Wednesday, September 2, 2009

တတိယအကြိမ်သံဃာ့ထုသပိတ်ကံဆောင်ခြင်း စဉ်းစားရွေးချယ်ရန် ပုံစံ(၄)မျိုး




သြ၀ါယစရိယဆရာတော်ကြီးမှအာမခံဦးစီး၍ သိမ်အတွင်း၌ ပ၀ါရဏာအပြီးဆက်လက်ကံဆောင်ခြင်းနှင့်ထိုင်သပိတ်တိုက်ပွဲဖော်ခြင်း။
သံဃာထုအင်အား (၅၀၀-၁၀၀၀)ခန့်ဖြင့် မြို့ တစ်ခုတွင် သိမ်ကြီးတစ်ခုအားစုပေါင်းဝင်ရောက်၍
သပိတ်ကံဆောင်ပြီး ထိုင်သပိတ်ဆင်နွဲခြင်း (သို့)လမ်းလျှောက်မေတ္တာပို့သပိတ်ကံဆောင်ခြင်း။
ရဲရင့်စွာဖြင့်တစ်ပါးတည်းဦးဆောင်တိုက်ပွဲဖော်ဆောင်နိုင်သည့်ကိုယ်တော်များမှ သိမ်တစ်ခုတွင်တစ်ပါးဆီ
တာဝန်ယူ၍ ပ၀ါရဏာအပြီး အခြားသိမ်များရှိသံဃာများနည်းတူ ဝေဌပေးလိုက်သည့်ကမ္မ၀ါစာများ
ဖတ်ကြားရန် ကြေငြာပြီး စတင်ဖတ်ကြား၍သိမ်တွင်းရှိသံဃာထုကိုဖိတ်ခေါ်ကံဆောင်ခြင်း၊ ဆက်လက်၍
သံဃာထုပါဝင်မှုပေါ်မူတည်၍ သံဃာထုဆန္ဒနှင့်အညီ ထိုင်သပိတ်ပြုခြင်း၊
လမ်းလျှောက် ဆုတောင်းမေတ္တာပို့ခြင်း၊ ဘုရားစေတီပုထိုးများပေါ်တွင် ဆုတောင်းမေတ္တာပို့သခြင်း။
၂၀၀၉ခုနှစ် အောက်တို့ဘာ (၃)ရက်နေ့တွင် မိမိတို့သံဃာထုရှိဦးဆောင်သံဃာများ ပူးပေါင်းပါဝင်မည့်
ဆရာတော်သံဃာတော်ကြီးများအား စစ်မိစ္ဆာများမှ ဖမ်းဆီးထိမ်းသိမ်းထားပါကပူးပေါင်းပါဝင်ဆင်နွဲမည့်
ကိုယ်တော်များမှ မိမိကျောင်းဌာနများတွင် သပိတ်ကံဆောင်၍နေစဉ့်ဘုရားစေတီပုထိုးများသို့ ချီတက်
လမ်းလျှောက်မေတ္တာပို့သခြင်း၊ ဆုတောင်းခြင်းများ ကျယ်ကျယ်ပြန့်ပြန့်နေ့စဉ်ဆင်နွဲခြင်းဖြင့် သပိတ်ကံ
အရှိန်မြှင့်ဆောင်ရွက်ခြင်း။
မှတ်ချက် - အထက်ပါ စဉ်းစားရွေးချယ်မှု ပုံစံ(၄)မျိုးအတွက် ယခုအချိန်တွင်ပါဝင်ဦးဆောင်မည့်သံဃာများမှ
သေချာတိကျစွာသတ်မှတ်၍ ၂၀၀၉ခုနှစ် အောက်တို့ဘာ (၃)ရက် မတိုင်မှီမည့်သည့်မြို့  မည်သည့်သိမ်တွင်
မည်သို့သောပုံစံဖြင့်၊ မည်သို့ဆောင်ရွက်မည်ကိုအဖွဲခွဲဦးဆောင်တာဝန်ရှိသံဃာများမှ မြန်မာနိုင်ငံလုံးဆိုင်ရာ
သံဃာ့တပ်ပေါင်းစုအဖွဲ့ကြီး၏ ဆက်သွယ်ရေး တာဝန်ခံများဆီသို့အကြောင်းကြားပေးပို့ပါရန် လျှောက်ထား
အပ်ပါသည် ဘုရား…

မြန်မာနိုင်ငံလုံးဆိုင်ရာရဟန်းပျိုသမဂ္ဂနှင့် သံဃာ့သာမဂ္ဂီအဖွဲ့ 


သံဃာ့တပ်ပေါင်းစုအဖွဲ့ခွဲများဖွဲ့စည်းပုံအဖွဲ့ခွဲ (၅) ထန်းတပင်မြို့၊ရန်ကုန်တိုင်း
၁။ ဦးခေမာသီရိ
၂။ အရှင်သာဂရ
၃။ အရှင်ဝိသုဒ္ဓရ
၎။ ဦးတေဇဘိဝံသ
၅။ ဦးမေတ္တာစာရ
၆။ အရှင်ကုသလ
၇။ ဦးအိန္ဒြိယ
၈။ ဦးသောမ
သံဃာ့တပ်ပေါင်းစုအဖွဲ့ခွဲအမှတ်(၅) ထန်းတပင်မြို့နယ်ကိုအသစ်တိုးချဲ့ဖွဲ့စည်းလိုက်ပါသည်။ ယခုတိုးချဲ့ဖွဲ့စည်းလိုက်သော
သံဃာ့ခေါင်းဆောင်များမှဦးဆောင်ကာတတိယအကြိမ်သံဃာ့သပိတ်ကိုအောင်မြင်စွာဆောင်ရွက်သွားပါမည်။
လာမည့်စက်တင်ဘာနှစ်ပတ်လည် ၂၀ ရက်နေ့မှ စတင်ကာ (နအဖ) စစ်အစိုးရအားမြန်မာနိုင်ငံလုံးဆိုင်ရာသံဃာ့တပ်ပေါင်းစုအဖွဲ့ကြီးမှ
ထုတ်ပြန်ထားသော ကြေငြာချက်ကို သံဃာတပ်ပေါင်းစု အဖွဲ့ခွဲများမှ ဖတ်ကြားကာသတင်းဌာနများသို့ ပေးပို့၍၎င်း၊
ဌာနဆိုင်ရာအသီးသီးသို့လိပ်မူတပ်၍၎င်း ပေးပို့ရမည် ဖြစ်ပါသည်။
မြတ်စွာဘုရားရှင်၏ချမှတ်ထားသောဝိနည်းဥပဒေတော်နှင့်အညီဆောင်ရွက်ထားသော သံဃာ့အားလုံးစုပေါင်းညီညွတ်မှု
အထိမ်းအမှတ်သံဃာသပိတ်ကိုအားလုံးပါဝင်ဆင်နွဲကြရန်သံဃာတော်များအားလုံးတွင် တာဝန်ကိုယ်စီရှိကြပါသည်။
မိမိတို့ကျရာတာဝန်ကိုမပျက်မကွက်လိုက်နာဆောင်ရွက်ကြပါရန်ရိုသေစွာလျှောက်ထားအပ်ပါသည်။
သံဃာတော်များအားလုံးသဘောတူဆောင်ရွက်ထားသောသံဃာကိစ္စကိုမလိုက်နာပဲဆန့်ကျင်ကာနအဖစစ်အစိုးရနှင့်ဆက်လက်ပေါင်းသင်းသောသံဃာတော်များကိုသံဃာထုတစ်ရပ်လုံးမှ ဘွဲ့အမည်………မိဘအမည်……….ကျောင်းတိုက်အမည်……………..မြို့ရွာအမည်များထုတ်ပြန်ကာ
ပကာသနီယကံပြုကာ သံဃာအဖြစ်မှကျဉ်ဖယ် လိုက်ကြောင်းနှင့်ပြည်သူလူတစ်ရပ်လုံးမှ ယခုထုတ်ပြန်ထားသော သံဃာအား
ပစ္စည်းလေးပါးလှူဒါန်းခြင်း လုံးဝမပြုရန် တရားဝင်စာရွက်များ ထုတ်ဝေကာမြန်မာတစ်နိုင်ငံလုံးအနှံ့ဖြန့်ဝေမည်ဖြစ်ပါသည်။
အင်တာနက်ဝက်ဆိုက်များ၊ ဘလော့များ တွင်ဆက်တိုက်ဖေါ်ထုတ်ကြေငြာမည်။ R F A ,VO A, B B C ,D V B စသည့် သတင်းဌာနများ
သို့လည်းပေးပို့ကာကြေငြာသွားမည်ဖြစ်ပါသည်။ E Mailပေါင်းများစွာမှလည်းဖြန့်ဝေဖေါ်ထုတ်ဆောင်ရွက်သွားမည်ဖြစ်ပါသည်။
ယခု ဆောင်ရွက်မည့်သပိတ်သည်အောင်မြင်သည်အထိလုံးဝအရှုံးမပေးပဲဆက်လက်ဆောင်ရွက်သွားရမည်ဖြစ်သည့်အတွက်
သာသနာတော်အတွက်အလွန်အရေးကြီးပါသည်။
မိမိတို့အောင်မြင်အောင်မဆောင်ရွက်နိုင်ပါက မြတ်စွာဘုရားသာသနာတော်သည်စစ်မိစ္ဆာများ၏အောက်တွင် သူတို့လုပ်ချင်သလိုလုပ်
အနိုင်ကျင့်တာမှန်သမျှခေါင်းငုံခံ သံဃာတော်တွေကို သတ်ချင်သတ်နှိပ်စက်ချင်သလိုနှိပ်စက် ထောင်ချချင်သလိုထောင်ချ
သူတို့ပြုသမျှခံရသည့်ဘ၀ဖြင့် သာသနာတော်နိဂုံးချုပ် ပျောက်ကွယ်သွားနိုင်ပါသည်။ မြတ်စွာဘုရားရှင်၏ သာသနာတော် မပျောက်ကွယ်ရန်သံဃာထုတစ်ရပ်လုံးနှင့် ပြည်ထုလူထုအားလုံးမှာတာဝန်ကိုယ်စီရှိကြပါသည်။ လူထုတာဝန်ကိုကျေပွန်စွာထမ်းဆောင်ကြပါရန်အားလုံးကိုအသိပေး နှိုးဆော်တိုက်တွန်းပါသည်။
ပ၀ါရဏာပြုရာကျောင်းတိုက်များစာရင်းရေးသားပြုစု၍တာဝန်ရှိသူများထံပေးပို့ပေးကြပါရန်ကိုလည်းတိုက်တွန်းနိုးဆော်
ပါသည်။

မြန်မာနိုင်ငံလုံးဆိုင်ရာ ရဟန်းပျိုသမဂ္ဂနှင့် သံဃသာမဂ္ဂီအဖွဲ့

သာသနာတော်မကွယ်ပျောက်စေရေးအတွက် (နအဖ)တာဝန်ရှိပုဂ္ဂိုလ်များထံသို့ အထူးတောင်းဆိုခြင်း(GW)

ဖိုင်ရယူရန်


GW 4

မန္တလေးမြို့တော်ဝန်နှင့် ဈေးများဌာန ဌာနခွဲမှူး သက်နိုင်တို့ရဲ့မတရားလုပ်ဆောင်မှုများ


Mandalay Mayor

ဒေါ်အောင်ဆန်းစုကြည်ပြီးယင် နယ်ခြားမစောင့်တဲ့ပုဂ္ဂိုလ်တွေအလှည့်ပါပဲ



မင်းထက်အောင်

သြဂုတ် ၃၀၊၂၀၀၉။

“တကမ္ဘာလုံးက အသိအမှတ်ပြုလေးစားခံရတဲ့ ဗမာပြည်ရဲ့ လွတ်လပ်ရေးဖခင် ဗိုလ်ချုပ်အောင်ဆန်းရဲ့သမီးတောင်မှ ခင်ဗျားတို့ အဲလောက်အထိ လုပ်ရက်နိုင်သေးတယ်။ ကျနော်တို့က ခင်ဗျားတို့နဲ့ သွေးမတော်သားမစပ် လူမျိုး/ဘာသာ စကားလဲမတူဘူး၊ ကျနော်တို့အလားအလာက သူမထက်ပိုဆိုးသွားနိုင်တယ်။ အကယ်လို့ ကျနော်တို့ ခေါင်းညိတ်လိုက် မယ်ဆိုရင် နောင်တချိန် အစွယ်ကျိုးအဆိပ်မဲ့ဖြစ်သွားတဲ့ ကျုပ်တို့ကို ခင်ဗျားတို့ ဖမ်းမယ်ဆီးမယ် လုပ်လာရင် အကျဉ်း ထောင်မပြောနဲ့ ကြက်တွေဝက်တွေလိုလှောင်တဲ့ ခြင်း/တောင်းတောင် လောက်မှာမဟုတ်ဘူး” နယ်ခြားစောင့်တပ်ဖွဲ့ ကိစ္စနဲ့ပတ်သက်ပြီး လွန်ခဲ့တဲ့ ဇွန်လလယ်လောက်မှာ UWSA ခေါင်းဆောင်တစ်ဦးက စရဖအကြီးအကဲ ဒုဗိုလ်ချုပ်ကြီး ရဲမြင့်အား ပြောဆိုခဲ့တာကို သျှမ်းသံတော်ဆင့်အင်တာနက်မှာ ဖတ်ရှုခဲ့ရတာ ပြန်လည်အမှတ်ရနေမိပါတယ်။

ဘုရားသခင်လွှတ်လာတယ်ဆိုတဲ့ အမေရိကန်က မစ္စတာဂျွန်ယက်ထော၊ ရဲချုပ်ခင်ရီပြောခဲ့တဲ့ မြဝတီကအမျိုးသမီး၊ လွှတ်တော်အမတ် ဂျင်ဝက် Jim Webb တို့ ဆိုသူတွေဟာ သပွတ်အူ လှို့ဝှက်သဲဖို စုံထောက်ဇာတ်လမ်းတစ်ခုပမာ ပါဝင်သရုပ်ဆောင်ပြခဲ့ကြပြီး နောက်ဆုံး ဇတ်သိမ်းပိုင်းမှာတော့ နအဖရဲ့သွားရာလမ်းကြောင်းမှာ တံတိုင်းကြီးတစ်ခုပမာ အတားအဆီးဖြစ်နေရတဲ့ မြန်မာ့ဒီမိုကရေစီခေါင်းဆောင် ဒေါ်အောင်ဆန်းစုကြည်တို့ကိုပဲ ထောင် ၃ နှစ်စီ ထပ်မံချမှတ် ခဲ့ပြီးပါပြီ။ ဒါဟာ စစ်အစိုးရရည်ရွယ်ချက်က ဒေါ်အောင်ဆန်းစုကြည်ကို ဆက်လက်ထိန်းသိမ်းထားနိုင်ဖို့ ဖြစ်တဲ့နည်းနဲ့ လုပ်ချပြလိုက်တော့တာပါပဲ၊ ဥပဒေအရ အမှုအရာမြောက်မမြောက်တာ အလေးမထားပါဘူး၊ စကားလုံးလှလှ သီကုံး ရေးသားဖွဲ့ဆိုပြီး လွတ်လပ်ရေးခေါင်းဆောင် ဗိုလ်ချုပ်အောင်ဆန်းရဲ့ သမီးမို့လို့ ဗိုလ်သန်းရွှေအနေနဲ့ စာနာထောက်ထား ပါသတဲ့။ သက်ညှာစွာပဲ နေအိမ်ကန့်သတ်အမိန့်သစ်တွေနဲ့ တစ်နှစ်ခွဲကျခံစေ။ ဒေါ်အောင်ဆန်းစုကြည်ခမျာလည်း ဒီအမိန့်ကျတော့မှပဲ အယင်ကထက် ကန့်သတ်တားဆီးမှုတွေ ပိုခံစားလာနေရတာကို သတင်းတွေမှာ ဖတ်ရှုကြားသိနေ ရပြန်တယ်။

ဒါက ဗမာ့အမျိုးသား နိုင်ငံရေးခေါင်းဆောင်ကြီး ဗိုလ်ချုပ်အောင်ဆန်းသမီးဖြစ်လို့၊ ဗမာအချင်းချင်းမို့ ဒိလောက်ညှာတာ ထောက်ထားလိုက်တာပါ၊ တရားနည်းလမ်းကျမကျ မစဉ်းစားပဲ မျက်နှာပြောင်တိုက်ပြီး ရှိသမျှအာဏာကို အသုံးချပြ လိုက်တာပါပဲ။ ဗမာမဟုတ်တဲ့ သျှမ်းတိုင်းရင်းသားခွန်ထွန်းဦးအပါအဝင် အခြားမရေမတွက်နိုင်တဲ့ တိုင်းရင်းသားခေါင်း ဆောင်တွေကို လိုသလိုပုဒ်မတွေတပ်ပြီး ထောင်ချထားတာက ဗိုလ်သန်းရွှေတို့စစ်အုပ်စုအနေနဲ့ လုံးဝသက်ညှာစရာ၊ မျက်နှာထောက်ထားစရာ မရှိဘူးဆိုတာ အထက်က ဝ ခေါင်းဆောင်ပြောခဲ့သလိုပါပဲ၊ လက်နက်မဲ့ဆန့်ကျင်နေသူတွေကို ထောင် ဒဏ်နှစ်ရှည်ချမယ်၊ လက်နက်ကိုင်ပြီး စစ်အစိုးရအလိုကျ မလိုက်နာတဲ့သူတွေကို ဖမ်းဆီးသုတ်သင်မယ် ဆိုတာကိုလည်း တိုင်းရင်းသားတွေ သိနားလည်ထားကြပါတယ်။

ဒေါ်အောင်ဆန်းစုကြည်အပေါ် အမှုဆင်ဖမ်းဆီးတဲ့ကိစ္စ ကဏ္ဍတစ်ရပ်အနေနဲ့ နအဖတို့အဖို့ အောင်မြင်ပြီးဆုံးသွားပြီလို့ ဆိုရမှာပါ၊ ဒီကိစ္စတစ်ပိုင်းပြီးသွားတော့ အခုတဖန် စစ်အုပ်စုတို့က နယ်ခြားမစောင့်ကြတဲ့ အပစ်ရပ်အဖွဲ့အစည်းတွေဆီ မျှားဦးလှည့်လာနေတာကို ထင်ရှားစွာ မြင်တွေ့နေရပါပြီ။ လက်ရှိ နအဖနဲ့ ဖုန်ကြားရှင်းတို့ဖြစ်ရပ်က သက်သေတစ်ရပ်လို ပြသလိုက်တာပါပဲ။ အပစ်ရပ်အဖွဲ့အစည်းတိုင်းက မည်သို့သောပုဂ္ဂိုလ်မျိုးကိုမဆို နအဖအနေနဲ့ အချိန်မရွေးဝရမ်း ထုတ်ပြီး ဖမ်းဆီးနိုင်တယ်ဆိုတာ အခုရက်ပိုင်းတွေမှာ ဖြစ်ပေါ်ခဲ့တဲ့ ကိုးကန့်အဖွဲ့၊ ရှမ်းပြည်အရှေ့ပိုင်း အထူးဒေသ(၁) ဥက္ကဌဖုန်ကြားရှင်းတို့ ဖြစ်ရပ်တွေမှာ တွေ့ရှိနိုင်ပါတယ်။

နအဖစစ်အာဏာရှင်တွေ အလောတကြီးစီမံနေတဲ့ နယ်ခြားတပ်ဖွဲ့အသွင်ပြောင်းလဲရေးကို လက်မခံတဲ့ ကိုးကန့်အဖွဲ့ ဥက္ကဌဖုန်ကြားရှင်း၊ ဖုန်ကြားဖူးနှင့် ဖုန်ကြားရှင်းရဲ့သားနှစ်ဦးတို့ကို လားရှိုးရဲစခန်းက ဖမ်းဝရန်းထုတ်ပြီး ဆင့်ခေါ်ခဲ့ပါ တယ်။ သွားရောက်ခြင်းမရှိခဲ့လို့ ဒီသြဂုတ်လ၂၃ ရက်နေ့မှာ မြန်မာတပ်နဲ့ ရဲတွေက ဦးဖုန်ကြားရှင်းနေအိမ်ကို ဒုတိယ အကြိမ်ထပ်မံဝိုင်းရံခဲ့ပါတယ်။ မူးယစ်ဆေးဝါးကိစ္စကို အကြောင်းပြပါတယ်။ နောက်ဆုံး ကိုးကန့်ပါတီနှစ်ခြမ်း ကွဲသွားတဲ့ အထိ စစ်အစိုးရက ဖန်တီးခဲ့ပြီး ဖုန်ကြားရှင်းနောက် အများစုပါဝင်တဲ့တပ်ဖွဲ့နဲ့ စစ်အစိုးရတို့ တိုက်ပွဲများဖြစ်ပွားလာကာ ဒေသခံတစ်သောင်းကျော် တရုပ်နိုင်ငံအတွင်း ဒုက္ခသည်အဖြစ်ပြေးဝင် ခိုလှုံနေကြရပါပြီ။

နအဖရေးဆွဲထားတဲ့ လမ်းပြမြေပုံအတိုင်း ၂၀၁၀ ရွေးကောက်ပွဲ အချိန်မီကျင်းပနိုင်ဖို့ဟာ ရွေးကောက်ပွဲနဲ့ပတ်သက်တဲ့ နည်းဥပဒေတွေကို ပြည်သူအများနဲ့ ပါတီအဖွဲ့အစည်းအသီးသီးတို့ကို ချပြဖို့အချိန်ကာလ ရောက်ရှိနေပါပြီ။ နအဖအဖို့ တစ်ဆို့နေတဲ့အချက်နှစ်ရပ်အနက် ပထမအချက်ဖြစ်တဲ့ ဒေါ်အောင်ဆန်းစုကြည်ကိစ္စကို ကိုင်တွယ်လို့ပြီးဆုံးသွားပြီလို့ ဆိုရပါမယ်။ နောက်ကျန်တဲ့ အချက်တစ်ချက်က အပစ်ရပ်အဖွဲ့တွေကို နယ်ခြားစောင့်တပ်ဖွဲ့ပြောင်းလဲနိုင်ဖို့ပါ။ အပစ်ရပ် အဖွဲ့အားလုံး နယ်ခြားတပ်ဖွဲ့အသွင် မပြောင်းလဲမချင်း ရွေးကောက်ပွဲကို နအဖအနေနဲ့ ကျင်းပလိုစိတ် ရှိဟန်မပေါ်ပါဘူး။ ဒါကြောင့် နယ်ခြားတပ်ဖွဲ့အသွင်ပြောင်းလဲနိုင်ရေးကို တာဝန်ယူနေရတဲ့ စရဖအကြီးအကဲဒုဗိုလ်ချုပ်ကြီးရဲမြင့် အပူတပြင်း လိုက်လံဆောင်ရွက်နေရတာကို သတင်းတွေကတဆင့် ကြားသိနေရပါတယ်။

စရဖအကြီးအကဲ ဗိုလ်ချုပ်ရဲမြင့်ဟာ သက်ဆိုင်တဲ့ဒေသအသီးသီးကို သွားရောက်ပြီး အပစ်ရပ်ပုဂ္ဂိုလ်တွေကို လိုအပ်လျှင် အချိန်မရွေးဖမ်းဆီးနိုင်ရေးအတွက် စစ်တိုင်းများအလိုက် မြန်မာစစ်ဗျူဟာမှူးတွေကအစ ရဲ၊ ထောက်လှန်းရေးတို့ကို အမှုဆင်ကိုင်တွယ်နည်းတွေ လိုက်လံသင်ကြား၊ ပို့ချပေးနေတယ်လို့ ကြားသိရပါတယ်။ အရှေ့တောင်တိုင်းစစ်ဌာချုပ် မှာလည်း အပစ်ရပ်အဖွဲ့တွေအပေါ် ဘယ်လိုကိုင်တွယ် ဆက်ဆံသွားရမလဲဆိုတာ မကြာခင်ရက်ပိုင်းတွေမှာ လာရောက် ချပြခဲ့ပြီးဖြစ်တယ်လို့လည်း မွန်ဒေသစစ်ရေးစောင့်ကြည့်လေ့လာနေသူများက ဆိုပါတယ်။

မူးယစ်ဆေးဝါးနှိမ်နင်းရေးကို ဗျူဟာတစ်ရပ်လိုကိုင်တွယ်အသုံးချပြီး ကမ္ဘာကထောက်ခံအားပေးမှု ရလာအောင်နဲ့ တစ်ဖက်မှာလည်း နအဖအလိုကျ မလုပ်ဆောင်တဲ့ အပစ်ရပ်ပုဂ္ဂိုလ်တွေကို မူးယစ်ဆေးဝါးအမှု(သို့မဟုတ်) အခြားအမှု အမည်တစ်မျိုးမျိုးတပ်ပြီး ဘယ်လိုနည်းတွေနဲ့ ဖမ်းဆီးအရေးယူနိုင်အောင် ထောက်လှန်းရေးသူလျှို ကလိန်ကကျစ်နည်း တွေကိုအသုံးချ ၊ အဖွဲ့အစည်းတွေအတွင်း သပ်လျှိုဖြိုခွဲလို့ရအောင် ကြံဆောင်နေကြပါတယ်။

စစ်အစိုးရဟာ မူးယစ်ဆေးဝါးတိုက်ဖျက်ရေးကို ဟန်ပြလုပ်ပြီး ငြိမ်းချမ်းရေးအဖွဲ့များကို စစ်ရေးအရ ခြိမ်းခြောက်လာနေ တယ်လို့ သြဂုတ်လ ၂၁ ရက်နေ့ထုတ် မြန်မာပြည် ငြိမ်းချမ်းရေး ဒီမိုကရက်တစ်တပ်ဦး Peace and Democracy Front ရဲ့ကြေညာချက်မှာဖော်ပြပါရှိခဲ့ပါတယ်။ မြန်မာပြည် ငြိမ်းချမ်းရေး ဒီမိုကရက်တစ်တပ်ဦးဟာ စစ်အစိုးရနဲ့ အပစ်အခတ် ရပ်စဲရေး ရယူထားကြတဲ့ ဝ ပြည် သွေးစည်းညီညွတ်ရေးပါတီ UWSA၊ အမျိုးသား ဒီမိုကရက်တစ် မဟာမိတ်တပ်မတော် NDAA ကိုးကန့်အဖွဲ့၊ မြန်မာအမျိုးသား ဒီမိုကရက်တစ် မဟာမိတ် တပ်မတော် MNDAA နဲ့ ဒီမိုကရေစီသစ် တပ်မတော် (ကချင်) - NDAK တို့က ပူးပေါင်းပြီး မဟာမိတ်ဖွဲ့စည်းထားခဲ့ကြပါတယ်။

ထို့အတူ နယ်ခြားစောင့်တပ် အသွင်ပြောင်းရေးအဆိုကို လက်မခံကြတဲ့ ကချင်လွတ်မြောက်ရေးအဖွဲ့ KIO ၊ ဝ ပြည် သွေးစည်းညီညွတ်ရေး တပ်မတော်၊ ဖုန်ကြားရှင်း ကိုးကန့်အဖွဲ့၊ အမျိုးသား ဒီမိုကရက်တစ် မဟာမိတ်တပ်မတော်တို့ ကလည်း စစ်ရေးအရ သီးခြား မဟာမိတ်ပြုထားပြန်ပါတယ်။ မြန်မာစစ်အစိုးရတပ်ဖွဲ့နဲ့ ဖုန်ကြားရှင်းကိုးကန့်အဖွဲ့တို့ဟာ အပစ်အခတ်ရပ်စဲမှု ပျက်ပျယ်သွားတဲ့ အနေအထားကို ရောက်ရှိသွားပါပြီ။ မြန်မာစစ်အစိုးရနဲ့ ဖုန်ကြားရှင်း ကိုးကန့် အဖွဲ့တွေအကြား အခုဖြစ်ပေါ်နေတဲ့ စစ်ရေးတင်းမာမှုများဟာ ဆွေမျိုးပေါက်ဖေါ်တရုပ်ရဲ့ထိမ်းညှိပေးနိုင်မှုအပေါ်မှာ အများကြီး ဆက်လက်တည်မှီနေပါတယ်။

ဆိုတော့ မြန်မာပြည်မြောက်ပိုင်းမှာ အခုလိုအခြေအနေတွေ ရှုပ်ထွေးနေစဉ် မြန်မာပြည်တောင်ပိုင်းမှာလည်း နယ်ခြား တပ်ဖွဲ့အသွင်ပြောင်းလဲရေးကို လက်မခံတဲ့ တစ်ခုတည်းသော အပစ်ရပ်အဖွဲ့အစည်းက မွန်ပြည်သစ်ပါတီပါ။ မွန်ပြည် သစ်ပါတီဟာ မူးယစ်ဆေးဝါးကိစ္စနဲ့ပတ်သက်ပြီး ကင်းစင်မှုရှိတယ်လို့ ဆိုကြပါတယ်။ နယ်စပ်ဒေသမူးယစ် ဆေးဝါးတား ဆီးထိမ်းချုပ်ရေးနဲ့ပတ်သက်ပြီး ထိုင်းတို့နဲ့လက်တွဲဆောင်ရွက်ရာမှာ ထောက်ခံမှုရရှိနေတယ်လို့လည်း ကြားသိခဲ့ပါ တယ်။ ဒီတော့ နအဖအပေါ်သဘောထား တင်းမာဖွယ်ရှိတဲ့ခေါင်းဆောင်တွေကို မူးယစ်ဆေးဝါးပုဒ်မတပ်ပြီး အရေးယူ လာဖို့က လက်တွေ့မှာသဘာဝမကျလှပါ။

ဒီတော့ နအဖအပေါ် နိုင်ငံရေးအရ နအဖခင်းကျင်းတဲ့အတိုင်း လိုက်လျှောမှုမပေးနိုင်တဲ့သူတွေကို ဘယ်ပုဒ်မတွေနဲ့ အရေးယူရပါမလဲ။ ဒါမှမဟုတ်ရင်လည်း သဘောထားအလယ်အလတ်ရှိသူတွေကို နအဖက ခါးပိုက်ဆောင်လုပ်ပြီး ကိုးကန့်တပ်တွေလို ပါတီနှစ်ခြမ်းကွဲစေဖို့ ဖန်တီးလာနိုင်ပါ့မလား။ လွန်ခဲ့တဲ့နှစ်တွေကတည်းမှာ မွန်အမျိုးသားလွတ် မြောက်ရေးတပ်မတော် MNLA က အနားယူသွားခဲ့တဲ့ ဗိုလ်ချုပ်ဟောင်းတစ်ဦးကို နအဖတို့ ကောက်ယူမွေးထားခဲ့ပါ သေးတယ်။ နအဖမျှော်မှန်းနေတာက အခြေအနေအမျိုးကြောင့် အနားယူသွားခဲ့ကြတဲ့ မွန်ပြည်သစ်ပါတီဝင်ဟောင်း တွေနဲ့ တပ်ဖွဲ့တစ်ခုတည်ထောင်နိုင်ဖို့ပါ။ ဒါပေမဲ့ နအဖမျှော်မှန်းသလို ဖြစ်မလာသေး။ နောက်လိုက်အင်အားက ၁၀ ယောက် ထက်မပိုလာ၊ ပိုလာပြန်ယင်လည်း ဒီအဖွဲ့ကနေ နောက်ထပ်ခွဲထွက်အဖွဲတွေ ထပ်မံပေါ်ပေါက်လာပြန်တယ်။ ဒီလိုထပ်ကွဲလာတဲ့ အဖွဲ့ငယ်တွေကိုလည်း နအဖကဆက်ပြီး အသုံးချနေတာကို တွေ့နေရပါတယ်။

နအဖအနေနဲ့ မွန်ပြည်သစ်ပါတီအပေါ် ဆန့်ကျင်အားပြိုင်လာတဲ့ မည်သည့်အုပ်စု၊ ပုဂ္ဂိုလ်ကိုမဆို သူတို့ရပ်တည်လှုပ်ရှား နိုင်ရေးအတွက် အမျိုးမျိုးသောအားပေး ထောက်ပံ့မှုတွေလုပ်လာနေတာ တွေ့ရှိနေရပါတယ်။ လက်ရှိအနေအထားမှာ စရဖရဲ့ ကြိုးကိုင်မှုနဲ့ မွန်ပြည်သစ်ပါတီဝင်တွေကို လုပ်ကြံနိုင်မဲ့ အသက်အန္တရာယ်ပေးလာနိုင်တဲ့ အဖွဲ့တွေလည်း ရှိနေ ပါပြီ။ မွန်ပြည်သစ်ကပါတီက အလတ်တန်းခေါင်းဆောင်တစ်ဦးဖြစ်တဲ့ နိုင်မင်းနောင်ကို မော်လမြိုင်မြို့အနီးမှာလုပ်ကြံ ခဲ့မှု၊ အခြား သောပါတီဝင်တွေကိုလည်း မအောင်မြင်တဲ့ နောက်ထပ်လုပ်ကြံမှုတွေ တစ်ကြိမ်ထက်မနည်း ဖြစ်ပေါ်လာခဲ့ တာကိုလည်း ကြားသိခဲ့ရပါတယ်။ စစ်အစိုးရထောက်လှန်းရေးတွေနဲ့ ဒီအဖွဲ့ဝင်တွေ အတူတကွနေထိုင်လှုပ်ရှားနေကြ ပါတယ်။ မွန်ပြည်သစ်ပါတီဝင်တွေဟာ မြို့ပေါ်မှာသော်၎င်း၊ နေအိမ်တွေမှာ၎င်း ယခင်ကလို မိမိတစ်ဦးတည်း လွတ်လွတ်လပ်လပ် မသွားလာရဲကြတော့ဘူးလို့ မွန်ပြည်သစ်အရာရှိတွေ ပြောဆိုနေကြပါတယ်။

ဒီလအတောအတွင်းမှာ နအဖရဲ့လက်အောက်ခံ ရယကတွေထံပေးပို့တဲ့ ညွှန်ကြားစာတစ်စောင်မှာ သတင်းတစ်ရပ် ပေါက်ကြားခဲ့ပါတယ်။ ဒီသတင်းမှာ ထိုင်းနယ်စပ်တစ်နေရာရှိ မြန်မာနိုင်ငံ ဒီမိုကရေစီပန်းတိုင်လှုပ်ရှားမှုအဖွဲ့တွင် DAB အတွင်းရေးမှူး Dr ကျော်ညွန့်၊ KNU မှ စောသမိန်ထွန်း၊ ABSDF ခေါင်းဆောင်များနဲ့ NMSP အတွင်းရေးမှူး နိုင်ဟံသာ တို့ဟာ အကြမ်းဖက်အဖွဲ့တစ်ဖွဲ့ ဖွဲ့စည်းထားတယ်လို့ဖေါ်ပြထားပါတယ်။ အဲစာပါအကြောင်းအရာအရ ဒီအဖွဲ့အစည်းဟာ သြဂုတ်လ ၆ ရက်နေ့မှစတင်ကာ ၈ လေးလုံးနှစ်ပတ်လည်နေ့ ကာလအတွင်း တစ်ပြည်လုံး လူထုအုံကြွမှုဖြစ်ပေါ်စေရန် မြန်မာနိုင်ငံအတွင်းသို့ ဦးဆောင်လှုပ်ရှားသူ ၆၀ ယောက်ကို ဖောက်ခွဲရေးပစ္စည်းများနဲ့အတူ စေလွှတ်ထားခဲ့တယ်ဆိုပြီး နအဖလုပ်ကြံစွပ်စွဲခဲ့တယ်လို့ မွန်ပြည်သစ်ပါတီက မွန်သတင်းဌာနတွေကို ရှင်းပြခဲ့ပါတယ်။

ဆိုလိုချက်က အပစ်ရပ်မွန်ပြည်သစ်ပါတီအတွင်းရေးမှူးကို နအဖတို့သတ်မှတ်ထားတဲ့ အကြမ်းဖက်အဖွဲ့တွေမှာ အတူ ပါဝင်လှုပ်ရှားနေတယ်လို့ သူတစ်ဦးတည်းကို နာမည်နဲ့တကွ ထည့်သွင်းဖေါ်ပြထားတာဟာ နိုင်ဟံသာအပေါ် ပါတီဝင် တွေ၊ အချို့ခေါင်းဆောင်တွေ သူ့အပေါ် အထင်အမြင်လွဲမှားလာကြအောင် နအဖက တိတ်တဆိတ် စီစဉ်ဆောင်ရွက်လာ နေပြီဆိုတာ သံသယပွားစရာ မလိုတော့ပါ။ နိုင်ဟံသာကလည်းသူ့အပေါ်ဒီလိုစွပ်စွဲတဲ့ သတင်းမဟုတ်မမှန်ကြောင်းကို မီဒီယာတွေကတဆင့် ရှင်းပြခဲ့ပြီးပါပြီ။

နအဖရဲ့ရည်ရွယ်ချက်ကတော့ နယ်ခြားစောင်တဲ့မွန်ပြည်သစ်နဲ့ နယ်ခြားမစောင့်တဲ့ မွန်ပြည်သစ်လိုအဖွဲ့အစည်းမျိုး ဖြစ်ပေါ်လာစေပြီး မွန်အချင်းချင်း တိုက်ခိုက်သတ်ဖြတ်စေတဲ့ ပုံစံမျိုးပါ။ ဒါကတော့ လက်တွေ့မှာ နအဖအဖို့အောင်မြင် နေတဲ့ ကရင်အမျိုးသားတွေအချင်းချင်း တိုက်ခတ်သတ်ဖြတ်စေကြတဲ့ နအဖရဲ့တိုင်းရင်းသား စည်းလုံးညီညွတ်ရေး တွေက သက်သေတစ်ရပ်ပါပဲ။ ကရင်အမျိုးသားအချင်းချင်းပဲ တိုက်ခိုက်နေကြတယ်။ မြန်မာတပ်ဖွဲ့တွေ ပါဝင်ပတ်သက် ခဲ့ခြင်းမရှိဘူးလို့ မြန်မာကိုရော ကမ္ဘာကိုပါဆက်ပြီးလိမ်ညာနေဦးမှာပါပဲ။

ဒါကြောင့် နအဖအနေနဲ့ သူတို့ရဲ့ ၂၀၁၀ ရွေးကောက်ပွဲဖြစ်မြောက်နိုင်ရေးအတွက် အဟန့်အတားတွေလိုဖြစ်နေရတဲ့ ဒေါ်အောင်ဆန်းစုကြည်ကို ထောင်ချခဲ့ပြီးပြီ။ ဒီတော့ နောက်ထပ်ပိတ်ဆို့မှုတွေလုပ်နေတဲ့ နယ်ခြားမစောင့်တဲ့ အပစ်ရပ် အဖွဲ့တွေဖက်ဆီ မျှားဦးလှည့်လာနေပြီလို့ စေတနာများဖြင့် အသိပေးလိုက်ပါရစေ။

မင်းထက်အောင်

Source

တပ်မတော်နှင့် ရွေးကောက်ပွဲဆိုင်ရာ ဂယက်ရိုက်ခတ်မှုများ



ဂျိုးဇက်ဘောလ် (Joseph Ball)
ဗုဒ္ဓဟူးနေ့၊ စက်တင်ဘာလ 02 ရက် 2009 ခုနှစ် 15 နာရီ 26 မိနစ်


၂၀၁၀ ခုနှစ်မြန်မာနိုင်ငံရွေးကောက်ပွဲသည် လွတ်လပ်မျှတမည် မဟုတ်ပါ။ လူထုကလုပ်ပိုင်ခွင့် အာဏာနှင်းအပ်ထားသော ဒေါ်အောင်ဆန်းစုကြည် တပ်ဦးအခန်းမှရှိနေသည့် အမျိုးသားဒီမိုကရေစီ အဖွဲ့ချုပ်ကလည်း အပြည့်အဝပါဝင်ခွင့်ရဖွယ်မရှိပါ။ ရွေးကောက်ပွဲအပြီးတွင် စစ်တပ်က နိုင်ငံရေးလုပ်ပိုင်ခွင့်၌ မတန်တဆ အချိုးအဆဖြင့်ဆက်လက်ရယူထားဦးမည်သာ ဖြစ်သည်။ တိုတိုပြောရလျှင် ရွေးကောက်ပွဲများဖြင့် စစ်တပ်က မြန်မာနိုင်ငံ၏ ထိပ်တန်းအဓိပတိ နိုင်ငံရေးခေါင်းဆောင်ကြီးများအဖြစ် သူတို့နေရာကို ခိုင်မာအောင် လုပ်ကာ သရဖူဆောင်း မည်သာဖြစ်သည်။

နောက်ဆုံးအချက်မှတပါး ကျန်အချက်အများစုသည် မှန်ကန်ဘို့များသည်။ ပြန်လည်ပြုပြင်ပြောင်းလဲခွင့်လည်း ရှိမည်မဟုတ်တော့။

၂၀၁၀ အပြီးဖြစ်ပေါ်လာမည့်အခြေအနေများကို အကဲဖြတ်ရလျှင်၊ တကယ်လည်း အဆိုပါရွေးကောက်ပွဲများ ကျင်းပဖြစ်ခဲ့မည်ဆိုလျှင်၊ ရွေးကောက်ပွဲနှင့်စပ်လျဉ်း၍ မျှော်လင့်တကြီးချဉ်းကပ်နေကြသူ အားလုံးသည် ဤဖြစ်စဉ်၏အောက်ခြေမမြင်သာသောနေရာတွင်ရှိနေသည့် ရှုပ်ထွေး ပွေလီမှုများကို မသိကျိုးကျွန် ပြုထားကြခြင်းသာဖြစ်လိမ့်မည်။

ဆယ်စုနှစ် နှစ်ခုကြာ မြန်မာ့နိုင်ငံရေးအသွင်ပြောင်းလဲရေး ပြောဟောရေးသားချက်များကို လူထုအုံကြွမှုကြီး၏ ပုံရိပ်များ၊ အိပ်မက်များကလွှမ်းမိုးထားခဲ့သည်။ စစ်အစိုးရလက်ထဲမှ အာဏာကို အရပ်သားအုပ်ချုပ်ရေးဖြင့် အစားထိုးနိုင်ရေးအတွက် သွေးမြေကျတိုက်ပွဲဝင်ခဲ့ကြ ရသည်။ အဆိုပြုထားသော ၂၀၁၀ ရွေးကောက်ပွဲဆိုသည်မှာ လူထု၏မျှော်မှန်းချက်များ၊ တောင်းဆိုချက်များကို ဖြည့်ဆည်းမပေးနိုင်သည့်အရာ အဖြစ်သာ ရှုမြင်ထားကြသည်။ မည်သို့ပင်ဖြစ်စေ ရွေးကောက်ပွဲများကို အမြော်အမြင်ရှိရှိ ချဉ်းကပ်ကြည့်လျှင်၊ ဆိုလိုသည်မှာ တပ်မတော်နှင့်စပ်လျဉ်း၍ လတ်တလောတွင် စစ်တပ်သည်သာ အဓိကအခန်းမှရှိနေသည်ဆိုသည်ကို လက်ခံလျှင်၊ လာတော့မည့်အဖြစ်အပျက်များအတွက် ဤအချက်သည် အရပ်သား လူထုအဖို့ အဓိကလိုအပ်နေသော အရေးပါသည့်အချက်ဖြစ်လိမ့်မည်။

လွန်ခဲ့သော ၂ နှစ်က စစ်တပ်က လမ်းမများပေါ်တွင် သံဃာတော်များနှင့် အရပ်သားများကို ချိန်ရွယ်ပစ်ခတ် သတ်ဖြတ်ခဲ့သည်ဆိုသည်ကို မည်သူမျှမေ့နိုင်ကြဦးမည်မဟုတ်ပါ။ အနိမ့်ဆုံး အားဖြင့် စစ်တပ်ကိုယ်တိုင်ကလဲ မေ့နိုင်မည်မဟုတ်ပါ။ အတိုက်အခံတို့ပြောလေ့ပြောထရှိ သောလေလုံးမိုးလုံးဖြစ်သည့် တပ်မတော်သည်သာ တခုတည်းသောခိုင်မာသည့် အင်အားစု ကြီးဖြစ်သည်ဟူသည့်အချက်ကို အပုပ်ချပြောဆိုနေမည်ဆိုလျှင် တပ်မတော်အတွင်းရှိ တပ်မှူး တပ်သားများအကြား ရွှေရည်စိမ်ညီညွတ်ရေးကို ထိန်းသိမ်းပေးရေးကိုကူညီဆောင်ရွက်ရာ ရောက်လိမ့်မည်။ အာဃာတကြီးသောအရပ်သားများ၏အန္တရာယ်ရှိနေသည်၊ တို့တတွေ ညီညွတ်မှဖြစ်လိမ့်မည်ဟု အရာရှိများကို သဘောပေါက်သွားစေလိမ့်မည်။ နေရာအနှံ့ပြန့်နေ သည့်အစိုးရစနစ်အောက်တွင် ဤအရာရှိများ ဒူးထောက်အညံ့ခံတော့မည်လောဟူသည့် မေးခွန်းကိုမေးမြန်းရတော့မည့် အရေးကြီးသောအချိန်အခါလည်းဖြစ်သည်။

တနည်းအားဖြင့်ဆိုရလျှင် ၂၀၁၀ ရွေးကောက်ပွဲများနှင့် ရွေးကောက်ပွဲဖြစ်စဉ်တရပ်ကို ပြန်လည်ဆောင်ရွက်ပေးခြင်းသည် စစ်တပ်နှင့်ပတ်သက်သည့်မေးခွန်းများကို မေးခွန်းထုတ် နေလိမ့်မည်။ အချိန်အတန်ကြာ မဖြေဆိုဘဲနေခဲ့ရသည့် မေးခွန်းတခုဖြစ်သော စစ်အရာရှိများ အနေနှင့် လက်ရှိစနစ်ကို ထောက်ခံမည်လော၊ ဖျက်လိုဖျက်ဆီးလုပ်မည်လောဆိုသည့်မေးခွန်း ကို အရာရှိများ ဖြေဆိုကြရတော့မည်။

(အလားတူ သမိုင်းအဖြစ်အပျက်နှင့် ဆက်စပ်မှုကို ဖိလစ်ပိုင်တွင် ဖာဒီနန်မားကို့စ် အာဏာရှင်အစိုးရလက်ထက် တိုက်ရိုက်စစ်အုပ်ချုပ်ရေးကာလအပြီး တွင် ကြုံတွေ့ခဲ့ကြရပြီးဖြစ်သည်။ သို့သော် `ပြည်သူ့အာဏာ´ သည် နောက်ထပ် ၅ နှစ်ကြာမျှ မနီလာတွင် ပေါ်ပေါက်မလာခဲ့ပါ။ ဘက်လိုက်ဆောင်ရွက်သော ဒီမိုကရေစီပြောင်းလဲရေး ဖြစ် စဉ်များကြောင့် အရာရှိများအတွင်း ထိုကဲ့သို့သော မေးခွန်းများသာ ပေါ်ပေါက်မလာခဲ့ဘူးဆို လျှင် လူထုကအောင်ပွဲခံရန်လည်း လုံးဝမသေချာပါ။)

တပ်မတော်အရာရှိများ ဘက်ပြောင်း၍ ဒီချုပ် သို့ကူးပြောင်းကာ ဒေါ်အောင်ဆန်းစုကြည်ကို ဝန်ကြီးချုပ်အဖြစ် တင်မြှောက်ကြလိမ့်မည်ဟု မဆိုလိုပါ။ အဖွဲ့အစည်းအကျိုးစီးပွါးနှင့်၎င်း၊ တဦး ချင်းအကျိုးစီးပွါးနှင့်၎င်း၊ ဆက်စပ်ပြီး နိုင်ငံရေးအဓိပတိကြီးများနှင့် ဆက်စပ်သည့်ပြဿနာကို စစ်ဘက်တပ်ဖွဲ့ဝင်များအား မေးခွန်းထုတ်ရန်သာ ဆိုလိုပါသည်။

အဆုံးစွန်အားဖြင့်ပြောရလျှင် ၂၀၀၇ စက်တင်ဘာအရေးအခင်းများမှ ခွဲခြမ်းစိတ်ဖြာသုံးသပ်ထားချက် တရပ်ဖြစ်သော စစ်တပ်သည် လက်နက်မဲ့ဆန္ဒပြသူများကို ပစ်ခတ်သတ်ဖြတ်ခဲ့သည် ဟူသော နိုင်ငံရေးဒိုင်းနမစ်နှင့် နိုင်ငံရေးအပြောင်းအလဲရှုထောင့်မှ သုံးသပ်ချက်သည် တပ်မတော်သည် ယခုလည်း အတော်ခိုင်ခိုင်မာမာ ညီညွတ်လျက်ပင် ရှိသေးသည်ဟူသော အချက် လောက်ဖြင့် အရေးမပါလှပါ။

အကယ်၍ လူထု၏မျှော်မှန်းချက်များကို ဒီမိုကရေစီပြုပြင်ပြောင်းလဲရေးလုပ်ငန်းစဉ်များမှ ရအောင်လုပ်ယူရမည် ဆိုလျှင် တပ်မတော်တွင်း မမှန်ကန်သော ညီညွတ်ရေးကို ပြိုကွဲအောင်လုပ်မှရမည်။ သူတို့ကို စစ်တပ်ကိုစွန့်ခွာလာအောင် ပြောသည်မဟုတ်ပါ။ စစ်တပ်အတွင်းအကြပ်တပ်သား များအကြား ဝေဖန်ဆန်းစစ်သော အလေ့ပေါ်ထွက်လာအောင်လုပ်ရေးသာဖြစ်သည်။ ၂၀၁၀ ရွေးကောက်ပွဲများနှင့် ဖြစ်ပေါ်လာမည့် အပြောင်းအလဲများသည် ရယ်ဒီကယ်ကျကျ ပြင်ပအထိ ထိုးထွက်ပြောင်းလဲလာရန်မလိုပါ။ ဤရည်မှန်းချက်ပန်းတိုင်မှတဆင့် ဒီမိုကရေစီလိုလားသော အရပ်သားအတိုက်အခံများ၏ မျှော်လင့်ချက်ကို အကောင်အထည်ပေါ်လာစေဘို့ သာဖြစ် သည်။

သူတို့၏ရည်မှန်းချက်များ အောင်မြင်ရေးအတွက် အရပ်သားတက်ကြွလှုပ်ရှားသူများနှင့် ဒီမိုကရေစီခေါင်းဆောင် များသည် ၂၀၁၀ ရွေးကောက်ပွဲအပြီးတွင် စစ်တပ် ထိပ်ပိုင်းအဆင့်ဆင့်နှင့် အလုပ်ဖြစ်နိုင်သော ဆက်ဆံရေးများကို ခိုင်မာအောင်လုပ်ထားသင့်ကြသည်။ အရပ်သား အတိုက်အခံများနှင့် စစ်တပ်တို့အကြား သတင်းစီးဆင်းမှု သိသိသာသာတိုးတက်လာအောင် လုပ်ထားသင့်ကြသည်။

လူထုကစစ်တပ်ကို လိုအပ်ပါသည်၊ စစ်တပ်ကလည်း လူထုကိုလိုအပ်ပါသည်။ စစ်တပ်နှင့် အရပ်သားခေါင်းဆောင်များအကြား ဤအချက်ကို အသိအမှတ်ပြု၍ အပြန်အလှန်ဆက်ဆံရေး တရပ်ထူထောင်ထားပြီး ၂၀၁၀ အလွန်မြန်မာနိုင်ငံ၏ အောင်ပွဲကြီးများကို အရယူကြရမည်။ တပ်မတော်အတွင်းရှိ အကြပ်တပ်သားများအဘို့လည်း ရွေးကောက်ပွဲသည် မည်မျှပင် ချို့ယွင်းအားနည်းချက်များရှိနေပါစေ၊ သာယာဝပြော၊ လုံခြုံစိတ်ချရပြီး ဒီမိုကရေစီထွန်းကားသော မြန်မာနိုင်ငံတော် ထူထောင်ရေးတွင် လူထု၏ထောက်ခံမှုကို လိုအပ်သည်ဟူသော အချက်ကို နားလည်အသိအမှတ်ပြုကြရလိမ့်မည်။

၂၀၁၀ ရွေးကောက်ပွဲများက မြန်မာနိုင်ငံကို အပြောင်းအလဲများပေါ်ပေါက်စေလိမ့်မည် မဟုတ် ပါ။ သို့သော်ရွေးကောက်ပွဲများ ကျင်းပပေးခြင်းဖြင့် နိုင်ငံရေးရေမြေအနေအထားပြောင်းလဲသွား စေသည်ဆိုလျှင်ပင် တိုင်းပြည်၏ဒီမိုကရေစီအတိုက်အခံများအတွက် အသုံးချနိုင်စရာ အခြေအနေသစ်တရပ်ကို ရရှိစေလိမ့်မည်။ တပ်မတော်ကို အင်အားစုကြီးတရပ်၊ အဖွဲ့အစည်းကြီးတရပ်အဖြစ် ပြုပြင်ပြောင်းလဲရေးစိတ်ဓါတ်ရှိသော အရာရှိများက ထိန်းသိမ်းလမ်းညွှန်ပေးပြီး ဤဖြစ်စဉ်ကြီးတွင် တန်ဘိုးရှိသော လက်တွဲဖော်အဖြစ် အသုံးချနိုင်ရေး ချဉ်းကပ်ဆောင်ရွက် သွားနိုင်သည်နှင့်အမျှ ဤအချက်မှာ အောင်မြင်ဖွယ်ရှိပါသည်။

Source

သမိုင်းကပေးတဲ့ သင်ပုန်းကြီးဖတ်စာတပုဒ်



မောင်လူပျို (မိသားစုဝိုင်း)
ဗုဒ္ဓဟူးနေ့၊ စက်တင်ဘာလ 02 ရက် 2009 ခုနှစ် 19 နာရီ 07 မိနစ်


ငယ်ငယ်က ဖေဖေ စာသင်ခဲ့သည့် ဧည့်ခန်းလေးကို ပြေးမြင်မိသည်။ နံရံပေါ်တွင် အဖိုးသခင်ကိုယ်တော်မှိုင်း၏ ထိုင်မသိမ်း၊ ဖော့လုံးနှင့် စာလိပ်ကို ကိုင်ထားသည့် ဓာတ်ပုံ၊ ဗိုလ်ချုပ်အောင်ဆန်း၏ စစ်ဦးထုပ်နှင့်ပုံ၊ ပြီးတော့ သမ္မတကြီး မန်းဝင်းမောင်၏ ရင်ဖုံးတိုက်ပုံနှင့် ဓာတ်ပုံတို့မှာ အင်မတန် ကျက်သရေရှိလှပါသည်။ ဥပဒေဘွဲ့ရပြီး သူငယ်ချင်းများ ကျနော့်အိမ်သို့ရောက်တိုင်း သမ္မတကြီး မန်းဝင်းမောင်၏ ပုံကို ဘယ်သူ့ပုံလဲဟု အမြဲလို မေးလေ့ရှိပါသည်။ ကျနော် ရှင်းပြခဲ့ပါသည်။ လေထီးဦးအုန်းမောင်၊ လေထီးဦးကျော်ရင်၊ လေထီးဦးစိုးမောင် (ခ) ဗိုလ်မှူးချစ်ကောင်းတို့၏ လေထီးရဲဘော်ဖြစ်ကြောင်း၊ ရဲဘော်ချင်း ဘယ်လောက်သစ္စာရှိကြောင်း၊ ကြိုးပေးသတ်ခံရမည့် ရဲဘော်ကိုပင် ဥပဒေအရ လွတ်ငြိမ်းချမ်းသာခွင့် ပေးခဲ့သည့် သမ္မတကြီး။

(၁၉၄၇ ခုနှစ် “ပြည်ထောင်စု မြန်မာနိုင်ငံ၏ ဖွဲ့စည်းအုပ်ချုပ်ပုံ အခြေခံဥပဒေ” အခန်း (၅) ၊ နိုင်ငံတော်သမ္မတ၊ ပုဒ်မ - ၄၆) “နိုင်ငံတော်သမ္မတကို လျှို့ဝှက်သော မဲဆန္ဒပေးစနစ်ဖြင့် ပါလီမန်ဆိုင်ရာ လ$တ်တော်နှစ်ရပ်. တွဲဖက် ညီလာခံတွင် ရွေးကောက်တင်မြှောက်ရမည်။ ဤအခန်းရှိ ပြဋ္ဌာန်းချက်များနှင့် မဆန့်ကျင်စေဘဲ၊ နိုင်ငံတော်သမ္မတ ရာထူးအတွက် ရွေးကောက်တင်မြှောက်ခြင်းကို ပါလီမန်အက်ဥပဒေဖြင့် သတ်မှတ်ရမည်” ဟု ပြဋ္ဌာန်းချက်အရ မန်းဝင်းမောင် သမ္မတ ဖြစ်လာသည်။

ပြည်ထောင်စုဟုခေါ်သော နိုင်ငံ၏ ဖွဲ့စည်းအုပ်ချုပ်ပုံ အခြေခံဥပဒေဖြင့် မြန်မာနိုင်ငံ၏ လွတ်လပ်ရေးကို သရဖူဆောင်းနိုင်ခဲ့ပါသည်။ ထိုသရဖူကို ပင်လုံညီလာခံက စတင်သွန်းထုခဲ့သည်ကို လူမျိုးစု ပြည်သူတရပ်လုံး၏ အသည်းနှလုံးထဲတွင် မှတ်တမ်းကမ္ဗည်းတင်ထားပြီး ဖြစ်ပါသည်။ အခြား မည်သည့်သရဖူနှင့်မျှ လဲလှယ်၍ ရကောင်းသည့်အရာ မဟုတ်ပါ။

(၁၉၄၇ အခြေခံဥပဒေ အခန်း (၈)၊ ပြည်ထောင်စု၏ တရားစီရင်ရေး၊ ပုဒ်မ - ၁၃၃) ပြည်ထောင်စုနိုင်ငံ တဝှန်းလုံး၏ တရားစီရင်ရေးကိစ္စကို ဤအခြေခံဥပဒေအရသော်၎င်း၊ တရားဥပဒေအရသော်၎င်း၊ တည်ထောင်ထားသော တရားရုံးများတွင် ဤအခြေခံဥပဒေနှင့်အညီ၊ သို့တည်းမဟုတ် တရားဥပဒေနှင့်အညီ ခန့်ထားသော တရားသူကြီးများက စီမံအုပ်ချုပ်ရမည်ဟု ပြဋ္ဌာန်းထားသည်။

(ပုဒ်မ - ၁၃၇) တရားဥပဒေတခုသည် အခြေခံဥပဒေရှိ ပြဋ္ဌာန်းချက်များအရ ခိုင်လုံသည်၊ မခိုင်လုံသည် ဟူသော ပြဿနာ ပေါ်ပေါက်နေသည့်အမှုများကို တရားလွှတ်တော်ချုပ်၏ အယူခံစီရင်ပိုင်ခွင့် အာဏာဖြင့် မစီရင်၊ မဆုံးဖြတ်ရဟု မည်သည့်တရားဥပဒေမျိုးကိုမျှ မပြုရဟု ပြတ်သားစွာ ပြဋ္ဌာန်းထားခဲ့သည်ကို တွေ့ရပါသည်။ ထိုကဲ့သို့ တရားဥပဒေမျိုးကို ပြဋ္ဌာန်းသည်ဆိုပါလျှင် အခြေခံဥပဒေကို ချိုးဖောက်ရာကျပေသည်။ တရားလွှတ်တော်ချုပ်၏ အထွတ်အမြတ်ထိပ်ဆုံးက တရားစီရင်ရေးအာဏာကို ဖော်ပြဋ္ဌာန်းခြင်း ဖြစ်ပါသည်။

(ဥပဒေပြုရေးအာဏာကိုလည်း ၁၉၄၇ အခြေခံဥပဒေ အခန်း (၆)၊ ပါလီမန်။ ပုဒ်မ - ၆၅) ပြည်ထောင်စုနိုင်ငံ၏ ဥပဒေပြုမှု အာဏာသည် ပါလီမန်တွင် တည်ရှိရမည်။ ပါလီမန်တွင် နိုင်ငံတော်သမ္မတ၊ ပြည်သူ့လွှတ်တော်နှင့် လူမျိုးစုလွှတ်တော်တို့ ပါဝင်ရမည်။ ဤအခြေခံဥပဒေတွင် ပါလီမန်ကို “ပါလီမန်” သို့မဟုတ် “ပြည်ထောင်စု ပါလီမန်” ဟု ခေါ်ရမည်ဟု ပြဋ္ဌာန်းထားသည်။ ပါလီမန်က ပြဋ္ဌာန်းသည့် ဥပဒေမှသာ ဥပဒေဖြစ်သည်။ အခြား မည်သည့်အရာမှ ဥပဒေမဟုတ်၊ ဥပဒေကို အစိုးရက ပြဋ္ဌာန်း၍ လုံးဝ (လုံးဝ) မရ။ ထို့နောက် “တရားစီရင်ရေး ထိပ်ဆုံးက အာဏာပိုင်” ကို ပါလီမန်ကမှ သဘောတူညီချက်ဖြင့် ခန့်အပ်ကြောင်း အောက်ပါအတိုင်း အထင်အရှားဖော်ပြထားခဲ့သည်။

(၁၉၄၇ အခြေခံဥပဒေ၊ ပုဒ်မ - ၁၄၀) (၁) ပါလီမန်ဆိုင်ရာ လွှတ်တော်နှစ်ရပ် တွဲဖက်အစည်းအဝေး၏ သဘောတူညီချက်ဖြင့် နိုင်ငံတော်တရားဝန်ကြီးချုပ်ကို နိုင်ငံတော်သမ္မတသည် မိမိကိုယ်တိုင် လက်မှတ်ရေးထိုး တံဆိပ်ခတ်နှိပ်သော အမိန့်စာဖြင့် ခန့်ထားရမည်။

(၂) ပါလီမန်ဆိုင်ရာ လွှတ်တော်နှစ်ရပ် တွဲဖက်အစည်းအဝေး၏ သဘောတူညီချက်ဖြင့် တရားလွှတ်တော်ချုပ်နှင့် တရားလွှတ်တော်ဆိုင်ရာ တရားရေးဝန်ကြီးအားလုံးကို နိုင်ငံတော်သမ္မတသည် မိမိကိုယ်တိုင် လက်မှတ်ရေးထိုး တံဆိပ်ခတ်နှိပ်သော အမိန့်စာဖြင့် ခန့်ထားရမည်ဟု တရားစီရင်ရေး အာဏာသည် ပါလီမန်ကသာ ဆင်းသက်ကြောင်း အတိအလင်း တွေ့ရှိရပါသည်။ ခန့်ထားသည့် နေရာတွင်လည်းကောင်း၊ စစ်ဆေးစီရင်ဆုံးဖြတ်သည့် နေရာတွင်လည်းကောင်း အလွန်ပင် စံကျပါသည်။

(၁၉၄၇ အခြေခံဥပဒေ၊ ပုဒ်မ - ၁၄၁) တရားသူကြီးအားလုံးသည် ဤအခြေခံဥပဒေနှင့် တရားဥပဒေများကိုသာ လိုက်နာ၍ မိမိတို့၏ တရားစီရင်မှု အလုပ်ဝတ္တရားများကို လွတ်လပ်စွာ ဆောင်ရွက်နိုင်ရမည်ဟု အုပ်ချုပ်ရေး အာဏာ၏ ဝင်ရောက်စွက်ဖက်မည့် အန္တရာယ်မှ ကင်းလွတ်ရန် အပြတ်သားဆုံး ကာကွယ်ပေးထားပါသည်။

ဥပဒေသည် လေဆာရောင်ခြည်ထက် ပြတ်သားပါသည်။ အခြေခံဥပဒေကို ဆန့်ကျင်ပြဋ္ဌာန်း၍ လုံးဝမရပါ။ အခြေခံဥပဒေအရ ဆောင်ရွက်ချက်ကိုလည်း လုံးဝ (လုံးဝ) ဝင်ရောက်စွက်ဖက်၍ မရပါ။

(၁၉၄၇ - အခြေခံဥပဒေ၊ ပုဒ်မ - ၆၀) ပြစ်ဒဏ်လွတ်ငြိမ်းချမ်းသာခွင့် ပေးနိုင်သော အခွင့်အရေးသည် နိုင်ငံတော်သမ္မတ၌ တည်ရှိရမည်။ ဤပုဒ်မအား ပြတ်သားစွာ ကိုင်တွယ်ကျင့်သုံးခဲ့သည့် သမ္မတကြီးမှာ ကရင်အမျိုးသားကြီး “မန်းဝင်းမောင်”၊ ဖက်ဆစ်တော်လှန်ရေး သူရဲကောင်းကြီး လေထီး မန်းဝင်းမောင်ပင် မဟုတ်ပါလော။

တရားသူကြီးကလည်း သူ့တာဝန်အရ သူလုပ်သည်။ သမ္မတကလည်း သူ့တာဝန်အရ သူ လုပ်သည်။ ပြဿနာတက်စရာမရှိ။ လွတ်လပ်ရေး၏ အမွှာပူး ပြည်တွင်းစစ်က ရှိနေသည်။ ထိုအခြေခံပေါ်က ထွက်လာသည့် ဥပဒေအားလုံးမှာ နိုင်ရာစား ဥပဒေများသာ ဖြစ်ပေတော့သည်။ မတရားသည့် ဥပဒေမှန်သမျှကို အာဏာရအစိုးရက ထုတ်ချင်တိုင်း ထုတ်တတ်ကြသည်။ ဤသို့ ထုတ်၍မရပါ။ လုပ်ချင်တိုင်း လုပ်၍မရပါ။ ယဉ်ကျေးသည့် လူ့အဖွဲ့အစည်းတရပ်ကို တည်ဆောက်လိုသည်ဆိုလျှင် မုဒိတာတရားကို မျက်ကွယ်ပြု၍ မရပါ။ အောက်ပါအမှုကို အတိုချုပ် ကြည့်ရှုနိုင်ပါသည်။

“ကိုစိုးမောင် ခေါ် ကိုချစ်ကောင်းနှင့် ပြည်ထောင်စု မြန်မာနိုင်ငံ”
၁၉၆၀ ခုနှစ်၊ မြန်မာပြည် စီရင်ထုံး၊ ၁၃၆ (လွှတ်တော်)
''အစိုးရအား တော်လှန်ပုန်ကန်နေသည့်အဖွဲ့၏ စစ်တပ်တွင် ဗိုလ်မှူးကြီးအဆင့် ရာထူးရှိပြီး၊ ပြန်ကြားရေးမှူးအဖြစ် ဆောင်ရွက်ခဲ့သူသည် အစိုးရစစ်တပ်နှင့် မျက်နှာချင်းဆိုင်တိုက်ခိုက်ရာ၌ မပါဝင်စေကာမူ နိုင်ငံတော် တော်လှန်မှု ကျူးလွန်ရာရောက်သည်'' ဟု ဆုံးဖြတ်ပြီး တရားလွှတ်တော်က သေဒဏ်ကြိုးမိန့်ပေးခဲ့ပါသည်။ ဗိုလ်မှူးချစ်ကောင်း၏ “အနှစ် နှစ်ဆယ်” စာအုပ်တွင် အနှစ် ၂၀ လုံးလုံး တိုင်းပြည်အတွက် ကြိုးပမ်းခဲ့ပြီး မိမိကိုယ်မိမိ ပြန်ကြည့်လိုက်သည့်အခါ ကြိုးတိုက်ထဲရောက်နေသည်” ဟု ဖော်ပြထားချက်ကို ရင်နင့်ဖွယ်တွေ့ရှိရမည် ဖြစ်ပါသည်။

ကြိုးမိန့်မှလွတ်ပြီး သမ္မတကြီးမန်းဝင်းမောင်၏ သမ္မတအိမ်တော် ထမင်းစားဝိုင်းတွင် လေထီးဦးအုန်းမောင် မိသားစု၊ လေထီးဦးစိုးမောင် မိသားစု၊ လေထီးမန်းဝင်းမောင် မိသားစုတို့၏ ညနေစာမှာ သမိုင်းဝင်ညနေစာဟု ဆိုရပါမည်။ ရဲဘော်ချင်း ချစ်လိုက်ကြသည့်မြင်ကွင်းကို သမိုင်းကပေးသည့် သင်ပုန်းကြီးဖတ်စာတပုဒ်ကဲ့သို့ ကျနော် အလွတ်ကျက်မှတ်လိုက်ပါသည်။

မြန်မာနိုင်ငံရှိ လူမျိုးစုပြည်သူတိုင်း ဤလိုညနေစာမျိုးကို စားချင်ကြပါမည်။ အစားကောင်းလေးတလုပ် စားရတိုင်း ကိုယ့်မိဘ ဆွေမျိုးသူငယ်ချင်းများကို သတိတရ ကျွေးချင်မွေးချင်ကြသည်။ ကျနော်တို့မြန်မာများ၏ အင်မတိအင်မတန် ချစ်စရာကောင်းသည့် ဓလေ့ဖြစ်ပါသည်။ သမ္မတကြီးတို့လို ချစ်ချင်ကြပါသည်။ သမ္မတကြီး မန်းဝင်းမောင်၏ နိုင်ငံတော်နှင့် ဥပဒေကို အလေးစားဆုံး စံပြလုပ်ရပ်တခုအဖြစ် လုပ်ပြခဲ့သည့် သမိုင်းမော်ကွန်းတရပ် ဖြစ်ပါသည်။

သို့သော် ယခုတော့ ထိုသို့မဟုတ်ပြီ။ တက်လာသမျှ အစိုးရတိုင်းသည် ပြည်ထောင်စုကို မလိုလားကြပါ။ တပြည်ထောင်စနစ်ကိုချည်း ကျင့်သုံးချင်ကြ၏။ ဆိတ်ခေါင်းပြ၍ ခွေးသားရောင်း၏။ မဟာလူမျိုးကြီးဝါဒ၏ ထောင်ချောက်တွင်း သက်ဆင်းကြရ၏။ ပြည်ထောင်စု ထမင်းဝိုင်းကို တယောက်တည်း တသက်လုံး စားသွားချင်လျှင်မူ အကျည်းတန်ပါတော့မည်။ အားလုံး ပါဝင်သင့်ပါသည်။

ပြည်ထောင်စုကို ချစ်သည့် အမကြီး ဒေါ်အောင်ဆန်းစုကြည် ကျန်းမာပါစေ၊ ချမ်းသာပါစေဟူ၍ ပြည်သူများနှင့်အတူ ကျနော် ဆုတောင်းအပ်ပါသည်။

၂၄ - ၈ - ၂၀၀၉
ယိုးဒယားမြေ

Source

02September ဒိုင်ယာရီ

ဖိုင်ရယူရန်



စီးတီးအက်ဖ်အမ်က မီးပျက်မည် ကြေညာ
ပြည်သူများ စိတ်ပျက်လက်ပျက်ဖြစ်
အောင်ကျော်မိုး / ၂ စက်တင်ဘာ ၂၀၀၉

စက်တင်ဘာ (၁) ရက်ညပိုင်း၊ ရန်ကုန်မြို့ စီးတီးအက်ဖ်အမ် ရေဒီယိုမှ သတင်းကြေညာရာတွင် ဂက်စ်ပိုက်လိုင်းပေါက်၍ ပြုပြင်ရမည်ဖြစ်သောကြောင့် ပြုပြင်နေစဉ်ကာလအတွင်း လျှပ်စစ်မီးပြတ်တောက်မည်ဖြစ်ပြီး ခွဲတမ်းဖြင့် မီးပြန်ပေးမည် ဖြစ်ကြောင်း ကြေညာခဲ့သည့်အတွက် ရန်ကုန်မြို့ခံများ စိတ်ပျက်နေကြကြောင်း စုံစမ်းသိရသည်။

မြေနီကုန်းတွင် နေထိုင်သူတဦးက “ခါတိုင်းနှစ် မိုးတွင်းဆိုရင် လျှပ်စစ်မီး မှန်မှန်ရတယ်။ ဒီနှစ်ဆို ခုမိုးတွင်းမှာတောင် မီးမှန်မှန် မရဘူး။ ပေးတဲ့မီးက အားနည်းလွန်းတော့ လျှပ်စစ်ပစ္စည်းအများစု သုံးလို့မရဘူး။ နောက် သုံးတဲ့ လျှပ်စစ်ပစ္စည်းတွေလည်း အပျက်များလာတယ်။ ဒါတင်မက မိုးတွင်းရောက်နေတာတောင် ရေက ခက်နေတယ်။ အချိန်တိုင်း စုပ်လို့မရဘူး။ ညဘက်မှပဲ ရေတင်လို့ရတယ်။ ရန်ကုန်မြို့ကြီး တနေ့ထက်တနေ့ ဆုတ်ယုတ်လာနေတယ်” ဟု ပြောသည်။

အဆိုပါ စီးတီးအက်ဖ်အမ်က သတင်းကြေညာပေးနေချိန်၌ ရန်ကုန်တမြို့လုံး မီးပြတ်သွားချိန်ဖြစ်ပြီး နောက်တရက် စက်တင်ဘာ (၂) ရက်၊ ယနေ့ နံနက်ပိုင်းတွင်လည်း မြို့နယ်အတော်များများ၌ အချိန်ပိုင်း မီးပျက်ကြောင်း စုံစမ်းသိရသည်။

ပြီးခဲ့သည့် ၂ဝဝ၈ ခု နိုဝင်ဘာမှစတင်ကာ ရန်ကုန်တမြို့လုံးတွင် လျှပ်စစ်မီးကို ခွဲတမ်းဖြင့်သာ ရရှိခဲ့ကြကာ တနေ့ (၁၄) နာရီခန့် မီးပျက်ရာမှ နောက်ပိုင်းတွင် ပြီးခဲ့သည့်ဇူလိုင်လကုန်အထိ တနေ့ မီး (၁ဝ) နာရီခန့် ပျက်ကြောင်း၊ မင်္ဂလာတောင်ညွန့်၊ တာမွေ အပါအဝင် ဆင်ခြေဖုံး မြို့နယ်တို့၌ လျှပ်စစ်မီးရရှိမှု ပိုမိုနည်းပါးကြောင်း မြို့ခံများက ပြောသည်။

“အခုနှစ် သြဂုတ်လဆန်းကစပြီး မြို့လယ်ဧရိယာအများစုမှာ (၂၄) နာရီနီးပါး လျှပ်စစ်မီးပြန်ရကြတယ်။ ဒါပေမယ့် မီးအားက သိပ်နည်းနေတော့ အများစုက မီးအားမြှင့်စက်တွေ ၀ယ်သုံးနေရတယ်။ မသုံးလို့ကို မဖြစ်ဘူး” ဟု ရန်ကုန်မြို့ ပန်းဆိုးတန်းလမ်း တွင် နေထိုင်သူတဦးက ပြောသည်။

ရန်ကုန်ဧရိယာ အများစုတွင် ပုံမှန်အားဖြင့် မီးအား (၂၂ဝ) ဗို့မှ (၂၄ဝ) ဗို့အကြား ရှိရမည့်အစား ဗို့အား (၁၅ဝ) အောက်သာရှိပြီး အချို့နေရာများတွင် ဗို့အား (၁ဝဝ) ကျော်ရုံသာရှိသောကြောင့် နေအိမ်အများစုက မီးအားမြှင့်စက်များ ဝယ်ယူအသုံးပြုလာကြ ကြောင်း၊ ယခုနှစ် မီးအားမြှင့်စက် ရောင်းအားမှာ ယခင်နှစ်ကထက် (၃) ဆခန့်တက်လာကြောင်း မောင်ထော်လေးလမ်း လျှပ်စစ်ပစ္စည်းအရောင်းဆိုင်မှ အရောင်းစာရေးတဦးက ပြောသည်။

ထိုသို့ လျှပ်စစ်မီး ဗို့အားအပြည့်အ၀မရသဖြင့် ရေတွန်းစက်များ အချိန်ပြည့် အလုပ်မလုပ်နိုင်ဘဲ လှော်ကားရှိ ရေတွန်းစက် (၂) လုံးအနက် (၁) လုံးသာ လည်နိုင်ပြီး ငမိုးရိပ် ရေကူး ရေတွန်းစက်မှာလည်း အပြည့်အ၀မလည်ပတ်နိုင်ကြောင်း ရန်ကုန်မြို့တော် စည်ပင်သာယာရေးကော်မတီ ရေနှင့် သန့်ရှင်းရေးဌာနက သတင်းထုတ်ပြန်ခဲ့သည်။

ထို့ကြောင့် ရန်ကုန်မြို့ရှိ ဧရိယာအများစုမှာ ည (၁ဝ) နာရီမှ နံနက် (၆) နာရီ အချိန်အတွင်းသာ ရေစုပ်ယူ အသုံးပြုနိုင်ကြောင်း၊ အချို့မြို့နယ်များကိုမူ အလှည့်ကျပေးခြင်း၊ အဝီစိတွင်းရေ သုံးရန် စီစဉ်ပေးခြင်း စသဖြင့် ပြုလုပ်ပေးနေရကြောင်းလည်း စည်ပင်က သတင်းထုတ်ပြန်သည်။

နအဖစစ်အစိုးရက ယခုကဲ့သို့ ရေပြဿနာ၊ မီးပြသနာကို ပြေလည်အောင် ဖြေရှင်းပေးနိုင်ခြင်းမရှိဘဲ တနေ့တခြား အခြေအနေ ဆိုးဝါးလာသည့်အပေါ် ပြည်သူအများက စိတ်ပျက်လက်ပျက် ဖြစ်နေကြောင်း သိရသည်။


ရန်ကုန်တိုင်း ရဲတပ်ဖွဲ့မှူး ရဲမှူးကြီးဝင်းနိုင်နေပြည်တော် ခေါ်ယူစစ်ဆေးခံနေရ
NEJ / ၂ စက်တင်ဘာ ၂၀၀၉


ရန်ကုန်တိုင်း ရဲတပ်ဖွဲ့မှူး ရဲမှူးကြီး ၀င်းနိုင်အား အဂတိလိုက်စားမှု၊ အာဏာအလွဲသုံးစားလုပ်မှုများဖြင့် နေပြည်တော်တာဝန်ရှိ သူတို့က ခေါ်ယူစစ်ဆေးနေသည်မှာ ရက်သတ္တနှစ်ပတ်မျှရှိပြီဖြစ်ကြောင်း နေပြည်တော်အသိုင်းအ၀ိုင်းနှင့် နီးစပ်သူတဦးက ပြောသည်။

၎င်းနှင့်ဆက်စပ်ပတ်သက်နေသည့် ခရိုင်အဆင့်၊ မြို့နယ်အဆင့် ရဲအရာရှိများကိုလည်း အထူးစုံစမ်းစစ်ဆေးရေး (BSI) နှင့် သတင်းတပ်ဖွဲ့ (SB) တို့က ခေါ်ယူစစ်ဆေးနေဆဲဖြစ်သည်။

အမှုတွဲဆက်စပ် ရဲအရာရှိများကို ရန်ကုန်မြို့၊ ဆိပ်ကမ်းလမ်း အမှတ် (၆၇-၆၉)၊ အထူးစုံစမ်းစစ်ဆေးရေးရုံးချုပ်၌ စစ်ဆေးနေသည်ဟုလည်းကောင်း၊ ကမ်းနားလမ်း ခြောက်ထပ်ရုံး သတင်းတပ်ဖွဲ့ရုံးချုပ်၌ စစ်ဆေးနေသည်ဟုလည်းကောင်း သတင်းများ ထွက်ပေါ်နေသည်။

သြဂုတ်လ နောက်ဆုံးပတ်အတွင်း ခြောက်ထပ်ရုံး၌ ရဲအရာရှိကားများ အ၀င်အထွက်များနေသောကြောင့် ခြောက်ထပ်ရုံး၊ သတင်းတပ်ဖွဲ့ရုံးချုပ်၌ ၎င်းအမှုတွဲအား စစ်ဆေးနေသည်မှာ ဖြစ်နိုင်ခြေရှိကြောင်း ခြောက်ထပ်ရုံးမှ အရာထမ်းတဦးက ပြောသည်။

ရန်ကုန်မြို့ ပန်းဆိုးတန်းလမ်း နိုင်ငံကူးလက်မှတ်ထုတ်ပေးရေးရုံး၌လည်း ယခုလပိုင်းများအတွင်း ဌာနတွင်းအရေးယူမှုများ ဆက်တိုက်ဖြစ်ပေါ်နေသည်။

ပြီးခဲ့သည့်ဇွန်လအတွင်း၌ နိုင်ငံကူးလက်မှတ်ထုတ်ပေးရေးအဖွဲ့ ရုံးတာဝန်ရှိသူ ၀န်ထမ်း (၂၀) ကျော်အပြစ်ပေးအရေးယူခံရပြီး ယခင်လအတွင်း၌ ရုံးဝန်ထမ်း (၄၀) ခန့် နယ်ပြောင်းရွှေ့အပြစ်ပေးအရေးယူခံရကြောင်း အဆိုပါရုံးမှ ပြည်နယ်တခုသို့ အပြောင်းခံရသူ သတင်းတပ်ဖွဲ့အရာရှိတဦးက ပြောသည်။

၎င်းက “ခုချိန်ထိကို နယ်ပြောင်းကိစ္စတွေ မပြီးသေးဘူး။ Passport ရုံး တရုံးလုံး ပြောင်းပစ်ဖို့အစီအစဉ် ရှိပုံရတယ်” ဟု ပြောသည်။

နိုင်ငံကူးလက်မှတ်ထုတ်ပေးရေးအဖွဲ့ ရုံးတာဝန်ရှိသူများ ဤသို့ အရေးယူခံရခြင်းသည် နေပြည်တော်၊ မြေအောက်ဥမင်လိုဏ်ခေါင်းသတင်း ပေါက်ကြားခြင်းနှင့် တိုက်ရိုက်ဆက်စပ်နေသည်ဟု ၀န်ထမ်းများက ယူဆကြသည်။

မြေအောက်ဥမင်တူးဖော်ရေး သတင်းပေါက်ကြားမှုတွင် သံသယရှိသူများဟု ယူဆခံရသည့် တပ်မတော်အရာရှိအချို့သည် အခြားနိုင်ငံများသို့ ထွက်ပြေးတိမ်းရှောင်ခဲ့ကြကြောင်း၊ အဆိုပါအရာရှိများကို နိုင်ငံကူးလက်မှတ် ထုတ်ပေးခဲ့ခြင်းကြောင့် ဆက်စပ် သတင်းတပ်ဖွဲ့ဝင်များ ယခုကဲ့သို့ အရေးယူခံရခြင်းဖြစ်ကြောင်း အဆိုပါ သတင်းတပ်ဖွဲ့အရာရှိတဦးက ပြောသည်။

ယခုလက်ရှိ နေပြည်တော်မှ ခေါ်ယူစစ်ဆေးနေသော ရန်ကုန်တိုင်း ရဲတပ်ဖွဲ့မှူး ရဲမှူးကြီးဝင်းနိုင်သည် ရှမ်းပြည်နယ်မြောက်ပိုင်း ပြည်နယ်ရဲမှူးကြီးအဆင့်မှ တဆင့်တိုး ရာထူးဖြင့် ရန်ကုန်တိုင်း ရဲတပ်ဖွဲ့သို့ ရောက်ရှိလာသည်မှာ (၂) နှစ် ၀န်းကျင်ခန့်ရှိပြီဖြစ်သည်။



ကချင်ပြည်ဒီမိုကရေစီသစ်တပ်မတော် နယ်မြေအတွင်းနယ်ခြားစောင့်တပ်ရင်းအတွက် မြေနေရာတိုင်း
ခိုင်လင်း / ၂ စက်တင်ဘာ ၂၀၀၉


သြဂုတ် (၂၉) ရက်မှစ၍ ကချင်ပြည်ဒီမိုကရေစီသစ်တပ်မတော် (အန်ဒီအေ-ကေ) ဌာနချုပ်ရှိရာ တရုတ်-မြန်မာနယ်စပ် ပန်ဝါမြို့တွင် မြောက်ပိုင်းတိုင်းစစ်ဌာနချုပ်မှ စစ်ဘက်အရာရှိများနှင့် မြေစာရင်းဌာနမှ ဦးစီးအရာရှိများ ပါဝင်သည့် အဖွဲ့တဖွဲ့ ရောက်ရှိနေပြီး နယ်ခြားစောင့်တပ်ရင်းများ တည်ဆောက်နိုင်ရေးအတွက် မြေတိုင်းတာမှုများ စတင်လုပ်ဆောင်နေသည်။

ပန်ဝါဌာနချုပ်တွင် နယ်ခြားစောင့်တပ်တခု ထားရှိမည်ဖြစ်သကဲ့သို့ ပန်ဝါမြို့အနီးတွင် တပ်သစ်တည်မည် ဖြစ်သည်ဟု အန်ဒီအေ-ကေ အရာရှိတဦးက ပြောသည်။

၎င်းက “မပခက ဗိုလ်မှူးကြီး၊ စစ်ဦးစီး(ပ)ပေါ့။ သူဦးဆောင်ပြီး မြေနေရာလာကြည့်တာ။ တပ်တွေ ဘယ်မှာ ဆောက်မလဲဆိုတာ ညှိနှိုင်းနေတာပါ။ ဥက္ကဋ္ဌ ဦးဆခုန်တိန့်ယိန်း မြစ်ကြီးနားမှာ တိုင်းမှူးတို့နဲ့ ဆွေးနွေခဲ့ပြီးပြီ။ အဲဒီကပြန်လာတာ လေး-ငါးရက်ပဲ ရှိသေးတယ်” ဟု ပြောသည်။

အပစ်ခတ်ရပ်စဲရေးပြုလုပ်ထားသည့် ငြိမ်းအဖွဲ့များကို နယ်ခြားစောင့်တပ်အသွင်ပြောင်း ဖွဲ့စည်းရန် နအဖက ဧပြီ (၂၈) ရက်တွင် ကမ်းလှမ်းပြောဆိုခဲ့ပြီး တရုတ်-မြန်မာနယ်စပ်တလျှောက်ရှိ ရှမ်းပြည်နယ်အရှေ့ပိုင်း အထူးဒေသ (၄) မိုင်းလားအဖွဲ့၊ အထူးဒေသ (၂) ဝပြည်သွေးစည်းညီညွတ်ရေးတပ်မတော်၊ အထူးဒေသ(၁) ကိုးကန့်တပ်ဖွဲ့၊ ကချင်အထူးဒေသ (၂) ကချင်ပြည်လွတ်လပ်ရေးအဖွဲ့နှင့် ရှမ်းပြည်တပ်မတော် (မြောက်ပိုင်း) အဖွဲ့တို့က လက်မခံကြဘဲရှိနေချိန်တွင် အန်ဒီအေ-ကေ အဖွဲ့က လက်ခံသဘောတူထားသည်။

နယ်ခြားစောင့်တပ်ရင်းတခုတွင် အင်အား (၃ဝဝ) ကျော် ရှိမည်ဖြစ်ပြီး နအဖစစ်တပ်မှ အရာရှိနှင့် အခြားအဆင့် (၃ဝ) ကျော် ပါဝင်ဖွဲ့စည်းမည်ဖြစ်ကာ အုပ်ချုပ်ရေးနှင့် ရုံးတာဝန်များကို စစ်တပ်က တာဝန်ယူမည်ဖြစ်သည်။

နယ်ခြားစောင့်တပ်ဖွဲ့တွင် ဆက်လက်တာဝန်ထမ်းဆောင်လိုခြင်းမရှိသည့် အန်ဒီအေ-ကေမှ အောက်ခြေအဆင့် တပ်ဖွဲ့ဝင်အချို့ နုတ်ထွက်မှုများရှိနေသည်ဟု အဆိုပါ အန်ဒီအေ-ကေ အရာရှိတဦးက ပြောသည်။

၎င်းက “တပ်ထဲမှာ ဆက်ပြီးတာဝန်ထမ်းမဆောင်ချင်လည်း ရတယ်လေ။ ဒါကြောင့် နုတ်ထွက်ခွင့်တောင်းပြီး ထွက်နေတာပါ။ အတင်းအကျပ် လုပ်ခိုင်းလို့မရပါဘူး။ တချို့က သင်တန်းပြန်တက်ရမယ်ဆိုတော့ ကြောက်တာလည်း ပါတာပေါ့။ သင်တန်းက မြစ်ကြီးနား၊ ပြင်ထောင်ကျေးရွာမှာပါ။ အဲဒီမှာ စစ်သင်တန်းကျောင်းရှိတယ်။ အဲဒီမှာ တက်ရမှာပါ” ဟု ပြောသည်။



နောက်နှစ်မှစ အရက်ကြော်ငြာမထည့်ရဟုစာပေစိစစ်ရေးက ချမှတ်
NEJ / ၂ စက်တင်ဘာ ၂၀၀၉

ပြည်တွင်း သတင်းဂျာနယ်နှင့်မဂ္ဂဇင်းတို့တွင် အရက်ကြော်ငြာများ ထည့်သွင်းကြော်ငြာခြင်းကို လာမည့် ၂၀၁၀ ခုနှစ် ဇန်န၀ါရီ (၁) ရက်မှ စတင်ပိတ်ပင်မည်ဖြစ်ကြောင်း စာပေစိစစ်ရေးမှ အရာထမ်းတဦးက ပြောသည်။

၎င်းက “ယခင် ခွင့်ပြုထားပြီးတဲ့ အရက်ကြော်ငြာအဟောင်းတွေကို လာမယ့်ဒီဇင်ဘာမှာ အပြတ်ဖြတ်မယ်၊ အဲဒီထိပဲ ခွင့်ပြုမှာ ဖြစ်တယ်။ ချက်ချင်းမလုပ်တာက တချို့ဂျာနယ်တွေမှာ (၁) နှစ်စာကြော်ငြာတွေ စာချုပ်နဲ့လုပ်ထားကြတာဖြစ်တယ်” ဟု ပြောသည်။

ယင်းသို့ ကြော်ငြာများ ပိတ်ပင်လိုက်သည်မှာ နိုင်ငံတကာမှထုတ်ဝေသော စာနယ်ဇင်းများတွင် လူအများ၏ကျန်းမာရေးကို ထိခိုက်စေသည့် ဆေးလိပ်၊ အရက်ကြော်ငြာများကို ဖော်ပြခြင်းမရှိသည့်အတွက် ပြည်တွင်းထုတ် သတင်းဂျာနယ်များတွင်လည်း ပိတ်ပင်ရခြင်းဖြစ်ကြောင်း အဆိုပါအရာထမ်းက ပြောသည်။

အရက်ကြော်ငြာ ပိတ်ပင်မည့်ကိစ္စနှင့်ပတ်သက်၍ ဂျာနယ်တိုက်များသို့ စာပေစိစစ်ရေးမှ စာပို့ထားကြောင်းလည်း ပြည်တွင်းသတင်းဂျာနယ် အယ်ဒီတာတဦးက ပြောသည်။

ပြည်တွင်းမှ အနုပညာဂျာနယ်စာစောင်ထုတ်ဝေသူ တဦးကမူ ပြည်တွင်းဂျာနယ်၊ မဂ္ဂဇင်းများအနေဖြင့် စီးပွားရေးလုပ်ငန်းရှင်ကြီး များ၏ ကြော်ငြာများအပေါ် ရပ်တည်မှုရှိသော်လည်း အများပြည်သူကို အကျိုးမပြုသည့် အရက်၊ ဆေးလိပ်ကြော်ငြာ တားမြစ်ချက်ကို လက်ခံကြောင်း၊ သို့သော် ဂျာနယ်မဂ္ဂဇင်းများကိုသာ ကန့်သတ်ခြင်းသည် မတရားကြောင်း ထောက်ပြပြောဆိုသည်။

၎င်းက “ဒါဆိုရင်လည်း အားလုံးကို တန်းတူလုပ်ပေးသင့်တာပေါ့။ ဂျာနယ်တွေကိုပဲ မကြော်ငြာရဘူးဆိုတာတော့ မဖြစ်သင့် ဘူးပေါ့။ အရက်တို့၊ စီးကရက်တို့ကို ထုတ်တာ အစိုးရနဲ့ပတ်သက်တဲ့ လုပ်ငန်းရှင်တွေပဲလေ။ အစိုးရကိုယ်တိုင်ကလည်း ထုတ်နေတာပဲ။ သူတို့က ထုတ်လုပ်မှုကိုတော့ မလျှော့ချဘဲနဲ့ ဂျာနယ်တွေမှာတော့ မကြော်ငြာရဘူးဆိုတာက မတရားရာကျ တယ်” ဟု ပြောသည်။

ဂျာနယ်များတွင် အရက်မကြော်ငြာရန် တားမြစ်မည်ဟု ပြောဆိုနေချိန်တွင် ရန်ကုန်မြို့တော် စည်ပင်နယ်နိမိတ်အတွင်းတွင် ယခုလောလောဆယ်၌ အရက်ကြော်ငြာများကို ခွင့်ပြုထားသည့်အပြင် ဘီယာမျိုးစုံကိုပါ ကြော်ငြာနေကြောင်း ရန်ကုန်မြို့မှ စားသောက်ဆိုင်ပိုင်ရှင်တဦးက ပြောသည်။

၎င်းက “ရန်ကုန်မှာ ကြော်ငြာနေတာက အရက်အမျိုးမျိုးပဲ။ ကားတွေပေါ်မှာလည်း တွေ့နေရတယ်။ မြို့အနှံ့မှာ ခုတလော ခေတ်စားနေတဲ့ ကြော်ငြာက အီးဂဲလ် အမှတ်တံဆိပ်ပဲ။ မြန်မာဘီယာကတော့ ပင်တိုင်ပေါ့။ စည်ပင်နယ်နိမိတ်မှာဆိုတော့ စည်ပင်က ခွင့်ပြုထားတာ သေချာပါတယ်။ ကြော်ငြာက ငွေရတယ်လေ” ဟု ပြောသည်။

ရန်ကုန်မြို့တော်စည်ပင်နယ်နိမိတ်အတွင်းတွင် အရက်ဆိုင်များကို လိုင်စင်ချပေးထားသည့်အတွက် အချို့အရက်ဆိုင်များက ၎င်းတို့ဆိုင်ရှေ့တွင် အရက်ကြော်ငြာပုံစံအမျိုးမျိုးကို ကြော်ငြာလေ့ရှိကြောင်း၊ ယင်းကိစ္စကိုမူ တားမြစ်မိန့်ထုတ်ပြန်ခြင်း မရှိသေးကြောင်း စည်ပင်အရာရှိတဦးက ပြောသည်။
ဆေးလိပ်ကြော်ငြာများကိုလည်း ၂၀၀၇ ခုနှစ် မေလ (၄) ရက်မှစ၍ ရန်ကုန်မြို့တွင် ကြော်ငြာခွင့်မပေးတော့ကြောင်း၊ ရန်ကုန်စည်ပင်နယ်နိမိတ်အတွင်း မည်သည့်နေရာတွင်မဆို တနည်းနည်းဖြင့် ဆေးလိပ်ကြော်ငြာများကိုတွေ့ရှိပါက အရေးယူမည်ဖြစ်ကြောင်း ရန်ကုန်စည်ပင်က ကြေညာခဲ့သည်။

ထိုသို့ကြေညာခဲ့သော်လည်း ရန်ကုန်မြို့ ဆေးလိပ်အရောင်းဆိုင်များတွင် ဆေးလိပ်ရောင်းအား ကျဆင်းမသွားသည့်ပြင် စီးကရက်ကုမ္ပဏီများက ရန်ကုန်ဈေးကွက်အတွင်းတွင် စီးကရက်ရောင်းအားမြှင့်တင်မှုများ လုပ်နေကြောင်း မြို့ခံများက ပြောသည်။



လွယ်ဂျယ်ဒေသခံများ တရုတ်ပြည်ဘက်သို့ ပစ္စည်းများရွှေ့ပြောင်း
ခိုင်လင်း / ၂ စက်တင်ဘာ ၂၀၀၉

ကချင်ပြည်လွတ်လပ်ရေးအဖွဲ့ (ကေအိုင်အို) တပ်မဟာ (၃) နယ်မြေဖြစ်သည့် ဗန်းမော်ခရိုင်၊ လွယ်ဂျယ်ဒေသအတွင်း စစ်ပွဲဖြစ်ပွားမည်ကို စိုးရိမ်သည့် ဒေသခံလူထုသည် ၎င်းတို့ပိုင်ပစ္စည်းများအား လွယ်ဂျယ်တဖက်ကမ်းရှိ တရုတ်ပြည်၊ ကျန်းဖုန်းမြို့နှင့် လားရင်ကျေးရွာဘက်သို့ ယမန်နေ့က စတင်ရွှေ့ပြောင်းမှုများရှိနေပြီး အချို့မှာ လူပါတပါတည်း ပြောင်းရွှေ့နေကြသည်။

တရုတ်-မြန်မာနယ်စပ် လွယ်ဂျယ်မြို့နယ်ခွဲအတွင်းရှိ ရှမ်းရွာ၊ ကချင်ရွာများရှိ ဒေသခံများက ထော်လာဂျီများဖြင့် ပစ္စည်းများသယ်နေကြပြီး အချို့ကချင်လူမျိုးများမှာ မိသားစုအလိုက် ပြောင်းရွှေ့လာနေသည်ဟု ကျန်းဖုန်းမြို့ ဒေသခံတဦးက ပြောသည်။

၎င်းက “မနေ့ကဆို တနေကုန်လုံးပဲ ထော်လာဂျီတွေ တဝုန်းဝုန်းနဲ့ သွားလိုက်၊ ပြန်လိုက်နဲ့ ပစ္စည်းတွေ သယ်နေတာ။ မြွေရေခွံအိတ်တွေနဲ့ အထုပ်ကြီး၊ အထုပ်ငယ်၊ သေတ္တာတွေ၊ ပရိဘောဂပစ္စည်းတွေ အစုံပေါ့ကွာ။ သူတို့အမျိုးတွေ၊ အသိမိတ်ဆွေတွေ ဒီဘက်မှာ ရှိကြတယ်။ တကယ်လို့ ကချင်တပ်တွေနဲ့ အစိုးရတပ်တွေ ပြန်တိုက်ကြရင် အခုကတည်းက ကြိုပြီး ပစ္စည်းတွေ ဒီဘက်ကို ပို့နေကြတာ။ ပြေးရမယ်ဆိုရင် အရန်သင့်ဖြစ်အောင်။ ကချင်တပ်တွေရှိတဲ့ မိုင်ဂျာယန်နားက ကချင်ရွာတွေကျတော့ အချို့က မိသားစုလိုက်ကို ပြေးလာတာ။ ဒီမှာလည်း ကချင်ရွာတွေရှိတယ်” ဟု ကျန်းဖုန်မြို့ ဒေသခံတဦးက ပြောသည်။

ကိုးကန့်တပ်ဖွဲ့၊ ဝတပ်ဖွဲ့၊ မိုင်းလားတပ်ဖွဲ့တို့နှင့် စစ်ရေးမဟာမိတ်ပြုထားသည့် ကချင်ပြည်လွတ်လပ်ရေးအဖွဲ့အနေဖြင့် စစ်ထဲတွင် ပါဝင်တိုက်ခိုက်တော့မည်ဆိုသည့် သတင်းများ ဒေသခံလူထုအကြား ပေါ်ထွက်နေပြီး နအဖတပ်များက ဗန်းမော်နှင့် မြစ်ကြီးနား မော်တော်ကားလမ်းတလျှောက် လှုပ်ရှားသွားလာမှုများ ယခင်ထက် ပိုများလာသဖြင့် ပိုပြီးစိုးရိမ်ထိတ်လန့်မှု ဖြစ်နေကြသည်ဟု ဗန်းမော်မြို့ခံတဦးက ပြောသည်။

၎င်းက “အခုက ကျီးလန့်စာစား ဖြစ်နေတာ။ ဘယ်မှာတော့ဖြင့် ပေါ်တာဆွဲနေတယ်၊ ဘယ်ရွာမှာပဲ ကေအိုင်အေက ဝင်ပြီး လူသစ်စုဆောင်းရေး ဆွဲသွားတယ်ဆိုပြီး ပြောနေကြတာ။ ဆိုင်ကယ် ကယ်ရီသမားတွေတောင် လုံးဝမရှိသလောက် ဖြစ်သွားတယ်။ ဒီတိုက်ပွဲတွေ ဖြစ်ကတည်းက မတွေ့ရတော့တာ။ ဗန်းမော်မှာလည်း အောက်ပိုင်းဘက်က စစ်သားတွေ ထပ်ရောက်နေတယ်လို့ ကြားတယ်” ဟု ပြောသည်။

ယခုလ (၂၇-၂၈) ရက်တွင် ရှမ်းပြည်နယ်၊ အထူးဒေသ(၁) ကိုးကန့်နယ်မြေအတွင်း ကိုးကန့်တပ်ဖွဲ့နှင့် နအဖတပ်အကြား တိုက်ပွဲများ ဖြစ်ပွားနေစဉ်ကတည်းကစ၍ ကချင်ပြည်နယ်အတွင်း နအဖတပ်များ လှုပ်ရှားသွားလာမှု များပြားလာနေပြီး ကေအိုင်အိုနှင့် နအဖတပ်အကြား တိုက်ပွဲပြန်ဖြစ်တော့မည်ဆိုသည့် ပြောဆိုမှုများ ဒေသခံလူထုကြားတွင် ကျယ်ကျယ်ပြန့်ပြန့် ထွက်ပေါ်နေသည်။

ကေအိုင်အိုနှင့်နီးစပ်သူ လိုင်ဇာဒေသခံတဦးက “နီးစပ်ရာဒေသခံလူထုကို ဆန်တွေ၊ ဆားတွေလှောင်ဖို့ ကေအိုင်အိုက နှိုးဆော်ထားတယ်။ ကျနော်တို့ လိုင်ဇာရပ်ကွက်တွေမှာလည်း နိုးနိုးကြားကြားနေဖို့ ပြောထားတယ်။ ကိုးကန့်အရေးအခင်း စဖြစ်ကတည်းက ကေအိုင်အေကလည်း သူ့တပ်ကို လှန့်ထားတယ်။ သူကစပြီးတိုက်မှာတော့ မဟုတ်ပါဘူးလို့တော့ မြင်တယ်” ဟု ပြောသည်။

ကိုးကန့် စစ်ပြေး ၆ ထောင်ခန့် နေရပ်ပြန်
မေကျော်
ဗုဒ္ဓဟူးနေ့၊ စက်တင်ဘာလ 02 ရက် 2009 ခုနှစ် 19 နာရီ 32 မိနစ်


ချင်းမိုင် (မဇ္ဈိမ)။ ။ စစ်အစိုးရ တပ်များနှင့် အပစ်ရပ် တိုင်းရင်းသား လက်နက်ကိုင် ကိုးကန့်တပ်ဖွဲ့တို့ ဖြစ်ပွားသော စစ်ကြောင့် တရုတ်နိုင်ငံဘက် ထွက်ပြေးရသူ ကိုးကန့် စစ်ပြေးဒုက္ခသည် ၆ ထောင်နီးပါး နေရပ်ပြန်လာပြီ ဖြစ်သည်။

ရှမ်းပြည်နယ် မြောက်ပိုင်း လောက်ကိုင် အခြေစိုက် အထူးဒေသ ၁ အဖွဲ့အပေါ် ထိုးစစ်ကြောင့် ကိုးကန့်ဒေသခံ ၃ သောင်းခန့် အိမ်နီးချင်း တရုတ်နိုင်ငံ ယူနန်ပြည်နယ်ထဲသို့ ထွက်ပြေးခဲ့ပြီးနောက် အချို့က အရဲစွန့်ပြန်လာကြခြင်း ဖြစ်သည်။

စစ်ပြေးဒုက္ခသည်များ ရန်လုံကျိုင်းနှင့် ချင်းရွှေဟော် နယ်စပ်ဂိတ်များမှတဆင့် ကိုးကန့်မြို့တော် လောက်ကိုင်သို့ ၅၈၁၁ ဦး ပြန်လည်ဝင်ရောက်လာကြောင်း ယနေ့ထုတ် စစ်အစိုးရအာဘော် နိုင်ငံပိုင် မြန်မာ့အလင်း သတင်းစာက ရေးသားထားသည်။

ဒုက္ခသည် တချို့တဝက်သာ နေရပ်တွင် ကျန်ရှိသည့် အိုးအိမ်၊ လုပ်ငန်းတို့ အခြေအနေကို ကြည့်ရှုရန် ပြန်ဝင်ခြင်း ဖြစ်ကြောင်းနှင့် လုံခြုံရေး စိုးရိမ်မှုကမူ ရှိနေဆဲဖြစ်ကြောင်း တရုတ်-မြန်မာနယ်စပ် စစ်ရေး နိုင်ငံရေး လေ့လာသူ ဦးအောင်ကျော်ဇောက ပြောသည်။

“အများစုက အိမ်ပြန်ဖို့ ကြောက်ပါတယ်။ အခုကတော့ တရွာကို ၄ ယောက်၊ ၅ ယောက် ရွာကိုပြန်ပြီး သွားကြည့်ကြတဲ့ သဘောပဲ” ဟု သူက ပြောသည်။

"လောလောဆယ်တော့ ဆုံးရှုံးမှုတွေကတော့ များပါတယ်။ မရှိဘူးဆို အိမ်တွေ အဖောက်ခံရတယ်။ အဖျက်ခံရတယ်။ စစ်တပ်ကလည်း အများကြီး ရှိတာကိုး။ ကိုးကန့်တပ်တွေကလည်း ဆုတ်သွားတယ်ဆိုတဲ့ အခါရောက်တော့ လုယက်တယ်ဆိုတဲ့ ကိစ္စက ဖြစ်နေမှာပါ“ ဟု သူက ထပ်ပြောသည်။

ကိုးကန့်ခေါင်းဆောင် ဦးဖုန်ကြားရှင်၏ အိမ်ကို ဝင်ရောက်ရှာဖွေရာမှ အစပြုသည့် တင်းမာမှုသည် သြဂုတ်လ ၂၇ မှစတင်ကာ နှစ်ရက်ကြာတိုက်ပွဲ ဖြစ်ပွားခဲ့သဖြင့် လုံခြုံရေးတပ်ဖွဲ့ဝင် ၂၆ ဦး သေဆုံးပြီး ၄၇ ဦး ဒဏ်ရာရခဲ့သည်ဟု စစ်အစိုးရက ပြောသည်။

ကိုးကန့်ဘက်က အပြောအရ စစ်ပွဲကြောင့် အရပ်သားများအပါအဝင် လူ ၂၀၀ နီးပါး သေဆုံးခဲ့သည်ဟု ဆိုသည်။

ရွှေ့ပြောင်းလုပ်သားများအတွက် နိုင်ငံကူးလက်မှတ် စိတ်ဝင်စားသူနည်း Print E-mail
ကျော်ခ
ဗုဒ္ဓဟူးနေ့၊ စက်တင်ဘာလ 02 ရက် 2009 ခုနှစ် 20 နာရီ 25 မိနစ်


မဇ္ဈိမ (ချင်းမိုင်) ။ ။ ထိုင်းနိုင်ငံတွင် အလုပ်လုပ်ကိုင်နေသော မြန်မာလုပ်သားများအတွက် ယာယီနိုင်ငံကူး လက်မှတ်များ မြန်မာ့နယ်စပ်မြို့အချို့တွင် ပြုလုပ်ပေးနေသော်လည်း လူဦးရေ ၇၀၀ ကျော်သာ လုပ်ဆောင်ပြီးဖြစ်သည်။

ထုတ်ပေးသည်မှာ တလခွဲကျော်သွားပြီ ဖြစ်သော်လည်း ခရီးမတွင်နိုင်ဘဲ တနင်္သာရီတိုင်း ကော့သောင်းမြို့တွင် ၄၀၀ ခန့်နှင့် မြဝတီမြို့တွင် ၃၀၀ ကျော်ကသာ ပတ်စ်ပို့ လာရောက် ထုတ်ယူကြသည်။

“ပတ်စ်ပို့စာအုပ် ထုတ်တာတော့ မြဝတီဘက်မှာ ထုတ်ပေးတယ်။ ကျနော်တို့ ဒီဘက်ကမ်းမှာ လာပြီးတော့ ဗီဇာ ထုပေးတာပေါ့။ .. အဓိက လာလုပ်ကြတာတော့ ဘန်ကောက်၊ ဆူကိုထိုင်း နေရာတွေက များတယ်။ တခြားမြို့တွေကလည်း လာတယ်” ဟု မဲဆောက် ယာယီနိုင်ငံကူးစာအုပ် ရုံးတာဝန်ရှိသူက မဇ္ဈိမကို ပြောသည်။

အလုပ်သမားများမှာ ယာယီနိုင်ငံကူးစာအုပ် ပြုလုပ်လိုကြသော်လည်း မြန်မာနိုင်ငံတွင် ကျန်ရစ်ခဲ့သော မိသားစုများထံမှ မြန်မာအာဏာပိုင်များ၏ ခြစားခြင်းနှင့် အခွန်ကောက်ခံမည်ကို စိုးရိမ်မှုများကြောင့် အနည်းစုကသာ စိတ်ဝင်စားသည်ဟု လုပ်သားများအရေး ဆောင်ရွက်နေသည့် JACBA အဖွဲ့ဥက္ကဋ္ဌ ဦးမိုးကြိုးက ပြောသည်။

“မြန်မာပြည်ဘက်က အာဏာပိုင်တွေကနေပြီးတော့ သူတို့အပေါ်မှာ ဘယ်လောက်ထိ လုံခြုံစိတ်ချမှု ပေးမှာလဲပေါ့။ အိမ်ကိုသွားပြီး စစ်မယ်။ နောက်တခုက လစဉ်မှာ သူတို့က အခွန်မကောက်ဘူးလို့ ဘာအာမခံချက်ရှိမလဲ။ အဲဒီတော့ မလုံခြုံဘူးလို့ ခံစားရတယ်။ စိတ်မချရဘူးလို့ ခံစားရတယ်” ဟု သူက ပြောသည်။

ကော့သောင်းမြို့မှ ယာယီနိုင်ငံကူးစာအုပ် ထုတ်ပေးရေးရုံးမှ အရာရှိတဦးကမူ မြန်မာနိုင်ငံသား စိစစ်ရေးကတ်ပြား၊ အိမ်ထောင်စုစာရင်း၊ ထိုင်းနိုင်ငံမှ ထုတ်ပေးသည့် အလုပ်လုပ်ကိုင်ခွင့်လက်မှတ်၊ ထိုင်းအလုပ်ရှင်၏ ထောက်ခံချက်တို့ ပြည့်စုံသူများကို ထုတ်ပေးခဲ့ပြီးဖြစ်ကြောင်း ပြောသည်။

“စာရင်းတော့ မပေါင်းရသေးဘူး။ ၄၀၀ ဝန်းကျင်လောက် ရှိသွားပြီ။ ရနောင်းလေဘာရုံးကနေတဆင့် လာကြတာလေ။ သူတို့ရေးထားတာက ထိုင်းလိုတွေချည်းဆိုတော့ ဘယ်မြို့ဘယ်နေရာတွေလဲ ဆိုတာတော့ မသိဘူး။ ကျနော်တို့ကတော့ သတ်မှတ်ထားတဲ့ ပုံစံပြည့်စုံရင် ထုတ်ပေးပါ့မယ်။ အခုလုပ်ပေးနေတာကတော့ ၃ နှစ်သက်တမ်းပေါ့ဗျာ။ ပြည့်သွားရင်လည်း ထပ်တိုးပေးမှာပါ” ဟု သူက မဇ္ဈိမကို ပြောသည်။


ခေါင်းနှစ်လုံးနှင့် ကလေးငယ် သေဆုံး Print E-mail
မဇ္ဈိမသတင်းဌာန
ဗုဒ္ဓဟူးနေ့၊ စက်တင်ဘာလ 02 ရက် 2009 ခုနှစ် 20 နာရီ 24 မိနစ်


နယူးဒေလီ (မဇ္စျိမ)။ ။ ရှမ်းပြည်နယ်မြောက်ပိုင်း ကျောက်မဲမြို့တွင် တရုတ်မိဘနှစ်ပါးမှ မွေးဖွားလာသည့် ခေါင်းနှစ်လုံးပါ ကလေးငယ်သည် မွေးဖွားပြီးနောက်ရက်တွင် သေဆုံးခဲ့ကြောင်း သိရသည်။

ရပ်ကွက် ၇၊ နယ်မြေ ၁၂ ၌ နေထိုင်သူ ဖခင် ဦးကျိမ်ကြာတာနှင့် မိခင် ဒေါ်ယံဇန် (ခေါ်) မခင်ဝင်းတို့က ပြီးခဲ့သည့် ဇွန်လ ၂၅ ရက်နေ့တွင် ကျောက်မဲ ပြည်သူ့ဆေးရုံကြီး၌ မွေးဖွားခဲ့ကြောင်း စုံစမ်းသိရှိရခြင်း ဖြစ်သည်။

“မွေးခါစက ကလေးက ငိုရင်တောင် ခေါင်းနှစ်လုံးက သူ့အသံလေးနဲ့သူ ငိုတာ။ ခေါင်းပိုင်းကတော့ ကျန်းမာရေး ကောင်းတယ်လို့ ဆရာဝန်က ပြောတယ်” ဟု ဖခင်ဖြစ်သူ ဦးကျိမ်ကြာတာက မဇ္စျိမကို ပြောသည်။

ခေါင်းနှစ်လုံး ကလေးငယ် မွေးဖွားမှုနှင့်ပတ်သက်၍ ကျောက်မဲဆေးရုံ မွေးစာရင်းဌာနမှ တာဝန်ကျ သူနာပြု ဆရာမတဦးက အတည်ပြုပြောဆိုသည်။

မွေးဖွားစဉ် ကိုယ်အလေးချိန် ၁၁ ပေါင်ရှိသည့် ဦးခေါင်း၂ လုံးနှင့် ကလေးငယ်သည် သားယောက်ျားလေးဖြစ်ပြီး မိဘနှစ်ပါး၏ တတိယမြောက် ကလေးငယ်ဖြစ်သည်။

မွေးဖွားသည့် ည ၉ နာရီခွဲတွင် ကျန်းမာရေး လိုအပ်ချက်အရ အူနှင့် အဆုတ်ပိုင်းများ ခွဲစိတ်ခဲ့ရပြီး၊ ထိုည၌ပင် ဆေးရုံက နေပြည်တော်သို့ အကြောင်းကြားသဖြင့် ညတွင်းချင်း ခေါ်လာရန် ညွှန်ကြားခဲ့သည်ဟု ဖခင်က ပြောသည်။

သို့သော် ခွဲစိတ်ပြီးစဖြစ်နေသဖြင့် နောက်တရက်နံနက်တွင် ကလေးငယ်ကို မိဘနှစ်ပါးနှင့် ဆရာဝန်တဦးက ခေါ်ဆောင်သွားကြရာ ပြင်ဦးလွင် (မေမြို့) အဝင်လမ်းတွင် စီးနင်းလာသည့် ကားပေါ်၌ပင် သေဆုံးခဲ့သည်။

ယခုနှစ် ဇန်နဝါရီလအတွင်း ရှမ်းပြည်မြောက်ပိုင်း မူဆယ်ခရိုင် မုံးပေါ်ကျေးရွာမှ ကချင်တိုင်းရင်းသူ အမျိုးသမီး မဘောက်မိုင်က ရင်ချင်းဆက်အမွှာ ယောက်ျားလေး ၂ ဦးကို မွေးဖွားခဲ့သေးသည်။ နောက်ပိုင်းတွင် ကလေးငယ်များ ဆုံးပါးသွားခဲ့သည်။


မွန်ပြည်သစ်နှင့် စစ်တိုင်းမှူး ထပ်မံတွေ့ဆုံ
ဖနိဒါ
ဗုဒ္ဓဟူးနေ့၊ စက်တင်ဘာလ 02 ရက် 2009 ခုနှစ် 19 နာရီ 01 မိနစ်


ချင်းမိုင် (မဇ္ဈိမ)။ ။ အပစ်အခတ်ရပ် မွန်ပြည်သစ်ပါတီ၏ တပ်များကို နယ်ခြားစောင့်အဖြစ် ပြောင်းလဲရေး ဖိအားပေးမှုအပေါ် စစ်အစိုးရ ကိုယ်စားလှယ်နှင့် မွန်ခေါင်းဆောင်များ ထပ်မံ ဆွေးနွေးကြသည်။

အရှေ့တောင်ပိုင်းတိုင်းမှူး ဗိုလ်ချုပ် သက်နိုင်ဝင်းက မွန်ပြည်သစ်ပါတီမှ ဒုတိယ ဥက္ကဋ္ဌ နိုင်ရော့စ၊ တွဲဘက်အတွင်းရေးမှူး နိုင်ချမ်းတွဲ့၊ ဗဟိုအလုပ်အမှုဆောင် ကော်မတီဝင် နိုင်ဒလညီတို့ကို ရတခ စစ်ဌာနချုပ်ရုံးတွင် သြဂုတ်လ ၂၈ ရက်မှ စတင်၍ တွေ့ဆုံဆွေးနွေးခြင်း ဖြစ်သည်။

“အရင်တခေါက်တွေ့တုန်းက ကျနော်တို့က နယ်ခြားစောင့်တပ်ဖွဲ့ဖို့ လက်ခံဖို့ ခက်ခဲတာကို အဖြေပေးခဲ့တယ်။ အခုတကြိမ်ကတော့ အဲဒီဆွေးနွေးချက်ကို ပြန်ဆွေးနွေးမယ်” ဟု မွန်ပြည်သစ်ပါတီ ဌာနချုပ်မှ အမည်မဖော်လိုသူ အရာရှိတဦးက ပြောသည်။

ဆွေးနွေးပွဲသွားသည့် မွန်ခေါင်းဆောင်များ နေရင်းသို့ ပြန်လည်ရောက်ရှိလာခြင်း မရှိသေးသည့်အတွက် စစ်အစိုးရဘက်၏ တုံ့ပြန်ချက်ကို မသိရသေးကြောင်း သူက ဆက်ပြောသည်။

ပါတီဌာနချုပ်ရှိရာ ရေးမြို့နယ် ရေးချောင်းဖျားတွင် ဇူလိုင်လ ၂၇ ရက်မှ သြဂုတ်လ ၁ ရက်နေ့အထိ ၆ ရက်ကြာ ကျင်းပခဲ့သည့် ဗဟိုကော်မတီ၏ ဆုံးဖြတ်ချက်များကို ဗိုလ်ချုပ် သက်နိုင်ဝင်းထံ ပြီးခဲ့သည့် သြဂုတ်လ ၅ ရက်နေ့က ပေးပို့ခဲ့ပြီးနောက် ယခုလို ထပ်မံ တွေ့ဆုံခဲ့ခြင်း ဖြစ်သည်။

မွန်အမျိုးသားများအတွက် ကိုယ်ပိုင်ပြဋ္ဌာန်းခွင့် အာမခံချက်မရှိဘဲ ပါတီနှင့် တပ်ခွဲထားခြင်း သို့မဟုတ် ဖျက်သိမ်းခြင်းများ လက်မခံမည် မဟုတ်ကြောင်းနှင့် နယ်ခြားစောင့်တပ်အဖြစ် အသွင်ပြောင်းရေးအား လက်မခံကြောင်း မွန်ပြည်သစ်က စစ်အစိုးရကို တုံ့ပြန်ထားသည်။

ထို့အပြင် အပစ်အခတ်ရပ်စဲရေးကို ဆက်လက်၍ ထိန်းသိမ်းသွားမည်ဖြစ်ကာ တွေ့ဆုံဆွေးနွေးခြင်းဖြင့် နိုင်ငံရေးပြသာနာကို ဖြေရှင်းသွားရန် လက်ရှိ အစိုးရနှင့် နောင်တက်လာမည့် အစိုးရထံ တောင်းဆိုသွားမည်ဟု ပါရှိသည်။

အပစ်အခတ်ရပ်အဖွဲ့များ၏ တပ်များကို မြန်မာ့တပ်မတော်အောက် သွတ်သွင်းရေး အစီအစဉ်ကို နအဖ က လုံးပမ်းနေခဲ့သော်လည်း မွန်ပြည်သစ်အပါအဝင် အင်အားကြီး အပစ်ရပ် ငြိမ်းအဖွဲ့များက ငြင်းဆန်ထားကြသည်။

နယ်ခြားစောင့်တပ် အသွင်ပြောင်းရေးကိစ္စအတွက် စစ်တိုင်းမှူးနှင့် မွန်ခေါင်းဆောင်များ တွေ့ဆုံမှုသည် မတ်လမှစတင်လျှင် ၄ ကြိမ် မြောက်သွားပြီ ဖြစ်သည်။

၁၉၉၅ ခုနှစ် သြဂုတ်လတွင် စစ်အစိုးရနှင့် အပစ်အခတ်ရပ်စဲပြီး ၂၀၀၄ ခုနှစ်တွင် အမျိုးသားညီလာခံကို တက်ရောက်ခဲ့သော်လည်း နောက်နှစ်တွင် စစ်အစိုးရ၏ လုပ်ထုံးလုပ်နည်းများအပေါ် သဘောမတူသဖြင့် အဆင့်လျှော့ကာ လေ့လာသူအဖြစ်သာ ဆက်လက်တက်ရောက်ခဲ့သည်။

မွန်ပြည်သစ်နှင့် စစ်တိုင်းမှူး ထပ်မံတွေ့ဆုံ Print E-mail
ဖနိဒါ
ဗုဒ္ဓဟူးနေ့၊ စက်တင်ဘာလ 02 ရက် 2009 ခုနှစ် 19 နာရီ 01 မိနစ်


ချင်းမိုင် (မဇ္ဈိမ)။ ။ အပစ်အခတ်ရပ် မွန်ပြည်သစ်ပါတီ၏ တပ်များကို နယ်ခြားစောင့်အဖြစ် ပြောင်းလဲရေး ဖိအားပေးမှုအပေါ် စစ်အစိုးရ ကိုယ်စားလှယ်နှင့် မွန်ခေါင်းဆောင်များ ထပ်မံ ဆွေးနွေးကြသည်။

အရှေ့တောင်ပိုင်းတိုင်းမှူး ဗိုလ်ချုပ် သက်နိုင်ဝင်းက မွန်ပြည်သစ်ပါတီမှ ဒုတိယ ဥက္ကဋ္ဌ နိုင်ရော့စ၊ တွဲဘက်အတွင်းရေးမှူး နိုင်ချမ်းတွဲ့၊ ဗဟိုအလုပ်အမှုဆောင် ကော်မတီဝင် နိုင်ဒလညီတို့ကို ရတခ စစ်ဌာနချုပ်ရုံးတွင် သြဂုတ်လ ၂၈ ရက်မှ စတင်၍ တွေ့ဆုံဆွေးနွေးခြင်း ဖြစ်သည်။

“အရင်တခေါက်တွေ့တုန်းက ကျနော်တို့က နယ်ခြားစောင့်တပ်ဖွဲ့ဖို့ လက်ခံဖို့ ခက်ခဲတာကို အဖြေပေးခဲ့တယ်။ အခုတကြိမ်ကတော့ အဲဒီဆွေးနွေးချက်ကို ပြန်ဆွေးနွေးမယ်” ဟု မွန်ပြည်သစ်ပါတီ ဌာနချုပ်မှ အမည်မဖော်လိုသူ အရာရှိတဦးက ပြောသည်။

ဆွေးနွေးပွဲသွားသည့် မွန်ခေါင်းဆောင်များ နေရင်းသို့ ပြန်လည်ရောက်ရှိလာခြင်း မရှိသေးသည့်အတွက် စစ်အစိုးရဘက်၏ တုံ့ပြန်ချက်ကို မသိရသေးကြောင်း သူက ဆက်ပြောသည်။

ပါတီဌာနချုပ်ရှိရာ ရေးမြို့နယ် ရေးချောင်းဖျားတွင် ဇူလိုင်လ ၂၇ ရက်မှ သြဂုတ်လ ၁ ရက်နေ့အထိ ၆ ရက်ကြာ ကျင်းပခဲ့သည့် ဗဟိုကော်မတီ၏ ဆုံးဖြတ်ချက်များကို ဗိုလ်ချုပ် သက်နိုင်ဝင်းထံ ပြီးခဲ့သည့် သြဂုတ်လ ၅ ရက်နေ့က ပေးပို့ခဲ့ပြီးနောက် ယခုလို ထပ်မံ တွေ့ဆုံခဲ့ခြင်း ဖြစ်သည်။

မွန်အမျိုးသားများအတွက် ကိုယ်ပိုင်ပြဋ္ဌာန်းခွင့် အာမခံချက်မရှိဘဲ ပါတီနှင့် တပ်ခွဲထားခြင်း သို့မဟုတ် ဖျက်သိမ်းခြင်းများ လက်မခံမည် မဟုတ်ကြောင်းနှင့် နယ်ခြားစောင့်တပ်အဖြစ် အသွင်ပြောင်းရေးအား လက်မခံကြောင်း မွန်ပြည်သစ်က စစ်အစိုးရကို တုံ့ပြန်ထားသည်။

ထို့အပြင် အပစ်အခတ်ရပ်စဲရေးကို ဆက်လက်၍ ထိန်းသိမ်းသွားမည်ဖြစ်ကာ တွေ့ဆုံဆွေးနွေးခြင်းဖြင့် နိုင်ငံရေးပြသာနာကို ဖြေရှင်းသွားရန် လက်ရှိ အစိုးရနှင့် နောင်တက်လာမည့် အစိုးရထံ တောင်းဆိုသွားမည်ဟု ပါရှိသည်။

အပစ်အခတ်ရပ်အဖွဲ့များ၏ တပ်များကို မြန်မာ့တပ်မတော်အောက် သွတ်သွင်းရေး အစီအစဉ်ကို နအဖ က လုံးပမ်းနေခဲ့သော်လည်း မွန်ပြည်သစ်အပါအဝင် အင်အားကြီး အပစ်ရပ် ငြိမ်းအဖွဲ့များက ငြင်းဆန်ထားကြသည်။

နယ်ခြားစောင့်တပ် အသွင်ပြောင်းရေးကိစ္စအတွက် စစ်တိုင်းမှူးနှင့် မွန်ခေါင်းဆောင်များ တွေ့ဆုံမှုသည် မတ်လမှစတင်လျှင် ၄ ကြိမ် မြောက်သွားပြီ ဖြစ်သည်။

၁၉၉၅ ခုနှစ် သြဂုတ်လတွင် စစ်အစိုးရနှင့် အပစ်အခတ်ရပ်စဲပြီး ၂၀၀၄ ခုနှစ်တွင် အမျိုးသားညီလာခံကို တက်ရောက်ခဲ့သော်လည်း နောက်နှစ်တွင် စစ်အစိုးရ၏ လုပ်ထုံးလုပ်နည်းများအပေါ် သဘောမတူသဖြင့် အဆင့်လျှော့ကာ လေ့လာသူအဖြစ်သာ ဆက်လက်တက်ရောက်ခဲ့သည်။


ရန်ကုန်ယူနိုက်တက်က ပရိသတ်ကို တီရှပ် ၂ သောင်းဖြန့်ဝေ
ဗုဒ္ဓဟူးနေ့၊ စက်တင်ဘာလ 02 ရက် 2009 ခုနှစ် 18 နာရီ 16 မိနစ်


ချင်းမိုင် (မဇ္ဈိမ)။ ။ ရန်ကုန်ယူနိုက်တက် FC ဘောလုံးအသင်းက သူ၏ အဖွဲ့ဝင် ပရိသတ်များအား အသင်းကို ထောက်ခံအားပေးသည့် အထ်ိမ်းအမှတ် တီရှပ်အင်္ကျီ အထည် ၂ သောင်း ဖြန့်ချီပေးခဲ့ကြောင်း အသင်းတာဝန်ရှိသူများက ပြောသည်။

ယခုလ ၅ ရက်နေ့တွင် စတင်တော့မည့် မြန်မာနေရှင်နယ်လိဂ် အမှတ်ပေးပြိုင်ပွဲတွင် သူ၏ ပရိသတ် များအနေဖြင့် ‘တရောင်တသွေးတည်း’ အားပေးနိုင်ရန် ရည်ရွယ်၍ အဖွဲ့ဝင်သူများအား အသင်းအင်္ကျီများ ကို ယနေ့မှစ၍ လက်ဆောင်ပေးနေခြင်းဖြစ်သည်။

အင်္ကျီများအပြင် ရန်ကုန်ယူနိုက်တက် FC အတွက် အဆိုတော်မျိုးကြီး သီဆိုထားသော သီချင်းတပုဒ်ပါ စီဒီများကိုလည်း ဖြန့်ဝေခဲ့သည်။

ဗိုလ်တထောင်မြို့နယ် အမှတ် ၁၄၂၊ ပ-ထပ် ၄၇ လမ်း (အပေါ်) ရှိ Daily Sport Journal တိုက်မှ ရန်ကုန်ယူနိုက်တက် FC ဘောလုံးအသင်း အဖွဲ့ဝင် ပရိသတ် ၁၀၀၀ ကျော်ကို ယနေ့ ထုတ်ပေး လိုက်ပြီ ဖြစ်ပြီး၊ အဖွဲ့ဝင်များကို နေ့ရက်နှင့် လူဦးရေ ကန့်သတ်မှုမရှိဘဲ လက်ခံသွားမည်ဖြစ်ကြောင်း ဂျာနယ် တာဝန်ရှိသူက မဇ္စျိွမကို ပြောသည်။

ဘောလုံးအသင်း အဖွဲ့ဝင်ပုံစံကို ဖြည့်၍ ဓာတ်ပုံ ၂ ပုံနှင့်အတူ ဂျာနယ်တိုက်ရုံးခန်းရှိရာသို့ လူကိုယ်တိုင် ဖြစ်စေ၊ စာတိုက်မှဖြစ်စေ ပို့နိုင်ကြောင်း သူက ဆက်ပြောသည်။

ယခုလ ၅ ရက်နေ့တွင် ရန်ကုန်မြို့ သုဝဏ္ဏ အားကစားကွင်း၌ ကွင်းဖွင့်ပွဲအား နေ့လည် ၃ နာရီတွင် စတင် ကျင်းပမည်ဖြစ်ပြီး၊ ပရိသတ်များအတွက် ကံစမ်းမဲအစီအစဉ်လည်း ပါဝင်ကြောင်း မြန်မာနိုင်ငံ ဘောလုံး အဖွဲ့ချုပ်မှ တာဝန်ရှိသူတဦးက မဇ္စျိွမကို ပြောသည်။

ပြိုင်ပွဲကွင်းဖွင့်ပွဲ၌ ဖြေဖျော်ရေး အစီအစဉ်အနေဖြင့် စိုင်းစိုင်းခမ်းလှိုင်၊ Little ကောင်းမြတ်၊ အိမ့်ချစ်၊ စန္ဒီမြင့်လွင်၊ ဂျင်းနီ၊ သီရိဆွေ၊ DJ သော်သော်အပါအဝင် နာမည်ကြီး အဆိုတော်များက ဖျော်ဖြေကြမည်ဟု သိရသည်။

လူငယ်ဒါရိုက်တာ ယှဉ်ပြိုင်ပွဲ ကျင်းပမည်
မဇ္ဈိမသတင်းဌာန
ဗုဒ္ဓဟူးနေ့၊ စက်တင်ဘာလ 02 ရက် 2009 ခုနှစ် 15 နာရီ 48 မိနစ်


နယူးဒေလီ ။ ။ မြန်မာနိုင်ငံတွင် ပထမဆုံးအကြိမ် ကျင်းပမည့် ဂျပန်-မဲခေါင် အပျော်တမ်း လူငယ်ဒါရိုက်တာ ယှဉ်ပြိုင်ပွဲသို့ မြန်မာလူငယ် ၅၀ ခန့် လျှောက်ထားကြောင်း မြန်မာနိုင်ငံ ရုပ်ရှင်အစည်းအရုံး တာဝန်ရှိသူတဦး အဆိုအရ သိရသည်။

လျှောက်လွှာတင်ထားသူ အားလုံးထဲမှ ၂၀ ဦးကို ရုပ်ရှင်အစည်းအရုံးက ပထမအဆင့်အဖြစ် ယခုလအတွင်း ရွေးချယ်သွားမည်ဖြစ်သည်။

“ကျမတို့ ဒီဘက်က အယောက် ၂၀ ကို ရွေးမယ်။ ပြီးရင် အထက်က လူတွေက အဆင့်ဆင့် စစ်သွားမှာပါ။ နောက်ဆုံး အကောင်းဆုံးလူကို ရွေးချယ်သွားမှာပါ။ ဘယ်နှယောက် ရွေးမယ်ရယ်လို့ သတ်မှတ်ထားတာ မရှိပါဘူး။ အရည်အချင်းရှိတဲ့ လူကိုပဲ ရွေးသွားမှာပါ” ဟု ရုပ်ရှင်အစည်းအရုံးမှ တာဝန်ရှိသူ အမျိုးသမီးတဦးက ပြောသည်။

နောက်တဆင့်တွင် ရန်ကုန်ရှိ ဂျပန်သံရုံးနှင့် ရုပ်ရှင်အစည်းအရုံး တာဝန်ရှိသူများက စုပေါင်းရွေးချယ်သွားမည်။

ဂျပန်-မဲခေါင် လူငယ်ဒါရိုက်တာ ပြိုင်ပွဲကို တရုတ်နိုင်ငံမပါဝင်ဘဲ အခြား မဲခေါင်မြစ်ဝှမ်း ၅ နိုင်ငံဖြစ်သည့် မြန်မာ၊ လာအို၊ ထိုင်း၊ ဗီယက်နမ်၊ ကမ္ဘောဒီးယားနှင့် ဂျပန်တွင် ကျင်းပမည်ဖြစ်ရာ ဆုရသူများကို ဂျပန်နိုင်ငံ kagoshima မြို့၌ ယခုနှစ် ဒီဇင်ဘာ ၅ ရက်နေ့တွင် ပြုလုပ်မည့် Children Festival သို့ ခေါ်ယူပြသမည်ဖြစ်ကြောင်း ဂျပန်သံရုံးမှ ယဉ်ကျေးမှုဌာန တာဝန်ခံ အမျိုးသမီးတဦးက မဇ္စျိမကို ပြောသည်။

မြန်မာနိုင်ငံတွင် ပြီးခဲ့သည့် ဇွန်လကတည်းက စိတ်ပါဝင်စားသူ မြန်မာလူငယ်များအား လူငယ်ဒါရိုက်တာ ပြိုင်ပွဲသို့ ပါဝင်ယှဉ်ပြိုင်နိုင်ကြောင်း ရုပ်ရှင်အစည်းအရုံးက ပြည်တွင်းဂျာနယ်များမှတဆင့် ဖိတ်ခေါ်ခဲ့ကာ ပြီးခဲ့သည့်လ ၃၁ ရက်နေ့တွင် နောက်ဆုံးထား၍ လျှောက်ထားရန် ကြေညာခဲ့သည်။

ပါဝင်ယှဉ်ပြိုင်သူများသည် အသက် ၂၅ နှစ်အောက်သာ ခွင့်ပြုပြီး၊ ကိုယ်တိုင်ရိုက်ကူးထားသည့် ၃ မိနစ်ကြာ မည်သည့်ဇာတ်လမ်းတိုမဆို အင်္ဂလိပ်စာတမ်းထိုးဖြင့် VHS (သို့မဟုတ်) DVB ROM စနစ်ဖြင့် ရုပ်ရှင်အစည်းအရုံးသို့ လျှောက်လွှာနှင့်အတူ ပေးပို့ရမည်ဟု ကြေညာခဲ့ကြောင်း ပါဝင်ယှဉ်ပြိုင်သူ မြန်မာလူငယ်တဦးက ပြောသည်။

“ဒီလိုလုပ်ပေးတော့ ဒါရိုက်တာ ဝါသနာပါတဲ့ တက်သစ်စ လူငယ်တွေအတွက် အထူးအခွင့်အလမ်းတရပ်လို့ တွေးမိတယ်။ ၃ မိနစ်စာဆိုတော့ ဘယ်လူငယ်မဆို ရိုက်နိုင်တဲ့ အတိုင်းအတာ ရှိတယ်လေ။ ပထမပိုင်း သတင်းထွက်နေတာက သူတို့နဲ့ နီးစပ်တဲ့သူတွေကိုပဲ ဆုပေးမယ်လို့ ထင်တာလေ။ နီးလာတော့မှ ဒိုင်ထဲမှာ ဂျပန်သံရုံးကလည်း ပါတယ်လို့ သိရတယ်။ အပြင်ကလူတွေလည်း ရနိုင်ဖို့အခွင့်အရေး ရှိတယ်ဆိုလို့ အခုလို ပါဖြစ်သွားတာပါ” ဟု သူက ဆိုသည်။

နိုင်ငံတကာကျောင်းတွင် ကျောင်းသား ၅ ဦး A (H1N1) ကူးစက်ခံရ
မဇ္ဈိမသတင်းဌာန
အင်္ဂါနေ့၊ စက်တင်ဘာလ 01 ရက် 2009 ခုနှစ် 19 နာရီ 46 မိနစ်


နယူးဒေလီ ။ ။ ရန်ကုန်မြို့ရှိ နိုင်ငံတကာအဆင့်မီ ပုဂ္ဂလိက ကျောင်းတကျောင်း၌ ကျောင်းသား ၅ ဦးတွင် A (H1N1) တုပ်ကွေးရောဂါ ကူးစက်ခံရသဖြင့် ကျောင်းကို သီတင်းပတ် တပတ်ကြာ ပိတ်ထားရသည်။

ဗဟန်းမြို့နယ်အတွင်းရှိ International School Yangon – ISY ကျောင်းတွင် သူငယ်တန်းမှ ၄ တန်းအတွင်း သင်ကြားနေသော ကျောင်းသားများတွင် နောက်ဆုံးပေါ် တုပ်ကွေး တွေ့ရှိပြီးနောက် ကျန်းမာရေးဝန်ကြီးဌာနက ကျောင်းခေတ္တပိတ်ပေးရန် ညွှန်ကြားခဲ့သည်။

“ကျန်းမာရေးဝန်ကြီးဌာနက ကျောင်းပိတ်ခိုင်းထားတာပါ။ ကျောင်းသား ၅ ယောက် A (H1N1) ကူးစက်ခံရလို့လေ။ အခု ၃ ယောက်ကတော့ သက်သာသွားပြီ။ လာမယ့်သီတင်းပတ်မှာ ကျောင်းတက်နိုင်တော့မှာပါ” ဟု ကျောင်းဒါရိုက်တာ မစ္စတာ တင်ထရာဗာ့ (Tim Travers) က မဇ္ဈိမကို ပြောသည်။ လာမည့် တနင်္လာနေ့တွင် ကျောင်းကိုပြန်ဖွင့်ရန် စီစဉ်ထားသည်။

ကျောင်းပြန်ဖွင့်သည့်အခါ A (H1N1) ကြိုတင်ကာကွယ်ရေးအတွက် ကမ္ဘာ့ကျန်းမာရေးအဖွဲ့ကြီး (WHO)၊ စစ်အစိုးရ ကျန်းမာရေးဝန်ကြီးဌာနနှင့် အမေရိကန်သံရုံးတို့မှ အကြံပြုချက်အရ ဆောင်ရွက်သွားမည်ဟု သူက ဆိုသည်။

ISY ကျောင်းတွင် နိုင်ငံပေါင်း ၃၀ ခန့်မှ ကျောင်းသား ၄၂၇ ဦး ပညာသင်ကြားလျက်ရှိရာ မြန်မာကျောင်းသား ဦးရေ ၁၀၀ ကျော် ပါဝင်ပြီး ၁၂ တန်းအထိ ပညာသင်ကြားပေးနေသည်။

မြန်မာနိုင်ငံတွင် ယမန်နေ့အထိ A (H1N1) ကူးစက်ခံရသူ ဦးရေ ၃၀ တွေ့ရှိခဲ့ရာ ၂၅ ဦးမှာ ဆေးရုံမှ ဆင်းသွားပြီဖြစ်ကာ ကျန် ၅ ဦးမှာလည်း သက်သာနေပြီဖြစ်ကြောင်း နိုင်ငံပိုင် သတင်းစာများက ရေးသားဖော်ပြကြသည်။

ကုလားပဲဈေး တရိပ်ရိပ်ကျဆင်း
ကျော်ခ
အင်္ဂါနေ့၊ စက်တင်ဘာလ 01 ရက် 2009 ခုနှစ် 20 နာရီ 04 မိနစ်


မဇ္ဈိမ (ချင်းမိုင်) ။ ။ ဝယ်လိုအားလျော့နည်းနေခြင်းနှင့် အထွက်နှုန်းပိုလာသည့်အတွက် ကုလားပဲဈေးနှုန်း ဈေးကွက်တွင် သိသာစွာ ကျဆင်းလျက်ရှိသည်။

ရန်ကုန် ကုလားပဲဈေးကွက်တွင် ယခုလလယ်ခန့်က တတင်းလျှင် ၁၈၅၀၀ ကျပ်မှ ယခုအခါ ၁၇၅၀၀ ကျပ်သို့ ကျဆင်းသွားသည်။ ယခုအချိန်ကာလသည် နှစ်စဉ် ပဲအဝယ်လိုက်လေ့ရှိသော်လည်း ယခုနှစ်တွင် တမူထူးခြားစွာပင် ပြည်ပဝယ်လိုအား ကျဆင်းနေသည်ဟု ပဲရောင်းဝယ်ရေး ကုန်သည်ကြီးများက ပြောသည်။

“ဒီနှစ်က နိုင်ငံခြားက အဆွဲနည်းတာပေါ့နော။ ခါတိုင်းနှစ်တွေဆိုရင် အလုံးရော၊ အခြမ်းရောပါ သွားတာ။ ဘာဖြစ်လို့လဲဆိုတော့ ကုလားဥပုသ်လလေ။ ဒီနှစ်ကလည်း ကျနော်တို့ဆီမှာကလည်း ကုလားပဲက အထွက်ကောင်းသွားတာလည်း ပါတာပေါ့” ဟု လက္ကားပဲကုန်သည်ကြီးတဦးက မဇ္ဈိမကို ပြောသည်။

ပြည်တွင်းဈေးကွက်တွင်လည်း အရောင်းကျသဖြင့် ပဲဈေးများ ကျဆင်းသွားခြင်းဖြစ်ကြောင်း ပြည်မြို့ ပဲမျိုးစုံ ရောင်းဝယ်ရေး ပွဲရုံပိုင်ရှင်တဦးက ပြောသည်။

“အဲဒါဘာဖြစ်လို့လဲဆိုတော့ ပဲခွဲအား လျော့သွားတာ။ နောက်တခုက ခါတိုင်းနှစ်တွေက Export သမားတွေက အဝယ်အပြု ရှိတာကိုး။ ဒီနှစ်က Export သမား အဝယ်အပြုရှိမှ မရှိတာကိုး။ နောက်တချက်က ရန်ကုန်မှာကို တော်တော်အရောင်းအဝယ်ပါးတာဗျ” ဟု သူက မဇ္ဈိမကို ပြောသည်။

ပြည်ပနိုင်ငံများသို့ တင်ပို့နိုင်ရန် လဆိုင်းဖြင့် ဝယ်ယူ၍ သိုလှောင်ထားသော ပြည်မြို့ရှိ ပဲကုန်သည်ကြီးများမှာလည်း အရှုံးနှင့် ရင်ဆိုင်နေရလျက်ရှိကြောင်း သူက ဆက်ပြောသည်။

“ငွေဆိုင်းတွေနဲ့ ဝယ်တဲ့ဟာတွေပေါ့။ ဘယ်နှလကြာရင် ဘယ်ဈေးဘယ်လောက်ဆိုတဲ့ ဟာတွေက ငွေချေရတော့မှာကိုး။ အခုဥစ္စာ ငွေချေရမယ်ဆိုတော့ ပေါက်ဈေးနဲ့ပဲ ပြန်ရောင်းပြီးတော့ အပိုငွေပြန်စိုက်ပြီးတော့ ရှင်းပေါ့။ အဲဒီလမ်းပဲ ရှိတော့တာကိုး” ဟု သူက မဇ္ဈိမကို ပြောသည်။

ပြည်ဈေးကွက်သို့ အဓိကတင်ပို့နေကြသော မကွေး၊ အောင်လံ၊ မင်းတုန်းနှင့် ဆင်ပေါင်ဝဲ မြို့နယ်များမှ တောင်သူများသည် ယခုဈေးထက် ထပ်မံလျော့ကျလာပါက လာမည့်ဆောင်းရာသီ ကုလားပဲ စိုက်ချိန်များတွင် အခြားအစားထိုးသီးနှံများကို စိုက်ပျိုးလာနိုင်သည်ဟု သိရသည်။

နှစ်စဉ် သြဂုတ်လ ၂၀ ရက်နေ့မှ စက်တင်ဘာလ ၂၀ ရက်နေ့ထိ ပြုလုပ်သော အစ္စလာမ်ဘာသာဝင်များ၏ ဥပုသ်လတွင် ပြည်ပနိုင်ငံမှ ကုလားပဲအဝယ်ပိုလိုက်ပြီး ကုန်သည်ကြီးများအနေဖြင့် အချိန်ကိုက် ရောင်းနိုင်ရန် သိုလှောင်ထားကြလေ့ ရှိသည်။ ဥပုသ်လတွင် အဓိကအားဖြင့် အိန္ဒိယ၊ ပါကစ္စတန်၊ ဘင်္ဂလားဒေ့ရ်ှနှင့် အရှေ့အလယ်ပိုင်းနိုင်ငံများက အဝယ်လိုက်လေ့ရှိသည်။

တရုတ်-မြန်မာ နယ်စပ်တလျှောက် စစ်ရေးလှုပ်ရှားမှုများ ထပ်မံတိုးမြှင့်နေ
Wednesday, 02 September 2009 19:52 ဧရာဝတီ

တရုတ်-မြန်မာ နယ်စပ်တလျှောက်ရှိ ကိုးကန့်ဒေသတွင် တိုက်ပွဲများ ပြီးဆုံးသွားသော်လည်း စစ်ရေးပြင်ဆင်မှုများ ထပ်မံတိုးမြှင့်လျက် ရှိကြောင်း စစ်တပ်နှင့် နီးစပ်သော အသိုင်းအ၀န်းက ပြောသည်။

တပ်ဖွဲ့ အင်အားများ ထပ်မံတိုးမြှင့်နေခြင်းမှာ မြန်မာနိုင်ငံ လူမျိုးစု ဒီမိုကရေစီ မဟာမိတ် တပ်ပေါင်းစု (ကိုးကန့်) ခေါ် (MNDAA) တပ်ဖွဲ့ကို အပြီးသတ် ချေမှုန်းနိုင်ရေးအတွက် အမှတ်(၂) စစ်ဖက်ရေးရာ လုံခြုံရေး အကြီးအကဲ ဒု ဗိုလ်ချုပ်ကြီး မင်းအောင်လှိုင်၏ စီစဉ် ညွန်ကြားမှု ဖြစ်ကြောင်း ၎င်း အသိုင်းအ၀န်းက ဆိုသည်။

ယင်းဒေသတွင် ယခင်က တပ်ရင်း ၁၀ ရင်းသာ တပ်စွဲ ထားသော်လည်း ယခုအခါ လောက်ကိုင်မြို့ တောင်ဘက်နှင့် မြောက်ဘက်တွင် ရှမ်းပြည် မြောက်ပိုင်း သိန္ဒီ အခြေစိုက် အမှတ်(၁၆) စစ်ဆင်ရေး ကွပ်ကဲမှု ဌာနချုပ် လက်အောက်ခံ တပ်ရင်း ၁၀ ရင်းကို လည်းကောင်း၊ စစ်ကိုင်းတိုင်းရှိ ခြေလျင် တပ်မ (၃၃) မှ တပ်ရင်း ၁၀ ရင်းကို လည်းကောင်း ထပ်မံ ဖြန့်ကျက်ထားသဖြင့် စုစုပေါင်း တပ်ရင်း ၃၀ ရှိသွားပြီ ဖြစ်သည်။

တရုတ်-မြန်မာ နယ်စပ်မှ စစ်ရေးနိုင်ငံရေး အကဲခတ် ဦးအောင်ကျော်ဇောက “ ဒီဒေသက စတုရန်း ကီလိုမီတာ ၁၀၀၀၀၀ ကျော်လောက်ပဲ ကျယ်တာပါ၊ ခုခံတိုက်ခိုက်ဖို့ တပ်ရင်း ၃၀ ကတော့ များလွန်းပါတယ်၊ ဒီနေရာမှာ ရေရှည် တပ်စွဲထားမယ့် သဘောရှိတယ်” ဟု ဧရာဝတီသို့ ပြောသည်။

ထို့အပြင် မိတ္ထီလာ အခြေစိုက် ခြေလျင် တပ်မ ၉၉ ကိုလည်း တပ်လှန့်ထားကြောင်း၊ ရှမ်းပြည်နယ် တရုတ်-မြန်မာ နယ်စပ် တလျှောက်ရှိ စစ်တပ်များကိုလည်း အသင့် အနေအထား ပြင်ဆင် ထားရန် အမိန့်ပေးထားကြောင်း စစ်တပ်နှင့် နီးစပ်သော အသိုင်း အ၀န်းက ဆိုသည်။

ကိုးကန့်ဒေသတွင် တာဝန်ကျ တပ်ဖွဲ့များကိုလည်း ကိုးကန့်၏ အဓိက ခေါင်းဆောင် ၄ ဦးကို ပစ်မှတ်ထား ဖမ်းဆီးရန် ဒု ဗိုလ်ချုပ်ကြီး မင်းအောင်လှိုင်က အမိန့်ပေး ထားကြောင်း သိရသည်။

အဆိုပါ ပုဂ္ဂိုလ်များမှာ ဦးဖုန်ကြားရှင်၊ ဦးဖုန်ကြားဖူး၊ ဦးဖုန်တာရွှင်နှင့် ဦးဖုန်တာလီတို့ ဖြစ်ပြီး မြန်မာနိုင်ငံ ရဲတပ်ဖွဲ့ က စစ်ဆေးဖော်ထုတ် သိမ်းပိုက်ခဲ့သည့် တရားမ၀င် လက်နက် ခဲယမ်း ထုတ်လုပ် ရောင်းချသော စက်ရုံနှင့် ပတ် သက်၍ တာဝန်ရှိသူများ ဖြစ်သည်ဟု အစိုးရ သတင်းစာများတွင် ရေးသားထားသည်။

ကိုးကန့်ဒေသတွင် ဖြစ်ပွားခဲ့သော ကိစ္စရပ်များသည် ယင်းပုဂ္ဂိုလ် ၄ ဦးနှင့်သာသက်ဆိုင်ပြီး ကိုးကန့် လက်နက် ကိုင် တပ်ဖွဲ့ဝင်များအား ဥပဒေဘောင် အတွင်း ပြန်လည် ၀င်ရောက်နေထိုင်ခွင့် ပြုကြောင်း စစ်အစိုးရ က ကြေညာချက် တစောင်ကို သြဂုတ်လ ၃၁ ရက်နေ့က ထုတ်ပြန်ခဲ့သည်။

သြဂုတ်လ ၃၁ ရက်နေ့တွင်ပင် ယင်းကိုးကန့်ဒေသတွင် ဖြစ်ပွားခဲ့သည့် တိုက်ပွဲများနှင့်ပတ်သက်၍ မိုင်းလား အထူးဒေသ ( ၄ ) သို့ စစ်အစိုးရ၏ တြိဂံဒေသတိုင်း စစ်ဌာနချုပ်မှ စစ်ဦးစီး(ပ) ဒုတိယဗိုလ်မှုးကြီး သန်းထွဋ္ဋ်သိန်း၊ စစ်ဖက်ဆိုင်ရာ လုံခြုံရေးအဖွဲ့ မှ ဗိုလ်မှုး ရန်နောင်စိုးတို့ သွားရောက် ရှင်းလင်းပြောခဲ့သည် ဟုသိရသည်။

အလားတူ ကချင် လွတ်လပ်ရေး တပ်မတော် (KIA) ဌာနချုပ်ရှိရာ လိုင်ဇာမြို့သို့ ကိုးကန့်အရေးနှင့် ပတ်သက်၍ ရှင်းလင်းရန် သြဂုတ်လ ၂၉ ရက်နေ့က မြောက်ပိုင်းတိုင်းစစ်ဌာနချုပ်မှ ဗိုလ်မှုးကြီးသက်ပုံ ရောက်ရှိလာကြောင်း သိရသည်။

ထိုသြဂုတ်လ ၂၉ရက်နေ့တွင် ကိုးကန့်တပ်ဖွဲ့ဝင် အင်အား ရာနှင့်ချီ၍ တရုတ်နိုင်ငံယူနန်ပြည်နယ် အတွင်းသို့ ၀င်ရောက်ပြီး တရုတ်အစိုးရထံတွင် လက်နက်အပ်ခဲ့သည်။

သြဂုတ်လ ၂၈ရက်နေ့ကလည်း ကျေးသီး မန်စံ အခြေစိုက် ရှမ်းပြည်မြောက်ပိုင်း (SSA-N ) တပ်မဟာ ၁ ဒု တပ်မဟာမှုး ဗိုလ်မှုးကြီး ခူးတိုင်း ကို မိုင်းနောင်၊ လဲချား အခြေစိုက် စစ်ဆင်ရေးကွပ်ကဲမှုဌာနချုပ် (စကခ ၂ )မှ ဗိုလ်မှူးကြီး ကျော်ဇံမြင့် က ခေါ်ယူတွေဆုံခဲ့ပြီး ကိုးကန့် ကိစ္စနှင့် ပတ်သက်၍ ရှင်းပြခဲ့သည် ဟု သျှမ်းသံတော်ဆင့် သတင်းစဉ်မှ အယ်ဒီတာ ဦးစိန်ကြည်ကပြောသည်။

ပြီးခဲ့သည့် သြဂုတ်လ ၂၃ ရက်နေ့တွင် အာဏာပိုင်တို့က ကိုးကန့် ခေါင်းဆောင် ဦးဖုန်ကြားရှင်၏ အိမ်ကို ၀င်ရောက်စီးနင်းခဲ့သည်။

ထို့နောက် ကိုးကန့် အပစ်ရပ်အဖွဲ့ အတွင်း စစ်အစိုးရ အကူအညီဖြင့် အာဏာသိမ်းခြင်း ဖြစ်ပွားခဲ့ပြီးနောက် ခေါင်းဆောင်မှု ကော်မတီ အသစ် ဖွဲ့စည်းလိုက်ပြီး ခေါင်းဆောင်ဟောင်း ဦးဖုန်ကြားရှင်က ၎င်း၏ တပ်ဖွဲ့များနှင့် အတူ ၀ နယ်ဘက် သို့ ရှောင်တိမ်းသွားခဲ့ရာမှ စစ်အစိုးရတပ်များနှင့် တိုက်ပွဲများ ဖြစ်ပွားခဲ့ခြင်းဖြစ်သည်။

သြဂုတ်လ ၈ ရက်နေ့တွင် ဦးဖုန်ကြားရှင် နှင့် အဖွဲ့၏ တရားမ၀င် လက်နက်စက်ရုံကို တဖက်နိုင်ငံ၏ သတင်းပေး ချက်အရ စစ်အစိုးရ ရဲတပ်ဖွဲ့က စစ်ဆေး ဖော်ထုတ်ခဲ့ကြောင်း၊ ၎င်းတို့အဖွဲ့ကို ကိုယ်တိုင်လာရောက် ဖြေရှင်းရန် ဆင့်ခေါ်ရာမှ တိုက်ပွဲများ စတင်ခဲ့ခြင်း ဖြစ်ကြောင်း စစ်အစိုးရသတင်းစာများတွင် ဖော်ပြထားသည်။

ဦးဖုန်ကြားရှင် ဦးဆောင်သော ကိုးကန့် အဖွဲ့သည် ၁၉၈၉ ခုနှစ်တွင် စစ်အစိုးရနှင့် အပစ်အခတ် ရပ်စဲရေး ပြုလုပ်ထားသော တိုင်းရင်းသား လက်နက်ကိုင် အဖွဲ့ ဖြစ်သည်။

အဆိုပါ ကိုးကန့်ဒေသ စစ်ရေးတိုက်ခိုက်မှုများနှင့် ပတ်သက်၍ တရုတ်မြန်မာနယ်စပ် တည်ငြိမ်ရေးကို ထိန်းသိမ်း ဆောင်ရွက်ရန် မြန်မာစစ်အစိုးရအား တရုတ်နိုင်ငံခြားရေး ၀န်ကြီး ဌာနက တိုက်တွန်းပြောကြားထားသည်။

ကိုးကန့်ဒေသတွင် ဖြစ်ပွားခဲ့သည့် တိုက်ခိုက်မှုများကြောင့် တရုတ်နိုင်ငံဘက်သို့ စစ်အစိုးရတပ်မှ ပစ်ခတ်သော လက်နက်ကြီး ကျည်များ ကျရောက်ပေါက်ကွဲ၍ တရုတ်လူမျိုးတဦးသေဆုံးပြီး နှစ်ဦးဒဏ်ရာ ရရှိသည်ဟုလည်း သိရသည်။

ကိုးကန့်ဒေသ မှ တရုတ်နိုင်ငံဘက်ခြမ်းသို့ ထွက်ပြေးသွားသော ဒုက္ခသည်ပေါင်း ၃၇၀၀၀ အတွက် တရုတ် အစိုးရက လူသားချင်းစာနာမှု အရ တရုတ်ယွမ်ငွေ ၁၀ သန်း (အမေရိကန်ဒေါ်လာ ၁.၄ သန်းခန့်) သုံးစွဲခဲ့သည် ဟု သြဂုတ်လ ၃၁ ရက်နေ့ ကဆင်ဟွာ သတင်းဌာနတွင် ဖော်ပြထားသည်။

ကုလသမဂ္ဂ ဒုက္ခသည်များ ဆိုင်ရာ မဟာမင်းကြီးရုံး (UNHCR) မှ ထုတ်ပြန်သော တရားဝင် စာရင်းအရ တိမ်းရှောင် သွားသူပေါင်း ၃၀၀၀၀ ခန့် ရှိ သည်ဟု သိရသည်။ ယင်းသို့ တရုတ်နိုင်ငံဘက်သို့ ခိုလှုံသွားသူများထဲမှ ၅၈၁၁ ဦး လောက်ကိုင် ဒေသသို့ ပြန်လည် ဝင်ရောက်လာကြကြောင်း ယနေ့ထုတ် အစိုးရ မြန်မာ့လင်း သတင်းစာတွင် ဖော်ပြထားသည်။

ဤသတင်းအား ဧရာဝတီ သတင်းထောက် ရန်ပိုင် နှင့် ကိုထွေး ပူးပေါင်း ရေးသားသည်။

ကျောင်းသား ၅ ဦး ၀က်တုပ်ကွေးဖြစ်ပွား
Wednesday, 02 September 2009 19:40 အေးလဲ့
E-mail Print
မြန်မာပြည်ရှိ A (H1N1) တုပ်ကွေး ရောဂါ ဖြစ်ပွားမှု အခြေအနေကို အာဏာပိုင်တို့က အဆက်မပြတ် ထုတ်ပြန်လျက် ရှိသည်ဟု ဆိုသော်လည်း ရန်ကုန်မြို့ နိုင်ငံတကာအဆင့်မီ ပုဂ္ဂလိက ကျောင်း တခုမှ ကျောင်းသား ၅ ဦးတွင် တုပ်ကွေး ရောဂါ ဖြစ်ပွားခဲ့သည့် သတင်းကို အမှောင်ချထားသည်။

International School Yangon (ISY) ကျောင်းမှ ကျောင်းသား ၅ ဦးတွင် ထိုရောဂါဖြင့် ဖျားနာနေသောကြောင့် ကျောင်း ယာယီပိတ်ရန် ကျန်းမာရေး ၀န်ကြီးဌာနက သောကြာနေ့တွင် ညွှန်ကြားခဲ့ခြင်းဖြစ်သည်ဟု ကျောင်း၏ အင်တာနက် စာမျက်နှာတွင် ဖော်ပြထားသည်။

ယနေ့ထုတ် သတင်းစာများတွင် A(H1N1) တုပ်ကွေးရောဂါ ရှိသူ တဦး ထပ်မံ တွေ့ရှိရကြောင်း ဖော်ပြသည့် သတင်း တွင်လည်း ISY ကျောင်းမှ ကျောင်းသား ၅ ဦးတွင် တုပ်ကွေး ရောဂါ ဖြစ်ပွားခဲ့ကြောင်း ထည့်သွင်း ရေးသားထားခြင်း မရှိပေ။

ကျောင်းသား ၃ ဦးမှာ ပြန်လည် ကျန်းမာလာပြီ ဖြစ်သောကြောင့် ကျောင်းပြန်ဖွင့်မည့် စက်တင်ဘာ ၇ ရက်နေ့တွင် ကျောင်းတက်ကြမည်ဟု ISY ညွှန်ကြားရေးမှူး Tim Travers က ကြေညာထားသည်။ ကျန် ၂ ဦး သည်လည်း ကျောင်းပြန်ဖွင့်ပြီး တပတ်အတွင်း ကျောင်းပြန်တက်နိုင်မည်ဟု ဆရာဝန်က ပြောဆိုကြောင်း ISY ညွှန်ကြားရေးမှူး၏ ကြေညာချက်တွင် ဖော်ပြထားသည်။

နောက်ဆုံး အခြေအနေနှင့် ပတ်သက်ပြီး ISY ကျောင်းကို တယ်လီဖုန်းဖြင့် စုံစမ်း မေးမြန်းရာ အစိုးရ ကျန်းမာရေး ဦးစီးဌာနသို့သာ ဆက်သွယ်ရန် အကြောင်းပြန်ခဲ့သည်။

ကျန်းမာရေးဦးစီးဌာနကို ဆက်သွယ်သည့်အခါ တာဝန်ကျ ဆရာဝန်ကြီး ခရီးလွန်နေသည်ဟူသော အဖြေကိုသာ ရရှိခဲ့သည်။

ကျောင်းသား ၅ ဦး A (H1N1) တုပ်ကွေး ခေါ် ၀က်တုပ်ကွေးရောဂါ ရခဲ့သည့် ISY ကျောင်းတွင် သူငယ်တန်းမှ ၁၂ တန်းအထိ ရှိပြီး နိုင်ငံပေါင်း ၃၀ခန့်မှ ကျောင်းသားပေါင်း ၄၂၇ ဦး ပညာသင်ကြားနေသည်ဟု သိရသည်။ ပညာသင်ကြားသူ အများစုမှာ နိုင်ငံခြားသား ကလေးများ ဖြစ်ကာ မြန်မာကျောင်းသား ၁၀၀ ကျော် ပါဝင်သည်။

ယနေ့ထုတ် သတင်းစာများတွင် ပြည်ပမှ ပြန်ရောက်လာသူ အသက် ၃၃ နှစ် အရွယ် အမျိုးသမီးတဦးတွင် A (H1N1) ရောဂါ ဖြစ်ပွားနေသည်ကို တွေ့ရှိရကြောင်း၊ ထိုရောဂါ ဖြစ်ပွားခဲ့သူ မြန်မာပြည်တွင် ၃၁ ဦး ရှိခဲ့ပြီး အများစုမှာ ပြန်လည် ကျန်းမာလျက်ရှိကြောင်း ဖော်ပြထားသည်။

သို့သော်လည်း မြန်မာနိုင်ငံတွင် လက်ရှိ အနေအထားအရ A(H1N1) တုပ်ကွေးရောဂါ ကူးစက်ခံရဖွယ်ရှိသော လူပေါင်း ၁၀၀၀ ကျော်ရှိနိုင်သည် ဟုလည်း ကျန်းမာရေး ဦးစီးဌာမှ အမည်မဖော်လိုသူ တာဝန်ရှိသူတဦးက ဧရာဝတီကို ပြောသည်။

A (H1N1) ရောဂါသည် ဧပြီလတွင် မက္ကဆီကိုနိုင်ငံမှ စတင်ဖြစ်ပွားခဲ့ခြင်း ဖြစ်သည်။ နောက်ပိုင်းတွင် နိုင်ငံတကာသို့ ကူးစက်ပျံ့နှံ့ခဲ့ပြီး ရောဂါဖြစ်ပွားရက် ၇၁ ရက် အကြာတွင် မြန်မာနိုင်ငံ၌ စတင်တွေ့ရှိသည်။ ထိုစဉ်က ၀က်တုပ်ကွေးရောဂါဟု မြန်မာအာဏာပိုင်တို့က ခေါ်ဝေါ်ခဲ့သော်လည်း နောက်ပိုင်းတွင် ကမ္ဘာ့ လူတုပ်ကွေးရောဂါ ဟု ပြောင်းလဲ ခေါ်ဝေါ်ခဲ့သည်။

မလေးရှားရှိ အချုပ်ကျ မြန်မာများ ကျန်းမာရေးစိုးရိမ်ရ
Wednesday, 02 September 2009 19:05 သန်းထိုက်ဦး
E-mail Print
မလေးရှားနိုင်ငံ ကွာလာလမ်ပူ နိုင်ငံတကာ လေဆိပ်အနီး ထိန်းသိမ်းရေး စခန်း၌ အမည်မသိ ရောဂါဖြင့် သေဆုံးမှုများ ဖြစ်ပေါ်နေသည့် အတွက် စခန်းအတွင်းရှိ မြန်မာနိုင်ငံသားများက ၎င်းတို့၏ ကျန်းမာရေးကို စိုးရိမ်ပူပန်နေ ကြကြောင်း သိရသည်။

အဆိုပါအထိန်းသိမ်းခံနေရသူများထဲမှ မြန်မာအလုပ်သမား ကိုစိုးသိန်းသည် လွန်ခဲ့သည့် စနေနေ့၌လည်း ပူထရာဂျာရာ ဆေးရုံတွင်သေဆုံးသွားရာ၊ မည်သည့် ရောဂါကြောင့် သေဆုံးသွားသည်ကို စခန်းအာဏာပိုင်များ က ထုတ်ဖော် ပြောကြားခြင်းမရှိသောကြောင့် အများစုက စိုးရိမ်နေကြရခြင်း ဖြစ်သည်ဟု အထိန်းသိမ်းခံနေရသူ တဦးဖြစ်သည့် ကိုကျော်စိုးက ပြောသည်။

“တယောက်သွားလိုက် ဆုံးသွားလိုက် နောက်တယောက် လည်း အဲဒီလို ဖောလိုက် ယောင်လိုက် ဆိုတော့ နည်းနည်းတော့ လန့်လာတယ်၊ ဘာရောဂါမှန်းလည်း မသိရဘူး”ဟု ၎င်းက ဧရာဝတီသို့ ပြောသည်။

သေဆုံးသူ ကိုစိုးသိန်းသည် ထိန်းသိမ်းရေးစခန်း အဆောင် ဘီ ( ၁ ) တွင် ချုပ်နှောင်ခံ ထားရသူဖြစ် သည်။ ၎င်း အဆောင်တွင်ပင် အလားတူ အမည်မသိ ရောဂါ ဝေဒနာမျိုး ဖြစ်ပွားနေသူ ၂ ဦးလည်း ဆေးရုံတင်ထား ကြောင်း သိရသည်။

ယခုရောဂါသည် အဖျားဝင်ပြီး ထမင်းစားချင်စိတ် မရှိခြင်း၊ ခန္ဓာကိုယ် ဖော ယောင်လာခြင်း စသည့် လက္ခဏာများ ဖြစ်ပေါ်လာကြောင်း ယင်းစခန်းအတွင်း အထိန်းသိမ်းခံနေရသူများက ပြောသည်။

ယနေ့တွင် မလေးရှား ကျန်းမာရေးအဖွဲ့က အဆောင် ဘီ (၁) သို့ လာရောက်၍ ရေ နှင့် နေရာ ထိုင်ခင်းများကို စစ်ဆေး၍ ဓာတ်ပုံ မှတ်တမ်းများ ရိုက်ယူသွားကြောင်း တခြားသော အထိန်းသိမ်းခံထားရသူ ကိုနေမင်းက ပြော သည်။ ယင်းထိန်းသိမ်းရေး စခန်းတွင် ချိုးသည့်ရေနှင့် အိမ်သာရေကိုသာ သောက်သုံးနေကြရသည်ဟုလည်း ၎င်း က ဆိုသည်။

ယခုလဆန်းပိုင်းကလည်း အလားတူ ရောဂါ ဝေဒနာ ခံစားနေရသူတဦး သေဆုံးခဲ့သေးသည်။ အလုပ်သမား အများစုက A(H1N1) ဝက်တုပ်ကွေး ရောဂါဖြင့် သေဆုံးသည်ဟု ထင်ကြေးပေးကြသည်။

အလားတူပင် ယခုနှစ် ဇန်နဝါရီလက မလေးရှား ထိန်းသိမ်းရေး စခန်းတခုတွင် ကိုပေါ နှင့် ကိုကျော်စွာ အမည်ရှိ မြန်မာပြည်သား အလုပ်သမား၂ ဦး သေဆုံးခဲ့ဖူးသည်။ သေဆုံးရသည့် အကြောင်းရင်း ပေါ်ထွက်လာခြင်းမရှိပေ။

ယခုမြန်မာပြည်သားများမှာ လပေါင်းများစွာ ထိန်းသိမ်းခံနေခဲ့ရပြီး ကွာလာလမ်ပူ လေဆိပ်အနီး ထိန်းသိမ်းရေး စခန်းသို့ ပြောင်းရွှေ့ ချုပ်နှောင်ခံထားရသည်မှာ၂ လကျော်ကြာရှိပြီး ဖြစ်ကြောင်းနှင့် မြန်မာသံရုံး၏ ပူးပေါင်း ဆောင်ရွက်မှု အားနည်းသောကြောင့် ထိန်းသိမ်းခံနေရသော မြန်မာပြည်သားများကို နေရပ်ရင်းသို့ ပြန်လည် ပို့ဆောင်ရေး အစီအစဉ်မှာ ကြန့်ကြာနေရခြင်း ဖြစ်ကြောင်း သိရသည်။

မလေးရှားတွင် တရားဝင် စာရွက်စာတမ်း မရှိဘဲ နေထိုင်၊ အလုပ်လုပ်ကိုင်မှုဖြင့် ဖမ်းဆီးခံထား ရသော နိုင်ငံခြား သား ၇၀၀၀ ခန့်ရှိကြောင်း သိရပြီး ထိုအထဲတွင် မြန်မာပြည်သား အများစု ပါဝင်၍ အရေအတွက် အားဖြင့် ၂၈၀၀ ခန့် ရှိသည်ဟု သတင်း ဖော်ပြချက်များအရ သိရသည်။

ကိုးကန့်အရေး နယ်စပ်ကုန်သွယ်မှု ထိခိုက်
Tuesday, 01 September 2009 19:02 ရန်ပိုင်
E-mail Print
ကိုးကန့်ဒေသတွင် ဖြစ်ပွားခဲ့သော တိုက်ပွဲများကြောင့် တရုတ်မြန်မာ နယ်စပ်ရှိ ချင်းရွှေဟော် ကုန်သွယ်ရေး လမ်းကြောင်း ရပ်ဆိုင်းသွားကာ နယ်စပ်ဒေသ ကုန်သွယ်ရေးကို ထိခိုက်မှုရှိ ကြောင်း ဒေသခံစီးပွားရေး လုပ်ငန်းရှင်များနှင့် စီးပွားရေး ပညာရှင်များက သုံးသပ်ကြသည်။

[တရုတ်နိုင်ငံ နန်ဆန် မြို့ဘက်မှ မြန်မာပြည်ဘက်သို့ ကြည်ရှုနေသော ဒုက္ခသည် တဦး (ဓာတ်ပုံ - AP)] အဆိုပါ တိုက်ပွဲများကြောင့် ရှမ်းပြည်မြောက်ပိုင်းသို့ ကုန်တင်ကားကြီးများသွားလာမှု ရက်ပိုင်းမျှ ရပ်တန့်ခဲ့ရပြီး ကိုးကန့် ဒေသရှိ ချင်းရွှေဟော် ကုန်သွယ်ရေး စခန်းကိုလည်း ပိတ်ထားရသောကြောင့် တရုတ်မြန်မာ နယ်စပ်ကုန်သွယ်ရေးတွင် ကျဆင်းမှုများ ရှိနေကြောင်းသိရသည်။

“မူဆယ်ဘက် သွားတဲ့ကားနည်းတယ်၊ ဆယ်စီးမှာ နှစ်စီးလောက်ပဲသွားကြတယ်၊ ကားချောဆွဲတာက ၆ ဘီးတွေကိုပဲ ရွေးဆွဲတာ၊တချို့၁၀ ဘီး၊ ၁၂ဘီး ပိုင်ရှင်တွေက ၆ ဘီးကားတွေကို ပြန်ငှားပေးရတယ်၊ လမ်းကြောင်းအခြေအနေက ဘာမှန်း မသိတော့ လားရှိုးဘက် မတက်ရဲဘူး၊ အဆင်းလည်းမရှိဘူး၊ ဒီရက်ပိုင်း မန္တလေးကို တရုတ်ကုန်အ၀င်အထွက် နည်းတယ်”ဟု မန္တလေး ကျွဲဆယ်ကန် အဝေးပြေးကားဂိတ်ရှိ မန္တလေး-မူဆယ် ကုန်တင်ကားဂိတ် တခုမှ တာဝန်ရှိသူက ဧရာဝတီသို့ ပြောသည်။

ယင်းအခြေအနေကြောင့် မန္တလေးမြို့ရှိ တရုတ်ကုန်ပစ္စည်း ရောင်းဝယ်မှု ဈေးကွက်တွင် ပစ္စည်းဈေးနှုန်း အနည်းငယ်တက် ခဲ့သော်လည်း ယခုအခါတွင် ပုံမှန်ဖြစ်နေပြီ ဖြစ်ကြောင်းသိရသည်။

“ပထမရက်ပိုင်းတွေ တုန်းကတော့ ကားတွေသိပ်အဆင်းအတက်မလုပ်ဘူးဆိုတော့ ရှိတဲ့ကုန်ကို ဈေးထိန်ရောင်းရတာပေါ့၊ ဒါပေမယ့် အခုမူဆယ်လမ်းကတော့ ပုံမှန်ဖြစ်သွားပြီ လို့ကြားတယ်”ဟု မန္တလေးမြို့မှ လူသုံးကုန်ပစ္စည်းရောင်းဝယ်သည့် စတိုးဆိုင်ပိုင်ရှင်တဦးက ဧရာဝတီသို့ ပြောသည်။

စစ်အစိုးရတပ်များ ကိုးကန့်ဒေသတွင် ရှိနေသရွေ့ ချင်းရွှေဟော် နယ်စပ်ကုန်သွယ်ရေး လမ်းကြောင်း ပုံမှန်ပြန်ဖြစ်လာရန် မလွယ်ကူကြောင်း တရုတ် မြန်မာနယ်စပ်ရှိ စီးပွားရေးလုပ်ငန်းရှင်များက ပြောဆိုသည်။

တရုတ်မြန်မာနယ်စပ်တွင် ချင်းရွှေဟော်သည် တတိယ ကုန်သွယ်ရေး စခန်းဖြစ်သော်လည်း နယ်စပ်ကုန်သွယ်ရေးကို ထိခိုက်မှု များစွာမရှိ နိုင်ကြောင်း စီးပွားရေးပညာရှင် ခင်မောင်ညို(ဘောဂဗေဒ ) ကသုံးသပ်သည်။

“ဒီလမ်းကြောင်းက တရုတ်မြန်မာနယ်စပ် အဓိကလမ်းကြောင်းတော့မဟုတ်ဘူး၊ထိတော့ထိ ခိုက်မယ်၊ ဒါပေမယ် သိသိသာ သာ ကြီးတော့မဟုတ်ဘူး၊ ကုန်ပစ္စည်းဈေးနှုန်းတက်ရင်လည်း ရက်ပိုင်းပါ၊ စီးပွားရေးသမားတွေက လန့်တာတော့ လန့်တာ ပေါ”့ ဟု ဧရာဝတီသို့ ပြောသည်။

ချင်းရွှေဟော်ကုန်သွယ်ရေးစခန်းကို ၂၀၀၅ ခုနှစ်တွင် စတင်ဖွင့်ခဲ့ပြီး မူဆယ်-မနွ္တှလေး ကားလမ်းပေါ်ရှိ သိန္နီမှ ကွမ်းလုံမြို့ ကိုဖြတ်ကာ သွားရပြီး တရုတ်မြန်မာနယ်စပ် လမ်းကြောင်းပေါ်ရှိ မူဆယ်ကုန်သွယ်ရေးစခန်း နှင့် လိုင်ဇာ ကုန်သွယ်ရေး စခန်းတို့ ပြီးလျှင် တတိယအကြီးဆုံး ကုန်သွယ်ရေးစခန်းဖြစ်သည်။

လောက်ကိုင်ဒေသတွင် တရုတ်နိုင်ငံဘက်မှ လာရောက်ပြီး ကက်စီနိုလောင်းကစားဝိုင်းများ ၊ စူပါမားကက်ကြီးများကို လာရောက်ဖွင့်လှစ် ထားသည်ဟုသိရသည်။

“လောက်ကိုင်မှာ ရာခိုင်နှုန်း ၉၀ က တရုတ်တွေ ရင်းနှီးထားတာ၊ တရုတ်တွေ ပိုင်တဲ့ စူပါမားကက်တွေ ၊ ဆိုင်တွေ၊ ကုမ္ပဏီ တွေထဲက ပစ္စည်းတွေ အလုခံရတယ်၊ စစ်တပ်တွေ ရှိနေသရွေ့စီးပွားရေးကတော့ ပြန်လုပ်ကြမှာ မဟုတ်ဘူး” ဟု မူဆယ်မြို့ရှိ ဒေသခံစီးပွားရေး လုပ်ငန်းရှင်တဦးက ဧရာဝတီသို့ပြောသည်။

တရုတ်-မြန်မာနယ်စပ် တရားဝင်ကုန်သွယ်ရေးတွင် မြန်မာပြည်ဘက်မှ လယ်ယာထွက်ပစ္စည်း၊ ရေထွက် ပစ္စည်းများကို အဓိကတင်ပို့နေပြီး တရုတ်ဘက်မှ ဓာတ်မြေသြဇာ၊ ဖယောင်း၊ အိမ်ဆောက်ပစ္စည်း၊ စက်ပစ္စည်း၊ ကားတာယာ၊ လျှပ်စစ် ပစ္စည်း၊ အ၀တ်အထည်နှင့် လူသုံးကုန်ပစ္စည်းများ တင်သွင်းသည် ဟုသိရသည်။

တရုတ်နိုင်ငံ ယူနန်ပြည်နယ်အစိုးရအာဏာပိုင်တို့ ထုတ်ပြန်သော တရားဝင်စာရင်းများအရ ကိုးကန့်ဒေသခံ ဒုက္ခသည် ၃၇၀၀၀ သည် နယ်စပ်ဖြတ်ကျော်ပြီး တရုတ်နိုင်ငံထဲသို့ ၀င်ရောက်လာသည်ဟု တရုတ်နိုင်ငံပိုင် ဆင်ဟွာသတင်းဌာနက ဖော်ပြသည်။

တရုတ်နိုင်ငံဘက်သို့ ထွက်ပြေးတိမ်းရှောင်နေသော ဒုက္ခသည်များ မြန်မာနိုင်ငံဘက်သို့ ပြန်လည်ဝင်ရောက် လာနေကြ သည်ဟု စစ်အစိုးရသတင်းစာများတွင် ဖော်ပြနေသော်လည်း အများစုမှာ မိမိတို့ပိုင် ပစ္စည်းများကို လာရောက်သိမ်းဆည်း ကြသည့် တရုတ်လူမျိုးများဖြစ်ကြောင်း ဒေသခံများ အဆိုအရ သိရသည်။

တရုတ်ပြည်သို့ စစ်အစိုးရ အဆင့်မြင့်အရာရှိကြီးများ ရောက်ရှိနေ
Tuesday, 01 September 2009 19:25 ရန်ပိုင်
E-mail Print
စစ်အစိုးရ ပြည်ထဲရေးဝန်ကြီးဌာန ဒု ၀န်ကြီး ဗိုလ်မှုးချုပ် ဘုန်းဆွေ ဦးဆောင်သော ကိုယ်စားလှယ်အဖွဲ့သည် တရုတ်နိုင်ငံ ကူမင်းမြို့သို့ သြဂုတ်လ ၃၁ ရက်နေ့က ရောက်ရှိနေကြောင်း သိရသည်။

ယခု ကိုယ်စားလှယ်အဖွဲ့တွင် ပြည်ထဲရေး ဒု ၀န်ကြီး ဗိုလ်မှုးချုပ် ဘုန်းဆွေ နှင့် အတူ ပြည်ထဲရေးဝန်ကြီးဌာနမှ အဆင့်မြင့် အရာရှိ ၅ ဦးပါဝင်သည် ဟု တရုတ်အာဏာပိုင်များနှင့် နီးစပ်သူ တဦးကပြောသည်။

“ပြည်ထဲရေး ဒုဝန်ကြီး ဦးဆောင်တာ ၊ သြဂုတ် ၃၁ရက်နေ့က မူဆယ်က နေပြီး ကူးသွားတယ်၊ ရွှေလီဘက်ခြမ်းမှာ လက်ခံတွေ့ဆုံမယ့်သူ မရှိလို့ ကူမင်းကိုဆက်သွားတယ်လို့ပြောတယ်” ဟု ၎င်းက ဧရာဝတီသို့ပြောသည်။

ယင်း မြန်မာကိုယ်စားလှယ်အဖွဲ့သည် တရုတ်နိုင်ငံယူနန်ပြည်နယ် မြို့တော်ကူမင်းတွင် ခေတ္တ တွေ့ဆုံဆွေးနွေးပြီးနောက် ညနေပိုင်းတွင် မြန်မာနိုင်ငံဘက်သို့ ပြန်သွားသည်ဟု သိရသည်။

တရုတ်-မြန်မာနယ်စပ် ကိုးကန့်ဒေသတွင်ဖြစ်ပေါ်နေသော တိုက်ပွဲများ ဖြစ်ပွားပြီးစတွင် ယခုကဲ့သို့ မြန်မာအစိုးရ ကိုယ်စားလှယ်အဖွဲ့ တရုတ်နိုင်ငံသို့ သွားရောက်ခြင်းဖြစ်သည့်အတွက် နယ်စပ်တင်းမာမှုများကို ဆွေးနွေးရန် ဖြစ်နိုင် ကြောင်း လေ့လာသူများ ယူဆနေကြသည်။

ကိုးကန့်ဒေသ စစ်ရေးတိုက်ခိုက်မှုများနှင့် ပတ်သက်၍ တရုတ်မြန်မာနယ်စပ် တည်ငြိမ်ရေးကို ထိန်းသိမ်း ဆောင်ရွက်ရန် မြန်မာစစ်အစိုးရအား တရုတ်နိုင်ငံခြားရေး ၀န်ကြီး ဌာနက တိုက်တွန်းပြောကြားထားသည်။

“မြန်မာ့ပြည်တွင်းရေး ဖြစ်သောကြောင့် နိုင်နင်းစွာကိုင်တွယ်ရန်လိုကြောင်း၊ တရုတ်အစိုးရအနေဖြင့် နယ်စပ် ဒေသ တည်ငြိမ်ရေးကို လိုလားကြောင်း၊ မြန်မာနိုင်ငံအတွင်းရှိ တရုတ်နိုင်ငံသားများအား နိုင်ငံသားအခွင့်အရေးများ နှင့် အကာ အကွယ်ပေးရန် တိုက်တွန်းကြောင်း” ဟု တရုတ်နိုင်ငံခြားရေး ၀န်ကြီးဌာန ပြောခွင့်ရပုဂ္ဂိုလ် Jian Yu ကပြောကြား ခြင်းဖြစ်သည်။

ပြီးခဲ့သည် တနလာင်္နေ့ ကပင် ကိုးကန့်ဒေသမှ ထွက်ပြေးလာသော ဒုက္ခသည်များ မြန်မာနိုင်ငံဘက်သို့ စတင်ပြီး ပြန်လည် ၀င်ရောက်နေပြီဖြစ်ကြောင်း တရုတ်နိုင်ငံခြားရေး ၀န်ကြီးဌာနမှ ပြောကြားခဲ့သည်။

ကိုးကန့်ဒေသတွင် ဖြစ်ပွားခဲ့သည့် တိုက်ခိုက်မှုများကြောင့် တရုတ်နိုင်ငံဘက်သို့ စစ်အစိုးရတပ်မှ ပစ်ခတ်သော လက်နက် ကြီး ကျည်များ ကျရောက်ပေါက်ကွဲ၍ တရုတ်လူမျိုးတဦးသေဆုံးပြီး နှစ်ဦးဒဏ်ရာ ရရှိသည်ဟုသိရသည်။

ကိုးကန့်ဒေသ မှ တရုတ်နိုင်ငံဘက်ခြမ်းသို့ ထွက်ပြေးသွားသော ဒုက္ခသည်ပေါင်း ၃၇၀၀၀ အတွက် တရုတ်အစိုးရမှ လူသားချင်းစာနာမှု အရ တရုတ်ယွမ်ငွေ ၁၀ သန်း ( အမေရိကန်ဒေါ်လာ ၁.၄သန်းခန့် ) သုံးစွဲခဲ့သည် ဟု သြဂုတ်လ ၃၁ ရက်နေ့ ကဆင်ဟွာ သတင်းဌာနတွင် ဖော်ပြထားသည်။

စစ်အစိုးရက အာဏာကိုဆက်လက် ချုပ်ကိုင်ရန် ကြိုးစားနေဟုဆို
Tuesday, 01 September 2009 19:51 ဘစောတင်
E-mail Print
မြန်မာနိုင်ငံသည် အရှေ့တောင်အာရှ နိုင်ငံများထဲတွင် စစ်အာဏာရှင်သက်တမ်း အရှည်ဆုံး နိုင်ငံဖြစ်ပြီး လာမည့် ၂ဝ၁၀ ရွေးကောက်ပွဲတွင်လည်း စစ်အာဏာရှင်များကသာ ဆက်လက် အုပ်စိုးနိုင်ရန် စီစဉ် လျက်ရှိကြောင်း စစ်ဘက် အရပ်ဘက် လေ့လာသူများနှင့် စစ်အစိုးရ အတိုက်အခံများက သုံးသပ်သည်။

ထိုင်းနိုင်ငံ ဘန်ကောက်မြို့ ချူလာလောင်ကွန်းတက္ကသိုလ်၌ ယနေ့နေ့လယ်က အရပ်ဘက် စစ်ဘက်ဆိုင်ရာ အလုပ်ရုံဆွေးနွေးပွဲ တရပ်ကိုကျင်းပခဲ့ရာ၌ စစ်ဘက်အရပ်ဘက် လေ့လာသူ ကိုဝင်းမင်းက “မြန်မာနိုင်ငံ စစ်ဘက် အရပ်ဘက် ဆက်ဆံရေး” ခေါင်းစဉ်ဖြင့် ဆွေးနွေးရာတွင် အထက်ပါအတိုင်း သုံးသပ်ခဲ့သည်။

“လာမယ့် ရွေးကောက်ပွဲမှာ စစ်အစိုးရက သူတို့ လိုလားတဲ့ ပါတီတွေ အဖွဲ့ အစည်းတွေ အသာစီးရဖို့ အနိုင်ရဖို့ အစစပြင်ဆင်နေတာကို တွေ့ရတယ်။ ဥပမာ ကြံ့ခိုင် ဖွံ့ ဖြိုးရေး အသင်းလိုဟာမျိုးကို အနိုင်ရဖို့ အတွက် အဘက်ဘက်က ကြောထောက်နောက်ခံလုပ်ပေးတာမျိုးပေါ့” ဟု ဦးဝင်းမင်းက ဆိုသည်။

ဆက်လက်၍ ၎င်းက ၂၀၁၀ ရွေးကောက်ပွဲတွင် ပြည်သူလူထုဘက်က ရပ်တည်လှုပ်ရှားမည့် အဖွဲ့များ အတွက်မူ အခက်အခဲ ရှိနေမည်ဖြစ်ပြီး စစ်အစိုးရအနေနှင့် ၁၉၉၀ ပြည့်နှစ် ရွေးကောက်ပွဲမှ ရခဲ့သည့် အတွေ့အကြုံကို သင်ခန်းစာ ယူလိမ့်မည်ဖြစ်ကြောင်း တင်ပြဆွေးနွေးခဲ့သည်။

“၁၉၉၀ ပြည့်နှစ် ရွေးကောက်ပွဲကာလက ပြည်သူလူထု အဓိက ထောက်ခံတဲ့ အမျိုးသား ဒီမိုကရေစီ အဖွဲ့ချုပ် ပါတီကို နည်းမျိုးစုံနဲ့ ချုပ်ချယ်ကန့်သတ်ပြီး သူတို့လိုလားတဲ့ တိုင်းရင်းသား စည်းလုံးညီညွတ်ရေး ပါတီကို ဘက်ပေါင်းစုံမှ ထောက်ပံ့ကူညီခဲ့ပါတယ်။ ဒါပေမယ့် ပြည်သူထောက်ခံတဲ့ အမျိုးသား ဒီမိုကရေစီ အဖွဲ့ ချုပ်က အပြတ်အသတ် အနိုင်ရရှိခဲ့တယ်။ ဒီတော့ လာမယ့် ၂၀၁၀ ရွေးကောက်ပွဲမှာ ပြည်သူကို ကိုယ်စားပြုမယ့် ပါတီတွေ၊ အဖွဲ့ အစည်းတွေက လွတ်လွတ်လပ်လပ် လှုပ်ရှားခွင့် ရမှာ မဟုတ်ဘူး” ဟု သူက ပြောသည်၊

အဆိုပါဆွေးနွေးပွဲတွင် ဦးဝင်းမင်းက ရာစုနှစ်တ၀က်ခန့် စစ်အာဏာရှင် လက်အောက်တွင် ခါးသီးစွာ နေထိုင်ခဲ့ကြရသော ပြည်သူများ၏ အတွေ့ အကြုံများ၊ လူထုအုံကြွမှုများ၊ တိုင်းရင်းသားများ၏ ပုန်ကန် တော်လှန်မှုများနှင့်အတူ စစ်အစိုးရ၏ ဖိနှိပ်မှု၊ အာဏာနှင့် စည်းစိမ် ယစ်မူးမှုများကိုလည်း အကျယ်တ၀င့် တင်ပြခဲ့သည်။

ယနေ့ ဆွေးနွေးပွဲသို့ တက်ရောက်သူ တဦးဖြစ်သည့် ပြည်ထောင်စု မြန်မာနိုင်ငံတော် အမျိုးသား ညွန့်ပေါင်း အစိုးရအဖွဲ့မှ ၀န်ကြီး ဦးဝင်းလှိုင်ကလည်း မြန်မာနိုင်ငံတွင် စစ်အာဏာရှင် စနစ်သက်ဆိုးရှည်ရခြင်းမှာ ယခင်က ပါတီများ မညီညွတ်မှု၊ တိုင်းရင်းသားများ တော်လှန်ပုန်ကန်သဖြင့် ပြည်တွင်းစစ်မီး တောက်လောင် မှုကြောင့် ဟုဆိုခဲ့ကြသော်လည်း ယခုအခါ စစ်ဗိုလ်ချုပ်ကြီးများက ၎င်းတို့၏ စည်းစိမ်အာဏာ လက်လွတ် ဆုံးရှုံးရမည်ကို ထိတ်လန့်လာသောကြောင့် အဓိက ဖြစ်သည်ဟု ပြောသည်။

“စစ်ဗိုလ်ချုပ်ကြီးတွေက အဆမတန်ချမ်းသာတဲ့ မီလျံနာ၊ ဘီလျံနာတွေ ဖြစ်ကုန်ကြတော့ သူတို့ရဲ့ စည်းစိမ်တွေ၊ သူတို့ရဲ့ အာဏာတွေကို လက်လွတ်ဆုံးရှုံးရမှာ အရမ်းကြောက်နေကြပြီ။ ဒါကြောင့် သူတို့ အချင်းချင်း စည်းလုံးသည်ထက် စည်းလုံးအောင် လုပ်ဆောင်နေကြတယ်၊ တခြားတဘက်မှာကျတော့ ပြည်တွင်းမှာရော ပြည်ပမှာပါ ကျနော်တို့က တကယ့်ကို ကျစ်လျစ်တဲ့ ညီညွတ်မှု မတည်ဆောက်နိုင်ကြဘူး၊ အဲဒီလို မညီမညွတ်တာတွေကလည်း စစ်အစိုးရကို သက်ဆိုးရှည်စေတဲ့ အကြောင်းတရပ်လို့ ကျနော်ထင်တယ်” ဟု သူ၏ထင်မြင်ချက်ကို ပြောသည်။

ထို့ပြင်မြန်မာ့အရေးကို ပါဝင်ဆွေးနွေးသူ ချူလာလောင်ကွန်း တက္ကသိုလ်မှ ပါမောက္ခ ဒေါက်တာ သီတီနန် ဖုန်စူဒီလတ်ကလည်း ပြည်တွင်း၊ ပြည်ပ အတိုက်အခံများ ပူးပေါင်းကာ တိုင်းပြည် အနာဂတ်ကို ယခု အချိန်တွင် သေချာစွာ စဉ်းစားစေချင်ကြောင်း ပြောသွားသည်။

၎င်းက “ပြည်တွင်း အတိုက်အခံတွေက လက်ရှိအခြေအနေကို တမျိုးတွေးခေါ်နေပြီး ပြည်ပက အတိုက်အခံတွေကလည်း တမျိုးစဉ်းစားနေတယ်လို့ ကျနော်မြင်တယ်” ဟု ဆိုသည်။

မြန်မာနိုင်ငံကဲ့သို့ပင် ထိုင်း၊ အင်ဒိုနီးရှားနှင့် ဖိလစ်ပိုင် နိုင်ငံတို့သည်လည်း အရှေ့တောင်အာရှ နိုင်ငံများထဲတွင် စစ်အုပ်ချုပ်မှုအောက်၌ ကာလာရှည်ကြာ နေထိုင်ခဲ့ရသဖြင့် အဆိုပါနိုင်ငံများမှ ပါမောက္ခများကလည်း ၎င်းတို့ နိုင်ငံ၏ စစ်ဘက်အရပ်ဘက် ဆက်ဆံရေး အတွေ့ အကြုံများကို တင်ပြဆွေးနွေး ခဲ့သည်။

ယနေ့ ဆွေးနွေးပွဲသို့ နိုင်ငံတကာမှ ပညာရှင်များ၊ ပါမောက္ခများ၊ စစ်သံမှူးများ၊ လေ့လာသူများနှင့် သတင်းစာဆရာများ တက်ရောက်ကြသည်။


စစ်အစိုးရက အာဏာကိုဆက်လက် ချုပ်ကိုင်ရန် ကြိုးစားနေဟုဆို
Tuesday, 01 September 2009 19:51 ဘစောတင်
E-mail Print
မြန်မာနိုင်ငံသည် အရှေ့တောင်အာရှ နိုင်ငံများထဲတွင် စစ်အာဏာရှင်သက်တမ်း အရှည်ဆုံး နိုင်ငံဖြစ်ပြီး လာမည့် ၂ဝ၁၀ ရွေးကောက်ပွဲတွင်လည်း စစ်အာဏာရှင်များကသာ ဆက်လက် အုပ်စိုးနိုင်ရန် စီစဉ် လျက်ရှိကြောင်း စစ်ဘက် အရပ်ဘက် လေ့လာသူများနှင့် စစ်အစိုးရ အတိုက်အခံများက သုံးသပ်သည်။

ထိုင်းနိုင်ငံ ဘန်ကောက်မြို့ ချူလာလောင်ကွန်းတက္ကသိုလ်၌ ယနေ့နေ့လယ်က အရပ်ဘက် စစ်ဘက်ဆိုင်ရာ အလုပ်ရုံဆွေးနွေးပွဲ တရပ်ကိုကျင်းပခဲ့ရာ၌ စစ်ဘက်အရပ်ဘက် လေ့လာသူ ကိုဝင်းမင်းက “မြန်မာနိုင်ငံ စစ်ဘက် အရပ်ဘက် ဆက်ဆံရေး” ခေါင်းစဉ်ဖြင့် ဆွေးနွေးရာတွင် အထက်ပါအတိုင်း သုံးသပ်ခဲ့သည်။

“လာမယ့် ရွေးကောက်ပွဲမှာ စစ်အစိုးရက သူတို့ လိုလားတဲ့ ပါတီတွေ အဖွဲ့ အစည်းတွေ အသာစီးရဖို့ အနိုင်ရဖို့ အစစပြင်ဆင်နေတာကို တွေ့ရတယ်။ ဥပမာ ကြံ့ခိုင် ဖွံ့ ဖြိုးရေး အသင်းလိုဟာမျိုးကို အနိုင်ရဖို့ အတွက် အဘက်ဘက်က ကြောထောက်နောက်ခံလုပ်ပေးတာမျိုးပေါ့” ဟု ဦးဝင်းမင်းက ဆိုသည်။

ဆက်လက်၍ ၎င်းက ၂၀၁၀ ရွေးကောက်ပွဲတွင် ပြည်သူလူထုဘက်က ရပ်တည်လှုပ်ရှားမည့် အဖွဲ့များ အတွက်မူ အခက်အခဲ ရှိနေမည်ဖြစ်ပြီး စစ်အစိုးရအနေနှင့် ၁၉၉၀ ပြည့်နှစ် ရွေးကောက်ပွဲမှ ရခဲ့သည့် အတွေ့အကြုံကို သင်ခန်းစာ ယူလိမ့်မည်ဖြစ်ကြောင်း တင်ပြဆွေးနွေးခဲ့သည်။

“၁၉၉၀ ပြည့်နှစ် ရွေးကောက်ပွဲကာလက ပြည်သူလူထု အဓိက ထောက်ခံတဲ့ အမျိုးသား ဒီမိုကရေစီ အဖွဲ့ချုပ် ပါတီကို နည်းမျိုးစုံနဲ့ ချုပ်ချယ်ကန့်သတ်ပြီး သူတို့လိုလားတဲ့ တိုင်းရင်းသား စည်းလုံးညီညွတ်ရေး ပါတီကို ဘက်ပေါင်းစုံမှ ထောက်ပံ့ကူညီခဲ့ပါတယ်။ ဒါပေမယ့် ပြည်သူထောက်ခံတဲ့ အမျိုးသား ဒီမိုကရေစီ အဖွဲ့ ချုပ်က အပြတ်အသတ် အနိုင်ရရှိခဲ့တယ်။ ဒီတော့ လာမယ့် ၂၀၁၀ ရွေးကောက်ပွဲမှာ ပြည်သူကို ကိုယ်စားပြုမယ့် ပါတီတွေ၊ အဖွဲ့ အစည်းတွေက လွတ်လွတ်လပ်လပ် လှုပ်ရှားခွင့် ရမှာ မဟုတ်ဘူး” ဟု သူက ပြောသည်၊

အဆိုပါဆွေးနွေးပွဲတွင် ဦးဝင်းမင်းက ရာစုနှစ်တ၀က်ခန့် စစ်အာဏာရှင် လက်အောက်တွင် ခါးသီးစွာ နေထိုင်ခဲ့ကြရသော ပြည်သူများ၏ အတွေ့ အကြုံများ၊ လူထုအုံကြွမှုများ၊ တိုင်းရင်းသားများ၏ ပုန်ကန် တော်လှန်မှုများနှင့်အတူ စစ်အစိုးရ၏ ဖိနှိပ်မှု၊ အာဏာနှင့် စည်းစိမ် ယစ်မူးမှုများကိုလည်း အကျယ်တ၀င့် တင်ပြခဲ့သည်။

ယနေ့ ဆွေးနွေးပွဲသို့ တက်ရောက်သူ တဦးဖြစ်သည့် ပြည်ထောင်စု မြန်မာနိုင်ငံတော် အမျိုးသား ညွန့်ပေါင်း အစိုးရအဖွဲ့မှ ၀န်ကြီး ဦးဝင်းလှိုင်ကလည်း မြန်မာနိုင်ငံတွင် စစ်အာဏာရှင် စနစ်သက်ဆိုးရှည်ရခြင်းမှာ ယခင်က ပါတီများ မညီညွတ်မှု၊ တိုင်းရင်းသားများ တော်လှန်ပုန်ကန်သဖြင့် ပြည်တွင်းစစ်မီး တောက်လောင် မှုကြောင့် ဟုဆိုခဲ့ကြသော်လည်း ယခုအခါ စစ်ဗိုလ်ချုပ်ကြီးများက ၎င်းတို့၏ စည်းစိမ်အာဏာ လက်လွတ် ဆုံးရှုံးရမည်ကို ထိတ်လန့်လာသောကြောင့် အဓိက ဖြစ်သည်ဟု ပြောသည်။

“စစ်ဗိုလ်ချုပ်ကြီးတွေက အဆမတန်ချမ်းသာတဲ့ မီလျံနာ၊ ဘီလျံနာတွေ ဖြစ်ကုန်ကြတော့ သူတို့ရဲ့ စည်းစိမ်တွေ၊ သူတို့ရဲ့ အာဏာတွေကို လက်လွတ်ဆုံးရှုံးရမှာ အရမ်းကြောက်နေကြပြီ။ ဒါကြောင့် သူတို့ အချင်းချင်း စည်းလုံးသည်ထက် စည်းလုံးအောင် လုပ်ဆောင်နေကြတယ်၊ တခြားတဘက်မှာကျတော့ ပြည်တွင်းမှာရော ပြည်ပမှာပါ ကျနော်တို့က တကယ့်ကို ကျစ်လျစ်တဲ့ ညီညွတ်မှု မတည်ဆောက်နိုင်ကြဘူး၊ အဲဒီလို မညီမညွတ်တာတွေကလည်း စစ်အစိုးရကို သက်ဆိုးရှည်စေတဲ့ အကြောင်းတရပ်လို့ ကျနော်ထင်တယ်” ဟု သူ၏ထင်မြင်ချက်ကို ပြောသည်။

ထို့ပြင်မြန်မာ့အရေးကို ပါဝင်ဆွေးနွေးသူ ချူလာလောင်ကွန်း တက္ကသိုလ်မှ ပါမောက္ခ ဒေါက်တာ သီတီနန် ဖုန်စူဒီလတ်ကလည်း ပြည်တွင်း၊ ပြည်ပ အတိုက်အခံများ ပူးပေါင်းကာ တိုင်းပြည် အနာဂတ်ကို ယခု အချိန်တွင် သေချာစွာ စဉ်းစားစေချင်ကြောင်း ပြောသွားသည်။

၎င်းက “ပြည်တွင်း အတိုက်အခံတွေက လက်ရှိအခြေအနေကို တမျိုးတွေးခေါ်နေပြီး ပြည်ပက အတိုက်အခံတွေကလည်း တမျိုးစဉ်းစားနေတယ်လို့ ကျနော်မြင်တယ်” ဟု ဆိုသည်။

မြန်မာနိုင်ငံကဲ့သို့ပင် ထိုင်း၊ အင်ဒိုနီးရှားနှင့် ဖိလစ်ပိုင် နိုင်ငံတို့သည်လည်း အရှေ့တောင်အာရှ နိုင်ငံများထဲတွင် စစ်အုပ်ချုပ်မှုအောက်၌ ကာလာရှည်ကြာ နေထိုင်ခဲ့ရသဖြင့် အဆိုပါနိုင်ငံများမှ ပါမောက္ခများကလည်း ၎င်းတို့ နိုင်ငံ၏ စစ်ဘက်အရပ်ဘက် ဆက်ဆံရေး အတွေ့ အကြုံများကို တင်ပြဆွေးနွေး ခဲ့သည်။

ယနေ့ ဆွေးနွေးပွဲသို့ နိုင်ငံတကာမှ ပညာရှင်များ၊ ပါမောက္ခများ၊ စစ်သံမှူးများ၊ လေ့လာသူများနှင့် သတင်းစာဆရာများ တက်ရောက်ကြသည်။

ကိုးကန့်တိုက်ပွဲကြောင့် နယ်စပ်ကုန်သွယ်ရေးထိခိုက်

02 September 2009

ပြီးခဲ့တဲ့ သြဂုတ်လအတွင်း တရုတ်မြန်မာ နယ်စပ် ကိုးကန့် လက်နက်ကိုင် တပ်ဖွဲ့တွေနဲ့ မြန်မာ စစ်တပ်တို့ ဖြစ်ခဲ့တဲ့ တိုက်ပွဲတွေကြောင့် တရုတ် ကုန်ပစ္စည်းတွေ မန္တလေးမြို့ကို ထက်ဝက်နီးပါး တင်သွင်းမှုတွေ ကျဆင်းတယ်လို့ တရုတ်ပစ္စည်းဈေးတွေလည်း တက်သွားခဲ့တယ်လို့ ကုန်သည်တွေက ပြောပါတယ်။ အခုလို တရုတ်ပစ္စည်းတွေ အ၀င်နည်းသွားရုံသာမက မြန်မာပြည်ဘက်ကနေ တင်ပို့နေတဲ့ ကောက်ပဲသီးနှံတွေကိုလည်း ဒီရက်ပိုင်းတွေထဲ တရုတ်ကုန်သည်တွေက မ၀ယ်သလောက်ဖြစ်နေတာမို့ ကောက်ပဲသီးနှံဈေးကွက်တွေ ကျနေတယ်လို့ ဆိုပါတယ်။ အပြည့်အစုံကို မသင်းသီရိက တင်ပြပါတယ်။

မန္တလေး ကုန်သည်တွေ ပြောတာကတော့ တိုက်ပွဲတွေ ဖြစ်နေခဲ့တဲ့ ရက်ပိုင်းတွေအတွင်း တရုတ်ပြည်ဘက်ကနေ ပစ္စည်းတွေဟာ မန္တလေးကို မ၀င်သလောက် ရပ်တန့်သွားတယ်လို့ ပြောပါတယ်။ တကယ်တော့ မန္တလေးကို တင်ပို့နေတဲ့ ပစ္စည်းတွေဟာ မူဆယ်၊ လားရှိုးဘက်ကနေ အများဆုံး တင်သွင်းတာဖြစ်ပေမဲ့ ကိုးကန့်ဒေသတွေမှာ တိုက်ပွဲတွေ ဖြစ်နေတာကြောင့် တရုတ်နဲ့ မြန်မာနယ်စပ် ကုန်သွယ်ရေး လုပ်ငန်းတွေ ရပ်တန့်လုနီးပါး ဖြစ်သွားခဲ့ပါတယ်။ တိုက်ပွဲတွေ ရပ်သွားပြီးနောက်ပိုင်း အခုအချိန်အထိ မန္တလေးမှာ အရင်က ၀င်လာတဲ့ ပစ္စည်းတွေရဲ့ တ၀က်လောက်သာ ၀င်လာသေးတဲ့အကြောင်းကို မန္တလေး ကုန်သည်တဦးက ပြောပြပါတယ်။

“မန္တလေးက ၀င်လာတာကတော့ စားသောက်ကုန်တွေ အ၀င်နည်းသွားတာပေါ့။ တရုတ်နဲ့ ပတ်သက်တဲ့ စားသောက်ကုန်တွေ အ၀င်နည်းသွားတယ်။ ခါတိုင်း ကားလေးစီးစာလောက် ပုံမှန်ဝင်တယ်ဆိုရင် ကား၂စီးလောက်ပဲ အ၀င်ရှိသွားပြီးတော့ အဲဒီ ဖြစ်နေတဲ့ ရက်တွေတုန်းကတော့ အ၀င်လုံးဝမရှိဘူး ခင်ဗျ။ စားသောက်ကုန်တွေဆိုရင် ဈေးတက်ကုန်တယ်လို့ ပြောလို့ ရတယ်။ ဟင်းခပ်မှုန့်တို့၊ ဘာတို့ ဆိုရင် တထုတ်ကို ကျပ် ၈၀၀ကနေပြီး ကျပ် ၁၀၀၀ လောက်ပေးရတယ်။ ၃၀ရာခိုင်နှုန်းလောက် တက်သွားတယ်။ ”

တရုတ်ပစ္စည်း အ၀င်နည်းသွားရုံသာမက မြန်မာပြည်ဘက်က တရုတ်ပြည်ဘက်ကို တင်ပို့နေတဲ့ ကုန်ပစ္စည်းတွေကိုလည်း ဒီရက်ပိုင်းအတွင်း တရုတ်ကုန်သည်တွေက အ၀ယ်နည်းတာကြောင့် ပစ္စည်းဈေးတွေ ထိုးကျနေတယ်လို့ ကုန်သည် ကပဲ ပြောပြပါတယ်။

“အထူးသဖြင့် ကောက်ပဲ သီးနှံတွေ ပုံမှန်ဝယ်နေတာတွေ ရှိတယ်။ ခါတိုင်းဆိုရင်ပေါ့။ အခုရက်ပိုင်း တရုတ်ဘက်က မ၀ယ်တဲ့အတွက် ကောက်ပဲသီးနှံ ဈေးကွက်မှာ ဈေးအတော် အေးသွားတယ်ဗျ။ အဲဒါမျိုးကို တွေ့ရတာ ရှိတယ်။ ရာခိုင်နှုန်းအားဖြင့် ပြောရရင် ၄၀လောက် ပြောလို့ရတယ်။ ဘာဖြစ်လို့ အဲဒီလို သတ်မှတ်လို့ ရတာလဲဆိုတော့ ခါတိုင်း နှမ်းတို့၊ မတ်ပဲတို့ဆို တရုတ်က အမြဲဝယ်နေတာတွေ ရှိတယ်။ အဲဒီရက်ပိုင်းက ဒီဘက်ကလည်း တင်ပို့တာတွေ ရပ်ထားတဲ့အတွက် တရုတ်ကုန်သည် တွေလည်း မ၀ယ်တော့တဲ့အတွက် ပြည်တွင်းမှာ ကျတော့ ဈေးတွေ ထိုးကျသွားတာဖြစ်တယ်။ ကျပ် ၈၀၀၀၀ လောက်ရှိတဲ့ နှမ်းတအိတ်က အဲဒီရက်ပိုင်းမှာ ၆၈၀၀၀ လောက်ဆိုတော့ ၁၂၀၀၀လောက် ဈေးလျော့တယ်လို့ ပြောလို့ ရပါတယ်။”

တရုတ်မြန်မာ နယ်စပ် ကိုးကန့်လက်နက်ကိုင်အဖွဲ့နဲ့ မြန်မာ စစ်တပ်တွေကြား ရက်အနည်းငယ်တိုက်ပွဲတွေ ဖြစ်ခဲ့ပြီး အခုချိန်အဲဒီဒေသတွေမှာ ပုံမှန်အခြေအနေ ပြန်ရောက်နေတယ်လို့ ဆိုပေမဲ့ မန္တလေးက တရုတ်ပစ္စည်းဈေးကွက် မတည်ငြိမ်သေးဘူးလို့ အဲဒီ ကုန်သည်ကပဲ ပြောပါတယ်။

“အလားအလာကောင်းဖို့ မျှော်လင့်နေကြတာပဲ။ ပုံမှန်အထိတော့ မရောက်သေးဘူး။ ပုံမှန်ဖြစ်ဖို့ မျှော်လင့်နေတုန်းပဲ ရှိကြသေးတယ်။ အခုပြီးခဲ့တဲ့ အပတ်ကစပြီး နည်းနည်း ပြန်ပြီးတော့ ၀ယ်လာတာပဲ ရှိသေးတယ်။ အရင်လို ပုံမှန်ဝယ်နေတာမျိုးတော့ မဟုတ်ဘူး။”

သံဃာတော်များစောင့်ကြည့်ခံနေရ

02 September 2009

ရန်ကုန်မြို့မှာ သံဃာတော်တွေကို အနီးကပ် စောင့်ကြည့်တာတွေရှိနေတဲ့အတွက် သံဃာတော်တွေအနေနဲ့ လုံခြုံမှု မရှိသလို သီတင်းသုံးရတာလည်း လွတ်လပ်မှုမရှိဘူးလို့ ရန်ကုန်မြို့ခံ သံဃာတော်တပါးက မိန့်ကြားပါတယ်။ ရေနံချောင်းမြို့က နေ အပင့် ခံသွားရတဲ့ ဆရာတော်တပါးဟာလည်း ဘယ်ရောက်နေမှန်းမသိတဲ့အတွက် မြို့ခံတွေက စိတ်ပူနေကြပါတယ်။ အပြည့်အစုံကို ဘန်ကောက်ကနေ ၀ိုင်းတော်သား ကိုကျော်ကျော်သိန်းက စုံစမ်း မေးမြန်း တင်ပြထားပါတယ်။

၂၀၀၇ ခုနှစ်၊ စက်တင်ဘာလက ဖြစ်ပွားခဲ့တဲ့ သံဃာတော်တွေရဲ့ ရွှေဝါရောင်လှုပ်ရှားမှု နှစ်နှစ်ပြည့် နှစ်ပတ်လည် အချိန်ကာလ နီးကပ်လာတာနဲ့အမျှ သံဃာတော်တွေကို စောင့်ကြည့်တာတွေ ရှိလာနေတာပါ။ သံဃာတော်တွေက တတိယ အကြိမ် ပတ္တနိကုဇ္ဇန ကံဆောင်မယ်ဆိုတဲ့ သတင်းတွေကလည်း ထွက်နေပါတယ်။ အဲဒါကြောင့်လည်း အာဏာပိုင်တွေဘက်က နေ သံဃာတော်တွေကို အနီးကပ်စောင့်ကြည့်တာတွေ ပိုလုပ်လာတဲ့ပုံရတယ်လို့ ယူဆကြပါတယ်။

ရန်ကုန်မြို့ခံသံဃာတဦး မိန့်ကြားတာကတော့

"ဘယ်သွားသွား စောင့်ကြည့်ခံနေရတယ်။ ကျိုက်က္ကဆံဘုရားတို့၊ ရွှေတိဂုံဘုရားတို့ ဆိုရင်လည်း လုံခြုံရေးတွေ အရမ်းတင်းကျပ်ထားတယ်။ သူတို့ ယူနီဖောင်း ပါတာကတမျိုး မပါတာက တဖုံ၊ အမျိုးမျိုးပဲ စောင့်ကြည့်ခံနေရတယ်။ သွားရလာရတာ လွတ်လပ်မှု မရှိဘူး။"

ရေနံချောင်းမြို့မှာတော့ စာသင်တိုက်တခုက ဆရာတော်ကို ခေါ်ဆောင်သွားပြီး ဘယ်ရောက်နေမှန်းမသိရဘဲ နောက်တပါးက တော့ ပင့်သွားပြီးမှ ပြန်ရောက်လာတယ်လို့ မြို့ခံတဦးက ပြောပါတယ်။

"ပထမ အဖမ်းခံရတဲ့ ရွှေစေတီ ပါဠိတက္ကသိုလ် တိုက်သစ်က ဆရာတော် ဦးဝါယမ ကတော့ အခုထက်ထိ ဘယ်ရောက်နေမှန်းမသိဘူးဗျာ။ နောက်တခါ ပင့်သွားတဲ့ ဆရာတော် ဦးဝိမလ ကတော့ မနေ့က နေ့လည် တရက်နေ့ နေ့လည် ၂နာရီမှာ ကျောင်းကို ပြန်ရောက်လာပါတယ်။ ပင့်သွားတာကတော့ အာဏာပိုင်ရဲရယ်၊ SPDရယ် ဒီလိုပဲပင့်ကြတာပါပဲ။ နောက် မရက တွေလည်း ပါတာပါပဲ။ ဘာအကြောင်းပြချက်နဲ့ ဘာနဲ့ သေချာ ဘာကြောင့်ဆိုတာလဲ မသိဘူးဗျ။"

အခုအချိန်ကာလဟာဖြင့် ဗုဒ္ဓဘာသာသံဃာတော်တွေ တနေရာကနေ တနေရာကို ခရီးသွားလာတာတွေ ရှောင်ရှားပြီး ကိုယ် ရောက်နေတဲ့ နေရာမှာပဲ သီတင်းသုံး နေထိုင်ကြတဲ့ကာလပါ။ ဒီလိုအချိန်မျိုးမှာ သံဃာတော်တွေကို ဘာအကြောင်းနဲ့ ဘယ်နေရာ မှန်းမသိ ခေါ်ဆောင်သွားတာတွေကြောင့် သံဃာတော်တွေရဲ့ သံဃာ့ကိစ္စ ကျိုးပျက်မှာကိုလည်း ဒကာတွေအနေနဲ့ စိုးရိမ်နေကြရ ပါတယ်။

"ဆရာတော်ကြီးတွေက ၀ါတော်အနေနဲ့ ဦးဝါယမဆိုရင် ၀ါတော် ၃၀ကျော်ပြီ၊ အခု ဆရာတော်ကြီးကလည်း သက်တော်က ၇၀ ကျော်ဆိုတော့ ၀ါတော်ကလည်း ၅၀ကျော်ပြီပေါ့ဗျာ။ အခုလို သူတို့တွေက ဟိုပင့်ဒီပင့် ပင့်တော့ ၀ါတွေ ဘာတွေ၊ ကျိုးမှာတွေ၊ ဘာတွေ စိုးရိမ်တာပေါ့။ ဆရာတွေအနေနဲ့ နစ်နာတယ်လေ။ အဲဒီလို ကိစ္စတွေဆို ကျွန်တော်တို့ မကြိုက်ဘူးပေါ့ဗျာ။ ဒါ ဘာသာရေး ရှုထောင့်က ပြောရမှာပဲ။"


၂၀၀၇ ခုနှစ်၊ သြဂုတ်လမှာ လောင်စာဆီဈေးနှုန်းတွေ ရုတ်တရက် အဆမတန် တိုးမြှင့်လိုက်ပြီးတဲ့နောက် ကုန်ဈေးနှုန်းကြီးမြင့်မှု ဒဏ်ကို လူထုတွေ ခံစားကြရတဲ့အတွက် ကုန်ဈေးနှုန်းကျဆင်းအောင် လုပ်ပေးဖို့ တောင်းဆိုဆန္ဒပြတာတွေ စဖြစ်ခဲ့ပါတယ်။ အဲဒီ ဆန္ဒပြပွဲတွေကို ဦးဆောင်တယ်ဆိုပြီး ၈၈ မျိုးဆက် ကျောင်းသားခေါင်းဆောင်တွေကို သြဂုတ်လထဲမှာ ဖမ်းဆီးခဲ့ပါတယ်။
စက်တင်ဘာလ ၂၆ ရက်နေ့မှာတော့ မြန်မာ စစ်အစိုးရ လုံခြုံရေးတပ်တွေက သံဃာတော်တွေကို သေနတ်နဲ့ပစ်ခတ်ပြီးတော့ကို နှိမ်နင်းဖြိုခွဲခဲ့ပါတယ်။ ဒီဖြစ်ရပ်အပါအ၀င် အဲဒီ နောက်ပိုင်း ဘုန်းတော်ကြီးကျောင်းတွေကို ၀င်ပြီး စီးနင်းခဲ့တဲ့ဖြစ်ရပ်တွေမှာ သံဃာတော်အများအပြား ပျံလွန်တော်မူခဲ့ပေမယ့် အရေအတွက် အတိအကျကိုတော့ ခုချိန်ထိ မသိရသေးပါဘူး။


အဲဒီအချိန်ကတည်းကစပြီး သံဃာတော်တွေရဲ့ဘ၀ဟာ လုံခြုံမှုမရှိတော့ဘဲ ရန်သူလို သတ်မှတ်ခံထားရကြောင်း ရန်ကုန်မြို့ခံ သံဃာတော်က မိန့်ကြားပါတယ်။

"လုံခြုံမှုကတော့ မရှိဘူး ဒကာကြီးရာ။ သူတို့ရဲ့ မိတ်ဆွေမှ မဟုတ်ဘဲ။ သူတို့ရဲ့ ရန်သူဖြစ်နေတာကိုး။ သူတို့ကို အတိုက်အခံလုပ်သူ မှန်သမျှ၊ သူတို့ အာဏာကို ခြောက်လန့်နေတဲ့ သူမှန်သမျှကို သူတို့ ရန်သူလို့ သတ်မှတ်ထားတာကိုး။ နောက်ဆုံး သူတို့ အနေနဲ့က ဘာကိုမှ ကြောက်တာမဟုတ်ဘူး၊ အပယ်ကျမှာလည်း ကြောက်တာမဟုတ်ဘူး၊ ငရဲကျမှာလည်း ကြောက်တာမဟုတ်ဘူး။ ကြောက်တာ တခုပဲ ရှိတယ်။ သူတို့ အာဏာလက်လွှတ်ရမှာ။ သူတို့ အာဏာလက်လွှတ်အောင် လုပ်သူမှန်သမျှကို သူတို့ ကြံသလိုပဲ၊ သူတို့က စစ်သားပီပီ အကြမ်းဖက် နှိမ်နင်းမယ်။ "

ရန်ကုန်မြို့မှာ သီတင်းသုံးနေထိုင်တဲ့ သံဃာတော်တပါးပါ။မြန်မာနိုင်ငံဟာ ဗုဒ္ဓဘာသာဝင်အများစုနေထိုင်တဲ့ နိုင်ငံဖြစ်ပြီး သံဃာတော်တွေကို ဗုဒ္ဓရဲ့သားတော်တွေအဖြစ် တလေးတမြတ် ထားကြပါတယ်။ ဒါ့ကြောင့်လည်း ဘုရားသားတော်တွေဖြစ်တဲ့ သံဃာတော်တွေအပေါ် အာဏာပိုင်တွေရဲ့ ပြုမူဆက်ဆံပုံတွေဟာ ဗုဒ္ဓဘာသာသာသနာ အဓွန့်ရှည်ရာရှည်ကြောင်းထက် ပျက်စီးရာပျက်စီးကြောင်း ပိုဖြစ်စေနေတယ်လို့ သံဃာတော်တွေနဲ့ ဗုဒ္ဓ ဘာသာဝင် ဒကာဒကာမတွေက ဝေဖန် ပြစ်တင်ကြ ကြောင်းပါခင်ဗျား။

ဖီးနစ်ဂျာနယ် အပိတ်ခံရမှုအပေါ် RSF နဲ့ BMA ကန့်ကွက်

02 September 2009


မြန်မာနိုင်ငံမှာ အပတ်စဉ် ထုတ်ဝေနေတဲ့ ဖီးနစ် (Phoenix) အနုပညာစာစောင်ကို စာပေစိစစ်ရေးက ထုတ်ဝေခွင့် ပိတ်ပင်လိုက်တာနဲ့ ပတ်သက်ပြီး ပြင်သစ်အခြေစိုက် RSF ခေါ် နယ်ခြားမဲ့ သတင်းထောက်များ အဖွဲ့နဲ့ BMA မြန်မာသတင်းသမဂ္ဂတို့က ဝေဖန်လိုက်ပါတယ်။ ပိုပြီး တင်းကျပ်လာနေတဲ့ မြန်မာစစ်အစိုးရရဲ့ သတင်းနဲ့ ထုတ်ဝေခွင့်ဆိုင်ရာ သတ်မှတ်ချက် မူတွေအတွင်းမှာ ပုဂ္ဂလိက ဂျာနယ်တွေ ထုတ်ဝေခွင့် အခက်အခဲတွေ တွေ့နေရသလို စစ်အစိုးရရဲ့ သတင်းမီဒီယာတွေကိုလည်း နိုင်ငံရေးအရ ပိုပြီး အသုံးချလာတာ တွေ့ရတယ်လို့လည်း အဲဒီ သတင်းလွတ်လပ်ခွင့် အဖွဲ့ကြီးတွေက ထောက်ပြပါတယ်။ အပြည့်အစုံကို မသင်းသီရိက တင်ပြပေးထားပါတယ်။

စာပေစိစစ်ရေးက ခွင့်ပြုချက် မပေးထားတဲ့ အကြောင်းအရာကို ဖီးနစ်ဂျာနယ်က ထုတ်ဝေ ဖော်ပြလိုက်တာကြောင့် သူတို့ရဲ့ ဖြန့်ချိခွင့် ပိတ်လိုက်တဲ့ကိစ္စကို နယ်ခြားမဲ့ သတင်းထောက်များအဖွဲ့ (RSF) နဲ့ မြန်မာသတင်းသမဂ္ဂ (BMA) တို့က မနေ့က ဝေဖန် ကန့်ကွက်ခဲ့ကြတာ ဖြစ်ပါတယ်။ ဒါ့အပြင် အခု ဖီးနစ်ဂျာနယ် ထုတ်ဝေသူက လေတပ်အရာရှိဟောင်း ဗိုလ်မှူးမာဂျေဖြစ်ပြီး စာရေးဆရာ မာဂျေလို့ အများက သိကြပါတယ်။ သူဟာ စစ်အစိုးရကို သရော်တဲ့ အရေးအသားမျိုး ရေးသားခဲ့ဖူးတာကြောင့် ပုဂ္ဂိုလ်ရေးအရလည်း အငြိုးအတေး ရှိပုံရတယ်လို့ အဲဒီအဖွဲ့ကြီးတွေက သုံးသပ်ထားပါတယ်။

ဒါပေမယ့် ပိုဆိုးတာက ပြန်ကြားရေး ၀န်ကြီးဌာနအောက်က စာပေစိစစ်ရေးမှာ သတင်းနဲ့ ဂျာနယ် ထုတ်ဝေသူတွေ လိုက်နာရမယ့် အချက်ကြီး ၁၀ ချက်ထဲက ဘယ်လိုအကြောင်းအရာမျိုးကိုမှ အမှားအယွင်းမခံဘဲ ကိုင်တွယ် တင်းကျပ်မှုတွေကြောင့်လည်း အခုလို ထုတ်ဝေခွင့် ပိတ်ပင်ခံရတာလို့ BMA ဥက္ကဋ္ဌ ဦးမောင်မောင်မြင့်က ပြောပါတယ်။

“သူတို့ထုတ်ထားတဲ့ မဂ္ဂဇင်းနဲ့ ဂျာနယ်တွေအတွက် စည်းကမ်းချက် ၁၀ ချက်ဆိုတာ တကယ်တမ်း ပြောမယ်ဆိုရင်တော့ မဂ္ဂဇင်းတစောင်လုံး ကဗျာတွေ၊ ဆောင်းပါးတွေ၊ သတင်းတွေ၊ ဓာတ်ပုံတွေ၊ နောက်ဆုံး ပြောမယ်ဆိုရင် လေးအောက် (Layout) ကအစ မျက်နှာဖုံးကအစ အကုန်လုံး စစ်အစိုးရရဲ့ စိတ်ကြိုက် ဖြစ်ရမယ်ဆိုတဲ့ သဘောမျိုးတွေ ပါတယ်။ ပြီးတော့ မူကြမ်းတင်တဲ့အခါ တမျိုးတင်ပြီးတော့ မူချော ပြန်တင်တဲ့အခါ လုံးဝ အပြောင်းအလဲ မရှိစေရဘူးဆိုတဲ့ဟာ ပါတယ်။ ဆိုလိုတာကတော့ ဓာတ်ပုံအောက်မှာ ထိုးတဲ့ ပုံစာကအစ ပြောင်းလဲမှု မရှိစေရ။ သဒ္ဒါမှားရင်တောင်မှ ပြောင်းလို့မရဘူး။ စာကြောင်းတွေ အရွှေ့အပြောင်း လုပ်လို့မရဘူး။ ဒီလောက်အထိ တင်းကျပ်ထားတယ်ဆိုတော့ ဘယ်မဂ္ဂဇင်းကမှ တကယ်တမ်းပြောမယ်ဆိုရင် သူတို့ဘောင်ထဲက လွတ်ပြီး ရှင်သန်ဖို့ဆိုတာ သိပ်တော့ မလွယ်ပါဘူး။”

ဒါ့အပြင် သတင်းမီဒီယာ အားလုံးကို ရာနှုန်းပြည့် စစ်အစိုးရက ထိန်းချုပ်ထားသလို အခုနောက်ပိုင်း အစိုးရပိုင် သတင်းဌာနတွေရော၊ ပုဂ္ဂလိက သတင်းလုပ်ငန်းတွေပါ မကျန် နိုင်ငံရေးအရ ဖိအားပေး အသုံးချခံရတာတွေကို ပိုတွေ့လာရတယ်လို့ ဦးမောင်မောင်မြင့်က ပြောပါတယ်။

“မဂ္ဂဇင်းတွေ၊ ဂျာနယ်တွေကို အရေအတွက် တိုးပြီးတော့ ထုတ်ခွင့်ပေးထားတယ်လို့ သူတို့ ဆိုထားပါတယ်။ တချိန်တည်းမှာ တချို့မဂ္ဂဇင်းတွေမှာကြတော့၊ ဆိုကြပါစို့ ဒီမိုကရေစီနဲ့ ပတ်သက်ပြီးတော့ ဆွေးနွေးတာမျိုးတွေ အဲဒါမျိုး အရေးအသားတွေကို သူတို့ ခွင့်ပြုထားတာ ရှိတယ်။ တချိန်တည်းမှာပဲ စစ်အစိုးရ လုပ်မယ်ဆိုတဲ့ ၂၀၁၀ ခုနှစ် ရွေးကောက်ပွဲအတွက် အထောက်အကူ ပြုစေမယ့်၊ ဖိပြီး ၀ါဒဖြန့်တဲ့ သဘောမျိုး ပါတဲ့ ဆောင်းပါးမျိုးတွေကို တဘက်မှာ ပြန်ထည့်ထားတာ တွေ့ရတယ်။

“ဒါမျိုးတွေကို ခြုံပြီးကြည့်မယ်ဆိုရင်တော့ မဂ္ဂဇင်းတွေ ဂျာနယ်တွေ အပါအ၀င် သတင်းနဲ့ စာနယ်ဇင်းလောက တခုလုံးကို သူတို့ ဖိနှိပ် ချုပ်ချယ်ထားပါတယ်ဆိုတဲ့ သဘောမျိုးလည်း ကမ္ဘာက မမြင်စေချင်ဘူး။ သို့သော် လက်တွေ့မှာ ဒီနေ့အထိ ဖြစ်နေတာကို ပြန်ကြည့်မယ်ဆိုရင်တော့ သူတို့လိုချင်တဲ့ အချက်နဲ့၊ သူတို့ပြောနေတဲ့ အချက်တွေနဲ့ လက်တွေ့မှာ တော်တော်လေး ကွာခြားနေတာကို မြင်ရတယ်။”

အထူးသဖြင့် မြန်မာ့ပြည်တွင်း သတင်းဂျာနယ်သမားတွေရဲ့ လုပ်ငန်းတွေနဲ့ သတင်းသမားဘ၀နဲ့ ၀မ်းစာရှာ အလုပ်လုပ် ကိုင် နေကြရသူတွေဟာ အခုအချိန်မှာ ပိုပြီး အန္တရာယ်ကြီးလာတာ တွေ့ရတယ်လို့လည်း သူ့အမြင်ကို ပြောပါတယ်။

“တကယ်တမ်းပြောမယ်ဆိုရင် ကျနော်တို့ မြန်မာနိုင်ငံမှာ ဒီနေ့ဒီအချိန်အထိ ဒိပြင် အတတ်ပညာနဲ့ ပတ်သက်တဲ့ တက္ကသိုလ် တွေ၊ ကျောင်းတွေ မှိုလိုပေါက်နေပေမယ့် ဂျာနယ်လစ်ဇင်နဲ့ ပတ်သက်ပြီး ဘွဲ့ပေးတာမျိုးတွေ ဒီနေ့ ဒီအချိန်ထိ မရှိဘူး။ သီးသန့်တက္ကသိုလ်ဆိုတာ အပထား၊ တက္ကသိုလ်မှာ ဘာသာရပ် တခုအနေနဲ့ သင်ပေးတာတောင် မရှိဘူး။ လုပ်ကြတယ် ဆိုတဲ့ နေရာမှာ တခြားနိုင်ငံက ဂျာနယ်လစ်တွေ လွတ်လပ်သလောက် သူတို့ မလွတ်လပ်ဘူး။ မလွတ်လပ်တဲ့အပြင် အဆင် မသင့်တာနဲ့ သူတို့ဟာ ထောင်ကျခံရတာကနေ စပြီးတော့ နောက်ဆုံး နှိပ်စက်ညှဉ်းပန်းခံရတာ အဆုံး အဲဒီလောက်အထိ အန္တရာယ်ကြီးတဲ့ အနေအထားမှာ သူတို့ ဒီအလုပ်ကို လုပ်နေကြတာပါ။”

မြန်မာသတင်းသမဂ္ဂ (BMA) ဥက္ကဋ္ဌ ဦးမောင်မောင်မြင့် ပြောသွားတာ ဖြစ်ပါတယ်။

ရန်ကုန်ရှုခင်း - စက်တင်ဘာ ပထမ ပတ်

လမ်းလျှောက်ဂျာနယ်လစ်၊ ရန်ကုန်

စက်တင်ဘာ ၂၊ ၂၀၀၉



အက်ဖ်ဒီအေ (ဗဟိုအစားအသောက်နှင့် ဆေးဝါး ကွပ်ကဲမှုဌါန) နဲ့ စည်ပင်

ပြီးခဲ့တဲ့ လဆန်းမှာ စည်ပင်က လိုက်လံသိမ်းဆည်းခဲ့တဲ့ စားသုံးဆီ အမှတ်တံဆိပ် ၁၁မျိုးအနက် ၇ မျိုးဟာ စားသုံးရန် သင့်သောကြောင့် ဆိုပြီး ပြန်လည်ရောင်းချခွင့်ပြုလိုက်တယ်လို့ အပတ်စဉ်ဂျာနယ်များမှာ ဖေါ်ပြကြပါတယ်။ ဂျာနယ်တစောင်မှာ ရေးသားထားတဲ့ဟာကို ဖေါ်ပြရမယ်ဆိုရင် `ဈေးကွက်များ၊ စူပါမားကက်များတွင် ရောင်းချသော စားသုံးဆီနမူနာများကို သိမ်းဆည်း၍ ဓါတ်ခွဲစစ်ဆေးပြီးနောက် ဘေးအန္တရာယ် မရှိပဲ စားသုံးရန်သင့်သော ဆီတံဆိပ် ၇ မျိုးကို ဈေးကွက်အတွင်း ပြန်လည်ရောင်းချခွင့် ပြုထားကြောင်း´ လို့ ဖေါ်ပြပါရှိပါတယ်။

နမူနာအနေနဲ့ စစ်ဆေးမယ်ဆို ရောင်းချနေတဲ့ စားသုံးဆီကို ဘာကြောင့်သိမ်းဆည်းရတာလဲ၊ နမူနာအတွက် ယူပြီး စမ်းသပ်၊ ပြီးတဲ့နောက် အန္တရာယ်ရှိတယ်ဆိုရင်ရှိတဲ့ အမှတ်တံဆိပ်ကို ကြေငြာထုတ်ပြန်ပြီး သိမ်းဆည်းတာမျိုးဟာ လုပ်ရိုးလုပ်စဉ် ဖြစ်ပေမယ့် ၊ အထက်က အဖြစ်အပျက်မှာ ၁၁မျိုးလုံးကိုသိမ်းဆည်းလိုက်ပြီး အဲဒီနောက် စစ်ဆေး၊ ပြီးတော့မှ ပြန်ခွင့်ပြုတယ်ဆိုတာ ရှေ့နောက်မညီ သလိုဖြစ်နေပါတယ်။

အဖြစ်မှန်က စည်ပင်က အက်ဖ်ဒီအေက ထုတ်ပြန်တဲ့ စာရင်းနဲ့ကွဲလွဲစွာ လိုက်လံသိမ်းဆည်းခဲ့တာကြောင့် မသက်ဆိုင်တဲ့ အမှတ် တံဆိပ်တွေပါ သိမ်းဆည်းခံခဲ့ ကြရတဲ့ သဘောပါ။ စည်ပင်သာယာဟာ အက်ဖ်ဒီအေ ရဲ့ ကြေငြာချက်ကို လိုက်လံအကောင် အထည်ဖေါ်စောင့်ကြည့်မယ့် တခုထည်းသော အဖွဲ့လိုဖြစ်နေပြီး အဆိုပါ အဖွဲ့က အလွန်အကျွံလုပ်ဆောင် လိုက်တဲ့ဟာကို အက်ဖ်ဒီအေက ကြည့်ကောင်းအောင် ပြန်ဖြေ ပြီးကြေငြာထုတ်ပြန်ရတဲ့ အဖြစ်ပါ။

ဇူုလိုင်လ ၂၅ရက်နေ့ မှာ အက်ဖ်ဒီအေက ထုတ်ပြန်တဲ့ အမှတ်တံဆိပ်တွေထက် ပိုပြီး စည်ပင်က လိုက်သိမ်းတဲ့ အကျိုးဆက်က နယ်စပ်က၀င်တဲ့ စားအုန်းဆီတွေ ဈေးတက်ကုန်တာပဲ ဖြစ်ပါတယ်။ နကိုက ကျပ် ၁၂၀၀ ရှိတဲ့ ပလပ်စတစ် ဆီထုပ်တထုပ်ဟာ အဲဒီလို သတင်းတွေ ထွက်ပြီးနောက်မှာ ၁၂၅၀၊ ၁၃၀၀ စသဖြင့်မြင့်တက်ကုန်ပါတယ်။ စားသုံးနေတဲ့သူတွေ အနေနဲ့ အမြင်မှာရော စားသုံးရာမှာပါ ဘာမှ သံသယ ဖြစ်စရာ မရှိလို့ သူတို့တားမြစ်ထားတဲ့ အမှတ်တံဆိပ်တခုဖြစ်တဲ့ ပုဇွန်နှစ်ကောင် အမှတ်တံဆိပ် စားအုန်းဆီတွေကို ဆက်လက်ဝယ်ယူ စားသုံးနေခဲ့ကြပါတယ်။

ဒါပေမယ့် ရန်ကုန်မြို့က ဈေးတွေမှာရော နယ်မြို့ကြီးအချို့က ဈေးတွေမှာပါ စည်ပင်တွေကိုကြောက်လို့ အဲဒီအမှတ်တံဆိပ်တွေကို ပေါ်ပေါ်ထင်ထင် မရောင်းရဲကြတော့ပါဘူး။ ဖွက်ကာ၊ သိမ်းကာ နဲ့ရောင်းချကြရပါတယ်။

ဒီအဖြစ်မှာ ဘာကိုတွေ့ရသလဲဆို စားသုံးသူတွေ အတွက် ကျန်းမာရေးနဲ့ ညီညွတ်အောင် စောင့်ထိန်းပေးတဲ့ ကျွမ်းကျင်သူ အဖွဲ့ဖြစ်တဲ့ အက်ဖ်ဒီအေ ဟာ ထိုထုတ်ပြန်ချက်ကို လိုက်နာအောင် လုပ်ဆောင်ပေးမယ့် စည်ပင်သာယာလောက် သြဇာမရှိတဲ့ အဖြစ်ပါ။ မြန်မာပြည်မှာ သက်ဆိုင်ရာ နယ်ပယ်မှာ ကျွမ်းကျင်သူတွေဟာ လုံခြုံရေး တာဝန်ယူထားတဲ့ စစ်တပ်နဲ့ အုပ်ချုပ်ရေး အာဏာယူထားသူတွေရဲ့ လက်အောက်မှာ ဘယ်တော့မဆို အသုံးချခံရတဲ့ အဖြစ်ပါ။ ယခုအဖြစ်မှာလည်း အက်ဖ်ဒီအေဟာ စည်ပင်မျက်နှာ မပျက်အောင် ဖေးမပြီး ပြင်ဆင်ပြောဆိုပေးခဲ့ရပါတယ်။



ဒိုင်နာတွေ ရန်ကုန်မြို့တွင်းက နှင်တော့မယ် တဲ့

ကမ္ဘာပေါ်မှာ ခရီးသည်တင်ကားလို့ ဘယ်သူကမှ မယူဆတဲ့ တိုယိုတာ ဒိုင်နာ၊ မစ်ဆုဘီရှီ ကင်တား တို့လို လိုက်ထရပ် အလတ်စား ခရီးသည်တင်ကားတွေကို မကြာမီ လပိုင်းအတွင်း ရန်ကုန်မြို့ထဲက နှင်တော့မယ်ဆိုပြီး ရန်ကုန်မြို့မော်တော်ယာဉ် လိုင်းပေါင်းစုံ ထိန်းသိမ်းရေး ကော်မတီကပြောဆိုပါပြီ။

ဒိုင်နာလို့ဆိုလိုက်ရင် အမောင်းကြမ်းပြီး မကြာခဏ ယာဉ်တိုက်မှုဖြစ်လေ့ရှိကာ၊ တက်ရဆင်းရတာ ခက်ခဲ၊ လိုက်ပါစီးနင်းစဉ်မှာလည်း လက်မြဲမြဲမကိုင်ထားရင် ပြုတ်ကျမယ့် အန္တရာယ်ရှိတဲ့ ကား၊ ဆက်ဆံရေး ညံ့ဖျင်းသည့် ယာဉ်နောက်လိုက်များ စတဲ့စတဲ့ ဂုဏ်သတင်းများနဲ့ ရန်ကုန်လူထုက သိရှိကြပါတယ်။ ဒိုင်နာကားတွေကို ၁၉၉၀ ၀န်းကျင်မှစတင်ကာ နိုင်ငံခြား သင်္ဘောသား တွေကတင်သွင်းခဲ့ကြပြီး ရန်ကုန်မြို့တွင်း လိုင်းတွေမှာ ပြေးဆွဲခဲ့ပါတယ်။ နောက်ပိုင်း လူစီး မီနီဘတ်စ်တွေ၊ ဘတ်စ်ကားကြီးတွေ ၀င်ရောက်လာခဲ့ပေမယ့်လည်း ဒိုင်နာတွေက ယာဉ်လိုင်းအချို့မှာ ပြေးဆွဲနေဆဲဖြစ်တာကို တွေ့မြင်နေကြရပါတယ်။ ကားကြိုကားကြား အတင်းဝင်၊ အတင်းရပ်၊ အတင်းထွက်နဲ့ အမောင်းရမ်းတဲ့ လိုင်းများ အဖြစ်နဲ့ ပိုမိုထင်ရှားလာပါတယ်။

၂၀၀၇ စက်တင်ဘာ သံဃာ့အရေးအခင်းမတိုင်ခင် နှစ်လယ်ပို်င်းမှာ ဖြစ်ပွားတဲ့ ရွှေဂုံတိုင်၊ လှည်းတန်း သိမ်ကြီးဈေးတ၀ိုက်က အစိုးရဆန့်ကျင်ရေး ကြွေးကြော်ပြီး ငြိမ်းချမ်းစွာ လမ်းလျှောက်သူတွေကို လက်မရွံ့စွမ်းအားရှင်တွေနဲ့ ထိုးကြိတ် ဆွဲတင် ရာမှာ လိုင်းထဲက ဒိုင်နာကားတွေက အသုံးတော်ခံခဲ့ရပါတယ်။ ယခုလက်ရှိလည်းပဲ တစုံတရာ ဖြစ်နိုင်ခြေရှိရင် ဒိုင်နာကားတွေချောဆွဲ စွမ်းအားရှင်တွေတင်ပြီး အင်အားပြနေဆဲပါ။ ဒီအကြောင်းတွေကြောင့်လည်း ဒိုင်နာကားတွေဟာ ရန်ကုန်မြို့ထဲမှာ ဆက်လက် ပြေးဆွဲခွင့်ပြုထားသလား လို့ကောက်ချက်ချ ပြောဆိုတာတွေ ကြားသိနေရပါတယ်။



မြို့ပျက် ရန်ကုန်မှာ မီးအားကျ၊ ရေစုပ်မရ၊ ရေမလာ

ယမန်နေ့ (အဂါင်္နေ့ )က စပြီးသဘာဝဓါတ်ငွေ့ ပိုက်ပေါက်တာကြောင့် သဘာဝ ဓါတ်ငွေ့အလာနည်းပြီး လျှပ်စစ်မီး အလှည့်ကျ ဖြတ်တောက်ခံရမယ့် မြို့နယ်စာရင်းတွေကို အက်ဖ်အမ်ကကြေငြာနေခဲ့ပါတယ်။ အဲဒီလို ကြေငြာပြီးနောက် တနေ့မှာ ရန်ကုန်မြို့မှာ လျှပ်စစ် ဗို့အား ကျဆင်းပြီး အိမ်သုံး ရေခဲသေတ္တာများ အလုပ်မလုပ်နိုင်တာ၊ ရေတွန်းစက်များ ရေမတွန်းနိုင်လို့ ရန်ကုန်မြို့လည်ရှိ နေရာအချို့မှာ ရေမလာတာ၊ သုံးဖို့ရေမလုံလောက်တော့လို့ ရပ်ကွက်ကျော်၊ လမ်းကျော်ပြီး ရေချိုးရတာတွေ ကြားသိနေရပါတယ်။

ဗိုလ်တထောင်မြို့နယ် မှာနေထိုင်သူ တဦးက `မနေ့ညက မီးပျက်သွားတယ် နောက်နာရီပိုင်းအကြာပြန်လာပေမယ့် မီးအားက မပြည့်ဘူး၊ ခါတိုင်း ၁၈၀၊ ၂၀၀ ဗို့လောက်ရှိရာကနေ အခုတော့ ၁၅၀ ၀န်းကျင်ပဲရှိတယ်။ လျှပ်စစ်နဲ့ ဟင်းချက်တယ်ဆိုရင် မကျက်နိုင်တော့ဘူး အရမ်းကိုကြာတယ်။ ညနေကျတော့ ရေလည်းစုပ်လို့မရတော့မှန်း ထပ်သိရတယ်၊ လူတွေကို ရေမလာဘူးဆိုတာ ကြိုတင်ကြေငြာ အသိပေးတာလည်းမရှိ၊ နောက်ဘယ်လောက် ကြာမယ်ဆိုတာလည်း မေးလို့မရ၊ ထုတ်ပြန်ကြေငြာတာ မလုပ်တော့ တော်တော်ခက်တယ်´ ဟုဆိုသည်။

`မိုးလယ် မတိုင်ခင်ကတော့ ရေအားလျှပ်စစ်ဆည်တွေ ရေမပြည့်လို့ မီးအား အပြည့် မပေးနိုင်ဘူး လို့ဆိုတယ်။ အခုတခါ ဂက်စ်ပိုက်ပေါက်လို့ မီးမပေးနိုင်ဘူး ဆိုပြန်တော့ ဂက်စ်နဲ့ မီးပေးနေသလိုပြောပြန်တယ်၊ ဘယ်ဟာကို အတည်ယူရမလဲ မသိဘူး´ ဟု ရန်ကုန်မြို့ခံတဦးက ပြောသည်။

အကယ်၍ လျှပ်စစ် မီးမလာလျင် မီးစက်များ ဖြင့် ရေတင်နိုင်သေးသော်လည်း ပိုက်ရေကိုအားကိုးနေရသည့် မြို့လယ်မြို့နယ်များတွင် ရေတွန်းစက်မှ ရေတွန်းမပို့နိုင်လျင် ရေရရန် အခြားနည်းလမ်း မရှိတော့ပေ။ ရန်ကုန်မြို့ စည်ပင်သာယာ ကော်မတီမှာလည်း စည်ပင်နှင့် ပတ်သက်သည့် အခွန်အကောက်များကို ရနိုင်သမျှ ကောက်ယူပြီး နေပြည်တော် ဆောက်လုပ်ရေး အတွက် ထောက်ပံ့ ပေးနေရသည့် အပြင် ရန်ကုန် မြို့တော်စည်ပင်လုပ်ငန်းများ ကန်ထရိုက်ပေးရာတွင် လက်သင့်ရာချပေးကာ ဝေစားမျှစားခြင်းတို့ဖြင့် ရန်ကုန်မြို့သည် လမ်းများ၊ မြောင်းစနစ် ရေရရှိရေး စနစ်တို့ ပျက်စီးနေသည့် မြို့တမြို့အဖြစ်သို့ ရောက်ရှိကာနေသည်။

ရန်ကုန်မြို့လယ်တွင် ဖြစ်စေ အခြားမြို့နယ်များတွင် ဖြစ်စေ ပလက်ဖောင်းပေါ် လမ်းလျှောက်ပါက အောက်ငုံ့မကြည့်၍ မဖြစ်လောက်အောင် ကျိုးပဲ့နေသည့် ကွန်ကရစ်ပြားများ၊ မြောင်းပေါက်များ ဖြင့်တန်ဆာဆင်ထားသည်။ မိုးကြီးသည့် အခါ လူတရပ်မျှ နက်သည့် မြောင်းပေါက်များကို ကျွံမကျစေဖို့ ၀ါးလုံးများ၊ တိုင်များ စိုက်ကာ သတိပေးထားရသည်။ နကို မဆလ ခေတ်များဆီက ခင်းထားသော ကောင်းနေသေးသည့် ပလက်ဖောင်း အခင်း ကွန်ကရစ်အပြားများကို ခွာပြစ်၊ ချိုးဖဲ့ပြစ်ပြီး နောက် ဘိလပ်မြေ မပါသလောက်နှင့် သံချောင်းသေးသေး သာထည့်သွင်းထားသည့် ကွန်ကရစ် အခင်းပြားများဖြင့် အစားထိုးသည့်အခါ တနှစ်မပြည့်မီပင် ထိုအခင်းများ ကျိုးပဲ့ကုန်ခြင်း၊ အောက်ခင်းမှ ကြွက်ဖောက်ပြီး ထိုးထိုးထောင်ထောင် ဖြစ်ကုန်ခြင်းတို့ကို မြင်တွေ့နေရသည်။

န၀တ၊ နအဖ ခေတ်တွင် လာဘ်စားမှု၊ လက်သင့်ရာပေးသည့် စနစ်မည်မျှ ဆိုးရွားလာသနည်း ဆိုလျင် မဆလ ခေတ်က ခင်းသည့် ကွန်ကရစ် အခင်းပြားများကပင် န၀တခေတ်နှင့်စာလျင် ကောင်းသေးသည်ဟု ချီးမွမ်းရမည့် အခြေဆိုက်ရောက်နေသည်။ ရန်ကုန်မြို့တွင်း ပလက်ဖောင်းများကို အသစ်ခင်းသည့် ကန်ထရိုက်ပေးလိုသဖြင့် ပိုမိုခိုင်ခန့်သည့် အခင်းပြားများကို ချိုးဖဲ့ကာ ပွပွညံ့ညံ့ အခင်းပြားများဖြင့် အစားထိုးသည့် အနေအထားသို့ ရောက်နေပြီဟု ဆိုရမည်။

အမှိုက်များ၊ ရေဆိုးပုပ်များ၊ ပလက်ဖောင်းဖုံး ကွန်ကရစ် အကျိုးအပဲ့များကို စီကာစဉ်ကာ အုပ်ထားသည့် လမ်းများသည် ရန်ကုန်မြို့၏ ရှုခင်းများပင် ဖြစ်တော့သည်။



(ဆိပ်ကမ်းသာလမ်းမှာ ပျက်နေတဲ့လမ်း)

(မင်္ဂလာတောင်ညွန့်မြို့နယ်က ရေလွှမ်းတဲ့လမ်း - လမ်းအမည်က မြန်မာ့ဂုဏ်ရည်)

(နံမည်ကျော် စွယ်စုံရတဲ့ ဒိုင်နာကားများ)

(ရန်ကုန်ရှုခင်း)

စည်ပင်သာယာက ရေမီတာတပ်ခိုင်းပြီး အခွန်ထပ်ကောက်မည့်အတွက် မြို့ခံများ အခက်တွေ့
Wednesday, 02 September 2009 19:22 ဖြိုးကြီး
E-mail Print
ရန်ကုန်တိုင်း၊ ခရမ်းမြို့နယ် စည်ပင်သာယာရေးဦးစီးဌာနက ရေမီတာများ တပ်ဆင်ခိုင်းပြီး ရေခွန်ပေးဆောင်ခိုင်းနေသဖြင့် မြို့ခံများ အခက်အခဲ ကြုံတွေ့နေရသည်။

ပြီးခဲ့သည့် တလခန့်မှစတင်ကာ မီတာတလုံးလျှင် ၁၂,၀၀၀ ကျပ်နှုန်းဖြင့် တပ်ဆင်ခိုင်းကာ ရေခွန် ထပ်မံပေးဆောင်ခိုင်းနေခြင်းဖြစ်ကြောင်း ဒေသခံတဦးက ပြောသည်။

“ရေပိုက်သွယ်ထားတဲ့ အိမ်တွေ အကုန်ဝယ်ရမှာ။ ရေကန်ကနေ ပိုက်ဆင်တော့လဲ ပိုက်ဆံပေးတယ်။ နှစ်စဉ်လည်း ရေခွန်က ပေးနေရသေးတယ်။ ဒီကြားထဲ နွေဘက်ရေခမ်းသွားရင်လည်း စက်မောင်းဖို့ ဆီဖိုးလည်း ပေးရတော့ အခု ထပ်ပေးဖို့ ကျနော်တို့ မတတ်နိုင်တော့ဘူး” ဟု ပြောသည်။

ခရမ်းမြို့ပေါ်တွင် ရေပိုက်သွယ်တန်း တပ်ဆင်ထားသူများအနေဖြင့် တနှစ်လျှင် ရေခ ၇,၂၀၀ ကျပ် ပေးဆောင်နေရသည့်အပြင် မီးသတ်၊ အမျိုးသမီးရေးရာ၊ ကျန်းမာရေးဌာများကိုလည်း ပေးနေရကြောင်း ၎င်းက ပြောသည်။

ခရမ်းမြို့ပေါ်တွင် ရေကန်ပေါင်း ၆၀ ကျော်ရှိပြီး မြို့ပြင်တွင် ကန်ကြီး ၄ လုံးရှိကာ ကိုယ်ထူကိုယ်ထစနစ်ဖြင့် တူးထားခြင်းဖြစ်ကြောင်း ၎င်းက ဆက်ပြောသည်။

“မြို့ပေါ်က ကန်တွေက ဘိုးဘွားပိုင်ကန်တွေချည်းပဲ။ နွေဘက် ရေနည်းသွားရင် မြို့ပြင်ကန်ကြီးတွေကနေ စက်တွေနဲ့ ကန်လေးတွေကို ပို့တယ်။ အဲဒီကတဆင့် ရပ်ကွက်အလိုက် မော်တာလေးတွေတပ်ပြီး သုံးရတာ” ဟု မြို့ခံက ဆက်ပြောသည်။

ခရမ်းမြို့နယ် စည်ပင်သာယာအနေဖြင့် အကောက်အခွန်အမျိုးမျိုးကို တောင်းခံနေသော်လည်း မြို့ဖွံ့ဖြိုးတိုးတက်ရေးအတွက် ဘာတခုမှ လုပ်ဆောင်ခြင်းမရှိကြောင်း ၎င်းက ပြောသည်။

“စည်ပင်က ကျနော်တို့ဆီမှာ ရေမြောင်းတောင် မဖောက်ပေးဘူး။ မြောင်းတွေ ကိုယ့်ဟာကိုယ် ဆွဲရတယ်။ မိုးရွာလို့ ရေတွေတတ်လာရင် ညစ်ပတ်မှာစိုးလို့။ သူတို့က အခွန်တွေပဲ ကောက်တာ။ တမြို့လုံး အမှိုက်တွေ ပွယောင်းနေတာ။ လိုက်သိမ်းတာတခါမှ မရှိဘူး” ဟု မြို့ခံက ဆက်လက်ပြောဆိုသည်။

ငွေအကြွေ အဟောင်းများကို ရခိုင်တွင် လှဲလှယ်ပေးခြင်း မရှိသေး

9/2/2009

နအဖ စစ်အစိုးရမှ ရန်ကုန်မြို့ အပါအ၀င် နေပြည်တော်တွင် ငွေအကြွေ စက္ကူသစ်များအား လှဲလှယ်ပေးနေသော်လည်း ရခိုင်ပြည်နယ်တွင် လှဲလှယ်ပေးခြင်း မရှိသေးသဖြင့် ရခိုင် လူထု အနေဖြင့် ငွေစက္ကူ အဟောင်း အစုတ်များကို ဆက်လက် အသုံးပြုနေရဆဲ ဖြစ်သည်။

စစ်တွေမှ အရောင်းဆိုင်ရှင် တဦးက “အခုအချိန်ထိ စစ်တွေမှာ ငွေကြေး အသစ်တွေကို အစိုးရ ဘဏ်တွေဆီက လှဲလှယ်လို့မရသေးဘူး။ ဒါကြောင့် ငွေစက္ကူ အဟောင်း အစုတ်တွေနဲ့ တိုကင်ငွေ စက္ကူတွေကိုဘဲ ဆက်လက် အသုံးပြုနေကြရပါတယ်။” ဟု ပြောသည်။

စစ်အစိုးရ အာဏာပိုင်များမှ နိုင်ငံအ၀န်း တပြေးညီ ငွေစက္ကူသစ်များကို လဲလှယ်ပေးခြင်း မရှိသဖြင့် အိမ်နီးချင်းနိုင်ငံများနှင့် ဆက်စပ်ကုန်သွယ်နေရသော နယ်စပ်ဒေသများတွင် ပိုပြီး အခက်အခဲတွေ့နေရသည်ဟု မောင်တောမြို့မှ ကုန်သည် တဦးကလည်း ယခုကဲ့သို့ ပြောသည်။

“ကျွန်တော်တို့ မောင်တောမြို့မှာ ခုချိန်ထိ ငွေအကြွေ အသစ်တွေကို လှဲလှယ်လို့ မပေးသေးပါဘူး။ ရန်ကုန်မှာတော့ လှဲပေးနေတယ်လို့ သိရပါတယ်။ ရန်ကုန်မှာ လူထုတွေကျတော့ လှဲပေးပြီး နယ်တွေမှာ ကျတော့ မလှဲပေးတာက တရားသဖြင့် မဖြစ်ဘူးလို့ မြင်ပါတယ်။ နယ်တွေမှာလည်း ငွေအကြွေ အဟောင်းတွေကို အမြန်ဆုံး လှဲလှယ်ပေးဖို့ လိုအပ်ပါတယ်။ နယ်စပ်ဒေသတွေမှာ ခုလို ငွေအကြွေစုတ်တွေကို အသုံးပြုနေရတဲ့ အတွက် တိုင်းပြည် ဂုဏ်သိက္ခာကိုလည်း ထိခိုက်ပါတယ်။”

ရခိုင်ပြည်နယ် တခုလုံးတွင် ငွေအကြွေးရှားပါးသဖြင့် ဈေးဆိုင်ကြီးများမှ ငွေစက္ကူ တိုကင်များကို မြန်မာကျပ်ငွေ တန်ဖိုး အလိုက် သတ်မှတ်ပြီး ထုတ်လုပ်ကာ အသုံးပြုနေရသည်။

၎င်းတို့မှာ ၅၀၊ ၁၀၀၊ ၂၀၀ တန် တိုကင်ငွေ စက္ကူများ ဖြစ်သည်။

ရခိုင်ပြည်နယ် အတွင်းရှိ ကျေးလက်တောရွာများတွင် ငွေအကြွေရှားပါးမူကြောင့် ပစ္စည်းအချင်းချင်း ဖလှယ်အသုံးပြုနေရပြီး ကျေးလက် ပြည်သူများ အနေဖြင့် ဆန်နှင့်ကြက်၊ အရက်နှင့် စပါး စသဖြင့် ဖလှယ်ပြီး သုံးစွဲနေရသည်ဟု သိရသည်။

တချို့ကျေးရွာများတွင် ငွေအကြွေကို ပစ္စည်းဝယ်တိုင်း မလှဲပေးနိုင်သဖြင့် ခိုက်ရန် ဖြစ်ပွားမူများပါ ရှိနေသည်ဟု သိရသည်။

မြန်မာ စစ်အစိုးရသည် ငွေစက္ကူ အဟောင်းများကို ပြည်သူများ ကိုင်တွယ်သုံးစွဲနေကြရသဖြင့် ကျန်းမာရေးကို ထိခိုက်နေကြောင်း ဘီဘီစီ (မြန်မာပိုင်း အစီအစဉ်) ဆွေးနွေးခန်းတခုတွင် ထုတ်လွှင့်သွားပြီးနောက် ငွေစက္ကူ အဟောင်းများကို အသစ်နှင့် အစိုးရဘဏ်များတွင် လှဲလှယ်ရန် ရန်ကုန်နေ လူထုကို ခွင့်ပြုခဲ့သည်။

သို့သော်လည်း ရခိုင်ပြည်နယ်တွင်မူ ယခုအချိန်ထိ ငွေစက္ကူ အဟောင်းများကို လှဲလှယ်ပေးခြင်း မရှိသေးသဖြင့် ငွေစက္ကူ အဟောင်းများ ကိုင်တွယ် သုံးစွဲနေရသော ရခိုင်လူထု ကျန်းမာရေး ထိခိုက်မည်ကို အလေးမထားသည့် သဘောမျိုး သက်ရောက်နေသည်ဟု မောင်တောက ဈေးသည်မ တဦးက မှတ်ချက်ချ ပြောကြားသည်။

ရခိုင်ပြည်နယ်အတွင်း လူထုအုံကြွမှုများအား ကိုင်တွယ်ရန် လုံထိန်း ရဲတပ်ရင်းများကို အင်အားဖြည့်

9/2/2009

တာကလူး (နိရဉ္စရာ) မြန်မာနိုင်ငံ အနောက်ဘက် ရခိုင်ပြည်နယ်တွင် ၂၀၁၀ ရွေးကောက်ပွဲ မတိုင်မီ နှင့် ရွေးကောက်ပွဲ အတောအတွင်း လူထုအုံကြွ ဆန္ဒပြ ကန့်ကွက်မှုများအား တားဆီး ထိန်းထားနိုင်ရန် လက်ရှိ လုံထိန်း ရဲတပ်ရင်းများအား အင်အား စတင်တိုးချဲ့နေပြီ ဖစ်ကြောင်း စစ်တွေအမှတ် (၁၂)ရဲတပ်ရင်းမှ ရဲအရာရှိတစ်ဦးက ဗုဒ္ဓဟူးနေ့တွင် ပြောသည်။

အဆိုပါရဲအရာရှိက “၂၀၁၀ ရွေးကောက်ပွဲ အတွက် အစိုးရက တစိုက်မတ်မတ် ကြိုးပမ်း နေတဲ့အချိန်မှာ ဆန္ဒပြ ဆူပူမှုတွေ လုံးဝ မရှိအောင် ထိန်းသိမ်းပေးရမယ်ဆိုပြီး ရဲတွေကို ညွှန်ကြား ထားတယ်။ ပြီးတော့ ရွေးကောက်ပွဲ လုံခြုံရေး အတွက် ရဲတွေကိုပဲ တာဝန်ပေးသွားမှာ ဆိုတော့ ခုအချိန်ကနေ အင်အားဖြည့်ထားရတာ ဖြစ်ပါတယ်” ဟု နိရဉ္စရာသို့ပြောသည်။

ယခုကဲ့သို့ လုံခြုံရေး မလစ်ဟင်းစေရန် နှင့် လိုအပ်လျှင် အင်အားဖြည့်တင်းရန် နေပြည်တော် ရဲတပ်ဖွဲ့ဌါနချုပ်မှ ရဲမှူးချုပ် စိုးဝင်းမြင့်နှင့် ဒုတိယရဲမှူးချုပ် ဇော်ဝင်းတို့ လွန်ခဲ့သော ဇူလိုင်လ ကုန်ပိုင်းက ရခိုင်အခြေစိုက် ရဲတပ်ရင်းများနှင့် လာရောက် လည်ပတ် တွေ့ဆုံခဲ့စဉ် အတွင်း ညွှန်ကြားထားခဲ့သည်ဟု သူက ပြောသည်။

ရခိုင်ပြည်နယ်တွင် မြို့နယ် အလိုက် နယ်ထိန်း ရဲစခန်းများ အပြင် စစ်တွေ အမှတ် (၁၂)ရဲ တပ်ရင်း၊ ဘူးသီးတောင် အမှတ် (၁၃)ရဲတပ်ရင်းနှင့် မောင်တော အမှတ်(၂) ရဲတပ်ရင်း စသည်ဖြင့် လုံထိန်းရဲတပ်ရင်း (၃)ခုအခြေစိုက်ထားပြီး၊ တပ်ရင်းတစ်ခုစီတွင် တပ်သား အင်အား ပျမ်းမျှ (၃၅၀)ရှိရာမှ (၅၀၀) ကျော်ထိအင်အားဖြည့်တင်းသွားမည်ဖြစ်ကြောင်း သိရသည်။

“ပထမအဆင့်အနေနဲ့ မြို့နယ်အသီးသီးမှာရှိတဲ့ ရဲစခန်းတွေမှာတာဝန်ကျနေတဲ့ နယ်ထိန်းရဲ (၁၁၇)ဦးကို ရွေးထားပြီးပါပြီ။ သူတို့က လာမယ့် စင်တင်ဘာ(၆)ရက်ကနေ လုံထိန်း တပ်ရင်းတွေမှာ တာဝန်ထမ်းရမှာဖြစ်တယ်။ ရဲသားသစ်တွေလဲ ခေါ်ယူနေပါပြီ” ဟု သူက ဆက်ပြောသည်။

ရခိုင်ပြည်နယ်သည် မြန်မာနိုင်ငံတွင် ရန်ကုန်နှင့် မန္တလေးပြီးလျှင် တတိယ ရဲအင်အား အများဆုံး ပြည်နယ် တစ်ခုဖြစ်သည်။

ပြည်တွင်းထဲမှ ဒီမိုကရေစီလှုပ်ရှားသူတစ်ဦးက “နအဖစစ် အစိုးရက ခုလို ပြည်သူတွေရဲ့ ဒီမိုကရေစီ လှုပ်ရှားမှုတွေကို နှိမ်နှင်းဖို့ စစ်သားတွေကိုထက် လုံထိန်းရဲတွေကို ရှေ့တန်း တင်ပေးလာတယ်။ အင်အားဖြည့်တင်းလာတယ် ဆိုတာဟာ နိုင်ငံခြားတိုင်းပြည်တွေမှာ လူထု ဆူပူအုံကြွမှုတွေကို ရဲတပ်ဖွဲ့တွေကိုသုံးပီး ဖြေရှင်းနေသလို သူတို့မှာလည်း ဖြေရှင်းတယ် ဆိုတာကို ပြနိုင်အောင် လုပ်တယ်ဆိုတာ ပေါ်လွင်နေပါတယ်” ဟု ပြောသည်။

နအဖစစ်အစိုးရသည် ဒီမိုကရေစီလှုပ်ရှားသူများကို ထောင်သွင်းအကျဉ်းချထားပြီး တိုင်းရင်းသားနိုင်ငံရေးပါတီများကို ဘေးဖယ်ထားကာ သူတို့၏အာဏာ တရားဝင် တည်မြဲရေးအတွက် ၂၀၁၀ တွင် ရွေးကောက်ပွဲကျင်းပရန် အဘက်ဘက်မှ ပြင်ဆင် လျက်ရှိကြောင်းလည်း သူက ဆက်ပြောသည်။

ရခိုင်ပြည်သူများ၏ အဆိုအရ လွန်ခဲ့သော ၂၀၀၇-ခု စက်တင်ဘာ ရွှေဝါရောင်တော်လှန်ရေှး ပေါ်ပေါက်ခဲ့သည့်အချိန်မှစ၍ ရခိုင်ပြည်နယ်ရှိ အဓိက မြို့ကြီးများ၏ ဘုရားကျောင်းကန် အပါအ၀င် လူစုဝေးရာ အရပ်များတွင် လုံထိန်းရဲများက လုံခြုံရေး ယူကာ တင်းတင်းကျပ်ကျပ် စောင့်ကြည့်လျက်ရှိကြောင်း သိရသည်။


ရန်ကုန်လျှပ်စစ်မီးစတင် ပျက်ပြီး
Wed 02 Sep 2009, IMNA
မြန်မာနိုင်ငံ၏ စီးပွားရေးမြို့တော်ဖြစ်သည့် ရန်ကုန်မြို့မှာ ယခင်နှစ်က မိုး တွင်းကာလမှာ လျှပ်စစ်မီးပုံမှန်ရရှိခဲ့သော်လည်း ယခုနှစ်အတွင်း ဇူလိုင်လ တတိယအပတ်မှစပြီး၊ မီးပုံမှန်ရရှိခဲ့ရာမှ သြဂုတ်လ မကုန်ခင်မှာ မြို့တွင်း၌ မီးစတင်အဖြတ်ခံနေရပြီးဖြစ်သည်။

ယခုလိုလျှပ်စစ်မီး အချိန်ပြည့်ရရှိသည့် မိုးတွင်းကာလမှာတောင် မီးပျက် နေတာနှင့်ပတ်သက်ပြီး ရန်ကုန်မြို့ခံတို့၏ ပြောပြချက်အရ လောပိတမှ ရေ အားလျှပ်စစ်မီးတွေကို နေပြည်တော်ဆီသို့ အပြည့်ပေးထားပြီး ရန်ကုန်အ တွက်လျှပ်စစ်မီးကိုတော့ တာဘိုင်စက်ကြီးတွေနဲ့ လည်ပတ်နေရတော့ အ လှည့်ကျပေးနေရတဲ့အတွက် အချိန်ပြည့်မပေးနိုင်ဘူး၊ ဘာဖြစ်လို့လဲ ဆို တော့ မိုးလယ်လောက်မှာ မီးစမှန်တာ မိုးတောင်မကုန်သေးဘူး မီးက စပျက်နေပြီးဟု ဆိုပါသည်။

ယခုလို လျှပ်စစ်မီးပုံမှန်မရရှိခြင်းကြောင့် အင်တာနက်ဆိုင်များကလည်း အမြတ်မကျန်ပဲ အရင်းသာကျန်ကြောင်း ရန်ကုန်မြို့မှ အင်တာနက်ဆိုင် ဖွင့်ထားသူတို့၏ ပြောပြချက်အရ သိရသည်။


“ဇူလိုင်လကစပြီး မီးကပုံမှန်မလာတော့ဘူး၊ ဆီဈေးသိပ်မကြီးတဲ့အချိန်မှာ မီးစက်မောင်းပြီး ဆိုင်ဖွင့်ရတာ လုပ်ငန်းမထိခိုက်ပေမယ့်၊ သိပ်ပြီးတော့ အမြတ်မကျန်ဘူး၊ လုပ်ငန်းလည်ပတ်နေရုံသဘောပဲရှိတယ်” ဟု ရန် ကုန်မြို့ရှိ လပြည့်ဝန်းပလာဇာမှ Spider net အင်တာနက်ဆိုင်မှ ဝန် ထမ်းတစ်ဦးက ပြောသည်။

ယခုလို မီးစတင်အဖြတ်ခံရသည့်နေရာတွေထဲမှာ အများပြည်သူသွားလာ နေကြသည့် လှည်းတန်း၊ မြေနီကုန်း၊ တာမွေ၊ ရန်ကုန်မြို့တွင်းနှင့် အောင် မင်္ဂလာအဝေးပြေးဂိတ်တို့မှာလည်း မီးစတင်ပျက်နေကြောင်းလည်း သိရပါသည်။

ရန်ကုန်မြို့နေ ပြည်သူအားလုံးနီးပါးက လျပ်စစ်မီးကို အားကိုးအားထား ပြု နေရပါသည်။ မီးမလာလို့ ရေမတင်နိုင်တာကြောင့် လအများတို့၏ နေစဉ် သန့်ရှင်းနေစေမှုကို ထိခိုက်စေပါသည်။

နေပြည်တော်သို့ အစိုးရရုံးစိုက်ရာမြို့တော်အဖြစ် ပြောင်းရွေ့လိုက် သည့်အ ချိန်မှစပြီး၊ ရန်ကုန်မှာလျပ်စစ်မီး ဆိုးဆိုးဝါးဝါး စတင်ဖြတ်တောက်ခံနေရပြီး၊ လူသူမရှိသည့် နေပြည်တော်မှာ သာယာလှပပြီး၊ လူသွား လူလာများများ စားစား မရှိသည့် လမ်းမကြီး၊ ဥယျာဉ်ကြီးလိုနေရာမှာ လျှပ်စစ်မီး ထိန်ငြီး နေအောင် ထွန်းထားသည်။

“နေပြည်တော်မှတော့ ၂၄ နာရီ မီးကလာနေတယ်၊ ညဘက်ဆိုရင်လည်း မီးကထိန်းလင်းနေတာပဲ၊ နယ်တွေဘက်မှာနဲ့ အရမ်းကွားခြားနေတယ်” ဟု နေပြည်တော်သို့ သွားရောက်ခဲ့သူ အစိုးရဝန်းထမ်းတစ်ဦးက ပြောသည်။

ခလရ (၂၀၉) မှ ပြည်သူ့စစ်သင်တန်းပေးမည်
Tue 01 Sep 2009, ရိုင်မရော့၊ IMNA
မုဒုံမြို့နယ် ကမာဝက်ကျေးရွာ၌ အခြေချထားသည့် ခလရ (၂၀၉) မှ ပြည် သူ့စစ်တပ်ဖွဲ့ မရှိသေးသည့် ကျေးရွာများအား ပြည်သူ့စစ်သင် တန်းပေး ရန်အတွက် သြဂုတ်လ ၂၄ ရက်နေ့တွင် ကျေးရွာဥက္ကဌများအား အသိ ပေးထားကြောင်း သိရသည်။

မုဒုံမြို့နယ်အတွင်းရှိ ထုံမင်ကျေးရွာ၊ ကွမ်းကဘွီးကျေးရွာကဲ့သို့သော ကျေး ရွာအချို့တွင် ပြည်သူ့စစ်တပ်ဖွဲ့ ဖွဲ့စည်းထားခြင်း မရှိသေးသည့်အတွက် သင်တန်းပေးရခြင်း ဖြစ်သည်။

“ကမာဝက် ခလရ ၂၀၉ က ရွာကိုလာပြီးတော့ ပြည်သူ့စစ်သင်တန်း ပေး မယ်ဆိုပြီး ဥက္ကဌတွေ ရွာသားတွေကို ဘုန်းကြီးကျောင်းမှာ လူစုပြီးတော့ ပြောတယ်၊ အယောက် ၄၀ လူစုထားရမယ်တဲ့” ဟု ထုံမင်ရွာသားတစ်ဦးက ပြောသည်။

ယခုကဲ့သို့ ပြည်သူ့စစ်တပ်ဖွဲ့ ဖွဲ့စည်းရခြင်းမှာ့ အမည်မသိ လက်နက်ကိုင် တပ်ဖွဲ့များ ရွာအတွင်း ငွေကြေးကောက်ခံနေခြင်းကြောင့် အရေးအ ကြောင်း ကြုံပါက ပြန်လည်ခုခံရန်အတွက် ပြည်သူ့တပ်ဖွဲ့ ရှိထားသင့်သည် ဟု ခလရ ၂၀၉ မှ ပြောထားသည်ကိုလည်း ၄င်းရွာသားက ပြန်ပြောပြ သည်။

သင်တန်းကာလသည် တစ်လကြာမည် ဖြစ်ပြီး၊ တစ်ပတ်လျှင် ၃ ရက် နှုန်း ဖြင့် ပို့ချပေးမည် ဖြစ်သည်။ ယခုလဆန်းပိုင်းမှ စတင်ပို့ပေးချမည်ဟုလည်း သိရသည်။

“သင်တန်းလာပေးဖို့ လမ်းစရိတ်အတွက် ဆိုပြီးတော့ ငွေ ၂ သိန်း တောင်း တယ်၊ အဲဒီငွေတွေ ဘယ်ကရမှာလဲ၊ ရွာခံတွေက ဘယ်ပေးနိုင်မှာလည်း၊ အလုပ်အပျက်ခံပြီး သင်တန်းလည်း တက်ရသေးတယ်၊ ပိုက်ဆံလည်း ပေးဦးရမယ်ဆိုတော့ ဘယ်ဖြစ်မလဲ၊ အဲဒါကြောင့် သူတို့ကို လျှော့ပေါ့ ခိုင်းပြီး၊ ၁ သိန်းပဲ ပေးလိုက်တယ်” ဟု ရွာသားတစ်ဦးက ပြောသည်။

ဒေသခံရွာသားများက ၄င်းသင်တန်းကို မတက်လိုကြသော်လည်း ကျေး ရွာဥက္ကဌမှ ရွေးချယ်ထားသည့်လူများ မဖြစ်မနေတက်ရမည် ဖြစ်သည်။

ခလရ ၂၀၉ မှ သင်တန်းသား အယောက် ၄၀ စုဆောင်းထားရန် စေခိုင်း ထားသော်လည်း အချို့ရွာသားများမှာ တနေ့လုပ် တနေ့စားဘဝဖြင့် ရုန်း ကန်နေရသောကြောင့် သင်တန်းသား ၁၅ ယောက်သာ စုမိထားသည်ဟု ဆိုသည်။

ကချင်ပြည်နယ်မှ သျှမ်းလူမျိုးများ တရုတ်ဘက် ရွေ့ပြောင်း
ဗုဒ္ဓဟူးနေ့၊ 02 စက်တင်ဘာလ 2009 သျှမ်းသံတော်ဆင့်
E-mail Print
မြန်မာစစ်တပ်နှင့် ကချင်ပြည်လွပ်လပ်ရေးတပ်မတော် KIA အဖွဲ့တို့ စစ်မက်ဖြစ်ပွားလာမည်ကို စိုးရိမ်နေသည့် ဒေသခံ သျှမ်းတိုင်းရင်းသား အများစုသည် တရုတ်ဘက်သို့ ထွက်ပြေးခိုလှုံနေကြကြောင်း သိရသည်။

လွန်ခဲ့သည့် လကုန်ပိုင်းမှစတင်၍ ကချင်ပြည်နယ် တရုတ်နယ်စပ်အနီးရှိ လွယ်ဂျယ်မြို့ဝန်းကျင်မှသျှမ်းတိုင်းရင်း သားများက ယခုလို တရုတ်ဘက် ရွေ့ပြောင်းနေထိုင်ကြခြင်းဖြစ်ပြီး အချို့ကျေးရွာများမှာ ပစ္စည်း အထုတ်အပိုးများ ပို့ ဆောင်ထားကြ ကြောင်း သိရသည်။

သျှမ်းပြည် (မြောက်ပိုင်း) အတွင်းရှိ အပစ်ရပ်ကိုးကန့်တပ်ဖွဲ့အား ဗမာစစ်တပ်မှ ထိုးစစ်ဆင်တိုက်ခိုက်နေချိန်တွင် စတင်ပြောင်းရွေ့ကြခြင်းဖြစ်သည်။

ယခုအချိန်တွင် တရုပ်နယ်စပ်အနီးရှိ ကချင်ဒေသတွင်း၌ ဗမာတပ်နှင့်ကေအိုင်အေတို့ စစ်ရေးတိုးမြင့်ပြင်ဆင် မှုများ ဆက်တိုက်ရှိနေသဖြင့်လည်း ယခုလို ထွက်ပြေးလာကြခြင်းဖြစ်ကြောင်း ဒေသခံ တစ်ဦးက သျှမ်းသံတော်ဆင့် ကိုပြောသည်။

“ စစ်တပ်ကတော့ တောင်ကုန်းတွေမှာ နေရာယူထားကြတယ် ကေအိုင်အေကလည်း စစ်ရေးပြင်နေတယ် တချို့ကတော့ ပစ္စည်းပြင်ထားရုံမကတော့ဘူး လူတွေတောင် အကုန်ရောက်နေပြီ သျှမ်းတိုင်းရင်းသားတွေများတယ် ဒီလွယ်ဂျယ်ကြားထဲမှာရှိတဲ့ ကချင်တိုင်းရင်းသားတွေလည်း ပြေးလာကြပြီ” လို့ သူကပြောသည်။

တရုတ်နယ်စပ် လွယ်ဂျယ်အနီးရှိ နောင်းပုံ ၊ တွန့်ဟုန်း ၊ မန့်ကောင်း စသည့်ရွာများမှ ဒေသခံသျှမ်းတိုင်းရင်းသားများ သည် တရုတ်ဘက်တွင် လူရော ပစ္စည်းပါ ရွေ့ပြောင်းနေထိုင်နေကြပြီး ကုန်းဆာ ၊ မန့်လင် ၊ အုံလုံ ၊ ၀င်းဟိုင်း ၊ မိုင်ဂျာယန် ရွာများမှာ ပစ္စည်းများရွေ့ပြောင်းထားကြောင်း သိရသည်။

မိုင်ဂျာယန် ဒေသခံ ကချင်အမျိုးသမီးတစ်ဦးကတော့ “ ဟုတ်တယ် အဲလိုတော့ကြားတယ် ဧည့်သည်ဆိုတော့ သိပ်မသိဘူး ” လို့ ပြောသည် ။

ယခုအချိန်တွင် ဗန်းမော်-လွယ်ဂျယ် ကုန်သွယ်လမ်းကြောင်းတွင် တရုတ်ပစ္စည်းတင်ဆောင်မှု လုံးဝမရှိတော့ပဲ ခရီးသယ်တင် ပြေးဆွဲသည့်ကား အနည်းငယ်သာ ဆက်လက်ပြေးဆွဲနေကြောင်း ဒေသခံ ကုန်သယ်တစ်ဦး က ပြောသည်။

လတ်တလောတွင် ဗမာစစ်တပ်နှင့် အပစ်ရပ်ကိုးကန့်အဖွဲ့တို့ကြား တိုက်ပွဲများဆက်လက်ဖြစ်ပွားခြင်း မရှိပေ။



မွန်ပြည်သစ်ပါတီအတွင်းရေးမှူးအပေါ်စွပ်စွဲချက်မှာ SB ၏လုပ်ရပ်ဟု စရဖ ကပြောဆို
Kaowao

စက်တင်ဘာ၂၊၂၀၀၉။

စံခလပူရီ(စက်တင်ဘာ- ၂)။ ။ မွန်ပြည်သစ်ပါတီ အတွင်းရေးမှူးနိုင်ဟံသာအား အကြမ်းဖက်အဖွဲ့တစ်ဖွဲ့အတွင်း ပါဝင်နေသည်ဟု မွန်ပြည်နယ်၊ ကျိုက်မရောနှင့် မုဒုံမြို့နယ် မယကများမှ သက်ဆိုင်ရာ ရယကများထံ သြဂုတ်လ ဆန်းပိုင်းအတွင်းက ပေးပို့ခဲ့သည့် ညွှန်ကြားစာတစ်စောင်တွင် ဖေါ်ပြခဲ့သည်မှာ ရဲအထူးသတင်းတပ်ဖွဲ့ SB တို့၏အစီ ရင်ခံမှုအရ ထိုသို့ဖြစ်ပေါ်ခဲ့ရကြောင်း မော်လမြိုင်မြို့ရှိ စရဖအရာရှိတစ်ဦးကပြောကြားခဲ့ကြောင်း မွန်ပြည်သစ်ပါတီ အရာရှိတစ်ဦးက ဆိုပါသည်။

အဆိုပါပြောကြားချက်မှာ မြန်မာအာဏာပိုင်များက မွန်ပြည်သစ်ပါတီသို့ တရားဝင်ပြောကြားချက်မဟုတ်ဟု အဆိုပါ အရာရှိက ဆိုသည်။“အလ္လာပ သလ္လာပစကား ပြောယင်း သူတို့ကဒီလိုပြောလာတာပါ၊ စရဖအပေါ် အပြစ်ပုံလာ မှာ စိုးလို့ အခြားဌာနအပေါ် ပုံချတာလည်းဖြစ်နိုင်တယ်၊ စရဖ မသိဘဲ ဘယ်မယကမှဒီလိုညွှန်ကြားစာကို ထုတ်လို့ရ မှာမဟုတ်ပါဘူး” ဟု အဆိုပါအရာရှိက သုံးသပ်ပြ၏။

လူထုအုံကြွမှုဖြစ်လာနိုင်သည့်နေ့ရက်ကြီးများတွင် အောက်ခြေအရပ်ဖက်ဝန်ထမ်းများ အလုပ်တွင်ဗျာများနေစေရန် စစ်အာဏာပိုင်များ ညွှန်ကြားချက်ထုတ်လေ့ရှိသည်ဟု မော်လမြိုင်မြို့ရှိ မွန်ပြည်သစ်ပါတီဆက်ဆံရေးရုံးတွင် တာဝန်ယူခဲ့ဖူးသူ ဗိုလ်မှူးတစ်ဦးက ဤကဲ့သို့ပြောဆိုခဲ့သည်။

“မော်လမြိုင်မှာ ကျနော်တာဝန်ကျခဲ့စဉ်က အဲရက်ကြီးအခါကြီးတွေမရောက်ခင် ဘယ်အဖွဲ့က ဘယ်သူတွေ၊ ဘယ် လမ်းကြောင်းက ဆင်းလာတယ်၊ ဗုံးတွေဘာတွေပါတယ်ဆိုပြီး လှို့ဝှက်၊ ကန့်သတ်တိုနဲ့ အာဏာပိုင်တွေက အောက် ခြေတွေကို ညွှန်ကြားတော့တာပါဘဲ၊ ခင်ဗျားပဲတွေးကြည့်လေ ဒီလောက်အန္တရာယ်ကြီးမားတဲ့အလုပ် ရက်ပိုင်းလ ပိုင်းဘဲ လာရောက်ပြီး ဘယ်လိုလူတွေက ဝင်လုပ်ရဲမလဲ၊ တစ်ခါတစ်လေ ဟိုအဖွဲ့ဒီအဖွဲ့လို့ အမည်အမျိုးမျိုး တပ်နေ တာ တကယ်ရှိတာလည်းမဟုတ်ပါဘူး” ဟု အဆိုပါဗိုလ်မှူးက ပြောပါသည်။

မွန်ပြည်သစ်ပါတီအတွင်းရေးမှူး နိုင်ဟံသာ၏အဆိုအရ အဆိုပါအကြမ်းဖက်အဖွဲ့အစည်းတွင် သူပါဝင်ပတ်သက်နေ သည်ဟူသော စွပ်စွဲချက်ကို သက်ဆိုရာ စစ်အာဏာပိုင်များမေးမြန်ခဲ့ရာတွင် အောက်ခြေအဆင့်မှ ပြုလုပ်သည့်အ တွက် ၄င်းတို့အနေဖြင့်အတည်မပြုကြောင်း ပြန်လည်ဖြေကြားခဲ့သည်ဟု ဆိုသည်။

လွန်ခဲ့သည့် သြဂုတ်လ ၂၈ ရက်နေ့တွင် မွန်ပြည်သစ်ပါတီခေါင်းဆောင်အချို့နှင့် အရှေ့တောင်တိုင်းစစ်ဌာနချုပ် တိုင်မှူးတို့ နယ်ခြားစောင့်တပ်ဖွဲ့ကိစ္စနှင့်ပတ်သက်၍ မော်လမြိုင်မြို့၌ နောက်ဆုံးတွေဆုံမှုတစ်ရပ် ပြုလုပ်ခဲ့ကြသည် ဟု မွန်ပြည်သစ်ပါတီဗဟိုမှ ပြောကြားခဲ့သည်။

ဗန်းမော်-လွယ်ဂျယ် ကားလမ်းရှိ ကုန်သွယ်မှု အာဏာပိုင် ပိတ် ကုန်သည်နှင့်ကားသမား အခက်တွေ့

သတင်းနှင့်မီဒီယာ ကွန်ယက်။
စက်တင်ဘာလ ၂ရက်၊ ၂ဝဝ၉ ခုနှစ်။

ကချင်ပြည်နယ်ရှိ ဗန်းမော်-လွယ်ဂျယ် တရုတ်နယ်စပ် ကုန်သွယ်ရေးလမ်းကြောင်းမှတဆင့် ကုန်သွယ်မှုအား ယ နေ့တွင် ဒေသခံအာဏာပိုင်များက ရုတ်တရက် ပိတ်လိုက်သဖြင့် ကားသမားနှင့် ကုန်သည်များ အခက်တွေ့နေ သည်။

ဒေသထွက်ပစ္စည်းများတင်ပို့ခြင်းနှင့် တရုတ်ကုန်ပစ္စည်းများ တင်သွင်းခြင်း တပိုင်တနိုင် ဆောင်ရွက်ခွင့် ရနေ သည့် ဗန်းမော်မြို့နှင့် တရုတ်-မြန်မာနယ်စပ် လွယ်ဂျယ်အကြား ကုန်သွယ်မှုအား ယနေ့ပိတ်လိုက်သဖြင့် ကား များသွားလာမှု ရပ်ဆိုင်းပြီး ကုန်သည်များလည်း ပစ္စည်းများနှင့်အတူ ဒုက္ခဖြစ်နေသည်ဟု လွယ်ဂျယ်မြို့တဖက် ကမ်း၊ လားရင်းကျေးရွာတွင် ရောက်ရှိနေသည့် ကားသမားတဦးက ပြောသည်။

“ကုန်တွေကို ခွင့်မပြုတော့ဘူး။ ဒီနေ့ဘဲပိတ်လိုက်တယ်။အရင်ရက်ပိုင်းလောက်ကပြန်လုပ်နေတာ။ နား လည်မှုနဲ့ ပြန်လုပ်လို့ရတယ်။ အဲဒါကို ပိတ်လိုက်ပြန်တာ။ လူကြီးလာမှာ မို့လို့တော့ ပြောနေတယ် ။”

ပြီးခဲ့သည့် ဇူလိုင်လလယ်ပိုင်းလောက်မှစ၍ ဗန်းမော်-လွယ်ဂျယ်လမ်းကြောင်းတွင် တပိုင်တနိုင် ကုန်သွယ်မှုအား ဒေသခံအာဏာပိုင်များက တားမြစ်ပိတ်ပင်ထားခဲ့ရာမှ ပြီးခဲ့သည့် အပတ်မှ စတင်၍ ပြန်လည်ဖွင့်ပေးခဲ့သည်။

အခြားကားသမား တဦးက “ပြန်ဖွင့်ပေးတယ်ဆိုတာက နားလည်မှုအရ လမ်းကဂိတ်တွေကို ပေးကမ်းပြီး သယ်နေကြတာ၊ ဗန်းမော်တနယ်လုံးလောက်က တရုတ်နယ်စပ်ပေါ်မှာ မှီခိုနေရတာ။ တရုတ်ပစ္စည်း တွေကို ဗန်းမော်မှာ ရောင်းကြ၊ ဝယ်ကြနဲ့ လုပ်နေကြတာ။ အဲလိုပိတ်လိုက် တဲ့ခါကျတော့ ကားသမား တွေလည်း ကုန်မရတော့ဘူး။ ကုန်သည်တွေလည်း ကုန်တွေဝယ် ထားပြီး သယ်မရ ဖြစ်နေကြတယ်။” ဟုပြောသည်။

ယနေ့တွင် ဗန်းမော်ဘက်မှ ကားများတက်လာခြင်းမရှိသလို လွယ်ဂျယ်နှင့် တရုတ်ဘက်ကမ်း ရောက်နေသည့် မြန်မာကားများလည်း အခြေအနေစောင့်ကြည့်နေကြသည်ဟု အဆိုပါ ကားသမားက ပြောသည်။

ရွာသားများ ရွာပြင်မထွက်ရန် DKBA အမိန့်ထုတ်

ဇော်ကြီး။
စက်တင်ဘာလ ၂ ရက်၊ ၂၀၀၉ ခုနှစ်။

မွန်ပြည်နယ်၊ ဘုရားသုံးဆူဒေသအတွင်းရှိ မဲကသာရွာသားများအား တိုးတက်သော ကရင်ဗုဒ္ဓဘာသာတပ်မ တော် DKBA တပ်မှူးမှ ရွာပြင်ထွက်ခွင့် ပိတ်ပင်ထားသည်ဟု သတင်းရရှိ ကြောင်း KNU ကပြောသည်။

DKBA တပ်ရင်း (၉၀၇) မှ ဗိုလ်မှူး စောနော်တယာ ဦးဆောင်သည့် အင်အား ၄၀ ခန့်သည် ကရင်အမျိုးသား အစည်းအရုံး KNU လက်အောက်ခံ တပ်မဟာ (၆) ထိန်းချုပ်နယ်မြေဖြစ်သည့် မဲကသာရွာသို့ သြဂုတ်လ ၃၀ ရက်နေ့ညက ၀င်ရောက်လာပြီး တပ်စခန်းသုံးခု တည်ဆောက် လျှက်ရှိသည်။

၎င်းစခန်းများတည်ဆောက်နေမှုအား သတင်းပေါက်ကြားမှုမရှိစေရန် ဒေသခံရွာသားများအား ရွာပြင်ထွက်ခွင့်ကို DKBA တပ်ရင်းမှူး စောနော်တယာက ပိတ်ပင်ထားသည်ဟု ဒေသခံများက ပြောကြောင်း KNU တပ်မဟာ ၆ မှ ဗိုလ်ကြီးစောထွဲနေက ပြောသည်။

“သူတို့ကပြောတယ်။ သတင်းမပေါက်ကြားရေးအတွက် မဲကသာရွာထဲက ရွာသားတွေကို ဒီကေဘီအေ က အပြင်ပေးမထွက်သေးဘူးတဲ့ လောလောဆယ်။”

လွန်ခဲ့သည့် သြဂုတ်လလယ်ပိုင်းက DKBA မှ မဲကသာရွာသို့ လာရောက်ရန် တောင်းဆိုခဲ့ မှုအား နှစ်ဖက်တပ်များ ညှိနှိုင်း၍ သဘောတူညီခဲ့ကြသည်ဟု ၎င်းကဆက် ပြောသည်။

“သူတို့လာမယ်ဆိုတော့ မဲကသာကိုလာရင် ထိုင်မလားလို့မေးလိုက်တယ်။ မထိုင်ဘူး ခနပဲ သွား မယ်တဲ့။ သူတို့သွားရင် ပစ်ခတ်မှုတွေရှိမလားမေးလာတယ်။ မရှိဘူးလို့ပြောလိုက်တယ်။ ဒါနဲ့ ကျနော် တို့က အေးအဲဒီလိုမျိုးလာမယ်ဆိုရင် ကျနော်တို့တပ်တွေ ထုတ်နုတ်ပြီးတော့ ဖယ်ပေးမယ်။ ဘာဖြစ်လို့ လဲဆိုတော့ ဒီကေဘီအေလည်း ကရင်ပဲ၊ ကေအဲန်ယူလည်း ကရင်ပဲ။ အချင်းချင်း ထိပ်တိုက်ဖြစ်မှုတွေ သွေးထွက်သံယိုမှုတွေ မဖြစ်ရေးအတွက် ကျနော်တို့ နားလည်ပေးလို့ ရပါတယ်။ ဖယ်ပေးလို့ရပါတယ်။ အဲဒီလိုမျိုး အပေးအယူတွေ လုပ်ထား တာပေ့ါ။”

နှစ်ဖက်တပ်များဆွေးနွေးစဉ်က သဘောတူညီမှုအား DKBA ဖက်မှ ဖောက်ဖျက်ကာ ရွာအတွင်း တပ်စခန်းသုံးခု တည်ဆောက်နေပြီး စခန်းတည်ဆောက်ရာ၌ ရွာသားများအား လုပ်အားပေးရန် ယမန်နေ့ နေ့လည်က အစည်း အဝေးခေါ်၍ ပြောခဲ့သည်။

ယခုလို DKBA မှ မဲကသာရွာအတွင်း စခန်းတည်ဆောက်မှုနှင့်ပတ်သက်၍ KNU ဗဟိုဌာနချုပ် အဖွဲ့ဝင်ဟောင်း တဦးဖြစ်သူ စောမူဆေးက ၎င်း၏အမြင်အား ယခုလိုသုံးသပ် ပြောဆိုသည်။

“ရှင်းရှင်းပြောရရင်တော့ သူတို့အဲဒီနေရာကို အသေထိုင်ဖို့တော့ ကျနော်တို့ပထမတုန်းက ကြားတယ်။ နယ်မြေစိုးမိုးရေးဆိုပြီး ခေါင်းစဉ်ကတပ်ထားတယ်လေ။ လက်ရှိမှာတော့ သူတို့ အသေထိုင်မယ့် ပုံစံ မျိုးကို ကျနော်တို့မမြင်ရသေးဘူးဗျ။ ဒါပေမယ့် ပြောလို့တော့ မရသေးဘူး ပေါ့နော်။ လာမယ့်ရက် ၂၀ လောက်ဆိုရင်တော့ သူတို့ပုံစံတမျိုးတော့ ပြောင်းသွားနိုင်တယ်။”

မဲကသာ ဒေသတ၀ိုက်သည် လွန်ခဲ့သည့်ဆယ်စုနှစ်များက KNU က အခိုင်အမာတပ်စွဲထားသည့် နေရာဖြစ်သော် လည်း ယခုနောက်ပိုင်း KNU နှင့် DKBA နှစ်ဖွဲ့လုံးက လှုပ်ရှားနေကြ သည်။

မဲကသာရွာအား အရှေ့ခြမ်းနှင့် အနောက်ခြမ်းဟု နှစ်ခြမ်းသတ်မှတ်ထားပြီး အိမ်ခြေ ၁၀၀ ကျော်နှင့် ရွာသား ၅၀၀ ကျော်နေထိုင်ကြသည်။

မဲဆောက်တွင် စီးပွားရေးကြပ်တည်းမှုကြောင့် လုယက်မှုများပြားလာ

ဇာဇာမော်။
စက်တင်ဘာလ ၂ရက်၊ ၂၀၀၉ ခုနှစ်။

ထိုင်းနယ်စပ် မဲဆောက်မြို့တွင် အလုပ်လက်မဲ့သူ များလာပြီး စားဝတ်နေရေး အခက်အခဲများလာသဖြင့် မြို့တွင်း တွင် နေ့ခင်းအချိန် လုယက်မှုများ ပိုမိုဖြစ်ပွား လာသည်။

မြန်မာအလုပ်သမားများ လစာထုတ်ရက်တွင် လုယက်မှု ပိုမိုခံရသည်ဟု မဲဆောက်ဈေးတွင် ဈေးရောင်းနေသည့် မြန်မာပြည်သား တစ်ဦးက ယခုလိုပြောသည်။

“စက်ရုံပိတ်ရက် လစာထုတ်ရက်တွေမှာ ဖြစ်တာများတယ်။ ကျနော်သိရတာကတော့ ဆိုင်ကယ် မောင်း ပြီးတော့ ၂ယောက်ထိုင်တယ်။ အနောက်ကလူက ဆွဲကြိုးဖြတ်ပစ်တယ်။ ပြီးတော့ ရှေ့ကလူက ဆိုင် ကယ်မောင်းပြေးသွားတယ်။ ဆိုင်ကယ်ပေါ်မှာပဲ အပြီးလုပ်သွားတယ်။ လစာ ထုတ်ရက်ဆိုရင် အနည်း ဆုံး (၇)မှုလောက်တော့ ဖြစ်တယ်။ နောက် အထည်ကို ခိုးတာတွေ၊ အထည်ကို ရွေးသလိုလိုနဲ့ ခြင်းထဲ ထည့်သွားတာတွေ အများကြီး ကြုံတွေ့ရတယ်။ ဒီဘက်မှာ တော့ အများကြီးရှိတယ်ပေါ့။“

မြန်မာအလုပ်သမားများသည် စီးပွားရေးကြပ်တည်းမှုကြောင့် ယခုရက်ပိုင်းများတွင် ရွှေဆွဲကြိုး ဖြတ်လုယက်မှုများ ပိုမိုဖြစ်ပွားလျှက်ရှိသည်။

ယခင်နှစ်များထက် ယခုနှစ်တွင် မဲဆောက်မြို့လယ်တွင် ခိုးယူလုယက်မှု ဖြစ်ပွားပြီး ညပိုင်းတွင် ပိုမိုဖြစ်ပွား သည်ဟု ဆိုသည်။

“အခုနှစ်က နည်းနည်းပိုးဆိုးလာတယ်။ ဘာဖြစ်လို့လဲဆိုတော့ စီးပွားရေးက ကြပ်တည်းမှု ရှိတော့ ရှမ်း(ထိုင်း)လို့လည်း သတ်မှတ်လို့ရတယ်၊ မြန်မာပြည်သားလို့လည်း သတ်မှတ် လို့ရတယ်၊ လစ်ရင် လစ် သလိုလုပ်နေကြတယ်။ ညဘက်ခြမ်းကလည်း လုယက်တာတွေ ရှိတယ်လေ။ ညကိုးနာရီ နောက်ပိုင်း ဆိုလို့ရှိရင် သူတို့ကပုလိပ်လိုယောင်ဆောင်ပြီးတော့မှ လက်မှတ်ရှိ လား ဘာညာဆိုပြီးတော့ ပိုက်ဆံပါ လုပြေးတယ်လေ။“

ယခင်က ထိုင်းလမ်းသရဲအဖွဲ့များက လုယက်မှုများ ပြုလုပ်သော်လည်း ယခု မြန်မာအလုပ်သမားများပါ လုပ်ကြ သည်ဟု မြန်မာပြည်သူများအရေး ပူးတွဲလုပ်ရှားမှု ကော်မတီ တာဝန်ခံ ဦးမိုးကြိုးက ယခုလိုပြောသည်။

“မြို့လယ်ခေါင်မှာ လူတွေရှိနေပါလျှက်နဲ့ လုကြယက်ကြတာလေ။ လူတွေက စားဝတ်နေရေး ကြပ် တည်းလာတော့ ကြံမိကြံရာကြံတာပေါ့လေ။ လုပ်စရာ အလုပ်လည်း မရှိဘူး။ စားစရာ လည်း မရှိဘူး လေ။ အရင်တုန်းက ထိုင်းတွေလုပ်တာလေ။ တောင်ပေါ်သား လက်မှတ်ရှိတဲ့ထိုင်း တွေလုပ်တာများ တယ်။ အခုက မြန်မာပြည်သားအချင်းချင်း လုယက်လာကြတယ်လေ။“

ထိုင်းနိုင်ငံ စီးပွားကြပ်တည်းမှုကြောင့် အလုပ်သမားများ အလုပ်လက်မဲ့ဖြစ်သူ ပိုများလာသည်ဟု ဦးမိုးကြိုးက ဆက်ပြောသည်။

“အလုပ်က စ ပါးပြီး အလုပ်ကမရှိတော့ အကုန်လုံးဈေးသည်ဘ၀ ဖြစ်ကုန်ကြပြီ။ ဈေးသည်ဖြစ်ရင် ဖြစ် မဖြစ်ရင် အလောင်းကစားသမားဖြစ်တယ်။ ၂ လုံး၊ ၃ လုံး၊ ဘောလုံးပေါ့။ ရောင်းတဲ့ သူတွေကလဲ များတော့ အလုယက်ပေါ့။ အဲဒါတွေမှ မဖြစ်ရင် ခိုးကြလုယက်ကြပေါ့“

လုယက်မှုဖြစ်ပွားသော်လည်း ထိုင်းအာဏာပိုင်များသည် ထိထိရောက်ရောက် အရေးမယူကြဟု အလုပ်သမား များက ပြောသည်။

ယမန်နှစ်က ကမ္ဘာ့စီးပွားရေးကျဆင်းမှုကြောင့် မဲဆောက်တွင် အလုပ်လက်မဲ့ ဦးရေ ၅၀၀၀ ကျော်ရှိပြီး ယခုနှစ် သြဂုတ်လအထိ အလုပ်လက်မဲ့သူ ဦးရေ တစ်သောင်းခန့် ရှိသည်ဟု မြန်မာပြည်သူများအရေးပူးတွဲလှုပ်ရှားမှု ကော်မတီက စစ်တမ်းကောက်ယူထားသည်။

မြန်မာနိုင်ငံသားများ အများစု အလုပ်လုပ်နေကြသည့် မဲဆောက်မြို့တွင် အလုပ်သမား လုပ်အားခ တယောက် လျှင် ဘတ် (၆၀)မှ ၁၀၀ ခန့်သာ ရရှိသည်။


ကိုးကန့် ဂယက် ဝဒေသကို ရိုက်ခတ်
2009-09-02

ဝအထူးဒေသ ပန်ဆန်းမှာ တရုတ်ပြည်တွင်းက စီးပွားရေးလာလုပ်နေတဲ့ တရုတ် ကုန်သည်တွေနဲ့ ဈေး ဆိုင်ပိုင်ရှင် ထက်ဝက်နီးပါးဟာ ဒေသ မတည်ငြိမ်မှာကို စိုးရိမ်ပြီး တရုတ်ပြည်ဖက်ကို ပြန်နေကြတယ်လို့ သိရပါတယ်။ ကိုးကန့်ဒေသမှာ တိုက်ပွဲတွေ ပြီးစီးသွားပေမဲ့ တရုတ်မြန်မာနယ်စပ် တောင်ပိုင်းက ဝအထူးဒေသဖက်ကို စစ်အစိုးရတပ်တွေ လာမှာ စိုးရိမ်လို့ ဈေးဆိုင်တွေပိတ်ပြီး တရုတ်ပြည်ဖက်ကို ပြန်နေကြတယ်လို့ ပန်ဆန်းမှာ အခြေစိုက်တဲ့ ဒေသခံတွေက ပြောပါတယ်။
ရန်ကုန်ကနေ ဝဒေသဖွံ့ဖြိုးရေးအတွက် လာရောက်လုပ်ကိုင်နေကြတဲ့ NGO တွေနဲ့ ကုလသမဂ္ဂ အဖွဲ့အစည်းတွေက ဝန်ထမ်းတွေကိုလည်း ရန်ကုန်ရုံးချုပ်တွေက တိုက်ရိုက်ဆက်သွယ်ပြီး အခြေအနေ တင်းမာလာရင် ဒေသထဲက အမြန်ထွက်ခွာနိုင်ဖို့ အကြောင်းကြားထားတယ်လို့ အမည်မဖော်လိုတဲ့ ပန်ဆန်းရောက် NGO ဝန်ထမ်းတဦးက RFA ကို ပြောပါတယ်။

စစ်ရေးနိုင်ငံရေး လေ့လာသူတွေကတော့ မြန်မာစစ်အစိုးရအနေနဲ့ ဝဒေသထဲက ပန်ဆန်းထက် တောင်ပိုင်း ထိုင်းမြန်မာနယ်စပ် မိုင်းပေါက်ဒေသကို ပိုစိတ်ဝင်စားဖို့ ရှိတယ်လို့ သုံးသပ်ကြပါတယ်။ တောင်ပိုင်းဒေသ တပ်တွေကို မြောက်ပိုင်းနဲ့ ပေါင်းပြီး ဝနယ်တခုတည်း ထားရှိဖို့ မြန်မာစစ် အစိုးရက တောင်းဆိုထားခဲ့တာကို ဝတပ်တွေက ငြင်းဆိုထားဆဲ ဖြစ်ပါတယ်။

နယ်စပ်ဒေသ စစ်ရေး လေ့လာသူတဦးဖြစ်တဲ့ ရှမ်းသံတော်ဆင့်သတင်းစာ အယ်ဒီတာချုပ် ဦးခွန်ဆိုင်းကတော့ စစ်အစိုးရဖက်က အသုံးပြုနေတဲ့ နည်းလမ်း ၂ ခုကို အခုလို သုံးသပ်ပြောပြပါတယ်။

ဦးခွန်ဆိုင်း။ ။ 'အရင်ဆုံး သူတို့ ဝ အထက်ပိုင်းကို ပိတ်မယ်၊ ပိတ်ပြီးလို့ ရှိရင်တော့ ဒီ ဝ အောက်ပိုင်းကို ရန်ရှာတာတော့ ဖြစ်နိုင်တာပေါ့ဗျာ။ အခုလောလောဆယ်ကတော့ သူတို့ ဝ တောင်ပိုင်းကို ဆွဲဆောင်နေဖို့ ကြိုးစားနေကြတယ်။ ဘာဖြစ်လို့လဲဆိုတော့ ဝတောင်ပိုင်းရဲ့ တပ်မှူး အကြီးဆုံးက ဝေရှောင်ကမ်း ဖြစ်တယ်။ သူက ဟုန်ပန်းကုမ္ပဏီကို ပိုင်ပြီးတော့မှ ဒီ ဗမာပြည်အနှံ့မှာ သူက အရင်းအနှီးတွေ မြှုပ်နှံထားတာ များတယ်။ ဒါကြောင့်မို့လို့ သူ့ကို ဆွဲဆောင်နိုင်ဖို့ သူတို့ ကြိုးစားနေကြတယ်။ က္ဆွန်တော်တို့နဲ့ တိုက်ပွဲဖြစ်မယ်ဆိုလို့ ရှိရင်တော့ ခင်ဗျားရဲ့ အရင်းတွေလည်း ရှုံးပါလိမ့်မယ်ပေါ့နော၊ အရင်းလည်း မရှုံးအောင် ခင်ဗျား က္ဆွန်တော်တို့နဲ့ နားလည်မှု ယူပါ၊ အဲလိုပေါ့ဗျာ။'

ကိုးကန့်တိုက်ပွဲဖြစ်ကတည်းက ဝတောင်ပိုင်းက တပ်မှူးတွေအနေနဲ့ မြန်မာစစ်အစိုးရ အရာရှိတွေနဲ့ အထိအတွေ့ အဆက်အဆံ မလုပ်ဖို့ ဝခေါင်းဆောင်ပိုင်းက ညွန်ကြားထားတယ်လို့လည်း သိရပါတယ်။

ဝအထူးဒေသက အပစ်ခတ်ရပ်အဖွဲ့ဖြစ်တဲ့ ဝပြည် သွေးစည်းညီညွတ်ရေး တပ်မတော် UWSA ဟာ စစ်အစိုးရတပ်တွေနဲ့ တိုက်ပွဲဖြစ်ခဲ့တဲ့ ကိုးကန့်တပ် MNDAA နဲ့ မဟာမိတ်တွေ ဖြစ်သလို စစ်အစိုးရ ကမ်းလှမ်းထားတဲ့ ဝနယ် တဒေသတည်း ဖြစ်ရေးနဲ့ နယ်ခြားစောင့်တပ် အသွင်ပြောင်းရေးကိစ္စတွေကို အကြိမ်ကြိမ် ငြင်းဆိုထားတဲ့ အဖွဲ့ဖြစ်ပါတယ်။

ပြီးခဲ့တဲ့ ဧပြီလကစပြီး ကနေ့အချိန်အထိ ဝခေါင်းဆောင်တွေအနေနဲ့ စစ်အစိုးရ အဆင့်မြင့်အရာရှိတွေ ၄ ကြိမ်ထက်မနည်း ဆွေးနွေးခဲ့ပေမဲ့ ဝဖက်က ရှေးမူလ သဘောတူညီချက်အတိုင်းပဲ အခြေအနေမပျက်ပဲ ငြိမ်းငြိမ်းချမ်းချမ်း နေလိုကြောင်း တရားဝင် တင်ပြထားခဲ့ပါတယ်။


ကေအန်ယူ တပ်မဟာ (၅) ကို တိုက်ခိုက်ရှင်းလင်းဖို့ ဒီကေဘီအေကို စစ်အစိုးရ ညွှန်ကြား
2009-09-02

မြန်မာစစ်အစိုးရတပ်တွေဟာ ပြီးခဲ့တဲ့သီတင်းပတ်အတွင်း ကိုးကန့်နယ်မြေမှာ ထိုးစစ်ဆင်နွှဲခဲ့သလို မကြာခင်မှာ ကေအိုင်အို ကချင်ပြည် လွတ်မြောက်ရေးတပ်ဖွဲ့ကိုပါ တိုက်ခိုက်ဖို့ ပြင်ဆင်နေတယ်လို့ နယ်စပ်စစ်ရေးအကဲခတ်တွေက ပြောပါတယ်။ ဒီအတောအတွင်း ကေအန်ယူ ကရင်အမျိုးသား အစည်းအရုံး တပ်မဟာ (၅) ထိန်းချုပ်နယ်မြေက အပြီးသတ် တိုက်ခိုက်ရှင်းလင်းပေးဖို့ စစ်အစိုးရက ဒီကေဘီအေအဖွဲ့ကို ညွှန်ကြားထားတယ်လို့ သိရပါတယ်။

ကေအန်ယူ တပ်မဟာ (၅) နယ်မြေကို သိမ်းယူနိုင်ဖို့ စီစဉ်တာဟာ သစ်ထုတ်လုပ်ရေး အပါအဝင် စီးပွားရေးနဲ့ တခြားရည်ရွယ်ချက်တွေ ရှိနိုင်တယ်လို့ ကေအန်ယူက ပြောပါတယ်။


ဗိုလ်ချုပ်အောင်ဆန်းအကြောင်းဆောင်းပါးကို စာပေစိစစ်ရေးပိတ်ပင်
2009-09-02

မန္ဈလေးကထုတ်ဝေတဲ့ Upper Myanmar အပတ်စဉ်ဂျာနယ်မှာ အခုတပတ် အတွက် စာရေးဆရာ ဟာကြူလီရဲ့ ဗိုလ်ချုပ်အောင်ဆန်းအကြောင်း ရေးသားထားတဲ့ ဆောင်းပါးတစောင်ကို စာပေစိစစ်ရေးဌာနက ပိတ်ပင်လိုက်တယ်လို့ သတင်းရရှိပါတယ်။

စာရေးဆရာ ဟာကြူလီက မြန်မာနိုင်ငံ ကော့မစ်ကာတွန်းဖခင်ကြီး ပန်းချီဦးဘသော် ဆိုတဲ့ခေါင်းစဉ်နဲ့ Upper Myanmar ဂျာနယ်မှာအပတ်စဉ် ရေးသားနေရာမှာ ဦးဘသော်ပြောပြတဲ့ ဗိုလ်ချုပ်အောင်ဆန်း ကသာမြို့ကိုရောက်ခဲ့တုန်းက လူထုကြိုဆိုခဲ့ပုံကို ရေးသားထားတာလို့ သိရပါတယ်။ အဲဒီတုန်းက ဗိုလ်ချုပ်အောင်ဆန်းတို့ စီးလာတဲ့ သင်္ဘော ကသာမြို့ ဆိပ်ကမ်းကပ်တဲ့အခါမှာ ကုန်းဘောင်တိုနေလို့ လူထုက ကုန်းဘောင်ကို ပခုံးနဲ့ ထမ်းပြီး လမ်းလုပ်ပေးတဲ့အကြောင်း၊ ဗိုလ်ချုပ်အောင်ဆန်းကို လူထုက ချစ်ခင်လေးစားတဲ့အကြောင်း စသဖြင့် ရေးသားထားတဲ့ ဆောင်းပါးဖြစ်ပါတယ်။

ဒီအတောအတွင်းမှာပဲ မန္ဈလေးမြို့က စာရေးဆရာတချို့ စာပေစိစစ်ရေးဌာနကို မကျေလည်တာတွေ ဖြစ်နေတယ်လို့ သိရပါတယ်။ ဖြစ်ပွားပုံက ဗိုလ်မှူးတဦးဖြစ်တဲ့ စာရေးဆရာ ပေါ်ဦးသစ်က မန္ဈလေးမြို့က စာရေးဆရာတချို့ကို ပုတ်ခတ်ရေးသားထားတဲ့ စာတပုဒ် စက်တင်ဘာလထုတ် ရုပ်ရှင်တေးကဗျာ မဂ္ဂဇင်းမှာ ပါလာခဲ့တဲ့အတွက် စာဖတ်သူတချို့နဲ့ စာရေးဆရာတချို့က ပြန်လည် ရေးသားခဲ့ပေမဲ့ စာပေစိစစ်ရေးဌာန က အဲဒီစာမူတွေကို ပယ်ချလိုက်လို့ ဖြစ်တယ်လို့ စာပေလောကသားတဦးက ပြောပါ တယ်။

ဗိုလ်ချုပ်အောင်ဆန်းအကြောင်း ရေးသားထားတဲ့ စာမူတွေ ထုတ်ဝေခွင့်ရဖို့ စာပေစိစစ်ရေးဌာနမှာ လပေါင်းများစွာ ကြန့်ကြာနေတဲ့ သတင်းကိုလည်း RFA က တင်ပြခဲ့ပြီး ဖြစ်ပါတယ်။


သံဃာတပါးကို အာဏာပိုင်များ ထပ်မံဖမ်းဆီး
2009-09-02

ယခုတလော မြန်မာပြည်အလယ်ပိုင်း မကွေးတိုင်းအတွင်း သံဃာတော်တွေကို လိုက်လံဖမ်းဆီးနေရာမှာ ချောက်မြို့ ဆင်ဖြူက္ဆွန်း ကျောင်းတိုက်က ရဟန်းပျိုတပါးကို အာဏာပိုင်တွေကသြဂုတ် ၂၉ ရက် ပြီးခဲ့တဲ့စနေနေ့မှာ ထပ်မံ ဖမ်းဆီးသွား ပါတယ်။

သြဂုတ်လ ၂၉ ရက်နေ့ မွန်းလွဲပိုင်းမှာ တိုက်အုပ်ဆရာတော်ကြီးကို ဦးပဉ္ဇင်း ဦးသုမနနဲ့အတူ မြို့နယ် သံဃနာယကရုံးကွိွု့ကခဲ့ကြဖို့ ပင့်ဖိတ်ပြီးတဲ့နောက် ဦးသုမနတပါးတည်းကို မေးစရာရှိသေးလို့ ဆိုပြီး ညနေ ၃ နာရီလောက်မှာ မကွေးကို ဖမ်းဆီး ခေါ်ဆောင်သွားတဲ့ အကြောင်း ဆင်ဖြူက္ဆွန်း ကျောင်းတိုက်က ဦးဇင်းတပါးက အခုလိုမိန့်ပါတယ်။

ဦးပဉ္ဇင်း။ ။ 'ဖမ်းသွားတော့ အဲဒီမှာ သာသနာရေးမှူး ဦးသန်းစိုး၊ သူလည်းပါတယ်။ မကွေး ခရိုင်မှူးပါတယ် ထောက်လှမ်းရေး ဆန်းဝင်းနဲ့အဖွဲ့ပေါ့နော်၊ အဲဒီအဖွဲ့တွေ ပါတယ်။ နောက် မြို့နယ်မှူးဟောင်း ဦးမောင်ဌေးပါတယ်။ မြို့နယ်မှူး အသစ်လည်း ပါတယ်။ ရဲစခန်းမှူးလည်း ပါတယ်။'

ဦးဇင်း ဦးသုမနဟာ သက်တော် ၂၂ နှစ်ရှိပြီး ၂ဝဝ၇ စက်တင်ဘာတုန်းက ပခုက္ကူ သံဃာ့လှုပ်ရှားမှုမှာ ရှေ့တန်းက ပါဝင်ခဲ့တာကြောင့် နာမည်ရှိတဲ့အတွက် ဖမ်းသွားတာ ဖြစ်နိုင်ကြောင်း ပြောပါတယ်။ သြဂုတ်လ ၂၇ ရက်နေ့ ညကတည်းက သာသနာရေးဝန်ကြီး ဗိုလ်မှူးချုပ် သူရမြင့်မောင်နဲ့ မယက ဥက္ကဋ္ဌ ဦးကျော်စွာတို့ပါတဲ့ အာဏာပိုင် အဖွဲ့က ဦးသုမနကို မကွေးခေါ်သွားဖို့ လာပင့်ခဲ့ပေမဲ့ တိုက်အုပ်နာယက ဆရာတော်ကြီးက ခွင့်မပြုလို့ လက်လျှော့ ပြန်သွားခဲ့ကြပြီး ၂၉ရက်နေ့မှာ ခုလို ဖမ်းသွားတာ ဖြစ်တယ်လို့ ခုန ဦးဇင်းက ဆက်မိန့်ပါတယ်။

ဦးပဉ္ဇင်း။ ။ 'ဆရာတော့်ကို လျှောက်ပြီးတော့ ဦးသုမနကို ခဏလောက် မကွေးကို ပင့်ချင်လို့ပေါ့နော်၊ အဲလိုပြောတာ တိုက်အုပ် နာယက ဆရာတော်ကြီးက မထည့်နိုင်ဘူး မင်းတို့ပင့်ချင်လို့ရှိရင် နောက်နေ့မှ လာပင့် ပြန်သွားကြတယ်ပေါ့နော်။ နောက်နေ့ ၂၈ ကျမလာဘူး။'

နောက် ဦးရေဝတဆိုတဲ့ ဘွဲ့အမည်နဲ့ ဦးဇင်းတပါးကိုလည်း ချောက်မြို့အနောက် ငွေတောင် ပါဠိတက္ကသိုလ်မှာ သြဂုတ်လ ၃၁ ရက်နေ့က လာရှာကြကြောင်း၊ ဝါဆို သံဃာစာရင်းနဲ့ တိုက်ဆိုင်စစ်ဆေးပြီး ရှာမတွေ့တဲ့အတွက် အဲဒီ ပါဠိတက္ကသိုလ်မှာ အစောင့်တွေ ချထားခဲ့တယ်လို့ ဒေသခံတွေက ပြောပါတယ်။

လောလောဆယ် ချောက်မြို့မှာ လုံခြုံရေးတွေ အတော်တင်းကျပ်ထားသလို ၅ ရက်တခါ ဆွမ်းလောင်းလှူတဲ့ ဝေပုလ ဆွမ်းလောင်းအသင်းကိုလည်း ဆွမ်းမလောင်းဖို့ တားမြစ်ထားတယ်လို့ သိရပါတယ်။


စစ်အစိုးရက ကေအိုင်အိုကို တိုက်မည့်သတင်းကြောင့် ဒေသခံများ ရွှေ့ပြောင်းနေ
2009-09-02

မကြာခင်က မြန်မာစစ်အစိုးရနဲ့ ကိုးကန့်တပ်ဖွဲ့တွေအကြား တိုက်ပွဲတွေ ဖြစ်ပွားခဲ့ပြီးတဲ့နောက် ကချင်လွတ်လပ်ရေးအဖွဲ့ ကေအိုင်အိုကိုလည်း စစ်အစိုးရတပ်တွေက တိုက်လိမ့်မယ်ဆိုပြီး ပါးစပ်သတင်းတွေ ထွက်နေတာကြောင့် နယ်စပ်ကဒေသခံ အချို့ဟာ သူတို့ပိုင်ပစ္စည်းတွေကို တရုတ်နိုင်ငံဖက် သယ်ပို့နေကြတယ်လို့ သိရပါတယ်။

လွယ်ကျယ်ဘက်ကနေ ပစ္စည်းတွေကို ထရော်လာဂျီကားတွေနဲ့ တရုတ်နိုင်ငံဘက်က လားရင်း၊ ကျန်းဖုန်းမြို့တွေကို စက်တင်ဘာ ၁ ရက်နေ့ မနေ့ကတည်းကစပြီး သယ်ပို့နေကြတယ်လို့ နယ်စပ်ကဒေသခံတယောက်က RFA ကို ပြောပါတယ်။

နယ်စပ်ကဒေသခံ။ ။ 'လွယ်ကျယ်ကလူတွေ ကို ဒီဘက်ကမ်း ပြောင်းတယ်ဆိုတာ ပစ္စည်းပဲ ပြောင်းတာ လူတွေက မပြောင်းသေးဘူး၊ ကားအသွား အလာတော့ တခြားလမ်းတွေက ပိတ်ထားတယ်၊ မှောင်ခိုလမ်းတွေ ပိတ်တာ့ မိန်းလမ်းမကြီးကို ပိတ်တာမဟုတ်ဘူး နောက်ပြီးတော့ တရုတ်စစ်တပ်ကလည်း ကားတွေကို တရားဝင် ထွက်ပေါ့။ ကျန်တဲ့နေရာတွေ ထွက်လို့မရဘူး။'

ကေအိုင်အို ထိန်းချုပ်ရာ မိုင်ဂျာယန်အနီးက ဂျယ်လျန်၊ မန်ကောင်း စတဲ့ တောင်ပေါ်ရွာက လူတချို့လည်း တရုတ်နိုင်ငံဖက်ကို အခု ပြောင်းရွှေ့နေကြတယ်လို့ သိရပါတယ်။

ကချင်လွတ်လပ်ရေးအဖွဲ့ ကေအိုင်အိုဟာ ကိုးကန့်အဖွဲ့လိုပဲ မြန်မာစစ်အစိုးရက တောင်းဆိုတဲ့ နယ်ခြားစောင့်တပ်အဖြစ် ပြင်ဆင် ဖွဲ့စည်းရေးကို လက်မခံသလို ကိုးကန့်အဖွဲ့နဲ့ စစ်ရေးမဟာမိတ် လုပ်ထားတဲ့ အဖွဲ့လည်း ဖြစ်ပါတယ်။


ဖုန်ကျားရှင်၏ မိသားစုပိုင် ပစ္စည်းများကို စစ်အစိုးရသိမ်းယူနေ
2009-09-02

ကိုးကန့် တိုင်းရင်းသားခေါင်းဆောင် ဦးဖုန်ကျားရှင်နဲ့ ညီဖြစ်သူတို့ရဲ့ ရန်ကုန်မြို့က ပိုင်ဆိုင်မှုတွေကို ပြီးခဲ့တဲ့ သီတင်းပတ်အတွင်း အာဏာပိုင်တွေ လိုက်လံ သိမ်းယူနေပါတယ်။ ရန်ကုန်တိုင်း လှိုင်မြို့နယ် ခပေါင်းလမ်းထဲက အစ္စရေး သံအမတ်နေအိမ်နဲ့ ဒုတိယ ဗိုလ်ချုပ်ကြီး ခင်မောင်သန်းရဲ့ နေအိမ်တွေအနီးမှာ ရှိတဲ့ ဦးဖုန်ကျားရှင်ရဲ့ ညီဖြစ်သူအိမ်က လင်ခရူဇာကား နှစ်စီးနဲ့ တခြားပိုင်ဆိုင်ပစ္စည်းတွေကို အာဏာပိုင်တွေ လာရောက် သိမ်းဆည်းသွားတာ တွေ့ရတယ်လို့ မျက်မြင်သက်သေတချို့က ပြောပါတယ်။

ရန်ကုန်မြို့မှာ ကိုးကန့် တိုင်းရင်းသားခေါင်းဆောင်တွေနဲ့ ကိုးကန့်စီးပွားရေးလုပ်ငန်းရှင်တွေ နှစ်ပေါင်းများစွာ အခြေတည်ထားခဲ့တဲ့ ပစ္စည်းဥစ္စာ အမြောက်အမြား ရှိပေမဲ့ ဦးဖုန်ကျားရှင်နဲ့ ဆွေမျိုးတော်စပ်သူတွေရဲ့ ပိုင်ဆိုင်မှုတွေကိုပဲ လိုက်လံ သိမ်းဆည်းနေတာ ဖြစ်ပြီး တခြား ကိုးကန့်လုပ်ငန်းရှင်တွေ ဖြစ်တဲ့ Asia World ကုမ္ပဏီပိုင်ရှင် ဦးထွန်းမြင့်နိုင်တို့လို စစ်အစိုးရထိပ်ပိုင်း ခေါင်းဆောင်နဲ့ နီးစပ်သူတွေရဲ့ ပစ္စည်းတွေကိုတော့ သိမ်းယူခြင်း မရှိဘူးလို့ မြို့ခံတွေက ပြောပါတယ်။

Asia World ကုမ္ပဏီဟာ နေပြည်တော်မှာ ရှိတဲ့ ဗိုလ်ချုပ်မှူးကြီး သန်းရွှေရဲ့ နေအိမ်အပါအဝင် အဆောက်အအုံ အတော်များများကို တာဝန်ယူ ဆောက်လုပ်ခဲ့တဲ့ ကုမ္ပဏီ ဖြစ်ပါတယ်။ ဗိုလ်ချုပ်မှူးကြီး သန်းရွှေရဲ့ နေအိမ်ကို မူလက တပ်မတော် အင်ဂျင်နီယာတပ်က စတင် ဆောက်လုပ်ခဲ့တာ ဖြစ်ပေမဲ့ ဗိုလ်ချုပ်မှူးကြီး သန်းရွှေက စိတ်တိုင်းမကျတဲ့အတွက် ဆောက်လုပ်ရေးနဲ့ မွမ်းမံပြင်ဆင်ရေး လုပ်ငန်းတွေ အားလုံး အချောသတ်တဲ့အထိ တာဝန်ယူ လုပ်ဆောင်ဖို့ Asia World ကုမ္ပဏီကို လွှဲပြောင်းခဲ့တယ်လို့ သိရပါတယ်။


ကိုးကန့်ဒေသမှာ တိုက်ပွဲငယ်များ ထပ်မံဖြစ်ပွား
2009-09-02

ရှမ်းပြည်နယ်မြောက်ပိုင်း ကိုးကန့်ဒေသ လောက်ကိုင်၊ ချင်းရွှေဟော်မြို့တဝိုက်မှာ MNDAA ကိုးကန့်အဖွဲ့ခေါင်းဆောင်း ဦးဖုန်ကျားရှင်းရဲ့ သားကြီးဖုန်တ ရွှင်း ဦးဆောင်တဲ့တပ်တွေနဲ့ စစ်အစိုးရတပ်တွေ ဒီကနေ့ စက်တင်ဘာ ၂ ရက်မှာ တိုက်ပွဲငယ်တွေ ထပ်မံဖြစ်ပွားကြောင်း သိရပါတယ် ။

ဒီကနေ့ဖြစ်ပွားတဲ့ ပြောက်ကျားစစ်ပွဲတွေနဲ့ ပတ်သက်လို့ နှစ်ဖက်စစ်အင်အားနဲ့ ထိခိုက်ကျဆုံးမှုကိုတော့ ခုထက်ထိ မသိရသေးပါဘူး ။

ကိုးကန့်နဲ့ မြန်မာစစ်တပ်ကြား စစ်ပွဲတွေ မဖြစ်ခင်ကတည်းက အဲဒီဒေသမှာ နိုင်ငံတကာ အကူအညီပေးရေးအဖွဲ့တွေ ရှိနေပြီး လောလောဆယ်မှာ ဒေသတွင်း မငြိမ်သက်မှုကြောင့် လောက်ကိုင်-ကွန်းလုံကားလမ်း ပိတ်ထားရပါတယ်၊ WFP ကမ္ဘာ့စားနပ်ရိက္ခာ အစီအစဉ်အဖွဲ့ JICAလို့ခေါ်တဲ့ ဂျပန်နိုင်ငံက နိုင်ငံတကာ အကူအညီပေးရေးအဖွဲ့နဲ့ Care Myanmar အဲန်ဂျီအိုအဖွဲ့တို့ဟာ လောက်ကိုင်မြို့မှာ ပိတ်မိနေတယ်လို့ နယ်စပ်အခြေအနေတွေကို စောင့်ကြည့်နေတဲ့ ချင်းမိုင်အခြေစိုက် ရှမ်းသံတော်ဆင့် အယ်ဒီတာ ဦးခွန်စိုင်းက ပြောပါတယ် ။

ဦးခွန်စိုင်း။ ။ 'ဖုန်ကျားရှင်အဖွဲ့က ပို့လာတဲ့ သတင်းဖြစ်တယ်၊ သူတို့ ပို့လာတဲ့ သတင်းအရ ဆိုလို့ရှိရင် ဒီ ဦး ဖုန်ကျားရှင်ရဲ့ သားကြီးပေါ့ဗျာ၊ သူက ဒီ စစ်ရေးကို ကိုင်တယ်၊ သူ့နာမယ် ဖုန်တ ရွှင်း၊ ဖုန်တ ရွှင်းက ခေါင်းဆောင်ပြီးတော့မှ ဒီ ကိုးကန့်နဲ့ ဝ နယ်စပ်မှာ အခုထိ ဒီ ပြောက်ကျားနည်းနဲ့ တိုက်နေတယ်တဲ့ နော်။ နိုင်ငံခြားက အကူအညီ လာပေးနေတဲ့ အဖွဲ့ဝင်တွေနဲ့ သူတို့ရဲ့ မိသားစုတွေ တရာကျော် လောက်ကိုင်းမြို့တော်မှာ အခုထိ မထွက်ရသေးဘူး။ အဲဒီမှာ သောင်တင်နေကြတယ်၊ ဘာဖြစ်လို့လဲဆိုတော့ ဒီ လောက်ကိုင်းကနေ သူက ကွန်လုံဖက်ကို ကားနဲ့ လာရမှာကိုး။ အခု ကွန်လုံကို လာတဲ့ ကားလမ်းက ပိတ်နေတာကိုး။'

အခုလို ကိုးကန့်ဒေသတွင်း တိုက်ပွဲငယ်တွေနဲ့ မတည်မငြိမ်ဖြစ်မှုတွေကြောင့် ဒေသခံပြည်သူတချို့ တရုတ်နယ်ဖက်ကို ပြန်ပြီး ထွက်ပြေး တိမ်းရှောင်နေကြတယ်လို့ တရုတ် မြန်မာနယ်စပ် စစ်ရေးနိုင်ငံရေး လေ့လာသူ ဦးအောင်ကျော်ဇောက RFA ကို ပြောပါတယ် ။

ဦးအောင်ကျော်ဇော။ ။ 'က္ဆွန်တော်တို့ ကြားတာလည်း ပြောက်ကျားတိုက်ပွဲ တချို့တော့ ဖြစ်တယ်လို့ ကြားတယ်။ ဒါကတော့ နောက်ပိုင်းလည်း အဲလို မကြာခဏ ကြားရမယ်ထင်တယ်။ အခု က္ဆွန်တော်တို့ ကြားရတာ တောင်ဝါလို့ ကြားတယ်၊ ဟို တတ်ရှေခန်ဖက်မှာ။ လောက်ကိုင်းရဲ့ အနောက်မြောက်ဖက်လောက် ကျပါတယ်။ ခု အဲဒီနားမှာလည်း ဖြစ်တယ်လို့ ကြားတယ်။ နောက် ချင်းရွှေဟော် အောက်ဖက် နန့်တင်းဖက်မှာလည်း တိုက်ပွဲ နည်းနည်း ဖြစ်တယ်လို့ ကြားတယ်။ လူတွေလည်း တခေါက်ပြန် ပြေးကြလွှားကြ ဖြစ်တယ်လို့ ကြားတယ်။ လူတွေကလည်း ကျီးလန့်စာစားပေါ့ ဖြစ်နေကြတာ။'

MNDAA ကိုးကန့်တပ်ဖွဲ့ဝင်တွေ တရုတ်နိုင်ငံဖက် ထွက်ပြေးပြီး လက်နက်ချ ခိုလှုံမှုရှိတယ် ဆိုပေမဲ့ ကိုးကန့်တပ်ရဲ့ ၃ဝ ရာခိုိင်နှုန်းလောက်ဟာ မြန်မာပိုင်နက် တရုတ်မြန်မာ နယ်စပ်အနီးမှာ ဆက်လက် လှုပ်ရှားနေပြီး အဲဒီတပ်ဖွဲ့ဝင်တွေကို ဖမ်းဝရမ်း အထုတ်ခံထားရတဲ့ ဦးဖုန်ကြားရှင်းရဲ့သားတွေက ဦးဆောင်နေကြောင်း သိရပါတယ် ။

ကချင်နယ်မြေကို မြန်မာစစ်တပ် ဆက်လက် ထိုးစစ်ဆင်မည့် သတင်းထွက်
2009-09-02

ကိုးကန့်ဒေသတွင်း ဝင်ရောက်နေတဲ့ စစ်အစိုးရတပ်ဖွဲ့တွေက ကိုးကန့်ဒေသနဲ့ နယ်ချင်းကပ်နေပြီး၊ စစ်အစိုးရနဲ့ ငြိမ်းချမ်းရေးယူထားတဲ့ KIO ကချင်ပြည်နယ် လွတ်မြောက်ရေးအဖွဲ့ချုပ် ကို ထိုးစစ်ဆင်လိမ့်မယ်ဆိုတဲ့ သတင်းတွေ ထွက်ပေါ်နေတာကြောင့် KIO နယ်မြေအတွင်း နေထိုင်တဲ့ ပြည်သူတွေ အထိတ်တလန့် ဖြစ်နေတယ်လို့ စုံစမ်းသိရှိရပါတယ်။

KIO ဒေသဟာ ကိုးကန့်ဒေသရဲ့ အနောက်မြောက်ဖက် ကပ်လျက်ရှိပြီး သံလွင်မြစ် အနောက်ဘက်ခြမ်းမှာ ရှိနေတာပါ။ ပြီးခဲ့တဲ့ သြဂုတ်လ ၂၇ရက်ကနေ ၂၉ရက်နေ့အထိ ကိုးကန့်ဒေသတွင်း စစ်အစိုးရတပ်တွေ အလုံးအရင်းနဲ့ ထိုးစစ်ဆင်ပြီးနောက် သြဂုတ်လကုန်ပိုင်းက KIO နယ်မြေအတွင်း တပ်စွဲထားတဲ့ KIA တပ်မဟာ ၄ ကို ဆက်လက်ပြီး ထိုးစစ်ဆင်မယ်ဆိုတဲ့ သတင်းတွေ ထွက်ပေါ်နေတာဖြစ်ပါတယ်။ ဒီသတင်းကို ကြားရတာကြောင့် မိမိတို့ရဲ့ တပ်များ အသင့်အနေအထား လှန့်ထားတယ်လို့ KIA တပ်မှူးတဦးက ပြောပါတယ်။

KIA တပ်မှူးတဦး။ ။ 'မနေ့ည ညနေပိုင်းလောက်ကနေ အဲဒီလို သတင်းတွေ ကြားတော့ နည်းနည်းလေး ဟိုဖက်ဒီဖက် အသင့်အနေအထားပေါ့၊ ဒီ တပ်မဟာ ၄ ဖက်ကို နည်းနည်းလေး နအဖဖက်ကနေ စစ်မျက်နှာစာ ဖွင့်တဲ့ ပုံစံမျိုး စကားတွေ ပြောလာတော့ရယ် ဟိုဖက်ဒီဖက် ပြင်ဆင်မှုတွေ လုပ်နေတယ်။ ဒီနေ့ သတင်းတွေအရတော့ ဝဖက်ကိုပဲ ဦးတည်သွားမလိုလို၊ ဒီ တပ်မဟာ ၄ ဖက်ကိုပဲ ဦးတည်လာမလိုလို အဲလို ဖြစ်နေလို့လေ။ ဟိုဥစ္စာ တိတိကျကျ ခိုင်ခိုင်လုံလုံ ပြောလို့တော့ မရသေးဘူး။ သတင်းတွေ စုံစမ်းနေတုန်းပဲ။'

အခုကြားနေရတဲ့ သတင်းတွေဟာ ကိုးကန့်နယ်အတွင်းရှိ စစ်အစိုးရတပ်တွေက ဖြန့်နေတာ ဖြစ်တယ်လို့လည်း ဆိုပါတယ်။

KIA တပ်မှူးတဦး။ ။ 'ဟို နအဖဖက်ကနေ ဘယ်လိုဘယ်လို သတင်းတွေ လွှင့်ထားလဲ မသိဘူး။ ပြီးတော့လည်း သတင်းပေးတဲ့လူတွေလည်း ဂဃနဏ မသိသေးဘူး ဖြစ်နေတော့ က္ဆွန်တော်တို့ဖက်က သတင်း သုံးသပ်ချက်နဲ့ သတင်း သုံးသပ်တဲ့အချိန်မှာ တော်တော်လေး ပြန်လိုက်ယူရတာပေါ့။ အဲလို ဖြစ်နေတယ်။'


ကချင်တပ်ဖွဲ့တွေအနေနဲ့သြဂုတ်လ ၈ရက်နေ့နောက်ပိုင်း ကိုးကန့်ဒေသတွင်း မတည်မငြိမ် ဖြစ်နေတာကြောင့် ကိုးကန့်နဲ့ နယ်ချင်းကပ်နေတဲ့ မိမိတို့ ဒေသတွင်းရှိ တပ်မဟာ ၄ ကို အသင့်အနေအထား ပြင်ဆင်မှုတွေ လုပ်ထားတာ ဖြစ်တယ်လို့ KIA ဒုတိယ စစ်ဦးစီးချုပ် ဗိုလ်မှူးချုပ် ဂွမ်မော်ကလည်း RFA ကို ပြောပြခဲ့ပါတယ်။

KIO နယ်မြေအတွင်း ခုလိုသတင်းတွေ ထွက်နေတာကြောင့် ကွတ်ခိုင်မြို့၊ တာမိုညဲမြို့တွေ အပါအဝင် ဒေသတခုလုံးမှာ ရှိတဲ့ တိုင်းရင်းသားပြည်သူများ လှုပ်လှုပ်ရှားရှား ဖြစ်နေကြတယ်လို့ စုံစမ်းသိရှိရပါတယ်။