Sunday, April 12, 2009

ပဉ္စမမြန်မာနိုင်ငံတော်တည်ထောင်ခန်း (အောင်ဝေး)

ပါမောက္ခလုစ် ဆိုတာ မြန်မာနိုင်ငံနဲ့ မြန်မာလူမျိုးတွေကို အင်မတန် ချစ်တဲ့ အင်္ဂလိပ် သမိုင်းပညာရှင်ကြီးတဦးပါ။ လုစ်က
- ၁၁ ရာစုမှာ အနော်ရထာ စည်းရုံးတည်ထောင်ခဲ့တဲ့ မြန်မာနိုင်ငံကို ပထမ မြန်မာနိုင်ငံ
- ၁၅ ရာစုမှာ ဘုရင့်နောင် စည်းရုံးတည်ထောင်ခဲ့တဲ့ မြန်မာနိုင်ငံကို ဒုတိယ မြန်မာနိုင်ငံ
- ၁၈ ရာစုမှာ အလောင်းဘုရား စည်းရုံးတည်ထောင်ခဲ့တဲ့ မြန်မာနိုင်ငံကို တတိယ မြန်မာနိုင်ငံရယ်လို့ သတ်မှတ်ပြီး
- ၂၀ ရာစုမှာ ဗိုလ်ချုပ်အောင်ဆန်း စည်းရုံးတည်ထောင်ခဲ့တဲ့ မြန်မာနိုင်ငံကိုတော့ စတုတ္ထမြန်မာနိုင်ငံလို့ ဖော်ပြခဲ့ဖူးပါတယ်။
အကယ်၍သာ ပါမောက္ခကြီးလုစ် အခုအချိန်မှာ သက်ရှိထင်ရှား ရှိနေဦးမယ်ဆိုရင် ဒီကနေ့ ဒေါ်အောင်ဆန်းစုကြည် စည်းရုံးတည်ထောင်ခဲ့တဲ့ မြန်မာနိုင်ငံကိုတော့ “ပဉ္စမမြန်မာနိုင်ငံ”လို့ သတ်မှတ်ဂုဏ်ယူနေဦးမှာ အမှန်ပါပဲ။


PhotobucketPhotobucket

..နာလဲထောင်ဒယ်....(ဂျို)

UDP update


Voice of Burma (5 April 2009)


မြန်မာသက္ကရာဇ် ၁၃၇၁-ခုနှစ်အတွက် သူရိယသိဒ္ဓန္တ မဟာသင်္ကြန်စာ


မဟာသင်္ကြန်ကျချိန် - ၁၃၇၀-ပြည့်နှစ်၊ နှောင်းတန်ခူးလပြည့်ကျော် (၅) ရက်၊
ခရစ်နှစ် ၂၀၀၉ ခု၊ ဧပြီလ (၁၄) ရက်၊အင်္ဂါနေ့၊ မြန်မာစံတော်ချိန် နံနက်စက်
(၃) နာရီ (၁၅) မိနစ်၊ (၃၆) စက္ကန့်။
မဟာသင်္ကြန်အကြတ်ရက် - ၁၃၇၀-ပြည့်နှစ်၊ နှောင်းတန်ခူးလပြည့်ကျော် (၆) ရက်၊
ခရစ်နှစ် ၂၀၀၉ ခု၊ ဧပြီလ (၁၅) ရက်၊ ဗုဒ္ဓဟူးနေ့။
မဟာသင်္ကြန်တက်ချိန် - ၁၃၇၀-ပြည့်နှစ်၊ နှောင်းတန်ခူးလပြည့်ကျော် (၇) ရက်၊
ခရစ်နှစ် ၂၀၀၉ ခု၊ ဧပြီလ (၁၆) ရက်၊ ကြာသပတေးနေ့၊ မြန်မာစံတော်ချိန်
နံနက်စက် (၇) နာရီ၊ (၂၀) မိနစ်၊ (၁၈) စက္ကန့်။
နှစ်ဆန်းတစ်ရက် - ၁၃၇၁-ခု၊ တန်ခူးလပြည့်ကျော် (၈) ရက်၊ ခရစ်နှစ် ၂၀၀၉ ခု၊
ဧပြီလ (၁၇) ရက်၊ သောကြာနေ့။ (သုဒ္ဓဒိန် - ၁)။

ဇေယျတု သဗ္ဗမင်္ဂလံ။ ။ သုဝဏ္ဏမယံ၊ ဖလိက ပဋိစ္ဆန္နံ သမပဏ္ဏာ သယောဇနာယာမ၀ိတ္ထာရံ၊
သူရိယဿ ဒေသပုတ္တဿ ၀ိမာနံ၊ သူရိယမဏ္ဍလံ နာမ။ ယင်းသို့မိန့်မှာ၊ ဌကထာတည့်၊
ကျမ်းလာပါဌ်ရင်း၊ ဓိပ္ပာယ်လင်းသော်၊ အတွင်းခန်းသာ၊ ရွှေပိန်းကာသည့်၊
ထိန်ဝါတင့်ဖြီး၊ ရွှေဖြင့်ပြီး၍၊ ရံဆီးဘုံပ၊ ဖန်သားခလျက်၊ လုံးဝယူဇာနာ၊
ငါးဆယ်ဖြာနှင့်၊ သင်္ချာအ၀န်း၊ တွက်ရေညွှန်းသော်၊ အစွန်းငါးဆယ်၊
တစ်ရာသွယ်သည့်၊ နေနွယ်ဝံသ၊ အာဒိစ္စဟု၊ ဒေ၀ဗိမာန်၊ ဘုံယာဉ်ပျံကို၊
ရည်သန်သမှု၊ ခေါ်ဝေါ်ပြုသား၊ လောကုပစာ၊ သူရိယာဟု၊ နာမာပညတ်၊ နေပြာသာဒ်မှ၊
သဟဿရောင်၊ ခြည်တစ်ထောင်ဖြင့်၊ ထိန်ပြောင်ပ၀င်း၊ သုံးကျွန်းလင်းသည့်၊
တနင်္ဂနွေခေါ်ဆို၊ ထိုသည့်ဂြိုလ်သည်၊ အဟိုပထမ၊ ကပ်ဦးစက၊ မိဿရာသီ၊
အာဒိချီလျက်၊ ဿဝနီမှတ်၊ ထိုနက္ခတ်၏၊ ပါဒ်ပထမ၊ ယှဉ်ပြိုင်ကြလျက်၊
လှည့်ကြွမြန်းရာ၊ နက္ခတ်သာကို၊ မှီပါနိုင်ပဲ၊ သို့ဖြစ်မြဲကြောင့်၊
နောက်ဆွဲပါဒ၊ ဒုတိယနှင့်၊ ယှဉ်ရပြန်ရာ၊ ဤခြင်းရာဖြင့်၊ ပစ္စာဝါဒ၊
နက္ခတ္တနှင့်၊ ဌာနရာသီ၊ ဆယ့်နှစ်လီ၌၊ စဉ်စီယှဉ်ရ၊ သို့ကိစ္စမှာ၊
မာသချင့်ထောက်၊ မိန်သို့ရောက်၍၊ နောက်အ၀ဿန်၊ န၀င်းမှန်မှ၊ တစ်ဖန်မိဿ၊
အစန၀င်း၊ ပြောင်းယှဉ်ခြင်းဖြင့်၊ စက်ကွင်း - ၁ ရစ်၊ ၁-ပတ်ခေတ်ကို၊
၁-နှစ်အရ၊ သင်္ကြန်ကျဟု၊ ဌာနမြန်ပြည်၊ သမုတ်သည်ကို၊ အတည်တွက်ဆ၊ သင်္ကေတကား၊
ခဆပဉ္စာ၊ သက္ကရာကို၊ ရာဇာကြငှန်း၊ စောရဟန်းတည့်၊ ကိန်းခန်းချေရစ်၊
အစနှစ်မှ၊ မဇ္စျေဌာနီ၊ နေပြည်တော်ထိ၊ သွယ်ညှိယူလစ်၊ တွက်စစ်ကောဇာ၊
နှစ်သင်္ချာကား၊ ၁၃၇၀-ပြည့်နှစ်၊ နှောင်းတန်ခူးလပြည့်ကျော် ၅-ရက်၊
ခရစ်နှစ်၊ ၂၀၀၉-ခု၊ ဧပြီလ၊ ၁၄-ရက်၊ အင်္ဂါနေ့၊ မြန်မာစံတော်ချိန်၊
နံနက်စက်၊ ၃-နာရီ၊ ၁၅-မိနစ်၊ ၃၆-စက္ကန့်၊ မြန်မာပဟိုရ်ညဉ့်
၃-ချက်တီးကျော်၊ ၀-နာရီ၊ ၃-ပါဒ်၊ ၄-ဗီဇနာ၊ ၃-ပြာဏ်၊ ၄-ခရာအချိန်၊
ကုမ်ရာသီလဂ်၊ ဗြိစ္ဆာရာသီစန်း၊ တနင်္ဂနွေဟောရတ်၊ ဗုဒ္ဓဟူးတြင်း၊ စနေန၀င်း၊
ဗုဒ္ဓဟူးဒွါဒသင်း၊ ကြာသပတေးတိံသင်း၊ နက္ခတ် ၂၃-လုံး၊ ၁-ပါဒ်၊ ၆-ဃဋီ၊
၁၆-၀ိဃဋီ၊ ၁၈-အနုဃဋီပြည့်ထက်၊ လဂ်စီးလျက်၊ ထိုနာရီ၏
မွန်းတည့်နက္ခတ်သော်ကား၊ ဇေဠနက္ခတ်တွင် ၂၂၈-အံသာ၊ ၁၁-လိတ္တ၊
၃၄-၀ိလိတ္တာစီးလျက်၊ ဗလ၀ကရိုဏ်းနှင့်ယှဉ်၍၊ ဘာနုရာဇာမည်သော
တနင်္ဂနွေဂြိုလ်မင်းသည် ဇင်ရွေးနီအဆင်းနှင့်တူသော အ၀တ်တန်ဆာကိုဝတ်ဆင်လျက်၊
ဂဠုန်ကိုစီး၍ လက်တစ်ဘက်ကား သန်လျက်၊ လက်တစ်ဘက်ကား တံစဉ်ကိုင်၍၊
မြောက်ကသည် အရှေ့တောင်ထောင့်သို့ဝင်၏။ ဓံနီနတ်သမီးကား အလှည့်စေ့၍၊
ပရမိသွာနတ်မင်း၏သား “အာသီ” အမည်ရှိသော ဗြဟ္မာမင်း၏ဦးခေါင်းကို
ကမ်းသည်ရှိသော် ဃောရဿနတ်သမီးကား မှောက်ခုံနေ၍ လှမ်းလင့်၏၊
မဟောရကာဒေ၀ီနတ်သမီးကား အဖြူ၊ အနီ၊ အစိမ်း၊ အပြာ၊ အ၀ါ အားဖြင့်
ငါးပါးသောအဆင်းဖြင့်ပြီးသော အ၀တ်တန်ဆာကိုဝတ်ဆင်လျက်
သင်္ကြန်မင်းကိုစောင့်လင့်၏။ မိုးဦးတန့်အံ့၊ မိုးလယ်၊
မိုးနှောင်းကောင်းအံ့၊ ကျိုင်း၊ ပိတုန်း စသော အတောင်ရှိသောသတ္တ၀ါတို့
ထူကုန်အံ့၊ ကမ္ဘာပေါ်၌ စစ်မက်များအံ့၊ ပြည်ရွာမီးလောင်ဖန်များအံ့၊ စပါး၊
အသီးအနှံမြောက်အံ့၊ ပဒေသရာဇ်စနစ်ဖြင့်အုပ်ချုပ်သောန
ိုင်ငံများ
ပျက်သုဉ်းအံ့၊ အုန်းသီး၊ ငရုတ်ရှားအံ့၊ ဤကား သင်္ကြန်ကျအဟောတည်း။

သင်္ကြန်သုံးပါးတို့တွင် သမန္တသင်္ကြန်ဖြစ်သောကြောင့် သင်္ကြန်ကျပြီးနောက် (၂၄)
မိနစ်ရောက်သောအချိန်၌ ဦးခေါင်းဆေးမင်္ဂလာပြုရာ၏။ ဤကား အများနှင့်ဆိုင်သော
သမညအခါပေတည်း။ အသီးအသန့် ၀ါသေသအခါပေးကား သင်္ကြန်မြေခံသော
သင်္ကြန်ကျသည့်အချိန်တွင် တိထီ ၃-လုံး၊ ၅၂-ဃဋီ၌ ဣဋ္ဌသောကြာမြေခံဖြစ်၏။
သို့ဖြစ်၍ ယင်းတိထီမြေခံဆိုင်ရာမှာ သောကြာနေ့ဖြစ်ပြီး သင်္ကြန်ကျသည့်ရက်မှာ
အင်္ဂါနေ့ဖြစ်၏။ သို့ဖြစ်ရာ အင်္ဂါနေ့နှင့် သောကြာနေ့သားသမီးတို့မှအပ
ကြွင်းကျန်ကုန်သောနေ့သားသမီးတို့သည်။ မိမိတို့၏နေ့အလိုက် ပဟပတိအရပ်ကား
တနင်္ဂနွေသားသမီးများအတွက် မိမိမွေးနံကျရာ တနင်္ဂနွေအရပ်ဖြစ်သော
အရှေ့မြောက်ထောင့်အရပ်ကို ပရိဝါရမှဆက်၍ အာယု၊ နဂရ၊ ဘုမ္မိ၊ ဂဟေပတိ-
ဟုရေတွက်၍ လက်ယာရစ်အားဖြင့် အရပ်မျက်နှာကို လှည့်၍ယူရာတွင်
အနောက်တောင်ထောင့်အရပ်သည် ဂဟပတိအရပ်ဖြစ်သည်။ ထို့ကြောင့်
တနင်္လာသားသမီးကား- အနောက်အရပ်၊ ဗုဒ္ဓဟူးသားသမီးကား- မြောက်အရပ်၊
ကြာသပတေးသားသမီးကား- အရှေ့၊ စနေသားသမီးကား- အရှေ့မြောက်ထောင့်၊
ရာဟုသားသမီးကား- အရှေ့တောင်အရပ်များသို့ မျက်နှာမူပြီးလျှင်
မိမိတို့နံ၏အမြစ်ဖြစ်သော တနင်္ဂနွေကား-ဒန်း၊ တနင်္လာကား-အုန်း၊
ဗုဒ္ဓဟူးကား-မြေစာ၊ ကြာသပတေးကား-ချယား၊ စနေကား-သီး၊ ရာဟုကား-မြေစာ၊
အမြစ်နှင့် နံတူပန်းညွန့်တို့ကိုနင်းကြမ်းပြု၍ မိမိတို့နံ၏အညွန့်ပန်း
တနင်္ဂနွေကား-ကံ့ကော်၊ တနင်္လာကား-မြေစာ၊ ဗုဒ္ဓဟူးကား-သပြေ၊ ကြာသပတေးကား-သီး၊
စနေကား-အုန်း၊ ရာဟုကား-သပြေ ဟူသော နံတူပန်းပွင့်/ပန်းညွန့်တို့ကို
အသီးသီးဆောင်လျက် ရတနာသုံးပါး၊ မိဘဘိုးဘွား၊ ဆရာသမား၊ သိကြား ဗြဟ္မာ
စတုလောကပါလ သာသနာတောင်စောင့် သမ္မာဒေ၀နတ်မြတ်နတ်ကောင်းတို့ကို
ပူဇော်ကန်တော့ပြီး မိမိတို့လိုရာ ဆန္ဒကိုဆုတောင်း၍ ဦးခေါင်းဆေးမင်္ဂလာ
ပြုကုန်ရာသည်။

သင်္ကြန်အကျ မြေခံနေ့သားသမီးများဖြစ်သော သောကြာနေ့သားသမီးတို့သည်
မိမိတို့၏ဂဟပတိအရပ်ဖြစ်သော တောင်အရပ်ရှိသစ်ပင်ရင်း၌
မိမိတို့နံ၏အမြစ်ဖြစ်သော သပြေကိုအခင်းပြု၍၊ မိမိတို့နံ၏ အညွန့်ဖြစ်သော
ဒန်းပန်းကိုဆောင်လျက် သင်္ကြန်အကျဂြဟဇာပွင့်ရာ အောက်အရပ်သို့
မျက်နှာမူပြီးလျှင် ဦးခေါင်းဆေးမင်္ဂလာပြုကုန်ရာသည်။

သင်္ကြန်အကျနေ့သည် အင်္ဂါနေ့ဖြစ်ရာ အင်္ဂါသားသမီးတို့သည် သင်္ကြန်အကြတ်ရက်ဖြစ်သော
ဗုဒ္ဓဟူးနေ့၌ ဂဟပတိအရပ်ဖြစ်သော အနောက်မြောက်သစ်ပင်ရင်း၌ မိမိတို့အင်္ဂါ၏
အမြစ်နေ့နံဖြစ်သည့် ကံ့ကော်ညွန့်ကိုခင်း၍ မိမိတို့နံညွန့်ပန်းဖြစ်သော
ချယားညွန့်ဆောင်ပြီးလျှင် ဂြဟဇာပွင့်ရာ သင်္ကြန်အကြတ်ဂြဟဇာအရပ်ဖြစ်သော
အရှေ့အရပ်သို့မျက်နှာမူပြီးလျှင် ရတနာသုံးပါး၊ မိဘဆရာ၊ ဗြဟ္မာသိကြား၊
စတုလောကပါလ သာသနာတော်စောင့် နတ်ကောင်းနတ်မြတ်တို့အား
လိုသောဆုတောင်းပြီးလျှင် ဦးခေါင်းဆေးမင်္ဂလာပြုကြကုန်ရာ၏။

ဦးခေါင်းဆေးအကျိုးကား - သင်္ကန္တေ၊ သင်္ကြန်ဟုခေါ်ဝေါ်အပ်သော
တနင်္ဂနွေဂြိုလ်မင်းသည်။ ပုဏ္ဏမေ၊ အံသာ(၃၆၀)ရသဖြင့်၊ တစ်ဘဂဏပြည့်၍၊
မိန်ရာသီအ၀သာန်န၀င်းမှ မိဿရာသီအာဒိန၀င်းသို့ ပြောင်းခဲ့သည်ရှိသော်။ ဣဓ၊
ဤလူ့ပြည်၌၊ မာဏ၀ါ၊ သတ္တ၀ါဟုခေါ်ဝေါ်အပ်ကုန်သော မနုဇာ၊ လူအပေါင်းတို့သည်။
သိရာ၊ ဦးခေါင်းဆေးကုန်ရာ၏၊ တေသံ၊ ထိုဦးခေါင်းဆေးကုန်သောသူတို့အား။
သတ္တဘာဂီ၊ ခုနှစ်နှစ်ကဖြစ်ကုန်သော။ ရောဂီ၊ အနာမျိုးတို့သည်။ ၀ိနာသေယျုံ၊
ကင်းပျောက်ကုန်ရာ၏။ သုခဘာဂီ၊ ချမ်းသာခြင်း၏အဖို့ဖြစ်ကုန်သော သတသဟဿာနိ၊
တစ်သိန်းသောအကျိုးတို့သည်။ ဘ၀ယျုံ၊ ဖြစ်ကုန်ရာ၏။
သင်္ကြန်အခါ ရှောင်ကျဉ်ရန်အမှုများကား “နရာနံ မေထုနံ သုရာ၊ ၀ဓကောဓေန တေလတာ။
ရုက္ခဆေဒါ ဟနန္တဿ၊ ကိဏေယျ ၀ိက္ကိဏေယျ ၀ါ။ ဣမာနိ ဒသကမ္မာနိ၊ သက္ကောပိ
ပရိဝဇ္ဖယျေ” ဟုဆိုသောကြောင့် မင်္ဂလာစကား၊ လင်္ကာကြားအံ့၊ ကြောင်းလျားစုံစေ့၊
သင်္ကြန်နေ့၌၊ မတွေ့ဝေးစွာ၊ ရှောင်ကုန်ရာသား၊ မသာနှလုံး၊
ညှိုးချုံးစိုးရိမ်၊ မငြိမ်ပူဆွေး၊ ငိုကြွေးကုန်ထ၊ ကာမအရာ၊ မေထုနာနှင့်၊
ပါဏာသတ်ပုတ်၊ သောက်ထုတ်သေရက်၊ မျက်ထွက်မာန၊ ပဋိဃနှင့်၊ ဒေါသမလွတ်၊
ဆီပွတ်လိမ်းဆင်၊ သစ်ပင်ခုတ်ဖြတ်၊ သတ်ခတ်ကုန်ရှောင်း၊ အရောင်းအ၀ယ်၊
လဲလှယ်ဟူသည် ဤဆယ်မည်ကို၊ လူ့ပြည်လူ့ခွင်၊ လူကိုစင်ထား၊
မြင့်မိုရ်ဖျားဝယ်၊ သိကြားသော်မှ၊ မပြုရရှာ၊ ရှောင်ကြဉ်ရာဟု၊
ကျမ်းလာသော်အား၊ လင်္ကာကြားသည်၊ ဤကားမဟာသင်္ကြန်အလိုတည်း။

တနင်္ဂနွေသားသမီးတို့သည်။ ။ ဤနှစ်တွင် မည်သည့်ကိစ္စကိုမဆို
အလွယ်တကူကတိမပေးသင့်ပေ၊ စိတ်ပျံ့လွင့်မှုမရှိဘဲ
လိမ္မာပါးနပ်တည်ငြိမ်စွာနှင့်လုပ်ကိုင်လျှင် အောင်မြင်ဖြစ်ထွန်းအံ့၊
မိတ်ကောင်ဆွေကောင်းတို့ကြောင့် မျှော်မှန်းထားသည်ထက် အောင်မြင်မှုရရှိအံ့၊
အိမ်ခြံမြေအမွေအနှစ်ရရှိအံ့၊ ရင်းနှီးမြှုပ်နှံမှုကို
မမှားအောင်ဂရုစိုက်သင့်သည်။ အိမ်ထောင်ရေးတွင် အိမ်ထောင်ဖက်ဆွေမျိုးများ၏
ထင်မြင်လွဲမှားမှုခံရအံ့။ အင်္ဂါနံ၊ စက်ပစ္စည်းဝင်အံ့၊ အကျိုးရှိအံ့၊
ကြာသပတေး၊ အင်္ဂါသားသမီးတို့၏ကူညီမှုကြောင့် များစွာအောင်မြင်အံ့၊
တရားဥပဒေနှင့်မကင်းသောကိစ္စများအတွက် သောကကြုံရအံ့၊ ငွေကုန်ကျမှု၊
ရင်းနှီးမြှုပ်နှံမှုများသလောက် အကျိုးမခံစားရ၊ သတိပြုသင့်သည်။
ကားနှင့်ပတ်သက်၍ အကျိုးအမြတ်နည်းမည်။

တနင်္လာသားသမီးတို့သည်။ ။ ဤနှစ်တွင် ကျန်းမာရေးညံ့တတ်အံ့၊
ကြာသပတေးသားသမီး၏အကူအညီကြောင့် အိမ်၊ခြံ၊မြေ အကျိုးအမြတ်ရှိအံ့၊ ၀င်အံ့၊
အင်္ဂါနံ စက်၊ဆန်၊ဆီ၊ စိန်ဝင်အံ့၊ မိတ်ဆွေနှင့်ပတ်သက်၍ ရွှေ၊
ရေလုပ်ငန်းအောင်မြင်မှုရရှိအံ့၊ ဗုဒ္ဓဟူးသားသမီးနှင့်
မိခင်နှင့်တူသောပုဂ္ဂိုလ်များ၏ ကူညီမှုတို့ကြောင့်
ပိုမိုအောင်မြင်မှုရရှိအံ့။ ငွေကုန်ကြေးကျများအံ့၊ တနင်္လာသားသမီးတို့နှင့်
ပူးပေါင်းဆောင်ရွက်မှုကြောင့် မမျှော်လင့်သောဆုံးရှုံးမှုပေါ်အံ့၊
ရေလမ်းခရီးဘေးတွေ့တတ်သော်လည်း အန္တရာယ်မရှိနိုင်ပါ၊ လုပ်ငန်းများတွင်
လုပ်ဆောင်မှုအားနည်းမှုကြောင့် အထင်လွဲမှုကြုံရအံ့၊
ဆန္ဒစော၍လုပ်ဆောင်မှုများကို သတိပြုရအံ့။

အင်္ဂါသားသမီးတို့သည်။ ။ဤနှစ်တွင်ရာထူးတိုးအံ့၊ လုပ်ငန်းကိစ္စများတွင်
အထင်လွဲမှားမှုများကြောင့် ကြန့်ကြာမှုကြုံရခြင်းကို
သတိနှင့်လုပ်ဆောင်သင့်သည်။ မိမိ၏ဆောင်ရွက်မှုများကြောင့်
အများလေးစားကြည်ညိုမှုခံရအံ့၊ မိမိအောက်လူများကူညီမှုကြောင့်
မြေ၊အမွေအနှစ်ရအံ့၊ ၀င်အံ့၊ အိမ်တွင်းရေး၊ မိသားစုရေးကိစ္စများတွင်
စိတ်ရှည်စွာဖြေရှင်းဆောင်ရွက်မှုကြောင့် အောင်မြင်မှုရရှိအံ့၊ အယူဝါဒရေးရာ
ဆောင်ရွက်ရာတွင် ဆန္ဒစောမှုများကြောင့် အထင်အမြင်လွဲမှုကြုံအံ့၊
ကြာသပတေးသားသမီး၊ ပညာရှင်ကြီးကဲသူတို့၏ ကူညီပံ့ပိုးမှုကြောင့်
အောင်မြင်မှုပိုမိုရရှိအံ့၊ အချစ်ရေး စန်းပွင့်အံ့၊ ပညာရေးတွင်
ကြိုးစားသလောက်အောင်မြင်မှုရရှိအံ့၊ ငွေအတွက်သောကကြုံ၍ ကြာသပတေးသားသမီး
ကူညီမှုဖြင့်အောင်မြင်မည်။ ဆီးရောဂါ၊ ခါးနာရောဂါဝေဒနာဖြစ်အံ့။

ဗုဒ္ဓဟူးသားသမီးတို့သည်။ ။ဤနှစ်တွင် ဆန်၊ဆီ၊ဆေး၊ဆား၊စွမ်းအင်၊
စက်မှုအလုပ်အကိုင်းများ တိုးချဲ့လုပ်ကိုင်လျှင် အောင်မြင်မှုရရှိအံ့။
အင်္ဂါသားသမီးတို့နှင့် ပူးပေါင်းဆောင်ရွက်ခြင်း၊ အကြံဥာဏ်ယူ၍
ဆောင်ရွက်ခြင်းတို့ကြောင့် ကြီးမားသောအောင်မြင်မှုကိုရရှိအံ့။
မိမိနှင့်ရင်းနှီးသော စနေ၊ တနင်္ဂနွေသားသမီးတို့၏
အထင်အမြင်လွဲမှားမှုကြုံရအံ့၊ အိမ်ထောင်ရေးတွင် ဆွေမျိုးများကြောင့်
သဘောကွဲလွဲမှုကြုံရအံ့၊ အလုပ်ပင်ပန်းသလောက် အကျိုးခံစားရအံ့၊
အပေါင်းအသင်းမိတ်ဆွေတို့အပေါ် အကူအညီပေးရအံ့။
ဆုံးရှုံးမှုကြုံသောငွေကြေးများ ရင်းနှီးသောမိတ်ဆွေ၏ကူညီမှုကြောင့်
သက်သာမှုရအံ့။

ကြာသပတေးသားသမီးတို့သည်။ ။ဤနှစ်တွင် အောင်မြင်ဖြစ်ထွန်းအံ့၊ အင်္ဂါနံစက်၊
စက်ပစ္စည်း၊ ယာဉ်၊ ကား၊ အကျိုးပေးအံ့၊ အိမ်၊ ခြံ၊ မြေ ၀င်အံ့၊
အကျိုးခံစားရအံ့၊ လုပ်ငန်းကိစ္စများတွင် သတိကင်းလွတ်ပါက
ငွေကြေးဆုံးရှုံးမှုရှိအံ့၊ ကျန်းမာရေးကောင်းအံ့၊ ဂုဏ်သတင်းကျော်ကြားအံ့၊
အိမ်တွင်းရေး၊ မိသားစုရေး ရှုပ်ထွေးမှုရှိအံ့၊ ပညာရေးတွင်
မိမိမျှော်မှန်းထားသလို အောင်မြင်မှုရရှိအံ့၊ စက်မှုပညာ၊ နည်းပညာရပ်များ၊
ကွန်ပျူတာပညာရပ်တို့တွင် ပိုမိုတိုးတက်အောင်မြင်မှုရရှိအံ့၊ အချစ်ရေးတွင်
အဆင်ပြေမှုရှိအံ့၊ စန်းပွင့်အံ့၊ မိသားစုအတွက် စိတ်သောကကြုံ၍
ငွေကုန်ကျမှုများအံ့၊ သည်းခံနိုင်ဖွယ်သာ ပြဿနာများအား သည်းခံလျှင်
အောင်မြင်ကျော်လွှားမည်။

သောကြာသားသမီးတို့သည်။ ။ဤနှစ်တွင် အနှောင့်အယှက်၊ အတိုက်အခံတို့နှင့်
လုပ်ငန်းတိုးတက်ရအံ့၊ အိမ်တွင်းရေးအညံ့ကြုံအံ့၊ စိတ်ကူးစိတ်သန်းများကို
အကောင်အထည်ဖော်လုပ်ဆောင်ရာတွင် နှောင့်နှေးကြန့်ကြာမှုကြုံတွေ့ပြီး
အောင်မြင်မှုရရှိအံ့၊ အိမ်ထောင်ရေးတွင် အထင်လွဲမှုခံရအံ့၊
စိတ်မချမ်းမြေ့ဖွယ်များတွေ့ရအံ့၊ စပ်တူရှယ်ယာလုပ်ငန်းများကြောင့်
ဆုံးရှုံးမှုဖြစ်ပေါ်အံ့၊ အိမ်ထောင်ဖက် ကျန်းမာရေးချို့တဲ့အံ့၊
အချစ်ရေးတွင် အထင်လွဲမှုကြုံရအံ့၊ ပညာရေးတွင် စိတ်ပျံ့လွင့်မှုထိန်းသိမ်းကာ
ကြိုးစားပါက အောင်မြင်မှုရရှိအံ့။

စနေသားသမီးတို့သည်။ ။ဤနှစ်တွင် လုပ်ငန်းကိစ္စများ၌ စေတနာ၊
အနစ်နာခံမှုတို့ကြောင့် ပိုမိုတိုးတက်အောင်မြင်အံ့၊ လူလိမ်၊
ငွေလိမ်ခံရအံ့၊ မျှော်မှန်းထားသလောက် လုပ်ငန်းကြီးများကို
အောင်မြင်အောင်လုပ်ဆောင်နိုင်အံ့။ အောက်လက်ငယ်သားတပည့်တပန်းအတွက်
စိတ်ညစ်ရအံ့၊ ဗုဒ္ဓဟူးသားသမီးတို့၏ ကူညီပံ့ပိုးမှုကြောင့်
အောင်မြင်မှုရရှိအံ့။ အချင်းချင်းသစ္စာဖောက်မှုကြုံရအံ့။ ကျန်းမာရေးတွင်
ဆီး၊ ကျောက်ကပ်ဝေဒနာဖြစ်အံ့၊ အချစ်ရေးတွင် သဘောထားကွဲလွဲမှုဖြစ်နိုင်၍
စိတ်ရှည်စွာထားသင့်သည်။

သင်္ကြန်အတာတက်အံ့သောအခါကား။ ။မြန်မာသက္ကရာဇ် ၁၃၇၀-ပြည့်နှစ်၊
နှောင်းတန်ခူးလပြည့်ကျော် ၇-ရက်၊ ခရစ်နှစ်၊ ၂၀၀၉ ခု ဧပြီလ ၁၆ ရက်
ကြာသပတေးနေ့ မြန်မာစံတော်ချိန် နံနက် စက်နာရီ ၇-နာရီ ၂၀ မိနစ် ၁၈ စက္ကန့်၊
မြန်မာပဟိုရ်၊ နံနက် ၄ ချက်တီးကျော်၊ ၄နာရီပါဒ်ပြည့်၊ ၅ ဗီဇနာ၊ ၂-ပြာဏ်၊
၇ ခရာအချိန် မိဿရာသီလိဂ်၊ ဓနုရာသီဆန်း၊ တနင်္လာဟောရတ်၊ ကြာသပတေးတြင်း၊
ကြာသပတေးန၀င်း၊ ကြာသပတေးဒွါဒသင်း၊ သောကြာတိံသင်း၊ နက္ခတ် ၂ လုံး၊
ပါဒ်ပြည့်၊ ဃဋီပြည့်၊ ၁၀-၀ိဃဋီ၊ ၁-အနုဃဋီထက် လဂ်စီးလျက် ထိုနာရီ၏
ဣဋ္ဌဘ၀ါးသော်ကား ၁၅-ဘ၀ါး၊ ၁၂-လက်သစ်၊ ၂-မုယော ၂-နှမ်း ၂-ဆံခြည်တွင်
ဗိသျှတိကရိုဏ်နှင့်ယှဉ်လျက် သီရိသူရိယသိဒ္ဓန္တ သံဒိဋ္ဌ ကြမတ္တ
ဗိုလ်ပြိုသည်နှင့်အညီ၊ သညီဝေါဟာ၊ အတာနှစ်သစ် သက္ကရာဇ်
၁၃၇၀-ခုနှစ်ပြည့်သည်ဖြစ်၍ အတာတက်သည် အတာသင့်သော ကြာသပတေးသားသမီးတို့သည်
အတာတက်သောအချိန်၌ ရတနာ ၇ ပါးဖြင့်ဆင်ယင်၍ မြတ်သောနေရာမှ ဘုရား၊တရား၊သံဃာ
ရတနာသုံးပါး၊ မိဘဘိုးဘွား၊ ဆရာသမား၊ ဗြဟ္မာသိကြား၊ စတုလောကပါလ
သာသနာတော်စောင့် သမ္မာဒေ၀နတ်ကောင်းနတ်မြတ်တို့အား မိမိတို့ဆန္ဒရှိသော
ဝတ္ထုပစ္စည်းတို့အား လှူဒါန်းပူဇော်ပသ၍ တိထိမြေခံအင်္ဂါ၏
ဂြဟဇာပွင့်ရာအရပ်ဖြစ်သော အရှေ့တောင်အရပ်သို့ မျက်နှာမူပြီးလျှင်
အတာစားကုန်ရာသည်။

အတာစားခြင်း၏အကျိုးကား။ ။အတာပုည ကုသလကို ပြကြကုန်သော အမျိုးသား
အမျိုးသမီးတို့သည် “အတာကမ္မံ ကရောန္တဿ မဟာဘောဂံ မဟာသုခံ မဟပ္ဖလံ စတုဒ္ဒိသံ
ဝေရီဇေယျသုမင်္ဂလံ” ဟု ပသေနဒီကောသလမင်းကြီးအား
မြတ်စွာဘုရားဟောကြားတော်မူသည်ကို အကြောင်းပြု၍ ထိုကဲ့သို့
ရတနာသုံးပါးစသည်တို့အား လှူဒါန်းပူဇော်ကြသောသူတို့သည်
ကောင်းကျိုးချမ်းသာမင်္ဂလာတရား ပြန့်ပွားတိုးတက်ပြည့်စုံကုန်ရာသည်။
အတာဆန်းထူး နှစ်ဟောင်းကျူး၍ တန်ခူးလည်သည် နှစ်အမည်ကား ဇေယျနှစ်တည်း
နှစ်ကို နွားလား ဥသဘစောင့်၏ လ ကိုကျေးစောင့်၏။ ရက်ကို
ဒက္ခရက်ဘီလူးစောင့်၏။ မြေကို ကုမ္ဘာဏ်ဘီလူးစောင့်၏။ ကောင်းကင်ကို
ဗိဿနိုးစောင့်၏။ ရေကိုကြွက်စောင့်၏။ မိုးကို ကြက်စောင့်၏။ တောကို
စင်ရော်ငှက်စောင့်၏။ လူတို့၏အဓိပတိကား မင်း၊ အခြေလေးခုတို့၏ အဓိပတိကား
နွား၊ ငှက်တို့၏အဓိပတိကား ကျေး၊ သစ်ပင်တို့၏ အဓိပတိကား ထိန်၊
ဝါးတို့၏အဓိပတိကား မြင်ဝါး။ မြက်တို့၏အဓိပတိကား နွားမြက်ရင်း။ နက္ခတ် ၃
လုံးငုပ်၏။ ၄ လုံးပေါ်၏။ မိုးအကြိမ် ၅၀ ရွာအံ့။ မိုးဦးနည်းအံ့။
တန်ခူးလဆန်း မိုးသံကြားအံ့။ နယုန်လမှာ ရွာအံ့။ မိုးလယ်ရောက်သော်
မိုးထန်အံ့။ မိုးကြီးကျယ်စွာရွာအံ့။ ရေကြီးအံ့။ မုန်တိုင်းလာအံ့။
အခြေလေးခုရှိသော သတ္တ၀ါ၊ အတောင်ရှိသော ကျေးငှက်သတ္တ၀ါတို့သည်
ဘေးကြီးစွာဖြစ်ကုန်၍သေကုန်အံ့။ ပြည်ရွာ မီးလောင်ဖန်များကိန်းရှိသော်လည်း
ကြိုတင်ကာကွယ်မှုစနစ်များကောင်းမွန်ခြင်းကြောင့် အဖြစ်နည်းအံ့။
လူတို့အနာအဖျား များကုန်အံ့။ သစ်မြစ်၊ သစ်ဖု၊ သစ်သီး၊ အလုံးကြီးအံ့။
ဥတ္တရ၊ ဧသံ၊ အဂ္ဂိအရပ်မှာရှိသော ပြည်ရွာတို့သည် သုဉ်းကုန်အံ့။
ရှားပါးငတ်မွတ်အံ့။ ထိုနှစ်ဖွားသော သားကား အဆင်းလှအံ့။ ပညာရှိအံ့။
ဟူးရားသမားတတ်အံ့။ ချမ်းသာရအံ့။ အသက် ၇၀ နေရအံ့။ ဤကား အတာစက္ခုအလိုတည်း။
မိုးလအခါ သီရိန္ဒြအမည်ရှိသောနတ်သားသည် အညို၊ အပြာ၊ အစိမ်း၊ အမောင်း၊
အမည်းအားဖြင့် ငါးပါးသောအဆင်းဖြင့်ပြီးသော အ၀တ်တန်ဆာ၊
ရတနာ(၇)ပါးဖြင့်ပြီးသော ဘယက်တန်ဆာ နားဋောင်းမကိုဋ်သရဖူတို့ကို
ဝတ်ဆင်ပြီးသော် အလျား ၂ ဥသဘရှိသည့် အရောင်တို့ဖြင့် ထွန်းလင်းတောက်ပသော
သန်လျက်ကို လက်ယာလက်ဖြင့်ကိုင်လျက် လက်ဝဲလက်ဖြင့် မိုးရေကိုဆောင်၍
စကြ၀ဠာတိုက်အလုံးကိုနှံ့စေပြီး လူမျိုးအများ သားငါးတိရစ္ဆာန်တို့ကို
သနားကြင်နာမေတ္တာထား၍ တစ်နှစ်တစ်ခါ ကမ္ဘာ့တန်ဆာဖြစ်သော မိုးတင်းများကို
ကယ်တင်ထောက်ပံ့သည်ကား လူ့ပြည်၌ ၄ တင်း၊ သတ္တရဘန်၌ ၁ တင်း၊ ဟိမ၀န္တာ၌ ၁
တင်း၊ ကောင်းကင်၌ ၀ တင်း၊ သမုဒ္ဒရာ၌ ၅ တင်းဖြစ်ရာ လူ့ပြည်၊ သမုဒ္ဒရာတို့၌
မိုးတင်းများသောကြောင့် ၀ပြောသာယာအံ့။ မိုးကောင်းအံ့။
တိမ်တောင်နဂါးပွက်များအံ့။ နဂါးတို့မြူးတူးခြင်း လွန်ကုန်အံ့။
ငါးကြီးသားကြီးအသေများအံ့။

ဖောက်ပြန်ရေးဝါဒီတွေကို တားဆီးကြစို့ 

တော်လှန်ရေးတရပ်ဟာ အကျဉ်းအကြပ်ထဲရောက်နေချိန်မျိုး၊ တိုက်ပွဲ အီနေချိန်မျိုးမှာ ရပ်တည်ချက်မခိုင်မာသူတွေ၊ ရဲဘော်ရဲဘက်စိတ်ကင်းမဲ့သူတွေ၊ ယုံကြည်ချက်ကို ရောင်းစားလိုသူ တွေဟာ ကိုယ်တိုင် ဆန့်ကျင်ခဲ့တဲ့ ရန်သူထံမှာ ဒူးထောက်အညံ့ခံကြတာချည်းဖြစ်တယ် ဆိုတာကို လက်နက်ကိုင် တိုင်းရင်းသားအင်အားစုတွေ၊ဒီမိုကရေစီအင်အားစုတွေထဲမှာ ထင်ရှားစွာမြင်တွေ့ ရပါတယ်။


မြန်မာပြည်ရဲ့  ခေတ်၊စံနစ် တိုင်းမှာ ဖောက်ပြန်ရေးသမားတွေ၊အသားထဲကလောက်တွေ၊သစ္စာဖောက်တွေဟာ မြောက်များစွာပေါ်ထွက်ခဲ့ကြပါတယ်။ နောက်ဆုံးတော့ သူတို့ အားလုံးဟာ ပုတ်ပွနံစော်နေတဲ့ သမိုင်းရဲ့ အမှိုက် သရိုက်တွေ အဖြစ်နဲ့ ပဲ နိဂုံးချုပ်ခဲ့ရပါတယ်။ တော်လှန်ရေးတရပ်ဟာ အကျဉ်းအကြပ်ထဲရောက်နေချိန်မျိုး၊ တိုက်ပွဲ အီနေချိန်မျိုးမှာ ရပ်တည်ချက်မခိုင်မာသူတွေ၊ ရဲဘော်ရဲဘက်စိတ်ကင်းမဲ့သူတွေ၊ ယုံကြည်ချက်ကို ရောင်းစားလိုသူ တွေဟာ ကိုယ်တိုင် ဆန့်ကျင်ခဲ့တဲ့ ရန်သူထံမှာ ဒူးထောက်အညံ့ခံကြတာချည်းဖြစ်တယ် ဆိုတာကို လက်နက်ကိုင် တိုင်းရင်းသားအင်အားစုတွေ၊ဒီမိုကရေစီအင်အားစုတွေထဲမှာ ထင်ရှားစွာမြင်တွေ့ ရပါတယ်။
အထင်ရှားဆုံးသက်သေသာဓကတခုအနေနဲ့  ၂ဝဝ၉ခုနှစ်၊ဧပြီလ ပထမပတ်အတွင်းမှာ ရန်ကုန်မြို့  စီးတီးစတား ဟိုတယ်မှာ ကျင်းပပြုလုပ်ခဲ့တဲ့ နအဖအပေါ်ချမှတ်ထားတဲ့ ကုန်သွယ်ရေးဒဏ်ခတ်ပိတ်ဆို့ မှုတွေကို ရုတ်သိမ်းပေးဖို့  သတင်းစာရှင်းလင်းပွဲကို လှည်းတန်းကိုကိုလတ်နဲ့  ကနေဒါနိုင်ငံမှ ပြန်သွားတဲ့ ရောင်နီဦးတို့ ပြုလုပ်ခဲ့ပါတယ်။ သေချာ တာကတော့  ဒီလိုမျိုးသူတို့ လုပ်တာဟာ နအဖကောင်းစားရေးနဲ့  သူတို့ အခွင့်အရေးအတွက် လော်ဘီ(Lobby) လုပ်တာပဲဖြစ်ပါတယ်။ မြန်မာပြည်သူတွေဟာ အနောက်နိုင်ငံတွေနဲ့ ဥရောပနိုင်ငံတွေ ကုန်သွယ်ရေးဒဏ်ခတ်မှုမလုပ်ခင် ကတည်းက ဆင်းရဲတွင်းနက်နေတယ်ဆိုတာ ကိုကိုလတ်နဲ့ ရောင်နီဦးတို့ သိလို့  ရှစ်လေးလုံး ဒီမိုကရေစီအရေးတော်ပုံ ကြီးမှာ ပါဝင်ခဲ့ကြတာဖြစ်ပါတယ်။ ဒီမိုကရေစီအရေးအတွက် ပေးဆပ်ခဲ့တဲ့ ရဲဘော်တွေ၊ ပေးဆပ်နေဆဲ ရဲဘော်တွေရဲ့  မျက်နှာကိုမှ မထောက်ပဲ ဖောက်ပြန်စွာနဲ့  နအဖအတွက် ရှေ့ နေလိုက်ပေးနေတဲ့ ကိုကိုလတ်ရဲ့ နောက်ကြောင်း၊ ရောင်နီဦးရဲ့  နောက်ကြောင်းတို့ ကို အောက်ပါအတိုင်းတွေ့ မြင်နိုင်ပါတယ်။
၁၉၈၈ခုနှစ် မတ်လ တံတားနီလှုပ်ရှားမှုပြီးတဲ့နောက်ပိုင်းမှာ ကိုကိုလတ်ဟာ ရှေ့ နေဦးနေမင်းနဲ့ ပက်သက်ပြီးရခဲ့တဲ့ အဆက်အသွယ်ဖြစ်တဲ့ ဘီဘီစီသတင်းထောက် ခရစ်တိုဖါဂါးနက်နဲ့  ကျောင်းသား၊ကျောင်းသူတချို့  လျှို့ ဝှက်အင်တာ ဗြူးလုပ်ရာမှာပါဝင်သူတဦးဖြစ်ပါတယ်။ ရှစ်လေးလုံးကာလမှာ ကိုမင်းဇေယျာ ဦးဆောင်တဲ့ မြန်မာနိုင်ငံလုံးဆိုင်ရာ ကျောင်းသားများဒီမိုကရေစီအရေးတော်ပုံလှုပ်ရှားမှုကော်မီတီ (မကဒ)မှာ ပါဝင်ခဲ့ပါတယ်။ ၁၉၈၈ခုနှစ်၊ စက်တင်ဘာ ၁၈ ရက်နေ့ မှာ စစ်တပ်မှ အာဏာသိမ်းပြီးနောက်ပိုင်း ကိုကိုလတ်ဟာ ထိုင်း-မြန်မာနယ်စပ် သေဘောဘိုးစခန်းသို့  တောခိုခဲ့ပါတယ်။ နယ်စပ်မှာ ဖင်ပူအောင်တောင် မနေခဲ့ပဲ အစောဆုံး အလင်းပြန်ဝင်ခဲ့သူတဦးဖြစ်ပြီး ရန်ကုန်ရောက် တော့ ထောက်လှမ်းရေး ဗိုလ်ခင်ညွန့် တို့ အစီအစဉ်နဲ့ သတင်းစာရှင်းလင်းပွဲ ပြုလုပ်ခဲ့ပါတယ်။ အဲ့ဒီသတင်းစာရှင်းလင်း ပွဲမှာ ကိုကိုလတ် မှဦးဆောင်ပြီး ကေအန်ယူမကောင်းကြောင်း ဆွေးနွေးခဲ့ပါတယ်။ ဒီနောက်မှာ ထောက်လှမ်းရေးရဲ့ ပေး စာကမ်းစာတွေနဲ့  ကုမ္ပဏီပါမစ်တွေရခဲ့ပါတယ်။ ၁၉၈၉ခုနှစ် နေဝင်မီးငြိမ်း မာရှယ်လောအမိန့် ထုတ်ထားတဲ့ ကာလမျိုး မှာတောင် ကိုကိုလတ်ဟာ စစ်တပ်ထဲမှာသောက်စားမူးယစ်ပြီး တပ်ရင်းမှူးစီးတဲ့ (Nissan Patrol) ကား နဲ့  သူ့  ကို ညအချိန်အိမ်ပြန်လိုက်ပို့ ပေးလေ့ရှိတာကို လှည်းတန်းဝန်းကျင်မှ ကျောင်းသားတွေ မြင်တွေ့ လေ့ရှိပါတယ်။ နောက် ပိုင်းမှာတော့ သူဟာ ရန်ကုန်မှာရှိတဲ့ ကျောင်းသားအင်အားစု တွေနဲ့  တစထက်တစ ကင်းကွာသွားခဲ့ပါတယ်။
ရောင်နီဦးဟာ အေးလွင် ရဲ့  ကျောင်းသားများဒီမိုကရေစီအရေးတော်ပုံပါတီမှာ ပါဝင်ခဲ့ဘူးသူတဦးဖြစ်ပြီး ၁၉၉ဝ
ခုနှစ် နောက်ပိုင်းမှာ ၄င်းရဲ့ အကို ငြိမ်းချမ်းဦး (ဒုတိယအကြိမ်ပြန်ထွက်လာသူ) အဆက်အသွယ်နဲ့  မွန်ပြည်နယ်မှ တဆင့် ဘန်ကောက်ကို ရောက်လာခဲ့သူဖြစ်ပါတယ်။ ၁၉၉၁ခုနှစ်မှာ တရားမဝင် ဝင်ရောက်မှုနဲ့  ဘန်ကောက်မှာ ထိုင်းရဲ ရဲ့ ဖမ်းဆီးခြင်းခံရပါတယ်။ အဲ့ဒီအချိန်က ထိုင်းနိုင်ငံ အာဏာသိမ်းစစ်အုပ်စုဖြစ်တဲ့ ဆူချင်ဒါးဦးဆောင်တဲ့ (National Peace Keeping Council) အစိုးရ ရဲ့  မြန်မာကျောင်းသားများ အပေါ် သဘောထားတင်းမာ နေချိန်ဖြစ်လို့  အဖမ်းခံရတဲ့ ကျောင်းသားတွေကို (လဝက) အချုပ်ကနေ ဘန်ကောက်မြို့ မှာရှိတဲ့ ဘန်ခင်ရဲသင်တန်းကျောင်းဝင်းထဲမှ အထူးထိမ်းသိမ်းရေးစခန်း (Special Detention Centre) မှာထားပါတယ်။ ဒီအထဲမှာ ရောင်နီဦးလည်း ပါခဲ့ပါတယ်။ ဇာတိပြလာတာ ကတော့ ရောင်နီဦးဟာ အထိမ်းသိမ်းခံနေရတဲ့ မည့်သည့်ကျောင်းသားကိုမှ အသိပေးမှု မရှိပဲ ကျောင်းသားတွေဟာ ကိုယ်တိုင်းပြည်ကို ပြန်ချင်လိုကြောင်း မလိမ့်တပတ်နဲ့ မြန်မာသံရုံးကို လျှို့ ဝှက်စာရေး ဆက်သွယ်ခဲ့ပါတယ်။ ဒါ့အပြင် ထိမ်းသိမ်းရေးစခန်းမှာ အစာငတ်ခံဆန္ဒပြနေချိန်မှာလည်း အစောဦးဆုံး သပိတ်လှန် သူတဦးဖြစ်ပြီး ဆန္ဒပြမှုကိုဦးချိုးခဲ့ပါတယ်။ သူဟာ ၁၉၉၂ခုနှစ် မတ်လမှာ ပြန်လည်လွတ်မြောက်လာပြီး မြန်မာပြည်မှာ အမျိုးသားညီလာခံကျင်းပမယ့် နိုင်ငံရေးရာသီဥတုဖြစ်နေချိန်မှာ မြန်မာနိုင်ငံဖွဲ့ စည်းအုပ်ချုပ်ပုံအခြေခံဥပဒေ လေ့လာ ရေးအုပ်စုအမည်နဲ့  ဒညတ နဲ့  အက်ဖ်တီယူဘီ တို့ မှာ ငွေတောင်းခဲ့ပါသေးတယ်။ ၁၉၉၃ခုနှစ် ဇန်နဝါရီလမှာ ထိုင်း အစိုးရဟာ ဘန်ကောက်မြို့ မှာရှိနေတဲ့ မြန်မာကျောင်းသားတွေကို ရပ်ခ်ျဘူရီခရိုင်အတွင်းရှိ မနီလွိုင်စခန်းကို အတင်းအကျပ် ဝင်ခိုင်းခဲ့ပါတယ်UNHCR ကလည်း campမဝင်တဲ့ ကျောင်းသားတွေကို ထောက်ပံ့ကြေးငွေ ဖြတ်တောက်ခဲ့ချိန်မှာ ရောင်နီဦး ဟာ campဝင်ပြီး ကနေဒါနိုင်ငံ သွားဖို့  တတိယနိုင်ငံအစီအစဉ်ကို လျှောက်ခဲ့ပါ တယ်။ မနီလွိုင်စခန်း ရောက်တဲ့ အခါမှာလည်း စခန်းထဲမှာရှိတဲ့ ကျောင်းသားတွေကို လှုံဆော်ပြီး ထိုင်းအစိုးရကို ဆန္ဒပြခိုင်းခဲ့လို့ ခလေးသူငယ်တွေ၊မိသားစုတွေ၊အိုကြီးအိုမအရွယ်တွေအပါအဝင် လူပေါင်းများစွာ အဖမ်းအဆီးခံခဲ့ရပြီး ဘန်ကောက်မှာရှိတဲ့ အထူးထိမ်းသိမ်းရေးစခန်းမှာ လပေါင်းစွာ အချုပ်အနှောင်ခံခဲ့ရပါတယ်။ အဲ့ဒီဆန္ဒပြပွဲမှာရောင်နီဦး ဟာ “က” ခသိန စကားဝှက်နဲ့  လုပ်ကိုင်သွားတာဖြစ်ပါတယ်။ ဒီစကားဝှက်ဟာ သူလျောက်ထားပြီးဖြစ်တဲ့ ကနေဒါ နိုင်ငံ ကို အထူးထိမ်းသိမ်းရေး စခန်းထဲမှ တိုက်ရိုက်ထွက်ရအောင် အသုံးပြုခြင်းဖြစ်ပြီး လူများစွာကို အကျဉ်းစခန်းမှာ ပစ်စလတ်ခတ်ထားခဲ့မယ့် အစီအစဉ်ပဲ ဖြစ်ပါတယ်။ ကိုယ်လွှတ်ရုန်းပြေးမယ့် နည်းလမ်းဖြစ်ပါတယ်။ ကံမကောင်းချင်တော့ ရောင်နီဦးဟာ အထူးသိမ်းသိမ်းရေးစခန်းမှ တဆင့် မနီလွိုင်စခန်းကို ပြန်ပို့ ခြင်း ခံရပါတယ်။ စခန်းပြန်ရောက်တဲ့ အချိန်မှာ သူရဲ့  အောက်တန်းစားကျတဲ့ စိတ်ဓါတ်ကို မနှစ်သက်တဲ့ ကျောင်းသားတဦးက ထိုးကြိတ် ခဲ့ပြီး လူအများက ဝိုင်းဝန်းအားပေး ကြည့်ရှုခဲ့ပါတယ်။ ပြီးတော့ ကနေဒါနိုင်ငံကို ရောက်ရှိသွားပါတယ်။ ၂ဝဝ၁ခုနှစ် သြဂုတ်လမှာ အမေရိကန်နိုင်ငံ၊ အင်ဒီယာနာတက္ကသိုလ်မှာ ပြုလုပ်ခဲ့တဲ့ ပထမအကြိမ်မြောက် နိုင်ငံတကာ မြန်မာ ကျောင်းသားများညီလာခံကို ကနေဒါနိုင်ငံအနေနဲ့ ရောင်နီဦး၊မြင့်ဆွေ၊မြတ်သာတို့ တက်ရောက်ခဲ့ပါတယ်။ ဒီညီလာခံမှာ မြင့်ဆွေက ကုန်သွယ်ရေးဒဏ်ခတ်မှုကိုကန့် ကွက်တဲ့ အဆိုကိုတင်သွင်းလာလို့  ကျောင်းသားအများစုနဲ့  အချေ အတင် ဖြစ်ခဲ့တဲ့ အပြင် ညီလာခံမှာ ဆွေးနွေးမယ့် အစီအစဉ်ထဲမှာ မပါခဲ့လို့  သူတို့ ရဲ့  အဆိုပြုချက်ဟာ မအောင်မြင်ခဲ့ပါဘူး။ ၂ဝဝ၃ခုနှစ် ဇူလိုင်လမှာ သြစတြေးလျှနိုင်ငံ၊ ဆစ်ဒနီမြို့ မှာ ပြုလုပ်ခဲ့တဲ့ ဒုတိယအကြိမ် နိုင်ငံတကာမြန်မာကျောင်းသား များညီလာခံ မတိုင်မှီကာလတုန်းမှာလည်း ရောင်နီဦးဟာ ဘာပြင်ဆင်မှုမှမရှိပဲ ကနေဒါနိုင်ငံမှာ ဒုတိယအကြိမ်ကျောင်း သားညီလာခံကို ပြုလုပ်ဖို့  ကြိုးစားလာပါသေးတယ်။ သူ့ ကို ဘယ်သူမှ ယုံကြည်မှုမရှိတဲ့အတွက် သူ့ ရဲ့ ကြိုးစားမှုဟာ မအောင်မြင်ခဲ့ပါဘူး။ ဆိုရရင် ရောင်နီဦး တို့ လို လူမျိုးတွေဟာ ဒီမိုကရေစီရေးလှုပ်ရှားမှုထဲမှာ ဖျက်မျဉ်းသက်သက် လုပ်ရပ်တွေပဲ လုပ်လေ့ရှိပါတယ်။ ကျောင်းသားလှုပ်ရှားမှုတွေဖြစ်တဲ့ ဗကသ၊မကသ၊တပ်ပေါင်းစု (တပ်ဦးများအဖွဲ့ ချုပ်) နဲ့  မကဒတတွေနဲ့ လည်း ပါဝင်ပက်သက်ခြင်းမရှိပဲ ကျောင်းသားခေတ်ကောင်းရင် ကျောင်းသားအရေခြုံပြီး၊ ကျောင်း သားခေတ်မကောင်းရင် နအဖ အရေခြုံမယ့် သူမျိုးတွေဖြစ်ပါတယ်။ ဒီလို လူမျိုးတွေလို ရပ်တည်ချက်မမှန်သူတွေ၊ အရောင်ပြောင်းလွယ်လိုသူတွေရဲ့  ယခုကြိုးစားနေတဲ့ မြန်မာနိုင်ငံအပေါ် ကုန်သွယ်ရေးဒဏ်ခတ်မှုကို ဆန့်ကျင်ကန့်  ကွက်တဲ့ လှုပ်ရှားမှုတွေဟာလည်း ရေပေါ်မှာ အရုပ်ရေးသလိုမျိုး ဖြစ်နေပါတယ်။ ဗိုလ်ခင်ညွန့် တို့ လက်ထက်ကလည်း အမေရိကန်နိုင်ငံ၊ဝါရှင်တန်မှာရှိတဲ့ (Lobby Company) တခုကိုငှားရမ်းပြီး ကုန်သွယ်ရေးဒဏ်ခတ်မှုရုတ်သိမ်းဖို့  ကြိုးစားခဲ့တာတွေ၊ ရှစ်လေးလုံးကာလမှာ ရှေ့ နေများကောင်စီမှာဦးဆောင်ခဲ့တဲ့ ဒေါ်မြင့်မြင့်ခင် (နောင် အင်န်အယ်ဒီ ဗဟိုကော်မတီဝင်ဟောင်း) ကို စစ်အုပ်စုက အမေရိကားလွှတ်ပြီး ကုန်သွယ်ရေးဒဏ်ခတ်မှုရုတ်သိမ်းဖို့  ကြိုးစားခိုင်းခဲ့ တာတွေဟာ အောင်မြင်မှုမရခဲ့တဲ့အပြင် ပိုပြီးတိုးလို့ တောင် ဘဏ္ဍာရေးဆိုင်ရာ ပိတ်ဆို့ အရေးယူမှုတွေကို ဥရောပ သမဂ္ဂနဲ့  သြစတြေးလျှနိုင်ငံတို့ ပါ လုပ်ကိုင်ခဲ့ပါတယ်။ စစ်အုပ်စုရဲ့  နိုင်ငံရေးဖိနှိပ်မှုတွေ၊လူ့ အခွင့်အရေးချိုးဖောက်မှုတွေ ထူပြောနေသမျှ ဒဏ်ခတ်ပိတ်ဆို့ မှုတွေ၊ ဖိအားပေးမှုတွေဟာ ဆက်လက်ဖြစ်ထွန်းနေမှာပါ။ သိကြားမင်း တောင် နအဖ ဖက်က ဝင်ပြီး ကူညီပေးလို့  မရနိုင်ပါဘူး။
နိဂုံးချုပ်အနေနဲ့ ရေးရရင် နအဖရဲ့ ၂ဝ၁ဝရွေးကောက်ပွဲ အခင်းအကျင်းအတွက် ကိုကိုလတ်၊ရောင်နီဦး၊အေးလွင် တို့  လို ခြံခုန်ရေးသမားတွေကို စစ်အုပ်စုမှ မလွဲမသွေ ထုတ်သုံးမှာဖြစ်ပါတယ်။ ရှေ့ မှာလည်း ဇော်ဦး (NCGUB-Technical Advisory Network Director) လို လူမျိုးဟာလည်း စစ်အုပ်စုနဲ့  ပုလင်းတူဘူးဆို့ အဖြစ် ပေါင်းဖက်ဆက်ဆံနေပါတယ်။ ပြည်ပမှာရှိနေတဲ့ မြန်မာ့ ဒီမိုကရေစီရေး ဦးဆောင်လှုပ်ရှားသူတွေထဲမှာလည်း စစ်အုပ်စု နဲ့ စည်းဝါးရိုက်ပြီး ဒူးထောက်အညံ့ခံဖို့  တသီတတန်းကြီး ညှိုနှိုင်း စောင့် မျှော်နေကြပါတယ်။ ဘာကြောင့်လဲဆိုရင် ဒီလူတွေကို ထောက်ပံ့နေတဲ့ နိုင်ငံတွေက ဒေါ်လာငွေတွေကို အနာဂတ်မှာ ထောက်ပံ့ပေးအုံးမယ့် အခြေအနေမျိုး မရှိ တော့ကြောင်း စတင်ပြောဆိုနေပါပြီ။ ဥပမာအနေနဲ့ အမေရိကားမှOSI, NED နဲ့  နော်ဝေနဲ့  စကင်ဒီနီးဗီးယားနိုင်ငံ တွေပဲဖြစ်ပါတယ်။ အဓိကအကြောင်းကတော့ နှစ်ပေါင်း (၂ဝ)မျှ Proposal အမျိုးမျိုးရေးကာ ငွေလှည့်တောင်းပြီး ဘာတခုမျှလုပ်မပြနိုင်တော့ ယုံကြည်မှုကုန်ခမ်းသွားလို့ ပဲဖြစ်ပါတယ်။ စစ်မှန်တဲ့ ပြည်သူဘက်တော်သား ဒီမိုကရေစီ ရေးအင်အားစုတွေအတွက် နိုင်ငံရေးသတိရှိရေး၊ ရန်-ငါစည်းပြတ်ရေး၊ ရပ်တည်ချက်ခိုင်မာရေး၊ တိုင်းချစ်ပြည်ချစ် စိတ်ဓါတ်ရှင်သန်ရေးတွေနဲ့ ပဲ ဖောက်ပြန်ရေးဝါဒီတွေကိုကာကွယ်တားဆီးရပါလိမ့်မယ်။ ဒါ့အပြင်လူထုအခြေပြု နိုင်ငံရေး လုပ်ဟန်တွေကို မွေးထုတ်ပြီး လူထုလူတန်းစားအလွှာ အသီးသီး ပါဝင်တဲ့ လူထုတပ်ပေါင်းစု နဲ့  စစ်အာဏာရှင်စံနစ်ကို တိုက်ပွဲဝင်သွားရပါမယ်။ မြန်မာနိုင်ငံအပေါ် ကုန်သွယ်ရေးဒဏ်ခတ်ရေး၊ မခတ်ရေးဟာ ဒီမိုကရေစီရေးအတွက် ပင်မလမ်းကြောင်း မဟုတ်ပဲ စစ်အာဏာရှင်ပြုတ်ကျရေးသည်သာ အဓိကဖြစ်ကြောင်းရေးသားလိုက်ပါတယ်။ ။

ဧရာ (ဆစ်ဒနီ)
၁၂၊၄၊၂ဝဝ၉


၁၂၀၄၂၀၀၉ဒိုင်ယာရီ

google download

mediafire download

\ပြည်တွင်းမှအီးမေးလ်များသို့တဆင့်ပို့ပေးခြင်းဖြင့်သတင်းအမှောင်ကျနေသောပြည်သူများကိုကူညီကြပါ။


နစ်သစ်သင်္ကြန်အထူးထုတ်ပြန်


“အဇာတသတ်လို ဆရာတင် မမှားစေဘို့”

Sat 11 Apr 2009, သူရိန်
KNU အဖွဲ့အစည်းမှ ခွဲထွက်ပြီး စစ်အစိုးရထံတွင် လက်နက်ချအလင်းဝင်ခဲ့သော ကရင်ငြိမ်း ချမ်းရေးကောင်စီအမည်ခံ KNU တပ်မတော် (၇) တပ်မမှူး ဗိုလ်ချုပ်ဌေးမောင်၏ အဖွဲ့သည် ထိုင်းမြန်မာနယ်စပ်ဒေသတစ်ခုဖြစ်သည့် ဘုရားသုံးဆူဒေသတွင် စီးပွားရေးအခြေချရန် နယ်မြေတိုးချဲ့ရန်အတွက် ၂၀၉ ဖေဖော်ဝါရီလတွင် ရောက်ရှိလာခဲ့ပြီဖြစ်သည်။
ကရင်ငြိမ်းချမ်းရေးကောင်စီ ဦးဌေးမောင်၏အဖွဲ့မှ ဒုတိယဗိုလ်ချုပ် တပသီနှင့် အဖွဲ့သည် ၂၀၀၉ ဖေဖော်ဝါရီ (၇) ရက်နေ့တွင် ထိုင်းအစိုးရစစ်ဘက် အငြိမ်းစားအရာရှိတစ်ဦး ဦး ဆောင်သည့် အဖွဲ့ဝင်များနှင့်အတူ ဘုရားသုံးဆူမြို့သို့ ရောက်ရှိလာပြီး နအဖ စစ်အစိုးရ အဖွဲ့အစည်းများဖြစ်သည့် ဘုရားသုံးဆူမြို့နယ်ခွဲ အထွေထွေအုပ်ချုပ်ရေးမှူး ရှေ့တန်းခြေ လျှင်တပ်ရင်း အမှတ် (၂၄) တပ်ရင်းမှူးစစ်ဘက်ရေးရာ လုံခြုံရေးအဖွဲ့ (စ.ရ.ဖ) များနှင့် တွေ့ဆုံကာ ၎င်းတို့၏လုပ်ငန်းအစီအစဉ်များကို အကောင်အထည်ဖော်ရန် ဆွေးနွေးခဲ့ကြ သည်ဟု ၎င်းအဖွဲ့အစည်းနှင့် နီးစပ်သည့် အသိုင်းအ၀ိုင်းများက ပြောသည်။
ဦးဌေးမောင်၏ အဖွဲ့ဝင်များသည် ၎င်းတို့၏ စီးပွားရေးဇုံနှင့် စက်မှုဇုံများ တည်ဆောက်ရန် အတွက် ဖေဖော်ဝါရီ (၁၀) ရက်နေ့တွင် ထိုင်းမြန်မာနယ်စပ်ဖြစ်သည့် ဘုရားသုံးဆူမြို့ မြန် မာနိုင်ငံရဲတပ်ဖွဲ့စခန်းအနောက်ဖက်ရှိ မြေလွတ်များကို သွားရောက်ကြည့်ရှုခဲ့ကြသည်။ အဆိုပါမြေများသည် ၂၀၀၅ ခုနှစ်တွင် ကရင်ပြည်နယ်(ပ.ယ.က) ဥက္ကဌ ဦးခင်ကြူ ဘုရား သုံးဆူ ရောက်စဉ်ကတည်းက ကျူးကျော်အိမ်ခြေများကို ဖြိုဖျက်ခိုင်းပြီး မြန်မာအစိုးရပိုင် မြေများအဖြစ် သိမ်းယူခဲ့သည့် မြေများလည်း ဖြစ်သည်။ ကရင်ငြိမ်းချမ်းရေးကောင်စီအဖွဲ့ များနှင့် နီးစပ်သည့် အသိုင်းအ၀ိုင်း၏ အဆိုအရ ၎င်းနယ်မြေများတွင် စက်မှုဇုံများ တည်ဆောက်ရန်အတွက် နိုင်ငံတော်ကာကွယ်ရေးဝန်ကြီးဌာန ဒုတိယ ဗိုလ်ချုပ်ကြီး ရဲမြင့် ထံမှ မြေဧက (၁၀၀) အတွက် ခွင့်ပြုချက် ရထားပြီး ဖြစ်သည်ဟုလည်း ဆိုပါသည်။
ကရင်ငြိမ်းချမ်းရေးကောင်စီဥက္ကဌ ဦးဌေးမောင်တို့အဖွဲ့၏ လှုပ်ရှားမှုများကို ဘုရားသုံးဒေသ ရှိ စီးပွားရေးလုပ်ငန်းရှင်များ လက်နက်ကိုင်အဖွဲ့အစည်းများ နိုင်ငံရေးလေ့လာသူများက အာရုံစိုက်လျှက်ရှိနေကြကြောင်း လေ့လာသူတစ်ချို့က ဆိုပါသည်။ အမျိုးသားအရေးကို ဆောင်ရွက်နေသူ မွန်လူငယ်တစ်ဦးကလည်း ဦးဌေးမောင်အဖွဲ့၏ လှုပ်ရှားမှုအစီအစဉ်များ မှာ စီးပွားရေးကဏ္ဍတစ်ခုတည်းအတွက် မဖြစ်နိုင်ကြောင်း အဓိကရည်ရွယ်ချက်သည် နယ် မြေစိုးမိုးရေးနှင့် နယ်မြေတိုးချဲ့မှုများသာ ဖြစ်နိုင်ကြောင်း အခြေအနေ အရပ်ရပ်ကို သုံးသပ် ၍ ၎င်း၏ယူဆချက်ကို ပြောသည်။
၎င်းက “ကျနော့်အမြင်ကို ပြောရမယ်ဆိုလို့ရှိရင် ဦးဌေးမောင်တို့ အဖွဲ့ဟာ စီးပွားရေး အခြေ ချရုံတစ်ခုတည်းနဲ့ ဒီကိုရောက်လာတာ မဖြစ်နိုင်ဘူး၊ ဒီလိုနယ်စပ်မှာ စီးပွားရေးကို အ ကြောင်းပြပြီး ခြေကုတ်ယူဖို့ နယ်မြေတိုးချဲ့ဖို့ဘဲ ဖြစ်နိုင်တယ်၊ ဘာ့ကြောင့်လည်းဆိုတော့ KNU အဖွဲ့အစည်းကနေ ခွဲထွက်လာခဲ့တဲ့ အဖွဲ့အစည်းတော်တော်များများဟာ စစ်အစိုးရဆီ မှာ လက်နက်ချပြီးတော့ နယ်မြေစိုးမိုးမှုများကို လုပ်လာတာတွေ့ရတယ်၊ ပြည်တွင်းမှာဆို လည်း နေရာတိုင်းမှာ ကရင်အဖွဲ့အစည်းတွေ ချည်းပဲ၊ မွန်ပြည်သစ်ပါတီက စိုးမိုးထားတဲ့ နေရာဒေသတော်တော်များးများမှာတောင်မှ ဘုရားတည်ထားတာတို့ စခန်းချထားတာတို့ တွေ့ရတယ်၊ အဲဒါတွေဟာ နယ်မြေချဲ့ပြီး ခြေကုတ်ယူတာမျိုးလို့ဘဲ ကျနော်ထင်တယ်၊ ဘု ရားသုံးဆူဒေသ၀န်းကျင်မှာဆိုလည်း ဦးဌေးမောင်တို့အဖွဲ့ရောက်လာပြန်ပြီ၊ နယ်စပ်မှာ ကရင်အဖွဲ့အစည်းတွေနဲ့ပြည့်နေပြီ ကျနော်တို့ မွန်လူမျိုးတွေနဲ့ နေရာဒေသအတွက်တော့ စိုးရိမ်စရာဖြစ်နေပြီ” ဟု သူ၏ ယူဆချက်ကို ထပ်မံ၍ ပြောဆိုပါသည်။
ကရင်ငြိမ်းချမ်းရေးကောင်စီ အမည်ခံထားသော ဦးဌေးမောင်သည် KNU တပ်မဟာ (၇) မှ တပ်မမှူးဖြစ်ပြီး ၂၀၀၇ ဖေဖော်ဝါရီလ (၁၁) ရက်နေ့တွင် တပ်ဖွဲ့ဝင် (၃၀၉) ဦး မိသားစုဝင် (၁၁) ဦး စုစုပေါင်း (၁၂၀) ဦးဖြင့် ကရင်ပြည်နယ် ကော့ကရိတ်မြို့နယ် ထို့ကောကိုးကျေး ရွာတွင် စစ်အစိုးရထံ လက်နက်ချ အလင်းဝင်လာသူတစ်ဦးဖြစ်ပြီး စစ်အစိုးရ၏ အားပေးမှု ကို အစဉ်တစိုက် လုပ်ကိုင်လာခဲ့ရာမှ ယ္ခုအခါဆိုလျှင် ဘုရားသုံးဆူနယ်စပ်ဒေသသို့ပင် နယ်ချဲ့ကျူးကျော်ကာ ၀င်ရောက်လာခဲ့ပြီ ဖြစ်သည်။
စစ်အစိုးရထံမှ မဖြစ်စလောက်သော အခွင့်အရေးများကို ရယူထားသည့် ဦးဌေးမောင်၏ အ ဖွဲ့သည် ဘုရားသုံးဆူဒေသသို့ ရောက်ရှိလာခဲ့ပြီးနောက် ၎င်းတို့၏ အရှိန်အ၀ါဖြင့် ၀ိသမ လောဘသား စီးပွားရေးသမားများအား စည်းရုံးခြင်း၊ အဖွဲ့ဝင်အင်အားများ တိုးချဲ့ခြင်း နယ် မြေဒေသအား စိုးမိုးနိုင်ရန် ကြီးမားသော စီးပွားရေးလုပ်ငန်းများကို လုပ်ကိုင်နိုင်ရန်အတွက် စစ်အစိုးရထံတွင် လုပ်ပိုင်ခွင့်များကို တောင်းခံနေသော်လည်း အခြေအနေအရပ်ရပ်ကြောင့် ၎င်းတို့လိုအပ်သလို ဖြစ်လာနိုင်ရန်အတွက် အခက်အခဲများစွာ ရှိနေကြကြောင်းကိုလည်း ၎င်းအဖွဲ့အစည်းနှင့် နီးစပ်သည့် အသိုင်းအ၀ိုင်းများက ပြောဆိုနေကြသည်။
ကရင်ငြိမ်းချမ်းရေးကောင်စီ ဦးဌေးမောင်၏အဖွဲ့သည် ၎င်းတို့၏ လုပ်ငန်းများ အခြေအမြစ် ခိုင်မာစေရန်အတွက် ၂၀၀၉ မတ်လ ၂၉ ရက်နေ့တွင် ဘုရားသုံးဆူမြို့ အမှတ် (၃) ရပ် ကွက် ဘုရင့်နောင်လမ်းမကြီးတွင် ကရင်ငြိမ်းချမ်းရေးကောင်စီ ဆက်ဆံရေးရုံးကို ဖွင့်လှစ် နိုင်ခဲ့ပြီဖြစ်သည်။ ဦးဌေးမောင်အဖွဲ့၏ လှုပ်ရှားမှုများကို သာမန်အရပ်သူ အရပ်သားများက ဝေဖန်ပြောဆိုမှုများ မရှိသော်လည်း စီးပွားရေးသမားတစ်ချို့နှင့် နိုင်ငံရေးလေ့လာသူတချို့ က ဝေဖန်ပြောဆိုမှုများ ရှိနေကြသည်။
မွန်အမျိုးသားအရေး လှုပ်ရှားသူတစ်ဦးက “သူတို့အနေနဲ့ အစိုးရရဲ့ မြှောက်ထိုးပင့်ကော်မှု ကို ယုံကြည်ပြီး ထင်ရာလုပ်မယ့်သဘောဘဲလို့ ကျနော်တော့ မြင်တယ်၊ နိုင်ငံရေးနဲ့ အမျိုး သားရေး ခံယူချက်လုံးဝ ခိုင်မာမှု မရှိတဲ့ အဖွဲ့အစည်းတွေကိုလည်း ကျနော်သုံးသပ်တယ်၊ ဘာကြောင့်လည်းဆိုတော့ ကျနော်တို့ ပြည်ထောင်စုထဲမှာ တိုင်းရင်းသားလူမျိုး ပေါင်းစုံရှိ တယ်၊ မိမိတို့လူမျိုးကို ကိုယ်စားပြုတဲ့ လက်နက်ကိုင်အဖွဲ့အစည်းတွေလည်း ရှိတယ်၊ ဒါပေ မယ့် ရပ်တည်မှုနဲ့ ခံယူချက်ခြင်းကလည်း မတူညီကြဘူး၊ ခံယူချက်အပြည့်အ၀နဲ့ ရပ်တည် နေကြတဲ့ အဖွဲ့အစည်းတွေကြတော့ ကိုယ်ကျိုးကို မကြည့်ဘူး၊ စစ်အစိုးရရဲ့ ထားရာနေ စေ ရာသွားရတဲ့ ဘ၀မျိုးမှာ မနေဘူး၊ အခု ကျနော်သိသလောက် KNU,KNLA က ခွဲထွက်လာ ခဲ့တဲ့ နာမည်မျိုးစုံနဲ့ အရင်အဖွဲ့အစည်းတွေကတော့ နိုင်ငံရေးခံယူချက် အမျိုးသားရေး ခံယူ ချက် ဘာတစ်ခုမှ မရှိဘဲ မိခင် KNU ရဲ့ ရင်ခွင်ကို စုံကန်ပြီးတော့ ထွက်လာကြတဲ့ သားဆိုး သားမိုက်တွေဘဲလို့ ကျနော်မြင်တယ်” ဟု ဝေဖန် ပြောဆိုသည်။
KNU, KNLA မှ ခွဲထွက်ပြီး အမည်နာမမျိုးစုံဖြင့် စစ်အစိုးရထံတွင် လက်နက်ချအလင်းဝင်ခဲ့ ကြသော ကရင်လက်နက်ကိုင် အဖွဲ့အစည်းများသည် စစ်အစိုးရ၏ မြှောက်ထိုးပင့်ကော် လုပ်ပေးမှုကြောင့် တိုင်းရင်းသား ပြည်သူများအကြားတွင် စီးပွားရေး လူမှုရေး ကဏ္ဍပေါင်း စုံဖြင့် နိုင်ထက်စီးနင်းပြုလုပ်နေမှုများကိုလည်း မကြာမခဏ တွေ့မြင်ခဲ့ကြရသည်။ အမျိုး သားရေးနှင့် နိုင်ငံရေးခံယူချက် လုံးဝမရှိဘဲ ၎င်းတို့အဖွဲ့အစည်းများ၏ အတ္တအကျိုးအတွက် သာ ဆောင်ရွက်နေကြသည့် ၎င်းအဖွဲ့အစည်းများမှာ စစ်အစိုးရ၏ ကြိုးဆွဲရာ ကနေကြ သည့် ရုပ်သေးရုပ်များ ဖြစ်မှန်းမသိ ဖြစ်နေသလို မြန်မာပြည်တွင်းရှိ တိုင်းရင်းသားပေါင်းစုံ တို့အား နှိပ်စက်ချင်သလို နှိပ်စက်နိုင်ရန် နိုင်ငံရေးလမ်းစဉ်များကို ချမှတ်ထားသည့် စစ်အ စိုးရအဖွဲ့အစည်းအား မှီခိုကာ ဘ၀င်မြင့် နေကြသူများအဖြစ်နှင့်လည်း တွေ့မြင်နေကြရပေ သည်။
မိခင်ရင်ခွင်ဖြစ်သည့် KNU, KNLA အား ခြေစုံကန်ခွဲထွက်ပြီး စစ်အစိုးရထံတွင် လက်နက်ချ အလင်းဝင်ခဲ့ကြသည်။ သားဆိုးသားမိုက်များမှာ ၁၉၉၅ ခုနှစ် ဇွန်လ (၁၁) ရက်နေ့တွင် ဦး စောသာထူးကျော် ဦးဆောင်သည့် အဖွဲ့သည် မြိုင်ကြီးငူ အထူးဒေသတွင်လည်းကောင်း၊ ၁၉၉၇ ခုနှစ် ဖေဖော်ဝါရီလ (၂၄) ရက်နေ့တွင် KNU တပ်မဟာ (၆) တပ်ရင်း (၁၆) မှ ဦး စောသမူဟဲ ဦးဆောင်သည့် အဖွဲ့သည် ကြာအင်းဆိပ်ကြီးမြို့နယ် အဇင်းကျိုက်ဒုံဒေသတွင် လည်းကောင်း၊ သံတောင် အထူးဒေသတွင် ဦးစောဖဲရီမိုး ဦးဆောင်သည့် အဖွဲ့သည်လည်း ကောင်း၊ ၁၉၉၈ ခုနှစ် ဧပြီလ (၁၇) ရက်နေ့တွင် ဖဒိုအောင်ဆန်း ဦးဆောင်သည့်အဖွဲ့သည် ဘားအံဘုရားကုန်းတွင်လည်းကောင်း ၁၉၉၉ ခုနှစ် နိုဝင်ဘာလ (၁၀) ရက်နေ့တွင် KNU တပ်မဟာ (၂) အထူးဒေသ တာဝန်ခံ ဗိုလ်ကိုကြီး ဦးဆောင်သည့်အဖွဲ့သည် သံတောင် မြောက်ပိုင်းဒေသတွင် အခြေချပြီး စစ်အစိုးရအား အကာအကွယ်ပေးကာ အလုပ်အကျွေး ပြုခဲ့ကြသည်မှ ယနေ့တိုင်ပင် ဖြစ်သည်။
စစ်အစိုးရထံမှ မဖြစ်စလောက်သော အခွင့်အရေးတစ်ချို့ကို ရယူထားသည့် ပြည်တွင်းရှိ ကရင်အမျိုးသား လက်နက်ကိုအဖွဲ့အစည်းတစ်ချို့သည် စစ်အစိုးရ၏ မြှောက်ထိုးပင့်ကော် ပေးမှုများကြောင့် စစ်အစိုးရအား တော်လှန်နေသည့် ကရင်အမျိုးသားလက်နက်ကိုင် အဖွဲ့ အစည်းတစ်ခုဖြစ်သည့် KNU များနှင့် မြ၀တီဒေသဘက်တွင် ပစ်ခတ်မှုများ မကြာခဏ ဖြစ် ပေါ်နေသည်ကိုလည်း ကြားသိနေရပေသည်။ အိမ်ကြက်အချင်းချင်း အိုးမဲသုတ်ပြီး ခွပ်ခိုင်း နေသည့် စစ်အစိုးရ၏ လုပ်ရပ်များကို နားမလည် သဘောမပေါက်လို့ဘဲလား၊ ဒါမှမဟုတ် အကျိုးနဲ့ အကြောင်း အဆိုးနဲ့ အကောင်းကို ဝေဖန်ပိုင်းခြား မတတ်လို့ဘဲလား ဆိုသည်ကို တော့ ၎င်းတို့ဘာသာ ၎င်းတို့ သိကြပေလိမ့်မည်။ ဗုဒ္ဓ၀င်ဇာတ်တော်ထဲတွင် ဒေ၀ဒတ်ကို ဆ ရာတင်မိ၍ မြေမျိုခံခဲ့ရသည့် အဇာတသတ် မင်း၏ ဖြစ်စဉ်ကို သတိရမိမည်ဆိုလျှင်တော့ “အချိန်တွေမီပါသေးတယ်” ဟူ၍သာ ပြောလိုက်ချင်ပါတော့သည်။

နှစ်သစ်မှာတကယ်ပဲပြုံးပျော်နိုင်ကြပါစေ...

Photobucket
Photobucket

သင်္ကြန်ကာလအတွင်း ရခိုင် ဗုဒ္ဓဘာသာများက မူဆလင် ဘာသာဝင်များအား တိုက်ခိုက်ရန် စီစဉ်နေသည်ဆိုသော သတင်း မဟုတ်မှန်

4/12/2009
ရခိုင်ပြည်နယ် မောင်တော၊ ဘူးသီးတောင်နှင့် ရသေ့တောင်မြို့နယ်များတွင် အေးချမ်းစွာနေထိုင်နေကြသော မူဆလင် ဘာသာဝင်များအား သင်္ကြန်ကာလအတွင်း ရခိုင် ဗုဒ္ဓဘာသာဝင်များက တိုက်ခိုက်ရန် စီစဉ်နေခြင်းမှာ မဟုတ်မှန်ပါကြောင်း အမည်မဖေါ်လိုသူ ဆရာတော်ကြီး တပါးက မိန့်ကြားသည်။
နိရဉ္စရာက အဆိုပါ ကိစ္စနှင့် ပတ်သက်ပြီး လျှောက်ထား မေးမြန်းစဉ် ဆရာတော်ကြီးက ထိုကဲ့သို့ ပြောကြား ခဲ့ခြင်း ဖြစ်သည်။
၎င်းအပြင် ဆရာတော်ကြီးက မြန်မာနအဖ စစ်တပ် အရာရှိများမှ ရခိုင်ကျေးရွာများတွင် မူဆလင် ဘာသာဝင်များအား တိုက်ခိုက်ရန် လက်နက် ခဲယမ်းမီးကျောက်များနှင့် ဓါးများ တပ်ဆင် ပေးနေသည်ဆိုသော သတင်းမှာလည်း မဟုတ် မှန်ပါကြောင်းနှင့် နအဖ စစ်အစိုးရ အနေဖြင့်လည်း ထိုကဲ့သို့ အကျိုးမရှိသော အလုပ် လုပ်ကိုင်လ်ိမ့်မည်ဟု မိမိ မယုံကြည်ပါကြောင်း ဆရာတော်ကြီးက ပြောကြားသည်။
ရခိုင်အမျိုးသားများ အများစုမှာ သင်္ကြန်ကာလအတွင်း ဦးပုတ်သီလ ဆောက်တည်ပြီး လူငယ်များမှာ ပျော်ပွဲ ရွှင်ပွဲများ ကျင်းပပြီး ရေကစားကြရန် စီစဉ်နေချိန်တွင် ယခုကဲ့သို့ သတင်း အမှားများကို လွင့်ထုတ်နေခြင်းသည် ကောင်းသော လက္ခဏာ တရပ်မဟုတ်ပါဟု ဆရာတော်မိန့်ကြားသည်။
ထိုကဲ့သို့ သတင်း အမှားများ ထွက်ပေါ်လာပြီးနောက်ပိုင်း ဆရာတော်ကြီးထံ မူဆလင် ဘာသာရေး ခေါင်းဆောင်များ အပြင် နိုင်ငံတကာမှ သိရှိလိုသူများက ဖုံးဆက်ပြီး မေးမြန်းမူများ ပြုလုပ်ခဲ့ပါကြောင်း ဆရာတော်မှ ယခုဖြစ်ပေါ်နေသော သတင်းမှာ အခြေအမြစ် မရှိပါကြောင်း ရခိုင်များက မူဆလင် ဘာသာဝင်များကို တိုက်ခိုက်ရန် အကြောင်း မရှိ ပါကြောင်း၊ ရခိုင်ပြည်နယ် အတွင်း ရခိုင် ဗုဒ္ဓဘာသာဝင်များနှင့် မူဆလင် ဘာသာဝင်များ အေးချမ်းစွာ နေထိုင်နေသည်ကို မမြင်လိုသူများက ယခုကဲ့သို့ သတင်းအမှားများကို လွှင့်ထုတ်နေခြင်းသာ ဖြစ်သည်ဟု ဆရာတော်က မိန့်ကြားသည်။
ယခုအခါ ရိုဟင်ဂျာဆိုသော အမည်ကို နိုင်ငံသား အဖြစ် အသိအမှတ် ပြုရေး မပြုရေးနှင့် နယ်စပ် တလျောက်တွင် နအဖ စစ်အစိုးရမှ ခြံစည်းရိုးကာရံသည့်နောက်ပိုင်းတွင် ရိုဟင်ဂျာ ပြဿနာကို ပိုမိုပြီး နိင်ငံတကာက အာရုံစူးစိုက်လာရေးအတွက် ပြည်ပတွင် အခြေစိုက်သော အဖွဲ့အစည်း တချို့နှင့် မသမာသူ တချို့မှ မီးလောင်ရာလေပင့် လုပ်ကာ သတင်းမှားများကို လွှင့်ထုတ်လျှက်ရှိကြောင်း သိရသည်။
ထိုသတင်းမှားများမှ တဆင့် ဗုဒ္ဓဘာသာနှင့် မူဆလင် ဘာသာဝင်များ အကြား လူမျိုးရေး ဘာသာရေး အဓိဂရုဏ်များ ဖြစ်အောင် ဖန်တီး လုပ်ဆောင်လျက်ရှိနေသည်ဟု သ်ိရသည်။
မောင်တောနှင့် ဘူးသီးတောင်မြို့နယ်များတွင် နေထိုင်သူ ရခိုင်အမျိုးသားများကလည်း အဆိုပါ သတင်းမှာ သတင်းမှား ဖြစ်ပြီး မှန်ကန်မူ မရှိကြောင်းနှင့် ပြဿနာ ဖြစ်အောင် ဖန်တီးပြီး နိုင်ငံရေး အမြတ်ထုတ်ရန် ဆောင်ရွက်နေသူများ၏ လက်ချက်သာ ဖြစ်သည်ဟု ပြောကြားသည်။
http://www.narinjara.com/detailsbur.asp?id=1791

ရခိုင်ရိုးရာ သင်္ကြန်မပျောက်ပျက် မတိမ်ကောစေလိုပါ
ကွန်ချုပ်ကေ
ကမ္ဘာပေါ်ရှိ လူမျိုးတိုင်းလူမျိုးတိုင်းတွင် တန်ဖိုးထားဂုဏ်ယူစရာ ယဉ်ကျေးမှုအမွေအနှစ်များ ရှိပါတယ်။ ထိုယဉ်ကျေးမှုအမွေအနှစ်များကို မပျောက်ပျက် မတိမ်ကောရအောင် လူမျိုးတိုင်းလူမျိုးတိုင်း ထိန်း သိမ်းကာကွယ် စောင့်ရှောက်ကြပါတယ်။ ခုလို စောင့်ရှောက်ကြရတာကလည်း ယဉ်ကျေးမှုဆိုတာ အဆိုပါ လူမျိုးရဲ့အသက်သွေးကြောဖြစ်လို့ ဖြစ်ပါတယ်။ ယဉ်ကျေးမှုကွယ်လျှင် လူမျိုးပါ ထပ်ဆင့် တိမ်ကောပျောက်ကွယ်သွားတတ်ပါတယ်။ ဘယ်လူမျိုးဘဲဖြစ်ဖြစ် ခေတ်နှင့်လျော်ညီတာဖြစ်စေ မလျော်ညီတာဖြစ်စေ မိမိအမျိုးသားတွေရဲ့ ယဉ်ကျေးမှုအမွေအနှစ်တွေကို ရေရှည် ထိန်းသိမ်းစောင့် ရှောက်ထားတတ်ကြပါတယ်။ ကျနော်တို့ ရခိုင်လူမျိုးဆိုတာလည်း ရှေ့ယခင်ခေတ်တွေကတည်းက ထီးနဲ့နန်းနဲ့ နေထိုင်လာတဲ့လူမျိုးတမျိုးဖြစ်တဲ့အတွက် ယဉ်ကျေးမှုအမွေအနှစ်တွေ အထူးပေါကြွယ် ၀တဲ့ လူမျိုးတမျိုးဖြစ်ပါတယ်။

မင်္ဂလာဆောင်၊ ရှင်ပြုတာကအစ အိမ်ဆောက်တာမှာအဆုံး ကိုယ့်ယဉ်ကျေးမှု ကိုယ့်ဓလေ့ထုံးစံတွေနဲ့ ပြုလုပ်လာတဲ့ လူမျိုးတမျိုးဖြစ်ပါတယ်။ ခုလို ယဉ်ကျေးမှုအမွေအနှစ်တွေ အထူးပေါကြွယ်ဝတဲ့အထဲက ကျနော်တို့ ရခိုင်လူမျိုးတွေအတွက် ဂုဏ်ယူစရာ ယဉ်ကျေးမှုအမွေအနှစ်တခုကတော့ ရခိုင်ရိုးရာ သင်္ကြန်ဘဲဖြစ်ပါတယ်။ ရခိုင်ရိုးရာ သင်္ကြန်ဆိုတာဟာ ဘယ်နိုင်ငံ ဘယ်လူမျိုးတွေရဲ့သင်္ကြန်နဲ့မှမတူဘဲ တမူထူးခြားတဲ့သင်္ကြန်ဖြစ်ပါတယ်။
ရခိုင်သင်္ကြန်မှာ လူငယ်တွေအတွက် လွတ်လပ်ခွင့်နဲ့ ပျော်ရွှင်မှုတွေရရှိအောင် ဖန်တီးထားမှု တွေ လည်း ရှိပါတယ်။ ရေကစားတဲ့ မဏ္ဍာပ်တွေဆောက်ပြီး လှေတွေမှာ ရေပြည့်ပြီး အမျိုးသားက တဘက်၊ အမျိုးသမီးကတဘက် ရေကစားနိုင်ပါတယ်။ အမျိုးသား လူပျိုတွေအနေနဲ့ ကိုယ်ကြိုက်နှစ် သက်တဲ့ သဘောကျတဲ့အမျိုးသမီးကိုရွေးချယ်ပြီး ရေပက်ကစားနိုင်ပါတယ်။ ရေပက်ကစားနေစဉ်မှာ လည်း ကိုယ်ကြိုက်တဲ့မိန်းခလေးကို ယောက်ျားလေးက ချစ်ရေးဆိုနိုင်ပါတယ်။ တခြားအချိန်မှာ အခွင့် မသာခဲ့တာကို သင်္ကြန်ရက်မှာ အခွင့်ကောင်းယူပြီး ရင်ဖွင့်ပြောဆိုနိုင်ပါတယ်။ ခုလိုပြောဆိုနေချိန်မှာ မိဘ မောင်ဖွားတွေက ၀င်ရောက်တားဆီးဟန့်တားလို့ မရပါဘူး။ ဒါကြောင့် ရခိုင်လူငယ်တွေအတွက် တနှစ်မှာတခါသာ အခွင့်အရေးရတဲ့ပွဲဆိုရင်လည်း မှားမယ်မထင်ပါ။ ဒါကြောင့် သင်္ကြန်မှာ ရေကစားပြီး ဖူးစာဆုံ ပေါင်းဖက်သွားတဲ့ ချစ်သူတွေလည်း အများကြီးပါ။

ရခိုင်ရိုးရာသင်္ကြန်နဲ့ပတ်သက်ပြီး နံသာသွေးတာကအစ ဘုရားရေသပ္ပါယ်တာအဆုံး ရေးစရာ ပြော စရာတွေအများကြီးပါ။ ခုလို သီးသန့်ချစ်စရာကောင်းတဲ့ ဓလေ့ထုံးစံတွေကြောင့် ရခိုင်သင်္ကြန်ဟာ လူတိုင်းအတွက် စွဲမက်စရာဖြစ်ပါတယ်။ ရခိုင်ရိုးရာသင်္ကြန်ကို ဆင်နွဲဖူးသူတိုင်း သိကြပါတယ်။ ဒါကြောင့်လည်း မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်က မြန်မာပြည်ကပေးစာဆိုတဲ့ စာအုပ်မှာ ရခိုင်သင်္ကြန်ရဲ့ထူးခြားမှုတွေအကြောင်းကို ရေးသားဖေါ်ပြဖူးပါတယ်။ အလားတူ နှစ်စဉ် နှစ်တိုင်း အမေရိကန်နိုင်ငံ နယူးယောက်မြို့မှာ ကျင်းပတဲ့ ရခိုင်သင်္ကြန်ပွဲဟာ မြန်မာတိုင်းရင်းသား မိတ်ဆွေတွေနဲ့ ဘယ်လောက်ထိ စည်ကားတယ်ဆိုတာကိုကြည့်ုပြီး ရခိုင်သင်္ကြန် အပေါ် တခြား လူမျိုးတွေရဲ့တန်ဖိုးထားမှုကို သိရှိနိုင်ပါတယ်။
ဒါပေမယ့်လည်း အခုအခါ ရခိုင်သင်္ကြန်ဟာ ရခိုင်ပြည်နယ် မြို့တော်စစ်တွေအပါအ၀င် တခြားမြို့ကြီး တွေမှာ တဖြည်းဖြည်းနဲ့ တိမ်ကောပပျောက်လာနေတယ်လို့ သိရပါတယ်။ ခုလို တိမ်ကောလာတာ ကလည်း အုပ်ချုပ်သူ နအဖ စစ်အာဏာပိုင်တွေက ချစ်စရာကောင်းတဲ့ ရခိုင်ရိုးရာ သင်္ကြန်နေရာမှာ ဗမာသင်္ကြန်ကို အစားထိုးကျင်းပလာတဲ့အတွက် ဖြစ်ပါတယ်။ နအဖ စစ်အာဏာပိုင်တွေအနေနဲ့ နှစ်စဉ်နှစ်တိုင်း ရခိုင်ပြည်နယ်အတွင်း ရခိုင်ရိုးရာယဉ်ကျေးမှုကို မြှင့်တင်တဲ့အနေနဲ့ ရခိုင်ရိုးရာသင်္ကြန် ကို ကျင်းပပေးမယ့်အစား ဗမာရိုးရာသင်္ကြန်ကိုသာ ကျင်းပလာတာကိုတွေ့ရပါတယ်။
နိုင်ငံတော်အစိုးရတရပ်အနေနဲ့ တိုင်းရင်းသားလူမျိုးတမျိုးရဲ့ ချစ်စရာကောင်းတဲ့ ရိုးရာသင်္ကြန်ကို မြေ တောင်မြှောက်ပေးမယ့်အစား ဖျက်ဆီးပစ်ဖို့ကြိုးစားလာတာကိုတော့ အထူးဝမ်းနည်းစရာကောင်းလှပါ တယ်။ ခုလို နအဖ စစ်အာဏာပိုင်တွေရဲ့ အစီအစဉ်ကျကျ ဖျက်ဆီးမှုကြောင့် လှေတွေမှာ ရေဖြည့်ပြီး အမျိုးသမီးနဲ့အမျိုးသား တဘက်တချက်စီကနေပြီး ရေကစားနည်းဟာ စစ်တွေအပါအ၀င် တခြားမြို့ တွေမှာ တဖြည်းဖြည်းနဲ့ တိမ်ကောလာတယ်လို့ သိရပါတယ်။ လှေမှာ ရေဖြည့်ပြီး ရေကစားတာက ခေတ်မမှီသလို အထင်အမြင်မျိုးရောက်အောင် နအဖ စစ်အာဏာပိုင်တွေက ဖန်တီးလုပ်ဆောင်တာ တွေလည်း ရှိနေတယ်လို့ သိရပါတယ်။
ဥပမာအားဖြင့် အစိုးရဌာနဆိုင်ရာတခုခုမှာ အလုပ် လုပ်နေတဲ့ ရခိုင်အမျိုးသမီးတွေအနေနဲ့ မိမိရိုးရာ သင်္ကြန်မဏ္ဍာပ်မှာ ရေကစားနိုင်တဲ့အခွင့်အရေးက တဖြည်းဖြည်းနဲ့ နည်းပါးလာတယ်လို့ သိရပါ တယ်။ ဘာဖြစ်လို့လည်းဆိုတော့ နအဖ စစ်အာဏာပိုင်တွေက ဌာနဆိုင်ရာမဏ္ဍာပ်ကြီးတွေ ဆောက်ပြီး ရုံးသူရုံးသားတွေကို အတင်းဆင့်ခေါ်ပြီး ဗမာလို ပိုက်လုံးနဲ့ရေကစားခိုင်းတဲ့အတွက် ဖြစ်ပါ တယ်။ နှစ်စဉ်နှစ်တိုင်း ရခိုင်ပြည်နယ်က စစ်အာဏာပိုင်တွေဟာ စစ်တွေမြို့မှာ မဏ္ဍာပ်ကြီးတွေ ဆောက်ပြီး အစိုးရ၀န်ထမ်းတွေ၊ လူကုန်တန်သားသမီးတွေကိုခေါ်ယူပြီး ဗမာလို ရေပိုက်လုံးနဲ့ ရေကစားစေတယ်လို့လည်း သိရပါတယ်။ တဖက်မှာ အဲဒီလို ဗမာသင်္ကြန်ကို ကျင်းပနေသလို တဖက်မှာလည်း ရခိုင်ရိုးရာသင်္ကြန်ကို အားပေးအားမြောက်လုပ်တာတွေလည်း မရှိဘူးလို့ သိရပါ တယ်။
ဒါကြောင့် ရခိုင်ရိုးရာသင်္ကြန်ဟာ ပျက်စီးပျောက်ကွယ်မယ့် အနေအထားကိုရောက်လာပြီလားဆိုပြီး စောဒကတက် မေးခွန်းထုတ်လာကြတာဖြစ်ပါတယ်။ ဒါကြောင့် ချစ်စရာကောင်းတဲ့ ရခိုင်ရိုးရာသင်္ကြန် မပျက်စီးရအောင် ထိန်းသိမ်းဖေါ်ထုတ်ဖို့ ကျနော်တို့ ရခိုင်အမျိုးသားတွေမှာ တာဝန်ရှိပါတယ်။ ရိုးရာ ယဉ်ကျေးမှု ဓလေ့ထုံးစံတွေဟာ လွယ်လွယ်နဲ့ ပေါ်ပေါက်လာတာမဟုတ်သလို ရေရှည်တည်တံ့လာခဲ့ တာကလည်း လွယ်လွယ်နဲ့ ထိန်းသိမ်းစောင့်ရှောက်ပေးဆပ်ခဲ့လို့ မဟုတ်ပါ။ ဒါကြောင့် မိမိတို့ရဲ့ ရိုးရာဓလေ့တွေထဲက တခြားလူမျိုးတွေရဲ့ ရိုးရာဓလေ့တွေနဲ့မတူဘဲ တမူထူးခြားတဲ့ ရခိုင်ရိုးရာသင်္ကြန် ကို မတိမ်ကော ပျက်စီးမသွားရအောင် ရခိုင်အမျိုးသားတွေအနေနဲ့ တတ်စွမ်းသရွှေ့ ထိန်းသိမ်းစောင့် ရှောက်ကြဖို့ လိုအပ်တယ်လို့ ပြောကြားချင်ပါတယ်။

မြန်မာဝန်ကြီးချုပ် သွေးတက်

ဆန္ဒပြသူ များဝင်ရောက် လာချိန် တွင် ထိတ် လန့် နေသော မြန်မာ ၀န်ကြီးချုပ် ဗိုလ်ချုပ်ကြီးသိန်းစိန် ကို ဦးစားပေးကယ်တင်ရ။
အဆောက်အဦးခေါင်းမိုးပေါ်မှ ရဟတ်ယာဉ် နှစ်စီးဖြင့် နိုင်ငံခေါင်းဆောင် ၁၆ ယောက်နိုင်ငံခြားရေး ၀န်ကြီး ၁၆ ယောက်တို့ ကို ဦးစားပေးကယ် တင်ချိန် တွင် မြန်မာဝန်ကြီးချုပ် ကို ဦးစားပေး၍ ထိုင်း က ပထ မ ရဟတ်ယာဉ် ဖြင့် ပင် ထည့်ပေးလိုက်ရမိန်းမသား ဖိလစ်ပိုင် ခေါင်းဆောင် အာရို ယိုပင် နောက် အစီးဖြင့် လိုက်ရသည်။



ဝန်ကြီးချုပ် က ထိုင်းနိုင်ငံ တွင် အရေးပေါ် အခြေအနေ ကြေညာ အဆီယံ ထိပ်သီးအစည်းအဝေးနှင့် ဆက်စပ် အစည်း အဝေးများကို ဖျက်သိမ်း
April 11, 2009 · ၁၁ ဧပြီ ပတ္တယား ထိုင်း၊ ၊Freedom News Group


အစည်းအဝေးကျင်းပရာ ခန်းမထဲသို့ 
ဆန္ဒပြသူများ ၀င်ရောက်လာစဉ်

အစိုးရဆန့် ကျင်ရေးဆန္ဒပြသူ များက အာဆီယံ
အစည်းအဝေးကျင်းပရာခန်းမထဲ သို့ ညာသံပေး၍
ဝင်ရောက်လာစဉ် (AP Photo/David Longstreath)

တားဆီးပိတ် ဆို့ မှုများကို ကျော်ဖြတ်ခဲ့ ပြီးနောက်
ဟိုတယ်မှန်တံခါးကို ကိုယ်နှင့်တိုက်ခွဲ ကာဆွေးနွေးပွဲ
ခန်းမထဲ သို့ ရောက်ရှိလာသည့်  ထိုင်းဆန္ဒပြသမားများ
ဓာတ်ပုံ-Sukree Sukplang ရိုက်တာ

ဆန္ဒပြသူများက တင့်ကားနှစ်စီးကို
သိမ်းပိုက်ထားစဉ် ဓာတ်ပုံ-အေပီ

တနင်္ဂနွေနေ့ က ဘန်ကောက်မြို့ တွင်းသို
့တင့်ကားများဝင်ရောက်လာစဉ်
(AP Photo/Apichart Weerawong)


ဆန္ဒပြသူ များဝင်ရောက် လာချိန် တွင် ထိတ် လန့် နေသော မြန်မာ ၀န်ကြီးချုပ် ဗိုလ်ချုပ်ကြီးသိန်းစိန် ကို ဦးစားပေးကယ်တင်ရ
အဆောက်အဦးခေါင်းမိုးပေါ်မှ ရဟတ်ယာဉ် နှစ်စီးဖြင့် နိုင်ငံခေါင်းဆောင် ၁၆ ယောက်နိုင်ငံခြားရေး ၀န်ကြီး ၁၆ ယောက်တို့ ကို ဦးစားပေးကယ် တင်ချိန် တွင် မြန်မာဝန်ကြီးချုပ် ကို ဦးစားပေး၍ ထိုင်း က ပထ မ ရဟတ်ယာဉ် ဖြင့် ပင် ထည့်ပေးလိုက်ရမိန်းမသား ဖိလစ်ပိုင် ခေါင်းဆောင် အာရို ယိုပင် နောက် အစီးဖြင့် လိုက်ရသည်။

နောက်ဆုံးရသတင်း……….မြန်မာဝန်ကြီးချုပ် သွေးတက်
ပြည်ပရောက် ၀န်ကြီးချုပ်ဟောင်း သက်ဆင်ကို ထောက်ခံသည့် အနီဝတ် များက ၁၄ ကြိမ်မြောက်
အာဆီယံထိပ်သီး အစည်းအဝေးနှင့် ဆက်စပ် အစည်းအဝေးများကျင်းပရာ ထိုင်းနိုင်ငံ ကမ်းခြေမြို့ 
ဖြစ်သည့် ဖတ္တယားတွင် ကျင်းပနေသော ဆွေးနွေးပွဲ ခန်းမသို့  အတားအဆီးများကို ကျော်ဖြတ်ပြီး မှန်များကို ရိုက်ခွဲ ၀င်ရောက်လာသောကြောင့် ၀န်ကြီးချုပ် က အစည်းအဝေး ကိုဖျက်သိမ်းလိုက်ရ
ပြီး ဖတ္တယားတွင် လည်း အရေးပေါ် အခြေအနေ ကြေငြာ လိုက်ရသည် ဟု သတင်းရရှိသည်။
ထိုသို့ အစည်းအဝေး ဖျက်သိမ်းမှုကြောင့် မြန်မာဝန်ကြီးချုပ် ဗိုလ်ချုပ်ကြီးသိန်းစိန် လည်း ခရီးရောက်
မဆိုက်ပင် ပြည်တော် ပြန်ခဲ့ ရသည်။လွန်ခဲ့သည့် နှစ်ရက် ကထိုင်းဝန်ကြီးချုပ် အဘိဆစ်က ဧည့်သည်တော် များ၏လုံ ခြုံရေးအတွက် တာဝန် ယူသည် ဟုဆိုသော် လည်း ယခုဖြစ်ရပ်မှာအစိုးရအတွက် အရှက်တကွဲ အကျိုးနည်းဖြစ်ရသည် ဟု ထိုင်းမီဒီယာများတွင် ဖေါ်ပြထားသည်။
ဆန္ဒပြသူ များက အဘိဆစ် နှုတ်ထွက်ပေးရန် အော်ဟစ်ပြီး ဆွေးနွေးပွဲ ခန်းမထဲ ထိ ၀င်ရောက်လာခဲ့ကြသည်။အာဏာရှင် ဆန့် ကျင်ရေး ဒီမိုကရေစီ တပ်ပေါင်းစု (UDD)၏ ခေါင်းဆောင် တစ်ဦးဖြစ်သူဂျကယာပေါဘ် ဖန်ခရိုင်ယ က “ဒီအစည်းအဝေး ကို ရပ်တန့် နိုင်ခဲ့ လို့ ငါတို့ နိုင်ပြီ ဆက်ပြီးတော့ အဘိဆစ် မနှုတ်ထွက် မချင်း ဘန် ကောက်မှာ ဆက်ပြီးဆန္ဒပြမယ်” ဟု အေပီ သို့ ပြောသည်။
ဆန္ဒပြသူ များက ဆွန်ခန် ရေသဘင်ပွဲတော် ကျင်းပမည့် နိုင်ငံတော် အားလပ်ရက်များအတွင်းပါအင်အားထပ် တိုးမြှင့် ၍ ဆန္ဒပြကြ မည်ဟုသိရသည်။

ဆွန်ခန် ပွဲတော် ကာလ ဘန်ကောက်တွင် အရေးပေါ်အခြေအနေ ကြေညာပြီးနောက် တင့် ကားများဖြန့် ကျက်ချထား
၁၂ ဧပြီ ဘန်ကောက် ထိုင်း၊ ၊Freedom News Group

ထိုင်းနိုင်ငံ မြို့ တော်ဘန်ကောက် အပါအ၀င် အခြားခရိုင်ငါးခုထက် မနည်းတွင် အရေးပေါ်အခြေအနေ ထုတ်ပြန်လိုက်လိုက်ကြောင်း ထိုင်းဝန်ကြီးချုပ် အဘီဆစ် ၀ိဇ္ဖာဇီဝ ကယနေ့ ရုပ်သံမှ ကြေညာသည်။
အာဏာရှင် ဆန့် ကျင်ရေးဒီ မိုကရေစီ တပ်ပေါင်းစု ၏ခေါင်းဆောင် များ ကိုဖမ်းဆီးပြီးနောက် ထိုသို့ ကြေညာလိုက် ခြင်းဖြစ်သည်။အရေးပေါ် အခြေအနေ မကြေညာခင် အချိန်အနည်းငယ်ခန့် က ၀န်ကြီးချုပ် စီးလာသောကားကို ဆန္ဒပြသမားများက ပိတ်ဆို့ ထားကာ တိုက်ခိုက်သောကြောင့် ရဲကလေ ထဲသို့ သေနတ်ဖြစ်ပစ်ပေါက်ပြီး လူစုခွဲခဲ့ ရသည်။
အရေးပေါ် အခြေအနေ ကြေညာပြီးနောက် မြို့ တွင်းသို့ တင့်ကားများဝင်ရောက် လာခဲ့ပြီး နေရာအနှံတွင် ဖြန့်ကျက်ချထားသည်။ဆန္ဒပြသူများက မူတင့်ကားနှစ်စီးကို သိမ်းပိုက်ထားနိုင်ခဲ့သည်။
အဝေးရောက် ၀န်ကြီးချုပ်ဟောင်း သက်ဆင်က “ဆန္ဒပြသူ များအတွက် ရွှေရောင် ကာလ ဖြစ်ပြီး
ထိုင်းနိုင်ငံ ကိုထိုင်းပြည် သူများ ဦးဆောင်ရန် အတွက် ဆန္ဒပြသူများ နှင့် ပူးပေါင်းပြီးတော် လှန်ရေးတစ်ရပ် ပေါ်ပေါက် နိုင်ရန် တိုက်တွန်းထားသည်။
မနေ့ ကမူ ဆန္ဒပြသူ များကြောင့် ၁၄ ကြိမ်မြောက် အာဆီယံထိပ် သီးအစည်း အဝေး ပွဲ ကိုဖျက်သိမ်းလိုက်ရသည်။
ဆန္ဒပြသူ များက အဘီဆစ် နှုတ်ထွက်ပေးရန် တောင်းဆိုထားသည်။အဘီဆစ် က လည်းနှုတ်ထွက် မပေးနိုင် ဟု ပြန်တုံပြန်သည်။
ဆန္ဒပြသူများက ဖမ်းဆီးထားသော ခေါင်းဆောင်များကို ပြန် လွှတ်ပေးရန် တောင်းဆိုခဲ့ပြီး မီးရထား လမ်းတစ်ခု အပါအသင် လမ်းဆုံများနှင့် အရေးပါသော ကားလမ်းများကို ပိတ်ဆို့ ထားသည်။
နိုင်ငံရေး အခြေအနေ ခန့် မှန်းသူ များက အခြေအနေ ပို တင်းမာလျှင် စစ်တပ်မှ အာဏာသိမ်းဖွယ် ရှိသည် ဟုပြောကြသည်။
UDD ခေါင်းဆောင် အရိမန် ပွန်ဂရီရန် ဂရောင် ပတ္တယားမှ ဘန်ကောက်သို့ ပြန်လာ ပြီးနောက် ရဲက ဖမ်းဆီးခဲ့သည်။သူအဖမ်း ခံရပြီးနောက် အခြေနေ မှာ ပိုတင်းမာလာသည်။
သက်ဆင် ကို ထောက်ခံသူ အများစု ရှိရာ ထိုင်းနိုင်ငံမြောက် ပိုင်းချင်းမိုင် တွင် မူ ဆွန်ခန် ရေပွဲ တော် ကို ဆင်နွှဲနေကြသလို မြန်မာ ရွှေ့ ပြောင်း အလုပ်သမား အများစု ရှိရာ တခ် ခရိုင် မဲဆောက်တွင် လည်း ယခုနှစ် မဲဆောက် သင်္ကြန် မှာ စတင်ကျင်းပသည့် ယနေ့ မှာပင် အစည်ကားဆုံးဖြစ်သည် ဟု ရွှေ့ ပြောင်း အလုပ်သမား တစ်ဦးဖြစ်သူ ကိုမင်းနိုင် ကပြောသည်။

ဆန္ဒပြသူများကြောင့် အာဆီယံထိပ်သီး အစည်းအဝေးပွဲ ပျက်
11 April 2009

ဆန္ဒပြသူများနှင့် ရဲများ ရုန်းရင်းဆန်ခတ်
ဖြစ်နေကြစဉ် (ဘန်ကောက်မြို့၊ ဧပြီ ၁၀၊ ၂၀၀၉)


အရှေ့တောင်အာရှ နိုင်ငံများအသင်း (အာဆီယံ) ရဲ့ ထိပ်သီးအစည်းအဝေးပွဲ ကျင်းပနေတဲ့ ထိုင်းနိုင်ငံအပန်းဖြေကမ်းခြေ ပတ္တယားမြို့မှာ ထိုင်းအစိုးရကို ဆန့်ကျင် ဆန္ဒပြမှုတွေ ကြီးထွားလာတာနဲ့အမျှ သွေးထွက်သံယို ပဋိပက္ခမှုတွေ လည်း ဖြစ်ခဲ့တာမို့ ထိုင်းအစိုးရက အရေးပေါ် အခြေအနေ ကြေညာခဲ့ရသလို၊ အစည်းအဝေး ပွဲတွေကိုလည်း ရွှေ့ဆိုင်းလိုက်ရပါတယ်။ အစိုးရဆန့်ကျင်သူတွေနဲ့ လိုလားသူတွေကြား ပြဿနာတွေ ဖြစ်ခဲ့သလို ထိပ်သီးအစည်းအဝေးပွဲ လုပ်နေတဲ့ နေရာကို ဆန္ဒပြသမားတွေက ၀င်ရောက် လာခဲ့တာတွေ ရှိခဲ့တာမို့ လုံခြုံရေးအရ ထိုင်းအစိုးရက အခုလို ဆုံးဖြတ်လိုက်ရတာလို့ ဆိုပါတယ်။ ပြဿနာဖြစ်ပွားနေတဲ့ ထိုင်းနိုင်ငံ ပတ္တယားမြို့က ထိပ်သီး အစည်းအဝေးပွဲမှာ ရောက်နေတဲ့ ကိုအောင်လွင်ဦး က အခြေအနေတွေကို တင်ပြထားပါတယ်။

သုံးရက်ကြာ ကျင်းပဖို့ရှိနေတဲ့ အရှေ့တောင်အာရှ နိုင်ငံများအသင်း (အာဆီယံ) ထိပ်သီးအစည်းအဝေးပွဲတွေကို ထိုင်း အစိုးရက ရွှေ့ဆိုင်းလိုက်ပြီးတော့ အစည်းအဝေး ကျင်းပနေတဲ့ ပတ္တယားမြို့နဲ့၊ အနီးအနားက ချွန်ဘူရီမြို့တို့ကို အရေးပေါ် အုပ်ချုပ်ရေး အခြေအနေ ကြေညာလိုက်တာပါ။ ထိပ်သီးအစည်းအဝေးတွေ ကျင်းပတဲ့ ဒုတိယနေ့မှာပဲ အစိုးရဆန့်ကျင်သူ အနီရောင်အင်္ကျီတွေကို ၀တ်ဆင်ထားကြတဲ့ ဆန္ဒပြသမားတွေ နဲ့ အစိုးရလိုလားသူတွေအကြား သွေးထွက်သံယို ဖြစ်ခဲ့တဲ့ အထိ ပဋိပက္ခတွေဖြစ်ပွားခဲ့ပြီး၊ နောက်ပိုင်း အစည်းအဝေးပွဲ ကျင်းပတဲ့နေရာမှာ စုဝေး ဆန္ဒပြနေသူတွေက ဆွေးနွေးပွဲ ကျင်းပရာ ဟိုတယ်ထဲအထိ ၀င်ရောက်တာတွေ ရှိလာတဲ့နောက် အခုလို ထိုင်းအစိုးရက ဆုံးဖြတ်လိုက်တာပါ။

“ပတ္တယား နဲ့ ချွန်ဘူရီ ဒေသတွေမှာ အရေးပေါ် အခြေအနေအဖြစ်နဲ့ အစိုးရက အမိန့်ထုတ်ပြန်လိုက်ပါတယ်။ ဒီအမိန့်ကို အကောင်အထည် ဖော်ဖို့အတွက် ဒုတိယ၀န်ကြီးချုပ် ဆူထပ် ထေ့ဆူဝမ်း ကို တာဝန်ပေးအပ်လိုက်ပါတယ်။ အာဆီယံ ထိပ်သီး အစည်းအဝေးပွဲတွေကိုလည်း ရွှေ့ဆိုင်းလိုက်ပါတယ်။” - ဆိုပြီး ရုပ်မြင်သံကြားကနေ ၀န်ကြီးချုပ် အဘီဆစ် ၀ိက်ချာချီဝ က ကြေညာသွားတာပါ။ အခုအချိန်မှာ ထိပ်သီးအစည်းအဝေးပွဲ တက်ရောက်လာတဲ့ နိုင်ငံတကာ ခေါင်းဆောင် တွေရဲ့ လုံခြုံရေးကို ဦးစားပေးရမယ်၊ သူတို့ ဘေးကင်းရန်ကင်း ပြန်လည်ထွက်ခွာနိုင်ဖို့အတွက် အစိုးရက ဦးစားပေး ဆောင်ရွက်နေတယ်၊ တနိုင်ငံလုံးရဲ့ အကျိုးစီးပွားကို ထောက်ထားပြီး အခုလို ဆုံးဖြတ်လိုက်တာလို့လည်း ၀န်ကြီးချုပ်က ဆိုပါတယ်။

ဒေသတွင်းလုံခြုံရေး၊ စီးပွားရေးဆိုင်ရာ ပူးပေါင်းဆောင်ရွက်မှုတွေ တိုးမြှင့် လုပ်ဆောင်နိုင်ဖို့ ရည်ရွယ်ကျင်းပတဲ့ အာဆီယံ အစည်းအဝေးပွဲ အစနေ့မှာကတည်းက လွှမ်းမိုးနေခဲ့တဲ့ ထိုင်းနိုင်ငံရေး ပြဿနာတွေ ဒုတိယနေ့မှာ ပိုမိုကြီးထွား လာခဲ့ တာပါ။ အထူးသဖြင့် အာဆီယံ အစည်းအဝေးပွဲတွေ ဒုတိယနေ့အဖြစ် ကျင်းပမယ့်နေ့ မနက်အစောပိုင်းမှာတုန်းက ၀န်ကြီးချုပ် ထွက်ပေးဖို့ ဆန္ဒပြနေသူ အင်္ကျီအနီဝတ်သူတွေနဲ့ အစိုးရလိုလားသူ ဒေသခံလို့ ဆိုကြတဲ့ အပြာရောင်အင်္ကျီ ၀တ်ဆင် သူတွေကြား ထိပ်တိုက်ရင်ဆိုင်မှုတွေ တိုက်ခိုက်မှုတွေ ဖြစ်ခဲ့လို့ အခြေအနေတွေဟာ ပိုမိုတင်းမာလာခဲ့တာပါ။ အစောပိုင်းဖြစ်ခဲ့တဲ့ ပဋိပက္ခတွေမှာ ဆန္ဒပြသမားတွေနဲ့ ထိပ်တိုက် ရင်ဆိုင်မှုတွေ ဖြစ်ခဲ့တဲ့ အင်္ကျီအပြာဝတ် အစိုးရ လိုလား သူတွေဟာ အာဏာပိုင်တွေက ကျောထောက်နောက်ခံ ပေးထားတဲ့သူတွေ ဖြစ်တယ်ဆိုပြီး ဆန္ဒပြသူတွေဘက်က စွပ်စွဲခဲ့ တာပါ။ ဒီလို ပြဿနာဖြစ်အောင် လုပ်တယ်လို့ စွပ်စွဲခဲ့သူတွေကိုလည်း ၁ နာရီအတွင်း ဖော်ထုတ်အရေးယူဖို့၊ ဒီလိုမှ မလုပ်ရင် ထိပ်သီးအစည်းအဝေးပွဲ ကျင်းပရာနေရာကို ၀င်လာမယ်ဆိုပြီး ရာဇသံပေးခဲ့တာပါ။

သတ်မှတ်ထားတဲ့အချိန် ကျော်လွန်လာတဲ့ နောက်ပိုင်းမှာတော့ ထိပ်သီးအစည်းအဝေးပွဲကျင်းပရာ ဟိုတယ်ခန်းမအနီးကို ဆန္ဒပြသူတွေ ၀ိုင်းဝန်းလာခဲ့ကြပြီး နောက်ဆုံးမတော့ လုံခြုံရေးတွေ ၀ိုင်းဝန်းပိတ်ဆို့ထားတာတွေကို ကျော်လွန်ပြီး
ဝင်ပေါက်ဝ မှန်တံခါး တချပ်ကို ချိုးဖျက်ပြီး ဆန္ဒပြသူတွေ ၀င်လာခဲ့ကြတာပါ။ ဒီနောက်တော့ အစည်းအဝေး ကျင်းပဖို့ရှိတဲ့ နေရာတွေ၊ နောက် အာဆီယံခေါင်းဆောင် တချို့နေထိုင်ကြတဲ့ နေရာအနီးတ၀ိုက်အထိ ဆန္ဒပြသူတွေက ၀င်ရောက် နိုင်ခဲ့တာပါ။ ဆန္ဒပြသူတွေဘက်ကတော့ သူတို့လုပ်ရပ်နဲ့ ပတ်သက်လို့ ပြောတဲ့နေရာမှာ သူတို့အနေနဲ့ အစည်းအဝေးကို ဖျက်လိုဖျက်ဆီး လုပ်လိုတဲ့ ရည်ရွယ်ချက် မရှိဘူး၊ မလွှဲသာ မရှောင်သာ အခုလို လုပ်ရတာသာ ဖြစ်တယ်လို့ဆိုပါတယ်။

“ဒီလို အင်္ကျီအပြာဝတ်ဆင်ထားသူတွေဟာ ဘယ်သူဖြစ်နိုင်မလဲ၊ ဟိုတယ်အနီးအနားအထိ အခုလိုရောက်လာနိုင်တာ ဘာကြောင့်လဲ၊ ဒါတွေဟာ အစိုးရရဲ့ ပါဝင်ပတ်သက်မှုတွေ ရှိနေတယ်။ ဒါကြောင့်မို့လို့လည်း ပြောထားတဲ့အတိုင်း ထိပ်သီး အစည်းအဝေးပွဲ ကျင်းပရာ ဟိုတယ်ထဲအထိ သူတို့ဝင်ရောက်လာရတာ ဖြစ်တယ်။” ဆိုပြီး ဆန္ဒပြနေကြတဲ့ အာဏာရှင် ဆန့်ကျင်ရေး ဒီမိုကရေစီညီညွတ်ရေး တပ်ဦး UDD အဖွဲ့ခေါင်းဆောင် တဦးဖြစ်တဲ့ အရီဆမန် ပွန်ရူရန်ဂရွန် က သတင်းထောက်တွေကို သူတို့ သိမ်းပိုက်ထားတဲ့ ဟိုတယ်ခမ်းမတခုထဲမှာ ပြောလိုက်တာပါ။ အစောပိုင်း ထိပ်တိုက် ရင်ဆိုင်မှုတွေ အတွင်းမှာတော့ ၂ ဖက်စလုံးက လက်နက်တွေ ကိုင်ဆောင်ထားကြပြီး သေနတ်နဲ့ ပစ်ခတ်တာမျိုးတွေအထိ ရှိတယ်လို့လည်း ဆိုကြပါတယ်။ ဆန္ဒပြသူတွေဖက်ကတော့ ဒီလိုပဋိပက္ခကြောင့် သူတို့ဖက်က ၁၂ ဦးလောက် ထိခိုက် ဒဏ်ရာတွေ ရခဲ့တယ်လို့လည်း ပြောပါတယ်။ ထိုင်းနိုင်ငံ ဒုတိယ၀န်ကြီးချုပ် ဆူထေ့ ကတော့ ဆန္ဒပြသူတွေ စွပ်စွဲ ပြောဆို နေတာတွေ ကိုငြင်းပယ်သွားပြီး ထိခိုက်ဒဏ်ရာရသူ ဟာလည်း ၁ ဦးသာ ရှိခဲ့တယ်ဆိုပြီး ပြောပါတယ်။ အခုနောက်ဆုံး အရေးပေါ် အုပ်ချုပ်ရေး ကြေညာပြီးတဲ့နောက်မှာတော့ ထိပ်သီးအစည်းအဝေးပွဲအတွက် ရောက်လာကြတဲ့ ဒေသတွင်း နိုင်ငံတွေက ခေါင်းဆောင်တွေလည်း ရဟတ်ယာဉ်တွေနဲ့ အသီးသီး ပြန်လည် ထွက်ခွာကုန်ကြပါပြီ။ ဒါဟာဆိုရင် ထိုင်းနိုင်ငံ က နိုင်ငံရေးပြဿနာတွေကြောင့် ရွှေ့ဆိုင်းလာခဲ့ရတဲ့ ထိပ်သီး အစည်းအဝေးပွဲကို ဒုတိယအကြိမ် ရွှေ့ဆိုင်းခဲ့ရတာလည်း ဖြစ်ပါတယ်။