Friday, January 9, 2009

090121009news

ပြည်တွင်းမှအီးမေးလ်များသို့တဆင့်ပို့ပေးခြင်းဖြင့်သတင်းအမှောင်ကျနေသောပြည်သူများကိုကူညီကြပါ။
အကျယ်ကြည့်ရန်အစွန်ဆုံးမှလေးထောင့်ကွက်ကိုနှိပ်ပါ။ ။ပြီးရင်အပေါင်းကိုနှိပ်ပါ။ ။Friday 09012009


၂၀၁၀ ရွေးကောက်ပွဲမှာ ဘယ်နှပါတီ ပြိုင်ခွင့်ရမလဲ


သတင်းထောက် ဟန်တင်အောင်/ ၉ ဇန်န၀ါရီ ၂၀၀၉


၂၀၁၀ ရွေးကောက်ပွဲဥပဒေ မထွက်သေးသည့်အတွက် ပါတီအရေအတွက် မည်မျှယှဉ်ပြိုင်ခွင့် ရှိမည်ကို အတိအကျ မသိရသေးသော်လည်း နောက်ထပ် ပါတီတခု နှစ်ခု ထွက်လာနိုင် သည့်အပြင် အန်အယ်လ်ဒီလည်း ပါနိုင်သည်ဆုိပြီး ပြည်တွင်းဂျာနယ်တခုနှင့်တွေ့ဆုံရာတွင် တစညပါတီ ပြောခွင့်ရပုဂ္ဂိုလ်က မကြာခင်ရက်ပိုင်းအတွင်း ပြောခဲ့သည်။

စစ်အစိုးရနှင့် ရင်းနှီးသည်ဟု လူသိများသည့် ရန်ကုန်တိုင်းမ်ဂျာနယ်နှင့် တွေ့ဆုံရာတွင် တစညပါတီ ပြောခွင့်ရပုဂ္ဂိုလ် ဦးခင်မောင်ကြီးက ယင်းသို့ ပြောခဲ့ခြင်းဖြစ်သည်။

မြန်မာစစ်အစိုးရ ကျင်းပမည့် ၂၀၁၀ ပြည့် ရွေးကောက်ပွဲတွင် နိုင်ငံရေးပါတီကြီး (၃) ခုသာ
ဝင်ရောက်ယှဉ်ပြိုင်ခွင့်ရမည် ဖြစ်သည်ဟု ၂၀၀၇ ခုနှစ် ဧပြီလတွင် ထိုင်းဝန်ကြီးချုပ်စမတ်က သတင်းထောက်များကို ပြောခဲ့သည်။

မြန်မာစစ်အစိုးရ ၀န်ကြီးချုပ် ဗိုလ်ချုပ်ကြီး သိန်းစိန်၏ ၂၀၀၇ ခုနှစ် ထိုင်းနိုင်ငံ ခရီးစဉ်အတွင်း ၂၀၁၀ ပြည့်နှစ် မြန်မာစစ်အစိုးရ ရွေးကောက်ပွဲတွင် နိုင်ငံရေးပါတီကြီး (၃) ခုသာ ၀င်ရောက် ယှဉ်ပြိုင်မည် ဖြစ်သည်ဟု ထိုင်းဝန်ကြီးချုပ် စမတ်က ယခုကဲ့သို့ ပြောကြားခဲ့ခြင်းဖြစ်သည်။

၂၀၁၀ ပြည့်နှစ် ရွေးကောက်ပွဲတွင် ယှဉ်ပြိုင်ခွင့်ရမည့် နိုင်ငံရေးပါတီကြီး (၃) ခုမှာ မည်သည့် ပါတီများဖြစ်သည်၊ အန်အယ်လ်ဒီပါတီ ယှဉ်ပြိုင်ခွင့် ရှိမရှိ ဆိုသည်ကိုမူ ထိုင်းဝန်ကြီးချုပ်က ရှင်းရှင်းလင်းလင်း ပြောကြားခဲ့ခြင်း မရှိပေ။

သို့သော် ၂၀၁၀ ပြည့်နှစ် ရွေးကောက်ပွဲတွင် နိုင်ငံရေးပါတီကြီး သုံးလေးခုသာ ယှဉ်ပြိုင်ခွင့် ရမည်ဖြစ်ပြီး ၉၀ ရွေးကောက်ပွဲမှာကဲ့သို့ ပါတီ အများအပြား ၀င်ရောက်ယှဉ်ပြိုင်ခွင့်ရှိမည် မဟုတ်ဟု အစောပိုင်းတွင် တစညပါတီ ပြောခွင့်ရပုဂ္ဂိုလ် ဦးခင်မောင်ကြီးက အာအက်ဖ်အေသို့ ပြောခဲ့သည်။

ရန်ကုန် တစညပါတီ သတင်းစာရှင်းလင်းပွဲတွင်လည်း ကြံ့ဖွံ့ကို နိုင်ငံရေးပါတီ အသွင်ပြောင်း မည်ဟု ဦးခင်မောင်ကြီးက ပြောခဲ့သည့်အတွက် ၂၀၁၀ ပြည့်နှစ် ရွေးကောက်ပွဲတွင် တစညပါတီနှင့် ကြံ့ဖွံ့တို့ သေချာပေါက် ပါဝင်နိုင်မည်ဟု ယူဆစရာရှိသည်။

ထိုပြောဆိုချက်များကို ချုပ်ကြည့်လျှင် မြန်မာစစ်အစိုးရသည် တစညပါတီ ဦးခင်မောင်ကြီးနှင့် ထိုင်းဝန်ကြီးချုပ် စမတ်တုို့ကို အသုံးချပြီး ၂၀၁၀ ရွေးကောက်ပွဲဝင်ခွင့်ရမည့် ပါတီအရေ အတွက်အပေါ် အတိုက်အခံဘက်က မည်သို့ တုံ့ပြန်မည်၊ ပြည်သူတွေ မည်သို့တုံ့ပြန်မည်ကို သိအောင် သွေးတိုးစမ်းခြင်း ဖြစ်သည်ဟု ရန်ကုန် နိုင်ငံရေးအကဲခတ်များက နားလည်နေကြသည်။

ရွေးကောက်ပွဲဝင်ခွင့်ရမည့် ပါတီအရေအတွက်နှင့် ပတ်သက်ပြီး ယခုအချိန်ထိ အန်အယ်လ်ဒီအပါအ၀င် မည်သည့်အဖွဲ့အစည်းကမျှ မကျေနပ်ကြောင်း တုံ့ပြန်ခြင်းမရှိသေးပေ။

ထို့ကြောင့် ၂၀၁၀ ရွေးကောက်ပွဲတွင် အန်အယ်လ်ဒီဝင်ရောက်ယှဉ်ပြိုင်မည်ဆိုလျှင်ပင် အန်အယ်လ်ဒီ၊ တစည၊ ကြံ့ဖွံ့အပြင် စစ်အစိုးရခေါင်းခေါက်ရွေးထားသည့် တသီးပုဂ္ဂလ အမတ်တချို့ ပါနိုင်သည်ဟု ယူဆစရာရှိသော်လည်း အမှန်တကယ်မှာ တစညနှင့် ကြံ့ဖွံ့ပါတီတို့သည် မည်သည့်ပါတီများနှင့် မဟာမိတ်ဖွဲ့မလဲဆိုသည့်အချက်ကို စစ်အစိုးရက မြှုပ်ကွက်လုပ်ထားသည်။

ကချင်လက်နက်ကိုင် အပစ်အခတ်ရပ်စဲရေးအဖွဲ့များက ပါတီထောင်ရန် စိုင်းပြင်းနေခြင်းမှာ လည်း စစ်အစိုးရ၏ သြဇာမကင်းဟု တိုင်းရင်းသားခေါင်းဆောင်အချို့က ယူဆသည်။ ညီလာခံတက်ခဲ့သည့် တိုင်းရင်းသားအဖွဲ့များနှင့် ပတ်သက်သည့် ပါတီများဖွဲ့ဖြစ်လျှင် ထိုပါတီများသည် တစည သို့မဟုတ် ကြံ့ဖွံပါတီများနှင့် မဟာမိတ်ဖွဲ့နိုင်စရာရှိသည်ဟု ရန်ကုန်စာနယ်ဇင်းသမားအချို့က မှန်းထားသည်။

၁၉၉၀ ပြည့်နှစ် ရွေးကောက်ပွဲမှာ တစည အရေးနိမ့်ခဲ့ခြင်းသည် မဟာမိတ်မဖွဲ့ခဲ့ခြင်းကြောင့် ဖြစ်သည်ဟု တစည ဦးခင်မောင်ကြီးက နိုင်ငံခြား သတင်းထောက်အချို့ကို ပြောခဲ့သည်။ ထို့ကြောင့် တစညပါတီက မဟာမိတ်ဖွဲ့ရန် သေချာနေသော်လည်း မည်သည့်ပါတီတွေနှင့် မဟာမိတ်ဖွဲ့မည်မှာ အတိအကျ မသိရသေးပေ။ မြန်မာစစ်အစိုးရအနေဖြင့် ကြံ့ဖွံကို နိုင်ငံရေးပါတီအဖြစ် ပြောင်းရန် တရားဝင် မကြေညာသေးသော်လည်း တစညပါတီကိုမူ ပြည်တွင်း၌ လွတ်လပ်စွာ စည်းရုံးခွင့်ပေးထားသည်ဟု ခေတ်ပြိုင်က စုံစမ်းသိရသည်။ ယခုတခေါက်တွင် တစညပါတီ သေချာပေါက် နိုင်ရမည်ဟု ပါတီခေါင်းဆောင် ဗိုလ်ချုပ်ထွန်းရီက မွန်ပြည်နယ် စည်းရုံးရေးခရီးစဉ်များတွင် ပြောခဲ့ကြောင်း မျက်မြင်သက်သေများက ပြောသည်။

အထူးသဖြင့် စစ်အစိုးရ ကျောထောက်နောက်ခံပေးထားသည့် အဖွဲ့အစည်းများက ထောင်သည့်ပါတီမှန်သမျှ တစည သို့မဟုတ် ကြံ့ဖွံ့ပါတီများနှင့် မဟာမိတ်ဖွဲ့နိုင်စရာ ရှိသည့်အတွက် ၂၀၁၀ ရွေးကောက်ပွဲဝင်မည့် ပါတီအရေအတွက် နည်းနိုင်သော်လည်း တစည သို့မဟုတ် ကြံ့ဖွံ့ပါတီများမှာ ကြီးမားသည့် မဟာမိတ်အုပ်စုများ ဖြစ်လာနိုင်သည်ဟု တွက်ကြသည်။


ပြိုင်တူတွန်းလျှင် ရွေ့နိုင်ပါသည်


ဘုန်းကျော် (လက်ဖက်မြေ) / ၉ ဇန်န၀ါရီ ၂၀၀၉

(၁)
၂ဝဝ၉ နှစ်ဦးပိုင်းလောက်မှာ နိုင်ငံရေးပါတီတည်ထောင်ခွင့်ဥပဒေ၊ ရွေးကောက်ပွဲဥပဒေ တွေကို နအဖ စစ်အုပ်စု ပြဋ္ဌာန်းတော့မယ်။ အတိအကျ မဟုတ်တာတောင်မှ တဆင့်စကား တဆင့်နားကြားရတဲ့ ကောလာဟလသတင်းကနေ သူတို့မထင်မှတ်ဘဲ တကယ်လုပ်တတ် ကြတဲ့ အာဏာရှင်တွေမို့ တကယ်မဟုတ်နိုင်ဘူးလို့လည်း ငြင်းဆန်ရခက်နေပြန်ရော မဟုတ်လား။ တကယ်လို့များ ဥပဒေ ပြဋ္ဌာန်းလိုက်ရင်တော့ မကြာခင် ကာလအတွင်း နိုင်ငံရေးပါတီထူထောင်ခွင့်တွေ၊ ပါတီစည်းရုံးရေးဖော်ဆောင်ခွင့်တွေ ရဖို့ မျှော်လင့်နိုင်ပါပြီ။ သူတို့ရဲ့ ဥပဒေပါ အကန့်အသတ်အတိုင်း စည်းရုံးရေးမူဘောင်ပေါ့လေ၊ မကြိုက်ရင်တော့ အားလုံးဟာ ဥပဒေနဲ့ ငြိတာတွေချည်း ဖြစ်နေမလားပဲ။ ဘယ်လိုပဲဖြစ်ဖြစ်ပေါ့၊ နိုင်ငံရေးပါတီ ထူထောင်ခွင့်နဲ့ ရွေးကောက်ပွဲဥပဒေတွေ ပြဋ္ဌာန်းလိုက်ရင်တော့ တကယ့်ကိုပဲ မြန်မာပြည်ကြီးမှာ နိုင်ငံရေးပါတီတွေ ဖွဲ့စည်းထူထောင်ခွင့် ရတော့မယောင်ပေါ့။

အဲဒီလို မျက်စိလည်ပြီး ကိုယ်ကျိုးကြည့်တတ်သူတွေတချို့အတွက်တော့ အားကျချင်စရာပါ။ နအဖ ကြိုးဆွဲရာ လုံးလုံးလိုက်ကတဲ့ ကိုအေးလွင်တို့ ကျောင်းသားပါတီအဖွဲ့ကတော့ ခုကတည်းကိုက စည်းရုံးရေးတွေ စတင်နေပြီမဟုတ်လား။ တချို့တိုင်းရင်းသား အဖွဲ့အစည်းတချို့ကလည်း မပြေးသော်ကန်ရာရှိ ဆိုတဲ့အတိုင်း သူများ မိုးခါးရေသောက်ရင် ကိုယ်လည်းသောက်ရမယ် မူးမူး ရူးရူးပေါ့။ ခြေကျွံသွားမိလို့ နစ်နေတဲ့နွံထဲကနေ ရုန်းမထွက်နိုင်သေးတဲ့ အဖွဲ့အစည်းတွေကတော့ သိသိကြီးနဲ့ အမှားထပ်ကျူးလွန်ကြမယ့်ပုံပါ။

ပိုပြီး မျက်စိလည်သူ၊ မျက်စိလည်ဟန်ဆောင်သူတွေကတော့ ပါတီဖွဲ့စည်းခွင့်ဥပဒေတောင် မထုတ်ပြန်သေးဘူး။ ဘယ်လောက်လွတ်လပ်ခွင့်ရှိမလဲဆိုတာ မသိသေးဘဲနဲ့ အခွင့်ထူးအမျိုးမျိုးကို မျှော်ကိုးပြီး ပါတီဖွဲ့စည်းမယ်၊ ခွင့်ပြုချက်ရယူမယ် အစသဖြင့် လေပြေထိုးနေကြပါပြီ။ တချို့ဆိုရင် မျက်စိ၊ နား၊ ဦးနှောက် သူများထက် စိတ်ထင်တိုင်း ကျယ်ကျယ်ဖွင့်ထားနိုင်တဲ့ နေရာဒေသမှာ ရှိနေတာတောင် အပင်း၊ အကန်း၊ အအ အဖြစ်ခံပြီး ကနေဒါနိုင်ငံကတဆင့်တောင် ၂ဝ၁ဝ ရွေးကောက်ပွဲမှာ ဝင်ပြိုင်ဖို့ ညီညွတ်တဲ့နိုင်ငံရေး ပါတီဖွဲ့နေပါပြီ။ တရားဝင်ဖွဲ့စည်းခွင့်ကို သက်ဆိုင်ရာ သံရုံးကနေတဆင့် လျှောက်ထား အုံးမယ်တဲ့။

တချို့ အန်ဂျီအို ယောင်ယောင် နိုင်ငံရေးသမားတွေ၊ စားဖားတွေကတော့ ဥရောပသမဂ္ဂကြီးကို မျက်စိလည်အောင်လုပ်ပြီး ပြည်တွင်းကလူတွေကို နိုင်ငံရေးပါတီ ဖွဲ့စည်းပုံတွေ၊ ရွေးကောက်ပွဲ ကျင်းပရေးတွေအတွက် ပညာပေးစည်းရုံးရေး လုပ်မယ်ဆိုပြီး အိတ်ဖောင်းအောင် အစပြုသူ တွေကလည်း တစထက်တစ ထင်ထင်ရှားရှားထွက်ပေါ်လာပါပြီ။ ဘာမှမတတ်နိုင်တာနဲ့နှိုင်းယှဉ်ရင် ကိုယ့်ပြည်သူအတွက် နောက်ဆုံး မဖြစ်နိုင်တဲ့ မျက်ကန်း မျှော်လင့်ချက်ထားသူလည်း ရှိကြပါတယ်။


(၂)
ကျနော်တို့မှာ တကယ်ကိုပဲ အခြားရွေးချယ်စရာ ဘာမှ မရှိတော့ဘူးလား။
နအဖ ကျင်းပမယ့် ၂ဝ၁ဝ ရွေးကောက်ပွဲမှာ ကိုယ့်သတ်ကွင်းကို ကိုယ်ကိုယ်တိုင် တကယ်ဖန်တီးလမ်းပြပေးဖို့အပြင် နိုင်ငံရေးပြဿနာဖြေရှင်းဖို့ အခြားရွေးချယ်စရာ နည်းလမ်းတခုခု မရှိနိုင်တော့ဘူးလား။

၂ဝ၁ဝ ရွေးကောက်ပွဲပြီးသွားခဲ့ရင်၊ နအဖစစ်အုပ်စုက တရားဝင်အစိုးရဖြစ်သွားခဲ့ရင် ဆိုပြီးတော့ ကိုယ့်တပ်ပေါင်းစု၊ အဖွဲ့အစည်းတွေ ဘယ်လိုဆက်လက် ရပ်တည်ကြမလဲ ဆိုတာကို တွေးကြောက်ပြီး၊ ၂ဝ၁ဝ အလွန် ပြင်ဆင်ချက်တွေကြားထဲ နစ်မွန်းပြီး ရပ်တည်ချက်တွေဝေဝါးရင်း ပြည်သူလူထုတရပ်လုံး ဒုက္ခအတိကျရောက်စေမယ့် ရန်သူရဲ့ဗျူဟာကို ပူးပေါင်းလုပ်ဆောင်မယ့် လုပ်ငန်းစဉ်ဟာ ကျနော်တို့အတွက် တကယ်မှန်ကန် သင့်မြတ်တဲ့ ရွေးချယ်ဆုံးဖြတ်ချက် ဘယ်လိုမှ မဖြစ်နိုင်ပါဘူး။

ကျနော်တို့ ပြတ်ပြတ်သားသား ရှင်းရှင်းလင်းလင်း ဖြစ်သင့်တာတခုကတော့ နအဖ စစ်အုပ်စုဟာ ၂ဝ၁ဝ ရွေးကောက်ပွဲကို တဖက်သတ်ကျင်းပပြီး ဘယ်လိုပဲ လူထုအာဏာကို အဓမ္မရယူသွားပါစေ၊ ကျနော်တို့ တော်လှန်ရေးအဖွဲ့အစည်းတွေရဲ့ လူထုကိုယ်စားပြု လုပ်ပိုင်ခွင့်တွေ၊ ဒီမိုကရေစီနဲ့ အမျိုးသားတော်လှန်ရေး လုပ်ပိုင်ခွင့်တွေ (Mandate) ဟာ ဘယ်လိုမှပျက်ပြယ်မသွားပါဘူး။ ကျနော်တို့ဟာ ပြည်သူလူထုဘက်က အစဉ်ရပ်တည်ပြီး တော်လှန်ရေးအောင်မြင်မယ့် လုပ်ငန်းစဉ်တွေကို ရပ်တည်ချက် ခိုင်ခိုင်မာမာတည်ဆောက်ရင်း လုပ်ကိုင်ဆောင်ရွက်စုစည်းကြမယ်ဆိုရင် ကျနော်တို့ တော်လှန်ရေးအင်အားစုတွေကသာ ဒီတော်လှန်ရေးအလုပ်ကို အပြီးသတ်လုပ်ကိုင် သယ်ဆောင်ရမယ့် တကယ်တာဝန်ရှိသူတွေ ဖြစ်ပါတယ်။ တရားဝင် လုပ်ပိုင်ခွင့်ရှိသူတွေ ဖြစ်ပါတယ်။

နအဖ စစ်အုပ်စုဟာ ဘယ်လိုနည်းလမ်းနဲ့မှ ကျနော်တို့ရဲ့ လူထုကိုယ်စား တရားဝင် လုပ်ပိုင်ခွင့်ကို ရုပ်သိမ်းပိတ်ပင်လို့ မရပါဘူး။ အမျိုးသားဒီမိုကရေစီအဖွဲ့ချုပ်ကြီးကို ဘယ်လိုနည်းလမ်း ဗျူဟာနဲ့မှ ပပျောက်ချုပ်ငြိမ်း ပျက်စီးသွားအောင် လုပ်လို့မရပါဘူး။
အကောင်အထည်မဖော်ရသေးတဲ့ ၉ဝ ရွေးကောက်ပွဲရလဒ်ရဲ့ တရားဝင်မှုကို ပျက်ပြယ်ချုပ်ငြိမ်းသွားအောင် ဘယ်လိုမှလုပ်လို့မရပါဘူး။ တိုင်းရင်းသားအဖွဲ့အစည်းတွေနဲ့ ဒီမိုကရေစီ အင်အားစုတွေရဲ့ လူထုကိုယ်စားပြုတဲ့ တော်လှန်ရေးလုပ်ဆောင်မှုကို တရားဝင်ချုပ်ငြိမ်း ရပ်တန့်သွားအောင် ဘယ်လိုမှလုပ်လို့မရပါဘူး။

အဲဒီလို တကယ်တမ်း ပျက်ပြယ်ချုပ်ငြိမ်း၊ တရားမဝင်၊ ရပ်တန့်သွားအောင် တကယ်လုပ်နိုင်တဲ့ သူတွေကတော့ တကယ်ကိုပဲ လက်ရှိတော်လှန်ရေးကြီးထဲမှာ ပါဝင်ထမ်းဆောင်တာဝန်ယူ နေကြတဲ့ ခေါင်းဆောင်တွေ၊ အဖွဲ့ဝင်တွေဖြစ်တဲ့ ကျနော်တို့ကိုယ်တိုင်ပါပဲ။ နအဖ စစ်အုပ်စု မဟုတ်ပါဘူး။


(၃)
နအဖ လက်ကိုင်စွဲထားတဲ့ လမ်းပြမြေပုံအဆင့်ဆင့် အလုပ်မဖြစ်ဘဲ ရပ်တန့်သွားအောင်၊
စစ်မှန်တဲ့ လူထုဆန္ဒတောင်းဆိုမှုအတိုင်း ဖြစ်လာအောင်၊ တိုင်းရင်းသားပြည်သူလူထုကို ငြိမ်းချမ်းရေး၊ ဖွံ့ဖြိုးတိုးတက်ရေးတွေ အမှန်တကယ် ဆောင်ကြဉ်းပေးနိုင်မှာမဟုတ်တဲ့ နအဖ တဖက်သတ်ရေးဆွဲပြီး လူထုဆန္ဒကို ဓားပြတိုက်အတည်ပြုခဲ့တဲ့ ဖွဲ့စည်းပုံအခြေခံဥပဒေကို ပျက်ပြယ်အားလျှော့သွားအောင်၊ ပြည်သူလူထုနဲ့ နိုင်ငံတကာမိဘပြည်သူများရဲ့ ဆန္ဒကိုမျက်ကွယ်ပြုပြီး တဖက်သတ်ကျင်းပချင်တဲ့ ၂ဝ၁ဝ အထွေထွေရွေးကောက်ပွဲ မကျင်းပနိုင်ဘဲ နအဖစစ်အုပ်စုရဲ့ လမ်းကြောင်းကိုလွှဲပြောင်းပြီး အားလုံးပါဝင်ပတ်သက်နိုင်တဲ့ အခင်းအကျင်းမျိုးဖြစ်အောင် ကျနော်တို့မှာ ရပ်တည်ချက် ရေခံမြေခံကောင်းတွေ အများကြီးရှိပါတယ်။

ဖွဲ့စည်းပုံအခြေခံဥပဒေကို ပြန်လည်ပြင်ဆင်ပြီး အားလုံးပါဝင်နိုင်တဲ့ နိုင်ငံရေးအခင်း အကျင်းဖြစ်လာအောင်လုပ်ဖို့ တောင်းဆိုပြီး တရားဝင် သဘောထားထုတ်ပြန်ထားတဲ့ အမျိုးသားဒီမိုကရေစီအဖွဲ့ချုပ်ကြီးရဲ့ မှန်ကန်သင့်လျှော်တဲ့ သဘောထားရပ်တည်ချက်၊
တက်ကြွတဲ့နိုင်ငံရေးလှုပ်ရှားသူ၊ လူ့အခွင့်အရေးလှုပ်ရှားသူ ရဟန်းရှင်လူ၊ ကျောင်းသား လူငယ်၊ အဖွဲ့ချုပ်အဖွဲ့ဝင်၊ တိုင်းရင်းသားအင်အားစုတွေကို မတရားဖမ်းဆီး နှစ်ရှည်ထောင် ဒဏ်ချမှတ်တဲ့ နအဖစစ်အုပ်စုရဲ့ လတ်တလောလုပ်ရပ်၊ တိုင်းရင်းသားဒေသအတွင်း ဆိုးရွားတဲ့ လူ့အခွင့်အရေး ဆက်တိုက်ချိုးဖောက်မှု၊ နာဂစ်မုန်တိုင်းကိစ္စကို တာဝန်ယူမှုကင်းမဲ့စွာ၊ အကြင်နာတရားကင်းမဲ့စွာ ကိုင်တွယ်နေတဲ့ နအဖစစ်အုပ်စုကို မိဘပြည်သူနဲ့ နိုင်ငံတကာမိသားစုကြီးတွေက ပြင်းပြင်းထန်ထန် ကန့်ကွက်ရှုတ်ချနေတာတွေ…။

လက်ရှိပြည်တွင်း၊ ပြည်ပမှာ တက်တက်ကြွကြွလှုပ်ရှားနေကြတဲ့ ဒီမိုကရေစီနဲ့ တိုင်းရင်းသား တော်လှန်ရေးအင်အားစုများရဲ့ ရပ်တည်ချက် သဘောထားနဲ့ အဖွဲ့ချုပ်တောင်းဆိုချက်အပေါ် ဝိုင်းရံထောက်ပံ့မှုတွေ…။

တကယ်မိုးထဲရေထဲ အကျဉ်းအကျပ်ကြားမှာရှိတဲ့ အချို့တိုင်းရင်းသား အပစ်အခတ်ရပ်စဲရေး အဖွဲ့တွေရဲ့ နအဖ စစ်အုပ်စု လမ်းပြမြေပုံလုပ်ငန်းစဉ်ကို နိုင်ငံရေးပရိယာယ်ကြွယ်ကြွယ် ငြင်းဆန်ကန့်ကွက်ပြီး၊ အားလုံးပါဝင်နိုင်တဲ့ အခင်းအကျင်းဖြစ်အောင် လမ်းကြောင်းပေးနေတဲ့ ရပ်တည်ချက်တွေ…။

ပြည်တွင်း ပြည်ပမှာရှိတဲ့ ဝါရင့်နိုင်ငံရေးသမားတွေ၊ လှုပ်ရှားတက်ကြွတဲ့ ဒီမိုကရေစီနဲ့ တိုင်းရင်းသားတော်လှန်ရေးအင်အားစုတွေ၊ နိုင်ငံရေးအပြောင်းအလဲကို လိုလားတဲ့ ရဟန်းရှင်လူ မိဘပြည်သူတွေ အစရှိတဲ့အလွှာပေါင်းစုံကနေ လက်ရှိတော်လှန်ရေးကြီး ကျစ်လျစ်စုစည်းညီညွတ်ရေးအပေါ် တူညီတဲ့ တောင်းဆိုမှုတွေ…။

အစရှိတဲ့ရပ်တည်ချက်တွေဟာ နအဖ စစ်အုပ်စုကို စိန်ခေါ်နေတဲ့ ကျနော်တို့ တော်လှန်ရေး အင်အားစုတွေအတွက် တကယ့်အားကောင်းချက်တွေပါ။ ဒီမူတွေ၊ ရပ်တည်ချက်တွေ အပေါ်မှာ ခိုင်ခိုင်မာမာရပ်တည်ပြီး စုစည်းကျစ်လျစ်စွာနဲ့ ဝိုင်းတွန်းကြမယ်ဆိုရင် သေချာပါတယ် ကျနော်တို့ ဒီလက်တဆုပ်စာ စစ်အုပ်စုကို ဖယ်ရှားနိုင်ပါတယ်။

ကျနော်တို့ရဲ့မူ၊ ရပ်တည်ချက်တွေပေါ်မှာသာ ခိုင်ခိုင်မာမာရပ်တည်ဖို့လိုတာပါ။
အဲဒီလို ကျစ်လျစ်ခိုင်မာစွာ စုစည်းလိုက်မယ်ဆိုရင် ချိန်ဆနေတဲ့အချို့သော အပစ်ရပ်တိုင်းရင်းသားအဖွဲ့တွေ၊ အကြောက်တရားများစွာကြားမှာ ရှင်သန်နေရတဲ့ ကျနော်တို့ရဲ့ ပြည်သူလူထုတွေ၊ ကျနော်တို့ကို ထောက်ခံချင်နေတဲ့ နိုင်ငံတကာ မိသားစုတွေ အစရှိတဲ့ ထောက်ခံမှုပေါင်းများစွာကို ကျနော်တို့ ရရှိကြမှာပါ။

အခုအချိန်မှာ ကျနော်တို့အတွက် အရေးကြီးတာက နအဖ စစ်အုပ်စု တဖက်သတ်ကျင်းပမယ့် ၂ဝ၁ဝ ရွေးကောက်ပွဲကို ပြတ်ပြတ်သားသားဆန့်ကျင်ရမယ်ဆိုတဲ့ ရပ်တည်ချက်အပေါ် တစုတစည်းတည်း ရပ်တည်လှုပ်ရှားကြဖို့ပါ။ နအဖ သွားနေတဲ့လမ်းကြောင်းကိုပြောင်းလဲပြီး ဘက်ပေါင်းစုံပါဝင်နိုင်တဲ့ နိုင်ငံရေးပြုပြင်ပြောင်းလဲမှုမျိုး ဖြစ်လာအောင် စုစည်းလုပ်ဆောင် ကြဖို့ပါ။
(၄)
လွန်ခဲ့တဲ့ မေလလူထုဆန္ဒခံယူပွဲကို ကန့်ကွက်တဲ့လှုပ်ရှားမှုအပေါ် အခြေခံပြီး သုံးသပ်ကြည့်မယ်ဆိုရင်လည်း လက်ရှိ နအဖ စစ်အုပ်စုရဲ့ ၂ဝ၁ဝ ရွေးကောက်ပွဲဟာ ကျနော်တို့ ပြည်သူလူထုတွေအတွက် ဘယ်လိုမှ မှန်ကန်တဲ့နိုင်ငံရေး ပြုပြင်ပြောင်းလဲမှုမျိုး ဖြစ်မလာနိုင်ဘူးဆိုတာ ထင်ရှားပါတယ်။

မေလလူထုဆန္ဒခံယူပွဲဟာ တရားမျှတမှုလုံးဝမရှိခြင်း၊ နိုင်ငံတကာစောင့်ကြည့် လေ့လာရေးအဖွဲ့များမပါရှိခြင်း၊ နအဖစစ်အုပ်စုတို့ရဲ့ ပြည်သူလူထုဆန္ဒကို မသမာတဲ့ နည်းလမ်းပေါင်းစုံဖြင့် တဖက်သတ်အနိုင်ယူခဲ့ခြင်းသာ ဖြစ်တဲ့အတွက်ကြောင့် ဖွဲ့စည်းပုံ အခြေခံဥပဒေကို လူထု (၉၂) ရာခိုင်နှုန်းကျော် ထောက်ခံတယ်လို့ သူတို့ ဘယ်လိုပဲ လိမ်လည် ပြီး ကြေညာနေပါစေ အဲဒီအဖြေရလဒ်ဟာ တရားမဝင်ဘူး။ ဘယ်သူမှ အသိအမှတ် မပြုပါဘူး။

ကျနော်တို့ ပလောင်အလုပ်အဖွဲ့ရဲ့ မေလလူထုဆန္ဒခံယူပွဲဆန့်ကျင်ရေး လှုပ်ရှားမှု အတွေ့အကြုံအရ နအဖ စစ်အုပ်စုကျင်းပမယ့် ၂ဝ၁ဝ ရွေးကောက်ပွဲကို ဝင်ရောက် စိတ်ကူးယဉ်ဖို့ ဘယ်လိုမှ မသင့်တော်တဲ့အချက်တချို့တင်ပြချင်ပါတယ်။

ကျနော်တို့ဟာ နမ့်ဆန်၊ နမ့်ခမ်း၊ မူဆယ်၊ ကွတ်ခိုင်၊ လားရှိုး၊ သီပေါ၊ ကျောက်မဲ၊ နမ္မတူ၊ မန်တုန် အစရှိတဲ့ ပလောင်ပြည်သူတွေ နေထိုင်တဲ့ မြို့နယ်တွေမှာ မဲရုံမှူးတွေ၊ မဲရုံကြီးကြပ်ရေး အဖွဲ့တွေမှာ ကျနော်တို့စိတ်ချယုံကြည်ထားတဲ့လူတွေ မြောက်မြားစွာ မြှုပ်နှံစောင့်ကြပ် ခဲ့တာတောင်မှ နအဖစစ်အုပ်စုရဲ့ ညစ်ပတ်နည်းအမျိုးမျိုးနဲ့ လူထုဆန္ဒကို အတင်းအဓမ္မ ရယူခဲ့တာကို ကျနော်တို့ မဟန့်တားနိုင်ခဲ့ပါဘူး။ လူထုဆန္ဒခံယူပွဲပြီးသွားမှ စစ်အုပ်စု ဘယ်လိုနည်းလမ်းနဲ့ ညစ်ပတ်ခဲ့တယ်ဆိုတာကို အများပြည်သူသိအောင် ဖော်ထုတ်နိုင်တာ တခုပဲ လုပ်နိုင်ခဲ့တာပါ။

ဖွဲ့စည်းထားပေးတဲ့ ဆန္ဒခံယူပွဲကျင်းပရေးကော်မရှင်က ထုတ်ပြန်ထားတဲ့ ဆန္ဒခံယူပွဲ လုပ်ထုံး လုပ်နည်း ဥပဒေတွေကို မဲရုံမှူးနဲ့ မဲရုံအဖွဲ့ဝင်တွေဟာ လမ်းညွှန်ထားတဲ့ အတိုင်းမလုပ်ခဲ့ပါဘူး။ ပြီးတော့ မဲရုံမှူးနဲ့အဖွဲ့ဝင်အများစုဟာ ဆန္ဒခံယူပွဲလုပ်ထုံးလုပ်နည်းဥပဒေကိုလည်း ဖတ်ရှုနားလည်ထားခြင်း မရှိပါဘဲနဲ့ အထက်ကလာတဲ့ အမိန့်အတိုင်း မဲရုံကြီးကြပ်ပြီး လူထုဆန္ဒကို အဓမ္မလုယူခဲ့တာပါ။

ကျနော်တို့ လေ့လာတွေ့ရှိချက်အရဆိုရင် ဆန္ဒခံယူပွဲကျင်းပချိန်မှာ မဲရုံတွေမှာ မဲရုံမှူးနဲ့ မဲရုံအဖွဲ့ဝင်တွေဟာ ထောက်ခံမဲခြစ်ထားသော မဲပြားတွေ ထုတ်ပေးတာ၊ မဲရုံစောင့်တွေက မဲပေးသူတွေ ကိုယ်စား ထောက်ခံမဲခြစ်ပေးတာ၊ မဲရုံစောင့်တွေ မဲပေးတဲ့ လျှို့ဝှက်ခန်းအတွင်းထိ လိုက်လံကြည့်ရှု ကြတာ၊ ကိုယ်စားပြုမဲထည့်ကြတာ၊ မဲထည့်ပိုင်ခွင့်ကို အကြောင်းမဲ့ ကန့်သတ်ထိန်းချုပ်ခဲ့ကြတာ၊ နည်းအမျိုးမျိုးနဲ့ခြောက်လှန့်ပြီး ထောက်ခံမဲ ပေးခိုင်းတာ၊ ဆန္ဒပြုမဲပြားကို မဲပုံးထဲသို့မထည့်မီ မဲရုံမှူးတွေက စစ်ဆေးကြည့်ရှုခဲ့တာ၊ ကန့်ကွက်မဲတွေကိုပယ်ဖျက်ပြီး ထောက်ခံမဲအဖြစ် ပြောင်းလဲပစ်တာ၊ မဲပေးပိုင်ခွင့်ရှိသူတွေ မဲလာမပေးပေမယ့် မဲစာရင်းပြည့်အောင်ပြုလုပ်ခဲ့တာတွေ၊ မဲရုံကိုသတ်မှတ်ချိန်အထိ မကျင်းပဘဲ ပိတ်ချင်တဲ့အချိန် ပိတ်ပစ်တာ၊ မသမာတဲ့နည်းလမ်းတွေနဲ့ မဲရေတွက်ခဲ့တာ၊ မဲပေးပိုင်ခွင့်ရှိသူထက် မဲရလဒ်ပိုများနေတာ အစရှိတဲ့ မသမာတဲ့နည်းလမ်းအမျိုးမျိုးကို နေရာဒေသအလိုက် ခွဲခြားကျင့်သုံးသွားခဲ့တာကို တွေ့ရှိခဲ့ရပါတယ်။

အချို့မဲရုံတွေမှာ ဖော်ပြတဲ့အချက်တွေထဲက အားလုံးမဟုတ်သည့်တိုင်အောင် မသမာနည်း (၄-၅) မျိုးကို မဲလာပေးတဲ့ မဲဆန္ဒရှင်များ အပေါ်မူတည်ပြီး သင့်တော်သလို အသုံးပြု ညစ်ပတ်သွားခဲ့ပါတယ်။ လွတ်လပ်မှုရှိပါတယ်လို့ဆိုထားတဲ့ မဲရုံတွေမှာတောင် မသမာတဲ့နည်းလမ်းအနည်းဆုံး (၃) မျိုး လောက်ကျင့်သုံးခဲ့တာကို တွေ့မြင်ခဲ့ရတာပါ။
(ပလောင်အဖွဲ့ကထုတ်တဲ့ လူထုဆန္ဒကို ဆန့်ကျင်သည့်မဲပြားများ အစီရင်ခံစာမှာ www.palaungland.org မှာ အသေးစိတ်လေ့လာနိုင်ပါတယ်)

မေလလူထုဆန္ဒခံယူပွဲကနေ အဓိကသင်ခန်းစာယူချင်တာကတော့ နအဖ စစ်အုပ်စု တဖက်သတ်ကျင်းပချင်တဲ့ ၂ဝ၁ဝ ရွေးကောက်ပွဲသာဖြစ်ခဲ့ရင် ကျနော်တို့ ၁၉၉ဝ ပြည့်တုန်း ကလို အမျိုးသားဒီမိုကရေစီအဖွဲ့ချုပ် သို့မဟုတ် လူထုဘက် အမှန်တကယ် ရပ်တည်တဲ့ ပါတီတွေ မဲနိုင်ဖို့ အလားအလာ လုံးဝမရှိ၊ ဒါမှမဟုတ် အတော်နည်းပါလိမ့်မယ်။

ဖွဲ့စည်းပုံအရ (၂၅) ရာခိုင်နှုန်းရပြီးတဲ့အပြင် သူတို့ကို ထင်သလောက် စိန်ခေါ်မှုမလုပ်နိုင်တဲ့ ပါတီတွေကိုပဲ အနည်းအကျဉ်း မဲပေးနိုင်ပြီး၊ ရာနှုန်းပြည့်နီးပါး အနိုင်ရအောင်လုပ်မယ့် ကောက်ကျစ်တဲ့နည်းလမ်းတွေကို ရွေးကောက်ပွဲကျင်းပတဲ့အချိန်အတွင်းမှာ ကျနော်တို့ ဘယ်လိုမှ မတားဆီး၊ မကာကွယ်နိုင်ပါဘူး။ ဆန္ဒခံယူပွဲတုန်းကလိုပဲ ၂ဝ၁ဝ ရွေးကောက်ပွဲမှာ မတရားလုပ်တာတွေ အများသိအောင် ဖော်ထုတ်ပြနိုင်ခဲ့ရင်လည်း ကျနော်တို့ အများ ပြည်သူအတွက် ကောင်းကျိုးတွေရှိစေမယ့် နိုင်ငံရေးပြုပြင်ပြောင်းလဲမှုမျိုး ဖော်ဆောင်နိုင်ဖို့ အခွင့်အလမ်း အတော်နည်းပါတယ်။

အဲဒီအချက်တွေက ကိစ္စမရှိပါဘူး။ ဘာမှမရတာနဲ့စာရင် သူတို့ဖွဲ့စည်းမယ့်အစိုးရထဲမှာ ကိုယ့်လူတွေ တရားဝင် မဲနိုင်တဲ့ ကိုယ်စားလှယ်ရပြီး ထောက်ပြ လှုပ်ရှားနိုင်သေးတာပဲ ဆိုပြီး တချီတပွဲ နွှဲချင်သေးတယ်ဆိုတဲ့ စဉ်းစားချက် လုပ်ငန်းစဉ်ကလည်း ဘယ်လိုမှ ရည်ရွယ်တဲ့အတိုင်း အတိုက်ခံလုပ်နိုင်မှာ မဟုတ်တာ သေချာပါတယ်။

အပစ်အခတ်ရပ်စဲရေးလုပ်တဲ့ တိုင်းရင်းသားအဖွဲ့အစည်းတွေရဲ့ ခါးသီးတဲ့သင်ခန်းစာ၊ စိတ်ပြောင်းပြီး အခြားပူးပေါင်းတဲ့ နည်းလမ်းနဲ့ ကြိုးပမ်းကြည့်ချင်တဲ့ ဘက်ပြောင်းလှုပ်ရှားတဲ့ နိုင်ငံရေးသမားတွေကို စစ်အုပ်စုဘယ်လို ခြယ်လှယ်ချုပ်ကိုင်ထားတယ်ဆိုတာ လုံလောက်တဲ့ ပေးဆပ်မှုသင်ခန်းစာတွေပါ။ နစ်နာတဲ့ပေးဆပ်မှုတွေ သိသိကြီးနဲ့ ထပ်ပြီး မဆုံးရှုံးသင့်တော့ပါဘူး။

(၅)
နအဖ စစ်အုပ်စု တဖက်သတ်ကျင်းပမယ့် ၂ဝ၁ဝ ရွေးကောက်ပွဲကို စုစည်းညီညွတ်စွာ ပြတ်ပြတ်သားသားဆန့်ကျင်ရမယ်ဆိုတာ ယနေ့ ကျနော်တို့ တော်လှန်ရေးအင်အားစုများ အတွက် အသက်သမျှ အရေးကြီးတဲ့တောင်းဆိုမှုဖြစ်ပါတယ်။ နအဖ စစ်အုပ်စုက ဦးဆောင်ကျင်းပဖို့ ပြင်ဆင်နေတဲ့ ၂ဝ၁ဝ ရွေးကောက်ပွဲကို ချေဖျက်ဖို့ ကျနော်တို့ ပြင်ဆင်မှုပေါင်းများစွာ လုပ်ရပါမယ်။

အဲဒီရွေးကောက်ပွဲကို ချေမှုန်းနိုင်ဖို့ ကျနော်တို့ဟာ ပြီးခဲ့တဲ့ မေလ လူထုဆန္ဒခံယူပွဲ ဆန့်ကျင်တုန်းက အတွေ့အကြုံတွေအပေါ် အခြေခံပြီး ထပ်မံ မှားယွင်းမှုတွေမဖြစ်အောင် အကျေအလည် ဆွေးနွေးပြင်ဆင်ရပါမယ်။

ပြည်တွင်းမှာရှိတဲ့ နိုင်ငံရေးအင်အားစု၊ အပစ်ရပ်အင်အားစုတွေ၊ တက်ကြွလှုပ်ရှားသူတွေရဲ့ ရပ်တည်လှုပ်ရှားမှု…။

ပြည်ပမှာရှိတဲ့ တိုင်းရင်းသားနဲ့ ဒီမိုကရေစီ အစရှိတဲ့နိုင်ငံရေးအင်အားစုတွေ၊ လူမှုအသင်း အပင်းတွေရဲ့ တိကျရှင်းလင်းပြီး ကျစ်လျစ်ခိုင်မာတဲ့ ရပ်တည်ချက်သဘောထားနဲ့ အချင်းချင်း ဟန်ချက်ညီတဲ့ စုစည်းတဲ့လှုပ်ရှားမှု…။

နိုင်ငံတကာအစိုးရတွေကို ထိရောက်စွာစည်းရုံးလှုံ့ဆော်ဖို့ ရှင်းလင်းတိကျတဲ့ ရပ်တည်လှုပ်ရှားမှု…။

အဲဒီရပ်တည်လှုပ်ရှားမှုတွေကို တည်ဆောက်နိုင်ဖို့ဆိုတာ ရန်သူအပေါ် သဘောထား ရှင်းလင်းဖို့ လိုပါတယ်။ ဒါမှသာ နအဖရဲ့ရွေးကောက်ပွဲကို ကျနော်တို့ စုစည်းကျစ်လျစ်စွာနဲ့ ချေမှုန်းလမ်းကြောင်းလွှဲနိုင်မှာပါ။

နအဖ စစ်အုပ်စု တဖက်သတ်ကျင်းပမယ့် ၂ဝ၁ဝ ရွေးကောက်ပွဲကို စုစည်းညီညွတ်စွာ ပြတ်ပြတ်သားသားဆန့်ကျင်ဖို့အတွက် အကြောင်းအရင်း ဖြစ်စဉ်တွေ များစွာရှိပါတယ်။

နအဖ စစ်အုပ်စုလျှောက်လှမ်းနေတဲ့ လမ်းပြမြေပုံအဆင့်တိုင်းဟာ စစ်မှန်တဲ့လူထုဆန္ဒ ထင်ဟပ်ဖော်ဆောင်မှုလုံးဝ မရှိတာ…။

တိုင်းရင်းသားပြည်သူလူထုကို ငြိမ်းချမ်းရေး၊ ဖွံ့ဖြိုးတိုးတက်ရေးတွေ အမှန်တကယ် ဆောင်ကြဉ်းပေးနိုင်မှာမဟုတ်တဲ့ တဖက်သတ်ရေးဆွဲပြီး လူထုဆန္ဒကို ဓားပြတိုက် အတည်ပြုခဲ့တဲ့ ဖွဲ့စည်းပုံအခြေခံဥပဒေကိုသာ လက်ခံကျင့်သုံးမယ်ဆိုရင် အဖွဲ့ချုပ် ခေါင်းဆောင် ဘဘ ဦးဝင်းတင် ပြောသလို “အဲဒီဖွဲ့စည်းပုံအတိုင်းသာသွားရင် အားလုံး ငရဲရောက်မယ်” ဆိုတဲ့အတိုင်း ပြည်သူလူထုတရပ်လုံးရဲ့ နေ့စဉ်ဘဝကို အာဏာရှင်တွေ စိတ်တိုင်းကျ ခြယ်လှယ်ဖိနှိပ်သွေးစုပ်ဖို့ ရည်ရွယ်တဲ့ ဖွဲ့စည်းပုံအခြေခံဥပဒေ ဖြစ်နေတာ…။

အတိုက်အခံအင်အားစုအပေါ်၊ သဘောထားကွဲလွဲသူတွေအပေါ် ရဟန်းရှင်လူ၊ ကျောင်းသား၊ လူငယ်၊ နိုင်ငံရေးသမား၊ တိုင်းရင်းသား မခွဲခြားဘဲ အပြတ်သတ်ဖိနှိပ်ဖမ်းဆီး၊ တဖက်သတ် စီရင်ချက်ချပြီး ရာဇဝတ်မှုကျူးလွန်သူတွေထက် အဆပေါင်းများစွာ ဆိုးရွားတဲ့ နှစ်ရှည်ထောင် ဒဏ်တွေ ချမှတ်နေတာ…။

၁၉၉ဝ ရွေးကောက်ပွဲရလဒ်ကို ယနေ့အထိ လက်ခံအကောင်အထည်ဖော်ခွင့်ပြုဖို့ ငြင်းဆန်နေတာ…။

အစရှိတဲ့အကြောင်းအရာ အချက်အလက်တွေအပြင် အခြားမဖော်ပြနိုင်တဲ့ နအဖ စစ်အုပ်စုရဲ့မတရားတဲ့လုပ်ရပ်ပေါင်း မြောက်မြားစွာဟာ နအဖ စစ်အုပ်စုရဲ့ လက်ရှိကြိုးပမ်းနေတဲ့ နိုင်ငံရေးပြုပြင်ပြောင်းလဲမှု တဖက်သတ်လုပ်ငန်းစဉ်တွေကို ကျနော်တို့တော်လှန်ရေးအင်အားစုတွေအနေနဲ့ မှန်မှန်ကန်ကန် သုံးသပ်ပြီး ပြတ်ပြတ်သားသားဆန့်ကျင်လှုပ်ရှားတာကလွဲလို့ အခြားနည်းလမ်းမရှိတော့ဘူးလို့ ယုံကြည်ပါတယ်။

တိုင်းရင်းသားအင်အားစုတွေကော၊ အခြားအင်အားစုတွေပါ နအဖ ကျင်းပပေးမယ့် ၂ဝ၁ဝ ရွေးကောက်ပွဲကို ဝင်ပြိုင်မယ်ဆိုတာ ပြည်သူလူထုအတွက် ကောင်းကျိုးတွေထက် နောက်ဆက်တွဲဆိုးကျိုးတွေက မြောက်မြားစွာပါ…။

တိုင်းရင်းသားပြည်သူလူထုကို အမှန်တကယ်ကိုယ်စားပြုတဲ့ခေါင်းဆောင်၊ အဖွဲ့အစည်း ဖြစ်တယ်လို့ ယုံကြည်တဲ့ တိုင်းရင်းသားခေါင်းဆောင်တွေ၊ နိုင်ငံရေးခေါင်းဆောင်တွေဟာ ၂ဝ၁ဝ ရွေးကောက်ပွဲကို ဝင်ပြိုင်ဖို့ လုံးဝမစဉ်းစားသင့်ပါ…။

ကျနော်တို့ရဲ့ လှုပ်ရှားမှုတိုင်း၊ ဆုံးဖြတ်ချက်တိုင်း၊ သဘောထားရပ်တည်ချက်တိုင်းဟာ နအဖ စစ်အုပ်စုရဲ့လမ်းပြမြေပုံလုပ်ငန်းစဉ်တွေကို အားဖြည့် ထောက်ပံ့ပေးစေမယ့် ပုံစံ အလားအလာမဖြစ်ဖို့ အထူးဂရုပြုကြရမှာပါ...။

ကျနော်တို့ ပြည်တွင်းပြည်ပရှိ တိုင်းရင်းသားနဲ့ ဒီမိုကရေစီအင်အားစုတွေအကြားမှာ နအဖ စစ်အုပ်စု တဖက်သတ်ကျင်းပမယ့် ၂ဝ၁ဝ ရွေးကောက်ပွဲကို စုစည်းညီညွတ်စွာ ပြတ်ပြတ် သားသားဆန့်ကျင်ရမယ်ဆိုတဲ့ သဘောထားရပ်တည်ချက်ကို ခိုင်ခိုင်မာချမှတ်ပြီး မြန်မာပြည်သူလူထုတရပ်လုံး အတိဒုက္ခဘဝကနေလွတ်မြောက်ဖို့ အဓိကရည်ရွယ်ရင်း တော်လှန်ရေးကြီးထဲမှာ ပါဝင်တဲ့လူ၊ အဖွဲ့အစည်းတိုင်းက နိုင်ငံရေးတာဝန်ရှိမှု၊ ရိုးသားမှု အခြေခံကနေ စုစည်းညီညွတ်စွာ ဝိုင်းတွန်းကြမယ်ဆိုရင် “ပြိုင်တူတွန်းလျှင် ရွေ့နိုင်ပါသည်” လို့ ရိုးသားစွာ တိုက်တွန်းအကြံပြု ရေးသားလိုက်ပါတယ်။


မြန်မာ့ရုပ်ရှင်အပေါ် ဒါရိုက်တာ တဦး၏ ရှုမြင်ချက်

Friday, 09 January 2009 14:29 ဧရာဝတီ
မြန်မာ နိုင်ငံ၏ နာမည်ကြီး ဒါရိုက်တာ ကြည်စိုးထွန်းအား ၂၀၀၇ ခုနှစ် အတွက် ရုပ်ရှင် ထူးချွန်ဆု အကယ်ဒမီ ပေးပွဲနှင့် ပတ်သက်ပြီး တွေ့ဆုံ မေးမြန်း၍ ဧရာဝတီ ပရိသတ် အတွက် ဖော်ပြလိုက်ပါသည်။

ဒါရိုက်တာ ကြည်စိုးထွန်းသည် ဇာတ်ညွှန်းနှင့် ဒါရိုက်တာ အကယ်ဒမီဆု ၅ ဆု ရရှိထားသူဖြစ်ပြီး ၁၉၇၇ ခုနှစ်မှ စတင်၍ ရုပ်ရှင် လောကသို့ ၀င်ရောက်ခဲ့ကာ ယနေ့ အချိန်အထိ ရုပ်ရှင် ဇာတ်ကား ပေါင်း ၃၄ ကား ရိုက်ကူးခဲ့ပြီး ဖြစ်သည်။ သူ၏ နာမည်ကြီး ဇာတ်ကားများမှာ စုန်ရေ၊ ဆန်ရေနှင့် သူ့ကျွန်မခံပြီ ဇာတ်ကားများ ဖြစ်သည်။ ၎င်းသည် မြန်မာနိုင်ငံ ရုပ်ရှင် အစည်းအရုံး၏ ဥက္ကဌဟောင်း တဦးလည်း ဖြစ်သည်။


ဒါရိုက်တာ ကြည်စိုးထွန်း
မေး။ ။ လာမယ့် အကယ်ဒမီ ပေးပွဲမှာ ဘယ်ဇာတ်ကား ဆုရမယ်လို့  ထင်သလဲ။ အမျိုးသား ဇာတ်ဆောင်ဆုနဲ့ အမျိုးသမီး ဇာတ်ဆောင်ဆု ဘယ်သူတွေ ရမယ်လို့ ခန့်မှန်းထားပါသလဲ။

ဖြေ။ ။ ထင်တာထက် ကြားတာကိုပဲ ပြောရမယ်ဆိုရင် ဒါရိုက်တာ ထွန်းအောင်ဇော် ရိုက်တဲ့ “ငါ့ဓား၊ ငါ့သွေး၊ ငါ့ဧရာဝတီ” ဆိုတဲ့ ရုပ်ရှင်ကား၊ မန္တလေးက ရိုက်ကူးတဲ့ “ကိုးဆယ်ဆ သာလိမ့်မယ်”၊ နောက် မောင်ဝဏ္ဏ ရိုက်တဲ့ “ရင်နင့်အောင်မွှေး”၊ “အမေနဲ့ သမီးများ” ဇာတ်ကားထဲက သရုပ်ဆောင် တွေလို့ ကြားတာပါပဲ။ ဒါရိုက်တာ အနေနဲ့က ထွန်းအောင်ဇော်ရယ်၊ မောင်ယဉ်အောင်ရယ်၊ မောင်ဝဏ္ဏရယ်၊ မင်းသား အနေနဲ့က လွင်မိုး၊ လူမင်း၊ ကျော်ရဲအောင်၊ ရန်အောင်၊ မင်းသမီးက မျိုးသန္တာထွန်း၊ စိုးမြတ်သူဇာ၊ ခိုင်သင်းကြည် တို့လို့ မှန်းထားကြပါတယ်။

မေး။ ။ အကယ်ဒမီ ဆုပေးဖို့  ရွေးချယ်တဲ့အခါ ဘယ်လို စံနှုန်းတွေနဲ့ ရွေးချယ်ပါသလဲ။

ဖြေ။ ။ ဒီဆုပေးပွဲ ကော်မတီကို ပြန်ကြားရေး ဝန်ကြီးဌာနကမှ တဆင့် တေးဂီတနဲ့ ပတ်သက်တဲ့ လူ၊ ဓာတ်ပုံနဲ့ ပတ်သက်တဲ့လူ၊ အသံနဲ့ ပတ်သက်တဲ့ လူတွေ စတဲ့ နယ်ပယ် အသီးသီးမှာ ထင်ရှားတဲ့လူတွေနဲ့ ပထမအဆင့် ကော်မတီ၊ ဒုတိယအဆင့် ကော်မတီ၊ တတိယအဆင့် ကော်မတီ အဖွဲ့တွေက ထပ်ခါထပ်ခါ ကြည့်ပြီးမှ ရုပ်ရှင်ကား တွေကို ကြည့်ကြတယ်၊ ရွေးကြတယ်၊ အကယ်ဒမီ ပေးဖို့ တလလောက် အလိုမှာ ရွေးချယ်တာပါ။

ဥပမာ ဒါရိုက်တာ ဆိုရင် ဘယ်လိုစံမျိုး၊ နောက်ပြီး ရုပ်ရှင်ကား ဆိုရင်လည်း ဘယ်လိုစံ၊ ဒီစံသတ်မှတ်ချက် တွေက ဆုပေးပွဲ ကော်မတီမှာ ရှိပြီးသားပါ။ သူတို့ပေးတဲ့ စံအတိအကျကိုတော့ မသိဘူး။

မေး။ ။ အကယ်ဒမီ ပေးဖို့ မှန်းထားတဲ့ ကားက ၁၀ ကားပဲရှိတယ်လို့ သိရပါတယ်။ ဘာကြောင့် ဇာတ်ကား အရေ အတွက် နည်းနေရတာလဲ။

ဖြေ။ ။ အမှန်တော့ ကြည့်တဲ့ ပရိသတ် နည်းလာတော့ ရိုက်တဲ့သူလည်း နည်းလာတဲ့ သဘောပါပဲ၊ ကျနော်တို့ ရုပ်ရှင် လောကထဲကို ဝင်စတုန်းကဆိုရင် တနှစ်တနှစ်ကို ကား ၈၀ လောက်အထိ ရိုက်ပါတယ်၊ အဲဒီ ခေတ်တုန်းက တီဗီ ဇာတ်လမ်းတွဲတွေ မရှိသေးဘူး၊ သီချင်းပိုင်းမှာ ဆိုလည်း စတိတ်ရှိုးတွေ ကြီးထွား မလာသေးဘူး။ အဲဒီတော့ ပရိသတ်က ရုပ်ရှင်နဲ့ ဇာတ်ကိုပဲ ကြည့်ကြတယ်၊ နောက် တဖြည်းဖြည်းနဲ့ ခေတ်ကလည်း တိုးတက် လာတယ်၊ ကြည့်စရာတွေ ကလည်း များလာတယ်၊ ခုဆိုရင် နိုင်ငံခြားကား DVD၊ CD၊ တခွေမှာ ကား ၃၀ လောက်ပါတဲ့ ခွေတွေကို ပိုက်ဆံ ၄၀၀ ပေးပြီး ကြည့်လို့ ရတယ်။ ရုပ်ရှင်ရုံကို သွားရင် လမ်းစရိတ် ပေးရမယ်၊ ရုံဝင်ခ ပေးရမယ်၊ မိသားစုနဲ့ သွားကြည့်ရင် ပိုက်ဆံ တသောင်းလောက် ကုန်မယ်။ ပရိသတ်က ဒီလိုနဲ့ ပြောင်းလဲ လာတယ်၊ နိုင်ငံတကာ မှာလည်း ဒီလိုပါပဲ။

မေး။ ။ အဲဒီလို ကြည့်တဲ့ ပရိသတ် နည်းတော့ ငွေကြေးအရ ဆုံးရှုံးခဲ့တဲ့ ရုပ်ရှင်ကားတွေလည်း ရှိမှာပေါ့။

ဖြေ။ ။ တချို့ ကားတွေ ကျတော့လည်း အရင်းပြန်ရဖို့ မလွယ်ဘူး၊ ဖြည်းဖြည်းချင်းတော့ ပြန်ရမှာ ပေ့ါနော်၊ ဥပမာအားဖြင့် “ရင်နင့်အောင်မွှေး” လိုကားမျိုးပေါ့၊ သူက နည်းနည်းတော့ အရနည်းတယ်။ ရှုံးတယ်ပေါ့။
ရုပ်ရှင် ဈေးကွက်မှာတော့ ခု ပရိသတ်တွေက ဟာသကား တော်တော်များများ ကြည့်ကြတယ်၊ အလွမ်း ဇာတ်ကား ဆိုရင်တော့ သိပ်မရတော့ဘူး။ VCD ဇာတ်လမ်းကိုလည်း တနှစ်မှာ ၈၀၀ လောက် ရိုက်တယ်။ ခိုးကူးခွေ တွေရယ်၊ မီးပျက်တာရယ် ဆိုတဲ့ အခက်အခဲ တွေနဲ့ ကျတော့ ပြသရတာလည်း မကောင်းဘူး။

မေး။ ။ ဒါဆိုရင် ၂၀၀၉ ခုနှစ်ထဲမှာရော ဇာတ်ကား အရေအတွက် များလာနိုင်ချေ ရှိလား။

ဖြေ။ ။ ထင်တာက ရှေ့နှစ်ပိုင်းမှာတော့ ရုပ်ရှင်ကားက နည်းနည်း ပိုလာလိမ့်မယ်၊ ရုပ်ရှင်က ခိုးလို့မရဘူး ရုံမှာပဲ ကြည့်လို့ရမယ်။ ဒါကြောင့် ရှေ့နှစ် ကျရင်တော့ ၁၅ ကားလောက်များ ထွက်မလားလို့ မှန်းတယ်။ ဒါကတော့ အရေအတွက်ကို ပြောတာပါ၊ အရည်အသွေးကို မပြောပါဘူး။

မေး။ ။ မြန်မာ့ရုပ်ရှင် ဇာတ်ကားတွေရဲ့ အရည်အသွေး တွေကိုရော အားရကျေနပ်မှု ရှိရဲ့လား။

ဖြေ။ ။ အရည် အသွေးပိုင်း ကတော့ အားရ ကျေနပ်မှု မရှိပါဘူး။ စက်မှုပိုင်းက တိုးတက်မှု မရှိဘူး။ ယိုးဒယားနဲ့ ယှဉ်လိုက်ရင်ကို ကျနော်တို့က အများကြီးကို ကျန်ရစ်ခဲ့တာ။ ကိုယ်တိုင် နှစ်ကား သုံးကား လောက်ကို ပြည်ပမှာ ထွက်ပြီးတော့ အသံပိုင်း ဆိုင်ရာတွေကို ထွက်လုပ်ရတယ်။ ပြည်ထဲမှာ မရှိဘူးလေ။ ကင်မရာက အစ ဟိုတုန်းက ကင်မရာတွေ ပဲရှိတယ်၊ ခေတ်မီ ကင်မရာ မရှိဘူးပေါ့။ ကင်မရာ မကောင်းတော့လည်း ရိုးရိုး ကင်မရာနဲ့ ဒစ်ဂျစ်တယ် ကင်မရာ ကွာသလို ကွာလာတယ်။ ရုပ်ပိုင်းတွေ ကွာသလို အသံပိုင်း ဆိုင်ရာတွေ ကွာလာတယ် ဆိုတော့လည်း အိမ်နီးချင်း နိုင်ငံတွေထက် အများကြီး နောက်ကျ ကျန်ခဲ့တယ်။

အရုပ်ပိုင်း အတွက် အခု မောင်လွင်မိုးက ကင်မရာတလုံး သွင်းလာတာရှိတယ်။ အဲဒီကင်မရာ တလုံးပဲ ကောင်းတာရှိတယ်။ အသံပိုင်း မှာလည်း ကြိုးစားနေတုန်းပဲ၊ အခုထိတော့ အရည်အသွေး မမီသေးဘူး။

၁၉၈၀ နောက်ပိုင်းမှာ အသံပိုင်းဆိုင်ရာ ရုပ်ပိုင်းဆိုင်ရာ တိုးတက်မှု ဘာမှမရှိဘူး။ ကျနော်က “သူ့ကျွန်မခံပြီ” ဇာတ်ကား ရိုက်တုန်းက တရုတ် နိုင်ငံကနေ ဂျာမနီထုတ် ကင်မရာ တလုံး ငှားခဲ့တယ်။ ကိုယ်ကသာ တိုးတက်ချင်လို့ ဇွတ်လုပ်တာပဲ ရှိတယ်။ တိုးတက် မလာဘူး၊ ဒါကြောင့် အဲဒီကင်မရာ ပြန်ပေးလိုက်ရတယ်။

မေး။ ။ မြန်မာရုပ်ရှင်တွေ နိုင်ငံတကာကို ထိုးဖောက်နိုင်ဖို့ ဘယ်လို အခက်အခဲတွေ ရှိလဲ။

ဖြေ။ ။ နိုင်ငံတကာကို သွားဖို့ဆိုတာ အလှမ်းဝေး သေးတယ်၊ ပရိသတ် အားပေးမှုရော၊ တကယ်တမ်းတော့ ရုပ်ရှင် ဆိုတာ အမျိုးသားရေး တခုလို့ပဲ ထင်တယ်လေ။ ဘာဖြစ်လို့လည်း ဆိုတော့ ကိုးရီးယား ကားတွေ ဆိုလို့ရှိရင် အမျိုးသားရေး တရပ်အနေနဲ့ကို အားပေး တိုက်တွန်း လုပ်ကိုင်နေကြတာပဲ။ ရုပ်ရှင်ကို အမျိုးသား အသွင်တရပ် အနေနဲ့ မမြင်တော့ ဘာမှတိုးတက် စရာမရှိဘူး။

ဒီမှာဆိုရင် ကိုးရီးယား လူမျိုးတွေက အင်မတန် ယဉ်ကျေးတယ်၊ အင်မတန် ချောမောလှပတယ်၊ ကိုးရီးယား လူနေမှု အဆင့်အတန်းက အင်မတန် မြင့်မားတယ် စသဖြင့် မြန်မာ ပရိသတ်က ထင်တယ်။ တရုတ်လို၊ ဂျပန်နိုင်ငံလို အာရှနိုင်ငံတွေက ရုပ်ရှင်ကားတွေဟာ အမျိုးသားရေး အသွင်နဲ့ အောင်မြင်နေတယ်။ မြန်မာ ကျန်စစ်သားတို့ အနော်ရထာတို့ ဆိုတာ ကိုးရီးယား၊ တရုတ်ကားက မင်းသားတွေလောက် စိတ်မဝင်စားကြတော့ဘူး။

ရုပ်ရှင်က အမျိုးသားအရေး ဖြစ်တယ်။ အဲဒီလိုမမြင်ရင်တော့ ဘယ်နိုင်ငံမှ ရုပ်ရှင်တိုးတက်မှာ မဟုတ်ဘူး။ ကျနော့် အနေနဲ့ နိုင်ငံခြား ခရီးသွားရင် အားငယ်တယ်၊ ကိုယ့်နောက်ကို လှည့်ကြည့်လိုက်ရင် လောနိုင်ငံနဲ့ ကမ္ဘောဒီယား နိုင်ငံပဲ ရှိတော့တယ်။

မေး။ ။ အဲဒီတော့ ရုပ်ရှင် အနုပညာ သမားတွေကို ဘာပြောချင်တာရှိလဲ။

ဖြေ။ ။ ရုပ်ရှင်လောက နောင်လာ နောက်သားတွေကို ပြောချင်တာကတော့ ကိုယ့်ခြံထဲမှာပဲ ကိုယ်မနေပါနဲ့၊ အမြင်ကျယ်ဖို့ လိုတယ်။ အပြင်ထွက်ကြပါ၊ အပြင်မှာထွက် အားစမ်းကြပါ။ စားဝတ်နေရေး ပြေလည်အောင်လေးပဲ လုပ်နေရင်တော့ အနုပညာသည် မပီသ သေးဘူးထင်တယ်။ အများအတွက်လည်း စဉ်းစားရဦးမယ်။

မေး။ ။ ရုပ်ရှင် ပရိသတ်တွေကိုရော ဘာများ ပြောချင်ပါသေးလဲ။

ဖြေ။ ။ ဂျာမန် ကဗျာဆရာကြီး တဦး ပြောသလိုပေါ့နော် “အနုပညာသည်တွေ တိုးတက်မှ ပရိသတ်ကလည်း တိုးတက်မယ်၊ ပရိသတ်က တိုးတက်မှ အနုပညာသည် တွေကလည်း တိုးတက်မယ်” နှစ်ဘက်လုံးက တိုးတက်တဲ့ အမြင်ရှိမှ အောင်မြင်မယ် ဆိုတဲ့ သဘောပေါ့၊ မဟုတ်ရင်တော့ ဟာသကားမှာပဲ တဝဲလည် နေမှာပဲ။ ပရိသတ်ကလည်း ခပ်ပေါပေါကားတွေ ငါတို့ မကြည့်ဘူးကွ ဆိုရင် ဘာတတ်နိုင်မှာလဲ။ ။