Friday, May 22, 2009

လူကိုသာ ထောင်ချ၍ ရမည်၊ ထိုသူ၏ ဂုဏ်သိက္ခာနှင့် ကြိုးပမ်း အားထုတ်မှုများကို ထောင်ချ၍ မရနိုင်

ခိုင်ထွန်း
သောကြာနေ့၊ မေလ 22 2009 17:47 - မြန်မာစံတော်ချိန်
မြန်မာနိုင်ငံ၏ အတိုက်အခံခေါင်းဆောင် ဒေါ်အောင်ဆန်းစုကြည်ကို ရေကူးဝိဇ္ဇာတဦးကြောင့် အင်းစိန်ထောင်သို့ အပို့ခံရသည်ဆိုသော သတင်းသည် ကမ္ဘာ့နိုင်ငံရေးလောကတွင် မြန်မာစစ်တပ် အာဏာရှင်တို့၏ ကလေးကလားဆန်မှု၊ ယုတ္တိကင်းမဲ့မှုကို မျက်ဝါးထင်ထင် တွေ့မြင်စေလေတော့သည်။ လွတ်ရက်စေ့ခါနီးမှ တိုက်ဆိုင်စွာ ဖြစ်ပေါ်လာသော ဤဖြစ်ရပ်၏ နောက်ကွယ်တွင် စစ်တပ်၏ ကျိုးကြောင်းမခိုင်လုံသော စွပ်စွဲချက်များ၊ တဖက်သတ် အဓမ္မပြုမူချက်များကို မြင်တွေ့ရရုံသာမက ဒေါ်အောင်ဆန်းစုကြည်အား နေအိမ်မှ ခေါ်ထုတ်၍ ထောင်ထဲသို့ သွင်းလိုက်သောအခါ မြန်မာ့နိုင်ငံရေး၊ ဒီမိုကရေစီအရေး လှုပ်ရှားမှုများအတွက် မည်သို့သော သက်ရောက်မှု ရှိလာနိုင်မည်ဆိုသည်ကို စောင့်ကြည့်ကြရပေဦးမည်။ အကြမ်းဖျင်း မှန်းဆကြည့်ရမည် ဆိုပါက နိုင်ငံတကာ အသိုင်းအဝိုင်း၏ ကြီးမားသော အာရုံစိုက်မှုကို ခံရမည်။ စစ်တပ်၏ လိုသလို သုံးနေသော ဥပဒေအပေါ် နိုင်ငံတကာ၏ အမြင်မှာ သုညအောက်သို့ ရောက်သွားမည်။ တိုင်းပြည် လူထုတရပ်လုံး လိုချင်နေသော ဒီမိုကရေစီအရေးအတွက် လှုပ်ရှားသူများကို နင်းသထက် နင်းလာသောအခါ တစုံတရာသော အတိုင်းအတာအထိ လူထုက တုံ့ပြန်လာကြပေလိမ့်မည်။ ရွေးကောက်ပွဲမတိုင်မီ အတိုက်အခံများကို ဖိသတ်ထားသောကြောင့် တဖက်သတ် ရွေးကောက်ပွဲ၏ ဒီမိုကရေစီ အနှစ်သာရ ကင်းမဲ့သော ရလဒ်များကို လူထုက ဤအတိုင်း လက်ခံမည်မထင်။ တစုံတရာ တုံ့ပြန်ကြပေလိမ့်မည်။ တဦးတည်း ပြေးနေသော ပြိုင်ပွဲအတွက် ပန်းတိုင်တွင် ကြိုဆိုသူ မရှိနိုင်ချေ။ ရေကူးဝိဇ္ဇာက သူ့အစီအစဉ်အတိုင်းဖြစ်စေ၊ စစ်တပ်၏ အစီအမံအရဖြစ်စေ လုပ်ခဲ့သော လုပ်ရပ်သည် ပြည်သူလူထု၏ အတွေးအမြင်ကို များစွာရိုက်ခတ်သွားသည်။ အကယ်၍ ဤလူသားသည် သူ့ကိုယ်ကျိုးအတွက် ဆိုပါကလည်း ၎င်းကြောင့် ငိုက်မြည်းနေသူ ပြည်သူတချို့ မျက်စိကျယ်သွားစေသည်။ ထိန်းချုပ်ခံ လူထုခေါင်းဆောင်ကို ခိုးဝှက်တွေ့ဆုံပါက စစ်တပ်က မည်သို့ တုံ့ပြန်မည်နည်း။ တိုင်းပြည်လူထုထဲမှ ဤသို့ လုပ်ရပ်မျိုး ထပ်မံဖြစ်ပေါ်လာပါက ထိန်းသိမ်းခံ လူထုခေါင်းဆောင်များ၊ ရဲဘော်များအတွက် မည်သို့ အဓိပ္ပာယ် သက်ရောက်ပါမည်နည်း။ ထိန်းချုပ်ခံ ခေါင်းဆောင်များ၊ ရဲဘော်များက အဆိုးမြင်သဘော တုံ့ပြန်မည်လော။ ၎င်းတို့အား မတရားဖိနှိပ် ထောင်သွင်း နှောင်ဖွဲ့ထားသည်ကို လက်မခံနိုင်သူများက မကြောက်မရွံ့ လာရောက်တွေ့ဆုံပါက ထိုသူများအား အဆိုးပုံချမည်လော။ ငရမန်ကန်းလက် ရောက်နေသော စောလူးမင်းကို ကျန်စစ်သား ဝင်တွေ့သောအခါ စောလူးမင်းကဲ့သို့ ပြုမူမည်လော စသဖြင့် စဉ်းစားဖွယ်များစွာ ရှိလေသည်။ အကယ်၍ ဤလူသားသည် ၎င်းကိုယ်ကျိုးအတွက် မဟုတ်ဘဲ၊ ဒီမိုကရေစီခေါင်းဆောင်ကို တွေ့ခွင့်ရလျှင် ဘာဖြစ်ဖြစ် ခံမည်ဆိုပြီး လာရောက်တွေ့ဆုံပါက ၎င်းအတွက် ဒုက္ခမျိုးစုံကို ရင်ဆိုင်ပါမည်ဆိုပြီး စွန့်စားသူဖြစ်ပါက ၎င်းအပေါ် မည်သို့ သတ်မှတ်ကြမည်နည်း။စစ်တပ်နှင့် အချိန်ကိုက် လက်ဝါးချင်းရိုက်၍ ဖန်တီးသူဖြစ်ခဲ့ပါမူ ၎င်းတို့ ကြံစည်ထားသည့်အတိုင်း ဒေါ်အောင်ဆန်းစုကြည်ကို တမင်သက်သက် အကွက်ဆင်၍ ထောင်သွင်းလိုက်ခြင်း ဖြစ်ပါမူ ကမ္ဘာ့ တရားခွင်လောကကို မထီမဲ့မြင် ဂရုမစိုက်သော၊ မလေးစားသော၊ လုပ်ချင်ရာကို ဥပဒေမဲ့လုပ်သော ၎င်းတို့၏ ဇာတ်ရုပ်ကို ပေါ်လွင်စေခဲ့လေပြီ။ ပြုသူတဦး၊ ခံရသူတဦး ဖြစ်နေလေပြီ။ ကမ္ဘာအရပ်ရပ်မှ တုံ့ပြန်လာမှုနှင့် မှတ်ချက်တို့ကိုမူ စဉ်းစားစရာ လိုမည်မထင်။ ၂ဝ၁ဝ မတိုင်မီ လှမ်းလာမည့် စစ်တပ်၏ ခြေလှမ်းကို ဗေဒင်မမေးဘဲ သိရှိထားပြီး ဖြစ်လေသည်။ အတိုက်အခံ လူထုခေါင်းဆောင်များသည် ၎င်းတို့အတွက် ခလုတ်ကန်သင်း၊ လူ့အခွင့်အရေး လှုပ်ရှားသူများ၊ အဖွဲ့အစည်းများကို ယုတ္တိမဲ့ ပုဒ်မများ တပ်မည်၊ နှောင်ကြိုးတည်းမည်၊ ထောင်ထဲသွင်းပေမည်။ ၎င်းတို့ အလိုကျ အဖွဲ့အစည်းများကို ပြည်သူ့မျက်စိထဲ၊ နားထဲရောက်အောင် မီဒီယာမျိုးစုံသုံး၍ တွန်းပို့မည်။ ၎င်းတို့ နောက်ကွယ်တွင် မည်သူတို့ ရပ်တည်နေသည်ကိုလည်း ပြည်သူတို့ကို သိစေမည်၊ ခြိမ်းခြောက်မည်။ သို့သော် ဒီမိုကရေစီကို ပင်ပမ်းကြီးစွာ ထုဆစ်နေသူ ပြည်သူ့ခေါင်းဆောင်ကို ထောင်သွင်းရုံဖြင့် ပြည်သူတို့ လမ်းကြောင်း ပြောင်းသွားမည်လော။ မတရား အာဏာသုံးပြီး ဖိနှိပ်လေလေ၊ ဖိနှိပ်ခံရသူဘက်မှ ရပ်တည်လာလေလေ ဖြစ်လိမ့်မည်။ ဒီမိုကရေစီ မိခင်သည်လည်း ရောက်ရာအရပ်တွင် ဒီမိုကရေစီ အလင်းရောင်ကို ထွန်းညှိရန် အားထုတ်နေပေလိမ့်မည်။ ထောင်နံရံသည် ဒီမိုကရေစီ အလင်းရောင်ကို ချုပ်နှောင်နိုင်မည်မဟုတ်။ ဒီမိုကရေစီ မိခင်၏ နှလုံးသား၊ ယုံကြည်ချက်၊ ပေးဆပ်မှုတို့ကို လျော့ကျသွားစေမည် မဟုတ်ပေ။ ပို၍ ပြောင်လက်သွားစေလိမ့်မည်၊ ပို၍ လင်းလက်သွားစေလိမ့်မည်။ အပြင်မှာရှိသော လူထုနှင့် ဒီမိုကရေစီ နိုင်ငံတော်ကို ထုဆစ်ဖန်တီးနေသူများကလည်း အခက်အခဲ ပြဿနာမျိုးစုံကို အင်အားအပြည့်ဖြင့် စိန်ခေါ်ဖြေရှင်းပေလိမ့်မည်။ စစ်တပ်၏ မတရားသော လုပ်ရပ်များအတွက် ၎င်းတို့၏ ခေါင်းဆောင်အတွက် သွေးပွက်ကြပေလိမ့်မည်။ အမှောင်သည် အလင်းရောင်ကို ထုပ်ပိုးထား၍ မရနိုင်။ အလင်းရောင်သည် သူ၏ ကိုယ်ပိုင်အရှိန်အဝါနှင့် ထိုးထွင်းလာပေလိမ့်မည်။ မည်သို့ပင်ဖြစ်စေ ယခုပြဿနာသည် ဘက်ပေါင်းစုံမှ စဉ်းစားရခက်မည် ဖြစ်သော်လည်း ၎င်း၏ သက်ရောက်မှုကို မကြာမီ တွေ့မြင်ရပေလိမ့်မည်။ ထောင်သည် အမှန်တရားကို ရှာဖွေဖော်ထုတ်သူတို့အား၊ အားနည်းသူတို့ဘက်မှ ရပ်တည်နေသူတို့အား၊ အရှိန်အဝါ ပိုပြင်းစေသော ပိုမိုလင်းလက် တောက်ပြောင်စေသော အရောင်တင်ရာ နေရာတခုသာ ဖြစ်တော့သည်။ ထိုသူတို့အတွက် ထောင်သည် အနှောင်အဖွဲ့မဟုတ်၊ အမှန်တရားအတွက် ကြိုးပမ်းရင်း ရရှိလာသော မြင့်မြတ်သော ဘုံတခု ဖြစ်သည်။ အဓမ္မဝါဒီတို့ ဖန်တီးထားသော ထောင်သည် ဓမ္မဝါဒီတို့ကို ထိန်းချုပ်မရနိုင်ပြီ။ ထောင်သည် သူရဲကောင်းတို့ မရောက်ရောက်အောင် သွားရမည်ဖြစ်သော ပန်းတိုင်ခရီးတလျှောက်မှ ကွန်းခိုရာ စခန်းထောက်တခုသာ ဖြစ်တော့သည်။ ကျွန်ုပ်တို့ ပြည်သူလူထု၏ ဆန္ဒကား အနှစ်သာရ ပြည့်ဝသော ဒီမိုကရေစီ နိုင်ငံတော်ကြီး ပေါ်ထွက်ရန်ပင်။ ထို့အတွက် အခက်အခဲမျိုးစုံကို ကျော်လွှားရင်း ရှေ့သို့ တရွေ့ရွေ့ ချီတက်လာခဲ့ပေပြီ။ အမိမြန်မာနိုင်ငံတော်ကြီး၊ ဒီမိုကရေစီ တိုင်းပြည်ကြီး ဖြစ်ပါတော့။ဒီမိုကရေစီ မိခင်ကြီး ရောက်ရာဒေသတွင် ကျန်းမာချမ်းသာပါစေ။ဒီမိုကရေစီ သားကောင်းများ ရောက်ရာဒေသတွင် ကြံ့ကြံ့ခံနိုင်ကြပါစေ။ထောင်သည် လူ့သမိုင်းတလျှောက် လူသား၏ စွမ်းရည်ကို ပြောင်မြောက်စေသော အကောင်းဆုံး ပန်းပုဆရာကြီးပေတည်း။ ထောင်တွင်းမှ ရဲဘော်များအားလုံးကို ပြည်သူတရပ်လုံးက ဦးညွတ်ပါ၏၊ ဂုဏ်ယူပါ၏၊ အလေးအမြတ်ပြုပါ၏။၎င်းတို့၏ တာဝန်ကျေပွန်မှု၊ ပေးဆပ်မှုများကြောင့် အမိတိုင်းပြည်ကြီး ဂုဏ်တက်ခဲ့လေပြီ။အနာဂတ်၏ သားကောင်း၊ သမီးကောင်းများ စဉ်ဆက်မပြတ် မွေးဖွားနိုင်ပါစေ။

ဒေါ်အောင်ဆန်းစုကြည် အထုပ္ပတ္တိ

Photobucket
သောကြာနေ့၊ မေလ 22 2009 10:28 - မြန်မာစံတော်ချိန်

တောင်အာဖရိကခေါင်းဆောင် နယ်လ်ဆင်မင်ဒဲလား ကဲ့သို့ပင် ဒေါ်အောင်ဆန်းစုကြည်သည်လည်း ဖိနှိပ်ခြင်းကို သူရဲကောင်းပီသစွာ ငြိမ်းချမ်းစွာ ကြံ့ကြံ့ခံနိုင်ခြင်း၏ အပြည်ပြည်ဆိုင်ရာ ပြယုဂ်တခု ဖြစ်လာခဲ့ပါသည်။
အသက် ၆၃ နှစ်ရှိပြီဖြစ်သော ဒေါ်အောင်ဆန်းစုကြည်သည် မြန်မာပြည်သူများအတွက် တနေ့တွင် နိုင်ငံ၏ စစ်အာဏာရှင် ဖိနှိပ်မှု အဆုံးသတ်ရမည်ဟူသော အကောင်းဆုံးနှင့် တခုတည်းသော မျှော်လင့်ချက်လည်းဖြစ်သည်။
အမျိုးသား ဒီမိုကရေစီအဖွဲ့ချုပ် (NLD) ၏ ဒီမိုကရေစီ လိုလားသော ခေါင်းဆောင်တဦး အနေနှင့် သူသည် ပြီးခဲ့သည့် ၁၉ နှစ်အတွင်းမှ ၁၃ နှစ်ကျော်ကာလကို စစ်အစိုးရ၏ ထိန်းသိမ်းမှု ပုံစံအမျုိုးမျိုး အောက်တွင် ဖြတ်သန်းခဲ့ရသည်။

အင်အားမဲ့တို့၏ အင်အား
၁၉၉၁ ခုနှစ်တွင် မြန်မာနိုင်ငံဒီမိုကရေစီရရှိရေး ကြိုးပမ်းမှုအတွက် သူသည် နိုဘယ်လ်ငြိမ်းချမ်းရေးဆု ချီးမြှင့်ခြင်းကို ခံခဲ့ရသည်။
နိုဘယ်လ်ငြိမ်းချမ်းရေးကော်မတီ ဥက္ကဌဖြစ်သော ဖရန်စစ် စီဂျက်စတက်က သူမအား “ ထင်ရှားသော အင်အားမဲ့တို့၏ အင်အား ဥပမာ တခု” ဟု ခေါ်ဝေါ်ခဲ့သည်။
နိုင်ငံခြားတိုင်းပြည်များတွင် နေထိုင်ခဲ့ရပြီးနောက် ၁၉၈၈ ခုနှစ်တွင် ဒေါ်အောင်ဆန်းစုကြည် သည် မြန်မာနိုင်ငံသို့ပြန်သွားခဲ့သည်။
သူပြန်ရောက်ပြီး မကြာခင်ပင် ရန်ကုန်မြို့တွင် ၁၉၉၅ ခုနှစ်၊ ဇူလိုင်လ၌ ပြန်လွတ်လာသည်အထိ ၆ နှစ်ကြာမျှ နေအိမ်အကျယ်ချုပ် အချခံခဲ့ရသည်။
ခရီးသွားကန့်သတ်ထားမှုကို အာခံသည့်အနေဖြင့် မန္တလေးသို့သွားရန် ကြိုးစားခဲ့စဉ် ၂ဝဝဝ ခုနှစ် စက်တင်ဘာလတွင် ထပ်မံ၍ နေအိမ်အကျယ်ချုပ်ချခဲ့သည်။
သူ့ကို ၂ဝဝ၂ ခုနှစ် မေလတွင် ချွင်းချက်မရှိ ပြန်လွတ်ပေးခဲ့သည်။ သို့သော် နောက်တနှစ် အကြာတွင် သူနှင့်အမျိုးသားဒီမိုကရေစီအဖွဲ့ချုပ်ကို ထောက်ခံသူများကို စစ်အစိုးရ လက်သပ်မွေးထားသော လူမိုက်အုပ်စုကြီးက တိုက်ခိုက်မှုဖြစ်ပွားပြီး သူ့ကို ထောင်တွင်း ထိန်းသိမ်းခဲ့သည်။
၂ဝဝ၃ ခုနှစ် စက်တင်ဘာလတွင် အမျိုးသမီးရောဂါနှင့် ခွဲစိတ်ခံရပြီးနောက် သူအား အိမ်သို့ ပြန်ပို့ခဲ့သည်။ သို့သော်လည်း နေအိမ်အကျယ်ချုပ်အဖြစ်နှင့်သာဖြစ်သည်။
၂ဝဝ၇ ခုနှစ်နွေရာသီတွင် လောင်စာဆီ ဈေးနှုန်းနှင့်ပါတ်သက်၍ ဆန့်ကျင်ဆန္ဒပြမှုများ မြန်မာနိုင်ငံအနှံ့အပြားတွင် ဖြစ်ပေါ်ခဲ့သည်။ ၎င်းမှနောက်ဆက်တွဲတွင် အစိုးရမှ အကြမ်း ဖက်အဆုံးသတ်ခဲ့သော ဗုဒ္ဓဘာသာ ဘုန်းတော်ကြီးများ ဦးဆောင်သည့် အစိုးရဆန့်ကျင်ရေး ဆန္ဒပြပွဲများဖြစ်ပေါ်ခဲ့သည်။

သူ့ကို မမေ့နိုင်
ဒေါ်အောင်ဆန်းစုကြည် သည်စက်တင်ဘာလတွင် သူ၏အိမ်ရှေ့သို့ ကြွချီလာသော ဆန္ဒပြ သံဃာတော်များကို အိမ်ခြံဝင်းမှ ဖူးမျှော်ခဲ့သည်။၂ဝဝ၃ ခုနှစ်ကတည်းကဆိုလျှင် ပထမဆုံး လူထုရှေ့မှောက်သို့ ပေါ်လာခြင်းပင် ဖြစ်သည်။
၂ဝဝ၉ ခုနှစ်မေလ သူမ၏နောက်ဆုံးထိန်းသိမ်းထားမှု ကာလပြည့်ကာနီးအချိန်တွင် NLD မှသူ မတွင် သွေးအားနည်းရောဂါနှင့် ရေဓါတ်လျော့နည်းသော ရောဂါခံစားနေရသောကြောင့် သူမ အားလွတ်ပေးပါရန် စစ်အစိုးရအားအယူခံဝင်ခဲ့ရာ ပယ်ချခြင်းခံခဲ့ရသည်။

ထူးဆန်းတဲ့ အမှုတက်
မကြာသေးခင်ကာလက ကန်ကိုဖြတ်၍ရေကူးကာ သူ၏နေအိမ်ဝင်းခြံထဲသို့ ခိုးဝင်ခဲ့သော အမေရိကန် နိုင်ငံသားတဦးအား ဖမ်းဆီးမိခဲ့သည်။ထို့နောက်ရက်အနည်းငယ်အကြာတွင် ထိုသူကိုဝင်လာရန် မဖိတ်ခေါ်ခဲ့သည်မှာ ထင်ရှားသော် လည်း ဒေါ်အောင်ဆန်းစုကြည်ကိုယ်တိုင်အား ထိန်းသိမ်းထားစဉ် ကန့်သတ်ထားသည့် အခြေအနေ တို့ကိုဖောက်ဖျက်သည်ဟုဆိုကာ ဖမ်းဆီး၍ တရားစွဲဆိုခဲ့သည်။
သူ့အား အင်းစိန် အကျဉ်းထောင်သို့ခေါ်ဆောင်သွား၍ မေလ ၁၈ ရက်နေ့တွင် သတ်မှတ်ထား သော အမှုကြားနာမှုကိုစောင့်နေရသည်။
ဝေဖန်ချက်များက ဖမ်းဆီးမှုသည် ၂ဝ၁ဝ တွင်ကျင်းပရန် စီစဉ်ထားသည့် ရွေးကောက်ပွဲအထိ သူမအားလူအများမျက်စိရှေ့မှောက်မှ ဖယ်ရှားထားရန် အကွက်ချစီစဉ်ခြင်းဖြစ်သည်ဟု ဆိုသည်။

နေအိမ်အကျယ်ချုပ်မှာ ဘယ်လိုဖြတ်သန်းခဲ့လဲ
ထိန်းသိမ်းထားသည့် ကာလများတွင် ဒေါ်အောင်ဆန်းစုကြည်မှာ လေ့ကျင့်ခန်းပြုလုပ်ခြင်း၊ လေ့လာခြင်းများနှင့် အလုပ်ရှုပ်နေခဲ့သည်။
“ကျမအဖေရဲ့ သမီးတယောက်အနေနဲ့ ဖြစ်ပျက်နေတာတွေ အားလုံးကို မထူးခြားသလို ကျမ မနေနိုင်ပါဘူး“ ဟုဒေါ်အောင်ဆန်းစုကြည်က ၁၉၈၈ ခုနှစ်က ပြောခဲ့ပါသည်။သူသည် တရားထိုင်သည်။ ပြင်သစ်စာ၊ ဂျပန်စာ ကျွမ်းကျင်မှုများအတွက် အလုပ်လုပ် နေခဲ့သည်။ ထို့နောက် စန္ဒရားတွင် ဂျာမန်တေးရေးဆရာ ဘက်ခ်ျ ၏ တေးများတီးရင်း အပန်း ဖြေတတ်သည်။
မကြာသေးခင်အချိန်များကူ သူသည်တခြား NLD မှလူကြီးများနှင့်လည်းကောင်း၊ ကုလသမဂအထူးသံတမန် ရာဇာလီ အစ္စမေးလ် ကဲ့သို့သော ရွေးချယ် ပေးထားသော သံတမန်များနှင့် လည်းကောင်း တွေ့ခွင့်ရခဲ့သည်။
သို့သော် ထိန်းသိမ်းခံရသည့် စောစောပိုင်းနှစ်များကမူ ဒေါ်အောင်ဆန်းစုကြည်ကို အကြိမ် တော်တော်များများတွင် တဦးတည်းသီးသန့်ခွဲထားခဲ့သည်။ ၁၉၉၉ ခုနှစ်က ကင်ဆာရောဂါနှင့် ဆုံးသွားခဲ့သော အင်္ဂလိပ်လူမျိုး ခင်ပွန်းနှင့် သားနှစ်ယောက်ကို ပင်တွေ့ခွင့်မရခဲ့ပေ။
သူ၏ခင်ပွန်း သေဆုံးခါနီး အိပ်ရာထဲတွင်လဲနေစဉ်တွင် သူ့အားစစ်အစိုးကအာဏာပိုင်များ ကခင်ပွန်းအား တွေ့ဆုံနိုင်ရန် အင်္ဂလန်သို့ပြန်ခွင့်ပြုမည်ဟု ကမ်းလှမ်းခဲ့သည်။ သို့သော်သူက နိုင်ငံသို့ပြန်လည်ဝင်ရောက်ခွင့်မပြုမည်ကိုစိုးသောကြောင့် တာဝန်အရငြင်းဆန်သင့်သည်ဟု ယူဆကာ ငြင်းဆန်ခဲ့သည်။
ဒေါ်အောင်ဆန်းစုကြည်သည် ထိန်းသိမ်းထားခြင်းကသူ၏ကျန်ရှိနေသောဘဝအား မြန်မာနိုင်ငံသူ နိုင်ငံသားများအတွက် ကိုယ်စားပြုပေးရန် သူ့အားပိုမို၍ရည်စူးဆုံးဖြတ်လာ စေသည်ဟုမကြာခဏပြောလေ့ရှိသည်။
ကုလသမဂ္ဂ သံတမန် ရာဇာလီအစ္စမေးလ်က ဒေါ်အောင်ဆန်းစုကြည်သည် သူတွေ့ ဘူးသမျှ လေးစားအထင်ကြီးစရာအကောင်းဆုံး ပုဂ္ဂိုလ်များထဲမှ တယောက်ဖြစ်သည်ဟုဆို၏။

နိုင်ငံခြားတွင် နေထိုင်ရသောဘဝ
ဒေါ်အောင်ဆန်းစုကြည်အား လေးစား စိတ်ဝင်စားခံရခြင်း အကြောင်းအရင်း တော်တော်များများ မှာ သူသည် တိုင်းပြည်၏ လွတ်လပ်ရေး သူရဲကောင်း ဗိုလ်ချုပ်အောင်ဆန်း၏ သမီး ဖြစ်နေခြင်းကြောင့်ပင် ဖြစ်သည်။
ဗိုလ်ချုပ်အောင်ဆန်းသည် လွတ်လပ်ရေးမရခင် ခြောက်လခန့်အလို အပြောင်းအလဲကာလ ၁၉၄၇ ခု၊ ဇူလိုင်လ တွင်လုပ်ကြံသတ်ဖြတ်ခြင်းခံခဲ့ရသည်။ထိုအချိန်က ဒေါ်အောင်ဆန်းစုကြည်မှာ နှစ် နှစ်သမီးသာရှိပါသေးသည်။
၁၉၆ဝ ခုတွင် ဒေလီသို့ မြန်မာသံတမန်အဖြစ် ခန့်အပ်ခြင်းခံခဲ့ရသော မိခင်နှင့်အတူ အိန္ဒိယ သို့လိုက်ပါသွားခဲ့သည်။
လေးနှစ်ကြာသောအခါ အင်္ဂလန်နိုင်ငံ အောက်စဖို့ တက္ကသိုလ် သို့ သွားရောက်၍ အတွေးအခေါ်ပညာ၊ နိုင်ငံရေးနှင့် စီးပွါးရေးတို့ကို သင်ယူခဲ့သည်။ ထိုတက္ကသိုလ်တွင် သူ၏ ခင်ပွန်းလောင်းနှင့် တွေ့ခဲ့သည်။
ဒေါ်အောင်ဆန်းစုကြည်သည် ဂျပန်နှင့် ဘူတန်တို့တွင် စွဲမြဲစွာ နေထိုင်လုပ်ကိုင်ခဲ့ပြီးနောက် သားနှစ်ယောက် ဖြစ်သော အလက်ဇန်းဒါး နှင့် ကင်မ် တို့ကို ပြုစုပျိုးထောင်ကာ အင်္ဂလိပ်တက္ကသိုလ် ကျောင်းဆရာတယောက်၏ အိမ်ရှင်မအဖြစ် ဘဝအခြေချခဲ့သည်။
သို့သော် မြန်မာပြည်သည် သူ၏အတွေးမှ ဘယ်သောအခါမှ ဝေးကွာမသွားခဲ့။
ပထမပိုင်း အလွန်ဖျားနာနေသော မိခင်အား ကြည့်ရှု့စောက်ရှောက်ရန် ၁၉၈၈ ခုနှစ် တွင်ရန်ကုန်သို့ ပြန်ရောက်သွားခဲ့စဉ်က မြန်မာနိုင်ငံသည် အဓိကနိုင်ငံရေး ပြသာနာအပြောင်း အလဲများ ကြားတွင်ရှိနေခဲ့သည်။
ထောင်နှင့်ချီသော ကျောင်းသားများ၊ ရုံးအလုပ်သမားများနှင့် ဘုန်းတော်ကြီးများသည် ဒီမိုက ရေစီအပြောင်းအလဲအတွက် လမ်းများပေါ်သို့ထွက်၍ တောင်းဆိုနေကြသည်။
“ကျမအဖေရဲ့ သမီးတယောက်အနေနဲ့ ဖြစ်ပျက်နေတာတွေ အားလုံးကို မထူးခြားသလို ကျမ မနေနိုင်ပါဘူး“ ဟုဒေါ်အောင်ဆန်းစုကြည်က ၁၉၈၈ ခု သြဂုတ် လ၂၆ ရက်နေ့တွင်ရန်ကုန်၌ ပြောသော သူ၏ မိန့်ခွန်း၌ပြောကြားခဲ့သည်။
ဒေါ်အောင်ဆန်းစုကြည်သည် မကြာမီတွင် ထိုစဉ်ကအာဏာရှင် ဗိုလ်ချုပ်နေဝင်းကိုဆန့်ကျင် သောတော်လှန်ရေး ၏ဦးဆောင်မှုအခန်းဂဏ္ဌထဲသို့ တွန်းပို့ခြင်းခံလိုက်ရတော့သည်။
အမေရိကန် နိုင်ငံသားအခွင့်အရေးတောင်းဆိုမှု ခေါင်းဆောင် မာတင်လူသာကင်း နှင့် အိန္ဒိယမှ မဟတ္တမဂန္ဒီ တို့၏အကြမ်းမဖက်ရေးလှုပ်ရှားမှုများ ကိုအားကျအတုယူကာနိုင်ငံ အနံ့ သွာရောက်၍ တရားပွဲများပြုလုပ်စည်းရုံးခဲ့သည်။ လွတ်လပ်သော ရွေးကောက်ပွဲနှင့် ငြိမ်းချမ်း သောဒီမိုကရေစီ အသွင်ကူးပြောင်းလဲရေးတို့ကိုတောင်းဆိုခဲ့သည်။
သို့သော် ၁၉၈၈ ခုစက်တင်ဘာလ ၁၈ ရက်နေ့တွင် အာဏာသိမ်းယူခဲ့သော စစ်တပ်မှ ဆန္ဒပြ ပွဲများကိုရက်ရက်စက်စက် ဖြိုခွင်းခဲ့သည်။
စစ်အစိုးရသည် ၁၉၉ဝ ခု၊ မေလတွင် အထွေထွေရွေးကောက်ပွဲကို ကျင်းပပေးခဲ့သည်။
ဒေါ်အောင်ဆန်းစုကြည်သည် ယှဉ်ပြိုင်ရန်အချက်များနှင့်မပြည့်စုံခဲ့ဘဲ၊ နေအိမ်အကျယ်ချုပ်ကျ နေခဲ့သော်လည်း သူမ၏ NLD ပါတီသည် မဲအပြတ်အသတ် အနိုင်ရခဲ့သည်။
သို့သော် စစ်အစိုးရသည် ထိန်းချုပ်ထားမှုကို လွဲပေးရန်ငြင်းဆန်ခဲ့၍ ထိုအချိန်ကတည်းက အာဏာကိုဆုတ်ကိုင်ထားခဲ့သည်။
( ဘီဘီစီ ကမ္ဘာတလွှားအစီအစဉ်ကို ကိုးကားပါသည်။)