Wednesday, July 1, 2009

ချောအိသိန်း၆၄

IN NY

မြန်မာ Chatter များအတွက် အထူးသတိပေးချက်

Myanmar Online ဟုခေါ်သော Network တစ်ခုမှ ပြုလုပ်ထားသော #ygnchat ဆိုသည့် Chatting Server တစ်ခုသည် spy module ကို အသုံးပြုပြီး .. Chatter များ၏ Private log များကို ခိုးယူကြည့်ရှု့နေပါသည်။ ထို Chat မှ Admin Oper Op များသည် Chatter များ Private ကိုခိုးကြည့်က မိန်းခလေးများ၏ ဖုန်းနံပါတ်များကို မှတ်သားပြီး ဖုန်းဆက်ခြင်း ၊ Email များကို ခိုးယူ၍ Email များအတင်းပို့ခြင်း ၊ ကိုယ်ရေးကိုယ်တာ ကိစ္စများကို ကြည့်ရှု့၍ အတင်းပြောရည်မောခြင်းများပြုလုပ်နေပါသည်။ ထို့အပြင် Nick register လုပ်ထားသော Password များကို ကြည့်၍ Chatter များ၏ Email များကိုဝင် ရောက်က ကိုယ်ရေးကိုယ်တာ ကိစ္စများကို ခိုးယူကြည့်ရှု့ကြသဖြင့် Nick register Password နှင့် Email Password များကို အတူတူမဖြစ်စေရန် အထူးသတိထားရန် လိုအပ်ပါသည်။ သူတို့အသုံးပြုထားသော IRC Module မျာကို ကြည့်ချင်တယ်ဆိုရင် ဒီ Command လေးကို #ygnchat server တွင်ရိုက်ကြည့်ပါက မြင်တွေ့နိုင်မည်ဖြစ်ပါသည်။ /module ဆိုသော Command ကိုရိုက်ကြည့်ပါက အောက်တွင်ပြထားသော စာများပေါ်လာမည်ဖြစ်ပါသည်။
ထိုပေါ်လာသော စာသားများသည် သူတို့အသုံးပြုထားသော module များဖြစ်ပါသည်။ irc.myanmaronline.net.mm *** spy (real-time spying) [3RD] ဆိုသော module ကိုထိပ်ဆုံးတွင်တွေ့ရမည်ဖြစ်ပါသည်။ ထို module သည် Chatter များ၏ Privacy ကိုတန်ဖိုးထားသော မည်သည့် IRC မှအသုံးပြုခြင်းမရှိပါ။ ထို့ကြောင့် မြန်မာလူမျိုးအချင်းချင်း ကွန်ပြူတာတွင် သူတို့တော်သည်တက်သည်ဆိုတိုင်း အခုလို့ အင်တာနက်ကို အသုံးပြုပြီး အလွဲသုံးစားပြုလုပ် နေသော Myanmar Online #ygnchat Server တွင် အတက်နိုင်ဆုံး Chatting မပြုလုပ်ပဲနေကြပါရန် အထူးသတိပေးအပ်ပါသည်။
ဤသတင်းအား သင်၏သူငယ်ချင်းများကို Forward လုပ်ပေးခြင်းဖြင့် ထိုသူတို့၏ မတရားပြုလုပ်မှု့များကို တားဆီးကြပါရန် …..။

-irc.myanmaronline.net.mm- *** spy (real-time spying) [3RD]
-
-irc.myanmaronline.net.mm- *** operjoin (Join & sajoin override) [3RD]
-
-irc.myanmaronline.net.mm- *** staff (command /staff) [3RD]
-
-irc.myanmaronline.net.mm- *** ircops (command /ircops) [3RD]
-
-irc.myanmaronline.net.mm- *** m_antidccbug (Anti mIRC dcc exploit) [3RD]
-
-irc.myanmaronline.net.mm- *** getinfo (command /getinfo) [3RD]
-
-irc.myanmaronline.net.mm- *** clones (command /clones) [3RD]
-
-irc.myanmaronline.net.mm- *** m_chgswhois (commands /chgswhois & /setswhois) [3RD]
-
-irc.myanmaronline.net.mm- *** cloak (Official cloaking module (md5))
-
-irc.myanmaronline.net.mm- *** commands (Wrapper library for m_ commands)
-
-irc.myanmaronline.net.mm- *** operpasswd (Failed OPER attempts notifier) [3RD]
-
-irc.myanmaronline.net.mm- *** textban (ExtBan ~T (textban) by Syzop) [3RD]

ကျေးဇူးတင်ပါသည်
မြန်မာလူမျိုးကိုချစ်သော မြန်မာလူမျိုးတစ်ယောက်

ရွှေမန်းအစီရင်ခံစာ



Thura Shwe Mann Visit to N. Korea - Photos

ကမ္ဘာ္ဘ့ ကုလသမဂ္ဂ စာချုပ်ကြီး ပဋိညာဉ် စာတမ်း [သို့မဟုတ်] နိုင်ငံတကာ ဆက်ဆံရေး ဥပဒေ စံများ (ဝိသေသနှင့် ဝိဝါဒအချို့)

NCGUB & ILO (ကြေငြာချက်)

ရွှေဂက်စ်

နှလုံးရောဂါ

Wednesday, 01 July 2009 18:37 ရန်ကုန်သားတာတေ
“မီးသတ်သမားတို့ရေ .. ခင်ဗျားတို့ ဘွတ်ဖိနပ် ကြမ်းကြမ်းကြီးနဲ့ ငါ့နှလုံးသားပေါ် တက်မနင်းကြပါနဲ့ .. မီးလောင်ခံထားရတဲ့ နှလုံးသားမှာ အနမ်းနဲ့ တက်မှရတာကွဲ့”

ချင်းမိုင်မြို့ ဝါဝီကော်ဖီဆိုင်တွင် ထိုင်ရင်း ရုတ်တရက် ထအော်လိုက်သော ဖိုးရှုပ် အသံကြောင့် အင်တာနက် သတင်း ဖတ်နေသည့် ကြွက်စုတ်နှင့် ငိုက်နေသော ဦးရုက္ခစိုးတို့ လန့်သွားသည်။

ကြွက်စုတ်။ ။ ဟေ့ကောင် ဖိုးရှုပ် မင်းရူးသွားပြီလား။

ရုက္ခစိုး။ ။ ဟုတ်ပါ့ကွာ .. အိပ်မက်ထဲမှာ နတ်သမီးလေးတွေ တဘက်လေး ငါးရာနဲ့ ဇိမ်ကျနေတာ တောင် ဘယ်ရောက်သွားလဲမသိဘူး။ ဘာတွေလည်းကွာ။

ဖိုးရှုပ်။ ။ ဟာ ညံ့လိုက်ကြတာ .. ဒါ မာယာကော့စကီးရဲ့ ဘောင်းဘီဝတ် မိုးတိမ်လေ။ ကျုပ်က ဘောင်းဘီဝတ် ချင်းမိုင်ကို ခံစားနေတာဗျ။

ဖိုးရှုပ်က ပြောရင်း မျက်စိပေကလပ် ပေကလပ်ဖြင့် ဝင်လာသမျှ ထိုင်းမလေးများကို အလွတ်မပေးဘဲ ငမ်းနေသည်။

ကြွက်စုတ်။ ။ ဟေ့ကောင် မင်းက သတင်းသမားနော်။ ဘာ မာယာကော့စကီးလဲ။ ဘယ်တုန်းက မင်း ကဗျာဆရာတွေအကြောင်း ပြောဖူးလို့လဲ။ ထူးထူးဆန်းဆန်း။

ဖိုးရှုပ်။ ။ သတင်းသမားလည်း ခံစားတတ်တဲ့ နှလုံးသားနဲ့ပဲကွ။ …… …… …… မေမေ .. မေမေ .. သားတော့ လှလှပပ ဖျားပေါ့ ..။

ကြွက်စုတ်။ ။ ဟေ့ကောင် ဖျားမှတော့ လှလှပပ မဖျားဘူး။ ဝက်တုပ်ကွေး ဖြစ်ပြီး နှာရည်တရွှဲရွှဲဖြစ်မှာ၊ နားလည်လား။ ဦးရုက္ခစိုးကလည်း ငိုက်မနေစမ်းပါနဲ့ဗျာ။ ဒီမှာ မြောက်အလှည့် တောင်အဝင် ဖြစ်နေပြီဗျ။

ဖိုးရှုပ်။ ။ ဘာလဲကွာ မြောက်အလှည့် တောင်အဝင် ပြောလိုက်ရင် အသစ်တွေချည်းပဲ။ ဘယ်မျောက်က ဘယ်ကိုလှည့်ပြီး ဘယ်တောင်က ဘယ်ထဲဝင်တာလဲ။ ဒီမှာ ခံစားနေတာ အာရုံပျက်တယ်။

ကြွက်စုတ်။ ။ မြောက်ကိုရီးယားသင်္ဘောကြီးက ပြန်လှည့်နေပြီ။ ဒီအချိန်မှာ ဘန်ကီမွန်းဆိုတဲ့ တောင်ကိုရီးယားသားကြီးက မြန်မာပြည်ဝင်မယ်။ အဲဒါကို ပြောတာ။

ဖိုးရှုပ်၏ စကားကြောင့် ဦးရုက္ခစိုး ငိုက်နေရာမှ ပျင်းကျောဆန့်ရင်း သန်းလိုက်သည်။

ရုက္ခစိုး။ ။ ဝှားလားလားလားလား … ဘန်ကီမွန်းသူ့ဟာသူ သွားတော့ ဘာဖြစ်လဲကွ ..၊ မင်းဟာကလည်း ဒီမှာ ငိုက်တာ ကောင်းကောင်းမငိုက်ရဘူး။

ကြွက်စုတ်။ ။ ခက်ပါလား ဦးရုက္ခစိုးရယ်။ ဒီတကြိမ်မှာ ရလဒ်ကောင်းတွေ ဆောင်ကျဉ်းလာနိုင် မလား ဆိုတာ လူတိုင်းစိတ်ဝင်စားရမယ့် ကိစ္စလေဗျာ။

ရုက္ခစိုး။ ။ ရလဒ်ကောင်း မကောင်းတော့မသိဘူး ဓာတ်ပုံတွေကတော့ တော်တော် ကောင်းမှာ။ ဘန်ကီမွန်းက ချိုကုပ်ဒူးကြီးနဲ့ ဖြစ်ဖြစ် ဒေါ်အောင်ဆန်းစုကြည်နဲ့ ဖြစ်ဖြစ် ဓာတ်ပုံတွေ တွဲရိုက်လာမှာတော့ အသေအချာပဲဟ။

ကြွက်စုတ်။ ။ ဟာ ဦးရုက္ခစိုးကလည်း ကျနော်က စကားအကောင်းပြောနေတာဗျ။ တော်ပါပြီဗျာ ဒီလောက် အရေးကြီးနေတဲ့အချိန်မှာ ဦးရုက္ခစိုးကလည်း မလှုပ်မချောက်၊ ဟိုကောင် ဖိုးရှုပ်ကလည်း သတင်းရေးနေရာက ကဗျာ ပြောင်းရေးတော့မလားမသိဘူး။

ဖိုးရှုပ်။ ။ ခုချိန်မှာ ငါ့ရဲ့ နှလုံးသားက သိပ်ကို နုနေတယ် ကြွက်စုတ်။ .. ကောင်မလေးရယ် .. မင်းရဲ့ နှင်းဆီခင်း ပါးပြင်လေးမှာ .. ငါ့ရဲ့ နှာခေါင်းလိပ်ပြာလေးကို နားခွင့်ပြုမှာလား ..။

ကြွက်စုတ်။ ။ တောက် .. မာယာ ရှုပ်စကီးနဲ့ လာတွေ့နေတယ်ကွာ။ နှာခေါင်းနဲ့ နှင်းဆီခင်းတော့ တွေ့မှာမဟုတ်ဘူး သင်္ဘောသီးထောင်းတဲ့ ကျည်ပွေ့နဲ့ပဲ ထုခံရမှာ…။

ကြွက်စုတ်က ပွစိပွစိ ရေရွတ်ရင်း ဖိုးရှုပ်ကို မျက်စောင်း ထိုးကာ အင်တာနက်ဝက်ဘ်ဆိုက်များကို တခုပြီး တခု ဖွင့်ချည်ပိတ်ချည် လုပ်နေသည်။

ကြွက်စုတ်။ ။ ဟာ .. လူရွှင်တော် မန်းဝင်းကြီးက ပါးရှားဇာတ် ပြောင်းကမယ်ထင်တယ် ကြည့်ပါဦး။

ဒီတချီတော့ ဖိုးရှုပ်လည်းမနေနိုင်တော့ ..။ ဦးရုက္ခစိုးလည်း ဘယ်လိုမှ ဆက်ငိုက်လို့ မရတော့ဘဲ ကြွက်စုတ် ကြည့်နေရာသို့ လိုက်ကြည့်လိုက်ကြရသည်။

ဖိုးရှုပ်။ ။ တော်တော် ပေါက်ကရပြောတဲ့ကောင်ပဲကွာ။ ငါမပါလို့ မရတော့ပါလား။ အဲဒါကြွက်ချုပ်ကြီး သတင်းစာ ရှင်းလင်းပွဲ လုပ်နေတာကွ။ မှန်းစမ်း .. သြော် ကြွက်ချုပ်ကြီးကလည်း ဝက်တုပ်ကွေး ကာကွယ် ရေး သရုပ်ပြသားပဲကွနော်။ မဆိုးဘူး .. အခု ရန်ကုန်မှာ နှာခေါင်းစည်းတွေ ဈေးတက် နေတာနဲ့ အတော်ပဲ။ ဖက်ရှင်တောင် ဖြစ်သေးတယ်။

ရုက္ခစိုး။ ။ ဖိုးရှုပ်ရာ မင်းဘာသာမင်း ကဗျာရွတ်ရင်လည်း ဆက်ရွတ်ပါ။ ဘယ်က ဝက်တုပ်ကွေး ကာကွယ်ရေး သရုပ်ပြရမှာလဲ။ အဲဒါ ဒေါ်အောင်ဆန်းစုကြည်အိမ်ထဲမှာ ယက်ထောကြီးထားခဲ့တယ် ဆိုတဲ့ ဝတ်စုံကို ဝတ်ပြထားတာကွ။ မင်းတို့လို စိတ်ကူးတည့်ရာ ပေါက်တတ်ကရ ပြောနေပုံနဲ့ မြန်မာပြည်ကြီး ဒီမို ကရေစီရဖို့ အတော်ဝေးသေးတယ်။ အဲဒါတွေ စဉ်းစားပြီး စိတ်ပျက်လို့ ဘာမှ မလုပ်ဘဲ ငိုက်နေတာဟေ့ သိပြီလား။

ဖိုးရှုပ်။ ။ ကျနော်လည်း တူတူပဲလေ ဦးရုက္ခစိုးရဲ့။ ရေးလိုက်ရတဲ့ သတင်းသုံးသပ်ချက်တွေ။ ဘာမှလည်း ဖြစ်မလာဘူး။ ခု ဘန်ကီမွန်းကြီး သွားလည်း ဘာမှ ဖြစ်လာမှာမမြင်ဘူး။ အဲဒါကြောင့် ဘာမှ မဖြစ်မယ့်တူတူ ဖိုးရှုပ်ဆိုတဲ့ နာမည်နဲ့လိုက်အောင် ရည်းစားနှစ်ယောက် တပြိုင်တည်း ထားကြည့်နေတာဗျ။ ခုနက ကဗျာတွေက ကျနော့်ရဲ့ အချစ်သစ်နဲ့ တွေ့မှ ဖြစ်ပေါ်လာတဲ့ ရင်တွင်း ခံစားချက် စစ်စစ်တွေပေါ့။

ဖိုးရှုပ်စကားကြောင့် ကြွက်စုတ် ဘုကြည့် ကြည့်လိုက်သည်။ ထိုစဉ် သူတို့ထိုင်နေရာ စားပွဲနားကို လူတယောက် ချဉ်းကပ်လာသည်။

လူစိမ်း။ ။ ခင်ဗျားတို့ ပြောနေတာတွေ စိတ်ဝင်စားလို့ဗျာ။ ဒီမှာ ခဏ ထိုင်ပါရစေနော်။

ကြွက်စုတ်။ ။ ခင်ဗျားက ဘယ်သူလဲ။ ကျုပ်တို့ ပြောနေတာတွေက ဘာမှ စိတ်ဝင်စားစရာ မကောင်းပါဘူးဗျာ။ ဘာမှ မဖြစ်လာမှာတွေ ပြောနေတာပါ။

လူစိမ်း။ ။ မဟုတ်ဘူး။ ကျနော်က ဒေဝါလီအွန်လိုင်းကို အမြဲဖတ်တဲ့သူဗျ။ ခင်ဗျားတို့ကိုသိတယ်။ ဒီက ဦးရုက္ခစိုးကြီးကို မိတ်ဆက်ချင်လို့ပါဗျာ။

ရုက္ခစိုး။ ။ ခင်ဗျားက ချင်းမိုင်မှာ နေတာလား။

လူစိမ်း။ ။ ကျနော်က ရန်ကုန်ကပါ။ ချင်းမိုင်ကို ခဏလာလည်တာ။ ပြန်တော့မှာ။ ဦးရုက္ခစိုးကို မြင်တာနဲ့ .. ဟို ..။

ရုက္ခစိုး။ ။ သြော် ပြန်တော့မှာလား။ အေးဗျာ မြန်မာပြည် လူထုအတွက် စိတ်မကောင်းဘူး။ ခုန ကျုပ်တို့ ပြောနေတာတွေ ကြားမှာပေါ့။ ဘန်ကီမွန်းကြီးက မြန်မာပြည် သွားပြန်ဦးမယ်။ သူ့ကို ချိုကုပ်ဒူးကြီး က ဘယ်လို လှည့်ပတ်ဦးမယ်မသိဘူး။ တကယ်ကို စိတ်မချမ်းမြေ့စရာ ..။

ဖိုးရှုပ်။ ။ ဦးရုက္ခစိုးကလည်းဗျာ ..။ အချစ်နဲ့ ဝိုင်တခွက်သာရှိရင် ပေါင်မုန့်ထောပတ်သုပ်လည်း မစားချင်တော့ပါဘူး။

ကြွက်စုတ်။ ။ တော်ပါတော့ အရူးရယ်။ ဧည့်သည်ပြောတာလည်း နားထောင်ပါဦး။

လူစိမ်း။ ။ ဒီလိုဗျ .. ဦးရုက္ခစိုးကြီး အနေနဲ့ ကျနော်တို့ မြန်မာပြည်သူတွေအတွက် တခုခု လုပ်ပေး နိုင်တာ ရှိမယ်လို့ ကျနော် ယုံကြည် …။

ရုက္ခစိုး။ ။ ဟာ .. ဟုတ်ပြီ။ ကျုပ်သဘောပေါက်ပြီ ..။ ခင်ဗျားတို့ ပြည်သူလူထုအတွက် ကျုပ်ရဲ့ တန်ခိုးနဲ့ ဖန်ဆင်းပေးမယ်ဗျာ။ ဆု တခုတောင်း။ ဟုတ်ပြီလား။ ဒါက တော်ရုံလူတွေကို လုပ်ပေးတာ မဟုတ်ဘူးနော်။ ဒီမိုကရေစီနဲ့ ဝေးချင်တိုင်း ဝေးနေတဲ့ မြန်မာပြည်သူလူထုကို သနားလွန်းလို့ ..။ ပြော ဘာလုပ်ပေးရမလဲ ..။ ဝက်တုပ်ကွေး မဖြစ်ဖို့လား။

လူစိမ်း။ ။ ဟာဗျာ .. ကျနော်တို့ မြန်မာပြည်သူတွေက ဘာကပ်ရောဂါလာလာ ပြီးပြီးသား။ အဲဒါ မလိုဘူး။

ကြွက်စုတ်။ ။ ခင်ဗျားကလည်း ချိုကုပ်ဒူးကြီးကို ကင်ဆာဖြစ်ခိုင်းလိုက်ဗျာ ..သူသေရင် ပြီးပြီလို့ ပြောကြတယ်။

လူစိမ်း။ ။ နေပါစေဗျာ .. သူက ကင်ဆာမဖြစ်လည်း အိုပြီး သေတော့မှာပဲ။ မလိုဘူး။

ဖိုးရှုပ်။ ။ ကျနော့်နှလုံးသားတွေ သိပ်နူးညံ့နေတယ်ဗျာ .. ။ ငြိမ်းချမ်းဖို့ တောင်း ..။ မြန်မာပြည်သူတွေ ငြိမ်းချမ်းဖို့လေ။

လူစိမ်း။ ။ ဟင့်အင်းဗျာ .. ငြိမ်းချမ်းရေးလည်း မလိုချင်တော့ပါဘူး။ သိပ်ငြိမ်းချမ်းနေရင် ပျင်းစရာကြီး။

ရုက္ခစိုး။ ။ ဒါဆိုရင်တော့ ခင်ဗျားလိုချင်တာ သိပြီ .. ခင်ဗျား ဒီမိုကရေစီ လိုချင်တယ် .. ဟုတ်တယ် မဟုတ်လား။ ခင်ဗျားကိုတော့ လေးစားသွားပြီဗျို့။

လူစိမ်း။ ။ ဒီမိုကရေစီလည်း မလိုချင်ပါဘူးဗျာ .. ခင်ဗျားတို့ ဘာတွေလာပြောနေကြတာလဲ။

ကြွက်စုတ်။ ။ ဒါဆို ဘာလဲဗျ။

လူစိမ်း။ ။ ကျနော်တို့ မြန်မာပြည်သူလူထု ကိုယ်စား တောင်းမယ်။ ကျနော်တို့လိုချင်တာ ဒီမိုကရေစီ လည်း မဟုတ်ဘူး ချိုကုပ်ဒူးကြီး အသက်ထွက်ဖို့လည်းမဟုတ်ဘူး ..၊ ဝက်တုပ်ကွေး ဖြစ်မှာလည်း မကြောက်ဘူး။ ကျနော်တို့အားလုံး နှလုံး ရောဂါ ခံစားနေရတယ်ဗျ အဲဒါကို ကုစားဖို့ တောင်းချင်တာ။

ဖိုးရှုပ်။ ။ ဟာ တိုက်ဆိုင်လိုက်တာ ကျနော်လည်း တူတူပဲ .. ရင်ထဲမှာ မွမ်းကြပ်လွန်းလို့ ခံစားချက်တွေ ပွင့်ထွက်ကုန်တော့မယ်၊ ကျနော်တို့ နှစ်ယောက် ချစ်တဲ့ကြားက ဝေးရတော့မယ်။ နောင်ကြီးရယ် .. အဲဒီရောဂါက ဘာနဲ့မှ မတူဘူးဗျ နော်။ သေလောက်အောင် ခံစားရတယ် .. သြော် .. နှလုံးရောဂါ .. နှလုံးရောဂါ။ ခင်ဗျားအတွက် ဆေးတောင်းရင်း ကျုပ်ကိုပါ နည်းနည်း မျှပါဗျာ။

လူစိမ်း။ ။ ဘာတွေ လာပြောနေတာလဲ။ ကျုပ်လိုချင်တာက ပေါက်ဂဏန်းဗျ ပေါက်ဂဏန်း။ ခုပဲ ပေးတော့ဗျာ။ ။

မျက်နှာဖုံးတပ် ရန်ကုန်

Wednesday, 01 July 2009 15:39 အောင်သက်ဝိုင်း
နံနက် ၉ နာရီ၊ ရန်ကုန် လမ်းမကြီးတွေပေါ်မှာ သွားလာနေတဲ့ လူတွေရဲ့ မျက်နှာပေါ်မှာ အဖြူရောင် နှာခေါင်းစည်း ဆင်တူတွေနဲ့ အရေးပေါ် ခွဲစိတ်ခန်း ၀င်မယ့် ဆရာဝန်တွေနဲ့ တူနေတယ်။

သူတို့တွေဟာ ခွဲစိတ်ခန်းဝင်ကြမယ့် ဆရာဝန်တွေမဟုတ်ပါဘဲ ဘာကြောင့် ဒီလို မျက်နှာဖုံးတွေ တပ်ပြီး လမ်းမတွေပေါ် သွားလာနေရတာပါလဲ။ အဖြေကတော့ ဝက်တုပ်ကွေးလို့ခေါ်တဲ့ A (H1N1) ရောဂါကြောင့် လို့ ဆိုရပါမယ်။

ကမ္ဘာ့နိုင်ငံပေါင်း ၁၁၃ နိုင်ငံမှာ လူပေါင်း ၇ သောင်းကျော် ရောဂါခံစားနေရပြီး ၃၀၀ ကျော် သေကြေ ပျက်စီးစေခဲ့တဲ့ A (H1N1) ဝက်တုပ်ကွေးရောဂါ ဗိုင်းရပ်စ်ပိုး မြန်မာနိုင်ငံမှာ ပထမဆုံးအကြိမ် ကူးစက်ခံရတဲ့ အကြောင်း စစ်အစိုးရက ဇွန်လ ၂၇ ရက်နေ့က တရားဝင် ကြေညာလိုက်တာကြောင့် ရန်ကုန်မြို့နေ ပြည်သူလူထု အကြားမှာ အထိတ်တလန့်ဖြစ်သွားခဲ့ပါတယ်။

တုပ်ကွေးရောဂါဆိုတာ အသက်ရှုလမ်းကြောင်းကတဆင့် ကူးစက်ပျံ့နှံ့နိုင်တယ်ဆိုတဲ့ အခြေခံ အချက်ကို သိရှိထားကြတဲ့ ရန်ကုန်မြို့နေ လူလတ်တန်းစားနဲ့ အထက်တန်းလွှာ မိသားစုတွေက ဆေးဆိုင်တွေကို အပြေးအလွှားသွားပြီး နှာခေါင်းစည်းတွေ အလုအယက်ဝယ်ကြတယ်။

သာမန်အချိန်တွေမှာ နှာခေါင်းစည်းဆိုတဲ့ ပစ္စည်းက ဆေးဆိုင်တွေမှာ မှိုတက်အောင် ထားရပြီး တလလုံးနေမှ ၁ ခု၊ ၂ ခုလောက်သာ ရောင်းရတဲ့ ကုန်ပစ္စည်းမျိုးဖြစ်ပေမယ့် တုပ်ကွေးရောဂါ A (H1N1) ဗိုင်းရပ်စ်ပိုး စတင်ကူးစက်နေပြီဆိုတဲ့ သတင်းထွက်ပေါ်ချိန်မှာ လက်မလည်အောင်၊ ပစ္စည်းပြတ် အောင် ရောင်းရတဲ့ ကုန်ပစ္စည်းဖြစ်လာပါတယ်။

ဆေးနဲ့ ဆေးပစ္စည်းတွေ အများဆုံးရောင်းချတဲ့ မင်္ဂလာဈေးမှာတော့ နှာခေါင်းစည်း လာဝယ်ကြသူတွေ ယောက်ယက်ခတ်နေပါတယ်။

“နှာခေါင်းစည်း ၁၀ ပုံး၊ မရနိုင်ဘူး။ ကျနော့်မှာ လက်ကျန် ၁ ပုံးပဲရှိတယ်” ဆိုပြီး တယ်လီဖုန်း ပြန်ဖြေနေတဲ့ မင်္ဂလာဈေးအတွင်းက ဆေးဆိုင်ပိုင်ရှင် အမျိုးသားတဦးရဲ့ အသံက ဈေးထဲမှာ ကျယ်ကျယ် လောင်လောင် ထွက်ပေါ်နေတယ်။

သူ့လိုပဲ မင်္ဂလာဈေး စတုတ္ထထပ်မှာ ဖွင့်ထားတဲ့ ဆေးနဲ့ဆေးပစ္စည်းအရောင်းဆိုင် တွေ အားလုံးမှာလည်း နှာခေါင်းစည်း ပစ္စည်းပြတ်သွားလို့ ရောင်းစရာမရှိတော့တဲ့အကြောင်း ဖုန်းနဲ့ လှမ်းပြောတာတွေ၊ လူကိုယ်တိုင် လာရောက် စုံစမ်းတာတွေကို ဒိုင်ခံဖြေရှင်းနေသံတွေကလည်း နားမဆံ့အောင်ကြားနေရတယ်။

နှာခေါင်းစည်း ပါကင် ပုံးကြီး ၁ ပုံးမှာ နှာခေါင်းစည်း အရေအတွက် ၃၂၀ ပါဝင်ပြီး တခုကို ငွေ ၅၀ ပဲ တန်ပေမယ့် လူတွေထိတ်လန့်တကြား နှာခေါင်းစည်းတွေ အလုအယက် ၀ယ်လာချိန်မှာ တခုကို ငွေ ၃၅၀ ကနေ ၅၀၀ ထိ ခေါ်ဈေးအမျိုးမျိုးရောင်းကြတယ်။

လူတွေကလည်း ဈေးကြီးတာကို ဂရုမစိုက်အားဘဲ ခေါ်ဈေးအတိုင်း ဈေးမဆစ်ဘဲ ၀ယ်ကြတယ်။ အခြေ အနေက “လူနာ မျက်ဖြူဆိုက်လေ၊ ဆရာကြိုက်လေ” ဆိုတဲ့ မြန်မာစကားပုံ တခုလိုပဲ။ ဆေးဆိုင် ပိုင်ရှင်တွေ၊ ကုန်သည်တွေ၊ နှာခေါင်းစည်းတင်သွင်းတဲ့ ကုမ္ပဏီကြီးတွေအတွက် အကြိုက်တွေ့စရာ အခြေအနေ ဖြစ်နေတယ်။

နှာခေါင်းစည်းကို ပြည်ပနိုင်ငံတွေက တင်သွင်းနေရတဲ့ မြန်မာနိုင်ငံမှာ အမြတ်ကြီးစားလို့ပဲဖြစ်ဖြစ် ရောင်းပေးနေတာကိုပဲ ကုန်သည်ပွဲစားတွေ ကုမ္ပဏီတွေကို ကျေးဇူးတင်ရမယ့် အနေအထားပါ။

ဒီကြားထဲ ကျန်းမာရေးဝန်ကြီးဌာနက အာဏာရှင်နိုင်ငံတွေရဲ့ထုံးစံအတိုင်း ဖြစ်ပျက်နေတဲ့ သတင်းကို ပြည်သူလူထုကို အမှန်မတင်ပြဘဲ ထိမ်ချန်တာတွေ၊ အမှန်ဖော်ပြချင်လို့ သတင်းယူဖို့ ကြိုးစားတဲ့ သတင်းထောက်တွေနဲ့ သာမန်ပြည်သူတွေကို သတင်းအမှန်မရအောင် တားမြစ်ကန့်သတ်တာတွေ လုပ်လေတော့ အတည်မပြုနိုင်တဲ့ သတင်းတွေ အမျိုးမျိုးထွက်လာတယ်။

“ဝက်တုပ်ကွေးမိလို့ သန်လျင်က နှစ်ယောက် ရန်ကုန်ဆေးရုံကြီးမှာ ရောက်နေတယ်။ ဆေးရုံကြီးမှာ ရောဂါသည် တွေရောက်နေလို့ လုံခြုံရေးတအားတင်းကျပ်ထားတယ်” “ဝက်တုပ်ကွေးဖြစ်တဲ့ သူ ၁၆ ယောက်တောင် ရှိလာပြီ” “၀က်တုပ်ကွေးရောဂါဖြစ်လို့ မြောက်ဥက္ကလာဆေးရုံကြီးမှာ လူနာတွေ ထပ်ရောက်လာတယ်” စတဲ့၊ စတဲ့ အတည်မပြုနိုင်တဲ့ သတင်းရပ်ကွက်တွေကို ကိုးကားပြီး အတည်မပြုနိုင်တဲ့ သတင်းတွေ အများကြီးထွက် လာတယ်။

ကျန်းမာရေးဝန်ကြီးဌာနက A (H1N1) ဝက်တုပ်ကွေးရောဂါနဲ့ ပတ်သက်တဲ့ အသိပညာပေးတာတွေ သတင်းစာနဲ့ ရုပ်မြင်သံကြားကနေ ထုတ်လွှင့်နေပေမယ့် လူထုကြားမှာ A (H1N1) အကြောင်း သိပ်မသိကြဘူး။

“၀က်သားတုတ်ထိုးစားရင် တုပ်ကွေးမိလိမ့်မယ်။ မစားနဲ့နော်။ သူများကျွေးတဲ့ ၀က်သားတွေလည်း မစားနဲ့ နော်” ဆိုတဲ့ အသက် ၃၀ ကျော်အရွယ် ဈေးသည်မိခင်တဦးက သူ့ရဲ့ အသက် ၆ နှစ်အရွယ် သားငယ်ကို သတိပေးမှာကြားနေတယ်။

ဈေးသည်တွေ၊ တနေ့လုပ်မှ တနေ့စား ဆင်းရဲသားတွေ ခမျာမှာတော့ ဝက်တုပ်ကွေးရောဂါ A (H1N1) ဆိုတာ ဘာမှန်းမသိကြဘူး။

ဝက်တုပ်ကွေးရောဂါ အကြောင်းဘာမှမသိတဲ့ ပြည်သူလူထုကို စစ်အစိုးရကလည်း ဘာမှရှင်းမပြဘူး။ သူ့ဟာသူ အစည်းအဝေးတွေကျင်းပ၊ သူ့ဟာသူ ဆုံးဖြတ်ချက်တွေချ။ အရေးပေါ်အစီအစဉ်တွေနဲ့ ကပ်ရောဂါကြီးဖြစ်လာရင် ကျော်လွှားဖို့ အစီအစဉ်တခုတလေမှ ပြည်သူကို ချပြတာ မရှိဘူး။

ကျန်းမာရေး ဒုတိယ၀န်ကြီး ဒေါက်တာမြဦး နှာခေါင်းစည်း တပ်ပြီး တိုက်ပုံ တကားကားနဲ့ ရန်ကုန် ဆေးရုံကြီးမှာ လမ်းလျှောက်နေတာကို ရုပ်မြင်သံကြားက သတင်းအဖြစ် ပြတယ်။

စာပေစိစစ်ရေးအောက်မှာ မီဒီယာ အမည်ခံ နေရတဲ့ ပြည်တွင်း သတင်းဂျာနယ်တွေလည်း နှုတ်ဆိတ်နေရတယ်။ ကျန်းမာရေးဝန်ကြီးဌာနကို ဝက်တုပ်ကွေးနဲ့ ပတ်သက်လို့ မေးတိုင်း “အထက်လူကြီးကို မေးပါ။ အထက်လူကြီးက ခွင့်မပြုရင် မပြောနိုင်ပါဘူး” ဆိုတဲ့ အဖြေကိုပဲ ရကြတယ်။

ကပ်ရောဂါတခုရဲ့အစမှာ တန်ပြန်တုံ့ပြန်မှုနှေးရင် အဲဒီကပ်ရောဂါက လျင်လျင်မြန်မြန် ပျံ့နှံ့နိုင်တယ်၊ လူတွေကို ကူးစက်ရောဂါနဲ့ ပတ်သက်ပြီး အချိန်တိုင်း အမြဲအဆက်မပြတ် ပြောဖို့ လုပ်ရမယ်။ သတင်း အမှန်တွေကို ဆက်တိုက် ပြောနေရမယ်။ ဒါမှ ကောလာဟလနဲ့ မတည်ငြိမ်မှုတွေကို ထိန်းနိုင်မယ်” လို့ မြန်မာနိုင်ငံ ကြက်ခြေနီအသင်းက ပြန်ကြားရေး တာဝန်ရှိသူတဦးကပြောတယ်။

“ဝက်တုပ်ကွေးက သာမန်တုပ်ကွေးရောဂါလိုပဲ။ ကိုယ်ပူကြီးမယ်၊ နှာစေး၊ ချောင်းဆိုးမယ်၊ လည်ချောင်းနာ၊ ကိုယ်လက် ကိုက်ခဲမယ်၊ ခေါင်းကိုက်မယ်၊ အစားမစားချင်ဘူး၊ ပျို့အန်ပြီး ၀မ်းလျှောမယ်။ ရောဂါပြင်းထန် လာရင်တော့ အဖျားတွေ တအားတက်မယ်။ ချောင်းဆိုးပြီး မောပန်းပင်ပန်းနွမ်းနယ် မယ်။အသက်ရှုကျပ်ပြီး ဂနာမငြိမ်ဖြစ်မယ်။ နောက်ဆုံးသတိလစ်ပြီး အသက်ဆုံးရှုံးတဲ့အထိ ဖြစ်မယ်” လို့ ရန်ကုန်တိုင်း ကျန်းမာရေး ဦးစီးဌာနက ဆရာဝန်တဦးက A (H1N1) နဲ့ ပတ်သက်ပြီး ရှင်းပြတယ်။

ဒီတုပ်ကွေးရောဂါဟာ လွန်ခဲ့တဲ့ ၂ လလောက်ကတည်းက မက္ကဆီကို နိုင်ငံမှာ အစပြုခဲ့ပြီး ကမ္ဘာတလွှား ပျံ့နှံ့သွားတာလို့ သိရတယ်။ အဲဒီတုန်းက ဝက်တုပ်ကွေးလို့ ထင်ရှားခဲ့ပြီး နောက်ပိုင်းမှာ A (H1N1) တုပ်ကွေးလို့ ကမ္ဘာ့ကျန်းမာရေးအဖွဲ့က ခေါ်ဝေါ်ခဲ့ပါတယ်။ မြန်မာအစိုးရ ကျန်းမာရေး ဝန်ကြီးဌာနကတော့ ကမ္ဘာ့လူတုပ်ကွေးလို့ နာမည်ပေးထားတယ်။

ဝက်တုပ်ကွေးရောဂါကို တုပ်ကွေးရောဂါကု ဆေးဝါးနှစ်မျိုးဖြစ်တဲ့ Tamiflu နဲ့ Relenza ဆေးတွေနဲ့သာ ကုသနိုင်ပြီး ဒီအထဲမှာ Tamiflu ဆေးဝါးဟာ ဒိန်းမတ်နိုင်ငံက ဝက်တုပ်ကွေးရောဂါ ကူးစက်ခံရသူတဦးကို ကုသခဲ့ရာမှာ ဆေးမတိုးတဲ့လက္ခဏာ တွေ့ရှိရတယ်လို့ နိုင်ငံတကာ သတင်းတွေမှာ ရေးသားထားတာ တွေ့ရတယ်။

မြန်မာနိုင်ငံလို ဖွံ့ဖြိုးဆဲနိုင်ငံမျိုးမှာ ဝက်တုပ်ကွေးရောဂါ ကုသဖို့ ဆေးဝါးအလုံအလောက် ရှိရဲ့လား၊ ရှိတယ်ဆိုရင်လည်း ကပ်ရောဂါအသွင် ရောက်လာရင် လူတိုင်းကို ကုသဖို့ ဆေးဝါးတွေ အသင့်ရှိရဲ့လား ဆိုတာက ပြည်သူ လူထုအကြားမှာ အလွန်စိတ်ဝင်တစား သိချင်နေကြတဲ့ အကြောင်းအရာတခုဖြစ်သလို ပြည်တွင်း သတင်းထောက်တွေအနေနဲ့ ဖော်ပြချင်တဲ့ သတင်းတပုဒ် ဖြစ်နေပါတယ်။

စစ်အစိုးရရဲ့ ဖိနှိပ်အုပ်ချုပ်မှုကြောင့် နိုင်ငံရေး၊ စီးပွားရေး ဒုက္ခအမျိုးမျိုး ကြုံတွေ့နေရတဲ့ မြန်မာပြည်သူတွေ အတွက်တော့ ဝက်တုပ်ကွေးရောဂါဆိုးက “ကံဆိုးမသွားရာ မိုးလိုက်လို့ရွာ ” “မြွေပူရာ ကင်းမှောင့်” ဆိုတဲ့ စကားပုံတွေလို ထိတ်လန့်တုန်လှုပ်စေတာကတော့ အသေအချာပါပဲ။

ဇူလိုင်၁ဒိုင်ယာရီ

ဂျွန် ဝီလီယံ ယက်ထော အစားအစာ မစား၊ ထောင်ဆေးရုံ ရောက်နေ
အမေရိကန် နိုင်ငံသား မစ္စတာ ဂျွန် ဝီလီယံ ယက်ထောသည် အစားအစာ မစားတဲ့ အတွက် ဆေးဝါးများ၊ သောက်ရေသန့်၊ ဓါတ်ဆားရေ တို့ကို စီစဉ် ပေးထားပြီး၊ အဟာရ ဖြစ်အောင် ဆောင်ရွက် ပေးထားရကာ အင်းစိန် အကျဉ်းထောင် ထောင်ဆေးရုံ သီးသန့် အခန်းမှာ ထားရှိလျှက် အစစ ပြည့်စုံအောင် စီစဉ် ပေးထားကြောင်း ဇွန်လ ၂၅ ရက်နေ့က ကျင်းပသော သတင်းစာ ရှင်းလင်းပွဲ၌ မြန်မာနိုင်ငံ ရဲတပ်ဖွဲ့ ရဲချုပ် ဗိုလ်မှူးချုပ် ခင်ရီက သတင်းစာ ဆရာများနှင့် သံရုံးများ မှ သံတမန်များအား ပြောကြားခဲ့ကြောင်း ပါရှိသည်။ ဂျွန် ဝီလီယံ ယက်ထော မည်သည့် အတွက်ကြောင့် အစားအစာ မစား၊ ရက်ပေါင်းမည်မျှ ကြာခဲ့ပြီ ဆိုသည့် အချက်အလက် များကိုမူ ပြောကြားခဲ့ခြင်း မရှိချေ။

အမေရိကန် နိုင်ငံသား ဝီလီယံ ယက်တော ကို နိုင်ငံတော်ကို နှောင့်ယှက် ဖျက်ဆီး လိုသူအား အားပေး ကူညီမှု ရာဇသတ်ကြီး ပုဒ်မ ၂၂/၁ဝ၉ ၊ လူဝင်မှု ကြီးကြပ်ရေး ဥပဒေ ပုဒ်မ၊ ရန်ကုန်မြို့တော် စည်ပင်သာယာ ဥပဒေ တို့ဖြင့် တရားစွဲဆို ထားခြင်းဖြစ်သည်။ အဆိုပါ ကိစ္စ နှင့် ပတ်သက်၍ မစ္စတာ ယက်တော ရဲ့ ရှေ့နေ ဦးခင်မောင်ဦး အား ဆက်သွယ် ခဲ့သော်လည်း ဆက်သွယ်မှု ရရှိခဲ့ခြင်း မရှိခဲ့ချေ။


နအဖက ဒေါ်အောင်ဆန်းစုကြည်အား ထောင်ချနိုင်ရန် ကြံစည်သည်ဟု အေအေပီပီ ပြောကြား
NEJ / ၁ ဇူလိုင် ၂၀၀၉
နအဖစစ်အုပ်စုသည် ဒေါ်အောင်ဆန်းစုကြည်အား အမြန်ဆုံးထောင်သွင်း အကျဉ်းချနိုင်ရန်အတွက် မြန်မာအတိုက်အခံ အဖွဲ့အစည်းများကို ခုတုံးလုပ်၍ မတရားသည့် သက်သေအထောက်အထားများ ရရှိရန် ကြံစည်နေသည်ဟု နိုင်ငံရေး အကျဉ်းသားများကူညီစောင့်ရှောက်ရေး အဖွဲ့ (မြန်မာနိုင်ငံ) အေအေပီပီက ပြောသည်။

ယနေ့ထုတ် ပြည်တွင်းအပတ်စဉ် ဂျာနယ်ဖြစ်သည့် နံနက်ခင်းသတင်း ဂျာနယ်တွင် ပါရှိသည့် သတင်းစာရှင်းလင်းပွဲသတင်းတွင် အမေရိကန်နိုင်ငံသား မစ္စတာဂျွန်ဝီလီယံယက်တော မဲဆောက်ရှိ နိုင်ငံရေးအကျဉ်းသားများ ကူညီစောင့်ရှောက်ရေးအဖွဲ့ရုံးသို့ သွားရောက်ခဲ့သည့် ဓာတ်ပုံများအား အသားပေးဖော်ပြခြင်းမှာ ဒေါ်အောင်ဆန်းစုကြည်ကို စွဲဆိုသည့်အမှု အမြန်ပြီးဆုံးရန် မတရားကြံစည်ခြင်းဖြစ်သည်ဟု အဖွဲ့၏ တွဲဖက်အတွင်းရေးမှူး ကိုဘိုကြည်က ပြောသည်။

၎င်းက “အရင်လ (၂၅) ရက်နေ့က ရဲချုပ်ခင်ရီရဲ့ သတင်းစာရှင်းလင်းပွဲဟာ ဒေါ်အောင်ဆန်းစုကြည်ကို အမြန်ဆုံးအရေးယူ အပြစ်ပေးနိုင်ဖို့အတွက် အတိုက်အခံအဖွဲ့အစည်းတွေကို အသုံးချတာဖြစ်တယ်။ ဒီလူက မနှစ် နိုဝင်ဘာ အကုန်လောက်မှာ ကျနော်တို့ရုံး ပြခန်းကို လာပြီးလေ့လာသွားတယ်။ နောက်ပိုင်း ချင်းမိုင်မှာ သူကျနော့်ကို လာတွေ့တယ်။ ခွင့်လွှတ်ခြင်းဆိုတဲ့ စာအုပ်တအုပ်ထုတ်ဖို့ရှိတဲ့အတွက် ထောင်ထဲမှာ ကျနော်ဖြတ်သန်းခဲ့ရတဲ့ အနေအထားတွေနဲ့ ပတ်သက်ပြီး မေးမြန်းတာလောက်ပဲ ရှိတယ်” ဟု ပြောသည်။

အေအေပီပီရုံးတွင် ဆိုးဝါးလှသည့် မြန်မာနိုင်ငံမှ အကျဉ်းထောင်များ၏ အခြေအနေများနှင့် ပတ်သက်၍ ပြခန်းထားရှိသဖြင့် နေ့စဉ်နီးပါး နိုင်ငံခြားသားများနှင့် အခြားဧည့်သည်များ လာရောက်လေ့ရှိသည်။

ကိုဘိုကြည်က ၎င်းအနေဖြင့် ယက်တောနှင့် ပြောဆိုဆွေးနွေးမှုမရှိကြောင်း၊ ယက်တောလိုလူနှင့် ဒေါ်အောင်ဆန်းစုကြည် တွေ့ဆုံမည့် ကိစ္စမျိုးကိုလည်း လက်ခံအားပေးမည်မဟုတ်ကြောင်း ပြောကြားပြီး မိမိတို့ အမှန်တကယ် တွေ့ဆုံစေချင်သည်မှာ ဒေါ်အောင်ဆန်းစုကြည်၊ ဘန်ကီမွန်းနှင့် ဗိုလ်သန်းရွှေတို့ဖြစ်ပြီး မြန်မာ့နိုင်ငံရေးပြဿနာများ အမြန်ဆုံးဖြေရှင်းနိုင်ရန် အတွက်ကိုသာ မိမိတို့ ကြိုးစားလျက်ရှိကြောင်း ဆက်လက်ရှင်းပြသည်။

ယခင်လ (၂၅) ရက်နေ့က ပြုလုပ်သည့် နအဖ သတင်းစာရှင်းလင်းပွဲတွင် အမေရိကန်နိုင်ငံသား ဂျွန်ဝီလီယံယက်တော ဒေါ်အောင်ဆန်းစုကြည်၏နေအိမ်သို့ ၀င်ရောက်ခဲ့မှုနှင့်ပတ်သက်၍ ရဲချုပ်ခင်ရီက ယက်တောသည် ပြည်ပရောက် အတိုက်အခံ အဖွဲ့အစည်းများ၏ ကူညီထောက်ပံ့မှုဖြင့် ဒေါ်အောင်ဆန်းစုကြည်နေအိမ်အတွင်းသို့ ၀င်ရောက်ခဲ့ခြင်းဖြစ်သည်ဟု ပြောကြားသည်။

၎င်း၏ပြောဆိုချက်များတွင် မြန်မာနိုင်ငံ ဒီမိုကရက်တစ်အင်အားစုအဖွဲ့(အက်ဖ်ဒီဘီ) မှ ဒုတိယအတွင်းရေးမှူးချုပ် ကိုငွေလင်း၊ အေအေပီပီမှ အတွင်းရေးမှူးကိုတိတ်နိုင်၊ ဗမာနိုင်ငံလုံးဆိုင်ရာကျောင်းသားသမဂ္ဂများအဖွဲ့ချုပ် နိုင်ငံခြားရေးကော်မတီမှ ကိုဇင်မောင်နှင့် ယက်တောတွေ့ဆုံခဲ့သည်ဟု ပြောကြားချက်ကို ကာယကံရှင်များက ရဲချုပ်ခင်ရီ၏ အခြေအမြစ်မရှိသည့် စွပ်စွဲချက်များသာ ဖြစ်သည်ဟု ပြောသည်။

အက်ဖ်ဒီဘီအဖွဲ့၏ ဒုတိယအတွင်းရေးမှူးချုပ် ကိုငွေလင်းက “ရဲချုပ်ခင်ရီပြောတာတွေ အကုန်လုံးဟာ စွပ်စွဲချက်တွေပဲ ဖြစ်တယ်။ အေအေပီပီအဖွဲ့က လူအချို့နဲ့ သူစာအုပ်ရေးဖို့ တွေ့တယ်ဆိုတာကလွဲပြီး ကျန်တာ ဘယ်သူနဲ့မှ မတွေ့ဘူး။ ကျနော်နဲ့လည်း လုံးဝမတွေ့ဘူး။ ဒီစွပ်စွဲချက်ဟာ ဒေါ်အောင်ဆန်းစုကြည်ကို ထောင်ချနိုင်ဖို့ သက်သေရလိုရငြား ကြံစည်တာပဲဖြစ်တယ်” ဟု ပြောသည်။

နေအိမ်အကျယ်ချုပ်ဖြင့် ထိန်းသိမ်းခံနေရသော ဒေါ်အောင်ဆန်းစုကြည်အား အမေရိကန်နိုင်ငံသား မစ္စတာဂျွန်ဝီလီယံယက်တော နေအိမ်ခြံဝင်းအတွင်း ၀င်ရောက်ခဲ့မှုအတွက် နအဖစစ်အစိုးရက ပြီးခဲ့သည့် မေ (၁၈) တွင် နေအိမ်အကျယ်ချုပ် ဖောက်ဖျက်မှု ပုဒ်မ (၂၂) ဖြင့် အင်းစိန်အထူးတရားရုံးတွင် တရားစွဲဆိုထားသည်။

မြောက်ကိုရီးယားသင်္ဘော ပြည်တော်ပြန်ပြီလား
Wednesday, 01 July 2009 16:37 ကိုထွေး
မြန်မာနိုင်ငံသို့ ဦးတည် ခုတ်မောင်းနေသည်ဟု သတင်းထွက်နေသော မြောက်ကိုရီးယား Kang Nam 1 သင်္ဘောသည် လာရာလမ်း အတိုင်း ပြန်လည် ဦးလှည့်နေပြီ ဖြစ်ကြောင်း အမေရိကန် စစ်အရာရှိများက သတင်းဌာနများကို ပြောကြားလိုက်သည်။

သံသယဖြစ်ဖွယ် မြောက်ကိုရီးယားသင်္ဘော Kang Nam 1 (ဓာတ်ပုံ - AP)
ယင်းသင်္ဘောသည် မည်သည့် ဒေသသို့ သွားရောက်မည်ကို မသိရကြောင်း၊ ယမန်နေ့က တရုတ်နိုင်ငံ၊ ဟောင်ကောင်ကျွန်း တောင်ဘက် မိုင် ၂၅၀တွင် ရောက်ရှိနေကြောင်း အမေရိကန်တို့က ဆိုသည်။ ယခုအခါတွင် မြောက်ဘက်သို့ ခုတ်မောင်းနေသည်ဟု ဆိုသည်။

မြောက်ကိုရီးယားသည် မေလက နျူကလီးယားလက်နက် စမ်းသပ်ခဲ့သည့်အတွက် ကုလသမဂ္ဂ လုံခြုံရေး ကောင်စီက ဆုံးဖြတ်ချက် အမှတ် ၁၈၇၄ ကို ချမှတ်ပြီး အရေးယူခဲ့သည်။

ယင်းဆုံးဖြတ်ချက် ၁၈၇၄ အရ သံသယ ဖြစ်ဖွယ်ရှိသော မြောက်ကိုရီးယားနိုင်ငံ၏ မည်သည့် သင်္ဘော၊ လေယာဉ်များကိုမဆို နိုင်ငံတကာက ၀င်ရောက် စစ်ဆေးနိုင်ခွင့်ရှိသည်။

“တကယ်လို့ ဒီသင်္ဘောဟာ သူ့လမ်းအတိုင်း ပြန်လှည့်သွားပြီဆိုရင် ကုလသမဂ္ဂ ရဲ့ ဆုံးဖြတ်ချက် အမှတ် ၁၈၇၄ က ထိရောက်တယ်လို့ ဆိုရမှာပါ” ဟု ကိုရီးယား ကာကွယ်ရေးဆိုင်ရာလေ့လာရေးအဖွဲ့ (KIDA) ဒု ဥက္ကဌ ကင်တေ၀ူးက Korea Herald သတင်းစာ သို့ ပြောပြသည်။

မြောက်ကိုရီးယား Kang Nam 1 သင်္ဘောသည် ဇွန်လ ၁၇ ရက်နေ့ကတည်းက မြောက်ကိုရီးယား ဆိပ်ကမ်းမှ ထွက်ခွာလာခဲ့ပြီး မြန်မာပြည်သို့ ဦးတည်လာသည်ဟု ခန့်မှန်းရကြောင်း၊ ယင်းသင်္ဘောပေါ်တွင် အသေးစား စစ်လက်နက် ပစ္စည်းများ သယ်ဆောင် သွားနိုင်သည်ဟု လေ့လာသူများက ယူဆခဲ့ကြသည်။

အမေရိကန် စစ်သင်္ဘောတစီးကလည်း ယင်းသင်္ဘောကို နောက်ယောင်ခံ လိုက်လျက်ရှိသည်။

ကုလသမဂ္ဂ လုံခြုံရေး ကောင်စီက နျူကလီးယားလက်နက် စမ်းသပ်သည့် မြောက်ကိုရီးယားကို လက်နက်တင်ပို့ရောင်းချမှု တားမြစ်ရန် သဘောတူ ဆုံးဖြတ်ပြီး နောက်ပိုင်း ယင်းသင်္ဘောသည် ပထမဆုံး အကြိမ် စောင့်ကြည့်ခံရသည့် သင်္ဘော ဖြစ်သည်။

စစ်အစိုးရက ထိုသင်္ဘောနှင့် ပတ်သက်ပြီး မသိရှိကြောင်း ငြင်းဆိုထားသည်။

ပြည်ပ သတင်းဌာနများက ထုတ်လွှင့်လျက်ရှိသည့် Kang Nam 1 သင်္ဘောနှင့် ပတ်သက်၍ သတင်း တစုံတရာ မရရှိကြောင်း၊ သို့သော်လည်း ဆန်တန်ချိန် ထောင်ပေါင်းများစွာ သယ်ဆောင်မည့် မြောက်ကိုရီး ယား ကုန်တင် သင်္ဘောတစီး မြန်မာပြည်သို့ လာရောက်မည်ဟု အစိုးရ၏ သတင်းဌာနက ဖော်ပြခဲ့သည်။ ဆန်တင်သင်္ဘော ရောက်မည့် ခန့်မှန်းရက်မှာ ဇွန် ၂၇ ရက်ဟု ဆိုသော်လည်း ရန်ကုန်သို့ ဆိုက်ကပ်သည့် သတင်းကို ယနေ့အထိ မကြားရသေးပေ။

လူသားအစ အာရှက ဖြစ်မည်ဟုဆို
Wednesday, 01 July 2009 19:27 ဇာနည်ဝင်း
မြန်မာနိုင်ငံမှ အသစ် တွေ့ရှိရသော ကျောက်ဖြစ် ရုပ်ကြွင်းများကြောင့် လူသား၊ မျောက်နှင့် လူဝံတို့၏ အစသည် အာဖရိကတိုက်မှ မဟုတ်ဘဲ အာရှတိုက်မှ ဖြစ်သည်ဟု ဗြိတိန်နိုင်ငံ အခြေစိုက် သုတေသန အသင်းတခုက ယနေ့ ထုတ်ပြန်လိုက်သည့် စာတမ်းတွင် ဖော်ပြထားသည်။

Ganlea megacanina ဟု သုတေသနအမည် ပေးထားသော ကျောက်ဖြစ်ရုပ်ကြွင်း ပရိုင်းမိတ်ကို မကွေးတိုင်း ပုံတောင်၊ ပုံညာဒေသမှ ရရှိခြင်းဖြစ်သည်ဟု ဆိုသည်။ သက်တမ်း နှစ်သန်းပေါင်း ၃၈ သန်းရှိသည့် ကျောက်ဖြစ်ရုပ်ကြွင်း ဖြစ်သည်ဟု သိရသည်။

သုတေသန စာတမ်းကို ရေးသား ပြုစုရာတွင် ဦးဆောင်သူဖြစ်သည့် Christopher Beard က ယနေ့ခေတ် လူသား၊ မျောက် နှင့် လူဝံတို့သည် “အာရှတိုက်တွင် နေထိုင်ခဲ့ဖွယ်ရှိသည်” ဟု ပြောလိုက်သည်။

အဆိုပါ စာတမ်းကို ရေးသား ထုတ်ပြန်သည့် Royal Society သည် နှစ်ပေါင်း ၃၅ဝ သက်တမ်းရှိ သုတေသနအသင်းကြီး ဖြစ်သည်။

ယခင်ကလည်း ပုံတောင် ပုံညာ ဒေသတွင် ပရိုင်းမိတ်တို့၏ ကျောက်ဖြစ် ရုပ်ကြွင်းများ ရှာဖွေ တွေ့ရှိခဲ့ဖူးသည်။

မြန်မာပြည်တွင် အဆင့်မြင့် ပရိုင်းမိတ်တို့၏ မေးရိုးနှင့် အံသွားများ ပါဝင်သည့် ကျောက်ဖြစ် ရုပ်ကြွင်းများ တွေ့ရှိမှုနှင့် ပတ်သက်ပြီး မြန်မာပညာရှင်များကလည်း ရေးသားခဲ့ဖူးသည်။

“အဲဒီ သတ္တဝါက တဖြည်းဖြည်း ဆင့်ကဲ ဖြစ်စဉ် အရ တိုးတက် ပြောင်းလဲ လာတော့ အနှစ် ၄ ကုဋေ ၉ သန်း ကြာတဲ့ အခါ လူဖြစ် လာပါတယ်” ဟု ကွယ်လွန်သူ ဒေါက်တာ သန်းထွန်းက သူ၏ 'မြန်မာ့ သမိုင်းပုံ' Myanmar History Told in Picture စာအုပ်တွင် ဖော်ပြထားသည်။

၁၉၂၃ တွင် ဒေါက်တာ ဗာနမ်ဘရောင်း (Barnum Brown) ဆိုသူက မုံရွာ ခရိုင်၊ ချင်းတွင်းမြစ် အနောက်ဘက်ကမ်း မိုးကောင်းရွာတွင် ရှေ့အံ နှစ်ချောင်း ပါသည့် အောက်မေးရိုး (mandible) အစ တခုကို လည်းကောင်း၊ ၁၉၂၇ တွင် ဒေါက်တာ ဂျီဒီပီ ကောက်တာ (G.D.P Cotter) က အလားတူ ကျောက်ဖြစ် ရုပ်ကြွင်း တခုကို ထိုဒေသ၌ပင် တွေ့ရှိခဲ့သည်။

ထိုတွေ့ရှိချက်များမှ အစောပိုင်း တွေ့ရှိချက်များ ဖြစ်သည်။

၁၉၇၈ တွင် မန္တလေး တက္ကသိုလ် ဘူမိဗေဒ ကျောင်းသားများ ကွင်းဆင်း လေ့လာကြရာမှ အဆင့်မြင့် ပရိုင်းမိတ် (higher primate) တကောင်၏ ဒုတိယ နှင့် တတိယ အံသွား နှစ်ချောင်း ကပ်လျက် ရှိနေသေးသည့် အောက်မေးရိုးစ တစ ကို ရရှိခဲ့သည်ဟု ဆိုသည်။ ထိုတွေ့ရှိမှုသည် ၁၉၂၃၊ ၁၉၂၇ က တွေ့ရှိခဲ့မှုနှင့် သက်ဆိုင်သည့် သက်သေခံ ပစ္စည်း ဖြစ်သည်ဟု ဒေါက်တာသန်းထွန်းက ဆိုသည်။

သင့်ဘဝမဂ္ဂဇင်းကလည်း ပုံတောင်ပုံညာ ကျောက်ဖြစ်ရုပ်ကြွင်းများသည် အာဖရိကတိုက်တွင် တွေ့ရှိရသည့် ကျောက်ဖြစ်ရုပ်ကြွင်းများထက် ပို၍ ရှေးကျသည်ဟု ရေးသားခဲ့ဖူးသည်။

၁၉၉၇ ခုနှစ်တွင် ဗိုလ်မှူးကြီး သန်းထွန်း ဦးဆောင်သည့် အဖွဲ့က ပုလဲ မြို့နယ် နှင့် မြိုင်မြို့နယ်တို့ရှိ ပုံတောင်ရိုး တလျှောက်တွင် အံသွား အောက်မေးရိုးတို့ ပါဝင်သည့် ပရိုင်းမိတ် ကျောက်ဖြစ် ရုပ်ကြွင်းများကို ထပ်မံ ရှာဖွေ တွေ့ရှိကြသည်။

အနုပညာမူပိုင်ခွင့် ဥပဒေမူကြမ်း စတင်ရေးဆွဲနေ
Wednesday, 01 July 2009 17:59 အေးလဲ့
မြန်မာနိုင်ငံရှိ တေးသီချင်း ထုတ်လုပ်မှု နှင့်ပတ်သက်ပြီး ကမ္ဘာ့ စည်းမျဉ်း ဥပဒေနှင့်ကိုက်ညီရန် မူပိုင်ခွင့် ဆိုင်ရာ ဥပဒေ မူကြမ်းရေးဆွဲခြင်း စတင်နေပြီဖြစ်ရာ ၆ နှစ်အတွင်း အကောင် အထည် ဖော်မည်ဖြစ်ကြောင်း မြန်မာနိုင်ငံ ဂီတ အစည်းအရုံးမှ သိရသည်။

“လောလောဆယ် ကျနော်တို့ကို ၆ နှစ် အချိန်ပေးထားတယ်။ ဘာမှတော့ မလုပ်ရသေးဘူး။ ကမ္ဘာ့ဥပဒေ အတိုင်းဆိုရင် ကော်ပီဆိုဖို့ မူရင်းပိုင်ရှင်ဆီကို Agent တွေကနေ ဆက်သွယ်ရမယ်၊ ကျေနပ်လို့ ရောင်းပြီးမှ ကော်ပီပေါ်မှာ စာသားထည့်ပြီး ဆိုခွင့်ရမှာပါ” ဟု မြန်မာနိုင်ငံ ဂီတအစည်းအရုံး ဒု - ဥက္ကဌ ပလေးဘွိုင် သန်းနိုင် ကပြောသည်။

ကမ္ဘာ့စည်းမျဉ်း၊ စည်းကမ်း ဥပဒေနှင့် ပတ်သက်၍ ဆွစ်ဇာလန်နိုင်ငံ အခြေစိုက် ကမ္ဘာ့ မူပိုင်ခွင့်ဆိုင်ရာ အဖွဲ့ (WIPO) က ချမှတ်ထားသည့် စည်းကမ်း ဥပဒေကို ကိုးကား ဆောင်ရွက်ရန် စီစဉ်လျက်ရှိကြောင်း သိရ သည်။ ထိုလုပ်ငန်း အကောင်အထည်ဖော်နိုင်ရန် စင်္ကာပူနိုင်ငံ အခြေစိုက် မူပိုင်ခွင့်ဌာနနှင့် မြန်မာနိုင်ငံမှ တာဝန်ရှိသူများ ပူးပေါင်းဆောင်ရွက်သွားမည် ဖြစ်သည်။

ပြီးခဲ့သည့် ၂၀၀၈ ခုနှစ် စက်တင်ဘာလမှ စတင်ပြီး မန္တလေး FM က တေးရေး၊ တေးဆိုများနှင့် ထုတ်လုပ်သူ နှင့် အသံဖမ်း စတူဒီယို တို့ကို မူပိုင်ခွင့် အနေနှင့် ခံစားပိုင်ခွင့်များ ပေးနေပြီ ဖြစ်ကြောင်းလည်း မြန်မာနိုင်ငံ ဂီတအစည်းအရုံး တာဝန်ရှိသူက ပြောပြသည်။

မန္တလေး FM က သီချင်းတပုဒ်ကို တကြိမ်ထုတ်လွှင့်လျင် ၁၂၀၀ ကျပ် ပေးမည်ဟု သတ်မှတ်ထားသည်။ ထို ၁၂၀၀ ကျပ်ထဲမှ ဂီတအစည်းအရုံးသို့ ၂၀၀ ကျပ် ပေးရပြီး ကျန်သည့် ၁၀၀၀ ကျပ်ကို အဆိုရှင်၊ တီးခတ်သူ၊ တေးရေး၊ ထုတ်လုပ်သူနှင့် အသံဖမ်းသူတို့က ခွဲဝေယူရသည်ဟု ဂီတအစည်းအရုံးမှ တခြား တာဝန်ရှိသူ တဦးက ရှင်းပြသည်။

“အခုလောလောဆယ် မန္တလေး FM က လွှင့်ထားတဲ့ ၂၀၀၈ ခုနှစ် စက်တင်ဘာ၊ နိုဝင်ဘာ၊ အောက်တိုဘာ၊ ဒီဇင်ဘာ ဒီလေးလအတွက် ထုတ်ပေးနေပါတယ်။ ၂၀၀၉ ခုနှစ် အတွက်ကတော့ မန္တလေး FM က စာရင်းမပို့ပေးသေးဘူး” ဟု ၎င်းက ဆက်ပြောသည်။

ယင်း မူပိုင်ခွင့်နှင့် ပတ်သက်ပြီး အနုပညာဆိုင်ရာ စီမံခန့်ခွဲရေး ကော်မတီ(CMC) ဆိုသည့်အဖွဲ့ဖွဲ့ပြီး အနုပညာသည်များအကြား ညှိနှိုင်းခြင်း၊ ဥပဒေ မူကြမ်းးရေးဆွဲခြင်းတို့ကို တာဝန်ယူဆောင်ရွက်နေသည်။

ထို ခံစားပိုင်ခွင့် ထုတ်ပေးသည့် အခွင့်အရေးနှင့် ပတ်သက်ပြီး ယခင်လအတွင်းက ဂီတအသိုင်းအဝန်းရှိ တီးခတ်သူ၊ အဆိုတော်၊ တေးရေးများ၊ ထုတ်လုပ်သူများအကြား ငွေကြေးခွဲဝေမှုကိစ္စ အငြင်းပွားမှု ဖြစ်ပွားခဲ့ကြောင်း သိရသည်။

ရန်ကုန်မြို့ရှိ အဆိုတော်တဦးက “အင်တာနေရှင်နယ် ဥပဒေအရ ဆိုရင် ထုတ်လုပ်သူက ၄၀ ရာခိုင်နှုန်း၊ ဆိုတဲ့သူ ၃၀ ရာခိုင်နှုန်း၊ ရေး တဲ့သူက ၃၀ ရာခိုင်နှုန်း ရတယ်၊ အဲဒီဥပဒေအရ ဆိုရင် အတီးသမားတွေက မရလို့ မကျေနပ်ဘူး။ တလလောက် အတီးသမားတွေက တေးရေး တွေကို တိုက်ခိုက်တယ်၊ နောက်တော့ အစည်းအဝေးပြန်ထိုင်ပြီး အစည်းအဝေး ဆုံးဖြတ်ချက်အရ အတီး သမား၊ အဆိုတော်၊ တေးရေး၊ ထုတ်လုပ်သူ တွေကို ၂၅ ရာခိုင်နှုန်းစီ လေးစု ခွဲပေးဖို့ဆုံးဖြတ် လိုက်တယ်” ဟု ပြော သည်။

ရန်ကုန် မြို့တော်စည်ပင်ပိုင် စီးတီး FM စတင်ခဲ့သည့် လွန်ခဲ့သော ၇ နှစ်ကျော်ကာလကလည်း တေးရေး၊ တေးဆို၊ ထုတ်လုပ်သူ စသည့် ဂီတ မူပိုင်ခွင့်ရရှိသင့်သူများကို ငွေကြေးမပေးဘဲ ၎င်းတို့၏ တေးသီချင်းများ အား ထုတ်လွှင့်ခဲ့သောကြောင့် ဂီတသမားများအနေနှင့် မကျေနပ်မှုများ ဖြစ်ပေါ်ခဲ့သည်။

၎င်း ရန်ကုန် စီးတီး FM တွင် ကြော်ငြာသည့် စီးပွားရေးလုပ်ငန်းရှင်များ ထံမှ တနှစ်လျှင် ကျပ် သိန်း ၆၀၀၀ ကျော် ရရှိကြောင်း တရားဝင် သတင်းထုတ်ပြန်ချက်များအရ သိရသည်။

အဆိုတော် ကျားပေါက်က FM များတွင်ထုတ်လွှင့်သည့် ၎င်း၏ သီချင်းများအတွက် ပိုင်ဆိုင်ခွင့် ငွေကြေး တစုံတရာ မရရှိဘူးသေးကြောင်း ဧရာဝတီသို့ ပြောသည်။

“တခြားသူတွေတော့ ရတဲ့သူ စ ရနေပြီပြောတယ်။ ဒါပေမယ့် လခထုတ်သလို လကုန်မှ လီပြီး ရတာလို့ ပြောပါတယ်” ဟု သူက ဆိုသည်။

မြန်မာနိုင်ငံတွင် လက်ရှိ ရန်ကုန် စီးတီး FM၊ မန္တလေး စီးတီး FM၊ စစ်တွေ စီးတီး FMရှိပြီး FM ရေဒီယို ၄ ခုကို ထပ်မံ ထုတ်လွှင့်ရန် ပြင်ဆင်လျက်ရှိရာ အများစုမှာ နာမည်ကြီး စီးပွားရေး လုပ်ငန်းရှင်ကြီးများ ပိုင်ဆိုင်သည် ဟုကြားသိရသည်။

တေးသီချင်းများကို မူပိုင်ခွင့် ဥပဒေနှင့် ပြုလုပ်မည်ဆိုပါက ဂီတ လောကသားများ အနေနှင့် ၎င်း FM များမှ ငွေကြေးခံစားခွင့်များ ရရှိနိုင်မည်ဟု ရန်ကုန် ဂီတ အသိုင်းအဝန်းက ပြောဆိုသုံးသပ်သည်။

DKBA ဝင်တိုက်မည်ကို ဒုက္ခသည်များ စိုးရိမ်
Wednesday, 01 July 2009 17:50 သန်းထိုက်ဦး
တိုးတက်သော ဗုဒ္ဓဘာသာ ကရင်အမျိုးသား တပ်ဖွဲ့ (DKBA) အရာရှိတဦး လုပ်ကြံခံရမှု နှင့် ပတ်သက်ပြီး မကျေ နပ်သောကြောင့် ထိုင်း - မြန်မာနယ်စပ်ရှိ မယ်လ ဒုက္ခသည်စခန်းကို ခြိမ်းခြောက်သည့် အတွက် ဒုက္ခသည်များ က စိုးရိမ် ထိတ်လန့်နေကြကြောင်း သိရသည်။

လွန်ခဲ့သည့် ဇွန်လ၂၆ ရက်နေ့တွင် အမည် မသိလက်နက်ကိုင်တစု၏ ပစ်ခတ်မှုကြောင့် DKBA တပ်ဖွဲ့ တပ်မဟာ ၇ မှ တပ်ရင်းမှူး ဒု ဗိုလ်မှူးကြီး စံပြုံးအပါဝင် ၈ ဦးသေဆုံးခဲ့သည့်အတွက် DKBA က မယ်လ ဒုက္ခသည်စခန်းရှိ ဒုက္ခသည်များကို မောင်းထုတ်ပစ်မည်ဟု ခြိမ်းခြောက်ခဲ့ကြောင်း မယ်လ ဒုက္ခသည်စခန်းမှ တာဝန်ရှိသူတဦးက ဧရာဝတီသို့ ပြောသည်။

“လုပ်ကြံခံရတာ ဘယ်သူ့လက်ချက်လဲ ကျနော်တို့မသိဘူး၊ အဲဒါ သူတို့က KNU ( ကရင်အမျိုးသား အစည်းအရုံး) လက်ချက်လို့ စွပ်စွဲပြီးတော့ KNU ဟာ ဒုက္ခသည်စခန်းထဲမှာ ခိုအောင်းပြီးတော့ လုပ်ပါတယ် စွပ်စွဲပြီးတော့ အဲဒါ ကြောင့် ဒုက္ခသည် စခန်းထဲကလူတွေကို အကုန်လုံး မောင်းထုတ်ပစ်မယ် ဘာမယ် ကြိမ်းလားဝါးလားလုပ်တယ်” ဟု စခန်းကော်မတီ ဒု ဥက္ကဌ ကိုထွန်းထွန်းက ဆိုသည်။

ဒုက္ခသည်စခန်းကို ခြိမ်းခြောက်ခဲ့သည့်သတင်းကြောင့် စခန်း၏ အပြင်ဘက်တွင် ထိုင်းလုံခြုံရေးတပ်ဖွဲ့က လုံခြုံ ရေးတိုးမြှင့်ချထားကြောင်း သိရသည်။

အဆိုပါ DKBA တပ်ဖွဲ့ဝင်များသည် မြ၀တီမြို့ ရွှေကုက္ကိုကျေးရွာသို့ အသွား သောင်ရင်းမြစ်အတိုင်း လှေဖြင့် စီး နင်းလာခဲ့ရာမှ မယ်လရွာအနီးတွင် လုပ်ကြံခံရပြီး သေဆုံးခဲ့ကြခြင်းဖြစ်သည်။ ၎င်းလုပ်ကြံမှု နှင့် ပတ်သက်ပြီး မည်သည့် လက် နက် ကိုင်တပ်ဖွဲ့၏ လက်ချက်ဖြစ်သည်ကို မသိရှိရသေးပါ ။

၂၀၀၈ ခုနှစ် ဖေဖော် ၀ါရီလ ၁၄ ရက်နေ့ မဲဆောက်မြို့ နေအိမ်တွင် လုပ်ကြံသတ်ဖြတ်ခံခဲ့ရသော KNU အထွေ ထွေအတွင်းရေးမှူုး ဖဒိုမန်းရှာ၏ အမှုတွင် သေဆုံးသွားသော DKBA တပ်ဖွဲ့ မှ ဒု ဗိုလ်မှူးကြီး စံပြုံး ပါဝင်ပတ် သက်သည်ဟု KNU ဘက်က ထင်မြင် ယူဆချက်များရှိနေသောကြောင့် ယခုပစ်ခတ်မှုသည် KNU လက်ချက်ဖြစ် ကြောင်း အများက သုံးသပ်နေကြသည်။

KNU တွဲဖက်အထွေထွေ အတွင်းရေးမှူး(၁) ဗိုလ်မှူး စောလှငွေကမူ ယခု လုပ်ကြံသတ်ဖြတ်မှုသည် မည်သူ့လက် ချက် ဖြစ်သည်ကို ပြောရန် ခက်ခဲကြောင်း၊ ယင်း ပြဿနာ ဖြစ်ပွားခဲ့သည့် ဒေသတွင် KNU တပ်များ မရှိတော့ ကြောင်း ဧရာဝတီသို့ ပြောသည်။





မြောက်ကိုရီးယားသင်္ဘော နောက်ကြောင်းပြန်လှည့်နိုင်ဟု သတင်းများထွက်ပေါ်
NEJ / ၁ ဇူလိုင် ၂၀၀၉


စစ်လက်နက်များနှင့် ဆက်စပ်ပစ္စည်းများ တရားမ၀င် တင်ဆောင် လာသည်ဟု သံသယဖြစ်ပွားခံရသည့် Kang Nam ကုန်တင် သင်္ဘောသည် မူလလာရင်းလမ်းကြောင်းပြောင်းပြီး မြောက်ကိုရီးယားနိုင်ငံဘက်သို့ ပြန်လည်ဦးတည် ခုတ်မောင်း နေပုံရကြောင်း သံတမန်သတင်းရပ်ကွက်များကို ကိုးကားပြီး ယနေ့ထုတ် တောင်ကိုရီးယားသတင်းစာ Korea Herald တွင် ဖော်ပြသည်။

ယင်းသို့ သင်္ဘော နောက်ကြောင်းပြန်လှည့်နေသည့်သတင်းကို အမေရိကန် ပင်တာဂွန်အရာရှိတဦးကို ကိုးကားပြီး အေအက်ဖ်ပီ သတင်းတွင် ပါရှိကြောင်းလည်း ဖော်ပြထားသည်။

Kang Nam သင်္ဘောသည် သံသယဖြစ်ဖွယ်လက်နက်များတင်ဆောင်ကာ မြန်မာနိုင်ငံဘက်သို့ ဦးတည်သွားနေပုံရကြောင်း တောင်ကိုရီးယား YTN ရုပ်မြင်သံကြားသတင်းတွင် ဖော်ပြခဲ့သည်။

အကယ်၍ Kang Nam သင်္ဘော နောက်ကြောင်းပြန်လှည့်သည် ဆိုသည့်အချက် မှန်ကန်ပါက မြောက်ကိုရီးယားအပေါ် ကုလသမဂ္ဂလုံခြုံရေးကောင်စီ၏ တားမြစ်ချက်များ သက်ရောက်မှုရှိသည်ကို ပြသခြင်းဖြစ်ကြောင်း မြောက်ကိုရီးယားအရေး ကျွမ်းကျင်သူများက ပြောသည်။

ယင်းသို့ မြောက်ကိုရီးယားသင်္ဘော နောက်ကြောင်းပြန်လှည့်နေသည်ဆိုပါက ကုလသမဂ္ဂ၏ တားမြစ်ပြဋ္ဌာန်းချက် ၁၈၇၄ သည် သက်ရောက်မှုရှိလာပြီဖြစ်ကြောင်း ကိုရီးယားသိပ္ပံ ကာကွယ်ရေးဆိုင်ရာသုံးသပ်မှုဌာနမှ ကျွမ်းကျင်သူ ကင်တေ၀ူးက ပြောကြားသည်။

ကုလသမဂ္ဂလုံခြုံရေးကောင်စီ၏ ဖြည့်စွက်ပြဋ္ဌာန်းချက် ၁၈၇၄ တွင် တရားမ၀င်လက်နက်နှင့် ဆက်စပ်ပစ္စည်းများ သယ်ဆောင်သည်ဟု သံသယရှိခြင်းခံရသည့် မြောက်ကိုရီးယားသင်္ဘောများကို ကုလသမဂ္ဂအဖွဲ့ဝင်နိုင်ငံများ အနေဖြင့် ရှာဖွေခွင့်ရှိသည်ဟု ဖော်ပြထားသည်။ ထိုပြဋ္ဌာန်းချက်ကို ပြီးခဲ့သည့်မေလတွင် မြောက်ကိုရီးယားက အနုမြူဗုံးစမ်းသပ်မှု ပြုလုပ်ခဲ့ပြီးနောက်ပိုင်း ချမှတ်ခဲ့ခြင်းဖြစ်သည်။

ယင်းသို့ လုံခြုံရေးကောင်စီက ပြဋ္ဌာန်းချက်အသစ်ချမှတ်လိုက်ပြီးသည့်နောက် Kang Nam မြောက်ကိုရီးယားသင်္ဘောသည် နိုင်ငံတကာ၏ စောင့်ကြည့်စိစစ်ခြင်းခံရသည့် ပထမဆုံးသင်္ဘောဖြစ်သည်။

ပြီးခဲ့သည့် ဇွန် (၁၇) ရက်တွင် မြောက်ကိုရီးယားဆိပ်ကမ်း Nampo သင်္ဘောဆိပ်မှ ထွက်ခွာခဲ့သည့် အဆိုပါ သင်္ဘောသည် ဒုံးလက်နက်နှင့်ဆက်စပ်ပစ္စည်းများ တင်ဆောင်လာသည်ဟု တောင်ကိုရီးယား ထောက်လှမ်းရေး အပါအ၀င် နိုင်ငံတကာ စောင့်ကြည့်လေ့လာသူများက ယူဆထားကြပြီး အမေရိကန် ရေတပ်ဖျက်သင်္ဘော USS John S. McCain က နောက်ယောင်ခံ လိုက်နေခြင်းဖြစ်သည်။

မြန်မာစစ်အစိုးရကမူ ပြည်ပသတင်းဌာနများက ထုတ်လွှင့်လျက်ရှိသည့် Kang Nam ကုန်တင်သင်္ဘောနှင့် ပတ်သက်၍ သက်ဆိုင်ရာမှ သတင်းတစုံတရာရရှိခြင်း မရှိကြောင်း ကြေညာခဲ့သည်။

အဆိုပါမြောက်ကိုရီးယားသင်္ဘောသည် မြန်မာနိုင်ငံ သီလ၀ါဆိပ်ကမ်းသို့ ဆိုက်ကပ်ရန်ရှိသည်ဟုလည်း သတင်းများပေါ်ထွက်ခဲ့ သည်။

လမ်းပြင်ပေးမည်ပြောပြီး ကြံ့ဖွံ့ထဲဝင်ခိုင်း


NEJ / ၁ ဇူလိုင် ၂၀၀၉


ရန်ကုန်တိုင်းအတွင်းမှ မြို့နယ်အချို့တွင် လမ်းပြင်ပေးမည်ဟု ပြောပြီး အဆိုပါလမ်းတွင် နေထိုင်သူများကို ကြံ့ဖွံ့အဖွဲ့ထဲဝင်ရန် ဖိအားပေးနေကြောင်း သိရသည်။

မြို့တော်စည်ပင်မှ ပြင်ဆင်ပေးခြင်းမရှိသည့် ဆိုးဝါးနေသည့်လမ်းများကို ကြံ့ဖွံ့အဖွဲ့ဝင်များက ရပ်ကွက်လူကြီးများမှတဆင့် လမ်းပြင်ပေးမည်၊ ပြည်သူများက ငွေထည့်စရာမလိုကြောင်း၊ သို့သော် လမ်းတွင်းနေထိုင်သူများက ကြံ့ဖွံ့အဖွဲ့သို့ ၀င်ရမည်ဟု ပြောဆိုစည်းရုံးနေကြောင်း ကိုယ်တွေ့ကြုံသူများက ပြောသည်။

ရန်ကုန်တိုင်း တောင်ဒဂုံ (၇၁) ရပ်ကွက်တွင် နေထိုင်သူတဦးက “အဲဒါနဲ့ ရပ်ကွက်လူကြီးတွေက ဝင်ပါ့မယ် ကတိပေးလိုက်တယ်။ အဲဒီနောက် စည်ပင်ကလူတွေလာတယ်။ လမ်းကို တိုင်းထွာပြီး ကျောက်ခဲတွေ လာပုံသွားကြတယ်။ နောက် အင်္ကျီအဝါ ဝတ်ထားတဲ့ အမျိုးသမီးရေးရာ အဖွဲ့ဝင်တွေလာပြီး အိမ်တိုင်းကို ကြံ့ဖွံ့အဖွဲ့ဝင် လျှောက်လွှာပုံစံတွေ လာပေးသွားတယ်။ ပုံစံတွေ ဖြည့်ပြီး ရပ်ကွက်ရုံးကို သွားပေးရတယ်။ နောက်တော့ ကြံ့ဖွံ့အဖွဲ့ဝင် ကတ်ပြားတွေ အိမ်တိုင်ရာရောက် လာဝေပေးသွားတယ်။ ဒါပေမယ့် ဒီနေ့ထက်ထိ လမ်းပြင်တာ မတွေ့ရသေးဘူး” ဟု ပြောသည်။

ငွေမထည့်ရဘဲ လမ်းပြင်ပေးမည်ဆိုခြင်းကြောင့် ရပ်ကွက်အတွင်းနေထိုင်သူအများစုက ကြံ့ဖွံ့အဖွဲ့ဝင်ရန် လျှောက်လွှာ ဖြည့်စွက်ကြကြောင်း သိရသည်။

အလားတူလုပ်ရပ်များကို ရန်ကုန်မြို့လယ်ခေါင်တွင်ပင် ယခုတလော လုပ်ကိုင်နေပြီး အင်းစိန်တောင်သူကုန်းရပ်ကွက်တွင်မူ ရန်ကုန်မြို့တော်ဝန် ဗိုလ်မှူးချုပ်အောင်သိန်းလင်း ကိုယ်တိုင် ဦးစီးကြောင်း ဒေသခံများက ပြောသည်။

မင်္ဂလာဈေးအနီး နေထိုင်သူတဦးက “ကျနော်တို့လမ်းမှာက ငွေကြေးတတ်နိုင်တဲ့သူတွေက ကိုယ့်ငွေနဲ့ကိုယ် ကိုယ်ထူကိုယ်ထလမ်းခင်းဖို့ စည်ပင်သာယာရေးအဖွဲ့ကို တင်ပြတယ်။ ဒါပေမယ့် သူတို့က လမ်းထိပ်မှာ ပြည်ခိုင်ဖြိုးအဖွဲ့က ဦးစီးပြီး ပြုပြင်ပေးနေပါတယ်ဆိုတဲ့ ဆိုင်းဘုတ်ကို ချိတ်မယ်၊ သူတို့က ဦးစီးမယ် ပြောလာတယ်။ ပထမတော့ လမ်းထဲက လူတွေက ကြံ့ဖွံ့လက်ထဲ ငွေအပ်လိုက်ရမှာမို့ မကျေနပ်ကြဘူး။ နောက်တော့ တခြားရွေးချယ်စရာလမ်းမရှိတော့ သဘောတူလိုက်ရတယ်။ ဘယ်သူကမှတော့ မကျေနပ်ဘူး” ဟု ပြောသည်။

လသာ၊ ကျောက်တံတား၊ ဗိုလ်တထောင်မြို့နယ်များ၌လည်း ကိုယ့်ငွေကိုယ်စိုက်ထုတ်ပြီး ရေပိုက်၊ ရေမြောင်း၊ ပလက်ဖောင်းပြုပြင်ခြင်း လုပ်ငန်းများကို ပြည်ခိုင်ဖြိုးမှ ဦးစီးပြီး ပြုလုပ်နေပါသည်ဆိုသည့် ဆိုင်းဘုတ်ချိတ်ဆွဲပြီး လုပ်နေကြကြောင်း မြို့ခံများက ပြောသည်။

ရန်ကုန်မြို့ခံတဦးက “စည်ပင်က လုပ်မပေးလို့ ပြည်သူတွေ ငွေကုန်ကြေးကျခံပြီး ကိုယ့်အားကိုယ်ကိုး လမ်းပြင်ကြတာကိုတောင် ကြံ့ဖွံ့အဖွဲ့က ဦးဆောင်လုပ်ကိုင်နေတယ်ဆိုပြီး နိုင်ငံရေးအမြတ်ထုတ်နေတယ်။ ဒီလိုလုပ်နေတာဟာ လာမယ့် ၂ဝ၁ဝ ရွေးကောက်ပွဲအတွက် ကြံ့ဖွံ့အဖွဲ့က ကြိုတင်ပြင်ဆင်မှုတခုအနေနဲ့ လုပ်နေတာ ဖြစ်နိုင်တယ်” ဟု ပြောသည်။


နိုင်ငံခြားသွားရောက် အလုပ်လုပ်ကိုင်သူများ
သတ်မှတ်ဆေးခန်းများတွင်သာ ဆေးစစ်ရန်ညွှန်ကြား
ဝီရ / ၁ ဇူလိုင် ၂၀၀၉


ရန်ကုန်မြို့ရှိ အလုပ်သမားပို့ဆောင်သည့် အေဂျင်စီများအနေဖြင့် နိုင်ငံခြားသွားရောက် အလုပ်လုပ်ကိုင်မည့်သူများအား ဆေးစစ်မှုပြုလုပ်စေရာတွင် သတ်မှတ်ထားသည့် ဆေးခန်း၊ ဓာတ်ခွဲခန်းတွင်သာ ဆေးစစ်စေရန်နှင့် ယင်းဆေးစစ်ချက်များ ဖြင့်သာ လျှောက်လွှာလက်ခံတော့မည်ဖြစ်ကြောင်း ပြည်တွင်းရှိ နိုင်ငံခြားသံရုံးအချို့က ထုတ်ပြန်လိုက်သည်။

မြန်မာနိုင်ငံမှ ဆေးစစ်ချက် အောင်မြင်လာသူများသည် နိုင်ငံခြားတိုင်းပြည်များသို့ ရောက်ရှိပြီး ထပ်မံဆေးစစ်ခံရာတွင် ကူးစက်ရောဂါကဲ့သို့ အလုပ်လုပ်ရန် တားမြစ်ထားသည့်ရောဂါများ တွေ့ရှိမှု များပြားလာခြင်းကြောင့် ယင်းကဲ့သို့ သတ်မှတ်ဆေးခန်းများတွင်သာ ဆေးစစ်မှုခံယူရန် ထုတ်ပြန်လိုက်ခြင်းဖြစ်သည်။

မည်သည့်အကြောင်းကြောင့်ဟု နိုင်ငံခြားသံရုံးများက အကျယ်တ၀င့်ရှင်းပြခြင်းမရှိသော်လည်း အလုပ်သမားများ၏ ဆေးအောင်ချက် တိကျမှန်ကန်စေရန်ဟု ရေးသားထားကြောင်း ရန်ကုန်မြို့ရှိ အလုပ်သမားရှာဖွေရေး အေဂျင်စီတခုမှ ဒါရိုက်တာတဦးက ပြောသည်။

၎င်းက “ဒီက ဆေးစစ်ချက် အောင်တဲ့သူတွေကို သူတို့နိုင်ငံဆီ ရောက်ရင်လည်း လစဉ်စစ်ကြတာ ရှိတယ်။ တချို့ဆို ဒီပြည်တွင်းက ဆေးစစ်ချက်က သူတို့လေဆိပ်ရောက်တာနဲ့ မမှန်ကန်ဘူးဆိုတာ သိတယ်။ အဲဒီအခါကျရင် ပြန်ပို့ခံရတယ်။ အေဂျင်စီတွေနဲ့ အလုပ်သမားတွေပဲ နစ်နာတယ်။ ဒီပြည်တွင်းက ဓာတ်ခွဲခန်းတွေ၊ ဆေးခန်းတွေက စစ်တာ ချွတ်ယွင်းချက်တွေ ရှိနေတော့ အဆင့်မြင့်တဲ့ သူတို့ယုံကြည်တဲ့ ဆေးခန်းတွေက ဆေးစစ်ချက်တွေကိုပဲ သူတို့ယူတာ ဖြစ်တယ်” ဟု ပြောသည်။

ယခုအပတ်အတွင်း ဆေးစစ်ချက် ကန့်သတ်လိုက်သည့်သံရုံးများမှာ အရှေ့အလယ်ပိုင်းနိုင်ငံများ၊ ကိုရီးယားနှင့် စင်ကာပူနိုင်ငံ တို့ဖြစ်ပြီး သက်ဆိုင်ရာသံရုံးများမှ သတ်မှတ်ထားသည့် ဓာတ်ခွဲခန်းများ၌ ဆေးစစ်ခမှာ (၅) သောင်းမှ (၆) သောင်းဝန်းကျင် ကုန်ကျမည်ဖြစ်ပြီး သာမန်ဆေးစစ်ဌာနများတွင် (၁) သောင်းခွဲဝန်းကျင်သာ ကုန်ကျမည်ဖြစ်ကြောင်း ၎င်းက ရှင်းပြသည်။

ယခုအခါ မလေးရှားနှင့် မြန်မာနိုင်ငံမှ အလုပ်သမားလက်ခံသည့် အခြားနိုင်ငံများကလည်း မြန်မာနိုင်ငံမှ ထွက်ခွာပြီးနောက် ရောက်ရှိရာတိုင်းပြည်များတွင် ဆေးစစ်ချက် ကျသွားမည်ဆိုပါက အလုပ်သမားရှာဖွေရေး အေဂျင်စီများက လျော်ကြေး ထုတ်ပေးရမည်ဖြစ်ပြီး နိုင်ငံခြားတိုင်းပြည်မှ လုပ်ငန်းကုမ္ပဏီနှင့် မသက်ဆိုင်ကြောင်း နိုင်ငံခြားသံရုံး အသီးသီးကလည်း အသိပေးထားကြောင်း သိရသည်။

၂၀၀၉ ခုနှစ်တွင် ရန်ကုန်မြို့ နယ်နိမိတ်အတွင်း လုပ်ငန်းလိုင်စင်ရ ဓာတ်ခွဲခန်း၊ ဆေးခန်းပေါင်း (၁,၀၀၀) ကျော်ရှိသော်လည်း မြန်မာပြည်တွင်း၌ ကျန်းမာရေးဆိုင်ရာ ဝန်ဆောင်မှု အားနည်းချက်များ ရှိနေသေးကြောင်း ရန်ကုန်မြို့တွင် ဆေးခန်းနှင့် အဆင့်မြင့်ဓာတ်ခွဲခန်း ဖွင့်ထားသူ ဆရာဝန်တဦးက ပြောသည်။

၎င်းက “အခု ဓာတ်ခွဲခန်းတွေမှာ HIV ပိုး စစ်ဖို့သက်သက်က သောင်းဂဏန်း ကုန်ကျတယ်။ သာမန်ပြည်သူတွေအတွက်က မလွယ်ဘူး။ အခု နိုင်ငံခြားထွက်တဲ့ သူတွေအတွက်က ကူးစက်ရောဂါနဲ့ဆိုင်တဲ့ ရောဂါအမျိုးပေါင်း (၁၀) မျိုးလောက် စစ်ရတယ်။ သွေးရော၊ ဆီးရော စစ်ရတယ်။ (၂ ) သောင်းကျော်တော့ ကုန်ကျမယ်။ အခြားနိုင်ငံတွေနဲ့ ယှဉ်ရင်တော့ ဒီကျန်းမာရေး ဝန်ဆောင်မှုပိုင်းမှာ ချွတ်ယွင်းချက်တွေ ရှိသေးတယ် ပြောလို့ရတယ်” ဟု ပြောသည်။

ပြီးခဲ့သည့် ဇွန်လတွင် ကိုရီးယားနိုင်ငံသို့ သွားရောက်အလုပ်လုပ်ကိုင်သူ အယောက် (၄၀) ကျော်အား ဆေးစစ်ခဲ့ရာတွင် (၅) ဦး ဆေးကျပြီး အယောက် (၂၀) ခန့်မှာ ဆေးပြန်စစ်ခဲ့ရကြောင်း အဆိုပါဆရာဝန်က ပြောသည်။


ကျောင်းသားများ နှာခေါင်းစည်းမတတ်ရန်
ရန်ကုန်တိုင်းရုံးမှ ညွှန်ကြား
NEJ / ၁ ဇူလိုင် ၂၀၀၉


ကမ္ဘာ့လူတုပ်ကွေး ရောဂါကာကွယ်ရန်အတွက် ကျောင်းသားကျောင်းသူများအားလုံး အကာအကွယ် အဖြစ် နှာခေါင်းစည်း၊ ပါးစပ်စည်းများ တပ်ဆင်ကြသည် ကို ရန်ကုန်တိုင်းရုံးက မလိုလားကြောင်း ရန်ကုန်မြို့ခံများ က ပြောသည်။

ယင်းသို့ မလိုလားသည့်အတွက် ရန်ကုန်ရှိ နာမည်ကြီး စာသင်ကျောင်းများသို့ ဆက်သွယ်ကာ နှာခေါင်းစည်း၊ ပါးစပ်စည်းများ မတပ်ဆင်ရန် ကျောင်းအုပ်ကြီးများကို အကြောင်းကြားထားကြောင်း ရန်ကုန်တိုင်းရုံး ပြောရေးဆိုခွင့်ရှိသူတဦးက ပြောသည်။

“အကြောင်းကြားထားပါလျက်နဲ့ တပ်ခိုင်းတဲ့ ကျောင်းအုပ်ကြီးကို အရေးယူမယ်ဆိုတာမျိုးတော့ မထုတ်ပြန်သေးပါဘူး။ ဘာလို့  ဒီလိုလုပ်ရသလဲဆိုရင် လူတွေ အထိတ်တလန့် မဖြစ်စေချင်လို့ပါ” ဟု ၎င်းက ပြောသည်။

အလုံမြို့နယ်ရှိ ကျောင်းတကျောင်းမှ ပညာရေးဝန်ထမ်းတဦးကမူ နှာခေါင်းစည်းများ မတပ်ရဆိုသည့် ညွှန်ကြားချက်ကို ကျောင်းသားမိဘများအနေဖြင့် ၎င်းတို့သားသမီးများ တုပ်ကွေးအန္တရာယ်က ကင်းအောင် လုပ်ဆောင်ခြင်းဖြစ်သည့်အတွက် လိုက်နာဆောင်ရွက်လိမ့်မည်မထင်ကြောင်း ပြောသည်။

ရန်ကုန်ရှိ နာမည်ကြီးကျောင်းများတွင် ရောဂါကာကွယ်ရေးအတွက် နှာခေါင်းစည်း၊ ပါးစပ်စည်းများကို ဇွန်လ (၂၈) ရက်နေ့ကပင် တပ်ဆင်သူကျောင်းသားအချို့ရှိခဲ့ရာမှ ယခုနောက်ပိုင်း ကျောင်းသားတိုင်းလိုလို တပ်ဆင်လာကြကြောင်း အ.ထ.က (၁) ဒဂုံမှ ဆရာမတဦးက ပြောသည်။

“ကျမတို့ကျောင်းမှာ အခု ကျောင်းအုပ်ကြီးက အဲဒါတွေကို မတပ်ခိုင်းတော့ဘူး။ တိုင်းရုံးရဲ့အမိန့်လို့ ပြောပါတယ်။ ကျောင်းသားတွေကို မတပ်ခိုင်းတော့ဘူး” ဟု ၎င်းက ပြောသည်။

ရန်ကုန်တွင် ကမ္ဘာ့လူတုပ်ကွေးရောဂါ စတင်ဖြစ်ပွားသည်ဟူသော သတင်းထုတ်ပြန်ကြေညာပြီးနောက် နှာခေါင်းစည်း၊ ပါးစပ်စည်းများ ဈေးနှုန်းမြင့်တက်ခဲ့ကြောင်းလည်း ရန်ကုန်မြို့ခံများက ပြောသည်။

“ဈေးတွေကလည်း အရင်က တခုကို (၅၀) ကျပ်၊ အခု (၅၀၀) ကျပ်တဲ့၊ အံ့တောင်သြပါတယ်။ ဒါတွေကို ဈေးမတက်ရအောင် ထိန်းချုပ်မှာကို မလုပ်ဘဲနဲ့ ရောဂါကာကွယ်တာတွေကိုကျတော့ လူတွေ ထိတ်လန့်ဖြစ်မယ်ဆိုတဲ့ အကြောင်းပြချက်နဲ့ ကျောင်းသားတွေကို မတပ်ခိုင်းဘူးလို့ ပြောတာတော့ တရားလွန်တယ်” ဟု ကမာရွတ်မြို့နယ် ကျောင်းသားမိဘတဦးက ပြောသည်။

ကျောင်းသားမိဘများက ၎င်းတို့သားသမီးများအား ကျောင်းလွှတ်ရမည်ကိုပင် စိတ်မချဖြစ်နေကြကြောင်း သိရသည်။

“အခုလိုမျိုး နှာခေါင်းစည်းတွေ မတပ်ရဘူးဆိုတော့ ကျမက သမီးကို ကျောင်းမလွှတ်ချင်တော့ဘူး။ အိမ်ကကားနဲ့ သွားပို့သွားကြို လုပ်ရတာဖြစ်ပေမယ့် ကျောင်းမှာက ကလေးတွေ အများကြီးလေ၊ တယောက်ယောက်မှာများ အဲဒီ တုပ်ကွေးရောဂါရှိနေရင် ကူးမှာလေ” ဟု ပြောသည်။

“အမှန်မှာတော့ ဒီလိုမျိုး နှာခေါင်းစည်းတယ်ဆိုတာမျိုးက စနစ်တကျဆောင်ရွက်ရင် တော်တော်ထိရောက်မှု ရှိပါတယ်။ ကျောင်းတွေမှာတော့ တပ်ကို တပ်ထားသင့်တဲ့ ကိစ္စပါ။ ဒါကြောင့်လည်း တချို့ကျောင်းတွေမှာဆိုရင် ပိတ်ကို နှာခေါင်း၊ ပါးစပ်စည်းတွေ ချုပ်ပေးဖို့တောင် လုပ်နေကြပါပြီ။ ဒါတွေကို မတပ်ရဘူးလို့ အမိန့်ထုတ်တာကတော့ အလွန်ကို ရှက်စရာ ကောင်းတဲ့ ကိစ္စပါ။ ဒါကို လိုက်နာတဲ့ ပညာရေးဝန်ထမ်းတွေလည်း ရှိနိုင်ကောင်းပါတယ်။ သူတို့ရဲ့ မှားယွင်းမှုပေါ့လေ” ဟု ရန်ကုန်တိုင်း ကျန်းမာရေးဦးစီးဌာနက တာဝန်ရှိသူတဦးက ပြောသည်။

အမျိုးသားဒီမိုကရက်တစ် မဟာမိတ်တပ်မတော်
နှစ်ပတ်လည်နေ့တွင် နအဖတိုင်းမှူးမတက်ရောက်
NEJ / ၁ ဇူလိုင် ၂၀၀၉


အမျိုးသားဒီမိုကရက်တစ် မဟာမိတ်တပ်မတော် (NDAA-ESS) အဖွဲ့၏ အနှစ် (၂ဝ) မြောက် တပ်ဖွဲ့ထူထောင်ခြင်း နှစ်ပတ်လည်နေ့ အထိမ်းအမှတ်အခမ်းအနားကို ရှမ်းပြည်အရှေ့ပိုင်း၊ မိုင်းလားမြို့ရှိ အဖွဲ့၏ဗဟိုဌာနချုပ်တွင် ယမန်နေ့က ကျင်းပရာ နအဖဘက်မှ အဆင့်နိမ့်အရာရှိတဦးက ဦးဆောင်တက်ရောက်ခဲ့သည်။

အခမ်းအနားသို့ အပစ်ခတ်ရပ်အဖွဲ့များ၊ တရုတ်ပြည်ဘက်မှ ဒေသဆိုင်ရာ အာဏာပိုင်များနှင့် ကျိုင်းတုံအခြေစိုက် တြိဂံဒေသတိုင်း စစ်ဌာနချုပ်မှ ဒု-ဗိုလ်မှူးကြီး အဆင့်ရှိသူနှင့်အဖွဲ့တို့သာ တက်ရောက်ခဲ့ကြောင်း မိုင်းလားတပ်ဖွဲ့ဝင် အရာရှိတဦးက ပြောသည်။

၎င်းက “ဆီလူးနှင့် ကျိုင်းတုံဘက်က လာကြတယ်။ ဒေသခံလူထု တသောင်းကျော်တက်ရောက်တယ်။ ကုိုးကန့်က ဒု-ဥက္ကဋ္ဌ ဖုန်ကြားဖု၊ ဥက္ကဋ္ဌ ဦးစိုင်းလင်းရဲ့ ယောက်ခထီးလေ။ ၀ပြည်သွေးစည်းညီညွတ်ရေးတပ်မတော်က ဒု-ဥက္ကဋ္ဌ၊ ကေအိုင်အိုတို့ ရှမ်းတို့လည်းလာတယ်။ တရုတ်ဘက်အရာရှိတွေလည်းလာတယ်၊ ကျိုင်းတုံတိုင်းမှူး မလာဘူး။ ဒု-ဗိုလ်မှူးကြီး တယောက်သာ လာတယ်” ဟု ပြောသည်။

ဇွန် (၂၉) ရက် ညနေပိုင်းမှစ၍ အထိမ်းအမှတ်ပွဲတော် စတင်ကျင်းပခဲ့ပြီး ညပိုင်းတွင် ယဉ်ကျေးမှု အကအဖွဲ့များဖြင့် တင်ဆက်ခဲ့ကြောင်း၊ ဇွန် (၃ဝ) ရက်တွင် နံနက် (၈) နာရီမှ စတင်၍ မိုင်းလားမြို့၊ ပြည်သူ့ အားကစားကွင်းကြီးအတွင်း၌ လူထုစည်းဝေးပွဲ စတင်ကြောင်း၊ တပ်ဖွဲ့ဝင်များက စစ်ဦးစီးချုပ်အား ချီတက်အလေးပြုပြီး ဥက္ကဋ္ဌ ဦးစိုင်းလင်းက မိန့်ခွန်းပြောဆိုခဲ့သည်ဟု မိုင်းလားဒေသခံတဦးက ပြောသည်။

၎င်းက “ဥက္ကဋ္ဌ ဦးစိုင်းလင်းက ရှမ်းဘာသာနဲ့ ပြောတာပါ။ နိုင်ငံရေးနဲ့ ပတ်သက်လို့၊ အဖွဲ့အစည်းကို အသွင်ပြောင်းရေးတို့ ဘာမှ ထူးထူးခြားခြားပြောတာ မရှိဘူး။ ဒေသဖွံ့ဖြိုးရေးလုပ်ငန်းတွေသာ ပြောသွားတာပါ” ဟု ပြောသည်။

ထို့နောက် ဇွန် (၃ဝ) ရက် ညနေ (၂) နာရီမှ (၄) နာရီခွဲအချိန်တွင် တက်ရောက်လာသည့် အဖွဲ့အစည်းအသီးသီးမှ ကိုယ်စားလှယ်များ တွေ့ဆုံပွဲတခု ပြုလုပ်ပြီး မိုင်းလားမြို့အတွင်း လှည့်လည်ကြည့်ရှုမှုများ ပြုလုပ်ခဲ့ကြောင်း သိရသည်။

အမျိုးသားဒီမိုကရက်တစ် မဟာမိတ်တပ်မတော် (NDAA-ESS) သည် ယခင် ဗမာပြည်ကွန်မြူနစ်ပါတီ၏ အမှတ် (၈၁၅) စစ်ဒေသအဖြစ်မှ ၁၉၈၉ ခုနှစ်၊ ဇွန် (၃ဝ) ရက်နေ့တွင် ဦးစိုင်းလင်းဦးဆောင်သည့်အခါ တိုင်းရင်းသားများပါဝင်သည့် တပ်ဖွဲ့ဝင်များက ခွဲထွက်ဖွဲ့စည်းတည်ထောင်ခဲ့သည့် ဇွန် (၃ဝ) ရက်နေ့အား တပ်ဖွဲ့မွေးနေ့အဖြစ် သတ်မှတ်ကာ နှစ်စဉ် ကျင်းပခြင်းဖြစ်သည်။

အမျိုးသားဒီမိုကရက်တစ် မဟာမိတ်တပ်မတော် (NDAA-ESS) သည် အခြားအပစ်ခတ်ရပ်အဖွဲ့များကဲ့သို့ နယ်ခြားစောင့်တပ် ဖွဲ့စည်းရေးအတွက် နအဖ၏ ဖိအားပေးခြင်းခံနေရပြီး ယနေ့အချိန်ထိ တရားဝင်အဖြေမပေးသေးပေ။


မြောက်ကိုရီးယားသဘောင်္ နောက်ပြန်လှည့်ပုံရ

01 July 2009


စစ်လက်နက်ပစ္စည်းတွေ တင်ဆောင်လာတယ်လို့ သံသယရှိနေပြီး မြန်မာနိုင်ငံဘက်ကို ဦးတည်သွားနေတယ်လို့ ယုံကြည်ရတဲ့ မြောက်ကိုရီးယားနိုင်ငံက ကုန်တင်သင်္ဘောတစီးဟာ အခုတော့ နေရပ်လှည့်ပြန်နေပုံရနေပါတယ်။ အမေရိကန် ရေတပ်သင်္ဘောတစီးကလည်း နောက်ယောင်ခံလိုက်နေတဲ့ ဒီသင်္ဘောရဲ့ခရီးစဉ်ဟာ မြောက်ကိုရီးယားအပေါ် ကုလသမဂ္ဂက ချမှတ်ထားတဲ့ လက်နက်တင်ပို့မှုဆိုင်ရာ တားမြစ်ချက်ကို စိမ်ခေါ်မှုတခုဖြစ်လေမလားဆိုပြီးတော့လည်း အကဲခတ်တွေက တွက်ဆမှုတွေ ရှိနေပါတယ်။ ဒီအကြောင်း တောင်ကိုရီးယားနိုင်ငံ ဆိုးလ်မြို့ တော်က ဗွီအိုအေ သတင်းထောက် Kurt Achin ရဲ့သတင်းပေးပို့ချက်နဲ့အတူ မြန်မာစစ်အစိုးရနဲ့ မြောက်ကိုရီးယားတို့ရဲ့ ဆက်ဆံရေး အခြေအနေတွေကို အကဲခတ်တွေဘယ်လို ရှုမြင်ကြတယ်ဆိုတာကို ဦးအောင်လွင်ဦးက တင်ပြထားပါတယ်။

သံသယဖြစ်စရာ ကုန်ပစ္စည်းတွေ တင်ဆောင်လာတယ်လို့ ယုံကြည်နေကြတဲ့ ကမ်နမ် အမည်ရှိတဲ့ မြောက်ကိုရီးယား သင်္ဘောတစင်း အရှေ့တောင်အာရှ ပင်လယ်ပြင်မှာ တပတ်လောက် ခရီးဆက်နေရာက အခုဆိုရင် လမ်းကြောင်း ပြောင်းသွားပြီး ရှေ့ခရီးဆက်မယ့်ပုံ မရှိတော့ဘူးလို့ အမေရိကန် တာဝန်ရှိသူတွေက ပြောကြပါတယ်။ အမေရိကန် စစ်သင်္ဘောတစင်းဖြစ်တဲ့ USS John S McCain က ထပ်ချပ်မကွာ လိုက်နေတဲ့ ဒီသင်္ဘောဟာ လက်နက်တွေ တင်ဆောင်ပြီး မြန်မာနိုင်ငံဘက်ကို ဦးတည်သွားနေတာလို့ အများက ယုံကြည်နေကြတာပါ။ ကုလသမဂ္ဂ လုံခြုံရေး ကောင်စီရဲ့ ဆုံးဖြတ်ချက်အရ တားမြစ်ထားတဲ့ ပစ္စည်းတွေကို သယ်ဆောင်လာတယ်လို့ ယူဆနေတဲ့ ဒီသင်္ဘောဟာ မနေ့တုန်းကတော့ ဟောင်ကောင်ရဲ့ တောင်ဘက် မိုင် ၂၅၀ အကွာလောက်ကနေ မြောက်ဘက်ကို ဦးတည် မောင်းနှင် နေခဲ့တယ်လို့လည်း အမေရိကန် တာဝန်ရှိသူတွေက ပြောခဲ့ကြတာပါ။ အစောပိုင်းမှာတုန်းကတော့ လမ်းခရီး စင်္ကာပူနိုင်ငံမှာ ဆီပြန်ဖြည့်လိမ့်မယ်လို့လည်း မျှော်လင့်ထားကြတာမို့၊ ဒီလို ဆိုက်ကပ်ရပ်နားမယ် ဆိုရင်တော့ စင်္ကာပူနိုင်ငံက ကုလသမဂ္ဂ ဆုံးဖြတ်ချက်အတိုင်း သင့်တော်တဲ့ ဆောင်ရွက်ချက်တွေကို လုပ်ဆောင်မယ် ဆိုပြီးတော့လည်း တရားဝင်ပြောထားတာပါ။ ဒီလို အခြေအနေတွေကြောင့် မြောက်ကိုရီးယား သင်္ဘောခရီးစဉ် အပြောင်းအလဲတွေ ဖြစ်ခဲ့ရတာလို့ ဆိုးလ်မြို့တော်က အာရှမဟာဗျူဟာ တက္ကသိုလ်က အကဲခတ်တဦးဖြစ်တဲ့ ပတ်ခ် ဆွန်ဂျေး Park Seung-jae ကတော့ ယူဆပါတယ်။

“သူတို့အနေနဲ့ စင်္ကာပူကို ဖြတ်မယ်ဆိုရင်၊ စင်္ကာပူနိုင်ငံက စစ်ဆေးတာတွေ လုပ်မယ့်ကိစ္စကို လျစ်လျူရှုထားလို့ မရပါဘူး။ နောက်တခုကတော့ လက်နက်တွေ၊ နျူကလီးယားဆိုင်ရာ ပစ္စည်းတွေကိုပဲဖြစ်ဖြစ် ပင်လယ်ထဲ ပစ်ချထားခဲ့ဖို့ ဆိုတာဟာလည်း သိပ်တော့လွယ်မယ့် ကိစ္စမဟုတ်ပါဘူး။”

မြောက်ကိုရီးယားသင်္ဘောသာ နောက်ကြောင်းပြန်လှည့်သွားတာ ဖြစ်မယ်ဆိုရင်တော့ ဒါဟာ မြောက်ကိုရီးယားအပေါ် ချမှတ်ထားတဲ့ နိုင်ငံတကာက ပိတ်ဆို့ဒဏ်ခတ် အရေးယူမှုတွေဟာ အကျိုးသက်ရောက်မှု ရှိတယ်ဆိုတဲ့ သဘောမျိုး ဖြစ်လိမ့်မယ်လို့လည်း သူက ဆိုပါတယ်။ ဒါပေမဲ့လည်း အမေရိကန်ပြည်ထောင်စုနဲ့ နိုင်ငံတကာ အသိုင်းအ၀န်းက ဆက်ပြီး စောင့်ကြည့်သွားဖို့လိုတယ်၊ အထူးသဖြင့်ကတော့ မြန်မာနိုင်ငံနဲ့ အီရန်နိုင်ငံတွေက မြောက်ကိုရီးယား သင်္ဘောတွေကို စောင့်ကြည့်ရမယ့် ကိစ္စဟာ ဦးစားပေး လုပ်ရမယ့် ကိစ္စ ဖြစ်တယ်လို့ သူက ဆိုပါတယ်။ အမေရိကန်နိုင်ငံရဲ့ ကုလသမဂ္ဂဆိုင်ရာ သံအမတ်ကြီး ဆူဇန် ရိုက်စ် ကတော့ အမေရိကန် ပြည်ထောင်စုက မျက်ခြေမပြတ် စောင့်ကြည့်နေဆဲ ဖြစ်တဲ့အကြောင်း CBS ရုပ်မြင်သံကြားရဲ့ Face the Nation အစီအစဉ်မှာ တနင်္ဂနွေနေ့ကပဲ ပြောထားတာပါ။

မြောက်ကိုရီးယားရဲ့ နျူကလီးယား လက်နက်ထုတ်လုပ်မှုနဲ့ ပတ်သက်လို့ နိုင်ငံတကာက အရေးယူဆောင်ရွက်မှုတွေ ဆက်လုပ်သွားဖို့လည်း သံအမတ်ကြီး ရိုက်စ် က ပြောခဲ့တာပါ။ ပြီးခဲ့တဲ့ အပတ်ထဲမှာပဲ အမေရိကန်နိုင်ငံက မြောက်ကိုရီးယားအပေါ် အရေးယူ ဒဏ်ခတ်မှုတွေကို အကောင်အထည် ဖော်ဖို့အတွက် အမေရိကန် ပြည်ထောင်စုရဲ့ ဘိုလီဗီယားနိုင်ငံ သံအမတ်ကြီးဟောင်း ဦးဆောင်ပြီး အဖွဲ့ တဖွဲ့ကို ဖွဲ့စည်းခဲ့ပါသေးတယ်။ မရှေးမနှောင်းဆိုသလို မနေ့တုန်းကတော့ အမေရိကန်ပြည်ထောင်စုက မြောက်ကိုရီးယားရဲ့ နျူကလီးယား လက်နက် ပျံ့ပွားမှုနဲ့ ဆက်နွယ်ပြီးတော့ နမ်ချောင်ဂမ် ထရိုက်ဒင်း ကော်ပိုရေးရှင်း နဲ့ အီရန်နိုင်ငံ အခြေစိုက်ထားတဲ့ ဟောင်ကောင် အီလက်ထရောနစ် ကုမ္ပဏီတွေကို ပိတ်ဆို့ ဒဏ်ခတ် အရေးယူဖို့ အမိန့်တရပ်လည်း ထုတ်ပြန်လိုက်ပါတယ်။ ဒီအထဲက နမ်ချောင်ဂမ် ကုမ္ပဏီဟာဆိုရင် မြန်မာနိုင်ငံကို စစ်လက်နက် ထောက်ပံ့မှုတွေနဲ့ ဆက်နွယ်မှု ရှိတယ်ဆိုပြီး အမေရိကန် အရာရှိတွေက ပြောခဲ့တာပါ။ ဒီလို နိုင်ငံတကာက အရေးယူမှုတွေနဲ့ ရင်ဆိုင်နေရတဲ့ မြောက်ကိုရီးယားနဲ့ မကြာသေးခင် နှစ်တွေကစလို့ ဆက်ဆံမှုတွေ တိုးမြှင့်လုပ်ဆောင်လာနေတဲ့ မြန်မာနိုင်ငံအနေနဲ့လည်း နိုင်ငံတကာရဲ့ စောင့်ကြည့်မှုတွေနဲ့ ရင်ဆိုင်ရစရာ ရှိနေတာပါ။ မြောက်ကိုရီးယားနိုင်ငံဆိုင်ရာ သံအမတ်ကြီးအဖြစ် ပထမဆုံး တာဝန်ပေးအပ်ခံခဲ့ရဘူးသူ မြန်မာသံတမန်ဟောင်းဖြစ်တဲ့ သခင်ချန်ထွန်း ရဲ့အမြင်ကတော့

“မြန်မာနိုင်ငံ အနေနဲ့ကတော့ နိုင်ငံငယ် တခု ဖြစ်တယ်လေ။ အမှန်ကတော့ သိပ်ပြီးတော့ မြောက်ကိုးရီးယားဆိုတာက လက်နက်လည်း ထုတ်၊ အနုမြူဗုံးလည်း ထုတ်ဆိုတော့ ကုလသမဂ္ဂ လုံခြုံရေးကောင်စီက ပါမှ ဆုံးဖြတ်ချက်တွေပါ ချထားပြီးတော့ တရုတ်တို့၊ ရုရှားတို့က သဘောတူပြီးတော့ ရုရှားကဆို တော်တော်လေး ပြင်းပြင်းထန်ထန် ပြောတာတွေ ရှိလာတယ်လေ။ ဒါပေမဲ့ သူကတော့ သူ့ရဲ့ ၀ါဒအတိုင်း၊ သူ့ရဲ့ အမြင်အတိုင်းပဲ သူကတော့ တစွတ်ထိုး ဆက်လုပ်မှာပဲ။ အဲဒီလို ဆက်လုပ်မယ်ဆိုရင်တော့ မြန်မာက အဲဒီလို ဆက်လုပ်တဲ့ တစွတ်ထိုးလုပ်တတ်တဲ့ မိတ်ဆွေနိုင်ငံနဲ့ ရင်းနှီးအောင် ဆိုပြီးတော့ လုပ်ရင် တနေ့ကျတော့ ကိုယ် အန္တရာယ် ပေါ်နိုင်တယ်။ အမေရိကန် ဆန့်ကျင်တာနဲ့ ကိုယ်က ပေါင်းတယ်ဆိုတဲ့ သဘောဆိုရင်တော့ ဒါဟာ အင်မတန် သေးနုတ်တဲ့ အယူအဆလို့ ဆိုနိုင်ပါတယ်။ အရှည်ကို ကြည့်ရမယ်။ ဘာပဲဖြစ်ဖြစ်။ ”

ဒါဟာဆိုရင် ပြီးခဲ့တဲ့ လဆန်းပိုင်းမှာ မြောက်ကိုရီးယားနဲ့ ပတ်သက်ပြီး ကုလသမဂ္ဂ လုံခြုံရေး ကောင်စီ ဆုံးဖြတ်ချက် ချမှတ်အပြီး ပထမဆုံးအကြိမ် ထွက်ပေါ်လာတဲ့ ဖြစ်ရပ်ပါ။ ဒီဆုံးဖြတ်ချက်ထဲမှာတော့ မြောက်ကိုးရီးယား နျူကလီးယား လက်နက်အစီအစဉ်၊ ဒုံးကျည်လက်နက် အစီအစဉ်တွေ မလုပ်နိုင်အောင် မြောက်ကိုရီးယား သဘောင်္တွေကို ကုလသမဂ္ဂ အဖွဲ့ဝင်နိုင်ငံတွေက ၀င်ရောက် ရှာဖွေ စစ်ဆေးနိုင်တယ်ဆိုတဲ့ အချက်တွေ ထည့်သွင်းထားတာပါ။ ဒါပေမဲ့ ဒီလို စစ်ဆေးဖို့ကို မြောက်ကိုရီးယားနိုင်ငံက ခွင့်ပြုရမှာဖြစ်သလို၊ ဒါမှမဟုတ်ရင်လည်း သင်္ဘောဆိုက်ကပ်တဲ့ အိမ်ရှင်နိုင်ငံတွေကသာ စစ်ဆေးမှုတွေ လုပ်ခွင့်ရှိမှာဖြစ်ပါတယ်။ အမေရိကန် အထက်လွှတ်တော် အမတ်တဦးဖြစ်တဲ့ မစ္စတာ ဂျွန်မက်ကိန်း ကတော့ ဒီသင်္ဘောကို ကြားဖြတ်ဟန့်တားပြီး တက်ရောက်စစ်ဆေးဖို့ တိုက်တွန်းခဲ့တာပါ။ ဒါပေမဲ့လည်း ဒီလိုလုပ်လာမယ်ဆိုရင် ဒါဟာ စစ်ကြေညာတာလို့ သဘောထားမယ့်အကြောင်း မြောက်ကိုရီးယား အစိုးရပိုင် သတင်းစာတွေက တုန့်ပြန်ဖော်ပြနေကြပါတယ်။ အခုနောက်ဆုံး ဆိုရင်လည်း မြောက်ကိုရီးယား သတင်းစာတွေက စစ်ရေးဆောင်ရွက်ချက်တွေ ဖြစ်လာရင် ဂျပန်နိုင်ငံရဲ့ တာဝန်ဖြစ်လိမ့်မယ်ဆိုပြီး ခြိမ်းခြောက် ပြောဆိုမှုတွေ ရှိခဲ့ကြောင်းပါ။


ဟောင်ကောင်မှာ ဒီမိုကရေစီပြုပြင်ပြောင်းလဲရေး ဆန္ဒပြ

01 July 2009


ဗြိတိသျှ အုပ်ချုပ်ခဲ့တဲ့ ဟောင်ကောင်ကို တရုတ်ပြည်မကြီးထံ ပြန်လည်လွှဲပြောင်းပေးခဲ့တဲ့ ၁၂နှစ်ပြည့် နှစ်ပတ်လည် အထိန်းအမှတ်အဖြစ် ဟောင်ကောင်မှာ ဒီမိုကရေစီပြုပြင်ပြောင်းလဲရေး ဖော်ဆောင်ဖို့ ဟောင်ကောင် လူထု ဒီနေ့ ဆန္ဒပြပွဲ ဆင်နွှဲခဲ့ပါတယ်။ ဟောင်ကောင်ရဲ့ ဗစ်တိုးရီးယား ပန်းခြံကနေ ဟောင်ကောင် အစိုးရရုံးစိုက်ရာ နေရာကို လူထု ချီတက် ဆန္ဒပြခဲ့ရာမှာ ဒီမိုကရေစီရေးနဲ့ လူထုကို အာဏာလွှဲပြောင်းပေးဖို့ ကြွေးကြော်ခဲ့ကြပါတယ်။

စီးပွားရေး ကျဆင်းနေတာကို ကန့်ကွက်ပြီး အုပ်ချုပ်ရေးပိုင်းကို လူထုက စိတ်ကြိုက် ရွေးချယ်ပိုင်ခွင့်ကို တောင်းဆိုခဲ့ကြပါတယ်။ ဟောင်ကောင်ကို ၁၉၉၇ခုနှစ် ဂျူလိုင်လ ၁ရက်နေ့က တရုတ်နိုင်ငံကို လွှဲပြောင်းပေးခဲ့ပေမဲ့ အနောက်နိုင်ငံတွေလိုပဲ သတင်းလွတ်လပ်ခွင့်၊ လူထု စည်းရုံးခွင့် အပါအ၀င် လူမှုလွတ်လပ်ခွင့်တွေ အထိုက်အလျောက် ခံစားနေကြရဆဲဖြစ်ပါတယ်။ ဒါပေမဲ့ အုပ်ချုပ်ရေး ခေါင်းဆောင်ပိုင်းကိုတော့ လူထုက ရွေးချယ်ပိုင်ခွင့် မရှိပါဘူး။


မြန်မာ့ပြည်တွင်းရေး အခြေအနေ ဂျပန် စိုးရိမ်

01 July 2009


မြန်မာနိုင်ငံအတွင်း ဖြစ်ပျက်နေတဲ့ နိုင်ငံရေး အခြေအနေတွေအပေါ်မှာ စိုးရိမ်တဲ့အကြောင်း ဂျပန်နိုင်ငံခြားရေး ၀န်ကြီးက ပြောဆိုလိုက်ပါတယ်။ မြန်မာနိုင်ငံကို ရက်ပိုင်းအတွင်း သွားရောက်ဖို့ စီစဉ်ထားတဲ့ ကုလသမဂ္ဂ အတွင်းရေးမှူးချုပ် ဘန်ကီမွန်း ဂျပန်နိုင်ငံကို ရောက်တဲ့အချိန် ဂျပန်နိုင်ငံက မြန်မာ့အရေးနဲ့ ပတ်သက်လို့ အခု ထုတ်ဖော်ပြောဆိုလိုက်တာပါ။
အတွင်းရေးမှူးချုပ် ဘန်ကီမွန်းရဲ့ မြန်မာနိုင်ငံခရီးစဉ်နဲ့ မြန်မာ့ဒီမိုကရေစီ အင်အားစုတွေရဲ့ မျှော်လင့်ချက်နဲ့ သဘောထား တွေကို ကိုသိန်းထိုက်ဦးက တင်ပြပေးပါလိမ့်မယ်။

ကုလသမဂ္ဂ အတွင်းရေးမှူးချုပ် ဘန်ကီမွန်းဟာ ဒီနေ့ ဂျပန် ၀န်ကြီးချုပ် တာရိုအာဆိုနဲ့ တွေ့ဆုံပါတယ်။ မြန်မာနိုင်ငံကို မသွားရောက်ခင် ဂျပန်နိုင်ငံကို သုံးရက်ကြာသွားရောက်တဲ့ ခရီးစဉ်ဖြစ်ပါတယ်။ မနေ့က ဘန်ကီမွန်းနဲ့ ပူးတွဲကျင်းပတဲ့ သတင်းစာရှင်းလင်းပွဲမှာတော့ ဂျပန်နိုင်ငံခြားရေး ၀န်ကြီး ဟီရိုဖုမိ နာကာဆိုနိက မြန်မာ့အရေးနဲ့ ပတ်သက်လို့ အခုလို ထည့်သွင်း ပြောဆိုသွားပါတယ်။

နိုင်ငံတကာ အသိုင်းအ၀ိုင်းက မြန်မာနိုင်ငံ အခြေအနေ ပတ်သက်လို့ စိုးရိမ်မှုတွေ ပြောဆိုနေတဲ့အချိန်မှာ ဂျပန်နိုင်ငံ အနေနဲ့လည်း မြန်မာပြည်တွင်း အခြေအနေ၊ လူသားချင်း စာနာထောက်ထားမှု အကူအညီ လိုအပ်နေတဲ့ အနေအထား တွေနဲ့ ပြဿနာစုံ၊ အခြေအနေ အကြောင်းကြောင်း အပေါ်မှာ စိုးရိမ်မှုတွေ ရှိနေတယ်ဆိုတာကို ပြောဆိုချင်ပါတယ်ဆိုပြီး ဂျပန်နိုင်ငံခြားရေး ၀န်ကြီး ဟီရိုဖုမိ နာကာဆိုနိက ပြောဆိုသွားတာပါ။

အခုလို ကုလသမဂ္ဂအတွင်းရေးမှူးချုပ် ဘန်ကီမွန်း ဂျပန်နိုင်ငံကို ရောက်နေတဲ့အချိန်၊ ဂျပန် နိုင်ငံမှာရှိတဲ့ မြန်မာ့ဒီမိုကရေစီ အင်အားစုတွေလည်း ဒီနေ့ ဂျပန်နိုင်ငံခြားရေး ၀န်ကြီးဌာနရုံးရှေ့မှာ သွားရောက် ဆန္ဒပြပြီး မြန်မာနိုင်ငံ့အရေးမှာ အတွင်းရေးမှူးချုပ် ဘန်ကီမွန်းဘက်က ဖိအားပေး ဆောင်ရွက်ဖို့ တိုက်တွန်းခဲ့ကြပါတယ်။ ဂျပန်နိုင်ငံမှာရှိတဲ့ အန်အယ်လ်ဒီ အမျိုးသားဒီမိုကရေစီ အဖွဲ့ချုပ် လွတ်မြောက်နယ်မြေ သုတေသနမှူး ဦးမြသိန်းက ဆန္ဒပြပွဲအကြောင်းကို အခုလို ပြောပါ တယ်။

“လူကတော့ ၁၅၀ကျော် လာတယ်ခင်ဗျ။ အဓိကကတော့ ဘန်ကီမွန်း ဗမာနိုင်ငံကို သွားမယ်ပေါ့လေ။ သွားမယ့်ကိစ္စနဲ့ ပတ်သက်ပြီးတော့ ဒေါ်စုနဲ့ နိုင်ငံရေး အကျဉ်းသားတွေ လွှတ်ပေးဖို့ကိစ္စ၊ နောက်ပြီး အခြေခံဥပဒေကို ၂၀၀၈ အခြေခံ ဥပဒေကို ပြင်ဆင်ပေးဖို့ကိစ္စ၊ နောက်တခုကတော့ အားလုံးပါဝင်နိုင်တဲ့ လွတ်လပ်တဲ့ ရွေးကောက်ပွဲ ဖြစ်ဖို့ ကိစ္စတွေကို ကျွန်တော်တို့ တောင်းဆိုပါတယ်။ အဲဒါကို ဘန်ကီမွန်း နိုင်ငံခြားရေးရုံးကို လာတဲ့အချိန်မှာ နိုင်ငံရေးလှုပ်ရှားတဲ့ အဖွဲ့အစည်း အသီးသီးနဲ့ ပူးပေါင်းပြီးတော့ ကျွန်တော်တို့ တောင်းဆို ဆန္ဒပြကြတာပါ။ ”

ကုလသမဂ္ဂ အတွင်းရေးမှူးချုပ် ဘန်ကီမွန်း ကတော့ မြန်မာနိုင်ငံရဲ့ လက်ရှိ နိုင်ငံရေး အလှည့်အပြောင်း ကာလမှာ တိုးတက်မှုတွေ ရဖို့ မရှိမဖြစ် လိုအပ်တဲ့အချက် သုံးချက်ကို ထပ်ပြီး ပြောဆိုခဲ့တာပါ။ မြန်မာစစ်အစိုးရအနေနဲ့ ဒေါ်အောင်ဆန်းစုကြည် အပါအ၀င် နိုင်ငံရေးအကျဉ်းသားတွေကို လွှတ်ပေးဖို့၊ အမျိုးသားပြန်လည်သင့်မြတ်ရေးအတွက် တွေ့ဆုံဆွေးနွေးဖို့နဲ့၊ ရှေ့နှစ်ကျင်းပဖို့ စီစဉ်ထားတဲ့ ရွေးကောက်ပွဲကို နည်မှန်လမ်းမှန် အနေအထားမှာ လူအများ လက်ခံယုံကြည်တဲ့ ရွေးကောက်ပွဲအဖြစ် ကျင်းပနိုင်မယ့် အခြေအနေ ဖန်တီးဖို့ တောင်းဆိုခဲ့တာပါ။

ဒီနေရာမှာ ကုလသမဂ္ဂဘက်က အဓိကထားတဲ့အချက်နဲ့ လက်ရှိ အန်အယ်လ်ဒီ အမျိုးသားဒီမိုကရေစီအဖွဲ့ချုပ်က တောင်းဆို ထားတဲ့အချက် ကြားမှာ ကွဲလွဲချက် တခုရှိနေပါတယ်။ အဲဒါကတော့ အန်အယ်လ်ဒီက တောင်းဆိုထားတဲ့ ဖွဲ့စည်းပုံကို ပြန်လည် ပြင်ဆင်ရေးဆိုတဲ့ အချက်ပါ။ ကုလသမဂ္ဂ အတွင်းရေးမှူးချုပ်က စစ်အစိုးရ ကျင်းပမယ့် ရွေးကောက်ပွဲမှာ အားလုံးပါဝင်ပြီး လူအများ ယုံကြည်လက်ခံနိုင်တဲ့ အခြေအနေမျိုးကို ဖန်တီးဖို့ တိုက်တွန်းပေမဲ့ စစ်အစိုးရ အတည်ပြု ထားတဲ့ ဖွဲ့စည်းပုံပါ အချက်တွေကို ပြန်လည်ပြင်ဆင်ဖို့ ဆိုတာကို အဓိက အချက်အဖြစ် ပြောဆိုထားတာတော့ မရှိသေး ပါဘူး။

ဘာပဲဖြစ်ဖြစ် အတွင်းရေးမှူးချုပ် ဘန်ကီမွန်းရဲ့ ခရီးစဉ်အတွင်းမှာ အန်အယ်လ်ဒီအနေနဲ့ တွေ့ဆုံဆွေးနွေးဖို့ အဆင်သင့် ရှိပါတယ်လို့ အန်အယ်လ်ဒီ ပြောရေးဆိုခွင့်ရှိသူ ဦးဥာဏ်ဝင်းက ပြောပါတယ်။

“ကုလသမဂ္ဂ အဖွဲ့အစည်းနဲ့ တွေ့ဖို့ အမြဲတမ်း အဆင်သင့်ပါ။ ကြိုတင်ပြင်ဆင်တယ်ဆိုတဲ့နေရာလည်း ကျွန်တော်တို့ အန်အယ်လ်ဒီ က သူ့ရဲ့ မူဝါဒတွေရှိပါတယ်။ မူဝါဒတွေ မူတည်ပြီးတော့ တွေ့မှာပါ။ အဓိကကတော့ နောက်ဆုံး အန်အယ်လ်ဒီ က ထုတ်ခဲ့တဲ့ ရွှေဂုံတိုင်ကြေညာစာတမ်းမှာ ပါသလို့ပါပဲ။ ဒိုင်ယာာလော့ကနေစမယ်။ ဒိုင်ယာလော့ အောက် မှာ မှ ဥပဒေ ပြင်ဆင်ရေးတို့ ဒါတွေက နောက်ကလိုက်ပါမယ်။ ဒီမူဝါဒက ရွှေဂုံတိုင်ဟာ နောက်ဆုံးဖြစ်သလို အခုထိလည်း ဒီမူဝါဒပါပဲ။”

ပြီးခဲ့တဲ့ နှစ်က အတွင်းရေးမှူးချုပ် ဘန်ကီမွန်းရဲ့ ခရီးစဉ်မှာတော့ မုန်တိုင်းဒဏ် ခံနေရတဲ့ မြန်မာပြည်သူတွေကို ကယ်တင်ဖို့ နိုင်ငံတကာ အကူအညီတွေ လက်ခံနိုင်ရေးစစ်အစိုးရကို နားချနိုင်ခဲ့ပါတယ်။ အခုတခေါက် ခရီးစဉ်မှာရော၊ စစ်ဒဏ်သင့်ပြီး အတိဒုက္ခရောက်နေတဲ့ မြန်မာပြည်သူတွေအတွက် နိုင်ငံတကာအသိုင်းအ၀ိုင်းရဲ့ မေတ္တာရပ်ခံချက်တွေကို စစ်အစိုးရ ခေါင်းဆောင်တွေ လက်ခံအောင် နားချနိုင်ပါ့မလား မသေချာသေးပါဘူး။ အနိမ့်ဆုံးဆင့် အင်းစိန်ထောင်မှာ ချုပ်နှောင်ခံ နေရတဲ့ ဒေါ်အောင်ဆန်းစုကြည် လွတ်မြောက်ရေးအတွက် မျှော်လင့်နိုင်ပါ့မလား။ ဦးဥာဏ်ဝင်းကတော့

“ကျွန်တော်တို့တော့ တကယ်ပဲ မျှော်လင့်နေပါတယ်။ အခုဖြစ်ပျက်နေတဲ့ နိုင်ငံရေး အခြေအနေ၊ နိုင်ငံတကာ အခြေအနေ၊ ကုလသမဂ္ဂအခြေအနေ၊ နောက်ပြီးတော့ ဒေါ်အောင်ဆန်းစုကြည်က အမှန်တကယ် ပြစ်မှု ကျူးလွန်တာ မရှိတဲ့အတွက် အဲဒီလို မျှော်လင့်ပါတယ်။”

အတွင်းရေးမှူးချုပ် ဘန်ကီမွန်းရဲ့ ခရီးစဉ်နဲ့ ပတ်သက်ပြီး အန်အယ်လ်ဒီရဲ့ သဘောထားနဲ့ မျှော်လင့်ချက်တွေကို ဦးဥာဏ်ဝင်း ပြောပြသွားတာပါ။

မိဘများထံပြန်ပို့သည့် ကလေးငယ်တဦးကို တပ်က ပြန်ခေါ်သွား
Wednesday, 01 July 2009 22:42 ဉာဏ်မောင်
အသက်မပြည့်သေးသည့် ကလေးစစ်သားနှစ်ဦးကို သက်ဆိုင်ရာက မိဘများထံ ပြန်လည်ပို့ဆောင်ပြီးနောက် ကလေးငယ်တဦးကို တပ်ထဲသို့ ပြန်လည်ခေါ်ဆောင်သွားသည်။

တွံတေးမြို့နယ်၊ ပန်းပင်စမ်းကျေးရွာမှ ဇင်မင်းအောင်နှင့် ဇော်ဇော်တို့ကို ပြီးခဲ့သည့်လ (၂၈) ရက်နေ့က မိဘများထံ ပြန်လည်ပို့ဆောင်ပြီးနောက် ဇော်ဇော်အား မိဘများက တပ်ထဲဝင်ရောက်သည်ကို သိရှိကြောင်း လက်မှတ်ထိုးခိုင်းပြီး ပြန်ခေါ်သွားခြင်းဖြစ်သည်။

"ဘာမသိညာမသိနဲ့ ရယကတွေက လက်မှတ်ထိုးခိုင်းတော့ ထိုးလိုက်တာ၊ ကလေးစစ်ထဲဝင်တာ မိဘက သိပါတယ်ဆို လက်မှတ်ထိုးပေးလိုက်တာ၊ အဲဒါနဲ့ ပြန်ခေါ်သွားတာ၊ ဇင်မင်းအောင်မိဘတွေကိုလဲ လက်မှတ်ထိုးခိုင်းတယ်၊ သူတို့ကတောာ့ မထိုးလိုက်ဘူး၊ ဇော်ဇော်ကိုတော့ အခု လက်မှတ်ထိုးပြီး ပြန်ခေါ်သွားတာ၊ ကလေးတွေက နှစ်ယောက်စလုံးအသက်က မပြည့်သေးဘူး" ဟု မိသားစုဝင်နှင့်နီးစပ်သူတဦးက ပြောသည်။

အဆိုပါကလေးငယ်နှစ်ဦးကို ခလရ (၇၀) မှ တပ်ကြပ်ကြီး ဝင်းမြင့်ဆိုသူက ခေါ်ဆောင်သွားပြီး စစ်သားစုဆောင်းရေးတပ်သို့ ပို့ဆောင်ခဲ့ခြင်းဖြစ်ပြီး မောင်ဇင်မင်းအောင်၏မိဘများက နယ်မြေခံ စစ်ဘက်ရေးရာ လုံခြုံရေးအဖွဲ့ကို တိုင်ကြားခြင်းများပြုလုပ်ခဲ့သည်။

"ကလေးတွေကို တပ်ထဲမှာ ရောက်တော့ ဗိုလ်ကြီးတယောက်က ရေဒီယိုနားထောင်ခိုင်းပြီး ဇင်မင်းအောင်ရဲ့အမေက ရေဒီယိုမှာ ပြောတာတွေကို ကြားတော့ မင်းတို့ကို ထားလို့မဖြစ်တော့ဘူး ခွင့် (၁) ပတ်ပေးတယ်၊ ပြန်တော့ဆိုပြီး ပြန်ပို့တာ၊ ပန်းပင်စမ်း(အလက)မှာ အခမ်းအနားနဲ့လုပ်ပြီး ရယကလူကြီးတွေကို သက်သေလက်မှတ်ထိုးခိုင်းတာ" ဟု ဆက်ပြောသည်။

၎င်းတို့ကို မေလကုန်ပိုင်းက ခေါ်သွားခြင်းဖြစ်ပြီး တောင်တွင်းကြီးနှင့် ရမည်းသင်း လေ့ကျင့်ရေးကျောင်းများသို့ မကွေးစစ်သားစုဆောင်းရေးတပ်မှတဆင့် ပို့ဆောင်ခဲ့ခြင်းဖြစ်ကာ ယခုကဲ့သို့ မိဘများထံ ပြန်လည်ပို့ဆောင်ရာတွင်လည်း သက်ဆိုင်ရာ တပ်မှ စစ်သားတဦးပါ လိုက်ပါလာသည်ဟု ပြောသည်။

ဇင်မင်းအောင်နှင့် ဇော်ဇော်တို့ သူငယ်ချင်းနှစ်ဦးမှာ တွံတေးမြို့နယ်၊ ပန်းပင်စမ်းကျေးရွာတွင် နေထိုင်သူများဖြစ်ပြီး ထင်းခွေထွက်သွားစဉ် ယခုကဲ့သို့ စစ်သားအဖြစ် စုဆောင်းခံလိုက်ရခြင်းဖြစ်ကာ အသက် ၁၄ နှစ်သာ ရှိသေးကြောင်း မိသားစုနှင့်နီးစပ်သူက ဆက်ပြောသည်။

အိန္ဒိယ-မြန်မာ နယ်စပ် ခရီးသွားလာခွင့် မြန်မာ စစ်တပ်က ပိတ်ပင်
7/1/2009


အိန္ဒိယ-မြန်မာ နယ်စပ် အနီးတွင် တည်ရှိသော ချင်းပြည်နယ် ပလက်ဝ မြို့နယ် မြိတ်ဝ ကျေးရွာနှင့် အန္ဒိယဘက် ကျေးရွာများ အကြား ခရီးသွားလာခြင်းကို မြန်မာ စစ်တပ်က ယာယီ ပိတ်ထား လိုက်သည်ဟု ဒေသခံ တဦးက ပြောသည်။

“အိန္ဒိယဘက်က ကျေးရွာ နှစ်ရွာမှာ လူကြီး တဦးနဲ့ ကလေး ၆ ဦး အမည်မသိတဲ့ ရောဂါကြောင့် ရုတ်တရက် သေဆုံးသွားတဲ့ အတွက် မြန်မာ စစ်တပ်က ခရီး သွားလာခွင့်ကို ပိတ်ထား လိုက်တာ ဖြစ်ပါတယ်။”

သေဆုံး သွားသူများမှာ အိန္ဒိယနိုင်ငံဘက်ခြမ်းတွင် တည်ရှိသော မောင်ပုတောင် ကျေးရွာနှင့် စပိုတလန် ကျေးရွာတို့မှ ဖြစ်သည်။

သူက “သေဆုံးသွားသူတွေထဲမှာ မောင်ပုတောင် ရွာက ကလေး ၄ယောက်နဲ့ စပိုတလန်ရွာမှာ လူကြီး တဦးနဲ့ ကလေး ၂ ယောက်နဲ့ စုစုပေါင်း ၇ ဦး ဖြစ်ပါတယ်။ မြန်မာ အာဏာပိုင်တွေ ဘက်ကတော့ ၀က်တုတ် ကွေးရောဂါ ဖြစ်နိုင်တယ်လို့ ပြောကြပါတယ်။” ဟု ပြောသည်။

သေဆုံးသွားသူများမှာ လွန်ခဲ့သည့်အပတ်က ရုတ်တရက် သေဆုံးသွားခြင်း ဖြစ်ပြီး အမည်မသိသော ရောဂါ တခုကြောင့်သေဆုံးသွားခြင်း ဖြစ်ကြောင်း သူကပြောသည်။

“အဲဒီ သတင်းကို ကြားရတဲ့ အတွက် ရွာသားတွေက စိုးရိမ် နေကြတယ်။ ဘာဖြစ်လို့လည်း ဆိုတော့ သူတို့ဘက်က တပတ်မှာ ၂ ရက်လောက် မြိတ်ဝကို ဈေးဝယ်လာကြတယ်။ နောက်ပြီး အချင်းချင်း လူမှုရေးအရ ဖြစ်စေ စီးပွားရေး အရ ဖြစ်စေ ဆက်ဆံမူတွေ ရှိနေကြတော့ ခုလို သေဆုံးသွားတဲ့ အပေါ်မှာ လူတွေက စိုးရိမ်နေကြတာ ဖြစ်ပါတယ်”ဟု ပြောသည်။

အိန္ဒိယဘက်မှ ကျေးရွာသားများ ရောဂါဆန်း တခုကြောင့် သေဆုံးသွားပြီးနောက် အဆိုပါလမ်းကို ပိတ်ဆို့ထားရန် မြန်မာ စစ်တပ်မှ ညွန်ကြားထားခြင်း ဖြစ်သည်။

ယခုကဲ့သို့ နယ်စပ် ဖြတ်ကျော်လမ်းကို ပိတ်ထားလိုက်သဖြင့် မြိတ်ဝ ကျေးရွာကို ဖြတ်ပြီး အိန္ဒိယ ဘက်သို့ ကုန်ပစ္စည်းများ တင်ပို့နေမူမှာ ယာယီ ရပ်ဆိုင်းသွားခြဲ့ပီ ဖြစ်သည်ဟု သိရသည်။

ရခိုင်ပြည်နယ် မြို့တော် စစ်တွေရှိ တပ်ရင်းများကို အရေးပေါ် ညွှန်ကြားချက် ထုတ်ပြန်
7/1/2009


မောင်အေး (နိရဉ္စရာ) ရခိုင်ပြည်နယ် စစ်တွေမြို့တွင် စစ်အစိုးရ ဆန့်ကျင်သည့် လှုပ်ရှားမှုများ ပေါ်ပေါက်မည့် သတင်းများ ထွက်ပေါ်နေသဖြင့် စစ်တွေ အခြေစိုက် တပ်ရင်းများကို အရေးပေါ် ညွန်ကြားချက် ထုတ်ပြန် ထားကြောင်း သတင်း ရရှိသည်။

အဆိုပါ ညွန်ကြားချက်ကို ယမန်နေ့က ဒေသ စစ်ဆင်ရေးနှင့် ကြီးကြပ်ရေးမှူးက ထုတ်ပြန် ထားခြင်းဖြစ်သည်ဟု စစ်တပ်နှင့် နီးစပ်သူ တဦးက ပြောသည်။

အဆိုပါ ညွှန်ကြားချက်တွင် နေ့စဉ် လူထု လှုပ်ရှားမှုများ အခြေအနေကို အနောက်ပိုင်းတိုင်း ဒု တိုင်းမှူး ဗိုလ်ချုပ် တင်လှိုင် (ယာယီ)ကို နေ့စဉ် နေ့လည် ၁၂ နာရီထက် နောက်မကျဘဲ ဒေသဆိုင်ရာ တာဝန်ရှိသူများက တင်ပြရန် ညွှန်ကြားထားခြင်း ဖြစ်သည်။

၎င်းပြင်သူက “ညွန်ကြားချက် ထုတ်တာက သြဂတ်(စ်) ၁၃ ရက်နေ့ စစ်တွေ ဆန်ပြဿနာနေ့ မရောက်ခင် စစ်တွေမှာ လူငယ်တွေ လှုပ်ရှားမှု တခုခု လုပ်မယ် ဆိုတဲ့ သတင်းတွေ ထွက်ပေါ် နေတဲ့အတွက် ဖြစ်ပါတယ်။ ရခိုင်လူထုကလည်း အထွေထွေ စီးပွားရေး အကျပ်အတည်းကြောင့် မကျေနပ်မူတွေ အထူး တိုးပွားနေပါတယ်။ ပေါက်ကွဲမယ် ဆိုရင်လည်း ပေါက်ကွဲနိုင်တဲ့ အနေအထားမျိုး ရှိနေတာကို တွေ့ရပါတယ်” ဟု ပြောသည်။

ရခိုင်ပြည်နယ်တွင် ရခိုင်လူထုမှာ မကြုံစဖူး စီးပွားရေး အကျပ်အတည်း ဆိုက်ရောက်နေပြီး လူတိုင်းလိုလို စားဝတ်နေရေး အခက်အခဲများနှင့် ရင်ဆိုင်နေရသည်။ ထိုကဲ့သို့ စီးပွားရေး အကျပ်အတည်းများကြောင့် လူထု အတွင်း စစ်အစိုးရ အပေါ် အထူး မကျေနပ်မူများလည်း တိုးပွား နေသည်ဟု ပြည်တွင်းက လာသော သတင်းများ အရ သိရသည်။

စစ်တွေ ဆန်ပြဿနာနေ့ကို နှစ်စဉ် နှစ်တိုင်း ရခိုင် အမျိုးသားများက အနည်းနှင့် အများဆိုသလို ကျင်းပ ပြုလုပ်လေ့ရှိပြီး ယခုနှစ်တွင် သြဂတ်(စ်) ၁၃ မတိုင်မှီ စစ်အစိုးရ ဆန့်ကျင်ရေး ဆန္ဒပြပွဲများ ပြုလုပ်မည့် သတင်းများ စစ်တွေတွင် ထွက်ပေါ်နေသည်ဟု သိရသည်။

စစ်တွေ ဆန်ပြဿနာနေ့မှာ ၁၉၆၇ ခုနှစ် သြဂတ်(စ်)လ ၁၃ ရက်နေ့တွင် ဗိုလ်နေ၀င်း ဦးဆောင်သည့် မဆလ အစိုးရ စစ်သားများက စစ်တွေမြို့တွင် ဆန္ဒပြခဲ့ကြသော ရခိုင်အမျိုးသား ၃၀၀ ကျော်ကို သတ်ပစ်ခဲ့သော နေ့ဖြစ်သည်။


မြန်မာ့ရိုးရာ ဝတ်စားဆင်ယင်မှု ပြိုင်ပွဲ အတွက် မောင်တော ခယကမှ လူထုထံမှ ငွေကောက်ခံ
7/1/2009


မင်းဆက်ခိုင်(နိရဉ္စရာ) ရခိုင်ပြည်နယ် မောင်တောမြို့၌ ဇူလှိုင်လ ၂ရက်နေ့တွင် ကျင်းပ ပြုလုပ်မည့် မြန်မာ့ရိုးရာ ဝတ်စား ဆင်ယင်မှု ပြိုင်ပွဲ အတွက် မောင်တော ခယကမှ ပြည်သူများထံမှ ငွေကောက် ခံနေသည်ဟု အမည် မဖေါ်လိုသူ စီးပွားရေး လုပ်ငန်းရှင် တဦးက ပြောသည်။

“ ဒီပွဲကို အကြောင်းပြပြီးတော့ မောင်တော (ခယက)မှ အတင်း ငွေကောက် ခံနေပါတယ်။ ထိပ်ပိုင်း စီပွားရေးသမား ၂၀ ဦးဆီက ကောက်ယူနေတာ ဖြစ်ပါတယ်။ အဲဒီ ပွဲအတွက် အမှန် ကုန်ကျမယ့် ငွေက သိန်း ၂၀ လောက်ဘဲ ဖြစ်ပါတယ်။ ဒါပေမယ့် အခု သူတို့ကောက်နေတဲ့ ငွေက ကျပ် သိန်း ၅၀နဲ့ ၆၀ ထိ ရအောင်ကောက်နေတာ ဖြစ်ပါတယ်။ ပြည်သူထံက မတရား ငွေညစ် နေတာ ဖြစ်ပါ။” ဟု ပြောသည်။

အဆိုပါ မြန်မာ့ရိုးရာ ဝတ်စား ဆင်ယင်မှုပြိုင်ပွဲကို ဘူးသီးတောင်နှင့် မောင်တောမြို့နယ်မှ တခုစီက အလှဆုံး အမျိုးသမီး ၁၀ ဦးစီဖြင့် မနက်ဖြန်တွင် မောင်တောမြို့ သီရိမင်္ဂလာခန်းမတွင် စတင် ကျင်းပ ပြုလုပ်မည် ဖြစ်သည်။

“ ပြိုင်ပွဲကို အမျိုးသမီးငယ် ၂၀ ဦးက ယှဉ်ပြိုင်မှာ ဖြစ်ပါတယ်။မောင်တော ခရိုင် ဥက္ကဌ ဦးအောင်ဆွေညွန့်က ပြိုင်ပွဲ ကို စီစဉ် ကျင်းပတာ ဖြစ်တဲ့ အတွက် စီးပွားရေး သမားတွေ အပြင် ရပ်ကွက်တွေနဲ့ ဟိုတည်တွေ ကလည်း ပိုက်ဆံ ကောက်တယ် လို့ သိရပါတယ်။”

မောင်တောမြို့ ပေါ်ရှိ ရပ်ကွက် ၆ ခုနှင့် အနီးအနား ကျေးရွာ ၄ခု တို့မှလည်း အဆိုပါ ပြိုင်ပွဲအတွက် ငွေကောက်ခံသည်ဟု အမည်မဖေါ်လိုသူ ရယက ဥက္ကဌ တဦးက ယခုကဲ့သို့ အတည်ပြု ပြောကြားသည်။

“ ရယက ဥက္ကဌ တဦးစီ ဆီက ကျပ်ငွေ ၃၀၀၀၀ ပေးရမယ်ဆိုပြီး ညွန်ကြားတဲ့ အတွက် ကျွန်တော် ရပ်ကွက်က သွားပေးလိုက်ပြီ ဖြစ်ပါတယ်။”

၎င်းအပြင် တည်းခိုခန်းကြီး တခုစီမှ ကျပ် ၅၀၀၀၀ နှင့် တည်းခိုခန်း အငယ် တခုစီမှ ကျပ် ၂၅၀၀၀ စီကောက်ခံပြီး ဗွီဒီယိုရုံကြီး တရုံမှ ကျပ် ၅၀၀၀၀ နှင့် ရုံငယ် တရုံမှ ကျပ် ၂၅၀၀၀ ကောက်ခံ သည်ဟုလည်း သိရသည်။

အမည်မဖေါ်လိုသူ အရက် ဆိုင်ပိုင်ရှင် တဦးကလည်း “အရက်ဆိုင်ကြီး တဆိုင်က ၃၀၀၀၀ကျပ်နဲ့ အငယ် ဆိုင် တဆိုင်ကို ကျပ် ၁၅၀၀၀ ကောက်ပါတယ်” ဟု နိရဉ္စရာသို့ ပြောသည်။

မောင်တောမြို့တွင် ရုပ်ရှင်ရုံ တရုံ၊ ဗွီဒီယို ရုံကြီး ၄ရုံနှင့် ရုံငယ်ပေါင်း ၂၀ခန့် ရှိပြီး တည်းခိုခန်း စုစုပေါင်း ၂၀ခန့် ရှိသည်။ အရက်ဆိုင် ကြီး-ငယ် စုစုပေါင်း ၃၀ ခန့်ရှိသည်ဟု သိရသည်။

လူထု အနေဖြင့် စီးပွါးရေး အလွန်ကျပ်တည်း နေချိန်တွင် ယခုကဲ့သို့ မြန်မာရိုးရာ ယဉ်ကျေးမူ ၀တ်စား ဆင်ယင်မူ ပြိုင်ပွဲကို အကြောင်းပြပြီး မောင်တော ခယကမှ ငွေကောက် ခံနေသဖြင့် အထူး စိတ်မကောင်း ဖြစ်နေကြ သည်ဟု အမည်မဖေါ်လိုသူ အရပ်သား တဦးကလည်း ပြောသည်။

နအဖ ဒေသဆိုင်ရာ အာဏာပိုင်များ အနေဖြင့် မြန်မာ့ရိုးရာ ဝတ်စား ဆင်ယင်မှု ပြိုင်ပွဲကို ရခိုင်ပြည်နယ်အတွင်း ကျင်းပခြင်းမှာ မြန်မာ့ရိုးရာ ယဉ်ကျေးမူကို မြှင့်တင်ရန်ထက် အဆိုပါ ပွဲကို အကြောင်းပြပြီး စီးပွားရေး သမားများထံမှ ငွေကောက်ရန်နှင့် အမျိုးသမီးငယ်များ အလှကို ဇိမ်ခံ ကြည့်ရှု့ရန် အတွက် ဖြစ်သည်ဟု သိရသည်။


ရခိုင်ပြည်နယ် မြို့တော် စစ်တွေရှိ တပ်ရင်းများကို အရေးပေါ် ညွှန်ကြားချက် ထုတ်ပြန်
7/1/2009


မောင်အေး (နိရဉ္စရာ) ရခိုင်ပြည်နယ် စစ်တွေမြို့တွင် စစ်အစိုးရ ဆန့်ကျင်သည့် လှုပ်ရှားမှုများ ပေါ်ပေါက်မည့် သတင်းများ ထွက်ပေါ်နေသဖြင့် စစ်တွေ အခြေစိုက် တပ်ရင်းများကို အရေးပေါ် ညွန်ကြားချက် ထုတ်ပြန် ထားကြောင်း သတင်း ရရှိသည်။

အဆိုပါ ညွန်ကြားချက်ကို ယမန်နေ့က ဒေသ စစ်ဆင်ရေးနှင့် ကြီးကြပ်ရေးမှူးက ထုတ်ပြန် ထားခြင်းဖြစ်သည်ဟု စစ်တပ်နှင့် နီးစပ်သူ တဦးက ပြောသည်။

အဆိုပါ ညွှန်ကြားချက်တွင် နေ့စဉ် လူထု လှုပ်ရှားမှုများ အခြေအနေကို အနောက်ပိုင်းတိုင်း ဒု တိုင်းမှူး ဗိုလ်ချုပ် တင်လှိုင် (ယာယီ)ကို နေ့စဉ် နေ့လည် ၁၂ နာရီထက် နောက်မကျဘဲ ဒေသဆိုင်ရာ တာဝန်ရှိသူများက တင်ပြရန် ညွှန်ကြားထားခြင်း ဖြစ်သည်။

၎င်းပြင်သူက “ညွန်ကြားချက် ထုတ်တာက သြဂတ်(စ်) ၁၃ ရက်နေ့ စစ်တွေ ဆန်ပြဿနာနေ့ မရောက်ခင် စစ်တွေမှာ လူငယ်တွေ လှုပ်ရှားမှု တခုခု လုပ်မယ် ဆိုတဲ့ သတင်းတွေ ထွက်ပေါ် နေတဲ့အတွက် ဖြစ်ပါတယ်။ ရခိုင်လူထုကလည်း အထွေထွေ စီးပွားရေး အကျပ်အတည်းကြောင့် မကျေနပ်မူတွေ အထူး တိုးပွားနေပါတယ်။ ပေါက်ကွဲမယ် ဆိုရင်လည်း ပေါက်ကွဲနိုင်တဲ့ အနေအထားမျိုး ရှိနေတာကို တွေ့ရပါတယ်” ဟု ပြောသည်။

ရခိုင်ပြည်နယ်တွင် ရခိုင်လူထုမှာ မကြုံစဖူး စီးပွားရေး အကျပ်အတည်း ဆိုက်ရောက်နေပြီး လူတိုင်းလိုလို စားဝတ်နေရေး အခက်အခဲများနှင့် ရင်ဆိုင်နေရသည်။ ထိုကဲ့သို့ စီးပွားရေး အကျပ်အတည်းများကြောင့် လူထု အတွင်း စစ်အစိုးရ အပေါ် အထူး မကျေနပ်မူများလည်း တိုးပွား နေသည်ဟု ပြည်တွင်းက လာသော သတင်းများ အရ သိရသည်။

စစ်တွေ ဆန်ပြဿနာနေ့ကို နှစ်စဉ် နှစ်တိုင်း ရခိုင် အမျိုးသားများက အနည်းနှင့် အများဆိုသလို ကျင်းပ ပြုလုပ်လေ့ရှိပြီး ယခုနှစ်တွင် သြဂတ်(စ်) ၁၃ မတိုင်မှီ စစ်အစိုးရ ဆန့်ကျင်ရေး ဆန္ဒပြပွဲများ ပြုလုပ်မည့် သတင်းများ စစ်တွေတွင် ထွက်ပေါ်နေသည်ဟု သိရသည်။

စစ်တွေ ဆန်ပြဿနာနေ့မှာ ၁၉၆၇ ခုနှစ် သြဂတ်(စ်)လ ၁၃ ရက်နေ့တွင် ဗိုလ်နေ၀င်း ဦးဆောင်သည့် မဆလ အစိုးရ စစ်သားများက စစ်တွေမြို့တွင် ဆန္ဒပြခဲ့ကြသော ရခိုင်အမျိုးသား ၃၀၀ ကျော်ကို သတ်ပစ်ခဲ့သော နေ့ဖြစ်သည်။

(IOM) အဖွဲ့မှ အကူညီပေးနေသော (HIV&AIDS) ဝေဒနာသည်များ သေဆုံးမှုနှုန်းများလာ
Wed 01 Jul 2009, ရိုင်မရော့
နိုင်ငံတကာ ရွေ့ပြောင်းအလုပ်သမားအဖွဲ့ (IOM) မှ မွန်ပြည်နယ် ၆ မြို့နယ်အတွင်း အကူညီပေးနေသော (HIV&AIDS) ရောဂါဝေဒနာခံစားရသူများအနက်မှ ဇွန်လအတွင်း လူနာသေဆုံးမှုနှုန်းမှာ အမြင့်ဆုံဖြစ်သည်ဟု (IOM) အဖွဲ့တို့၏ ပြောပြချက်အရ သိရသည်။

“ယခုလိုမျိုးသေဆုံးသူများလာရတာဟာ (ART) ဆေးဝါးလိုအပ်ချက်ကြောင့်ပဲ တချို့လူနာတွေက အားအင်ကုန်ခန်းခါနီးမှ (ART) ဆေးဝါးကို သုံးစွဲရသူရှိသလို၊ တချို့လူနာတွေက ဆေးကို အချိန်မှန်မသုံးတာလည်းဖြစ်တယ်” ဟု (IOM) အဖွဲ့ဝင် အမျိုးသမီးတစ်ဦးက ပြောသည်။

မော်လမြိုင်မြို့နယ်၊ မုဒုံမြို့နယ်၊ သံဖြူဇရပ်မြို့နယ်၊ ဘီလင်းမြို့နယ်၊ ကျိုက်မရောမြို့နယ်နှင့် ရေးမြို့နယ်တို့မှ (HIV&AIDS) ရောဂါခံစားနေရသူများကို (IOM) အဖွဲ့မှ ဆေးဝါးအပါအဝင် အာဟာရဖြစ်စေသည့် အစားစာများကိုလည်း ကူညီပေးနေသည်။

“မွန်ပြည်နယ် ၆ မြို့နယ် အတွင်းမှာ ကျမတို့ (IOM) အဖွဲ့ကနေ (HIV&AIDS) ရောဂါသည်တွေကို အကူညီပေးနေတာ၊ ဒီဇွန်လအတွင်း (၆) မြို့နယ်စလုံးကို လူနာစာရင်းချုပ်တော့ လူနာ (၁၁) အသက်ဆုံးရှုံးသွားရတယ်၊ ဒီလောက်များတဲ့လူနာ သေဆုံးတာ တစ်ခါမှ မဖြစ်ဖူးဘူး” ဟု မုဒုံမြို့နယ်အတွင်း အကူညီပေးနေသော (IOM) အဖွဲ့သားတစ်ဦးက ပြောသည်။

(IOM) အဖွဲ့မှ အကူညီပေးနေသည့်ကာလတစ်လျောက်၌ တချို့လများတွင် လူနာ တစ်ယောက်၊ နှစ်ယောက် အများဆုံး ငါးယောက်ထိပင် သေဆုံးမှုရှိပြီး တချို့လများတွင် သေဆုံးမှုမရှိ သလောက်ပင်ဖြစ်သည်။ ၄င်းတို့၏ အကူညီသက်တမ်းတစ်လျောက် ဇွန်လသည် လူနာသေဆုံးမှုအများဆုံးဖြစ်ကြောင်း ၄င်းအဖွဲ့သားက ပြောသည်။

(IOM) အဖွဲ့ မူလအကူအညီပေးနေသည့် (ART) (Anti-retroviral Therapy) ဆေးဝါး ရရှိသူ စုစုပေါင်းဦးရေ (၁၀၀) ရှိရာမှ လွန်ခဲ့သည့် ဧပြီလမှစတင်၍ လူနာ (၁၀၀) ဦးကို ထပ်မံ အကူအညီပေးခဲ့သည်။

(IOM) အဖွဲ့သည် လွန်ခဲ့သည့် ၂၀၀၆ ခုနှစ်မှစပြီး မွန်ပြည်နယ်အတွင်း (HIV&AIDS) ရောဂါဝေဒနာခံစားနေရသူ (၅) ရာကျော်ကို ဆေးဝါးနှင့်အစားများ ကူညီပေးနေပြီး၊ ၂၀၀၈ ခုနှစ်ရောက်မှသာလျင် (ART) ဆေးဝါးများကို ကူညီပေးနိုင်ခဲ့သည်။

နယ်စည်းမခြားဆရာဝန်အဖွဲ့တို့ ခန့်မှန်းချက်အရ မြန်မာနိုင်ငံတွင် (AIDS) ရောဂါဖြင့် သေဆုံးသူမှာ ၂၀၀၇ ခုနှစ်အတွင်း ၂၅၀၀၀ ရှိသည်။

မြန်မာနိုင်ငံတွင် (ART) ဆေးလိုအပ်နေသည့်အခြေအနေ ဝေဒနာရှင် ၇၅၀၀၀ခန့်ရှိကြောင်းနှင့် ယင်းအနက် ၁၄၀၀၀ ဦးခန့်သာလျင် (ART) ဆေးရရှိပြီးဆေးလိုအပ်ချက်၏ ၂၀ ရာခိုင်နှုန်းအောက်သာရှိသည်။ နှစ်စဉ် သေဆုံးသူ ၂၅၀၀၀ခန့်ရှိကြောင်းနှင့် (HIV) ကူးစက်ခံရသူနှင့် (AIDS) ဝေဒနာရှင် ၂၄၀၀၀၀ဦးခန့်ရှိသည်ဟု Weekly Eleven ဂျာနယ်တွင် ဖော်ပြထားပါသည်။

ထိုင်းကျန်းမားရေးဝန်ကြီးမှ မြန်မာအလုပ်သမားများကို ဝက်တုတ်ကွေးသတိပြုကြရန် မှာကြား
Wed 01 Jul 2009, မင်းအာသံ
ယမန်နေ့ မွန်းလွဲ (၂ ) နာရီခန့်တွင် ထိုင်းကျန်းမာရေးဝန်ကြီးမှ မဟာချိုင်းရှိ မြန်မာအလုပ်သမားများ အလုပ်လုပ်ရာ စက်ရုံသို့ လာရောက်ပြီး အလုပ်သမားများကို အစည်း အဝေးခေါ်ယူပြီး ဝက်တုတ်ကွေးရောဂါ မဖြစ်ပွားအောင် သတိပြုကြရန် အလုပ်သမားများကို မှာကြားခဲ့သည်။


အလုပ်ရုံတစ်ရုံလျှင် အလုပ်သမား ၁၀ ယောက်ခန့် အစည်းအဝေးတက်ရောက်ရန် ကျန်းမာရေးဝန်ကြီးမှ ဖိတ်ကြားခဲ့သောကြောင့် အလုပ်သမား ၂၀၀ ခန့်နှင့် မဟာချိုင်းရှိ ဆရာဝန်များနှင့်တာဝန်ရှိသူများ တက်ရောက်ခဲ့သည်ဟု အစည်းအဝေးတက်ရောက်ခဲ့သော အလုပ်သမားတစ်ဦးက ပြောသည်။


“ထိုင်းတစ်နိုင်ငံလုံးတွင် လူဦးရေ ၁ ဒဿမ ၄ ရာခိုင်းနှုန်းမှာ ဝက်တုတ်ကွေးရောဂါဖြစ်ပွားနေပြီး ၃ ဦးသေဆုံးသွားခဲ့ပြီ၊ အလုပ်သမားများအနေဖြင့် သတိထားကြပါ၊ အကယ်၍ အလုပ်သမားတစ်ဦးဦးမှ ၄င်းရောဂါ ဖြစ်ပွားခဲ့ပါက တခြားအလုပ်သမားများဆီ ရောဂါမပြန့်ပွားအောင် အလုပ်မဆင်းပဲ အခန်းထဲတွင်နေရန်၊ ရောဂါသက်သာမှ အလုပ်ဆက်ဆင်းဖို့ ဝန်ကြီးကအစည်းဝေးမှာ ပြောခဲ့တယ်” ဟု အဝေးတက်ရောက်ခဲ့သူ NGO အဖွဲ့ဝင်တစ်ဦးက ပြောသည်။

ရောဂါပြန့်ပွားမှုမှာ လူများရာ တက္ကသိုလ်ကျောင်းများနှင့် အလုပ်အတူတူလုပ်ကြသော ယခုကဲ့သို့ အလုပ်ရုံ များတွင် လွယ်ကူမြန်ဆန်သည်ဟု ဝန်ကြီးက ပြောသည်ဟု ၄င်းက ဆက်ပြောသည်။

မဟာချိုင်းတွင် မြန်မာအလုပ်သမား နှစ်သိန်းခန့်ရှိပြီး အကယ်၍ အလုပ်သမားများမှ ရောဂါဖြစ်ပွားခဲ့ပါက အလုပ်သမားကဒ်မရှိသော အလုပ်သမားများသည် ဆေးရုံတွင် ရောဂါမပြသနိုင်၍ ရောဂါအခြေအနေ သိနိုင်ရန်မှာ မလွယ်ကူသောကြောင့် မည်သို့လုပ်ရမည်နည်းဟု မဟာချိုင်းတာဝန်ရှိ တစ်ဦးက တင်ပြခဲ့သည်။

သို့အတွက်ကြောင့် အလုပ်သမားကဒ်မရှိသော အလုပ်သမားများအတွက် ရောဂါဖြစ်လျှင် ဆေးရုံတွင် စစ်ဆေးနိုင်ရန် အလုပ်သမားများအတွက် အလုပ်သမားကဒ် ပြုလုပ်ပေးရန် ၄င်းတို့အနေဖြင့် အလုပ် ရှင်များကို တိုက်တွန်းပေးမည်ဟု ဝန်ကြီးက ပြောသည်။

ဝန်ကြီးသည် အလုပ်သမားများ နေထိုင်ရာအခန်းများဆီသို့ သွားရောက်ပြီး သန့်ရှင်းမှုရှိမရှိ စစ်ဆေးခဲ့သည်ဟု အလုပ်သမားတစ်ဦးက ပြောသည်။

နေပြည်တော်-မော်လမြိုင် မီးရထား တိုက်ရိုက်ပြေးဆွဲမည်
Wed 01 Jul 2009, ပနွတ်ကျား
လာမည့် ဇူလိုင်လ ၅ ရက်နေ့တွင် မော်လမြိုင်-နေပြည်တော် တိုက်ရိုက်မီးရထားလမ်းသစ်ဖွင့်ပွဲကို မော်လမြိုင်မြို့တွင် ကျင်းပပြီးနောက် မော်လမြိုင်-နေပြည်တော် တိုက်ရိုက်မီးရထား ပြေးဆွဲမည်ဟု MRTV မြန်မာ့အသံမှ ပြီးခဲ့သော နှစ်ရက်ကထုတ်လွင့်ခဲ့ပါသည်။

နေပြည်တော်မှ မော်လမြိုင်သို့ နေ့စဉ် ရထားအစုန်နှစ်စင်း အဆန်နှစ်စင်းဖြင့် တိုက်ရိုက်ပြေးဆွဲ မည်ဟုလည်း ဖော်ပြထားပါသည်။

“လာမယ့် ဇူလိုင် ၅ ရက် တနင်္ဂနွေနေ့မှာ မော်လမြိုင် မြေနီကုန်းဘူတာရုံမှာ မီးရထားလိုင်းအ သစ်ဖွင့်ပွဲအခမ်းအနားကျင်းပဖို့ရှိတယ်၊ ကျင်းပပြီးလို့ မော်လမြိုင်ကနေ အဆန်နံနက် ၅ နာရီမှာ တစ်စင်း၊ ၉း၀၀နာရီမှာ တစ်စင်း ပြေးဆွဲမယ်” ဟု ဘူတာရုံအနီးအသိုင်းအ၀ိုင်း တစ်ဦးကပြောသည်။


ဖွင့်ပွဲမတိုင်ခင်ကတည်းကပင် မော်လမြိုင်-နေပြည်တော် တိုက်ရိုက်မီးရထား ပြေးဆွဲနေသော်လည်း ဖွင့်ပွဲကျင်းပပြီးလျှင် တရားဝင် ပြေးဆွဲသွားမည်ဟု ၄င်းက ဆက်ပြောသည်။

ယခုလောလောဆယ်တွင် နေပြည်တော်မှ မော်လမြိုင်ရထားစရိတ် အထက်တန်းတွဲ ခုံတစ်ခုံကို ၅၀၀၀ ကျပ်ဖြင့် ရောင်းပေးလျက် ရှိသည်။ ရိုးရိုးတန်းဈေးနှုန်းမှာ ၂၅၀၀ ကျပ်ဖြစ်ပါသည်ဟု ခရီးသည်တစ်ဦး က ပြောသည်။

“အရင်လိုလို့ ကြိုတင်ဝယ်မထားရင် မှောင်ခိုရှိပါတယ်။ လက်မှတ်က များသောအားဖြင့်ကုန်တာ များတယ်။ တကယ်လို့ မှောင်ခိုဝယ်မယ်ဆို ရိုးရိုးတန်းတစ်စောင်ကို ၃၀၀၀ ကနေ ၃၅၀၀ ၀န်းကျင်ရှိပြီး တော့ အထက်တန်းတွဲ ပထမတွဲတွေဆိုရင် ၆၀၀၀ ၀န်းကျင်ရှိနေပါတယ်” ဟု ၄င်းကဆက်ပြောသည်။

အရင်ကဆိုလျှင် ပျဉ်မနားကို မီးရထားနှင့် သွားမည်ဆိုလျှင် မော်လမြိုင်မှတဆင့် ရန်ကုန်ကိုသွားရပြီး ရန်ကုန်မှတဆင့် ရထားပြောင်းစီးရသည်။ ရန်ကုန်နှင့်ပျဉ်းမနားအကွာအဝေးသည် မိုင်ပေါင်း ၂၄၄ ရှိပြီး မော်လမြိုင်နှင့် ပျဉ်းမနား အကွာအဝေးမှာ ၃၀၉ ဖြစ်ပါသည်။ ယခု ခရီးသွားမိုင်တိုင်အကွာအဝေး တိုသွားသည့်အတွက် လမ်းစရိတ်လည်း သက်သာသွားမည်ဟု ခရီးသည်တစ်ဦးက ပြောသည်။

“ယခုဆိုရင် မိုင်ပေါင်း အများကြီးလျော့ပြီး ခရီးသွားစရိတ်လည်းသက်သာသွားမယ်၊ လမ်းစရိတ်တွေ လည်းအများကြီး ကုန်ကျစရာမလိုတော့ဘူး။ မပင်ပန်းတော့ဘူး။ တစ်နေ့ထဲနဲ့ရောက်နိုင်ပြီး။ အရင်ကနဲ့ စာလျင် ၁၀ ဆလောက်သက်သာသွားပြီး” ဟု ၄င်းခရီးသည်က ပြောပါသည်။

မြစ်ကြီးနား လေယာဉ်ကွင်းတိုးချဲ့ရန် လူနေအိမ် အများအပြား ရွေ့ပြောင်းခိုင်းမည်

သတင်းနှင့်မီဒီယာ ကွန်ယက်။
ဇွန်လ ၃ဝ ရက်၊ ၂ဝဝ၉ ခုနှစ်။

ကချင်ပြည်နယ်၊ မြစ်ကြီးနား လေယာဉ်ကွင်း ပြေးလမ်းနှင့်ကွင်းအား တိုးချဲ့ရန်အတွက် မြေနေရာ တိုင်းတာမှုများ ကို ယခုလ(၂၈)ရက်နေ့ ညပိုင်းက ပြုလုပ်ခဲ့ပြီးနောက် ယမန်နေ့က အေးမြသာယာ ရပ်ကွက်လူကြီးများအား ပယက အတွင်းရေးမှူး ဦးမျိုးမြင့်က တွေ့ဆုံပြီး လူနေအိမ်များ ရွေ့ပြောင်းရန် လိုအပ်ကြောင်း ပြောဆိုခဲ့ကြောင်း ဒေသခံများက ပြောသည်။

မြစ်ကြီးနားမြို့၊ လေယာဉ်ကွင်းအနီးရှိ အေးမြသာယာရပ်ကွက်တွင် အိမ်ခြေနှစ်ထောင်ကျော်ရှိပြီး အိမ်ခြေတစ် ထောင်ခန့် ရွေ့ပြောင်းခံဖွယ်ရှိသည်ဟု မြစ်ကြီးနားဒေသခံတဦးက ပြောသည်။

“အိမ်ခြေအတိအကျတော့ မသိဘူး၊ ရာကြီးပိုင်း၊ ထောင်လောက်တော့ ရှိမယ်။ အခုက တိုင်းတာနေ တုန်းပဲ။ ဂျာမိုင်ကောင်းရပ်ကွက်က အိမ်တွေလည်း ပါတယ်လို့ ပြောတယ်။ ပြေးလမ်းကော၊ လေယာဉ် ကွင်းကောပါ ချဲ့နေတာ။ စီမံကိန်းကို မနှစ်က စတာ။ ဒါပေမယ့် အခုက စပြီး တိုင်းနေတာ။ ရွေ့ရ မှာက ပမ္မတီးဘက်ကို ရွေ့ရမယ်လို့ပြောတယ်။ မြစ်ကြီးနားကနေ (၁၈)မိုင်လောက်ဝေးတယ်တဲ့။ အဲဒီ ကလူတွေ အတော်လေး စိတ်ပျက် နေကြတာ။”

ရွှေ့ပြောင်းမည့် နေအိမ်များမှ တိုက်အိမ်တအိမ်လျှင် (၁၅)သိန်းနှင့် ပျဉ်အိမ် ကျပ်(၁ဝ)သိန်း ပေးလျော်မည်ဟု ပြောဆိုမှု များရှိနေသော်လည်း ယခုချိန်အထိ မည်သည့်အချိန်တွင် ရွေ့ရမည်ကိုမူ အာဏာပိုင်များဘက်က တိတိကျကျ ပြောဆိုခြင်း မရှိသေးကြောင်း အဆိုပါ ဒေသခံက ပြောသည်။

အေးမြသာယာရပ်ကွက်သည် မြစ်ကြီးနား-မန္တလေး သံလမ်းအနောက်ဖက် မြို့ပြင်တွင်ရှိ၍ ကွက်သစ်အဖြစ် ယခင်က ရှိနေခဲ့ပြီး နောက်ပိုင်းတွင် လူနေအိမ်အဆောက်အဦးများဖြင့် တဖြည်းဖြည်း စည်းကားရာ ရပ်ကွက်ကြီး တခုအဖြစ် တည်ရှိလာခဲ့ကြောင်း အဆိုပါ ဒေသခံက ပြောသည်။

“အခုက ရပ်ကွက်လူထုက ဘယ်လောက်အထိ ကန့်ကွက်လာမလဲဆိုတာ တဖြည်းဖြည်း သွေးတိုးစမ်း လာနေတာ။ လူတွေ မသိတဲ့ ညပိုင်းကို မြေတိုင်းသွားတယ်၊ နောက်မှ ရပ်ကွက် လူကြီးတွေခေါ်ပြီး လူနေအိမ်တွေ ရွေ့ရမယ်ဆိုလို့ စပြောလာတာ။ ဘယ်အချိန် နောက်ဆုံးထားရွေ့ရမယ်ဆိုတော့ မပြော သေးဘူး။”

တရုတ်-မြန်မာနယ်စပ် တရုတ်ပြည်၊ ထိန်ချုန်းမြို့တွင် လေယာဉ်ကွင်းတည်ဆောက်ကာ ခရီးသွား လုပ်ငန်းတိုးချဲ့ ရေးအတွက် မြန်မာပြည်သို့ ဆိုက်ရောက်ဗီဇာထုတ်ပေးရန် စီစဉ်မှု များရှိစဉ်မှ စ၍ မြစ်ကြီးနား လေယာဉ်ကွင်း အား အပြည်ပြည်ဆိုင်ရာ လေယာဉ်ကွင်းအဖြစ် ပြုလုပ်ရန် မြန်မာစစ်အစိုးရဘက်က ယမန်နှစ်ကတည်းက စီစဉ်နေခဲ့ပြီး ယခုအခါ မြေနေရာ တိုင်းတိုင်းတာမှုများ တရားဝင် ပြုလုပ်လာခြင်းဖြစ်သည်။

ရန်ကုန်လေဆိပ် ၌ A (H1N1) ရောဂါ စစ်ဆေးမှု အားနည်း


ရောဂါကူးစက်ခံရသူ ၏ H1N1 တုပ်ကွေး ဗိုင်းရပ်စ်များ ထည့်သွင်းထားသည့်ဖန်ပြွန်များ © AP
ဇွန်လ ၂၇ ရက်နေ့က စင်ကာပူ မှ ပြန်လာသော အသက် ၁၃ နှစ် အရွယ်ကျောင်းသူ တဦးထံ၌ A (H1N1) ရောဂါပိုး စတင်တွေ့ရှိခဲ့ပြီး၊ မြန်မာ နိုင်ငံ တွင် ပထမဦးဆုံး ဝက်တုပ်ကွေး ဖြစ်ပွားသူ အဖြစ် သတ်မှတ် ကြောင်း

မြန်မာ့ရုပ်မြင်သံကြား မှ သတင်း ထုတ်လွှင့်ခဲ့ပြီး ဇွန်လ ၂၈ ရက် နေ့ထုတ် အစိုးရပိုင် သတင်းစာများတွင် ဖေါ်ပြ ပါရှိခဲသော်လည်း၊ ဒီကနေ့ ထိ ရန်ကုန်လေဆိပ် တွင် A (H1N1) နှင် ပတ်သတ် ၍ စောင့်ကြည့် နေယုံမှတပါး သေချာ စစ်ဆေးမှု မရှိသေးကြောင်း သိရှိ ရသည်။

ကျန်းမာရေး ဝန်ထမ်းများက ရန်ကုန်လေဆိပ် တွင် ကျန်းမာရေး စစ်ဆေးခဲ့စဉ်က သူမ ၌ အဖျား မရှိသော်လည်း စာဖတ်ဝိုင်း ၌ ဆရာမက ချောင်းဆိုး နေသည်ကို သတိပြုမိခဲ့ရာမှ မိဘများ နှင့် တိုင်ပင်ကာ ယခုလ ၂၆ ရက်နေ့ ည ၉ နာရီ တွင် ရန်ကုန် ဆေးရုံကြီး၌ စတင်၍ ဆေးကုသမှု ခံယူစေခဲ့ကြောင်း မြန်မာ စစ်အစိုး ရ မြန်မာ့ရုပ်မြင်သံကြား မှ ၂၇ ရက်နေ့တွင် ကြေညာ ခဲ့သော်လည်း၊ မကြာသေးမှီ က ဟောင်ကောင် မှ ပြန်လာသည့် ခရီးသည်များက ရန်ကုန် လေဆိပ် တွင် ထောက်လှမ်းရေး မှ စောင့်ကြည့်နေလို၊ ခရီးသည်များ ကို စောင့်ကြည့်ယုံမှ တပါး မည့်သည့် စစ်ဆေးမှုမှ မရှိဟု ပြောဆို ထောက်ပြ ခဲ့ ပြီး၊ သေချာ ကြပ်မတ် စစ်ဆေး သင့်ကြောင်း ပေါ့ပေါ့ဆဆ သဘောမထားသင့်ကြောင်း ပြောဆို ခဲ့ပါသည်။

လေယာဉ် ပေါ်တွင် Health Declaration Form အား ဖြည့်ခိုင်း ခဲ့သော်လည်း မည်သူက မှ မိမိ အလုပ်အကိုင် ပျက် မည်။ တပါးသူ ၏ ငြိုငြင်မှု ခံရမည်ကို ကြောက် ၍ အမှန် ဖြည့်သွင်း လိမ့်မည် မဟုတ်ကြောင်း၊ မိမိ ကိုယ်တိုင် ရိုးရိုး အအေးမိ၊ ဖျားနာ နေခဲ့သော်လည်း၊ Health Declaration Form တွင် All Clear ဆိုပြီး၊ ရေးသား ခဲ့ကြောင်း၊ လေဆိပ် ရှိ ကျမ်းမာရေး ဝန်ထမ်းများ က လည်း၊ ဖြတ်သွားတဲ့ ခရီးသည်တွေကို ဟိုကြည့် ဒီကြည့် ကြည့်နေယုံဘဲ ရှိကြောင်း၊ အဲဒီထဲက တစ်ယောက်ယောက် ကို ကိုယ်ဖြည့်ထားတဲ့ Health Declaration Form လေး ပေးလိုက် ယုံသာ ဖြစ်ကြောင်း ပြောဆို ခဲ့ပါတယ်။ ရန်ကုန် လေဆိပ် ၌ ဟောင်ကောင် လေဆိပ် ကလိုမျိုး အပူအာရုံခံ Sensor နား ကိုလည်း သွားရောက် စစ်ဆေး ခံရန်လည်း မလိုအပ်ကြောင်း၊ ကျွန်တော်တို့ အနေနဲ့ ပြီးစလွယ် လုပ်တာမျိုးတွေ၊ ဝတ္တရားကျေ လုပ်တာမျိုးတွေ၊ လူကြီးလာမှ လုပ်ပြတာမျိုးတွေ ရှောင်ရှားသင့်နေပြီလို့ ထင်မိပါတယ် လို့ အဆိုပါ ခရီးသည် က အကြံပေး ခဲပါသည်။

အကယ်၍ အသက် ၁၃ နှစ်အရွယ်ကျောင်းသူ တဦးထံ ၌ A (H1N1) ရောဂါပိုး ရှိနိုင်သည်ဟု သူမ ၏ ဆရာမက သာ သတိမပြုခဲ့မိ လျှင်၊ မြန်မာနိုင်ငံ A (H1N1) ရောဂါပိုး ရှိသူဟု ပေါ်ပေါက်လာမည် မဟုတ် ဘဲ လူတော်တော်များများ ကူးစက်ခံ သွားရမည်သာ ဖြစ်ကြောင်း၊ သူ့ကြောင့်သာ ဒီကလေးမှာ H1N1 ဖြစ်နေတာ သိခဲ့ရတာဖြစ်ပြီး၊ ဒီလိုမျိုး ညွှန်ပြတဲ့သူနဲ့ မတွေ့ဘဲ သာမန် တုပ်ကွေးထင်ပြီး ရမ်းဆေးသောက်နေတဲ့ သူတွေလည်း ဘယ် နှစ်ယောက် တောင် ရှိနေမလဲ မသိနိုင်ဘူး။ ကျွန်တော် တို့ မြန်မာတွေ က ဗြူးဗြူးဗြဲဗြဲ ကြီးကြီးကျယ်ကျယ် ဖြစ်တာမျိုးမှ အလေးထားချင် ကြတာ။ ဒီရောဂါမျိုးက ကူးစက်တာသာမြန်တာ၊ သေတဲ့ ရာခိုင်နှုန်းကျတော့ နည်းတာမို့ သိပ်အလေးအနက် မထားတာမျိုး လားတော့လည်း မသိဘူးဟု လည်း မကြာသေးမှီက ဘန်ကောက်မှ ပြန်ရောက်လာသည့် ခရီးသည် တယောက်ကလည်း ဝေဖန် ထောက်ပြ သွားခဲ့ပါကြောင်း သတင်းရရှိသည်။

လောလောဆယ် တွင် H1N1 ဂယက်ကြောင့် နှာခေါင်းစည်း mask များ ရန်ကုန်၊ မင်္ဂလာဈေးတွင်ပစ္စည်းပြတ်သည် အထိ လက်မလည်အောင် အရောင်းသွက် နေပြီး၊ တန်းစီ ၀ယ်ယူကြရကြောင်း၊ ပြည်တွင်း ဂျာနယ် တာဝန်ခံ တဦး က ပြောဆို ခဲ့ပြီး၊ ဒီနေ့ မနက်ပိုင်း တွင် A (H1N1) ရောဂါပိုး ကူးစက် ခံနေရသည့် အသက် ၁၃ နှစ် အရွယ် ကျောင်းသူလေး သေဆုံး သွား ပြီဆိုသည့် ထွက်ပေါ်လာသည့် ကောလဟာလ သတင်းအပေါ် မဟုတ်ကြောင်း သူက ပြောဆို ခဲ့ပါသည်။

ဘန်ကီမွန်း၏ခရီးကို ဂျပန်က အပြည့်အဝထောက်ခံ
2009-07-01

ဇူလိုင်လ ၃ရက်နဲ့ ၄ရက်နေ့တွေမှာ မြန်မာနိုင်ငံကို ၂ရက်ကြာ အလည်အပတ် သွားရောက်ဖို့ရှိတဲ့ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းရဲ့ ခရီးစဉ်ကို ဂျပန်နိုင်ငံအနေနဲ့ အပြည့်အဝ ထောက်ခံပြီး ၊ မြန်မာစစ်ခေါင်းဆောင်တွေကို မစ္စတာဘန်ကီမွန်းက တိုက်တွန်း တောင်းဆိုဖို့ရှိတဲ့ အချက် ၃ချက်ကို စစ်ခေါင်းဆောင်တွေအနေနဲ့ လိုက်လျောလာအောင် ဂျပန်အစိုးရက နည်းလမ်းရှာဖွေ ဆောင်ရွက်သွားဖို့ ရှိကြောင်း ဂျပန် နိုင်ငံခြားရေးဝန်ကြီးဌာနက ဒီကနေ့ ဇူလိုင် ၁ရက်မှာ RFA ကို ပြောဆိုပါတယ်။

ဂျပန်နိုင်ငံကို ၃ရက်ကြာ အလည်အပတ် ရောက်ရှိနေတဲ့ ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းနဲ့ ဂျပန်နိုင်ငံခြားရေးဝန်ကြီး မစ္စတာနာကာဆိုနေတို့ဟာ ဇွန်လ၃ဝရက် အင်္ဂါနေ့ညပိုင်း တိုကျိုမြို့မှာ တွေ့ဆုံဆွေးနွေးအပြီး ဂျပန်နိုင်ငံခြားရေးဝန်ကြီးက အဲဒီလို ဆုံးဖြတ်ချက် ချခဲ့ကြောင်း ဆွေးနွေးပွဲကို ကိုယ်တိုင်တက်ရောက် မှတ်တမ်းယူခဲ့တဲ့ ဂျပန် နိုင်ငံခြားရေးဝန်ကြီးဌာန ပြောခွင့်ရသူ မစ္စတာအိုးနို ရှင်းစကေ့က ပြောပါတယ်။

မစ္စတာအိုးနိုပြောတာက ကုလသမဂ္ဂ အတွင်းရေးမှူးချုပ်ရဲ့ တောင်းဆိုချက်၃ချက်ဖြစ်တဲ့ ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသား အားလုံးကို အမြန်ပြန်လွှတ်ပေးပြီး စစ်ခေါင်းဆောင်တွေနဲ့ အတိုက်အခံတွေကြား တွေ့ဆုံဆွေးနွေးရေးကိစ္စ အပါအဝင် ၂ဝ၁ဝ ရွေးကောက်ပွဲကို တရားမျှတအောင်လုပ်ရေး ကိစ္စတွေဟာ မြန်မာပြည်တွင်းရေးလို့ဆိုပေမဲ့ နိုင်ငံတကာက အာရုံစိုက် နေသလို ဂျပန်နိုင်ငံအနေနဲ့လည်း အနီးကပ် စောင့်ကြည့်နေကြောင်း ၊ ဒါ့အပြင် လက်ရှိမြန်မာနိုင်ငံမှာ ဖြစ်ပေါ်နေတဲ့ ဒေါ်အောင်ဆန်းစုကြည်ရဲ့ အမှုကိစ္စနဲ့ ပတ်သက်ပြီး တရားနည်းလမ်းတကျ ဆောင်ရွက် သွားဖို့ကိစ္စကို ဂျပန်နိုင်ငံခြားရေးဝန်ကြီး ကိုယ်တိုင်ကလည်း မြန်မာနိုင်ငံခြားရေးဝန်ကြီးနဲ့ တယ်လီဖုန်းဆက် ပြောဆိုခဲ့သလို ရန်ကုန်မှာရှိတဲ့ ဂျပန်သံရုံးကတဆင့်ပါ မြန်မာအာဏာပိုင်တွေကို တိုက်တွန်းနေ ကြောင်း ၊ မြန်မာနိုင်ငံမှာ ငြိမ်းချမ်းတဲ့အပြောင်းအလဲတွေ ဖြစ်ပေါ်လာအောင် မြန်မာစစ်ခေါင်းဆောင်တွေက လုပ်ဆောင်ပေးလိမ့်မယ်လို့ ဂျပန်နိုင်ငံအနေနဲ့ ယုံကြည်ကြောင်း ဂျပန်နိုင်ငံခြားရေးဝန်ကြီး မစ္စတာ နာကာဆိုနေနဲ့ ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းတို့ရဲ့ ဆွေးနွေးပွဲ အခြေအနေကို ရှင်းပြသွားပါတယ်။

ဂျပန်အစိုးရဟာ မြန်မာစစ်အစိုးရက ဒေါ်အောင်ဆန်းစုကြည်ကို အင်းစိန်ထောင်မှာ ဖမ်းဆီးထားပြီး အမှု စတင်စစ်ဆေးနေစဉ်အချိန်မှာ ဂျပန်ဒု-နိုင်ငံခြားရေးဝန်ကြီးတဦးကို နေပြည်တော်ကို စေလွှတ်ပြီး ဒေါ်အောင်ဆန်းစုကြည်ကို ပြန်လွှတ်ပေးရေး အပါအဝင် ဂျပန်နိုင်ငံက အကူအညီတွေ ပြန်ပေးနိုင်ရေးကိစ္စတွေအတွက် ဆွေးနွေးမှုတွေ ရှိခဲ့ကြောင်း သိရပါတယ် ။

နိုင်ငံခြား လုပ်သားများကို ထိုင်းအစိုးရက အလုပ်သမားကဒ်အသစ် စတင်ထုတ်ပေး
2009-07-01

ထိုင်းနိုင်ငံမှာ တရားမဝင် ရောက်နေကြတဲ့ နိုင်ငံခြားသား ရွှေ့ပြောင်းအလုပ်သမား နှစ်သန်းအတွက် ထိုင်းအစိုးရက တရားဝင် အလုပ်လုပ်ကိုင်ခွင့်ပြုတဲ့ အလုပ်သမား မှတ်ပုံကဒ်အသစ်တွေ ဒီနေ့ ဇူလိုင်လ ၁ ရက်နေ့က စတင်ပြီး ထုတ်နေပြီ ဖြစ်ပါတယ်။

မြန်မာတွေသာမက တခြားအိမ်နီးချင်းနိုင်ငံတွေ ဖြစ်တဲ့ လာအိုနဲ့ ကမ္ဘောဒီးယား နိုင်ငံသားတွေလည်း ပါပါတယ်။ ထိုင်းစကားနဲ့ ဘတ်လို့ ခေါ်တဲ့ အဲဒီကဒ်အသစ်တွေဟာ နှစ်နှစ်သက်တမ်း ရှိမှာဖြစ်ပြီး ဒီကနေ့ ကနေ ဇူလိုင်လ ၃ဝရက်နေ့အထိ ပြုလုပ်ပေးမှာ ဖြစ်တယ်လို့သိရပါတယ်။

အလုပ်သမားကဒ်ပြားအသစ်လုပ်ရာမှာ ကုန်ကျမဲ့ ငွေ၊ ခွင့်ပြုမဲ့ လုပ်ငန်းငန်းခွင်အမျိုးအစား၊ လုပ်ရမဲ့ ကိစ္စအဆင့်ဆင့်ကိုတော့ မဟာချိုင်မြို့နယ်က ဆေးရုံကြီးမှာ သွေးစစ်ဖို့ စောင့်ဆိုင်းနေကြတဲ့ အလုပ်သမားတွေကို ကူညီဆောင်ရွက်ပေးနေသူ ကိုဝင်းဇော်က အခုလိုပြောပါတယ်။

ကိုဝင်းဇော်။ ။ 'အစိုးရသတင်းတွေက သုံးထောင့်ရှစ်ရာ ပြောပေမဲ့ တချို့အလုပ်ရုံတွေက သုံးထောင့်ရှစ်ရာ၊ လေးထောင်၊ ငါးထောင်၊ ခြောက်ထောင်အထိ ယူတာ ရှိတယ်။ ထိုင်းအစိုးရက ကြေငြာထားတဲ့ အလုပ်ခြောက်မျိုး၊ အိမ်ဖော်အလုပ်ရယ်၊ စိုက်ပျိုးရေးရယ၊် တံငါအလုပ်ရယ်၊ စက်ရုံတွေရယ်၊ ဆောက်လုပ်ရေးရယ်၊ ပါတယ် လက်ဗွေတွေ နှိပ်တယ် ဆေးရုံလာရတယ်၊ ဆေးရုံရောက်ရင် ဓာတ်ပုံတွေရိုက်၊ သွေးကအစ အကုန်စစ်ရတယ်၊ ဖောင်ဖြည့်တာပေါ့။ စာရင်းတင်တာပေါ့၊ ကဒ်ထွက်တဲ့အချိန်ဆို သူတို့တွေ ရပြီပေါ့။'�

တရားဝင် အလုပ်သမားကဒ်ကိုင်ဆောင်ထားတဲ့ နိုင်ငံခြားသားအလုပ်သမားအနေနဲ့ ထိုင်းအလုပ်သမား ဝန်ကြီးဌာနက နယ်မြေအလိုက် သတ်မှတ်ပေးထားတဲ့ လုပ်အားခ၊ အချိန်ပိုကြေးနဲ့ ကျန်းမာရေးစောင့်ရှောက်မှု တွေရရှိမှာ ဖြစ်တယ်ဆိုပေမဲ့ အမျိုးသမီး အလုပ်သမားတွေအနေနဲ့ ခလေးမီးဖွားမှုကိစ္စကို သက်ဆိုင်ရာ နိုင်ငံကို ပြန်လည် သွားလုပ်ရမယ်လို့ သိရပါတယ်။

လုပ်ငန်းခွင်ထိခိုက်မှုတွေ လုပ်အားခ ခေါင်းပုံဖြတ်မှုတွေ ရှိခဲ့ရင် အလုပ်သမား အခွင့်အရေးအတိုင်း တိုင်ကြား တောင်းဆိုနိုင်မှာ ဖြစ်ပါတယ်။ မြန်မာ အမျိုးသမီးလေးတဦးက တော့ ခုလို တရားဝင်အလုပ်သမား ဖြစ်ရတဲ့အတွက် စိတ်ပေါ့သွားရတယ်လို့ ပြောပါတယ်။

မြန်မာအမျိုးသမီး။ ။ 'ပိုပြီးတော့ အနေအထိုင်ကောင်းသွားမယ် ထင်တယ်၊ စိတ်ထဲ ခံစားရတယ်၊ သူတို့ပြောတယ် ဘတ်လုပ်ပေးမယ်တဲ့ အလုပ်ကိုပုံမှန်ဆင်းပေးပါတဲ့။ သူတို့ဒီလိုပြောတယ်၊ မြန်မာလို မပြောတတ်ဘူးနော် ၊ ပျော်တယ် ပြောရမှာပေါ့ ။'

အလုပ်သမားကဒ်အသစ်တွေ ထုတ်ပေးနေပြီဆိုတာ ရွှေ့ပြောင်းအလုပ်သမားတွေ သိနိုင်ဖို့အတွက် ထိုင်းရုပ်မြင်သံကြားဌာနတွေက ကြေညာပေးသလို အလုပ်သမားရုံးတွေ အလုပ်သမားတွေစုဝေးရာ နေရာတွေ၊ အလုပ်သမားတန်းလျားတွေ၊ စက်ရုံအလုပ်ရုံ၊ လုပ်ငန်းခွင်တွေမှာ သတင်းကြေငြာချက်တွေ ကပ်ထားပေးတာကို တွေ့ရပါတယ်။

ကုလအတွင်းရေးမှူးချုပ်က မြန်မာပြည်ခရီး အချိန်ရွေးချယ်မှု အထူးသတိထား
2009-07-01

မြန်မာနိုင်ငံကို ဒီလ ၃ ရက်နေ့မှာ သွားရောက်တဲ့ အချိန်ကာလဟာ ဒေါ်အောင်ဆန်းစုကြည်ရဲ့ အမှုချိန်း ကာလနဲ့ တိုက်ဆိုင်နေတာနဲ့ ပတ်သက်ပြီး အထူးသတိထား စဉ်းစားခဲ့တယ်လို့ ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းက ပြောလိုက်ပါတယ်။


ဂျပန်နိုင်ငံခြားရေးဝန်ကြီးဌာန ဝန်ကြီး မစ္စတာ ဟီရိုဖုမိ နာကာဆိုနေနဲ့ ဇွန်လ ၃ဝရက် မနေ့က တွေ့ဆုံအပြီး သတင်းထောက်တွေနဲ့ တွေ့ဆုံရာမှာ အတွင်းရေးမှူးချုပ်က အခုလို ပြောကြားခဲ့တာ ဖြစ်တယ်လို့ ဒီကနေ့ ကုလသမဂ္ဂ ထုတ်ပြန်တဲ့ သတင်းမှတ်တမ်းမှာ ဖော်ပြထားပါတယ်။

ဒေါ်အောင်ဆန်းစုကြည်ရဲ့ အမှုရက်ချိန်းနဲ့ တိုက်ဆိုင်နေတာနဲ့ ပတ်သက်လို့ သူ့အနေနဲ့ ကာလ မှားနေသလား ဆိုတာကို အထူးစိုးရိမ် စဉ်းစားခဲ့ကြောင်း၊ ဒါပေမဲ့ မြန်မာနိုင်ငံကို သွားဖို့ အသင့်တော်ဆုံးအချိန်ကို ရှာဖွေနေခဲ့တာ ကြာပြီဖြစ်ကြောင်း၊ တချိန်တည်းမှာလည်း ဘယ်အချိန် အသင့်တော်ဆုံးလဲဆိုတာ ဆုံးဖြတ်နိုင်ဖို့ကလည်း စိန်ခေါ်ချက်တရပ် ဖြစ်နေပြီး မြန်မာအာဏာပိုင်တွေနဲ့လည်း ဒီခရီးနဲ့ ပတ်သက်ပြီး ညှိနှိုင်းနေပါကြောင်း မစ္စတာဘန်ကီမွန်းက ပြောပါတယ်။

ကုလသမဂ္ဂ အတွင်းရေးမှူးချုပ်ဟာ အခုလာမဲ့ ၃ ရက်နေ့မှာ မြန်မာနိုင်ငံကို လာရောက်ဖို့ရှိပြီး ကုလသမဂ္ဂနဲ့ ကမႝာ့နိုင်ငံအသိုင်းအဝိုင်းက စိုးရိမ်နေတာတွေကို အပြင်းထန်ဆုံး ပြသဖို့နဲ့ တိုက်ရိုက်ပြောဆို ပန်ကြားဖို့ ပြင်ဆင်ထားတယ်လို့ ပြောပါတယ်။

မြန်မာနိုင်ငံခရီးစဉ်မှာ ဒေါ်အောင်ဆန်းစုကြည်အပါဝင် နိုင်ငံရေးအကျဉ်းသားတွေကို ပြန်လွှတ်ဖို့၊ အစိုးရနဲ့ အတိုက်ခံတွေအကြား ဆွေးနွေးပွဲပြန်စဖို့နဲ့ လာမဲ့နှစ်မှာကျင်းပမဲ့ ရွေးကောက်ပွဲ သိက္ခာရှိ ယုံကြည်နိုင်တဲ့ ရွေးကောက်ပွဲဖြစ်ဖို့ လိုအပ်တာတွေ ဆောင်ရွက်ဖို့ ပန်ကြားမယ်လို့ ဆိုပါတယ်။ ဒီအကြောင်းတွေကို မြန်မာအစိုးရ ထိပ်တန်းခေါင်းဆောင်ဖြစ်တဲ့ ဗိုလ်ချုပ်မှူးကြီး သန်းရွှေကို ကိုယ်တိုင် ပြောကြားဖို့ရှိတယ်လို့လည်း မစ္စတာဘန်ကီမွန်းက ပြောပါတယ်။

ဒါ့အပြင် ၂ ရက်ကြာခရီးစဉ်မှာ လူမှုရေးအဖွဲ့တွေ၊ နိုင်ငံရေးနဲ့ လူမှုရေးခေါင်းဆောင်တွေပါတဲ့ ဟောပြောပွဲတခု ပြုလုပ်ဖို့ရှိပြီး ဒီကနေ နိုင်ငံရေး၊ လူမှုရေးခေါင်းဆောင်တွေနဲ့ တိုက်ရိုက် ထိတွေ့နိုင်မယ်လို့ မျှော်လင့်ကြောင်းလည်း ပြောကြားခဲ့ပါတယ်။

ဝက်တုပ်ကွေးလူနာကို ဓာတ်ပုံရိုက်ဖို့ ကြိုးစားသူ သတင်းထောက်ကို ထိန်းသိမ်း
2009-07-01

H1N1 ဝက်တုပ်ကွေးရောဂါပိုး ကူးစက်ခံထားရတဲ့ ၁၃ နှစ်အရွယ် မိန်းကလေးလူနာကို သတင်းဓာတ်ပုံ ရိုက်ယူဖို့ ကြိုးစားခဲ့တဲ့ သတင်းဓာတ်ပုံဆရာတဦးကို အာဏာပိုင်တွေက ထိန်းသိမ်းထားတယ်လို့ သိရပါတယ်။

H1N1 ဝက်တုပ်ကွေးရောဂါပိုး ကူးစက်ခံထားရတဲ့ ၁၃ နှစ်အရွယ် မိန်းကလေးလူနာကို သတင်းဓာတ်ပုံ ရိုက်ယူဖို့ ကြိုးစားခဲ့တဲ့ သတင်းဓာတ်ပုံဆရာတဦးကို အာဏာပိုင်တွေက ထိန်းသိမ်းထားတယ်လို့ သိရပါတယ်။ ရန်ကုန်ထုတ် အပတ်စဉ် ဂျာနယ်တစောင်ဖြစ်တဲ့ Weekly Eleven ဂျာနယ်က သတင်းထောက် ကိုဝင်းမြင့်ကျော်ဖြစ်ပြီး၊ ပြီးခဲ့တဲ့ တနင်္ဂနွေနေ့က ရန်ကုန်ပြည်သူ့ဆေးရုံကြီးမှာ လူနာအဆောင်ထဲ ဝင်ရောက်စဉ် အာဏာပိုင်တွေက ဖမ်းဆီး ထိန်းသိမ်းခဲ့တာ ဖြစ်တယ်လို့ ရန်ကုန်က သတင်းထောက်တဦးက ပြောပါတယ်။

သတင်းထောက်။ ။ 'သူက ရန်ကုန်ဆေးရုံကြီးကို ဓာတ်ပုံ သွားရိုက်တာ၊ သွားရိုက်တုန်းက ဆေးရုံဘေးက လုံခြုံရေးဝန်ထမ်းတွေ ဘာတွေကို သူက လာဘ်ထိုးပြီးတော့ ဝင်သွားတာပေါ့ဗျာ။ ဝင်သွားပြီးတော့ ဒီ ၁၃နှစ်သမီးလေး ရှိတဲ့အခန်းထဲ ဝင်သွားတာပေါ့၊ ဝင်သွားတဲ့အခါမှာ အထဲရောက်မှ ဆရာဝန်တယောက်က သူ့ကို တွေ့လို့ အဲဒါ မင်းဘယ်ကလဲ ဘာညာနဲ့ ပြောတဲ့အခါမှာ အဲဒါနဲ့ ဘာကြောင့် ဝင်လာရတာလဲပေါ့၊ ဘယ်သူမှ မင်းကို မတားဘူးလားပေါ့၊ အဲဒါ သူ ဒီလိုဒီလို ဝင်ခဲ့ရတယ်ဆိုတဲ့အကြောင်း၊ ပိုက်ဆံပေး ဝင်ခဲ့တယ် ဆိုတဲ့အကြောင်း ပြောလိုက်တယ်၊ အဲဒီမှာတင်ပဲ ဆရာဝန်က သူ့ကို quarantine လုပ်လိုက်တာပေါ့။ မင်းကိုလည်း မဖြစ်ဖူး၊ ဒီအတိုင်း အပြင်ကို ပေးထွက်လို့ မဖြစ်ဖူး၊ တစ်အချက်က မင်းဟာ ဆေးရုံ စည်းမျဉ်းဥပဒေကို စည်းမျဉ်းစည်းကမ်းတွေကို ချိုးဖောက်တဲ့အတွက်ကြောင့်မို့ ဒီအတွက် အရေးယူရမယ်၊ နောက်တချက်က မင်း ဒီအတိုင်း အပြင်ပေးထွက်လို့ မဖြစ်ဖူး၊ ဘာလို့လဲဆိုတော့ မင်းကတဆင့် ဘေးကိုလည်း ပြန့်သွားနိုင်တယ်။ ဒါကြောင့်မို့လို့ အပြင်ပေးထွက်လို့ မဖြစ်ဖူး ဆိုပြီးတော့ သူ့ကို အဲဒီ ရန်ကုန်ဆေးရုံကြီးမှာပဲ စစဦး သူ့ကို ထိန်းထားတာ။'

အာဏာပိုင်တွေက မကြာခင်မှာပဲ မိန်းကလေးလူနာကို ရန်ကုန်ဆေးရုံကြီးကနေ အင်းစိန် ဝေဘာဂီဆေးရုံကို ပြောင်းရွှေ့ထားလိုက်တယ်လို့ သိရပါတယ်။ ဓာတ်ပုံသတင်းထောက်ကိုတော့ ၁ဝ ရက်အထိ ထိန်းသိမ်းထားဖို့ရှိပြီး ဆေးရုံထဲ ခွင့်ပြုချက်မရှိပဲ ဝင်ရောက်တာနဲ့ ပတ်သက်လို့တော့ ဘယ်လို အရေးယူမလဲဆိုတာ မသိရကြောင်း စောစောက ရန်ကုန်သတင်းထောက်ကပဲ အခုလို ပြောပြပါတယ်။

ဝက်တုပ်ကွေးကြောင့် သေဆုံးသူမရှိသေးဟု ကျန်းမာရေး ညွှန်ချုပ်ပြောကြား
2009-07-01

Swine Flu လို့ ခေါ်တဲ့ A-H1N1 အမျိုးအစား ဝက်တုပ်ကွေးရောဂါဟာ မြန်မာ့အိမ်နီးချင်းနဲ့ ဒေသတွင်းနိုင်ငံတွေမှာ အရှိန်အဟုန်နဲ့ ကူးစက် ပြန့်ပွားနေပါတယ်၊ မြန်မာနိုင်ငံမှာလည်း ဇွန်လ ၂၆ ရက်နေ့က စင်ကာပူနိုင်ငံက လေယာဉ်နဲ့ ပြန်လာတဲ့ အသက် ၁၃ နှစ်အရွယ် မိန်းကလေးငယ်တဦးမှာ ဒီရောဂါ ကူးစက်ခံထားရတယ်လို့ ပထမဆုံးအကြိမ် ဖော်ထုတ် အတည်ပြုနိုင်ခဲ့ပါတယ်။

ဒီ့နောက်ပိုင်း ရန်ကုန်မြို့မှာ ဝက်တုပ်ကွေးရောဂါနဲ့ ပတ်သက်လို့ ပြည်သူတွေအကြား စိုးရိမ်မှုတွေ တိုးပွားလာခဲ့တဲ့အပြင် ရောဂါ ကူးစက်ပျံ့နှံ့မှုတွေ တိုးပွားနေတယ်ဆိုတဲ့ အတည်ပြုလို့ မရတဲ့သတင်းတွေ ပေါ်ထွက်ခဲ့ပါတယ်။ မြန်မာနိုင်ငံက ဝက်တုပ်ကွေးရောဂါ ကူးစက်ဖြစ်ပွားမှု နောက်ဆုံးအခြေအနေ၊ ပထမဆုံးဝက်တုပ်ကွေးဖြစ်ပွားတဲ့ လူနာကို ဓာတ်ပုံရိုက်ခဲ့တဲ့ ဂျာနယ်သတင်းထောက်တဦး ထိန်းသိမ်းခံထား ရတယ်ဆိုတဲ့ အခြေအနေတွေနဲ့ ပတ်သက်လို့ ကျန်းမာရေးဝန်ကြီးဌာန ညွှန်ကြားရေးမှူးချုပ် ဒေါက်တာ ဝင်းမြင့်ကို RFA အဖွဲ့သား ကိုကျော်ကျော်အောင်က ဆက်သွယ်မေးမြန်းရာမှာ အခုအချိန်အထိ ဒီရောဂါဖြစ်ပွားသူ လူနာတဦးတည်းပဲ ရှိသေးပြီး၊ ကျန်းမာရေး ကောင်းမွန်လာပြီ ဖြစ်ကြောင်း၊ သတင်းထောက်နဲ့ လူနာနဲ့ ထိတွေ့မိတဲ့ ကျန်းမာရေးဝန်ထမ်းများကို သီးခြားထားပြီး အခြေအနေကို စောင့်ကြည့်လျက် ရှိကြောင်း ဒေါက်တာ ဝင်းမြင့်က ပြောပါတယ်။

ဝက်တုပ်ကွေး မသင်္ကာရသူများအား HIV ဝေဒနာရှင်များနှင့် တဆောင်တည်းထား
2009-07-01

ရန်ကုန်မြို့အတွင်း ဝက်တုပ်ကွေး ဖြစ်ပွားသူလို့ ယူဆရသူတွေကို ဝေဘာဂီ ကူးစက်ရောဂါဆေးရုံကို ပို့ပြီး ကုသလျက် ရှိရာမှာ HIV/ AIDS ဝေဒနာရှင်တွေနဲ့ တဆောင်တည်းထားတာကြောင့် HIV ဝေဒနာရှင်တွေ ရောဂါကူးစက်မှာကို စိုးရိမ်နေတယ်လို့ ဝေဘာဂီဆေးရုံမှာ တက်ရောက် ကုသနေတဲ့ HIV ဝေဒနာရှင်တွေက ပြောပါတယ်။
ဝက်တုပ်ကွေးရောဂါသည် ၉၅ နိုင်ငံတွင် ၄၄,၃ဝဝ ကူးစက် ဖြစ်ပွားပြီး၊ တကမႝာလုံးတွင် ၁၈ဝ သေဆုံးခဲ့ပြီး ဖြစ်သည်ဟု ယူဆရပါသည်။ ဝက်တုပ်ကွေး ရောဂါဖြစ်သူလို့ ယူဆရသူ ၁ဝဦးထက်မနည်း HIV ဝေဒနာရှင်တွေ ထားတဲ့ လူနာဆောင် အောက်ထပ်မှာ ထားတာ ဖြစ်ပါတယ်။ HIV ဝေဒနာရှင်တွေ အနေနဲ့ ကိုယ်ခံအားနည်းတာကြောင့် တခြားရောဂါများ အလွယ်တကူ ကူးစက်နိုင်တာမို့ ခုလို စိုးရိမ်နေကြတာပါ။ ဝေဘာဂီ ဆေးရုံမှာ တက်ရောက် ကုသနေတဲ့ လူနာတဦးက ခုလိုပြောပါတယ်။

လူနာတဦး။ ။ 'ဒီ HIV ဝေဒနာသည်တွေအနေနဲ့ စိုးရိမ်တဲ့ အကြောင်းရင်းကတော့ က္ဆွန်တော်တို့ ဝေဒနာသည်တွေ သူတို့ ဟိုဟာပေါ့၊ ဝက်တုပ်ကွေးသမားတွေ ထားမှာဆိုရင် သီးသန့်ပေါ့၊ က္ဆွန်တော်တို့ ဒီ HIV တွေကို သီးသန့်ပေါ့၊ ဒီ ခွဲထားပေးဖို့ပေါ့။'

ရောဂါကူးစက်မှာ ကို စိုးရိမ်တာကြောင့် သီးသန့်ခွဲထားပေးဖို့ ပြောဆိုနေတာပါ။ ခုလိုရောဂါကူးစက်မှာကို စိုးရိမ်တာကြောင့် ဆေးရုံတွင်း လူတိုင်းလိုလို နှာခေါင်းစည်းများနဲ့ သွားလာနေကြတာ ဖြစ်တယ်လို့ သိရပါတယ်။ ဒါ့အပြင် နှာခေါင်းစည်းတခုကို အရင်က ကျပ် ၆ဝပဲ ရှိပေမဲ့ အခု တခုကို ၄၅ဝအထိ ဈေးတက်သွားတယ်လို့ ရန်ကုန်မြို့ခံတွေက ပြောပါတယ်။

မြန်မာပြည်မှာ ဝက်တုပ်ကွေးရောဂါ ဖြစ်သူတဦး ရှိကြောင်း အာဏာပိုင်တွေက ပြောဆိုပေမဲ့ ဝေဘာဂီဆေးရုံက လူမမာတွေရဲ့ ပြောဆိုချက်အရ ၁ဝဦးထက်မနည်း ဆေးရုံတင်ထားတာ ဖြစ်တယ်လို့ သိရပါတယ်။ ဒီကိစ္စနဲ့ပတ်သက်ပြီး ဝေဘာဂီ ကူးစက်ရောဂါကုဆေးရုံကို ဆက်သွယ် မေးမြန်းပေမဲ့ ပြန်လည် ဖြေကြားခြင်း မပြုပါဘူး ။

ဒီသတင်းနဲ့ပတ်သက်ပြီး ဝေဘာဂီဆေးရုံရှိ HIV ဝေဒနာရှင်တွေကို RFA မှ ဦးတင်အောင်ခိုင်က ဆက်သွယ် မေးမြန်းထားပါတယ်။

ဝက်တုပ်ကွေးကြောင့် ဆေးနှင့် အကာအကွယ်များ ရှားပါးပြတ်လပ်
2009-06-30

ရန်ကုန်မြို့က အသက် ၁၃ နှစ်အရွယ် ကလေးတဦးမှာ ဝက်တုပ်ကွေးရောဂါ ကူးစက်ခံနေရတယ်ဆိုတဲ့ သတင်းတွေ ထွက်ပေါ်လာပြီးတဲ့နောက် ရန်ကုန်မြို့တွင်းက ကျောင်းအတော်များများမှာ ကျောင်းသားတွေ မျက်နှာဖုံးစွပ် အကာအကွယ်တွေ အသုံးပြုနေကြတယ်လို့ သိရပါတယ်။


ဒီ ဝက်တုပ်ကွေးရောဂါ မြန်မာနိုင်ငံမှာ ကူးစက်မှု ရှိနေပြီ ဆိုတဲ့ သတင်းကြောင့် ဇွန်လ ၃ဝရက် ဒီကနေ့က စပြီး ကလေးအတော်များများ မျက်နှာဖုံးစွပ် တပ်ဆင်အသုံးပြုနေကြောင်း တာမွေမြို့နယ်က ကျောင်းသားမိဘ တဦးက RFA ကို ပြောပါတယ်။

ကျောင်းသားမိဘ။ ။ 'အခု က္ဆွန်မ ကလေးကို ကျောင်းပို့တယ်လေ။ ကျောင်းပို့တဲ့အခါကျတော့ ကလေးထဲက သုံးပုံနှစ်ပုံလောက်က mask တွေ တပ်ထားတာ တွေ့တယ်။ က္ဆွန်မတို့က ကိုယ်တိုင်ကိုကလည်း ကျန်းမာရေး သတိရှိတဲ့အခါကျတော့ ကလေးကို mask ကို တမင်သက်သက် တပ်ပေးလိုက်တာ။ ဒီနေ့ကစပြီး တပ်ပေးလိုက်တာ၊ ဘာကြောင့်လည်းဆိုတော့ ဒီနေ့ သတင်းစာမှာလည်း ပါတယ်။ ထိုင်းမှာတဲ့၊ အင်တာနက်သတင်းက ပါတယ်ပေါ့နော်၊ ထိုင်းမှာ သုံးယောက်သေတယ်ဆိုတဲ့ သတင်းပါတယ်လေ။ ကြေးမုံသတင်းစာက တရားဝင်ပါတယ်ဆိုတော့ က္ဆွန်မက စိုးရိမ်လို့ ကလေးကို တပ်ပေးလိုက်တာ။'

ဆေးခန်းတွေမှာလည်း သာမန် တုပ်ကွေးကာကွယ်ဆေး ထိုးဖို့အတွက် ဆေးမရှိတဲ့အပြင် ဈေးတွေလည်း တက်သွားတဲ့အကြောင်း အဲဒီ မိဘကပဲ ဆက်ပြောပါတယ်။

ကျောင်းသားမိဘ။ ။ 'တူကလေးအတွက်ပေါ့နော်၊ တုပ်ကွေး ကာကွယ်ဆေး ထိုးဖို့ ဆိုပြီးတော့ လမ်း ၃ဝ သွားတော့၊ အဲဒီဆေးက အရင်တုန်းက တသောင်းခွဲက နှစ်သောင်း ခုနစ်ထောင် ပေးရတယ်။ အဲဒီဆေးက ကိုယ် နှစ်သောင်းခုနစ်ထောင် ပေးချင်တာပေါ့၊ ဆေးက ကုန်သွားပြီတဲ့၊ ထိုးလို့မရဘူး၊ တူလေးကို။'

အခုလို ကလေးတွေ မျက်နှာဖုံးစွပ် သုံးစွဲတာဟာ ကျောင်းတွေရဲ့ ညွှန်ကြားချက်ကြောင့် မဟုတ်ပဲ မိမိတို့ကလေးတွေ အတွက် စိုးရိမ်လို့ တပ်ဆင်အသုံးပြုတာဖြစ်တယ်လို့ ဆိုပါတယ်။ ရန်ကုန်မြို့တွင်း လူစည်ကားရာ နေရာတွေမှာ အခုဆိုရင် မျက်နှာဖုံး တပ်ဆင်သွားလာနေတာ အများအပြား တွေ့နေရတယ်လို့ လည်း သိရပါတယ်။

အဲဒီလို မြန်မာနိုင်ငံမှာ H5N1 တုပ်ကွေးရောဂါ ကူးစက်သူ တွေ့ရှိကြောင်း စစ်အစိုးရက အတည်ပြုပြီးတဲ့နောက် ခွဲစိတ်ခန်းသုံး မျက်နှာဖုံးစည်းတွေ ဈေးတက်သွားတယ်လို့ ရန်ကုန်မြို့က ကျောင်းသားမိဘ တဦးကလည်း ဆိုပါတယ်။

ကျောင်းသားမိဘ။ ။ 'နှာခေါင်းနဲ့ ပါးစပ်ကို ကာကွယ်ထားတဲ့ မျက်နှာဖုံး အစွပ်လေးတွေပေါ့။ အရင်တုန်းကဆို ဈေးအရမ်းပေါတယ်။ အခု က္ဆွန်မ မနေ့က ဝယ်တုန်းကကို ၁ဝခုကို ၂ဝဝဝ၊ ဒီနေ့လည်းကျရော က္ဆွန်မ ၁ဝခုကို ၃၅ဝဝ ပေးဝယ်ရတယ်။'

ဆိုင်တွေမှာ မျက်နှာဖုံးစည်းတွေ ဈေးနှုန်းတက်ရုံမက ပစ္စည်းပါ ပြတ်လပ်နေပြီလို့လည်း သိရပါတယ်။ စစ်အစိုးရပိုင် သတင်းမီဒီယာတွေကတော့ လူစည်ကားရာ နေရာတွေမှာ မျက်နှာဖုံးစည်းတွေ အသုံးပြုဖို့ တိုက်တွန်းနေပေမဲ့ အခုလို ဈေးကြီးမြင့်နေတဲ့အတွက် လူအများ မသုံးစွဲနိုင် ဖြစ်နေပါတယ်။

ဝက်တုပ်ကွေးရောဂါ ကူးစက်ခံထားရတဲ့ အသက် ၁၃ နှစ်အရွယ် မိန်းကလေးဟာ ရန်ကုန်ဆေးရုံကြီး သီးသန့်ဆောင်မှာ ဆေးဝါးကုသပေးနေရာက အခြေအနေ ပြန်လည် ကောင်းမွန်လာပြီ ဖြစ်ကြောင်း စစ်အစိုးရ သတင်းတွေက ဖော်ပြနေချိန်မှာပဲ နောက်ထပ် ဝက်တုပ်ကွေး ကူးစက်ခံရသူလို့ သံသယရှိသူ ၃ ဦး ထပ်မံတွေ့ရှိရတဲ့အတွက် စောင့်ကြပ် ကြည့်ရှုနေကြတယ်ဆိုတဲ့ သတင်းတွေလည်း ထွက်ပေါ်လာနေပါတယ်။

ကျန်းမာရေး တာဝန်ရှိသူတွေက ရောဂါပိုး ကူးစက်ပြန့်ပွားမှု ရှိမရှိ စောင့်ကြည့်နေတယ် ဆိုတာမျိုး ပြောဆိုတာသာ ရှိပြီး ၊ နောက်ထပ် ကူးစက်ခံရသူ ရှိမရှိ ဆိုတဲ့ သတင်းတွေ ထွက်ပေါ်လာခြင်း မရှိသေးဘူးလို့ သိရပါတယ်။