Wednesday, December 3, 2008

ကြပ်ပြေးအရှုပ်တော်ပုံ(၁၄)

အကျယ်ကြည့်ရန်အစွန်ဆုံးမှလေးထောင့်ကွက်ကိုနှိပ်ပါ။ ။ပြီးရင်အပေါင်းကိုနှိပ်ပါ။ ။14


ကြပ်ပြေးအရှုပ်တော်ပုံ(၁၃)

အကျယ်ကြည့်ရန်အစွန်ဆုံးမှလေးထောင့်ကွက်ကိုနှိပ်ပါ။ ။ပြီးရင်အပေါင်းကိုနှိပ်ပါ။ ။13


ကြပ်ပြေးအရှုပ်တော်ပုံ(၁၂)

အကျယ်ကြည့်ရန်အစွန်ဆုံးမှလေးထောင့်ကွက်ကိုနှိပ်ပါ။ ။ပြီးရင်အပေါင်းကိုနှိပ်ပါ။ ။12


ကြပ်ပြေးအရှုပ်တော်ပုံ(၁၁)

အကျယ်ကြည့်ရန်အစွန်ဆုံးမှလေးထောင့်ကွက်ကိုနှိပ်ပါ။ ။ပြီးရင်အပေါင်းကိုနှိပ်ပါ။ ။11


အမေရိကားရောက် မြန်မာများအကြောင်း တစေ့တစောင်း (အပိုင်း ၂)

ဆန်းသစ်
ဗုဒ္ဓဟူးနေ့၊ ဒီဇင်ဘာလ 03 2008 16:35 - မြန်မာစံတော်ချိန်

မဇ္ဈိမမှာ မြန်မာအခန်းကဏ္ဍမှ အပိုင်း (၁) ကို ဖေါ်ပြခဲ့တဲ့အတွက် ကျေးဇူးတင်ပါတယ်။ အမေရိကားက ဘာကြောင့် မြန်မာ့အရေးကို Burma, Burmese ဆိုတဲ့ စာလုံးကို တရားဝင်သုံးပြီး မြန်မာတွေ သိန်းနဲ့ချီပြီး လက်ခံထားရတာ အကြောင်းရှိပါတယ်။ ဒီမိုကရေစီကို မြှင့်တင်ပေးချင်တဲ့ စစ်အင်အားကြီး အမေရိကန်ရဲ့ နိုင်ငံခြားရေး၊ ပြည်တွင်းရေး မူဝါဒအရပါပဲ။ သူရဲ့ ကျစ်လစ်သိပ်သည်းတဲ့ ဖွဲ့စည်းပုံအခြေခံဥပဒေ အကြောင်းကို ဦးဘိုဘိုကျော်ငြိမ်းက မဇ္ဈိမမှာ ရေးပြခဲ့ဖူးပါတယ်။ အခု ဒီ အပိုင်း (၂) ကိုရေးရတာလည်း လွန်ခဲ့တဲ့ နိုဝင်ဘာလ ၂၃ ရက်နေ့က ဆန်ဖရန်စစ္စကို ဘေးဧရိယာက ဒေးလီစီတီးမြို့မှာ မြန်မာ့ Burmese Language ကို တရားဝင် State Language အဖြစ် အမေရိကန်မှာ ရရှိရေးအတွက် မြန်မာတွေ ဆွေးနွေးပွဲ ဒုတိယနေ့ ပြီးဆုံးသွားခြင်းကို အားရကျေနပ်မှုကြောင့် ဖြစ်ပါတယ်။

"ပညာရေး၊ လူမှုဖူလုံရေး၊ ကျန်းမာရေး အထောက်အကူ၊ သက်ကြီးရွယ်အို စောင့်ရှောက်မှု စသည့် အရေးကိစ္စများတွင် လူနည်းစုများအဖြစ် အထူး ကာကွယ်စောင့်ရှောက် ဦးစားပေးမှုတို့ကို မြန်မာတို့ မရရှိ၊ မသိရှိရဘဲ ဥပက္ခာပြုခံထားရ" ဆိုတဲ့ မြန်မာတွေကို ကယ်ဆယ်ထားတဲ့ အမေရိကားမှာတောင် မြန်မာတွေ နိမ့်ကျနေခြင်းဟာ ဘာကြောင့်လဲဆိုတာ ပြန်လည်သုံးသပ်တဲ့ သဘောပါပဲ။ လာအိုဆိုတဲ့ လူမျိုး အသေးလေးတောင် အမေရိကန်ရဲ့ အသိအမှတ်ပြုခံရတယ်။ မြန်မာပြည်ပေါက် လူမျိုးစုများနဲ့ တရုတ်၊အိန္ဒိယများ အမေရိကားရောက်ရင် မြန်မာစစ်အစိုးရကို စိတ်နာကြပါတယ်။ လူမျိုး နေရာမှာ ကရင်၊ ရှမ်း၊ ရခိုင်၊ ချင်း၊ ကချင်၊ မွန်၊ တရုတ်၊ အိန္ဒိယ စသဖြင့် ထည့်လိုက်တော့ မြန်မာလို့ စာရင်းပေးသူ တော်တော်နည်းသွားရှာပါတယ်။ ဒီတော့ တရားဝင် စာရင်းမှာ Burmese ဆိုတဲ့ အရေအတွက်ဟာ တော်တော်နည်းသွားတော့ မြန်မာအရေအတွက် သိပ်မရှိဖြစ်သွားပြီး ဦးစားပေးအခွင့်အရေးတွေလည်း မရ ဖြစ်သွားပါတယ်။

တကယ်တော့ မြန်မာ့ဒီမိုကရေစီရေးအတွက် ပြောင်းလဲမှုလုပ်နိုင်တာကတော့ မြန်မာပြည်တွင်းကပါ။ ထိုင်းနိုင်ငံရောက် မြန်မာ ၂ သန်းကျော်ကတော့ လူအင်အားနဲ့ လက်နက်အင်အား (မြန်မာနဲ့ လူမျိုးစု အတိုက်အခံများ) အခြေစိုက်တဲ့နေရာဆိုတော့ အရေးပါနေပါတယ်။ စင်္ကာပူမှာတော့ မြန်မာ့ စီးပွားရေး၊ နိုင်ငံရေး၊ ပညာရေးတွေအတွက် နအဖ စစ်အစိုးရကို ကမ္ဘာက လက်မခံတော့ နအဖ ခေါင်းဆောင် ဗိုလ်ချုပ်ဆွေမျိုးတွေ တိတ်တဆိတ် မင်းမူနေသလို၊ နအဖနဲ့ ဝေးအောင်ကြိုးစားပေမယ့် မကင်းနိုင်သူ မြန်မာ့ စီးပွားရေး၊ နိုင်ငံရေး၊ ပညာရေး လုပ်ကိုင်သူများလည်း အများကြီးပါ။ မြန်မာ့အရေးမှာတော့ အိုဘီပီနဲ့ လမ်းပြကြယ် မြန်မာစာကြည့်တိုက်အပြင် စစ်အစိုးရကို စိုးရိမ်လှုပ်ရှားနေတဲ့ မြန်မာကလပ်၊ အင်ဂျင်နီယာအသင်း၊ ပင်နီစူလာ မြန်မာစီးပွားရေးအသင်းနဲ့ ဘာသာရေးအဖွဲ့တွေ ရှိပါတယ်။ အာစီယံနိုင်ငံတွေမှာ မြန်မာ့ဒီမိုကရေစီအရေးအတွက် အမျက်မထွက်ဘဲ ကူနေတဲ့ မလေးရှား၊ ဖိလစ်ပိုင်တို့ ရှိပါသေးတယ်။

မြန်မာ Burmese ကို တရားဝင် State Language အဖြစ် ရရှိရေးအတွက် Road Map အချိန် Time Frame ကတော့ အမေရိကန် နိုင်ငံလုံးကျွတ် သန်းကောင်စာရင်းကောက်မယ့် ၂၀၁၀ ခုနှစ်ကို သတ်မှတ်ပါတယ်။ သိပ်နီးကပ်တော့ အမေရိကန်အစိုးရနဲ့ ပြည်နယ်အစိုးရတွေကို တောင်းဆိုမှု တင်သွင်းဖို့ အမြန်လိုအပ်နေပါပြီ။ အမေရိကန်စနစ်က အသေးစိတ် စနစ်တကျ လုပ်တတ်တော့ နှေးကွေးတယ်။ ဒါကြောင့် မြန်မာအရေအတွက် သိန်းနဲ့ချီပြီး အမေရိကားမှာ ရောက်နေကြောင်းကို စာရင်းကောက်ဖို့ အရေးတကြီး လိုနေတယ်ဆိုတာကို ဆွေးနွေးကြပါတယ်။

"ကယ်လီဖိုးနီးယား ဘေးဧရိယာတွင် နေထိုင်ကြသည့် မြန်မာအစုအဖွဲ့ အချို့နှင့် စိတ်ဝင်စားသူတို့ မေတ္တာနန္ဒ၀ိဟာရ ကျောင်းတိုက်တွင် လွန်ခဲ့သည် ရက်သတ္တပတ် တနင်္ဂနွေနေ့ (အောက်တိုဘာ ၂၆၊ ၂၀၀၈) က အလွတ်သဘော တွေ့ဆုံကြပြီး မိမိတို့ သဘောထားများကို ထုတ်ဖော်တင်ပြကြသည်။ အလွတ်သဘော တွေ့ဆုံပွဲမှာ ၂ နာရီအချိန် (နေ့ခင်း ၂ နာရီမှ ညနေ ၄ နာရီ) အတွင်း တက်ရောက်သူ လူဦးရေ ၂၅ ဦးခန့်နှင့် ကျင်းပခဲ့သည်။ တဦးလျှင် စကားပြောချိန် ၃ မိနစ်မှ ၅ မိနစ်အတွင်း အလှည့်ကျ စာရင်းသွင်း ဆွေးနွေးပြီး ဆွေးနွေးပွဲ ကြီးကြပ်သူအဖြစ် ကျောင်းထိုင်ဆရာတော် ဦးဓမ္မပီယက မေတ္တာဖြင့် ဆောင်ရွက်ပေးသည်" လို့ မိုးမခ အထောက်တော် ဦးထိန်လင်းက ဆောင်းပါးရေးခဲ့တယ်။

ဒီတခေါက် ဒုတိယအကြိမ် အစည်းအဝေးမှာတော့ ဆန်ဖရန်စစ္စကို ဘေးဧရိယာက မြန်မာအသင်းပေါင်း ၄၀ ဖွဲ့ကျော်ကို ပါဝင်လာစေရေး၊ လက်ရှိ အစည်းအဝေး ဖြစ်မြောက်ရေး ကော်မတီက လူချင်းတွေ့ဖို့ မလွယ်လို့ မိုဘိုင်းဖုန်း ကွန်ဖရင့် အပတ်စဉ်လုပ်ပြီး၊ အများစု အစည်းအဝေးကို လစဉ်ကျင်းပရေး စသဖြင့် တင်ပြကြပါတယ်။

အခက်အခဲတွေကတော့ ထုံးစံအတိုင်း အနည်းအကျဉ်း ရှိပါတယ်။ တချို့က Myanmar / Burmese ၂ ခုကို ပြဿနာလုပ်တယ်။ အမေရိကန်မှာလုပ်တော့ အမေရိကန်အစိုးရ အသိအမှတ်ပြုထားတဲ့ Burmese ကို သုံးမှ ဖြစ်မယ်ဆိုတာ အားလုံးနားလည်ပါတယ်။ တချို့လည်း Burmese-Chinese, Burmese-Karen စသဖြင့် တွဲသုံးချင်တယ်။ ဒါတွေက အရေးတကြီး ဆွေးနွေးရမယ့် ကိစ္စတွေမဟုတ်ဘူးဆိုတာ အားလုံးနားလည်ပေမယ့် ပြောဆိုဆွေးနွေးကြတာ ကောင်းပါတယ်။

အမေရိကန်မှာ လုပ်ကိုင်တော့ ငွေချမ်းသာ၊ ရာထူးဂုဏ်၊ သြဇာ၊ အနှစ် ၃၀ ကျော် အမေရိကားရောက် Burmese US Citizen တွေလည်း စစ်အစိုးရလုပ်သလို ဗိုလ်ကျ၊ အာဏာရှင်လို အတင်းအကျပ် မပြော၊ မလုပ်ကြတာ တွေ့ရတော့ တော်တော်လေး ပီတိခံစားရပါတယ်။ အမေရိကားမှာ လစာ ဒေါ်လာ သောင်းနဲ့ချီပြီး ရတဲ့ ဆရာဝန်များအသင်း၊ အင်ဂျင်နီယာ ပရိုဖက်ရှင်နယ်များ အသင်းတွေက ကိုယ်စားလှယ်တွေလည်း လာရောက်ပြီး ညီညွတ်စွာ အပြုသဘော ဆွေးနွေးကြပါတယ်။ ထုံးစံအတိုင်း မြန်မာ့အရေးလှုပ်ရှားတဲ့ BADA, BAWA, Moemakha, Freemont မေတ္တာနန္ဒ၀ိဟာရ ကျောင်းတိုက် အဖွဲ့တွေလည်း ပါဝင်ကြပါတယ်။ ဒေလီစီတီ မြန်မာပွဲလမ်းသဘင်တွေ လုပ်နေကျ Jefferson Union High School က ဗုဒ္ဓဘာသာ ဓမ္မအသင်းက အစည်းအဝေးနေရာ စီစဉ်ပေးပါတယ်။ ''ငါ လူကြီးမလုပ်ရလို့ ထွက်မယ်။ သူ လူကြီးလုပ်လွန်းလို့ ထုတ်မယ်'' ဆိုတဲ့ နအဖ အာဏာရှင်စနစ်လည်း ဒီအစည်းအဝေးမှာ မတွေ့ရပါဘူး။

အဓိက အချက်ကတော့ မြန်မာအရေအတွက်ကို အမြန်ဆုံး တရားဝင် အချက်အလက်အဖြစ် ရရှိရေးဖြစ်ပါတယ်။ US Green Card, US Citizen အရေအတွက်ကိုတော့ အစိုးရဆီက တောင်းခံရမှာဖြစ်လို့ ခက်တော့ခက်ပါတယ်။ ၂၀၀၀ ခုနှစ်မှာ ကောက်ခံခဲ့တဲ့ အမေရိကန် သန်းကောင်စာရင်းအရ တသောင်းခွဲလောက်ပဲ ရှိတယ်လို့ သိရတယ်။ http://www.census.gov/population/www/cen2000/briefs/index.html ၂၀၀၇ ရွှေဝါရောင် တော်လှန်ရေးအပြီးမှာ ဒုက္ခသည်များစွာ အမေရိကန်က လက်ခံခဲ့တယ်။ နိုင်ငံရေးနေထိုင်ခွင့် (ခိုလှုံခွင့်) ကိုလည်း မြန်မာနိုင်ငံသားတွေ လျှောက်ရင် ပေးလိုက်တာ များပါတယ်။

နေထိုင်ခွင့် လျှောက်ရင် ၃ လကနေ ၃ နှစ်အတွင်းမှာ ချပေးလိုက်ပြီး တနှစ်အကြာမှာ US Green Card ပေးလိုက်တယ်။ နောက်ပိုင်း ၅ နှစ်အကြာမှာ အမေရိကန်အတွက် အကျိုးရှိသူတွေကို အမေရိကန် နိုင်ငံသားအဖြစ် အဆင့်မြှင့်ပေးလိုက်တယ်။

အမေရိကားရောက် မြန်မာများ စာရင်းကို ဘယ်လိုကောက်မလဲဆိုတာ ဆွေးနွေးတော့ ဒုက္ခသည်အဖြစ် မြန်မာနယ်စပ်က ရောက်လာသူတွေကလည်း မနည်းပါဘူး။ အစိုးရ တရားဝင်စာရင်း (၂၀၀၇) အရ မြန်မာဒုက္ခသည် သောင်းနဲ့ချီ ရှိပါတယ်။ http://www.census.gov/population/www/cen2000/briefs/index.html ၂၀၀၈ မှာ ဒုက္ခသည် စခန်းတွေမှာ မှတ်ပုံတင်ထားသူ မြောက်မြားစွာ ရောက်လာပြန်တယ်။ စံချိန်တင်သွားတယ်။ အမေရိကန်ကို နည်းမျိုးစုံနဲ့ လာပြီး ခိုလှုံခွင့် Asylum ရရှိသွားသူတွေကတော့ နယ်စပ်ကလာတဲ့ ဒုက္ခသည် အရေအတွက်ထက် အများကြီး သာမှာပါ။ သမရိုးကျ နည်းလမ်းနဲ့ Green Card Migrant Visa ရပြီး လာသူတွေကလည်း မနည်းပါဘူး။ ကျောင်းလာတက်သူ Student Visa, အလုပ်လာလုပ်သူ H1 Visa. ဘာသာရေးလူမှုရေး၊ မှီခို စသဖြင့် ခေတ္တလိုလို၊ အမြဲတမ်းလိုလို အမေရိကားရောက်နေသူ မြန်မာတွေလည်း မနည်းပါဘူး။ အမေရိကန် ဒီဗွီ DV ပေါက်ပြီး မိသားစုလိုက် ရောက်နေသူတွေလည်း တပုံတပင် ဖြစ်ပါတယ်။

ပြီးတော့ လိမ်ညာပြီး Asylum လျှောက်ပေမယ့် ယုတ္တိမရှိဖြစ်တဲ့အပြင် ကိုယ်အပြစ်ကိုလည်း ၀န်မခံနိုင်တဲ့အတွက် အိုဗာစတေး ဖြစ်သွားသူတွေ၊ ဟိုယောင်ယောင်၊ ဒီယောင်ယောင်နဲ့ အမေရိကားမှာ ဆူရှီဆိုင်၊ စားသောက်ဆိုင်၊ ဆောက်လုပ်ရေး စတဲ့ လုပ်ငန်းတွေမှာပဲ လုပ်ကိုင်နေသူ မြန်မာများစွာလည်း ရှိပါသေးတယ်။

တိုင်ဝမ်ရောက် မြန်မာတရုတ်တွေလည်း ရေကြည်ရာမြက်နုရာ အမေရိကားကို အလွယ်တကူရတဲ့ တိုင်ဝမ်ပတ်စပို့နဲ့ ရောက်လာပြီး အလုပ်လုပ်၊ ငွေရှာကြတယ်။ Asylum လျှောက်ပြီး အဆင်ပြေခဲ့ကြတယ်။ ဒါပေမဲ့ 9/11 အကြမ်းဖက်မှုပြီးတဲ့အချိန် အမေရိကန်အ၀င် လေဆိပ်မှာ လက်ဗွေ လက် ၁၀ ချောင်းစလုံး နှိပ်ရတော့ ပတ်စပို့ ပျောက်သွားပြီဆိုပြီး လိမ်ညာ Asylum လျှောက်လို့ မရတော့ဘူး။ တချို့ နော်ဝေး၊ ဒိန်းမတ်၊ နယ်သာလန်မှာ Green Card အမြဲနေထိုင်ခွင့်ရသူ ဒုက္ခသည်တွေ၊ စင်္ကာပူ၊ ဂျပန်၊ မလေးရှားတွေမှာ ပီအာ အမြဲတမ်း အလုပ်လုပ်ကိုင်နေထိုင်မှု ရသူတွေလည်း အမေရိကန်က ပိုကောင်းမလားဆိုပြီး အမေရိကားကို ရောက်နေကြတယ်။ သူတို့လို လူတွေကတော့ လက်ဗွေယူထားပြီးဖြစ်လို့ အမေရိကန် ဥပဒေအရ Asylum လျှောက်ရင် တော်တော်ခက်ခက်ခဲခဲ ဖြစ်ရတယ်။ အဲဒီလို အခြေအနေမဲ့ မြန်မာတွေ အရေအတွက်လည်း ထည့်ရပါမယ်။

မြန်မာတွေ လူရာဝင်ရေးအတွက် မြန်မာတွေကပဲ ကြိုးစားရတာ သဘာဝကျပါတယ်။ အမေရိကန်က အင်္ဂလိပ်ဘာသာစကားကို တရားဝင်ဘာသာအဖြစ် သုံးပါတယ်။ စင်္ကာပူ၊ သြစတြေးလျား၊ နယူးဇီလန်၊ ကနေဒါ၊ အိန္ဒိယ စတဲ့ နိုင်ငံတွေမှာ အင်္ဂလိပ်ဘာသာစကားပဲ တရားဝင်သုံးတာက အင်္ဂလိပ်နိုင်ငံ၊ အင်္ဂလိပ်လူမျိုးကို သစ္စာရှိလွန်းလို့ မဟုတ်ပါဘူး။ သုံးသင့်တဲ့ ဆက်သွယ်ရေး ဘာသာစကား ဖြစ်လို့ပါ။ ဒါကိုနားလည်ရင် စစ်အစိုးရကို စိတ်နာနေတဲ့ မြန်မာလူမျိုးစုနဲ့ တရုတ်၊ အိန္ဒိယတွေလည်း ဘာသာစကားနဲ့ စစ်အစိုးရ ဒီ၂ ခုကို ကွဲပြားနားလည်နိုင်မှာ ဖြစ်ပါတယ်။ ဘာပဲဖြစ်ပါစေ ကွန်ပြူတာခေတ်ဆိုတော့ အချက်အလက်တွေကို ကွန်ပြူတာ ကျွမ်းကျင်တဲ့ Experts မြန်မာတွေ၊ မြန်မာ့အရေးနဲ့ လူမှုရေး အားပေးသူတွေနဲ့ အမေရိကန်မှာ ကျောင်းတက်နေတဲ့ မြန်မာလူငယ်ကျောင်းသားတွေ ကူညီမှုနဲ့ လျင်မြန်စွာ လုပ်နိုင်မှာပါ။ ပိုက်ဆံအားကိုးပြီး ငွေအားနဲ့ လုပ်ရင်တော့ တချိန်မှာ အမေရိကန်နိုင်ငံကြီး စီးပွားရေးကပ်ဖြစ်သလို အဆင်မပြေဖြစ်မှာကိုလည်း သဘောပေါက်ကြပါတယ်။ ယုံကြည်ချက်ရှိတဲ့ မြန်မာမျိုးဆက်သစ်တွေ ဆက်လုပ်ရမယ့် အလုပ်တွေ အများကြီး ရှိပါတယ်။

ဘာ အခက်အခဲပဲ ရှိပါစေ၊ ဒီ ၂၀၁၀ အမေရိကန် သန်းကောင်းစာရင်းမှာ မြန်မာဘာသာစကား Burmese ကို တရားဝင် အသိအမှတ်ပြုခံရရေးကို အမေရိကန်ရောက် မြန်မာနိုင်ငံသား အားလုံးနဲ့ မြန်မာအဖွဲ့အစည်း အားလုံး ညီညွတ်စွာ လုပ်ဆောင်မှာဖြစ်လို့ အားရစွာ တင်ပြလိုက်ရပါတယ်။

ဆန်းသစ်

အမေရိကားရောက် မြန်မာများအကြောင်း တစေ့တစောင်း
ဆန်းသစ်
ဗုဒ္ဓဟူးနေ့၊ သြဂုတ်လ 27 2008 12:22 - မြန်မာစံတော်ချိန်

အခြားနိုင်ငံများနေ မြန်မာများ သူတို့နေထိုင်ခွင့် VISA အတွက် စိုးရိမ်ရသော်လည်း အမေရိကန် နိုင်ငံတွင် သိပ်မပူပင်ရပါ။ နည်းမျိုးစုံဖြင့် နေထိုင်ခွင့် ရနေဆဲပင် ဖြစ်ပါသည်။ အမေရိကန်များက မြန်မာ ၃ သောင်းခန့်ကို ဒုက္ခသည်စခန်းများမှ ၂၀၀၇ ခုနှစ်တွင် လက်ခံပြီး ဆက်လက်ပြီး လက်ခံရန် အစီအစဉ် ရှိသည်ဟု သိရပါသည်။

လော့စ်အိန်ဂျယ်လိစ်တွင် မြန်မာ အသိုင်းအ၀ိုင်း ကြီးမားလှသည်။ မြန်မာပြည်မှ အဆိုတော်၊ ဂီတပညာရှင်မှအစ စာပေ၊ အနုပညာရှင်၊ လုပ်ငန်းရှင် များစွာနှင့် မြန်မာများအတွက် အခမဲ့ လစဉ်ထုတ် သတင်းစာများပင် အမေရိကန် တ၀ှမ်းသို့ ပို့ပေးနေသည်ကို ၂၀၀၈ တွင် တွေ့ရသည်။ ထိုသတင်းစာများကို ဖတ်ကြည့်ပါက မြန်မာများ အမေရိကန်တွင် လှုပ်ရှားနေထိုင်ပုံ အကြမ်းဖျင်း သိနိုင်ပါသည်။

အမေရိကားသို့ မြန်မာများ မည်ကဲ့သို့ ရောက်ရှိလာသလဲ? အမေရိကန်မှ မစ်ရှင်ဆရာ ယုဒသန် (Judson) မြန်မာပြည်သို့ ဘိုးတော်ဘုရားလက်ထက် ၁၈၁၂ တွင် ရောက်ခဲ့သည်မှ စခဲ့ပုံရပါသည်။ အင်္ဂလိပ်များက သူတို့ အင်္ဂလိပ် Christian Mission များကို ရန်ကုန်၊ မန္တလေး မြို့ကြီးများတွင် နေထိုင်စေပြီး၊ အမေရိကန် Mission များမှာ အင်္ဂလိပ်မစ်ရှင်များ မသွားချင်သော တောင်တန်းဒေသ မိရိုးဖလာ နတ်ကိုးကွယ်သော တိုင်းရင်းသားများဆီ သွားရပါသည်။ ထိုသို့ မြန်မာပြည်ရောက် အမေရိကန်အသိုင်းအ၀ိုင်းမှ ထူးချွန်သူမြန်မာများကို ပညာသင်များအဖြစ် အမေရိကန်သို့ စေလွှတ်ခဲ့ကြသည်ကို မြန်မာပညာသင်များ သမိုင်းသုတေသန စာအုပ်တွင် ဖတ်ရပါသည်။

ဒုတိယကမ္ဘာစစ်အပြီး မြန်မာပြည် လွတ်လပ်ရေးရပြီးနောက် ပညာတတ် မြန်မာများ အမေရိကန် တက္ကသိုလ်များကို ပိုမိုရွေးချယ်လာခဲ့သည်။ ၁၉၆၂ ဦးနေ၀င်း၏ စစ်အစိုးရ တက်လာပြီးသည့်နောက်တွင် လုပ်ငန်းများကို ပြည်သူပိုင်သိမ်းရာမှာ အမေရိကန်သို့ အသင့်အတင့် ပြောင်းရွှေ့မှုများ ရှိလာပြီးသည့်နောက် ၁၉၈၈ နောက်ပိုင်းတွင် အစုလိုက်အပြုံလိုက် ပြောင်းရွေ့လာကြပါသည်။ ၂၀၀၇ နောက်ပိုင်းတွင် ထိုင်းနိုင်ငံ နယ်စပ်မှ ဒုက္ခသည်စခန်းများမှ မြန်မာဒုက္ခသည် Refugee များ ကုလသမဂ္ဂ UNHCR Project အဖြစ် တတိယနိုင်ငံသို့ ပို့ဆောင်ပေးရာတွင် အမေရိကန်သည် အများစုကို လက်ခံနိုင်သောကြောင့် ယခုအခါ အမေရိကန်ရောက် မြန်မာများ ဦးရေမှာ သိန်းဂဏန်းကျော်သွားပြီဖြစ်သည်။

အမေရိကန် လူဦးရေ သန်း ၃၀၀ ခန့်တွင် တရားမ၀င် နေထိုင်သူ ခန့်မှန်းခြေ သန်း၂၀ နီးပါးရှိသည်ဟု ဆိုသည်။ ၉၀ ရာခိုင်နှုန်းမှာ အိမ်နီးချင်း မက္ကဆီကိုနိုင်ငံမှ ကူးလာသူများဖြစ်သည်။ သူတို့သည် စပိန် ဘာသာစကားကို ပြောပြီး သူတို့ Native Language လည်း ရှိပါသည်။ မြန်မာများက သူတို့ကို "ပဲ" ဟု ခေါ်ကြသည်။ ဘာကြောင့်ရယ်မသိ၊ ပဲ စားပြီး အားကောင်းမောင်းသန်သည့် သဘော အဓိပ္ပာယ် သက်ရောက်နိုင်ပါသည်။

အများအားဖြင့် မက္ကဆီကို တောင်ပေါ်သားများမှာ အလုပ် အင်မတန် လုပ်နိုင်သူများ ဖြစ်ကြသည်။ စင်ကာပူသို့ အလုပ်လာလုပ်သော အိန္ဒိယနှင့် ထိုင်းနိုင်ငံ အလုပ်သမား လူတန်းစားများကဲ့သို့ ဖြစ်သည်။ အိန္ဒိယ၊ ထိုင်း ဆောက်လုပ်ရေး လုပ်သားများထက်ပင်လျင် အပင်ပန်းခံနိုင်၊ အလုပ်လုပ်နိုင်သူများဖြစ်ပြီး အာရှမှ တရုတ်၊ ကိုးရီးယား၊ ဗီယက်နမ်၊ မြန်မာများ သူတို့ကို ယှဉ်၍ အလုပ်ကြမ်း မလုပ်နိုင်ပါ။

စားသောက်ဆိုင်၊ မြို့ကြီး၊ ကုန်တိုက်၊ အမှိုက်ကြုံး၊ သန့်ရှင်းရေး စသည့် အလုပ်သမား လောကတွင် မက္ကဆီကန်များက ကြီးစိုးထားပါသည်။ နယ်ဘက် လယ်ယာစိုက်ပျိုးရေး၊ ခြံခင်း၊ သတ္တု ရေနံလုပ်ငန်း၊ ဆောက်လုပ်ရေး စသည့် အလုပ်ကြမ်းလောကတွင်လည်း ထိုသူများပင် အားကိုးရပါသည်။

၂၀၀၈ တရားဝင်စာရင်းကို မသိနိုင်သေးသော်လည်း အမေရိကန် လူဦးရေစာရင်း တရားဝင် ကျေညာချက်အရ http://factfinder.census.gov ၂၀၀၆ တွင် တနိုင်ငံလုံး လူဦးရေ ၂၉၃ သန်းရှိပြီး စပိန်စကားပြော လူဖြူ ၃၅ သန်း အပါအ၀င် လူဖြူ ၂၂၁ သန်း၊ လူမဲ ၃၆ သန်း၊ Red Indian (Native American) ၅ သန်း၊ အာရှတိုက်သား ၁၂ သန်းနဲ့ အခြားလူမျိုး ၁၈ သန်း ရှိသည်ဟု ရေးထားသည်။ အာရှတိုက်သားများတွင် စာရင်းအရ အများဆုံး လူမျိုးများမှာ တရုတ် ၂.၄ သန်း၊ အိန္ဒိယ ၁.၇ သန်း၊ ဖိလစ်ပိုင် ၁.၉ သန်း၊ ဗီယက်နမ် ၁.၁၂ သန်း၊ ကိုရီးယား ၁.၀၇ သန်း၊ ဂျပန် ၀.၈ သန်း ဖြစ်ကြပြီး လူတသိန်းခန့်ရှိသည့် လူမျိုးများမှာ သီရိလင်္ကာ၊ တိုင်ဝမ်၊ ကမ္ဘောဒီးယား၊ လော၊ ပါကစ္စတန်၊ Hmong လူမျိုး၊ ထိုင်း၊ မလေးရှားများ ဖြစ်သည်။

မြန်မာလူမျိုးရေ တသိန်း မရှိသေးသော်လည်း ယခု ၂၀၀၇ နောက်ပိုင်း အစုလိုက်အပြုံလိုက် ဒုက္ခသည်များကို လက်ခံနေသောကြောင့် မြန်မာလူဦးရေသည် အမေရိကန်တွင် သေချာပေါက် များလာနေပြီဖြစ်သည်။ တရုတ်၊ အိန္ဒိယ လူဦးရေ များခြင်းမှာ သဘာဝကျသည်။ ဖိလစ်ပင်းက တတိယအများဆုံး ဖြစ်ရခြင်းမှာ အမေရိကန် ကိုလိုနီအဖြစ် ၁၉၄၆ အထိ နေရသောကြောင့်ဖြစ်သည်။ ကိုရီးယားစစ်ပြီး ၁၉၅၃ နှင့် ဗီယက်နမ်စစ်ပြီး ၁၉၇၅ တွင် ဒုက္ခသယ်များစွာ အမေရိကန်က လက်ခံခဲ့သောကြောင့် ထိုလူမျိုး ၂ ခုမှာ နံပါတ် ၄ နှင့် ၅ အများဆုံး အာရှတိုက်သားများ ဖြစ်နေရသည်။ ယခု မြန်မာဒုက္ခသည်များကို လက်ခံခြင်းဖြင့် မြန်မာများ ၂၀၀၈ နောက်ပိုင်း အမေရိကန်တွင် နံပါတ် ၆ အများဆုံး အာရှတိုက်သားများဖြစ်ရန် အခွင့်အလမ်းများနေပြီဟု ဆိုနိုင်ပေသည်။ မြန်မာများ ပြည်ပထွက် အလုပ်လုပ်ရခြင်းနှင့်ပတ်သက်ပြီး စစ်အစိုးရကို အပြစ်ပုံချရမည်ဖြစ်သည်။

၁၉၈၈-၂၀၀၇ မြန်မာများ အမေရိကန်သို့ ရောက်လာသော နည်းလမ်းများတွင့့့့့့်

၁။ Green Card / Citizen ရသူများမှ သူတို့ ဆွေမျိုးများကို တရားဝင်ခေါ်ယူခြင်း၊

၂။ အမေရိကန်သို့ ကျောင်းလာတက် Student Pass နှင့်လာရောက်ပြီး ဆက်လက် နေထိုင်ခွင့် နည်းအမျိုးမျိုးဖြင့် ရရှိသွားခြင်း၊

၃။ အလုပ်ကိုင်နှင့် အလည်အပတ်အဖြစ် H1, B1, B2 ဗီဇာများဖြင့် လာရောက်ပြီး ဆက်လက် နေထိုင်ခွင့် နည်းအမျိုးမျိုးဖြင့် ရရှိသွားခြင်း၊

၎။ နယ်စပ်ဒေသများမှ ဒုက္ခသည်အဖြစ် ကုလသမဂ္ဂ အစီအစဉ်ဖြင့် ရောက်ရှိလာခြင်း၊

၅။ အခြားနည်းလမ်းအမျိုးမျိုးဖြင့် ရောက်ရှိခြင်း (ဥပမာ၊ DV မဲပေါက်ခြင်း၊ ဂူအမ်ကျွန်းမှတဆင့်လာခြင်း၊ ဂျမေကာ၊ မက္ကဆီကို၊ ဟွန်ဒူရပ် စသည့် နိုင်ငံများသို့ လာပြီး မက္ကဆီကိုနယ်စပ်မှ တရားမ၀င်လာသူများ လမ်းကြောင်းအတိုင်း ခိုးဝင်လာခြင်း . . စသည့် နည်းလမ်များစွာ ရှိပါသည်။)

အမေရိကန်အစိုးရက မျက်စိမှိတ်ပြီး မြန်မာများကို လက်ခံနေဆဲပင်ဖြစ်သည်။ Migrant, Work H1, DV, Student စသည့် ဗီဇာများအတွက် အမေရိကန်အ၀င်မှာ ဘာမှ စိုးရိမ်စရာမလိုပါ။ Visit VISA များအတွက် ၀င်ခွင့်မရဘဲ အမေရိကန်မြို့ လေဆိပ်များမှ Depot လုပ်ခံရသူ အလွန်နည်းပါးသော်လည်း အဆင်မပြေသူများ အနည်းအကျဉ်း ရှိနေဆဲပင်ဖြစ်သည်။ အမေရိကန်ဗီဇာ လျှောက်ရာတွင် အမေရိကန်တွင်ပဲ ထာဝရ နေထိုင်ချင်လှသည့် ပုံစံနှင့်မလျှောက်ဘဲ အလည် ၆ လခန့်သာ နေချင်သည့်ပုံစံနှင့် အင်တာဗျူးဝင်လျှင် ဗီဇာရနိုင်သော်လည်း မြန်မာများအတွက် အမေရိကန်ဗီဇာမှာ ခက်ခဲနေဆဲပင်ဖြစ်သည်။ ဗီဇာရရှိပြီးနောက် အမေရိကန်ပြည်သို့ ၀င်ခွင့်ရလျှင် ၆ လ နေထိုင်ခွင့် တုံးထုပေးလိုက်ပြီး ထို ၆ လအတွင်းမှာ အခြားနည်းဖြင့် ဆက်လက်နေထိုင်ခွင့် ရရှိအောင် ကြိုးစားရသည်။

အမေရိကန်တွင် အလည်ရောက်လာသော မြန်မာများအတွက် အခြေကျရန် ၅ နှစ် အနည်းဆုံး လိုအပ်သည်ဟု အခြေကျနေသူ မြန်မာများက ပြောဆိုကြသည်။ သို့ရာတွင် အမေရိကန် ဂရင်းကဒ် ၂ နှစ်အတွင်း ရရှိရေးအတွက် နည်းလမ်းများမှာ H1 Visa အလုပ်အကိုင် ရရှိရေးနှင့် ခိုလှုံခွင့်ဟု ခေါ်နေသော Asylum လျှောက်ထားရေးပင် ဖြစ်သည်။ Student Pass, Business Pass ဆက်လျှောက်ထား၊ နေထိုင်သွားလျှင်လည်း ရနိုင်ပါသည်။

အထူးသဖြင့် မြန်မာများအကြားတွင် ရေပန်းစားနေသော အမေရိကန်တွင် ခိုလှုံခွင့်ဗီဇာကို ၂၀၀၇ နောက်ပိုင်းတွင် ပိုမိုအားကိုးလာကြသည်။ မြန်မာအများစုမှာ မြန်မာစစ်အစိုးရကို လုံးဝမကြိုက်သော်လည်း စစ်အစိုးရ ဆန့်ကျင်ရေး၊ နိုင်ငံရေးလှုပ်ရှားမှုများတွင် တက်ကြွစွာ မပါဝင်သောကြောင့် အမေရိကန်ရောက်လာပြီး ခိုလှုံခွင့် မလျှောက်လိုကြပါ။ ကျောင်းတက်၊ ဘွဲ့ရ၊ အလုပ်ရ၊ H1 Visa ရရှိပြီးနောက်ပိုင်း အိန္ဒိယကျောင်းသားများကဲ့သို့ ၅ နှစ်၊ ၁၀ နှစ် ကြိုးစားလျှင် အမေရိကန်တွင် ကြီးပွားအဆင်ပြေနိုင်ပေသည်။ သို့သော် ယခုခေတ်မှာ စစ်အစိုးရဖိနှိပ်မှုကို အမေရိကန်အစိုးက အပြင်းအထန် ကန့်ကွက်၊ စီးပွားရေး ပိတ်ဆို့နေချိန်ဖြစ်သည်။

ထို့ကြောင့် မြန်မာများ ခိုလှုံခွင့်တောင်းခံရာတွင် ရှေ့နေများနှင့် စနစ်တကျ ဇာတ်လမ်းသေချာ ရေးသားတောင်းဆိုမှုများကို အင်တာဗျူးဝင်ပြီး ကျေနပ်ပါက ခိုလှုံခွင့်ပေးလေ့ရှိပါသည်။ ဒုတိယနိုင်ငံ နော်ဝေး၊ ဒိန်းမတ်၊ အင်္ဂလန်၊တိုင်ဝမ်၊ စင်ကာပူ၊ ထိုင်း၊ မလေးရှား စသည့် နိုင်ငံများတွင် နေထိုင်ခွင့်လက်မှတ် (ဥပမာ၊ အလုပ်ဗီဇာ၊ Permanent Resident ဗီဇာ ကိုင်ထားသူ) များကို အမေရိကန် ခိုလှုံခွင့်ပေးရန်အတွက် ခိုင်လုံသော အကြောင်းပြချက်ရှိရန် လိုအပ်ပါသည်။ အများစုမှာ ခိုလှုံခွင့် နေထိုင်အလုပ်လုပ်ခွင့်များ ရရှိပြီး အဆင်ပြေသွားကာ အချို့မှာ ၅ နှစ်ကျော်ပါက အမေရိကန် နိုင်ငံသားအဖြစ် လျှောက်ထားခွင့်ပင် ရရှိပါသည်။ ထို့ကြောင့် ခိုလှုံနေထိုင်ခွင့်ကို လာဘ်မြင်သူ မြန်မာများက ကောင်းကောင်း အသုံးချနေကြပါသည်။

နိုင်ငံရေးတွင် အမေရိကန်ကို အားကိုးချင်သော်လည်း လက်တွေ့ နိုင်ငံရေးအခြေအနေ လေ့လာသူများက အမေရိကန်၏ အာဖဂန်နစ္စတန်အပြီး၊ အီရတ်တွင် ၀င်ရောက်စွက်ဖက်မှုကြောင့် နိုင်ငံရေး အကျပ်အတည်း တွေ့နေပြီး၊ မြန်မာ့အရေးအတွက် ကုလသမဂ္ဂ လုံခြုံရေးကောင်စီတွင် ဆွေးနွေးနိုင်သော်လည်း တရုတ်၊ ရုရှား တို့ကြောင့် ရပ်တန့်နေရပါသည်။

စီးပွားရေးအခြေအနေတွင်လည်း စစ်စရိတ်ထောင်းသော အမေရိကန်မှ တရုတ်ပြည်သို့ ကုန်ထုတ်လုပ်ငန်း၊ ကွန်ပြူတာစက်ရုံများစွာ ပြောင်းရွှေ့သွားမှုများရှိနေ၍ အလုပ်အကိုင်များ လျော့နည်းလာနေသည်ဟု ဆိုသည်။ အချို့က Recession စီးပွားကပ် ဆိုက်နေပြီဟု မှတ်ချက်ချသည်။

လွန်ခဲ့သော ၅ နှစ်ကျော်က စင်ကာပူနှင့် နှိုင်းယှဉ်လျှင် US$ 1 dollar = Singapore $1.8 ခန့် မှာ ယခုနှစ်တွင် စင်ကာပူဒေါ်လာ 1.3 ဈေးနှုန်းသို့ တဖြေးဖြေး ကျဆင်းသွားပြီး အမေရိကန် ဓာတ်ဆီဈေးမှာ ၂ ဒေါ်လာမှ ယခု ၄ ဒေါ်လာသို့ တက်သွားသည်။ လူတဦးချင်း ၀င်ငွေမှာ ပျှမ်းမျှ တနှစ် ၃ သောင်းခန့် ဆိုသော်လည်း တလ ဒေါ်လာ ၁၅၀၀ ရနိုင်သော အမြဲတမ်းအလုပ်မှာ အလွန်ရှားပါးနေပါသည်။ ယခင်က အမြဲတမ်း အလုပ်သမားများကို ဖြုတ်ပြီး ကန်ထရိုက် အလုပ်သမားများအဖြစ် ပြောင်းလဲခန့်ခြင်း၊ လစာများများ ရသူများကို အလုပ်အနားယူ Retrench လုပ်ခြင်း (သို့မဟုတ်) အလုပ် ၂ ခု လုပ်စေခြင်း စသဖြင့် ကပ်ဆိုက်နေချိန်ဖြစ်သည်။

Social Security ဖြင့် ထုတ်စားနေသော စနစ်မှာ ရေရှည်တွင် မဟန်တော့ကြောင်း သိလာသဖြင့် ယခုအခါ 401 Plan ဆိုသော စနစ်သစ်ကို စတင်ကျင့်လာရသည်။ နိုင်ငံသား အသက်ကြီးလာလျှင် ငယ်စဉ်ကာလ အလုပ်လုပ်ရာ၌ အလုပ်ရှင်နှင့် အချိုးကျငွေ စုဆောင်းထားသည့် စနစ်ဖြစ်သည်။ စင်ကာပူတွင် ၁၉၇၀ နောက်ပိုင်း စတင်ကျင့်သုံးသော CPF စနစ်ဖြစ်သည်။ မလေးရှားကလည်း EPF အဖြစ် ကျင့်သုံးပြီး သြစတြေးလျား၊ အင်္ဂလန်တို့ကလည်း ကျင့်သုံးနေပြီဖြစ်သည်။

အမေရိကန်ရောက် မြန်မာများအတွက် မည်သို့ဖြစ်စေ အခွင့်အလမ်းများစွာ ရှိပါသည်။ စီးပွားရေး ကပ်ဆိုက်သော်လည်း ကြိုးစားပြီး ဥာဏ်ပညာ၊ ၀ိရိယ အားစိုက်ပြီး အမေရိကန်စနစ်ကို သေချာလေ့လာ လုပ်ကိုင်ပါက ကိုရီးယား၊ ဗီယက်နမ်များထက် မသာလျှင်ပင် တန်းတူလိုက်လာနိုင်မည် ဖြစ်သည်။ ယခင်က လစာ၊ ၀င်ငွေ ကောင်းလှသော ဆရာဝန် အသိုင်းအ၀ိုင်း၊ စီးပွားရေးလုပ်ငန်းရှင် အသိုင်းအ၀ိုင်းများသည် မြန်မာ့ဒီမိုကရေစီ လှုပ်ရှားသူများနှင့် အကြောင်းအမျိုးမျိုးကြောင့် ဝေးနေရသည်။ အားလုံးက မြန်မာပြည်ကြီး ပြည်တော်သာအဖြစ်၎င်း၊ ဒီမိုကရေစီနိုင်ငံအဖြစ်၎င်း မြင်ချင်သော်လည်း တဦးနှင့်တဦး ပူပေါင်းလုပ်ဆောင်နိုင်ခြင်း မရှိပါ။

၂၀၀၇ သံဃာတော်လှုပ်ရှားမှု ပြီးသည့်နောက်တွင် အမေရိကန်ရောက် မြန်မာများသာမက ပြည်ပရောက် မြန်မာများ ပြည်တွင်းသို့ ထောက်ပံ့ငွေများကို ပူးပေါင်းကောက်ခံပေးခြင်းများ ရှိလာသည်။ ၂၀၀၈ မတ်လ မြန်မာ့သမိုင်းတွင် မကြုံဖူးသော နာဂစ်ဆိုင်ကလုန်းကြောင့် ဧရာဝတီ မြစ်ဝကျွန်းပေါ်သားများ သိန်းနှင့်ချီ သေဆုံးပြီး ၂ သန်းခန့် အိုးအိမ်မဲ့ဖြစ်သွားရာတွင် မြန်မာစစ်အစိုးရ၏ ဥပက္ခာပြုလုပ်ရပ်ကို ကမ္ဘာ့နိုင်ငံများက အံ့သြစုတ်သပ် ဖြစ်ရသည်။ ပြည်ပရောက် မြန်မာများ ဆက်လက် ပူးပေါင်းရံပုံငွေရှာ ထောက်ပံ့လုပ်ဆောင်ရသည်။ အမေရိကန် တ၀ှမ်းလုံးတွင် မြန်မာများ Fund Raising Events များ၊ ဆုတောင်းပွဲများနှင့် အချို့ အမေရိကန်မြန်မာများ ခွင့် လနှင့်ချီပြီး မြန်မာပြည်တွင်း ပြန်သွား ကူညီလုပ်ကိုင်ကြသည်။


အမေရိကန်ရောက် မြန်မာများ အထူးသဖြင့် အခြေမကျစဉ် (၅ နှစ်အတွင်း) အထူးခက်ခဲမှုများကို တွေ့ကြုံနေစဉ်တွင် အဓိကဖြစ်သော ပညာရေးအတွက် အချိန်ပေးနေသော မြန်မာလူငယ်များစွာ ရှိသည်မှာ အားရဖွယ်ရာဖြစ်သည်။ လူကြီးများလည်း စင်ကာပူကဲ့သို Self Upgrading Course များကို တက္ကသိုလ်၊ ကောလိပ်၊ Community Center များတွင် တက်နေကြသည်။ ရောက်ခါစတွင် မြန်မာများ ပညာရေး မလုပ်နိုင်သေးဘဲ ၀မ်းရေးအတွက် အလုပ်ဝင်လုပ်ရင်း လုံးပါးသွားပြီး ငွေကြေးကျွန် မဖြစ်ချင်ဘဲ ဖြစ်သွားရသူများလည်း ရှိပါသည်။ စင်ကာပူ၊ မလေးရှား၊ တရုတ်ပြည်များတွင် စီးပွားရေး ကောင်းနေဆဲတွင် တော်ရုံစိတ်ထားနှင့် အမေရိကား လာရောက် စီးပွားရှာလိုသူ ရှိမည် မဟုတ်ပေ။
မည်သို့ပင်ဖြစ်စေ အဆင်ပြေအောင် နေတတ်သူမှာ ဘယ်ရောက်ရောက် အဆင်ပြေမည်ဖြစ်သည်။ ငွေကြေးနောက်လိုက်သော လူများအဖို့ တရုတ်စကားပုံအရ ခြေ ၄ ချောင်းရှိသော ပိုက်ဆံသတ္တ၀ါ လက်အောက်သို့ ကျရောက်သွားလေ့ ရှိပါသည်။ ဘ၀အတွက် အဓိကလိုအပ်သော ပညာရေး၊ ပြည်သူ့နီတိ တရားများကို လက်ခံ ကျင့်သုံးသူများအဖို့ မည်သည့်နိုင်ငံရောက်ပါစေ စိတ်ချမ်းသာမည်။

ကံ၊ ဥာဏ်၊ ၀ိရိယ ၃ ပါးနှင့် ကိုက်ညီပါက ပညာ၊ ငွေကြေးဥစ္စာလည်း တိုးပွားလာမည်။ တိုးပွားနေသော အမေရိကန်ရောက် အောင်မြင်နေသော မြန်မာများကိုလည်း အားကျမိပါသည်။ နောင်တချိန်တွင် မြန်မာပြည် ဒီမိုကရေစီနိုင်ငံ ထူထောင်ရေးတွင် ကမ္ဘာတွင် အကြီးကျယ်ဆုံး၊ အချမ်းသာဆုံး၊ ဒီမိုကရေစီအရှိဆုံး ဖြစ်သော အမေရိကန်ရောက်မြန်မာများ အဓိကအခန်းမှ ပါဝင်နိုင်စေရန် မျှော်လင့်ပါသည်။


ဆန်းသစ်
သြဂုတ်လ ၂၇ ရက်၊ ၂၀၀၈ ခုနှစ်။



စစ်သေနတ် ပြောင်းဝရှေ့က သံဃာတော်များ …


Wednesday, 03 December 2008 17:40 ကိုစိုး
စစ်အစိုးရက ယခုအခါ နိုင်ငံတ၀န်းရှိ ဗုဒ္ဓဘာသာ ရဟန်းသံဃာများအား ၎င်းတို့ကို ဆန့်ကျင်သည့် လှုပ်ရှားမှုများ မပြုလုပ်နိုင်ရန် ဖိနှိပ် တင်းကျပ်မှုများဖြင့် ထိန်းချုပ် ထားလိုက်သည်။

နောက်ထပ် ဆန့်ကျင် လှုပ်ရှားလာမည့် သံဃာများကို စံနမူနာ ပြသည့် အနေနှင့်လည်း မြန်မာနိုင်ငံလုံးဆိုင်ရာ သံဃာ့ တပ်ပေါင်းစုအဖွဲ့မှ ဦးဆောင် သံဃာတော်လည်း ဖြစ်ပြီး ၂၀၀၇ ခုနှစ် ရွှေ့ဝါရောင် တော်လှန်ရေးတွင် ဦးဆောင်ခဲ့သော သံဃာတပါး ဖြစ်သည့် အရှင်ဂမ္ဘီရကို ထောင်ဒဏ် ၆၈ နှစ် ချမှတ်၍ ပြစ်ဒဏ် စီရင်ပြခဲ့သည်။

ထိုသို့ စစ်အာဏာ ပိုင်များက တင်းကျပ် ဖိနှိပ်မှုများ ပြုလုပ်နေ သော်လည်း သံဃာ့ တပ်ပေါင်းစု အဖွဲ့ကြီးနှင့် သံဃာ ထုကမူ စစ်အစိုးရကို ဆက်လက် ဆန့်ကျင်သွားမည် ဖြစ်သည်ဟု ဆိုသည်။

ယင်း သံဃာ့ တပ်ပေါင်းစု အဖွဲ့မှ ဦးဆောင် သံဃာတော် တပါးဖြစ်သည့် ဦးသြဘာသက မြန်မာ နိုင်ငံလုံးဆိုင်ရာ သံဃာ့ တပ်ပေါင်းစု အဖွဲ့ကြီး အနေနှင့် ဘာသာ သာသနာနှင့် အများပြည်သူ အကျိုးအတွက် ဆက်လက်၍ လှုပ်ရှား ဆောင်ရွက် နေသည်ဟု ဧရာဝတီသို့ ပြောသည်။

“ဦးပဉ္ဖဇင်းတို့ ရဲ့ လုပ်ဆောင်ချက်တွေကို ရဲရဲဝံ့ဝံ့နဲ့ ရှေ့တန်းကနေ မားမားမတ်မတ် ရပ်ပြီး လုပ်ဆောင်ခဲ့တယ်၊ ဒီလုပ်ဆောင်ချက် တွေရဲ့ နောက်မှာ ဖိနှိပ်မှုတွေ၊ ရက်စက်မှုတွေ၊ ဖမ်းဆီးမှုတွေကို ဦးပဉ္ဖဇင်းတို့ အပြင်းအထန် ခံစားခဲ့ကြရ တယ်၊ ဒီအချိန်မှာ လက်ရှိ မြန်မာ နိုင်ငံလုံး ဆိုင်ရာ သံဃာ့ တပ်ပေါင်းစု အဖွဲ့အစည်းကို ပိုမိုပြီးတော့ ကျစ်လျစ်အောင် လုပ်ဆောင်ရင်း ဆက်လက် လှုပ်ရှားသွားမှာ ဖြစ်တယ်”ဟု ဦးသြဘာသက မိန့်ကြားသည်။

၂၀၀၇ ခု စက်တင်ဘာ ၉ ရက်နေ့က ဦးသြဘာသ၊ ဦးခေမိန္ဒ၊ အရှင်ဂမ္ဘီရ ၊ ဦးဇာကဋ တို့ ၄ ပါး ဦးဆောင်ဖွဲ့စည်း ခဲ့သော မြန်မာနိုင်ငံလုံး ဆိုင်ရာ သံဃာ့ တပ်ပေါင်းစု အဖွဲ့ကြီးကိုလည်း ၂၀၀၈ ခုနှစ် စက်တင်ဘာ ၉ ရက် ရွှေဝါရောင် တော်လှန်ရေး နှစ်ပတ်လည် နေ့တွင် ပြည်နယ်နှင့်တိုင်း ၉ ခုကို ဗဟိုပြုပြီး ဦးဆောင်သံဃာ အပါး ၃၀ ဖြင့် တိုးချဲ့ ဖွဲ့စည်း လိုက်သည်ဟုလည်း ၎င်းက မိန့်ဆိုသည်။

“ပြီးခဲ့တဲ့ ဇွန်လလောက်ကနေပြီး ပြည်နယ်နဲ့တိုင်း ၉ ခု ကို ဗဟိုပြုပြီး ဦးဆောင် သံဃာအပါး ၃၀ နဲ့ ရဲရဲဝံ့ဝံ့ နေ့ည မပြတ် ဆက်လက်လုပ်ဆောင်နေတယ်”ဟုလည်း ဦးသြဘာသက ဆိုသည်။

အဆိုပါ သံဃာ့တပ်ပေါင်းစု အဖွဲ့မှ အရှင်ဂမ္ဘီရ သက်တော် ၂၉ နှစ်သည် လွန်ခဲ့သည့်နှစ် စက်တင်ဘာလအတွင်း စစ်အစိုးရ လုံခြုံရေးတပ်ဖွဲ့များက ပြင်းထန်စွာ အကြမ်းဖက်ဖြိုခွဲခံခဲ့ရသည့် သံဃာတော်များအပါအ၀င် ထောင်နှင့် ချီသော ငြိမ်းချမ်းစွာ မေတ္တာသုတ်ရွတ်ဆို လမ်းလျှောက်ဆန္ဒပြသူများကိုဦးဆောင်ခဲ့သည့်အတွက် အာဏာပိုင်များ က ၎င်းအား ဖမ်းဆီး ၍ နိုဝင်ဘာလ ၁၈ ရက်နေ့တွင် ထောင်ဒဏ် ၁၂ နှစ် ချမှတ်လိုက်သည်။

ထို့နောက် ပြီးခဲ့သည့် အပတ်အတွင်းက ထောင်ဒဏ် ၅၆ နှစ် ထပ်တိုး၍ ချလိုက်သောကြောင့် အရှင်ဂမ္ဘီရသည် ထောင်ဒဏ် စုစုပေါင်း ၆၈ နှစ် ကျခံရသူ ဖြစ်သည်။

ထိုင်းနိုင်ငံ အခြေစိုက် နိုင်ငံရေးအကျဉ်းသားများ ကူညီစောင့်ရှောက်ရေးအသင်း(အေအေပီပီ)၏ အဆိုအရ ယင်း သို့ ဆန္ဒပြရာတွင် ပါဝင်သောကြောင့် သံဃာတော် ၁၄၃ ပါး အဖမ်းဆီးခံထားရပြီး ၅၆ ပါးမှာ နှစ်ရှည် ထောင်ဒဏ် များ ချမှတ်ခံခဲ့ရကာ ကျန် ၈၇ ပါးသည်လည်း ပြစ်ဒဏ်ချမှတ်ခံရဖွယ်ရှိကြောင်း သိရသည်။

သံဃာတော်များ ဦးဆောင်သော ဆန္ဒပြလှုပ်ရှားမှုသည် လွန်ခဲ့သည့်နှစ် စက်တင်ဘာ ၅ ရက်နေ့ ပခုက္ကူမြို့ တွင် မေတ္တာပို့ ရွတ်ဆို လမ်းလျှောက်ဆန္ဒပြသော သံဃာတော်များကို စစ်အစိုးရ လုံခြုံရေးတပ်ဖွဲ့ဝင်များက အကြမ်းဖက် ဖြိုခွဲမှုမှ စတင်ခဲ့ခြင်းဖြစ်သည်။

ထိုပခုက္ကူ သံဃာတော်များသည် ပြည်သူလူထု ရင်ဆိုင်ကြုံတွေ့နေရသော လောင်စာဆီဈေးနှင့် ကုန်ဈေးနှုန်း ကျဆင်းရေး အတွက် ယခုကဲ့သို့ ဆန္ဒပြကြခြင်းဖြစ်သည်။ ယင်းဆန္ဒပြ သံဃာ တချို့ကို စစ်အစိုးရ လုံခြုံရေး တပ်ဖွဲ့ဝင်များက လမ်းမပေါ်ရှိ ဓာတ်တိုင်တွင် ကြိုးတုတ်၍ ရိုက်နှက်သည့် အကြမ်းဖက် နှိမ်နင်းမှုများ ပြုလုပ်ခဲ့ သည်။

ယင်းသို့ ပခုက္ကူ သံဃာများကို အကြမ်းဖက်နှိမ်နင်းမှုအတွက် အရှင်ဂမ္ဘီရအပါအ၀င် ရဟန်းသံဃာများက မြန်မာ နိုင်ငံလုံးဆိုင်ရာ သံဃာ့တပ်ပေါင်းစု အဖွဲ့ကို ဖွဲ့စည်း၍ စစ်အစိုးရအနေနှင့် သံဃာတော်များကို တောင်းပန်ရန် တောင်းဆိုခဲ့ကြသည်။ မတောင်းပန်သောကြောင့် နိုင်ငံတ၀န်းရှိ သံဃာတော်များက စစ်အစိုးရကို ပတ္တနိက္ကုဇ္ဖန ကံဆောင် သပိတ် မှောက်ခဲ့ကြသည်မှာ ယခုအချိန်အထိပင်။

ထို့အပြင် စစ်အစိုးရအား အတိုက်အခံနိုင်ငံရေးအဖွဲ့များနှင့် တွေ့ဆုံဆွေးနွေးရေးပြုလုပ်ရန်၊ ဖမ်းဆီးထားသည့် နိုင်ငံရေးအကျဉ်းသား အားလုံးလွှတ်ပေးရန်၊ ကုန်ဈေးနှုန်းများ ချပေးရန် တို့ကိုလည်း သံဃာ့တပ်ပေါင်းစု အဖွဲ့က တောင်းဆိုခဲ့သည်။

ထို့သို့ တောင်းဆိုခဲ့သော်လည်း ၁၉၈၈ ခုနှစ် လူထုအုံကြွမှုကို အကြမ်းဖက်နှိပ်ကွပ်ခဲ့ပြီး နိုင်ငံကို နှစ်ပေါင်း ၂၀ ခန့် ချုပ်ကိုင်ထားသော စစ်အစိုးရက ရန်ကုန်နှင့် တခြားသော နိုင်ငံတ၀န်းရှိ ငြိမ်းချမ်းစွာ မေတ္တာပို့ ဆန္ဒပြပွဲများကို အ ကြမ်းဖက်နည်းနှင့်ပင် အဆုံးသတ်ခဲ့သည်။

ထို အကြမ်းဖက်နှိမ်နင်းမှုတွင် ဒါဇင်နှင့်ချီသော သံဃာတော်များပျံလွန်ခဲ့ရပြီး ရာနှင့်ချီသော သံဃာနှင့်သီလရှင် များသည်လည်း သီတင်းသုံးရာ ကျောင်းတိုက်များသို့ စစ်အစိုးရ လုံခြုံရေးတပ်ဖွဲ့ဝင်များ၏ ၀င်ရောက် စီးနင်း ၍ ဖမ်းဆီး နှိပ်စက်ခြင်းကို ခံခဲ့ရကာ တချို့မှာ ထွက်ပြေးပုန်းရှောင်ခဲ့ကြရသည်။

အရှင်ဂမ္ဘီရသည်လည်း ၂ လ ခန့် တိမ်းရှောင်နေခဲ့ရပြီးနောက် လွန်ခဲ့သည့်နှစ် နိုဝင်ဘာလအတွင်း၌ စစ်အာဏာ ပိုင်များ၏ ဖမ်းဆီးခြင်းကိုခံခဲ့ရသည်။

အရှင်ဂမ္ဘီရက ၎င်းအားဖမ်းဆီးအရေးယူရာတွင် သံဃာတပါးအဖြစ် သတ်မှတ်၍ ဗုဒ္ဓဘာသာ ၀ိနည်းနှင့် အညီ ကျင့်သုံးရန် တရားရုံးသို့ တောင်းဆိုခဲ့ကြောင်း အရှင်ဂမ္ဘီရ၏ အကျိုးဆောင်ရှေ့နေကြီး ဦးအောင်သိန်းက ပြောပြခဲ့ သည်။

“သူ့ကို ဖမ်းဆီးလူဝတ်လဲတာဟာ တရားတော်နဲ့ မညီဘူး၊ လျှောက်လှဲချက်နဲ့ တပါးတည်း ဘာကိုပြောပြလဲဆို တော့၊ စစ်တပ်မှာလည်း စစ်စည်းကမ်း စစ်ဥပဒေရှိတယ်၊ စစ်သားတယောက်ကို အရေးယူမယ်ဆိုရင် စစ်ဥပဒေ အရ အရေးယူပြီးမှသာ အရပ်ဘက်ရုံးကို လွှဲသင့်တဲ့အခါ လွှဲတယ်၊ ရဲမှာလည်း ထိုနည်းလည်းကောင်းပဲ ရှိကြ တယ်၊ အဲဒီတော့ သံဃာနဲ့ပတ်သက်တဲ့ အဆုံးအဖြတ်ပြုမယ်ဆိုရင်လည်း သက်ဆိုင်ရာ သံဃအဖွဲ့အစည်းကနေ ဆုံးဖြတ်ချက်ယူပြီးမှသာ လူဝတ်လဲရမယ်လို့ မိန့်တယ်”ဟု ဦးအောင်သိန်းက ဧရာဝတီသို့ ရှင်းပြခဲ့ဖူးသည်။

အဆိုပါ အရှင်ဂမ္ဘီရအား အဓမ္မ သင်္ကန်းချွတ်၊ လက်ထိပ်ခတ်ကာ ရုံးထုတ်ခြင်းကို ရှေ့နေကြီး ဦးအောင်သိန်းက ဥပဒေနှင့် မညီညွတ်သောကြောင့် အမှုကို ဆိုင်းငံ့ထားရန် တရားရုံးကို လျှောက်ထားခဲ့သော်လည်း တရားရုံး၏ ပယ်ချခြင်းကို ခံခဲ့ရသည်။

ယင်းသည် ဗုဒ္ဓဘာသာ သံဃာ့ဝိနည်းအရ သက်ဆိုင်ရာ သံဃာ့အဖွဲ့အစည်း၏ ဆုံးဖြတ်ချက်မပါဝင်ဘဲ စစ်အစိုးရ၏ ၎င်းတို့အား ဆန့်ကျင်သည့် သံဃာများအပေါ် ဖိနှိပ်လိုသည့် ဆုံးဖြတ်ချက်အရ တရားရုံး က ကျင့်သုံးလိုက်ခြင်းပင်။

သာသနာရေး ၀န်ကြီး ဗိုလ်မှူးချုပ် သူရမြင့်မောင်ကလည်း ပြီးခဲ့သည့် နိုဝင်ဘာ ၂၂ ရက်နေ့က ကျင်းပသည့် နိုင်ငံတော် သံဃမဟာနာယက အဖွဲ့ ၄၇ ပါးစုံညီ အစည်းအဝေးတွင် မြန်မာနိုင်ငံရှိ သံဃာ ၅ သိန်းကျော်ကို ဘုရား ဥပဒေ၊ နိုင်ငံတော်ဥပဒေ၊ အဖွဲ့အစည်း ဥပဒေ၊ လူမှုဥပဒေ စသည့် ဥပဒေများနှင့် ဆက်လက် ထိန်းချုပ်ရန် သံဃမဟာ နာယက ဆရာတော်ကြီးများကို လျှောက်ထားခဲ့သေးသည်။

နိုင်ငံတော် သံဃအဖွဲ့အစည်းက သတ်မှတ်ထားသည့် စည်းမျဉ်းအရ ဂိုဏ်းပေါင်းစုံ ပါဝင်သော သံဃာ့အဖွဲ့ အစည်း တခုတည်းသာ ရှိရမည်ဖြစ်ကြောင်း၊ ယခုအခါ တရားမ၀င် သံဃာ့အဖွဲ့အစည်းများ ဖွဲ့စည်း ဆောင်ရွက် နေကြောင်း၊ ထိုအဖွဲ့အစည်းများသည် သံဃမဟာနယာက အဖွဲ့၏ ထုတ်ပြန်ထားသော စည်းမျဉ်းများကို ကျူးလွန်ရာရောက်သည့် အပြင် စစ်အစိုးရ ထုတ်ပြန်သော အမိန့်အမှတ် ၆/၉၀ နှင့် ဥပဒေ အမှတ် ၂၀/၉၀ တို့ကို ကျူးလွန်ရာရောက်ကြောင်း သံဃမဟာနာယက အဖွဲ့ ဥက္ကဌ ဆရာတော် မကွေးမြို့ မဟာဝိသုတာရာမ တိုက်သစ်မှ အရှင်ကုမာရကလည်း ယင်းအစည်းအဝေးတွင် မိန့်ကြားသည်။

ရန်ကုန်မြို့ ကမ္ဘာအေး ထေရ၀ါဒ ဗုဒ္ဓတက္ကသိုလ် မှ သံဃာတော် တပါးကမူ အထက်ပါ သံဃမဟာနာယက ဆရာတော်များသည် မြန်မာပြည်သူများအပေါ် မှားယွင်းစွာ စီမံခန့်ခွဲ အုပ်ချုပ်နေသည့် စစ်အစိုးရ အလိုကျ ဆောင်ရွက်နေခြင်းဖြစ်သည်ဟု ပြောသည်။

“သံဃာတွေက ကုန်ဈေးနှုန်းကျဆင်ရေးကို တောင်းဆိုတာပါ၊ အစိုးရကို အာဏာလွှဲပြောင်းပေးဖို့ ဆင်းပေးဖို့ တောင်းဆိုတာမဟုတ်ပါဘူး၊ အဲဒီ သံဃာတွေ ဆန္ဒပြတာက ဘာသာ သာသနာ အကျိုးအတွက်လည်းပါတယ်၊ ဗုဒ္ဓဘာသာက လူအများအကျိုး အတွက်ကို ငြိမ်းငြိမ်းချမ်းချမ်း သိမ်သိမ်မွေမွေ့နဲ့ ဆောင်ရွက်ခွင့်ရှိပါတယ်”ဟု လည်း အထက်ပါ သံဃာတော်က မိန့်ဆိုသည်။

ရဟန်း သံဃာများကို သဘာသာသနာ အကျိုးအတွက်သာမက လူ့လောက အကျိုးပါဆောင်ရွက်ရန် ဗုဒ္ဓမြတ်စွာ ဘုရားက မှာကြားခဲ့သည်ဟု ရန်ကုန်မြို့မှ စာရေးဆရာလည်း ဖြစ်ပြီး ယခင် သာသနာ့ဝန်ထမ်း ရဟန်းတပါးလည်း ဖြစ်ခဲ့ဖူးသော ဆရာ ပါရဂူ ကလည်း ပြောသည်။

“မြတ်စွာဘုရားက ရဟန်းသံဃာ သာဝကတွေကို လူတွေရဲ့အကျိုးကိုဆောင်ရွက်ဖို့ ပြောကြားခဲ့တယ်၊လောကတ္တ စရိယ လူတွေရဲ့အကျိုးကိုဆောင်ရွက်ကြလို့ ပြောလိုက်တာ၊ လူတွေရဲ့အကျိုးစီးပွားကို ဆောင်ရွက်ကြ လို့ မိန့်တာ၊ လူတွေရဲ့အကျိုးဆိုတာက လူတွေခံနေရတဲ့ ဒုက္ခတွေ၊ အခက်အခဲတွေကို ပြောတာ၊ ဘုရားသားတော် သံဃာတွေဟာ လောကုတ္တရာ အကျိုးသာမက လောကီ အကျိုးကိုပါ ဆောင်ရွက်ဖို့ကိုပြောခဲ့တာ”ဟု ဆရာ ပါရဂူ က ပြောကြားသည်။

OSLO CENTER FOR PEACE AND HUMAN RIGHTS AND FREEDOM NOW

နိုင်ငံရေး အကျဉ်းသားများ လွှတ်ပေးရေး ကမ္ဘာ့ ခေါင်းဆောင်ဟောင်းများ တောင်းဆို
အကျယ်ကြည့်ရန်အစွန်ဆုံးမှလေးထောင့်ကွက်ကိုနှိပ်ပါ။ ။ပြီးရင်အပေါင်းကိုနှိပ်ပါ။ ။Press Release & Letter

Wednesday, 03 December 2008 18:37 အေးလဲ့
ကမ္ဘာ့ ကုလသမဂ္ဂ အထွေထွေ အတွင်းရေးမှူးချူပ် မစ္စတာ ဘန်ကီမွန်းအား ယခု နှစ်ကုန်ပိုင်း အတွင်း မြန်မာပြည်သို့ သွားရောက်ပြီး ဖမ်းဆီး ထိန်းသိမ်း ထားသော မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်နှင့် နိုင်ငံရေးအကျဉ်းသားအားလုံး လွှတ်ပေးရေးအတွက် စစ်အစိုးရကို ဖိအားပေးရန် ကမ္ဘာ့ထိပ်တန်း နိုင်ငံ ခေါင်းဆောင်ဟောင်း ၁၀၀ ကျော်က စာရေး၍ တောင်းဆိုလိုက်သည်။

ကုလသမဂ္ဂ အစည်းအဝေး တခုတွင် ပြောဆို ဆွေးနွေးနေသော မစ္စတာ ဘန်ကီမွန်း (ဓာတ်ပုံ - ရိုက်တာ)
အဆိုပါ ခေါင်းဆောင်ဟောင်းများက ယနေ့ရက်စွဲဖြင့် မစ္စတာ ဘန်ကီမွန်းထံ တောင်းဆိုလိုက်သည့်စာထဲတွင် “အကယ်၍ ကုလသမဂ္ဂ၏ တောင်းဆိုချက်ကို စစ်အစိုးရ က ငြင်းပယ်ခဲ့လျှင် လုံခြုံရေး ကောင်စီတွင် တင်သွင်း အရေးယူရန် တိုက်တွန်းတောင်းဆိုကြောင်း” လည်း ရေးသားထားသည်။

၂၀၀၇ ခုနှစ် အောက်တိုဘာလ အတွင်းက လုံခြုံရေး ကောင်စီ ဥက္ကဌ၏ ထုတ်ပြန်ချက်သည် ထိရောက်မှုမရှိ ကြောင်းနှင့် မြန်မာနိုင်ငံတွင် ယခင် နိုင်ငံရေး အကျဉ်းသား ၁၂၀၀ ရှိရာမှ ၂၀၀၇ ခုနှစ် ဇွန်လမှ စတင်၍ နိုင်ငံရေး အကျဉ်းသားပေါင်း ၂၁၀၀ ကျော် ရှိလာပြီး စစ်အစိုးရက နိုင်ငံရေးလှုပ်ရှားသူများကို ဆက်လက်ဖမ်းဆီးနှိမ်နင်း ခြင်း၊ နှစ်ရှည် ထောင်ဒဏ် ချမှတ်ခြင်းများ ပြုလုပ်နေဆဲဖြစ်သည်ဟုလည်း အဆိုပါစာတွင် ပြောဆိုထားသည်။

ယင်းစာကို အင်္ဂလန် ၀န်ကြီးချုပ်ဟောင်း မစ္စတာ တိုနီဘလဲ၊ အမေရိကန် သမ္မတဟောင်း မစ္စတာ ဂျော့ ဒဘလျူ ဘုရှ်၊ ဂျပန် ၀န်ကြီးချုပ်ဟောင်း မစ္စတာ ကိုအိဇုမိ၊ ဖိလစ်ပိုင် သမ္မတဟောင်း မစ္စ ကိုရာဇန် အကွီနို ၊ နော်ဝေး ၀န်ကြီးချုပ်ဟောင်း မစ္စတာ ကဂျီး မဂ္ဂနဲ ဘွန်ဒီဗစ် တို့အပါအ၀င် ကမ္ဘာ့နိုင်ငံပေါင်း၅၀ကျော်မှ သမ္မတဟောင်း နှင့် ဝန်ကြီးချူပ်ဟောင်း ၁၁၂ ဦး က သဘောတူညီချက်ဖြင့် ရေးသားပေးပို့ခြင်းဖြစ်သည်။

ယင်းစာပေးပို့ခြင်း အစီစဉ်ကို နော်ဝေးနိုင်ငံ နှင့် အမေရိကန် နိုင်ငံ အခြေစိုက် လူ့အခွင့်အရေးနှင့်ငြိမ်းချမ်းရေး အဖွဲ့(Oslo Center for Peace and Human Rights) ဥက္ကဌနှင့် နော်ဝေးနိုင်ငံဝန်ကြီးချူပ်ဟောင်း မစ္စတာ ကဂျီး မဂ္ဂနဲ ဘွန်ဒီဗစ်(Kjell Magne Bandevik) က ပထမဆုံးမြန်မာပြည်အရေးနှင့်ပတ်သက်ပြီး ဦးစီးဆောင်ရွက်ခြင်း လည်း ဖြစ်သည်။

နော်ဝေးဝန်ကြီးချူပ်ဟောင်း မစ္စတာ ဘွန်ဒီဗစ်က“ဒီနေ့မှာပဲ ကျနော်တို့ တညီတညွတ်တည်း မြန်မာ့အရေးကို ကမ္ဘာ့ကုလသမဂ္ဂက အထူးကိုင်တွယ်ဖြေရှင်းပေးဖို့ တောင်းဆိုလိုက်ပါတယ်၊ မြောက်များစွာသောဂုဏ်သရေ ရှိသူများက ကျနော်နဲ့အတူ ပူးပေါင်းပြီး အရေးကြီးတဲ့ မြန်မာ့အရေးကို မီးမာင်းထိုးပြတာလည်းဖြစ်ပါတယ်”ဟု ၎င်းတို့ ထုတ်ပြန်သည့် ကြေညာချက်တွင်လည်း ဖော်ပြထားသည်။

“အမျိုးသားပြန်လည် သင့်မြတ်ရေးအတွက် တွေ့ဆုံဆွေးနွေးရေးလုပ်ဖို့ ပထမခြေလှမ်းအနေနဲ့ နိုင်ငံရေး အကျဉ်းသား အားလုံးကို အရင်ဆုံးလွှတ်ပေးရပါမယ်”ဟုလည်း ကြေညာချက်တွင် ပါရှိသည်။

အဆိုပါထုတ်ပြန်ချက်တွင် စစ်အစိုးရအနေနှင့် လွန်ခဲ့သည့်လက ထောင်ဒဏ် အမြင့်ဆုံး ၆၈ နှစ် ချခံရသည့် စာနယ်ဇင်းသမားများ၊ အနုပညာရှင်များ၊ ကျောင်းသားခေါင်းဆောင်များ၊ နာဂစ် လေဘေးကူညီကယ်ဆယ်ရေး လုပ်သူများ၊ သံဃာတော်များ၊ ရှေ့နေများနှင့် နိုင်ငံရေး လှုပ်ရှားသူ ၂၁၅ ဦးကျော် အပါအ၀င် နိုင်ငံရေး အကျဉ်း သား ၂၁၀၀ ခန့်ကို ပြန်လည်လွှတ်ပေးရန် မစ္စတာ ဘန်ကီမွန်းက စစ်အစိုးရကို ဖိအားပေးရေး တိုက်တွန်း တောင်းဆိုခြင်းဖြစ် ကြောင်း ဖော်ပြထားသည်။

ထိုသို့ မြန်မာနိုင်ငံအတွင်း နိုင်ငံရေးလှုပ်ရှားသူများကို စစ်အစိုးရက နှစ်ရှည်ထောင်ဒဏ်များချမှတ်၍ အရေးယူမှု များ ပြုလုပ်နေချိန်တွင် ကုလသမဂ္ဂလုံခြုံရေးကောင်စီက နှုတ်ဆိတ်နေသည် ဟု မြန်မာ့ အရေးလေ့လာသူများက သုံးသပ်ဝေဖန်နေကြသည်။

ထိုင်းနိုင်ငံအခြေစိုက်နိုင်ငံရေးအကျဉ်းသားများ ကူညီစောင့်ရှောက်ရေးအသင်း(အေအေပီပီ) အဆိုအရ စစ်အစိုးရ က နိုင်ငံရေးအမှုလိုက်ရှေ့နေများအပါအဝင် ကျောင်းသား ခေါင်းဆောင်များ၊ စာနယ်ဇင်းသမားများ၊ အနုပညာရှင် များ၊ သံဃာတော်များ ၊ နိုင်ငံရေးလှုပ်ရှားသူများ စသည့် စုစုပေါင်း ၂၁၅ ဦး ကို လွန်ခဲ့သည့်လအတွင်း နှစ်ရှည် ထောင်ဒဏ်များ ချမှတ်ခဲ့ပြီး ၎င်းတို့အထဲမှ ၁၃၀ကျော်ကို နယ်စွန် နယ်ဖျားရှိ အကျဉ်းထောင်များသို့ ရွှေ့ပြောင်း ခဲ့ကြောင်းလည်း သိရသည်။

ဘန်ကီမွန်း မြန်မာနိုင်ငံသွားရန် နိုင်ငံခေါင်းဆောင်ဟောင်း (၁၁၂) ဦးတိုက်တွန်း
ကိုဝိုင်း/ ၃ ဒီဇင်ဘာ ၂၀၀၈

ဖမ်းဆီးထားသည့် နိုင်ငံရေးအကျဉ်းသားများကို လွှတ်ပေးရေး စစ်အစိုးရကို တောင်းဆိုရန်အတွက် ကုလသမဂ္ဂအတွင်းရေးမှူးချုပ် ဘန်ကီမွန်းအနေဖြင့် မြန်မာနိုင်ငံသို့ မူလစီစဉ်ထားသည့်အတိုင်း ယခုလမကုန်မီ သွားရောက်ရန် ကမ္ဘာ့နိုင်ငံပေါင်း (၅၀) ကျော်မှ သမ္မတဟောင်းနှင့် ၀န်ကြီးချုပ်ဟောင်း (၁၁၂) ဦးက
စာရေးတိုက်တွန်းလိုက်သည်။

အဆိုပါတောင်းဆိုစာကို နော်ဝေအခြေစိုက် Center for Peace and Human Rights အဖွဲ့နှင့် အမေရိကန်အခြေစိုက် Freedom Now အဖွဲ့တို့မှတဆင့် ယနေ့ထုတ်ပြန်ခြင်းဖြစ်သည်။

ယခုလကုန်သွားရန် တိုက်တွန်းသည့် ခရီးစဉ်သည် မစ္စတာဘန်ကီမွန်း၏ ဒုတိယခရီးစဉ်ဖြစ်ပြီး “ကုလသမဂ္ဂလုံခြုံရေးကောင်စီနှင့် အတွင်းရေးမှူးချုပ်၏ လုပ်ဆောင်ချက်များကို မြန်မာစစ်အစိုးရက မည်မျှအလေးထားသည်၊ မထားသည်ကို ကမ္ဘာကြီးအား ပြသရာ ရောက်မည့်ခရီးစဉ်” ဖြစ်သည်ဟု စာ၌ရေးသားဖော်ပြထားသည်။

ယခုတိုက်တွန်းစာဖြစ်ပေါ်လာစေရန် နော်ဝေနိုင်ငံ ၀န်ကြီးချုပ်ဟောင်း Kjell Magne Bondevik က စတင်ဆောင်ရွက်ခဲ့ခြင်းဖြစ်ပြီး အမေရိကန်သမ္မဟောင်းများဖြစ်ကြသည့် ဂျော့်ခ်ျ အိတ်ခ်ျ ဒဗလျူ ဘုရှ်၊ ဂျင်မီကာတာ၊ ဗြိတိသျှဝန်ကြီးချုပ်ဟောင်းများဖြစ်ကြသည့် တိုနီဘလဲ၊ မာဂရက်သက်ချာ၊ ဂျွန်မေဂျာတို့အပြင် ဆိုဗီယက်ခေါင်းဆောင် မီခေးဂေါ်ဗာချော့ဗ်တို့လည်း ပါဝင်လက်မှတ်ထိုးထားသည်။

ကုလသမဂ္ဂလုံခြုံရေးကောင်စီက ယခင်နှစ် အောက်တိုဘာ (၁၁) ရက်၌ နိုင်ငံရေးအကျဉ်းသားများ လွှတ်ပေးရန်အပါအ၀င် ဒီမိုကရေစီပြုပြင်ပြောင်းလဲရေးလုပ်ဆောင်ရန် တောင်းဆိုခဲ့သော်လည်း မြန်မာစစ်အစိုးရက နိုင်ငံရေးလှုပ်ရှားသူများကို တိုးမြှင့်ဖမ်းဆီးထောင်ချခြင်းဖြင့် တုံ့ပြန်ခဲ့ကြောင်း၊ ၂၀၀၇ ခု ဇွန်လတွင် နိုင်ငံရေးအကျဉ်းသား (၁,၂၀၀) ဦးရှိရာမှ ယခုအခါ (၂,၁၀၀) ဦး ကျော်သွားပြီဖြစ်ကြောင်း တိုက်တွန်းတောင်းဆိုစာ၌ ဖော်ပြထားသည်။

မြန်မာနိုင်ငံသားများအနေဖြင့် ၎င်းတို့ကြုံတွေ့နေရသော ဆိုးရွားသည့် လူအခွင့်အရေးချိုးဖောက်မှုများကို ထုတ်ဖော်ပြောဆိုရန်နှင့် ဒီမိုကရေစီပြောင်းလဲရေးများပြုလုပ်ရန်တို့အတွက် ကုလသမဂ္ဂက အရေးယူမှုတစုံတရာ လုပ်ဆောင်ပေးရန် လိုလားနေကြသောကြောင့် နိုင်ငံရေးအကျဉ်းသားအားလုံး ယခုလမကုန်မီ လွတ်မြောက်ရန် မဖြစ်မနေ ဆောင်ရွက်ရမည်ဟုလည်း အတွင်းရေးမှူးချုပ်ကို စာအတွင်း၌ တောင်းဆိုထားသည်။ ထို့အပြင် မြန်မာစစ်အစိုးရက ဆက်လက်ငြင်းဆန်နေပါက ကုလသမဂ္ဂလုံခြုံရေးကောင်စီမှတဆင့် ခိုင်မာသည့် အရေးယူဆောင်ရွက်မှု ပြုလုပ်ရန်လည်း မစ္စတာဘန်ကီမွန်းအား တိုက်တွန်းထားသည်။

ကုလသမဂ္ဂအထူးကိုယ်စားလှယ် မစ္စတာ အီဘရာဟင် ဂမ်ဘာရီသည်လည်း မြန်မာနိုင်ငံသို့ အကြိမ်ကြိမ်သွားရောက်ခဲ့သော်လည်း အောင်မြင်မှု အနည်းငယ်သာရရှိခဲ့သဖြင့် အတွင်းရေးမှူးချုပ် ဘန်ကီမွန်းကိုယ်တိုင် မဖြစ်မနေသွားရမည်ဖြစ်ကြောင်း စာအတွင်း၌ ဖော်ပြထားသည်။