်းကို မသိဘူး" ဟု ပြောသည်။

နှစ်ရှည်ထောင်ဒဏ်နဲ့ ဥပဒေမဲ့ တရားစီရင်မှုအပေါ် ကုလသမဂ္ဂက ပြင်းထန်စွာရှုတ်ချ

18 November 2008
သားညွန့်ဦး

Tomas Ojea Quintana from Argentina, Special Rapporteur on the Situation of Human Rights in Burma (file photo)
မြန်မာနိုင်ငံတွင်း နိုင်ငံရေး တတ်ကြွလှုပ်ရှားသူတွေကို ဒီရက်ပိုင်းတွေထဲ နှစ်ရှည် ထောင်ဒဏ်တွေ ချမှတ် ရာမှာ ခုခံထုချေပိုင်ခွင့်၊ တရားစီရင်မှုကို အများကြားနာပိုင်ခွင့်မရှိတာကြောင့် ဥပဒေနဲ့ မညီညွတ် ဘူးလို့ပြည်တွင်းပြည်ပက ဝေဖန်မှုတွေရှိနေပါတယ်။ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး ကိုယ်စားလှယ် သောမတ် အိုဟေး ကင်တင်နား (Tomás Ojea Quintana) အပါအ၀င် ကုလသမဂ္ဂ လူ့အခွင့်အရေး အထူးကိုယ်စားလှယ်ငါးဦးကလည်း အခုလို ပြင်းထန်တဲ့ထောင်ဒဏ်တွေချမှတ်နေတာဟာ တရားမျှတမှုမရှိသလို၊ စစ်အစိုးရလုပ်မယ်ဆိုတဲ့ ၂၀၁၀ရွေးကောက်ပွဲလုပ်ငန်းစဉ်နဲ့လည်း မကိုက်ညီဘူးလို့ ဝေဖန်ကြပါတယ်။ အပြည့်အစုံကို ကိုသားညွန့်ဦးက စုံစမ်းမေးမြန်းထားပါတယ်။

နိုင်ငံရေးအတိုက်အခံတွေကို အခုလို နှစ်ရှည်ထောင်ဒဏ်တွေ မတရားစီရင်နေတာနဲ့ပတ်သက်လို့ ဒီလုပ်ရပ်ဟာ နိုင်ငံတကာ လူ့အခွင့်အရေးစံနှုန်းထိခိုက်စေတာကြောင့် လာမယ့် ၂၀၁၀ ရွေးကောက်ပွဲ မျှမျှတတရှိဖို့ဆိုတဲ့ အခြေအနေကို အာဏာပိုင်တွေအနေနဲ့ အလျင်စလို ဆန်းစစ်ဆောင်ရွက်သင့်တယ်လို့ လူ့အခွင့်အရေး အထူး ကိုယ်စားလှယ် ငါးဦးကနေ မြန်မာအစိုးရကို တိုက်တွန်းသွားကြတာပါ။ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ် သောမတ် အိုဟေး ကင်တာနားကတော့ သူတို့ရဲ့ စိုးရိမ်မှုကို အခုလို ပြောပါတယ်။

“အခုကိစ္စအပေါ် ကုလသမဂ္ဂလူ့အခွင့်အရေးကောင်စီရဲ့ အထူးကိုယ်စားလှယ်တွေကလည်း စိုးရိမ်ကြပါတယ်။ ဒါကြောင့်လည်း အခု ကျနော်တို့ ထုတ်ပြန်ချက်အပေါ်မှာ လက်မှတ်ထိုးကြတာပါ။ မြန်မာနိုင်ငံတွင်း နိုင်ငံရေး အတိုက်အခံတွေ နိုင်ငံရေးအကျဉ်းသားတွေကို အခုလို ပြစ်ဒဏ်ချမှတ်နေတဲ့ တရားစီရင်မှုတွေမှာ လွတ်လပ်မှု မျှတမှု မရှိတဲအပေါ်မှာ စိုးရိမ်ကြပါတယ်။ မြန်မာအစိုးရက လုပ်မယ့် လာမယ့် ၂၀၁၀ခုနှစ်ရွေးကောက်ပွဲလုပ်ငန်းစဉ်နဲ့ ဒီလုပ်ရပ် တွေက ဆန့်ကျင်ဖက်ဖြစ်နေပါတယ်။”

အခုအခြေအနေတွေမှာ မြန်မာနိုင်ငံရဲ့ တရားရေးစနစ်ကိုရော ဘယ်လို ပြောနိုင်မလဲ ခင်ဗျ။

“မြန်မာနိုင်ငံတွင်း တရားရေးကဏ္ဍဟာ လွတ်လပ်ပြီး တရားမျှတမှုကင်းမဲ့တာတွေကို ကျနော်ရှင်းရှင်းလင်းလင်း အရင်ကလည်း ပြောခဲ့ပြီးပါပြီ။ နိုင်ငံရေးအကျဉ်းသားတွေရဲ့ အမှုတွေကို လိုက်ပေးနေတဲ့ ရှေ့နေတွေ အထူးသဖြင့် ရှေ့နေနှစ်ဦးကို ထောင်ချလိုက်တာ အတော်လေးကို စိုးရိမ်စရာရှိပါတယ်။ ဒါကြောင့် ဒီပြဿနာအပေါ်မှာလည်း ကျနော် ကိုင်တွယ်ဆောင်ရွက်နေပါတယ်။”

အခု သည်ရက်ပိုင်းတွေ နိုင်ငံရေးလှုပ်ရှားသူတွေကို ထောင်ချတာတွေအပြင် နယ်စွန်နယ်ဖျားထောင်တွေကို ပို့တာတွေ လည်း ရှိနေပါတယ်။ ဒီသတင်းတွေကိုရော လူ့အခွင့်အရေးကိုယ်စားလှယ်ကြီးအနေနဲ့ အပြည့်အစုံ သိရှိထားရဲ့လားခင်ဗျ။

“၈၈မျိုးဆက်ကျောင်းသားတွေနဲ့ အခြားနိုင်ငံရေးအကျဉ်းသားတွေကို ပြစ်ဒဏ်စီရင်နေတဲ့ သတင်းတွေအားလုံး ကျနော်တို့ ရထားပါတယ်။ ပြီးခဲ့တဲ့ လူ့အခွင့်အရေးကောင်စီညီလာခံမှာတုန်းက မြန်မာအစိုးရကိုရော လူ့အခွင့်အရေး ကောင်စီကိုပါ မြန်မာနိုင်ငံတွင်းက နိုင်ငံရေးအကျဉ်းသားတွေ လွှတ်ပေးဖို့ဆိုတာ အကြံပြုတင်ပြခဲ့ပါတယ်။ ဒါကြောင့် ကျနော်အကြံပြုထားတာတွေနဲ့ ဆန်ကျင်ဖက်ဖြစ်နေတဲ့ ဒီလုပ်ရပ်တွေကို မြန်မာအစိုးရအနေနဲ့ ရပ်တန့်ဖို့လိုပါတယ်။ လာမယ့် ကျနော့်ခရီးစဉ်နဲ့ အစီရင်ခံစာမှာတော့ ဒီ အကြံပြုချက်အတိုင်း လုပ်မလုပ်ဆိုတာတွေကို စောင့်ကြည့်ရမှာပါပဲ။”

မြန်မာစစ်အစိုးရအနေနဲ့ နိုင်ငံတကာရဲ့လိုလားချက် တောင်းဆိုချက်တွေကို တောက်လျောက်လိုလို မျက်ကွယ်ပြုနေတာပဲခင်ဗျ။ ကုလသမဂ္ဂ လူ့အခွင့်အရေးကောင်စီပိုင်းအနေနဲ့ ဒီလို အခြေအနေတွေအပေါ်မှာ စိုးရိမ်မိရုံသက်သက်မဟုတ်ပဲ ဖြေရှင်းနိုင်ဖို့ ဘာတွေ ဆက်လုပ်နိုင်မယ်လို့ ထင်သလဲ။

“လူ့အခွင့်အရေးကောင်စီမှာ အထူးသီးခြားလုပ်နိုင်တဲ့ လုပ်ငန်းစဉ်တွေ၊ ကုလသမဂ္ဂမှာလည်း အခြား လုပ်ကိုင်နိုင်တဲ့နည်း တွေရှိတော့ ဒါတွေကနေ မြန်မာနိုင်ငံကိစ္စကို ကိုင်တွယ်ဆောင်ရွက်သွားမှာပါ။”

ကုလသမဂ္ဂရဲ့ မြန်မာနိုင်ငံ ဆိုင်ရာလူ့အခွင့်အရေးကိုယ်စားလှယ် မစ္စတာကင်တင်နား ပြောသွားတာပါ။ မစ္စတာကင်တာနားအနေနဲ့ လာမယ့် မတ်လ လူ့အခွင့်အရေးကောင်စီ အစည်းအဝေးမတိုင်ခင် မြန်မာနိုင်ငံကို သွားရောက်နိုင်ဖို့ ထပ်မံပြင်ဆင်နေသလို၊ အခု ဖြစ်ရပ်တွေအပေါ်မှာ စစ်အစိုးရအာဏာပိုင်တွေနဲ့ ထိစပ်မေးမြန်းဆောင်ရွက်နေတယ်လို့ ဆိုပါတယ်။ အမျိုသားဒီမိုကရေစီအဖွဲ့ချုပ် ပြောခွင့်ရသူ ရှေ့နေ ဦးဥာဏ်ဝင်းကတော့ အခုဖြစ်ရပ်တွေဟာ ဥပဒေနဲ့လုံးလုံးမကိုက်ညီဘူးလို့ ဝေဖန်ခဲ့ပါတယ်။

"ဒီလိုပြစ်ဒဏ်ချတာတွေဟာ ဥပဒေနဲ့မညီဘူးလို့ မြင်တယ်။ ဒီ စွပ်စွဲခံရသူတွေ လွတ်လပ်စွာ ခုခံချေပခွင့် မရဘူး။ စိတ်ကြိုက်ရှေ့နေ ငှားရမ်းခွင့်မှာလည်း အခက်အခဲရှိတယ်။ ရှေ့နေတွေ ကိုယ်စားလှယ်စာရဖို့လည်း အခက်အခဲရှိတယ်။ ရှေ့နေတွေ တရားရုံးရှေ့ရောက်ဖို့လည်း အခက်အခဲရှိတယ်။ ဒါ ပထမတချက် ဥပဒေအရ ချို့ယွင်းချက်။ ဒုတိယ အချက် အနေနဲ့ တရားစီရင်မှုဆိုတာ အများပြည်သူရှေ့မှာ စစ်ဆေးစီရင်ရမယ်။ အခု ဒီအမှုတွေက ဘယ်အများ ပြည်သူမှ ကြားနာခွင့် မရဘူး၊ ၀င်ရောက်ခွင့် မရဘူး။ တတိယ ချို့ယွင်းချက်အနေနဲ့ အကုန်လုံး တော်တော်များများမှာ ပုဒ်မ ၁၄၃၊ ၁၄၅၊ ၁၄၇၊ ဒီလိုတန်းစီပြီး ပြစ်ဒဏ်တွေကို ပုဒ်မတခုအလိုက် အသီးသီးချတယ်။ အဲဒါကြောင့် ပြစ်ဒဏ်တွေက ဒီလိုများနေတာ။”

"လက်ရှိ မြန်မာနိုင်ငံ ဥပဒေပြဋ္ဌာန်းချက်မှာ လုပ်ရပ်တခုက ပြစ်မှုဥပဒေ အမျိုးမျိုးနဲ့ ငြိစွန်းနိုင်တယ်။ အဲဒီလို ငြိစွန်းတဲ့ပုဒ်မတွေ တခုချင်းအလိုက် အပြစ်ပေးလို့မရဘူး။ ငြိစွန်းတဲ့အထဲက တခုကိုသာ အပြစ်ပေးရမယ်လို့ ဥပဒေပြဋ္ဌာန်းချက် အတိအကျ ရှိတယ်။ ဒါတွေနဲ့လည်း အကုန်ဆန့်ကျင်နေတယ်။"

ဒါဆိုရင် ပြစ်ဒဏ်ချမှတ်တဲ့ တရားသူကြီးတွေရဲ့ ဆုံးဖြတ်ချက်ကို အုပ်ချုပ်ရေးပိုင်းက စွက်ဖက်နေတယ်လို့ ကြားတဲ့ အခါကျတော့ အခု အမိန့်ချတဲ့နေရာမှာ တရားရေးအရ လွတ်လွတ်လပ်လပ် လုပ်ကိုင်နိုင်တယ်လို့ ယူဆလို့ရပါသလား။

"ရရှိတဲ့သတင်းတွေအရ အဲဒီလို လွတ်လွတ်လပ်လပ် လုပ်ကိုင်ခွင့်မရဘူးလို့ မြင်တယ်။ ပြစ်ဒဏ်ချတဲ့နေရာမှာ စောစောက ပြောသလို Action တခုထဲက ဖြစ်လာတဲ့ ပုဒ်မတွေထဲက တခုပဲပေးရမယ်။ ပြစ်ဒဏ်တွေ အသီးသီးချမှတ်ရင်လည်း တပေါင်းတည်း ချမှတ်လို့ရတယ်။ ဒါမှမဟုတ်ရင် တခုပြီးတခု ချမှတ်လို့ရတယ်။ ဒါ တရားသူကြီးရဲ့ဆင်ခြင်တုံ။ နောက် တရားသူကြီးရဲ့ ဆင်ခြင်တုံတခုက ပြစ်ဒဏ်တွေက ထောင်ဒဏ် ၁ ရက်ကနေ ၁၀ နှစ်အထိရှိရင် ဒီတရားခံတယောက် ပြစ်မှုကျူးလွန်တယ်လို့ မြင်ရင်တောင် ၁ ရက် ပေးရမှာလား၊ ၅ နှစ်ပေးရမှာလား၊ ၆ နှစ်ပေးရမလား၊ ဒါ ဆင်ခြင်တုံ။ အခု ပြစ်ဒဏ်တွေကို ကျနော်တို့ ကြည့်လိုက်တဲ့အခါ အဲဒီလိုဆင်ခြင်တုံမျိုး သုံးတယ်ဆိုတဲ့အဓိပ္ပာယ်မျိုး လုံးဝမတွေ့ဘူး။ အမြင့်ဆုံးပြစ်ဒဏ်ပေးတယ်။"

ခုနလိုမျိုး အုပ်ချုပ်ရေးပိုင်းက စွက်ဖက်တယ်ပဲထားပါဦး၊ တရားသူကြီးတွေဘက်က
ဆင်ခြင်တုံတရား မသုံးနိုင်တဲ့ကိစ္စကရော တရားရေးပိုင်းမှာ တရားသူကြီးချုပ်
ဦးအောင်တိုးတို့ ဘာတို့ ဘာမှလုပ်နိုင်ခွင့် မရှိတော့ဘူးလား။

"ဒီဥစ္စာက တရားရေးဌာန တခုလုံးနဲ့ သက်ဆိုင်ပါတယ်။ သူတို့ ဘာကြောင့် အဲဒီလို
တရားစီရင်နေလဲဆိုတာကိုတော့ သူတို့ပဲ ပိုသိမယ်။ သို့သော် အမြင်အားဖြင့် တရား
မျှတမှု မရှိဘူးဆိုတာ မြင်ရတယ်ဆိုတာကိုပဲ ပြောနိုင်တာပါ။"

ရှေ့နေ ဦးဥာဏ်ဝင်းဖြစ်ပါတယ်။ နိုင်ငံရေးလှုပ်ရှားသူတွေကို နှစ်ရှည်ထောင်ဒဏ်ချမှတ်တာ နယ်စွန်နယ်ဖျား ထောင်တွေကို ပြောင်းရွေ့တာတွေကြောင့် နိုင်ငံတကာမှာရော ကုလသမဂ္ဂမှာပါ အခုအခြေအနေအပေါ် စိုးရိမ်မှုတွေ တိုးလာနေပါတယ်။ ဒီအပေါ်မှာပဲ ကုလသမဂ္ဂဖက်မှာ မြန်မာအရေးဆွေးနွေးမှုတွေ ပြန်ဖြစ်လာစရာရှိတယ်လို့ ယူဆရပါတယ်။

အရှင်ဂမ္ဘီရကို ထောင်နှစ်ရှည်ချမှတ်
18 November 2008
ဦးအောင်လွင်ဦး -

မြန်မာစစ်အစိုးရက နိုင်ငံရေးတက်ကြွလှုပ်ရှားသူတွေကို ဒီရက်ပိုင်းအတွင်း ထောင်ဒဏ်ပြစ်ဒဏ်တွေ ချမှတ်နေရာ မှာ ဒီကနေ့မှာတော့ ထင်ရှားတဲ့ သံဃာတော် အရှင်ဂမ္ဘီရ အပါအ၀င် ဖမ်းဆီးခံထားရသူတွေကို နှစ်ရှည်ထောင်ဒဏ် တွေ ဆက်လက်ချမှတ်လိုက်ပါတယ်။ တက်ကြွလှုပ်ရှား သူတွေကို ကြီးလေးတဲ့ပြစ်ဒဏ်တွေ ချမှတ်နေလို့ ပြည်တွင်းပြည်ပက ဝေဖန်သံတွေ ထွက်ပေါ်နေတဲ့ကြား ကပဲ အခုလို ဆက်လက်လုပ်ဆောင်နေတာလည်း ဖြစ်ပါ တယ်။ အကြောင်းစုံကို စုံစမ်းမေးမြန်းပြီး ကိုအောင်လွင်ဦး
က တင်ပြပေးထားပါတယ်။

ထိန်းသိမ်းခံနေရတဲ့ နိုင်ငံရေးတက်ကြွလှုပ်ရှားသူတွေကို နေ့စဉ်ရက်ဆက်ဆိုသလို ထောင်ဒဏ်ပြစ်ဒဏ်တွေ စီရင် ချမှတ်နေတဲ့အထဲမှာ အခုနောက်ဆုံးဆိုရင်လည်း ပြီးခဲ့တဲ့
နှစ် စက်တင်ဘာ သံဃာတော်တွေရဲ့ မေတ္တာပို့ ကြွချီလှုပ်ရှားမှုတွေမှာ ထင်ရှားခဲ့တဲ့
အရှင်ဂမ္ဘီရ အပါအ၀င် တက်ကြွလှုပ်ရှားသူ တိုင်းရင်းသားလူငယ်တချို့ကိုပါ နှစ်ရှည်
ထောင်ဒဏ်တွေ ချမှတ်လိုက်တာပါ။ သာသနာညှိုးနွမ်းစေမှု၊ နိုင်ငံတော်ငြိမ်ဝပ်ပိပြား
ရေးကို ထိခိုက်စေမှု၊ ဥပဒေမဲ့ လူစုလူဝေးတွေမှာ ပါဝင်မှု စတာတွေ အပါအ၀င် စွပ်စွဲ
ချက် အများအပြားနဲ့ ရင်ဆိုင်နေရတဲ့ အရှင်ဂမ္ဘီရကို ဒီကနေ့ အင်းစိန်ထောင်တွင်း
အထူးတရားခွင်ကနေ ထောင်ဒဏ် ၁၂ နှစ်၊ သူနဲ့အတူ နောက်ထပ် ရဟန်းတော်တပါး
ဖြစ်တဲ့ ဦးကေလာသကို ၃၅ နှစ်အထိ နှစ်ရှည်ထောင်ဒဏ်တွေ ချမှတ်ခဲ့တာပါ။

ဒီကနေ့ အင်းစိန်ထောင်တွင်း အထူးတရားရုံးကနေ အခုလိုပြစ်ဒဏ်တွေ စီရင်ခဲ့တာတွေ
ရှိခဲ့သလို နောက်ထပ်စွပ်စွဲချက်တွေနဲ့ ရင်ဆိုင်နေရဆဲဖြစ်တဲ့ အရှင်ဂမ္ဘီရအနေနဲ့
ဆက်လက်ပြစ်ဒဏ်တွေ စီရင်ခံရစရာ ရှိနေသေးတဲ့ အခြေအနေနဲ့ ပတ်သက်လို့ မိသား
စုနဲ့နီးစပ်တဲ့ နိုင်ငံရေးအကျဉ်းသား မိသားစုဝင်တယောက်က ပြောပြတာကတော့ …

"ဦးကေလာသနဲ့ ဦးဂမ္ဘီရ၊ ဦးဂမ္ဘီရက ၁၂ နှစ်၊ ဦးကေလာသ မန္တလေးကတော့ ၃၅ နှစ်၊
အဲလိုချလိုက်တယ်။ ပုဒ်မတွေကတော့ အများကြီးပဲ။ ဦးဂမ္ဘီရကတော့ မပြတ်သေးဘူး
ပြောတယ်။ နောက်ထပ်တွဲစရာတွေ ရှိသေးတယ်။ များဖို့အလားအလာရှိတယ်၊
၃၀ ကျော်မယ်၊ သူလည်းပဲ အဲလောက်ပဲဖြစ်မှာပဲ။"

ဒီလိုပဲ ဒီကနေ့ အင်းစိန်ထောင်တွင်း အထူးတရားရုံးတွေကပဲ ပြီးခဲ့တဲ့နှစ် စက်တင်ဘာ
လထဲတုန်းက သံဃာ့လှုပ်ရှားမှုတွေ နောက်ဆက်တွဲ ဖမ်းဆီးခံခဲ့ရတဲ့ တိုင်းရင်းသား
လူငယ်တချို့ဟာ ဆိုရင်လည်း နှစ်ရှည်ထောင်ဒဏ်ပြစ်ဒဏ်တွေ ချမှတ်ခံခဲ့ရပါတယ်။
ဒီအထဲမှာ ထင်ရှားတဲ့ တိုင်းရင်းသား နိုင်ငံရေးခေါင်းဆောင်တဦးဖြစ်တဲ့ ဇိုမီးကွန်ဂရက်
ပါတီ ဥက္ကဋ္ဌ ဦးကျင့်ရှင်းထန်ရဲ့ သားဖြစ်သူ ကန်မ်လမ်ခုပ် ခေါ် ကိုကျော်စိုး၊ တူဖြစ်သူ
ကပ်ခန်းခွာနဲ့ သူတို့နဲ့အတူ ရခိုင်အမျိုးသားတဦးဖြစ်တဲ့ ကိုတင်ထွန်းအောင်တို့ကို
ထောင်ဒဏ် ၃၃ နှစ်စီ ချမှတ်လိုက်တာပါ။ ဒါနဲ့ပတ်သက်လို့ ဦးကျင့်ရှင်းထန်ကို
ဆက်သွယ်မေးမြန်းကြည့်ပါတယ်။

"ကျနော်ကြားတာ သားကတော့ ၃၃ နှစ်၊ တူကတော့ ၈ နှစ်၊ သူတို့အတွဲက သုံးဦး
ဆိုတော့ နောက်တယောက် တင်ထွန်းအောင်ဆိုတဲ့လူက ၃၃ နှစ်ပဲ။ ကျနော်ကတော့
ကိုယ်တိုင်မသွားဘူး၊ အဲလိုပဲကြားတာပဲ။ ကျနော်တို့ ၀င်လို့မရလို့။ ကျနော်တို့ရှိနေ
လည်း ၀င်ခွင့်မပြုဘူး။ ကျနော်တို့လည်း ၀င်လို့မရတာနဲ့ ထောင်အ၀ကနေ စောင့်နေ
တာပေါ့၊ သားတယောက်က စောင့်နေတာ။"

စက်တင်ဘာသံဃာတော်တွေရဲ့ လှုပ်ရှားမှုတွေနဲ့ ဆက်နွယ်ဖမ်းဆီးခံခဲ့ရပြီး အခု
နောက်ဆုံး ဒီလိုကြီးလေးတဲ့ ပြစ်ဒဏ်တွေ ချမှတ်လိုက်တာဟာ မြန်မာနိုင်ငံက တရား
စီရင်ရေးစနစ် ယိုယွင်းနေတာကို ပြသလိုက်တာပဲဆိုပြီးတော့ ကိုယ်တိုင်လည်း ဥပဒေ
ပညာရှင်တဦးဖြစ်တဲ့ ဦးကျင့်ရှင်းထန်က ဆိုပါတယ်။

"သံဃာတော်အရေးအခင်းမှာ သူတို့လည်းပါတယ်ဆိုတဲ့ အနေအထားမျိုးနဲ့ ဒီပုဒ်မတွေ
ထည့်ထားတာပေါ့။ ဒီဥစ္စာ မဆီမဆိုင်ဖြစ်နေတယ်။ ပြီးတော့ တရားဥပဒေဆိုတာ
တရက်တည်း တလတည်းမှာဖြစ်ပျက်နေတဲ့ သူတုိ့စွဲချက်အရဆိုရင်လည်း တပေါင်း
တည်းလုပ်ပြီး အကြီးဆုံးဟာနဲ့ စွဲချက်တင်ရမယ့်ဟာကို ပုဒ်မဆယ်ခုလောက်လုပ်ပြီး
အဲဒီဆယ်ခုစလုံးနဲ့ အပြစ်ပေးပြီး အဲဒီအပြစ်တွေပေါင်းပြီး ၃၃ လောက်ဖြစ်သွားတဲ့
သဘောပေါ့။ ဒါဟာ ဥပဒေအရ မှားယွင်းတာပေါ့။

"ကျနော်မြင်တာတော့ လုံးဝ တရားဥပဒေနဲ့ ကိုက်ညီမှုမရှိဘူး။ တရားရုံးကလည်း
တရားရုံးနာမည်သာခံပြီးတော့ သူတို့မှာ အာဏာသိပ်မရှိတဲ့သဘော။ အပေါ်ကနေ
ဒီလောက်ပေး၊ ခင်ဗျားတို့ကြေညာဆိုပြီးတော့ ဒီသဘောပဲ။ သူတို့မမှန်တာကို အမှု
စစ်တဲ့အချိန်မှာလည်း ဒီဥစ္စာတွေ တရားဥပဒေအရ မမှန်ဘူး၊ ရှေ့နေတွေက တင်ပြ
တယ်။ မမှန်မှန်းကို လိုပြသက်သေတွေကိုယ်တိုင်က ၀န်ခံတယ်။ အဲဒါကို မပယ်ဖျက်ဘဲ
ဆိုင်းထားပြီး သူတို့ပေးတဲ့အပြစ်ကို ပေးခိုင်းတာ။ အဲတော့ ဒါဟာ တရားရုံးဆိုတာလည်း
မရှိတော့ဘူးပေါ့။ ကျနော့်အမြင်မှာ ဒီတရားစီရင်ရေးကလည်း ပြိုလဲသွားပြီဗျာ။ ကျနော်
တို့နိုင်ငံမှာ မဏ္ဍိုင်သုံးခုဆိုတာ မရှိတော့ဘူး။ အာဏာပိုင်တခုတည်းပဲရှိတယ်။ ဒါက
အမိန့်၊ ချချင်တာချ၊ ဖမ်းချင်တာဖမ်း၊ ဒီသဘောမျိုးဖြစ်သွားတယ်။"

ဒီရက်ပိုင်းအတွင်း နိုင်ငံရေးတက်ကြွလှုပ်ရှားသူတွေကို ထောင်ဒဏ်ချမှတ်တာတွေ
လုပ်ဆောင်နေရုံသာမက ပြစ်ဒဏ်ချမှတ်ခံခဲ့ရပြီးသူတွေကိုလည်း မိသားစုနဲ့ဝေးရာ
နယ်ထောင်တွေကို ပို့ဆောင်နေတာတွေရှိလို့ မိသားစုတွေအနေနဲ့ စိုးရိမ်ပူပန်စရာတွေ
ကလည်း ဖြစ်နေရတာပါ။

"အဲဒီကိစ္စနဲ့ ကျနော်တို့ အပူပင်ဆုံးဗျာ။ အခုက ချမ်းတဲ့ရာသီလည်းဖြစ်တယ်၊ သူတို့နဲ့
လည်း တွေ့ဖို့ အခွင့်ကမရတော့၊ အခုက အမိန့်ချပြီးပြီ။ အမိန့်ချလိုက်တာတော့
ထားလိုက်ပါတော့။ ထောင်ထဲမှာ အနားပေးခိုင်းတာပါ။ ဒါပေမယ့် ဒီမှာအနားမပေးဘဲ
နယ်စွန်နယ်ဖျားပို့မယ်၊ ပြီးတော့ အဲဒီမှာ ရာသီဥတုကလည်း တမျိုးစီ၊ လုံလောက်တဲ့
အ၀တ်အစားလည်း မပါနိုင်ဆိုတော့ အဲဒီအတွက် ကျနော်တို့ စိတ်ပူတာပေါ့။"

ဒီကနေ့ ထောင်ဒဏ် ၃၃ နှစ်အထိ အပြစ်ပေးခံခဲ့ရတဲ့ ဇိုမီးတိုင်းရင်းသားလူငယ်တွေရဲ့
ဖခင်နဲ့ ဦးလေးဖြစ်သူလည်းဖြစ်၊ တိုင်းရင်းသား နိုင်ငံရေးခေါင်းဆောင်တဦးလည်း
ဖြစ်တဲ့ ဦးကျင့်ရှင်းထန် ဖြစ်ပါတယ်။

ပြီးခဲ့တဲ့ရက်ပိုင်းအတွင်း ထောင်ဒဏ်ပြစ်ဒဏ် ချမှတ်ခဲ့ပြီးသားဖြစ်တဲ့ ဘိုကလေးမြို့က
တက်ကြွလှုပ်ရှားသူ လူငယ်တချို့ကိုလည်း ကျန်နေသေးတဲ့ စွပ်စွဲချက်တွေထဲက တချို့
ကို ဆက်လက်စစ်ဆေးပြီး နောက်ထပ်တိုးပြစ်ဒဏ်တွေ ချမှတ်ခဲ့တာလည်း ရှိခဲ့တယ်လို့
နိုင်ငံရေးအကျဉ်းသား မိသားစုတွေက ပြောပြကြပါတယ်။

ကုလအတွင်းရေးမှူးချုပ် မြန်မာနိုင်ငံသွားဖို့ တိုက်တွန်း
18 November 2008
နော်ရှိုး
လတ်တလော မြန်မာပြည်တွင်းမှာ လူ့အခွင့်ရေး အခြေအနေတွေ ဆိုးဆိုးရွားရွား
ယိုယွင်းပျက်စီးနေတာကို ထောက်ရှုပြီး ကုလသမဂ္ဂ အထွေထွေအတွင်းရေးမှူးချုပ်
ဘန်ကီမွန်း (Ban Ki-Moon) အနေနဲ့ မြန်မာနိုင်ငံကို စီစဉ်ထားတဲ့အတိုင်း နောက်လ
ထဲမှာ မဖြစ်မနေသွားရောက်ဖို့ ဗြိတိန်အခြေစိုက် ခရစ်ယာန်သွေးစည်းညီညွတ်ရေး
အဖွဲ့ (CSW) က တိုက်တွန်းလိုက်ပါတယ်။ အထွေထွေအတွင်းရေးမှူးချုပ်ရဲ့ ခရီးစဉ်မှာ
လူ့အခွင့်အရေးကိစ္စကို အဓိကရှေ့တန်းတင်ဖို့ကိုလည်း CSW အဖွဲ့က တိုက်တွန်း
လိုက်ပါတယ်။ ဒီအကြောင်းနဲ့ပတ်သက်လို့ CSW အဖွဲ့ကို ဆက်သွယ်မေးမြန်းထားတဲ့
ဗွီအိုအေ၀ိုင်းတော်သူ နော်ရှိုးက တင်ပြပေးထားပါတယ်။

နာဂစ်မုန်တိုင်း တိုက်ခတ်ပြီးစ မြန်မာနိုင်ငံကို ပထမဆုံးအကြိမ် သွားရောက်ပြီး
ကတည်းက ကုလသမဂ္ဂ အထွေထွေအတွင်းရေးမှူးချုပ်အနေနဲ့မြန်မာနိုင်ငံကို
နောက်ထပ်တခေါက်သွားဖို့ အစီအစဉ်ရှိတယ်လို့ ဆိုခဲ့ပေမယ့်နောက်ပိုင်းမှာတော့
မြန်မာနိုင်ငံကို ထပ်သွားလည်း မထူးမှာမို့ မစ္စတာဘန်ကီမွန်းအနေနဲ့ မြန်မာနိုင်ငံကို
သွားမယ့် ခရီးစဉ်ကို ပယ်ဖျက်တော့မယ်ဆိုတဲ့ အသံတွေကိုလည်း ကြားခဲ့ရပါတယ်။
ဒီလိုအချိန်မှာ မြန်မာပြည်တွင်းမှာ ပြီးခဲ့တဲ့အပတ်ကစလို့ နိုင်ငံရေးလှုပ်ရှားသူ
၈၀ ကျော်ဟာ ၂ နှစ်ကနေ ၆၅ နှစ်အထိ နှစ်ရှည်ထောင်ဒဏ် ချမှတ်ခံခဲ့ရပါတယ်။

ဒါနဲ့ပတ်သက်ပြီး ကုလသမဂ္ဂ အထွေထွေအတွင်းရေးမှူးချုပ် ဘန်ကီမွန်းက စိုးရိမ်
မကင်းဖြစ်ရကြောင်း ထုတ်ဖော်ပြောကြားခဲ့ပေမယ့် သူ့အနေနဲ့ မြန်မာနိုင်ငံကို နောက်
တခေါက်သွားမယ့် အစီအစဉ်နဲ့ပတ်သက်ပြီး ခုချိန်အထိ အရိပ်အမြွက်ပေးတာမျိုးတော့
မရှိသေးပါဘူး။

ဒါ့အပြင် ဒီနောက်ပိုင်းမှာလည်း မြန်မာနိုင်ငံအရှေ့ပိုင်း ကရင်ပြည်နယ်က အရပ်သား
ရွာတွေအပေါ် ဆက်တိုက်ထိုးစစ်ဆင်မှုတွေ ဖြစ်ပွားနေတာကြောင့် အနည်းဆုံး
ရွာပေါင်း ၁၂ ရွာ အပါအ၀င် စပါးခင်းတွေ ပျက်စီးခဲ့ရပြီး ကရင်ရွာသား ၂,၀၀၀ နီးပါး
ဟာလည်း မိမိတို့အိုးအိမ်ကနေ စွန့်ခွာထွက်ပြေးခဲ့ရတာတွေကို ထောက်ပြပြီး မနေ့က
နိုဝင်ဘာလ ၁၇ ရက်နေ့စွဲနဲ့ ဗြိတိန်အခြေစိုက် CSW ခေါ် ခရစ်ယာန်သွေးစည်းညီညွတ်
မှုအဖွဲ့က အခုလို မြန်မာပြည်တွင်း လူ့အခွင့်အရေးအခြေအနေတွေ သိသိသာသာ
ယိုယွင်းပျက်စီးနေတဲ့အချိန်မှာ ကုလသမဂ္ဂ အထွေထွေအတွင်းရေးမှူးချုပ်အနေနဲ့
ယခင်စီစဉ်ထားတဲ့အတိုင်း နောက်လထဲမှာ မြန်မာနိုင်ငံကို သွားရောက်ဖို့ ခရီးစဉ်ကို
မပယ်ဖျက်ဘဲ မဖြစ်မနေသွားရောက်ဖို့ တိုက်တွန်းလိုက်တာပါ။

မစ္စတာဘန်ကီမွန်းအနေနဲ့ သူ့ရဲ့ မြန်မာနိုင်ငံခရီးစဉ်မှာ မြန်မာနိုင်ငံအတွင်း နိုင်ငံရေး
အကျဉ်းသားအားလုံး လွှတ်ပေးဖို့နဲ့ မြန်မာနိုင်ငံ အရှေ့ဘက်ခြမ်းဒေသက အရပ်သား
တွေအပေါ်မှာ စစ်အစိုးရက ထိုးစစ်ဆင်မှုတွေကို ရပ်တန့်ဖို့ အဓိကထားတောင်းဆိုဖို့
တိုက်တွန်းလိုက်တာလည်း ဖြစ်ပါတယ်။ မြန်မာနိုင်ငံကို ကုလသမဂ္ဂ ကိုယ်စားလှယ်တွေ
တဦးပြီးတဦး သွားရောက်ခဲ့ပေမယ့် မြန်မာပြည်တွင်းက လူ့အခွင့်အရေး အခြေအနေ
တွေက သိပ်မထူးသလို ပြည်သူအများရဲ့ ကုလသမဂ္ဂအပေါ် မျှော်လင့်အားကိုးမှုဟာ
လည်း လျော့နည်းခဲ့ရပါတယ်။

ဒီလိုမျိုးအခြေအနေမှာ ကုလသမဂ္ဂ အထွေထွေအတွင်းရေးမှူးချုပ်အနေနဲ့ မြန်မာနိုင်ငံ
ကို သွားရောက်လည်ပတ်လို့ရော ထူးခြားမှုတွေ ရှိနိုင်မလား၊ သူ့အနေနဲ့ရော ဘာများ
လုပ်နိုင်မှာမို့လဲဆိုတဲ့ မေးခွန်းနဲ့ပတ်သက်ပြီး CSW အဖွဲ့က မြန်မာနိုင်ငံတာဝန်ခံ
ဘန်ရော်ဂျာစ် (Ben Rogers) က အခုလိုပြောပါတယ်။

"ပထမအချက်ကတော့ ကုလသမဂ္ဂ အတွင်းရေးမှူးချုပ်လို အမြင့်ဆုံးရာထူးကြောင့်
မစ္စတာဘန်ကီမွန်းအနေနဲ့ အရင် ကုလသမဂ္ဂ ကိုယ်စားလှယ်တွေထက် ပိုပြီး ထိထိ
ရောက်ရောက် လုပ်ဆောင်နိုင်လိမ့်မယ်လို့ ထင်ပါတယ်။ နောက်တချက်ကတော့
မစ္စတာဘန်ကီမွန်းရဲ့ သိက္ခာနဲ့ ကိုယ်ပိုင်အရည်အချင်းကြောင့်ပါပဲ။ မစ္စတာဘန်ကီမွန်း
ကိုယ်တိုင် သွားမယ်ဆိုရင်တော့ သူ့အနေနဲ့ စစ်အစိုးရ ထိပ်ပိုင်းခေါင်းဆောင်တွေနဲ့
ရော ဒေါ်အောင်ဆန်းစုကြည်နဲ့ပါ တွေ့ခွင့်ရနိုင်ခြေ ပိုရှိပါတယ်။

"အထူးသဖြင့် ကုလသမဂ္ဂ လုံခြုံရေးကောင်စီနဲ့ မြန်မာ့အိမ်နီးချင်းနိုင်ငံတွေရဲ့ ပံ့ပိုးမှုကို
ရနိုင်မယ်ဆိုရင်ပေါ့။ မစ္စတာဘန်ကီမွန်းရဲ့ ခရီးစဉ်အပြင် လုံခြုံရေးကောင်စီကလည်း
အချိန်အကန့်အသတ်မဲ့ တွေ့ဆုံဆွေးနွေးမှုတွေအစား စစ်အစိုးရအနေနဲ့ အချိန်ဇယားနဲ့
တိတိကျကျ မဖြစ်မနေ လိုက်နာဆောင်ရွက်ရမယ့် ကိစ္စတွေကို သတ်မှတ်မယ်ဆိုရင်
တော့ မြန်မာ့နိုင်ငံရေး အခြေအနေ ရှေ့တိုးဖို့အခွင့်အလမ်းတွေ ရှိနိုင်ပါတယ်။"

ဆက်လက်ပြီး မစ္စတာဘန်ရော်ဂျာစ်က ကုလသမဂ္ဂအနေနဲ့ မြန်မာ့အရေးကို
တောင်းဆိုတဲ့အခါ မြို့ပေါ်မှာဖြစ်နေတဲ့ လူ့အခွင့်အရေး ချိုးဖောက်မှုတွေနဲ့ မြန်မာနိုင်ငံ
အရှေ့ပိုင်း နယ်စပ်ဒေသမှာဖြစ်ပေါ်နေတဲ့ လူ့အခွင့်အရေး ချိုးဖောက်မှုတွေကို တပြိုင်
နက်တည်း တောင်းဆိုတင်ပြတဲ့ အင်မတန်မှ အရေးကြီးတဲ့အကြောင်း အခုလိုရှင်းပြ
ပါတယ်။

"အများအားဖြင့် လူတွေက အကြောင်းအရာ ရှုထောင့်တခုထဲကနေ အာရုံစိုက်
တိုက်တွန်းလေ့ရှိကြပါတယ်။ ခုချိန်မှာ နိုင်ငံတကာ အသိုက်အ၀န်းနဲ့ ကုလသမဂ္ဂ
အထွေထွေအတွင်းရေးမှူးချုပ်တို့အနေနဲ့ မြို့ပေါ်နဲ့ မြန်မာပြည်အရှေ့ပိုင်းက ကျေးရွာ
တွေ မီးရှို့ဖျက်ဆီးခံရမှု စတာတွေဟာ မြန်မာနိုင်ငံမှာ ကြုံတွေ့နေရတဲ့ လူသားချင်း
စာနာထောက်ထားမှုနဲ့ လူ့အခွင့်အရေး ယိုယွင်းမှုဆိုင်ရာ ပြဿနာတွေရဲ့ အစိတ်အပိုင်း
တွေပဲဆိုတာ တလုံးတ၀တည်း ရှုမြင်သုံးသပ်ဖို့ အရေးကြီးပါတယ်။ နောက်တခါ တချို့
မြန်မာ့အရေးလှုပ်ရှားသူတွေ တောင်းဆိုသလိုပါပဲ၊ အဓိပ္ပာယ်ရှိတဲ့ တွေ့ဆုံဆွေးနွေးမှု
တွေလုပ်ဖို့၊ ၂၀၁၀ ခုနှစ် ရွေးကောက်ပွဲဟာ အနှစ်သာရ ရှိနိုင်ဖို့အတွက် ပထမဆုံး
အနေနဲ့ နိုင်ငံရေးအကျဉ်းသားတွေကို လွှတ်ပေးဖို့ လိုအပ်ပါတယ်။"

ဗြိတိန်အခြေစိုက် CSW အဖွဲ့ရဲ့ မြန်မာ့ရေးရာတာဝန်ခံ ဘန်ရော်ဂျာစ် ပြောပြသွားတာ
ဖြစ်ပါတယ်။

နိုင်ငံရဲ့ စိန်ခေါ်မှုတွေကို အိုဘားမားနဲ့ မက်ကိန်း အတူတကွ ဖြေရှင်းရေး မျှော်လင့်

18 November 2008

ရွေးကောက်ခံသမ္မတ ဘရက်ခ် အိုဘားမား(ယာ) နှင့် ဂျွန်မက်ကိန်းတို့ ချီကာဂိုတွင် တွေ့ဆုံဆွေးနွေးနေစဉ်။
နိုဝင်ဘာ ၁၇၊ ၂၀၀၈။
အမေရိကန်သမ္မတအဖြစ် ရွေးကောက်
တင်မြှောက်ခံထားရတဲ့ ဘရက်ခ် အိုဘားမား
(Barack Obama) ဟာ ရွေးကောက်ပွဲကာလ
တုန်းက သူ့ရဲ့ပြိုင်ဘက်ဟောင်း ရီပတ်ဘလီကန် ပါတီသမ္မတလောင်း ဂျွန်မက်ကိန်း (John
McCain) နဲ့ မနေ့က တွေ့ဆုံပြီး စီးပွားရေး အကျပ် အတူလက်တွဲ လုပ်ဆောင်သွားကြဖို့ သဘောတူခဲ့
ကြပါတယ်။

နိုဝင်ဘာလ ၄ ရက်နေ့မှာ ကျင်းပခဲ့တဲ့ သမ္မတရွေးကောက်ပွဲမှာ အရီဇိုးနားပြည်နယ်
အထက်လွှတ်တော်အမတ် ဂျွန်မက်ကိန်းကို အနိုင်ရပြီးနောက်ပိုင်း မနေ့က ပထမဆုံး
အကြိမ် မျက်နှာချင်းဆိုင် တွေ့ဆုံကြတာဖြစ်ပါတယ်။

သူတို့ရဲ့ တွေ့ဆုံဆွေးနွေးမှုဟာ အကျိုးဖြစ်ထွန်းပြီး ခေတ်သစ်အတွက် ပြုပြင်ပြောင်းလဲ
မှုဆိုင်ရာ လမ်းစဉ်သစ် ချမှတ်လုပ်ဆောင်ကြဖို့ သဘောတူညီချက် ရရှိခဲ့တဲ့အကြောင်း
တွေ့ဆုံဆွေးနွေးအပြီး ပူးတွဲထုတ်ပြန်တဲ့ ကြေညာချက်မှာ ဖော်ပြထားပါတယ်။

ဒါ့အပြင် ၀ါရှင်တန်ဒီစီမှာ ပါတီစွဲတွေ၊ အပြန်အလှန် တိုက်ခိုက်နေကြတာတွေ အဆုံး
သတ်ရေး၊ ပြည်သူလူထုက အစိုးရအပေါ် ယုံကြည်မှု ပြန်လည်ရရှိလာအောင်
လုပ်ဆောင်ရေး၊ အလုပ်ကြိုးစားလုပ်ကိုင်ကြတဲ့ အမေရိကန်နိုင်ငံသားတွေ အကျိုး
ခံစားခွင့်ရရှိရေး စတဲ့အချက်တွေကိုလည်း ဆွေးနွေးခဲ့ကြတယ်လို့ ဆိုပါတယ်။

ဂျပန်စီးပွားရေး ကျဆင်းဂယက် ကမ္ဘာ့ဈေးကွက် ရိုက်ခတ်
18 November 2008
Michael Bowman and Tom Rivers' Report in Burmese
ဂျပန်နိုင်ငံအနေနဲ့ စီးပွားရေးကျဆင်းမှု ဖြစ်လာတယ်ဆိုတဲ့ သတင်းနဲ့အတူ အမေရိကန်
ပြည်ထောင်စုမှာ အလုပ်လက်မဲ့တွေ ပိုများလာပြီး စီးပွားရေးဖွံ့ဖြိုးမှုကလည်း
အကောင်းဘက်ကို ရောက်မလာသေးတာကြောင့် ကမ္ဘာ့စီးပွားရေးဈေးကွက်တွေ
အများစုကတော့ ဆက်လက်ကျဆင်းနေတာပါ။ ဥရောပဈေးကွက်ကလည်း ကျဆင်း
လာတဲ့ကဏ္ဍကို ရောက်လာပြီးနောက်မှာ ဒီလို ဘဏ္ဍာရေးအကျပ်အတည်းနဲ့ စီးပွားရေး
ကျဆင်းမှုတွေ အချိန်ဘယ်လောက်ကြာကြာ ဖြစ်နေမယ်၊ ဘယ်လောက်ထိ ကျဆင်း
သွားမယ်ဆိုတဲ့ ပြောစရာတွေ ရှိလာပါတယ်။ ဒီအကြောင်းတွေနဲ့ပတ်သက်ပြီး ဗွီအိုအေ
ရဲ့ ၀ါရှင်တန်သတင်းထောက် မိုက်ကယ် ဘိုးမင်း (Michael Bowman) နဲ့ လန်ဒန်
သတင်းထောက် တွမ် ရေဗားစ် (Tom Rivers) တို့ သတင်းလွှာရေးသားထားတာတွေ
ကို မညိုညိုလွင်က စုစည်းတင်ပြပေးထားပါတယ်။

အမျိုးသားစီးပွားရေးအနေနဲ့ ကမ္ဘာပေါ်မှာ ဒုတိယအဆင့်ရှိတဲ့ ဂျပန်နိုင်ငံအနေနဲ့ အခုလို
စီးပွားရေးကျဆင်းမှု ဖြစ်ခဲ့တာဟာ ၂၀၀၁ ခုနှစ်ကစကြည့်ရင် ပထမဆုံးဖြစ်ပါတယ်။
၂၀၀၂ ခုနှစ်ကနေ၂၀၀၇ ခုနှစ်အတွင်း ဂျပန်နိုင်ငံဟာ နှစ်စဉ် ၂% ထက်မနည်း
စီးပွားရေးဖွံ့ဖြိုးမှု ရှိခဲ့တာပါ၊ဂျပန်ဘဏ္ဍာရေးဝန်ကြီး ကာအိုရု ယိုစာနို။ စက်တင်ဘာ ၈၊ ၂၀၀၈။
"သုံးလပတ် စီးပွားရေးအစီရင်ခံစာတွေရဲ့ ထွက်ရှိ
လာတဲ့ အဖြေတွေအရ စီးပွားရေးအခြေအနေဟာ
ကျဆင်းမှုဘက်ကို ဦးတည်လာတယ်ဆိုတာကို
ကျနော်တို့ လေ့လာတွေ့ရှိရပါတယ်" လို့ ဂျပန်နိုင်ငံ
ဘဏ္ဍာရေးဝန်ကြီး ကာအိုရု ယိုစာနို (Kaoru
Yosano) က ပြောဆိုသွားတာ ဖြစ်ပါတယ်။

ကမ္ဘာလုံးဆိုင်ရာ စီးပွားရေးအခြေအနေကလည်း
ကျဆင်းနေပြီး ဂျပန်နိုင်ငံလည်း ကျဆင်းမှုဘက်ကို ဆက်လက်ရွေ့လျားနေပါတယ်လို့ သူက ထည့်သွင်း
ပြောဆိုသွားပါတယ်။

ပြီးခဲ့တဲ့တပတ်ထဲမှာတော့ ဂျာမဏီနိုင်ငံအနေနဲ့ စီးပွားရေးကျဆင်းမှုဘက်ကို တရား
ဝင်ကို ရောက်လာတဲ့အကြောင်း သတင်းတွေ ထွက်ပေါ်ခဲ့ပါတယ်။ အမေရိကန်
ပြည်ထောင်စု အနေနဲ့ကတော့ စီးပွားရေးအခြေအနေတွေ ကောင်းမွန်မလာမီ
ခုလက်ရှိအနေအထားအရ ပိုဆိုးလာနိုင်တဲ့ အခြေအနေမှာ ရှိနေတယ်လို့ ၀ါရှင်တန်
အခြေစိုက် အမျိုးသားစီးပွားရေး လုပ်ငန်းများဆိုင်ရာအဖွဲ့ (NABE) ရဲ့ ဥက္ကဋ္ဌ ခရစ္စ
ဗားဗရက်စ် (Chris Varvares) ပြောဆိုလိုက်ပါတယ်။

"စတုတ္ထပတ်အတွင်း စီးပွားရေးဆိုင်ရာ ကန်ထရိုက်လုပ်ငန်းတွေရဲ့ အဆင့်ဟာ ၂.၆%
မှာရှိနေပြီး ၂၀၀၉ ခုနှစ် ၀င်တဲ့အထိ ဆက်လက်ကျဆင်းမှုတွေ ရှိနိုင်တယ်လို့ ကျနော်
တို့အဖွဲ့ဝင်တွေအနေနဲ့ ခန့်မှန်းထားပါတယ်။ အလုပ်လက်မဲ့နှုန်းကလည်း ၆.၅% ရှိနေ
တာကနေ ၇.၅% အထိ မြင့်တက်လာခဲ့ပါတယ်။ စားသုံးသူတွေရဲ့ သုံးစွဲမှုအနေအထား
တွေနဲ့ အားလုံးကို ခြုံကြည့်မယ်ဆိုရင် ငွေကြေးဖောင်းပွမှုနှုန်းကလည်း ရှေ့လာမယ့်
နှစ်မှာ ၀.၂% ထိ ဖြစ်လာနိုင်ပါတယ်။ ခုလို စားသုံးသူတွေရဲ့ သုံးစွဲမှုတွေ ကျဆင်းသွား
တာဟာ ၁၉၈၀ ခုနှစ်ကနေ ပထမဆုံးအကြိမ် ဖြစ်ပါတယ်။"

အမေရိကန်ပြည်ထောင်စုရဲ့ ဘဏ္ဍာရေးဆိုင်ရာ အကြီးဆုံးအုပ်စုကြီးဖြစ်တဲ့ စီးတီးဘဏ်
အုပ်စုကနေ အလုပ်သမားပေါင်း ၅၀,၀၀၀ ကျော်ကို အလုပ်ဖြုတ်ပစ်လိုက်တာကြောင့်
အလုပ်သမားဈေးကွက်အတွင်း အခက်အခဲတွေ ပိုကြုံတွေ့လာကြရပါတယ်။

အာရှနဲ့ ဥရောပရဲ့ အဓိက ဘဏ္ဍာရေးဈေးကွက်တွေလည်း တနင်္လာနေ့က ကျဆင်းခဲ့ပါ
တယ်။ ဥရောပဈေးကွက်အနေနဲ့ကတော့ ပြီးခဲ့တဲ့တပတ်အတွင်း လက်ရှိကြုံတွေ့နေရ
တဲ့ စီးပွားရေးပြဿနာတွေနဲ့ ပတ်သက်ပြီး အကြေအလည် ပြောဆိုဖို့တွေ ရှိလာခဲ့ပါ
တယ်။

ဂျပန်နိုင်ငံအနေနဲ့ စီးပွားရေးကျဆင်းမှုဘက်ကို ဦးတည်နေပြီလို့ တရားဝင် ထုတ်ဖော်
ပြောဆိုလိုက်တဲ့ အချိန်မှာပဲ ဥရောပ စီးပွားရေးဈေးကွက်ဇုန်ကြီးတခုလုံး လည်ပတ်မှု
ကလည်း ရပ်ဆိုင်းလာခဲ့တာကြောင့် တခြားနိုင်ငံတွေအနေနဲ့လည်း စီးပွားရေးကျဆင်း
လာမှုတွေ ရှေ့ဆက် ကြုံတွေ့လာနိုင်ပါတယ်။

ဒီအခြေအနေတွေကြားထဲကပဲ ပြီးခဲ့တဲ့တပတ်က အမေရိကန်ပြည်ထောင်စု ၀ါရှင်တန်
မှာ ပြုလုပ်ခဲ့တဲ့ ကမ္ဘာ့ထိပ်သီးနိုင်ငံကြီး ၂၀ အစည်းအဝေးအတွင်း ဗြိတိန်ဝန်ကြီးချုပ်
ဂေါ်ဒွန် ဘရောင်း (Gordon Brown) က ဒီ ကမ္ဘာလုံးဆိုင်ရာ ပြဿနာကြီးကို ကမ္ဘာလုံး
ဆိုင်ရာ ချဉ်းကပ်မှုနည်းလမ်းတွေနဲ့ပဲ စီမံဖြေရှင်းဖို့ ပြောဆိုခဲ့ပါတယ်။

"ဘဏ္ဍာရေးဆိုင်ရာ ဦးမော့မှုတွေ ဖြစ်လာနိုင်ဖို့အတွက် လူတွေအားလုံး ပူးပေါင်းပါဝင်
ကြပါလို့ နိုင်ငံတကာ ငွေကြေးရန်ပုံငွေအဖွဲ့ (IMF) ရဲ့ ဦးဆောင်ညွှန်ကြားရေးမှူးက
ဒီကနေ့ပဲ ပြောဆိုလိုက်ပါတယ်။ ဘဏ္ဍာရေးဆိုင်ရာ ဦးမော့လာစေဖို့ဆိုတဲ့ အဓိပ္ပာယ်က
ဘဏ္ဍာရေး ပြန်လည်တည်ငြိမ်မှုတွေ ဖြစ်လာနိုင်ပြီး ထိန်းသိမ်းထားနိုင်ဖို့အတွက်
ကိုယ်တတ်နိုင်သလောက် အချိန်တခုသတ်မှတ်ပြီး ဒုက္ခရောက်နေတဲ့ မိသားစုတွေကို
အကူအညီပေးတာ၊ အခက်အခဲနဲ့ ရင်ဆိုင်နေရတဲ့ စီးပွားရေးလုပ်ငန်းတွေကို
အထောက်အပံ့ပေးပြီး ကြုံတွေ့နေရတဲ့ ဆုတ်ယုတ်ကျဆင်းနေမှုတွေကို ဖြေရှင်းပေး
တာပါပဲ။ ဒါအမှန်ပါပဲ။ အခုဆိုရင် ကမ္ဘာအနှံ့အပြားက နိုင်ငံတွေအားလုံး၊ လူတွေ
အားလုံး ဒီအခြေအနေတွေပေါ် ကြည့်ရှုပြီး ခက်ခဲလှတဲ့ ဒီကာလမှာ လူတွေကို ကူညီ
ကြဖို့ပါပဲ။"

ကမ္ဘာလုံးဆိုင်ရာ စီးပွားရေး ပြန်လည်ဦးမော့လာနိုင်စေဖို့အတွက် ရှေ့လာမယ့်
နှစ်တ၀က်အတွက် IMF အနေနဲ့ အမေရိကန်ဒေါ်လာ သန်းပေါင်း ၁၀၀,၀၀၀ ထက်
မနည်း ပိုပြီးလိုအပ်ပါတယ်လို့ IMF ရဲ့ အကြီးအကဲ ဒိုမစ်နစ် စထရောက်စ် ခန်း
(Dominique Strauss Khan) က ပြောဆိုလိုက်ပါတယ်။

ဒါပေမယ့် ၂၀၀၉ ခုနှစ်အတွင်းမှာတော့ ဗြိတိန်နိုင်ငံ အပါအ၀င် ကမ္ဘာ့နိုင်ငံတွေမှာ
စီးပွားရေး အကျပ်အတည်းတွေ ကြုံတွေ့ရဖို့ အလားအလာတွေ ရှိနေတာပါ။ အဓိပ္ပာယ်
ကတော့ စီးပွားရေးဖျားနာမှုတွေ ရှိနေဦးမယ် ဆိုတာပါပဲ။

ဗြိတိန်နိုင်ငံက စီးပွားရေးဆိုင်ရာလုပ်ငန်းတွေ ဆောင်ရွက်ပေးနေတဲ့ အကြီးဆုံးအဖွဲ့ကြီး
တခုဖြစ်တဲ့ Confederation of British Industry (CBI) ကတော့ ဗြိတိန်နိုင်ငံမှာ
ရှေ့လာမယ့်နှစ်အတွင်း အလုပ်လက်မဲ့ဦးရေနှုန်း အမြင့်မားဆုံးကို ရောက်နိုင်ခြေရှိတယ်
လို့ ပြောဆိုလိုက်ပါတယ်။ ဒီအဖွဲ့ရဲ့ စီးပွားရေးဆိုင်ရာအကြံပေး အကြီးအကဲတဦးဖြစ်သူ
အီရန် မက် ကက်ဖာတီ (Ian Mc Cafferty) က…

"ကျနော်တို့ အခုလက်ရှိ အခြေအနေကိုကြည့်ရင် ၁၇ နှစ်အတွင်း လျှင်လျှင်မြန်မြန်ကြီး
ကို အလုပ်လက်မဲ့နှုန်း မြင့်တက်လာတာကို တွေ့ရပါတယ်။ ဒီအတွက် ဒီနှစ်ကုန်တဲ့အခါ
အလုပ်လက်မဲ့ဦးရေ ၂,၀၀၀,၀၀၀ လောက် ဖြစ်လာလိမ့်မယ်လို့ ကျနော်တို့ ယုံကြည်ပါ
တယ်။ ၂၀၀၉ ခုနှစ်ကုန်ပိုင်း ဒါမှမဟုတ် ၂၀၁၀ နှစ်စပိုင်းလောက်မှာဆိုရင်
၃,၀၀၀,၀၀၀ လောက်အထိ ရှိလာနိုင်တယ်" လို့ ပြောဆိုခဲ့ပါတယ်။

ဒီလို အလုပ်လက်မဲ့နှုန်းတွေ မြင့်မားလာနေတဲ့ တချိန်ထဲမှာပဲ ဗြိတိန်နိုင်ငံရဲ့ GDP
ပြည်တွင်းအသားတင်ထုတ်လုပ်မှု တန်ဖိုးကလည်း သိသိသာသာ ထိုးကျနိုင်တယ်လို့
CBI က ခန့်မှန်းပြောဆိုခဲ့ပါတယ်။


စာရေးဆရာမ နှင်းပန်းအိမ် ထိုင်း-မြန်မာနယ်စပ်သို့ရောက်ရှိ

ဘုန်းခိုင်။ နိုဝင်ဘာ ၁၈၊ ၂၀၀၇စာပေလွတ်လပ်ခွင့်များဆုံးရှုံးနေပြီး မိသားစုဘဝ လုံခြုံရေးကို ထိပါးနှောင့်ယှက်နေမှုများ ရှိနေသဖြင့် စာရေးဆရာမ နှင်းပန်းအိမ် ထိုင်း-မြန်မာနယ်စပ်သို့ ရောက်ရှိလာသည်။

နိုင်ငံရေးအကျဉ်းသားများအား ထောင်ဝင်စာတွေ့ရန် အကူအညီများပေးနေသည့် ဆရာမ နှင်းပန်းအိမ်ကို စစ်အစိုးရအာဏာပိုင်များက နည်းအမျိုးမျိုးဖြင့် ဖိအားပေး၊ စုံစမ်းစစ်ဆေးမှုများ ပြုလုပ်နေသည့် အတွက် မိသားစုဘဝလုံခြုံမရှိတော့သဖြင့် ပြီးခဲ့သည့် ရက်ပိုင်းအတွင်းက နယ်စပ်သို့ ရောက်ရှိလာခဲ့ခြင်း ဖြစ်သည်။

“ကျမခင်ပွန်းက နိုင်ငံရေးကိစ္စတခုနဲ့ ရှောင်တိမ်းနေရတယ်၊ အဲဒီဟာက ကျမတို့အပေါ် ဂယက် ရိုက်တယ်၊ ကျမက ယောင်္ကျားထောင်က လွတ်တဲ့အထိ အခြားထောင်ဝင်စာသမားတွေကို လိုက်တွေ့ပေးတုန်း၊ ဘူးသီးတောင်၊ မိုင်းဆတ်၊ ကလေး၊ မြစ်ကြီးနားထောင်တွေ သွားကူညီပေး တာ၊ အဲဒါ (SB)တွေက ကျမကို မေးမြန်းစစ်ဆေးတာတွေ လုပ်တယ်၊ အခုယောင်္ကျားက ကိစ္စ တခု ထပ်ဖြစ်နေတော့ ကျမတို့ နေဖို့အခက်အခဲဖြစ်လာတယ်”ဟု ဆရာမ နှင်းပန်းအိမ်က ပြော သည်။

ဆရာမနှင်းပန်းအိမ်၏ အမျိုးသားဖြစ်သူမှာ ဒဂုံမြို့သစ် အန်အယ်ဒီလူငယ် အဖွဲ့ချုပ်ဝင်တဦး ဖြစ်၍ ၁၉၉၈ ခုနှစ်တွင် ထောင် (၁၄) နှစ်ချမှတ်ခံရကာ ကလေးထောင်သို့ ပို့ဆောင်ခံခဲ့ရပြီး ၂၀၀၅ ခုနှစ်တွင် ပြန်လည်လွတ်မြောက်လာခဲ့သည်။

အာဏာပိုင်များနှောင့်ယှက်မှုများနှင့် ပတ်သက်၍ “ကျမမွေးတဲ့မြေ၊ တသက်လုံးနေလာတဲ့ မြေ ကနေ ဘယ်ခွဲချင်ပါ့မလဲ၊ သူတို့က ကျမတို့ကို ဖိအားတွေပေးတယ်၊ ဒီလိုကူညီတာတွေကို စိတ်အနှောင့်အယှက်မျိုးစုံ ပေးတယ်၊ ကားနဲ့သွားရင် ကားနံပါတ်ကအစ စစ်ဆေးတယ်၊ ယောင်္ကျားလွတ်နေပြီ ခင်ဗျားက ဘာကိစ္စနဲ့ လုပ်နေတာလဲ အဲလိုတွေ နည်းမျိုးစုံနဲ့ နှောင့်ယှက် တာ၊ မတွေ့ပြန်ရင်လဲ အိမ်ကိုလာမေးတယ်၊ ဘယ်ကိုသွားတာလဲ၊ ဘာကိစ္စနဲ့လဲ အဲလိုတွေ နေ့စဉ် နဲ့အမျှ ရင်ဆိုင်ရတယ်”ဟု ဆရာမ နှင်းပန်းအိမ်က ပြောသည်။

ထို့အပြင် မြန်မာနိုင်ငံ၏ စာပေလွတ်လပ်မှုနှင့်ပတ်သက်၍ စာပေသမားတိုင်းသည် အနုပညာ မြောက်အောင် ရေးသားနိုင်ဖို့ထက် စာပေစီစစ်ရေးကိုလွတ်အောင် ရေးသားနေရသည်ဟု ၎င်းက ဆက်ပြောသည်။

“ကျမတို့ စာပေသမားတွေက ဆင်းရဲတာကို ခံနိုင်တယ်၊ ပြည်သူတွေဖြစ်ပျက်နေတာကို အမှန် တိုင်း ရေးချင်တယ်၊ ကျမရေးခဲ့တဲ့အထဲမှာ စာပေစီစစ်ရေးက ဖျက်တာ (၁၅) ပုဒ်လောက် ခံခဲ့ရ တယ်၊ နောက်တခုက ကျမတို့စာကြောင်းတွေ ဖြုတ်ခံရတာရှိတယ်၊ ကိုယ်ပေးချင်တဲ့အတွေးကို သူတို့ဖြုတ်လိုက်ပြီဆို တပုဒ်လုံးက အဓိပ္ပါယ်မရှိတော့ဘူးလို့ လူထုအမေမာက ပြောခဲ့ဖူးတယ်” ဟု ဆရာမ နှင်းပန်းအိမ်က ပြောသည်။

ဆရာမ နှင်းပန်းအိမ်သည် အမေလူထုဒေါ်အမာ၏ အားပေးမှုကြောင့် ခရီးသွားဆောင်းပါးများ ဖြင့် ၂၀၀၀ ခုနှစ်မှစတင်ကာ စာပေနယ်ထဲသို့ရောက်ရှိခဲ့ပြီး “တမာပန်းနှင့် ဘဝလမ်း” ဆောင်းပါး ဖြင့် လူသိများလာသူ ဖြစ်သည်။

ယခုအချိန်ထိ ဆောင်းပါး၊ အက်ဆေး၊ ဝတ္ထုတို ၂၀၀ ခန့် ရေးသားခဲ့ပြီး တော်ဘုရားလေးစာပေ ဆု၊ ဂျပန်မှ စာဖတ်သူတဦးပေးသည့် ကျနော်အကြိုက်ဆုံးဆုနှင့် ပြီးခဲ့သည့်လ (၂၆) ရက်နေ့က “ရိုးချောင်းဘေးက ကြာ” ခေါင်းစဉ်ဖြင့် နေမင်းအားမာန်အဖွဲ့မှပေးသည့် ဝတ္ထုတိုဆုတို့ကို ဆွတ်ခူးရရှိခဲ့ပြီးဖြစ်သည်။

သံဃာ့လှုပ်ရှားမှုတွင်ပါဝင်ခဲ့သည့် စွဲချက်ဖြင့် သံဃာ (၂) ပါးအား ထောင်ဒဏ်ချမှတ်

ရိုးမ ၃။ နိုဝင်ဘာ ၁၈၊ ၂၀၀၈

ပြီးခဲ့သည့်နှစ် ရွှေဝါရောင်သံဃာ့လှုပ်ရှားမှုတွင် ပါဝင်ခဲ့သည့် စွဲချက်များဖြင့် သံဃာ (၂) ပါးအား ထောင်ဒဏ်များ ချမှတ်လိုက်သည်။

ယမန်နေ့ ညနေပိုင်းတွင် ဗဟန်းမြို့နယ်တရားရုံးက ဦးစန္ဒာသီရိအား ပုဒ်မ (၅) ခုဖြင့် ထောင် ဒဏ် (၁၁) နှစ်၊ ဦးပဏ္ဍိတအား ပုဒ်မ (၄) ခုဖြင့် ထောင် (၉) နှစ် ချမှတ်လိုက်သည်။

ဦးစန္ဒာသီရိအား ပုဒ်မ(၁၄၅)၊ (၁၄၇)၊ (၁၅၂)၊ (၂၉၅-က)၊ (၅၀၅-ခ) တို့ဖြင့် စွဲဆိုခြင်းဖြစ်ပြီး ဦးပဏ္ဍိတအား ပုဒ်မ (၁၄၅)၊ (၁၄၇)၊ (၁၅၂)၊ (၂၉၅-က) တို့ဖြင့် အမိန့်ချလိုက်ခြင်းဖြစ်သည်။

အဆိုပါသံဃာ (၂) ပါးကို တရားရုံးမှ ထောင်ဒဏ်ချမှတ်လိုက်ပုံများမှာ အမှုတွဲများဖြင့် စီရင်ခြင်း မဟုတ်ဘဲ ရဲစစ်ချက်ဖြင့်သာ ကြားနာစီရင်အမိန့်ချလိုက်ခြင်းဖြစ်သည်ဟု အမှုလိုက်ရှေ့နေ ဦးသန်းဇော်က ပြောသည်။

“သူတို့ကိုချလိုက်တာက အမှုတွဲပါရင် ကျနော်ပြောလို့ရတယ်၊ အမှုတွဲမပါတော့ ရဲထွက်ချက်တွေ ကို ရုံးမှာ ထွက်တယ်၊ တချို့ (ရယက)တွေကျတော့ ဒီလှုပ်ရှားမှုကို မမြင်ဘူး၊ ဗဟန်းမြို့နယ် တဝိုက်က ထောက်လှမ်းရေး ရဲအရာရှိတွေကျတော့ သူတို့ထွက်လာတော့ ဒီဟာကို မြင်တယ် ဆိုတဲ့အကြောင်းကို ထွက်ဆိုပြီး အမိန့်ချလိုက်တာ”ဟု ဦးသန်းဇော်က ပြောသည်။

ဦးပဏ္ဍိတသည် ကုန်းတလဘောင်ရွာမှဖြစ်ပြီး ဦးစန္ဒာသီရိမှာ သင်္ဃန်းကျွန်းမြို့နယ်၊ ရွှေသိမ် ဓမ္မသိင်္ဂီကျောင်းတိုက်မှ ဖြစ်သည်။

အာဏာပိုင်များဘက်မှ အဆိုပါသံဃာ (၂) ပါးကို ရွှေဝါရောင်သံဃာ့လှုပ်ရှားမှုအပြီးတွင် ဖမ်းဆီး ခဲ့ပြီး လပေါင်းများစွာ အင်းစိန်ထောင်အတွင်း ချုပ်နှောင်ထား၍ ယခုကဲ့သို့ အမိန့်ချမှတ်လိုက် ခြင်းဖြစ်သည်။

စစ်သင်္ဘောများ စစ်တွေတွင် ဆက်လက် ရှိနေဆဲ
11/18/2008ရခိုင်ပြည်နယ် မြို့တော် စစ်တွေတွင် ရေတပ်သင်္ဘော အများအပြားကို ဆက်လက် ဆိပ်ကပ်ထားဆဲ ဖြစ်ပြီး တချို့ စစ်သဘောင်္များမှာ မြစ်ပြင်တွင် ခုတ်မောင်း သွားလာနေကြကြောင်း သတင်းရရှိသည်။
အဆိုပါ သင်္ဘောများမှာ နိုဝင်္ဘာလ ၈ ရက်နေ့ ဘင်္ဂလာ-မြန်မာ ရေပြင်ပိုင်နက် အငြင်းပွားပြီးနောက်ပိုင်း စစ်တွေ ဆိပ်ကမ်းသို့ ရောက်ရှိလာပြီး ယခုအချိန်ထိ ဆိပ်ကပ်ထားဆဲဖြစ်သည်။

မျက်မြင် တဦး အပြောအရ အရွယ်အစား စုံလင်သော မြန်မာ့ ရေတပ် သင်္ဘော အနည်းဆုံး ၇ စီးမှ ၁၀ ထိ စစ်တွေ တွင် ဆိပ်ကပ်ထားဆဲ ဖြစ်သည်ဟု ပြောသည်။

ဘင်္ဂလာနှင့် မြန်မာနိုင်ငံအကြား နှစ်ဘက် နိုင်ငံစလုံး အနေဖြင့် စစ်ရေးကို တိုးမြှင့်ချထားဆဲဖြစ်ပြီ်း အငြင်းပွားရာ ရေပြင်ပိုင်နက် အနီးတ၀ိုက်တွင်လည်း နှစ်ဘက် နုိင်ငံ ရေတပ် သင်္ဘောများ ရှိနေသေးသည်ဟု သိရသည်။

အလားတူ နှစ်ဘက်နိင်ငံများ အနေဖြင့် ကုန်းပိုင်းတွင် တပ်များအား ဖြန့်ကျက် ချထားမှုကိုလည်း ယခုအချိန်ထိ ရုတ်သိမ်းခြင်း မရှိသေးကြောင်း သိရသည်။

ယမန်နေ့ ဘင်္ဂလာဒေခ်ျ့ ဒက္ကားမြို့တော်တွင် ပြုလုပ်ခဲ့သော မြန်မာ- ဘင်္ဂလာ ရေပြင်ပိုင်နက် အငြင်းပွားမှု ဆွေးနွေးပွဲမှာလည်း တစုံတရာ အဖြေမရဘဲ ပြီ်းဆုံးသွားခဲ့ပြီ ဖြစ်သည်။

ယခုကဲ့သို့ သဘောတူညီမှု တစုံတရာ မရရှိဘဲ ဆွေးနွေးပွဲ ပြီးဆုံးသွားသဖြင့် နယ်စပ် အခြေအနေ ပြန်လည် တင်းမာ လာနိုင်သည်ဟု လေ့လာ သုံးသပ်သူများက ပြောသည်။

နယ်နိမိတ် သတ်မှတ်ရေး ဖြေရှင်းပြီးသည်အထိ မြန်မာ့ဘက်မှ ဓာတ်ငွေ့စမ်းသပ်ရှာဖွေမှုကို ရပ်တန့်ထားရန် ဘင်္ဂလာဘက်က တောင်းဆို
11/17/2008
သျှင်ထွီးခိုင် (နိရဉ္စရာ) မြန်မာဘင်္ဂလာနှစ်နိုင်ငံအကြား အငြင်းပွားနေသည့် ရေပြင်နယ်နိမိတ်သတ်မှတ်ရေးပြဿနာ ကို နိုင်ငံတကာ ပင်လယ်ရေကြောင်း သတ်မှတ်ရေး ဥပဒေအတိုင်း ကမ္ဘာ့ ကုလသမဂ္ဂမှ ကြားဝင် ဖြေရှင်းပေးပြီးသည့် အထိ မြန်မာဘက်မှ ဓာတ်ငွေ့စမ်းသပ်ရှာဖွေမှုကို ရပ်တန့်ထားရန် ဘင်္ဂလာဘက်မှ ယမန်နေ့ အစည်းအဝေးတွင် တောင်းဆိုလိုက်ကြောင်း သိရသည်။
“ကျနော်တို့ ဘင်္ဂလာရေပြင်ပိုင်နက် နယ်နိမိတ်ဖြစ်တဲ့ အရှေ့ဘက် ၁၈၀ ဒီဂရီလိုင်းအတွင်း မှာ မြန်မာဘက်က ဂတ်(စ်) စမ်းသပ်ရှာဖွေ တူးဖေါ်နေတာကို နှစ်နိုင်ငံ ရေပြင်ပိုင်နက် နယ်နိမိတ်သတ်မှတ်သည့် နောက်ဆုံး သဘောတူညီချက် လက်မှတ် ရေးထိုးပြီးအောင်ထိ မြန်မာဘက်က ရပ်တန့်ထားသင့်ပါတယ်”ဟု နိုင်ငံခြားရေးဆိုင်ရာ အတွင်းရေးမှူး MAK မာမောက်က ပြောသည်။

အဆိုပါ တောင်းဆိုချက်ကို ဒက္ကားမြို့တွင် ပြုလုပ်သည့် ပင်လယ်ရေကြောင်း နယ်နိမိတ် သတ်မှတ်ရေးနှင့် ကမ်းရိုးတန်းစီးပွါးရေးဇုံသတ်မှတ်ရေး နှစ်နိုင်ငံမှ ပညာရှင်များ ပထမနေ့ ဆွေးနွေးပွဲတွင် တောင်းဆိုလိုက်ခြင်းဖြစ်သည်။

ဆွေးနွေးပွဲတွင် မြန်မာဘက်မှ ဒုတိယနိုင်ငံခြားရေးဝန်ကြီး မောင်မြင့်ခေါင်းဆောင်သောအဖွဲ့ဝင် ၁၁ ဦးပါ ကိုယ်စားလှယ်အဖွဲ့ တက်ရောက်ခဲ့ပြီး ဘင်္ဂလာဒေ့ခ်ျဘက်မှ MAK မာမောက် ခေါင်းဆောင်သည့် ၁၂ ဦးပါ ကိုယ်စားလှယ်အဖွဲ့ တက်ရောက်ခဲ့သည်။

နှစ်နိုင်ငံ ရေကြောင်းနယ်နိမိတ် အငြင်းပွါးမှုမှာ ၁၉၇၄ နှစ် နှစ်နိုင်ငံ ပူးပေါင်းဆောင်ရွက်မှု စတင် ခဲ့စဉ်ကတည်းက ဖြစ်ပွားနေခြင်းဖြစ်သည်။

“အခု ဖြစ်ရတဲ့ပြဿနာကလည်း ကျနော်တို့ ရေပြင်ပိုင်နက်အတွင်း မြန်မာဘက် ရေနံနဲ့ သဘာဝဓါတ်ငွေ့ ၀င်ရောက်ပြီးတော့ ရှာဖွေတူးဖော်ရာက စတာပါ၊ နိုင်ငံတကာက သတ်မှတ်ခဲ့တဲ့ နယ်စပ်မျဉ်းတွေကို မြန်မာက လက်မခံခဲ့ဘူး။ ဒီလို နားလည်မှုလွဲတာကနေ မြင့်မားတဲ့ အငြင်းပွားမှု အခြေအနေကို ရောက်ရှိ လာခဲ့တာဖြစ်တယ်။ ကျနော်တို့ဘက်က လည်း ရှင်းရှင်းလင်းလင်းဖြစ်စေချင်ပါတယ်။ ကျနော်တို့ ၁၉၇၄ ခုနှစ်က ကြေငြာခဲ့တဲ့ ဘင်္ဂလာ နယ်နိမိတ်ဟာ ၀၉၂ ဒီဂရီ ၁၇ မိနစ် ၃၀ စက္ကန့် အရှေ့ လောက်ဂျီကျူဒ် အတွင်း တည်ရှိပါတယ်။ ကျနော်တို့ ကတော့ နောက်ဆုံး ဆုံးဖြတ်ချက်ဖြစ်တဲ့ နှစ်နိုင်ငံအကြား အခြေခံကျကျ ညီမျှမှုရတဲ့အထိ လိုက်နာမှာဘဲ”ဟု အစည်းအဝေးအပြီး သတင်းထောက်များကို ပြောကြားခဲ့သည်။

တခြားအသေးစိတ် ဆွေးနွေးသော အကြောင်းအရာများကိုမူ တစုံတရာ ထုတ်ဖေါ် ပြောကြားခြင်း မရှိကြောင်း သိရသည်။ အတည်မပြုနိင်သော သတင်းအရ ပင်လယ်ရေပြင်ပိုင်နက် သတ်မှတ်ရေး ကိစ္စ နှင့် ပတ်သက်ပြီး ယမန်နေ့က အစည်းအဝေးတွင် သဘောတူညီမှု မရရှိခဲ့ကြောင်း သိရသည်။

နှစ်နိုင်ငံ ပင်လယ်ရေကြောင်း နယ်နိမိတ် သတ်မှတ်ရေးနှင့် ကမ်းရိုးတန်းစီးပွားရေးဇုံ သတ်မှတ် ရေးဆွေးနွေးပွဲကို ယနေ့တွင်လည်း ဆက်လက်ဆွေးနွေးနေကြသည်။

ဆန်ဈေးနှုန်းမမြှင့်တင်ရန် အာဏာပိုင်များက ဆန်ကုန်သည်များကို အစည်းအဝေးခေါ်
Tue 18 Nov 2008, ကွန်းဟဒေ့
အောက်တိုဘာ ၁၅ နေ့တွင် ကြာအင်းဆိပ်ကြီးမြို့မှ ဘုရားသုံးဆူနယ်စပ်မြို့သို့ ဆန်များတင်သွင်းခွင့်ကို အာဏာပိုင်များ ပိတ်ပင်ခဲ့ပြီး ဆန်ဈေးများ မြင့်တက်လာမှုကြောင့် ဆန်ဈေးများထပ်ပြီး မမြှင့်တင်ရန် အာဏာပိုင်များက ဘုရားသုံးဆူမြို့အတွင်းရှိ ဆန်ကုန်သည်များကို လွန်ခဲ့သော နိုဝင်ဘာလ ၁၅ ရက်နေ့ တွင် ဘုရားသုံးဆူမြို့နယ်ခွဲမယကရုံးတွင် ယခုနှစ်အတွင်း ဆန်ကုန်သည်အစည်းအဝေးကို ဒုတိယအကြိမ် ခေါ်ယူကျင်းပခဲ့သည်။

ယင်းအစည်းအဝေးတွင် မကက ဥက္ကဌ ဦးကိုကိုနိုင်၊ တပ်ရင်းမှူး သန့်ဇင်ထွန်း၊ စခန်းမှူး ဦးသန်းထွေးနှင့် စည်ပင်ဦးစီးမှူးတို့ အစည်းအဝေးကို ဦးဆောင်ကျင်းပခဲ့သည်။

အစည်းအဝေးတွင် မယကဥက္ကဌကိုကိုနိုင်မှ ပြောကြားရာတွင် ဆန်များကို အခုလက်ရှိရောက်ရှိနေသော နှုန်းထားအတိုင်းပင် ရောင်းချရန်နှင့် အကယ်၍ ၄င်းထပ်ပိုပြီးရောင်းချပါက အရေးယူမည်ဟု အစည်းအဝေးတက်ရောက်လာကြသော ဆန်ကုန်သည်ပေါင်း ၂၄ ဦးအား ပြောကြားခဲ့သည်ဟု အစည်းအဝေးကို ကိုယ်တိုင်တက်ရောက်ခဲ့သော ဆန်ကုန်သည်နှင့်နီးစပ်သူတစ်ဦးက လွတ်လပ်သောမွန်သတင်းအေဂျင်စီသို့ ပြောသည်။

ယခုပေါက်ဈေးအရ ဆိုလျှင် ဆန်ကြမ်းတစ်ပြည် ၃၅ ဘတ်နှင့် ကောက်ကြီးဆန် ၄၅ ဘတ်ဖြစ်နေသည်ဟု ၄င်းဆန်ကုန် သည်နှင့် နီးစပ်သူက ပြောသည်။

ဆန်များကိုလည်း တဘက်နိုင်ငံ(ထိုင်း)သို့ မရောင်းရန်လည်း မယကဥက္ကဌ ဦးကိုကိုနိုင်မှ ထပ်မံပြောကြားခဲ့သည်။ "ဆန်ဈေးတက်တာက ဆန်ကုန်သည်တွေက တင်ပြီးတက်တာမဟုတ်ဘူး၊ အကောက်အခွန်တွေများလို့၊ ပြီးတော့ အခုထိုင်း ဆန်ဈေး တွေကျနေလို့ ထိုင်းကိုပို့ဖို့ အစီအစဉ်လည်း မရှိဘူးလို့ တို့ဆန်ကုန်သည်အဖွဲ့ကပြောတော့၊ ဘယ်လိုနည်းနဲ့ပဲလာလာ ဒီရောက်ရင် ဒီထက်ပိုပြီးတော့ မရောင်းနဲ့" စခန်းမှူးသန်းထွေးမှ ပြန်ပြောခဲ့သည်ဟု အစည်းအဝေးကိုတက်ရောက်ခဲ့သော အခြားဆန်ကုန်သည်၏ပြောပြချက်ကို ကိုးကားပြီး ၄င်းနှင့်နီးစပ်သူတစ်ဦးက ပြောပြခဲ့သည်။

စခန်းမှူးသန်းထွေးမှ ပြောကြားရာတွင် ဆန်များကိုထိုင်းနိုင်ငံသို့ ကိုယ့်နည်းကိုယ့်ဟန်နှင့် ပို့နေတာကိုသိနေကြောင်းနှင့် ယခုကဲ့သို့ ဆန်များကို လိုသည်ထက်ပို၍ ဘုရားသုံးဆူမြို့နှင့် မြဝတီနယ်စပ်သို့ ရောက်ရှိနေသောကြောင့် နေပြည်တော်မှ ၎င်းတို့အား ခေါ်၍သတိပေးခဲ့သောကြောင့် ယခုကဲ့သို့ နယ်စပ်ဒေသသို့ ဆန်တင်သွင်းမှုကို ပိတ်ပင်ခဲ့ရခြင်းဖြစ်သည်ဟု အစည်းအဝေးတွင် ဆန်ကုန်သည်များကို ပြောကြားခဲ့သည်ဟု ၄င်းကဆက်ပြောပြခဲ့သည်။

အစည်းအဝေးခေါ်ယူပြီး နောက်တစ်နေ့ နိုဝင်ဘာ ၁၆ ရက်နေ့တွင် ဆန်ကုန်သည်များထံတွင် မယကအဖွဲ့ဝင်များက လာရောက်စာရင်းကောက်ခံသည်။ စာရင်းကောက်ခံရာတွင် "ဆန်ဘယ်နှစ်အိတ်ဝယ်လာခဲ့သလဲ၊ ပြီးတော့ဘယ်နှစ်အိတ် ရောင်းခဲ့သလဲ၊ ဘယ်သူ့ကို ရောင်းခဲ့သလဲ၊ ဘယ်လောက်ဈေး နဲ့ရောင်းခဲ့သလဲ" ဟု စသည့်မေးခွန်းများကို ၄င်းတို့က မေးမြန်းခဲ့သည်ဟု ဆန်ရောင်းသူ၏ ဆွေမျိုးတစ်ဦးက ပြောသည်။

အစည်းအဝေးလုပ်ပြီး ယခုကဲ့သို့ စာရင်းကောက်ပြီး မေးမြန်းခဲ့သည်မှာ လွန်ခဲ့သော မေလ ၂၃ ရက်နေ့ ၂၀၀၈ တွင်လည်း တစ်ကြိမ်ပြုလုပ်ခဲ့ပြီးဖြစ်သည်။ ဆန်များကို သတ်မှတ်နှုန်းထက် မတင်ရန်နှင့် ထိုင်းနိုင်ငံသို့ မတင်ပို့ရန် ပြုလုပ်ခြင်း ဖြစ်သည်ဟု ၄င်းက ပြောသည်။

မော်တော်ပီကယ်မှ ကရင်ပြည်နယ်နေ့ ပို့စကတ်ကို မဝယ်မနေရ အတင်းအကျပ်လိုက်ရောင်း
Mon 17 Nov 2008, ကွန်းဟဒေ့
၅၃ နှစ်မြောက် ကျရောက်ခဲ့သော ကရင်ပြည်နယ်နေ့ အထိမ်းအမှတ်စတေကာ တစ်ခုကို မဝယ်မနေရစနစ်ဖြင့် အစိုးရအဖွဲ့အစည်းပေါင်းစုံမှ ဆိုင်ကယ်ပိုင်ရှင်များကို အတင်းအကျပ် ရောင်းချခဲ့ကြသည်။

နိုဝင်ဘာလ ၇ နေ့တွင် ကျရောက်ခဲ့သော ကရင်ပြည်နယ်အထိမ်းအမှတ်ဖြင့် အနံနှစ်လက်မ အလျား၎ လက်မခန့်ရှိသော စတေကာ တစ်ခုကို ထိုင်းဘတ်ငွေ ၂၀ ဖြင့် ဆိုင်ကယ်လိုင်းပေါင်းစုံ ကြီးကြပ်ရေးအဖွဲ့၊ ကြံ့ဖွံ့အဖွဲ့ဝင်များနှင့် ယာဉ်ထိန်းရဲများက လမ်းတွင်တွေ့သမျှဆိုင်ကယ်များကို တားဆီးကာ ပို့စကတ်ကို အတင်းအကျပ် ရောင်းချ ခဲ့ကြသည်။

"အဲဒီစတေကာတွေကို ဆိုင်ကယ်မှာကပ်ထားရမယ်၊ တကယ်လို့ ဆိုင်ကယ်မှာ ကပ်ထားတာမတွေ့ဘူးဆိုရင်တော့ သူတို့ဝယ်ခိုင်းတော့တာပဲ" ဟု ဘုရားသုံးဆူမြို့နေ ၄င်းပို့စကတ်ကို ဝယ်ခဲ့ရသော အမည်မဖော်လိုသူ ဆိုင်ကယ်သမားတစ်ဦးက ပြောသည်။

"တကယ်လို့ ဒီနေ့မဝယ်ရင် မနက်ဖြန်ကျရင် ပို့စကတ်တစ်ခုကို ဘတ် ၅၀ ပေးပြီး ဝယ်ရမယ်" ဟု မော်တော်ပီကယ်ပြောပြချက်ကို ကိုးကား၍ ၄င်းကဆက်ပြောခဲ့သည်။

ဘုရားသုံးဆူမြို့တစ်ခုတည်းသာမက ကရင်ပြည်နယ်နှင့် မွန်ပြည်နယ်အတွင်းရှိ အခြားမြို့နယ်များတွင်လည်း ယခုကဲ့သို့ပင် ရောင်းခဲ့သည်ဟု မော်တော်ပီကယ်များက ပြောသည်ကို ၄င်းစတေကာကို ဝယ်ခဲ့ရသူတစ်ဦးက ပြန်ပြောပြသည်။

ကရင်ပြည်နယ်အထိမ်းအမှတ် စတေကာပို့စကတ်ကို ဘုရားသုံးဆူမြို့ရှိ တွေ့သမျှဆိုင်ကယ်ပိုင်ရှင်များကို ရပ်ခိုင်းပြီး တစ်ဦးလျှင် တစ်ခုစီဝယ်ကြရပြီး ဘုရားသုံးဆူမြို့တွင် ၂၀၀၆ - ၂၀၀၇ နှစ်ကြား အာဏာပိုင်များကောက်ခံထားသော စာရင်းအရ ဆိုင်ကယ်အစီးရေ ၄၀၀၀ ကျော်ရှိပြီး ယခုတွင် ဆိုင်ကယ်အစီးရေ ၅၀၀၀ ကျော်ရှိနိုင်သည်ဟု ဘုရားသုံဆူးမြို့ခံတစ်ဦးက ပြောသည်။


ခလရ (၃၁) မှ ရွာသားနှစ်ဦးအား ကွပ်မျက်
Mon 17 Nov 2008, အာကာ
မွန်ခွဲထွက်ရေးအဖွဲ့နှင့် အဆက်အသွယ်ရှိသည်ဟူသော သံသယဖြင့် ရေးမြို့နယ်တောင်ပိုင်း ခေါဇာမြို့နယ်ခွဲရှိ ရွာသားနှစ်ဦး ဖမ်းဆီးနှိပ်စက်ခံရပြီး အဆုံးစီရင်ခြင်းကို ခံကြရသည်ဟု ရေးမြို့နယ်တောင်ပိုင်းရှိ ရွာသားများက ပြောသည်။

၎င်းတို့၏ ပြောပြချက်အရ အသတ်ခံရသူ နှစ်ဦးမှာ အလုပ်ရှင်နှင့် အလုပ်သမားတို့ ဖြစ်ကြပြီး ကဗျာဝရွာမှ ဖြစ်သည်၊ ၄င်းအလုပ်သမားမှာ ရန်ကုန်တိုင်းဘက်မှ ဖြစ်၍ ထားဝယ်အမျိုးသမီးတစ်ဦးနှင့် အိမ်ထောင်ကျပြီး လွန်ခဲ့သည့် ၂-၃ နှစ်ကပင် ဤကဗျာဝရွာ၌ လာရောက်လုပ်ကိုင်စားသောက် နေထိုင်သူဖြစ်ကြောင်း ပြောသည်။

လွန်ခဲ့သည့် တန်ဆောင်မုန်းလဆန်း (၁၁) ရက် (၈၊ ၁၁၊ ၂၀၀၈) တွင် အလုပ်ရှင်နှင့် အလုပ်သမား အချင်းများကြပြီး အလုပ်သမားမှာ အရက်မူး၍ ၄င်း၏အလုပ်ရှင်မှာ သူပုန်အဖွဲ့နှင့် အဆက်အသွယ်ရှိသူဖြစ်ကြောင်း ထိုအလုပ်ရှင်၏အိမ်တွင် လက်နက်ခဲယမ်းမီးကျောက်နှင့် လက်ပစ်ဗုံးများရှိကြောင်း အရက်ဝိုင်းနှင့် ရပ်ရွာကြားတွင် ဖွင့်ဟပြောဆိုခဲ့သည်။

ထိုအလုပ်သမား၏ဖွင့်ဟပြောဆိုချက်ကို ကဗျာဝရွာတွင် တာဝန်ကျနေသော ခလရ (၃၁) မှ ဗိုလ်ကြီးဟန်ဝင်းကျော်မှ ကြားသိရပြီးနောက် ထိုနေ့၌ပင် အလုပ်ရှင်အိမ်သို့ သွားရောက်စစ်ဆေး မွှေနှောက်ခဲ့သည်။ သို့သော် လက်နက်ခဲယမ်းမီးကျောက် တစ်စုံတစ်ရာ မတွေ့ရှိ၍ အလုပ်ရှင်နိုင်မောင်အေး (၄၁-နှစ်)၊ ဇနီး မိချမ်းရီ (၅၀-နှစ်)၊ နှင့် ၄င်းအလုပ်သမားတို့ကို ဖမ်းဆီးပြီး ရင်ကမ်းဆူးခက်ဖြင့် ရိုက်နှက်နှိပ်စက်ကာ စစ်ဆေးခဲ့သည်။

မိချမ်းရီအား ပြန်လည်လွှတ်ပေးခဲ့သော်လည်း နိုင်မောင်အေးနှင့် ၄င်း၏အလုပ်သမားကို ရွာအရှေ့ဘက်ရှိ (ဒုႝခဗဲု) ဘန့်ဘွေးကုန်းထက်သို့ ခေါ်ဆောင်သွားပြီး မွန်ခွဲထွက်အဖွဲ့နှင့် တိုက်ပွဲဖြစ်သည့်သဏ္ဍာန် လက်နက်ဖောက် အမြှောက်ပစ်ပြီး ၄င်းအလုပ်သမားကို ထိုနေရာ၌ အဆုံးစီရင်ခဲ့သည်။

အလုပ်ရှင်အား ဆက်လက်ဖမ်းဆီးထားပြီး ယင်းရဲကျေးရွာသို့ ခေါ်ဆောင်သွားကြောင်း၊ တန်ဆောင်မုန်းလဆန်း (၁၄)ရက် (၁၁၊ ၁၁၊ ၂၀၀၈) တွင် တိုးတက်ရွာသစ်နှင့် ယင်းရဲကျေးရွာအကြားရှိ တောင်ထက်၌ တိုက်ပွဲဖြစ်သည့်သဏ္ဍာန် ဟန်လုပ်ပြီး နိုင်မောင်အေးအား ၎င်း၏အလုပ်သမားနည်းတူ သတ်ဖြတ်ခဲ့ကြောင်း ကဗျာဝရွာသားတစ်ဦးက ပြောသည်။

''နိုင်မောင်အေးဟာ ခြံလယ်လုပ်ကိုင်သူတစ်ယောက်ပါ၊ လူကောင်းတစ်ယောက်ပဲ၊ သူတို့သတ်ပြီးသူတို့လက်ချက် မဟုတ်သလိုလို၊ ရွာမှာသတင်း လွှင့်ထားတာက တိုက်ပွဲမှာ သူပုန်ကိုဖမ်းမိပြီး သတ်လိုက်တာတဲ့'' ဟု၎င်းကဆိုသည်။

ရင်ကမ်းဆူးခက်ဖြင့် ရိုက်နှက်နှိပ်စက်ခံရခြင်းကြောင့် မိချမ်းရီမှာ ၄င်း၏ဒဏ်ရာကို ၄င်းရွာ၌ပင် ဆေးကုသမှု ခံယူနေရကြောင်း၊ ဆေးရုံ၌ ဆေးကုသမှု ခံယူလိုသော်လည်း ရွာရှိစစ်သားများက ၄င်းတို့၏လုပ်ရပ်များပေါ်လွင်မည်စိုး၍ ရွာပြင်ထွက် ဆေးကုသခွင့် ပိတ်ထားကြောင်း ရွာသားများက ပြောသည်။

ရေးမြို့နယ်တောင်ပိုင်း တာဝန်ကျစစ်တပ်များ၏ နှိပ်စက်ညှဉ်းပန်းမှုကြောင့် ၂၀၀၁ ခုနှစ်မှစ၍ မွန်ပြည်သစ်ပါတီ စစ်မှုထမ်းဟောင်း၊ ဆေးတပ်သားနှင့် ရွာသား ၁၅ ဦးခန့် သူပုန်နှင့် အဆက်အသွယ်ရှိသည်ဟု စွပ်စွဲခံရပြီး ကွပ်မျက်ခံခဲ့ရသည်။ ရာပေါင်းများစွာသော ရွာသားများမှာလည်း အဓမ္မငွေကြေးကောက်ခံခြင်း၊ လုပ်အားပေးစေခိုင်းခြင်း၊ တစ်နေကုန်နေပူလှန်းခြင်း၊ ကိုယ်လက်အင်္ဂါလှီးဖြတ်ခြင်းနှင့် နှိပ်စက်ညှဉ်းပန်းခြင်း အမျိုးမျိုးကို ခံကြရသည်။

မတရားသော အမိန့်အာဏာ ဟူသမျှကို ဆန့်ကျင်ရန် MPU တိုက်တွန်း
သတင်း - သတင်းနှင့်မီဒီယာကွန်ယက်
Written by နွယ်လေး
Tuesday, 18 November 2008 12:18

မြန်မာစစ်အစိုးရ ထုတ်ပြန်သည့် မတရားသည့် အမိန့်အာဏာဟူသမျှကို ပြည်သူ လူထုအား မိမိအသိစိတ်ဓာတ် ဖြင့် ဆန့်ကျင်တော်လှန်ရန် ပြည်သူ့လွတ်တော် ကိုယ်စားလှယ်များအဖွဲ့ (MPU) က တိုက်တွန်းလိုက်သည်။

မြန်မာစစ်အစိုးရက ကိုမင်းကိုနိုင်အပါအ၀င် ၈၈ ကျောင်းသားခေါင်းဆောင် (၉) ဦးအား ထောင်ဒဏ်နှစ်ရှည် ချမှတ်သည့် အမိန့်ကြောင့် ပြည်သူလူထုကို တိုက်တွန်းနိုးဆော်ရခြင်း ဖြစ်သည်ဟု ပြည်သူ့လွှတ်တော် ကိုယ်စား လှယ်များအဖွဲ့(MPU)က ပြန်ကြားရေး တာဝန်ခံ ဦးလှဦးက ပြောသည်။

"စစ်အုပ်စုကို နားလည်ရမှာက တရားဥပဒေဟာ ဒီလူတွေရဲ့လက်ထဲမှာ ဘာမှမရှိဘူး ဆိုတာကို ပြည် သူအားလုံးက သိပြီးတော့ ရောင်ပြတွေနောက်ကို မလိုက်ဖို့အတွက် မတရားတဲ့ အမိန့်ကို တော်လှန် ဖီဆန်ကြရမယ်လို့ ကျနော်တို့ နှိုးဆော်ခြင်းဖြစ်ပါတယ်။"

နိုင်ငံရေးအကျဉ်းသားများအပေါ် နှစ်ရှည် ထောင်ဒဏ်ချမှတ်ပြီး နယ်စွန်နယ်ဖျားမှ ရာသီ ဥတု ကြမ်းတမ်းသော အရပ်များသို့ ပို့ဆောင်ခြင်းဖြင့် ပြည်သူလူထုကို အကြောက် တရားများဖန်တီးပေးကာ လာမည့်ရွေးကောက်ပွဲ တွင် တရားသဖြင့် ကျင်းပခြင်း မပြုဘဲ ခြိမ်းခြောက်မည်ဖြစ်ကြောင်း ပြသသည့်လုပ်ရပ်အဖြစ် ယမန်နေ့က ထုတ် ပြန်သည့် MPU ကြေညာချက်တွင် ဖော်ပြထားသည်။

"သူတို့က လူသားချင်းစာနာမှု မရှိဘူး။ လူ့အခွင့်အရေးတွေ ချိုးဖောက်တယ်။ ငါတို့ လုပ်ရင် မင်းတို့ ခံရမှာပဲ ဆိုတဲ့ ခြိမ်းခြောက်ချင်တဲ့ သဏ္ဍာန်ရှိတယ်ဆိုတာ ကျနော်တို့ ပြည်သူလူထုကို ထင်ထင်ရှားရှား သိစေချင်လို့ပါ။ ၂၀၁၀ ရွေးကောက်ပွဲကို သူတို့အနေနဲ့ မဖြစ်ဖြစ်အောင်သွားဖို့ ကြံစည် နေတယ်။ ကျနော်တို့ကလည်း နည်းပေါင်းစုံနဲ့ တိုက်ဖျက် နေတယ်။ အဲလို တိုက်ဖျက်တဲ့ ကာလမှာ အဆုံးအဖြတ်ပေးရမှာက ပြည်သူတွေ ဖြစ်တဲ့ အတွက် ပြည်သူတွေ သူတို့ကို ကြောက်လာ ပြီး အားကိုးချင်စိတ်များ ရှိမလားလို့ သူတို့ဘက်က လုပ်နေတယ်လို့ ကျနော်တို့ MPU ကမြင် တယ်။" ဟု ဦးလှဦးက ဆက်ပြော သည်။

လူသားချင်း မစာနာသော လုပ်ရပ်သည် စစ်အစိုးရအတွက် ရွေးကောက်ပွဲ မတိုင်ခင် ပြည်သူသို့ မဲပေးရန် ခြိမ်း ခြောက်မှုတရပ် ဖြစ်ပြီး ပြည်သူလူထုကို ဒုက္ခပေးနိုင်သမျှ အစွမ်းကုန် ပေးနိုင်သည့် အာဏာရှိကြောင်း ယခုကဲ့သို့ လူ့အခွင့်အရေး ချိုးဖောက်ကာ ပြသလိုက်ခြင်းပင်ဖြစ်သည်ဟု ကြေငြာချက်တွင် ထောက်ပြထားသည်။

စစ်အစိုးရသည် ၈၈ကျောင်းသား ခေါင်းဆောင်(၉)ဦးအား ပြီးခဲ့သည့် အောက်တိုဘာလ (၃၀)ရက်နေ့တွင် ထောင်ဒဏ် (၆)လ ချမှတ်ပြီး မအူပင်ထောင် ပို့ခဲ့သည်။

ယခုလ ၁၁ရက်နေ့တွင် မင်းကိုနိုင်အပါအ၀င် ၈၈မျိုးဆက် ကျောင်းသား ၉ ဦးနှင့် ကိုမင်းဇေယျ အပါအ၀င် ၈၈ မျိုးဆက် ကျောင်းသား ၁၄ဦးကို ထောင်ဒဏ် (၆၅)နှစ် ချမှတ်ခဲ့သည်။