Wednesday, July 22, 2009

သန်းရွှေနှင့်အန္ဒိယသမ္မတတွေ့ဆုံသည့်မှတ်တမ်း

ဖိုင်ယူရန်

Gen Than Shwe and India President Meeting 2006 March

ကိုင်လိုက်ပါ။

နိုင်ငံတကာကိုသန်းရွှေနိုင်တာဒီတခုပဲရှိတယ်....
စင်ကာပူ ၀န်ကြီးချူပ်ဟောင်း Goh Chok Tong (June10)

မွန်ပြည်သစ်ပါတီ ၅၁ နှစ်ခရီးနှင့် မွန်တော်လှန်ရေးသမိုင်းဘီးတကြော့ပြန်


မင်းစိုင်းနွန်ဒေါ
ဇူလိုင်၂၀၊၂၀၀၉။
ယနေ့ဇူလိုင်လ၂၀ရက်နေ့ဆိုလျှင်မွန်ပြည်သစ်ပါတီစတင်ဖွဲ့စည်းခြင်း၅၁နှစ်တင်းတင်းပြည့်လေပြီ။ ဘာကြောင့် မွန်ပြည်သစ်ပါတီ ဖြစ်ပေါ်လာရခြင်းနှင့် မွန်အမျိုးသားတို့ ဘာကြောင့်လက်နက်ကိုင်တော်လှန်ရေး စတင်ခဲ့ရသည့် အခြေခံအကြောင်းအရာများစွာတို့မှ အဓိကကျသော သော့ချက်နှစ်ရပ်ကို မီးမောင်းထိုးတင်ပြလိုပါသည်။

မွန်ပြည်သစ်ပါတီအထိမ်းအမှတ်အလံ




ပြည်ထောင်စုမြန်မာနိုင်ငံတော် လွတ်လပ်ရေးမရမီ ကြားကာလတွင် နိုင်ငံရေးအသိနိုးကြားလာသော ပညာတတ် မွန်မျိုးချစ်ခေါင်းဆောင်များနှင့် မွန်လူငယ်များတို့က မွန်လူမျိုးတို့၏လက္ခဏာကို ဤကဲ့သို့ရှုမြင်ကြသည်။

မွန်လူမျိုးသည် (၁) သမိုင်းစဉ်အရ တည်တံ့ခိုင် မြဲသောလူမျိုး
(၂) သီးခြားစာပေ၊ ဘာသာစကား၊ ကိုယ်ပိုင် ယဉ်ကျေးမှုရှိခြင်း
(၃) စုစည်းနေထိုင်ရာပထဝီဒေသရှိခြင်း (၄) စီးပွားရေးအရ လယ်ယာခြံမြေတို့ကိုအခြေခံ၍ ခိုင်မာစွာရပ်တည်နေထိုင်နိုင်သော လူမျိုးတမျိုးဖြစ်သည်၊ ထို့ကြောင့် မွန်အမျိုးသားတို့သည် အမျိုးသား ကိုယ်ပိုင်ပြဌာန်းခွင့်ကို ရထိုက်သည်၊ ၄င်းရထိုက်သော ကိုယ်ပိုင်ပြဌာန်းခွင့်ကို ဒီမိုကရေစီနည်းအရ အဖြစ်နိုင်ဆုံး တောင်းဆိုတိုက်ပွဲဝင်သွားရန် ဖြစ်သည်၊ ထို့ကြောင့် မွန်ခေါင်းဆောင်များက မွန်အမျိုးသားတို့၏ ယဉ်ကျေးမှုဆိုင်ရာ တောင်းဆိုချက်(၇) ရပ်ကို ဖဆပလအစိုးရနှင့် ဖဆပလအဖွဲ့ချုပ်သို့ တင်ပြခဲ့သည်။

(၁) အစိုးရပထမပြန်စာမေးပွဲများတွင် မွန်သံဃာတော်များအတွက် ပုစ္ဆာများကို မွန်ဘာသာဖြင့် မေးမြန်းပေးပါရန်
နှင့် မွန်၊ပါဠိပထမပြန် ကော်မတီတခုဖွဲ့ပေးပါရန်၊
(၂)မွန်နယ်များရှိ မူလတန်းကျောင်းများတွင် မွန်စာကိုသင်ကြားခွင့်ပေးရန်နှင့် မွန်ပညာရေးအတွက် ရံပုံငွေ သီးသန့်
ကို အုပ်ချုပ်စီမံနိုင်သည့် မွန်ပညာရေး ဘုတ်အဖွဲ့တခုဖွဲ့စည်းပေးပါရန်၊
(၃) မွန်များနေထိုင်ကြသော ခရိုင်၊ မြို့နယ်၊ ဒေသများရှိ အစိုးရဌာနအသီးသီးတို့တွင် မွန်အမျိုးသားများအား အစိုးရအမှုထမ်းအရာထမ်းများ ခန့်အပ်နေရာချထားပေးပါရန်၊
(၄) မွန်အမျိုးသားအတွက် သီးသန့်မဲစာရင်းပြုလုပ်၍ လွတ်တော်တွင် အချိုးကျလူဦးရေအလိုက် သီးသန့်
မွန်ပြည်နယ် ကိုယ်စားလှယ်အမတ်များပေးပါရန်၊
(၅) အာဏာနှင့်ပြည့်စုံသော မွန်ရေးရာကောင်စီတခု ဖွဲ့စည်းပေးပါရန်၊
(၆) အခြားတိုင်းရင်းသားနည်းတူ ဗဟိုအစိုးရလက်အောက်ခံ မွန်အမျိုးသားစစ်တပ်များ ဖွဲ့စည်းပေးပါရန်၊
(၇) မိမိတို့ကံကြမ္မာကို မိမိတို့ ဖန်တီးရေးအတွက် ကြိုးပမ်းကြသော မွန်လူမျိုးစုအား အခြားလူမျိုးစုများနည်း
တူ လွတ်လပ်စွာပြောဆို၊ ရေးသား၊ စည်းရုံး၊ ဆန္ဒပြနိုင်ခွင့်များပေးပါရန် စသဖြင့် ဖဆပလအဖွဲ့ချုပ်နှင့် သွားရောက်ဆွေးနွေးရာကြတွင် မွန်ခေါင်းဆောင်များဖြစ်ကြသည့် နိုင်လှမောင်၊ နိုင်ဘလွင်(နိုင်ရွှေကျင်)၊
မွန်စံသူတို့ တက်ရောက်ခဲ့သည်။

ဖဆပလအဖွဲ့ချုပ်မှ ဦးဗဆွေဦးဆောင်ပြီး မွန်ကိုယ်စားလှယ်များနှင့် တွေ့ဆုံဆွေးနွေးကြသည်၊ ဦးဗဆွေက
မွန်တို့သည် မွန်တိုင်းရင်းသားများ ဖြစ်သည် မှန်သော်လည်း မွန်နှင့်မြန်မာမှာ ကိုးကွယ်သောဘာသာ၊ ယဉ်ကျေးမှုများမှာ အတူတူပင်ဖြစ်၍ မွန်နှင့်မြန်မာခွဲခြားစရာမလိုဟု မိမိတို့ ဖဆပလက လက်ခံယုံကြည်သည်၊ မြန်မာပြည် လွတ်လပ်ရေရရှိပြီးနောက် ဆိုရှယ်လစ်စနစ်အရ ဆိုရှယ်လစ်စီးပွားရေးကို ဆောင်ရွက်သွားလျှင် မြန်မာပြည်ရှိလူတိုင်း၊ လူမျိုးတိုင်းတွင် စီးပွားဖွံ့ဖြိုးလာပြီး လူတန်းစားအရ သွေးစုပ်ချယ်လှယ်မှု ပပျောက်သွား မည်ဖြစ်သည်၊ ဤသို့ စီးပွားရေးအရ လူတန်းစားပြဿနာ ဖြေရှင်းသွားလျင် လူမျိုးရေးလည်းပြေလည်သွားမည်
ဖြစ်၍ မွန်တို့တောင်းဆိုချက်နှင့် ပတ်သက်၍ ဆိုရှယ်လစ်စီးပွားရေးတည်ဆောက်သွားရင်း မွန်အမျိုးသားကိစ္စ
မှာလည်း ရှင်းလင်းသွား မည်ဖြစ်ကြောင်း ပြန်လည်ပြောဆိုခဲ့သည်။

၁၉၄၇ ခုနှစ် ပထမဆုံးအကြိမ်ရေးဆွဲအတည်ပြုခဲ့သော ဖွဲ့စည်းပုံအခြေခံဥပဒေ၌ မွန်ပြည်နယ်၊ ကရင်ပြည်နယ်၊ ရခိုင်ပြည်နယ်တို့ မပါဝင်ခဲ့ပေ။ မြန်မာရာဇဝင်သမိုင်းကို ပြန်ပြောင်းလေ့လာလျှင် မြန်မာမပါလျှင်မပြီးသလို၊ မွန်မပါလျှင်လည်း မပြီးသောသမိုင်းသာဖြစ်သည်။ သို့သော် လွတ်လပ်ရေးကြေညာသောအခါ သမိုင်းတွင်ထင်ရှား
သော မွန်အမျိုးသားတို့မှာ ချင်း၊ ကချင်၊ ကယားကဲ့သို့သော လူမျိုးရေးအရ အသိအမှတ်ပြုခြင်းမခံခဲ့ရပေ။

မွန်အမျိုးသားပြဿနာနှင့် ပတ်သက်၍ ဖဆပလအဖွဲ့ချုပ် ဥက္ကဌဖြစ်ခဲ့သူ ကွယ်လွန်သူ ဗိုလ်ချုပ်အောင်ဆန်းက ဗမာ့လွတလပ်ရေးတိုက်ပွဲတွင် မြန်မာ ၅ဝဝဝ မွန် ၃ဝဝဝ ပါဝင်ခဲ့သည် လည်း ဖော်ပြခဲ့သည်။ ၁၉၄၇ ခုနှစ် မေလ
၁၉ ရက်နေ့တွင် ကျင်းပခဲ့သော ဖဆပလ ပြင်ဆင်မှုကော်မတီတွင် “မွန်လူမျိုးကိစ္စဆိုရင်တော့ သူတို့မှာ အခုလူမျိုးရေးလူနည်းစုအဖြစ်နဲ့ မွန်စာပေ၊ မွန်ကျောင်းတွေ ကိစ္စလောက်ကလွဲရင် တခြားနစ်နာချက်တွေ
မရှိပါဘူး၊ မွန်ရယ် ဗမာရယ် ခွဲခြားပြီး ကရင်သဘောထားလိုထားစေချင်လို့ မဖြစ်ဘူး” လို့မိန့်ကြားခဲ့သည်။

သို့သော် ဗိုလ်ချုပ်ကျဆုံး သွားပြီးနောက်ဖဆပလခေါင်းဆောင်များသည် ဗိုလ်ချုပ်အောင်ဆန်း၏ ဆန္ဒကို ဆန့်ကျင်သည်မှာ မွန်အမျိုးသား များတောင်းဆိုခဲ့သော အချက် (၇) ချက်ကို ပယ်ချလိုက်ခြင်းက သက်သေ ထူလျက်ရှိ၏ ဖဆပလ ခေါင်းဆောင်များ၏ ယုံကြည်ချက်ခံယူချက်မှာ လူမျိုးရေးသည် စီးပွားရေး၏ လက်အောက် ခံဖြစ်၍ စီးပွားရေးကိုဖြေရှင်းလိုက်လျင် လူမျိုးရေးပြဿနာသည်လည်း ပြေလည်သွားမည်ဖြစ်သည်။
မွန်လူမျိုးရေးရာအဖွဲ့ချုပ်နှင့် မွန်တိုင်းရင်းသားအစည်းအရုံး၏ အမှုဆောင်တချို့တွေ့ဆုံဆွေး နွေးကြပြီး ဘုံ လုပ်ငန်းစဉ်ဖြစ်လာသော မွန်ပြည်နယ်ဖော်ထုတ်ရေးအတွက် ညှိနှိုင်းကြသည်။ နှစ်ဖွဲ့စလုံးကမွန်ပြည်နယ်ကို ဒီမိုကရေစီတိုက်ပွဲလမ်းစဉ်နှင့် ဖေါ်ဆောင်သွားလျှင် အာဏာရဖဆပလအဖွဲ့က ပိတ်ပစ်မည်။ ထို့ကြောင့် ဒီမိုကရေစီတိုက်ပွဲလမ်းစဉ် ပိတ်ဆို့ခြင်းခံရလျှင် မွန်ပြည်နယ်ကို မည်သို့ ဖေါ်ဆောင်ရမည်ကို ညှိနှိုင်းကြသည်။ လက်နက်ဖြင့်အားကိုးပြီး ဒီမိုကရေစီတိုက်ပွဲကို ပိတ်ပစ်လျှင် လက်နက်ဖြင့်ပြန်လည်ထိုးဖောက်ပြီး မိမိ လုပ်လိုသောနိုင်ငံရေးကို ဆက်လုပ်ရမည်ဟူသော သဘောတရားကို လက်ခံကြသည်။ (စစ်သည် မပြီးဆုံး
သေးသော နိုင်ငံရေးကို ဆက်လုပ်သည်ဟူသော သဘောပင်ဖြစ်သည်)

သို့ဖြစ်ရာ ၁၉၄၈ ခုနှစ် ဇူလိုင်လ (၂ဝ) ရက်နေ့တွင် မွန်အမျိုးသားလက်နက်ကိုင်လူငယ် (၃ဝ) ခန့်ကို ဗိုလ်သိန်း၊ နိုင်ပန်းသာတို့ဦးစီးပြီး စတင်းတလက်၊ ခြောက်လုံးပြူးတလက်၊ ဂျပန်ရိုင်ဖယ်တလက် ပေါင်းသုံးလက်တို့ဖြင့်
ဇာသပြင် ရဲစခန်းကိုဝင်စီးပြီး စခန်းရှိလက်နက်များကို သိမ်းဆည်းလိုက်သည်။ အဆိုပါလက်နက်သိမ်းအဖွဲ့သည် မွန်လူမျိုးရေးရာ အဖွဲ့ချုပ်နှင့် ညှိနှိုင်းစီစဉ်ထားချက်အရမဟုတ်ပဲ မွန်လူမျိုးရေးအဖွဲ့ချုပ်၏ အလံကိုလွှင့်ထူလိုက်
သည်။

တဆက်တည်း ဗိုလ်သိမ်း၊ နိုင်ပန်းသာတို့အဖွဲ့သည် ဇာသပြင်ဆိပ်ကမ်းသို့ ဆိုက်ကပ်လာသော ပြည်တွင်း
ရေကြောင်း ပို့ဆောင်ရေးသင်္ဘောကို သိမ်းပြီး ကော့ဘိန်း၊ ကော့ပေါက်၊ ကတိုး၊ ကော့နှပ်မှ ကာကွယ်ရေး သေနတ်များကို ဆက်လက်သိမ်းယူသည်။ ထိုအချိန်မှစ၍ မွန်တို့လက်နက်ကိုင်တိုက်ပွဲဖြင့် တော်လှန်ရေးခရီး အစပျိုးခဲ့လေသည်။

ထိုကိစ္စကြောင့် မော်လမြိုင်မြို့တွင် အာဏာပိုင်တို့ နိုင်ဘလွင်(နိုင်ရွှေကျင်-နောင်တွင်မွန်ပြည်သစ်ပါတီကို ဖွဲ့စည်းပြီးဥက္ကဌဖြစ်လာသူ-ကွယ်လွန်)၊ နိုင်ငွေသိမ်း(ယခုတွင် ဒုဥက္ကဌ-မွန်အမျိုးသားဒီမိုကရေစီ အဖွဲ့ချုပ်တို့ ဖြစ်နေသူ)တို့ကို ဖမ်းဆီးပြီး မော်လမြိုင်ထောင်သို့ ပို့လိုက်သည်။

ထို့နောက် မွန်စံသူ၊ မွန်ဦးဘိုးကောင်း၊ နိုင်စိန်ထွန်း (ကညှော်) နိုင်ကြောင်နှင့် မွန်ရဲဘော် (၂ဝ) ကျော်ကိုလည်း ဆက်လက်ဖမ်းဆီးပြီးမော်လမြိုင် ထောင်သို့ပို့လိုက်ပြန်သည်။

မော်လမြိုင်မြို့ရှိ မွန်ခေါင်းဆောင်များကို ဖမ်းဆီးသည့်သတင်း သထုံရှိ မွန်၊ ကရင်ခေါင်းဆောင်တို့ စုစည်း
ဆွေးနွေးကြသည်။ မော်လမြိုင်အဖမ်းအဆီးများ သထုံသို့မကူးလာမီ သထုံခရိုင်ကိုသိမ်းပိုက် ရန်ဆုံးဖြတ်ကြသည်။ သထုံခရိုင်ရှိ ဘားအံ၊ လှိုင်းဘွဲ့မြို့နယ်များကို ဒေသခံ အေအန်ဒီအို KNDO များက သိမ်းယူလိုက်သည်။ ကေအန်ဒီအို KNDO သည် သထုံရှိစစ်ရဲ ၅ တပ်ရင်းတို့နှင့် ပူးပေါင်းပြီး သထုံခရိုင်လုံးကို ဇူလိုင်လ (၂၉) ရက်နေ့တွင် သိမ်းယူ လိုက်သည်။

တဆက်တည်းမှာပင် မော်လမြိုင်မြို့၌ စောဟင်ဒါဆင်က စစ်ရဲအရာရှိများကို ခေါင်းဆောင်ကာ ဆွေးနွေးပွဲထိုင်
နေသော အစိုးရအရာရှိများအား ဖမ်းဆီးလိုက်ပြီး မော်လမြိုင်မြို့မကို နံနက်မိုးမလင်းမီသိမ်းလိုက်သည်။ စစ်ရဲ
တပ်ရင်း (၅)မှ မော်မြိုင်ထောင်သို့ရောက်ရှိလာပြီး အဖမ်းခံထားရသော နိုင်ငွေသိန်း၊ နိုင်ဘလွင်တို့ကို ထောင်မှ ထုတ်ယူကြသည်။

နိုင်ငွေသိမ်းနှင့်စောဘိုးဟန်တို့သည် မုဒုံ၊ ကျိုက္ခမီ၊ ရေးမြို့နယ်များကို သိမ်းယူရန်တာဝန်ယူကြသည်။ သံဖြူဇရပ်
မြို့ရှိ စစ်ရဲတပ်စုက ကျိုက္ခမီခရိုင်ကို ဦးစီးသိမ်းယူသည်။ ဘီလူးကျွန်းချောင်းဆုံကို နိုင်စိန်ထွန်းက တာဝန်ယူ သိမ်းခဲ့သည်။

မော်လမြိုင်မြို့သိမ်းပြီးနောက် မွန်ကရင်ခေါင်းဆောင်များ ဆွေးနွေးညှိနှိုင်းချက်အရ၊ (၁) နိုင်ငံရေး၊ (၂) စစ်ရေး
(၃) အုပ်ချုပ်ရေးများကို မွန်နှင့်ကရင် ပူးတွဲဆောင်ရွက်ရန် ကော်မတီများဖွဲ့စည်းသည်။ ထိုသို့ စီမံအုပ်ချုပ်နေစဉ် သြဂုတ်လ (၂)ရက်နေ့တွင် မေယုစစ်သင်္ဘော မော်လမြိုင်မြစ်အတွင်း ဝင်ရောက် ကျောက်ချရပ်နားထားသည်။

ဖိတ်ခေါ်ကမ်းလှမ်းချက်အရ နိုင်လှမောင်၊နိုင်ဘလွင်နှင့် နိုင်ငွေသိမ်းတို့ အစိုးရကိုယ်စားလှယ် ဦးထွန်းလှအောင်နှင့် မေယုစစ်သင်္ဘောပေါ်တွင် တွေ့ဆုံဆွေးနွေးသည်။ မွန်ခေါင်းဆောင်များက မွန်ပြည်နယ်ကို အမြန်ဖေါ်ထုတ်ပေးလျှင် ပြဿနာအားလုံးပြေလည်သွားမည်ဟု ယူဆသည်ကို ဦးထွန်းလှအောင်က ရန်ကုန်သို့တင်ပြပေးမည်ဖြစ်ကြောင်း ပြန်ကြားခဲ့သည်။

ထိုသို့မွန်တော်လှန်းခရီးအစပျိုးခဲ့ပြီး မကြာမီတွင် မော်လမြိုင်မြို့ပေါ်မှ အစိုးရတပ်များ၏ပြန်လည် ထိုးစစ်ဆင်မှု များကြောင့် မွန်တပ်များပြန်လည်ဆုတ်ခွာခဲ့ရပြီး အခြားမြို့နယ်များတွင် ဆက်လက်တပ်စွဲခဲ့ပြန်သည်။ မွန်ပြည်သူ့တပ်ဦးအမည်ဖြင့် ဆယ်နှစ်ဆယ်မိုး တိုက်ပွဲဝင်ခဲ့လာရာ ဦးနုအစိုးရ၏ပြည်တွင်းငြိမ်းချမ်းရေး ကမ်းလှမ်းချက်အရ ၁၉၅၈ ခု၊ ဇူလိုင်လ ၁၉ ရက်နေ့တွင် ဥက္ကဌနိုင်အောင်ထွန်းဦးဆောင်ကာ မွန်ပြည်သူ့တပ်ဦးမှ အစိုးရထံလက်နက်နှင့်ဒီမိုကရေစီ လဲလှယ်ခဲ့ကြသည်။

မွန်ပြည်သူ့တပ်ဦး လက်နက်ချသည်ကို လက်မခံနိုင်သော ဗဟိုကော်မတီဝင် နိုင်ဘလွင်က နိုင်ရွှေကျင် အဖြစ် အမည်ပြောင်းလဲကာ ၁၉၅၈ ခု၊ ဇူလိုင်လ ၂၀ ရက်နေ့၌ မွန်ပြည်သစ်ပါတီ New Mon State Partyကို စတင် ဖွဲ့စည်းတည်ထောင်လိုက်ပါသည်။ လက်နက်ချလိုက်သည်ကို လက်မခံသော ခရိုင်ကော်မတီဝင် နိုင်ဓမ္မနေနှင့် အတူကျန်ရှိသောအင်အားစုများကို ပြန်လည်စုစည်းမိသည်။ မွန်ပြည်သူ့တပ်ဦးမှ လက်ကျန်လက်နက် ၂ လက်၊ တောင်ပေါက်ရွာ(ကြာအင်းဆိပ်ကြီးမြို့နယ်) တဝိုက်ကျေးရွာကာကွယ်ရေးတပ်ဖွဲ့မှ ရိုင်ဖယ်သေနတ် ၈ လက် ထပ်မံရရှိခဲ့သည်။ လက်နက်ချသည်ကို လက်မခံသော တပ်ဦးရဲဘော်ဟောင်းများက နိုင်ရွှေကျင်ဦးဆောင်
သော မွန်ပြည်သစ်ပါတီတွင်းသို့ တဖွဲဖွဲဝင်ရောက်လာကြသည်။

မွန်ပြည်သူ့တပ်ဦးသည် တရားဝင်ပါတီအဖြစ်ဥပဒေဘောင်အတွင်း ရပ်တည်ကာ ရွေးကောက်ပွဲကိုဝင်ရောက်ခဲ့
ကြရာ လွှတ်တော်ကိုယ်စားလှယ်များဖြစ်ခဲ့ကြသူများတွင် ဥက္ကဌနိုင်အောင်ထွန်းမှာ အစိုးရအဖွဲ့အစည်းတွင် မွန်ရေးရာဝန်ကြီး၊ ကယ်ဆယ်ရေးဝန်ကြီးတာဝန်များ ရယူခဲ့သည်။ သို့ရာတွင် ၁၉၆၂ ခု၊ မတ်လ ၂ ရက်နေ့
ဗိုလ်နေဝင်း အာဏာသိမ်းပြီးသည်နှင် မွန်ပြည်သူ့တပ်ဦး ခေါင်းဆောင်များတို့သည် အခြားတိုင်းရင်းသား
ခေါင်းဆောင် များနည်းတူ ထောင်ဒဏ်နှစ်ရှည် ကျခံလိုက်ရသည်။ ထိုအချိန်မှစ၍ မွန်ပြည်သူ့တပ်ဦး ဇာတ်သိမ်းခဲ့ရသည်။ တပ်ဦးရဲဘော်အများအပြား အုပ်စုအလိုက် မွန်ပြည်သစ်ပါတီသို့ ဝင်ရောက်ကြသည်။ ထိုကာလမှစ၍ မွန်ပြည်သစ်ပါတီ တော်လှန်ရေးရွက်သစ်လောင်းလေပြီ။

ဖဆပလဦးဆောင်သော မဟာဗမာဝါဒီအစိုးရတို့သည် သမိုင်းအစဉ်အလာရှိခဲ့သော မွန်တို့အားလူမျိုးရေးအရ အသိအမှတ်မပြုခဲ့၊ မွန်လူမျိုးတို့အား ပျူလူမျိုးကဲ့သို့ ပျောက်ကွယ်သွားစေရန် လူမျိုးရေးအရ စာပေ၊ ဘာသာစကား၊ ယဉ်ကျေးမှုအရာတို့၌ မွန်တို့၏လက္ခဏာရပ်ကို ဗမာမှုပြုစေခြင်းဖြင့် တစတစဝါးမျိုနေခဲ့သည်။ ထို့ကြောင့် “မွန်နဲ့ဗမာအတူတူပဲ” စကားလုံးကို တွင်တွင်သုံးကာ ချစ်ကြည်ရင်းနှီးမှုဟန်ပြပြီး မွန်တို့အားထိုစဉ်က မွန်ပြည်နယ် ကိုအသိအမှတ်ပြုပေးရန် ငြင်းပယ်ခဲ့ယုံမျှမက မွန်ဘာသာစာပေသင်ကြားမှုများကိုပါ ပိတ်ပင်တားမြစ်မှုများ
ပြုခဲ့သည်။ ထိုကြောင့် မိမိအမျိုးသားအခွင့်အရေးအတွက် ဥပဒေဘောင်အတွင်း တောင်ဆိုတိုက်ပွဲဝင်၍မရလျှင် လက်နက်ကိုင်ဖြင့် ဆက်လက်တိုက်ပွဲဝင်တောင်းဆိုသွားရန် မွန်လက်နက်ကိုင်တော်လှန်ရေးခရီး အစပြုခဲ့ကြ
ရသည်။

မွန်ပြည်သူ့တပ်ဦးသည် နိုင်ငံတော်၏စေတနာကို သိရှိနားလည်၍ မွန်လူမျိုးတို့၏ အထက်ပါရပိုင်များအတွက် လက်နက်များအကြွင်းမဲ့အပ်နှင်းကာ ဥပဒေဘောင်အတွင်းဝင်ရောက်ခဲ့ရာ ပါလီမန်သက်တမ်းတစ်ခုမျှပင်မပြည့်
လိုက်ပါ။

ဗိုလ်နေဝင်းအာဏာသိမ်းပွဲနှင့်အတူ မွန်ခေါင်းဆောင်များကို ဖမ်းဆီးထောင်ချခဲ့ခြင်းသည်လည်း မွန်ပြည်သစ်ပါတီ ဥက္ကဌနိုင်ရွှေကျင်၏ လက်နက်မချရေးမူ မှန်ကန်နေသည်ကို လက်တွေ့တွင်သက်သေပြနေသည်။ ထို့ကြောင့် မွန်ပြည်သစ်ပါတီ သုံညဘဝမှအစပြုလာကာ ယနေ့ ၅၁ နှစ်တိုင်ရပ်တည်နိုင်ခဲ့သည်။

ယနေ့ လက်ရှိစစ်အစိုးရ၏ ၂၀၀၈ ဖွဲ့စည်းပုံအတည်ဖြစ်ရေး၊ ၂၀၁၀ ရွေးကောက်ပွဲတွင် တိုင်းရင်းသားလက်နက်
ကိုင်အဖွဲ့အစည်များ ဝင်ရောက်ယှဉ်ပြိုင်ရေး။ စစ်အစိုးရထံ တပ်ဖွဲ့မိမိတပ်ဖွဲ့များအပ်နှံရန်၊ နယ်ခြားစောင့်လော၊ ဌာနေပြည်သူ့စစ်လော သို့လောသို့လောကာလများတွင် မွန်ပြည်သူ့တပ်ဦး လက်နက်နှင့်ဒီမိုကရေစီ အကြွင်းမဲ့ လဲလှယ်ပြီး မည်ကဲ့သို့ဆက်လက်ဖြစ်ပေါ်ကြုံတွေ့ခဲ့ရသည်ကို ပြန်လည်သုံးသပ်၍ သင်ခန်းစာရယူစေလိုကြောင်းနှင့် လက်နက်ကိုင်တော်လှန်ရေးခရီး မပြီးဆုံးသေးသည်ကို သတိချပ်စေလိုပါကြောင်း။

မင်းစိုင်းနွန်ဒေါ
ကိုးကားချက်များ။
(၁)မွန်အမျိုးသားတို့၏ နောက်ခံသမိုင်း။
(၂) မွန်ပြည်သစ်ပါတီ နိုင်ငံရေးပညာပေးစာစောင်များ။


အာဆီယံကို လန်တဲ့ကိုကို

Wednesday, 22 July 2009 19:25 ရန်ကုန်သားတာတေ .“တွီ .. တွီ .. တွီ .. တော် .. တော် .. ဒစ် .. ဒစ် .. ဒစ် ..ရထားဖြစ်လား၊ သင်္ဘောဖြစ်လား၊ လေယာဉ်ပျံ ဖြစ်လား၊ ကြားရလား၊ ကြားရလား”
“ကျား မရဘူး .. အဲ မကြားရဘူး .. အော်ပြောပါ .. အော်ပြောပါ .. မြေကြွက်မှ .. လဒ .. မြေကြွက်မှ လဒ”
“ကြားရလား လဒ ပြောနေတယ် .. မြေကြွက် ဘယ်ရောက်နေလဲ”
“မင်းဘိုးအေကြီးတဲ့မှပဲ .. မြေကြွက်ပါဆိုမှ တွင်းထဲရောက်နေတာပေါ့၊ အဲ လိုဏ်ခေါင်းထဲက စကားပြော နေတာဟေ့ .. ”
“သြော် အဲဒါကြောင့် လူကြီးမြင်းနဲ့ချည်းခဏခဏတိုးနေတာကိုး ..။ ပြတ်သွားပြန်ပြီ .. ဟင်း .. မြေကြွက် .. ဗျိုး .. မြေကြွက် ..”
“ဟေ့ကောင် လဒ .. အသားလွတ် အော်မနေနဲ့ ပြော .. ဘာထူးလဲ”

ထိုင်းနိုင်ငံ ဖူးကက်ကမ်းခြေက သာယာလှပသော နေရာတခုတွင် မြန်မာပြည် နိုင်ငံခြားရေးဝန်ကြီး ဦးဉာဏ်ပျင်း တယောက် ရောက်ရှိနေခြင်းဖြစ်သည်။ အပန်းဖြေရာ ကမ်းသာယာဖြစ်သော်လည်း ဦးဉာဏ်ပျင်း အပန်းမပြေနိုင်။ သူရောက်နေသည့် အာဆီယံ အစည်းအဝေးနှင့် ပတ်သက်၍ ခေါင်းရှောင် ချိုကုပ်ဒူးကြီးကို wireless မှတဆင့် အစီရင်ခံရန် ကြိုးစားနေရသည်။

သူနှင့်မလှမ်းမကမ်းတွင် ရောက်ရှိနေသော ဒေဝါလီ မဂ္ဂဇင်းမှ ဖိုးရှုပ်နှင့် သူငယ်ချင်းဖြစ်သူ ကြွက်စုတ် ကိုလည်း အလစ်မပေးရဲ။ ထိုနှစ်ယောက်က သူ့ကို အမိဖမ်းရန် ချောင်းနေသည်ဟု ခံစားရသည်။ တကယ် တမ်း သူ့ဘေးနားမှာ ဦးရုက္ခစိုးတယောက် ကိုယ်ရောင်ဖျောက်ကာ ရောက်ရှိနေသည်ကို သိလိုက်လျှင် လန့်ဖျပ်ပြီး အသက်ပါ ပါသွားနိုင်သည်။

ကြွက်စုတ်။ ။ ဟေ့ကောင် ဖိုးရှုပ် ရိုက်လေကွာ .. ရိုက်တော့လေ .. ဟာ .. မင်းတော်တော် ညံ့တဲ့ ကောင်ပဲကွ။

ဖိုးရှုပ်။ ။ ဟ .. မင်းသိပ်တော်နေရင် မင်းရိုက်ပါလား။ ဒီမှာ ဘယ်လိုမှ ရိုက်မရလို့ စိတ်ညစ်နေရတဲ့ အထဲ။ ဒီ ဦးဉာဏ်ပျင်းကြီးကလည်း အရှောင်အတိမ်းက တော်ပါ့ကွာ။ ဘယ်လိုမှ အမိဖမ်းလို့ကိုမရဘူး။

ဖိုးရှုပ်နှင့် ကြွက်စုတ်တို့ ဦးဉာဏ်ပျင်း ဓာတ်ပုံရရန် အသည်းအသန်ကြိုးစား နေကြခြင်းဖြစ်သည်။

ကြွက်စုတ်။ ။ ဟုတ်ပါ့ကွာ .. ဒီဦးဉာဏ်ပျင်းတယောက် ဖမ်းမိဖို့အရေး ငါတို့မှာ အစည်းအဝေးခန်းထဲ က စားပွဲတွေပေါ် အိပ်လိုအိပ်ရ၊ တညလုံးမအိပ်ဘဲ ဟိုတယ်ရှေ့ ငုတ်တုတ်ထိုင်စောင့်လို စောင့်ရနဲ့ ခုလည်း wireless တလုံးနဲ့ ဘာတွေလုပ်နေပြန်ပြီလဲ မသိဘူး။

ထိုစဉ် သူတို့ဘေး၌ ဦးရုက္ခစိုး ဘွားခနဲပေါ်လာသည်။

ရုက္ခစိုး။ ။ ဘာရှုပ်ရမှာလဲကွ သူတို့ခေါင်းရှောင်ကြီး ချိုကုပ်ဒူးကြီးဆီ အစီအရင်ခံနေတာ .. မကြား ဘူးလား။

ဖိုးရှုပ်။ ။ ပလုပ်တုတ် .. အသံမပေးဘာမပေးနဲ့ လန့်လိုက်တာ ဦးရုက္ခစိုးရယ်။

ရုက္ခစိုး။ ။ လန့်မနေနဲ့ ငါကြားလာတာတွေ ပြန်ပြောပြမယ်။ မင်းလည်း ဒေဝါလီမဂ္ဂဇင်းအတွက် ရမ်းရွှီး သတင်းတပုဒ်ရတာပေါ့ ဟဲဟဲ။

ကြွက်စုတ်။ ။ ပြောပြလိုက်ပါ ဦးရုက္ခစိုးရယ် .. သတင်းမှမရရင် ကိုဂေါ်ကြီးက ထောင်းတော့မှာ ..။ ကျနော့်မှာလည်း သူ့နောက်လိုက်မိပါတယ် .. ခုထိ ဖူးကက်က ကောင်မလေးတွေတောင် ကောင်းကောင်း မငမ်းရသေးဘူး။

ရုက္ခစိုး။ ။ မင်းတင် မငမ်းရတာမဟုတ်ဘူး ဦးဉာဏ်ပျင်းလည်း မငမ်းရရှာဘူးကွ။ နားထောင်ကြည့်။

ပြောပြောဆိုဆိုနှင့် ဦးရုက္ခစိုးက သူ့လက်ထဲမှ ရကော်ဒါလေးကို “ထောက်ခနဲ” ဖွင့်ပြလိုက်သည်။
(မှတ်ချက်။ ။ နတ်ကိုင်သည့် ရကော်ဒါဖြစ်သောကြောင့် နတ် ကိုယ်ယောင်ဖျောက်ချိန်တွင် ရော၍ ဖျောက်ထားနိုင်သည်။ ထူးခြားချက်မှာ တဘက်မှ ပြောသည့် အသံကိုပါ ဖမ်းနိုင်သောကြောင့် စစ်ထောက် လှမ်းရေးက အသည်းအသန်လိုချင်နေကြောင်း ကြားသိရသည်)

ချိုကုပ်။ ။ ဘာထူးလဲခုခါ .. ဘာထူးလဲခုခါ .. (လေးဖြူသီချင်းသံစဉ်အတိုင်း ချိုကုပ်ဒူးကြီးက ၎င်း၏ ကိုယ်ပိုင် ငှက်ဆိုးထိုးသံဖြင့် အော်လိုက်ခြင်းဖြစ်သည်)

ဉာဏ်ပျင်း။ ။ ထူးတာကတော့ ချိုကုပ်ဒူးကြီးရေ .. ကျနော့်မှာ ဖူးကက်ရောက်တုန်းရောက်ခိုက် .. ရေလေးကူး .. အပန်းလေးဖြေ .. မဒီလေးတွေနဲ့ တူတူ ဘီယာလေးစုပ် လုပ်မလားမှတ်ပါတယ် .. ခု သတင်း သမားတွေ အတင်းလိုက်နေလို့ ပြေးနေရတယ်ဗျ။

ချိုကုပ်။ ။ မင်းအတော်ညံ့တာပဲ .. အေး .. ၊ မှာလိုက်ပါရစေနော် .. အဲဒီဟာတွေကို လွတ်အောင် ရှောင် .. လုံးဝအမိမခံနဲ့ .. အထူးသဖြင့် ဒေဝါလီကကောင်တွေ မမိစေနဲ့။ မင်းကွာ .. အနှိပ်ခန်းထဲ ဝင်ပုန်းနေ ပါတော့လား။ ညံ့လိုက်တာ .. လူချင်းများ လဲလိုက်ချင်ပါရဲ့။ ဒါမှမဟုတ်လည်း ကာရာအိုကေ ဆိုင်လေး ဘာလေး ရုပ်ဖျက်ပြီး သွားနေပေါ့။

ဉာဏ်ပျင်း။ ။ ဟာ အနှိပ်ခန်းသွားရင် အနှိပ်ခန်းထဲထိ လိုက်မေးမယ့် သဘောရှိတယ် ချိုကုပ်ဒူးကြီး။ အဲဒီဒေဝါလီက တကောင်ဆို ဟိုတယ်ရှေ့မှာ ငုတ်တုတ်ငိုက်ပြီးစောင့်နေတာဗျ။ သူငိုက်နေတဲ့အချိန် အသာလေး လစ်လာလို့ အပြင်ထွက်လို့ရတာ။ ညှပ်ပူးညှပ်ပ်ိတ်လုပ်နေကြတာ။ ပြီးတော့ .. ပြီးတော့ ..။

ပြောရင်းက ဦးဉာဏ်ပျင်းတယောက် ငိုသံပါလာသည်..။

ချိုကုပ်။ ။ ပြီးတော့ ဘာဖြစ်လဲ ပြော .. ပြော .. မြန်မြန်ပြောစမ်း ..။

ဉာဏ်ပျင်း။ ။ အခု ဖူးကက်ကမ်းခြေမှာ ကျနော့်ကို ဘောလုံးလုပ်ပြီး ကန်နေကြပြီဗျ .. အီး .. အဟီး .. အဟင့် .. ရွှတ်။

ချိုကုပ်။ ။ ဟေ .. ဟုတ်လား .. ။ အာဆီယံ ဖလားပေါ့နော်။ ဘယ်အသင်းနဲ့ .. ဘယ်အသင်းလဲ ..၊ ဘယ်ကြေးပေါက်လဲ .. လုပ်စမ်းပါဦး။ ငါ အပေါ်က ဝင်ထိုင်ရင် ဘယ်လိုနေမလဲ ..။

ဉာဏ်ပျင်း။ ။ ဟာ .. အဲဒီလို ဘောလုံးအစစ်ကန်တာကို ပြောတာမဟုတ်ဘူးဗျ။ ခု အာဆီယံ ဆွေးနွေးပွဲမှာ .. ကျနော့်ကို ထိုင်းက ကန်လိုက် အင်ဒိုနီးရှားက ကန်လိုက်နဲ့ ကန်နေကြလို့ ဘောလုံးဖြစ်နေပြီ လို့ ပြောတာ။

ဦးဉာဏ်ပျင်း စိတ်ထဲက “အရေးထဲ လောင်းကစားက လုပ်ချင်သေးတယ် .. ရန်ကုန်ယူနိုက်တက် ဘက်က လောင်း သေချာပေါက်ရှုံးမယ်” ဟု ပြောနေသံပါ ဦးရုက္ခစိုး၏ ရကော်ဒါထဲ ပါလာသည်။

ချိုကုပ်။ ။ သြော် မောင်ဉာဏ်ပျင်းရယ် .. မင်းကို စိတ်ချလို့လွှတ်လိုက်တာပဲဟာ .. ရအောင်ရှောင် ပေါ့။

“မသိဘူးမှတ်နေလား .. ကျုပ်အဖြေမတတ်လို့ ပေါက်ကရပြောမိရင် .. ပြန်လာတာနဲ့ ဆွဲစိမှာကိုများ” ဟု ဦးဉာဏ်ပျင်းက စိတ်ထဲက ပြောလိုက်ပြန်သည်။

ဉာဏ်ပျင်း။ ။ ခုလည်း အတတ်နိုင်ဆုံး ရှိသမျှ နည်းဟောင်း၊ နည်းသစ်တွေသုံးပြီး ရှောင်နေတာပဲ ချိုကုပ်ဒူးကြီးရယ်။ အိပ်ကောင်းခြင်းမအိပ်ရ စားကောင်းခြင်းမစားရနဲ့ .. ဒီကြားထဲ အာဆီယံက လူ့အခွင့် အရေး အဖွဲ့ဆိုတာကြီး ဖွဲ့ပြီဗျ။ အဲဒါကြီးကို ချိုကုပ်ဒူးကြီးမကြိုက်ဘူး မဟုတ်လား။

ချိုကုပ်။ ။ မကြိုက်တာက မကြိုက်တာ တပိုင်းပဲလေ ..လက်မှတ်တော့ ခပ်တည်တည်နဲ့ ထိုးပြီးပြီ မဟုတ်လား။ ဒါပေမယ့် ဒါကြီးကကော ဘယ်လောက် အသုံးဝင်မှာမို့လို့လဲ။ လူ့အခွင့်အရေး ချိုးဖောက်တဲ့ သူကိုသာ အရေးယူကြေးဆို .. ဟွန်း .. မပြောလိုက်ချင်ဘူး .. ငါတို့က အာဏာလေး ၂ ခါလောက်သိမ်း ..လျှပ်စစ် မီးလေးဖြတ် .. လူတွေကို မဝရေစာ ကျွေးရုံ လောက်လေး လုပ်တာ။ ငါတို့ကို လာအော်နေတဲ့ ထိုင်းတွေကမှ အာဏာကို အခါ ၂၀ လောက်သိမ်းထားတာ ကိုယ့်လူ … မကြောက်နဲ့ ငါတို့ရှေ့မှာ စီနီယာတွေ ရှိသေးတယ်။

ဉာဏ်ပျင်း။ ။ လောလောဆယ်တော့ ကျုပ်က ပစ်မှတ်ကြီးဖြစ်နေတာဗျ။ နေရထိုင်ရတာလည်း တော်တော် ကသိကအောင့်နိုင်တယ်၊ လူတိုင်းက စလိုက်တာနဲ့ မြန်မာ့အရေး ဆိုတာချည်းပဲ။ တခြား ကိစ္စ ဘယ်သူမှ စိတ်ဝင်စားပုံမရဘူး။

ချိုကုပ်။ ။ ကမ္ဘာမှာ မြန်မာကွ .. ဒီလို စိတ်ဝင်စားမှုရှိတယ်ဆိုတာ နည်းတဲ့အောင်မြင်မှုလား။

ဉာဏ်ပျင်း။ ။ မြောက်ကိုရီးယား နျူကလီးယားကိစ္စ၊ ဒေါ်အောင်ဆန်းစုကြည်ကိစ္စ၊ တိုင်းရင်းသား ကိစ္စ၊ ၂၀၁၀ ရွေးကောက်ပွဲ .. တရားမျှတဖို့ ဒါတွေပဲ ထပ်ခါတလဲလဲ …။ ပြီးတော့ ဒေါ်ကလင်တန်ကြီး ကလည်း ရောက်ရောက်ချင်း ဆောက်နဲ့ထွင်းဆိုသလို မြန်မာနဲ့ မြောက်ကိုရီးယားအရေးက ဒေသတွင်း မတည်ငြိမ်မှုကို ခြိမ်းခြောက်တာပါလို့ လျှောက်ပြောနေပြန်ပြီ ..။ ကျောချမ်းလိုက်တာ။

ချိုကုပ်။ ။ ဝှားလားလားလားလား .. ဒီလောက်ပျင်းစရာကြီးကိုများကွာ .. ဘာလို့ စိတ်ဝင်စားနေကြ ပါလိမ့်။ ပြောလိုက် ဘယ်သူတွေဘာပြောပြော ဘာလုပ်လုပ် .. ကျုပ်တို့ချိုကုပ်ဒူးကြီးက အယားဖျောက်ပေး တယ်လို့ပဲ ထင်ပါတယ်လို့။

ဉာဏ်ပျင်း။ ။ ခညာ .. ဒါ .. ဒါပေမယ့် ကျနော်က ခု .. မေးသမျှကို ဖြေရတော့မှာ .. လွတ်အောင် ရှောင်ဖို့လမ်း သိပ်မမြင်တော့ဘူးဗျ …။

ထိုစဉ် “ဟဲလို .. ဟယ်လို .. မြေကြွက် .. မြေကြွက် .. ကြားရလား .. လဒပါ .. တွီ .. တွီ .. ဗျီ .. ဗျီ .. ဗျစ် ..” ဆိုသော အသံများနှင့် “တော်ပါသေးရဲ့ လိုင်းပြတ်သွားပြီ .. ခုမှပဲ နားအေးတော့တယ်” ဆိုသည့် ဦးဉာဏ်ပျင်း၏ အသံများ တပြိုင်နက်တည်း ထွက်ပေါ်လာပြီးနောက် တိခနဲ ငြိမ်သွားသည်။

ဖိုးရှုပ်။ ။ ဟာ ဦးဉာဏ်ပျင်း ဘယ်ရောက်သွားပြီလဲ .. ။ ဒုက္ခပဲ ဦးရုက္ခစိုး ဖမ်းထားတဲ့အသံတွေ နားထောင် နေတာနဲ့ လွတ်သွားပြီဗျာ။

ဦးရုက္ခစိုး။ ။ မင်းအတွက် သတင်းတွေရအောင်လည်း ငါက ပေးနားထောင်ရသေးတယ်။

ကြွက်စုတ်။ ။ ဟာ .. ဟိုမှာ .. ဟိုမှာ ဖိုးရှုပ်ရေ .. လိုက် .. လိုက် .. သတင်းထောက်တွေ ပြေးတဲ့ ဘက်ကို လိုက်ကွ ..။

ဖိုးရှုပ်။ ။ ဟုတ်တယ် .. ဟုတ်တယ် လိုက်ကွ .. ခွေးတိုးပေါက်ကပြေးပြီ .. အမြန်လိုက်ဟေ့ .. ။

ဦးဉာဏ်ပျင်းတယောက် သတင်းထောက်များရန်မှ ရှောင်ရှားရန် ခွေးတိုးပေါက်မှထွက်ပြေးရင်း ဘာမှန်း မသိသော အရာများကို ခလုတ်တိုက်ကာ ပက်လက်လန် ပြုတ်ကျ သွားလေတော့သည်။

“ဖုန်း” “ဒိုင်း” “ဂွမ်း” … ။ ။

ရန်ကုန်သားတာတေ၏ ဦးရုက္ခစိုးနှင့် ထွေရာလေးပါး ကဏ္ဍသည် Satire ခေါ် သရော်စာ ကဏ္ဍဖြစ်ပါသည်။ သတင်းအချက်အလက် အမှန်များအပေါ်မှာ အခြေခံရေးသားထားခြင်း မဟုတ်ပါ။ အားပေးဝေဖန်ကြသော ပြည်တွင်း ပြည်ပ ပရိတ်သတ်ကို လေးစားလျှက် …။
http://www.irrawaddy.org/bur/index.php?option=com_content&view=article&id=1480:2009-07-22-12-26-45&catid=6:ching-mai-nat&Itemid=20

မှန်တာကို ပြောဆိုပါမည်


မောင်သြ

၂၂ ဇူလိုင် ၂၀၀၉


ယနေ့ မြန်မာ့နိုင်ငံရေးအခြေအနေသည် နအဖအစိုးရအဖွဲ့ရော အန်အယ်လ်ဒီအဖွဲ့ချုပ်ပါ ရှေ့မတိုးသာ နောက်မဆုတ်သာနှင့် အကျပ်အတည်းဆိုက်နေသော အနေအထားမျိုးဖြစ်သည်။ အန်အယ်လ်ဒီက မတရားမှုနှင့် ဖိနှိပ်အုပ်ချုပ်မှု စစ်ယန္တရားကြီးကို ဆန့်ကျင်တော်လှန်ရင်း ဒီမိုကရေစီနှင့် လူ့အခွင့်အရေးအတွက် လူထုတိုက်ပွဲ ဆင်နွှဲနေရသည်။ နအဖအစိုးရကမူ မိမိတို့၏ တရားဥပဒေမဲ့ အုပ်ချုပ်မှုနှင့် အာဏာရှင်စနစ်ကြီးစိုးမှု ပြိုလဲသွားမည်ကို စိုးရိမ်ကြောင့်ကြနေမှုနှင့်အတူ အဓိက အာဏာရှင် မိသားစုတွေ၏ အသက်အိုးအိမ်စည်းစိမ် ပျက်စီးဆုံးရှုံးပြီး လူထု၏ ကလဲ့စားချေခြင်း ခံရမည်ကို ကြောက်လန့်နေပေသည်။ အချိန်တွေ ရွေ့လျားလာသည်နှင့်အမျှ အခြေအနေတွေကလည်း တရွေ့ရွေ့ ပြောင်းလဲလာသည့်အတွက် နိုင်ငံရေး ရွေ့လျားမှုသည် အပြောင်းအလဲ လမ်းဆုံလမ်းခွသို့ ရောက်ရှိနေပြီဟု ဆိုနိုင်ပေသည်။

နအဖဘက်မှ ၎င်းတို့ချမှတ်ထားသည့် လမ်းပြမြေပုံ (၇) ချက်အတိုင်း ဆက်သွားရန် ပြည်တွင်းပြည်ပသို့ တရားဝင် ထုတ်ပြန်ကြေညာခဲ့ပြီးဖြစ်သည်။ နအဖမှ အခွင့်အရေးပေး သိမ်းသွင်းစည်းရုံးထားသော မျက်ကန်းမျိုးမစစ်၊ အရိုးအရင်းကိုက် လူတစုကလည်း နအဖ၏ ၂၀၁၀ ရွေးကောက်ပွဲတွင် ၀င်ပြိုင်ကြရန် ဟန်တပြင်ပြင် မာန်ဆင်နေကြပေပြီ။ ၂၀၁၀ ရွေးကောက်ပွဲ ဆိုင်ရာ ဥပဒေများ၊ ပါတီဖွဲ့စည်းရေးဆိုင်ရာ ဥပဒေများက ဘယ်ဆီနေမှန်းမသိသေးသည့်အတွက် မုန့်ဆီကြော်နှင့် နှုတ်ခမ်းနား တည့်ပါ့မလားဆိုသည့် စကားပုံလို ဖြစ်နေသည်။ နအဖက ၂၀၀၈ ခုနှစ်က (၉၂.၄၈) ရာခိုင်နှုန်း ထောက်ခံထားဟုဆိုသည့် ဖွဲ့စည်းပုံအခြေခံဥပဒေကို အသေဆုပ်ကိုင်ပြီး ရွေးကောက်ပွဲအတွက် လေလည်ပြနေချိန်တွင် အချောင်သမားအာဏာရူးများက မျှော်လင့်ခြင်းကြီးစွာဖြင့် ကြိုဆိုနေကြပြီဖြစ်သည်။

၂၀၀၈ ခုနှစ်က အတည်ပြုပြီးသည့် ဖွဲ့စည်းပုံအခြေခံဥပဒေကို ရွေးကောက်ပွဲဝင်ကြမည့် ပါတီအဖွဲ့အစည်းများမှ ပုဂ္ဂိုလ်များ သေသေချာချာ လေ့လာသုံးသပ် စဉ်းစားဖို့ လိုအပ်ပါသည်။

၁။ (န၀တ) နအဖ ထုတ်ပြန်ထားသည့် ၁/၉၀ အရ အခြေခံဥပဒေသည် ၉၀ ပြည့်နှစ် ရွေးကောက်ပွဲတွင် အရွေးချယ်ခံ အနိုင်ရထားသည့် ပြည်သူ့လွှတ်တော် ကိုယ်စားလှယ်များ ရေးဆွဲသည်လား၊ နအဖကြိုးဆွဲရာကသည့် ရုပ်သေးရုပ် (သို့မဟုတ်) နအဖစိတ်ကြိုက် ရွေးချယ်ထားသည့် ကိုယ်စားလှယ်များက ရေးဆွဲသည်လား။

၂။ ပြည်သူလူထုသဘောထား အမှန်ဖြင့် ထောက်ခံမှု ဟုတ် မဟုတ်။

၃။ ပြည်သူ့ဆန္ဒခံယူပွဲဆိုင်ရာ လမ်းညွှန်ချက် စည်းကမ်းဥပဒေများနှင့် ညီညွတ်မှန်ကန်မှု ရှိ မရှိ။

၎။ ဖွဲ့စည်းပုံ အခြေခံဥပဒေပါ အချို့အချက်အလက်များသည် ဒီမိုကရေစီကျင့်စဉ်များနှင့် ကိုက်ညီမှု ရှိ မရှိ။

၅။ စစ်အာဏာပိုင်များ ရာသက်ပန် ကြိုးကိုင်နိုင်ရေးအတွက် လမ်းခင်းပေးထားသော ဥပဒေအချက်အလက်များ ပါ မပါ စသည့် အချက်အလက်များကို အခြေခံထားပြီး လေ့လာစဉ်းစားသင့်ပါသည်။

၂၀၀၈ ခုနှစ် အခြေခံဥပဒေနှင့်သာ ရွေးကောက်ပွဲကို ကျင်းပဆောင်ရွက်သွားမည်ဆိုလျှင် မည်သည့်အဖွဲ့အစည်းကပဲ နိုင်နိုင်၊ ပြည်သူလူထုအားလုံးသည် ဒုံရင်း ဒုံရင်းအတိုင်း ဒီမိုကရေစီနှင့် လူ့အခွင့်အရေးများ ဆုံးရှုံးပြီး တသက်လုံး စစ်ကျွန်ဘ၀နှင့် ဒုက္ခတွေ ကြုံတွေ့နေရမည်မှာ မြေကြီးလက်ခတ်မလွဲပင်။

ထို့ကြောင့် အစကောင်းမှ အနှောင်းသေချာဆိုသလို ၂၀၀၈ ခုနှစ်ပါ အခြေခံဥပဒေများမှ ဒီမိုကရေစီကျင့်စဉ်နှင့် မညီညွတ်သော အချက်အလက်များကို အန်အယ်လ်ဒီ၏ ရွှေဂုံတိုင်ကြေညာစာတမ်းအရ ပြန်လည်သုံးသပ်သင့်ပါသည်။ ဤနေရာတွင် ရွေးကောက်ပွဲဝင်ရန် ဟန်တပြပြနှင့် ဖင်ကြွနေကြသည့် ပုဂ္ဂိုလ်များအနေဖြင့်လည်း အန်အယ်လ်ဒီ၏ ရွှေဂုံတိုင် ကြေညာစာတမ်းကို မှန်မှန်ကန်ကန် ရှုမြင်ပြီး စဉ်းစားသင့်ပါသည်။

လွန်ခဲ့သော နှစ်ပေါင်း (၅၀) ခန့် ဖဆပလခေတ်က ကျင်းပခဲ့သည့် ရွေးကောက်ပွဲများသည် နိုင်သည်ဖြစ်စေ၊ ရှုံးသည်ဖြစ်စေ (၄) နှစ်တကြိမ် ကျင်းပပြီး ပြည်သူက နှစ်သက်လက်ခံလျှင် နောက်တကြိမ် ဆက်အရွေးခံရမည်။ မထောက်ခံလျှင် ပြုတ်ကျမည်။ ပြုပြင်၍ရသည်။ လွှတ်တော်ကိုယ်စားလှယ် (၅၀) ရာခိုင်နှုန်းကျော်နှင့် ဆုံးဖြတ်သည်။ ယနေ့ ၂၀၁၀ ရွေးကောက်ပွဲတွင် မည်သည့်အဖွဲ့အစည်းကပဲ နိုင်နိုင်၊ အရပ်သားအစိုးရစစ်စစ် ဖြစ်မလာနိုင်၊ ရာသက်ပန် စစ်မျိုးဆက်များ အာဏာတည်မြဲရေး အတွက် အခြေခံဥပဒေများက ချုပ်ကိုင်ထားသည်။ (ဖွဲ့စည်းပုံအခြေခံဥပဒေ မူကြမ်းစာမျက်နှာ (၁၇၃)၊ အခန်း (၁၂)၊ အပိုဒ် ၄၃၆ (က-ခ)၊ ပြည်ထောင်စုလွှတ်တော် ကိုယ်စားလှယ်အားလုံး၏ (၇၅) ရာခိုင်နှုန်းကျော် ထောက်ခံဆန္ဒမဲဖြင့်သာ ပြင်ဆင်ရမည်) တပ်မတော်မှ (၂၅) ရာခိုင်နှုန်း ယူထားပြီးဖြစ်၍ (၇၅) ရာနှုန်း မည်သို့မျှ မကျော်နိုင်။

ထို့ကြောင့် ၂၀၁၀ ရွေးကောက်ပွဲကို မကျင်းပမီကပင် တိုင်းရင်းသားကိုယ်စားလှယ်များ၊ ပါတီအဖွဲ့အစည်းများမှ ကိုယ်စားလှယ်များ အလေးအနက်ထား၍ ဖွဲ့စည်းပုံ အခြေခံဥပဒေများကို ပြန်လည်သုံးသပ်ရန် လိုအပ်ပါသည်။

ကုန်ရှုံးတော့ တခေါက်
လင်ကုန်ရှုံးတော့ တသက်လုံးမှောက်
၂၀၁၀ ရွေးကောက်ပွဲ ရှုံးလို့ကတော့
စစ်ကျွန်ဘ၀ တသက်လုံးရောက်ကိန်းဆိုက်မည်ဖြစ်ပါသည်။

နအဖစစ်အစိုးရနှင့် ၉၀ ပြည့်နှစ် ရွေးကောက်ပွဲအနိုင်ရ အန်အယ်လ်ဒီကြား မတူကွဲပြားခြားနားမှုများအတွက် အမျိုးသားပြန်လည်သင့်မြတ်ရေး၊ ဒေါ်အောင်ဆန်းစုကြည်အပါအ၀င် နိုင်ငံရေးအကျဉ်းသားအားလုံး လွှတ်ပေးရေးနှင့် အားလုံးပါဝင်သည့် လွတ်လပ်ပြီး တရားမျှတသော ရွေးကောက်ပွဲကျင်းပပေးနိုင်ရေး အတွက် ကုလသမဂ္ဂအတွင်းရေးမှူးချုပ် မစ္စတာ ဘန်ကီမွန်းကိုယ်တိုင် မြန်မာနိုင်ငံသို့ (၃-၇-၀၉) သောကြာနေ့က လာရောက်ပြီး နအဖစစ်ခေါင်းဆောင်များနှင့် လည်းကောင်း၊ တိုင်းရင်းသားအဖွဲ့ (၇) ဖွဲ့နှင့် လည်းကောင်း၊ တရားဝင်မှတ်ပုံတင်ထားသော နိုင်ငံရေးပါတီအဖွဲ့များနှင့် လည်းကောင်း တွေ့ဆုံဆွေးနွေးခဲ့သည်။ အဓိကခေါင်းဆောင် ဗိုလ်ချုပ်မှူးကြီးသန်းရွှေ၊ ၀န်ကြီးချုပ် ဗိုလ်ချုပ်ကြီးသိန်းစိန်တို့နှင့် တဦးချင်းစီ တနာရီကြာမျှ တွေ့ဆုံဆွေးနွေးခဲ့ပါသည်။ ဒေါ်အောင်ဆန်းစုကြည်နှင့် တွေ့ခွင့်ပေးရန် နှစ်ကြိမ်တိုင်တောင်းဆိုသော်လည်း တွေ့ခွင့်မရခဲ့။ ဤကိစ္စနှင့် ပတ်သက်၍ အတွင်းရေးမှူးချုပ် ဘန်ကီမွန်းက “စိတ်ပျက်မိပါကြောင်းနှင့် မြန်မာနိုင်ငံအနေဖြင့် ကြီးမားသော အခွင့်အရေးတရပ် ဆုံးရှုံးရသည်” ဟု ပြောကြားခဲ့သည်။

ကုလအတွင်းရေးမှူးချုပ်နှင့် နိုင်ငံရေးပါတီများတွေ့ဆုံခွင့်ကိုမူ တဖွဲ့လျှင် (၂) မိနစ်ခန့်သာ အချိန်ပေးခဲ့သည်။ ထို (၂) မိနစ်ခန့် အတွင်း များပြားလှသည့် မြန်မာ့နိုင်ငံရေး အနာဂတ်ကိစ္စများကို မည်သို့ဆွေးနွေးနိုင်ပါမည်လဲ ဆိုသည်ကို စဉ်းစားဖို့ကောင်း သည်။

မည်သို့ဆိုစေ ဘန်ကီမွန်းမှ ၎င်း၏ခရီးစဉ်အတွင်း ဒေါ်အောင်ဆန်းစုကြည်နှင့် တွေ့ဆုံခွင့်ရခြင်း၊ မရခြင်းအပေါ် သူ၏ ခရီးစဉ် မအောင်မြင်ဘူးဟု ဆုံးဖြတ်ဝေဖန်ရန် မသင့်ကြောင်း ပြောဆိုခဲ့သည်ကို လက်ခံရပေမည်။ သူ၏ လာရင်းကိစ္စဖြစ်သည့် အချက်သုံးချက်ကို ဗိုလ်ချုပ်မှူးကြီးသန်းရွှေအား တင်ပြတောင်းဆိုခဲ့ပြီး ဗိုလ်ချုပ်မှူးကြီးက ချက်ချင်းအဖြေမပေးခဲ့သည့်အတွက် ဆက်လက်စောင့်ကြည့်ရမည်ဖြစ်သည်။

(၁၃-၇-၀၉) တနင်္လာနေ့ နံနက်က ဘန်ကီမွန်း၏ အစီရင်ခံစာကို လုံခြုံရေးကောင်စီသို့ တင်ပြပြီး နိုင်ငံအားလုံး ဆွေးနွေးခဲ့ကြ သည်။ ကုလသမဂ္ဂဆိုင်ရာ မြန်မာသံအမတ်ကြီး ဦးသန်းဆွေက အကျဉ်းသားများကို လွတ်ငြိမ်းချမ်းသာခွင့်ပေးရန် မြန်မာအစိုးရ မှ ပြင်ဆင်နေပြီဖြစ်ကြောင်း ပြောဆိုခဲ့သည်။ ကမ္ဘာ့နိုင်ငံခေါင်းဆောင်များ၊ ကမ္ဘာ့အဖွဲ့အစည်းများနှင့် အတွင်းရေးမှူးချုပ် ဘန်ကီမွန်းတို့အားလုံးက ဒေါ်အောင်ဆန်းစုကြည်နှင့် နိုင်ငံရေးအကျဉ်းသားအားလုံး လွှတ်ပေးရန် တောင်းဆိုထားခြင်းအပေါ် မြန်မာသံအမတ်ကြီးက “အကျဉ်းသားများ” ဟု ဆိုထားရာ လက်တလုံးခြားလှည့်ဖြားဖို့ သံသယ၀င်စရာ ဖြစ်ရပါသည်။ မပြတ်သားပါ၊ ရိုးသားမှုမရှိပါ။

ကုလအတွင်းရေးမှူးချုပ်၏ မြန်မာနိုင်ငံခရီးစဉ်တွင် ကုလသမဂ္ဂအဖွဲ့ဝင်နိုင်ငံအများစု၏ လိုလားတောင်းတမှုများ၊ ထင်သာမြင်သာ တိုးတက်မှုများ တစုံတရာ မတွေ့ရခြင်းအတွက် မြန်မာအစိုးရအပေါ် စိတ်ပျက်လက်ပျက် ဝေဖန်ပြစ်တင်ပြောဆိုခဲ့ကြသော်လည်း နအဖ၏ ကိုးကွယ်ဆည်းကပ်ရာဖြစ်သော ကျေးဇူးရှင် တရုတ်ကြီးကမူ တပည့်ကြီးအပေါ် အကောင်းမြင်သဘောဖြင့် ဖုံးဖုံးဖိဖိ တဖက်သတ် ကာကွယ်ပြောဆိုသွားသည်ကို ကြားရသည်။

ပညာတတ် တရုတ်ခေါင်းဆောင်ကြီးများ ဖြစ်ပါလျက်နှင့် အမှားနှင့် အမှန်၊ တရားခြင်း၊ မတရားခြင်းများကို စိစစ်ဝေဖန်ပိုင်းခြားမှု အားနည်းသော၊ မြန်မာပြည်သူသန်းပေါင်း (၅၀) ကျော်၏ ဒုက္ခမျက်နှာကို လျစ်လျူရှုကာ လက်တဆုပ်စာ အာဏာရှင်တို့ဘက်မှ မျက်နှာလိုက်သော၊ ကိုယ့်နိုင်ငံအတ္တအကျိုးစီးပွားကို ရှေ့တန်းတင်ကြည့်တတ်သော တရုတ်ခေါင်းဆောင်ကြီးများ၏ သဘောထား အတွေးအခေါ်များကို မည်သို့နားလည်ရမှန်းပင် မသိတော့ပေ။

ဒီကြားထဲ သခွပ်ပင်က မီးတကျီကျီဆိုသလို ဆောင်းပါးရှင် မောင်မှတ်က (၁၄-၇-၀၉) နေ့ထုတ် အစိုးရအာဘော်သတင်းစာများ တွင် “ပူးပေါင်းဆောင်ရွက်မှုကို ဖော်ဆောင်လျက် လက်ကမ်းလျက်ပါ” ဆိုသည့် ဆောင်းပါးနှင့် ဆင်သေကောင်ပုပ်ကို ဆိတ်သားရေနှင့်ဖုံးရန် ကြိုးစားထားသည်ကို တွေ့ရသည်။

“အန်အယ်လ်ဒီက ကြေညာချက်တွေဟာ ပြည်သူ့ဆန္ဒသဘောထားကို ထင်ဟပ်ခြင်းမရှိ၊ ဦးစားပေးခြင်းမရှိ၊ အပြုသဘော မဆောင်၊ သူတို့ဖြစ်ချင်တာ လိုချင်တာကိုပဲ စက်နဲ့ လှည့်ထုတ် အပ်ကြောင်းထပ်နေတော့ ဂရုမစိုက်ဖြစ်တာတောင် ကြာခဲ့ပါပြီ…” တဲ့။

မောင်မှတ် … မောင်မှတ် ကြောင်တတ်ပါပေ့။ အတွင်းရေးမှူးချုပ် ဘန်ကီမွန်းနှင့် ဗိုလ်ချုပ်မှူးကြီးသန်းရွှေ၊ ၀န်ကြီးချုပ် ဗိုလ်ချုပ်ကြီးသိန်းစိန်တို့ တဦးချင်းစီ တနာရီကြာ တွေ့ဆုံဆွေးနွေးခွင့်ရသလို ၉၀ ပြည့်နှစ် ရွေးကောက်ပွဲတွင် အနိုင်ရရှိခဲ့သည့် မြန်မာနိုင်ငံ၏ အထင်ကရ ပါတီကြီးတခု၏ ခေါင်းဆောင်များအနေဖြင့်လည်း အတွင်းရေးမှူးချုပ်နှင့် တနာရီလောက် တွေ့ဆုံပြီး ပြည့်ပြည့်စုံစုံ ဆွေးနွေးခွင့်ရမှ တရားမျှမှုရှိမည်ကို သိဖို့ကောင်းသည်။ ထိုသို့မဟုတ်ဘဲ အန်အယ်လ်ဒီက ခွင့်ပြုသည့် (၂) မိနစ် အပြင် (၁၀) မိနစ်လောက် တောင်းဆိုပြီး (၁၀) မိနစ်နှင့် အသေးစိတ် ဇာတ်စုံခင်းမပြနိုင်သည့်အကြောင်း၊ အန်အယ်လ်ဒီ၏ ကြေညာချက် ၁၈/၀၇/၀၉ ကို အမနာပ သရော်သလို၊ လှောင်သလိုနှင့် စောင်းချိတ်ရေးထားသည့် မောင်မှတ်ကို နအဖအစိုးရက နောက်နှစ်တွင် လူမှုထူးချွန်ဆု ပထမအဆင့်ပေးမှာ အသေအချာပင် (ရပြီးပြီလားတောင် မသိ)။

နောက်ပြီး မောင်မှတ်က “တကယ်တော့ နိုင်ငံနဲ့ ပြည်သူတွေရဲ့ အရေးကိစ္စထက် ဒီအမျိုးသမီးရဲ့ (ဒေါ်အောင်ဆန်းစုကြည်) အရေးကိစ္စက အထွေထွေအတွင်းရေးမှူးချုပ်အတွက် ပိုပြီးအရေးကြီးနေသလားလို့တောင် ယူဆချင်စရာပါ” ဟု ရေးထားသည်ကို ကြည့်ခြင်းအားဖြင့် မောင်မှတ်၏ ဦးနှောက်ထဲတွင် ဉာဏ်တထွာတမိုက်လောက်သာရှိမှန်း သိလိုက်ရပေသည်။ ကမ္ဘာ့နိုင်ငံပေါင်း (၁၉၂) နိုင်ငံက ထောက်ခံရွေးချယ်တင်မြှောက်ထားသည့် ကုလသမဂ္ဂအဖွဲ့အစည်းကြီး၏ အထွေထွေအတွင်းရေးမှူးချုပ်သည် ဉာဏ်ပညာ အတွေးအခေါ် မသေးနိုင်။ ထို့ကြောင့်လည်း ဒေါ်အောင်ဆန်းစုကြည်နှင့် တွေ့ခွင့်မရသည့်အပေါ် စိတ်ပျက်မိကြောင်းနှင့် မြန်မာနိုင်ငံအနေဖြင့် ကြီးမားသည့် အခွင့်အရေးတရပ် ဆုံးရှုံးရပြီလို့ ပြောဆိုခဲ့ခြင်းဖြစ်သည်။ ထိုသို့ပြောဆိုခြင်းသည် ခပ်တိမ်တိမ် ပြောဆိုခဲ့ခြင်းမဟုတ်သည်ကို မောင်မှတ် ဉာဏ်မမီ၍ မသိခြင်းဖြစ်ပေမည်။

ဒေါ်အောင်ဆန်းစုကြည်သည် မြန်မာနိုင်ငံ၏ အနာဂတ်နိုင်ငံရေးနှင့် တိုင်းရင်းသားစည်းလုံးညီညွတ်ရေး၊ အမျိုးသားရင်ကြားစေ့ ရေးတို့ကို အမှန်တကယ် စွမ်းဆောင်စွမ်းရှိသော ထက်မြက်သည့် အမျိုးသမီးကောင်းတယောက်ဆိုသည်ကို အာရှတိုက်သား မစ္စတာဘန်ကီမွန်း ကောင်းကောင်းသိပါသည်။ ထို့ကြောင့်လည်း မြန်မာနိုင်ငံ၏ အနာဂတ်ဒီမိုကရေစီလမ်းကြောင်း ပြောင်းလဲ တိုးတက်နိုင်ရေးအတွက် တွေ့ခွင့်တောင်းခဲ့ခြင်းဖြစ်ပါသည်။

ပြီးတော့ …“ဘန်ကီမွန်းရဲ့ ခရီးစဉ်ကို ပြည်သူအများစုက စောင့်ကြည့်နေကြပြီး ဝေဖန်သုံးသပ်မှုတွေဟာ ခဲလေသမျှ သဲရေကျ ဆိုတာလို နားနဲ့မဆံ့အောင် ကြားနေရပြန်တော့ စိတ်မကောင်းဖြစ်ရတာလည်း အမှန်ပါပဲ” ဟု ရေးထားပြန်သည်။ ထိုသဘောထားသည် ပြည်သူ့ရင်ထဲမှ အသံစစ်ဖြစ်သည်ကို အသင် မောင်မှတ် ဂဏှာဟိ မှတ်ပါလေ။

နောက် “တရားရုံးရဲ့ စီရင်ပိုင်ခွင့်အောက်မှာ ဒေါ်စုဟာ တရားရင်ဆိုင်နေရလို့ အစိုးရက တွေ့ခွင့်ပြုမယ်၊ မပြုဘူး ဆုံးဖြတ်လို့၊ စွက်ဖက်လို့ မရပါဘူး” ဟု ဆိုထားပြန်သည်။ ယနေ့ မြန်မာနိုင်ငံတွင် တရားရုံးလုပ်ပိုင်ခွင့်နှင့် အစိုးရလုပ်ပိုင်ခွင့် မည်သူက အထက်တွင် ရှိသည်လဲဆိုသည်ကို မောင်မှတ်ကလေး သေချာစဉ်းစားစေချင်သည်။

နောက် ဘန်ကီမွန်းခရီးစဉ်တွင် ပါလာသည့် အချက် (၃) ချက်တွင် “လူ့အခွင့်အရေး မြှင့်တင်ဖို့” ဆိုသည့်အချက်ကို မောင်မှတ်ဆောင်းပါးထဲတွင် တွေ့ရသည်။ အဲဒီအချက် မပါပေ။ နိုင်ငံရေးအကျဉ်းသားများအားလုံးနှင့် ဒေါ်အောင်ဆန်းစုကြည်ကို လွှတ်ပေးရန်သာပါသည်။ ထို့ကြောင့်လည်း လုံခြုံရေးကောင်စီတွင် မြန်မာသံအမတ်ကြီးက အကျဉ်းသားများကို လွှတ်ပေးရန် မြန်မာစစ်အစိုးရက ပြင်ဆင်နေပါပြီဟု ပြောခဲ့ခြင်းဖြစ်သည်။ မောင်မှတ် ရှင်းလောက်ပြီထင်သည်။

“မြန်မာပြည်သူတွေရဲ့ အရေးနဲ့ယှဉ်ရင် လူပုဂ္ဂိုလ်တဦးတယောက်ဟာ သာမညသာဖြစ်တယ်” ဆိုသည့် မောင်မှတ်၏ စကားသည် သာမန်လူတယောက်အတွက် ယေဘုယျအားဖြင့် မှန်ချင်မှန်မည်။ သို့သော် ဒေါ်အောင်ဆန်းစုကြည်ကား (သာမန်မိန်းမသားတယောက်) သာမညပုဂ္ဂိုလ်တယောက် မဟုတ်ပေ။ ကမ္ဘာ့နိုင်ငံခေါင်းဆောင်များ၊ ပြည်သူများ၊ နအဖစစ်အာဏာပိုင်များ၊ တပ်မတော်သားအားလုံးကပါ စောင့်ကြည့်ဂရုစိုက်ခံနေရသည့် ထူးခြားထက်မြက်သည့် လူသားတယောက်ဆိုသည်ကို မောင်မှတ် မျက်စိစုံမှိတ် မငြင်းသင့်ပေ။

မောင်မှတ်ရေးသကဲ့သို့ ကုလသမဂ္ဂကြီးနှင့် ပူးပေါင်းဆောင်ရွက်မှုရှိနေပါသည်ဆိုလျှင် ၁၉၇၄ ခုနှစ်မှစ၍ ယနေ့အထိ နှစ်စဉ် ကုလသမဂ္ဂအထွေထွေညီလာခံ၏ ဆုံးဖြတ်ချက်များအပေါ် လက်တွေ့ တချက်ချင်း မည်ကဲ့သို့ လိုက်နာဆောင်ရွက်ခဲ့သည်ကို ရှင်းပြသင့်ပေသည်။

၂၀၀၈ ခုနှစ်တွင် ပြည်သူ့ဆန္ဒ (၉၂.၄၈) ရာခိုင်နှုန်းနှင့် အတည်ပြုခဲ့သည်ဆိုသည့် ဖွဲ့စည်းပုံအခြေခံဥပဒေမူကြမ်းနှင့် ပတ်သက်ပြီး မောင်မှတ်က “စောဖေတို့က နောကျေနေပါပြီ။ ဒီလိုပြင်ဆင်ဖို့ဆိုတာကို ဘယ်ပြည်သူက လက်ခံမလဲ၊ ပြည်သူက လက်မခံနိုင်ဘူးဆိုရင် အစိုးရကလဲ ဘယ်လက်ခံပါ့မလဲ။ ဘယ်အစိုးရမှ ပြည်သူရဲ့ Mandate ကို ကျော်လွန်လို့မရနိုင်ဘူးဆိုတာ အားလုံးနားလည်ပြီးသားဖြစ်မှာပါ” (ဖွဲ့စည်းပုံအခြေခံဥပဒေနှင့် ပတ်သက်ပြီး ရှေ့ပိုင်းတွင် ဖော်ပြပြီး)။

အော် … မောင်မှတ် … မောင်မှတ်
ကြောင်လဲ … ကြောင်တတ်
ဟောင်လဲ … ဟောင်တတ် … ပါလား။

ထိုသို့ ငါ့စကားနွားရ ပြောတတ်သည့် မောင်မှတ်ကို ၁၉၉၀ ပြည့်နှစ်တွင် အပြတ်အသတ် အနိုင်ရခဲ့သည့် ပြည်သူတွေ၏ Mandate၊ လွတ်လပ်ပြီးတရားမျှတပါသည်ဟု စစ်အစိုးရကရော ပြည်သူကရော ကမ္ဘာ့နိုင်ငံအားလုံးကပါ အသိအမှတ်ပြုခဲ့သည့် ၉၀ ပြည့်နှစ်ရွေးကောက်ပွဲ Mandate ကို မည်သည့်အစိုးရက ပစ်ပယ်ဆန့်ကျင်ပြီး ကတိတွေဖျက် ကျော်လွန်ခဲ့ပါသနည်းဟု မေးလိုက်ချင်ပါသည်။ စိတ်နှလုံးသား ရိုးသားဖြူစင်သည်ဆိုလျှင် အမှန်တရားကို ဘွင်းဘွင်းကြီး တွေ့မြင်နိုင်ပါလိမ့်မည်။

ချုပ်၍ဆိုရလျှင် ယနေ့ မြန်မာနိုင်ငံ၏ အနာဂတ်နိုင်ငံရေး အရွှေ့အပြောင်း တိုးတက်မှုကိစ္စသည် ကမ္ဘာတ၀န်းမှ ခေါင်းဆောင်များ၊ ပြည်သူများက ရင်ထဲအသည်းထဲမှ စွဲမက်ချစ်ခင်လေးစား ကြည်ညိုပြီး ၀ိုင်းရံစောင့်ကြည့်ခြင်းခံနေရသည့် အန်အယ်လ်ဒီပါတီ၏ ခေါင်းဆောင်၊ လူထုခေါင်းဆောင် ဒေါ်အောင်ဆန်းစုကြည်ကို နအဖအစိုးရအုပ်ချုပ်မှုအောက်တွင် ရှိနေသည့် တရားရုံးမှ တရားသူကြီးများက မည်သို့သော ပြစ်ဒဏ်စီရင်ချက် ချမှတ်မည်လဲဆိုသည့်အပေါ်တွင် မူတည်နေသည်ဟု ထင်မြင်မိပါသည်။

ဘယ်သူမပြု မိမိမှု၊ ကိုယ်ပြုသည့်ကံ ကိုယ့်ထံ ပြန်လာလိမ့်မည်။
http://www.khitpyaing.org/articles/july09/220709.php

ဇူလိုင်၂၂ဒိုင်ယာရီ


မလွှဲသာလို့သာ လက်တွဲရတာ တော်တော်တော့ နံတယ် ...
Tuesday, 21 July 2009 16:41 ဟန်လေး ပါတီသည် လမ်းဆုံလမ်းခွတွင် ရှိကြောင်း ဦးဝင်းတင် ပြောဆို
မြင့်မောင်
ဗုဒ္ဓဟူးနေ့၊ ဂျူလိုင်လ 22 ရက် 2009 ခုနှစ် 20 နာရီ 49 မိနစ်


နယူးဒေလီ (မဇ္ဈိမ)။ ။ အမျိုးသား ဒီမိုကရေစီအဖွဲ့ချုပ် ခေါင်းဆောင်များသည် အသက်အရွယ် ကြီးရင့်လာခြင်းနှင့် ကျန်းမာရေး အခြေအနေအရ ပါတီ၏ ဦးဆောင်မှု အခန်းကဏ္ဍသည် လမ်းဆုံလမ်းခွသို့ ရောက်နေကြောင်း ပါတီ ခေါင်းဆောင်တဦးက ပြောသည်။

အသက်အရွယ်ကြီးကာ ကျန်းမာရေး ချို့ယွင်းမှုများကြောင့် လျှောက်လှမ်းရမည့် ပါတီဦးဆောင်မှုသည် လမ်းဆုံလမ်းခွသို့ ရောက်နေကြောင်း ပါတီခေါင်းဆောင်တဦးလည်းဖြစ်၊ သတင်းစာ ဆရာကြီးလည်း ဖြစ်သည့် ဆရာကြီး ဦးဝင်းတင်က ပြောဆိုလိုက်ခြင်း ဖြစ်သည်။

“ခေါင်းပိုင်းတွေအနေနဲ့ အသက်အရွယ်ကြီးရင့်လို့ အနားယူမယ်ဆိုရင်လည်း ယူနိုင်ဖို့ အနေအထားရှိပေမယ့် ပါတီရဲ့ လျှောက်လှမ်းရမယ့် လမ်းကြောင်းကတော့ လမ်းဆုံလမ်းခွ အခြေအနေကို ကျရောက်နေတယ်” ဟု သူက မဇ္ဈိမကို ပြောသည်။

“တကယ်လို့ ပါတီက မှတ်ပုံပြန်တင်ရရင်လည်း ဒေါ်အောင်ဆန်းစုကြည်ကလည်း မလွတ်သေးဘူး။ အဲဒါဆိုတော့ ကျနော်တို့ ပါတီအတွက် စိုးရိမ်နေရတယ်။ ပြဿနာက လူက တိုးချင်တိုင်း တိုးလို့ မရဘူး။ အစိုးရနေပြီးတော့ ကော်မရှင်မှာရှိတဲ့ လူအနေအထားအတိုင်း လုပ်ရတယ်ဆိုတော့ လူကလည်း တိုးလို့မရဘူး ဖြစ်နေပါတယ်” ဟု ဆရာကြီး ဦးဝင်းတင်က ဆက်ပြောသည်။

ပါတီဥက္ကဋ္ဌ ဦးအောင်ရွှေ၊ ဒုဥက္ကဋ္ဌ ဦးတင်ဦး၊ အတွင်းရေးမှူး ဦးလွင် အပါအဝင် ဗဟိုအလုပ်အမှုဆောင် ကော်မတီဝင်များဖြစ်သည့် ဦးလွန်းတင်၊ ဦးညွန့်ဝေ၊ ဦးလှဖေ၊ ဦးသန်းထွန်း၊ ဦးဝင်းတင်နှင့် သခင်စိုးမြင့်သည် အသက်အားဖြင့် ၈ဝ နှစ်ကျော်များ ဖြစ်နေသဖြင့် မကြာခဏ ကျန်းမာရေးက ချူချာနေသည်။

“ဦးအောင်ရွှေဆိုရင် ၉၀ ကျော်နေပြီ။ ပါတီကို မလာနိုင်တာ လနဲ့ချီ ရှိနေပြီ။ နောက်ထပ် ၂ လ၊ ၃ လ လာနိုင်မယ် မထင်ဘူး။ ဦးလွန်းတင်ဆိုရင် မျက်စိက ကောင်းကောင်း မမြင်ရတော့ဘူး။ နားကလည်း ကောင်းကောင်း မကြားတော့ဘူး။ ကလေး ကုန်းပိုးသလိုမျိုး ပိုးပြီးတော့မှ နောက်က တယောက် မလိုက်ရင် မရဘူး။ အိပ်ယာထဲမှာ လေဖြတ်နေတယ်။ ဦးလှဖေကလည်း ကျန်မာရေး ချို့တဲ့နေတယ်။ ဦးသန်းထွန်းကလည်း ခဏခဏ ခေါင်းမူးတတ်တယ်” ဟု ဆရာကြီးက ပြောသည်။

ကိုယ်တိုင်ကလည်း မျက်စိခွဲစိတ်ကုသရန် လိုအပ်နေပြီး နှလုံးရောဂါနှင့်အတူ သွေးခုန်နှုန်း အလွန်အမင်း ကျဆင်းနေကြောင်းနှင့် ဆီးချိုနှင့် အကြောအဆစ် ကိုက်ခဲသည့် ဝေဒနာများလည်း ခံစားနေရကြောင်း သိရသည်။

ဆရာကြီးက “နေ့တိုင်းလိုလိုက နှလုံးခုန်နှုန်းက ၄၈ ကနေ မတက်ဘူး။ ပုံမှန်က ၈ဝ လောက်ရှိရမှာ။ ကျနော် မလှုပ်နိုင်ဘူး ဖြစ်နေတယ်။ ခြေလှမ်း ၄-၅ လှမ်းလောက် လျှောက်လိုက်ရင် မောနေတယ်။ အသည်း၊ အမြစ်၊ ကလီစာတို့ မစားဖို့၊ ပဲပင်ပေါက်တို့ ခရမ်းချဉ်သီးတို့ မစားဖို့နဲ့ ရောဂါအတွက် လိုအပ်တဲ့ အစားအသောက်တွေ၊ အသားငါးတွေ ပိုပြီး စားသောက်ဖို့ ဆရာဝန်က ညွှန်ကြားထားတယ်” ဟု ပြောသည်။

ကျန်းမာရေး မကောင်းသည့်ကြားမှ လာမည့်သောကြာနေ့တွင် ဒေါ်အောင်ဆန်းစုကြည် အမှုအတွက် နောက်ဆုံး လျှောက်လှဲကြမည်ဖြစ်ရာ အင်းစိန်ထောင်ရှေ့သို့ သွားရောက်ဦးမည်ဟု သူက ဆိုသည်။

ကျန်းမာရေးအတွက်လည်း လာမည့်လ ၃ ရက်နေ့တွင် ထပ်မံ၍ ပြသရန် ဆရာဝန်က ညွှန်ကြားထားကြောင်း သိရသည်။


နိုင်ငံကူးလက်မှတ်ရုံး ဖမ်းဆီးမှု ရန်ကုန်တွင် လူပြောများနေ
Wednesday, 22 July 2009 19:04 အေးလဲ့ .ရန်ကုန်ရှိ နိုင်ငံကူး လက်မှတ်နှင့် သန်းခေါင်စာရင်း အတုအပ ပြုလုပ်ပေးသူ လူ ၂၀ ကျော်အား ဖမ်းဆီးလိုက်ကြောင်း ကြားသိရသည်။

၎င်းဖမ်းဆီးမှုသည် လိုဏ်ခေါင်း ဆောက်လုပ်ရေး အရာရှိ တချို့ ပြည်ပ နိုင်ငံသို့ ထွက်ပြေး တိမ်းရှောင်သူများ လွတ်မြောက်မှုနှင့် ပတ်သက်နေကြောင်း ရန်ကုန်တွင် သတင်းကြီးနေသည်။

ရန်ကုန်ရှိ နိုင်ငံကူး လက်မှတ် လုပ်ပေးရေး အရာရှိ အသိုင်းအဝိုင်းနှင့် နီးစပ်သူ တဦးက “ဥမင် လိုဏ်ခေါင်း ဆောက်တဲ့ အရာရှိ တွေက နေပြည်တော်ကနေ ရှမ်းပြည်ဘက်ကို ထွက်ပြေးတယ်၊ အဲဒီကနေတဆင့် ရန်ကုန်ကို ထွက်သွားတယ် လို့ကြားတယ်”ဟု ပြောသည်။

၎င်းက ဆက်လက်ပြီး“နေ့ ချင်းပြီး နိုင်ငံကူးလက်မှတ် လုပ်ပေးတဲ့ ပွဲစားတွေ၊ သန်းခေါင် စာရင်း လုပ်ပေး တဲ့ သူတွေ တော်တော်များများကို ဖမ်းထားတယ်၊ ကျပ် ၆ သိန်း ၈ သိန်းလောက် ပေးပြီးလုပ်သွားတယ်လို့ ကြား တယ်၊ အတိအကျတော့ မသိဘူး” ဟုလည်း ပြောသည်။

အဆိုပါ လူပြောများနေသော သတင်းနှင့် ပတ်သက်ပြီး လွတ်လပ်သော အတည်ပြုချက်များ မရနိုင်သေးပါ။

ထို ဥမင် လိုဏ်ခေါင်း ဆောက်လုပ်ရေးမှ ထွက်ပြေးတိမ်းရှောင်သူ အရာရှိ ၆ ဦး အနက် ၄ ဦးမှာ ပြည်ပ နိုင်ငံသို့ ထွက်ပြေး လွတ်မြောက်သွားပြီး ကျန် နှစ်ဦးက နိုင်ငံကူး လက်မှတ်ပြုလုပ်နေစဉ် အတောအတွင်း သတင်းပေါက်ကြားမှုဖြင့် ဖမ်းဆီးခံရကြောင်း သိရသည်။

ယခု လဆန်းပိုင်းတွင် စစ်အစိုးရ နံပါတ် ၃ ခေါင်းဆောင် ဗိုလ်ချုပ်ကြီး သူရရွှေမန်း၏ မြောက်ကိုရီးယား လျှို့ဝှက်ခရီးစဉ် ဓာတ်ပုံနှင့် ဗီဒီယို မှတ်တမ်းများ ပေါက်ကြားကာ ပြည်ပ မီဒီယာများတွင် ဖော်ပြနိုင်ခဲ့မှု နှင့် ပတ်သက်၍ စစ်ဘက်ဆိုင်ရာ အရာရှိ ၁၀ ဦးထက်မနည်းကို ဖမ်းဆီးပြီး စစ်ခုံရုံးတင်၍ ကြီးလေးသော အပြစ်ဒဏ် ချမှတ်မည် ဖြစ်သည့် သတင်းများလည်း ဧရာဝတီတွင်ဖော်ပြခဲ့ ပြီးဖြစ်သည်။

၎င်းသတင်းများ၊ ဓာတ်ပုံများနှင့် တပြိုင်နက်တည်း ပြည်တွင်း၌ အနုမြူလက်နက်များ စမ်းသပ်ရန် “လိုဏ်” များ ဆောက်လုပ်နေသည် ဆိုသည့် သတင်းများပါ ထွက်ပေါ်ခဲ့ပြီး နိုင်ငံတကာ မီဒီယာများဖြစ်သော CNN၊ BBC၊ အယ်လ်ဂျာဇီးရား နှင့် ပြည်ပအခြေစိုက် မြန်မာမီဒီယာများဖြစ်သော ဒီမိုကရက်တစ် မြန်မာ့အသံ (DVB) တို့က ဗီဒီယို မှတ်တမ်းများနှင့် တကွ ဖော်ပြခဲ့ကြသည်။



အိန္ဒိယ ပါလီမန်အမတ်များက ဒေါ်အောင်ဆန်းစုကြည် လွတ်မြောက်ရေး တောင်းဆို
မဇ္ဈိမသတင်းဌာန
ဗုဒ္ဓဟူးနေ့၊ ဂျူလိုင်လ 22 ရက် 2009 ခုနှစ် 20 နာရီ 46 မိနစ်


နယူးဒေလီ (မဇ္ဈိမ)။ ။ မြန်မာ့အတိုက်အခံ ခေါင်းဆောင် ဒေါ်အောင်ဆန်းစုကြည်ကို ရုံးတင် တရားစွဲဆိုနေမှုအား အိန္ဒိယအစိုးရက ပါးနပ်စွာ ရေငုံနှုတ်ပိတ် လုပ်နေခဲ့သော်လည်း တဒါဇင်ကျော်မျှသော အိန္ဒိယနိုင်ငံ ပါလီမန် အမတ်များကမူ သူမအတွက် စိုးရိမ်ပူပန်ကြောင်းနှင့် ပြန်လွှတ်ပေးရန် မြန်မာစစ်အစိုးရကို ယမန်နေ့က တောင်းဆိုခဲ့ကြသည်။

နယူးဒေလီရှိ ကွန်စတီကျူးရှင်းကလပ် ခန်းမတွင် ကျင်းပသော ကွန်ဖရင့်တွင် လွှတ်တော် ၂ ရပ် (Rajya Sabha နှင့် Lok Sabha) စလုံးမှ ပါလီမန်အမတ်များက ဒေါ်အောင်ဆန်းစုကြည် ခေါင်းဆောင်သည့် မြန်မာ့ဒီမိုကရေစီရေး လှုပ်ရှားမှုနှင့်အတူ သွေးစည်းညီညွတ်စွာ ရှိကြောင်း ထုတ်ဖော်ပြောဆိုခဲ့ကြပြီး၊ မြန်မာနိုင်ငံအပေါ် ထားရှိသည့် အိန္ဒိယအစိုးရ၏ လက်ရှိနိုင်ငံခြားရေး မူဝါဒကိုလည်း ပြန်လည်သုံးသပ်ရန်နှင့် ပြန်လည်စဉ်းစားရန် အစိုးရကို တိုက်တွန်းခဲ့ကြသည်။

''ကိုယ့်အိမ်နီးချင်းအိမ်မှာ မီးလောင်နေလျှင် ထိုအပူသည် ကိုယ့်ကို လာဟပ်မည်ဖြစ်သည်။ ထိုမီးက ကိုယ့်ဆီပါ ကူးလျှင် ကိုယ်ပါ မီးလောင်မည်။ မြန်မာပြည်သည် ကျွန်ုပ်တို့၏ အိမ်နီးချင်းဖြစ်၍ ယင်းနိုင်ငံ ဒီမိုကရေစီစနစ်သို့ ကူးပြောင်းရေးသည် ကျွန်ုပ်တို့အတွက် ရေရှည်အကျိုးစီးပွားပင် ဖြစ်သည်'' ဟု ပါလီမန်အမတ်များ၏ ထုတ်ပြန်ကြေညာချက်တွင် ဖော်ပြထားသည်။

အိန္ဒိယသည် မြန်မာနိုင်ငံတွင် ဒီမ်ိုကရေစီအပြောင်းအလဲများ ဖြစ်ပေါ်ရေးအတွက် ကုလသမဂ္ဂ၊ နိုင်ငံတကာ အသိုင်းအဝိုင်းနှင့်အတူ လက်တွဲလုပ်ဆောင်သင့်သည်ဟု ပါလီမန်အမတ်များက ပြောသည်။

''ဒေါ်အောင်ဆန်းစုကြည်ကို လွှတ်ပေးပြီး တိုင်းပြည်တွင်းမှာ ငြိမ်းချမ်းရေးနဲ့ ဖွံ့ဖြိုးတိုးတက်စေရေးအတွက် နိုင်ငံရေး ဆွေးနွေးပွဲတရပ်ကို စတင်စေလိုတယ်ဆိုတဲ့ ကျနော်တို့ရဲ့ သတင်းစကားကို မြန်မာဗိုလ်ချုပ်ကြီးတွေဆီ ရနိုင်သမျှ သံတမန်လမ်းကြောင်းတွေကို အသုံးပြုပြီး ပို့ဆောင်ပေးပါလို့ ကျနော်တို့ရဲ့ အစိုးရသစ်ကို ကျနော်တို့က တိုက်တွန်းပါတယ်'' ဟု ကြေညာချက်တွင် ရေးသားထားသည်။

ကမ္ဘာပေါ်တွင် အကြီးမားဆုံး ဒီမိုကရေစီနိုင်ငံဖြစ်ပြီး ဒေါ်အောင်ဆန်းစုကြည်မှာလည်း အိန္ဒိယနိုင်ငံ၏ မြို့တော်တွင် နေထိုင်သွားသူဖြစ်သဖြင့် ''ကျွန်ုပ်တို့သည် မြန်မာပြည်သူများ၏ မျှော်မှန်းချက်နှင့် သူမ (ဒေါ်အောင်ဆန်းစုကြည်) ကို သစ္စာမဖောက်သင့်ကြောင်း'' အဆိုပါ ပါလီမန်အမတ်များက ပြောသည်။

အိန္ဒိယ ပါလီမန်အမတ်များ၏ တောင်းဆိုမှုသည် သူမ၏ အင်းယားကန်ဘေးရှိ နေအိမ်သို့ ဝင်ရောက်လာသော အမေရိကန်လူမျိုး ဂျွန် ဝီလျံ ယက်တောကို လက်ခံထားခဲ့၍ အကျယ်ချုပ် စည်းကမ်းများ ချိုးဖောက်သည်ဟူသော စွဲချက်ဖြင့် မြန်မာစစ်အစိုးရက ဒေါ်အောင်ဆန်းစုကြည်ကို ရုံးတင်တရားစွဲဆိုနေမှုကို နိုင်ငံတကာက ဝိုင်းဝန်းဝေဖန်ပြစ်တင်နေကြသည်ကို ပဲ့တင်ထပ် ဖော်ပြလိုက်ခြင်းဖြစ်သည်။

အမှုနှင့် စပ်လျဉ်း၍ နှစ်ဖက်လျှောက်လဲချက်များကို ကြားနာရန် ရန်ကုန်မြို့ အင်းစိန်ထောင်တွင်းရှိ အထူးတရားရုံးက လာမည့် သောကြာနေ့သို့ ချိန်းဆိုထားသည်။ ပြစ်မှုထင်ရှားကြောင်း တွေ့ရှိပါက ထောင်ဒဏ် ၅ နှစ်အထိ ကျခံရနိုင်သည်။

မြန်မာနိုင်ငံတွင်း နိုင်ငံရေးအရ ဖြစ်ထွန်းတိုးတက်မှုများနှင့် စပ်လျဉ်း၍ တရားဝင်အားဖြင့် အိန္ဒိယအစိုးရက ရေငုံနှုတ်ပိတ် လုပ်နေသော်လည်း သူတို့၏ ထောက်ခံမှုကို ဆက်လက်ထားရှိသွားမည်ဖြစ်ကြောင်းနှင့် အစိုးရကို ဤကိစ္စအတွက် အရေးယူဆောင်ရွက်ရန် တွန်းအားပေးသွားမည်ဟု ပါလီမန်အမတ်များက ကတိပြုပြောကြားလိုက်ကြသည်။ လက်ရှိ မြန်မာ့ဒီမိုကရေစီရေး အိန္ဒိယပါလီမန်ဖိုရမ် (IPFDB) ကိုလည်း တိုးချဲ့သွားမည်ဟု သူတို့က ပြောသည်။

IPFDB အဖွဲ့ကို ၂ဝဝ၅ ခုနှစ် ဒီဇင်ဘာလတွင် အိန္ဒိယအစိုးရနှင့် ဆက်သွယ်ဆောင်ရွက်ရန်နှင့် စစ်အစိုးရ အုပ်ချုပ်နေသော မြန်မာနိုင်ငံတွင် နိုင်ငံရေးအပြောင်းအလဲများ ဖြစ်ပေါ်ရေးအတွက် ပိုမိုပြင်းထန်သော အရေးယူဆောင်ရွက်မှုများ ပြုလုပ်ရန် အိန္ဒိယအစိုးရကို တွန်းအားပေးရန် ရည်ရွယ်ချက်ဖြင့် ဖွဲ့စည်းခဲ့ခြင်း ဖြစ်သည်။

ဒေါ်အောင်ဆန်းစုကြည်သည် သူမ၏ မိခင်နှင့်အတူ အိန္ဒိယနိုင်ငံသို့ ၁၉၆ဝ ခုနှစ်က ရောက်ရှိလာခဲ့ပြီး၊ နယူးဒေလီရှိ လေဒီရရှီရမ်ကောလိပ် (Lady Shri Ram College) တွင် ပညာသင်ကြားခဲ့သည်။ သူမသည် အိန္ဒိယနိုင်ငံက အရပ်သားများကို ပေးအပ်သော အမြင့်ဆုံးဆုဖြစ်သည့် ဂုဏ်သိက္ခာရှိလှသော ဂျဝါဟာလာနေရူး အပြည်ပြည်ဆိုင်ရာ နားလည်မှုဆုကို ၁၉၉၃ ခုနှစ်တွင် ရရှိခဲ့သည်။



ကလေးစစ်သား စုဆောင်းနေဆဲဆိုသော အစီရင်ခံစာသစ် ထွက်ရှိ
ဖနိဒါ
ဗုဒ္ဓဟူးနေ့၊ ဂျူလိုင်လ 22 ရက် 2009 ခုနှစ် 17 နာရီ 13 မိနစ်


ချင်းမိုင်(မဇ္ဈိမ)။ ။ မြန်မာ့တပ်မတော်က အရွယ်မရောက်သေးသည့် ကလေးငယ်များအား စစ်သားအဖြစ် အဓမ္မ စုဆောင်းနေကြောင်း ဖော်ထုတ်ထားသည့် အစီရင်ခံစာ စာအုပ်အား ထိုင်း-မြန်မာ နယ်စပ် အခြေစိုက် ရိုးမ (၃) သတင်းဌာနက ယနေ့ ထုတ်ပြန်လိုက်သည်။

တနှစ်ခွဲခန့် အချိန်ယူ ပြုစုထားသည့် စာမျက်နှာ (၇၂) မျက်နှာပါ “မြန်မာ့ သားကောင်းများအတွက် ဝမ်းနည်းဖွယ်ရာ ကလေး စစ်သားများ” (Child Soldiers Burma’s Sons of Sorrow) အမည်ရှိ ယင်းအစီရင်ခံစာကို နယ်စပ်၌ သတင်းစာရှင်းပွဲ လုပ်၍ ထုတ်ပြန်လိုက်ခြင်း ဖြစ်သည်။

ထိုင်းနယ်စပ်တို့ ထွက်ပြေးလာသည့် ကလေးစစ်သား ၂ ဦး၊ တပ်ကြပ်ကြီးတဦးနှင့် စစ်သားအဖြစ် စုဆောင်းခံထားရသည့် ကလေးများ၏ မိဘ ၄ ဦး တို့အား တွေ့ဆုံ မေးမြန်းထားချက်များကို အစီရင်ခံစာတွင် ဖော်ပြထားသည်။

“စစ်အစိုးရက စစ်တပ်တွေမှာ ကလေးစစ်သားတွေကို စုဆောင်းထားခြင်း မရှိဘူးလို့ နိုင်ငံတကာနဲ့ ကုလသမဂ္ဂကို အမြဲပြောတယ်။ နယ်စပ်ဒေသမှာ ရှိနေတဲ့ အဖွဲ့အစည်းတွေဟာ အနောက်နိုင်ငံ တွေကို မဟုတ်အမှန်တဲ့ သတင်းတွေကို လွင့်ထုတ်နေတယ်လို့ ပြောတယ်။ အဲဒီအချက်တွေကို ထင်ထင်ရှားရှား သိစေချင်တယ်” ဟု အယ်ဒီတာ ဦးငြိမ်းလူက မဇ္ဈိမသို့ ပြောသည်။

ရန်ကုန်တိုင်း ဒညှင်းကုန်းမြို့နယ်ရှိ အမှတ် (၁)၊ မန္တလေးမြို့ရှိ အမှတ် (၂)၊ ရမည်းသင်းမြို့နယ်ရှိ အမှတ် (၃) စသည့် စစ်သား စုဆောင်းရေး တပ်များနှင့် သထုံမြို့နယ် ဇရစ်ချောင် ကျေးရွာအနီးရှိ အမှတ် (၉) စစ်အခြေခံ လေ့ကျင့်ရေး ကျောင်းများမှ ရရှိသည့် သတင်းနှင့် ဓါတ်ပုံများလည်း အစီရင်ခံစာတွင် ဖော်ပြထားသည်။

အချက်အလက်များကို ပြည်တွင်းမှ တက်ကြွလှုပ်ရှားသူများ၊ တပ်မတော်အတွင်းမှ လက်ရှိ တာဝန် ထမ်းဆောင်နေသည့် စစ်မှုထမ်းများနှင့် စစ်မှုထမ်းဟောင်းများက သတင်းဌာနသို့ ပေးပို့ခဲ့သည်ဟု ပြောသည်။

ရိုးမ (၃) သတင်းဌာနကို ၁၉၈၈ ခု လူထုအုံကြွမှုနောက်ပိုင်း နယ်စပ်သို့ရောက်ရှိလာသော ဒီမိုကရေစီနှင့် လူ့အခွင့်အရေး လှုပ်ရှားသူများဖြင့် ၁၉၉၈ ခုတွင် ဖွဲ့စည်းခဲ့ခြင်းဖြစ်ပြီး ယခု အစီရင်ခံ စာသည် ယင်းအဖွဲ့၏ ကလေးစစ်သားဆိုင်ရာ ဒုတိယမြောက် အစီရင်ခံစာ ဖြစ်သည်။

မြန်မာစစ်တပ်အတွင်း ကလေးစစ်သားများ အသုံးပြုနေကြောင်း ကုလသမဂ္ဂ၊ နိုင်ငံတကာ အလုပ် သမားအဖွဲ့ချုပ်နှင့် လူ့အခွင့်အရေးအဖွဲ့များက ပြောသော်လည်း စစ်အစိုးရကမူ အမြဲတစေ ငြင်းဆိုခဲ့သည်။

၂၀၀၇ ခုနှစ် ဒီဇင်ဘာလအတွင်း ထုတ်ပြန်ခဲ့သည့် ကုလသမဂ္ဂ အထွေထွေ အတွင်းရေးမှူးချုပ်၏ အစီရင်ခံစာမှာ မြန်မာ့တပ်မတော် တပ်အတွင်းမှာသာမက တိုင်းရင်းသား လက်နက်ကိုင်အဖွဲ့ ၉ ဖွဲ့တွင်လည်း ကလေးစစ်သားများကို အသုံးပြုမှုရှိနေကြောင်း ဖော်ပြခဲ့သည်။

ကလေးစစ်သားအသုံးပြုမှုနှင့်ပတ်သက်၍ အစီရင်ခံစာများ၊ တိုင်ကြားမှုများ မကြာခဏထွက်ပေါ်နေသဖြင့် ကမ္ဘာ့အလုပ်သမားအဖွဲ့ချုပ်က မြန်မာနိုင်ငံအတွင်း ရုံးဖွင့် ဖြေရှင်းပေးနေသည်။

ရန်ကုန်တိုင်း၊ ဧရာဝတီတိုင်းနှင့် မကွေးတိုင်းရှိ ဆင်းရဲသည့် မိသားစုများမှ အသက် (၁၄-၁၆) နှစ် အရွယ် ကလေးငယ်များကို အဓိကထား၍ စစ်သားအဖြစ် စုဆောင်းရာတွင် ကျေးရွာများမှ သတ်မှတ်အရေအတွက်ဖြင့် ဆင့်ခေါ်ခြင်း၊ ခြိမ်းခြောက် (သို့) ငွေပေး၍ ဖြားယောင်းခြင်း စသည့် နည်းလမ်းများ အသုံးပြုနေကြောင်း မဇ္ဈိမကဖတ်ရှုခွင့်ရခဲ့သည့် တိုင်ကြားမှုများအရ သိရှိရသည်။

၂၀၀၅ ခုကလည်း မြန်မာနိုင်ငံ လူ့အခွင့်အရေး ပညာပေးရေးဌာန HREIB နှင့်ပူးတွဲ၍ ကလေး စစ်သားဆိုင်ရာ အစီရင်ခံစာတခု ထုတ်ပြန်ခဲ့ပြီး ဖြစ်သည်။

ယနေ့ ထုတ်ပြန်ခဲ့သည့် အစီရင်ခံစာကို ကုလသမဂ္ဂ လက်အောက်ရှိ လက်နက်ကိုင် ပဋိပက္ခများ ကြား ကလေးစစ်သား အသုံးပြုနေမှုအား ကာကွယ် တားဆီးသည့် မဟာမင်းကြီးရုံး၊ အာရှ လူ့အခွင့်အရေး ကောင်စီ၊ နိုင်ငံတကာ လူ့အခွင့်အရေး စောင့်ကြည့် လေ့လာသည့်အဖွဲ့ Human Right Watch စသည့် အဖွဲ့အစည်းများသို့ ဆက်လက် တင်ပြသွားမည်ဖြစ်ကြောင်း သိရသည်။


မြန်မာနှင့်မြောက်ကိုရီးယား စစ်ရေးစပ်ယှက်မှု သတိပြုသင့်ဟု အမေရိကန်နိုင်ငံခြားရေးဝန်ကြီး ပြောကြား
NEJ / ၂၂ ဇူလိုင် ၂၀၀၉


မြန်မာနှင့်မြောက်ကိုရီးယားအကြား စစ်ရေးဆက်နွှယ်မှု ကြီးထွားလာခြင်းကို အလေးအနက်ထား အာရုံစိုက်သင့်ကြောင်း အာဆီယံဒေသတွင်း လုံခြုံရေးအစည်းအဝေး (ARF) သို့ တက်ရောက်လာသည့် အမေရိကန်နိုင်ငံခြားရေးဝန်ကြီး မစ္စစ်ကလင်တန်က ပြောကြားလိုက်သည်။

ယမန်နေ့က ထိုင်းဝန်ကြီးချုပ်မစ္စတာ အဘီဆစ်နှင့် တွေ့ဆုံအပြီး သတင်းစာရှင်းလင်းပွဲ တရပ်ပြုလုပ်ရာတွင် မစ္စစ်ကလင်တန်က မြန်မာနှင့်မြောက်ကိုရီးယားအရေးကို အလေးထားပြောဆိုသွားခြင်းဖြစ်သည်။

“(၂၄) နှစ်ကြာ ရပ်နားထားခဲ့တဲ့ မြန်မာနဲ့မြောက်ကိုရီးယားဆက်ဆံရေးဟာ ၂၀၀၇ ခုနှစ်မှာ ပြန်လည်စတင်လိုက်တဲ့အတွက် အရှေ့တောင်အာရှရဲ့ လုံခြုံရေးအခြေအနေတွေကို တည်ငြိမ်မှု ကင်းမဲ့လာစေတယ်” ဟု ၎င်းက သတင်းထောက်များကို ပြောကြားခဲ့ကြောင်း အေအက်ဖ်ပီသတင်းတွင် ဖော်ပြသည်။

ပြီးခဲ့သည့်လအတွင်း အမေရိကန်ဖျက်သင်္ဘောတစီး နောက်ယောက်ခံလိုက်ခဲ့ရသည့် စစ်လက်နက်ပစ္စည်းများ တင်ဆောင်လာ သည်ဟု သံသယဖြစ်ဖွယ် မြောက်ကိုရီးယား သင်္ဘောတစီး မြန်မာနိုင်ငံဘက် ဦးတည်ခုတ်မောင်းနေရာမှ ပြန်လှည့်ခဲ့သည့် အတွက် မြန်မာနှင့်မြောက်ကိုရီးယားစစ်ရေး ဆက်စပ်မှုအခြေအနေမှာ ဒေသတွင်းနိုင်ငံများအကြား စောင့်ကြည့်ရမည့် အခြေအနေဖြစ်လာသည်။

မစ္စစ်ကလင်တန်သည် မြန်မာစစ်အစိုးရနှင့် မြောက်ကိုရီးယား နှစ်နိုင်ငံဆက်ဆံရေး ကိစ္စရပ်အပြင် မြန်မာ့နိုင်ငံရေးအခြေအနေ များကိုလည်း ပြောကြားခဲ့သည်။

မြန်မာစစ်အစိုးရက ဒေါ်အောင်ဆန်းစုကြည်အပေါ် တရားစွဲဆိုနေသည့်အတွက် အမေရိကန်အစိုးရအနေဖြင့် မြန်မာနိုင်ငံဆိုင်ရာ မူဝါဒချမှတ်ရန် ဆိုင်းငံ့ထားကြောင်း၊ မြန်မာစစ်အစိုးရအနေဖြင့် သိသာထင်ရှားသော တိုးတက်မှုများပြသနိုင်ခဲ့လျှင် အမေရိကန်အနေဖြင့် အကျိုးတူပူးပေါင်းဆောင်ရွက်မှုများ ရှိလာမည်ဖြစ်ကြောင်း အမေရိကန်နိုင်ငံခြားရေးဝန်ကြီးက ထုတ်ဖော်ပြောကြားခဲ့သည်။

သိသာထင်ရှားသော တိုးတက်မှုဆိုသည်မှာ နိုင်ငံရေးသမားများအား ဖမ်းဆီးမှုများမပြုလုပ်ရန်နှင့် တိုင်းရင်းသား လူမျိုးစုများအပါအ၀င် ပြည်သူလူထုအား ဖိနှိပ်မှုများမပြုလုပ်ရန်တို့ဖြစ်သည်ဟု မစ္စစ်ကလင်တန်က ပြောကြားသည်။

ဒေါ်အောင်ဆန်းစုကြည်အမှုနှင့်ပတ်သက်၍လည်း “ဒေါ်အောင်ဆန်းစုကြည်အပေါ် မြန်မာစစ်အစိုးရအနေနဲ့ တရားသဖြင့် ပြုမူဆောင်ရွက်ဖို့ ကျမတို့ မျှော်လင့်ထားတယ်ဆိုတာ ရှင်းရှင်းလင်းလင်း ပြောထားပြီးဖြစ်ပါတယ်။ တကယ်တော့ အခုလို ဒေါ်အောင်ဆန်းစုကြည်အပေါ် တရားစွဲဆိုနေတာတွေဟာ အခြေအမြစ်မရှိပါဘူး” ဟု ၎င်းက ပြောသည်။

အမေရိကန်နိုင်ငံခြားရေးဝန်ကြီးက တိုင်းရင်းသူများ အဓမ္မပြုကျင့်ခံရမှု၊ လူ့အခွင့်အရေးချိုးဖောက်မှုများအတွက် မြန်မာစစ်အစိုးရကို ပြစ်တင်ဝေဖန်ခဲ့သည်။

ယနေ့ကျင်းပနေသော အာဆီယံဒေသတွင်း လုံခြုံရေးအစည်းအဝေးတွင် အမေရိကန်နိုင်ငံခြားရေးဝန်ကြီးအနေဖြင့် မြောက်ကိုရီးယားနှင့် မြန်မာ့အရေးကို အဓိကထားဆွေးနွေးလိမ့်မည်ဟု ယူဆထားကြသည်။
အမေရိကန်နိုင်ငံခြားရေးဝန်ကြီးသည် အာဆီယံနိုင်ငံခြားရေးဝန်ကြီးအချို့နှင့်လည်း သီးသန့်တွေ့ဆုံရန်ရှိကြောင်း သိရသည်။


မြန်မာနိုင်ငံမှ ကလေးစစ်သားစုဆောင်းမှု အခြေအနေ
အစီရင်ခံစာတစောင် ထုတ်ပြန်
NEJ / ၂၂ ဇူလိုင် ၂၀၀၉


မြန်မာနိုင်ငံအတွင်း ကလေးစစ်သားအသုံးပြုမှု မရှိကြောင်း စစ်အစိုးရက ပြောဆိုနေသည့်အတွက် ကုလသမဂ္ဂအပါအ၀င် နိုင်ငံတကာလူ့အခွင့်အရေး အဖွဲ့အစည်းများအနေဖြင့် အခြေအနေမှန်ကို သိရှိနိုင်ရန်ရည်ရွယ်၍ မြန်မာကလေးစစ်သားများ အသုံးပြုမှုဆိုင်ရာ အစီရင်ခံစာတစောင်ကို ရိုးမ (၃) မြန်မာသတင်းဌာနက ယနေ့ဖြန့်ချိလိုက်သည်။

ထိုင်းအခြေစိုက် ရိုးမ (၃) သတင်းဌာ၏ အယ်ဒီတာ ဦးငြိမ်းလူက “ကလေးစစ်သားသုံးစွဲမှုနဲ့ပတ်သက်ပြီး နိုင်ငံတကာက ဝေဖန်မှုတွေကို နအဖက ငြင်းဆိုနေတာတွေနဲ့ ပတ်သက်ပြီး နိုင်ငံတကာက သိရှိနိုင်ဖို့အတွက် ဒီအစီရင်ခံစာပါ အချက်အလက်တွေကို ကိုးကားနိုင်ဖို့ ထုတ်ဝေရတာ ဖြစ်တယ်” ဟု ပြောသည်။

စာမျက်နှာ (၇၂) မျက်နှာ ပါရှိသည့် မြန်မာ့သားကောင်းများအတွက် ၀မ်းနည်းဖွယ်ရာ ကလေးစစ်သားများ အစီရင်ခံစာတွင် မြန်မာစစ်တပ်အတွင်း ကလေးစစ်သားများ စုဆောင်းအသုံးပြုနေသည့်မှတ်တမ်းများကို ဓာတ်ပုံများ၊ အချက်အလက်များဖြင့် စုစည်းတင်ပြထားသည်။

အစီရင်ခံစာပါ အချက်အလက်များနှင့်ပတ်သက်၍ ဦးငြိမ်းလူက “ဒီအစီရင်ခံစာပါတဲ့အကြောင်းအရာတွေက လက်ရှိမြန်မာ့တပ်မ တော်ထဲမှာ ရှိနေတဲ့ မိတ်ဆွေများ၊ စစ်မှုထမ်းဟောင်းများနှင့် တက်ကြွလှုပ်ရှားသူများရဲ့ ပူးပေါင်းကူညီမှုနဲ့ ထုတ်ဝေခဲ့တာ ဖြစ်တယ်” ဟု ဒေသခံသတင်းထောက်များအား ပြောသည်။

စစ်သားစုဆောင်းရေးနှင့် ကလေးစစ်သားများ ပါဝင်ပတ်သက်မှုဖြစ်ရပ်မှန် အခြေအနေများကို လက်ရှိမြန်မာ့တပ်မတော်မှ တပ်ကြပ်ကြီးတဦးက ပေးပို့သည့်ဓာတ်ပုံနှင့် အချက်အလက်များကိုလည်း အစီရင်ခံစာတွင် ဖော်ပြထားသည်။

ယခုနှစ် မေလအတွင်း ကလေးစစ်သားများအဖြစ် စုဆောင်းခံရသည့် မောင်ဝိုင်းဒေါ်လာ အသက် (၁၄) နှစ်၊ မောင်ရဲကို အသက် (၁၅) နှစ်၊ မောင်ကိုဖြိုး အသက် (၁၅) နှစ်တို့က မိမိတို့ ဆန္ဒမပါဘဲ တပ်ထဲအဓမ္မသွတ်သွင်းခံရမှု ရှင်းလင်းပြောကြားချက်များကို အစီရင်စာတွင် အကျယ်တ၀င့် ဖော်ပြပါရှိသည်။

မောင်ဝိုင်းဒေါ်လာက “အငှားဆိုင်ကယ်မောင်းတဲ့ ပျားလေး (ခေါ်) မျိုးသန့်က ကျနော့်ကိုအတင်းချုပ်ပြီး တပ်ရင်း (၁၀၄) ကိုပို့ဆောင်ပြီး မင်းဘာသာ မင်းဝင်တာလို့ ပြောခိုင်းတယ်။ ပြန်ထွက်လာရင် ဓားနဲ့ထိုးသတ်မယ်လို့ ခြိမ်းခြောက်တယ်။ ပိုက်ဆံ (၂) သောင်းခွဲကို ဗိုလ်မှူးဆီက လက်မှတ်ထိုးပြီး ယူသွားတယ်” ဟု အစီရင်ခံစာတွင် ဖော်ပြထားသည်။

၎င်းကို ခြိမ်းခြောက် ခေါ်ဆောင်သွားသူ ပျားလေ (ခေါ်) မျိုးသန့်မှာ မော်လမြိုင်မြို့ ဘဲကုန်းရပ်ကွက်၊ ယုဇနလမ်းတွင် နေထိုင်သူဖြစ်ပြီး စစ်တပ်အာဏာပိုင်များနှင့်ပေါင်းကာ ကလေးငယ်များကို စစ်သားအဖြစ် အရောင်းအ၀ယ်ပြုလုပ်နေသူ ဖြစ်ကြောင်း မြို့ခံများက ပြောသည်။

နအဖစစ်အစိုးရက အရွယ်မရောက်သေးသူ ကလေးသူငယ်များအား စစ်မှုထမ်းခြင်းမှ ကာကွယ်တားဆီး ထိန်းသိမ်းရေး ကော်မတီကို ၂၀၀၄ ခုနှစ် ဇန်န၀ါရီ (၅) ရက်တွင် စတင်ဖွဲ့စည်းခဲ့သော်လည်း ကလေးစစ်သားအသုံးပြုမှုမှာ လျှော့နည်းသွားခြင်း မရှိဟု မြန်မာ့တပ်မတော် တပ်ကြပ်ကြီးတဦးက ၎င်းကြုံတွေ့ခဲ့ရသည့် ကလေးစစ်သားများအနေအထားကို ရှင်းပြထားသည်။

ယခုကဲ့သို့ ကလေးငယ်များ နည်းလမ်းပေါင်းစုံဖြင့် စစ်သားအဖြစ် အဓမ္မစုဆောင်းခံနေရခြင်းမှာ နအဖစစ်တပ်တွင် နှစ်စဉ်လိုအပ်ချက် ကြီးမားလာနေခြင်းကြောင့်ဖြစ်ပြီး ယခုအခါ ကလေးစစ်သားစုဆောင်းခြင်းမှာ ငွေကြေးရှာဖွေသူများ၏ ဈေးကွက်ကြီးတခုသဖွယ် ဖြစ်လာနေသည်ဟုလည်း ရိုးမ (၃) သတင်းဌာန၏ အစီရင်ခံစာတွင် ဖော်ပြထားသည်။


မြန်မာနိုင်ငံအပေါ် ပိတ်ဆို့အရေးယူသည့်ဥပဒေ
အမေရိကန်အောက်လွှတ်တော်မှ သက်တမ်းတိုး
NEJ / ၂၂ ဇူလိုင် ၂၀၀၉


မြန်မာနိုင်ငံမှ သွင်းကုန်များကို ပိတ်ဆို့အရေးယူသည့် ဥပဒေကို နောက်ထပ်တနှစ် သက်တမ်းတိုးရန် အမေရိကန်အောက် လွှတ်တော်က ယမန်နေ့၌ အတည်ပြုလိုက်သည်။

အဆိုပါဥပဒေတွင် မြန်မာနိုင်ငံမှ ထုတ်ကုန်ပစ္စည်းများ၊ ကျောက်စိမ်းနှင့် ကျောက်မျက်ရတနာများအပါအ၀င် တွင်းထွက် ပစ္စည်းများကို အမေရိကန်နိုင်ငံသို့ တင်သွင်းခွင့် ပိတ်ပင်ထားခြင်းဖြစ်သည်။

အမေရိကန်ပြည်ထောင်စုက ၂၀၀၃ ခုနှစ်တွင် ပြဋ္ဌာန်းခဲ့သည့် အဆိုပါ မြန်မာနိုင်ငံ လွတ်မြောက်ရေးနှင့် ဒီမိုကရေစီ အက်ဥပဒေကို ဆက်လက်၍ အထက်လွှတ်တော်သို့ တင်သွင်းသွားမည်ဖြစ်သည်။

အဆိုပါ ဥပဒေသက်တမ်းတိုးရန် အောက်လွှတ်တော်အမတ်များ ကန့်ကွက်သူမရှိအတည်ပြုကြောင်း ထုတ်ပြန်ကြေညာ လိုက်ချိန်သည် အမေရိကန်နိုင်ငံခြားရေးဝန်ကြီး မစ္စစ်ကလင်တန် အာဆီယံဒေသတွင်းအစည်းအဝေး တက်ရောက်ရန် ယမန်နေ့က ထိုင်းနိုင်ငံ ဘန်ကောက်သို့ ရောက်ရှိချိန်နှင့်လည်း တိုက်ဆိုင်နေသည်။

မစ္စစ်ကလင်တန်က ဘန်ကောက်သို့ရောက်ရှိသည်နှင့် မြန်မာနိုင်ငံနှင့် မြောက်ကိုရီးယားတို့၏ ဆက်ဆံရေးတိုးမြှင့်လာမှုအပေါ် စိုးရိမ်မကင်းဖြစ်ရကြောင်း ထုတ်ဖော်ပြောကြားခဲ့သည်။


ဒေါ်အောင်ဆန်းစုကြည်နှင့်ရှေ့နေများ တွေ့ခွင့်ပယ်ချခံရ
မင်းနိုင်သူ / ၂၂ ဇူလိုင် ၂၀၀၉


အပြီးသတ်လျှောက်လဲချက်မူကြမ်းထပ်မံတင်ပြရန် ရှေ့နေများနှင့် ဒေါ်အောင်ဆန်းစုကြည် ယနေ့တွေ့ဆုံရန်ရှိသည်ကို ထောင်အာဏာပိုင်များက တွေ့ဆုံခွင့် ပယ်ချခဲ့ကြောင်း အန်အယ်လ်ဒီပါတီမှ ရှေ့နေဦးဉာဏ်ဝင်းက ပြောသည်။

“ဒီလိုတွေ့ခွင့်မပေးတာကတော့ ဒေါ်အောင်ဆန်းစုကြည်ရဲ့ ခုခံချေပခွင့်ကို အပြည့်အ၀မပေးဘဲနဲ့ ကန့်သတ်လိုက်တာပါပဲ” ဟု ဦးဉာဏ်ဝင်းက မှတ်ချက်ပြုသည်။

အမေရိကန်နိုင်ငံသားတဦး ဒေါ်အောင်ဆန်းစုကြည်နေအိမ်သို့ ၀င်ရောက်ခဲ့ခြင်းအပေါ် နအဖစစ်အစိုးရက ဒေါ်အောင်ဆန်းစုကြည်ကို အင်းစိန်ထောင် အထူးတရားရုံး၌ တရားစွဲဆိုခဲ့ပြီး ဇူလိုင် (၂၄) ရက်တွင် တရားခွင်၌ နှစ်ဘက်ရှေ့နေများ အပြီးသတ်လျှောက်လဲချက်ပေးရန် ရုံးချိန်းပေးခဲ့ပြီးသည့်နောက် ဒေါ်အောင်ဆန်းစုကြည်အနေဖြင့် ၎င်း၏ရှေ့နေများဖြင့် နှစ်ကြိမ်သာ တွေ့ခွင့်ရခဲ့သည်။

ဒေါ်အောင်ဆန်းစုကြည်၏ ရှေ့နေတဦးဖြစ်သူ ဦးဉာဏ်ဝင်းက “အပြီးသတ်လျှောက်လဲချက်အတွက် ဒေါ်အောင်ဆန်းစုကြည်ကို နှစ်ကြိမ်ပဲ တွေ့ဆုံခွင့်ရခဲ့ပါတယ်။ ဇူလိုင် (၁၇) ရက်နေ့နဲ့ ဇူလိုင်(၂၀) ရက်နေ့တွေပါ။ နောက်ထပ် ဒီနေ့ထပ်တွေ့ခွင့်ရဖို့ တောင်းထားတာကို မနေ့ညကပဲ ထောင်အာဏာပိုင်တွေက ခွင့်မပြုဘူးလို့ အကြောင်းပြန်ခဲ့ပါတယ်” ဟု ပြောသည်။

ထိုကဲ့သို့ တွေ့ဆုံခွင့်မပြုနိုင်သည်ကို ထောင်အာဏာပိုင်များဘက်က အကြောင်းပြချက်တစုံတရာ မပေးခဲ့ကြောင်း သိရသည်။

ဒေါ်အောင်ဆန်းစုကြည်နှင့် ရှေ့နေများ အပြီးသတ်လျှောက်လဲချက်အတွက် နှစ်ကြိမ်ညှိနိုင်းစဉ်က ပြင်ဆင်ဖြည့်စွက်မှုများစွာ ပြုလုပ်ခဲ့ရသည်ဟု ဦးဉာဏ်ဝင်းက ပြောသည်။

“ပြင်ဆင်ဖြည့်စွက်ရတာတွေ အများကြီးပါပဲ။ ဒီဟာတွေကတော့ ရုံးတင်ရမယ့် ကိစ္စတွေမို့ မပြောပါရစေနဲ့။ ဒေါ်အောင်ဆန်းစုကြည် က ဒီအမှုအပေါ်မှာအမြင်၊ တရားခွင်အပေါ်သူ့အမြင်တွေကို ပြောပြတယ်။ အဲဒါတွေကို ကျနော်တို့က ဥပဒေကြောင်းနဲ့အညီ ပြင်ဆင်ရေးသားရပါတယ်။ ပြင်ဆင်ရေးသားပြီးတဲ့အခါမှာလည်း ဒေါ်အောင်ဆန်းစုကြည်ကို ပြင်ဆင်ထားတာတွေဟာ သူပြောလိုတဲ့အတိုင်း ဟုတ်မဟုတ် အတည်ပြုမှု ရယူဖို့လိုပါတယ်။ အခုဟာတော့ အတည်ပြုချက် မရယူနိုင်တော့တဲ့ အခြေအနေ ဖြစ်သွားပါတယ်” ဟု ၎င်းက ဆက်လက်ပြောဆိုသည်။

ရှေ့နေများအနေဖြင့် အပြီးသတ်လျှောက်လဲချက်အတွက် စာမျက်နှာ (၂၅) မျက်နှာရှိ လျှောက်လဲချက်မူကြမ်း ရေးသားထားသော်လည်း ဒေါ်အောင်ဆန်းစုကြည်အား ထပ်မံတင်ပြ အတည်ပြုခွင့်မရတော့ပေ။



မြန်မာနိုင်ငံအပေါ် မူဝါဒပြောင်းလဲရန်အမေရိကန်နိုင်ငံခြားရေးဝန်ကြီး အကြံပေး
TNA/ ၂၂ ဇူလိုင် ၂၀၀၉


မြန်မာစစ်အစိုးရက ဒေါ်အောင်ဆန်းစုကြည်အား ထိန်းသိမ်းထားရာမှ ပြန်မလွှတ်ပေးပါက အာဆီယံအနေဖြင့် မြန်မာနိုင်ငံကို အဖွဲ့အတွင်းမှ ထုတ်ပယ်ရန် စဉ်းစားသင့်ကြောင်း အမေရိကန်နိုင်ငံခြားရေးဝန်ကြီး မစ္စစ်ကလင်တန်က ယနေ့ပြောကြား လိုက်သည်။

ထိုင်းအစိုးရတီဗွီက မစ္စစ်ကလင်တန်နှင့် တွေ့ဆုံမေးမြန်းခန်းပြုလုပ်စဉ်အတွင်း မစ္စစ်ကလင်တန်က ယင်းသို့ ပြောဆိုခဲ့ခြင်း ဖြစ်သည်။

ဒေါ်အောင်ဆန်းစုကြည်သည် နေအိမ်အကျယ်ချုပ်ဖောက်ဖျက်မှုဖြင့် စစ်အစိုးရ၏ တရားစွဲဆိုခြင်းခံနေရပြီး လောလောဆယ်တွင် အင်းစိန်အကျဉ်းထောင်၌ ထိန်းသိမ်းခြင်းခံနေရသည်။

မစ္စစ်ကလင်တန်က အာဆီယံအနေဖြင့် မြန်မာနိုင်ငံအပေါ်ထားရှိသည့် ပေါ်လစီအပြောင်းအလဲလုပ်ရန် စဉ်းစားသင့်သည်ဟု လည်း ပြောကြားသည်။

မစ္စစ်ကလင်တန်သည် ယမန်နေ့က ထိုင်းနိုင်ငံသို့ ရောက်ရှိနေပြီး ယနေ့ပြုလုပ်မည့် အာဆီယံဒေသတွင်းလုံခြုံရေး အစည်းအဝေးတက်ရောက်ရန် ဖူးခက်မြို့သို့ မထွက်ခွာမီ မေးမြန်းခန်းတွင် ယင်းသို့ပြောဆိုခဲ့ခြင်းဖြစ်သည်။

မြန်မာနိုင်ငံနှင့် မြောက်ကိုရီးယားတို့၏ စစ်ဘက်ဆိုင်ရာ ပူးပေါင်းဆောင်ရွက်မှုများနှင့်ပတ်သက်၍ စိုးရိမ်ပူပန်မှုများ တိုးပွားလာနေသည်ကို အမေရိကန်ပြည်ထောင်စုအနေဖြင့် အထူးအလေးထားကြောင်း၊ ယင်းသို့ မြန်မာနှင့်မြောက်က်ိုရီးယား နှစ်နိုင်ငံစစ်ရေး ဆက်နွှယ်မှုများကြောင့် ဒေသတွင်း မတည်ငြိမ်မှုများဖြစ်ပေါ်စေနိုင်ပြီး မြန်မာ့အိမ်နီးချင်းနိုင်ငံများကိုလည်း ခြိမ်းခြောက်နေသည့် အနေအထားမျိုး ဖြစ်နေကြောင်းလည်း မစ္စစ်ကလင်တန်က ပြောကြားခဲ့သည်။

ရွေးကောက်ပွဲ အတွက် ဆရာဝန် များကို ဆမ လက်မှတ် ဖြင့်စည်းရုံး
၂၂ ဇူလိုင် ရန်ကုန် ၊ ၊ဟိန်းခိုင်ထွန်း
Health Care License Get After Sophisticated Training
ယခင်က ဆရာဝန် မှတ်ပုံတင်( ဆမ ) လက်မှတ် ရရှိရန် အတွက် အစိုးရ ကျန်းမာရေးဝန်ထမ်းအဖြစ်
သုံးနှစ် တာဝန်ထမ်းဆောင်ပြီးမှ ရရှိမည်ဖြစ်သော်လည်း ယခု ဆေးတက္ကသိုလ် ၁ နှင့် ၂ တို့ ၏ သ
တင်းထုတ်ပြန် ချက်အရ မွမ်းမံသင်တန်း တစ်လ တက်ပြီးပါက ဆမ လက်မှတ် ထုတ်ပေးသော စနစ်
ကိုပြောင်းလဲ လိုက်ပြီဟု သတင်းရရှိသည်။
ထိုသင်တန်းကို အလုပ်သင်ဆရာဝန် အဖြစ်ပြီးဆုံးအောင်မြင်ပြီးသူများ လျှောက်ထားနိုင်ပြီး နိုင်ငံဝန်
ထမ်းအဖြစ်တာဝန် ထမ်းဆောင်နေသည့် ဆရာဝန်များလျှောက်ထားစရာ မလိုဟု ဖော်ပြထားသည်။

ဆမ လက်မှတ် ထုတ်ပေးမှု ပုံစံ အပြောင်းအလဲကြောင့် မြောက်ဥက္ကလာ ဆေးတက္ကသိုလ် တွင် ၂၀၀၇ ခုနှစ်က သင်တန်းပြီးဆုံးခဲ့သည့် အလုပ်သင် ဆရာဝန် တစ်ဦးက “အခုလို ဆိုတော့ ပိုကောင်းသွားတာပေါ့ ဒါပေမယ့် တစ်လကြာမယ့် မွမ်းမံ သင်တန်းက ပေါ်လစီ သင်တန်း ဖေါင်ကြီး လိုပေါ့ဘာမှ ဆေးပညာတွေ နဲ့ မဆိုင်တာတွေ သင်မှာ ”ဟုပြောသည်။

ဆမ လက်မှတ် ကို စစ်အစိုးရက ယခုကဲ့သို့ သဘောထားကြီးစွာ ထုတ်ပေးနေခြင်းမှာ ၂၀၁၀ ရွေးကောက်ပွဲ အတွက် မဲရရှိရန် စည်းရုံးနေခြင်းဖြစ်ကြောင်း၊ရွေးကောက်ပွဲပြီးသွားပါက သုံးနှစ်တာဝန်ပင်ပြန်ထမ်းဆောင်ရမည်ဖြစ်ကြောင်း အလုပ်သင်ဆရာဝန် အသိုင်းအ၀ိုင်းတွင်ပြောကြားလျှက်ရှိသည်။

စစ်အစိုးရ၏ ၂၀၁၀ ရွေးကောက်ပွဲ အတွက် ဆေးဝန်ထမ်းများ အပါအ၀င် ရေကြောင်းသိပ္ပံ နှင့် ပင်လယ် ကူးသင်္ဘောသားများ ကိုလည်း စီဒီ နံပါတ်များထုတ်ပေး၍ စည်းရုံးနေသည် ဟုသိရသည်။


ဒေါ်အောင်ဆန်းစုကြည် သူမ၏ ရှေ့နေများနှင့် တွေ့ခွင့်မရ
မဇ္ဈိမသတင်းဌာန
ဗုဒ္ဓဟူးနေ့၊ ဂျူလိုင်လ 22 ရက် 2009 ခုနှစ် 20 နာရီ 50 မိနစ်


နယူးဒေလီ။ ။ အင်းစိန်ထောင်အတွင်းရှိ အထူးတရားရုံးသို့ သောကြာနေ့တွင် တင်သွင်းရမည့် နောက်ဆုံး လျှောက်လဲချက် မူကြမ်းအား သူမ၏ ရှေ့နေများနှင့် ဆွေးနွေးရန်ရှိသည်ကို မြန်မာစစ်အစိုးရက တွေ့ဆုံခွင့်မပေးဘဲ ဒေါ်အောင်ဆန်းစုကြည်ကို ယနေ့ ပယ်ချလိုက်သည်။

''ဒေါ်အောင်ဆန်းစုကြည်နဲ့ တွေ့ဆုံခွင့်ပေးဘို့ ကျနော်တို့ရဲ့ မေတ္တာရပ်ခံချက်ကို ပယ်ချလိုက်ပါတယ်။ ဒါကြောင့် ကျနော်တို့ ဒီနေ့ မတွေ့ခဲ့ရပါဘူး'' ဟု အဆိုပါ ရှေ့နေအဖွဲ့၏ ပြောရေးဆိုခွင့်ရှိသူ ဦးဉာဏ်ဝင်းက ပြောသည်။

ဇူလိုင်လ ၂၄ ရက်နေ့တွင် တင်သွင်းရမည့် နောက်ဆုံးလျှောက်လဲချက် မူကြမ်းကို ဒေါ်အောင်ဆန်းစုကြည်နှင့် တွေ့ဆုံဆွေးနွေးခွင့်ရရန် သူတို့ရှေ့နေအဖွဲ့က ရည်မှန်းထားဆဲဖြစ်ကြောင်းဖြင့် သူက ဆက်ပြောသည်။

''ကျနော်တို့ မနက်ဖြန် တွေ့ခွင့် ရ၊ မရဆိုတာ မသေချာသေးပါဘူး'' ဟု ဦးဉာဏ်ဝင်းက ပြောသည်။ မည်သို့ပင်ဖြစ်စေ နောက်ဆုံး လျှောက်လဲချက်ကိုမူ တင်သွင်းသွားမည်ဖြစ်ကြောင်း သူက ဆိုသည်။

''ဒါပေမဲ့ ကျနော်တို့ရဲ့ အမှုသည်နဲ့ သေသေချာချာ တိုင်ပင်ဆွေးနွေးရခြင်း မပြုသေးတဲ့၊ သူ (ဒေါ်အောင်ဆန်းစုကြည်) က သဘောမတူတဲ့ လျှောက်လဲချက်ပဲ ဖြစ်တော့မှာပေါ့'' ဟု ဦးဉာဏ်ဝင်းက ပြောသည်။

သောကြာနေ့တွင် နောက်ဆုံးလျှောက်လဲချက် ပြီးလျှင် မေလအစောပိုင်းက သူမ၏ နေအိမ်တွင် အမေရိကန်လူမျိုးတဦးကို လက်ခံထားခဲ့ကာ အကျယ်ချုပ်စည်းကမ်း ချိုးဖောက်သည်ဟူသော စွဲချက်ဖြင့် စွဲဆိုခံနေရသော ဤအမှုကို တရားရုံးက စီရင်ချက်ချမည်ဟု မျှော်လင့်ရသည်။

အကဲခတ်များနှင့် ဝေဖန်သူများကမူ ယခုအမှုသည် ဒေါ်အောင်ဆန်းစုကြည်ကို နောက်ထပ် ထောင်ဒဏ်ချမှတ်၍ ဆက်လက်ချုပ်နှောင်ထားရေးအတွက် ရမယ်ရှာ စွဲဆိုခြင်းသာဖြစ်သည်ဟု ဝေဖန်ပြောဆိုကြသည်။ သို့မှသာ နောက်နှစ်တွင် ကျင်းပရန် စီစဉ်ထားသည့် အထွေထွေရွေးကောက်ပွဲတွင် ဒေါ်အောင်ဆန်းစုကြည် မပါဝင်နိုင်ဘဲ ရှိမည်ဖြစ်သည်ဟု ဆိုသည်။

ထိုအတောအတွင်း အိမ်နီးချင်း ထိုင်းနိုင်ငံတွင်လည်း အရှေ့တောင်အာရှ နိုင်ငံများအသင်း (အာဆီယံ) ခေါင်းဆောင်များနှင့် ဆွေးနွေးဘက်နိုင်ငံများမှ ခေါင်းဆောင်များက ဒေသတွင်း လုံခြုံရေးကွန်ဖရင့်တခုကို ကျင်းပရန်ရှိသည်။ ထိုအစည်းအဝေးတွင် မြန်မာနိုင်ငံသည် ဝေဖန်စရာ ဖြစ်နေသည်။

အဆိုပါ ကွန်ဖရင့်ကျင်းပရာ ထိုင်းနိုင်ငံ အပန်းဖြေကမ်းခြေ မြို့ဖြစ်သော ဖူးခက်မြို့သို့ အမေရိကန် နိုင်ငံခြားရေးဝန်ကြီး မစ္စဟီလာရီကလင်တန်သည် ဗုဒ္ဓဟူးနေ့က လေယဉ်ဖြင့် ရောက်ရှိလာခဲ့ပြီး အင်ဒိုနီးရှားနိုင်ငံနှင့်အတူ ဒေါ်အောင်ဆန်းစုကြည်အား ရုံးတင်တရားစွဲဆိုနေမှုအပေါ် စိုးရိမ်ပူပန်ကြောင်း ထုတ်ဖော်ပြောဆိုခဲ့သည်။ နိုဘယ်ငြိမ်းချမ်းရေးဆုရှင်ကို လွှတ်မပေးပါက စစ်အစိုးရက ကျင်းပရန် ပြင်ဆင်ထားသော ရွေးကောက်ပွဲများသည် ယုံကြည်ကိုးစားလောက်သည်ဟု ယူဆနိုင်မည် မဟုတ်ကြောင်းလည်း ပြောဆိုခဲ့သည်။

(မြင့်မောင် သတင်းပေးပို့သည် )


ကလေးစစ်သား သတင်း ထုတ်ပြန်ရေး အမြင်ကွဲလွဲ
မေကျော်
ဗုဒ္ဓဟူးနေ့၊ ဂျူလိုင်လ 22 ရက် 2009 ခုနှစ် 17 နာရီ 09 မိနစ်


ချင်းမိုင် (မဇ္ဈိမ)။ ။ ကလေးစစ်သားအရေး တိုင်ကြားမှုများအပေါ် ကလေး မလွတ်မြောက်လာသေးမီ သတင်းထုတ်ပြန်သင့်၊ မသင့် နှင့် ပတ်သက်၍ အပြည်ပြည်ဆိုင်ရာ အလုပ်သမားအဖွဲ့နှင့် ဒေသခံ တက်ကြွလှုပ်ရှားသူတို့ အမြင်ကွဲနေသည်။

မြန်မာနိုင်ငံတွင် ရုံးစိုက်ပြီး အရွယ် မရောက်သေးသူများကို စစ်သားအဖြစ် စုဆောင်းခြင်းခံရမှုမှ လွတ်မြောက်အောင် ဆောင်ရွက်ပေးနေသော အိုင်အယ်အို ခေါ် အပြည်ပြည်ဆိုင်ရာ အလုပ်သမားအဖွဲ့က မီဒီယာများကတဆင့် သတင်းထုတ်ပြန်လိုက်လျှင် လွတ်မြောက်ရေးအတွက် နှောင့်နှေးမှာကို စိုးရိမ်သည်။ သို့သော် ” လမ်းပြကြယ်” အဖွဲ့မှ ဦးအေးမြင့်ကတော့ သတင်းထုတ်လျှင် ကလေးကို မြန်မြန်ရှာတွေ့သည်ဟု ဆိုသည်။

“ဒီလိုတိုင်ကြား ချက်အကြောင်း လူသိရှင်ကြား လုပ်လိုက်ပြီဆိုရင် ဒါကို နိုင်ငံရေး အရ လှုံ့ဆော်ပြီး လုပ်တယ်လို့ ယူဆပြီး ကျနော်တို့ရဲ့ ဆွေးနွေးညှိနှိုင်းတဲ့ အလုပ်မှာ ပိုခက်ခဲသွားတာဘဲ ရှိပါတယ်။ ကလေး လွတ်မြောက်ဘို့ ပိုခက်ခဲသွားပါတယ်။” ဟု မြန်မာနိုင်ငံ ဆိုင်ရာ အိုင်အယ်လ်အို တာဝန်ခံ စတိမာရှယ်က ပြောကြားသည်။

အိုင်အယ်အိုက စစ်သား စုဆောင်းခံရသည့် အသက် ၁၈ နှစ်အောက် ကလေးငယ်များကို စစ်တပ်မှ လွှတ်ပေးပြီး မိဘအုပ်ထိန်းသူထံ ပြန်လည်အပ်နှံစေခြင်းများကို ၂ဝဝ၇ ခုနှစ်မှ စ၍ စစ်အစိုးရနှင့် ညှိနှိုင်း ဆောင်ရွက်လျှက်ရှိသည်။

“ဒါက ကျနော်တို့အတွက် အရေးကြီးပါတယ်။ ကျနော်တို့က ကလေး လွတ်မြောက်ရေးအတွက် အစိုးရနဲ့ ဆွေးနွေး ညှိနှိုင်းရဦးမှာ။ ကျနော်တို့ ဒီကိစ္စတွေကို ပြောပြီဆိုရင် စိတ်ချရတဲ့ အခြေအနေရောက်မှ ပြောပါတယ်။”ဟု စတိမာရှယ်က ပြောကြားသည်။

သို့သော် ကလေးစစ်သားများ အရေးကိုလည်း တက်ကြွစွာ ကူညီ ဆောင်ရွက်ပေးနေသော ဒေသခံအဖွဲ့ တခုဖြစ်သော ”လမ်းပြကြယ်” မှ ဦးအေးမြင့်ကတော့ မီဒီယာများတွင် သတင်းပါလာလျှင် ပျောက်ဆုံးနေသော မိမိကလေးငယ်ကို အမြန် ရှာတွေ့တတ်သည်ဟု ဆိုသည်။ စစ်အစိုးရ၏ သံမဏိ ထိန်းချုပ်မှုအောက်မှ လွတ်မြောက်သော နိုင်ငံ ပြည်ပ အခြေစိုက်သော သတင်းမီဒီယာများကို သူက ရည်ရွယ် ပြောကြားခြင်း ဖြစ်သည်။

“မိဘတွေက သားသမီးပျောက်တဲ့ အတွက် ဒီကို တိုင်ပြီးရင် သတင်းဌာနတွေကို ပြောလိုက်ချင်တယ်။ အဲဒါက ပိုပြီး မြန်မြန် ရှာတွေ့မယ်လို့ ထင်ကြတယ်။”

“မီဒီယာတွေကနေ ကလေး ပျောက်တယ်။ ဘယ်တပ်မှာ ရောက်နေတယ် ဆိုတာကို အော်လိုက်ရင် မြန်မြန် ရှာတွေ့တယ်လို့ ထင်တယ်။” ဟု သူက ပြောသည်။

၂၀၀၇ ခုနှစ် ဒီဇင်ဘာလအတွင်း ထုတ်ပြန်ခဲ့သည့် ကုလသမဂ္ဂ အထွေထွေ အတွင်းရေးမှူးချုပ်၏ အစီရင်ခံစာမှာ မြန်မာ့တပ်မတော် တပ်အတွင်းမှာ သာမက တိုင်းရင်းသား လက်နက်ကိုင်အဖွဲ့ ၉ ဖွဲ့တွင်လည်း ကလေးစစ်သားများကို အသုံးပြုမှုရှိနေကြောင်း ဖော်ပြခဲ့သည်။


လုပ်ငန်းရှင်ကြီးများက လယ်သမားများကို အမတော်ကြေး ပေးရန်ပြင်
မဇ္ဈိမသတင်းဌာန
ဗုဒ္ဓဟူးနေ့၊ ဂျူလိုင်လ 22 ရက် 2009 ခုနှစ် 15 နာရီ 51 မိနစ်


ရန်ကုန် (မဇ္ဈိမ)။ ။ စစ်အစိုးရ၏ ညွှန်ကြားချက်အရ ထိပ်သီးစီးပွားရေး လုပ်ငန်းရှင်များ၏ ကုမ္ပဏီ ၂၅ ခု ကျော်သည် လယ်သမားများကို အမတော်ကြေး ထုတ်ပေးရန် လုပ်ဆောင်လာသည်။

စစ်အစိုးရ၏ လက်ရင်းလူယုံ လုပ်ငန်းရှင်များက ဆန်စပါးအထူးပြု ကုမ္ပဏီအမည်ဖြင့် ကုမ္ပဏီများ တည်ထောင်ကာ ဧရာဝတီတိုင်းနှင့် ပဲခူးတိုင်းအတွင်းရှိ လယ်သမားများကို အမတော်ကြေးအဖြစ် လယ်တဧကလျှင် ကျပ်ငွေ ငါးသောင်းမှ တသိန်းအကြား တလလျှင် အတိုး ၂ ကျပ်နှုန်းဖြင့် ထုတ်ချေးမည် ဖြစ်သည်။

ဦးတေဇ (ထူးထရေးဒင်း)၊ ဦးဝင်းအောင် (ဒဂုံ အင်တာနေရှင်နယ်)၊ ဦးဌေးမြင့် (ယုဇန)၊ ဦးဝင်းမြင့် (ရွှေနဂါးမင်း)၊ ဦးဇော်ဇော် (Max)၊ ဦးချစ်ခိုင် (ဧဒင်ဆောက်လုပ်ရေး)၊ ဦးခင်ရွှေ (ဇေကမ္ဘာ) စသည့် ထိပ်သီး စီးပွားရေး လုပ်ငန်းရှင်ကြီးများက အဓိက ဦးဆောင် ပါဝင်ပြီး အခြားသော စီးပွားရေး လုပ်ငန်းရှင်များနှင့် ဒေသခံစီးပွားရေး လုပ်ငန်းရှင်များ၊ လယ်သမားများ ပူးပေါင်းဖွဲ့စည်း လုပ်ကိုင်လျက် ရှိသည်ဟု မြန်မာနိုင်ငံ ဆန်စပါး စိုက်ပျိုး ထုတ်လုပ်သူများအသင်း အဆိုအရ သိရသည်။

လယ်သမားများ လိုအပ်သော စိုက်ပျိုးစရိတ် ထုတ်ပေးခြင်း၊ နည်းပညာနှင့် စက်ပစ္စည်းကိရိယာများ ကူညီထောက်ပံ့ပေးခြင်းများကို ၎င်းတို့ကိုယ်စား ပြုလုပ်ပေးနိုင်ရန်အတွက် စီးပွားရေး လုပ်ငန်းရှင်များကို တာဝန်ပေးအပ်ခဲ့ခြင်း ဖြစ်သည်ဟု ဓနုဖြူမြို့နယ်တွင် ဆန်စပါးအထူးပြု ကုမ္ပဏီ လုပ်ကိုင်နေသော ဧဒင်ဦးချစ်ခိုင် ဦးဆောင်သည့် Gold Delta ဆန်စပါးအထူးပြု ကုမ္ပဏီတွင် ပါဝင်သော စီးပွားရေး လုပ်ငန်းရှင်တဦးက ပြောသည်။

“ကုမဏီ ၂၅ ခုမှာ တချို့ ကုမ္ပဏီကြီးတွေက တဦးထဲ၊ တယောက်ထဲ လုပ်ပါတယ်။ တချို့ကျတော့ ကုမ္ပဏီ နှစ်ခု၊ သုံးခု ပေါင်းလုပ်တယ်” ဟု သူက ပြောသည်။

“ကျနော်တို့ လုပ်တဲ့ Gold Delta ဆိုရင် ကုမဏီ ၂၁ ခု ပါတယ်။ နောက်ပြီး ဓနုဖြူက လယ်သမားနဲ့ ဒေသခံလုပ်ငန်းရှင်က ၃၀ နီးပါး ပါတယ်။ အားလုံးပေါင်း ရင်းနှီးမတည်ငွေ ကျပ်သိန်းပေါင်း တသိန်းနဲ့ စလုပ်မှာပါ” ဟု သူက ဆိုသည်။

သို့သော် ထူးထရေးဒင်း ကုမ္ပဏီ၊ ကုန်သည်ကြီးများနှင့် စက်မှုလုပ်ငန်းရှင်များအသင်း ဥက္ကဋ္ဌ ဦးဝင်းမြင့်တို့ကတော့ အစုစပ်များ မဟုတ်ဘဲ အမာခံ မတည်ကြသည်ဟု လုပ်ငန်းရှင်များက ပြောသည်။

ထူးထရေးဒင်း ကုမ္ပဏီ စီမံချက်ဒါရိုက်တာ ဦးရဲမင်းဦးက ပြောကြားရာတွင် ကုမဏီအနေဖြင့် ကျပ်သိန်း သုံးသောင်း ရင်းနှီးမတည်ထားပြီး ဘိုကလေး ဒေသခံ လုပ်ငန်းရှင်များက ကျပ်သိန်း နှစ်သောင်း ရင်းနှီးမတည် ထည့်ဝင်ကာ တဧကလျှင် ငါးသောင်းကျပ်နှုန်းဖြင့် ထုတ်ချေးပေးသွားမည်ဟု ပြောသည်။

ဧဒင်ဦးချစ်ခိုင် ဦးဆောင်သော Gold Delta ကုမ္ပဏီမှာ ကျပ်ငွေ သိန်းပေါင်း တသိန်း ရင်းနှီးမြှုပ်နှံထားပြီး ဓနုဖြူမြို့နယ်တွင်းရှိ ကျေးရွာပေါင်း ၅၀၀ နီးပါးသို့ တဧကလျှင် ကျပ်တသိန်းနှုန်းဖြင့် ချေးငွေများ ထုတ်ချေးပေးသွားမည်ဟု သိရသည်။

ထို့အပြင် ဒဂုံအင်တာနေရှင်နယ် ကုမ္ပဏီမှ ကျိုတ်လတ် ဆန်စပါးထုတ်လုပ်ရေး ကုမ္ပဏီအမည်ဖြင့် ကျိုတ်လတ်မြို့၊ ယုဇနဦးဌေးမြင့်က ဧရာဝတီ စိုက်ပျိုးရေး ဖွံ့ဖြိုးတိုးတက်မှု ကုမ္ပဏီအမည်ဖြင့် ဖျာပုံမြို့၊ Max မြန်မာကုမ္ပဏီမှ ဦးဇော်ဇော်က ရေကြည်နှင့် အသုတ်မြို့၊ ဦးဝင်းမြင့်၏ ရွှေနဂါးမင်းကုမ္ပဏီက မြောင်းမြမြို့၊ ဝတီပိုင် ကုမ္ပဏီလီမိတက်က မအူပင်မြို့တို့တွင်လည်း ဆန်စပါးအထူးပြု ကုမ္ပဏီများ ထူထောင်သွားကြမည်ဟု သိရသည်။

နအဖ အနေဖြင့် လယ်သမားအရေးများအပေါ် ကူညီထောက်ပံ့မှု ပျက်ကွက်သည်ဆိုသော ဝေဖန်ခံရမှုအပေါ် နှစ်သိမ့်ရန် ကြိုးပမ်းခြင်းနှင့် ၂၀၁၀ တွင် ပြုလုပ်မည့် ရွေးကောက်ပွဲတွင် ပါဝင်ယှဉ်ပြိုင်ရန် ခွဲတမ်းရထားသော လုပ်ငန်းရှင်အချို့အတွက် မဲဆွယ်လုပ်ငန်းများလည်း ဖြစ်သည်ဟု ကုန်သည်များက သုံးသပ်ထားကြသည်။

ပါဝင်ပတ်သက်နေသော လုပ်ငန်းရှင်အများစုမှာ အမေရိကန်နှင့် ဥရောပသမဂ္ဂဝင် နိုင်ငံများ၏ ပိတ်ဆို့အရေးယူမှု စာရင်းတွင် ပါဝင်နေသူများလည်း ဖြစ်သည်။ ၂၀၀၇ ခုနှစ် စက်တင်ဘာလအတွင်းက သံဃာတော်များ ဦးဆောင်သော ဆန္ဒပြမှုကို ပစ်ခတ်နှိမ်နင်းကာ ထောင်နှင့်ချီ ဖမ်းဆီးခဲ့မှုအပြီး မြန်မာနိုင်ငံမှ ”နိင်ငံပိုင်လုပ်ငန်းများ၊ စစ်အုပ်စုထိပ်ပိုင်း အရာရှိများ၊ စစ်အစိုးရ လက်ရင်းလူယုံများနှင့် ၎င်းတို့၏ စီးပွားရေး ကွန်ယက်များ” ကို ဦးတည်ကာ အမေရိကန်၏ အရေးယူခံရသူ လူဦးရေ ၁၀၀ ကျော် ရှိနေသည်။

နာဂစ်မုန်တိုင်းကြောင့် ဆားငံရေ ဝင်ရောက်ခံရမှုကြောင့် ဧရာဝတီတိုင်းအတွင်း လယ်များ အထွက်နှုန်း ကျဆင်းသည့် ဒဏ်ဖြစ်ကာ အရှုံးပေါ်ပြီးနောက် အမတော်ကြေး ထုတ်ချေးမည်ဆိုခြင်းအတွက် ဝမ်းသာကြိုဆိုသည့် လယ်သမားများရှိနေသလို စပါးဈေးနှိမ်ပေးဝယ်မှာကိုလည်း စိုးရိမ်ကြောင့်ကြသည့် လယ်သမားများ ရှိနေပြန်သည်။

လယ်သမားများအနေဖြင့် ယခင်က ၎င်းတို့တွေ့ကြုံခဲ့ရသည့် အတွေ့အကြုံများအရ စီးပွားရေးလုပ်ငန်းရှင်အချို့၊ ဒေသခံစစ်တပ်အချို့နှင့် ဒေသဆိုင်ရာ အာဏာပိုင်အချို့သည် လယ်သမားများကို စပါးပေးဖြင့် ငွေထုတ်ချေးပြီး ထွက်ရှိလာသော စပါးများကို မတန်တဆ ဈေးနှိမ်ဝယ်ခြင်းမျိုး၊ စပါးပေး ပြန်လည် မပေးသွင်းနိုင်ပါက လယ်မြေ အဓမ္မသိမ်းယူခြင်းမျိုး ကြုံတွေ့ခဲ့ဖူးသဖြင့် အတိုးနှုန်း သက်သာစွာဖြင့် ငွေထုတ်ချေးသည့်တိုင် ရဲဝံ့စွာ လာရောက် မယူရဲကြကြောင်း ဘိုကလေး-ဖျာပုံ ကားလမ်းဘေးရှိ သကံကျေးရွာအုပ်စုမှ လယ်သမားများက ပြောသည်။

ထူးထရေးဒင်း ကုမ္ပဏီမှ စီမံကိန်းဒါရိုက်တာ တဦးက “စီးပွားရေးသမားတွေကတော့ နိုင်ငံတော်က ခိုင်းတဲ့အတိုင်း လုပ်ရတာပါ။ လယ်သမားတွေဆီကတော့ ဘာအကျိုးအမြတ်မှ မမျှော်လင့်ပါဘူး။ လယ်သမားတွေကတော့ ပထမ မယုံရဲကြဘူး။ ဒီအတိုး ၂ ကျပ်နှုန်း ဆိုတာလည်း ဘာမှ မက်လောက်စရာ မဟုတ်ပါဘူး” ဟု ဆိုသည်။

စပါးအထူးပြု ကုမ္ပဏီများအနေဖြင့် မိမိတာဝန်ရှိထားသော ဒေသမှ ထွက်ရှိလာသော စပါးနှင့် စားသုံးမှုနှုန်း နှိုင်းယှဉ်ချက် ပိုလျှံပါက ပြည်ပသို့ ဆန်တင်ပို့ခွင့် ပြုသွားမည်ဟုလည်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနသတင်းရပ်ကွက်အရ သိရသည်။

“အဓိကကတော့ လူကြီးခိုင်းလို့ လုပ်ရတာပါ။ လယ်သမားတွေဆီက အမြတ်ထုတ်ဖို့ဆိုတဲ့ ရည်ရွယ်ချက် မရှိပါဘူး။ အဓိကကတော့ ဆန် Export လွတ်လွတ်လပ်လပ် လုပ်ခွင့်ရလာမယ်။ ဒီနိုင်ငံမှာတော့ ထုံးစံအတိုင်း တခြားနည်းနဲ့ အခွင့်အရေးတွေ ပြန်ပေးလေ့ရှိတယ်။ နောက်ပြီး ဒီဒေသတွေမှာ ဒီလုပ်ငန်းရှင်တွေက လူထုရဲ့ ထောက်ခံမှုတွေကိုလည်း ရလာနိုင်တယ်။ အဲဒါကလည်း ၂၀၁၀ အတွက် ကြိုတင်ပြင်ဆင်တာမျိုးလည်း ဖြစ်နိုင်ပါတယ်” ဟု UMFCCI အမှုဆောင်အဖွဲ့ဝင်ဟောင်းတဦးက သုံးသပ်သည်။

ယခုဘဏ္ဍာနှစ် (၃၀ ရက်၊ ဧပြီလ ၂၀၀၉ ခုနှစ် မှ ၁ ရက်၊ မတ်လ ၂၀၁၀ ခုနှစ်) တွင် မြန်မာနိုင်ငံအနေဖြင့် ပြည်ပသို့ ဆန်တန်ချိန် တသန်းခွဲအထိ တင်ပို့သွားနိုင်ရန် လျာထားသည်ဟု မြန်မာနိုင်ငံ ဆန်စပါးကုန်သည်များ အသင်း သတင်းရပ်ကွက်အရ သိရသည်။

ပြီးခဲ့သည့် ၂၀၀၈-၂၀၀၉ ဘဏ္ဍာနှစ်တွင် ပြည်ပသို့ ဆန်တန်ချိန် ၆၅၈ ၀၀၀ ကျော် တင်ပို့နိုင်ခဲ့သည်ဟုလည်း တာဝန်ရှိသူတဦးက ပြောသည်။

ပြည်ပသို့ ဆန်တင်ပို့သည့် ဆန်အရည်အသွေးမှာမူ ယခင်တင်ပို့နေကျ ၂၅ မှတ်ဆန် (ဆန်အကျိုးအကြေ ၂၅ ရာခိုင်နှုန်း ပါဝင်သည့်ဆန်) များသာဖြစ်ပြီး တတန်လျှင် အမေရိကန်ဒေါ်လာ ၃၂၀ ဝန်းကျင် ရရှိသည်။ မြန်မာ့ဆန်တင်ပို့်မှု၏ ၈၀ ရာခိုင်နှုန်းကျော်မှာ အာဖရိကနိုင်ငံများ ဖြစ်သည်။


အိန္ဒိယက မြန်မာနိုင်ငံကို ဘာကြောင့် ရှုတ်ချသင့်သလဲ
မုံပီး
ဗုဒ္ဓဟူးနေ့၊ ဂျူလိုင်လ 22 ရက် 2009 ခုနှစ် 15 နာရီ 35 မိနစ်


နယူးဒေလီ (မဇ္ဈိမ)။ ။ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကို ရုံးတင် တရားစွဲဆိုနေသည့် ကိစ္စအပေါ် တကမ္ဘာလုံးက ဝိုင်းဝန်းဝေဖန် ပြစ်တင်နေကြချိန်တွင် မြန်မာနိုင်ငံ၏ အိမ်နီးချင်း နိုင်ငံလည်းဖြစ်၊ ကမ္ဘာ့အကြီးဆုံး ဒီမိုကရေစီ နိုင်ငံကြီးလည်းဖြစ်သော အိန္ဒိယနိုင်ငံက ရေငုံနှုတ်ပိတ် နေသည်ဟု ဆိုလျှင် အံ့သြစရာတော့ မရှိပါ။

အိန္ဒိယက ထိုသို့ နှုတ်ပိတ်နေခြင်းဖြင့်၊ မြန်မာစစ်အစိုးရ ခေါင်းဆောင်များကို ကတိများ ထပ်တလဲလဲပေးနေခြင်းဖြင့် စီးပွားရေးနှင့် ကုန်သွယ်မှု အခွင့်အလမ်းများ ပိုမိုရရှိလာသည်။ နယ်စပ်တလျှောက် လုံခြုံရေးနှင့် အရှေ့တောင်အာရှတွင် ခြေချခွင့် ပိုမိုရရှိလာသည်။

၁၉၉ဝ စုနှစ်များ အစောပိုင်းကတည်းက စတင်ခဲ့သော နှစ်နိုင်ငံ အကျိုးတူဆက်ဆံရေးမှာ မအောင်မြင်ကြောင်း ပြသခဲ့ပြီးဖြစ်သည်ဟု ဝေဖန်သူများက ပြောဆိုနေလင့်ကစား အိန္ဒိယအစိုးရကမူ ဤသို့မထင်ပါ။ အလွန်ကြီးမားသော ဓာတ်ငွေ့သိုက်ကြီးကို တူးဖော်ခွင့် ရရှိထားသည်၊ သတ္တုတူးဖော်ခွင့်နှင့် ဆိပ်ကမ်းတည်ဆောက်ခွင့်များ ရရှိထားသည်ဟု သူတို့က ဆိုလိမ့်မည်။

ထို့ပြင် နှစ်နိုင်ငံဆက်ဆံရေး စတင် အဆင်ပြေလာကတည်းက ကုန်သွယ်မှုမှာ တဖြည်းဖြည်း တိုးတက်လာခဲ့သည်။ နောက်နှစ်အတွက် အကျိုးတူ ကုန်သွယ်မှုပမာဏကို အမေရိကန် ဒေါ်လာ သန်း ၁၀၀၀ ရှိရန် လျာထားသည်။

အိန္ဒိယ-မြန်မာ နှစ်နိုင်ငံ အကျိုးတူကုန်သွယ်မှုပမာဏမှာ ယခင်ကတနှစ်လျှင် အမေရိကန် ဒေါ်လာ သန်း ၃၀၀ သာ ရှိခဲ့ရာမှ ၂၀၀၇-၀၈ ဘဏ္ဍာနှစ်တွင် အမေရိကန်ဒေါ်လာ ၉၀၁ ဒဿမ ၃ သန်းသို့ တိုးတက်လာခဲ့သည်။ ဤကိန်းဂဏန်းတွင် အိန္ဒိယနိုင်ငံက မြန်မာနိုင်ငံမှ သွင်းကုန်တန်ဖိုးမှာ ၇၂၇ ဒဿမ ၈၅ သန်းဖိုး ရှိသည်။

သို့သော် ဤတိုးတက်မှုများသည် တန်ဖိုးတခုပေးပြီးမှ ရရှိလာခဲ့ခြင်းသာ ဖြစ်သည်။ နိုင်ငံတကာစင်မြင့်တွင် မြန်မာ့နိုင်ငံရေး တိုးတက်ဖြစ်ပေါ်မှုများနှင့် စပ်လျဉ်း၍ ရေငုံနှုတ်ပိတ်နေရသည်။ နိုင်ငံတကာနယ်ပယ်တွင် မြန်မာစစ်အစိုးရကို တွက်ချက်ချိန်ဆ ထောက်ခံမှုများ လုပ်ရသည်။

၂၀၀၆ ခုနှစ် မတ်လအတွင်းက သွားရောက်ခဲ့သော ယခင် အိန္ဒိယနိုင်ငံ သမ္မတကြီး အဗ္ဗဒူ ကာလမ် (APJ Abdul Kalam) က မြန်မာစစ်အစိုးရခေါင်းဆောင် ဗိုလ်ချုပ်မှူးကြီးသန်းရွှေကို ကမ္ဘာ့ကုလသမဂ္ဂ၊ အပြည်ပြည်ဆိုင်ရာ အလုပ်သမားအဖွဲ့ချုပ်၊ ကုလလူ့အခွင့်အရေး ကော်မရှင် အပါအဝင် နိုင်ငံတကာစင်မြင့်တွင် စစ်အစိုးရကို ထောက်ခံသွားပါမည့်အကြောင်း ထပ်လောင်းအတည်ပြုပြောကြားခဲ့ရသည်။

မဇ္ဈိမက ရရှိထားသော ပြင်ပသို့ပေါက်ကြားလာသည့် နှစ်နိုင်ငံအကြီးအကဲများ၏ အစည်းအဝေး မှတ်တမ်းအရ မစ္စတာ ကာလမ်က ဗိုလ်ချုပ်မှူးကြီးသန်းရွှေကို မြန်မာ့နိုင်ငံရေး ဖြစ်ထွန်းတိုးတက်မှုများကို အိန္ဒိယနိုင်ငံက မေးခွန်းထုတ်လိမ့်မည် မဟုတ်ကြောင်းနှင့် စစ်အစိုးရ၏ ဒီမိုကရေစီသို့ သွားရာလမ်းပြမြေပုံ ၇ ချက်ကို အိန္ဒိယနိုင်ငံက ထောက်ခံပါကြောင်း ကတိပြုပြောကြားခဲ့သည်။

ဤသို့ အိန္ဒိယနိုင်ငံက ကတိပြုသည်ကို တုံ့ပြန်သည့်အနေဖြင့် ဗိုလ်ချုပ်မှူးကြီးသန်းရွှေကလည်း မြန်မာ့မြေပေါ်ရှိ အိန္ဒိယနိုင်ငံမှ သောင်းကျန်းသူများကို မောင်းထုတ်ပေးမည့်အကြောင်း ကတိပေးခဲ့သည်။ ထို့ပြင် အိန္ဒိယ-မြန်မာ နယ်စပ်မြို့ တမူးနှင့် ကလေးဝသို့ ကားလမ်းဖောက်လုပ်ရေးကိုလည်း ခွင့်ြ့ပုခဲ့သည်။

သို့သော် အိန္ဒိယနိုင်ငံ၏ ပြည်နယ်တခုဖြစ်သော မီဇိုရမ်နှင့် နယ်နိမိတ်ချင်း ထိစပ်နေသည့် ချင်းပြည်နယ်၌ တီးတိန်၊ ဖလမ်း၊ ရိဒ်ရေကန်တို့ကို ဆက်သွယ်သည့် ကားလမ်းဖောက်လုပ်ရာတွင် ထပ်မံအကူအညီပေးပါရန်လည်း ဗိုလ်ချုပ်မှူးကြီးက အိန္ဒိယနိုင်ငံကို ထပ်မံတောင်းဆိုခဲ့သည်။

နယ်စပ်တလျှောက် သောင်းကျန်းသူများကို ရင်ဆိုင်တိုက်ခိုက်ရာတွင် လိုအပ်သည့် ကားလမ်းများ ဖောက်လုပ်နိုင်ရေးအတွက် မြန်မာနိုင်ငံက အိန္ဒိယနိုင်ငံ၏ အကူအညီကို လိုအပ်ကြောင်း၊ ဘူဒိုဇာများ၊ အကြီးစား မော်တော်ယာဉ်များ ထောက်ပံ့ပေးပါရန်လည်း တောင်းဆိုခဲ့သည်။

သို့သော် ဗိုလ်ချုပ်မှူးကြီးက ဤသို့ ပြောဆိုနေသော်လည်း အိန္ဒိယ-မြန်မာ နယ်စပ်တလျှောက် သတင်းရပ်ကွက်များ၏ အဆိုအရ အိန္ဒိယနိုင်ငံမှ သောင်းကျန်းသူများ၊ အထူးသဖြင့် မဏိပူ သူပုန်များသည် မြန်မာစစ်တပ်မှ အရာရှိများနှင့် ဆွေးနွေးညှိနှိုင်းကာ မြန်မာနိုင်ငံ စစ်ကိုင်းတိုင်းအတွင်း၌ ခိုလှုံနေထိုင်လျက်ရှိကြောင်းနှင့် အချို့ အဆင့်မြင့် အရာရှိအနည်းငယ်ဆိုလျှင် အိမ်များပင် ပိုင်ဆိုင်ထားကြပြီဖြစ်ကြောင်း ပြောသည်။

အဆိုပါ အစည်းအဝေးအတွင်း နှစ်နိုင်ငံအကြီးအကဲများက နှစ်နိုင်ငံ အကျိုးတူစီမံကိန်းများ ဖြစ်ကြသော ကုလားတန် ဘက်စုံစီမံကိန်း၏ အစိတ်အပိုင်းတရပ်ဖြစ်သော ရခိုင်ပြည်နယ် စစ်တွေဆိပ်ကမ်း တိုးတက်ဖွံ့ဖြိုးရေး၊ မြန်မာနိုင်ငံ အနောက်မြောက်ဘက် စစ်ကိုင်းတိုင်းအတွင်း ထမံသီ ရေအားလျှပ်စစ်စီမံကိန်းတို့ကို ဆက်လက်ဆောင်ရွက်ရေးကို သဘောတူညီခဲ့ကြသည်။ ထမံသီစီမံကိန်းမှာ အိန္ဒိယနိုင်ငံက မြန်မာနိုင်ငံအတွင်း ဆောင်ရွက်မည့် နီကယ်နှင့် ကြေးနီ တူးဖော်ရေးလုပ်ငန်း စီမံကိန်းများသို့ လျှပ်စစ်ဓာတ်အား ပေးပို့မည်ဖြစ်သည်။

အိန္ဒိယနိုင်ငံက သူ့စစ်အစိုးရကို ထောက်ခံသွားရန် ကတိပြုသည်ကို တုံ့ပြန်သည့်အနေဖြင့် ဗိုလ်ချုပ်မှူးကြီးသန်းရွှေကလည်း ရခိုင်ကမ်းရိုးတန်း အနောက်ပိုင်းရှိ မြန်မာ့ကမ်းလွန် သဘာဝဓာတ်ငွေ့ လုပ်ကွက်များ၌ ဓာတ်ငွေ့ထုတ်လုပ်ခွင့်နှင့် တင်သွင်းခွင့် ပေးရန်လည်း မစ္စတာကာလမ်ကို ပြန်လည် ကတိပြုခဲ့သည်။

အစောပိုင်းတွင် မြန်မာနိုင်ငံက တရုတ်နိုင်ငံသို့ ဓာတ်ငွေ့ရောင်းချရန် နားလည်မှု စာချွန်လွှာတရပ် လက်မှတ်ရေးထိုးခဲ့သော်လည်း၊ မြန်မာနိုင်ငံသည် နောက်ထပ် ဓာတ်ငွေ့သိုက်များ ရှာဖွေတွေ့ရှိရန် အလားအလာများ ရှိနေသဖြင့် အိန္ဒိယနိုင်ငံအနေဖြင့်လည်း အလားတူ ကန်ထရိုက်စာချုပ်တရပ်ကို ရရှိနိုင်သေးကြောင်း ဗိုလ်ချုပ်မှူးကြီးသန်းရွှေက ပြောကြားခဲ့သည်။

''မြန်မာနိုင်ငံဟာ အလွန်ကြီးမားတဲ့ သဘာဝဓာတ်ငွေ့သိုက် ရှိတာကြောင့် တရုတ်နဲ့ အိန္ဒိယ နှစ်နိုင်ငံလုံးကို ဓာတ်ငွေ့များ ရောင်းချပေးသွားနိုင်သည့် အခြေအနေ ရှိပါကြောင်း'' ဟု မြန်မာစစ်ခေါင်းဆောင်က မစ္စတာကာလမ်ကို ပြောကြားခဲ့သည်။

မြန်မာနိုင်ငံ၏ ဒုတိယအကြီးဆုံးမြို့ မန္တလေးမြို့အနီးတွင် သတင်းနှင့်ဆက်သွယ်ရေးနည်း ပညာဥယျာဉ် (ICT Park) တခု တည်ဆောက်နိုင်ရေးအတွက်လည်း ကူညီပါရန် သူက အိန္ဒိယကုမ္ပဏီများကို အကူအညီတောင်းခံခဲ့သည်။

ဤသဘောတူညီချက်များ အားလုံးအတွက် သက်ဆိုင်ရာဝန်ကြီးဌာနများအလိုက် ကန်ထရိုက်စာချုပ် ချုပ်ဆိုခြင်းများ၊ နားလည်မှု စာချွန်လွှာလက်မှတ် ရေးထိုးခြင်းများကို နှစ်နိုင်ငံအဆင့်မြင့်အရာရှိများ၊ သံတမန်ဆွေးနွေးပွဲများ ကြိမ်ဖန်များစွာ ပြုလုပ်ပြီးနောက် ရေးထိုးခဲ့ကြခြင်း ဖြစ်သည်။

အိန္ဒိယနိုင်ငံ၏ `အရှေ့မျှော်မူဝါဒ´ နှင့်အညီ အဆိုပါ စီမံကိန်းအားလုံးကို မြန်မာ့မြေပေါ်တွင် ပြုလုပ်ဆောင်ရွက်မည်ဖြစ်ပြီး၊ အိန္ဒိယနိုင်ငံက လိုအပ်သည့် နည်းပညာနှင့် ဘဏ္ဍာရေး အထောက်အပံ့တို့ကို ပေးအပ်သွားမည်ဖြစ်သည်။

ကုလားတန် ဘက်စုံစီမံကိန်းတွင် စုစုပေါင်း ဘတ်ဂျက်ခန့်မှန်းခြေ အမေရိကန် ဒေါ်လာသန်း ၁၀၀ အနက် အိန္ဒိယနိုင်ငံက ဒေါ်လာ သန်း ၉၀ ရင်းနှီးမြှုပ်နှံသွားမည်ဖြစ်ပြီး ကျန် ၁ဝ သန်းကို မြန်မာနိုင်ငံက ပေးအပ်မည်ဖြစ်သည်။

ဤစီမံကိန်းသည် အိန္ဒိယနိုင်ငံ၏ အစပြုဆောင်ရွက်ချက်ဖြစ်သည့် အားလျော်စွာ မြန်မာနိုင်ငံက ထည့်ဝင်ရမည့် ဒေါ်လာ ၁၀ သန်းအတွက်လည်း အိန္ဒိယနိုင်ငံက အနည်းဆုံး အတိုးနှုန်းနှင့် ငွေထုတ်ချေးသွားမည် ဖြစ်သည်။

ကုလားတန်စီမံကိန်းသည် အိန္ဒိယအရှေ့မြောက်ပြည်နယ် မီဇိုရမ်နှင့် မြန်မာနိုင်ငံ ရခိုင်ပြည်နယ် စစ်တွေဆိပ်ကမ်းတို့ကို ဆက်သွယ်ပေးမည်ဖြစ်ကာ အိန္ဒိယနိုင်ငံအနေဖြင့် မြန်မာနိုင်ငံသို့သာမက အရှေ့တောင်အာရှ ဒေသတခုလုံးသို့လည်း လမ်းပေါက်သွားမည်ဖြစ်သည်။

ဤကိစ္စများအပြင် သောင်းကျန်းသူနှိမ်နင်းရေးနှင့် သက်ဆိုင်သည့် နှစ်နိုင်ငံနယ်စပ် လုံခြုံရေးကိစ္စများကို ဆွေးနွေးနိုင်ရန် စစ်တပ်အဆင့် ဆွေးနွေးပွဲများ တနှစ် နှစ်ကြိမ် ပြုလုပ်ရန်လည်း သဘောတူညီခဲ့သည်။

ဤသို့စီမံကိန်းပေါင်း များစွာကို အကောင်အထည် ဖော်နေသည့်အတွက် ထိန်းသိမ်းခံ မြန်မာ့ အတိုက်အခံခေါင်းဆောင် ဒေါ်အောင်ဆန်းစုကြည်ကို ရုံးတင် တရားစွဲဆိုနေခြင်း အပေါ်လည်း ဘာမှမပြောဘဲ ရေငုံနှုတ်ပိတ်နေရခြင်း၊ နိုင်ငံတကာ မျက်နှာစာတွင် စစ်အစိုးရကို ကျောထောက်နောက်ခံ ပြုပေးနေရခြင်းတို့အတွက် အိန္ဒိယနိုင်ငံတွင် အကြောင်းပြချက်များ ရှိမည်မှာ သေချာပါသည်။ ဤအစီအမံများမှာ နှစ်နိုင်ငံလုံးအတွက် အကျိုးဖြစ်ထွန်းနေခြင်းကြောင့်ပင် ဖြစ်ပါသည်။


တုပ်ကွေးဆေးများ ရန်ကုန်မှာ ပြတ်လပ်နေ
Wednesday, 22 July 2009 13:26 အောင်သက်ဝိုင်း .မြန်န်မာနိုင်ငံတွင် A (H1N1) ၀က်တုပ်ကွေး ရောဂါကုသဆေး ဖြစ်သည့် တမီလ်ဖလူး (Tamilflu) ဆေးနှင့် သာမန် ရာသီ တုပ်ကွေးရောဂါ ကာကွယ်ဆေး ဖြစ်သော ဗက်ဆီဂရစ် (Vaxigrip) ထိုးဆေးများမှာ ၀ယ်ယူ အသုံးပြုသူများ ပြားလွန်းသည့်အတွက် ဈေးနှုန်းမြင့်တက်သွားပြီး ပစ္စည်းပြတ်လပ် နေကြောင်း ရန်ကုန်ဆေးဝါး ရောင်းဝယ်ရေး ဈေးကွက်မှ သိရှိရသည်။


ဝက်တုပ်ကွေး ရောဂါကု တမီလ်ဖလူးဆေး
ပြည်ပမှ ပြန်လည်ရောက်ရှိ လာသူများတွင် ၀က်တုပ်ကွေး ရောဂါတွေ့ရှိရကြောင်း ကျန်းမာရေး ၀န်ကြီးဌာနက တရားဝင် သတင်းထုတ်ပြန် ပြီးနောက် တုပ်ကွေးရောဂါ ကာကွယ်ဆေးနှင့် ၀က်တုပ်ကွေး ရောဂါကု ဆေးဈေးနှုန်းများ မြင့်တက်သွားခြင်း ဖြစ်သည်ဟု ရန်ကုန်အခြေစိုက် ဆေးကုမ္ပဏီကြီးများက ပြောသည်။

မူလက ရာသီတုပ်ကွေး ကာကွယ်ဆေး တလုံး ၁၈၀၀၀ ကျပ်မှ ယခု ငါးသောင်းနှင့် တစ်သိန်းအကြားတွင် လည်းကောင်း၊ ၀က်တုပ်ကွေး ရောဂါကုသသည့် တမီလ်ဖလူး ဆေးမှာ မူလ ၁၀ လုံးပါ တကတ်လျှင် ငွေကျပ် ငါးသောင်း ကျော်ရှိရာမှ ခြောက်သောင်းနှင့် တသိန်းအကြားတွင် လည်းကောင်း ဈေးနှုန်းများ တက်လျက်ရှိသည်။

မိုးရာသီတွင် ဖြစ်လေ့ဖြစ်ထရှိသော သာမန်တုပ်ကွေး ရောဂါသာ ကာကွယ်နိုင်သော ဗက်ဆီဂရစ် ထိုးဆေးများကို ပုဂ္ဂလိက ဆေးရုံ၊ဆေးခန်းများတွင် လာရောက်ထိုးကြသူ များလွန်းသည့်အတွက် ဈေးကွက်တွင် ပစ္စည်းပြတ်ပြီး ဈေးနှုန်းမှာ ကျပ်ငွေ သိန်းဂဏန်းချီ၍ ဈေးတက်သွားရသည်ဟု ပြည်တွင်း ဆရာဝန် အသိုင်းအ၀ိုင်းမှ သိရှိရသည်။

“Vaxigrip က သာမန်တုပ်ကွေး ရောဂါကာကွယ်တဲ့ ထိုးဆေးပါ။ ဒါပေမယ့် လူတွေက ၀က်တုပ် ကွေးရောဂါ ကာကွယ် နိုင်တယ်ထင်ပြီး ထိုးကြတယ်။ မူလက ဒီတုပ်ကွေး ကာကွယ်ဆေး တလုံးကို ၁၈၀၀၀ ပဲရှိတယ်။ ၀က်တုပ် ကွေးဖြစ်ပြီး နောက်ပိုင်း ထိုးတဲ့သူ များလာတော့ ပစ္စည်းပြတ်ပြီး ဆေးတလုံးကို တသိန်းထိ ဈေးတက်ရောင်းကြတယ်” ဟု ရွှေဘုံသာလမ်းတွင် ဆေးခန်း ဖွင့်လှစ်ထားသည့် ဆရာဝန်တဦးက ပြောသည်။

ငွေကြေးတတ်နိုင်သူများက မိသားစုလိုက် တုပ်ကွေး ကာကွယ်ဆေး ဗက်ဆီဂရစ်ထိုးနှံကြပြီး ငွေကြေးအမြတ် အစွန်းကိုသာ အဓိကထားသော ဆေးခန်းများကလည်း ဈေးတင်ကာ တုပ်ကွေး ကာကွယ်ဆေးများ ထိုးနှံပေးလျက် ရှိသည်ဟု ကိုယ်တိုင်တွေ့ မြင် ကြုံတွေ့ခဲ့ရသူ အစိုးရ၀န်ထမ်း ဆရာဝန်တဦးက ဆိုသည်။

“အခုချိန် ဆေးခန်းတိုင်း၊ ဆေးရုံတိုင်းမှာ တုပ်ကွေး ကာကွယ်ဆေးက ကုန်သွားပြီဆိုတော့ လုပ်စား တဲ့ဆေးခန်း တွေက ဆေးတလုံး တသိန်း၊ နှစ်သိန်း တောင်းပြီးတော့ ဆေးတွေ ထိုးပေးနေတာ။ လူတွေကလည်း သေသေချာချာ မစူးစမ်း မဆင်ခြင်ဘဲ ငွေကုန်ချင်သလောက် ကုန်ဆိုပြီး ထိုးကြတယ်”ဟု ထိုဆရာဝန်က ပြောသည်။

ရန်ကုန်မြို့ရှိ အာရှတော်ဝင်၊ ရွှေဂုံတိုင်၊ ဗဟိုစည်၊ ဆာကူရာ၊ ပန်းလှိုင် အပါအ၀င် နာမည်ကြီး ပုဂ္ဂလိက ဆေးခန်းကြီးများနှင့် ဆေးရုံကြီးများ အားလုံးတွင် တုပ်ကွေး ကာကွယ်ဆေး မရှိတော့ သော်လည်း ရွှေဘုံသာလမ်းရှိ ဆေးခန်းများနှင့် ရန်ကုန်မြို့ နာမည်ကြီး ဆေးခန်းတချို့တို့တွင် ထိုးနှံ၍ရသည်ဟု ဆရာဝန်များထံမှ သိရှိရသည်။

“မဂိုလမ်း (ရွှေဘုံသာလမ်း) က ဆေးခန်းတွေမှာ တုပ်ကွေး ကာကွယ်ဆေးဆိုပြီး ဆေးတလုံး နှစ်သိန်း နီးပါးဈေးနဲ့ ထိုးလို့ရတယ်”ဟု အထွေအထွေ ရောဂါကုဆရာဝန် တဦးက ရှင်းပြသည်။

ပြင်သစ်နိုင်ငံမှ ထုတ်လုပ်သည့် ရာသီတုပ်ကွေး ရောဂါသာ ကာကွယ်နိုင်သော ဗက်ဆီဂရစ် ထိုးဆေးများကို ပြည်တွင်းသို့ သက်ပိုင်စိုး ဆေးကုမ္ပဏီ တခုတည်းကသာ ဖြန့်ချိခြင်း ဖြစ်ပြီး ယခုနှစ်အတွက် ဆေးဝါးထပ်မံ တင်သွင်းခြင်း မပြုနိုင်တော့ဟု အဆိုပါကုမ္ပဏီမှ တာဝန်ရှိသူတဦးက ဆိုသည်။

“ဆေးရုံ၊ဆေးခန်းနဲ့ ဈေးကွက်က အမှာစာတွေ အများကြီးရပေမယ့် ဒီနှစ်အတွက် ဗက်ဆီဂရစ် ထိုးဆေး ထပ်သွင်းဖို့ မလွယ်ဘူး” ဟု မရမ်းကုန်းမြို့နယ်၊ ခုနစ်မိုင်ခွဲရှိ သက်ပိုင်စိုး ဆေးကုမ္ပဏီမှ တာဝန်ရှိသူ တဦးက ပြောသည်။

ဝက်တုပ်ကွေး ရောဂါကုသဆေး ဖြစ်သော Tamilflu များမှာလည်း အ၀ယ်လိုက်နေပြီး ဈေးကွက်တွင် ပစ္စည်း ပြတ်လုနီးပါး ဖြစ်နေသည်ဟု ရန်ကုန်အထူးကု ဆေးခန်းကြီးများမှ စုံစမ်းသိရှိရသည်။

“Tamilflu ဆေးအဓိက ၀ယ်ကြတာက ပိုက်ဆံချမ်းသာတဲ့ သူတွေ။ ဆေးက တနေ့ကို နှစ်လုံးနဲ့ ငါးရက်သောက်ရတဲ့ ဆေးပါ။ ရန်ကုန်မှာ ၀က်တုပ်ကွေး အကူးမခံရသေးတုန်းက ဆယ်လုံးပါ ဆေးတကတ်ကို ငါးသောင်းကျော်ကျော် ရှိတယ်။ ခုတော့ ခြောက်သောင်း၊ ခုနစ်သောင်းလောက်တင်ပြီး ရောင်းကြတယ်” ဟု မင်္ဂလာဈေးဆေး အရောင်းဆိုင် ပိုင်ရှင်တဦးက ရှင်းပြသည်။

အဆိုပါ ၀က်တုပ်ကွေး ရောဂါကုသဆေးသည် ဆရာဝန် ညွှန်ကြားချက်နှင့် အညီ သောက်သုံးရသည့် ဆေးဝါးဖြစ်ပြီး ဆေးသောက်သုံး ခြင်းကြောင့် ဘေးထွက်ဆိုးကျိုး အများအပြား ဖြစ်ပေါ်နိုင်သည်ဟု သိရှိရသည်။

“ဒီဆေးက ဆရာဝန်ညွှန်ကြားချက်နဲ့ အညီ သောက်ရတဲ့ဆေး။ ဆေးသောက်ပြီးရင် မအီမသာ ဖြစ်မယ်။ ၀မ်းလျှောမယ်။ မူးမယ်။ အန်မယ်။ အားနည်းမယ် စတဲ့ဘေးထွက် ဆိုးကျိုး တွေအများကြီး ဖြစ်လာနိုင်တယ်” ဟု ရန်ကုန် ပြည်သူ့ဆေးရုံကြီးမှ ဆရာဝန်ကြီး တဦးက ဆိုသည်။

ဆရာဝန် ညွှန်ကြားချက်မပါဘဲ နည်းလမ်း မမှန်သော ဆေးသောက်သုံးမှု များကြောင့် အမှန်တကယ် ၀က်တုပ်ကွေး ရောဂါ ကူးစက်ခံရပါက ဆေးယာဉ်ပါးမှု ပြဿနာများ ကြုံတွေ့ရကာ တုပ်ကွေး ဗိုင်းရပ်စ်၏ မျိုးရိုးဗီဇပြောင်းလဲပြီး ကုသရန် မလွယ်ကူသော ကူးစက်မြန် တုပ်ကွေး ရောဂါသစ်များ ဖြစ်ပေါ်လာနိုင် သည်ဟုလည်း ထိုဆရာဝန်ကြီးက ပြောသည်။

“ဆေးသောက်ရင် ဆေးပတ်လည်တဲ့အထိ မှန်မှန်သောက်ဖို့ လိုတယ်။ ဆရာဝန်နဲ့တိုင်ပင် ပြီးမှ သောက်တာ အကောင်းဆုံးပါ” ဟု ၎င်းက အကြုံပြုသည်။

သို့ရာတွင် ရန်ကုန်မြို့ရှိ ဆေးဆိုင်များ၌ တမီလ်ဖလူး ဆေးဝါးများ ၀ယ်လိုအားမြင့်တက် နေဆဲဖြစ်ပြီး ဆေးဆိုင်များနှင့် ဆေးခန်းအများစုတွင် ဆေးဝါးလက်ကျန် မရှိသည်အထိ ရောင်းချပြီး ဖြစ်သည်ဟု သိရှိရသည်။

မြန်မာနိုင်ငံဆေးနှင့် ဆေးဝါးပစ္စည်း လုပ်ငန်းရှင်းများ အသင်း ဥက္ကဋ္ဌ ဒေါက်တာဝင်းစည်သူကမူ တမီလ်ဖလူး ဆေးဝါးများ ပြည်တွင်းသို့ လွယ်ကူလျှင်မြန်စွာ တင်သွင်းနိုင်ရန် အစိုးရနှင့် ညှိနှိုင်း ဆောင်ရွက်သွားမည် ဟု ပြောဆိုသည်။

မြန်မာနိုင်ငံတွင် ပထမဆုံးသော ၀က်တုပ်ကွေး ရောဂါကူးစက်မှုကို စင်ကာပူနိုင်ငံမှ ပြန်လာသော အသက် ၁၃ နှစ်အရွယ် မိန်းကလေးတွင် တွေ့ရှိခဲ့ရပြီး ယခုအချိန်အထိ ၀က်တုပ်ကွေး ရောဂါကူးစက်ခံရသူ လေးဦး ရှိလာကာ တဦး တယောက်မျှ သေဆုံးခြင်းမရှိဟု ကျန်းမာရေးဝန် ကြီးဌာနက တရားဝင်သတင်း ထုတ်ပြန်ထားသည်။


ဒေါ်အောင်ဆန်စုကြည်နှင့် တွေ့ဆုံခွင့် ရှေ့နေများ ပိတ်ပင်ခံရ
Wednesday, 22 July 2009 17:56 သန်းထိုက်ဦး .ဒေါ်အောင်ဆန်း စုကြည်အား ၎င်း၏ အမှုနှင့် ပတ်သက်ပြီး နောက်ဆုံး အတည်ပြုထားသော လျှောက်လဲချက်ကို တင်ပြရန်အတွက် ရှေ့နေများက တွေ့ခွင့် တောင်းသည်ကို နအဖ စစ်အစိုးရ အာဏာပိုင်များက ခွင့်မပြုကြောင်း သိရသည်။

အဆိုပါ အတည်ပြုထားသော လျှောက်လဲချက်အား ယနေ့တွင် ဒေါ်အောင်ဆန်စုကြည်ကို တင်ပြရန်အတွက် ရှေ့နေ့များ က စာတင်၍ တွေ့ခွင့်တောင်းထားသော်လည်း အာဏာပိုင်များက ခွင့်မပြုကြောင်း ယမန်နေ့က အကြောင်းကြားခဲ့သည်ဟု ရှေ့နေကြီး ဦးဉာဏ်ဝင်း က ဧရာဝတီသို့ ပြောသည်။

“ထောင်အာဏာပိုင်တွေက အကြောင်းကြားပါတယ်၊ ဘယ်ကနေ အမိန့်လဲ ဘယ်လိုလဲတော့ ကျနော်တို့မသိဘူး၊ ဒီနေ့ တောင်းထားတဲ့ တွေ့ခွင့်ကိုငြင်းပယ်ပါတယ်”ဟု ၎င်းက ပြောသည်။

ဒေါ်အောင်ဆန်စုကြည်ကို တွေ့ခွင့်မပေးခြင်းသည် ထောင်အာဏာပိုင်များ၏ ဆုံးဖြတ်ချက်မဟုတ်ဘဲ အထက်အာဏာပိုင် များ၏ ဆုံးဖြတ်ချက်ဖြစ်နိုင်ကြောင်း အမျိုးသား ဒီမိုကရေစီအဖွဲ့ချုပ်(NLD)ပြောခွင့်ရ ပုဂ္ဂိုလ်တဦးလည်း ဖြစ်သည့် ဦး ဉာဏ် ဝင်းက ဆိုသည်။

အတည်ပြုထားသော လျှောက်လဲချက်ထဲတွင် မည်သည့် အကြောင်းအရာများ ရေးသားထားသည်ကိုမူ မသိရှိရပေ။

ဒေါ်အောင်ဆန်းစုကြည်၏ အမှုနှင့် ပတ်သက်ပြီး နောက်ဆုံးအကြိမ် ၂ ဘက်လျှောက်လဲကြားနာရန်အတွက် တရားရုံးက လာမည့် ဇူလိုင်လ ၂၄ ရက်နေ့တွင် ချိန်းဆိုထားကြောင်း သိရသည်။

ဒေါ်အောင်ဆန်းစုကြည်ဘက်မှ သက်သေထွက်ဆိုရန် မေလ ၂၆ ရက်က တင်ထား သော သတင်းစာဆရာကြီး ဦးဝင်းတင်၊ NLD ဒု ဥက္ကဌ ဦးတင်ဦးနှင့် NLD ရှမ်းပြည်နယ် စည်းရုံးရေး အဖွဲ့ဝင် ဒေါ်ခင်မိုးမိုး တို့ ၃ ဦးကို အင်းစိန် ထောင်တွင်း အထူး တရားရုံးက မေလ ၂၇ ရက်နေ့တွင် ပယ်ချလိုက်ပြီး NLD လပွတ္တာအမတ် ဦးကြည်ဝင်း ၁ ဦး ကိုသာ သက်သေ ထွက်ဆို ရန်ခွင့်ပြုခဲ့သည်။

သက်သေ ၃ ဦးကို တရားရုံးက ကျင့်ထုံး ပုဒ်မ၂၅၇ အပိုဒ်ခွဲ (၁) အရ ပယ်ချခြင်းဖြစ်သည်။ ၎င်းး ကျင့်ထုံး ပုဒ်မ၂၅၇ အပိုဒ်ခွဲ (၁)မှာ သက်သေ တဦးသည် တရားမျှတမှု လမ်းကြောင်းကို လွဲဖယ်စေရန် ဖန်တီး နိုင်ကြောင်း ယုံကြည်မှုအရ ချမှတ်သော ပုဒ်မ ဖြစ်သည်ဟုသိရှိရသည်။

ထို့ကြောင့် ဒေါ်အောင်ဆန်းစုကြည်ဘက်က တရားခံပြသက်သေအဖြစ် ထွက်ဆိုခွင့်ပြုခဲ့သော NLD လပွတ္တာ အမတ်ဦး ကြည်ဝင်း တဦးသာ သက်သေထွက်ဆိုခဲ့ရသည်။

ယင်း ကျန်သက်သေ ၃ ဦး ဖြစ်သော သတင်းစာဆရာကြီး ဦးဝင်းတင်၊ NLD ဒု ဥက္ကဌ ဦးတင်ဦးနှင့် NLD ရှမ်းပြည်နယ် စည်းရုံးရေး အဖွဲ့ဝင် ဒေါ်ခင်မိုးမိုး တို့အတွက် တိုင်းတရားရုံးသို့ ဆက်လက်လျှောက်ထားရာ တိုင်း ရုံးက ဦးဝင်းတင်နှင့် ဦးတင်ဦးကို ဇွန်လ ၉ ရက်နေ့တွင် ပယ်ချခဲ့ပြီး ဒေါ်ခင်မိုးမိုး တဦးသာခွင့်ပြုခဲ့သည့် အတွက် ဗဟိုတရားရုံးသို့ ဆက်လက် လျှောက်ထားခဲ့ခြင်းဖြစ်သည်။

ဒေါ်အောင်ဆန်းစုကြည်ကို ၎င်း၏အိမ်သို့ တိတ်တဆိတ်ဝင်ရောက်ခဲ့သော ဂျွန် ၀ီလျံ ယက်ထော အမှုနှင့် ပတ် သက် ပြီး အာဏာပိုင်များက မေလ ၁၄ ရက်နေ့ နံနက်ပိုင်းတွင် အကျယ်ချုပ်ထားရာနေအိမ်မှ အင်းစိန်အကျဉ်း ထောင် သို့ ခေါ် ဆောင်၍ တားဆီးမိန့် ချိုးဖောက်မှု ပုဒ်မ ၂၂ ဖြင့် တရားစွဲဆိုလိုက်ကာ မေလ ၁၈ ရက်နေ့မှ စတင်၍ အစိုးရ တရားလိုပြ သက်သေများကို ဆက်တိုက် စစ်ဆေးခဲ့ပြီး မေလ ၂၆ နေ့တွင်မှ ဒေါ်အောင်ဆန်း စုကြည်ကို စစ်ဆေးခြင်းဖြစ်သည်။

ဒေါ်အောင်ဆန်းစုကြည်သည် ပုဒ်မ ၂၂ အရ ပြစ်မှု ထင်ရှားပါက ထောင်ဒဏ် ၃ နှစ်မှ ၅ နှစ်အထိ ကျခံရနိုင် ကြောင်း သိရသည်။

ဒေါ်အောင်ဆန်းစုကြည်သည် ၂၀၀၃ ခုနှစ် မေလတွင် ဖြစ်ပွားခဲ့သော ဒီပဲယင်းအကြမ်းဖက်တိုက်ခိုက်မှု အပြီးမှ စတင်၍ နေအိမ် အကျယ်ချုပ်ဖြင့် အထိန်းသိမ်းခံနေရသည့် ၆ နှစ်ပြည့်ခါနီး အချိန်တွင် ယခုကဲ့သို့ တရားစွဲဆို ခံရခြင်းဖြစ်သည်။ ၁၉၈၉ ခုနှစ်မှ စ၍ နေအိမ် အကျယ်ချုပ် ဘ၀ဖြင့် နေရချိန် စုစုပေါင်း ၁၃ နှစ်ကျော်ပြီ ဖြစ်သည်။


ဘာဖြစ်မလဲ
Wednesday, 22 July 2009 18:01 သဲသဲ .ယနေ့နံနက်က ၂၁ ရာစုနှစ်အတွင်း အချိန်အကြာဆုံး အပြည့်အဝ နေကြတ်ခြင်း ဖြစ်ပေါ်ခဲ့သောကြောင့် မြန်မာနိုင်ငံ အုပ်ချုပ်သူများထဲမှ အကြီးဆုံးပုဂ္ဂိုလ် တဦးဦး အသက်အန္တရာယ် ဖြစ်နိုင်သည်ဟု မန္တလေးအခြေစိုက် နက္ခတ္တဗေဒ ပညာရှင်တဦးက ဆိုသည်။


(ဓာတ်ပုံ - Getty Images)
“ကရကဋ် ရာသီမှာဖြစ်တာဆိုတော့ ခု သုံးလအတွင်း၊ အတိအကျပြောရရင် အခုကနေ လာမယ့် စက်တင်ဘာ ၁၅ ရက်နေ့မတိုင်ခင် လူတန်းစားမျိုးစုံ ငတ်မွတ်ခေါင်းပါးတာ၊ အစာရေစာ ရှားပါးတာတွေ ဖြစ်တတ်တယ်” ဟု ၎င်းက ပြောသည်။

ဆက်လက်၍ ၎င်းက တောတွင်း နေထိုင်သည့် အဖွဲ့အစည်းများ၏ ခေါင်းဆောင်များ အန္တရာယ် ဖြစ်နိုင်ဖွယ်ရှိပြီး မြန်မာနိုင်ငံအောက်ပိုင်း ဒေသများတွင် ရေကြီး၊ ရေလျှံဖြစ်ကာ ဆန်ရေစပါးရှားပါးခြင်းများ ဖြစ်ပေါ်နိုင်သည်ဟု ပြောသည်။

ရန်ကုန်မှ နက္ခတ္တဗေဒ ဝါသနာရှင် တဦးကလည်း “မြန်မာနိုင်ငံက ကျော်ကြားသူတစ်ဦးဦး သေဆုံးနိုင်တယ်၊ ဒီ နေကြတ်ရာမှာ ဂြိုဟ်ကြီး ၄ လုံး ပူးနေတဲ့အတွက် နအဖ စစ်ခေါင်းဆောင် ဗိုလ်ချုပ်မှူးကြီး သန်းရွှေရဲ့ ဇာတာ နိမ့်နေတယ်” ဟု ရှင်းပြသည်။

ဒေသခံများ၏ အဆိုအရ ရန်ကုန်တွင် မြန်မာစံတော်ချိန် နံနက် ၉နာရီ ၁၅ မိနစ်ကနေကြတ်ခြင်းကို စတင် မြင်တွေ့ခဲ့ကြရပြီး နေကြတ်ချိန် ကြာမြင့်မှုမှာ ၆ မိနစ် ၃၉ စက္ကန့် ရှိသည်ဟု သိရသည်။

သိပ္ပံပညာရှင်များကမူ ယခုကဲ့သို့ နေအပြည့် ကြတ်မှုသည် နှစ်ပေါင်း ၁၀၀ ကျော် အတွင်း မြေဆွဲအား မညီမျှမှုများ ဖြစ်ပေါ်စေရန် အခွင့်အလမ်း အများဆုံးဖြစ်နေရာ ငလျင်ကြီးများ၊ ဆူနာမီရေလှိုင်းကြီးများ ဖြစ်ပေါ်လာနိုင်ပြီး စိုးရိမ်စရာများ ရှိနိုင်သည်ဟု သုံးသပ်ကြသည်။

ယနေ့ နေကြတ်မှုဖြစ်စဉ်ကြောင့် ဂျပန်နိုင်ငံ ပတ်ဝန်းကျင် ဒေသတွင် အင်အား ရစ်ခ်ျတာစကေး ၆ နှင့် အထက်ရှိသော ငလျင်ကြီးတစ်ခု ဖြစ်ပေါ်လာနိုင်ဖွယ် ရှိပြီး ပြီးခဲ့သည့် ကာလများကကြူံတွေ့ ခဲ့ရသည့် အပြည့်အဝ နေကြတ်မှု ၃ ကြိမ်တွင် ဂျပန် ပတ်ဝန်းကျင်ဒေသများ အတွင်း ၃ ကြိမ်စလုံး ငလျင်လှုပ်ခတ်ခဲ့သည်ဟု ဂျပန်သတင်းတရပ်က ဆိုသည်။

ယင်းနေကြတ်ခြင်းကို အိန္ဒိယဒေသတွင် ပထမဆုံးမြင်တွေ့ ရပြီးနောက် တရုတ်နှင့် ပစိဖိတ်ဒေသများသို့  ရွေ့ လျား သွား ခဲ့ကြောင်း သိရသည်။ နေကြတ်ခြင်းကို တရုတ်၊ အိန္ဒိယ၊ နီပေါ၊ မြန်မာ၊ ဘင်္ဂလားဒေ့ရှ်၊ ဘူတန်နှင့် ပစိဖိတ်ကျွန်းစုတို့တွင် ပိုမို ထင်ရှားစွာ မြင်တွေ့ ခဲ့ရကြောင်းလည်း သိရသည်။


နျူကလီးယား နည်းပညာ အလွှဲအပြောင်း အမေရိကန် စိုးရိမ်
Wednesday, 22 July 2009 19:18 ကိုစိုး .အမေရိကန်နိုင်ငံခြားရေးဝန်ကြီး မစ္စ ဟီလာရီ ကလင်တန်က မြောက်ကိုရီးယား နိုင်ငံသည် မြန်မာနိုင်ငံသို့ နျူကလီးယား နည်းပညာ လွှဲပြောင်းပေးအပ်ပါက အာဆီယံ ဒေသတွင်း တည်ငြိမ်မှုကို ခြိမ်းခြောက်နိုင်ကြောင်း သတိပေး ပြောကြားလိုက်သည်။

ထိုင်းနိုင်ငံတောင်ပိုင်း ဖူးကက်ဒေသ တနေရာ၌ လတ်တလော ကျင်းပနေသော အာဆီယံအစည်းအဝေး လုံခြုံရေးဆိုင်ရာ ဆွေးနွေးပွဲတွင် ယင်းကဲ့သို့ မစ္စ ဟီလာရီ ကလင်တန် က ပြောကြားလိုက်ခြင်းဖြစ်သည်။

ယနေ့တွင် မစ္စ ဟီလာရီ ကလင်တန်က မြောက်ကိုရီးယား၏ နျူကလီးယား အစီအစဉ်နှင့်ပတ်သက်ပြီး ရုရှား၊ တရုတ် ၊ ဂျပန် ၊ တောင်ကိုရီးယား နိုင်ငံတို့ ပါဝင်သည့် ဆွေးနွေးပွဲ၌ ပြောကြားလိုက်ခြင်းဖြစ်ကြောင်းလည်း သိရသည်။

မစ္စ ဟီလာရီ က ထိုင်းနိုင်ငံ Nation TV နှင့် တွေ့ဆုံခန်းတွင်“မြန်မာ စစ်အစိုးရကို မြောက်ကိုရီးယားက နျူကလီးယား နည်းပညာ ဖြန့်ဝေလိုက်မှာကို ကျမတို့ စိုးရိမ်မှုရှိတယ်”ဟုလည်း ပြောသည်။

မစ္စ ဟီလာရီ ကလင်တန်သည် ယမန်နေ့က အိန္ဒိယနိုင်ငံ နယူးဒေလီမြို့မှ ထိုင်းနိုင်ငံသို့ ရောက်ရှိပြီး မကြာသေး ခင်ပင် မြန်မာနှင့် မြောက်ကိုရီးယားတို့၏ စစ်ရေး ဆက်ဆံမှုသည် အာဆီယံဒေသတွင်း တည်ငြိမ်မှုအား ခြိမ်း ခြောက်နိုင်သည်ကို စိုးရိမ်မိကြောင်းလည်း ပြောဆိုထားသည်။

အဆိုပါ မြောက်ကိုရီးယား၏ အကူအညီဖြင့် မြန်မာစစ်အစိုးရ၏ နျူကလီးယား ထုတ်လုပ်မည့် အစီအစဉ်နှင့် ပတ်သက်နိုင်ဖွယ်ရှိသည်ဟု ယူဆရသော မြေအောက် ဥမင်များ တည်ဆောက်နေမှု ဓာတ်ပုံနှင့် ဗီဒီယို မှတ်တမ်း များကို ပြီးခဲ့သည့် ဇွန်လအတွင်းက သတင်းဌာနများတွင် ထုတ်လွှင့်ပြသခဲ့သည်။

ထိုအတောအတွင်း Kang Nam 1 အမည်ရှိ စစ်လက်နက် ပစ္စည်းများ တင်ဆောင်လာသည်ဟု ယူဆရသော မြောက်ကိုရီးယား သဘောင်္တစီးသည် မြန်မာနိုင်ငံဘက်သို့ ဦးတည် မောင်းနှင်လာပြီး ရန်ကုန်မြို့ သီလဝါ ဆိပ် ကမ်းတွင် ဆိုက်ကပ်ဖွယ် ရှိကြောင်း သတင်းများလည်း ထွက်ပေါ်နေခဲ့သည်။ ထိုသဘောင်္နောက်သို့ အမေရိကန် ရေတပ် သဘောင်္တစီးကလည်း နောက်ယောင်ခံ လိုက်နေခဲ့သည်။

မြန်မာနှင့် မြောက်ကိုရီးယားအစိုးရတို့သည် ၁၉၈၃ ခုနှစ်က မြန်မာနိုင်ငံသို့ အလည်လာရောက်သော တောင် ကိုရီးယား သမ္မတ ချန်ဒူးဝမ် နှင့်အဖွဲ့အား ရန်ကုန်မြို့ အာဇာနည် ဗိမာန်တွင် ကင်မင်ချူး အပါအ၀င် မြောက် ကိုရီးယား နိုင်ငံသား သုံးဦးက ဗုံးခွဲတိုက်ခိုက်မှုနောက်ပိုင်း အနှစ် ၂၀ ကျော် သံတမန် ဆက်ဆံရေး ရပ်ဆိုင်းခဲ့ သည်။

ယင်းဗုံးခွဲ တိုက်ခိုက်မှုကြောင့် တောင်ကိုရီးယား သမ္မတ သေဆုံးခြင်း မရှိသော်လည်း ၀န်ကြီးအဖွဲ့ဝင် ၄ ဦး အပါအ၀င် ၂၁ ဦး သေဆုံး၍ ကင်မင်ချူးကိုမူ မြန်မာ အစိုးရက အင်းစိန်ထောင်တွင် ထောင်ဒဏ် တသက် တကျွန်း ချမှတ်ခဲ့သည်။

ထိုကဲ့သို့ မြန်မာနှင့် မြောက်ကိုရီးယားတို့သည် ၂ နိုင်ငံ သံတမန် ပုံမှန်ဆက်ဆံရေး ရပ်ဆိုင်းခဲ့ရာမှ မကြာသေး သော နှစ်များအတွင်း တိတ်တဆိတ်ဆက်ဆံရေးများပြုလုပ်လာခဲ့ကာ ပြီးခဲ့သည့် ၂၀၀၇ ခုနှစ် ဧပြီလ အတွင်းတွင် တရားဝင် ပုံမှန်ဆက်ဆံရေး ပြန်လည်စတင်ခဲ့ခြင်း ဖြစ်သည်။

မြန်မာစစ်အစိုးရသည် အမေရိကန်နိုင်ငံနှင့် ဥရောပသမဂ္ဂ အဖွဲ့ဝင်နိုင်ငံများက ၎င်းတို့ကို စစ်လက်နက်ပစ္စည်း ရောင်းချမှု ပိတ်ပင်ခဲ့ပြီးနောက်ပိုင်း မြောက်ကိုရီးယားနိုင်ငံမှ လက်နက်ဝယ်ယူမှုများ ရှိကြောင်း သတင်းများ ထွက်ပေါ်ခဲ့သည်။

မြန်မာ စစ်အစိုးရအနေနှင့် ဒီမိုကရေစီ ခေါင်းဆောင်ဒေါ်အောင်ဆန်းစုကြည်အား ပြန်လွှတ်မပေးပါက အာဆီယံ အဖွဲ့မှ မြန်မာနိုင်ငံကို ထုပ်ပယ်ပစ်ရန်လည်း မစ္စ ဟီလာရီက ပြောဆိုခဲ့သည်။

“အာဆီယံဟာ အဖွဲ့ဝင်တွေနဲ့ သင့်တော်မယ့် မူဝါဒ အပြောင်းအလဲ လုပ်သင့်တယ်”ဟု ၎င်းက ပြောသည်။

ယခု ခရီးစဉ်၏ အဓိက ရည်ရွယ်ချက်နှင့် ပတ်သက်၍ မစ္စ ကလင်တန်က “အမေရိကန်အနေနဲ့ အာဆီယံ ဒေသ တွင်း ကိစ္စတွေမှာ အခိုင်အမာယုံကြည်မှုနဲ့ ပါဝင်ဆောင်ရွက်ဖို့ရှိပါတယ်၊ အနာဂတ်မှာ တည်ငြိမ်အေးချမ်းရေးနဲ့ ကြွယ်ဝမှုတွေအတွက်လည်း ဖြစ်နိုင်ခြေရှိတဲ့အလားအလာတွေကို ကြိုးစားဆောင်ရွက်သွားမှာပါ”ဟု ဆိုသည်။

မစ္စ ဟီလာရီ ကလင်တန်၏ ယခု အာရှ ခရီးသည် ဒုတိယ အကြိမ်မြောက် ခရီးစဉ်ဖြစ်ပြီး ပထမအကြိမ် ခရီးစဉ် အဖြစ် ပြီးခဲ့သည့် ဖေဖော်ဝါရီ လအတွင်းက အင်ဒိုနီးရှားနိုင်ငံသို့ လာရောက်ခဲ့သည်။


ဒေါ်အောင်ဆန်းစုကြည် မလွှတ်ရင် ရွေးကောက်ပွဲ တရားမျှတမည် မဟုတ်ဟုဆို
Wednesday, 22 July 2009 14:16 သန်းထိုက်ဦး .မြန်မာ စစ်အစိုးရ အနေနှင့် လက်ရှိ တရားရင်ဆိုင်နေရသော ဒေါ်အောင်ဆန်းစုကြည်ကို မလွှတ်ပေးပါက ၂၀၁၀ ခုနှစ်တွင် ကျင်းပမည့် ရွေးကောက်ပွဲသည် လွတ်လပ်၍ တရားမျှမည် မဟုတ် ကြောင်း အင်ဒိုနီးရှား နိုင်ငံခြားရေးဝန်ကြီး ဟာဆန် ၀ီရာ ယုဒ (Hassan Wirajuda) က ယမန်နေ့ က ပြောကြားလိုက်သည်။

ထိုင်းနိုင်ငံ တောင်ပိုင်း ဖူးကက် အပန်းဖြေစခန်း တနေရာတွင် ပြုလုပ်သော အရှေ့တောင်အာရှ နိုင်ငံများအသင်း(အာဆီယံ) အစည်းအဝေးတွင် ဤကဲ့သို့ ဟာဆန် ၀ီရာယုဒက အလွတ်သဘော ပြောကြားခဲ့ခြင်းဖြစ်သည်။

“၂၀၁၀ ရွေးကောက်ပွဲဟာ လွတ်လပ်ပြီး တရားမျှတမှု ရှိဖို့က လတ်တလော အင်းစိန်ထောင်အတွင်း ထိန်းသိမ်း ခံနေရတဲ့ မြန်မာ့ ဒီမိုကရေစီ ခေါင်းဆောင် ဒေါ်အောင်ဆန်းစုကြည် အပါအ၀င် အင်အားစုအားလုံး ပါဝင်နိုင်တဲ့ လုပ်ငန်းစဉ် ဖြစ်ရ မယ်”ဟု ဟာဆန် ၀ီရာယုဒက ပြောသည်။

မြန်မာစစ်အစိုးရ၏ ၂၀၁၀ ရွေးကောက်ပွဲသည် နိုင်ငံတကာ အနေနှင့် အသိအမှတ်ပြု၍ လက်ခံနိုင်သည့် အနေအထားရှိ မရှိ ကိုလည်း အနီးကပ် စောင့်ကြည့် လေ့လာသွားမည် ဖြစ်ကြောင်း ၎င်းက ဆိုသည်။

ဒေါ်အောင်ဆန်းစုကြည်သည် လွန်ခဲ့သော မေလဆန်းပိုင်းတွင် အမေရိကန်နိုင်ငံသား မစ္စတာ ဂျွန် ၀ီလျံ ယက်ထော ( Mr. John William Yettaw ) ဆိုသူ နေအိမ်သို့ တိတ်တဆိတ်ဝင်ရောက်ခဲ့မှုနှင့် လက်ရှိ ရန်ကုန် အင်းစိန်ထောင်တွင်း တရား ရုံးတွင် တရားစွဲဆို ခံနေရသည်။ အဆိုပါ အမှုသည် ငွေဒဏ် ၅ဝဝဝ သို့မဟုတ် ထောင်ဒဏ် ၃ နှစ်မှ ၅ နှစ်ထိ ချခံရနိုင် သည့် အမှု ဖြစ်သည်။

စစ်အစိုးရက ဒေါ်အောင်ဆန်းစုကြည်ကို ပြန်မလွှတ်ပေးလို၍ ဤအမှုကို ဖန်တီးခြင်း ဖြစ်သည်ဟု အကဲခတ်များက ဝေဖန် နေကြသည်။

ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်း တောင်းဆိုထားသည့် ဒေါ်အောင်ဆန်းစုကြည်နှင့်နိုင်ငံရေး အကျဉ်းသားများအား လွှတ်ပေးရန် ဟူသောအချက်မှာ လက်ခံနိုင်ဖွယ်ရာမရှိကြောင်း မြန်မာနိုင်ငံခြားရေး ဝန်ကြီး ဦးဉာဏ် ဝင်းက အာဆီယံနိုင်ငံခြားရေး ဝန်ကြီးများ ညစာစားပွဲတွင် ပြောကြားခဲ့ကြောင်း သိရသည်။

အလားတူပင် အာဆီယံ အတွင်းရေးမှူးချုပ် ဆူရင် ပစ်ဆူဝမ်(Surin Pitsuwan) ကလည်း မြန်မာနိုင်ငံတွင် ပြုပြင်ပြောင်းလဲ မှုကိစ္စနှင့် ပတ်သက်၍ ဒေသ အဖွဲ့အစည်း၏ ဂုဏ်သိက္ခာကို ကျဆင်းစေကြောင်း တနင်္လာနေ့က သတင်းထောက်များကို ပြောကြားခဲ့သည်။

“မြန်မာနိုင်ငံ ပြဿနာ မဖြေရှင်းနိုင်သေးသရွေ့ အာဆီယံ အနေနဲ့ ကမ္ဘာကို ဆက်လက် ရှင်းပြနေရဦးမယ်” ဟု ဆူရင် ပစ်ဆူဝမ်က ဆိုသည်။

၂၀၀၃ ခုနှစ် မေလတွင် ဖြစ်ပွားခဲ့သော ဒီပဲယင်းအကြမ်းဖက် တိုက်ခိုက်မှုအပြီးမှ စတင်၍ ဒေါ်အောင်ဆန်းစုကြည်သည် နေ အိမ်အကျယ်ချုပ်ဖြင့် အထိန်းသိမ်းခံ နေရသည်မှာ ၅နှစ် ကျော်ပြီ ဖြစ်သည်။ ၁၉၈၉ခုနှစ် မှ စတင်၍ နေအိမ် အကျယ်ချုပ် ဘ၀ ဖြင့် နေရချိန် စုစုပေါင်း ၁၃ နှစ်ကျော်ပြီ ဖြစ်သည်။


ဒေါ်စုကို လွှတ်ပေးရင် မြန်မာ အမေရိကန် ဆက်ဆံရေး တိုးလာနိုင်

22 July 2009


မြန်မာစစ်အစိုးရက အင်းစိန်ထောင်မှာ ဖမ်းဆီးခံထားရတဲ့ မြန်မာ့ဒီမိုကရေစီ ခေါင်းဆောင် ဒေါ်အောင်ဆန်းစုကြည်ကိုသာ လွှတ်ပေးခဲ့မယ်ဆိုရင် စစ်အစိုးရအတွက် အမေရိကန်ပြည်ထောင်စုက ရင်းနှီးမြှုပ်နှံမှုအပါအ၀င် တခြား အခွင့်အလမ်းတွေ ကို ပေးနိုင်မယ်လို့ အမေရိကန်နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) က ပြောလိုက်ပါတယ်။ ဒါပေမဲ့ လည်း ဒီလိုဖြစ်လာဖို့က မြန်မာစစ်အစိုးရပေါ် လုံးဝ မူတည်နေတယ်လို့ဆိုပါတယ်။ အပြည့်အစုံကို နိုင်ငံခြားရေးဝန်ကြီး ဟီလာရီ ကလင်တန်ရောက်နေတဲ့ ထိုင်းနိုင်ငံ၊ ဖူးခက် အပန်းဖြေစခန်း အစည်းအဝေး ကျင်းပရာနေရာကနေ ၀ိုင်းတော်သား ကိုကျော်ကျော်သိန်းက သတင်းပေးပို့ထားပါတယ်။

ဟုတ်ကဲ့ပါ။ ထိုင်းနိုင်ငံက အိမ်ရှင်အဖြစ် လက်ခံကျင်းပနေတဲ့ ၄၂ ကြိမ်မြောက် အရှေ့တောင်အာရှနိုင်ငံများအဖွဲ့ (ASEAN) ၀န်ကြီးအဆင့် အစည်းအဝေးတွေ၊ ဆွေးနွေးဖက်နိုင်ငံတွေနဲ့ အစည်းအဝေးတွေနဲ့ တဆက်တည်းကျင်းပမယ့် ARF ခေါ် အာဆီယံ ဒေသတွင်းအစည်းအဝေးမတိုင်ခင် တရက်အလိုမှာပဲ အမေရိကန်နိုင်ငံခြားရေးဝန်ကြီး ဟီလာရီ ကလင်တန်က မြန်မာ့အရေးကို မှတ်ချက်ပေး ပြောဆိုခဲ့တာပါ။ ဖူးခက်မြို့က ARF အစည်းအဝေးကျင်းပမယ့်နေရာမှာ ဒီကနေ့ ညနေ စောင်းက လုပ်တဲ့ သတင်းစာ ရှင်းလင်းပွဲအတွင်း ပြောသွားတာဖြစ်ပါတယ်။

မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်ကိုလွှတ်ပေးဖို့ အမေရိကန်ပြည်ထောင်စုက တောင်းဆိုထားပြီး အခု တရားစွဲဆိုခံနေရတာကနေ လွှတ်ပေးတာဟာ အင်မတန်အရေးကြီးတယ်လို့ မိမိတို့ယူဆကြောင်း မစ္စစ်ကလင်တန်က ပြောပါတယ်။ ဒီလိုသာ လွှတ်ပေးမယ်ဆိုရင် အခွင့်အလန်းတွေ ပွင့်လာမှာပါလို့ ဆိုပါတယ်။

“သူသာ လွတ်လာမယ်ဆိုရင် ရင်းနှီးမြှုပ်နှံမှုတွေအပါအ၀င် မြန်မာနိုင်ငံနဲ့ ဆက်ဆံရေးချဲ့ထွင်ဖို့ အနည်းဆုံးတော့ မိမိတို့နိုင်ငံ အတွက် အခွင့်အလမ်းတွေ ပွင့်လာမှာဖြစ်တယ်။” လို့ မစ္စစ်ကလင်တန်က ပြောပါတယ်။

ဒါပေမဲ့လည်း ဒီကိစ္စဟာ မြန်မာခေါင်းဆောင်တွေအပေါ်မှာပဲ မူတည်ပါတယ်လို့ဆိုပါတယ်။ အခုအစည်းအဝေးတွေကို တက်လာတဲ့ မြန်မာကိုယ်စားလှယ်အဖွဲ့နဲ့ တခြားနိုင်ငံတွေကြား ဒီကနေ့လုပ်ခဲ့တဲ့ဆွေးနွေးပွဲတွေကနေ မြန်မာစစ်အစိုးရ သွားနေတဲ့လမ်းကြောင်းကို ပြောင်းသွားအောင် ဆွဲဆောင်စည်းရုံးနိုင်တဲ့ တိုးတက်မှုတွေရလိမ့်မယ်လို့ပဲ မိမိတို့အနေနဲ့ ကတော့ မျှော်လင့် နိုင်ပါကြောင်း မစ္စစ်ကလင်တန်က ပြောသွားပါတယ်။

အာဆီယံအဖွဲ့နဲ့ အာဆီယံနိုင်ငံတွေဟာ အင်မတန့်ကို အပေါင်းလက္ခဏာဆောင်တဲ့ လမ်းကြောင်းပေါ်လျှောက်နေကြပေမဲ့ မြန်မာနိုင်ငံကတော့ ဆန့်ကျင်ဘက်လမ်းကြောင်းပေါ် ရောက်နေတယ်လို့ မစ္စစ်ကလင်တန်က ပြောပါတယ်။
“မြန်မာနိုင်ငံဟာ တခြားအာဆီယံနိုင်ငံတွေ သွားနေတာနဲ့ ဆန့်ကျင်ဘက် ပြောင်းပြန်လမ်းကြောင်းနဲ့ သွားနေပါတယ်။ မြန်မာစစ် အစိုးရရဲ့ ပြုမူလုပ်ဆောင်ပုံတွေ ပြောင်းလဲသွားတာမြင်ချင်တယ်ဆိုတာကို အမေရိကန်ပြည်ထောင်စုက ရှင်းရှင်းလင်းလင်းကို ဖော်ထုတ်ထားပါတယ်။ ဒေသတွင်းက တခြားနိုင်ငံတွေလည်း ဒီလိုပဲမြင်ချင်လိမ့်မယ်လို့ မိမိတို့ မျှော်လင့်ထားပါတယ်။” လို့ မစ္စစ်ကလင်တန်က ပြောပါတယ်။

နိုင်ငံခြားရေးဝန်ကြီး ဟီလာရီ ကလင်တန်ဟာ မြန်မာနဲ့ မြောက်ကိုရီးယားနိုင်ငံကြား ဆက်ဆံရေးအခြေအနေတွေ၊ ဒေါ်အောင်ဆန်းစုကြည်ကို ဖမ်းဆီးပြီး အခုဆိုရင် ရုံးတင်တရားစွဲဆိုနေတဲ့ကိစ္စ၊ လူ့အခွင့်အရေးချိုးဖောက်မှု စတာတွေနဲ့ ပတ်သက်ပြီး အမေရိကန်ပြည်ထောင်စုရဲ့သဘောထားကို မြန်မာနိုင်ငံနဲ့အိမ်နီးခြင်း ထိုင်းမြေပေါ် မနင်းခင်ကတည်းက ပြောဆို ထားပါတယ်။ ထိုင်းမြေပေါ်ရောက်လာတဲ့အချိန်မှာလည်း တခြားအရေးကြီးကိစ္စရပ် များစွာထဲမှာ မြန်မာကိစ္စကို အလေးထားပြီး ပြောဆိုခဲ့ပါတယ်။ ထိုင်းသတင်းဌာနတခုနဲ့ တွေ့ဆုံမေးမြန်းခန်းတခုမှာဆိုရင် ဒေါ်အောင်ဆန်းစုကြည် ကို သာ မြန်မာစစ်အစိုးရ လွှတ်မပေးခဲ့ရင် အာဆီယံအဖွဲ့အနေနဲ့ မြန်မာနိုင်ငံကို အဖွဲ့ဝင်အဖြစ်ကနေ ထုတ်ပစ်ဖို့ကိစ္စဟာ စဉ်းစားဖို့သင့်လျော်တဲ့ မူဝါဒ အပြောင်းအလဲဖြစ်တယ်လို့ ပြောခဲ့ပါတယ်။

ဒါ့အပြင် ဇူလိုင်လ ၂၁ ရက်နေ့က ဘန်ကောက်မြို့တော်ကိုရောက်အပြီး နာရီပိုင်းအတွင်းမှာပဲ ထိုင်းဝန်ကြီးချုပ် အဘီဆစ် ၀တ်ချာချီဝ (Abhisit Vejjajiva) နဲ့ တွေ့ဆုံဆွေးနွေးပြီးတဲ့နောက်လုပ်ခဲ့တဲ့ သတင်းစာရှင်းလင်းပွဲမှာလည်း မြန်မာနဲ့ မြောက် ကိုရီးယားကြား ဆက်ဆံရေးအခြေအနေအပေါ် အမေရိကန်ရဲ့ စိုးရိမ်မှုကိုလည်း ထုတ်ဖော်ပြောဆိုခဲ့ပါတယ်။ Act 3
“တချိန်ချိန်မှာ ညူကလီးယားလက်နက် ရရှိဖို့တောင်မှ ဖြစ်လာနိုင်ခြေရှိတဲ့ တိုက်ခိုက်ရေးလက်နက်တွေ ရယူဖို့ မြောက် ကိုရီးယား နဲ့ မြန်မာနိုင်ငံအကြား ပူးပေါင်းဆောင်ရွက်တာတွေ ရှိနေတဲ့အပေါ် မိမိတို့ရဲ့စိုးရိမ်မှုကို ဘန်ကောက်မြို့မှာ ရှည်ရှည်လျားလျားကို ပြောကြားခဲ့ပါတယ်။” လို့ မစ္စစ်ကလင်တန်က ပြောသွားပါတယ်။

မြောက်ကိုရီးယား ညူကလီးယားအရေးကိစ္စဟာ အခုကျင်းပမယ့် ARF အစည်းအဝေးမှာ အဓိကအကြောင်းရပ်တခုဖြစ်ဖို့ ရှိနေပါ တယ်။ မြောက်ကိုရီးယားနိုင်ငံအနေနဲ့ ညူကလီးယားလက်နက်အစီအစဉ်ကို မဖျက်သိမ်းဘူးဆိုရင် ပိုပြီးပြင်းထန်တဲ့ အရေးယူ ဒဏ်ခတ်မှုတွေနဲ့ ရင်ဆိုင်ရလိမ့်မယ်လို့လည်း မစ္စစ်ကလင်တန်က သတိပေးပြောဆိုခဲ့ပါတယ်။ ဒီအချိန်မှာမှ မြန်မာ နဲ့ မြောက်ကိုရီးယားကြား စစ်လက်နက်ပစ္စည်းဝယ်ယူရေးနဲ့ဆိုင်တဲ့ အဆက်အဆံသတင်းတွေ ထွက်လာတာဟာ အမေရိကန် ပြည်ထောင်စုအပါအ၀င် နိုင်ငံအများအပြားအတွက် စိုးရိမ်ဖွယ်ရာဖြစ်လာရတာပါ။

မြန်မာစစ်အစိုးရအနေနဲ့ အထီးကျန်ဖြစ်မယ့် အခြေအနေကနေဝေးတဲ့ ပိုမိုကောင်းမွန်တဲ့ အနာဂတ်တခုရှိနေတဲ့အကြောင်း၊ ကိုယ့်ပြည်သူလူထုကို ပိုပြီးတော့ ကောင်းကောင်းမွန်မွန် ပြုမူဆက်ဆံဖို့အကြောင်း၊ မြန်မာလူထုအတွက် လမ်းကြောင်းသစ် တခု ပေါ်ပေါက်လာဖို့ရှိတဲ့ နောက်နှစ်ကျင်းပမယ့် ရွေးကောက်ပွဲတွေကို အစစ်အမှန် ရွေးကောက်ပွဲတွေဖြစ်အောင် လုပ်ဆောင်ပြီး မြန်မာလူထုကို အခွင့်အရေးပေးသင့်ကြောင်း စတာတွေကို မြန်မာစစ်အစိုးရ လက်ခံလာအောင် ကြိုးစား ဆွဲဆောင် စည်းရုံးဖို့ မိမိတို့ ဆက်ပြီး အာရုံစိုက်သွားသင့်ပါတယ်လို့ အမေရိကန်နိုင်ငံခြားရေးဝန်ကြီး ဟီလာရီ ကလင်တန်က ပြောသွားကြောင်းပါ ခင်ဗျား။


အပြီးသတ်လျှောက်လဲချက် ဆွေးနွေးဖို့ ရှေ့နေတွေ ဒေါ်စု နဲ့ တွေ့ခွင့်မရ

22 July 2009


ဖမ်းဆီးထိန်းသိမ်းခံနေရတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည် ဟာ သူ့အပေါ် တရားစွဲဆိုထားတဲ့ အမှုနဲ့ ပတ်သက်လို့ သူ့ရဲ့ရှေ့နေတွေက တိုင်ပင်ဆွေးနွေးခွင့် တောင်းခံထားတာကို အာဏာပိုင်တွေက လက်မခံ ပယ်ချ လိုက်ပါတယ်။ တရားခွင် ကြားနာမှုတွေ အဆုံးသတ် နီးလာချိန် ဒီလို ငြင်းပယ်လိုက်တာမို့လည်း ဒါဟာ တရားစွဲဆို အပြစ်ပေးခံရမယ့်အရေး ရင်ဆိုင်နေရတဲ့ ဒေါ်အောင်ဆန်းစုကြည်အနေနဲ့ ဥပဒေက ပေးအပ်ထားတဲ့ အခွင့်အရေးတွေ ဆုံးရှုံးမှု အဖြစ် သူ့ရဲ့ ဥပဒေအကျိုးဆောင်တွေက ရှုမြင်နေကြတာပါ။ အကြောင်းစုံကို ဆက်သွယ်စုံစမ်းထားတဲ့ ကိုအောင်လွင်ဦး က တင်ပြထားပါတယ်။

ဥပဒေချိုးဖောက်တယ်လို့ စွပ်စွဲပြီး တရားစွဲဆိုတာတွေနဲ့ ရင်ဆိုင်နေရတဲ့ အမှုအတွက် ၂ ဘက် ရှေ့နေတွေ အပြီးသတ် လျှောက်လဲချက်တွေ တင်သွင်းဖို့ ပြင်ဆင်နေတာမို့ အမှုသည်ဖြစ်တဲ့ ဒေါ်အောင်ဆန်းစုကြည် နဲ့ ဥပဒေရေးရာ ဆွေးနွေးမှုတွေ လုပ်ဖို့ ဒီကနေ့ ဗုဒ္ဓဟူးနေ့မှာ တွေ့ဆုံခွင့် တောင်းခံထားပေမဲ့ ဒါကို အာဏာပိုင်တွေက ခွင့်မပြုပဲ ငြင်းပယ်ခဲ့တာပါ။ ဒေါ်အောင်ဆန်းစုကြည်ဘက်က ခုခံချေပပေးမယ့် သက်သေ ၂ ဦးထဲက သူ့ရဲ့ အမျိုးသားဒီမိုကရေစီ အဖွဲ့ချုပ် (အန်အယ်လ်ဒီ) ပါတီ ရှမ်းပြည်နယ် တောင်ကြီးမြို့က ဥပဒေ ပညာရှင် ဒေါ်ခင်မိုးမိုး ဒီလ ၁၀ ရက်နေ့တုန်းက ရုံးတော်ရှေ့မှောက် ထွက်ဆိုပြီးတဲ့နောက် အပြီးသတ် လျှောက်လဲချက်တွေ တင်သွင်းဖို့ လာမယ့် သောကြာနေ့ကို ရက်ချိန်းပေးထားတာပါ။ ဒီအတွက်လည်း သူ့ရဲ့ ဥပဒေ အကျိုးဆောင်တွေက တင်သွင်းမယ့် လျှောက်လဲချက်နဲ့ ပတ်သက်လို့ ဆွေးနွေးဖို့ တောင်းခံထားတာဖြစ်ပေမဲ့ ဒါကို အခုနောက်ဆုံး ငြင်းပယ်ခံခဲ့ရတာလို့ ဒေါ်အောင်ဆန်းစုကြည် ရဲ့ ရှေ့နေတဦးဖြစ်တဲ့ ဦးဥာဏ်ဝင်း က ပြောပါတယ်။

“တနင်္လာနေ့က ကျွန်တော်တို့ အကျဉ်းထောင်မှာ စာတင်ထားတယ်လေ။ ဒီနေ့မှာ ကျနော်တို့ အပြီးသတ် လျှောက်လဲချက်အတွက် နောက်ဆုံးအတည်ပြုချက် ရယူဖို့ပေါ့။ မနေ့ညကတော့ သူတို့က အကြောင်းကြားပါတယ်။ အဲဒီတင်ထားတဲ့ဟာကို ခွင့်မပြုပါဘူးတဲ့။”

ဒေါ်အောင်ဆန်းစုကြည် အတွက် အပြီးသတ် လျှောက်လဲချက် တင်ဖို့ ၂ ရက်သာ လိုတော့တဲ့ အချိန်မှာ ကာယကံရှင် ဖြစ်သူနဲ့ ဆွေးနွေးခွင့်ကို ဒီလို ငြင်းပယ် လိုက်တာကြောင့် ဥပဒေကြောင်းအရ ခံစားခွင့်တွေ ဆုံးရှုံးရမယ့် အခြေအနေ ဖြစ်နေတယ်လို့လည်း ဦးဥာဏ်ဝင်း က ဆိုပါတယ်။

“ကာယကံရှင် ဒေါ်အောင်ဆန်းစုကြည်ရဲ့ နောက်ဆုံးအတည်ပြုချက် မရတဲ့ လျှောက်လဲချက်ပဲ ကျွန်တော်တို့လက်ထဲမှာ ရှိတာပေါ့။ ဒါပဲ တင်ရမှာပေါ့။ အပြည့်အစုံ တိုင်ပင်ဆွေးနွေးခွင့်မရဘူးလို့ ပြောရင် ရပါတယ်။ သူ့အတွက် သူ့လျှောက်လဲချက်ကို သူအပြည့်အစုံ နောက်ဆုံး အတည်ပြုချက်မရတဲ့ လျှောက်လဲချက် တင်ခဲ့ရတဲ့ အခြေအနေမှာ သူဟာ ခုခံပိုင်ခွင့် အပြည့်အ၀ ရတယ်လို့ ကျနော်တို့ သတ်မှတ်လို့ မရပါဘူး”

အကျယ်ချုပ် ကျခံနေရတဲ့အချိန်မှာ တားမြစ်ချက်ကို ချိုးဖောက်ပြီး နေအိမ်ကို ရေကူးဝင်လာသူ အမေရိကန် နိုင်ငံသား တဦးကို လက်ခံတယ်ဆိုတဲ့ စွပ်စွဲချက်နဲ့ တရားစွဲဆို အရေးယူဖို့ လုပ်ဆောင်နေပေမဲ့ ဒါဟာ အကျယ်ချုပ် သက်တမ်း စေ့တော့မယ့် အချိန် အာဏာပိုင်တွေဖက်က အချိန်ကိုက် ဆောင်ရွက်ချက်တခုအဖြစ်နဲ့ အများက သံသယ၀င် နေကြတာပါ။ ဥပဒေ အကျိုးဆောင်တွေနဲ့ ခုခံချေပဖို့ ကျိုးပမ်းနေတဲ့ ဒေါ်အောင်ဆန်းစုကြည် ကိုယ်တိုင်လည်း ဒါဟာ နိုင်ငံရေး နောက်ခံတွေရှိတဲ့ အမှုအဖြစ် ရည်ညွှန်းပြောဆိုထားတာလည်း ဖြစ်ပါတယ်။ နိုင်ငံတကာ အသိုင်းအ၀န်းကလည်း ဒေါ်အောင်ဆန်းစုကြည် အပေါ် တရားစွဲဆိုတာတွေ စတင်လုပ်ဆောင်လာချိန်ကစလို့ ပြစ်တင်ဝေဖန်သံတွေ ထွက်ပေါ်ခဲ့တာပါ။ အခုဆိုရင်လည်း ထိုင်းနိုင်ငံ ဖူးခက်အပမ်းဖြေ ကမ်းခြေမြို့မှာ ကျင်းပနေတဲ့ အရှေ့တောင်အာရှ နိုင်ငံများအသင်း (အာဆီယံ) ဒေသတွင်းလုံခြုံရေး ဆွေးနွေးပဲ ကို တက်ရောက်ဖို့ ရောက်လာတဲ့ အမေရိကန် နိုင်ငံခြားရေးဝန်ကြီး ဟီလာရီ ကလင်တန် ကလည်း အမေရိကန် ပြည်ထောင်စုရဲ့ မြန်မာနိုင်ငံဆိုင်ရာ မူဝါဒရေးရာ နဲ့ ပတ်သက်လို့ ပြန်လည်သုံးသပ်မှုတွေ လုပ်နေတဲ့အပေါ်မှာ ဒေါ်အောင်ဆန်းစုကြည် ကို ကြားနာစစ်ဆေးမှုတွေက သက်ရောက်မှုတွေ ရှိမယ့်အကြောင်းလည်း မနေ့တုန်းက ထိုင်းနိုင်ငံကို ခရီးရောက်မဆိုက် ပြောခဲ့တာပါ။ ဒေါ်အောင်ဆန်းစုကြည် ရဲ့ ဥပဒေ အကျိုးဆောင် ဦးဥာဏ်ဝင်း ကတော့ ဒေါ်အောင်ဆန်းစုကြည် အပေါ် အရေးယူ အပြစ်ပေးတာမျိုး လုပ်လာမယ်ဆိုရင် အကျိုးဆက်တွေ ကြီးကြီးမားမား ရှိလာမယ်လို့ ဆိုပါတယ်။

“ကျနော်တို့ ဒီအမှုက ဘယ်လိုပဲ ပြောပြော နိုင်ငံရေး အမှုပဲ။ ဘာကြောင့် နိုင်ငံရေးအမှုလို့ ကျနော် ပြောရသလဲဆိုရင် ဒီဥပဒေကိုက နိုင်ငံရေးဆိုင်ရာ ပြစ်မှုဥပဒေ။ အခု စွဲထားတာကလည်း ဒီဥပဒေနဲ့ State protection act ၂၂ ဆိုတော့ ဒါနိုင်ငံရေး အမှုပဲ။ နိုင်ငံရေးအမှု ဖြစ်တဲ့အတွက် နိုင်ငံရေးအရ တရားစွဲထားတာဖြစ်တဲ့အတွက် လက်ရှိစစ်အစိုးရကသာ နိုင်ငံရေးရာ ကိစ္စကို သူတို့ ဘယ်လို ဆုံးဖြတ်မလဲဆိုတာ ကျွန်တော်တို့ စောင့်ကြည့်ရမှာဖြစ်ပါတယ်။ တကယ်လို့ ဒေါ်အောင်ဆန်းစုကြည် အပြစ်ပေးခံရလို့ရှိရင်တော့ နံပါတ် ၁ မြန်မာနိုင်ငံ တရားဥပဒေစိုးမိုးရေးရဲ့ အသံဟာ ဒီအမှုမှာတင် ကြည့်လို့ရမယ်။ နံပါတ် ၂ ကတော့ ဒီဟာရဲ့ နောက်ဆက်တွဲ အဖြစ်အပျက်တွေ အများကြီးဖြစ်နိုင်တယ်လို့တော့ ခန့်မှန်းပါတယ်။ တိတိကျကျ ဘယ်ဟာမျိုးလဲလို့ ပြောရင် ကျွန်တော်ဒီလိုတော့ မပြောနိုင်ပါဘူး။ သို့သော် ဒီဟာရဲ့ ဂယက်က ကြီးမားမယ်လို့တော့ ကျနော်တို့ ခန့်မှန်းပါတယ်။”

ကုလသမဂ္ဂ အတွင်းရေးမှူးချုပ် ဘန် ကီမွန်း ဟာလည်းပဲ ဒီလဆန်းပိုင်းတုန်းက သွားခဲ့တဲ့ သူ့ရဲ့ ၂ ရက်ကြာ မြန်မာနိုင်ငံ ခရီးစဉ်နဲ့ ပတ်သက်လို့ ပြီးခဲ့တဲ့ တပတ်ထဲတုန်းက လုံခြုံရေးကောင်စီကို အစီရင်ခံတဲ့ နေရာမှာ လက်ရှိ အခြေအနေမှာ၊ မြန်မာပြည်သူတွေ မျှော်လင့်နေတာတွေ လိုအပ်နေတာတွေနဲ့ နိုင်ငံတကာက စိုးရိမ်ပူပမ်မှုတွေနဲ့ ပတ်သက်လို့ လျစ်လျူရှုထားမလား၊ တိုင်းပြည်အကျိုး ရှေ့ရှုပြီး မြန်မာစစ်အစိုးရအနေနဲ့ အကောင်းဆုံး တုံ့ပြန်ဆောင်ရွက် သွားမလား ဆိုတာတွေကိုတော့ ကမ္ဘာက စောင့်ကြည့်နေပါတယ်ဆိုပြီးတော့ စစ်အစိုးရအပေါ် သတိပေး ပြောဆိုထားခဲ့တာ ဖြစ်ပါတယ်။


အီရန်ကြောင့် ပါရှန်း ပင်လယ်ကွေ့ ကာကွယ်ရေး အစီအမံတွေ အမေရိကန် တိုးချဲ့မည်

22 July 2009


ဘန်ကောက်က နေးရှင်းတီဗွီနဲ့ အင်တာဗျူးလုပ်တုန်းမှာပဲ အမေရိကန် နိုင်ငံခြားရေး ၀န်ကြီး ဟီလာရီ ကလင်တန် က အီရန်နိုင်ငံနဲ့ ပတ်သက်ပြီးတော့လည်း ပြောသွားပါတယ်။ တကယ်လို့ အီရန်ဟာ သူတို့ရဲ့ နြူကလီးယား လက်နက်အစီအစဉ်ကို မဖျက်သိမ်းဘူးဆိုရင် အမေရိကန်အစိုးရအနေနဲ့ ပါရှန် ပင်လယ်ကွေ့မှာရှိတဲ့ သူတို့ရဲ့ မဟာမိတ်နိုင်ငံတွေ ကာကွယ်ရေးအတွက် သူတို့နဲ့ ပူးပေါင်းပြီးတော့ တိုးမြှင့်လုပ်ဆောင်သွားဖို့ အဆင်သင့်ပဲလို့ နိုင်ငံခြားရေး ၀န်ကြီး ကလင်တန်က ပြောသွားခဲ့ပါတယ်။

တချိန်တည်းမှာပဲ အီရန် အစိုးရနဲ့ ညှိနှိုင်းဆွေးနွေးဖို့ဆိုတဲ့ တံခါးကိုတော့ ဖွင့်ထားဆဲပဲဖြစ်တယ်လို့ မစ္စစ် ကလင်တန်က ပြောခဲ့တာပါ။ တကယ်လို့ အမေရိကန်က ပါရှန်းပင်လယ်ကွေ့ဒေသ တခွင်လုံးမှာ ကာကွယ်ရေးစနစ်တွေကို တိုးချဲ့လုပ်ဆောင်ခဲ့မယ်ဆိုရင် အီရန်နိုင်ငံအနေနဲ့ နြူကလီးယားလက်နက် ပိုင်ဆိုင်သည့်တိုင်အောင် ပိုပြီးတော့ လုံခြုံပြီးခိုင်မာတဲ့ နိုင်ငံတခု ဖြစ်လာနိုင်မှာမဟုတ်ဘူးလို့လည်း မစ္စစ် ကလင်တန်က ပြောခဲ့ပါတယ်။



အာဆီယံနဲ့ အမေရိကန် ဆက်ဆံရေး တိုးမြှင့်မည်

22 July 2009


အမေရိကန် နိုင်ငံခြားရေး ၀န်ကြီး ဟီလာရင် ကလင်တန်အနေနဲ့ ပစိဖိတ်အတွင်းမှာရှိတဲ့ တခြားနိုင်ငံတွေရဲ့ နိုင်ငံခြားရေး ၀န်ကြီးတွေအပြင် အာဆီယံနိုင်ငံခြားရေး ၀န်ကြီးတွေနဲ့ ဒီနေ့မှာ ထိုင်းနိုင်ငံ ဖူးကက် အပန်းဖြေစခန်းမှာ တွေ့ဆုံဖို့ ရှိပါတယ်။ ဒီအကြောင်းကို နိုင်ငံခြားရေး ၀န်ကြီးခရီးစဉ်တလျှောက် လိုက်ပါသွားတဲ့ ဗွီအိုအေ သတင်းထောက် ဒေးဗစ်ဂေါလပ်စ် က သတင်းပေးပို့ထားတာကို ဒေါ်လှလှသန်းက တင်ပြပါတယ်။

အမေရိကန် နိုင်ငံခြားရေး ဌာနအနေနဲ့ အရှေ့တောင်အာရှရေးရာ ဒုတိယ လက်ထောက် နိုင်ငံခြားရေး ၀န်ကြီးဖြစ်တဲ့ စကော့က် မာစ်ရှယ် ကို အာဆီယံနဲ့ ဆက်ဆံရေး အချိန်ပြည့် ညှိနှိုင်းဖို့ အထူးကိုယ်စားလှယ်အဖြစ် ခန့်အပ်ထားပြီး ဖြစ်ပါ တယ်။ ဒါပေမဲ့ နိုင်ငံခြားရေး ၀န်ကြီး ကလင်တန်နဲ့ အတူခရီးစဉ်မှာ လိုက်ပါသွားခဲ့တဲ့ ထိပ်တန်းအမေရိကန် အစိုးရအရာရှိ တွေကတော့ အိုဘားမားအစိုးရအနေနဲ့ သံတမန်ရေးအဆင့်ကို တိုးမြှင့်ပြီး ဂျကာတာရှိ အာဆီယံ အတွင်းဝန် ရုံးချုပ်မှာ အမြဲတမ်း သံအမတ်ကြီးတဦး ခန့်အပ်ဖို့ ရည်ရွယ်တယ်လို့ ပြောပါတယ်။ သမ္မတ ဘွတ်ရ်ှအစိုးရလက်ထက်ကတော့ နိုင်ငံခြားရေး ၀န်ကြီးအဖြစ် တာဝန်ထမ်းဆောင်ခဲ့တဲ့ ကွန်ဒိုလီဇာ ရိုက်စ်အနေနဲ့ ARFခေါ် အာဆီယံ ဒေသန္တရညီလာခံကို နှစ်ကြိမ်တောင် မတက်ရောက်ခဲ့တဲ့အတွက် အမေရိကန်အဆင့်မြင့် သံတမန်တွေကိုပဲ ကိုယ်စားပြု တက်ရောက်ခဲ့တာဖြစ်လို့ အာဆီယံအနေနဲ့ အသင်းကြီးကို သမ္မတ ဘွတ်ရ်ှက အလေးမထားဘူးလို့ ပြစ်တင်ဝေဖန်ခဲ့တာ ရှိပါတယ်။ အာဆီယံ ဒေသန္တရ ညီလာခံကို တက်ရောက်ဖို့ ထိုင်းနိုင်ငံကို မနေ့က ဆိုက်ရောက်ခဲ့တဲ့ ၀န်ကြီးကလင်တန် အနေနဲ့ကတော့ ဘန်ကောက် သတင်းစာ ရှင်းလင်းပွဲမှာ အိုဘားမားအစိုးရအနေနဲ့ အရှေ့တောင်အာရှဒေသနဲ့ ပြန်လည် ဆက်ဆံရေး ကောင်းမွန်စေဖို့ ရည်ရွယ် လုပ်ဆောင်သွားမယ်လို့ အခုလို ပြောဆိုသွာပါတယ်။

“အမေရိကန် ပြည်ထောင်စုအနေနဲ့ သိပ်ကို ရှင်းလင်းတဲ့ သတင်းစကားပါးလိုတာက အရှေ့တောင် အာရှနဲ့ အမေရိကန် ဆက်ဆံရေး အပြည့်အ၀ထားရှိဖို့ သန္နိဋ္ဌာန်ခိုင်မာတယ်ဆိုတဲ့ အကြောင်းပဲဖြစ်ပါတယ်။ ဒါ့အပြင် ကျမတို့ရဲ့ အင်အား ကောင်း လှတဲ့ မဟာမိတ်ဆက်ဆံရေး ချစ်ကြည်ရေးကိုလည်း ပြန်လည် စတင် အားဖြည့်လိုပါတယ်။ မဟာမိတ် ဆက်ဆံရေး အသစ် ထားရှိဖို့ လိုလားသလို အရှေ့တောင်အာရှနိုင်ငံကြီးများ စုစုစည်းစည်း ဖြစ်လာဖို့ အာဆီယံအသင်းကြီးကို ရည်ရွယ် ဖွဲ့စည်း ခဲ့တဲ့ ထိုင်းနိုင်ငံအပါအ၀င် တခြားနိုင်ငံတွေနဲ့လည်း ပူးတွဲဆောင်ရွက်သွားဖို့ဟာ ကျမတို့ရဲ့ ပေါ်လစီမှာ အရေးကြီးတဲ့အချက် ဖြစ်ပါတယ်။”

အာဆီယံချစ်ကြည်ရေးနဲ့ ပူးပေါင်းဆောင်ရွက်ရေး စာချုပ်မှာ အမေရိကန် ပြည်ထောင်စုက ပါဝင်မယ့်အကြောင်းကိုလည်း ၀န်ကြီးကလင်တန်က ဖူးကက်မှာ တရားဝင်ကြေညာဖို့ရှိပါတယ်။ အဲဒီစာချုပ်အရ အရှေ့တောင်အာရှ အသင်းဝင်များနဲ့ အဲဒီ နိုင်ငံတွေရဲ့ ပြည်တွင်းရေး ၀င်ရောက် မစွက်ဖက်ရမူနဲ့ ပတ်သက်လို့ အငြင်းပွားစရာတွေကို ငြိမ်းချမ်းစွာဖြေရှင်းယူဖို့ ဖြစ်ပါ တယ်။ အင်္ဂါနေ့ထုတ် ဘန်ကောက်ပို့စ် သတင်းစာမှာတော့ ၀န်ကြီးကလင်တန် က အမေရိကန် ပြည်ထောင်စုအနေနဲ့ အာရှ ရှိ မဟာမိတ်နိုင်ငံတွေအနေနဲ့ ဆက်ဆံရေး တိုးမြှင့်ဖို့ ရည်ရွယ်တဲ့အကြာင်း စီးပွားရေး ကျဆင်းမှု၊ ရာသီဥတု အပြောင်းအလဲ နဲ့ အစွန်းရောက် အကြမ်းဖက်မှု ပြဿနာတွေအပြင် မြန်မာနိုင်ငံရေး ပြဿနာဟာ အာဆီယံအတွက် အကဲစမ်းမှုကြီး တခု ဖြစ်ပြီး ဒေသန္တရတခုလုံးအတွက်ရော၊ မြန်မာနိုင်ငံသား အားလုံးအတွက်ရော အကျိုးဖြစ်ထွန်းစေမယ့် အပြောင်းအလဲ ဖော် ဆောင်ဖို့ အာဆီယံအသင်းဝင်နိုင်ငံတွေအနေနဲ့ အမေရိကန် ပြည်ထောင်စုက နည်းလမ်း ရှာဖွေသွားမယ်လို့ ရေးသားခဲ့ပါ တယ်။

မနေ့က ကျင်းပခဲ့တဲ့ သတင်းစာ ရှင်းလင်းပွဲမှာလည်း အင်းစိန်ထောင်တွင်း ထိန်းသိမ်းခံနေရတဲ့ မြန်မာ့ ဒီမိုကရေစီ ခေါင်းဆောင်ရဲ့ အမှုနဲ့ ပတ်သက်လို့လည်း ၀န်ကြီး ကလင်တန်က အခုလို ပြောကြားသွားခဲ့ပါသေးတယ်။

“ကျမတို့အနေနဲ့ ရှင်းရှင်းလင်းလင်းပဲ ပြောကြားခဲ့ပြီးပါပြီ။ ဒေါ်အောင်ဆန်းစုကြည်အပေါ် တရားမျှတစွာ ဆောင်ရွက်လိမ့် မယ်လို့ မျှော်လင့်ပါတယ်။ သူ့အပေါ် မြန်မာစစ်အစိုးရက အရေးယူဆောင်ရွက်ခဲ့တဲ့ ဆက်ဆံမှုအပေါ်မှာလည်း ကျမတို့ အပြစ်တင်ဝေဖန်ခဲ့ပါတယ်။ အဲဒီအမှုဟာ အခြေအမြစ် မရှိသလို လုံးဝလက်ခံနိုင်စရာလည်း မရှိပါဘူး။”

ထိုင်းရုပ်သံလွှင့်နဲ့ မနေ့က တွေ့ဆုံမေးမြန်းခန်းမှာလည်း ၀န်ကြီးကလင်တန်က ဒေါ်အောင်ဆန်းစုကြည်ကို မြန်မာစစ် အစိုး ရ က ပြန်မလွှတ်ပေးရင် အာဆီယံအသင်းကြီးအနေနဲ့ မြန်မာနိုင်ငံကို ထုတ်ပစ်ဖို့ စဉ်စားပေးသင့်တယ်လို့ ဖြေကြားသွားခဲ့ပါ တယ်။ ဒါ့အပြင် မြန်မာကို မြောက်ကိုရီးယားက နျူကလီးယားလက်နက်တွေ လွှဲပြောင်းပေးအပ်နိုင်မယ့် အလားအလာနဲ့ ပတ်သက်လို့လည်း အမေရိကန် ပြည်ထောင်စုက စိုးရိမ်မကင်းဖြစ်တဲ့အကြောင်းနဲ့ မြန်မာ့ အိမ်နီးချင်းနိုင်ငံတွေအနေနဲ့ စည်းလုံးပြီး အာဏာရှင်အစိုးရတွေရဲ့ ရန်ကနေ ကာကွယ်နိုင်ဖို့ စစ်ဘက်ရေးရာ ဗျူဟာတရပ် ချမှတ်နိုင်ဖို့လည်း အရေးကြီး တယ်လို့ ၀န်ကြီးကလင်တန်က ထိုင်းရုပ်သံလွှင့်နဲ့ တွေ့ဆုံမေးမြန်းခန်းမှာ ပြောကြားသွားပါတယ်။


မြန်မာသွင်းကုန် ပိတ်ဆို့မှု အောက်လွှတ်တော် သက်တမ်းတိုး

22 July 2009


မြန်မာနိုင်ငံက သွင်းကုန်တွေကို ပိတ်ဆို့ အရေးယူ ဒဏ်ခတ်မှု ဥပဒေကို မကြာသေးခင် အချိန်ကပဲ အမေရိကန် အောက် လွှတ်တော်ကနေ ကန့်ကွက်သူမရှိ နောက်တနှစ် သက်တမ်းတိုးဖို့ အတည်ပြုလိုက်ပါတယ်။ အောက်လွှတ်တော် အစည်းအဝေးနဲ့ ပတ်သက်ပြီး အပြည့်အစုံကို ကိုသားညွန့်ဦးက တင်ပြပေးထားပါတယ်။

အမေရိကန် ပြည်ထောင်စုရဲ့ ၂၀၀၃ ခုနှစ် မြန်မာနိုင်ငံ လွတ်မြောက်ရေးနဲ့ ဒီမိုကရေစီ အက်ဥပဒေပါ သွင်းကုန် ကန့်သတ် ချက် အရေးယူဖို့အတွက် နောက်တနှစ် သက်တမ်းတိုးဖို့ အမေရိကန် စံတော်ချိန် အခု ညနေပိုင်းမှာပဲ အမေရိကန် အောက် လွှတ်တော်မှာ ကန့်ကွက်သူမရှိ အတည်ပြုလိုက်တာပါ။ ဒီဥပဒေအရဆိုရင် မြန်မာနိုင်ငံမှာ ထုတ်လုပ်တဲ့၊ မြန်မာနိုင်ငံမှာ တပ်ဆင်တဲ့ ထုတ်ကုန်ပစ္စည်းတွေ၊ တွင်းထွက်ပစ္စည်းတွေ၊ အခြား မြန်မာနိုင်ငံ ထွက်ကုန် ပစ္စည်းမှန်သမျှ အမေရိကန် ပြည်ထောင်စုကို သွင်းကုန် တင်သွင်းတာကို ပိတ်ပင်ထားပါတယ်။

မြန်မာနိုင်ငံအတွင်းမှာ လူ့အခွင့်အရေး ချိုးဖောက်မှုတွေ ဆက်ပြီး ဖြစ်နေတာကြောင့် မြန်မာစစ်အစိုးရကို အရေးယူ ပိတ်ဆို့မှုတွေ လုပ်သွားဖို့ လိုအပ်တယ်လို့ မစ်ချီဂန်ပြည်နယ် ဒီမိုကရက်တစ် အောက်လွှတ်တော်အမတ် ဆန်ဒါ လီဗင် (Sander Levin) က အခုလို အောက်လွှတ်တော် အစည်းအဝေးမှာ တင်ပြသွားခဲ့ပါတယ်။

“အရပ်သားတွေနဲ့ နိုင်ငံရေး လှုပ်ရှားသူတွေကို စစ်အစိုးရအနေနဲ့ ဥပဒေမဲ့ ဖမ်းတာ ဆီးတာတွေ လုပ်နေပါတယ်။ မြန်မာ ခေါင်းဆောင် ဗိုလ်ချုပ်အောင်ဆန်း လုပ်ကြံခံခဲ့ရတဲ့ အာဇာနည်နေ့ နိုင်ငံတော် အခမ်းအနားကို လာရောက်ခဲ့ကြတဲ့ နိုင်ငံရေး လှုပ်ရှားသူ ၅၀ လောက်ကိုလည်း အခု ပြီးခဲ့တဲ့ ရက်တွေအတွင်းကပဲ ယာယီ ထိန်းသိမ်းခဲ့ပါတယ်။ ထောင်တွေထဲ မှာဆိုလည်း သူတို့ကို နှိပ်စက်တာတွေ၊ အစာရေစာ၊ ဆေးဝါး မပေးဘဲ ထားတာတွေ၊ စတဲ့ ညှဉ်းပန်းနှိပ်စက်မှုတွေ ရှိနေပါ တယ်” လို့ ဒီမိုကရက်တစ် အောက်လွှတ်တော်အမတ် ဆန်ဒါ လီဗင် ပြောသွားတာ ဖြစ်ပါတယ်။

ဒါ့အပြင် နယ်စပ် တိုင်းရင်းသား ဒေသတွေမှာလည်း အရပ်သား ပြည်သူတွေကို မြန်မာစစ်တပ်က စစ်ဆင်နေတဲ့ကိစ္စ၊ ညှဉ်းပမ်းနှိပ်စက်နေတဲ့ ကိစ္စနဲ့ အခြား လူ့အခွင့်အရေး ချိုးဖောက်မှုတွေကို ထောက်ပြပြီး ဒီဥပဒေကို ဆက်ပြီး အတည်ပြု သွားဖို့ လိုမယ်ဆိုပြီး အခြား လွှတ်တော်အမတ်တွေကိုလည်း တိုက်တွန်းသွားပါတယ်။

တက္ကဆက်ရဲ့ ရီပတ်ဘလီကန် အောက်လွှတ်တော်အမတ် ကီဗင် ဘရတ်ဒီ (Kevin Brady) ကလည်း မြန်မာစစ်အစိုးရ အနေနဲ့ နိုင်ငံတကာနဲ့ ထိစပ် ဆောင်ရွက်မှုကို ငြင်းပယ်နေတယ်လို့ အခုလို ပြောသွားပါတယ်။

“အတိအကျ ပြောရမယ်ဆိုရင်တော့ ဒေါ်အောင်ဆန်းစုကြည် အပါအ၀င် နိုင်ငံရေး အကျဉ်းသားတွေကို လွှတ်ပေးဖို့ ကုလသမဂ္ဂ အတွင်းရေးမှူးချုပ် ဘန်ကီမွန်း (Ban Ki-moon) ကိုယ်တိုင် တောင်းဆိုနေတာတွေကို မြန်မာစစ်အစိုးရဘက်က လျစ်လျူပြုထားပါတယ်။ ဒါတင်မဟုတ်ဘဲ ဒေါ်အောင်ဆန်းစုကြည်ကို တွေ့ခွင့်ပေးဖို့ အတွင်းရေးမှူးချုပ် ဘန်ကီမွန်းက တောင်းဆိုတာကိုလည်း ငြင်းပယ်ခဲ့ပါတယ်။” လို့ အောက်လွှတ်တော်အမတ် ကီဗင် ဘရတ်ဒီက ပြောသွားပါတယ်။

တကမ္ဘာလုံးက၊ အထူးသဖြင့် အာရှဒေသက တရုတ်နဲ့ အာဆီယံတို့ကပါ မြန်မာနိုင်ငံနဲ့ ပတ်သက်ပြီး နိုင်ငံတကာက ဖိအား ပေး ဆောင်ရွက်မှုတွေမှာ ပါဝင်လာဖို့ လိုတယ်၊ ဒီ့အတွက် နိုင်ငံခြားရေးဝန်ကြီး ဟီလာရီ ကလင်တန် (Hillary Clinton) အနေနဲ့ အခု အာရှခရီးစဉ် ရောက်တုန်းမှာလည်း ဆောင်ရွက်ဖို့ လိုမယ်ဆိုပြီး ပြောသွားပါတယ်။

ဒါ့အပြင် နယူးယောက်ခ် ရီပတ်ဘလီကန် အောက်လွှတ်တော် အမတ်တဦးဖြစ်တဲ့ ဂျိုးဇက် ခရိုလေ (Joseph Crowley) ကလည်း မြန်မာနိုင်ငံအရေးမှာ နိုင်ငံပေါင်းစုံ ပါဝင်မှဖြစ်မယ်ဆိုပြီး အခုလို ပြောသွားပါတယ်။

“မြန်မာနိုင်ငံ အပြောင်းအလဲအတွက် နိုင်ငံပေါင်းစုံ ဆောင်ရွက်မှဖြစ်မယ်ဆိုပြီး မျှော်လင့်ထားပါတယ်။ တကမ္ဘာလုံးက၊ အထူးသဖြင့် တရုတ်နဲ့ အာဆီယံအနေနဲ့ မြန်မာစစ်အစိုးရကို စီးပွားရေးအရ ဖိအားတွေ ပေးသွားဖို့ လိုပါတယ်။ အခု ဒီ ဥပဒေဟာ နိုင်ငံပေါင်းစုံ ပါဝင်လာဖို့ အခွင့်အလမ်း ပေးထားတာကြောင့် ဒီဥပဒေကို ကျနော့်အနေနဲ့ ထောက်ခံတင်သွင်းပါတယ်။”

ဂျိုးဇက် ခရိုလေဟာ ဒီဥပဒေကို နောက်ထပ် တနှစ် သက်တမ်းတိုးဖို့အတွက် အဆိုပြု တင်သွင်းခဲ့သူလည်း ဖြစ်ပါတယ်။ ဒီ့နောက် ဒီဥပဒေနဲ့ ပတ်သက်ပြီး အသံနဲ့ မဲခွဲတဲ့နေရာမှာတော့ ကန့်ကွက်သူမရှိဘဲ နောက်ထပ် ဒီဥပဒေကို တနှစ်သက်တမ်း တိုးဖို့အတွက် အောက်လွှတ်တော်က အတည်ပြုလိုက်ပါတယ်။ ဒီဥပဒေကိုတော့ ၂၀၀၃ ခုနှစ် ဒီပဲယင်း အရေးအခင်းအပြီးမှာ မြန်မာနိုင်ငံနဲ့ ပတ်သက်ပြီး အရေးယူ ပိတ်ဆို့ ဒဏ်ခတ်မှုအနေနဲ့ အမေရိကန် ပြည်ထောင်စုက အတည်ပြု ပြဋ္ဌာန်းခဲ့တာ ဖြစ်ပါတယ်။


နအဖစစ်အစိုးရ၏ ကလေးစစ်သား အသုံးနေမှုနှင့်ပတ်သက်၍ အစီရင်ခံစာ ထုတ်ပြန်
Wednesday, 22 July 2009 18:04 ဖြိုးကြီး .မြန်မာစစ်အစိုးရအနေဖြင့် ကလေးစစ်သားများကို ယနေ့တိုင် အသုံးပြုနေလျှက်ရှိကြောင်း အစီရင်ခံစာတစောင်ကို ရိုးမ ၃ သတင်းဌာနက ယနေ့ ထုတ်ပြန်ခဲ့သည်။

'မြန်မာ့သားကောင်းများအတွက် ဝမ်းနည်းဖွယ်ရာ ကလေးစစ်သားများ' အမည်ရှိ အစီရင်ခံစာတွင် အင်္ဂလိပ်-မြန်မာ နှစ်ဘာသာဖြင့် စာမျက်နှာ ၇၂ မျက်နှာပါဝင်ပြီး စစ်သားစုဆောင်းရေးနှင့် ကလေးစစ်သားများအခြေအနေများကို အပိုင်း (၅) ပိုင်းခွဲကာ တင်ပြထားသည်။


ကလေးစစ်သားအစီရင်ခံစာ
အစီရင်ခံစာ ထုတ်ပြန်ရခြင်းနှင့်ပတ်သက်၍ ရိုးမ ၃ သတင်းဌာန အယ်ဒီတာ ဦးငြိမ်းလူက “မြန်မာပြည်မှာ ကလေးစစ်သားမရှိဘူးလို့ ငြင်းနေတဲ့ နအဖစစ်အုပ်စုဟာ ယနေ့ထိ ကလေးစစ်သားအသုံးပြုနေတယ်ဆိုတာကို အထောက်အထား အစုံအလင်နဲ့ နိုင်ငံတကာကိုရော၊ လူ့အခွင့်အရေးလှုပ်ရှားနေတဲ့ အဖွဲ့တွေကိုပါ တင်တာဖြစ်ပြီး ဒီစာအုပ်မှာပါဝင်တဲ့ အချက်အလက်တွေကို တစုံတရာ ကိုကားနိုင်ဖို့ ရည်ရွယ်ချက်နဲ့ ထုတ်ဝေတာပါ” ဟု ပြောသည်။

နအဖစစ်အစိုးရ၏ စစ်အင်အားပြည့်မှီရေး စီမံချက်ကြောင့် စစ်သားစုဆောင်းရေးတပ်ရင်းတခုတွင် တလလျှင် ကလေးငယ် ၁၀၀ ခန့်သည် စစ်သားအဖြစ် စုဆောင်းခြင်းခံနေရကြောင်း ၎င်းက ပြောသည်။

“နေ့စဉ်နဲ့အမျှ တပ်ကနေ ထွက်ပြေးနေတာရှိတယ်၊ တိုက်ပွဲ ကျဆုံး ဒဏ်ရာရတာတွေ ရှိနေတဲ့အတွက် အထက်က အမိန့်ထုတ်လိုက်တော့ အောက်ခြေတပ်တွေကလည်း မဖြစ်မနေ စုဆောင်းရတာဖြစ်တဲ့အတွက် မလိုအပ်ဘဲ ကလေးငယ်တွေ ပါဝင်လာတာ ဖြစ်တယ်” ဟု ဆက်ပြောသည်။

မြန်မာနိုင်ငံတွင် တိုင်းစစ်ဌာနချုပ် ၁၃ ခု၊ တပ်မဌာနချုပ် ၁၀ ခု၊ စကခ ၂၁ ခု ရှိသည်။ ခြေလျင်၊ ခြေမြန် တပ်ရင်းပေါင်း ၅၀၀ ကျော်ရှိပြီး တပ်ရင်းတရင်းလျှင် တလပျမ်းမျှ အယောက် ၂၀ ဦးမှ ၃၀ ဦးအထိ တပ်မှထွက်ပြေးမှုများရှိကြောင်းကို ၎င်းက ပြောသည်။

ထို့အပြင် ယခုကဲ့သို့ အတင်းအဓမ္မ စစ်သားစုဆောင်းနေခြင်းကြောင့် ကလေးငယ်အများစုမှာ စစ်ကျွန်သဖွယ် လူကုန်ကူးမှုတခုဖြစ်နေကြောင်း ဆက်ပြောသည်။

“ဈေးကွက်ဖြစ်နေတယ်ဆိုတာက ပွဲစားတယောက်က ကလေးတယောက်ရတယ်ဆိုရင် ငွေ ၃၀,၀၀၀ ရတယ်၊ အဲလိုပြီးတာနဲ့ ကလေးရဲ့လိပ်စာကိုယူပြီး မိဘကို ပွဲစားက အကြောင်းကြားပြီး ကလေးကို ပြန်ထုတ်မယ်ဆိုရင် လိုက်လုပ်ပေးတယ်၊ ဆေးမစစ်ရသေးရင် ဈေးတမျိုးရတယ်၊ ဆေးအောင်လို့ သင်တန်းကျောင်းပို့လိုက်ရင် တမျိုးရတယ်” ဟု ဦးငြိမ်းလူက ပြောသည်။

တပ်အနီးနားရှိ လက္ဘက်ရည်ဆိုင်များတွင် စစ်သားစုဆောင်းပေးနေသည့် လူပွဲစားများ ပေါ်ပေါ်ထင်ထင် ရှိနေပြီး ကြံဖွံ့၊ မီးသတ်အဖွဲ့များနှင့် ချိတ်ဆက် လုပ်ဆောင်နေခြင်းများလည်းရှိကြောင်း ဆက်လက်ပြောသည်။

စစ်အစိုးရအနေဖြင့် စစ်သားစုဆောင်းရေး တပ်ရင်း ၄ ခုနှင့် မြို့နယ် ၃၇ ခုတွင် နယ်လှည့်စစ်သားစုဆောင်းရေး တပ်ဖွဲ့ခွဲများ ထားရှိပြီး တပ်အင်အားတိုးချဲ့မှုကို ဆက်လက် လုပ်ကိုင်နေလျှက်ရှိသည်။



ဘန်ကီမွန်း၏ ဗလာဗျူဟာ ခရီးစဉ်
Friday, 17 July 2009 17:06 ကျော်စွာမိုး .ကုလသမဂ္ဂ အထွေ ထွေအတွင်းရေးမှူးချုပ် မစ္စတာ ဘန်ကီမွန်း မြန်မာနိုင်ငံမှ လက်ဗလာနှင့် ပြန်ထွက်သွား ရသည်ကို စိတ်ပျက် အားလျော့စရာဟု မထင်သင့် သကဲ့သို့ အံ့သြစရာလည်း မဟုတ်ပါ။ အဘယ်ကြောင့် ဆိုသော် သူသွားစဉ်ကတည်းက လက်ဗလာနှင့် သွားခဲ့သောကြောင့်ပင်။

မစ္စတာဘန်ကီမွန်းကတော့ သူ့အတွက် ခက်ခဲလှသည့် ဤ မြန်မာပြည်ခရီးစဉ်မှ ရလဒ်ကောင်းတခုခု ပြန်ရ ခဲ့လိမ့်မည်ဟု မျှော်လင့်ခဲ့ပုံရသည်။ သို့သော် သူမျှော်လင့်သကဲ့သို့ ဖြစ်မလာသောကြောင့်လည်း “အလွန်စိတ်ပျက်မိပါတယ်” ဟု ထုတ်ဖော်ပြောဆိုခဲ့ခြင်း ဖြစ်သည်။

ကုလသမဂ္ဂ အထွေထွေ အတွင်းရေးမှူးချုပ်ထံတွင် စကားလုံးများမှလွဲ၍ ပြတ်သားပြီး နအဖ ကို ဖိအားပေးနိုင်သည့် မည် သည့် မူဝါဒလက်နက်မှ တပ်ဆင် မလာခဲ့သည်ကို နေပြည်တော်မှ မြန်မာစစ်ဗိုလ်ချုပ်များက ကြိုတင်သိနေခဲ့ကြသည်။ အထိန်းအသိမ်းခံထားရသည့် ဒီမိုကရေစီခေါင်းဆောင် ဒေါ်အောင်ဆန်းစုကြည်နှင့် တွေ့ခွင့်တောင်းခဲ့စဉ် ဗိုလ်ချုပ်မှူးကြီး သန်းရွှေက အများသိခဲ့သည့် အတိုင်း ခေါင်းခါငြင်းဆန်ခဲ့သည်။ ဒေါ်အောင်ဆန်းစုကြည်နှင့် နိုင်ငံရေး အကျဉ်းသား ၂၀၀၀ ကျော်အား လွှတ်ပေးရေး ဟူသည့် မစ္စတာ ဘန်ကီမွန်း၏ မူလရည်ရွယ်ရင်း ကိစ္စမှာ အစကတည်းက မရှုမလှကျဆုံးကိန်းကြုံရတော့မည်ဟု သိခဲ့ ကြသည်။

ကုလ အထွေထွေ အတွင်းရေမှူးချုပ်၏ တောင်းဆိုချက်ကို ဂရုမစိုက်ဘဲ ငြင်းပယ်လိုက်ခြင်းသည် စစ်ဗိုလ်ချုပ်များ အကြောက်ရွံ့ဆုံး ဖြစ်သည့် စစ်ရေးအရ ၀င်ရောက်တိုက်ခိုက်သည့် အနေအထား ဖြစ်ပေါ်မလာနိုင်သည်ကို အခိုင်အမာ ယုံကြည် ထားသောကြောင့် ဖြစ်သည်။

နေပြည်တော်မှ ဗိုလ်ချုပ်ကြီးများက စီးပွားရေးအရ ဒဏ်ခတ် ပိတ်ဆို့ အရေးယူမှုများ ဖြစ်လာနိုင်သည်ကို တွက်ထားခဲ့ကြပြီး ဖြစ်သော်လည်း ထိုအချက်ကို ဂရုမစိုက်ကြ။

မစ္စတာဘန်ကီမွန်း မြန်မာနိုင်ငံမှ ပြန်သွားသည်နှင့်တပြိုင်နက် ဗြိတိန်ဝန်ကြီးချုပ် ဂေါ်ဒွန် ဘရောင်းက နိုင်ငံတကာ အသိုင်းအဝန်း အနေနှင့် မြန်မာစစ်အစိုးရအပေါ် တခဲနက် ပြင်းပြင်းထန်ထန် တုံ့ပြန်ကြရန် ပြင်ဆင်ထားပြီးဖြစ်သည်ဟု လည်း ဆိုခဲ့သည်။

စစ်ဗိုလ်ချုပ်ကြီးများ အနေနှင့် “အဲဒီတော့ ဘာဖြစ်လာမှာလဲ၊ အရေးစိုက်စရာလား” ဟု တွေးနေပေလိမ့်မည်။ စီးပွားရေး ပိတ်ဆို့မှုက မြန်မာစစ်အစိုးရကို တိုက်ရိုက် မခြိမ်းခြောက်နိုင်ပါ။ အိမ်နီးချင်း နိုင်ငံများကို သဘာဝဓာတ်ငွေ့ ရောင်းချရာမှ ရရှိလာသော ၀င်ငွေများဖြင့် သူတို့၏ ကြွယ်ဝချမ်းသာမှုကို ဆက်လက် ထိန်းထားနိုင်သောကြောင့် ဖြစ်သည်။

မည်သို့ဆိုစေ မြန်မာစစ်အစိုးရသည် ကုလသမဂ္ဂ လုံခြုံရေးကောင်စီ (UNSC) ကိုတော့ ကြောက်ရွံ့ကောင်း ကြောက်ရွံ့ နိုင်သည်ဟု တချို့သောဝေဖန်သုံးသပ်သူများက ဆိုကြပါသည်။ လာမည့်သြဂုတ်လ လုံခြုံရေးကောင်စီ အစည်းအဝေးတွင် ဗြိတိန်နိုင်ငံက ဥက္ကဋ္ဌတာဝန်ယူရ သည့်အခါ မြန်မာ့အရေးကို သေသေချာချာ တင်ပြဆွေးနွေးလာဖွယ်ရှိပါသည်။ စက်တင်ဘာလတွင်တော့ အမေရိကန်ပြည်ထောင်စုက လုံခြုံရေးကောင်စီ ဥက္ကဋ္ဌ တာဝန်ကို ဆက်၍ယူရလိမ့်မည် ဖြစ်သည်။

မြန်မာနိုင်ငံ ခရီးစဉ်နှင့် ပတ်သက်၍ မစ္စတာဘန်ကီမွန်းက ဒေါ်အောင်ဆန်းစုကြည်အပါအဝင် နိုင်ငံရေး အကျဉ်းသား ၂၀၀၀ ကျော်ကို လွှတ်ပေးရေး၊ တွေ့ဆုံဆွေးနွေးရေးနှင့် ၂၀၁၀ ရွေးကောက်ပွဲကို လွတ်လပ်ပြီး တရားမျှတစွာ ကျင်းပ ပေးရေး ဆိုသည့် အချက် ၃ ချက်ကို UNSC တွင် တင်ပြ တောင်းဆိုခဲ့ပြီးဖြစ်သည်။ ထို့ပြင် မြန်မာစစ်အစိုးရအနေနှင့် အခွင့်အရေးကောင်းတခုကို လက်လွတ်ဆုံးရှုံးခဲ့ပြီ ဖြစ်သောကြောင့် စိတ်ပျက်မိကြောင်းလည်း ထပ်မံပြောဆိုခဲ့သည်။

မြန်မာစစ်အစိုးရအနေနှင့် လုံခြုံရေးကောင်စီတွင် ပြဿနာကြုံခဲ့လျှင်လည်း မှုစရာမရှိပါ။ တရုတ်နှင့် ရုရှားနိုင်ငံတို့က ဗီတိုအာဏာသုံး ကာကွယ်ပေးမှုကို ယခင်အတိုင်း ရယူနိုင်လိမ့်ဦးမည် ဖြစ်သည်။ ဤအနေအထားက လတ်တလော ပြောင်းလဲသွားဖွယ် မရှိသေးပါ။

ထိုဖြစ်ရပ်များအတွက် မစ္စတာ ဘန်ကီမွန်းတဦးတည်းကိုသာ အပစ်မဆိုသင့်ပါ။ မြန်မာပြည်အရေးနှင့် ပတ်သက်လာလျှင် ကမ္ဘာ့ နိုင်ငံအသီးသီးက သဘောထားခြင်း မတူညီဘဲ အမျိုးမျိုး ကွဲပြားနေကြသည်။ ထိုအချက်ကို စစ်အစိုးရက သိရှိကာ အမြတ်ထုတ်နိုင်ခဲ့ကြသည်။ မြန်မာပြည်သူများ သည်လည်း မအုံကြွနိုင်လောက်အောင် အဖိနှိပ်ခံနေရဆဲ ဖြစ်သည်။

မြန်မာ့အရေးနှင့် ပတ်သက်၍ နိုင်ငံတကာ၏ မတူညီသော သဘောထားအမြင်များကို ညီညီညွတ်ညွတ်နှင့် တသံတည်း ထွက်လာရန် စုစည်းနိုင်မှသာ ကုလသမဂ္ဂအဖွဲ့က ၎င်း၏ အထွေထွေအတွင်းရေးမှူးချုပ်နှင့် အထူးကိုယ်စားလှယ်များ လိုအပ်သည့် နည်းလမ်းကောင်းနှင့်၊ သံတမန်လက်နက်များ တပ်ဆင်ပေးနိုင်လိမ့်မည် ဖြစ်သည်။ သို့မှသာ စစ်အစိုးရကို ပြုပြင်ပြောင်းလဲမှုများ လုပ်လာစေရေးအတွက် တွန်းအားပေးလာနိုင်မည်ဖြစ်သည်။

ထိုအခါကျမှသာ ကုလသမဂ္ဂ သံတမန်များ အနေနှင့် ဒေါ်အောင်ဆန်းစုကြည်အပါအဝင် နိုင်ငံရေး အကျဉ်းသားများ ပြန်လည် လွတ်မြောက်လာစေရေးအတွက် ကြိုးပမ်းနိုင်မည်ဖြစ်ပြီး အမျိုးသားပြန်လည် သင့်မြတ်ရေးအတွက် ပထမအဆင့်ကို ခရီးဆက်နိုင်ကြလိမ့်မည် ဖြစ်သည်။

အဆိုပါ အခြေအနေမျိုး မရောက်လာသရွေ့ ဒေါ်အောင်ဆန်းစုကြည်သည်လည်း အချုပ်အနှောင်အတွင်း ဆက်လက် နေထိုင်နေရဖွယ် ရှိနေပြီး ကံဆိုးလျှင် ထောင်ပင်ကျသွား နိုင်ပါသည်။ နိုင်ငံရေးအကျဉ်းသား ၂၀၀၀ ကျော်သည်လည်း မြန်မာနိုင်ငံ စစ်တပ်အကျဉ်း စခန်းများ၏ သံတံခါးကြီးများ နောက်တွင် ဆက်လက် ချုပ်နှောင်ခံနေကြရဦးမည် ဖြစ်သည်။ ထို့ပြင် အမျိုးသားပြန်လည် သင့်မြတ်ရေးကိစ္စသည်လည်း အိပ်မက်သဖွယ် ဖြစ်နေပါလိမ့်မည်။

ကုလအကြီးအကဲ မစ္စတာ ဘန်ကီမွန်းနှင့် အတိတ်က ကုလသမဂ္ဂ သံအရာရှိများအား စစ်ဗိုလ်ချုပ်များက ဆက်ဆံ ပြုမူခဲ့ပုံကို မြင်ရသည်မှာ “တခါ အလိမ်ခံရလျှင် သူ့အပြစ်၊ နှစ်ခါအလိမ်ခံရတော့ ကိုယ့် အပြစ်” ဆိုသည့် ဆိုရိုးစကားကို သတိရစေပါသည်။ ထိုစကားပုံက အကြိမ်ကြိမ် အခါခါ မှန်နေသလို ဖြစ်နေသည်။

အကယ်၍ ကုလသမဂ္ဂက နောက်တကြိမ် မြန်မာနိုင်ငံအရေး ဖြေရှင်းဆောင်ရွက်ရန် ကိုယ်စားလှယ်များ ထပ်မံ စေလွှတ် ဦးမည် ဆိုလျှင် မစ္စတာဘန်ကီမွန်းကဲ့သို့ လက်ချည်းသက်သက် သွားမည်ဆိုပါက နောက်ထပ်တခါ အချည်းနှီး လက်ချည်းသက်သက် ပြန်လည် ဆုတ်ခွာခဲ့ရဦးမည် ဖြစ်သည်။
ကျော်စွာမိုးရေးသားသည့် Empty-handed UN Missions to Burma Can’t Succeed ကို ဆီလျော်အောင် ပြန်ဆိုသည်။


နေကြတ်မှုနှင့် နက္ခတ အမြင်
7/22/2009


မောင်အေး (နိရဉ္စရာ) ယနေ့ နံနက် ၆ နာရီမှ စတင်ပြီး ၃ နာရီ ကြာမြင့်သည့် အချိန် အရှည်ကြာဆုံး နေကြတ်မူတခု အာရှတွင်ဖြစ်ပေါ်ခဲ့ပြီး ဘင်္ဂလာ ဒေခ်ျ့နိုင်ငံတွင် လူအများအပြား လမ်းပေါ်ထွက်ကာ အဆိုပါ နေကြတ်မူကို စောင့်ဆိုင်းကြည့်ရှုခဲ့ကြသည်။

နေကြတ်မူကို ဘင်္ဂလာဒေခ်ျ့၊ အိန္ဒိယ၊ နီပေါ၊ မြန်မာနှင့် သီရိလင်္ကာ နိုင်ငံများမှ မြင်တွေ့ခဲ့ကြသည်ဟု သိရသည်။

နေကြတ်မှုမှာ ဘင်္ဂလာဒေ့ခ်ျ့နိုင်ငံတွင် ၉ နာရီကျော်မှ ပြီးဆုံးခဲ့ သဖြင့် ၃ နာရီကြာ အရှည်ကြာဆုံး နေကြပ်မူအဖြစ် ဘင်္ဂလာဒေခ်ျ့ နက္ခတဗေဒဌာနမှ ပြောဆိုသည်။

နေကြတ်မူကြောင့် ဘင်္ဂလာဒေခ်ျ့တွင် ၃ မိနစ်နှင့် ၅၈ စက္ကန့်ထိ လုံးဝ မှောင်မိုက်သွားခဲ့သည်။

အဆိုပါ နေကြတ်မူနှင့် ပတ်သက်ပြီး နက္ခတဗေဒအမြင်အရ မည်ကဲ့သို့ ရှိပါသလဲဟု ဝေဒနှင့်သမိုင်းသုတေသီ အရှင်ဣန္ဒာ စက္ကအားမေးကြည့်ရာ အရှင်ဘုရားက ယခုကဲ့သို့ စတင် မိန့်ကြားသည်။

"အခုနေကြတ်တာက ကမ္ဘာ့ထူးခြားမှု တခုဖြစ်တယ်။ ဝေဒကျမ်းအရ ပြောရရင် အခုရာသီက သိဟ်ရာသီဖြစ်တယ်။ ဒါကြောင့် တိုင်းပြည်မှာ အုပ်ချုပ်သူ စစ်သူကြီး၊ မင်း၊ ပညာရှိတွေ ထိခိုက် နိုင်တယ်။ လုပ်ကြံ ခံရနိုင်တယ်လို့ ဆိုထားပါတယ်။"

၎င်းအပြင် သူက "မဟာဒိတ်ထုံ ကျမ်းမှာကတော့ အခုလို နေကြတ်တာဟာ ဖြစ်တောင့်ဖြစ်ခဲဖြစ် တဲ့အတွက် မြန်မာနိုင်ငံနဲ့ ပတ်သတ်ပြီး ပြောရမယ်ဆိုရင် ကြမ်းတမ်းစွာပြောင်းလွဲမှုတွေ ဖြစ်နိုင် တယ်။ ရှင်းရှင်းပြောရရင် စစ်ဖြစ်နိုင်တယ်လို့ပြောရမှာဖြစ်တယ်။ ကမ္ဘာ့အ ခြေအနေကို ပြောရ ရင်တော့ အမေရိကန်နဲ့ အီရန်ဒါမှမဟုတ် မြောက်ကိုးရီးယားနဲ့ ထိပ်တိုက်ရင်ဆိုင်ရမယ့် အခြေအနေရှိတယ် လို့ ပြောရမှာဖြစ်ပါတယ်။"ဟုပြောသည်။

ယခုကဲ့သို့ ထူဆန်းသည့် နေကြတ်မှုဖြစ်ပြီး နောက်ခြောက်လ အတွင်း အကျိုးပေးတတ်သည့် အတွက် ၂၀၁၀ ခုနှစ်အတွင်း မြန်မာနိုင်ငံတွင် ထူးခြားသည့် ပြောင်းလွဲမှုတခုဖြစ်ပေါ်လာနိုင် သည်ဟု အသျှင်ဣန္ဒာစက္ကမှ ခန့်မှန်း ပြောဆိုသည်။

လွန်ခဲ့သည့် ၁၉၉၅ ခု ဇွန်လ ၂ ရက်နေ့ကတကြိမ် ယခုကဲ့သို့ နေကြပ်မူကို မြင်တွေ့ခဲ့ရပြီး လာမည့် ၂၁၁၄ နှစ် အောက်တိုဘာ ၂၄ ရက်တွင် နောက်ထပ်တကြိမ် ပြန်လည် မြင်ရမည်ဖြစ်ကြောင်း သိရသည်။

ဘင်္ဂလာဒေ့ခ်ျနိုင်ငံတွင် ယခုကဲ့သို့နေကြတ်မည့် သတင်းများ ဖြစ်ပေါ်ခဲ့သည့်အတွက် နေကြတ်သည်ကို ကြည့်ရှုနိုင်ရန်အတွက် ယမန်နေ့က နေကာမျက်မှန်များ ရောင်းအားကောင်းခဲ့ကြောင်း ဘင်္ဂလီဘာသာဖြင့်ထုတ်ဝေသည့် ယနေ့ထုတ် သတင်းစာများတွင် ရေးသား ဖော်ပြသည်။



ဝက်တုတ်ကွေးကြောင့် ကမ္ဘာတွင် သေဆုံးသူ ၇၀၀ ကျော်ရှိပြီ
7/22/2009


ဝက်တုတ်ကွေး ရောဂါကြောင့် ကမ္ဘာ တ၀န်းလုံးတွင် သေဆုံးသူ အရေအတွက် စုစုပေါင်း ၇၀၀ ကျော်သွားပြီ ဖြစ်ကြောင်း ကမ္ဘာကျန်းမာရေး အဖွဲ့ WHO က အင်္ဂါနေ့တွင် ထုတ်ဖေါ် ပြောကြားသည်။

အဆုံးပါ သေဆုံးမူ ပမာဏမှာ ၀တ်တုတ်ကွေး ရောဂါ စတင် ဖြစ်ပွားခဲ့သည့် (၄) လတာ ကာလအတွင်း သေဆုံးမူ ပမာဏ ဖြစ်သည်။

WHO ၏ စောစောပိုင်း ထုတ်ပြန်ချက်အရ ဇူလှိုင်လ ၆ ရက်နေ့ အထိ ၀က်တုတ်ကွေးကြောင့် သေဆုံးသူ အရေအတွက်မှာ ၄၂၉ ဦးသာ ရှိခဲ့သော်လည်း ယခုအခါ သေဆုံးသူ အရေအတွက်မှာ ၇၀၀ ကျော်သွားပြီ ဖြစ်ကြောင်း ကမ္ဘာကျန်းမာရေးအဖွဲ့မှ ပြောခွင့်ရ အမျိုးသမီး Aphaluck Bhatiasevi ကပြောသည်။

နိုင်ငံပေါင်း ၁၂၅ နိုင်ငံတွင် ၀က်တုတ်ကွေး ရောဂါ ဖြစ်ပွားနေပြီး နှစ်စဉ် ပုံမှန် တုတ်ကွေးကြောင့် ကမ္ဘာအ၀န်းတွင် သေဆုံးသူ ၂၅၀၀၀၀ မှ ၅၀၀၀၀၀ အထိ ရှိလာနိုင်သည်ဟု WHO ခန့်မှန်း ပြောဆိုသည်။

A(H1N1) ၀က်တုတ်ကွေးကြောင့် သေဆုံးသူ အရေအတွက်မှာ တောင်နှင့် မြောက် အမေရိကတိုက် နိုင်ငံများတွင် အထူးမြှင့်တက်လာခဲ့ပြီး အင်ဂျင်တီးနားတွင် လွန်ခဲ့သော တနင်္လာနေ့ထိ သေဆုံးသူ ၁၆၅ ဦးထိ ရှိလာခဲ့ဖြင့် ကမ္ဘာတွင် ဒုတိယ အများဆုံး သေဆုံးသည့် နိုင်ငံ ဖြစ်လာခဲ့သည်။

အမေရိကန်မှာ ၀က်တုတ်ကွေးကြောင့် သေဆုံး ၂၁၁ ဦးရှိသဖြင့် ပထမ အသေအပျောက် အများဆုံး နိုင်ငံ ဖြစ်သည်။

မြန်မာနိုင်ငံတွင် ယနေ့အချိန်ထိ ၀က်တုတ်ကွေး ရောဂါ ခံစားနေရသူ ၄ ဦးရှိပြီး မြန်မာအိမ်နီးချင်း ဘင်္ဂလာဒေခ်ျ့တွင် ၂၃ ဦး ရှိသွားပြီ ဖြစ်သည်။






အာဇာနည်ဗိမာန်သို့ အလေးပြုသူများတွင် ဗိုလ်ချုပ်ပုံ တီရှပ်နှင့် ပင်နီဝတ်ဆင်သူများ တားမြစ်ခံရ

မိုးမခအထောက်တော် ၀၀၃

ဇူလိုင် ၂၂၊ ၂၀၀၉

ဇူလိုင်လ ၁၉ရက်၊ ရန်ကုန်မြို့ အာဇာနည်ဗိမာန်သို့ သွားရာလမ်းတွင် စစ်အုပ်စု၏ လက်နက်ကိုင်များ၊ အရပ်ဝတ် အကြမ်းဖက်သမားများကို ထူထပ်စွာ ချထားပြီး အများပြည်သူတို့ ထိတ်လန့်ကြောက်ရွံ့စေရန် အင်အားပြမှုများ ပြုလုပ်ခဲ့သည့်အပြင် ပင်နီအင်္ကျီ ၀တ်ဆင်သူများ၊ ဗိုလ်ချုပ်အောင်ဆန်းပုံပါ တီရှပ်ဝတ်ဆင်ထားသူများကို အထူးပစ်မှတ်ထားပြီး အနှောက်အယှက်ပေးခြင်း၊ တားမြစ်ခြင်း၊ ခြိန်းခြောက်ခြင်းများကို လက်နက်ကိုင်လုံခြုံရေးအဖွဲ့ဝင်များ၊ ရဲဖက် ထောက်လှမ်းရေးများက ပြုလုပ်ခဲ့ကြကြောင်း မျက်မြင်တို့က ပြောကြားခဲ့သည်။

ဒေါ်အောင်ဆန်းစုကြည်လွတ်မြောက်ရေးအတွက် အစဉ်တစိုက် ဆုတောင်းပွဲများ ဆောင်ရွက်သူ နော်အုန်းလှနှင့် မိတ်ဆွေများတို့ကို ထိုနေ့က ဗိုလ်ချုပ်ပုံပါ တီရှပ်တို့ဖြင့်တွေ့မြင်ခဲ့ကြရာ၊ ၎င်းတို့ကိုလည်း စစ်အုပ်စုတို့က အနှောက်အယှက်ပေးခဲ့ကြသည်ဟု ကြားကြောင်း ထိုမျက်မြင်တို့က ဆိုသည်။

(ဓာတ်ပုံ - ဇူလိုင် ၁၉၊ ၂၀၀၉ - နော်အုန်းလှကို တွေ့ရစဉ်)


KNLA တပ်ဖွဲ့ဝင်ဟောင်းအချို့ စစ်အစိုးရထံလက်နက်ချ

Kaowao ဇူလိုင် ၂၂၊၂၀၀၉။
မဲဆောက်(ဇူလိုင်-၂၂)။ ။ KNU တပ်ဖွဲ့ဝင်အချို့နှင့်မိသားစုဝင်များ၊ လက်နက်နှင့်အတူ မြဝတီမြို့၊သင်္ဃန်းညီနောင် လမ်းခွဲ မော်တော်ကား ၄ စီးပေါ်တွင် ယနေ့နံနက် ၁၀ နာရီခန့်၌ မြင်တွေ့ခဲ့ရကြောင်း မြို့ခံအချို့နှင့် ဆက်သွယ် မေးမြန်းချက်အရ သိရသည်။

စစ်အစိုးရအာဏာပိုင်အသိုင်းအဝိုင်းနှင့် နီးစပ်သူများအဆိုအရ ထိုတပ်ဖွဲ့ဝင်များမှာ KNLA တပ်မဟာ ၆ လက်အောက်ခံ တပ်ရင်း ၁၈ ၊ ခွဲ ၃ မှတပ်ခွဲမှူး အဆင့်ဆိုသူ စောထူးကေအပါအဝင် တပ်ဖွဲ့ဝင် ၂၂ ဦး၊ မိသားစုဝင် ၄၀ ခန့်ပါရှိပြီး RPG-5 တစ်လက်နှင့်၎င်း၏ဗုံးသီး ၂ လုံး၊ AK-47 သေနတ် ၅ လက်၊ M-16 သေနတ် ၃ လက်၊ ပစ္စတို ၂ လက်ပါရှိသည်ဟု ဆိုသည်။

KNU တပ်မဟာ ၆ အရာရှိတစ်ဦးက အဆိုပါတပ်ဖွဲ့ဝင်များ လက်နက်ချရန် ဝင်ရောက်သွားသည်ကို အတည်ပြုခဲ့ပြီး အင်အား ၁၈ ဦး၊ သေနတ် ၈ လက်ပါရှိသည်ဟု ပြောပါသည်။

ယင်း KNU အရာရှိက “ကျနော်တို့မှတ်တမ်းမှာ တပ်ရင်း ၁၈ ကတပ်ခွဲမှူးက ဗိုလ်ကြီးသန်းတင်ပါ၊ စောထူးကေ မဟုတ်ပါဘူး၊ သူ့ဟာသူခွဲမှူးလို့ဆိုပြီး ကျနော်တို့ဆီက အနားယူခဲ့တဲ့လူဟောင်းတွေထဲကပဲ ဖြစ်နိုင်ပါတယ်”ဟု ထင်မြင်ချက်ပေးခဲ့သည်။

အဆိုပါတပ်ဖွဲ့ဝင်များကို DKBA မှ စီမံမှုများပြုလုပ်ပေးနေသည်ကို တွေ့ရှိနေရသည်ဟု ဆိုသည်။ ယနေ့မွန်းလွဲပိုင်း တွင် ဖားအံမြို့သို့ ဆက်လက်ထွက်ခွာခဲ့ကြသည်ဟု သိရသည်။

နယ်စပ်သတင်းလေ့လာသူများ အဆိုအရ မကြာမီရက်ပိုင်းတွင် ဖားအံမြို့၌ ကရင်ပြည်နယ်၊ ပယကဥက္ကဌ ဗိုလ်မှူးချုပ်ဇော်မင်းက လက်နက်ချအခမ်းအနား တစ်ရပ်ကျင်းပနိုင်ရန် ကြိုတင်စီစဉ်နေသည့်သတင်းများ ထွက်ပေါ်နေသည်ဟု ဆိုပါသည်။


မြန်မာစစ်အစိုးရမှ ထိုးစစ်မစခင် ကေအန်ယူမှ တပ်သားစုဆောင်း
Wed 22 Jul 2009, IMNA
ကရင်အမျိုးသားအစည်းအရုံး (ကေအန်ယူ) သည် မြန်မာစစ်အစိုးရမှ ၄င်း တို့အား ထိုးစစ်မစခင် ကရင်ပြည်နယ် ဘုရားသုံးဆူဒေသရှိ ကရင်လူမျိုး တို့အကြားတွင် တပ်သားသစ်များ စုဆောင်းရန် ရည်ရွယ်သည်။

မြန်မာစစ်အစိုးရမှ ကရင်အမျိုးသားလွတ်မြောက်ရေးတပ်မတော် (ကေ အန်အယ်လ်အေ) လက်အောက်ရှိ တပ်မဟာ ၆ ကို ထိုးစစ်ဆင်ပြီးနောက် ကေအန်အယ်လ်အေမှ တပ်သားသစ်ကို စုဆောင်းနေခဲ့သည်။

ကေအန်အယ်အေမှ အသက် ၁၈ နှစ်အထက် လူငယ်များကို လွန်ခဲ့သော နှစ်များတွင်လည်း စစ်သင်တန်းပို့ချခဲ့သည်။ ထိုသင်တန်းသည် အကယ်၍ လိုအပ်ပါက ရန်သူများကို ပြန်လည်တိုက်ခိုက်ရန်အတွက် ဖြစ်သည်။

စစ်တာဝန်ထမ်းဆောင်ရန် တပ်သားသစ်စုဆောင်းရေအတွက် ကေအန် အယ်လ်အေမှ ကရင်ကျေးရွာများကို ကြိုတင်သ တင်းပေးပို့ပြီးဖြစ်သည်။ ကေအန်အယ်လ်အေမှ တပ်သားမစုဆောင်ရသေးသော်လည်း ဇမိမြစ် ဒေသရှိကျေးရွာများကို ရည်ရွယ်လိမ့်မည် ဖြစ်သည်။

အချို့ကျေးရွာရှိ လူငယ်များကို စစ်သင်တန်းပို့ချခဲ့သော်လည်း ၄င်းတို့သည် ထိုင်းနိုင်ငံသို့ ထွက်ခွာသွားခဲ့သည်ဟု ဘုရားသုံးဆူရှိ ကရင်များနှင့် စကား ပြောဆိုခဲ့သော စရဖတစ်ဦးက ပြောသည်။

“ကေအန်အယ်လ်အေက သူတို့စစ်တပ်အတွက် ရွာသားတွေကို စုဆောင်း ဖို့ ကြိုးစားနေတယ်လို့ ကျနော်တို့လည်း ကြားတယ်” ဟု ဘုရားသုံးဆူရှိ ကရင်တစ်ဦးက ပြောသည်။

ဂျူလိုင်လ ၈ ရက်နေ့တွင်လည်း မြန်မာစစ်အစိုးရ စစ်တပ်နှင့် ဒီကေဘီ အေတို့ပူးပေါင်းပြီး ဘုရားသုံးဆူနှင့် ၁၂ ကီလိုကွာဝေးသော တပ်မဟာ ၆ လက်အောက်ရှိ တဲသုံးလုံးစခန်းကို ဝင်ရောက်တိုက်ခိုက်ခဲ့သည်။ ကေအန် ယူမှလည်း ၄င်းတို့ကိုပြန်လည်တိုက်ခိုက်ရန် ပြင်ဆင်နေသည်။

ကေအန်ယူ တပ်မဟာ ၇ ကျဆုံးပြီးနောက် များစွာသော ကရင်ဒုက္ခသည် များ ထိုင်းနိုင်ငံသို့ ဦးတည်ဝင်ရောက် လာခဲ့ကြသည်။ မြန်မာစစ်အစိုးရ တပ်နှင့် ဒီကေဘီအေတို့ပူးပေါင်းပြီး ကေအန်ယူအား အမြစ်ဖြတ် တိုက် မည်ဟု ကေအန်ယူနှင့်နီးစပ်သောသတင်းအရ သိရပါသည်။

များပြာလာသော အကြမ်းဖက်မှုများသည် ကရင်အဖွဲ့အစည်းတို့အား ပြ ဿနာများစွာ ဖြစ်ပေါ်စေသည်။ ဒီကေဘီအေနှင့် ကေအန်ယူတို့ မကြာ သေးမီက တိုက်ခိုက်ခဲ့သောတိုက်ပွဲအတွင်း ဒီကေဘီအေတပ်သား ၂ ဦး ကျဆုံးသွားခဲ့သည်ဟု ဒီကေဘီအေက ပြောသည်။ ၄င်းတိုက်ပွဲပြီးနောက် မဲကသာမှ ဘုရားသုံးဆူမြို့သို့ ဝင်ရောက်မှုကို ဒီကေဘီအေက တားမြစ် လိုက်သည်။

“မဲကသာဒေသက ရွာသား ၁၀ ယောက်လောက် နာမကျန်းဖြစ်နေတဲ့ အ တွက် ဘုရားသုံးဆူးဆေးရုံးမှာ သွားကုဖို့ မြို့ထဲကို အဝင်မှာ ဒီကေဘီအေ တပ်က ခွင့်မပြုဘူး “ ဟု ဒီကေဘီအေနှင့် နီးစပ်သည့် ကုန်သည်တစ် ဦးကပြောသည်။


မန့်ပန်ပြည်သူ့စစ်အဖွဲ့ ဒေသခံလူငယ်များ အဓမ္မကောက်ယူပြီး စစ်အစိုးရတပ်ထံအပ်နှံ
ဗုဒ္ဓဟူးနေ့၊ 22 ဇူလိုင်လ 2009 သျှမ်းသံတော်ဆင့် .လားရှိုးအရှေ့ဘက် မန့်ပန်အခြေစိုက် ဗိုလ်မွန်း ဦးဆောင်သည့် မန့်ပန်ဌာနေပြည်သူ့စစ်တပ်ဖွဲ့သည် ဒေသခံလူငယ်ရာချီ အဓမ္မကောက်ယူပြီး စစ်အစိုးတပ်ထံ ပို့ဆောင်အပ်နှံနေကြောင်း သျှမ်းပြည်မြောက်ပိုင်း သတင်းရပ်ကွက် ကဆိုသည်။

“အဓမ္မဆင့်ခေါ်တယ်၊ တအိမ်ထောင် ယောက်ျားလေး ၂ ယောက် ရှိရင် ၁ ယောက်ယူတာဘဲ။ ဂျွန်လ က စပြီး အခုထိ ပျဉ်းမနားနေပြည်တော်ကိုပို့ပေးတာ အယောက် ၂၀၀ ကျော်နေပြီ” - ဟု အမည်မဖေါ်လိုသည့်ဒေသခံတဦးကဆို၏။

ယောက်ျားဦးရည်နည်းသည့် အချို့ရွာများ၌ ရွာလုံးကျွတ်ငွေအားစု၍ စစ်သားသစ်အတွက်လူငှားပို့ပေးရကြောင်း၊ စာရင်း ပါပြီး အဓမ္မကောက်ခံ ခံရသည့် အချို့ပိုက်ဆံရှိသားသမီးများကိုမူ တယောက်သုံးလေးသိန်းဖြင့် မိမိကလေးအား ပြန်လည် ရွေးယူရကြောင်း ဒေသခံများက ပြောပါသည်။

မန့်ပန်ဌာနေပြည်သူ့စစ်တပ်ဖွဲ့ ခေါင်းဆောင်ဗိုလ်မွန်း

လားရှိုး ဒေသခံတဦးက - “ဗိုလ်မွန်းအဖွဲ့ကလေးတွေ အဓမ္မကောက်ယူပြီး ဗမာစစ်တပ်ကိုပို့တာ ၂၀၀၅ က တည်းက၊ အဲဒီတုန်းကမြို့ပေါ်ရှောင်ပြေး/ ကိုရင်ဝတ်သူတွေ မကျန်လိုက်ဆွဲတော့ လားရှိုးကန်မိုင်းကျောင်းတိုက်ဆရာတော် နဲ့ တာပုံ ကျောင်းတိုက်ဆရာတော်တို့မေတ္တာရပ်ခံရတယ်။ ဒီနှစ်တော့မရတော့ဘူး။ တချို့မိဘတွေငိုယို သူတို့ကလေးကိုလူဝတ် လှဲခိုင်းပြီး ဗိုလ်မွန်းအဖွဲ့ကိုသွားအပ်ရတယ်။ ကျနော်သိသလောက်ဆို ၆-၇ ယောက်ရှိပြီ” - ဟု ဆို၏။

မန့်ပန်ဌာနေပြည်သူ့စစ်တပ်ဖွဲ့မှ စစ်သားသစ် အဓမ္မဆင့်ခေါ်သည့် ကျေးရွာများမှာ - လားရှိုးမြို့အရှေ့ဘက် မိုင်းယန်း၊ မိုင်းယော်၊ မိုင်းဟက်၊ မိုင်းကြက်ကျေးရွာအုပ်စု ၊ မန်မတ်၊ ဖာတန့်၊ မက်မြီးကျေးရွာအုပ်စုနှင့် တန့်ယန်းမြို့နယ်အထိ၊ မိုင်းရယ် မြို့ရှေ့မြောက်ဘက် ပလောင် နှင့် သျှမ်းကျေးရွာများဖြစ်ကြောင်း သိရသည်။

သားယောက်ျားလေး ၂ ယောက်ရှိလျှင် ၁ ယောက်ပေးရကြောင်း၊ ၃ ယောက်ရှိလျှင် ၂ ယောက်ပေးရကြောင်း၊ “ သျှမ်းတပ် ဖွဲ့ထဲဝင်ဖို့တောင် ကျနော်တို့ သားကိုမလွတ်နိုင်ဘူး။ အခုဟာက မိမိကိုနှိပ်စက်သည့် ဗမာတပ်ကိုကောက်ပေးတယ်ဆိုတော့ ပိုဆိုးတာပေါ့” -ဟု ကလေးမိဘ တဦးကဆိုသည်။

စစ်အစိုးရအရာရှိတဦး၏ ပြောကြားချက်ကို ကိုယ်ကားပြီး အမည်မဖေါ်လိုသည့် ကုန်သည်တဦးက - မန့်ပန်အခြေစိုက် ဗိုလ်မွန်းပြည်သူ့စစ်တပ်ဖွဲ့အား အပစ်ရပ်ကရင် DKBA အား KNU ကို တိုက်ခိုင်းသကဲ့သို့ တောင်ပိုင်း SSA တပ်ဖွဲ့နှင့် သွားတိုက် ရန် ခေါ်ယူမည်ဖြစ်ကြောင်း - ဆို၏။

အင်အား ၃-၄၀၀ ရှိမန့်ပန်ဌာနေပြည်သူ့စစ်တပ်ဖွဲ့သည် ၁၉၉၆ လက်နက်ချခဲ့သော ခွန်ဆာခေါင်းဆောင် MTA မုန်းတိုင်း တပ်မတော်မှဖြစ်ပြီး အထက်ဖေါ်ပြပါ ၃ မြို့နယ်ဒေသများချုပ်ကိုင်ရန် ဌာနေပြည်သူ့စစ်အဖြစ် လက်နက်ပြန်ကိုင်ခွင့်ပြုထား ခဲ့သည်။ ခေါင်းဆောင်ဗိုလ်မွန်းအားလည်း ဗိုလ်ချုပ်ခင်ညွှန့်က လူမှုထူးခွန်ဆုချီးမြင့်ခဲ့ဘူးသည်။ ဒေသခံများပြောပြချက်အရ အဝေမတည့်၍ သူ့လက်ထောက် (မိုင်းယော် သျှမ်းရပ် မိရပ်ဖတဦး၏ သမီးယူထားသည့်) ဗိုလ်အားလျဲန်အား ဗိုလ်မွန်းက လုပ်ကြံသတ်ဖြတ်ခိုင်းခဲ့သည်ဟု ဆိုသည်။


နေကြပ်ခြင်းသည် စစ်အစိုးရ ကျဆုံးခန်းဖြစ်မည်ဟု သျှမ်းနက္ခတ္တဆရာဟော
ဗုဒ္ဓဟူးနေ့၊ 22 ဇူလိုင်လ 2009 သျှမ်းသံတော်ဆင့် .ယနေ့နေကြပ်ခြင်းသည် စစ်အစိုးရ သို့မဟုတ် နိုင်ငံ့ခေါင်းဆောင်အကြီးအကဲကျဆုံးမည်၊ နိုင်ငံရေးရှုပ်ထွေးမှုတိုးပွားမည်ဟု ချင်းမိုင်ရှိ သျှမ်းနက္ခတ်ဆရာနှင့် ယတြာဗေဒင်လိုက်စားသည့် ပုဂ္ဂိုလ်အချို့ သုံးသပ်ပြောဆိုနေကြသည်။

ယနေ့မနက် ဗမာစံတော်ချိန် မနက် ၆း၀၀ နှင့် ၈း၀၀ အကြား နေကြပ်သဖြင့်တရုပ်နိုင်ငံ ရှန်ဟိုင်းမြို့တွင် ၅ -၆ မိနစ် ခန့် မိုးမှောင်ကျသွားခဲ့သည်။ ဗမာပြည်တွင်မူ သိသူများရှိသကဲ့သို့ မသိရှိသူလည်း အများအပြားရှိသည်။ နက္ခတ္တဗေဒ၊ ဗေဒင် ကိန်းခန်း၊ ယတြာကို အယူသည်းသည့် စစ်အစိုးရအဖို့ မလွှဲမသွေ ကျဆုံးခန်းရောက်မည်မှန်းသိ၍ အပြင်းအထန်ယတြာ ချေနေတော့မည်ဟု ဗေဒင်ဆရာများက သုံးသပ်ပြောဆိုနေကြသည်။

ချင်းမိုင်အခြေစိုက် ဗေဒင်ယတြာပညာဖြင့် အသက်မွေးသည့် ဆရာမိဏ်းလီက -“အခုအချိန်မှာ စစ်အစိုးရ ဇာတာကိန်းခန်း က တနင်္ဂနွေ/အနောက်အရပ် နဲ့ အင်္ဂါ/အလယ်ဗဟိုကျတဲ့ အတွက်ကြောင့် အဖတ်ဆယ်လို့ မရအောင် ပျက်စီးဆုံးရှုံး ရမယ့်ကိန်း”- ဟုဆို၏။


ဂျူလိုင်လ ၂၂ ရက် နေကြပ်သည့်ပုံ (Photo: www.hawaiimagazine.com)

ဓနုတ်ဘုရား ပြိုပျက်စဉ်က ဗိုလ်သန်းရွှေအဖို့ မကောင်းဆိုးဝါးအတိတ်နိမိတ်ဟု အများပြောဆိုနေချိန် ယနေ့နေကြပ်ခြင်းမှာ အကုသိုလ်ထူပြောသည့် စစ်အစိုးရအဖို့ ဂြိုလ်ဇာတာ လုံးမကောင်းတော့ကြောင်းလွန်ခဲ့သည့်တစ်လကျော်ခန့်ကပင် သုံးသပ် ပြောဆိုကြသည့် ပုဂ္ဂိုလ်တချို့လည်းရှိ၏။

သျှမ်းရိုးရာစကားပုံနှင့် ခေတ်ဟောင်းစာပေကျမ်းကန်နှံ့စပ်သည့် လုန်းစရေးအော်တော်က - “အခုလိုမျိုး စုန်းစုန်းမြှုပ် ငပုပ်မြို့ တယ် ဆိုတာဖြစ်တောင့်ဖြစ်ခဲတဲ့ကိစ္စ၊ ဖြစ်လာပြီဆိုရင်တော့ တိုင်းပြည်ဦးဆောင်နေတဲ့ပုဂ္ဂိုလ်တွေဆုံးပါး တတ်တယ်။ ဒါမှ မဟုတ် တိုင်းပြည်ပြပျက်တတ်တယ်။ အခြားမိတ်ဆွေ တိုင်းပြည်က ကိုယ့်တိုင်းပြည်အစိုးရ အပေါ်လျစ် လျူရှု ကျောခိုင်းလိမ့် မယ်။ အခု ဗမာစစ်အစိုးရက ဘယ်လောက်ယတြာချေချေ ရတော့မှာမဟုတ်ဘူး ”- ဟု ဆို၏။

ယနေ့နေကြပ်ခြင်းသည် တိုင်းပြည် နှင့် အုပ်ချုပ်မင်းလုပ်သူများအတွက်မကောင်းသည့်နမိတ်ဟု သျှမ်းနက္ခတ္တပညာရှင်များ ဟောကိန်းထုတ်ကြသကဲ့သို့ တရုပ် နှင့် အန္ဒိယ နိုင်ငံများ ပညာရှင်များကလည်း အမင်္ဂလာနိမိတ်ဆောင်ကြောင်း၊ နေကြပ် သည့်ချိန် အိမ်ပြင်မထွက်လေ ကောင်းလေဖြစ်ကြောင်းယုံကြည်သူများ ဒု နှင့် ဒေး ရှိသည်ဟုလည်းဆိုသည်။

“လ စွမ်းအားကြီးလို့ ကမ္ဘာ နဲ့ နေ၀န်းကြား ရောက်ခိုက် နေရဲ့အလင်းရောင်ကို ပိတ်ဆို့နိုင်တဲ့အတွက်ကြောင့်၊ လကို ဆည်းကပ်တဲ့သူတွေ တန်ခိုးကြီးထွားလာနိုင်ပြီး နေ နာမ် နဲ့ နေကိုယုံကြည်သူများ သြဇာတက္ကိမ ကျဆုံးမယ်”- ဟု သျှမ်းနက္ခတ္တပညာရှင် ခူးမိဏ်းလီက ဆိုသည်။



မြန်မာ့အရေး အိန္ဒိယအမတ်များဆွေးနွေး
2009-07-22

မြန်မာနိုင်ငံအရေးကို စိတ်ဝင်စားတဲ့ အိန္ဒိယ ပြည်သူ့လွှတ်တော်အမတ်တွေက အိန္ဒိယနိုင်ငံရောက် မြန်မာ့အရေး လှုပ်ရှား ဆောင်ရွက်သူတွေနဲ့ ဇူလိုင်လ ၂၁ ရက် မနေ့က ညနေပိုင်း နယူးဒေလီမြို့မှာ တွေ့ဆုံဆွေးနွေး ခဲ့ကြပြီးတဲ့နောက် အိန္ဒိယ အထက်လွှတ်တော်အမတ် မစ္စတာ ရှရတ် ဂျိုရှီး Sharad Joshi က မြန်မာနိုင်ငံ ဒီမိုကရေစီ ပြန်လည်ရရှိရေးနဲ့ ဒေါ်အောင်ဆန်းစုကြည် လွတ်မြောက်ရေးကိစ္စတွေနဲ့ ပတ်သက်ပြီး အခုလို ပြောကြားခဲ့ပါတယ်။


ပါလီမန်က အခြားအမတ်တွေနဲ့ အိန္ဒိယတနိုင်ငံလုံးကို ကျနော်တို့ ရိုးရိုးလေး ပြောချင်တာကတော့ မြန်မာပြည်မှာ ဒီမိုကရေစီ ပြန်လည်ရရှိရေးအတွက် ဝိုင်းဝန်းပံ့ပိုးကြဖို့နဲ့ ပထမဆုံးအဆင့်အနေနဲ့ ဒေါ်အောင်ဆန်းစုကြည် လွတ်မြောက်ရေးအတွက် ဝိုင်းဝန်းကြိုးပမ်းကြဖို့ပဲ ဖြစ်ပါတယ်လို့ သူက ပြောပါတယ်။

တဆက်တည်း သူက အခုအချိန်ဟာ မြန်မာပြည်အတွက် အရေးကြီးတဲ့ အချိန်ရောက်နေပြီး အတည်မပြုနိုင်သေးတဲ့ သတင်းတခုအရ ဒေါ်အောင်ဆန်းစုကြည်ကို နေအိမ်အကျယ်ချုပ် မထားတော့ပဲ ထောင်ထဲမှာ ထည့်ထားတော့မယ်ဆိုတာ မှန်ကန်ခဲ့မယ်ဆိုရင် မြန်မာပြည် ဒီမိုကရေစီ ရှေ့ရေး အလားအလာ မကောင်းပါဘူး။ နိုဘယ်ငြိမ်းချမ်းရေးဆုရှင်လည်းဖြစ်၊ အိန္ဒိယက ချီးမြင့်တဲ့ ဆူဘတ်ချန်ဒြာဘို့စ် ဆုရှင်လည်းဖြစ်တဲ့ ဒေါ်အောင်ဆန်းစုကြည်ကို ဒီလိုလုပ်နေတာကို အိန္ဒိယအစိုးရအနေနဲ့ နှုတ်ဆိတ်မနေပဲ တစုံတခု ဆုံးဖြတ်ချက်ချ လုပ်ဆောင်လာတဲ့အထိ သူတို့အနေနဲ့ တိုက်တွန်းသွားမယ်လို့ ပြောကြားသွားခဲ့ပါတယ်။

အဲဒီတွေ့ဆုံပွဲကို အိန္ဒိယနိုင်ငံရဲ့ အထက်နဲ့အောက် လွှတ်တော် ၂ ခုစလုံးက လွှတ်တော်အမတ်တွေနဲ့ ဖွဲ့စည်းထားတဲ့ မြန်မာနိုင်ငံ ဒီမိုကရေစီရရှိရေး အိန္ဒိယ လွှတ်တော်ကိုယ်စားလှယ်များအဖွဲ့ India Parliamentarians’ Forum for Democracy in Burma IPFDB ကနေ ကမကထ ပြုလုပ် ကျင်းပခဲ့တာဖြစ်ပြီး အမတ် ၂ဝ ကျော်နဲ့ တခြား မြန်မာ့နိုင်ငံရေး စိတ်ဝင်စားသူ ၅ဝ ကျော် တက်ရောက် ခဲ့ပါတယ်။

တွေ့ဆုံပွဲအစမှာ မြန်မာနိုင်ငံ အဝေးရောက် ညွန့်ပေါင်းအစိုးရဝန်ကြီး ဒေါက်တာတင့်ဆွေ၊ မြန်မာနိုင်ငံ အလုပ်သမားများသမဂ္ဂ အဖွဲ့ချုပ် တွဲဖက် အတွင်းရေးမှူး ဒေါက်တာ ဇော်ဝင်းအောင်နဲ့ အမျိုးသမီးများအဖွဲ့ချုပ် မြန်မာနိုင်ငံရဲ့ သဘာပတိ ဒေါ်သင်းသင်းအောင် တို့ကနေ ၁၉၈၈ နောက်ပိုင်းကနေ ဒီကနေ့ထိ မြန်မာနိုင်ငံမှာ ဖြစ်ပေါ်ခဲ့တဲ့ နိုင်ငံရေး အခြေအနေတွေ၊ မှတ်တမ်းတွေ၊ အချက်အလက်တွေနဲ့ ရှင်းပြခဲ့ကြပါတယ်။

ညွန့်ပေါင်းအစိုးရဝန်ကြီး ဒေါက်တာတင့်ဆွေက ဒီတွေ့ဆုံပွဲကနေ ပေါ်ထွက်လာတဲ့ ဆုံးဖြတ်ချက်နဲ့ ပြောစကားတွေကို ထောက်ပြပြီး သူ့ရဲ့အမြင်ကို RFAကို ခုလိုပြောပြပါတယ်။

ဒေါက်တာတင့်ဆွေ။ ။ 'ဒီနေ့အစည်းအဝေးကနေ ဆုံးဖြတ်ချက်တခု ထွက်ပါတယ်။ ဒီထဲမှာ ဒေါ်အောင်ဆန်းစုကြည် လွတ်မြောက်ရေး ကို သူတို့ အဓိက တောင်းဆိုတဲ့အထဲမှာ ပါသလို ဗမာပြည် ဒီမိုကရေစီအရေးမှာ အိန္ဒိယက တက်တက်ွ့ကွ့ကဆောင်ရွက်ဖို့ ကိုလည်း ဒီဆုံးဖြတ်ချက်ထဲမှာ ပါပါတယ်။ ဒီဖိုရမ် အဖွဲ့အစည်းကိုလည်း ဒီထက် ကျယ်ပြန့်ဖို့ကိုလည်း လက်ရှိ ဆောင်ရွက်နေတဲ ကွန်ဗီနာဖြစ်တဲ့ ရှရတ်ဂျိုရှီးက ၁ဝ ရက်အတွင်းမှာ ဆောင်ရွက်သွားမယ်။ ပါလီမန်အမတ်တွေလည်း ဒီထက်တိုးမယ်လို့ သူကြေညာသွားတာလည်း ရှိတဲ့အတွက်ကြောင့် အိန္ဒိယပါလီမန်ထဲမှာ ဗမာပြည်အရေးဟာ ဒီထက်ပိုပြီးတော့ ကြားရနိုင်စရာ ရှိတယ်လို့ ကျနော်တို့ မျှော်လင့်ပါတယ်ခင်ဗျား။'

အိန္ဒိယပါလီမန် အမတ်တွေကို စည်းရုံးသူတဦးဖြစ်တဲ့ အမျိုးသမီးအဖွဲ့ချုပ်မြန်မာနိုင်ငံရဲ့ သဘာပတိတဦးဖြစ်သူ ဒေါ်သင်းသင်းအောင်ကလည်း ယခုလက်ရှိ အိန္ဒိယပါလီမန် မှာ လွှတ်တော်ကိုယ်စားလှယ် အသစ်တွေဟာ အမျိုးသမီးတွေ လူငယ်တွေ ပိုများလာတဲ့အတွက် အားတက်မိတဲ့အကြောင်းနဲ့ ရှေ့ဆက် လုပ်ဆောင်သွားမဲ့ အစီအစဉ်တွေနဲ့ ပတ်သက်ပြီး ခုလိုရှင်းပြပါတယ်။

ဒေါ်သင်းသင်းအောင်။ ။ 'အခု ပါလီမန် ဆက်ရှင်၊ ဘတ်ဂျက်ဆက်ရှင်မှာ ကျမတို့ စပြီးကြိုးစားတာ ဖြစ်တယ်။ ရတဲ့အမတ်တွေကို ကျမတို့ ချဉ်းကပ်တယ်။ တဦးချင်း တယောက်ချင်းဆီကို သွားတွေ့ပြီး ဒီအစီအစဉ်ကို စီစဉ်တယ်။ ဒီနေ့က ပါလီမန်ဖိုရမ်မှာ ဘယ်အဖွဲ့အစည်းတွေက ပါမယ်ဆိုတာ သေသေချာချာ ပြန်လုပ်မယ်။ အဲဒီကနေတဆင့် အထက်လွှတ်တော် အောက်လွှတ်တော် ၂ခုလုံးမှာ ကျမတို့ကို ထောက်ခံတဲ့ အမတ်ဦးရေ များများရပြီဆိုရင် နောက်ထပ် ပါလီမန် ဆက်ရှင်းမှာ မြန်မာနိုင်ငံရဲ့ အစ်ရှူးကိုတင်မယ် ပါလီမန်ဆိုတာ ပြည်သူ့ကိုယ်စားလှယ်တွေ တက်တဲ့ အစည်းအဝေးဖြစ်တယ်။ ပြည်သူ့ ကိုယ်စားလှယ်တွေကနေတဆင့် အစိုးရဆီကို ပြောပါများလို့ရှိရင် ဘာပဲပြောပြော အိန္ဒိယအစိုးရဟာ သူတို့ရဲ့မြန်မာနိုင်ငံအပေါ် ထားတဲ့ ပေါ်လစီဟာ တစုံတရာ သုံးသပ်ရမှာ ဖြစ်တယ်။'

အမျိုးသမီးအဖွဲ့ချုပ် မြန်မာနိုင်ငံရဲ့ သဘာပတိတဦးဖြစ်သူ ဒေါ်သင်းသင်းအောင် ပြေသွားတာပါ။ ပြီခဲ့တဲ့လတုန်းကလည်း အိန္ဒိယပါလီမန် အမတ် ၁၁၈ ယောက်ကနေ မြန်မာ့အရေး ပါလီမန်မှာ ဆွေးနွေးဖို့ လက်မှတ်ထိုးပြီး ဝန်ကြီးချုပ် ဒေါက်တာ မန်မိုဟန်ဆင်းဆီထိ တင်ခဲ့ကြပါတယ်။


ဂျပန်နှင့် မြန်မာ နိုင်ငံခြားရေးဝန်ကြီးချင်း သီးခြားတွေ့ဆုံဆွေးနွေး
2009-07-22

ထိုင်းနိုင်ငံ ဖူးခက် အပန်းဖြေက္ဆွန်းမှာ ကျင်းပနေတဲ့ အာဆီယံ နိုင်ငံခြားရေးဝန်ကြီး အစည်းအဝေးပွဲကို တက်ရောက်လာတဲ့ ဂျပန်နိုင်ငံခြားရေးဝန်ကြီးဟာ ဒီကနေ့ မနက်ပိုင်းမှာ မြန်မာနိုင်ငံခြားရေးဝန်ကြီးနဲ့ သီးခြားတွေ့ဆုံပြီး ဒီမိုကရေစီအသွင် ကူးပြောင်းရေးကိစ္စ ဆွေးနွေးခဲ့ပါတယ်။


မြန်မာနိုင်ငံမှာ အပြောင်းအလဲတွေ ဖြစ်အောင် စစ်အစိုးရကို အပြုသဘော ဆက်ဆံရေး နည်းလမ်းနဲ့ပဲ ဂျပန်အစိုးရဘက်က ကြိုးစား တိုက်တွန်းသွားမှာ ဖြစ်တယ်လို့ ဂျပန် နိုင်ငံခြားရေးဝန်ကြီးဌာနရဲ့ ပြောခွင့်ရပုဂ္ဂိုလ် Kazuo Kodama က ဆွေးနွေးပွဲအပြီး ကျင်းပတဲ့ သတင်းစာ ရှင်းလင်းပွဲမှာ ပြောပါတယ်။ မြန်မာနိုင်ငံဟာ ကုလသမဂ္ဂ၊ အာဆီယံ စတဲ့ နိုင်ငံတကာ အဖွဲ့အစည်းတွေရဲ့ အဖွဲ့ဝင်နိုင်ငံဖြစ်တာကြောင့် နိုင်ငံတကာ အသိုင်းအဝိုင်းရဲ့ စိုးရိမ်ပူပန်ချက်တွေ၊ ဆွေးနွေးတင်ပြချက်ကို စစ်အစိုးရဘက်ကလည်း လေးလေးနက်နက် တုံ့ပြန်ဖို့ လိုပါတယ်လို့ ဂျပန် နိုင်ငံခြားရေးဝန်ကြီးဌာနရဲ့ ပြောခွင့်ရပုဂ္ဂိုလ်က သတင်းထောက်တွေကို ပြောပါတယ်။

ပြီးခဲ့တဲ့ သီတင်းပတ်တွေ အတွင်း ထုတ်ပြန်ခဲ့တဲ့ မြန်မာနိုင်ငံနဲ့ ပတ်သက်တဲ့ ကမ္ဘာ့စက်မှုထိပ်သီး ရှစ်နိုင်ငံရဲ့သဘောထား ကြေညာချက်အတိုင်းပဲ ဂျပန်အစိုးရအနေနဲ့ ကုလသမဂ္ဂ အတွင်းရေးမှူးချုပ်ရဲ့ မြန်မာနိုင်ငံခရီးစဉ်ကို ကြိုဆိုပါတယ်။ မြန်မာ့အရေးကို မစ္စတာဘန်ကီမွန်းကိုယ်တိုင် ဦးဆောင်ပြီး ကြားဝင် ဆောင်ရွက်နေတာကို ဂျပန်အစိုးရက အပြည့်အဝ ထောက်ခံထားပါတယ်။ အတွင်းရေးမှူးချုပ်အနေနဲ့ မြန်မာ စစ်ခေါင်းဆောင် ဗိုလ်ချုပ်မှူးကြီး သန်းရွှေနဲ့ တွေ့ဆုံပြီး နိုင်ငံတကာရဲ့ စိုးရိမ်ပူပန်ချက်တွေကို ပြောဆိုခဲ့တာကို အသိအမှတ်ပြုပါတယ်။ ဒါပေမဲ့ မစ္စတာဘန်ကီမွန်းကို ဒေါ်အောင်ဆန်းစုကြည်နဲ့ တွေ့ဆုံခွင့်မပေးတဲ့အပေါ်မှာ စစ်အစိုးရက နိုင်ငံတကာနဲ့ ပူးပေါင်းဆောင်ရွက်လိုတဲ့အကြောင်း ပြသဖို့ အခွင့်အရေးဆုံးရှုံးခဲ့တာ ဖြစ်တယ်လို့ ဂျပန် နိုင်ငံခြားရေးဝန်ကြီးဌာနရဲ့ ပြောခွင့်ရပုဂ္ဂိုလ်က ပြောသွားတာပါ။

ဂျပန်အစိုးရအနေနဲ့ ဒေါ်အောင်ဆန်းစုကြည် အပါအဝင် နိုင်ငံရေးအကျဉ်းသားအားလုံး လွှတ်ပေးဖို့ စစ်အစိုးရကို ဆက်လက် တိုက်တွန်းသွားမှာ ဖြစ်တယ်လို့လည်း သူကပြောပါတယ်။ ဒါအပြင် စစ်အစိုးရအနေနဲ့ နိုင်ငံရေးအကျဉ်းသားတွေကို ဆက်လက် ထိန်းသိမ်းထားမယ်ဆိုရင် ၂ဝ၁ဝမှာ ကျင်းပမဲ့ ရွေးကောက်ပွဲဟာ စစ်မှန်တဲ့ရွေးကောက်ပွဲ ဖြစ်လာမှာ မဟုတ်ဘူးလို့ ဂျပန်အစိုးရအနေနဲ့ ယုံကြည်ထားတဲ့အကြောင်းလည်း ပြောပါတယ်။

မြန်မာအရေးနဲ့ ပတ်သက်ပြီး အာဆီယံ နိုင်ငံခြားရေးဝန်ကြီးတွေရဲ့ အစည်းအဝေးက ထုတ်ပြန်လိုက်တဲ့ ကြေညာချက်ကိုလည်း ဂျပန်အစိုးရအနေနဲ့ ကြိုဆိုတဲ့အကြောင်း ဂျပန်နိုင်ငံခြားရေးဝန်ကြီးဌာနရဲ့ ပြောခွင့်ရပုဂ္ဂိုလ်က ပြောသွားပါတယ်။


ဒေါ်အောင်ဆန်းစုကြည်နှင့် ရှေ့နေများ တွေ့ဆုံခွင့် ပိတ်ပင်ခံရ
2009-07-22

ဒေါ်အောင်ဆန်းစုကြည်ရဲ့ အမှု နောက်ဆုံး အပြီးသတ် လျှောက်လဲဖို့ ၂ ရက်အလိုမှာပဲ ဒေါ်အောင်ဆန်းစုကြည်နဲ့ သူမရဲ့ရှေ့နေအဖွဲ့တို့ တွေ့ဆုံခွင့်ကို အာဏာပိုင်တွေက ပိတ်ပင်လိုက်တယ်လို့ ရှေ့နေတွေက RFA ကို ပြောပါတယ်။ ဒေါ်အောင်ဆန်းစုကြည်ကို ထိန်းသိမ်းထားတဲ့ အင်းစိန်ထောင်မှာ ဇူလိုင် ၂၂ရက် ဒီကနေ့ သွားရောက်တွေ့ဆုံဖို့ တောင်းခံထားတဲ့ ကိစ္စကို အကျဉ်းဦးစီးဌာနက ခွင့်မပြုနိုင်ကြောင်း အင်္ဂါနေ့ညက အကြောင်းကြားခဲ့တာ ဖြစ်တယ်လို့ ရှေ့နေ ဦးဥာဏ်ဝင်းက ပြောပါတယ်။


ဦးဉာဏ်ဝင်း။ ။ 'မနေ့ညကတော့ ထောင်အာဏာပိုင်တွေက တွေ့ခွင့်တောင်းတာကို ငြင်းပယ်ပါတယ်ဆိုပြီး အကြောင်းကြားတယ်။ အဲဒါပဲ။ က္ဆွန်တော်တို့ အဲဒါကြောင့် ဒီနေ့ တွေ့ခွင့် မရဘူးပေါ့လေ။ အဲဒီတော့ အပြီးသတ် လျှောက်လဲချက်ကိုလည်း ဒေါ်အောင်ဆန်းစုကြည်ဆီမှာ အတည်ပြုချက် မယူနိုင်တော့ဘူးပေါ့။'

ဒေါ်အောင်ဆန်းစုကြည်ရဲ့ အမှုကို ဇူလိုင်လ ၂၄ ရက်၊ သောကြာနေ့မှာ အပြီးသတ် လျှောက်လဲချက်တင်ဖို့ အာဏာပိုင်တွေက ရက်သတ်မှတ်ထားပါတယ်။ ဒီလျှောက်လဲချက်အတွက် စာမျက်နှာ ၂၃ မျက်နှာပါတဲ့ မူကြမ်းကို ဒေါ်အောင်ဆန်းစုကြည်ရဲ့ ရှေ့နေတွေက ပြင်ဆင်နေပြီး၊ သောကြာနေ့ မတိုင်ခင် ဒေါ်အောင်ဆန်းစုကြည်နဲ့ နောက်ဆုံးအကြိမ် တွေ့ဆုံကာ အပြီးသတ် ညှိနှိုင်း တိုင်ပင်ကြဖို့ အာဏာပိုင်တွေထံ တွေ့ဆုံခွင့် တောင်းဆိုထားခဲ့တာ ဖြစ်ပါတယ်။

ဒါပေမဲ့ အာဏာပိုင်တွေဘက်က ဒေါ်အောင်ဆန်းစုကြည်နဲ့ တွေ့ခွင့်မပြုနိုင်ကြောင်းသာ အကြောင်းကြားပြီး၊ တွေ့ခွင့်ဘာ့ကြောင့် ပိတ်ပင်လိုက်သလဲ ဆိုတာကိုတော့ တစုံတရာ အကြောင်းပြ ပြောဆိုတာ မရှိဘူးလို့ ဦးဥာဏ်ဝင်းက ပြောပါတယ်။

အမှုရင်ဆိုင်နေရတဲ့ ဒေါ်အောင်ဆန်းစုကြည်နဲ့ ရှေ့နေတွေကို တွေ့ခွင့်မပေးတဲ့လုပ်ရပ်ဟာ မြန်မာနိုင်ငံရဲ့ တရားစီရင်ရေးစနစ် အလွန် အားနည်းနေတဲ့ အချက်ကို ဖော်ပြနေတဲ့အပြင်၊ အမှုတခုလုံးကို ဥပဒေကြောင်းအရ သုံးသပ်မယ်ဆိုရင် လုံးဝ တရားစွဲဆိုစရာအကြောင်း မရှိဘူးလို့လည်း ဦးဥာဏ်ဝင်းက ပြောပါတယ်၊ ဒီကိစ္စနဲ့ ပတ်သက်လို့ ရှေ့နေ ဦးဥာဏ်ဝင်းကို RFA အဖွဲ့သား ကိုကျော်ကျော်အောင်က ဆက်သွယ်မေးမြန်း ထားပါတယ်။


အာရှလုံခြုံရေးညီလာခံမှာ မြောက်ကိုရီးယားနှင့် မြန်မာအကြောင်း ဆွေးနွေးမည်
2009-07-21

မြန်မာနိုင်ငံက ဒေါ်အောင်ဆန်းစုကြည်အမှုနဲ့ ပတ်သက်လို့ အာဆီယံအဖွဲ့အနေနဲ့ အမှုရဲ့ အဖြေကို စောင့်ကြည့်သွားမှာ ဖြစ်ပြီး ဒီကနေမှ ဘာတွေ ဆက်လုပ်နိုင်မလဲ ဆိုတာကို ရှာဖွေသွားမှာ ဖြစ်တယ်လို့ လက်ရှိ အာဆီယံ အလှည့်ကျ သဘာပတိနိုင်ငံ ဖြစ်တဲ့ ထိုင်းနိုင်ငံ ဝန်ကြီးချုပ် မစ္စတာအဘိဆစ်က ပြောလိုက်ပါတယ်။
မနေ့ညနေက အာဆီယံ ခေါင်းဆောင်တွေရဲ့ ထိပ်သီးအစည်းအဝေး အပြီး သတင်းထောက်တွေနဲ့ တွေ့ဆုံရာမှာ ထိုင်းဝန်ကြီးချုပ် မစ္စတာအဘိဆစ်က အခုလို ပြောလိုက်တာ ဖြစ်ပါတယ်။

ဒေါ်အောင်ဆန်းစုကြည်အမှုနဲ့ ပတ်သက်လို့ ဘယ်လိုဖြစ်လာမလဲ ဆိုတာကို ကျနော် မခန့်မှန်းနိုင်ပါဘူး။ မြန်မာအစိုးရက ဒီကိစ္စဟာ တရားရုံးရဲ့ ကိစ္စပဲလို့ ငြင်းဆိုထားပါတယ်။ အမှုရဲ့ ရလဒ်ကို ကျနော်တို့ စောင့်ကြည့်ရမှာ ဖြစ်ပြီး ဒီကနေ ဥပဒေကြောင်းအရ ဘာတွေဖြစ်နိုင်မလဲ ဆိုတာကို ကြည့်ရမှာပါ။ ကျနော်တို့အနေနဲ့ သူတို့ရဲ့ အတွင်းရေး ကိစ္စကို ဝင်ရောက်စွက်ဖက်လို့ မရပါဘူး။ အမှု အဖြေကိုပဲ စောင့်ကြည့်ရမှာ ဖြစ်ပြီး ဒီကနေမှ ဘယ်လို ရှေ့ဆက် လုပ်ဆောင်နိုင်စရာတွေ ရှိသလဲ ရှာဖွေသွားရမှာပါလို့ ထိုင်းဝန်ကြီးချုပ်က ပြောသွားတာ ဖြစ်ပါတယ်။

တချိန်တည်းမှာလည်း မနက်ဖြန်မှာ ကျင်းပမဲ့ အာရှလုံခြုံရေး ဒေသဆိုင်ရာ ညီလာခံမှာ မြန်မာနဲ့ မြောက်ကိုရီးယား ဆက်ဆံရေးနဲ့ ပတ်သက်လို့ ဆွေးနွေးဖို့ရှိတယ်လို့လည်း မစ္စတာအဘိဆစ်က ပြောပါတယ်။

ဒီအကြိမ်ဟာ အများက စိုးရိမ်မှုတွေ ဖြစ်လာအပြီး ပထမဆုံး တွေ့ဆုံပြောဆိုခွင့်ရမှာ ဖြစ်ပါတယ်။ အစည်းအဝေးမှာ သက်ဆိုင်ရာ နိုင်ငံတွေက ခေါင်းဆောင်တွေလည်း တက်ရောက်မှာ ဖြစ်တဲ့အတွက် အာဆီယံအနေနဲ့ ကြားဝင် ဆောင်ရွက်ပေးသူအဖြစ်နဲ့ တခန်းတကဏ္ဍ ပါဝင်ခွင့်ရမှာ ဖြစ်ပါတယ်လို့ မစ္စတာ အဘိဆစ်က ပြောသွားတာပါ။

အာဆီယံထိပ်သီးညီလာခံအပြီး ဆက်တိုက် ပြုလုပ်လေ့ရှိတဲ့ အာရှဒေသဆိုင်ရာလုံခြုံရေး ညီလာခံမှာ အမေရိကန်၊ တရုတ်၊ ဂျပန်၊ ကိုရီးယား၊ သြစတြေးလျအပါဝင် အာဆီယံနိုင်ငံတွေ ပါဝင်ကြပါတယ်။


ဒေါ်အောင်ဆန်းစုကြည်လွတ်မြောက်ရေး အာဆီယံတောင်းဆိုချက်ကို NLD ကြိုဆို
2009-07-21

ထိုင်းနိုင်ငံ ဖူးခက်မြို့မှာ ကျင်းပနေတဲ့ အာဆီယံ ထိပ်သီးညီလာခံမှာ ဒေါ်အောင်ဆန်းစုကြည် လွတ်မြောက်ရေး အတွက် အာဆီယံ ခေါင်းဆောင်တွေရဲ့ ကြေညာချက်နဲ့ ပတ်သက်လို့အမျိုးသား ဒီမိုကရေစီအဖွဲ့ချုပ် (NLD) ပါတီက ကြိုဆိုလိ်ုက်ပါတယ်။

ကျောင်းအုပ် ဆရာမကြီးတဦး အလွန်အကျွံ လာဘ်စားနေ
သတင်း - ကေအိုင်စီ
ရေးသားသူ - စောသိန်းမြင့်
ဗုဒ္ဓဟူးနေ့၊ ဂျူလိုင်လ 22 ရက် 2009 ခုနှစ်

ရှမ်းပြည်နယ်တောင်ပိုင်း၊ နမ့်ဆန်မြို့နယ် နမ့်လင်းကျေးရွာအုပ်စုအတွင်းရှိ အလယ်တန်းကျောင်းခွဲ ကျောင်းအုပ်ဆရာမကြီး တဦး အလွန်အကျွံ လာဘ်စားနေကြောင်း တအာင်း ကျောင်းသားနှင့် လူငယ်အစည်းအရုံး သတင်းနှင့် ပြန်ကြားရေးဌာနက ယနေ့ ပြောဆိုလိုက်သည်။

ယင်းကျောင်းအုပ်ဆရာမကြီး ဒေါ်တင်တင်အေးသည် ၂၀၀၉ခုနှစ်အတွင်း ကျောင်းရံပုံငွေအတွက် ကောက်ခံထားသော ငွေ များကို ကျောင်းရံပုံငွေအတွက် အသုံးမပြုဘဲ ၎င်း၏မိသားစုအကျိုးအတွက်သာ သုံးစွဲနေခဲ့သည်ဟု အဆိုပါပလောင်ကျောင်း သားနှင့် လူငယ်အဖွဲ့က ထုတ်ဖော်ပြောဆိုသည်။

ထို့အပြင် ယခုနှစ်ဆန်းပိုင်းမှစ၍ မူကြိုကျောင်းဆောက်လုပ်ရန်အတွက် လိုအပ်သော ပစ္စည်းကိရိယာများကို ၀ယ်ရန်ဆိုပြီး ကျောင်းသူကျောင်းသားများထံမှ ကျောင်းဝင်ကြေးအဖြစ် တဦးလျှင် ၃,၀၀၀ကျပ်၊ ရံပုံငွေအဖြစ် ၂,၀၀၀ကျပ် မထည့်မနေရ ကောက်ခံခဲ့ကြောင်း သိရသည်။

“ကျောင်းအုပ်ဆရာမကြီး လာဘ်စားလာတာ သုံးနှစ်ရှိခဲ့ပြီ။ သူက ရွာမှာရှိတဲ့ ရယက လူကြီးတွေ၊ ပညာရေးမှူးတွေ၊ နမ့်ဆန် မြို့နယ်မှာရှိတဲ့ စစ်တပ်အရာရှိကြီးတွေနဲ့လည်း ဆက်သွယ်မှုရှိတဲ့အတွက် အခုအချိန်ထိ လုပ်စားနိုင်နေတာဖြစ်တယ်”ဟု ၎င်း အလယ်တန်းကျောင်းမှ အမည်မဖော်လိုသည့် ကျောင်းဆရာမတဦးကပြောကြောင်း တအာင်း ကျောင်းသားနှင့် လူငယ်အ စည်းအရုံးက ဆိုသည်။

နမ့်လင်းရွာသူတဦးက “သူ လာဘ်စားတာ ကျမတို့သိတာကြာပြီ။ ရွာက မြို့နဲ့လည်းဝေးတော့ ဆရာ၊ ဆရာမ ရနိုင်ဖို့ အရမ်း ခက်ခဲတယ်။ ရွာထဲမှာလည်း ပညာတတ် သိပ်မရှိဘူး။ အကယ်၍ ကျမတို့ တိုင်ကြားခဲ့ရင် ရွာက ကလေးတွေရဲ့ ပညာရေး ထိ ခိုက်မှာကို စိုးရိမ်ရပါတယ်”ဟု ပြောသည်။

အဆိုပါကိစ္စကို လက်အောက်ခံများဖြစ်ကြသော ဆရာ၊ ဆရာမများက ရပ်ကွက် ဥက္ကဌကြီးများနှင့် ကျေးရွာကော်မတီများကို တိုင်ကြားခဲ့သော်လည်း ယနေ့ထိတိုင် အရေးယူဆောင်ရွက်ခြင်းမရှိကြောင်း တအာင်း ကျောင်းသားနှင့်လူငယ်အစည်းအရုံး အထွေထွေအတွင်းရေးမှူး မိုင်းအောင်ကိုက ပြောသည်။

၎င်းက “သူတို့က တိုင်ပေမယ့် ကျေးရွာလူကြီးတွေကလည်း အဲဒီဆရာမကို စစ်ဆေးမေးမြန်းတာတွေ မလုပ်နိုင်ဘူး။ မလုပ် နိုင်တဲ့အကြောင်း အကယ်၍ သူတို့က အဲသလိုမျိုးလုပ်မယ်ဆိုရင် ကျောင်းမှာ သူမလည်း ကျောင်းအုပ်ဖြစ်နေတော့ ဆရာမ တယောက်လွတ်သွားပြီဆိုရင် ကလေးတွေအတွက်က နောက်ထပ် ပညာသင်ပေးမယ့် ဆရာမရှိမှာကို စိုးရိမ်တဲ့အတွက် မလုပ် ရဲဘူးဖြစ်နေတယ်”ဟု ပြောသည်။

ဒေါ်တင်တင်အေးသည် နမ့်လင်းကျေးရွာအုပ်စုတွင် ကျောင်းအုပ်ဆရာမသက်တမ်း နှစ်အနည်းငယ်ရှိပြီဖြစ်၍ ၎င်းအား ပြောရဲ ဆိုရဲမည့်သူ တဦးယောက်မျှ မရှိသည့်အပြင် ယူနီဆက်မှ ထောက်ပံ့ပေးသော ဗလာစာအုပ်များနှင့် တခြားကျောင်းပိုင်ပစ္စည်း များကို ၎င်း၏ ခင်ပွန်းဖြစ်သူ ဦးအိုက်ခိုင်က ဘိန်းနှင့် လဲလှယ်သုံးစွဲခဲ့သည်ဟု မိုင်းအောင်ကိုက ဆက်ပြောသည်။

နမ့်လင်းကျေးရွာအုပ်စု အလယ်တန်းကျောင်းသည် နှစ်စဉ် ကျောင်းသားဦးရေ စုစုပေါင်း ၅၀၀ကျော်ရှိသည့်အပြင် တနှစ်လျှင် ငွေ(၂၅)သိန်းကျပ်ခန့် ကောက်ခံခဲ့သော်လည်း ကျောင်းလုပ်ငန်းအတွက် တစုံတရာမှ အကောင်အထည်မဖော်နိုင်သည့်အပြင် ရွာမှ လှူထားသော ပျဉ်၊ တူ၊ သံနှင့် ဘိလပ်မြေများလည်း နှစ်စဉ် ပျောက်ဆုံးနေကြောင်း သိရသည်။

နမ့်လင်းကျေးရွာအုပ်စုတွင် ကျေးရွာပေါင်း (၇)ရွာမှ ကိုယ်ထူကိုယ်ထစနစ်ဖြင့် ပညာသင်ကြားနေသော စာသင်ကျောင်းပေါင်း (၅)ကျောင်းရှိသည်ဟု တအာင်းကျောင်းသားနှင့် လူငယ်အစည်းအရုံးက ပြောသည်။