Thursday, March 5, 2009

ဗိုလ်ကတော်တစ်ဦး၏ ဖွင့်ဟ၀န်ခံချက်

ဗိုလ်ကတော်တစ်ဦး၏ ဖွင့်ဟ၀န်ခံချက်

ကျမလင်က စစ်သား။
မြန်မာ့ တပ်မတော်သားပါ။
သူ့  အဖေ ကတပ်ကြပ်။
တသက်လုံးလုပ်ခဲ့သမျှ ၊ သုံးရစ်မှာရပ်။
မောင်ငယ်ငယ်ကတပ်ထဲ၊ နှပ်ချေး တွဲလွဲ
သူငယ်ချင်းများနဲ့ ၊ စစ်တိုက်တမ်းကစား
စစ်ဗိုလ်ကြီးများ ဖြစ်လိုက်ချင်။


ဆယ်တန်းအောင်၊ စစ်တက္ကသိုလ်ရောက်။
မောင်လေ တော်တော်ဂုဏ်မောက်။
အဖေမရဘူးတဲ့ ရာထူး။
သူ့ ၂၀ ကျော် အရွယ်ဦး
ရွှင်ပျော်မြူးမိ။ မာနမိုးထိအောင်။
ကျွန်တော် တကယ်ဟုတ်တဲ့ကောင်။
လက်မတထောင်ထောင်။


ကောင်မလေးတွေထဲ၊ ရေပန်းစား.
ပုံစံကေ ဘဲမြီးတောင်။ ခါချမရ..
စွံ့ လှချည့်၊ ဂျိုကြွ ထောင်ထောင်။
မိုးမမြင် ကြည်နူး။
ဗိုလ်အသစ်ချပ်ချွတ် ကလေး တစ်ဦး။


ကျွန်မ က.ဘွဲ့ တခုရ။
ဖိတ်စာထဲဘဲ အမြီးတတ်ပြ။
တကယ် ဘာမှမတတ်။
ဆန္ဒပြ ကျောင်းပိတ်ခံရ ပညာရပ်။
ကျောင်းမသင်၊ သက်မွေးအတတ် ။
လင်ဖမ်းတဲ့ ပညာရပ်။
ဒါတော့ ကျမတတ်တယ်။
နဖါး ကြိုးတတ်၊ လင်စံရွေး
ဗိုလ်ကလေးတယောက်တော့၊
မိခဲ့ ပါ့ ၊ ကွိကနဲ လေ။

ဗိုလ်ကတော်ပေါက်စ။
ကျမ လှလှပပ။
တနေ့ မှာယောက်ျားက၊ ဘုရင်ရာထူးရ
ကျမက မိဘုရားခေါင်မ။
အတွေးနဲ့ ကြည်နူး
ကျမတို့ အိမ်ထောင်ဦးကာလ။
အပျော်တွေနဲ့ စတယ်။

တဖြည်းဖြည်း အရွယ်ရ.
အမလေး..ရာထူးတက်ဖို့ ရာမလွယ်လှ။
စည်းကမ်းကြီး တယ်ဟန်ပြ။
လာဘ်လာဘ ကပဓါန။
ဗိုလ်မှုးကတော်မမ တွေနဲ့ လဲတည့် မှ။
ဒါမှ အမှတ်တွေ တိုးတိုးရ။
အရုပ်ဆိုး ဗိုလ်များ၊
မမ.. မမ လို့ မညုတတ်သူများ။
ရာတူး တက်ရပ်ထား။

အဖေ အမေက ဘာကောင်လည်း။
ဘယ်လောက် ပေးနိုင်သလည်း။
ဘယ်လောက် ဖားနိုင်သလည်း။
ဘယ်လောက် အသုံးကျနိုင်သလည်း။
ခပ်တော်တော် အတွေးအမြင်ရှိ။ အာဂ ရှိမဲ့လူ..
ဒီလူကို ပင်စင်ပေး ။ တပ်ထဲ မနေရေး။
ခပ်တုံးတုံး ခပ်ဖျင်းဖျင်း၊ ခေါင်းခါ တခါမှမညင်းသူ
ရော့ အင့် ရာထူးယူ၊ နိုင်ငံခြားသွား၊
ပညာသင်ထား။
အိမ်ပြန်ရင် သမီးနဲ့ ပေးစား။
ရှေးဗမာ အစဉ်အဆက်၊
တော်ဝင်ဘဲ သဇင်ဦးတဲ့လက်
အရာရှိအချင်းချင်း။ သားလှယ်သမီးပေး
ယောက္ခမချင်း ပုန်မကန်ရေး၊
ဘေးရန်အေးအောင်။


တော်ဝင်မိသားစု မ၀င်၊
ဘယ်နေရာမှ ဆန့် မ၀င်။
သူတို့ အိမ်ဖော် နားကပ်လောက်ပင်။
ကျမနားကပ်ကမပြောင်ချင်။
မောင် လည်းလေ စိတ်ဓါတ်ကျ၊
ဗိုလ်ကလေးကတော်ဘ၀၊ ဘာမှသုံးမရ။

လခက စားမလောက်၊
စားပေါက်ရတာ ဗိုလ်တိုင်းမဟုတ်၊
ခလေး ၃ ယောက်နဲ့  ဗိုလ်လခ၊ ကြားပေါက်ကမရ။
ဗိုလ်ကတော်ရာထူးနဲ့  ဈေးထွက်ရောင်း။
ဆီပြန်ဟင်းလေးကောင်းကောင်းစားနိုင်အောင်။

တပတ် မှ ၃ရက်၊ ကျမ ဈေးဘဲထွက်နိုင်။
တပ်မှုးကတော်မမက၊ ကျမဆို ကျမမှ သဘောကျ။
အိမ်အခေါ်လွှတ်တဖွဖွ၊ မအားဘူးငြင်းလည်းမရ။
လက်ဖက်သုတ်စား၊ ဆံပင်ဖြူ နှုတ်၊
အတင်းပြော၊ သန်းတုတ်ရအောင်။
ခလေးတွေ အိမ်မှာနေကြ။ ရှိတာ ရှာစားကြ။
အခစား မ၀င်သမျှ ၊ နင့် အဖေရာထူးကမရဘူး၊
ကိုယ်အိမ်မှာသာ ကတော်။
သူများအိမ်မှာ သွားဘုရားအော်။
ဗမာရှင်ဘုရင် စစ်တပ်စံနစ်။
အခုထိစစ်တပ် ထဲကျင့်။
တည့်အောင်ပေါင်းမှ။ မောင်ရှေ့ တန်းမသွားရမှာ။
ခလေးတို့ ရယ်၊
အမေမုဆိုးမမဖြစ်ချင်၊ နားလည်ပေးပါ။

အမျိုးသမီးရေးရာထဲလည်း ဝေလေလေ။
ကြံ့ဖွတ်ယောင်ယောင်၊
ဘာညာဘာညာ ကလေကချေ။
ထောက်ခံပွဲတွေ မတက်မနေရ။
တပ်က အ၀တ်အစားဝယ်ပေး၊ ပုဝါ စုံချ
ဓါတ်ပုံထဲတော့လှမှလှ ။
နေတွေလောင်ပြီး အသားမဲရ။
အားလုံးမစားရ ညှော်ခံတွေ။
အော်..ဗိုလ်ကတော် ဖြစ်ချင်ဦးလေ။

အမလေးလေး၊
စိတ်ကူးထဲ တနေ့ နေ့  ဒေါ်ကြိုင်ကြိုင်လို
သူတပါးလက်အုပ်ချီ ရှိခိုး။
နန်းမတော်ကြီးများ ဖြစ်နိုးနိုး။
ရွှေဘုံစံရမလားတွေး။
အခုတော့ အထင်နဲ့ အမြင်လွဲ။
တပ်မှူးအိမ်..ပန်းကန်ဆေးနေရတဲ့ ဗိုလ်ကတော်။
တပ်မှူးအိမ်..အိမ်သာဆေးနေရတဲ့ ဗိုလ်ကတော်။
တပ်ထဲမှာ။ လုပ်အားပေးအမှိုက်ကောက်၊
အမလေး..ဒီတောင်ကမကျော်ပဲမကျော်။
မောင့် ရာထူး တန်းစီထား။ နံပါတ် ၀မ်းရောက်ဖို့ 
အရှေ့ မှာအယောက်သောင်းဂဏ္ဍန်းကျော်
ဗေဒင်မေး ။ စာချ. ဘယ်ဟာမှ မရတဲ့ခဏ။
နောက်ဆုံးမှာ တပ်သက်ပြည့်၊
မောင် သာအငြိမ်းစားယူဖြစ်၊
ရှင်ဘုရင်အိမ်မက်။ တရေးနိုးပျက်ခဲ့ပြီ။


နံပါတ်ဝမ်း ကတော့၊
ဘယ်တော့မှ ပင်စင်မယူပြီ။
ရှင်ဘုရင်သက်။ သူဘဲသက်တော်ရှည်။

မသဒ္ဓါ (၁၂။၁၃။၂၀၀၇)


BELIEVE IT ! 1




၀၅၀၃၂၀၀၉ ဒိုင်ယာရီ

၁၉၃၇ ခုနှစ်ချမ်းမြေ့ လှသည့် ခရစ်စမတ်ညချမ်းအချိန်အခါတွင် မွေးဖွားလှသည့် ဗိုလ်မောင်အေးမှာရန်ကုန်မြို့ ဂေါ်ယာကုန်းရှိ စစ်ရုံးချုပ်တွင် ဗိုလ်မှုးအဖြစ်တာဝန်ထမ်းဆောင်ချိန် ဇနီးဖြစ်သူ ဗိုလ်မှုးဒေါ်မြမြစန်းနှင့် လက်မထပ်သေးခင် သမီးရည်းစားအဖြစ် ဇပါးရှား အုတ်ဂူတွင် ချိန်းတွေ့ ချိန်ကပင် အရက်ကို စွဲစွဲမြဲမြဲသောက်သည်ဟု.......
အငတ်ဘေးဆိုက်ကာ ကာလ၀မ်းကျနေသော တိုင်းပြည်က ခေါင်းဆောင်ကြီး မူဂါဘီ၏မွေးနေ့ပွဲကို ချိမ့်ချိမ့်သည်းကျင်းပမည်။
ဇင်ဘာဘွေသမတ ရောဘတ်မူဂါဘီ၏ (၈၅) နှစ်မြောက်မွေးနေ့ကို ၎င်းအားထောက်ခံသူများက ခမ်းနားသိုက်မြိုက်စွာ ကျင်းပပေးရန်ပြင်ဆင်နေသည်ဟု ဘီဘီစီသတင်းတွင် ဖော်ပြထားသည်။


file ရယူရန်

\ပြည်တွင်းမှအီးမေးလ်များသို့တဆင့်ပို့ပေးခြင်းဖြင့်သတင်းအမှောင်ကျနေသောပြည်သူများကိုကူညီကြပါ။

ဒီမိုကရေစီနှင့်ပူးပေါင်းမလား အာဏာရှင်နှင့်ပူးပေါင်းမလား

Thursday, 05 March 2009 11:58 ထက်အောင်
မြန်မာ့နိုင်ငံရေးအကြပ်အတည်းနှင့်ပတ်သက်ပြီး စစ်အစိုးရနှင့် ပူးပေါင်းဆောင်ရွက်ရန် ထောက်ခံပြောဆိုသည့် အသံများ သတင်းစာမျက်နှာများပေါ်တွင် မကြာသေးခင်ကာလအတွင်း ကျယ်ကျယ်လောင်လောင် ထွက်ပေါ်လာခဲ့ပါသည်။

နှစ်ပေါင်း၂၀ ကြာခဲ့ပြီဖြစ်သည့် ဤနိုင်ငံရေးအရှုပ်အထွေးကိုဖြေရှင်းရန်အတွက် ယခုကဲ့သို့ အသစ်တဖန်ကြိုးပမ်းအားထုတ် မှုသည် ကုလသမဂ္ဂဆိုင်ရာ မြန်မာနိုင်ငံအထူးသံကိုယ်စားလှယ် မစ္စတာ အီဗရာဟင် ဂန်ဘာရီ၏ ဇန်န၀ါရီလ ၃၁ ရက် နေ့မှ ဖေဖော်ဝါရီလ ၃ ရက်နေ့အထိ သွားရောက်ခဲ့သော ၇ ကြိမ်မြောက် မြန်မာနိုင်ငံခရီးစဉ်နှင့်လည်း တိုက်ဆိုင်နေခဲ့ပါသည်။

ထိုခရီးစဉ်မှ ထွက်ပေါ်လာသည့် အပြုသဘောတိုးတက်မှုတခုခုကို ကျွန်တော်တို့ ထောက်ပြရမည်ဆိုလျင် အမျိုးသားဒီမို ကရေစီအဖွဲ့ချုပ်ခေါင်းဆောင် ဒေါ်အောင်ဆန်းစုကြည်သည် ပထမဦးဆုံးအကြိမ် သူမ၏အဖွဲ့ချုပ်ခေါင်းဆောင်များနှင့်အတူ တကွ ကုလသမဂ္ဂအထူးသံကိုယ်စားလှယ်ကို တွေ့ဆုံခွင့်ရလိုက်ခြင်းပင်ဖြစ်ပါသည်။

ဤတကြိမ်တွင်လည်း အမျိုးသားဒီမိုကရေစီအဖွဲ့ချုပ်သည် အဖွဲ့ချုပ်နှင့် စစ်အစိုးရအကြား အဓိပ္ပာယ်ရှိသည့် တွေ့ဆုံဆွေး နွေးပွဲ ဖြစ်ပေါ်လာစေရန်၊ ကုလသမဂ္ဂအထွေထွေအတွင်းရေးမှူးချုပ်ရုံးက ကြားဝင်ဆောင်ရွက်ပေးရန် တိုက်တွန်းခဲ့သည်မှာ ထင်ရှားပါသည်။

“ထိတ်တိုက်ရင်ဆိုင်ရေး၊ အလုံးစုံ ပျက်သုဉ်းရေး၊ စီးပွားရေး အဆက်အသွယ်ဖြတ်တောက်ရေး၊ အလုံးစုံ ပိတ်ဆို့ရေးတို့ သည် တိုင်းပြည်နှင့်ပြည်သူလူထုအတွက် အကျိုးမရှိပါ”ဆိုသည့် စစ်အစိုးရ၏ထုတ်ပြန် ကြေညာချက်ကို စစ်အစိုးရနှင့် အဖွဲ့ချုပ်တို့ တသဘောတည်းရှိသည်ဆိုသည့်အနေနှင့် အမျိုးသားဒီမိုကရေစီအဖွဲ့ချုပ်က ရည်ညွှန်းမှု မရှိခဲ့ခြင်းကို မစ္စတာဂန်ဘာရီ သိရှိနေပြီးဖြစ်သည်မှာလည်း ထင်ရှားပါသည်။

“ယင်းကိစ္စများ(နားလည်မှုလွဲမှားမှုများ) မဖြစ်ပေါ်ရအောင် နှစ်ဦးနှစ်ဘက်ပူးပေါင်းဆောင်ရွက်ကြရန်နှင့် သဘောတူညီ ချက်များကိုလည်း နှစ်ဦးနှစ်ဘက်အတူတကွ ကြေညာချက်ထုတ်ပြန်ကြရန် အသင့်ရှိကြောင်း ဒေါ်အောင်ဆန်းစုကြည်က ဆက်ဆံရေးဝန်ကြီးဦးအောင်ကြည်မှတဆင့် အာဏာပိုင်တို့ထံအသိပေးခဲ့ပြီးဖြစ်ပါသည်”ဟု ဖေဖော်ဝါရီလ ၁၇ ရက်နေ့က ထုတ်ပြန်သည့် အထူးကြေညာချက်အမှတ် ၂ တွင် အမျိုးသားဒီမိုကရေစီအဖွဲ့ချုပ်သည် ၄င်း၏ရပ်တည်ချက်ကို ရှင်းလင်း ထားပါသည်။

အဖွဲ့ချုပ်၏ပြောရေးဆိုခွင့်ရှိသူ ဦးဉာဏ်ဝင်းမှလည်း ထိုင်းနိုင်ငံအခြေစိုက် ဧရာဝတီမဂ္ဂဇင်းသို့ အဖွဲ့ချုပ်သည် ကြိုတင်စည်း ကမ်းသတ်မှတ်ချက်မထားသည့်တွေ့ဆုံဆွေးနွေးပွဲပြုလုပ်ရေးကို အလေးအနက်ထားကြောင်း ထပ်မံပြောကြားခဲ့ပါသည်။ ထို့အပြင် ကုလသမဂ္ဂအထွေထွေအတွင်းရေးမှူးချုပ် မစ္စတာ ဘန်ကီမွန်း မြန်မာနိုင်ငံကို လာရောက်စေချင်သည့် အဖွဲ့ချုပ် ၏ ဆန္ဒကိုလည်း အလေးအနက်ပြောဆိုခဲ့ပါသည်။

စီးပွားရေးနှင့် အခြားအရေးယူပိတ်ဆို့မှုအပါအ၀င် တိုင်းပြည်၏နိုင်ငံရေးပြဿနာများကို တွေ့ဆုံဆွေးနွေးပြီး နှစ်ဦးနှစ်ဘက် သဘောတူထုတ်ပြန်ကြေညာချက်တစောင်ထုတ်ပြန်ရန် အမျိုးသားဒီမိုကရေစီအဖွဲ့ချုပ်ဘက်က အဆင်သင့်ရှိနေပါသည်။ အဓိပ္ပာယ်ရှိသည့်တွေ့ဆုံဆွေးနွေးမှုများဖြစ်မြောက်ရေးကို မည်သူကလွှဲရှောင်နေသည် ဆိုသည်မှာ ထင်ရှားပါသည်။

ယခုနှစ်အစောပိုင်း မစ္စတာ ဂန်ဘာရီ၏ ခရီးစဉ်အတွင်း မြန်မာဝန်ကြီးချုပ် ဗိုလ်ချုပ်ကြီးသိန်းစိန်က ကုလသမဂ္ဂအနေနှင့် မြန်မာနိုင်ငံတည်ငြိမ်တိုးတက်မှုရှိခြင်းကို မြင်တွေ့လိုလျင် စီးပွားရေးနှင့် ပြည်ဝင်ခွင့်ဗီဇာ ပိတ်ဆို့အရေးယူထားမှုများကို အရင်ဆုံးဖယ်ရှားပေးရလိမ့်မည်ဟု တောင်းဆိုခဲ့ပါသည်။

စစ်အစိုးရသည် အမျိုးသားဒီမိုကရေစီအဖွဲ့ချုပ်နှင့်တလှည့် ကုလသမဂ္ဂဆီတလှည့် သံတမန်ကစားကွက်များဖြင့် အခြေ အနေတွေဖြေရှင်းမရဖြစ်ပြီး ပိုပြီးရှုပ်ထွေးလာစေရန်ဖန်တီးနေခြင်းသာဖြစ်ပါသည်။

စစ်ဗိုလ်ချုပ်ကြီးများသည် ထိုနည်းဗျူဟာကို တလျှောက်လုံးကျင့်သုံးလာခဲ့ပြီး ဆက်လက်၍လည်းကျင့်သုံးနေပါလိမ့်မည်။ အကြောင်းမှာ အနာဂတ်မြန်မာနိုင်ငံရေးတွင် အတိုက်အခံအင်းအားစုများကို တလက်မမှ နေရာပေးစရာမလိုဘဲ တိုင်းပြည် ကို ၄င်းတို့ကိုယ်တိုင် စီမံအုပ်ချုပ်သွားနိုင်ပြီဟု စစ်ဗိုလ်ချုပ်ကြီးများယုံကြည်နေကြသောကြောင့်ဖြစ်ပါသည်။

ထိုအတောအတွင်း အမေရိကန်ပြည်ထောင်စုအစိုးရအသစ်သည် ၄င်း၏မြန်မာပြည်ဆိုင်ရာမူဝါဒများကို အစအဆုံး ပြန် လည် သုံးသပ်နေချိန်လည်းဖြစ်ပါသည်။ အမှန်တကယ်အားဖြင့် အမေရိကန်ပြည်ထောင်စုသည် မြန်မာစစ်ဗိုလ်ချုပ်များနှင့် သူတို့၏အပေါင်းအပါများကို စီးပွားရေးနှင့်ပြည်ဝင်ခွင့်ဗီဇာ ပိတ်ပင်အရေးယူမှုများ အဓိကပြုလုပ်ထားသည့် နိုင်ငံဖြစ်ပါ သည်။

သို့သော် မြန်မာပြည်ဆိုင်ရာမူဝါဒအသစ်များကိုမကြေညာမီ သမ္မတ အိုဘားမားအစိုးရသည် အောက်ပါအချက်ကို အလေး အနက်စဉ်းစားသင့်ပါသည်။

အနာဂတ်မြန်မာနိုင်ငံ၏ အရေးအရာများဆောင်ရွက်ရာတွင် အမျိုးသားဒီမိုကရေစီအဖွဲ့ချုပ်ကို နေရာပေး ပူးပေါင်းဆောင် ရွက်လိုစိတ် စစ်အစိုးရတွင် အမှန်တကယ်ရှိပါသလား ဆိုသည့် အချက်ဖြစ်ပါသည်။

ရန်သူကိုအနိုင်တိုက်ရန်အတွက်သာ လေ့ကျင့်ပေးထားသည့်စစ်သားများသည် စစ်ပွဲအောင်နိုင်ရန်အလားအလာရှိနေ သရွေ့ မည်သည့်အခါမျှ စားပွဲဝိုင်းတွင်ထိုင်ပြီးဆွေးနွေးလိမ့်မည်မဟုတ်ပါ။ ယခုလိုအချိန်အခါမျိုးမှာ ၂၀၁၀ ခုနှစ်တွင် ကျင်းပမည့် ရွေးကောက်ပွဲတွင် ၄င်းတို့သေချာပေါက်နိုင်တော့မည်ဆိုပြီး စစ်အစိုးရသည် ယုံကြည်မှုအပြည့်နှင့် ရှိနေပါ လိမ့်မည်။

မကြာသေးခင်ရက်များအတွင်း ဒေါ်အောင်ဆန်းစုကြည်၏ အမျိုးသားဒီမိုကရေစီအဖွဲ့ချုပ်အား အဆိုးမြင်ဝေဖန်ရေးသား ထားချက်များကို လက်တဆုပ်စာ နိုင်ငံခြားသားပညာရှင်နှင့် သံတမန်ဟောင်းတချို့က ရေးသားထုတ်ပြန်ခဲ့ပါသည်။ သတင်းစာမျက်နှာများပေါ်တွင် ထွက်ပေါ်လာသော ၄င်းတို့၏အမြင်သဘောထားများသည် စစ်အစိုးရနှင့်ပူးပေါင်းဆောင် ရွက်ရေးကို တိုးမြှင့်ဆောင်ရွက်ရန် ထောက်ခံရေးသားကြပြီး အမျိုးသားဒီမိုကရေစီအဖွဲ့ချုပ်အား တိုင်းပြည်ဖွံ့ဖြိုးရေးကို ပိတ်ဆို့နေသော သိုးမည်းအုပ်သဖွယ် ဝေဖန်ခဲ့ကြပါသည်။

မြန်မာပြည်နိုင်ငံရေးသည် စီးပွားရေးဆန်သောလုပ်ငန်းသက်သက်ဖြစ်ပြီး အကျိုးစီးပွားတူသူများအတွက် အမြတ်ရရှိရေးကို ရှေးရှု့သည့်လုပ်ငန်းတရပ်ဖြစ်နေလျင် အထက်ပါဝေဖန်ရေးသားချက်များသည် အံ့သြစရာကောင်းလိမ့်မည် မဟုတ်ပါ။

သို့သော် လက်ရှိဖြစ်နေသောအခြေအနေသည် ထိုကဲ့သို့မဟုတ်ပါ။ နိုင်ငံရေးတက်ကြွလှုပ်ရှားသူများ၊ ကျောင်းသားများ၊ သံဃာတော်များ၊ သတင်းစာဆရာများ၊ စာရေးဆရာများ၊ ကဗျာဆရာများနှင့် မီးဖိုချောင်ထဲက အိမ်ရှင်မများပါမကျန် ဒီမို ကရေစီလှုပ်ရှားမှုနယ်ပယ်ကြီးတခုလုံးသည် ၁၉၈၈ ခုနှစ်ကတည်းက သူတို့၏အသက်များ၊ ဘ၀များကို စွန့်လွှတ်ခဲ့၊ စွန့် လွှတ်ကြိုးပမ်းနေကြဆဲဖြစ်ပါသည်။

အကြောင်းမှာ ဒီမိုကရေစီစနစ်သာလျင် ငြိမ်းချမ်းရေး၊ လွတ်လပ်ရေးနှင့် ကြွယ်ဝ ချမ်းသာမှု၊ ထို့ထက်ပိုပြီးအရေးကြီးသည့် အချက်မှာ မိမိနေထိုင်ရာလူ့အဖွဲ့အစည်းတွင် လူသားတယောက်နှင့်ထိုက်တန်သော လူ့ဂုဏ်သိဏ္ခာရှိရှိဖြင့် အသက်ရှင် ရပ်တည်နိုင်ရေးတို့ကိုဆောင်ကျဉ်းပေးနိုင်သည်ဆိုသည့် ယုံကြည်ချက်ကြောင့်ဖြစ်ပါသည်။

မြန်မာနိုင်ငံ၏စီးပွားရေးဖွံ့ဖြိုးတိုးတက်မှုကို ပွင့်လင်းမှုရှိသောဒီမိုကရေစီလူ့အဖွဲ့အစည်းကသာလျင် ဆောင်ကျဉ်းပေးနိုင် လိမ့်မည်ဟု ကျနော်ယုံကြည်ပါသည်။ ကျနော်တို့ အခုလို ရုန်းကန်လှုပ်ရှားနေကြခြင်းသည် ကျနော်တို့ ထောက်ခံသော အဖွဲ့အာဏာရရှိရေးအတွက်ဆောင်ရွက်နေခြင်းမဟုတ်ပါ။ တိုင်းပြည်ကို အကျိုးပြုမည့် နိုင်ငံရေးစနစ်တရပ်ကို တည် ဆောက်နေခြင်းသာ ဖြစ်ပါသည်။

အကယ်၍ နိုင်ငံတကာအသိုင်းအ၀န်းအနေနှင့် မြန်မာနိုင်ငံကို ဥပဒေစိုးမိုးသောနိုင်ငံတနိုင်ငံအနေဖြင့်မြင်လိုလျင် ဒီမို ကရေစီ လှုပ်ရှားမှုဘက်က ရပ်တည်ရပါလိမ့်မည်။ အကယ်၍ မြန်မာနိုင်ငံကို ကြွယ်ဝချမ်းသာသည့်ဒေသတခုအတွင်းက တည်ငြိမ်သောနိုင်ငံတနိုင်ငံအဖြစ်မြင်လိုလျင် အရေးအကြီးဆုံးလုပ်ငန်းမှာ နောက်ဆုံးတွင် ဒီမိုကရေစီစနစ်ကသာလျင် မြန်မာနိုင်ငံ၏လူမှုစီးပွားရေးအကြပ်အတည်းများကို ပပျောက်အောင် လုပ်ဆောင်နိုင်ပြီး လူ့အဖွဲ့အစည်းအတွင်း လူမှုတည် ငြိမ်မှုကို ရရှိစေမည်ဖြစ်ကြောင်း နားလည်သဘောပေါက်လာသည်အထိ စစ်အစိုးရကို ဖိအားပေးကြရန်ပင် ဖြစ်ပါသည်။

(စာရေးသူသည် ဘန်ကောက်အခြေစိုက် သုတေတီတဦးဖြစ်ပြီး ထိုင်းနိုင်ငံ ချုလာလောင်ကွန်း တက္ကသိုလ်မှ နိုင်ငံတကာ ဖွံ့ဖြိုးမှုဘာသာရပ်ဖြင့် မဟာဝိဇ္ဇဘွဲ့ ရရှိထားသူဖြစ်ပါသည်)

ဓမ္မစက် ၊ အာဏာစက် နဲ့ ကားပျက်ကြီး

Thursday, 05 March 2009 13:26 ဧရာဝတီ
မလေးရှားနိုင်ငံ ပီနန်မြို့တွင် သီတင်းသုံးနေသော သာသနာ့မောဠိ(သာသနာ့ ဥသျှောင်)အဖွဲ့ ဥက္ကဌ ဆရာတော် ကြီး ဦးပညာဝံသ (ဘဒ္ဒန္တ ပညာဝံသ) သည် ကမ္ဘာ့ဗုဒ္ဓဘာသာ သာသနာပြုလုပ်ငန်းများအပြင် ၂၀၀၈ ခုနှစ် မေလ က တိုက်ခတ်ခဲ့သော နာဂစ် ဆိုင်ကလုန်း မုန်တိုင်း ဒုက္ခသည်များ ကူညီကယ်ဆယ်ရေး အတွက်လည်း ပြည်ပမှ ၀တ္ထုငွေကြေးများစွာ ဖြင့် ထောက်ပံ့ လှူဒါန်းခဲ့သည့် ဆရာတော်ကြီး တပါးဖြစ်ပါသည်။

မကြာသေးခင်က ရန်ကုန်မြို့တွင် ကျင်းပသွားသော ဆဌအကြိမ် နိုင်ငံတော် သံဃမဟာနာယကအဖွဲ့(၄၇)ပါး စုံညီ သတ္တမ အစည်းအဝေး၌ ဥက္ကဌ ဆရာတော်ကြီး ဘဒ္ဒန္တ ကုမာရ၏ သြ၀ါဒ မိန့်ကြားချက်တွင်ပါဝင်သည့် ပိဋကတ်တော်နှင့် မညီညွတ်ဟု ဆိုသော ကိစ္စရပ်များနှင့် မြန်မာနိုင်ငံအတွင်းရှိ ဗုဒ္ဓဘာသာ သံဃာတော်များ တင်းကျပ်ခံနေရမှုများ အပါအ၀င် သာသနာတော်ဆိုင်ရာ အရေးကိစ္စများနှင့်ပတ်သက်ပြီး ဆရာတော်ကြီး အား ဧရာဝတီ က မေးမြန်း လျှောက်ထားချက်များကို ဖော်ပြလိုက်ပါသည်။

ဆရာတော် ဦးပညာဝံသ (ပန်းချီ - ဟန်လေး)
မေး။ ။ မြတ်စွာဘုရား ပိဋကတ်တော် နဲ့ မညီညွတ်တဲ့ ရေးသား၊ ပြသ၊ ဟောပြောတယ်ဆိုတာ ဘာကိုရည်ညွှန်း တယ်၊ ဘယ်လိုအခြေအနေကို ဖော်ပြတယ်၊ ညီညွတ်ခြင်း မညီညွတ်ခြင်းဆိုတာ ဘယ်လိုပုဂ္ဂိုလ်မျိုးတွေကို ဆုံးဖြတ်သလဲဆိုတာ သိချင်ပါတယ်ဘုရား။

ဖြေ။ ။ မြတ်စွာဘုရားရဲ့ သာသနာတော်ဆိုင်ရာမှာ ဘုန်းကြီးတို့ သေသေချာချာ လိုက်နာကျင့်ဝတ်တဲ့အခါကျ တော့ ဘုန်းကြီးတို့ တခုတည်းလည်း ပြောလို့ မရဘူး၊ မြတ်စွာဘုရားက အထူးသဖြင့်တော့ ဘုန်းကြီးတွေပေါ့လေ၊ ပိဋကတ် သုံးပုံ ရှိတဲ့အနက်မှာ၊ အဘိဓမ္မာတဲ့၊ သုတ္တန်တဲ့၊ ၀ိနည်းတဲ့ ၊ ၀ိနည်းဆိုတာက တကယ်တော့ စည်းကမ်း ပါပဲ၊ ဥပဒေ ပါပဲ၊ ဗုဒ္ဓဘာသာ Law ပဲ ၊ ဗုဒ္ဓဘာသာ Law ဆိုတဲ့ ဥစ္စာက ဘုန်းကြီးတို့ ဘာပဲဖြစ်ဖြစ် သာသနာ့ဝန် ထမ်းတဲ့ ပုဂ္ဂိုလ်က သံဃနာယကရယ်၊ ဦးပဉ္ဖင်းလေးရယ်၊ ဦးပဉ္ဖင်းကြီးရယ် ဒီလို ပြောလို့တော့လည်း မရဘူး၊ မြတ်စွာဘုရား ကိုယ်တိုင်ဟောထားတာက သာသနာတော်ကို ၀င်ပြီး သသနာ့ ၀န်ထမ်းချင်တဲ့ ပုဂ္ဂိုလ်ဆိုလို့ ရှိရင် အကုန်လုံး ၀ိနည်း ဒေသနာတော်ကို လိုက်နာရမယ်လို့ ဒီလိုပဲဟောထားတာကိုး။

နောက်ပြီးတော့ ပြန်ကြည့်ရမှာက မြတ်စွာဘုရားက ဘာဟောသလဲဆိုတော့၊ ခုဏက ကြီးတဲ့ ပုဂ္ဂိုလ်ဆိုရင် ငယ် တဲ့ ပုဂ္ဂိုလ်က ရိုသေရမယ်ဆိုပြီးတော့ ၀ိနည်းဒေသနာတော်မှာတော့ ဟောထားတာပေါ့၊ သို့သော်လည်း ကြီးတဲ့ ပုဂ္ဂိုလ်တွေကလည်း ၀ိနည်းဒေသနာတော်နဲ့ မညီဘူးဆိုလို့ရှိရင်၊ ကြီးတဲ့ ပုဂ္ဂိုလ်ပြောတာကို အကုန်လုံး လက်ခံနေ ရမှာမဟုတ်ဘူး။

ကြီးတဲ့ ပုဂ္ဂိုလ်တွေ ပြောကြားတာက မြတ်စွာဘုရားရဲ့ ၀ိနည်းဒေသနာတော်နဲ့ ညီမညီ စစ်တမ်းထုတ်ပြီးကြည့်တဲ့ အခါကျတော့ လုံးဝမညီဘူးဆိုလို့ရှိရင်၊ ဒီလိုဆရာတော်မျိုးကို ၊ ဒီလိုလူကြီးမျိုးကို ၊ ဒီလိုပုဂ္ဂိုလ်မျိုးကို၊ ဓမ္မ သမ္ဘော ဂ၊ အာမိသ သမ္ဘောဂ ဆိုတာ ရိုရိုသေသေ ပုဂ္ဂိုလ်အနေနဲ့ မဆက်ဆံရဘူးလို့ မြတ်စွာဘုရားက ဟော ထားတာ။

ဘုန်းကြီးတို့ ဆိုလိုတာက ခုဏ သံဃနာယက ဆိုတာ ဘုန်းကြီးတို့ တကယ်အတိအကျပြောမယ်ဆိုရင်တော့၊ ဗမာပြည်မှာက ဘယ်သူက တင်ထားတဲ့ သံဃနာယက မှန်းလည်း မသိဘူးလေ၊ ရှေးက ဘုန်းကြီးတို့မှာ ဒီလိုဟာ မျိုး တခါမှလည်းမရှိခဲ့ဘူး၊ အခု ဗိုလ်ချုပ်တွေ ခေတ်ရောက်မှ သံဃနာယက ဆိုပြီးလုပ်တဲ့အခါကျတော့၊ ဒါကြောင့် မို့လို့ ကျန်တဲ့ ဆရာတော်တွေက ဘာဖြစ်သွားသလဲ ဆိုတော့ နည်းနည်းတွေဝေနေကြတယ်၊ ဘာဖြစ်လို့လည်း ဆိုတော့ စက်တင်ဘာ အရေးအခင်းလိုဖြစ်တဲ့အခါမှာ ပါတဲ့ ဘုန်းကြီးတွေကို သံဃနာယက က ဘုန်းကြီး အစစ် မဟုတ်ဘူးလို့ပြောတယ်။

ဒီဘုန်းကြီးတွေက ၀ိနည်းဒေသနာနဲ့အညီ ရဟန်းခံထားတဲ့ ဘုန်းကြီးတွေပဲ၊ သူတို့မှာ ဘာလက်နက်မှ ပါတာ လည်း မဟုတ်ဘူး၊ တိုက်ခိုက်ဖို့ပြောတာလည်း မဟုတ်ဘူး၊ သူတို့က ခင်ဗျားတို့ ဗမာပြည် ကြီးက ၁၉၆၂ ခုနှစ် ကနေစပြီး နှစ်ပေါင်း ၄၀-၅၀ ရှိပြီ ပြည်သူတွေမှာ ဆင်းရဲလှပြီ ဒုက္ခတွေရောက်လှပြီ ၊ ဒါကြောင့် အမှန်ကတော့ ခင်ဗျားတို့ စစ်တပ်ကလည်း ဒီ ရာထူးကြီးကနေ ထွက်ပေးရမယ်၊ ဒီလိုပြောတာတော့ မဟုတ်ဘူး၊ အဲဒါတွေကို ကြည့်ပြီးတော့ စီမံကြပါလို့ မေတ္တာ ရပ်ခံတာ။

မေတ္တာ ရပ်ခံတာကို သံဃနာယက ဆရာတော်ကြီးတွေအနေနဲ့က အစိုးရ မျက်နှာကိုကြည့်ပြီးတော့ ဒီဘုန်းကြီး တွေက ရဟန်းအတုဖြစ်တယ်ဆိုတော့ ဘုန်းကြီးတို့ သာသနာတော်မှာ ရဟန်း အစစ်ကို ရဟန်းအတုလို့ ပြောတဲ့ ဘုန်းကြီးကိုယ်တိုင် ရဟန်း မဟုတ်ဘူးလို့လည်းဆိုထားတယ်လေ။

မေး။ ။ ဗုဒ္ဓ ၀ိနည်းတော်အရ သံဃာ အတု အစစ်ကိုရော ဘယ်လို ခွဲခြား သတ်မှတ်ပါသလဲ ဘုရား။

ဖြေ။ ။ သံဃာ အတု အစစ်ကို ခွဲဖို့ ဆိုတဲ့အခါကျတော့ ဘုန်းကြီးတို့ ဒီလို ရိုးရိုးခွဲလို့လည်း မရဘူး၊ မြတ်စွာဘုရား ၀ိနည်းတော် ရှိတယ်၊ ဒီလို မျိုး တဦးတယောက်က ပြောလာခဲ့ရင်၊ သံဃာတော်တွေမှာ တကယ့် ၀ိနည်း ဒေသနာ တော်ကို လေးစားတဲ့ ပုဂ္ဂိုလ်တွေကို သွားပြောပြီးတော့ အရှင်ဘုရား ဒီလို ဖြစ်နေတယ်ဆိုပြီးတော့ပေါ့၊ အဲဒီ ပုဂ္ဂိုလ် က ၀ိနည်းဒေသနာတော်ကိုလည်း နားလည်တဲ့ ပုဂ္ဂိုလ်လည်း ဖြစ်ရမယ်၊ ပြီးတော့ သီလ သမာဓိ ပညာနဲ့လည်း ပြည့်စုံရမယ်၊ အဲဒီလို ပုဂ္ဂိုလ်မျိုးကို ၀ိနည်းဓိုရ် ခန့်ပြီးတော့ အစစ်လားအတုလားဆိုတာ စစ်ဆေးရမှာကိုး။

ဒီအတိုင်း သွားပြီးတော့ ကိုယ်က မကြိုက်တာနဲ့ ဘုန်းကြီး အတု ဖြစ်တယ်ဆိုပြီးတော့ ဆုံးဖြတ်လိုက်ပြီး သင်္ကန်း ချွတ်ပစ်လိုက်တယ်ဆိုပါတော့၊ အဲဒီ ပြုတဲ့ ပုဂ္ဂိုလ်ကိုယ်တိုင် သာသနာမှာ ဘုန်းကြီးဖြစ်ခဲ့လို့ရှိရင် ပါရာဇိက ကျ တာပဲ၊ ပါရာဇိက ကျတယ်ဆိုတာ ဘုန်းကြီးမဟုတ်တော့ဘူး ဆိုလိုတာပေါ့၊ သူသင်္ကန်းဝန်ထားတာတော့ ဘယ် တတ်နိုင် မလဲ၊ သူက သာသနာတော်နဲ့ မလျော် တော့ဘူးလေ၊ သူက ပုဂ္ဂိုလ်ကောင်းကို မဟုတ်ဘူးလို့ စွပ်စွဲတာ၊ အစစ်အတုဆိုတဲ့ ဥစ္စာက ဘုန်းကြီးနဲ့ ခင်ဗျားနဲ့ မကျေနပ်တာနဲ့ ပြောလို့မရဘူး။

ဝိနည်းဒေသနာတော်ကို လေးစားတဲ့ သူမျိုးဖြစ်ရမယ်၊ သံဃနာယကနဲ့ ဘာမှ မဆိုင်ဘူး၊ သံဃနာယက က သူ့ဘာသာသူ ခန့်ထားတာကိုး၊ အဲဒီ သံဃနာယက က ၀ိနည်းဒေသနာ သိက္ခာပုဒ်နဲ့ ညီရဲ့လား၊ သူကိုယ်တိုင် ရော ဘုန်းကြီး အစစ်ဟုတ်ရဲ့လား ဆိုတာ ရှိသေးတာကိုး။

အဲဒါကြောင့် ၀ိနည်းကို အသေအချာလေးစားတဲ့ ပညာတတ်တဲ့ ပုဂ္ဂိုလ်တပါးရဲ့ ဆုံးဖြတ်ချက်မှသာလျင် သံဃာ အစစ်အတု ဆိုတာကို ခွဲနိုင်မှာပေါ့၊ ဒီအတိုင်း ကိုယ်က မကျေနပ်တာနဲ့ သွားပြီးတော့ သံဃာအတုလို့ ပြောလို့ရှိ ရင် ပြောတဲ့လူလည်း ဒုက္ခရောက်တယ်၊ ဒါ အင်မတန်ကြီးလေးတဲ့ အပြစ် ဂရုကမ္မ ခေါ်တယ်၊ ဒါ သံဃာ့ဗေဒက ကံ မဟုတ်ဘူး၊ သံဃာကို စော်ကားတဲ့ ကံ ဖြစ်တယ်။

ပြီးတော့ တရားဒေသနာ ဟောပြောရာမှာလည်း မြတ်စွာဘုရားဟောကြားတဲ့အတိုင်း ဟောပြောပို့ချခွင့်မရှိဘူး ဆို တာ ဘုန်းကြီးတို့ ကြားနေတာတွေလည်းရှိတယ်၊ သို့သော်လည်း မြတ်စွာဘုရားရဲ့တရားတော်တွေကိုလေးစား တဲ့ ဆရာတော်တွေ မှန်သမျှ ဆိုရင် ၀ိနည်းဒေသနာတော်နဲ့အညီလုပ်ဖို့ လိုတာပေါ့၊ ၀ိနည်းဒေသနာမှာ ဆုံးဖြတ် တဲ့ အခါမှာလည်း ဒေါသဂတိ၊ ဆန္ဒာဂတိ ဆိုတဲ့ အဂတိတရားတွေနဲ့ အစိုးရမျက်နှာ ကြည့်ပြီးလုပ်လို့ရှိရင် ၀ိနည်း ဓိုရ် မဟုတ်ဘူး၊ တရားဆုံးဖြတ်ထိုက်တဲ့လူမဟုတ်ဘူး၊ မဆုံးဖြတ်ထိုက်တဲ့ လူလို့ မြတ်စွာဘုရားကိုယ်တိုင် ဟော ထားတယ်၊ တချို့ကလည်း သိပေမယ့် ကြောက်လို့ ဆုံးဖြတ်ရတာမျိုးတွေ၊ အဲဒါကြောင့် ၀ိနည်းဓိုရ် ကိုယ်တိုင်က ဂတိလေးပါး မလိုက်စားရဘူးဆိုတာ မြတ်စွာဘုရား က ဟောထားတာ။

နောက်ပြီးတာ့ သံဃနာယက ကို ဘုန်းကြီးတို့ ဗုဒ္ဓဘာသာ တရားတော်နဲ့ ပြောမယ်ဆိုရင်တော့ သံဃနာယက ကိုယ်တိုင်က ဂတိ လေးပါး လိုက်စားသွားရင်တော့ ၀ိနည်းဓိုရ် မဖြစ်ထိုက်တော့ဘူး၊ တကယ်လို့ ဘယ်ဘက်မှ မလိုက်ဘူးဆိုရင်တော့ သူ့ရဲ့ဆုံးဖြတ်ချက်က မှန်တယ်၊ ပြီးတော့ အတုလို့ စွပ်စွဲခံရတဲ့ သံဃာကို မေးရဦးမယ်၊ ဘာတွေလုပ်ခဲ့သလဲ၊ သူကိုယ်တိုင် ၀န်ခံသလား၊ ၀န်မခံဘူးလားဆိုတာ။

မေး။ ။ သာသနာရေးဆိုင်ရာ ဆုံးဖြတ်ဆောင်ရွက်တဲ့ နေရာမှာ ဓမ္မစက် ၊ အာဏာစက် ဆိုပြီး သုံးတာ တွေ့ရပါ တယ် ဘုရား၊ ဘယ်လို နေရာတွေမှာ ခွဲခြားသုံးပါ သလဲဘုရား။

ဖြေ။ ။ ဓမ္မာစက်ဆိုတာနဲ့ ဆုံးဖြတ်မယ်ဆိုရင် တရားတော်နဲ့အညီ ဆုံးဖြတ်ရမယ်၊ မြတ်စွာဘုရားရဲ့ဝိနည်း ဒေသနာတော် နဲ့ ဆုံးဖြတ်တာကို ဓမ္မစက်လို့ ခေါ်တယ်၊ အဲဒီ သာသနာနဲ့ ပတ်သက်လာရင် အစိုးရမှာ ဆုံးဖြတ် ခွင့်မရှိဘူး၊ အာဏာစက်ဆိုတာက အစိုးရရဲ့ Authority အမိန့်သြဇာကိုပြောတာ၊ အဲဒီတော့ အစိုးရကိုယ်တိုင်က မင်းကျင့် တရား ဆယ်ပါးနဲ့ ညီညွတ်ရမယ်တဲ့၊ ဒါမှ အာဏာစက်နဲ့လည်း ညီမယ်။

သို့သော်လည်း ဓမ္မစက်ဆိုတာကလည်း မြတ်စွာဘုရား ဟောကြားထားတဲ့ ၀ိနည်းဒေသနာတော်တွေကို ဂတိ လေးပါး မလိုက်စားဘဲနဲ့ စစ်တဲ့ ဆရာတော်မျိုးရဲ့ ဆုံးဖြတ်ချက်ကလည်း ဒါ ဓမ္မစက်နဲ့ညီတယ်၊ အဲဒီလို ညီတဲ့ ဟာကို ခုဏ အာဏာစက်က အသုံးဝင်လို့ ဆရာတော်နဲ့ တွဲလိုက်ရင် အစိုးရအုပ်ချုပ်နေတယ်လို့ ဆိုလိုတယ်၊ အဲဒါ မင်းကျင့်တရားနဲ့ ညီတဲ့ အစိုးရက အာဏာစက်၊ ဓမ္မစက်နဲ့ အုပ်ချုပ်တာ။

ဘုန်းကြီးတို့ မြန်မာပြည်ကို ကြည့်လိုက်တဲ့ အခါကျတော့ ဓမ္မစက်ရော၊ အာဏာစက်ရော မကောင်းတဲ့ အခိုးတွေ အနံ့တွေထွက်နေတယ်၊ ဒါ ကြောင့် ကားတွေပျက်ခါနီးမှာ အိတ်ဇောက အခိုးတွေ ထွက်နေတယ်မဟုတ်လား၊ စက်က သွားတော့ သွားနေတယ်၊ ဒါပေမယ့် မကောင်းတဲ့ အနံ့တွေ အခိုးတွေထွက်နေတာ၊ မက္ကင်းနစ်က မပြင်လို့ မဖြစ်တော့ဘူး၊ ဒါကြောင့် မြန်မာပြည်မှာ ဘုန်းကြီးမြင်တာက ဓမ္မစက်ရော၊ အာဏာစက်ရော က မော်တော်ကား လိုပဲ အိတ်ဇောက မကောင်းတဲ့ အခိုးတွေထွက်နေတယ်၊ မကောင်းတဲ့ အနံ့တွေ၊ အဲဒီကားက အလုပ်တော့ လုပ် တယ်၊ နောက်ကျရင် ပျက်တော့မယ်၊ အဲဒါကြောင့် ဘုန်းကြီးတို့ သိပ်ဝမ်းနည်းစရာ ကောင်းပါတယ်လို့ ဘုန်းကြီး ပြောချင်တယ်၊ ရှက်ဖို့လည်းကောင်းပါတယ်။

မေး။ ။ လက်ရှိအခြေအနေအရ မြန်မာပြည်ရဲ့ ဗုဒ္ဓသာသနာနဲ့ပတ်သက်ပြီး ရှေ့အလားအလာကို ဘယ်လို မြင်ပါ သလဲ ဘုရား။

ဖြေ။ ။ ရှေ့အလားအလာကတော့ ကောင်းမှာပဲ၊ ဘာဖြစ်လို့ ကောင်းမှာပဲလို့ ပြောလည်း ဆိုတော့ ကမ္ဘောဒီးယား မှာ ပိုပေါ့ အစိုးရလက်ထက်မှာ ဘုန်းကြီး တပါးမှ မရှိတော့ဘူး၊ အကုန်လုံး သတ်ဖြတ်ပစ်လိုက်တယ်၊ ထွက်ပြေး နေတဲ့ ဘုန်း ကြီးတွေ ရှိတဲ့ ဘုန်းကြီးတွေလည်း အကုန်လုံး လူထွက်ရတယ်၊ ဘယ်လိုပဲ ဖြစ်နေပါစေ၊ ဓမ္မစက် ရော၊ အာဏာ စက် ရော ဘယ်လိုပဲ အခိုးတွေ ထွက်နေနေ သာသနာဆိုတာကို ဘယ်လိုမှ ဖျက်လို့မရဘူးဆိုတာ ကမ္ဘောဒီးယား ကို ပြန်ကြည့်ပါလို့ ပြောချင်တယ်၊ ဒီကနေ့ ကမ္ဘောဒီးယားမှာ သာသနာ ပြန်ထွန်းကားနေတာပဲ၊ အင်မတန် ဆိုးတဲ့ ကမ္ဘောဒီးယားတောင် ဒီလိုပြန်ဖြစ်တယ်ဆိုတော့ အကုန်လုံး သတ်လို့တော့ ဒီသာသနာကြီးက ပျက်မသွားဘူး၊ ညှဉ်းဆဲလို့ပျက်မသွားဘူး၊ ထောင်ချလို့ ပျက်မသွားဘူး၊ ဘယ်လိုလူကမှ ဖျက်ဆီးလို့ မပျက်နိုင် ဘူးဆိုတာ အားလုံးကို သိစေလိုပါတယ်။

မေး။ ။ မြန်မာပြည်တွင်းက သာသနာ့ဝန်ထမ်း သံဃာတော်တွေနဲ့ပတ်သက်ပြီးတော့ရော ဘာများမိန့်ကြားချင် ပါသလဲ ဘုရား။

ဖြေ။ ။ မြန်မာပြည်မှာ ရှိနေတဲ့ သံဃာတော်တွေကို ဘုန်းကြီးပြောချင်တာက ဒီကနေ့ တပည့်တော်တို့မှာ သာသနာ့ အန္တရာယ်ကြီးနဲ့ ရင်ဆိုင်နေရတယ် ဆိုတာတော့ အားလုံးပဲ အထူးပြောနေစရာမလိုပါဘူး၊ အားလုံး ကလည်း သိနေကြပါတယ်၊ သို့သော် ဒီသာသနာတော်ကြီးရဲ့ ဒီအန္တရာယ်ကြီးနဲ့ တို့တတွေသည် ရင်ဆိုင်နေရ တာကို မိမိတို့ တတ်နိုင်တဲ့ ဘက်ကနေပြီး သီလ သမာဓိ ပညာ ဖြင့် စိတ်ကောင်း စေတနာထားပြီး အတတ်နိုင် ဆုံး ကာကွယ်၍ သော်လည်းကောင်း၊ စောင့်ရှောက်၍သော်လည်းကောင်း ဒီသာသနာတော် အဓွန့်ရှည်စွာ တည်အောင် အားလုံး ၀ိုင်းဝန်းပြီးတော့ သာသနာကို တကယ်ချစ်မြတ်နိုးတဲ့ ဆရာတော်တွေ သံဃာတော်တွေက ဆောင်ရွက်ပါလို့ ဘုန်းကြီးက မေတ္တာရပ်ခံပြီးတော့ ရိုသေစွာ လျှောက်ထားချင်ပါတယ်။