Sunday, February 8, 2009

ဂဠုန်ဦးစောနှင့် စုဖုရားလတ်၏ ကျောက်စိမ်းလက်ကောက် တစ်ဖက်


ကုန်းဘောင်ခေတ်နှောင်း မင်းတုန်းမင်းတရားကြီး၏ လက်ထက်တော်တွင် ၁၂၂၈ ခုနှစ်၌ ဗြိတိသျှ နယ်ချဲ့အား အန်တုရန် ခေတ်မီသော နိုင်ငံတော်ကြီး တည်ဆောက် နေသည့် အိမ်ရှေ့စံ ကနောင်မင်းကို တူတော် (သမက်လည်း တော်လည်းဖြစ်) မြင်ကွန်း မင်းသားက လုပ်ကြံလိုက်၍ ကျဆုံးခဲ့ရသည်။ ခေါင်းဆောင်ကောင်း မဲ့၍ မြန်မာပြည်လည်း သူ့ကျွန် ဖြစ်ခဲ့ရလေသည်။ သူ့ ကျွန်ဘ၀မှ လွတ်မြောက်ရန် ကြိုးစား နေသော လွတ်လပ်ရေး ဗိသုကာကြီး ဗိုလ်ချုပ်အောင်ဆန်း ကိုလည်း ဂဠုန်ဦးစောက လုပ်ကြံ၍ သတ်ဖြတ် လိုက်သဖြင့် မြန်မာ့သမိုင်းတွင် ရာဇ၀င်ရိုင်းကာ ဂဠုန် ဦးစောသည် နှစ်ဆယ် ရာစုနှစ်၏ မြင်ကွန်း မင်းသားဘွဲ့ ခံသွားလေသည်။

၁၉ ရာစုနှစ်က မြင်ကွန်း မင်းသားကြောင့် နန်းလျာကောင်းမဲ့၍ မထင်မှတ်ဘဲ ဘုရင်ဖြစ်ခဲ့ရသည့် သီပေါမင်းတရား၏ အဂ္ဂမဟေသီ၊ နန်းမတော် စုဖုရားလတ် ပိုင်သည်ဆိုသော ကျောက်စိမ်းလက်ကောက် တစ်ဖက်နှင့် ၂၀ ရာစုနှစ်မှ မြင်ကွန်း မင်းသားဟု ခေါ်တွင်သည့် ဂဠုန်ဦးစောတို့ ပတ်သက်ခဲ့ရပုံကို ထိုအချိန်က ကာယကံရှင်များ၏ စာများ အရ သိခဲ့ရပါသည်။

၁၉၄၁ ခုနှစ်အချိန်က မြန်မာပြည် ၏ ဗြိတိသျှဘုရင်ခံ ဆာဒေါ်မန်စမစ် ဖြစ်၍ နန်းရင်းဝန်(ယခုခေတ်ဝန်ကြီးချုပ်) မှာ ဂဠုန်ဦးစော ဖြစ်ခဲ့သည်။ ဦးစောသည် စစ်ပြီးလျှင် မြန်မာပြည်ကို ဒိုမေနီယန် အဆင့်ရှိ ကိုယ်ပိုင် အုပ်ချုပ်ရေးကို ပေးပါဟု အင်္ဂလန်နိုင်ငံ နန်းရင်းဝန် မစ္စတာ ချာချီထံ အရေးဆိုရန် သွားရောက်ခဲ့သည်။ ထိုစဉ်က ဦးစောသည် လန်ဒန်၌ ဒေါ်ချက်စတာ ဟိုတယ်တွင် တည်းခို နေ၏။ အမည် မဖော်သော အင်္ဂလိပ် အမျိုးသမီးတစ်ဦးက ဟိုတယ်သို့ လာရောက်ပြီး မြန်မာနန်းရင်းဝန်နှင့် တွေ့လို ကြောင်း ပြောသည်။ ဟိုတယ်မှ တာဝန်ခံက ရုတ်တရက် တွေ့ဆုံခွင့် မပြုရာ ထိုအမျိုးသမီးက နန်းရင်းဝန် ဦးစောထံ စာရေးပေးသည်။ ၎င်းစာ မူရင်းတွင် ရက်စွဲ မပါသော်လည်း မြန်မာလို ပြန်ပါက အောက်ပါအတိုင်း ဖြစ်ပါသည်။

သို့-
ဂုဏ်ပြု လေးစားအပ်ပါသော ဦးစော
မြန်မာပြည် နန်းရင်းဝန်
ဒေါ်ချက်စတာဟိုတယ်
ဒဗလျူ-၀မ်း

ဤထုလုပ် မွမ်းမံခြယ်မွမ်းထားသော ငွေသေတ္တာနှင့် ကျောက်စိမ်းလက်ကောက် တို့ကို ပေးပို့ လိုက်သူက ထိုပစ္စည်း များနှင့် ပတ်သက်၍ မြန်မာပြည်နန်းရင်း ၀န်ကြီးအား ဒုက္ခပေးရခြင်းကို တောင်းပန် အပ်ပါသည်။ ပေးပို့ လိုက်သူ အနေဖြင့် ၎င်းပစ္စည်း များကို လွန်ခဲ့သည့် နှစ်ပေါင်းများစွာက လက်ခံ ရရှိထားခဲ့သည့် ဆွေမျိုးတော်စပ်သူ တစ်ဦးထံမှ အမွေဆက်ခံ ရရှိထားခဲ့သူ ဖြစ်ပါသည်။ ၎င်းပစ္စည်းများမှာ မန္တလေးမြို့ကို သိမ်းပိုက်ခဲ့စဉ်က နန်းတော် အတွင်းမှ ယူဆောင် လာခဲ့သော ပစ္စည်းများ ဖြစ်၍ မိဖုရားကြီး ပိုင်ဆိုင်သော ပစ္စည်းများ ဖြစ်သည်ဟု ဆိုပါသည်။

တော်ဝင် မိသားစုမှ ကျန်ရစ်သူ အဆက်အနွယ် တစ်စုံတစ်ဦးက ဤ၀မ်းနည်းဖွယ် ဖြစ်ရပ်ဖြင့် အလုပ်ခံထားရသော ပစ္စည်းများကို ပြန်လည် ရယူလိုခြင်း ရှိ မရှိ မသိရပါ။ သို့မဟုတ် မြန်မာပြည်မှ ဆင်းရဲသားများ ထိုပစ္စည်းများမှ အကျိုးကျေးဇူး တစ်စုံတစ်ရာ ခံစားနိုင်ရန် ရှိသည်။ သို့မဟုတ် အဖွဲ့အစည်းအချို့က လက်ခံ ရယူ ထားခြင်းဖြင့် အသုံးဝင်နိုင်မည်ဆိုသည် တို့ကို မသိရပါ။

မည်သို့ပင် ဆိုစေ ပစ္စည်းများ ပေးပို့သူ အနေဖြင့် နန်းရင်းဝန်ကြီး၏ အစီအစဉ် အဆုံးအဖြတ်ကို သဘောတူ ကျေနပ်ပါသည်။ ဤသို့ပစ္စည်းများ ပြန်လည်ပေး အပ်ခြင်းဖြင့် ဘယ်သောအခါမှ မပြုသင့် မပြုထိုက်သော နည်းလမ်းဖြင့် ပြုမူခံခဲ့ရသော တိုင်းပြည်သို့ ပြန်လည် ပေးပို့လိုက်ခြင်း ဖြစ်သည်ဟု ခံယူနှစ်သိမ့် ကျေနပ် ရပါသည်။

ဟိုတယ်မှ တာဝန်ခံက နန်းရင်းဝန် ဦးစောထံ စာသွားပေးပြီး အကျိုး အကြောင်း ပြောပြသည်။ ဦးစော စာဖတ်ကြည့်ပြီး ထိုအင်္ဂလိပ် အမျိုးသမီး နှင့် ဆင်းတွေ့၏။ အင်္ဂလိပ် အမျိုးသမီးထံမှ ငွေကွမ်းအစ် တစ်လုံးနှင့် ကျောက်စိမ်း လက်ကောက် တစ်ဖက် ပေးခဲ့သည်ကို ရရှိလိုက်တော့သည်။ အင်္ဂလိပ် အမျိုးသမီးမှာ မရှိတော့ပါဟု ဆို၏။ ဂဠုန်ဦးစောသည် လန်ဒန်မှ အပြန် အမေရိကန် နိုင်ငံသို့ ၀င်၏။ ထိုမှခရီးဆက်မည် အပြုတွင် ဂျပန်လေတပ်က အမေရိကန် ပြည်ထောင်စု၏ ဟာဝေယံကျွန်းနှင့် ပုလဲဆိပ်ကမ်းကို ရုတ်ခြည်း ၀င်ရောက် ဗုံးကြဲ တိုက်ခိုက်သည်နှင့် တိုး၏။ ထို့နေ့သည် ၁၉၄၁ ခုနှစ်၊ ဒီဇင်ဘာလ ၇ ရက်နေ့ဖြစ်သည်။ အမှန်မှာ ထိုနေ့တွင် ဦးစောသည် အမေရိကန်မှ ရန်ကုန်သို့ လေကြောင်းခရီးဖြင့် ပြန်ရန် ပြင်ဆင်လျက် ရှိခဲ့သည်။ ပစိဖိတ် သမုဒ္ဒရာနှင့် ဂျပန်နိုင်ငံကို ဖြတ်၍ မြန်မာပြည်သို့ ပြန်ရန် မလွယ်တော့သဖြင့် ဦးစောသည် ဥရောပတိုက်သို့ လှည့်၏။ လစ်စဘွန်းမြို့တွင် ခရီးတစ်ထောက် နား၏။ ထိုစဉ် ဦးစောသည် ဂျပန်သံရုံးသို့ သွားရောက် ဆက်သွယ်သည်ဟု အင်္ဂလိပ်သတင်း ထောက်လှမ်းရေးမှ ဆိုင်ရာသို့ သတင်း ပို့သည်။ ထို့ကြောင့် ဦးစော ခရီးအဆက် ပါလက်စတိုင်း (ယခုအစ္စရေး)နိုင်ငံ ဟိုင်ဖားမြို့လေဆိပ်၌ အင်္ဂလိပ်တို့က ထိန်းသိမ်း လိုက်ကြသည်။ ထိုသို့ ထိန်းသိမ်းကြောင်း သတင်းကို တစ်လကျော်မျှ သိုဝှက်၍ ထား၏။

၁၉၄၂ ခုနှစ်၊ ဇန်န၀ါရီလ ၁၀ ရက်နေ့စွဲဖြင့် အင်္ဂလိပ် အစိုးရက ဦးစောကို ထိန်းသိမ်း လိုက်ကြောင်း မြန်မာပြည်သို့ ပြန်ခွင့် မပြုကြောင်း ကြေညာ လိုက်သည်။ ဦးစောသည် စစ်ကာလ အတွင်း ယူဂန္ဓာပြည်တွင် အကျယ်ချုပ်နှင့် နေရသည်။ မြန်မာပြည်မှ ပြည်သူတို့ မည်သို့ ခံစား တွေ့ကြုံကြရပုံ၊ သွေးစည်း ညီညွတ်ကြပုံ၊ ဗိုလ်ချုပ်အောင်ဆန်းသည် ပြည်သူတို့၏ ယုံကြည် အားထားရာနှင့် မျှော်လင့်ချက် ဖြစ်လာပုံ၊ တပ်မတော်နှင့် ပြည်သူတို့ တစ်သားတည်း ဖြစ်လာ ပုံတို့ကို ဦးစောဘာမျှ မတွေ့မမြင် လိုက်ရချေ။ ဦးစောသည် ၁၉၄၆ ခုနှစ်မှ မြန်မာပြည်သို့ ပြန်ရောက်သည်။ နောက်တစ်နေ့တွင်ပင် သတင်းစာ ဆရာများ အစည်းအဝေးတွင် လန်ဒန်မှ ရလာခဲ့သည့် ကျောက်စိမ်း လက်ကောက်ကြီး တစ်ဖက်နှင့် ငွေကွမ်းအစ်ကို ပြလျက် အကျိုး အကြောင်း ရှင်းလင်း ခဲ့ပါသည်။ မြန်မာပြည်တွင် ပြတိုက်ကြီး တစ်ခု ဖြစ်ပေါ်လာပါက ထိုပစ္စည်းများကို အပ်နှင်းရန် စီစဉ် ထားခဲ့ပါသည်။ သို့သော် နောက်ပိုင်းတွင် အားလုံး သိကြသည့် အတိုင်း အကြံကုန် ဂဠုန်ဆားချက်သော ဦးစောသည် နိုင်ငံတော် လုပ်ကြံမှုကြီးကို ကျူးလွန် လေသည်။ ၁၉၄၇ ခုနှစ်၊ အောက်တိုဘာလ ၁၅ ရက်နေ့တွင်စ၍ အမှု စစ်ဆေးသည်။ ထိုအချိန်က ထောင်ထဲ ရောက်နေပြီ ဖြစ်သော ဦးစောက ၂၉.၁.၄၈ နေ့စွဲဖြင့် ရွှေတိဂုံစေတီတော်ကြီးဂေါပကအဖွဲ့ သို့ ထောင်ထဲမှ စာတစ်စောင်ရေးပို့ သည်။ သူ၏ ကိုယ်ရေး ကိုယ်တာ ကိစ္စ များကြောင့် ဘာမျှ မစီမံရသေးသည့် လန်ဒန်မှ ပါလာသော ကျောက်စိမ်း လက်ကောက်ကြီး တစ်ဖက်နှင့် ငွေကွမ်းအစ် တစ်လုံးတို့ ကိစ္စအတွက် စီမံ ဆောင်ရွက်ခြင်း ကိစ္စဖြစ်ပါသည်။ ဦးစော၏ မူရင်း စာအတိုင်း ဖော်ပြ လိုက်ပါသည်။ စာတွင် အင်းစိန်ထောင် တံဆိပ်နှင့် ထောင်အရာရှိတို့၏ မှတ်ချက်များပါသည်။

ရွှေတိဂုံ စေတီတော်ကြီး ဘဏ္ဍာတော်ထိန်းအဖွဲ့သို့ ရိုသေစွာ အစီရင်ခံပါသည် ခင်ဗျား။

၁၉၄၁ ခုနှစ်က ကျွန်တော် သည်မြန်မာ နိုင်ငံတော်နှင့် လွတ်လပ်ရေးအတွက် လန်ဒန်မြို့သို့အင်္ဂလိပ် အစိုးရနှင့် အရေးဆိုရန် သွားစဉ်က ၁၈၈၅ ခု အင်္ဂလိပ်တို့ မန္တလေး သိမ်းတုန်းက နန်းတွင်းမှ ယူသွားကြသော အဖိုးတန် လက်ကောက်ကြီး တစ်ဖက်ကို အမည်မဖော်သော အင်္ဂလိပ် အမျိုးသမီး တစ်ဦးက ကျွန်တော် တည်းခိုနေသော ဟိုတယ်သို့ ငွေကွမ်းအစ် တစ်လုံး နှင့် အတူ ပေးပို့ လိုက်ပါသည်။ ထို အမျိုးသမီးထံမှ စာတစ်စောင်ကိုလည်း နောင်လာ နောင်သားတို့ ဖတ်ရှုနိုင်ရန် ယခု ပေးပို့ပါသည်။

လွန်ခဲ့သည့် ကမ္ဘာစစ်ကြီး အတွင်း က ကျွန်တော်မှာ နိုင်ငံခြားတွင် အင်္ဂလိပ်တို့၏ ဖမ်းဆီး ချုပ်နှောင်ထားခြင်း ခံနေ ခဲ့ရသည်။ ဘေးအမျိုးမျိုးတို့မှ လွတ်အောင် ကြံဖန်၍ အဆိုပါ လက်ကောက်ကြီးကို မြန်မာပြည်သို့ ပါလာနိုင်ရန် သိုလှောင် သိမ်းဆည်းကာ ယူခဲ့ပါသည်။ ၁၉၄၆ ခုနှစ် မြန်မာပြည်သို့ ပြန်ရောက်ပြီးနောက် တစ်နေ့ သတင်းစာ ဆရာများ အစည်းအဝေးတွင် ထိုလက်ကောက်ကြီးနှင့် ငွေကွမ်းအစ်ကို ပြလျက် အကျိုးအကြောင်း ရှင်းလင်း ခဲ့ပါသည်။ မြန်မာပြည် ပြတိုက်ကြီး ပေါ်လာသော အခါ ထိုပစ္စည်းများကို အပ်နှင်းရန် စီစဉ် ထားခဲ့ပါသည်။

ယခု ရွှေတိဂုံ ဘုရားကြီးအား လှူဒါန်းလျှင် မြန်မာ ဘုရင်အဆက် အနွယ်တော်တို့နှင့် တကွ ဗုဒ္ဓဘာသာ မြန်မာ တစ်မျိုးလုံးကပါ ကျေ နပ်ဝမ်းမြောက် ကြလိမ့်မည်ဟု ယုံကြည်သည်လည်း တစ်ကြောင်း၊ ရွှေတိဂုံ ဘုရားကြီး ပြတိုက်တွင် ထားလျှင် ကြည့်ရှု လိုသူတို့လည်း ကြည့်ရှုခွင့် ရနိုင်မည် တစ်ကြောင်း

ထိုအကြောင်းနှစ်ခု ရှေးရှုလျက် ကွမ်းအစ်ကြီးနှင့် လက်ကောက်ကြီးကို လှူဒါန်း လိုက်ခြင်းဖြစ်ပါကြောင်း။
လန်ဒန်မြို့မှ ထုတ်ဝေသော "ကမ္ဘာ့လက်ဝတ် လက်စား အဖိုးတန်များ" ဆိုသော စာအုပ် တစ်အုပ်တွင် တရုတ်ပြည် သူဌေးကြီး တစ်ဦးသို့ ပြင်သစ် အမျိုးသမီး တစ်ဦးက မြန်မာပြည်မှ ကျောက်စိမ်း(ဖြူ) လက်ကောက်ကြီး တစ်ဖက်ကို အင်္ဂလိပ် ရွှေဒင်္ဂါးပေါင် ၄၀၀၀ (လေးထောင်)၊ မြန်မာငွေ ငါးသောင်း သုံးထောင် ကျော် ၅၃၀၀၀ ကျော်နှင့် ရောင်းလိုက် ကြောင်း ဖော်ပြ ရေးသား ထားပါသည်။ ထိုစာအုပ်ကို ဖတ်ရသောအခါ အဆိုပါ ၅၃၀၀၀ ကျော်နှင့် အရောင်းအ၀ယ် ဖြစ်သွားသော မြန်မာပြည်မှ ကျောက်စိမ်း(ဖြူ) လက်ကောက်ကြီး ဆိုသည်မှာ ယခု လက်ကောက်ကြီး၏ အဖော် အခြား တစ်ဖက်များ ဖြစ်နေမလားဟု တွေးဆ မိပါသည်။

ယခု လက်ကောက်ကြီးနှင့် ငွေကွမ်းအစ်တို့ အပြင် ကျွန်တော်နှင့် ကျွန်တော်၏ ဇနီး မသန်းခင်၊ သမီးမေမေသန်းတို့က ၀တ္ထုငွေ ၅၀၀(ငါးရာကျပ်)ကို ဘဏ္ဍာတော်ထိန်း အဖွဲ့က ဘုရားကြီးနှင့် ပတ်သက်၍ သင့်လျော်ရာ အသုံးပြုရန် စေတနာ သုံးတန် ပြထာန်းလျက် မြတ်စွာဘုရားအား သက်တော် ထင်ရှား အာရုံထား၍ လှူဒါန်းပါ၏။
ံ
ထိုဒါနကောင်းမှု ကုသိုလ်စုကို နတ်ရွာစံ မြန်မာဘုရင်၊ မိဖုရားကြီးနှင့် တကွ မြန်မာဘုရင့် အဆက် အနွယ်တော်တို့ အပြင် လူနတ် ဗြဟ္မာ သတ္တ၀ါအပေါင်းအား လှူခွင့်ရသည့် ကျွန်တော်တို့က ရေစက်သွန်းချ ရိုသေစွာ အမျှပေး ဝေပါကုန်၏။ အင်္ဂလိပ်အမျိုးသမီးထံမှ စာနှင့် ဤစာကို ပြတိုက်တွင် ထားပါက ဖတ်သူတို့ ဖတ်ခွင့်ရ၍ လက်ကောက်၏ ရာဇ၀င်ကို သိနိုင်ကြပါလိမ့်မည်။

မောင်စော
၁၃၀၉၊တပို့တွဲလဆုတ် ၄ရက်
၂၉.၁.၄၈

ဂဠုန်ဦးစောသည် အထက်ပါ စာကို ရေးပြီးနောက် ရွှေတိဂုံဂေါပက အဖွဲ့သို့ ထောင်ထဲမှ တစ်ဆင့် ပေးပို့ခဲ့ လေသည်။ ထိုစာနှင့် အတူ လက်ကောက်ကြီးနှင့် ငွေကွမ်းအစ် တို့ကို ဦးစော၏ ဇနီး ဒေါ်သန်းခင်က ဂေါပက အဖွဲ့သို့ လာလှူခဲ့ပုံရ၏။ အဘယ်ကြောင့် ဆိုသော် ဒေါ်သန်းခင်၏ ၂၆.၁.၄၈ နေ့စွဲဖြင့် စာကို တွေ့ရသောကြောင့်ဖြစ်သည်။

ဦးဘသိန်း
အစီရင်ခံပါသည်ရှင့်။
ဦးဘသိန်း၊ ကြာသပတေးနေ့ နံနက်ကို ကျွန်မ လာ၍ မြန်မာ ရှင်ဘုရင်များ ပိုင်သော လက်ကောက် တစ်ဖက်ကို အင်္ဂလန်မှ ရလာသော ပစ္စည်း ဖြစ်ပါသည်။ ထိုပစ္စည်းကို ရွှေတိဂုံဘုရားကြီးကို လှူမည် ဖြစ်ပါ၍ ဘုရား လူကြီးမင်းများကို ပြောထား စေလိုပါသည်ရှင့်။

မသန်းခင်
ဦးစော၏ဇနီး
၂၆.၁.၄၈

၎င်းစာအောက်တွင် ဂေါပက အဖွဲ့မှ မှတ်ချက်များ ရေးထားသည်ကို တွေ့ရသည်။၎င်းင်းစာတို့မှာ-
ယခုစာကို ဦးစော၏ ဇနီး ဒေါ်သန်းခင် ကိုယ်တိုင် နှစ်နာရီတွင် အဖွဲ့ရုံးသို့ လာရောက်၍ ကိုယ်တိုင် ရေးပေးသွားပါသည်။
စိုး
၂၆/၁

မှတ်ချက်။ ။ ကြာသပတေးနေ့ နံနက် အချိန်တွင် အမှုဆောင်နှင့် တွေ့နိုင် ပါလိမ့်မည်။ အကယ်၍ လူကြီးမင်းများနှင့် မတွေ့ကြုံရ သော်လည်း စက္ကရီ တေရီ ထံတွင် လှူဒါန်း နိုင်ပါကြောင်း။
စိုးမြင့်
၂၆.၁.၄၈

၂၉.၁.၄၈ နေ့ နံနက်က လူကြီးမင်း ဦးမြင့် ကိုယ်တိုင် ချိန်တွယ် လက်ခံပါသည်။
သိန်း
၂၉.၁.၄၈

ဂဠုန်ဦးစော အမှု၏ စီရင်ချက် အဆုံးတွင် ၁၉၄၇ ခုနှစ်၊ ဒီဇင်ဘာလ ၃၀ ရက်နေ့မှ စ၍ ၇ ရက်အတွင်း အယူခံ ၀င်နိုင်ကြသည် ဖြစ်ကြောင်းပါရာ ဦးစောသည် စီရင်ချက် ချခံရပြီး နောက် တစ်လ အတွင်းတွင်ပင် သူ့အခြေအနေ ကိုသိ၍ နောင်ရေး အတွက် စီမံစရာ ရှိသည်များကို စီမံခဲ့ဟန်တူသည်။ ဇနီး နှင့်တိုင်ပင်၍ သူ့တာဝန် ဖြစ်နေသော လက်ကောက်ကြီးနှင့် ငွေကွမ်းအစ်တို့ အတွက် ရွှေတိဂုံဘုရားသို့ လှူဒါန်းရန် ဆုံးဖြတ်သဖြင့် ဒေါ်သန်းခင်က ၂၆.၁.၄၈ နေ့စွဲဖြင့် ရွှေတိဂုံ ဂေါပကသို့ လာလှူမည့် အကြောင်း၊ စာပို့ဟန် တူပါသည်။ ဦးစောက ၂၉.၁.၄၈ နေ့ကျမှ သာလျှင် ဂေါပက အဖွဲသို့ စာရေးပြီးစာနှင့်တကွ ပစ္စည်းများကို ဇနီး ဒေါ်သန်းခင်အား လှူစေ ပုံရသည်။ ၂၉.၁.၄၈ နေ့စွဲဖြင့်ပင် ဒေါ်သန်းခင်၏ စာအောက်ခြေတွင် ဦးမြင့် ဆိုသူက ချိန်တွယ် လက်ခံပါသည်ဟု မှတ်ချက်ကို တွေ့ရသည်။ ဦးမြင့်သည် စာရေးသူတို့ လက်ထက် အထိ ရာသက်ပန် ဂေါပက အဖြစ် ထမ်းဆောင်ခဲ့သူ ဖြစ်ပါသည်။
ရွှေတိဂုံ ဂေါပကအဖွဲ့မှ ထိုလက်ကောက်ကို တပေါင်းလ ဘုရားပွဲတွင် အများပြည်သူအား ပြသရန် ဆုံးဖြတ်ခဲ့ပုံ ရ၏။ ၁၁.၂.၄၈ နေ့စွဲဖြင့် ဟံသာဝတီ သတင်းစာတွင် အောက်ပါ သတင်းပါ လာသည်။

ဦးစော လှူဒါန်းသည့် လက်ကောက် ရွှေတိဂုံပြတိုက်တွင် ပွဲတော်အတွင်း ပြသမည်

ဂဠုန် ဦးစော၏ ဇနီး ဒေါ်သန်းခင်သည် များမကြာမီက ရွှေတိဂုံစေတီတော် ဘဏ္ဍာတော် ထိန်းအဖွဲ့သို့ လာရောက်ပြီး ဦးစော၏ ကိုယ်စား ထူးခြားသော လက်ကောက် တစ်ကွင်းကို စေတီတော်ကြီးအား လှူဒါန်းသွားခဲ့သည့် အကြောင်း၊ ဤသတင်းစာတွင် ဖော်ပြခဲ့ပြီး ဖြစ်ရာ အဆိုပါ လက်ကောက်ကို ယခု တပေါင်းပွဲတော် အတွင်း လဆန်း ၁၃၊၁၄၊၁၅ ရက် နေ့များတွင် ရွှေတိဂုံကုန်းတော် ပြတိုက်၌ထား၍ လူထုအား ကြည့်ခွင့်ပြုဖို့ရန် ဘဏ္ဍာတော်ထိန်း အဖွဲ့က ဆုံးဖြတ် လိုက်သည်ဟု သိရကြောင်း။
ဦးစောသို့လက်ဆောင်

ထိုလက်ကောက်မှာ မြန်မာ ဘုရင် မိဖုရားခေါင်ကြီး တစ်ပါး၏ လက်ဝတ်တော် ရတနာ တစ်ခု ဖြစ်သည် ဆို၏။ ၎င်းကို သီပေါ ပါတော်မူစဉ်က တစ်စုံတစ်ခု သောနည်းဖြင့် အင်္ဂလိပ်လူမျိုး တစ်ဦးက ရယူသွားပြီးလျှင် ၎င်းတို့ ဆွေစဉ်မျိုးဆက် လက်ကူးခဲ့ရာမှ နောက်ဆုံး မိန်းမတစ်ဦး လက်သို့ ရောက်ရှိခဲ့ပြီးလျှင် ၎င်းကမှ တစ်ဖန် ဦးစော နန်းရင်းဝန် အဖြစ်ဖြင့် အင်္ဂလန်သို့ အလာတွင် ဦးစောအား လက်ဆောင် ပေးလိုက်ခြင်းဖြစ်၏။

မဟူရာနှင့် တူသည်ဆိုခြင်း

ထိုလက်ဝတ် ရတနာမှာ ကျောက်စိမ်းစစ် ဖြစ်၍ ငွေ ၅၀၀၀၀(ငါးသောင်း) တန်သည် ဆို၏။ သို့သော် လက်ဝတ် ရတနာ ကိုမြင်ရသည့် အခါ ကျောက်စိမ်း နှင့်မတူ မဟူရာနှင့် ပိုတူသဖြင့် မည်မျှ တန်ဖိုးထိုက်မည်ကို လူထု ကိုယ်တိုင် မကြာမီကြည့်ရှု ဆုံးဖြတ် နိုင်ကြတော့မည်ဖြစ်ကြောင်း။
ထိုသတင်းများကို ဦးစောနှင့် ဇနီး တို့က ဖတ်ရှု ရပေလိမ့်မည်။ ၁၉၄၈ခုနှစ်၊ ဧပြီလ ၂၈ ရက်နေ့ မွန်းလွဲပိုင်းတွင် အင်းစိန် အကျဉ်းထောင်၌ ဦးစောသည် ဇနီး၊ သမီးတို့နှင့် အတူ မိုးညှင်းသိင်္ဂီ ကျောင်းတိုက်၊ ရေလဲဦးပဏ္ဍိစ္စဆရာတော် ထံမှ လက္ခဏာရေးသုံးပါး တရားနာရသည်။ ထို့နောက် မေလ ၈ ရက်နေ့ နံနက် အရုဏ်တက်တွင် ဦးစောအား အင်းစိန် အကျဉ်းထောင် အတွင်း ကြိုးပေး ခဲ့လေသည်။
ဤကိစ္စနှင့် ပတ်သက်ပြီး စုဖုရားလတ်၏ မြေးတော်၊ တော်ဘုရားကလေး နှင့် ဆွေးနွေးခဲ့ဖူးပါသည်။

"ဒီကိစ္စကို တော်တော် သိတယ် မဟုတ်လား"

"သိတာပေါ့"

"ဘာမှမလုပ်ဖူးလား"

"တော်တော် ရွှေတိဂုံ ဂေါပကကို သွားတွေ့တယ်။ ဒီကိစ္စကို သိပ်ပြောချင် ပုံမရဘူး။ အခု ကိုသန်းဆွေ ပြတဲ့ စာတွေ ကတော့ တော်တော် မဖတ်ခဲ့ရဘူး။ ဒါပေမယ့် လက်ကောက်ကိုတော့ ထုတ်ပြတယ်။ ဈေးထဲမှာ ရောင်းတဲ့ ကျောက်စိမ်း လက်ကောက် အပေါစားကြီး ဖြစ်နေတယ်"

"သူတို့က ဘာဖြစ်လို့ တော်တော့် ကို မပြချင်တာလဲ"

"ကြည့်ရတာ တော်တော်က လုပ်မယ် ထင်လို့နဲ့ တူပါတယ်။ (ရသင့် ရထိုက်သည်ကို တောင်းဆိုခြင်းကို ဆိုလို ပါသည်)

"နို့ တော်တော်ကရော ဘာဖြစ်လို့ ဒီကိစ္စကို သွားမေးတာလဲ"

"အခုကိုသန်းဆွေရဲ့ စာတွေဖတ်ရ မှ အမှန်ကိုသိရတာကိုး။ ပထမ တော်တော်ကြားရတာက အင်္ဂလိပ်မက ဦးစောက တစ်ဆင့် သီပေါမင်းအနွယ် တော်တွေကို ပေးခိုင်းတယ်ကြားရလို့ပါ"

"အဲဒီလိုဆိုရင် တော်တော်ကရော လုပ်မှာလား"

"မလုပ်ပါဘူး။ ဦးစောက ဘုရား ကို လှူလိုက်ပြီပဲ၊ ဘုရားဘဏ္ဍာတော်ပဲ ဖြစ်ရမှာပေါ့"

တော်တော်(တော်ဘုရားလေး)၏ သဘောထားနှင့် ခံယူချက်ကို ပါသိရပါသည်။ တော်တော် ပြောသကဲ့သို့ပင် လက်ကောက်ကြီးက ဈေးထဲမှ အပေါစား လက်ကောက်ကြီးနှင့် တူနေပါသည်။ ဤစာ ရေးနေစဉ် ကျောက်စိမ်းကို အထူး ရောင်းချသောသူ တစ်ဦးအား ဤကဲ့သို့သော လက်ကောက်မျိုးနှင့် ပတ် သက်၍ မေးကြည့်ရာ ကျောက်စိမ်း အကာဖြင့် လုပ်ထားသော ကွင်းစွပ် လက်ကောက် တစ်ဖက်သည် အညံ့ဆုံး ဆိုလျှင် အခုအခါ ငါးထောင်ခန့် တန်ကြောင်း၊ အရည်အသွေးကို လိုက်၍ သိန်း ၃၀/၄၀ အထိ တန်သည့် ပစ္စည်း ရှိပါသည်ဟု ပြောပါသည်။

စာရေးသူ အနေဖြင့် ကျောက်စိမ်း လက်ကောက်ကြီးက ကွင်းစွပ်ဖြစ်နေရာ ဒေါ်ချက်စတာ ဟိုတယ်တွင် အင်္ဂလိပ် အမျိုးသမီး ရေးထားခဲ့သည့်စာ၌ The Sender of this Carved Silver box and jade bangle ဟု ရေးထားသဖြင့် Bangle ဟု ဆိုထားပေရာ ကွင်းစွပ် လက်ကောက်ပင် ဖြစ်နေပါသည်။ လက်ပုံ လက်ကောက်ကို Bracelet ဟု ခေါ်မည်။ လက်ကောက်ကို စာရေးသူ ကိုယ်တိုင် တွေ့စဉ်ကလည်း အနက်ရောင်ဘက် လုနေသည့် ကျောက်စိမ်း မည်းမည်း လက်ကောက်ကြီးသာ ဖြစ်ပါသည်။ ဦးစော၏ စာကိုကြည့်လျှင် ဦးစော တန်ဖိုးဖြတ်ထားသည့် ငါးသောင်းကျော်တန်သည် ဆိုသည်မှာ ဦးစော၏ ထင်မြင် ချက်သာ ဖြစ်ပါသည်။ အမှန်မှာ ကျောက်စိမ်းနှင့် ပတ်သက်၍ တကယ် တတ်ကျွမ်း နားလည်သူ ပညာရှင်အား ပြသ၍ အဖိုး ဖြတ်ခိုင်းသင့်ပေသည်။

စာရေးသူနှင့် မိတ်ဆွေဖြစ်သော ဤကိစ္စကို စိတ်ဝင်စားသည့်သူက-

"အင်္ဂလိပ်မ (သို့)ဦးစော(သို့) ရွှေတိဂုံဂေါပကက လဲလိုက်တာရော မဖြစ်နိုင်ဘူးလား"

ဟူ၍ မေးဖူးသည်။ စာရေးသူ အနေနှင့် "မဖြစ်နိုင်ပါ" ဟုသာဆိုချင်ပါသည်။
အင်္ဂလိပ် အမျိုးသမီးသည် ဤ လက်ကောက်ကို မည်သို့မျှ လဲမည် မဟုတ်ချေ။ အစကတည်းက သူရထားပြီး ဖြစ်ရာ ဦးစောထံ မလှူရန် သာဖြစ်၏။ လဲရန် မလိုပါ။ ဦးစောကလည်း လဲမည် မဟုတ်ချေ။ ဤကိစ္စကို ဦးစော မဖော်က မည်သူမျှ သိမည် မဟုတ်ပါ။ ဦးစော ယခုကဲ့သို့ အစီအစဉ် လုပ်၍ လှူ လိုက်သည်ကိုလည်း ထို အင်္ဂလိပ် အမျိုးသမီး သိချင်မှ သိမည်။ အစကတည်းက "နန်းရန်းဝန်ကြီး၏ အစီအစဉ် အဆုံးဖြတ်ကို သဘောတူ ကျေနပ်ပါသည်"ဟု ရေးသားထားပြီး ဖြစ်သည်။ ရွှေတိဂုံ ဂေါပကကလည်း လက်ကောက်ကို အကောင်းနှင့် အညံ့ လဲမည် ဆိုသည်မှာ မဖြစ်နိုင်ပါ။ အများရှေ့တွင် လက်ခံ မှတ်တမ်း တင်ပြီးထားသော ပစ္စည်းဖြစ်သည်။ လက်ကောက်ကို ချိန်တွယ် လက်ခံသည့် ဂေါပကလူကြီး ဦးမြင့် ဆိုသူမှာ စာရေးသူ၏ မိဘများနှင့် သိကျွမ်းသူ ဖြစ်သည်။ နောင်ရာသက်ပန် ဂေါပက ၀ဏ္ဏကျော်ထင်ဦးမြင့် ဘ၀အထိ စာရေးသူ မီလိုက်ပါသည်။ အန်တီခင် (ဒဂုန် ခင်ခင်လေး)၏ ရတနာများကို လှူစဉ်က စာရေးသူနှင့် ပတ်သက်ခဲ့သည်။ အလွန် တိကျသေချာ စည်းကမ်းကြီးသည်။ သိက္ခာသမာဓိနှင့် ပြည့်စုံသော ပုဂ္ဂိုလ်ကြီးဖြစ်ပါသည်။

စာရေးသူ အနေဖြင့်မူ ဤလက်ကောက်ကြီးသည် အင်္ဂလိပ် အမျိုးသမီးက မည်သို့ပင် ဆိုစေကာမူ မူလကတည်းက စုဖုရားလတ်၏ လက်ကောက် ဖြစ်ချင်မှ ဖြစ်မည်။ မြန်မာပြည်ကို အင်္ဂလိပ်တို့ သိမ်းပိုက်ခဲ့စဉ်က ပါလာသည့် ပစ္စည်း ဆိုသည်ကမူ မှန်ပါလိမ့်မည်။ သို့သော် နန်းတွင်းမှ ယူလာသည် ဖြစ်ရာ အရောရော အနှောနှော ဖြစ်လာပုံရသည်။ အကယ်၍ မိဖုရားခေါင်ကြီး စုဖုရားလတ်အား ဆက်သခဲ့သည့် လက်ကောက် ဟုတ် မဟုတ်ကမူ ထိုလက်ကောက်၏ တန်ဖိုးအမှန်ကို သိမှ ခန့်မှန်း၍ ရမည် ထင်ပါသည်။ မည်သူ တစ်ဦး တစ်ယောက်ကမျှ မိဖုရားခေါင်ကြီး စုဖုရားလတ်ကို အပေါစား ကျောက်စိမ်း လက်ကောက် တစ်ဖက် ဆက်သမည် မဟုတ်ပါ။ အမှန်ကို ဘုရားသာ သိမည်ဟုသာ ဆိုချင်ပါသည်။


မောင်သန်းဆွေ၊ထားဝယ်၊

ကိုးကားချက်

၁။ ဒေါက်တာမောင်မောင် "နိုင်ငံတော်လုပ်ကြံမှု"။
၂။ အမည်မဖော်လိုသူ တစ်ဦး၏ ပြောပြချက်နှင့် ထိုသူပေးသည့် စာရွက် စာတမ်းများ။
၃။ ၂၆-၁-၄၈ နေ့စွဲပါ ဦးစော၏ ဇနီး ဒေါ်သန်းခင်၏စာ။
၎။ ၂၉-၁-၄၈ နေ့စွဲပါ ရွှေတိဂုံစေတီတော် ဘဏ္ဍာတော်ထိန်း အဖွဲ့သို့ အစီရင် ခံသည့် ဦးစော၏ လက်ရေးဖြင့်စာ။
၅။ ထိုစာနှင့် အတူ ပူးတွဲ တင်ပြသော ရက်စွဲ မပါသည့် အင်္ဂလိပ်အမျိုးသမီး ဦးစောထံ ရေးထားသည့်စာ (အင်္ဂလိပ် ဘာသာဖြင့်)။
၆။ ၇-၂-၄၈ နေ့စွဲပါ ဦးလှဖေ (ပြည်ထောင်စု နိုင်ငံတော် အစိုးရအတွင်း ရေးမှူး)၏စာ (အင်္ဂလိပ်လို ရေးထားသည်)
၇။ ၁၁-၂-၄၈ နေ့ထုတ် ဟံသာဝတီ သတင်းစာ။

(ဇန္နာဝါရီထုတ်ရွှေအမြုတေမှဖေါ်ပြပါသည်)

0 အကြံပြုခြင်း: