Thursday, June 25, 2009

လွန်တာရှိ ခွင့်လွှတ်ပါ

သက်ဆိုင်ရာ လူကြီးမင်းများခင်ဗျား

ဆူးလေဘုရားလမ်းနှင့် အနော်ရထာလမ်း ဆုံရာတွင် ထားရှိသော လူကူး ဂုံးကျော်တံတားတွင် လွန်ခဲ့သည့် ၂ ပတ် လောက်ကပင်စပြီး ပြင်ဆင်မှုများ ပြုလုပ်နေသည်မှာ ယခုထိပင်မပြီးသေးသည်ကို တွေ.ရှိရသည်။ ထို.အပြင် ထိုပြင်ဆင်မှုများ ပြုလုပ်ရာတွင် အကာအရံ တစ်စုံတစ်ရာထားရှိခြင်းမရှိ၊ တံတားတစ်ဖက်တွင် နောက်ထပ် တက်လမ်းတစ်ခု တည်ဆောက်ရာတွင် ထိုတက်လမ်းကို ထောက်ရန် တိုင်နှစ်ခုကို ဒေါက်အဖြစ်အသုံးပြုထားပြီး ထိုဒေါက်များသည် မြေကြီးများကိုသာ အားပြုထားသည်ကို တွေ.ရှိရပါသည်။ ထိုတက်လမ်းတည်ဆောက်မှုတွင် ဂဟေစော်မှုများပြုလုပ်ရာမှ ကျဆင်းလာသော မီးပွားများသည် လမ်းသွားလမ်းလာအနီးသို. အကာအရံမဲ့ ကျဆင်းခဲ့ပါသည်။ ထို.အပြင် ဒေါက်တိုင်များသည် ယခုအချိန်ထိ မပြိုလဲတစ်ဖြင့် ခိုင်မာသည်ဟု ပြောနိုင်သော်လည်း လမ်းသွားလမ်းလာများအတွက် အန္တရာယ်ရှိသည်မှာ အမှန်ပင်ဖြစ်ပါသည်။ သတိ ဟု အစချီပြီးရေးသားနိုင်သော သတိပေးစာတစ်စုံတစ်ရာပင် ကပ်ထားခြင်းအလျှင်းမရှိသည်ကိုလဲ တွေ.ရှိရပါသည်။ ထို.အပြင် ထိုတံတားအလယ်တွင် လက်ကိုင်တန်းတစ်ခု ဂဒေဆက်ရာနေရာမှ ပြိုထွက်ကာ လဲယိုင်နေသည်ကိုလဲ တွေ.ရှိရပါသည်။ လမ်းသွားလမ်းလာများအတွက် စိုးရိမ်ဖွယ်ဖြစ်ပါသည်။

ယခုအပတ်မှစပြီး ဆူးလေဘုရားလမ်းကို ဖြတ်ကူးခြင်းကိုလဲ ပိတ်ပင်ထားသည်ကို တွေ.ရပါသည်။ ထို.ကြောင့် လမ်းသွားလမ်းလာများ ဖြတ်ကူးမှု များသောအချိန်တွင် ကသိကအောက်ဖြစ်မှုများ ရှိပြီး တံတားမှာလဲ ကျဉ်းမြောင်းလှပြီး ခိုင်ခံ့မှုမှာ အထက်ပါအကြောင်းအရာများကြောင့် မေးခွန်းထုတ်စရာများဖြစ်နေပါသည်။

ထိုနေရာသည် လူသွားလူလာ အလွန်ထူထပ်သောနေရာဖြစ်သဖြင့် ထိုတံတားကို အမြန်ဆုံးပြင်ဆင်ပြီးမြောက်ပါစေလို. ဆုတောင်းပေးပါတယ်ခင်ဗျား။

လွန်တာရှိ ခွင့်လွှတ်ပါခင်ဗျား။

dawmoelay

အင်း........


Kang Nam 1

အရေးပေါ်သတင်းထုတ်ပြန်ချက်

A.I Canada online petition for Aung San Suu Kyi

Dear friends and supporters,
Amnesty International Canada is working on a petition calling for an immediate and unconditional release of Burmese democracy leader Daw Aung San Suu Kyi. If you have not signed the online petition yet, here is the link.

ဒီမှာဖြည့်ပေးပါ

Please also forward this link to your colleagues and friends, urging them to do the same thing.

With solidarity,

Canadian Friends of Burma
www.cfob.org

ပထဝီ နိုင်ငံရေးတွင် အရေးပါသော မြန်မာ့စွမ်းအင်


ဝင်းအောင် (SGM)
ကြာသပတေးနေ့၊ ဇွန်လ 25 2009 13:33 - မြန်မာစံတော်ချိန်

ကမ္ဘာကြီး၏ မသေချာ၊ မရေရာလှသော စွမ်းအင်လိုအပ်ချက်အပေါ် နိုင်ငံဒေသတခုချင်းစီ၏ စွမ်းအင်လိုအပ်ချက်နှင့် စွမ်းအင်လုံခြုံရေးသည် ၎င်းနိုင်ငံ၏ စီးပွားရေး ဖွံဖြိုးတိုးတက်မှုနှင့် ချမ်းသာကြွယ်ဝမှုအတွက် အဓိက လက်တွေ့ကျသော အခန်းဏ္ဍမှ ပါဝင်ပေသည်။ ဒေသတွင်း အင်အားကြီးနိုင်ငံများ၏ လောင်စာစွမ်းအင်ရရှိရေး တဟုန်ထိုး လိုက်လာနေကြသည်က မြန်မာ့နိုင်ငံရေးကို ရိုက်ခတ်စေတော့သည်။

၂၀၀၈ ခုနှစ် မေလတွင် တဟုန်ထိုး မြင့်တက်သွားသော လောင်စာဆီဈေးနှုန်းကြောင့် ကမ္ဘာတဝှမ်းရှိ စီးပွားရေး လုပ်ငန်းများ တုန်လှုပ်ခြောက်ခြားစေခဲ့သည်။ အထူးသဖြင့် အာရှ စီးပွားရေးတက်သည့် ဂျပန်၊ တရုတ်၊ အိန္ဒိယနှင့် အာဆီယံနိုင်ငံ အချို့ကိုပါ ရိုက်ခတ်သွားခဲ့သည်။ အာဆီယံဒေသတွင်လည်း ရေနံထုတ်လုပ်ရောင်းချသော မလေးရှားနှင့် ဘရူနိုင်းနိုင်ငံမှအပ ကျန်နိုင်ငံများ အားလုံးသည် ရေနံနှင့် သဘာဝဓာတ်ငွေ့ကို မိမိနိုင်ငံ၏ စွမ်းအင်အတွက် အဓိက မှီခိုရသည့် အားလျော်စွာ ရေနံကုန်ဈေးနှုန်း မြင့်တက်ခြင်း၏ ဂယက်ရိုက်မှုကို ခံခဲ့ရပေသည်။

တရုတ်နဂါးနှင့် အိန္ဒိယဆင်တို့ အပြိုင်

ရေနံ အဓိကတင်သွင်းပြီး စွမ်းအင် အဓိကလိုအပ်နေသည့် တရုတ်နှင့် အိန္ဒိယ၏ စွမ်းအင်လိုအပ်ချက်အရ ၂ဝ၁ဝ ခုနှစ်နောက်ပိုင်းတွင် ၎င်းနိုင်ငံများ၏ ရေနံတင်သွင်းမှုမှာ သိသိသာသာ တိုးတက်လာမည် ဖြစ်ပေသည်။ ဤကဲ့သို့ ဆက်တိုက် စီးပွားရေးကြီးထွားလာမှုများ၏ လိုအပ်ချက်အရ လာမည့်နှစ်များတွင် ကြီးမားသော စွမ်းအင်တင်သွင်းမှုနှင့် စဉ်ဆက်မပြတ် စွမ်းအင်ရယူမှုများသည်လည်း ဒေသတွင်း၌ ပိုမို၍ ယှဉ်ပြိုင်မှုများ ဖြစ်ပေါ်လာစေသည်။

ယနေ့ ကမ္ဘာစွမ်းအင်မြင်ကွင်းကို ကြည့်မည်ဆိုလျှင် အာရှနိုင်ငံများ၏ သုံးစွဲမှုနှုန်း ကြီးထွားမှုကို ထင်ထင်ရှားရှား မြင်ရသည်။ စီးပွားရေး လျင်မြန်စွာ တိုးတက်နေသည်နှင့်အမျှ စွမ်းအင်သုံးစွဲမှုမှာလည်း အတက်ဘက်ကိုသာ ပြနေသည်။ ၂၀၁၀ ခုနှစ် နောက်ပိုင်းတွင် အာရှနိုင်ငံများ၏ စွမ်းအင်လိုအပ်မှုသည် မြောက်အမေရိက တခုလုံးထက် မြင့်တက်သွားပေမည်။ စက်မှုစီးပွားရေး နိုင်ငံများဖြစ်သည့် ဂျပန်၊ တရုတ်နှင့် ကိုရီးယားနိုင်ငံများသည် အရှေ့မြောက် အာရှဒေသတွင် စွမ်းအင် ပိုမိုသုံးစွဲလာပြီး တပြိုင်နက်တည်းမှာပင် တောင်အာရှနှင့် အရှေ့တောင်အာရှ နိုင်ငံများ၏ စွမ်းအင်လိုအပ်ချက်မှာလည်း ကြီးထွားလာနေသည်။

မေ့လျော့ခံ ဖြစ်ခဲ့ပေမယ့်

ဘင်္ဂလားပင်လယ်အော်နှင့် ဆက်စပ်နေသော ကပ္ပလီပင်လယ်၊ မာလကာ ရေလက်ကြားတို့သည် တောင်အာရှနှင့် အရှေ့အာရှ နိုင်ငံများ၏ ရေနံနှင့် သဘာဝဓာတ်ငွေ့ကို ထုတ်လုပ်တင်ပို့ ရောင်းချရာတွင် အရေးပါသော လမ်းကြောင်းများ ဖြစ်သည်။

စစ်အေးကာလ နိုင်ငံရေး ဆက်စပ်ပြောင်းလဲမှုများအရ ထိုစစ်အေးကာလအတွင်း အိန္ဒိယ၊ ဘင်္ဂလားဒေ့ရှ်၊ မြန်မာနှင့် သီရိလင်္ကာ နိုင်ငံတို့၌ အနောက်နိုင်ငံများမှ နိုင်ငံတကာ ရေနံကုမ္ပဏီကြီးများသည် ရေနံနှင့် သဘာဝဓာတ်ငွေ့ ရယူရေးအတွက် ကြီးမားသော ရင်းနှီးမြှုပ်နှံမှုများ လုပ်ခဲ့သည်ကို မတွေ့ရချေ။ သို့သော်လည်း နောက်ပိုင်းတွင် နိုင်ငံတကာ ရင်းနှီးမြှုပ်နှံမှု ကုမ္ပဏီများ အပါအဝင် ဒေသတွင်းနိုင်ငံများ၏ ရင်းနှီးမြှုပ်နှံမှုများပါ တိုးပွားလာသည်ကို တွေ့ရပေသည်။ အထူးသဖြင့် မြန်မာနိုင်ငံရှိ မုတ္တမကွေ့နှင့် ရခိုင်ကမ်းလွန်ရှိ သဘာဝဓာတ်ငွေ့ ရှာဖွေတွေ့ရှိချိန်၊ ၎င်းနည်းတူ ဘင်္ဂလားဒေရ်ှနှင့် အိန္ဒိယနိုင်ငံ၌ ကမ်းလွန် သဘာဝဓာတ်ငွေ့ ရှာဖွေ့တွေ့ရှိသော ကာလတွင် ဖြစ်သည်။

ဘင်္ဂလားပင်လယ်အော်သည် အရှေ့တောင်အာရှ၊ တောင်အာရှနှင့်အရှေ့မြောက်အာရှနိုင်ငံများ၏ ရေနံနှင့် သဘာဝဓာတ်ငွေ့၏ ဗဟိုအချက်အချာ ဖြစ်လာပေသည်။ ဘင်္ဂလားပင်လယ်အော်အပြင် တောင်တရုတ် ပင်လယ်နှင့် ဆက်စပ်နေသည့် မာလကာ ရေလက်ကြားသည်လည်း ၎င်းနှင့်ထိစပ်နေသော မလေးရှား၏ ရေနံနှင့် သဘာဝဓာတ်ငွေ့ ထုတ်လုပ်ရောင်းချရေးအတွက် အရေးပါသလို စင်္ကာပူနိုင်ငံ၏ နိုင်ငံတကာ ရေနံသိုလှောင် ချက်လုပ်ရေးအတွက်လည်း များစွာ အထောက်အကူပြုပေသည်။ ၎င်းအပြင် တရုတ်၊ ဂျပန်နှင့် ကိုရီးယား၏ ပါရှန် ပင်လယ်ကွေ့မှ တင်သွင်းလာသော ရေနံများအား ဘင်္ဂလားပင်လယ်အော်မှတဆင့် အဓိက သယ်ယူရသော ပင်လယ်ရေလမ်းကြောင်းလည်း ဖြစ်ပေသည်။

ဘင်္ဂလားပင်လယ်အော်သည် အိန္ဒိယနိုင်ငံအတွက် စီးပွားရေး မဟာဗျူဟာ ကျလှပြန်ပေသည်။ အိန္ဒိယနှင့် အာဆီယံထဲမှ ၅ နိုင်ငံ ဖြစ်သော မြန်မာ၊ ထိုင်း၊ မလေးရှား၊ အင်ဒိုနီးရှား၊ စင်္ကာပူ နိုင်ငံတို့ကို ကူးသန်းရောင်းဝယ်ရေးတွင် ဘင်္ဂလားပင်လယ်အော်သည် အခရာကျပေသည်။

ဘင်္ဂလားပင်လယ်အော် စီးပွားရေးနှင့် နည်းပညာ ပူးပေါင်းဆောင်ရွက်ရေးအဖွဲ့ (ဘင်းစတက်ခ်) သည်လည်း ဒေသတွင်း သဘာဝဓာတ်ငွေ့ ပိုက်လိုင်းဖြစ်သည့် မြန်မာ-ဘင်္ဂလားဒေ့ရှ်-အိန္ဒိယ ဓာတ်ငွေ့ပိုက်လိုင်း ဖြစ်ပေါ်လာရေး ကြိုးပမ်းသည်။

ဘင်္ဂလား ပင်လယ်အော်ဒေသတွင်လည်း စွမ်းအင်ရရှိရေးနှင့် ပူးပေါင်းဆောင်ရွက်ရေး လုပ်ငန်းများကို ဒေသခွဲအလိုက် (သို့) ဒေသအလိုက် (သို့) အစိုးရအချင်းချင်း ပုံစံအမျိုးမျိုး လုပ်ကိုင်လျက် ရှိပေသည်။

နိုးထလာသော နဂါးကြီးအတွက် လောင်စာ

တရုတ်၏ ရေနံသုံးစွဲမှုက ကမ္ဘာတခုလုံး စုစုပေါင်း သုံးစွဲမှု၏ ၃၈ ရာခိုင်နှုန်းရှိပြီး ကမ္ဘာပေါ်တွင် တတိယအကြီးဆုံး ရေနံတင်သွင်းသော နိုင်ငံ (အမေရိကန်နှင့် ဂျပန် ပြီးလျှင် အများဆုံး) ဖြစ်သည်။ တရုတ်နိုင်ငံသည် ကမ္ဘာကုန်သွယ်ရေး အဖွဲ့အစည်းတွင် အဖွဲ့ဝင်ဖြစ်လာပြီးနောက် စီးပွားရေးနှင့် စွမ်းအင်ကဏ္ဍများတွင် ပိုမိုပြီး အခွန်လျှော့ချမှုများ၊ ပယ်ဖျက်မှုများ လုပ်ဆောင်လာခဲ့သည်။ တရုတ်အစိုးရသည် ၁၉၉၈ ခုနှစ်တွင် နိုင်ငံ၏ အကြီးဆုံး ရေနံနှင့် သဘာဝဓာတ်ငွေ့ ကုမ္ပဏီများဖြစ်သော စီအမ်ပီစီ၊ စီနိုပက်နှင့် စီအန်အိုအိုစီ တို့ကို ပြန်လည်စုစည်းပြီးနောက် ကမ္ဘာတဝှမ်းလုံးရှိ နေရာဒေသအသီးသီးတွင် ရင်းနှီးမြှုပ်နှံမှုများ ပိုမို တိုးချဲ့၍ လုပ်ကိုင်လာခဲ့ပေသည်။ (မှတ်ချက်။ ၎င်းကုမ္ပဏီ သုံးခုမှာ တရုတ်အစိုးရ၏ ထိန်းချုပ်လုပ်ကိုင်မှုအောက်တွင် ရှိပြီး ဗဟိုစွမ်းအင်မူဝါဒနှင့် စွမ်းအင်မဟာဗျူဟာတို့၏ လိုအပ်ချက်များနှင့် လိုအပ်သော လုပ်ငန်းများကို အကောင်အထည် ဖော်ပေးရပေသည်။)

မြန်မာ-တရုတ် ဆက်ဆံရေး

မြန်မာနိုင်ငံရှိ ရခိုင်ကမ်းလွန်ဒေသမှ ထွက်ရှိလာမည့် သဘာဝဓာတ်ငွေ့အပြင် အာဖရိကနှင့် အရှေ့အလယ်ပိုင်းမှ လာရောက်မည့် ရေနံများအား ကျောက်ဖြူမြို့၌ ပင်လယ်ရေနက်ဆိပ်ကမ်း တည်ဆောက်ပြီး ပိုက်လိုင်းကြီးများဖြင့် တရုတ်နိုင်ငံ ယူနန်ဒေသသို့ သယ်ယူမည် ဖြစ်သည်။

တရုတ်အစိုးရအနေဖြင့် နအဖ စစ်အုပ်စုအား ထောက်ပံ့အကာအကွယ် ပေးနေခြင်းဖြင့် ၎င်းတို့၏ အဓိက စွမ်းအင်လိုအပ်ချက်နှင့် စွမ်းအင်လုံခြုံရေးအတွက် လမ်းကြောင်းသစ် ရှာဖွေနိုင်ခဲ့ပေသည်။

တရုတ်အစိုးရအနေဖြင့် စွမ်းအင်တင်သွင်းရာတွင် ဖြစ်ပေါ်ခဲ့သော အနှောင့်အယှက်၊ အတားအဆီးများကို လုံးဝ ရှောင်ရှားနိုင်ပေမည်။ ဤအခွင့်အရေးသည်ကား တရုတ်အစိုးရအတွက် နအဖနှင့် ဆက်ဆံနေစဉ်ကာလတွင် တရုတ် အနာဂတ် စီးပွားဖွံ့ဖြိုးတိုးတက်မှုအတွက် မဟာအခွင့်ထူးဖြစ်လာသည့် အားလျော်စွာ အဆုံးရှုံးမခံလိုတော့ပေ။

စွမ်းအင်အတွက် လုံခြုံရေး

တရုတ်နိုင်ငံ၏ လိုအပ်ချက်အရ ပိုမိုလာသော ရေနံတင်သွင်းရာတွင် ကြီးမားသော အတားအဆီးများ၊ လုံခြုံရေး ပြဿဿနာသစ်များနှင့် သယ်ယူပို့ဆောင်ရေး လုပ်ငန်းစဉ်များတွင် အခက်အခဲ ကြီးမားသည်။ ဤတွင် တချို့သော အရေးယူ ဆောင်ရွက်မှုများ ပြုလုပ်ခဲ့သည်။ ၎င်းတို့မှာ အိန္ဒိယသမုဒ္ဒရာနှင့် အာရေဗီယံ ပင်လယ်ရေကြောင်းရှိ ရေတပ်အင်အား အသုံးပြုရေး၊ တရုတ် ရေနံကုမဏီများနှင့် စာချုပ်ချုပ်ဆိုထားသော နိုင်ငံများသို့ လက်နက်ရောင်းချရေး၊ တရုတ် လုံခြုံရေးဝန်ထမ်းများအား နိုင်ငံတွင်း နေရာချထားရေးနှင့် ရှန်ဟိုင်း ပူးပေါင်းဆောင်ရွက်ရေး အဖွဲ့ဝင် Shanghai Cooperation Organization (SCO) နိုင်ငံများမှတဆင့် လိုအပ်သော လုံခြုံရေးကို တိုးမြှင့်ဆောင်ရွက်ခြင်းတို့ ဖြစ်သည်၊၊ (မှတ်ချက်။ ။ တရုတ်၊ ရုရှား၊ ကာဇက်စတန်၊ ကာဂျစ်ကစ်တန်၊ တာဂျစ်ကစ္စတန်၊ ဥစဘက်ကစ္စတန်နိုင်ငံတို့မှာ ရှန်ဟိုင်း ပူးပေါင်းဆောင်ရွက်ရေး အဖွဲ့ဝင်များ ဖြစ်သည်။)

SCO အဖွဲ့ဝင်နိုင်ငံများသည် ရေနံနှင့် သဘာဝဓာတ်ငွေ့ သယ်ယူပို့ဆောင်ရာတွင် အမေရိကန် ရေတပ်ကြီးစိုးမှု၊ မာလာကာ ရေလက်ကြားမှ ဖြစ်ပေါ်လာနိုင်သည့် လုံခြုံရေးအခက်အခဲများ၊ ရေနံသိုက် ရှာဖွေရေးတွင် ဖြစ်ပေါ်လာနိုင်သော ပြဿဿနာများကို ဖြေရှင်းရာ၌ များစွာ ကူညီထောက်ပံ့မှုများ ပြုလုပ်ခဲ့ပေသည်။

တရုတ်အစိုးရသည် ၎င်းစွမ်းအင်များ တင်သွင်းရာတွင် ပိုမိုအဆင်ပြေချောမွေ့လာစေရန် အိန္ဒိယ သမုဒ္ဒရာ မြောက်ဖက်စွန်းရှိ နိုင်ငံအတော်များများဖြင့် ပူးပေါင်းဆောင်ရွက်မှုများ ပြုလုပ်ခဲ့သည်။ ၎င်းနိုင်ငံများနှင့် အဓိက သဘောတူချက်မှာ ‘ပုလဲကုံး’ ဟု အမည်တွင်သော ရေတပ်အင်အားများ ပူးပေါင်းကူညီဆောင်ရွက်ချက် ဖြစ်သည်။ ပူးပေါင်းဆောင်ရွက်သော နိုင်ငံများမှာ မြန်မာ-ဘင်္ဂလားဒေ့ရ်ှနှင့် ပါကစ္စတန်နိုင်ငံများ ဖြစ်ပြီး၊ ၎င်းနိုင်ငံများအား စွမ်းအင်တင်သွင်းရာ၌ အရေးပါသော ရေနက်ဆိပ်ကမ်းများ ဆောက်လုပ်ခြင်းနှင့် အခြား လိုအပ်သော ငွေကြေးနှင့် နည်းပညာ အကူအညီများကို တရုတ်က ပံပိုးလျက်ရှိပေသည်။

စွမ်းအင်တင်သွင်းရာ၌ အနှောင့်အရှက်များ ရှိခဲ့သော်လည်း တရုတ်အစိုးရအနေဖြင့် ရေတပ်အင်အား တိုးချဲ့ဆောင်ရွက်မှုများ ပိုမိုလုပ်ဆောင်လာခဲ့ပေသည်။ ရေနံ တင်သွင်းနိုင်ရေးနှင့် ရေနံစာချုပ် ချုပ်ဆိုရေး လုပ်ငန်းများတွင် ပိုမိုခရီးတွင်စေရန် လက်နက်ရောင်းချခြင်းကို တရုတ်က အပိုဆုအဖြစ် အသုံးပြုခဲ့ပေသည်။ ဥပမာ -ဆူဒန်နိုင်ငံသည် တရုတ်၏ ကူညီပံပိုးမှုဖြင့် လက်နက်စက်ရုံတည်ဆောက်ရေး၊ လက်နက်ငယ်များ ထုတ်လုပ်ရေး၊ လေယာဉ်ပစ် လက်နက်များ ရောင်းချရေး စသော ကူညီပံပိုးမှုများကို ရရှိခဲ့ပေသည်။

အချုပ်အားဖြင့်ဆိုရသော် မြန်မာ့နိုင်ငံရေး အပြောင်းအလဲတွင် တရုတ် အပါအဝင် ဒေသတွင်း နိုင်ငံများကို မက်လုံးပေးလျက်ရှိသော မြန်မာ့စွမ်းအင်သည် အရေးပါသော တွန်းအားတခု ဖြစ်လာပါတော့သည်။

ခက်ခဲသော ဆုံးဖြတ်ချက်


Thursday, 25 June 2009 17:38 အဲလက်(စ်) အဲလ်ဂီး
ပြီးခဲ့သည့် နှစ်ပတ်အတွင်း ထိုင်း-မြန်မာနယ်စပ်တွင် တိုက်ပွဲများ ပြင်းထန်နေခဲ့ပြီး ကရင်ဒုက္ခသည် ၃,၀၀၀ ကျော်လည်း နယ်စပ်ဖြတ်ကျော် ထွက်ပြေးခိုလှုံ လာကြရသည်။

ကျေးရွာ ခေါင်းဆောင်များသည် သူတို့လူထုအတွက် ယခုကဲ့သို့ထွက်ပြေး၍ ခိုလှုံကြရန် ဆုံးဖြတ်ချက်ချရသည့် အနေ အထားမှာ မလွယ်ကူလှပါ။
"ရွာတွေကို ထားရစ်ခဲ့ရတာ ၀မ်းနည်းစရာ သိပ်ကောင်းတယ်၊ ဘယ်လောက်ပဲ ၀မ်းနည်းဝမ်းနည်းပေါ့၊ နောက်ဆုံးတော့ စွန့်ထားခဲ့ဖို့ ဆုံးဖြတ်ရတာပဲ၊ အခု တိုက်ပွဲတွေက ပိုလို့ အန္တရာယ်ကြီးလာတယ်"ဟု ပုံညာကျိုးကျေးရွာ ခေါင်းဆောင်က ပြောသည်။

သူစကားပြောနေစဉ်၌ပင် မော်တာသံ၊ စက်သေနတ်သံများ တောင်ကြောတလျောက် ပဲ့တင်ပြန်နေသံကို ကြားနေရသေး သည်။ ဤဒေသများက ကရင်အမျိုးသားလွတ်မြောက်ရေးတပ်မတော် (KNLA) ၏ နှစ် ၆၀ ကျော် တော်လှန်စစ်အတွက် နောက်ဆုံး ခံကတုတ်ဒေသများ ဖြစ်နေသည့်အတွက်ကြောင့်လည်း အပြင်းအထန် ခုခံနေကြသည်။

မြန်မာစစ်တပ်နှင့် သူတို့နှင့် မဟာမိတ်ပြုထားသည့် တိုးတက်သော ဗုဒ္ဓဘာသာကရင်အမျိုးသားတပ်ဖွဲ့(DKBA) ၏ တပ်များက အလျင်အမြန်ထိုးစစ်ဆင်လာသောကြောင့် ယခုလို သူ၏ကျေးရွာကို စွန့်ခွာထွက်ပြေးရန် ဆုံးဖြတ် ချက်ချ ခဲ့ရခြင်းလည်း ဖြစ်သည်။ ယခင်ကလည်း ကျေးရွာလူထုကို ပေါ်တာခေါ်၍ စစ်ပွဲအတွင်း ပစ္စည်းသယ်ဆောင် ထမ်းပိုးရန် စေခိုင်းခံခဲ့ကြရပြီး ယခုတကြိမ်တွင်တော့ အသက်ကို အရဲကိုး၍ နေထိုင်ရန်၊ အဖမ်းခံရန် မဖြစ်နိုင်ကြ တော့ပါ။ သို့ အတွက်ကြောင့် အဝေးက မော်တာသံကြားသည်နှင့် သူက ရွာကိုပြောင်းရွှေ့စေရန် အမိန့်ပေးခဲ့ခြင်း ဖြစ်သည်။

"ကျနော်တို့ ဆက်နေလို့ မရတော့ဘူး၊ အကယ်၍ ဆက်နေရင်လည်း ဖမ်းပြီး ပေါ်တာထမ်းခိုင်းမှာပဲ"ဟု ရွာသားတဦးက ပြောသည်။ သူက ယခင်ကလည်း မြန်မာစစ်တပ်က ဖမ်း၍ တောတောင်ထဲ ပေါ်တာထမ်းခိုင်းသည်ကို ကြုံခဲ့ရဖူးသူ ဖြစ် သည်။

"မြန်မာစစ်တပ် တပ်မှူးတွေက ဘုရင်လိုနေတာ၊ ကျန်တဲ့ ကျနော်တို့ကိုတော့ တိရစ္ဆာန်တွေလို သဘောထားတာ"ဟု သူ၏ အတွေ့အကြုံကို ပြန်ပြောပြသည်။ စစ်တပ်စခန်းတွင်း သူနေခဲ့ရစဉ်က အစာငတ်၊ ရေငတ်သည်ကို ၃ ရက် ကြုံခဲ့ရဖူးသည်။

ထွက်ပြေးကြရသည့် နောက်အကြောင်းတခုမှာ DKBA အဖွဲ့က စစ်သားအဖြစ် စုဆောင်းခံရမည့် အရေးကို စိုးရိမ်နေသော ကြောင့်လည်း ဖြစ်သည်။ အကယ်၍ တိုက်ပွဲများ ဆက်လက်ဖြစ်ပွားနေပါက ရှေ့တန်းတွင် တိုက်ခိုက်ရန် စစ်သားများ ပိုမို လိုအပ်လာမည်ဖြစ်ပြီး နောက်ဆုံး သူတို့ကိုပါ စစ်ပွဲတွင်း တိုက်ခိုက်ရန် အဓမ္မခိုင်းစေလာဦးမည်ဟု မြင်နေကြသည်။ ကျေးရွာသား အများစုက ဤသို့ မလုပ်ဆောင်လိုကြပါ။

"ကျနော်က ကိုယ့်ကရင်လူမျိုး ညီအစ်ကိုတွေကို သတ်ဖို့ မြန်မာ စစ်တပ်အတွက် စစ်တိုက်ပေးဖို့ဆိုတာ မဖြစ်နိုင်တာဘဲ၊ ဘယ်လိုလုပ်ပြီး ကျနော်တို့က DKBA အတွက် စစ်တိုက်ပေးနိုင်မှာလဲ"ဟု ရွာသားတဦးက ဒေါသဖြင့် မေးခွန်းထုတ်သည်။

မြန်မာစစ်တပ်က ပေါ်တာဖမ်းဆီးခံရသည့် ရွာသားများကိုလည်း လူသားမိုင်းရှင်းကိရိယာများအဖြစ် သုံးသည်ကို ကြုံခဲ့ကြရ ဖူးသည်။ မြန်မာစစ်တပ်က အကယ်၍ မိုင်းများနင်းမိပါက သေကြေအောင် ရှေ့တန်းတင်စေလွှတ်တတ်ကြသည်။

"မြန်မာစစ်သားတယောက်က ကျနော့်ကို ရှေ့ကနေ မိုင်းရှင်းဖို့ သွားခိုင်းဖူးတယ်"ဟု ရွာသား တဦးက ပြောသည်။

"ကျနော်တို့က ကရင်စစ်သားတွေနဲ့ နီးလာတော့ သူက နောက်မှာနေပြီး၊ သေနတ်ကို ကျနော့်ပခုံးပေါ်ကနေ ကျော်ပြီး ချိန်ထားတယ်၊ တကယ်လို့ တယောက်ယောက်က ပစ်ရင်တော့ ကျနော်တော့ သေပြီပဲ"ဟု သူက ဆက်ပြောသည်။

ဤသို့ အန္တရာယ်များ ကြုံရနိုင်သော်လည်း ရွာကိုစွန့်ခွာဖို့ ဆိုသည်မှာ လွယ်ကူသည့် ဆုံးဖြတ်ချက်တော့ မဟုတ်ပါ။ ရွာသား အများက သူတို့လယ်ယာများအတွက် ကြိုးစားပမ်းစား လုပ်ကိုင်ထားခဲ့ကြရပြီး သူတို့လုပ်အား၏ အသီးအပွင့်ကို ခံစားရရန် လည်း စောင့်မျှော်လိုကြသေးသည်။

"ကျနော်တို့က သရက်သီးတွေ မှည့်လာတဲ့အချိန် စားရဖို့အထိ လပေါင်းများစွာ စောင့်နေရတာ၊ အခုတော့ ချန်ထားရစ်ခဲ့ရ တယ်"ဟု ရွာ ခေါင်းဆောင်က ပြောသည်။

ခရစ်ယာန်သာသနာပြုများက ဆယ်စုနှစ်များစွာ သာသနာပြုခဲ့ကြသော်လည်း ကရင် ကျေးရွာသားအများစုက ယခုတိုင် နတ်စားသည့် ဓလေ့ကို ဆက်လက်ယုံကြည် ကိုးကွယ်ဆဲ ဖြစ်ကြသည်။ နတ်စားသည့် ဓလေ့ရှိကြသူများ ဖြစ်သည့်အတွက် ကြောင့်လည်း ကျေးရွာတ၀ိုက်ရှိ တောတောင်များ၊ သစ်ပင်များ၊ မြစ်များ၊ ချောင်းများသည် သူတို့အမည်နာမ ရှိသလို၊ အသက်ဝိညာဉ်ရှိသည်ဟုလည်း ယုံကြည်ထားကြသည်။

"သူတို့တတွေက ဘ၀တလျောက်လုံးမှာ ဒီဝိညာဉ်တွေကို သူတို့ကို လုံခြံမှုပေးဖို့၊ ကာကွယ်ပေးဖို့ ရှိခိုးလာကြတာ"ဟု ကရင် လူငယ်အစည်းအရုံး အဖွဲ့ဝင်တဦးက ပြောပြသည်။

"ဒီရွာတွေကို စွန့်ခွာသွားတာနဲ့ တပြိုင်နက် အသက်ဝိညာဉ် ဆုံးရှုံးကြရသလိုပဲ၊ ၀ိညာဉ်တွေက လူကို သတ်စေ၊ သေစေ နိုင်တယ်လို့လည်း ယုံကြည်ကြတော့ သူတို့အတွက် ပိုလို့ ကြောက်ရွံ့စရာ ဖြစ်နေကြတာပေါ့"ဟု သူက ဆက် ရှင်းပြသည်။

ရွာသားများက တောလမ်းတွင် ၃ ရက်ကြာ လျှောက်ခဲ့ကြရသည်။ စစ်ဖြစ်ပွားရာဒေသအတွင်း နေရာအနှံ့အပြား ရှိနေ ကြ သည့် မြေမြုပ်မိုင်းများကို ရှောင်ကွင်းလျှောက်လာကြရသောကြောင့်လည်း ပို၍ ကြာမြင့်ခဲ့သည်။

"အကယ်၍ မိုင်းမထိဘူးဆိုရင်တောင်မှ ငှက်ဖျားရောဂါ ဖြစ်တာတွေ၊ မြွေကိုက်တဲ့ အန္တရာယ်တွေ ရှိတယ်"ဟု ရွာ ခေါင်း ဆောင်က ပြောသည်။

"မိန်းမတွေ၊ ကလေးငယ်တွေနဲ့ သွားကြရတဲ့အတွက်ကြောင့်လည်း အခုလို ဆုံးဖြတ်ရတာက လွယ်လှတာမဟုတ်ဘူး"ဟု သူက ဆိုသည်။

သူတို့က မြစ်ကမ်းပါးရောက်သည့်အခါ လှေဖြင့် KNLA တပ်များ၏ တပ်မဟာ(၇) ဌာနချုပ်ဘက်မှနေ၍ ထိုင်းတဖက်ကမ်း မဲဆလစ်သို့ ကူးကြသည်။ တဖက်ကမ်းရောက်သည့်အခါ ရွာသားများက လူဖြန့်ခွဲ၍ ယခင်က ရောက်ရှိအခြေချနှင့် ပြီးသား ကျေးရွာများတွင် ခိုလှုံနေကြရသည်။

တဖက်ကမ်း ရွာများသို့ ရောက်သည့်အခါ ခရီးကြမ်း တလျှောက် ဖြတ်သန်းလာရမှုကြောင့် ထွက်ပြေးလာကြသူများ၏ အ၀တ်အစားများက စုတ်ပြတ်ပေရေနေပြီ ဖြစ်သည်။ သူတို့ပိုင်ဆိုင်သည့် ပစ္စည်းဥစ္စာများကို ကောက်ယူစုဆောင်းရန် အချိန်မရခဲ့သည့်အတွက်ကြောင့်လည်း ယခုအခါ လဲလှယ်ဝတ်စရာ အ၀တ်အစား မရှိဘဲ ဖြစ်နေကြသည်။

ဤသို့ ဒုက္ခရောက်ကြရသည့် အခြေအနေကို သိရှိကြသည့် ကရင်အမျိုးသမီး အစည်းအရုံး (KWO) အဖွဲ့က ဒေသအတွင်း ရှိ အိမ်များမှ အ၀တ်အထည်များစုဆောင်းကာ၊ ဒုက္ခကြုံလာရသူများကို နီးစပ်ရာ ဘုန်းကြီးကျောင်းတွင် စုစည်းနေရာချ ထားပေးကြသည်။ နိုင်ငံခြားအလှူရှင်များက ပေးကမ်းလာသည့် အ၀တ်အသစ်များ ပေးသည့်အပြင် သူတို့ခံစားခဲ့ကြရ သည့် ဒုက္ခများကိုလည်း ကရင်အဖွဲ့အစည်းအသီးသီးက မေးမြန်းစုံစမ်းကြသည်။

"ကလေးငယ်တွေနဲ့ အမေတွေ အများကြီးပဲ၊ သူတို့ ဒီလိုပုံစံမျိုးတော့ ဒုက္ခမရောက်သင့်ပါဘူး"ဟု ကရင်အမျိုးသမီး အစည်းအရုံး တွဲဖက် အတွင်းရေးမှူး နော် ဘလူမင်း နိုက် က ပြောပြသည်။

ယခု ကျေးရွာမှကလေးများနှင့် အခြားဒေသတွင်း ကျေးရွာများမှ ကလေးများအနေနှင့် ထိုးစစ်သည် သူတို့ဘ၀အတွက်
အမှတ်အတေး စွန်းထင်းကျန်ရစ်စေတော့မည် ဖြစ်သည်။ ပြီးခဲ့သည့် ရက်သတ္တပတ်အနည်းငယ်ကမှ စတင်ဖွင့်ခဲ့သည့် ကျောင်းများ၊ အလှူရခဲ့သည့် သင်ကြားမှုထောက်ကူပစ္စည်းများ ချန်ရစ်ခဲ့ကြရပြီ ဖြစ်သည်။

"ကလေးတွေက အခုမှ ကျောင်းဖွင့်ခါစ ရှိသေးတယ်၊ အခု စစ်ကြောင့် သူတို့ပညာရေးတွေလည်း ထိခိုက်ရတော့မယ်"ဟု တပ်မဟာ(၇) မှ ပညာရေးတာဝန်ခံက ရှင်းပြသည်။

ဘားအံခရိုင်အတွင်းရှိ စာသင်ကျောင်းတခုကို ထိုးစစ်ဆင်တိုက်ခိုက်မှုကြောင့် ကျောင်းသားကျောင်းသူ ၈၉ ဦးနှင့် ဆရာ/ ဆရာမ ၇ ဦးမှာ တောတောင်များအတွင်း ထွက်ပြေးလာခဲ့ကြရသည်။ အရေးပေါ် ပြေးလာရသည့်အတွက်ကြောင့်လည်း ကလေးများက မိဘများနှင့် ဆက်သွယ်တွေ့ဆုံချိန် မရခဲ့ကြပေ။ တောတောင်များကို ဖြတ်၍ ထွက်ပြေးလာကြရပြီး နောက် ဆုံး လုံခြုံရာနိဗ္ဗာန် (Safe Heaven) ဟု အမည်ရသော မိဘမဲ့ကလေးများ ခိုလှုံရာဌာနတခုသို့ ရောက်လာခဲ့ကြသည်။ ကလေး ၉ ဦးမှာ ငှက်ဖျားရောဂါ ခံစားနေရပြီး ကလေးများက မိဘများနှင့်လည်း အဆက်အသွယ် ပြတ်နေကြသည်။ သူတို့ မိဘများကိုယ်တိုင် သေသည်၊ ရှင်သည် မည်သို့ အခြေအနေရှိနေသည်ကို သတင်းမသိရှိရဘဲ ဖြစ်နေကြသည်။

"သိပ်ဝမ်းနည်းစရာ ကောင်းပါတယ်၊ ကလေးမိဘတွေက ဖြစ်နိုင်တာက ပေါ်တာဆွဲခံရတဲ့အထဲ ပါသွားဖို့ များတယ်" ဟု မိဘမဲ့ကလေးကျောင်း၏ ညွှန်ကြားရေးမှူး တာ့စနီ (Tasanee) က ပြောပြသည်။

၎င်းမိဘမဲ့ ကလေးများဂေဟာက ၁၉၉၄ ခုနှစ်တွင် တာ့စနီ၏ မိခင်က စတင်တည်ထောင်ခဲ့ခြင်း ဖြစ်ပြီး စစ်အတွင်းမှ ထွက် ပြေးလာကြရသည့် ကလေးများခိုလှုံနိုင်စေရန် ဖွင့်ထားပေးခြင်း ဖြစ်သည်။ သောင်ရင်းမြစ်ကမ်းနှင့် ကျောက်ဆောင်များ အကြားတွင် ဖွင့်လှစ်ထားသည့် ယင်းမိဘမဲ့ကလေးများ ဂေဟာသည်ပင် တိုက်ပွဲဖြစ်ပွားနေရာ ဒေသများနှင့် မဝေးလှဟု ဆို နိုင်သည်။ လက်နက်ကြီး မော်တာသံများက ကလေးများ အင်္ဂလိပ်စာသင်ခန်းစာ သင်ကြားနေမှုကို တခါတရံ အနှောင့် အယှက်ပေးတတ်သေးသည်။

"မော်တာသံကြားတော့ ကလေးတွေက သီချင်းဆိုနေတာ၊ ပျော်ရွှင်နေတာလည်း ပျောက်သွားတယ်၊ သူတို့က ငေးပြီး ထိုင် ကြည့်နေကြတယ်၊ တိတ်တိတ်လေးနေပေမယ့် ကြောက်ရွံ့နေကြတယ်၊ ဒီအသံတွေက ဘာသံဆိုတာ သူတို့သိသလို၊ ဘယ်လို အဓိပ္ပာယ် ဆောင်တယ်ဆိုတာကိုလည်း သိကြတယ်" ဟု စေတနာ့ဝန်ထမ်း စာသင်ကြားပေးနေသူ အင်္ဂလိပ် ဆရာက ဆိုသည်။
"တခါတလေမှာ သူတို့က ကျနော်တို့ကို လာပြီး ဖက်တတ်တယ်၊ ဒါပေမယ့် သူတို့ကိုယ်သူတို့ လူသူဝေးရာ ရှောင်နေ တတ်တယ်၊ တကယ့်ကို ကြောက်ရွံ့စိုးရိမ်နေတဲ့ပုံ ရပါတယ်"ဟုလည်း သူက ပြောပြသည်။

ဇွန်လ ၇ ရက်နေ့မှစ၍ မော်တာပစ်ခတ်သံများက ပို၍ ဆိုးလာခဲ့သည်။ မြန်မာစစ်တပ်များနှင့် DKBA တပ်များက မြေပြင် ထိုးစစ်များ ရပ်ဆိုင်း၍ KNLA တပ်မဟာ(၇) စခန်းကို အဝေးမှ လက်နက်ကြီးများဖြင့်သာ ပစ်ခတ်နေတော့ သည်။ ဇွန်လ ၁၀ ရက်နေ့တွင် မဲဆလစ်ကျေးရွာတွင်းသို့ မော်တာကျည်ဆံ ၄ လုံး ကျရောက်လာခဲ့သေးသည်။ ဤနေရာ က ယခု ထွက်ပြေးလာသူ ရွာသားများခိုလှုံနေကြသည့် ဘုန်းကြီးကျောင်းနှင့် မဝေးလှပေ။ မော်တာကျည်ဆံတလုံးက မဲဆလစ် ကျေးရွာ၏ ထိုင်းအစိုးရ ကျောင်းအနီးသို့ ကျရောက်ခဲ့သေးသည်။

နယ်စပ်ဖြတ်ကျော်၍ ကူးလာသည့် စစ်မီးကြောင့် မဲဆလစ် ကျေးရွာသားများလည်း ရတက်မအေး ဖြစ်နေကြရသည်။ DKBA တပ်များက နယ်စပ်ကိုဖြတ်ကျော်လာပြီး ရွာတွင်း ၀င်လာမည်ကိုလည်း စိုးရိမ်ကြောက်ရွံ့နေကြသည်။ DKBA အဖွဲ့က ယခင်ကတည်းက ဒုက္ခသည်များနှင့် အဆက်အသွယ်ရနိုင်ရေး ကြိုးပမ်းနေခဲ့ကြသည်ကိုလည်း သူတို့က သိရှိ ထားပြီး ဖြစ်သည်။ ပထမပိုင်းက DKBA စစ်သားတဦးက ရွာသားတဦးထံ ချဉ်းကပ်၍ ဒုက္ခသည်များ ယခုခိုလှုံနေရာ ကျေးရွာမှ ဓာတ်ဆီဝယ်ယူရန် ကြိုးပမ်းခဲ့သေးသည်။

၂၀၀၉ ခုနှစ်၊ ဇွန်လ ၁၁ ရက်နေ့၊ ကရင်လူ့အခွင့်အရေးအဖွဲ့ (KHRG) ၏ သတင်းထုတ်ပြန်ချက် တခုအရ DKBA တပ် အရာရှိတဦးက လဲပါဟဲကျေးရွာမှ ရွာသားတဦးကို ဆက်သားအဖြစ်စေလွှတ်၍ ဒုက္ခသည်များကို ဆက်သွယ်ရန် စေခိုင်းခဲ့ သည်ဟု ဆိုသည်။ ၎င်းဆက်သားအဆိုအရဆိုလျှင် ထွက်ပြေးကြသူ ရွာသားများက တရွာလျှင် ဘတ် ၃,၀၀၀ စီ DKBA အဖွဲ့သို့ ပေးဆောင်ကြရန် လိုအပ်ကြောင်း၊ ယခု ဖြစ်ပွားနေသည့် စစ်ပွဲအတွက် ပေါ်တာငှားရမ်းစရိတ်သုံးရန် ဖြစ်ကြောင်း ပြောဆိုပါသည်။

ဤဖြစ်ရပ်များကြောင့် ထိုင်းအာဏာပိုင်များက မဲဆလစ်ရွာနှင့် အနီးတ၀ိုက်တွင် ယာယီခိုလှုံနေကြသည့် ဒုက္ခသည်များ၏ လုံခြုံရေးကို စိုးရိမ်လာခဲ့သည်။ သို့အတွက်ကြောင့်လည်း ရဲများနှင့် လုံခြုံရေးများ၊ နယ်စပ်ကင်းတပ်များ တိုး၍ ချထားခဲ့ သည်။ မဲဆလစ်သို့ သွားရာလမ်းတွင် စစ်ဆေးရေးဂိတ်များတိုး၍ ချထားခဲ့ပြီး တပ်များ ထူထပ်စွာ ချထားသည်။ သေနတ် တင်ထားသည့် အမိုးဖွင့် စစ်ဂျစ်ကားများလည်း လမ်းမတလျှောက် ဥဒဟိုမောင်း၍ ကင်းလှည့်နေခဲ့သည်။

ယခု တိုက်ပွဲများက ဆက်လက်ကြာရှည်နေဦးမည်ဟု ယူဆရပါသည်။ DKBA တပ်ဖွဲ့များက နယ်ခြားစောင့်တပ်ဖွဲ့ အဖြစ် သူတို့အခန်းကဏ္ဍကို ရယူနိုင်ရန် လုပ်ဆောင်နေစဉ် နယ်စပ်လုံခြုံရေးအတွက် ဆက်လက်ကြိုးပမ်းကြမည် ဖြစ်သည်။ သတင်းများအရ DKBA အဖွဲ့က KNLA တပ်ဖွဲ့ စခန်းများကို သိမ်းပိုက်ချေမှုန်းပေးရေးအတွက် မြန်မာစစ်တပ်နှင့် သဘောတူ ညီလက်မှတ်ရေးထိုးထားပြီး အပြန်အလှန်အားဖြင့် သူတို့ကို နယ်စပ်တွင် အပိုင်စားရစေမည် ဖြစ်သည်။

KHRG မှ သုတေသနပြု လေ့လာနေသူများအဆိုအရ ယခုအခါ DKBA ခေါင်းဆောင်များက နယ်စပ်လုံခြုံ ရေးတပ်ဖွဲ့ အတိုကောက် (BGF) အဖြစ် သူတို့ကိုယ်သူတို့ ညွှန်းဆိုခေါ်ဝေါ်နေကြသည်ဟု ဆိုသည်။

အကယ်၍ DKBA တပ်ဖွဲ့များသာ စစ်ဆင်ရေး အောင်မြင်ခဲ့ပါက ကရင်အမျိုးသား အစည်းအရုံး(KNU) လက်အောက်ခံ KNLA တပ်ဖွဲ့များကို ဆက်လက်ချေမှုန်း သုတ်သင်မည်ဖြစ်ပြီး နယ်စပ်တရိုးကိုလည်း ထိန်းချုပ်ထားလိုက်ကြတော့မည် ဖြစ်သည်။ ရွာသားများအနေနှင့်လည်း မိမိရပ်ရွာ ပြန်ရမည့်အရေး ဝေးကြရတော့မည် ဖြစ်သည်။

အကယ်၍ ယခုယာယီခိုလှုံလာသူများကို ဒုက္ခသည်စခန်းများအတွင်း ထည့်သွင်းနေရာချထားပေးခဲ့ပါကလည်း သူတို့ လွတ်လပ်စွာ သွားလာခွင့် ဆုံးရှုံးရချေတော့မည်။ မွေးဖွားလာကြသည့် ကလေးငယ်များသည်လည်း သူတို့မိဘများ ရှင်သန်ခဲ့ရာ တောတောင်ရေမြေကို လုံးဝမသိရှိကြရဘဲ ကြီးပြင်းလာကြရတော့မည် ဖြစ်သည်။ သူတို့ မိရိုးဖလာ ကိုးကွယ်ယုံကြည်လာကြသည့် ရေမြေတောတောင်တို့၏ ၀ိညာဉ်များနှင့်လည်း အဆက်ပြတ် ဆုံးရှုံးကြရတော့မည် ဖြစ်ပါသည်။

လက်ရှိ အခြေအနေနှင့် ကြုံတွေ့ရင်ဆိုင်နေရသည့် အန္တတရာယ် အခက်အခဲများကို သိထားသော်လည်း ဘုန်းကြီးကျောင်း ပုရ၀ုဏ်အတွင်း စုဖွဲ့ထိုင်နေစဉ်ကာလတွင် ဒုက္ခသည်များက ကြံဖန်၍ ပြုံးပျော်နေနိုင်ကြသေးသည်။

"ကျနော်တို့ ရွာသားတွေက ဆုံးရှုံးခဲ့ပြီဆိုတာကိုတော့ သိတာပေါ့၊ စိတ်ပျက်အားငယ်တာလည်း ရှိတာပဲ၊ ဒါပေမယ့်လည်း မြန်မာစစ်တပ်နဲ့ ဝေးရပြီဆိုတဲ့ အသိတခုနဲ့ပဲ ပျော်နေကြရတယ်၊ သူတို့ အုပ်ချုပ်မှုအောက်မှာ နေရတာလောက် စိတ်ဆင်းရဲ ဒုက္ခရောက်ရတာ မရှိပါဘူး"ဟု ရွာ ခေါင်းဆောင်က ရှင်းပြသည်။

"အကယ်၍ ကျနော့်ညီ၊ ညီမတွေ ရွာသားတွေအတွက် မှန်မှန်ကန်ကန် မဆုံးဖြတ်နိုင်ခဲ့ရင်၊ ကျနော်တို့လည်း ရွာမှာ သေ ကြေဒုက္ခတွေ့နေရလောက်ပြီ"ဟုလည်း သူက နောက်ဆုံး မှတ်ချက်ချခဲ့လေသည်။

Calling the Shots By Alex Ellgee ကို ဆီလျော်အောင် ပြန်ဆိုဖော်ပြပါသည်။

NLD ဗဟို အလုပ်မှုဆောင်များနှင့် ထင်ရှားသော ခေါင်းဆောင်များ


သုတေသန
မဇ္ဈိမသတင်းဌာန
ကြာသပတေးနေ့၊ ဇွန်လ 25 2009 14:48 - မြန်မာစံတော်ချိန်

အမျိုးသား ဒီမိုကရေစီ အဖွဲ့ချုပ်
(ဗဟိုအလုပ်အမှုဆောင် ကော်မတီဝင်များနှင့် ထင်ရှားသော ခေါင်းဆောင်များ)

ဦးညွန့်ဝေ

အမျိုးသားဒီမိုကရေစီအဖွဲ့ချုပ်၊ ဗဟိုအလုပ်အမှုဆောင် ကော်မတီဝင်ဖြစ်သည်။

၁၉၂၆ ခုနှစ် နိုဝင်္ဘာလ ၁၄ ရက်နေ့တွင် အဖ ဦးဘဆွေ၊ အမိ ဒေါ်မမကြီးတို့မှ ဖွားမြင်သည်။ ရန်ကုန်တက္ကသိုလ်မှ ဝိဇ္ဇာ(ဘောဂဗေဒ)ဂုဏ်ထူးနှင့် အမေရိကန်နိုင်ငံ၊ ဟားဗတ်တက္ကသိုလ်မှ မဟာဝိဇ္ဇာ (အုပ်ချုပ်ရေး) ဘွဲ့ ရရှိခဲ့သည်။ ၁၉၄၇ ခုနှစ် တနှစ်အတွင်း လွတ်လပ်ရေး ရရှိရန် ပြင်ဆင်မှု၌ ဖဆပလ အဖွဲ့ချုပ်က ပေးသော ခေါင်းဆောင်သင်တန်း တက်ခဲ့ပြီး ၁၉၄၇ ခုနှစ်မှ ၁၉၅၂ ခုနှစ်အထိ တက္ကသိုလ် ကျောင်းသားခေါင်းဆောင်၊ ၁၉၅၂ ခုနှစ်မှ ၁၉၈၆ ခုနှစ်အထိ ညွှန်ကြားရေးမှူး၊ ဗဟို စာရင်းအင်းနှင့် ဘောဂဗေဒဌာန၊ စက်မှုလက်မှုဘဏ်၊ မန်နေဂျာချုပ်၊ စိုက်ပျိုးရေးဘဏ်၊ အာမခံ ကော်ပိုရေးရှင်း ဦးဆောင်ညွှန်ကြားရေးမှူး၊ ၁၉၈၆ ခုနှစ်တွင် သက်ပြည့် အငြိမ်းစား ယူခဲ့သည်။

တောင်ငူမြို့နယ် မဲဆန္ဒနယ် အမှတ် ၂ တွင် အမျိုးသား ဒီမိုကရေစီအဖွဲ့ချုပ်အား ကိုယ်စားပြု၍ ဝင်ရောက်ယှဉ်ပြိုင်ခဲ့ရာ ပြည်သူ့လွှတ်တော် ကိုယ်စားလှယ်အဖြစ် ရွေးချယ်တင်မြှောက်ခြင်း ခံခဲ့ရသည်။

၁၉၉၈ ခုနှစ် စက်တင်္ဘာလ ၁၆ ရက်နေ့တွင် ဖွဲ့စည်းခဲ့သည့် ပြည်သူ့လွှတ်တော် ကိုယ်စားပြုကော်မတီ ၌ အဖွဲ့ဝင်တဦး ဖြစ်သည်။

၂ဝဝ၃ ခုနှစ် မေလ ၃ဝ ရက်နေ့ ဒီပဲယင်း သွေးချောင်းစီး လုပ်ကြံတိုက်ခိုက်မှုကြီး ဖြစ်ပွားစဉ် ရန်ကုန်မြို့ နေအိမ်၌ အကျယ်ချုပ်ဖြင့် ဖမ်းဆီးထိန်းသိမ်းခံထားရပြီး ၂ဝဝ၃ ခုနှစ် နိုဝင်္ဘာလ ၂၃ ရက်နေ့တွင် နေအိမ်အကျယ်ချုပ်မှ ပြန်လွတ်သည်။

ဇနီးသည်မှာ ဒေါ်ငယ်ငယ်စိန် (အငြိမ်းစား ကထိက၊ ပညာရေးတက္ကသိုလ်) ဖြစ်ပြီး သားသမီးများမှာ ဒေါ်သီရိညွန့်ဝေ၊ ဒေါ်မေအုန်းညွန့်ဝေ၊ ဦးပြည်သစ်ညွန့်ဝေ (ဦးမောင်မောင် FTUB)၊ ဒေါ်စန္ဒာညွန့်ဝေနှင့် ဦးကျော်ထွဋ်ညွန့်ဝေ ဖြစ်သည်။


ဦးစိုးဝင်း

အမျိုးသား ဒီမိုကရေစီအဖွဲ့ချုပ်တွင် ဗဟိုသတင်းနှင့် ပြန်ကြားရေးအဖွဲ့ဝင်၊ ဗဟိုအလုပ်အမှုဆောင် အဖွဲ့ဝင်ဖြစ်သည်။

၁၉၄၅ ခုနှစ် သြဂုတ်လ ၇ ရက်နေ့တွင် မွေးဖွားသည်။ အဖ ဦးကြင်ဆိုင် ဖြစ်သည်။ ၁၉၆၈ ခုနှစ်မှ ၁၉၇၂ ခုနှစ်အထိ သုတေသနလက်ထောက် (စီမံကိန်းဌာန) ဂုန်နီစက်ရုံ၊ အုတ်ကျင်း။ ထို့နောက် ပုံနှိပ်လုပ်ငန်း လုပ်ကိုင်ခဲ့သည်။ ၁၉၈၈ ပြည်သူ့အရေးတော်ပုံကြီး၌ ဒေါ်အောင်ဆန်းစုကြည်၏ လုံခြုံရေးနှင့် လူမှုရေးတာဝန် ယူခဲ့သည်။

ပဲခူးမြို့နယ် မဲဆန္ဒနယ်အမှတ် ၁ မှ အမျိုးသား ဒီမိုကရေစီအဖွဲ့ချုပ်၏ ပြည်သူ့လွှတ်တော် ကိုယ်စားလှယ်အဖြစ် ရွေးကောက်တင်မြှောက်ခံခဲ့ရသည်။

၂ဝဝ၂ ခုနှစ် ဒီဇင်္ဘာလ ၄ ရက်နေ့တွင် ပြည်သူ့လွှတ်တော် ကိုယ်စားပြုကော်မတီ အဖွဲ့ဝင်တဦး ဖြစ်လာခဲ့သည်။ ၂ဝဝ၃ ခုနှစ် မေလ ၃ဝ ရက်နေ့ ဒီပဲယင်း သွေးချောင်းစီးလုပ်ကြံမှုကြီး ဖြစ်ပွားအပြီး ဇွန်လ ၃ဝ ရက်နေ့တွင် စစ်ထောက်လှမ်းရေး၏ ဖမ်းဆီးထိန်းသိမ်းခံခဲ့ရသည်။ ညှဉ်းပမ်းနှိပ်စက်ခံရမှုကြောင့် ညာဘက်မျက်စိ ကွယ်သွားခဲ့သည်။


ဗိုလ်မှူးကြီး လွန်းတင်(အငြိမ်းစား)

မော်လမြိုင်မြို့နယ် မဲဆန္ဒနယ်အမှတ် ၁ တွင် အမျိုးသား ဒီမိုကရေစီအဖွဲ့ချုပ်အား ကိုယ်စားပြု၍ ရွေးချယ်တင်မြှောက်ခံရသော ပြည်သူ့လွှတ်တော် ကိုယ်စားလှယ် ဖြစ်သည်။

မော်လမြိုင်မြို့နယ် ကော့နှပ်ကျေးရွာ ဇာတိဖြစ်သည်။ မွန်အမျိုးသား၊ ဗုဒ္ဓဘာသာဝင်ဖြစ်သည်။ အဖ ဦးထွန်းလင်း၊ အမိ ဒေါ်သိန်းမေတို့မှ ၁၉၂၁ ခုနှစ် မတ်လ ၂ ရက်နေ့တွင် မွေးဖွားခဲ့သည်။

၁၉၂၈ ခုနှစ်မှ ၁၉၄၂ ခုနှစ်အထိ မြောင်းမြမြို့၊ ABM အမျိုးသမီးအလယ်တန်းကျောင်း၊ ၁၉၃၂ မှ ၁၉၄၁ ခုနှစ်အထိ မြောင်းမြမြို့ အစိုးရအထက်တန်းကျောင်းတို့တွင် ၁ဝ တန်း အောင်မြင်သည်အထိ ပညာသင်ကြားခဲ့၍ ၁၉၄၁-၄၂ ခုနှစ် စစ်ဖြစ်ချိန်၌ ဥပစာ အောက်တန်းအထိ ရန်ကုန် ယူနီဗာစီတီကောလိပ်၌ ပညာသင်ကြားခဲ့သည်။ ဗမာ့လွတ်လပ်ရေး တပ်မတော် - BIA ၌ အခြားအဆင့်ဖြင့် (၁၊ ၂၊ ၁၉၄၂) ရက်နေ့မှ (၁၆၊ ၃၊ ၁၉၄၂) ရက်နေ့အထိ၊ ဗမာ့ကာကွယ်ရေးတပ်မတော် - BDA ၌ အရာရှိအဆင့်ဖြင့် (၂၇၊ ၇၊ ၁၉၄၂) ရက်နေ့မှ (၂၆၊ ၃၊ ၁၉၄၅) ရက်နေ့အထိ၊ မျိုးချစ်ဗမာ့တပ်မတော် - PBF ၌ အရာရှိအဆင့်ဖြင့် (၂၇၊ ၃၊ ၁၉၄၅) ရက်နေ့မှ (၃၁၊ ၁၂၊ ၁၉၄၅) ရက်နေ့အထိ တာဝန်ထမ်းဆောင်ခဲ့သည်။

၁၉၄၅ ခုနှစ် ဖေဖေါ်ဝါရီလ ၁ ရက်နေ့တွင် ကန္ဒီစာချုပ်အရ ဖွဲ့စည်းသော ဗမာ့တပ်မတော်တွင် ပြန်တမ်းဝင်အရာရှိ ဖြစ်လာခဲ့သည်။ သနက ၅ တွင် တပ်ရင်းမှူးအဖြစ် (၁၁၊ ၆၊ ၁၉၅၃) ရက်နေ့မှ (၂၊ ၁ဝ၊ ၁၉၅၃) ရက်နေ့အထိ၊ ခြေလျင်တပ်ရင်း - ခလရ ၂၂ ၌ တပ်ရင်းမှူးအဖြစ် (၃၊ ၁ဝ၊ ၁၉၅၃) ရက်နေ့မှ (၂၈၊ ၇၊ ၁၉၅၅) ရက်နေ့အထိ၊ ခလရ ၁၄ ၌ တပ်ရင်းမှူးအဖြစ် (၃ဝ၊ ၃၊ ၁၉၅၇) ရက်နေ့မှ (၁၈၊ ၁၁၊ ၁၉၅၈) ရက်နေ့အထိ၊ အမှတ် ၁၁ တပ်မဟာဌာနချုပ်၌ ယာယီတပ်မဟာမှူးအဖြစ် (၁၉၊ ၁၁၊ ၁၉၅၈) ရက်နေ့မှ (၁၉၊ ၅၊ ၁၉၅၉) ရက်နေ့အထိ၊ အမှတ် ၁ တပ်မဟာဌာနချုပ်၌ ယာယီတပ်မဟာမှူးအဖြစ် (၂၅၊ ၅၊ ၁၉၅၉) ရက်နေ့မှ (၁၆၊ ၈၊ ၁၉၆၁) ရက်နေ့အထိ၊ အမှတ် ၇ တပ်မဟာဌာနချုပ်၌ တပ်မဟာမှူးအဖြစ် (၁၇၊ ၈၊ ၁၉၆၁) ရက်နေ့မှ (၁၅၊ ၂၊ ၁၉၆၃) ရက်နေ့အထိ၊ အနောက်မြောက်တိုင်း စစ်ဌာနချုပ် တိုင်းမှူးအဖြစ် (၁၆၊ ၂၊ ၁၉၆၃) ရက်နေ့မှ (၂၉၊ ၄၊ ၁၉၆၅) ရက်နေ့အထိ၊ (၂၉၊ ၄၊ ၁၉၆၅) ရက်နေ့မှစ၍ က-က-ချုပ် (ကြည်း) သို့ တွဲဖက်တာဝန်၊ အနောက်မြောက်တိုင်း စစ်ဌာနချုပ်တွင် တိုင်းမှူးအဖြစ် ဆောင်ရွက်နေစဉ် သံဃ်ာတော်များ အရေးအခင်း၌ ပါဝင်ပတ်သက်မှုဖြင့် (၁၊ ၉၊ ၁၉၆၅) ရက်နေ့မှ (၂၇၊ ၁၁၊ ၁၉၆၇) ရက်နေ့အထိ ဖမ်းဆီးထိန်းသိမ်းခံခဲ့ရသည်။ ကာကွယ်ရေးကောင်စီ ညွှန်ကြားချက်အမှတ် (၁/၆၄)၊ အပိုဒ် (၆-၁) အရ (၂၅၊ ၁၊ ၁၉၆၈) ရက်နေ့မှစ၍ စစ်မှုထမ်းဆောင်ခြင်းမှ ရပ်စဲခံခဲ့ရ၍ ၁၉၆၈ ခုနှစ်မှ ၁၉၇၈ ခုနှစ်အထိ အမှတ် ၁ စက်မှုဝန်ကြီးဌာန ညွှန်ကြားရေးမှူးချုပ်၊ ၁၉၇၈ ခုနှစ်မှ ၁၉၈၁ ခုနှစ်အထိ အလုပ်သမားဌာန ညွှန်ကြားရေးမှူးချုပ်၊ ၁၉၈၁ ခုနှစ်မှ ၁၉၈၃ ခုနှစ်အထိ အလုပ်သမားဌာန အကြံပေးပုဂ္ဂိုလ်အဖြစ် ဆောင်ရွက်ခဲ့သည်။

ပြန်တမ်းဝင် တပ်မတော်အရာရှိအမှတ် (ကြည်း - ၃၆၁၈) ဖြစ်သည်။

၁၉၆၂ ခုနှစ် မတ်လ ၂ ရက်နေ့တွင် အာဏာသိမ်းခဲ့သည့် ဗိုလ်ချုပ်ကြီးနေဝင်း ဦးဆောင်သော တော်လှန်ရေးကောင်စီ၌ တော်လှန်ရေးကောင်စီ ကြေညာချက်အမှတ် ၃၄ ဖြင့် (၅၊ ၇၊ ၁၉၆၂) ရက်နေ့တွင် တော်လှန်ရေးကောင်စီဝင်အဖြစ် ခန့်အပ်ခံခဲ့ရသည်။ မြန်မာ့ဆိုရှယ်လစ် လမ်းစဉ်ပါတီ၏ တင်းပြည့်ပါတီဝင်လည်း ဖြစ်ခဲ့သည်။

လွတ်လပ်ရေးမော်ကွန်းဝင် ပထမအဆင့်၊ နိုင်ငံ့ဂုဏ်ရည် ပထမအဆင့်၊ သီရိပျံချီ၊ ဇေယျကျော်ထင်၊ သီဟဗလ တံဆိပ်တို့အပါအဝင် ဆုတံဆိပ် ၇ ခု ရရှိခဲ့သည်။

၁၉၈၈ ခုနှစ် ပြည်သူ့ဒီမိုကရေစီ အရေးတော်ပုံကြီး၌ တပ်မှူးဟောင်းများအဖွဲ့ဝင်အဖြစ် လှုပ်ရှားခဲ့သည်။ ထို့နောက် မျိုးချစ်ရဲဘော်ဟောင်းများအဖွဲ့ ဗဟိုအလုပ်အမှုဆောင်၊ အမျိုးသား ဒီမိုကရေစီအဖွဲ့ချုပ် ဗဟိုဦးစီးနှင့် မွန်ပြည်နယ် စည်းရုံးရေးကော်မတီဝင်အဖြစ် ဆောင်ရွက်ခဲ့သည်။ (၂၆၊ ၃၊ ၁၉၉၁) ရက်နေ့တွင် ပြန်လည်ဖွဲ့စည်းခဲ့သည့် NLD ဗဟိုအလုပ်အမှုဆောင်အဖွဲ့၌ အဖွဲ့ဝင်အဖြစ် တိုးမြှင့်တာဝန်ပေးအပ်ခံခဲ့ရသည်။ (၉၊ ၁ဝ၊ ၁၉၉၆) ရက်နေ့တွင် အသစ်ပြန်လည်ဖွဲ့စည်းခဲ့သည့် NLD ဗဟိုကော်မတီ၌ ဗဟိုအလုပ်အမှုဆောင် ကော်မတီဝင်၊ မွန်ပြည်နယ် တာဝန်ခံအဖြစ် တာဝန်ပေးအပ်ခံခဲ့ရသည်။

(၁၆၊ ၉၊ ၁၉၉၈) ရက်နေ့တွင် ဖွဲ့စည်းခဲ့သည့် ပြည်သူ့လွှတ်တော် ကိုယ်စားပြုကော်မတီ၌ အဖွဲ့ဝင်ဖြစ်လာခဲ့သည်။ (၃ဝ၊ ၅၊ ၂ဝဝ၃) ရက်နေ့ ညတွင် ဖြစ်ပွားခဲ့သည့် ဒီပဲယင်း သွေးချောင်းစီး လုပ်ကြံမှုကြီး ဖြစ်ပွားအပြီး၊ နေအိမ်အကျယ်ချုပ်ဖြင့် ဖမ်းဆီးထိန်းသိမ်းခံခဲ့ရပြီး (၂၄၊ ၁၁၊ ၂ဝဝ၃) ရက်နေ့တွင် ပြန်လွတ်သည်။

(၉၊ ၁၊ ၁၉၅၁) ရက်နေ့တွင် ဒေါ်သန်းကြည်နှင့် လက်ထပ်ခဲ့ပြီး သမီး ဒေါ်လဲ့လဲ့တင်၊ ဒေါ်အိအိတင်၊ သား ဦးသန်းလှနှင့် ဦးမင်းအောင်တို့အပါအဝင် သား ၄ ယောက်၊ သမီး ၂ ယောက် ထွန်းကားခဲ့သည်။


ဦးခင်မောင်ဆွေ

စမ်းချောင်းမြို့နယ် မဲဆန္ဒနယ်၌ အမျိုးသား ဒီမိုကရေစီအဖွဲ့ချုပ်အား ကိုယ်စားပြု၍ ပြည်သူ့လွှတ်တော် ကိုယ်စားလှယ်အဖြစ် ရွေးချယ်တင်မြှောက်ခံခဲ့ရသည်။

အဖ ဦးမောင်အေး၊ အမိ ဒေါ်တင်ကြည်တို့မှ ၁၉၄၂ ခုနှစ် ဇူလိုင်လ ၂ဝ ရက်နေ့တွင် မွေးဖွားခဲ့သည်။ ဧရာဝတီတိုင်း ငါးသိုင်းချောင်းမြို့ ဇာတိဖြစ်သည်။

၁၉၆ဝ ပြည့်နှစ်တွင် အင်္ဂလိုဗာနီကျူလာမစ်ရှင်ကျောင်းမှ ၁ဝ တန်း အောင်မြင်ခဲ့၍ ရန်ကုန်တက္ကသိုလ်၌ ၁၉၆၁ ခုနှစ်မှ ၁၉၆၆ ခုနှစ်အထိ ပညာသင်ကြားခဲ့ပြီး B.Sc (ဘူမိဗေဒ) ဘွဲ့ကို ရေနံလုပ်ငန်းဆိုင်ရာ ဘာသာတွဲဖြင့် ရရှိခဲ့သည်။

ရန်ကုန်တက္ကသိုလ်၌ ပညာသင်ကြားနေစဉ် ပုသိမ်ခရိုင် ကျောင်းသားများအသင်း စည်းရုံးရေးမှူး၊ ဘာသာရပ်ဆိုင်ရာ အသင်းများ၏ အမှုဆောင်အဖွဲ့ဝင်နှင့် ရန်ကုန်တက္ကသိုလ် ကျောင်းသားများသမဂ္ဂ (တကသ) အဖွဲ့ဝင်အဖြစ် ၁၉၆၂ ခုနှစ် ကျောင်းသားလှုပ်ရှားမှုများ၌ ပါဝင်ခဲ့သည်။

၁၉၆၆ ခုနှစ်တွင် မြန်မာ့ရေနံကော်ပိုရေးရှင်း၌ အလုပ်သင်အရာရှိအဖြစ် စတင်ထမ်းဆောင်ခဲ့ပြီး၊ ၁၉၆၆ ခုနှစ်မှ ၁၉၈၈ ခုနှစ်အထိ မြန်မာပြည်အနှံ့ ရေနံရှာဖွေ တူးဖော်ထုတ်လုပ်ရေးဆိုင်ရာ လုပ်ငန်းများကို အလုပ်သင် ဘူမိဗေဒအရာရှိ၊ ဒု-ဘူမိဗေဒအရာရှိ၊ အကြီးတန်း ဘူမိဗေဒအရာရှိ စသဖြင့် ဆောင်ရွက်ခဲ့သည်။ ၁၉၇၈ ခုနှစ် စင်္ကာပူနိုင်ငံ၌ ကျင်းပသော ရေနံတွင်း တူးဖော်ရေးနှင့် ရေနံတွင်း ပေါက်ကွဲမှု ထိန်းသိမ်းရေးဆိုင်ရာ လုပ်ငန်းခွင် သင်တန်းသို့ တက်ရောက်ခဲ့သည်။ ၁၉၈၆ ခုနှစ်တွင် အမေရိကန်ပြည်ထောင်စု တက်ဆက်စ်ပြည်နယ် တဲလ်ဆာတက္ကသိုလ်၌ ရေနံရှာဖွေတူးဖော်ထုတ်လုပ်ခြင်းနှင့် ရေနံမြေဖွံ့ဖြိုးခြင်းဆိုင်ရာ ဒီပလိုမာအဆင့် သင်တန်းသို့ တက်ရောက်အောင်မြင်ခဲ့သည်။

အထက်မြန်မာပြည် ရေနံမြေများ ဖွံ့ဖြိုးရေးနှင့် ရေနံနှင့် သဘာဝဓာတ်ငွေ့ တူးဖော်ထုတ်လုပ်ရေးဆိုင်ရာ အကြီးတန်း ဘူမိဗေဒအရာရှိအဖြစ် တာဝန်ထမ်းဆောင်နေစဉ် ၁၉၈၈ ဒီမိုကရေစီ အရေးတော်ပုံကြီး ပေါ်ပေါက်လာရာ ချောက်၊ ရေနံချောင်း၊ ပြည်၊ မြန်အောင်၊ မန်းနှင့် ထောက်ရှာပင် ရေနံမြေ အလုပ်သမားသမဂ္ဂများကို စုစည်းလက်တွဲ၍ မြန်မာ့ရေနံကော်ပိုရေးရှင်း (ရုံးချုပ်) အလုပ်သမားသမဂ္ဂ အတွင်းရေးမှူးအဖြစ် ဆောင်ရွက်ခဲ့သည်။

၁၉၈၈ ခုနှစ် အောက်တိုဘာလ ၃ ရက်နေ့တွင် ဝန်ထမ်းအားလုံး အလုပ်ခွင်သို့ ပြန်လည်တက်ရောက်ရန် နဝတ ထုတ်ပြန်ချက်ကို မလိုက်နာခဲ့၍ အလုပ်ထုတ်ပယ်ခံခဲ့ရသည်။

အမျိုးသား ဒီမိုကရေစီအဖွဲ့ချုပ်၊ အထွေထွေအတွင်းရေးမှူး ဒေါ်အောင်ဆန်းစုကြည်၏ ခေါ်ယူတာဝန်ပေးချက်အရ ၁၉၈၈ ခုနှစ် အောက်တိုဘာလတွင် ဗဟိုဦးစီးအဖွဲ့ဝင်အဖြစ် အဖွဲ့ချုပ်တာဝန်များကို စတင်ထမ်းဆောင်ခဲ့သည်။

ပထမအကြိမ် ဗဟိုဦးစီးအဖွဲ့ အစည်းအဝေးမှ မကွေးတိုင်း စည်းရုံးရေးတာဝန်ခံအဖြစ် တာဝန်ပေးအပ်ခံရပြီး မကွေးတိုင်း ၂၅ မြို့နယ်အတွင်း စည်းရုံးရေးလုပ်ငန်းများ လှုပ်ရှားဆောင်ရွက်ခဲ့သည်။

၁၉၈၉ ခုနှစ် ဇူလိုင်လ ၂ဝ ရက်နေ့ နံနက်ပိုင်း တားဆီးမခံရမီအချိန်တွင် ဒေါ်အောင်ဆန်းစုကြည် တိုးချဲ့ဖွဲ့စည်းပေးသော အလုပ်အမှုဆောင်အဖွဲ့၌ အဖွဲ့ဝင်အဖြစ် တိုးမြှင့်တာဝန်ပေးအပ်ခံရသည်။ ဗဟိုလုပ်ငန်းအဖွဲ့ (အလုပ်သမား) အဖွဲ့ဝင်နှင့် ဗဟိုသတင်းနှင့် ပြန်ကြားရေးအဖွဲ့ ဥက္ကဋ္ဌအဖြစ် တာဝန်ယူခဲ့သည်။

၁၉၉ဝ ပြည့်နှစ် အောက်တိုဘာ ၅ ရက်နေ့တွင် ပြည်သူ့လွှတ်တော် ကိုယ်စားလှယ် ဦးလှထွန်း (ကြည့်မြင်တိုင်) မှ ဦးခင်မောင်ဆွေအား ယာယီအစိုးရ ဖွဲ့စည်းရေး လျှို့ဝှက်အစည်းအဝေး ကိစ္စများကိုလည်းကောင်း၊ ယာယီအစိုးရ အဖွဲ့တွင် ဦးခင်မောင်ဆွေအား ဝန်ကြီးတနေရာ လျာထားခြင်းကိစ္စကိုလည်းကောင်း အသိပေးခဲ့သည်။ ယင်းကိစ္စနှင့်ပတ်သက်၍ ဦးခင်မောင်ဆွေကို သက်ဆိုင်ရာမှ ၁၉၉၁ ခုနှစ် ဧပြီလတွင် ဖမ်းဆီးထိန်းသိမ်းခဲ့သည်။ ယင်းနောက် သူသည် ပြစ်မှုဆိုင်ရာ ဥပဒေပုဒ်မ ၁၂၂ (၁) အရ ၁၉၉၁ ပြည့်နှစ် အောက်တိုဘာလ ၂၃ ရက်နေ့တွင် ထောင်ဒဏ် ၁ဝ နှစ် ချမှတ်ခဲ့သည်။ ရွေးကောက်ပွဲ ဥပဒေပုဒ်မ ၁၁ (ည) နှင့် ငြိစွန်းသဖြင့် ပြည်သူ့လွှတ်တော် ကိုယ်စားလှယ်အဖြစ်မှ ပယ်ဖျက်ကြောင်း ရွေးကောက်ပွဲကော်မရှင်မှ ၁၉၉၁ ခုနှစ် ဒီဇင်္ဘာ ၁၈ ရက်နေ့တွင် ကြေညာခဲ့သည်။ နောင်တွင် ပြုလုပ်မည့် ရွေးကောက်ပွဲများ၌ ပါဝင်ယှဉ်ပြိုင်ခွင့်ကိုလည်း ပိတ်ပင်ခဲ့သည်။

၁၉၉၂ ခုနှစ် မေလ ၁ ရက်နေ့တွင် အင်းစိန်အကျဉ်းထောင်မှ ပြန်လွတ်ပြီး ၁၉၉၄ ခုနှစ် သြဂုတ်လ ၅ ရက်နေ့တွင် ဒေါက်တာခင်ဇော်ဝင်းကိစ္စနှင့် ပတ်သက်၍ ဖမ်းဆီးထိန်းသိမ်းခံခဲ့ရပြီး ထောင်ဒဏ် ၇ နှစ် ချမှတ်ခံခဲ့ရသည်။ ထို့နောက် ၂ဝဝ၈ ခုနှစ် ဧပြီလတွင် ပြန်လည်လွတ်မြောက်လာခဲ့သည်။


ဒေါ်စန်မေ (ရွှေကူမေနှင်း)

တိုက်ကြီးမြို့နယ် မဲဆန္ဒနယ် အမှတ် ၂ ၌ အမျိုးသား ဒီမိုကရေစီအဖွဲ့ချုပ်၏ ပြည်သူ့လွှတ်တော် ကိုယ်စားလှယ်အဖြစ် ရွေးချယ်တင်မြှောက်ခံခဲ့ရသည်။

ရွှေကူမြို့ဇာတိ ဖြစ်သည်။ အဖ ဦးစိန်ဖြစ်ပြီး ၁၉၃၉ ခုနှစ် သြဂုတ်လ ၁၅ ရက်နေ့တွင် မွေးဖွားသည်။ ဝိဇ္ဇာဘွဲ့ ရခဲ့သည်။ အလယ်တန်းပြ၊ အထက်တန်းပြ ကျောင်းဆရာမ၊ မြန်မာ့အသံ ဝန်ထမ်း၊ စာရေးဆရာမ စသော ဘဝများကို ဖြတ်သန်းလာခဲ့သည်။

အမျိုးသား ဒီမိုကရေစီအဖွဲ့ချုပ် အမျိုးသမီး ဗဟိုလုပ်ငန်းအဖွဲ့ ခေါင်းဆောင်တာဝန် ယူခဲ့သည်။

ပြစ်မှုဆိုင်ရာဥပဒေ ပုဒ်မ ၁၉၃ (ဒုတိယပိုင်း) အရ ပြစ်ဒဏ်ချမှတ်ခံခဲ့ရ၍ ၁၉၉၁ ခုနှစ် နိုဝင်္ဘာလ ၂၅ ရက်နေ့တွင် လွှတ်တော် ကိုယ်စားလှယ်အဖြစ်မှ ပယ်ဖျက်ခံခဲ့ရသည်။

ရန်ကုန်တိုင်း ကမာရွတ်မြို့နယ် ဝဂ္ဂီရိပ်သာ၊ ဣစ္ဆာရာမလမ်း အမှတ် ၂၈ ၌ နေထိုင်ခဲ့ရာမှ ၂ဝဝ၂ ခုနှစ်တွင် အဆိုပါ ပြည်လမ်းဘေးရှိ ဝဂ္ဂီရပ်ကွက်အား ရန်ကုန်မြို့တော် စည်ပင်သာယာရေး ကော်မတီနှင့် ပုဂ္ဂလိက ကန်ထရိုက်တာများ ပူးပေါင်း၍ အဓမ္မသိမ်းယူရန်အတွက် အမှတ် ၃ စစ်ဒေသမှူး ဗိုလ်မှူးကြီး ရန်နိုင်ဦးက ဧပြီလ ၅ ရက်နေ့ နောက်ဆုံးထား၍ ရွှေ့ပြောင်းခိုင်းသည်ကို မလိုက်နာသဖြင့် ညသန်းခေါင်အချိန် စစ်တပ်နှင့်ဝိုင်း၍ ညတွင်းချင်း နေအိမ်များကို ဖျက်ဆီး၊ ပစ္စည်းများကို စလင်းကွင်းအတွင်း စုပုံထားပြီး နှင်ထုတ်ခံခဲ့ရသဖြင့် ပြောင်းရွှေ့ပေးခဲ့ရသည်။


ဦးစိုးမြင့် (ခ) သခင်စိုးမြင့်

တောင်ဥက္ကလာပမြို့နယ် မဲဆန္ဒနယ် အမှတ် ၁ မှ အမျိုးသား ဒီမိုကရေစီအဖွဲ့ချုပ် ပြည်သူ့လွှတ်တော် ကိုယ်စားလှယ် ဖြစ်သည်။

၁၉၂၃ ခုနှစ် သြဂုတ်လ ၁၆ ရက်နေ့တွင် မွေးဖွားသည်။ အဖ ဦးရှိန်ဖြစ်သည်။ မြောင်းမြမြို့၌ အင်္ဂလိပ်-မြန်မာ ၆ တန်းအထိ ပညာသင်ကြားခဲ့သည်။ မြောင်းမြမြို့နယ် ဒို့ဗမာအစည်းအရုံး အတွင်းရေးမှူး၊ နယ်ချဲ့နှင့် ဖက်ဆစ်တော်လှန်ရေး မြေအောက်ခေါင်းဆောင်၊ ဗမာ့ကာကွယ်ရေးတပ်မတော် - BDA တပ်ရင်းမှူး၊ ပုသိမ်ခရိုင် မြစ်ဝကျွန်းပေါ် တိုင်းစစ်ကော်မတီဝင်၊ ပြည်သူ့အရေးတော်ပုံပါတီ တည်ထောင်ရာ၌ ပါဝင်ခဲ့ပြီး ဆိုရှယ်လစ်ပါတီ၌ မြောင်းမြခရိုင် ဥက္ကဋ္ဌနှင့် ဗဟိုဦးစီးအဖွဲ့ဝင် ဖြစ်ခဲ့သည်။ ဖဆပလ ဗဟိုဦးစီးအဖွဲ့ဝင်၊ ဗတလစ ဗဟိုအလုပ်အမှုဆောင်အဖွဲ့ဝင်၊ ဆိုရှယ်နီ ဗဟိုကော်မတီဝင်၊ ပြည်သူ့လူငယ်အဖွဲ့ချုပ် ဒုတိယဥက္ကဋ္ဌ၊ ၁၉၅၃ ခုနှစ် ဗီယင်နာ ကမ္ဘာ့လူငယ်ညီလာခံ ကိုယ်စားလှယ်ဖြစ်ပြီး လွတ်လပ်ရေးမော်ကွန်းဝင် ပထမအဆင့် ရခဲ့သည်။

အယ်ဒီတာ၊ စာပြု၊ ၁၇ လိုင်း အုပ်ချုပ်ရေးမှူး စသဖြင့် ဘဝများစွာ ကျင်လည်ခဲ့သည်။

အမျိုးသား ဒီမိုကရေစီအဖွဲ့ချုပ်၊ ဗဟိုအလုပ်အမှုဆောင်၊ ဗဟိုလယ်သမားများအဖွဲ့ ခေါင်းဆောင်၊ ရန်ကုန်တိုင်း စည်းရုံးရေးကော်မတီ ဥက္ကဋ္ဌ တာဝန်ယူခဲ့သည်။

အမျိုးသား ဒီမိုကရေစီအဖွဲ့ချုပ်၏ ဂန္ဓီခန်းမ ဆုံးဖြတ်ချက်အတိုင်း နဝတ က လွှတ်တော်ခေါ်ယူခွင့်မပေးလျှင် လုပ်ဆောင်သင့်သည့် နည်းလမ်းသုံးသွယ် စာတမ်းကို ရေးသားပြုစုရာတွင် ပါဝင်ခဲ့သဖြင့် ခေတ္တ ဖမ်းဆီးထိန်းသိမ်းခံခဲ့ရသည်။ ၁၉၉၁ ခုနှစ် မတ်လ ၂၆ ရက်နေ့တွင် ပြန်လည်ဖွဲ့စည်းသည့် ဗဟိုအလုပ်အမှုဆောင် အဖွဲ့၌ အဖွဲ့ဝင်အဖြစ် တိုးမြှင့်တာဝန်ပေးအပ်ခံခဲ့ရသည်။ ၁၉၉၈ ခုနှစ် စက်တင်္ဘာ ၁၆ ရက်နေ့တွင် ဖွဲ့စည်းခဲ့သည့် ပြည်သူ့လွှတ်တော် ကိုယ်စားပြုကော်မတီ၌ အဖွဲ့ဝင်ဖြစ်လာခဲ့သည်။ ၂ဝဝ၃ ခုနှစ် မေလ ၃ဝ ရက်နေ့တွင် ဖြစ်ပွားသော ဒီပဲယင်း သွေးချောင်းစီး လုပ်ကြံမှုကြီးဖြစ်ပွားစဉ် နေအိမ်အကျယ်ချုပ်ဖြင့် ထိန်းသိမ်းခံခဲ့ရာမှ ၂ဝဝ၃ ခုနှစ်၊ နိုဝင်္ဘာ ၂၃ ရက်နေ့တွင် ပြန်လွတ်သည်။

ဇနီးမှာ ဒေါ်အေးကြွယ်ဖြစ်ပြီး သားသမီးများမှာ ဒေါ်ဆွေဆွေမြင့်၊ ဦးမောင်မောင်မြင့်၊ ဒေါ်သစ်သစ်မြင့်၊ ဒေါ်ချိုချိုမြင့်နှင့် ဒေါ်သင်းသင်းမြင့်တို့ ဖြစ်ကြသည်။


ဦးခင်မောင်ထွန်း

မှော်ဘီမြို့နယ် မဲဆန္ဒနယ် အမှတ် ၂ မှ အမျိုးသား ဒီမိုကရေစီအဖွဲ့ချုပ် ပြည်သူ့လွှတ်တော် ကိုယ်စားလှယ်ဖြစ်သည်။

၁၉၂၈ ခုနှစ်၊ ဇန်နဝါရီလ ၅ ရက်နေ့ဖွား ဖြစ်သည်။ အဖ ဦးသာမြတ်ထွန်း၏ သားဖြစ်သည်။

စစ်ကြီးအတွင်း ဗမာ့တပ်မတော်သို့ ရဲဘော်အဖြစ်နှင့် ဝင်ရောက်ခဲ့သည်။ ပဉ္စမအပါတ် ဗိုလ်သင်တန်းတက်၍ ဖက်ဆစ်တော်လှန်ရေး၌ တိုင်း ၇၊ တပ်ရင်း ၁ဝ၃ ဗိုလ်လောင်းရာထူးဖြင့် ပါဝင်ခဲ့သည်။ စစ်ကြီးအပြီး ၁ဝ တန်း အောင်မြင်၍ ရန်ကုန်တက္ကသိုလ်သို့ တက်ရောက်သည်။ ဥပစာသိပ္ပံတန်း အောင်မြင်သည်။ ကျောင်းသား သံမဏိတပ် ဖွဲ့စည်းရေး၌ ဦးဆောင်ပါဝင်ခဲ့ပြီး ဗမာ့တပ်မတော် ဗိုလ်သင်တန်း အပါတ်စဉ် ၃ သို့ တက်ရောက်ခဲ့သည်။ ၁၉၅ဝ ပြည့်နှစ်မှ ၁၉၆ဝ ပြည့်နှစ်အထိ ဆသရ ဒုဗိုလ်၊ အင်္ဂလန်သို့ ဆက်သွယ်ရေးအရာရှိ သင်တန်းတက်ရန် နှစ်ကြိမ် သွားရောက်ခဲ့သည်။ ဆသရ တပ်စုမှူး၊ တပ်ခွဲမှူး (တရုတ်ဖြူ စစ်ဆင်ရေးနှင့် သောင်းကျန်းမှု နှိမ်နင်းရေး)၊ ၁၉၆ဝ ပြည့်နှစ်မှ ၁၉၇ဝ ပြည့်နှစ်အထိ ဆသရ ဒုဗိုလ်မှူးကြီး၊ မန္တလေး တလက၊ ခလက၊ နလကတို့တွင် ဥက္ကဋ္ဌ၊ အဖွဲ့ဝင်၊ တိုင်းမြေယာကော်မတီ ဥက္ကဋ္ဌ၊ ၁၉၇ဝ ပြည့်နှစ်မှ ၁၉၈၁ ခုနှစ်အထိ ဆက်သွယ်ရေး ညွှန်ကြားမှုဌာနနှင့် ဆက်သွယ်ရေးကော်ပိုရေးရှင်း ညွှန်ကြားရေးမှူးချုပ်နှင့် ဦးဆောင်ညွှန်ကြားရေးမှူး၊ မြန်မာ့ဆိုရှယ်လစ်လမ်းစဉ်ပါတီ ကလာပ်စည်းခေါင်းဆောင်၊ အလုပ်သမားအစည်းအရုံး ဗဟိုဦးစီး၊ အပြည်ပြည်ဆိုင်ရာ ကြေးနန်းဆက်သွယ်ရေး ညီလာခံ၊ စာပို့တိုက်သမဂ္ဂ ညီလာခံနှင့် ဂြိုဟ်တုဆက်သွယ်ရေးနှင့် အာရှနိုင်ငံ ဆက်သွယ်ရေးပညာ ညှိနှိုင်းစည်းဝေးပွဲများသို့ အဖွဲ့ခေါင်းဆောင် ဖြစ်သည်။

မော်ကွန်းဝင် ဒုတိယအဆင့်နှင့် နိုင်ငံ့ဂုဏ်ရည် ပထမအဆင့် ရသည်။

မျိုးချစ် ရဲဘော်ဟောင်းများအဖွဲ့နှင့် အမျိုးသား ဒီမိုကရေစီအဖွဲ့ချုပ် ဗဟို၌ တာဝန်ယူခဲ့သည်။


ဦးလွင် (ဗိုလ်မှူးကြီးမောင်လွင် - အငြိမ်းစား)

သုံးခွမြို့နယ် မဲဆန္ဒနယ် အမှတ် ၁ မှ အမျိုးသား ဒီမိုကရေစီအဖွဲ့ချုပ် ပြည်သူ့လွှတ်တော် ကိုယ်စားလှယ် ဖြစ်သည်။

၁၉၂၄ ခုနှစ် အောက်တိုဘာလ ၂၂ ရက်နေ့တွင် အဖ ဦးဘသာနှင့် အမိ ဒေါ်သိန်းတို့မှ မွေးဖွားသည်။ ဒုတိယကမ္ဘာစစ်ကြီး မတိုင်မီ ၁၉၄၂ ခုနှစ် ရန်ကုန်မြို့၌ သူငယ်တန်းမှ ၁ဝ တန်းအထိ ပညာသင်ကြားခဲ့သည်။ ၁၉၄၂ ခုနှစ်မှ ၁၉၄၅ ခုနှစ်အထိ ဗမာ့လွတ်လပ်ရေးတပ်မတော် - BIA၊ ဗမာ့ကာကွယ်ရေးတပ်မတော် - BDA၊ ဗမာ့မျိုးချစ်တပ်မတော် - PBF တို့၌ ပါဝင်ခဲ့သည်။ BDA ပထမအပါတ် ဗိုလ်သင်တန်းဆင်း၊ ဂျပန်ပြည် ဘုရင့်တပ်မတော် စစ်တက္ကသိုလ်ကျောင်းဆင်း ဖြစ်သည်။

၁၉၄၆ ခုနှစ်တွင် ပြန်တမ်းဝင်အရာရှိ ဖြစ်လာပြီး ၁၉၄၆-၅၈ ခုနှစ်တွင် သနက ၅၊ အမှတ် ၇ ခြေလျင်တပ်ပေါင်းစု ဌာနချုပ်၊ ကချင် ၁၊ ခမရ ၁ဝ၄ တို့၌ ဗိုလ်မှူးကြီးအဆင့်အထိ တာဝန်ထမ်းဆောင်ခဲ့သည်။ ၁၉၅၂ မှ ၁၉၅၄ ခုနှစ်အထိ အဆင့်မြင့် စစ်သင်တန်းများကို အင်္ဂလန်ပြည် စစ်တက္ကသိုလ်များ၌ တက်ရောက်ခဲ့သည်။ ၁၉၅၉ ခုနှစ်တွင် ဗိုလ်မှူးကြီးအဆင့်ဖြင့် စစ်သံမှူး (အမေရိကန်ပြည်ထောင်စု)၊ ၁၉၆၃ ခုနှစ်တွင် လပခ ဒုတိယတိုင်းမှူး၊ ၁၉၆၄ ခုနှစ်တွင် ရတခ တိုင်းမှူး၊ ၁၉၆၉ ခုနှစ်တွင် အမျိုးသားစီမံကိန်းဝန်ကြီးဌာန ဒုတိယဝန်ကြီး၊ ၁၉၇၁ တွင် တပ်မတော်မှ ပြန်တမ်းဝင်အရာရှိ အလုပ်ဝတ္တရားများကို ပြန်လည်အပ်နှံခွင့်ပြုခဲ့သည်။ စီမံကိန်းနှင့် ဘဏ္ဍာရေးဝန်ကြီးဌာန ဝန်ကြီး၊ ၁၉၇၄ ခုနှစ်တွင် ဒုတိယဝန်ကြီးချုပ်၊ ၁၉၇၇ ခုနှစ်တွင် တတိယအကြိမ် ပါတီညီလာခံ၌ ဗဟိုအလုပ်အမှုဆောင် ကော်မတီဝင်အဖြစ် ရွေးချယ်မခံတော့ဘဲ ဒုတိယဝန်ကြီးချုပ်နှင့် စီမံကိန်းနှင့် ဘဏ္ဍာရေးဝန်ကြီးဌာန ဝန်ကြီးမှ နိုင်ငံတော်ကောင်စီဝင်၊ ၁၉၈ဝ ပြည့်နှစ်တွင် အနားယူခဲ့သည်။

လွတ်လပ်ရေးမော်ကွန်းဝင် ပထမအဆင့်၊ နိုင်ငံ့ဂုဏ်ရည် ပထမအဆင့်၊ သီရိပျံချီဘွဲ့တို့ ချီးမြှင့်ခံခဲ့ရသည်။

၁၉၈၈ ဒီမိုကရေစီ အရေးတော်ပုံကြီး ပြီးနောက် အမျိုးသားဒီမိုကရေစီအဖွဲ့ချုပ်တွင် ဘဏ္ဍာရေးမှူးအဖြစ် တာဝန်ယူခဲ့သည်။ ဦးတင်ဦး၊ ဦးကြည်မောင်၊ ဒေါ်အောင်ဆန်းစုကြည်တို့ ဖမ်းဆီးထိန်းသိမ်းခံရပြီးနောက် ၁၉၉၁ ခုနှစ်၊ မတ်လ ၂၆ ရက်နေ့တွင် ပြန်လည်ဖွဲ့စည်းခဲ့သည့် အလုပ်အမှုဆောင်အဖွဲ့တွင် အတွင်းရေးမှူးအဖြစ် တာဝန်ယူခဲ့သည်။ ဒေါ်အောင်ဆန်းစုကြည် နေအိမ်အကျယ်ချုပ်မှ ပြန်လည်လွတ်မြောက်လာပြီးနောက် ၁၉၉၅ ခုနှစ် အောက်တိုဘာလ ၉ ရက်နေ့တွင် ပြန်လည်ဖွဲ့စည်းသည့် ဗဟိုအလုပ်အမှုဆောင် ကော်မတီ၌ အတွင်းရေးမှူးအဖြစ် ဆက်လက်တာဝန်ပေးအပ်ခံခဲ့ရသည်။ ၂ဝဝ၃ ခုနှစ် မေလ ၃ဝ ဒီပဲယင်း အရေးအခင်းကြီး ဖြစ်ပွားစဉ် နေအိမ်အကျယ်ချုပ်ဖြင့် ဖမ်းဆီးထိန်းသိမ်းခံခဲ့ရပြီး၊ ၂ဝဝ၄ ခုနှစ် ဧပြီလ ၁၃ ရက်နေ့တွင် ပြန်လည်လွတ်မြောက်လာခဲ့သည်။

ဇနီးသည်မှာ ဒေါ်တင်တင်မလေးဖြစ်ပြီး၊ သမီး ဒေါ်စုစုလွင်၊ သား ဦးကျော်ဆန်းလွင်တို့ ထွန်းကားခဲ့သည်။


ဦးစိန်လှဦး (မောင်နွယ်ဦး)

အင်းစိန်မြို့နယ်၊ မဲဆန္ဒနယ်အမှတ်(၂)တွင် အမျိုးသားဒီမိုကရေစီအဖွဲ့ချုပ်မှ ပြည်သူ့လွှတ်တော်ကိုယ်စားလှယ်အဖြစ် ရွေးချယ်တင်မြှောက်ခြင်းခံခဲ့ရသည်။

၁၉၃၈ ခုနှစ်၊ နိုဝင်္ဘာလ ၁၇ ရက်နေ့ဖွားဖြစ်သည်။ အဖ ဦးဘိုးဘ ဖြစ်သည်။

သတင်းစာသမားတဦးဖြစ်၍ ရန်ကုန်တက္ကသိုလ်နှင့် အမေရိကန်ပြည်ထောင်စုတို့တွင် ပညာသင်ကြားခဲ့ပြီး B.A., D.J.(Jefferson Fellow)ဘွဲ့ ရရှိခဲ့သည်။ ကျောင်းသားဘဝတွင် တက္ကသိုလ်သတင်းထောက်၊ ကျောင်းအပြီးတွင် ဗိုလ်တထောင် သတင်းစာ အယ်ဒီတာ (ပြည်တွင်း၊ ပြည်ပဆောင်းပါး၊ ခေါင်းကြီးများ ရေးသားခဲ့သည်။) ‘မောင်နွယ်ဦး’ ကလောင်အမည်ဖြင့် ရုပ်ရှင်ဝေဖန်ရေးဆောင်းပါးအများအပြား ရေးသားခဲ့သည်။ ကျောင်းသားဘဝက ၁၉၆၂ ခုနှစ်၊ ၇ ဇူလိုင်အရေးအခင်းတွင် ပါဝင်ခဲ့သည်။

၁၉၈၈ ဒီမိုကရေစီအရေးတော်ပုံကြီးတွင် သတင်းစာသပိတ်ကို ခေါင်းဆောင်ခဲ့၍ တာဝန်မှ အငြိမ်းစားပေးခြင်းခံခဲ့ရသည်။

၁၉၉ဝ ခုနှစ်တွင် အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်ကော်မတီဝင် ဦးစိန်လှဦးသည် ဂန္ဓီခန်းမ ကြေညာချက်အတိုင်း နဝတ က လွှတ်တော်ခေါ်ယူခွင့်မပေးလျှင် အမျိုးသားဒီမိုကရေစီအဖွဲ့ချုပ်အနေဖြင့် ဆောင်ရွက်ရမည့် နည်းလမ်းသုံးသွယ်ကို အဖွဲ့များခွဲ၍ ရေးသားပြုစုရာတွင် ပါဝင်ဆွေးနွေးခဲ့သည်။ မန္တလေးမြို့တွင် စင်ပြိုင်အစိုးရဖွဲ့ရေး လျို့ဝှက်ကိစ္စတို့ကိုလည်း သိရှိထားခဲ့၍ ဖမ်းဆီးထိန်းသိမ်းခြင်းခံခဲ့ရသည်။ ယင်းနောက် ဦးစိန်လှဦးသည် ပြစ်မှုဆိုင်ရာဥပဒေပုဒ်မ ၁၂၂(၁)အရ ထောင်ဒဏ် ၁ဝ နှစ် ချမှတ်ခြင်းခံခဲ့ရ၍ ရွေးကောက်ပွဲဥပဒေပုဒ်မ ၁၁(ည)နှင့် ငြိစွန်းသဖြင့် ပြည်သူ့လွှတ်တော်ကိုယ်စားလှယ်အဖြစ်မှ ပယ်ဖျက်လိုက်ကြောင်း ပါတီစုံဒီမိုကရေစီအထွေထွေရွေးကောက်ပွဲ ကျင်းပရေးကော်မရှင်မှ ၁၉၉၁ ခုနှစ်၊ ဒီဇင်္ဘာလ ၂၃ ရက်နေ့တွင် ကြေညာခဲ့သည်။ နောင်ပြုလုပ်မည့် ရွေးကောက်ပွဲများ၌ ပါဝင်ယှဉ်ပြိုင်ခွင့်ကိုလည်း ပိတ်ပင်ခဲ့သည်။ ၁၉၉၁ ခုနှစ်၊ မေလ ၁ ရက်နေ့တွင် နဝတ ကြေညာချက်အမှတ် ၁၁/၉၂ အရ ပြစ်မှုဆိုင်ရာကျင့်ထုံးဥပဒေ ပုဒ်မ ၄ဝ၁(၁)ဖြင့် အင်းစိန်ထောင်မှ ပြန်လွတ်လာခဲ့သည်။ ၁၉၉၄ ခုနှစ်၊ ဇူလိုင်လ ၄ ရက်နေ့၌ စစ်ထောက်လှမ်းရေးမှ ဖမ်းဆီးခဲ့သော ဒေါက်တာခင်ဇော်ဝင်းကိစ္စနှင့်ပတ်သက်၍ ဦးခင်မောင်ဆွေ (စမ်းချောင်း)၊ ဒေါ်စန်းစန်းနွဲ့(သယာဝတီ)တို့နှင့်အတူ ၁၉၉၄ ခုနှစ်၊ သြဂုတ်လ ၅ ရက်နေ့တွင် ထပ်မံဖမ်းဆီးထိန်းသိမ်းခြင်းခံခဲ့ရပြီး ထောင်ဒဏ် ၇ နှစ် ချမှတ်ခံခဲ့ရသည်။ ၂ဝဝ၅ ခုနှစ်၊ ဇူလိုင်လ ၆ ရက်နေ့တွင် မြစ်ကြီးနား အကျဉ်းထောင်မှ ပြန်လည်လွတ်မြောက်လာခဲ့သည်။

ဦးလှဖေ

မော်လမြိုင်ကျွန်းမြို့နယ်၊ မဲဆန္ဒနယ်အမှတ်(၁)မှ အမျိုးသားဒီမိုကရေစီအဖွဲ့ချုပ်၏ ပြည်သူ့လွှတ်တော်ကိုယ်စားလှယ်ဖြစ်သည်။

အဖ ဦးမောင်ဆိုင် (ရုပ်ရှင်ရုံ မန်နေဂျာ)၊ အမိ ဒေါ်အုန်းသင်တို့မှ ၁၉၂၇ ခုနှစ်၊ ဇန်နဝါရီလ ၁၉ ရက်နေ့တွင် မွေးဖွားခဲ့သည်။

မော်လမြိုင်ကျွန်းမြို့ ဦးမောင်ထွေး အထက်တန်းကျောင်းနှင့် မြို့မအထက်တန်းကျောင်းတို့တွင် ၁ဝ တန်းအထိ ပညာသင်ကြားခဲ့သည်။

ကျောင်းသားသမဂ္ဂနှင့် ကျောင်းသားသံမဏိတပ်ဖွဲ့ ဌာနမှူး၊ မြောင်းမြခရိုင် ကျောင်းသားများသမဂ္ဂ အလုပ်အမှုဆောင် ဖြစ်ခဲ့ပြီး ကျောင်းသားသပိတ်နှင့် ဗမာ့လွတ်လပ်ရေးအတွက် အင်္ဂလိပ်နယ်ချဲ့ဆန့်ကျင်ရေးတိုက်ပွဲများတွင် ဒို့ဗမာအစည်းအရုံး၊ ဗမာ့လက်ရုံးတပ်များနှင့် ပူးပေါင်းဆောင်ရွက်ခဲ့သည်။ ၁၉၄၂ ခုနှစ်မှ ၁၉၄၅ ခုနှစ်များအတွင်း မော်လမြိုင်ကျွန်းမြို့ မီးသတ်အစည်းအရုံးတွင် ပါဝင်ခဲ့ရင်း ဖက်ဆစ်ဂျပန်များကို တော်လှန်ရန် မြေအောက်တော်လှန်ရေးအတွက် ပြည်သူ့အရေးတော်ပုံပါတီ အတွင်းရေးမှူးအဖြစ် တာဝန်ထမ်းဆောင်ခဲ့သည်။ ၁၉၅၁ မှ ၁၉၆၁ ခုနှစ်အထိ ပါလီမန်အမတ် (မော်လမြိုင်ကျွန်းမြို့)၊ ပါလီမန်အတွင်းဝန် (ဝါးခယ်မ တောင်ပိုင်း)၊ ၁၉၄၆ မှ ၁၉၅၈ ခုနှစ်အတွင်း မော်လမြိုင်ကျွန်းမြို့နယ် ဗမာပြည်ဆိုရှယ်လစ်ပါတီနှင့် ဗမာနိုင်ငံလုံးဆိုင်ရာ တောင်သူလယ်သမားများအစည်းအရုံး အတွင်းရေးမှူးအဖြစ်လည်းကောင်း၊ မြောင်းမြခရိုင် ဆိုရှယ်လစ်ပါတီနှင့် ဖဆပလ အတွင်းရေးမှူးအဖြစ်လည်းကောင်း၊ လယ်ယာမြေ နိုင်ငံပိုင်ပြုလုပ်ရေး ဝန်ကြီးဌာန ပါလီမန်အတွင်းဝန်အဖြစ်လည်းကောင်း ဆောင်ရွက်ခဲ့သည်။ ၁၉၅၈ ခုနှစ်မှ ၁၉၆၂ ခုနှစ်အတွင်း ဧရာဝတီတိုင်း ဖဆပလ အတွင်းရေးမှူးနှင့် ဗတလစ ဌာနချုပ် တွဲဖက်အထွေထွေအတွင်းရေးမှူး (စည်းရုံးရေး)တာဝန်ယူခဲ့သည်။ ၁၉၅၈ မှ ၁၉၆၇ ခုနှစ်အထိ ပို့ဆောင်ဆက်သွယ်ရေးဝန်ကြီးဌာနတွင် ညှိနှိုင်းရေးအရာရှိအဖြစ်လည်းကောင်း၊ စီမံကိန်းနှင့် လုပ်ငန်းဆောင်ရွက်ရေး ဦးစီးဌာနတွင် တိုင်းဦးစီးမှူးအဖြစ်လည်းကောင်း ဆောင်ရွက်ခဲ့သည်။ ၁၉၈၆ ခုနှစ်တွင် တိုင်းဦးစီးမှူးအဖြစ်မှ အငြိမ်းစားယူခဲ့သည်။

လွတ်လပ်ရေးမော်ကွန်းဝင် ပထမအဆင့်၊ ပြည်ထောင်စုသမ္မတ ရွှေတံဆိပ်ဆု၊ နိုင်ငံ့ဂုဏ်ရည် ဒုတိယအဆင့်တို့ ရရှိခဲ့သည်။

၁၉၈၈ ခုနှစ်၊ ဒီမိုကရေစီအရေးတော်ပုံကြီးတွင် လွတ်လပ်ရေးတိုက်ပွဲ အစဉ်အလာရှိခဲ့ကြသော နိုင်ငံရေးရဲဘော်များနှင့်အတူ ပြည်သူတရပ်လုံး၏ဆန္ဒဖြစ်သည့် ဒီမိုကရေစီအစိုးရ ပေါ်ပေါက်ရေးအတွက် ကြေညာချက်ထုတ်ပြန်ခြင်း၊ ပါတီဂိုဏ်းဂဏ ကင်းရှင်းသော တခုတည်းသော တောင်သူလယ်သမားအဖွဲ့ ပေါ်ပေါက်ရန် ဆွေးနွေးညှိနှိုင်းပြီး (ယာယီ)အခြေခံများ ဖွဲ့ခဲ့သည်။ အမျိုးသားဒီမိုကရေစီအဖွဲ့ချုပ်တွင် ဗဟိုဦးစီးအဖွဲ့ဝင်၊ ဗဟိုတောင်သူလယ်သမားအဖွဲ့ အတွင်းရေးမှူးအဖြစ် ဆောင်ရွက်ခဲ့သည်။ ပဲခူးတိုင်း စည်းရုံးရေးအဖွဲ့ဝင်တာဝန် ပူးတွဲဆောင်ရွက်ခဲ့သည်။ ဧရာဝတီတိုင်း စည်းရုံးရေးအဖွဲ့ဝင် တာဝန်ယူခဲ့သည်။ ၁၉၉၁ ခုနှစ်၊ မတ်လ ၂၆ ရက်နေ့တွင် ပြန်လည်ဖွဲ့စည်းသည့် ဗဟိုအလုပ်အမှုဆောင်အဖွဲ့တွင် အဖွဲ့ဝင်အဖြစ် တိုးမြှင့်တာဝန်ပေးအပ်ခြင်းခံခဲ့ရသည်။ ၁၉၉၈ ခုနှစ်၊ စက်တင်္ဘာ ၁၆ ရက်နေ့တွင် ဖွဲ့စည်းခဲ့သည့် ပြည်သူ့လွှတ်တော် ကိုယ်စားပြုကော်မတီတွင် အဖွဲ့ဝင် ဖြစ်လာခဲ့သည်။ ၂ဝဝ၃ ခုနှစ်၊ မေလ ၃ဝ ရက်နေ့တွင် ဖြစ်ပွားခဲ့သည့် ဒီပဲယင်း အကြမ်းဖက်တိုက်ခိုက်မှုတွင် နေအိမ်အကျယ်ချုပ်ဖြင့် ထိန်းသိမ်းထားခံရရာမှ ၂ဝဝ၃ ခုနှစ်၊ နိုဝင်္ဘာ ၂၃ ရက်နေ့တွင် ပြန်လွတ်လာခဲ့သည်။


ဦးသန်းထွန်း

တောင်သာမြို့နယ်၊ မဲဆန္ဒနယ်အမှတ်(၂)မှ အမျိုးသားဒီမိုကရေစီအဖွဲ့ချုပ် ပြည်သူ့လွှတ်တော်ကိုယ်စားလှယ်ဖြစ်သည်။

၁၉၂၂ ခုနှစ်၊ ဖေဖေါ်ဝါရလ ၁ဝ ရက်နေ့တွင် မွေးဖွားသည်။ အဖ ဦးဖိုးမင်း ဖြစ်သည်။

၁၉၃၇ ခုနှစ်မှ ၁၉၄၁ ခုနှစ်အထိ မြင်းခြံကျောင်းသားသမဂ္ဂ အမှုဆောင်၊ ၁၉၄၂ ခုနှစ်မှ ၁၉၄၆ ခုနှစ်ထိ ဗမာ့လွတ်လပ်ရေးတပ်မတော် (BIA)အုပ်ချုပ်ရေးဝင် ဖက်ဆစ်တော်လှန်ရေး မြင်းခြံခရိုင် တာဝန်ခံ၊ ၁၉၄၆ မှ ၁၉၅၃ ခုနှစ်အထိ မြင်းခြံခရိုင် ဖဆပလ အတွင်းရေးမှူး၊ ၁၉၄၇ မှ ၁၉၅၈ ခုနှစ်အထိ တိုင်းပြုပြည်ပြုလွှတ်တော်အမတ်၊ ပါလီမန်အမတ်၊ ပါလီမန် အတွင်းဝန်၊ ၁၉၅၃ မှ ၁၉၆၂ ခုနှစ်အထိ အလုပ်သမားအစည်းအရုံးများအဖွဲ့ချုပ်-ဗမာနိုင်ငံ (TUCB)အတွင်းရေးမှူး၊ ၁၉၆၄ ခုနှစ်တွင် မြန်မာ့ဆိုရှယ်လစ်လမ်းစဉ်ပါတီဝင်၊ ၁၉၆၄ ခုနှစ်မှ ၁၉၇၅ ခုနှစ်အထိ ကုန်သွယ်ရေး(၄)အဖွဲ့ဝင်။

အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်ကော်မတီဝင်၊ အထက်ဗမာပြည် စည်းရုံးရေးတာဝန်ခံ၊ ဗဟိုအလုပ်သမားအဖွဲ့ခေါင်းဆောင် တာဝန်ယူခဲ့သည်။ ပြည်သူ့လွှတ်တော်ကိုယ်စားပြုကော်မတီ အဖွဲ့ဝင်တဦးဖြစ်သည်။ ၂ဝဝ၃ ခုနှစ်၊ မေလ ၃ဝ ဒီပဲယင်း အကြမ်းဖက်မှုကြီးဖြစ်ပွားစဉ် နေအိမ်အကျယ်ချုပ်ဖြင့် ဖမ်းဆီးထိန်းသိမ်းခြင်းခံရပြီး ၂ဝဝ၃ ခုနှစ်၊ နိုဝင်္ဘာ ၂၃ ရက်နေ့တွင် ပြန်လည်လွတ်မြောက်လာသည်။


ဦးအောင်ရွှေ (အငြိမ်းစား ဗိုလ်မှူးချုပ်)

မရမ်းကုန်းမြို့နယ်၊ မဲဆန္ဒနယ်မြေအမှတ်(၁)မှ အမျိုးသားဒီမိုကရေစီအဖွဲ့ချုပ်၏ ပြည်သူ့လွှတ်တော်ကိုယ်စားလှယ်ဖြစ်သည်။

၁၉၁၈ ခုနှစ်၊ မေလ ၁၉ ရက်နေ့တွင် အဖ ဦးဖိုးကွန်းနှင့် အမိ ဒေါ်သိန်းတို့မှ မွေးဖွားသည်။

၁၉၄ဝ ပြည့်နှစ်တွင် ရန်ကုန်တက္ကသိုလ်မှ B.A. ဘွဲ့ရရှိခဲ့သည်။ ၁၉၄၂ ခုနှစ်မှ ၁၉၄၅ ခုနှစ်အထိ ဗမာ့လွတ်လပ်ရေးတပ်မတော် (BIA)၊ ဗမာ့ကာကွယ်ရေးတပ်မတော် (BDA)နှင့် မျိုးချစ်ဗမာ့တပ်မတော် (PBF)တို့တွင် ပါဝင်ခဲ့၍ လွတ်လပ်ရေးကြိုးပမ်းမှုတွင် ဗြိတိသျှနယ်ချဲ့နှင့် ဖက်ဆစ်ဂျပန်တို့ကို တော်လှန်ခဲ့သည်။ ၁၉၄၅ ခုနှစ်မှစ၍ တပ်မတော်(ကြည်း)တွင် ကိုယ်ပိုင်အမှတ် ၃၅ဝ၅ ဖြင့် ဗိုလ်ကြီးအဆင့်မှစ၍ တာဝန်ထမ်းဆောင်ခဲ့သည်။ ၁၉၄၅ ခုနှစ်မှ ၁၉၄၇ ခုနှစ်အထိ ကကစစ်တွင် ဦးစီးအရာရှိ (တတိယတန်း)၊ တပ်မဟာ(၈)တွင် ဦးစီးဗိုလ်ကြီး (ရေး)၊ တပခ၌ ဦးစီးဗိုလ်ကြီး (ထောက်)၊ ဗိုလ်မှူးအဆင့်ဖြင့် တပခတွင် ဒုလက်ထောက် စစ်ထောက်ချုပ်၊ တပ်မဟာ(၂)၌ လက်ထောက် စစ်ရေးချုပ်/လက်ထောက် စစ်ထောက်ချုပ်၊ ၁၉၅ဝ ပြည့်နှစ်တွင် ဗိုလ်မှူးကြီးအဆင့်ဖြင့် စစ်ထောက်ချုပ်၊ ၁၉၅၁ ခုနှစ်တွင် တပ်မဟာ(၅) တပ်မဟာမှူး၊ ၁၉၅၅ ခုနှစ်တွင် မပထ တိုင်းမှူး၊ ၁၉၅၇ ခုနှစ်တွင် မပခတွင် တိုင်းမှူး ဗိုလ်မှူးချုပ်အဖြစ် တိုးမြှင့်ခြင်းခံရသည်။ ၁၉၅၉ ခုနှစ်၊ ဖေဖေါ်ဝါရီလ ၂၅ ရက်နေ့မှ ၁၉၆၁ ခုနှစ်၊ ဖေဖေါ်ဝါရီလ ၁၅ ရက်နေ့အတွင်း တောင်ပိုင်းတိုင်း စစ်ဌာနချုပ်တွင် တိုင်းမှူးအဖြစ် တာဝန်ထမ်းဆောင်နေစဉ် ‘ရွေးကောက်ပွဲ၌ ဘက်လိုက်ခဲ့ကြောင်း စိစစ်တွေ့ရှိရသဖြင့်’ဟုဆိုကာ ၁၉၆၁ ခုနှစ်၊ ဖေဖေါ်ဝါရီလ ၁၃ ရက်နေ့ ရာထူးခန့်ထားရေးအဖွဲ့အစည်းအဝေးမှ ဗိုလ်မှူးချုပ်အောင်ရွှေအား တပ်မတော်တွင် စစ်မှုထမ်းခြင်းမှ အငြိမ်းစားယူခွင့်ပြုခဲ့သည်။ ၁၉၆၁ ခုနှစ်မှ ၁၉၇၅ ခုနှစ်အထိ မြန်မာနိုင်ငံ၏ သံအမတ်ကြီးအဖြစ် သြစတြေးလျ (နယူးဇီလန်ပါ ပူးတွဲ၍)၊ အီဂျစ်၊ ပြင်သစ် (စပိန်နှင့် ယူနက်စကိုအဖွဲ့တို့ပါ ပူးတွဲ၍)၊ ၁၉၇၅ ခုနှစ်တွင် အငြိမ်းစားယူခဲ့သည်။

၁၉၈ဝ ပြည့်နှစ်၊ ဇွန်လ ၇ ရက်နေ့တွင် နိုင်ငံ့ဂုဏ်ရည်ဘွဲ့ ပထမအဆင့် ချီးမြှင့်ခြင်းခံခဲ့ရသည်။

မျိုးချစ်ရဲဘော်ဟောင်းများအဖွဲ့နှင့် အမျိုးသားဒီမိုကရေစီအဖွဲ့ချုပ်တို့တွင် ဗဟိုဥက္ကဋ္ဌတာဝန်ယူခဲ့သည်။

ဦးအောင်ရွှေသည် အမျိုးသားဒီမိုကရေစီအဖွဲ့ချုပ် ဥက္ကဋ္ဌအဖြစ် လက်မှတ်ရေးထိုးလျက် ဒေါ်အောင်ဆန်းစုကြည်အား အမျိုးသားဒီမိုကရေစီအဖွဲ့ချုပ် အဖွဲ့ဝင်အဖြစ်မှ ထုတ်ပယ်ကြောင်းဖြင့် ရွေးကောက်ပွဲကော်မရှင်သို့ ပေးပို့ခဲ့သည်။ ဒေါ်အောင်ဆန်းစုကြည် နေအိမ်အကျယ်ချုပ်မှ ပြန်လည်လွတ်မြောက်လာပြီးနောက် ပြန်လည်ဖွဲ့စည်းလိုက်သည့် ဗဟိုအလုပ်အမှုဆောင်အဖွဲ့တွင် ဒေါ်အောင်ဆန်းစုကြည်မှာ အထွေထွေအတွင်းရေးမှူး၊ ဦးအောင်ရွှေမှာ ဥက္ကဋ္ဌအဖြစ် ဆက်လက် တာဝန်ထမ်းဆောင်ခဲ့ကြသည်။

၂ဝဝ၃ ခုနှစ်၊ မေလ ၃ဝ ရက် ဒီပဲယင်းအကြမ်းဖက်တိုက်ခိုက်မှုကြီးဖြစ်ပွားစဉ် နေအိမ်အကျယ်ချုပ်ဖြင့် ဖမ်းဆီးထိန်းသိမ်းထားခြင်းခံရပြီး ၂ဝဝ၄ ခုနှစ်၊ ဧပြီလ ၁၃ ရက်နေ့တွင် ပြန်လည်လွတ်မြောက်လာခဲ့သည်။

ဇနီးမှာ ဒေါ်တင်တင်ရွှေဖြစ်ပြီး သားသမီးများမှာ ဦးအောင်သန်းရွှေ၊ ဦးသန်းဖေရွှေ၊ ဒေါ်ယုဇနရွှေ၊ ဒေါ်မဉ္ဇူရွှေ၊ ဦးအောင်မြင့်ရွှေနှင့် ဒေါ်စံပယ်ရွှေတို့ဖြစ်သည်။


သူရဦးတင်ဦး (ဗိုလ်ချုပ်ကြီးဟောင်း)

အဖ ဦးမောင်ကြိုင်နှင့် အမိ ဒေါ်မြတင်တို့မှ ၁၉၂၇ ခုနှစ်၊ မတ်လ ၁၂ ရက် (၁၂၈၈ ခုနှစ်၊ တပေါင်းလဆန်း ၁ဝ ရက်)နေ့တွင် ဧရာဝတီတိုင်း၊ ပုသိမ်မြို့၊ ရေကျော်ကြီးရွာတွင် မွေးဖွားခဲ့သည်။

ပုသိမ်မြို့ ဗဟိုအမျိုးသားအထက်တန်းကျောင်းတွင် ၁ဝ တန်းအောင်သည်အထိ ပညာသင်ကြားခဲ့သည်။ ထိုအတွင်း ဒုတိယကမ္ဘာစစ်ကြီး စတင်ဖြစ်ပွား၍ တောရွာတွင် စစ်ဘေးရှောင်နေစဉ် ဖခင်သေဆုံးသွားသည့်အတွက် ခေတ္တ ကိုရင်ဝတ်ခဲ့သည်။

ပုသိမ်မြို့၊ ဗဟိုအမျိုးသားအထက်တန်းကျောင်းတွင် ပညာသင်ကြားနေစဉ် ၁၉၃၆-၃၈ ခုနှစ်၊ တနိုင်ငံလုံး ကျောင်းသားသပိတ်ဖြစ်ပြီး ကျောင်းမှပြုလုပ်သည့် စီတန်းလှည့်လည် ဆန္ဒပြပွဲများတွင် ပါဝင်လှုပ်ရှားခဲ့သည်။ ကျောင်းမှ ဦးစီးဖွဲ့သည့် ပင်နီလူငယ်တပ်ဖွဲ့တွင် ပါဝင်ခဲ့သည်။

၁၉၄၃ ခုနှစ်နောက်ပိုင်း၊ အသက် ၁၆ နှစ်ပြည့်အပြီးတွင် စစ်ထဲဝင်ရန်အတွက် ရန်ကုန်မြို့သို့ ရောက်ရှိလာပြီး ဗမာ့ကာကွယ်ရေးတပ်မတော် (BDA)စစ်ဝန်ကြီးရုံး၊ ဗဟိုကင်းတပ် (ယခု ပဒုမ္မာကွင်းနေရာ)တွင် တပ်သားအဖြစ် စတင်ဝင်ရောက်ခဲ့သည်။ ဗိုလ်သင်တန်းကျောင်း တက်ရန်အတွက် အရည်အချင်းစစ်စာမေးပွဲနှင့် စစ်ဝန်ကြီးရုံး လူတွေ့စစ်ဆေးမှု ဖြေဆိုပြီးမကြာမီ ဝင်ဆာတန်းလျား (ယခု သမ္မတအိမ်တော်ဝင်းအတွင်း)တွင် ဖွင့်လှစ်ထားသည့် အချက်ပြ လေ့ကျင့်ရေးတပ်ရင်းတွင် သင်တန်းတက်နေစဉ် မင်္ဂလာဒုံ တတိယအပါတ် ဗိုလ်သင်တန်းကျောင်း (Third Batch Officer Training School)သို့ ဗိုလ်လောင်းသင်တန်း တက်ခွင့်ရခဲ့သည်။ ၁၉၄၄ ခုနှစ်၊ နိုဝင်္ဘာလ ၁ဝ ရက်နေ့တွင် တတိယအပါတ် ဗိုလ်သင်တန်းဆင်းအပြီး ဗမာ့ကာကွယ်ရေးတပ်မတော် (BDA)တွင် ပြန်တမ်းဝင်အရာရှိ အလုပ်သင်ဗိုလ် (မီနာရိုက်ရှီခန်း)၊ တလိုင်း သုံးပွင့် အထူးကြယ်ဖြင့် ရာထူးခန့်အပ်ခြင်းခံရသည်။

တပ်မတော် ပြန်လည်ဖွဲ့စည်းပေးမည့်အစီအစဉ်အရ မျိုးချစ်ဗမာ့တပ်မတော် (PBF)ဖျက်သိမ်းသည့်အခါ ဇာတိရွာသို့ ပြန်လာခဲ့သည်။

၁၉၄၆ ခုနှစ်တွင် တက္ကသိုလ် ဆက်တက်ရန်အတွက် ရန်ကုန်မြို့သို့ ပြန်လာခဲ့သည်။ ရန်ကုန်မြို့သို့ရောက်ပြီး မျိုးချစ်ဗမာ့တပ်မတော် ဌာနချုပ်ဖွင့်လှစ်ထားရာ လောင်းဝစ္စလမ်း (ယခု အင်းလျားမြိုင်လမ်း၊ မင်းကွန်း တောရဘုန်းကြီးကျာင်း)တွင် ဗမာ့တပ်မတော်အတွက် ပြန်တမ်းဝင်အရာရှိများ၊ ကန္ဒီစာချုပ်အရ ရွေးချယ်ခန့်ထားနေသည့်သတင်း ကြားရ၍ သွားရောက်စုံစမ်းရာ မူလတာဝန်ထမ်းဆောင်ခဲ့သည့် တော်လှန်ရေးတိုင်း အမှတ်(၄)၊ တပ်ရင်း(၁ဝ၂)စာရင်းတွင် နောင်ပြန်လည်ဖွဲ့စည်းမည့် ဗမာ့တပ်မတော်တွင် တိုက်ရိုက် ပြန်တမ်းဝင်အရာရှိအဖြစ် (သို့မဟုတ်) အင်္ဂလိပ် ဘုရင့်စစ်တက္ကသိုလ်တွင် ဗိုလ်လောင်းအဖြစ် ကျောင်းတက်ရန် ထောက်ခံထားသဖြင့် အရာရှိအဖြစ် ပြန်လည်လျှောက်ထားခဲ့ရာ (ကြည်း ၃၆၅၁) ဒုတိယဗိုလ် (Second Lieutenant)အဖြစ် ခန့်အပ်ခံခဲ့ရသည်။ ထို့နောက် မြင်းခြံမြို့ရှိ ဗြိတိသျှစစ်တပ်မှ စစ်အရာရှိများ သင်ကြားပေးသည့် အခြေခံစစ်ပညာသင်တန်း တက်ရောက်ရသည်။ ထို့နောက် ၁၉၄၆ ခုနှစ်ဆန်းတွင် မေမြို့(ယခု ပြင်ဦးလွင်)တွင် အရာရှိငယ်များသင်တန်းသို့ တက်ရောက်ရသည်။

၁၉၄၇ ခုနှစ်၊ နိုဝင်္ဘာလတွင် စင်္ကာပူရှိ ဗြိတိသျှ အရှေ့ဖျားတပ်များဆိုင်ရာ ဌာနချုပ်မှ ဦးစီးဖွင့်လှစ်သည့် စစ်ဆင်ရေးလေ့ကျင့်မှုသင်တန်းသို့ ၁၉၄၈ ခုနှစ်၊ ဇန်နဝါရီလလယ်အထိ တက်ရောက်ခဲ့ရသည်။

၁၉၅ဝ ခုနှစ်တွင် တရုတ်ပြည်သူ့လွတ်မြောက်ရေးတပ်မတော်၏ ထိုးစစ်ဆင်တိုက်ခိုက်မှုကြောင့် မြန်မာနိုင်ငံသို့ ကျူးကျော်ဝင်ရောက်လာခဲ့သည့် တရုတ်ဖြူ(ကူမင်တန်)တပ်များအား ရွပ်ရွပ်ချွံချွံ တွန်းလှန်တိုက်ခိုက်ခဲ့သည့်အတွက် သူရဘွဲ့ ချီးမြှင့်ခြင်းခံခဲ့ရသည်။

၁၉၆၄ ခုနှစ်၊ ဒီဇင်္ဘာလ ၁၂ ရက်နေ့တွင် တော်လှန်ရေးကောင်စီ ကြေညာချက်အမှတ် (၅၉)ဖြင့် အနောက်တောင်တိုင်း စစ်ဌာနချုပ်တိုင်းမှူး ဗိုလ်မှူးကြီးတင်ဦးအား တော်လှန်ရေးကောင်စီဝင်အဖြစ် ခန့်အပ်ခဲ့သည်။

၁၉၇၂ ခုနှစ်၊ ဧပြီလ ၂ဝ ရက်နေ့တွင် တော်လှန်ရေးကောင်စီ ကြေညာချက်အမှတ် (၁ဝဝ)ဖြင့် ဗိုလ်မှူးချုပ်တင်ဦးအား ကာကွယ်ရေးဝန်ကြီးဌာန ဒုတိယဝန်ကြီးအဖြစ် တာဝန်ပေးအပ်ခဲ့သည်။

၁၉၇၄ ခုနှစ်၊ မတ်လ ၃ ရက်နေ့တွင် ပြည်ထောင်စုဆိုရှယ်လစ်သမ္မတ မြန်မာနိုင်ငံတော်၊ ပြည်သူ့လွှတ်တော် ပထမအကြိမ် အစည်းအဝေးမှ ဗိုလ်မှူးချုပ်တင်ဦးအား ကာကွယ်ရေးဝန်ကြီးဌာန ဝန်ကြီးအဖြစ် တာဝန်ပေးအပ်ခဲ့သည်။

၁၉၇၄ ခုနှစ်၊ ကုလသမဂ္ဂအထွေထွေအတွင်းရေးမှူးချုပ်ဟောင်း ဦးသန့်ဈာပန အရေးအခင်း၊ ၁၉၇၆ ခုနှစ်၊ ဇွန် ၆ အလုပ်သမားအရေးအခင်းများတွင် ပြည်သူလူထု အထိအခိုက်နည်းအောင် ဆောင်ရွက်ခဲ့သဖြင့် ပြည်သူလူထု၏ ကြည်ညိုလေးစားမှု ခံခဲ့ရသည်။

၁၉၇၄ ခုနှစ်၊ မတ်လ ၁ ရက်နေ့မှ ၁၉၇၆ ခုနှစ်၊ မတ်လ ၆ ရက်နေ့အထိ ကာကွယ်ရေးဦးစီးချုပ်နှင့် ကာကွယ်ရေးဝန်ကြီးဌာန ဝန်ကြီးအဖြစ် တာဝန်ထမ်းဆောင်ခဲ့သည်။

၁၉၇၆ ခုနှစ်၊ စက်တင်္ဘာ ၁ဝ ရက်နေ့တွင် အင်းစိန်မြို့ အကျဉ်းထောင်အနီးရှိ အထူးတရားရုံးတွင် ရန်ကုန်တိုင်း တရားသူကြီးအဖွဲ့ဥက္ကဋ္ဌ ဦးအုန်းမောင်၊ အဖွဲ့ဝင်များအဖြစ် ဦးမြတ်တိုး၊ ဦးမောင်မောင်ဝင်းတို့ ပါဝင်သည့် ရန်ကုန်တိုင်း တရားသူကြီးအဖွဲ့သို့ ပြည်သူ့ရဲတပ်ဖွဲ့၊ သတင်းတပ်ဖွဲ့မှူးရုံး၊ ရဲမှူးဦးစိုးမြင့်က နိုင်ငံတော်ခေါင်းဆောင်များအား လုပ်ကြံသတ်ဖြတ်ရန် စီစဉ်ဆောင်ရွက်မှု၊ မြန်မာ့ဆိုရှယ်လစ်လမ်းစဉ်ပါတီအား ဖျက်ရန်ကြံစည်မှုနှင့် အားပေးကူညီမှုတို့ဖြင့် ဗိုလ်ကြီးအုန်းကျော်မြင့်နှင့် ဗိုလ်ကြီးဝင်းသိန်းတို့အား နိုင်ငံတော်ပုန်ကန်မှုဖြင့် တရားစွဲဆိုရာတွင် ‘သိလျက် ထိန်ချန်ခဲ့သည်’ဟုဆိုကာ ထည့်သွင်းတရားစွဲဆိုခြင်းခံခဲ့ရ၍ သက်သေအထောက်အထားမရှိဘဲ ထောင်ဒဏ် ၇ နှစ် အပြစ်ပေးခံခဲ့ရသည်။ ၁၉၈ဝ ပြည့်နှစ်တွင် လွတ်ငြိမ်းချမ်းသာခွင့်ဖြင့် ထောင်မှ ပြန်လွှတ်သည်။

လွတ်ငြိမ်းချမ်းသာခွင့်ဖြင့် ထောင်မှလွတ်လာပြီးနောက် သာသနာ့ဘောင်သို့ ၂ နှစ်ခန့် ဝင်ရောက်ခဲ့သည်။

ထို့နောက် လူထွက်ပြီး ဥပဒေပညာ လေ့လာသင်ယူဆည်းပူးရာ ၁၉၈၄-၈၆ ခုနှစ်များအတွင်း မှတ်ပုံတင်ရှေ့နေ (R.L.)အောင်လက်မှတ် ရခဲ့သည့်အပြင် ဥပဒေပညာဘွဲ့ (LLB)ပါ ရရှိခဲ့သည်။

၁၉၈၈ ခုနှစ်၊ သြဂုတ်လ ၂၇ ရက်နေ့နံနက်ပိုင်းတွင် ရန်ကုန်မြို့၊ ဗိုလ်ချုပ်အောင်ဆန်းလမ်း၊ အထွေထွေရောဂါကုဆေးရုံကြီး၊ အရေးပေါ်ဌာနရှေ့၌ ကျင်းပသော လူထုအစည်းအဝေးကြီးတွင် ဒီမိုကရေစီပြန်လည်ရရှိရေးအတွက် စည်းရုံးဟောပြောခဲ့သည်။

၁၉၈၈ ခုနှစ်၊ သြဂုတ်လ ၈ ရက်နေ့တွင် ဖွဲ့စည်းခဲ့သည့် တပ်မတော် တပ်မှူးဟောင်းများနှင့် ရဲဘော်ဟောင်းများအဖွဲ့တွင် ဒုတိယဥက္ကဋ္ဌအဖြစ် ဆောင်ရွက်ခဲ့သည်။

၁၉၈၈ ခုနှစ်၊ သြဂုတ်လ ၂၉ ရက်၊ နံနက် ၁ဝ နာရီတွင် ဗဟန်းမြို့နယ်၊ ဝင်္ကဘာလမ်း၊ ခြံအမှတ် ၁ဝ နေအိမ်တွင် အဖွဲ့ဝင် ၂၁ ဦးဖြင့် ဖွဲ့စည်းခဲ့သည့် ဒီမိုကရေစီနှင့်ငြိမ်းချမ်းရေးဖွဲ့(ယာယီ) တွင် အထွေထွေအတွင်းရေးမှူးအဖြစ် ပါဝင်ခဲ့ပြီး စက်တင်္ဘာလ ၁ဝ ရက်နေ့တွင် နုတ်ထွက်ခဲ့သည်။

၁၉၈၈ ခုနှစ်၊ စက်တင်္ဘာ ၂၄ ရက်နေ့တွင် ဖွဲ့စည်းခဲ့ပြီး ၂၇ ရက်နေ့တွင် တရားဝင်မှတ်ပုံတင်ခဲ့သည့် အမျိုးသားဒီမိုကရေစီအဖွဲ့ချုပ်တွင် ဒုတိယဥက္ကဋ္ဌဖြစ်လာခဲ့ပြီး ထိုနှစ် ဒီဇင်္ဘာလ ၁ဝ ရက်နေ့တွင် (ဥက္ကဋ္ဌ ဦးအောင်ကြီး နုတ်ထွက်သွားသဖြင့်) ဥက္ကဋ္ဌဖြစ်လာခဲ့သည်။

၁၉၈၉ ခုနှစ်၊ ဇူလိုင်လ ၂ဝ ရက်နေ့တွင် ‘နိုင်ငံတော်အား နှောက်ယှက်ဖျက်ဆီးလိုသူများ၏ ဘေးအန္တရာယ်မှ ကာကွယ်စောင့်ရှောက်သည့်ဥပဒေ’အရ အရေးယူခြင်းခံရပြီး ဒီဇင်္ဘာ ၂၂ ရက်နေ့တွင် အထူးစစ်ခုံရုံးအမှတ်(၅)မှ အလုပ်နှင့်ထောင်ဒဏ် ၃ နှစ် ကျခံစေရန် ပြစ်ဒဏ်ချမှတ်ခဲ့သည်။ ပြစ်ဒဏ်ပြည့်ခါနီးတွင် နောက်ထပ်စစ်ခုံရုံးအတင်ခံရပြီး ယခင်က စွဲဆိုခဲ့သည့် စွဲချက်အတိုင်း နောက်ထပ်ထောင်ဒဏ ၇ နှစ် ချမှတ်ခံခဲ့ရသည်။ ၁၉၉၅ ခုနှစ်၊ မတ်လတွင် ထောင်မှပြန်လွတ်သည်။ ၁၉၉၂ ခုနှစ်၊ ဇန်နဝါရီလ ၂၄ ရက်နေ့တွင် အမျိုးသားဒီမိုကရေစီအဖွဲ့ချုပ် အဖွဲ့ဝင်အဖြစ်မှ ထုတ်ပယ်ခြင်းခံရပြီး ၁၉၉၅ ခုနှစ်၊ အောက်တိုဘာလ ၉ ရက်နေ့တွင် ပြန်လည်ဖွဲ့စည်းခဲ့သည့် အမျိုးသားဒီမိုကရေစီအဖွဲ့ချုပ် ဗဟိုအလုပ်အမှုဆောင်အဖွဲ့တွင် ဒုဥက္ကဋ္ဌအဖြစ် ပြန်လည်ဆောင်ရွက်ခဲ့သည်။

၂ဝဝဝ ပြည့်နှစ်၊ သြဂုတ်လ ၂၄ ရက်နေ့တွင် အမျိုးသားဒီမိုကရေစီအဖွဲ့ချုပ် အထွေထွေအတွင်းရေးမှူး ဒေါ်အောင်ဆန်းစုကြည်၊ ရန်ကုန်တိုင်း စည်းရုံးရေးကော်မတီဥက္ကဋ္ဌ သခင်စိုးမြင့်၊ ရန်ကုန်တိုင်း စည်းရုံးရေးအဖွဲ့ဝင် ဒေါက်တာမျိုးအောင်နှင့် အဖွဲ့ချုပ်လူငယ် ၁၆ ဦး၊ ယာဉ်မောင်း ၂ ဦးတို့နှင့်အတူ ကော့မှူးမြို့နှင့် ကွမ်းခြံကုန်းမြို့များသို့ ပါတီစည်းရုံးရေးလုပ်ငန်းများ လုပ်ဆောင်ရန်အသွား ဒလမြို့အထွက်တွင် အာဏာပိုင်များ၏ တားမြစ်ပိတ်ဆို့ဟန့်တားခြင်းခံရပြီး ၉ ရက်အကြာ စက်တင်္ဘာလ ၁ ရက်နေ့ ညဥ့်နက်သန်းကောင်တွင် အတင်းအဓမ္မ ချုပ်နှောင်ဖမ်းဆီးပြီး နေအိမ်သို့ပြန်ပို့ခံခဲ့ရကာ နေအိမ်အကျယ်ချုပ်ဖြင့် ၂ဝဝဝ ပြည့်နှစ်၊ စက်တင်္ဘာလ ၁၄ ရက်နေ့အထိ နေခဲ့ရသည်။

၂ဝဝဝ ပြည့်နှစ်၊ စက်တင်္ဘာ ၂၂ ရက်နေ့တွင် ဒေါ်အောင်ဆန်းစုကြည်နှင့်အတူ မန္တလေးမြို့သို့ မီးရထားဖြင့် ခရီးသွားရန် ရန်ကုန်ဘူတာကြီးသို့ရောက်ရှိစဉ် အာဏာပိုင်များက ဟန့်တားပြီး ဖမ်းဆီးချုပ်နှောင်၍ ရဲမွန်တပ်စခန်းတွင် အထိန်းသိမ်းခံခဲ့ရသည်။ ထို့နောက် နေအိမ်သို့ပြန်ပို့၍ အကျယ်ချုပ်ချထားပြီး ၂ဝဝ၁ ခုနှစ်၊ သြဂုတ်လ ၂၆ ရက်နေ့ ညနေပိုင်းတွင်မှ ပြန်လည်လွတ်မြောက်ခဲ့သည်။

၂ဝဝ၃ ခုနှစ်၊ မေလ ၃ဝ ရက်နေ့တွင် ကချင်ပြည်နယ် စည်းရုံးရေးခရီးစဉ်အတွင်း ဒီပဲယင်းမြို့အနီး၌ အာဏာပိုင်များက စနစ်တကျပြင်ဆင်တိုက်ခိုက်ခဲ့သည့် သွေးချောင်းစီး လုပ်ကြံသတ်ဖြတ်မှုကြီးမှ အသက်မသေဘဲ ဖမ်းဆီးထိန်းသိမ်းခံခဲ့ရပြီး စစ်ကိုင်းတိုင်း၊ ကလေးထောင်တွင် ဖမ်းဆီးထိန်းသိမ်းထားရာမှ ၂ဝဝ၄ ခုနှစ်၊ ဖေဖေါ်ဝါရီလ ၁၄ ရက်နေ့ ညပိုင်းတွင် ရန်ကုန်မြို့နေအိမ်သို့ ပြန်ပို့ပြီး နေအိမ်အကျယ်ချုပ်ဖြင့် ဆက်လက်ထိန်းသိမ်းခံခဲ့ရသည်။ ၂ဝဝ၅ ခုနှစ်၊ ဖေဖေါ်ဝါရီလ ၁၄ ရက်နေ့တွင် ၁၉၇၅ ခုနှစ်တွင်ပြဋ္ဌာန်း၍ ၁၉၉၁ ခုနှစ်တွင် ပြင်ဆင်ထုတ်ပြန်ခဲ့သည့် ‘နိုင်ငံတော်အား နှောက်ယှက်ဖျက်ဆီးလိုသူများ၏ဘေးအန္တရာယ်မှ ကာကွယ်စောင့်ရှောက်သည့်ဥပဒေ’ပုဒ်မ ၁ဝ(ခ)ဖြင့် ၂ဝဝ၆ ခုနှစ်၊ ဖေဖေါ်ဝါရီလ ၁၃ ရက်နေ့အထိ နေအိမ်အကျယ်ချုပ်သက်တမ်း ၁ နှစ် ထပ်တိုးခဲ့သည်။ ပြစ်ဒဏ်ပြည့်မြောက်သည့် ၂ဝဝ၆ ခုနှစ်၊ ဖေဖေါ်ဝါရီလ ၁၃ ရက်နေ့တွင် တဖန် နေက်ထပ်ပြစ်ဒဏ်သက်တမ်း ၁ နှစ်ထပ်တိုးခြင်းခံခဲ့ရသည်။ ထို့နောက်တဖန် ပြစ်ဒဏ်ပြည့်မြောက်သည့် ၂ဝဝ၇ ခုနှစ်တွင်လည်း ပြစ်ဒဏ်ဆက်လက်တိုးခြင်းခံခဲ့ရကာ ယခုချိန်ထိ နေအိမ်အကျယ်ချုပ်ဖြင့် နေနေရဆဲဖြစ်သည်။

မြန်မာ့လူနေမှုစနစ်က မကယ်နိုင်တော့သည့် လောကကို အရှုံးပေးသွားသူ

နိုင်လင်းအောင်
ဇွန် ၂၅၊ ၂၀၀၉

ရန်ကုန်မြို့ ပန်းဆိုးတန်းလမ်းနှင့် ကုန်သည်လမ်းထောင့်ရှိ စာပေဗိမာန် အဆောက်အဦ အပေါ်ထပ်တွင် မြန်မာနိုင်ငံ စာပေနှင့် စာနယ်ဇင်း အဖွဲ့၏ စည်းဝေးရှိသဖြင့် လိုအပ်သည့် စာပွဲခုံများကို ပြင်ဆင်နေသည်။ လိုအပ်သည့် ပြင်ဆင်မှုများ လုပ်ဆောင်ပြီးသည့်အခါ ရုံးအဖွဲ့မှူး ဖြစ်သူ ဦးမြင့်လွင်သည် သူ့စားပွဲတွင်ထိုင်ပြီး မှတ်စုတခုရေး နေသည်ကို ရုံးမှ အခြားလုပ်ဖေါ်ကိုင်ဘက်များက မြင်တွေ့မိကြသည်။

နံနက် ရုံးလာစဉ်ကလည်း မျက်နှာမကောင်းသဖြင့် လုပ်ဖေါ်ကိုင်ဘက် တဦးက နေမကောင်းခြင်း ဖြစ်လိမ့်မည်ဟု ယူဆမိကြသည်။ သို့ရာတွင် နံနက် ၁၀ နာရီဝန်းကျင်ခန့်တွင် သူထိုင်နေရာ စာပွဲတွင် မမြင်တွေ့ရတော့။

အခြားလူများလည်း မိမိကိစ္စနှင့် မိမိလုပ်နေကြပြီး အမှတ်တမဲ့ ဖြင့်နေရာမှ အတန်ကြာသော် သူလုပ်ဖေါ်ကိုင်ဘက် တဦးက ဦးမြင့်လွင် ဘယ်ရောက်နေလဲဟု လိုက်ရှာရာမှ ၃၇ လမ်းဘက်ကို မျက်နှာပြုသည့် ပြူတင်းပေါက်ပေါ်တွင် ဆောင့်ကြောင့်ထိုင်ပြီး ပြူတင်းပေါက် ဘောင်နှစ်ဖက်ကို လက်ဖြင့်ကိုင်ထားသည့် ဦးမြင့်လွင်ကို တွေ့မြင်လိုက်ရသည်။

မြင်တွေ့လိုက်သည့် ခဏတွင် တစုံတရာ လုပ်မည့်ရည်ရွယ်ချက်လားဟု စိတ်မှာ ထင်မိလိုက်သည်နှင့် ဦးမြင့်လွင် ဘာလုပ်တာလဲ မလုပ်နဲ့လေဟု ဆိုရုံရှိသေးသည့် ခဏတာတွင် ပြူတင်းပေါက်မှ ခုန်ချသွားခဲ့သည်။

ထိုနောက်တွင်မူ သုံးထပ် အမြင့်မှ ကျသည့်ဒဏ်ဖြင့် ဦးမြင့်လွင်မှာ အပြင်ဒဏ်ရာ မပေါ်သော်လည်း ရန်ကုန် ဆေးရုံကြီးသို့ရောက်ပြီး မိနစ်ပိုင်းအတွင်း သေဆုံးသွားခဲ့သည်။ အမြင့်မှ ကျသည်တွင် ဦးခေါင်းပိုင်း ကိုထိခိုက်ပြီး အသက်ဆုံးရှုံးသွား ရခြင်းဖြစ်သည်။

သူ၏ စာရေးစာပွဲတွင် သွားရောက်ကြည့်သည့် အခါ ထိုသို့ သေကြောင်းမကြံမီတွင် ချွတ်ထားခဲ့သည့် ကော်ဂိုင်းတပ် မျက်မှန်၊ ငွေ၅၀၀ တန် ၂ရွက်၊ ဘောပင်၊ သော့တွဲများနှင့် အတူ နောက်ဆုံးမှာတမ်းကို လည်းတွေ့ကြ ရသည်။

မှာတမ်းတွင် အစဉ်အလာရှိခဲ့သည့် စာပေဗိမာန်၏ ပစ္စည်းများကို ထိန်းသိမ်းရာတွင် တာဝန်ကျေပွန်စွာ မထမ်းဆောင်နိုင်ခဲ့သည့် အတွက်မိမိကိုယ်ကို အပြစ်ပေးလိုက်ပါသည် ဆိုသည့် သဘောဆောင်သည့် ၀ါကျ၃၊ ၄ကြောင်း ရေးသားထားခဲ့သည် ကိုတွေ့ရသည်။

ထို အဖြစ်အပျက် မတိုင်မီ ရက်များက ရုံးမှ စာရွက်စာတမ်း အချို့နှင့် စီဒီဓါတ်ပြား တချပ် ရေစိုပျက်စီးခဲ့သည့် အတွက် ဦးမြင်လွင်၏ အထက်အရာရှိလုပ်သူက ဦးမြင့်လွင်ကို ဆူခဲ့ဘူးသည်ဟု လုပ်ဖေါ်ကိုင်ဘက် များကပြောဆိုကြသည်။

ထိုအဖြစ်အပျက်သည် ဦးမြင့်လွင်အတွက် မိမိကိုယ် သေကြောင်းကြံရန် တွန်းအားပေးခဲ့သည့် အချက်တချက်ဖြစ်နိုင်သော်လည်း သူမိသားစုနှင့် ပတ်သက်သည့် စိတ်ညစ်ညူးစရာ၊ စိတ်ပင်ပန်းဆင်းရဲစရာတွေအများအပြား ရှိနေခဲ့သည်ဟု လုပ်ဖေါ်ကိုင်ဘက် များကပြောဆိုသည်။

သားအငယ်ဆုံး ဖြစ်သူက မကြာသေးမီက ကွယ်လွန်သွားခဲ့ပြီး မကျန်မာသည့် ဇနီးဖြစ်သူနှင့် အခြားသမီးတယောက်အတွက်လည်း စိတ်ဖိစီး ပင်ပန်းနေခဲ့သည်ဟု ဆိုကြသည်။

ထိုသို့သော အချက်များက ဦးမြင့်လွင် အတွက် ယခုလို မိမိကိုယ် အဆုံးစီရင်သွားဖို့ တွန်းအားပေးခဲ့ ခြင်းဖြစ်နိုင်သည်ဟု လုပ်ဖေါ်ကိုင်ဘက်များက ကောက်ချက်ချကြသည်။
ယခု အသက်ဆုံးရှုံးသွားခဲ့သည့် ဦးမြင့်လွင် လို အသက် ၆၈ နှစ်ဟူသည့် အရွယ်သည် မြန်မာနိုင်ငံသားတယောက် အနေဖြင့် တော်တော်လေး ကြီးရင့်နေပြီဟု ဆိုနိုင်သည်။

စီးပွားရေးအရ ပြေလည်သူတွေ အတွက်တော့ အသက်၆၀ ကျော်လျင် အနားယူပြီး မိသားစုဖြင့် သက်တောင့်သက်သာ နေနိုင်မည် ဖြစ်သော်လည်း မြန်မာနိုင်ငံမှ လူအများစုမှာမူ ထိုသို့ မနေနိုင်ရှာကြပေ။

စုထားဆောင်းထားသည့် ငွေလုံလုံလောက်လောက် မရှိလျင် သားသမိးများကို မှီခိုရမည် ဖြစ်ပြီး ထိုသို့မဟုတ်ပါက ထမင်းစားဖို့ အသက်ရှင်နေထိုင်ဖို့ အတွက် တတ်နိုင်သည့် အလုပ်ကို လုပ်ကိုင်နေကြရသည်သာ ဖြစ်သည်။

ရန်ကုန်မြို့တွင် အသက် ၆၀ ကျော် ၇၀ အရွယ်ရှိသည့် ဈေးရောင်းနေသူ ဆိုက်ကားနင်းနေသူ အများအပြားကို တွေ့မြင်နိုင်ပါသည်။

ဘုရားတရား ရှာနိုင်သူ အရေအတွက် အချို့ရှိမည်ဖြစ်သော်လည်း၊ မိမိဘ၀ ရပ်တည်ရေးအတွက် သားသမီးများ၏ အိမ်မှုကိစ္စကို ၀ိုင်းကူရင်း မှီခိုနေရသည့် မိဘများ၊ ဦးမြင်လွင်လို အလုပ်လုပ်ကိုင် နေရသူများလည်း အများအပြားရှိနေခဲ့သည်။

မြန်မာနိုင်ငံတွင် အသက်အရွယ် ကြီးရင့်သူများအတွက် အစိုးရ၏ လူမှုဖူလုံရေး စနစ်ဆိုသည်မှာ လုံးဝမရှိသေးပေ။

ဖွံ့ဖြိုးပြီး နိုင်ငံများမှာလို သားသမီးနှင့် ဆွေမျိုးသားချင်းက ကြည့်ရှု မစောင့်ရှောက်နိုင်သည့် သူများအတွက် လူအိုရုံ၊ စောင့်ရှောက်ရေး ဂေဟာလိုမျိုး၊ သူ့အိမ်သူ့ရာမှာပင် အစိုးရနှင့် အန်ဂျီအိုများ၏ လူမှုဖူလုံရေး လုပ်သားများက လိုက်လံ ကြည့်ရုသည့် အစီအစဉ်မျိုးလည်း ဒီမှာ မရှိပေ။

မြန်မာလူမှု အဖွဲ့အစည်းသည် နွေးထွေးသည့် မိသားစု ပုံသဏ္ဍန်ဆောင်သည့် လူမှု အဖွဲ့အစည်း ဖြစ်သည်ဟု ကောင်းသည့် ရှုထောင့်ဘက်မှ ကြည့်လိုက ကြည့်နိုင်သော်လည်း မိဘက သားသမီး မိသားစုများနှင့် အတူတွဲနေရခြင်းများ၊ သားသမီးများကလည်း အိမ်ထောင်ကျပြီးနောက် မိဘအိမ်တွင် မှီခိုနေထိုင်ရခြင်းများသည် စီးပွားရေး အခြေအနေအရ သီးခြား ရပ်တည်ရန်ခက်ခဲသည့် အတွက် ဖြစ်သည်ဟု လူမှုရေး လေ့လာသူများက ကောက်ချက်ချကြသည်။

အကယ်၍သာ မိသားစု တစုချင်းစီ သီးခြားရပ်တည်နိုင်သည့် ၀င်ငွေမျိုးရှိပါက မြန်မာလူမှု အဖွဲ့အစည်းတွင် ယခုကဲ့သို့ စုပေါင်းပြီးနေထိုင်ခြင်းမျိုးရှိမည် မဟုတ်ဟု ကောက်ချက်ချကြသည်။

နွေးထွေးသည့် မြန်မာ့ လူနေမှုစနစ်ကလည်း ယခုလို ခက်ခဲသည့် စီးပွားရေး အခြေအနေ၊ အားကိုးဖွယ်ရာ မရှိသည့် အစိုးရ၏ လူမှုဖူလုံရေး စနစ်တို့အကြားမှာ ဦးမြင့်လွင်ကို ကယ်တင်နိုင်စွမ်း မရှိခဲ့ရှာပေ။

http://moemaka.com/index.php?option=com_content&task=view&id=4349&Itemid=1

ဇွန်လ၂၅ဒိုင်ယာရီ

ဒေါ်စု လုံခြုံရေးအတွက် ဥပဒေအရ စစ်အစိုးရမှာသာ တာဝန်ရှိ
25 June 2009
အကျယ်ချုပ် ကျခံနေရသူတယောက်ရဲ့ လုံခြုံရေးဟာ သူ့ကို အကျယ်ချုပ်နဲ့ ထိန်းသိမ်းထားတဲ့ အာဏာပိုင်တွေမှာပဲ ဥပဒေအရ လုံးဝ တာဝန်ရှိတယ်လို့ ဒေါ်အောင်ဆန်းစုကြည်ရဲ့ ရှေ့နေ အကျိုးဆောင်အဖွဲ့က ပြောဆိုလိုက်ပါတယ်။ နေအိမ်အကျယ်ချုပ် ဖောက်ဖျက်မှုနဲ့ တရားစွဲဆိုပြီး အင်းစိန်အကျဉ်းထောင်မှာ ထိန်းသိမ်းထားတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ဟာ သူမရဲ့ လုံခြုံရေးအတွက် ပူးပေါင်းဆောင်ရွက်ဖို့ အားနည်းခဲ့တယ်လို့ ဒီနေ့ကျင်းပခဲ့တဲ့ စစ်အစိုးရ သတင်းစာရှင်းလင်းပွဲမှာ ရဲချုပ် ဗိုလ်မှူးချုပ်ခင်ရီက ပြောဆိုလိုက်တာနဲ့ ပတ်သက်ပြီး ဒေါ်အောင်ဆန်းစုကြည်ရဲ့ ရှေ့နေ အကျိုးဆောင်အဖွဲ့ဝင် တဦးဖြစ်တဲ့ ဦးဉာဏ်ဝင်းကို ဒေါ်ခင်စိုးဝင်းက ဆက်သွယ်မေးမြန်းရာမှာ ဦးဉာဏ်ဝင်းက အခုလို ရှင်းပြပါတယ်။

“ဒေါ်အောင်ဆန်းစုကြည်က အဲဒီကာလမှာ နိုင်ငံတော်အား နှောင့်ယှက် ဖျက်ဆီးလိုသူများ ဘေးအန္တရာယ်က ကာကွယ်တဲ့ ဥပဒေပုဒ်မ ၁၀(ခ) အရ ထိန်းသိမ်းခံနေရတဲ့ အချိန်။ အဲဒီလို ထိန်းသိမ်းခံနေရတဲ့ အချိန်မှာ လုံခြုံရေးနဲ့ ပတ်သက်ပြီးတော့ အစိုးရမှာသာ လုံးဝ တာဝန်ရှိတယ်။ ဒါ ဥပဒေအရ ပြောတာပါ။

“ဒေါ်အောင်ဆန်းစုကြည် အပေါ်မှာ တားဆီးမိန့် ချမှတ်ခဲ့တဲ့အထဲမှာ အကျုံးဝင်တဲ့ မိမိလုံခြုံရေးနဲ့ ပတ်သက်ပြီးတော့ ရထိုက်တဲ့ လုံခြုံရေးဆိုင်ရာ အခွင့်အရေးတွေ ရုပ်သိမ်းခံထားရပြီ၊ ရုပ်သိမ်းခံထားရတဲ့အတွက် ဒေါ်အောင်ဆန်းစုကြည်ဟာ မိမိလုံခြုံရေးကို ဘာမှ ဆောင်ရွက်နိုင်ခွင့်လည်း မရှိဘူး၊ ဒါဟာ အဲဒီလို ရုပ်သိမ်းတဲ့ အဖွဲ့အစည်းကသာ တာဝန်ရှိတယ်ဆိုတာ ဥပဒေအရ ရှိနေတဲ့အတွက် ဒီနေ့ပြောတဲ့စကားဟာ သိပ်ပြီးတော့ ဥပဒေနဲ့ မကိုက်ညီဘူးလို့ပဲ ကျနော် ယုံကြည်ပါတယ်။”

မစ္စတာယက်ထော ပထမတခေါက် လာတုန်းက ထားသွားခဲ့တဲ့ Book of Mormon ဆိုတဲ့စာအုပ်၊ အဲဒီစာအုပ် အကြောင်းကို ဒေါ်အောင်ဆန်းစုကြည်တို့ဘက်က ပြည့်စုံမှန်ကန်စွာ သတင်းမပို့ဘဲ ထိန်ချန်ထားတဲ့အတွက် လူတယောက် ၀င်လာတယ်ဆိုတဲ့ အချက်ကို ဆက်စပ်အတည်ပြုဖို့ ခက်ခဲတယ်လို့ ပြောထားပါတယ်။ ဒီအချက်နဲ့ ပတ်သက်ပြီးတော့ရော…။

“ကျနော်တို့က တဖက်ကို အပြစ်ပြောချင်တာတော့ မဟုတ်ဘူးဗျ။ ဒါပေမယ့် အဲဒီလို ၀င်လာတဲ့ကိစ္စနဲ့ ပတ်သက်ပြီး လုံခြုံရေးက တာဝန်မရှိဘူးလား၊ ဒေါ်အောင်ဆန်းစုကြည်ဟာ ဒီကိစ္စအတွက် ဘာ့ကြောင့် တာဝန်ရှိရမလဲ၊ အဲဒါလေးကို စဉ်းစားဖို့တော့ လိုမယ်ထင်တယ်ဗျ။”

ရဲချုပ်ခင်ရီ ပြောတဲ့အထဲမှာ အိမ်ထဲကို ဒုတိယအကြိမ် လျှို့ဝှက် ၀င်ရောက်သွားနိုင်တဲ့ အတွက်လည်း စုံစမ်းစစ်ဆေးရေးအဖွဲ့ ဖွဲ့ပြီးတော့ စစ်ဆေးလျက် ရှိပါတယ်တဲ့။ ဒီအဖြစ်အတွက် တာဝန်ပေ့ါလျော့သူတွေကို တွေ့ရှိပါက အရေးယူမှုတွေ ပြုလုပ်သွားမယ်လို့ ပြောပါတယ်။

“အဲတော့ နောက်ဆုံးအကြိမ် ၀င်တာရော၊ ပထမအကြိမ် ၀င်တာရော၊ ပထမအကြိမ်မှာ ဒေါ်အောင်ဆန်းစုကြည်က ဒေါက်တာတင်မျိုးဝင်းကတဆင့် သတင်းပို့ခဲ့တယ်။ ဒုတိယအကြိမ်မှာ ဒေါက်တာတင်မျိုးဝင်းကို ၇ ရက်နေ့ ရောက်လာရင် သတင်းပို့ခိုင်းမယ်၊ သို့သော် ၇ ရက်နေ့မှာ ၀င်ခွင့်မရဘူး။ အဲတော့ အဲဒါနဲ့ပတ်သက်ပြီး ဒေါ်အောင်ဆန်းစုကြည်မှာ တာဝန်ရှိရအောင် အဲဒီ Enquiry Board ကို ဘယ်တုန်းက ဖွဲ့လဲ။

“ဒါ ရဲချုပ်ကို ကျနော် Against လုပ်နေတာ မဟုတ်ဘူး။ တရားရုံးရှေ့မှာကို ကျနော်တို့ မေးထားတယ်။ Enquiry ဘယ်သူနဲ့ ဖွဲ့တာလဲ၊ ဘယ်အဖွဲ့အစည်းက ဖွဲ့တာလဲ၊ အဲဒီ Enquiry ဘာလုပ်သလဲ၊ ဒေါ်အောင်ဆန်းစုကြည်တို့ကို စပြီး သတင်းပို့တဲ့ ပုဂ္ဂိုလ်တွေကို ဘာ့ကြောင့် မစစ်၊ မမေးတာလဲ ဆိုတာနဲ့ပတ်သက်ပြီး ကျနော်တို့ မေးခွန်းတွေ ထုတ်တယ်။ တရားရုံးရှေ့မှာ ဒီမေးခွန်းတွေနဲ့ ပတ်သက်ပြီး အဖြေမပေးနိုင်ကြပါဘူး။”

ပထမအခေါက် မစ္စတာယက်ထော လာတုန်းက ၄ ရက်အကြာကြမှ ဒေါက်တာတင်မျိုးဝင်းက တဆင့် သတင်းပို့တယ်ဆိုတော့ ဒေါ်အောင်ဆန်းစုကြည် အနေနဲ့ အနီးအနားမှာရှိတဲ့ လုံခြုံရေးတွေကိုရော တခါတည်း တိုက်ရိုက် ပြောဆိုလို့ မရဘူးလားဆိုတဲ့ သဘောမျိုး သက်ရောက်နေလို့ပါလား။

“ဟုတ်တယ်၊ သူတို့ ဒီလိုပြောပါတယ်။ လက်တွေ့အားဖြင့် ဒေါ်အောင်ဆန်းစုကြည် နေအိမ်ရဲ့ ခြံဝင်းအတွင်းမှာ လုံခြုံရေး တယောက်မှ မရှိဘူး။ ဒေါ်အောင်ဆန်းစုကြည်ကလည်း ခွင့်မပြုဘူး။ အပြင်မှာ လုံခြုံရေး ဘယ်နှစ်ယောက်ရှိတယ်ဆိုတာ ဒေါ်အောင်ဆန်းစုကြည်တို့လည်း တကြိမ်တခါမှ တွေ့ဘူးခြင်း မရှိဘူး။ အဲဒီအခြေအနေပါ။”

ဒေါ်အောင်ဆန်းစုကြည်ရဲ့ ရှေ့နေ အကျိုးဆောင်အဖွဲ့ဝင် တဦးဖြစ်တဲ့ ဦးဉာဏ်ဝင်း ပြောဆိုသွားတာ ဖြစ်ပါတယ်။



ယက်တောအမှု ဒေါ်စုတွင် တာဝန်ရှိဟု ရဲချုပ်က အပြစ်တင်
မဇ္ဈိမသတင်းဌာန
ကြာသပတေးနေ့၊ ဇွန်လ 25 2009 17:04 - မြန်မာစံတော်ချိန်

ချင်းမိုင် (မဇ္ဈိမ) ။ ။ ဒေါ်အောင်ဆန်းစုကြည်၏ နေအိမ်ခြံဝင်းအတွင်း အမေရိကန်နိုင်ငံသား ဂျွန်ယက်တော ဝင်ရောက်မှုနှင့် ပတ်သက်၍ သူမတွင်သာ တာဝန်ရှိကြောင်း မြန်မာနိုင်ငံ ရဲချုပ်က ယနေ့ ပြောသည်။



ပထမအကြိမ် လာရောက်စဉ်ကတည်းက တာဝန်ရှိသူများကို သတင်းပြည့်စုံစွာ မပို့ခဲ့ဘဲ ထိန်ချန်ထားခဲ့သည်ဟူ၍ ရဲချုပ် ဗိုလ်မှူးချုပ် ခင်ရီက ရန်ကုန်ရှိ မူးယစ်ဆေးဝါး ဆန့်ကျင်ရေးပြတိုက်၌ ယနေ့ မွန်းလွဲ ၂ နာရီက ပြုလုပ်သော သတင်းစာရှင်းလင်းပွဲ၌ ပြောသွားသည်။

ဂျွန်ယက်တော နေအိမ်တွင် ဝင်ရောက်နိုင်ခဲ့ခြင်းသည် ဒေါ်အောင်ဆန်းစုကြည်တွင်သာ တာဝန်ရှိကြောင်း ရဲချုပ် ဗိုလ်မှူးချုပ် ခင်ရီ က သတင်းစာရှင်းလင်းပွဲတွင် ပြောကြား
ဒေါ်အောင်ဆန်းစုကြည်သည် လုံခြုံရေးတပ်ဖွဲ့ဝင်များကို တိုက်ရိုက်သတင်းမပို့ဘဲ ၄ ရက်အကြာ ၂၀၀၈ ခုနှစ် ဒီဇင်ဘာလ ၄ ရက်နေ့ကျမှ သူမအား ကျန်းမာရေး စောင့်ရှောက်မှု ပေးနေသော ဒေါက်တာတင်မျိုးဝင်းကတဆင့် သတင်းပို့ခဲ့သဖြင့် သဲလွန်စရရန် ခက်ခဲပြီး အဖြစ်မှန် မဖော်ထုတ်နိုင်ခဲ့ကြောင်း ရဲချုပ်က ဆိုသည်။

မစ္စတာယက်တောသည် ဉာဏ်ရည်ဉာဏ်သွေး ကောင်းမွန်ပြီး၊ ဝေဖန်သုံးသပ် ဆင်ခြင်နိုင်စွမ်း မြင့်မားသည့် ပုဂ္ဂိုလ်တဦးဖြစ်ကြောင်းနှင့် စိတ်ဝေဒနာရှင် ကျပ်မပြည့်သူတဦးဆိုတာ မဟုတ်မှန်ကြောင်းလည်း ထည့်သွင်းပြောဆိုသွားသည်။

မစ္စတာ ယက်တောသည် အင်လျားကန်အတွင်း ကိုက် ၃၀၀၀ ကျော် အကွာအဝေးကို ဖြတ်ကူးပြီး နိုဘယ်လ် ငြိမ်းချမ်းရေးဆုရှင် ဒေါ်အောင်ဆန်းစုကြည် နေအိမ်အတွင်း ခိုးဝင်ခဲ့သည်ကို အစားအသောက် နေရာထိုင်ခင်းဖြင့် လက်ခံခဲ့မှုဖြင့် စစ်အစိုးရက ဒေါ်အောင်ဆန်းစုကြည်သည် အကျယ်ချုပ်ကာလအတွင်း စည်းကမ်းချိုးဖောက်သည်ဟုဆိုကာ တရားစွဲဆိုထားသည်။ ပြစ်မှုကျူးလွန်ကြောင်း ထင်ရှားပါက ထောင်ဒဏ် ၅ နှစ်အထိ အပြစ်ပေးနိုင်သည်။

ဒေါ်အောင်ဆန်းစုကြည်က သူ့တွင် အပြစ်ကျူးလွန်မှု မရှိကြောင်း တရားရုံးတွင် ကိုယ်တိုင်ထွက်ဆိုထားပြီး၊ အကျယ်ချုပ်ကျနေသည့် သူ့ကို လုံခြုံရေးစောင့်ကြည့်သူများတွင်သာ တာဝန်ရှိသည်ဟု ထွက်ဆိုထားသည်။

မြန်မာစစ်အစိုးရအနေဖြင့် မစ္စတာယက်တော၏ အမှုသည် ကြိုတင်ကြံစည်မှုဖြစ်ပြီး နောက်ကွယ်တွင် အဖွဲ့အစည်းတခုခု ပါဝင်ပတ်သက်နေသည်ဟု သံသယရှိနေကြောင်းကို ရဲချုပ်၏ ပြောစကားများတွင် ပါရှိသည်။ သို့သော် မည်သည့်အဖွဲ့ဖြစ်သည်ကို စုံစမ်းဖော်ထုတ်ဆဲဖြစ်သည်ဟု ရဲချုပ်က ပြောသည်။

အတိုက်အခံများကမူ ၂၀၁၀ ခုနှစ် ရွေးကောက်ပွဲ၌ ဒေါ်စု မပါဝင်စေလိုခြင်းနှင့် ရွေးကောက်ပွဲကာလအတွင်း လွတ်မြောက်နေစေလိုခြင်း မရှိသည့်အတွက် နေအိမ်အကျယ်ချုပ်သက်တမ်း ကုန်တော့မည့်အချိန်တွင် စစ်အစိုးရက စီစဉ်ခဲ့သည့်အမှုဟု စွပ်စွဲထားကြသည်။


အမေရိကန် ဖျက်သင်္ဘော ကနောက်ယောင်ခံ လိုက်နေသည့် ကန်နန် သင်္ဘော နှင့် ပတ်သက်၍ မြန်မာ နိုင်ငံသို့ ဆိုက်ကပ်မည့်သတင်းတစ်စုံတစ်ရာမရှိ ဟု စစ်အစိုးရ ပြော
၂၅ ဇွန် ရန်ကုန်၊ ၊ဟိန်းခိုင်ထွန်း
Burma:No Information On Tracked North Korea Ship

၂၀၀၇ ခုနှစ်မေလ ၂၁ ရက်နေ့ က ယခု လက်နက်များတင်ဆောင်လာသည်ဆိုသည့်  မြောက်ကိုရီးယားသ င်္ဘော သီလ၀ါဆိပ်ကမ်းတွင် ဆိုက်ပ်ထားစဉ်The Kang Nam I cargo ship docks at the port in Yangon, 21 May 2007.
ယနေ့ ည စစ်အစိုးရ အာဘော် မြန်မာ့ရုပ်မြင်သံကြားသတင်းအစီအစဉ် တွင် ယခုရက်ပိုင်းအတွင်း ရန်ကုန် သီလ၀ါ ဆိပ်ကမ်းသို့ လာရောက်၍ အိန္ဒိယ မှ ဆန်များသယ်ဆောင်လာ ရန် ရှိသည့် မြောက်ကိုရီးယားကုန် တင်သင်္ဘော ၀င်ရောက်ရန် ရှိသော်လည်း အမေရိကန် ဖျက်သင်္ဘော U.S. S.John Mccain မှနောက် ယောက်ခံ လိုက်နေ သည့် ကန်နန် ၁ နှင့် ပတ်သက်၍ မြန်မာနိုင်ငံ၏ ဆိပ် ကမ်း များသို့ ဝင်ရောက် ဆိုက်ကပ်ရပ်နား မည့် သတင်းတစ်စုံ တစ်ရာ မရရှိ ကြောင်း ကြေညာသွားခဲ့သည်။

နိုင်ငံ တကာသတင်းဌာန များမှ စစ်လက်နက် ပစ္စည်းများသယ်ဆောင် လာသော မြောက်ကိုရီးယားသင်္ဘော ကန်နန် မှာ မြန်မာ နိုင်ငံသို့ ဦးတည် နေသည် ဟု သတင်းရေးသားကြသော် လည်း မြန်မာဆိပ်ကမ်းသို့  အိန္ဒိယ နိုင်ငံ ကာလကတ္တားမှ ဆန်တန် ချိန် ၈၀၀၀ ကျော် တင်ဆောင် လာသည့် အမ်ဗွီ ဒူမန်ကန် သင်္ဘော သာလျှင် ဇွန်လ ၂၇ ရက် တွင် ဆိုက်ကပ် ရန် အစီအစဉ် ရှိကြောင်း ကြေညာသွားသည်။

ဇွန်လ ၁၇ ရက်နေ့ က မြောက်ကိုရီးယား နိုင်ငံ နမ်ပို ဆိပ်ကမ်းမှ ထွက် ခွာခဲ့သော တန်ချိန် နှစ်ထောင်ကျော်ရှိ ကန်နန် သင်္ဘော မှာ ကြာသပတေး နေ့ မနက် အစောပိုင်းတွင် ဗီယက် နမ်နိုင် နှင့် အနီးဆုံးတောင် တရုတ်ပင်လယ် နိုင်ငံတကာ ရေပိုင်နက် တွင် ရှိနေပြီး အမေရိကန် ဖျက် သင်္ဘော က ထပ်ချပ်မကွာ လိုက်လံ စောင့် ကြမ် လျှက်ရှိသည်။

လက်နက် များသယ်ဆောင် လာသည် ဆိုသော ထို သင်္ဘောအား အမေရိကန် အစိုးရမှ တစ်ဆင့်ပင်တဂွန် စစ်ဌာနချုပ်မှ အမိန့် ရမှ တက်ရောက် ရှာဖွေ နိုင်မည် ဖြစ်သည်။

မြန်မာ စစ်အစိုးရ သည် မြောက်ကိုရီးယား နှင့် သံတမန် ပြန်လည် ဆက်သွယ်ချိန် မှစပြီး အကြီးစား စစ်လက်နက်ပစ္စည်း များ ၀ယ်ယူ မှု ရှိခဲ့သည် ဟု အပတ် စဉ် ထုတ် ဂျိမ်း ကာကွယ်ရေးစာစောင် တွင်ဖေါ်ပြထားသည်။

အိုဘားမား ပုံတူ ရေးဆွဲခဲ့သည့် ပန်းချီပညာရှင် ဒေါ်စု ပုံတူကို ဖန်တီး

အမေရိကန် သမ္မတ ဘာရတ် အိုဘားမား ၏ ပုံတူ ကို ရေးဆွဲ ထားသည့် Hope အမည်ရှိ ပန်းချီကားဖြင့် ကမ္ဘာကျော်ခဲ့သူ အမေရိကန် ပန်းချီဆရာ သည် ယခုအခါ ဒေါ်အောင်ဆန်းစုကြည် ၏ ရုပ်ပုံအား အလားတူ ရေးဆွဲ ဂုဏ်ပြု လိုက်ကြောင်း သိရှိရသည်။

လော့စ်အိန်ဂျယ်လိစ်မြို့မှ ရှားပတ်ဖဲရီး က စစ်အာဏာရှင် အစိုးရအား ဆန့်ကျင် တော်လှန်နေသည့် မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် အား လေးစား ဂုဏ်ပြုသည့် အနေနှင့် ပြယုဂ်တစ်ခု သဖွယ် ဤပန်းချီပုံကို ရေးဆွဲခဲ့ခြင်း ဖြစ်သည်။ ထို ပန်းချီပုံသည် ဒေါ်အောင်ဆန်းစုကြည် ၏ ငြိမ်းချမ်းစွာ ဆန္ဒပြနေသော လှုပ်ရှားမှုများကို ကမ္ဘာ့နိုင်ငံ အသီးသီးက ပိုမို အာရုံစိုက် လာအောင် ဆွဲဆောင်နိုင်လိမ့်မည်ဟု မျှော်လင့်မိကြောင်း ဖဲရီးက ပြောကြားခဲ့သည်။

နိုဘယ်ဆုရှင် ဒေါ်အောင်ဆန်းစုကြည် သည် ပြီးခဲ့သော (၁၉) နှစ်အတွင်း (၁၃) နှစ်တာမျှသော အချိန်ကာလကို နေအိမ် အကျယ်ချုပ်တွင် ဖြတ်သန်း ကုန်လွန် ခဲ့ရရှာသည်။ ယခုလည်း မြန်မာ စစ် အစိုးရက မတရား အကွက်ဆင်မှု တစ်ခုဖြင့် သူမအား အင်းစိန်ထောင်တွင် တရားစွဲဆို မေးမြန်း စစ်ဆေးနေပြီး နောက်ထပ် ထောင်ဒဏ် (၅) နှစ်မျှ ချမှတ်ရန် ပြင်ဆင် နေကြောင်း သိရှိရသည်။

ဖဲရီးက ၎င်းအတွက် ဒေါ်အောင်ဆန်းစုကြည် ၏ ပုံကို ရေးဆွဲခွင့် ရခြင်းသည် အလွန် ဂုဏ်ယူရမည့် အခြေအနေ တစ်ရပ်အဖြစ် မှတ်ယူထားကြောင်း ပြောကြားလိုက်ပြီး၊ နာမည်ကြီး ပန်းချီဆရာ သည် ယခု လောလောဆယ်တွင် AFP သတင်းဌာန နှင့် တရား ရင်ဆိုင်နေရဆဲ ဖြစ်သည်။ အကြောင်းမှာ ၎င်း ရေးဆွဲထားသည့် အိုဘားမား ၏ Hope ပုံတူ ပန်းချီကားသည် AFP မှ ပိုင်ဆိုင်သော ဓာတ်ပုံ တစ်ခုကို အခြေခံကာ ကူးယူရေးဆွဲ ထားခြင်းကြောင့် ဖြစ်ကြောင်း သတင်း ရရှိသည်။


ဆန္ဒပြမှုများတွင် အာဏာပိုင်အဖွဲ့ အစည်းမှ ပုဂ္ဂိုလ်များ ပါဝင်သဖြင့် အီရန် အစိုးရအဖွဲ့ အတွင်းပြိုကွဲစပြုလာ
June 25, 2009 · Leave a Comment
၂၅ ဇွန် တီဟီရန်၊ ၊စီအန်အန်။လော့(စ်)ဂျလိစ် တိုင်း နှင့် အီရန်ဘလောက်သတင်းများ

Women in Iran’s protests: head scarves and rocks




မငြိမ်သက် မှု များ၏ နောက်တွင် တော်လှန်ရေး နှင့် အစိုးရဖြုတ်ချရေးက ကျွဲကူးရေပါ ဆိုသကဲ့သို့ ပါလာမည် ကို မသိပဲ ဘယ်အစိုးရတက်တက် အတူတူပဲ ဟူသော မှတ်ချက်ဖြင့် ကနဦး ဆန္ဒပြပွဲများ ကို ထောက်ခံမှု မပေးခဲ့သည့် အိုဘားမားမှာ ရွေးကောက်ပွဲ မတိုင်ခင်က အီရန် ခေါင်းဆောင် ဆီသို့  ပေးပို့ ခဲ့သည့် ဆက်ဆံရေးတိုးမြှင့် ကြရအောင် ဟူသော စာကြောင့် ပြည်တွင်း ပြည်ပတွင် ဝေဖန်မှု များ နှင့် ကြုံတွေ့ နေ
ဗုဒ္ဓဟူးနေ့ က အီရန် ဆန္ဒပြ သူ တွေ ဟာ ပါလီမန် ရှေ့မှာ စုဝေးခဲ့ပြီးအစိုးရ နှုတ်ထွက်ပေးရေးလွတ်လပ်တဲ့ ရွေးကောက်ပွဲ ကျင်းပပေးရေး စတဲ့ ကြွေးကျော် သံတွေ အော်ဟစ်ပြီး ဆန္ဒပြ တောင်းဆို ခဲ့ပါတယ်။အီရန် စစ်တပ် နဲ့ ရဲ အဖွဲ့ ကလည်း ဒီဆန္ဒပြမှု တွေ ကို မျက်ရည် ယို ဗုံးတွေ ၊နံပါတ် တုတ်တွေသုံးပြီး ဖြိုခွဲ ပေမယ့် အီရန် ကျောင်းသာပြည်သူ တွေ ဟာ ဖြိုခွဲ ခံရ လို့  မိနစ် လေးဆယ် ကြာမြင့်တိုင်းအခြား တစ်နေ ရာ မှာ ပြန်စုနိုင်ခဲ့ လို့ ဆန္ဒပြ မှုတွေ ကို နှိမ် နှင်း ဖို့ အလွန် ခက် နေကြောင်း တီဟီရန်ကလာတဲ့ လော့(စ်) အိန် ဂျလိစ် တိုင်း သတင်းတစ်ပုဒ် မှာ ဖေါ်ပြထားပါတယ်။

အီရန် တော်လှန် ရေးအစောင့်တပ်က လေ့ကျင့်ပေးထားတဲ့ ဘဆဂျစ်(Basisji) လို့ ခေါ်တဲ့ပြည်သူ့ စစ်တွေ နဲ့  ရဲ အစောင့် အဖွဲ့ တွေ ဟာ တီဟီရန်မြို့ ရဲ့ လမ်းတိုင်းမှာ စောင့်ကြပ်နေ ပေမယ့် ဆန္ဒပြသူတွေ ဟာ အီရန် အစိုးရ အဖွဲ့ တွင်းက ရာထူးကြီးမားစွာ ရယူထားတဲ့ သူတွေ ရဲ့ အကူအညီ ကိုရတာကြောင့် သူတို့ တွေဟာ အာဏာရှင် အစိုးရ တစ်ရပ် ကို ဖြုတ်ချဖို့ အဆင်သင့် ဖြစ်နေကြပြီ လို့ ဆိုပါတယ်။

စီအန်အန် သတင်းဌာနက ရထားတဲ့ အီရန် ဆန္ဒပြပွဲ ဓာတ်ပုံ တစ်ပုံမှာ တော့ အီရန် နိုင်ငံရဲ့ အာဏာရှိ အဖွဲ့ အစည်းတစ်ခု ဖြစ်တဲ့ ဥသျှောင်အဖွဲ့ အစည်းက မူလာ လို့ ခေါ်တဲ့ ဘာသာရေး ဆရာတစ်ယောက်ကတောင် ဆန္ဒပြပွဲ တွေ မှာ ဦးဆောင် ပါဝင်ပါတယ်။

တီဟီရန် ပြည်သူ လူထုရဲ့ ဆန္ဒပြပွဲတွေ ကို ထောက်ခံတဲ့ အနေနဲ့  တောင်ကိုရီးယား မှာ ကမ္ဘာ့ ဖလားခြေစစ်ပွဲ အတွက် ကစားနေတဲ့ အီရန်ကစားသမားလေး ဦးဟာ ဆန္ဒပြပွဲ မှာ သေဆုံးခဲ့တဲ့ ပြည်သူတွေ ကို စာနာကြောင်း ပြတဲ့ အနေနဲ့ ပြိုင်ပွဲ ကနေ နှုတ်ထွက် သွားခဲ့ကြပါတယ်။

ယခင်အပတ်က ခြေစစ်ပွဲ တစ်ခုမှာလည်းသူ တို့ ဟာ ပြုပြင်ပြောင်း လဲရေးဝါဒီ မူဆာဗီ ကို ထောက်ခံတဲ့ အနေနဲ့  ပြိုင်ပွဲ ကျင်းပနေစဉ် မှာ အစိမ်းရောင် လက်ပတ်တွေ ကို ချဉ်နှောင်ထားခဲ့ပါတယ်။အီရန် အစိုးရက တော့ ဒီကစားသမားလေးဦးကို ရာသက်ပန် ကစားခွင့်
ပိတ်ပင် ခဲ့ပါတယ်။


ကစားသမားလေးဦး နှုတ်ထွက်ခဲ့သည့် အီရန် ဘောလုံးအသင်း
ဆန္ဒပြပွဲ အတွင်းမှ ဖမ်းဆီးထိန်းသိမ်းခံထားရသူ တွေ အတွက် လည်း နိုင်ငံတကာ လွတ်ငြိမ်းချမ်း
သာရေး အဖွဲ့ ကြီး က စိုးရိမ်မကင်းဖြစ် မိတယ် လို့ သူ တို့ ရဲ့ ကြေငြာချက် ထဲ မှ ထုတ်ပြန် ထားပါ
တယ်။

သီတင်း နှစ်ပတ် နီးပါးကြာမြင့်ပြီ ဖြစ်တဲ့ အစိုးရ ဆန့် ကျင်ရေး ဆန္ဒပြပွဲ တွေ ကြောင့် အီရန် အစိုး
ရ အဖွဲ့ အတွင်း မှာ အကွဲ အပြဲ တွေ ဖြစ်လာခဲ့ပြီး ယခု လက်ရှိ ဥသျှောင် အဖွဲ့ က သမ္မ တဟောင်း
ရပ်(ဖ)ဆန်ဂျာနီ ကတော့ပြည် သူတွေ ဘက်ကသာ သူရပ်တည် မယ်ဆိုတဲ့ အကြောင်း တရား
ဝင် ထုတ်ဖေါ်ပြောကြားခဲ့ပါတယ်။

အီရန် ဘာသာရေးခေါင်းဆောင် အယာ တိုလာ အလီ ခိုမေနီ က တော့ အမေရိကန်က ပဲ ဖိအား
ပေးပေး ပြည်သူတွေက ပဲ ဖိအားပေးပေး အဖ အီရန် နိုင်ငံတော် ကြီး အတွက် သူဟာ ဦးညွတ်မှာ
မဟုတ်ဘူး လို့ ဗုဒ္ဓဟူးနေ့ ကတီဟီရန် ရေဒီယို ကို ပြောပါတယ်။

အီရန် နိုင်ငံရေး ကျွမ်းကျင် သူ အမေရိကန် အထက် လွှတ်တော် အမတ် တစ်ဦးက အီရန် နိုင်ငံ
ဟာ ဆုံးဖြတ်ရမယ့်အချိန် ရောက်နေပြီ ရွေးကောက်ပွဲ ရလာဒ် ကို ပြန်စဉ်းစားပေးလို့ လဲ လက်ရှိ
ဘာသာ ရေးခေါင်းဆောင် တွေ မှာ ဘာ ဆုံးရှုံးစရာ မှ ရှိမှာ မဟုတ် ဘူး လို့ ဆိုပါတယ်။


အီရန် အမျိုးသမီးများက လည်း သူ တို့ ၏ခေါင်းခြုံဝတ်ရုံများကို ဖြုတ်ပြီး ဆန္ဒပြကြပြီ
အီရန် ရဲ အဖွဲ့ တွေ က ဆန္ဒပြသူတွေ ကို တရိစ္ဆာန် လိုရိုက် နှက်ပြီး လူစု ခွဲနေတာတောင် အမျိုး
သမီးတွေ က သူတို့ ရဲ့  တောင်းဆို မှု တွေ ကို အရှိန် လျှော့ချဖို့ အစီအစဉ် မရှိဘူး လို့ ဆိုပါတယ်။

အီရန် ရွေးကောက်ပွဲ မတိုင်ခင်ကာလမှာ သမ္မတ ခိုမေနီ ကို စာတစ်စောင် ပို့ ခဲ့ဖူးပြီး အီရန် နဲ့ အမေရိကန် ဆွေးနွေးကြရအောင် လို့  ရေးသားခဲ့တဲ့ သမ္မတ အိုဘားမား ဟာ လည်း အကြီးအကျယ်ဝေဖန် ခံရမှု တွေ နဲ့ ကြုံတွေ့ ခဲ့ပါတယ်။

NEJ / ၂၅ ဇွန် ၂၀၀၉


မြန်မာနိုင်ငံ ရန်ကုန်မြို့တွင် A/H1 N1 တုပ်ကွေးရောဂါ ဖြစ်ပွားနေသည်ဟူသော သတင်းများ ယမန်နေ့ကစ၍ ပျံ့နှံ့လျက်ရှိကြောင်း ရန်ကုန်မြို့ခံများက ပြောသည်။

A/H1 N1 တုပ်ကွေးရောဂါ သံသယဖြစ်ဖွယ် ဝေဒနာရှင်တဦးကို တွေ့ရှိရပြီးသည့်နောက် သတင်းစတင်ပေါက်ကြား ရာမှ ပြည်သူများကြား ယင်းသို့ သတင်းများ ပျံ့နှံ့နေခြင်းဖြစ်သည်။

အဆိုပါဝေဒနာရှင်သည် ရန်ကုန်ဆေးရုံကြီး၊ ရောဂါထိန်းချုပ်ရေးသီးသန့် လူနာခန်းတွင် ဇွန် (၂၂) ရက်၌ ဆေးကုသမှု ခံယူခဲ့ကြောင်း ဆေးရုံကြီးမှ တာဝန်ကျ ဆရာဝန်တဦးက ပြောသည်။

ရောဂါဖြစ်သည်ဟု သံသယဖြစ်ခံရသူမှာ အိန္ဒိယနိုင်ငံသား အမျိုးသားတဦးဖြစ်ပြီး သိပ္ပံနှင့်နည်းပညာဝန်ကြီးဌာနမှ (၂) နှစ်စာချုပ်ဖြင့် ခေါ်ယူထားသော ပညာရှင်တဦးဖြစ်ကာ မြန်မာနိုင်ငံသို့ မလာရောက်မီ A/H1 N1 တုပ်ကွေးရောဂါ ဖြစ်ပွားလျက်ရှိသော ထိုင်းနိုင်ငံတွင် ရက်ပိုင်းမျှ နေထိုင်ခဲ့သူဖြစ်ကြောင်း ဇွန်(၂၆) ရက်နေ့စွဲဖြင့် ယနေ့
ကြာသပတေးနေ့တွင် ဖြန့်ချိသည့် Bi Weekly Eleven ဂျာနယ်တွင် ဖော်ပြထားသည်။

ရန်ကုန်အခြေစိုက် သတင်းဂျာနယ်တခုမှ အယ်ဒီတာတဦးကမူ “ကျနော်တို့လည်းကြားတာပဲ။ ဆေးရုံကြီးကို ဖုန်းနဲ့မေးတော့ ဆေးရုံတက်တယ်ဆိုတာ ဟုတ်တယ်တဲ့။ ဆေးရုံက ဆင်းသွားပြီလား၊ မဆင်းသေးဘူးလားဆိုတာ မေးတော့ မပြောတတ်ဘူးလို့ ပြောတယ်ဗျ” ဟု ပြောသည်။

ယင်းသတင်းကြောင့် လူအများကြောက်ရွံ့နေကြပြီး အဆိုပါရောဂါဖြစ်ပွားပါက ကူးစက်မှုနှုန်းမြန်သည်ဟူ၍ ရောဂါလက္ခဏာများအကြောင်း ရေးသားဖော်ပြချက်များကြောင့် တဦးနှင့်တဦး သတင်းများလက်ဆင့်ကမ်း ပြောဆိုနေကြကြောင်း ရန်ကုန်မြို့ခံများက ပြောသည်။

ဒဂုံမြို့သစ်မြောက်ပိုင်းနေ အိမ်ရှင်မတဦးက “ကျမတို့နေတာက ဒဂုံဆိုတော့ ဘာမှမသိရဘူး။ ဘာဖြစ်လို့ဖြစ်နေမှန်း ကို မသိတာ။ ဒါကြောင့် ရန်ကုန်မြို့ထဲမှာ ဆေးခန်းဖွင့်ထားတဲ့ အသိအိမ်ကို သွားမေးရတယ်။ ဒါနဲ့ သူတို့က ပြောတယ်။ ရန်ကုန်မှာ ၀က်တုပ်ကွေးဖြစ်ပြီတဲ့လေ။ ကြားကြားချင်းတော့ လန့်သွားတာပဲ။ အမလေး ကျမတို့အိမ်က ၀က်သားဆိုရင် အလွန်ကြိုက်ပဲ” ဟု ပြောသည်။


NEJ / ၂၅ ဇွန် ၂၀၀၉


ကုလသမဂ္ဂအတွင်းရေးမှူးချုပ်၏ မြန်မာနိုင်ငံဆိုင်ရာအထူးကိုယ်စားလှယ် မစ္စတာဂမ်ဘာရီ မြန်မာနိုင်ငံသို့ ထွက်ခွာသွားပြီဖြစ်ကြောင်း ကုလသမဂ္ဂကို ကိုးကား၍ နိုင်ငံတကာ သတင်းမီဒီယာများတွင် ဖော်ပြသည်။

မစ္စတာဂမ်ဘာရီသည် ယမန်နေ့က အမေရိကန်နိုင်ငံ နယူးယောခ့်မြို့မှ မြန်မာနိုင်ငံ သို့ ထွက်ခွာသွားခြင်းဖြစ်ပြီး ၎င်း၏ ခရီးစဉ်သည် ကုလသမဂ္ဂအတွင်းရေးမှူးချုပ် ဘန်ကီမွန်း၏ ခရီးစဉ်မတိုင်မီ အကြိုသွားရောက်ခြင်း ဖြစ်နိုင်သည်ဟုလည်း ကုလသမဂ္ဂသံတမန်များက ထင်မြင်ယူဆနေကြသည်။

မစ္စတာဘန်ကီမွန်းက မြန်မာနိုင်ငံသို့သွားရောက်ရန် သင့်တော်သောအချိန်ကို စောင့်ဆိုင်းနေကြောင်း အေပီသတင်း ဌာနသို့ ပြောကြားခဲ့သည်။ ၎င်းသည် ဇွန်လ (၃၀) မှ ဇူလိုင် (၂) ရက်အထိ ဂျပန်နိုင်ငံသို့ သွားရောက်ရန်အစီအစဉ် ရှိပြီး ထို့နောက် မြန်မာနိုင်ငံသို့ သွားရောက်နိုင်သည်ဟုလည်း သတင်းတွင်ဖော်ပြသည်။

မစ္စတာဂမ်ဘာရီ ယခုမြန်မာနိုင်ငံသို့ လာရောက်မည့် ခရီးစဉ်နှင့်စပ်လျဉ်း၍ အန်အယ်လ်ဒီပါတီပြောခွင့်ရပုဂ္ဂိုလ် ဦးဉာဏ်ဝင်းက “ဒီခရီးစဉ်အပေါ်မှာ ကျနော်တို့ သိပ်ပြီးတော့ အကောင်းမြင်ပြောလို့လည်း မသင့်ဘူးဗျာ။ အဆိုးမြင် ပြောလို့လည်း မသင့်ဘူးဗျာ။ ဒါပေမယ့် ကမ္ဘာ့အဖွဲ့အစည်းအနေနဲ့ မြန်မာ့နိုင်ငံရေးပြဿနာအပေါ်မှာ စိတ်ဝင်စားပြီး လာရောက်တာကိုတော့ ကျနော်တို့ ကြိုဆိုပါတယ်” ဟု ပြောသည်။

မစ္စတာဂမ်ဘာရီသည် ပြီးခဲ့သည့် ဖေဖော်ဝါရီလအတွင်းက မြန်မာနိုင်ငံသို့ နောက်ဆုံးလာရောက်ခဲ့ပြီး ယခုအကြိမ် သည် (၈) ကြိမ်မြောက်လာရောက်ခြင်းဖြစ်သည်။

ထိုစဉ်က မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်အပါအ၀င် အန်အယ်လ်ဒီ ဗဟိုအလုပ်အမှု ဆောင်များနှင့် တွေ့ဆုံနိုင်ခဲ့သည်။ တွေ့ဆုံပွဲတွင် အန်အယ်လ်ဒီက နိုင်ငံရေးအကျဉ်းသားများ လွှတ်ပေးရေး၊ ဖွဲ့စည်းပုံအခြေခံဥပဒေ ပြန်လည်သုံးသပ်ရေး၊ အမျိုးသားပြန်လည်သင့်မြတ်ရေးအတွက် တွေ့ဆုံဆွေးနွေးရေး စသည့် အချက် (၃) ရပ်ကို အဓိကထားတင်ပြခဲ့သည်။

ယင်းသို့ အန်အယ်လ်ဒီဘက်မှ အဓိကထား ဆွေးနွေးခဲ့သော အထက်ပါအချက်များမှာ ယခုအချိန်ထိ တခုမျှ ပေါ်ထွန်းအောင်မြင်လာခြင်း မရှိသေးကြောင်း ဦးဉာဏ်ဝင်းက ပြောသည်။

ပြီးခဲ့သည့် ဖေဖော်ဝါရီခရီးစဉ်တွင် ကုလသမဂ္ဂအတွင်းရေးမှူးချုပ် မစ္စတာဘန်ကီမွန်း လာရောက်နိုင်ရေးအတွက် အကြိုညှိနှိုင်းမှုများ လာရောက်လုပ်ဆောင်ခဲ့ခြင်း ဖြစ်သော်လည်း မစ္စတာဂမ်ဘာရီအနေဖြင့် အောင်မြင်မှုများ မရခဲ့သဖြင့် မစ္စတာဘန်ကီမွန်း မြန်မာနိုင်ငံသို့ သွားရောက်ခဲ့ခြင်းမရှိပေ။


NEJ / ၂၅ ဇွန် ၂၀၀၉


နိုင်ငံတကာက စိတ်ဝင်တစား စောင့်ကြည့်ခြင်းခံရသော Kang Nam မြောက်ကိုရီးသားသင်္ဘောသည် မြန်မာနိုင်ငံသို့ ဆိုက်ကပ်မည့် သတင်းတစုံတရာ မရရှိသေးကြောင်း ယနေ့ထုတ်မြန်မာ့အလင်းသတင်းစာတွင် ဖော်ပြသည်။

ယမန်နေ့ညကလည်း မြန်မာ့ရုပ်မြင်သံကြားမှ သတင်းထုတ်လွှင့်သွားကြောင်း ရန်ကုန်မြို့ခံတဦးက “မနေ့ညက မြန်မာ့ရုပ်မြင်သံကြားသတင်းမှာ လာတယ်လေ။ အဲဒီ Kang Nam သင်္ဘောနဲ့ ပတ်သက်ပြီး သတင်းတစုံတရာ ရရှိမထားဘူးတဲ့။ ကာလကတ္တားကနေ လာမယ့် မြောက်ကိုရီးယားသင်္ဘောပဲ ၀င်စရာရှိတယ်လို့ ပြောသွားတယ်” ဟု ပြောသည်။

နိုင်ငံတကာသတင်းများတွင် စစ်လက်နက် ပစ္စည်းများ သယ်ဆောင်လာသည်ဟု ယူဆရသော မြောက်ကိုရီးယား သင်္ဘော Kang Nam သည် မြန်မာနိုင်ငံသို့ ဦးတည်နေသည်ဟု ဖော်ပြနေကြသော်လည်း မြန်မာဆိပ်ကမ်းသို့ ဆန်တန်ချိန် (၈,၀၀၀) ကျော် လာရောက်တင်ဆောင်မည့် အိန္ဒိယနိုင်ငံ ကာလကတ္တားမှ MV Dumangang သင်္ဘောသာလျှင် ဇွန်လ (၂၇) ရက် ပတ်ဝန်းကျင်တွင် မြန်မာနိုင်ငံသို့ ရောက်ရှိမည်ဖြစ်ကြောင်း စစ်အစိုးရက ယနေ့ထုတ် မြန်မာ့အလင်းသတင်းစာတွင် ဖော်ပြသည်။

ပြည်ပသတင်းဌာနများက ထုတ်လွှင့်လျက်ရှိသည့် Kang Nam ကုန်တင်သင်္ဘောနှင့်ပတ်သက်၍ သက်ဆိုင်ရာမှ သတင်းတစုံတရာရရှိခြင်း မရှိကြောင်း ဆက်လက်ဖော်ပြထားသည်။

ဇွန် (၁၇) တွင် မြောက်ကိုရီးယားဆိပ်ကမ်းမှ ထွက်ခွာခဲ့သည့် အဆိုပါ Kang Nam သင်္ဘောပေါ်တွင် မည်သည့် ပစ္စည်းများ ပါသည်ကို အတိအကျမသိရသေးပေ။

မြောက်ကိုရီးယားမှ Kang Nam ကုန်တင်သင်္ဘောသည် ဒုံးလက်နက်နှင့်ဆက်စပ်ပစ္စည်းများ တင်ဆောင်လာသည်ဟု တောင်ကိုရီးယား ထောက်လှမ်းရေး အပါအ၀င် နိုင်ငံတကာစောင့်ကြည့်လေ့လာသူများက ယူဆထားကြပြီး အမေရိကန် ရေတပ်ဖျက်သင်္ဘော USS John S. McCain က နောက်ယောင်ခံ စောင့်ကြည့်လျက်ရှိသည်။


NEJ / ၂၅ ဇွန် ၂၀၀၉


စစ်ကိုင်းတောင်ခြေရှိ သီလရှင်စာသင်တိုက်တို့မှ စာသင်သား သီလရှင်များသည် ယခုနှစ်တွင် ဆွမ်းဝေယျာဝိစ္စများ ပိုမိုအခက်တွေ့နေကြသည်။

“ဒီနှစ်ကတော့ ဆွမ်းအလှူခံတာ အခြေအနေမကောင်းဘူး။ လူတွေလည်း ငွေကြေးမတတ်နိုင်ကြဘူးလို့ ဆရာကြီး ထင်ပါတယ်ကွယ်။ တခါတလေ ဆွမ်းဆန်ရော၊ အလှူငွေရော မရဘဲ ပြန်လာခဲ့ရတဲ့ သီလရှင်ဆရာလေးတွေတောင် ရှိပါတယ်” ဟု စစ်ကိုင်းတောင်ခြေ ရွှေဟင်္သာအနောက်ဘက်ရှိ သီလရှင် စာသင်တိုက်တခုမှ သီလရှင်ဆရာကြီး ဒေါ်ဟေမာနန္ဒာက ပြောသည်။

သီလရှင်များသည် စစ်ကိုင်းတောင်ခြေနှင့်နီးသော နေရာများတွင်သာမက မန္တလေးမြို့ပေါ်ထိ သွားရောက်၍ ဆွမ်းဆန်နှင့် အလှူငွေ အလှူခံရကြောင်း၊ လိုအပ်သည့်ဆွမ်းဆန်မရရှိသောကြောင့် အဝေးသို့ သွားရောက်အလှူခံရ ခြင်းဖြစ်ကြောင်း သီလရှင်ဆရာကြီးက ပြောသည်။

“သီလရှင်ဆိုတာတော့ ၀ိနည်းအရ ဆွမ်းဆန်အလှူခံရတာပါ။ ဒါပေမယ့် လိုအပ်တဲ့ ဆွမ်းဆန်အခက်အခဲက မန္တလေးထိ တက်ပြီးအလှူခံရတဲ့ဘ၀ ဖြစ်ပါတယ်။ အဲဒီအခါ သီလရှင် စာသင်သားလေးတွေအတွက် လမ်းမှာ ဘယ်လိုများ ဖြစ်မလဲဆိုတာကို တွေးပြီးတော့ ပူပင်နေရတာပေါ့။ ဆရာကြီးတို့ကလည်း သူတို့လေးတွေကို ခုလိုမျိုး ဆွမ်းဆန် အလှူခံဖို့ အဝေးကိုထိ ပေးမသွားစေလိုပါဘူး။ ဒါပေမယ့် ဆွမ်းအခက်အခဲရှိတယ်။ အလှူမခံလို့ မရဘူးလေ” ဟု ၎င်းကဆက်လက်ပြောသည်။

ယင်းသို့ စာသင်သားသီလရှင်များမှာ အဝေးသို့အလှူခံထွက်ရသည့်အတွက် အသက်အန္တရာယ်နှင့် ရင်ဆိုင်ရသည် များလည်းရှိကြောင်း စစ်ကိုင်းတောင်ခြေ၊ ရွှေဟင်္သာအနောက်ဘက်ရှိ သီလရှင် စာသင်တိုက်တခုမှ ဆရာကြီး တဦးက ပြောသည်။

“ပြီးခဲ့တဲ့ နယုန်လဆန်းပိုင်း ဥပုသ်မတိုင်ခင် အကြိုနေ့က ဆရာလေးတပါးကို ကားတိုက်လို့ ဆုံးသွားခဲ့ပါတယ်။ အဖိတ်နေ့ မတိုင်ခင်တရက်မှာ အဲဒီဆရာလေးတို့ သီလရှင် ငါးပါးအဖွဲ့လိုက်က မန္တလေး ဘုရားကြီး (မဟာမြတ်မုနိ ဘုရား) ကို သွားမယ်လို့ ကားစီးဖို့ စောင့်နေတာ။ လမ်းမှာ မောင်းလာတဲ့ကားတစီးက ဘရိတ်ပေါက်တာ အသံက ကျယ်တယ်။ ပြီးတော့ သီလရှင်တွေ ကားရပ်စောင့်နေတဲ့ဘက်ကို ခေါင်းလှည့်သွားတော့ သီလရှင်တွေက လန့်ပြီး ထွက်ပြေးတာ။ သီလရှင်လေးတပါးကို လမ်းပေါ်မှာ မောင်းလာနေတဲ့ကားက ကြိတ်သွားရော၊ ပွဲချင်းပြီး ဆုံးသွား တယ်။ နောက်နှစ်ပါးက ဒဏ်ရာရတယ်။ အဲဒီ သီလရှင်လေးတွေက ရွှေတောင်ဦးသီလရှင်ကျောင်းတိုက်ကလို့ သိရပါတယ်” ဟု ၎င်းက ပြောသည်။

ဆွမ်းဆန်အလှူခံထွက်ရသောကြောင့် ဖြစ်သည့်အတွက် စာသင်တိုက်မှ ဆရာလေးများ အလှူခံထွက်ပါက ပြန်မလာမချင်း စိတ်မအေးနိုင်ကြောင်း အဆိုပါ သီလရှင်ဆရာကြီးက ပြောသည်။

သီလရှင် စာသင်တိုက်တခုစီတွင် အနည်းဆုံး စာသင်သားသီလရှင် အပါး (၁၀၀) ကျော်ခန့်ရှိပြီး စာသင်တိုက်ကြီး များတွင် စာသင်သား သီလရှင် (၅၀၀) ခန့်ထိရှိသည်။

စစ်ကိုင်းတောင်ခြေတွင် သီလရှင် စာသင်တိုက်ပေါင်း (၅၀၀) ကျော်ရှိပြီး ဆွမ်းဆန်အလှူခံ သီလရှင်ပေါင်း (၇,၀၀၀) ကျော်ရှိကြောင်း စစ်ကိုင်းတောင် သာသနာ့နယ်မြေ စာရင်းများအရ သိရသည်။



အောင်ထက် / ၂၅ ဇွန် ၂၀၀၉


ဧရာဝတီတိုင်း ဘိုကလေးမြို့နယ်အတွင်း ဖြန့်ဝေသော မျိုးစပါးများ အပင်မပေါက်သဖြင့် တိရစ္ဆာန်အစာအဖြစ်သာ အသုံးပြုနေရကြောင်း ဒေသခံလယ်သမားများက ပြောသည်။

ဘိုကလေးမြို့နယ် ထော်ပိုင်-ရွှေပြည်အေးဒိုင်နယ်၊ စက်စု- စက်ဆန်း ဒိုင်နယ်များမှ (၁၀) ဧကနှင့်အောက် လုပ်ကိုင်နေသော လယ်သမားများအား တဦးလျှင် မျိုးစပါး (၈) တင်းနှုန်းဖြင့် ဒုက္ခသည်များဆိုင်ရာ မဟာမင်းကြီးရုံး (UNHCR)၊ The UN Refugee Agency ၏ German Agro Action (GAA) အဖွဲ့က ယခုလဆန်းပိုင်းတွင် ဖြန့်ဝေခဲ့သည်။

အဆိုပါ မျိုးစပါးများကို ယခုစိုက်ပျိုးရာသီ၌ ကြဲပက်စိုက်ပျိုးရာ တစေ့မှ အပင်မပေါက်သဖြင့် တိရစ္ဆာန်အစာအဖြစ် သုံးနေကြရသည်။

အဆိုပါစပါးများမှာ သက်ကြီးစပါး ဘေးကြားမျိူးများ ဖြစ်ပြီး မအူပင်မြို့မှ မှာယူခဲ့ခြင်းဖြစ်ကာ ဒေသအရောက် (၁) တင်း (၈,၁၀၀) ကျပ်နှင့် စပါးတင်း (၁၀၀) ကို (၈) သိန်းကျော်တန်ဖိုးရှိကြောင်း UNHCR မှ တာဝန်ရှိသူတဦးက ပြောသည်။

ဒေသခံလယ်သမားတို့ကမူ GAA မှ ဖြန့်ဝေသော စပါးများသည် မျိုးစပါးများ မဟုတ်ဘဲ အစိုဓာတ်ရှိနေသော ကြိတ်ဆန်များသာ ဖြစ်ကြောင်း၊ ကြိတ်ဆန်ဖြစ်သည့်အားလျော်စွာ အဖျင်း၊ အမှော်၊ အလှေ့၊ စပါးခွံများ ထုတ်ပယ်လိုက်ပါက စပါး (၃) တင်းကို ဆန် (၁) တင်းခန့်သာ ထွက်ရှိနိုင်ကြောင်း၊ အစိုဓာတ်ရှိနေသော ယခုစပါးများကြိတ်လျှင် ကျိုးကြေကုန်ကာ ဆန်အသန့်ပင် မထွက်နိုင်ကြောင်း၊ ပေးဝေသော စပါးမျိုးမှာလည်း ဒေသထွက် ဘေးကြားမျိုး မဟုတ်ဘဲ ဘေးကြားနှင့် ခပ်ဆင်ဆင်တူသော စပါးမျိုးသာ ဖြစ်ကြောင်း စက်စု-စက်ဆန်း ဒိုင်နယ်မှ လယ်သမားများက ပြောသည်။

“မနှစ်က စိုက်ပျိုးရာသီမှာ နာဂစ်မုန်တိုင်းဒဏ်ကြောင့် ရေငန်ထိုးထားတဲ့ လယ်မြေတွေဟာ (၄-၅) ကြိမ်လောက် မျိုးစပါးကြဲပက်ခဲ့ရကာ စပါးအထွက်နှုန်းလည်း အလွန်ကျဆင်းခဲ့ရတယ်။ နာဂစ်မတိုင်မီက (၁) ဧက တင်း (၄၀-၅၀) ထွက်ရှိတဲ့ လယ်မြေတွေဟာ နာဂစ်အလွန်မှာ ဧက (၂၀) ကို တင်း (၂၀၀-၂၅၀) လောက်သာထွက်လို့ မျိုးစပါး မစုဆောင်းနိုင်ခဲ့ဘူး” ဟု စက်စု-စက်ဆန်းဒိုင်နယ်မှ လယ်သမားတဦးက ပြောသည်။

(၁) ဧက (၁၀) တင်းခန့်သာ ထွက်ရှိသော အဆိုပါ အခြေအနေတွင် ဒေသခံတို့အနေဖြင့် သီးသန့်မျိုးစပါး မစုဆောင်းနိုင်ဘဲ ၀မ်းစာပင် လုံလောက်စွာ မထားရှိနိုင်ကြောင်း သိရသည်။

မိုးစပါးတခုတည်းကို အားထားနေရသော အဆိုပါဒေသများ၌ ၀ါဆိုလဆန်းနှင့် လပြည့်အမီ ပျိုးကြဲ၊ ကောက်စိုက် မှသာ စိုက်ပျိုးချိန်မီမည်ဖြစ်ပြီး ရာသီကျော်လွန်ပါက စပါးအထွက် မကောင်းနိုင်ကြောင်းလည်း ဒေသခံလယ်သမားများက ပြောသည်။

နာဂစ်ကာလက အဖွဲ့အစည်းအသီးသီး၏ မျိုးစပါးပေးဝေမှု အကြိမ်များပြားမှုကြောင့် (၄-၅) ကြိမ်မက ကြဲပက်စိုက်ပျိုး နိုင်ခဲ့သော်လည်း မျိုးစပါးပေးဝေမှု မရှိသလောက် နည်းပါးနေသော ယခုနှစ် အခြေအနေတွင် ထပ်မံ၍ မျိုးဝယ်ကြဲပက်ရန် လယ်သမားများ အခက်အခဲဖြစ်နေကြသည်။

ကွင်းစခန်းကျေးရွာ လယ်သမားတဦးကမူ “ကျနော်တို့ရွာလည်း GAA ကဝေတဲ့ မျိုးစပါးတွေ ကြဲကြည့်တာ တပင်မှ မပေါက်ဘူး။ ဒါနဲ့ စိုက်ချိန်တွေ လွန်ကုန်မှာစိုးလို့ အပြင်ကပဲ ၀ယ်ကြဲလိုက်ရတယ်။ မထူးပါဘူး။ ကျနော်တို့ဆီ ရောက်လာတဲ့ အသင်းအဖွဲ့ မှန်သမျှ အလိမ်ကြီးနဲ့ အလိမ်လေးတွေချည်းပဲ” ဟု ဆိုသည်။

ဘိုကလေးမြို့ UNHCR (ဌာနကိုယ်စားလှယ်) တို့၏ နာဂစ်ဒုက္ခသည်များ ထောက်ပံ့ရေး အစီအစဉ်များသည် ဒေသခံလယ်သမားတို့၏ ခိုင်မာသော ဘ၀ထူထောင်ရေး၊ လက်ရှိကြုံတွေ့နေရသော လူမှုဒုက္ခအပေါင်းကို ဖြေရှင်းပေရန် လုံလောက်သော အနေအထားမရှိဟု ဒေသခံများက သုံးသပ်သည်။


မြောက်ကိုရီးယားသင်္ဘော ဆန်လာတင်ခြင်းသာဖြစ်ဟု စစ်အစိုးရပြော
နန်းဒေဝီ
ကြာသပတေးနေ့၊ ဇွန်လ 25 2009 19:24 - မြန်မာစံတော်ချိန်


နယူးဒေလီ (မဇ္စျိမ)။ ။ မြန်မာနိုင်ငံသို့ ဦးတည် ခုတ်မောင်းလာဖွယ် ရှိသည်ဆိုသော မြောက်ကိုရီးယား ကန်နမ်သင်္ဘောနှင့် ပတ်သက်၍ မသိရှိဘဲ အခြားသော မြောက်ကိုရီးယား သင်္ဘောတစီးသာလျှင် ဆန်လာတင်မှာ ဖြစ်သည်ဟု စစ်အစိုးရက ပြောဆိုလိုက်သည်။

တန်ချိန် ၂၀၀၀ ရှိ ကန်နမ် - Kang Nam အမည်ရ သင်္ဘောသည် လက်နက် တင်ဆောင်ပြီး မြန်မာနိုင်ငံသို့ ဦးတည်ဖွယ်ရှိကြောင်းနှင့် အမေရိကန် ရေတပ်သင်္ဘောက နောက်ယောင်ခံလိုက်နေကြောင်း နိုင်ငံတကာ သတင်းဌာနများက ဖော်ပြနေချိန်၌ ယခုလို တုံ့ပြန်လိုက်ခြင်း ဖြစ်သည်။

ကန်နမ် ကုန်တင်သင်္ဘောနှင့် ပတ်သက်၍ သက်ဆိုင်ရာမှ သတင်းတစုံတရာ မရရှိကြောင်းနှင့် ယခုလ ၂၇ ရက်နေ့ခန့်တွင် ရောက်လာမည့် မြောက်ကိုရီးယား နိုင်ငံပိုင် MV Dumangang ကုန်တင်သင်္ဘောသည် မြန်မာနိုင်ငံ၌ ဆန်တန်ချိန် ၈၀၀၀ ခန့် သယ်ဆောင်ရန်အတွက် အိန္ဒိယနိုင်ငံ ကလကတ္တားမြို့မှ မြန်မာနိုင်ငံသို့ ရောက်ရှိလာမည် ဖြစ်ကြောင်း ပါရှိသည်။

အေပီသတင်း တပုဒ်တွင် ကန်နမ်သည် ယခုလ ၂၃ ရက်နေ့တွင် ထိုင်ဝမ် ရေလက်ကြား၏ မြောက်ဘက် ကီလိုမီတာ ၁၆၀ အကွာတွင် ရောက်နေကြောင်း အမေရိကန်စစ်ဌာနချုပ် ပင်တဂွန်မှ အရာရှိများ ပြောဆိုချက်ကို ကိုးကား ဖော်ပြခဲ့သည်။ အမေရိကန် ရေတပ်ဖျက်သင်္ဘော အက်စ် ဂျွန်မက်ကိန်းက ကန်နမ် နောက်သို့ တောက်လျှောက် နောက်ယောင်ခံ လိုက်နေခဲ့သည်ဟု ဖော်ပြထားသည်။

ကန်နမ် သည် ရန်ကုန်မြို့ရှိ သီလဝါ ဆိပ်ကမ်းတွင် ၂၀၀၇ ခုနှစ် ဧပြီလအတွင်းကလည်း တကြိမ် ဆိုက်ကပ်ခဲ့ဘူးသည်။ ရာသီဥတု မကောင်းသဖြင့် ဆိုက်ကပ်ခွင့် ပြုခဲ့ခြင်းဖြစ်ကြောင်း မြန်မာစစ်အစိုးရက ပြောခဲ့သည်။

၁၉၈၃ ခု တောင်ကိုရီးယားသမ္မတ ချန်ဒူးဝမ်နှင့် ကိုယ်စားလှယ်အဖွဲ့ မြန်မာနိုင်ငံ ရောက်ရှိခဲ့စဉ် မြောက်ကိုရီးယားတို့က ဗုံးခွဲတိုက်ခိုက်မှုကြောင့် တောင်ကိုရီးယား ဒုတိယ သမ္မတ အပါအဝင် ဝန်ကြီး ၄ ဦး သေဆုံးခဲ့ပြီး၊ နှစ်နိုင်ငံကြား သံတမန်အဆက်အဆံများ ရပ်တန့်သွားခဲ့သည်။

သို့သော် ၂၀၀၇ ခုနှစ် ဧပြီအတွင်းက သံတမန် အဆက်အသွယ် ပြန်လည် ထူထောင်ခဲ့ကြသည်။

၂၀၀၈ ခု နိုဝင်ဘာလတွင် မြန်မာစစ်ခေါင်းဆောင် တတိယအကြီးအကဲ ဗိုလ်ချုပ်ကြီး သူရရွှေမန်းသည် မြောက်ကိုးရီးယားသို့ တိတ်တဆိတ် သွားရောက် လည်ပတ်ခဲ့သည်။

မြောက်ကိုရီးယား သဘောင်္သတင်း ဖော်ပြခွင့် ပိတ်ပင်
မေကျော်
ကြာသပတေးနေ့၊ ဇွန်လ 25 2009 18:53 - မြန်မာစံတော်ချိန်


ချင်းမိုင် (မဇ္ဈိမ)။ ။ မြန်မာနိုင်ငံသို့ ဦးတည် လာနေသည်ဟု ဆိုသော မြောက်ကိုရီးယား သဘောင်္ ကန်နမ်နှင့် ပတ်သက်ပြီး ပြည်တွင်း ဂျာနယ်များတွင် သတင်းဖော်ပြခွင့်ကို စစ်အစိုးရက ပိတ်ပင်ထားသည်။

အပတ်စဉ် ကြာသပတေးနေ့ထုတ် ပြည်မြန်မာ သတင်းဂျာနယ်က နိုင်ငံတကာ သတင်းအနေဖြင့် အေပီ သတင်းဌာနကို ကိုးကား ရေးသားထားသော သတင်းပါလာပြီးနောက် အခြား သတင်းဂျာနယ်များတွင် ဖော်ပြခွင့် ပိတ်ပင်ခံရသည်။

“ဒီနေ့ သတင်းစာထဲမှာ ဖော်ပြထားတဲ့ အတိုင်းတော့ ခွင့်ပြုမယ်ထင်တယ်။ တင်တော့ တင်ကြည့်မယ်။ နိုင်ငံတကာ သတင်းတော့ တင်ကြတယ် မရဘူး။ ပြည်မြန်မာကိုတော့ စာပေစိစစ်ရေးက မှားပြီး ဖော်ပြခွင့် ပေးလိုက်တာလို့ ပြောတယ်” ဟု ပြည်တွင်း သတင်းဂျာနယ် သတင်းထောက် တဦးက မဇ္ဈိမကို ပြောသည်။

လက်နက်များကို တင်ဆောင် ထားဖွယ်ရှိသော မြောက်ကိုရီးယား သဘောင်္ကို ဟန့်တားရန်အတွက် အမေရိကန် ရေတပ်သင်္ဘော တစင်းကို ယခုလ ၁၉ ရက်နေ့က စေလွှတ်လိုက်ကြောင်းဟု အေပီသတင်းကို ဘာသာပြန်၍ ယခုလ ၂၅ ရက်နေ့ထုတ် ပြည်မြန်မာ သတင်းဂျာနယ်တွင် ဖော်ပြခဲ့သည်။

တန်ချိန် ၂၀၀၀ ရှိ ကန်နမ် အမည်ရ သင်္ဘောသည် လက်နက်များ တင်ဆောင်ပြီး မြောက်ကိုရီးယား မြို့တော် ပြုံယမ်းအနီး မင်ပိုဆိပ်ကမ်းမှ ယခုလ ၁၇ ရက်နေ့က စတင် ထွက်ခွာခဲ့ပြီး မြန်မာနိုင်ငံသို့ ဦးတည် ထွက်ခွာနေကြောင်း နိုင်ငံတကာ သတင်းဌာနများက ဖော်ပြကြသည်။

မြန်မာ စစ်အစိုးရကတော့ မြန်မာနိုင်ငံသို့လာမည့် မြောက်ကိုရီးယား သင်္ဘောသည် ကန်နမ် မဟုတ်ဘဲ MV Dumangang သာ ဖြစ်သည်ဟု ယနေ့ထုတ် နိုင်ငံပိုင် သတင်းစာများမှ ငြင်းဆိုလိုက်သည်။

ကိုရီးယား ဒီမိုကရက်တစ် သမ္မတနိုင်ငံပိုင် MV Dumangang ကုန်တင်သဘောင်္ မြန်မာနိုင်ငံသို့ ဆန်တန်ချိန် ၈၀၀၀ တင်ဆောင်ရန် အိန္ဒိယနိုင်ငံ ကာလကတ္တားမှတဆင့် မြန်မာနိုင်ငံသို့ ယခုလ ၂၇ ရက်နေ့ခန့်တွင် ရောက်ရန်ရှိကြောင်း မြန်မာ့အလင်း သတင်းစာက ရေးသားထားသည်။
ထို့အပြင် ကန်နမ်နှင့် ပတ်သက်၍ မသိရှိကြောင်း စစ်အစိုးရက ပြောထားသည်။


ဗိုလ်ချုပ်အောင်ဆန်းနှင့် ဒေါ်စု ဓာတ်ပုံများ ပဲခူးတိုင်းအတွင်း ဖြန့်ဝေ
မြင့်မောင်
ကြာသပတေးနေ့၊ ဇွန်လ 25 2009 22:26 - မြန်မာစံတော်ချိန်


နယူးဒေလီ (မဇ္ဈိမ) ။ ။ ပဲခူးတိုင်းအတွင်း မြို့နယ်အချို့၌ ဗိုလ်ချုပ်အောင်ဆန်းနှင့် ဒေါ်အောင်ဆန်းစုကြည်၏ ဓာတ်ပုံများကို အန်အယ်ဒီ လူငယ်များသည် ယမန်နေ့က လိုက်လံဝေငှခဲ့ကြောင်း သိရသည်။

လူစည်ကားရာ ပဲခူးမြို့ပေါ်နေရာများ၊ တိုင်းအတွင်းရှိ မြို့နယ်အချို့၌ လွတ်လပ်ရေးဗိသုကာ ဗိုလ်ချုပ် အောင်ဆန်းနှင့် သမီးဖြစ်သူ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်၏ ဓာတ်ပုံပေါင်း ၃ဝဝဝ ဖြန့်ဝေခြင်း ဖြစ်သည်။

“ပဲခူးမြို့ပေါ်မှာရှိတဲ့ ဈေး ၂ ဈေးကို ဖြန့်ဝေတယ်။ ပဲခူး ရွှေမော်တော ဘုရားနဲ့ လမ်းမှာတွေ့တဲ့ လူတွေကိုလည်း ပေးတယ်။ ဒိုက်ဦး၊ ကဝ၊ ညောင်လေးပင်ကို ဓာတ်ပုံ ၂၀၀ စီပဲ ပေးလိုက်နိုင်တယ်” ဟု ပဲခူးမြို့နယ် အန်အယ်ဒီ လူငယ်ခေါင်းဆောင် ကိုအောင်မျိုးဝင်းက မဇ္ဈိမကို ပြောသည်။

တိုင်းပြည်ခေါင်းဆောင် သားအဖ နှစ်ဦးတွဲပါ ဓာတ်ပုံနှင့် ဒေါ်အောင်ဆန်းစုကြည် တဦးထဲ ပါရှိသည့် ဓာတ်ပုံများသည် အရွယ်အစားအားဖြင့် အနံ ၂ လက်မ၊ အလျား ၃ လက်မ ရှိသည်။

ဓာတ်ပုံများ ဝေငှရာများအနီး၌ အရပ်ဝတ်နှင့် အာဏာပိုင်များက စောင့်ကြည့်မှုများ ရှိခဲ့သော်လည်း အနှောင့်အယှက် တစုံတရာပေးခြင်း မရှိကြောင်း သိရသည်။

ပဲခူးမြို့ခံ အမျိုးသမီးက “အာဏာပိုင်တွေက စောင့်ကြည့်တာ ရှိတယ်။ ဖြန့်တဲ့သူတွေက ဆိုက်ကားဂိတ်တွေမှာ၊ ဈေးထဲတွေမှာ ဖြန့်နေတာတွေ တွေ့တယ်။ ဓာတ်ပုံတွေက Size (အရွယ်အစား) က သိပ်မကြီးဘူးဆိုတော့ သိမ်းရတာ လွယ်တယ်။ အားလုံးကလည်း ဗိုလ်ချုပ်ပုံ၊ ဒေါ်စုပုံဆိုတော့ အရမ်းချစ်ကြတယ်လေ။ တိုင်းပြည်ရဲ့ ကျေးဇူးရှင်ဆိုတော့ လာတဲ့လူတိုင်းက အဖြတ်တနိုး တောင်းကြတယ်” ဟု သူက ပြောသည်။

ရွှေမော်တောဘုရားပေါ်၌ ဓာတ်ပုံရရှိခဲ့သူ ဘုရားဖူး အမျိုးသမီးတဦးကလည်း “ဘုရားကို သွားတော့ ဘာတွေ ဝေလဲလို့ သွားတောင်းတော့ ဒေါ်စုပုံတွေ ဖြစ်နေတယ်။ အန်တီကလည်း လိုလိုလားလား လက်ခံလိုက်တယ်။ အန်တီ့ဆီ ဓာတ်ပုံရပြီး မကြာဘူး ကုန်သွားတယ်။ ဘုရားပေါ်တက်တဲ့ လူတိုင်းကို ဝေတယ်” ဟု ပြောသည်။

ပဲခူးတိုင်းအတွင်းရှိ ကဝမြို့တွင် ဓာတ်ပုံရရှိခဲ့သူများ ရှိကြောင်း သိရသည်။

မြို့ခံတဦးက “ကျနော်ရတဲ့ ပုံက ၂ လက်မ၊ ၃ လက်မ အရွယ်တွေပဲ။ ကျနော်တို့က ဗိုလ်ချုပ်နဲ့ ဒေါ်စုနဲ့ တွဲထားတဲ့ ပုံပဲ ရတယ်။ ကျနော်ရတာက ကဝဈေးထဲမှာ ရပါတယ်။ ကျနော်လည်း အမှတ်တရ သိမ်းထားပါတယ်” ဟု ပြောသည်။


NDAK ကချင်လက်နက်ကိုင်အဖွဲ့က နယ်ခြားစောင့်တပ်ဖွဲ့ရေး လက်ခံ
ဖနိဒါ၊ မျိုးကြီး
ကြာသပတေးနေ့၊ ဇွန်လ 25 2009 20:03 - မြန်မာစံတော်ချိန်


ချင်းမိုင်၊ ရွှေလီ (မဇ္ဈိမ)။ ။ မြန်မာစစ်အစိုးရနှင့် အပစ်အခတ် ရပ်စဲထားသည့် ကချင် ဒီမိုကရက်တစ် တပ်မတော်က နယ်ခြားစောင့်တပ်အဖြစ် ဖွဲ့စည်းရန် သဘောတူလိုက်ကြောင်း အဖွဲ့ ဥက္ကဋ္ဌက ယနေ့ ပြောဆိုသည်။

ကချင်ပြည်နယ် မြောက်ပိုင်းတိုင်း စစ်ဌာနချုပ် - မပခ တိုင်းမှူး ဗိုလ်မှူးချုပ်စိုးဝင်းနှင့် ကချင် ဒီမိုကရက်တစ် တပ်မတော် - NDAK ခေါင်းဆောင်များအကြား မြန်မာစစ်အစိုးရ သတ်မှတ်ပေးထားပြီး တရုတ်နယ်စပ်အနီး တည်ရှိသော ကချင်အထူးဒေသ (၁) ပန်ဝါမြို့၌ ယခုလ ၂၄ ရက်နေ့က တွေ့ဆုံဆွေးနွေးရာ၌ သဘောတူကြောင်း ပြောဆိုခဲ့ခြင်း ဖြစ်သည်။

“ကျနော်တို့ ဌာနချုပ် ပန်ဝါ ဗဟိုဌာနချုပ်မှာပဲ။ အဲဒီအစည်းအဝေးမှာ နေရာတကာက သိတဲ့၊ ကြားနေရတဲ့ ကျနော်တို့ တပ်ဖွဲ့ကို နယ်ခြားစောင့်တပ်အဖြစ် ပြောင်းသွားဖို့ ဆွေးနွေးတယ်။ လက်ခံသဘောတူပါတယ်။ ဒီနှစ် မကုန်ခင်တော့ ပြီးမယ်လို့ ထင်တယ်” ဟု NDAK ဥက္ကဋ္ဌ ဆခုန်တိန့်ယိင်းက မဇ္ဈိမကို ပြောသည်။

သူက ဆက်ပြီး “ကျနော်တို့အဖွဲ့က ငြိမ်းချမ်းရေးတပ်ဖွဲ့ ဖြစ်တယ်။ နိုင်ငံတော်ကို ဆန့်ကျင်နေတဲ့ လက်နက်ကိုင် တပ်ဖွဲ့ မဟုတ်ပါဘူး။ ကျနော်တို့ဒေသကို ဆက်လက်ပြီးမှ ကာကွယ်ဖို့ နယ်ခြားစောင့်တပ်အဖြစ်ဖွဲ့ဖို့ ပြင်ဆင်ပါတယ်။ သဘောတူတယ်” ဟု ပြောသည်။

ဆွေးနွေးပွဲသို့ မပခ တိုင်းမှူးနှင့် ဌာနဆိုင်ရာ ဦးစီးအရာရှိများ၊ NDAK မှ ဥက္ကဋ္ဌ ဗိုလ်မှူးကြီး ဦးဆခုန်တိန့်ယိင်းနှင့် အရာရှိများ တက်ရောက်ခဲ့ကြသည်။

နိုင်ငံရေးပါတီအဖြစ် ပြောင်းလဲသွားမည့် အစီအစဉ်များနှင့်အတူ ရွေးကောက်ပွဲ ဝင်ရောက်နိုင်ရန် ဆက်လက် လုပ်ဆောင်သွားမည်ဖြစ်ကြောင်းနှင့် ကချင်တိုင်းရင်းသား အခွင့်အရေးကို ကချင် ကိုယ်ပိုင်လွတ်လပ်ခွင့်နှင့် နေထိုင်နိုင်ရန် တောင်းဆိုထားကြောင်း ဦးဆခုန်တိန့်ယိင်းက ဆိုသည်။

“ဒီပုံစံကတော့ နိုင်ငံပိုင် တိုင်းရင်းသား သီးခြား အခွင့်အရေးကို တောင်းဆိုတဲ့ အဆင့်ပဲ ရှိသေးတယ်။ ပြောင်းပြီးမှ လက်နက်ကိုင်တဲ့လူက သီးသန့်ဖြစ်သွားမယ်။ ကျန်တဲ့လူတွေက ဘဝသစ် ပြန်ပြီးတော့ ဆောက်ဖို့ လုပ်သွားမယ်” ဟု သူက ပြောသည်။

မြန်မာစစ်အစိုးရနှင့် အပစ်ရပ်ထားသည့် တိုင်းရင်းသား လက်နက်ကိုင် တပ်ဖွဲ့များအား နယ်ခြားစောင့်တပ်အဖြစ် အသွင်ပြောင်းရန် ပြောဆိုထားသည့်အနက် NDAK က ယခုလို သဘောတူလိုက်သော်လည်း၊ KIO ခေါ် ကချင် လွတ်မြောက်ရေးအဖွဲ့နှင့် UWSA ခေါ် ဝ' ပြည် သွေးစည်းညီညွတ်ရေး တပ်မတော်ကမူ မကြာသေးခင်က ငြင်းဆိုခဲ့ကြသည်။

မပခ တိုင်းမှူးနှင့် KIO ထိပ်တန်းခေါင်းဆောင်များသည် မြစ်ကြီးနားမြို့၌ ယခုလ ၂ဝ ရက်နေ့က ဆွေးနွေးခဲ့ရာ KIO က သဘောမတူကြောင်း ငြင်းဆိုခဲ့သည်ဟု KIO နှင့် နီးစပ်သူများက ပြောသည်။

ထို့အပြင် စစ်ဖက်ဆိုင်ရာ လုံခြုံရေးတပ်ဖွဲ့ အကြီးအကဲ ဗိုလ်ချုပ်ရဲမြင့်နှင့် အဖွဲ့သည် ယခုလ ၇ ရက်နေ့က UWSA တည်ရှိရာ ရှမ်းပြည်မြောက်ပိုင်း ပန်ဆန်းမြို့ Pang Hsang သို့ သွားရောက်တွေ့ဆုံခဲ့ရာ အသွင်ပြောင်းလဲရေး လက်မခံခဲ့ပေ။ ထိုသို့ ငြင်းဆိုခဲ့ပြီးနောက် စစ်အစိုးရနှင့် သူတို့အကြား နှစ်ဖက်တင်းမာမှုများ ရှိနေကြောင်း အမည်မဖော်လိုသူ UWSA အရာရှိတဦးက ပြောသည်။

KIO နှင့် UWSA နှစ်ဖွဲ့စလုံးက စစ်အစိုးရ၏ နယ်ခြားတပ်အရေး လက်မခံသော်လည်း နောက်တက်လာမည့် အစိုးရသစ်နှင့် ဆက်လက်ဆွေးနွေးမည်ဟု ဆိုခဲ့သည်။

ဦးဆခုန်တိန့်ယိင်း ဦးဆောင်သည့် NDAK သည် ၁၉၆၁ ခုနှစ် ဖေဖော်ဝါရီလ ၅ ရက်နေ့၌ ကချင်လူမျိုးများ၏ ကိုယ်ပိုင်အခွင့်အရေးများ ရရှိရန် လက်နက်ကိုင်တော်လှန်ရေး စတင်ခဲ့သည့် KIO ၏ လက်နက်ကိုင်တပ် KIA က ၁၉၆၈ ခုနှစ်တွင် ပန်ဝါဒေသ၌ တပ်မဟာ ၃ စစ်ဌာနချုပ်အဖြစ် ဖွင့်လှစ်သည့် တပ်ဖြစ်သည်။

နောက်ပိုင်းတွင် ဗမာပြည်ကွန်မြူနစ်ပါတီ - ဗကပ ၏ ၁ဝ၁ စစ်ဒေသအဖြစ် ပါဝင်လှုပ်ရှားခဲ့ကာ ဗကပမှ ခွဲထွက်ပြီး ၁၉၈၉ ခု ဒီဇင်ဘာလ ၁၅ ရက်နေ့တွင် မြန်မာစစ်အစိုးရနှင့် အပစ်ရပ်ခဲ့သည်။


မြောက်ကိုရီးယား၏ နျူကလီးယား စစ်အစိုးရမျှော်လင့်
Thursday, 25 June 2009 19:45 ကိုထွေး
မြန်မာစစ် အစိုးရသည် နျူကလီးယားနှင့် ပတ်သက်သော နည်းပညာများကို ရရှိလိုသဖြင့် မြောက်ကိုရီးယားနှင့် ရင်းရင်းနှီးနှီး ပူးပေါင်းနေခြင်း ဖြစ်ကြောင်း ဝါရင့် နိုင်ငံရေးသမားတဦး က ယနေ့ သုံးသပ် ပြောဆိုလိုက်သည်။

ပြီးခဲ့သည့် ဧပြီလအတွင်းတွင် မြောက်ကိုရီးယားက နျူကလီးယား လက်နက် ပစ်လွှတ်စမ်းသပ်သည်ကို တွေ့မြင်ရစဉ် (ဓာတ်ပုံ - AP)
နျူကလီးယား နည်းပညာကို ရုရှားထံမှ အပြည်အစုံ ရရှိရန် မလွယ်ကူသဖြင့် မြောက်ကိုရီးယားကို အားကိုး နေခြင်း ဖြစ်သည်ဟု သခင်ချန်ထွန်းက ဧရာဝတီကို ပြောပြသည်။

“ရုရှားနိုင်ငံက နိုင်ငံကြီးဆိုတော့ သိက္ခာထိုက်သင့် သလောက် စောင့်ရတော့ ပညာကုန်ပေးမှာ မဟုတ်ဘူး၊ မြောက်ကိုရီးယားကတော့ ပေးနိုင်တယ်၊ ပြီးတော့ မြန်မာက အမေရိကန်နဲ့ မတည့်တာလည်း ပါတာပေါ့”ဟု သခင်ချန်ထွန်းက ပြောသည်။

၁၉၇၄-၇၅ ခုတွင် သခင်ချန်ထွန်းသည် မြန်မာနိုင်ငံဆိုင်ရာ မြောက်ကိုရီးယား သံအမတ် အဖြစ် တာဝန်ထမ်း ဆောင်ခဲ့သည်။

စစ်အစိုးရ အုပ်ချုပ်နေသော မြန်မာနိုင်ငံသည် အမေရိကန်၏ ကန့်သတ် တားမြစ်မှုများ ခံနေရချိန်တွင် မြောက်ကိုရီယား အပါအဝင် ဘဝတူ နိုင်ငံများ ဖြစ်သည့် အီရန်၊ ကျူးဘား အစရှိသော နိုင်ငံများနှင့် ပိုရင်းနှီးရန် ဆောင်ရွက်နေခြင်း ဖြစ်ကြောင်း ၎င်းက ဆက်လက် ပြောဆိုသည်။

၁၉၈၃ ခုနှစ်က ရန်ကုန်မြို့သို့ အလည်လာရောက်သော တောင်ကိုရီးယား သမ္မတ ချန်ဒူးဝမ်နှင့် အဖွဲ့အား အာဇာနည်ဗိမာန်တွင် မြောက်ကိုရီးယားတို့က ဗုံးခွဲတိုက်ခိုက်ခဲ့သဖြင့် မြန်မာနှင့် မြောက်ကိုရီးယားတို့၏ သံတမန် ဆက်ဆံရေး ရပ်ဆိုင်းခဲ့သည်။

နှစ်ပေါင်း ၂ဝ ကျော်ကြာ ဆက်ဆံရေးပြတ်တောက်ခဲ့ပြီး မြန်မာနှင့် မြောက်ကိုရီးယားတို့ သံတမန် အဆက် အ သွယ် ပြန်လည် ပြုလုပ်ကြရာ ၎င်းဆက်ဆံရေးသည် စစ်အစိုးရ၏ အကျိုးစီးပွားအတွက်သာ ဖြစ်ကြောင်း သခင် ချန်ထွန်းက ပြောသည်။

သခင်ချန်ထွန်းသည် မြောက်ကိုရီးယားအပြင် တရုတ်နိုင်ငံတွင်လည်း သံအမတ်ကြီးအဖြစ် သွားရောက် တာဝန် ယူခဲ့ဖူးသူ ဖြစ်သည်။

ထို့ပြင် မြန်မာ စစ်အစိုးရ၏ နျူကလီးယား အိပ်မက်ကို မြောက်ကိုရီးယားက ကူညီနိုင်ဖွယ် ရှိကြောင်း သုံးသပ်သူ တချို့က ပြောဆို လျက်ရှိကြသည်။

အရှေ့အလယ်ပိုင်း အခြေစိုက် အယ်လ်ဂျာဇီးယား သတင်းဌာနကလည်း မြန်မာနိုင်ငံတွင် နျူကလီးယား ထုတ်လုပ်မည့် အစီအစဉ် နှင့် ပတ်သက်နိုင်ဖွယ် ရှိသော မြေအောက် ဥမင်များ တည်ဆောက်နေမှု ဗွီဒီယို မှတ်တမ်းကို ယနေ့ ထုတ်လွှင့် ပြသခဲ့သည်။၊

မြောက်ကိုရီးယားသည် ပြီးခဲ့သည့်လက နျူကလီးယား လက်နက် စမ်းသပ်ခဲ့သည့်အတွက် လက်နက်ပစ္စည်းများ တင်ပို့ ရောင်းချခွင့် ပိတ်ပင်ကြောင်း ကုလသမဂ္ဂ လုံခြုံရေးကောင်စီက သဘောတူ ဆုံးဖြတ်ထားသည်။

ဤအတောအတွင်း ဇွန်လ ၁၇ ရက်နေ့က မြောက်ကိုရီးယား ဆိပ်ကမ်းမှ ထွက်ခွာလာပြီး မြန်မာနိုင်ငံသို့ ဦးတည် နေသည်ဟု သတင်းထွက်နေသည့် မြောက်ကိုရီးယား Kang Nam 1 သင်္ဘောနှင့် ပတ်သက်၍ နိုင်ငံတကာက အထူး အာရုံစိုက်လျက်ရှိသည်။

ယင်းသဘောင်္ပေါ်တွင် အသေးစား စစ်လက်နက် ပစ္စည်းများ သယ်ဆောင် သွားမည်ဟု ယူဆရကြောင်း တောင်ကိုရီးယား စစ်ဘက်ဆိုင်ရာ အရာရှိတဦးက ပြီးခဲ့သည့် ရက်ပိုင်းအတွင်း ထုတ်ဖော် ပြောကြားခဲ့သည်။ အမေရိကန် ပြည်ထောင်စု၏ စစ်သင်္ဘောတစီးကလည်း မြောက်ကိုရီးယား သင်္ဘောကို နောက်ယောင်ခံ လိုက်လျက်ရှိသည်ဟု ဆိုသည်။

ဤသင်္ဘောသည် ကုလသမဂ္ဂ၏ အရေးယူမှု ထုတ်ပြန်အပြီးတွင် ပထမဆုံးအကြိမ် စောင့်ကြည့်ခံရသည့် သင်္ဘော ဖြစ်ကြောင်း နိုင်ငံတကာ သတင်းများတွင် ဖော်ပြထားသည်။

ယခုအခါ ၎င်းသင်္ဘောသည် တရုတ်နိုင်ငံ ရေပိုင်နက်ကို ကျော်လာပြီး မလက္ကာရေပိုင်နက်အတွင်း ရောက်ရှိ နေပြီဖြစ်သည်။

မြန်မာနှင့် မြောက်ကိုရီးယားတို့သည် သံတမန် ဆက်ဆံရေး အနှစ် ၂ဝ ကျော်ကြာ ရပ်ဆိုင်းခဲ့ရာမှ တိတ်တဆိတ် ဆက်သွယ်မှုများ ပြုလုပ်လာခဲ့ကာ မကြာသေးမီကမှ တရားဝင် ဆက်ဆံရေး ပြန်လည် စတင်ခဲ့ခြင်း ဖြစ်သည်။

၂ဝဝ၇ ဧပြီလတွင် မြောက်ကိုရီးယား ဒုတိယ နိုင်ငံခြားရေးဝန်ကြီး ကင်ရန်အီးလ် မြန်မာနိုင်ငံသို့ သွားရောက်ပြီး နှစ်နိုင်ငံ သံတမန် ဆက်သွယ်ရေး ပြန်လည်ပြုလုပ်ရန် သဘောတူ စာချုပ် ချုပ်ခဲ့သည်။

စစ်လက်နက်ပစ္စည်းများ တင်သွင်းရန်အသုံးပြုသည့် သီလဝါဆိပ်ကမ်း
Thursday, 25 June 2009 19:22 အေးချမ်းမြေ့
မြန်မာ အပြည်ပြည်ဆိုင်ရာ သီလဝါ ဆိပ်ကမ်း (MITT) စတင်ချိန်မှ ၁၀ နှစ်ကျော် ကာလအတွင်း စစ်ဘက်ဆိုင်ရာ လက်နက် ပစ္စည်းများ တင်ဆောင်လာသည့် သင်္ဘောများ တနှစ်လျှင် အနည်းဆုံး ၂ ကြိမ်ခန့် ဆိုက်ကပ်သည်ဟု ယင်းဆိပ်ကမ်းတွင် နှစ်အတန်ကြာ တာဝန်ထမ်းဆောင်ခဲ့သည့် ဆိပ်ကမ်း အင်ဂျင်နီယာ တဦးက ဆိုသည်။

စစ်အစိုးရသည် စစ်လက်နက်နှင့်သက်ဆိုင်သည့် ပစ္စည်းများကို ရုရှား၊ ယူကရိန်း၊ တရုတ် တို့ထံမှ ဝယ်ယူလေ့ ရှိရာ သင်္ဘောဖြင့် သယ်ယူလာသော ၎င်းပစ္စည်းများကို လုံခြုံရေးအဆင်ပြေသည့် သီလဝါဆိပ်ကမ်းမှတဆင့် သယ်ယူ ကြောင်း အဆိုပါ အင်ဂျင်နီယာက ပြောပြသည်။

“အများသောအားဖြင့်တော့ ရုရှားက ပစ္စည်းတွေပဲ၊ သင်္ဘောကတော့ တရုတ်သင်္ဘောဖြစ်တာများတယ်” ဟု သူက ဆိုသည်။

သီလဝါ ဆိပ်ကမ်း မှ ထိပ်ပိုင်း အကြီးအကဲများကို ဆိပ်ကမ်း အာဏာပိုင်များက ဇွန် ၂၄ ရက်နေ့ ညနေတွင် လျှို့ဝှက်ခေါ်ယူ တွေ့ဆုံခဲ့ကြောင်း သတင်းရရှိသည်။

ယင်းသို့ ခေါ်ယူတွေ့ဆုံခြင်းမှာ ဆိုက်ကပ်လာမည့် မြောက်ကိုရီးယား Kang Nam 1 သင်္ဘောနှင့် ပတ်သက်မှုရှိနိုင်ကြောင်း ဆိပ်ကမ်း တာဝန်ရှိသူ တဦးက ပြောသည်။

“ခုချိန်ထိ လုံခြုံရေးလည်း ချမထားဘူး၊ ဘယ်လို အသံမှလည်း မထွက်ဘူးဆိုတော့ ဆိုက်ရောက် အစီအစဉ် လုံးဝမထုတ်ပြန်ဘဲ ရုတ်တရက် ဝင်ဆိုက်မယ်ထင်တယ်” ဟု ၎င်းက ဆိုသည်။

ဆက်လက်၍ သူက ဆိပ်ကမ်း ဝန်ထမ်းများအနေနှင့် နိုင်ငံတကာမီဒီယာများနှင့် ဆက်သွယ် စကားပြောဆိုခြင်း မပြုရန် အာဏာပိုင်များက နှိုးဆော်ထားသည်ဟုလည်း ဆက်ပြောသည်။ စစ်အစိုးရပိုင် သတင်းစာများတွင်မူ မြောက်ကိုရီးယား Kang Nam 1 သင်္ဘောနှင့် ပတ်သက်၍ မသိရှိသေးကြောင်း ငြင်းဆိုထားသည်။

တန်ချိန် ၂၀၀၀ ခန့်ရှိသော Kang Nam 1 သင်္ဘောသည် ဇွန်လ ၁၇ ရက်နေ့က မြောက်ကိုရီးယားနိုင်ငံမှ ထွက်ခွာလာခဲ့ရာ တောင်ကိုရီးယား နိုင်ငံ စစ်ရေးကျွမ်းကျင်သူတို့က စစ်လက်နက်ပစ္စည်း အသေးစားများ ပါရှိနိုင်သည်ဟု ယူဆကြသည်။ ထိုသို့ ကုလသမဂ္ဂက တားမြစ်ထားသည့် စစ်လက်နက်ပစ္စည်းများ သယ်ဆောင်လာနိုင်သည်ဟု ယူဆသောကြောင့် အမေရိကန် ရေတပ်ကလည်း မျက်ခြည်ပျက်မခံဘဲ စောင့်ကြည့်လျက်ရှိသည်။

သီလဝါဆိပ်ကမ်း တာဝန်ရှိသူများက ၎င်းသင်္ဘော မြန်မာပြည်တွင် ဆိုက်ကပ်မည် ဆိုပါက ၎င်းဆိပ်ကမ်းတွင်ပင် ဆိုက်ကပ်လိမ့်မည် ဖြစ်ကြောင်း ဧရာဝတီသို့ ပြောကြားခဲ့သည်။

“သီလဝါဆိပ်ကမ်းက လုံခြုံရေးယူရတာ အဆင်ပြေတယ်။ မြို့နဲ့လည်း ဝေးတယ်၊ ပြည်သူလူထု မသိအောင် တိတ်တဆိတ်လုပ်လို့ကောင်းတယ်၊ နိုင်ငံတကာ ဆိပ်ကမ်း အင်္ဂါရပ်နဲ့လည်း ညီတယ်ဆိုတော့ အစိုးရရဲ့ လျှို့ဝှက် ပစ္စည်းတွေဆိုရင် ဒီဆိပ်ကမ်းမှာပဲ ချတယ်ဟု” ဆိပ်ကမ်း အင်ဂျင်နီယာကဆိုသည်။

ထိုသို့ အစိုးရ၏ စစ်ဘက်ဆိုင်ရာ ပစ္စည်းများ ပါလာသည့် သင်္ဘောများ ဆိုက်ကပ်လျှင် သင်္ဘောဆိုက်ကပ်မည့် အစီ အစဉ်ကို ဝန်ထမ်းများအား ကြိုတင်အသိပေးလေ့ မရှိဘဲ ရုတ်တရက် လုံခြုံရေးယူ၍ ဆိုက်ကပ်လေ့ရှိသည်။ ၎င်း သင်္ဘောများ ဆိုက်ကပ်ရန်အတွက် သီလဝါဆိပ်ကမ်းတွင် နေရာ အကျယ်အဝန်းတခုပေးရပြီး ကီးကရိန်း ပြင်ဆင်သည့် တာဝန်ကျ အင်ဂျင်နီယာမှအပ မည်သည့် ဝန်ထမ်း တဦးတယောက်မှ ထိုနေရာသို့ သွားခွင့် မရှိပေ။

၂၀၀၂ ခုနှစ် ဝန်းကျင်က ရုရှားမှ ဝယ်ယူသော စစ်မြေပြင်သုံး (Transporeter erector launcher) ယာဉ် ၁၀ စီးကျော်ချပေးစဉ်က ၎င်း တာဝန်ကျချိန်ဖြစ်သည်ဟု ဆိပ်ကမ်းအင်ဂျင်နီယာက ဆိုသည်။

၎င်း ယာဉ် ကို ဓာတ်ဆီဖြင့် မောင်းနှင်ခြင်းဖြစ်ပြီး ယာဉ် နှစ်စီးပေါင်းကို ကားတစီးပေါ်ရှိ အီလက်ထရွန်းနစ် ထိန်းချုပ်ကိရိယာဖြင့် ထိန်းချုပ် ရသည်။ ၎င်းယာဉ်ဖြင့် ပစ်ခတ်လျှင် မီတာ ၂၂၀၀၀ အထိ ရောက်နိုင်ကြောင်း သိရသည်။

“အဲဒီလို စစ်လက်နက် ပစ္စည်းတွေချပြီးရင် ည ၂ နာရီလောက်မှာ လမ်းမီးတွေ အကုန် မှိတ်လိုက်တယ်။ ပြီးသွားရင် သန်လျင် ကျိုက်ခေါက်ဘုရားလမ်းကတဆင့် မောင်းသယ်သွားတယ်။ အဲဒီကားတွေတုန်းကတော့ အင်းတိုင်ကို တိုက်ရိုက်မောင်းသယ်သွားမယ်လို့ ပြောတယ်” ဟု သူက ဆက်ပြောသည်။

ယမန်နှစ်အတွင်းကလည်း ယူကရိန်းနိုင်ငံက ဝယ်ယူထားသော အမြောက်တင် ကားများ လာရောက်ချခဲ့သေး ကြောင်း သီလဝါ ဆိပ်ကမ်း တာာဝန်ရှိသူတဦးကပြောပြသည်။

“အဲဒီသင်္ဘောဆိုက်တုန်းကလည်း ဘာမှမသိရဘူး။ အစီအစဉ်လည်း ကြိုမပြောဘူး။ အုပ်ထားတဲ့ ပျောက်ကျား တာလပတ်တွေကြားက ထိုးထွက် နေတဲ့ အမြောက်ကြီးတွေ တွေ့လို့ သိရတာ။ ကား ၁၄ စီးလောက် ရှိမယ်” ဟု သူက ဆိုသည်။

သီလဝါဆိပ်ကမ်းသည် မီတာ ၁၀၀၀ ကျယ်ဝန်းပြီး စစ်အစိုးရထံမှ မြေငှားစာချုပ် ၂၅ နှစ်ချုပ်ကာ နိုင်ငံခြားက လာရောက်ရင်းနှီးမြှုပ်နှံထားခြင်းဖြစ်သည်။ ဆိပ်ကမ်းစတင်ချိန်က ကွန်တိန်နာ သီးသန့်ချသည့် ဆိပ်ကမ်းအဖြစ်အသုံးပြုရန် ဖြစ်သော်လည်း အရှုံးပေါ်သဖြင့် ဆန်၊ သစ်၊ ပဲ၊ ဓာတ်မြေသြဇာ အစရှိသည့် ကုန်များကိုပါ အတင်အချပြုလုပ်နေရသည်။

၎င်းဆိပ်ကမ်းတွင် အာဆီယံနိုင်ငံများမှ ရေတပ်သင်္ဘောများလည်း လေ့လာရေးခရီးလာရောက်စဉ် ဆိုက်ကပ် လေ့ရှိကြောင်းသိရသည်။ ထို့ပြင် လူစီး နိုင်ငံခြားခရီးသွား သင်္ဘောကြီးများလည်း ဆိုက်ကပ်သည်။

“သီလဝါမှာကပ်ရတာ သင်္ဘောတိုင်းအတွက် အဆင်ပြေပေမယ့် ကပ်ချင်တဲ့ သင်္ဘောတိုင်း ကပ်ခွင့်မရဘူး။ အစိုးရက အစီအစဉ်ချပေးတဲ့ သင်္ဘောတွေပဲ ကပ်ခွင့်ရှိတယ်။ သီလဝါမှာပဲ အကုန်ကပ်လိုက်ရင် တခြား ရန်ကုန်က ဆိပ်ကမ်း တွေ ဝင်ငွေမရှိတော့မှာစိုးလို့ ခွင့်မပြုတာ” ဟု တာဝန်ရှိသူက ဆိုသည်။

လက်နက်များ သယ်ဆောင်လာသည်ဟု ယူဆရသော Kang Nam 1 သင်္ဘောကို နိုင်ငံတကာက စောင့်ကြည့် လျှက် ရှိသောကြောင့် မူလဦးတည်ထားသည့် မြန်မာပြည်တွင် ဆိုက်ကပ်ခြင်းမရှိဘဲ လမ်းလွှဲသွားနိုင်ကြောင်း လေ့လာသူတို့က သုံးသပ် ပြောဆိုနေကြသည်။

ယက်ထောကို ကြိုးကိုင်သူရှိဟု ရဲချုပ်ပြော
Thursday, 25 June 2009 19:02 အေးချမ်းမြေ့
ဒေါ်အောင်ဆန်းစုကြည် နေအိမ်အတွင်း ဝင်ရောက်ခဲ့သည့် မစ္စတာ ဂျွန် ဝီလျံ ယက်ထော၏ နောက်ကွယ်တွင် ကြိုးကိုင်အကြံပေးသည့် အဖွဲ့ကြီးတဖွဲ့ ရှိနိုင်ကြောင်း မြန်မာနိုင်ငံ ရဲတပ်ဖွဲ့မှ ရဲချုပ် ဗိုလ်မှူးချုပ် ခင်ရီက ယနေ့ ပြောကြားလိုက်သည်။

ရဲချုပ် ဗိုလ်မှူးချုပ် ခင်ရီ (ဓာတ်ပုံ - Getty Images)
ဂျွန်ဝီလျံယက်ထော၏ နောက်တွင် ကြိုးကိုင်သည့် အဖွဲ့ရှိနေကြောင်းနှင့် ၎င်းအဖွဲ့ကို စုံစမ်းနေကြောင်း ရဲချုပ်က ယနေ့နေလယ်၊ ရန်ကုန်၊ ပြည်ထဲရေးဝန်ကြီးဌာနတွင် ပြုလုပ်ခဲ့သည့် သတင်းစာရှင်းလင်းပွဲတွင် ပြောကြားခဲ့သည်။ ၎င်း သတင်းစာရှင်းလင်းပွဲတွင် ပြည်တွင်း သတင်း ဂျာနယ် အသီးသီးမှ သတင်းထောက် များ တက်ရောက်ခဲ့သည်ဟု ကြားသိရသည်။

ထိုသတင်းစာရှင်းလင်းပွဲတွင် ရဲချုပ်ခင်ရီက ဂျွန် ဝီလျံ ယက်ထော အနေနှင့် စိတ်ကစဥ့်ကလျား ဖြစ်နေသူ လုံးဝ မဟုတ်ကြောင်း နာရီဝက်ခန့် ရှင်းလင်းပြောကြားသွားသည်ဟု တက်ရောက်သူ သတင်းထောက်များက ပြောသည်။

မစ္စတာ ဂျွန် ဝီလျံ ယက်ထောအနေနှင့် ထိုင်းနိုင်ငံနှင့် မြန်မာပြည်တွင် ကာလရှည်ကြာ နေထိုင်ရန်အတွက် ငွေကြေးပြည့်စုံသူ မဟုတ်ကြောင်း၊ ထိုသို့ နေထိုင်နိုင်ရန် နောက်ကွယ်မှ အဖွဲ့ကြီးတဖွဲ့က ထောက်ပံ့ပေးမှ သာ ဖြစ်နိုင်ကြောင်း ရဲချုပ်ခင်ရီက သတင်းစာရှင်းလင်းပွဲတွင် ပြောကြားခဲ့သည်ဟု သိရသည်။

ဆက်လက်၍ ရဲချုပ်ခင်ရီက မစ္စတာ ဂျွန် ဝီလျံ ယက်ထောသည် ပုံမှန်လမ်းကြောင်းမှ ပြန်မထွက်ဘဲ အင်းလျား ကန်မှ ရေကူးကာ ပြန်လည်ထွက်ခွာခဲ့သည့်အတွက် လွယ်ကူစွာ အဖမ်းခံရခြင်းဖြစ်ပြီး ၎င်းအနေနှင့် ပြည်ပ တရားမဝင် အတိုက်အခံအဖွဲ့အစည်းများနှင့် သေချာပေါက် တွေ့ဆုံခဲ့လိမ့်မည် ဖြစ်ကြောင်း ပြောကြားခဲ့ သည်။

“သတင်းစာရှင်းလင်းပွဲက ဒေါ်အောင်ဆန်းစုကြည် အမှုနဲ့ ပတ်သက်ပြီးပဲ သီးသန့်လုပ်တာ။ မစ္စတာ ယက်ထော လာတဲ့နေ့က လုံခြုံရေး တာဝန်ကျတဲ့သူတွေကို အရေးယူမယ် ဆိုတာရယ်၊ ဒေါ်အောင်ဆန်း စုကြည်ကလည်း မစ္စတာယက်ထောကို ကူညီသူအနေနဲ့ အပြစ်ရှိတယ်ဆိုတာရယ်ကိုပဲ အပ်ကြောင်းထပ် အောင် အကြာကြီး ပြောသွားတယ်” ဟု ယင်းသတင်းစာရှင်းလင်းပွဲသို့ တက်ရောက်သည့် သတင်းထောက် တဦးက ပြောသည်။

ဒေါ်အောင်ဆန်းစုကြည်ကို ၎င်း၏အိမ်သို့ တိတ်တဆိတ်ဝင်ရောက်ခဲ့သော ဂျွန် ၀ီလျံ ယက်ထော အမှုနှင့် ပတ် သက် ပြီး အာဏာပိုင်များက မေလ ၁၄ ရက်နေ့ နံနက်ပိုင်းတွင် အကျယ်ချုပ်ထားရာနေအိမ်မှ အင်းစိန်အကျဉ်း ထောင် သို့ ခေါ်ဆောင်၍ တားဆီးမိန့် ချိုးဖောက်မှု ပုဒ်မ ၂၂ ဖြင့် တရားစွဲဆိုလိုက်ကာ မေလ ၁၈ ရက်နေ့မှ စတင်၍ အစိုးရ တရားလိုပြသက်သေများကို ဆက်တိုက် စစ်ဆေးခဲ့ပြီး မေလ ၂၆ နေ့တွင်မှ ဒေါ်အောင်ဆန်း စုကြည်ကို စစ်ဆေးခြင်းဖြစ်သည်။

ဒေါ်အောင်ဆန်းစုကြည်သည် ပုဒ်မ ၂၂ အရ ပြစ်မှု ထင်ရှားပါက ထောင်ဒဏ် ၃ နှစ်မှ ၅ နှစ်အထိ ကျခံရနိုင် ကြောင်း သိရသည်။

အဆိုပါ ဂျွန် ၀ီလျံ ယက်ထော သည် အင်းလျားကန်စောင်းရှိ ဒေါ်အောင်ဆန်း စုကြည် ၏ နေအိမ်သို့ ရေကူး၍သွားရောက်ကာ မေလ ၃ ရက် မှ ၅ ရက်နေ့အထိ ၃ ရက်ကြာနေထိုင်ခဲ့ပြီး မေလ ၆ ရက် နေ့တွင် အင်းလျားကန် အတွင်း ၌ ၎င်းအား တွေ့ရှိရသဖြင့် ဖမ်းဆီးခဲ့ကြောင်း မေလ ၇ ရက်နေ့ထုတ် စစ်အစိုးရ သတင်းစာများတွင် ဖော်ပြထားသည်။

ဒေါ်အောင်ဆန်းစုကြည်သည် ၂၀၀၃ ခုနှစ် မေလတွင် ဖြစ်ပွားခဲ့သော ဒီပဲယင်းအကြမ်းဖက်တိုက်ခိုက်မှု အပြီးမှ စတင်၍ နေအိမ် အကျယ်ချုပ်ဖြင့် အထိန်းသိမ်းခံနေရသည့် ၆ နှစ်ပြည့်ခါနီး အချိန်တွင် ယခုကဲ့သို့ တရားစွဲဆို ခံရခြင်းဖြစ်သည်။ ၁၉၈၉ ခုနှစ်မှ စ၍ နေအိမ် အကျယ်ချုပ် ဘ၀ဖြင့် နေရချိန် စုစုပေါင်း ၁၃ နှစ်ကျော်ပြီ ဖြစ်သည်။

KNU တပ်စခန်းများ ထပ်မံ ထိုးစစ်ဆင်ခံရဖွယ်ရှိ
Thursday, 25 June 2009 19:25 သန်းထိုက်ဦး
မြန်မာ စစ်အစိုးရတပ်နှင့် တိုးတက်သော ဗုဒ္ဓဘာသာ ကရင်အမျိုးသား တပ်ဖွဲ့ (DKBA) ပူးပေါင်းတပ်များသည် ကရင်အမျိုးသား အစည်းအရုံး (KNU) ၏ KNLA တပ်မဟာ (၆)ဌာနချုပ်မှ တပ်စခန်းများကို ထပ်မံ၍ ထိုးစစ်ဆင် တိုက်ခိုက်ရန် ရှိကြောင်း သိရှိရသည်။

ဇွန်လ ၂၁ ရက်နေ့တွင် အဆိုပါ ပူးပေါင်းတပ်များသည် KNU ၏ တပ်မဟာ (၇) ဌာနချုပ်မှ တပ်စခန်းများကို သိမ်းပိုက်နိုင်ခဲ့ပြီးနောက် ၎င်းတို့၏ တပ်မဟာ (၆) ဌာနချုပ်ရှိ တပ်စခန်းများကို ထပ်မံ ထိုးစစ်ဆင်တိုက်ခိုက်ရန် သတင်းများ ထွက်ပေါ်လာခြင်းဖြစ်သည်။

အဆိုပါ ကရင်အမျိုးသား လွတ်မြောက်ရေးတပ်မတော် KNLA တပ်မဟာ (၆) ဌာနချုပ်မှ တပ်စခန်းများကို တိုက်ခိုက်မှု နှင့် ပတ်သက်၍ DKBA တပ်ဖွဲ့များက အကျိုးစီးပွားရေးအတွက်သော်လည်းကောင်း၊ နယ်မြေ စိုးမိုး ရေး အတွက်သော်လည်းကောင်း သိမ်းပိုက်နိုင်ရေး ဆက်လက်ကြိုးစားသွားရန်ရှိသည်ဟုလည်း DKBA နှင့် နီးစပ်သူ ဒေသခံတဦးက ဧရာဝတီသို့ ပြောသည်။

“DKBA ၉၉၉ လုံးက နယ်ခြားစောင့်တပ်လုပ်ဖို့ လက်ခံလိုက်ပြီ၊နယ်ခြားစောင့်တပ်ဖွဲ့ လုပ်ဖို့အတွက် လက်မှတ် လည်းထိုးလိုက်ပြီး၊ လုပ်မယ်ဆိုတော့ သူတို့ နယ်စပ်မှာ ရှိတဲ့သူတွေ(KNLA)ကို ဒါ နယ်ခြားစောင့်တပ်ရဲ့တာဝန် တိုက်ရမယ်ဆိုတော့ တိုက်လိုက်တာဖြစ်တယ်”ဟု ဆိုသည်။

ယင်း KNU တပ်မဟာ (၆) နှင့် တပ်မဟာ (၇) ဌာနချုပ်များသည် ကရင်ပြည်နယ် ဘားအံ ခရိုင်တွင် လှုပ်ရှားနေ ပြီး အဓိက တပ်စခန်းများလည်းဖြစ်သည်။

KNLA တပ်မဟာ (၇) ဌာနချုပ် တပ်စခန်းများကို သိမ်းပိုက်ရန် ကြိုးစားပြီးနောက်ပိုင်း DKBA တပ်ဖွဲ့ဝင်များက ထိုဒေသများတွင် ရှိသော သစ်များကို ထိုင်းနိုင်ငံနှင့် ဆက်သွယ်ပြီး စီးပွားရေးလုပ်ရန်ရှိကြောင်းလည်း DKBA နှင်းနီးစပ်သူက ဆက်လက်ပြောဆိုသည်။

“သူတို့က ထိုင်းဘက်မှာပဲ ရောင်းမှာပေါ့၊ ဖောက်သည်တွေ အများကြီးရှိတာကိုး၊ အခုတိုက်ပွဲမှာတောင် ဒဏ်ရာရ တာတို့ တိုက်ပွဲဖြစ်တဲ့ နေရာကနေမြဝတီ၊ မြ၀တီကနေ မဲဆောက်အထိရောက်လာကြတာပဲ”ဟုလည်း သူက ပြော သည်။

တချိန်တည်းမှာပင် တိုက်ပွဲများသည် KNLA တပ်ဖွဲ့များနှင့် DKBA သိမ်းပိုက်ထားသည့် တပ်မဟာ (၇) ဌာနချုပ် အနီး နှင့် တောင်ငူမြို့အပါအ၀င် ညောင်လေးပင်၊ သထုံ၊ ဖာပွန်မြို့နယ်များတွင် ပြောက်ကျားတိုက်ပွဲ အငယ်များ ဆက်လက် ဖြစ်ပွားနေကြောင်း သိရသည်။

KNU ဒု ဥက္ကဌ စောဒေးဗစ်တာကပေါကမူ“ မြန်မာစစ်အစိုးရအနေနဲ့ အခုလို တိုက်ခိုက်နေခြင်းဟာ KNU လက်အောက်ခံ တပ်စခန်းများကို အပြုတ်ချေမှုန်းရေး ဖြစ်တယ်”ဟု ဧရာဝတီသို့ ပြောသည်။

မြန်မာစစ်အစိုးရက DKBA ကို ဖွဲ့စည်းပုံအခြေခံ ဥပဒေအသစ်အရ နယ်ခြားစောင့်တပ်အဖြစ် ပြောင်းလဲရန် ပြောကြားခဲ့ရာ DKBA က သဘောတူခဲ့သည်။
DKBA သည် မြန်မာစစ်အစိုးရနှင့် ၁၉၉၅ ခုနှစ်တွင် အပစ်အခတ် ရပ်စဲရန် သဘောတူညီခဲ့သည့် အဖွဲ့တဖွဲ့ဖြစ် သည်။

မြန်မာစစ်အစိုးရသည် အပစ်အခတ် ရပ်စဲထားသည့် တိုင်းရင်းသားလက်နက်ကိုင်အဖွဲ့ စုစုပေါင်း ၁၇ ဖွဲ့ကိုနယ်ခြား စောင့်တပ်အဖြစ် အသွင်ပြောင်းလဲရန် မကြာသေးခင်က ညွှန်ကြားခဲ့သည်။

ဇွန်လဆန်းမှ စတင်၍ မြန်မာစစ်အစိုးရတပ်နှင့် DKBA ပူးပေါင်းတပ်များသည် KNLA တပ်မဟာ (၇) ဌာနချုပ်မှ တပ်စခန်းများကိုဆက်တိုက်ထိုးစစ်ဆင်ခဲ့ရာ ကရင်ရွာသားပေါင်း ၄၀၀၀ ကျော် စစ်ပြေး ဒုက္ခသည် အဖြစ် ထိုင်း နိုင်ငံသို့ ထွက်ပြေးတိမ်းရှောင်ခဲ့ရသည်။

ဂန်ဘာရီ မြန်မာပြည်သွားပြီ
Thursday, 25 June 2009 18:39 ဧရာဝတီ
မြန်မာနိုင်ငံဆိုင်ရာ ကုလသမဂ္ဂ အထူးကိုယ်စားလှယ် မစ္စတာ အီဗရာဟင် ဂန်ဘာရီသည် ယမန်နေ့က နယူးယောက်မြို့မှ မြန်မာနိုင်ငံသို့ ထွက်ခွာသွားပြီဖြစ်ကြောင်း သိရသည်။

မစ္စတာ ဂန်ဘာရီ၏ ယခုခရီးစဉ်သည် မြန်မာစစ်အစိုးရ၏ ဖိတ်ကြားချက်အရ ကုလသမဂ္ဂ အထွေထွေအတွင်းရေး မှူးချုပ် မစ္စတာ ဘန်ကီမွန်း၏ ဇူလိုင်လဆန်းတွင် သွားရောက်မည့် ခရီးစဉ်အကြို သွားရောက်ခြင်းဖြစ် သည်ဟု ဆိုသည်။

သို့သော် ကြိုတင်ကြေညာခြင်းမရှိဘဲ မစ္စတာ ဂန်ဘာရီအနေနှင့် ယခုခရီးစဉ်ကို သွားရောက်ရခြင်းသည် မစ္စတာ ဘန်ကီမွန်း ခရီးစဉ်အကြို ကြိုတင်ပြင်ဆင်မှု ဖြစ်နိုင်ကြောင်း သိရသည်။

မစ္စတာ ဘန်ကီမွန်းသည် ၎င်း၏ ခရီးစဉ်အတွင်း ဒေါ်အောင်ဆန်းစုကြည်ကို လွှတ်ရန်နှင့် မြန်မာနိုင်ငံ ဒီမိုကရေစီ တိုးတက်မှုများအတွက် စစ်အစိုးရ ခေါင်းဆောင် ဗိုလ်ချုပ်မှူးကြီး သန်းရွှေနှင့် တွေ့ဆုံ ဆွေးနွေးဖွယ်ရှိပြီး ထို့ အတွက် ယခုသွားရောက်သည့် မစ္စတာ ဂန်ဘာရီ၏ ခရီးစဉ်တွင် စစ်အစိုးရနှင့် တွေ့ဆုံပြောဆိုမှုများကို လွန်စွာ အားထားမှုရှိသည်ဟု ကုလသမဂ္ဂ အရာရှိများက ဧရာဝတီသို့ ပြောသည်။

“သင့်လျော်တဲ့အချိန် ကျနော် သွားမှာပါ”ဟု မစ္စတာ ဘန်ကီမွန်းက AP သတင်းဌာသို့ အင်္ဂါနေ့က ပြောကြားခဲ့ သည်။

၎င်းက“မြန်မာအစိုးရအနေနဲ့ ဒေါ်အောင်ဆန်းစုကြည်ကို ဘာလုပ်မလဲဆိုတာ ကျနော့်မှာ စိုးရိမ်မှုရှိပါတယ်၊ ကျနော့်အနေနဲ့ ဒေါ်အောင်ဆန်းစုကြည်ကို စွဲဆိုထားတဲ့ အမှုအားလုံး ရုပ်သိမ်းပြီးတော့ သူ အပါအဝင် နိုင်ငံရေး အကျဉ်းသားအားလုံး ပြန်လွှတ်ပေးဖို့ မြန်မာအစိုးရကို အခိုင်အမာတိုက်တွန်းပြောကြားဖို့ ရှိပါတယ်”ဟု လည်း ပြောသည်။

“ဒေါ်အောင်ဆန်းစုကြည်ဟာ အာဏာပိုင်တွေနဲ့ တွေ့ဆုံဆွေးနွေးရေး ပြုလုပ်ဖို့ အဓိကကျတဲ့သူ ဖြစ်ပါတယ်၊ ဒီအတွက် ဗိုလ်ချုပ်မှူးကြီးသန်းရွှေအပါအဝင် မြန်မာစစ်ခေါင်းဆောင်တွေနဲ့ ဆွေးနွေးဖို့ ကျနော် ဘယ်အချိန်မဆို မြန်မာနိုင်ငံကို သွားဖို့ အသင့်ပါပဲ”ဟု မစ္စတာ ဘန်ကီမွန်းက ဆက်လက် ပြောကြားသည်။

“ကျနော် အခု ဖြစ်နိုင်ခြေကို ချိန်ဆနေပါတယ်၊ ဆုံးဖြတ်ချက်တော့ မချရသေးပါဘူး၊ ဒါပေမယ့် မကြာခင် ကျနော် ဆုံးဖြတ်ချက်ချမှာ ဖြစ်ပါတယ်”ဟုလည်း သူက ထည့်သွင်းပြောဆိုခဲ့သည်။

စစ်အစိုးရက မစ္စတာ ဘန်ကီမွန်းအား လာမည့် ဇူလိုင်လအစောပိုင်း၌ မြန်မာပြည်သို့ လာရောက်ရန် ပြီးခဲ့သည့် အပတ်အတွင်းတွင် ဖိတ်ကြားထားသည်။

မစ္စတာဘန်ကီမွန်းသည် ပြီးခဲ့သည့် ၂၀၀၈ခုနှစ် မေလအတွင်း မြန်မာနိုင်ငံသို့ပထမအဆုံးအကြိမ်သွားရောက် ခဲ့သည်။ ထိုခရီးစဉ်သည် လူသားချင်းစာနာမှုဆိုင်ရာ အကူအညီပေးရန်ဖြစ်ပြီး နိုင်ငံရေးကိစ္စများ ဆွေးနွေး ဆောင်ရွက်မည်မဟုတ်ကြောင်း မြန်မာ နိုင်ငံသို့ မသွားရောက်ခင် ၎င်းက ပြောဆိုခဲ့သည်။

ထိုခရီးစဉ်အတွင်း၌ ဗိုလ်ချုပ်မှူးကြီးသန်းရွှေအပါအဝင် စစ်အစိုးရထိပ်ပိုင်းခေါင်းဆောင်များနှင့်လည်း တွေ့ဆုံခဲ့ သည်။

တချိန်တည်းတွင် မစ္စတာဘန်ကီမွန်း အနေဖြင့် မြန်မာပြည်သွားရောက်၍ စစ်အစိုးရကို ဖိအားပေးပြောဆိုရန် မြန်မာ့ဒီမိုကရေစီရေးလှုပ်ရှားသူများက တောင်းဆိုခဲ့ကြသည်။

ကုလသမဂ္ဂကလည်း မြန်မာ စစ်အစိုးရကို အမျိုးသား ပြန်လည်သင့်မြတ်ရေး အတွက်တွေ့ဆုံဆွေးနွေးရေး ပြု လုပ်ရန်၊ ဒေါ်အောင်ဆန်းစုကြည်နှင့် နိုင်ငံရေးအကျဉ်းသား အားလုံး လွှတ်ပေးရန်တို့ကို တောင်းဆိုထားသည်။ ယင်းတောင်းဆိုချက်များ အကောင်အထည် ဖော်နိုင်မှသာ မြန်မာနိုင်ငံသို့ သွားရောက်လိုကြောင်း မစ္စတာ ဘန်ကီမွန်း က ထုတ်ဖော် ပြောဆိုထားသည်။

မစ္စတာ ဘန်ကီမွန်း၏ ကိုယ်စားလှယ်ဖြစ်သော မစ္စတာ ဂန်ဘာရီ ၏ ခရီးစဉ်အရ ယနေ့တွင် မြန်မာနိုင်ငံသို့ ရောက်ရှိမည်ဖြစ်ပြီး စနေနေ့အထိ ဖြစ်ကြောင်းလည်း AP သတင်းက ဖော်ပြထားသည်။

မစ္စတာ ဂန်ဘာရီသည် ယခုနှစ် ဖေဖော်ဝါရီလ ပထမပတ်အတွင်း မြန်မာနိုင်ငံ ခရီးစဉ်တွင် ဒေါ်အောင်ဆန်း စုကြည် အပါအဝင် အမျိုးသားဒီမိုကရေစီ အဖွဲ့ချုပ်(NLD) ဗဟိုအလုပ်မှုဆောင်အဖွဲ့ဝင်တချို့၊ စစ်အစိုးရ ထောက်ခံသည့် အဖွဲ့များနှင့် စစ်အစိုးရ ထိပ်တန်းခေါင်းဆောင်တချို့နှင့် တွေ့ဆုံခဲ့သော်လည်း ဗိုလ်ချုပ်မှူးကြီး နှင့် တွေ့ဆုံခဲ့ခြင်းမရှိပေ။

ထိုခရီးစဉ်နှင့် ပတ်သက်ပြီး NLD ပြောခွင့်ရပုဂ္ဂိုလ် ဦးဉာဏ်ဝင်းက မစ္စတာ ဂန်ဘာရီ၏ ခရီးစဉ်မှာ တိုးတက် ပြောင်းလဲမှု တစုံတရာ မရှိကြောင်း ပြောဆိုခဲ့သည်။

မစ္စတာ ဂန်ဘာရီသည် ၂၀၀၆ ခုနှစ်ကတည်းက မြန်မာပြည်ဆိုင်ရာ ကုလသမဂ္ဂ အထူးကိုယ်စားလှယ်တာဝန် ထမ်းဆောင်စဉ်မှစပြီး မြန်မာနိုင်ငံ ခရီးစဉ်ပေါင်း ၇ ကြိမ် သွားရောက်ခဲ့ကာ စစ်အစိုးရ ခေါင်းဆောင်များ၊ အတိုက် အခံ ခေါင်းဆောင်များနှင့် တွေ့ဆုံဆွေးနွေးမှုများ ပြုလုပ်ခဲ့သည်။

ဒေါ်အောင်ဆန်းစုကြည် ကံဇာတာ ညံ့ဟု ဗေဒင်ဆရာတွေ ဟောကိန်းထုတ်
Thursday, 25 June 2009 19:52 အေးလဲ့
မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်သည် ကံဇာတာ အညံ့ပိုင်းတွင် ကျရောက်နေသဖြင့် ဆက်လက် ထိန်းသိမ်းခံရဦးမည်ဟု မြန်မာနိုင်ငံမှ ဗေဒင်ဆရာ တချို့က ဟောကိန်း ထုတ်လိုက်သည်။

“သူ့မွေးလကနေ ၄၅ ရက် ကျော်ရင် ကြောက်စရာ ကောင်းတယ်၊ အခုလည်း ထောင်ဆက်ကျမှာပါ၊ သူ့ဂြိုဟ်က ညံ့တယ်၊ မလွတ်ဘူး ဆိုတာ သေချာတယ်၊ ၃ နှစ်ကတော့ တန်းနေတာပဲ” ဟု ရန်ကုန်မြို့ရှိ ဗေဒင်ဆရာ တဦးက ဧရာဝတီကို ပြောသည်။

ဒေါ်အောင်ဆန်းစုကြည်သည် နာမည် မသေသော်လည်း အသက်အန္တရာယ် စိုးရိမ်ဖွယ်ရှိသည် ဟုလည်း ၎င်းက ဆိုသည်။

“ဗမာပြည်ရဲ့ အန္တရာယ်က တခုခု အပြောင်းအလဲ ဖြစ်ဖို့ လူတွေကို ချချကျွေးရတာ ရှိတယ်၊ ဥပမာ ဗိုလ်ချုပ်ကို ချကျွေးပြီးတော့မှ တိုင်းပြည် လွတ်လပ်ရေး ရတဲ့ သဘောမျိုး။ သူ့ကိုလည်း အဲဒီလို ချကျွေးမှ တိုင်းပြည်က လိုချင်တဲ့ပုံ ဖြစ်သွားမှာ” ဟု ၎င်းက ပြောသည်။

“သေချာတယ်၊ အသက် ၆၅၊ ၆၆၊ ၆၇ က သူ့အတွက် Unlucky (ကံမကောင်းတဲ့) နှစ်တွေပဲ၊ သာမန် အင်္ဂါဆိုရင်လည်း Unlucky နှစ်ပဲ၊ ကျန်းမာရေးအရ၊ ယေဘုယျတော့ ၆၆ နှစ်မှာ ပိုသတိထားရမယ် စမယ့် လကလည်း မွေးလကုန် တလအကျော်မှာ” ဟုလည်း သူက ဆိုသည်။

မန္တလေးမြို့မှ ဗေဒင်ဆရာတဦးကလည်း ဒေါ်အောင်ဆန်းစုကြည်သည် ဆက်လက် ထိန်းသိမ်း ခံရမည် ဖြစ်သည်ဟု ဆိုသည်။

“သူက ၂ဝဝ၉၊ ၇ လပိုင်း ၁ ရက်နေ့ ကနေ ၂ဝ၁ဝ၊ ၄ လပိုင်း ၁၆ ရက်နေ့ အထိတော့ ကံဇာတာ မကောင်းဘူး၊ လုံးဝကို လွတ်လပ်မှု မရှိတော့တာ ပေါ့။ နိုင်ငံရေး၊ စီးပွားရေး၊ လူမှုရေး အစစ အရာရာ ညံ့တယ်၊ ကျန်းမာရေး အပါအဝင်ပေါ့” ဟု မန္တလေးမြို့မှ ဗေဒင် ဆရာက တွက်ပြသည်။

ဗေဒင် ယုံကြည်သူ အများအပြား ရှိသည့် မြန်မာနိုင်ငံတွင် စစ်အစိုးရ ခေါင်းဆောင်များသည်လည်း ဗေဒင် ယုံသူများအဖြစ် သတင်းကြီးသူများဖြစ်သည်။

အာဏာပိုင်တို့ကလည်း ဒေါ်အောင်ဆန်းစုကြည် နှင့် စစ်ခေါင်းဆောင်များ မည်သည့်အချိန်တွင် ကံဇာတာ အတက်အကျဖြစ်မည်ကို အဓိကထား မေးလေ့ရှိကြောင်း ဗေဒင်ဆရာများက ပြောသည်။

ရှေးမြန်မာဘုရင်များသည်လည်း အတိုင်ပင်ခံ ဗေဒင်ဆရာ ပရောဟိတ်များကို တာဝန်ပေး ခန့်အပ်ထားကြောင်း၊ သို့သော်လည်း တိုင်းပြည် ကောင်းစားရေးထက် နန်းသက်ရှည်ပြီး ရာဇပလ္လင်မြဲရေး အတွက်ကိုသာ အဓိကထားကြကြောင်း ဗေဒင်ဆရာတချို့က ဧရာဝတီကို ပြောပြသည်။

မြန်မာမင်းများသည် အတိတ်၊ တဘောင်၊ နိမိတ်များကိုလည်း ယုံကြည်ပြီး တဘောင်၊ နိမိတ်များ အတိုင်း ဖြစ်မလာစေရန် ယတြာများဖြင့် အရှောင်အတိမ်း လုပ်ကြသည် ဟုလည်း သိရသည်။

မကြာသေးမီက နိုင်ငံခြားသားတဦး နေအိမ်သို့ ကျူးကျော်ဝင်ရောက်လာပြီးနောက်တွင် အာဏာပိုင်တို့က ဒေါ်အောင်ဆန်းစုကြည်ကို နေအိမ် အကျယ်ချုပ် ဖောက်ဖျက်မှု ပုဒ်မ ၂၂ ဖြင့် ရုံးတင် တရားစွဲခဲ့သည်။

ထိုပုဒ်မသည် ဒေါ်အောင်ဆန်းစုကြည်ကို ငွေဒဏ် ကျပ် ၅ဝဝဝ သို့မဟုတ် ထောင်ဒဏ် ၃ နှစ် မှ ၅ နှစ်အထိ ချမှတ်နိုင်သည့် ပုဒ်မဖြစ်သည်။

ပြည်တွင်းပြည်ပမှ အကဲခတ်သူ အများစုက အာဏာပိုင်များသည် ဒေါ်အောင်ဆန်းစုကြည်ကို ထောင်ဒဏ် ချမှတ်ပြီး နေအိမ်သို့ ပြန်လည် ပို့ဆောင် ချုပ်နှောင်မည်ဟု ခန့်မှန်းထားကြသည်။

ဒေါ်အောင်ဆန်းစုကြည်သည် ၁၉၉၆၊ ၂ဝဝ၃ ခုနှစ်တို့တွင် အင်အား ရာထောင်ချီသော လူအုပ်ကြီးများ၏ လုပ်ကြံ သတ်ဖြတ်ခြင်းကို ခံခဲ့ရသော်လည်း အသက်ဘေးမှ လွတ်မြောက်လာသူဖြစ်သည်။ သို့သော်လည်း ပြီးခဲ့သည့် ၁၉ နှစ်အတွင်း ချုပ်နှောင်ခံရသည့် ကာလမှာ စုစုပေါင်း ၁၄ နှစ်ခန့်ရှိပြီ ဖြစ်သည်။

ဒေါ်အောင်ဆန်းစုကြည်သည် နောက် ၄ နှစ်အကြာတွင် လုပ်ကြံ သတ်ဖြတ်ခြင်း ခံရဖွယ်ရှိသေးသည်ဟု မန္တလေးမြို့မှ ဗေဒင် ဆရာက ပြောသည်။

“၂ဝ၁၃၊ ၂ဝ၁၄ ကြားမှာ သူ့အသက်အန္တရာယ် ရှိတယ်၊ ရုတ်တရက် လုပ်ကြံခံရမှု ရှိနိုင်တယ်၊ ထိတော့ ထိမယ်၊ အသက်တော့ မသေဘူး” ဟု သူက ဆိုသည်။

ဒေါ်အောင်ဆန်းစုကြည်အတွက် ယတြာချေရန် လွယ်ကူသည့် နည်းလမ်းတခုကိုလည်း ရန်ကုန်မှ ဗေဒင်ဆရာက အကြံပြုထားသည်။

ဒေါ်အောင်ဆန်းစုကြည်အတွက် ဆုတောင်းပေးလိုပါက သပြေပန်းခက်ကို မသုံးဘဲ ခရေညွှန့်ဖြင့် ဆုတောင်းပေးပါက ပိုပြီး ထိရောက်မည်ဖြစ်ပြီး၊ ဒေါ်အောင်ဆန်းစုကြည်၏ ကံကြမ္မာ အကောင်းဘက်သို့ ပြောင်းလဲသွားနိုင်မည်ဟု ဆိုသည်။

အင်္ဂါနေ့ဖွား ဒေါ်အောင်ဆန်းစုကြည်သည် ရန်ကုန်မြို့ ဇာတိဖြစ်သည်။ မွေးနေ့မှာ ၁၃ဝ၇ ခုနှစ် ဝါဆိုလဆန်း ၁ဝ ရက်နေ့၊ ၁၉၄၅ ဇွန်လ ၁၉ ရက်နေ့ ဖြစ်သည်။ မိဘများမှာ ဗိုလ်ချုပ်အောင်ဆန်း၊ ဒေါ်ခင်ကြည်တို့ ဖြစ်သည်။

လုံခြုံရေးအတွက် ဒေါ်စု ပူးပေါင်းမှုမရှိဟု ရဲချုပ်ခင်ရီ ရှင်းလင်း

25 June 2009


ဒေါ်အောင်ဆန်းစုကြည်ဟာ သူကိုယ်တိုင်ရဲ့ လုံခြုံရေးအတွက် တာဝန်ရှိသူတွေနဲ့ ပူးပေါင်းဆောင်ရွက်ဖို့ အားနည်းခဲ့တယ်လို့ မြန်မာစစ်အစိုးရ ရဲချုပ် ဗိုလ်မှူးချုပ်ခင်ရီက ပြောလိုက်ပါတယ်။ မစ္စတာ ဂျွန် ၀ီလီယမ် ယက်ထော (John William Yettaw) ပထမအကြိမ် အိမ်ထဲဝင်ရောက်ခဲ့တဲ့ ဖြစ်ရပ်ကို ညွှန်းဆိုပြီး အဲဒီလို ပြောဆိုခဲ့တာပါ။ ဒီပြောဆိုချက်ကို အမျိုးသားဒီမိုကရေစီအဖွဲ့ချုပ် (အန်န်အယ်လ်ဒီ) ဘက်ကတော့ ပယ်ချလိုက်ပါတယ်။ အပြည့်အစုံကို ကိုကျော်ကျော်သိန်းက တင်ပြပေးထားပါတယ်။

ဒေါ်အောင်ဆန်းစုကြည်ဟာ လုံခြုံရေးအရ တာဝန်ရှိ တပ်ဖွဲ့ဝင်များကို တိုက်ရိုက်ချက်ချင်း သတင်းပို့သင့်ပါလျက် အခင်းဖြစ်ပွားပြီး ၄ ရက်အကြာ ၂၀၀၈ ခုနှစ်၊ ဒီဇင်ဘာလ ၄ ရက်နေ့ကြမှသာ ဒေါက်တာတင်မျိုးဝင်းက တဆင့် သတင်းပို့ခဲ့တဲ့ အတွက်ကြောင့် သဲလွန်စတွေရဖို့ ခက်ခဲပြီး အဖြစ်မှန် ဖော်ထုတ်နိုင်ခြင်း မရှိခဲ့ဘူးလို့ ရဲချုပ် ဗိုလ်မှူးချုပ်ခင်ရီက ပြောသွားပါတယ်။ ဒီအပေါ် အခြေခံပြီးတော့ ဒေါ်အောင်ဆန်းစုကြည်ဟာ သူကိုယ်တိုင်ရဲ့ လုံခြုံရေးအတွက် ပူးပေါင်းဆောင်ရွက်ဖို့ အားနည်းခဲ့တယ်လို့ ဆိုသွားပါတယ်။ ဒီကနေ့ နေ့လယ် ၂ နာရီက ရန်ကုန်မြို့၊ မူးယစ်ဆေးဝါး ဆန့်ကျင်ရေး ပြတိုက်မှာ ပြုလုပ်တဲ့ သတင်းစာ ရှင်းလင်းပွဲအတွင်း ရဲချုပ် ဗိုလ်မှူးချုပ်ခင်ရီက ပြောကြားသွားတာပဲ ဖြစ်ပါတယ်။

လွတ်လပ်တဲ့ လူတယောက်ဆိုရင် လုံခြုံရေးအတွက် တာဝန်ရှိသူတွေနဲ့ ပူးပေါင်းဆောင်ရွက်ဖို့ဆိုတာ လွယ်ကူပေမယ့် အကျဉ်းကျနေသူ တယောက်အနေနဲ့ လုံခြုံရေးအတွက် ပူးပေါင်းဆောင်ရွက်ဖို့ဆိုတာ မဖြစ်နိုင်ဘူးလို့ အန်န်အယ်လ်ဒီ ဗဟိုအလုပ်အမှုဆောင် အဖွဲ့ဝင် သတင်းစာဆရာကြီး ဦးဝင်းတင်က ပြောပါတယ်။

“အကျဉ်းသားတယောက်ရဲ့ ခံစားမှု၊ အကျဉ်းသားတယောက်ဘက်က တုံ့ပြန်မှုက ဒီအတိုင်းပဲရှိတယ်။ ဘာဖြစ်လို့လဲဆိုတော့ ကျနော်ကိုယ်တိုင်က နှစ်ပေါင်းများစွာ ထောင်ထဲမှာ နေခဲ့ဘူးတယ်။ ကျနော်တို့ကို မကြာခဏ ထောက်လှမ်းရေးက ကျနော်တို့ အခန်းနားကို လာကပ်တယ်ဗျာ၊ ကျနော်တို့ တံခါးရှေ့ကို လာပြီးတော့ ဂျစ်ဂျစ် ဂျစ်ဂျစ်ဆိုပြီး သော့တွေဘာတွေကို လှုပ်လားပြုလား လုပ်တာတွေရှိတယ်၊ မှောင်ထဲမှာ။ ဆိုတော့ ကျနော်တို့က ဒီဟာတွေ၊ ရှိသမျှဟာတွေကို တာဝန်ရှိတဲ့ လုံခြုံရေးအနေနဲ့ ဘာမှ ပူးပေါင်းဆောင်ရွက်ပြီး ဘယ်တုန်းက ဘာကြားတယ်၊ ဘယ်လိုဖြစ်တယ်ဆိုတာ ပြောနေစရာ အကြောင်းမရှိဘူး။ ဘာဖြစ်လို့လဲဆိုတော့ ကျနော်တို့က အကျဉ်းသားအနေနဲ့ နေရတာ။ သူတို့က စောင့်ရှောက်နေတာ မဟုတ်ဘူး။ ဒေါ်စုကို ချုပ်နှောင်ထားတာ။

“အဲဒီအခါမှာ ဒေါ်စုက သူ မြင်သမျှ၊ ကြားသမျှ ဟိုဟာ ဒီဟာ အကုန်လုံး။ ဒါတွေအကုန်လုံးဟာ လုပ်စားချင်ရင် ထောက်လှမ်းရေးကသာ လုပ်မယ်လို့ သူ တွက်ရင် တွက်မှာပေါ့။ ဒီ နိုင်ငံခြားသားလာတာ ဆိုရင်လည်း ထောက်လှမ်းရေးက လွှတ်တာလို့ပဲ သူတွက်ရင်တွက်မှာပေါ့။ အဲဒါကြောင့် အကုန်လုံးကို ဒေါ်စုက သူတို့နဲ့ ပူးပေါင်းဆောင်ရွက်ဖို့ဆိုတာ လုပ်ချင်မှလုပ်မယ်၊ ဒါ သူ့ရဲ့ အကျဉ်းသား Mentality၊ အကျဉ်းသားစိတ်ဓာတ်၊ အကျဉ်းသား ခံစားမှုနဲ့ တုံ့ပြန်မှုဟာ အကျဉ်းသားပုံစံနဲ့ပဲ ရှိမယ်၊ ပုလိပ်က ရပ်ကွက်ထဲ လုံခြုံရေး စောင့်ရှောက်နေတာ၊ ကင်းလှည့် စောင့်ရှာက်နေတဲ့ အရပ်သူ အရပ်သား တွက်ပုံမျိုးနဲ့ တွက်ချင်မှတွက်မယ်။ ဒါကို ကျနော် ပြောချင်ပါတယ်။”

ဒေါ်အောင်ဆန်းစုကြည်ရဲ့ ဆရာဝန် ဒေါက်တာတင်မျိုးဝင်းဟာ ဒေါ်အောင်ဆန်းစုကြည်အိမ်ထဲကို ၀င်ချင်တိုင်း ၀င်လို့ရတာ မဟုတ်ဘဲ ကြာသပတေးနေ့ကြမှသာ ၀င်ခွင့်ရတဲ့အတွက် အခုလိုလုပ်တာဟာ မှန်ကန်တယ်လို့ ဦးဝင်းတင်က သုံးသပ်ပါတယ်။

“ဒေါ်အောင်ဆန်းစုကြည်ဘက်က လုပ်တာ မှန်ကန်တိကျတယ်လို့ ပြောနိုင်တာ ဘာလဲဆိုတော့ ဒေါ်အောင်ဆန်းစုကြည်က ကိုယ့်ကို ချုပ်နှောင်ထားတဲ့ လူတွေနဲ့ သွားပြီးတော့ သူ့စိတ်ထဲမှာ အရိပ်အယောင် မြင်တာနဲ့၊ ဟိုကိစ္စ ဒီကိစ္စ မြင်တာနဲ့ သွားပြောမနေနိုင်ဘူး၊ တရားဝင်ပဲပြောမယ်။ တရားဝင်ပြောရင် ဘယ်လိုပြောမလဲ၊ သူပြောနိုင်တာ ဒေါက်တာတင်မျိုးဝင်းကပဲ ပြောနိုင်မယ်။ အဲဒါကြောင့် ဒေါက်တာတင်မျိုးဝင်းကို ပြောပါလို့ ဒေါက်တာတင်မျိုးဝင်းလာတဲ့ ကြာသပတေးနေ့ကြမှ သူက အကြောင်းကြားတာ။”

သတင်းစာ ရှင်းလင်းပွဲအတွင်း မစ္စတာယက်ထောနဲ့ ပတ်သက်လို့လည်း ရဲချုပ် ဗိုလ်မှူးချုပ်ခင်ရီက အကျယ်တ၀င့် ပြောဆိုခဲ့ပါတယ်။ မစ္စတာ ဂျွန် ၀ီလီယမ် ယက်ထောဟာ ဉာဏ်ရည် ဉာဏ်သွေး ကောင်းပြီး ဆင်ခြင် သုံးသပ်နိုင်စွမ်းအား မြင့်မားတဲ့ပုဂ္ဂိုလ် ဖြစ်တယ်၊ စိတ်ဝေဒနာရှင်၊ ကျပ်မပြည့်သူ တဦးဆိုတာ မဟုတ်မှန်ပါဘူးလို့ ဆိုပါတယ်။

မစ္စတာယက်ထောဟာ ဒေါ်အောင်ဆန်းစုကြည်နေအိမ်ကို ရောက်တဲ့အချိန်မှာ အင်အားချည့်နဲ့ မောပန်းပြီး ခြေထောက်ကြွက်တက်တဲ့ ဝေဒနာကို ပြင်းထန်စွာ ခံစားခဲ့ရတယ်၊ သွေးတွင်း သကြားဓာတ် လျော့နည်းတဲ့ အခြေအနေနဲ့ ရင်ဆိုင်ခဲ့ရတယ်လို့ ထွက်ဆိုခဲ့ပေမယ့် ဖမ်းဆီးရမိပြီးတဲ့နောက် ကျန်းမာရေး စစ်ဆေးမှုတွေ ပြုလုပ်ပြီးတဲ့ အခါမှာတော့ အဲဒီရောဂါတွေကို မတွေ့ရဘူးလို့ ဆိုသွားပါတယ်။ အခုလို အိမ်ထဲကို ဒုတိယအကြိမ် လျှို့ဝှက်ဝင်ရောက် သွားနိုင်တဲ့အတွက် စုံစမ်းစစ်ဆေးရေးအဖွဲ့ဖွဲ့ စစ်ဆေးနေပြီးတော့ အဲဒီဖြစ်ရပ်အတွက် တာဝန်ပေါ့လျော့သူတွေ တွေ့ရှိမယ်ဆိုရင် အရေးယူမှုတွေ လုပ်သွားမယ်လို့လည်း ရဲချုပ် ဗိုလ်မှူးချုပ်ခင်ရီက ပြောကြားသွားပါတယ်။

ဦးဝင်းတင်ကတော့ မစ္စတာယက်ထောကို ဒေါ်အောင်ဆန်းစုကြည် နှင်မထုတ်ခဲ့တာဟာ လူသားစိတ်ဓာတ်ရှိတဲ့ ဘယ်လိုလူတွေမှာမဆို တွေ့ရတဲ့ ရိုးရိုးစိတ်ထားသာ ဖြစ်တဲ့အတွက် လူသားစိတ်ဓာတ် မရှိသူတွေအဖို့ နားလည်နိုင်မှာ မဟုတ်ဘူးလို့ ပြောဆိုခဲ့ပါတယ်။

မြောက်ကိုရီးယားသင်္ဘော မြန်မာနိုင်ငံကို လာဖို့မရှိဟု စစ်အစိုးရ ငြင်းဆို

25 June 2009


စစ်လက်နက်ပစ္စည်းတွေ တင်ဆောင်လာတယ်လို့ သံသယရှိနေကြတဲ့ မြောက်ကိုရီးယားသင်္ဘော ကမ်နမ် ၁ (Kang Nam I) ဟာ မြန်မာနိုင်ငံကို လာမယ်ဆိုတဲ့ သတင်းတွေ ထွက်ပေါ်နေတာ မမှန်ကန်ဘူးလို့ မြန်မာစစ်အစိုးရပိုင် သတင်းစာတွေက ပြောဆိုလိုက်ပါတယ်။

ဇွန်လ ၁၇ ရက်နေ့က မြောက်ကိုရီးယားနိုင်ငံ နမ်ဖိုဆိပ်ကမ်းက ထွက်ခွာလာတဲ့ ဒီသင်္ဘောမှာ သံသယဖြစ်စရာ ကုန်ပစ္စည်းတွေတင်ပြီး မြန်မာနိုင်ငံကို ဦးတည်လာနေတယ်လို့ သတင်းတွေ ဖော်ပြနေပေမယ့် သက်ဆိုင်ရာ အာဏာပိုင်တွေ အနေနဲ့ ဘာသတင်း အချက်အလက်မှ မရသေးပါဘူးလို့ ပြောဆိုလိုက်တာပါ။

ဒါပေမယ့်လည်း မြောက်ကိုရီးယားနိုင်ငံက ဒူမန်ဂမ် (Dumangang) လို့ အမည်ရတဲ့ ကုန်တင်သင်္ဘော တစင်းကတော့ အိန္ဒိယနိုင်ငံက ဆန်တွေတင်လာပြီး ဒီလ ၂၇ ရက်နေ့မှာ မြန်မာနိုင်ငံကို ရောက်လာဖို့ ရှိနေတယ်လို့ ဆိုပါတယ်။ အများက သံသယရှိနေကြတဲ့ ကမ်နမ်သင်္ဘောကတော့ လတ်တလော တရုတ်ကမ်းလွန်မှာ ရောက်နေပြီး မကြာခင် ဆီဖြည့်ဖို့ လမ်းခရီးမှာ ရပ်နားရလိမ့်မယ်လို့လည်း မျှော်လင့်ရပါတယ်။

ဒေသတွင်းမှာ သွားလာနေတဲ့ သင်္ဘောတွေ အဓိက ၀င်ရောက်ဆိုက်ကပ် ဆီဖြည့်လေ့ရှိတဲ့ စင်္ကာပူနိုင်ငံကတော့ ဒီသင်္ဘော ဆိုက်ကပ်မယ်လို့ အကြောင်းကြားတာမျိုး မရှိတဲ့အကြောင်းလည်း ဒီကနေ့ပဲ ပြောဆိုလိုက်ပါတယ်။ အမေရိကန် ဖျက်သင်္ဘောတစင်းက နောက်ယောင်ခံ လိုက်နေတဲ့ ကမ်နမ်သင်္ဘောနဲ့ ပတ်သက်လို့ ကြားဖြတ်ဟန့်တား စစ်ဆေးတာတွေ လုပ်လာမယ်ဆိုရင်တော့ သူ့နိုင်ငံအပေါ် စစ်ကြေညာတယ်လို့ သဘောထားမယ့် အကြောင်းလည်း မြောက်ကိုရီးယားက ပြောဆိုထားတာပါ။

ဂမ်ဘာရီ မြန်မာနိုင်ငံခရီးစဉ် စတင်

24 June 2009


ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံ ဆိုင်ရာ အထူးအကြံပေး မစ္စတာ အီဘရာဟင် ဂမ်ဘာရီ (Ibrahim Gambari) ဟာ မြန်မာနိုင်ငံကို သွားရောက်တဲ့အကြောင်း ကုလသမဂ္ဂက အတည်ပြုပြောဆိုပါတယ်။ မြန်မာ့ဒီမိုကရေစီခေါင်းဆောင် ဒေါ်အောင်ဆန်း စုကြည်ကို စစ်အစိုးရဘက်က တရားစွဲဆိုနေတဲ့အချိန်မှာ မစ္စတာ ဂမ်ဘာရီ သွားရောက်တာဖြစ်ပါတယ်။ ကြိုတင် ကြေညာထားခြင်း မရှိဘဲ သွားရောက်တဲ့ ခရီးစဉ်ဟာ အတွင်းရေးမှူးချုပ် ဘန်ကီမွန်း (Ban Ki-moon) ကိုယ်တိုင် သွားရောက်မယ့် ခရီးစဉ်တခု ဖြစ်ကောင်းဖြစ်နိုင်တယ်ဆိုတဲ့ ခန့်မှန်းချက်တွေလည်း ရှိနေပါတယ်။ အပြည့်အစုံကို ကိုသိန်းထိုက်ဦးက တင်ပြပါလိမ့်မယ်။

အတွင်းရေးမှူးချုပ်ရဲ့ အထူးအကြံပေး မစ္စတာ ဂမ်ဘာရီဟာ မြန်မာနိုင်ငံကို သွားနေပြီဆိုတာကို ကုလသမဂ္ဂက ဒီနေ့ အတည်ပြု ပြောပါတယ်။ ဒီခရီးစဉ်နဲ့ ပတ်သက်လို့ ကြိုတင် မကြေညာခဲ့တာကို ကြည့်ရင် ကုလသမဂ္ဂဘက်က စစ်အစိုးရနဲ့ စေ့စပ်ညှိ့နိုင်းပြီး ခရီးစဉ်မစခင် အထူး သိမ်သိမ်မွေ့မွေ့ နဲ့ ကိုင်တွယ်နေရပုံရပါတယ်။ အထူးသဖြင့် မစ္စတာ ဂမ်ဘာရီ အနေနဲ ခရီးစဉ်အတွင်းမှာ စစ်အစိုးရဘက်က နိုင်ငံရေးအရ အသုံးချခံရတာမျိုးမဖြစ်အောင်၊ ရလဒ် တစုံတရာထွက်ပြီး ခရီးစဉ်က အပြန် မျက်နှာပန်းလှအောင် ကြိုးပမ်းနေရတယ်လို့ မြန်မာ့အရေး လေ့လာသူတွေ သုံးသပ်ကြပါတယ်။

ပြီးခဲ့တဲ့ ရက်ပိုင်းအတွင်းက ရိုက်တာသတင်း တပုဒ်မှာတော့ အနောက်တိုင်း သံတမန်တချို့ရဲ့ ပြောဆိုချက်ကို ကိုးကားပြီး မြန်မာစစ်အစိုးရက ကုလသမဂ္ဂ အတွင်းရေးမှူးချုပ် ဘန်ကီမွန်းကို လာမယ့် ဂျုလိုင်လအတွင်း မြန်မာနိုင်ငံလာဘို့ ဖိတ်ကြားထားတယ်လို့ ဖေါ်ပြပါတယ်။ အတွင်းရေးမှူးချုပ်ဘက်က ဒီဖိတ်ကြားချက်ကို လက်ခံမယ် လက်မခံဘူးဆိုတာ မသိရသေးပါဘူး။ ဒါပေမယ့်လည်း အတွင်းရေးမှူးချုပ်ရဲ့ ခရီးစဉ်ကို စစ်အစိုးရဘက် ၀ါဒဖြန့်ဘို့ အသုံးချတာမျိုးဖြစ်သွားမှာ ကုလသမဂ္ဂက စိုးရိမ်နေတယ်လို့ ကုလသမဂ္ဂ သတင်းရပ်ကွက်က ပြောတဲ့အကြောင်း ကိုးကားရေးသားထားပါတယ်။

ဒါပေမယ့်လည်း ကမ္ဘာ့ ကုလသမဂ္ဂဟာ စစ်အစိုးရကို ထိထိရောက်ရောက် နားချနိုင်တဲ့ အခြေအနေမျိုးမှာ မရှိဘဲ၊ စစ်အစိုးရကို အပျော့ဆွဲ ဆွဲနေရတဲ့ အခြေအနေမျိုးမှာသာ ရှိနေတယ်ဆိုပြီး မြန်မာဒီမိုကရေစီအင်အားစုတွေ အားမလိုအားမရ ဖြစ်နေကြပါတယ်။ ဒီလို အားမလို အားမရဖြစ်နေသူတွေထဲမှာ အန်အဲလ်ဒီ ဗဟိုအလုပ်အမှုဆောင်ကော်မတီဝင်၊ အတွင်းရေးမှူးအဖွဲ့ဝင် ဦးဝင်းတင်လည်း ပါပါတယ်။

"သူတို့ဟာစစ်အစိုးရကို လာများ ချော့ချင်နေလို့လား၊ ချော့ချင်နေတာလား၊ ဒါမှမဟုတ် စစ်အစိုးရကို လာပြီး မျက်နှာချိုသွေးချင်နေလို့လား၊ ဒီလို သဘောနဲ့များဖြစ်လို့ တိုးတိုးတိတ်တိတ် ကြိတ်ကြိတ် လုပ်နေတာလား၊ ဒီလို ကျနော် သံသယဖြစ်မိတယ်။ သို့သော် ဒါက ကျနော့ရဲ့ သံသယပေါ့ဗျာ၊ ထားပါတော့၊ ဒါတွေက သူတို့ ကိစ္စဆိုတော့ ကျနော်တို့ ဘာမှ သိပ်ပြီး ပြောစရာ မရှိပါဘူး၊ ဒါက ကျနော့ရဲ့ သံသယပါ။''

ကုလသမဂ္ဂ အပါအ၀င် နိုင်ငံတကာအသိုင်းအ၀ိုင်းက မြန်မာ့အရေးနဲ့ ပတ်သက်လို့ ချဉ်းကပ်တဲ့နေရာမှာ စစ်အစိုးရကျင်းပမယ့် ရွေးကောက်ပွဲကို တရားမျှတတဲ့ ရွေးကောက်ပွဲ ဖြစ်အောင်ပဲ တွန်းအားပေးတဲ့ အဆင့်မှာရောက်နေပြီး ဒါဟာ ဒုတိယ အဆင့်ဖြစ်တယ်လို့ ဦးဝင်းတင်က မြင်ပါတယ်။

ဒီမိုကရေစီရေးအတွက် အဓိက အဟန့်အတားဖြစ်နေတာက စစ်အစိုးရ ရေးဆွဲထားတဲ့ အခြေခံ ဥပဒေဖြစ်ပြီး ဒီ အခြေခံ ဥပဒေပါ ဒီမိုကရေစီနဲ့ မကိုက်ညီတဲ့ အချက်တွေ ပြင်ဆင်ဘို့ နိုင်ငံတကာအသိုင်းအ၀ိုင်းက စစ်အစိုးကို တွန်းအားပေးဘို့ လိုတယ်လို့ မြင်ပါတယ်။

''နိုင်ငံတကာက အဲဒီ ကိစ္စလေးကို ကျန်ကျန်နေတယ်။ နိုင်ငံတကာက အနောက်နိုင်ငံတွေက ဒီ အစိုးရကို တောင်းဆိုတဲ့အခါမှာ အခြေခံ ဥပဒေ ပြင်ဆင်ရေး ဆိုပြီး တောင်းဆိုပါ။ ရွေးကောက်ပွဲ ကျင်းပရေး ကိစ္စတို့ ဘာတို့ ဆိုတာက ဒုတိယ ကိစ္စဖြစ်ပါတယ်။ ဒီ အခြေခံ ဥပဒေက ရွေးကောက်ပွဲနဲ့ ပြည်သူတွေ ကြားထဲမှာ ရွေးကောက်ပွဲနဲ့ ပြည်သူတွေ ကြားထဲမှာ ကန့်လန့်ကြီး ခံနေပါတယ်။ အခြေခံ ဥပဒေ ပြင်ဆင်ရေးကို တောင်းဆိုပေးပါ၊ ကျနော်က ဒါကို ပြောချင်ပါတယ်။''

ဦးဝင်းတင် ပြောဆိုနေတာပါ။ မစ္စတာ ဂမ်ဘာရီ ဟာ အခုတခေါက် မြန်မာပြည် ခရီးစဉ်အတွင်းမှာ ဗိုလ်ချုပ်မှူးကြီးသန်းရွှေနဲ့ တွေ့ခွင့် ရမရ မသေချာ သေးပါဘူး။ အင်းစိန်အကျဉ်းထောင်ထဲမှာ ရောက်နေတဲ့ ဒေါ်အောင်ဆန်းစုကြည်ကိုလည်း တွေ့ဆုံခွင့် တောင်းမှာ သေခြာပါတယ်။

မစ္စတာ ဂမ်ဘာရီအနေနဲ့ ဒေါ်အောင်ဆန်းစုကြည်ကို တက္ကသိုလ်ရိပ်သာလမ်းပဲဖြစ်ဖြစ်၊ အစိုးရ ဧည့်ဂေဟာ မှာပဲဖြစ်ဖြစ်၊ အင်းစိန်ထောင်မှာဘဲ တွေ့တွေ့ စစ်အစိုးရ ချုပ်နှောင်တာကို ခံနေရဆဲအခြေအနေမှာ တွေ့နေရတာကိုက ကုလသမဂ္ဂရဲ့ မြန်မာ့အရေးကြားဝင်ဆောင်ရွက်မှုတွေ အရာမထင်သေးဘူးဆိုတာ ပြနေတယ်ဆိုပြီး မြန်မာ့အရေး လေ့လာသူတွေ ပြောဆိုနေကြတာပါ။

မြောက်ကိုရီးယား သင်္ဘောကို ကြားဖြတ်စစ်ဆေးဖို့ အမေရိကန် မဆုံးဖြတ်သေး

25 June 2009


ဒုံးကျည်တွေ ဒါမှမဟုတ် ဒုံးကျည်အစိတ်အပိုင်းတွေ တင်ဆောင်လာတယ်လို့ သင်္ကာမကင်းဖြစ်ခံရတဲ့ ကမ်နန် ၁ မြောက်ကိုရီယား သင်္ဘောကို အဆက်အသွယ်လုပ်ဖို့ မလုပ်ဖို့ အမေရိကန်ပြည်ထောင်စုနဲ့ သူ့မဟာမိတ်နိုင်ငံတွေဖက်က မဆုံးဖြတ်ရသေးဘူးလို့ အမေရိကန်စစ်ဖက်က ပြောပါတယ်။ အခြားနိုင်ငံတွေနဲ့အတူ ဆုံးဖြတ်ချက်လုပ်ဖွယ်ရှိတယ်လို့ အမေရိကန် ကာကွယ်ရေးဌာန ပြောခွင့်ရသူက မနေ့ကတော့ ပြောပါတယ်။ ဘယ်နိုင်ငံတွေနဲ့လည်း ဆိုတာတော့ ရှင်းလင်းပြောတာ မရှိပါဘူး။

ဒါပေမဲ့လည်း ဒီဆုံးဖြတ်ချက်မျိုး မကြာခင်ထွက်လာမယ်လို့လည်း ခန့်မှန်းမထားဘူးလို့ ကာကွယ်ရေးဌာန ပြောခွင့်ရသူ Morrell က ပြောပါတယ်။ မြောက်ကိုရီယား လက်နက်တင်ပို့မှုကို တားမြစ်တဲ့ ကုလသမဂ္ဂ လုံခြုံရေးကောင်စီ ဆုံးဖြတ်ချက် အပေါ် ဖောက်ဖျက်တယ်လို့ သင်္ကာမကင်းရှိတဲ့ သင်္ဘောတွေကို ကြားဖြတ်တားမြစ် စစ်ဆေးတာမျိုးတွေ လုပ်ဖို့ အစီအစဉ်ရှိ မရှိကိုလည်း ပြောခွင့်ရသူက ရှင်းရှင်းလင်းလင်း မပြောခဲ့ပါဘူး။ မြောက်ကိုရီယားဖက်က သူ့သင်္ဘောတွေကို ဒီလို တားမြစ်စစ်ဆေးတာလုပ်ရင် စစ်ကြေညာတယ်လို့ ယူဆမယ်လို့ ပြောထားပါတယ်။

ကမ်နန် ၁ သင်္ဘောဟာ တရုတ်ပင်လယ်ကနေ မြန်မာနိုင်ငံဖက်ကို ဦးတည်နေတယ်လို့ တောင်ကိုရီယား ထောက်လှမ်းရေး သတင်းတွေကို ကိုးကားပြီးဖော်ပြခဲ့ပါတယ်။ ဒီသင်္ဘောရဲ့ခရီးစဉ် ဘယ်ကို သွားမလဲဆိုတာ ခန့်မှန်းချက် မေးမြန်းချက် ကိုတော့ အမေရိကန် ကာကွယ်ရေးဌာန ပြောခွင့်ရသူက ဖြေကြားဖို့ ငြင်းခဲ့ပါတယ်။ မြန်မာအစိုးရ မီဒီယာတွေမှာတော့ မြောက်ကိုရီယား သင်္ဘောတစင်း အိန္ဒိယဘက်ကနေ ဆန်တင်ပြီး မြန်မာနိုင်ငံကို လာဖို့ရှိတယ်ဆိုတာပဲ သတင်းဖော်ပြပြီး အသေးစိတ်ကိုတော့ မရေးပါဘူး။ အခု ကမ်နန်၁ မြောက်ကိုရီယား သင်္ဘောကိုတော့ အမေရိကန် ရေတပ်သင်္ဘောက နောက်ယောင်ခံလိုက်နေတယ်လို့ အမေရိကန်စစ်ဖက် အရာရှိတွေက ပြောခဲ့ပါတယ်။ မြောက်ကိုရီယားသင်္ဘောဟာ အခု ထိုင်ဝမ် ရေလက်ကြားကို ဖြတ်ကျော်နေတယ်လို့ အမေရိကန် စစ်ဖက်အရာရှိတဦး ပြောဆိုချက်ကို ကိုးကားပြီး အေပီ သတင်းမှာ ရေးသားထားပါတယ်။

မြန်မာနိုင်ငံ စိတ်ကြွဆေး ထုတ်လုပ်မှု အရှိန်အ၀ါကြီးသူတွေ ပါဝင်

24 June 2009


မြန်မာနိုင်ငံတွင်း ဘိန်းစိုက်ပျိုးမှု ပမာဏဟာ အခု နှစ်ပိုင်းအတွင်း အတန်ငယ်တိုးများလာတယ်လို့ UNODC ကုလသမဂ္ဂ မူးယစ်ဆေးဝါး တိုက်ဖျက်ရေး အဖွဲ့က ပြောပါတယ်။ အထူးသဖြင့် ရှမ်းပြည် အရှေ့ဖက်ဒေသမှာ ၂၀၀၈ခုနှစ်အတွင်း အရင်နှစ်ကထက် ၃၆ ရာခိုင်နှုန်း ဘိန်းစိုက်ပျိုးမှု တိုးများလာတာလို့ ပြောပါတယ်။ ဒီအကြောင်း စုံစမ်းမေးမြန်းထားတဲ့ ကိုသားညွန့်ဦးက ပြောပြပါမယ်။

မြန်မာနိုင်ငံတွင်း ဘိန်းစိုက်ပျိုးမှု ပမာဏဟာ အခုနှစ်ပိုင်းအတွင်း အနည်းငယ်များလာတယ်ဆိုပေမဲ့ အရင် ၁၉၉၀ ခုနှစ် ကာလများလောက်အထိတော့ ပမာဏများလာတာမဟုတ်ပါဘူး။ အဓိက ဘိန်းစိုက်ပျိုးဒေသ ရှမ်းပြည်အရှေ့ပိုင်းနဲ့တောင်ပိုင်းမှာ အရှေ့ပိုင်းက အနည်းငယ်ပိုများလာတာပါ။ ဒါတောင်မှ UNODC စာရှင်းအရ ရှမ်းပြည်တောင်ပိုင်းကတော့ စိုက်ပျိုးမှုပမာဏ ကျဆင်းပါတယ်။ ၂၀၀၈ခုနှစ်အတွင်း မြန်မာတနိုင်ငံလုံး ဘိန်းစိုက်ပျိုးမြေဟာ ခန့်မှန်းချေ မြေဟတ်တာ နှစ်သောင်း၈ထောင်ကျော်ရှိတယ်လို့ UNODC က ထုတ်ပြန်ပါတယ်။ UNODC အနေနဲ့ တကမ္ဘာလုံးဆိုင်ရာ မူးယစ်ဆေးဝါးထုတ်လုပ်မှုအခြေအနေ အစီရင်ခံကို ဒီကနေထုတ်ပြန်ရာမှာ မြန်မာနိုင်ငံနဲ့ ပတ်သက်လို့လည်း အခုလို ထည့်သွင်းထားတာပါ။ မြန်မာနိုင်ငံမှာ အခုလို ဘိန်းစိုက်ပျိုးမှုအတန်ငယ်မြင့်တတ်လာတဲ့အပေါ် အစိုးရကိုတော့ သတိပေးထားတယ်လို့ UNODC ရဲ့ အမှုဆောင်ညွန်ကြားရေးမှုး Antonio Maria Costa က ဗွီအိုအေကို ပြောပါတယ်။

“မြန်မာနိုင်ငံမှာ လွန်ခဲ့တဲ့ ၁၂နှစ် ၁၅နှစ်အတွင်းမှာ ဘိန်းစိုက်ပျိုးမှု အတော်လေးကို သိသိသာသာ ကျသွားတာ အတော်များများသိကြပါတယ်။ ဒါပေမယ့်လို့ ပြီးခဲ့တဲ့နှစ်နှစ် သုံးနှစ်အတွင်းမှာတော့ ဘိန်းစိုက်ပျိုးမှု ပမာဏက အနည်းငယ်တတ်လာခဲ့ပါတယ်။ ဒါကြောင့် အစိုးရအနေနဲ့ ဘိန်းစိုက်ပျိုးမှုတိုက်ဖျက်ရေးလုပ်မယ်ဆိုတာ ပိုင်းဖြတ်ထားတဲ့အတိုင်း ဆောင်ရွက်သွားဖို့ အာဏာပိုင်တွေကို ကျနော်တို့ သတိပေးခဲ့ပါတယ်။ လာမယ့် ၅နှစ် ၆နှစ်အတွင်းမှာ အရှေ့တောင်အာရှဒေသမှာ ဘိန်းစိုက်ပျိုးမှုတွေ ရပ်တန့်ဖို့ဆိုတဲ့ ရည်မှန်းချက်အပေါ် အစိုးရတွေအနေနဲ့ စွဲမြဲနေဖို့ အရေးကြီးပါတယ်။”

ဒီလို ဘိန်းစိုက်ပျိုးမှုပမာဏ မြင့်တတ်လာပေမယ့်လို့ စိုက်ပျိုးမြေ အကန့်အသတ်ကြောင့် ဘိန်းအထွက် ထုတ်လုပ်မှုကတော့ သိသိသိသာသာကြီး တတ်လာတော့ မရှိဘူးလို့ အန်ထိုနီယို ကော့စတာက ပြောပါတယ်။

“အရေးကြီးတဲ့ အချက်တခုကတော့ မြန်မာနိုင်ငံတွင်းမှာ ဘိန်းစိုက်ပျိုးမြေက အတော်လေး နည်းပါတယ်။ ဒါကြောင့်လည်း ဘိန်းစိုက်ပျိုးမှုတိုးလာတာကြောင့် ဆိုးဆိုးဝါးဝါးတော့ ဖြစ်မလာပါဘူး။”

အခုလို ဘိန်းစိုက်ပျိုးမှု ပမာဏတတ်လာပေမယ့်လို့ - မြန်မာနိုင်ငံမှာ ဟိုအရင် ဆယ်နှစ်ပိုင်းကလိုမဟုတ်တော့ပဲ ဘိန်းစိုက်ပျိုးမှုရော ဘိန်းအထွက်နှုန်းပါ သိသိသာသာကြီး ကျဆင်းခဲ့တာကိုတော့ UNODC က အသိအမှတ်ပြုသလို၊ မြန်မာအစိုးရအနေနဲ့ ဒီအရှိန်အဟုန်အတိုင်း မကျပဲ ဘိန်းတိုက်ဖျက်ရေးလုပ်ငန်းကို ဆက်လုပ်ဖို့ အားပေးတိုက်တွန်းပါတယ်။ ဒါပေမယ့်တဖက်မှာတော့ စိတ်ကြွဆေးပြားထုတ်လုပ်မှု တိုးလာပြီး ဒါဟာ ဒေသတွင်းက အရှိန်အ၀ါကြီးသူတွေနဲ့ ပတ်သက်မှုတွေရှိနေတယ်လို့ မစ္စတာ အန်ထိုနီယို ကော့စတာက ပြောပါတယ်။

“မြန်မာနိုင်ငံအရှေ့ခြမ်းမှာ ဘိန်းစိုက်ပျိုး ထုတ်လုပ်ကျလာတဲ့အကြောင်းနဲ့ ပတ်သက်လို့ ကျနော်တို့ အတိအကျသိထားမှုကတော့ အေတီအက်စ် ခေါ် အဖာတမင်း စိတ်ကြွဆေးပြား ထုတ်လုပ်မှုတွေ တိုးသထက် တိုးများလာတဲ့ကိစ္စပါပဲ။ ဒါပေမဲ့ ဒီ စိတ်ကြွဆေးပြားထုတ်လုပ်သူတွေဟာ အရင် ဘိန်းစိုက်ပျိုးမှုကို စွန့်လွှတ်လိုက်ရတဲ့ တောင်သူတွေလည်း မဟုတ်ပါဘူး။ သူတို့တွေဟာ ဒေသတွင်းမှာ အရှိန်အ၀ါကြီးတဲ့သူတွေရဲ့ အကာအကွယ်ရထားတဲ့ ရာဇ၀တ်ဂိုဏ်းအုပ်စုတွေနဲ့ပတ်သက်ပါတယ်။ ဒါကြောင့် အာဏာပိုင်တွေအနေနဲ့ ဘိန်းစိုက်ပျိုးထုတ်လုပ်မှုကို တိုက်ဖျက်သလိုပဲ ဒီစိတ်ကြွဆေးထုတ်လုပ်မှုကို အလေးပေး တိုက်ဖျက်သွားဖို့ ကျွန်တော်တို့ အစိုးရကို မေတ္တာရပ်ခံခဲ့ပါတယ်။”

UNODC ကုလသမဂ္ဂ မူးယစ်ဆေးဝါးတိုက်ဖျက်ရေးအဖွဲ့ အမှုဆောင်ညွန်ကြားရေးမှုး Antonio Maria Costa ကို ဗွီအိုအေ မြန်မာပိုင်းက ဆက်သွယ်မေးမြန်းခဲ့တာပါ။ UNODC အနေနဲ့ ကတော့ လက်ရှိ မြန်မာနိုင်ငံတွင်း ဘိန်း နှိမ်နင်းရေးလုပ်ငန်းတွေမှာ တိုက်ရိုက်ပါဝင်တာမျိုးမရှိပေမဲ့ ဘိန်းစိုက်တောင်သူတွေအတွက် ဘိန်းစိုက်ပျိုးမှု စွန့်လွတ်ရတဲ့အခါ ခြေမဲ့လက်မဲ့မဖြစ်အောင် အခြားဖွံဖြိုးရေးအစီအစဉ်တွေ ထောက်ပံ့ရေးအစီအစဉ်တွေ ဆောင်ရွက်ပေးနေတယ်လို့ ပြောပါတယ်။ ဘိန်းစိုက်ပျိုးမှု အဓိက နေရာတွေကတော့ ရှမ်းပြည် အရှေ့ပိုင်း တောင်ပိုင်းနဲ့ မြောက်ပိုင်း ကချင်ပြည်နယ် ကယားပြည်နယ် စတဲ့ မြန်မာနိုင်ငံအရှေ့ခြမ်းဒေသတွေမှာဖြစ်ပြီး အနောက်ဖက် ချင်းပြည်နယ်စပ်မှာလည်း စိုက်ပျိုးမှုအတန်ငယ်ရှိပါတယ်။

ပြည်ပ သတင်းဌာနတွေ ဆက်သွယ်တဲ့ ဦးဝင်းတင် သက်သေမဖြစ်သင့် စစ်အစိုးရရှေ့နေ တင်ပြ

24 June 2009


မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်အပေါ် တရားစွဲဆိုထားတဲ့ အမှုမှာ ဒေါ်အောင်ဆန်းစုကြည်ဘက်က ခုခံပြီး သက်သေထွက်ဆိုဖို့ တင်ပြထားတဲ့ NLD ဒုဥက္ကဋ္ဌ ဦးတင်ဦးနဲ့ သတင်းစာ ဆရာကြီး ဦးဝင်တင်တို့ကို သက်သေအဖြစ် လက်မခံဖို့ရာ အစိုးရ ရှေ့နေတွေက ဒီနေ့ တရားရုံးမှာ လျှောက်ထားကြပါတယ်။ ဦးတင်ဦးဟာ နေအိမ်အကျယ်ချုပ် ကျခံနေရသူဖြစ်ပြီး၊ ဦးဝင်းတင်ကတော့ ပြည်ပသတင်းဌာနတွေနဲ့ ဆက်သွယ်နေသူ ဖြစ်တဲ့အတွက် လက်မခံသင့်ဘူးလို့ စစ်အစိုးရ ရှေ့နေဘက်က ထွက်ဆိုတာ ဖြစ်ပါတယ်။ အကြောင်းစုံကို ဦးသိန်းထိုက်ဦးက တင်ပြထားပါတယ်။


ဒီနေ့ မနက် ၁၀ နာရီ တရားရုံးချုပ်မှာ ဒေါ်အောင်ဆန်းစုကြည်ရဲ့ အမှုနဲ့ ပတ်သက်လို့ စစ်အစိုးရဘက်ကရော ဒေါ်အောင်ဆန်းစုကြည် ဘက်ကပါ လျှောက်လဲချက်တွေ ပေးခဲ့ပါတယ်။

အန်အယ်လ်ဒီဘက်ကတော့ ဒေါ်အောင်ဆန်းစုကြည်ရဲ့ အမှုကို ဥပဒေ ပြဌာန်းချက်တွေနဲ့ အညီ ဆောင်ရွက် ခွင့်ပေးဖို့ အဓိက တင်ပြခဲ့တယ်လို့ ဒေါ်အောင်ဆန်းစုကြည်ရဲ့ အမှုကို လိုက်ပါဆောင်ရွက်နေတဲ့ တရားရုံး ရှေ့နေလည်းဖြစ် အန်အယ်လ်ဒီ ပြန်ကြားရေး အဖွဲ့ဝင်လည်းဖြစ်တဲ့ ဦးဥာဏ်ဝင်းက ပြောပါတယ်။ စစ်အစိုးရ ဘက် က တင်ပြချက်ထဲမှာ ဦးတင်ဦးဟာ ၁၀ (ခ)နဲ့ နေအိမ်အကျယ်ချုပ် ကျခံနေရတဲ့အတွက် တရားရုံးရှေ့မှာ သက်သေ မထွက်ဆိုသင့်ဘူးလို့ တင်ပြပါတယ်။

ဦးဥာဏ်ဝင်းက ဒေါ်အောင်ဆန်းစုကြည်ကို အင်းစိန်ထောင်ကို ခေါ်ပြီး တရားစွဲခဲ့တဲ့အချိန်ကလည်း ၁၀ (ခ)၊ နေအိမ်အကျယ်ချုပ်နဲ့ ထိန်းသိမ်းခံနေရတဲ့ အချိန်မှာ ခေါ်လာခဲ့တာဖြစ်တဲ့အတွက် ဦးတင်ဦးကို လက်မခံသင့် ဘူးဆိုတာ မဖြစ်သင့်ဘူးလို့ ချေပပြောဆိုပါတယ်။

နောက် အန်အယ်လ်ဒီ ဗဟို အလုပ်အမှုဆောင်ကော်မတီဝင် သတင်းစာဆရာကြီး ဦးဝင်းတင်ကတော့ ပြည်ပ အသံလွှင့်ဌာနတွေနဲ့ နေ့စဉ်ဆိုသလို အင်တာဗျုးတွေ ပေးနေတဲ့၊ သူ့သဘောထားတွေ ထုတ်ပြောနေတဲ့သူ ဖြစ်တဲ့အတွက် ရုံးတော်ကို မလာရောက်သင့်ဘူးလို့ စစ်အစိုးရဘက်က တင်ပြပါတယ်။

ဦးဥာဏ်ဝင်းကတော့ စစ်အစိုးရနဲ့ သဘောကွဲလွဲသူတွေ သက်သေအဖြစ် ရုံးတော်မှာ ထွက်ဆိုခွင့် မရှိဘူးလို့ ဘယ်ဥပဒေမှာမှ ပြဌာန်းထားတာ မရှိဘူးလို့ ပြန်လည်ချေပပါတယ်။ ဦးဝင်းတင် ပြည်ပ အသံလွှင့်ဌာနတွေနဲ့ ဆက်သွယ် ပြောဆိုနေတာတွေဟာ ဦးဝင်းတင်ရဲ့ လွတ်လပ်စွာ ထုတ်ဖေါ်ခွင့်ဖြစ်တယ်လို့ ပြောပါတယ်။ဦးဝင်းတင်ကတော့ ဒီလို သက်သေထွက်ခွင့် မရှိဘူးလို့ ပြောဆိုနေတာတွေဟာ သူ့အပေါ် ခြိမ်းခြောက် နေတာလို့ မြင်တဲ့အကြောင်း ဗွီအိုအေကို ပြောပါတယ်။

“အစိုးရဘက်က ဘာ သဘောထားရှိနေသလဲဆိုရင်၊ ကျွန်တော့်ကို တရားစီရင်ရေးကို နှောက်ယှက်တယ်တို့၊ တရားစီရင်ရေးကို ပျက်ပြားစေတယ်ဆိုတာမျိုးတွေနဲ့ အရေးယူဖို့ ခြိမ်းချောက်တဲ့ သဘောထားရှိတယ် ဆိုတာ ကို ပြနေတယ်။ ကျွန်တော်ကတော့ သုံးသပ်မိတယ်။ ငါ့ကိုတော့ ခြိမ်းချောက်လာပြန်ပြီ။ အင်္ကျီကိစ္စလည်း ခင်ဗျားတို့ ကြားမှာပေါ့။ ထောင်က အင်္ကျီ ၀တ်လာလို့ ဆိုပြီး ဖမ်းမယ်ဆီးမယ် လုပ်နေတာလည်း ရှိတယ်ဗျ။ သူတို့ လုပ်ချင်တာ လုပ်ပါ။ ကျွန်တော်ရဲ့ ကောက်ချက်ကတော့ ကျွန်တော့်ကို တရားဥပဒေကြောင်းအရ အရေးယူဖို့ စိတ်ကူးတော့ ရှိနေပြန်ပြီ ဆိုတဲ့ သဘောထားဟာ ဒီအမှုရဲ့ လျှောက်လဲချက်မှာ အစိုးရဘက်က လျှောက်လဲချက်ကို ထောက်ရင် ပေါ်လွင်နေတယ်ဆိုတာ တွေ့ရတယ်။”

ဒေါ်အောင်ဆန်းစုကြည်ဘက်က အကျိုးဆောင် ရှေ့နေတွေက အခု ဗဟို တရားရုံးမှာ တင်သွင်းတဲ့ အဆင့်က နောက်ဆုံး အဆင့်ဖြစ်ပြီး မကြာခင် ရက်ပိုင်းအတွင်း ဆုံးဖြတ်ချက် ချမယ်လို့ မျှော်လင့်ထားကြပါတယ်။ ဒါပေမဲ့လည်း ကြားနာဖို့ ကိစ္စကိုတောင် တရားရုံးက ရက်ချိန်း အမျိုးမျိုး ပေးပြီး အချိန်ဆွဲနေလို့ သုံးသပ်တာတွေ လည်း ရှိပါတယ်။ ဦးဝင်တင်ကတော့ အမှုနဲ့ ပတ်သက်လို့ အခုလို မြင်ပါတယ်။

“ကျွန်တော်တို့ဘက်က တင်နေတာက လူတွေကိစ္စအတွက် တင်သွင်းနေတာမဟုတ်ဘူး။ တရားဥပဒေက ချို့ယွင်းနေပါတယ်။ တရားခံပြသက်သေကို တရားရုံးက ပယ်ခွင့်ရှိပါတယ်။ မှန်ပါတယ်။ ပယ်ရင် စာနဲ့ ပေနဲ့ ရေးပြီး ပယ်ရမယ်ဆိုတဲ့ ပုဒ်မ ၂၅၇ (၁) အရ ဒါကို လုပ်ဖို့ အောက်ရုံးက ပျက်ကွက်ပါတယ်။ အခု အထက်ရုံးက တင်တဲ့အခါကျတော့လည်း ဒါကိုပဲ ထောက်ပြပါတယ်။ အဲဒါကို သူတို့က အဲဒီအချက်ကို ကျွန်တော်တို့က လျှောက်လဲတဲ့ အခါ ဘာမှ အကြောင်းပြန်ခြင်း၊ ဖြေရှင်းခြင်း တစုံတရာ မပြုဘဲနဲ့၊ ကျွန်တော့်ကို ဗွီအိုအေတို့ ဘီဘီစီတို့မှာ အင်တာဗျူးတွေ လုပ်လို့ ကျွန်တော့်ကိုတောင် ဆက်ပြီး ခြိမ်းခြောက်တာတွေ ပြနေတယ် ဆိုတာက တော်တော်လေး ဂွကျတဲ့အနေအထားပဲ။ ကျွန်တော်တော့ တရားရုံးချုပ်ရဲ့ စီရင်ဆုံးဖြတ်ချက်ကလည်း မပြီးသေးတဲ့အတွက် ကျွန်တော်တော့ ဒီအပေါ်မှာ ဘာမှ ပြောချင်တာ မရှိပါဘူးဗျာ။”

အခု ဒေါ်အောင်ဆန်းစုကြည်ဘက်က ခုခံထွက်ဆိုမယ့် သက်သေတွေ တင်ပြတဲ့ ကိစ္စကို တပတ်လောက် အတွင်းမှာ တရားရုံးက ဆုံးဖြတ်ကောင်း ဆုံးဖြတ်နိုင်တယ်လို့ အန်အယ်လ်ဒီဘက်က မျှော်လင့်ထားပါတယ်။

ချေးငွေထုတ်စာချုပ်ပါအချက်များသည် လယ်သမားများအတွက် အရှုံးဖြင့်သာ ကြုံတွေ့နိုင်
Thursday, 25 June 2009 22:44 ဖြိုးကြီး
ဘိုကလေးမြို့နယ်အတွင်း လယ်သမားများကို ကုမ္ပဏီက ချေးငွေထုတ်ရန် လျှောက်လွှာတင်ခိုင်းပြီး ၎င်းတို့သတ်မှတ်ထားသည့် စည်းကမ်းများအရ လယ်သမားများ အရှုံးနှင့်သာ ရင်ဆိုင်နိုင်ရကြောင်း ဒေသခံလယ်သမားတဦးက ပြောသည်။

ဧရာမြစ်ဝကျွန်းပေါ် စိုက်ပျိုးထုတ်လုပ် တင်ပို့ရောင်းချရေးကုမ္ပဏီက လျှောက်လွှာတစောင်ကို ၇ ကျပ်ဖြင့် ရောင်းချပြီး လယ်ဧက တသိန်းခုနှစ်သောင်းကျော်ကို ဧက ၂ သောင်းအတွက်သာ ချေးငွေထုတ်ပေးမည်ဖြစ်သည့်အပြင် စာချုပ်ပါ အချက်အလက်များသည်လည်း လယ်သမားများအတွက် လယ်မြေများထိုးအပ်ရမည့် ပုံစံမျိုးဖြစ်နေသည်ဟု ပြောသည်။

“ကျနော်လဲ လျှောက်ထားတာ ရနိုင်မယ်မထင်ဘူး၊ ကုမ္ပဏီက လျှောက်လွှာခေါ်ရောင်းသလို ဖြစ်နေတယ်၊ အဲဒီလျှောက်လွှာမှာက စိုက်ပျိုးရေးဌာ၊ လယ်ယာထွက်ကုန်ရောင်းဝယ်ရေး၊ ကြေးတိုင်မြေစာရင်းဌာနနဲ့ ရယကလက်မှတ် ပါရဦးမယ်ဆိုတော့ လက်မှတ်လိုက်ထိုးတာတင် တခုကို တထောင်လောက်ပေးရမှာ၊ ပြီးတော့ အဲဒီထဲကမှ ဧက ၂ သောင်းပဲ ပေးမှာဆိုတော့ မျှော်လင့်ချက်မရှိဖြစ်နေတာ” ဟု လယ်သမားတဦးက ပြောသည်။

ထို့အပြင် အဆိုပါစာချုပ်တွင် အချက် (၁၀) ချက်ပါဝင်ပြီး နောက်ဆုံးအချက်တွင် ချေးငွေအဆိုပြုသူသည် ကုမ္ပဏီနှင့် သဘောတူသတ်မှတ်ထားသည့် လအတွင်း မပျက်မကွက် ပြန်ဆပ်ရမည်ဖြစ်ပြီး ပျက်ကွက်ပါက တရားဥပဒေအရ အမှုဖွင့်လှစ်မည်ဟု ပါရှိသဖြင့် လယ်မြေများ အသိမ်းခံရနိုင်ဖွယ်ရှိကြောင်း ၎င်းက ပြောသည်။

အဆိုပါကုမ္ပဏီက လယ်တဧကလျှင် ငွေငါးသောင်းကျပ် ထုတ်ပေးမည်ဖြစ်ပြီး အတိုးနှုန်းမှာ ၂ ကျပ်နှုန်းသတ်မှတ်ထားကာ လစဉ်ပေးဆောင်ရန် ပျက်ကွက်ပါက နောက်ထပ် တကျပ်နှုန်း ဒါဏ်ငွေပေးဆောင်ရမည်ဆိုပါက သုံးကျပ်နှုန်းကျမည်ဖြစ်ကာ ငွေထုတ်ပေးစဉ်အတွင်း ကုမ္ပဏီမှ ရောင်းချမည့် မြေသြဇာနှင့် ဒီဇယ်များကိုလည်း ဝယ်ရမည်ဖြစ်ကြောင်း လယ်သမားက ဆက်လက်ပြောသည်။

“စာချုပ်မှာ ချေးငွေအဆိုပြုသူက ကုမ္ပဏီဆုံးဖြတ်ချက်ကို လက်ခံရမယ်၊ ချေးငွေနဲ့ အတိုးကို ချေးယူသည့်နေ့မှ ၆ လအတွင်း အကျေအလည် ပြန်ဆပ်ရမယ်၊ အပိုဒ် (၉) မှာက ချေးငွေအဆိုပြုသူသည် ကုမ္ပဏီက မျိုးစပါး၊ ဓါတ်မြေသြဇာများကို နှစ်ဦးသဘောတူ သတ်မှတ်ထားသည့်အတိုင်း ပြန်လည်ပေးဆပ်ရမည်လို့ ပါတယ်” ဟု ပြောသည်။

ယခုကဲ့သို့ ချေးငွေထုတ်ပေးရာတွင် ပါဝင်သည့် အဖွဲ့အစည်းများမှာ ဘိုကလေးမြို့နယ် အေးချမ်းသာယာရေးနှင့် ဖွံ့ဖြိုးရေးကောင်စီ၊ မြန်မာ့လယ်ယာထွက်ပစ္စည်း ရောင်းဝယ်ရေးဌာန၊ ကြေးတိုင်နှင့် မြေစာရင်းဦးစီးဌာန၊ မြန်မာစိုက်ပျိုးရေးလုပ်ငန်း၊ ဘိုကလေးမြို့ပေါ် ဆန်စက်လုပ်ငန်းရှင်များအသင်း၊ ဘိုကလေးမြို့နယ် ဆန်လုပ်ငန်းရှင်များအသင်း၊ ဧရာမြစ်ဝကျွန်းပေါ် စိုက်ပျိုးထုတ်လုပ် တင်ပို့ရောင်းချရေး ကုမ္ပဏီ တာဝန်ရှိသူများဖြင့် ဖွဲ့စည်းထားခြင်းဖြစ်သည်။

ချေးငွေထုတ်ပေးရေးကော်မတီရုံးကို ယခင်က ဘိုကလေးပညာရေးကောလိပ်အတွင်း ရုံးခန်းဖွင့်လှစ်မည်ဟု ရည်ရွယ်ထားသော်လည်း ယခု ဘိုကလေးမြို့နယ် ဆန်ကုန်သည်အသင်းရုံးတွင် ဖွင့်လှစ်ထားရှိမည်ဖြစ်သည်။

ဘိုကလေးမြို့နယ်အတွင်း ကျေးရွာအုပ်ပေါင်း ၆၉ အုပ်စုတွင် စပါးစိုက်ဧက တသိန်းခုနှစ်သောင်းကျော်ရှိကာ ချေးငွေထုတ်ယူရန် ယခုလဆန်းပိုင်းကတည်းက စတင်ကာ လျှောက်လွှာတင်နေကြပြီး ချေးငွေထုတ်ယူမည့်သူ တသိန်းကျော်ရှိသည်။

မြောက်ကိုရီးယားသင်္ဘောသတင်း စစ်အစိုးရ ငြင်းပယ်
AFP သတင်းဌာန
ဇွန် ၂၄၊ ၂၀၀၉ နိုင်ငံတကာဆိပ်ကမ်းတခုဖြစ်သော သီလ၀ါ ဆိပ်ကမ်း၏ ယနေ့မြင်ကွင်း။ (AP Photo/Khin Maung Win)
မြောက်ကိုရီးယား ဆန်တင် သင်္ဘောတစီး မြန်မာပြည်သို့ရောက်လာမည်ဟု စစ်အစိုးရ သတင်းဌာနက ယနေ့ ထုတ်လွှင့်လိုက်သော်လည်း အမေရိကန်ရေတပ်က နောက်ယောင်ခံလိုက်နေသည့် သင်္ဘောနှင့်ပတ်သက်ပြီး ထည့်သွင်း ဖော်ပြခြင်း မရှိပေ။

မြောက်ကိုရီးယားမှ ကန်နမ် အမှတ် ၁ အမည်ရှိ သင်္ဘော မြန်မာပြည်သို့ ဦးတည်သွားနေသည်ဟုယူဆရကြောင်း အမေရိကန်တို့က ပြောကြားပြီးနောက် စစ်အစိုးရ သတင်းဌာနက ထိုသို့ ထုတ်လွှင့်လိုက်ခြင်း ဖြစ်သည်။

နျူကလီးယားလက်နက် စမ်းသပ်သည့် မြောက်ကိုရီးယားကို အပြစ်ပေးသည့် အနေဖြင့် ချမှတ်ထားသည့် ကုလသမဂ္ဂ လုံခြုံရေးကောင်စီ၏ ဆုံးဖြတ်ချက်များရှိရာ၊ ဤသင်္ဘောသည် အဆိုပါ ဆုံးဖြတ်ချက်များအရ ပထမဆုံးအကြိမ် စောင့်ကြည့်ခံနေရခြင်း ဖြစ်သည်။

မြန်မာအစိုးရ သတင်းဌာနကမူ ယခုတပတ်အကုန်တွင် မြောက်ကိုရီးယား သင်္ဘောတစီး ဆန် တန်ချိန် ထောင်ပေါင်းများစွာ သယ်ဆောင်ရန် ရောက်လာမည်ဟု ဆိုသည်။

မြောက်ကိုရီးယားမှ MV Dumangang အမည်ရှိ ကုန်တင်သင်္ဘောသည် မြန်မာနိုင်ငံသို့ ဇွန်လ ၂၇ ရက်နေ့ခန့်တွင် ဆိုက်ရောက်မည်ဖြစ်သည်၊ ဆန် တန်ချိန် ၈၀၀၀ သယ်ဆောင်ရန် အိန္ဒိယနိုင်ငံ၊ ကာလကတ္တားမြို့မှ လာမည်ဟု မြန်မာအစိုးရ သတင်းဌာနက ပြောသည်။

မြောက်ကိုရီးယားမှ ကန်နမ် အမှတ် ၁ အမည်ရှိ သင်္ဘောသည် ဇွန်လ ၁၇ ရက်နေ့မှ စပြီး မြန်မာပြည်သို့ ဦးတည်နေသည်ဟူသော သတင်းများ ပေါ်ထွက်နေသည်ဟု အစိုးရ သတင်းဌာနက ဆိုသည်။

ကန်နမ် သင်္ဘောနှင့် ပတ်သက်ပြီး မည်သည့်သတင်းမျှ မသိရှိရပါဟု ဆိုသည်။

ပအိုဝ်းလူငယ်အစည်းအရုံးမှ ရှင်းလင်းပွဲတရပ်ကျင်းပမည်

Kaowao ဇွန် ၂၅၊ ၂၀၀၉။
စံခလပူရီ(မေ-၂၅)။ ။ပအိုဝ်းလူငယ်အစည်းအရုံးPa-O Youth Organizationမှ“အနာဂတ်ကို လုယူဖျက်စီးခြင်း” အစီရင်ခံစာ၏ သတင်းစာရှင်းလင်းပွဲတစ်ရပ်ကျင်းပမည်ဖြစ်ရာ ပြည်ပရောက် NGO’s များနှင့် သတင်းဌာနတို့ကို ဖိတ်ကြားခဲ့ပါသည်။

လာမည့် ဇွန်လ ၂၉ ရက်နေ့၊ ၂၀၀၉ (တနင်္လာနေ့)၊ နံနက် ၁၀း ၃၀ နာရီမှ ၁၂း ၀၀ နာရီအထိ ထိုင်းနိုင်ငံ၊ ချင်းမိုင် မြို့ ရှိ International Center (IC), Campus of Chiang Mai University တွင် ကျင်းပသွားမည်ဟု သိရသည်။

ဤသတင်းစာရှင်းလင်းပွဲ ကျင်းပရသည့်ရည်ရွယ်ချက်နှင့် ပတ်သက်ပြီး ပအိုဝ်းလူငယ်အစည်းအရုံးမှ ခွန်ဆျန်ကီကို မေးမြန်းဆက်သွယ်ခဲ့ရာ “ရှမ်းပြည်နယ်တောင်ပိုင်းမှာရှိတဲ့ ပင်းပက်သတ္တုတွင်းနဲ့ ပတ်သက်ပြီး ဒီအတောတွင်းမှာ ဖြစ်ပေါ်လာတဲ့ဆိုးကျိုးတွေ၊ သဘာဝပတ်ဝန်းကျင်ပျက်စီးမှုတွေကို လူသိရှင်ကြား ကျွန်တော်တို့ ဖေါ်ထုတ်နိုင်မယ် လို့ယူဆပါတယ်၊ နောက်ပြီး ယူရေနီယံတူးဖေါ်မဲ့ကိစ္စ သတင်းနဲ့ပတ်သက်ပြီးတော့ စောင့်ကြည့်စစ်ဆေးစေချင်တယ် ၊ နောက်ဆုံးတောင်းဆိုချင်တာကတော့ ဒီစီမံကိန်းမှာ ပါဝင်ပတ်သက်နေတဲ့ ကုမ္ပဏီအားလုံး လုပ်ငန်းရပ်ဆိုင်းပြီး တော့ ဒေသခံတွေရဲ့ နစ်နာဆုံးရှုံးခဲ့ရတဲ့ အိုးအိမ်လယ်ယာတွေအတွက် သူတို့ရဲ့နစ်နာကြေးတွေ လုံလောက်စွာ ပေးဖို့ သတင်းမီဒီယာကနေတဆင့် သက်ဆိုင်တဲ့ကုမ္ပဏီတွေကို တင်ပြလိုပါတယ်” ဟု ပြောကြားခဲ့သည်။

အဆိုပါသတင်းစာရှင်းလင်းပွဲတွင် ရှမ်းပြည်နယ်တောင်ပိုင်း၊ တောင်ကြီးမြို့နှင့် ၁၀ ကီလိုမီတာခန့်၌ မြန်မာစစ်တပ် ပိုင်ကုမ္ပဏီနှင့် ရုရှားအစိုးရပိုင် ကုမ္ပဏီများမှ တူးဖေါ်တည်ဆောက်သည့် ပင်းပက်သံသတ္တုတွင်းစီမံကိန်းနှင့် စက်ရုံ များကြောင့် ဒေသခံရွာသားများအပေါ် ဖြစ်ပေါ်လာမည့် နောက်ဆက်တွဲဆိုးကျိုးများနှင့် သဘာဝပတ်ဝန်းကျင် ထိခိုက်ပျက်ဆီးမှုများအကြောင်းကို တင်ပြမည်ဟု သိရှိရသည်။

မွန်ပြည်သစ်ပါတီအား အပစ်ရပ်မိုင်းလားအဖွဲ့ကဖိတ်ကြား

Kaowao ဇွန် ၂၄၊ ၂၀၀၉။
စံခလပူရီ(ဇွန်-၂၄)။ ။ အမျိုးသားဒီမိုကရက်တစ် မဟာမိတ်တပ်မတော် - သျှမ်းပြည်အရှေ့ပိုင်း NDAA-ESS မိုင်းလားအဖွဲ့ အပစ်ရပ်ခဲ့ခြင်းအနှစ် ၂၀ ပြည့်အခမ်းအနားကို လာမည့် ဇွန်လ ၂၉ - ၃၀ ရက်နေ့များ၌ မိုင်းလားမြို့ ဗဟိုဌာနချုပ်၌ ကျင်းပမည်ဖြစ်ရာ မွန်ပြည်သစ်ပါတီ NMSP ကိုလည်း ယင်းအခန်းအနားသို့ တက်ရောက်ရန် ဖိတ်ကြားထားသည်ဟု မွန်ပြည်သစ်ပါတီ ဗဟိုအလုပ်အမှုဆောင်တစ်ဦးက ယနေ့တွင်ပြောကြားခဲ့ပါသည်။

သို့ရာတွင် ယင်းအခန်းအနားကို မွန်ပြည်သစ်ပါတီဗဟိုကိုယ်စား မည်သူကဦးဆောင်၍ တက်ရောက်မည်ကို အတည်ပြုပြောကြားခဲ့ခြင်း မရှိပေ။

လွန်ခဲ့သည့် ၂ဝဝ၉ ခုနှစ် ဧပြီလ ၁၇ ရက်နေ့တွင် ကျရောက်သည့် “ဝ” ပြည်နယ် သွေးစည်းညီညွတ်ရေး ပါတီ ဖွဲ့စည်းတည်ထောင်ခြင်း အနှစ် (၂ဝ) ပြည့်အထိမ်းအမှတ်ပွဲတော်ကြီးကို ဗဟိုဌာနချုပ် ပန်ဆန်းတွင်ကျင်းပစဉ် မွန်ပြည်သစ်ပါတီ ဥက္ကဌ နိုင်ထောမွန် ဦးဆောင်သောကိုယ်စားလှယ်အဖွဲ့တို့က တက်ရောက်ခဲ့ကြ ဟုသိရသည်။
ယခု NDAA ကျင်းပမည့်ပွဲတော်ကို အပစ်ရပ်အဖွဲ့အသီးသီး၏ ခေါင်းဆောင်များအား ဖိတ်ကြားထားပြီး စစ်အစိုးရ ဘက်မှ ထိပ်တန်း အရာရှိကြီးများကိုလည်း ဖိတ်ကြားထားကြောင်း သျှမ်းသံတော်ဆင့် သတင်းတစ်ရပ်တွင် ဖေါ်ပြခဲ့သည်။

အထူးဒေသ ၄ မိုင်းလားအဖွဲ့၊၀ ပြည်သွေးစည်းရေးတပ်မတော် UWSA ၊ ကိုးကန့် အဖွဲ့ MNDAA ၊ ဒီမိုကရေစီသစ် တပ်မတော်- ကချင် NDA-K တို့သည် ငြိမ်းချမ်းရေးနှင့် ဒီမိုကရေစီတပ်ပေါင်းစု PDF အဖြစ် ၁၉၈၉ က စုပေါင်း ဖွဲ့စည်းထားပြီ စစ်အစိုးရ၏ နယ်ခြားစောင့်တပ် အသွင်ပြောင်းရေးကိစ္စကို ခေါင်းခါငြင်းဆန်နေသည့် အဖွဲ့များလည်း ဖြစ်ကြသည်။

ယင်းအပစ်ရပ်အဖွဲ့များနည်းတူ မွန်ပြည်သစ်ပါတီသည်လည်း မွန်အမျိုးသားလွတ်မြောက်ရေးတပ်မတော် MNLA အား နယ်ခြားစောင့်တပ် အသွင်ပြောင်းရေးကိစ္စကို လက်မခံငြင်းပယ်ခဲ့သည်။

လာမည့် ဇွန်လ ၂၉ ရက်သည် မွန်ပြည်သစ်ပါတီနှင့် စစ်အစိုးရတို့ အပစ်အခတ်ရပ်စဲရေးသက်တမ်း ၁၄ နှစ်ပြည့် မြောက်မည်ဖြစ်သည်။ အပစ်အခတ်ရပ်စဲနေ့ အထိန်းအမှတ်နေ့များကို မွန်ပြည်သစ်ပါတီမှ မော်လမြိုင်မြို့၌ နှစ်စဉ် အတိုင်းအတာတစ်ရပ်အထိကျင်းပခဲ့ရာ ရတခတိုင်းမှူးများအဆက်ဆက် တက်ရောက်ခဲ့ကြသည်။

ယမန်နှစ်တွင် မွန်ပြည်သစ်ပါတီက အကျဉ်းချုံး၍ ကျင်းပဖြစ်ခဲ့ရာ ရတခတိုင်းမှူး မတက်ရောက်နိုင်ခဲ့ပါ။ လာမည့် ဇွန်လ ၂၉ ရက်တွင်လည်း အပစ်အခတ်ရပ်စဲနေ့ကို မွန်ပြည်သစ်ပါတီမှ မည်ကဲ့သို့ကျင်းပမည်ကို ထုတ်ဖေါ် ပြောကြားခဲ့ခြင်း မရှိသေးဟုသိရသည်။

ဆေးရုံးတွင် မြွေအဆိပ်ဖြေဆေးမရှိသောကြောင့် ကျေးရွာဆရာတော်မှ ဆေးရရှိရန် ဦးဆောင်
Thu 25 Jun 2009, မင်းအာသံ
မွန်ပြည်နယ် မော်လမြိုင်ဆေးရုံနှင့် မြို့နယ်ဆေးရုံတို့တွင် မြွေအဆိပ်ဖြေဆေး ဆေးဝါး တစ်ခါတစ်ရံတွင် ပြတ်လတ်မှုကြောင့် မြွေအဆိပ်တားဆီးနိုင်သော ဆေးများရရှိနိုင်ရန် မြွေပေါများသော ကမာဝက်ကျေးရွာ လဝီမာန်ထောဘုန်းကြီးကျောင်း ဆရာတော်မှ ဦးဆောင်ပြီး ရွာသားများနှင့် ဆေးဝါးထောက်ပံ့ပေးသော အဖွဲ့တဖွဲ့ ဖွဲ့စည်းခဲ့သည်ဟု သိရပါသည်။

ယခုကဲ့သို့ အဖွဲ့ အဖွဲ့စည်းရခြင်းမှာ ကမာဝက်ကျေးရွာတွင် အဆိပ်ပြင်းသော မြွေများအလွန်ပေါများခြင်းကြောင့် မြွေအကိုက်ခံရသော လူနာ၏အသက်အန္တရာယ်ကို ကယ်တင်နိုင်ရန် ကျေးရွာအတွင်း မြွေအဆိပ်ဖြေဆေး အရန်အသင့်ရှိရန် လိုအပ်သည်ဟု ဦးဆောင်သူ ဆရာတော်က မိန့်ကြားခဲ့သည်။

အဆိပ်ပြင်းသောမြွေများနှင့် အကိုက်အခံရလျှင် ဆေးဝါးအချိန်မှီထိုးနိုင်သာလျှင် လူနာအသက်ကို ကာကွယ်နိုင်မည်ဖြစ်ပြီး အကယ်၍ ကျေးရွာတွင် ဆေးဝါးအဆင်သင့်မရှိပါက မြို့ဆေးရုံသို့ တဆင့်သွားရမည်ဆိုလျှင် လူနာမှာမြွေအဆိပ်တက်၍ လမ်းခရီးတွင် သေဆုံးမည်ကို စိုးရိမ်သောကြောင့် ဖြစ်သည်ဟု ဆရာတော်မှ ဆက်ပြီး မိန့်ကြားခဲ့သည်။

“လွန်ခဲ့တဲ့ နှစ်တွေမှာ ကြုံဖူးတယ်၊ ရွာသားတွေ မြွေအကိုက်ခံရလို့ မြွေအဆိပ်ဖြေဆေးထိုးဖို့ ရွာမှာဆေးမရှိတော့ မြို့ဆေးရုံးကို တက်ရတယ်၊ မြို့ဆေးရုံရောက်ဖို့ နာရီနဲ့ကြာသောအခါ လူနာက အမြွေအဆိပ်တက်ပြီး လမ်းမှာ အသက်ပျောက်ဆုံး သေသွားတာရှိသလို၊ တစ်ချို့က မြို့ဆေးရုံကိုအချိန်မှီ ရောက်သော်လည်းပဲ ဆေးရုံမှာ တစ်ခါတစ်လေ ဆေးဝါးက မရှိပြန်တော့ လူနာရဲ့အသက်ကို မကာကွယ်နိုင်ဘူး၊ ဒါကြောင့်မို့ ဘုန်းဘုန်းတို့က ဒီမြွေဆိပ်ဖြေဆေးကို ဝယ်ပြီးတော့ အနီးဆုံး ကျေးရွာပြည်သူ့ဆေးရုံးမှာ ထားရှိဖို့ စီစဉ်ထားတယ်” ဟု မိန့်ကြားခဲ့သည်။

ထိုသို့ မြွေအဆိပ်ဖြေဆေးကို အလွယ်တကူရရှိရန် အရှေ့တောင်တိုင်းမှူး ဗိုလ်ချုပ်သက်နိုင်ဝင်းဇနီးကို ဆရာတော်တို့က ဆက်သွယ်အကူညီတောင်းရာ မော်လမြိုင်တွင် ၄င်းဆေးရရှိရန် ခက်ခဲကြောင်းနှင့် ထိုင်းမြန်မာနယ်စပ်မြို့ မြဝတီမှ ဝယ်ယူမှသာ အလွယ်တကူရနိုင်ကြောင်း တိုင်းမှူး၏ဇနီး ပြောခဲ့သောကြောင့် မြဝတီမြို့တွင် ဝယ်ယူရန် စီစဉ်ထားသည်ဟု ဆရာတော်က မိန့်ကြားသည်။

မြွေအဆိပ်ဖြေဆေး ဝယ်ယူနိုင်ရန် ဆရာတော်နှင့် အဖွဲ့သားများက ကျေးရွာအတွင်း၌ အလှူငွေ ကောက်ခံခဲ့ရာ စုစုပေါင်း အလှူခံငွေ ကျပ် (၈) သိန်းရခဲ့ပါသည်ဟု အဖွဲ့ဝင် ဦးပဇင်းတစ်ပါးက ဆိုသည်။ ရခဲ့သော ငွေကြေးအာလုံးကို ဆေးဝါးဝယ်ယူမည်ဟု ဆိုသည်။

မြွေအဆိပ်ဖြေဆေးတစ်ပုလင်း၏ တန်ဖိုးမှာ ၂ သောင်းကျပ်ဖြစ်ပြီး ငွေကြေးမတတ်နိုင်သော သူများအတွက် အခမဲ့ကုသပေးမည်ဟု ဦးပ္ဇင်းက ဆက်ရှင်းပြသည်။

“တကယ်လို့ မြွေအကိုက်ခံရတဲ့သူမှာ မြွေအဆိပ်ဖြေဆေးထိုးဖို့် ငွေကြေးမတတ်နိုင်လို့ရှိရင် ဖြေဆေးကို အခမဲ့ကုသပေးဖို့ စီစဉ်ထားတယ်၊ ငွေကြေးတတ်နိုင်တဲ့ သူတွေကြတော့ ဖြေဆေးရဲ့ မူလတန်ဖိုးအတိုင်း ပေးဆောင်ရမယ်” ဟု ဦးပဇင်းက ဆိုသည်။

မြွေအဆိပ်ဖြေဆေး ထောက်ပံ့ပေးရန် လွန်ခဲ့သော ၅ ရက်က ကမာကျေးရွာ မုဒုံမြို့နယ် လဝီမာန်ထော ဘုန်းကြီးကျောင်းတွင် အစည်းအဝေးကျင်းပခဲ့ပြီး ဆေးဝါးကို မှာယူလျက်ရှိသေးကြောင်း သိရသည်။

ဝင်းဖနုံရေးလှောင်တမံကြောင့် လယ်ယာမြေများ ရေးနစ်မြုပ်နေ
Thu 25 Jun 2009, IMNA, မိမွန်စွန်း
မွန်ပြည်နယ်၊ မုဒုံမြို့နယ်ရှိ ဝင်းဖနုံရေးလှောင်တမံ စီးဆင်းမှုကြောင့် လယ်ယာမြေများ မစိုက်ပျိုးနိုင်ပဲ ရေမြုပ်နေသည်ဟု သိရသည်။

“ဇွန်လ အစပိုင်းတုန်းက မိုးကြီးပြီးတဲ့နောက်ပိုင်းမှာ လယ်ဧက ၂၀၀ ကျော်ကျော်လောက် စိုက်ပျိုးလို့မရ်ဘူး၊ ရေးမြုပ်နေတယ်၊ ခုချိန် ကောက်စိုက်ဖို့ အချိန်ကလည်း ကုန်ခါနီနေပြီးလေ၊ ပျိုးထားတဲ့ အပင်တွေလည်း ရေထဲမျောပါကုန်ပြီး ပြန်လည်းမစိုက်နိုင်ဘူး “ ဟု မုဒုံမြို့ရှိ လယ်သမားတစ်ဦးက ကပြောသည်။

မိုးကြီးပြီးသည့်နောက်မှာ ဝင်းဖနုံရေးလှောင်တမံအနီးတစ်ဝိုက်ရှိ မြောင်းရေစီးဆင်းမှုကြောင့် ကလေ့ာသော့ကျေးရွာ၊ တောင်ပကျေးရွာ၊ ဒိုးမာကျေးရွာနှင့် ကွမ်ခပူကျေးရွာရှိ လယ်ယာမြေများက ကောက်မစိုက်နိုင်ပဲ ရေးမြုပ်နေသည်။

မိုးသည်းထန်စွာ ရွာသွန်းမှုကြောင့် လယ်သမားများ ကြဲထားသည့် ပျိုးပင်များ ပျက်စီးကုန်ပြီး ရေးထဲတွင် မျောပါကုန်ကြသည် ဟုသိရသည်။

“ကျွန်တော်တို့က အခုချိန်မှာ လယ် (၈) ဧကရှိတယ်၊ (၁) ဧကလောက်ပဲစိုက်ပျိုးနိုင်တယ်၊ တခြားဒေသမှာရှိတဲ့ လယ်တော်တော်များကလည်း စိုက်ပြီးသလောက်ရှိနေပြီး၊ ကျွန်တော်တို့က မျိုးပင်ကို နောက်ထပ်တစ်ကြီမ် ပြန်ပြီးတော့ ပျိုးရမယ်ဆိုတော့ ပိုက်ဆံလည်းကုန် အချိန်လည်းကြာတယ်။ ကောက်စိုက်တာ နောက်ကျရင် ကောက်ရိတ်တဲ့အချိန်မှာ် အခက်ခဲဖြစ်တယ်ဟု” ဟု ဒိုးမာရွာမှ လယ်သမားတစ်ဦးက ပြောသည်။

၂၀၀၁ ခုနှစ်၊ မြန်မာအစိုးရ အာဏာပိုင်တို့က ဝင်းဖနုံရေးလှောင်တမံကို ဆောက်လုပ်ပြီးနောက် ထိုဒေသမှာ စီးဆင်းနေသည့် အဓိကချောင်းကို ပိတ်လိုက်သည်။ ချောင်း၏ ဘေးတဘက် တစ်ချက်တွင်လည်း လယ်ယာမြေများရှိပြီး မိုးရာသီရောက်သည့် အချိန်တွင် ရေးများ လျံကြလာကာ့ ချောင်းမှတဆင့် လယ်ကွက်ထဲသို့ လျံကြကုန်သည်။

ရေးလှောင်တမံပတ်ဝန်းကျင်တဝိုက်ရှိ ကျေးရွာတွင်လည်း မိုးရာသီချိန်တွင် ရေးကြီးပြီး သွားလာရေး အခက်အခဲရှိသည်ဟု ၄င်းကျေရွာမှ ရွာသားတစ်ဦး၏ ပြောပြာချက်အရ သိရသည်။

“နွေရာသီမှာ ဝင်းဖနုံအနီးတဝိုက်မှာရှိတဲ့ လယ်တွေကို အစိုးကနေ နွေးစပါးလာစိုက်ထားတယ်၊ အဲဒီအချိန်မှာ ဆည်းကရေးတွေပဲ သုံးတာ၊ ဒါကြောင့်လယ်ယာမြေတွေက တစ်နွေးလုံးဆိုနေတော့ မြက်တွေပေါက်လာတယ်၊ မိုးရာသီရောက်ရင် လယ်သမားတွေ လယ်ပြန်လုပ်ဖို့ မြက်တွေကို ရှင်းရပြန်တယ်၊ သူတို့လုပ်ထားတာကလည်း နည်းမကျဘူးဆိုတော့ ခက်ခဲဖြစ်တာပေါ့” ဟု တောင်ပကျေးရွာမှ လယ်သမားတစ်ဦးက ပြောသည်။

စစ်တပ်မှ ထက်ဝက်ဈေးနှုန်းသာ ဝယ်ယူမှုကြောင့် အုတ်လုပ်ငန်းရှင်များအမြတ်အစွန်းဆုံးရုံး
Wed 24 Jun 2009, ကွန်းဟဒေ့
စစ်တပ်မှ တပ်စခန်းများတိုးချဲ့ဆောက်လုပ်ရန် အုတ်အလုံး သိန်း ၄၀၀ ကျော်လိုအပ်သဖြင့် မုဒုံမြို့နယ်၊ သံဖြူဇရပ်မြို့နယ်ရှိ အုတ်လုပ်ငန်းရှင်များထံမှ ထက်ဝက်ဈေးဖြင့်သာ ဝယ်ယူသောကြောင့် အုတ်လုပ်ငန်းရှင်များက အမြတ်အစွန်းဆုံးရုံးနေသည်ဟု ဒေသခံတို့၏ ပြောပြချက်အရ သိရသည်။

လွန်ခဲ့သည့် ၃ ပတ်ကျော်က စစ်သားအရာရှိများက ကားဖြင့် အုတ်လုပ်ငန်းရှင်များထံသို့ လာရောက် ကာ စစ်တပ် တပ်စခန်းများ တိုးချဲ့ဆောက်လုပ်ရန်၊ အုတ်ရေအလုံး သိန်း ၄၀၀ ကျော်လိုအပ်သဖြင့် ရှိသမျှ အုတ်များကို ၄င်းတို့အား လျှော့ဈေးဖြင့် ရောင်းရန် အုတ်လုပ်ငန်းရှင်များကို ပြောကြားခဲ့သည်ဟု အုတ်လုပ်ငန်းရှင်တစ်ဦးမှ သိရသည်။

အုတ်များမှာ ဝယ်ယူသူများက စရံငွေပေးထားပြီးသား ဖြစ်နေသောကြောင့် အကုန်လုံးရောင်းချရန် မဖြစ်နိုင်ကြောင်း အုတ်လုပ်ငန်းရှင်များက ပြောသည်ကို နီးစပ်သူတစ်ဦးက ပြန်ပြောပြသည်။

“အကုန်လုံးရောင်းလို့မရရင် တဝက်လောက်ရောင်းရမယ်လို့ စစ်သားတွေက အတင်းပြောတော့ အုတ်ပိုင်ရှင်တွေက မရောင်းချင်လည်း ရောင်းရတာပေါ့” ဟု မုဒုံမြို့နယ်၊ ကမာဝက်ကျေးရွာရှိ အုတ်လုပ်ငန်းရှင်နှင့် နီးစပ်သူတစ်ဦးက ပြောသည်။

ဝယ်ယူသော်လည်း ပေါက်ဈေးအတိုင်း မဝယ်ယူပဲ လျော့ဈေးနှင့်သာ စစ်တပ်မှ ဝယ်ယူလိုသောကြောင့် အုတ်လုပ်ငန်းရှင်များက အရုံးပေါ်မည်စိုး၍ မရောင်းချင်ကြဟု အုတ်လုပ်ငန်းရှင်တစ်ဦးမှ သိရသည်။

“ဟိုဈေးဒီဈေးမပြောနဲ့ အကုန်လုံး လျော့ဈေးနဲ့ယူမယ်လို့ သူတို့ (စစ်သား) ပြောတယ်၊ အခု အုတ်ပေါက်ဈေးက တစ်လုံးကို ၅၀ ကျော်တယ်၊ သူတို့က ၃၀ ဈေးနဲ့ပဲ ယူတော့ ကျနော်တို့ ဘာတတ်နိုင်မလဲ၊ အရုံးပေါ်လည်း ပေးရတာပေါ့” ဟု အမည်မဖော်လိုသူ အုတ်လုပ်ငန်းရှင်တစ်ဦးက ပြောသည်။

ကမာဝက်ကျေးရွာရှိ အုတ်လုပ်ငန်းရှင်တစ်ဦးကမူ ၄င်း၏အုတ်ဖိုတွင် အုတ်ရေ နှစ်သိန်းရှိရာ အုတ်တစ်သိန်းကို စစ်တပ်သို့ ရောင်းခဲ့ရသည်ဟု ၄င်းနှင့်နီးစပ်သူမှ သိရသည်။

ထို့နည်းတူ သံဖြူဇရပ်မြို့၊ မုဒုံမြို့နှင့် လမိုင်းမြို့တို့မှ အုတ်လုပ်ငန်းရှင်များလည်း ၄င်းတို့၏အုတ်ရေ ထက်ဝက်ခန့်ကို စစ်တပ်သို့ လျှော့ဈေးဖြင့် ရောင်းရန် စစ်တပ်မှ လာပြောထားခဲ့သည်ဟု ဒေသခံတို့မှ သိရသည်။

ဝယ်ယူပြီးသော အုတ်များကို ရေးမြို့နယ်ဘက်သို့ ကားဖြင့် သယ်ယူသွားသည်ဟု မျက်မြင်သက်သေ မုဒုံမြို့နယ်ခံတစ်ဦးက ပြောသည်။ ၄င်းအုတ်များသည် ဘုရားသုံးဆူဒေသရှိ နယ်ခြားစောင့်တပ် စစ်သင်တန်းကျောင်းနှင့် နယ်ခြားစောင့်တပ်စခန်းများ တည်ဆောက်ရာတွင် အသုံးပြုရန် ဖြစ်နိုင်သည်ဟု ဒေသခံတစ်ချို့က ပြောသည်။

မလေးရှားတွင် ကျင်းပသော ဒေါ်စုမွေးနေ့ပွဲ၌ ဖမ်းဆီးခံရသူများ မလွတ်သေး

ဇော်ကြီး။
ဇွန်လ ၂၅ ရက်၊ ၂၀၀၉ ခုနှစ်။

မလေးရှားနိုင်ငံတွင်ကျင်းပခဲ့သော ဒေါ်အောင်ဆန်းစုကြည်မွေးနေ့အခမ်းအနား၌ ဖမ်းဆီးခံရသူ(၁၄)ဦးမှာ မလေး ရှားအချုပ်ထဲ၌ အထိန်းသိမ်းခံနေရဆဲဖြစ်သည်ဟု မြန်မာ့အရေး လှုပ်ရှားသည့် အဖွဲ့များကပြောသည်။

ယခုလ (၁၉) ရက်နေ့က ကျင်းပသော ဒေါ်အောင်ဆန်းစုကြည်၏ ၆၄ နှစ်ပြည့် မွေးနေ့ အခမ်းအနားပြုလုပ်ရာ တွင် တရားဝင်ခွင့်ပြုချက် ရယူခြင်း မရှိသည့်အတွက် မြန်မာနိုင်ငံသား ၁၆ ဦးအား မလေးရှား အာဏာပိုင်များမှ ဖမ်းဆီးခဲ့ခြင်းဖြစ်သည်။

တရားဝင်အလုပ်သမား လက်မှတ် ကိုင်ဆောင်ထားသူ နှစ်ဦးကိုသာ ပြန်လွတ်ပေးကာ ကျန်သူများကို ထိန်းသိမ်း ထားဆဲဟု မလေးရှားအခြေစိုက် မြန်မာအလုပ်သမား အခွင့်အရေး ကာကွယ်ပေးရေးကော်မတီ (BWRPC) မှ ကိုကျော်ထူးအောင်က ယခုလို ပြောသည်။

“အဲဒီကိစ္စနဲ့ပတ်သက်ပြီးတော့ ဒီမှာလည်းတော်တော်လေးကိုဂယက်ရိုက်သွားတယ်။ သူတို့ လွတ်တယ် ပြောတဲ့သူတွေကလည်း ကျနော်တို့လူတွေချည်းပဲ။ ကျနော်တို့ဆီလည်း ပြန်မရောက် လာဘူး၊ ရဲစခန်း မှာမေးတော့လည်းမလွတ်သေးဘူး။ ရှေ့နေတွေဘာတွေကို မေးတော့လည်း မလွတ်သေးဘူး။ နောက် ဆုံး ကျနော်တို့ အတည်ပြုထားတာက လုံးဝ မလွတ်သေးဘူး။ရဲစခန်းက ကိုယ်တိုင်ကပြောတာ မလွတ် သေးဘူးတဲ့။”

ထိမ်းသိမ်းခံရသူများထဲ၌ ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR) အသိအမှတ်ပြု ထုတ်ပေး ထားသည့် လက်မှတ်ကိုင်ဆောင်ထားသူ ၆ ဦးပါဝင်ပြီး ၎င်းတို့အား ပြန်လည်လွှတ်ပေးလိုက်သည်ဟု သတင်းများ ထွက်ပေါ်နေသည့်အပေါ် “အဲဒီအဖမ်းခံရတဲ့ အထဲမှာ ကျနော်တို့လူ ၃ ယောက် ပါတယ်။ ကျနော်တို့လူ ၃ ယောက်စလုံးက UNHCR လက်မှတ်တွေနဲ့ပဲ။ နောက်ထပ် ၃ ယောက်ပဲ UNHCR လက်မှတ်ရှိတယ်။ အကယ်၍ ၆ ယောက်လွတ်လာတယ်ဆိုရင် အဲဒီ UNHCR မှတ်ပုံတင်ထားတဲ့သူ ၆ ယောက်ပဲဖြစ်နိုင် တယ်။ ဒါပေမယ့် အဲဒီ ၆ ယောက် စလုံး ကျနော်တို့ကို ဘယ်သူမှ အဆက်အသွယ် မလုပ်သေးဘူး။ UNHCR ကိုဖုန်းဆက်တော့လည်း သူတို့မသွားရသေးဘူး။” ဟု ၎င်းက ဆက်ပြောသည်။

ထိုနေ့ညက အဖမ်းခံရသူပေါင်း ၁၆ ဦးရှိပြီး တရားဝင်လက်မှတ်ကိုင်ဆောင်ထားသူ ၂ ဦးကို ပြန်လွတ်ပေးခဲ့ကာ ကျန် ၁၄ ဦးအား ယနေ့တိုင် ထိန်းသိမ်းထားဆဲဖြစ်သည်ဟု အဖမ်းခံရ သည့်ညက ပြန်လွတ်လာသူ လူ့ဘောင် သစ်ဒီမိုကရက်တစ်ပါတီမှ ကိုမင်းသိန်းကယခုလို အတည်ပြုပြောသည်။

“လုံးဝတော့ မလွတ်သေးဘူး။ မလွတ်သေးဘူးဆိုတာ အဲတာတော့ ကျိန်းသေတယ်။ လွတ်တာနဲ့ ကျ နော်တို့ အကုန်လုံး အဆက်အသွယ်ရှိတယ်။ အဓိကကတော့ အဲဒီမှာ ဦးစီးပြီး လုပ်နေတာက ရှေ့နေ များကောင်စီက ဂျနီဖားဆိုတဲ့ ရှေ့နေမပေါ့။ အဲ့ဒီညက သူကိုယ်တိုင် လည်းပါတယ်။ သူကိုယ်တိုင် ဦးစီးပြီး အဲဒီကိစ္စကို လိုက်နေတာ။ တကယ်လို့ လွတ်လာတယ် ဆိုရင် ကျနော်တို့ အားလုံးသိမှာပေ့ါ။”

လောလောဆယ်အခြေအနေအရ ထိန်းသိမ်းခံထားရသူများအား မည်သည့်ပုဒ်မဖြင့် တရားစွဲ မည်ကို မသိရသေး သော်လည်း တရားမ၀င် ၀င်ရောက်မှုဖြစ်နိုင်သည်ဟု ၎င်းက ဆက်ပြော သည်။

အဖမ်းဆီးခံထားရသူများအနက် ရခိုင်ဒုက္ခသည်ကယ်ဆယ်ရေးကော်မတီ (ARRC) မှ ဒု-ဥက္ကဋ္ဌ ကိုသန်းဦးလည်း ပါဝင်ပြီး UNHCR လက်မှတ်ကိုင်ထားသူများအား လွတ်ပေးလိုက်သည့် သတင်းကို အတည်မပြုနိုင်သေးဟု ARRC မှ ကိုခိုင်အေးက ပြောသည်။

မလေးရှား ဥပဒေအရ အထိန်းသိမ်းခံထားရသူများအား တွေ့ဆုံခွင့်ကို ပိတ်ပင်ထားကာ ထိန်းသိမ်းပြီး ၁၄ ရက် ကြာမှတွေ့ဆုံခွင့်ရနိုင်ပြီး မလေးရှား လူဝင်မှုကြီးကြပ်ရေးဥပဒေအရ အရေးယူခံရနိုင်သည်ဟု မြန်မာ့အရေး ဆောင်ရွက်နေသူများက ခန့်မှန်းကြသည်။

ဒေါ်အောင်ဆန်းစုကြည်၏ မွေးနေ့ပွဲကို မလေးရှားအတိုက်အခံပါတီ Parkatan Rakyat (PKR) မှ ဦးဆောင် ပြုလုပ်၍ မလေးရှား NGO အဖွဲ့အစည်းများနှင့် မြန်မာ့အရေး ဆောင်ရွက် နေသူများ တက်ရောက်ခဲ့ကြသည်။


ထင်ရှားသည့် အမေရိကန်အနုပညာရှင်က ဒေါ်အောင်ဆန်းစုကြည်ကို ပုံတူဖြင့် ဂုဏ်ပြု
2009-06-25

ထင်ရှားတဲ့ အမေရိကန်အနုပညာရှင် ရှက်ပတ်ဒ် ဖယ်ရီ (Shepard Fairey) က Freedom to Lead ဆိုတဲ့ ခေါင်းစဉ်နဲ့ မြန်မာ့ ဒီမိုကရေစီခေါင်းဆောင် ဒေါ်အောင်ဆန်းစုကြည်ရဲ့ ပုံတူ ရုပ်ပုံလွှာတပုံကို ရေးဆွဲပြီး ဇွန်လ ၂၄ရက် မနေ့က စတင်ဖြန့်ချိခဲ့ပါတယ်။ အခုလို ရေးဆွဲခဲ့တာဟာ မြန်မာနိုင်ငံ ဒီမိုကရေစီနဲ့ လူ့အခွင့်အရေးကို ထောက်ပံ့တဲ့အနေနဲ့ ဖြစ်ကြောင်းလည်း ပုံရဲ့အောက်မှာ "Support Human Rights" "Democracy in Burma" ဆိုတဲ့ စာတန်း နှစ်ခုကိုလည်း ရေးသားထားပါတယ်။ ရှက်ပတ်ဒ် ဖယ်ရီ (Shepard Fairey) ဟာ ၂ဝဝ၈ ခုနှစ်က အမေရိကန်သမတလောင်း အိုဘားမား မဲဆွယ်ပွဲအတွက် မျှော်လင့်ချက် "Hope" ဆိုတဲ့ ခေါင်းစဉ်နဲ့ အိုဘားမားရဲ့ ပုံတူရုပ်ပုံလွှာကို ရေးဆွဲခဲ့သူ အနုပညာရှင်အဖြစ် နာမည်ကျော်ကြားနေသူပါ။

(Courtesy of US Campaign for Burma)

နာမည်ကျော် အမေရိကန်အနုပညာရှင် ရှက်ပတ်ဒ် ဖယ်ရီ (Shepard Fairey) ဂုဏ်ပြု ရေးဆွဲသော ဒေါ်အောင်ဆန်းစုကြည်၏ ပုံတူ သရုပ်ဖော်ပန်းချီ ဖြစ်ပါသည်။ (Courtesy of US Campaign for Burma)
Shepard က ဒေါ်အောင်ဆန်းစုကြည်ရဲ့ ပုံကို ရေးဆွဲခဲ့ရာမှာလဲ သမတ အိုးဘားမား ရုပ်ပုံလွှာတုန်း ကလိုပဲ ကြည်လင်ပြတ်သားတဲ့ လိုင်းမာတွေနဲ့ရေးဆွဲပြီး ဒီပုံမှာတော့ အနီနဲ့အနက်ရောင်ကို အသုံးပြုထားပါတယ်။ ရှက်ပတ်ဒ် ဖယ်ရီ (Shepard Fairey) နဲ့ပတ်သက်ပြီး US Campaign for Burma အဖွဲ့က Jeremy Woodrum က Shepard အမေရိကန် ပြည်ထောင်စုမှာ အထင်ရှားဆုံး အနုပညာရှင်တွေထဲက တဦးပါ။ အထူးသဖြင့် တက်ွ့ကတဲ့ လူငယ်ထုတွေက သူ့လက်ရာကို နှစ်သက်ကြပါတယ်။ သမတ အိုဘားမား ရုပ်ပုံလွှာ ဆွဲပြီးတဲ့နောက်မှာ သူက ဒေါ်အောင်ဆန်းစုကြည်ပုံကို ဆွဲဖို့ စီစဉ်ခဲ့တာပါလို့ Jeremy က ပြောသွားပါတယ်။

မြန်မာ့ လူ့အခွင့်အရေးနဲ့ ပတ်သက်ပြီး ၁ဝ နှစ်ကျော် ဆောင်ရွက်နေခဲ့တဲ့ ဂျက်ခ် ဟီရိုရီ (Jack Heaoey) ကလည်း ပန်းချီဆရာ Shepard အခု ဒေါ်အောင်ဆန်းစုကြည်ပုံ ရေးဆွဲခဲ့တာဟာ ဒေါ်အောင်ဆန်းစုကြည်နဲ့ မြန်မာပြည်သူတွေ လွတ်မြောက်ရေးနဲ့ ရွေးကောက်ပွဲမှာ အနိုင်ရထားတဲ့အပေါ် အာဏာလွှဲပြောင်းရေးတို့အတွက် ထောက်ခံတဲ့သဘော ပြတာလို့ ထင်မြင်ကြောင်း ပြောသွားပါတယ်။ ဒီ ဒေါ်အောင်ဆန်းစုကြည် ရုပ်ပုံလွှာကို ကမႝာတဝန်း ဆက်လက် ဖြန့်ချိသွားမယ်လို့လည်း သိရပါတယ်။


ရွှေတြိဂံ ဘိန်းစိုက်ပျိုးမှု တိုက်ဖျက်ရေး ထိုင်းလောက် မြန်မာအောင်မြင်မှုမရ
2009-06-25

ရွှေတြိဂံဒေသလို့ နာမည်ကြီးခဲ့တဲ့ ထိုင်း၊ မြန်မာနဲ့ လာအို နယ်စပ် ဒေသက ဘိန်းစိုက်ပျိုးမှု ပပျောက်ရေးနဲ့ ဘိန်းအစားထိုးသီးနှံ စိုက်ပျိုးရေးလုပ်ငန်းတွေအနက် ထိုင်းနိုင်ငံမှာ အောင်မြင်ပေမဲ့ မြန်မာနဲ့ လာအိုမှာတော့ ထင်သလောက် အောင်မြင်မှုမရှိဘူးလို့ လေ့လာသူတွေက ဆိုပါတယ်။

(Photo: AFP)

မြန်မာ စစ်အစိုးရသည် မူးယစ်ဆေးဝါး တိုက်ဖျက်ရေးကို မိမိတို့ လုပ်ဆောင်နေကြောင်း ပြသသည့်အနေဖြင့် ဖမ်းဆီးမိသော မူးယစ်ဆေးဝါး မျိုးစုံ ဒေါ်လာ ၂၇၂ . ၅သန်းဖိုးကို ၂ဝဝ၇ခုနှစ် ဇွန်လ ၂၆ရက်နေ့က လားရှိုးမြို့တွင် မီးရှို့ပြနေပုံ ဖြစ်ပါသည်။ (Photo: AFP)

အာဖဂန်နစ္စတန်နိုင်ငံ ဘိန်းစိုက်ပျိုးမှု ပပျောက်ရေးအတွက် ဓာတ်ငွေ့ဖျန်း ဖျက်ဆီးတဲ့ စီမံကိန်းတွေ မအောင်မမြင် ဖြစ်ခဲ့ကြောင်း၊ ဒါပေမဲ့ ရွှေတြိဂံဒေသက ထိုင်းနိုင်ငံမှာ ဘိန်းစိုက်ပျိုးမှု ပပျောက်ရေး လုပ်ငန်းတွေဟာ အောင်မြင်တဲ့အကြောင်း၊ ဒါ့ကြောင့် ထိုင်းနိုင်ငံရဲ့ နည်းကို အတုယူဖို့ အာဖဂန်နဲ့ အီရတ်ဆိုင်ရာ အမေရိကန် အထူးကိုယ်စားလှယ် မစ္စတာ ရစ်ချတ် ဟိုးလ်ဘရွတ်က ဒီကနေ့ ဇွန်လ ၂၅ရက်မှာ ပြောကြားလိုက်ပါတယ်။

ထိုင်းနိုင်ငံမှာ ဘိန်းအစားထိုးသီးနှံနည်းနဲ့ အောင်မြင်ရတာနဲ့ ပတ်သက်လို့ အောင်မြင်ရတာဟာ လူမှုရေး၊ နိုင်ငံရေး အခြေအနေတွေနဲ့လည်း ဆက်စပ်ပါတယ်လို့ လေ့လာသူတွေက ဆိုပါတယ်။

မြန်မာနိုင်ငံတွင်း ဘိန်းစိုက်ပျိုးမှုနဲ့ ပတ်သက်ပြီး လေ့လာသူတဦးဖြစ်တဲ့ ထိုင်းနိုင်ငံအခြေစိုက် ရှမ်းသံတော်ဆင့် သတင်းဌာန အယ်ဒီတာ ဦးခွန်ဆိုင်းက ထိုင်းနိုင်ငံရဲ့ အောင်မြင်မှုကို အခုလို သုံးသပ်ပြောကြားပါတယ်။

ဦးခွန်ဆိုင်း။ ။ 'ဒီအရှေ့တောင်အာရှမှာက ဘိန်းစိုက်ပျိုးမှု (တိုက်ဖျက်)တာ အောင်မြင်တယ်လို့ ပြောနိုင်တဲ့ဟာ ထိုင်းနိုင်ငံပဲ ရှိပါတယ်။ ထိုင်းနိုင်ငံကတော့ သူက ဘုရင်ကိုယ်တိုင် ဦးဆောင်ပြီးတော့မှ သူက လုပ်ဆောင်တာကိုး နော်။ နောက်ပြီးတော့မှ ဒီ အစားထိုး သီးနှံတွေ စိုက်ပျိုးတာတွေလည်း သူတို့က သေသေချာချာ ဦးစီးပြီးတော့ လုပ်တယ်။ ဘုရင်ကိုယ်တိုင် ဦးစီးပြီးတော့ လုပ်တယ်ဆိုတော့ သူတို့က အောင်မြင်တယ်လို့ ပြောလို့ ရတာပေါ့နော်။'

မြန်မာနိုင်ငံမှာတော့ ရာသီဥတုကြောင့် ဒီနှစ် ဘိန်းအထွက်ကျခဲ့ပေမဲ့ ထိုင်းနိုင်ငံလို အောင်မြင်မှု မရှိဘူးလို့ ဦးခွန်ဆိုင်းက ပြောပါတယ်။

ဦးခွန်ဆိုင်း။ ။ 'ရှမ်းပြည်တို့၊ ဗမာပြည်တို့ ဒီ ကချင်ပြည်တို့ ဆိုရင်တော့ ဒီဥစ္စာ ဒီလိုမျိုးနည်းကို သုံးဖို့ ဆိုလို့ရှိရင် က္ဆွန်တော်တို့ နိုင်ငံမှာ ဒီ လူတကာက လူအများက ကြည်ညိုလေးစားတဲ့ ပုဂ္ဂိုလ်မျိုး ဦးဆောင်တာ ဖြစ်ရမယ်။ နော်၊ အဲလိုမျိုး မဖြစ်ပဲနဲ့ တကယ်လို့ လူအများက မုန်းတီးရွံရှာတဲ့ ပုဂ္ဂိုလ်မျိုးက ဦးဆောင်တယ် ဆိုလို့ရှိရင်တော့ အောင်ဖို့ လမ်းလည်း မရှိပါဘူး။ သူတို့က တပ်တွေကို မဟားဒရား တည်ထောင်တယ်။ ဒီစစ်တပ်တွေကို သူတို့ စားဖို့ သောက်ဖို့၊ ဝတ်စားနေထိုင်ဖို့ရော ဘာမှ တာဝန် မယူပေးဘူး။ ကိုယ့်တာဝန်ကို ကိုယ်ယူရတယ်။ ကိုယ်စားဖို့ နေထိုင်ဖို့ ဒါတွင်မကသေးဘူး၊ တပ်ရင်း ရန်ပုံငွေအတွက် ရှာပေးရတယ်။ အဲလိုမျိုး အခြေအနေမှာ ဘိန်းပပျောက်ရေး လာလုပ်မယ်ဆိုတော့ သူက သိပ်ခက်သွားတာပေါ့။ ဘိန်းစိုက်မှ ကိုယ့်အတွက်လည်း ဖူလုံတယ်၊ စစ်တပ်ကို ကွေ္ဆးဖို့လည်း ဖူလုံတယ်၊ အဲလိုမျိုး ဖြစ်နေတယ်ဗျ။'

အာဖဂနစ္စတန်ဟာ ကမႝာ့ဘိန်းစိုက်ပျိုးမှုမှာ အများဆုံးနိုင်ငံဖြစ်ပြီး မြန်မာနိုင်ငံက ဒုတိယနေရာမှာ ရှိပါတယ်။

အာဖဂန်မှာ ဘိန်းပပျောက်ဖို့ အမေရိကန်အစိုးရအနေနဲ့ ဘဏ္ဍာငွေ ဒေါ်လာ သန်းရာပေါင်းများစွာ သုံးနေပေမဲ့ ထိရောက်မှု မရှိတဲ့အပြင် အစ္စလာမ် အစွန်းရောက် အကြမ်းဖက်သမားတွေအတွက် ဝါဒဖြန့် လူစုဆောင်းရာမှာ အကြောင်းရင်းတခုလိုတောင် ဖြစ်လာခဲ့တယ်လို့ မစ္စတာဟိုးလ်ဘရွတ်က ပြောကြားပါတယ်။


ဂ္ဆွန်ယက်တောအမှုကိစ္စ စစ်အစိုးရက သတင်းစာရှင်းလင်းပွဲ ပြုလုပ်
2009-06-25

ဒေါ်အောင်ဆန်းစုကြည်အမှုမှာ တရားခံတဦးအဖြစ် စွပ်စွဲခံထားရတဲ့ အမေရိကန်နိုင်ငံသား John William Yettaw ဟာ နောက်ကွယ်မှာ ထိုင်းနိုင်ငံ အခြေစိုက် အတိုက်အခံ နိုင်ငံရေး အဖွဲ့အစည်းတွေနဲ့ ဆက်နွယ်မှုရှိနေတယ်လို့ မြန်မာစစ်အစိုးရ ရဲချုပ်က ဒီကနေ့ ဇွန်လ ၂၅ရက်မှာ စွပ်စွဲ ပြောကြားလိုက်ပါတယ်။

(Photo: AFP)

အင်းယားကန်ကို ဖြတ်ကူးပြီး ဒေါ်အောင်ဆန်းစုကြည်၏ နေအိမ်တွင်း ခိုးဝင်မှုဖြင့် ဖမ်းဆီး တရားစွဲဆိုခြင်း ခံနေရသော အမေရိကန် နိုင်ငံသား ဂ္ဆွန် ဝီလီယမ် ယက်တော ရန်ကုန်မြို့တွင် ခေါင်းစွပ်အမဲစွပ်ပြီး မိမိဖာသာ ရိုက်ကူးထားသော ဓာတ်ပုံကို ဇွန်လ ၂၅ရက်နေ့က ပြုလုပ်သည့် သတင်းစာရှင်းလင်းပွဲတွင် ပြသထားပါသည်။ (Photo: AFP)

ဂ္ဆွန်ယက်တောအကြောင်း ရည်ရွယ်ပြောကြားတဲ့ သတင်းစာရှင်းလင်းပွဲတခုကို ဒီကနေ့ နေ့လယ်က ရန်ကုန်မြို့ ကမာရွတ်မြို့နယ် ပြည်ထဲရေးဝန်ကြီးဌာန မူးယစ်ဆေးဝါး ပြတိုက်မှာ မြန်မာစစ်အစိုးရ ရဲချုပ် ဗိုလ်မှူးချုပ် ခင်ရီက ဦးဆောင်ပြီး ကျင်းပရာမှာ ဗိုလ်မှူးချုပ်ခင်ရီက အခုလို စွပ်စွဲလိုက်တာ ဖြစ်ပါတယ်။

ဒီသတင်းစာရှင်းလင်းပွဲမှာ နောက်ကွယ်က အဖွဲ့အစည်းကို နာမည်နဲ့ ထုတ်ဖော်ပြောဆိုတာ မရှိပေမဲ့ ထိုင်းမြန်မာနယ်စပ် မဲဆောက်မှာ ၂ဝဝ၈ ခုနှစ် စက်တင်ဘာ အောက်တိုဘာတွေမှာ နေထိုင်စဉ် မဲဆောက်မြို့က နိုင်ငံရေးအကျဉ်းသား ကူညီစောင့်ရှောက်ရေးအဖွဲ့ (AAPP) က တွဲဖက် အတွင်းရေးမှူး ကိုဘိုကြည်နဲ့ တွေ့ဆုံခဲ့ကြောင်း ရဲချုပ်ခင်ရီက ပြောပါတယ်။

ဒီသတင်းစာရှင်းလင်းပွဲမှာ ကုလသမဂ္ဂ အထူးကိုယ်စားလှယ် မစ္စတာဂမ်ဘာရီရဲ့ ခရီးစဉ်နဲ့ ပတ်သက်လို့ မေးမြန်းရာမှာ သူ့အနေနဲ့ မသိရှိကြောင်း၊ မြောက်ကိုရီးယားသင်္ဘောနဲ့ ပတ်သက်လို့ မေးခွန်းကိုလည်း မနေ့က သတင်းစာမှာ ထုတ်ပြန်ထားတဲ့အတိုင်းပဲ ဖြစ်ကြောင်းသာ ဖြေကြားခဲ့တယ်လို့ သိရပါတယ်။

ဒီသတင်းစာရှင်းလင်းပွဲနဲ့ ပတ်သက်လို့ သတင်းစာရှင်းလင်းပွဲကို တက်ရောက်ခဲ့တဲ့ ရန်ကုန်က သတင်းထောက်တဦးနဲ့ RFA မှ ကိုကျော်မင်းထွန်းက ဆက်သွယ် မေးမြန်းထားပါတယ်။


ဂမ်ဘာရီ မြန်မာပြည်သို့ သောကြာနေ့ရောက်မည်
2009-06-25

ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ် မစ္စတာ ဂမ်ဘာရီဟာ မြန်မာနိုင်ငံကို မနက်ဖြန် ဇွန်လ ၂၆ရက် သောကြာနေ့မှာ ရောက်ရှိမယ်လို့ အမည်မဖော်လိုတဲ့ မြန်မာအရာရှိတဦးက အတည်ပြု ပြောဆိုပါတယ်။

(Photo: UN Photo/Eskinder Debebe )

မြန်မာ့ နိုင်ငံရေး ပြဿနာ ဖြေရှင်းရေးအတွက် ကုလသမဂ္ဂ အတွင်းရေးမှူးချုပ်က အထူးကိုယ်စားလှယ်အဖြစ် ခန့်အပ် တာဝန်ပေးထားသော မစ္စတာ အီဘရာဟင် ဂမ်ဘာရီ၏ မှတ်တမ်းဓာတ်ပုံ ။ (Photo: UN Photo/Eskinder Debebe )

မစ္စတာ ဂမ်ဘာရီအနေနဲ့ စစ်အစိုးရအဖွဲ့ဝင်တွေနဲ့ တွေ့ဆုံဖို့ရှိသလို၊ အမျိုးသားဒီမိုကရေစီ အဖွဲ့ချုပ် ခေါင်းဆောင်တွေနဲ့လည်း တွေ့ဆုံလိမ့်မယ်လို့ ကုလသမဂ္ဂ တာဝန်ရှိသူတွေကလည်း ပြောဆိုပါတယ်။

မစ္စတာဂမ်ဘာရီဟာ ကုလသမဂ္ဂ အတွင်းရေးမှူးချုပ်ကို ပြန်လည် အစီရင်ခံရမှာဖြစ်ပါတယ်။ အဲဒီအခြေအနေတွေပေါ်မှာ ကြညြ့်ပီး အတွင်းရေးမှူးချုပ် မစ္စတာ ဘန်ကီမွန်းက မြန်မာနိုင်ငံကို လာမဲ့ ဇူလိုင်လဆန်းပိုင်းမှာ သွားဖို့မသွားဖို့ကို ဆုံးဖြတ်မှာ ဖြစ်ပါတယ်။

မစ္စတာ ဂမ်ဘာရီဟာ သောကြာနေ့မှာ ရန်ကုန်မြို့ကို လေယာဉ်နဲ့ ရောက်ရှိမှာ ဖြစ်ပြီး စနေနေ့မှာ ပြန်လည်ထွက်ခွာမှာ ဖြစ်ကြောင်း၊ ရန်ကုန်ကနေတဆင့် စစ်အစိုးရ ရုံးစိုက်ရာ နေပြည်တော်ကို သွားမှာ ဖြစ်ကြောင်း အမည်မဖော်လိုတဲ့ မြန်မာအရာရှိက ပြောဆိုခဲ့ပါတယ်။

ဒါ့အပြင် ရန်ကုန်မှာရှိတဲ့ မြန်မာသံတမန် အသိုင်းအဝိုင်းကလည်း မစ္စတာ ဂမ်ဘာရီ သောကြာနေ့ ရောက်မယ်လို့ မျှော်လင့်ရကြောင်း ပြောဆိုပါတယ်။


ဝက်တုပ်ကွေးသတင်းများ မြန်မာနိုင်ငံမှာ ထွက်ပေါ်
2009-06-25

အရှေ့တောင်အာရှနိုင်ငံတွေမှာ A-H1N1 အမျိုးအစား တုပ်ကွေးရောဂါ ဖြစ်ပွားမှု သိသိသာသာ တိုးများလာနေပြီး၊ ကမေႝာဒီးယားနဲ့ အင်ဒိုနီးရှားနိုင်ငံတွေမှာလည်း ရောဂါ စတင်ဖြစ်ပွားနေပြီလို့ သက်ဆိုင်ရာ နိုင်ငံတွေက သတင်း ထုတ်ပြန်ထားပါတယ်။

(Photo: AFP)

ထိုင်ဝမ်ရှိ မူလတန်းကျောင်းတခုတွင် ပိုးသတ်ဆေး ပက်ဖျန်းပြီး ဝက်တုပ်ကွေး ရောဂါ ကာကွယ်ရေး လုပ်ဆောင်နေပုံဖြစ်ပါသည်။ (Photo: AFP)

မြန်မာနိုင်ငံမှာလည်း ရောဂါကူးစက် ဖြစ်ပွားမှုတွေ ရှိနေတယ်လို့ သတင်းတွေ ထွက်ပေါ်နေပေမဲ့ စစ်အစိုးရက သတင်းထုတ်ပြန်မှု မရှိသလို၊ WHO ကမႝာ့ ကျန်းမာရေးအဖွဲ့ကလည်း ရောဂါကူးစက် ဖြစ်ပွားမှု မရှိသေးဘူးလို့ အမည်မဖော်လိုတဲ့ ရန်ကုန် WHO ရုံးအရာရှိတယောက်က ပြောပါတယ်။

WHO အရာရှိ။ ။ 'မရှိပါဘူးဗျာ။ က္ဆွန်တော်တို့ ဒီမှာ update တွေလေ၊ ဒီမှာ တွေ့တာတွေ အကုန်လုံးက ဝက်ဘ်ဆိုက်ထဲမှာ တင်ထားတယ်နော်။ အဲဒီ ဝက်ဘ်ဆိုက်မှာ ကြည့်ရင် က္ဆွန်တော်တို့ ဒီက response တို့၊ လုပ်ထားတာတွေ အကုန်လုံး ပါပါတယ်။ ဝက်ဘ်ဆိုက်ထဲမှာ တင်ထားတယ်။ www.whomyanmar.org ထဲမှာ ကြည့်ရင် အကုန်ရပါတယ်။'

မြန်မာနိုင်ငံဆိုင်ရာ ကမႝာ့ ကျန်းမာရေးအဖွဲ့ရုံးရဲ့ အင်တာနက် စာမျက်နှာမှာတော့ တခြား ပတ်ဝန်းကျင် နိုင်ငံတွေမှာ ရောဂါ ဖြစ်ပွားမှု အချက်အလက်တွေကိုသာ ဖော်ပြထားပြီး၊ ဒီကနေ့အထိ မြန်မာနိုင်ငံက ဖြစ်ပွားမှု အခြေအနေနဲ့ ပတ်သက်လို့ ဖော်ပြမထားပါဘူး။

ဒီအတောအတွင်း မြန်မာနိုင်ငံရောက် သြစတြေးလျနိုင်ငံသူ အမျိုးသမီးတဦးမှာ တုပ်ကွေး ရောဂါပိုးကူးစက် ခံထားရကြောင်း သံသယရှိတဲ့အတွက် ဝက်တုပ်ကွေးရောဂါ၊ ဟုတ်မဟုတ် သက်ဆိုင်ရာက စမ်းသပ်စစ်ဆေးမှုတွေ ပြုလုပ်နေတယ်လို့ ကျန်းမာရေးဝန်ကြီးဌာနနဲ့ နီးစပ်တဲ့ သတင်းရပ်ကွက်က ပြောပါတယ်။

မြန်မာနိုင်ငံမှာ A-H1N1 အမျိုးအစား တုပ်ကွေးရောဂါ ကူးစက်ဖြစ်ပွားနေတယ်ဆိုတဲ့ သတင်းတွေနဲ့ ပတ်သက်လို့ RFA က သီးခြားအတည်ပြုလို့ မရသေးပါဘူး၊

အိမ်နီးချင်း ထိုင်းနိုင်ငံမှာ ဒီရောဂါပိုး နောက်ထပ်ကူးစက်ခံရသူ ၆၉ ဦး ရှိတဲ့အတွက် ရောဂါဖြစ်ပွားနေသူ ၁ဝ၅၄ ဦး ရှိသွားပြီ ဖြစ်ပါတယ်။ ဒေသတွင်းက မလေးရှားမှာ ၈ဝ ဦး၊ စင်ကာပူနိုင်ငံမှာ ၂၂ဝ ဦး၊ ဗီယက်နမ်မှာ ၅၆ ဦး၊ လာအိုမှာ ၃ ဦး၊ အိန္ဒိယမှာ ၅၉ ဦးနဲ့ ဘင်္ဂလားဒေ့်ရ်ှမှာ ၇ ဦး စသဖြင့် ရောဂါ ကူးစက် ဖြစ်ပွားနေပါတယ်။


ကမႝာ့ စီးပွားရေးကျဆင်းမှုကြောင့် မြန်မာနိုင်ငံ AIDS တိုက်ဖျက်ရေး ပိုမိုနှောင့်နှေး
2009-06-25

ကမႝာမှာ စီးပွားရေးကပ်ဆိုက်နေချိန် နိုင်ငံတကာ အကူအညီများ ကျဆင်းလာတာကြောင့် မြန်မာနိုင်ငံမှာ HIV / AIDS ဝေဒနာရှင်များ ပိုပြီးများလာတယ်လို့ ဒီရောဂါနဲ့ပတ်သက်ပြီး အကူအညီပေးရေး လုပ်ငန်းများ လုပ်ကိုင်နေသူတွေက RFAကို ပြောပါတယ်။

(Photo: AFP)

နိုင်ငံတကာ အေ့ဒ်စ်ရောဂါ ညီလာခံတခုတွင် HIV/AIDS ဝေဒနာရှင်များကို အသက်ဆက်ပေးနိုင်သော ARV ဆေးအချို့ကို ပြသနေပုံဖြစ်ပါသည်။ (Photo: AFP)

ဒီကိစ္စနဲ့ ပတ်သက်ပြီး ပြီးခဲ့တဲ့လက ကုလသမဂ္ဂက သတိပေးချက်တရပ် ထုတ်ပြန်ခဲ့ပါတယ်။ ကမႝာ့စီးပွားရေး မတည်မငြိမ် ဖြစ်နေချိန်မှာ ချမ်းသာတဲ့ နိုင်ငံများက အကူအညီများ ဆင်းရဲတဲ့ နိုင်ငံတွေထံကို ပေးပို့တာ နည်းသွားနိုင်တာကြောင့် HIV / AIDS ရောဂါ မပြန့်အောင် ထိန်းချုပ်ရေးလုပ်ငန်းကို ထိခိုက်နိုင်တယ်လို့ သတိပေးထားပါတယ်။

မြန်မာနိုင်ငံမှာ လတ်တလောအနေနဲ့ ဒီရောဂါရှင်တွေ သောက်ရမဲ့ဆေးကို NGO အဖွဲ့တချို့က တာဝန်ယူ ဖြန့်ဝေပေးနေတာ ဖြစ်ပြီး မှတ်ပုံတင်ထားတဲ့ ဝေဒနာရှင်အဟောင်းတွေကိုသာ ပေးဝေနိုင်ပြီး ဝေဒနာရှင် အသစ်များကို ဆေးပေးနိုင်ခြင်း မရှိဘူးလို့ ဆိုပါတယ်။ ဒါကြောင့် ဆေးကို ကိုယ်တိုင် ဝယ်သောက်ရတာ ဖြစ်ပါတယ်။ HIV/ AIDS ဝေဒနာရှင်တွေကို အကူအညီပေးနေတဲ့ မဖြူဖြူသင်းက ခုလို ပြောပြပါတယ်။

မဖြူဖြူသင်း။ ။ 'ဒီဆေး တလစာကို သာမန်ပေါ့နော်၊ သုံးမျိုးပေါင်း သောက်မယ်ဆိုလို့ရှိရင် နှစ်သောင်းခွဲကနေ သုံးသောင်း ကြားမှာ ရှိတယ်။ နောက် အဲဒီဆေးနဲ့ မတည့်ဘူး ဆိုလို့ရှိရင်တော့ ဆေးတွေ ပြောင်းရတာ ရှိတာပေါ့နော်။ အဲဒီ ဆေးပြောင်းရမယ်ဆိုရင်တော့ ဆေးစရိတ် တက်လာနိုင်တယ်။ ဒါပေမဲ့ တော်တော်များများကတော့ နှစ်သောင်းခွဲနဲ့ သုံးသောင်းကြား ဆေးနဲ့ကို တည့်တယ်။ အဲဒီထဲမှာမှ တရာမှာ ငါးယောက်၊ ခြောက်ယောက် နှုန်းလောက်ကတော့ ဒီ ဆေးပြောင်းရတာမျိုးတွေ ရှိတာပေါ့နော်။ ဆိုတော့ ဒီ မြန်မာပြည် အခြေအနေအရကတော့ ဒီဈေးနှုန်းတွေက နိုင်ငံတကာနဲ့ ယှဉ်ကြည့်ရင် အများကြီး သက်သာပါတယ်။ သက်သာတယ် ဆိုပေမဲ့ စီးပွားရေးရော အားလုံးက ပျက်စီးနေတဲ့အခါကျတော့ လူတွေက ဆေးဝါးတော့ ကုသချင်တယ်။ ဆေးဝါးကို ပြန် ကိုယ်တိုင် ဝယ်သောက်နိုင်တဲ့ အင်အား လုံးဝမရှိကြဘူး။'

မြန်မာနိုင်ငံမှာ အိန္ဒိယနိုင်ငံက ဆေးကုမ္ပဏီ လာဖွင့်ထားတာကြောင့် နိုင်ငံတကာထက်စာရင် ဈေးသက်သာတယ်လို့ ဆိုပေမဲ့ ဝေဒနာရှင်အားလုံးလိုလို ဝယ်သောက်နိုင်ခြင်း မရှိဘူးလို့ သိရပါတယ်။

ဒါ့အပြင် မြန်မာနိုင်ငံတွင်း ရောဂါပြန့်ပွားနှုန်း မြင့်လာခြင်းဟာ ရေကြည်ရာမြက်နုရာ စီးပွားရေးလုပ်ငန်းတွေ နယ်လှည့်လုပ်ကိုင်နေသူတွေ များတာကြောင့် ဖြစ်တယ်လို့ ဆိုပါတယ်။ အထူးသဖြင့် မြန်မာပြည်တွင်း ရွှေထွက်ရာ ဒေသများနဲ့ ကျောက်တူးလုပ်ငန်းတွေမှာ လူအများအပြား သွားရောက် လုပ်ကိုင်သူ ရှိသလို တချို့ကတော့ စီးပွားရေးလုပ်ကွက်ရှိတဲ့ နယ်စပ်ဒေသတွေကို ပြောင်းရွှေ့အလုပ်လုပ်ကိုင်သူတွေ ရှိတာကြောင့် ဖြစ်တယ်လို့ ဆိုပါတယ်။

ဝေဒနာရှင်တွေကို အကူအညီပေးရေးလုပ်ငန်း တွေ ဆောင်ရွက်ပေးနေတဲ့ မဖြူဖြူသင်းကို RFA မှ ဦးတင်အောင်ခိုင်က ဆက်သွယ် မေးမြန်းထားပါတယ်။


သတင်းလက်ဦးရေး မြန်မာသံရုံးများကို စစ်အစိုးရ ဖိအားပေး
2009-06-24

မြန်မာသံရုံး အတော်များများက မြန်မာစစ်အစိုးရနဲ့ ပတ်သက်တဲ့ သတင်းတွေ မပို့ပဲ ထိန်ချန်ထားတယ်လို့ စစ်အစိုးရ နိုင်ငံခြားရေး ဒုတိယဝန်ကြီးက မြန်မာသံရုံးတွေကို အပြစ်တင်ထားပါတယ်။

(Photo: AFP)

ဒေါ်အောင်ဆန်းစုကြည်နှင့် အားပေးထောက်ခံသူများကို ၂ဝဝ၃ ခုနှစ် မေလ ၃ဝရက်နေ့က ဒီပဲယင်းတွင် အကြမ်းဖက် တိုက်ခိုက်ပြီး NLD ခေါင်းဆောင်များကို ဖမ်းဆီးထားသဖြင့် လန်ဒန်မြို့ရှိ မြန်မာစစ်အစိုးရ သံရုံးရှေ့တွင် ဇွန်လ ၃ရက်နေ့က ကန့်ကွက် ဆန္ဒပြနေသူများ မှတ်တမ်းဓာတ်ပုံ ဖြစ်ပါသည်။ (Photo: AFP)
ဇွန်လ ၂၂ ရက်နေ့စွဲနဲ့ ပြည်ပ မြန်မာသံရုံး အကြီးအကဲတွေ မြန်မာ ကောင်စစ်ဝန်ချုပ်တွေကို ပေးပို့တဲ့ သတင်းလက်ဦးမှုရရေး ညွှန်ကြားချက်မှာ နေပြည်တော် နိုင်ငံခြားရေး ဒုတိယဝန်ကြီး ဦးမောင်မြင့်က ခုလို ပြစ်တင်ခဲ့တာ ဖြစ်တဲ့အကြောင်း ညွှန်ကြားချက် ဖတ်ရသူ သံတမန်တွေက ပြောပါတယ်။

မြန်မာသံရုံးတွေအနေနဲ့ သက်ဆိုင်ရာ သတင်းဌာနတွေက ထုတ်လွှင့်နေတဲ့သတင်းတွေကို အမြန်ရနိုင်ရေးအတွက် Breaking News တွေကို ဝယ်ယူဖို့၊ အင်တာနက် ဝက်ဆိုက်တွေကို မလွတ်တမ်းကြည့်ပြီး အစီရင်ခံဖို့၊ နိုင်ငံခြားရေး ဒုတိယဝန်ကြီး ဦးမောင်မြင့်က ညွှန်ကြားထားပါတယ်။

လက်ရှိ်အခြေအနေမှာ မြန်မာစစ်အစိုးရကို လိုလားမှုမရှိတဲ့ နိုင်ငံကြီးတချို့နဲ့ နောက်လိုက်နိုင်ငံတွေ၊ ဆန့်ကျင်ဖက် အဖွဲ့အစည်းတွေက မြန်မာစစ်အစိုးရကို အထိနာအောင် ကြံစည် ထိုးနှက်နေတယ်လို့ပါ နိုင်ငံခြားရေး ဒုတိယဝန်ကြီး ဦးမောင်မြင့်က ညွှန်ကြားချက်ထဲမှာ စွပ်စွဲထားပါတယ်။
မြန်မာသံရုံး အတော်များများကလည်း မြန်မာနဲ့ ပတ်သက်တဲ့ အရေးကြီးသတင်းတွေ ကြိုသိတာတွေ ရှိခဲ့ပေမဲ့ အမှန်အတိုင်း နေပြည်တော်ကို အစီရင်ခံရင် ရာထူး ထိခိုက်တာမျိုးတွေ ရှိခဲ့တာမို့ မြန်မာသံအမတ် အတော်များများက အမှန်အတိုင်း သတင်းမပို့တာ နှစ်အတော်ကြာပြီ ဖြစ်တယ်လို့ အမည်မဖော်လိုတဲ့ ရန်ကုန်သံတမန်တဦးက ပြောပါတယ်။


ရန်ကုန်လေဆိပ် အငှားယာဉ်လုပ်ငန်းကို စီးပွားရေးဦးပိုင် လက်ဝါးကြီးအုပ်
2009-06-24

ခုသီတင်းပတ်ကစပြီး ရန်ကုန် အပြည်ပြည်ဆိုင်ရာ လေဆိပ်မှာ မြန်မာစစ်တပ်ပိုင်ငွေနဲ့ တည်ထောင်ထားတဲ့ စီးပွားရေး ဦးပိုင် လီမိတက်ပိုင် မော်တော်ယာဉ်တွေက မြို့တွင်း ပို့ဆောင်ရေး အငှားယာဉ်လုပ်ငန်းကို အပိုင်စားရထားသလို လုပ်ကိုင်နေတဲ့အတွက် အရင်က ပုံမှန်ပြေးဆွဲနေကြတဲ့ ပုဂ္ဂလိက အငှားယာဉ်တွေ အခက်ကြုံနေရတယ်လို့ သိရပါတယ်။

(Photo: AFP)

မြန်မာနိုင်ငံ၏ အကြီးဆုံး စီးပွားရေးမြို့ဖြစ်သော ရန်ကုန်မြို့လယ်တွင် ခရီးသည်တင် ဘတ်စ်ကားများ သွားလာနေပုံ ဖြစ်ပါသည်။ (Photo: AFP)

အရင်တုံးက ဘယ်တက္ကစီသမားမှ လေဆိပ်အတွင်းဝင်ပြီး ခရီးသည်ခေါ်ခွင့် မရှိပေမဲ့ ဦးပိုင်အဖွဲ့ကတော့ လေဆိပ်အတွင်းထဲမှာ ပေါ်ပေါ်တင်တင်ပဲ လုပ်ခွင့်ရှိနေပါတယ်၊ ကိုယ်တွေ့ ကြုံနေရတဲ့ ပုဂ္ဂလိက တက္ကစီသမား တဦးက ခုလိုပြောပြပါတယ်။

တက္ကစီသမား။ ။ 'သူတို့ပဲ ဦးစီးတာပေါ့နော်။ တခြားကားသမားတွေဆို ဝင်လို့မရဘူး အဝင်မခံတဲ့ သဘောပေါ့၊ ဘယ်လိုပြောမလဲ သူတို့က ဗိုလ်မှူးတွေ ဗိုလ်ကြီးတွေဆိုတော့ ကျနော်တို့အနေနဲ့ နည်းနည်းတော့ ဟိုဟာဖြစ်တာပေါ့ မပြောရဲမဆိုရဲ ဖြစ်တာပေါ့။ ကျနော်တို့ အတွက် ခုဟာ စားကျက်ပျက်သလို ဖြစ်နေတယ်။'

ယခု ရန်ကုန်လေဆိပ်ရဲ့ ပြည်တွင်းနဲ့ ပြည်ပ ခရီးသည် အဝင် ၂ နေရာစလုံးရဲ့ အငှားယာဉ်လုပ်ငန်းကို ကြီးစိုးထားတဲ့ အဖွဲ့ကတော့ ပါရမီအဖွဲ့လို့ သိရပါတယ်၊ မြန်မာစီးပွားရေး ဦးပိုင်လီမိတက်ပိုင် ဗန္စုလ သယ်ယူပို့ဆောင်ရေးလုပ်ငန်းကနေ စီမံခန့်ခွဲတဲ့ အဖွဲ့ပါ။

ပါရမီအဖွဲ့မှာ ကားအစီးပေါင်း ၃ဝ ခန့်ရှိပြီး၊ ရန်ကုန်မြို့ထဲကို စီးလုံးငှား (၆)ထောင်ကျပ်၊ စုပေါင်းပြီးငှားမယ် ဆိုရင် တယောက် (၃)ထောင် ပုံမှန်ဈေးနှုံးနဲ့ ကားငှားခယူတဲ့အကြောင်း သိရပါတယ်။

အလားတူ ရေဝေး သုသာန်နားက အောင်မင်္ဂလာ အဝေးပြေး ကားဂိတ်မှာလည်း စစ်တပ်ပိုင် စီးပွားရေးဦးပိုင်လီမိတက်ရဲ့ အငှားကားတွေက အပိုင်စားယူပြီး ပြေးဆွဲနေတာကြောင့် ပုဂ္ဂလိက အငှားယာဉ်တွေ မကျေမနပ် ဖြစ်နေကြတယ်လို့ သတင်းရရှိပါတယ်။