Thursday, June 11, 2009

လူထု ခေါင်းဆောင် ဒေါ်အောင်ဆန်းစုကြည်၏ မတူပီ စည်းရုံးရေး ခရီးစဉ် အတွင်း လုံခြုံရေး တာဝန် အထူးယူပေးခဲ့သူ အဖွဲ့ချုပ် စည်းရုံးရေးမှူး ဆလိုင်းလှမိုး


ဆလိုင်းလှမိုး ကွယ်လွန်ခြင်း တလပြည့် အောက်မေ့ဂုဏ်ပြုတဲ့ အထိမ်းအမှတ် အနေနဲ့ ၂ဝဝ၉ ခုနှစ်၊ မေလ ၁၂ ရက်နေ့က နအဖရဲ့ မြင်းခြံ အကျဉ်းထောင်တွင်းမှာ ကွယ်လွန်သွားခဲ့ရဲ့တဲ့ ၂ဝဝ၃ ခုနှစ်၊ လူထု ခေါင်းဆောင် ဒေါ်အောင်ဆန်းစုကြည်ရဲ့ မတူပီ စည်းရုံးရေး ခရီးစဉ်အတွင်း လုံခြုံရေး တာဝန် အထူးယူပေးခဲ့သူ အဖွဲ့ချုပ် စည်းရုံးရေးမှူး ဆလိုင်းလှမိုးရဲ့ ကိုယ်ရေးရာဇဝင် အကျဉ်းကို လက်လှမ်း မီသလောက် စုစည်း လွှင့်တင် ပေးလိုက်တာ ဖြစ်ပါတယ်။

လူထု ခေါင်းဆောင် ဒေါ်အောင်ဆန်းစုကြည်၏ မတူပီ စည်းရုံးရေး ခရီးစဉ် အတွင်း အထူး လုံခြုံရေး တာဝန် ယူပေးခဲ့သူ ဆလိုင်းလှမိုး (ပုံရဲ့ ဝဲထောင့်မှာ အင်္ကျီအဖြူ လက်ပတ်အနီဖြင့် ရပ်နေသူ၊ ဆလိုင်းလှမိုးရဲ့ အနီးကပ် မြင်ကွင်း ဓာတ်ပုံကိုပါ ပုံရဲ့ ယာဘက်မှာ တွဲဆက်ပေးထားပါတယ်)။



အမည်ရင်း - လှမိုး
အိမ်ထောင်ရေး - ဇနီးနှင့် သားသမီး ၄ ဦးရှိ၊
မွေးသက္ကရာဇ် - ၁၉၆ဝ ခုနှစ်၊
အဖအမည် - ဦးတွီဒိမ်း၊
အမိအမည် - ဒေါ်ထဲန်ရို
မွေးရာဇာတိ - လုံတုမ်းကျေးရွာ၊ မတူပီမြို့နယ်၊ ချင်းပြည်နယ် တောင်ပိုင်း။

ဆလိုင်း လှမိုးဟာ ၁၉၉ဝ ခုနှစ်၊ မြန်မာနိုင်ငံ ပါတီစုံ ဒီမိုကရေစီ အထွေထွေ ရွေးကောက်ပွဲမှာ အမျိုးသား ဒီမိုကရေစီ အဖွဲ့ချုပ် ချင်းပြည်နယ် တောင်ပိုင်း၊ တူပီမြို့နယ်၊ မဲဆန္ဒနယ် အမှတ် (၂) စည်းရုံးရေးမှူး အဖြစ် လူထု စည်းရုံးရေး တာဝန်တွေကို ကျြွေ့ပန်စွာ ထမ်းဆောင်ခဲ့သူ ဖြစ်တယ်။


ဒါ့အပြင် လွန်ခဲ့တဲ့ ၂ဝဝ၃ နှစ်၊ အတွင်းမှာ လူထု ခေါင်းဆောင် ဒေါ်အောင်ဆန်းစုကြည်ဟာ ပြည်သူလူထု စည်းရုံးခရီးစဉ် အဖြစ် နိုင်ငံအနှံ့ လှည့်လည် စည်းရုံးရေး ဆင်းနေရာ၊ ဧပြီလ ၁ဝ ရက် ချင်းပြည်နယ် စည်းရုံးရေး ခရီးစဉ်ရဲ့ အစိတ်အပိုင်း အဖြစ် ဧပြီလ ၁ဝ ရက်မှာ မတူပီမြို့ ရောက်ရှိလာ ခဲ့ပါတယ်။ လူထု ခေါင်းဆောင်ရဲ့ မတူပီ စည်းရုံးရေး ခရီးစဉ် အဆင်ပြေ ချောမွေ့ရေးနှင့် လုံခြုံရေးတို့ကို အထူးတာဝန် ယူပေးခဲ့သူမှာ ဆလိုင်း လှမိုး ဖြစ်ပါတယ်။


အဲဒီ အညှိုးအတွေးတွေနဲ့ နအဖ စစ်အာဏာပိုင်တွေဟာ ဒေါ်အောင်ဆန်းစုကြည် ပြန်သွားပြီးနောက် ရက်ပိုင်းအတွင်းမှာပဲ ဆလိုင်လှမိုးနဲ့ အတူ မတူပီမြို့နယ် အမျိုးသား ဒီမိုကရေစီ အဖွဲ့ချုပ် အတွင်းရေးမှူး ဆလိုင် အောင်ထန်း၊ လူငယ်ရေးရာ တာဝန်ခံ ဆလိုင် ပါထန်းတို့ကို ဖမ်းဆီး ထိန်းသိမ်းခဲ့တယ်။ အခြား အဖွဲ့ချုပ် စည်းရုံးရေးမှူးနဲ့ လူငယ် အဖွဲ့ဝင် ၈ ဦးဟာလည်း အိန္ဒိယနိုင်ငံသို့ ထွက်ကပြေး ခိုလှုံခဲ့ရပါတယ်။ ဒီနောက် ဥပဒေ ပုဒ်မ (၃၃၃) နဲ့ စွဲချက်တင်ပြီး ၂ဝဝ၃ ခု၊ ဇွန်လ ၄ ရက်နေ့မှာ ထောင်ဒဏ် ၁၁ နှစ် ချမှတ်ပြီး မြန်မာနိုင်ငံ အလယ်ပိုင်းက မြင်းခြံထောင်သို့ ပို့ဆောင်ခဲ့တယ်၊၊


မြင်းခြံထောင်တွင်း သောက်သုံးနဲ့ ချိုးရေ မသန့်ရှင်းမှုကြောင့် ဆလိုင်းလှမိုးဟာ အသည်းရောင် အသားဝါနဲ့ ရေဖျင်းရောဂါ စွဲကပ်လာခဲ့ရာ၊ ထောင်တွင်း ကျန်မာရေး ပြုစု စောင့်ရှောက်မှုကလည်း အလွန်ဆိုးရွား ညံဖျင်းသလို၊ ပြင်ပဆေးရုံသို့လည်း သွားရောက် ဆေးကုသခံယူခွင့်ကို မပြုခဲ့တာတို့ ပေါင်းဆုံပြီး ၂ဝဝ၉ ခုနှစ်၊ မေလ ၁၂ ရက်မှာ ထောင်တွင်း ဆေးရုံမှာပဲ ခရစ်တော်၌ အိပ်ပျော် သွားခဲ့ပါတယ်။


အခုလို ဆလိုင်းလှမိုး မြင်းခြံ အကျဉ်းထောင် အတွင်းမှာ ကွယ်လွန် သွားခဲ့တာကို ချင်းပြည်နယ် တောင်ပိုင်း မတူပီမြို့နယ်မှာ နေထိုင်နေတဲ့ မိသားစုကို နအဖ ထောင်အာဏာပိုင်တွေက အသိပေး အကြောင်းကြားမှု တစုံတရာ မလုပ်ခဲ့သလို၊ ခရစ်ဘာသာ ထုံးစံအရ မဟုတ်ဘဲနဲ့ ပြီးစလွယ် သဂြုင်္ိဟ်လိုက်တယ်လို့ သိရပါတယ်၊၊ ဒီအကြောင်းတွေကိုလည်း ပြီးခဲ့တဲ့ လကုန်ပိုင်းက ပခုက္ကူမြို့မှ ဆွေမျိုးတဦးက ဆလိုင်းလှမိုးကို ထောင်ဝင်စာ သွားတွေ့ရင်း စုံစမ်းမှသာ သိခဲ့ရတာလို့လည်း သိရပါတယ်။


လက်သမားပညာဖြင့် အသက်မွေးဝမ်းကြောင်း ပြုပြီး မိသားစု ဦးဆောင် ရှာကွေ္ဆးနေသူ ဆလိုင်းလှမိုးဟာ အခုလို နှစ်ရှည်ထောင်ဒဏ် ချမှတ် ခံလိုက်ရတာကြောင့်၊ တောင်ပေါ် ကျေးရွာလေး တရွာမှာ ကျန်ရစ်ခဲ့ရသူ ဇနီးနဲ့ သား သမီးတွေ အဖို့ ရွှေတောင်ကြီး ပြိုသကဲ့သို့ ခက်ခဲ ဆင်းရဲ ပင်းပန်းစွာ ရုန်းကန် နေထိုင် နေကြရတာကနေ၊ အခုတော့ ဆလိုင်းလှမိုး အကျဉ်းထောင်တွင်းမှာ ကွယ်လွန်သွားပြီ ဆိုတဲ့ သတင်းဆိုးကို ကြားသိ လိုက်ရပြီးနောက် ရက်ပိုင်း အတွင်းလေးပဲ စစ်အာဏာရှင်တွေရဲ့ ရက်စက်မှု ဒဏ်ကို ဆလိုင်းလှမိုးရဲ့ ကျန်ရစ်သူ ဇနီးမယားမှာ မခံစားနိုင်တော့ဘဲ အရူးတပိုင်းဖြစ်ကာ အိမ်မှာ မနေတော့ဘဲ လမ်းတွေပေါ်မှာပဲ လျှောက်သွား နေတယ်လို့လည်း မတူပီ ဒေသခံတွေ ထံကနေ တဆင့် ကြားသိနေရပါတယ်။ အခုလို ဖခင်က ထောင် တွင်းမှာဆုံး၊ အတူ မိခင်က ရူး ဆိုတော့ ကျန်ရစ်သူ သားသမီး ၄ ဦး အဖို့လည်း စောင့်ရှောက် ကြည့်ရှုပေးမဲ့သူ ကင်းမဲ့သွားကာ၊ သူတို့ ကလေးတွေရဲ့ ဘဝ မျှော်လင့်ချက်ဟာလည်း ပိန်းပိတ်အောင် မှောင်မည်း သွားလေပြီလို့ ဒေသခံ ရွာသားတွေ စုတ်သပ် နေကြရပါတယ်။


မြန်မာနိုင်ငံ ဒီမိုကရေစီ ထွန်းကားရေး အတွက် ကိုယ့်ကျိုးမငဲ့ဘဲ အသက်စွန့် တိုက်ပွဲဝင်သွားသူ ဆလိုင်းလှမိုး ကောင်းရာသုဂတိ လားပါစေသော်။

မြန်မာ့ သတင်းဆက်သွယ်ရေး နည်းပညာအဖွဲ့

နည်းပညာနှင့် မြန်မာ့ ကွန်ရက် မော်ကွန်းတိုက်

စာပေ၊ သတင်းနည်းပညာနှင့် လွတ်လပ်ငြိမ်းချမ်းသော နိုင်ငံတော်

ယုံကြည်ချက်ကဗျာများ

မွန်တွေကိုတကယ်တန်းချစ်တယ်ဆိုရင်


မွန်အရှင် ကောသလ္လ

ဇွန် ၇၊ ၂၀၀၉။

မွန်အမျိုးအနွယ်အတွင်းမှ ပေါက်ဖွားဆင်းသက်လာရသည်ပင် စာရေးသူအနေနဲ့ ဂုဏ်ယူစရာတရပ်ဟုထင်မိပါသည်။
အကြောင်းသော်ကား မွန်လူမျိုးသည် မွန်ခမာအနွယ်မှဆင်းသက်လာသော လူမျိုးကြီးတရပ်ဖြစ်သည့်အပြင်
ဂေါတမဘုရားရှင်ပွင့်တော်မူစအချိန်မှစ၍ ရာတနာသုံးပါးလေးစားရမှန်း၊ တစ်ဦးနဲ့တစ်ဦးဆက်ဆံရာတွင်
ယဉ်ကျေးသိမ်မွေ့ရမှန်းတစတစသိလာကာ၊ ကိုယ့်မင်းကိုယ့်ချင်း၊ ကိုယ့်တိုင်းပြည်ကိုယ့်စာပေ၊
ကိုယ်ပိုင်ယဉ်ကျေးမှုအဆင့်ထိတိုးတက်လာသောကြောင့်ဖြစ်ပါသည်။

ဤသို့ခေတ်အဆက်ဆက်ချီတက်လာသော်လည်း စာပေယဉ်ကျေးမှုများမပျောက်ကွယ်ပဲ ယခုထက်တိုင်တည်ရှိနေနိုင်ခြင်းမှာ
မွန်မျိုးချစ်များဖြစ်ကြသောဘဘေး၊ ဘိုးဘီဘင်နောင်တော်ဆွေမျိုးစဉ်ဆက်တို့၏ ကျေးဇူးကြောင့်ဟုဆိုလျှင်မှားနိုင်မည်မထင်၊
မွန်ခမာနောက်မှမြန်မာပြည်တွင်းသို့ဝင်ရောက်လာသော ပျူ၊ကမ်းယံ၊သက်လူမျိုးတို့မှာယခုအခါကျောက်စာအချို့မှလွဲ၍ လူမျိုးတစ်ရပ်အနေဖြင့်လက်ဆုပ်လက်ကိုင်ပြစရာလောက်အောင်ပင်ဤနိုင်ငံမှဆိတ်သုန်းသွားရသည်။

ဤသို့လူမျိုးပျောက်ကွယ်ရခြင်းမှာ ငါးကြီးကငါငယ်ကိုစား၊ ငါးငယ်ကပုစွန်ဆိက်ကိုစား၊ ပုစွန်ဆိတ်ကရေညှိကိုစားသကဲ့သို့
လူမျိုးကြီးတစ်ရပ်က လူမျိုးစု၊လူနည်းစုကိုဝါးမျိုသောကြောင့်လည်းကောင်း၊ လူမျိုးချင်းချင်းရောနှောဆက်ဆံ
ခြင်းကြောင့်သော်လည်းကောင်း၊ မိတို့၏စာပေယဉ်ကျေးမှုထက် တပါးအမျိုးနွယ်တို့၏ စာပေယဉ်ကျေးမှုကိုအထင်ကြီး
သောကြောင့် လည်းကောင်း၊ အစရှိသောအကြောင်းအမျိုးမျိုးကြောင့် ဖြစ်ပေလိမ့်မည်။

ဘာသာစကားသည်ပထမ
အမျိုးသားတိုင်းမိမိတို့၏ အမျိုးမပျောက်ကွယ်သွားအောင် အရှည်တည်တံ့အောင် အမျိုးအပေါ်တွင်
သစ္စာရှိရမည်၊စောင့်ထိန်းရမည့် တာဝန်ကိုယ်စီရှိရမည်၊ မိမိ၏အမျိုးကို ချစ်ခင်လေးစားရမည်၊ ကမ္ဘာ့လောကတွင်
ဤအမျိုးအနွယ်ကမြတ်သည်၊ ဤအမျိုးအနွယ်ကယုတ်သည်ဟူ၍ အတိအကျတိုင်းတာ၍ ရမည်မဟုတ်ပါ။
မိမိ၏လူမျိုးဘယ်အခြေအနေရောက်ရောက်နေစေကာမူ မိမိ၏လူမျိုးရှေ့တန်းရောက်အောင် တိုးတက်လာအောင်ကြိုးစားရမည်မှာ
လူတိုင်းရှောင်ဖယ်၍ မရသော အဓိကတာဝန်တရပ်ဖြစ်ပေသည်။

လူမျိုးတစ်ရပ်၏အဓိကလက္ခဏာသည်ကာ ဘာသာစကားပင်ဖြစ်၏။ ကိုယ်ပိုင်ဘာသာစကားမရှိသောလူမျိုးစုတခုအနေဖြင့်
ရပ်တည်ဖို့ခဲယဉ်းလှပေသည်။ လူမျိုးတိုင်းကိုယ်ပိုင်ဘာသာစကားရှိသရွေ့ လူမျိုးတစ်ရပ်အ ဖြစ်တည်တံ့နိုင်သေးသည်သာဖြစ်၏။

ဘာသာစကားသာပျောက်ကွယ်သွားရင်“ဒါမွန်လူမျိုးပဲ၊ဒါဗမာလူမျိုးပဲ”ဟုညွှန်ပြစရာပင်ရှိမည်မဟုတ်။
ထို့ကြောင့်မွန်မျိုးချစ်ပုဂ္ဂိုလ်တိုင်းမွန်ဘာသာစကားကိုသင်ကြားရမည်။လေးစားရမည်။ မွန်စကားကိုနေရာတကာပြောကြားရပေမည်။

စာရေးသူတို့ငယ်စဉ်က အစိုးရစာသင်ကျောင်းတွင်နေရသဖြင့် ကျောင်းမှာဗမာလိုအချင်းချင်းပြောကြအိမ်ရောက်ပြန်လျှင်လည်းဗမာလိုပြောကြသည်ကိုအဘိုးလုပ်သူကမြင်ပြင်းကပ်၍
“အိမ်မှာတော့ကိုယ့်အချင်းချင်းမွန်လိုပြောကြပါ”ဟုမိမိတို့ညီအကို ကိုတိုက်တွန်းခဲ့ဘူးသည်။ကလေးဘ၀မှစ၍မိမိ၏မိခင်ဘာသာ
စကားနှင့်ထိတွေ့မှုမရှိခဲ့ရင်ထိုကလေးသည် ကြီးပြင်းလာသောအခါပိုဆိုးဘို့သာရှိတော့သည်။ မိမိ၏မိခင်ဘာသာစကားကိုလေးစားစားရမှန်းမသိတော့ပဲသူတပါး၏ဘာသာစကားကိုသာအထင်ကြီးလာပေလိမ့်မည်။

မိမိလူမျိုးရဲ့မြင့်မြတ်တဲ့ဘာသာစကားကိုသားသမီးတို့အား လက်ဆင့်ကမ်းပေးရန်ပုခက်လွှဲသောလက်ပိုင်ရှင်မွန်မိခင်တိုင်း၊မွန်ကိုတကယ်ချစ်တဲ့မွန်ဖခင်တိုင်း၏တာဝန်ပင်ဖြစ်ပေသည်။

စာပေသည်ဒုတိယ
လူ့ယဉ်ကျေးမှုစတင်ကတည်းက ဘာသာစကားသည်တစ်ဦးနဲ့တစ်ဦး နားလည်အောင် ဆက်သွယ်ရာတွင် ပနာနကျသော
လက်နက်ကရိယာတစ်ခုပင်ဖြစ်သည်။ ဘာသာစကားပေါ်ပေါက်ပြီးမှသာ ဘာသာစကားကိုမှတ်တမ်းတမ်းတင်သည့်စာအရေး
အသားပေါ်ပေါက်လာရသည်။ ဘယ်လူမျိုးတွေကမှစာအရေးအသားကဦးစွာပေါ်၍ဘာသာစကားနောက်မှပေါ်သည်ဟူ၍မရှိပေ။
လူတိုင်းလူတိုင်းရှေးဦးစွာ “ချိုမိုင်မိုင်”သင်လာရသည့်အချိန်မှစ၍ စာသင်ကျောင်းသို့မရောက်မှီကာလအတွင်း“ပုဗ္ဖစရိယမိနှင့်ဘ”
တို့၏လက်ထဲတွင်ဘာသာစကားကို သင်ကြားခဲ့ရသည်၊ထိုကြောင့်စာပေသည်လူမျိုးတည်တံ့ရေး၏ဒုတိယမှတ်ကျောက်ဖြစ်ပေသည်။

ယခုအခါမွန်အမျိုးသား၊အမျိုးသမီးတိုင်း မွန်ဘာသာပြောတတ်သည်ကိုထားဘိဦး၊မွန်ဘာသာဖြင့်ရေးတတ်၊ ဖတ်တတ်ရန်
ခပ်ရှားရှားဖြစ်လာသည်မှာ စာရေးသူအနေနဲ့ အလွန်ဝမ်းနည်းမိပါသည်၊ ဤကဲ့သို့မွန်ဘာသာကိုသာပြောတတ်၍မရေးတတ်၊ မဖတ်တတ်ရခြင်းမှာစာသင်ချိန်အရွယ်ရောက်သည်နှင့် အစိုးရစာသင်ကျောင်းသို့ပို့ကြသောကြောင့်ပင်ဖြစ်ပေသည်။ စာရေးသူအနေနဲ့မွန်ကလေးငယ်များကိုအစိုးရကျောင်းဆီသို့မပို့ရဟု မဆိုလိုပါ။ သို့သော်အစိုးရကျောင်းမှာနေရင်းမိဘလုပ်သူကအားလျှင်အားသလိုသင့်တော်သည့်အချိန်မှာ....မွန်စာပေသင်ကြားသင့်ပေသည်။

စာရေးသူအနေနဲ့အစိုးရမူလတန်းကျောင်းနေကတည်းက မွန်စာကိုကောင်းကောင်းရေးတတ်၊ဖတ်တတ်နေပေပြီ၊
အကြောင်းမှာအစိုးရကျောင်းတွင်နေရင်းအဘိုးက ကျောင်းပိတ်ရက်(အဖိတ်၊ဥပုသ်)ရက်နေ့တိုင်းဘုန်းကြီးကျောင်း
တက်ခိုင်း၍မွန်စာသင်စေခဲ့သည်။

နွေရာသီကျောင်း(၂)လပိတ်ချိန်တွင်လည်း(၂)လလုံးလုံးဘုန်းကြီးကျောင်းမှာ အချိန်ကုန်ရပြန်သည်။ စာရေးသူအနေနဲ့(၁၂)နှစ်
လုံးလုံးစာသင်နေရသည်မှာငြီးငွေ့ခဲ့သည်။ အဘိုးဖြစ်သူ၏အမိန့်ပညတ်ချက်ကိုမလွန်ဆန်ဝံ့၊အဘိုးကိုကြောက်နေရသဖြင့် အစိုးရကျောင်းနှင့်ဘုန်းကြီးကျောင်းတွင်သံသရာလည်ခဲ့ရသည်။အဘိုးကွယ်လွန်သော အခါမှအဘိုး၏ကျေးဇူးကိုဆပ်၍မကုန်
နိုင်အောင်ကြီးမားကြောင်းသိရသည်။

ကျနုပ်တို့လူမျိုးများမှာမွန်စာမတတ်လျှင်နေရမည်၊ဘာသာခြားတရုတ်၊ကုလားတို့မှာ အမျိုးသားကျောင်းအသီးသီးဖွင့်ကာအချိန်ပိုင်း
သော်လည်းကောင်း၊ အချိန်ပြည့်သော်လည်းကောင်း၊မိမိတို့စာပေကိုသင်ကြားနေ ကြသည်။
ထို့ကြောင့်တရုတ်လူမျိုး၊ကုလားလူမျိုးတိုင်းလိုလိုမိမိတို့၏ ဘာသာစကားကိုပြောတတ်ကြလည့်အပြင် ကောင်းမွန်စွာရေးတတ်၊
ဖတ်တတ်ကြပေသည်။ အတုယူစရာကောင်းလှပေသည်။တိုင်းရင်းဖွားမွန်လူမျိုးအနေဖြင့်မွန်စာတတ်ရန်ဘုန်းကြီးကျောင်းကိုသာ
အားကိုးရရှာသည်။

မွန်အမျိုးသားကျောင်းဟူ၍အသီးအခြားမရှိခဲ့။ဘုန်းကြီးကျောင်းဆိုရာ၌လည်းကျောင်း သူများကိုလက်ခံသည်မဟုတ်၊ထို့ကြောင့်မွန်စာကို
ဖတ်တတ်စရာရှိလျှင်ယောကျာ်းများသာတတ်၍မိန်းမများမတတ်ပဲရှိကြရသည်။
မွန်ဒေသရှိအချို့သောမူလတန်းစာသင်ကျောင်း၌မွန်စာကို သင်ကြားပေးသည်ဆိုသော်လည်းထိထိရောက်ရောက်မရှိ။

မတောက်တခေါက်နဲ့သာအချိန်ကုန်ခဲ့ရသည်၊တချိန်ကမော်လမြိုင်ကောလိပ်တွင်မွန်ဘာသာကို(Optional Subject)စိတ်ကြိုက်ဘာသာတရပ်အနေဖြင့်သင်းကြားပေးခဲ့သော်လည်း နောက်ပိုင်းတွင်
“ဖုတ်လေသည့်ငပိ၊ရှိသည်ဟုပင်မကြားမိတော့” အချုပ်အားဖြင့်ဆိုရလေသော်ဘာသာခြားစာပေကိုတတ်သင့်သလို ကိုယ့်စာပေကိုမသင်မနေရ၊တတ်အောင်သင်ရမည်။ဘာသာခြားစာပေကိုတော့တတ် ပါလျှက်မိမိစာပေကိုတော့မတတ်ဘူးဆိုလျှင်
ရှက်စရာပင်ကောင်းလှပေသည်။ သို့သော်ဤရှက်စရာကိုအချို့ကဂုဏ်ယူစရာအဖြစ်ပြောနေ
ကြသည်ကိုကြားရတိုင်းစာရေးသူအနေဖြင့်ဆတ်ဆတ်ခါနားကျည်းလှသည်။ မိမိစာပေကိုတော့ဘယ်နည်းနဲ့မဆိုဆရာကောင်းရှာ၍တတ်မြောက်အောင်သင်ကြားရပေလိမ့်မည်။

ယဉ်ကျေးမှုသည် တတိယ
ဘာသာစကားနှင့်စာပေတိုးတက်လေလေယဉ်ကျေးမှုတိုးတက်လေလေဖြစ်ပေမည်။ ဘာသာစကားနှင့်စာပေကိုကြည့်ကာမျှဖြင့် လူမျိုးတရပ်၏ယဉ်ကျေးမှုအဘယ်မျှအဆင့်အတန်းရှိသည်ကိုခန့်မှန်းနိုင်ပေသည်။ ဘာသာစကားနှင့်စာပေမှာယဉ်ကျေးမှု၏ ပင်ရင်းမူလ(သို့)အခက်အလက်များဖြစ်သော်လည်း၎င်းကောင်းတို့ကိုသီးခြားတင်ပြရခြင်းမှာ၎င်းတို့သည်ယဉ်ကျေးမှု၏ ၀ိသေသလက္ခဏာများဖြစ်သောကြောင့်ပင်ဖြစ်လေ၏။

ယဉ်ကျေးမှုဟုဆိုရာ၌လူမျိုးတမျိုး၏ဓလေ့ထုံးစံ၊အသက်မွေးမှု၊ဘာသာရေး၊နေထိုင်မှု၊၀တ်စားဆင်ယင်မှု၊အနုပညာစသည်ဖြင့်
အလွန်ကျယ်ဝန်းလှသည်။ R.W.Emenson အာဒဗလျူအီမာဆင်က ယဉ်ကျေးမှု၏ အတိုင်းအတာ
အစစ်မည်သည်သန်းကောင်စာရင်းအရလူဦးရေများခြင်း၊ နည်းခြင်းမဟုတ်၊တိုင်းပြည်ပမာ ဏ၊ထွက်ကုန်ပမာဏလည်းမဟုတ်။ တိုင်းပြည်ကမွေးထုက်ပေးသောလူ၏အမျိုးစားသာဖြစ်၏၊ဟုဆိုခဲ့သည်။ မှန်၏။ယဉ်ကျေးမှုသည်သဘာဝလောကကြီး၏ တိုးတက်ပြောင်းလဲမှုကိုတိုင်းတာသည့်ပြဒါးတိုင်ပင်ဖြစ်ပေသည်။ ခေတ်ဟောင်းယဉ်ကျေးမှုရော၊ ခေတ်သစ်ယဉ်ကျေးမှုရောပါ
အဆိုးအကောင်းဒွန်တွဲလျှက်ပင်ရှိကြပါသည်။

ခေတ်ဟောင်းယဉ်ကျေးမှုတိုင်းခေတ်မမှီတော့ဟုဆိုပြီးမပစ်ပင်သင့်ကောင်းသည် လည်းများစွာရှိသည်။
ကောင်းသည်ကိုဆက်လက်ထိန်းသိမ်းပြီးမကောင်းသည်ကိုလည်း ပြုပြင်သင့်သလောက်ပြုပြင်ပြီးအသုံး
ပြုသင့်သည်။ တိုးတက်သောခေတ်ကြီးနှင့် အမှီဆိုပြီး ရှေ့လောကြီး နေ၍မပြီး၊ “အရင်လိုလမ်းအိုလိုက်“
ဆိုကကဲ့သို့ လိုက်သင့်သော နေရာတွင် လိုက်ရသည်။ “လမ်းရိုးဟောင်းတွင် ဆင့်ကာထွင်“ ဟူသကဲ့သို့
ထွင်သင့်သောနေရာတွင် ထွင်ရပေမည်။

ဥပမာပြရသော် အနုပညာနဲ့ ကဗျာအလာင်္ ဘက်တွင်အသစ်တီထွင်၍ ဖြည့်စိက်စရာများစွာ လိုအပ်နေသေးသည်။
ဤမျှနှင့် ပြည့်စုံမည်ဟူ၍ ကျေနပ်မနေသင့် ၊ အနုပညာဆိုရာ၌ အကတေးသီချင်းနှင့် တူရိယာတို့ကို အထူးဆိုလိုသည်။
တူရိယာဘက်တွင် ဗုံ၊မောင်း၊ပွေး၊နှဲ၊ပတ္တလား စစည်တို့ကို ဆက်လက်ထိန်းသိမ်းသင့်သလို ခေတ်ပေါ်တူရိယာများဖြစ်သော စန္ဒယား၊ဘင်ဂျို၊မယ်ဒလင်၊ဘာဂျာ၊အကော်ဒီယံ၊ဂီတာ စသည်တို့ကိုလည်းမွန်တူရိယာအတွင်းသို့ မွေးစားသင့်သည်ဟု မြင်သည်။
အကဖက်၌လည်း ရှေးမွန်နှစ်ပါးသွား၊အငြိမ့် စသည်ဖြင့်အားရမနေပဲ ခေတ်ပေါ်က ကြိုးကကွက်များကို
ပညာရှင်တို့မွေးထုက်သင့်ပေသည်။

တေးသီချင်းဆိုရာတွင် ဆင့်နှစ်ရာသီ သီချင်း၊သားချော့သီချင်း စသည်တို့နဲ့အားရမနေသင့်ပဲ ယခုခေတ်ပေါ်ကမ္ဘာ့သီချင်းများကဲ့သို့
အတုယူသင့်သောနေရာတွင်အတုယူ၍ ဖွဲ့ဆိုသင့်ပေသည်။
ကဗျာအလင်္ကာဆိုရာတွင်မွန်တို့သည်ဗမာတို့ထက်စာပေအရာစောသော်လည်းရေရှည်တွင်ဗမာတို့နောက်ပြတ်ကျန်ရစ်သည်ကိုဝန်ခံရပေမည်။
မွန်ကဗျာ၊အလင်္ကာ၌ ဆိုခဲ့ပြီးသော သီချင်းများနှင့်အဓိကအားဖြင့် ၀ိုင်း(၉)၀ိုင်း၊သံပေါက်၊လင်္ကာ(၈)လုံးတွဲစသည်တို့ကိုသာတွေ့ရသည်။
ဗမာတို့ကဲ့သို့ ဒွေးချိူး၊တေးထပ်၊တျာချင်း၊အိုင်ချင်း၊အဲချင်း စသောစပ်နည်းများ ဝေေ၀ဆာဆာမြိုင်မြိုင်ဆိုင်ဆိုင် မရှိကြပဲ ရေနည်းငါးပမာ
ဖြစ်နေသည်ကို ပညာရှင်တို့ သတိပြုသင့်လှပေသည်။ ပြီးနောက် မွန်ကဗျာ့ဥယျာဉ်ကြီး စည်စည်ကားကား ဖြစ်လာရန်၊ မွန်က၀ိစာဆိုတို့သည်
မိမိတို့တက်နိုင်သည့်ဘက်က စိုက်ပျိုးရေလောင်း၊မြေတောင်မြှောက်ပေးသင့်သည်။

ဆင်ယင်ထုံးဖွဲ့မှု၌ မိမိရိုးရာအတိုင်း ၀တ်စားဆင်ယင်ထုံးဖွဲ့ခြင်းသာလျှင်..ဘယ်မမုန်းနိုင်၊စံပယ်ကုံးခိုင်...ဖြစ်တော့သည်။

ပေါင်းသင်းဆက်ဆံရေးသည် စတုတ္ထ
မိမိ၏အမျိုးကို စောင့်ထိန်းလိုလျှင် မည်သည့်အမျိုးသား၊အမျိုးသမီးကိုမဆို၊မိမိလူမျိုးအချင်းချင်းနဲ့သာ ထိမ်းမြှားမင်္ဂလာပြုသင့်ပေသည်။
ဘာသာခြားနှင့် ထိမ်းမြှားခြင်းမှာ မည်သည့်လူမျိုးမဆို မလိုလားအပ်သော ကိစ္စတရပ်သာဖြစ်၏။ထိုသို့ လူမျိုးစပ်၍ မွေးဖွားလာသူတို့မှာ
မည်သည့်လူမျိုးကိုမှ ကိုယ်စားမပြုနိုင်၊ ပေါက်ဖော်လည်းမစစ်၊ ပန်းသေးသာဖြစ်၍ မွန်တို့အနေဖြင့်“ တလိုင်း” (ဖအေပျက်သား)
ဟူ၍ရှုတ်ချအပ်သော အမျိုးအဖြစ်သို့ ရောက်လိမ့်မည်။ အချုပ်အားဖြင့် သင်သည်မွန်အမျိုးသား၊ အမျိုးသမီးတစ်ဦးဖြစ်၍
“မွန်တွေကိုတကယ်တန်းချစ်တယ်ဆိုရင်” မွန်ဘာသာစကားကိုပြော၊ မွန်စာကိုတတ်ရန်၊သင်၊ရေး၊ဖတ် မွန်ယဉ်ကျေးမှုကို
ချစ်မြတ်နိုး၍ ထိန်းသိမ်းခြင်းအားဖြင့် မိမိတို့အမျိုးဂုဏ် စောင့်စည်းသင့်ကြောင်း တိုက်တွန်းလိုက်ရပေသည်။ ။
သာထွန်းမွန်

ဝန်ခံချက်။ ။ ကျနော်ဖတ်ခဲ့ရသော တက္ကသိုလ်မွန်မဂ္ဂဇင်း(၁၉၇၁-၇၂)မှ မွန်အရှင် ကောသလ္လ(ဘီအေ-ဓမ္မာစရိယ)၏ဆောင်းပါးအား မူရင်းအတိုင်း ပြန်လည်ကူးယူဖော်ပြခဲ့ပါသည်။ အကြောင်းအမျိုးမျိုးကြောင့် ခွင့်ပြုချက် မတောင်းခံမိသည်ကို မွန်အရှင် ကောသလ္လ အားတောင်းပန်အပ်ပါသည်။

ဒေါ်အောင်ဆန်းစုကြည် လွတ်မြောက်ရေးမှာ အမျိုးသားရေး တာဝန် ဖြစ်သည်


PMV.net

နိုင်ငံရေးလုပ်ခွင့် ရှိသယောင်ယောင် ဟန်ပြ နိုင်ငံများတွင် ဘုန်းကြီး နိုင်ငံရေးမလုပ်ရ၊ အစိုးရဝန်ထမ်း နိုင်ငံရေးမလုပ်ရ၊ ကျောင်းသား နိုင်ငံရေးမလုပ်ရ၊ စစ်တပ် မှ ဖြစ်လျှင်

နိုင်ငံရေးမလုပ်ရ စသဖြင့် ကန့်သတ် ထားတတ်ကြသည်။ အာဏာ ပိုင်စိုးမှု ထိခိုက်မည်ကို စိုးရိမ် ပူပန်နေ သူတို့က နိုင်ငံရေး အဓိပ္ပာယ်ကို ကိုယ်လိုရာ ဆွဲတွေးပြီး အခြားသူများ နိုင်ငံရေး မလုပ်နိုင်အောင် ဟန့်တား ပြောဆိုနေကြခြင်းသာ ဖြစ်သည်။ အမှန်စင်စစ် လူတိုင်းလူတိုင်း နိုင်ငံရေးလုပ်ခွင့် ရှိသည်။

နိုင်ငံရေး (၃) မျိုးရှိသည်။ ကမ္ဘာလုံးဆိုင်ရာ နိုင်ငံရေး (Global politics)၊ အမျိုးသား နိုင်ငံရေး (National politics) နှင့် ပါတီ နိုင်ငံရေး (Party politics) တို့ဖြစ်သည်။ မည်သည့် နိုင်ငံရေး အမျိုးအစား ဖြစ်စေကာမူ တူညီနေသည့် အချက်မှာ အများကောင်းစားရေး အတွက် ဦးတည် လုပ်ဆောင်ရသည်။ သို့တည်းမဟုတ် အများကောင်းစားရေးကို လုပ်ဆောင်ပေးနိုင်စွမ်း ရှိသော တဦး-တဖွဲ့အား ကူညီပံ့ပိုးရန် အတွက် ရည်မှန်း လုပ်ဆောင်ရသည်။

တကမ္ဘာလုံးဆိုင်ရာ နိုင်ငံရေးတွင် လုပ်ဆောင်နေကြသည့် အဖွဲ့အစည်းများ၊ နိုင်ငံများ၊ ထင်ရှားသည့် ပုဂ္ဂိုလ်များ ရှိကြသည်။ အဖွဲ့အစည်းအနေဖြင့် အထင်ရှားဆုံး နမူနာပြရလျှင် ကမ္ဘာ့ကုလသမဂ္ဂ ဖြစ်သည်။ ကမ္ဘာ့ပြည်သူများ၊ နိုင်ငံများတွင် ကျရောက်လာသည့် ရောဂါဆိုးများ၊ သဘာဝ ဘေးအန္တရာယ်များမှ လုံခြုံ စိတ်ချရရေး၊ ငြိမ်းချမ်းရေး၊ တိုးတက်ဖွံ့ဖြိုးရေး တို့ကို အဓိက လုပ်ဆောင်ရသည်။ တဖန် နိုင်ငံအစိုးရထက် ပြည်သူတို့အား ပိုမို ဦးစားပေးရသည်။

ကမ္ဘာ့ ကုလသမဂ္ဂမှ မဖြေရှင်း ပေးနိုင်သေးသည့်အခါ စေတနာရှင် နိုင်ငံများက အခြားနိုင်ငံများ၏ နိုင်ငံရေး ပြဿနာများကို ဝင်ရောက် ကူညီပေးကြသည်။ ဥပမာ-ဂျပန်နိုင်ငံမှ ဖွံ့ဖြိုးဆဲ အခြားနိုင်ငံများသို့ ODA ထောက်ပံ့ ကူညီပေးခြင်းမျိုး ဖြစ်သည်။ ထင်ရှားသူတို့ကလည်း ကမ္ဘာလုံးဆိုင်ရာ နိုင်ငံရေးတွင် ပါဝင်ကြသည်။ ဥပမာ-ကမ္ဘာ့ငြိမ်းချမ်းရေး နိုဘဲလ်ဆုရသူများ၊ ကမ္ဘာ့ ခေါင်းဆောင်ဟောင်းများ၊ နာမည်ကြီး အနုပညာရှင်များက ဝိုင်းဝန်းထောက်ပံ့ အားပေး ကူညီတတ်ကြသည်။

အမျိုးသား နိုင်ငံရေးမှာ နိုင်ငံတခု အတွင်း ဘေးအန္တရာယ် ကျရောက်လာသောအခါ၊ ပြည်သူတို့ ဒုက္ခရောက်ကြသော အခါ၊ နိုင်ငံတခုလုံး ဖွံ့ဖြိုးတိုးတက်ရန် လိုအပ်သောအခါများတွင် ထိုက်သင့်သလို ပါဝင်ကူညီ ပံ့ပိုးပေးကြခြင်း ဖြစ်သည်။ လက်ရှိ အားဖြင့် မိမိထမ်းဆောင်နေသော တာဝန် ဝတ္တရားများထက် နိုင်ငံနှင့် ပြည်သူတို့အတွက် အမှန်တကယ် လိုအပ်နေသော ကိစ္စများအား ပိုမို ဦးစားပေး ပါဝင်ကြသည့် နိုင်ငံရေး အမျိုးအစား ဖြစ်သည်။

ဥပမာ- အိမ်ထောင်ရှင်မ တဦးသည် မည်သည့် နိုင်ငံရေးပါတီဝင်မှ မဟုတ်စေကာမူ၊ အစိုးရ၏ မည်သည့် တာဝန်ကိုမျှ မထမ်းဆောင်စေကာမူ အများပြည်သူတို့ ဒုက္ခရောက်နေချိန်မျိုးတွင် ရေတဗူး၊ ထမင်းတထုပ် လှူဒါန်းလိုက်ခြင်းဖြင့် အမျိုးသားနိုင်ငံရေး တာဝန်ကို အုတ်တချပ်၊ သဲတပွင့်အဖြစ် တနိုင်တပိုင် ထမ်းဆောင်လိုက်ခြင်းမျိုး ဖြစ်သည်။

ထိုနည်းတူ ပညာရေး ဆိုင်ရာဘက်တွင် တာဝန်ယူထားသော အစိုးရ ဝန်ထမ်းတဦး သည်လည်း တိုင်းပြည်ကျူးကျော်ခံ ရသော အခြေအနေမျိုးတွင် မိမိတာဝန်ထက် လက်ငင်း ရင်ဆိုင်နေရသည့် အမျိုးသားရေး ပြဿနာကို ပါဝင်ပံ့ပိုးကူညီ ဖြေရှင်းရန် အလိုလို တာဝန်ရှိသွားသည်။ စစ်တပ်မှ စစ်သည် တို့သည်လည်း ကျူးကျော်စစ်ကို ခုခံကာကွယ်ရသည့် တာဝန်များ မရှိချိန်၊ ကပ်ရောဂါ-ကပ်ဘေးများ ကျရောက်လာပါက ဝင်ရောက် ကူညီပေးကြရသည်။ ရွေးကောက်ပွဲကို သမာသမတ် ဖြစ်အောင် ထိန်းသိမ်းပေးရသည်။ ဤသည်တို့မှာ စစ်တပ်က အမျိုးသား နိုင်ငံရေးတာဝန်ကို ထမ်းဆောင်ခြင်း ဖြစ်သည်။

နိုင်ငံရေး ပါတီတခုတွင် တာဝန် ထမ်းဆောင်နေသူသည်လည်း ထို့အတူပင်။ နိုင်ငံရေး ပါတီဝင်တဦးအဖို့ နိုင်ငံတခုလုံး အတွက် အလွန်အမင်း အရေးကြီးနေသည့် ပြဿနာမျိုးထက် ပို၍အလေးအနက် တာဝန်ယူစရာရှိမည် မဟုတ်ပေ။

ပါတီနိုင်ငံရေး အမျိုးအစားမှာ တိုင်းပြည် အေးချမ်းသော ကာလများတွင် ရွေးကောက်ပွဲ၌ မိမိပါတီမှ သမာသမတ် ကျစွာ အနိုင်ရရှိရေး၊ ရွေးချယ် တင်မြှောက်ခံရပါက လူအများ တိုးတက် ဖွံ့ဖြိးရေးအတွက် ရည်ရွယ်လျက် အစိုးရတာဝန်များကို အရည်အချင်း ပြည့်ပြည့် တာဝန်ကျေကျေ၊ ဂုဏ်သိက္ခာရှိရှိ ထမ်းဆောင်ရေးတို့ကို ဦးစားပေး လုပ်ဆောင်ရသည်။ ထို့ပြင် အထက်တွင် ဆိုခဲ့ပြီးသည့်အတိုင်း အမျိုးသားရေး တာဝန်ကို မျက်ခြေမပြတ်စေပဲ နိုင်ငံသားတဦး၏ တာဝန်ကို ကျေပွန်စွာ ထမ်းဆောင်ပေးနိုင်ရန် အသင့်ရှိနေရသည်။ အခြားသူများ၊ အခြားနိုင်ငံရေးပါတီများ၊ အသင်းအဖွဲ့များနှင့် မည်သို့ပင် မတူကွဲပြားနေစေကာမူ အမျိုးသားရေး အတွက် လိုအပ်သည့် အခါတိုင်း အများနှင့်ပူးပေါင်း ဆောင်ရွက်ပေးရသည်။

သို့ကြောင့်ပင် အမျိုးသား ဒီမိုကရေစီအဖွဲ့ချုပ်ဟု အမည်ရှိသည့် နိုင်ငံရေးပါတီ၏ အထွေထွေ အတွင်းရေးမှူး ဖြစ်သူ ဒေါ်အောင်ဆန်းစုကြည်က “ပါတီ အကျိုးထက် နိုင်ငံအကျိုးကို ပိုမို ဦးစားပေး တာဝန်ယူကြဖို့” တိုက်တွန်းထားသည်မှာ အလွန် မှတ်သား လိုက်နာဖွယ်ရာ ဖြစ်သည်။

သူ့ဖခင် ဗိုလ်ချုပ်အောင်ဆန်းမှာ သူ့ကျွန်မခံသည့် အမျိုးသားရေး စိတ်ဓါတ်ဖြင့် မြန်မာနိုင်ငံ လွတ်လပ်ရေးရအောင် ဦးဆောင် ကြိုးပမ်းပေးနိုင်သကဲ့သို့ ဒေါ်အောင်ဆန်းစုကြည် မှာလည်း တမျိုးသားလုံး တန်းတူညီစွာ လွတ်လပ်စွာဖြင့် လူ့ အခွင့်အရေးများ အပြည့်အဝ အာမခံနိုင်မည့် ဒီမိုကရေစီ ရရှိရေးကို ဦးဆောင် ကြိုးပမ်းလျက် ရှိသူဖြစ်သည်။ အမျိုးသားရေး အမြင် ထက်သန်သည့် အပြင် ဒီမိုကရေစီ ရရှိရေးအတွက် မီးရှူးတန်ဆောင်လည်း ဖြစ်နေပြန်၍ သူ့ပါတီ ကသာမက တနိုင်ငံလုံး၊ တကမ္ဘာလုံးကပင် ချစ်ခင်လေးစား အားကိုးရသည့် လူထုခေါင်းဆောင် ပီသသူဟု ဆိုရလျှင် လွန်အံ့မထင်လှပါ။

ဤမျှ အဖိုးထိုက်တန်လှသော အမျိုးသား ခေါင်းဆောင်ကြီးတဦးက လက်ရှိ အာဏာပိုင်များ၏ စွဲချက်တခုဖြင့် အဖမ်းခံနေရ ခြင်းမှာ မည်သို့မျှ မဖြစ်သင့်သောကိစ္စ ဖြစ်နေတော့သည်။ တဖန် တိုင်းပြည်အတွက် အလွန်အမင်း အားကိုးထိုက်သည့် ခေါင်းဆောင်တဦးက တိုင်းရေးပြည်ရာများတွင် မည်သို့မျှ ပါဝင် မလုပ်ဆောင်ပေးနိုင်ပဲ ဖမ်းဆီးခံနေရသည်မှာ တိုင်းပြည် အတွက် မလိုလားအပ်သော ဆုံးရှုံးမှုကြီး ဖြစ်လျက်ရှိသည်။

ဒေါ်အောင်ဆန်းစုကြည် အဖမ်းခံနေရခြင်း အပေါ် မြန်မာပြည်သူများကဲ့သို့ နိုင်ငံတကာ တိုင်းပြည်များရှိ သန်းပေါင်း များစွာသော ကမ္ဘာ့ပြည်သူတို့ကလည်း ခံပြင်း ဒေါသထွက်နေကြသည်။ ဖမ်းဆီးထားခြင်းမှာ မတရားသော လုပ်ရပ်ဖြစ်ပြီး ဒီမိုကရေစီ ရရှိရေးအတွက် အဟန့်အတား ဖြစ်စေသည်ဟု တသဘောတည်း ရှုမြင်ကြသည်။ ဒေါ်အောင်ဆန်းစုကြည် လွတ်မြောက်ရေးအတွက် နိုင်ငံတကာ ပြည်သူတို့သည် မြန်မာနိုင်ငံသားများ မဟုတ်စေကာမူ သူတို့ တတ်နိုင်သည့်ဘက်မှ နေ၍ နည်းမျိုးစုံဖြင့် အားကြိုးမာန်တက် လုပ်ဆောင်နေကြသည်။ ကုလသမဂ္ဂ လုံခြုံရေးကောင်စီမှ ကြေညာချက်ထုတ်၍ တောင်းဆိုသည်။ အခြားနိုင်ငံတကာ အဖွဲ့အစည်းများနှင့် နိုင်ငံအလိုက်၊ ခေါင်းဆောင်အလိုက်၊ လူပုဂ္ဂိုလ် တဦးချင်း အလိုက် တောင်းဆိုချက်များမှာ နေ့စဉ်နှင့်အမျှ မပြတ်တမ်း ရှိနေသည်။ တောင်းဆိုသံများမှာ ပို၍ ကျယ်လောင် ပြင်းထန် လာနေသည်။ တနည်းအားဖြင့် သူတို့သည် ကမ္ဘာလုံးဆိုင်ရာ နိုင်ငံရေးဖြင့် ဒေါ်အောင်ဆန်းစုကြည် လွတ်မြောက်ရေးကို ဝိုင်းဝန်းကူညီ ပံ့ပိုးနေကြခြင်း ဖြစ်သည်။

ဒေါ်အောင်ဆန်းစုကြည် နှင့် တမြေတည်းနေ တရေတည်း သောက်လာခဲ့ကြသော ကျွန်ုပ်တို့ မြန်မာနိုင်ငံသား တို့တွင်လည်း အမျိုးသားရေး တာဝန်အဖြစ် ခံယူကြရဖို့ ရှိနေပြီ ဖြစ်သည်။ အာဏာရှင်စနစ်၏ လူမဆန်သော ရက်စက်ကြမ်းကြုတ်မှု အောက်၌ ထိုတာဝန်မျိုး ယူနိုင်ရေးမှာ အသက်စွန့်၍ လှုပ်ရှားရမည့် အဆင့်တိုင်အောင်လည်း ဖြစ်သွားနိုင်စရာရှိသည်။ ထိုမျှလောက် မဟုတ်စေကာမူ အတိုင်းအတာ တခုထိ ရင်းနှီးပေးဆပ်ရဖို့လည်း ရှိနိုင်သည်။ မည်သို့ပင်ဖြစ်စေ အမျိုးသားရေး တာဝန်တရပ်ကို ဂုဏ်ယူစွာ ထမ်းဆောင်နိုင်မည့် အရှားပါးဆုံး အခွင့်ကောင်းကြီးတခု ဖြစ်လာချေပြီ။

ဒေါ်အောင်ဆန်းစုကြည် အား လေးစားမြတ်နိုး အားကိုးလျှင်၊ (သို့တည်း မဟုတ်) ပုဂ္ဂိုလ်ရေးရာ အရ လေးစားမြတ်နိုး အားမကိုးသည့် တိုင်အောင် ဒီမိုကရေစီအပေါ် ယုံကြည်အားကိုး မျှော်လင့်ထားလျှင် ဒေါ်အောင်ဆန်းစုကြည် ပြန်လည် လွတ်မြောက်လာရေးကို မြန်မာ နိုင်ငံသားတိုင်းက အမျိုးသား နိုင်ငံရေးတရပ်အဖြစ် တာဝန်ခံယူလျက် အုတ်တချပ်၊ သဲတပွင့်ပမာ မိမိတို့ တတ်နိုင်သည့်ဘက်မှ နေ၍ ဝိုင်းဝန်း အားဖြည့်ကြရန် အလေးအနက် တိုက်တွန်း လိုက်ရပေသည်။

လွင်အောင်စိုး (ဂျပန်)


http://peoplemediavoice.com/think-article/our-natinal-duty-is-when-the-dassk-release.html မှပြန်လည်ဖေါ်ပြသည်။
)

စစ်မျက်နှာသစ်ပြန်ဖွင့်ဖို့လိုပြီလား

ဗိုလ်ထက်မင်း
၉ ဇွန် ၂၀၀၉

နယ်ခြားစောင့်တပ် ဖွဲ့စည်းရေးနဲ့ပတ်သက်ပြီး အပစ်ရပ်အဖွဲ့တွေ အားလုံးအနေနဲ့ အလေးအနက်ထား စဉ်းစားဆုံးဖြတ်ကာ နအဖအား စုပေါင်းဆန့်ကျင်ကြဖို့ ဆက်လက်တင်ပြလိုပါတယ်။

နအဖက အဆိုပြုထားတဲ့ WE (War Establishment) ဖွဲ့စည်းပုံအရ နယ်ခြားစောင့်တပ်ရဲ့ ဖွဲ့စည်းပုံအင်အား အရာရှိ (၁၈) ယောက်နဲ့ အခြားအဆင့် (၃၀၈) ယောက်၊ စုစုပေါင်း (၃၂၆) ယောက်ဟာ နအဖဖွဲ့စည်းပုံ (ကဖ၇၀စ၉၆) အရ နအဖ တပ်ရင်းတရင်း အင်အားဖြစ်တဲ့ အရာရှိ (၃၀) ယောက်နဲ့ အခြားအဆင့် (၇၈၆) ယောက်၊ စုစုပေါင်း (၈၁၆) ယောက်နဲ့ နှိုင်းယှဉ်ကြည့်လိုက်ရင် အင်အားနှစ်ဆကျော် ကွာနေပါတယ်။ ဒီလိုအင်အား ကွာဟ ထားတာဟာ ဘယ်လိုသဘောလဲဆိုတာ စဉ်းစားဖို့လိုပါတယ်။

နယ်ခြားစောင့်တပ်ရဲ့ တပ်ရင်းမှူးအဆင့်ဟာ ဗိုလ်မှူးသာဖြစ်ပြီး နအဖ တပ်ရင်းမှူး တယောက်ရဲ့ အဆင့်ကတော့ ဒု-ဗိုလ်မှူးကြီး ဖြစ်နေလို့ အစည်းအဝေးမှာ ယှဉ်တက်ရင်တောင် နအဖ တပ်ရင်းမှူးကို အလေးပြု အရိုအသေပေးပြီးမှ တက်ရောက် ရမှာဖြစ်လို့ အပစ်ရပ်တွေကို နှိမ့်ချထားတဲ့သဘောလို့ မြင်မိပါတယ်။

စစ်တပ်မှာ ဒု-ဗိုလ်မှူးကြီးအဆင့်ကို very important person (VIP) အရာရှိကြီး အဆင့်လို့ သတ်မှတ်ထားပြီး Commanding Officer (CO) လို့ ခေါ်ကြပါတယ်။ ဒု-ဗိုလ်မှူးကြီးအဆင့်နဲ့ ဗိုလ်မှူးအဆင့်ဟာ ဆောင်းနေတဲ့ ဦးထုပ် ကအစ အနေအထား လုံးဝကွာခြားသွားကာ ဒု-ဗိုလ်မှူးကြီး ဦးထုပ်မှာ ပန်းခက်တခွေ သီးခြားထပ်မံ ထည့်ထားပါတယ်။ လေးလပတ်အစည်းအဝေးခန်းမမှာ ထိုင်ခုံနေရာချရင် ဒု-ဗိုလ်မှူးကြီး ထိုင်တဲ့ ထိုင်ခုံဟာ ထိပ်နားမှာရှိပြီး ဗိုလ်မှူးထိုင်ခုံဆိုရင်တော့ နောက်နားမှာ ဖြစ်ပါတယ်။

ပိုဆိုးတာက နယ်ခြားစောင့်တပ် တတပ်ထဲမှာပဲ တပ်မှူးက ဗိုလ်မှူး၊ ဒု-တပ်မှူးကလည်း ဗိုလ်မှူး၊ နအဖရဲ့ အရာရှိကလည်း ဗိုလ်မှူးဖြစ်နေလို့ အဲဒီလို အဆင့်တူထားတာဟာလည်း ပြဿနာရှိနိုင်ပါတယ်။

အဲဒီဗိုလ်မှူး (၃) ဦးဟာ တဦးနဲ့ တဦး ရာထူးအရ ကွာခြားနေပေမယ့် အဆင့်တူနေတာကြောင့် ပြသာနာရှိပြီး ခြေရာ တိုင်းနိုင်ပါတယ်။ အုပ်ချုပ်ရာမှာလည်း ခက်ခဲနိုင်ပါတယ်။ စစ်ဆင်ရေးစနစ်မှာ အမိန့်စနစ်နဲ့သွားလို့ ပြဿနာမရှိ သော်လည်း စစ်ရေး/စစ်ထောက်၊ အုပ်ချုပ်ရေးကိစ္စနဲ့ စီမံခန့်ခွဲရေးကိစ္စတွေကို စီမံဆောင်ရွက်ရာမှာတော့ ထိပ်တိုက်တွေ့ရမယ့် အလားအလာရှိပါတယ်။

နအဖဘက်က တာဝန်ယူရမယ့် ရာထူးနေရာများမှာ ဗိုလ်မှူးဆိုရင် ဌာနချုပ်တပ်ခွဲမှူး၊ ဗိုလ်ကြီးဆိုရင် တပ်ရေးဗိုလ်ကြီးနဲ့ တပ်ထောက်ဗိုလ်ကြီး ဖြစ်နေပြန်တာမို့ နယ်ခြားစောင့်တပ်ရဲ့ စစ်ဦးစီး၊ စစ်ရေး၊ စစ်ထောက်ပိုင်းဆိုင်ရာတွေကို နအဖဟာ နောက်ကွယ်က ချုပ်ကိုင်ထားပြီး ဖြစ်နေပြန်ပါတယ်။

အခြားအဆင့်ထဲမှာ အကြီးဆုံးဖြစ်တဲ့ ဒု-အရာခံဗိုလ် (ရုံးအုပ်) နဲ့
ဒု-အရာခံဗိုလ် (တပ်ထောက်) တို့ဟာလည်း အဓိက ရုံးလုပ်ငန်းပိုင်းဆိုင်ရာ ဖိုင်တွဲများနဲ့ တပ်ရဲ့ ထမင်းအိုးကြီးကို ထိန်းချုပ်ထားပါတယ်။ ရုတ်တရက်ကြည့်ရင်တော့ တပ်ရဲ့ (လုပ်ပိုင်ခွင့်အာဏာ) Commander အားလုံးကို အပစ်ရပ်အဖွဲ့မှ အရာရှိအားလုံးက နေရာယူထား သော်လည်း အဲဒီအရာရှိတွေ ကောင်းနေတာကို ဆိုးသွားအောင်၊ အရေးယူခံရအောင် ကလောင်သွားနဲ့ ကော့နေအောင် နအဖအရာရှိတွေနဲ့ (ရုံးအုပ်)
ဒု-အရာခံဗိုလ်တို့က မသိမသာ ဒုက္ခပေးလို့ရပါတယ်။ တနည်းပြော ရရင် ပညာပြလို့ရအောင် နေရာယူထားပြီး ဖြစ်ပါတယ်။

ဒု-အရာခံဗိုလ် (ရုံးအုပ်) ဆိုရင် စစ်သည်တဦးရဲ့ လစာခံစားခွင့်၊ ရာထူးတိုးမြှင့်ရေးဆိုင်ရာ (Promotion Board)၊ သာမန်ခွင့်နဲ့ ရှောင်တခင်ခွင့်ဆိုင်ရာ ခံစားခွင့်များ၊ သင်တန်းတက်ရောက်ခွင့်၊ တပ်ပြောင်းခွင့် မှတ်ပုံတင်စာရင်း၊ နုတ်ထွက်ခွင့်၊ လုပ်သက်ကတ်နဲ့ ကိုယ်ရေးရာဇ၀င်မှတ်တမ်း စတာတွေကို ချုပ်ကိုင်ထားရပါတယ်။

ဒု-အရာခံဗိုလ် (တပ်ထောက်) ဆိုရင် သာမန်ရိက္ခာ၊ အပိုဆောင်းရိက္ခာ၊ တိုက်ခိုက်ရေးရိက္ခာ၊ စစ်လက်နက်ပစ္စည်း၊ စစ်ဝတ်ပစ္စည်း၊ မော်တော်ယာဉ်၊ စစ်ဆင်ရေး (ပေါ်တာ) ၀န်ထမ်းရိက္ခာ၊ အိမ်ထောင်သည် ၀န်ထမ်းရိက္ခာ၊ အဆောက်အဦနဲ့ ပရိဘောဂ စတာတွေကို ကိုင်ထားရပါတယ်။

နယ်ခြားစောင့်တပ်အနေနဲ့ သတ်မှတ်ထားတဲ့ ကိုယ့်နယ်မြေအတွင်းသာ စောင့်ရမယ် ဆိုပေမယ့် နောက်တန်း မိသားစုနှင့် မလွဲမသွေခွာရမယ့် နယ်မြေရှင်းလင်းရေး လှည့်ကင်းထွက်တဲ့အခါမျိုးမှာ နောက်တန်း အိမ်ထောင်သည် လိုင်းအားလုံးနဲ့ ဂတ်ကင်း၊ လက်နက်တိုက် စတာတွေကို နအဖတပ်မှ အရာရှိ (၃) ဦးနဲ့ အခြားအဆင့်များက ထိန်းချုပ်ထားမှာ ဖြစ်ပါတယ်။

နအဖက အပစ်ရပ်အဖွဲ့တွေရဲ့ လစာ၊ ရိက္ခာခံစားခွင့်များကို ဖြေရှင်းပေးသည်မှာ ရေရှည်ရပ်တည်ရေးအတွက် မှန်ကန်ကောင်းမွန်သော်လည်း လုပ်ထုံးလုပ်နည်းနဲ့ ပြဋ္ဌာန်းချက်ဥပဒေများကို တိတိကျကျ ပြဋ္ဌာန်းပေးသင့်သလို တိုင်းရင်းသားများကလည်း ကျေညက်အောင် လေ့လာမေးမြန်းသင့်ပါတယ်။

အရေးကြီးဆုံး ပြဿနာမှာ အပစ်ရပ်အဖွဲ့များအား တပ်ရင်းအဆင့်သာ အသိအမှတ်ပြုပြီး အင်အားကြီးမားတဲ့ တပ်မဟာဖွဲ့စည်းခွင့်နဲ့ အထက်အရာရှိကြီးမှ စစ်ဦးစီးချုပ်အဆင့်များကိုတော့ နအဖက ဘယ်လိုနေရာမှာ ထားပေးမယ်ဆိုတာကို မရှင်းမလင်းဖြစ်နေပါတယ်။ အင်အားကို အဆမတန် လျှော့ချပြီးမှ ဖွဲ့စည်းခွင့်ပြုတာဟာလည်း နိုင့်ထက်စီးနင်း ဖြိုခွင်းတဲ့လုပ်ရပ် ဖြစ်ပါတယ်။

နယ်ခြားစောင့်တပ်တွေကို တပ်မတော်ကာကွယ်ရေးဦးစီးချုပ် လက်အောက်ထဲသို့ သွတ်သွင်းမယ်ဆိုရင် မူလကတည်း က အပစ်ရပ်ခေါင်းဆောင်တွေက ၀င်ရောက် စွက်ဖက်ခွင့်မရှိတာကြောင့် အပစ်ရပ် ရဲဘော်တိုင်းရင်းသားတွေအနေနဲ့ အဖေနှစ်ယောက်ပေါ်လာပြီး ကြားညှပ်ကြရမယ့်အရေး မြင်ယောင်မိပါသေးတယ်။

ဆိုလိုတာက အပစ်ရပ်အဖွဲ့တွေမှာ အောက်ခြေအပိုင်းကိုသာ အင်အားအဆမတန် လျှော့ယူပြီး အထက်ပိုင်းကိုတော့ တပ်ကို မကွပ်ကဲခိုင်းတော့ဘဲ အရပ်ဝတ်လဲခိုင်းကာ ရွေးကောက်ပွဲကို ဇွတ်အတင်းဝင်ခိုင်းမယ့် သဘောဖြစ်နေပြန် ပါတယ်။

ဒီလိုဆိုရင် အပစ်ရပ်တပ်တွေရဲ့ ခေါင်းနဲ့ ကိုယ်ထည်ကို ထက်ခြမ်းခွဲပစ်လိုက်သလို ဖြစ်နေတာမို့ အထူးသတိပြုသင့် ပါတယ်။ ကိုယ်ထည်ကိုလည်း လှုပ်လို့မရအောင် နောက်ကွယ်မှ ထောက်ထားနိုင်အောင် နအဖစစ်တပ်က ကိုင်ထားတဲ့သဘော တွေ့ရပါတယ်။

အပစ်ရပ်တပ်တွေကို နယ်ခြားစောင့်တပ်လို့ ခေါ်ဝေါ်သုံးစွဲပုံကလည်း ကျဉ်းမြောင်းလှပြီး စကားစု ဝေါဟာရ အဓိပ္ပာယ် အရ နယ်စပ်မှာပဲထားပြီး ပြည်မသို့ ပေးမ၀င်တဲ့ သဘောဖြစ်ပါတယ်။ ပြည်မသို့ ပေးမ၀င်ရင် ကိုယ့်တိုင်းရင်းသားတွေ အရေးကို ဘယ်လို ဆောင်ရွက်နိုင်တော့မလဲဆိုတာ တိုင်းရင်းသားတွေအနေနဲ့ လုံးဝသဘောပေါက်ဖို့ လိုပါတယ်။

ပြည်မနဲ့ ဆက်စပ်နေတဲ့ အပစ်ရပ်တပ်တွေကို ပြန်လည်နေရာချထားမယ်ဆိုလို့ ပြည်မနဲ့ ကပ်လျက်နေရာတွေမှာတော့ အခြေချခွင့်မပြုတော့ဘဲ နယ်စွန်နယ်ဖျားကို မောင်းထုတ်မယ့် သဘောမျိုးဟာ ဝေးလေကောင်းလေဆိုတဲ့ အဓိပ္ပာယ် ထွက်နေပြန်ပါတယ်။ နယ်ခြားစောင့်တပ်ကို အခြားဒေသသို့ စေလွှတ်ခြင်းမပြုဘဲ မိမိနယ်တွင်သာ စောင့်ရန်လို့ သတ်မှတ်ပါရှိလေရာ ချုပ်ကိုင်လိုတဲ့ သဘောမျိုးဖြစ်ပါတယ်။

တပ်ရင်းထဲမှာရှိတဲ့ ရာထူး၊ အဆင့်သတ်မှတ်မှုအတိုင်း အပစ်ရပ်ငြိမ်းအဖွဲ့တွေက သတ်မှတ်ရန် ဆိုတာဟာလည်း နအဖစစ်တပ်မှ ၀င်လာတဲ့ အခြားအဆင့် ဆရာကြီးများ (၂၇) ဦးနှင့် ပြဿနာတက်လာနိုင်ပြီး လူမျိုးစွဲ၊ တပ်စွဲ၊ သူ့လူကိုယ့်လူ ထားရှိနေဦးမှာမို့ သဟဇာတ မဖြစ်နိုင်တာကို သတိပြုရမှာဖြစ်ပါတယ်။

ဒါကြောင့် တိုင်းရင်းသားငြိမ်းချမ်းရေးအဖွဲ့တွေကို အပြီးတိုင် ၀ါးမြိုဖြိုခွင်းမယ့် နအဖရဲ့  နည်းပရိယာယ်အား သိမြင်နိုင်ဖို့ အတွက် အပစ်ရပ်အဖွဲ့တွေအားလုံး ယခုတင်ပြခဲ့တဲ့ အချက်အလက်တွေကို သေသေချာချာ စဉ်းစားသုံးသပ်ကြည့်ကြဖို့ အကြံပြုလိုပါတယ်။ တဆက်တည်းမှာ တိုင်းရင်းသားအားလုံး စည်းလုံးညီညွတ်စွာနဲ့ စစ်မှန်တဲ့ ဒီမိုကရေစီလမ်းကြောင်း ပေါ်ရောက်အောင် ဖော်ဆောင်ရင်း နအဖအား တောင်းဆိုတိုက်ပွဲ ၀င်သင့်ပါ ကြောင်း တိုက်တွန်းတင်ပြလိုက်ရပါတယ်။

နအဖငပွဝါဒ

ရဲဘော်ဖိုးသံချောင်း

၁၀ ဇွန် ၂၀၀၉

ဒီတလော နအဖစစ်ဗိုလ်တွေ ပြည်ပကိုထွက်တယ်ဆိုတိုင်း ခွေးရူးလမ်းထွက်တဲ့အခါ တွေ့တဲ့လူတိုင်းကခဲနဲ့ပစ်၊ တုတ်နဲ့ ရိုက်တာခံရသလို ဝိုင်းဝန်းပြစ်တင်၊ ဆုံးမတောင်းဆိုတာတွေနဲ့ချည်း ကြုံတွေ့နေရပါတယ်။ ဒါတွေနဲ့အတူ သူတို့ရဲ့ တာဝန်ရှိသူတွေက ရှက်ရမ်းရမ်းတာ၊ မျက်စိစုံမှိတ်ငြင်းတာ၊ သူခိုးကလူလူဟစ်တာ၊ အပြန်အလှန် လက်သိပ်ထိုးတာ စတာတွေကိုလည်း မကြာခဏ တွေ့နေရပါတယ်။

ဒီအထဲမှာ ရုပ်အပျက်ဆုံးတခုလို့ ဆိုရမှာကတော့ ပြီးခဲ့တဲ့ အာဆမ် (ASEM) ခေါ် အာရှဥရောပတွေ့ဆုံဆွေးနွေးပွဲမှာ ဖြစ်ပျက်ခဲ့တာပါပဲ။ အဲဒီမှာ သူတို့ကို ချောင်ပိတ်ဝေဖန်တာခံနေရသလိုဖြစ်တော့ နအဖစစ်ဗိုလ် ဒုနိုင်ငံခြားရေးဝန်ကြီး မောင်မြင့်က ကုလားမနိုင်ရခိုင်မဲဆိုသလို တခြားနိုင်ငံကြီးတွေကို ပြန်မပြောရဲတာနဲ့ ထိုင်းကိုကက်ကက်လန် ရန်တွေ့ခဲ့တာ မှတ်မိကြပါလိမ့်မယ်။

ပြီးခဲ့တဲ့လကုန်ပိုင်းက ကမ္ဘောဒီးယားနိုင်ငံ၊ ဖနွမ်းပင်မှာ ကျင်းပခဲ့တဲ့ အစည်းအဝေးမှာ နှာခေါင်းကျည်ပွေ့ တွေ့ခဲ့တဲ့ ဒီနအဖ ဒုနိုင်ငံခြားရေးဝန်ကြီးဟာ ထိုင်းနိုင်ငံအတွင်း တလောကဖြစ်ပေါ်ခဲ့တဲ့ ဝန်ကြီးချုပ်ဟောင်း တက်ဆင် ထောက်ခံသူတွေနဲ့ ဆန့်ကျင်သူတွေအကြား ပဋိပက္ခကို ထောက်ပြပြီး သူ့ရဲ့ ရှက်ဒေါသတွေ ပေါက်ကွဲပြခဲ့ပါတယ်။ ဒုဝန်ကြီးရဲ့စကားက ထိုင်းနိုင်ငံသာပဲ သူတို့နိုင်ငံအတွင်းမှာ ဖြစ်ပေါ်နေတာတွေအတွက် ရင်ကြားစေ့ရေးတွေ လုပ်သင့်တယ်ဆိုတာပါပဲ။ ဦးမောင်မြင့်ဟာ သံတမန်ဂုဏ်သိက္ခာတွေ ရှေ့တန်းထားနေရတဲ့ အစည်းအဝေးမှာ စကားနိုင်လုသလို ပြောနိုင်ခဲ့ပါတယ်။ ဒီလိုဆွေးနွေးပွဲတွေမှာ ဒါမျိုးကိစ္စတွေကို အချေအတင် ပြောနေကြတာ မဟုတ်ပါဘူး။ ဒါပေမယ့် ဗမာပြည် ပြည်သူလူထုကတော့ သူ့စကားရဲ့အမှားများနဲ့ စောဒကတက်စရာတွေကို မပြောဘဲ နေလို့မဖြစ်ပါဘူး။

နအဖ ဒုဝန်ကြီးက ထိုင်းကိုပြန်အပြစ်တင်ရာမှာ ဗမာပြည်တွင်းကအခြေအနေဟာ ထိုင်းက အင်္ကျီနီ-အင်္ကျီဝါ ပဋိပက္ခလို မဆိုးဘူး။ သွေးထွက်သံယိုမရှိဘူးလို့ မာမာတင်းတင်းပြောခဲ့ပါတယ်။ သူပြောတဲ့အဓိပ္ပာယ်က သူတို့ကြောင့်မို့ ဗမာပြည်အတွင်းမှာ ဘယ်လောက်တောင် “ငြိမ်-ဝပ်-ပိ-ပြား” နေတယ်လို့ ဆိုချင်တာပဲဖြစ်ပါတယ်။ ဒါပေမယ့် ဒီစကား ဘယ်လောက်မှန်တယ်ဆိုတာကို ဒီပဲယင်းအရေးအခင်း၊ စက်တင်ဘာသံဃာ့အရေးအခင်း စတာတွေကို တွေ့ကြုံဖူးနေတဲ့ ဗမာပြည်သားတွေက ကောင်းကောင်းသိကြပါတယ်။

တကယ်ကျတော့ အခုတလောကြားနေရတဲ့ ဗမာပြည်နဲ့ပတ်သက်တဲ့ သတင်းတွေမှာ မငြိမ်သက်မှုတွေဟာ ထိပ်ဆုံးက ရောက်နေတာပါ။ နအဖရဲ့စစ်ဖက်ရေးရာ လုံခြုံရေးတာဝန်ခံ ဗိုလ်ရဲမြင့်တယောက် ရဟတ်ယာဉ်ကို အိမ်လုပ်ပြီး ပြည်နယ်တကာမှာ လနဲ့ချီပြီးသွားလာ နေရတာဟာ “ငြိမ်-ဝပ်-ပိ-ပြား” နေလို့လား၊ ငြိမ်းတွေမငြိမ် တော့လို့ဘဲ မဟုတ်ပါလား။ ရန်ကုန်မှာ ကြံ့ဖွံ့တွေ ဓားသွေး၊ လောက်လေးခွ ပြင်နေကြတာကရော “ငြိမ်-ဝပ်-ပိ-ပြား” နေလို့ပါလား။ အင်းစိန်ထောင်ဗူးဝမှာလူတွေစု၊ စာရွက်တွေ နေရာတကာမှာ ကြဲချနေလို့ပဲ ဖြစ်ပါတယ်။ ဗမာပြည်ရဲ့အခြေအနေဟာ “ငါ့စကော-ငါ့စကော” လို့ ဟစ်ရာကနေ စစ်ဖြစ်သွားတယ်ဆိုတဲ့ အနေအထားမျိုး အချိန်မရွေး ရောက်သွားနိုင်ပါတယ်။

တဖက်မှာလည်း အခုလို ဒေါ်အောင်ဆန်းစုကြည်ကို အမှုဆင်ဖမ်း၊ ထောင်ချဖို့လုပ်လာတော့ ပြည်သူတွေအဖို့ မိမိတို့ရဲ့ ကြမ္မာ ဘယ်လိုဖြစ်တော့မယ်ဆိုတာ ပိုသတိပြုမိလာပါတယ်။ နအဖရဲ့ လမ်းပြမြေပုံကြီးကို တိုးလုပ်လေ၊ ဖမ်းဆီးထောင်ချမှုနဲ့ သွေးထွက်သံယိုမှုတွေ ပိုများလေ ဖြစ်တော့မယ်ဆိုတာကို ထင်ထင်ရှားရှား တွေ့လာနေကြ ရပါတယ်။ မေတ္တာပို့နေတဲ့ သံဃာတော်တွေကို သတ်ဖြတ်တဲ့၊ ဒီပဲယင်းလမ်းမှာ လူအုပ်နဲ့အနိုင်ကျင့် သတ်ဖြတ်တဲ့ “စည်းကမ်းရှိတဲ့ဒီမိုကရေစီ” ကြီး ရောက်လာတော့မယ်ဆိုတော့ လူတိုင်းဘာလုပ်ကြမလဲလို့ စဉ်းစားကြတော့တာပါပဲ။

ပြည်သူတွေအနေနဲ့ အကြမ်းမဖက်ရေး လမ်းကပိတ်နေရင် ဖောက်ထွက်ကြတော့မှာ ဖြစ်ပါတယ်။ လမ်းပေါင်းစုံရှာ ကြတော့မှာပါ။ ဒါကလည်း နေရာမှာတင် တန့်နေလို့ကတော့ ကြံ့ဖွံ့တွေ ရိုက်တာနဲ့ပဲ သေကြေကုန်ရမယ်ဆိုတာ ရှင်းနေလို့ ဖြစ်ပါတယ်။

ဒီလိုပြည်တွင်းအခြေအနေဟာ နအဖရဲ့ နိုင်ငံခြားရေးဝါဒအပေါ် တိုက်ရိုက်သက်ရောက်မှု ရှိနေပါတယ်။ တဖက်က ပြန်ပြောရရင် နိုင်ငံတကာအသိုင်းအဝိုင်းက အခုလို နအဖအစိုးရကို သွားလေရာ ငြိနေတဲ့ဆူးလှည်းကြီးအဖြစ် ကြည့်မြင်နေကြတာဟာလည်း ဒီပြည်တွင်းအခြေအနေတွေကြောင့်ဖြစ်ပါတယ်။

ဘယ်တိုင်းပြည်မဆို ကိုယ့်နိုင်ငံရဲ့ ဓနအင်အား၊ နိုင်ငံရေးအင်အား၊ စစ်ရေးအင်အား စတာတွေအပေါ် အခြေခံပြီး နိုင်ငံခြားရေးဝါဒကို ချမှတ်ကြတာချည့်ပါပဲ။ နိုင်ငံရေးအင်အားဆိုတာမှာ ပြည်တွင်းသွေးစည်းညီညွတ်မှု၊ ကိုယ့်ပြည်သူလူထုရဲ့ထောက်ခံမှု၊ နိုင်ငံတည်ငြိမ်မှု စတာတွေပါဝင်ပါတယ်။ နအဖစစ်အစိုးရလည်း ဒီတရားတွေကို မလွန်ဆန်နိုင်ပါဘူး။ သူတို့ရဲ့ နိုင်ငံခြားရေးမူဝါဒဟာ သူတို့ရဲ့ လက်ရှိ နိုင်ငံရေး၊ စီးပွားရေး၊ စစ်ရေးအင်အားတို့ အပေါ်မှာ အဓိကမူတည်ပြီး ချမှတ်လုပ်ဆောင်နေတာဖြစ်ပါတယ်။ နအဖအဖို့ တခြားအချက်တွေထက် ပြည်တွင်းမတည်ငြိမ်မှု၊ အမျိုးသားသွေးစည်းညီညွတ်ရေး ပျက်ပြားမှု၊ လူထုကြီးရဲ့ဆန့်ကျင်မှုကို တလျှောက်လုံး ရင်ဆိုင်နေရမှုဆိုတာကိုပဲ ထိပ်တိုက်ရင်ဆိုင်နေရတော့ သူတို့ရဲ့ နိုင်ငံခြားရေးဝါဒဟာ အခုလို ငပွကြီး နိုင်ငံခြားရေးဝါဒ ဖြစ်လာတော့တာပါပဲ။

ဒါနဲ့တဆက်တည်းမှာ သူတို့တတွေ အကျပ်အတည်းတွေ့ရလေ တခြားနိုင်ငံတွေကိုကော်ဆဲလေ ဖြစ်လာနေတာလည်း တွေ့နေကြရပါတယ်။ ကြာလေ အထီးကျန်ဖြစ်လိုက်လာနေတဲ့ နအဖစစ်ဗိုလ်တွေ နောင်ဆိုရင် ပြည်ပကိုတောင် ထွက်ရဲပါ့အုန်းမလား စဉ်းစားစရာဖြစ်နေပါတယ်။ အခုကိုပဲ ဗိုလ်သန်းရွှေတယောက် ဘယ်ကိုမှ သိပ်မထွက်ဝံ့တဲ့ အခြေအနေ ရောက်နေပါပြီ။

လက်တွေ့ကျကျပြောရရင် ဒီနေ့ နအဖအစိုးရရဲ့ နိုင်ငံခြားရေးဝါဒ အကျပ်အတည်းဟာ ရှစ်လေးလုံး ကာလနောက်ပိုင်းမှာ အဆိုးဝါးဆုံး အကျပ်အတည်းဖြစ်တယ်လို့ ဆိုနိုင်ပါတယ်။ ဒီအကျပ်အတည်းမျိုးကို ဗိုလ်နေဝင်းလည်း မကြုံခဲ့ဖူးပါဘူး။

စစ်အေးကာလတုန်းက အရှေ့နဲ့ အနောက်အကြား ပဋိပက္ခကိုအသုံးချပြီး ဗိုလ်နေဝင်း အနေချောင်ခဲ့သလို နအဖစစ်အုပ်စုကလည်း တရုတ်နဲ့ အမေရိကန်အကြား ခလောက်ဆန်ကစားပြီး ပြည်တွင်းမှာ သူတို့လုပ်ချင်ရာ လုပ်မယ်လို့ စဉ်းစားခဲ့ကြပါတယ်။ ဒါပေမယ့် ခေတ်က မတူတော့ပါဘူး။ တရုတ်နဲ့ အမေရိကန်ဟာ ရုရှားနဲ့ အမေရိကန်တုန်းကလို သူဖြူရင်ငါမည်းမှလို့ လုပ်နေကြတာ မဟုတ်ပါဘူး။ ကမ္ဘာ့အခင်းအကျင်းအပြောင်းအလဲကို သူတို့က ကောင်းကောင်းသတိထားမိပါတယ်။ ဒါကြောင့်မို့ တချို့ကိစ္စတွေမှာ သူတို့ချင်း အပြန်အလှန် ပြောဆို တိုက်ခိုက်ကြတာတွေ ရှိသလို တချို့ကိစ္စတွေမှာကျတော့လည်း သူတို့ချင်း အမြင်တူ၊ တသံတည်းလို ထွက်တတ် ကြပါတယ်။

အခု ဗမာပြည်ကိစ္စမှာ သူတို့နှစ်နိုင်ငံအကြား တူညီတဲ့ လေသံတွေ တွေ့လာနေရပြီ မဟုတ်ပါလား။ အခုအခါမှာ စီးပွားရေးအကျပ်အတည်းကြီးကို ရင်ဆိုင်နေရတဲ့အတွက် နိုင်ငံတိုင်းဟာ ဗမာပြည်ပြဿနာကို နိုင်ငံတကာစားပွဲ ဝိုင်းတွေပေါ်ကနေ ဖယ်ရှားပစ်ချင်နေကြတယ်ဆိုတာကို နအဖဗိုလ်ချုပ်တွေ သတိထားမိရဲ့လား မသိဘူး။ ဗမာပြည် ပြဿနာတက်လာတိုင်း သခွတ်ပင်ကမီးတကျည်ကျည်လို့ပဲ ယူဆကြတော့မှာပါ။ ဒါပေမယ့် တာဝန်သိတဲ့ နိုင်ငံ့ခေါင်းဆောင်ဆိုတာ မီးတကျည်ကျည်မို့ ပေယျာလကံပြုထားလိုက်တော့မယ်လို့ ဆုံးဖြတ်မှာ မဟုတ်ပါဘူး။
မြန်မြန်ဆန်ဆန် ပြီးပြတ်သွားအောင် တခုခု ဆုံးဖြတ်ရမှာ ဖြစ်ပါတယ်။

ဒီလို ဘေးကျပ်နံကျပ်ကြုံတွေ့နေရတဲ့အခါမှာ နအဖ ဒုနိုင်ငံခြားရေးဝန်ကြီးက အခုလို ဝါးလုံးရှည်နဲ့ သိမ်းရမ်းလို့ကော သူတို့အဖို့ အန္တရာယ်တွေက လွတ်ကရောတဲ့လား။ နောင်မှာလည်း နိုင်ငံတကာ အစည်းအဝေးတွေ ပေါ်လာတိုင်း နအဖခေါင်းဆောင်တွေအဖို့ ဒီလိုချောင်ပိတ်ခံရတဲ့အဖြစ်မျိုးတွေ ကြုံနေရအုန်းမှာပဲ ဖြစ်ပါတယ်။ သူတို့အဖို့တော့ စောစောတုန်းက သူများတွေက မောင်မောင်လို့ ခေါ်နေတုန်းမှာ ဗျာမထူးခဲ့တာအမှားကြီး မှားသွားတာပါပဲ။

ဇွန်လ၁၁ဒိုင်ယာရီ



နာဂစ် ဒေသ NGO အချို့ ကို စစ်အစိုးရ က အတိုက်အခံများနှင့် မပတ်သက်ရန် သတိပေး
June 11, 2009 ·

၁၁ ဇွန် ရန်ကုန်၊ ၊ဟိန်းခိုင်ထွန်း

Junta Warns INGO in Burma

WFP Helicopter copy၂၀၀၈ ခုနှစ် မေလ က တိုက်ခတ် သွားခဲ့သည့် နာဂစ် မုန်တိုင်းဒဏ်ခံရသည့် ဒေသများတွင် လူသားချင်းစာနာ မှုဖြင့် အကူအညီပေးနေ သည့် နိုင်ငံတကာ အန်ဂျီအို အချို့ ကို ပြည်တွင်းပြည်ပရှိ အတိုက်အခံ ဒီမိုကရေစီ အင်အားစုများနှင့် မပတ်သက် ရန် သတိပေးပြောကြားသည် ဟု နိုင်ငံတကာ အန်ဂျီအို တစ်ခု တွင် အကြီးတန်း အရာရှိတစ်ယောက် အဖြစ်တာဝန် ထမ်းဆောင်နေသည့် အမည် မဖော် လိုသော အမေရိကန် နိုင်ငံသားတစ်ဦးက Freedom News Group သို့ ပြောသည်။

နာဂစ် မုန်တိုင်းတိုက်ခတ်ပြီးချိန် မှ စ၍ နိုင်ငံတကာ အကူအညီပေးရေး အဖွဲ့ များ မြန်မာနိုင်ငံတွင်းဝင်ရောက် လုပ်ကိုင်ခဲ့ရာ အချို့ အဖွဲ့ အစည်းများမှာ စစ်အစိုးရ နှင့် ဆက်ဆံမှု မရှိခင် ကတည်းကထိုင်းနိုင်ငံ တွင် အခြေစိုက်ရင်း မြန်မာ အတိုက်အခံ ဒီမိုကရေစီ အင်အားစုများနှင့် ဆက်စပ် မှုရှိခဲ့သည်။

ပြည်တွင်း ရှိ နိုင်ငံတကာ အန်ဂျီအို များတွင် အလုပ်လုပ် ကိုင်နေသော နိုင်ငံရေးနောက်ခံရှိခဲ့ဖူးသူများမှ တစ်ဆင့် အနောက်နိုင်ငံသား အန်ဂျီအို ၀န်ထမ်းအချို့ သည် မြန်မာနိုင်ငံရေး ကိုစိတ်ဝင်စားလာကြာကာ နိုင်ငံရေး လှုပ်ရှားသူများ နှင့် ထိတွေ့ ဆက်ဆံမှု ပြုလာကြသည် ကို စစ်အစိုးရ အရာရှိများက မနှစ်မြို့ ဟု အဆိုပါ နိုင်ငံခြားသား ကပြောသည်။

လွန်ခဲ့သည့် သီတင်းပတ်က နေပြည်တော် တွင် ပြုလုပ်သည့် နိုင်ငံတကာ အကူအညီ ပေးရေးအဖွဲ့ များကို သက်တမ်းတိုးပေး ရန် အတွက် လျှောက်ထားမှု ကိစ္စတွင် စစ်အစိုးရ အရာရှိ တစ်ချို့ က ထိုင်း-မြန်မာနယ်စပ် ရှိ မြန်မာ အတိုက်အခံများ နှင့် ထိတွေ့ မှုရှိသည့် နိုင်ငံတကာ အန်ဂျီအို များကိုသက်တမ်းတိုးပေးရန် အတွက် စစ်အစိုးရက ပြန်လည် စဉ်းစားလာ နိုင်သည် ဆို သော သတင်းစကားလည်းပေါ် ထွက်ခဲ့သည်။

နာဂစ် မုန်တိုင်းတိုက် ခတ်ပြီးချိန်မှ စ၍ နိုင်ငံတကာ အကူအညီပေးရေးအဖွဲ့ များ မြန်မာနိုင်ငံသို့ ဝင်ရောက်လာခဲ့ရာ နိုင်ငံတကာ တွင် ထင်ရှားသည့် အန်ဂျီအို အဖွဲ့ များလည်း ပြည်တွင်းတွင် ၀င်ရောက် အခြေစိုက်ခဲ့သည်။

ပြည်တွင်းတွင် အခြေစိုက်သည့် နိုင်ငံတကာ အကူအညီပေးရေး အဖွဲ့ များအနေဖြင့် မြန်မာ နိုင်ငံနှင့်ပတ်သက်၍ သတင်းထုတ်ပြန်ချက်များပြုလုပ်မည် ဆိုပါက အဆော တလျှင် မပြုလုပ်ရန် အတွက်လည်း စစ်အစိုးရ တာဝန်ရှိသူ များက ညွှန်ကြားထားသည်။

လက်ရှိ နိုင်ငံရေးအခြေအနေ များအပေါ် တပ်တွင်း သဘောထားကွဲလွဲ မှုများမှ အာရုံလွှဲပြောင်းနိုင်ရန် အတွက် အချိန်အခါ မဟုတ်ဘဲ KNU ကိုထိုးစစ်ဆင်
June 11, 2009 ·

၁၁ ဇွန် နေပြည်တော်၊ ၊ညွှန့် သက်ထားဦး

ဒေါ်အောင်ဆန်းစုကြည် အား မတရားအမှုဆင် တရားစွဲဆိုထားခြင်းအတွက် တပ်တွင်း ခေါင်း
ဆောင်များ တွင် သဘောထားကွဲလွဲ မှုများ ကို အာရုံလွှဲ နိုင်ရန် အလို့ ငှာ မြန်မာစစ် ခေါင်းဆောင်းဗိုလ်ချုပ်မှုးကြီး သန်းရွှေ နှင့် ဗိုလ်ချုပ်ကြီး သူရ ရွှေမန်းတို့  နှစ်ဦး ၏ လမ်းညွှန် ချက်ဖြင့် ကရင်အမျိုးသား လွတ်မြောက်ရေးတပ်မတော် (KNLA) ကိုအချိန် အခါ မဟုတ်ဘဲ ထိုးစစ်ဆင် ရခြင်းဖြစ်သည် ဟု စစ်အစိုးရ အခြေစိုက်ရာ နေပြည်တော် ရှိ စစ်တပ် အရာရှိ တစ်ဦးက Freedom NewsGroup သို့ သုံးသပ် ပြောကြားသည်။

ထိုအရာရှိက ဆက်လက်၍ “တပ်ထဲမှာ ဒေါ်အောင်ဆန်းစုကြည် ကိစ္စ ကို တပ်ချုပ်ကြီးက ကိုင်
တွယ်ပုံ နဲ့ ပတ်သက်ပြီး ဝေဖန်ကျတယ်။ တစ်ချို့ ကတော့ အမျိုးသမီးတစ် ယောက် ကို ဒီလို လုပ်တာ စစ်သားကောင်း တို့ ရဲ့ အပြုအမူ မဟုတ် ဘူး ဆိုပြီး ဝေဖန်ကြတယ်။ဗိုလ်ချုပ်မှုးကြီးက သူ့ ကို တပ်ထဲမှာ မကျေနပ်တာတွေ များနေပြီ ဆိုတာသိတယ်။ ငြိမ်းအဖွဲ့ တွေကို နယ်ခြားစောင့် တပ်လုပ်ဖို့ သွားပြောရတဲ့ ဗိုလ်ချုပ် တွေ ဆို တစ်ယောက်မှ မသွားချင်တော့ ဘူး ၊ဘုရားပြိုတာ နဲ့ ပတ်သက်ပြီး လဲ သူ တို့ မိသားစု အရှက် ရလိုက် သေးတယ် လေ ဒါကြောင့် KNU ကို မဲပြီး ထိုးစစ်ဆင်နေတာ ”ဟု သူသိရသော သတင်းအချက် အလက်များ ပေါ်မူတည်၍ သုံးသပ် ပြောကြားသည်။

မြန်မာ စစ်တပ် မှ မိုးတွင်းကာလ များ အထူးသဖြင့် ယခုကဲ့ သို့ မိုးဦးကာလများတွင် စစ်ဆင်ရေးနှင့် စစ်ရေးလှုပ်ရှား မှုများ ပြီးခဲ့သော ၁၆ နှစ်အတွင်း မရှိခဲ့သ်ာလည်း ယခုလ ဇွန်လ ၂ ရက် နေ့ မှစ၍ KNLA တပ်မဟာ ၇ နယ် မြေကို ကရင်ခွဲထွက် အဖွဲ့ များ၏ အကူအညီ ဖြင့် အကြီးအကျယ်ထိုးစစ်ဆင်နေခဲ့သည်။

တပ်မဟာ ၇ နယ်မြေကို ထိုးစစ်ဆင် တိုက်ခိုက်မှုသည် သဘောထားတင်းမာ သော ငြိမ်းအဖွဲ့ များနယ်ခြားစောင့် တပ်ဖွဲ့ အဖြစ် ပြောင်းလဲလာရန် အတွက် သွယ်ဝိုက်သောဖိအား ပေးမှုတစ်ရပ် လည်း ဖြစ်ပြီး KNLA တပ်စိတ် တစ်ခု ၏ လက်ချက် ဖြင့် အသက်ပျောက် ခဲ့ရသည့် ဗိုလ်မှုးချုပ် ကောင်းမြတ် အတွက် လက်စားချေခြင်းဖြစ်သည် ဟု လည်း နေပြည်တော် ရှိ ဌာန ဆိုင်ရာ အရာရှိများက သုံးသပ်ကြသည်။

ကရင် အမျိုးသားလွတ်မြောက်ရေးတပ် မတော် နှင့် နအဖ စစ်တပ် တိုက်ပွဲများကြောင့် ထိုင်းစစ်တပ်က တခ် ခရိုင် အတွင်းရှိ ထာဆောင်ယန်း မြို့ နယ်တွင် လက်နက်ကြီးများ အပါအ၀င် စစ်တပ်အင်အား တိုး မြှင့်ချထားသည်။

မြန်မာစစ်တပ် ဘက်မှ လက်နက်ပစ် ခတ်လိုက်သော လက်နက်ကြီးကျဉ်များလည်း ထိုင်းမြေထဲသို့ ကျသည် ဟု ထိုင်းစစ်တပ် အရရှိ တစ် ဦးက ရုပ်သံ ၇ နှင့် တွေ့ ဆုံမေးမြန်းခန်း တွင် ပြောဆိုခဲ့သည်။

ကရင်အမျိုးသားအစည်းအရုံး (KNU)၏ လက်နက်ကိုင် အဖွဲ့ အစည်းဖြစ်သော KNLA သည်
အရှေ့တောင် အာရှ တွင် သက်တမ်းအရင့် ဆုံးဖြစ်သည့် တော်လှန်ရေး အဖွဲ့ အစည်းတစ်ခု ဖြစ်
သည်။
ညွန့် သက်ထားဦး ၏ နေပြည်တော်မှ သတင်းပေး ပို့ ချက် ကို Freedom News Group မှဖြည့်စွက်ရေးသား သည်။


တရားရုံးချုပ်ကို ဆုံးဖြတ်ချက် ပြင်ရန် ဒေါ်အောင်ဆန်းစုကြည်၏ ရှေ့နေများ လျှောက်ထား
2009-06-11

ဒေါ်အောင်ဆန်းစုကြည်ကို စစ်အစိုးရက တရားစွဲဆိုထားတဲ့အမှုမှာ၊ ဒေါ်အောင်ဆန်းစုကြည် တင်ပြတဲ့ သက်သေတွေကို အောက်တရားရုံး အဆင့်ဆင့်က ပယ်ချခဲ့တဲ့ ဆုံးဖြတ်ချက်ကို ပြန်လည် ပြင်ဆင်ပေးဖို့၊ ဒေါ်အောင်ဆန်းစုကြည်ရဲ့၊ ရှေ့နေတွေက ဒီကနေ့ ဇွန်လ ၁၁ ရက် မနက်ပိုင်းမှာ၊ တရားရုံးချုပ်ကို လျှောက်ထားခဲ့ပါတယ်။

လက်ခံရေးအဆင့် လျှောက်လဲချက်ကို လာမဲ့ ၁၇ ရက်နေ့မှာ တင်ဖို့၊ တရားရုံးချုပ်က ပြန်လည် အကြောင်းကြားခဲ့တယ်လို့ ဒေါ်အောင်ဆန်းစုကြည်ရဲ့ ရှေ့နေ တဦးဖြစ်တဲ့ ဦးဥာဏ်ဝင်းက RFA ကို ပြောဆိုပါတယ်။

ဦးဉာဏ်ဝင်း။ ။ 'တရားရုံးချုပ် တင်ပြီးတော့၊ ၁၂နာရီလောက်ကျတော့ တရားရုံးက က္ဆွန်တော်တို့ဆီကို လာအကြောင်းကြားတယ်၊ လာမဲ့ ၁၇ရက်နေ့ လာမဲ့အပတ် ဗုဒ္ဓဟူးပေါ့၊ ဒီ တင်လိုက်တဲ့အမှုနဲ့ ပတ်သက်ပြီးတော့ လက်ခံရေးအဆင့်၊ အဲဒီတော့ လက်ခံရေးအတွက် က္ဆွန်တော်တို့ လျှောက်လဲချက်၊ ၁၇ရက်နေ့ လာပေးပါဆိုပြီးတော့ အကြောင်းကြားထားပါတယ်။'

မြန်မာနိုင်ငံ တရားစီရင်ရေး၊ လုပ်ထုံးလုပ်နည်းတွေအရ၊ ပထမအဆင့်နေနဲ့ လျှောက်လဲချက်ကို လက်ခံ၊ လက်မခံ အရင်ဆုံးဖြတ်မှာ ဖြစ်ပြီး၊ ဒုတိယ အဆင့်ကျမှသာ အောက်ရုံးရဲ့ ဆုံးဖြတ်ချက်ကို ပြန်လည် ပြင်ဆင်မလား၊ မပြင်ဆင်ဘူးလား ဆိုတာကို တရားရုံးချုပ် တရားသူကြီးတွေက၊ ဆုံးဖြတ်မယ်လို့ သိရပါတယ်။

ဒေါ်အောင်ဆန်းစုကြည်က တင်ပြတဲ့ သက်သေ ၄ ဦးထဲက၊ လပွတ္တာအမတ် ဦးကြည်ဝင်း တဦး တည်းကိုသာ အင်းစိန်ထောင်တွင်း ခရိုင်တရားရုံးက လက်ခံခဲ့တဲ့အတွက်၊ ပြန်လည် ပြင်ဆင်ချက်ကို တိုင်းတရားရုံးမှာ လျှောက်ထားခဲ့ပါတယ်၊ တိုင်းတရားရုံးကနေ ဒေါ်ခင်မို့မို့တဦးတည်းကို ထပ်မံခွင့်ပြုခဲ့ပါတယ်။ ဒါကြောင့် သက်သေ ၂ ဦးဖြစ်တဲ့ ဦးဝင်းတင် နဲ့ ဦးတင်ဦးတို့ ကျန်ရှိနေပါတယ်။ ဒါကြောင့် အခုတကြိမ်မှာ ပြန်လည်ပြင်ဆင်ချက်ကို နောက်ဆုံးအဆင့်ဖြစ်တဲ့ တရားရုံးချုပ်ကို လျှောက်ထားတင်ပြတာ ဖြစ်ပါတယ်။

စစ်အစိုးရက သူမအပေါ်အခုလို တရားစွဲဆိုခဲ့တာဟာ နိုင်ငံရေးရည်မှန်းချက်ကြောင့် ဖြစ်တယ်လို့ ဒေါ်အောင်ဆန်းစုကြည်က ပြောဆိုကြောင်း၊ ဒေါ်အောင်ဆန်းစုကြည်နဲ့ ဇွန်လ ၁ဝရက် မနေ့က တွေ့ဆုံခဲ့တဲ့ ရှေ့နေ ဦးဥာဏ်ဝင်းက ပြောဆိုပါတယ်။

မနက်ဖြန် သောကြာနေ့မှာတော့၊ ဒေါ်အောင်ဆန်းစုကြည်ရဲ့အမှုကို ကိုင်တွယ်စစ်ဆေးနေတဲ့၊ အင်းစိန်ထောင်တွင်းက ခရိုင်တရားရုံး ရုံးချိန်းရှိပြီး အမှုကိစ္စကို ဘယ်လို ဆက်လက် ဆောင်ရွက်မယ် ဆိုတာကိုပဲ ဆွေးနွေးမှာဖြစ်ကြောင်း သိရပါတယ်။

ဒီအတောအတွင်းမှာပဲ ဒေါ်အောင်ဆန်းစုကြည်ရဲ့ အကျိုးဆောင်ရှေ့နေတွေကို စစ်အစိုးရဘက်က ဖိအားပေးလာတာမျိုးတွေ ရှိလာပါတယ်။ အထူးသဖြင့် မိသားစုဝင်တွေရဲ့ အလုပ်အကိုင်တွေကို ပိတ်ပင်တာမျိုး ရှိလာတယ်လို့ သိရပါတယ်။ အကျိုးဆောင်ရှေ့နေ ဦးလှမျိုးမြင့်ရဲ့ ဇနီး ဗဟိုသမဝါယမအသင်း အကြီးတန်း မန်နေဂျာကို ဘာအကြောင်းပြချက်မှာ မရှိပဲ ပြီးခဲ့တဲ့ အင်္ဂါနေ့က ရာထူးက ထုတ်ပယ်ခဲ့တယ်လို့ ဦးဥာဏ်ဝင်းကပြောပါတယ်။

ဦးဉာဏ်ဝင်း။ ။ 'သူ့ကို အလုပ်ထုတ်တဲ့ နေရာမှာလည်း enquiry မရှိဘူး၊ ဒါပေမယ်လို့ အလုပ်မထုတ်ခင် ၁ဝရက်လောက်ကတည်းက ဦးလှမျိုးမြင့် ဒေါ်အောင်ဆန်းစုကြည်ရဲ့အမှုကို လိုက်ပါ ဆောင်ရွက်နေတာနဲ့ ပတ်သက်ပြီးတော့ ဘာကြောင့်လဲ၊ ဘယ်လိုသိတာလဲ ဘာညာ အဲဒီလို မေးနေတာပေါ့လေ၊ မေးပြီးတော့ အခု အကြောင်းပြချက် မပေးပဲနဲ့ အလုပ်ထုတ်လိုက်တယ်။ ဒါဟာ ဦးလှမျိုးမြင့် ဒီအမှုကို လိုက်ပါတဲ့အတွက်ကြောင့်ဆိုတာ က္ဆွန်တော်တို့ ဒီအတိုင်းပဲ ယူဆတယ်။'

မြန်မာ့ဒီမိုကရေစီရေး ခေါင်းဆောင် ဒေါ်အောင်ဆန်းစုကြည်က သူ့ကို ရာဇဝတ်မှုပုဒ်မတွေ တပ်ပြီး အမှုစွဲဆိုတာဟာ စစ်အစိုးရဘက်က နိုင်ငံရေးအရ ရည်ရွယ်ချက်နဲ့ ပြုလုပ်နေတာဖြစ်တယ်လို့ အကျိုးဆောင်ရှေ့နေတွေကတဆင့် ထုတ်ဖော်ပြောဆိုခဲ့ပါတယ်။ ဥပဒေရေးရာ က္ဆွမ်းကျင်သူတွေကလည်း နိုင်ငံရေးအရပေါ်ပေါက်လာတဲ့ ပြဿနာတွေဟာ နိုင်ငံရေးကြောင့်ဖြစ်ပြီး စစ်အစိုးရက စွပ်စွဲနေသလို ပြစ်မှုကျုးလွန်လို့ ဖြစ်လာတဲ့ ပြဿနာတွေ မဟုတ်ဘူးလို့ သုံးသပ်ကြပါတယ်။

ဒေါ်အောင်ဆန်းစုကြည်အမှုနဲ့ ပတ်သက်နေတဲ့ နိုင်ငံရေးပြဿနာတွေဟာ ဘာတွေပါလဲ။ ဥပဒေရေးရာ က္ဆွမ်းကျင်သူတွေနဲ့ RFA မှ မအင်ကြင်းနိုင်က ဆက်သွယ်မေးမြန်းထားပါတယ်။

အိန္ဒိယ နိုင်ငံခြားရေးမူဝါဒ ပြန်လည်သုံးသပ်ဖို့ ကာကွယ်ရေးဝန်ကြီးဟောင်း တိုက်တွန်း
2009-06-11

အိမ်နီးချင်းမြန်မာနိုင်ငံရဲ့ ဒီမိုကရေစီရေးနဲ့ ပတ်သက်ပြီး အိန္ဒိယနိုင်ငံက နှုတ်ဆိတ်နေတဲ့အတွက် ကာကွယ်ရေးဝန်ကြီးဟောင်း George Fernades က နိုင်ငံခြားရေးဝန်ကြီး S M Krishna ဆီ စာတစောင် ရေးသားပေးပို့ပြီး အိန္ဒိယရဲ့ နိုင်ငံခြားရေးမူဝါဒကို ပြန်လည် စဉ်းစားသုံးသပ်ဖို့ တိုက်တွန်းလိုက်ပါတယ်။

Photo: RFA

အိန္ဒိယရောက် မြန်မာ့ဒီမိုကရေစီအင်အားစုများက NLD ဗဟို၏ ကြေညာချက်ကို ထောက်ခံ ဆန္ဒပြနေကြစဉ်

ပေးစာမှာ သူနဲ့ သူ့ အပေါင်းအဖော်တွေဟာ မြန်မာနိုင်ငံ ဒီမိုကရေစီ ပြန်လည်ရရှိရေးအတွက် ဆယ်စုနှစ်ကျော်ကြာ တိုက်ပွဲဝင်နေတာ နိုင်ငံခြားရေးဝန်ကြီး အနေနဲ့ သိကောင်းသိမှာပါလို့ အစချီ ရေးသားထားပါတယ်။

အိန္ဒိယနိုင်ငံဟာ ဒေါ်အောင်ဆန်းစုကြည်ကို လွန်ခဲ့တဲ့ ၁၄နှစ်က ဂျဝါဟာလာ နေရူးဆု ချီးမြှင့်ခဲ့ပါကြောင်း၊ ဒီဆုချီးမြှင့်ချိန်က ဒေါ်အောင်ဆန်းစုကြည် ပေးပို့တဲ့ မိန့်ခွန်းကို ဒီစာနဲ့အတူ ပူးတွဲပေးပို့ပါကြောင်း၊ သူ့မိန့်ခွန်းမှာ အိန္ဒိယနိုင်ငံဟာ ဒီမိုကရေစီ အခွင့်အရေးကို တန်ဖိုးထားတဲ့ တနိုင်ငံဖြစ်တယ်ဆိုတာ မျှော်လင့်တဲ့အကြောင်း ဖော်ပြထားတာကို က္ဆွန်တော်တို့အားလုံး အမှတ်ရဖို့ လိုအပ်ပါကြောင်းလို့ ဆက်လက်ရေးသားထားပါတယ်။

အိမ်နီးချင်း မြန်မာနိုင်ငံ ဒီမိုကရေစီရေးအတွက် အိန္ဒိယနိုင်ငံက နှုတ်ဆိတ်နေတာ အချိန်ကာလ အတော်ကြာမြင့်နေပြီ ဖြစ်ပါကြောင်း၊ က္ဆွန်တော်တို့ရဲ့ မူဝါဒတွေကို ပြန်လည်စဉ်းစားသုံးသပ်ဖို့ လိုအပ်နေပြီး အိန္ဒိယနိုင်ငံရဲ့ လုံခြုံရေးနဲ့ အိမ်နီးချင်းကောင်းအဖြစ် ရေရှည်ဆက်ဆံရေး အတွက် အရေးယူဆောင်ရွက်ဖို့ လိုအပ်ပါကြောင်း စသဖြင့် ပေးစာမှာ နိဂုံးချုပ်ထားပါတယ်။

၁၉၈၈ခု ဒီမိုကရေစီအရေးတော်ပုံကြီး ဖြစ်ပွားပြီးတဲ့နောက် အိန္ဒိယနိုင်ငံဟာ မြန်မာ့ဒီမိုကရေစီရေးကို အပြည့်အဝ ထောက်ခံခဲ့ပြီး မြန်မာစစ်အစိုးရနဲ့ ဆက်ဆံရေး တင်းမာခဲ့ပါတယ်။ ဒါပေမဲ့ နောက်ပိုင်းမှာ အရှေ့မျှော်မူဝါဒ ဖော်ဆောင်ဖို့၊ ဒေသတွင်း တရုတ်သြဇာလွှမ်းမိုးမှုကို ဟန်ချက်ထိန်းညှိဖို့၊ တရှိန်ထိုး တိုးတက်လာတဲ့ စီးပွားရေးအတွက် မြန်မာနိုင်ငံက စွမ်းအင်ရယူဖို့ စတာအချက်တွေကြောင့် နှစ်နိုင်ငံ အဆင့်မြင့် တာဝန်ရှိ ပုဂ္ဂိုလ်တွေ အပြန်အလှန်လည်ပတ်၊ စစ်ရေး၊ ကုန်သွယ်ရေး ဆက်ဆံမှု တိုးမြှင့်စသဖြင့် နှစ်နိုင်ငံ ရွှေလမ်း-ငွေလမ်း ပြန်ဖွင့်ခဲ့တာပါ။

ကာကွယ်ရေးဝန်ကြီးဟောင်း George Fernades ရဲ့ မြန်မာ့ဒီမိုကရေစီရေး ထောက်ခံမှုနဲ့ အိန္ဒိယနိုင်ငံရဲ့ နိုင်ငံခြားရေး မူဝါဒတွေနဲ့ ပတ်သက်ပြီး အဝေးရောက် ညွန့်ပေါင်းအစိုးရ (NCGUB) ပြန်ကြားရေးဝန်ကြီး ဒေါက်တာတင့်ဆွေရဲ့ သုံးသပ်ချက်ကို RFA မှ ဒေါ်စမ်းစမ်းတင်က တင်ပြထားပါတယ်။

ချုပ်တောင်က မြန်မာရွေးကောက်ပွဲ လွတ်လပ်ပြီး တရားမျှတစေလို
2009-06-10

လာမဲ့နှစ်ကျင်းပဖို့ရှိတဲ့ ရွေးကောက်ပွဲဟာ လွတ်လပ်ပြီး တရားမျှတပါမယ်လို့ အာမခံဖို့ မြန်မာနိုင်ငံကို အလည်အပတ် ရောက်ရှိနေတဲ့ စင်ကာပူ ဝန်ကြီးချုပ်ဟောင်း ဂိုချုပ်တောင်က မြန်မာ စစ်ဗိုလ်ချုပ်တွေကို တိုက်တွန်းတဲ့အကြောင်း ဇွန်လ ၁ဝ ဒီနေ့ထုတ် The Strait Times သတင်းစာမှာ ပါရှိပါတယ်။

ဒါ့အပြင် အတိုက်အခံခေါင်းဆောင် ဒေါ်အောင်ဆန်းစုကြည်ရဲ့ အမှုနဲ့ ပတ်သက်ပြီး ကမႝာက စိတ်ပါဝင်စားနေတာကို မသိကျိုးက္ဆွန် မပြုဖို့လည်း စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေနဲ့ ဝန်ကြီးချုပ် ဗိုလ်ချုပ်ကြီး သိန်းစိန်တို့ကို ပြောကြားတယ်လို့ ဆိုပါတယ်။

ဂိုချုပ်တောင်ဟာ စင်ကာပူ ဝန်ကြီးချုပ်ဟောင်းသာမက လက်ရှိမှာလည်း ဝါရင့်ဝန်ကြီး တဦးဖြစ်ပါတယ်။

အမေရိကန်နိုင်ငံသား John William Yettaw ဒေါ်အောင်ဆန်းစုကြည် နေအိမ်ကို ဝင်ရောက်တဲ့အတွက် နေအိမ်အကျယ်ချုပ် တားဆီးမိန့်ကို ချိုးဖောက်မှုနဲ့ ရင်ဆိုင်နေရတာဟာ ပြည်တွင်းရေးကိစ္စဖြစ်တယ်လို့ ဂိုချုပ်တောင်က ပြောတယ်လို့ ဆိုပါတယ်။

သူ့ခရီးစဉ်ဟာ နှစ်နိုင်ငံ အကျိုးစီးပွားကိစ္စ ဖြစ်မယ်လို့ ယူဆတဲ့အကြောင်း စင်ကာပူရောက် မြန်မာ့အရေး လှုပ်ရှားသူတွေက ပြောပါတယ်။

မစ္စတာ ဂိုချုပ်တောင်ဟာ စစ်အစိုးရခေါင်းဆောင် ဗိုလ်ချုပ်မှူးကြီး သန်းရွှေနဲ့ ဒုတိယ ဗိုလ်ချုပ်မှူးကြီး မောင်အေးတို့နဲ့ မနေ့က တွေ့ဆုံခဲ့ပြီး တယောက်ကို တနာရီကျော်ကြာ တွေ့ဆုံဆွေးနွေးတယ်လို့ The Strait Times သတင်းစာက ဖော်ပြပါတယ်။

ဆွေးနွေးချက် အသေးစိတ်ကို မစ္စတာဂိုချုပ်တောင်ရဲ့ ပြောခွင့်ရပုဂ္ဂိုလ်က မပြောကြားဘူးလို့လည်း သိရပါတယ်။

စင်ကာပူဝန်ကြီးချုပ်ဟောင်းဟာ တနင်္လာနေ့က စတင်ပြီး မြန်မာနိုင်ငံကို လေးရက်ကြာခရီး ရောက်ရှိနေတာပါ။

ဒေါ်အောင်ဆန်းစုကြည်ကို စစ်အစိုးရက တရားစွဲဆိုတာနဲ့ ပတ်သက်ပြီး စိတ်မကောင်းတဲ့ အကြောင်း စင်ကာပူနိုင်ငံက ပြီးခဲ့တဲ့လက ပြောကြားခဲ့ပြီး ပြန်လွှတ်ပေးဖို့ တိုက်တွန်းခဲ့ပါတယ်။

မစ္စတာဂိုချောက်တောင် ခရီးစဉ်ရဲ့ နောက်ကွယ်မှာ ဘာတွေ ရှိနိုင်သလဲဆိုတာနဲ့ ပတ်သက်လို့ နှစ်ပေါင်းများစွာ သံအမတ်ကြီး တာဝန်ယူခဲ့တဲ့ ဝါရင့်နိုင်ငံရေးသမားကြီး သခင်ချန်ထွန်းက စင်ကာပူနိုင်ငံဟာ မြန်မာနိုင်ငံထဲမှာရင်းနှီးမြှုပ်နှံမှုအများဆုံး ပြည်ပနိုင်ငံတခု ဖြစ်တယ်လို့ ထောက်ပြပြီး၊ သံတမန် အတွေ့အကြုံအရဆိုရင် ရင်းနှီးသူချင်း တိုးတိုးတိတ်တိတ် အကြံပေးတာတွေ ရှိနိုင်တယ်လို့ သုံးသပ်ပြောဆိုပါတယ်။

အမျိုးသား ဒီမိုကရေစီအဖွဲ့ချုပ် ဗဟိုအလုပ်အမှုဆောင် ဦးဝင်းတင်ကလည်း စစ်အစိုးရကို ဂိုချုပ်တောင် ပြောသွားတဲ့ ပြောဆိုချက်တွေအပေါ် ထောက်ပြ ဝေဖန်ပါတယ်။

ဒီအကြောင်းတွေကို RFA မှ ကိုနေရိန်ကျော်က စုစည်းတင်ပြထားပါတယ်။


ဖေတ်ပြိုင်သတင်းများ

ဝီရ / ၁၁ ဇွန် ၂၀၀၉
စစ်အစိုးရနှင့် အပစ်အခတ်ရပ်စဲထားသည့် မွန်ပြည်သစ်ပါတီမှ ထိပ်ပိုင်းခေါင်းဆောင်အချို့တို့သည် အရှေ့တောင်တိုင်းစစ်ဌာနချုပ် တိုင်းမှူးနှင့် ယခုလ (၇) ရက်နေ့၌ မော်လမြိုင်မြို့တွင် တွေ့ဆုံခဲ့သည်။

အဆိုပါတွေ့ဆုံပွဲတွင် နယ်ခြားစောင့်တပ် အသွင်ကူးပြောင်းရေးအတွက် ပထမခြေလှမ်းအဖြစ် အသွင်ကူးပြောင်းရေး မူဝါဒ ကော်မတီ၊ အသွင်ကူးပြောင်းရေး လုပ်ငန်းကော်မတီနှင့် အသွင်ကူးပြောင်းရေး တိုင်းအဆင့် လုပ်ငန်းကော်မတီ ဖွဲ့စည်းရန် အရှေ့တောင်တိုင်း စစ်ဌာနချုပ် တိုင်းမှူး ဗိုလ်ချုပ် သက်နိုင်ဝင်းက မွန်ပြည်သစ်ပါတီကို ကမ်းလှမ်းခဲ့ကြောင်း မော်လမြိုင်ခရိုင်မှ မွန်ပြည်သစ်ပါတီ ထိပ်တန်းအရာရှိတဦးက ပြောသည်။

မွန်ပြည်သစ်ပါတီဘက်မှမူ ယင်းသို့ စစ်အစိုးရ ကိုယ်စားလှယ်၏ ကမ်းလှမ်းချက်ကို ၂၀၀၉ ခု ဇူလိုင်လကုန်ပိုင်းတွင် အကြောင်းပြန်မည်ဟုသာ ပြောကြားခဲ့ကြောင်း အဆိုပါအရာရှိက ပြောသည်။

၎င်းက “ကျနော်တို့ ပြန်ပြောထားတာက ဇူလိုင်လ မကုန်ခင် အကြောင်းပြန်မယ်လို့။ ဒါပေမယ့် အခု ကမ်းလှမ်းတာက ကျနော်တို့ပါတီရဲ့ ရပ်တည်ချက်ထဲမှာ မပါဘူးခင်ဗျ။ ဒီအပစ်ရပ်ကတည်းက သဘောတူညီမှု ထဲမှာလည်း ဒီနယ်စောင့်တပ်ကိစ္စက မပါခဲ့ဘူးဆိုတော့ ကျနော်တို့ဘက်ကလည်း ဒီကိစ္စကို အလေးအနက် စဉ်းစားပေးမယ်လို့ပဲ အခုတွေ့ဆုံတဲ့ပွဲမှာ ပြောကြားခဲ့ပါတယ်” ဟု ခေတ်ပြိုင်သို့ ပြောသည်။

တပ်ဖွဲ့အသွင်းပြောင်းရေးအပေါ် ပါတီ၏ ဖြစ်ပေါ်လာနိုင်သည့် ရပ်တည်ချက်အသစ်နှင့် ပတ်သက်၍ ၎င်းက ပြောကြားရန် ငြင်းဆိုခဲ့သည်။

ဇွန် (၇) ရက် နံနက်ပိုင်းက ရတခ တိုင်းမှူး ဗိုလ်ချုပ် သက်နိုင်ဝင်းနှင့် တွေ့ဆုံပွဲတွင် မွန်ပြည်သစ်ပါတီမှ ဥက္ကဋ္ဌ နိုင်ထောမွန်၊ မွန်အမျိုးသားလွတ်မြောက်ရေးတပ်မတော် အကြီးအကဲ ဗိုလ်ချုပ် နိုင်ဇဲယ၊ ပါတီတွဲဖက်အတွင်းရေးမှူး နိုင်ချမ်းတွဲ့၊ ဗဟိုအလုပ်မှုဆောင်များဖြစ်သည့် နိုင်ထာဝရနှင့် နိုင်တလညီတို့ ပါဝင်တက်ရောက်ခဲ့ကြသည်။

နယ်ခြားစောင့်တပ် ဖွဲ့စည်းရေးအတွက် မွန်ပြည်သစ်ပါတီနှင့် နအဖတို့၏ ယခုတွေ့ဆုံမှုသည် ဒုတိယအကြိမ်ဖြစ်ပြီး မတ်လဆန်းပိုင်း၌ ပထမအကြိမ် တွေ့ဆုံခဲ့သည်။

မွန်ပြည်သစ်ပါတီသည် စစ်အစိုးရ၏ ဖွဲ့စည်းပုံ အခြေခံဥပဒေကို သဘောမတူကြောင်း၊ ၂၀၁၀ ရွေးကောက်ပွဲကိုလည်း ပါဝင်ယှဉ်ပြိုင်မည်မဟုတ်ကြောင်း အစောပိုင်းက ကြေညာထားပြီး ဖြစ်သည်။ နယ်ခြားစောင့်တပ် အသွင်ပြောင်းရေး ကိစ္စ လက်ခံ မခံကိုမူ တရားဝင် ထုတ်ပြန်ကြေညာခြင်း မရှိသေးပေ။

တော်လှန်ရေးသက်တမ်း အနှစ် (၅၀) ကျော်ရှိပြီး စစ်အစိုးရနှင့် ၁၉၉၅ ခုနှစ်တွင် အပစ်အခတ်ရပ်စဲခဲ့သည့် မွန်ပြည်သစ်ပါတီက ရွေးကောက်ပွဲဝင်ရေးနှင့် တပ်ဖွဲ့အသွင်ပြောင်းရေးအတွက် မွန်ပြည်သူတို့ထံမှ ဆန္ဒခံယူသွားမည်ဟု သိရသည်။

နအဖကိုယ်စားလှယ် အရှေ့တောင်ပိုင်း တိုင်းမှူးက မြန်မာနိုင်ငံတောင်ပိုင်းမှ အပစ်ရပ်အဖွဲ့ မွန်ပြည်သစ်ပါတီ ခေါင်းဆောင်များအား တွေ့ဆုံနေသကဲ့သို့ နအဖ၏ စစ်ဘက်ရေးရာ လုံခြုံရေး အရာရှိချုပ် ဒု-ဗိုလ်ချုပ်ကြီး ရဲမြင့် ပါဝင်သည့် တိုင်းမှူးအဖွဲ့တို့ကလည်း တရုတ်-မြန်မာနယ်စပ်တလျှောက်မှ အင်အားကြီး အပစ်ရပ်တိုင်းရင်းသား အဖွဲ့အစည်းများအား နယ်ခြားစောင့်တပ် ဖွဲ့စည်းရေးအတွက် တွေ့ဆုံခဲ့သည်။



NEJ / ၁၁ ဇွန် ၂၀၀၉
အမေရိကန်အစိုးရက မြန်မာနိုင်ငံအပေါ်ထားရှိသည့် မူဝါဒကို ပြန်လည်စဉ်းစားရန် သဘောထားရှိကြောင်း အမေရိကန်အစိုးရ၏ အာရှဆိုင်ရာ ထိပ်တန်းသံတမန်တဦးက ပြောကြားသည်။

အရှေ့အာရှနှင့်ပစိဖိတ်ဆိုင်ရာ အမေရိကန် လက်ထောက် နိုင်ငံခြားရေးဝန်ကြီးနေရာတွင် သမ္မတအိုဘားမား၏ အဆိုတင်သွင်းခြင်းခံရသူ Kurt Campbell က ယမန်နေ့၌ ပြုလုပ်သည့် အထက်လွှတ်တော် နိုင်ငံခြားရေးကော်မတီ ကြားနာပွဲတွင် ပြောကြားခဲ့ခြင်းဖြစ်သည်။

ထိုသို့ စဉ်စားနေသော်လည်း ဒေါ်အောင်ဆန်းစုကြည်အပေါ် မြန်မာစစ်အစိုးရ၏ ပြင်းထန်သည့် ကိုင်တွယ်မှု များကြောင့် အမေရိကန်က မြန်မာစစ်အစိုးရနှင့် ထိတွေ့ဆက်ဆံရန် သဘောထားပြောင်းလဲ လုပ်ဆောင်နေမှုကို အဟန့်အတားဖြစ်စေသည်ဟုလည်း Kurt Campbell က ပြောကြားခဲ့ကြောင်း ၀ါရှင်တန်မှလာသည့် အေပီသတင်းတွင် ဖော်ပြသည်။

ဒေါ်အောင်ဆန်းစုကြည်အပေါ် ချမှတ်လိုက်သည့် တရားခွင်မှ ထွက်ပေါ်သည့် အဖြေပေါ်မူတည်ပြီး မြန်မာနိုင်ငံ ဆိုင်ရာ မူဝါဒကို အမေရိကန်အစိုးရက အဓိကထား စဉ်းစားသွားလိမ့်မည်ဟုလည်း မစ္စတာ Campbell က ပြောကြားသည်။

မြန်မာစစ်အစိုးရက လူ့အခွင့်အရေးကို လေးစားလိုက်နာလာရန်နှင့် နိုင်ငံရေးအကျဉ်းသားများ လွတ်မြောက်ရေး အတွက် ရည်ရွယ်၍ အမေရိကန်အစိုးရက မြန်မာနိုင်ငံအပေါ် ဒဏ်ခတ်ပိတ်ဆို့မှုကို ပြုလုပ်ခဲ့ခြင်းဖြစ်သည်။

အမေရိကန်နိုင်ငံခြားရေးဝန်ကြီးဌာနသည် မြန်မာနိုင်ငံအပေါ် မူဝါဒအပြောင်းအလဲလုပ်ရန် အထူးအလေးထား စဉ်းစားနေသော်လည်း မြန်မာအစိုးရနှင့် ပိုမိုထိတွေ့ဆက်ဆံရေးသည် တားမြစ်ပိတ်ဆို့မှုများကို ဖယ်ရှားသည့် သဘောမဟုတ်ကြောင်း မစ္စတာ Campbell က အလေးထားပြောကြားခဲ့သည်ဟုလည်း သိရသည်။

ပြီးခဲ့သည့် ဖေဖော်ဝါရီလအတွင်းက အာရှသို့ ခရီးထွက်ခဲ့သည့် အမေရိကန် နိုင်ငံခြားရေးဝန်ကြီး မစ္စက် ကလင်တန် က မြန်မာနိုင်ငံတွင် ဒီမိုကရေစီဖြစ်ထွန်းရေးနှင့် ဒေါ်အောင်ဆန်းစုကြည် လွတ်မြောက်ရေးအတွက် စစ်အစိုးရအပေါ် အမေရိကန်၏ ပိတ်ဆို့တားမြစ်မှုများအပါအ၀င် အိမ်နီးချင်းနိုင်ငံများ၏ အပြုသဘောဆောင်သည့် ဆက်ဆံရေးများ သည် ထိရောက်မှုမရှိကြောင်း ပြောကြားခဲ့သည်။ ထို့အပြင် မြန်မာနိုင်ငံတွင် အကောင်းဘက်သို့ ရှေးရှုသည့် အပြောင်းအလဲ ဖြစ်ပေါ်စေရေးအတွက်လည်း ဒေသတွင်းနိုင်ငံများနှင့် ပူးတွဲဆောင်ရွက်သွားရန် အမေရိကန် အစိုးရက အစီအစဉ်ရှိကြောင်း အမေရိကန် နိုင်ငံခြားရေးဝန်ကြီးက ပြောသည်။


NEJ / ၁၁ ဇွန် ၂၀၀၉

ကရင်အမျိုးသားလွတ်မြောက်ရေးတပ်မတော် (ကေအန်အယ်လ်အေ) တပ်မဟာ (၇) ဘားအံခရိုင်အတွင်း ဖြစ်ပွားနေသည့်တိုက်ပွဲများတွင် နအဖနှင့်ဒီကေဘီအေ ပူးပေါင်းတပ်ဖွဲ့များ ပစ်ခတ်သည့် လက်နက်ကြီးကျည်အချို့ ထိုင်းနိုင်ငံဘက်ကျရောက်ခဲ့သဖြင့် ထိုင်းဘက်မှ မြန်မာဘက်သို့ ကန့်ကွက်စာပေးပို့ထားသည်။

ယမန်နေ့က တပ်မဟာ (၇) နယ်စပ်ဒေသနှင့် မျက်နှာချင်းဆိုင် သောင်ရင်းမြစ်တဖက်ကမ်းရှိ ထိုင်းနိုင်ငံ တာ့ခ်ခရိုင် ထာ့ဆောင်ရန်းမြို့နယ်အတွင်းသို့ လက်နက်ကြီးကျည် (၂) လုံး ကျရောက်ခဲ့သည့်အတွက် ထိုင်းဘက်မှ မြန်မာဘက်သို့ ကန့်ကွက်ခြင်းဖြစ်သည်။

ထိုင်းမြို့နယ်အဆင့် နယ်ခြားကော်မတီ (TBC) ဥက္ကဋ္ဌနှင့် အမှတ် (၄) ဒေသဆိုင်ရာ ကွပ်ကဲရေးတပ်မှူး ဗိုလ်မှူးကြီး ပဒုံယင့် ဖိုင်းဘွန်းစို့က “ထိုင်းဘက်ကို လက်နက်ကြီးတွေ ကျတဲ့အတွက် မြန်မာနယ်ခြားကော်မတီကို ကန့်ကွက်စာ ပေးပို့ထားတယ်။ နောက်ကို ဒီလိုပဲ လက်နက်ကြီးတွေ ထပ်ကျလာမယ်ဆိုရင် ပထမအကြိမ် သတိပေးတဲ့အနေနဲ့ မီးခိုးဗုံးတွေနဲ့ အချက်ပေး ပစ်ခတ်မှာဖြစ်တယ်။ အဲလိုအချက်ပေးတဲ့ကြားက လက်နက်ကြီးတွေ ထပ်ကျလာမယ် ဆိုရင် ထိုင်းဘက်က ပြန်ပြီး ပစ်ခတ်ရမှာဖြစ်တယ်” ဟု ယမန်နေ့က ဒေသခံ သတင်းထောက်များကို ပြောကြားသည်။

ကေအန်အယ်လ်အေ တပ်မဟာ (၇) ၏ မှတ်တမ်းများအရ တိုက်ပွဲကာလအတွင်း ယခုလ (၈) ရက်တွင် လက်နက်ကြီးကျည် (၃) လုံးနှင့် (၉) ရက်တွင် လက်နက်ကြီးကျည် (၄) လုံး ထိုင်းဘက်ခြမ်း ထာ့ဆောင်ရန်းမြို့နယ် အတွင်းသို့ ကျရောက်ပေါက်ကွဲခဲ့သည်။

ယခုလဆန်း (၂) ရက်နေ့မှ စတင်သည့် နအဖနှင့် ဒီကေဘီအေပူးပေါင်းတပ်ဖွဲ့များက တပ်မဟာ (၇) ဒေသကို ထိုးစစ်ဆင်ခဲ့သည်မှာ (၁၀) ရက်ရှိပြီဖြစ်သည်။ နေ့စဉ် တဖက်နှင့်တဖက် အပြန်အလှန်ထိပ်တိုက်ရင်ဆိုင်တိုက်ပွဲများ မရှိသော်လည်း ပူးပေါင်းအဖွဲ့များက အဝေးမှလက်နက်ကြီးများဖြင့် နေ့စဉ်ပစ်ခတ်သောကြောင့် လက်နက်ကြီးကျည် အချို့ ထိုင်းဘက်သို့ ကျရောက်ပေါက်ကွဲခြင်းဖြစ်သည်။

၎င်းတိုက်ပွဲများ၏ဂယက်ကြောင့် ကရင်ပြည်နယ် လှိုင်းဘွဲမြို့နယ်နှင့် ပိုင်ကျုံမြို့နယ်တို့မှ ဒေသခံ ရွာသား (၄,၀၀၀) ခန့်မှာ စစ်ပြေးဒုက္ခသည်များအဖြစ် ထိုင်းနိုင်ငံ ထာ့ဆောင်ရန်းမြို့နယ်တွင် ခိုလှုံနေကြသည်။

မင်းနိုင်သူ / ၁၁ ဇွန် ၂၀၀၉

ရန်ကုန်နှင့် မန္တလေးမြို့တို့တွင် စီဒီအမ်အေဖုန်းအလုံးပေါင်း တသိန်းခွဲကျော် ချထားပေးသွားမည်ဟု မြန်မာ့ဆက်သွယ်ရေးလုပ်ငန်းက ပြောသော်လည်း ယခုလက်ရှိဖုန်းလိုင်းများပင် မကောင်းသည့်အတွက် အစိုးရက ဘဏ္ဍာငွေရရှိအောင် လုပ်နေခြင်းဖြစ်သည်ဟု မြို့ခံများက ပြောသည်။

ယမန်နေ့ထုတ် ဆင်ဟွာသတင်းတွင် ယင်းသို့ ဖုန်းများချထားပေးမည်ဖြစ်ကြောင်း မြန်မာ့ဆက်သွယ်ရေးလုပ်ငန်းကို ကိုးကားပြီး ဖော်ပြထားသည်။

ယင်းသို့ စီဒီအမ်အေဖုန်းများ ထပ်မံ ချထားပေးမည့်အပေါ် မန္တလေးမြို့ခံတဦးက “အခုလက်ရှိ မိုဘိုင်းဖုန်း လိုင်းတွေတောင် မကောင်းဘူးဗျာ။ မနက်ပိုင်း ကုန်သည်၊ ပွဲစား၊ ၀န်ထမ်းတွေ အလုပ်များတဲ့အချိန်ဆို ဖုန်းလိုင်းတွေက မကောင်းတော့ဘူး။ နေ့လယ် (၁၂) နာရီနောက်ပိုင်းမှ လိုင်းပြန်ချောင်တယ်။ အခုလက်ရှိ ဖုန်းလိုင်းကို ကောင်းအောင်မလုပ်ဘဲနဲ့ ထပ်ချပေးနေလည်း အပိုပါပဲ။ ခုဟာ အစိုးရက ဘဏ္ဍာငွေရဖို့အတွက် လုပ်နေတာပါပဲ” ဟု ပြောသည်။

ထိုကဲ့သို့ လက်ရှိဖုန်းလိုင်းများ မကောင်းရခြင်းမှာ အထိုင်စက်၏ လက်ခံနိုင်အားနှင့် ဖုန်းအလုံးအရေ မမျှတမှုကြောင့် ဖြစ်ကြောင်း မုံရွာအိတ်ချိန်းရုံးမှ ၀န်ထမ်းတဦးက ပြောသည်။

“ရွှေဘို၊ ဟားခါး၊ ကလေးဘက်တွေမှာလည်း ချပေးနေတယ်။ အဲဒီဘက်က ဖုန်းရထားတဲ့ ၀န်ထမ်းတွေက မုံရွာ၊ မန္တလေးဘက်ကို ပြန်ရောင်းကြတယ်ဗျာ။ ဆိုတော့ အဲဒီဘက်က ဖုန်းတွေကိုပါ ဒီမြို့တွေက တာဝါတိုင်တွေက လက်ခံထားရတော့ မနိုင်ဝန်ထမ်းနေရသလို ဖြစ်နေတာ” ဟု ၎င်းက ပြောသည်။

လက်ရှိ စီဒီအမ်အေဖုန်းများအတွက် အစိုးရသို့ ပေးသွင်းရငွေမှာ ကျပ် (၁၅) သိန်းခန့် ကျသင့်နေသည်ဟု ရန်ကုန်မြို့ခံတဦးက ပြောသည်။

၎င်းက “တကယ်တမ်း ကျသင့်တာက (၁၂) သိန်းကျော်ကျော်ပဲ ကျတာ။ ဒါပေမယ့် မြို့နယ်ဆက်သွယ်ရေးရုံးကို ပေးရတာနဲ့၊ မြို့နယ်မယကကို အလှူငွေထည့်ရတာနဲ့ဆိုတော့ ဆယ့်ငါးသိန်းလောက် ကျသွားတာပါပဲ။ အခု ဖုန်းအလုံးပေါင်း (၁) သိန်းခွဲကျော် ထပ်ချပေးမယ်ဆိုရင် အစိုးရအနေနဲ့ ကျပ်သန်းပေါင်း (၂) ထောင်ကျော် ရသွားဦးမှာပဲ” ဟု ရှင်းပြသည်။

မြန်မာ့ဆက်သွယ်ရေးလုပ်ငန်းက ချပေးမည့် အဆိုပါဖုန်းများနှင့် voice message ၊ fax နှင့် short message များကိုလည်း ကန့်သတ်ဧရိယာအတွင်း အသုံးပြုနိုင်မည်ဖြစ်ကြောင်း ဆင်ဟွာသတင်းတွင် ဖော်ပြသည်။

မည်သည့်အချိန်တွင် စတင်ချထားပေးမည်၊ မည်မျှပေးသွင်းရမည်တို့ကိုမူ ဖော်ပြထားခြင်းမရှိပေ။

ယင်းကိစ္စနှင့်စပ်လျဉ်း၍ မြန်မာ့ဆက်သွယ်ရေး စာတိုက်နှင့် ကြေးနန်းဝန်ကြီးဌာနရုံး (ရန်ကုန်) နှင့် ဆက်သွယ်ရေး ညွှန်ကြားမှုဦးစီးဌာနတို့ကို ခေတ်ပြိုင်က ဆက်သွယ်ခဲ့သော်လည်း ဖုန်းကိုင်ဖြေဆိုခြင်းမရှိပေ။

၂၀၀၈ ခုနှစ် စာရင်းဇယားများအရ မြန်မာနိုင်ငံအတွင်းတွင် အော်တိုဖုန်းပေါင်း (၁၅၃,၃၄၄) လုံး၊ ဂျီအက်စ်အမ် ဖုန်းပေါင်း (၃၇၅,၈၀၀) လုံးနှင့် စီဒီအမ်အေဖုန်းပေါင်း (၂၀၅,၅၀၀) လုံး ရှိနေသည်။

မြန်မာနိုင်ငံတွင် ၁၉၉၃ ခုနှစ်၌ ဆယ်လူလာဖုန်းများ စတင်ချထားပေးခဲ့ပြီး စီဒီအမ်အေ အသုံးပြုမှုကို ၁၉၉၇ ခုနှစ်တွင် စတင်ခဲ့ကာ ယခုထပ်မံတိုးချဲ့လိုက်ခြင်းဖြစ်သည်။ ထို့နောက် ၂၀၀၂ ခုနှစ်တွင် ဂျီအက်စ်အမ် အသုံးပြုခဲ့ကြသည်။

ပြီးခဲ့သည့်မေလမှစတင်ကာ ဂျီအက်စ်အမ်ဖုန်း ကိုင်ဆောင်သူများအနေဖြင့် သုံးလစာ ဖုန်းဘေလ် ငွေကြိုသွင်း နေကြရပြီး ယခုလတွင် ဆယ်လူလာနှင့် စီဒီအမ်အေဖုန်းများကိုပါ သွင်းခိုင်းတော့မည်ဖြစ်ကြောင်း ရန်ကုန်မြို့ခံများက ပြောသည်။




NEJ / ၁၁ ဇွန် ၂၀၀၉
line


နအဖစစ်အစိုးရ လက်အောက်ခံ ရဲတပ်ဖွဲ့နှင့် ကြံ့ခိုင်ဖွံ့ဖြိုးရေးအဖွဲ့တို့က နိုင်ငံရေးလှုပ်ရှားမှုများကို ထိန်းရန်အတွက် မြို့သစ် ဆင်းရဲသား ရပ်ကွက်များမှ ကြေးစားများကို အသုံးချနေကြောင်း တောင်ဒဂုံမြို့နယ်မှ ကိုယ်တိုင်ပါဝင်ခဲ့သူ တဦးက ပြောသည်။

၎င်းက “ကိစ္စရှိတဲ့ ရက်တွေဆိုရင် သူတို့က (ကြံ့ဖွံ့အဖွဲ့မှ တာဝန်ပေးထားသူ) ကျနော်တို့အိမ် လမ်းထိပ်အထိ ဒိုင်နာကားနဲ့ လာကြိုတယ်။ ကျနော်တို့တာဝန်က ဒိုင်နာကားပေါ်မှာ ခပ်တည်တည် ထိုင်ပြီး သူတို့ မောင်းတဲ့နေရာ တွေကို လိုက်ပြီးစီးဖို့ပဲ။ အဲဒီအတွက် တနေ့ကို ကျပ် (၂,ဝဝဝ) ပေးတယ်။ တကယ်လို့ လမ်းပေါ်မှာ ဆန္ဒပြသူ ဖြစ်ဖြစ်၊ သူတို့က ခိုင်းလို့ဖြစ်ဖြစ် လူတယောက်ယောက်ကို ဝိုင်းဖမ်းပေးရရင်၊ ဒါမှမဟုတ် ရုန်းရင်းဆန်ခတ်ဖြစ်လို့ သူတို့ ညွှန်ကြားသလို ဝင်ပြီးဆွဲတာ ရိုက်ရတာမျိုးလုပ်ရရင် ကျပ် (၁ဝ,ဝဝဝ) ကနေ (၂ဝ,ဝဝဝ) အထိ ပေးမယ်လို့ ပြောတယ်။ ဒါကတော့ ကိုယ်ဆန္ဒရှိမှ လုပ်ပါလို့ ပြောတယ်” ဟု ရှင်းပြသည်။

“ကျနော်တို့အတွက် စည်းကမ်းကတော့ ကားပေါ်ပါလာတဲ့သူ အချင်းချင်းလည်း စကားမပြောရဘူး။ တယောက်ကို တယောက် ဘယ်မှာနေသလဲ၊ ဘာလုပ်သလဲ စသဖြင့် မစပ်စုရဘူး။ ဘာပြဿနာဖြစ်ဖြစ် သူတို့ တာဝန်ယူတယ်။ ရဲတွေလည်း မဖမ်းစေရဘူး။ အချိန်တန်ရင် လမ်းထိပ်အရောက် ပြန်ပို့ပေးမယ်။ ငွေ (၂,ဝဝဝ) ရမယ်” ဟု ၎င်းက ဆက်လက်ပြောသည်။

ထိုသူ၏ ရှင်းပြချက်အရ ၎င်းတို့ကို ဒိုင်နာကားများနှင့် ရပ်ကွက်အလိုက် လှည့်ခေါ်ပြီး တရပ်ကွက်လျှင် နှစ်ယောက်ထက် ပိုမခေါ်ကြောင်း၊ လူများကို အမြဲတမ်း ပြောင်းလဲခေါ်ယူသည့်အတွက် ကားပေါ်ပါလာသူ အချင်းချင်း မသိကြဟုလည်း ၎င်းက ပြောသည်။

အချို့နေ့များတွင် ညဘက်လာခေါ်ယူပြီး လမ်းပိတ် လေ့ကျင့်ခန်း လုပ်ရတာမျိုးလည်း ရှိကြောင်း၊ ပြီးခဲ့သည့် စနေနေ့ညက ဦးဝိစာရ အဝိုင်းနှင့် မြေနီကုန်း လမ်းဆုံအထိ လမ်းကို ပိတ်ပြီး ည (၁၂းဝဝ) နာရီကျော်တွင် လေ့ကျင့်ခန်း လုပ်ခဲ့ရကြောင်း တောင်ဒဂုံမြို့နယ်မှ အဆိုပါသူက ပြောသည်။

ကြေးစားများအား လှည့်လှည်ခေါ်ဆောင်ရသည့် ဒိုင်နာကားဒရိုင်ဘာတဦးက ၎င်းတို့ကားဒရိုင်ဘာများအနေဖြင့် ယာဉ်လိုင်းကြီးကြပ်သူများက အလှည့်ကျ စီစဉ်ပေးမှုအရနှင့် ကားရှေ့ခန်းထိုင်သည့် ကြီးကြပ်သူက မောင်းခိုင်းသည့် နေရာကိုသာ မောင်းရခြင်းဖြစ်ပြီး ဘာတခုမှ မေးမြန်းစုံစမ်းခြင်းမလုပ်ရကြောင်း ပြောသည်။

၎င်းက “ပထမဦးဆုံး သက်ဆိုင်ရာ ရဲစခန်းတခုမှာ သတင်းပို့ရတယ်။ နောက် ကားနံပါတ်ကို ဖုံးတာ၊ ဖြုတ်တာတွေ လုပ်ရတယ်။ နောက် တရပ်ကွက်ပြီး တရပ်ကွက် လူတွေ လိုက်တင်ရတယ်။ လူတွေတင်ပြီး ကြီးကြပ်သူက မောင်းခိုင်းတဲ့ နေရာတွေ မောင်း၊ ရပ်ဆို ရပ်ရတယ်၊ ဘာတခွန်းမှ မပြောရဘူး” ဟု ပြောသည်။

ကိစ္စပြီး၍ ပြန်ရသည့်အခါ နေ့တွက် ကျပ် (၃) သောင်း ပေးကြောင်း၊ ကိုယ့်ငွေနှင့်ကိုယ် စီအန်ဂျီ ဖြည့်ရကြောင်း၊ အကယ်၍ အလှည့်ကျခေါ်သည်ကို မလိုက်ပါက လိုင်းပိတ်သိမ်းခြင်းခံရကြောင်း အဆိုပါ ဒိုင်နာကားသမားက ပြောသည်။

ငြိမ်းချမ်းစွာ ဆန္ဒပြမှုများကို စစ်အစိုးရက ယခုကဲ့သို့နည်းဖြင့် ဖြေရှင်းခဲ့သည်မှာ စက်တင်ဘာ သံဃာ့အရေးအခင်း မတိုင်ခင်ကာလမှ ယနေ့တိုင်ဖြစ်သည်။

ဒိုင်နာကားပေါ် ထိုင်နေကြသည့် သူများကို စွမ်းအားရှင်အဖွဲ့ဟု အများက ခေါ်နေကြသော်လည်း ထိုသူများသည် နယ်မြေခံ ကြံ့ဖွံ့များက ရွေးချယ်တာဝန်ပေးသည့် မြို့သစ်ရပ်ကွက်များမှ ဆင်းရဲသည့် ကြေးစားများ ဖြစ်ပြီး၊ ရပ်ကွက် တွင်း၌ ချဲလုပ်ငန်းအပါအဝင် တရားမဝင် လုပ်ငန်းများနှင့် အသက်မွေးဝမ်းကျောင်းနေသူများလည်း ပါဝင်ကြောင်း သိရသည်။


ဒေါ်စုအမှု သက်သေ နှစ်ဦးအတွက် ရုံးချိန်း ရက်အကန့်အသတ်မရှိ ရွှေ့ဆိုင်း
မဇ္ဈိမသတင်းဌာန
ကြာသပတေးနေ့၊ ဇွန်လ 11 2009 21:27 - မြန်မာစံတော်ချိန်
နယူးဒေလီ။ ။ ဒေါ်အောင်ဆန်းစုကြည် အမှုအတွက် ငြင်းပယ်ခံထားရသည့် သက်သေ ၂ ဦးအတွက် ဆက်လက်လျှောက်လဲချက်ပေးရန် ဗဟိုတရားရုံးက ယခုလ ၁၇ ရက်နေ့သို့ ရုံးချိန်းရက်ပေးအပြီး နာရီပိုင်းအတွင်း ရက်အကန့်အသတ်မရှိ ရက်ရွှေ့လိုက်ပြန်သည်။

ရန်ကုန်တိုင်း တရားရုံးက ပယ်ချခဲ့သည့် သက်သေ ၂ ဦးအတွက် ဗဟိုတရားရုံးချုပ်တွင် ပြင်ဆင်ခွင့် လျှောက်ထားရာ ဗဟိုတရားရုံးက လျှောက်လဲချက်ပေးရန် ယနေ့ နေ့လယ်ပိုင်းက ယခုလ ၁၇ ရက်နေ့သို့ ချိန်းဆိုခဲ့သော်လည်း ညနေပိုင်းတွင် အကန့်အသတ်မရှိ ရက်ရွှေ့ကြောင်း အကြောင်းကြားခြင်း ဖြစ်သည်။

"ညနေ ၄ နာရီမှာ ဗဟိုတရားရုံးက ပြန်ပြင်တယ်။ ကျနော့်ရဲ့ ရှေ့နေရုံးခန်းကို လာပြီးတော့ ဗဟိုတရားရုံးချုပ် ရှေ့နေ လက်ထောက် ညွှန်ကြားရေးမှူးတဦးက ၁၇ ရက်နေ့ ရက်ချိန်းကို ပယ်ဖျက်တယ်၊ နောက်ထပ်ရက်ချိန်းကို နောက်ထပ် အကြောင်းကြားပါမယ်လို့ ကျနော့်ဆီကို ပြောတယ်။ ကျနော်တော့ မရှိဘူး၊ သူလာပြောတဲ့ အချိန်မှာ။ ကျနော်လည်း ဒီညမှပဲ သိရတယ်။ နောက်ဆက်တွဲက အဲဒါပါပဲ'' ဟု ဒေါ်စုအမှုတွင် အကျိုးဆောင်ပေးသည့် ရှေ့နေ ၄ ဦးအနက် တဦးဖြစ်သူ ဦးဉာဏ်ဝင်းက မဇ္ဈိမကို ပြောသည်။

ခရိုင်တရားရုံးတွင် တရားခံပြ သက်သေ ၄ ဦး အမည်စာရင်း တင်သွင်းခဲ့ရာ တဦးတည်းသာ လက်ခံသဖြင့် တိုင်းရုံးသို့ ပြင်ဆင်ခွင့် လျှောက်ထားရာ နောက်ထပ်တဦး ခွင့်ပြုခဲ့သော်လည်း ကျန်ရှိသည့် ၂ ဦးအတွက် ဗဟိုတရားရုံးချုပ်သို့ ယနေ့နံနက်ပိုင်းက လျှောက်ထားခဲ့ခြင်း ဖြစ်သည်။

အင်းစိန်ထောင်တွင်းမှ မြောက်ပိုင်းခရိုင် တရားရုံးက ဒေါ်စု၏ ရှေ့နေများက သက်သေ ၄ ဦးပါ အမည်စာရင်းကို စတင်၍ တင်သွင်းခဲ့သည်။

ယခုအချိန်အထိ ဦးကြည်ဝင်းနှင့် ဒေါ်ခင်မို့မို့တို့ကို သက်သေအဖြစ် လက်ခံထားပြီး၊ အန်အယ်ဒီ ဒုဥက္ကဋ္ဌ ဦးတင်ဦးနှင့် ဗဟိုအလုပ်အမှုဆောင် အဖွဲ့ဝင် ဦးဝင်းတင်တို့ကို တိုင်းတရားရုံး အဆင့်က ဆက်လက်၍ ငြင်းပယ်ခဲ့သည်။

ဒေါ်စု ငြင်းပယ်ခံ သက်သေ ၂ ဦးအတွက် ဗဟိုတရားရုံးက ရက်ချိန်းပေး
နန်းဒေဝီ
ကြာသပတေးနေ့၊ ဇွန်လ 11 2009 20:42 - မြန်မာစံတော်ချိန်

နယူးဒေလီ (မဇ္စျိမ)။ ။ ဒေါ်အောင်ဆန်းစုကြည် အမှုအတွက် တိုင်းတရားရုံးက ဆက်လက် ပယ်ချခဲ့သူ သက်သေ ၂ ဦးအတွက် ပထမအဆင့် လျှောက်လဲချက်ကို ယခုလ ၁၇ ရက်နေ့တွင် ကြားနာစစ်ဆေးမည်ဟု ဗဟိုတရားရုံးက ရက်ချိန်းပေးလိုက်သည်။

ခရိုင်တရားရုံးတွင် တင်သွင်းခဲ့သည့် သက်သေ ၄ ဦးအနက် တဦးသာ လက်ခံခဲ့သဖြင့် တိုင်းတရားရုံးသို့ ပြင်ဆင်ခွင့် လျှောက်ထားရာ နောက်ထပ်တဦး ခွင့်ပြုခဲ့သော်လည်း ကျန်သက်သေ ၂ ဦးအတွက် ဗဟိုတရားရုံးသို့ ဆက်လက်လျှောက်ထားပြန်ရာ လျှောက်လဲချက်ပေးရမည့် ရက်ကို ယခုလို ချိန်းဆိုလိုက်ခြင်း ဖြစ်သည်။

“တိုင်းတရားရုံးရဲ့ ဆုံးဖြတ်ချက်ကို ဥပဒေနဲ့ မညီညွတ်ဘူးလို့ ယူဆတဲ့အတွက် ကျနော်တို့ ဒီနေ့ ဗဟိုတရားရုံးချုပ်မှာ ပြင်ဆင်မှုကို တင်သွင်းတယ်။ လာမယ့် ၁၇ ရက်နေ့၊ ဗုဒ္ဓဟူးနေ့မှာ ပထမအဆင့် လက်ခံရေးအတွက် တဖက်ထဲ လျှောက်လဲချက် ကျနော်တို့ ပေးရမယ်” ဟု ဒေါ်စုအမှုအတွက် ရှေ့နေတဦးဖြစ်သူ ဦးဉာဏ်ဝင်းက မဇ္ဈိမကို ပြောသည်။

အင်းစိန်ထောင်တွင်း မြောက်ပိုင်း ခရိုင်တရားရုံးတွင် ဒေါ်စု၏ ရှေ့နေများဘက်က သက်သေများအဖြစ် အန်အယ်ဒီ ဒုဥက္ကဋ္ဌ ဦးတင်ဦး၊ ဗဟိုအလုပ်အမှုဆောင်အဖွဲ့ဝင် ဦးဝင်းတင်၊ ဒေါ်ခင်မို့မို့နှင့် ဦးကြည်ဝင်းတို့ ၄ ဦးကို စတင်၍ တင်သွင်းခဲ့သည်။ သို့သော် ခရိုင်ရုံးက ဦးကြည်ဝင်း တဦးတည်းကိုသာ လက်ခံခဲ့သည်။

ထို့နောက် ရန်ကုန်တိုင်း တရားရုံးသို့ ပြင်ဆင်ခွင့် တင်သွင်းသည့်အခါ ဒေါ်ခင်မို့မို့ကို တရားခံပြသက်သေအဖြစ် လက်ခံခဲ့ရာမှ ကျန်ရှိသူ ၂ ဦးအတွက် ဗဟိုတရားရုံးချုပ်သို့ ပြင်ဆင်ခွင့် ထပ်မံလျှောက်ထားခဲ့ပြန်သည်။

တိုင်းတရားရုံးက ပယ်ချခဲ့သည့်အပေါ် ဥပဒေနှင့် ညီညွတ်မှု မရှိကြောင်း ယူဆသည့်အတွက် ဗဟိုတရားရုံးတွင် ယနေ့ ၁၁ နာရီခန့်က သွားရောက်တင်သွင်းရာ တရားရုံးက နေ့လည် ၁ နာရီခန့်တွင် ယခုလ ၁၇ ရက်နေ့သို့ ချိန်းဆိုလိုက်ခြင်း ဖြစ်သည်။

ဦးဉာဏ်ဝင်းက “အကယ်၍ လက်ခံခဲ့ရင် နောက်တဆင့် အစိုးရဘက်ရော၊ ကျနော်တို့ဘက်ရော ၂ ဖက် လျှောက်လဲချက် ထပ်ပေးရမယ်။ တကယ်လို့ ၁၇ ရက်နေ့မှာ လက်မခံဘူးဆိုရင် ကျနော်တို့ ရှုံးတာပဲပေ့ါ၊ ဒီအမှုကို” ဟု ပြောသည်။

“ကျနော်တို့ကတော့ လက်ခံဖို့ ယုံကြည်လို့ တင်တာပဲလေ။ အဖြေကတော့ အဲဒီနေ့ကျမှပဲ သိရမယ်။ အန်ကယ်တို့ ယူဆချက်ကို တရားရုံးက လက်ခံရင် အန်ကယ်တို့ နိုင်တာပေါ့” ဟု သူက ဆက်ပြောသည်။

သို့သော် ဗဟိုတရားရုံးချုပ်က ဒေါ်စု သက်သေအဖြစ် ကျန်ရှိသူ ၂ ဦးအား လက်ခံလိမ့်မည်ဟု မမျှော်လင့်ကြောင်း ဒေါ်စုအမှု သက်သေ အမည်စာရင်းတွင် ပါရှိသူ အန်အယ်ဒီ ဗဟိုအလုပ်အမှုဆောင် ကော်မတီဝင်နှင့် ဝါရင့်သတင်းစာ ဆရာကြီး ဦးဝင်းတင် (ဟံသာဝတီ) က မဇ္စျိမကို ယခုလို ပြောသည်။

“ကျနော်တို့က သိပ်တော့ မထင်ပါဘူးဗျာ။ ဦးတင်ဦးကျတော့ လုံခြုံရေးကိစ္စနဲ့ သူတို့က မပေးခဲ့ဘူး။ ကျနော့်ကို ကြည့်တဲ့အခါကျတော့ အရေးကြီးတဲ့ လူတော့ မဟုတ်ဘူးပေါ့ဗျာ။ ဒါပေမယ့်လည်း ကျနော့်ကိုလည်း ကြိုက်ပုံတော့ မရဘူး” ဟု သူက ပြောသည်။

မနက်ဖြန်တွင် အင်းစိန်မြောက်ပိုင်းခရိုင် တရားရုံး၌ ဒေါ်စုအမှုတွဲအား ဆက်လက်ကြားနာရန် ရက်ချိန်း ပေးထားသော်လည်း အမှုစစ်ဆေးရန် မရှိသေးကြောင်း ဦးဉာဏ်ဝင်းက ပြောသည်။

“မနက်ဖြန် စစ်ဖို့ မရှိပါဘူး။ အစကတည်းကိုက မရှိပါဘူး။ ၁၂ ရက်နေ့စွဲက ဖော်ပြရန် ရက်ချိန်း၊ ဖော်ပြရန် ရက်ချိန်း ဆိုတာက မနက်ဖြန် ကျနော်တို့ဘက်က ဆောင်ရွက်ထားမှု အခြေအနေကို ရုံးကို တင်ပြမယ်။ အဲဒီတော့ ရုံးက ဘာဆက်လုပ်မလဲ ဆိုတာကို မနက်ဖြန် ပြောမယ်။ နောက်ထပ် ရုံးချိန်းမှာ ဘာတွေ လုပ်ရမယ်ဆိုတာကို အဲဒီနေ့မှာ ပြောမယ်” ဟု သူက ပြောသည်။

ဒေါ်စုလွတ်မြောက်ရေး အမျိုးသမီးများ တီရှပ်ကန်ပိန်းလုပ်
မဇ္ဈိမသတင်းဌာန
ကြာသပတေးနေ့၊ ဇွန်လ 11 2009 23:05 - မြန်မာစံတော်ချိန်

နယူးဒေလီ။ ။ ပဲခူးတိုင်း ဇီးကုန်းမြို့နယ် အမျိုးသား ဒီမိုကရေစီ အဖွဲ့ချုပ်မှ အမျိုးသမီးများ ဦးဆောင်ပြီး ဒေါ်အောင်ဆန်းစုကြည် လွတ်မြောက်ရေး တီရှပ်ဝတ်ဆင် လှုပ်ရှားမှု တခုကို ယမန်နေ့က ပြုလုပ်ခဲ့ကြသည်။

ဇီးကုန်း ဒီချုပ်အဖွဲ့ဝင် အမျိုးသမီး ၁၀ ဦးခန့်က ရှေ့ဘက်တွင် လွတ်လပ်ခြင်း အဓိပ္ပာယ်ရသည့် ''FREE'' ၊ နောက်ဘက်တွင် ''PEACE'' (ငြိမ်းချမ်းခြင်း) စာလုံးများ ရိုက်နှိပ်ထားသည့် ဂျိုးငှက်ပုံပါ အဖြူရောင်တီရှပ်များ ဝတ်ဆင်ပြီး ရန်ကုန်-ပြည် အဝေးပြေးလမ်းမကြီးဘေးရှိ ဇီးကုန်းဈေးအတွင်းသို့ နံနက် ၉ နာရီခွဲခန့်က လှည့်လည်ကာ ဆန္ဒဖော်ထုတ်ကြခြင်း ဖြစ်သည်။

“အင်္ကျီနဲ့ ကမ်ပိန်း လှုပ်ရှားမှုလုပ်တော့ နားမလည်တဲ့သူတွေကို ကျမတို့က ရှင်းပြတယ်။ ဒေါ်အောင်ဆန်းစုကြည်ကို လွှတ်ပေးစေလိုတဲ့ ဆန္ဒ၊ မြန်မာနိုင်ငံကြီး ငြိမ်းချမ်းစေလိုတဲ့ ဆန္ဒနဲ့ လုပ်တာပါလို့ ရှင်းပြတယ်။ အဓိက ကတော့ ဒေါ်စုနဲ့ နိုင်ငံရေး အကျဉ်းသားတွေ လွတ်မြောက်ရေးကို တောင်းဆိုတာပါ” ဟု ဇီးကုန်းမြို့နယ် အန်အယ်ဒီ ဥက္ကဋ္ဌ ဒေါ်ခင်ဝိုင်းက မဇ္ဈိမကို ပြောသည်။

ယခုလှုပ်ရှားမှုကို ဒေါ်အောင်ဆန်းစုကြည် မလွတ်မြောက်မချင်း ဆက်လက်၍ လုပ်ဆောင်သွားမည်ဖြစ်ပြီး၊ ပြည်သူများကလည်း ထောက်ခံအားပေးကြကြောင်းနှင့် ယခုလို လုပ်ဆောင်သည့်အတွက် အာဏာပိုင်များ၏ သတိထား စောင့်ကြည့်ခြင်းကို ခံရကြောင်း သူက ဆက်ပြောသည်။

ဇီးကုန်းမြို့ခံတဦးကလည်း ဤလှုပ်ရှားမှုအပေါ် ပြည်သူတယောက်အနေဖြင့် ဝမ်းသာဂုဏ်ယူကြောင်းနှင့် တီရှပ်ပါ စာလုံးများကို မြင်သည်နှင့် ဒေါ်စုလွတ်မြောက်ရေးနှင့် ငြိမ်းချမ်းရေး တောင်းဆိုသည်ကို နားလည်ကြောင်း မဇ္ဈိမကို ပြောသည်။

သူက “ကျနော်တို့ ပြည်သူတယောက်အနေနဲ့ စိတ်ထဲမှာတော့ လူတိုင်းမလုပ်ရဲတဲ့ အလုပ်ကို သူတို့က ကျနော်တို့ ပြည်သူတွေကိုယ်စား လုပ်ပေးတယ်ဆိုတော့ အရမ်း ကြည်နူးမိတယ်။ ကျနော်တို့အကုန်လုံး ဘေးကနေပြီးတော့ အားပေးကြပါတယ်။ ဝမ်းလည်းဝမ်းသာတယ်၊ သူတို့လုပ်တာတွေအတွက် ဂုဏ်လည်း ယူပါတယ်” ဟု ပြောသည်။

သူက ဆက်ပြီး “အများစုကတော့ ဒီ FREE တို့၊ PEACE တို့ကို မြင်တာနဲ့ ဒါ ဒေါ်အောင်ဆန်းစုကြည် လွတ်မြောက်ရေးနဲ့ ငြိမ်းချမ်းရေးကို တောင်းဆိုတယ်ဆိုတာ နားလည်ကြပါတယ်။ မနေ့ကလည်း တွေ့တယ်။ ဒီနေ့လည်း သူတို့တွေ တီရှပ်တွေဝတ်ပြီး လှုပ်ရှားတာ တွေ့ရတယ်ခင်ဗျ” ဟု ပြောသည်။

ယခုလဆန်းပိုင်းကလည်း မန္တလေး၊ မကွေး၊ ပဲခူး၊ ရန်ကုန်နှင့် ဧရာဝတီတိုင်းရှိ အန်အယ်ဒီ အဖွဲ့ဝင်များက ဒေါ်အောင်ဆန်းစုကြည်၏ ဓာတ်ပုံ ဖြန့်ဝေသည့် လှုပ်ရှားမှုများ လုပ်ဆောင်ခဲ့ကြသေးသည်။

တချိန်တည်းမှာ ဒေါ်စုနှင့် အမေရိကန်နိုင်ငံသား ယက်တော၏ မဖွယ်မရာ ဓာတ်ပုံများလည်း လူထုကြားသို့ ဖြန့်ဝေမှုများ ရှိနေပြီး၊ ယင်းလုပ်ရပ်သည် မြန်မာစစ်အစိုးရ ကျောထောက်နောက်ခံ ပေးထားသူများ၏ လက်ချက်အဖြစ် ပြောဆိုမှုများ ပေါ်ထွက်နေသည်။

နာရေးယပ်တောင်တွင် အန်အယ်ဒီ အမည် မတပ်ရဲ Print E-mail
မဇ္ဈိမသတင်းဌာန
ကြာသပတေးနေ့၊ ဇွန်လ 11 2009 23:11 - မြန်မာစံတော်ချိန်


နယူးဒေလီ။ ။ မန္တလေးတိုင်း တောင်သာမြို့ အန်အယ်ဒီ ခေါင်းဆောင်တဦး၏ မိခင် ဆုံးပါးသွားရာ ဈာပန ယပ်တောင် ပြုလုပ်ရန်အတွက် ပုံနှိပ်တိုက်များတွင် သွားရောက်အပ်နှံရာ အာဏာပိုင်များ၏ စောင့်ကြည့်မှုကြောင့် ပုံနှိပ်တိုက်များက ယပ်တောင်တွင် ပါတီအမည် တံဆိပ်ကပ်ရန် ငြင်းဆန်ကြသည်။

တောင်သာမြို့ အန်အယ်ဒီ ဒုဥက္ကဋ္ဌ ဦးစိုးပိုင်၏ မိခင် ဒေါ်အေးကြည် (၈၆ နှစ်) ဆုံးပါးသွားသဖြင့် နာရေးယပ်တောင်များတွင် အန်အယ်ဒီ ဒုဥက္ကဋ္ဌ မိခင် ဟု ရေးသားရိုက်နှိပ်ပေးရန် ပုံနှိပ်တိုက် လုပ်ငန်းရှင်များက မကြာသေးခင်က ငြင်းဆန်ခဲ့ကြခြင်း ဖြစ်သည်။

“ယပ်တောင်တော့ လုပ်ပေးတယ်။ ဒါပေမဲ့ အဖွဲ့နာမည်ကိုတော့ ပေးမကပ်ဘူး။ အာဏာပိုင်များနဲ့ ပတ်သက်ဆက်နွယ်မှာကို စိုးရိမ်တဲ့အတွက် အခုလို ငြင်းပယ်ခဲ့တာလို့ ပြောတယ်” ဟု အန်အယ်ဒီ မြို့နယ်စည်းရုံးရေး ဒုဥက္ကဋ္ဌ ဦးသန်းမြင့်က မဇ္စျိမကို ပြောသည်။

ထို့အပြင် အန်အယ်ဒီ ပါတီကိစ္စများ ဆွေးနွေးတိုင်ပင်မှု၊ လှုပ်ရှားမှုများအတွက် အစည်းအဝေးလုပ်နေသည့် ဦးသန်းမြင့်၏ နေအိမ်ကို တောင်သာမြို့က ပြည်ခိုင်ဖြိုး၊ စွမ်းအားရှင်များက အနီးကပ် စောင့်ကြည့်သည်မှာ ယခင်ကထက် ပိုများလာပြီး၊ ဓာတ်ပုံခိုးရိုက်ကာ မှတ်တမ်းတင်မှုများ ရှိနေကြောင်း သိရသည်။

“အရင်ကတော့ ဒီလောက် မရှိဘူး။ အခုရက်ပိုင်း ပိုစိတ်လာတယ်။ ဒီနေ့ဆိုရင် လက်ဖက်ရည်ဆိုင်မှာ ကျနော်နဲ့ အသိတချို့ ထိုင်နေတဲ့ အချိန်မှာ မျက်နှာကို အလင်းရောင် ဖျတ်ကနဲတွေ့လို့ လှည့်ကြည့်လိုက်တော့ ဆိုင်ကယ်ပေါ်က လူနှစ်ယောက်၊ တယောက်က ဆိုင်မောင်းပြီး တယောက်က လှမ်းရိုက်လိုက်တာပေါ့နော်။ ဒီလိုပုံစံတွေပေါ့။ မကြာခဏဆိုသလို သူတို့ရိုက်တာတော့ ပုံစံအမျိုးမျိုးပဲ။ ကိုယ်က အရိုက်ခံပြီးမှပဲ သိနေရတယ်လေ” ဟု ဦးသန်းမြင့်က ဆိုသည်။

လှုပ်ရှားမှုများကို နောက်ယောင်ခံလိုက်ခြင်း၊ ဓာတ်ပုံရိုက်ခြင်းကို မည်သူမည်ဝါများက လုပ်ကိုင်နေကြောင်း အတိအကျ မသိရသော်လည်း တောင်သာမြို့နယ်အတွင်းရှိ ရဲများ ဖြစ်နိုင်ကြောင်း သူက ခန့်မှန်းပြောဆိုသည်။

“ဒီလိုလာကြည့်တဲ့ ပြည်သူ့ရဲတွေက အရပ်ဝတ်နဲ့ပါပဲ။ ရဲဆိုတာကတော့ ကျနော်က သေချာပေါက် သိတယ်။ သိတယ်ဆိုတာက ကျနော်တို့ တောင်သာမြို့က မကျယ်ဘူးလေ။ ဘယ်သူဘယ်ဝါဆိုတာ ကြည့်တာနဲ့ တန်းသိတာပေါ့'' ဟု သူက ပြောသည်။

လိုက်လံစောင့်ကြည့်မှုများ လုပ်ဆောင်ရာတွင် ညနေပိုင်း ၆ နာရီနောက်ပိုင်းတွင် ပိုမိုများပြားပြီး၊ တခါတရံ ထိုသူများနှင့်ပင် ပက်ပင်းတိုးရသည်များ ရှိကြောင်း သိရသည်။

ဦးသန်းမြင့်သည် မကြာခဏဆိုသလို ရန်ကုန်ရှိ အန်အယ်ဒီ အဖွဲ့ချုပ်ရုံးတွင် အစည်းအဝေး တက်ရောက်ခြင်း၊ ပါတီလှုပ်ရှားမှုတွင် တက်ကြွစွာ ပါဝင်ခြင်းများ ရှိသည့်အပြင် မကြာသေးခင်က ဒေါ်အောင်ဆန်းစုကြည် ရုံးတင်စစ်ဆေးသည့် အင်းစိန်ထောင်ရှေ့တွင် ဦးဝင်းတင်နှင့်အတူ ဆန္ဒဖော်ထုတ်ရာတွင် ပါဝင်ခဲ့သူ ဖြစ်သည်။

ဒေါ်စုရှေ့နေ ဦးလှမျိုးမြင့်၏ ဇနီး အကြောင်းမဲ့ အလုပ်ထုတ်ခံရ Print E-mail
ဖနိဒါ
ကြာသပတေးနေ့၊ ဇွန်လ 11 2009 19:57 - မြန်မာစံတော်ချိန်


ချင်းမိုင် (မဇ္ဈိမ)။ ။ ဒေါ်အောင်ဆန်းစုကြည်၏ အမှုအတွက် ဆောင်ရွက်ပေးနေသည့် ရှေ့နေ ၄ ဦးအနက် တဦးဖြစ်သူ ဦးလှမျိုးမြင့်၏ ဇနီးသည်အား မြန်မာစစ်အစိုးရ သမဝါယမဝန်ကြီးဌာနက ယခုလ ၉ ရက်နေ့တွင် အလုပ်ထုတ်လိုက်သည်။

ဇနီးသည် ဒေါ်ခင်ခင်အေးသည် သမဝါယမ ဝန်ကြီးဌာန လက်အောက်ရှိ ဗဟို သမဝါယမအသင်း၌ အကြီးတန်း မန်နေဂျာအဆင့်ဖြင့် တာဝန်ထမ်းဆောင်နေစဉ် အကြောင်းမဲ့ အလုပ်ထုတ်ခံရကြောင်း သိရှိရခြင်း ဖြစ်သည်။

“၉ ရက်နေ့ ညနေမှာ အကြောင်းပြချက် မပါဘဲ၊ ဘာအပြစ်မှ မကျုးလွန်ဘဲနဲ့ သူ့ကို အလုပ်ထုတ်လိုက်တယ်လို့ ဦးလှမျိုးမြင့်က ပြောတယ်” ဟု အန်အယ်ဒီ ပြောခွင့်ရပုဂ္ဂိုလ်နှင့် ဒေါ်စုအမှုတွင် နောက်ထပ် ရှေ့နေတဦးဖြစ်သူ ဦးဉာဏ်ဝင်းက မဇ္ဈိမကို ပြောသည်။

အင်းစိန်ထောင်တွင် ချုပ်နှောင်ခံထားရသူ ဒေါ်အောင်ဆန်းစုကြည်ထံ ယမန်နေ့က သွားရောက်စဉ် ဇနီးသည် အလုပ်ထုတ်ခံရကြောင်း ဦးလှမျိုးမြင့်က ပြောပြသည်ဟု ဦးဉာဏ်ဝင်းက ဆိုသည်။

ဒေါ်ခင်ခင်အေးသည် ၂၀၀၈ ခုနှစ် နှစ်ကုန်ပိုင်းက သမဝါယမ ဦးစီးဌာနမှ ပင်စင်ယူပြီးနောက် ဗဟို သမဝါယမ အသင်း၌ ဆက်လက် အလုပ်လုပ်ကိုင်နေသူ ဖြစ်သည်။

ပြီးခဲ့သည့်လမှ စတင်ကာ ခင်ပွန်းသည်က ဒေါ်စု၏ အမှုတွင် လိုက်ပါဆောင်ရွက်ပြီးနောက် သမဝါယမအသင်း အကြီးအကဲများက ဦးလှမျိုးမြင့်သည် ဒေါ်အောင်ဆန်းစုကြည် အမှုကို မည်သည့်အတွက် လိုက်ပါရသည်ကို မေးမြန်းစုံစမ်းမှုများ ပြုလုပ်ခဲ့ကြောင်း ဦးဉာဏ်ဝင်းက ဆက်ပြောသည်။

ဒေါ်ခင်ခင်အေး အလုပ်ထုတ်ခံရသည့်အပေါ် ဒေါ်စုက မြန်မာနိုင်ငံ ဥပဒေ စိုးမိုးမှုတွင် မှတ်ကျောက်တခု ဖြစ်သည်ဟု မှတ်ချက်ပေးခဲ့ကြောင်း သိရသည်။

ဦးဉာဏ်ဝင်းက “ဒေါ်အောင်ဆန်းစုကြည်ရဲ့ မှတ်ချက်က ရှေ့နေ ဦးလှမျိုးမြင့်အတွက် ဒီလောက် အရေးမကြီးဘူး။ ဒါပေမဲ့ မြန်မာနိုင်ငံမှာ ဥပဒေစိုးမိုးရေးနဲ့ ပတ်သက်ပြီး ဒါဟာ အထင်ကရ မှတ်ကျောက်တခုပဲ ဆိုတဲ့သဘော ပြောပါတယ်” ဟု ပြောသည်။

ဒေါ်စုအမှုအတွက် လိုက်ပေးနေသည့် ရှေ့နေတဦး၏ ဇနီးသည်အား အကြေားပြချက်မရှိ အလုပ်ထုတ်ခြင်းသည် ကျန်ရှိသည့် ရှေ့နေများကိုပါ ဖိအားပေးခြင်းဖြစ်ကြောင်း ဦးဉာဏ်ဝင်းက ပြောသည်။

ဒေါ်အောင်ဆန်းစုကြည် လက်ရှိ ရင်ဆိုင်နေရသည့် တရားစွဲဆိုမှုတွင် အကျိုးဆောင်ပေးနေသည့် ရှေ့နေများမှာ ဦးကြည်ဝင်း၊ ဦးဉာဏ်ဝင်း၊ ဒေါ်ခင်ဋ္ဌေးကြွယ်နှင့် ဦးလှမျိုးမြင့်တို့ ဖြစ်သည်။

ကေအန်ယူသို့ ထိုးစစ် စစ်အစိုးရနှင့် ဒီကေဘီအေ အရှိန်လျော့
မေကျော်
ကြာသပတေးနေ့၊ ဇွန်လ 11 2009 18:53 - မြန်မာစံတော်ချိန်

ချင်းမိုင် (မဇ္ဈိမ)။ ။ ၎င်းတို့၏ စစ်တပ်ဖွဲ့အား စစ်အစိုးရတပ်နှင့် ဒီမိုကရက်တစ် တိုးတက်သော ဗုဒ္ဓဘာသာ ကရင်တပ်မတော်တို့၏ ပူးတွဲ ထိုးစစ်ဆင်မှုသည် ယနေ့တွင် သိသာစွာ အရှိန်လျော့ကျသွားကြောင်း ကရင်အမျိုးသား အစည်းအရုံးက ပြောဆိုသည်။

ယခုလ ၂ ရက်နေ့မှ စတင်၍ စစ်အစိုးရ ပူးပေါင်းတပ်က ကရင်ပြည်နယ် ဘားအံခရိုင်အတွင်းရှိ ကရင်အမျိုးသား လွတ်မြောက်ရေး တပ်မတော် - ကေအန်အယ်အေ၏ တပ်မဟာ ၇ နယ်မြေကို ထိုးစစ်ဆင်နေရာ ယနေ့တွင် ထိုးစစ်အရှိန် လျော့ကျသွားကြောင်း ပြောဆိုခြင်းဖြစ်သည်။

“ဒီနေ့တော့ အခုထိ (နံနက် ၁၁ နာရီ ) လက်နက်ကြီး ၄ ကြိမ်လောက်ပဲ ပစ်တယ်။ မနေ့ကတော့ လက်နက်ကြီး အလုံး ၈၀ လောက် ပစ်တယ်။ ဒီနေ့တော့ သိသိသာသာ အရှိန်လျော့သွားတာပေါ့” ဟု ကေအန်ယူ အတွင်းရေးမှူး (၁) ဗိုလ်မှူးစောလှငွေက မဇ္ဈိမကို ပြောသည်။

စစ်အစိုးရနှင့် ဒီကေဘီအေ ဘက်မှ တပ်သား ၂၀ ခန့် ကျဆုံးခဲ့ပြီး၊ ၅၀ ခန့် ထိခိုက်ဒဏ်ရာရခဲ့သည်ဟု သူက ဆိုသည်။

“သူတို့ဘက်က သိပ်မတက်ရဲတာ။ ကျနော်တို့ ဘက်မှာလည်း လက်နက်ကြီး ထိတာတွေ ရှိပါတယ်။ ၂ ယောက်၊ ၃ ယောက်ပေါ့” ဟု သူက ဆက်ပြောသည်။

ပူးပေါင်းတပ်များက လက်နက်ကြီးများကို အဓိက အားကိုး၍ ထိုးစစ်ဆင်ရာတွင် ယ်နေ့အထိ လက်နက်ကြီး အလုံး ၂၀၀ ကျော်အထိ ပစ်ခတ်ခဲ့ပြီး၊ ထိုင်းနိုင်ငံ တာ့ခ်ခရိုင် ထာ့ဆောင်ရန်းဘက်သို့ တိုက်ပွဲကာလအတွင်း လက်နက်ကြီးကျည် ၇ လုံး ကျရောက်ခဲ့ကာ တလုံးမှာ မပေါက်ကွဲခဲ့ကြောင်း သိရသည်။

စစ်အစိုးရ၏ ထိုးစစ်ကြောင့် ကရင် စစ်ပြေးဒုက္ခသည် ၃၅၀၀ ခန့်သည် ထိုင်းနိုင်ငံဘက်သို့ ထွက်ပြေးလာကြရာ၊ သူတို့ကို တာ့ခ်ခရိုင်ရှိ နောင်ဘိုး၊ မဲစလိ၊ အူးသူးထတို့တွင် ယာယီနေထိုင်နေကြပြီး ထိုင်းအစိုးရနှင့် ကုလသမဂ္ဂတို့က စားနပ်ရိက္ခာနှင့် အဝတ်အစားများ ထောက်ပံ့ပေးနေကြောင်း သိရသည်။

ကရင် စစ်ပြေးဒုက္ခသည်အရေး ကိုင်တွယ်ရန် ကုလကို FDB က တောင်းဆို
ဖနိဒါ
ကြာသပတေးနေ့၊ ဇွန်လ 11 2009 18:46 - မြန်မာစံတော်ချိန်

ချင်းမိုင် (မဇ္ဈိမ) ။ ။ လူသားဆန်မှုကို ဆန့်ကျင်သော ရာဇဝတ်မှုဖြင့် ကရင်ဒုက္ခသည်များ အရေးကို အမြန်ဆုံး ကိုင်တွယ် ဆောင်ရွက်ပေးရန် ကုလလုံခြုံရေး ကောင်စီသို့ ပြည်ပအခြေစိုက် မြန်မာနိုင်ငံ ဒီမိုကရက်တစ် အင်အားစု - FDB က တောင်းဆိုလိုက်သည်။

ယခုလအတွင်း မြန်မာစစ်အစိုးရ တပ်များနှင့် ဒီကေဘီအေ ပူးပေါင်းတပ်ဖွဲ့များက ကရင်အမျိုးသား အစည်းအရုံး၏ တပ်မတော်ကို ထိုးစစ်ဆင်မှုကြောင့် ဒေသခံ ကရင်ဒုက္ခသည် ၄၀၀၀ ခန့် ထိုင်းနိုင်ငံဘက်သို့ ထွက်ပြေးခိုလှုံလာမှုနှင့် ပတ်သက်၍ ယမန်နေ့က တောင်းဆိုလိုက်ခြင်း ဖြစ်သည်။

“အပြစ်မရှိတဲ့ ရွာသူရွာသားတွေ စစ်ဘေးကြောင့် ထွက်ပြေးလာရတဲ့ အခြေအနေ ဖြစ်လာပြီဆိုတော့ crimes against humanity (လူသားဆန်မှုကို ဆန့်ကျင်သော ရာဇဝတ်မှု) ဆိုတဲ့ အခြေခံအောက်က ကုလသမဂ္ဂကို အမြန်ဆုံး ဆောင်ရွက်ပါဆိုပြီး ကျနော်တို့ တောင်းဆိုတာပါ” ဟု FDB အတွင်းရေးမှူးချုပ် ဒေါက်တာ နိုင်အောင်က မဇ္ဈိမကို ပြောသည်။

စစ်အစိုးရ၏ တာဝန် ပျက်ကွက်မှုများကြောင့် ဒုက္ခသည် သိန်းချီ ထွက်ပြေးနေရခြင်း၊ ကလေးစစ်သားအရေး၊ အမျိုးသမီးများအား အဓမ္မပြုကျင့်မှု အပါအဝင် လူသားဆန်မှု ပျက်သုဉ်းစေသော ရာဇဝတ်မှုများ ဖြစ်ပေါ်ရသည်ဟု FDB က ဆိုသည်။

“ဒါတွေကို နအဖက လက်နက်အားကိုးနဲ့ လုပ်နေတာ ဖြစ်တဲ့အတွက် နိုင်ငံတကာက လက်နက်ရောင်းချမှုတွေကို ပိတ်ဖို့သင့်တယ်။ ကုလသမဂ္ဂ အနေနဲ့လည်း ထိထိရောက်ရောက် တာဝန်ယူ ဆောင်ရွက်သင့်တယ်” ဟု ဒေါက်တာနိုင်အောင်က ပြောသည်။

တောင်းဆိုချက်ထဲတွင် ထွက်ပြေးလာရသည့် ကရင်ဒုက္ခသည်များအရေးအပြင် စစ်အစိုးရ တာဝန်မဲ့မှုကြောင့် ဖြစ်ပွားခဲ့ရသည့် ရာဇဝတ်မှုများကိုလည်း ထောက်ပြထားပြီး၊ တိုင်းရင်းသူ အမျိုးသမီးများ အဓမ္မပြုကျင့်ခံရကြောင်း ဖော်ပြထားသည်။

ထို့အပြင် မြန်မာစစ်အစိုးရ ထိုးစစ်များကြောင့် ထိုင်း-မြန်မာနယ်စပ်ရှိ ဒုက္ခသည်စခန်း ၉ ခုတွင် လူဦးရေ ၁ သိန်းကျော် နေထိုင်လျက်ရှိပြီး အများစုမှာ ကရင်လူမျိုးများ ဖြစ်ကြောင်း ဆိုထားသည်။

FDB တွဲဖက်အတွင်းရေးမှူး ကိုစိုးအောင်ကလည်း ဒီမိုကရေစီ အင်အားစုအား စနစ်တကျ ထောင်ချနေသည်မှာ နိုင်ငံရေး အကျဉ်းသားပေါင်း ၂၁ဝဝ ခန့် ရှိနေကြောင်းနှင့် အမျိုးသား ပြန်လည်သင့်မြတ်ရေးအား မပြုလုပ်လျှင် မြန်မာစစ်အစိုးရသည် သက်ဆိုးရှည်နေမည်ဟု ပြောသည်။

ကေအန်ယူသည် ကိုယ်ပိုင်ပြဋ္ဌာန်းခွင့် ရရှိရေးအတွက် ရာစုနှစ် ထက်ဝက်ခန့် မြန်မာအစိုးရ အဆက်ဆက်အား လက်နက်ကိုင် တော်လှန်နေသည့် တိုင်းရင်းသား လက်နက်ကိုင်အဖွဲ့ကြီး ဖြစ်သည်။

FDB ကို ၁၉၈၈ ခုနှစ် လူထုအုံကြွမှုတွင် ပါဝင်လှုပ်ရှားခဲ့ကြသည့် ကျောင်းသားလူငယ်၊ အမျိုးသမီးအဖွဲ့ အပါအဝင် အဖွဲ့ ၇ ဖွဲ့ဖြင့် စုဖွဲ့ထားကာ စစ်အစိုးရ ဆန့်ကျင်ရေးနှင့် ဒီမိုကရေစီရရှိရေး လှုပ်ရှားမှုများ ပြုလုပ်နေပြီး၊ ထိုင်းနိုင်ငံတွင် အခြေစိုက်ထားသည်။

သီရိလင်္ကာသမ္မတ မြန်မာပြည်သို့ အလည်အပတ် သွားရောက်မည်
နန်းဒေဝီ
ဗုဒ္ဓဟူးနေ့၊ ဇွန်လ 10 2009 23:59 - မြန်မာစံတော်ချိန်
နယူးဒေလီ (မဇ္စျိမ)။ ။ လူသိများသည့် ကျားသူပုန်များ ခေါ် သီရိလင်္ကာ တမီလ်ခွဲထွက်ရေး လက်နက်ကိုင်များအား မကြာသေးခင်က အပြီးသတ် ချေမှုန်းခဲ့သည့် သီရိလင်္ကာအစိုးရ သမ္မတသည် မြန်မာနိုင်ငံသို့ မကြာမီ သွားရောက် လည်ပတ်မည်။

နှစ် ၆၀ ပြည့် ၂ နိုင်ငံ ဆက်ဆံရေး ထူထောင်သည့် အထိမ်းအမှတ်နေ့တွင် သံတမန်နည်းအရ ဆက်ဆံရေး ပိုမိုခိုင်မာစေရန်အတွက် မြန်မာပြည်သို့ ၃ ရက်ကြာခရီးစဉ်အဖြစ် သွားရောက်မည်ဟု သမ္မတ Mahinda Rajapaksa က မြန်မာစစ်ခေါင်းဆောင် ဗိုလ်ချုပ်မှူးကြီးသန်းရွှေထံ သဝဏ်လွှာပေးပို့သည်ကို သီရိလင်္ကာ နိုင်ငံခြားရေး ဝန်ကြီးဌာန အင်တာနက် ဝဘ်ဆိုဒ်တွင် ကိုးကားဖော်ပြ ကြေညာထားသည်။

“မြန်မာနိုင်ငံသို့ ယခုလအတွင်း သွားရောက်မည်ဖြစ်ပြီး၊ နှစ် ၆၀ ပြည့် ဆက်ဆံရေး နှစ်ပတ်လည် အထိမ်းအမှတ်အဖြစ် အခြားသော များပြားလှသည့် အစီအစဉ်များနှင့်အတူ ၂ နိုင်ငံ အစိုးရများ ဆောင်ရွက်သွားမည်ဖြစ်ကာ၊ ဆက်ဆံရေးများ တိုးတက်ကောင်းမွန်စေရန် လုပ်ဆောင်သွားမည်” ဟု သီရိလင်္ကာ သမ္မတက ပြောကြားကြောင်း အင်တာနက် စာမျက်နှာတွင် ပြောဆိုထားသည်။

ယခုခရီးစဉ်သည် သီရိလင်္ကာမြောက်ပိုင်း ခွဲထွက်ရေး တမီလ်ကျားသူပုန်များ - LTTE အား နှစ်ပေါင်း ၂၀ ကျော် ထိုးစစ်ဆင်ခဲ့ရာမှ ပြီးခဲ့သည့်လအတွင်း အပြီးသတ် နှိမ်နင်းခဲ့ပြီးနောက် သမ္မတ၏ ပထမဦးဆုံး ပြည်ပခရီးစဉ်လည်း ဖြစ်သည်။

သီရိလင်္ကာအစိုးရနှင့် တမီလ်သူပုန်များအကြား စစ်ပွဲကာလအတွင်း တမီလ် အရပ်သားများ ထောင်နှင့်ချီ၍ ဒဏ်ရာရ သေဆုံးခဲ့ပြီး၊ ထွက်ပြေးပုန်းရှောင်သူ ဦးရေ ၃ သိန်းခန့်သည် သီရိလင်္ကာမြောက်ပိုင်းရှိ စခန်းများတွင် စုပြုံနေထိုင်လျက်ရှိကြောင်း ကုလသမဂ္ဂ၏ စာရင်းဇယား ထုတ်ပြန်ချက်တွင် ခန့်မှန်းဖော်ပြထားသည်။

ကျားသူပုန်များသည် လူ့အခွင့်အရေး လေးစားလိုက်နာမှု မရှိခြင်း၊ အကြမ်းဖက် တိုက်ခိုက်မှု နည်းလမ်းများဖြစ်သည့် အသေခံ ဗုံးခွဲတိုက်ခိုက်ခြင်း၊ ကလေးစစ်သား အသုံးပြုခြင်းနှင့် သာမန်အရပ်သားများအား တိုက်ခိုက်လေ့ရှိသဖြင့် ဗြိတိန်၊ အမေရိကန် စသည့် နိုင်ငံများ အပါအဝင် နိုင်ငံပေါင်း ၃၀ ကျော်က အကြမ်းဖက် တိုက်ခိုက်ရေးသမားများအဖြစ် သတ်မှတ်ထားသည့် လက်နက်ကိုင် လူမျိုးစုအဖွဲ့ ဖြစ်သည်။

သီရိလင်္ကာအစိုးရက ကျားသူပုန်များအား နှိမ်နင်းနိုင်ခဲ့ခြင်းသည် တရုတ်နိုင်ငံ၏ စစ်လက်နက် ကူညီပံ့ပိုးမှုကြောင့် ဖြစ်သည်ဟု တရုတ်-မြန်မာ နယ်စပ်အခြေစိုက် စစ်ရေးလေ့လာသူ ဦးမြမောင်က မဇ္စျိမကို ယခုလို ပြောသည်။

“အင်အားကြီးတဲ့ LTTE တွေကို အပြတ်တိုက်နိုင်တယ်ဆိုတာ တရုတ်အကူပါလို့ပါ။ မဟုတ်ရင် ဖြိုနိုင်ဖို့ မလွယ်ပါဘူး” ဟု သူက ပြောသည်။

သီရိလင်္ကာအစိုးရက တမီးလ်ကျားသူပုန်များအား အပြီးသတ် ဖြိုခွင်းနိုင်ခြင်းအပေါ် မြန်မာစစ်အစိုးရအနေဖြင့် အားကျနိုင်သော်လည်း ဆန့်ကျင်တော်လှန်နေသည့် တိုင်းရင်းသား လက်နက်ကိုင်များ၏ အခြေအနေမှာ တမီလ် ကျားသူပုန်များနှင့် ခြားနားကြောင်း သူက ပြောသည်။

“တိုင်းရင်းသား လက်နက်ကိုင်တွေက အကြမ်းမဖက်ဘူး။ ဒါကြောင့် နိုင်ငံတကာက လက်ခံတယ်။ စစ်အစိုးရရဲ့ လက်နက်ကိုင် တိုင်းရင်းသားတွေကို အစွမ်းကုန် ရက်စက်ကြမ်းကြုတ်တဲ့ နည်းတွေနဲ့ လုပ်လာခဲ့တာ ကမ္ဘာက သိတယ်” ဟု သူက ပြောသည်။

လတ်တလောတွင် မြန်မာစစ်အစိုးရ တပ်များနှင့် ဒီမိုကရက်တစ် တိုးတက်သော ဗုဒ္ဓဘာသာ ကရင်တပ်မတော် - DKBA တို့ ပူးပေါင်းကာ ထိုင်း-မြန်မာနယ်စပ်ရှိ ကရင်အမျိုးသားအစည်းအရုံး - KNU ထိမ်းချုပ်နယ်မြေများအား ထိုးစစ်ဆင်နေသဖြင့် ဒေသခံ ကရင် ၄၀၀၀ ကျော်သည် အိုးအိမ်များ စွန့်လွှတ်ကာ ထိုင်း-မြန်မာနယ်စပ်သို့ ထွက်ပြေးတိမ်းရှောင်လာကြရသည်။

ယခုအခါ စင်္ကာပူ ဝန်ကြီးချုပ်ဟောင်း ဂိုချုပ်တောင်နှင့် ကိုယ်စားလှယ်အဖွဲ့သည် မြန်မာပြည်သို့ ၄ ရက်ကြာ ခရီးစဉ်အဖြစ် ရောက်ရှိနေပြီး၊ ယမန်နေ့ နေ့လယ်ပိုင်းက စစ်အစိုးရ ရုံးစိုက်ရာ နေပြည်တော်တွင် စစ်ကောင်စီ ဥက္ကဋ္ဌ ဗိုလ်ချုပ်မှူးကြီးသန်းရွှေ၊ စစ်အစိုးရဝန်ကြီးချုပ် ဗိုလ်ချုပ်ကြီး သိန်းစိန်နှင့် တွေ့ဆုံခဲ့ကြောင်း ယနေ့ထုတ် စစ်အစိုးရ အာဘော် သတင်းစာများတွင် ရေးသားဖော်ပြထားသည်။

တချိန်တည်းမှာပင် တတိယ စစ်ခေါင်းဆောင်ဖြစ်သည့် ဗိုလ်ချုပ်ကြီး သူရရွှေမန်းနှင့်အတူ ဒုတိယဗိုလ်ချုပ်ကြီး တင်အေးက တရုတ်နိုင်ငံတွင် ရောက်ရှိနေသည်။

ဤသည်မှာ လက်ရှိ အပစ်ခတ်ရပ် တိုင်းရင်းသား လက်နက်ကိုင်အဖွဲ့များအား မြန်မာစစ်အစိုးရက နယ်ခြားစောင့် တပ်အဖြစ် အသွင်ပြောင်းလဲရေးအတွက် စည်းရုံးနေစဉ် အင်အားကြီး လက်နက်ကိုင် အဖွဲ့အစည်းအချို့က ငြင်းပယ်မှုများ ရှိနေသဖြင့် တရုတ်နိုင်ငံ၏ အကူအညီများ ရရှိနိုင်ရန် ရောက်နေခြင်းဖြစ်နိုင်ကြောင်း ဦးမြမောင်က သုံးသပ်ပြောဆိုသည်။

“ကချင်၊ ဝ တို့ဆိုတာ တရုတ်နယ်မြေနဲ့ ထိစပ်နေတာဆိုတော့ အဲဒီဘက်ကနေ တစုံတရာ ဖိအားမျိုး ပေးနိုင်မလားဆိုတာ သူတို့ (စစ်အစိုးရ) မျှော်မှန်းနေပုံရတယ်” ဟု သူက ပြောသည်။

ဘက်ခမ်းလည်း ဒေါ်အောင်ဆန်းစုကြည် လွတ်မြောက်ရေး တောင်းဆို
Thursday, 11 June 2009 19:30 အေးလဲ့
E-mail Print
ဘောလုံးသမား ဒေးဗစ်ဘက်ခမ်း အပါအဝင် ကမ္ဘာကျော် ပုဂ္ဂိုလ်များက ဒေါ်အောင်ဆန်းစုကြည်ကို ထောက်ခံသည့် ရေးသား ပြောဆိုချက်များ စုစည်းနေကြသည်။
ရှေ့တပတ်အတွင်း ကျရောက်မည့် ဒေါ်အောင်ဆန်းစုကြည်၏ ၆၄ နှစ်မြောက် မွေးနေ့ အဖြစ် ပြုလုပ်ထားသော www.64forsuu.org အင်တာနက် စာမျက်နှာတွင် အင်္ဂလိပ်ဘာသာဖြင့် စကားလုံး ၆၄ လုံးပါ စကားများကို အမှတ်တရ ရေးသား ပြောဆိုလျက်ရှိသည်။

“လွန်ခဲ့တဲ့ ၁၉နှစ်က မြန်မာပြည်သူတွေက ဒေါ်အောင်ဆန်းစုကြည်ကို နောင်တက်မယ့် ခေါင်းဆောင် အဖြစ် ရွေးခဲ့တယ်၊ ဒီ ၁၉ နှစ်အတွင်း အချိန် အတော်များများမှာ ဒီ တိုင်းပြည်ကို အုပ်ချုပ်နေတဲ့ စစ်အစိုးရက ဒေါ်အောင်ဆန်းစုကြည်ကို နေအိမ် အကျယ်ချုပ် ချထားတယ်၊ သူ့ကို အသံ တိတ်အောင် လုပ်နေတာကို လက်ပိုက်ကြည့် မနေနိုင်ပါဘူး၊ နိုင်ငံတကာ အနေနဲ့ ဒေါ်အောင်ဆန်းစုကြည်ကို လွှတ်ပါ ဆိုတဲ့ တခုတည်းသော အသံ ထွက်ကြဖို့ အချိန် ရောက်ပါပြီ” ဟု ဒေးဗစ် ဘက်ခမ်း၊ အပါအဝင် ဂျူလီယာ ရောဘတ်စ်နှင့် ဂျော့ကလိုနီတို့က ပြောလိုက်သည်။

တိုင်တန်းနစ် (Titanic) ရုပ်ရှင်ဇာတ်ကား ရိုက်ကူးသူ ဒါရိုက်တာ ဂျိမ်းစ် ကမာရွန် ကလည်း “ဒေါ်အောင်ဆန်းစုကြည်ဟာ ကျနော့်ရဲ့ သူရဲကောင်း ဖြစ်ပါတယ်၊ သူဟာ မြန်မာလူထုရဲ့ လူ့အခွင့်အရေးနဲ့ မွေးရာပါ လူ့ ဂုဏ်သိက္ခာ အတွက် ရပ်တည်ပေးနေတဲ့သူ ဖြစ်တယ်၊ သူ့ကို လေးစားပါတယ်၊ ကျနော် ရိုက်ကူးတဲ့ ရုပ်ရှင်ကား အများစုမှာ ဆိုရင် သူရဲကောင်းတွေက မတရားမှုတွေကို ဆန့်ကျင်တဲ့ ဘက်က ရပ်တည်ပါတယ်၊ ရုပ်ရှင်ထဲက သူရဲကောင်းတွေဟာ စိတ်ကူးတွေ ဖြစ်ပေမယ့် ဒေါ်အောင်ဆန်းစုကြည်ကတော့ လက်တွေ့ ဘဝမှာ အမှန်တကယ်ကို ရင်ဆိုင်နေရတဲ့ သူပါ၊ ဒီအတွက် သူ့မှာ အကူအညီတွေ လိုအပ်ပါတယ်” ဟု ပြောဆိုထားသည်။

ဒေါ်အောင်ဆန်းစုကြည် လွတ်မြောက်ရေး အတွက် လှုံ့ဆော်ထားသော ထိုအင်တာနက် စာမျက်နှာကို ကမ္ဘာကျော် ပုဂ္ဂိုလ်များ၊ နိုင်ငံတကာ INGO အဖွဲ့များ၏ ထောက်ခံအားပေးမှုဖြင့် ပြီးခဲ့သည့် မေလ ၂၇ရက်နေ့ က စတင်ပေါ်ပေါက်လာသည်။

ယခုအခါ ကမ္ဘာကျော်ပုဂ္ဂိုလ် ၅ဝနီးပါးနှင့် သူ့အား ထောက်ခံအားပေးသူ ၈ဝဝဝ ခန့်က ၆၄လုံးပါ စကားရပ်များဖြင့် ဂုဏ်ပြုစကားပြောဆိုထားကြသည်။

အင်တာနက် စာမျက်နှာ ထူထောင်သူများထဲမှ ဗြိတိန်နိုင်ငံမှ Burma Campaign UK ခေါ် မြန်မာ့အရေး လှုပ်ရှားမှုအဖွဲ့ မှ မဇိုရာဖန်း က “ဗြိတိသျှ ဝန်ကြီးချုပ် ကိုယ်တိုင်က မြန်မာပြည် အတွက် စိတ်ဝင်တစား ပါဝင် လှုပ်ရှားနေတာဟာ အခု ပထမဆုံး အကြိမ် ဖြစ်ပါတယ်” ဟုပြောသည်။

မဇိုယာဖန်းက “ဇွန်၁၉ရက်နေ့ ကျရောက်မယ့် ဒေါ်စု မွေးနေ့မှာ ကမ္ဘာတဝန်းလုံးမှာ ရှိတဲ့ သူ့ကို ထောက်ခံတဲ့ သူတွေ၊ နာမည်ကျော်တဲ့ နိုင်ငံရေး ခေါင်းဆောင်တွေ၊ အနုပညာရှင်တွေ၊ သာမန်လူထုတွေ၊ ကျောင်းသူ ကျောင်းသား၊ အလုပ်သမား အဖွဲ့တွေကနေ စကားလက်ဆောင် ပါးနိုင်ဖို့ အထူးစီစဉ်ထားတာ ဖြစ်ပါတယ်” ဟု ပြောသည်။

မြန်မာပြည်သား ဘလော့ဂါ တဦးဖြစ်သူကလည်း “ပဉ္စမမြောက်မျိုးဆက်” အမည်ဖြင့် ရေးသားထားသည်ကို တွေ့ရသည်။

“မြန်မာနိုင်ငံမှာ ဆိုရှယ်လစ် အစဦးကတည်းက ခေါင်းဆောင်ပိုင်း ပဋိပက္ခနဲ့ ရင်ဆိုင်နေရတယ်။ အခုလည်း တိုင်းပြည်မှာ ဖြစ်နေတဲ့ မတရားမှု၊ ကောက်ကျစ်မှုတွေ ကြားထဲမှာ သင်ဟာ ကျနော်တို့အတွက်ကတော့ လမ်းပြကြယ်ပါပဲ၊ သင်ဟာ ရိုင်းစိုင်းတဲ့ စစ်အာဏာရှင်ကို တရားမျှတမှု၊ အမှန်တရားတွေနဲ့ အံတုနေရတဲ့ အမျိုးသမီးပါ၊ သူတို့က သင့်ကို ဘယ်လိုပဲ သေးသိမ်သွားအောင် ကြိုးစားပါစေ ကျနော်တို့အတွက်တော့ ကြီးမားတဲ့ မိခင် သူရဲကောင်းပါပဲ၊ ကျနော်တို့ သင့်ကို ချစ်တယ်၊ ကျနော်တို့ သင်နဲ့အတူ အမြဲ ရှိနေမယ်၊ အမေ သက်တော် ရှည်ပါစေ” ဟု ပဉ္စမမြောက်မျိုးဆက်က ရေးသားထားသည်။


မလေးရှားတွင် မြန်မာအလုပ်သမား ၁၀၀ ကျော် ဖမ်းဆီးခံရ
Thursday, 11 June 2009 20:01 administrator

မလေးရှား အာဏာပိုင်များက မြန်မာရွှေ့ပြောင်း အလုပ်သမား ၁၀၀ ကျော်ကို မကြာသေးမီက ဖမ်းဆီးလိုက်ကြောင်း ကြားသိရသည်။

နောက်ဆုံးအကြိမ် နိုင်ငံခြားသား အလုပ်သမားများအား နှိမ်နင်းသည့်စီမံကိန်းတွင် မလေးရှား အာဏာပိုင် များက မွန်အမျိုးသား ၅၀ ကျော်အပါအဝင် မြန်မာအလုပ်သမားများကို ယခုကဲ့သို့ ဖမ်းဆီးလိုက်ခြင်း ဖြစ်ကြောင်း မွန်ဒုက္ခသည် အဖွဲ့အစည်း Roi Mon မှ တာဝန်ရှိသူတဦးက ပြောပြသည်။

ထိုသို့ ဖမ်းဆီးခံရသူများထဲတွင် ကရင် အလုပ်သမား ၂၀ ပါဝင်သည်ဟုလည်း ကရင် ဒုက္ခသည်အဖွဲ့အစည်း၏ ဥက္ကဌ မန်းစိန်သန်းကဆိုသည်။

တခြားသော ရာပေါင်းများစွာရှိသည့် မြန်မာရွှေ့ပြောင်းအလုပ်သမား များသည် အဖမ်းအဆီးခံခဲ့ရပြီးနောက် လွတ်မြောက်ခဲ့သော်လည်း နောက်တကြိ်မ် အဖမ်းခံရမည်ကို စိုးရိမ်သဖြင့် စိတ်လွတ်လပ်စွာ အလုပ်မလုပ် နိုင်သောကြောင့် အလုပ်လုပ်ချိန်များလျော့ပါးကာ ဝင်ငွေနည်းပါးသွားသည်ဟု ကြားသိရသည်။ နောက်ဆုံး အကြိမ် နှိမ်နင်းဖမ်းဆီးမှုမှာ ဇွန်လ ၁ ရက်နေ့တွင် စတင်ခဲ့သည်။

မလေးရှားနိုင်ငံ၊ ကွာလာလမ်ပူမြို့၊ တရုတ်တန်းရှိရာ ပတ်တလင် လမ်းတလမ်းတည်းတွင်ပင် စားသောက်ဆိုင် များနှင့် တခြားသော စီးပွားရေးလုပ်ငန်းများ၌ အလုပ်လုပ်နေသည့် မြန်မာရွှေ့ပြောင်းအလုပ်သမားများ ၁၀၀၀ ကျော်ခန့်ရှိသည်ဟု သိရသည်။

မလေးရှားအာဏာပိုင်များက ယင်းလမ်းထဲရှိ လုပ်ငန်းအသီးသီးကို နိုင်ငံခြားသား အလုပ်သမားများ မထားရှိရန် လာရောက် ခြိမ်းခြောက်ပြောဆိုသည်ဟု Roi Mon အဖွဲ့အစည်းက ဆိုသည်။

“ကျမ သူငယ်ချင်းနှစ်ယောက်ဆို ပြီးခဲ့တဲ့အပတ်က အလုပ်ပြုတ်ပြီး ပြန်သွားရပြီ” ဟု မလေးရှားနိုင်ငံတွင် အလုပ်လုပ်နေသည့် မြန်မာအလုပ်သမား တဦးဖြစ်သူ မဝါယုက ပြောပြသည်။

ကွာလာလမ်ပူအခြေစိုက် မြန်မာအလုပ်သမားအခွင့်အရေး ကာကွယ်စောင့်ရှောက်ရေးအသင်း၏ အဆိုအရ မလေးရှားနိုင်ငံတွင် အလုပ်လုပ်နေသည့် တရားဝင်နှင့် တရားမဝင် မြန်မာဦးရေ ၅ သိန်းခန့်ရှိသည်ဟု သိရသည်။

မလေးရှားအစိုးရက နိုင်ငံခြားသားအလုပ်သမားများကို လုံးဝလက်မခံတော့ကြောင်း ယမန်နှစ် ဒီဇင်ဘာလက ကြေညာခဲ့သည်။

တချိန်တည်းတွင် မလေးရှားနိုင်ငံရှိ ရွှေ့ပြောင်းအလုပ်သမားများ လှုပ်ရှားမှုကွန်ယက်အဖွဲ့နှင့် ထိုင်းနိုင်ငံ ချင်းမိုင်မြို့အခြေစိုက် ရွှေ့ပြောင်းအလုပ်သမား ကူညီစောင့်ရှောက်ရေး အဖွဲ့ (MAP) တို့က မလေးရှားနှင့် ထိုင်းအစိုးရကို မြန်မာအလုပ်သမားများအနေနှင့် အလုပ်သမား၊ လူမှုရေး၊ ယဉ်ကျေးမှုနှင့် စီးပွားရေးဆိုင်ရာ အခွင့်အရေးများ ရရှိရေးအတွက် တောင်းဆိုထားကြသည်။

ယင်းအဖွဲ့များပူးပေါင်း၍ ယမန်နေ့က ထုတ်ပြန်ခဲ့သည့် ကြေညာချက်များတွင် ရွှေ့ပြောင်း အလုပ်သမားများ အနေနှင့် ပုံမှန်ကျန်းမာရေး စောင့်ရှောက်မှု ရရှိစေရန်၊ ခွဲခြားဆက်ဆံခြင်း မပြုရန် စသည်ဖြင့် တောင်းဆို ထားသည်။

ဒေါ်အောင်ဆန်းစုကြည်အမှု အမေရိကန် မူဝါဒ အပြောင်းအလဲကို ထိခိုက်
Thursday, 11 June 2009 19:17 ဧရာဝတီ

ဒေါ်အောင်ဆန်း စုကြည်အား တရားစွဲဆို ခြင်းကြောင့် မြန်မာနိုင်ငံနှင့် ဆက်ဆံရေး တိုးမြှင့်ရေး အတွက် အမေရိကန် အစိုးရ၏ ဆောင်ရွက်မှုများ အခက်အခဲ ဖြစ်နေရသည်ဟု အရှေ့အာရှဆိုင်ရာ နိုင်ငံခြားရေးဌာန အကြီးအကဲတဦးအဖြစ် သမ္မတအိုဘားမား အဆိုပြုထားသူက ပြောကြားလိုက်သည်။

[အရှေ့အာရှ နှင့် ပစိဖိတ်ဒေသဆိုင်ရာ ဒုတိယ နိုင်ငံခြားရေး ဝန်ကြီး အဖြစ် အဆိုပြုခြင်း ခံထားရသူ Kurt Campbell]

အရှေ့အာရှ နှင့် ပစိဖိတ်ဒေသဆိုင်ရာ ဒုတိယ နိုင်ငံခြားရေး ဝန်ကြီး အဖြစ် အဆိုပြုခြင်း ခံထားရသူ Kurt Campbell
“ဒေါ်အောင်ဆန်းစုကြည်နဲ့ ပတ်သက်ပြီး မကြာသေးခင်က အဖြစ်အပျက်တွေဟာ အင်မတန့် အင်မတန်ကို စိုးရိမ်စရာတွေ ဖြစ်တယ်၊ မြန်မာနိုင်ငံနဲ့ ဆက်ဆံရေး တိုးတက် ဆောင်ရွက်ဖို့ တကယ့်ကို အဟန့်အတား ဖြစ်နေပါတယ်” ဟု အရှေ့အာရှ နှင့် ပစိဖိတ်ဒေသဆိုင်ရာ ဒုတိယ နိုင်ငံခြားရေး ဝန်ကြီး အဖြစ် အဆိုပြုခြင်း ခံထားရသူ Kurt Campbell က အထက် လွှတ်တော် နိုင်ငံခြားရေး ကော်မတီ ကြားနာပွဲတခုတွင် ပြောကြားလိုက်သည်။

“တရားစွဲဆိုထားမှု အခြေအနေတွေ၊ ပြီးတော့ စစ်အစိုးရက ဘယ်လို ရှေ့ဆက်သွားဖို့ စဉ်းစားနေတယ် ဆိုတာတွေကို ကျနော်တို့ စောင့်ကြည့်နေပါတယ်” ဟု Kurt Campbell က ပြောသည်။ အမေရိကန်အစိုးရက မြန်မာပြည်ဆိုင်ရာ မူဝါဒကို ပြန်လည် သုံးသပ်နေကြောင်း၊ ယခု တရားစွဲဆိုထားမှုသည် ပြန်လည်သုံးသပ်ရာတွင် ထည့်သွင်း စဉ်းစားရမည့် အချက်ဖြစ်ကြောင်း ၎င်းက ဆက်လက် ပြောကြားလိုက်သည်။

နိုင်ငံခြားရေး ကော်မတီ ကြားနာပွဲတွင် အထက်လွှတ်တော်အမတ် James Webb ကလည်း သူ့အနေဖြင့် မြန်မာနိုင်ငံအား ပုံစံအမျိုးမျိုး သုံးပြီး ချဉ်းကပ်ရေးကို နှစ်အတော်ကြာ ဆော်သြခဲ့ဖူးကြောင်း ပြောကြားလိုက်သည်။

“ဒီကိစ္စနဲ့ ပတ်သက်ပြီး အရင်နှစ်တွေတုန်းကလည်း နိုင်ငံခြားရေးဝန်ကြီး ဟီလာရီ ကလင်တန်နဲ့ ကျနော် ကောင်းကောင်း ဆွေးနွေးဖူးပါတယ်၊ သူ ဝန်ကြီးမဖြစ်ခင်ရော ဖြစ်ပြီးရောမှာပေါ့လေ။ အခု မြန်မာပြည်မှာ နောက်ဆုံးဖြစ်ပေါ်ခဲ့တာကတော့ ဒေါ်အောင်ဆန်းစုကြည်ကို တရားစွဲဆိုတဲ့ ဖြစ်ရပ်ပါပဲ။ မြန်မာနိုင်ငံမှာ ဒီလို ဖြစ်နေတာ နှစ်ပေါင်း ၆ဝ ရှိပါပြီ၊ တချို့လူတွေ ပြောသလို အနှစ် ၂ဝ မကပါဘူး” ဟု James Webb က ပြောဆိုလိုက်သည်။

ပြီးခဲ့သည့် ၁ဝ နှစ်ကျော်ကာလအတွင်း မြန်မာနိုင်ငံ အဖြစ်အပျက်များနှင့် ပတ်သက်၍ အမေရိကန်ပြည်ထောင်စု၏ သြဇာ တဖြည်းဖြည်း ကျဆင်းလာကြောင်း၊ စီးပွားရေး၊ အကူအညီပေးရေး အဖွဲ့ နှင့် အစိုးရနှင့် သက်ဆိုင်သော အဖွဲ့များမှာ မြန်မာနိုင်ငံမှ ထွက်ခွာခဲ့ရကြောင်း James Webb က သုံးသပ်ပြသည်။

“တရုတ် နဲ့ တခြားနိုင်ငံတွေက မြန်မာနိုင်ငံနဲ့ ဆက်သွယ်ရေး စီမံကိန်းတွေ၊ တွင်းထွက်ပစ္စည်း လုပ်ငန်းတွေမှာ အရင်ကထက် ပိုပြီးတော့ ဆက်သွယ် ဆောင်ရွက်နေကြတယ်။ တရုတ်နိုင်ငံ ဆိုရင် သိပ်မကြာသေးခင်ကပဲ ရေနံနဲ့ ပတ်သက်တဲ့ သဘောတူညီချက်ကြီးတခုကို လက်မှတ်ထိုးထားတယ်” ဟု သူက ထောက်ပြသည်။

ကြိုတင် ရေးသား ပြင်ဆင်ထားသော ပြောကြားချက်တွင်မူ Kurt Campbell က မြန်မာ ပြည်သူများ အနေဖြင့် လက်ရှိ ရင်ဆိုင်နေရသည့် အခြေအနေထက် ပိုပြီး ကောင်းမွန်သည့် အခြေအနေများကို ရရှိထိုက်ပါသည်ဟု ဖော်ပြထားသည်။

“နိုင်ငံခြားရေး ဝန်ကြီး ဟီလာရီ ကလင်တန်က အင်ဒိုနီးရှားမှာ ပြောခဲ့သလိုပဲ ကျနော်တို့ရဲ့ စီးပွားရေးပိတ်ဆို့မှု နည်းလမ်းရော၊ အာဆီယံရဲ့ အပြု သဘော ဆောင်တဲ့ ချဉ်းကပ်မှု နည်းလမ်းရော အလုပ် မဖြစ်သေးဘူး၊ ဒီတော့ စစ်တပ်၊ အတိုက်အခံ၊ တိုင်းရင်းသား လူမျိုးစုတွေ တွေ့ဆုံ ဆွေးနွေးပွဲ ဖြစ်လာမယ့်၊ အကျဉ်းသားတွေ လွတ်မြောက်လာမယ့်၊ ပြုပြင်ပြောင်းလဲရေးတွေ ကျယ်ကျယ် ပြန့်ပြန့် ဖြစ်လာမယ့် နည်းလမ်းတွေအတွက် အမေရိကန် အစိုးရက မူဝါဒရေးရာ တွေကို ပြန်သုံးသပ်တာ ဖြစ်ပါတယ်” ဟု သူက ပြောကြားသည်။

“မကြာသေးခင်က စစ်အစိုးရရဲ့ ဒေါ်အောင်ဆန်းစုကြည်အပေါ် ပြုမူချက်တွေက အင်မတန် ကြီးမားတဲ့ ပြဿနာ ဖြစ်ပါတယ်။ ဒီအချက်တွေကို ကျနော်တို့ မူဝါဒ ပြန်လည်သုံးသပ်တဲ့နေရာမှာ ထည့်သွင်းစဉ်းစားမှာပါ” ဟု ဆိုသည်။

“မူဝါဒ သုံးသပ်မှုကနေ ဘယ်လို အဖြေထွက်လာမယ် ဆိုတာ ကိုတော့ မခန့်မှန်းနိုင်ပါဘူး။ ဒါပေမယ့် ကျနော့်ရဲ့ ချဉ်းကပ်မှုကတော့ ကွန်ဂရက်လွှတ်တော်၊ ဒေသအတွင်းထဲက ကျနော်တို့ရဲ့ မိတ်ဆွေနိုင်ငံတွေ၊ မြန်မာပြည်ကို ပိုပြီး မှန်ကန်တဲ့ လမ်းကြောင်းပေါ် ရောက်အောင် ကျနော်တို့ အကောင်းဆုံး ဘယ်လို တွန်းအားပေးနိုင်မယ် ဆိုတာအတွက် မြန်မာပြည်အကြောင်းကို လက်တွေ့ရော သဘောတရားရေးရာအရပါ နားလည်တဲ့ပုဂ္ဂိုလ်တွေနဲ့ ကျယ်ကျယ်ပြန့်ပြန့် ထိတွေ့ဆောက်ရွက်ဖို့ပါပဲ”ဟု Kurt Campbell က ပြောကြားသည်။

Mr.Campbell သည် အီရတ်နိုင်ငံ သံအမတ်ကြီးဖြစ်သွားသော ဒုတိယ နိုင်ငံခြားရေး ဝန်ကြီးဟောင်း Christopher Hill ၏ နေရာအတွက် လျာထားခံရသူဖြစ်သည်။ ပင်တဂွန်စစ်ဌာနချုပ်တွင် တာဝန်ထမ်းဆောင်ခဲ့ဖူးသည်။ နိုင်ငံတကာ ပဋိပက္ခ လေ့လာရေးအဖွဲ့၏ အာရှဒေသ၊ နိုင်ငံတကာလုံခြုံရေး၊ ကာကွယ်ရေး မူဝါဒရေးရာ အကြံပေးပုဂ္ဂိုလ်တဦး ဖြစ်သည်။

နယ်စပ်တိုက်ပွဲတွင် စစ်တပ်က လက်နက်ကြီးများသုံး
Thursday, 11 June 2009 19:14 သန်းထိုက်ဦး

မြန်မာစစ်အစိုးရတပ်နှင့် တိုးတက်သော ဗုဒ္ဓဘာသာ ကရင်အမျိုးသား တပ်ဖွဲ့ (DKBA) ပူးပေါင်းတပ်များက ကရင် အမျိုးသား အစည်းအရုံး (KNU) လက်အောက်ခံ KNLA တပ်မဟာ (၇) တပ်စခန်းများကို ဇွန်လဆန်းပိုင်းမှ စတင်၍ လက်နက်ကြီး အလုံးပေါင်း ၂၀၀ ကျော် ပစ်ခတ် အသုံးပြုခဲ့ကြောင်း သိရှိရသည်။

မြန်မာစစ်အစိုးရ နှင့် DKBA ပူးပေါင်းတပ်များက ကရင်ပြည်နယ် လှိုင်းဘွဲ့မြို့နယ်အတွင်းမှ KNLA တပ်မဟာ (၇) ဒေသရှိ တပ်ရင်း ၆ ရင်း၏ တပ်စခန်းများကို လက်နက်ကြီးများဖြင့် တိုက်ခိုက်ခဲ့ခြင်းဖြစ်သည်။ KNLA တပ်စခန်း များ အနီးတွင်လည်း မြေမြှုပ်မိုင်းများစွာ ထောင်ထားကြောင်း သိရသည်။

ကရင်ဒုက္ခသည်များအား ကူညီဆောင်ရွက်ပေးနေသူတဦး၏ အဆိုရ နှစ်ဘက် တိုက်ပွဲများကြောင့် မြန်မာအစိုးရ တပ်နှင့် DKBA တပ်သားများအပါဝင် အင်အား ၁၀၀ ခန့် အကျအဆုံးရှိကြောင်းနှင့် အများစုမှာ DKBA တပ်သား များဖြစ်ကြောင်း သိရသည်။ KNLA ဘက်မှ ၂ ဦးဒဏ်ရာရရှိကြောင်းလည်း ၎င်းက ဆိုသည်။

ရန်ကုန်တိုင်း တိုက်ကြီးမြို့နယ် ဖူးကြီးအခြေစိုက် အမှတ်(၄) စစ်ဆင်ရေးကွပ်ကဲမှု ဌာနချုပ်(စကခ) လက် အောက် ခံ တပ်ရင်း ၁၀ ရင်းမှ တပ်သား ၂၀၀၀ ခန့်ကို မကြာသေးခင်က ကရင်ပြည်နယ် တောင်ပိုင်းသို့ စစ်ကူပို့ထား ကြောင်း မြန်မာစစ်တပ်နှင့် နီးစပ်သူများအဆိုရ သိရသည်။

“ဒီနေ့မနက် နအဖ တပ်ဘက်က လက်နက်ကြီး ၆ လုံးပစ်တယ်၊အင်္ဂါနေ့က အနည်းဆုံး ၁၉ လုံး ၊ ဗုဒ္ဓဟူးနေ့က လည်း အလုံး ၃၀ လောက် ပစ်တယ်”ဟု ကရင်လူ့အခွင့်အရေးအဖွဲ့(KHRG) အဖွဲ့ဝင်တဦးက ပြောသည်။

မြန်မာစစ်အစိုးရတပ်မ (၂၂) လက်အောက်ခံတပ်တချို့နှင့် DKBA ၉၉၉ ၊ ၅၅၅ ၊ ၃၃၃ တပ်ဖွဲ့ဝင်များသည် တပ် မဟာ(၇) ထိန်းချုပ်နယ်မြေရှိ တပ်ရင်း ၆ ခုအနီးမှ တပ်စခန်းများကို လက်နက်ကြီးများဖြင့် သော်လည်းကောင်း၊ လူအင်အား စုစု ပေါင်း ၁၀၀၀ခန့် ဖြင့်သော်လည်းလောင်း ဆက်လက်ထိုးစစ်ဆင်ရန် ကြိုးစားနေကြောင်းလည်း သိရှိရသည်။

၎င်းတိုက်ပွဲများ ကြောင့် ထိုင်း-မြန်မာနယ်စပ်တွင်လည်း ထိုင်းစစ်တပ်မှ လုံခြုံရေးများ တင်းကျပ်ထား ကြောင်း သိရှိရသည်။

ပြီးခဲ့သည့် နှစ်ပတ်အတွင်း ထိုင်းနိုင်ငံသို့ ထွက်ပြေးလာသည့် ကရင်ဒုက္ခသည် စုစုပေါင်း ၆၀၀၀ ကျော် ရှိကြောင်း သိရသည်။ အများစုမှာ ကရင်ပြည်နယ် လှိုင်းဘွဲ့မြို့နယ်အတွင်းရှိ ကျေးရွာများမှဖြစ်ပြီး ထိုင်းနိုင်ငံ တာ့ခ်ခရိုင် အတွင်းရှိ မဲ့သဝေါနှင့်မဲ့သလေမြို့နယ်များသို့ ထွက်ပြေးပုန်းရှောင်နေကြရသည်။

၎င်း ဒုက္ခသည်များကို ကရင်ဒုက္ခသည်များ ကော်မတီ (KRC) နှင့် ထိုင်း-မြန်မာနယ်စပ် တလျှောက် ကူညီ စောင့်ရှောက်ရေးညွန့်ပေါင်းအသင်း ( TBBC ) တို့က ကူညီဆောင်ရွက်ပေးထားကြောင်းသိရသည်။

ယင်းတိုက်ပွဲများနှင့် ပတ်သက်ပြီး ယနေ့ထုတ် စစ်အစိုးရ သတင်းစာ၌ ကျော်ရဲမင်း ရေးသားထားသည့် ဆောင်းပါး တွင် “လက်ကျန် KNU ကိစ္စ၊ ပြည် ပြေးကိစ္စတွေကို ဒီနည်းဗျူဟာသုံးရပ်နဲ့ ဆောင်ရွက်မယ်ဆိုရင် မအောင်မြင် နိုင်စရာ လုံးဝမရှိပါဘူး၊ အဓိက လိုအပ်ချက်ကတော့ အိမ်နီးချင်း နိုင်ငံရဲ့ မိတ်ဆွေကောင်းပီသပြီး စိတ်ရင်း စေတနာမှန်နဲ့ ပူးပေါင်းဆောင်ရွက်မှုကသာ အရေးအကြီးဆုံး”ဟု ရေးသားထားသည်။

အဆိုပါ နည်းဗျူဟာ ၃ ရပ်သည် ညှိနှိုင်းဆွေးနွေးပြီး ငြိမ်းချမ်းရေးတည်ဆောက်ရန်၊ အိမ်နီးချင်နိုင်ငံများနှင့်ပူး ပေါင်းဆောင်ရွက်မှုရယူရန်နှင့် တည်ငြိမ်အေးချမ်းသွားပြီးဖြစ်တဲ့ နယ်စပ်ဒေသများတွင် နိုင်ငံတော် အစိုးရက နယ်စပ်ဒေသ နှင့် တိုင်းရင်းသားလူမျိုးများ ဖွံ့ဖြိုးတိုးတက်ရေးလုပ်ငန်းတွေကို စေတနာအရင်းခံပြီး အောင်အောင် မြင်မြင်ဖြစ်ရန် ဆောင်ရွက်ခြင်းတို့ဖြစ်ကြောင်း ဆိုသည်။

နိုင်ငံတော်အစိုးရ အနေနှင့် KNU ပြဿနာအပါဝင် နယ်စပ် ပြဿနာများကို ဖြေရှင်းနိုင်ရန် အစဉ်တစိုက် ကြိုးပမ်း ခဲ့ကြောင်း၊ အောင်မြင်ခြင်း မအောင်မြင်ခြင်းသည် အိမ်နီးချင်း တဖက်နိုင်ငံ၏ စေတနာမှန်သည့် ပူးပေါင်း ဆောင် ရွက်မှုက အခရာကျကြောင်းလည်း စစ်အစိုးရသတင်းစာက ရေးသားထားသည်။

KNU ဒု ဥက္ကဌ စောဒေးဗစ်တာကပေါက မှု ယခုကဲ့သို့ မြန်မာစစ်အစိုးရက ရေးသားခြင်းသည် စိတ်ကူးယဉ်နေခြင်း ဖြစ်၍ ဂရုမစိုက်နိုင်ကြောင်း ပြောဆိုသည်။

“နအဖက စိတ်ကူးယဉ်တာပဲ ကိုယ်ကကြီးလို့ ဒူးတောင်မမြင်တဲ့ အခြေအနေရောက်နေတဲ့အခါကျတော့ အဲဒီလို လေသံတွေပြောလာတာ၊ အဲဒီတော့ ကျနော်တို့အနေနဲ့ကတော့ ဂရုစိုက်မနေနိုင်ပါဘူး”ဟု စောဒေးဗစ်တာကပေါ က ပြောသည်။

ဒေါ်အောင်ဆန်းစုကြည်ကို တရားစွဲဆိုခြင်းနှင့်ပတ်သက်ပြီး ထိုင်းနိုင်ငံက အကြီးအကျယ် ဝေဖန်ပြောဆိုသည့် အတွက် မခံမရပ်နိုင်ဖြစ်၍ ယခုကဲ့သို့ သတင်းစာတွင် ရေးသားခြင်းဖြစ်ကြောင်းလည်း ၎င်း က ဆိုသည်။

လွန်ခဲ့သည့် မေလ ၁၈ ရက်နေ့က ရန်ကုန်မြို့၊ အင်းစိန်အကျဉ်းထောင်အတွင်း တရားရင်ဆိုင်နေရသော ဒေါ် အောင်ဆန်းစုကြည်ကို အမြန်ဆုံးလွှတ် ပေးရန် အာဆီယံအဖွဲ့ အလှည့်ကျ ဥက္ကဌ တာဝန်ယူထားသည့် ထိုင်းနိုင်ငံ က ၀န်ကြီးချုပ်နှင့် နိုင်ငံခြားရေး ၀န်ကြီးတို့က ပြစ်တင်ဝေဖန်ခဲ့ပြီးနောက် နှစ်နိုင်ငံ ဆက်ဆံရေးတင်းမာခဲ့ကြသည်။

ယင်းတင်းမာမှုနှင့် ပတ်သက်ပြီး မြန်မာစစ်အစိုးရ သတင်းစာများက ယနေ့အထိ တတိယအကြိမ်မြောက်ရေးသား ဖော်ပြခဲ့သည်။

သို့သော် မြန်မာစစ်အစိုးရက အာဆီယံ လုပ်ထုံးလုပ်နည်းနှင့် မညီသည့်အပြင် အကြောင်းအရာအားဖြင့်မှန်ကန် ခြင်းမရှိသောကြောင့် အာဆီယံဥက္ကဌ တာဝန်ယူထားသော ထိုင်းနိုင်ငံ၏ ကြေညာချက်ကို အလေးအနက် ကန့် ကွက်သည်ဟူ၍ တန်ပြန်ကြေညာခဲ့သည်။

မြာက်ကိုးရီးယား ဓာတ်ပုံနှင့်ရုပ်ရှင်ပြပွဲ မြန်မာတွင်ကျင်းပခဲ့
Thursday, 11 June 2009 19:26 ကိုထွေး

မြောက်ကိုးရီးယား အာဏာရှင် ကင်မ်ဂျုံအီးလ်၏ ဗဟိုကော်မတီအဖွဲ့ဝင် အဖြစ်ရွေးချယ်ခံရသည့် ၄၅ နှစ်ပြည့် အခမ်းအနားကို မြန်မာ၊ မြောက်ကိုရီးယား နှင့် ရုရှားသုံးနိုင်ငံတွင် ပြုလုပ်ခဲ့သည်။

ဇွန်လ ၁ မှ ၃ရက်နေ့ အထိ ကျင်းပခဲ့သော ယင်းအခမ်းအနားတွင် ကင်မ်ဂျုံအီးလ်၏ စွန့်စားခန်းကို ဖော်ကျူးထား သောဓာတ်ပုံများကို ပြသထားကြောင်း ကိုးရီးယားသတင်းဌာန (KNS) တွင် ရေးသားဖော်ပြထားသည်။

မြောက်ကိုးရီးယား ရုပ်ရှင်၊ ဓာတ်ပုံပြပွဲ အခမ်းအနားတွင် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးအသင်း(ကြံ့ဖွံ)မှ အထွေထွေ အတွင်းရေးမှူး ဗိုလ်ချုပ်ဌေးဦး တက်ရောက်ခဲ့ပြီး ကင်မ်ဂျုံအီးလ်၏စွမ်းရည်ကို ချီးကျူးပြောဆိုခဲ့ ကြောင်း KNS တွင်ပါရှိ သည်။

ဗိုလ်ချုပ်ဌေးဦးက“အောင်မြင်မှုနဲ့ ဂုဏ်ကျက်သရေဟာ ကင်မ်ဂျုံအီးလ် ဦးဆောင်တဲ့ ကိုးရီးယား အလုပ်သမားပါတီ (WPK) အတွက်ပါ”ဟုပြောကြောင်း သိရသည်။

ယင်းအခမ်းအနားသို့ တက်ရောက်လာသည့် ရုရှားနိုင်ငံ( Centre for the Information of International Science and Technology)မှ ဒု ဒါရိုက်တာက ကင်မ်ဂျုံအီးလ်၏ ဦးဆောင်မှုဖြင့် အင်အားတောင့်တင်း၍ ကြွယ်ဝ သော ကိုးရီးယား ဆိုရှယ်လစ်နိုင်ငံကို အောင်မြင်စွာ ထူထောင်နိုင်လိမ့်မည်ဟု ပြောကြောင်းလည်း KNS တွင် ရေးသားထားသည်။

မြန်မာနှင့် မြောက်ကိုးရီးယားတို့သည် ၂ နိုင်ငံ သံတမန် ပုံမှန်ဆက်ဆံရေး ရပ်ဆိုင်းခဲ့ရာမှ မကြာခင်နှစ်များ အတွင်း တိတ်တဆိတ်ဆက်ဆံရေးများပြုလုပ်လာခဲ့ကာ ပြီးခဲ့သည့် နှစ်ဧပြီလ အတွင်းတွင် တရားဝင် ပုံမှန် ဆက်ဆံရေး ပြန်လည်စတင်ခဲ့ခြင်း ဖြစ်သည်။

မြန်မာပြည်သူများနှင့် နိုင်ငံတကာမှရန်ပြုလာပါက စစ်ဗိုလ်ချုပ်များအနေဖြင့် ရှောင်ရှားနိုင်ရန် မြေအောက် ဥမင်များတည်ဆောက်ရာတွင် မြောက်ကိုးရီးယားပညာရှင်များက နည်းပညာအကူအညီများ ပေးခဲ့ကြောင်း၊
ယင်းဥမင်များသည် စစ်အစိုးရ၏ နျူကလီးယားထုတ်လုပ်မည့် အစီအစဉ်နှင့် ပတ်သက်မှုရှိ မရှိကို မူမသိရှိရ သေးကြောင်း လွန်ခဲ့သောနှစ်က ဆွီဒင်ဂျာနယ်လစ် Bertil Lintner က ယေးလ်ဂိုဘယ်လ်(Yale Gobal) မဂ္ဂဇင်း အင်တာနက်စာမျက်နှာပေါ်တွင် ရေးသားခဲ့သည်။

ထိုင်းနိုင်ငံ အခြေစိုက် နေရှင်းသတင်းစာမှ Kavi Chongkittavorn ကလည်း စစ်အစိုးရသည် မြောက်ကိုးရီးယား ၏ အကူအညီဖြင့် ဘန်ကာနှင့် ဥမင်များတည်ဆောက်နေသည်ဟု လေ့လာတွေရှိရကြောင်းပြောသည်။

ထိုပြင် မြန်မာစစ်အစိုးရ၏ နျူကလီးယားထုတ်လုပ်မည့် အစီအစဉ်ကို မြောက်ကိုးရီးယားက ကူညီနိုင်ဖွယ် ရှိကြောင်း သုံးသပ်သူအချို့ကပြောသည်။

၁၉၄၉ ဇွန် ၃၀ တွင်စတင်ထူထောင်ခဲ့သော WPKသည် မြောက်ကိုရီးယားတွင် တခုတည်းသော နိုင်ငံရေးပါတီ ဖြစ်ပြီး ကင်မ်ဂျုံအီးလ်၏ ဖခင် ကင်မ်အီးဆွန်းက ဖွဲ့စည်းခဲ့သည်။

ကင်မ်ဂျုံအီးလ်သည် ၁၉၆၁ ဇူလိုင်လတွင် WPK ပါတီသို့ဝင်ရောက်ခဲ့ပြီး ၁၉၆၄တွင် ဗဟိုကော်မတီအဖွဲ့ဝင် ဖြစ် လာကာ ၁၉၉၇တွင် အထွေထွေ အတွင်းရေးမှုး တာဝန်ကို တရားဝင် ထမ်းဆောင်ခဲ့သည်။

ယနေ့တွင် မြောက်ကိုးရီးယားနိုင်ငံကို ကမ္ဘာ့ကုလသမဂ္ဂကလုံခြုံရေးကောင်စီက ၎င်း၏ နျူကလီးယားနှင့် ဒုံးပျံ စမ်းသပ်ထုတ်လုပ်သည့် အစီအစဉ်ကြောင့် ပိုမိုပြင်းထန်သည့် အရေးယူပိတ်ဆို့မှုများ ထပ်မံပြုလုပ်ခဲ့သည်။

မြန်မာနှင့် မြောက်ကိုးရီးယားအစိုးရတို့သည် ၁၉၈၃ ခုနှစ်က မြန်မာနိုင်ငံသို့ အလည်လာရောက်သော တောင် ကိုရီးယား သမ္မတ ချန်ဒူးဝမ် နှင့်အဖွဲ့အား ရန်ကုန်မြို့ အာဇာနည် ဗိမာန်တွင် ကင်မင်ချူး အပါအ၀င် မြောက် ကိုရီးယား နိုင်ငံသား သုံးဦးက ဗုံးခွဲတိုက်ခိုက်မှုနောက်ပိုင်း အနှစ် ၂၀ ကျော် သံတမန် ဆက်ဆံရေး ရပ်ဆိုင်းခဲ့ သည်။

ယင်းဗုံးခွဲ တိုက်ခိုက်မှုကြောင့် တောင်ကိုရီးယား သမ္မတ သေဆုံးခြင်း မရှိသော်လည်း ၀န်ကြီးအဖွဲ့ဝင် ၄ ဦး အပါအ၀င် ၂၁ ဦး သေဆုံး၍ ကင်မင်ချူးကိုမူ မြန်မာ အစိုးရက အင်းစိန်ထောင်တွင် ထောင်ဒဏ်တသက်တ ကျွန်း ချမှတ်ခဲ့သည်။

၂၀၀၈ စက်တင်ဘာလလယ်က ၂ နိုင်ငံသံတမန် ဆက်ဆံရေးအတွက် ရန်ကုန်မြို့တော်ဝန် ဗိုလ်မှူးချုပ် အောင် သိန်းလင်းသည် ပြုံယမ်းသို့ သွားရောက်ခဲ့ပြီး ယင်းမတိုင်မီ ဇူလိုင်လနှင့် သြဂုတ်လအတွင်းက တပ်မတော် စစ် လက်နက်ပစ္စည်း ထုတ်လုပ်ရေး အရာရှိချုပ် ဒု ဗိုလ်ချုပ်ကြီးတင်အေးနှင့် လေကြောင်းရန် ကာကွယ်ရေး အရာရှိ ချုပ် ဒု ဗိုလ်ချုပ်ကြီး မြင့်လှိုင်တို့ပါဝင်သော အဖွဲ့တဖွဲ့သည်လည်း မြောက်ကိုရီးယား သို့ သွားရောက်ခဲ့ ကြောင်း၊ လွန်ခဲ့သော ၃ လ အတွင်း မြောက်ကိုရီးယားသို့ အစိုးရအဆင့်ရှိ မြန်မာစစ်တပ်အရာရှိ အဖွဲ့ အနည်း ဆုံး ၃ ဖွဲ့ သွားရောက်ခဲ့ကြောင်းတို့ကို အေးရှားတိုင်း သတင်းဌာနက ၂၀၀၈အောက်တိုဘာလဆန်းတွင် ရေးသားခဲ့သည်။

လွန်ခဲ့သော တနင်္ဂနွေနေ့ကကင်မ်ဂျုံအီးလ်သည် သူ၏နေရာကို ဆက်ခံရန်အတွက် အငယ်ဆုံးသားဖြစ်သော ကင်မ်ဂျုံအန်းကို ရွေးချယ်ရန်လျာထားကြောင်း မီဒီယာများတွင် ဖော်ပြပါရှိ ပြီး ၂ရက်ခန့်အကြာ ဗိုလ်ချုပ်မှူးကြီး သန်းရွှေ၏မြေး နေရွှေသွေးအောင်၏ ရန်ကုန်ပညာရေး တက္ကသိုလ်လေ့ကျင့်ရေး အထက်တန်းကျောင်းတွင် မုန့်ဈေးတန်း အဆောင်သစ် လှူဒါန်းသည့် အခမ်းအနားကို မြန်မာအစိုးရပိုင် သတင်းစာများတွင် ထည့်သွင်း ဖော်ပြခဲ့သည်။

ဒေါ်အောင်ဆန်းစုကြည် ဓာတ်ပုံဖြန့်ဝေ လှုပ်ရှားမှု အရှိန်မြှင့်
Thursday, 11 June 2009 18:01 အေးလဲ့

မန္တလေးနှင့် တခြားနယ်မြို့များတွင် ယခုလဆန်းပိုင်းက စတင်၍ ဒေါ်အောင်ဆန်းစုကြည်၏ ဓာတ်ပုံ အရေအတွက် သောင်းနှင့်ချီ၍ ဖြန့်ဝေလှုပ်ရှားမှု ပြုလုပ်နေသည် ဟု ၎င်းလှုပ်ရှားမှုတွင် ဦးဆောင်ပါဝင်သူ တဦးက ပြောသည်။

ဗိုလ်ချုပ်အောင်ဆန်း၏သမီး၊ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ပြည်သူလူထုတရပ်လုံး သိရှိစေရန် ဒီမိုကရေစီအရေး တက်ကြွလှုပ်ရှားသူ လူငယ်များက ဦးဆောင်ဖြန့်ဝေနေခြင်းဖြစ်သည်ဟု ၎င်းက ဆိုသည်။ ဖြန့်ဝေသည့် ဓာတ်ပုံများမှာ ဒေါ်အောင်ဆန်းစုကြည်၏ မြန်မာပြည်ခရီးစဉ်တချို့မှ ရိုက်ယူခဲ့သည့် ပုံများဖြစ်သည်။

ဓာတ်ပုံလှုပ်ရှားမှုတွင် ပါဝင်နေသူ လူငယ်က “မန္တလေး ဈေးချို ထဲမှာ ဓာတ်ပုံ တသောင်းလောက် ဖြန်ဝေခဲ့တယ်။ ဓာတ်ပုံတွေ မလုံမလောက် ဖြစ်သွားတယ်။ ကျနော်တို့ကို နှောင့်ယှက်တာတော့ မရှိဘူး၊ စောင့်ကြည့်တာလောက်ပဲ ရှိတယ်” ဟုပြောသည်။

လာမည့် ဇွန်လ ၁၉ ရက်နေ့ တွင်ကျရောက်မည့် ဒေါ်အောင်ဆန်းစုကြည်၏ ၆၄ နှစ်မြောက် မွေးနေ့ မတိုင်မီ ယခုလှုပ်ရှားမှုကို အရှိန်မြှင့်ကာ ကျယ်ကျယ်ပြန့်ပြန့် လုပ်ဆောင်သွားမည်ဟုလည်း သိရသည်။

ဒေါ်အောင်ဆန်းစုကြည်၏ ဓာတ်ပုံများကို မန္တလေးမြို့ပေါ် ၈ မြို့နယ်နှင့် နယ်မြို့ ၁၂ မြို့နယ် တို့၌ ဖြန့်ဝေခဲ့ခြင်းဖြစ်ပြီး ဆက်လက်၍ တိုင်းနှင့်ပြည်နယ် အသီးသီးရှိ ကျေးလက်ဒေသများ တိုင်အောင် ဖြန့်ဝေသွားမည်ဟု လှုပ်ရှားမှုတွင် ပါဝင်သူက ပြောသည်။

မန္တလေးမြို့ပေါ်ကျောင်းတိုက်များမှ သံဃာတော် တချို့ကလည်း ယင်းဓာတ်ပုံလှုပ်ရှားမှုကို ဦးစီး ပြုလုပ်ရန် အထူးစိတ်ဝင်စားလျက်ရှိကြောင်း သိရသည်။ ဒေါ်အောင်ဆန်းစုကြည်ကို အမှုဆင်တရားစွဲဆိုခဲ့သည့် မေလ ၁၈ ရက်နေ့ နောက်ပိုင်းတွင် အဆိုပါ လှုပ်ရှားမှုများ အရှိန်မြင့်လာခဲ့ခြင်း ဖြစ်သည်။

ယခင် အပတ်အတွင်း ကလည်း မိထ္ထီလာခရိုင် အမျိုးသားဒီမိုကရေစီအဖွဲ့ချုပ် (NLD) က ဒေါ်အောင်ဆန်း စုကြည် လွတ်မြောက်ရေးအတွက် ငြိမ်းချမ်းစွာ လူထုပါဝင် ဆင်နွှဲနိုင်သော လှုပ်ရှားမှုတခုအဖြစ် ဓာတ်ပုံ ဖြန့်ဝေခြင်းကို ပြုလုပ်ခဲ့သည်။

မိထ္ထီလာမြို့နယ် NLD အဖွဲ့ဝင် ဒေါ်မြင့်မြင့်အေးက ဒေါ်အောင်ဆန်းစုကြည်၏ ဓာတ်ပုံများကို မိထ္ထီလာ၊ သာစည်၊ ဝမ်းတွင်း၊ ကျောက်ပန်းတောင်း၊ ရေနံချောင်း၊ မြင်းခြံ၊ ညောင်ဦး စသည့်မြို့များတွင် ဖြန့်ဝေခဲ့ပြီး ဖြစ်ကြောင်း ပြောသည်။

ယခုရက်များအတွင်း မန္တလေးတိုင်းအတွင်း ဖြန့်ဝေမည်ဖြစ်ပြီး မကြာမီရက်များတွင် စကိုင်းတိုင်းနှင့် ကချင်ပြည်နယ်ရှိ မြို့နယ်များအတွင်း ထပ်မံဝေငှ သွားမည် ဖြစ်ကြောင်းလည်း သိရသည်။

အလားတူ မျိုးဆက်သစ် လူငယ်များ အစည်းအရုံး (Generation Wave) အဖွဲ့သည်လည်း မတ်လက ရန်ကုန်နှင့် ပြည်မြို့တို့ရှိ လူစည်ကားရာနေရာများတွင် ဒေါ်အောင်ဆန်းစုကြည် လွတ်မြောက်ရေးအတွက် စာရွက်စာတမ်းများ ဖြန်ဝေခြင်း၊ မှုတ်ဆေးဖြန်းခြင်း၊ ဓာတ်ပုံဖြန့်ဝေခြင်းတို့ ပြုလုပ်ခဲ့ကြောင်း၊ ရှေ့ဆက်၍ လည်း ပြည်သူလူထုနှင့် ပူးပေါင်းကာ လုပ်ဆောင်သွားမည် ဖြစ်ကြောင်း ၎င်းအဖွဲ့ခေါင်းဆောင် တဦးက ပြောသည်။

ထိုသို့ ဓာတ်ပုံ ဖြန့်ဝေလှုပ်ရှားမှုများနှင့် ပတ်သက်ပြီး NLD ဗဟိုအလုပ်အမှုဆောင် လူငယ် တာဝန်ခံတဦး ဖြစ်သူ ကိုအေးထွန်းက “NLD ဗဟို လူငယ် လုပ်ငန်းများ ဖော်ဆောင်ရေး အဖွဲ့အနေနဲ့ ဒီလှုပ်ရှားမှုတွေ လုပ်ဖို့် အစည်းအဝေး ဆုံးဖြတ်ချက်ချထားတာ မရှိပါဘူး” ဟုပြောသည်။

NLD ဗဟို လူငယ် လုပ်ငန်းဖော်ဆောင်ရေး အဖွဲ့အနေဖြင့် တိုင်းနှင့် ပြည်နယ် အသီးသီးအလိုက် NLD အဖွဲ့ဝင်များ တိုးချဲ့ဖွဲ့စည်းရန်နှင့် ပညာပေးရေး လုပ်ငန်းများ ရှေ့ဆက် လုပ်ဆောင်သွားရန် ဟူသည့် အစည်းအဝေး ဆုံးဖြတ်ချက်သာ ရှိကြောင်း ၎င်းကဆိုသည်။

ပြီးခဲ့သည့် ဇွန်လ ၄ ရက်နေ့တွင် NLD ဗဟိုအလုပ်အမှုဆောင် လူငယ် တာဝန်ခံသုံးဦးဖြစ်သော ကိုမျိုးညွန့်၊ ကိုလှဦး နှင့် ကိုအေးထွန်းတို့ကို လည်းကောင်း၊ ဇွန်လ ၅ ရက်နေ့တွင် NLD ဗဟို အလုပ်အမှုဆောင် (CEC) အဖွဲ့ဝင် ဦးသန်းထွန်း၊ ဦးလှဖေ၊ ဦးညွန့်ဝေ၊ ဦးစိုးမြင့်တို့ကိုလည်းကောင်း သက်ဆိုင်ရာ အာဏာပိုင်များက ခေါ်ယူ သတိပေးခဲ့သည်ဟု သိရသည်။

ဒေါ်အောင်ဆန်းစုကြည်ကို တရားစွဲဆိုသည့် ကိစ္စနှင့်ပတ်သက်၍ NLD ဗဟို လူငယ် လုပ်ငန်းဖော်ဆောင်ရေး အဖွဲ့က ကြေညာချက် တစောင် ထုတ်ပြန်ခဲ့ရာ စစ်အစိုးရက တည်ဆဲဥပဒေနှင့် ညိစွန်းသည်ဟု ၎င်းအဖွဲ့ဝင် လူငယ်များနှင့် CEC တချို့ကိုခေါ်ယူ သတိပေးခဲ့သည်။

ဒေါ်အောင်ဆန်းစုကြည်သည် ၂၀၀၃ ခုနှစ် မေလတွင် ဖြစ်ပွားခဲ့သော ဒီပဲယင်းအကြမ်းဖက်တိုက်ခိုက်မှု အပြီးမှ စတင်၍ နေအိမ် အကျယ်ချုပ်ဖြင့် အထိန်းသိမ်းခံနေရသည့် ၆ နှစ်ပြည့်ခါနီး အချိန်တွင် တရားစွဲဆို ခံရပြီး အမှုရင်ဆိုင် နေရသည်။ ၁၉၈၉ ခုနှစ်မှစ၍ နေအိမ် အကျယ်ချုပ်ဘ၀ဖြင့် နေရချိန် စုစုပေါင်း ၁၃ နှစ် ကျော်ပြီ ဖြစ်သည်။

ဒေါ်အောင်ဆန်းစုကြည်ရဲ့ ရှေ့နေ ဖိအားပေးခံနေရ
11 June 2009
ဥပဒေကို ချိုးဖောက်တယ်လို့ စွပ်စွဲပြီး တရားစွဲဆိုခံနေရတဲ့ မြန်မာ့ဒီမိုကရေစီ
ခေါင်းဆောင် ဒေါ်အောင်ဆန်းစုကြည်အတွက် လိုက်ပါဆောင်ရွက်ပေးနေတဲ့ ဥပဒေ
အကျိုးဆောင်တွေအပေါ် အာဏာပိုင်တွေက ဖိအားပေးမှုတွေ ရှိလာနေတယ်လို့
ရှေ့နေတွေက ပြောပါတယ်။ ဒီလိုအခြေအနေတွေအောက်မှာ မြန်မာနိုင်ငံက
တရားဥပဒေ စိုးမိုးရေးနဲ့ ပတ်သက်လို့ သံသယတွေ ဖြစ်ရတယ်လို့ ဒေါ်အောင်ဆန်း
စုကြည်က ပြောလိုက်ပါတယ်။ ဒေါ်အောင်ဆန်းစုကြည်ကို တရားစွဲဆို ကြားနာနေတဲ့
တရားခွင်အခြေအနေတွေကို တောက်လျှောက် စောင့်ကြည့်နေတဲ့ ကိုအောင်လွင်ဦးက
တင်ပြပေးထားပါတယ်။

တရားစွဲဆို ကြားနာမှုတွေ လုပ်ဆောင်နေစဉ် ကာလအတွင်း ဥပဒေနဲ့မညီတဲ့ကိစ္စတွေ
ရှိနေတယ်လို့ ဒေါ်အောင်ဆန်းစုကြည်က ကန့်ကွက်ပြောဆိုနေချိန်မှာပဲ အခုနောက်ဆုံး
အမှုမှာ လိုက်ပါဆောင်ရွက်ပေးနေတဲ့ သူ့ရဲ့ရှေ့နေတွေအပေါ် ဖိအားပေးခံရတယ်ဆိုတဲ့
သတင်းတွေလည်း ထွက်ပေါ်လာတာပါ။ ဒေါ်အောင်ဆန်းစုကြည်ဘက်က ဥပဒေ
အကျိုးဆောင်ပေးနေတဲ့ ရှေ့နေတဦးဖြစ်သူ ဦးလှမျိုးမြင့်ရဲ့ ဇနီးသည်ဖြစ်သူဟာ
ဒီတပတ်ထဲမှာပဲ သူ့ရဲ့အလုပ်က ထုတ်ပစ်တာကို ခံလိုက်ရတာပါ။

ထုတ်ပယ်တဲ့အကြောင်းက ရှင်းရှင်းလင်းလင်း မရှိပေမယ့် အစောပိုင်းမှာ အာဏာပိုင်
တွေက ခင်ပွန်းသည် အမှုမှာ ဆောင်ရွက်နေတာတွေကို မေးတာမြန်းတာတွေ ရှိခဲ့တာ
မို့ ဒီကိစ္စက သူ့ရဲ့အမှုမှာ လိုက်ပါဆောင်ရွက်နေတာနဲ့ ဆိုင်လိမ့်မယ်လို့ ဒေါ်အောင်ဆန်း
စုကြည်က ယုံကြည်ထားသလို ဒါဟာလည်း တရားဥပဒေစိုးမိုးရေးနဲ့ ပတ်သက်လို့
မေးခွန်းထုတ်စရာ ဖြစ်ရတယ်လို့ ပြောလိုက်ပါတယ်။ ရန်ကုန် အင်းစိန်ထောင်ထဲမှာ
သူ့ရဲ့ ဥပဒေအကျိုးဆောင်တွေနဲ့ မနေ့တုန်းက တနာရီကျော်ကြာ တွေ့ဆုံချိန်မှာ အဲဒီလို
မှတ်ချက်ပေး ပြောဆိုလိုက်တာလို့ သူ့ရဲရှေ့နေတဦးဖြစ်တဲ့ ဦးဉာဏ်ဝင်းက
ပြောပါတယ်။

“သူက ဗဟိုသမ၀ါယမအသင်းမှာ အကြီးတန်းမန်နေဂျာ လုပ်တယ်။ နဂိုကတော့
သမ၀ါယမ ဦးစီးဌာနက ၀န်ထမ်းပေါ့။ အဲဒီက ပင်စင်ယူပြီး ဗဟိုသမအသင်းမှာ
ဆက်လုပ်တာပေါ့။ လွန်ခဲ့တဲ့ ၁၀ရက်လောက်ကစပြီး ဦးလှမျိုးမြင့် ဒီအမှုကို လိုက်ပါ
ဆောင်ရွက်တဲ့ကိစ္စတွေ သူ့ကို ဌာနက မေးတာတွေရှိတယ်။ အဲဒီနောက်ပိုင်း ၉ရက်နေ့
ကြတော့ ဘာအကြောင်းပြချက်မှ မပေးဘဲနဲ့ အလုပ်ထုတ်လိုက်တယ်။ ဒါနဲ့ပတ်သက်ပြီး
ဒေါ်အောင်ဆန်းစုကြည်ပြောတဲ့ မှတ်ချက်ကလည်း ကိုလှမျိုးမြင့်က ပြောတယ်၊ ဒါ ကိစ္စ
မရှိဘူး၊ သူခံနိုင်ပါတယ်၊ ဘာမှအရေးမကြီးဘူးဆိုတော့ ဒေါ်စုကပြောတာ ဦးလှမျိုးမြင့်
အတွက် သူ မစဉ်းစားဘူး၊ သူစဉ်းစားတာက ဒီမှာ တရားဥပဒေစိုးမိုးရေးနဲ့ ပတ်သက်
ပြီးတော့ စဉ်းစားတာ။ ဒါဟာ တနည်းအားဖြင့် ဒေါ်အောင်ဆန်းစုကြည်ရဲ့ ရှေ့နေတွေ
အပေါ်မှာ ဖိအားပေးတဲ့သဘောပဲလို့ အဲဒီလို သဘောထားအမြင်ကို ပြောပါတယ်။”

ဒီလိုပဲ တရားဥပဒေနဲ့အညီ မဟုတ်တဲ့ ဆောင်ရွက်မှုတွေ ရှိနေတဲ့အတွက်
ဒေါ်အောင်ဆန်းစုကြည်ဘက်က ကန့်ကွက်တာတွေ အစောပိုင်းမှာကတည်းက ရှိခဲ့တာ
ပါ။ အခုနောက်ဆုံး ထပ်ပြီး စွပ်စွဲချက်အသစ်တွေနဲ့ အရေးယူဖို့ လုပ်လာချိန်ကစလို့
မူလက ပြစ်ဒဏ်တွေ ပျက်ပြယ်သွားတဲ့အကြောင်း အာဏာပိုင်တွေက ပြီးခဲ့တဲ့လကုန်
ပိုင်းမှာကတည်းက တရားဝင် အကြောင်းကြားထားတာပါ။ ဒါပေမဲ့လည်း မိတ်ဆွေ
တချို့က အိမ်မှုကိစ္စအတွက် သွားရောက်ဖို့ ကြိုးပမ်းတဲ့အခါ အထက်အမိန့်မရလို့ဆိုပြီး
အာဏာပိုင်တွေက တားမြစ်တာမျိုးတွေ ကြုံရတာမို့ ဒါဟာ ဥပဒေပြဋ္ဌာန်းချက်တွေနဲ့
ဆန့်ကျင်တဲ့လုပ်ရပ်အဖြစ် ဒေါ်အောင်ဆန်းစုကြည်က လက်မခံနိုင်ကြောင်းလည်း
ပြောထားတာပါ။

ဒီလိုပဲ အမှုမှာ ခုခံချေပဖို့ တရားခွင်မှာ သက်သေ ၄ယောက် တင်သွင်းဖို့ ကြိုးစား
ပေမယ့်လည်း အခုအချိန်အထိ ၂ယောက်သာ ခွင့်ပြုခဲ့တာဖြစ်ပြီး ကျန် ၂ယောက်
ဖြစ်တဲ့ အန်န်အယ်လ်ဒီပါတီက ဒု-ဥက္ကဋ္ဌ ဦးတင်ဦး၊ အတွင်းရေးမှူး ဦးဝင်းတင်တို့ကို
တော့ လက်မခံ ပယ်ချထားတာဟာ ဥပဒေနဲ့ မညီဘူးဆိုပြီး ဒေါ်အောင်ဆန်းစုကြည်
ဘက်က ပြောထားတာပါ။ ဒီအတွက် တရားရုံးချုပ်အထိ ဆက်ပြီး လျှောက်လဲသွားဖို့
ဒေါ်အောင်ဆန်းစုကြည် ကိုယ်တိုင်ကလည်း လိုလားနေပါတယ်။ ဒီလို ကျန်သက်သေ
၂ဦး တရားခွင်မှာ ထွက်ဆိုခွင့်ရဖို့အတွက်ကိုတော့ ဗဟိုတရားရုံးချုပ်ကို
ဒေါ်အောင်ဆန်းစုကြည်ရဲ့ ဥပဒေအကျိုးဆောင်တွေက ဒီကနေ့ပဲ စာတင်လိုက်ပြီလို့
ရှေ့နေ ဦးဉာဏ်ဝင်းက ပြောပါတယ်။

“တင်လိုက်ပါပြီ။ တရားရုံးချုပ်က ရက်ချိန်းလည်း ပေးလိုက်တယ်၊ လာမယ့် ၁၇ရက်နေ့
မှာ လက်ခံရေးအတွက် လျှောက်လဲချက် ပေးရမှာပါ။ သောကြာနေ့ကတော့ ကျနော်တို့
သွားရမယ်လေ။ ရုံးရှေ့ရောက်တော့မှ အစီအစဉ်သိရမှာ။”

ဒေါ်အောင်ဆန်းစုကြည်ရဲ့ ဥပဒေအကျိုးဆောင် ရှေ့နေတဦးဖြစ်တဲ့ ဦးဉာဏ်ဝင်း
ပြောပြသွားတာ ဖြစ်ပါတယ်။

အစောပိုင်း တရားရုံးအစီအစဉ်တွေအရ ဆိုရင်တော့ မနက်ဖြန် သောကြာနေ့ကြရင်
ရန်ကုန် အင်းစိန်ထောင်တွင်းမှာ ကြားနာနေတဲ့ တရားခွင်မှာ ရှေ့နေတွေ လျှောက်လဲ
ချက်တွေ တင်သွင်းဖို့ ယာယီအားဖြင့် သတ်မှတ်ထားပါတယ်။ ဒါပေမဲ့လည်း
ဒေါ်အောင်ဆန်းစုကြည်ဘက်က ခုခံပေးမယ့် သက်သေတွေ နောက်ထပ် တင်သွင်းခွင့်
ရဖို့ ကြိုးပမ်းမှုတွေ ရှိလာတာနဲ့အမျှ တရားခွင်အစီအစဉ်တွေ အပြောင်းအလဲ ရှိလာဖို့
လည်း မျှော်လင့်ရပါတယ်။

နေအိမ်ခြံဝင်းထဲကို အမေရိကန်နိုင်ငံသားတဦး တိတ်တဆိတ် ရေကူးဝင်ရောက်လာ
တာကို လက်ခံတာဟာ တားမြစ်ချက်ကို ဖောက်ဖျက်တာလို့ အာဏာပိုင်တွေဘက်က
စွပ်စွဲပြီး အခုလို တရားစွဲဆိုတာနဲ့ ရင်ဆိုင်နေရပေမဲ့လည်း ဒေါ်အောင်ဆန်းစုကြည်
ဘက်ကတော့ သူဟာ အပြစ်မရှိကြောင်း ရုံးတော်ကို ပြောထားတာပါ။ တကယ်တော့
နေအိမ်အကျယ်ချုပ် သက်တမ်းစေ့တော့မယ့်အချိန် အခုလို နောက်ထပ် အပြစ်ပေး
အရေးယူခံရမယ့် အခြေအနေမျိုး ကြုံလာရတာမို့ အခုအဖြစ်အပျက်နဲ့ ပတ်သက်လို့
ပြည်တွင်းပြည်ပက သံသယတွေ၊ ဝေဖန်မှုတွေလည်း အကြီးအကျယ် ထွက်ပေါ်ခဲ့
တာပါ။

ဒေါ်စုဘက်က သက်သေ ထပ်တိုးလက်ခံရေး တောင်းဆို
11 June 2009
မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ရုံးတင်တရားစွဲဆိုနေတဲ့
ကိစ္စမှာ နောက်ထပ် သက်သေထွက်ဆိုမယ့်သူ ၂ဦးကို ခွင့်ပြုဖို့ သူ့ရဲ့ရှေ့နေတွေက
တရားရုံးချုပ်မှာ ဒီကနေ့ ကြာသပတေးနေ့မှာ အယူခံလွှာတင် လျှောက်ထားမှာ
ဖြစ်ပါတယ်။

အမှုကိုစစ်ဆေးနေတဲ့ ခရိုင်တရားရုံးကနေ ထုချေသူတွေဘက်က တင်သွင်းတဲ့
သက်သေ ၄ဦးထဲက ၁ဦးကိုပဲ လက်ခံခဲ့ပြီး ကျန် ၃ဦးကို ပယ်ချခဲ့ပြီးတဲ့နောက် ရှေ့နေ
တွေက တိုင်းတရားရုံးကို အယူခံလွှာ တင်သွင်းခဲ့ပါတယ်။ တိုင်းတရားရုံးက ဒီကိစ္စကို
ကြားနာပြီးတဲ့နောက် ၃ဦးထဲက ၁ဦးကိုပဲ ပြန်ခွင့်ပြုခဲ့ပြီး ၂ဦးကို ပယ်ချထားတာကို
တော့ အတည်ပြုခဲ့ပါတယ်။

ဒီကိစ္စကို ဆက်ပြီး အယူခံလွှာတင်သွင်းဖို့ ဒေါ်အောင်ဆန်းစုကြည်က ညွှန်ကြားခဲ့တယ်
လို့ အမှုကို လိုက်ပါဆောင်ရွက်နေတဲ့ ရှေ့နေတဦးဖြစ်သူ ဦးဉာဏ်ဝင်းက ဗွီအိုအေကို
ဗုဒ္ဓဟူးနေ့က ပြောခဲ့ပါတယ်။ အင်းစိန်ထောင်ဝင်းထဲမှာ ထိန်းသိမ်းထားတဲ့ ဒေါ်စုနဲ့
တွေ့ဆုံခွင့်ရတဲ့အချိန်မှာ အခုလိုညွှန်ကြားခဲ့တာလို့ ဦးဉာဏ်ဝင်းက ပြောပါတယ်။

ခုခံသူတွေဘက်က တင်သွင်းခဲ့တဲ့ သက်သေတွေထဲမှာ ခုချိန်ထိ ပယ်ချခံထားရတဲ့
သက်သေ ၂ဦးကတော့ နေအိမ်အကျယ်ချုပ်ကျနေတဲ့ အန်န်အယ်လ်ဒီ အမျိုးသား
ဒီမိုကရေစီအဖွဲ့ချုပ် ဒုတိယဥက္ကဋ္ဌ ဦးတင်ဦးနဲ့ အတွင်းရေးမှူးအဖွဲ့ဝင် သတင်းစာ
ဆရာကြီး ဦးဝင်းတင်တို့ ဖြစ်ပါတယ်။ ပြန်ခွင့်ပြုခဲ့တဲ့ သက်သေကတော့ ဥပဒေပညာရှင်
ဒေါ်ခင်မိုးမိုးဖြစ်ပြီး နောက်ဥပဒေပညာရှင်တဦးဖြစ်တဲ့ ဦးကြည်ဝင်းကတော့ အစောပိုင်း
အမှုစစ်ဆေးချိန်တုန်းက သက်သေထွက်ဆိုခဲ့ပြီးပါပြီ။

မနက်ဖြန်ကျရင် အင်းစိန်ထောင်ဝင်းထဲက အထူးတရားရုံးမှာ အမှုကို ဆက်ပြီးစစ်ဆေး
ဖို့ ရှိပါတယ်။

ဒီအတောအတွင်းမှာပဲ အမှုကို လိုက်ပါဆောင်ရွက်နေတဲ့ ရှေ့နေတွေထဲက တဦးဖြစ်သူ
ဦးလှမျိုးမြင့်ရဲ့ မိသားစုကို ဖိအားပေးခံနေရတယ်ဆိုတဲ့ သတင်းတွေ ထွက်လာပါတယ်။
ဦးလှမျိုးမြင့်ရဲ့ ဇနီးဖြစ်သူဟာ အစိုးရ၀န်ထမ်းတဦးဖြစ်ပြီး ဒီသီတင်းပတ်မှာ အလုပ်က
ထုတ်ပစ်တာကို ခံခဲ့ရပါတယ်။ ဘာ့ကြောင့် အလုပ်ကနေ ထုတ်ပစ်တယ်ဆိုတာကို
ရှင်းရှင်းလင်းလင်း မသိရဘဲ ဒေါ်စုအမှုမှာ ခင်ပွန်းသည် လိုက်ပါဆောင်ရွက်နေတာကို
မေးမြန်းတာတွေတော့ ရှိခဲ့ပါတယ်။

ဒီအမှုကိစ္စနဲ့ပတ်သက်ပြီး မြန်မာစစ်အစိုးရက ဥပဒေအရ လုပ်ဆောင်တာဖြစ်တယ်လို့
ပြည်တွင်းပြည်ပမှာ ပြောဆိုနေပေမယ့် ဒေါ်အောင်ဆန်းစုကြည်ကတော့ နိုင်ငံရေး
ပယောဂနဲ့ လုပ်တာဖြစ်တယ်လို့ ပြောထားပါတယ်။

ဒေါ်စုကို ရုံးတင်တဲ့အတွက် မြန်မာမူဝါဒပြင်ရခက်
11 June 2009
မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည်အပေါ် မြန်မာ အစိုးရ ကနေ ပြင်းပြင်းထန်ထန် ကိုင်တွယ် လာတာကြောင့် မြန်မာနိုင်ငံ အပြောင်းအလဲအတွက် စစ်အစိုးရနဲ့ ထိစပ်ဆောင်ရွက်မယ့် အမေရိကန်ပြည်ထောင်စု စဉ်းစားချက် အပေါ်မှာ အဟန့်အတား ဖြစ်စေတယ်လို့ အရှေ့အာရှ နိုင်ငံခြားရေး ၀န်ကြီး အဖြစ် သမ္မတအိုဘားမား အဆိုပြုခံထားရသူက ပြောဆိုသွားပါတယ်။ ဒီအကြောင်း မစုမြတ်မွန်က တင်ဆက်ပါတယ်။

အမေရိကန်အစိုးရရဲ့ အာရှဆိုင်ရာ ထိပ်တန်း သံတမန်တဦးအဖြစ် Kurt Campbell ကို အရှေ့အာရှနဲ့ပစိဖိတ်ဆိုင်ရာ အမေရိကန် လက်ထောက် နိုင်ငံခြားရေး ၀န်ကြီးနေရာ သမ္မတအိုဘားမားက အဆိုပြုထားတာပါ။ မနေ့က အထက်လွှတ်တော် နိုင်ငံခြားရေး ကော်မတီ ကြားနာပွဲမှာ သူ့ရဲ့ အရှေ့အာရှဆိုင်ရာ နိုင်ငံခြားရေး သဘောထား စဉ်းစားချက်တွေကို အထက်လွှတ်တော် အမတ်တွေက မေးမြန်းကြရာမှာ Mr.Campbell က မြန်မာနိုင်ငံနဲ့ ပတ်သက်လို့လည်း ထည့်သွင်း ပြောသွားတာပါ။

မြန်မာနိုင်ငံနဲ့ ပတ်သက်လို့ အမေရိကန် ပြည်ထောင်စုရဲ့ သြဇာဟာ အထူးသဖြင့် လွန်ခဲ့တဲ့ ၁၀နှစ်ကျော်အတွင်း အတော်ကြီး အားနည်း ကျဆင်းသွားတယ်လို့ အထက်လွှတ်တော် အမတ်တွေကို Mr.Campbell က ပြောပါတယ်။ ဒါ့ကြောင့် အမေရိကန် ပြည်ထောင်စုရဲ့ စီးပွားရေးသမားတွေ အစိုးရ မဟုတ်တဲ့ အဖွဲ့အစည်းတွေ အစိုးရပိုင်း အဖွဲ့အစည်းတွေ အားလုံးဟာ အခြားနိုင်ငံတွေနဲ့ ယှဉ်ရင် မြန်မာနိုင်ငံမှာ လက်လွှတ် ဆုံးရှုံးမှုတွေ ရှိလာတယ်လို့ ပြောသွားပါတယ်။

ဒီအတွက် မြန်မာနိုင်ငံနဲ့ ပတ်သက်လို့ အမေရိကန် နိုင်ငံခြားရေး မူဝါဒကို အခု နိုင်ငံခြားရေး ၀န်ကြီး ကလင်တန် လက်ထက် ပြန်ပြီး ဆန်းစစ် သုံးသပ်မှုတွေ လုပ်နေတယ်လို့ ပြောပါတယ်။ မြန်မာအစိုးရနဲ့တိုက်ရိုက်ထိစပ်သွားဖို့ စဉ်းစားချက်ကို ပြောပါတယ်။

ဒါပေမဲ့လည်း အခု ဒေါ်အောင်ဆန်းစုကြည်ကို မြန်မာ အာဏာပိုင်တွေက တရားစွဲဆိုလိုက်တာကြောင့် ဒီစဉ်းစားချက်တွေကို အတန်ငယ် ထိခိုက်မှုရှိတယ်လို့ Mr.Campbell က အထက်လွှတ်တော် အမတ်တွေကို ရှင်းပြပါတယ်။ ဒါကြောင့် မြန်မာ အစိုးရအနေနဲ့ ဘာတွေ ဆက်လုပ်မယ်ဆိုတာနဲ့ ဒေါ်အောင်ဆန်းစုကြည်ရဲ့ တရားခွင်အခြေအနေကို နိုင်ငံခြားရေး ဌာနအနေနဲ့ စောင့်ကြည့်နေတယ်လို့ ပြောပါတယ်။ ဒီအခြေအနေတွေဟာ အခု အမေရိကန်ရဲ့ မူဝါဒ ပြန်လည် သုံးသပ်မှု အပေါ်မှာ အများကြီး သက်ရောက်လာလိမ့်မယ်လို့လည်း ရှင်းပြသွားပါတယ်။

Mr.Campbell ဟာ လက်ရှိ လက်ထောက် နိုင်ငံခြားရေး ၀န်ကြီး ခရစ်စတိုဖာဟီလ်း ရဲ့ နေရာအတွက် ရာထားခံရသူပါ။ အမေရိကန်ပြည်ထောင်စုရဲ့ အာရှနိုင်ငံများအရေးဆောင်ရွက်ရာမှာ အရေးကြီးတဲ့ သံတမန်နေရာဖြစ်ပါတယ်။

မြောက်ကိုရီယားကို အရေးယူမှု ပိုတင်းကျပ်မည်
11 June 2009
မြောက်ကိုရီးယားနိုင်ငံအပေါ် လက်နက် ပိတ်ပင်ရေး အပါအ၀င် ပြင်းထန်တဲ့ ပိတ်ဆို့ အရေးယူမှု အသစ်တွေ လုပ်ဖို့ ကုလသမဂ္ဂ လုံခြုံရေး ကောင်စီရဲ့ ဆုံးဖြတ်ချက် မူကြမ်းကို လုံခြုံရေး ကောင်စီရဲ့ အရေးပါတဲ့ နိုင်ငံပေါင်း ၇ နိုင်ငံက သဘောတူခဲ့ကြပါတယ်။ သတင်းထောက်တွေ ရရှိခဲ့တဲ့ ဒီ ဆုံးဖြတ်ချက် မူကြမ်းမှာ မြောက်ကိုရီးယား နိုင်ငံရဲ့ နျူကလီးယားနဲ့ တာဝေးပစ် ဒုံးကျည် စမ်းသပ်ပစ်လွှတ်မှုတွေဟာ လုံခြုံရေးကောင်စီရဲ့ ယခင် ဆုံးဖြတ်ချက်တွေကို ချိုးဖောက်တာကြောင့် ပြစ်တင်ရှုတ်ချထားပြီး၊ နောက်ထပ် ပိတ်ဆို့ အရေးယူမှုအသစ်တွေ လုပ်ဖို့ ဖော်ပြထားပါတယ်။ ဒီ ပိတ်ဆို့ အရေးယူမှု အသစ်တွေထဲမှာ မြောက်ကိုရီးယားနိုင်ငံကို လက်နက် ပိတ်ပင်တာကို တိုးချဲ့ဖို့၊ ဘဏ္ဍာရေး ပိတ်ဆို့မှု တွေ အားကောင်းလာအောင်လုပ်ဖို့ နဲ့ မြောက်ကိုးရီးယားနိုင်ငံရဲ့ ကုန်သင်္ဘောတွေကို တင်းတင်းကျပ်ကျပ် စစ်ဆေးတာ တွေ လုပ်ဖို့ကို နိုင်ငံတွေကို အားပေးထားတာတွေ ပါဝင်ပါတယ်။

ဒီလို ကုန်တင်ပို့မှု ကန့်သတ်ချက်နဲ့ ပတ်သက်ပြီးတော့ တရုတ်နိုင်ငံက ကန့်ကွက်ခဲ့ပါတယ်။ ဒီ ဆုံးဖြတ်ချက် မူကြမ်းကို လုံခြုံရေးကောင်စီရဲ့ အမြဲတမ်းအဖွဲ့ဝင် ၅ နိုင်ငံဖြစ်တဲ့ အမေရိကန်၊ ဗြိတိန်၊ ပြင်သစ်၊ တရုတ် နဲ့ ရုရှားတို့က တောင် ကိုရီးယား နဲ့ ဂျပန်နိုင်ငံတို့နဲအတူ ရေးဆွဲခဲ့တာ ဖြစ်ပါတယ်။ အခု ၇ နိုင်ငံက လုံခြုံရေး ကောင်စီ အဖွဲ့ဝင်နိုင်ငံ ၁၅ နိုင်ငံ စလုံး ဆွေးနွေးနိုင်အောင် ဒီဆုံးဖြတ်ချက် မူကြမ်းကို ဗုဒ္ဓဟူးနေ့မှာ တင်သွင်းခဲ့တာဖြစ်ပြီး၊ ဆုံးဖြတ်ချက်ကို ဒီ သီတင်းပတ် အကုန်မှာ မဲခွဲ ဆုံးဖြတ်ကြမှာ ဖြစ်ပါတယ်။ မြောက်ကိုရီးယားနိုင်ငံရဲ့ စမ်းသပ်မှုကို ဒီ ဆုံးဖြတ်ချက် မူကြမ်းက ပြင်းထန်ပြီး လက်ခံနိုင်လောက်တဲ့ တုံ့ပြန်မှုဖြစ်စေမှာ ဖြစ်တယ်လို့ ကုလသမဂ္ဂဆိုင်ရာ အမေရိကန်သံအမတ်ကြီး ဆူဇန် ရိုက်စ် က အစည်းအဝေးအပြီးမှာ ပြောကြားသွားပါတယ်။

နာဂစ် ထူထောင်ရေး စစ်အစိုးရ ပူးပေါင်းဆောင်ရွက်ဖို့ အာဆီယံနဲ့ အလှူရှင် နိုင်ငံတွေ တောင်းဆို
10 June 2009
နာဂစ်မုန်တိုင်းဒဏ် ခံရတဲ့ဒေသတွေ ပြန်လည်တည်ထောင်ဖို့ အကူအညီပေးရေးမှာ စစ်အစိုးရဘက်က ပူးပေါင်း ဆောင်ရွက်ပါ့မယ် ဆိုတဲ့ အာမခံချက်ပေးဖို့ အာဆီယံ အရှေ့တောင်အာရှ နိုင်ငံတွေက တိုက်တွန်းနေပါတယ်။ အရင်က နိုင်ငံခြားက အကူအညီပေးရေး အဖွဲ့ဝင်တွေကို ပြည်ဝင်ခွင့် ဗီဇာ ချက်ခြင်း မြန်မြန်ဆန်ဆန် ထုတ်ပေးတဲ့ စနစ်ကို မြန်မာစစ်အစိုးရဘက်က ဖျက်သိမ်းလိုက်ပါတယ်။ စစ်အစိုးရဘက်က ပြည်တွင်း နာဂစ်ထူထောင်ရေး အကူအညီပေးတဲ့ လုပ်ငန်းတွေအပေါ် ကန့်သတ်တာတွေ ရှိလာနိုင်တယ်ဆိုပြီး အလှူရှင်တွေနဲ့ ကယ်ဆယ်ရေးအဖွဲ့တွေဘက်က စိုးရိမ်မှု တွေလည်း ရှိနေပါတယ်။ ဘန်ကောက်မြို့ကနေ Daniel Schearf သတင်းပေးပို့ထားတာကို ကိုသိန်းထိုက်ဦးက တင်ပြ ပေးထားပါတယ်။

အရင် နာဂစ်မုန်တိုင်းဒဏ်ခံရတဲ့နေရာတွေမှာ နိုင်ငံတကာ အကူအညီတွေ ရအောင် ကြိုးစားပေးခဲ့တဲ့ အာဆီယံ။ ကုလသမဂ္ဂနဲ့ မြန်မာစစ်အစိုးရ ပူးပေါင်းထားတဲ့ သုံးပွင့်ဆိုင် ဗဟိုအဖွဲ့ Tripartite Core Goup ရဲ့အခန်းကဏ္ဍကို စစ်အစိုးရ ဘက်က ပယ်ဖျက်လာတာကို အာစီယံ ခေါင်းဆောင်တွေ ၀န်ခံပြောဆိုလာနေပါတယ်။

တချိန်တည်းမှာ ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကို တရားစွဲဆိုနေတဲ့ ကိစ္စကလည်း မြန်မာစစ်အစိုးရ အပေါ် အလှူရှင်နိုင်ငံတွေ မေတ္တာပျက်ရတဲ့အကြောင်းတခုဖြစ်နေတာကို အာစီယံ အတွင်းရေးမှူးချုပ် ဆူရင် ပစ်ဆူဝမ် ကိုယ်တိုင် ၀န်ခံပြောလာပါတယ်။

ဒီနေ့ ဗုဒ္ဓဟူးနေ့ ထိုင်းနိုင်ငံ ဘန်ကောက်မြို့မှာ နိုင်ငံတကာ အလှူရှင်နိုင်ငံတွေနဲ့ အာဆီယံ အရှေ့တောင်အာရှ နိုင်ငံတွေက ကိုယ်စားလှယ်တွေ တွေ့ဆုံ ဆွေးနွေးခဲ့ကြပါတယ်။ ကိုယ်စားလှယ် သုံးဆယ်လောက် တက်ရောက်တဲ့ အစည်းအဝေးမှာ မြန်မာနိုင်ငံ နာဂစ်မုန်တိုင်းဒဏ် ခံခဲ့ရတဲ့ ဒေသ ပြန်လည်ထူထောင်ရေး အကူအညီတွေ ပေးဖို့ ဆွေးနွေးခဲ့ကြတာပါ။

မြန်မာနိုင်ငံကို အကူအညီတွေ ထိထိရောက်ရောက် ပေးနိုင်ဖို့ ကိစ္စ စိုးရိမ်မိတယ်ဆိုပြီး အစည်းအဝေးအပြီး အာစီယံ အတွင်းရေးမှူးချုပ် ဆူရင် ပစ်ဆူဝမ်က သတင်းထောက်တွေကို ပြောခဲ့ပါတယ်။

“မြန်မာအစိုးရဘက်က တိတိကျကျ အကြောင်းပြန်တာ၊ နောက် အာမခံချက် ထပ်ပြီး ပေးတာမျိုးကို ကျွန်တော်တို့က ရအောင် ကြိုးစားနေပါတယ်။ ကျွန်တော်တို့ လိုချင်တာက ကျွန်တော်တို့ကို မြန်မာအစိုးရဘက်က အပြည့်အ၀ ထောက်ခံမှု ပေးမယ့်၊ သွားရောက် လုပ်ကိုင်နိုင်ခွင့် အပြည့်အ၀ ပေးမယ့်။ မြစ်ဝကျွန်းပေါ်ဒေသကို နိုင်ငံတကာ အကူအညီတွေ ပေးနိုင်အောင် အပြည့်အ၀ ပူးပေါင်းဆောင်ရွက်မယ့် အာမခံချက်မျိုးပါ။”

မြန်မာနိုင်ငံကို ပေးအပ်တဲ့ နာဂစ် မုန်တိုင်း ကယ်ဆယ်ရေး အကူအညီတွေကို ပထမ ခြောက်လအတွင်းမှာ ကောင်းကောင်းမွန်မွန် ပေးအပ်နိုင်ခဲ့တယ်လို့ ဆူရင်ပစ်ဆူဝမ်က ပြောပါတယ်။ ဒီလို ပေးနိုင်အောင် အာစီယံ၊ မြန်မာနဲ့ ကုလသမဂ္ဂ သုံးဖွဲ့ပေါင်း ကူညီရေး အဖွဲ့က ပူးပေါင်းဆောင်ရွက်ပြီး ဒီလို ပေးအပ်နိုင်အောင် ကမကထလုပ်ပေးခဲ့တယ်လို့ ပြောပါတယ်။ ဒါပေမဲ့ အရေးပေါ် အကူအညီပေးရေး အနေအထားကနေ ပြန်လည် တည်ထောင်ရေး စီမံချက်တွေ ချမှတ်တဲ့ အချိန် မြန်မာစစ်အစိုးရက နာဂစ်ကယ်ဆယ်ရေး သုံးပွင့်ဆိုင် ဗဟိုအဖွဲ့ Tripartite Core Goup ရဲ့ ပူးပေါင်း ဆောင်ရွက် နေတဲ့ အခန်းကဏ္ဍကို ဖယ်ရှား လိုက်တယ်လို့ အာစီယံအွင်းရေးမှူးချုပ် ဆူရင်ပစ်ဆူဝမ်က ပြောပါတယ်။ ဒါ့အပြင် နိုင်ငံခြား က အကူအညီပေးရေး အဖွဲ့ဝင်တွေ လာရောက်ကူညီရေး လုပ်ငန်းစဉ်တွေကို အရင်တုန်းကလို မြန်မြန်ဆန်ဆန် လုပ်မပေး တော့ဘဲ ကျန့်ကြာအောင် လုပ်လာခဲ့တယ်လို့ ပြောပါတယ်။

ဒါ့အပြင် မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို စစ်အစိုးရက ဖမ်းဆီး တရားစွဲဆိုနေတဲ့အတွက်လည်း နိုင်ငံတကာ အလှူရှင်တွေ မြန်မာနိုင်ငံအပေါ် စိတ်ပျက်တာတွေ ရှိနေတယ်လို့ ပြောပါတယ်။

“ဒီအချက်က သူတို့ဘက်က စိတ်အား ထက်ထက်သန်သန်နဲ့ ပါဝင်ကူညီချင်တဲ့ ဆန္ဒကို အနှောင့်အယှက်ဖြစ်စေတယ်ဆိုတာ အလှူရှင်တွေက ထုတ်ပြီး အသေအခြာ ပြောလာပါတယ်။ ကူညီရေးကိစ္စမှာ နှောင့်နှေးတာတွေ ရှိလာနိုင်တယ်လို့ ဆိုပါ တယ်။ အလှူငွေတွေကို ထိမ်းတာမျိုးတွေလည်း ဖြစ်နိုင်ပါတယ်။ ဒီကိစ္စကို အနာဂတ်မှာ ဆက်ပြီး အကူအညီပေးဖို့ ဆက်လုပ်ဖို့ ဆိုတဲ့ ကိစ္စနဲ့ ခွဲပြီး စဉ်းစားကြတာ မဟုတ်ပါဘူး။”

ဒါပေမဲ့လည်း အလှူရှင်တွေက ဒေါ်အောင်ဆန်းစုကြည် လွှတ်ပေးရေး ဆိုတဲ့ တောင်းဆိုချက်ကို နာဂစ်အကူအညီ ထပ်ပေး ရေးအတွက် ကြိုတင်သတ်မှတ်ချက် သဘောမျိုးတော့ ပြောတာ မရှိပါဘူးလို့ ဆူရင် ပစ်ဆူဝမ်က ပြောပါတယ်။

ရုံးတင် တရားစွဲဆိုခံနေရတဲ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ကို စစ်အစိုးရက နောက်ထပ် အကျဉ်းထောင် ထဲမှာ ငါးနှစ် ထောင်ချနိုင်တယ်ဆိုပြီး မျှော်လင့်ရပါတယ်။ မြန်မာစစ်အစိုးရဟာ ဒေါ်အောင်ဆန်းစုကြည်ကို ဆက်ပြီး ချုပ်နှောင်နိုင်ဖို့အတွက် ဒီလို အမှူဆင် တရားစွဲဆိုတာလို့လည်း အားလုံးက ကျယ်ကျယ်ပျံ့ပျံ့ လက်ခံထားပါတယ်။
အဖွဲ့ဝင်နိုင်ငံတွေကို ချဉ်းကပ်တဲ့အခါ ပျော့ပျော့ပြောင်းပြောင်းနဲ့ ချဉ်းကပ်နားချတဲ့ မူမျိုးကို ကျင့်သုံးခဲ့ပြီး ဒီ မဟာဗျူဟာကပဲ နာဂစ်မုန်တိုင်း ကယ်ဆယ်ရေးမှာ မြန်မာနိုင်ငံကို အကူအညီတွေ အောင်အောင်မြင်မြင် ပေးနိုင်အောင် လုပ်ပေးနိုင်ခဲ့တယ် လို့ အာဆီယံ အဖွဲ့က ပြောပါတယ်။

မြန်မာစစ်အစိုးရဟာ စောစောပိုင်း နာဂစ်မုန်တိုင်းတိုက်ပြီး သီတင်းပတ် အတော်ကြာအထိ နိုင်ငံတကာ အကူအညီ ပေးရေး အဖွဲ့တွေကို လက်မခံခဲ့ပါဘူး။ ဒါကြောင့်လည်း ကယ်ဆယ်ရေးလုပ်ငန်းတွေ နောက်ကျပြီး လူတွေ ပိုပြီး ဘေးအန္တရာယ် ကြုံခဲ့ ရတယ်ဆိုပြီး စစ်အစိုးရအပေါ် ဖေ၀န်ချက်တွေ ထွက်ပေါ်ခဲ့တာပါ။

အခုအချိန်အထိ ဧရာဝတီဖြစ်ဝကျွန်ပေါ်ဒေသတွက် အကူအညီ အမေရိကန် ဒေါ်လာ သန်းသုံးရာလောက် ပေးအပ်ခဲ့ပြီး ပါပြီ။ နောက်ထပ် လိုအပ်နေတဲ့ ပြန်လည်ထူထောင်ရေး အကူအညီ အမေရိကန် ဒေါ်လာ သန်း ၇၀၀ လောက်ကို ရဖို့ ကယ်ဆယ်ရေးအဖွဲ့တွေ ဆက်ပြီး ကြိုးစားနေကြပါတယ်။ ဒီ မုန်တိုင်းဘေးအန္တရာယ်ကြားမှာ လူ တသိန်းလေးသောင်း လောက် သေဆုံးပြီး နှစ်သန်းလောက်အထိ ဒုက္ခရောက်ခဲ့ကြတာလို့ ဆောင်းပါးရှင် Danief Schearf က ရေးသားထား တာပါ။

ယခုနှစ် မိုးစပါးစိုက်ပျိုးချိန်တွင် လယ်သမားများ အခက်တွေ့
Thursday, 11 June 2009 17:56 ဉာဏ်မောင်
E-mail Print
နာဂစ်မုန်တိုင်း တိုင်ခတ်ခံခဲ့ရသည့် လပွတ္တာမြို့နယ်အတွင်းရှိ လယ်သမားများမှာ ယခုနှစ်စပါး စိုက်ပျိုးရာသီတွင် စိုက်ပျိုးနိုင်ခြင်းမရှိဘဲ အခက်အခဲများ ကြုံနေရသည်။

ပြီးခဲ့သည့်နှစ် စပါးစိုက်ပျိုးချိန်တွင် မျိုးစပါး၊ ထွန်စက်များ ထုတ်ပေးခဲ့သော်လည်း စပါးထွက်နှုန်းမကောင်းသည့်အပြင် အရှုံးပေါ်ခဲ့ပြီး ယခုအခါ ပြန်လည်စိုက်ပျိုးရန် အရင်းအနှီး မရှိတော့သည့်အတွက်ကြောင့်ဖြစ်သည်။

“နည်းနည်း ငွေကြေးရှိတဲ့သူတွေက မနှစ်က ရှုံးပေမဲ့ ရှိတာလေးနဲ့လုပ်တာ၊ မရှိတဲ့သူကျတော့ ဘယ်လိုမှ မလုပ်နိုင်ဖြစ်နေပြီ၊ ဒီနှစ်မှာက ဒီဇယ်တို့၊ မျိုးစပါးတို့ အကူအညီပေးမဲ့သူကလဲ မရှိတော့ဘူး၊ စိုက်ပျိုးချိန်ရောက်ပေမဲ့ ဘာမှမရှိတော့ ဒီအတိုင်း ကြည့်နေရတယ်” ဟု ဒေသခံ လယ်သမားတဦးက ပြောသည်။

အာဏာပိုင်များက လယ်သမားများအတွက် အမတော်ကြေး ထုတ်ပေးသော်လည်း စပါးစိုက်ပျိုးရန် လုံလောက်မှုမရှိသည့်အတွက် စိုက်ပျိုးရန်မဖြစ်နိုင်ကြောင်း ၎င်းက ဆက်ပြောသည်။

“မနှစ်တုန်းက ချေးငွေကို အခုထိ တောင်းတာတော့ မရှိသေးဘူး၊ အမတော်ကြေးတော့ ထုတ်ပေးတယ်၊ ဒါပေမဲ့ ဘယ်လိုမှမလောက်ဘူး၊ စိုက်ပျိုးစရိတ်ကုန်ကျတာက တဧကအတွက်ဆို အနည်းဆုံး သိန်းကျော်ကုန်တာ” ဟု ပြောသည်။

ယမန်နှစ်က လပွတ္တာမြို့နယ်အတွင်း လယ်ထွန်ရန် ကျွဲ၊ နွားများ ထုတ်ပေးခဲ့သော်လည်း လုံလောက်မှုမရှိကြောင်းနှင့် လယ်ထွန်စက်များကိုလည်း ပြန်သိမ်းသွားကြောင်း ဒေသခံက ဆက်ပြောသည်။

“မနှစ်ကတုန်းက စက်မှုလယ်ယာက လာပြီးလုပ်ပေးတယ်၊ ဒီနှစ်ဘယ်သူမှမလာဘူး၊ စက်တွေက ပြန်သိမ်းသွားတာ၊ တချို့ ထားခဲ့တာတွေကတော့ ရှိတယ်၊ ပျက်တာနဲ့၊ ဒီဇယ်ခတောင်မရှိဆိုတဲ့ အခြေအနေ ရောက်နေတာ” ဟု ပြောသည်။

နာဂစ်မုန်တိုင်းပြီးနောက်ပိုင်း ဧရာဝတီမြစ်ဝကျွန်းပေါ်နှင့် အခြားမုန်းတိုင်းဒဏ်သင့်ဒေသများတွက် စိုက်ပျိုးရေးလုပ်ငန်းများ ပျက်စီးသွားပြီး စပါးအထွက်နှုန်းမကောင်းတော့သဖြင့် စပါးစိုက်ရန် ခက်ခဲသည့် အခြေအနေ ကြုံတွေ့နေလျှက်ရှိသည်။

ဒေါ်အောင်ဆန်းစုကြည် လွတ်မြောက်ရေးအတွက် ဓါတ်ပုံများ ဆက်တိုက်ဖြန့်ဝေ
Wednesday, 10 June 2009 16:42 ဖြိုးကြီး
ရန်ကုန်တိုင်း၊ ဒဂုံမြို့သစ်မြို့နယ်တွင် ဒေါ်အောင်ဆန်းစုကြည်ဓါတ်ပုံများကို လူစည်းကားရာ နေရာများနှင့် ရပ်ကွက်များအတွင်း လိုက်လံဖြန့်ဝေခြင်းများ ပြုလုပ်နေလျှက်ရှိသည်။

ဒဂုံမြို့သစ်မြို့နယ်၊ အမျိုးသားဒီမိုကရေစီအဖွဲ့ချုပ် အဖွဲ့ဝင်များက ဒေါ်အောင်ဆန်းစုကြည်ကို အာဏာပိုင်များဘက်မှ မတရား အမှုဆင်ဖမ်းဆီးထားခြင်းကို လူအများသိစေရန် ရည်ရွယ်ချက်ဖြင့် လွန်ခဲ့သည့်နှစ်ရက်ခန့်မှ စတင်ကာ လိုက်လံဖြန့်ဝေနေခြင်းဖြစ်သည်။

“အဓိကရည်ရွယ်ချက်က မတရား အကျယ်ချုပ်ချထားတဲ့အပြင် လွတ်ခါနီးမှာ ထပ်ပြီး မတရားအမှုဆင်တာကို ပြည်သူလူထုတွေ နားလည်သိရှိအောင်လို့ အခုလို လုပ်ရတာဖြစ်တယ်” ဟု ဒဂုံမြို့သစ်မြို့နယ်မှ အဖွဲ့ချုပ်ဝင်တဦးက ပြောသည်။

အဆိုပါ ဓါတ်ပုံများဖြန့်ဝေခြင်းကို ယနေ့နံနက် (၈) နာရီခန့်မှာ စတင်ကာ (၂၀) ရပ်ကွက်ဈေး၊ (၁၈/၁၉) ရပ်ကွက်များတွင် ပုံပေါင်း ၇၀၀ ခန့်ဖြန်ဝေလိုက်ပြီး လက်ခံရရှိသည့် ပြည်သူများအနေဖြင့် ဝမ်းမြောက်ဝမ်းသာဖြစ်နေသည်ဟု ၎င်းက ဆက်ပြောသည်။

“အားလုံးက လှိုက်လှိုက်လှဲလှဲ ယူကြတယ်၊ အမျိုးသမီးတဦးဆိုရင် ဒေါ်အောင်ဆန်းစုကြည်ပုံကိုရတော့ နမ်းပြီး ငိုတောင်ငိုတယ်၊ ကျနော်တို့ (၅၃၊ ၅၄၊ ၅၅) ရပ်ကွက်တွေဘက်မှာ ဝေပြီးပြီ၊ မြောက်ဒဂုံမှာလဲ ဝေပြီးပြီ” ဟု ပြောသည်။

အဆိုပါ ဓါတ်ပုံများကို လက်ခံရရှိသူ အိမ်ရှင်မတဦးကလည်း ယခုကဲ့သို့ ဒေါ်အောင်ဆန်းစုကြည် ဓါတ်ပုံကို ရရှိသည့်အတွက်ကြောင့် ဝမ်းသာမိကြောင်းနှင့် ဒေါ်အောင်ဆန်းစုကြည်အတွက် အမြဲတမ်း ဆုတောင်းပေးနေသည်ဟု ပြောသည်။

“ဈေးသွားရင်း ဓါတ်ပုံတွေဝေနေတယ်ဆိုတော့ ပြေးပြီးသွားယူတာ၊ တပုံရခဲ့တယ်၊ ကျမတို့က ဒေါ်အောင်ဆန်းစုကြည်ကို အပြင်မှာ မမြင်ဖူးတော့ ဓါတ်ပုံလေးရတော့ တော်တော်ကို ဝမ်းသာတယ်၊ အရင်တုန်းကလဲ ဒေါ်အောင်ဆန်းစုကြည်ကို မတရား ဖမ်းထားတယ်ဆိုတာတွေကို သတင်းတွေမှာကြားတယ်၊ အဲဒီကတည်းက လွတ်ဖို့ ဆုတောင်းပါတယ်၊ အခုလဲ ဆုတောင်းနေဦးမှာပါ” ဟု ပြောသည်။

ဒေါ်အောင်ဆန်းစုကြည်သည် ပြည်သူလူထုတရပ်လုံး၏ အစစ်အမှန် လူထုခေါင်းဆောင်ဖြစ်ပြီး သူမလွတ်မြောက်ရေးအတွက် ပြည်သူတွေအားလုံးမှာလဲ တာဝန်ရှိတဲ့အတွက် အားလုံး ဝိုင်းဝန်းကြိုးစားသင့်ကြောင်း အဆိုပါအိမ်ရှင်မက ဆက်လက်ပြောသည်။

ထို့အပြင် ပဲခူးတိုင်း၊ ဇီးကုန်းမြို့နယ်တွင်လည်း အဖွဲ့ချုပ်အဖွဲ့ဝင်များက ဒေါ်အောင်ဆန်းစုကြည် လွတ်မြောက်ရေးအတွက် ငြိမ်းချမ်းရေးသင်္ကေတ ဂျိုးငှက်ပုံပါ အင်္ကျီများဝတ်ဆင်ကာ လူစည်ကားသည့် နေရာများသို့ လှည့်လည်ခြင်းများ ပြုလုပ်ခဲ့သည်။

ပုဏ္ဍားကျွန်းမြို့ အဓိက ဆိပ်ခံတံတား မပြုပြင်ဘဲ ပစ်ပယ်ထားသဖြင့် ခရီးသွားပြည်သူများ ဒုက္ခရောက်

6/11/2009

ရခိုင်ပြည်နယ် ပုဏ္ဍားကျွန်းမြို့၏ အဓိက လူသွား လူလာ အများဆုံး ဖြစ်သည့် ဆိပ်ခံတံတားကို မပြုပြင်ဘဲ ပစ်ပယ်ထားသဖြင့် ခရီးသွားပြည်သူများမှာ အထူး ဒုက္ခရောက်နေကြသည်ဟု မြို့သစ်ရပ်ကွက်မှ ကျောင်းဆရာ တဦးက ပြောသည်။

“ကျွန်တော်တို့ မြို့က သင်္ဘောဆိပ်ဟာ မြောက်ဦးနဲ့ စစ်တွေ သင်္ဘောလမ်းကြောင်းနဲ့ ကျောက်တော်- စစ်တွေ သင်္ဘောလမ်းကြောင်းမှာ ရှိတဲ့အတွက် အထူး လူအသုံးများတဲ့ သင်္ဘောဆိပ်ကမ်း တခုဖြစ်ပါတယ်။ စစ်အစိုးရ အာဏာ ရလာ ကတည်းက မြို့ရဲ့ အဓိက အရေးကြီးဆုံး ဖြစ်တဲ့ သင်္ဘောဆိပ် တံတားကို မပြုပြင်ဘဲ ပစ်ပယ်ထားတဲ့ အတွက် ခရီးသွား ပြည်သူတွေ အထူး ဒုက္ခရောက်နေကြပါတယ်။”

ပုဏ္ဍားကျွန်းမြို့မှာ သင်္ဘောများ ၀င်ထွက်သွားလာရာ လမ်းဆုံတွင် တည်ရှိသည်သာမက ရခိုင်ပြည်နယ်၏ တန်ခိုးကြီး ဘုရားတဆူဖြစ်သော ဦးရာဇ်တောင် စေတီတော်လည်း တည်ရှိသဖြင့် အနယ်နယ် အရပ်ရပ်မှ လူများမှာ ရေကြောင်းလမ်းကို အသုံးပြုပြီး ဘုရားဖူး လာကြသည်ဟု သိရသည်။

“ဒီလောက် အသုံးများတဲ့ ဆိပ်ခံတံတားကို မပြုပြင်ဘဲ ပစ်ပယ်ထားတယ် ဆိုကတည်း နအဖ စစ်အစိုးရရဲ့ ရခိုင်ပြည်သူတွေ အပေါ် ထားရှိတဲ့ စေတနာ ဘာလဲ ဆိုတာကို မေးစရာ မလိုဘဲ သိရှိနိုင် ပါတယ်။ နအဖ စစ်အစိုးရက ဘာဘဲ လုပ်လုပ် သူ့တို့ အကျိုး အမြတ် မပါရင် ဘာမှမလုပ်ပါဘူး။ ရထားလမ်းကိုသာ ဖေါက်နိုင်တယ်။ တကယ် လူထုတွေ လိုအပ်နေတဲ့ ရခိုင်ပြည်နယ်ထဲက တံတား တွေ၊ စာသင်ကျောင်းတွေ၊ လူသွားလမ်းတွေကို ကျတော့ မလုပ်ပါဘူး။ အများပြည်သူတွေရှေ့မှာ ၀ါဒ ဖြန့်လို့ရတဲ့ဟာတွေကျတော့ သူတို့က လုပ်ပါတယ်” ဟု အဆိုပါ ကျောင်းဆရာက ပြောသည်။

အလားတူ စစ်တွေနှင့် ဘူးသီးတောင်အကြားတွင် တည်ရှိသည့် သင်္ဘောဆိပ်ခံ တံတားများနှင့် ရခိုင်ပြည်နယ် အတွင်းရှိ တခြား ဒေသအတွင်းရှိ တံတားများမှာ ကျိုးပျက်နေသော်လည်း မပြုပြင်ဘဲ ပစ်ပယ်ထားသဖြင့် ပြည်သူများမှာ ခရီးသွားလာရာ၌ အထူး ဒုက္ခတွေ့ လျက်ရှိသည်ဟု သိရှိရသည်။


ခြံစည်းရိုးကာရံမည့် စစ်သားများ စာသင်ကျောင်းများတွင် တည်းခိုနေသဖြင့် ကျောင်းသားများ စာမသင်ရ

6/11/2009

ခြံစည်းရိုး ကာရံမည့် စစ်သားများနှင့် လုံထိန်းများ တည်းခိုနေသဖြင့် မောင်တောမြို့နယ်မှ ကျောင်းတချို့တွင် ကျောင်းသားများ ကျောင်းမတက်ရဘဲ ဖြစ်နေကြောင်း သတင်းရရှိသည်။

ထိုအထဲတွင် မောင်တောမြို့ပေါ်ရှိ အောင်ဗလ ရပ်ကွက်မှ မူလတန်းကျောင်းလည်း ပါဝင်သည်ဟု အမည်မဖေါ်လိုသူ တဦးက ယခုကဲ့သို့ ပြောသည်။

“မူလတန်းပင်မ ကျောင်းဆောင်မှာ လုံထိန်းတွေ တည်းခို နေပါတယ်။ ဇွန်လကုန်မှ ရွှေ့မယ်လို့ သိရပါတယ်။ အဲသလို တည်းခိုနေစဉ်မှာ စစ်မြေပြင် အင်ဂျင်နီယာ တပ်ရင်း (ဘီအီး)က စစ်သား ၅၀ ခန့်ထပ်ရောက်လာတဲ့ အတွက် ဆရာမတွေ နေထိုင်နေတဲ့ အဆောင်တွေကိုပါ သူတို့အတွက် နေရာ ဖယ်ပေးလိုက်ရပါတယ်။ ကျောက်ဖြူက တာဝန်ကျနေတဲ့ ဆရာမမှာဆိုရင် ကလေးတွေ ရှိတဲ့အတွက် အတော့်ကို ဒုက္ခရောက်သွားရပါတယ်။”

ထိုသို့ နေထိုင်ခွင့်ကို အောင်ဗလ ရပ်ကွက် ဥက္ကဌ စီစဉ်ပေးသဖြင့် နေရာဖယ်ပေးလိုက်ရသူ ဆရာမနှင့် ရပ်ကွက် ရယက အကြားတွင် အကြီးအကျယ် စကားများခဲ့ရသည်ဟု အမည် မဖေါ်လိုသူ တဦးက ပြောသည်။

ရပ်ကွက်တွင်းမှ လူငယ် တဦးကလည်း “ အောင်ဗလ မူလတန်းကျောင်းကို ဇွန်လ ၁ ရက်နေ့က အဖွင့်ပြခဲ့ပါတယ်။ ခုချိန်ထိ ကျောင်းသားတွေကို စာမသင်နိုင်သေးပါဘူး။ စစ်သားနဲ့ လုံထ်ိန်းတွေ တည်းခိုနေတဲ့အတွက် ဖြစ်ပါတယ်” ဟု ပြောသည်။

တခြား မောင်တောမြို့နယ် မြောက်ပိုင်းနှင့် တောင်ပိုင်းရှိ ကျောင်းအများအပြားတွင် စစ်သားများနှင့် လုံထိန်းများက တည်းခိုနေကြသဖြင့် ကျောင်းအချို့ကို ပိတ်ထားရသည်ဟု သိရသည်။

င်္ကာပူ အာမခံ ကုမ္ပဏီ တခုမှ အင်ဂျင်နီယာ နှစ်ဦး ပြေးလမ်းချော် လေယာဉ်ကို လာရောက် စစ်ဆေး

6/11/2009

စစ်တွေတွင် ပြေးလမ်းချော်သွားသော လေယာဉ်ကို စစ်ဆေးရန် အတွက် စင်္ကာပူ အာမခံ ကုမ္ပဏီ တခုမှ အင်ဂျင်နီယာ (၂) ဦး စစ်တွေသို့ ဇွန်လ ၉ ရက်နေ့ က ရောက်ရှိလာခဲ့သည်။

အမည်မဖေါ်လိုသူ ၀န်ထမ်း တဦးက “ သူတို့က လေယာဉ်နဲ့ နံနက်က ရောက်လာတယ်။ စစ်ဆေးတယ်။ ပီးရင် ချက်ချင်း လေယာဉ်နဲ့ ရန်ကုန်ကိ်ု ပြန်သွားပါတယ်။ ဘာမှတော့ ထွေထွေထူးထူး ပြောမသွား ပါဘူး” ဟု ပြောသည်။

မြန်မာ့ စစ်အစိုးရ အရာရှိများမှ အဆိုပါ လေယာဉ် ပြေးလမ်း ချော်မူ အပေါ် လာရောက် စစ်ဆေးပြီး နောက်တရက်တွင် စင်္ကာပူ နိုင်ငံ အာမခံ ကုမ္ပဏီတခုမှ အရာရှိ နှစ်ဦး စစ်ဆေးရန် ထပ်မံရောက်ရှိလာခြင်း ဖြစ်သည်။

အဆိုပါ လေယာဉ်အား စင်္ကာပူ အာမခံ ကုမ္ပဏီတခုမှ လာရောက် စစ်ဆေးခြင်းနှင့် ပတ်သက်ပြီး အဆိုပါ လေယာဉ်အား အာမခံ ထားသလား (သို့မဟုတ်) ခရီးသည်များကို အာမခံ ထားသလား ဆိုသည်ကို သူအနေနှင့် မသဲကွဲကြောင်း အဆိုပါ ၀န်ထမ်းမှ ပြောသည်။

အဆိုပါ လမ်းချော်သွားသော လေယာဉ်မှာ XY-ADW FOKKER 28 ဖြစ်ပြီး ယခုအချိန်ထိ လမ်းချော်သွားသော နေရာတွင် တည်ရှိနေသည်ဟု သိရသည်။

ဇွန်လ ၆ ရက်နေ့ နံနက်က ရန်ကုန်မှ စစ်တွေသို့ ပျံသန်း လာသော အဆိုပါ မြန်မာ့လေကြောင်းပိုင် လေယာဉ်သည် စစ်တွေလေဆိပ်သို့ ဆင်းသက်စဉ် နံနက် ၈ နာရီ ၂၀ မိနစ်၌ ပြေးလမ်းချော်ပြီး ပြေးလမ်း၏ ညာဘက်သို့ ထိုးကျ သွားခဲ့သည်။

လေယာဉ်ပေါ်တွင် လေယာဉ်မှူးများ အပါအ၀င် လူပေါင်း ၆၈ ဦးပါဝင်ပြီး လူ (၅) ဦးခန့် ဒဏ်ရာ ရရှိခဲ့သည်။ ဒဏ်ရာ ရရှိသူများ အထဲတွင် တွဲဖက်လေယာဉ်မှူး ဦးစိုးရီနှင့် ခရီးသည် အမျိုးသမီးငယ် တဦးပါဝင်သည်။

အသည်းရောဂါ နဲ့ မြစ်ကြီးနား

မိုင်မြစ်ကြီးနား (ဘလော့ဂ်)

ဇွန် ၁၀၊ ၂၀၀၉
အသည်းရောဂါထဲမှာ စီပိုးလို့ခေါ်တဲ့ Hepatitis C ဟာ တော်တော်ဆိုးဝါးတယ်။ ဒီရောဂါနဲ့ သေသွားသူတွေ မနည်းတော့ဘူး၊ ကျနော်တို့ မြစ်ကြီးနားမြို့ထဲမှာတင် တဖြုတ်ဖြုတ်နဲ့ကြွေသွားခဲ့တဲ့ လူကြီးလူရွယ်တွေ မရေနိုင်တော့ဘူး။ ကျနော့် အမေလည်း ဒီရောဂါရှိနေတယ်၊ သူ့ရဲ့ အသိမိတ်ဆွေတွေထဲမှာလည်း စီပိုး ရှိသူတွေ အများကြီးပဲ။ ရွာထဲမှာ အသိထဲက သေသွားသူတွေရဲ့ သတင်းကြားရင် စီပိုး အသည်းရောဂါဟာ အဓိကတရားခံ ဖြစ်နေတာ သိရတယ်။ တနေ့ကလည်း သူငယ်ချင်းတယောက်ရဲ့ အကိုက စီပိုး ရှိနေတယ်ဆိုတာ ကြားရပြန်တယ်။ စီပိုးချည်းပဲ ကြားရလွန်းလို့ ကျနော်လည်း အလွန်အံ့သြမိ တွေးတောမိပါတယ်။
စီပိုးရောဂါက အဓိက သွေးကနေတဆင့်ကူးစက်တာလို့ သိရတယ်။ မသန့်ရှင်းတဲ့ ဆေးထိုးအပ်၊ သွားကုသတဲ့ ကိရိယာ၊ ရောဂါရှိသူရဲ့ အသုံးအဆောင် စသဖြင့် အဲဒီကနေ ကူးစက်နိုင်တယ်။ စီပိုးရောဂါရှိသူတွေရဲ့ လက္ခဏာတချို့ကတော့ အစားအသောက်ပျက်တယ်၊ လွယ်လွယ်နဲ့မောပန်းလာတယ်၊ အသားဝါ၊ အသားခြောက်ပြီးမည်းနေတာ၊ ၀မ်းဗိုက်နာလာတယ် စတာတွေဖြစ်တယ်။

ကျနော့်အမေလိုကျတော့လည်း ဘာလက္ခဏာမှ မပြဘူး၊ ဝေဒနာမရှိဘူး။ ရန်ကုန်ရောက်တုန်း ကျန်းမာရေးစစ်ကြည့်တဲ့အခါ သွေးကိုဖောက်စစ်တော့ စီပိုးရှိကြောင်း အဖြေထွက်တယ်။ အမေက အစတော့ မယုံဘူး၊ လန့်သွားတယ်။ ဒုတိယအကြိမ်စစ်တော့လည်း အဖြေကတူနေတော့ စီပိုးရှိမှန်း သိသွားတယ်။ သေချာပြန်စဉ်းစားကြည့်တော့ မြစ်ကြီးနားမှာတုန်းက သွားဆရာဝန်တယောက်စီမှာ အမေ မကြာခဏ သွားခြစ်လိုက်၊ အံသွားဖာလိုက်၊ လုပ်ခဲ့တာ အဲဒီကနေ ကူးစက်နိုင်တယ်လို့ ယူဆရတယ်။

အဲဒီခေတ်အခါတုန်းက သွားဆရာဝန်ရဲ့ ကိရိယာတန်ဆာပလာတွေဟာ လုံလောက်တဲ့ သန့်ရှင်းရေး၊ ပိုးသတ်ခြင်းတွေ မလုပ်ဘူးလို့ပဲ ထင်ရပါတယ်။ ထပ်တလဲလဲ အဲဒီ ကိရိယာတွေနဲ့ပဲ လူနာပေါင်းစုံမှာ သုံးစွဲခဲ့တော့ ရောဂါတွေ ကူးကုန်တော့တာပေ့ါ။ ဆရာဝန်ဆေးထိုးအပ်တွေကနေ တဆင့်ကူးတာလည်း ဖြစ်နိုင်သေးတယ်။

မှတ်မိသေးရဲ့လား၊ အရင်က ဆေးထိုးအပ်တွေက ဖန်ပြွန်နဲ့ ရောပြွတ်လိုပဲ၊ ရေပူပူထည့်ထားတဲ့ ဇလုံထဲမှာပဲ(ရေက မဆူပွက်နေဘူး၊ ဓာတ်ဗူးထဲက ရေပူ) နှစ်ခါသုံးခါလောက် ရေနဲ့စုတ်လိုက် မှုတ်ထုတ်လိုက်၊ ပြီးတော့ အပ်တချောင်းထဲနဲ့ပဲ လူနာတွေကို ဆေးထိုးပေးခဲ့တယ်။ ဆိုတော့ အဲဒီ ဆေးထိုးအပ်တွေကနေလည်း ကူးစက်နိုင်တယ်။ နောက်ပိုင်းမှ တခါသုံးဆေးထိုးအပ်တွေ မြန်မာပြည်မှာ စသုံးလာတော့တယ်။

စီပိုးရောဂါကို Interferon Alpha နဲ့ Ribavirin ခေါ်တဲ့ ဆေးနှစ်မျိုးတွဲနဲ့ ထိုးပြီး ကုသကြပါတယ်။ လူနာရဲ့ ရောဂါလက္ခဏာပေါ် မူတည်ပြီး ၆ လ ကနေ ၁ နှစ်အထိ ဆေးထိုးရပါတယ်။ ဆေးထိုးပြီး ရောဂါအပြီးပျောက်နိုင်တယ်ဆိုလည်း မဟုတ်ပါဘူး။ လူနာတဦးနဲ့တဦး ရောဂါအခြေအနေ မတူပါဘူး။ side effects ကလည်း တော်တော်ဆိုးဝါးပါတယ်။ မြန်မာပြည်မှာတော့ အသည်းအထူးကု ပါရဂူ ဒေါက်တာ ခင်မောင်ဝင်း(နာမည် မသေချာ) တယောက်တည်းရှိတယ်လို့ အရင်ကကြားဖူးတယ်။ နောက်ပိုင်းမှာ လူနာတချို့က စင်ကာပူ၊ ဘန်ကောက်တို့မှာ သွားရောက် ကုသကြပါတယ်။

ပြောချင်တာက စီပိုးရောဂါရှိနေသူတွေက များနေပြီ၊ စီပိုးနဲ့ သေသွားတဲ့လူလည်း များပြီ။ နောက်ပိုင်းလူတွေအတွက် စီပိုးရောဂါဖြစ်နှုံး ကျဆင်းသွားအောင်၊ ကြိုတင်ကာကွယ်အောင်၊ ဘာတွေ လုပ်ပေးနိုင်သလဲဆိုတာ စဉ်းစားကြည့်ရမယ်။

သေချာတာက မြန်မာပြည်မှာ ဘာသာပြန် ဆေးစာအုပ်တွေ၊ ဒေါက်တာ မောင်မောင်ညို သို့မဟုတ် အသည်းရောဂါ ပါရဂူ ဒေါက်တာ ခင်မောင်ဝင်း ရေးတဲ့ အသည်းရောဂါနဲ့ ပတ်သက်တဲ့ စာအုပ်တွေတော့ ရှိပါလိမ့်မယ်။ ဒါပေမဲ့ မြစ်ကြီးနားမှာ စာအုပ်ဝယ်ဖတ်သူတွေက နည်းနည်း၊ တချို့က စာဖတ်ဝါသနာ မပါဘူး၊ သက်ကြီးလူအိုတွေတချို့က စာမဖတ်တတ်ဘူး။ ပညာပေးမှုက ထိရောက်ဖို့ လိုလိမ့်မယ်။

ကျန်းမာရေးဌာနက အသည်းရောဂါသိကောင်းစရာ ပညာပေးစာစောင်တွေ ထုတ်သလား၊ ပြည်သူတွေလက်ထဲ ရောက်သလား၊ ရပ်ကွက်မှာဆင်းပြီး ပညာပေးဟောပြောမှုတွေ လုပ်သလား၊ အဲဒါတွေက တကယ်လိုအပ်ချက်တွေပါ။ မြန်မာပြည်က ဆရာဝန်တွေ အနေနဲ့လည်း ကိုယ့်ဆေးခန်းကို လူနာတွေ လာဖို့ချည်းပဲ မျှော်နေမဲ့အစား ဆရာဝန်အသင်းတွေဖွဲ့ပြီး လူထုကျန်းမာရေးအသိပေးပုံစံလို ရပ်ကွက်မှာ ပညာပေးရှင်းလင်းဟောကြားသင့်ပါတယ်။

ပြည်ပရောက် မြစ်ကြီးနားကဆရာဝန်တွေလည်း ကြုံကြိုက်လို့ ကိုယ့်ရွာကို ခဏဖြစ်ဖြစ် အလည်ပြန်ရောက်တဲ့အခါ မြို့ခံဆရာဝန်တွေနဲ့ ဆေးပညာနှီးနှောဖလှယ်ပွဲတို့၊ ရပ်ကွက်ကျန်းမာရေး ပညာပေး ဟောပြောပွဲတို့ လုပ်နိုင်ရင် အလွန်ကောင်းပါတယ်။

အရင်တုန်းက မသိလို့ နားမလည်လို့ မကြားဖူးလို့ ဖြစ်ရတာပါဆိုလည်း ထားလိုက်ပါတော့။
ဒီခေတ်ဒီအချိန်မှာတော့ မြစ်ကြီးနားကလည်း ကျန်နေလို့ မဖြစ်တော့ဘူး၊ မျက်စိပွင့်နားစွင့်နေဖို့လိုပြီ၊ ပြီးတော့ ကျန်းမာရေးက ပထမ အရေးကြီးတယ်။ ကျန်းမာမှ အခြားဟာ လုပ်နိုင်မယ်။ ပြည်သူတွေကို ပညာပေး၊ ဗဟုသုတပေးခြင်းဖြင့်သာ အဲဒီ စီပိုးရောဂါဆိုးကြီးကို ဆက်လက်မပျံ့ပွားအောင် ကာကွယ်လို့ရမှာပါ။



နရသီဝပ်ဒေသပလီဝတ်ကျောင်းအတွင်း အကြမ်းဖက်တိုက်ခိုက်ခံရ
Kaowao

ဇွန် ၁၀၊ ၂၀၀၉။

(ဇွန်-၈)။ ။ ထိုင်းနိုင်ငံတောင်ပိုင်းနရသီဝပ်ဒေသ အီတာရီရွာ ပလီဝတ်ကျောင်းတွင် ဇွန်လ (၈) ရက် ည ၈ နာရီခွဲ အချိန် အကြမ်းဖက်ပစ်ခတ်ခံရသဖြင့် လူ(၁၀) ဦးသေဆုံးပြီး (၁၃) ဦး ဒါဏ်ရာရရှိသွားခဲ့သည်ဟု ထိုင်းရဲတပ်ဖွဲ့မှ ကြေညာခဲ့သည်။

အဆိုပါအကြမ်းဖက်သမား (၅) ဦးသည် မောင်းပြန်ရိုင်ဖယ်
များကိုင်ဆောင်၍ ပလီအနောက်ဖက်တံခါးမှ ဝင်ကာ ဘုရားဝတ်ပြုနေသူများအား ဝှေ့ယမ်းပစ်ခတ်ခဲ့သဖြင့် လူ (၄) ဦး ပွဲချင်းပြီးသေဆုံးပြီး (၆) ဦးမှာ ဆေးရုံ၌ သေဆုံးသွား ခဲ့သည်။ ဒါဏ်ရာရသူများမှာ အခြေအနေဆိုးဝါးနေကြောင်း နာရသီဝပ်ရဲတပ်ဖွဲ့မှ ကြေညာခဲ့သည်။

ထိုင်းထောက်လှမ်းရေးများအနေနှင့် ၎င်းဒေသရှိ ဗုဒ္ဓဘာသာနှင့် မွတ်ဆလင်တို့ကြား ပဋိပက္ခ ဖြစ် ပွါးစေရန် အဓိက ထားလုပ်ဆောင်ခြင်း ဖြစ်သည်ဟု သုံးသပ်ထားသည်။ အဆိုပါဒေသတွင် ထိုင်းစစ်တပ် မှ တပ်ခွဲတစ်ခွဲထားရှိကာ စစ်ဆင်ရေးတစ်ရပ်အသွင် ဖြင့် ကိုင်တွယ်သွားမည်ဟု ထိုင်းစစ်တပ်မှ ဗိုလ်မှူးကြီး ပရီညာချာဒီလော့စ်က ပြောကြားခဲ့ သည်။

ထိုင်းနိုင်ငံတောင်ပိုင်းဆွန်ဂလားခရိုင်တွင် ယာလာ၊ ပတ္တာနီ၊ နရသီဝပ်ဟူ၍ ဒေသ(၃) ခုပိုင်းခြားသည်။ ၂၀၀၄ ခုနှစ် တိုင်းနှင့် မွတ်ဆလင်အဓိကရုဏ်း ဖြင့်ပွားရာ လူ (၃၅၀၀) ကျော်သေဆုံးကြောင်း ထိုင်းစစ်ဘက်မှ ကြေညာထားသည်။ ယင်းဖြစ်စဉ်တွင် မလေးရှား အစိုးရမှ နောက်ကွယ်တွင် ကြိုးကိုင်ထားသည်ဟု ထိုင်းအာဏာပိုင်များမှ စွပ်စွဲပြောဆိုထားသည်။ ထိုင်းအစိုးရ၏ စွပ်စွဲချက်ကို မလေးရှားနိုင်ငံအာဏာပိုင်များက အခြေအမြစ်မရှိသော စွပ်စွဲချက်ဟုဆိုကာ ငြင်းပယ်ထားကြောင်း သိရပါသည်။



မြန်မာအလုပ်သမားနိုင်ငံကူးလက်မှတ်ကိစ္စ စစ်အစိုးရဖက်ကပြင်ဆင်မှုမရှိသေး
Kaowao

ဇွန် ၁၀၊ ၂၀၀၉။

မဲဆောက်(ဇွန်-၁၀)။ ။ မြန်မာရွှေပြောင်းအလုပ်သမားများအတွက် စစ်အစိုးရက တရားဝင်နိုင်ငံကူးလက်မှတ် ထုတ်ပေးရန် ညွှန်ကြားချက်များ မရရှိသေးးကြောင်း မဲဆောက်မြို့မှ အမည်မဖေါ်လိုသော မြန်မာလဝက အရာရှိ တစ်ဦးနှင့် ဆက်သွယ်မေးမြန်းချက်အရ သိရသည်။

ပြည်တွင်းတွင်ထုတ်ဝေနေသော Weekly Eleven News စာစောင်၏ ယနေ့ နေ့စွဲပါ စာစောင်၏ ဖေါ်ပြချက်တွင် “ထိုင်းနိုင်ငံရှိ မြန်မာရွှေ့ပြောင်းလုပ်သားများ အလုပ်သမား မှတ်ပုံတင်ထားပြီးပါက တရားဝင်လုပ်သားအခွင့်အရေး များအပြင် အလုပ်လုပ်ကိုင်ခွင့်နှင့် နေထိုင်ခွင့်သက်တန်း လေးနှစ်ရှိရရှိမည်” ခေါင်းစဉ်ဖြင့် သတင်းတစ်ပုဒ် ဖေါ်ပြ ပါရှိလာပါသည်။

ထိုသတင်း၌ “မြန်မာ-ထိုင်းနယ်စပ် မြန်မာ နိုင်ငံဘက်ခြမ်းတွင် တာချီလိတ်၊ မြ၀တီနှင့် ကော့သောင်းမြို့များ၌ မြန်မာနိုင်ငံကူးလက်မှတ်ယာယီထုတ် ပေးရေးစခန်းများကို မြန်မာနိုင်ငံမှ ဖွင့်လှစ်ထားပြီး နေ့စဉ်မြန်မာနိုင်ငံ ကူးယာယီလက်မှတ် ၂၀၀ ခန့်ကို ပုံမှန်ထုတ်ပေးလျက်ရှိပြီးလိုအပ်ပါက ပိုမိုထုတ်ပေးနိုင်ရန် ညှိနှိုင်းဆောင်ရွက် ထားကြောင်းလည်း သိရပါသည်”ဟု ဖေါ်ပြပါရှိသည်။

ယင်းသတင်းဖေါ်ပြချက်နှင့် ပတ်သက်၍ အဆိုပါမြန်မာလဝက၏ အမြင်ကိုမေးမြန်းကြည့်ရာ “လက်ရှိစစ်အစိုးရက မြန်မာရွှေ့ပြောင်းအလုပ်သမားကိစ္စကို ထိုင်းအစိုးနဲ့ သဘောတူညီမှုတွေ လုပ်ခဲ့ကြပေမဲ့ အချိန်ဆွဲထားတာက ဒီကိစ္စကို အချို့ထိပ်ပိုင်းခေါင်းဆောင်တွေ လက်မခံလို့လည်း ဖြစ်နိုင်ပါတယ်၊ စာစောင်မှာ အခုလိုသတင်းထွက်လာ တာကိုတော့ ကျနော်တို့လည်း နားမလည်နိုင်ပါဘူး” ဟု ပြောဆိုခဲ့သည်။

လွန်ခဲ့သည့် ဇွန်လ ၂ ရက်နေ့တွင် ထိုင်းအလုပ်သမားရေးဝန်ကြီး ပိုင်ထုန် ကယောက်တွန်က ထိုင်းနိုင်ငံရှိ တရား မ၀င် နိုင်ငံခြားသား အလုပ်သမားများ တရားဝင်အလုပ်သမား မှတ်ပုံတင်နိုင်ရန် နောက်ဆုံးအခွင့်အရေးအနေဖြင့် ထိုင်းအစိုးရက စီစဉ်နေပြီး အလုပ်လုပ်ကိုင်ခွင့်လက်မှတ်နှင့်အတူ ယာယီနိုင်ငံကူးလက်မှတ်ကိုပါ ထုတ်ပေးနိုင်ရန် ကြိုးစားနေကြောင်း၊ ထိုင်းနိုင်ငံတွင် မှတ်ပုံတင်ထားသည့် နိုင်ငံခြားသားအလုပ်သမား အရေအတွက်မှာ (၄) သိန်း
မှ (၅) သိန်းအကြားရှိပြီး မှတ်ပုံမတင်ထားသည့် တရားမ၀င်အလုပ်သမားများ (၄) သိန်း ရှိကြောင်း၊ ဤထိုင်း ကက်ဘိနက်က အတည်ပြုပြီးနောက် ပြည်ထဲရေးဝန်ကြီးဌာနက ထုတ်ပြန်ကြေညာပါက နိုင်ငံခြားအလုပ်သမား များသည် (၁) လအတွင်း မှတ်ပုံတင်ကြရမည်ဖြစ်သည်ဟု အလုပ်သမားရေးဝန်ကြီးက သတင်းထောက်များအား ပြောကြားခဲ့သည်။

ထို့ကြောင့် မြန်မာရွှေ့ပြောင်းအလုပ်သမားများ နိုင်ငံကူးလက်မှတ်လုပ်ရန်မှာ ယခုအချိန်၌ နှစ်ဖက်နိုင်ငံစလုံးမှာ အဆင်သင့် မဖြစ်သေးသည့် အခြေအနေတွင် ရှိနေသည်။

Weekly Eleven News စာစောင်၏ အဆိုပါသတင်း၌ “ယာယီ မြန်မာနိုင်ငံကူးလက် မှတ်ကိုင်ဆောင်ထားသည့် မြန်မာ ရွှေ့ပြောင်းလုပ်သားများကိုထပ်မံစိစစ် ၍ဗီဇာထုတ်ပေးခြင်း၊ ကျန်းမာရေး စစ်ဆေးခြင်းနှင့် အလုပ်ရှင် ကိုယ်စားလှယ်များပါဝင်သည့် ညှိနှိုင်းအဖွဲ့ဖြင့် အလုပ်သမားမှတ်ပုံတင် ပေးခြင်းများကို ဆောင်ရွက်ရန် ထိုင်း-
မြန်မာ နယ်စပ် ထိုင်းနိုင်ငံဘက်ခြမ်းရှိ မယ်ဆိုင်၊ မဲဆောက်၊ ရနောင်းမြို့များ၌ ဆက်ဆံရေးရုံးများကို ဖွင့်လှစ်ထား ကြောင်းလည်း သိရသည်” ဟု ဆက်လက်ဖေါ်ပြထားရာ မဲဆောက်မြို့တွင် ထိုင်းတို့က ထိုရုံးများလောလောဆယ် တွင်ဖွင့် လှစ်ထားခြင်းမရှိသေးဟု စုံစမ်းသိရသည်။

ထိုင်းနိုင်ငံရှိ မြန်မာရွှေ့ပြောင်းအလုပ်သမား အများစုမှာ မြန်မာစစ်အစိုးရ ထုတ်ပေးမည်ဆိုသည့် ယာယီနိုင်ငံကူး လက်မှတ်ကိစ္စကို အခွင့်အလမ်းတစ်ရပ်အနေဖြင့် အလွန်စိတ်ဝင်စားနေကြသည်။ ယင်းလက်မှတ်ကို ရရှိနိုင်ရန် မည်မျှငွေကြေးစိုက်ထုတ်ရပြီး မည်သည့် အချက်အလက်၊ စာရွက်စာတမ်း အထောက်အထားများ လိုအပ်သည်ကို လိုက်လံစုံစမ်း နေကြသော်လည်း မည်သူတစ်ဦးတစ်ယောက်မျှ အတိအကျ မပြောပြနိုင်သေးပေ။

ငွေမပေးနိုင်၍ ရွာသားများ ထွက်ပြေးတိမ်းရှောင်နေရ
Thu 11 Jun 2009, မင်းအာသံ
ယနေ့အချိန်အထိ တပ်ရင်း-၃ ကျေးရွာပြည်သူများက ရွာအပြင်မထွက်ရဲသည့်အပြင် တောင်ပေါ်တွင် ဟင်းသီဟင်းရွက်၊ စပါး၊ ရာဘာနှင့် မျှစ် စသည့်ဖြင့် အသက်မွေးဝမ်းကျောင်းပြုနေသော ရွာသားတချို့သည် အလုပ်လက်မဲ့ဖြစ်နေသောကြောင့် ရွာထဲတွင်သာ ရှာစားနေရကြောင်း ဒေသခံတစ်ဦးက ပြောသည်။

“အခုလိုဖြစ်နေတော့ ကျနော်တို့လို တစ်ရက်လုပ် တစ်ရက်စားနေတဲ့လူတွေကို သူတို့က တစ်အိမ်ကို ဘတ် (၂၀၀၀) တောင်းတော့ ဘယ်လိုပေးနိုင်မှာလဲ၊ ခါတိုင်းဆို ကျနော်တို့က တောင်ပေါ်မှာ မျှစ်ရှာပြီး သုံးဆူမှာ သွားရောင်းရတယ်၊ ဒီအချိန်နဲ့ဆိုရင် သွားရင် ပြန်ပေးဆွဲလဲ ကြောက်ရတယ်” ဟု အလုပ်သမား နှင့်နီးစပ်သော သူတစ်ဦးက ပြောသည်။

နိုင်ခင်မောင်ဦးစီးသော ရာမည တပ်သည် တပ်ရင်း-၃ ကျေးရွာတွင် ငွေတောင်းခံခြင်းကြောင့် မပေးနိုင်သော အိမ်များကိုလည်း ၄င်းတို့၏တပ်မှတဆင့် မရမက လာပြန်တောင်းမည်ဟု ခြိမ်းခြောက်ထား၍ ရွာသားတချို့ တခြားနေရာသို့ တိမ်းရှောင်နေရသည်ဟု ဒေသခံတစ်ဦးက ပြောသည်။

“အခုကျနော်အိမ်မှာ ဘတ် (၂၀၀၀) ပေးရတယ်၊ လောလောဆယ်တော့ အိမ် (၂၅) အိမ်လောက် ပေးထားတယ်၊ မပေးနိုင်တဲ့အိမ်က ရွာကနေ တိမ်းရှောင်နေရတယ်၊ တချို့က အိမ်ရောင်းဖို့တောင် ပြောထားသေးတယ်” ဟု ၄င်းက ဆက်ပြောသည်။

ရာမည တပ်မှ တပ်ရင်း-၃ ကျေးရွာတွင် ငွေတောင်းခံခြင်းနှင့်ပတ်သက်၍ လွန်ခဲ့သော (၈-၆-၂၀၀၉) ရက်နေ့ မနက် (၈) နာရီအချိန်တွင် သူကြီးမှ ရွာသား အယောက် (၃၀)ကို ရွာလူကြီးက အစည်းအဝေး ခေါ်ခဲ့သည်ဟု ရွာသူကြီးနှင့်နီးစပ်သော သူတစ်ဦးက ပြောသည်။

ငွေကြေးရှိသောရွာသားများမှာ တစ်အိမ်လျှင် ဘတ် ၂၀၀၀ ပေးရပြီး၊ အနည်းငယ်သာတတ်နိုင်သော ရွာသားများမှ ဘတ် ၁၀၀၀ ပေးရမည်ဟု အစည်းအဝေးတွင် ရွာလူကြီးမှ ပြောခဲ့သည်။

“ကျနော်တို့က အလွန်ကြောက်ပြီး သူများအိမ်ကပိုက်ဆံကို (၅) ဘတ် အတိုးနဲ့ချေးပြီး ပေးလိုက်ရတယ်၊ မွန်ပြည်သစ်ပါတီကလည်း မပေးဖို့တားဆီးတယ် ဒါပေမယ့် အခုလောလောဆယ် ရွာထဲမှာ စစ်သား (၅) ဦး လောက်ပဲရှိတယ်၊ မပေးနိုင်တဲ့အိမ်ဆိုရင် နောက်မှပြန်ပေးရမယ်” ဟု ရွာခံတစ်ဦးက ပြောသည်။

နိုင်ခင်မောင်တို့အဖွဲ့သည် ၄င်းကျေးရွာတွင် တောင်းထားသည့်ငွေလာယူမည်ဟု စာတစ်စောင်ပေးထား သော်လည်း ယနေ့ချိန်အထိ လာမယူရသေးပေ။

အသွင်ပြောင်းရေး ကော်မတီဥက္ကဌ တာဝေးပြေးနေချိန် တောင်ပိုင်း ၀ နှင့် ဆက်ဆံရေးပိုမိုတင်းမာလာ
ကြာသပတေးနေ့၊ 11 ဇွန်လ 2009 သျှမ်းသံတော်ဆင့်
E-mail Print



အပစ်ရပ်အဖွဲ့များ နယ်ခြားစောင့်တပ် အသွင်ပြောင်ရေး လုပ်ငန်းကော်မတီ ဥက္ကဌ ဗိုလ်ချုပ်ရဲမြင့် သျှမ်းပြည်မြောက်ပိုင်း/ အရှေ့ပိုင်း စည်းရုံးရေး၌ သဲထဲရေသွန်ဖြစ်နေချိန်တွင် တောင်ပိုင်း ၀ နှင့် စစ်အစိုးရတပ်အကြား ဆက်ဆံရေးပိုမိုတင်းမာ လာကြောင်း နယ်စပ်သတင်းရပ်ကွက်ကဆိုသည်။

မေ ၃၁ ရက် မိုင်းဆတ်မြို့အရှေ့ဘက် လွယ်ဆမ်ဆုမ် တောင်ကြောတွင် နအဖ စစ်အစိုးရ လမ်းကင်းတဲ စောင့်တပ်ဖွဲ့ နှင့် ၀ တပ်ဖွဲ့အခြေ အတင်စကားများပြီး ပစ်ခတ်လုနီးနီး ပြဿနာဖြစ်ပွားခဲ့သည့်နောက်ပိုင်း ရှေ့တန်းအခြေစိုက် နအဖ တပ် စခန်း နှင့် ၀ တပ် အကြား ဆက်ဆံရေး ပိုမိုတင်းမာလာကြောင်း ၀ တပ်မှူး /နအဖ တပ်မှူးများနှင့် ရင်းနှီးသည့်ဆို့စ်က ဤကဲ့သို့ ပြောပြပါသည်။
[ပန်ဆန်းဌာနချုပ်၌ စစ်ရေးသွားပြသောတောင်ပိုင်း ၀ တပ်ဖွဲ့]

ပန်ဆန်းဌာနချုပ်၌ စစ်ရေးသွားပြသောတောင်ပိုင်း ၀ တပ်ဖွဲ့

“လတ်တလောနိုင်ငံရေးအခြေအနေကြောင့် နှစ်ဘက်တပ်မှူးတွေကလဲ အနာဂတ်စစ်ရေး အခြေအနေခန့်မှန်းလို့မရဘူးတဲ့၊ လေ့လာသူတွေသာ ဒီနှစ်ထဲ စစ်မဖြစ်နိုင်ဘူးပြောနေကြတာ၊ အခု ၀ က နအဖစစ်တပ်နားဖြတ်သန်းမှာဘဲဖြစ်ဖြစ်၊ နအဖ စစ်တပ်က ၀ တပ်စခန်းနားဖြတ်သန်းမှာဘဲဖြစ်ဖြစ် အကြောင်းကြိုကြားထားရတယ်” ဟု ဆို၏။

တောင်ပိုင်း ၀ ဒေသနှင့် နအဖ အခြေစိုက် စစ်စခန်းများ နယ်မြေများသည် တိကျသောနယ်ခြားမျဉ်းမရှိ၊ ကြိုကြားစခန်းများ (တာချီလိတ်မြို့နယ် အနောက်ဘက်မှ ထိုင်းနယ်စပ်တလျှောက် တောင်ဘက်ပိုင်း ဟိုမိန်းမြို့နယ်ခွဲအထိ နအဖတပ်စခန်း၊ သျှမ်းတပ်မတော်တောင်ပိုင်းဌာနချုပ်နှင့် တပ်စခန်း၊ WNO /WNA ၀ အမျိုးသားတပ်မတော်ဌာနချုပ်နှင့်စခန်း၊ UWSA ၀ သွေးစည်းရေးတပ်မတော်အခြေစိုက်တပ်စခန်းများ ကြိုကြား) ချသောကြောင့် မငြိမ်သက်သော စစ်ရေးအခြေအနေကြောင့် လွတ်လပ်စွာသွားလာလှုပ်ရှားရေး ပိုမိုခက်ခဲစေကြောင်း ဆို၏။
[ရှေ့တန်းထွက်ဗမာ့တပ်မတော် ]

ရှေ့တန်းထွက်ဗမာ့တပ်မတော်

“အဓိကရောထွေးနေတဲ့နယ်မြေတွေဖြစ်တဲ့ မိုင်းဆတ်မြို့အရှေ့ဘက် လွယ်ဆမ်ဆုမ် တောင်ကြောကနေ မိုင်းတုမ်း မိုင်းကုတ် (မိုင်းခုတ်)အထိ၊ တောင်ဘက်ပိုင်းဆိုရင် ပြင်းဆာ၊ ပြင်းခမ်း၊ ပါကယ်၊ မက်ခေကျေးရွာတွေကနေထိုင်းနယ်စပ် တလျှောက်လုံး ဘဲ၊ ဗမာစစ်တပ်ဘက်က သတိထားသွားလာသလို ၀ တွေဘက်ကလည်း ဈေးတောင်ဆင်းမ၀ယ်တော့ဘူး” - ဟု ဒေသခံတ ဦးက လည်းဆိုပါသည်။

တင်းမာလာသည့်အနေအထားကြောင့် စစ်အစိုးရဘက်က ဒေသခံများအား မျက်စိစွန့် နားစွန့် သွားလာရန်သတိပေးထား သကဲ့သို့ ၀ တပ်ဘက်ကလည်း အိမ်တိုင်းဗုံးကျင်းများတူးထားရန်၊ စားနပ်ရိက္ခာအပြင် တန်ဖိုးကြီးပစ္စည်းများ၊ ၀န်လေး ပစ္စည်း များ စိတ်ချသည့်နေရာသို့ပြောင်းရွှေ့ထားရန် သတိပေးထားမှုရှိကြောင်း၊ ၀ နှင့်နအဖကြား အခြေအနေ မကောင်း သည့်ကြား တြိဂံတိုင်း ဒုတိုင်းမှူး ဗိုလ်မှူးချုပ်ဝေလင်းက မိုင်းဆတ် မိုင်းတုံသို့ ဂျွန်လဆန်းပိုင်းက ခရီးထွက်စဉ် ၀ တပ်ဖွဲ့ ဆက်ဆံရေးနှင့် မပြေလည်သောကြောင့် ဒေါသထွက်ကာ မိုင်းတုံမြို့နယ် ပုံပါကျင်အခြေချ စစ်ဗျူဟာမှူးအား “ခင်ဗျားတို့ ၀ တွေကို ရှင်းချင်ရင်ရှင်းပစ်လိုက်တော့” ဟု ပြောသောကြောင့် အောက်ခြေတပ်ဖွဲ့အချင်းချင်း ဆက်ဆံရေး ပိုမိုအေးကျဲလာ စေကြောင်း ပုံပါကျင်ဒေသ ခံတဦး၏ ပြောပြချက်အရသိရပါသည်။

ဒေါ်အောင်ဆန်းစုကြည်လွတ်မြောက်ရေး အတွက် မြန်မာသံရုံးရှေ့တွင် ထပ်မံ ဆန္ဒပြ

နွယ်လေး။
ဇွန်လ ၁၁ ရက်၊ ၂၀၀၉ ခုနှစ်။

မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်အား မြန်မာစစ်အစိုးရက အမိန့်ချမည့် ဇွန်လ (၁၂)ရက် နေ့ကို ကမ္ဘာနိုင်ငံအသီးသီး သိရှိရန် ထိုင်းနိုင်ငံ ဘန်ကောက်ရှိ မြန်မာသံရုံး ရှေ့တွင် မြန်မာဒီမိုကရက်တစ်ကွန် ယက် က ဦးဆောင်ပြီး ယနေ့ တောင်းဆို ဆန္ဒပြကြသည်။

မြန်မာဒီမိုကရက်တစ်ကွန်ယက် ဦးဆောင်ပါဝင်သူ ကိုအံ့မောင်က “ဒေါ်အောင်ဆန်းစုကြည် အပေါ် မတရား အမှုဆင်ထားတဲ့ကိစ္စကို ဒီ ၁၂ ရက်နေ့မှာ စစ်အစိုးရက အမိန့်ချမှာဆိုတော့ ဒီ ၁၁ ရက်နေ့မှာ ကမ္ဘာ့နိုင်ငံအသီးသီးက အကုန်လုံးသိရအောင် ကျနော်တို့က ဒီမြန်မာသံရုံးရှေ့မှာ တောင်းဆိုဆန္ဒပြ တာ ခင်ဗျာ။” ဟုပြောသည်။

ယနေ့ ၁ နာရီအချိန်မှစ၍ မြန်မာကျောင်းသား၊ အလုပ်သမားများနှင့် နိုင်ငံခြားသား အပါအ၀င် လူပေါင်း ၃၀ ကျော်က တစ်နာရီကြာ ဒေါ်အောင်ဆန်းစုကြည်လွတ်မြောက်ရန် ပို့စတာ ကိုင်ဆောင်ကာ ကြွေးကြော်ဆန္ဒ ပြခဲ့ကြသည်။

ဆန္ဒပြပွဲ၌ ၁၉၉၀ ရွေးကောက်ပွဲတွင် အနိုင်ရရှိသည့် NLD ပါတီကို အသိအမှတ်ပြုရန်၊ နိုင်ငံရေး အကျဉ်းသားများ လွှတ်ပေးရန်၊ ၂၀၀၈ ခုနှစ်တွင် စစ်အစိုးရ ရေးဆွဲသည့် အခြေခံဥပဒေကို အသိအမှတ်မပြုကြောင်းနှင့် ဒေါ် အောင်ဆန်းစုကြည်ကို ချွင်းချက်မရှိ လွှတ်ပေးရေး၊ သုံးပွင့်ဆိုင် ဆွေးနွေးပွဲ ပြုလုပ်ရေးအတွက် ဗိုလ်ချုပ်မှူး ကြီးသန်းရွှေထံ လိပ်မူပြီး ရေးသားထားသည့် စာအား မြန်မာသံရုံး ၀န်ထမ်းများမှတဆင့် ပေးပို့ခဲ့သည်ဟု မြန်မာ ဒီမိုကရက်တစ် ကွန်ယက် အဖွဲ့မှ ကိုသန်းဖေ ကပြောသည်။

ဒေါ်အောင်ဆန်းစုကြည်အား မတရား ဖမ်းဆီးချုပ်ချယ်ခြင်းကို မြန်မာပြည်သူများ လက်မခံ ကြောင်း ထိုင်းပြည် သူများ ပိုမိုသိရှိရန် ဇွန်လ(၁၂)နေ့မှ ဒေါ်အောင်ဆန်းစုကြည်မွေးနေ့ ဖြစ်သော (၁၉)ရက်နေ့ ထိ ဘန်ကောက်မြို့ တွင်းနှင့် စက်ရုံ၊ အလုပ်ရုံများတွင် မြန်မာ၊ အင်္ဂလိပ်နှင့် ထိုင်း သုံးဘာသာဖြင့် လက်ကမ်းစာစောင်များ ဖြန့် ဝေသွားမည်ဟု ကိုအံ့မောင်က ဆက်ပြောသည်။

“ခုထိုင်းအစိုးရ အဖိဆစ်က မြန်မာနိုင်ငံအတွက် သူ့အနေနဲ့ ဒေါ်အောင်ဆန်းစုကြည်ကို ချွင်းချက်မရှိ လွတ်ပေးဖို့ တောင်းဆိုထားတာဆိုတော့ ကျနော်တို့က ထိုင်းပြည်သူတွေ အကုန်လုံး ဒေါ်စုကို စစ် အစိုးရ မတရား ဖိနှိပ်ချုပ်ချယ်ထားတာကို မြန်မာပြည်သူလူထုတွေ လက်မခံတာ၊ ၉၀ ခုနှစ်ရွေး ကောက်ပွဲကို အသိအမှတ်ပြုပေးဖို့ ရေးထားတဲ့ စာစောင်တွေ ဖြန့်မှာ။”

ဒေါ်အောင်ဆန်းစုကြည်လွတ်မြောက်ရေး အတွက် မြန်မာ့အရေး လှုပ်ရှားတက်ကြွသူများသည် ဘန်ကောက် ရှိ သက်ဆိုင်ရာ နိုင်ငံခြားသံရုံးများရှေ့တွင် ဆန္ဒပြတောင်းဆိုခြင်းသည် ယခု ခြောက်ကြိမ်မြောက် ဖြစ်သည်။

ရန်ကုန်အင်းစိန်ထောင်တွင် အမှုရင်ဆိုင်နေရသည့် ဒေါ်အောင်ဆန်းစုကြည်အမှုကို နှစ်ဘက်အပြီးသတ် လျှောက် လဲချက်ပေးရန် လာမည့် ဇွန်လ ၁၂ ရက်နေ့သို့ ရွှေ့ဆိုင်းထားပြီး ရန်ကုန်တိုင်း တရားရုံးက အောင်ဆန်းစုကြည် ဘက်မှ သက်သေနှစ်ဦးကို ပယ်ချထားသည်။

ကချင်ပြည်နယ်၌ မြေတိုင်းဝန်ထမ်း ငွေညှစ်သဖြင့် လယ်ပိုင်ရှင်များမကျေနပ်

ဇော်ကြီး။
ဇွန်လ ၁၁ ရက်၊ ၂၀၀၉ ခုနှစ်။

ကချင်ပြည်နယ်၊ မိုးကောင်းမြို့နယ်၊ နမ္မတီးကျေးရွာအုပ်စု အတွင်းရှိလယ်သမားများ တရားဝင်ဝယ်ယူထားသည့် လယ်ယာမြေများအား တရားမ၀င်ဟုဆိုကာ မြေတိုင်းဝန်ထမ်းတဦးမှ ငွေညှစ်နေသည်ဟု ဒေသခံ လယ်သမား များက ပြောသည်။

နမ္မတီးကျေးရွာအုပ်စုအတွင်းရှိ နမ္မတီး၊ ထီးတင်၊ ကံလှ၊ နမ့်နောင်ကွင်း ဒေသ မြေစာရင်းတာဝန်ခံက လယ်သ မားများ တရားဝင်ဝယ်ယူထားသည့် လယ်ယာများအား မြေစာရင်းဌာနတွင် ပိုင်ရှင်အမည် လွဲပြောင်းမှတ်ပုံ တင်ရမည်ဟုဆိုကာ ယခုလ ၆ရက်နေ့ မှ စ၍ လယ်သမားများထံမှ မတန်တဆ ငွေများတောင်းယူနေသည်ဟု နမ္မတီးနယ်ခံ တဦးက ယခုလိုပြောသည်။

“တရားဝင်လူကြီးတွေနဲ့ နှစ်ဦးနှစ်ဖက် သဘောတူပြီးတော့ ကျနော်တို့အရောင်းအ၀ယ်ပြု ထားကြတဲ့ မြေပါလို့ ပြောကြတဲ့အခါမှာ သူက(မြေတိုင်းတာဝန်ခံ)ဘယ်ဆိုင်မလဲ မရဘူး။ ဒါကမြေစာရင်းဌာနမှာ မှတ်ပုံတင်ရမယ်။ အဲလိုမှတ်ပုံတင်တဲ့အတွက် ထိုက်သင့်တဲ့ ငွေကြေး ပေးဆောင်ရမယ်။ နို့မို့လို့ရှိရင် ဒါ အစိုးရက သိမ်းပိုင်ခွင့်ရှိတယ်။ ရောင်းဝယ် ပိုင်ခွင့် မရှိဘူး ဆိုပြီး ခြိမ်းခြောက်တယ်။ ပြီးတော့ တဧကကိုလေးသောင်းနှုန်းနဲ့ ပေးဆောင် ရမယ်ဆိုပြီး ရှစ်ဧကအတွက် ငွေတောင်းရမ်းသွားတယ်။ မြေ ဂရံပေါက် မပေါက်တော့ မသိသေးဘူး။”

လယ်ယာ အရောင်းအ၀ယ် လုပ်ထားသူများ၏ စာရင်းများအား စစ်ဆေးကာ ပိုင်ရှင် အပြောင်းအလဲ မလုပ်သေးသူများထံမှ ကောက်ခံနေခြင်းဖြစ်သည်ဟု ၎င်းက ဆက် ပြောသည်။

“မြေစာရင်းအရ ဒီလယ်က ဘယ်သူလုပ်ပိုင်ကွက်၊ ဘယ်သူပိုင်အကွက်ဆိုပြီးတော့လုပ်ပိုင် ကွက်လေး ပေးထားတာရှိတယ်။ ဒီကျနော်တို့ ဘိုးဘွားပိုင်တွေကအစပေ့ါလေ။ အဲဒီထဲက နဂိုမူလ အမည်မဟုတ် တဲ့ နာမည်တွေကို လိုက်လံစစ်ဆေးပြီးတော့ အခုလိုငွေညှစ်တဲ့ သဘောမျိုးဖြစ်ပါတယ်။”

လယ်ယာမြေများအား အာဏာပိုင်များနှင့် တရားဝင် စာချုပ်ချုပ်ဆို၍ ၀ယ်ယူထားခြင်း ဖြစ်ပြီး ယခုငွေညှစ် တောင်းခြင်းသည် တရားဝင် ဟုတ်မဟုတ် မသိကြသဖြင့် လယ်ယာမြေ ၀ယ်ယူသူများ မကျေမနပ် ဖြစ်နေကြ သည်ဟု ပြောသည်။

“တရားဝင်အားဖြင့် ကျနော်တို့ နားလည်မှုသဘောအရ မယကတွေ၊ ရယကတွေဆီမှာ တစ်ဧကကို ၅၀၀၊ ၁၀၀၀ စသည်ဖြင့်ပဲ သတ်မှတ်ပြီးတော့ စာချုပ်စာတမ်းပြုလုပ်တာ ရှိပါတယ်။ အခုသူကျတော့ ဒါမျိုးလုပ်တဲ့အပိုင်းမှာ ဒီငွေဟာ အစိုးရက တရားဝင်သတ်မှတ် ထားတဲ့ ငွေကြေးဟုတ်မဟုတ်။ တ ကယ်လို့ဟုတ်ခဲ့သည့်တိုင်အောင် တောင်သူလယ်သမား တွေအပေါ်မှာ ဒီလောက်ထိ ပြုလုပ်ရသလား။ စသည်ဖြင့် ရင်ထဲမှာမခံချိမခံသာဖြစ်ပြီး မေးချင်တဲ့ဆန္ဒလေးတွေရှိပေမယ့် မေးမြန်းတဲ့အခါ စကား မှားလို့ သူတို့အနေနဲ့ ဒုက္ခရောက် မှာကြောက်လို့ ရင်ထဲမှာကျိတ်ပြီးခံစားနေကြတယ်။”

ယခုလို မိုးဦးကာလဆန်စပါးစိုက်ပျိုးချိန်၌ လယ်ယာမြေ၀ယ်ယူစားရိတ်အပြင် အခွန်နှုန်းများ မတန်တဆ ကောက် နေမှုကြောင့် လယ်ယာလုပ်ကိုင်သူများ အခက်အခဲဖြစ်နေကြသည်။