Sunday, June 21, 2009

ချောအိသိန်း ၏ ဒေါ်အောင်ဆန်းစုကြည် မွေးနေ့ အမှတ်တရ ပန်းချီပြပွဲ (New York)



from http://www.myochitmyanmar.org/

မြောက်ကိုရီးယား သင်္ဘောတစ်စီး မြန်မာနိုင်ငံသို့ ဦးတည်ခုတ်မောင်းနေ



၂၂ ဇွန် ဆိုလ်း ကိုရီးယား၊ ၊Fox News
U.S. Navy Intercepts North Korea Ship Toward Burma

မြောက်ကိုရီးယား နိုင်ငံမှ မြန်မာ နိုင်ငံသို့ ဦးတည် ခုတ်မောင်းလျှက်ရှိသည့် တန်ချိန် နှစ်ထောင်ကျော် ရှိ ကန်နန် အမည်ရှိသင်္ဘောတစ်စီးကို အမေရိကန် ရေတပ်က ဖျက်သင်္ဘော အုပ်စုက နောက်ယောင်ခံ လိုက်လျှက်ရှိသည် ကို ဖောက်(စ)သတင်းဌာန က ဖေါ်ပြထားသည်။


ထိုသဘောင်္သည် ဗုဒ္ဓဟူးနေ့ ကမြောက်ကိုရီးယား နိုင်ငံ ပြုံးယမ်မြို့ အနီး နမ်ပို ဆိပ်ကမ်း မှ ထွက်ခွာလာပြီးတရုတ် နိုင်ငံ ကမ်းရိုးတန်းများမှ တစ်ဆင့် စင်္ကပူတွင် ဆီဖြည့်ပြီးနောက် တွင်မြန်မာ နိုင်ငံ သို့ ဦးတည် ခုတ်မောင်းလျှက် ရှိနိုင် ကြောင်းဖေါ်ပြထားသည်။လွန်ခဲ့သည့် သီတင်းပတ်က မြောက်ကိုရီးယားအပေါ် ကုလသမဂ္ဂက လက်နက်ရောင်းချ မှု အသစ်ပြုလုပ်ပြီးနောက် ပထမဦးဆုံး သံသယဖြစ်စရာ ကောင်းသည့် စိန်ခေါ်မှုတစ်ရပ် ဖြစ်သည် ဟု ဆိုသည်။သင်္ဘောတွင်မည်သည့် ပစ္စည်းများ တင်ဆောင် ထားသည် ကို အတိအကျ မသိရသော်လည်း တောင်ကိုးရီးယား ရုပ်မြင်သံကြားမှ သတင်းတစ်ရပ် တွင်မူ အထီးကျန် မြောက်ကိုရီးယား နိုင်ငံသည်ထိုကဲ့သို့ သော သင်္ဘော ငါးစီးဖြင့် လက်နက် တင်ပို့ ရောင်းချ မှု များပြုလုပ်သည် ဟု သိရသည်။

KANGNAM-W-FLAGစင်္ကာပူတွင် ဆီဖြည့်မည် ဟူ ယူဆရသော ထိုသဘောင်္ သည် တရုတ် ကမ်းရိုးတန်းမှတနင်္လာနေ့ မနက် အစောပိုင်းတွင် ခွာချိန်၌ အမေရိကန် သဘောင်္တို့ က အမိန့် ရလျှင် ကြားဖြတ် ဟန့် တားစစ်ဆေး နိုင်ကြောင်း
ကိုရီးယား သတင်းဧ ဂျင်စီ ယောင်ဟပ် တွင် ဖေါ်ပြထားသည်။

ကန်နန် သင်္ဘောသည် ၂၀၀၆ ခုနှစ်က လက်နက်များ သယ်ဆောင် လာစဉ် ဟောင် ကောင် ဆိပ်ကမ်း၌ ဖမ်းဆီးရမိခဲ့ဖူးသည်။အမေရိကန် ပစိဖိတ် ရေတပ် အုပ်စု ကမူ မြန်မာ နိုင်ငံ သို့ မရောက်ရှိ ခင် ဆီဝင်ဖြည့် မည့် နိုင်ငံများကို ထိုသင်္ဘော အားဆီ မဖြည့်ပေးရန် ပန်ကြားထား
သည်။

မြောက်ကို ရီးယား နိုင်ငံသည် ယဉ်ကျေးသော ကမ္ဘာ့ နိုင်ငံများကို ခြိမ်းခြောက် နေသည့်ရန်လို သည့်နိုင်ငံ ဖြစ်သည်။ယခု လက်နက် များတင် ဆောင်လာသည် ဟု ထင်ရသော ကန်နန် သင်္ဘောမြောက်ကိုရီးယား နိုင်ငံ၏ အမျိုးသားကာကွယ်ရေးကော်မရှင် ဥက္ကဌ နေရာကို ကင်ဂျုံအီ ၏ အငယ်ဆုံးသားဖြစ်သူ ကင်ဂျုံအ ရာထူးဆက်ခံပြီးချိန် တွင် ပေါ်ပေါက်ခဲ့သော ပထမဦး ဆုံးဖြစ်ရပ် ဖြစ်သည်။

ကင်ဂျုံအာသည် ဆွစ်ဇာလန် နိုင်ငံတွင် ပညာ သင်ကြားခဲ့ပြီး အသက် ၂၆ နှစ်ရှိပြီဖြစ်သည်။ရီပတ်ဘလစ်ကန် အထက်လွှတ်တော် အမတ် ဂျွန် မက်ကိန်းက လည်း စီဘီအက်(စ)သတင်းဌာနနှင့် တွေ့ ဆုံခန်းတွင် ထို သဘောင်္ကို ကြားဖြတ်စစ်ဆေး၍ လက်နက် ပိတ်ဆို့ မှု ကို ချိုးဖောက်မှုရှိမရှိ သိသာ ထင်ရှားအောင် လုပ်သင့်သည် ဟုဆိုသည်။

မြန်မာ နုင်ငံ ၏ ဆိပ်ကမ်းများသည် မြောက်ကို ရီးယားလက်နက် တင်ဆောင်လာသော သင်္ဘော
များအတွက် ခရီးတစ်ထောက် နားရာ နေရာဖြစ်သည်။

မြောက်ကိုရီးယားသင်္ဘော ကုလတားမြစ်ချက်ချိုးဖောက်ပြီး စင်္ကာပူကိုဦးတည်နေပုံရ

21 June 2009

ကုလသမဂ္ဂ က ကန့်သတ် တားမြစ်ထားတာကို ချိုးဖေါက်ပြီး မြောက်ကိုးရီးယား ကုန်တင်သင်္ဘော Kang Namဟာ စင်္ကာပူကို ဦးတည် ခုတ်မောင်းနေပုံရတယ်လို့ ဒီသင်္ဘောကို လိုက်လံစောင့်ကြည့်နေတဲ့ အမေရိကန် ရေတပ် ဖျက်သင်္ဘော USS John S. McCainရဲ့ သတင်းပေးပို့ ချက်ကို ကိုးကားပြီး တောင်ကိုးရီးယားနဲ့ အမေရိကန် မီဒီယာတွေက ဖေါ်ပြခဲ့ကြပါတယ်။ မြောက်ကိုးရီးယား ကုန်တင်သင်္ဘော Kang Nam ဟာ မြန်မာနိုင်ငံကို ဦးတည် ခုတ်မောင်းနေတယ်လို့ တောင်ကိုးရီးယားရဲ့ YTN ရုပ်မြင်သံကြားက ဒီနေ့ ကြေညာသွားခဲ့ပေမဲ့ တောင်ကိုးရီးယား ကာကွယ်ရေး ၀န်ကြီးဌာနကတော့ ဒီသတင်းကို အတည် မပြုသေးပါဘူး။

ပြီးခဲ့တဲ့ ဗုဒ္ဓဟူးနေ့ က မြောက်ကိုးရီးယားရဲ့ ပစိဖိတ် သမုဒ္ဒရာထဲ က ဆိပ်ကမ်း တခုကနေ ထွက်ခွာသွားခဲ့တာ လို့ အမေရိကန် ရေတပ် ဖျက်သင်္ဘောUSS John S. McCain က သတင်းပေးပို့ခဲ့ပါတယ်။ ဒီလထဲမှာ ချမှတ် ခဲ့တဲ့ ကုလသမဂ္ဂ လုံခြုံရေးကောင်စီရဲ့ ဆုံးဖြတ်ချက်နဲ့  တာဝန်ပေးချက်အရ ကုန်တင် သင်္ဘောKang Namဟာ ပထမဆုံး လိုက်လံ စောင့်ကြည့်ခြင်းခံရတဲ့ မြောက်ကိုးရီးယား သင်္ဘောဖြစ်တယ်လို့ အမေရိကန် အရာရှိတွေက ပြောကြားခဲ့ပြီးတော့ လက်နက်နဲ့  လက်နက် ထုတ်လုပ်မှု နည်းပညာဆိုင်ရာ ပစ္စည်း ကိရိယာ တွေ မြောက်ကိုးရီးယား ကုန်တင်သင်္ဘောတွေမှာ တင်ဆောင်ထားခြင်း ရှိ မရှိ လိုက်လံ စောင့်ကြည့်ဖို့  ကုလသမဂ္ဂက အဖွဲ့ ဝင်နိုင်ငံတွေကို လုပ်ပိုင်ခွင့် အပ်နှင်းထားပါတယ်။ စင်္ကာပူကို လာတဲ့ မြောက်ကိုးရီးယား ကုန်တင်သင်္ဘောမှာ လက်နက်တွေ တင်ဆောင်လာခဲ့ရင် သင့်တော်တဲ့ အရေးယူမှု ပြုလုပ်မယ်လို့ စင်္ကာပူ အစိုးရက ဆိုပါတယ်။ စင်္ကာပူ (သို့ မဟုတ်) မြန်မာနိုင်ငံကို ဦးတည်ခုတ်မောင်းနေတဲ့ မြောက်ကိုးရီးယား ကုန်တင်သင်္ဘောKang Namကို အမေရိကန်ရေတပ်က ရပ်တန့်  ရှာဖွေစစ်ဆေးမှာလား ဆိုတာကိုတော့ အမေရိကန် ကာကွယ်ရေးဝန်ကြီးဌာန က ပြောဆိုခြင်း မရှိသေးပါဘူး။


မြန်မာကိုသွားမည့် မြောက်ကိုရီးယား သင်္ဘောကို အမေရိကန် ဖျက်သင်္ဘော နောက်ယောင်ခံ Print E-mail
မဇ္ဈိမသတင်းဌာန
တနင်္ဂနွေနေ့၊ ဇွန်လ 21 2009 21:15 - မြန်မာစံတော်ချိန်

ချင်းမိုင် (မဇ္ဈိမ)။ ။ မြန်မာနိုင်ငံသို့ ဦးတည် ခုတ်မောင်းနေသည် ဟုဆိုသော မြောက်ကိုရီးယား ကုန်တင်သင်္ဘောတစင်းကို အမေရိကန် ရေတပ် ဖျက်သင်္ဘောက နောက်ယောင်ခံ လိုက်လျှက်ရှိကြောင်း နယူးယောက်တိုင်းမ် သတင်းစာက ဖော်ပြထားသည်။

တန်ချိန် ၂၀၀၀ ရှိ ကန်နမ် အမည်ရ သင်္ဘောသည် မြောက်ကိုရီးယားမြို့တော် ပြုံယမ်းအနီး နန်ပိုဆိပ်ကမ်းမှ ဗုဒ္ဓဟူးနေ့က စတင် ထွက်ခွာခဲ့ကြောင်း အမေရိကန် အရာရှိများက ပြောကြားထားသော်လည်း သင်္ဘောသည် မည်သည့်အရပ်သို့ ဦးတည် ခုတ်မောင်းနေပြီး မည်သည့် ကုန်ပစ္စည်းများ တင်ဆောင်သွားသည်ကို ပြောကြားရန်ကိုမူ ငြင်းဆန်ထားသည်ဟု နယူးယောက်တိုင်းမ် သတင်းစာ၏ ဝဘ်ဆိုဒ်တွင် ဖော်ပြထားသည်။

ယခုဖြစ်ရပ်သည် မြောက်ကိုရီးယားအပေါ် ကုလသမဂ္ဂ၏ လက်နက်ရောင်းချမှု ပိတ်ပင်ရေးအသစ် ပြုလုပ်ပြီးနောက် အမေရိကန်နှင့် မဟာမိတ်များအတွက် ဗွေဆော်ဦး စမ်းသပ်ချက်တခု ဖြစ်လာသည်။

Fox သတင်းဌာနက အမေရိကန် စစ်ဘက်ဆိုင်ရာ သတင်းရပ်ကွက်တခုကို ကိုးကား ဖော်ပြထားရာတွင် အမေရိကန် ဖျက်သင်္ဘော ဂျွန် အက်စ် မက်ကိန်းသည် ကြားဖြတ်ဟန့်တားရန် အမိန့်ရလျှင် အရေးယူ ဆောင်ရွက်နိုင်ရန် နေရာယူထားသည်ဟု ပါရှိသည်။

တောင်ကိုရီးယား၏ YTN သတင်းဌာန၏ တနင်္ဂနွေနေ့က ထုတ်ပြန်ချက်တွင် သင်္ဘောသည် မြန်မာနိုင်ငံသို့ ဦးတည်နေသည် ဟုဆိုသည်။ မြန်မာနိုင်ငံသည် မြောက်ကိုရီးယားထံမှ လက်နက်များ ဝယ်ယူနေသော နိုင်ငံတခုဖြစ်သလို မြောက်ကိုရီးယား သင်္ဘောများ တရားမဝင် ကုန်သွယ်မှု လုပ်ငန်းများ လုပ်ရာတွင် ခရီးတထောက်နားသည့် အရပ်လည်း ဖြစ်သည်။

သင်္ဘောပေါ်တွင် ဒုံးကျည်များ သို့မဟုတ် ဒုံးကျည် အပိုပစ္စည်းများ တင်ဆောင်ထားဖွယ် ရှိသည်ဟု အမေရိကန် အာဏာပိုင်များက သံသယရှိနေကြောင်း အမည်မဖော်ပြထားသော ထောက်လှမ်းရေး သတင်းရပ်ကွက် တခုကို ကိုးကား ဖော်ပြထားသည်။

မြောက်ကိုရီးယားက မြေအောက် နူကလီးယား စမ်းသပ်ဖောက်ခွဲမှုတခု မေ ၂၅ ရက်နေ့က ပြုလုပ်ခဲ့သဖြင့် ကုလသမဂ္ဂ လုံခြုံရေးကောင်စီက မြောက်ကိုရီးယားအပေါ် အရေးယူရေး ဆုံးဖြတ်ချက်တခုကို ဇွန် ၁၂ ရက်နေ့က ချမှတ်ခဲ့သည်။

ဆုံးဖြတ်ချက်တွင် မြောက်ကိုရီးယား၏ လက်နက်ရောင်းချမှုကို ပိတ်ပင်ရေး ပါဝင်ပြီး သံသယဖြစ်ဖွယ်ရှိသော မြောက်ကိုရီးယား သင်္ဘောများကို စစ်ဆေးရေးတို့ ပြုလုပ်သွားမှာ ဖြစ်သည်။

မြောက်ကိုရီးယားကတော့ သူ၏သင်္ဘောများကို ကြားဖြတ် ဟန့်တားမှု ပြုလုပ်လျှင် စစ်ကြေညာသည့် လုပ်ရပ်ဖြစ်ကြောင်း ပြောဆိုထားပြီး ဖြစ်သည်။

ကုလသမဂ္ဂ လုံခြုံရေးကောင်စီ အဖွဲ့ဝင် ဗီတို အာဏာပိုင်ရှင် နိုင်ငံတခုဖြစ်သော တရုတ်က မြောက်ကိုရီးယား သင်္ဘောများကို ကြားဖြတ်ဟန့်တားလျှင် အင်အား အသုံးပြုစေလိုခြင်း မရှိဟု ပြောဆိုထားသည်။

လူငယ်ခေါင်းဆောင် သမ္မတ ဟောင်းရပ်(ဖ)ဆန်ဂျာနီ သမီး အဖမ်းခံရ တနင်္ဂနွေ ဆန္ဒပြပွဲ ဆယ်ဦးသေ

June 21, 2009 ·
၂၁ ဇွန် တီဟီရန်၊ ၊CBS NEWS နှင့် အီရန် ဘလောက်သတင်းများ
Riot police tackle Iran protestsး

တနင်္ဂနွေ နေ့ က အီရန် ပြုပြင်ပြောင်းလဲရေး လိုလားသူများ၏ ဆန္ဒပြပွဲ တွင် စစ်တပ်ကလေ့ကျင့်ပေး
ထားသည့် Basij ပြည်သူ့ စစ်များက ပစ်ခတ်မှုကြောင့် ဆယ်ဦးသေဆုံးခဲ့ရသည်။ယမန်နေ့ က လူလေးဆယ်ကျော် သေဆုံးပြီး ခြောက်ရာ ကျော် လောက် အဖမ်းခံရတဲ့ ဆန္ဒပြပွဲ မှာ လူငယ်တွေ ကိုဦးဆောင်စည်းရုံးတရားဟောခဲ့တဲ့ သမ္မတ ဟောင်းရဖ်ဆန်ဂျာနီ ရဲ့ သမီးဖြစ်သူ ဖေဇယ်ရပ် ဆန်ဂျာနီ အပါအ၀င် ဆွေမျိုးဆယ်ဦးထက် မနည်းကို ရဲက ဖမ်းဆီးသွားပါတယ်။

ရပ်ဆန်ဂျာနီ ဟာ ၁၉၈၉ ခုနှစ်က နေ ၁၉၉၇ ခုနှစ် အထိ အီရန်နိုင်ငံရဲ့ သမ္မတ တာဝန်ကိုထမ်း
ဆောင်ခဲ့တာဖြစ်ပြီး အခု ရွေးကောက်ပွဲ မှာ မဲလိမ်ခံရ မှုကြောင့် ရှုံးနိမ့် ခဲ့တဲ့ ဟူစိန် မူဆာဗီ ကိုထောက်ခံသူ ဖြစ်ပါတယ်။ ဒီသီတင်းတစ်ပတ် ကျော်ကြာပြီ ဖြစ်တဲ့ ဆန္ဒပြပွဲ တွေ ကြောင့် အီရန် အာဏာ ပိုင် အဖွဲ့ အတွင်း မှာ သဘောထားကွဲ လွဲစတွေ ပြုနေပြီး အက်ရာထင်နေပြီ ဖြစ်ကြောင်း
ကိုင်ရို တက္က သိုလ် က ပါမောက္ခ တစ်ဦးက သုံးသပ် ပါတယ်။

စနေ နေ့ က လူလေး ဆယ်ကျော် သေဆုံးခဲ့ရပေမယ့် ဆန္ဒပြမှု တွေ ဟာ ရပ်ဆိုင်းမသွားဘဲ တနင်္ဂနွေ
နေ့ မှာ ပို အားကောင်းလာခဲ့ပါတယ်။တနင်္လာနေ့ ရုံးဖွင့် ရက် တွေ မှာ တော့ အစိုးရ ၀န်ထမ်းတွေ ဟာ
ရုံးမသွားပဲ ဆန္ဒပြ ကြာမယ်ဆိုရင် အစိုးရ ယန္တယား တွေ အားလုံးရပ် ဆိုင်းသွားမှာ ဖြစ်ကြောင်း အီရန် ဘလောက်ဂါတစ် ဦးက တိုက်တွန်း ထားပါတယ်။

အီရန် ပြုပြင် ပြောင်းလဲရေး လိုလားသူတွေ ကလည်း အာဏာပိုင်တွေ ရဲ့ နှိပ်ကွပ်မှု တွေ ကို ရရာ
လက်နက် ကိုင်စွဲ ပြီးပြန်ခုခံကြ လို့ မြို့ ပြ ပြည်တွင်းစစ် ပုံသဏ္ဍန် မျိုးအသွင်ပြောင်းသွား နိုင်ကြောင်း
စီဘီအက် သတင်းတစ်ရပ် မှာ ဖေါ်ပြ ထားပါတယ်။




အီရန် ဆန္ဒပြသူများကို စစ်တပ် နှင့် ရဲက အကြမ်းဖက် နှိမ်နှင်းသဖြင့် လူ၁၅၀ နီးပါးသေဆုံး
June 21, 2009

၂၁ ဇွန် တီဟီရန်၊ ၊စီအန်အန် နှင့် အာရပ်သတင်းဌာန များ
19 people died in unrest Saturday in Tehran, Iran, hospital sources say. Unconfirmed reports put the death toll at 150.Facebook page of Mir Hossein Moussavi says he’s ready for “martyrdom”
သောကြာနေ့ က အီရန် နိုင်ငံရဲ့ အာဏာအရှိဆုံးပုဂ္ဂိုလ် တစ်ဦးဖြစ်တဲ့ အယာတိုလာ ခိုမေနီက ဆန္ဒပြ
ပွဲတွေ ကို အဆုံးသတ် ဖို့ ဟူစိန် မူဆာဗီ ကို ထောက်ခံသူတွေ ကို တိုက်တွန်းခဲ့ပါတယ်။ဒါပေမယ့် နောက် တစ်နေ့ စနေနေ့ မှာ ဆန္ဒပြသူ ထောင်ပေါင်းများစွာ ဟာ တီဟီရန် မြို့ ရဲ့ လမ်းတွေပေါ်မှာ
မနက် ၁၀ နာရီ လောက် ကတည်းက စုရုံးခဲ့ကြပြီး ဆန္ဒပြမှု တွေ ကို စတင်ခဲ့ကြပါတယ်။

နေ့ လည် ပိုင်းလောက်မှာ တော့ ဆန္ဒပြသူတွေ ကို ဆိုင်ကယ် စီးရဲတပ်ဖွဲ့ ဝင်တွေ က တုတ် တွေနဲ့ အတင်းဝင်ရောက် တိုက်ခိုက်ခဲ့ပြီး မျက်ရည် ယိုဗုံးတွေ မီးသတ် ပိုက်တွေ သုံးကာ ဖြိုခွဲခဲ့ပါတယ်။ရဲ
နဲ့ စစ်တပ်က လေ့ကျင့်ပေးထားတဲ့ လက်နက် ကိုင် အဖွဲ့ တွေရဲ့ အကြမ်းဖက် ဖြိုခွဲ မှုကြောင့် စနေနေ့ က လူ ၁၉ ယောက်သေဆုံးတယ်လို့  အီရန် သတင်းတွေ က အတည် ပြုပြောကြားပြီး နိုင်ငံတကာ စောင့် ကြည့်လေ့လာရေး အဖွဲ့ တွေကတော့ အနည်းဆုံး ၁၅၀ ကျော် သေဆုံးတယ် လို့ ဖေါ်ပြထားတာကို စီအန်အန် သတင်းမှာ ဖေါ်ပြထားပါတယ်။

ပြုပြင်ပြောင်းလဲရေးဝါဒီ ဟူစိန် မူဆာဗီက တော့ ဆန္ဒပြသူတွေကို ဦးဆောင်မှု ပေးရင်းသူ ဟာ အာဇာနည် အဖြင့် သေပွဲ ၀င်မယ် လို သူ့ ရဲ့ ဆိုရှယ် နက်ဝခ် တစ်ခု ဖြစ်တဲ့ Face Book စာမျက်နှာမှာဖေါ်ပြထားပါတယ်။

အီရန် ကိစ္စမှာ ကြားနေလွန်းအားကြီးတယ် လို့ ရီပတ်ဘလစ်ကန် တွေ နဲ့ သတင်းစာဆရာတွေ ကသောသော ညံအောင် ဝေဖန်ခြင်းခံထားရ တယ့် အမေရိကန် သမ္မတ အိုဘားမားက တော့ စနေ နေ့ က အာဏာပိုင် တို့ ရဲ့  အင်းအားသုံးဖြိုခွဲ မှုတွေ ကို ချက်ချင်းရပ် ဆိုင်းဖို့ တောင်းဆိုလိုက်
ပြီး အီရန် အာဏာ ပိုင်တွေ အနေနဲ့ မိမိရဲ့ ပြည်သူတွေကို သတ်ဖြတ်နေမှု အပေါ်ချက် ခြင်းရပ်ဆိုင်းပေးဖို့ ကြေညာချက် ထုတ်ပြန်ခဲ့ပါတယ်။

ဆန္ဒပြသူတွေ ဟာ အနက်ရောင် ၀တ်စုံ နဲ့  အစိမ်းရောင် ခေါင်းစီးတွေ ကို ၀တ်ဆင်ထားကြပြီး
ရဲတွေ က ပိတ်ဆို့ ထားတဲ့ အတားအဆီးတွေ ကို ကျော်ဖြတ် ကာ ဆန္ဒပြ အဖွဲ့ တစ်ခု နဲ့ တစ်ခုပူး
ပေါင်းလို့ ရအောင် စီစဉ်ခဲ့ကြပါတယ်။

လုံခြုံရေးအဖွဲ့ ဝင်တွေက ဆန္ဒပြသူတွေကိုရိုက်နှက် ဖမ်းဆီးခဲ့တဲ့ အထဲမှာ ကျောင်းသူတစ် ဦး
ဟာ အတင်းအဓမ္မ ရိုက်နှက်ခဲ့ရမှုကြောင့် နေရာမှာ ပင် သေဆုံးခဲ့ပါတယ်။အီရန်အာဏာ ပိုင်တွေက နှိပ်ကွပ်မှု တွေကိုပို ပြင်းပြင်းထန်ထန် ပြုခဲ့ပေမယ့် လည်း ဆန္ဒပြမှု တွေကတော့စနေနေ့  ညဘက် ထိ ဆက်လက် ဖြစ်ပွားဆဲ လို့ ဆိုပါတယ်။

ဒေါ်အောင်ဆန်းစုကြည်၏ မြန်မာ့နိုင်ငံရေးလှုပ်ရှားမှု ဖြစ်စဉ်အကျဉ်း

စာရေးဆရာ မောင်မိုးသူ ပြောတဲ့ ဒေါ်အောင်ဆန်းစုကြည်

Saturday, 20 June 2009 16:57 မိုးကျော်
စာရေးဆရာ ဦးမိုးသူ (မောင်မိုးသူ) သည် ၁၉၈၈ ခုနှစ်တွင် အမျိုးသား ဒီမိုကရေစီ အဖွဲ့ချုပ်ကို ဖွဲ့စည်းစဉ်က ဒေါ်အောင်ဆန်းစုကြည်နှင့်အတူ ပူးပေါင်း ပါဝင်ခဲ့သူတဦး ဖြစ်သည်။
၁၉၈၈/၈၉ ခုနှစ် ဒေါ်အောင်ဆန်းစုကြည်၏ စည်းရုံးရေး ခရီးစဉ်များတွင်လည်း ပါဝင်ခဲ့သည့် လုပ်ဖော်ကိုင်ဖက်တဦးလည်း ဖြစ်သည်။ ဦးမိုးသူသည် ၁၉၈၉ ခုနှစ်တွင် ဖမ်းဆီးထိမ်းသိမ်းခံရပြီး ပြန်လည်လွတ်မြောက်လာသည့်အခါ စာပေလောကသို့ ပြန်လည် ရောက်ရှိသွားသည်။




ဦးမိုးသူက ဒေါ်အောင်ဆန်းစုကြည်နှင့် ပတ်သက်သည့် အဖြစ်အပျက်တချို့ကို ဧရာဝတီသို့ ပြောပြခဲ့သည်။
မြင်းမူမြို့နယ် အမျိုးသား ဒီမိုကရေစီ အဖွဲ့ချုပ်ရုံးတွင် တွေ့ရသော ဒေါ်အောင်ဆန်းစုကြည်နှင့် ဦးမိုးသူ
မေး ။ ။ ဒေါ်အောင်ဆန်းစုကြည်နဲ့ ပတ်သက်ပြီး ကြုံတွေ့ခဲ့ရတာတွေထဲက အမှတ်တရ တခု ပြောပြပေးပါ။

ဖြေ ။ ။ ဒေါ်အောင်ဆန်းစုကြည်ရဲ့ အထက်ဗမာပြည် ခရီးစဉ်မှာ ပထမဦးဆုံး ကြို့ပင်ကောက်မြို့ကို သွားကြတယ်။ ရန်ကုန်တိုင်းကို ရှောင်လိုက်တာပေါ့။ ပဲခူးတိုင်းက စပြီးသွားတယ်၊ နောက်တော့ ပြည်မြို့ကို ရောက်တယ်။ နောက်ဆုံး ချောက်မြို့၊ နတ်မောက်မြို့။ ချောက်မြို့မှာ အိပ်တော့ ပခုက္ကူကလူတွေလည်း လာကြိုကြ စောင့်ကြတယ်။

အဲဒီ အချိန်တုန်းက ည မထွက်ရအမိန့်ကလည်း ရှိတယ်။ ည ခရီးမထွက်ရတော့ တဖွဲ့လုံး ချောက်မြို့မှာ ထိုင်ပြီး ဆွေးနွေးပွဲတွေ လုပ်ကြရတာပေါ့။ ကျနော်တို့က အောက်ထပ်မှာ ဆွေးနွေးပွဲ ထိုင်ပါတယ်။ ၈ နာရီ ကျော်ကျော်လောက်မှာ ဒေါ်စုကို နားခွင့်ပေးပါ၊ ဦးမိုးသူပဲ ဆက်ဆွေးနွေးပါဆိုပြီး ဒေါ်စုက အပေါ်ထပ်တက်ပြီး နားပါတယ်။

နားတဲ့အချိန်မှာ ည ၈ နာရီ ၁၅ ဘီဘီစီ သတင်းဌာနက ကြေညာချက်တခု ထွက်ပါတယ်။ ဘာကြေညာချက်လဲ ဆိုတော့ ဒေါ်စုရဲ့ခင်ပွန်းဖြစ်တဲ့ မိုက်ကယ်ကို တိုင်းပြည်ကနေ နှင်ထုတ်တဲ့ အမိန့်စာထွက်ပါတယ်။

ကလေးတွေကလည်း အဲဒီသတင်း ကြားတော့ ကျနော့်ဆီ ပြေးလာပြီး ပြောကြတယ်။ မိုက်ကယ်ကို နှင်ထုတ်တာတွေ လုပ်တယ်၊ ဒေါ်စုကို ပြောပေးပါဦးပေါ့။ ကျနော်က သူနဲ့ အတူရှိနေတဲ့ မသိင်္ဂီကို ပြောရတယ်၊ သိင်္ဂီရေ ဒေါ်စုကို ခဏ ခေါ်ပေးပါဦးပေါ့။ ဒေါ်စု ရောက်လာတော့ မိုက်ကယ်ကို တိုင်းပြည်ကနေ နှင်ထုတ်ဖို့ လုပ်တယ် ဆိုပြီး ဘီဘီစီက ကြေညာတယ် လို့ ရှင်းပြလိုက်တယ်။ “အေးလေ၊ ဘယ်တတ်နိုင်မှာတုန်း၊ နှင်ထုတ်တော့ ဘာဖြစ်တုန်း” တဲ့။

ပစ်ထားလို့တော့ ဘယ်ဟုတ်မလဲ၊ ဖုန်းဆက်ဖို့တော့ ကောင်းတာပေါ့၊ ကျနော်တို့ တည်းတဲ့အိမ်က တယ်လီဖုန်း ရှိတယ်၊ ဒေါ်စုအိမ်မှာလည်း တယ်လီဖုန်း ရှိတယ်။ ဆရာမိုက်ကယ် ရှိနေဦးမှာပဲ၊ ဖုန်းဆက်ရအောင် လို့ ဆိုတော့ “အင်းလေ အဲဒါဆို ဆက်ကြတာပေါ့” ဆိုပြီး ဒေါ်စု ဖုန်းဆက်ပါတယ်။ ဖုန်းဆက်တော့ သူတို့ ဇနီးမောင်နှံ စကား ပြောလို့ ရအောင် ကျနော် ခပ်လှမ်းလှမ်းကနေ နေပေးတယ်။ ဒေါ်စု စကားပြောဆိုပြီး ပြန်လာတယ်။ ပြန်လာတော့ “သူက မထွက်ဘူးလို့ ပြောတယ်၊ ဖမ်းချင် ဖမ်းပလေ့စေလို့ ပြောတယ်။ ကျမကတော့ အင်း သဘောပဲ၊ မတတ်နိုင်ဘူးလေ၊ ထွက်ရင်လည်း ထွက်၊ နေမယ် ဆိုရင်လည်း အဖမ်းခံမယ် ဆိုရင်လည်း ခံပေါ့လို့ ပြောလိုက်တယ်” တဲ့။

ပန်းဘဲတန်းမြို့နယ် အမျိုးသား ဒီမိုကရေစီ အဖွဲ့ချုပ်ရုံးတွင် တွေ့ရသော ဦးမိုးသူ၊ ဒေါ်အောင်ဆန်းစုကြည်နှင့် ဦးတင်ဦး
သူ အပေါ် ပြန်တက်သွားတယ်။ ကျနော်က ရဲဘော်တွေနဲ့ သွားဆွေးနွေးတာပေါ့ဗျာ၊ ရဲဘော်တွေက ဒီသတင်းလည်း သူတို့ အကုန်လုံး ကြားတယ်လေ၊ ဘာပြောတုန်း ဆိုတော့ ခရီးစဉ် ရှေ့ဆက် သွားဦးမှာလား၊ ဒေါ်စု ဒီကနေ လှည့်ပြန်မှာလား၊ မေးပေးပါဦးတဲ့။ သွားမှာပေါ့ ဆိုတော့လည်း မေးပေးပါဦး ဆိုတော့ နောက်တခါ ထပ်ပြီး ဒေါ်စုကို ခေါ်ရပြန်တာပေါ့။

ဒေါ်စုက တခါ ပြန်ဆင်းလာတယ်၊ ဘာတုန်း ဆိုတော့ လာကြိုတဲ့ အဖွဲ့က ဒေါ်စုကို ခရီးစဉ် ဆက်မှာလား မဆက်ဘူးလား သိချင်နေကြတယ် ဆိုတော့ “ဟာ ကျမတို့ ခရီးစဉ် ဆက်မှာပေါ့၊ ဆက်ရမှာပေါ့၊ ကိစ္စမရှိပါဘူး၊ အားလုံးကို ပြောပြပါ”လို့ ဆိုတယ်။ ပြောပြီး အပေါ် တက်ခါနီးမှာ ကျနော့်ကို လှမ်းပြောတယ်၊ “ဆရာရေ ကျမတော့ မိုက်ကယ့်အပေါ်ကို သိပ် မတရားလှဘူး ထင်တယ်နော်”တဲ့။ ဒါက ဒေါ်စုနဲ့ ပတ်သက်တဲ့ အမှတ်တရလေးပေါ့။

မေး ။ ။ ၁၉၈၈ ခုနှစ် သြဂုတ်လ ရန်ကုန်ဆေးရုံကြီးမှာ ဒေါ်အောင်ဆန်းစုကြည် မိန့်ခွန်းပြောတဲ့ အကြောင်းလည်း ပြောပြပါဦး။

ဖြေ ။ ။ ဆေးရုံကြီးမှာ စာပေနဲ့အနုပညာရှင်တွေက စင်တခု လုပ်ထားတယ်။ ရေတိုင်ကီဟောင်းကြီးပေါ်မှာ တက်ဟောကြတာပေါ့။ ဆရာမောင်သော်က တို့၊ ကျနော်တို့ အကုန်လုံး ဟောကြတာပေါ့။ အဲဒီစင်မှာ ဒေါ်စု လာဟောတယ်။ အဲဒါ ဒေါ်စု ပထမဆုံး ပရိသတ်နဲ့ တွေ့တဲ့ပွဲလို့ ဆိုရမှာပေါ့။

အဲဒီမှာ ဒေါ်အောင်ဆန်းစုကြည်က နိုင်ငံခြားမှာ နေတာများတော့ ဗမာလို ပြောတတ်ပါ့မလား လို့ ကျနော်တို့ စိတ်ထဲမှာ သံသယ ရှိတယ်။ ပရိသတ်နဲ့ ပြောတဲ့အခါ ဘယ်လို နေမလဲ ဆိုပြီး စိုးရိမ်တယ်။ ဒါပေမယ့် အဲဒီမှာပြောတာ အင်မတန် ကောင်းပါတယ်။ ရွှေတိဂုံမှာ ပြောတာတော့ ပိုကောင်းတာပေါ့၊ ကမ္ဘာကျော် မိန့်ခွန်းပဲ။ အင်မတန် ပြောင်မြောက်ပါတယ်။ အင်မတန် ထူးချွန် ထက်မြက်တဲ့ ခေါင်းဆောင်တယောက်ပါပဲ။
ကျနော်တို့ ပြောစရာ တခု ရှိတယ်။ အထူးသဖြင့် မောင်သော်က၊ ဦးဝင်းတင်နဲ့ ကျနော်တို့က ဗမာစာပေနယ်မှာ လူကြီးတွေ ဖြစ်နေပြီပေါ့ဗျာ၊ ထင်ရှားတဲ့ စာနယ်ဇင်း ပုဂ္ဂိုလ်တွေ ဖြစ်တာပေါ့ဗျာ။ ဆရာမောင်သော်ကနဲ့ ကျနော်တို့ ဆိုတာ ကိုယ့်ကိုယ်ကိုယ် အဟောအပြော ကောင်းလှချည်ရဲ့ ဆိုပြီး ထင်ကြတာပေါ့ဗျာ၊ အဲဒီတော့ ဒေါ်စုကို စိုးရိမ်တယ်၊ ဗမာစကား အသုံးအနှုန်း ပြီးတော့ ပရိသတ်ကြီးနဲ့ ပြောတဲ့အခါ ဘယ်လိုနေမလဲ ဆိုပြီး စိုးရိမ်တာပေါ့။

မေး ။ ။ ဒေါ်အောင်ဆန်းစုကြည် နဲ့ ဆရာတို့ စကားပြောတာ၊ မိန့်ခွန်းပြောတာမှာ ဘယ်လို ကွာခြားသလဲ။

ဖြေ ။ ။ တကယ်တမ်းတော့ ဒေါ်စုက ကျနော်တို့ထက် ပိုပြီးတော့ စကားလုံး ရွေးချယ်မှု တိကျ မှန်ကန်တယ်။ အထောက်အထားလေးတခု ပြောပြရမယ် ဆိုရင် ကျနော်တို့ ပြောတဲ့ စကားတွေကို တိပ်ခွေနဲ့ ဖမ်းထားတာ ရှိတယ်။ ပြန် ကူးရေးပြီး သတင်းနဲ့ ပြန်ကြားရေးဌာနက ထုတ်ပြန်ရတာပေါ့ဗျာ၊ ကျနော်ပြောတာ ပြီးတော့ ဦးဝင်းတင် ပြောတာ၊ ကိုသော်က ပြောတာ၊ ဒေါ်စု ပြောတာ ထုတ်တယ်။ ကျနော်တို့ပြောတဲ့ဟာတွေ ဆိုရင် အကြောင်းအရာ နှစ်ခါ သုံးခါ ပြန်ထပ်သွားတာတွေ ပါတယ်၊ ၀ါကျ မပြည့်စုံတာတွေ ပါတယ်။

ဒီတော့ ကျနော်တို့ ပြန်တည်းဖြတ်ရပါတယ်။ ပြောတဲ့ စကားကို ပုံနှိပ်ဖို့အတွက် ပိုမို တိကျအောင်၊ ၀ါကျလည်း မှန်အောင် ပြန်တည်းဖြတ်ရပါတယ်။ ဒေါ်စုပြောတာတွေကို တခါမှ တည်းဖြတ်စရာ မလိုဘူး၊ သိပ်ထူးခြားတဲ့ အမျိုးသမီး။ တိကျတဲ့ စကားလုံးပဲ သုံးတယ်၊ ၀ါကျများလည်း ပြည့်ပြည့်စုံစုံပဲ။ ဒီတော့ ကျနော်တို့လည်း လန့်ဖျပ်သွားတာပေါ့၊ တယ်စွမ်းတဲ့ အမျိုးသမီးပါလား ဆိုပြီးတော့။

မစ္စတာ ဂမ်ဘာရီ မြန်မာနိုင်ငံ ခရီးစဉ်၊ ဒေါ်အောင်ဆန်းစုကြည် မွေးနေ့သတင်း တရုတ် အစိုးရ ရုပ်မြင်သံကြားမှ ထုတ်လွှင့်

ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံ ဆိုင်ရာ အထူး ကိုယ်စားလှယ် မစ္စတာ အီဘရာဟင် ဂမ်ဘာရီဟာ လာမယ့် ဇွန်လ ၂၅ ရက် ကြာသပတေးနေ့မှာ မြန်မာနိုင်ငံကို လာရောက်မယ်လို့ သိရပါတယ်။ မြန်မာနိုင်ငံရဲ့ အမျိုးသား ပြန်လည် သင့်မြတ်ရေး ကိစ္စကို ဆွေးနွေးမှာ ဖြစ်တယ်လို့ အမည်မဖော်လိုတဲ့ မြန်မာ နအဖ စစ်အစိုးရ အရာရှိ တဦးကို ကိုးကားပြီး ဒီပီအိုင် (DPI) သတင်းဌာနက ရေးသား ဖော်ပြထားတာ ဖြစ်ပါတယ်။ ဒါပေမဲ့ မစ္စတာ ဂမ်ဘာရီရဲ့ ခရီးစဉ်ဟာ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်း ခရီးစဉ် အတွက် ရှေ့ပြေး ခရီးလည်း ဖြစ်တယ်လို့ အများက သုံးသပ်ပါတယ်။

အာရ်အက်ဖ်အေ ၊ ၂၁ ၊ ဇွန် ၊ ၂ဝဝ၉
မစ္စတာ ဘန်ကီမွန်းဟာ မြန်မာနိုင်ငံကို ဇူလိုင်လထဲမှာ လာရောက်ဖို့ မြန်မာ နအဖ စစ်အစိုးရက ဖိတ်ကြား ခံထားရပြီး ဇွန်လ ၃ဝ ရက်ကနေ ဇူလိုင် ၂ ရက်နေ့ အထိ ဂျပန်နိုင်ငံမှာ အစိုးရ အရာရှိတွေနဲ့ စီးပွားရေး လုပ်ငန်းရှင်တွေကို တွေ့ဆုံဖို့ ရှိပါတယ်။ အဲဒီက တဆင့် မြန်မာနိုင်ငံကို ခရီးဆက်ဖို့ ဖြစ်နိုင်ခြေ ရှိပါတယ်လို့ နယူးယောက် ကုလသမဂ္ဂ ရုံးချုပ်က အတွင်းရေးမှူးချုပ်ရဲ့ ပြောခွင့်ရ အမျိုးသမီး Ms. Michelle Montas က ပြီးခဲ့တဲ့ သောကြာနေ့က ပြောပါတယ်။မြန်မာနိုင်ငံကို ခရီးဆက်ဖို့ဟာ ဖြစ်နိုင်ခြေ ရှိပေမယ့် အတွင်းရေးမှူးချုပ် အနေနဲ့ မဆုံးဖြတ်ရ သေးပါဘူးလို့ မစ္စ မွန်တပ်စ်က ဆိုပါတယ်။
ဂျပန် ခရီးစဉ် အပြီး ဘယ်ကို ဆက်မလဲ ဆိုတာ အဲဒီအချိန် တိုးတက် ပြောင်းလဲမှုတွေ အပေါ် အခြေခံပြီး ထုတ်ပြန် ကြေညာမယ်လို့ ဆိုပါတယ်။ မစ္စတာ ဘန်ကီမွန်းဟာ မြန်မာနိုင်ငံကို သွားရောက်ဖို့ သူ့အနေနဲ့ အသင့်ရှိကြောင်း အခုလ အစောပိုင်းမှာ သတင်းထောက်တွေကို ပြောခဲ့ပါတယ်။
ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေ ပြန်လွတ်မြောက်ရေး အပါအဝင် ဒီမိုကရေစီ စနစ် ဖြစ်ပေါ်လာရေး စတဲ့ ကိစ္စတွေဟာ သူ့အတွက် ထိပ်တန်း အရေးကြီးတဲ့ ကိစ္စတွေ ဖြစ်ပြီး ဒီကိစ္စတွေဟာ ဆက်ပြီးတော့လည်း ထိပ်တန်း ကိစ္စတွေ ဖြစ်နေဦးမယ်လို့ မစ္စတာ ဘန်ကီမွန်းက ပြောခဲ့ပါတယ်။
ကုလသမဂ္ဂ အတွင်းရေးမှူးချုပ်ဟာ နာဂစ် ဆိုက်ကလုန်း တိုက်ခတ် အပြီး မနှစ်က မြန်မာနိုင်ငံကို ပထမဆုံး အကြိမ် ရောက်ရှိခဲ့ပါတယ်။
ဒေါ်အောင်ဆန်းစုကြည်နဲ့ ပတ်သက်လို့ ဇွန်လ ၁၉ ရက်နေ့ သတင်းစာ ရှင်းလင်းပွဲမှာ သတင်းထောက်တွေ မေးမြန်းရာမှာ မစ္စတာ ဘန်ကီမွန်းရဲ့ သဘောထားဟာ အရင်က အတိုင်း မပြောင်းလဲဘဲ ဒေါ်အောင်ဆန်းစုကြည်နဲ့ နိုင်ငံရေး အကျဉ်းသားတွေ ပြန်လွှတ်ပေးရေးနဲ့ အားလုံး ပါဝင်တဲ့ အမျိုးသား ပြန်လည် သင့်မြတ်ရေး အတွက် အပြည့်အဝ ပြန်လည် ဆွေးနွေးဖို့ တောင်းဆိုကြောင်း ပြောခွင့်ရ အမျိုးသမီး Ms. Michelle Montas က ဖြေကြားခဲ့ပါတယ်။

ဒေါ်အောင်ဆန်းစုကြည် မွေးနေ့သတင်း တရုတ် အစိုးရ ရုပ်မြင်သံကြားမှ ထုတ်လွှင့်

ပြီးခဲ့တဲ့ ဒေါ်အောင်ဆန်းစုကြည်ရဲ့ မွေးနေ့မှာ တရုတ် ဗဟို အစိုးရ ရုပ်မြင်သံကြားကနေ ဒေါ်အောင်ဆန်းစုကြည် အကြောင်း ထုတ်လွှင့် သွားပါတယ်။ အဲ့ဒီအချိန်ဟာ စစ်အစိုးရ ဒုတိယ ခေါင်းဆောင် ဒု-ဗိုလ်ချုပ်မှူးကြီး မောင်အေး တရုတ်ပြည်မှာ ရောက်ရှိနေချိန်နဲ့ တိုက်ဆိုင်နေတာမို့ ထူးခြားတယ်လို့ ရုပ်မြင်သံကြား ကြည့်ရှု လိုက်ရသူတွေက အာရ်အက်ဖ်အေကို ပြောပါတယ်။
ဒေါ်အောင်ဆန်းစုကြည်ရဲ့ မွေးနေ့မှာ နိုင်ငံတကာက တောင်းဆိုချက်တွေကို နောက်ခံ ရုပ်သေပုံတွေ ထိုးပြပြီး သတင်းပုံစံ ထုတ်လွှင့်သွားတာ ဖြစ်တယ်လို့ သိရပါတယ်။ ရုပ်မြင်သံကြား ကြည့်လိုက်ရသူ တရုတ် မြန်မာနယ်စပ်မှာ နေထိုင်တဲ့ မြန်မာတဦးက အခုလို ပြောပါတယ်။
"ဒေါ်အောင်ဆန်းစုကြည် အသက် (၆၄) နှစ်ပြည့်တဲ့ မွေးနေ့မှာ အင်ဒိုနီးရှား၊ စင်ကာပူ၊ မလေးရှားတို့က ဒေါ်အောင်ဆန်းစုကြည် လွတ်မြောက်ရေးကို တောင်းဆိုတယ်။ နောက် အိန္ဒိယ အတိုက်အခံ ပါတီကလည်း ဒီအမှု ကိစ္စနဲ့ ပတ်သက်ပြီး ဒေါ်အောင်ဆန်းစုကြည်ကို အမြန်ဆုံး လွှတ်ပေးဖို့ အတွက် တောင်းဆိုမှု လုပ်တယ်။"
ပြီးခဲ့တဲ့ ရက်ပိုင်းကလည်း ဒု-ဗိုလ်ချုပ်မှူးကြီး မောင်အေး ရောက်ရှိနေစဉ် တရုတ်နိုင်ငံက အများသုံး အင်တာနက် စာမျက်နှာ QQ.com မှာ မြန်မာ မြောက်ကိုရီးယား နှစ်နိုင်ငံ ဆက်ဆံရေးနဲ့ ပတ်သက်ပြီး အနောက်နိုင်ငံများရဲ့ ရေးသားချက်တွေကို ထပ်ဆင့် ဖော်ပြခဲ့ပါတယ်။ တရုတ်ပြည်မှာ သတင်းနဲ့ ပတ်သက်ပြီး ဆင်ဆာလုပ်လေ့ ရှိရာမှာ ဒီသတင်းတွေကို ဖော်ပြတာကို ကြည့်ပြီး တရုတ်နိုင်ငံရဲ့ မြန်မာနိုင်ငံ အပေါ် ထားတဲ့ ပေါ်လစီ အပြောင်းအလဲ ဖြစ်နိုင်တယ်ဆိုပြီး သုံးသပ်သူတွေက ပြောဆိုပါတယ်။
ဒီအတောအတွင်း စနေနေ့ မွန်းလွဲပိုင်းမှာ ဒု-ဗိုလ်ချုပ်မှူးကြီး မောင်အေး မြန်မာနိုင်ငံ ပြန်သွားပြီ ဖြစ်ကြောင်း ဆင်ဟွာ သတင်း တရပ်မှာ ဖော်ပြထားပါတယ်။ ဒု-ဗိုလ်ချုပ်မှူးကြီး မောင်အေးက တရုတ်နိုင်ငံ အနေနဲ့ မြန်မာနိုင်ငံက သယံဇာတ ရှာဖွေရေး လုပ်ငန်းတွေမှာ ပူးပေါင်း တိုးမြှင့် ဆောင်ရွက် သွားလိမ့်မယ်လို့ မျှော်လင့်ကြောင်း လာမယ့် အောက်တိုဘာလ တရုတ်ပြည်မှာ ကျင်းပမယ့် တရုတ်၊ အာဆီယံ ကုန်စည်ပြပွဲမှာ တက်တက်ွ့ကွ့က ပူးပေါင်း ဆောင်ရွက်လိမ့်မယ်လို့ မျှော်လင့်ကြောင်း ပြောဆိုခဲ့တယ်လို့ ရေးသားထားပါတယ်။

ဒေါ်အောင်ဆန်းစုကြည် မွေးနေ့အခမ်းအနား ( ကိုရီးယား )






21.6.2009 Daw Suu Birthday News[1]

လေးစားစွာဖြင့်

http://www.flyingpeacock.blogspot.com/

ဂျန်နရယ် မန်းကီး

အီးမေးထဲက ရတာ.. တော်တော်ရီရလို့ ..

ဒီကေဘီအေတဦး၏ထုတ်ဖေါ်မှု

“ဒေါ်အောင်ဆန်းစုကြည် (သို့မဟုတ်) သဇင်နီ ...”

မင်းဟန်
သောကြာနေ့၊ ဇွန်လ 19 2009 13:31 - မြန်မာစံတော်ချိန်


(၄)

ဒေါ်အောင်ဆန်းစုကြည်အနေနှင့် သူမ၏ဖခင် ဗိုလ်ချုပ်အောင်ဆန်းနှင့်အတူ ရှင်သန်နေထိုင်ခဲ့ရသည့်ကာလက …. တိုတိုကျဉ်းကျဉ်းလေးသာဖြစ်သည်။ တိတိပပတွက်စစ်ပါမူ ….. စုစုပေါင်း ၂၅ လမျှသာ….။ ဤမျှတိုတောင်းသော အချိန်လေးများကိုပင် ပြည့်ပြည့်ဝဝ အတူနေခဲ့ကြရခြင်း မဟုတ်ခဲ့…။ ဗမာ့တပ်မတော်အား အသစ် ပြန်လည်ဖွဲ့စည်းရန်အတွက် ဗိုလ်ချုပ်ကြီးမောင့်ဘတ်တန်နှင့် ဆွေးနွေးရန် ဗိုလ်ချုပ်သည် သီရီလင်္ကာနိုင်ငံသို့ သွားရ၏။ ရန်ကုန်မှ ၁၉၄၅ ခုနှစ် စက်တင်ဘာလ ၁ ရက်နေ့တွင် ထွက်၏။ ဗိုလ်ချုပ်၏ မြန်မာကိုယ်စားလှယ်အဖွဲ့တွင် တပ်မတော်မှ ဗိုလ်လကျာ်၊ ဗိုလ်ဇေယျ၊ ဗိုလ်နေဝင်း၊ ဗိုလ်ကျော်ဇော ပါကြ၏။ နိုင်ငံရေးခေါင်းဆောင်များမှ သခင်သန်းထွန်း၊ ဦးဘဘေ၊ ဦးညိုထွန်းနှင့် စောဘဦးကြီး ပါဝင်၏။

ခရီးစဉ်က….ရန်ကုန်မှ ကာလက္တား….။ ကာလက္တားမှတဆင့် သီရိလင်္ကာနိုင်ငံ ကန္ဒီသို့ သွားရန် ဖြစ်သည်။ ၁၉၄၅ ခုနှစ် စက်တင်ဘာ ၁ ရက်နေ့တွင် ဗိုလ်ချုပ်တို့အဖွဲ့ ရန်ကုန်မှ ထွက်သည်။ ၆ ရက်နေ့တွင် ကန္ဒီမြို့၌ “မောင့်ဘတ်တန်” ဦးဆောင်သော မဟာမိတ် စစ်ခေါင်းဆောင်များနှင့် ဗိုလ်ချုပ်တို့ ဆွေးနွေးကြသည်။ တပ်မတော်သစ် ဖွဲ့စည်းရေးဆိုင်ရာ “ကန္ဒီစာချုပ်” အား ချုပ်ဆိုကြ၏။ ကန္ဒီမှ ပြန်ရောက်ပြီးသည့်နောက်….ဗိုလ်ချုပ်သည် တပ်မှ နုတ်ထွက်၍ ဖဆပလတွင်ပင် ဥက္ကဋ္ဌအဖြစ်နှင့် နိုင်ငံရေးတာဝန်များအား အချိန်ပြည့် ထမ်းဆောင်၏။ ဖဆပလဥက္ကဋ္ဌ အနေဖြင့်လည်း ဗိုလ်ချုပ်သည် အမှတ် ၂၅ တာဝါးလိန်းနေအိမ်၌ နေရသည့်နေများက နည်းသည်။ တပြည်လုံးအနှံ့ ခရီးထွက်၍ လူထုနှင့်တွေ့ဆုံပြီး ရှင်းလင်းပြောကြားနေခဲ့ရသည်က များ၏။ မြစ်ကြီးနားသို့ သွား၏။ ဒူးဝါးကြီးများနှင့် ဆွေးနွေး၏။ ကချင်လူထုနှင့် တွေ့၏။ အိမ်တွင်ရှိသည့် အချိန်များတွင်လည်း ဗိုလ်ချုပ်သည် နေ့နေ့ညည အလုပ်များနှင့်ပိ၍ နေခဲ့သည်။

၁၉၄၆ ခုနှစ် ဇွန်လတွင် ဘုရင်ခံ ဒေါ်မန်စမစ်သည် ကျန်းမာရေးကြောင့် အင်္ဂလန်သို့ ပြန်သွားခဲ့၏။ ဒေါ်မန်စမစ်နေရာတွင် ဆာဟူဘတ်ရန့်စ်သည် ဘုရင်ခံသစ်အဖြစ်နှင့် ရောက်လာ၏။ ဘုရင်ခံသစ်က ရန်ကုန်သို့ရောက်ပြီး မကြာ…. ဗိုလ်ချုပ်အောင်ဆန်းနှင့် တွေ့၏။ ဖဆပလနှင့် ဆွေးနွေး၏။ နှစ်ဖက် …. အလျှော့အတင်းနှင့် ဘုရင်ခံ၏ အမှုဆောင်ကောင်စီတွင် ဖဆပလမှ ပါဝင်ရန် ဗိုလ်ချုပ်တို့ သဘောတူလိုက်၏။

၁၉၄၆ ခုနှစ် စက်တင်ဘာလတွင် အမှုဆောင်ကောင်စီသစ်အား ဖွဲ့စည်း၏။ ဆာဟူးဘတ်ရန့်စ်က ကောင်စီ၏ ဥက္ကဋ္ဌ …. ဗိုလ်ချုပ်အောင်ဆန်းက ဒု-ဥက္ကဋ္ဌ။ ကောင်စီဝင် ၁၁ ဦး ရှိသည်။ ဖဆပလက ကောင်စီတွင် ၆ ဦး ပါရှိ၏။ ပြီးလျှင် …. ဗိုလ်ချုပ်က …. ဝန်ကြီးအဖွဲ့တွင် ကာကွယ်ရေးနှင့် နိုင်ငံခြားရေးဝန်ကြီး တာဝန်ကိုလည်း ယူရ၏။ သို့သော် … လွတ်လပ်ရေးခရီးက …..အဆုံးတိုင်သို့ မရောက်သေး…..။ ဗိုလ်ချုပ်၏ ဦးဆောင်မှုအောက်၌ ဆက်၍ချီဆဲ…။

၁၉၄၆ ခုနှစ် ဒီဇင်ဘာလတွင် ဒေါင်းနင်းလမ်းက ဗိုလ်ချုပ်တို့အား အချုပ်အခြာအာဏာပိုင် မြန်မာနိုင်ငံ တည်ထောင်ရေးအတွက် ဆွေးနွေးရန် ကမ်းလှမ်း၏။ ဖဆပလက “ဝှိုက်ဟော”၏ ကမ်းလှမ်းချက်ကို လက်ခံ၍ ဗိုလ်ချုပ် ဦးဆောင်သော မြန်မာကိုယ်စားလှယ်အဖွဲ့ တဖွဲ့ လန်ဒန်သို့ သွား၏။

၁၉၄၇ ခုနှစ် ဇန်နဝါရီလ တလလုံးနီးနီး လန်ဒန်တွင် နေပြီး ဒေါင်းနင်းလမ်းနေအိမ်၌ အက်တလီအစိုးရအဖွဲ့နှင့် ဗိုလ်ချုပ်တို့ ဆွေးနွေးကြသည်။ အဆုံး၌ သဘောတူညီမှု ရခဲ့ကြ၏။ ဗိုလ်ချုပ်အောင်ဆန်းနှင့် ဗြိတိသျှနန်းရင်းဝန် မစ္စတာအက်တလီတို့ သဘောတူစာချုပ်အား လက်မှတ်ရေးထိုးကြ၏။

“အောင်ဆန်း-အက်တလီစာချုပ်”

တနှစ်အတွင်း လွတ်လပ်ရေး ရ….ရမည်….။ ဗိုလ်ချုပ်၏ အင်္ဂလန်ပြန် လက်ဆောင်က မြန်မာပြည်သူများအတွက်…. တနှစ်အတွင်း လွတ်လပ်ရေး ရ….ရမည်ဖြစ်၏။ သူ၏ ကလေးများအတွက်လည်း လက်ဆောင်များ ပါခဲ့၏။ သမီးငယ်အတွက်က အရုပ်ကြီးတရုပ်….။ ထိုအရုပ်ကြီးက လန်ဒန်တွင် ဒိုရာသန်းအေး (ဘိလပ်ပြန်သန်း) အား သမီးအတွက် ဗိုလ်ချုပ်က အဝယ်ခိုင်း၍ ဒိုရာသန်းအေးက ဝယ်ပေးလိုက်သည့် လက်ဆောင်ဖြစ်၏။ ဒေါ်အောင်ဆန်းစုကြည်က ထိုလက်ဆောင်အရုပ်ကြီးအား နှစ်ပေါင်းများစွာ ကြာသည့်အထိ မပျက်မစီး ထိန်းသိမ်းထားခဲ့၏။

(၅)

မိုးသောက်ယံကတည်းက .. ကောင်းကင်သည် အုံ့အုံ့မှိုင်းမှိုင်း …. ညို့ညို့ဆိုင်းဆိုင်း ….၊ ကြည်ကြည်လင်လင် မရှိ။ မြင်ရသည်မှာ မြူသန်းနေသည့် ပင်လယ်ပြင်ကြီးအလား….။ အရပ်ရပ်သည် ဝိုးဝိုးဝါးဝါး…..။ မိုးသည် လွတ်လွတ်ကင်းကင်း စဲသည်ဟူ၍ မရှိ။ ဖွဲလိုက်….။ သည်းလိုက်…..။ တဖြိုင်ဖြိုင် ရွာချလိုက်နှင့် စွေနေသည်။ သနပ်ခါးရောင် ပိုးပျော့ရင်ဖုံး၊ ဘန်ကောက်လုံချည်၊ ပန်းနုရောင်ခေါင်းပေါင်းနှင့် ရုံးသွားရန် ပြင်ဆင်နေသော ဖခင်အားမြင်ရသည်မှာ ဒေါ်အောင်ဆန်းစုကြည် စိတ်ထဲ၌ “ဆန်း”၍ နေသည်။ ယခင်ကမူ….. ဖေဖေ့အား စစ်ဝတ်စုံနှင့်သာ အမြဲလိုလို တွေ့ရမြဲ….။ မိုးကမစဲ…..။ ဖွဲလိုက်၊ သည်းလိုက်နှင့်…..။ မိုးရေထဲမှာပင် ဗိုလ်ချုပ်သည် အပါးတော်မြဲ ဗိုလ်ထွန်းလှနှင့်အတူ ကားပေါ်သို့ တက်ပြီး ရုံးသို့ ထွက်သွား၏။ မိုးသည်းနေသဖြင့် အိမ်အဝ အထိပင် ဖခင်ဖြစ်သူအား ဒေါ်အောင်ဆန်းစုကြည်တို့ လိုက်ပို့နိုင်ကြ၏။ ဤလိုက်ပို့ခြင်းက ဖခင်ဖြစ်သူအား နောက်ဆုံးလိုက်ပို့ခဲ့သည့် နောက်ဆုံး ခရီးဟု ထိုစဉ်က …. ဒေါ်အောင်ဆန်းစုကြည်နှင့် သူမ၏ အကိုများ မတွေးမိ၊ မထင်မှတ်မိခဲ့…..။

ထိုနေ့က …… ၁၉၄၇ ခုနှစ်၊ ဇူလိုင်လ ၁၉ ရက်……။

(၆)

၁၉၄၈ ခုနှစ် ဇန်နဝါရီလ ၄ ရက်နေ့တွင် လွတ်လပ်ရေးရခဲ့၏။ လွတ်လပ်သောနိုင်ငံသစ်တွင် ပထမဦးဆုံး အစိုးရအဖွဲ့၏ ဝန်ကြီးချုပ်က သခင်နု ဖြစ်လာခဲ့သည်။ လွတ်လပ်သော နိုင်ငံသစ်၌ ဒေါ်ခင်ကြည်သည်လည်း နိုင်ငံ့တာဝန်အား ထမ်းဆောင်၏။ အရွယ်မရောက်သေးသည့် သားသမီး ၃ ယောက်အား ထိန်းကျောင်းရင်း……။ တဖက်တွင် မိခင်နှင့် ကလေးစောင့်ရှောက်ရေးဌာန၊ လူမှုဝန်ထမ်းဌာနတို့တွင် တာဝန်ကြီးကြီးယူ၍ ထမ်းဆောင်ရ၏။ ထူထောင်ကာစ တိုင်းပြည်သစ်တွင် ဒေါ်ခင်ကြည်သည်လည်း အလုပ်တာဝန်များနှင့် မအားမလပ်…..ပိ၍နေသည်။

ဒေါ်အောင်ဆန်းစုကြည်၏ ငယ်စဉ်ကလေးဘဝက ….. တပ်မတော်သား ရဲဘော်ရဲဘက်များ၏ ထိန်းကျောင်း၊ စောင့်ရှောက်မှု လက်ပေါ်၌သာ ကြီးပြင်းခဲ့ရသည်ဟု ဆိုရမည်။ ဒေါ်အောင်ဆန်းစုကြည်တို့ မောင်နှမများအပေါ် အနွံအတာ အခံရဆုံးက …… ဗိုလ်ချုပ်၏ ကားအား မောင်းရသည့် ရဲဘော်ဖြစ်၏။ မပီ့တပီနှင့် ထိုရဲဘော်၏ အမည်အား ဒေါ်အောင်ဆန်းစုကြည်က ခေါ်တတ်၏။ ဒေါ်အောင်ဆန်းစုကြည်တို့ မောင်နှမများက မိခင်၏ အုပ်ထိန်းမှု တပ်မတော်သား ရဲဘော်ရဲဘက်များ၏ ထိန်းကျောင်းမှုအောက်၌ ကြီးပြင်းခဲ့ရသည်ဟု ဆိုရမည်ဖြစ်သော်လည်း စင်စစ်တွင်မူ ဗိုလ်ချုပ်၏ … “ကလေးတွေကို ဘာကိုမှ မကြောက်စေနဲ့။ သူတို့ ကြောက်ဖို့ဟာ နှစ်ခုပဲရှိတယ်။ မတရားတဲ့ ကိစ္စကို လုပ်ဖို့ ကြောက်ရမယ်။ မမှန်တဲ့ ကိစ္စကို လုပ်ဖို့ ကြောက်ရမယ်။ လောကမှာ ကြောက်ဖို့ဆိုတာ ဒီနှစ်ခုပဲရှိပါတယ်။” ဟူသည့် သွန်သင်မှု၊ သင်ကြားမှုများအတွင်း၌သာ အသားကျ၊ အရိုးစွဲရှင်သန်ကြီးပြင်းခဲ့သည်ဟု ဆိုရမည်….။

(၇)

၁၉၄၉ ခုနှစ်တွင် ဒေါ်အောင်ဆန်းစုကြည် ကျောင်းစ၍ နေရသည်။ ရန်ကုန်ရှိ “စိန့်ဖရန့်စစ်” ကွန်ဗင့်ကျောင်းတွင် ဖြစ်သည်။ အင်းစိန်၌ သေနတ်သံတို့က စဲစပြုပြီ….။ ယမ်းငွေ့ကမူ ဝေဆဲ…..။ KNDO တို့က အင်းစိန်အား ၁ဝ၁ ရက်တိုင်တိုင် သိမ်းပိုက်ထားခဲ့ရာမှ စွန့်၍ မြစ်ဝကျွန်းပေါ်ဘက်သို့ တဖြေးဖြေး ဆုတ်ခွာသွားကြ၏။ ည ၉ နာရီကျော်လျှင် ….. အပြင်မထွက်ရ….။ နေဝင်မီးငြိမ်းအမိန့်အား ရန်ကုန်မြို့တွင် ထုတ်ပြန်၍ထားဆဲ….။ ဗမာပြည် ကွန်မြူနစ်ပါတီ၏ ပြည်သူ့တပ်မတော်နှင့် KNDO တပ်များက မြန်မာပြည်မြို့ကြီး အများအပြားအား သိမ်းပိုက်ထား၏။ ပုသိမ်၊ မြောင်းမြ၊ ဓနုဖြူ၊ ညောင်တုန်းတို့က KNDO တို့၏ လက်အောက်၌ ရှိနေ၏။ ဒေါ်အောင်ဆန်းစုကြည်၏ အမေဘက်မှ အဖိုးအဖွားနှင့် ဆွေမျိုးများက …..ပုသိမ်၊ မြောင်းမြဘက်၌ ရှိကြ၏။ ပြည်သူ့ရဲဘော်တို့ တောခိုသွားကြ၏။ တိုင်းပြည်က မီးလျှံအတွင်း၌…..။

“စိန့်ဖရန့်စစ်” ကွန်ဗင့်ကျောင်းတွင် ဒေါ်အောင်ဆန်းစုကြည်သည် ၁၉၅၇ ခုနှစ်အထိ နေခဲ့၏။ အလယ်တန်းပညာအား “စိန့်ဖရန့်စစ်” ကွန်ဗင့်ကျောင်းမှပင် ပြီးဆုံးအောင်မြင်ခဲ့၏။ ထိုစဉ်က မြန်မာပြည်ပညာရေး၌ အစိုးရကျောင်းများနှင့် သာသနာပြုကျောင်းများဟူ၍ ၂ မျိုး ရှိ၏။ ဝန်ကြီးချုပ်ဦးနု အပါအဝင် အစိုးရအဖွဲ့ဝင် ဝန်ကြီးများ အားလုံးလိုလိုက သူတို့၏ သားသမီးများအား ပညာရေးဝန်ကြီးဌာန လက်အောက်ရှိ အစိုးရကျောင်းများ၌ မထား….။ သာသနာပြုကျောင်းများတွင်ပင် ထားကြ၏။

၁၉၅၆ ခုနှစ်….။

ဒေါ်အောင်ဆန်းစုကြည် “စိန့်ဖရန့်စစ်” ကွန်ဗင့်ကျောင်း၌ အလယ်တန်းပညာအား သင်ယူနေစဉ်… ၇ တန်း စာမေးပွဲ မေးခွန်းပေါက်ကြားမှုမှစ၍ ကျောင်းသားတဦး သေဆုံးခဲ့ရသည့် အရေးအခင်းတခု ဖြစ်ခဲ့၏။ မေးခွန်းပေါက်ကြားမှုအား အထောက်အထားနှင့်တကွ ဗမာ့ခေတ် သတင်းစာက ရေးသည်။ ဗမာ့ခေတ်တွင် ဖော်ပြပါရှိသည့် မေးခွန်းနှင့် စာမေးပွဲ စာစစ်ခန်းမှ မေးခွန်းက ထပ်တူဖြစ်နေသည်။ ဤတွင် …. ပညာရေးအာဏာပိုင်တို့က စာမေးပွဲအား ရက်အကန့်အသတ်မရှိ ရွှေ့လိုက်ကြောင်း …. စာမေးပွဲဖြေရန် ရောက်လာကြသည့် ကျောင်းသားများအား ရှင်းကြ၏။ နောက်ဆုံး ….. ကျောင်းသားများက သတင်းဖော်ပြခဲ့သည့် ဗမာ့ခေတ်သတင်းစာတိုက်သို့ ချီတက်၍ ဝိုင်းကြ၏။ သတင်းစာတိုက်အား ဖျက်ဆီးရန် ကြိုးစားကြ၏။ ဤတွင် ပစ်ခတ်မှုဖြစ်ပြီး ကျောင်းသားတဦး ဒဏ်ရာရ၏။ နောက်ပိုင်း …. သွေးလွန်၍ ထိုကျောင်းသား ကွယ်လွန်ခဲ့၏။ ကွယ်လွန်ခဲ့သည့် ကျောင်းသားအမည်က ….“ဟယ်ရီတန်…”…..။ ထိုအရေးအခင်းအား ….“ဟယ်ရီတန်” အရေးအခင်း” ဟု ဆိုကြ၏။ ထိုနှစ်က …. အစိုးရကျောင်းများ အားလုံးရှိ ၇ တန်းကျောင်းသား အားလုံးအား အတန်းအအောင်ပေးခဲ့၏။

(၈)

၁၉၅၇-၅၈ ပညာသင်နှစ်တွင် ဒေါ်အောင်ဆန်းစုကြည်သည် မက်သဒစ်အထက်တန်းကျောင်းသို့ ပြောင်းရွှေ့၍နေသည်။ ထိုစဉ်က ဒေါ်အောင်ဆန်းစုကြည် အသက်သည် ၁၃ နှစ်မျှ ရှိပြီ။ ပြည်တွင်းစစ်နှင့် စခဲ့ရသည့် လွတ်လပ်ရေးနှင့် ဒီမိုကရေစီသည် ၁ဝ နှစ်ခရီး လျှောက်လှမ်းပြီးသည့်အချိန်၌ ….ဖဆပလ၏ အာဏာရပ်ဝန်း အကွဲအပြဲတို့ကြောင့် နိဂုံးချုပ်ရတော့မည့်အလား ဖြစ်နေ၏။ ဦးနုက ဖဆပလအတွင်း သန့်ရှင်းရမည်ဟု ကြွေးကြော်၏။ တဖန် “ဆွေ-ငြိမ်း” တို့ကလည်း ဖဆပလ တည်မြဲရမည်ဟု ဟစ်အော်ပြန်၏။ ကြွေးကြော်ရင်း ….. ဟစ်အော်ရင်းနှင့် ၁၉၅၈ ခုနှစ် ကမ္ဘာအေး ဖဆပလ ညီလာခံကြီးတွင် နှစ်ခြမ်းကွဲသွားတော့၏။ သန့်ရှင်းနှင့် တည်မြဲဟူ၍……။ ဦးနုနှင့် မင်းလှ ဗိုလ်တဲသခင်တင်တို့က သန့်ရှင်းအား ဦးဆောင်၏။ ဦးဗဆွေ၊ ဦးကျော်ငြိမ်းတို့က တည်မြဲအား ခေါင်းဆောင်ကြ၏။ ညီလာခံအကွဲက…. လွှတ်တော်ထဲအထိ သယ်လာကြသည်။ ၁၉၅၈ ခုနှစ် ဇွန်လ ၅ ရက်နေ့တွင် ပါလီမန်လွှတ်တော်၌ တည်မြဲတို့က ဦးနု၏ အစိုးရအဖွဲ့အား အယုံအကြည်မရှိ အဆိုတင်၏။ သန့်ရှင်းအစိုးရအား ပမညတ တို့က လွှတ်တော်အတွင်း မဲတင်းပေးလိုက်ကြသဖြင့် တည်မြဲတို့၏ အဆိုက မအောင်…..။ ရှုံးနိမ့်ခဲ့ရ၏။ အာဏာရပ်ဝန်း၏ အလှုပ်အရမ်းအား ကြည့်ပြီး စစ်တပ်က တစခန်းထလာပြန်သည်။ တည်မြဲစစ်ဗိုလ်တို့က သန့်ရှင်းဦးနုအား အကျပ်ကိုင်၏။ အာဏာသိမ်းရန်အထိ ခြေလှမ်းပြင်လာကြသည်။ သန့်ရှင်းအစိုးရက …. တည်မြဲနှင့် စစ်တပ်။ စစ်မျက်နှာနှစ်ဖက်အား ရင်ဆိုင်နေရ၏။

၁၉၅၈ ခုနှစ် စက်တင်ဘာလ ၂ ရက်နေ့တွင် ဝန်ဒါမီယာရှိ ဝန်ကြီးချုပ်ဦးနု၏ အိမ်တွင် တပ်မှူးအချို့နှင့် ဦးနု ဆွေးနွေး၏။ တပ်မှူးများက ဗိုလ်မှူးချုပ်တင်ဖေ၊ ဗိုလ်မှူးကြီးအောင်ကြီးနှင့် ဗိုလ်မှူးကြီးမောင်မောင် ဖြစ်သည်။ တပ်သို့ အာဏာလွှဲပြောင်းပေးရန် သေနတ်ပြ၍ တောင်းဆိုနေကြခြင်း ဖြစ်သည်။ ဆွေးနွေးပွဲက ၄ နာရီခန့် ကြာသည်။

နောက်ဆုံး ဦးနုလိုက်လျောလိုက်ရ၏။ စစ်တပ်၏ ကတ္တီပါ အာဏာသိမ်းပွဲ…..။ ထိုထိုသော အခြေအနေများအား ဒေါ်အောင်ဆန်းစုကြည်သည် မက်သဒစ်ကျောင်းတွင် ကျောင်းတက်ရင်း သိခွင့်၊ ကြားခွင့် ရခဲ့၏။ ဗိုလ်ချုပ်အောင်ဆန်း ကွယ်လွန်ခဲ့ပြီး သည့်နောက်တွင်လည်း ဗိုလ်ချုပ်၏ ကျောင်းနေဘက် သူငယ်ချင်းများ၊ နိုင်ငံရေးလုပ်ဖော်ကိုင်ဖက်များ ….. တပ်မတော်အတွင်းမှ ဗိုလ်ချုပ်၏ ရဲဘော်ရဲဘက်များက ဒေါ်အောင်ဆန်းစုကြည်တို့၏ နေအိမ်သို့ ဝင်ထွက်မြဲ၊ စောင့်ရှောက်မြဲ၊ ကူညီမြဲ ….. ဝန်းရံကြဆဲပင်…..။ ထိုအထဲ၌ …. ဦးအုန်း၊ သခင်အုန်းမြင့်၊ အိုးဝေ ဦးညိုမြ၊ တရားသူကြီးချုပ် ဦးမြင့်သိန်းတို့က နီးနီးကပ်ကပ် ပို၍ရှိကြသည်။ နွေးနွေးထွေးထွေး ဆက်ဆံကြ၏။ မိခင်ဒေါ်ခင်ကြည်နှင့် ထိုပုဂ္ဂိုလ်များ၏ စကားဝိုင်းများတွင် ဒေါ်အောင်ဆန်းစုကြည်သည် အနားမှ နားထောင်ခွင့်ရခဲ့၏။ သူတို့၏ အသိ၊ သူတို့၏ အတွေးအမြင်၊ အယူအဆများအား ဒေါ်အောင်ဆန်းစုကြည်သည် နီးနီးကပ်ကပ် သိရှိခွင့်ရခဲ့၏။ ထိုစဉ်က …. စစ်တပ်အာဏာသိမ်းမှုနှင့် ပတ်သက်ပြီး ဒေါ်အောင်ဆန်းစုကြည်က ….. ၁၉၈၈ ခုနှစ် ဒီဇင်ဘာလ မွန်ပြည်နယ် စည်းရုံးရေးခရီးစဉ်အတွင်း မော်လမြိုင်မြို့ NLD ရုံး၌ အတိတ်အား ပြန်ပြောင်း၍ အမှတ်တရ ထုတ်ဖော်ပြောဆိုခဲ့၏။

“၁၉၅၈ ခုနှစ် ပထမအကြိမ် စစ်အာဏာသိမ်းကတည်းက ကျမ သဘောမကျခဲ့ဘူး။ သဘောမကျရတဲ့ အကြောင်းအရင်းကတော့ တပ်မတော်ဟာ နိုင်ငံရေးအာဏာသိမ်းဖို့ ဖေဖေက တည်ထောင်ထားတာ မဟုတ်ပါဘူး။ ဒါ့ကြောင့် ဖေဖေကိုယ်တိုင် နိုင်ငံရေးလုပ်တဲ့အခါ တပ်မတော်ထဲက ထွက်ပြီးမှ လုပ်ပါတယ်။ ဒီလိုတပ်မတော်ထဲက ထွက်ပြီးမှ နိုင်ငံရေးလုပ်ခဲ့ရတဲ့ အကြောင်းကတော့ အစဉ်အလာ ကောင်းစေချင်လို့ပဲ။ တိုင်းပြည်တပြည်ကို လက်နက်အားကိုးပြီးတော့ အုပ်ချုပ်တယ်ဆိုတဲ့ အစဉ်အလာ မဖြစ်စေချင်လို့။ တိုင်းပြည်ကို အုပ်ချုပ်တဲ့ ခေါင်းဆောင်များဟာ ပြည်သူလူထုထောက်ခံမှု အင်အားနဲ့ပဲ အုပ်ချုပ်တာ ဖြစ်ရမယ်။ လက်နက်အင်အားနဲ့ အုပ်ချုပ်တာ မဖြစ်ရဘူးဆိုတာ ကျမကို မွေးကတည်းက သင်ထားခဲ့တဲ့ ကျမသိခဲ့တဲ့ သင်ခန်းစာပါ။ ဒါ့ကြောင့် ၁၉၅၈ ပထမအကြိမ် စစ်တပ်အာဏာ သိမ်းတုန်းကလည်း ကျမ မထောက်ခံခဲ့ဘူး။ အဲဒီတုန်းက ကျမ ငယ်ငယ်ပဲ ရှိပါသေးတယ်။ အသက် ၁၃ နှစ်ပဲ ရှိပါသေးတယ်။ ဒါပေမယ့်လည်း ကျမတို့အသိုင်းအဝိုင်းက လူကြီးတွေက ဒီဟာက လုပ်သင့်လုပ်ထိုက်တဲ့ ကိစ္စမဟုတ်ဘူးဆိုတာ သင်ထားခဲ့လို့ ကျမ အဲဒီကတည်းက နားလည်ခဲ့ပါတယ်”

(၉)

၁၉၆ဝ ခုနှစ် ရွေးကောက်ပွဲတွင် ဦးနုက ပြည်ထောင်စုပါတီထောင်ပြီး ရွေးကောက်ပွဲ ဝင်သည်။ “ဆွေ၊ ငြိမ်း” တို့ကမူ ဖဆပလအနေနှင့်ပင် ရွေးကောက်ပွဲ ဝင်ကြ၏။ “ဆွေ၊ ငြိမ်း” တို့၏ ကြွေးကြော်သံက ….“ရှုံးရင်လည်း နိုင်ရမည်” ဟူ၍ ဖြစ်သည်။ ၁၉၆ဝ ပြည့်နှစ် ရွေးကောက်ပွဲကား ….. မသမာမှုများ၊ ဘက်လိုက်မှုများ၊ အကြမ်းဖက် ခြိမ်းခြောက်မှုများ …. လုပ်ကြံသတ်ဖြတ်မှုများ အတွင်းမှာပင် ကျင်းပပြီးစီးခဲ့သည်။ ရွေးကောက်ပွဲပြီးသည့်နောက် အာဏာရရှိခဲ့သည့် ဦးနု၏ ပထစ အစိုးရက ဒေါ်ခင်ကြည်အား အိန္ဒိယနိုင်ငံဆိုင်ရာ မြန်မာသံအမတ်ကြီးအဖြစ် ခန့်အပ်၏။ ဒေါ်အောင်ဆန်းစုကြည် သည်လည်း မိခင်နှင့်အတူပင် အိန္ဒိယသို့ လိုက်ပါသွားမည်ဖြစ်သည်။ ဒေါ်အောင်ဆန်းစုကြည်တို့ မိသားစု အိန္ဒိယသို့ ပြောင်းရွှေ့ရေးအတွက် ပြင်ဆင်ကြရ၏။ ယူသွားကြမည့်ပစ္စည်းများ ထုပ်ပိုးကြ၏။ အချို့ပစ္စည်းများက သဘောင်္နှင့် ပို့ရမည့် ပစ္စည်းများဖြစ်သည်။ ပစ္စည်းအများစုက စာအုပ်၊ စာတမ်းများ ဖြစ်၏။

ထိုစဉ်က ဒေါ်အောင်ဆန်းစုကြည်၏ အသက်သည် ၁၅ နှစ်မျှသာ ရှိသေးသော်လည်း ကျောင်းစာအပြင် အခြားပြင်ပမှ စာအုပ်စာတမ်းများအား ဖတ်ရှုနေပြီဖြစ်သည်။ စာဖတ်ဝါသနာက ထိုစဉ်ကတည်းက ဒေါ်အောင်ဆန်းစုကြည်တွင် အမြစ်တွယ်နေလေပြီ။ ဒေါ်အောင်ဆန်းစုကြည်၏ အဓိက ဝါသနာက စာဖတ်ခြင်းဟုပင် ဆိုရမည်။ ပြင်ပစာပေများအား အထူး နှစ်သက်မက်မောစွာ ဖတ်၏။ နှစ်သက်သည့် စာအုပ်များကိုလည်း တခုတ်တရ သိမ်းဆည်းတတ်၏။ ဒေါ်အောင်ဆန်းစုကြည်အဖို့ ဤသို့ စာပေဝါသနာ ထက်သန်ရင့်မာလာစေရန်အတွက် နည်းပေး၊ လမ်းညွှန်ခဲ့သည့် ပုဂ္ဂိုလ်များက ရှိ၏။ တဦးက ….. ဦးအုန်းဖြစ်သည်။ ဦးအုန်းက တက္ကသိုလ်တွင် ဒေါ်အောင်ဆန်းစုကြည်၏ ဖခင် ဗိုလ်ချုပ်အောင်ဆန်းနှင့် ကျောင်းနေဘက် … ဖဆပလအတွင်း၌လည်း တွဲ၍လုပ်ကိုင်ခဲ့ဖူးသည့် လုပ်ဖော်ကိုင်ဖက်တဦး..။ နောင်တွင်မူ …. သတင်းစာဆရာ၊ ဆိုဗီယက်ပြည်ထောင်စု သမ္မတနိုင်ငံဆိုင်ရာ မြန်မာသံအမတ်ကြီး….။ ဦးအုန်းက ဒေါ်အောင်ဆန်းစုကြည်အား ဖတ်သင့်ဖတ်ထိုက်သည့် စာအုပ်များအား ညွှန်း၏။

ဦးအုန်းကဲ့သို့ပင် ဒေါ်အောင်ဆန်းစုကြည်အား စာအုပ်လမ်းညွှန်များပေးခဲ့သူ နောက်တဦးကား …. အိုးဝေဦးညိုမြ ဖြစ်သည်။ ဦးညိုမြက ဒေါ်အောင်ဆန်းစုကြည်အား “ဟားဗက်ဂန္တဝင်” (Harvard Classics) စာအုပ်တွဲ တစုံလုံးအား လက်ဆောင်ပေး၏။ ဒေါ်အောင်ဆန်းစုကြည် နှစ်သက်သည့် စာအုပ်များစာရင်းတွင် “ဟားဗတ်ဂန္တဝင်” စာအုပ်တွဲလည်း ပါ၏။ မကြာခဏ ပြန်ပြန်ဖတ်သည်။ နယူးဒေလီသို့ ဒေါ်အောင်ဆန်းစုကြည် သယ်ယူသွားမည့် ပစ္စည်းအများစုက စာအုပ်များ ဖြစ်သည်။

နယူးဒေလီတွင် ဒေါ်အောင်ဆန်းစုကြည်တို့ နေရသည့်အိမ်က …. အက္ကဘာလမ်း (Akbar Road) တွင် ရှိသည်။ အိမ်နံပါတ်က ၂၄ ဖြစ်သည်။ ခြံက ကျယ်ဝန်း၏။ ပန်းပင်များနှင့် ဥယျာဉ်ကြီးတခုအလား ….။ အိမ်မှာလည်း ကြီးမားခန့်ငြား တင့်တယ်လွန်းလှ၏။ ဒေလီရှိ ဒေါ်အောင်ဆန်းစုကြည်တို့ နေအိမ်လမ်းထိပ်တွင် သပြေပင်များရှိသည်။ သပြေသီး သီးချိန်၌ ခရမ်းရောင်ရင့်ရင့် ရှည်မျောမျော သပြေသီးတို့က လမ်းဘေးတွင် ပြောင်ပြောင်လက်လက်နှင့် ဖွေးနေသည်။ သပြေသီးအား ဒေလီတွင်က “ဇမ္ဖု” ဟု ခေါ်ကြသည်။ သပြေပင်များအကြား ဖြတ်လျှောက်သွားမိသည့် အချိန်များတွင် ဒေါ်အောင်ဆန်းစုကြည်သည် ကဗျာဆရာကြီး မင်းသုဝဏ်၏ ကဗျာတိုလေးအား သတိရမိ၏။

“ဝါဆို ….. ဝါခေါင်

ရေတွေကြီးလို့ …..

သပြေသီးမှည့် ကောက်စို့ကွယ် …..”

(၁ဝ)

နယူးဒေလီ၌ ဒေါ်အောင်ဆန်းစုကြည်သည် “ဂျိုးဇက်နှင့် မေရီ ကွန်ဗင့်ကျောင်း” (Convent of Jesus and Mary) တွင် ပညာဆက်သင်ရသည်။ ကျစ်ဆံမြီး တုတ်တုတ်ရှည်ရှည်ကြီးနှင့် ၁၅ နှစ်သမီးအရွယ် ဒေါ်အောင်ဆန်းစုကြည်သည် ကျောင်းသစ်၊ အတန်းသစ်၊ မိတ်ဆွေအသစ်များအကြား၌ ထူးဆန်းနေသည်။ “ဂျိုးဇက်နှင့် မေရီ ကွန်ဗင့်ကျောင်း” တွင် တနှစ်ခန့် ပညာသင်ပြီးသည့်နောက် …. ဒေါ်အောင်ဆန်းစုကြည်သည် ဒေလီတက္ကသိုလ်၊ လေဒီရှယ်ရီရမ် ကောလိပ် (Lady Shri Ram College) သို့ ဝင်ခွင့်ရ၏။

၁၉၆၂ ခုနှစ် ……။

လေဒီရှယ်ရီရမ် ကောလိပ်တွင် ဒေါ်အောင်ဆန်းစုကြည်သည် နိုင်ငံရေးသိပံ္ပဘာသာရပ်အား အဓိကဘာသာအဖြစ် ယူခဲ့၏။ ဒေလီတက္ကသိုလ်တွင် တတ်ရောက်နေစဉ် … ရန်ကုန်မှ စိတ်မချမ်းမြေ့ဖွယ် သတင်းများအား ဆက်တိုက်ဆိုသလိုပင် ကြားနေရ၏။ ၁၉၆၂ ခုနှစ် မတ်လ ၂ ရက်နေ့တွင် ဗိုလ်နေဝင်းဦးဆောင်သည့် စစ်တပ်က တိုင်းပြည်အာဏာအား သိမ်းယူလိုက်၏။ ၆၂ ခုနှစ် အာဏာသိမ်းပွဲက ၅၈ ကဲ့သို့ ကတ္တီပါအာဏာသိမ်းပွဲမျိုး မဟုတ်….။ ပစ်ခတ်မှု ပါ၏။ သမ္မတ၏ အိမ်တော်အား ဝင်ရောက်စီးနင်ရာတွင် ပစ်ခတ်ဝင်ရောက်၏။ သမ္မတ စပ်ရွှေသိုက်၏ သားတဦး သေဆုံးခဲ့ရ၏။ သွေးနှင့်စသော ခရီးအစ…..။ မြန်မာပြည်က အမှောင်နက်နက်အတွင်းသို့ တိုးဝင်ကာ သွားနေလေပြီဟု ဒေါ်အောင်ဆန်းစုကြည် တွေးထင်မိခဲ့၏။

ဒေါ်အောင်ဆန်းစုကြည် ဒေလီတက္ကသိုလ်တွင် ကျောင်းတက်နေစဉ်အတွင်း ဗိုလ်နေဝင်း၏ အာဏာသိမ်း တပ်မတော်အဖွဲ့အပေါ် ရန်ကုန်တက္ကသိုလ် ကျောင်းသားတို့က ဆန့်ကျင်ဆန္ဒပြကြသည့် သတင်းများ ကြားရ၏။ စိုးရိမ်ထိတ်လန့်စွာနှင့်ပင် နားစွင့်နေမိသည်။ ရန်ကုန်တက္ကသိုလ် ကျောင်းသားသမဂ္ဂ၏ တောင်းဆိုချက်ကိုမူ ဒေါ်အောင်ဆန်းစုကြည် သဘောတူ၏။ ကျောင်းသားတို့၏ ရပ်တည်ချက်နှင့် ရဲဝံ့မှုအား သဘောကျနှစ်သက်၏။ မိမိသည်လည်း ဒေလီတက္ကသိုလ်၌ ပညာသင်နေသည့် ကောလိပ်ကျောင်းသူတဦး….။ “ကျောင်းသား” ဟူသော “သွေး” က “ဝေး” သော်လည်း “နီး” စေ၏။ ရင်ခုန်သံချင်းက …. “ဟာမီုနီ” ဖြစ်၏။ ဤသို့ပင် ….. ဒေါ်အောင်ဆန်းစုကြည် ခံစားမိ၏။ ပြီးလျှင် ….. မိမိကိုယ်တိုင်က “အရပ်ဖက် အုပ်ချုပ်ရေးတွင် တပ်မတော်မှ လက်နက်နှင့် ပါဝင်ပတ်သတ်သည်ကို မနှစ်သက်…..။ စစ်တပ်အာဏာသိမ်းမှုအား နင့်နင့်သည်းသည်း ဆန့်ကျင်၏။”

၁၉၆၂ ခုနှစ် ဇူလိုင်လ ၇ ရက် …..။

မိခင်မှတဆင့် ရန်ကုန်၏ သတင်းဆိုးကြီးအား ကြားရ၏။

“ရန်ကုန်တက္ကသိုလ် သမဂ္ဂအဆောက်အအုံကြီးကို ဗိုလ်နေဝင်းက ယမ်းဘီးလူးနဲ့ ဖောက်ခွဲဖျက်ဆီးပစ်လိုက်ပြီ……”

ဒေါ်ခင်ကြည်၏ စကားသံက …. တိုး၍ တိမ်ဝင်သွား၏။ စကားလုံးတို့က လည်ချောင်းအတွင်း တစ်ခံနေသည့် အလား….။ ပြီးမှ …. ဒေါ်ခင်ကြည်၏ လည်ချောင်းဝမှ စကားလုံးတို့သည် ထစ်ထစ်ငေါ့ငေါ့နှင့် အားယူ၍ ထွက်လာသည်။

“အထဲမှာရှိနေတဲ့ …. ကျောင်းသားတွေအားလုံးလည်း ….. ကျဆုံးကုန်ကြတယ်……”

“အို …”

ဒေါ်အောင်ဆန်းစုကြည် တကိုယ်လုံး တောင့်တင်းသွား၏။ တဒင်္ဂအတွင်း သွေးတို့ လှည့်လည်မှု ရပ်တန့်ပြီး အေးခဲသွားသည့် အလား…..။

နာကြည်းမှု….. ကြေကွဲမှု….. အံ့သြမှု….. ထိတ်လန့်မှု….. ဝမ်းနည်းမှု…. ဒေါသ…။ ဤခံစားမှုဝေဒနာတို့က တဒင်္ဂအတွင်း တပြိုင်တည်း စုပြုံ၍ ဖြစ်ပေါ်ခဲ့သည်လား……။ ဒါမှမဟုတ်….. တခုပြီးတခု …. ပဉ္စလက်ဆန်စွာနှင့် ဖြစ်ပေါ်ခံစားခဲ့ရသည်လား…..။ ဒေါ်အောင်ဆန်းစုကြည် မဝေခွဲတတ်……။ ခဏငယ်ပေါင်းများစွာအား လွန်သော် …. အသိတရားသည် ခန္ဓာနှင့် ပြန်၍ကပ်မိ၏။ ဤတွင်မှ …. သတိထားမိသည်မှာ …. မောပမ်းမှုကြီးစွာနှင့် အသက်ရှူနေရခြင်း…..။ ရင်ထဲတွင် မောနေ၏။ အမောက ….. ဖော်ပြ၍ မတတ်စွမ်းသာ။ တကိုယ်လုံး နုံးချိနေသည်။

မိခင်ဒေါ်ခင်ကြည်သည်လည်း မိမိကဲ့သို့ပင် ဖြစ်၍နေမည်ဟု ဒေါ်အောင်ဆန်းစုကြည် ထင်မိ၏။ ဗိုလ်နေဝင်းက ဖေဖေ ထူထောင်ခဲ့သည့် တပ်မတော်အား ပထမဖျက်ဆီး၏။ ပြီးလျှင်…. မြန်မာ့လွတ်လပ်ရေးအတွက် ဖေဖေတို့ စတင်ဝင်ရောက်လုပ်ကိုင်ခဲ့ကြသည့် ကျောင်းသားသမဂ္ဂအား ဖြိုဖျက်ပြန်သည်။ ဗိုလ်နေဝင်းသည် ဖေဖေလက်နှင့် လုပ်ခဲ့သမျှအား ခြေနှင့်လိုက်၍ ဖျက်နေလေ၏။ ဤသို့ပင်…. ဒေါ်အောင်ဆန်းစုကြည် မြင်မိ၏။ ဤ အမြင်အား အကိုဖြစ်သူ ကိုအောင်ဆန်းဦးအား ပြောပြလျှင်…. သူ မည်သို့ဆိုလေမည်နည်း။ အကိုဖြစ်သူ ကိုအောင်ဆန်းဦးက ကိစ္စအတော်များများတွင် သူနှင့် အမြင်မတူ…..။ တခုခုဆိုလျှင် ….. ကိုအောင်ဆန်းဦးက တဖက်…..။ သူတို့ သားအမိက တဖက် ….အမြဲပင် အမြင်မတူကြ….။

(၁၁)

အိန္ဒိယနိုင်ငံဆိုင်ရာ မြန်မာသံအမတ်ကြီးအဖြစ်နှင့် နယူးဒေလီသို့ ဒေါ်ခင်ကြည် တာဝန်ကျသည့်အချိန်တွင် “နေရူး” သည် အိန္ဒိယတွင် ဝန်ကြီးချုပ်အဖြစ် တာဝန်ထမ်းဆောင်ဆဲဖြစ်သည်။ ပန်ဒစ်နေရူးက သခင်အောင်ဆန်းအား….လေးစား၏။ တူသားညီနောင်သဖွယ်လည်း ချစ်ခင်၏။ ငယ်ရွယ်ပျိုမြစ်သည့် သခင်အောင်ဆန်းအား အရှေ့အာရှအတွက်ပါ မျှော်လင့်ပြီး အားထားခဲ့၏။ မျှော်မှန်းခဲ့၏။ ဤအတွက်ပင်….. သခင်အောင်ဆန်း၏ ဇနီးနှင့် မိသားစု ဒေလီသို့ ရောက်လာသည့်အခါတွင် ပန်ဒစ်နေရူးက ဒေါ်ခင်ကြည်နှင့် ဒေါ်အောင်ဆန်းစုကြည်တို့အပေါ်၌ ဂရုစိုက်၊ အလေးထား ဆက်ဆံခြင်းဖြစ်မည်။

ကျောင်းအားရက်များတွင် ဒေါ်အောင်ဆန်းစုကြည်သည် “အက္ကဘာ”လမ်း နေအိမ်မှာပင် “ပီယာနို” သင်၏။ ဂျပန်ပန်းအလှပြင်နည်းကိုလည်း သင်ရ၏။ မိခင်ဖြစ်သူက စီစဉ်ပေးခြင်းဖြစ်သည်။ ဒေါ်ခင်ကြည်က သမီးဖြစ်သူအား ဂီတ၊ အလှ၊ အနုပညာတွင်လည်း ခံစားသက်ဝင်စေလိုဟန် တူ၏။

ဒေါ်အောင်ဆန်းစုကြည်က ငယ်စဉ်ကပင်…. စနစ်တကျ လေ့ကျင့်ပျိုးထောင်မှုအောက်၌ ကြီးပြင်းခဲ့ရသူဟု ဆိုရမည်။ မိခင်ဒေါ်ခင်ကြည်သည် ဒေါ်အောင်ဆန်းစုကြည်အား ကြံ့ခိုင်၊ ဖြတ်လတ်စေရန်လည်း မြင်းစီးအတတ်အား သင်စေပြန်သည်။ ဒေါ်အောင်ဆန်းစုကြည် မြင်းစီးလေ့ကျင့်သင်ကြားရသည့် မြင်ကွင်းက…. အိန္ဒိယနိုင်ငံသမ္မတကြီး၏ ကိုယ်ရံတော်တပ်ဖွဲ့ မြင်းစီးလေ့ကျင့်ရာ မြင်းကွင်းဖြစ်သည်။ ထိုမြင်းကွင်း၌ပင် ပန်ဒစ်နေရူး၏ မြေးများဖြစ်သည့် ရာဂျစ်ဂန္ဒီ၊ ဆန်ဂျေးဂန္ဒီတို့နှင့်အတူ ဒေါ်အောင်ဆန်းစုကြည် မြင်းစီးလေ့ကျင့်ခဲ့၏။

ဒေလီ၏ ဆင်ခြေဖုံးဘက်တွင် “မေရော်လီ” (Mehrauli) အမည်ရှိ ရပ်ကွက်တခု ရှိသည်။ ထိုရပ်ကွက်တွင် “အသောက ဝိဟာရ” အမည်ရှိ ဗုဒ္ဒသာသနိက အဆောက်အအုံတခု ရှိ၏။ “အသောက ဝိဟာရ” က ပြုပြင်ထိန်းသိမ်းသူ မရှိသဖြင့် ယိုယွင်းပျက်စီးနေ၏။ ဒေါ်ခင်ကြည်သည် ဗုဒ္ဒဘာသာကိုးကွယ်သည့် သံတမန်တို့၏ ပံ့ပိုးကူညီမှုအား ရယူ၍ “အာသောက ဝိဟာရ” အား ပြုပြင်ထိန်းသိမ်းခဲ့သည်။ နောင်တွင်….. “အာသောကဝိဟာရ” က ဒေလီရှိ ဗုဒ္ဒဘာသာဝင်တို့၏ ဗုဒ္ဒဘာသာပွဲတော်ကြီးများ ကျင်းပရာ…. ဝတ်ပြုရာ…..။ ကမ္မဌာန်းဘာဝနာ တရားစီးဖြန်းရာ….. သာသနိကအဆောက်အအုံကြီးတခု ဖြစ်လာခဲ့၏။ မိခင်ကြီး၏ ဘာသာရေးရာဆောင်ရွက်မှု အဝဝတွင် ဒေါ်အောင်ဆန်းစုကြည်သည်လည်း အတူတွဲ၍ လုပ်ကိုင်ဆောင်ရွက်ခဲ့သည်ပင်….။

(၁၂)

၁၉၆၃ ခုနှစ်တွင် ဒေလီတက္ကသိုလ် (Lady Shri Ram College) မှ နိုင်ငံရေးသိပ္ပံအဓိကနှင့် ဒေါ်အောင်ဆန်းစုကြည် ကျောင်းပြီးခဲ့၏။ ထိုစဉ်က….. ဒေါ်အောင်ဆန်းစုကြည်၏ အသက်မှာ ….. ၁၈ နှစ်စွန်းရုံမျှသာ ရှိသေး၏။ ပညာရေးအား ဆက်လက်သင်ကြားရန်အတွက် နည်းလမ်းရှာကြ၏။ ထိုစဉ်က….. အကိုဖြစ်သူ ကိုအောင်ဆန်းဦးသည် အင်္ဂလန်တွင် ကျောင်းတက်နေ၏။ ဒေါ်ခင်ကြည်က သမီးဖြစ်သူ ဒေါ်အောင်ဆန်းစုကြည်ကိုလည်း အင်္ဂလန်တွင်ပင် ပညာဆက်၍ သင်နိုင်ရန် စီစဉ်၏။

ဗြိတိန်နိုင်ငံသား လော(ဒ်)ဂိုးဘု(သ်) (Lord Gore Booth)နှင့် ဇနီးဖြစ်သူ ပက်တြိရှာ (Patricia) တို့က …. ဒေါ်ခင်ကြည်၏ မိတ်ဆွေဟောင်းများ ဖြစ်ကြသည်။ ရန်ကုန်တွင် နေစဉ်ကတည်းက ဒေါ်ခင်ကြည်နှင့် သိကျွမ်းခင်မင်ခဲ့သည့် မိတ်ဆွေများ ဖြစ်သည်။ ထိုစဉ်က …. လော့(ဒ်)ဂိုးဘု(သ်)သည် ရန်ကုန်တွင် ဗြိတိန်နိုင်ငံဆိုင်ရာ သံအမတ်ကြီးအဖြစ်နှင့် ရောက်ရှိနေခဲ့၏။ ယခု….. ဒေလီတွင် လော့(ဒ်)ဂိုးဘု(သ်) ဇနီးမောင်နှံနှင့် ဒေါ်ခင်ကြည်တို့ ပြန်လည်ဆုံတွေ့ကြခြင်း ဖြစ်သည်။ လော့(ဒ်)ဂိုးဘု(သ်)က ဒေလီသို့ ဗြိတိသျှမဟာမင်းကြီး တာဝန်နှင့် ရောက်လာခြင်း ဖြစ်သည်။ မိတ်ဆွေဟောင်းများ ပြန်လည်ဆုံတွေ့မှုကား ……. ချစ်ကြည်ရင်းနှီးမှုအား တိုး၍ …..ခိုင်မြဲစေ၏။

၁၉၆၄ ခုနှစ်တွင် အင်္ဂလန်နိုင်ငံ အောက်စဖို့တက္ကသိုလ်၊ ဟူးချိကောလိပ်၌ ဒေါ်အောင်ဆန်းစုကြည် ကျောင်းဝင်ခွင့် ရ၏။ အောက်စဖို့၌ ပညာသင်စဉ် တလျှောက်လုံး လော့(ဒ်)ဂိုးဘု(သ်) နှင့် ပက်တြိရှာသည် မိသားစုအရင်းအခြာကဲ့သို့ပင် ဒေါ်အောင်ဆန်းစုကြည်အား စောင့်ရှောက်၏။ ပက်တြိရှာတို့၏ အိမ်သည် ဒေါ်အောင်ဆန်းစုကြည်၏ မိသားစုအိမ်ကဲ့သို့….။ ဒေါ်အောင်ဆန်းစုကြည်က..ပက်တြိရှာတို့၏ မိသားစုဝင် သမီးတစ်ဦးကဲ့သို့…..။ လော့(ဒ်)ဂိုးဘု(သ်)နှင့် ပက်တြိရှာတို့တွင် သား ၂ ဦးနှင့် သမီး၂ ဦး ရှိ၏။ သူတို့နှင့် ဒေါ်အောင်ဆန်းစုကြည်သည်လည်း မောင်နှမရင်းခြာများသဖွယ်….ရင်းနှီးနွေးထွေးခဲ့ကြ၏။ ဤအိမ်မှပင် ….ဒေါ်အောင်ဆန်းစုကြည်သည် ဗြိတိန်ရှိ နိုင်ငံရေးသမားကြီးများ၊ တော်ဝင်အစိုးရ အမှုထမ်းကြီးများနှင့် သိကျွမ်းခွင့် ရခဲ့၏။

(၁၃)

အောက်စဖို့တက္ကသိုလ်တွင် တက်နေစဉ်အတွင်း နွေရာသီကျောင်းပိတ်ရက်များ၌ ဒေါ်အောင်ဆန်းစုကြည်သည် မိခင်ရှိရာ နယူးဒေလီသို့ နှစ်စဉ်ပြန်မြဲ…..။ တနှစ်တွင်မူ ….ဒေါ်အောင်ဆန်းစုကြည်သည် မိခင်ရှိရာ ဒေလီသို့ မပြန်ဘဲ …. မိခင်ထံတွင် ခွင့်တောင်းပြီး ဒေါ်သန်းအေးရှိရာ အယ်(လ်)ဂျီးရီးယားနိုင်ငံသို့ သွားရောက်၏။ ဒေါ်သန်းအေးအား ရင်းနှီးသူများက “ဒိုရာသန်းအေး” ဟုသာ ခေါ်ကြ၏။ အများကမူ ….“လှေကလေး” သီချင်းနှင့်အတူတွဲ၍ အဆိုတော် “ဘိလပ်ပြန်သန်း” ဟု သိကြ၏။ ဒေါ်သန်းအေးက …. ဗိုလ်ချုပ်အောင်ဆန်း၏ ရှားပါးလှသည့် မိန်းခလေးမိတ်ဆွေများထဲမှ ရှားရှားပါးပါး မိတ်ဆွေတဦး…။

၁၉၄၇ ခုနှစ်တွင် မြန်မာ့လွတ်လပ်ရေးအတွက် ဗြိတိသျှနန်းရင်းဝန် အက်တလီနှင့် ဆွေးနွေးရန် ဗိုလ်ချုပ်တို့ လန်ဒန်သို့ သွားစဉ်က …. ဒိုရာသန်းအေးသည် လန်ဒန်တွင် ရှိနေ၏။ လန်ဒန်ဆွေးနွေးပွဲက တလမျှ ကြာ၏။ ထိုကာလများတွင် ဒိုရာသန်းအေးသည် ဗိုလ်ချုပ်တို့အား အစစအရာရာ ကူညီခဲ့၏။ ဒေါ်အောင်ဆန်းစုကြည်တို့ သားအမိ ဒေလီတွင်ရှိစဉ် ဒိုရာသန်းအေးသည် ကုလသမဂ္ဂ ပြန်ကြားရေးဌာန ဝန်ထမ်းအဖြစ်နှင့် နယူးဒေလီသို့ တာဝန်ကျ၏။ ဒေလီတွင် ဒေါ်ခင်ကြည်၊ ဒေါ်အောင်ဆန်းစုကြည်တို့နှင့် ဒိုရာသန်းအေးတို့ ပိုမိုရင်းနှီးခဲ့၊ ခင်မင်ခဲ့ကြ၏။ ဒိုရာသန်းအေးက အိန္ဒိယမှ အယ်(လ်)ဂျီးရီးယားသို့ ကုလသမဂ္ဂ ဝန်ထမ်းတာဝန်နှင့်ပင် ရွှေ့ပြောင်းတာဝန်ထမ်းရ၏။ ဤတွင် …. ဒေါ်အောင်ဆန်းစုကြည်က မိခင်ထံ ခွင့်တောင်းပြီး ဒိုရာသန်းအေးနှင့် သွားနေခြင်းဖြစ်သည်။

၁၉၅၆ ခုနှစ် ဇွန်လတွင် ဗိုလ်မှူးကြီး ဟွာရီဘူမီဒီယန် (Houari Bou Medienne) က သမ္မတ အာမတ်ဘင်ဘဲလားအား ဖြုတ်ချပြီး အာဏာသိမ်း၏။ အယ်ဂျီးရီးယား အာဏာသိမ်းမှုက သွေးထွက်သံယိုမှု မရှိခဲ့….။ အယ်ဂျီးရီးယားက ၁၈၆၅ မှ စပြီး ပြင်သစ်၏ ကိုလိုနီဖြစ်ခဲ့၏။ ကိုလိုနီသက်ရှည်၏။ ၁၉၅၄ ခုနှစ်တွင် အယ်ဂျီးရီးယား အမျိုးသား လွတ်မြောက်ရေး တပ်ဦးက ပြင်သစ်ကိုလိုနီအစိုးရအား လက်နက်ကိုင်၍ တော်လှန်သည်။ ဖိနှိပ်သူနှင့် လွတ်မြောက်ရေးလှုပ်ရှားမှု ပဋိပက္ခက ကြီးမား၏။ နောက်ဆုံး ….. ပြင်သစ်သမ္မတ ဒီဂေါလက်ထက်တွင် “အေဗီယန်စာချုပ်” (Treaty of Evian) အား ချုပ်ဆိုပြီး အယ်ဂျီးရီးယား လွတ်လပ်ရေး ရခဲ့၏။ ၁၉၆၂ ခုနှစ် ဇူလိုင်လ ၄ ရက်…..။ လွတ်လပ်ရေး ရပြီးနောက်….. အယ်ဂျီးရီးယား အမျိုးသားခေါင်းဆောင် အာမက်ဘင်ဘဲလား (Ahmed Ben Bella) သမ္မတ ဖြစ်လာ၏။

၆၅ အာဏာသိမ်းမှုက လွတ်လပ်ပြီး ၃ နှစ်အကြာ ဖြစ်ပွားခဲ့သည့် အာဏာသိမ်းမှု ဖြစ်၏။ ဒေါ်အောင်ဆန်းစုကြည် အယ်ဂျီးရီးယားသို့ ရောက်သည့်အချိန်၌ အာဏာသိမ်းမှုက ဖြစ်ပွားပြီးစ…..။ ရက်ပိုင်းမျှသာ ရှိဦးမည်။ မြို့တော် …. အယ်ဂျီးရီးယားက …. နာလန်ထစ မြို့တော်….။ ၈ နှစ်ကြာ လက်နက်ကိုင်တိုက်ပွဲများနှင့် ကြုံခဲ့ရသည့် မြို့တော် ….. အပျက်အဆီးများနှင့်….။ သံရုံးများ၊ ကုလသမဂ္ဂရုံးများက ယခုမှ အခြေပြုစ….။ အဆောက်အအုံ ရှားပါးမှုက အဓိက အခက်အခဲ ဖြစ်နေသည်။ ရေပေးဝေယူရေး၊ လျှပ်စစ်မီး ….. အားလုံးသည် အစမှ ပြန်စရမည့် အခြေ။ ကိုလိုနီ ပြင်သစ်အာဏာပိုင်တို့ ထွက်ခွာသွားခဲ့ကြပြီးနောက်…. ပြန်လည်ထူထောင်ရေး လုပ်ငန်းများအား လုပ်ဆောင်ကြရန် စေတနာ့ဝန်ထမ်း လူငယ်များ အယ်ဂျီးရီးယားမြို့ပျက်ကြီးသို့ တဖွဲဖွဲဝင်လာနေကြ၏။

ဒေါ်အောင်ဆန်းစုကြည်သည် အယ်ဂျီးရီးယားတွင် ဖိတ်ကြားခံရသည့် ဧည့်ခံပွဲများထက်….. လမ်းပေါ်မှ အယ်ဂျီးရီးယား လူမျိုးများနှင့်တွေ့၍ အယ်ဂျီးရီးယားတွင် ဖြစ်ထွန်းနေသည့် အခြေအနေများအား မေးမြန်းလေ့လာရန်သာ စိတ်ထက်သန်လျက် ရှိသည်။ အယ်ဂျီးရီးယားတွင် NGO (အစိုးရမဟုတ်သောအဖွဲ့) တဖွဲ့နှင့် ဒေါ်အောင်ဆန်းစုကြည်တို့ ဆက်သွယ်သည်။ ထို NGO က နှစ်ပေါင်းများစွာ လွတ်လပ်ရေးတိုက်ပွဲ ဆင်နွှဲခဲ့ရသည့်ဒဏ်မှ လွတ်မြောက်ကာစ လူထုအား ကူညီထောက်ပံ့သည့် လုပ်ငန်းများ လုပ်ကိုင်သည့် အဖွဲ့ဖြစ်သည်။ လတ်တလောလုပ်ငန်းက ….. လွတ်လပ်ရေး တိုက်ပွဲအတွင်း ကျဆုံးခဲ့သည့် တော်လှန်ရေးသမားများ၏ မိသားစုများအတွက် နေအိမ်အဆောက်အအုံများ ဆောက်လုပ်နေကြ၏။ စီမံကိန်းက ကြီး၏။ အယ်ဂျီးရီးယား လူမျိုးများအပြင် နိုင်ငံစုံမှ စေတနာ့ဝန်ထမ်း လူငယ်များလည်း ပါ၏။ ရုရှား၊ ပြင်သစ်၊ ဟော်လန်၊ လက်ဗနွန်၊ ဂျာမဏီမှ လူငယ်များ….။ ဒေါ်အောင်ဆန်းစုကြည်သည်လည်း ထိုလုပ်ငန်းတွင် ဝင်၍ လုပ်အားပေး၏။ မြန်မာပြည်မှ တဦးတည်းသော စေတနာ့ဝန်ထမ်း….။ ရက်သတ္တပတ်ပေါင်းများစွာ လုပ်ခဲ့၏။ ပူပြင်းသော ရာသီဥတုအတွင်း ဆောက်လုပ်ရေး စေတနာ့ဝန်ထမ်း ဒေါ်အောင်ဆန်းစုကြည်….။ ကျောင်းများ ပြန်ဖွင့်မှပင် အယ်ဂျီးရီးယားမှ အောက်စဖို့သို့ ပြန်သွားခဲ့တော့၏။

(၁၄)

၁၉၆၇ ခုနှစ်တွင် အောက်စဖို့တက္ကသိုလ် ဟူးခ်ျကောလိပ်မှ ဒဿနိကဗေဒ၊ နိုင်ငံရေးသိပ္ဖံ၊ စီးပွားရေး ဘောဂဗေဒ ဘာသာရပ်တို့နှင့် ဝိဇ္ဇာ (ဂုဏ်ထူး) ဘွဲ့ ရရှိခဲ့၏။ ထိုစဉ်က…. ဒေါ်အောင်ဆန်းစုကြည် အသက်သည် ၂၂ နှစ် ရှိပြီ။ ဘွဲ့ရပြီးနောက်….. ဒေါ်အောင်ဆန်းစုကြည်သည် လန်ဒန်တက္ကသိုလ် အရှေ့တိုင်းနှင့် အာဖရိကလေ့လာရေးဌာန လက်အောက်ရှိ နိုင်ငံရေးသိပ္ပံဌာနတွင် သုတေသနလက်ထောက်အဖြစ် အလုပ်ဝင်၏။ သမိုင်းပါမောက္ခ ဟယူးတင်ကာ (Hugh Tinker) ၏ လက်ထောက်အဖြစ် ဝင်လုပ်ခြင်းဖြစ်၏။ ၂ နှစ်ခန့် လုပ်ပြီးနောက်….. သုတေသန လက်ထောက်အဖြစ်မှ ဒေါ်အောင်ဆန်းစုကြည် နုတ်ထွက်ခဲ့၏။ အလုပ်မှထွက်ပြီးနောက်….. အမေရိကန်ပြည်ထောင်စု နယူးယောက်သို့သွားရန် ဆုံးဖြတ်လိုက်၏။

နယူးယောက်တွင်က…. ဒိုရာသန်းအေး ရှိ၏။ ဒိုရာသန်းအေးက အယ်ဂျီးရီးယားတွင် ကုလသမဂ္ဂပြန်ကြားရေး အရာရှိအဖြစ် ၄ နှစ်ခန့် တာဝန်ထမ်းခဲ့ပြီးနောက်….. နယူးယောက်ရှိ ကုလသမဂ္ဂ ဌာနချုပ်သို့ ပြန်ရောက်နေသည်။ မိခင်ဒေါ်ခင်ကြည်မှာလည်း အိန္ဒိယနိုင်ငံဆိုင်ရာ သံအမတ်ကြီးရာထူးမှ အငြိမ်းစားယူခဲ့ပြီး ရန်ကုန်ရှိ အမှတ် ၅၄ တက္ကသိုလ်ရိပ်သာလမ်း နေအိမ်၌ ပြန်ရောက်နေပြီ။ ရန်ကုန်သို့ ပြန်ပြီး တော်လှန်ရေးကောင်စီ လက်အောက်၌ ဒေါ်အောင်ဆန်းစုကြည် ပြန်၍မနေလို…။ သူ့အတွက် အလုပ်လည်းရှိမည်ဟု ဒေါ်အောင်ဆန်းစုကြည် မထင်မှတ်….။ ပြီးလျှင် …. ဗိုလ်နေဝင်းမှလည်း ဗိုလ်ချုပ်၏ မျိုးဆက်အား မြန်မာပြည်အတွင်း၌ နေထိုင်အခြေချစေလိုဟန် မရှိ…..။ ဤအတွက်ပင် ….. နယူးယောက်သို့သွားရန် ဒေါ်အောင်ဆန်းစုကြည် ဆုံးဖြတ်ခဲ့ခြင်း ဖြစ်၏။

နယူးယောက်သို့ ရောက်ပြီးနောက် …. ဒေါ်အောင်ဆန်းစုကြည်အတွက် ဆုးံဖြတ်ရသည်မှာ …. နယူးယောက် တက္ကသိုလ်တွင် ဘွဲ့လွန်ဆက်၍ တက်မည်လား…။ ကုလသမဂ္ဂဌာနချုပ်တွင် အလုပ်ဝင်မည်လား….။ နယူးယောက် တက္ကသိုလ်တွင် ဘွဲ့လွန်ဆက်တက်နိုင်ရေးအတွက်က …. နယူးယောက်တက္ကသိုလ်တွင် အပြည်ပြည်ဆိုင်ရာရေးရာ ပါမောက္ခအဖြစ် ဆောင်ရွက်နေသည့် ပါမောက္ခ ဖရင့်ထရေဂါ (Dr Frank Trager) က ကူညီပေးနိုင်၏။ ပြဿနာက နေ့စဉ်ကျောင်းသို့ သွားလားရေးအခက်အခဲ ဖြစ်သည်။ ဒိုရာသန်းအေးနှင့် ဒေါ်အောင်ဆန်းစုကြည်တို့ နေထိုင်သည့် “မန်ဟတ်တင်” (Midtown Manhatten) က မြို့လယ်တွင် ရှိ၏။ “မန်ဟတ်တင်” မှ နယူးယောက်တက္ကသိုလ်သို့ ဘတ်(စ်)ကားနှင့် သွားရမည်။ ခရီးက ဝေး၏။ ကားမူးတတ်သည့် ဒေါ်အောင်ဆန်းစုကြည်အဖို့ အခက်တွေ့နေ၏။ ပြီးလျှင် …. ဘတ်(စ်)ကားမှတ်တိုင်မှတဆင့် နယူးယောက်တက္ကသိုလ်သို့ လမ်းလျှောက်၍ ဆက်သွားရမည်။ ပန်းခြံတခုအား ဖြတ်ရမည်။ ထိုပန်းခြံတွင်က ….. လမ်းသရဲလူကြမ်းများ ကျက်စား၏။ ထိုခရီးက ….တနေ့တရက် ခရီးမဟုတ်…။ တခါတရံ ခရီးမဟုတ်….။ နေ့စဉ် အချိန်မှန်သွားရမည့် ခရီးဖြစ်သည်။ မလွယ်…..။ နောက်ဆုံး …. ဘွဲ့လွန်သင်တန်း ဆက်တက်ရေးအား လောလောဆယ်ဆယ်တွင် ဆိုင်းငံ့ထားရန် ဆုံးဖြတ်လိုက်၏။ ပြီးနောက်….ကုလသမဂ္ဂတွင် အလုပ်ဝင်လျှောက်၏။ နယူးယောက်မြို့ ကုလသမဂ္ဂ အထွေထွေအတွင်းရေးမှူးရုံး အုပ်ချုပ်ရေးနှင့် ဘဏ္ဍရေးဆိုင်ရာ အကြံပေးကော်မီတီတွင် လက်ထောက်အတွင်းရေးမှူးအဖြစ်နှင့် အလုပ်ဝင်ရ၏။

ကုလသမဂ္ဂ ဝန်ထမ်းများက ညနေရုံးဆင်းပြီး အချိန်များနှင့် စနေ၊တနင်္ဂနွေ ရုံးပိတ်ရက်များ၌ ပရဟိတလုပ်ငန်းများတွင် လုပ်အားပေးကြရ၏။ ဒေါ်အောင်ဆန်းစုကြည် နေထိုင်သည့် “မန်ဟတ်တင်” နေအိမ်အနီးတွင် ဘဲ(လ်)ဗယူး (Belleview) အမည်ရှိ ဆေးရုံတရုံ ရှိ၏။ ဆေးရုံက နယူးယောက်ဆေးရုံကြီး၏ အခွဲတခုဟု ဆိုရမည်။ ဆေးရုံရှိ လူနာများက ….. အမေရိကန်ရှိ ဆင်းရဲမွဲတေဆုံးလူနာများ….။ ကင်ဆာကဲ့သို့ ကုသ၍ မပျောက်ကင်းနိုင်တော့သည့် ဝေဒနာသည်များ၊ ခိုကိုးရာမဲ့များနှင့် ဘဝအား ရင်မဆိုင်နိုင်တော့သည့် လူမမာများဖြစ်၏။ ထိုဆေးရုံတွင် ဒေါ်အောင်ဆန်းစုကြည်သည် အပတ်တိုင်း အားလပ်ရက်များတွင် နာရီပေါင်းများစွာ သွားရောက်၍ လူနာများအား ပြုစု၏။ ပြုစုသည်ဆိုရာ၌ လူမမာများအား စိတ်ပိုင်းဆိုင်ရာ ဖေးမပေးခြင်း….။ သူတို့အားစာဖတ်ပြခြင်း၊ သူတို့၏ အခက်အခဲများအား စာနာမှုပေးခြင်းတို့ ဖြစ်၏။

(၁၅)

ကုလသမဂ္ဂဌာနချုပ်တွင် ဒေါ်အောင်ဆန်းစုကြည် အလုပ်ဝင်နေသည့်အချိန်၌ ကုလ အထွေထွေအတွင်းရေးမှူးချုပ်က ဦးသန့် ဖြစ်သည်။ ဦးသန့်၏ နေအိမ်က “ရီးဗားဒေး(လ်)” (Riverdale)တွင် ရှိ၏။ ဒေါ်အောင်ဆန်းစုကြည်တို့၏ နေအိမ်နှင့်မူ ကားနှင့် တနာရီခန့် သွားရမည်။ “ရီးဗားဒေး(လ်)တွင်ပင် ….. တော်လှန်ရေးကောင်စီ၏ ကုလသမဂ္ဂ အမြဲတမ်းကိုယ်စားလှယ် ဦးစိုးတင်၏ နေအိမ်လည်း ရှိ၏။ ဦးစိုးတင်က အမေရိကန်ရှိ မြန်မာများအား “သိုးများ၊ ဆိတ်များ” ဟူ၍ မခွဲခြား….။ အားလုံးအား တန်းတူပင် ဆက်ဆံ၏။ “သိုးများ၊ ဆိတ်များ” ဟူသည်က ….. ဗိုလ်နေဝင်း၏ တော်လှန်ရေးကောင်စီအား ထောက်ခံပြီး တော်လှန်ရေးကောင်စီ၏ အောက်တွင် ငြိမ်ဝပ်နေသူများအား “သိုးများ” ဟု ခေါ်ပြီး၊ တော်လှန်ရေးကောင်စီအား ဆန့်ကျင်ဝေဖန်သူများကိုမူ ….ဆိတ်များဟု ခေါ်ကြ၏။

ဦးစိုးတင်၏ အိမ်တွင်က …..သိုးများဖြစ်ဖြစ်၊ ဆိတ်များဖြစ်ဖြစ် ဝင်ထွက်၍ ပွင့်ပွင့်လင်းလင်း ငြင်းခုန်၍ ရ၏။ အခြေအတင် ဆွေးနွေး၍ ရ၏။ တခါတရံတွင် ပြင်းပြင်းထန်ထန်အထိ ဖြစ်၏။ သို့သော်…. ပြဿနာမရှိ။ ဗွေမယူ…..။ အခင်အမင်မပျက်ကြ……။ ဦးစိုးတင်က တော်လှန်ရေးကော်စီနှင့် ပတ်သက်ပြီး ဒေါ်အောင်ဆန်းစုကြည်၏ ဝေဖန်ချက်များက “ရဲလွန်း” သည်ဟု ဆိုသည့်အခါများတွင်၊ ဒေါ်အောင်ဆန်းစုကြည်က…

“ယုံကြည်ချက်အရ သတ္တိရှိရုံမက …. အဆက်အနွယ်အရလည်း သတ္တိရှိတာကိုး” ဟု နောက်ပြောင်ပြီး ပြန်ပြောလေ့ရှိ၏။

(၁၆)

၁၉၆၂ ခုနှစ် အာဏာသိမ်းပြီးသည့်နောက်တွင် ဗိုလ်နေဝင်းသည် စစ်ဗိုလ် ၁၇ ဦးနှင့် တော်လှန်ရေးကောင်စီအား ဖွဲ့၏။ တော်လှန်ရေးကောင်စီဝင်များ အတွင်းမှ သူ့အား ခြေရာတိုင်းလာမည့်သူ…..။ သူ့အား ဆန့်ကျင်ရန် အလားအလာရှိသည့် သူများအား ဗိုလ်နေဝင်းသည် တယောက်ပြီးတယောက် ဖယ်ရှားပစ်ခဲ့၏။ ဗိုလ်မှူးချုပ်အောင်ကြီး၊ ဗိုလ်မှူးကြည်မောင်၊ ဗိုလ်မှူးကြီးစောမြင့်၊ ဗိုလ်မှူးကြီးတင်ယုဆိုင် …. စသဖြင့် တယောက်ပြီးတယောက် ဖြုတ်၊ ထုတ်ပစ်ခဲ့၏။ နောက်ဆုံး ဖြုတ်ထုတ်ပစ်ခြင်းခံရသည်က ….. ဗိုလ်မှူးချုပ်တင်ဖေဟု ဆိုရမည်။ ဖြုတ်၊ ထုတ်ပစ်ခဲ့သည့် တော်လှန်ရေး ကောင်စီဝင်များ၏ နေရာများတွင် ….ဗိုလ်မှူးကြီးလွန်းတင်၊ ဗိုလ်မှူးကြီးသောင်းဒန်(လေ)၊ ဗိုလ်မှူးကြီးမောင်လွင်၊ ဗိုလ်မှူးကြီး တင်ဦး….. စသည့်တပ်မှူးများနှင့် အစားထိုး၏။ တစ်ဖက်တွင်လည်း မြန်မာ့ဆိုရှယ်လစ် လမ်းစဉ်ပါတီ (မ.ဆ.လ)အား “အမြုတေပါတီမှ ပြည်သူ့ပါတီသို့” ဟူ၍ ကြွေးကြော်သံအား အော်ဟစ်ရင်း ကူးပြောင်းနိုင်ရန် လုံ့လထုတ်၍ နေသည်။ တော်လှန်ရေးကောင်စီ ဥက္ကဋ္ဌ ဗိုလ်ချုပ်ကြီးနေဝင်းမှသည်….. မြန်မာ့ဆိုရှယ်လစ် လမ်းစဉ်ပါတီ ဥက္ကဋ္ဌ ဦးနေဝင်းသို့….။

၁၉၇၁ ခုနှစ် ဇွန်လ ၂၁ ရက်နေ့တွင် မ.ဆ.လ ပါတီ၏ ပထမဆုံးအကြိမ် ပါတီညီလာခံအား ကျင်းပ၏။ မ.ဆ.လ ညီလာခံက စီးပွားရေးစီမံကိန်းများအား ချ၏။ နှစ်တို….နှစ်ရှည် စီမံကိန်းများ ဖြစ်သည်။ ထိုထိုသော စီမံကိန်းများအား ဗိုလ်မှူးကြီးမောင်လွင်က တာဝန်ယူဆောင်ရွက်ရ၏။ ၁၉၇၁ ခုနှစ် စက်တင်ဘာလ ၂၅ ရက်နေ့တွင် “နိုင်ငံတော် ဖွဲ့စည်းအုပ်ချုပ်ပုံ အခြေခံဥပဒေသစ် (မူကြမ်း) ရေးဆွဲရေးကော်မရှင်” ကို ဖွဲ့စည်း၏။ ဗိုလ်မှူးချုပ်စန်းယုအား ကော်မရှင် ဥက္ကဋ္ဌအဖြစ် ခန့်အပ်ပြန်သည်။ စစ်ဗိုလ်ကြီးများ ဘောင်းဘီချွတ်ချရန် တဖြည်းဖြည်း ပြင်ဆင်နေကြ၏။ ဗိုလ်မှူးကြီးမောင်လွင်သည် ကုလ အထွေထွေညီလာခံသို့ တက်ရောက်ရန် မြန်မာကိုယ်စားလှယ်အဖွဲ့အား ခေါင်းဆောင်၍ နယူးယောက်တွင် ရောက်ရှိနေသည်။ နယူးယောက်ရှိ ကုလသမဂ္ဂ အမြဲတမ်းကိုယ်စားလှယ် ဦးစိုးတင်၏ နေအိမ်က နှစ်စဉ် …. စက်တင်ဘာလမှ ဒီဇင်ဘာလလယ် ရက်များတွင် ဧည့်ခံပွဲများနှင့် လူစည်မြဲဖြစ်သည်။ ထိုရက်များက …. ကုလသမဂ္ဂ၏ အထွေထွေညီလာခံကြီးအား ကျင်းပသည့် ရက်များဖြစ်၍ …. မြန်မာပြည်မှ အထွေထွေညီလာခံသို့ လာရောက်၍ တက်ရောက်ကြသည့် ကိုယ်စားလှယ်အဖွဲ့များနှင့် စည်ကား၍ နေတတ်သည်။

တနေ့…. ။

ဦးစိုးတင်က ဒေါ်အောင်ဆန်းစုကြည်နှင့် ဒိုရာသန်းအေးတို့အား သူ၏အိမ်သို့ ထမင်းစားကြွရန် ဖိတ်၏။ ထိုစဉ်က…. နယူးယောက်တွင် ကုလသမဂ္ဂ အထွေထွေညီလာခံကြီးအား ကျင်းပနေစဉ်ကာလ ဖြစ်သည်။ ဗိုလ်မှူးကြီးမောင်လွင်တို့ အဖွဲ့ရောက်နေကြောင်းလည်း သိရ၏။ မြန်မာကိုယ်စားလှယ်အဖွဲ့က တွေ့လိုကြောင်းလည်း ဦးစိုးတင်က ပြော၏။

တခုခုတော့….တခုခုပဲဟု ဒေါ်အောင်ဆန်းစုကြည်နှင့် ဒိုရာသန်းအေးတို့ စိတ်မှ တွေးထင်ထားလိုက်၏။

ဦးစိုးတင်၏ နေအိမ်သို့ ဒေါ်အောင်ဆန်းစုကြည်နှင့် ဒိုရာသန်းအေးတို့ နေ့လည်ခင်းအချိန်ခန့်တွင် ရောက်သွားကြ၏။ ပန်းများ၊ ရွက်လှပင်များ…။ အနက်နှင့် ရွှေအိုရောင် မြန်မာ့ယွန်းထည်များနှင့် အမြဲတမ်း ကိုယ်စားလှယ်သံတမန်ကြီး၏ အိမ်ဧည့်ခန်းသည် ခန့်ငြား၍ နေသည်။ လေးထောင့်စပ်စပ် ဧည့်ခန်းအတွင်း …. အထွေထွေညီလာခံကြီးသို့ တက်ရောက်ရန် ရောက်နေကြသည့် မြန်မာသံအမတ်ကြီးများအား တွေ့ရ၏။ ဒေါ်အောင်ဆန်းစုကြည်အား အခန်းတဖက်စွန်းရှိ ထိုင်ခုံပေါ်တွင် နေရာချပေး၏။ ဒေါ်အောင်ဆန်းစုကြည်၏ တဖက်စွန်းတွင်က…. ကိုယ်စားလှယ်အဖွဲ့၏ ခေါင်းဆောင် … ဗိုလ်မှူးကြီးမောင်လွင်….။ ဗိုလ်မှူးကြီးမောင်လွင်နှင့် ဒေါ်အောင်ဆန်းစုကြည်က မျက်နှာချင်းဆိုင်….၊ ဆိုင်လျက် အနေအထား….။

အိမ်ရှင်ဦးစိုးတင်သည် ယဉ်ကျေးစွာ ပြုံးရင်း ဧည့်ခံနေရသော်လည်း…. ကြိုတင်သိရှိပြီးသည့် အရေးကြောင့် အနေခက်သည့်ဟန် ပေါက်နေသည်။ အခင်းအကျင်းက…. မြန်မာအာဏာပိုင် သံတမန်ကြီးများက ဒေါ်အောင်ဆန်းစုကြည်နှင့် ပတ်သက်၍ တစုံတခုသော စီရင်ချက်အား ချမှတ်ရန်စိုင်းပြင်းနေသည်ဟု ထင်မှတ်စရာ….။

ဘယ်လိုစီရင်ချက်မျိုးလဲ….။ တွေးမရ…..။ ဒေါ်အောင်ဆန်းစုကြည်ကမူ သူ၏ ဆိုဖာထိုင်ခုံပေါ်၌ သက်တောင့်သက်သာပင် ထိုင်နေ၏။

အလ္လာပ၊သလ္လာပ ....စကားများက ခဏပင်….။ အရေးတော်ပုံအား စ၏။ ဗိုလ်မှူးကြီးမောင်လွင်က ဒေါ်အောင်ဆန်းစုကြည်အား…..

“မည်သည့် နိုင်ငံကူးလက်မှတ်အား ကိုင်ဆောင်ထားပါသနည်း….” ဟူ၍ စ…စချင်းမေး၏။ ပြီးလျှင် … “မိခင်ဒေါ်ခင်ကြည်သည် သံအမတ်ကြီးတဦး မဟုတ်တော့သည့်အတွက် ဒေါ်အောင်ဆန်းစုကြည်အနေနှင့် သံတမန်ဆိုင်ရာ နိုင်ငံကူးလက်မှတ်အား ပြန်အပ်ရမည်” ဟု ဆိုသည်။ “ယခုအထိ ပြန်မအပ်ရသေးသည်မှာ မှန်ပါသလား….” ဟူ၍ တရားသူကြီးတဦး၏ လေသံနှင့် တရားခံ မေး….မေးနေပြန်သည်။

“သံတမန်များဆိုင်ရာ နိုင်ငံကူးလက်မှတ်အား ဆက်ပြီးကိုင်ထားခြင်းမှာ ဥပဒေနှင့်မညီ …. နည်းလမ်းမကျသည့် ကိစ္စဖြစ်သဖြင့် အမြန်ပြန်အပ်ရန် လိုသည်” ဟု ပြောရင်း စကားအား အဆုံးသတ်လိုက်၏။

ဧည့်ခန်းဆောင်အတွင်း အရာရာသည် တိတ်ဆိတ်ငြိမ်သက်နေသည်။ ဒေါ်အောင်ဆန်းစုကြည်က…. တည်တည်ငြိမ်ငြိမ်ပင်….။ အားလုံးက ဒေါ်အောင်ဆန်းစုကြည်အား အာရုံစိုက်နေကြ၏။ မည်သို့ပြန်ပြောမည်နည်း….။ ဒေါ်အောင်ဆန်းစုကြည်က အေးဆေးတည်ငြိမ်သော လေသံနှင့် စကားစ၏။

“နိုင်ငံကူးလက်မှတ် အသစ်ရရန် … လန်ဒန်ရှိ မြန်မာသံရုံးတွင် လျှောက်ထားခဲ့သည်မှာ ကြာပါပြီ။ ယခုထိ သံရုံးမှ အကြောင်းမပြန်သေးပါ။ ….. မည်သည့်အတွက် ဤမျှ ကြန့်ကြာနေသည်ကို မသိရပါ။ ဤအတွက် နယူးယောက်သို့ လာခဲ့ရာတွင် ရှိလက်စ နိုင်ငံကူးလက်မှတ်ကိုပင် ကိုင်ဆောင်ခဲ့ရခြင်း ဖြစ်ပါတယ်။ ကုလသမဂ္ဂတွင် အလုပ်ဝင်ရာတွင် မြန်မာနိုင်ငံသားဖြစ်ကြောင်း အထောက်အထားပြရန် နိုင်ငံကူးလက်မှတ်တခု လိုအပ်ပါတယ်။ လပေါင်းများစွာကပင် လန်ဒန်သံရုံးမှ ပေးပို့လာမည်ကို စောင့်နေခဲ့ပါတယ်။ နိုင်ငံကူးလက်မှတ်အသစ် ရရှိသည့်နှင့် အဟောင်းကို ဝမ်းသာစွာနဲ့ ပြန်ပြီး အပ်နှံပေးသွားပါမယ်။ နိုင်ငံခြားတွင် အလုပ်လုပ်ကိုင်နေထိုင်ရန်မှာ သံတမန်ဆိုင်ရာ နိုင်ငံကူးလက်မှတ်ပဲဖြစ်ဖြစ်၊ ရိုးရိုးနိုင်ငံကူးလက်မှတ်ပဲဖြစ်ဖြစ် ….. တခုခုတော့ လိုအပ်ပါတယ်။ ဒါကိုလည်း ဒီမှာရှိကြသူ “အန်ကယ်” တို့ အားလုံး သိပြီးဖြစ်ပါလိမ့်မယ်….” ဟူ၍ ဒေါ်အောင်ဆန်းစုကြည်က သူမ၏ စကားအား ယဉ်ယဉ်ကျေးကျေးနှင့် အဆုံးသတ်လိုက်၏။

ဒေါ်အောင်ဆန်းစုကြည်၏ စကားအဆုံးတွင် လန်ဒန်သံရုံးမှ သံအမတ်ကလည်း …. ဒေါ်အောင်ဆန်းစုကြည်မှ နိုင်ငံကူးလက်မှတ်အသစ် လျှောက်ထားခဲ့သည်မှာ ကြာပြီ။ ရန်ကုန်သို့လည်း ပို့ထားခဲ့ပြီးဖြစ်သည်။ ရန်ကုန်မှ မည်သို့မျှ အကြောင်းမပြန်သေးခြင်းသာ ဖြစ်သည်ဟု ဆို၏။

ဗိုလ်မှူးကြီးမောင်လွင်၏ မျက်နှာ၌ ဇဝေဇဝါ၊ မတင်မကျ ဖြစ်နေသည့်ဟန်မှာ အထင်းသားပေါ်နေသည်။ ပြီးလျှင် …. ဒေါ်အောင်ဆန်းစုကြည်အား တောင်းပန်သည့်အသွင်နှင့် ….. အရင်က အခြေအနေကို လုံးစေ့ပတ်စေ့ မသိရှိခဲ့ရ…..၊ ယခုမူ သဘောပေါက်ပြီဖြစ်၍ ရန်ကုန်ပြန်ရောက်လျှင် …. ဤကိစ္စအား အမြန်ဆုံးဖြစ်အောင် စီစဉ်ပေးမည်ဟု ဆို၏။

ဧည့်ခန်းဆောင်အတွင်း…..လွတ်လပ်ပွင့်လင်းမှုများ ပြန်ရလာ၏။ ဦးစိုးတင်၏ မျက်နှာက ရွှင်ရွှင်ပြပြနှင့် ပြုံးနေ၏။


(၁၇)

၁၉၇၂ ခုနှစ် ဇန်နဝါရီလ ၁ ရက်နေ့တွင် ဒေါက်တာ မိုက်ကယ်အဲရစ်နှင့် လက်ထပ်ထိမ်းမြားလိုက်၏။ ဒေါ်အောင်ဆန်းစုကြည်နှင့် ဒေါက်တာ မိုက်ကယ်အဲရစ်၏ အိမ်ထောင်ရေးက …..“သဘောတူညီမှု” တခုနှင့် ဖြစ်သည်။ ဒေါက်တာ မိုက်ကယ်အဲရစ်က ဒေါ်အောင်ဆန်းစုကြည်အား လက်ထပ်ခွင့်၊ ခွင့်ပန်၏။ ဒေါ်အောင်ဆန်းစုကြည်က ဒေါက်တာ မိုက်ကယ်အဲရစ်အား …..

“ကျမရဲ့ ပြည်သူတွေက…. ကျမကို လိုအပ်လာတဲ့အခါမှာ…. တာဝန်ဝတ္တရားတွေကို ထမ်းဆောင်နိုင်ဖို့ …. ခွင့်ပြုပေးနိုင်မလား…..”

ဟူ၍ ကြိုတင်သဘောတူညီချက် ရယူခဲ့ပြီး၊ လက်ထပ်ခဲ့ကြခြင်း ဖြစ်သည်။ ၁၉၇ဝ ဝန်းကျင်က ဖြစ်သည်။ ဒေါက်တာ မိုက်ကယ်အဲရစ်က ဗြိတိသျှလူမျိုး ဖြစ်သည်။ အောက်စဖို့ တက္ကသိုလ် ပညာရပ်ဝန်းမှ သုတေသီ ပညာရှင်တဦး….။ ဗုဒ္ဓဘာသာအား သက်ဝင်ယုံကြည်ပြီး၊ မြောက်ပိုင်း ဗုဒ္ဓဘာသာဟုခေါ်သည့် မဟာယနဗုဒ္ဒဘာသာနှင့် လူမှုရေး…၊ ယဉ်ကျေးမှုဆိုင်ရာ သမိုင်းကြောင်းအား အထူးပြုလေ့လာနေသည့် သုတေသနပညာရှင်…..။ ဒေါက်တာ မိုက်ကယ်အဲရစ်က သူ၏ တွေ့ရှိချက်များကိုလည်း စာအုပ်စာတမ်းများ ရေးသား၍ ထုတ်ဝေခဲ့သည်။ အိမ်ထောင်ကျပြီးသည့်နောက် ဒေါ်အောင်ဆန်းစုကြည်သည် ခင်ပွန်းရှိရာ “ဘူတန်” သို့ လိုက်သွား၏။ ဒေါက်တာ မိုက်ကယ်အဲရစ်က ဘူတန်တွင် ဘူတန်ဘုရင်၏ သားတော်၊ သမီးတော်များအား စာသင်ပေးသည့် ကျောင်းဆရာ……။ ပြီးလျှင် ဘူတန်အစိုးရ၏ ဘာသာပြန် ဌာနတွင်လည်း အကြီးတန်းအရာရှိအဖြစ် အလုပ်ဝင်၏။ ဒေါ်အောင်ဆန်းစုကြည် ဘူတန်သို့ ရောက်ပြီး၊ မကြာ……။ ဘူတန်နိုင်ငံခြားရေးရုံးတွင် ကုလသမဂ္ဂရေးရာ အကြံပေးအရာရှိအဖြစ် အလုပ်ရ၏။ ထိုစဉ်က….. ဘူတန်ဘုရင်မှာ “ဂျင်မီဆင်ရီဝမ်ချွတ်” ဖြစ်သည်။ ဒေါ်အောင်ဆန်းစုကြည်ထက် ၁ဝ နှစ်မျှငယ်သည်။ သက်တော် ၁၇ နှစ်သာ ရှိသေးသည့် မင်းပျိုမင်းလွင်လေး…..။

ဘူတန်တွင် ဒေါ်အောင်ဆန်းစုကြည်တို့ ဇနီးမောင်နှံ ၁ နှစ်မျှနေခဲ့ပြီး အင်္ဂလန်သို့ ပြန်ခဲ့ကြ၏။ ဒေါ်အောင်ဆန်းစုကြည်က သားဦးကိုယ်ဝန်နှင့်…။ အင်္ဂလန်သို့ ပြန်ရောက်ပြီးမကြာ …. သားဦးအား ဖွားမြင်၏။ ၁၉၇၃ ခု…..။ သားအား…. “မြင့်ဆန်းအောင်” ဟူ၍ ဒေါ်အောင်ဆန်းစုကြည်က မြန်မာလို အမည်ပေး၏။ ဒုတိယမြောက်သားငယ်အား ၁၉၇၇ ခုနှစ်တွင် မွေးဖွားသည်။ အင်္ဂလန်မှာပင် မွေး၏။ ဒေါ်အောင်ဆန်းစုကြည် ငယ်စဉ်ကပင် ရေနစ်၍ သေဆုံးခဲ့သည့် သူ့အကို ကိုအောင်ဆန်းလင်းအား တမ်းတသတိရနေဆဲဖြစ်မည်။ ထို့အတွက် သူ၏သားငယ်အား ဗမာလို အမည်ပေးရာတွင် အကို၏ အမည်ကိုပင် ပေးခဲ့၏။ “အောင်ဆန်းလင်း”…..။

အောက်စဖို့ဒ်ရှိ ဒေါ်အောင်ဆန်းစုကြည်နေအိမ်က ….စာအုပ်စာတမ်းများနှင့် ပြည့်နေသည်။ စာအုပ်များက စင်များပေါ်၌ …. သပ်သပ်ရပ်ရပ်၊ စီစီရီရီ…..။ အင်္ဂလန်ရှိ နေ့ရက်များတွင် ဒေါ်အောင်ဆန်းစုကြည်သည် မိခင်တဦး၏ တာဝန်၊ ဇနီးသည်တယောက်၏ ဝတ္တရားတို့အား ကျေပွန်စွာ ထိန်းသိမ်းရင်း….. အောက်စဖို့တက္ကသိုလ် “ဘော့ဒျလီယန်” စာကြည့်တိုက်တွင် မြန်မာစာအုပ်၊ စာတမ်းများ၊ ပေပုရပိုက်များအား ကတ်တလောက် ပြုစုသူပညာရှင်တဦးအဖြစ် လုပ်ကိုင်ခဲ့သေး၏။

ဒေါ်အောင်ဆန်းစုကြည်မည်မျှပင် မိသားစုတာဝန်၊ အလုပ်တာဝန်များနှင့် များစေကာမူ နှစ်စဉ်လိုလိုပင် သူ့မိသားစုနှင့်အတူ ရန်ကုန်သို့ ပြန်၏။ ရသမျှအချိန်အား ရန်ကုန်တွင် မိခင်နှင့်အတူ ပြန်၍နေသည်။

(၁၈)

၁၉၇၉ ခုနှစ်….။

ဒေါ်အောင်ဆန်းစုကြည်သည် မိသားစုနှင့်အတူ ရန်ကုန်သို့ အလည်ရောက်နေကြ၏။ အမှတ် ၅၄ တက္ကသိုလ်ရိပ်သာလမ်း နေအိမ်က အင်းယားကန်နှင့် ထိဆက်နေသည်။ အင်းယားကန်အား ဖြတ်တိုက်လာသည့် လေတွင်က ရေငွေ့နှင့် နှင်းမှုန့်တို့နှင့်….။ အေးမြမြ။ ထိုနေ့က ….. မိခင်ဖြစ်သူ ဒေါ်ခင်ကြည်က ဒေါ်အောင်ဆန်းစုကြည်အား မိတ်ဆွေတယောက်နှင့် မိတ်ဆက်ပေးမည်ဟု ဆိုထား၏။ ဧည့်သည်အလာအား ဒေါ်အောင်ဆန်းစုကြည်တို့ သားအမိ …. ဧည့်ခန်းအတွင်းမှာပင် ထိုင်စောင့်နေကြ၏။ မကြာ…..။ အသက် ၆ဝ ကျော်ခန့်ရှိမည့် အမျိုးသားကြီးတဦး အိမ်ရှေ့တံခါးဝသို့ ရောက်လာသည်။ မိခင်ဖြစ်သူ ဒေါ်ခင်ကြည်က ထိုင်နေရာမှထပြီး ဧည့်သည်အား ခရီးဦးကြို၏။ ပြုံး၍ နှုတ်ဆက်၏။

“စုစု …. ဒါ ဦးအုန်းမြင့်။ သမီးဖေဖေ သူငယ်ချင်း မိတ်ဟောင်းတွေပေါ့…..”

ဒေါ်ခင်ကြည်က ဧည့်သည်နှင့် ဒေါ်အောင်ဆန်းစုကြည်အား မိတ်ဆက်ပေး၏။ ဒေါ်အောင်ဆန်းစုကြည်က ….ပြုံး၍……

“တွေ့ရတာ ဝမ်းသာပါတယ်….အန်ကယ်”

အားလုံး ဧည့်ခန်းအတွင်း ထိုင်လိုက်ကြသည်။ ဒေါ်အောင်ဆန်းစုကြည်အတွက်…. ဖခင် ဦးအောင်ဆန်း၏ မိတ်ဆွေရင်းတဦးနှင့် သိကျွမ်းခွင့် ရခဲ့ပြီ။

သခင်အုန်းမြင့် (သို့မဟုတ်) သတင်းစာဆရာကြီး တိုးတက်ရေး ဦးအုန်းမြင့်….။ အခန်းအတွင်း တိတ်ဆိတ်နေသည်။ စကား မဆက်ကြ….။ သခင်အုန်းမြင့်က ဒေါ်အောင်ဆန်းစုကြည်အား အကဲခတ်နေ၏။

ပိန်၍သေးသွယ်သော ခန္ဓာကိုယ်တွင် ….ဗမာအမျိုးသမီး အဝတ်အစားအား ချပ်ချပ်ရပ်ရပ်၊ သေသေသပ်သပ် ဝတ်ထား၏။ လက်ဝတ်ရတနာ ပြိုးပြိုးပြက်ပြက်နှင့်မဟုတ်….. သရေကြိုးပတ် လက်ပတ်နာရီလေးနှင့် ရိုးရိုးရှင်းရှင်း ဖြစ်နေသည့် ဒေါ်အောင်ဆန်းစုကြည်အား သခင်အုန်းမြင့်၏ အမြင်တွင် အံ့သြနေသည့်ဟန်က အထင်းသား…..။

(၁၉)

၁၉၈ဝ ခုနှစ်အတွင်း သခင်အုန်းမြင့်နှင့် ဒေါ်အောင်ဆန်းစုကြည်တို့ အမှတ် ၅၄ နေအိမ်၌ ထပ်မံ၍ ဆုံတွေ့၏။ တွေ့တွေ့ချင်းမှာပင် ဒေါ်အောင်ဆန်းစုကြည်က သူမသိလိုသည့် သူမဖခင်အကြောင်းများအား မေး၏။ ဒေါ်အောင်ဆန်းစုကြည် သိလိုသည်များက အကြောင်းအရာစုံသည်။

ကိုအောင်ဆန်း၏ ကျောင်းသားဘဝ…။

ကျောင်းသားဘဝက အပေါင်းအသင်းများ….။ ကိုနု၊ ကိုလှဖေ( ဗိုလ်လက်ျာ)၊ ကိုအုန်း၊ ကိုကျော်ငြိမ်း….တို့ အကြောင်း။ တဦးချင်းစီ သဘောသဘာဝနှင့် စိတ်နေစိတ်ထားများ….။ ပြီးလျှင် …. ကိုယ်ကျင့်တရား၊ စာရိတ္တကအစ …. နှိုက်နှိုက်ချွတ်ချွတ် မေး၏။ အသေးစိတ်၏။ စေ့စေ့စပ်စပ်မေးသည်။ ပြီးလျှင်…. ကျောင်းသားသမဂ္ဂမှ ဒို့ဗမာအစည်းအရုံးသို့ မေးခွန်းများက ကူးခဲ့၏။ ဒေါ်အောင်ဆန်းစုကြည်ကလည်း မေး၏။ သခင်အုန်းမြင့်ကလည်း စိတ်ရှည်ရှည်နှင့်ဖြေ၏။ ဖြတ်သန်းခဲ့သည့် သမိုင်းခေတ်များ…..။ ဒေါ်အောင်ဆန်းစုကြည်၏ဖခင် ကျောင်းသားကိုအောင်ဆန်းနှင့် ပတ်သက်၍မူ သခင်အုန်းမြင့်က သူမြင်ခဲ့သည့် ကိုအောင်ဆန်းအား ဤသို့ မှတ်ချက်ပြု၏။

“တက္ကသိုလ် ကျောင်းတော်သားပင် ဖြစ်သော်လည်း ကော့စမစ်တစ် ဟဲရားကရင်မ် တို့နှင့်ဝေးစွ၊ အုန်းဆီပင် တွေ့ဖူးဟန်မတူသော စုတ်ဖွားဖွားဆံပင်၊ ကြမ်းပေ့ဆိုသော ကော်လာမပါသည့် ပင်နီရောင်မွဲမွဲ ရှပ်လက်တို အရောင်မပြောင်းသော ကြေးနီရောင် ဘန်ကောက်လုံချည်ကို တိုတိုဝတ်ဆင်လျက် အမြီးပိုင်းပါးလျက်ရှိသော လေယာဉ်ပုံဖိနပ်နှင့် သခင်ပေါက်စ ကိုအောင်ဆန်းကို ပြန်၍မြင်ယောင်မိသည်။ မျက်နှာထားမှာမူ ရှုသိုးသိုး။ တက္ကသိုလ် ကျောင်းသားဆို၍ ယုံနိုင်စရာမရှိသော ကိုအောင်ဆန်းကို တက္ကသိုလ် ပဲခူးကျောင်းဆောင်တွင် စ၍တွေ့ရပေသည်။ ထိုအချိန်မှစ၍ သခင်အောင်ဆန်းနှင့် မကြာခဏ တွေ့ရသည်။ ဒို့ဗမာအစည်းအရုံးသို့ မကြာမကြာ ပေါက်ချလာသည်။ သခင်သန်းထွန်း၊ သခင်စိုးနှင့် ကျနော်တို့ သုံးဦး နေသော အိမ်သို့လည်း လှည့်၍လှည့်၍ လာတတ်လေသည်။ ကျနော်တို့နှင့် တွေ့ဆုံတိုင်း တခြားစကားမပြော၊ လွတ်လပ်ရေးအကြောင်းကိုသာ ပြောသည်။ အချိန်နာရီရှိသမျှ လွတ်လပ်ရေးအတွက် အမြဲတမ်း အလုပ်လုပ်ဖို့ စိတ်စောနေသည်”

(၂၀)

၁၉၈၄ ခုနှစ် ရန်ကုန်သို့ ဒေါ်အောင်ဆန်းစုကြည် ပြန်ရောက်သည့်ရက်များက ဒေါ်အောင်ဆန်းစုကြည်အဖို့ မိခင်နှင့်ပင် အတူမနေအား….။ နေ့စဉ်လိုလိုပင် တပ်မတော် မော်ကွန်းတိုက်သို့သွားပြီး “ဂျပန်ခေတ် Statement” များအား လက်ရေးနှင့် ကူးယူနေခဲ့ရသည်။ သခင်အုန်းမြင့်နှင့်ပင် အေးအေးလူလူ တွေ့ပြီး စကားမပြောဖြစ်သေး….။ ထိုနေ့က သခင်အုန်းမြင့် ၅၄ နေအိမ်သို့ လာမည်ဟု သိရသဖြင့် ….မော်ကွန်းတိုက်သို့ မသွားဘဲ ….အိမ်မှာပင် စာဖတ်ပြီး သခင်အုန်းမြင့်အား စောင့်မျှော်နေခဲ့၏။ ဧည့်ခန်း၌ ထိုင်မိသည်နှင့် …..သခင်အုန်းမြင့်က ဒေါ်အောင်ဆန်းစုကြည်အား သတင်းစာဖြတ်ပိုင်းလေးတခု ပေး၏။ နှစ်ကာလ မည်မျှကြာခဲ့ပြီမသိ…..။ ဖြတ်ပိုင်းစာရွက်လေးက ဝါကျင်ကျင်နှင့် ဖျော့၍နေပြီ။

၁၉၃ဝ ခုနှစ်တွင် ကိုအောင်ဆန်း ရေနံချောင်း အမျိုးသားကျောင်းမှ ၇ တန်းတွင် စကောလားရှစ် ရရှိသည့်အခါ ရွှေတံဆိပ် ချီးမြှင့်သည့် သတင်းဖြတ်ပိုင်းလေး ဖြစ်သည်။ ထိုစဉ်က အမျိုးသား ပညာရေးမဂ္ဂဇင်းတွင် ဖော်ပြပါရှိထားခဲ့သည်။ သူမ ဖခင်၏ ရွှေတံဆိပ်ဆု ရရှိသည့် သတင်းဖြတ်ပိုင်းလေးအား ကိုင်ပြီး ဒေါ်အောင်ဆန်းစုကြည်မှ သခင်အုန်းမြင့်ကို ပြောသည်။

“ အန်ကယ် စုလည်း ပြောမယ်ပြောမယ်နဲ့ မေ့နေတာ….မပြောဖြစ်ဘူး….။ စု ဆုံးဖြတ်ချက် ချထားပြီးပြီ။ ဗမာပြည်မှာ ဗိုလ်ချုပ်အောင်ဆန်း (Educational Foundation) ဆိုပြီးတော့ မတည်မယ်။ ပညာထူးချွန်ရဲ့သားနဲ့ ငွေရေးကြေးရေးကြောင့် အထက်တန်းပညာ မသင်နိုင်တဲ့ ကျောင်းသားတွေ၊ နိုင်ငံခြားမှာသွားပြီး ပညာမသင်နိုင်တဲ့ ကျောင်းသားတွေကို အထောက်အကူပေးဖို့ စု…လုပ်မယ်။ မေမေသဘောတူရင် အဲဒီ (Foundation) ကို ဒီအိမ်မှာ၊ ဒီနေရာမှာ ဒီခြံထဲမှာပဲ ထားပြီးတော့ ရုံးဖွင့်ပြီးတော့ လုပ်မယ်”

ဒေါ်အောင်ဆန်းစုကြည်က မိခင်ဖြစ်သူဘက်သို့ လှည့်ပြီး စကားအား အဆုံးသတ်လိုက်၏။ ဒေါ်ခင်ကြည်က စိတ်အားထက်သန်စွာ ပြောနေသည့် သမီးဖြစ်သူ၏ စကားအား ငြိမ်၍နားထောင်နေ၏။ ဒေါ်ခင်ကြည်သည် တစုံတရာအား လေးလေးနက်နက် တွေးနေသည်။ ပြီးလျှင် ….ဒေါ်ခင်ကြည်က သခင်အုန်းမြင့်အား…..

“သခင်အုန်းမြင့်ရေ …. ကျမစဉ်းစားထားတဲ့ အစီအစဉ်လေးကို ပြောချင်လို့ …. တိုင်ပင်တာလဲပါတာပေါ့”

သခင်အုန်းမြင့်နှင့် ဒေါ်အောင်ဆန်းစုကြည်က ဆက်ပြောလာမည့် ဒေါ်ခင်ကြည်၏ စကားအား…..ငြိမ်၍နားစွင့်နေကြသည်။

“ကျမတို့နိုင်ငံရဲ့ အခြေအနေဟာလည်း တနှစ်ပြီးတနှစ် ကျပ်တည်းပြီးရင်း ကျပ်တည်းလာတယ်လေ။ အဲ့ဒါ ကျမကို လစဉ် နိုင်ငံတော်က ထောက်ပံ့နေတဲ့ ထောက်ပံ့ငွေ ၅ဝဝဝ ကို တဝက်ပဲ ယူတော့မယ် ….. သခင်အုန်းမြင့်ရေ….. ကျန်တဝက်ကိုတော့ နိုင်ငံတော်ကိုပဲ ပြန်လှူလိုက်တော့မယ်လို့ ကျမစဉ်းစားထားတယ်။

သခင်အုန်းမြင့်က မည်သို့မျှ ပြန်၍မပြော….။ သခင်အောင်ဆန်း၏ကတော် ဒေါ်ခင်ကြည်ကိုသာ ငေး၍ကြည့်နေမိသည်။ သူမိခင်ဖြစ်သူ၏ ဘေးတွင် ထိုင်နေသည့် ဒေါ်အောင်ဆန်းစုကြည်သည်လည်း မည်သို့မျှ စကားမဆို၊ ငြိမ်၍နေသည်။ တခုခုအား လေးလေးနက်နက် ငြိမ်၍ တွေးတောနေသည်။ ဧည့်ခန်းအတွင်း တိတ်ဆိတ်၍ နေသည်။ ပြီးလျှင် ပြန်လည်၍ သက်ဝင်လာကြသည်။ သမိုင်းခေတ် တခေတ်၏ စာမျက်နှာအစ…..။

အိမ်အမှတ် ၅၄ ဧည့်ခန်းဆောင် ဆွေးနွေးပွဲက တစ…..တစနှင့် အနှစ်သာရ ပြည့်ဝ၍လာသည်။ ချုပ်ရလျှင်မူ …. “တိုင်းပြည်အခြေအနေက တနေ့ထက်တနေ့ တိုး…တိုးပြီး ဆိုးလာပြီ။ တိုင်းပြည်ငြိမ်းချမ်းမှ …..သာယာဝပြောမည်။ တိုင်းပြည်ရော … တိုင်းပြည်ထဲက လူတွေပါ သာယာဝပြောဖို့ လိုမည်။ အားလုံးသာယာဝပြောဖို့ရာက …. အခြေခံသည် ငြိမ်းချမ်းရေး….။ ငြိမ်းချမ်းရေးရဖို့အတွက် ….တနေ့နေ့ … တချိန်ချိန်တွင် သမိုင်းက တောင်းဆိုလာမည်။ ထိုအခါတွင်…. စိတ်ကောင်း၊ စေတနာကောင်း ရှိတဲ့သူတွေ၊ တိုင်းပြည်ကောင်းကျိုး သယ်ပိုးချင်တဲ့သူတွေ၊ တိုင်းပြည်ကို ချစ်တဲ့သူတွေ၊ တကယ့် မျိုးချစ်စိတ်ရှိတဲ့ သူတွေ …..။ ထိုထိုသော သူတို့ဟာ နိုင်ငံရေးထဲမှာ ပါဝင်လာကြရမယ်”

ဤသို့ ၅၄ ၏ ဧည့်ခန်းဆောင် ဆွေးနွေးပွဲတွင် ဒေါ်အောင်ဆန်းစုကြည်နှင့် သခင်အုန်းမြင့်အကြား Understanding ရခဲ့၏။ သုံးဦးစလုံးက သိနေကြ၏။ မလုပ်ရင်မဖြစ်တော့…..။ ဝင်၍ တခုခု လုပ်ကြရတော့မည်ဟူ၍……။


(၂၁)

ဒေါ်အောင်ဆန်းစုကြည်သည် ဖခင်အောင်ဆန်း၏ အတ္ထုပတ္တိစာအုပ်အား ရေးသားပြုစုရန် စိတ်ထက်သန်လျက်ရှိသည်။ ၁၉၈၄ ခုနှစ် ရန်ကုန်သို့ ရောက်စဉ်ကလည်း …. နေ့စဉ်လိုလိုပင် တပ်မတော်မော်ကွန်းတိုက်သို့သွားပြီး ဂျပန်ခေတ် Statement များအား လက်ရေးနှင့် ကူးယူခဲ့၏။ ပြင်ဆင်ခဲ့၏။ သခင်အောင်ဆန်း၏ BIA သန္ဓေတည်ရာက ဂျပန်တွင် ဖြစ်သည်။ သခင်အောင်ဆန်းနှင့် ထိတွေ့ဆက်ဆံခဲ့ကြသည့် ဂျပန်လူမျိုးများနှင့် တွေ့ရန်လိုကြောင်း ဒေါ်အောင်ဆန်းစုကြည် သိ၏။ ဤအတွက်ပင် အင်္ဂလန်၌နေစဉ် ဂျပန်ဘာသာစကားအား ဇွဲကြီးစွာနှင့် သင်ယူခဲ့သည်။

၁၉၈၅ ခုနှစ်တွင်မူ ဒေါ်အောင်ဆန်းစုကြည်အတွက် …. အခွင့်အလမ်းတခုက ဝင်လာ၏။ ဗိုလ်ချုပ်အောင်ဆန်း၏ ဂျပန်နှင့် ဆက်စပ်သည့် ဘဝအစိတ်အပိုင်းအား သုတေသနပြုနိုင်ရန် ကျိုတိုတက္ကသိုလ်က ဒေါ်အောင်ဆန်းစုကြည်အား ကျိုတိုတက္ကသိုလ်သို့ လာရောက်ရန် ဖိတ်ခေါ်၏။

ဒေါ်အောင်ဆန်းစုကြည်အတွက် …… “ရေဆာစဉ် ရေချမ်းစင်အား တွေ့ခြင်း…..”။ ဂျပန်သို့ သွားရန် ဒေါ်အောင်ဆန်းစုကြည် ပြင်ဆင်ရသည်။ ထိုစဉ်က …. ဒေါက်တာ မိုက်ကယ်အဲရစ်က အိန္ဒိယပြည်မြောက်ပိုင်း “ဆင်းမလား” တွင် ရောက်နေသည်။ “ဆင်းမလားမြို့” အဆင့်မြင့် စာပေလေ့လာရေးဌာနစု၌ သုတေသနပညာရှင်အဖြစ် အမှုထမ်းနေရ၏။ သားအကြီး မြင့်ဆန်းအောင်က …၁၂ နှစ်အရွယ်….။ သားငယ် အောင်ဆန်းလင်းက ၈ နှစ်သား….။ သားကြီး မြင့်ဆန်းအောင်အား အောက်စဖို့တွင်ပင် ကျောင်းအိပ်ကျောင်းစားထားခဲ့ပြီး သားငယ်နှင့် ဒေါ်အောင်ဆန်းစုကြည် ဂျပန်သို့သွားရန် ဆုံးဖြတ်ရ၏။ စီစဉ်ကြရ၏။ ကျိုတိုသို့ ရောက်သည်နှင့် ဒေါ်အောင်ဆန်းစုကြည်သည် ဂျပန်ရှိ “ဂျပန်-မြန်မာ” အသင်းဝင်များနှင့် တွေ့၏။ “ဂျပန်-မြန်မာ” အသင်းမှတဆင့် ဖခင်ဗိုလ်ချုပ်အောင်ဆန်းနှင့် သိကျွမ်းရင်းနှီးခဲ့သော …. ဂျပန်အမျိုးသားကြီးများနှင့် တွေ့ရ၏။ ဒေါ်အောင်ဆန်းစုကြည်နှင့် တွေ့ဆုံခဲ့ရသည့် ဂျပန်အမျိုးသားကြီးများက ဖခင်ဗိုလ်ချုပ်၏ အကြောင်းအား စိတ်အားထက်သန်စွာ ပြောပြကြ၏။

(၂၂)

ကျိုတိုတွင် တနှစ်ခန့် နေပြီးသည့်နောက် ဒေါ်အောင်ဆန်းစုကြည်သည် “ဆင်းမလား” ရှိ ခင်ပွန်းရှိသူထံသို့ သွားရောက်ခဲ့၏။ မြင့်ဆန်းအောင်သည်လည်း ကျောင်းအားရက်ဖြစ်သဖြင့် … မြင့်ဆန်းအောင်ကိုလည်း ဆင်းမလားသို့ ခေါ်ခဲ့၏။ ထိုကာလလေးက …. ဒေါ်အောင်ဆန်းစုကြည်တို့ မိသားစု စုစုဝေးဝေး ဆုံဆည်းခွင့်ရခဲ့သည့် ရက်များဟု ဆိုရမည်။ “ဆင်းမလား” တွင်ပင် ဒေါ်အောင်ဆန်းစုကြည်သည် ခင်ပွန်းသည် လုပ်ကိုင်နေသည့် သုတေသနဌာန၌ သုတေသီပညာရှင်အဖြစ် အလုပ်ရ၏။ “ဆင်းမလား” ရှိ မိသားစု သိုက်သိုက်မြုံမြုံ နေထိုင်ရသည့် ကာလက တိုတောင်းလွန်းလှသည်။

၁၉၈၇ ခုနှစ်တွင် “ဆင်းမလား” မှ လန်ဒန်သို့ ဒေါ်အောင်ဆန်းစုကြည် ပြန်ရောက်ခဲ့ရပြန်သည်။ လန်ဒန်တွင် မျက်စိအား ခွဲစိတ်ကုသမည့် မိခင်အားပြုစုရန် လန်ဒန်သို့ ပြန်ခဲ့ခြင်းဖြစ်သည်။ ဒေါ်ခင်ကြည်၏ မျက်စိခွဲစိတ်မှုက ချောချောမောမောနှင့် အောင်မြင်ခဲ့၏။ ဒေါ်အောင်ဆန်းစုကြည်၏ အကိုဖြစ်သူ ဦးအောင်ဆန်းဦးသည်လည်း လန်ဒန်သို့ လာရောက်၍ ၁ဝ ရက်ခန့် မိခင်နှင့် အတူနေ၏။

၁၉၈၇ ခုနှစ် …. ဇွန်လလယ်လောက်တွင် ဒေါ်ခင်ကြည် လန်ဒန်မှ ရန်ကုန်သို့ ပြန်သွား၏။ ဒေါ်အောင်ဆန်းစုကြည်သည်လည်း မိသားစုရှိရာ “ဆင်းမလား” သို့ ပြန်၏။ ၁၉၈၇ ခုနှစ် စက်တင်ဘာလတွင်မူ ဒေါ်အောင်ဆန်းစုကြည်တို့ တမိသားစုလုံး ….. “ဆင်းမလား” မှ “အောက်စဖို့ဒ်” သို့ အပြီးပြောင်းရွှေ့ခဲ့ကြသည်။ အောက်စဖို့ဒ် ပညာရပ်ဝန်းအတွင်း ပြန်၍ အခြေချကြ၏။

အောက်စဖို့ဒ် နေအိမ်တွင် နေထိုင်ရင်း ဒေါ်အောင်ဆန်းစုကြည်သည် ဖခင်ဗိုလ်ချုပ်အောင်ဆန်း၏ အတ္ထုပတ္တိအား စတင်၍ ရေးသားသည်။ အတ္ထုပတ္တိ၏ အစအား အမှာစာသဘောမျိုးနှင့် စ၏။

“ကျမ မှတ်မိနိုင်သော အရွယ်မရောက်မီကပင် ကျမ၏ ဖခင် ကွယ်လွန်သွားပါသည်။ ထိုကြောင့် `ဖေဖေဟာ ဘယ်လို လူစားမျိုးပါလိမ့်` ဟူသော သိချင်စိတ်ဖြင့် ဖခင်၏ ဘဝလုပ်ဆောင်ချက်များနှင့် ပတ်သက်သော စာပေ အထောက်အထားများကို ကျမ စတင်စုဆောင်း လေ့လာဖတ်ရှုခြင်း ဖြစ်ပါသည်။ အောက်တွင်ဖော်ပြပါ အတ္ထုပတ္တိ စာတမ်းကို ရေးသားရာ၌ ပုံနှိပ်ထုတ်ဝေပြီး အထောက်အထားများကို အဓိက အခြေခံထားပါသည်။ အကြောင်းနှစ်ရပ်နှင့် ပတ်သက်၍သာလျှင် ကျမတို့ မိသားစုနှင့် ဖေဖေ့အား ကောင်းစွာ သိကျွမ်းခဲ့သူများထံမှ သိရှိရသော အချက်အလက်များ အပေါ်တွင် အတော်အသင့် အခြေခံထားပါသည်။ သွေးသားနီးစပ်စွာ တော်စပ်သူတဦး၏ အတ္ထုပတ္တိကို ရေးရသည်မှာ မလွယ်ကူပါ။ ဓမ္မဓိဋ္ဌာန်ကျကျ ရေးနိုင်မည်မဟုတ်ဟု အစွပ်စွဲခံရတတ်ပါသည်။ တကယ်တမ်းတွင်လည်း အတ္ထုပတ္တိ ရေးသူတို့သည် မိမိတို့ ရှာဖွေစုဆောင်းရရှိသော အထောက်အထားများဖြင့် မိမိတို့၏ ကိုယ်ပိုင်ဆုံးဖြတ်ဉာဏ်ကို ပုံသွင်းပေးခဲ့သော အဖြစ်အပျက် အတွေ့အကြုံများ၏ သြဇာသက်ရောက်မှုမှ ကင်းလွတ်နိုင်မည် မဟုတ်ပါ။ ကျမအနေဖြင့် ကျမဖခင်၏ ရုပ်ပုံလွှာကို ကျမမြင်သည့်အတိုင်း မှန်ကန်စွာ ပေါ်လွင်စေရန် ကြိုးပမ်းရေးသားထားပါသည်ဟုသာ ပြောနိုင်ပါသည်။

(၂၃)

၁၉၈၈ ခုနှစ် မတ်လ ၃၁ ရက် ….။

အောက်စဖို့ဒ် နေအိမ် ….။

အောက်စဖို့ဒ် ညနေခင်းက …. တိတ်တိတ်ဆိတ်ဆိတ်၊ ငြိမ်ငြိမ်သက်သက်ပင်…။ ဆိတ်ငြိမ်အေးချမ်းမှုက …. ပညာရပ်ဝန်း၏ အငွေ့အသက် အဆောင်အယောင်လေလားဟုပင် ထင်မှတ်စရာ…..။

ဒေါ်အောင်ဆန်းစုကြည်နှင့် ခင်ပွန်းက ဧည့်ခန်းတွင်ပင် စာဖတ်၍ နေကြသည်။ သား ၂ ယောက်မှာမူ သူတို့၏ အိပ်ခန်းအတွင်း၌ ရှိနေကြ၏။ တယ်လီဖုန်း လူခေါ်ဘဲလ်သံက …. ဝေဝေစီစီ …. ။ ဒေါ်အောင်ဆန်းစုကြည်ပင် ထ၍ တယ်လီဖုန်းအား ကိုင်လိုက်၏။

ရန်ကုန်မှ ဖုန်းဖြစ်သည်။ မိခင်ဒေါ်ခင်ကြည်ထံမှ ….။ ၁ဝ မိနစ်ခန့် စကားပြောပြီး တယ်လီဖုန်းအား ချလိုက်သည်။ ပြီးလျှင် …. ဒေါ်အောင်ဆန်းစုကြည်သည် ခင်ပွန်းဖြစ်သူထံသို့ သွားပြီး…..။

“မေမေ လေဖြတ်သွားလို့တဲ့ …. ဆေးရုံတင်ထားရတယ် …. အဲဒါ ကျမ ရန်ကုန်ကို ချက်ချင်း သွားရမယ်….”

ခင်ပွန်းသည်ကလည်း ကြည်ဖြူစွာနှင့်ပင် ခွင့်ပြု၏။ ချက်ချင်းပင် ဒေါ်အောင်ဆန်းစုကြည်သည် ရန်ကုန်ခရီးအတွက် ထုပ်ပိုးပြင်ဆင်တော့၏။

ဤခရီးက ….. သူတို့၏ ဘဝများအား ထာဝရ ပြောင်းလဲသွားစေတော့မည် ဟူသည်အား ထိုညနေခင်းက ခင်ပွန်းသည်နှင့် ဒေါ်အောင်ဆန်းစုကြည်ပါ မတွေးထင်မိခဲ့……။

(၂၄)

၁၉၈၈ ခုနှစ်၊ ဧပြီလ ၂ ရက်။

ရန်ကုန်မြို့၊ ဂျပန်ဆေးရုံကြီး။

ရန်ကုန် မင်္ဂလာဒုံလေယာဉ်ကွင်းမှ တက္ကသိုလ်ရိပ်သာလမ်း အိမ်သို့ မဝင်တော့ ----။ ဂျပန်ဆေးရုံသို့ တန်းပြီး လာခဲ့တော့သည်။ အဝတ်အစားထည့်သည့် လက်ဆွဲသေတ္တာ ၂ ခုသာ ပါသည်။ ဒေါ်အောင်ဆန်းစုကြည် ဆေးရုံသို့ ရောက်သည့်အချိန်၌ မိခင် (ဒေါ်ခင်ကြည်) ၏ ကျန်းမာရေး အခြေအနေက ဆိုးဝါး၍ နေပြီဖြစ်သည်။ ရောဂါက ၃-၄ မျိုး ရှိနေသည်။ အဆိုးဆုံးက ဆီးချိုဖြစ်သည်။ ဧပြီလ ၇ ရက်နေ့တွင် ဆရာဝန်ကြီးများနှင့် တိုင်ပင်ပြီး ပြင်ဆင်စရာ ရှိသည်များကို ပြင်ဆင်၍ မိခင် ဒေါ်ခင်ကြည်အား တက္ကသိုလ်ရိပ်သာလမ်း နေအိမ်သို့ ပြောင်းရွှေ့ခဲ့တော့သည်။ မိခင်ကြီးအား အချိန်မလပ် ပြုစုစောင့်ရှောက်နေရင်း ---- တဖက်မှ တိုင်းပြည် အခြေအနေများကိုလည်း မျက်ခြည်မပြတ် စောင့်ကြည့်၍နေသည်။

မတ်လ ၁၃ ရက်နေ့တွင် ဖြစ်ပွားခဲ့သော ရန်ကုန် စက်မှုတက္ကသိုလ်ကျောင်းသား အရေးတော်ပုံကြီးက တိုင်းပြည်၏ အခြေအနေအား ဖော်ပြ၍နေသည်။

(၂၅)

အင်းယားကန်ဘောင်နှင့် ပြည်လမ်းမအကြားတွင် “တံတားဖြူ“ ဟူ၍ လူသိများသည့် မြောင်းကူးတံတားရှိသည်။ တံတားဖြူအား ကျော်ပြီးသည်နှင့် ဆန္ဒပြသည့် ကျောင်းသားထု လူတန်းကြီးသည် ဖြုန်းစားကြီး တန့်ရပ်သွားသည်။ သံဆူးကြိုးခွေများကို ဆန္ဒပြ လူတန်းကြီး၏ အရှေ့တွင် ဖြတ်သန်းပိတ်ပြီး ကာထားသည်။ သံဆူးကြိုးများ၏ နောက်တွင်မူ မောင်းပြန်သေနတ်များ ကိုင်ထားသည့် စစ်သားများက လူတန်းကြီးအား အသင့်ချိန်၍ ရပ်နေကြ၏။ စစ်သားများ၏ နောက်တွင်တော့ ဘရင်းကယ်ရီယာများ၊ လူတန်းကြီးအနောက်တွင်တော့ ----- ဒုတ်များ၊ ကြိမ်ဒိုင်များနှင့် လုံထိန်းများက ကန်ဘောင်ရိုးပေါ်သို့လည်း တက်လာကြသည်။ ဆန္ဒပြသည့် ကျောင်းသားတို့အား စစ်သားများနှင့် လုံထိန်းတို့က သုံးဘက်မှ ပိတ်ဆို့ထားလိုက်ကြပြီ ဖြစ်သည်။ ကျန်သည့် တဖက်မှာလည်း ခြံဝင်းမြင့်မြင့်ကြီးများက ပိတ်၍ ကာထားပြန်သည်။

အမိန့်ပေးသံများ ထွက်လာသည်။ လုံထိန်းများက ကျောင်းသားများကို ဝင်ရိုက်တော့သည်။ နံပါတ်ဒုတ်များ၊ အရိုးတွင်းတွင် ကျိုးအက်သံများ၊ သွေးများ အလူးလူးအလိပ်နှင့် အလဲလဲအပြိုပြို ကမ္ဘာပျက်၍ နေလေပြီ။

ဒေါ်ခင်ကြည် အား နေအိမ်သို့ ပြန်လည်ကြိုယူခဲ့ပြီးသည့် နောက်ပိုင်းတွင် တက္ကသိုလ်ရိပ်သာလမ်း နေအိမ်သို့ နေ့စဉ်လိုလိုပင် သခင်အုန်းမြင့် ရောက်ခဲ့သည်။ ၁၉၈၈ ခု၊ မတ်လ ကျောင်းသား အရေးအခင်းများ အကြောင်းကို ဒေါ်အောင်ဆန်းစုကြည်မှ မေးသည်။ သခင်အုန်းမြင့် ပြောပြသည်များကို နားထောင်ပြီး ဒေါ်အောင်ဆန်းစုကြည်က လေးလေးနက်နက် တွေး၍ နေသည်။ ပြီးနောက် -------

“----- အခု တိုင်းပြည်အခြေအနေက သိပ်ဆိုးသထက်ဆိုးလာတော့ အန်ကယ်နဲ့ စုနဲ့ ၁၉၈၄ တုန်းက ပြောခဲ့တဲ့ အတိုင်းမျိုးပေါ့။ ငြိမ်းချမ်းရေးကို ရမှဖြစ်မယ်။ ငြိမ်းချမ်းရေးမရရင် တိုင်းပြည်တော့ တော်တော်ကို ဒုက္ခရောက်ကုန်မယ်။ လူတွေ ဒုက္ခရောက်ကုန်မှာ။ ဒါကို ဘယ်လိုလုပ်ရရင် ကောင်းမလဲဆိုတာကိုလည်း စဉ်းစားကြရတော့မယ်။ အန်ကယ်လည်း စဉ်းစားပါ။ စုလည်း စဉ်းစားမယ်။ ဘယ်ပုံဘယ်နည်း စရမယ်ဆိုတာ -----“

(၂၅)

မတ်လနှင့် ဇွန်လများမှာ ဖြစ်ပျက်ခဲ့တဲ့ သွေးထွက်သံယို အရေးအခင်းများက အစိုးရအဖွဲနဲ့ ထိုအဖွဲ့ကို ဦးဆောင်နေတဲ့ ပါတီကို အယုံအကြည် ကင်းမဲ့နေတာကို ဆန္ဒပြရာတွင် ကိုယ်တိုင်ပါဝင်သူများနဲ့ နောက်မှ အားပေးသူများက ဖော်ပြလိုက်ပါတယ်။ ကျနော်ဟာ မတ်လနဲ့ ဇွန်လအတွင်းက စိတ်မချမ်းမြေ့စရာ ဖြစ်ပျက်ခဲ့တဲ့ အဖြစ်တွေကြောင့် သွယ်ဝိုက်သော နည်းဖြင့် တာဝန်မကင်းသူဟု ယူဆတာက တကြောင်း၊ အသက်အရွယ်လည်း ထောက်လာတာက တကြောင်းတို့ကြောင့် ပါတီဥက္ကဋ္ဌနှင့် ပါတီဝင်အဖြစ်မှ ထွက်ခွင့်ပေးကြပါလို့ ပါတီဝင်တွေကို မေတ္တာရပ်ခံအပ်ပါတယ်။

နေဝင်း

အရေးပေါ်ပါတီ ညီလာခံ

မြန်မာ့ဆိုရှယ်လစ်လမ်းစဉ်ပါတီ

၁၉၈၈၊ ဇူလိုင်လ ၂၃ ရက်

ဦးနေဝင်းက အရှင်ထွက် ထွက်ပြီး ကားလိပ်ကြားသို့ တိုးဝင်သွား၏။ ဇူလိုင်လ တတိယအပတ်အတွင်းမှာ ဖြစ်သည်၊ အမြောက်နှင့် ယန္တရားတပ်မှ ဗိုလ်မှူးလှမြင့် ဒေါ်အောင်ဆန်းစုကြည်ထံသို့ တယ်လီဖုန်းဆက်၍ လာသည်။ မည်သည့် အကြောင်းကိစ္စကြောင့် ဆက်လာသည်ဟူ၍မူ မသိ။ ဒေါ်စုမှ ဦးနေဝင်းနဲ့ တွေ့ချင်တယ်၊ စီစဉ်ပေးပါလို့ ပြောတော့ သူ အကြောင်းပြန်ပါမည်ဟု ပြောသည်။ ဦးနေဝင်း ပါတီဥက္ကဋ္ဌအဖြစ်မှ နုတ်ထွက်သွားခဲ့ပြီးနောက်တွင် ပါတီဥက္ကဋ္ဌနှင့် နိုင်ငံတော်သမ္မတ နေရာများအား ဦးစိန်လွင်မှ ဝင်ရောက်၍ တာဝန်ယူခဲ့သည်။ တက်လာသည်နှင့် လက်စွမ်းပြတော့သည်။ ဦးအောင်ကြီး၊ ဦိးအောင်ရွှေ စသည့် အငြိမ်းစား စစ်ဗိုလ်ကြီးများအား ထောင်ထဲသို့ သွင်းတော့သည်။ ဒုတိယအကြိမ် ဗိုလ်မှူးလှမြင့်ထံမှ ဖုန်းဆက်လာသည်။ ဦးနေဝင်းနှင့် တွေ့နိုင်မည့် အကြောင်းကိုမူ မပြော။ ဒေါ်အောင်ဆန်းစုကြည်အား နိုင်ငံရေး မလုပ်ဘူးဆိုဟု ပြောမေး မေးသည်။ ဒေါ်အောင်ဆန်းစုကြည်က ကျမ နိုင်ငံရေးမလုပ်ဘူး ဆိုတာက နိုင်ငံခြားမှာ နေပြီးတော့ နိုင်ငံရေးမလုပ်မှာကို ပြောတာပါဟု ပြန်၍ ပြောလိုက်သည်။ တဖက်မှ မည်သို့မျှ ပြန်၍မပြော၊ တယ်လီဖုန်းလည်း ချ၍ သွားတော့သည်။

(၂၆)

''ဒီမိုကရေစီ ချက်ချင်းပေး''

''မဆလ အစိုးရ ကျဆုံးပါစေ''

''စိန်လွင် အလိုမရှိ''

''ဦးအောင်ကြီးနှင့် နိုင်ငံရေးအကျဉ်းသားများ ပြန်လွှတ်ပေး''

ကြွေးကြော်သံများက ရန်ကုန်မြို့ တမြို့လုံး ကျယ်လောင်စွာ မြည်ဟိန်းနေသည်။ ရန်ကုန်မြို့တွင်သာမက ပဲခူး၊ သနပ်ပင်၊ ရေနံချောင်း၊ ပြည်၊ တောင်ကြီး၊ မြို့များတွင်လည်း ''စိန်လွင် အလိုမရှိ'' ဟူသည့် အသံများက ကျယ်လောင်နေလေပြီ။ ည ၈ နာရီတွင် မြန်မာ့အသံမှ ဦးစိန်လွင်နှင့် ဗိုလ်ချုပ်ကြီးစောမောင်တို့ ၂ ဦး လက်မှတ်ထိုးထုတ်ပြန်သည့် ကြေညာချက်များအား ဖတ်ကြားကြေညာသွားသည်။ ရန်ကုန်မြို့တွင် မာရှယ်လော (စစ်ဥပဒေ) ထုတ်ပြန်ကြောင်း ကြေညာချက်ပင် ဖြစ်သည်။ ထိုနေ့က ၁၉၈၈ ခုနှစ်၊ သြဂုတ်လ ၃ ရက်နေ့ ဖြစ်သည်။

တက္ကသိုလ်ရိပ်သာလမ်း နေအိမ်၌ သခင်အုန်းမြင့်၊ ဦးထွေးမြင့် ရဲဘော်သုံးကျိပ်ဝင် ဗိုလ်စင်္ကြာတို့နှင့် ဒေါ်အောင်ဆန်းစုကြည် တွေ့ကြသည်။ ဆွေးနွေးကြသည်။ တိုင်းပြည်၏ အခြေအနေက သိပ်ဆိုး၍ နေပြီ၊ မည်သို့လုပ်ကြမည်နည်း၊ မည်သို့စ၍ လုပ်ကိုင်ကြမည်နည်း၊ အပြင်တွင် ရာသီဥတုက အုံ့မှိုင်းနေသည်။

''တိုင်းပြည်အခြေအနေက သိပ်ဆိုးနေပြီ၊ လူတွေကလည်း ဒုက္ခသိပ်ရောက်နေပြီ ---ငြိမ်းချမ်းရေးအတွက် အတိုင်ပင်ခံ ကော်မတီတခုဖွဲ့ပြီး လုပ်ဖို့တောင်းဆိုရင်တော့ ကောင်းမယ် ထင်တယ်'' ဦးထွေးမြင့်မှ တွေးတွေးဆဆနှင့် ဆွေးနွေးသည်။

''ကောင်းပါတယ်။ ဒီက `စ`ရင်ကောင်းပါတယ်။ ကော်မတီထဲမှာ ဘယ်သူဘယ်ဝါ ပါရမယ်။ ဘာမယ်တော့ မတောင်းဆိုဘဲနဲ့ ကော်မတီဖွဲ့ဖို့ပဲ တောင်းဆိုရင် ကောင်းမယ်'' သခင်အုန်းမြင့်က ဦးထွေးမြင့်၏ ဆွေးနွေးချက်ကို ထပ်၍ ဖြည့်စွက်သည်။

''ကျမ သဘောတူပါတယ်။ ဒီကပဲ `စ` ပြီး လုပ်ကြတာပေါ့။ ပြီးတော့ ကျမတို့ ဒီလုပ်ငန်းတွေ စလုပ်တာနဲ့ လုံးဝ အကြမ်းမဖက်ရေးဘဲ။ အကြမ်းမဖက်ဝါဒ၊ ဂန္ဒီဝါဒပေါ့။ ဒါကို ကျမတို့ရဲ့ `မူ` အနေနဲ့ ထားလိုက်မယ်။ နောက်ပြီး ဥပဒေ ဘောင်အတွင်းကပဲ လုပ်မယ်။ မြေအောက်တို့ တောခိုတာတို့ လက်နက်ကိုင်တိုက်တာတို့ လုံးဝ မလုပ်ဘူး။ ဒါ ကျမတို့ရဲ့ နိုင်ငံရေးလမ်းစဉ်ပဲ'' ဒေါ်အောင်ဆန်းစုကြည်၏ စကားအဆုံးတွင် အားလုံးက သဘောတူကြသည်။ အပြင်ဘက်ဆီမှ သေနတ်သံများအား သဲ့သဲ့ကြားကြရသည်။ အားလုံး စိတ်မသက်သာစွာဖြင့် သက်ပြင်းချလိုက်ကြသည်။


(၂၇)

“စစ်ကားတွေဟာ ရန်ကုန်တဝိုက်က လူသေတွေရော၊ ဒဏ်ရာရသူတွေကိုပါ သယ်ယူလာပြီး ဆေးရုံကြီးမှာ ပစ်ချလိုက်သည်။ တချို့ကျောင်းသားလေးတွေဆိုရင် ခြေတွေ၊ လက်တွေမှာ သေနတ်ဒဏ်ရာ၊ ရင်ဘတ်နဲ့ လည်ပင်းတွေမှာ လှံစွပ်ဒဏ်ရာတွေနဲ့ ပွင့်ထွက်နေကြတယ်။ အချို့ဆို ပုံပျက်ပန်းပျက်ကို ဖြစ်နေပြီ၊ ရုပ်မပေါ်တော့ဘူး။ အလောင်း အများအပြားက ကိုယ်တုံးလုံးနှင့် ယောက်ျားတွေ ပြီးတော့ ဘုန်းကြီးအလောင်းတွေ၊ စစ်သားတွေက ဘုန်းကြီးအလောင်းတွေကို ဆေးရုံကြီးမှာ လာမပုံခင် သင်္ဃန်းတွေကို ချွတ်ပစ်ခဲ့ကြတယ်။ ကျနော် ရေကြည့်တော့ အလောင်း ၁၆ဝ လောက် ရှိတယ်။ ဒဏ်ရာရသူတွေက ရာနဲ့ချီပြီးတော့ကို များတယ်။ ဒါက ဆေးရုံကြီးတခုပဲ ရှိသေးတယ်။ ရန်ကုန်မှာရှိတဲ့ အခြားဆေးရုံတွေ မပါသေးဘူး။ ဒီသြဂုတ်လ ၁ဝ ရက်နဲ့ ၁၂ ရက်ကြားမှာ စစ်တပ်က ပစ်လို့ သေတဲ့ လူပေါင်းဟာ ၁ဝဝဝ ထက် မနဲဘူး “

စာမျက်နှာ - ၁၃၄ ၊ ၁၃၅

(ဒေါမာန်ဟုန်)

စောကြာဒိုး၊ ဗိုလ်မှူးအောင်၊ ဦးနုတို့နှင့် ဦးထွေးမြင့် တွေ့သည်။ အတိုင်ပင်ခံကော်မတီဖွဲ့ဖို့ တောင်းဆိုမည့် အကြောင်းအား ပြောပြသည်။ ဒေါ်အောင်ဆန်းစုကြည် ဆွေးနွေးခဲ့သည့် ဥပဒေဘောင်အတွင်း ဖြစ်ရမယ်၊ မြေအောက်တို့ တောခိုတာတို့ လက်နက်ကိုင်တာတို့ မလုပ်ဘူးဆိုတဲ့ အခြေခံ သဘာထားကို ရှင်းပြသည်။ အားလုံးက သဘောတူကြသည်။ ပြီးနောက် ရန်ကုန်မှာ ရှိကြသည့် ကျောင်းသားသမဂ္ဂ အမှုဆောင်ဝင်ဟောင်းများ၊ ဥက္ကဋ္ဌဟောင်းများ အားလုံးနှင့် ဆက်သွယ်ချဉ်းကပ်ကြသည်။ သူတို့က တကယ်လုပ်ကြမည့် သူများဖြစ်သည်။ ဦးထွေးမြင့်နှင့် သခင်အုန်းမြင့်တို့က တနေ့လုံး အပြင်ထွက်၍ တွေ့မည့်သူများနှင့် တွေ့ကြသည်။ ဆွေးနွေးကြသည်။ သူတို့ တက္ကသိုလ်ရိပ်သာလမ်း နေအိမ်ကို ပြန်ရောက်တော့ ညနေ ၅ နာရီိခန့် ရှိပြီ။ ဒေါ်အောင်ဆန်းစုကြည် ပြင်ဆင်ရေးသားထားသည့် အတိုင်ပင်ခံကော်မတီ ဖွဲ့စည်းရေး တောင်းဆိုချက် စာကြမ်း (Draft) အား ပြသည်။ ပြင်ဆင်စရာမရှိ။ အားလုံး သဘောတူကြသည်။ ဦးထွေးမြင့်မှ ယူလာသော (Typewriter) အဟောင်းကြီးနှင့် တက္ကသိုလ် ရိပ်သာလမ်း နေအိမ်တွင်ပင် ဦးထွေးမြင့် (Type) ရိုက်သည်။ ၁၉၈၈ ခု၊ သြဂုတ်လ ၁၈ ရက်နေ့တွင် မဆလ ဗဟိုကော်မတီအစည်းအဝေးနှင့် အစိုးရအဖွဲ့ အစည်းအဝေး ကျင်းပမည့်အကြောင်း မြန်မာ့အသံမှ သတင်းကြေညာသည်။ ထိုနေ့ကား သြဂုတ်လ ၁၂ ရက်နေ့။

(၂၈)

“ဦးစိန်လွင်သည် နိုင်ငံတော်ဥက္ကဋ္ဌ ရာထူးမှလည်းကောင်း၊ နိုင်ငံတော် သမ္မတ ရာထူးမှလည်းကောင်း၊ မွန်ပြည်နယ် မဲဆန္ဒနယ်အမှတ် ၂ ပြည်သူ့လွှတ်တော် ကိုယ်စားလှယ် အဖြစ်မှလည်းကောင်း နုတ်ထွက်ခွင့်ပြုပါရန် တင်သွင်းခဲ့သည်။ ရာထူးမှနုတ်ထွက်ခြင်း၊ အစားထိုးခြင်း၊ ရွေးချယ်တင်မြှောက်ခြင်းဆိုင်ရာ အခန်း ၄ ၏ စည်းမျဉ်းများအရ ဦးစိန်လွင်အား နိုင်ငံတော်သမ္မတ ရာထူးမှလည်းကောင်း၊ နိုင်ငံတော်ကောင်စီ ဥက္ကဋ္ဌ ရာထူးမှလည်းကောင်း၊ ပြည်သူ့လွှတ်တော် ကိုယ်စားလှယ် အဖြစ်မှလည်းကောင်း ယနေ့ ၁၉၈၈ ခု၊ သြဂုတ်လ ၁၂ ရက်နေ့မှစ၍ နုတ်ထွက်ခွင့် ပြုလိုက်သည်“

(၂ဝး ဝဝ) နာရီသတင်း

မြန်မာ့အသံ

၁၉၈၈၊ သြဂုတ်လ ၁၂ ရက်

ဦးထွေးမြင့် (Type) ရိုက်ပြီးသည့်အချိန်တွင်မှ ဦးစိန်လွင် သမ္မတအဖြစ် နုတ်ထွက်ကြောင်းအား မြန်မာ့အသံမှ ကြေညာသည်။

လ်ိပ်မူထားသည်ကား ဦးစိန်လွင် နိုင်ငံတော် သမ္မတကြီးထံသို့။ မည်သို့လုပ်ဆောင် ကြမည်နည်း။ ဦးစိန်လွင်က သမ္မတအဖြစ်မှ နုတ်ထွက်ခဲ့ပြီးနေ၏။ အခြားတယောက်ယောက်ကိုလည်း သမ္မတအသစ်အဖြစ် အစားထိုး ရွေးချယ်ခန့်အပ်သည်ဟူ၍ မြန်မာ့အသံမှ မကြေညာခဲ့။ ရှိစေတော့ ----။ ဦးစိန်လွင်ထံသို့ လိပ်မူထားသည်ကိုတော့ ပြင်မှရတော့မယ်။ ပြင်ပြီးလျှင် မည်သူထံသို့ လိပ်မူ၍ ပေးပို့မည်နည်း။ ဦးနေဝင်းသည်လည်း တာဝန်များအားလုံးမှ နုတ်ထွက်ထားပြီး ဖြစ်သည်။ တရားဝင်မှုအရ သူ့တွင် တာဝန်မရှိ။ သူ့ထံသို့ပင် လိပ်မူပြီး ပို၍မရနိုင်။ မိတ္တူတော့ ပို၍ရမည်။ အားလုံး စဉ်းစားရ ကျပ်နေကြသည်။

“ကဲ ---- အန်ကယ်ဦးထွေးမြင့်ရော၊ အန်ကယ်ဦးအုန်းမြင့်ရော ကျမတို့ လုပ်ရမှာတွေကလည်း ကပ်နေပြီ။ ဒီတော့ နိုင်ငံတော်ကောင်စီ အတွင်းရေးမှူး ဦးကျောင်ထင်ဆီပဲ လိပ်မူပြီး ပို့တာပေါ့“

ဒေါ်အောင်ဆန်းစုကြည်က ဝင်ပြောသည်။ နောက်ဆုံး ဦးကျော်ထင်ထံသို့ လိပ်မူပြီး ပို့ရန် ဆုံးဖြတ်ချက်ချလိုက်သည်။ ဦးထွေးမြင့်က (Typewriter) အဟောင်းကြီးနှင့် ပြန်၍ အလုပ်များနေပြန်တော့သည်။ ဒီနေ့ည အပြီးရိုက်ရမည်။ ဒီနေ့ညပြီးမှ မနက်ဖြန် ၁၃ ရက်နေ့နဲ့ ၁၄ ရက်နေ့များတွင် တောင်းဆိုကြသည့် သူများထံတွင် လိုက်ပြီး လက်မှတ်ထိုးခိုင်းကြရမည်။

(၂၉)

၁၉၈၈ ၊ သြဂုတ်လ ၁၃ ၊ ၁၄ ရက်။

(Type) ရိုက်ထားပြီးသည့် စာပေါ်တွင် သဘောတူထောက်ခံကြသည့် သူများ၏ လက်မှတ်များရအောင် ၂ ရက်လုံးလုံး လက်မှတ်လိုက်ထိုးခိုင်းကြရသည်။ ရန်ကုန်တမြို့လုံး ဆန္ဒပြလူတန်းကြီးများနှင့် သွားလာရသည်မှာ မလွယ်ကူ။ စစ်သားများအား မြို့တွင်းမှ ပြန်၍ရုပ်သိမ်းသွားပြီးဖြစ်တဲ့အတွက် ယခင်ရက်များမှာကဲ့သို့ သေနတ်များအသင့်နှင့် ပစ်ရန်စောင့်နေသည့် စစ်သားများအား လမ်းဆုံလမ်းဂွများတွင် မတွေ့မြင်ရတော့ ----။

စောကြာဒိုး၊ သမ္မတဟောင်း မန်းဝင်းမောင်၊ ဗိုလ်မှူးအောင် ဖဆပလ ဝန်ကြီးဟောင်း ဦးညိုထွန်း၊ ဗိုလ်စန္ဒာကျော်၊ သခင် ခင်အောင်၊ သခင်သိန်းဖေ၊ ဗိုလ်ရန်နိုင်တို့၏ လက်မှတ်များရသည်။ ပြီးလျှင် ကျောင်းသားသမဂ္ဂ အမှုဆောင်ဟောင်းများနှင့် ဥက္ကဋ္ဌဟောင်းများ၏ လက်မှတ်များ ရသည်။ ဦးနုကမူ သီးခြားစာရွက်ဖြင့် သဘောတူထောက်ခံကြောင်း သီးသန့် စာရေးပေးသည်။

(၃ဝ)

၁၉၈၈ ခု၊ သြဂုတ်လ ၁၅ ရက်

အမှတ် ၅၄ တက္ကသိုလ်ရိပ်သာလမ်း။

နံနက် ၈း ၃ဝ) နာရီခန့်စပြီး တယ်လီဖုန်းတလုံးနှင့် ဒေါ်အောင်ဆန်းစုကြည် အလုပ်ရှုပ်နေသည်။ ဗိုလ်ချုပ်ကျော်ထင်၏ နေအိမ်သို့ တယ်လီဖုန်းဆက်သည်။ မရှိ။ ရုံးသို့ထွက်သွားပြီဟု ပြောသည်။ နိုင်ငံတော် ကောင်စီရုံးသို့ ဆက်သည်။ မရှိ။ မဆလ ပါတီဌာနချုပ်သို့ ဆက်သည်။ မရှိ။ မွန်းလွဲ ၂ နာရီိခန့် ရှိပြီ။ ဗိုလ်ချုပ်ကျော်ထင်အား ဆက်သွယ်၍ မရသေး။ ဗိုလ်ချုပ်ကျော်ထင်နှင့် အဆက်အသွယ်ရမှ ဖြစ်မည်။ ဒီနေ့မှာပင် သူထံသို့ စာပို့နိုင်မှ ဖြစ်မည်။ ၁၈ ရက်နေ့၌ သူတို့၏ အရေးပေါ် လွှတ်တော် အစည်းအဝေးနှင့် နိုင်ငံတော်ကောင်စီ အစည်းအဝေးများ ရှိသည်။ ဤအစည်းအဝေးများအမီ စာအား ပေးပို့နိုင်မှ ဖြစ်မည်။ နိုင်ငံတော်ကောင်စီရုံးသို့ နောက်ထပ်တကြိမ် ဖုန်းခေါ်ပြန်သည်။

“ဟဲလို ---- ကျမ အောင်ဆန်းစုကြည်ပါ။ ဗိုလ်ချုပ်အောင်ဆန်းရဲ့ သမီးပါ။ ဦးကျော်ထင်နဲ့ တွေ့ချင်လို့ပါ။ အရမ်းအရေးကြီးလို့ပါ။ သူ ရှိနိုင်မယ့် နေရာကို ပြောပြပေးပါလား“

ခဏစကားပြောပြီး ဒေါ်အောင်ဆန်းစုကြည် ဖုန်းချလိုက်သည်။ ဖုန်းနံပါတ်အသစ်တခုကို ဆက်ပြန်သည်။ မဆလ ပါတီဗဟို ဌာနချုပ်ရုံး။

“ဟဲလို ----- ကျမ အောင်ဆန်းစုကြည်ပါ “

စကားပြောပြီး၍ တယ်လီဖုန်းအား ချလိုက်ပြန်သည်။

“အန်ကယ် အုန်းမြင့်ရေ --- ဦးကျော်ထင်နဲ့တော့ စကားပြောလိုက်ရတယ်။ သူက အခုလောလောဆယ်ဆယ်တော့ ဘယ်လိုမှ တွေ့နိုင်မှာ မဟုတ်ဘူးလို့ ပြောတယ်။ ပါတီဌာနချုပ်မှာ အရေးကြီးတဲ့ အစည်းအဝေး ပြုလုပ်နေလို့ပါတဲ့။ သူ အကြောင်းပြန်ပါ့မယ်လို့ ပြောတယ်“

“ကျမတို့ ညနေအထိ စောင့်ကြတာပေါ့“

ဦးကျော်ထင်နှင့် တယ်လီဖုန်း အဆက်အသွယ်ရခဲ့သည့်အတွက် အလုပ်အတွက် ရင်ထဲ၌ နည်းနည်း ပေါ့သွားသည်။ ထိုအခါမှ ….. ယခုအထိ နှစ်ယောက်စလုံး နံနက်စာ မစားရသေးသည်ကို သတိရတော့သည်။ အပြင်ဘက်တွင်တော့ မိုးက တဖွဲဖွဲနှင့် စဲတော့မည့်ဟန် မပေါ်။

ညနေ ၄ နာရီ ထိုးပြီ။ ဦးကျော်ထင်မှ အကြောင်းပြန်ကြားခြင်း မရှိသေး။ စောင့်ရသည်မှာ စိတ်မရှည်ချင်စရာ ကောင်းလှသည်။ အန်ကယ် ကျမ ဦးကျော်ထင်ဆီ ဖုန်းထပ်ဆက်လိုက်ဦးမယ်ဟု ပြောပြောဆိုဆိုဖြင့်ပင် ဒေါ်အောင်ဆန်းစုကြည်သည် မဆလပါတီ ဌာနချုပ်ရုံးသို့ တယ်လီဖုန်း ဆက်ပြန်ပါသည်။

“အန်ကယ် ဦးကျော်ထင်ဆီက အကြောင်းမပြန်သေးလို့ ကျမ ထပ်ဆက်တာပါ“

“ဟုတ်ကဲ့ရှင့်၊ ကျမတို့ဆီမှာ ရေးထားပြီးသား အဆင်သင့်ရှိပါတယ်။ ဖြစ်နိုင်လို့ရှိရင် အန်ကယ် ဦးကျော်ထင်တို့ဆီကပဲ လူလွှတ်ပြီး လာယူခိုင်းပေးဖို့ မေတ္တာရပ်ခံပါတယ်“ ဒေါ်အောင်ဆန်းစုကြည်တို့ ဖုန်းပြောပြီး၍ မိနစ် ၂ဝ ခန့်ကြာသည့်အခါ၌ တက္ကသိုလ် ရိပ်သာလမ်းခြံဝင်းအတွင်းသို့ စစ်တပ်အမှတ်တံဆိပ် တပ်ဆင်ထားသည့် မာစတာဂျစ် တစင်း ဝင်လာသည်။ ကားပေါ်မှ ဗိုလ်မှူးအဆင့်နှင့် သူတယောက် ဆင်းလာသည်။

“ကျနော်တို့ စာလာယူတာပါ“

(၃၁)

၁၉၈၈ ခု၊ သြဂုတ်လ ၁၆ ရက်။

အမှတ် ၅၄ တက္ကသိုလ်ရိပ်သာလမ်း။

နံနက် ၉ နာရီခန့်မှာပင် သခင်အုန်းမြင့် ဒေါ်အောင်ဆန်းစုကြည်၏ နေအိမ်သို့ ရောက်သည်။ “အန်ကယ် အုန်းမြင့် - အခုပဲ ဘားကောင်စီက ဒေါ်မြင့်မြင့်ခင် တယ်လီဖုန်းဆက်တယ်။ သူတို့ ဘားကောင်စီက လူတွေ `စု` နဲ့ တွေ့ချင်တယ်။ အိမ်လာခဲ့မယ်လို့ ပြောတယ်။ `စု` ကလည်း ရပါတယ်။ လာခဲ့ပါလို့“ ဒေါ်အောင်ဆန်းစုကြည်မှ သူမထံသို့ ဘားကောင်စီမှ ဖုန်းဆက်၍ လာတွေ့မည့် အကြောင်းအာား အိမ်ပေါ်သို့ ရောက်ရောက်ချင်း သခင်အုန်းမြင့်အား ပြောပြနေသည်။

၁ဝ နာရီခန့်တွင် တယ်လီဖုန်းသံ မြည်လာသည်။ ဒေါ်အောင်ဆန်းစုကြည်မှ တယ်လီဖုန်းစကား ပြောပြီး ဖုန်းချလိုက်သည်။ ပြီးလျှင် တယ်လီဖုန်းဆက်လာသည့် အကြောင်းအား ပြောပြသည်။

“ဘားကောင်စီက ဆက်တာ၊ သူတို့က လူများတော့ ကားအခက်အခဲရှိလို့ ဖြစ်နိုင်ရင် ဒေါ်စု သူတို့ဆီကို လာခဲ့စေလိုပါတယ်တဲ့“

“ ဘယ်လိုလုပ်မလဲ“

သခင်အုန်းမြင့် က ---

“သွားတာပေါ့၊ ဘားလမ်းကိုသွားကြတာပေါ့“

ဒေါ်အောင်ဆန်းစုကြည် တယောက်တည်းသာ ဘားကောင်စီရုံးရှိရာသို့ ထွက်သွားသည်။ နေ့လည် ၁ နာရီခန့်တွင် ဒေါ်အောင်ဆန်းစုကြည် ပြန်ရောက်လာသည်။ ဘားကောင်စီမှာ ကားဖြင့် ပြန်ပို့ခြင်း ဖြစ်သည်။ ဧည့်ခန်းအတွင်း ထိုင်မိသည်နှင့် ဒေါ်အောင်ဆန်းစုကြည်မှ သခင်အုန်းမြင့်အား ပြောသည်။

“အန်ကယ် --- လာပါဆိုပြီး ပြောတုန်းကတော့ ဒေါ်မြင့်မြင့်ခင်နဲ့ ဦးကိုယုတဲ့။ ဟိုကျတော့ စကားပြောတာက ဒေါက်တာမောင်မောင်ကျော် ဆိုတဲ့သူက ပြောတာ။ တခါတည်း သူပဲ ဒိုင်ခံပြီး ပြောနေတော့တာပဲ။ သူတို့ ဘားကောင်စီက ကြားဖြတ်အစိုးရအဖွဲ့ ဖွဲ့ဖို့ကို မနေ့က စာတင်ထားပြီပြီးတဲ့၊ နိုင်ငံတော်ကောင်စီကို တင်ထားတာပေါ့။ အဲဒါကို ထောက်ခံပါလို့ ကျမကို ပြောတယ်“

“ ဒေါ်အောင်ဆန်းစုကြည်က ထောက်ခံမယ်လို့ ပြောခဲ့လား“

သခင်အုန်းမြင့် က ဒေါ်အောင်ဆန်းစုကြည် အားမေးသည်။

“မပြောခဲ့ပါဘူး“

“ဒါပေမယ့် ကျမတို့ မနေ့က တောင်းဆိုတဲ့စာနဲ့ သဘောထားချင်း သိပ်မကွာပါဘူးလို့တော့ ပြောခဲ့တယ်“

ရန်ကုန်မိုးက ဖွဲရာမှ သည်းလာသည်။ အင်းယားကန်အားဖြတ်၍ တိုက်ခတ်လာသောလေကြောင့် ခန်းဆီးများက တဖျတ်ဖျတ်နှင့် လူးလွန့်နေသည်။ ညနေစောင်းသည့်တိုင် မိုးက သည်းတုန်းပင်။ ညနေ ၅ နာရီိခန့် ရှိမယ်ထင်သည်။ ဘားကောင်စီမှ လွှတ်လိုက်သည့်ရှေ့နေ ကိုသိန်းဟန် ရောက်လာသည်။ ဒေါ်အောင်ဆန်းစုကြည် လက်မှတ်ထိုးပေးရန် ဘားကောင်စီမှ ရေးပေးလိုက်သည့် စာအား လာပို့ခြင်းဖြစ်သည်။ စာကား ဘားကောင်စီမှ နိုင်ငံတော် ကောင်စီသို့ ရေးပို့ထားသည့် စာအား ထောက်ခံပါသည်ဟူ၍ သက်ရောက်နေသည်။

“အန်ကယ် ဖတ်ကြည့်ပါအုံး“

သခင်အုန်းမြင့် စာဖတ်နေသည့်အချိန်မှာပင် ဒေါ်အောင်ဆန်းစုကြည်က ကျမ နေ့လည်က ပြောခဲ့တာ ဒီသဘောမျိုး မဟုတ်ပါဘူးလို့ ကိုသိန်းဟန်ကို ပြောနေသည်။

“ဒေါ်အောင်ဆန်းစုကြည် ပြင်စရာရှိရင် ပြင်ပေးလိုက်ပါ။ ကျနော် ပြန်ယူသွားပါ့မယ်။ ဟိုမှာ ပြန်တင်ပြပြီးတော့ သူ ဖယောင်းစက္ကူနဲ့ ရိုက်ပြီး ဒေါ်အောင်ဆန်းစုကြည် လက်မှတ်ထိုးဖို့ ပြန်ယူလာခဲ့ပါမယ်“

နိုင်ငံတော်ကောင်စီ ပြည်ထောင်စုဆိုရှယ်လစ် သမ္မတ မြန်မာနိုင်ငံတော်သို့ တင်ပြသည့် ၁၅-၈-၈၈ နေ့စွဲဖြင့် ဗဟိုတရားရုံး ရှေ့နေများ၊ ကောင်စီဝင်လူကြီးများနှင့် ရှေ့နေများ၏ တင်ပြတောင်းဆိုချက်များတွင်လည်းကောင်း၊ ၁၆-၈-၈၈ နေ့စွဲဖြင့် ရန်ကုန်ရှေ့နေအသင်းမှ တင်ပြတောင်းဆိုချက်များသည်လည်းကောင်း၊ တခြားသော အဖွဲ့အစည်းများနှင့် တသီးပုဂ္ဂလ များစွာတို့၏ တင်ပြတောင်းဆိုချက်များသည်လည်းကောင်း တူညီသောဆန္ဒ၊ တူညီသော တောင်းဆိုချက်များမှာ မြန်မာနိုင်ငံက တပါတီစနစ်ကို ဖျက်သိမ်းပြီး ပါတီစုံစနစ်ဖြင့် ပြန်လည်တည်ထောင်ပေးရန် ဆန္ဒပြုထားသည်ကို တွေ့ရှိရပါသည်။ အထက်ပါ အဖွဲ့အစည်းများနှင့် ပြည်သူတို့၏ ဆန္ဒပြု တောင်းဆိုချက်များသည် မှန်ကန်တရားမျှတသော တောင်းဆိုချက်၊ ဆန္ဒပြုချက်ဖြစ်ကြောင်း ကျမ ရိုးသားစွာ ယုံကြည်ပါသည်။ သို့ပါ၍ ပြည်သူတို့၏ ဆန္ဒပြငြိမ်းချမ်းစွာ ဖြစ်မြောက် အကောင်အထည် ဖော်ဆောင်လာစေရန် စေတနာဖြင့် အမြန်ဆုံးဆောင်ရွက်ပေးပါရန် တောင်းဆိုဆန္ဒပြု တင်ပြအပ်ပါသည်။

အောင်ဆန်းစုကြည်

အမှတ် ၅၄-၅၆ တက္ကသိုလ်ရိပ်သာလမ်း

ရန်ကုန်မြို့

ဖုန်း ၃ဝ၃၆၅။

၁၉၈၈၊ သြဂုတ်လ ၁၇ ရက်။

မှတ်ချက်။ ။ ကျမ ၁၅-၈-၈၈ နေ့စွဲတွင် တင်ပြခဲ့သော တင်ပြချက်နှင့် ၁၅-၈-၈၈ ရက်စွဲဖြင့် ထုတ်ပြန်သော ဗဟိုတရားရုံး ရှေ့နေများကောင်စီ တင်ပြချက်များသည် ပြည်သူလူထု ဆန္ဒနှင့် ကိုက်ညီသည့် ပြောင်းလဲမှုများကို လိုလားရာတွင် ကွဲလွဲမှု မရှိပါ။



(၃၂)

၁၉၈၈ ခု၊ သြဂုတ်လ (၁၈)ရက်။

အမှတ် ၅၄၊ တက္ကသိုလ်ရိပ်သာလမ်း…..။

ဆရာပါရဂူ၊ မောင်ကိုယု၊ တင်ဆွေမိုးနှင့် ကဗျာဆရာ ကိုခေးတို့ ရောက်၍လာကြသည်။ ဒေါ်အောင်ဆန်းစုကြည်နှင့်ဆွေးနွေးကြသည်။ ဆရာပါရဂူနှင့်မောင်ကိုယုတို့က Signature Campaign ကိစ္စအားရှင်းပြသည်။ စာရေးဆရာများ၊ ပန်းချီ၊ ပန်းပု၊ ကာတွန်းနှင့် သတင်းစာဆရာများအားလုံးက နိုင်ငံတော်ကောင်စီကိုပေးပို့မည့် စာအကြောင်းပြောပြသည်။ ဒေါ်အောင်ဆန်းစုကြည်မှလည်း လက်မှတ်ထိုးပါရန် ပြောကြသည်။ စုစုပေါင်း (၇ဝဝ)ခန့်ရှိမည်။ ဆရာကြီး ဇော်ဂျီ၊ ဆရာကြီး မင်းသုဝဏ်တို့လည်းပါသည်။ ဒေါ်အောင်ဆန်းစုကြည်လည်း လက်မှတ်ထိုး၍ပေးလိုက်သည်။

သို့

နိုင်ငံတော်ကောင်စီ

ပြည်ထောင်စု ဆိုရှယ်လစ် သမ္မတမြန်မာနိုင်ငံ

မှ

မြန်မာနိုင်ငံ စာပေပညာရှင်များ အနုပညာရှင်များ

အကြောင်းအရာ။ ။ယနေ့မြန်မာနိုင်ငံတွင် ဖြစ်ပေါ်နေသော အခြေအနေများအပေါ် တင်ပြတောင်းဆိုခြင်း။

မြန်မာနိုင်ငံတစ်ဝှမ်းလုံးတွင် ဖြစ်ပေါ်နေသည့် ဆန္ဒပြမှုများကို အခြေခံတဲ့ ဖြစ်ပေါ်လာသည့် မလိုလားအပ်သော ဆိုးကျိုးများအပေါ် အောက်ပါအတိုင်း သုံးသပ် တင်ပြပါသည်။

ယခုကဲ့သို့ တင်ပြရခြင်းမှာ မိမိဆန္ဒကို တရားဥပဒေဘောင်အတွင်းမှ တင်ပြစေလိုကြောင်း သံဃာ့မဟာနာယကအဖွဲ့မှ မေတ္တာရပ်ခံနဲ့အညီ တင်ပြရခြင်းဖြစ်ပါါသည်၊ ၁၉၈၈ ခု မတ်လ ၊ ဇွန်လ ၊ သြဂုတ်လအတွင်းတွင် ကျောင်းသားထု၊ ပြည်သူလူထုဆန္ဒပြမှုများအပေါ် လိုအပ်သည်ထက် ပိုမိုးကြမ်းတမ်းစွာ ကိုင်တွယ်ဖြေရှင်းခဲ့သည်ဟု ယုံကြည်ပါသည်။ ယခုကဲ့သို့ ဆန္ဒပြမှုမျိုး ဆက်လက်ပြုလုပ်နေခဲ့လျှင် တိုင်းပြည်တွင် သွေးချောင်းစီးကာ မင်းမဲ့စရိုက်ဝါဒ လွှမ်းမိုးလျက် ပြည်သူအားလုံး အတိဒုက္ခ ရောက်ကြမည်မှာ မလွဲမသွေဖြစ်ပါသည်။

ယခုကဲ့သို့ ဖြစ်ပေါ်ရခြင်းမှာ လတ်တလော ဖြစ်ပေါ်ရခြင်းမျိုးမဟုတ်ပါ။ (၂၆)နှစ်ကာလပတ်လုံး ဖိနှိပ်ချုပ်ချယ်မှုအမျိုးမျိုးဒဏ်ကို အလူးအလဲခံရခြင်း နိုင်ငံရေးအကျပ်အတည်း ၊ စီးပွားရေး အကျပ်အတည်းတို့၏ ဝေဒနာကို ပြင်းထန်စွာ ခံစားရခြင်း လွတ်လပ်စွာပြောဆိုရေးသားခွင့်ကို ပိတ်ပင်းထားခြင်းတို့မှ အံကြွပေါက်ကွဲလာခြင်းဖြစ်ပါသည်။ ဤသို့ အုံကြွပေါက်ကွဲခြင်းကို အကြမ်းဖက်လက်နက်ကိုင်ဖြေရှင်းမည့်အစား တိုင်းပြည်တွင်လေးစားထိုက်သော နယကဂုဏ် နှင့် ပြည့်စုံသည့် အုပ်ချုပ်မှုအတတ်ပညာရှင်များ ဦးသျှောင်ကွပ်ကဲနိုင်သည့် ပုဂ္ဂိုလ်များနှင့် တွေ့ဆုံဆွေးနွေးဖြေရှင်းခြင်း အကူအညီတောင်းခံခြင်း အုပ်ချုပ်မှုပုံစံပြောင်းလဲခြင်းသည်သာ လျှင် အကောင်းဆုံးသော နည်းလမ်းဖြစ်သည်ဟု ယုံကြည်ပါသည်။ မြန်မာနိုင်ငံတဝှမ်းလုံးတွင် အမြန်ဆုံးငြိမ်းချမ်းလျက် ကသောင်းကနင်းဖြစ်နေသော အခြေအနေများသည်လည်း ကင်း ဝေးစေကာလုပ်ရန်ရှိသော စီးပွားရေးစီမံကိန်းများနှင့် ပြည်သူလူထုတရပ်လုံး၏စိတ်တူကိုယ် တူ ဝိုင်းဝန်ကူညီဆောင်ရွက်မှုဖြင့် အောင်မြင်စေရန်အတွက် တိုင်းပြည်တပြည်လုံးက လိုလား တောင့်တနေသော နိုင်ငံရေးပုံသဏ္ဍာန်ပြောင်းလဲမှုကို အဓိကထားလျက် မင်းကျင့်တရား ဆယ်ပါးနှင့်အညီ ဆောင်ရွက်ပါရန် အလေးအနက်ထား တောင်းဆိုတင်ပြပါသည်း။

၁၉၈၈ ခုနှစ်၊ သြဂုတ်လ (၁၇)ရက်နေ့။

(၃၃)

၁၉၈၈ ခု၊ သြဂုတ်လ (၂၁)ရက်

အမှတ် ၈၈၊ ဗိုလ်သူရလမ်း၊ ကြည့်မြင်တိုင်

ဒေါ်အောင်ဆန်းစုကြည်ရောက်သည်နှင့် ဆွေးနွေးပွဲအားစတင်ကြသည်။ လူအရေ အတွက် မများလှပေမယ့် အလွှာအသီးသီးအား ကိုယ်စားပြုသည့် ပုဂ္ဂိုလ်များပါဝင်ကြသည်။

ဦးဘထွန်း၊ သခင်ချစ်၊ မောင်ကိုယု၊ ဦိးထွန်းတင်၊ ဒေါ်မြင့်မြင့်ခင်စသည့် ရှေ့နေကြီးများပါဝင်ကြသည်။ တို့ဗမာအစည်းအရုံးဝင်သခင်များမှ သခင်ခင်အောင် ၊ သခင်ထွန်းခင်၊ သခင် ချစ်မောင်တို့ တတ်ရောက်ခဲ့သည်။ စာနယ်ဇင်းနှင့်အသိပညာရှင်၊ အတတ်ပညာရှင်များမှ မောင်သောက( ဗိုလ်မှူး ဘသော်) ၊ ဦးလှဝင်း (လေသူရဲတဦး) ၊ မောင်မိုးသူ၊ မောင်ဝံသ၊ ဦးဝင်းတင်၊ ဦးတိုးလှိုင်၊ ဦးလှတင်၊ သခင်တင်မြ ၊ ကိုရဲလင်း….။ ပြည်သူ့ရဲဘော်မှ ဗိုလ်သာထွန်း၊ ဗိုလ်စန္ဒာကျော်၊ ဗိုလ်မိုးညို တို့ တတ်ရောက်ခဲ့သည်။ အားလုံးက ဒေါ်အောင်ဆန်းစုကြည်အား လူထုနှင့်တွေ့ဆုံပြီး ဟောပြောရန် ဆွေးနွေးကြသည်။ ဒေါ်အောင်ဆန်းစုကြည်မှလည်း သဘောတူသည်။ လူထုနှင့်တွေ့မည့် လူထုအား ရှင်းပြမည်။ နေရာရွေးကြ၏။ မည်သည့်နေရာတွင် လူထုဟောပြောပွဲ ပြုလုပ်မည်နည်း။ ပထမ သိမ်ဖြုကွင်း ----။ မိုးတွင်းဖြစ်၍ သိမ်ဖြူကွင်းအတွင်း မဖြစ်နိုင်။ ရေများ၊ ဗွက်များနှင့် လူထုအတွက် အခက်အခဲရှိမည်။ ဤသို့ဖြင့် ----။ ရွှေတိဂုံဘုရား၏ အနောက်ဖက်ပမုဒ်ဦးနေရာသို့ သတ်မှတ်လိုက်ကြတော့သည်။ ဒေါ်အောင်ဆန်းစုကြည် လူထုနှင့် ပထမဦးဆုံးတွေ့ဆုံခြင်းဖြစ်သည်။

(၃၄)

၁၉၈၈ ခုနှစ် ၊ သြဂုတ်လ ၂၆ ရက်။

ရွှေတိဂုံဘုရားအနောက်ဖက်မုဒ်…..။

“ ကျမဒီကနေ့ကစပြီးတော့ ပြည်သူလူထုနဲ့ ပွင့်ပွင့်လင်းလင်းဆက်ဆံပါရစေ။ ကျမနိုင်ငံခြားမှာ နေခဲ့တယ်ဆိုတာလည်း မှန်ပါတယ်။ နိုင်ငံခြားသားနဲ့ အိမ်ထောင်ကျခဲ့တယ်ဆိုတာလည်း မှန်ပါတယ်။ ဒါပေမယ့် ဒါလေးတွေအတွက်ကြောင့် ကျမတိုင်းပြည်ပေါ်မှာထားတဲ့ မေတ္တာဟာ ဘယ်လိုမှ ကျဆင်းမသွားနိုင်ပါဘူး။ “

“ နောက်တခုက ကျမဟာ ဗမာပြည်နိုင်ငံရေးအကြောင်း ဘာမှနားမလည်ပါဘူးတဲ့ ---။ တကယ်တော့နားလည်းလွန်းလို့ ခက်နေတာပါ“

“ ဗမာပြည်နို်င်ငံရေးဟာ ဘယ်လောက်ရှုပ်ထွေးတယ် ဒီရှုပ်ထွေးမှုဒဏ်ကို ဖေဖေ ဘယ်လောက်ခံခဲ့ရတယ်ဆိုတာ ကျမတို့ အသိဆုံးပါပဲ“

“ ဒါကြောင့်မို့လို့လဲ လွတ်လပ်ရေးရပြီးတဲ့အခါကျလို့ရှိရင် ထပ်ပြီးတော့ အာဏာလုတဲ့ နိုင်ငံရေးမျုိးကို ဆက်မလုပ်ချင်ဘူးဆိုတာ ဖေဖေ အတိအလင်းပြောသွားပါတယ်။ “

“ အဲဒီလိုပြောသွားတာမျိုးကြောင့်မို့လို့ ကျမလည်း နိုင်ငံရေးလောကနဲ့ ဝေးဝေးကင်းကင်း နေခဲ့ချင်ပါတယ်။ ဒီလို ဝေးဝေးကင်းကင်း နေချင်ခဲ့လျက်သားနဲ့ အခုမှ ဘာဖြစ်လို့ ဒီအရေးအခင်းထဲမှာ ဝင်ပါနေသလဲလို့ မေးစရာလည်း ရှိပါတယ်။ “

“ အဲဒီဟာကတော့ ဒီအရေးအခင်းဟာ တတိုင်းပြည်လုံးနဲ့ ဆိုင်တဲ့အရေးအခင်း ဖြစ်နေပါတယ်။ ကျမမှာလည်း ဖေဖေရဲ့သမီးလုပ်ပြီး ခေါင်းရှောင်နေလို့ မဖြစ်တော့ပါဘူး။ ဒီအရေးအခင်းဟာ တကယ်တော့ ဒုတိယလွတ်မြောက်ရေးတိုက်ပွဲကြီးလို့ ခေါ်ရင်လည်း ဖြစ်ပါတယ်“

လက်ခုပ်သံသြဘာသံများက တော်လည်းသကဲ့သို့ မြေကမ္ဘာအတွင်းမြည်းဟီး၍ နေသည်။ အတော်မသတ်တော့ ---။

“ ဒေါ်အောင်ဆန်းစုကြည် --- ကျန်းမာပါစေ ---။“

“ ဒေါ်အောင်ဆန်းစုကြည် --- ကျန်းမာပါစေ ---။“

“ ဒေါ်အောင်ဆန်းစုကြည် --- ကျန်းမာပါစေ ---။“

လူထုကြီးအား ဖြေးဖြေးခြင်းကျော်ဖြတ်ရင်း ဒေါ်အောင်ဆန်းစုကြည်တို့ စီးနင်းလာသည့် ကားငယ်သည် မြေပဒေသာကျွန်းအနီးသို့ ရောက်ရှိလာသည်။ လူထုကြီး၏ ကြွေးကျော်သံများက ကြား၍နေရဆဲပင် ----။ ဒေါ်အောင်ဆန်းစုကြည်၏မျက်နှာသည် သူမချစ်သော ပြည်သူလူထုကြီးနှင့် ထိတွေ့ခဲ့ရသဖြင့် ကျေနပ်နှစ်သိမ့်၍နေသည်။ သူမ၏မျက်ဝန်းများက ကြည်လင်၍ အရောင်တောက်ပနေသည်။

“အန်ကယ် `စု`တော့ မြန်မာ့နိုင်ငံအရေးမှာ အရိုးကျေကျေ အရေခမ်းခမ်း ဆုံးခန်းတိုင်အောင် လုပ်ဖို့ ခြေစုံပစ်ပြီး ဝင်ခဲ့ပြီ --- ။“

သခင်အုန်းမြင့်က ဒေါ်အောင်ဆန်းစုကြည်ဆက်၍ပြောလာမည့် စကားအား စောင့်မျှော်၍ ငံ့လင့်နေသည်။ ဒေါ်အောင်ဆန်းစုကြည်က ဆက်၍မပြော ---။ သခင်အုန်းမြင့်၏လက်ထဲသို့သာ သူမလက်ရေးနှင့် ရေးထားသည့် ကြေညာစာတမ်းတစ်စောင်အားပေးသည်။

“အန်ကယ် `စု` အကြောင်းတခုခုဖြစ်လို့ရှိရင် အန်ကယ်စီစဉ်သင့်တာကို စီစဉ်ပါ “

နိုင်ငံရေးနယ်ပယ်အတွင်း ဝင်ရခြင်းအကြောင်း

(တိုင်းပြည်နှင့်အဖေ့ကျေးဇူးကို၊ ဖခင်ကျေးဇူးကို ဆပ်လို၍)

နိုင်ငံရေးအသိုင်းအဝိုင်းအတွင်းတွင် မွေးလာ၊ ကြီးပြင်းလာသူတစ်ဦးအနေနှင့် နိုင်ငံရေးလောကတွင် စိတ်ဝင်စားလာခြင်းသည် အထူးရှင်းပြရန် လိုမည့်အကြောင်းအရာတခု မဟုတ်ပါ။ ကျမသိတတ်စအရွယ်ကပင် မြန်မာ့နိုင်ငံရေးလှုပ်ရှားမှုများ၊ အထူးသဖြင့် ကျမဖခင် ဗိုလ်ချုပ်အောင်ဆန်း၏ တိုင်းပြည်အတွက် ကြိုးပမ်းမှုများနှင့် နိုင်ငံအတွက်ထားရှိခဲ့သော မျှော်မှန်းချက်များနှင့် ပတ်သတ်သော ဆွေးနွေးစကားများကို နေ့စဉ်မပြတ်ဆိုသလို ကြားနေခဲ့ရပါသည်။ ထိုသို့ကြားခဲ့ရခြင်းဖြင့် မြန်မာနိုင်ငံ ဖွံ့ဖြိုးတိုးတတ်ရေးသည် ပြည်သူလူထု၏ညီညွှတ်မှု၊ အကျင့်စာရိတ္တကောင်းမွန်မှုနှင့် စီးပွားရေးခိုင်လုံမှုတို့အပေါ်တွင် တည်ရှိကြောင်း သဘောပေါက်ခဲ့ပါသည်။ ၄င်းအပြင်လည်း ဖေဖေသည် တိုင်းသူပြည်သားအချင်းချင်း၊ သတ်ဖြတ်တိုက်ခိုက်သည့်အာဏာလုနိုင်ငံရေးမျုိးကို လုံးဝမနှစ်သက်၊ မကြိုက်ခဲ့ကြောင်း လွတ်လပ်ရေးရပြီး ကာလ၌ နိုင်ငံရေးလောကတွင် ကျောခိုင်း၍ သတင်းစာဆရာ၊ စာရေးဆရာတစ်ယောက်အနေနဲ့ အသက်မွေးဝမ်းကျောင်းရှာဖို့ ရည်ရွယ်ခဲ့ကြောင်း၊ နိုင်ငံအရပ်ရပ်သို့ သွားရောက်၍ မြန်မာပြည်သူအတွက် ပညာရစေ၊ အမြင်ကျယ်စေမည့် ဗဟုသုတများရှာဖွေရန် မှန်းဆခဲ့ကြောင်းများကို သိရှိခဲ့သည်။ ဖေဖေ၏မဖြစ်မြောက်နိုင်ခဲ့သော ရည်ရွယ်ချက်များကို စိတ်ဝယ်ထား၍ ကျမလည်း မြန်မာတိုင်းသူပြည်သားအချင်းချင်းအကြား အာဏာလုပွဲဖြစ်ပွားစေမည့် နိုင်ငံရေးမျိုးတွင် မပါဝင်ဘဲ နိုင်ငံတကာ အသိအမှတ်ပြုခြင်းခံရသည့် စာပေလောကအတွင်းမှ မြန်မာကို ကမ္ဘာက သိစေရေး။ မြန်မာ့ပြည်သူလူထုအတွက် အသုံးဝင်နိုင်မည့် စာအုပ်စာတမ်းးများ ပြုစုရေးတို့နှင့် တိုင်းပြည်အကျိုးဆောင်ဖို့ရန် ခန့်မှန်းရည်ရွယ်ထားခဲ့သည်။ ထိုခန့်မှန်းချက်များနှင့်အညီ မြန်မာ့လွတ်လပ်ရေးလှုပ်ရှားမှုနဲ့ ဆက်စပ်သောစာပေ၊ အထွေထွေနှင့် ဖေဖေ့ဘဝ ဖေဖေ့နိုင်ငံရေးလုပ်ဆောင်ချက်များနှင့် သက်ဆိုင်သော စာအုပ်စာတမ်းတို့ကို လေ့လာ၍ သုံးသပ်ချက်များရေးသားခဲ့ပါသည်။ ထိုကဲ့သို့ စာပေလောက၌ အေးချမ်းပြည့်ဝစွာ နေခွင့်ရခဲ့ပါသော်လည်း မြန်မာနိုင်ငံမှာ ဖေဖေမျှော်မှန်းခဲ့သလို ညီညွှတ်ခိုင်ခန့်သည့် ပြည်ထောင်စုကြီး တိုးတတ်သာယာသည့် တိုင်းပြည်ကြီးအဖြစ်သို့ မရောက်လာခဲ့ခြင်းကြောင့် စိတ်ကျေနပ်မှု မရနိုင်ခဲ့ပါ။ အမှန်စင်စစ် ကျမစိတ်ထဲတွင် တိုင်းပြည်နှင့်ဖခင်ကို ကွဲ၍ မစဉ်းစားနိုင်ပါ။ မြန်မာနိုင်ငံအတွက် စ်ိတ်မချမ်းမြေ့ဖွယ်ရာ အရေးအခင်းများ ပေါ်ပေါက်နေလျှင် ဖေဖေ့ကိုပင် ထိခိုက်နေသကဲ့သို့ ခံစားရပါသည်။ အထူးသဖြင့် ဖေဖေ့ပြုစုပျိုးထောင်ခဲ့သော တပ်မတော်နှင့်ဖေဖေ့အပေါ် အင်မတန်မှ မေတ္တာထားခဲ့သော လူထုအကြားတွင် စိတ်ဝမ်းကွဲစေနိုင်မည့် အခြေအနေမျိုးဖြစ်ထွန်းလာသည်ကို မြင်ရသောအခါ ပိုမို၍ စိုးရိမ်ပူပင်မိပါသည်။ တိုင်းသူပြည်သားအားလုံးတို့သည် မိမိတို့၏ စွမ်းအားရှိသ၍ တိုင်းပြည်အကျိုးထမ်းဆောင်ဖို့ရန် တာဝန်ရှိပါသည်။ ထိုကြောင့် မြန်မာပြည်၌ စိတ်မချမ်းမြေ့ဖွယ်ရာ အရေးအခင်းများပေါ်ပေါက်နေသည်ကို သုံးသပ်ဆင်ခြင်ရပါတော့သည်။ တိုင်းသူပြည်သား အချင်းချင်းအာဏာလုပွဲကဲ့သို့ ဖြစ်မည့်နို်င်ငံရေးမျိုးကို ရှောင်ကြဉ်ချင်လှပါသော်လည်း ကြီးမားလှစွာသော တိုင်းပြည်ကျေးဇူး ၊ ဖခင်ကျေးဇူးတို့ကို ဆပ်သည့်အနေနှင့် အများပြည်သူလူထုအတွက် အကျိုးဖြစ်စေမည့် နိုင်ငံရေးစနစ် အမြစ်တွယ်စေဖို့ ကြိုးပမ်းတော့မည်ဟု ဆုံးဖြတ်လိုက်ခြင်းဖြစ်ပါသည်။

အောင်ဆန်းစုကြည်

၁၉၈၈ ခုနှစ်၊ သြဂုတ်လ (၁၅)ရက် ။

ကိုးကား ………

- အောင်သန်း၏ အောင်ဆန်း

- ကြေးမုံဦးသောင်း၏ ဗမာ့ခေတ်မှကြေးမုံသို့

- ဒဂုန်တာရာ၏ ဦးအောင်ဆန်း၏ နောက်ဆုံးနေ့ (တာရာမဂ္ဂဇင်း အတွဲ - ၁၊ အမှတ် - ၆)

- မြတ်ထန်၏ တိုင်းပြည်ကနုနု၊ မုန်တိုင်းက ထန်ထန်

- မြဟန်၏ ဗိုလ်ချုပ်အောင်ဆန်း၏ စာပေလက်ရာများ

- ဒေါ်အောင်ဆန်းစုကြည်၏ ကြောက်ရွံ့ခြင်းမှ လွတ်ကင်းရေးနှင့် အခြားစာတမ်းများ

- ဝီလျံလန်ဂလေ၏ ကျနော့်မေမေ နိုင်ငံရေးအကျဉ်းသား

- ဒေါ်အောင်ဆန်းစုကြည်၏ လက်ရွေးစင် မိန့်ခွန်းများ

- နွေဦးအိုးဝေ ဂျာနယ်များ

- ရွှေခမောက် ဂျာနယ်များ

- သခင်အုန်းမြင့်နှင့် ဒီဗီဘီ ဆက်သွယ်မေးမြန်းချက်

- ဒေါမာန်ဟုန်