Tuesday, January 13, 2009

ဦးသန့်နှစ်(၁၀၀)ပြည့်အထိမ်းအမှတ်ဂုဏ်ပြုပွဲအစီအစဉ်(မလေးရှား)

For U Thant


မင်းထက်နိုင်ပေးပို့သည်။ ။

ပြည်ထောင်စုနေ့ အထိမ်းအမှတ်မြန်မာမိသားစု ပျော်ပွဲရွှင်ပွဲဖိတ်ကြားခြင်း(နာဂိုယာ)


ပေးပို့ သည့်အတိုင်းတင်ထားပါသည်။


၁၃၀၁၂၀၀၉သတင်းနှင့်ဆောင်းပါးများ

file download hereပြည်တွင်းမှအီးမေးလ်များသို့တဆင့်ပို့ပေးခြင်းဖြင့်သတင်းအမှောင်ကျနေသောပြည်သူများကိုကူညီကြပါ။
အကျယ်ကြည့်ရန်အစွန်ဆုံးမှလေးထောင့်ကွက်ကိုနှိပ်ပါ။ ။ပြီးရင်အပေါင်းကိုနှိပ်ပါ။ ။Tue13012009news


မြန်မာမျိုးချစ်များအား ဖမ်းဆီးမှုနှစ်ချုပ်စာရင်း

ြ (အပြည့်အစုံ မဟုတ်ပါ)

ခွာညို
တကယ်တော့ ဒီ အဖမ်းအဆီးစာရင်းလုပ်ထားတာ နှစ်ဟောင်း နှစ်သစ် စပ်ကူးမတ်ကူးကာလမှာပါ။ လေးအောက်အယ်ဒီတာလေးက မိုးကြိုး (၁၀၀) ပြည့်မှာ ဒေါ်ကူမဲန်ထရီအနေနဲ့ ထည့်ချင်တယ်လုပ်ပေးပါ.. ဆိုလို့ လုပ်ပေးထားတာပါ။ ဒါပေမယ့် ဒီလက အစောင် (၁၀၀) ပြည့်လည်း ဖြစ်...(၁၀) နှစ်မြောက်မွေးနေ့နဲ့လည်းတိုက်နေတော့ စာမျက်နှာ နည်းနည်း ကြပ်သွားတာရော စာရင်းကလည်း မထင်မှတ်ဘဲ အတော်ရှည် သွားတော့ ထည့်လို့မရတော့ဘူးနဲ့ တူပါတယ်။ ဒါနဲ့ပဲ ကျမ ဘလော့ထဲ ရောက်လာရတာပါ။

ပန်းစပယ် နန်းအလယ် မပေါ်ခိုက်ဟာမို့ ခံပွင့်ကိုကုံး...ဆိုသလိုပေါ့..



စစ်အစိုးရသည် ၂၀၀၇ ခုနှစ်၊ ရွှေဝါရောင်တော်လှန်ရေးကို အစပြုသော လောင်စာဆီဈေးနှုန်း ကန့်ကွက်မှုမှ နာဂစ်မုန်တိုင်းဒဏ်သင့် ဒုက္ခသည်များအားကူညီနေသည့် ဇာဂနာအထိ ဖမ်းဆီးထားသမျှ ပြည်သူ့ဘက်မှ ရပ်တည်သော အနုပညာရှင်များ၊ နိုင်ငံ့အရေးလှုပ်ရှားသူ ကျောင်းသားအဖွဲ့များ၊ နိုင်ငံရေးပါတီများ အထူးသဖြင့်အမျိုးသားဒီမိုကရေစီအဖွဲ့ချုပ် အဖွဲ့ဝင်များအား အစုလိုက် အပြုံလိုက် နှစ်ရှည်ထောင် ဒဏ်များချမှတ်ခဲ့ ဆက်လက်၍လည်း ဖမ်းဆီးထောင်ချခြင်းများကို အရှိန်အဟုန်ဖြင့် ကျူးလွန်နေဆဲဖြစ်သည်။

သာသနာတော်ကိုထောင်ချခြင်း

ထောင်ဒဏ် ၆၈ နှစ်အချခံရသော မြန်မာနိုင်ငံလုံးဆိုင်ရာ သံဃာ့တပ်ပေါင်းစုကြီး၏
ဦးဆောင်ဆရာတော် အသျှင် ဂမ္ဘီရအား ခန္တီးထောင်၊
နောင်တော် ကိုအောင်ကျော်ကျော်အားတောင်ကြီးထောင်၊
အမှုတွဲ ကိုဝဏ္ဏအောင်အား ပဲခူးထောင်

စက်တင်ဘာ (၅) က ရန်ကုန်တိုင်း၊ သံလျှင်မြို့နယ်၊ ဗိုလ်ချုပ်ရွာရှိ မာလာရုံကျောင်းတိုက် ကျောင်းတိုင်ဆရာတော် သက်တော် (၅၈) နှစ်အား ဖမ်းဆီးသွားကြောင်း ထိုင်းနိုင်ငံအခြေစိုက် နိုင်ငံရေးအကျဉ်းသားများကူညီစောင့်ရှောက်ရေးအသင်း (အေအေပီပီ)ကပြောသည်။

စက်တင်ဘာတွင် သံဃာတော်များ ဆုတောင်းမေတ္တာပို့ကြွချီခြင်းများနောက်ပိုင်း ဘုန်းကြီးကျောင်းများသို့ စီးနင်းဖမ်းဆီးခြင်းခံရသော သံဃာ တော်များအနက် ပုဇွန်တောင်မြို့နယ်၊ ကျားကျောင်းဆရာတော် ဦးစန္ဒိမာအား ၂၀၀၈ ခုနှစ်၊ ကျောက်တံတားတရားရုံးမှ ထောင်ဒဏ် (၈) နှစ် ချမှတ်လိုက်ကြောင်း နိုဝင်ဘာလ (၁၄) ရက်နေ့ ခေတ်ပြိုင်သတင်းတွင်ဖော်ပြထားသည်။ ဦးစန္ဒိမာနှင့်အတူ ကိုကို (ခေါ်) ကိုဝဏ္ဏနွယ်ကိုလည်း အလားတူချမှတ်ခဲ့သည်။ စွဲဆိုခံရသော အမှုများမှာ မတရားအသင်းအက်ဥပဒေ ပုဒ်မ (၁၇/၁-၂) ဖြစ်ပြီး ဆက်လက်၍လည်း အသင်းအဖွဲ့ပုဒ်မ (၆) နှင့်လည်းကောင်း၊ ဖောက်ခွဲဖျက်ဆီးပုဒ်မ (၅/၆) စသည့်အမှုလက်ကျန်များဖြင့် နောက်ထပ် ထောင်ဒဏ်ကျခံရန်ရှိနေသေးကြောင်းလည်း သိရသည်။

ယမန်နေ့က မင်္ဂလာတောင်ညွန့်တရားရုံးမှ မင်္ဂလာတောင်ညွန့်မြို့နယ်၊ ရွှေတောင်ကျောင်းတိုက်၊ ကျောင်းထိုင်ဆရာတော် ဦးပြည်ကျော်အား ထောင်ဒဏ် (၁၀) နှစ်၊ ဦးသုတဉာဏနှင့် တူမဖြစ်သူ မအိတို့အား ထောင်ဒဏ် (၅) နှစ်စီချမှတ်ခဲ့ကြောင်းသိရသည်။

တရားခံဖြစ်သွားသော ရှေ့နေများ

ဒီမိုကရေစီရေး ထောက်ခံလှုပ်ရှားသူများအား ဥပဒေအကျိုးဆောင်ပေးနေကြသော ရှေ့နေကြီး များဖြစ်ကြသည့် ဦးအောင်သိန်းနှင့် ဦးခင် မောင်ရှိန်တို့အား တရားရုံးအား မထီမဲ့မြင်ပြုမှုနှင့် ထောင်ဒဏ်လေးလစီ ချမှတ်ကာ ဦးအောင်သိန်းအား ပုသိမ်ထောင်သို့လည်းကောင်း။ ဦးခင် မောင်ရှိန်အား မြောင်းမြထောင်သို့လည်းကောင်း ပြောင်းရွှေ့လိုက်သည်။ တရားခွင်တွင် “တရားစီရင်ရေးကို မယုံကြည်တော့…” ဟု သုံးနှုန်း ခဲ့ခြင်းကြောင့် တရားရုံးချုပ် ဒုတိယညွှန်ကြားရေးမှူးချုပ်တစ်ဦးက တရားစွဲခြင်းဖြစ်ကြောင်း…ဤသည်မှာ အမှုသည် များ၏ ပြောကြား ချက်အတိုင်း တင်ပြခြင်းသာဖြစ်ကြောင်းနှင့် တရားခွင်အတွင်း တရားခံတွေကိုယ်တိုင် သုံးနှုန်းစဉ်က လည်းကောင်း… စာတင်သည့်အခါက လည်းကောင်း ဟန့်တားခြင်း… ပြန်ဖျက်ပေးရန် တောင်းဆိုခြင်းများလည်း တရားသူကြီးမှ မရှိခဲ့ကြောင်း လုပ်ထုံး လုပ်နည်းများကို ခေတ်ပြိုင် သို့ ရှင်းပြခဲ့သည်။

အောက်တိုဘာ (၃၀) ကလည်း လူငယ်ရှေ့နေ ကိုညီညီထွေးနှင့် ၎င်း၏အမှုသည် သုံးဦးဖြစ်သော ကိုရန်နိုင်ထွန်း၊ ကိုမျိုးကျော်ဇင်နှင့်မီးသွေး ခေါ် ကိုအောင်မင်းနိုင်တို့အား တရားခွင်ကို မထီမဲ့မြင်ပြုမှုနှင့် ထောင်ဒဏ် (၆) လစီချမှတ်ခဲ့သည်။ ကိုညီညီထွေးသည် ရှေ့နေ ကိုစောကျော် ကျော်မင်းနှင့်အတူ ဒေါ်အောင်ဆန်းစုကြည် လွတ်မြောက်ရေး ၀တ်ပြုဆုတောင်းပွဲများအတွက် ဖမ်းဆီးချုပ်နှောင်ခံရသူ (၁၁) ဦးတို့အတွက် လိုက်ပါဆောင်ရွက်ပေးနေသူဖြစ်သည်။

ကိုစောကျော်ကျော်မင်းက တိမ်းရှောင်လျှက်ရှိနေပြီး တရားစွဲဆိုသော နေ့က ကိုညီညီထွေးအား ဒီဗွီဘီမှ ဆက်သွယ်မေးမြန်းခဲ့ရာတွင် ကိုညီ ညီထွေးက “ကျနော်တို့ နိုင်ငံရေးအမှုတွေ လိုက်နေကတည်းက အားလုံးကိုစွန့်ပြီးလိုက်ရတဲ့ အနေအထားပဲလေ၊ လိုင်စင်ဆိုတာလည်း မသေချာဘူး၊ ထောင်ကျရေး မကျရေးလည်း မသေချာဘူး၊ မျှတတဲ့ တရားစီရင်ရေးအရဆိုရင်တော့ ကျနော်တို့လို ရှေ့နေတွေကို တန်ပြန် တရားစွဲဆိုခံရဖို့ဆိုတာက သိပ်တော့ မမျှော်လင့်ထားဘူး။ သမိုင်းတလျှောက်မှာ ကျနော်သိသလောက် တစ်ကြိမ်မှလည်း မကြုံတွေ့ဖူးဘူး။ ထောင်ကျမှာ၊ လိုင်စင်ပြုတ်မှာ ဒါနဲ့ပတ်သက်ပြီးတော့သိပ်ပြီး စိုးရိမ်တကြီး အထိတ်တလန့်ကြီး ခံစားရတာမျိုးတော့ မရှိဘူးခင်ဗျ” ဟု ဖြေကြားသွားခဲ့သည်။

ဖမ်းဆီးထားသူများအနက်မှ ကိုအောင်သိန်းလွင်ကို ပုဒ်မ ၅၀၅ (ခ) အပါအ၀င် ပုဒ်မ (၅) ခုနှင့် ထောင်ဒဏ် (၁၁) နှစ်၊ ဘောင်းဘောင်း ခေါ် ကိုဇော်မင်းအား ပုဒ်မ ၅၀၅ (ခ) အစိုးရ သို့မဟုတ် နိုင်ငံတော်ငြိမ်ဝပ်ပိပြားမှုကို ထိခိုက်အောင်ကြံစည်မှုများနှင့် ထောင်ဒဏ် (၂) နှစ် ချမှတ် ခဲ့ကြောင်းသိရသည်။

စာ၊ နယ်၊ ဇင်းမှ အဖမ်းခံရသူများ-

အာဏာရူးကြီးသန်းရွှေ - စာတန်းပါအောင် ကဗျာရေးသားခဲ့သော ကဗျာဆရာစောဝေအား နိုဝင်ဘာ (၁၀) ရက်နေ့က ထောင်ဒဏ် (၂) နှစ် ချမှတ်လိုက်သည်။ အချစ်ဂျာနယ်တွင် ချစ်သူများနေ့အထိမ်းအမှတ်အဖြစ် ရေးသားသောကဗျာ၏ ထိပ်ဆုံးစာလုံးများကို ဒေါင်လိုက်ဖတ်ပါက “အာနာရူးကြီး မှူးကြီးသန်းရွှေ” ဟူသော စာတန်းထွက်လာသောကြောင့် ၂၀၀၈ ခုနှစ် ဇန်န၀ါရီလ (၂၃) ရက်တွင် ရဲအထူးသတင်းတပ်ဖွဲ့ (အက်စ်ဘီ) က ဖမ်းဆီးခဲ့ခြင်းဖြစ်သည်။

၂၀၀၈ ခုနှစ်၊ နိုဝင်ဘာလ (၇) ရက်နေ့တွင် ပြည်တွင်းအပတ်စဉ်ထုတ် စောင့်ကြည့် သတင်းဂျာနယ်မှ တရားရုံးဝန်ထမ်းများ လာဘ်ပေး လာဘ်ယူသတင်းရေးသားခဲ့သော သတင်းထောက် ကိုထွန်းထွန်းသိန်းနှင့် ထည့်သွင်းဖော်ပြခဲ့သော အယ်ဒီတာ ဦးခင်မောင်အေးတို့အား တရားခွင်မတင်ဘဲ ထောင်ဒဏ် (၃) လစီချမှတ်ပြီးမှ နေအိမ်များသို့လာရောက် ဖမ်းဆီးသွားခဲ့သည်။ အောက်တိုဘာလအတွင်းက ဖော်ပြ ခဲ့သော ထိုသတင်းမှာ မြန်မာနိုင်ငံ စာပေစိစစ်နှင့် မှတ်ပုံတင်ဌာနက ခွင့်ပြုချက် ရပြီးမှ ထည့်သွင်းဖော်ပြခဲ့ခြင်းဖြစ်ကြောင်း ပြည်တွင်း သတင်းထောက်တစ်ဦးက ဧရာဝတီသတင်းဌာနသို့ပြောခဲ့သည်။

နာဂစ်မုန်တိုင်းဒဏ်သင့် ဒုက္ခသည်များအားကူညီမှုဖြင့် ၂၀၀၈ ခုနှစ်၊ ဇွန်လ (၁၃) ရက် က ဖမ်းဆီးခံခဲ့ရသော အားကစားအယ်ဒီတာ ဇော် သက်ထွေးအား နိုင်ငံတော်ငြိမ်ဝပ်ပိပြားရေးထိခိုက်စေမှု၊ သာသနာတော်ညှိုးနွမ်း အောင်ကြံဆောင်မှုတို့ဖြင့် ထောင်ဒဏ် (၄) နှစ် ချမှတ် လိုက်သည်။

နိုဝင်ဘာ (၂၈) ရက်နေ့တွင် မြန်မာနေးရှင်းဂျာနယ် အယ်ဒီတာချုပ် ဦးသက်ဇင်နှင့် မန်နေဂျာဖြစ်သူ ဦးစိန်ဝင်းမောင်တို့အား တရားမ၀င် ပုံနှိပ် ထုတ်ဝေမှုဖြင့် ထောင်ဒဏ် (၇) နှစ်စီချမှတ်ခဲ့သည်။ စက်တင်ဘာလအတွင်းက ပန်းသတင်းဂျာနယ် သတင်းထောက်ချုပ် ကိုစောမြင့်သန်း အဖမ်းခံရကြောင်း သတင်းရရှိပြီး ၎င်း၏ နောက်ဆက်တွဲသတင်းကို ထပ်မံမရရှိသေးပါ။

ဂီတနှင့် အနုပညာရှင်များ

မြန်မာပြည်တွင် ပထမဆုံး ဟစ်ဟော့အဖွဲ့မှ အဆိုတော် ဇေယျာသော်အား ဖေဖော်ဝါရီလကုန်ပိုင်းက ဖမ်းဆီးခဲ့ပြီး ထောင်ဒဏ် (၆) နှစ်ဖြင့် ကော့သောင်းထောင်သို့ ပြောင်းရွှေ့ပစ်ခဲ့သည်။ စက်တင်ဘာ ရွှေဝါရောင်တော်လှန်ရေးနောက်ပိုင်းတွင် လူငယ်များအချစ်တော် ဟစ်ဟော့အဖွဲ့ ဖြစ်သည့် အက်ဆစ် တေးဂီတအဖွဲ့သည် မျိုးဆက်သစ်လူငယ်များ အစည်းအရုံး (Generation Wave) ကို တည်ထောင်ပြီး မြန်မာပြည်အား အကြမ်းမဖက်လှုပ်ရှားမှုများဖြင့် နိုင်ငံရေးပြောင်းလဲတိုးတက်လာစေရန် တတ်စွမ်းသမျှ ကြိုးစားနေသော လူငယ် အဖွဲ့ ဖြစ်သည်။

ဇေယျာသော်နှင့်အတူ ဖမ်းဆီးခံခဲ့ရသူများမှာ ကိုအောင်ဇေဖြိုး(တောင်ငူထောင်)၊ ကိုအာကာဗိုလ် (ကျောက်ဖြူထောင်)၊ ကိုဝေလွင်မျိုး၊ ကိုရန်နိုင်သူ၊ ကိုသီဟ၀င်းတင် အား (ညောင်ဦးထောင်) တို့ဖြစ်ကြပြီး ၎င်းတို့အား ပုဒ်မ ၆/၈၈ ခွင့်ပြုချက်မရဘဲ အသင်းအဖွဲ့ ဖွဲ့စည်းမှုဖြင့် ယခု မတ်လအတွင်းက ဖမ်းဆီးတရားစွဲဆိုထားခဲ့ခြင်းဖြစ်သည်။ ဇေယျာသော်မှာ တရားမ၀င် နိုင်ငံခြားငွေကိုင်ဆောင်မှု တစ်မှု ၂၄/၁ တစ်မှုတိုး၍ (၆) နှစ်ကျခံစေခဲ့သည်။

မြန်မာနိုင်ငံ၏ နာမည်ကြီး ဟစ်ဟော့အဆိုတော် ရန်ရန်ချန်းကို ဧပြီလ (၁၈) ရက်၊ သင်္ကြန်အတက်နေ့ (ကြာသာပတေးနေ့) က မုံရွာမြို့ တွင် ဖမ်းဆီးခဲ့သည်။

စက်တင်ဘာ (၃) ရက်တွင် အဖွဲ့ဝင်ကိုတင်မျိုးထွဋ် (ခ) ကိုကျော်ဦးအား ဖမ်းဆီးသွားကြောင်း G/W အဖွဲ့မှ ကြေညာချက် ထုတ်ပြန်ခဲ့သည်။ စက်တင်ဘာတော်လှန်ရေးနှစ်ပတ်လည်နား နီးလာသောကြောင့် အထိမ်းအမှတ်လှုပ်ရှားမှုများပြုလုပ် မည်စိုးသောကြောင့် လူငယ်အဖွဲ့များကို ပစ်မှားထားပြီး ဖမ်းဆီးခြင်းဖြစ်နိုင်ကြောင်း အဖွဲ့ခေါင်းဆောင် ကိုမိုးဃ်သွေးက ပြောသည်။

အောက်တိုဘာ (၃) ရက်နေ့တွင် Generation Wave (G/W) မျိုးဆက်သစ်လူငယ်များအစည်းအရုံးမှ အဖွဲ့ဝင် (၄) ဦးအပါအ၀င် နိုင်ငံရေး လှုပ်ရှားသူ လူငယ် (၈) ဦးအား ရန်ကုန်တိုင်း၊ တောင်ဥက္ကလာပမြို့နယ်တွင်း နေအိမ်တစ်အိမ်မှ ဖမ်းဆီး သွားခဲ့ကြောင်း (G/W) က ကြေညာသည်။

အောက်တိုဘာ (၉) ရက်နေ့က ရန်ကုန် နှင့် အခြားမြို့များတွင် (G/W) ဖွဲ့စည်းသည့် တစ်နှစ်ပြည့်အထိမ်းအမှတ်အဖြစ် “စစ်အာဏာရှင် အဆုံးသတ် ၂၀၀၈” ဟု ရေးသားထားသည့် တစ်လက်မခွဲပတ်လည် စာရွက်ပိုင်းများဖြန့်ဝေမှုဖြင့် ကိုခိုင်ကိုမွန် (ခ) ငြိမ်းချမ်း၊ ကိုရဲ သူကို (ခ) ညီညီ၊ ကိုဇင်မင်းအောင်နှင့် ကိုအောင်ပိုင် အဖမ်းခံခဲ့ကြရပြီး ၎င်းတို့နှင့်အတူ အိမ်ရှင်များနှင့် ထိုအိမ်သို့ အလည်ရောက်နေသည့် ဧည့်သည်များ ကို အောက်တိုဘာ (၉) ရက်နှင့် (၁၀) ရက် နေ့များတွင် ဖမ်းဆီးသွားခဲ့သည်။ လက်ကိုင်ဖုန်း၊ ကင်မရာ၊ စာရွက် စာတန်း အပိုင်းများနှင့် လှုပ်ရှားမှု မှတ်တမ်းတင် ဓာတ်ပုံများကို သိမ်းဆည်းသွားခဲ့သည်။

ရွှေသံစဉ် တေးဂီတအဖွဲ့၏ အဖွဲ့မှူး ဂီတအနုပညာရှင် ကိုဝင်းမော်နှင့် အခြားအဆိုတော်နှစ်ဦးတို့အား ဒေါ်အောင်ဆန်းစုကြည်ကို အားပေး ထောက်ခံသော သီချင်းများရေးမှုဖြင့် ၂၀၀၇ နိုဝင်ဘာ (၂၇) ရက်က ဖမ်းဆီးသွားခဲ့သည်။ ၂၀၀၈ အောက်တိုဘာ (၃၀) တွင် ရွှေသံစဉ် ကိုဝင်းမော်၊ ကိုမြတ်စံနှင့်အတူ အဖမ်းခံရသည့် ကိုသိန်းအောင်လင်း (ခ) ရှဲအား ထောင်တွင်းအထူးတရားရုံးက ဥပဒေပုဒ်မ (၅) ခုဖြင့် ထောင်ဒဏ် (၁၁) နှစ် ချမှတ်လိုက်သည်။

၂၀၀၈ ခုနှစ်၊ ဇွန်လ (၅) ရက် က ပြည်သူ့အချစ်တော် ဇာဂနာအား လာရောက်ဖမ်းဆီးစဉ်က ဖမ်းဆီးသူများက (၂) ရက်လောက်ကြာမည်ဟု ပြောသွားခဲ့သော်လည်း နိုဝင်ဘာ (၂၇) ရက်နေ့တွင် အင်းစိန်တရားရုံးမှ ထောင်ဒဏ် (၅၉) နှစ်ချကာ မြန်မာပြည်မြောက်ဖျားပိုင်း မြစ်ကြီးနား ထောင်သို့ ပို့လိုက်ပြီဖြစ်သည်။ ဇာဂနာအားလာရောက်ဖမ်းဆီးစဉ်က သိမ်းယူသွားခဲ့သော လေဘေးကယ်ဆယ်ရေး လုပ်ငန်းမှတ်တမ်းတင် စီဒီ ဓာတ်ပြားတစ်ချပ်၊ ရမ်ဘို အပိုင်း(၄) ရုပ်ရှင် ဓာတ်ပြား၊ စိန်စီသောည စီဒီဓာတ်ပြား၊ အမေရိကန် ဒေါ်လာ (၁၀၀၀) fec (၃၀) တို့ဖြင့် ဗွီဒီယိုဥပဒေ၊ နိုင်ငံတော်ငြိမ်ဝပ် ပိပြားမှုထိခိုက်စေမှု၊ သာသနာညှိုးနွမ်းစေမှု စသည့်ပုဒ်မ (၄) ခုဖြင့် အမှုဆင်ထောင်ချခဲ့ခြင်းဖြစ်သည်။ ဇာဂနာ၏ အမှုတွဲများဖြစ်ကြသော ကိုဇော်သက်ထွေးအား ထောင်ဒဏ် (၄) နှစ်၊ ကိုသန့်ဇင်အောင်အား ဗွီဒီယိုဥပဒေဖြင့် (၃) နှစ် ကျခံ စေခဲ့သည်။

(၈၈) မျိုးဆက်များ

တရားရုံးအားမထေမဲ့မြင်ပြုမှုဖြင့် ထောင်ဒဏ် (၆) လ ရှေ့ပြေးချမှတ်ကာ အင်းစိန်ထောင်မှ မအူပင်ထောင်သို့ပြောင်းခံခဲ့ကြရသော ၈၈ ခေါင်းဆောင် (၉) ဦးအနက် (၈) ဦးအား နိုဝင်ဘာလ (၁၀) ရက်နေ့၌ မအူပင်ထောင်က ထောင်ဒဏ် (၆၅) နှစ်စီ စီရင်ချက်ချခဲ့ပြီးနောက် ဝေးလံခေါင်သီသော ထောင်အသီးသီးသို့ပြောင်းရွှေ့ရန် နိုဝင်ဘာ (၁၅) ရက်တွင် အင်းစိန်သို့ ပြန်ခေါ်လာခဲ့သော်လည်း မိသားစုများအား အသိပေး အကြောင်းကြားခြင်းမရှိခဲ့ ကြောင်းသိရသည်။

(၆၅) နှစ် စာရင်းပေါက်သူ (၈၈) မျိုးဆက်ကျောင်းသားခေါင်းဆောင်များနှင့် အပို့ခံရသော ထောင်များမှာ အောက်ပါအတိုင်းဖြစ်သည်။

ကိုမင်းကိုနိုင်နှင့် ကိုကိုကြီး (ကျိုင်းတုံထောင်)၊
ကိုဌေးကြွယ် (ဘူးသီးတောင်ထောင်)၊
ကိုမြအေး (လွိုင်ကော်ထောင်)၊
ကိုပြုံးချို (ကော့သောင်းထောင် )၊
ကိုအောင်သူ (ပူတာအိုထောင်)၊
ကိုလှမျိုးနောင် (မြစ်ကြီးနားထောင်)၊
ကိုအောင်နိုင် (ကလေးထောင်)၊
ကိုဉာဏ်လင်းကို အင်းစိန်မှ ထပ်မံမပြောင်းရွှေ့သေးပါ။
(အထက်ပါစာရင်းဝင်များမှာ (၆၅) နှစ်မတိုင်မီ ရုံးတော်အား မထေမဲ့မြင်ပြုမှု… ဟုဆိုလျှက် ထောင်ဒဏ် (၆) လ ဦးစွာချထားပြီးဖြစ်သည်။)

ရုံးတော်အတွင်း တရားရင်ဆိုင်နေစဉ် လက်ထိပ်ခတ် မထားရန်ကိုလည်းကောင်း၊ မိမိတို့သည် ပြစ်မှုကျူးလွန်ခြင်းမရှိသော အကျဉ်းသားများ ဖြစ်သည့်အတွက် “တရားခံ” ဟု မသုံးစွဲဘဲ “စွပ်စွဲခံရသူ” ဟုသာ သုံးနှုံးရန်၊ လွတ်လပ်သော တရားစီရင်မှု ဖြစ်စေရေးအတွက် အများပြည်သူ များ လာရောက်ကြားနာခွင့်တို့ကို တရားခွင်၌ တရားဝင်တောင်းဆိုခြင်းအား စစ်အုပ်စုက ရုံးတော်အား မထေမဲ့မြင်ပြုမှုအဖြစ် သတ်မှတ်သည်။

ဆက်လက်၍ -- ကိုမင်းဇေယျာ၊ ကိုဂျင်မီ ခေါ် ကိုကျော်မင်းယု၊ ကိုအံ့ဘွယ်ကျော်၊ ကိုမာကီး ခေါ် ကိုကျော်ကျော်ထွေး၊ ကြီးသန်း ခေါ် ကိုသန်းတင်၊ ကိုပဏ္ဍိတ်ထွန်း၊ ကိုဇေယျ၊ ကိုသက်ဇော်၊ ကိုဇော်ဇော်မင်း၊ မနီလာသိန်း၊ မမာမာဦး၊ မီးမီး ခေါ် မသင်းသင်းအေး၊ ရွှီး ခေါ် စန္ဒာမင်း၊ မသက်သက်အောင်တို့လည်း (၆၅) နှစ်ပစ်ဒဏ်ကျခံသူများဖြစ်သည်။

လားရှိုးထောင်သို့ အပို့ခံထားရသော ကိုမင်းဇေယျာသည် ယခု ဆောင်းဝင်လာသောအခါ ရာသီပြင်းသောဒေသတွင် တိုက်ပိတ်ခံထားရသည့် အတွက် ယခင်ခွဲထားသည့် ခါးမှ ပြန်လည်နာကျင်မှုရှိလာကြောင်း ဇနီးဖြစ်သူ မချိုချိုဝင်းက ဒီဗွီဘီသို့ပြောသည်။

မိုင်းဆတ်ထောင်အတွင်း ကိုကိုကြီးကျန်းမာရေးအခြေအနေဆိုး မိသားစုစိုးရိမ်နေ (အသည်းကြီးသောကြောင့် ဗိုက်မှာရေရှိ။ ယခင် ထောင် (၁၃) နှစ်တာကာလအတွင် အသည်းရောင်အသားဝါ ဘီပိုးဝင်ခဲ့) နိုင်ငံရေးအကျဉ်းသားများဖြစ်သော ကိုသိန်းဝင်း၊ ကိုဝေလွင်မျိုး၊ ကိုကျော် ဆန်း တို့နှင့်အတူ ထောင်ဒဏ် (၆၅) နှစ်ကျခံရသော ၈၈ မျိုးဆက်ခေါင်းဆောင် မသင်းသင်းအေး ခေါ် မီးမီးအား နိုဝင်ဘာ (၂၀) ရက်နေ့က အင်းစိန်ထောင်မှ ပုသိမ်ထောင်သို့ပြောင်းလိုက်သည်။ မီးမီးသည် (၉၆) တွင် တခါကျပြီး ၂၀၀၅ မှာပြန်လွတ်ခဲ့ပြီး သားတစ်ယောက် သမီး တစ်ယောက်ရှိသည်။ လေးဘက်နာရှိသည်ဟု ခင်ပွန်းဖြစ်သူ ကိုလှမိုးက ခေတ်ပြိုင်သို့ပြောသည်။

ကိုဌေးကြွယ်။ ။ ရန်ကုန်၊ အင်းစိန်မှ ဘူးသီးတောင်သို့အပြောင်းခံရသော ကိုဌေးကြွယ် (၈ပေ-၁၀ပေ) အခန်းထဲမှ လမ်းထွက် လျှောက်ခွင့် မရသေး။ ယခင်ဗိုက်ခွဲထားသည်က ပြန်နာလာခြင်း၊ ရေချိုးခွင့်မရသောကြောင့် ယားနာပေါက်ခြင်းနှင့် ထမင်းဝအောင်မကျွေးကြောင်း ဘူးသီးထောင်တွင် ထောင်ဆရာဝန်မရှိကြောင်းတို့ကို မိသားစုအသိုင်းအ၀ိုင်းမှတဆင့်သိရသည်။

အင်းစိန်ထောင်အတွင်းရှိနေကြသော (၈၈) မျိုးဆက် ကျောင်းသားခေါင်းဆောင်များအနက် သိန်းသန်းထွန်း (ခေါ်) စမ်းချောင်း ကိုကိုကြီး သည် ထောင်ဆေးရုံတက်ကာ ကိုယ်လက်လှုပ်ရှားမှုလေ့ကျင့်ခန်းယူနေရကြောင်း ဒီဗွီဘီသတင်းတွင် ဖော်ပြထားသည်။ ထောင်တွင်း၌ အနွေး ထည်နှင့် စောင်မလုံလောက်မှု၊ လမ်းလျှောက်ခွင့်နည်းပါးမှုတို့ကြောင့် အကျဉ်းသားများမှာ ထုံကျင်ကိုက်ခဲမှု ဝေဒနာကို အနည်းနှင့်အများ ခံစားနေကြရကြောင်းလည်း ဖော်ပြထားသည်။ စမ်းချောင်း ကိုကိုကြီးအပါအ၀င် အင်းစိန်ထောင်တွင်း၌ (၈၈) မျိုးဆက် (၁၃) ဦးကျန်ရစ်ခဲ့ပြီး။ (၁၁) ကျခံသူ (၈) ဦးနှင့် (၉) နှစ်ကျသူ (၅) ဦးဖြစ်သည်။ ၎င်းတို့အား စွဲဆိုသည့်အမှုများတွင် နိုင်ငံတော်ငြိမ်ဝပ်ပိပြားမှုအား ထိခိုက်စေမှု တစ်မှုတည်းအတွက် ထောင်ဒဏ် (၆) နှစ် သတ်မှတ်သည်။

(၈၈) ခေါင်းဆောင်များအနက် (၁၁) နှစ်ကျသူများမှာ သိန်းသန်းထွန်း (ခေါ်) စမ်းချောင်းကိုကိုကြီး၊ ဇော်ထက်ကိုကို၊ ချစ်ကိုလင်း၊ မလေးလေး မွန်၊ မနိုဘယ်အေး (ခေါ်) နှင်းမေအောင်၊ မနှင်းရီ (ခေါ်) နိုးနိုး၊ မသရဖီ သိမ့်သိမ့်ထွန်း၊ မအေးသီတာ တို့ဖြစ်ကြသည်။ (၉) နှစ်ကျခံရသူများမှာ ကိုသော်ဇင်ထွန်း၊ ကိုကြည်သန်း၊ စောမျိုးမင်းလှိုင် (ခေါ်) ဂျိမ်း၊ ကိုအောင်သိုက်စိုးနှင့် ဒေါ်စန်းစန်းတင်တို့ဖြစ်ကြသည်။ အင်းစိန်ထောင် အတွင်းတွင် ၎င်း (၁၃) အပြင် နောက်ထပ် နိုင်ငံရေးအကျဉ်းသား အနည်းဆုံး (၅၀) ခန့် ရှိနေသေးကြောင်း အကျဉ်းသားမိသားစုဝင်များက ပြောသည်။

(၈၈) မျိုးဆက် ကျောင်းသား ခေါင်းဆောင် (အင်္ဂလိပ်စာပြ ဆရာတစ်ဦး) ကိုတိုးကျော်လှိုင်အား ဘိုကလေးမြို့နာဂစ်ဒုက္ခသည်များအား ကူညီ ပြီး ပြန်လာပြီးနောက် ဖမ်းဆီးသွားခဲ့သည်။ ကိုတိုးကျော်လှိုင်နှင့်အတူ (၈၈) မျိုးဆက်မှ သုံးဦးအဖမ်းခံရသည်။ ယခုရက်ပိုင်းအတွင်း အခြား အဖမ်းခံရသူများမှာ မအိမ့်ခိုင်ဦး၊ မယဉ်ယဉ်ဝိုင်း ခေါ် ဆည်းဆာ၊ မတင်တင်ချို၊ ကိုဇော်၊ ကိုတင်မောင်ဦး၊ မနှင့်ပွင့်ဝေ၊ ကိုလင်းထက်နိုင်၊ ကိုရဲတံခွန်၊ မနီမိုလှိုင် တို့ဖြစ်ကြသည်။

အောက်တိုဘာ (၁၇) ရက်တွင် ၈၈ မျိုးဆက်ကျောင်းသားများအနက် (၂) ဦးဖြစ်သူ မခင်မိုးအေးနှင့် ကိုကျော်စိုးတို့အား နိုင်ငံခြားငွေ လက် ၀ယ် တွေ့ရှိမှုအက်ဥပဒေ ပုဒ်မ ၂၄ (၁) အရ အလုပ်ကြမ်းနှင့် ထောင်ဒဏ်(၃) နှစ်စီ ချမှတ်ခြင်းခံရသည်။ ၎င်းတို့အား ၂၀၀၇ ခုနှစ် ဒီဇင်ဘာလ (၁၂) ရက်နေ့တွင် မွန်ပြည်နယ်၊ ကျိုက်ထိုမြို့နယ် စအဖ မှ ဖမ်းဆီးခဲ့ခြင်းဖြစ်သည်။

မခင်မိုးအေးသည် ၁၉၈၈ ဒီမိုကရေစီလှုပ်ရှားမှုများအတွင်း ရန်ကုန်တက္ကသိုလ် ကျောင်းသားသမဂ္ဂတွင် ပါဝင်ခဲ့ပြီး ၁၉၉၁ ခုနှစ်တွင် ဒေါ်အောင်ဆန်းစုကြည် နိုဘယ်လ်ငြိမ်းချမ်းရေးဆုရစဉ်က ရန်ကုန်တက္ကသိုလ်တွင်ပြုလုပ်ခဲ့သည့် ထောက်ခံပွဲများကို ဦးဆောင်ခဲ့သဖြင့် ထောင်ဒဏ် (၁၀) နှစ် ကျခံခဲ့ရသည်။ သို့သော် နှစ်ပြည့်မနေခဲ့ရဘဲ ၁၉၉၂ ခုနှစ်တွင် ပြန်လည်လွှတ်ပေးခြင်းခံရပြီး ကိုအောင်ထွန်း ရေးသား ပြုစုသော မြန်မာနိုင်ငံကျောင်းသားသမိုင်းစာအုပ်ကို အကူအညီပေးခဲ့သဖြင့် ၁၉၉၈ ဖေဖော်ဝါရီလတွင် နောက်တစ်ကြိမ် အဖမ်းခံရသည်။ ၂၀၀၃ ခုနှစ် မေလတွင် ပြန်လည်လွတ်မြောက်လာခဲ့သည်။

ကိုကျော်စိုးသည် ၁၉၉၀ က ကိုဖုန်းမော် (၂) နှစ်ပြည့်အခမ်းအနားဖြစ်မြောက်ရေး (၁၉) ဦးကော်မတီတွင် ပါဝင်ခဲ့သောကြောင့် အခြား ကော်မတီဝင်များနှင့်အတူ အဖမ်းခံခဲ့ရပြီး ထောင်မှပြန်လွတ်လာသောအခါတွင်လည်း ဒီမိုကရေစီရေးနှင့်ကျောင်းသားရေးရာများကို ဆက် လက် ဆောင်ရွက်နေဆဲဖြစ်သည်။

ဗမာနိုင်ငံလုံးဆိုင်ရာ ကျောင်းသားများအဖွဲ့ချုပ် (ဗကသ)

ဗမာနိုင်ငံလုံးဆိုင်ရာ ကျောင်းသားများအဖွဲ့ချုပ်ခေါင်းဆောင် ဒီငြိမ်းလင်းကိုလည်း ထောင်ဒဏ် (၁၀) နှစ်ခွဲချထားပြီးဖြစ်သည့်အပြင် နောက် တိုး သင်းဖွဲ့ ပုဒ်မနှင့် ဆက်လက်ရုံးထုတ်နေဆဲဖြစ်သည်။

နိုဝင်ဘာ (၁၃) ရက်တွင် ဗမာနိုင်ငံလုံးဆိုင်ရာ ကျောင်းသားများ သမဂ္ဂ အဖွဲ့ချုပ် (ဗကသအဖွဲ့ချုပ်) ခေါင်းဆောင်တစ်ဦး ဖြစ်သည့် မဟန်နီဦး အား အသင်းအဖွဲ့ပုဒ်မ (၆) ၅၀၅/ခ တို့ဖြင့် ထောင် (၉) နှစ်ခွဲ ချမှတ်ခံရသည်။အသက် (၂၁) နှစ်အရွယ် ဥပဒေကျောင်းသူ မဟန်နီဦးတွင် လေးဘက်နာရှိကြောင်း မိသားစုဝင်များက ပြောသည်။

(စည်သူမောင်နှင့်အတူ။ စက်တင်ဘာနောက်ပိုင်း) ရှမ်းပြည်နယ်၊ လားရှိုးထောင်သို့ပြောင်းရွှေ့ခဲ့။ ထိုထောင်တွင် ဒေါပုံမြို့နယ်မှ ကိုအုန်းဂျော်၊ ကိုထွန်းမြင့်ထွန်း၊ ကိုမင်းဇေယျ၊ ကိုမြင့်ဟန်နှင့် မဂ္ဂင်ဆရာတော်တို့လည်းရှိသည်။

ထို့အပြင် (၈၈) မျိုးဆက် ကျောင်းသားအဖွဲ့နှင့် ၂၀၀၇ ခုနှစ်က ပြန်လည်ဖွဲ့စည်းခဲ့သည့် ဗကသများအဖွဲ့ချုပ်ကို အကူအညီပေးသည့် ကိုယ်ပိုင် စီးပွားရေးလုပ်ငန်းရှင်၊ ကဗျာဆရာများသမဂ္ဂကိုဦးဆောင်ခဲ့သူ ကိုမင်းဟန်အားလည်း အင်းစိန်ထောင်တွင်းအထူးတရားရုံးမှ ထောင်ဒဏ် (၁၁) နှစ် ချမှတ်လိုက်ကြောင်း (၈၈) ကျောင်းသားအဖွဲ့ဝင်တစ်ဦးက အတည်ပြုပြောကြားသည်။

၂၀၀၇ မျိုးဆက်၊ ဗကသ (အထက်မြန်မာပြည်-လူငယ်) ကျောင်းသားခေါင်းဆောင် ကိုထွန်းထွန်းအား မိအောင်မဖမ်းနိုင်သည့်အတွက် ကိုယ်ဝန် သုံးလဖြင့် မိခင်လောင်း မကေသီအောင်အား ဖမ်းဆီးသွားခဲ့ပြီး ဒီဇင်ဘာ (၁၅) ရက်နေ့က စာရွက် စာတမ်းဖြန့်ဝေမှု၊ နိုင်ငံတော် အကြည်ညိုပျက်စေမှုတို့ဖြင့် စွဲချက်တင်ကာ ထောင်ဒဏ် (၂၆) နှစ်ချမှတ်လိုက်သည်။ အမှုတွဲများဖြစ်ကြသော ကိုထွန်းထွန်း၏အကို ကိုဝေမျိုး အား (၂၆) နှစ်နှင့် ဦးဇင်းမေတ္တာနိုင်၊ ဦးဇင်းဦးသာဂရနှင့် ဦးသုမင်္ဂလတို့မှာလည်း ၎င်းတို့နှင့် အမှုတွဲများဖြစ်ကြောင်း Freedom News Group ၏ ဘလော့တွင် ရေးသားဖော်ပြထားသည်။

အထက်ဗမာပြည် (မန္တလေး) ဗကသ လူငယ်ကျောင်းသား ကိုဗိုလ်မင်းယုအား အမှုပေါင်း (၄၀) ဖြင့် ထောင်ဒဏ် နှစ်ပေါင်း (၁၀၄) နှစ် ချမှတ်ထားသည်။ မန္တလေးတိုင်း၊ အိုးဘိုထောင်တွင်း တရားရုံးတွင် ရှေ့နေမပါဘဲ တစ်ဘက်သတ်ချမှတ်ခဲ့ခြင်းဖြစ်ပြီး မြန်မာ့ဆိုရှယ်လစ် လမ်းစဉ်ပါတီ (မဆလ) ခေတ်က ကျောင်းသားခေါင်းဆောင် ကိုတင်မောင်ဦးအေား သေဒဏ်ပေးသည့်ဖြစ်ရပ်နောက်ပိုင်းတွင် ဒုတိယ အကြီးမားဆုံးပြစ်ဒဏ်ဖြစ်ကြောင်း၊ ဗကသ အထက်ဗမာပြည် (မန္တလေး) အဖွဲ့ဝင် ကိုညီညီအားလည်း မန္တလေးထောင်တွင်းတရားရုံးမှ ထောင်ဒဏ် နှစ် (၅၀) ချမှတ်လိုက်ကြောင်း ဖရီးဒဲမ်း သတင်းအုပ်စုဘလော့ဂ်တွင် ဖော်ပြပါရှိသည်။

နာဂစ်မုန်တိုင်းကြောင့် အတိဒုက္ခရောက်နေသော ပြည်သူများကို ကူညီမှုဖြင့် ဖမ်းဆီးထောင်ချခံရသော မျိုးဆက်သစ် လူငယ်များအစည်းအရုံး နှင့် အကောင်းဆုံးမြေသြဇာအဖွဲ့မှ ကျောင်းသားလူငယ်များ၊ ဆရာတော် ဦးစန္ဒိမာအပါအ၀င် ခုနစ်ဦး အမှုတွဲ။ (၈၈) မျိုးဆက်မှ ထောင်ဒဏ် ချကာ နယ်ပို့ခံရပြီးသော မာမာဦး၏ အမှုတွဲများဖြစ်ကြသော (၆) ဦးတို့မှာ အမှုရင်ဆိုင်နေရဆဲဖြစ်သည်။ စုစုပေါင်း (၂၅၀) ခန့်ကို ဝေးလံသော နယ်ထောင်များသို့ ပို့ပစ်ခဲ့ကြောင်း ဒီဗွီဘီ သတင်းတွင် ဖော်ပြထားသည်။

နိုဝင်ဘာ (၁၃) (၈၈) မျိုးဆက် ကျောင်းသားအဖွဲ့ဝင် ကိုမျိုးရန်နောင်သိန်းနှင့် ကိုမင်းမင်းစိုးတို့အား ထောင်ဒဏ် (၂) နှစ်စီနှင့် ကွန်ပြူတာ ပညာရှင် မမြမြသိမ့်အား လှိုင်မြို့နယ်တရားရုံးမှ ထောင်ဒဏ် (၅) နှစ် ချမှတ်လိုက်သည်။ စက်တင်ဘာလအတွင်း နောက်ထပ်ဖမ်းဆီးခံရသူ များမှာ မျိုးဆက်သစ်လူငယ်များအစည်းအရုံးအဖွဲ့ဝင် ကိုစောမောင်နှင့် ကိုကျော်ဦး၊ တရားမျှတမှုအတွက် မျိုးဆက်သစ်လှုပ်ရှားမှု အဖွဲ့ဝင် ကိုကို၊ အကောင်းဆုံးမြေသြဇာအဖွဲ့ဝင် ကိုမောင်ငယ်တို့ဖြစ်ကြသည်။

ပဲခူးထောင်တွင် ကျခံနေရသော နိုင်ငံရေးအကျဉ်းသူ မထားထားသက်အား ထောင်အာဏာပိုင်များက ရာဇ၀တ်မှု အကျဉ်းသူများနှင့် ရောနှော ထားခဲ့ရာ လူပေါင်းစုံနှင့် စီးကရက်ဆေးလိပ်နံ့တို့အား မခံနိုင်သဖြင့် ထောင်ပြောင်းရန်တောင်းဆိုခဲ့ရာ ခန္တီးထောင်သို့ ပို့လိုက်ကြောင်း မိသားစု မှ အတည်ပြုပြောကြားသည်။ မထားထားသက်အား လူဝင်မှုကြီးကြပ်ရေး အက်ဥပ ဒေ ပုဒ်မ ၁၃ (၁) နယ်စပ်ဖြတ်ကျော်မှုအပါအ၀င် ပုဒ်မ (၇) ခုဖြင့် ထောင်ဒဏ် (၁၉) နှစ် ချမှတ်ခဲ့ခြင်းဖြစ်သည်။

နာဂစ်မုန်တိုင်းအတွင်းတွင် ကိုးနှစ်အရွယ် တစ်ဦးတည်းသောသားနှင့် မိဘနှစ်ပါးတို့ ဆုံးပါးခဲ့ရသော ဧရာဝတီတိုင်း၊ ဘိုကလေးမြို့နယ်မှ ကိုသီဟသက်ဇင်သည် ယခုအခါတွင် မြစ်ကြီးနားထောင်အတွင်း၌ အအေးဒဏ်ကို မခံနိုင်သောကြောင့် ခေါင်းကိုက်ခြင်းနှင့် နောက်ကျော တက်ခြင်းဝေဒနာကို ပြင်းထန်စွာ ခံစားနေရကြောင်း ထောင်ဝင်စာတွေ့ပြီး ပြန်လာသည့် ဇနီးဖြစ်သူက ဒီဗွီဘီသို့ အတည်ပြုပြောကြားသည်။ ကိုသီဟသက်ဇင်သည် နိုင်ငံတော်အကြည်ညိုပျက်စေမှု ပုဒ်မ ၅၀၅ (ခ) အပါအ၀င် ပုဒ်မ (၃) ခုဖြင့် ထောင်ဒဏ် (၁၈) နှစ် စီရင်ခြင်း ခံထားရသူဖြစ်သည်။

ဒီဇင်ဘာ (၁၉) ရက်နေ့ကလည်း ပဲခူးထောင်တွင် (၂) နှစ်ချမှတ်ခံထားရသည့် နိုင်ငံရေးအကျဉ်းသား မောင်ဆန်းသည် ဆေးကုသခွင့် တောင်းခံသည်ကို မရသဖြင့် မိမိကိုယ်ကိုယ်သေကြောင်းကြံစည်သွားခဲ့သည်။

အမျိုးသား ဒီမိုကရေစီအဖွဲ့ချုပ်မှ -

၂၀၀၈ ခုနှစ်၊ ဒီဇင်ဘာ (၃၀) တွင် အဖွဲ့ချုပ်အဖွဲ့ဝင်လူငယ်အား ပြည်သူ့လွှတ်တော်ရှေ့တွင် ဖမ်းဆီးခြင်းခဲ့ကြရသည်။ အဖွဲ့ချုပ်ရုံးတွင် ပြုလုပ်သော လူငယ်ဟောပြောပွဲမှ အပြန်တွင် ဒေါ်အောင်ဆန်းစုကြည်ကိုလွှတ်ပေး…စာတန်းပါ ပိတ်ဖြူဆိုင်းဘုတ်ကို ကိုင်ဆောင်၍ တိတ်ဆိတ် ငြိမ်းချမ်းစွာ လမ်းလျှောက်လာကြစဉ် ရိုက်နှက်ဖမ်းဆီးသွားခြင်းဖြစ်သည်။ ဖမ်းဆီးခံရသူ(၉) ဦးမှာ -

စမ်းချောင်းမြို့နယ်မှ အဖွဲ့ဝင်များဖြစ်ကြသော ကိုထွန်းထွန်းဝင်း (လူငယ်တာဝန်ခံ)၊ ကိုထွန်းလင်း၊ ကိုပြည့်ပြည့် (ဒဂုံတက္ကသိုလ် ပထမနှစ် ဥပဒေကျောင်းသား)၊ ကောင်းထက်လှိုင်၊ အောင်ဖြိုးဝေ၊ သက်မောင်ထွန်း၊ ထက်ထက်ဦးဝေ (ရွှေပြည်သာ)၊ ၀င်းမြင့်မောင် ခေါ် ပဲပြုတ် (ခရမ်း)၊ ကိုမင်းသိန်း (သာကေတ) တို့ဖြစ်ကြသည်။

၂၀၀၈ ခုနှစ်၊ နိုဝင်ဘာ (၁၀) ရက်နေ့က အမျိုးသားဒီမိုကရေစီအဖွဲ့ချုပ် အဖွဲ့ဝင် လူငယ် ဘလော့ဂါ နေဘုန်းလတ် (၂၈) နှစ်အား ဗွီဒီယိုပုဒ်မ၊ ပုဒ်မ ၅၀၅ (ခ)၊ အီလက်ထရွန်းနစ်ဥပဒေတို့ဖြင့် တရားစွဲဆိုခဲ့ပြီး ထောင်ဒဏ် အနှစ် (၂၀) နှင့် (၆) လချမှတ်ကာ ကရင်ပြည်နယ်၊ ဘားအံ ထောင်သို့ ပို့ခြင်းခံခဲ့ရသည်။ ၂၀၀၈ ခုနှစ်၊ ဇန်န၀ါရီလ (၂၉) ရက်က ရန်ကုန်တိုင်း၊ သင်္ကန်းကျွန်း နေအိမ်မှ ဖမ်းဆီးခေါ်ဆောင် သွားခဲ့ပြီးနောက် (၉) လအကြာတွင် ထိုသို့စီရင်ခဲ့ခြင်းဖြစ်သည်။ နေဘုန်းလတ် နှင့်အတူ အဖမ်းခံခဲ့ရသော မသင်းဇူလိုင်ကျော်ကိုလည်း ဗီဒီယို အက်ဥပဒေပုဒ်မ ၃၂ (ခ) ၃၆ ဖြင့် ထောင်ဒဏ် (၂) နှစ် ချမှတ်ခဲ့သည်။

၂၀၀၈ ခုနှစ်၊ နိုဝင်ဘာ (၁၂) ရက်က မစုစုနွေးအား ထောင်ဒဏ် (၁၂) နှစ်နှင့် (၆) လနှင့် အမှုတွဲ ဘိုဘိုဝင်းလှိုင်ကို (၈) နှစ် ချလိုက်သည်။ မစုစုနွေးအား ဦးစွာ စွဲဆိုထားသော ပုဒ်မ ၁၂၄ (က)၊ ၁၃၀ (ခ)၊ ၅၀၅ (ခ)/၃၄ တို့ဖြင့် စွဲဆိုထားရာမှ ပုဒ်မ ၁၂၄ (က) ကိုဖြုတ်၍ ပုဒ်မ ၁၅၂၊ ၁၃၀ (ခ)၊ ၅၀၅ (ခ) တို့ဖြင့် ပြောင်းလဲစွဲဆိုခဲ့ သည်။ ၂၀၀၇ ခုနှစ်၊ နိုဝင်ဘာလ (၁၃) ရက်နေ့က စစ်အစိုးရစိုက်ထူထားသည့် “အမေရိကန် အားကိုး၊ ပုဆိန်ရိုး… အဆိုး မြင်ဝါဒီများအား ဆန့်ကျင်ကြ” ဆိုသည့် ဆိုင်းဘုတ်တွင် စစ်အစိုးရဆန့်ကျင်ရေးပိုစတာ ချိတ်ဆွဲစဉ် အဖမ်းခံ ခဲ့ရခြင်းဖြစ်သည်။

ကနေဒါနိုင်ငံအခြေစိုက် လူ့အခွင့်အရေးနှင့် ဒီမိုကရေစီအဖွဲ့ချုပ်က ဂျွန်ဟမ်းဖရေး လွတ်လပ်ရေးဆုကို ၂၀၀၆ ခုနှစ်က ရရှိထားခဲ့သူ မစုစုနွေး တွင် မွေးရာပါ နှလုံးရောဂါနှင့် လေးဘက်နာရောဂါတို့ကို ခံစားနေရပြီး တိမ်းရှောင်နေစဉ် ကာလများအတွင်းက ခွဲစိတ်မှုတစ်ကြိမ် ပြုခဲ့ရသူ လည်း ဖြစ်သည်။ မစုစုနွေး၏လည်ပင်းတွင် အကြိတ်ပေါက်နေသဖြင့် ဆရာဝန်နှင့်တွေ့ခွင့်တောင်းသော်လည်း အာဏာပိုင်များက ခွင့်မပြု ခဲ့ပေ။

နိုဝင်ဘာလ (၁၃) ရက်တွင် အဖွဲ့ချုပ် အဖွဲ့ဝင် (၁၁) ဦးအား အများပြည်သူ ဆူပူမှုဖြစ်ရန်လှုံ့ဆော်မှု ပုဒ်မ ၅၀၅ (ခ) အပါအ၀င် ပုဒ်မ လေးခုဖြင့် တရားစွဲဆိုထားရာမှ ထောင်ဒဏ် (၇ နှစ်၊ ၆ လ) စီ ချမှတ်လိုက်သည်။ ထို (၁၁) ဦးတွင် အသက် (၇၂) နှစ်အရွယ် ဦးတင်ယုအပါအ၀င် လှိုင်သာယာမြို့နယ်မှ ကိုသန်းနိုင်၊ မလှလှမော်၊ ကိုစိုးမင်းမင်း၊ ကိုသန့်ဇင်မျိုး၊ ကိုကျော်စိုးဝင်း၊ ကိုဆန်းဝင်း၊ ကိုအောင်မင်းနိုင်၊ ဦးဝင်းမြင့်၊ ကိုမျိုးကျော်ဇင် (အင်းစိန်) နှင့် ကိုရန်နိုင်ထွန်း (ကြည့်မြင်တိုင်)တို့ဖြစ်သည်။

ရုံးတော်အားမထေမဲ့မြင်ပြုမှု (ပုဒ်မ ၂၂၈) ဖြင့် ထောင်ဒဏ် (၆) လစီ ပို၍ကျခံကြရသူများမှာ ကိုအောင်မင်းနိုင် ခေါ် မီးသွေး (ကြည့်မြင်နိုင်) ကိုမျိုးကျော်ဇင် (အင်းစိန်)၊ ကိုရန်နိုင်ထွန်း၊ ကိုသက်ဇော်မြင့်နှင့် ကိုသန့်ဇင်မျိုး (လှိုင်သာယာ) တို့ဖြစ်ပြီး ယခုအခါ ၎င်းတို့ (၁၁) ဦးအား အင်းစိန် ထောင်သို့ပို့လိုက်ကြောင်းသိရသည်။

တဆက်တည်းမှာပင် အင်းစိန်ထောင်အတွင်း ယာယီတရားရုံးမှ စီရင်ချက်အချခံရသည့် ထောင်ဒဏ် (၇) နှစ်ခွဲ ကျသူများမှာ ကမာရွတ် မြို့နယ်မှ ကိုကျော်စိုးဝင်း၊ ကိုသိုက်မင်းနှင့် မြောက်ဥက္ကလာ အဖွဲ့ချုပ်အဖွဲ့ဝင် ဒေါ်မငယ်တို့ဖြစ်ကြသည်။

တဆက်တည်းမှာပင် ရန်ကုန်တိုင်း၊ ရန်ကင်းမြို့နယ်အဲန်အယ်လ်ဒီ ဥက္ကဌ ကိုမျိုးခင်အား ထောင်ဒဏ် (၄) နှစ်ခွဲ နှင့် ကိုမျိုးခိုင်အား (၆) နှစ်ခွဲ ချလိုက်ကြောင်းလည်း ဧရာဝတီသတင်းတွင်ဖော်ပြထားသည်။

ဇန်န၀ါရီလ (၃) ရက် ၂၀၀၈ ခုနှစ်က နေအိမ်များမှ ဖမ်းဆီးသွားခြင်းခံခဲ့ရသော အဖွဲ့ချုပ်အဖွဲ့ဝင်များအား နိုဝင်ဘာလ၊ (၁၄) ရက် ၂၀၀၈ ခုနှစ်က နှစ်ရှည်ထောင်ဒဏ်များချမှတ်ခဲ့သည်။ ဒေါပုံမြို့နယ်မှ ကိုကျော်ဇင်ဝင်းအား (၁၆) နှစ်၊ မကြည်ကြည်ဝါအား (၁၁) နှစ်၊ ကိုကျော်ကျော်လင်းအား (၁၃) နှစ် နှင့် ကိုနေဇာမျိုးဝင်း (လူငယ် စည်းရုံးရေးနှင့် ၀ါဒဖြန့်ချိရေးမှူး) ထောင်ဒဏ် (၅) နှစ် တို့ဖြစ်ကြသည်။

မန္တလေး အဖွဲ့ချုပ်ပါတီဝင်များဖြစ်ကြသော ကိုရွှေမောင်း၊ ကိုဝဏ္ဏအောင်နှင့် ကိုဇော်ဝင်းတို့ကိုလည်း ထောင်ဒဏ် (၄) နှစ်ခွဲစီ ချမှတ်ခဲ့သည်။

၎င်းတို့အား ဇန်န၀ါရီလ (၂၁) ရက် ၂၀၀၈ ခုနှစ်တွင် အသင်းအဖွဲ့ ဖွဲ့စည်းခြင်းပုဒ်မ (၆) ဖြင့် ရုံးတင်ခဲ့ပြီးနောက် ဇန်န၀ါရီလ (၂၃) တွင် ဗွီဒီယို အက်ဥပဒေဖြင့် ထပ်မံတရားစွဲဆိုကာ ဧပြီလ (၂) ရက်နေ့တွင် မတရားအသင်းအက်ဥပဒေ ပုဒ်မ (၁၇/၁-၂) ဖြင့် ထောင်ချခဲ့ခြင်းဖြစ်သည်။

စက်တင်ဘာ (၈) ရက် နေ့က မြန်မာနိုင်ငံအလယ်ပိုင်း မကွေးတိုင်း၊ ပွင့်ဖြူမြို့နယ်၊ ဆင်ဖြူကျွန်းမြို့နယ်နှင့် မဒဲတိုက်နယ် များမှ အဖွဲ့ဝင် (၁၀) ဦးကို ဖမ်းဆီးလိုက်ကြောင်း ဦးဉာဏ်ဝင်းမှ အတည်ပြုပြောကြားသည်။ အဖမ်းဆီးခံခဲ့ရသူများမှာ ဆင်ဖြူကျွန်းမှ ဦးသိန်းအောင်၊ ပွင့်ဖြူမှ ကိုဌေးမြင့်၊ ကိုဝင်းမောင်၊ ကိုကြည်ဌေးအောင်၊ ကိုကိုဦး၊ ကိုသန်းထွန်းတို့ဖြစ်ကြပြီး လဆန်း (၆) ရက်နှင့် (၇) ရက်များအတွင်း အဖမ်းခံ ခဲ့ရခြင်းဖြစ်ကြောင်းသိရသည်။

စက်တင်ဘာ (၅) ရက်နေ့ကလည်း လှိုင်သာယာမြို့နယ် ရပ်ကွက် (၉) တွင်နေထိုင်သော လူငယ် (၆) ဦးအား အင်းစိန်ထောင်မှအပြန်တွင် ဖမ်းဆီးထားခဲ့သည်။ အဖမ်းခံရသူများမှာ ကိုဇော်မင်းရှိန် (ခ) ကိုကြွက်ဖြူ၊ ကိုတေဇ၊ ကိုဘောလေး၊ ကိုဒိုလေး၊ ကိုဇော်လတ်နှင့် ကိုတင်မင်းထွဋ် (ခ) ကိုကျော်ကျော်တို့ဖြစ်ကြသည်။

မေ (၂၂) ရက်နေ့က အမျိုးသား ဒီမိုကရေစီအဖွဲ့ချုပ် အဖွဲ့ဝင် (၁၁) ဦးအား ဖမ်းဆီးခဲ့ပြီး (၈) ဦးကို မကြာခင်ပြန်လည် လွှတ်ပေးလိုက်ပြီ ဖြစ်သော်လည်း မချို (တောင်ဒဂုံ)၊ ကိုထွန်းဇော်ဇော် (သင်္ကန်းကျွန်း) နှင့် ကိုခင်ထွန်း (ရန်ကုန်တိုင်း၊ အဲန်အယ်လ်ဒီ လူငယ် တာဝန်ခံ) တို့ကိုမူ ဆက်လက်ထိန်းသိမ်းထားဆဲဖြစ်သည်။ မေလ (၁၉) ရက်က အဲန်အယ်လ်ဒီ အဖွဲ့ဝင်များနှင့်ပေါင်းသင်းမှုကြောင့် သာမန်အရပ်သား ထွန်းထွန်းဦး အား စရဖ အဖွဲ့မှ ဖမ်းဆီးသွားခဲ့သည်။

၂၀၀၈ ခုနှစ် ဇွန်လက ဖမ်းဆီးခြင်းခံခဲ့ကြရသော ဒေါပုံမြို့နယ် စည်းရုံးရေး အဖွဲ့ဝင် ကိုအုန်းဂျော်နှင့် ၎င်း၏ အမှုတွဲများအား ဗွီဒီယို အက်ဥပဒေ ပုဒ်မ (၁၃/က) နှင့် (၅၀၅/ခ) ပုဒ်မများနှင့်တရားစွဲဆထောင်ဒဏ် (၅) နှစ်စီ ချမှတ်ခဲ့သည်။ ဖမ်းဆီးစဉ်က သိမ်းဆည်းသွား ခဲ့သော ဒီမိုကရေစီဆိုသည်မှာ အမည်ရှိ ဗွီစီဒီတစ်ချပ်ကိုအကြောင်းပြ၍ ထောင်ချခဲ့ခြင်းဖြစ်သည်။

ထိုနေ့မှာပင် သာကေတမြို့နယ် စည်းရုံးရေးအဖွဲ့ဝင် ဦးတင်မြင့် အား ထောင်ဒဏ် (၂) နှစ် (၆) လ ချမှတ်ခဲ့သည်။ သင်္ဃန်းကျွန်းဥက္ကဌ ဦးတင်မြနှင့် (၇) ဦးအား ဖောက်ခွဲမှုဖြင့်တရားစွဲဆိုဆဲဖြစ်သည်။

၂၀၀၇ စက်တင်ဘာလအတွင်းက လောင်စာဆီဈေးနှုန်းမြင့်တက်ခဲ့မှုကြောင့် ယာဉ်စီးခများ တိုးမြှင့်ကောက်ခံခဲ့ခြင်းအပေါ် လမ်းလျှောက် ဆန္ဒပြမှုဖြင့် ဖမ်းဆီးခံခဲ့ရသော လှိုင်သာယာမြို့နယ်မှ ကိုသန့်ဇင်မျိုး၊ ကိုသန်းဇော်မြင့်နှင့် ကိုမောင်ဆန်းဝင်း တို့ (၃) ဦးအား(၁၃) ရက် နိုဝင်ဘာလ ၂၀၀၈ ခုနှစ်တွင် ထောင်ဒဏ် (၉) နှစ်နှင့် (၆) လစီ ချမှတ်ခဲ့သည်။ စွမ်းအားရှင်အဖွဲ့မှဖမ်းဆီးခဲ့ခြင်းဖြစ်ကြောင်းသိရသည်။

ဇိုမီးအမျိုးသား ကွန်ဂရက် ဥက္ကဌ ဦးပူကျင့်ရှင်းထန်၏သား ကမ်လမ်ခုပ် ခေါ် ကိုကျောက်ကျော်စိုးအား ထောင်ဒဏ် (၃၃) နှစ်၊ တူ ကမ်ခန့်ခွာလ်အား (၈) နှစ် နှင့် အခြားတစ်ဦးအားလည်း နှစ်ရှည်ထောင်ဒဏ်များချမှတ်လိုက်ကြောင်း ဦးပူကျင့်ရှင်းထန်က ခေတ်ပြိုင်သို့ အတည်ပြုပြောကြားသည်။ ၎င်းတို့မှာ စက်တင်ဘာအရေးအခင်းနှင့်ပတ်သက်၍ အဖမ်းခံခဲ့ကြရခြင်းဖြစ်သည်။

ဒေါင်းမာန် အမည်ရှိ ကဗျာများရေးသားထုတ်ဝေမှုဖြင့် ထောင်ဒဏ် (၁၉) နှစ် ကျခံနေရသော အမျိုးသား ဒီမိုကရေစီ အဖွဲ့ချုပ်အဖွဲ့ဝင်၊ ကဗျာဆရာ (၃၆) နှစ်ခန့်အရွယ် ကိုအောင်သန်း၌ HIV ပိုး ကူးစက်ခံနေရကြောင်း သိရသည်။ ၂၀၀၆ ခုနှစ်၊ အောက်တိုဘာလတွင်းက အကျဉ်းထောင်တွင်းတွင် အမျိုးသားဆီလမ်းကြောင်းဆိုင်ရာ ဝေဒနာဖြင့် အင်းစိန် ထောင်ဆေးရုံ၌ ကုသမှုခံယူစဉ် တာဝန်ကျ ဆရာဝန်များ၏ ညွှန်ကြားချက်မပါဘဲ ဆေးထိုးပေးခြင်းခံခဲ့ရကြောင်း၊ လအနည်းငယ် ကြာသောအခါ မကြာခဏ အဖျားတက်၍ ကိုယ်ခံအားကျဆင်းလာခြင်း၊ အရေပြားများအမြဲတမ်းအေးနေခြင်းတို့ကြောင့် ဆေးစစ်ပေးရန်တောင်းဆိုသော်လည်း ထောင်အာဏာပိုင်များက ငြင်းဆိုခဲ့ကြောင်း မိခင် ဖြစ်သူ ဒေါ်ခင်စီကို ကိုးကား၍ နယ်ခြားမဲ့သတင်းထောက်များအဖွဲ့နှင့် မြန်မာ့ သတင်းနှင့်မီဒီယာ အဖွဲ့တို့၏ထုတ်ပြန်ချက်တွင် ဖော်ပြထား သည်။ ကိုအောင်သန်းနှင့်အတူ အဖမ်းခံခဲ့ရသူများမှာ ကိုမောင်မောင်ဦး၊ ကိုဇေယျအောင်(ကျောင်းသား) နှင့် အတိုက်အခံ နိုင်ငံရေး လှုပ်ရှားသူ ကိုစိန်လှိုင်တို့ဖြစ်ကြသည်။

မန္တလေးတိုင်း၊ အမရပူမြို့နယ်၊ အဖွဲ့ချုပ်လူငယ်အဖွဲ့ဝင် ကိုဌေးလွင်ဦးသည် ဒီဇင်ဘာ (၂၈) ရက်နေ့တွင် အဆုပ်ရောဂါဖြင့် ကွယ်လွန် သွားခဲ့သည်။ ကိုဌေးလွင်ဦးအား ပုဒ်မ ၅ (ည) ဖြင့် ၂၀၀၃ ခုနှစ်၊ ဒီဇင်ဘာလ (၂၁) ရက်တွင် ဖမ်းဆီးခဲ့ပြီး ထောင် ဒဏ် (၇) နှစ် ချမှတ်ခံခဲ့ရပြီး ၂၀၀၈ ခုနှစ် နှစ်ဆန်းပိုင်းတွင် ထောင်တွင်း၌ အဆုပ်ရောဂါစတင်ဖြစ်ပွားခဲ့သည်။ ဆေးဝါးကု သခွင့်မရှိခဲ့ခြင်းကြောင့် ရောဂါ အခြေအနေ ပိုမိုဆိုးဝါးလာခဲ့ကြောင်း၊ ဆေးရုံပေါ်တွင် သုံးလကျော် လေးလခန့် တင်ထားပေးသော်လည်း ဆရာဝန်မှ ဆေးညွှန်ကြားချက်တစ်စုံတစ်ရာ မပေးခဲ့ကြောင်း၊ ဆေးဝါး လုံလောက်စွာမရရှိခြင်းကြောင့် အနာတစ်ခြား ဆေးတစ်ခြားဖြစ်ကာ ယခုကဲ့သို့ ဆုံးပါးသွားရခြင်းဖြစ်ကြောင်း တို့ကိုလည်း ဆက်လက်ပြောပြသွားခဲ့သည်။

ကမ္ဘာ့အလုပ်သမားအဖွဲ့ချုပ် (ILO) နှင့်ဆက်သွယ်သောကြောင့် ကိုဌေးလွင်ဦးနှင့်အတူ အဖွဲ့ချုပ် အဖွဲ့ဝင် (၁၁) ဦးလည်း ဖမ်းဆီးခံ ခဲ့ရခြင်းဖြစ်သည်။ နိုင်ငံရေးအကျဉ်းသားများ ကူညီစောင့်ရှောက်ရေးအသင်း (AAPP) ၏ မှတ်တမ်းများအရ ကိုဌေးလွင်ဦးသည် ထောင်ထဲတွင် ကျဆုံးခဲ့သော (၁၃၈) ယောက်မြောက် နိုင်ငံရေးအကျဉ်းသားဖြစ်သည်။

(ဧရာဝတီ၊ ခေတ်ပြိုင်၊ ဗွီအိုအေ၊ ဒီဗွီဘီ၊ ဖရီးဒမ်း သတင်းအုပ်စုအဖွဲ့များတွင် သွားရောက်ရှာဖွေခဲ့ပါသည်။)



(This is easy from http://www.newmyaaeinkhin.blogspot.com/)

ခွာညို

၂၀၀၉ နှင့် ပြည်တွင်းစာနယ်ဇင်း


မင်းနိုင်သူ/ ၁၃ ဇန်န၀ါရီ ၂၀၀၉


နအဖအမည်ခံ စစ်အစိုးရဟာ သူတို့ရဲ့ လမ်းညွှန်မြေပုံအတိုင်း ၂၀၁၀ ပြည့်နှစ်မှာ ရွေးကောက်ပွဲကျင်းပသွားမှာ ဖြစ်တယ်လို့ လွတ်လပ်ရေးနေ့သ၀ဏ်လွှာမှာ စစ်ခေါင်းဆောင် ဗိုလ်ချုပ်မှူးကြီးသန်းရွှေက ထပ်မံအတည်ပြု ပြောလိုက်တာကြောင့် ၂၀၀၉ ခုနှစ်ဟာ နိုင်ငံရေးအခင်းအကျင်း ပြောင်းလဲမှုတွေနဲ့အတူ မြန်မာ့စာနယ်ဇင်း လောကဟာလည်း အပြောင်းအလဲတွေ ကြုံတွေ့လာရမှာပါ။

ဖဆပလအစိုးရလက်ထက်က အတန်အသင့် လွတ်လပ်မှုရရှိခဲ့တဲ့ မြန်မာစာနယ်ဇင်းလောကဟာ ၁၉၆၂ ခုနှစ် ဗိုလ်ချုပ်နေ၀င်း တက်ချိန်ကစလို့ လွတ်လပ်စွာရေးသားဖော်ပြခွင့် မရရှိကြတော့ပါဘူး။ အဲဒီအချိန်ကတည်းက စလို့ အာဏာရှင်စနစ်ပန္နက်တိုင် ခိုင်ခိုင်ကြီး စိုက်ထူခွင့်ရခဲ့ကြတဲ့ စစ်အာဏာရှင်တွေဟာ မီဒီယာကို ကြိုးကိုင်နိုင်မှသာ အာဏာတည်မြဲမှုရှိမယ်ဆိုတာကို ကောင်းကောင်းကြီး သဘောပေါက်ခဲ့ကြပါတယ်။

ဒီလိုစစ်အာဏာရှင်တွေရဲ့ သက်တမ်းတလျှောက် ဖိအားတွေအောက်ကသာ လူးလွန့်လှုပ်ရှားခဲ့ရတဲ့ မြန်မာ့စာနယ်ဇင်းတွေဟာ ၂၀၀၉ ခုနှစ်မှာ ပိုမိုပြင်းထန်တဲ့ဖိအားတွေကို ရင်ဆိုင်ကြရတော့မှာပါ။ အာဏာရှင်တွေအောက် အသက်ပျောက်ခဲ့ရတဲ့ စာနယ်ဇင်းတွေ၊ အင်းစိန်အလည်တခေါက် ရောက်ခဲ့ကြရတဲ့ စာနယ်ဇင်းဆရာတွေ ဒုနဲ့ဒေးရှိခဲ့တဲ့ သမိုင်းအစဉ်အလာအပြင် ၂၀၀၈ နှစ်ကုန်ပိုင်းနဲ့ ၂၀၀၉ နှစ်စပိုင်းလေးမှာတင် ဖြစ်ပျက်ခဲ့တဲ့ အဖြစ်အပျက်တွေက ၂၀၀၉ ခုနှစ်မှာတော့ မြန်မာ့စာနယ်ဇင်းတွေအနေနဲ့ ပိုမိုပြင်းထန်တဲ့ ဖိအားပေးမူတွေ ခံရတော့မယ်ဆိုတာကို တပိုင်းတကဏ္ဍ မီးမောင်းထိုးပြသွားခဲ့ပါတယ်။

ဒေါင်းယောင်ဆောင်တဲ့ကျီး

ဒီမိုကရေစီအင်အားစုတွေ၊ အတိုက်အခံနိုင်ငံရေးပါတီတွေနဲ့ ပြည်ပမီဒီယာတွေရဲ့ ပြောဆိုရေးသားချက်တွေကို အပြင်းအထန်ကြောက်တတ်တဲ့ စစ်အစိုးရဟာ သူတို့ရဲ့ ၀ါဒဖြန်ချိမှုတွေ၊ တိုက်ခိုက်ရေးသားမှုတွေကိုတော့ သူတို့ပိုင် သတင်းစာတွေမှာ သာမကဘဲ ပုဂ္ဂလိကဂျာနယ်တွေရဲ့ စာမျက်နှာတွေကိုပါ အနုကြမ်းစီး ရေးသားနေခဲ့တာပါ။ ပေါ်လစီဆောင်းပါးတွေ၊ ကြွေးကြော်သံတွေကို ဘာသာရေးစာစောင်ပါမကျန် ထည့်သွင်းဖော်ပြခိုင်းပါတယ်။

ဒီလိုပေါ်လစီဆောင်းပါးတွေ ရေးသားဖော်ပြနေရာကနေ ဒီနှစ်နှစ်ဆန်းပိုင်းမှာတော့ ပြည်တွင်းဂျာနယ်လစ်တွေရဲ့ သတင်းရေးသားဟန်မျိုး အသွင်ပြောင်းရေးသားလာပြန်ပါတယ်။ အန်အယ်လ်ဒီလူငယ် (၉) ဦးရဲ့ ဆန္ဒပြမှုဟာ ဦးဝင်းတင်နဲ့ ဦးခင်မောင်ဆွေတို့ရဲ့ ၀ါဒမှိုင်းတိုက် မြှောက်ပင့်ပေးမှုတွေကြောင့်ဆိုတဲ့ ခေါင်းစီးတပ်ကာ သတင်းပုံစံ ရေးသားလာတာပါ။ ဒီသတင်းကို ပုဂ္ဂလိကစာနယ်ဇင်းအချို့မှာ မထည့်မနေရ ထည့်သွင်းခိုင်းခဲ့တာလိုို့ ရန်ကုန်စာနယ်ဇင်း အသိုင်းအ၀န်းက ဆိုပါတယ်။

“သတင်းပုံစံပေါ့ဗျာ။ ကျနော်တို့ သတင်းထောက်တွေရေးတဲ့ ပုံစံမျိုးရေးလာပြီး ထည့်ခိုင်းတာပါ။ သူတို့ဆောင်းပါးတွေကို လူမဖတ်ဘူး။ စာမျက်နှာတွေ ကျော်ကျော်သွားလေ့ရှိတယ်ဆိုတာကို သူတို့သိတော့ ဂျာနယ်သမားတွေရေးလေ့ရှိတဲ့ ပုံစံမျိုးပြောင်းပြီး ရေးလာတာပေါ့။ ပြောရရင်တော့ ဒေါင်းယောင်ဆောင်တဲ့ ကျီးပေါ့။ ဘာပဲပြောပြော ဒါကို စာဖတ်ပရိသတ်က သိပါတယ်” လို့ ပြည်တွင်းအယ်ဒီတာတဦးက ဆိုပါတယ်။
ဒါဟာ ၂၀၁၀ ရွေးကောက်ပွဲအကြိုကာလမှာ နအဖဟာ သူတို့ပိုင်မီဒီယာတွေကသာမက လူထုနဲ့နီးစပ်တဲ့ ပုဂ္ဂလိကစာမျက်နှာတွေပေါ်ကပါ လိုသလို ရေးသားသွားမယ်ဆိုတာကို ဖော်ညွှန်းလိုက်တာပဲဖြစ်ပါတယ်။

အုတ်ရောရောကျောက်ရောရော

နအဖဟာ ၂၀၁၀ ရွေးကောက်ပွဲ အကြိုကာလမှာ ပြည်တွင်းစာနယ်ဇင်းတွေမှသာမက ပြည်ပစာနယ်ဇင်းတွေမှပါ အတိုက်အခံ အင်အားစုတွေအကြား သတင်းမှားတွေပေးဖို့ ကြံစည်နေရောလားဆိုတဲ့ မေးခွန်းတွေ ပေါ်ထွက်လာစရာ အကြောင်းတရပ်လည်း ရှိနေပြန်ပါတယ်။

စစ်အစိုးရအလိုကျ လှုပ်ရှားရေးသားသူလို့ အတ်ိုက်အခံတွေ ယူဆထားတဲ့ ကိုကို (စက်မှုတက္ကသိုလ်) ဆိုသူ ရေးသားခဲ့တဲ့ ဂျာမနီ အခြေစိုက် ဒီပီအေသတင်းပါ ရေးသားချက်တွေဟာ ဒီမေးခွန်းပေါ်ထွက်လာစေတဲ့ အကြောင်းတရပ်ပါ။ အန်အယ်လ်ဒီပါတီအလုပ်အမှုဆောင် ဦးဝင်းတင်ကို မေးမြန်းရေးသားထားတယ်ဆိုတဲ့ ရေးသားချက်တွေဟာ မှန်ကန်မှုမရှိဘူး ၊ သူရဲ့ပြောဆိုချက်တွေ မဟုတ်ဘူးလို့ ဦးဝင်းတင်က တရားဝင် စာထုတ်ငြင်းဆိုထားပြီး မြန်မာနိုင်ငံ နိုင်ငံခြားသတင်းထောက်များအသင်းကိုလည်း တိုင်ကြားစာပေးပို့ထားပါ တယ်။

ဒါဟာ နအဖရဲ့ နောက်ကွယ်မှ ကြိုးကိုင်မှုနဲ့အတူ အုတ်ရောရောကျောက်ရောရောလုပ်လိုတဲ့ စမ်းသပ်ချက် တရပ်ဆိုရင်တော့ နအဖကြံစည်မှု အထမြောက်မမြောက်ဆိုတာဟာ ပြည်ပမီဒီယာတွေဟာ နအဖလက်ကိုင် တုတ်တွေကို ဘယ်အတိုင်းအတာအထိ လက်ခံမလဲဆိုတာအပေါ် တည်မီပါလိမ့်မယ်။

ဘယ်သွားနေလဲ မောင်ရေခဲ

ရွေးကောက်ပွဲအကြိုကာလမှာ ပြည်တွင်းစာနယ်ဇင်းသမားတွေဟာ ပုဂ္ဂလိကလွတ်လပ်ခွင့်တွေကိုပါ အထိပါးခံရနိုင်တယ်ဆိုတာကို မကြာမီက လွတ်လပ်ရေးနေ့ သတင်းဆောင်းပါးနဲ့ ပတ်သက်ပြီး စာပေစိစစ်ရေးက ခေါ်ယူမေးမြန်းခံခဲ့ရတဲ့ ဗြူတီးမဂ္ဂဇင်းအယ်ဒီတာ ဦးထွန်းဝင်းငြိမ်းနဲ့ နီးစပ်သူတဦးက အခုလိုပြောပါတယ်။

“သူက ၀ါရင့်နိုင်ငံရေးသမားကြီးတွေက်ို တွေ့ဆုံမေးမြန်းပြီး သတင်းဆောင်းပါးရေးခဲ့တာပေါ့။ သူရေးပြီးလို့ စိစစ်ရေးတင်ထားချိန်မှာပဲ သူရေးထားတာကို ၀ါရင့်နိုင်ငံရေးသမားကြီးတွေဆီ သွားပြတယ်။ ၀ါရင့်လွတ်လပ် ရေးနေ့ အခမ်းအနားမှာပေါ့။ နောက်တော့ သူ့ဆောင်းပါးကို စိစစ်ရေးကဖြုတ်တဲ့အပြင် သူ့ကိုခေါ်ပြီး ဗိုလ်မှူးတင့်ဆွေက ခင်ဗျား ၀ါရင့်နိုင်ငံရေးသမားတွေဆီသွားပြီး statement ထုတ်ဝေခဲ့တယ်ဆိုတာ ဟုတ်သလား၊ ဘာလားနဲ့မေးတယ်ဗျ။ စာပေစိစစ်ရေးက စာပေစိစစ်ရုံတင်မဟုတ်တော့ဘဲ ပုဂ္ဂလိက သွားလာ လှုပ်ရှားမှုတွေကိုပါ စိစစ်နေတဲ့သဘောပေါ့။”

ဒီနှစ်ပိုင်းမှာ စိစစ်ရေးရုံးဟာ စာမူစိစစ်မှုအပြင် နအဖထောက်လှမ်းရေးတွေနဲ့မပြတ် ဆက်သွယ်မူ လုပ်ပြီး စောင့်ကြည့်သွားမယ့် အလားအလာတွေရှိနေတယ်လို့လည်း ရန်ကုန်စာနယ်ဇင်းသမားတွေက ခန့်မှန်းကြပါတယ်။

ကြိုးတန်းပေါ်မှာ

ရန်ကုန်မြို့ခံစာဖတ်ပရိသတ်တဦးကတော့ “ကျနော်တို့ကတော့ သိတယ်ဗျာ။ ဘယ်ဂျာနယ်ကတော့ အခက်အခဲတွေကြားကနေ ရသလောက် သိသင့်သိထိုက်တာတွေ ချပြနေတယ်။ ပေးနေတယ်ဆိုတာ သိတယ်။ နောက်ပြီး ဘယ်ဂျာနယ်ကို ဘယ်လိုလူမျိုးကိုင်နေတယ်ဆိုတာလည်း တော်တော်များများ သိကြပါတယ်ဗျာ။ သူတို့ အဖွဲ့အစည်းတွေက ထုတ်တဲ့ ရွှေနိုင်ငံ၊ လိုက်ဖ်နယူး၊ ဒို့ကျေးရွာ အဲဒီလိုမျိုး ဂျာနယ်တွေဆို ဈေးကွက်မှာ တောင် မတင်ကြဘူးဗျာ။ အဲဒါသိလို့ပေါ့။ စာဖတ်ပရိသတ်ကသိပါတယ်ဗျာ။ ဘယ်ဂျာနယ် ဘယ်မူနဲ့သွားနေ တယ်ဆိုတာ သိကြပါတယ်” လို့ ဆိုပါတယ်။

ပြည်တွင်းစာနယ်ဇင်းတွေဟာ ၂၀၀၉ ခုနှစ်မှာ နအဖရဲ့ ဖိအားတွေကို ပိုမိုခံစားကြရမယ်လို့ ၀ါရင့်သတင်းစာဆရာကြီးတွေနဲ့ ၀ါရင့်နိုင်ငံရေးသမားကြီးတွေကလည်း တညီတညွတ်တည်း မှန်းဆထားကြပါတယ်။ ပြည်တွင်းစာနယ်ဇင်းတွေအနေနဲ့ နအဖ ဖိအားတွေအပြင် တဖက်မှာလည်း စာဖတ်ပရိသတ်ရဲ့ ဖိအားတွေရှိနေပြန်တယ်ဆိုတာ အထက်ပါရန်ကုန်မြို့ခံရဲ့ ပြောဆိုမှုက သက်သေပြုနေပြန် တဲ့အတွက် ၂၀၀၉ ခုနှစ်ဟာ ပြည်တွင်းစာနယ်ဇင်းတွေအဖို့ ကြိုးတန်းပေါ်လျှောက်လှမ်းရမယ့် အခြေအနေဖြစ်နေ ကြောင်းပါခင်ဗျား……။


၁၉၉ဝ ပြည့်နှစ် ရွေးကောက်ပွဲကို စစ်အာဏာနဲ့ ဖျက်လို့မပျက်နိုင်


ရဲဘော် ဖိုးသံချောင်း / ၁၃ ဇန်န၀ါရီ ၂၀၀၉


လာမယ့် ၂ဝ၁ဝ ပြည့်နှစ် ရွေးကောက်ပွဲကို နအဖက ကျင်းပလို့ပြီးသွားရင်၊ ဒါမှမဟုတ် သူတို့ဖြစ်စေချင်သလို အောင်မြင်သွားရင် ၁၉၉ဝ ပြည့်နှစ် ရွေးကောက်ပွဲရဲ့ ရလဒ်ဟာ ပျက်ပြားသွားမှာလား။ အမျိုးသားဒီမိုကရေစီအဖွဲ့ချုပ်ရဲ့အခန်း ဘယ်လိုဖြစ်သွားမှာလဲ။ တလောက တယောက်ကမေးလာပါတယ်။ သူက လေးလေးနက်နက်နဲ့ တကယ်ကိုသိချင်လို့မေးတာပါ။ ဒီအတွက် သူပူပင်နေတယ်ဆိုတာ သေချာပါတယ်။ နောက်တော့ ဒီလိုတွေးတောပူပင်မှုဟာ သူတယောက်တည်းမှာသာ ရှိတာမဟုတ်ဘူး။ တချို့လူတွေမှာလည်း ရှိတယ်ဆိုတာ သတိထားမိလာပါတယ်။

ပြဿနာက အခြေခံစဉ်းစားနည်းဖြစ်တယ်လို့ ထင်ပါတယ်။ တခုက ဒီနေ့ နအဖလက်ထက်မှာ ဖြစ်ပျက်တည်ရှိ်တာတွေဟာ တရားဝင်တယ် မဝင်ဘူး၊ တရားဥပဒေနဲ့ညီတယ်၊ မညီဘူး စသ ဖြင့် ငြင်းခုန်နေကြတာတွေကို ကြားဖူးကြမှာပါ။ တကယ်ကတော့ နအဖလက်ထက် ဗမာ ပြည်မှာ ဒီဟာတွေအားလုံးဟာ နှိုင်းယှဉ်ချက်ချည်းဖြစ်ပါတယ်။ ဒီနေ့အခါမှာ လူသတ်တာ မှန်သလား မှားသလား၊ သူများပစ္စည်းခိုးတာ မှန်သလား မှားသလား၊ ဒီလိုအင်မတန် စင်းတဲ့ကိစ္စလေးတွေကိုပဲ ငြင်းစရာ၊ ပြောစရာတွေ ရှိနေတယ်မဟုတ်ပါလား။ သူ့ဘက်က ပြောရင်တမျိုး၊ ပြည်သူတွေဘက်က ပြောရင်တမျိုး ဖြစ်နေတာတွေဟာ များပြားလှပါတယ်။ သူ့ဘက်က ပြောရင် သံဃာတော်တွေကို သတ်တာကတောင်မှ တရားတယ်၊ မှန်ကန်တယ် ဖြစ်နေပါတယ်။

ဒီလိုပဲ ၁၉၉ဝ ပြည့်နှစ်ရွေးကောက်ပွဲရလဒ် ပျက်သွားသလား၊ ပျက်မသွားဘူးလား ဆိုတာဟာလည်း နအဖပြောတာကတမျိုး၊ ပြည်သူတွေ ပြောတာကတမျိုးပဲဖြစ်ပါတယ်။ တကယ်က ၁၉၉ဝ ပြည့်နှစ်ရွေးကောက်ပွဲနဲ့ အဲဒီကရလဒ်တွေ တည်ရှိမှုကို ဘယ်သူမှ ဖျက်လို့မရပါဘူး။ သမိုင်းရဲ့ တကယ့်ဖြစ်ရပ်တိုင်းလိုပဲ ဒီကိစ္စကို နအဖလည်း မဖျက်နိုင်၊ ဒီချုပ်လည်း မဖျက်နိုင်ပါဘူး။ လူ့ဆန္ဒနဲ့ကင်းစွာ တည်ရှိနေတာတွေပါ။ ဒါပေမယ့် ဒီ ရွေးကောက်ပွဲရဲ့ ရလဒ်တွေကို အသိအမှတ်ပြုတယ်၊ အကောင်အထည်ဖော်တယ်ဆိုတာ ကတော့ ကိုယ့်သဘောနဲ့ကိုယ်၊ ဆန္ဒအရပဲဖြစ်ပါတယ်။ ဒီနှစ်ချက်ရဲ့ မတူခြားနားချက်ကို ရှင်းရှင်းလင်းလင်းသိထားဖို့ လိုပါတယ်။ တိုင်းပြည်မှာ အာဏာရထားတဲ့ နအဖ အစိုးရက အသိအမှတ်မပြုဘူး၊ အကောင်အထည်မဖော်ဘူးဆိုတာနဲ့ ကိစ္စတွေအားလုံးပြီးပြတ်၊ ပျောက် ကွယ်သွားတာ မဟုတ်ဘူးဆိုတာကိုလည်း သတိပြုသင့်ပါတယ်။ ဟုတ်တယ်၊ အကောင်အထည်ဖော်လို့ မရတာရှိပါတယ်။ ဒါပေမယ့် ဒါဟာ ထာဝရအကောင်အထည် ဖော်မရတော့ဘူးဆိုတဲ့ အဓိပ္ပာယ်မဟုတ်ပါဘူး။ အကောင်အထည် ဖော်မယ့်လူတွေရှိနေ သရွေ့ အလားအလာဟာတည်ရှိမြဲ တည်ရှိနေတာဖြစ်ပါတယ်။

အလွယ်ဆုံးပြောရရင် နအဖစစ်အာဏာပိုင်တွေရဲ့ ခေါင်းထဲမှာ ဗကသ၊ တကသ စတဲ့အဖွဲ့အစည်းတွေဟာ ဒီကမ္ဘာပေါ်မှာ မတည်ရှိတော့ပါဘူး။ ဒါပေမယ့် ပြည်သူတွေနဲ့ ကျောင်းသားတွေရဲ့ခေါင်းထဲမှာတော့ ဒီအဖွဲ့အစည်းတွေဟာ ဆက်လက် တည်ရှိနေပါတယ်။ အနည်းဆုံး မြေအောက် သဏ္ဌာန်နဲ့ တည်ရှိနေပါတယ်။ ရှိတာမှခေါင်းထဲမှာ သညာတခုအနေနဲ့ တည်ရှိတာ မဟုတ်ပါဘူး။ တကယ်အသက်ဝင် လှုပ်ရှားနေတဲ့ အစိုင်အခဲတခုအနေနဲ့ကို တည်ရှိနေတာပါ။

၁၉၉ဝ ပြည့်နှစ် ရွေးကောက်ပွဲဟာ သာမာန်အဖြစ်အပျက်တခုမဟုတ်ပါဘူး။ ရှစ်လေးလုံး အရေးတော်ပုံကြီးရဲ့ အသီးအပွင့်၊ စံကျတဲ့ ကိုယ်စားပြု အမှတ်အသားတခုဖြစ်ပါတယ်။ ဗမာတပြည်လုံးက ပြည်သူတွေရဲ့ သမိုင်းဝင်ဂုဏ်ယူစရာရလဒ်တခုဖြစ်ပါတယ်။ ဒီနေ့ ဗမာပြည်မှာ ဆက်လက်ဖြစ်ပေါ်နေတဲ့ လှုပ်ရှားမှုတွေ၊ တိုက်ပွဲတွေ၊ ဖိနှိပ်မှုတွေ၊ လိမ်ညာမှုတွေ၊ အားလုံးဟာ ဒီအရေးတော်ပုံကြီးရဲ့ နောက်ဆက်တွဲတွေဖြစ်ပါတယ်။ ပြောရရင် ရှစ်လေးလုံး အရေးတော်ပုံကြီးဟာ ဗမာပြည်က စစ်အုပ်စုတွေအတွက် သေရာအထိ ပါမယ့် ကျိန်စာတမျိုးသာ ဖြစ်ပါတယ်။

သမိုင်းလက္ခဏာဆောင်တဲ့ အရေးတော်ပုံတရပ်ဟာ လူတဦး၊ အဖွဲ့တဖွဲ့၊ အစိုးရတရပ်က ပျောက်စေ၊ ဒါမှမဟုတ် ပျောက်သွားပြီလို့ဆိုတာနဲ့ ပျောက်ပျက်သွားတာ မဟုတ်သလို အရေးတော်ပုံရဲ့သမိုင်း၊ အသီးအပွင့်နဲ့ရလဒ်တွေကိုလည်း ဘယ်သူ့အမိန့်၊ ဘယ်သူ့ အာဏာနဲ့မှ ပျောက်ကွယ်အောင် လုပ်လို့မရပါဘူး။ သမိုင်းအရ ဒီအရေးတော်ပုံ ကြီးရဲ့ အခန်းပြီးဆုံးသွားမှသာ အားလုံးပြီး၊ ပျောက်၊ ပြယ်သွားမှာဖြစ်ပါတယ်။

နောက်အရေးကြီးအချက်တချက် ထည့်ပြောရမှာက ဗမာပြည်ပြည်သူလူထုရဲ့အခန်းပါ။ ပြည်သူလူထုဟာ လက်မလျှော့သေးပါဘူး။ လူထုကြီးက လက်မလျှော့သမျှ အရေးတော်ပုံဟာ ရှင်သန်နေဆဲဖြစ်ပါတယ်။ တော်လှန်ရေးတွေ၊ တိုက်ပွဲတွေမှာ ခေါင်းဆောင်ဆိုသူတွေ၊ နိုင်ငံရေးသမားဆိုသူတွေက လက်မြှောက်အရှုံးပေးသွားပေမယ့် လူထုက အရှုံးမပေးဘဲ ဆက်တိုက်တယ်ဆိုတဲ့ အဖြစ်အပျက်တွေ ကမ္ဘာ့သမိုင်းမှာ မရေမတွက်နိုင်အောင်ရှိပါတယ်။ တော်လှန်ရေးတရပ်၊ အရေးတော်ပုံတရပ်ကိုအမှီပြုပြီး အမြတ်ထုတ်တယ်ဆိုတာကို လူထုက မလုပ်နိုင်ပါဘူး။ ခေါင်းဆောင်လို့ အမည်ခံတဲ့လူတွေသာ လုပ်ချင်ရင်လုပ်လို့ရပါတယ်။ လူထုကြီး အဖို့ကတော့ အောင်ပွဲအပြီး အပိုင်ရမှသာ အကျိုးခံစားရတာပါ။ ဒီတော့ သူတို့အနေနဲ့ အဖက်ဖက်၊ အရပ်ရပ်ကို စောင့်ကြည့်၊ အကဲခပ်၊ သုံးသပ်ပြီးမှ ဆုံးဖြတ် ပါဝင်ကြတာ ဖြစ်ပါတယ်။

ခေါင်းဆောင်လုပ်တဲ့လူတွေရဲ့ အခြေခံအကျဆုံးနဲ့ ပထမဆုံးလုပ်ရတဲ့အလုပ်ဟာ လူထုကို နားလည်အောင် လုပ်ရေးဖြစ်ပါတယ်။ လူထုရဲ့စီးပွားရေးဘဝကိုသာမက သမိုင်း၊ အနီးသမိုင်း၊ အဝေးသမိုင်း၊ လူထုရဲ့လက်ရှိစိတ်ဓာတ်နဲ့ စဉ်းစားနည်းတွေကို နားလည်အောင် မုချလုပ်ရပါမယ်။ လူနာအခြေအနေမသိဘဲ ဆေးအမျိုးမျိုးပေးနေလို့ မဖြစ်ပါဘူး။

ပြန်ချုပ်လိုက်ရင် ဒီနေ့အခါမှာ ၁၉၉ဝ ပြည့်နှစ်ရွေးကောက်ပွဲရလဒ် ပျက်ပြယ်လား၊ တည်ရှိနေသေးလားဆိုတဲ့ ပြဿနာမရှိပါဘူး။ နအဖရဲ့ ၂ဝ၁ဝ ရွေးကောက်ပွဲ လုပ်ပြီးသွားလို့လည်း ဒီပြဿနာမရှိပါဘူး။ ပြည်သူလူထုက ထိုးထားတဲ့မော်ကွန်းတခုဟာ ပြည်သူလူထုကိုယ်တိုင်က သူ့အခန်းကုန်ပြီလို့ ဆုံးဖြတ်မှသာ တကယ်တမ်း ကုန်ဆုံးသွားမှာဖြစ်ပါတယ်။ တဆက်တည်းမှာ ပြောဖြစ်အောင် ပြောရမှာက ၁၉၉ဝ ရွေးကောက်ပွဲပျက်ပြားတာပဲဖြစ်စေ၊ ဒါမှမဟုတ်တည်ရှိနေတဲ့အတွက်ဖြစ်စေ ပြည်သူလူထုရဲ့တိုက်ပွဲဟာ အနှစ်သာရ အရရော၊ သဏ္ဌာန်အရပါ ခြားနားမှု၊ ပြောင်းလဲမှု မရှိပါဘူး။

ဒါကိုပြည်သူလူထုက နည်းနည်းမှ မျက်စိမလည်ပါဘူး။ နအဖရဲ့ ဖွဲ့စည်းပုံအခြေခံဥပဒေ ဖြစ်စေ၊ နအဖရွေးကောက်ပွဲက တင်မြှောက်လိုက်သူတွေပဲဖြစ်ပစေ အားလုံးဟာ မဆလအစိုးရနဲ့ မဆလဖွဲ့စည်းပုံ ဇာတ်သိမ်းပုံအတိုင်း ဇာတ်သိမ်းသွားမယ်ဆိုတာ သူတို့ ကောင်းကောင်းနားလည်ပါတယ်။ အခုအခါမှာ ၂ဝ၁ဝ ရွေးကောက်ပွဲပြီးသွားရင် ၁၉၉ဝ ရွေးကောက်ပွဲရလဒ် ပျက်ပြယ်သွားမယ်လို့ ပြောနေတာဟာ နအဖရယ်၊ သူ့လူတွေရယ်၊ နောက်ပြီး တမင်အတွေးအခေါ်ရှုပ်အောင် ဖန်တီးနေသူတွေရယ်တို့သာ ဖြစ်ပါတယ်။


ဆေးကြောင့် လေးမှာစိုး

Tuesday, 13 January 2009 16:04 ခွာညို
“ဒီနေ့ ဘာသတင်း ထူးသေးလဲ” ဆိုသော မေးခွန်းကို သတင်းထောက် သင်တန်း စတက်ခဲ့သည့် ၂၀၀၅ ခုနှစ်က စပြီး နားယဉ် လာခဲ့ရပါသည်။ အခု ကျမက အမေရိကန် နိုင်ငံသား နိုင်ငံရေးသိပ္ပံ ပါမောက္ခဟောင်း ဖြစ်သော ဒေါက်တာ ဒေးဗစ် အင်္ဂလန်၏ အိမ်မှာနေသည်။ သူက အသက် ၆၀ ကျော် ၇၀ နားနီးနေသည့် တိုင်အောင် မည်သည့်နိုင်ငံအရေး ကိစ္စမဆို စိတ်ဝင်တစား လေ့လာလိုစိတ် ရှိနေဆဲ။

ကျမက သူတို့အိမ်မှာ ရှိနေသည့်အတွက် သူက မြန်မာ့အရေးကို ပိုစိတ်ဝင်တစား ရှိလာသည်။ မနက်မိုးလင်းလျှင် သူက ဘာသတင်း ထူးလဲဟု အမြဲမေးလေ့ရှိပါသည်။

သို့သော် သူက အမြဲတမ်း စောစော နိုးနေကျဖြစ်သောကြောင့် သူကသာလျှင် ကျမကို သတင်းဦး ပြောပြရလေ့ ရှိပါသည်။ တခါတရံ ကျမအတွက် လိုအပ်မည်ထင်သော သတင်းမျိုး၊ အင်္ဂလိပ်လို အသုံးများ ကျမ လေ့လာဖို့ လိုသည့် သတင်းမျိုးဆိုလျှင် တခါတည်း ပရင့် ထုတ်ပေးထားတတ်ပါသည်။

သည်နေ့ ကျမကွန်ပျူတာ အင်တာနက် ပျက်နေသောကြောင့် သူက သူဖတ်ထားသည့် သတင်းကို ပြောပြပါသည်။ ကျမတို့ နိုင်ငံရေး စကားဝိုင်းတွင် အန်ကယ့်ဇနီးက နားထောင်သူ သက်သက်ဖြစ်ပြီး တခါတရံမှာတော့ ကျမတို့ မြန်မာပြည်သူတွေအတွက် သူက ဒေါသတွေ ထွက်နေတတ်ပါသည်။

သူက အိုင်းရစ်သူဖြစ်ပြီး ဗြိတိသျှလက်အောက်မှာ ဆင်းဆင်းရဲရဲ ကြီးပြင်းခဲ့ရသူ၊ ဖခင်ဖြစ်သူက တော်လှန်ရေး သမားကြီး။ သည်တော့ မြန်မာပြည်သူတွေ၏ ဒုက္ခမှန်သမျှကို မျှဝေခံစား နိုင်သည့် နှလုံးသား သူ့မှာရှိသည်။

“ရန်ကုန်မြို့မှာ ခရစ်ယာန်တွေ ဝတ်ပြု အစည်းဝေးလုပ်တာကို မလုပ်ဖို့ စစ်အစိုးရက တားတယ် ဆိုတဲ့ သတင်းကို အခုမနက် အန်ကယ် ဖတ်လိုက်ရတယ်” ဟုသူက ကျမကို ပြောသည်။

သည်သတင်းကို ကျမ လွန်ခဲ့သည့် နှစ်ရက် သုံးရက်က ဖတ်ပြီးသားပါ။ ကျမ သူ့ကို ပြောမပြချင်၍ ချန်ထားခဲ့သည့် သတင်းများအနက် သေးသေးလေး တပုဒ်ပါပဲ။

“အဲဒါ ကျမ ဖတ်ထားပြီးပါပြီ အန်ကယ်”
“သူတို့က ဘယ်လို သဘောလဲ။ ဘာသာရေး အစည်းအဝေးပွဲ တွေဆိုရင် တားမြစ် ပိတ်ပင်တယ် ဆိုတာတွေ အမြဲကြားနေရတယ်။ အစ္စလမ်ဘာသာရော…ခရစ်ယာန်ဘာသာရော ကျောင်း အသစ်ဆောက်ခွင့်လည်း မရှိဘူးဆို။ အိမ်မှာလုပ်တဲ့ ၀တ်ပြုပွဲကိုလည်း တားမြစ်တယ် ဆိုတော့ ဗုဒ္ဓဘာသာကလွဲရင် ပိတ်ပင်တဲ့ သဘောမျိုးပေါ့” ဟု သူက မေးခွန်းထုတ်သည်။

“အဲလို ပြောလို့မရပါဘူးအန်ကယ်။ ဗုဒ္ဓဘာသာထုံးစံအရ ဒေါ်အောင်ဆန်းစုကြည် ကျန်းမာပါစေလို့ ဘုရားပေါ်တက် ဆုတောင်းတဲ့ သူတွေလည်း အရိုက်ခံ… အဖမ်းခံ… တားမြစ်ခံနေရတာပါပဲ”

သို့သော် အန်ကယ်က ကက်သလစ်ဘုန်းကြီး ဖြစ်နေသောကြောင့် ခရစ်ယာန် ဘာသာဝင်များ၏ ၀တ်ပြုဆုတောင်းမှုကို ပိတ်ပင် တားမြစ်သည် ဆိုသည့် ကိစ္စအပေါ်တွင် လိပ်ခဲတည်းလည်း ဖြစ်နေဆဲဖြစ်ကြောင်း သူ့မျက်နှာကို မြင်နေရသည့်အတွက် ကျမသိနေပါ သည်။သည်တော့ နအဖ၏ စိတ်ထားခံယူချက်နှင့်ပတ်သက်ပြီး သူ့အား ကျမ အကျယ်ချဲ့ ရှင်းပြရန်လိုအပ်သည်ဟု ယူဆရပါသည်။

ကျမ ဒုက္ခသည်စခန်းထဲမှာနေခဲ့တုန်းက ခရစ်ယာန်ဘာသာဝင် ကရင် ခေါင်းဆောင် တယောက်နဲ့ စကား အများကြီး ပြောဖြစ်ခဲ့တယ်။ အဲဒီတုန်းက ကေအန်ယူနဲ့ ဒီကေဘီအေ ကွဲခဲ့ရတဲ့အကြောင်းကို လေ့လာနိုင်ခဲ့တယ်။ ကေအန်ယူဆိုတာက ကရင် အမျိုးသား အစည်းအရုံးဖြစ်ပြီး ဒီကေဘီအေကတော့ (Democratic Karen Buddhist Army) ပါ။

အရင်တုန်းက ကရင်တွေဟာ စစ်အုပ်စုကို တစုတစည်းတည်း ညီညီညွတ်ညွတ် တော်လှန် ခဲ့ကြတာပါ။ နောက်တော့ အဲဒီ ကေအန်ယူ အခြေစိုက်တဲ့ဒေသတ၀ိုက်မှာ ကရင် ဗုဒ္ဓဘာသာ ဘုန်းကြီးတပါးက သာသနာပြုလုပ်ငန်းတွေလုပ်ရင်း တန်ခိုးကြီးလာပါတယ်။ နောက်တော့ အဲဒီ ဘုန်းကြီးကို ကေအန်ယူစစ်သားတွေကပါ ကြည်ညိုလာကြပါတယ်။ အဲဒီဘုန်းကြီးက ကေအန်ယူ နယ်ထဲမှာ ဘုရားတဆူတည်ဖို့ စီစဉ်လာပါတယ်။

ဒါက အပေါ်ယံကြည့်ရင် ဗုဒ္ဓဘာသာဝင်တွေရဲ့ လုပ်ထုံး လုပ်နည်းဟောင်းလို့ ထင်စရာ ရှိပါတယ်။ ဒါပေမယ့်လို့ အဲဒီ သူတို့ဘုရားတည်ချင်တဲ့ တောင်ကုန်းထိပ်ဟာ ကေအန်ယူ ဌာနချုပ်ရဲ့ ဗဟို စခန်းကို ချိန်ပစ်လို့ ရတဲ့ အမှတ်အသား တခုလုပ်လိုက်သလိုဖြစ်နေတယ်။ ဒီတော့ ကေအန်ယူခေါင်းဆောင်ပိုင်းက ခွင့်မပြုဘူး။

ခွင့်မပြုတဲ့အကြောင်းအရင်းက ဘာသာရေးနဲ့ မဆိုင်ဘဲ စစ်ရေးအရ ခွင့်မပြုတာလို့ သူက ကျမကိုပြောပါတယ်။ ဒါပေမယ့်လို့ ဖြစ်သွားတာကတော့ ကေအန်ယူမှာ ဗုဒ္ဓဘာသာနဲ့ ခရစ်ယာန် နှစ်ခြမ်းကွဲထွက်သွားတာပါပဲ။

အဲဒီတော့ ဘယ်ဘက်ကဖြစ်ဖြစ် သူတို့အောင်မြင်ခဲ့တယ်လို့ ပြောနိုင်ပါတယ်။ တကယ်လို့ ခွင့်ပြုရင် သူတို့က စစ်ရေးအရ အသာစီးရ နိုင်လိမ့်မယ်။ ခွင့်မပြုတဲ့အခါမှာ ဘာသာရေးအရ ကရင်လက်နက်ကိုင်တပ် နှစ်ခြမ်းကွဲထွက်သွားခဲ့တယ်။ ဆိုလိုတာက စစ်အုပ်စုဟာ သူတို့ကိုယ် သူတို့ ဗုဒ္ဓဘာသာဝင်တွေပါ လို့…ပြောနေပေမယ့် ဘာသာရေးအထွဋ်အမြတ်စေတီတော်ကို ပစ်မှတ်အနေနဲ့ အသုံးချဖို့တောင် ၀န်မလေးဘူးဆိုတာပါ။

အဲဒီတော့ သူက ခရစ်ယာန်အသင်းဖွဲ့တာပဲဖြစ်ဖြစ်၊ အစ္စလမ်ဝတ်ပြုတာပဲဖြစ်ဖြစ် သူတို့ သံသယရှိရင် တားမြစ်မှာပဲ။ ကရင်ခေါင်းဆောင်တွေက စေတီတည်ခွင့်မပြုဘူး၊ ဒါက သူတို့အသက်နဲ့ သူတို့ တော်လှန်ရေးနဲ့ဆိုင်တဲ့ အရေးကြီးတဲ့ ကိစ္စဖြစ် တယ်လေ။ တကယ်လို့ ဗုဒ္ဓဘာသာဝင်တွေလည်း အဲဒီတုန်းက အဲဒီစေတီတည်မယ့် အကြောင်းမှန်ကိုသာသိရင် သဘောတူမှာ မဟုတ်ဘူး၊

“အန်ကယ်စဉ်းစားကြည့်လေ ညအမှောင်မှာ တောင်ထိပ်က ထင်းနေတဲ့ စေတီအဖြူကို ပစ်မှတ်သတ်မှတ်ပြီး အမြှောက်နဲ့ ထုမယ်…ဆိုတဲ့အတွေး…” ဟု ကျမအဆုံးသတ် ပြောပြလိုက် သောအခါ အန်ကယ် အမှန်ပင် အံ့သြသွားပုံရပါသည်။

“တော်တော်ကွေ့ကွေ့ကောက်ကောက် တွေးတတ် လုပ်တတ်တဲ့၊ ကြောက်စရာကောင်းလှတဲ့ အုပ်စုပါလား” ဟု အန်ကယ်လ်က မှတ်ချက်ပေးသည်။

“မြန်မာပြည်မှာ တောင်တွေအများကြီးပါအန်ကယ်။ ကေအန်ယူ နယ်မြေထဲက တောင်ထိပ်မှာမှ ထုံးဖြူဖြူ သုတ်တဲ့ စေတီတည်ချင်တဲ့ ရည်ရွယ်ချက်၊…မတည်ရလို့ ကရင်နှစ်ခြမ်းကွဲရတဲ့အဖြစ်။ အဲဒီနောက်ကွယ် က တကယ့်အဖြစ်အပျက်တွေကို မသိဘဲ နိုင်ငံရေးလုပ်နေကြရင်၊ အဲဒီနောက်ကွယ်ကအဖြစ်တွေကို မသိဘဲ နိုင်ငံရေးသတင်း ရေးနေကြရင် သတင်းကမမှားပေမယ့် စာဖတ်သူရဲ့ အတွေးကိုတော့ ဇောက်ထိုးမိုးမျှော် မှားသွားစေနိုင်ပါတယ်”

“ဒါဖြင့် သူတို့က အန်ကယ်လ်ဖတ်ဖူးသလို လူ ငါးယောက်ထက်စုပြီး စကားပြောတာ.. ဆွေးနွေးတိုင်ပင်တာကို ဘယ်အကြောင်းအရာနဲ့မှ မလုပ်စေချင်တာပေါ့”

“ဟုတ်ပါလိမ့်မယ် အန်ကယ်။ ကိုယ်ကိုယ်တိုင်က မကောင်းမှုမှန်သမျှကို ကျူးလွန် ထားတော့ ဘယ်သူ့ကိုမှ၊ ဘယ်အဖွဲ့အစည်းကိုမှ ဘယ်လိုဆွေးနွေးမှုမျိုးကိုမှ၊ သူတို့ ယုံကြည်စိတ်ချမှုမရှိဘဲ လူနည်းနည်းစုရင် သူတို့ကို တော်လှန်ဆန့်ကျင်ဖို့ပဲ…လို့ အတွေးရောက်ပြီး တားမြစ်တာပါ။ ဒါက ဗုဒ္ဓဘာသာကို ခရစ်ယာန်ဘာသာ လွှမ်းသွားရ ချည့်ရဲ့…ဆိုတဲ့ ဘာသာရေးလောဘကြောင့်မဟုတ်ဘဲ သူတို့ အာဏာကို ထိပါးမှာ ကြောက်တဲ့စိတ်ကသာ ဦးဆောင်ပါတယ်။ သူတို့ကို ကျမတို့ကလည်းဗုဒ္ဓဘာသာလို့ သတ်မှတ်လက်ခံထားတာမှ မဟုတ်တာဘဲ”

အန်ကယ်က I see…I see…ဆိုပြီး ခေါင်းတငြိမ့်ငြိမ့်ဖြစ်သွားပါသည်။

“တကယ်လို့ အန်ကယ်တို့က ခရစ်ယာန် ဘာသာဝင်တွေကို ဗမာ အစိုးရက နှိပ်ကွပ်တယ်…လို့ စွပ်စွဲရင် ကျမတို့ ဗုဒ္ဓဘာသာ မြန်မာ လူမျိုးတွေက အန်ကယ်လ်တို့ အခံရခက်နေတဲ့ခံစားချက်ထက် အဆပေါင်းများစွာ ပိုနာကြည်းပါတယ်။ စေတီကိုတောင် ပစ်မှတ်အဖြစ် သတ်မှတ်ရဲတဲ့ လူရမ်းကားတစုဟာ ဗမာတွေဖြစ်နေပြီး သူတို့ကိုယ် သူတို့ ဗုဒ္ဓဘာသာဝင်…လို့ပါ ပြောနေတဲ့အတွက် ကျမတို့မှာ လူမျိုး ရေးအရရော…ဘာသာရေးအရပါ အလွန်သိက္ခာကျရပါတယ်။ အဲဒါ ဘယ်အနာနဲ့မှ…ဘယ်အရာနဲ့မှ မတူတဲ့ နာကျင်မှုပါ အန်ကယ်…”

အန်ကယ် နားလည်သွားသည့်တိုင်အောင် ကျမကတော့ အတောသတ်၍ မရတော့ပါ။
တချို့မီဒီယာတွေက သတင်းထောက်တွေဟာ သတင်းတပုဒ် ရရင်ပြီးရော.. အလွယ်လေး ရေးချလိုက်တတ်ကြတယ်။ သတင်းထောက် တယောက်ဟာ ကိုယ်ရေးတော့မယ့် သတင်း တပုဒ်ရဲ့ အခြေခံကျကျ ဇစ်မြစ်အမှန်ကို ရအောင်နှိုက်ပြီးမှ ရေးသင့်ပါတယ်။

သတင်း ထောက်သင်တန်း ကျောင်းဆင်းတွေဆိုရင် အဲဒီစကားကို ကောင်းကောင်း နားလည်ကြပါတယ်။ တတ်နိုင်သမျှ သတင်းနောက်ကြောင်းကို လိုက်ပြီး အခုမှ သတင်းကို စဖတ်သူတွေအတွက်လို့ ရည်စူးပြီး သတင်းအနှစ်ချုပ်နောက်ခံလေး ထည့်ပေးရတာဟာ သတင်းသမား ကောင်းတယောက်ရဲ့ တာဝန်ပါ။

အဲဒီလို မဟုတ်ဘဲ လတ်တလော ဖြစ်နေတာလေးကိုပဲ ကွက်ပြီးတော့ သတင်းလုပ်သွားရင် အဲဒါ စာဖတ်သူကို သတင်းမှန်ပေးရာမကျဘဲ ကိုယ့်ထမင်းအိုးတည်ဖို့ သတင်းတပုဒ် ဖန်တီးလုပ်စားသွားတာမျိုးသာ ဖြစ်ပါလိမ့်မယ်။ စစ်အုပ်စုရဲ့ အကွေ့တထောင်နဲ့ ဥာဏ်နီဉာဏ်နက်တွေကို အမီ မလိုက်နိုင်ရတဲ့အထဲမှာ အဓိပ္ပာယ်အရရော နိုင်ငံရေး မြားဦးကိုပါ ပြောင်း သွားစေမယ့် သတင်းမျိုးတွေကို အခုလို ကမ္ဘာကိုပါ ချပြနေတာမျိုးဟာ ကျမတို့တိုင်းပြည်အတွက်ရော တကယ်အလုပ်လုပ်နေတဲ့ သူတွေ အတွက်ပါ အလွန်အန္တရာယ်ပေးတဲ့ သတင်းမျိုးပါပဲ”

ကျမအနေနှင့် သတင်းတွေ မှားနေသည်ဟု စွပ်စွဲနေခြင်းမဟုတ်ပါ။ အဖြစ်မှန် နောက်ကွယ် က သည့်ထက်ပိုပြီး အဓိကကျကျ မှန်ကန်သော အချက်အလက်ကို ချမပြနိုင်ပါက လတ် တလော အမှန်တရား သေးသေးလေးကြောင့် မှားယွင်းမှုကြီးကြီး မားမားတွေ ဖြစ်လာ နိုင်ခြင်းကို စိုးရိမ်မိခြင်းသာဖြစ်ပါသည်။

မြင်ကွင်း၏နောက်ကွယ်ကအဖြစ်ကို ရအောင်နှိုက်ပြီး ပြည့်စုံသောသတင်းမျိုးပေးနိုင်သော သတင်းသမား ကောင်းများ မြန်မာနိုင်ငံ အတွက် တကယ်ပဲလိုအပ်နေပါသည်။ ငါးပွက်ရာ ငါးစာချသည့် သတင်းမျိုးများ ကြောင့်တော့ဖြင့်… စားကျက်လုရင်း အချင်းချင်းခတ်နေသည့် ကျွဲပေါင်းများစွာ၏ခြေထောက်အောက်က ပြားနေပြီးဖြစ်သော မြန်မာ ပြည်သူများအတွက် မြေနိမ့်ရာလှံစိုက်… ဖြစ်နေပါလိမ့်မည်။

မြန်မာပြည့်နောင်ရေး ဆေးကြောင့်ပိုလေးမသွားစေလိုပါ။

စာရေးသူ၏ လိပ်စာ။ ။ 508 West Philadelphia RD
Jonesboro, AR 72401
US