Sunday, November 23, 2008

ငတက်ပြား သက်ကျားအိုဝန်ကြီး


၂၀ နိုဝင်ဘာ ၂၀၀၈
စက်မှု (၁) ဝန်ကြီးဌာနနှင့် နှစ်ပေါင်းများစွာ စီးပွားရေးလုပ်ငန်းများ လုပ်ကိုင်ခဲ့သူ လွယ်ဟိန်းကုမ္ပဏီပိုင်ရှင် စိုင်းစံထွန်းနှင့် စက်မှု (၁) ဝန်ကြီးဌာန မြန်မာ့စားသောက်ကုန်လုပ်ငန်းတို့ မကြာခင်က စာရင်းရှင်းကြရာ စိုင်းစံထွန်းဘက်မှ ပေးရန် ငွေ ကျပ်သန်းပေါင်း (၆,ဝဝဝ) ကျော် မပေးနိုင်ဖြစ်နေ၏။

သို့သော် စိုင်းစံထွန်းပိုင်ဆိုင်သည့် Great Myanmar အချိုရည်စက်ရုံ၏ ရှယ်ယာအတော်များများမှာ စက်မှု (၁) ဝန်ကြီး ဦးအောင်သောင်းပိုင်နေ သည့်အတွက် စိုင်းစံထွန်း ကျပ်သန်းပေါင်း (၆,ဝဝဝ) ကျော် ပြန်မဆပ်လျှင် စက်မှု (၁) ဝန်ကြီးဦးအောင်သောင်း မည်သို့ အရေးယူမည်ကို ရန်ကုန် စီးပွားရေးလောကမှ စိတ်ဝင်တစား ဖြစ်နေကြ၏။

စင်စစ် စက်မှု (၁) ဝန်ကြီး ဦးအောင်သောင်းသည် အသက် (၇၂) နှစ် ရှိသည့်တိုင် လောဘရမက်အကြီးဆုံး ဝန်ကြီးအဖြစ် ထင်ရှား၏။ အဂတိလိုက်စားမှုတွင် ဝန်ကြီးတကာဝန်ကြီး အားလုံးထက်ပင် သရဖူဆောင်းသည်ဟု နာမည်ကြီး၏။

အန်အယ်လ်ဒီကို လူထုဆန့်ကျင်ပွဲလုပ်အောင် စတင်ဖန်တီးသူမှာလည်း ဝန်ကြီး ဦးအောင်သောင်းဖြစ်၏။ တချိန်က ပုဂံလူထု ချီတက်ပွဲများလုပ်ပြီး ဒေါ်အောင်ဆန်းစုကြည်ကို လူထုရှုတ်ချပွဲပုံစံ ဖန်တီးရန်အတွက် မန္တလေး နန်းတွင်းရတနာပုံဧည့်ဆောင်ကနေ ဦးအောင်သောင်း ကြိုးကိုင်ခဲ့၏။ ထိုအချိန်က မန္တလေးတိုင်းမှူး ဒု-ဗိုလ်ချုပ်ကြီးရဲမြင့်နှင့် ဦးအောင်သောင်းသည် စစ်သင်တန်း တပတ်တည်းဆင်းဖြစ်သည့်အတွက် အလွန်ရင်းနှီး၏။

ထို့ကြောင့် လူထုဆန္ဒပြပွဲများကို စည်းရုံးရန် ဦးအောင်သောင်း မန္တလေးရောက်တိုင်း နန်းတွင်းရတနာပုံဧည့်ခန်းဆောင်ကို အသုံးပြုဖို့ ထိုအချိန်က မန္တလေးတိုင်းမှူး ဒု-ဗိုလ်ချုပ်ကြီးရဲမြင့်က ခွင့်ပြုခဲ့၏။ သို့သော် နောက်ရောက်လာသည့် မန္တလေးတိုင်းမှူးများက ဦးအောင်သောင်းအား သဘော မကျသည့်အတွက် နန်းတွင်းရတနာပုံဧည့်ခန်းဆောင်ကို အသုံးပြုခွင့် မပေးသဖြင့် မန္တလေး ဘီယာစက်ရုံ၊ အရက်စက်ရုံများရှိ ရိပ်သာများ၌သာ တည်းခိုပြီး စည်းရုံးရေးလုပ်ငန်းများ လုပ်ရ၏။

အစိုးရထောက်ခံပွဲများ၊ ဒေါ်အောင်ဆန်းစုကြည် ရှုတ်ချပွဲများ ဖန်တီးသည့်နည်းဖြင့် ဗိုလ်ချုပ်မှူးကြီးသန်းရွှေ၏ မျက်နှာသာပေးမှုကို ဦးအောင်သောင်း ရယူနိုင်ခဲ့သည်။ ထိုသို့ လူထုထောက်ခံပွဲများ လုပ်ရာတွင် စက်မှု (၁) လက်အောက်ခံ စက်ရုံများမှ ဝန်ထမ်းများကို အဓမ္မနည်းဖြင့် ချွေးတပ်ဆွဲပြီး အသုံးချခဲ့သည်ဟု သက်သေအထောက်အထားများနှင့်တကွ ဦးအောင်သောင်း၏ လက်ထောက်များက ပြော၏။

စက်မှု (၁) ဝန်ကြီးဌာနလက်အောက်တွင် မြန်မာ့အထည်အလိပ်လုပ်ငန်း၊ မြန်မာ့စားသောက်ကုန်လုပ်ငန်း၊ မြန်မာ့ဆေးဝါးနှင့် အိမ်သုံးပစ္စည်းလုပ်ငန်း၊ မြန်မာ့ကြွေထည်မြေထည်လုပ်ငန်း၊ မြန်မာ့စက္ကူနှင့် ဓာတုဗေဒလုပ်ငန်း၊ မြန်မာ့အထွေထွေနှင့် ပြုပြင်ထိန်းသိမ်းရေးစက်မှုလုပ်ငန်းဆိုပြီး ဌာနကြီး (၆) ခုရှိ၏။ ထိုလုပ်ငန်းဌာနကြီး (၆) ခုလုံးပေါ်မှ လုပ်ငန်းများကို မိမိကိုယ်ကျိုးအတွက် ဦးအောင်သောင်း အသုံးချသည်ဆိုပြီး လက်အောက်အရာရှိများက ထုတ်ဖော်ပြော၏။

စက်မှု (၁) ဝန်ကြီးဌာနလက်အောက်ရှိ သာပေါင်းပျော့ဖတ်စက်ရုံကို တရုတ်ကုမ္ပဏီအကူအညီနှင့် တည်ဆောက်ရာတွင် တရုတ်ကုမ္ပဏီက ဦးအောင်သောင်းကို ဒေါ်လာ (၁) သန်း ကော်မရှင်ပေးရသည်ဟု ရန်ကုန် အနောက်တိုင်းသံတမန်များက ပြော၏။

ပုဂ္ဂလိက ဘိလပ်မြေစက်ရုံတရုံတည်လျှင် အရင်း အမေရိကန်ဒေါ်လာ (၈) သန်းကုန်ကျ၏။ ထိုအထဲမှ ဝန်ကြီးဦးအောင်သောင်းကို ဒေါ်လာ (၁) သန်း ကော်မရှင်ပေးရသည်ဟု ခိုင်လုံသည့် သတင်းရပ်ကွက်များက ပြော၏။ မြန်မာနိုင်ငံတွင် ပုဂ္ဂလိက ဘိလပ်မြေစက်ရုံ (၈) ရုံ တည်ထားသည့်အတွက် ဦးအောင်သောင်းမှာ ဘိလပ်မြေစက်ရုံတလုံးဖိုးနှင့်ညီမျှသည့် ဒေါ်လာ (၈) သန်း ကော်မရှင်ရပြီး ဆိုသည့်သဘောဖြစ်၏။

လောလောဆယ် သာစည်အရှေ့ဘက် ပြင်ညောင်မှာ ရတနာသိင်္ဂီ ကုမ္ပဏီမှ ဆောက်လုပ်ပေးနေသည့် ဘိလပ်မြေစက်ရုံမှာ ဝန်ကြီးဦးအောင် သောင်းအတွက် ဖြစ်သည်ဟု စက်မှု (၁) ဝန်ကြီးဌာနတခုလုံး လူသိများ၏။

အထူးသဖြင့် စက်မှု (၁) ဝန်ကြီးဌာန လုပ်ငန်းအတော်များများကို ဦးအောင်သောင်းနှင့် ရင်းနှီးသည့် ပုဂ္ဂလိက ကုမ္ပဏီများသာ လက်ဝါးကြီးအုပ် လုပ်ခွင့်ပေးထား၏။ ဥပမာ-ရွှေသံလွင်၊ ရတနာသိင်္ဂီ၊ ကျော်သာ၊ Mother Trading စသည့် ကုမ္ပဏီများမှာ ထင်ရှား၏။ စက်မှု (၁) ဝန်ကြီးဌာန လက် အောက်ခံ စီမံကိန်းများမှ Steel Structure လုပ်ငန်းမှန်သမျှကို ဦးဝင်းလွင်ပိုင် ကျော်သာကုမ္ပဏီတဦးတည်းကိုသာ ဦးအောင်သောင်းက ကန်ထရိုက် လုပ်ခွင့်ပေးထား၏။

ထိုငတက်ပြားဝန်ကြီး ဦးအောင်သောင်းသည် မကြာခင် မန္တလေးတိုင်း ကြံ့ဖွံ့အသွင်ပြောင်း နိုင်ငံရေးပါတီကို ဥက္ကဋ္ဌအဖြစ် ဆောင်ရွက်ပြီး နောင် ပေါ်ပေါက်မည့် ရုပ်သေးအရပ်သားအစိုးရလက်ထက်တွင် မန္တလေးတိုင်း ဒေသကြီးအဆင့် ဝန်ကြီးချုပ်အဖြစ် အရွေးခံဦးမည်။ ထိုသက်ကျားအို ဝန်ကြီးဦးအောင်သောင်းကို ခေတ်ပြိုင်က အထူးရှုတ်ချသည်။

ကုလသမဂ္ဂနှင့် အာဆီယံတို့က နှုတ်ဆိတ်မနေသင့်

မြန်မာ့အရေး ကုလသမဂ္ဂ နှုတ်ဆိတ်နေ
Friday, 21 November 2008 12:00 ဧရာဝတီ
နိုင်ငံရေး လှုပ်ရှားတက်ကြွ သူများကို မြန်မာစစ်အစိုးရက နှစ်ရှည် ထောင်ဒဏ်များ ချ၍ ဖိနှိပ်အရေးယူမှုများ ပြုလုပ်နေချိန်တွင် ကုလသမဂ္ဂ လုံခြုံရေး ကောင်စီက ယနေ့အချိန်ထိ နှုတ်ဆိတ်နေသေးသည်။
မြန်မာ့အရေးကို အထူးစိတ်ဝင်စားသော ကုလသမဂ္ဂလုံခြုံရေးကောင်စီအဖွဲ့ဝင်နိုင်ငံများ ဖြစ်ကြသည့် အမေရိကန်၊ ဗြိတိန်နှင့် ပြင်သစ်နိုင်ငံ တို့က ယနေ့အချိန်အထိ မြန်မာ့အရေးကို ကုလသမဂ္ဂတွင် ရှေ့တန်းတင် ဆွေးနွေးရန် တိုက်တွန်းလျက်ရှိသည်။

နိုင်ငံရေး တက်ကြွလှုပ်ရှားနေသူများကို မြန်မာစစ်အစိုးရက လက်တလော ပြင်ပြင်းထန်ထန် နှစ်ရှည် ထောင်ဒဏ်များ ချမှတ်နေခြင်းနှင့် ပတ်သက်ပြီး အဆိုပါ ၃ နိုင်ငံက အပြင်းအထန်ကန့်ကွက် ရှုတ်ချကြောင်း ကြေညာချက်များ ထုတ်ပြန်ခဲ့သည်။

ယခုအပတ် အစောပိုင်းက အမေရိကန်အိမ်ဖြူတော်၏ သတင်းထုတ်ပြန်ချက်တွင် “နိုင်ငံတကာ အသိုင်းအဝန်းက ဖမ်းဆီးထားသော နိုင်ငံရေးအကျဉ်းသားများ လွှတ်ပေးရန်တောင်းဆိုသည်ကို မြန်မာအစိုးရက မထီမဲ့မြင်ပြုမူနေမှုအပေါ် ကုလသမဂ္ဂလုံခြုံရေး ကောင်စီအနေနှင့် လုံးဝ နှုတ်ဆိတ် မနေပါနှင့်” ဟု ပါရှိသည်။

သို့ရာတွင် ကုလသမဂ္ဂလုံခြုံရေးကောင်စီ၏ လက်ရှိဥက္ကဌ မစ္စတာအာဘီနာက ယခုလကုန်ပိုင်းအထိ မြန်မာ့အရေးနှင့် ပတ်သက်ပြီး ဆွေးနွေးရန် မရှိသေးကြောင်း ဗုဒ္ဓဟူးနေ့ နယူးယောက်မြို့သတင်း စာရှင်းလင်းပွဲတွင် ပြောကြားလိုက်သည်။

သူက “ကျနော်ကတော့ မြန်မာ့အရေးကို ကိုယ်စားလှယ်တွေက ထွေထွေထူးထူး ပြောဆိုနေတာ မကြားမိဘူး။ ဒါပေမယ့် သိတဲ့အတိုင်းပဲ ကောင်စီထဲကို တနေ့တနေ့ မကြားဘူးတဲ့ အကြောင်းအရာ သစ်တွေက မရိုးနိုင်အောင် ဝင်လာနေတတ်တာလေ” ဟု ပြောသည်။

အာဆီယံ သံတမန်တဦးကမူ အမေရိကန်၊ ဗြိတိန်နှင့် ပြင်သစ်အပါအဝင် လုံခြုံရေးကောင်စီအဖွဲ့ဝင် ၁၅ နိုင်ငံ က မြန်မာ့အရေးကို စည်းဝေးပွဲများတွင်ကော အလွတ်သဘောပါ ဆွေးနွေးရန် ကြိုးစားသည်ကို မတွေ့ရ်ဟု ဆိုသည်။

တချိန်တည်းတွင် ယခုအပတ်အတွင်း ကျင်းပသည့် အာရှ - ပစိဖိတ် စီးပွားရေး ပူးပေါင်းဆောင်ရွက်ရေးအဖွဲ့ (APEC) ထိပ်သီး အစည်းအဝေးတွင် အမေရိကန်သမ္မတ ဂျော့ခ်ျဒလျူဘုရ်ှက တရုတ်သမ္မတ ဟူကျင်းတောင်နှင့် တွေ့ဆုံစဉ် မြန်မာ့အရေးကိုလည်း ဆွေးနွေးခဲ့ကြောင်း သိရသည်။

အမေရိကန်အစိုးရသည် မြန်မာနိုင်ငံအပေါ်စီးပွားရေး ပိတ်ဆို့အရေးယူများပြုလုပ်ခဲ့ပြီး ဖြစ်သဖြင့် မြန်မာနိုင်ငံ ဒီမိုကရေစီကရေစီအသွင် ပြောင်းလဲရေးနှင့် လူ့အခွင့်အရေး ကိစ္စရပ်များ အတွက် တရုတ်နိုင်ငံက အဓိက ဖိအားပေးပြောဆိုရန် အရေးကြီးကြောင်း ဘုရ်ှက ပြောကြားခဲ့သည်။

စစ်အစိုးရက မြန်မာ့ဒီမိုကရေစီအရေး လှုပ်ရှားသူများကို ထောင်ဒဏ် ၆၅ နှစ်စီ ချမှတ်ခြင်းနှင့်ပတ်သက်ပြီး အမေရိကန်အစိုးရက အပြင်းအထန်ကန့်ကွက် ရှုတ်ချ ပြစ်တင်ခဲ့သည်။

အမေရိကန်သမ္မတက မြန်မာနိုင်ငံဆိုင်ရာ အမေရိကန် အထူး သံကိုယ်စားလှယ်အဖြစ် ၎င်း ယုံကြည်ကိုးစားရသော မိုက်ကယ်ဂျေဂရင်းအား ခန့်အပ်ရန် ယခုလထဲတွင် အမည်စာရင်း တင်သွင်းထားကြောင်း ကြေညာချက် ထုတ်ပြန်ထားသည်။

ကုလသမဂ္ဂနှင့် အာဆီယံတို့က နှုတ်ဆိတ်မနေသင့်

Friday, 21 November 2008 14:46 ဧရာဝတီ
အပြစ်မဲ့ ပြည်သူများအပေါ် မြန်မာ စစ်ခေါင်းဆောင်များ ကျူးလွန်ခဲ့သည့် ရာဇ၀တ်မှုများကြောင့် တနှစ်ကျော် ကာလအတွင်း နှစ်ကြိမ်တိုင်တိုင် ဂုဏ်သိက္ခာ ကျသည်အထိ ပြစ်တင်ဝေဖန် ခံခဲ့ရသည်။ လွန်ခဲ့သည့်နှစ် စက်တင်ဘာလက ငြိမ်းချမ်းစွာဆန္ဒပြနေကြသည့် သံဃာများကို ရက်စက်ကြမ်းကြုတ်စွာ ဖြိုခွင်းချေမှုန်းစဉ်က အလွန်ထိတ်လန့် တုန်လှုပ်ခဲ့ရပြီးပြီ။်တဖန် နာဂစ်မုန်တိုင်း တိုက်ခတ်ဖျက်ဆီး ခံရစဉ်ကလည်း သိန်းနှင့်ချီသော ဒုက္ခသည်ပြည်သူများကို နိုင်ငံရပ်ခြားအကူအညီများ မရနိုင်အောင် ရက်သတ္တပတ်ပေါင်းများစွာ ငြင်းပယ်ပိတ်ဆို့ထားသဖြင့် လူ့အသက်များကို အကြင်နာတရားမဲ့စွာ အရေးမစိုက်ကြောင်း တနည်းတဖုံ ပြသခဲ့ပြန်သည်။

ဤသို့ ဒေါသဖြစ်ဖွယ်စော်ကားမှုများနှင့် ယှဉ်လျှင် အခြေခံလူ့အခွင့်အရေးများကို အလေးမထား ချိုးဖောက်နေသည့် စစ်ဗိုလ်ချုပ်များ၏ နောက်ဆုံးလုပ်ရပ်များက ထူးမခြားနား အသေးအဖွဲကိစ္စများဟု ဆိုရပေတော့မည်။ သို့သော်လည်း ထိန်း သိမ်းခံထားရသူ ကျောင်းသားခေါင်းဆောင်များနှင့် လှုပ်ရှားသူများအား အင်းစိန်ထောင်အတွင်းရှိ ရုပ်သေးတရားရုံးများက နှစ်ရှည်ထောင်ဒဏ်များ ချမှတ်ခဲ့ခြင်းအပေါ် နိုင်ငံတကာအနေနှင့် ယခင်ကာလများထက် တုန့်ပြန်ချက် ပိုမို ပြင်းထန် တင်းမာ သင့်သည်ကတော့ အမှန်ပင် ဖြစ်သည်။

လွန်ခဲ့သည့် အပတ်ကစ၍ မြန်မာနိုင်ငံ၏ သတ္တိခဲများနှင့် အစွမ်းဆောင်နိုင်ဆုံးဟု ဆိုနိုင်သည့် အတိုက်အခံ ခေါင်းဆောင်များ အား တရားရုံးများက မတန်တဆပြစ်ဒဏ်များ ချမှတ်နေသည့်သတင်းများကို စိတ်ဓာတ် ကျဆင်းဖွယ် ဆက်တိုက် ကြားခဲ့ရသည်။ တချို့ကို ၆၅ နှစ်ထိ ထောင်ဒဏ်များ ချမှတ်ခဲ့၏။ ဆိုလိုသည်မှာ စစ်အစိုးရသည် ကမ္ဘာက ပြောသမျှကို နားမ၀င်၊ အရေးမစိုက်ဘဲ ဆက်လုပ်နေသေးသည်ဟု ပြနေခြင်းဖြစ်သည်။ ရွှေဝါရောင် တော်လှန်ရေးနှင့် နာဂစ် မုန်တိုင်း ကာလများတွင် နိုင်ငံတကာ အသိုင်းအဝန်းက ပြောဆိုဝေဖန်ခဲ့သမျှ သဲထဲရေသွန် ဖြစ်ခဲ့ကြောင်း ပြသနေသည့်နှယ်။

ဤသို့ဖြစ်ရသည်မှာလည်း အံ့သြဖွယ် မရှိပေ။ ကုလသမဂ္ဂ လုံခြုံရေးကောင်စီအတွင်း ၎င်းတို့ကို အမာခံ ထောက်ခံပေး နေသည့် အိမ်နီးချင်းများနှင့် ကျောလုံနေသရွေ့ နိုင်ငံတကာမှ ပြစ်တင်ဝေဖန်လာမှုမှန်သမျှကို ကောင်းကောင်း ကျော်လွှား သွားနိုင်ကြောင်း စစ်အစိုးရက သိထားပြီး ဖြစ်သည်။ သူတို့၏ ရက်စက်ကြမ်းကြုတ်မှုများကို ရံဖန်ရံခါ ကြုံရတတ်သည့် မျက်နှာပျက်စရာ အသေးအဖွဲ ကိစ္စကလေးများအဖြစ်သာ သဘောထားနေကြသည်။

သို့သော်လည်း နောက်ဆုံးဖြစ်ပျက်ခဲ့သည့် ကိစ္စများသည် မြန်မာစစ်ဗိုလ်ချုပ်များ တာဝန်သိမှု ရှိလာစေရေးအတွက် ကြိုးပမ်းဆောင်ရွက်နေသည့် နိုင်ငံတကာ၏ ဂုဏ်သိက္ခာကိုပါ ခြိမ်းခြောက်နေသည်။ ကုလသမဂ္ဂကရော အရှေ့တောင် အာရှနိုင်ငံများ အသင်း (အာဆီယံ) ကပါ နာဂစ်မုန်တိုင်းအပြီး ကယ်ဆယ်ရေး ကိစ္စများတွင် စစ်အစိုးရကို လေးနက်သည့် မိတ်ဖက် လုပ်ငန်းများ ပူးတွဲဆောင်ရွက်နေသူဟု ပုံဖော်ရန် ကြိုးပမ်းနေသည့် ယခုအချိန်တွင် ပို၍ အရေးကြီးလှပါသည်။

နာဂစ်မုန်တိုင်းက ဖျက်ဆီး၍ လူအများအပြား သေကြေကာ ပစ္စည်းဥစ္စာ ပျက်စီးဆုံးရှုံးကြရချိန်တွင်မှ စစ်အစိုးရက ကာလ ကြာရှည် ကြိုးပမ်းလာခဲ့သည့် နိုင်ငံတကာက တရားဝင်အသိအမှတ်ပြုမှုကို ကံကောင်းထောက်မစွာ အလွယ်ရလာခြင်းက လည်း အတော် မလျော်ကန်လှသော ကိစ္စဖြစ်သည်။ သဘာဝကပ်ဘေးအပြီး ယခင်က ပိတ်ဆို့ထားခဲ့သည်များကို ဖွင့်ပေးရုံ ဖွင့်ပေးလိုက်သည့် စစ်ဗိုလ်ချုပ်များအား ကမ္ဘာ့ဇာတ်ခုံပေါ်တွင် ချက်ချင်း အရေးပါတာဝန်သိသော ဇာတ်ကောင်များအဖြစ် ပွဲထုတ်လာခြင်းကလည်း လွဲချော်နေပြန်သည်။

ထိုထက်ပို၍ ဆိုးသည်က စစ်အစိုးရခေါင်းဆောင်များကို နိုင်ငံတကာ အသိုင်းအဝန်းက မိတ်ဖက်များဟု အသိအမှတ်ပြု ဆက်ဆံကြမှုကြောင့် ပို၍ အတင့်ရဲလာစေပြီး သူတို့၏ အတိုက်အခံများအပေါ် သူတို့စိတ်ကြိုက် တရားစီရင်ရန် ခွင့်ပြုပေးထားသလို ဖြစ်လာခဲ့ခြင်းပင်။

လူ့အခွင့်အရေး ဘက်တော်သားများဟု ပြောနေကြသည့် ကမ္ဘာ့ဦးဆောင်အဖွဲ့ကြီးများနှင့် အဓိကကျသည့် ဒေသတွင်း နိုင်ငံများကို ဆိုးရွားကြမ်းကြုတ်သည့် စစ်အစိုးရနှင့် လက်တွဲမည်လား ပြီးတော့ ၎င်း၏ အတိုက်အခံများအပေါ် လက်လွတ်စပယ် တရားစီရင်နေသည့် စစ်အစိုးရနှင့် ကမ္ဘာ့ အလေးစားခံ အဖွဲ့တို့ကို တန်းတူအမြင် ခံနိုင်မလားဟု မေးခွန်းများ ထုတ်ရမလို ဖြစ်နေသည်။

စစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေနှင့် သူ၏ သက်တော်ရှည်ဝန်ကြီးများ၏ စိတ်ကို သိရဖို့ မဖြစ်နိုင် သည်ကတော့ သေချာလှသည်။ တချိန်တည်းတွင် ကုလသမဂ္ဂနှင့် အာဆီယံအဖွဲ့ ခေါင်းဆောင်များကလည်း မြန်မာနိုင်ငံ၏ လက်ရှိ အခြေအနေထက် စစ်အစိုးရနှင့် ဆက်ဆံရေးမပျက်စေရန်ကိုသာ အာရုံထားနေကြသည်။

မြန်မာ့ဒီမိုကရေစီ အတိုက်အခံများကို စစ်အစိုးရက နောက်ဆုံး နှိပ်ကွပ်ခဲ့မှုများနှင့် ပတ်သက်၍ ကုလသမဂ္ဂ အထွေထွေ အတွင်းရေးမှူးချုပ် ဘန်ကီမွန်းက “အထူးစိုးရိမ်ပူပန်ကြောင်း” ပုံမှန် ၀တ်ကျေတန်းကျေ ကြေညာချက်တစောင် ထုတ်ပြန် ပေးခဲ့သော်လည်း အာဆီယံအဖွဲ့ အထွေထွေအတွင်းရေးမှူး ဆူရင်ပစ်ဆူဝန်က ယခုထိ မည်သို့မျှ ထုတ်ဖော်ပြောဆိုခြင်း မရှိသေးပေ။ မြန်မာစစ်အစိုးရ ကျူးလွန်ခဲ့သည့် ရုပ်ဆိုးပြင်းထန်လှသော ပြစ်မှုများကို ရေငုံ နှုတ်ပိတ် လုပ်နေသည်ဟု ဆိုရမည်ဖြစ်သည်။

ကုလသမဂ္ဂနှင့် တွဲချိတ်ထားသည့် လူ့အခွင့်အရေးကျွမ်းကျင်သူတို့ထံမှ တာဝန်ကျေ ထုတ်ပြန်ကြေညာချက်များတော့ ထွက်ပေါ်လာခဲ့ပါသည်။ မျှတစွာတရားစီရင်ရန် တောင်းဆိုထားခဲ့သော်လည်း ယခုတကြိမ် မြင်တွေ့ရသည်နှင့် ချိန်ထိုးလျှင် မြန်မာစစ်အာဏာပိုင်များအတွက် အနည်းငယ်မျှပင် ဖိအားသက်ရောက်ပုံ မရပေ။

ယခုတကြိမ်တွင်တော့ မစ္စတာဘန်ကီမွန်းနှင့် မစ္စတာ ပစ်ဆူဝန်အနေနှင့် ၎င်းတို့ အဖွဲ့များ၏ ဂုဏ်သိက္ခာကို ဆည်နိုင်ရန် ဆန္ဒရှိသည်ဖြစ်စေ၊ မရှိသည်ဖြစ်စေ မြန်မာစစ်အစိုးရကို ပိုမို ဖိအားပေးသင့်နေပေပြီ။ သို့မဟုတ်ပါက မြန်မာစစ်အစိုးရ အနေနှင့် ၎င်းတို့ကို နိုင်ငံတကာက ရာဇ၀တ်ပြစ်မှုများ စိတ်ရှိလက်ရှိ ကျူးလွန်နိုင်သည့် အခွင့်အရေးများ ပေးထားသည် ဟူ၍ ထင်မြင် ယူဆနေပေတော့မည်။

ဧရာဝတီ အင်တာနက်စာမျက်နှာ (အင်္ဂလိပ်ပိုင်း) ၏ အယ်ဒီတာ့အာဘော် UN, Asean Must Speak Up ကို ဆီလျော်အောင် ပြန်ဆိုဖော်ပြပါသည်။

မှိန်ဖျော့ပျောက်ကွယ်လုနီးပါး အမျိုးသားအောင်ပွဲနေ့

Friday, 21 November 2008 19:07 အေးချမ်းမြေ့
၁၉၂၀ ပြည့်နှစ်က မြန်မာနိုင်ငံကို ကိုလိုနီပြု အုပ်ချုပ်နေသည့် ဗြိတိသျှအစိုးရ၏ ရန်ကုန်တက္ကသိုလ် အက်ဥပဒေ ပေါ်ထွက်လာသည်နှင့် တပြိုင်နက် နိုးကြားတက်ကြွသော တက္ကသိုလ် ကျောင်းသားများ ဦးဆောင်ကာ စတင် သပိတ်မှောက်ကြတော့သည်။

ထိုအခါ မြန်မာပြည်တဝန်းရှိ အလယ်တန်းနှင့် အထက်တန်းကျောင်းသား ကျောင်းသူများပါ လိုက်ပါ သပိတ်မှောက်ကြပြီး ကျောင်းသားတော်လှန်ရေး တိုက်ပွဲကြီး ဆင်နွှဲကြတော့သည်။ ၁၉၃၈ ခုနှစ် အမျိုးသားအောင်ပွဲ ကျင်းပနေပုံ
ကျောင်းသား သပိတ်ကြီး စတင်သည့် တန်ဆောင်မုန်း လပြည့်ကျော် ၁၀ ရက်နေ့ကို အမျိုးသား အောင်ပွဲနေ့ အဖြစ် သက်မှတ်ပြီး နှစ်စဉ် ကျင်းပခဲ့သော်လည်း ယခုနောက်ပိုင်းတွင် ထိုနေ့ထူး နေ့မြတ်ကြီးက မြန်မာလူငယ်တို့ အကြား မှိန်ဖျော့ ပျောက်ကွယ်ကာ ရုံးပိတ်ရက်တရက် အဖြစ်သာ ကျန်ရှိတော့သည်။

၁၉၂၃ ခုနှစ်၊ မြန်မာပြည် ဒိုင်အာခီ အုပ်ချုပ်ရေး လက်ထက်တွင် တက္ကသိုလ် အက်ဥပဒေကို လက်ခံနိုင် လောက်အောင် ပြင်ပေးခဲ့ပြီး သပိတ်မှောက် ကျောင်းသားများ တည်ထောင် ခဲ့ကြသည့် အမျိုးသား ကျောင်းများကို အသိအမှတ် ပြုကာ အထောက်အပံ့ ပေးလာခဲ့သည်။ ကျောင်းသားတို့၏ အောင်ပွဲကား အံ့မခန်း ဖြစ်ခဲ့သည်ဟု ဆိုရပေ လိမ့်မည်။

ကျောင်းသား သပိတ်၏ ရလာဒ်အဖြစ် တက္ကသိုလ်တွင် ကျောင်းသား ကိုယ်စားလှယ် ကောင်စီ ဖွဲ့စည်းခွင့် ရခဲ့သည်။ ထို့အပြင် ပါမောက္ခ ဦးဖေမောင်တင်က မြန်မာစာကို အားပေးပြီး မြန်မာစာပေ ဖွံ့ဖြိုးရေးကို အားထား ဆောင်ရွက်ခဲ့သဖြင့် မြန်မာစာပေ လောကကို တခေတ်ဆန်းစေသည့် စာရေးဆရာကြီးများ ဖြစ်ကြသော ဆရာကြီး သိပ္ပံမောင်ဝ၊ ဆရာကြီးဇဝန၊ ဆရာကြီးဇော်ဂျီ၊ ဆရာကြီးမင်းသုဝဏ် တို့ကဲ့သို့သော စာရေးဆရာများလည်း တက္ကသိုလ်မှ စတင်ပေါ်ထွက် ခဲ့သည်။

ထို့ပြင် မြန်မာနိုင်ငံ လွတ်လပ်ရေးရရန် ကြိုးပမ်းရာတွင် အရေးကြီးသော အခန်းကဏ္ဍမှ ပါဝင်ခဲ့သည့် တမျိုးသားလုံး၏ ခေါင်းဆောင်ကြီး ဗိုလ်ချုပ်အောင်ဆန်း အပါအဝင် မြန်မာနိုင်ငံရေး လောကတွင် ချန်လှပ်ထား၍ မဖြစ်နိုင်သော သခင်မြ၊ ဦးရာဇတ် စသည့် ပုဂ္ဂိုလ်ကြီးများကိုလည်း ထိုကျောင်းသား သပိတ်မှ စတင်သန္ဓေတည် မွေးဖွားပေး လိုက်သည်ဟု ဆိုရမည် ဖြစ်သည်။

ဝမ်းနည်းစရာမှာ ကျောင်းသားထုက မတရားသော အမိန့်ဥပဒေကို ဆန့်ကျင် တော်လှန်ရာမှ စတင်အခြေခံ ဖြစ်ပေါ်လာခဲ့သော အမျိုးသား အောင်ပွဲနေ့ အကြောင်းကို ယခုခေတ် တက္ကသိုလ် ကျောင်းသား အများစုက လုံးဝနီးပါး မသိရှိတော့ခြင်း ဖြစ်သည်။

ရန်ကုန်မြို့အခြေစိုက် တက္ကသိုလ်ပညာသင်ကြားဆဲ ကျောင်းသားကျောင်းသူ ၂၅ ဦး၊ ဘွဲ့ရလူငယ် ၁၀ ဦး နှင့် အခြေခံပညာအဆင့်အထိ ပညာသင်ကြားခဲ့ရသည့်လူငယ် ၁၀ ဦး စုစုပေါင်း ၄၅ ဦးကို အမျိုးသားအောင်ပွဲ နေ့နှင့် ပတ်သက်၍ ဧရာဝတီ မဂ္ဂဇင်းက တွေ့ဆုံမေးမြန်းခဲ့ရာ တက္ကသိုလ်ပညာသင်ကြားဆဲ လူငယ် ၅ ဦးနှင့် ဘွဲ့ရ လူငယ် ၄ ဦးတို့ကသာ အမျိုးသားနေ့၏ အဓိပ္ပာယ်ကို သိရှိပြီး ကျန်လူငယ်များမှာ လုံးဝ မသိရှိတော့ကြောင်း ဖြေကြားသည်ကို တွေ့ရသည်။


“တက္ကသိုလ်မှာ အမျိုးသားနေ့ အထိမ်းအမှတ်ပွဲ ကျင်းပတာတွေတော့ မရှိတော့ဘူး။ တကယ်ဆိုရင် လုပ်သင့်တယ်။ အင်္ဂလိပ်အစိုးရကို ပထမဆုံး စတင်တော်လှန်ခဲ့တာ ကျောင်းသားတွေပဲ။ အောင်လည်း အောင်မြင်ခဲ့တယ်။ အင်္ဂလိပ်အစိုးရကို အနုနည်းနဲ့ ပထမဆုံးအနိုင်ရတဲ့ ကျောင်းသားတွေရဲ့တိုက်ပွဲပဲ” ဟု ရန်ကုန် အနောက်ပိုင်း တက္ကသိုလ် ကျောင်းသူတဦးက ပြောသည်။

လှိုင်သာယာမြို့နယ်မှ ကိုးတန်းအထိသာပညာသင်ကြားခဲ့သူ အသက် ၂၀ နှစ်အရွယ်လူငယ်တဦးကလည်း အမျိုးသားနေ့ကို အလုပ်ပိတ်ရက်တခုအဖြစ်သာ နားလည်သည်ဟု ဆိုသည်။

“အမျိုးသားနေ့ဆိုတာ ကျောင်းသားလူထုက အာဏာရှင် အင်္ဂလိပ်အစိုးရရဲ့ မတရားတဲ့ ဥပဒေကို အကြမ်းမဖက် အနုနည်းနဲ့ ဆန့်ကျင် တိုက်ပွဲဝင်ခဲ့ပြီး မြန်မာနိုင်ငံလွတ်လပ်ရေး ရတဲ့အထိ ရှေ့ဆောင်လမ်းပြဖြစ်စေခဲ့တဲ့ နေ့တနေ့ပါ” ဟု ရန်ကုန်မြို့ခံ စာရေးဆရာတစ်ဦးက ဆိုသည်။

ထိုသို့သော နေ့ထူးနေ့မြတ်ကို အရေးတယူ အထိမ်းအမှတ်ပွဲများ ကျင်းပခြင်းမပြုဘဲ မျက်ကွယ်ပြုနေခြင်းမှာ အမျိုးသားနေ့ စိတ်ဓာတ်များ ယနေ့ခေတ် ကျောင်းသား လူငယ်များထံ စီးဝင်ပြီး အာဏာရှင်စနစ်ကို ဆန့်ကျင်လိုသည့်စိတ်ဓာတ်များ အရှိန်မြင့် လာမည်ကို စိုးရိမ်ခြင်းကြောင့် ဖြစ်ကြောင်း သူက ဆက်လက် သုံးသပ်သည်။

“အမျိုးသားနေ့နဲ့ ကျောင်းသားဆိုတာက ခွဲခြားလို့မရဘူး။ ၁၉၂၀ ပြည့်နှစ် ကျောင်းသားသပိတ်က နောက်ဆုံး မြန်မာနိုင်ငံကို လွတ်လပ်ရေးရစေတဲ့အထိ ၀ံသာနုစိတ်ဓာတ်တွေ အုံကြွစေခဲ့တယ်။ ဒါကြောင့် ဒီနေ့ခေတ် စစ်အစိုးရက အမျိုးသားနေ့ကို မျက်ကွယ်ပြုနေတာ။ အမျိုးသားနေ့အကြောင်းပြောတိုင်း ကျောင်းသားထုရဲ့ အာဏာရှင်စနစ်ဆန့်ကျင်ရေး စိတ်ဓာတ်တွေ တွေ့ရမှာပါ” ဟု ထိုစာရေးဆရာက ပြောသည်။

အမျိုးသားနေ့နှင့် ပတ်သက်၍ ယနေ့ခေတ်အခြေအနေနှင့် ဆက်စပ်ရေးသားသည့် စာမူများကို စာပေ
စိစစ်ရေးက သတိထားဖြုတ်ပယ်ကြောင်းလည်း လစဉ်ထုတ် စာပေမဂ္ဂဇင်းတစောင်မှ အယ်ဒီတာ တဦးက ပြောသည်။

၁၉၈၈ ခုနှစ်က အာဏာရှင်စနစ်ကို ဆန့်ကျင်သည့် ပြည်လုံးကျွတ် တော်လှန်ရေးကြီးမတိုင်မီ အစောပိုင်း ကာလများက မြန်မာနိုင်ငံ၏ အရေးကြီးသော အထိန်းအမှတ်နေ့များကို အတန်အသင့် ကြီးကျယ်စွာ ကျင်းပ ပေးခဲ့သေးသည်။ ယင်းနောက်ပိုင်းတွင်တော့ လက်ရှိစစ်အစိုးရက မြန်မာ့သမိုင်းကို တဖြည်းဖြည်း မှိန်ဖျော့အောင် ပြုလုပ်လာရာ လူငယ်များအနေနှင့် ထိုနေ့ရက်များကို တန်ဖိုးထားရကောင်းမှန်း မသိအောင်ပင် ဖြစ်ခဲ့သည်။

၁၉၈၈ ခုနှစ် မတိုင်မီက ကျောင်းသင်္ခန်းစာများတွင် အမျိုးသားအောင်ပွဲနေ့အကြောင်း အသေးစိတ် ထည့်သွင်း သင်ကြားခဲ့သည့်အပြင် အထိမ်းအမှတ် စာပေ၊ ပန်းချီ၊ ပိုစတာ ပြိုင်ပွဲများ ကျင်းပပေးခြင်း၊ ကျောင်းတွင်း ကျပန်း စကားပြောပြိုင်ပွဲများ ကျင်းပပေးခြင်း၊ ပျော်ပွဲရွှင်ပွဲများ ပြုလုပ်ပေးခြင်း၊ သမိုင်း ဆရာ ဆရာမများက အားတက် သရော သင်ကြားပေးခြင်းများ ပြုလုပ်ပေးခဲ့သောကြောင့် ထိုခေတ် ကျောင်းသားလူငယ်များ၏ စိတ်တွင်း၌ အမျိုးသား အောင်ပွဲနေ့နှင့် ပတ်သက်၍ ခိုင်ခိုင်မာမာ စွဲထင်နေခဲ့ကြရသည်။

ထို့ပြင် ကလေးဖတ်စာစောင်များ ဖြစ်သော ရွှေသွေး၊ တေဇ စသည်တို့၏ မျက်နှာဖုံးများတွင် ပန်းချီ ဦးဘကြည် ကဲ့သို့သော မြန်မာ့ပန်းချီကျော်ကြီးများ၏ သရုပ်ဖော်ပုံများ၊ ဇာတ်လမ်းများဖြင့် အမျိုးသားနေ့အကြောင်းကို ကလေးငယ်များပင် သိရှိစေခဲ့သည်။

ယနေ့ခေတ်တွင်တော့ စားဝတ်နေရေးအတွက် ဦးစားပေး ရုန်းကန်နေရသော မိဘ၊ ဆရာတို့မှာ မိမိတို့၏ သားသမီးများ တပည့်များကို မြန်မာနိုင်ငံ၏ နေ့ထူးနေ့မြတ်များအကြောင်း အချိန်ပေးပြောဆိုရန် အလွန် အားနည်းနေပေပြီ။

ငယ်ရွယ်နုပျိုသော ဆရာ၊ ဆရာမများမှာလည်း ၎င်းတို့ကိုယ်တိုင် မသိရှိတော့သော အကြောင်းအရာ များကို ကျောင်းသားများအား လက်ဆင့်ကမ်းရန် မဖြစ်နိုင်တော့ပေ။

“မျက်ဖြူစိုက်လေ ဆရာကြိုက်လေပေါ့။ အစိုးရကလည်း လူငယ်တွေ များများသိမှာ စိုးရိမ်နေတာနဲ့ .. လက်ရှိ လူကြီးတွေ၊ ဆရာ ဆရာမတွေက နောက်လူငယ်တွေကို မပြောပြနိုင်တာနဲ့ အတော်ပဲလေ” ဟု ရန်ကုန်မြို့နေ စာရေးဆရာမ တဦးကပြောသည်။

၁၉၂၁ ခုနှစ်က မန္တလေးတွင် ကျင်းပပြုလုပ်ခဲ့သော န၀မအကြိမ်မြောက် ဂျီစီဘီအေ အသင်းကြီး၏ ပြည်လုံးကျွတ် ညီလာခံကြီးတွင် ၁၉၂၀ ပြည့်နှစ် ကျောင်းသားသပိတ် စတင်သော တန်ဆောင်မုန်းလဆုတ် ၁၀ ရက်နေ့ကို အမျိုးသားနေ့အဖြစ် အတည်ပြုသတ်မှတ်ခဲ့သောကြောင့် ယခုနှစ် တန်ဆောင်မုန်းလပြည့်ကျော် ၁၀ ရက်နေ့ (နိုဝင်ဘာလ ၂၂ ရက်) တွင်ကျရောက်မည့် အမျိုးသားနေ့ သည် ၈၈ ကြိမ်မြောက် ဖြစ်သည်။

မှတ်ချက်။ ။ ရန်ကုန်တွင် နေထိုင်သော ဧရာဝတီသတင်းထောက် အောင်သက်ဝိုင်း ပူးပေါင်းပါဝင်ရေးသားသည်။

စစ်အာဏာရှင်တို့က ပြည်သူ့အာဏာကို စိန်ခေါ်ပြီ

မောင်ရစ်
နိုဝင်ဘာ ၂၃၊ ၂၀၀၈
စစ်အာဏာရှင်တို့က ၎င်းတို့ ပိပြားအောင်ဖိနှိပ်ထားသော ပြည်သူလူထုတရပ်လုံးကို စိန်ခေါ်ပြီးရင်း စိန်ခေါ်လျက်ရှိသည်။ သံဃာတော်တို့ကို သတ်ဖြတ်ပြီး၊ အပြစ်မဲ့သော တောင်သူလယ်သမားနှင့် ရေလုပ်ငန်းလုပ်သားပြည်သူတို့ကို နာဂစ်မုန်တိုင်းတည်းဟူသော သေတွင်းသို့ တွန်းပို့ပြီးနောက်၊ နိုင်ငံရေး အတိုက်အခံအင်အားစုတို့ကို သာမန်လူတဦးအသက်နှင့် မဆန့်သော နှစ် ၆၀ ကျော် ထောင်ဒဏ်များ၊ နှစ် ၄၀ ကျော် ထောင်ဒဏ်များကို ချမှတ်လိုက်ခြင်းမှာ လက်ပြန်ကြိုးတုတ်ပြီး ဒူးတုတ်ထိုင်နေရသော မိဘပြည်သူတို့ ရင်ဝကို စစ်ဖိနပ်ဖြင့် ကန်လိုက်သည့် သဘောပင် ဖြစ်တော့သည်။

နိုင်ငံတကာ၏ ဖိအားကို၎င်း၊ လူ့အခွင့်အရေးလေးစားသူ နိုင်ငံတကာအဖွဲ့အစည်းများ၏ မေတ္တာရပ်ခံချက်ကို၎င်း ဖုတ်လေသည့် ငပိ ရှိသည့်ဟုပင် မထင်ကြောင်း အကြိမ်ကြိမ် သက်သေပြလိုက်ခြင်းပင် ဖြစ်တော့သည်။

စစ်အာဏာကို တိုက်ခိုက်ခြေမှုန်းရေးတွင် ပြည်သူ့အာဏာလမ်းကြောင်းသည်သာ ရွေးချယ်စရာ ရှိတော့သည်ဟု ဆိုရပေတော့မည်။ စစ်ဖိနပ်အောက်က ပြည်သူတို့သည် ငါသာလျင် ငါ့ကံကြမ္မာ၏ အရှင်သခင်သာ ဖြစ်သည်ဆိုသော သခင်စိတ်ဓာတ်ကို မွေးမြူလျက် စစ်ကျွန်စိတ်ဓာတ်ကို ခွေးလှေးသန်းများ ခါချသကဲ့သို့ ပြင်းထန်စွာ ခါချရတော့မည့်အကြောင်း အချင်းချင်း လက်ချင်းမြဲမြဲတွဲကြလျက် တစုတပေါင်းတည်း ညီညာထကြွကြရန် အချိန်ရောက်ပေပြီ။

သေတွင်းသို့ ရင်ကော့ပြီး ချီတက်ခဲ့ကြကုန်သော သာသနာပြု သံဃာ့အာဇာနည်များကို ရည်စူး၍၎င်း၊ အကျဉ်းထောင်တွင်းသို့ အသက်စွန့်၊ စည်းစိမ်စွန့်၊ မိဘ မောင်ဘွား သားချင်းများကို စွန့်လျက် ရင်ကော့ပြီး ချီတက်သွားကြကုန်သော ဒီမိုကရေစီသူရဲကောင်း ရဲဘော်၊ ရဲဘော်မအပေါင်းကို ဂုဏ်ယူသော စိတ်၊ အားပေးသောစိတ်တို့ဖြင့် ပြည်တွင်း ပြည်ပက မြန်မာမျိုးချစ် အမျိုးသားကောင်း အမျိုးသမီးကောင်းတို့သည် စစ်အာဏာရှင်တို့ မတရားစွဲကိုင် အလွဲသုံးစားလုပ်နေသော အာဏာကို - “ ဟိတ် … အဲဒါ မင်းတို့အာဏာ မဟုတ်၊ ဒါ ငါတို့ အာဏာ၊ ပြည်သူ့အာဏာ …” ဟု စိတ်ဒုန်းဒုန်းဖြတ် ပြီး တယောက်တလက် ၀ိုင်းဝန်း သိမ်းပိုက်ကြဖို့သာ ရှိတော့၏။

ပြည်သူ့အာဏာဖြင့် ကျဆုံးကုန်သော အာဇာနည်အပေါင်းတို့ကို တိုင်းပြည်အာဇာနည်များအဖြစ် မော်ကွန်းတင်ကြပါစို့၊ ပြည်သူ့အာဏာဖြင့် ထောင်အတွင်းက သူရဲကောင်းပေါင်းကို ပြည်သူ့ခေါင်းဆောင်များအဖြစ် တင်မြှောက်ပြီး လွတ်မြောက်အောင် ဆွဲထုတ်ကြပါစို့။ ပြည်သူ့အာဏာဖြင့် စစ်အာဏာရှင်များ အလိုတော်ရိ မိသားစု အသိုင်းအ၀ိုင်းကို ဖော်ထုတ်ကြလျက်၊ မြန်မာအသိုင်းအ၀ိုင်းမှ ဖယ်ထုတ်ကြပါစို့။ ထောင်တွင်း အကျဉ်းချထားပါလျက် သူရဲကောင်းတို့ဝိဉာဏ်သည် ပြင်ပလောကတွင် လွတ်လပ်စွာ ကျက်စားနိုင်သော်ငြားလည်း စစ်အာဏာရှင်မိသားစုများ၊ အလိုတော်ရိများ အသိုင်အ၀ိုင်းများ၏ ဘ၀တို့မှာ ထောင်ပြင်တွင် ရှိနေလျက်နှင့် နိုင်ငံတကာ လက်ညိုးငေါက်ငေါက်အောက်၌ အရှက်တကွဲ အကျိုးနည်းသော ဘ၀အဖြစ်သို့ ရောက်နေကြောင်း မီးမောင်းထိုးပြကြပါစို့။

စစ်အာဏာရှင်တို့ကို နိုင်ငံတကာက ဂုဏ်သိက္ခာရှိသော လူမှုအသိုင်းအ၀ိုင်း၊ အာဏာပိုင်အသိုင်းအ၀ိုင်းတို့က စီးပွားရေး ပိတ်ဆို့မှု၊ ဘဏ္ဍာရေးပိတ်ဆို့မှု၊ တရားဝင် ပြစ်တင်ရှုတ်ချမှုတို့ဖြင့် မျက်စိ၊ နား၊ နှုတ်တို့ ပိတ်ဆို့ခြင်း ခံထားရကုန်သော မြန်မာပြည်သူတို့ ကိုယ်စား စစ်အာဏာရှင်တို့ကို တိုက်ခိုက်နေကြသည့်နည်းတူ၊ ကာယကံရှင် မြန်မာပြည်သူ ပြည်သားတို့ကလည်း နှုတ်ပိတ်ခံ၊ အဖိနှိပ်ခံ၊ အနှိပ်စက်ခံ သားချင်းတို့ကိုယ်စား မတရားမှုတို့ကို ဖော်ထုတ် ကန့်ကွက်ကြရန်၊ အားနည်းသူပြည်သူတို့အား ၀ိုင်းဝန်းဖေးမ ကူညီ အားပေးကြရန်၊ မတရားသဖြင့် ရယူထားသော တိုင်းပြည်အာဏာကို ၎င်းတို့ထံက ရုတ်သိမ်းကြောင်း ဆုံးဖြတ်ကြလျက် ပြည်သူတို့လက်ဝယ်မှာပင် တိုင်းပြည်အာဏာကို သိမ်းဆည်းကြရန်သာ ရှိတော့သည်။

ပြည်သူတို့က စစ်အာဏာရှင်တို့လက်ဝယ်တွင် တိုင်းပြည်၏ အချုပ်အခြာ အာဏာနှင့်တကွ ပြည်သူပြည်သားတို့၏ ကြမ္မာဖန်တီးခွင့်တို့ကို တလုံးတ၀တည်း ၀ကွက် အပ်မထားကြောင်း၊ မိမိတို့ ပြည်သူလူထုသာလျင် ကိုယ့်ကြမ္မာကိုယ်ဖန်တီးကြမည့် အရှင်သခင်များဖြစ်ကြောင်း၊ ကျဆုံးကုန်သော ရဟန်းရှင်လူ ကျောင်းသားပြည်သူတို့နှင့်တကွ အကျဉ်းစခန်းများက အချုပ်နှောင်ခံထားရသော သူရဲကောင်း ပြည်သူတို့၏ ကိုယ်စား ပြည်သူအာဏာလမ်းကြောင်းဖြင့် တိုင်းပြည်၏ အနာဂတ်ကို ပြည်သူတို့လက်ဖြင့်သာ ရေးထိုးကြတော့မည် ဖြစ်ကြောင်း တခဲနက် ဆုံးဖြတ်ကြရပေတော့မည်။

စစ်ကျွန်စိတ်ဓာတ်ကို စွန့်လွှတ်လျက်၊ ငါတို့အားလုံး “မင်းကိုနိုင်”၊ ငါတို့အားလုံး “အောင်ဆန်းစုကြည်”၊ ငါတို့အားလုံး “ဇာဂနာ”၊ ငါတို့အားလုံး “အရှင်သခင်”ဟု စိတ်ဒုံးဒုံးချလိုက်သည့် ဟိုမှာဘက်တွင် “လွတ်လပ်ရေး”သာ ရှိတော့သည်။

ပဉ္စမမြန်မာနိုင်ငံတော် တည်ထောင်ခန်း (၁၇)

အောင်ဝေး
နိုဝင်ဘာ ၂၂၊ ၂၀၀၈

အကယ်၍ တစုံတယောက်ဟာ ဖိနှိပ်ချုပ်ချယ်မှု၊ မတရားမှုတွေကို မသိကျိုးကျွန်ပြုပြီး ကိုယ်နဲ့မဆိုင်သလို နေမယ်ဆိုရင်၊ အဲဒီလူဟာ ဖိနှိပ်ချုပ်ချယ်တဲ့ သူ၊ မတရားတဲ့သူတွေဘက်က ရပ်တည်တဲ့လူ အလိုလို ဖြစ်သွားတော့တာပါပဲ။

ပုသိမ်မှာတော့ ပြည်သူလူကြီးဟာ မသိကျိုးကျွန်ပြုပြီး မနေခဲ့ကြပါဘူး။ တာဝန်မဲ့မနေခဲ့ကြပါဘူး။

ပုသိမ်ရောက်ပြီး နောက်တနေ့နံနက်မှာပဲ ဒေါ်အောင်ဆန်းစုကြည် ပင်လယ်ပြင်ခရီး ဆက်ပါတယ်။ ငပုတော၊ ပြင်ခရိုင်၊ ဟိုင်းကြီးကျွန်း စတဲ့ ပင်လယ်ခရီးစဉ်အတွက် ဒေါက်တာသက်မင်းနဲ့ ကျနော် ညှိနှိုင်းပြီး ဒေါ်အောင်ဆန်းစုကြည်နဲ့အတူ သူလိုက်ပါသွားပါတယ်။

ကျနော်က ကျောင်းကုန်း၊ အသုတ်၊ ရေကြည်၊ ကျုံပျော်၊ ဟင်္သာတ စတဲ့ ဒေါ်အောင်ဆန်းစုကြည် ပင်လယ်က ပြန်လာရင် ပုသိမ်ကနေ ဆက်သွားမယ့် ကုန်းလမ်းခရီးအတွက် ရှေ့ပြေးစီစဉ်ဖို့ နေရစ်ခဲ့ပါတယ်။ ပင်လယ်ပြင်ခရီးဆိုတာ အနည်းနဲ့အများတော့ စွန်းစားသွားလာရတဲ့ခရီးပါပဲ။ ပင်လယ်ပြင်ရဲ့ ရာသီဥတုက ဒေါ်အောင်ဆန်းစုကြည်ကို ညင်သာနွေးထွေးစွာ ကြိုဆိုလိမ့်မယ်လို့တော့ ကျနော်တို့ မျှော်လင့်ထားကြပါတယ်။

အဲဒီနေ့က သုံးရောင်ခြယ်အဖွဲ့က ကားတစ်စီးယူပြီး ကျနော်နဲ့ တိုင်းရုံးက NLD လူငယ်တချို့ ကျောင်းကုန်း၊ အသုတ်၊ ရေကြည်၊ ကျုံပျော်အထိ ရှေ့ပြေးခရီး ထွက်လာကြပါတယ်။

ကျနော်တို့ ရှေ့ပြေးကား၊ လိုအပ်တာတွေ ဆောင်ရွက်ပြီးလို့ ပုသိမ်ကို ပြန်လှည့်လာတဲ့ အခါမှာတော့ ကျနော်တို့နောက်ကနေ စစ်ကားကြီးတစီး ထက်ကြပ်မကွာ လိုက်ပါလာတာကို တွေ့နေရပါတယ်။

အလာခရီးတုန်းက သတိမပြုမိတဲ့ အဲဒီစစ်ကားကြီးဟာ အခု အပြန်ခရီးမှာတော့ ကျောင်းကုန်းတံတားကြီးပေါ်ကိုလည်းရောက်ရော ကျနော်တို့ သုံးရောင်ခြယ်ကားလေးကို အတင်းကျော်တက်ပြီး ရှေ့ကနေ ကန့်လန့် ပိတ်ရပ်လိုက်ပါတော့တယ်။ စစ်ကားကြီးပေါ်က စစ်သားတွေ သေနတ်ကိုယ်စီကိုင်ကာ ခုန်ဆင်းချလာပြီး ကျနော်တို့ကားကို ဝိုင်းထားလိုက်ကြပါတော့တယ်။

ကျနောာ်တို့လည်း ရုတ်တရက် အငိုက်မိပြီး ကြောင်သွားကြပါတယ်။ နောက်တော့ ကျနော်တယောက်ပဲ တာဝန်ရှိတဲ့သူနဲ့ စကားပြောဖို့ ကားပေါ်က ဆင်းလိုက်ပါတယ်။ အဲဒီအချိန်မှာ ကျနော့်ကို ‘မင်း တူးချင်းက ဆရာကြီး အေးမောင်သား မဟုတ်လား’ လို့ ဆီးမေးလိုက်တဲ့ တာဝန်ရှိသူကို ကြည့်လိုက်တော့ သူဟာ ပုသိမ်မြို့ အမှတ် (၂) ချင်းသေနတ်ကိုင်တပ်ရင်းမှာ ကျနော့်အဖေနဲ့အတူ အမှုထမ်းခဲ့တဲ့ စစ်သားကြီး ဖြစ်နေပါတော့တယ်။

‘ငါတို့မှာကွာ တနေ့လုံး မင်းနောက်ကို တကောက်ကောက်လိုက်နေရတာ၊ ငါ့ရဲ့ဘော်တွေ အခုအချိန်အထိ ဘာထမင်းမှ မစားရသေးဘူး’ တဲ့။ ကျနော် အားနာသွားပါတယ်။ သူတို့ဟာ မြောင်းမြ ခလရ (၉၃)က ရဲဘော်တွေပါ။

ကျနော်က ‘အခု ပုသိမ်ပြန်မှာပါ၊ လမ်းမှာ ဝင်စရာမရှိပါဘူး’ လို့ပြောလိုက်တော့ သူတို့စစ်သားတွေ ကားပေါ်ပြန်တက်သွားကြပါတယ်။

အဲဒီနေ့က ညနေမစောင်းခင် ကျနော်တို့ ရုံးကို ပြန်ရောက်လာကြပါတယ်။ ရုံးစောင့် ကျန်ရစ်တဲ့ ဗိုလ်မှူးကြီးအောင်ဘွင့် နဲ့ ဗိုလ်ကြီးကျော်ရှိန်၊ မြန်မာ့အလင်း အယ်ဒီတာ ဦးမြရှိန်တို့ကို ကုန်းလမ်းခရီးဘက်က NLD မြို့နယ်စည်းအဖွဲ့တွေ ကြိုတင်ပြင် ဆင်ထားကြတဲ့ အခြေအနေတွေကို ကျနော်ပြောပြပြီး၊ အဲဒီတညအတွက်တော့ အေးအေးလူလူပဲ၊ ညစာစား အိပ်ရာဝင်လိုက်ပါတယ်။

ညသန်းခေါင်လောက်မှာတော့ စစ်ထောက်လှန်းရေး (၄) က စစ်ဗိုလ်နဲ့ စစ်သားတွေ တံခါးလာခေါက်ပြီး၊ ကျနော်နဲ့ NLD လူငယ်တသိုက်ကို ‘ခဏလိုက်ခဲ့ပါ’ ဆိုပြီး ခေါ်ချသွားလိုက်တာ ညတွင်းချင်းပဲ ပုသိမ်အကျဉ်းထောင် သီးခြားတိုက်ထဲ ပို့လိုက်ပါတော့တယ်။

နောက်တနေ့မိုးလင်းတော့ ထောင်ထုံးစံအတိုင်း မိလ္လာချ မျက်နှာသစ် တိုက်ခန်းတံခါး ဖွင့်ပေးပါတယ်။ အုတ်ရေကန်လေးဆီ ကျနောာ်ဆင်းလာတော့ လား- လား- အဲဒီမှာ ဗိုလ်ကြီးအောင်ဘွင့်၊ ဗိုလ်ကြီးကျော်ရှိန်၊ မြန်မာ့အလင်းအယ်ဒီတာ ဦးမြရှိန်တို့အပြင် ပုသိမ်အနောက်မြို့နယ် NLD တာဝန်ခံ အငြိမ်းစား ဗိုလ်ကြီးထွန်းတင်နဲ့ ပုသိမ်အရှေ့ မြို့နယ် NLD တာဝန်ခံ အငြိမ်းစားရဲအုပ်ဦးဇော်ဝေ တို့ကို ပါတွေ့လိုက်ရပါတော့တယ်။

ဒီတော့မှပဲ ကျနော်တို့ ဆယ့်လေးငါးယောက်ကို အာဏာဖီဆန်ရေး ပုဒ်မ ၁၄၄ နဲ့ ဖမ်းတယ်ဆိုတာ ဘွင်းဘွင်းကြီး နားလည်လိုက်ရတော့တာပါပဲ။

ကျနော်တို့ကို ဖမ်းတဲ့နေ့က ၁၉၈၉ခုနှစ် ဇန်နဝါရီလ (၁၇) ရက်။

ဒေါ်အောင်ဆန်းစုကြည်ကတော့ သိရှာလေမှာမဟုတ်ပါဘူး။ ။

ငါပြောချင်တဲ့ ငါ့စကား

မိတ်ဆွေ .....
လက်နက်ကိုင်တဲ့လက်နဲ့တော့ ငြိမ်းချမ်းကိုဘယ်တော့မှ တည်ဆောက်လို့မရဘူး
ရိုင်းစိုင်းလွန်းတဲ့စိတ်နဲ့တော့ မေတ္တာတရား စကား ပြောလို့မရဘူး
အာနေတဲ့ ပါးစပ်တွေနဲ့တော့ လမ်းဆုံးကို ရောက်မှာမဟုတ်ဘူး
ယုတ်မာတဲ့လုပ်ရပ်တွေနဲ့တော့ အမှန်လမ်းကို လျှောက်လို့မရဘူး
ဥပဒေအထက်မှာ ဘယ်သူမှ မရှိရဘူးပြောနေပေမယ့်
ဥပဒေမှမလေးစားရင် ဘယ်လိုလုပ် ယုံကြည်မှုတည်ဆောက်မှာလဲ။
ငါတို့လူသားတွေ သောက်ကျင့်မှမကောင်းရင် ဘယ်လိုလုပ် ဒီလူမျိုးတိုးတက်မှာလဲ။
ဒါထက် ၀မ်းနည်းစရာကောင်းတာက "နေရာမှန်လူမှန်"မရရှိခြင်းပဲ။
အနာဂတ်ကိုဖော်ဆောင်မဲ့ ငါတို့မှာ ပညာရည်မပြည့်ဝရင် အလုပ်သမား(ကျွန်)နိုင်ငံပဲ
တည်ဆောက်လို့ရမယ်၊ တိုးတက်အောင်မြင်တဲ့ နိုင်ငံကြီးတစ်ခု အိပ်မက်ထဲမှာပဲ
တည်ဆောက်ပေါ့။
ငါတို့ အတုယူဖို့ ဗလာဟင်းလင်းဖြစ်နေပြီ။
ငါတို့ ဒီကမ္ဘာပေါ်မှာ မတရားမှု ကင်းမဲ့ပြီး စာနာထောက်ထား၊ မေတာပွားနိုင်တဲ့
ဇုန်လေးတစ်ခု
တည်ဆောက်နိုင်ရင် ဘယ်လောက်ကောင်းမလဲ။
အဲဒီနေရာမှာ ပူဆွေးခြင်း၊ ငိုကြွေးခြင်း၊ စိုးရိမ်းခြင်းတွေကင်းပြီး
ပျော်မြူးပြုံးရွှင် နေရာတစ်ခွင်လေး
ငါတို့ တည်ဆောက်နိုင်ရင်ကောင်းမယ်လို့ စဉ်းစားမိတယ်။
ငါတုိ့တွေ ကြိုးစားတည်ဆောက်ကြတာပေါ့။

မိုးကျော်

ရင်ကွဲသံ

ခြောက်တိုက်မှာ လောက်ကိုက်တာ ခံဖူးသလား နှင့် အခြားထောင်ဝတ္တုတိုများ

စံနစ်သစ်သူငယ်တန်းဖတ်စာ


1) ညအခါ လသာသာ
ရေနစ်သေမလား
ငတ်သေမလား"

(2) "တစ်၊နှစ် ကိုနာဂစ်
သုံး၊လေး လွတ်အောင်ပြေး
ငါး၊ခြောက် ရေထဲရောက်
ခုနှစ်၊ရှစ် မသာဖြစ်
ကိုး၊တစ်ဆယ် ၀ဋ္ဌ်ကျွတ်တယ်။"

(3) "ဘယ်ကလာသလည်း။
ဘယ်နယ်ကလည်း။
အလယ်ကလူ
အသားဖြူ၏။
ခင်ဗျားအလှူ
တစ်ပြားမရှုရ"

(4) "အစားအစာ ၀ါးစားပါ
အသားပါသလား။
ငါးပါသလား။
ဘီစကစ်ပါသလား။
ဘာပဲပါပါ ထားခဲ့ပါ။"

(5) "ဟိုဘက်ကမ်းက ဗိုက်ပိန်ပိန်
ဒီဘက်ကမ်းကဗိုက်ပိန်ပိန်
အမိုးအကာမဲ့နေတဲ့
မနှင်းတို့အိမ်။"

(6) "ဖိုးရွှေကြီး ဖိုးရွှေကြီး
အလွန်ယုတ်တဲ့ ဖိုးရွှေကြီး
ဖိုးရွှေကြီးက မိုက်တိုင်ထူ
ခွေးအကြီးနဲ့တူ
တူပါသကွဲ့ မယုံငြား
ဒီမှာကြည့်ပါလား။"

(7) " တနင်္ဂနွေ၊ တနင်းလာ
ဗိုက်မှောက်မျှော်နေတာ
အဂါင်္၊ ဗုဒ္ဓဟူး
ရောက်လုတစ်ဦးဦး
ကြာသပတေး၊ သောကြာ
တစ်ယောက်မှ ပေါ်မလာ
စနေမှာသေချာသွား ဘယ်သူမှမလာအား။"

(8) "မုန်တိုင်းကို စက္ကူကပ်
အကြံပက်စက် တို့အပေါ်တင်
ပလ္လင်ပေါ်က မျောက်မူး
ဆင်းမလာတော့ဘူး
အာဏာရူး
အာဏာရူးကို ခွေးတွေယက်
မှောင်မိုက်မှာအူ
အူသူတွေ အစာလုကြ
ငါတို့ကိုဆွဲ တွဲလဲ
တွဲလဲရယ် ငိုတိုင်း
မိုးတောင်ကမှိုင်း
မုန်တိုင်း…….."

(9) ဘဘ၀၀ ထလို့က
ဘဘနိုင်ပြီဗျ
ကပါကပါ ဘဘရာ
ဘဘခေတ်လေဗျာ
မဲလိမ်တွေကို အမှန်ပြ
ဘဘအကြံပိုင်ပါ့။
သူများတွေ မသာဖြစ်တာ
ဘဘနဲ့ မဆိုင်ပါ
မုန်တိုင်းတွေ ဘယ်လိုသည်းသည်း
ဘဘနိုင်ဖို့ပဲ။

(10) ဘဘ၀၀ စိတ်ဓါတ်ကျ
အနောက်က Pressure ရ
သူများအကူ မယူခဲ့တာ
ဘဘစေတနာ
မလုပ်ပေးတာ တစ်ခုကလွဲ
ဘဘသတ္တိခဲ
နိုင်ငံခြားငွေမြင်သောအခါ
ဘဘစိတ်ပြောင်းလာ
အားရပါးရလာလှူကွဲ့
ဘဘအိတ်ထဲထည့်။
ဘဘ၀၀ ထပ်လို့က
ဘဘခိုင်ပြီဗျ
လုပါယက်ပါ ဘဘရာ
ဘဘ ခေတ်လေဗျာ
မြစ်ပြင်မှာတော့ အညှီတွေထ
ပုပ်ပုပ်ပွပွ အနံ့အသက်ရ
ဘဘကတော့ ဆက်လို့က
ဘဘဘယ်တော့မှ ကလို့မ၀"

(11) "ရွာနံဘေးက ချောင်းကလေး
ဖောင်မြောလာသည်။
သားတို့လည်း မြောလာသည်။
မည်သူမျှ မဆယ်ကြ။" ….ဟင့်…ဟီး..အီး

(12) အလောင်းလေးများ ဖွေးလို့စီ
မြစ်ညှာရိုးတစ်လျှောက်ဆီ
ရေပေါ်မှာ ဗိုက်ကြီးဖောင်း
ငါတို့ ပူစီပေါင်း

(13) မြစ်ဝကျွန်းပေါ်အနီး
အကြီးစားမုန်တိုင်းဝင်နိုင်သည်။
ဝေးလွန်း၍ မပြောနိုင်ဘူးလား။
အချိန်မှီပြေးလျှင် လွတ်နိုင်ပါသည်။