Tuesday, July 14, 2009

မှတ်မိသမျှ


ဇူလိုင်၁၄ဒိုင်ယာရီ

ဒေါ်အောင်ဆန်းစုကြည် အပါအ၀င် နိုင်ငံရေးအကျဉ်းသား အားလုံးကို ပြန်လွှတ်မပေးပါက ရွေးကောက်ပွဲ သည် လွတ်လပ်ပြီး မျှတသည့် ရွေးကောက်ပွဲ ဖြစ်လိမ့် မည် မဟုတ်
July 14, 2009 · Leave a Comment
၁၄ ဇူလိုင် ရန်ကုန်၊ ၊တင်ကျော်ကျော်စိုး

Myanmar Junta Planning to Amnesty Political Prisoners


ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားများအားဖမ်းဆီးထားရာ အင်းစိန်အကျဉ်းထောင် ဓာတ်ပုံ-အယ်ဂျာဇီယား
စစ်အစိုးရ ၏ ကုလသမဂ္ဂသံ ဦးသန်းဆွေ က ၂၀၁၀ ရွေးကောက်ပွဲ မတိုင်ခင် နိုင်ငံရေးအကျဉ်းသားများကို ပြန်လွှတ်ပေးမည် ဟု ထုတ်ဖေါ်ပြောကြားသော် လည်း ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသား အားလုံးကို ပြန်လည်လွှတ်ပေး
ခြင်းမပြုပါက ရှေ့နှစ် ကျင်းပမည် ဟု ကြေညာထားသည့် ရွေးကောက်ပွဲ သည် လွတ်လပ်ပြီး တရားမျှတ သည့် ရွေးကောက်ပွဲ ဟု ပြည်သူများ နှင့် နိုင်ငံတကာ မှ မည်သည့် အခါမှ ထင်မှတ် မည် မဟုတ်ကြောင်း ကုလသမဂ္ဂ အထွေအထွေ အတွင်းရေးမှုး
ချုပ် ဘန်ကီမွန်း က ယနေ့ ပြောကြားသည်။

စစ်အုပ်စု ၏ ကုလသံ က နိုင်ငံရေးအကျဉ်းသားများကို ပြန်လွှတ်ပေးမည် ဟုပြောသော်လည်း မည်၍ မည်မျှ ပြန်လွှတ်ပေးလိမ့် မည် ဟုဖေါ်ပြ ထားခြင်းမရှိခြင်းကြောင့် ယခင်အခါများကလို ပင် အနည်းအကျဉ်းသာ ပြန်လွှတ်ပေးနိုင် ကြောင်း နိုင်ငံရေးအကျဉ်းသား
ဟောင်း တစ်ဦး ဖြစ်သူ ကို အောင်ထွန်း က Freedom News Group သို့ ပြောသည်။

လက်ရှိအချိန်တွင် ဒေါ်အောင်စုကြည်အား ဖမ်းဆီးတရားစွဲ ဆိုထား မှု အပေါ် တွင် နိုင်ငံတကာဖိအား များအား လျှော့ပေါ့ သက်ရောက် စေရန် အလို့ ငှာ ထိုကဲ့ သို့  နိုင်ငံရေးအကျဉ်းသားများ အားပြန်လွှတ်ပေး ရန် စီစဉ် သော် လည်း နိုင်ငံရေးလှုပ်ရှားတက်ကြွသူများ အားဖမ်းဆီး မှု မှာ ရပ်တန့် ခြင်းမရှိသေး ဟု ဗကသ အထွေထွေ အတွင်းရေးမှုးကိုထွန်းထွန်း ကပြောသည်။

စစ်အစိုးရ ၏ နိုင်ငံရေးအကျဉ်းသားများ အားပြန်လွှတ်ပေးမည် ဆိုသော အစီအစဉ်သည်ယခုလ ၃ ရက် နှင့် ၄ ရက် နေ့ က ဘန်ကီမွန်း မြန်မာ နိုင်ငံ သို့ လာရောက် စဉ် စစ်ခေါင်းဆောင် ဗိုလ်ချုပ်မှုးကြီး သန်းရွှေ အားတောင်းဆို ခဲ့ခြင်း၏ ရလဒ်ဖြစ်သည်။

လက်ရှိ မြန်မာ စစ်အစိုးရ ၏ အကျဉ်းထောင် များတွင် နိုင်ငံရေးလှုပ်ရှားသူအယောက် နှစ်ထောင် ထက် မနည်းကို ဖမ်းဆီး ထိန်းသိမ်းထားသည်။စစ်အစိုးရက ဖမ်းဆီးထားသူများအား ၂၀၁၀ ရွေးကောက်ပွဲ တွင် ပါဝင် နိုင်ရန် အတွက်ပြန်လွှတ်ပေးမည် ဖြစ်သည် ဟုပြောသည်။

အမျိုးသားဒီမိုကရေစီ အဖွဲ့ ချူပ် ကမူ နိုင်ငံရေးအကျဉ်းသား လွှတ်ပေးမည် ဆိုသော စစ်အစိုး ၏ အစီအစဉ် ကို သံသယ နှင့် စောင့်ကြည့်ရအုံးမည် ဟု ဆိုသည်။ဗြိတိန်၊ပြင်သစ် နှင့်အမေရိကန် တို့ ကမူ ဒေါ်အောင်ဆန်းစုကြည် အားပြန်လွှတ်ပေးရန် တောင်ဆိုထားသည် ။ရန်ကုန်ရှိ အမေရိကန်သံရုံး ယာယီတာဝန်ခံ ရိုစ်မေရီ အေ ဒီကာလို က ဒေါ်အောင်စုကြည်အား ထပ်မံတရားစွဲ ဆိုထားခြင်းသည် အလွန် စိတ်ပျက် ဖွယ်ရာကောင်းသည် ဟု ပြောသည်။

နိုင်ငံရပ်ခြားတွင် ပညာသင်ကြားနေသည့် စစ်အရာရှိ သားသမီးများကို နေပြည်တော်က စာရင်းကောက်ယူ မှုပြု
July 14, 2009 · Leave a Comment
၁၄ ဇူလိုင် ရန်ကုန်၊ ၊ယူကွန်

Naypyidaw Worries Military Officer’s Children Oversea Education


မြန်မာကျောင်းသားအများစုသွားရောက်ပညာသင် ကြားရာ စင်္ကာပူ ပိုလီ တက္ကနစ်ကျောင်း
နိုင်ငံရပ်ခြားတွင် သွားရောက် အလုပ်လုပ် ကိုင်နေသူများ နှင့် နိုင်ငံခြားတက္ကသိုလ် များတွင် ပညာသင် ကြားနေသည့် စစ်တပ် မှ အရာရှိ အဆင့် ရှိသူများ၏ သားသမီးများကို နေပြည်တော်
မှစာရင်းကောက်ယူ မှု ပြုနေကြောင်း သြစတေးလျှ နိုင်ငံတွင် ပညာသင်ကြားနေသော ဗိုလ်မှုးကြီး
တစ်ယောက် ၏ သမီးဖြစ်သူက Freedom News Group သို့ ပြောသည်။

နေပြည်တော် မှ အမိန့် ပေးချက်အရ တိုင်းစစ်ဌာန ချုပ်များမှ တာဝန်ရှိသူများက အရာရှိများကို ခေါ်ယူတွေ့ ဆုံကာ နိုင်ငံရပ်ခြားတက္ကသိုလ်များတွင် တက်ရောက်ပညာသင်ကြားနေသော သားသမီး
များရှိပါ က နိုင်ငံအမည်၊ သင်ကြားသည့် ဘာသာနှင့် ကာလအပိုင်းအခြားအပါ အ၀င် အချက်အလက် ဆယ့်ရှစ်ခု ထက်နည်း ပြည့်စုံစွာဖြည့်၍ ပြန်လည် တင်ပြရန် ညွှန်ကြားထားသည်။

နေပြည်တော်မှ စာရင်းကောက်ယူမှု နှင့် ပတ်သက်၍ စင်္ကာပူ နိုင်ငံတွင် သားဖြစ်သူအား ပညာသင်ကြားရန် စေလွှတ်ထားသည့် ဗိုလ်မှုးအဆင့်ရှ်ိ သူ တစ်ယောက် ၏ အမျိုးသမီးက မူ“နိုင်ငံခြားမှာ ပညာသင်ကြားနေတဲ့ ကလေးတွေ ကို စာရင်းကောက်တာ ဘာလုပ်မလဲ ဆိုတာတော့
သေချာ မသိဘူး၊သားကိုတောင် အခုမှ ဘာ ဘာသာသင်နေတာလဲ ဘာယ်တော့ပြီးမှ လဲ အခုမှလှမ်းမေးရတာ၊ ထိမ်ချန်ထားတာ တွေ့ ရင်တော့ ဖခင်ကို ရာထူးချမယ်လို့ ကြားတယ်။ ကျွန်မတို့ သားသမီးမှ နိုင်ငံခြားမှာ မဟုတ်ဘူး အခု ဒု ဗိုလ်ချုပ် မြင့်ဆွေ သမီး ဆိုလည်း အမေရိကန် မှာပဲ ”ဟုပြောသည်။

ထိုကဲ့သို့ စာရင်းကောက်ယူခြင်းသည် လတ်တလော တွင် နအဖ ၏ စစ်ဘက်ဆိုင်ရာ သတင်းများ
ပေါက်ကြားနေမှု ကို စီစစ်ရန် အတွက် ဖြစ်နိုင်သည် ဟု ထင်ကြေးပေးမှု များလည်းရှိနေသည်။သြစ
တေးလျှရှိ စစ်အရာရှိ တစ် ဦး ၏ သားဖြစ်သူကမူ ၂၀၁၀ ရွေးကောက်ပွဲ အတွက် ရည်ရွယ်ခြင်း သို့ 
မဟုတ် နိုင်ငံရေးအရ စစ်အစိုးရ လိုလားသော တတိယ အင်အားစု အတွက် ရည်ရွယ်၍ လုပ်ဆောင်
ခြင်းဖြစ်သည် ဟု ဆိုသည်။

မြန်မာ နိုင်ငံတွင် ပညာရေး အဆင့်အတန်းမှာ ဒေသတွင်း နိုင်ငံများနှင့် ယှဉ်လျှင် များစွာခောတ်
နောက် ကျနေမှု ကြောင့် ပိုက်ဆံ တတ်နိုင်သည့် မိဘ အချို့ မှ ၎င်း တို့ ၏ သားသမီးဖြစ်သူများအား
နိုင်ငံရပ်ခြား နိုင်ငံများတွင်သွားရောက် ပညာသင်ကြားရန် စေလွှတ်ထားသည်။ထိုသို့ စေလွှတ်မှုများ
တွင် စီးပွားရေးလုပ်ငန်းရှင် များ နှင့် စစ်အရာရှိ သားသမီးများ က အများဆုံးဖြစ်သည်။


မြန်မာနိုင်ငံကို တကမ္ဘာလုံးက စောင့်ကြည့်နေသည်ဟု
ကုလအတွင်းရေးမှူးချုပ် ဘန်ကီမွန်း သတိပေး
NEJ / ၁၄ ဇူလိုင် ၂၀၀၉


မြန်မာစစ်အစိုးရသည် တိုင်းပြည်အတွက် အကောင်းဆုံးရလဒ်ကို ရွေးချယ်မည်လား သို့မဟုတ် ပြည်သူလူထု၏ဆန္ဒနှင့် နိုင်ငံတကာ၏မျှော်လင့်ချက်များကို လျစ်လျူရှု မည်လားဆိုသည်ကို ကမ္ဘာကြီးက အနီးကပ် လေ့လာစောင့်ကြည့်နေသည်ဟု ကုလသမဂ္ဂအတွင်းရေးမှူးချုပ် ဘန်ကီမွန်းက သတိပေးပြောကြားလိုက်သည်။

ကုလသမဂ္ဂလုံခြုံရေးကောင်စီဝင်များကို မြန်မာနိုင်ငံခရီးစဉ်နှင့်ပတ်သက်ပြီး ယမန်နေ့က အစီရင်ခံတင်ပြရာတွင် မစ္စတာဘန်ကီမွန်းက ပြောကြားသွားခြင်း ဖြစ်သည်။

မြန်မာနိုင်ငံခရီးစဉ်အတွင်း ၎င်းအနေဖြင့် ဘာတွေရလာသည်ဆိုခြင်းထက် မြန်မာအာဏာပိုင်များထံတွင် ဘာတွေပေးခဲ့သည် ဆိုသည်က ပို၍ အရေးကြီးပါသည် ဟုလည်း ၎င်းက ပြောကြားခဲ့သည်။

မြန်မာအစိုးရသည် ပေးထားသည့်ကတိအတိုင်း လွတ်လပ်ပြီး တရားမျှတသည့် ရွေးကောက်ပွဲဖြစ်စေရန်အတွက် ၎င်းအဆိုပြု ထားခဲ့သည့်အတိုင်း လိုအပ်သည်များကို မကြာမီအချိန်အတွင်း လုပ်ဆောင်လိမ့်မည်ဟု ၎င်းနှင့်အတူ နိုင်ငံတကာအသိုင်းအ၀န်း က မျှော်လင့်ထားကြောင်း မြန်မာအစိုးရအား တင်ပြခဲ့သည်ဟုလည်း မစ္စတာဘန်ကီမွန်းက ပြောသည်။

မြန်မာအစိုးရကို ပြောစရာရှိသည်များကို ရှင်းရှင်းလင်းလင်းတင်ပြပြီးဖြစ်သည့်အတွက် “မြန်မာ့နိုင်ငံအရေးအတွက် အပြုသဘောတုံ့ပြန် ဆုံးဖြတ်ဆောင်ရွက်ဖို့ဆိုတာဟာ မြန်မာအစိုးရခေါင်းဆောင်တွေအပေါ်မှာသာ မူတည်တယ်” ဟု ၎င်းက လုံခြုံရေးကောင်စီသို့ တင်ပြရာတွင် ထည့်သွင်းပြောကြားခဲ့သည်။

ထို့အပြင် မြန်မာအစိုးရသည် ကုလအပါအ၀င် နိုင်ငံတကာအသိုင်းအ၀ိုင်းနှင့် ပူးပေါင်းဆောင်ရွက်မှုမရှိသည့်အတွက် ဖြစ်လာမည့် အကျိုးဆက်များကို မြန်မာပြည်သူများကသာ ခံစားရမည်ဖြစ်ကြောင်း၊ ၎င်းအနေဖြင့် ကုလသမဂ္ဂအဖွဲ့ဝင်နိုင်ငံများကိုယ်စား မြန်မာအစိုးရကို ဆွေးနွေးအဆိုပြုခဲ့ခြင်းဖြစ်သည့်အတွက် မြန်မာစစ်ခေါင်းဆောင်များအနေဖြင့် မြန်မာပြည်သူများနှင့် နိုင်ငံတကာကိုပါ အဆိုပြုချက်များအား တုံ့ပြန်ရန်တာဝန်ရှိကြောင်း မစ္စတာဘန်ကီမွန်းက မြန်မာနိုင်ငံခရီးစဉ်နှင့်ပတ်သက်ပြီး တင်ပြသွားသည်။

မစ္စတာဘန်ကီမွန်းသည် ဇူလိုင် (၃-၄) ရက်တွင် မြန်မာနိုင်ငံသို့ ဒုတိယအကြိမ်သွားရောက်ခဲ့ပြီး ဒေါ်အောင်ဆန်းစုကြည် အပါအ၀င် နိုင်ငံရေးအကျဉ်းသားအားလုံး ပြန်လွှတ်ပေးရန်၊ အစိုးရနှင့် အတိုက်အခံအကြား ခိုင်မာသည့် တွေ့ဆုံဆွေးနွေးရေး ပြုလုပ်ရန်နှင့် ၂၀၁၀ ရွေးကောက်ပွဲကို စစ်မှန်သည့်ရွေးကောက်ပွဲဖြစ်စေမည့် အခြေအနေများ ဖန်တီးပေးရန်ဆိုသည့် အချက်သုံးချက်ကို အဓိကတောင်းဆိုခဲ့ကြောင်း သိရသည်။

မြန်မာနိုင်ငံသို့ရောက်ရှိနေစဉ်အတွင်း ဒေါ်အောင်ဆန်းစုကြည်နှင့် တွေ့ဆုံခွင့်တောင်းခဲ့သည်ကို မြန်မာစစ်အစိုးရ ခေါင်းဆောင်များက ငြင်းပယ်လိုက်သည့်အတွက် ၎င်းအနေဖြင့် အလွန်စိတ်ပျက်သွားခဲ့ရပြီး မြန်မာနိုင်ငံအတွက်လည်း အဓိကကျသည့် အခွင့်အလမ်းတခုကို လက်လွတ်ဆုံးရှုံးခဲ့ရခြင်းဖြစ်သည်ဟု မစ္စတာဘန်ကီမွန်းက လုံခြုံရေးကောင်စီတွင် ပြောဆိုခဲ့သည်။

အကယ်၍ မြန်မာအစိုးရက ဒေါ်အောင်ဆန်းစုကြည်နှင့် တွေ့ခွင့်ပေးခဲ့မည်ဆိုပါက မြန်မာအစိုးရသည် အပြုသဘောဆောင်ပြီး အမျိုးသားပြန်လည်ရင်ကြားစေ့ရေးကို လိုလားကြောင်း ပြည်တွင်းနှင့်နိုင်ငံတကာကပါ အသိအမှတ်ပြုကြမည်ဖြစ်သည်ဟုလည်း ၎င်းက ပြောကြားခဲ့သည်။

ထိုသို့ မစ္စတာဘန်ကီမွန်း၏ မြန်မာနိုင်ငံခရီးစဉ်နှင့် ပတ်သက်၍ လုံခြုံရေးကောင်စီဝင်များကို ရှင်းလင်းတင်ပြရာတွင် ကောင်စီအဖွဲ့ဝင်တဦးဖြစ်သည့် တရုတ်နိုင်ငံက မြန်မာနိုင်ငံတွင်းမှ ဖြစ်ပျက်နေမှုများသည် ပြည်တွင်းရေးကိစ္စသာဖြစ်သဖြင့် အစိုးရနှင့် မြန်မာပြည်သူများကသာ ကိုင်တွယ်ဖြေရှင်းသင့်သည်ဟု ယုံကြည်ကြောင်း ပြောဆိုခဲ့သည်ဟု သိရသည်။


မူဆယ်မြို့အနီးတွင် မီးရထားဘူတာရုံ တည်ဆောက်ရန်
ဒု-ဗိုလ်ချုပ်မှူးကြီးမောင်အေး လာကြည့်
NEJ / ၁၄ ဇူလိုင် ၂၀၀၉


ဒုတိယဗိုလ်ချုပ်မှူးကြီး မောင်အေးသည် တရုတ်နှင့် မြန်မာဆက်သွယ်မည့် မီးရထားလမ်းအတွက် မူဆယ်မြို့နယ်၊ နမ့်ဟွိုင်ကျေးရွာအနီး တည်ဆောက်ရန် လျာထားသည့် မြေနေရာအား လာရောက်ကြည့်ရှုစစ်ဆေးသွားသည်။

ယခုလ (၁၁) ရက် ရှမ်းပြည်မြောက်ပိုင်း၊ မူဆယ်ကုန်သွယ်ရေးဇုန် ခရီးစဉ်အတွင်း ဒု-ဗိုလ်ချုပ်မှူးကြီး မောင်အေးနှင့် အဖွဲ့သည် (၁ဝ၅) မိုင်ကုန်သွယ်ရေးဇုန်ရှိ ရဟတ်ယာဉ်ကွင်းသို့ ရောက်ရှိလာပြီး ကုန်သွယ်ရေးဇုန် အစည်းအဝေးခန်းမတွင် ခယက၊ မယကဥက္ကဋ္ဌများ၊ ကုန်သွယ်ရေးဇုန် ဦးစီးအရာရှိများနှင့် မူဆယ်၊ နမ်းခမ်း နယ်စပ်ကုန်သည်ကြီးများအသင်းမှ အမှုဆောင်များနှင့် တွေ့ဆုံခဲ့သည်။

ထို့နောက် ဒု-ဗိုလ်ချုပ်မှူးကြီး မောင်အေးနှင့်အဖွဲ့သည် ကုန်သွယ်ရေးဇုန်နှင့် မလှမ်းမကမ်း နမ့်ဟွိုင်ကျေးရွာအနီးရှိ မြေနေရာသို့ မော်တော်ကားများဖြင့် သွားရောက်ကြည့်ရှုခဲ့သည်ဟု နယ်စပ်ကုန်သည်ကြီးတဦးက အတည်ပြုပြောဆိုသည်။

၎င်းက “မနှစ် နှစ်လယ်ပိုင်း ဦးတေဇ တရုတ်နယ်စပ် လာကတည်းက အဲဒီသတင်းတွေ ထွက်နေတာ။ လေယာဉ်ကွင်း ဆောက်မယ်တို့၊ မီးရထားဘူတာရုံဆောက်မယ်တို့၊ အခု ဒု-ဗိုလ်ချုပ်မှူးကြီး မောင်အေး သွားကြည့် တဲ့ခါမှ အတည်ပြုလို့ ရသွားတာ။ အဲဒီနေရာကို ကုန်သွယ်ရေးဇုန်ကနေ သိပ်မသွားရဘူး။ နီးနီးလေးပဲ။ ဆောက်တာကတော့ တရုတ်ဘက်က လာဆောက်ပေးမှာလို့ ကြားရတယ်” ဟု ပြောသည်။

ဇူလိုင် (၁၃) ရက်ထုတ် နအဖသတင်းစာများတွင် ဒု-ဗိုလ်ချုပ်မှူးကြီး မောင်အေး မူဆယ်ကုန်သွယ်ရေးဇုန်သို့ သွားရောက်ကြောင်း သာဖော်ပြပြီး မီးရထားဘူတာရုံကိစ္စ မပါရှိသော်လည်း ခရီးစဉ်အတွင်း မီးရထားဝန်ကြီး ဗိုလ်ချုပ် အောင်မင်း၊ ဆောက်လုပ်ရေး ဝန်ကြီး ဗိုလ်ချုပ် ခင်မောင်မြင့်တို့ လိုက်ပါလာကြောင်း ဖော်ပြထားသည်။

ယူနန်ပြည်နယ်မြို့တော် ကူမင်မြို့မှ မြန်မာနိုင်ငံ လားရှိုးမြို့အထိ မီးရထားလမ်းဆက်သွယ်ပြီး ၎င်းမှတဆင့် အရှေ့တောင် အာရှနိုင်ငံများနှင့် ဆက်သွယ်ကာ မီးရထားလမ်းဖောက်သွားမည့် စီမံကိန်းသတင်းကို တရုတ်နိုင်ငံ၊ ယူနန်ပြည်နယ်အစိုးရမှ မြန်မာဘာသာဖြင့် လစဉ်ထုတ်ဝေသည့် မင်္ဂလာစာစောင်များတွင် အစောပိုင်းကာလများကတည်းက ဖော်ပြခဲ့သည်။

ကူမင်မြို့မှ နယ်စပ် ရွှေလီမြို့အထိ မီးရထားလမ်း ဖောက်လုပ်မှု အခြေအနေများအား တရုတ်ရုပ်မြင်သံကြားဌာနက ရံဖန်ရံခါ ဖော်ပြနေသော်လည်း မြန်မာစစ်အစိုးရဘက်ကမူ အဆိုပါ မီးရထားလမ်းကိစ္စ လုံးဝဖော်ပြခြင်း မရှိသေးပေ။

“တရုတ်သမ္မတ ကျန်ဇီမင်းလက်ထက်တုန်းက ဗန်းမော်မှာ ရေနက်ဆိပ်ကမ်းဆောက်မယ်ဆိုပြီး တရုတ်ဘက်က မီဒီယာ၊ အထူးသဖြင့် မင်္ဂလာမဂ္ဂဇင်းက ခဏခဏဖော်ပြခဲ့တယ်။ ကျန်ဇီမင်း ဗမာပြည်သွားတော့ အဲဒီကိစ္စ MOU လက်မှတ်ထိုး မယ်ဆိုတော့ ဗိုလ်သန်းရွှေက လက်မှတ်မထိုးလို့ ဗိုလ်ခင်ညွန့်က ကျန်ဇီမင်း အမျက်ဒေါသပြေအောင် ခရီးစဉ်တလျှောက်လုံး လိုက်ပါချော့ခဲ့ရတယ်ဆိုပြီး ဗိုလ်မှူး အောင်လင်းထွဋ်က ဟိုတလောက မီဒီယာကနေ ဖွင့်ချခဲ့တာလည်းရှိတယ်။ နအဖဗိုလ်ချုပ် တွေက အဲလိုမျိုးကိစ္စတွေမှာ လျှို့ဝှက်ထားတာ။ တကယ်ဆောက်ပြီဆိုမှ ဗေဒင်ကိန်းခန်းတွေနဲ့ မင်္ဂလာအချိန်ကျရောက်လို့ ဆိုပြီး ပန္နက်ရိုက်ပြ၊ ရွှေအုပ်၊ ငွေအုပ်စီနဲ့ တရားဝင် ထုတ်ဖော်တာ” ဟု စာနယ်ဇင်းသမားတဦးက ပြောသည်။

ဒု-ဗိုလ်ချုပ်မှူးကြီး မောင်အေး၏ ယခု မူဆယ်ခရီးစဉ်တွင် တပ်မတော် (လေ) နှင့် (ရေ) ဦးစီးချုပ်အပါအဝင် ကာကွယ်ရေး ဝန်ကြီးဌာနမှ ဒု-ဗိုလ်ချုပ်ကြီးများ လိုက်ပါလာ၍ နအဖပိုင်သတင်းစာများတွင် ဖော်ပြထားသကဲ့သို့ နယ်စပ် ကုန်သွယ်ရေးဇုန်သို့ လာရောက်စစ်ဆေးခြင်းမျိုးထက် ပိုသည့် အခြားကိစ္စရပ်များလည်း ပါဝင်နိုင်သည်ဟု အကဲခတ်များက သုံးသပ်သည်။


ရွေးကောက်ပွဲမတိုင်မီ အကျဉ်းသားများကို လွှတ်ပေးမည်ဟု
ကုလဆိုင်ရာ မြန်မာသံအမတ်ပြော
NEJ / ၁၄ ဇူလိုင် ၂၀၀၉


ကုလသမဂ္ဂအတွင်းရေးမှူးချုပ် ဘန်ကီမွန်း၏ တောင်းဆိုချက်အရ မြန်မာစစ်အစိုးရက အကျဉ်းသားများကို လူသားချင်း စာနာထောက်ထားမှု အခြေခံကာ လာမည့် ၂၀၁၀ ရွေးကောက်ပွဲတွင် ပါဝင်နိုင်ရန်အတွက် လွတ်ငြိမ်းချမ်းသာခွင့်ပေးရန် စီစဉ်နေကြောင်း ကုလသမဂ္ဂဆိုင်ရာ မြန်မာသံအမတ်ကြီး ဦးသန်းဆွေက ပြောကြားသည်။

မစ္စတာဘန်ကီမွန်းက လုံခြုံရေးကောင်စီကို မြန်မာနိုင်ငံခရီးစဉ်နှင့်ပတ်သက်ပြီး ယမန်နေ့က အစီရင်ခံတင်ပြရာတွင် မြန်မာသံအမတ်ကြီး ဦးသန်းဆွေက ယင်းသို့ပြောကြားလိုက်ခြင်းဖြစ်သည်။ သို့သော် ဦးသန်းဆွေက အကျဉ်းသားမည်မျှကို မည်သည့်အချိန်တွင် လွှတ်ပေးမည်ဆိုသည်ကို ထုတ်ဖော်ပြောခြင်းမရှိသကဲ့သို့ ဒေါ်အောင်ဆန်းစုကြည်ပါဝင်မည်၊ မပါဝင်မည် ဆိုသည်ကိုလည်း ပြောဆိုခြင်းမရှိခဲ့ဟု သိရသည်။

မြန်မာသံအမတ် ဦးသန်းဆွေ၏ပြောကြားချက်နှင့်ပတ်သက်၍ မစ္စတာဘန်ကီမွန်းက “ဒါဟာ အားတက်စရာဖြစ်ပေမယ့် မြန်မာနိုင်ငံခရီးစဉ်အတွင်း ကျနော် တင်ပြခဲ့တဲ့ကိစ္စတွေကို သူတို့ဘယ်လို အကောင်အထည်ဖော်မလဲဆိုတာကို ဆက်လက် စောင့်ကြည့်ရပါမယ်။ ဒီလွတ်ငြိမ်းချမ်းသာခွင့်မှာ ဘယ်သူပါမယ်ဆိုတာ ကျနော်သေချာမသိပါဘူး” ဟု သတင်းထောက်များအား ပြောကြားခဲ့ကြောင်း ရိုက်တာသတင်းတွင် ဖော်ပြသည်။

ဇူလိုင် (၃-၄) ရက် မြန်မာနိုင်ငံခရီးစဉ်အတွင်း မစ္စတာဘန်ကီမွန်းက ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသား အားလုံးကို လွှတ်ပေးရန် မြန်မာစစ်အစိုးရအား တောင်းဆိုခဲ့သည်။

မစ္စတာဘန်ကီမွန်း မြန်မာနိုင်ငံသို့ရောက်ရှိချိန်တွင် ဒေါ်အောင်ဆန်းစုကြည်သည် နေအိမ်အကျယ်ချုပ်ဖောက်ဖျက်မှုဖြင့် တရားစွဲခံ နေရကာ အင်းစိန်ထောင်အတွင်း ရုံးတင်စစ်ဆေးခံနေရချိန်ဖြစ်သည်။

ထို့အပြင် မစ္စတာဘန်ကီမွန်းက ဒေါ်အောင်ဆန်းစုကြည်နှင့် တွေ့ဆုံခွင့်တောင်းခဲ့သည်ကိုလည်း မြန်မာစစ်အစိုးရက ဒေါ်အောင်ဆန်းစုကြည်အား ရုံးတင်စစ်ဆေးနေချိန်ဖြစ်သည့်အတွက်ဟု အကြောင်းပြကာ တွေ့ခွင့်မပေးခဲ့ပေ။


ဂျီအက်စ်အမ်ဖုန်းများ မြ၀တီတွင် အလုပ်မဖြစ်
NEJ / ၁၄ ဇူလိုင် ၂၀၀၉


မြန်မာ့ဆက်သွယ်ရေးမှ ထုတ်ပေးသည့် ဂျီအက်စ်အမ်ဖုန်းများသည် မြဝတီခရိုင်အတွင်း၌ ဖုန်းခေါ်ဆိုရ ခက်ခဲကြောင်း မြို့ခံများက ပြောသည်။

မြဝတီခရိုင်တွင် အများပြည်သူများသုံးစွဲရန် ဂျီအက်စ်အမ်ဖုန်း အလုံး (၁,၀၀၀) ခန့်ကို မြန်မာ့ဆက်သွယ်ရေးဌာနက ယခုနှစ်ဆန်းတွင် ချပေးခဲ့သော်လည်း ဖုန်းအလုံးရေများပြီး အထိုင်တယ်လီဖုန်းစက်ခုံ စွမ်းဆောင်ရည်နိမ့်ကျသောကြောင့် ဝန်နှင့်အားမမျှဘဲ ဖုန်းအသုံးပြုရာတွင် လိုင်းပူးလိုင်းကျခြင်း၊ ဖုန်းခေါ်မရခြင်းတို့ နေ့စဉ်ကြုံတွေ့နေကြကြောင်း မြို့ခံများက ပြောသည်။

မြဝတီမြို့ခံတဦးက “ဒီပြဿနာတွေဖြစ်တာ အထိုင်စက်ခုံငယ်လို့ ဖြစ်တာလို့ ဆက်သွယ်ရေးက လူတွေပြောတယ်။ အရေးအကြောင်းဆိုရင် ဒီဖုန်းလိုင်းက ဘယ်လိုမှ သုံးရတာအဆင်မပြေဘူး။ လိုင်းက ရလိုက် မရလိုက်နဲ့ ဖြစ်နေတယ်” ဟု ပြောသည်။

မြဝတီဆက်သွယ်ရေးဌာနကမူ ယခုကဲ့သို့ ဖုန်းခေါ်ဆိုမှု ခက်ခဲရခြင်းမှာ စက်ခုံနှင့်မဆိုင်ဘဲ မြေအောက်ကေဘယ်လ်ကြိုးများ ပေါက်ပျက်ခြင်းကြောင့်ဖြစ်ပြီး ပြန်လည်ပြင်ဆင်ပြီးလျှင် အချိန်မရွေးကြည်လင်စွာ ဖုန်းအသုံးပြုနိုင်မည်ဟု ပြောသည်။

မြဝတီခရိုင်တွင် ယခုချပေးသည့် ဂျီအက်စ်အမ်ဖုန်းများကို ခရိုင်အာဏာပိုင်များနှင့် အဖွဲ့အစည်းများကို ဦးစားပေးပြီး ကျန်ရှိသည့်ဖုန်းများကို မြို့ပေါ်ရပ်ကွက် (၅) ခုမှ ပြည်သူများကို မဲစနစ်ဖြင့် ရောင်းချပေးခြင်းဖြစ်သည်။

မြ၀တီမှ ကုန်သည်ကြီးတဦးက “ဖုန်းမဲပေါက်တဲ့လူတွေ မြဝတီဆက်သွယ်ရေးရုံးမှာ ဖုန်းငှားရမ်းစာချုပ် ချုပ်ဆိုပြီး ကျပ် (၁၆) သိန်း (၅) သောင်း ကြိုတင်ငွေ ပေးသွင်းပြီး တလစောင့်ရတယ်။ အဲဒီထဲက (၅) သောင်းက မြဝတီခရိုင်ဖွံ့ဖြိုးရေးအတွက်ဆိုပြီး ပေးရတာပါ။ ရကာစက ဖုန်းလိုင်းကောင်းပေမယ့် အခုဖုန်းလိုင်းတွေ ပြဿနာတက်တာ (၂) လကျော်သွားပြီ။ ကုန်သည်တွေ အတွက်ကတော့ ဒီဖုန်းနဲ့လုပ်ရကိုင်ရတာ ဘယ်လိုမှအဆင်မပြေဘူး” ဟု ပြောသည်။

ဖုန်းလိုင်းကောင်းစဉ်က တဆင့်ပြန်ရောင်းလျှင် (၂၂) သိန်းအထိ ဈေးပေါက်ပြီး ယခုအခါ မူရင်းဈေးနှင့် ပြန်ရောင်းလျှင်ပင် ဝယ်သူမရှိဟု ဖုန်းပိုင်ရှင်တဦးက ပြောသည်။

ကျောင်းဆရာမတဦးကလည်း “ဂျီအက်စ်အမ်ဖုန်းက မြဝတီကဆက်ရင် ရလိုက်မရလိုက်နဲ့ တခါတခါ နာရီဝက်လောက်ထိ ကြာတာတွေရှိတယ်။ အရေးကြီးရင်တော့ အိုင်ပီစတား စလောင်းဖုန်းနဲ့ပဲ ဆက်ရတယ်။ အဲဒါက ထိုင်းကလာတဲ့ဖုန်း” ဟု ပြောသည်။

ဂျီအက်စ်အမ်ဖုန်းဖြင့် မြန်မာနိုင်ငံအတွင်းခေါ်ဆိုပါက တမိနစ် (၃၅) ကျပ်သာဖြစ်ပြီး ဈေးချိုသော်လည်း ၎င်းဖုန်းအားကိုးဖြင့် ကုန်သည်များ ရောင်းဝယ်ဖောက်ကားကြရာတွင် ပြဿနာရှိသဖြင့် ထိုင်းဘက်မှတင်သွင်းသည့်ဖုန်းများကိုသာ အရေးပေါ် အသုံးပြုကြသည်။


ဒေါနတောင်ကြားတွင် မြေပြို
ကုန်စီးဆင်းမှု ရပ်တန့်
NEJ / ၁၄ ဇူလိုင် ၂၀၀၉


ဒေါနတောင်ကြောတွင် မိုးသည်းထန်စွာရွာသွန်းပြီး မြေပြိုကာ လမ်းပိတ်သွားသည့်အတွက် ထိုင်း-မြန်မာ ကုန်သွယ်မှု လမ်းကြောင်း ယနေ့မှစတင်ကာ ကုန်စည်စီးဆင်းမှု ရပ်တန့်သွားသည်။

ယခု မြေပြို၍ လမ်းပိတ်သွားသည့်နေရာသည် မြဝတီ-ကော့ကရိတ်အကြား အလယ်ဘိုတဲနှင့် ချောက်ကမ်းပါးကြားရှိ ကျောက်ညှပ်နေရာတွင်ဖြစ်ပြီး ဘားအံမှမြဝတီသို့ တရက်ခြား တက်လာသည့် ယာဉ်တန်းအစီး (၁၀၀) ခန့် ပိတ်မိလျက်ရှိသည်။

အဆိုပါနေရာသို့ မော်တော်ဆိုင်ကယ်ဖြင့် သွားရောက်ခဲ့သူ မြဝတီမြို့ခံတဦးက “မြေပုံက အကြီးကြီးပဲ။ ဒီနေ့တော့ ပြီးနိုင်စရာ အကြောင်းမရှိတော့ဘူး။ ဘူဒိုဇာတွေက အခုမှလာတယ်။ မြဝတီကို လာမယ့်လူတွေကတော့ အဲဒီမှာပဲ ညအိပ်ရမယ်” ဟု ပြောသည်။

ကော့ကရိတ်-မြဝတီတောင်ပေါ်လမ်းသည် လမ်းကျဉ်းသဖြင့် ယာဉ်တန်းတရက်ခြား ပြေးဆွဲရပြီး ယခုလမ်းပိတ်ဆို့မှုကြောင့် မနက်ဖြန်တွင် မြဝတီမှကော့ကရိတ်လမ်းကြောအတိုင်း ကုန်စည်နှင့်လူများ တင်ဆောင်မည့် ကားတန်းမှာ မြဝတီမြို့တွင် စောင့်ဆိုင်းနေရပြီး လမ်းပိတ်နေသည့် အတက်ယာဉ်တန်း ရောက်ရှိမှသာ ဆင်းနိုင်မည်ဖြစ်သည်။

ကော့ကရိတ်-မြဝတီလမ်းကြော ဒေါနတောင်တန်းပေါ်တွင် မိုးရာသီကာလအတွင်း တောင်ပြို၍လမ်းပိတ်သည့်နေရာများတွင် ကျောက်ညှပ်နှင့် မိုင်တိုင်အမှတ် ၇၉/၃ မှ ၇၉/၄ ရှိ ချောက်ကမ်းပါးနေရာများမှာ နှစ်စဉ်နီးပါး မြေပြိုမှုများရှိသဖြင့် ထိုင်း-မြန်မာနယ်စပ် ကုန်စည်စီးဆင်းမှု မကြာခဏ ရပ်တန့်ခဲ့ရသည့် လမ်းကြောဖြစ်သည်။

မြဝတီ-ကော့ကရိတ်လမ်းကြောတွင် ယခုကဲ့သို့ နယ်စပ်ကုန်သွယ်ရေး ထိခိုက်စေမည့် အနေအထားများကို မြန်မာနှင့်ထိုင်း ကုန်သည်များ စိုးရိမ်နေကြသည်။

မြန်မာကုန်သည်တဦးက “လမ်းတံတားကြေးတွေကိုတော့ အများကြီးကောက်တယ်။ မိုးတွင်းကာလမှာ ဒီလမ်းကြောရဲ့ ကြံ့ခိုင်မှုကိုကျတော့ ဂရုစိုက်မှုနည်းတာကြောင့် အခုလိုပြဿနာတွေ ဖြစ်ရတာပါ။ ဒီလမ်းကြောတလျှောက်မှာ လမ်းတံတားဌာနက ဘူဒိုဇာတွေ၊ မြေတူးစက်တွေ အရန်သင့်ထားမယ်ဆိုရင် အခုလိုမျိုး လမ်းပိတ်ရတဲ့အနေအထားထိ ရောက်စရာအကြောင်းမရှိဘူး” ဟု ပြောသည်။

နယ်စပ်မြဝတီမြို့နှင့် ရန်ကုန်မြို့သည် (၂၈၆) မိုင်ကွာဝေးပြီး ထိုင်း-မြန်မာနယ်စပ်ကုန်သွယ်မှုပြုရာ၌ နေ့ချင်းပေါက် ရောက်ရှိနိုင် သည့် ခရီးဖြစ်သောကြောင့် နယ်စပ်ကုန်သွယ်ရေးအတွက် အဓိကကျသည့် လမ်းကြောဖြစ်သည်။


နေပြည်တော်ဘူတာသစ်အနီး မြေပြိုမှုဖြစ်ပွား
မင်းနိုင်သူ / ၁၄ ဇူလိုင် ၂၀၀၉


နေပြည်တော်ဘူတာသစ်၏ ဘယ်ဘက် (၃) မိုင်ခန့်အကွာ မီးရထားသံလမ်းနံဘေးတွင် မြေပြိုမှုများဖြစ်ပွားနေကြောင်း ပျဉ်းမနားမြို့ခံတဦးက ပြောသည်။

၎င်းက “အဲဒီနားတ၀ိုက်မှာ စမ်းပေါက်တွေရှိတယ်ဗျ။ နောက်တချက်က အခုရက်ပိုင်း မိုးများတော့ သံလမ်းဘေးက မြေသားတွေ လျှောလျှောကျနေတာကို အသည်းအသန်ဖို့နေကြရတယ်” ဟု ပြောသည်။

အဆိုပါသံလမ်းဘေး မြေပြိုသဖြင့် မြေဖို့မှုလုပ်ငန်းများ လုပ်ကိုင်နေသည်မှာ ရက်သတ္တတပတ်ခန့်ရှိပြီဟု မီးရထားဝန်ထမ်းတဦးက ပြောသည်။

“စစ်သားတွေ မြေဖို့နေကြတာ တွေ့ရတယ်။ မီးရထားရုံပိုင်ကို အဲဒီအကြောင်း သတင်းသွားမေးတော့ ဘာမှမပြောနိုင်ပါဘူးလို့ ပြောတယ်။ ဘူတာသစ်ကြီးနားမှာလည်း မြေဖို့လုပ်ငန်းတွေ အခုထိလုပ်နေကြရတုန်းပဲ။ အဲဒီတကြောက နေရောင်ပြအင်းမြေတွေ အခုမှဖို့ပြီး ဆောက်ထားတာ။ ကျန်တဲ့ ဥတ္တရသီရီတို့၊ ဒဏ္ခိသီရိတို့ဆိုတဲ့ မြို့သစ်တွေကလည်း ဖို့မြေတွေပဲ” ဟု မျက်မြင်တွေ့ရှိခဲ့သူ အဆိုပါမြို့ခံက ပြောသည်။

နေပြည်တော်ဘူတာသစ်ကို ၂၀၀၆ ခုနှစ်မှ စတင်ကာ ရွာတော်ကျေးရွာအနီးတွင် အေရှားဝေါကုမ္ပဏီက ကန်ထရိုက်ယူ တည်ဆောက်ခဲ့ခြင်းဖြစ်ပြီး ယခုလ (၅) ရက်တွင် နေပြည်တော်-ရန်ကုန် ရထားခရီးစဉ်ကို စတင်ပြေးဆွဲခဲ့သည်။

နေပြည်တော်ဘူတာသစ် တည်ရှိရာနေရာသည် စမ်းပေါက်များ များလွန်းသည့်အတွက် မြေသားထိန်းသိမ်းမှု ရေရှည်မခံနိုင် ကြောင်း၊ စမ်းသပ်မောင်းနှင်သည့် စက်ခေါင်းတွဲ (၃) တွဲ တိမ်းမှောက်ခဲ့ဖူးသည်ဟုလည်း ပျဉ်းမနားမြို့ခံဖြစ်သူက ပြောသည်။


မြန်မာနိုင်ငံတွင် ၁၉၈၈ ခုနှစ်မတိုင်မီက ရထားလမ်းအရှည် (၁၉၆၇.၃၅) မိုင်ရှိခဲ့ရာမှ နောက်ပိုင်းတွင် ရထားလမ်းအရှည် (၁၂၆၁.၇၀) မိုင် တိုးချဲ့ဖောက်လုပ်ခဲ့သဖြင့် ယခုအခါ စုစုပေါင်း (၃၂၂၉.၀၅) မိုင် ရှိပြီဖြစ်ကြောင်းနှင့် ဘူတာပေါင်း (၈၂၁) အထိ ရှိလာပြီဖြစ်ကြောင်း နအဖအစိုးရ၏ စာရင်းများတွင် ဖော်ပြထားသည်။

ယခုနှစ်အစောပိုင်းကလည်း ရခိုင်ပြည်နယ် စစ်တွေမြို့တွင် စစ်အစိုးရက ရထားလမ်းတခု ဖောက်လုပ်ပေးခဲ့သော်လည်း အလျင်အမြန်ဖောက်လုပ်ခဲ့ခြင်းဖြစ်ရာ ယခုမိုးတွင်းတွင် သံလမ်းမြေသားပြိုမှုများ ဖြစ်နေကြောင်း စစ်တွေဒေသခံတဦးက ပြောသည်။


အေးရှားဝေါလ် ဆိပ်ကမ်းတွင် ပေါက်ကွဲမှုတရပ် ဖြစ်ပွား
မဇ္ဈိမသတင်းဌာန
အင်္ဂါနေ့၊ ဂျူလိုင်လ 14 ရက် 2009 ခုနှစ် 22 နာရီ 03 မိနစ်



နယူးဒေလီ။ ။ ရန်ကုန်တိုင်း အလုံမြို့နယ်ရှိ အေးရှားဝေါလ် ဆိပ်ကမ်းတွင် ပြင်းထန်သည့် ပေါက်ကွဲမှုတရပ် ယနေ့ ညနေပိုင်းတွင် ဖြစ်ပွားခဲ့ကြောင်း သိရသည်။

ပေါက်ကွဲမှုနှင့် ပတ်သက်ပြီး ဆိပ်ကမ်းချင်း နီးကပ်နေသည့် ဆိပ်ကမ်းတခုမှ ဝန်ထမ်းတဦးနှင့် အလုံမြို့နယ်ရှိ မီးသတ်တပ်ဖွဲ့ အဆိုအရ သိရခြင်း ဖြစ်သည်။

“ကြားမိပါတယ်။ ကျနော်ကတော့ သေချာ မသိပါဘူးခင်ဗျာ။ သိချင်ရင် အေးရှားဝေါလ် ဆိပ်ကမ်းကို မေးကြည့်ရင် အကုန်သိနိုင်ပါတယ်” ဟု အလုံမြို့နယ်ရှိ Myanmar Industrial ဆိပ်ကမ်းမှ ဝန်ထမ်းတဦးက ပြောသည်။

အလုံမြို့နယ် မီးသတ်တပ်ဖွဲ့မှ တာဝန်ကျ ပုဂ္ဂိုလ်တဦးက “ဘာဖြစ်တာလဲတော့ မသိဘူး။ ပေါက်ကွဲမှုတခု ဖြစ်တယ်လို့ပဲ သိရတယ်။ ကျနော်တို့ဆီကတော့ မသွားရဘူး ခင်ဗျာ။ အကုန်လုံးပြီးစီးမှ ကျနော်တို့ကို အကြောင်းကြားတယ် ခင်ဗျာ။ ၄ နာခွဲနဲ့ ၅ နာရီကြားမှာ ဖြစ်တယ်။ ဘာဆိုလဲတော့ ကျနော်တို့ မသိရဘူးခင်ဗျာ” ဟု ပြောသည်။

သို့သော်လည်း အေးရှားဝေါလ် ဆိပ်ကမ်းသို့ ဆက်သွယ်မေးမြန်းကြည့်ရာ ဆိပ်ကမ်းမှ တာဝန်ရှိသူတဦးက ငြင်းဆိုသည်။

သူက “မဟုတ်ပါဘူး။ ကျနော်တို့လည်း အတိအကျ မသိဘူး။ ဒီမှာတော့ ကျနော်တို့ မကြားဘူး” ဟု ပြောသည်။

ဤပေါက်ကွဲမှုနှင့် ပတ်သက်၍ အသေးစိတ် သိရှိနိုင်ရန် မဇ္ဈိမက ဆက်လက် စုံစမ်းဆဲဖြစ်သည်။


ဂျာနယ် စာမူကြမ်းများကို စီဒီဖြင့် တင်ပြရန် စာပေစိစစ်ရေး ညွှန်ကြား
နန်းဒေဝီ
အင်္ဂါနေ့၊ ဂျူလိုင်လ 14 ရက် 2009 ခုနှစ် 20 နာရီ 13 မိနစ်



နယူးဒေလီ (မဇ္ဈိမ) ။ ။ ရန်ကုန်အခြေစိုက် အပတ်စဉ်ထုတ် ဂျာနယ်များအနေဖြင့် စာမူကြမ်းကို စီဒီချပ်အတွင်း ထည့်သွင်းကာ တင်ပြရမည်ဟု စာပေစိစစ်ရေးဌာနက ယခုအခါ ညွှန်ကြားထားကြောင်း စုံစမ်း သိရှိရသည်။

ယခင်က စက္ကူများဖြင့်သာ တင်ပြရသော်လည်း ယခုအခါ PDF ဖိုင်အသွင်ပြောင်းကာ စီဒီအတွင်း ထည့်သွင်း တင်ပြရမည့် စည်းကမ်းသစ်ကို မြန်မာစစ်အစိုးရ ပြန်ကြားရေးဝန်ကြီးဌာန လက်အောက်ရှိ စာပေစိစစ်ရေးက ယခုလ ၉ ရက်နေ့တွင် ညွှန်ကြားလိုက်ကြောင်း ရန်ကုန်အခြေစိုက် ဂျာနယ်တိုက်များ အဆိုအရ သိရခြင်း ဖြစ်သည်။

“စီဒီနဲ့ စာမူကြမ်း (စီဒီနှင့်အတူ ပူးတွဲတင်ပြနေရသေးသည့် စာရွက်ဖြင့် စာမူကြမ်း) တွဲတင်ရတာ တလလောက်ရှိပြီ။ ဂျာနယ်တိုက်တွေ အားလုံး အဲဒါကို စနေကြပြီလေ။ သြဂုတ်လ ရောက်ရင်တော့ စာရွက်မလိုတော့ဘူးတဲ့” ဟု အပတ်စဉ်ထုတ် ဂျာနယ်တခုမှ အယ်ဒီတာ တဦးက မဇ္စျိမကို ပြောသည်။

စာမူကို PDF အသွင်းပြောင်းကာ စီဒီချပ်အတွင်း ထည့်သွင်း၍ တင်ပြရမည့် စည်းကမ်းချက်အပြင် အခြားသော လိုက်နာရမည့် စည်းကမ်းချက် ၈ ချက်ကိုပါ တပေါင်းထဲ ထုတ်ပြန်ကြေညာခဲ့ခြင်း ဖြစ်သည်။

ဖိုင်ထဲတွင် ဂျာနယ်အဖုံး၊ စာမျက်နှာများ အစီအစဉ်အလိုက် ပါဝင်ရမည်ဖြစ်ပြီး၊ အသုံးပြုသည့် Font စာလုံးအရွယ်အစားများနှင့် ဂျာနယ်အပိုင်း (က)၊ အပိုင်း (ခ) ဟူ၍ ဖိုင်နှစ်ဖိုင် ခွဲကာ တင်ပြရမည့် စည်းကမ်းလည်း ပါရှိသည်။ ထို့နောက် နောက်ဆက်တွဲ သီးခြားတင်ပြရန် လိုအပ်သည့် စာမျက်နှာများကို Memory Stick ဖြင့် တင်ပြရန်လည်း ကြေညာချက်ထဲတွင် ဖော်ပြထားသည်။

မူကြမ်းများကို စာပေစိစစ်ရေးသို့ ထိုကဲ့သို့ တင်ပြရာတွင် အပြီးသတ် နောက်ဆုံး စာမူအဆင့်အထိ ရောက်ရှိရန်အတွက် စီဒီဖြင့် စုစုပေါင်း ၃ ကြိမ် တင်ပြရကြောင်း ဂျာနယ်တိုက်မှ အယ်ဒီတာက ပြောသည်။

ယခုလို ညွှန်ကြားချက် စည်းကမ်းသစ်အရ ယခင်က A4 နှင့် A3 အရွယ်ရှိ စက္ကူဖြင့် ပုံနှိပ်ထုတ်၊ မိတ္တုကူး တင်ပြရသည့် ကုန်ကျစရိတ်နှင့်စာလျှင် ကျပ်ငွေ ၄ သောင်းကျော် သက်သာလာမည်ဟု ဂျာနယ်တိုက်အချို့က ခန့်မှန်းပြောဆိုကြသည်။

ယခင်က စက္ကူပေါ်တွင် ဖော်ပြရာ၌ မှုန်ဝါးသည့် ဓာတ်ပုံများကို ယခုအခါ စီဒီဖြင့် တင်ပြရသည့်အတွက် ပုံရိပ်များ ထင်ရှားလာမည်ဖြစ်သောကြောင့် အမြင်တိမ်းစောင်းမှု ကင်းရှင်းသွားနိုင်သည်ဟု ဆိုကြသည်။

သို့သော် စာမူကြမ်းများကို စီဒီအသွင်ဖြင့် စတင်ပြောင်းလဲ လုပ်ကိုင်နေသော်လည်း စာပေစိစစ်ရေးသည် ကွန်ပြူတာ အသုံးပြုရာတွင် ကျွမ်းကျင်မှုပိုင်းဆိုင်ရာ အားနည်းချက်များ ရှိနေသည့်အတွက် ယခင်ကလိုပင် စာမူကြမ်းကို ၂ ရက် အချိန်ယူ စစ်ဆေးနေရဆဲဖြစ်ကြောင်း သိရသည်။

“စိစစ်ရေးက စာမူကြမ်း (စာရွက်ဖြင့်) ကို လွှတ်လို့ မရသေးဘူး။ စာမူကြမ်းကြည့်လိုက်၊ စီဒီကြည့်လိုက်နဲ့။ အချိန်က အရင်ကလိုပဲ မပြောင်းလဲသေးပါဘူး။ မူကြမ်းကိုင်တာ ၂ ရက် ကြာနေတုန်းပါပဲ” ဟု ဂျာနယ်အယ်ဒီတာက ပြောသည်။

ဂျာနယ်မူကြမ်း တင်ပြရေးတွင် ယခုလို စနစ်အသစ် ပြောင်းလဲသည့် စည်းကမ်းချက်များ ထုတ်ပြန်ခဲ့သော်လည်း မဂ္ဂဇင်းတိုက်များကိုမူ သီးခြားညွှန်ကြားထားခြင်း မရှိသေးပါ။

ကားပစ္စည်း တင်သွင်းခွင့် မူဝါဒပြောင်း
မေကျော်
အင်္ဂါနေ့၊ ဂျူလိုင်လ 14 ရက် 2009 ခုနှစ် 20 နာရီ 10 မိနစ်



ချင်းမိုင် (မဇ္ဈိမ)။ ။ မြန်မာပြည်တွင်း မော်တော်ကားထုတ်လုပ်ရေး လုပ်ငန်းများအတွက် စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနက စက်မှုဇုန်အလိုက် ကားပစ္စည်းများ ပြန်လည်တင်သွင်းခွင့် ပြုလိုက်သည်။

ကားပစ္စည်းဈေးနှုန်း မြင့်တက်မှုနှင့် ရှားပါးမှုကြောင့် ရပ်ဆိုင်းလုနီးပါး ဖြစ်နေသော လက်ရှိ ကားထုတ်လုပ်ရေးကို ယခု မူဝါဒအသစ်ဖြင့် အစားထိုးနိုင်ရန် မြန်မာစစ်အစိုးရ ဝန်ကြီးဌာနက ယခုလ ၁၂ ရက်နေ့တွင် ထုတ်ပြန်လိုက်ခြင်း ဖြစ်သည်။

“စက်မှုဇုန်တွေအလိုက် ကားပစ္စည်းတင်သွင်းမယ့် ကုမ္ပဏီတွေ စာရင်းပေးလျှောက်ထားကြပါ။ သူ ခွင့်ပြုပေးပါ့မယ်လို့ စီးပွားကူးသန်းဝန်ကြီးက ဒီလ ၁၂ ရက်နေ့က ပြောပါတယ်” ဟု မန္တလေး စက်မှုဇုန်မှ တာဝန်ရှိသူတဦးက မဇ္ဈိမကို ပြောသည်။

၂၀၀၈ ခုနှစ် မတိုင်မီက ပြည်တွင်း ကားထုတ်လုပ်သူများကို ကားပစ္စည်း တင်သွင်းခွင့် ပြုခဲ့သော်လည်း ၂၀၀၈-၂၀၀၉ ဘဏ္ဍာနှစ်တွင် တင်သွင်းခွင့်ကို ဝန်ကြီးဌာနက ရန်ကုန်အခြေစိုက် ကုမ္ပဏီများဖြစ်သည့် TMC ၊ ဦးသမာဓိ၊ ရန်ကုန်မြန်မာနှင့် MOTHER Trading တို့ကိုသာ တင်သွင်းခွင့် ပြုခဲ့သည်။

ပြည်တွင်း ကားထုတ်လုပ်ရေး ကုမ္ပဏီများမှာ ကားအင်ဂျင်နှင့် ဆက်စပ်ပစ္စည်းများကို အဆိုပါ ကုမ္ပဏီ ၄ ခု ထံမှ တဆင့်ဝယ်ယူကြောင်း အထောက်အထားပြမှသာ အစိုးရ ကုန်းလမ်းပို့ဆောင်ရေးက မော်တော်ယာဉ် လိုင်စင် ထုတ်ပေးသည်။

တင်သွင်းခွင့်ရ အဆိုပါ ကုမ္ပဏီ ၄ ခုမှ ကားပစ္စည်းဈေး မြှင့်လာခြင်းအပြင် စက်ပစ္စည်းကို လိုသလောက် ဝယ်ယူမရခြင်းက ကားတပ်ဆင် ထုတ်လုပ်စရိတ် တက်လာကာ ကားဈေးကွက် ကျဆင်းလာရသည်ဟု ကားထုတ်လုပ်သူ အသိုင်းအဝိုင်းက ဆိုသည်။

လက်ရှိ ဂျစ်ကား တစင်းထုတ်လုပ်မှု ကုန်ကျစရိတ် ငွေကျပ် ၆၅ သိန်း ကုန်ကျပြီး ပြင်ပ ဈေးကွက်ပေါက်ဈေးမှာ ကျပ်သိန်း ၆၀ ဝန်းကျင်အောက်သာ ရှိနေသည်။

ပြည်တွင်းထုတ် လိုက်ထရပ် တစီးအတွက် အရင်းငွေ ကျပ် သိန်း ၈၀ ခန့် ကုန်ကျပြီး၊ အမျိုးအစားအလိုက် သိန်း ၁၀၀ မှ ၁၃၅ သိန်းကြား အရောင်းအဝယ် ဖြစ်နေသည်။

ပြည်တွင်း ကားထုတ်လုပ်ရေး လုပ်ငန်းမှာ အင်ဂျင်၊ ဂီယာ၊ ရေတိုင်ကီ အပါအဝင် စက်ပိုင်းဆိုင်ရာ ဆက်စပ်ပစ္စည်းများကို ပြည်ပမှ မှာယူတင်သွင်းရပြီး စက်မှုဇုန်များတွင် ဘော်ဒီပိုင်း၊ ခေါင်းနှင့် ဖရိန်ကိုသာ လုပ်ဆောင်တပ်ဆင်ကြသည်။

လတ်တလော ပြည်တွင်း တပ်ဆင်ယာဉ်များတွင် ကုန်တင်ယာဉ်ငယ် ထုတ်လုပ်မှုသာ အလုပ် အနည်းငယ် ဖြစ်နေပြီး၊ ဂျစ်ကားထုတ်လုပ်မှုမှာ ရပ်ဆိုင်းလုနီးပါး ဖြစ်နေရာမှ မူဝါဒအသစ် ထုတ်ပြန်လာပြီဖြစ်သဖြင့် ကား ထုတ်လုပ်မှု လုပ်ငန်းသည် ပြန်လည် လည်ပတ်နိုင်မည်ဟု ကားတပ်ဆင် ထုတ်လုပ်သူများက ခန့်မှန်းကြသည်။

KM ကားထုတ်လုပ်ရေးမှ ဦးကျော်မြင့်က ''လိုက်ထရပ် ၁၀၀ ထုတ်မယ်ဆိုရင် ဂျစ်ကား ၅ စီးလောက်ပဲ ပါတော့တယ်။ ဈေးကွက်ကလည်း လိုက်ထရပ်ကို ပိုကြိုက်တယ်။ အခု မူ ပြင်လိုက်တဲ့ အခါကျတော့ ကျနော်တို့ ဂျစ်ကားကို ထုတ်သင့်ရင် ပြန်ထုတ်မှာပါ'' ဟု ဆိုသည်။

ယခုအခါ ပြည်တွင်း ကားတပ်ဆင် ထုတ်လုပ်သည့် ရန်ကုန်၊ မန္တလေး၊ မုံရွာနှင့် တောင်ကြီး စက်မှုဇုန်များအလိုက် ကားပစ္စည်း တင်သွင်းခွင့်ကို လျှောက်ထားခွင့် ရပြီဖြစ်သဖြင့် စက်မှုဇုန်များအလိုက် ဆွေးနွေးနေကြကြောင်း သိရသည်။


နယ်စပ် ဝင်ပေါက်များမှတဆင့် ဝက်တုပ်ကွေး ကပ်ရောဂါအသွင် ကူးစက်နိုင်ဟုဆို
Tuesday, 14 July 2009 17:31 အောင်သက်ဝိုင်း
ထိုင်းနိုင်ငံတွင် ၀က်တုပ်ကွေးရောဂါ ကူးစက်လျက်ရှိရာ မြန်မာနိုင်ငံသို့ နယ်စပ်ဝင်ပေါက် များမှတဆင့် ကပ်ရောဂါအသွင် ကူးစက်ပျံ့ပွားနိုင်သည့် အခြေအနေ ရှိနေသည်ဟု သတင်းရရှိ သည်။

အထက်တန်း ကျောင်းသားများလည်း နှာခေါင်းစည်းများဖြင့် ဝက်တုပ်ကွေးကို ကာကွယ်နေကြ (ဓာတ်ပုံ - Getty Images)
ထိုင်းနိုင်ငံနှင့် နယ်နမိတ်ချင်း ထိစပ်လျက်ရှိသော နယ်စပ်ဒေသ ၀င်ပေါက်များတွင် ရောဂါကာကွယ် တားဆီး ရေး လုပ်ငန်းများ စနစ်တကျ မလုပ်ဆောင်နိုင်ခြင်း၊ ထိရောက်သော ရောဂါကာကွယ် တားဆီးရေးဆိုင်ရာ ခေတ်မီစက်ပစ္စည်းများ မရှိခြင်း၊ နယ်ဆေးရုံများတွင် ၀က်တုပ်ကွေးရောဂါ ကုသသည့် Tamiflu ဆေးဝါး အလုံအလောက်မရှိခြင်း တို့ကြောင့် မြန်မာပြည်သူများ အကြား ၀က်တုပ်ကွေးရောဂါ ကပ်ရောဂါ အသွင် ကူးစက် ပျံ့ပွားမှုဖြစ်ပေါ်ရန် အလားအလာများ လျက်ရှိကြောင်း နေပြည်တော် ကျန်းမာရေး ၀န်ကြီးဌာနမှ အမည်မဖော်လိုသည့် အရာရှိကြီးတဦးက ပြောသည်။

ထိုင်း - မြန်မာနယ်စပ်ဝင်ပေါက်များမှ မြန်မာနိုင်ငံတွင်း ၀င်ထွက် သွားလာနေသော လူဦးရေမှာ တရက်လျှင် ထောင်၊ သောင်းချီ ရှိနေပြီး တလလျှင် သိန်းချီရှိကြောင်း ကျန်းမာရေးဝန်ကြီးဌာနက တရားဝင် ထုတ်ပြန် သော အချက်အလက်များအရ သိရှိရသည်။ ၂ နိုင်ငံ နယ်စပ် ထိစပ်နေသည့် အရှည်မှာ မိုင် ၁၂၅၀ ရှိနေသည်။

“နယ်စပ်ဒေသတွေက ၀င်တဲ့ လူဦးရေက ရေကြောင်း၊ လေကြောင်းက ၀င်တဲ့ အရေအတွက်ထက် အဆ ပေါင်း များစွာပိုတယ်။ လောလောဆယ်စာရင်းတွေအရ ကမ္ဘာမှာ ၀က်တုပ်ကွေး စဖြစ်တဲ့ အချိန် ကတည်းက နှစ်လကျော်၊ သုံးလလောက်မှာကို ထိုင်း - မြန်မာနယ်စပ်ဒေသတွေက ၀င်ထွက်တဲ့ လူဦးရေ ၂ သန်းနီးပါး ရှိနေပြီ” ဟု ကိုးကားပြီး ကျန်းမာရေး ၀န်ထမ်းတဦးက ဆိုသည်။

အိမ်နီးနားချင်း ထိုင်းနိုင်ငံတွင် ၀က်တုပ်ကွေးရောဂါ ဖြစ်ပွားမှုအခြေအနေမှာ စိုးရိမ်စရာကောင်းသော အခြေအနေတွင် ရောက်ရှိနေပြီး ထိုင်းနိုင်ငံတွင်း A (H1N1) ၀က်တုပ်ကွေး ရောဂါ ကူးစက်ခံနေရသော လူနာအရေအတွက်သည် အစိုးရကြေညာထားသည်ထက် ပိုမိုများပြားနိုင်ကြောင်းနှင့် ထိုင်းနိုင်ငံရှိ ဖျားနာ နေသော လူနာများအားလုံးကို ဆေးစစ်ပေးရန်မှာလည်း မဖြစ်နိုင်ကြောင်း သတင်းများအရ သိရသည်။

ထိုင်းအစိုးရထုတ်ပြန်သော စာရင်းဇယားများအရ ထိုင်းနိုင်ငံတွင် ၀က်တုပ်ကွေးရောဂါ ကူးစက်ခံရသူ ၃၀၀၀ နီးပါး ရှိနေပြီး ရောဂါကြောင့်သေဆုံးသူ ၁၃ ဦးရှိနေပြီဟု သတင်းရရှိသည်။

“ထိုင်းတနိုင်ငံလုံးမှာရှိတဲ့ အင်တာနက်ကဖေးတွေနဲ့ ကျုရှင်တွေကို ဇူလိုင်လ ၁၃ ရက်နေ့ကနေ ၂၈ ရက်နေ့ထိပိတ်လိုက်ပြီ။ ထိုင်းနယ်စပ်က ၀င်လာမယ့်သူတွေကို လုံးဝအလွတ်မပေးဘဲ စောင့်ကြည့်ဖို့ လိုတယ်” ဟု မြ၀တီခရိုင် ကျန်းမာရေးဦးစီးဌာနမှ ၀န်ထမ်းတဦးကပြောသည်။

ထိုင်းနယ်စပ်မှ မြန်မာနိုင်ငံအတွင်း ၀င်ရောက်လာသူများ အားလုံးကို ၀က်တုပ်ကွေးရောဂါ ဗိုင်းရပ်စ်ပိုး သယ်ဆောင်လာခြင်း ရှိ၊ မရှိ စစ်ဆေးရန် နယ်စပ်ဒေသ ၀င်ပေါက်များတွင် ရောဂါစစ်ဆေးသည့် ခေတ်မီ စက်ပစ္စည်းများ မရှိကြောင်း၊ ၀င်ရောက်လာသူများကို သာမန် အပူချိန်တိုင်း ကိရိယာများနှင့်သာ ဖျားနာခြင်း ရှိ၊ မရှိ စစ်ဆေး နေရသည့်အတွက် ၀က်တုပ်ကွေး ရောဂါကာကွယ် တားဆီးရေးနှင့်ပတ်သက်၍ အခက်အခဲ ဖြစ်နေရကြောင်း သိရှိရသည်။

“ရန်ကုန်မှာဖြစ်သွားတဲ့ ၀က်တုပ်ကွေးရောဂါသည် ၂ ဦးစလုံးက လေဆိပ်မှာ မဖျားဘူး။ အိမ်ပြန်ရောက်သွားမှ ဖျားကြတာ။ ဒါတောင် ရန်ကုန်လေဆိပ်မှာ အဖျားရှိ၊ မရှိ စစ်ဆေးတဲ့ ကိရိယာတွေက နောက်ဆုံးပေါ် စက်တွေပါ” ဟု ကရင်ပြည်နယ် ကျန်းမာရေးအရာရှိကြီးက ဆိုသည်။

နယ်စပ်ဒေသများမှ ၀င်ရောက်လာသူများကို စစ်ဆေးရာ၌ နားထဲသို့ ထည့်သည့် အဖျားရှိ၊ မရှိ စစ်ဆေး ရသော အပူချိန်တိုင်းတာ ကိရိယာငယ် များဖြင့်သာ စစ်ဆေးပေးပြီး ၀င်ရောက်လာသူများ နေထိုင်မည့် နေရပ်လိပ်စာများကိုလည်း သေသေချာချာ မှတ်သားနိုင်ခြင်း မရှိကြောင်း မြန်မာ - ထိုင်း နယ်စပ်ဝင်ပေါက်များတွင် ကျန်းမာရေးစစ်ဆေးနေသော ကျန်းမာရေးမှူးများက ပြောသည်။

“ရန်ကုန်က ဝက်တုပ်ကွေး ရောဂါသည်တွေလို အိမ်ရောက်မှ ဖျားတဲ့ လူနာတွေ နယ်မြို့တွေမှာ အများကြီး ရှိနိုင်ပါတယ်” ဟု နယ်စပ် ကျန်းမာရေးမှူး တဦးက ဆိုသည်။

ထို့ပြင် ဆေးရုံများတွင် ၀က်တုပ်ကွေးရောဂါ ကုသနိုင်သော Tamiflu ဆေးဝါး လုံးဝမရှိဘဲ ရောဂါ ဖြစ်ပွား သည်ကို တွေ့ရှိမှသာ ကျန်းမာရေး ၀န်ကြီးဌာနမှ အရေးပေါ် ဆေးဝါးမှာယူရမည့် အနေအထား ဖြစ် နေကြောင်း ကရင်ပြည်နယ် ဆေးရုံတရုံမှ တာဝန်ခံ ဆေးရုံအုပ်တဦးက ရှင်းပြသည်။

“နယ်ဆေးရုံတွေမှာ Tamiflu ဆေးရတဲ့ ဆေးရုံလည်းရှိတယ်။ လုံးဝမရတဲ့ ဆေးရုံလည်း ရှိတယ်။ ဆေးရထားတဲ့ ဆေးရုံဆိုတာကလည်း လူနာတဦး၊ နှစ်ဦး ကုသဖို့လောက်ပဲ ရကြတာ။ တကယ်တမ်း ကပ်ရောဂါပုံစံလို အများကြီး ဖြစ်လာရင် ကုသပေးနိုင်ဖို့ မလွယ်ဘူး” ဟု အမည်မဖော်လိုသော
အဆိုပါ ဆေးရုံအုပ်က ရှင်းပြသည်။

မြန်မာနိုင်ငံ နယ်စပ်ဒေသများနှင့် နယ်မြို့များတွင် ၀က်တုပ်ကွေး ရောဂါနှင့်ပတ်သက်ပြီး သေသေချာချာ သိရှိနားလည်မှု မရှိခြင်းကလည်း အမှန်တကယ် ရောဂါ ကူးစက်မှု ဖြစ်ပွားလာလျှင် မထိန်းချုပ်နိုင်သော အဆင့်သို့ ရောက်ရှိစေနိုင်သည့် အချက်တချက် ဖြစ်သည်ဟု ဆိုသည်။

“နယ်ကလူတွေ ဒီရောဂါအကြောင်း အသေအချာကို မသိသေးဘူး။ ရောဂါအကြောင်းမသိရင် ရောဂါ ဖြစ်လို့ ဖြစ်မှန်း မသိဘဲ ကိုယ့်ဆွေမျိုးသားချင်း အသိုင်းအ၀န်းကို ကူးစက်မယ်။ အဲဒီဆွေမျိုး သားချင်း တွေကနေ တဆင့် လူအဖွဲ့အစည်းတခုလုံးကို ထပ်ပြီးကူးစက်မယ်။ နောက်ဆုံး ထိန်းမနိုင်၊ သိမ်းမနိုင် ဖြစ်သွားနိုင်တယ်။ လူတွေကို ဒီတုပ်ကွေးရောဂါအကြောင်း သေသေချာချာ ရှင်းပြဖို့ လိုတယ်” ဟု နယ်မြို့များတွင် တာဝန်ထမ်း ဆောင်ဖူးသည့် ကျန်းမာရေး ၀န်ထမ်းတဦးက ရှင်းပြသည်။

မြန်မာနိုင်ငံတွင် ပထမဆုံးသော ၀က်တုပ်ကွေး ရောဂါပိုးကို မေလ ၂၆ ရက်နေ့၌ စင်ကာပူနိုင်ငံမှ ပြန်လာ သော အသက် ၁၃ နှစ်အရွယ် မိန်းကလေးတွင် တွေ့ရှိခဲ့ရပြီး ဒုတိယမြောက်လူနာအဖြစ် ဇူလိုင်လ ၆ ရက်က ထိုင်းနိုင်ငံမှ ပြန်လာသည့် အသက် ၂၀ အရွယ် အမျိုးသားတဦးထံတွင် တွေ့ရှိရသည်ဟု ကျန်းမာရေး ၀န်ကြီးဌာနက တရားဝင်ထုတ်ပြန်ထားသည်။

မက္ကဆီကို နိုင်ငံတွင် ၀က်တုပ်ကွေးရောဂါ စတင်ဖြစ်ပွားသည့် ဧပြီလ ၂၈ ရက်မှ စပြီး ဇူလိုင် ၉ ရက်နေ့အထိ မြန်မာနိုင်ငံတွင်းသို့ ရေကြောင်း၊ လေကြောင်းနှင့် နယ်စပ်ဒေသများမှ ၀င်ရောက်သူ ၂ သန်းနီးပါးကို ၀က်တုပ်ကွေး ရောဂါ ရှိ၊ မရှိ စစ်ဆေးထားနိုင်ပြီဟု စစ်အစိုးရ ကျန်းမာရေး ၀န်ကြီးဌာနက ဆိုသည်။

ဝက်တုပ်ကွေးရောဂါ ကူးစက်မှုကြောင့် ကမ္ဘာ့နိုင်ငံပေါင်း ၁၃၅ နိုင်ငံရှိ လူဦးရေ ၉ သောင်းကျော်တွင် ကူးစက်ခံနေရပြီး သေဆုံးသူ ၄၀၀ ကျော်ရှိလာပြီဖြစ်ကြောင်း ကမ္ဘာ့ကျန်းမာရေးအဖွဲ့(WHO) ၏ ထုတ်ပြန် ချက်များအရ သိရသည်။


အလုပ်သမား နိုင်ငံကူးလက်မှတ် နယ်စပ်တွင် ထုတ်ပေးပြီ
Tuesday, 14 July 2009 19:24 အေးလဲ့
ထိုင်းနိုင်ငံသို့ နယ်စပ်ဖြတ်ကျော် သွားရောက်ပြီး တရားဝင် အလုပ် လုပ်ကိုင်နိုင်ရန်အတွက် ယာယီ နိုင်ငံကူးလက်မှတ် ၁ သောင်း ထုတ်ပေးရေး အစီအစဉ်ကို ထိုင်း-မြန်မာ နှစ်နိုင်ငံ အာဏာပိုင်တို့ စတင် ဆောင်ရွက်လျက်ရှိသည်။

ထိုအစီအစဉ်စတင်ခဲ့သည့် သောကြာနေ့က ထိုင်းနိုင်ငံတွင် တရားမဝင် ရောက်ရှိနေသည့် အလုပ်သမား ၃ဝ ကို ကော့သောင်းမြို့တွင် တရားဝင် နိုင်ငံကူးလက်မှတ်စာအုပ် နေ့ချင်းပြီး ထုတ်ပေးခဲ့သည်ဟု စစ်အစိုးရ သတင်းစာများတွင် ရေးသားထားသည်။

ထိုအစီအစဉ်အတွက် နိုင်ငံသားလက်မှတ် စိစစ်သည့် ဌာနများကို ထိုင်း-မြန်မာ နယ်စပ်မြို့များ ဖြစ်သည့် ကော့သောင်း၊ မြဝတီ နှင့် တာချီလိတ် တို့တွင် ဖွင့်လှစ်ထားသည်ဟု သိရသည်။

ထိုင်းနိုင်ငံတွင် ရောက်ရှိနေသော သန်းနှင့်ချီသည့် မြန်မာပြည်သားများအတွက် ထိုအစီအစဉ်မှာ အလုပ်ဖြစ်လိမ့်မည်မဟုတ်ဟု ထိုင်းအခြေစိုက် မြန်မာအလုပ်သမားအဖွဲ့တဖွဲ့က သုံးသပ်လိုက်သည်။

“လက်ရှိဖြစ်နေတာက ဒီစနစ်ကို ထိုင်းနိုင်ငံမှာရှိနေတဲ့ မြန်မာတွေက အစိုးရကို မယုံဘူး၊ မယုံတဲ့ အတွက် သူတို့ နာမည်၊ နေရပ်လိပ်စာကို အမှန်မပေးရဲဘူး၊ မှတ်ပုံတင်နံပါတ်အရင်းကို မပေးရဲကြဘူး” ဟု မဲဆောက် အခြေစိုက် ရောင်ခြည်ဦး အလုပ်သမားရေး အဖွဲ့မှ ဦးမိုးဆွေက ပြောသည်။

“သူတို့လုပ်နေတာတော့ ကြာပြီ၊ မြန်မာအစိုးရဘက်က ပူးပေါင်းဆောင်ရွက်မှု နည်းတော့ သူတို့မလုပ်နိုင်တာ၊ မြန်မာ၊ ကမ္ဘာဒီးယား၊ လာအို နိုင်ငံသားတွေရဲ့ ထိုင်းနိုင်ငံမှာ လုပ်ထားတဲ့ မှတ်ပုံတင် စာရင်း၊ ဒီစာရင်းတွေကို သက်ဆိုင်ရာ နိုင်ငံတွေမှာ ပြန်စစ်ခိုင်းမယ်၊ မှန်တယ် ဆိုရင် ထိုင်းနိုင်ငံကို ပြန်ပို့မယ်၊ နောက်မှ တဆင့် ထိုင်းအစိုးရ နဲ့ လုပ်ငန်းရှင်တွေက စားရင်းအရ နယ်စပ်မှာသွားပြီး စာရင်းသွင်း ဖို့ကြိုးစားတာပါ” ဟု ဦးမိုးဆွေက ပြောသည်။

မြန်မာပြည်သားတို့သည် ၂ နှစ် သက်တမ်းရှိသော အဆိုပါ ယင်း ယာယီနိုင်ငံကူး လက်မှတ်ဖြင့် ထိုင်းနိုင်ငံတွင် အလုပ် လုပ်ကိုင်ခွင့် ရမည် ဖြစ်သည်။ ၂ နှစ် ပြည့်ပါက သက်တမ်း ထပ်မံတိုးနိုင်သည်ဟု သိရသည်။

၂ဝ၁ဝ ဖေဖော်ဝါရီ ၂၈ ရက်နေ့ နောက်ဆုံးထားပြီး ရွှေ့ပြောင်း လုပ်သားများအားလုံး၏ နိုင်ငံသား ဖြစ်မှုကို စိစစ်မှုပြုသွားရန် ထိုင်းအစိုးရက စီစဉ်ထားသည်။

ယခုကဲ့သို့သော ယာယီ နိုင်ငံကူး လက်မှတ် ထုတ်လုပ်ပေးမှုကို ၂ဝဝ၆ ခုနှစ်ကလည်း မြန်မာ နှင့် ထိုင်း နှစ်နိုင်ငံ သဘောတူညီ မှုဖြင့် တကြိမ် ဆောင်ရွက်ခဲ့ရာ အောင်မြင်စွာ အကောင်အထည် ဖော်နိုင်ခြင်း မရှိခဲ့ပေ။


မွန်ပြည်သစ်ပါတီက ပြည်သူ့စစ်ပုံစံ အသွင်ပြောင်းရန်ကိုလည်း လက်မခံဟုဆို
Tuesday, 14 July 2009 19:09 ရန်ပိုင်
စစ်အစိုးရ၏ ပြည်သူ့စစ်ပုံစံ ဖွဲ့စည်းရေး ကမ်းလှမ်းချက်ကို အပစ်အခတ် ရပ်စဲထားသည့် မွန်ပြည်သစ်ပါတီ (NMSP) က လက်ခံလိမ့်မည်ဟု မထင်ကြောင်း ထိုင်း - မြန်မာ နယ်စပ် ဆန်ခလာဘူရီ အခြေစိုက် မွန်ပြည်သစ်ပါတီမှ ပြောရေးဆိုခွင့်ရှိသူ တဦးက ဆိုသည်။

“တိုင်းမှူးရဲ့ ကမ်းလှမ်းချက်က ပြည်သူ့စစ်ပုံစံ ဖွဲ့စည်းဖို့ပါပဲ။ သိပ်လည်း ထူးထူးခြားခြား မဟုတ်ပါဘူး။ ဒါကလည်း နယ်ခြား စောင့်တပ် ဖွဲ့စည်းရေးနဲ့ အတူတူပါပဲ။ သူတို့အမိန့်ကို နာခံရမှာပဲ။ NMSP အနေနဲ့ကတော့ လက်ခံဖို့ မရှိပါဘူး” ဟု ၎င်းက ပြောသည်။

NMSP နှင့် မြန်မာစစ်အစိုးရသည် ဇွန်လ ၇ ရက် နေ့တွင် အရှေ့တောင်တိုင်း စစ်ဌာနချုပ် တိုင်းမှူး ဗိုလ်မှူးချုပ် သက်နိုင်ဝင်း နှင့် တကြိမ် ၊ ဇွန်လ ၂၉ ရက်နေ့တွင် စစ်ဖက်ဆိုင်ရာ လုံခြုံရေး အရာရှိချုပ် ဒုတိယ ဗိုလ်ချုပ်ကြီး ရဲမြင့် နှင့် တကြိမ် မော် လမြိုင်မြို့၌ တွေ့ဆုံဆွေးနွေး ခဲ့ကြသည်။ ယင်း ဆွေးနွေးပွဲများတွင် မွန်ပြည်သစ်ပါတီကို နယ်ခြားစောင့် တပ်ပုံစံ (သို့မဟုတ်) ပြည်သူ့စစ် ပုံစံဖြင့် ဖွဲ့စည်းရန် ကမ်းလှမ်းခဲ့သည်။

မွန်ပြည်သစ်ပါတီ အနေနှင့် ယခုလ ၂၅ ရက်နေ့တွင် စစ်အစိုးရ၏ ကမ်းလှမ်းချက်နှင့် ပတ်သက်ပြီး ဗဟိုကော်မတီ အရေးပေါ် အစည်းအဝေး ခေါ်ယူရန်ရှိသည်ဟု သိရသည်။

“NMSP အနေနဲ့ကတော့ အရင်က ချမှတ်ခဲ့တဲ့ မူအတိုင်းပါပဲ။ ရွေးကောက်ပွဲပြီးလို့ တက်လာမယ့် အစိုးရသစ်နဲ့ပဲ စကား ပြောမယ်။ လက်ရှိ ကမ်းလှမ်းချက်ဖြစ်တဲ့ နယ်ခြားစောင့်တပ် ဖွဲ့စည်းရေးကိုရော၊ ပြည်သူ့စစ်ပုံစံ ဖွဲ့စည်းရေးကိုပါ လက်ခံ မှာ မဟုတ်ဘူး” ဟု မွန်ပြည်သစ်ပါတီ ပြောရေးဆိုခွင့်ရှိသူက ဆက်ပြောသည်။

မွန်ပြည်သစ်ပါတီသည် စစ်အစိုးရ၏ အမျိုးသားညီလာခံတွင် လေ့လာသူအဖြစ်သာ တက်ရောက်ခဲ့ပြီး ဖွဲ့စည်းပုံအခြေခံ ဥပဒေ ကိုလည်း လက်မခံပေ။ လာမည့် ၂၀၁၀ ရွေးကောက်ပွဲတွင်လည်း ၀င်ရောက် အရွေးခံမည် မဟုတ်ဟု ကြေညာ ထားသော အပစ်အခတ် ရပ်စဲရေး အဖွဲ့တစ်ဖွဲ့လည်းဖြစ်သည်။

တချိန်တည်းမှာပင် စစ်အစိုးရနှင့် အပစ်အခတ်ရပ်စဲရေး သဘောတူညီထားသည့် တခြား တိုင်းရင်းသားအဖွဲ့ တခုဖြစ်သော ကချင်လွတ်မြောက်ရေးအဖွဲ့ (KIO) ကလည်း နယ်ခြားစောင့်တပ်ဖွဲ့ ပုံစံမျိုးမဟုတ်ဘဲ ကချင်ပြည်နယ် လုံခြုံရေး တပ်ဖွဲ့ (State Security Force - SSF) အနေဖြင့်သာ ဖွဲ့စည်းလိုကြောင်း မြန်မာစစ်အစိုးရထံ တင်ပြခဲ့သည်။

ထိုင်းနိုင်ငံတွင် လက်ရှိနေထိုင်နေသော (KIO) ဗဟိုကော်မတီဝင် ဗိုလ်မှူးကြီး James Lun Dau ကလည်း ဇူလိုင်လ ၈ ရက်မှ ၁၁ ရက်နေ့အထိ မြစ်ကြီးနားမြို့၌ မြောက်ပိုင်းတိုင်း တိုင်းမှူး ဗိုလ်မှူးချုပ် စိုးဝင်းနှင့်တွေ့ဆုံရာတွင် တပ်ဖွဲ့ဝင် များအသွင်ပြောင်းရေးနှင့် ပတ်သက်၍ ကချင် အပစ်အခတ် ရပ်စဲရေး ခေါင်းဆောင်များ၏ အဆိုပြုချက်ကို တင်ပြခဲ့သည်။

“အစိုးရအနေနဲ့ ကျနော်တို့ရဲ့ ကမ်းလှမ်းချက်ကို စဉ်းစားနေတယ်လို့ ထင်ပါတယ်” ဟု ဗိုလ်မှူးကြီး James Lun Dau က ဆိုသည်။ စစ်အစိုးရက KIO ထံသို့ တရားဝင်တုန့်ပြန်မှုများ မပြုလုပ်သေးပေ။

အလားတူ စစ်အစိုးရ နှင့် အပစ်အခတ် ရပ်စဲထားသော တခြား တိုင်းရင်းသား လက်နက်ကိုင် တပ်ဖွဲ့များကိုလည်း ၂၀၁၀ ရွေးကောက်ပွဲအပြီး နယ်ခြားစောင့် တပ်ဖွဲ့ ဖွဲ့စည်းရန် ကမ်းလှမ်းခဲ့သေးသည်။

တချို့သော အပစ်အခတ်ရပ်စဲရေးအဖွဲ့များ အနေနှင့်မူ စစ်အစိုးရပေါ်တွင် အယုံအကြည်မရှိကြောင်း၊ ဒေါ်အောင်ဆန်း စုကြည်ကဲ့သို့သော ငြိမ်းချမ်းရေး နိုဘဲလ် ဆုရှင်ကိုပင် ဖမ်းချုပ်ထားသည့် အစိုးရအနေနှင့် ၎င်းတို့၏ နယ်ခြားစောင့် တပ်များကို အချိန်မရွေး ဖျက်သိမ်းနိုင်ကြောင်း ပြောဆိုကြသည်။

တိုးတက်သော ဗုဒ္ဓဘာသာ ကရင်အမျိုးသား တပ်ဖွဲ့ (DKBA)၊ ဗကပ ခွဲထွက်အဖွဲ့တခုဖြစ်သည့် ဦးဇခုန်တိန်ယိန်း ခေါင်းဆောင်သော ကချင်ပြည်သစ် တပ်မတော် (NDAK) တို့သည် စစ်အစိုးရ၏ နယ်ခြားစောင့်တပ်ဖွဲ့ ဖွဲ့စည်းရေးကို လက်ခံထားသော အဖွဲ့များဖြစ်သည်။

ကရင်အမျိုးသား အစည်းအရုံး (KNU) မှ ခွဲထွက်ထားသော အဖွဲ့တစ်ဖွဲ့ ဖြစ်သည့် ဗိုလ်မှူးချုပ်ထိန်မောင် ဦးဆောင်သော ကရင်ငြိမ်းချမ်းရေး ကောင်စီ အဖွဲ့သည် နယ်ခြားစောင့်တပ် အသွင်ကူးပြောင်းပြီး မွန်ပြည်နယ် ဘုရားသုံးဆူ ဒေသကို တာဝန်ယူမည်ဟု သိရသည်။

အကျဉ်းသား လွှတ်မည့်သတင်း အတိုက်အခံတို့ သံသယရှိ
Tuesday, 14 July 2009 18:41 ဇာနည်ဝင်း
အကျဉ်းသားများကို လွှတ်ပေးမည်ဟု ကုလသမဂ္ဂရှိ စစ်အစိုးရ သံအမတ်ကြီး၏ ယမန်နေ့က ပြောကြားချက်အပေါ် နိုင်ငံရေးသမားများနှင့် လူ့အခွင့်အရေး လှုပ်ရှားသူများက သံသယရှိနေ ကြသည်။

အကျဉ်းသားများကို ရွေးကောက်ပွဲတွင် ပါဝင်နိုင်ရေး အတွက် လွတ်ငြိမ်း ချမ်းသာခွင့် ပေးမည်ဟု ကုလသမဂ္ဂ ဆိုင်ရာ မြန်မာ စစ်အစိုးရ သံအမတ်ကြီး ဦးသန်းဆွေက ကုလသမဂ္ဂ လုံခြုံရေးကောင်စီ အဖွဲ့ဝင်နိုင်ငံများမှ ကိုယ်စားလှယ်များကို ပြောကြားခဲ့သည်။

ဦးသန်းဆွေ၏ ပြောကြားချက်များမှာ အဓိပ္ပာယ် ရှင်းလင်းခြင်း မရှိကြောင်း အမျိုးသား ဒီမိုကရေစီ အဖွဲ့ချုပ်က ပြောသည်။

“သံအမတ်ကြီး ပြောတာကတော့ မရှင်းလင်းဘူး၊ သူ ပြောသွားတဲ့ထဲမှာ နိုင်ငံရေး အကျဉ်းသား ဆိုတဲ့ စကားလုံး မပါဘူး” ဟု အမျိုးသား ဒီမိုကရေစီ အဖွဲ့ချုပ် ပြောခွင့်ရ ပုဂ္ဂိုလ် ဦးဉာဏ်ဝင်းက ဧရာဝတီကို ပြောပြသည်။

ယခင်က အကျဉ်းသားများ လွှတ်ပေးရာတွင်လည်း နိုင်ငံရေးအကျဉ်းသား ပါဝင်မှု အလွန်တရာ နည်းပါးသည်ဟု ဦးဉာဏ်ဝင်းက ထောက်ပြသည်။

ထိုင်းမြန်မာနယ်စပ် အခြေစိုက် နိုင်ငံရေး အကျဉ်းသားများ ကူညီ စောင့်ရှောက်ရေး အသင်း (AAPP) ကလည်း အလားတူ ယူဆနေသည်။

“ဟိုတခါလည်း ရွေးကောက်ပွဲတွင် ပါဝင်နိုင်ရေး အတွက် ဆိုပြီး လူ ၉ဝဝဝ ကျော် လွှတ်တာ နိုင်ငံရေးအကျဉ်းသားက ၁ဝ ယောက်မပြည့်ဘူး” ဟု AAPP ၏ အတွင်းရေးမှူး ကိုတိတ်နိုင်က ပြောသည်။

ကုလသမဂ္ဂ နှင့် နိုင်ငံတကာ အစိုးရများက မြန်မာအာဏာပိုင်တို့၏ ပြောဆိုမှုကို အလွယ်တကူ မယုံစားသင့်ဟု ကိုတိတ်နိုင်က ဆိုသည်။

စစ်အစိုးရက အကျဉ်းသား အရေအတွက် ထောင်နှင့်ချီပြီး လွတ်ငြိမ်းချမ်းသာခွင့် ပေးလေ့ရှိသည့် အချိန်မှာ နိုင်ငံတကာ ညီလာခံများတွင် မြန်မာနိုင်ငံနှင့် ပတ်သက်သည့် ဆုံးဖြတ်ချက်များ ချမှတ်တော့မည့် ကာလ၊ ကုလသမဂ္ဂ အထူးအရာရှိများ မြန်မာပြည်သို့ သွားရောက်သည့် ကာလတို့နှင့် တိုက်ဆိုင်နေတတ်သည်။

ထို့ကြောင့် နိုင်ငံတကာ ဖိအား ကြီးမားလာချိန်တွင် စစ်အစိုးရက နိုင်ငံရေး အကျဉ်းသားတချို့ကို လွှတ်ပေးတတ်ကြောင်း အတိုက်အခံများက ဝေဖန်ကြခြင်း ဖြစ်သည်။

လူ့အခွင့်အရေး အဖွဲ့များ၏ စာရင်းအရ မြန်မာပြည်အနှံ့ အကျဉ်းထောင်များတွင် နိုင်ငံရေး အကျဉ်းသား ၂ဝဝဝ ကျော် ရှိနေသည်။

အကျဉ်းသား အရေအတွက် နိုင်ငံရေး အကျဉ်းသား ပါဝင်မှု လွှတ်ပေးသည့် ကာလ မှတ်ချက်
၆၃၁၃ ၃၁ ၂၀၀၉ ဖေဖော်ဝါရီ ကုလ အရာရှိ အိုဟေး ကင်တားနား၏ မြန်မာပြည် ခရီးစဉ် အပြီးတွင် လွှတ်ပေးခြင်း ဖြစ်သည်။
၉၀၀၂ ၉ ၂၀၀၈ စက်တင်ဘာ ၂၀၁၀ ရွေးကောက်ပွဲတွင် ပါဝင်ရန် လွှတ်ပေးခြင်း ဖြစ်ကြောင်း အာဏာပိုင်တို့က ကြေညာသည်။

၈၅၈၅ ၂၀ ၂၀၀၇ နိုဝင်ဘာ အမျိုးသား ညီလာခံ ကျင်းပ ပြီးစီးခြင်း အထိမ်းအမှတ် အဖြစ် လွှတ်ပေးခြင်း ဖြစ်ကြောင်း အာဏာပိုင်တို့က ကြေညာသည်။
၄၀၀ ခန့် ၃၄၁ ၂၀၀၅ ဇူလိုင် အာဆီယံ အလှည့်ကျ ဥက္ကဋ္ဌ တာဝန် ရယူရေး ကြိုးပမ်းစဉ် ကာလက လွှတ်ပေးခြင်းဖြစ်သည်။
၁၄၃၁၈ ၆၀ ၂၀၀၄ နိုဝင်ဘာ၊ ဒီဇင်ဘာ အမျိုးသား ထောက်လှမ်းရေး အဖွဲ့ကို ဖျက်သိမ်းပြီးနောက် ယင်းအဖွဲ့၏ မလျော်မကန် ဖမ်းဆီး အကျဉ်းချခြင်း ခံထားရသူများကို လွှတ်ပေးခြင်းဖြစ်သည်ဟု ဆိုသည်။


စီးပွားကျလာတဲ့ လူပြတိုက်
Tuesday, 14 July 2009 15:36 အေးချမ်းမြေ့
သူတို့ကို နိုင်ငံခြားသားများက “Human Zoo” ဟု ခေါ်ဝေါ်ကြသည်။ သူတို့က မှန်ဘီရိုထဲတွင် အလှပြထားသည့် အရုပ်များနှင့်လည်း တူနေသည်။ တကယ်လည်း သူတို့က အလှပြ ခံထားရသူများ ဖြစ်သည်။


သို့သော် သူတို့သည် လူသားများသာဖြစ်ကြပြီး တခြား တခြားသော လူသားများကဲ့သို့ပင် အသွေးအသားနှင့် ဖွဲ့စည်းထားသူများဖြစ်သည်၊ တခြားသူများကဲ့သို့ အစာစားသည်၊ ရေသောက်သည် ပြီးတော့ တခြားသူများ လိုပင် နာဖျားမကျန်းဖြစ်ကြသည်။ တကယ်တော့ သူတို့သည် တိရစ္ဆာန်ရုံထဲတွင် ထည့်ပြခံထားရသော တိရစ္ဆာန်များနှင့်မခြား လူပြတိုက်ထဲက လူသားများပင်။

နန်းစွယ်ရွာတွင် နေထိုင်သည့် ပဒေါင်အမျိုးသမီးတဦး (ဓာတ်ပုံ - ကိုခိုင်/ဧရာဝတီ)
ထိုင်းနိုင်ငံမြောက်ပိုင်း မယ်ဟောင်ဆောင်နယ် အတွင်းရှိ နန်းစွယ် ရွာတွင်တည်ရှိသော ပဒေါင်တိုင်းရင်းသား (အများအခေါ် လည်ပင်းရှည်) ရွာကလေးကို ပြကာ ထိုင်းအာဏာပိုင်များနှင့် ထိုင်း စီးပွားရေးကုမ္ပဏီများက ငွေရှာကြသည်မှာ ယခုဆိုလျှင် ၁၀ နှစ်ကျော်ခဲ့ပြီဖြစ်သည်။

ထိုတိုင်းရင်းသား ကျေးရွာများထဲသို့ ဝင်ကြည့်ချင်သည့် နိုင်ငံခြားသား ဧည့်သည်တဦးလျှင် ဝင်ကြေး ဘတ်ငွေ ၂၅၀ (၇၅၀၀ ကျပ်ကျော်) ပေးဆောင်ရသည်။

ယခင်က ဧည့်သည်အလာများသော်လည်း ယခုနှစ်ဆန်းမှစ၍ ဧည့်သည်အလာကျဲသောကြောင့် ထိုင်း ကုမ္ပဏီများ အရှုံးပေါ်ကြရာ တိုင်းရင်းသားများကို ပေးနေကျ တဦးအတွက် တလ ဘတ်ငွေ ၁ ထောင် (ကျပ် ၃ သောင်းကျော်) မှ ဘတ် ၁၅၀၀ (ကျပ်ငွေ ၄ သောင်းခွဲကျော်) နှင့် ရိက္ခာ ပဲ၊ ငါးသေတ္တာ အစရှိသည်တို့ မရရှိတော့ကြောင်း ပဒေါင် တိုင်းရင်းသား နန်းစွယ်ရွာလူကြီး ဦးလဒူက ပြောပြသည်။



“ရိက္ခာအနေနဲ့ ဆန်တမျိုးပဲ ရတော့တာ ၆ လ၊ ၇ လ လောက်ရှိပြီ။ ပုံမှန်မရတာက ၈ နှစ်လောက် ရှိပြီ။ ဒါပေမယ့် ရလိုက် မရလိုက်ပေါ့။ ဒီနှစ်ကတော့ အဆိုးဆုံးပဲ။ ရနေကျ ငွေလည်းမရဘူး၊ ဟင်းစားလည်း ဘာမှမရတော့ဘူး။ ဆေးဝါးကုသဖို့ အခက်အခဲဖြစ်တယ်” ဟု သူက ဆိုသည်။

ထိုရွာကလေးတွင် ပဒေါင် (လည်ပင်းရှည်) နှင့် ကယော (နားပေါက်ကျယ်) တိုင်းရင်းသား ၉၄ ဦး နေထိုင် ကြပြီး လည်ပင်းကို ကြေးကွင်းစွပ်ထားသည့် ပဒေါင်တိုင်းရင်းသား အရေအတွက်မှာ ၂၃ ဦး ရှိသည်ဟု သိရသည်။

ပဒေါင်တိုင်းရင်းသားများသည် မြန်မာပြည် ကယားပြည်နယ်အတွင်း၊ ဒီမောဆိုး တဝိုက်ရှိရွာများမှ ထိုင်းနိုင်ငံ ဘက်သို့ လွန်ခဲ့သည့် နှစ် ၂၀ ကာလကတည်းက တဖြည်းဖြည်း ထွက်လာကြသူများဖြစ်ကြသည်။ မြန်မာပြည်တွင်း၌ စီးပွားရေးအခြေအနေ ချွတ်ခြုံကျသောကြောင့်၊ မိုးခေါင် ရေရှားသဖြင့် စိုက်ပျိုးရေး လုပ်ကိုင်ရာ၌ အဆင်မပြေ သောကြောင့်၊ မြန်မာစစ်အစိုးရ၏ ဖိနှိပ် ညှဉ်းပန်းသဖြင့် နယ်မြေဒေသ ဖွံ့ဖြိုးတိုးတက်မှု မရှိခြင်းကြောင့် အစရှိသည့် အကြောင်း အမျိုးမျိုးကြောင့် မြန်မာ ပြည်တွင်းမှ ဒုက္ခသည်များ အဖြစ် ထွက်ပြေးခဲ့ကြရသည်။

ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး၏ စာရင်းများအရ ၂၀၀၅ ခုနှစ်အတွင်း မြန်မာနိုင်ငံတွင်းမှ ဒုက္ခသည် ၂ သိန်းကျော် ထိုင်းနိုင်ငံဘက်သို့ ထွက်လာစဉ်တွင် ပဒေါင်တိုင်းရင်းသားများလည်း အမြောက် အမြား ပါရှိခဲ့သည်ဟု သိရသည်။

နန်းစွယ်ရွာကလေးကို မြင်ရသည်မှာ လူမစည်ကားသော ပွဲဈေးတန်းတခုနှင့်လည်း တူလှသည်။ သူတို့ရွာ လက်ဖြစ် အရုပ်ကလေးများ၊ ကြေးနားကွင်း၊ ကြေးလက်ကောက်မှစ၍ အလှထားသည့် ပစ္စည်းများအပြင် တိုင်းရင်းသားများ ကိုယ်တိုင်ယက်သော ပုဝါပိုင်းကလေးများကို ဆိုင်ငယ်ကလေးများ ခင်းကျင်း ရောင်းချ နေသည်။ ထိုရောင်းရငွေကိုမူ ဆိုင်ပိုင်ရှင်တို့ ရသည်ဟုဆိုသည်။

မရိုစာအမည်ရှိ ကယော (နားပေါက်ကျယ်) တိုင်းရင်းသူ တဦးက သူ၏ ၁၁ လအရွယ် သားငယ်ကို နို့တိုက်နေသည်။ မလူမွခ် ဆိုသည့် ကယော အမျိုးသမီးကတော့ ယက်ကန်းယက်နေသည်။ သူတို့ နှစ်ဦးစလုံး၏ နေ့လယ်စာဟင်းမှာ “ဖရုံရွက်ပြုတ်” ဖြစ်သည်။ တခြားသော ပဒေါင်အမျိုးသမီးများမှာ အိမ်တအိမ်ရှေ့တွင် ထိုင်၍ ခရမ်းသီးသုပ်ကို မြိန်ရှက်စွာ စားနေကြသည်။

မရိုစာက ထိုရွာသို့ရောက်သည်မှာ ၁၅ နှစ်ခန့်ရှိပြီဖြစ်သည်။ မလူမွခ်ကတော့ ၅ နှစ်ခန့်သာ ရှိသေးသည်။ ကယားပြည်နယ်၊ ဟိုယာတဲ ရွာမှ လာသည်ဟု ဆိုသည်။

“ဧည့်သည်အလာများရင် တလ ဘတ် ၁ ထောင်၊ ၁၅၀၀ ရတယ်။ မရှိရင် မရဘူး။ ဒီနှစ် လုံးဝမရဘူး။ စိုက်ခင်းက ရတာနဲ့ စားတယ်” ဟု မလူမွခ်က ပြောပြသည်။

သူတို့အားလုံးနီးပါး မြန်မာစကား ပြောတတ်ကြသည်။ ဦးလဒူ၏ ဇနီးဖြစ်သူ မမူထီလည်း လည်ပင်းတွင် ကြေးကွင်းစွပ်ထားသည်။ သူ့သမီးဖြစ်သူက ၎င်းရွာအနီးရှိ ကရင်နီ ဒုက္ခသည်စခန်း ၁ တွင် (၉) တန်း ပညာ သင်ကြားနေသည်။ ၉ တန်းကျောင်းသူ သူ့သမီးကတော့ လည်ပင်းတွင် ကြေးကွင်းစွပ် မထားတော့ဟု ဆိုသည်။

“အစက ကွင်းစွပ်ထားတဲ့သူ ၅၀ ကျော်တယ်။ ခုတော့ တဝက်လောက်က ဖြုတ်လိုက်ပြီ” ဟု ဦးလဒူက ပြောသည်။

လည်ပင်းတွင် ကြေးကွင်းစွပ်သည့် ယဉ်ကျေးမှုနှင့်ပတ်သက်၍မူ သူတို့ မပြောနိုင်ကြ။ ကလေးဘဝ ကတည်းက ရိုးရာအစဉ်အလာအရ သူတို့ မိဘများက စွပ်ပေးလိုက်ခြင်းဖြစ်သည်။

ကလေးအများစုမှာ ထိုရွာမှ ၁ နာရီခန့် လမ်းလျှောက်ရသည့် ကရင်နီဒုက္ခသည်စခန်း ၁ တွင် ကျောင်းတက် ကြသည်။ နောက်ပိုင်း ကလေးများကို ကြေးကွင်းစွပ်ရန် မိဘက အားမပေးတော့ကြောင်း ကရင်နီ ဒုက္ခသည် ကော်မတီ (KnRC) ဥက္ကဌ ဦးလေးမောင်က ပြောပြသည်။

ပဒေါင်ရွာတွင် ယခုနှစ်ဆန်းမှ စ၍ ရိက္ခာအခက်အခဲဖြစ်သည့်အတွက် ကရင်နီဒုက္ခသည်စခန်းမှ ရိက္ခာ မျှပေးရန်အထိ အကူအညီ တောင်းလာကြောင်း ၎င်းကဆိုသည်။

“ဒုက္ခသည်စခန်းက ရိက္ခာမျှပေးဖို့ကျတော့လည်း ဘယ်လိုမှ မဖြစ်နိုင်ဘူး” ဟု သူက ဆက်ပြောသည်။

ထိုအနီးဝန်းကျင်တွင် ပဒေါင်ရွာ ၃ ရွာရှိပြီး စုစုပေါင်း လူဦးရေ ၃၀၀ ခန့်ရှိကာ ၁၀၀ ခန့်သာ ကြေးကွင်းစွပ်ကြ တော့ကြောင်း ဦးလေးမောင်က ရှင်းပြသည်။

ယခင် ဧည့်သည်အလာများစဉ်အခါက တိုင်းရင်းသားများ၏ ပညာရေး၊ ကျန်းမာရေး၊ ပညာသင်ဆုမှစ၍ ထိုင်းကုမ္ပဏီများက တာဝန်ယူခဲ့သော်လည်း ယခုကဲ့သို့ ဧည့်သည် နည်းပါးလာသည့်အချိန်တွင် အခြေခံ လိုအပ်ချက်ဖြစ်သော ရိက္ခာပင် လုံလုံလောက်လောက် မပေးနိုင်တော့ကြောင်း ၎င်းက ဆိုသည်။

ထို့ပြင် ၎င်း ပဒေါင်ရွာများတွင် နေထိုင်သည့် တိုင်းရင်းသားများအနေနှင့် တတိယနိုင်ငံ သွားရန် အခွင့်အရေး ပေါ်လာပါက လျှောက်ထားခွင့်မရှိဟု ထိုင်းအာဏာပိုင်များက သတ်မှတ်ထားကြောင်း သိရသည်။

“ရိက္ခာ ပုံမှန်မထောက်ပံ့နိုင်ပေမယ့် ထိုင်းအာဏာပိုင်တွေက အခွင့်အရေးတခုတော့ပေးတယ်။ ကုလသမဂ္ဂ (UN) က ထုတ်ပေးတဲ့ လက်မှတ် ရှိလို့ ဒုက္ခသည် စခန်းထဲ ဝင်ချင်ရင်ဝင်၊ ဒါမှမဟုတ် ထိုင်းမှာ နေထိုင်ခွင့် လက်မှတ်လုပ်ပေးမယ်၊ ကလေးတွေ ပညာရေးအတွက် ရွာကျောင်းတွေမှာ တက်ခွင့်ပြုမယ်လို့ ပြောပါတယ်” ဟု ဦးလေးမောင်က ရှင်းပြသည်။

ဒုက္ခသည်စခန်းတွင်း ဝင်သူများအနေနှင့်မူ တတိယနိုင်ငံထွက်ခွာခွင့် လျှောက်ထား နိုင်မည်ဖြစ်သည်။

ထို့ကြောင့်လူငယ်အများစုမှာ ကြေးကွင်းစွပ်သည့် ယဉ်ကျေးမှုကို စွန့်လွှတ်ပြီး ပညာသင်ကြားရေးဘက်တွင် အားစိုက်လာကြသကဲ့သို့ မိဘများကလည်း ပညာသင်ကြားရေးကို ဦးစားပေးသည်ဟု ဆိုသည်။ ထို တိုင်းရင်း သား လူငယ်များမှာ ဘာသာစကား သင်ယူရာတွင် ထူးချွန်သောကြောင့် တချို့က ဧည့်လမ်းညွှန် အလုပ် လုပ်ကြကြောင်း ဦးလေးမောင်က ပြောသည်။

“ဧည့်လမ်းညွှန်လုပ်တာက တလကို ဝင်ငွေ ဘတ် ၁၅၀၀ လောက် ရကြတယ်” ဟု ၎င်းက ဆိုသည်။

ယခင်က နိုင်ငံခြားသားများဖြင့် စည်ကားနေသော ရွာကလေးမှာ ယခုတော့ ခြောက်ကပ်နေသည်။ တရုတ်နိုင်ငံသားဖြစ်ဟန်တူသည့် ဧည့်သည် ၃ ယောက်က ဓာတ်ပုံလိုက်ရိုက်နေသည်။ ဇူလိုင်လ အတွင်းတွင် ထိုနေ့ ၁၀ ရက်နေ့က အစည်ကားဆုံးနေ့ဟု ဦးလဒူက ပြောပြသည်။ ဧည့်သည် ၂၀ ကျော် လာသွားသောကြောင့် ဖြစ်သည်။

လောလောဆယ်တွင်တော့ ဦးလဒူတို့ မိသားစု အပါအဝင် ပဒေါင်ရွာတွင် နေထိုင်သည့် ပဒေါင်နှင့် ကယော တိုင်းရင်းသားများမှာ နိုင်ငံခြားသားများအတွက် ထူးဆန်းသည့် လူမျိုးစုတစုအဖြစ် တည်ရှိနေဆဲဖြစ်သည်။

သူတို့အားလုံး အလှပြခံထားရသော်လည်း မှန်ဘီရိုထဲတွင်ထားသည့် သက်မဲ့အရုပ်များ မဟုတ်သောကြောင့် ထမင်းဝဖို့၊ ကျန်းမာရေးအတွက် ဆေးကုသခွင့်ရဖို့၊ ပညာသင်ကြားခွင့်ရဖို့၊ လူသားများ၏ အခြေခံလိုအပ်ချက် များ ရဖို့တော့ လိုပါလိမ့်မည်။

သမီးဖြစ်သူ၏ အနာဂတ်အတွက် မျှော်လင့်ချက်နှင့် ပတ်သက်၍ ဦးလဒူက “ကျနော်ဖြစ်စေချင်တာကတော့ သူ့ကို တတိယ နိုင်ငံသွားပြီး ပညာဆက်သင်စေချင်တယ်။ ဒါပေမယ့် နောက် ၃၊ ၄ နှစ်မှာ ယောက်ျားယူပြီး ဒီနားမှာပဲ လျှောက်သွားချင်လည်း သွားနေမှာပေါ့” ဟု ပြောသည်။


ယုံကြည်ချက်ကြောင့် အကျဉ်းကျသူများ ရွေးလွှတ်ဖို့ ကင်တားနား တောင်းဆို

15 July 2009

ကုလသမဂ္ဂနဲ့ နိုင်ငံတကာ ကနေ မြန်မာစစ်အစိုးရကို တောင်းဆိုနေတာဟာ နိုင်ငံရေး အကျဉ်းသားတွေကို လွှတ်ပေးဖို့ပဲ ဖြစ်ပြီး သာမန် ရာဇ၀တ်အကျဉ်းသား ကိစ္စ ပြောဆိုနေတာ မဟုတ်ဘူးလို့ ကုလသမဂ္ဂရဲ့ မြန်မာနိုင်ငံ ဆိုင်ရာ လူ့အခွင့်အရေး ကိုယ်စားလှယ် မစ္စတာ ကင်တာနား က ပြောလိုက်ပါတယ်။ မစ္စတာကင်တာနားကို ဆက်သွယ်မေးမြန်းထားတဲ့ ကိုသားညွန့်ဦးက အကြောင်းစုံ တင်ပြထားပါတယ်။
မြန်မာနိုင်ငံမှာ ယုံကြည်ချက်ကြောင့် အကျဉ်းကျနေတဲ့၊ မိမိရဲ့အခြေခံရပိုင်ခွင့်ကို ကျင့်သုံးမိလို့ အကျဉ်းကျတဲ့ အကျဉ်းသားမျိုးတွေနဲ့ ရာဇ၀တ်ပြစ်မှုနဲ့ ကျတဲ့ သာမန် အကျဉ်းသားမျိုးတွေကို ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး ကိုယ်စားလှယ် သောမတ် အိုဟေး ကင်တာနား က အသေအချာ ခွဲခွဲခြားခြား ပြခဲ့ပါတယ်။ မြန်မာအစိုးရဟာ နိုင်ငံတကာရဲ့ တောင်းဆိုချက်တွေကို လိုက်လျောပြတဲ့သဘော အကျဉ်းသားတွေ လွတ်ခဲ့ဖူးတာရှိပေမယ့် .. တကယ်တမ်းတော့ ရာဇ၀တ်မှုနဲ့ အကျဉ်းသားတွေက အများစုဖြစ်ပြီး၊ အခုနပြောတဲ့ နိုင်ငံရေးလုပ်လို့ကျတဲ့ အကျဉ်းသားတွေက မဖြစ်စလောက်ပဲ ပါဝင်တယ်လို့ မစ္စတာ ကင်တာနားက သူအတွေ့အကြုံနဲ့ယှဉ်ပြီး ဗွီအိုအေကို ပြောပြပါတယ်။

“ဖေဖော်ဝါရီလ အတွင်း ကျနော် မြန်မာနိုင်ငံသွားအပြီး ပြန်အလာမှာ အစိုးရက အကျဉ်းသား ၉,၀၀၀ လွှတ်ပေးခဲ့ပါတယ်။ ဒါပေမယ့် အဲဒီအထဲမှာ ယုံကြည်ချက်ကြောင့် အကျဉ်းကျနေသူ ၃၉ ဦးပဲ ပါဝင်ပါတယ်။ ကျနော် အစိုးရကို အသေအချာ ရှင်းရှင်းလင်းလင်း ပြောဆိုထားတာက ကိုယ့်နိုင်ငံရေး ယုံကြည်ချက် ခံယူချက်ကြောင့် လှုပ်ရှားရင်း အဖမ်းဆီးခံရတဲ့ သူတွေကို ပြန်လွှတ်ပေးပါ.. ဆိုတာပါပဲ။ သာမန် ရာဇ၀တ် အကျဉ်းသားတွေကို လွှတ်ပေးဖို့ တောင်းနေတာ မဟုတ်ပါဘူး။ မိမိရဲ့ အခြေခံလူ့အခွင့်အရေးကို ကျင့်သုံးတာကြောင့် ဖမ်းဆီးထိန်းသိမ်း ခံရသူတွေကို လွှတ်ပေးဖို့ တောင်းနေတာပါ။”

မြန်မာအစိုးရဟာ အဲဒီတုန်းကလည်း နိုင်ငံတော်သစ် တည်ဆောက်ရေးနဲ့ ၂၀၁၀ ရွေးကောက်ပွဲမှာ ပါဝင်နိုင်ဖို့ ဆိုပြီး ရာဇ၀တ်အကျဉ်းသားတွေကို အများအပြား လွှတ်ပေးခဲ့တာပါ။ ဒါကြောင့်လည်း အခု မြန်မာနိုင်ငံမှာ လာမယ့် ၂၀၁၀ ရွေးကောက်ပွဲ မတိုင်ခင် အကျဉ်းသားတွေကို လွတ်ငြိမ်းချမ်းသာခွင့် ပေးဖို့ စီစဉ်နေတယ်လို့ ကုလသမဂ္ဂ ဆိုင်ရာ မြန်မာကိုယ်စားလှယ်က လုံခြုံရေးကောင်စီမှာ ပြောကြားတဲ့အပေါ် - ဘယ်လို လူမျိုးတွေကို လွတ်ပေးမှာလဲ၊ သာမန် ရာဇ၀တ်သားတွေကိုပဲ ထပ်လွှတ်ပေးမှာလား ဆိုတာ မစ္စတာကင်တာနား နည်းတူ မြန်မာ့အရေး လေ့လာသူတွေရော မြန်မာ့အရေး လှုပ်ရှားသူတွေပါ သံသယ ရှိနေကြပါတယ်။ မစ္စတာ ကင်တာနားကတော့ မြန်မာကိုယ်စားလှယ်ရဲ့ ပြောဆိုချက်ဟာ အပြုသဘော တုံ့ပြန်တာလို့ ယူဆစရာ ရှိပေမယ့် တကယ် ရည်ရွယ်ရင်းကိုတော့ ကြည့်ရလိမ့်မယ်လို့ ပြောပါတယ်။

“အစိုးရဖက်က အပြုသဘော တုံ့ပြန်ချက်လို့ ယူဆပါတယ်။ ဒါပေမယ်လို့ သူတို့ ဘာကို ရည်ရွယ် ဆိုလိုပြောချင်တာလဲ ဆိုတာတော့ ကြည့်ရပါမယ်။ သူတို့ ဘယ်သူတွေကို လွှတ်မယ်ပြောတာလဲ၊ ဘယ်တော့ လွှတ်မှာလဲ၊ တကယ်တော့ ကျနော်တို့ ဘာမှ မသိရပါဘူး။ လူ့အခွင့်အရေး အထူးကိုယ်စားလှယ်တဦး အနေနဲ့ ကျနော်တို့ဖက်က လွှတ်စေချင်တဲ့ ယုံကြည်မှုကြောင့် အကျဉ်းကျသူများ စာရင်းကို အစိုးရကို ပေးထားပြီးသားပါ။ ဒါကြောင့် အတွင်းရေးမှုးချုပ် အနေနဲ့ရော ကျနော့်အနေနဲ့ပါ တောင်းဆိုထားချက်တွေကို စစ်အစိုးရဖက်က ဘယ်လောက် လိုလိုလားလား ရှိသလဲ ဆိုတာတော့ ကျနော်တို့ စောင့်ကြည်ဖို့ လိုပါတယ်။”

လက်ရှိအားဖြင့် မြန်မာနိုင်ငံမှာ နိုင်ငံရေးယုံကြည်ချက်နဲ့ နိုင်ငံရေး လှုပ်ရှားမှုကြောင့် အကျဉ်းကျနေသူ ၂,၁၀၀ ကျော် ရှိနေပြီး ဒီ စာရင်း အတိအကျ ကိုလည်း လူ့အခွင့်အရေး အဖွဲ့တွေရော ကုလသမဂ္ဂ လူ့အခွင့်အရေး ကောင်စီကပါ ပြုစုထားရှိပါတယ်။ မြန်မာအစိုးရဖက်ကတော့ မြန်မာနိုင်ငံမှာ နိုင်ငံရေး အကျဉ်းသား မရှိဘူး ဆိုတာကိုပဲ အထပ်ထပ် ငြင်းဆန်နေဆဲပါ။ ကုလသမဂ္ဂ လူ့အခွင့်အရေး ကိုယ်စားလှယ်အနေနဲ့ လာမယ့် အောက်တိုဘာ အထွေထွေ ညီလာခံ မတိုင်ခင် မြန်မာနိုင်ငံကို သွားရောက်နိုင်ဖို့ ကြိုးစားနေပေမယ့်လည်း အခုအချိန်အထိတော့ မြန်မာအစိုးရဖက်က လာရောက်နိုင်မယ့် အချိန် တရားဝင် အကြောင်းပြန်တာမျိုး မလုပ်သေးပါဘူး။

နိုင်ငံရေးအကျဉ်းသားတွေကို လွှတ်ပေးဖို့ အပါအ၀င် မစ္စတာ ကင်တာနား အနေနဲ့ မြန်မာအစိုးရကို အကြံပြု တောင်းဆိုထားတဲ့ အချက်တွေကို မြန်မာအစိုးရအနေနဲ့ ဘယ်လောက် လိုက်လျောဆောင်ရွက်နိုင်ပြီလဲ ဆိုတာကို သူ့အနေနဲ့ သုံးသပ်အကဲဖြတ်ပြီး လာမယ့် ကုလသမဂ္ဂ အထွေထွေ ညီလာခံကို အစီရင်ခံစာ တင်သွင်းသွားဖို့လည်း ရှိတယ်လို့ မစ္စတာကင်တာနားက ပြောပါတယ်။


အမာဒီနီဂျက် အီရန်သမ္မတအဖြစ် ကျမ်းသစ္စာဆိုမည်

15 July 2009


အီရန်သမ္မတ မာမွတ် အမာဒီနီဂျက်ဟာ သူ့ရဲ့ ဒုတိယ သမ္မတသက်တမ်း အဖြစ်နဲ့ တာဝန်ထမ်းဆောင်ဖို့ အတွက် ဇွန်လ ၂ ရက်ကနေ ၆ ရက်နေ့ အတွင်းမှာ ကျမ်းသစ္စာ ကျိန်ဆိုမှာဖြစ်တယ်လို့ အီရန်အစိုးရပိုင် သတင်းမီဒီယာတွေက ပြောပါတယ်။

ပါလီမန် လက်ထောက် သဘာပတိ မိုဟာမက်ရေဇာ ဘဟိုနား က သမ္မတကျမ်းသစ္စာ ကျိန်ဆိုပွဲ အခမ်းအနား နဲ့ပတ်သက်ပြီး အင်္ဂါနေ့မှာ ကြေညာပါတယ်။ အီရန် ဘာသာရေးခေါင်းဆောင် အယာတိုလာ ခါမေနီ က မစ္စတာ အမာဒီနီဂျက် ကို သမ္မတအဖြစ်နဲ့ အသိအမှတ်ပြုပြီး သူ့ရဲ့ အစိုးရအဖွဲ့ကို ကြေညာပြီးတဲ့နောက်မှာ ကျမ်းသစ္စာ ကျိန်ဆိုပွဲကို ပြုလုပ်မှာဖြစ်တယ်လို့ သူက ပြောပါတယ်။ အစိုးရသစ်ဟာ သြဂုတ်လ ၂၃ ရက်နေ့မှာ စတင်ပြီး တာဝန်တွေကို စတင်ထမ်းဆောင်သွားနိုင်ဖို့ ဘဟိုနား က မျှော်လင့်နေတယ်လို့ အီရန် Far သတင်းအေဂျင်စီက ပြောပါတယ်။

အီရန်နိုင်ငံ ရွေးကောက်ပွဲမှာ မစ္စတာ အမာဒီနီဂျက် အနိုင်ရသွားတယ်လို့ ကြေညာလိုက်ပြီးတဲ့နောက်မှာ နိုင်ငံတ၀ှမ်းမှာ ဆန္ဒပြပွဲတွေ ဖြစ်လာခဲ့ပါတယ်။ အတိုက်အခံတွေကတော့ မဲလိမ်မှုတွေ ရှိတယ်လို့ ပြောပါတယ်။ နောက်ထပ် သတင်းတခုမှာတော့ ရွေးကောက်ပွဲမှာ ရှုံးနိမ့်သွားခဲ့တဲ့ အတိုက်အခံခေါင်းဆောင် မီယာဟူစိန် မူဆာဗီ ဟာ နိုင်ငံရေး ပြုပြင်ပြောင်းလဲမှု အတွက် အုပ်စုအဖွဲ့တခု ဖွဲ့ဖို့ ပြင်ဆင်နေတယ်လို့ ပြောပါတယ်။ မူဆာဗီ ရဲ့ အထောက်အကူပြုအဖွဲ့တွေ ကတော့ မူဆာဗီ ရဲ့ အဖွဲ့ဟာ နိုင်ငံရေး တိုးတက်ဖြစ်ထွန်းမှုတွေ နဲ့ပတ်သက်ပြီး စိန်ခေါ်မှုတွေ လုပ်သွားမှာဖြစ်ပြီး၊ ဒီအဖွဲ့ကို မကြာခင်မှာ တည်ထောင်သွားမယ်လို့ ပြောပါတယ်။

မြန်မာစစ်အစိုးရ အကျဉ်းသားတွေ လွှတ်ပေးမည့်အပေါ် NLD သံသယနဲ့တုံ့ပြန်

14 July 2009


ကုလသမဂ္ဂ လုံခြုံရေးကောင်စီမှာ မြန်မာသံအမတ်ကြီး ဦးသန်းဆွေ က ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်း မြန်မာစစ်အစိုးရ ခေါင်းဆောင်ပိုင်းနဲ့ တွေ့ဆုံခဲ့စဉ် မေတ္တာရပ်ခံခဲ့တဲ့အတိုင်း လူသားချင်း စာနာမှုနဲ့ လူ့အခွင့်အရေး အခြေအနေတွေ အရ မြန်မာနိုင်ငံမှာရှိတဲ့ အကျဉ်းသားတွေကို လွတ်ငြိမ်းချမ်းသာခွင့် ပေးဖို့ စီစဉ်နေတယ်လို့ ထွက်ဆိုသွားပါတယ်။ အတွင်းရေးမှူးချုပ် အနေနဲ့ ပြန်လွှတ်ပေးဖို့ မေတ္တာရပ်ခံခဲ့တာက အင်းစိန်ထောင်တွင်း အဖမ်းခံနေရတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေ အားလုံး လွှတ်ပေးဖို့ ဖြစ်ပါတယ်။ ဒါပေမယ့် မြန်မာစစ်အစိုးရ ကိုယ်စားလှယ်က နိုင်ငံရေးအကျဉ်းသားလို့ တိတိကျကျ ထည့်သွင်းပြောကြားခဲ့ခြင်း မရှိတဲ့အတွက် အမျိုးသား ဒီမိုကရေစီအဖွဲ့ချုပ် (NLD) နဲ့ နိုင်ငံတကာ လွတ်ငြိမ်းချမ်းသာခွင့်အဖွဲ့(Amnesty International) တို့က သံသယ နဲ့ တုံ့ပြန်ခဲ့ကြပါတယ်။ အပြည့်အစုံကို ဘန်ကောက်ရောက်ဝိုင်းတော်သား ကိုကျော်ကျော်သိန်းက အစီရင်ခံထားပါတယ်။

ကုလသမဂ္ဂအတွင်းရေးမှူးချုပ် မစ္စတာဘန်ကီမွန်းက မြန်မာစစ်ကောင်စီခေါင်းဆောင် ဗိုလ်ချုပ်မှူးကြီးသန်းရွှေနဲ့ တွေ့ဆုံတဲ့အချိန်မှာ ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေကို လွှတ်ပေးဖို့ တောင်းဆိုခဲ့တာ ဖြစ်ပေမယ့် ကုလသမဂ္ဂ ဆိုင်ရာ မြန်မာသံအမတ် ပြောသွားတဲ့ထဲမှာတော့ ဒေါ်အောင်ဆန်းစုကြည် နာမည်မပါသလို နိုင်ငံရေးအကျဉ်းသားရယ်လို့ တိတိကျကျ ပြောသွားတာမဟုတ်ဘဲ ကုလသမဂ္ဂ အတွင်းရေးမှူးချုပ် ဘန်ကီမွန်းရဲ့ တောင်းဆိုချက်အရ လူသားချင်း စာနာထောက်ထား တဲ့အနေနဲ့ အကျဉ်းသားတွေကိုလည်း လွတ်ငြိမ်းချမ်းသာခွင့်ပေးပြီး ပြန်လွှတ်ပေးဖို့ လုပ်နေပါတယ်လို့ ပြောခဲ့ပါတယ်။ ဒီအပြောအပေါ် NLD ကတော့ သံသယနဲ့ ရှုမြင်ပါတယ်။

“ကျနော် သိရှိရမျှ သတင်းအရဆိုရင် နိုင်ငံရေး အကျဉ်းသားတွေကို လွှတ်ပေးဖို့ မစ္စတာ ဘန်ကီမွန်းက အဆိုပြုထားတယ်။ အခု မြန်မာသံအမတ်ကြီး ဖြေတာက အကျဉ်းသားလို့ပဲ ပြောတယ်။ နိုင်ငံရေး အကျဉ်းသား ဆိုတဲ့ အဓိပ္ပါယ်မျိုး မရောက်အောင်။ အဲဒီတော့ မစ္စတာ ဘန်ကီမွန်း တိုက်တွန်းနိုးဆော်ထားတာကို ဖြေတဲ့အဖြေ မဟုတ်ဘူးလို့ ကျနော် အဲဒီလို မြင်ပါတယ်။ လိုက်လျောတဲ့ အနေနဲ့ လုပ်တာလို့ ကျနော်တို့တော့ မမြင်ဘူးခင်ဗျ။”

မြန်မာအာဏာပိုင်တွေဟာ အရင်ကလည်း အကျဉ်းသားတွေ လွှတ်ပေးတယ်ဆိုပြီး တကယ်တမ်းကျတော့ လွှတ်ပေးခဲ့ဖူးတဲ့ အကျဉ်းသား ၁၅,၀၀၀ ပတ်ဝန်းကျင်မှာ နိုင်ငံရေး အကျဉ်းသားက ၃၅ ယောက်လောက်ပဲ ပါထားဖူးတာမို့ ဒီတကြိမ်လွှတ်မယ် ဆိုတာကိုလည်း သံသယနဲ့မြင်မိတယ်လို့ ပြောလာသူက အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့ရဲ့ အရှေ့တောင်အာရှ ဆိုင်ရာ သုတေသနမှူး Benjamin Zawacki ပါ။

“အကျဉ်းသားတွေ လွှတ်ပေးမယ်ဆိုပြီး အစိုးရကပြောလာတဲ့အခါ ကျနော်တို့က သံသယနဲ့ မြင်တာကိုတော့ နားလည်နိုင်ရမှာပဲ။ ဘာ့ကြောင့်လဲဆိုတော့ နိုင်ငံရေး အကျဉ်းသားတယောက်ပဲ လွတ်လာတာမျိုးကိုတောင် ကျနော်တို့ ကြိုဆိုမှာဖြစ်ပေမယ့် အဆုံးတနေ့မှာ နိုင်ငံရေး အကျဉ်းသား ၂,၁၀၀ ကျော် ဆက်ရှိနေဦးမှာပါ။ သူတို့အားလုံး လွတ်မလာသေးသရွေ့တော့ လုပ်သင့်တာ လုပ်ပြီးသွားပြီလို့ မပြောနိုင်ပါဘူး။”

ကိုယ်တိုင်က ၁၉ နှစ်ကြာ အကျဉ်းကျခံခဲ့ရသူတဦးဖြစ်ပြီး တခြားအကျဉ်းသား ၉,၀၀၀ နီးပါးနဲ့အတူ ပြန်လွှတ်ပေးတာခံခဲ့ရတဲ့ သတင်းစာဆရာကြီး ဦးဝင်းတင်ကလည်း လွှတ်တယ်ဆိုရင်တောင် အရောရောအနှောနှော လွှတ်လိမ့်မယ်လို့ ယူဆပါတယ်။

“ကျနော့်အထင်ကတော့ နိုင်ငံရေး အကျဉ်းသားတွေကို တော်တော်များများ လွှတ်လိမ့်မယ်လို့ မထင်ဘူး။ သူတို့စကားထဲမှာလည်း နိုင်ငံရေးအကျဉ်းသားလို့မှ ထည့်မပြောဘဲကိုး။ ဘန်ကီမွန်း တောင်းတာက နိုင်ငံရေး အကျဉ်းသားလို့ပြောတာ။ အဲဒီတော့ ကျနော် ထင်တယ် သူတို့ ခါတိုင်း လွှတ်သလိုပဲ ရေ ရောလွှတ်မှာပေါ့ဗျာ။ နွားနို့ ရေရော သလိုပေါ့။ နိုင်ငံရေးသမား အကျဉ်းသား နည်းနည်းနဲ့ တခြား အကျဉ်းသား များများပေါ့။”

၂၀၀၈ ခုနှစ်၊ စက်တင်ဘာလအတွင်းက ဦးဝင်းတင်အပါအ၀င် နိုင်ငံရေးအကျဉ်းသား ၉ ဦးတို့ကို တခြားရာဇ၀တ်အကျဉ်းသား ၉,၀၀၀ နီးပါးနဲ့အတူ ရောပြီးလွှတ်ပေးခဲ့တာ ဖြစ်ပါတယ်။

မြန်မာသံအမတ် ပြောသလို ၂၀၁၀ ပြည့်နှစ် ရွေးကောက်ပွဲမှာ အားလုံးပါဝင်နိုင်ဖို့ လွှတ်ပေးတယ်ဆိုတာမျိုးကိုလည်း ဦးဝင်းတင်က လက်မခံပါဘူး။ နိုင်ငံရေး အကျဉ်းသားလွှတ်ရေးဟာ ရွေးကောက်ပွဲကိစ္စတခုတည်းနဲ့ သက်ဆိုင်နေတာ မဟုတ်ဘဲ တွေ့ဆုံဆွေးနွေး ရေးအပါအ၀င် မြန်မာ့နိုင်ငံရေး ပြဿနာအများအပြားနဲ့ ချိတ်ဆက်နေတယ်လို့ ဦးဝင်းတင်က သတ်မှတ်ပါတယ်။ အခု ကုလသမဂ္ဂ ဆိုင်ရာ မြန်မာသံအမတ်က ကုလသမဂ္ဂလုံခြုံရေးကောင်စီမှာ ပြောခဲ့တဲ့စကားကို ယုံကြည်လက်ခံနိုင်ဖို့ဆိုရင် တကယ်ဖြစ်ရမယ့်အချက် သုံးချက်ရှိတယ်လို့ ဦးဝင်းတင်ကပြောပါတယ်။

“နိုင်ငံရေးအကျဉ်းသားတွေ လွှတ်ပေးမယ်ဆိုရင် နိုင်ငံရေးအကျဉ်းသားတွေ အားလုံး လွှတ်ရမယ်။ ဒါက တစ်အချက်။ နှစ်အချက်တော့ လွှတ်ပေးမယ်ဆိုရင် နှောင်ကြိုးကင်းတဲ့ လွှတ်ပေးခြင်းနဲ့ လွှတ်ပေးသင့်တယ်။ နှောင်ကြိုးတွေ ပါနေတဲ့ဟာနဲ့ ကျနော်တို့ကို လွှတ်လိုက်လို့ကတော့ ကြိုးလှန်ပြီးတော့ လွှတ်သလိုမျိုး ဖြစ်နေမှာပဲ။ နောက်တခုက အကျဉ်းသား လွှတ်တယ် ဆိုရင် အကျဉ်းသား ပြန်လည်ထူထောင်ရေး လုပ်ပေးတာရယ်။ နိုင်ငံရေးအကျဉ်းသားတွေ ဘ၀ကို ပြန်လည်ထူထောင်ရေး လုပ်ပေးရလိမ့်မယ်။ အကြောင်းကြောင်းကြောင့် သူတို့ပြောတဲ့စကားကို ကျနော်တို့ ကြုံရတယ်ဆိုရင်လည်း ကျနော်ပြောတဲ့ အချက်တွေ အားလုံးနဲ့ ပြည့်စုံမှသာလျင် ကျနော်တို့ ယုံနိုင်မယ်။ သို့မဟုတ်ဘဲနဲ့ ကမ္ဘာအလယ်တက်ပြီးတော့ ပြောဖို့တို့၊ ဘန်ကီမွန်းခရီးက မျက်နှာပျက်သွားတာတွေ ဖြစ်သွားတာကို ဖာဖို့ထေးဖို့၊ ဒီဟာနဲ့ချကျွေးတဲ့ဟာမျိုးလို အကျဉ်းသားကိစ္စကို ပြောလာတာဆိုရင်တော့ ဘာမှအကျိုးမရှိနိုင်ဘူးလို့ ကျနော် ပြောချင်တယ်။ ဘာမှလည်း အဓိပ္ပါယ် ရှိမှာမဟုတ်ဘူးလို့ ပြောချင်တယ်။”

NLD အတွင်းရေးမှူးအဖွဲ့ဝင် သတင်းစာဆရာကြီး ဦးဝင်းတင်ပါ။

မြန်မာစစ်အစိုးရက ရွေးကောက်ပွဲကိစ္စပြောသလို ကုလသမဂ္ဂ အတွင်းရေးမှူးချုပ် ကလည်း ရွေးကောက်ပွဲဟာ လွတ်လပ်ပြီး တရား မျှတဖို့နဲ့ ဒေါ်အောင်ဆန်းစုကြည် အပါအ၀င် နိုင်ငံရေးအကျဉ်းသားတွေ ရွေးကောက်ပွဲမှာ ပါဝင်နိုင်မယ့် အခြေအနေတွေ ဖန်တီးပေးဖို့ ပြောပါတယ်။ ဒါပေမယ့်လည်း တကယ်ကတော့ ၂၀၀၈ ခုနှစ်မှာ ပြဌာန်းထားတဲ့ အခြေခံဥပဒေအရကို ဒေါ်အောင်ဆန်း စုကြည်ဟာ ရွေးကောက်ပွဲဝင်ခွင့် ရလာနိုင်စရာ မရှိပါဘူး။ ဒါ့ကြောင့် အခြေခံဥပဒေကို မပြင်ဆင်ဘဲနဲ့တော့ မစ္စတာဘန်ကီမွန်း ပြောသလို ဒီရွေးကောက်ပွဲဟာ တရားဝင်မှုရှိတဲ့၊ အားလုံးပါဝင်ပြီး ယုံကြည်ရလောက်တဲ့ ရွေးကောက်ပွဲ ဖြစ်မှာ မဟုတ်ဘူးလို့ NLD ဘက်ကနေ အခိုင်အမာပြောနေတာပါ။ ကုလသမဂ္ဂ ဘက်ကတော့ အခြေခံဥပဒေပြင်ဆင်ရေး ကိစ္စကို ခုချိန်ထိ မှတ်ချက်ပေး ပြောဆိုတာမျိုး လုံးဝမရှိသေးပါဘူး။

အကျဉ်းသားတွေ လွှတ်ပေးဖို့ ပြင်ဆင်နေပါတယ် ဆိုပြီး ကုလသမဂ္ဂဆိုင်ရာ မြန်မာသံအမတ်ကြီး ဦးသန်းဆွေ က လုံခြုံရေးကောင်စီ မှာ ပြောဆိုခဲ့တဲ့အကြောင်း ကိုတော့ ဒီကနေ့ထုတ် မြန်မာသတင်းစာတွေမှာ ဖော်ပြထားတာ မတွေ့ရပါဘူး။


လိုင်ဘေးရီးယား သမ္မတဟောင်းကို စစ်ရာဇ၀တ်ခုံရုံး စတင်စစ်ဆေး

14 July 2009


ယခင် လိုင်ဘေးရီးယား သမ္မတ ချားလ်စ် တေလာ ဟာ နယ်သာလန်နိုင်ငံ The Hague မြို့ နိုင်ငံတကာ စစ်ရာဇ၀တ်ခုံရုံးမှာ ပထမဆုံး အစစ်ခံရင်း သူ့ရဲ့ အမှုဟာ လိမ်ညာမှုများအပေါ်မှာ အခြေခံထားတယ်လို့ ထွက်ဆိုသွားပါတယ်။ ၂၀၀၂ ခုနှစ်က ပြီးဆုံးသွားတဲ့ အိမ်နီးနားချင်း ဆီရာလီယွန် နိုင်ငံက သွေးချောင်းစီးခဲ့တဲ့ ပြည်တွင်းစစ်မှာ သူ ပါဝင်ခဲ့တယ် ဆိုတဲ့ မမှန်ကန်တဲ့ သတင်းအချက်အလက်များနဲ့ ကောလာဟလ များကို အခြေခံထားတဲ့အတွက် သူ့အပေါ် စွဲထားတဲ့အမှုဟာ ယုံကြည်ကိုးစားလောက်မှု မရှိဘဲ အလွန်အမင်း ကံမကောင်း အကြောင်းမလှ ဖြစ်ရတယ်လို့ မစ္စတာ တေလာ က ရုံးတော်ကို ပြောကြားလိုက်ပါတယ်။

သူ တသက်လုံး မှန်တယ်လို့ ယုံကြည်တဲ့အတိုင်း တိုက်ပွဲဝင်ခဲ့ကြောင်း သူ့သားသမီး ၁၄ ယောက်ကို ပြောဆိုခဲ့တယ်လို့လည်း ဆိုပါတယ်။ ဆီရာလီယွန် နိုင်ငံမှာ သွေးစွန်းနေတဲ့ စိန်တွေနဲ့ လက်နက်များ လဲလှယ်ပြီး တော်လှန်ရေးတပ်ဦးကို ထောက်ခံခဲ့တယ်လို့ အသက် ၆၄ နှစ်အရွယ်ရှိ လိုင်ဘေးရီးယား သမ္မတ ဟောင်း စွပ်စွဲခံနေရတာပါ။ အဲဒီစိန်တွေ ဆီရာလီယွန် နိုင်ငံက ခိုးထုတ်ခဲ့တယ် ဆိုတာဟာ လိမ်ညာမှု သက်သက်မျှသာ ဖြစ်တယ်လို့လည်း မစ္စတာ တေလာ က ရှင်းလင်းပြောဆိုပါတယ်။


ရွေးကောက်ပွဲ မတိုင်ခင် အကျဉ်းသားများ လွှတ်ပေးမည်

14 July 2009


မြန်မာနိုင်ငံရဲ့ လာမယ့် ၂၀၁၀ ရွေးကောက်ပွဲ မတိုင်ခင်မှာ အဖမ်းဆီးခံနေရတဲ့ အကျဉ်းသားတွေကို လွတ်ငြိမ်းချမ်းသာခွင့် ပေးဖို့အတွက် ပြင်ဆင်နေတယ်လို့ မြန်မာစစ်အစိုးရက ပြောလိုက်ပါတယ်။ ဒါနဲ့ပတ်သက်ပြီး မနေ့က တနင်္လာနေ့မှာ လုံခြုံရေးကောင်စီမှာ မြန်မာသံအမတ်ကြီး ဦးသန်းဆွေ ပြောသွားတာတွေနဲ့ ပတ်သက်ပြီး ကိုရန်နိုင်က တင်ပြပေးထားပါတယ်။

မြန်မာနိုင်ငံမှာ နိုင်ငံရေး ပြုပြင်ပြောင်းလဲမှုတွေ ဖြစ်လာဖို့အတွက် ကနဦးအဆင့် အနေနဲ့ နိုင်ငံရေး အကျဉ်းသားတွေကို လွှတ်ပေးဖို့ ကုလသမဂ္ဂနဲ့ နိုင်ငံတကာက အပြင်းအထန် တောင်းဆိုနေကြတာပါ။ မြန်မာစစ်အစိုးရဘက်က အခုလို အကျဉ်းသားတွေကို လွှတ်ပေးဖို့ ပြင်ဆင်တာဟာ ကုလသမဂ္ဂ အတွင်းရေးမှူးချုပ် ဘန်ကီမွန်းရဲ့ တောင်းဆိုချက်အရ ဖြစ်ပြီးတော့ ရွေးကောက်ပွဲမှာ ပါဝင်မဲပေးနိုင်ဖို့အတွက် ဖြစ်ကြောင်း ကုလသမဂ္ဂဆိုင်ရာ မြန်မာစစ်အစိုးရ သံအမတ်ကြီး ဦးသန်းဆွေက ကုလသမဂ္ဂ လုံခြုံရေးကောင်စီမှာ အဖွဲ့ဝင်နိုင်ငံတွေကို မနေ့က တနင်္လာနေ့မှာ အခုလို ပြောကြားလိုက်ပါတယ်။

“ကုလသမဂ္ဂ အတွင်းရေးမှူးချုပ် ဘန်ကီမွန်းရဲ့ တောင်းဆိုချက်အရ မြန်မာအစိုးရဟာ ၂၀၁၀ အထွေထွေရွေးကောက်ပွဲကို အားလုံးပါဝင်နိုင်တဲ့ ရွေးကောက်ပွဲ ဖြစ်ဖို့အတွက် လူသားချင်း စာနာထောက်ထားတဲ့ အနေနဲ့ အကျဉ်းသားတွေကိုလည်း လွတ်ငြိမ်းချမ်းသာခွင့်ပေးပြီး ပြန်လွှတ်ပေးဖို့ လုပ်နေပါတယ်။”

ဒါပေမယ့် လုံခြုံရေးကောင်စီမှာ ပြောကြားခဲ့တာမှာ အကျဉ်းသား ဘယ်လောက်ကို ပြန်လွှတ်မယ်၊ ဘယ်တော့ပြန်လွှတ်မယ် ဆိုတာကို မြန်မာသံအမတ် ဦးသန်းဆွေက ထည့်သွင်း ပြောကြားသွားခဲ့ခြင်း မရှိပါဘူး။ ဒါ့အပြင် ဘယ်လိုအကျဉ်းသားတွေကို လွှတ်ပေးမယ်ဆိုတာလည်း ပြောမသွားခဲ့ပါဘူး။ အရင်တုန်းက လွှတ်ပေးခဲ့တဲ့အထဲမှာ အများစုက ရာဇ၀တ်အကျဉ်းသားတွေဖြစ်ပြီး နိုင်ငံရေးအကျဉ်းသား အနည်းငယ်ပဲ ပါဝင်ပါတယ်။ ဒါ့အပြင် ပြန်လွှတ်ပေးမယ့် အကျဉ်းသားတွေထဲမှာ နေအိမ်အကျယ်ချုပ် ချထားတာကို ချိုးဖောက်တယ်ဆိုပြီး အင်းစိန်ထောင်မှာ ဖမ်းဆီးခံနေရပြီး တရားစွဲဆိုခံနေရတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်နဲ့ တခြားထင်ရှားတဲ့ နိုင်ငံရေးအကျဉ်းသားတွေ ပါမယ်၊ မပါဘူး ဆိုတာကိုလည်း ထည့်သွင်းပြောဆိုသွားခြင်း မရှိပါဘူး။

ကုလသမဂ္ဂ အတွင်းရေးမှူးချုပ် ဘန်ကီးမွန်ရဲ့ မြန်မာနိုင်ငံ ခရီးစဉ်မှာ မြန်မာစစ်အစိုးရ ဗိုလ်ချုပ်မှူးကြီးသန်းရွှေက မြန်မာ့နိုင်ငံရေး နောက်ဆုံး ဖြစ်ပေါ်တိုးတက်မှုတွေနဲ့ အခုချိန်မှာ အစိုးရရဲ့ ထိပ်ဆုံးက ဦးစားပေး လုပ်ဆောင်ရမယ့် ကိစ္စရပ် ၂ ခုကို မစ္စတာဘန်ကီမွန်းကို ရှင်းပြခဲ့ပါတယ်။ ဒီကိစ္စနဲ့ပတ်သက်ပြီး မြန်မာသံအမတ်ကြီး ဦးသန်းဆွေက အခုလို ပြောကြားခဲ့ပါတယ်။

“၂၀၁၀ အထွေထွေရွေးကောက်ပွဲ ပြီးသွားရင် အရပ်သားအစိုးရကို နိုင်ငံတော်အာဏာ လွှဲပြောင်းပေးသွားဖို့နဲ့ အနာဂတ်မှာ လူမှုရေးနဲ့ စီးပွားရေး တိုးတက်ဖွံ့ဖြိုးလာဖို့ ခိုင်မာကောင်းမွန်တဲ့ အုတ်မြစ်ချသွားဖို့ ဖြစ်ပါတယ်။ ဒါ့အပြင် ဗိုလ်ချုပ်မှူးကြီးသန်းရွှေက ၂၀၁၀ ရွေးကောက်ပွဲဟာ လွတ်လပ် တရားမျှတပြီး အများလက်ခံနိုင်တဲ့ ရွေးကောက်ပွဲ ဖြစ်လာဖို့ အာမခံခဲ့ပြီးတော့ မြန်မာနိုင်ငံသားတိုင်း ပါဝင်နိုင်အောင် စီစဉ်သွားမယ်လို့ ပြောကြားခဲ့ပါတယ်။”

ဒါ့အပြင် ၂၀၁၀ အထွေထွေရွေးကောက်ပွဲအတွက် နည်းပညာပိုင်းဆိုင်ရာ အကူအညီတွေ ပေးဖို့ ကမ်းလှမ်းခဲ့တာနဲ့ ပတ်သက်ပြီးတော့ တကယ်လို့ မြန်မာအစိုးရအနေနဲ့ နည်းပညာပိုင်းဆိုင်ရာ အကူအညီတွေ လိုအပ်မယ်ဆိုရင် ကုလသမဂ္ဂရဲ့ ကမ်းလှမ်းချက်ကို လက်ခံပြီးတော့ ကုလသမဂ္ဂနဲ့အတူ ပူးပေါင်းဆောင်ရွက်သွားမယ်လို့ ကုလသမဂ္ဂဆိုင်ရာ မြန်မာသံအမတ်ကြီး ဦးသန်းဆွေက လုံခြုံရေးကောင်စီ အဖွဲ့ဝင်နိုင်ငံတွေကို ပြောကြားခဲ့ပါတယ်။

မြန်မာစစ်အစိုးရက နိုင်ငံရေးအကျပ်အတည်း ဖြစ်ပေါ်လာတဲ့ အချိန်တိုင်းမှာ အကျဉ်းသားတွေကို လွှတ်ပေးခဲ့တဲ့ ထုံးစံတွေ အရင်တုန်းက ရှိခဲ့ဖူးပါတယ်။ အခုလည်း ၂၀၁၀ ရွေးကောက်ပွဲ နီးကပ်လာတာကြောင့် အားလုံးပါဝင်နိုင်ဖို့အတွက် ဆိုပြီး အကျဉ်းသားတွေကို လွတ်ငြိမ်းချမ်းသာခွင့် ပေးဖို့ လုပ်နေတာအပြင် ၂၀၁၀ မှာ ကျင်းပမယ့် ရွေးကောက်ပွဲကို လွတ်လပ် တရားမျှတပြီး အများလက်ခံနိုင်တဲ့ ရွေးကောက်ပွဲဖြစ်အောင် လုပ်သွားမယ်လို့လည်း ပြောနေပါတယ်။

မြန်မာနိုင်ငံမှာ ၁၉၉၀ ခုနှစ်က ကျင်းပခဲ့တဲ့ ရွေးကောက်ပွဲဟာ လွတ်လပ်ပြီး တရားမျှတတဲ့ ရွေးကောက်ပွဲဖြစ်တယ်လို့ မြန်မာစစ်အစိုးရ ခေါင်းဆောင်တွေက ကြေညာခဲ့ပေမယ့်လည်း ပြည်သူလူထုက ရွေးကောက်တင်မြှောက်ပြီး မဲဆန္ဒနယ် ၈၀% ကျော် အနိုင်ရရှိခဲ့တဲ့ NLD အမျိုးသားဒီမိုကရေစီအဖွဲ့ချုပ် ကိုယ်စားလှယ်တွေနဲ့ တခြား အရပ်သား လွှတ်တော်ကိုယ်စားလှယ်တွေကို အာဏာလွှဲပြောင်းပေးအပ်ခြင်း မရှိခဲ့ပါဘူး။


ဥပဒေအတိုင်း ဆောင်ရွက်ပါ့မယ်လို့ ဆိုတိုမာယာ ကတိပြု

14 July 2009



တရားရုံးချုပ် တရားသူကြီးအဖြစ် ခန့်အပ်ရန် အဆိုပြုခြင်း ခံရသူ
မစ္စ ဆိုနီယာ ဆိုတိုမာယာ။
ဇူလိုင် ၁၃၊ ၂၀၀၉။
အမေရိကန် တရားရုံးချုပ် တရားသူကြီးအဖြစ်နဲ့ ခန့်အပ်ဖို့ အဆိုပြု တင်သွင်းတာ ခံထားရတဲ့ ဆိုနီယာ ဆိုတိုမာယာ (Sonia Sotomayor) က သူမအနေနဲ့ အမှုတိုင်းကို ဥပဒေနဲ့အညီ ဆောင်ရွက်သွားမယ်လို့ ပြောကြားလိုက်ပြီး သူမရဲ့ တရားရေးပိုင်းဆိုင်ရာ အယူအဆနဲ့ ပတ်သက်ပြီး ရီပတ်ဘလီကန် ပါတီဝင်တွေ စိုးရိမ်နေတာကို ဖြေဖျောက်ဖို့ ကြိုးစားလိုက်ပါတယ်။

တရားသူကြီးတာဝန်က ဥပဒေရေးဆွဲဖို့ မဟုတ်ဘဲ ဥပဒေအတိုင်း လိုက်နာ ဆောင်ရွက်ဖို့ ဖြစ်တယ်လို့ အထက်လွှတ်တော် တရားရေးရာ ကော်မတီကို မစ္စဆိုတိုမာယာက တနင်္လာနေ့မှာ ပြောကြားလိုက်ပါတယ်။ သူမရဲ့ ကိုယ်ပိုင် အတွေ့အကြုံနဲ့ လုပ်ငန်းခွင် အတွေ့အကြုံတွေက နားထောင်မှုအပိုင်းနဲ့ နားလည်မှုအပိုင်းတွေကို အထောက်အကူ ဖြစ်စေတယ်လို့လည်း ပြောကြား လိုက်ပါတယ်။

ဒါပေမဲ့ အမှုတိုင်းရဲ့ ဆုံးဖြတ်ချက်ကို ဥပဒေကပဲ ပြဋ္ဌာန်းဆုံးဖြတ်တာ ဖြစ်တယ်လို့ မစ္စဆိုတိုမာယာက ပြောပါတယ်။

အထက်လွှတ်တော်က အတည်ပြုလိုက်မယ် ဆိုရင်တော့ ဆိုတိုမာယာဟာ ပထမဆုံး လက်တင်အမေရိကနွယ်ဝင် တရားရုံးချုပ် တရားသူကြီး ဖြစ်လာမှာ ဖြစ်ပါတယ်။ အဲဒီအပြင် သူမဟာ အမေရိကန်နိုင်ငံ တရားရုံးချုပ်ရဲ့ တတိယမြောက် အမျိုးသမီး တရားသူကြီးလည်း ဖြစ်လာမှာ ဖြစ်ပါတယ်။

ဆိုတိုမာယာရဲ့ အောင်မြင်မှုတွေနဲ့ တရားရေးပိုင်းဆိုင်ရာ မှတ်တမ်းအစဉ်အလာ ကောင်းတွေကို အထက်လွှတ်တော် တရားစီရင်ရေး ကော်မတီ သဘာပတိ ပက်ထရစ် လေဟီး (Patrick Leahy) က ချီးကျူးပြောဆိုလိုက်ပြီး သူမရဲ့ ကောင်းမွန်တဲ့ အစဉ်အလာတွေကို မဖျက်ဆီးပစ်ဖို့လည်း တိုက်တွန်းပြောကြားလိုက်ပါတယ်။

ဒါပေမဲ့ ရီပတ်ဘလီကန် ပါတီဝင်တွေကတော့ သမာသမတ် ကျသည့်တိုင်အောင် ဆိုတိုမာယာဟာ လက်တင်နွယ်ဖွား အမျိုးသမီး ဖြစ်တာကြောင့် အဲဒီအတွေ့အကြုံတွေက သူမရဲ့ ဆုံးဖြတ်ချက်တွေအပေါ်မှာ လွှမ်းမိုးမှုတွေ ရှိလာနိုင်တယ် လို့လည်း ပြောဆိုလိုက်ပါတယ်။

ဝက်တုပ်ကွေးဗိုင်းရပ်စ် ပျံ့နှံ့မှု မတားဆီးနိုင်

14 July 2009


ကမ္ဘာ့ကူးစက်ကပ်ရောဂါ ဖြစ်နေတဲ့ H1N1 အမျိုးအစား ဝက်တုပ်ကွေး ပျံ့နှံ့ဖြစ်ပွားမှုကို တားဆီးလို့ မရနိုင်တော့ဘဲ နိုင်ငံတိုင်း မှာ ရောဂါကာကွယ်ဆေးတွေ လိုအပ်နေတယ်လို့ WHO ကမ္ဘာ့ကျန်းမာရေးအဖွဲ့ကြီးရဲ့ ထိပ်တန်း တာဝန်ရှိသူ တယောက်က ပြောကြားလိုက်ပါတယ်။

ရောဂါကူးစက်ပြန့်ပွားချိန်မှာ ကျန်းမာရေး စောင့်ရှောက်မှုပေးမယ့် ကျန်းမာရေးဝန်ထမ်းတွေ အနေနဲ့ အရင် ကာကွယ်ဆေး ထိုးထားသင့်တယ်လို့ WHO ကာကွယ်ဆေး သုတေသနဌာန အကြီးအကဲက ပြောလိုက်ပါတယ်။

ဘယ်သူ့ကို ကာကွယ်ဆေး ထိုးပေးရမလဲဆိုတာကို သက်ဆိုင်သူတွေက ဆုံးဖြတ်ပေးရမယ်လို့လည်း သူက ပြောပါတယ်။ ဝက်တုပ်ကွေးဖြစ်ပွားမှု အများစုဟာ ရောဂါမပြင်းထန်သလို လူနာတွေအနေနဲ့ ဆေးရုံသွားစရာ မလိုပါဘူး။ ဒါပေမဲ့ တချို့ အခြေအနေတွေမှာ ဗိုင်းရပ်စ်ပိုးဟာ ပြင်းထန်လာနိုင်ပါတယ်။

ရင်ကျပ်ရောဂါသည်တွေ၊ ကိုယ်ဝန်ဆောင်တွေလိုမျိုး ကျန်းမာရေး အတိမ်းအစောင်း မခံနိုင်တဲ့သူမျိုးမှာ ကူးစက်ရင်တော့ သေဆုံးတဲ့အထိ ဖြစ်နိုင်ပါတယ်။ အဝလွန်တဲ့သူတွေမှာ ကူးစက်ရင် ပိုပြီး စိုးရိမ်စရာ အခြေအနေ ရှိတယ်လို့ သုတေသနတွေက တွေ့ရှိပါတယ်။

မြန်မာနှင့်ကုန်သွယ်ရာတွင် တက်ကနက် ဆိပ်ကမ်းမှ တာကာ သန်းပေါင်း ၆၉၀ ရရှိ
7/14/2009


၂၀၀၈-၀၉ ဘဏ္ဍာရေး အတွင်း မြန်မာနှင့် ကုန်သွယ်ရာတွင် တက်ကနက် ဆိပ်ကမ်းမှ နိုင်ငံတော်ဝင်ငွေ သန်းပေါင်း တာကာ ၆၉၀ ရရှိကြောင်း ဘင်္ဂလာ အာဏာပိုင်များက ယမန်နေ့က ထုတ်ဖေါ် ပြောကြားသည်။

အဆိုပါ ရရှိသော အကောက်တော်ဝင်ငွေမှာ သတ်မှတ် ရာတားချက် အနည်းငယ် လျော့နည်းနေပြီး ရာတား သတ်မှတ်ချက်မှာ တာကာ သန်းပေါင်း ၇၇၀ ဖြစ်သည်ဟု တက်ကနက် အကောက်ခွန်ဌာ အကြီးအကဲ ရှိတ်အာကာရန် ဟူစိန်က ပြောသည်။

အဆိုပါ ရာတားချက်ငွေမှာ ၂၀၀၇-၀၈ ခုနှစ် ဘဏ္ဍာရေးနှစ်အတွင်း မြန်မာနှင့် ကုန်သွယ်ရာတွင် တက်ကနက် ဆိပ်ကမ်းမှ ရရှိခဲ့သော ၀င်ငွေ ပမာဏ ဖြစ်သည်။

ယခုကဲ့သို့ အကောက်ခွန်ဝင်ငွေ သန်းပေါင်း ၈၀ နီးပါးခန့် လျော့ကျသွားရခြင်းမှာ မြန်မာဘက်မှ ငါးတင်ပို့မူ လျော့ကျသွား၍ ဖြစ်သည်ဟု ရှိတ်အာကာရန်က ပြောသည်။

၂၀၀၇-၀၈ ခုနှစ်တွင် တက်ကနက် ကုန်သွယ်ရေးဂိတ်မှ ရရှိခဲ့သော သန်းပေါင်း တာကာ ၇၇၀ တွင် ၆၀ ရာခိုင်းနုန်း အကောက်တော်ဝင်ငွေမှာ မြန်မာက တင်သွင်းလာသော ငါးများမှ ဖြစ်သည်ဟု သူက ဆက်ပြောသည်။

လွန်ခဲ့သော ၂၀၀၈-၀၉ ခုနှစ်အတွင်း မြန်မာမှ ငါးတင်ပို့မူ ရပ်ဆိုင်းသွားရခြင်းမှာ မသမာသူ စီးပွားရေးသမားများက မြန်မာငါးများတွင် ဖေါ်မလင် ဓါတု ဆေးဝါးများသုံးစွဲမူကြောင့် ဘင်္ဂလာဘက်မှ ၀ယ်လိုအား လျော့ကျသွား၍ ဖြစ်သည်ဟု သူက ဆက်လက် ပြောဆိုသည်။

မြန်မာနိုင်ငံမှ လွန်ခဲ့သောနှစ်က အဓိက တင်ပို့ခဲ့သော ကုန်ပစ္စည်းများမှာ ဘိနပ်မျိုးစုံ၊ သစ်မာ အမျိုးမျိုး၊ ဇီတော်ဖီ၊ ငါး၊ ငရုတ်ကောင်းစေ့ အပါအ၀င် ကြက်သွန်ဖြူ ကြက်သွန်နီနှင့် ဟင်းခတ် အမွှေးအကြိုင်များနှင့် ဆားစိမ် သနပ်များမှ ဖြစ်သည်ဟု သိရသည်။

အဆိုပါ တက်ကနက် ကုန်သွယ်ရေး ဆိပ်ကမ်းမှာ မောင်တောမြို့ တဘက်ကမ်း ဘင်္ဂလာဘက် နတ်မြစ် ကမ်းခြေတွင် တည်ရှိပြီး တက်ကနက်မြို့မှ မြောက်ဘက် (၅) မိုင်ခန့် အကွာတွင် တည်ရှိသည်။

မြန်မာနိုင်ငံမှ တင်သွင်းလာသော တရားဝင်နှင့် တရားမ၀င် ကုန်ပစ္စည်းများကို လက်ခံ ၀ယ်ယူရာ သင်္ဘောဆိပ်ကမ်း တခုဖြစ်ပြီး မြန်မာနှင့် ကုန်သွယ်ရာတွင် အဓိက အရေးပါဆုံး ဆိပ်ကမ်း ဖြစ်သည်။ မြန်မာနိုင်ငံ ကမ်းရိုးတန်း တလျောက်ရှိ ဆိပ်ကမ်းများမှ သင်္ဘောများ အမြဲဝင်ထွက်သွားလာနေသော ဆိပ်ကမ်း တခုလည်း ဖြစ်သည်။

ဘင်္ဂလာဒေခ်ျ့ အရာရှိများ အနေဖြင့် နှစ်စဉ်နှစ်တိုင်း တက်ကနက် ဆိပ်ကမ်းမှ မြန်မာနှင့် ကုန်သွယ်ရာတွင် ရရှိသော အကောက်တော်ငွေအား လူသိရှင်ကြား ထုတ်ပြန်ကျေညာသော်လည်း မြန်မာ နအဖ စစ်အစိုးရမှ မောင်တော အကောက်ဂိတ်မှ ရရှိငွေ လူသိရှင်ကြား ထုတ်ပြန်ကျေညာလေ့ မရှိကြောင်း သိရသည်။


လယ်ပိုင်ရှင်များ စပါးမစိုက်နိုင်သောကြောင့် လယ်အငှားလုပ်သူများ ပိုပြီးဒုက္ခရောက်နေ
Tuesday, 14 July 2009 22:05 ဖြိုးကြီး
ယခုနှစ် စပါးစိုက်ရာသီတွင် လယ်ပိုင်ရှင်များအနေဖြင့် စပါးစိုက်ခင်းများ မလုပ်နိုင်သဖြင့် ၎င်းတို့ကို မှီခိုနေရသည့် လယ်အငှားလုပ်သားများမှာ အခက်ခဲများစွာ ကြုံတွေ့နေရသည်။

ပဲခူးတိုင်း၊ ညောင်လေးပင်မြို့နယ်အတွင်းရှိ လယ်သမားများအနေဖြင့် ပြီးခဲ့သည့်နှစ်က ပဲ၊ စပါးများ အရှုံးပေါ်ခဲ့သည့်အတွက် ယခုအခါ စပါးစိုက်ပျိုးနိုင်ခြင်းမရှိဘဲ ကျဲခင်းများ လုပ်ကိုင်နေရကြောင်း ဒေသခံတဦးက ပြောသည်။

"စိုက်ခင်းလုပ်တာ မရှိတော့ လယ်အငှားလိုက်လုပ်တဲ့သူတွေက အလုပ်လက်မဲ့ဖြစ်ပြီး နယ်စပ် မြဝတီ၊ မဲဆောက်ဘက်မှာ အလုပ်ကြမ်းတွေ လိုက်လုပ်ကြတယ်၊ အဲလိုမသွားနိုင်တဲ့ သူတွေက ရွာထဲမှာ ဒီတိုင်း ငုတ်တုတ်အငတ်ခံနေရတဲ့ အခြေအနေကို ဖြစ်နေတာ၊ လယ်သမားဆိုတာ မြေပိုင်ရှိတဲ့သူတွေလို့ ထင်ကြတာ၊ တကယ်တမ်းကျတော့ လယ်ပိုင်မရှိဘဲ လယ်လိုက်လုပ်နေရတဲ့ သူတွေလဲ အများကြီး၊ အဲဒီလူတွေပါ ထိခိုက်ကုန်တာ" ဟု ပြောသည်။

လယ်သမားများအနေဖြင့် ပြီးခဲ့သည့်နှစ်က ချေးယူထားသည့် အကြွေးများ မကျေသဖြင့် ထပ်မံချေးမည့်သူ မရှိသည့်အပြင် နွားများ၊ စက်များရောင်းကာ ကြွေးဆပ်နေရကြောင်း ၎င်းက ဆက်ပြောသည်။

စိုက်ပျိုးရေးဘဏ်မှ လယ်သမားများကို ထုတ်ပေးသည့် ချေးငွေ တသောင်းနှုန်းဆိုသည်မှာလည်း စပါးမျိုးဝယ်ရန်ပင် မဖြစ်နိုင်ကြောင်းနှင့် ကြံ့ခိုင်ရေးအသင်းမှ ပေးသည့် ချေးငွေမှာ အာဏာပိုင်များနှင့်နီးစပ်သူများသာ ရသည်ဟု ပြောသည်။

"မြို့နယ်ကြံ့ခိုင်ရေးက ချေးတာ ကြားတယ်၊ အဲဒါကလဲ လက်သင့်ရာ စားတော်ခေါ်သဘောပဲ၊ ရယကနဲ့အဆင်ပြေတဲ့ သူတွေလောက်သာ ရသွားတာ၊ စိုက်ဘဏ်က ပေးတာကို စပါးစိုက်ရာသီမှာ စားစရိတ်ခုမိလောက်တဲ့ သဘောနဲ့ လယ်သမားတွေက ယူတာ" ဟု ပြောသည်။

ညောင်လေးပင်မြို့နယ်အတွင်း ကျေးရွာအုပ်စု ၆၀ ရှိပြီး စပါးစိုက်ဧက တသိန်းနှစ်သောင်းကျော်ရှိကာ ယခုနှစ် စိုက်ပျိုးမှုများမှာ စိုက်ဧက တဝက်ခန့်သာရှိပြီး ကျဲခင်းများ လုပ်ထားရခြင်းဖြစ်သည်။

"အခုစိုက်ထားတာတွေရဲ့ (၆၅) ရာခိုင်နှုန်းကျော်က ကျဲခင်းတွေပဲ၊ စိုက်ခင်းက တဧကကို စပါးတင်း ၆၀ လောက် ထွက်တယ်၊ ကျဲခင်းက ၃၀ လောက်ပဲ ထွက်တာ၊ အဲဒါ သိပေမဲ့လဲ စိုက်စရိတ်မရှိလို့ လုပ်ထားရတာ" ဟု ပြောသည်။

ယခုကဲ့သို့ လယ်ပိုင်ရှင်များကိုယ်တိုင် စပါးစိုက်ပျိုးနိုင်ခြင်းမရှိသည့်အတွက် လယ်အငှားလုပ်သူများမှာ အလုပ်လက်မဲ့ဖြစ်ပြီး ဒေသတွင်း အလုပ်လက်မဲ့ဦးရေ များပြားလာနေလျက်ရှိသည်ဟု ဆက်ပြောသည်။

မန္တလေးမှ လူသတ်မှု သတင်းဖြင့် သံဃာထု သိက္ခာကို ချဖို့ကြံစည်

မိုးမခ အထောက်တော်၊ ရန်ကုန်

ဇူလိုင် ၁၅၊ ၂၀၀၉

ယမန်နေ့ထုတ် ၀ိကလီး အလဲဗင်း ဂျာနယ် အချပ်ပို စာမျက်နှာ ၁ တွင်ပါရှိသည့် မန္တလေး မြို့ဘုန်းတော်ကြီး ကျောင်း တကျောင်းမှ ၃လောင်းပြိုင်လူသတ်မှု သတင်းသည် သံဃာထု အပေါ်လူအများ ယုံကြည်မှု ကျဆင်းစေရန် တမင်ရည်ရွယ်ပြီး နအဖ အစိုးရက ထည့်သွင်းဖေါ်ပြစေသည်ဟု မန္တလေးမြို့ခံများက နားလည် သဘောပေါက်လျက် ရှိသည်ဟု မန္တလေး မြို့ခံအချို့က ပြောဆိုသည်။
ဇူလိုင်လ ၁၃ရက်နေ့စွဲ ဖြင့်ထုတ်ဝေသည့် ၀ိကလီး အလဲဗင်းဂျာနယ်တွင် မန္တလေး ဒေးဝန်း အနောက်ရက်ကွက် ၊ အကောက်ဝန်မင်းကြီး ကျောင်းတိုက် အရှေ့ဆောင်တွင် သီတင်းသုံးနေသည့် သံဃာနှစ်ပါးကို မာတုဂါမကိစ္စဖြင့် အငြိုးထားပြီး အရပ်သား တဦးက ညအချိန်တွင် လာရောက် သေကြောင်းကြံရာမှ အရပ်သားနှစ်ဦးနှင့် သံဃာတပါး အသက်ဆုံးရှုံးခဲ့ရသည်ဟု ဖေါ်ပြထားခဲ့သည်။

သာမန်အားဖြင့် ထိုသို့သော သတင်းမျိုးကို ဖေါ်ပြခွင့် ပိတ်ပင်ထားလေ့ ရှိသော်လည်း ယခုအဖြစ်အပျက်ကို စာပေစိစစ်ရေး နှင့်နီးစပ်သည်ဟု သတင်းကြီးသော ၀ိကလီး အလဲဗင်း ဂျာနယ်တွင် ဖေါ်ပြစေခြင်း သည် သဘောရိုးမဟုတ်နိုင်ဟု မီဒီယာ အသိုင်းအ၀ိုင်းမှ ပြောဆိုလျက်ရှိသည်။ ၂၀၀၇ စက်တင်ဘာ သံဃာ့အရေးအခင်းနောက်ပိုင်း သံဃာထုကို ပစ်မှတ်ထားလာသည့် နအဖ အစိုးရ၏ ၀ါဒဖြန့်ချိမှု တခု အနေဖြင့် ယခု သတင်းဖေါ်ပြခြင်းဖြစ်သည် ဟုလည်း ရန်ကုန်မီဒီယာ အသိုင်းအ၀ိုင်းမှ နားလည် သဘောပေါက်လျက်ရှိသည်။

နအဖ အစိုးရသည် ၂၀၀၇ ခုနှစ် သံဃာ့အရေး အခင်းတွင်ပါဝင်သော ရဟန်းသံဃာများကို အသရေ ပျက်စေရန်ရည်ရွယ်ပြီး ငွေကြာယံကျောင်းတိုက် တွင် ဝေယျာဝစ္စလုပ်ကိုင်ပေးသည့် ဒကာမ၊ နယ်မှ ဆေးကုရန် လာရောက်တည်းခိုနေသည့် ဒကာမ အမျိုးသမီးများ၏ အ၀တ်အစားများကို ရှာဖွေသိမ်းဆည်းပြီးခြင်း၊ အတင်းအဓမ္မ ခြိမ်းခြောက်ထွက်ဆို စေခြင်းများ ပြုလုပ်ခဲ့သည်။ ငွေကြာယံကျောင်းတိုက်ကို စက်တင်ဘာ ၂၇ရက်နေ့ အာရုံတက်ချိန်တွင် စစ်တပ်ဖြင့် အကြမ်းဘက် ၀င်စီးခဲ့ပြီးနောက် သေဆုံး၊ ဒဏ်ရာရခဲ့သည့် သံဃာအများ အပြားရှိခဲ့ပြီး ငွေကြာယံ ကျောင်း ၀င်စီးပြီးနောက် မြင်ကွင်း ဓါတ်ပုံဗီဒီယိုများမှာ နိုင်ငံတကာ မီဒီယာများအထိ ပြန့်နှံ့ခဲ့သည်။



ကယန်းမျိုးဆက်သစ်လူငယ်မှ အမြင်သဘောထားများထုတ်ပြန်ခြင်း

Kaowao ဇူလိုင် ၁၄၊၂၀၀၉။
စံခလပူရီ(ဇူလိုင်-၁၄)။ ။၁၀ရက်၊ ဂျူလိုင်၊ ၂၀၀၉ နေ့စွဲဖြင့်ကယန်းမျိုးဆက်သစ်လူငယ်အဖွဲ့မှ လက်ရှိစစ်အစိုးရ၏ ကယန်းတိုင်းရင်းသားများ နည်းအမျိုးမျိုးဖြင့် ဖိနှိပ်နေမှုအပေါ် အမြင်သဘောထားတစ်ရပ်ကို ထုတ်ပြန်ကြေညာ ခဲ့ရာ အောက်ပါအတိုင်း အပြည့်အစုံ ဖေါ်ပြအပ်ပါသည်။



ကယန်းပြည်သူလူထု၏ ဘဝလုံခြုံမှု ထိခိုက်နေခြင်း ၊ လျစ်လျူရှုခံနေရခြင်းနှင့် စပ်လျဉ်းးသည့်
သတင်းအချက်အလက်များအပေါ် ကယန်းမျိုးဆက်သစ်လူငယ်၏ အမြင်သဘောထားလတ်တလော ဖြစ်ရပ်များ

ဇွန်လ (၁၈) ရက်နေ့တွင် ကယန်းဒေသ၏ ဖယ်ခုံမြို့အရှေ့ဘက်ကမ်း လွိုင်စတီကျေးရွာအနီး ပတ်ဝန်းကျင်တွင် ရလလဖ (ရှမ်းပြည်လူမျိုးပေါင်းစုံ လွတ်မြောက်ရေးအဖွဲ့) ၏ ခွဲထွက်အဖွဲ့မှ တပ်ဖွဲ့ဝင် (၅)ဦးခန့် ရောက်ရှိလှုပ်ရှား နေကြောင်း နအဖ ထောက်လှမ်းရေးမှ သတင်းရရှိခဲ့ပြီး ဖယ်ခုံမြို့အခြေစိုက် စကခ(၇)မှစစ်ဆင်ရေး တစ်ရပ်ပြု လုပ်ခဲ့သဖြင့် အပြန်လှန် တိုက်ပွဲဖြစ်ပွားခဲ့ပါသည်။ ထိုစစ်ဆင်ရေးအား ခလရ(၃၃၆)၏ တပ်ရင်းမှူး ဗိုလ်မှူးနိုင်ဦးက စစ် ကြောင်းမှူးအဖြစ် ဦးဆောင်ခဲ့ပြီး (၃၃၆)၊ (၄၂၁)နှင့် (၄၂၂) ခြေလျင်တပ်ရင်းတို့မှ တပ်သား(၇၀)ခန့် ပါဝင် ခဲ့သည်။ တိုက်ပွဲ အတွင်း နှစ်ဖက်လုံး အကျအဆုံးနှင့် ဒဏ်ရာရသူများရှိခဲ့ပြီး နအဖမှ ရလလဖ ခွဲထွက်အဖွဲ့၏ တပ်သားအချို့ကို ဖမ်းဆီးရမိကြောင်း သိရပါသည်။

ထိုတိုက်ပွဲအပြီးတွင် ထိုအနီးနားတဝိုက်ရှိ ဖယ်ခုံအရှေ့ဘက်ကမ်းရှိ ၊ လွိုင်စတီကျေးရွာ နှင့် ပေါင်းလောင်းရွာ အပါအဝင် နန်းဟီးကျေးရွာအုပ်စု အတွင်း စကခ(၇)မှ G-2 ဖြစ်သူ ဗိုလ်မှူးကြီး ကျော်စန်းဝင်း စစ်ကြောင်းမှူးအဖြစ် ဦးဆောင်သော ခလရ(၃၃၆)နှင့် ခလရ (၄၂၁)မှ တပ်သား (၄၀)ခန့်သည် နယ်မြေရှင်းလင်းရေး အကြောင်းပြပြီး ကျေးရွာနေလူထုများအား လိုက်လံ ညှင်းပန်းနှိပ်စက်ခြင်းများ ပြုလုပ်ခဲ့ကြသည်။

ရလလဖ ခွဲထွက်အဖွဲ့မှ တပ်သားများ မိမိတို့ရွာအနီးနားတွင် နေရာယူ၊ သွားလာ၊ လှုပ်ရှားနေသည်ကို နအဖ၏တပ် များအား တစ်စုံတစ်ရာ သတင်းမပေးခဲ့မှုကို အကြောင်းပြပြီး လွိုင်စတီကျေးရွာနှင့် ပေါင်းလောင်းကျေးရွာမှ ရွာသူ ရွာသားများအား ဖမ်းဆီး၊ ရိုက်နှက်ခြင်းများနှင့် လူမဆန်စွာ ညှင်းပန်းနှိပ်စက်ခဲ့ကြသည်။

ယောကျာင်္းဖြစ်သော ရွာသားများအား နံနက် (၈)နာရီမှ ည(၈)နာရီအထိ လမ်းပေါ်တွင် ပြားပြားဝပ် မှောက်အိပ်ခိုင်း ထားကာ တဦးချင်းဆွဲထုတ်၍ သေနတ်၊ တုတ်များဖြင့် ထုထောင်းရိုက်နက်ခဲ့ပြီး အမျိုးသမီးနှင့် ကလေးများကို
အိမ် တစ်လုံးထဲတွင် သော့ခတ်ပိတ်ထားခဲ့ပါသည်။ ရွာအတွင်းရှိ အိမ်များကိုလည်း တစ်အိမ်တက်တအိမ်ဆင်း မွေနှောက် ရှာဖွေကာ တွေ့ရှိသော ရွှေ၊ ငွေများနှင့် အဖိုးတန်ပစ္စည်းများကို သိမ်းယူသွားခဲ့သည်။ ထိုမျှမကပဲ မွေးမြူထားသော ကြက်၊ ဝက်၊ ကျွဲ၊ နွား များကို သတ်ဖြတ်ယူသွားပြီး ဈေးဆိုင်များရှိ ဘီယာ၊ အရက်စသည့် အစားအသောက် ပစ္စည်းများကို နအဖ တပ်သားများ အလိုကျ သိမ်းယူစားသောက်ခဲ့ကြသည်။

ထိုလူမဆန်သော လုပ်ရပ်များကို ကျေးရွာလူထုက နန်းဟီးကျေးရွာအုပ်စု၏ ရယက ဥက္ကဌဖြစ်သူ ဦးမောင်ထွန်း အား တိုင်တန်းခဲ့ပြီး ရယကဥက္ကဌမှ ထိုလုပ်ရပ်များကို ဆက်လက်မပြုလုပ်ကြပါရန် နအဖ စစ်တပ်သားများအား လာရောက် ပန်ကြားရာ ရယကဥက္ကဌ ဦးမောင်ထွန်းကို ခြေလက်တွင် ကြိုးတုတ်ပြီး ဦးခေါင်းမြေစိုက်ပုံစံဖြင့် လူကို ပြောင်းပြန်ချိတ် ကာ ထုထောင်းရိုက်နှက်ခဲ့သည်။ ၎င်းအပြင် လွိုင်စတီကျေးရွာမှ ဦးမောင်တန်အား သူပုန်များကို လက်ခံကျွေးမွေးခဲ့ သည်ဟု စွပ်စွဲပြီးထောင်ဒဏ် (၁၀)နှစ်မှ သေဒဏ်အထိ ပြစ်ဒဏ်ပေးမည်ဟု အာဏာပိုင်များမှ ပြောဆိုပြီး ခလရ (၃၃၆)တွင် ဖမ်းဆီးချုပ်နှောင်ထားသည်။

ယနေ့အထိ ဖယ်ခုံမြို့အခြေစိုက် ခလရ (၃၃၆)တပ်ရင်း၌ နန်းဟီးကျေးရွာအုပ်စု ရယကဥက္ကဌ ဦးမောင်ထွန်း၊ ဦးမောင်တန်နှစ်ဦး အပါအဝင် ပေါင်းလောင်းရွာနှင့် လွိုင်စတီကျေးရွာမှ ရွာသား (၁၈)ဦးခန့်အား ဖမ်းဆီးစစ်ဆေး ပြီး နေ့စဉ်ရက်ဆက်ညှင်းပန်း နှိပ်စက်နေဆဲပင်ဖြစ်သည်။

ထိုကဲ့သို့ နယ်မြေရှင်းလင်းရေး စစ်ဆင်ရေးဟု အကြောင်းပြပြီး တိုက်ပွဲဖြစ်ပွားခဲ့သော (၁၈)ရက်နေ့မှ (၂၄)ရက် နေ့ အထိ ပေါ်တာဆွဲခြင်းများ၊ နှိပ်စက်ညှင်းပန်းခြင်းများအား ဖယ်ခုံမြို့အရှေ့ဘက်ကမ်းရှိ ကျေးရွာများမှ
ဖယ်ခုံမြို့ မြောက်ဘက်ပိုင်း ကုန်းဆုံရွာ စသည်တို့တွင် နအဖတပ်များမှ ပြင်းပြင်းထန်ထန် ပြုလုပ်ခဲ့ပြီး နောက်ပိုင်း (၃၀)ရက် နေ့အထိလည်း အချို့ရွာများတွင် ဆက်လက်ဖြစ်ပွားနေဆဲပင်ဖြစ်သည်။ နောက်ပိုင်းတွင်မူ ထိုဒေသ တဝိုက်ရှိ ကျေး ရွားပေါင်း (၁၀)ရွာကျော်တွင် နအဖတပ်များ ဆက်လက်တပ်စွဲထားပြီး ရွားသားများ၏ သွားလာမှုများကို တင်းကြပ်စွာ ထိန်းချုပ်ထားဆဲပင်ဖြစ်သည်။

အထက်ပါ အဖြစ်ပျက်များကြောင့် ထိတ်လန့်ခြောက်ခြားသွားခဲ့ပြီး ပေါင်းလောင်းနှင့် လွိုင်စတီရွာမှ ထွက်ပြေးတိမ်း ရှောင်သွားသည့် မိသားစုလည်းအများပြားပင်ရှိခဲ့ပြီး အခြားဒေသရှိ ကယန်းလူထုများသည်လည်း စိတ်ပိုင်းဆိုင်ရာ ကြောက်လန့်နေဆဲပင်ဖြစ်သည်။

ဒေသတွင်း အဖွဲ့အစည်းများ၏ တုန့်ပြန်မှုများ ကင်းမဲ့ခြင်း

တိုက်ပွဲများနှင့် နောက်ဆက်တွဲ လူမဆန်စွာညှင်းပန်းနှိပ်စက်ခြင်းများ ဖြစ်ပွားခဲ့သည့် ဒေသသည် (၁၉၉၄)ခုနှစ် တွင် စစ်အစိုးရနှင့် စတင်အပစ်ခတ်ရပ်စဲထားသော ကယန်းပြည်သစ်ပါတီ၏ ထိန်းချုပ်ဒေသပင်ဖြစ်သည်။ သို့သော်လည်း ကယန်းပြည်သစ်ပါတီအနေနှင့် ထိုဖြစ်ရပ်များအပေါ်တွင် စစ်အစိုးရနှင့်သော်လည်းကောင်း၊ ပြည်သူလူထုနှင့်သော် လည်းကောင်း တစ်စုံတစ်ရာ ဆွေးနွေးခြင်း၊ ကူညီဖြေရှင်းပေးခြင်း မရှိခဲ့ပါ။

ဘာသာရေးအသင်းအဖွဲ့များ၊ လူမှုရေးအသင်းအဖွဲ့များသည်လည်းတစ်စုံတစ်ရာပင် ထုတ်ဖော်ပြောဆိုခဲ့ခြင်း မမြင်တွေ့ ရပေ။ ထိုဒေသအတွင်းလှုပ်ရှားနေသော ကုလသမဂ္ဂလက်အောက်ခံ အသင်းအဖွဲ့များဖြစ်သည့် ကုလသမဂ္ဂဖွံ့ဖြိုးရေး အစီအစဉ်(UNDP)၊ ကမ္ဘာ့စားနပ်ရိက္ခာအစီစဉ်(WFP)၊ ကမ္ဘာ့ကလေးများရံပုံငွေအဖွဲ့ (UNICEF)စသည့် အသင်း အဖွဲ့များလည်း တစ်စုံတစ်ရာ ကူညီပေးခြင်း၊ မှတ်တမ်းတင် သတင်းထုတ်ပြန်ခြင်းများ မပြုလုပ်ခဲ့ချေ။

မိမိတို့လူငယ်၏ အမြင်သဘောထား

ယနေ့ကယန်းဒေသတစ်ခုလုံးသည် နအဖစစ်အစိုးရမှပြောဆိုနေသည့်တရားဥပဒေစိုးမိုးမှုနှင့် အေးချမ်းတည်ငြိမ်မှု လုံးဝမရှိပေ။ ယခုအဖြစ်ပျက်များသည် နအဖစစ်အစိုးရမှ တိုင်းရင်းသားလူမျိုးများအပေါ်တွင် လူမျိုးပြုန်းသတ်ဖြတ် မှုကို အစီစဉ်ရှိရှိ ဆောင်ရွက်နေသည့် ဥပမာ သာဓကပင်ဖြစ်သည်။ နိုင်ငံတော်တာဝန်ကြီး(၃)ရပ်တွင် နအဖ စစ်အစိုးရ မှ ကြွေးကြော်နေသော တိုင်းရင်းသားစည်းလုံးညီညွတ်ရေး ဟူသောအချက်နှင့် ဆန့်ကျင်ဘက်သာ ဖြစ်သည်။

ကယန်းဒေသတစ်ခုလုံးသည် ဒေသတွင်း လက်နက်ကိုင်အဖွဲ့အစည်းများဖြစ်သည့် ကယန်းပြည်သစ်ပါတီ (KNLP)၊ ကရင်နီပြည်လူမျိုးပေါင်းစုံ ပြည်သူ့လွတ်မြောက်ရေးတပ်ဦး (KNPLF)၊ ကယန်းအမျိုးသားကာကွယ်ရေးအဖွဲ့ (KNG) စသည့်အဖွဲ့အစည်းများသည် စစ်အစိုးရနှင့်(၁၉၉၂)နောက်ပိုင်းတွင် အပစ်ခတ်ရပ်စဲထားပြီးဖြစ်ရာ ငြိမ်းချမ်းရေး နယ်မြေ အဖြစ် နအဖစစ်အစိုးရနှင့် လက်နက်ကိုင်အဖွဲ့အစည်းများမှ ခေါ်ဆိုလာခဲ့ကြသည်။ သို့သော်ယခုဖြစ်ရပ် များသည် ငြိမ်း ချမ်းရေး၏ လက္ခဏာများမဟုတ်သည်မှာ အသေချာပင်။

ကုလသမဂ္ဂလက်အောက်ခံအသင်းအဖွဲ့များ၊ နိုင်ငံတကာ အစိုးရမဟုတ်သည့် အဖွဲ့အစည်းများ (NGOs)နှင့် ဘာသာ ရေးအသင်းအဖွဲ့များမှ တရားဝင်သွားလာလှုပ်ရှားကာ လူထုကူညီထောက်ပံ့ရေး အစီစဉ်များကို ဆောင်ရွက်လျက်ရှိ ကြောင်း ပြောဆိုလေ့ရှိသော်လည်း ယခုဖြစ်ရပ်များအပေါ်တွင် တာဝန်ယူမှုကင်းမဲ့ခဲ့ကြသည်။

ထို့ကြောင့် ယနေ့ကယန်းလူထုတစ်ရပ်လုံးသည် လုံခြုံမှုကင်းမဲ့သော အခြေနေဆိုးအောက်တွင် လူအခွင့်အရေးချိုး ဖောက်မှုများကိုသာ နေ့စဉ်ခံစားရင်း ကျီးလန့်စာစားဘဝဖြင့်ပင် အသက်ရှင်နေရကြရသည်မှာ ဝမ်းနည်းဖွယ်ရာပင် ဖြစ်သည်။

နအဖ စစ်အစိုးရမှ ယခုကဲ့သို့ ရက်စက်မှုများဖြင့် လူထုအပေါ်တွင် ပြုမူဆက်ဆံနေခြင်းသည် လူထု၏မုန်းတီးမှုကို ဖန်တီးရယူခြင်းပင် ဖြစ်သည်။ လာမည့် (၂၀၁၀)တွင် ကျင်းပမည်ဟုပြောဆိုထားသော နအဖ၏ ရွှေးကောက်ပွဲနှင့် နိုင်ငံတော်ရှေ့လုပ်ငန်းစဉ်များအပေါ်တွင် လူထု၏အယုံကြည်ကင်းမဲ့မှုသည်သာ များပြားလာခဲ့ပြီဖြစ်သည်။ စစ်အစိုး ရ၏ အစိုးရလုပ်ငန်းများတွင် လုပ်ကိုင်နေကြသည့် ဝန်ထမ်းများ၊ တပ်မတော်သားများနှင့် သာမာန်လူထုများ အကြားရှိ အမြင်တိမ်းစောင်းမှု သည်လည်း ကြီးမားကျယ်ပြန့်လာသည်နှင့်အမျှ ထိပ်တိုက်ရန်လိုမှုများ ဖြစ်ပေါ်လာမည်မှာ အသေ ချာပင်။

ယခုအဖြစ်အပျက်အပါဝင် မြန်မာနိုင်ငံအနှံ့အပြားတွင် ဖြစ်ပွားလျက်ရှိသော လူ့အခွင့်ရေးချိုးဖောက်မှုများသည်
နိုင်ငံ တော်အာဏာအား မတရားရယူထားသော နအဖ စစ်အစိုးရတွင် တာဝန်အရှိဆုံးဖြစ်ပြီး စနစ်ဆိုး၏အဓိက တရားခံ ပင်ဖြစ်သည်။ ထို့ကြောင့် ဒီမိုကရေစီအသွင်ကူးပြောင်းသော ကာလတွင် နအဖ စစ်အစိုးရနှင့်အပေါင်းပါ များအား လူ ထုရှေ့တွင် တရားစီရင်ခြင်းကို ခံစားရပေလိမ့်မည်။

လူထုအား တိုက်တွန်းချက်

ယခုအဖြစ်အပျက်အား ဥပမာထားပြီး လေ့လာမှုပြုသောအခါ လူထုအခွင့်အရေးအတွက် အကာကွယ်ပေးမည့်အဖွဲ့ အစည်းများ ယနေ့ကာလတွင် မရှိကြောင်းအထင်ရှားပင် မြင်တွေ့နေရပါသည်။ ထို့ကြောင့် လူထုအခွင့်ရေးကို
ကာကွယ်ရန် လူထုကိုယ်တိုင်ပင် တာဝန်သိသိဆောင်ရွက်ရပေတော့မည်။

အရေးကြီးသည်မှာ စည်းလုံးညီညွတ်မှု၊ နားလည်မှုနှင့် တစ်ဦးနှင့်တစ်ဦး ချစ်ခင်မှုများတည်ဆောက်ရန် လိုအပ် ပါသည်။ ယခုအဖြစ်ပျက်များကဲ့သို့သော နာကျဉ်းဖွယ်ရာကိစ္စရပ်များ ထပ်မံမဖြစ်ပွားစေရန် အမှန်တရားအား ဖော်ထုတ်ပြီး အမှန်တရားအတွက် ရှေ့လျောက်အနာဂါတ်တွင် အသက်ပေး ရပ်တည်သွားကြရန် လိုအပ်နေပြီ ဖြစ်သည်။



သတင်းနှင့် ပြန်ကြားရေး
ကယန်းမျိုးဆက်သစ်လူငယ်

(၁၀ရက်၊ ဂျူလိုင်၊ ၂၀၀၉)

အကောက်ဂိတ်များလျှော့ကျ ကုန်သည်များဝမ်းသာ

Kaowao ဇူလိုင် ၁၄၊၂၀၀၉။
စံခလပူရီ(ဇူလိုင်-၁၄)။ ။ ယခုတစ်လော ဒီကေဘီအေ၊ ကေပီအက်ဖ် တပ်ဖွဲ့ဝင်များ KNU တပ်မဟာ ၆ ထံသို့ ဝင်ရောက်ပူးပေါင်းလာခြင်း၊ လက်နက်ချခြင်း၊ လက်နက်နှင့်စခန်းများ သိမ်းပိုက်ခံလိုက်ရခြင်းတို့ကြောင့် ဘုရားသုံးဆူ- ကြာအင်းဆိပ်ကြီးတလျှောက် ဇမိမြစ်ကြောင်းအတိုင်း ဂိတ်စခန်းအချို့ မရှိတော့သဖြင့် ကုန်သည်များအလွန်ဝမ်းသာနေကြကြောင်း ဆက်သွယ်မေးမြန်းမှုများအရ သိရသည်။

ထို့အတူလှေသမားများလည်း ဂိတ်ကြေးနည်းသွားသဖြင့် တွက်ခြေပိုကိုက်လာသည်ဟု ဆိုကြပါသည်။
သို့ရာတွင် လမ်းခရီးအခြေနေ တည်ငြိမ်မှုမရှိသဖြင့် ခရီးသွားများ နည်းသွားသည်ဟု မွန်ပြည်သစ်ဂိတ်မှ
ဆိုပါသည်။

လျော့ကျသွားသည့်ဂိတ်အချို့မှာ DKBA ချောင်းဝဂိတ်၊ ပိန္နဲဟတ်ဂိတ်နှစ်ဂိတ်နှင့် KPF သက်ကယ်ဂိတ်တို့
ဖြစ်သည်။

ပုံမှန်အားဖြင့် ဂိတ်တစ်ဂိတ်ဖြတ်သန်းခ ရေဆန်ခရီး ဘတ်ငွေ ၁၀၀၀၊ ရေစုန်ခရီး ၁၅၀၀ ခန့်ဖြစ်သည်။ ဂိတ် ၃ ဂိတ်လျှော့သွားသဖြင့် အသွားအပြန်ခရီးတွင် ဘတ်ငွေ ၇၅၀၀ ခန့်သက်သာလာပြီး မြန်မာကျပ်ငွေနှစ်သိန်း
ကျော် ခန့်ဖြစ်ပါသည်။သာမန်ကာလများတွင် ဂိတ်တစ်ဂိတ်၏ တစ်နေ့ဝင်ငွေမှာ ထိုင်းဘတ်ငွေ တစ်သောင်းခွဲ
ခန့် ရရှိသည်ဟု သိရသည်။

ဇမိမြစ်ကြောတလျှောက်ကို အဓိကအားဖြင့် KNU ကထိမ်းချုပ်ထားကာ NMSP, KPF, DKBA ဂိတ်စခန်းများ
အပြင် မြန်မာစစ်တပ်ဂိတ်၊ ကြာအင်းဆိပ်ကြီးရေတပ်ဂိတ်တို့ကိုလည်း ခရီးသည်များ၊ ကုန်သည်များထံမှ ဂိတ်ဖြတ်သန်းခများကောက်ခံလျှက် ရှိသည်။

ကေပီအက်ဖ် ဒုဗိုလ်မှူးကြီး စောလေးဝါး ပြန်လွတ်လာ
Tue 14 Jul 2009, IMNA
ကေပီအက်ဖ် တပ်ရင်း (၃) မှ တပ်ရင်းမှူး ဒုဗိုလ်မှူးကြီး စောလေးဝါးကို ကေအန်ယူ ဖမ်းဆီးထားခြင်းမှ ပြန်လွတ်လာပြီး ယမန်နေ့ည ၈ နာရီ ခန့်တွင် ဘုရားသုံးဆူရှိ နေအိမ်ထံတို့ ပြန်လည်ရောက်ရှိလာသည်။

လွန်ခဲ့သည့် ဇူလိုင်လ (၈) ရက်နေ့က ဒုဗိုလ်မှူးကြီး စောလေးဝါးနှင့်အ ဖွဲ့သည် နေပြည်တော်မှ မြန်မာစစ်အစိုးရအာဏာပိုင်တို့နှင့် တွေ့ဆုံပြီး နောက် ဘုရားသုံးဆူသို့ အပြန်လမ်း ဇမိချောင်းမှာ ကေအန်အယ်အေ တပ်ရင်း (၁၆) လက်အောက်ခံ တပ်ခွဲ (၂) စောချပ်သယ်ထူးအဖွဲ့၏ ဖမ်း ဆီးခြင်းကို ခံလိုက်ရသည်။ တပ်ရင်း (၁၆) သည် ဒုဗိုလ်မှူးကြီး မန်းတင် လှိုင်၏ တိုက်ရိုက်ကွပ်ကဲမှုအောက်တွင်ရှိသည်။

“မနေ့ညက ဗိုလ်စောလေးဝါးပြန်ရောက်လာတယ်၊ သူနဲ့အတူ သူ့ရဲ့ ဘီ အေတစ်ယောက်နဲ့ စီးပွားရေးသမားနှစ်ဦးလည်း ပြန် ရောက်လာတယ်” ဟု ကေပီအက်ဖ်နှင့်နီးစပ်သူတစ်ဦးက ပြောသည်။

ဘုရားသုံးဆူမြို့မှလာသော အတည်မပြုနိုင်သေးသည့် သတင်း တစ်ရပ် အရ ကေအန်ယူ၏ ဖမ်းဆီးခြင်းကိုခံရသည့် ဗိုလ်စောလေးဝါးသည် မန်း တင်လှိုင်၏ ဦးလေးအရင်း ဖြစ်သောကြောင့် ယခုလို စောလေးဝါးကို ပြန်လည်လွှတ်ပေးလိုက်သည်ဟု သတင်းထွက်ပေါ်နေသည်။

ဇူလိုင်လ (၈) ရက်နေ့ညနေတွင် ဒုဗိုလ် စောချပ်သယ်ထူးတို့အဖွဲ့သည် ကေပီအက်ဖ်မှ ဒုဗိုလ်မှူးကြီး စောလေးဝါးကို ဖမ်းဆီးပြီသည့်နောက် မဲ ကသာဒေသရှိ ကေပီအက်ဖ် စက်ကယ်တပ်ကို ထပ်မံသိမ်းဆီးလိုက်သည်။


မြန်မာအလုပ်သမားများအတွက် ထိုင်းနိုင်ငံမှာ ယာယီမြန်မာနိုင်ငံကူးလက်မှတ်စာအုပ်လုပ်ပေး
Tue 14 Jul 2009, IMNA, မိကျလွန်းထော
ထိုင်းနိုင်ငံအတွင်း အလုပ်လုပ်နေသော မြန်မာအလုပ်သမားများ အလုပ်သမားအခွင့်အရေးများ ချိုးဖောက်ခံနေရသည့်အတွက် ၄င်းတို့၏ရပိုင်ခွင့် အခွင့်အရေးများ ခံစားနိုင်ရန်အတွက် ထိုင်းမြန်မာ ယဉ်ကျေးမှုနှင့် စီးပွားရေးကော်မတီမှ ထိုင်းနှင့် မြန်မာအစိုးရတို့ထံမှ သဘောတူညီမှုရယူပြီး ဇူလိုင်လ (၁၅) ရက်နေ့တွင် မဲဆောက်မြို့၌ ယာယီမြန်မာနိုင်ငံကူးလက်မှတ်ပြုလုပ်ပေးမည်ဟု ၄င်းကော်မတီမှ အဖွဲ့ဝင်တစ်ဦးက ပြောသည်။

မြန်မာနိုင်ငံနှင့် ထိုင်းနိုင်ငံဘက်မှ လူဝင်မှုကြီးကြပ်ရေးဌာန၊ ပြည်ထဲရေးဝန်ကြီးဌာနနှင့် အလုပ်သမား ဝန်ကြီးဌာနတို့က သဘောတူညီချက်ရယူပြီး ထိုင်းနိုင်ငံတွင်ရှိသော မြန်မာအလုပ်သမားများအတွက် ယာယီမြန်မာနိုင်ငံကူးလက်မှတ်ပြုလုပ်ပေးမည်ဖြစ်သည်။ ပြုလုပ်မည့်ရုံများကိုလည်း မဲဆောက်၊ တာချီလိတ်နှင့် ကော့သောင်း မြို့တို့တွင် ပြုလုပ်ပေးမည်ဟု ထိုင်းမြန်မာယဉ်ကျေးမှုနှင့် စီးပွားရေးကော်မတီ မဲဆောက်ရုံးမှ အဖွဲ့ဝင်တစ်ဦးက ဆိုသည်။

“လွန်ခဲ့တဲ့ ၇ ခုနှစ်ကတည်းက စတင်ကြိုးပမ်းနေတာ၊ ဒီနှစ်မှပဲ မြန်မာအစိုးရက လက်မှတ်ထိုးပေး တယ်၊ အခုဆိုရင် ဘန်ကောက်မြို့က နေရာတော်တော်များများကို လိုက်ကြေငြာပြီးသွားပါပြီ၊ မဟာချိုင်မြို့လည်းသွားပြီးပြီး၊ တခြားမြို့နယ်ကိုသွားဖို့ အစီစဉ်ရှိပါတယ်၊ အချို့လူတွေကျတော့ အလိမ်ခံထိထားတာများလို့ ကြောက်နေကြတယ် ကျွန်တော်တို့က ကော်မတီရဲ့ ကဒ်ပြည့်ပြည့်စုံစုံ ကိုပြပေးပါတယ်” ဟု ၄င်းအဖွဲ့ဝင်နောက်တစ်ဦးက ပြောသည်။

အလုပ်သမားတစ်ဦးလျှင် အပြီးငြိမ်း ဘတ်ငွေ ၁၁၀၀၀ ဘတ် ပေးဆောင်ရမည်ဖြစ်ပြီး ပြုလုပ်မည့်နေရာ သွားလာရန်အတွက် ၄င်းတို့အဖွဲ့မှ တာဝန်ယူဆောင်ရွက်ပေးမည် ဖြစ်ကြောင်းနှင့် အကယ်၍ ၄င်းယာယီမြန်မာနိုင်ငံကူးလက်မှတ်ရရှိပါက ထိုင်းနိုင်ငံအတွင်းရှိ ဒေသအနှံ့အပြားသို့ သွားရောက်အလုပ်လုပ်ကိုင်နိုင်ကြောင်းလည်း သိရပါသည်။

အချို့အလုပ်သမားများမှာ မကြာခဏ အလိမ်ခံရသည့်အတွက် ယာယီမြန်မာနိုင်ငံကူးလက်မှတ် ပင်မလုပ်ချင်လောက်အောင် ဖြစ်နေသည်ဟုလည်း သိရပါသည်။

“လွန်ခဲ့တဲ့တစ်လလောက်ကပဲ ဒုတိယဝန်ကြီးချုပ်မောင်မောင်မြင့် လို့ပြောတာပဲ၊ ယာယီမြန်မာနိုင်ငံကူးလက်မှတ်လုပ်ရမယ် လို့လာပြောတယ်၊ မလုပ်ရင် အလုပ်ပေးမလုပ်ဘဲ မြန်မာပြည်ကိုပြန်ခိုင်းမယ်လို့ပြောတယ်၊ အဲဒီတုန်းက တစ်ယောက်ကို ဘတ်ငွေ ၅၀၀ ပေးပြီးတော့ ဖောင်ဖြည့်ပေးရတယ်” ဟု ဘန်ကောက်မြို့ ချွန်ပူရီ ပလပ်စတစ်စက်ရုံမှ မြန်မာအလုပ်သမားတစ်ဦးက ဆိုသည်။

၎င်းဝန်ကြီးအဖွဲ့သည် နောက်ထပ်နှစ်လဆိုလျှင် ယာယီမြန်မာနိုင်ငံကူးလက်မှတ် လာပို့ပေး မည်ဟုလည်း ပြောသွားကြောင်းနှင့် အချို့စက်ရုံများကိုလည်း ၄င်းနည်းတူ သွားရောက်ခဲ့သည်ဟု ၄င်းအလုပ်သမားက ဆက်ပြောသည်။

မြန်မာအလုပ်သမားသန်းနှစ်ချီရှိနေသော ထိုင်းနိုင်ငံတွင် ဤသို့ပတ်စပို့ပြုလုပ်ပေးသည်မှာ မည်သို့မှ မဖြစ်နိုင်ကြောင်းနှင့် မြန်မာအစိုးရမှ လက်မှတ်ထိုးပေးသည်မှာလည်း မြန်မာအစိုးရသည် ထိုင်းနိုင်ငံ တွင်ရှိနေသော အလုပ်သမားများအပေါ် တာဝန်မဲ့စွာဂတိပေးသည့်ပုံစံဖြစ်နေကြောင်း၊ ဤသို့ပြုလုပ် ခြင်းသည် လာမည့် ၂၀၁၀ ရွေးကောက်ပွဲတွင် စစ်အစိုးရကိုထောက်ခံနေသည့် သဘောသို့ သက်ရောက်နေသည်ဟု ဘန်ကောက်အခြေစိုက် မြန်မာနိုင်ငံဒီမိုကရေစီရရှိရေးထိုင်းလုပ်ငန်ကော်မတီမှ တာဝန်ရှိသူတစ်ဦးက ထုတ်ဖော်ပြောခဲ့သည်။

“အလုပ်သမားတွေမှာ သူတို့ရဲ့အခွင့်အရေးတွေအားလုံး ခံစားပိုင်ခွင့်ရှိတယ်၊ အချို့အလုပ်သမားတွေ ကျတော့ ဘာမှမသိဘူး သူဌေးပြောသမျှကို နာခံနေကြတယ်၊ သူတို့မှာ တိုင်ကြားပိုင်ခွင့် အပြည့်ရှိ တယ်၊ အခု အလုပ်သမားမှတ်ပုံကဒ်ကလည်း သူတို့အတွက် အထောက်အကူအများကြီးဖြစ်စေတယ်၊ ပတ်စပို့လုပ်တယ်ဆိုတာ မြန်မာအလုပ်သမားက ထိုင်းမှာလုပ်တယ်ဆိုတာ ဘယ်လိုမှ မဖြစ်နိုင်ဘူး” ဟု ၄င်းကဆက်ပြောသည်။

၎င်းတို့ကော်မတီအဖွဲ့သည် ပထမဦးဆုံးဖွင့်လှစ်ထားသည့်အတွက် ၄င်းထိုင်းအစိုးရအဖွဲ့က ရုံး (၃) ရုံးအတွက် အလှုငွေ ဘတ်ငွေ ၁၄၀ သိန်းကို လှုဒါန်ပေးခဲ့သည်ဟုလည်း ၄င်းအဖွဲ့ဝင်က ဆက်ပြော သည်။

၎င်းထိုင်းအစိုးရအဖွဲ့မှ ယမန်းနေ့ ကော့သောင်းမြို့သို့ ဆင်းသွားပြီး ကော့သောင်းမြို့အတွင်းရှိ စက်ရုံအ လုပ်သမားများအတွက် ယာယီမြန်မာ နိုင်ငံကူးလက်မှတ် အယောက် (၃၀) ကို ပြုလုပ်ပေးခဲ့သည်ဟု အဖွဲ့ဝင်က ပြောသည်။

“မနေ့က ကျွန်တော်တို့ စက်ရုံက အလုပ်သမား (၂၀) ဦး ယာယီမြန်မာနိုင်ငံကူးလက်မှတ်သွားလုပ်ကြတယ်၊ သူတို့ က ကျွန်တော်တို့ တင်ထားတဲ့ဖောင်းကို နေပြည်တော်ကို ပို့တယ်၊ သူတို့သေချာစစ်ပြီးမှ ဒီမှာကျွန်တော်တို့ လုပ်လို့ရတယ်လေ၊ ကျွန်တော့်နာမည်မပါသေးလို့ မလုပ်ရသေးဘူး၊ နာမည်စာရင်းက ကြိုတင် ပေးထားတာပဲ” ဟု ကော့သောင်းမြို့ ငါးပုဇွန်စက်ရုံမှ အလုပ်သမားတစ်ဦးက ဆိုသည်။

ယာယီမြန်မာနိုင်ငံကူးလက်မှတ် ပြုလုပ်ခွင့်ရသည့်အတွက် ပျော်ရွှင်ကြောင်း၊ မိမိတို့သွားခြင်သော နေရာသို့လည်းသွားလာနိုင် ကြောင်း၊ လွန်ခဲ့သော နှစ်များတွင် ပတ်စ်ပို့လုပ်ရန် မဝံ့ရဲသော်လည်း ယခုလိုမျိုး ထိုင်းအစိုးရနှင့် မြန်မာအစိုးရတို့ကိုယ်တိုင် သဘောတူညီမှုယူပြီးပြုလုပ်ပေးသည့်အတွက် ပတ်စ်ပို့လုပ်ရန် အားတက်လာကြောင်းကိုလည်း ၄င်းအလုပ်သမားက ဆက်ပြောသည်။

ယာယီမြန်မာနိုင်ငံကူးလက်မှတ်ပြုလုပ်သူများမှာ ထိုင်းအလုပ်သမားကဒ် (ဘတ်) နှင့် မြန်မာနိုင်ငံရှိ နေရပ်လိပ်စာအတိအကျကို ဖော်ပြပေးရမှာဖြစ်သည်။ ထိုမှတဆင့် မြန်မာနိုင်ငံရှိ နေပြည်တော်သို့ ပို့ဆောင်ရပြီး ၄င်းတို့မှတဆင့် စာရင်းအတိအကျ စစ်ဆေးပြီးမှသာ ထိုင်းနိုင်ငံသို့ ပြန်လည်ပို့ဆောင်ပြီး ယာယီမြန်မာနိုင်ငံကူးလက်မှတ်အဖြစ် ပြုလုပ်ပေးသည်ဟု သိရသည်။

“အလုပ်သမားဦးရေစာရင်း ၁ သောင်းခွဲကို ကျွန်တော်တို့ နေပြည်တော်ကိုပို့လိုတယ်၊ အခုလော လောဆယ်တော့ ၁ ထောင့် ၅ ရာလောက်ပဲ ကျွန်တော်တို့ဆီရောက်သေးတယ်၊ သူတို့ စစ်နေတုန်းပဲ လားတော့မသိဘူး၊ ဒီ (၁၅) ရက်နေ့ဆိုရင် မဲဆောက်မှာ စလုပ်ပေးမယ်၊ တစ်နေ့ကို လူဦးရေ ၂၀၀ လောက် ပြုလုပ်ပေးမယ်၊ နောက်ပြီးမြန်မာနိုင်ငံမှာလည်း နိုင်ငံခြားသွားတဲ့လူတွေရဲ့စာရင်းကို ကောက် ထားပြီးသားလည်းရှိတယ်လေ” ဟု အဖွဲ့ဝင်က ပြောသည်။

ယခုလဆန်းပိုင်းက ပြုလုပ်ထားသည့် အလုပ်သမားမှတ်ပုံတင်ကဒ် ကိုလည်း လာမည့် ၂၀၁၀ ခုနှစ် ဖေဖော်ဝါရီလတွင် ၄င်းကဒ်များ ဖြုတ်ပြီး အလုပ်သမားအားလုံး ယာယီမြန်မာနိုင်ငံကူးလက်မှတ်ကိုယ်စီ ရှိနေရမည်ကိုလည်း ထိုင်းအစိုးရအဖွဲ့မှ ထိုင်းရေဒီယိုလိုင်းတွင် စတင်ကြေငြာ နေပြီးကိုလည်း ၄င်းဆက်ပြောသည်။



အာဇာနည်တွေနေတဲ့တိုင်းပြည်

မိုးသော်သိန်း

ဇူလိုင် ၁၄၊ ၂၀၀၉

ကမ္ဘာပေါ်မှာ အာဇာနည်များစွာ ပေါ်ထွန်းခဲ့သည်။ မြန်မာမှလည်း အာဇာနည်များစွာ ပေါ်ထွန်း ခဲ့သည်။ ဇူလိုင် (၁၉) ရက်နေ့သည် အထင်ကရ ရှိသော အာဇာနည်နေ့ ၊ စွန့်လွှတ်မှုကြီး အတွက် ဆောက်တည်ရာ မဲ့ခဲ့ကြသောနေ့၊ မျက်ရည်ဖြိုင်လို့ ဘ၀င်ညှိုးခဲ့ရသောနေ့၊ ထိုတနေ့ကို လွမ်းဆွတ်စိတ်နှင့်အာရုံပြု သည်းကြွေလုလု ရှိနေဆဲဖြစ်ကြသည်။
ယနေ့မြန်မာပြည်ထဲတွင် အမှောင့် ကာလ၊ ပယောဂထလို့ ၊ အလေးမပီ မညီမညာနဲ့၊ ဥသြမဆွဲ၊ ရောလှိုက်ငိုတင်းမရပါ။ မဟုတ်သည် တို့ ကိုပြောင်းလဲလို့ မဟပ်သည်တို့ကိုပြုပြင်မှ ညီညာစွာ ပြည်ရွာသာ တည် ဆောက်နိုင်ကြမည်ဖြစ်သည်။
အာဇာနည်အဓိပ္ပါယ်ကို နည်းနည်းလောက် မြည်းစမ်းကြည့်မည်ဆိုလျှင် ဘယ် လောက် အထိ စွန့်လွှတ်ထားသည်၊ ဘယ်လောက်အထိ ယုံကြည်မှုရှိသည်၊ ဘယ်လိုမြင့်မြတ်သည် စသည်ဖြင့် တိပခြုံငုံလျင် … အာဇာနည်ဆိုသည် နိုင်ငံနှင့် လူမျိုးအတွက် အကျိုးဖြစ်အခြေအမြစ်များ အပေါ်ယုံကြည်မှုအပြည့်အ၀ထားရှိ၊ စွန့်လွှတ် လုပ်ကိုင်ရာတွင် မိမိပိုင်ဆိုင်မှု၊ ဆက်နွယ်မှု တို့သာမက လိုအပ်ပါက အသက်ကိုစိတ်ချစွာပေးအပ်သည်။ ‘အာဇာနည်‘ ။

အာဇာနည်တွေနေတဲ့တိုင်းပြည်၊ အာဇာနည်အရေး၊ အာဇာနည်သွေး၊ အာဇာနည်စိတ်ဓါတ်၊ အာဇာနည်လုပ်ရပ် …

“ဟိုက်” အတွေးထဲ တွင် “အိုက်”သွားအောင်ပေါ်လာသည်။

တေးသံရှင် R ဇာနည် ( သံတူကြောင်းကွဲ အာဇာနည်)။

“ခက်ပြီ” ဘယ်လိုပင်ရှေ့ဆက်ရမည်မသိ။

“ရေးချင်တာက မြင့်မြတ်အာဇာနည်၊ အတွေးဝင်လာတာက တေးသံရှင် R-ဇာနည်” ။

လူတွေကိုအရေးတကြီး ပြောစရာရှိနေပါလျှက် တခြားအလုပ်တွေ လျှောက်လုပ်ပြီး ကိုယ့်အင်အား ကိုယ်ဖြုန်းတီးနေခြင်းသည် ပြစ်မှုပင်ဖြစ်သည် (ရမ်းပေါဆတ်)။

အမြင်မတော်သည်က ဆင် တော်လောက်ရှိသော “ခလောက်” ကြောင့်ဖြစ်သည်။

လူတိုင်းကိုယ်စီအတ္တရှိကြသည်။ မိမိကိစ္စကိုသာ စဉ်းစါးသည့် (self interest) အတ္တ နှင့် ဘယ်သူ သေသေ ငတေမာရင်ပြီးရောဆိုသည့် (self importance) အတ္တတို့သည် မြင့်မြတ်သော စေတနာသဒ္ဓါ တရားတို့ကို ရုပ်လျှော့စေသည်။

“ The virtue beneficence does, and indeed should, occupy an important place in the moral institution of life .” ( James Rachels).

ထို့ကြောင့်လူမှုအဆောက်အအုံတည်ဆောက်ရာတွင် မြင့်မြတ် သော စေတနာ သဒ္ဓါတရားတို့ကို အရင်းခံဖြစ်သင့်သည်။ အောင်မြင်စွာပြီးဆုံးသော တော်လှန်ရေးဧ။်နောက် ပြုပြင်ရေးနှင့် ပြန်လည်တည်ဆောက်ရေးတို့တွင် စာရိတ္တ ( Moral reform) ကို စိတ်ရှည်လက်ရှည်ကိုင်တွယ်သင့်သည်။

အတ္တနှင့် မည်မျှယဉ်ပါး ကြစေကာမူ ဗိုလ်ချုပ်အောင်ဆန်း ကျဆုံးပြီးနောက်ပိုင်း မည်သည့်မိဘ၊ မည်သည့်အခါပေး တယောက်မျှ “အောင်ဆန်း” ဟူ၍ ကလေးကင်ပွန်းမတပ်ခဲ့ပေ။ ပြည်သူတို့၏ အသည်းနှလုံးမှ ပိုင်ဆိုင် သော “အောင်ဆန်း” ဟု အားလုံးနားလည် သဘော ပေါက် ထားသောကြောင့် ဖြစ်သည်။

အာရုံခံ တန်ဆောင်းထဲ ရုပ်ပွါးတော်ရှေ့ ငုတ်တုတ်ထိုင်နေသော မျောက်ကို မည်သို့ ချောက်လှန့်ရမည်။ အတွေးခက်ခက်ဖြင့် ရေးမထွက်နိုင်ခဲ့ပါ။ လွဲနေတာရှိသော်လည်း R ဇာနည်တွင် လွဲမှားခွင့်ရှိ သင့်သလောက် ရှိမည်။ သူ၏ အခွင့်အရေးတရပ်ဟု ယူဆသော်ရ၏။

သို့သော် တိကျစွာပင် အဓိကနေရာ ၀င်၍ အများနှင့် ပါတ် သက်လာပြီ၊ တပြည်လုံးနှင့်သက်ဆိုင်လာပြီ၊ ဆိုမှဖြင့် R ဇာနည်သည်လည်း နာလိုပါစေ၊ အများအတွက် လည်း အကျိုး ရှိပါစေ၊ မှန်လည်းမှန်ကန်ပါစေ၊ ဆိုသော စေတနာရှေ့ထား လမ်းမှန်သို့ မသွေ တိုက်တွန်းရ မည်ဖြစ်သည်။ အာဇာနည် နှင့်ပါတ်သက်၍ နောက်သလိုလို၊ နှောက်သလိုလို မျိုးလည်း မရှိခဲ့ကြပါ။ ဖျောက်ဖျက်ရန်ကြိုးစားလည်း အချည်းနှီးပင် ဖြစ်သည်။

လွန်ခဲ့သော အနှစ်သုံးဆယ် ၀န်းကျင်များက သီတင်းကျွတ် ကျောင်းပိတ်ရက်မျိုး ရပ်ကွက်အတွင်း ရုပ်ရှင်ပြပွဲများ ရှိခဲ့ကြသည်။ ဗဟိုသတင်းစဉ်မှ မှတ်တမ်းရုပ်ရှင်များလည်း ပြသခဲ့သည်။ ဗိုလ်ချုပ်အောင်ဆန်းနှင့် နိုင်ငံ ခေါင်းဆောင်ကြီများ လုပ်ကြံခံရပုံ မှတ်တမ်းရုပ်ရှင် ပြသနေစဉ် မြေပဲဆား လှော်၊ ဇီးထုပ်၊ ဈေးသည်က ပွဲခင်းထဲ ဈေးဝင်ရောင်းသည်။ ရုပ်ရှင်ဆလိုက်မီးတန်းထဲ ဈေးသည်၏ ခေါင်း ၀င်၍ ပိတ်ကားပေါ်မှာ အရိပ်ကွယ်နေသည်။ ဖယ်ပေးရန် ၀ိုင်းအော်ကြသည်။ ဈေးသည်ကလည်း ဗဟိုသတင်းစဉ်ဆိုပြီး ဈေးရောင်း ဈေးဝယ်ကိုသာ ဂရုစိုက်နေသည်။

“အားပါး တခါတည်း ဒီလိုဒီလို အားပေး လိုက်ကြတာ”

ကြာလေ ကြာလေ ပိုဆိုးလာသည်။

“နားမပါဘူးလား” တို့ “ဘယ်ဥက ပေါက်တာလဲ” တို့ ဘာတို့ ညာတို့ စုံနေတာပဲ။

ခေါင်းကွယ်ရုံခဏတဖြုတ်ကို သည်လောက်အထိ အော်စရာ မဟုတ်ပါ။ ဗိုလ်ချုပ်အောင်ဆန်းနှင့် အာဇာနည်ကြီးများ၏ ၀မ်းနည်းစရာမှတ်တမ်းရုပ်ရှင်မို့ ဖြစ်ပေမည်။ သို့မို့ R ဇာနည်ထံ တောင်းပန် အလှူခံရင်း မျောက်နှင့် နှိုင်းတယ်လို့လည်း အနာ မယူပါနှင့်။ ခေါင်းကကွယ် တယ်လို့လည်း ဆိုရင်းမဟုတ်ပါ။

ပါရမီမြောက် ဖြည့်စွက်မှုဟာ ပါရမီ၊ ကုသိုလ်နှင့် ကျော်ကြားမှု တို့ကိုရသည်၊ ကုသိုလ်ပြုမှုဟာ ကုသိုလ်နှင့် ကျော်ကြားမှုကိုရပြီး ပါရမီတော့ မဖြစ်ပါ။ ကျော်ကြားမှုသက် သက်အတွက်သာ လုပ်ဆောင်ပါက ကျော်ကြားမှုသာ ရ၍ ကုသိုလ်နှင့် ပါရမီ မရပါ။ (ဘဒ္ဒ န္တ ကေါသလ)။

“ငါတို့ဟာ မနက်ဖြန်မှာ သူရဲကောင်းတွေဖြစ်ရင်ဖြစ်၊ မဖြစ်ရင်အာဇာနည်တွေ ဖြစ်ကုန်လိမ့်မယ်” လို့(နယ်လဆင် ) က နိုင်းမြစ်ဝှမ်းကို ဆန်တက်နိုင်ခဲ့သည်။

ဇူလိုင်လ ၂၂ ဆူနာမီနဲ့ ငလျင်ဝင်တိုက်မည်ဟူသော ကောလဟာလပြန့်နေ

မိုးမခ အထောက်တော် ၀၀၄

ဇူလိုင် ၁၄၊ ၂၀၀၉

နေကြပ်၊ လကြပ်မည့် ဟောကိန်းများ ဇူလိုင်လအတွင်း ထွက်ပေါ်နေရာ အာရှနိုင်ငံများတွင် ဆူနာမီနှင့် ငလျင်ဘေးတို့ ၀င်ရောက်မည်ဟူသော ကောလဟာလများ ထွက်ပေါ်နေသည်ဟု ဆိုသည်။ ယခု ဇူလိုင်လ ၂၂ တွင် ဆူနာမီ ပင်လယ်ရေလှိုင်းကြီး ဂျပန်ကို ၀င်တိုက်မည်ဟု အီးမေးများတွင် ရွှေပေလွှာများ ၀င်ရောက်လာသဖြင့် အာရှသားတို့ လှုပ်လှုပ်ရှားရှား ဖြစ်ကြသည်ဟု အာရှဘလော့ဂ်ဖိုရမ် တခုတွင် တင်ထားသည်။
မြန်မာပြည်တွင်းတွင်မူ စစ်အစိုးရ၏ မိုးလေ၀သဌာနက ထိုသတင်းကို အလွတ်သဘော ထုတ်ဖော်ပြောဆိုသည်ဟု ကောလဟာလသတင်းကို ဖြန့်ချိခဲ့ကြသည်ဟု မိုးမခပရိသတ်တဦးက ပြောပြသည်။

စင်္ကာပူက သတင်းတပုဒ်ကမူ ထိုကောလဟာလများ မမှန်ကြောင်း၊ ငလျင်သတင်းမှာ လုံးဝ မဖြစ်နိုင်ကြောင်း၊ နေကြပ်မည်မှာ မှန်ကန်ကြောင်း၊ ဆူနာမီ ဆိုသည့် ပင်လယ်ရေအောက် ငလျင်ကြောင့် ပင်လယ်ရေလှိုင်းကြီးများ ထကြွခြင်းမှာမူ မည်သူကမျှ ကြိုတင် ဟောကိန်း ထုတ်နိုင်ရန် ခဲယဉ်းကြောင်း ရေးသားထားသည်။




ဖိတ်ကြားလွှာ..



မြန်မာ့ဒီမိုကရေစီအဖွဲ့ ချုပ်ဂျပန်၏(၆၂)ကြိမ်မြောက်အာဇာနည်နေ့ အခမ်းအနားအား
(ဗိုလ်ချုပ်အောင်ဆန်းနှင့်ဗိုလ်မှူးကြီးစူဇူကီး)တို့ တွေ့ ဆုံခဲ့သည့် JAPAN-SHIZUOIKA ခရိုင်
HAMAMATSU မြို့ တွင် (ဂျုလိုင်၁၉)ရက် နေ့့လည်၌ကျင်းပပြုလုပ်မည်ဖြစ်ပါ၍မည်သူမဆို
ပူးပေါင်းပါဝင်နိုင်ပါကြောင်းဖိတ်ကြားအပ်ပါသည်။ ။

ဆက်သွယ်ရန်...

ကိုအောင်အေးဝင်း(၀၉၀-၅၁၀၆-၆၃၉၃)
ကိုရဲတင်(၀၈၀-၃၆၂၈-၉၉၇၉)
JAPAN-NAGOYA..