Thursday, September 24, 2009

ငါးထောင်ကျပ်တန် ငွေစက္ကူသစ်



ထော့ကျိုး လွတ်ငြိမ်း ချမ်းသာခွင့်၊ ထောင်နေရာ လွတ်များ ဖန်တီးနေခြင်း


ဘရိုင်ယန် မက်ကာတန်
ကြာသပတေးနေ့၊ စက်တင်ဘာလ 24 ရက် 2009 ခုနှစ် 16 နာရီ 34 မိနစ်


ဘန်ကောက်၊ ထိုင်း။ ။ ပြီးခဲ့သည့် အပတ်က အကျဉ်းသားများစွာ လွှတ်ပေးခဲ့သော လွတ်ငြိမ်း ချမ်းသာခွင့်၏ နောက်ကွယ်တွင် ကုလ အထွေထွေ ညီလာခံ ဖွင့်ပွဲမတိုင်ခင် နိုင်ငံတကာ အသိုင်းအဝိုင်း၏ မျက်နှာသာ ရရှိရေး ရည်ရွယ်ချက်ထက် ပိုမို၍ ဉာဏ်များ လှည့်ဖျားသော အကြောင်းကိစ္စ ရှိနေကောင်း ရှိနေနိုင်သည်။

လာမည့်နှစ် ကျင်းပမည့် ရွေးကောက်ပွဲတွင် နောက်ထပ် ထိန်းသိမ်းမည့် သူများအတွက် အကျဉ်းထောင်များ အတွင်း နေရာပိုမို ရှိလာစေရန် ဗိုလ်ချုပ်များ ရည်ရွယ် လုပ်ဆောင်ခြင်းလည်း ဖြစ်နိုင်သည်။

ထိုတွေးဆချက်ကို ၂၀၀၇ ခုနှစ် ရွှေဝါရောင် တော်လှန်ရေးကို ဖိနှိပ် ဖြိုခွဲပြီးကတည်းက မြန်မာပြည်ရှိ သံဃာတော် များ၏ အခြေအနေများကို အသေးစိတ် ဖော်ပြသော “လူ့အခွင့်အရေး စောင့်ကြည့်ရေး အဖွဲ့ အစီရင်ခံစာ“ ထုတ်ပြန် သဖြင့် ထိုင်းနိုင်ငံ နိုင်ငံခြား စာနယ်ဇင်း ကလပ် FCCT ၌ ပြုလုပ်သော သတင်းစာရှင်းလင်းပွဲတွင် မြန်မာ့အရေး ကျွမ်းကျင်သူ “ဘာတီးလစ်တနာ“ က ယမန်နေ့တွင် ပြောခဲ့သည်။ သူက အကျဉ်းသားများ လွှတ်ပေးခြင်း၏ တိုင်ပင် (ချိန်သားကိုက်မှု) ကို မေးခွန်း ထုတ်ကာ ၎င်းသည် ဗိုလ်ချုပ်များ၏ အကျဉ်းထောင်များ အတွင်း နေရာလွတ် လိုအပ်ခြင်း အကြောင်းရင်း ဖြစ်သည်ဟု ဆိုသည်။

၂၀၀၄ ခုနှစ် နိုဝင်ဘာလ ကတည်းက ပြုလုပ်ခဲ့သော အကျဉ်းသား လွတ်ငြိမ်း ချမ်းသာခွင့် ပေးမှု စုစုပေါင်း ၆ ကြိမ်တွင် အကျဉ်းသား အားလုံး ၄၅၇၃၂ ဦး လွတ်လာကာ ထိုအထဲတွင် ၁ ဒဿမ ၃ ရာခိုင်နှုန်းသာ နိုင်ငံရေး အကျဉ်းသား ပါရှိသည်ဟု နိုင်ငံရေး အကျဉ်းသားများ ကူညီ စောင့်ရှောက်ရေး အသင်း (မြန်မာနိုင်ငံ) AAPP-B ၏ အဆိုအရ သိရသည်။ ထိုအထဲမှ လွတ်ငြိမ်း ချမ်းသာခွင့် ၃ ခုမှာ ၂၀၀၇ ခုနှစ် စက်တင်ဘာလတွင် ရွှေဝါရောင် တော်လှန်ရေးကို ဖြိုခွဲခံရပြီးချိန်မှ စတင်၍ ပေးခဲ့ခြင်း ဖြစ်သည်။၂၀၀၇ ခုနှစ် နိုဝင်ဘာလတွင် အခြေခံ ဥပဒေ ရေးဆွဲနေသော အမျိုးသား ညီလာခံ အဆုံးသတ်သည့် အထိမ်းအမှတ်ဟု ထင်ရသည့် လွတ်ငြိမ်း ချမ်းသာခွင့်ကြောင့် အကျဉ်းသား ၈၅၈၅ ဦး လွတ်လာခဲ့ကာ နိုင်ငံရေး အကျဉ်းသား ဦးရေ ၂၀ သာ လွတ်မြောက် ခဲ့သည်။

၂၀၀၈ ခုနှစ် စက်တင်ဘာလတွင် အကျဉ်းသား ၉၀၀၂ လွှတ်ပေးခဲ့သော လွတ်ငြိမ်း ချမ်းသာခွင့် ပေးခဲ့သော်လည်း NLD မှ ခေါင်းဆောင်ပိုင်း ဦးဝင်းတင် အပါအဝင် နိုင်ငံရေး အကျဉ်းသား ၉ ဦးသာ လွတ်မြောက် ခဲ့သည်။ ၂၀၀၉ ခုနှစ် ဖေဖော်ဝါရီလတွင် နောက်ထပ်အကျဉ်းသား ၆၃၁၃ လွတ်ပေးခဲ့သော လွတ်ငြိမ်း ချမ်းသာခွင့် ပေးခဲ့သော်လည်း နိုင်ငံရေး အကျဉ်းသား ၃၁ ဦးသာ ပါဝင်ခဲ့သည်။ ထိုလွတ်ငြိမ်း ချမ်းသာခွင့် အတွင်း စစ်အစိုးရက ၂၀၁၀ ခုနှစ်တွင် ကျင်းပမည့် တရား မျှတသော ရွေးကောက်ပွဲတွင် အကျဉ်းသားများ ပါဝင်ခွင့် ရရှိစေရန် လွှတ်ပေးခဲ့ခြင်း ဖြစ်သည်ဟု ကြေညာခဲ့သည်။

AAPP-B နှင့် လူ့အခွင့်အရေး စောင့်ကြည့်ရေး အဖွဲ့၏ အဆိုအရ ထိုအချိန်၌ပင် နိုင်ငံရေးကိစ္စ အတွက် ဖမ်းဆီးခဲ့သော အရေအတွက်သည် နှစ်ဆကျော် ခဲ့သည်ဟု ဆိုသည်။ ပြီးခဲ့သည့်အပတ်က ပေးခဲ့သော လွတ်ငြိမ်း ချမ်းသာခွင့် မတိုင်မီ မြန်မာ နိုင်ငံသား ဦးရေ ၂၂၅၀ ကျော်သည် နိုင်ငံတဝှမ်းရှိ အကျဉ်းထောင်များနှင့် အလုပ် (ရဲဘက်) စခန်းများတွင် နိုင်ငံရေးအမှုနှင့် အကျဉ်းကျ ခံနေရသည်ဟု ယုံကြည်ရသည်။ စစ်အစိုးရအား အတိုက်အခံလုပ်သူ ရာပေါင်းများစွာ သည် ၂၀၀၇ ခုနှစ်ကတည်းက လျှို့ဝှက်စွာ မြေအောက် ဘဝနှင့် ရပ်တည်ခဲ့ရသလို အချို့လည်း ပြည်ပသို့ ထွက်ခွာ လာခဲ့ရသည်။

မကြာသေးခင်က ပေးခဲ့သော လွတ်ငြိမ်း ချမ်းသာခွင့်သည် စစ်အစိုးရ၏ ဂုဏ်သိက္ခာကို ကုလသမဂ္ဂ ညီလာခံ မစတင်မီ ချက်ချင်း အရောင်တင်ပေးရန် ရည်ရွယ်ခဲ့ခြင်း ဖြစ်ကောင်း ဖြစ်နိုင်သည်။ ထိုညီလာခံကို နိုင်ငံခြားရေး ဝန်ကြီး ဦးဉာဏ်ဝင်း တက်ရောက် လိမ့်မည်ဖြစ်ပြီး ပို၍ အရေးကြီးစွာပင် ၁၉၉၅ ခုနှစ်ကတည်းက ထိုအစည်းအဝေး တက်ရောက်ရန် ဖြစ်သော စစ်အစိုးရ၏ ဝန်ကြီးချုပ် ဗိုလ်ချုပ်သိန်းစိန်လည်း တက်ရောက်မည် ဖြစ်သည်။ သူသည် အမေရိကန် သမ္မတ မစ္စတာ အိုဘားမား အစိုးရက မြန်မာပြည်နှင့် သက်ဆိုင်သော မူဝါဒသစ်ကို ကြေညာမည့် အချိန်နှင့်လည်း အချိန်ကိုက် တိုက်ဆိုင်နေသည်။

နိုင်ငံတကာ၏ အကောင်းမြင်မှုများကို ရရှိကာ အကျဉ်းသား အမြောက်အမြား လွှတ်ပေး ခဲ့သောကြောင့် ရရှိခဲ့သော အခွင့်အရေးက စစ်အစိုးရအား လူးသာ လွန့်သာသော အခြေအနေကို ပေးအပ် နိုင်မည်ဖြစ်၍ သူတို့၏ ရွေးကောက်ပွဲ ကို ဆန့်ကျင်သူများအား ဖိနှိပ်ရန်အတွက် ခြေတလှမ်းပင် တိုးလာနိုင်မည်ဖြစ်သည်။ ပြစ်ဒဏ်ဆိုင်းငံ့ပေးမှုက ဖမ်းဆီးမှုများကို တိတ်တဆိတ် ဆက်လက်ကျုးလွန်နေမှုများ သို့မဟုတ် လွတ်ငြိမ်းချမ်းသာခွင့် ပေးခဲ့သဖြင့် သတိမပြုမိသလို ဖြစ်နေစဉ်၊ ဖမ်းဆီးမှု ပိုမိုတိုးပွားလာသည်များ ဖြစ်ပွားနေချိန် စစ်အစိုးရကို ကုလနှင့် အစိုးရများက ချီးမွမ်းရန် ဖြစ်စေခဲ့သည်။

စစ်အစိုးရသည် NLD အား အရှုံးပေးခဲ့ရသော နောက်ဆုံးကျင်းပခဲ့သည့် ၁၉၉ဝ ခုနှစ် အထွေထွေ ရွေးကောက်ပွဲ မတိုင်မီက တည်ရှိခဲ့သည့် မဲဆွယ်လှုပ်ရှားမှုပုံစံများကို အလွန်တရာ သတိကြီးစွာ ထားနေကြသည်။ အတိတ်မှ သင်ခန်းစာများသည် စစ်အစိုးရအား နောက်တကြိမ် ထပ်ဖြစ်လာစေရန် လုံးဝ မစဉ်းစားစေခဲ့သလို သူတို့အား ဒုက္ခပေးနိုင်သူများအား လက်ဦးမှုယူကာ ဖယ်ထုတ်ထားနိုင်ရန်အတွက် သေချာစေရန် ခြေလှမ်း လှမ်းစေခဲ့သည်။

အတိုက်အခံအင်အားစုများကမူ လက်ရှိအကျဉ်းသားများ လွှတ်ပေးခြင်းကို နိုင်ငံရေးအကျဉ်းသား အနည်းငယ်သာ အမှန်တကယ် လွှတ်ပေးသော လှည့်ဖျားမှုတခုဟု မှတ်ယူကြသည်။ ထိုင်းနိုင်ငံအခြေစိုက် AAPP-B ၏ တွဲဖက်အတွင်းရေးမှူး ကိုဘိုကြည်က ယမန်နေ့က ပြုလုပ်သော သတင်းစာရှင်းလင်းပွဲတွင် လက်ရှိအကျဉ်းသားများ လွှတ်ပေးခြင်းကို နိုင်ငံတကာဖိအားများ လျော့ကျသွားစေရန် လှည့်ဖျားကစားမှုတခုဟု ခေါ်ဆိုလိုက်သည်။ AAPP မှ ယမန်နေ့က ထုတ်သော သတင်းထုတ်ပြန်ချက်တွင် အကျဉ်းသား ၁၂၈ ဦးကိုသာ နိုင်ငံရေးမှုနှင့် အမှန်တကယ် ဖမ်းဆီးထောင်ချထားသည် ဆိုသည်ကို ဖော်ပြထားသည်။

“အရေးကြီးတဲ့ ခေါင်းဆောင်တွေဖြစ်တဲ့ ဒေါ်အောင်ဆန်းစုကြည်၊ ရှမ်းအမျိုးသားဒီမိုကရေစီအဖွဲ့ချုပ် ခေါင်းဆောင် ဦးခွန်ထွန်းဦး၊ ၈၈ မျိုးဆက် ကျောင်းသားများအဖွဲ့ ခေါင်းဆောင် မင်းကိုနိုင်နဲ့ တခြား ထင်ရှားတဲ့ တက်ကြွလှုပ်ရှားသူတွေ အခုထိ ထောင်တွေထဲမှာပဲ ရှိသေးတယ်။ ဘာလို့လဲဆိုတော့ စစ်အစိုးရက သူတို့ရဲ့ အကြွင်းမဲ့ အာဏာကို ခြိမ်းခြောက်မယ့်သူတွေလို့ ယူဆလို့ပါပဲ“ ဟု AAPP-B အတွင်းရေးမှူး ကိုတိတ်နိုင်က ပြောသည်။ ဒေါ်အောင်ဆန်းစုကြည်အပြင် NLD ဒုဥက္ကဋ္ဌ ဦးတင်ဦးနှင့် သူမ၏ ကိုယ်ရေးအရာရှိ ဦးဝင်းထိန်တို့သည် ဖမ်းဆီးခံနေရဆဲပင်။

အတိုက်အခံအုပ်စုများနှင့် မြန်မာပြည်အရေး စောင့်ကြည့်လေ့လာနေသူများအကြား ပြီးခဲ့သည့်လက ဒေါ်အောင်ဆန်းစုကြည်အား နေအိမ်အကျယ်ချုပ်သက်တမ်း တိုးခဲ့ခြင်းသည် လာမည့်နှစ်တွင် ပြုလုပ်မည့် ရွေးကောက်ပွဲများတွင် သူမ မပါဝင်နိုင်စေရေး သေချာစေရန်အတွက် သေချာစွာ စီစဉ်ပြုလုပ်ခဲ့ခြင်းဖြစ်သည်ဟု ယုံကြည်ကြသည်။ ယခုအချိန်တွင် ဗိုလ်ချုပ်များ အကြောက်ဆုံးဟု ထင်ရသော စည်းကမ်းပြည့်ဝသော ဒီမိုကရေစီသို့ဆိုသည့် သူတို့၏ လမ်းပြမြေပုံကို အနှောင့်အယှက်ဖြစ်စေမည့် အစိုးရဆန့်ကျင်မှု အဖြစ်အပျက်မျိုးအတွက် ယခုထောင်ထဲတွင် ရှိနေသော ခေါင်းဆောင်များထဲမှ မည်သူမဆိုသည် အဓိကပင်ရင်း ဖြစ်လာနိုင်ပေသည်။

နေရွှေသွေးအောင် ဘာလဲ၊ ဘယ်လဲ



Thursday, 24 September 2009 14:50 အေးချမ်းမြေ့

ရန်ကုန် ကမ္ဘာအေး ဘုရားလမ်းမပေါ်ရှိ အနုပညာ ဦးစီးဌာနပိုင် မြေနေရာပေါ်မှ ဆိုင်တဆိုင်ကို ဗိုလ်ချုပ်မှူးကြီး သန်းရွှေ၏မြေး နေရွှေသွေးအောင် (ဖိုးလပြည့်) ၏ နောက်လိုက်များက ဝင်ရောက် ဖျက်ဆီးခဲ့သည် ဟူသော သတင်းတချို့ ထွက်ပေါ်ခဲ့သည်။

“7 Lekker” အမည်ရှိ ၎င်းကော်ဖီဆိုင်ကို ဦးစီးလုပ်ကိုင်သူမှာ အတွင်းရေးမှူး (၁) ဗိုလ်ချုပ်ကြီး သီဟသူရ တင်အောင်မြင့်ဦး၏သား တေဇာစောဦးဖြစ်ပြီး ဝန်ကြီး ဦးစိုးသာ၏သား တဦး အပါအဝင် တခြားသော စီးပွားရေး သမားများလည်း ရှယ်ယာ ပါဝင်သည်ဟု သိရသည်။

ဖိုးလပြည့်က အင်းလျားလမ်းပေါ်ရှိ ပညာရေး ဝန်ကြီးဌာနပိုင် အဆောက်အအုံ တခုကို Night Club ဖွင့်ရန် စီစဉ်ခဲ့ရာ အစီအစဉ် မဖြစ်မြောက် သောကြောင့် တခြားသော ဗိုလ်မှူးများ၊ ဗိုလ်ချုပ်များ၏ သားသမီးများ ပိုင်ဆိုင်ရာ စီးပွားရေး လုပ်ငန်းများကို လိုက်လံ ဖျက်ဆီးခြင်း ဖြစ်ကြောင်းလည်း စစ်တပ်အသိုင်းအဝန်းမှ ကြားသိရသည်။

ယင်းဖြစ်ရပ်ကြောင့် ဗိုလ်ချုပ်မှူးကြီး သန်းရွှေ၏မြေး ဖိုးလပြည့်ကို ယခင် နိုင်ငံတော် အကြီးအကဲ ဦးနေဝင်း၏ မြေးများ လမ်းသရဲဂိုဏ်း ထောင်သကဲ့သို့ ဖြစ်လာတော့မည်လား ဆိုသည့် တီးတိုးအသံများ ရန်ကုန်နှင့် နေပြည်တော် အသိုင်းအဝန်းတွင် ထွက်ပေါ်လျက်ရှိသည်။

“ဦးနေဝင်းရဲ့မြေးတွေလိုပဲ ဖိုးလပြည့်တို့ကလည်း ဂိုဏ်းဖွဲ့ထားတယ်၊ သူတို့ဂိုဏ်းနာမည်က ဆင်စွယ်တဲ့။ ဒီနာမည်နဲ့ ကလပ်တွေသွားရင် မှတ်ပုံတင်လေ့ရှိတယ်” ဟု ဗိုလ်ချုပ် သားသမီးများနှင့် နီးစပ်သူ တဦးက ဆိုသည်။

ဖိုးလပြည့်တွင် အခြွေအရံများလည်း များစွာရှိပြီး အများစုမှာ ဗိုလ်ချုပ်များ၊ ဗိုလ်မှူးများ၏ သားများ ဖြစ်ကြသည်ဟု ၎င်းနှင့် နီးစပ်သူတဦးက ပြောသည်။

“ဦးနေဝင်း မြေးတွေဘောလုံးကန်ရင် အဲဒီတုန်းက နိုင်ငံတော် ကောင်စီဝင်တွေရဲ့ မြေးတွေက ဘောကောက် လုပ်ပေးရတယ်။ ခု ဖိုးလပြည့်လည်း တူတူပဲ။ သူခိုင်းရင် သူ့နားက ဗိုလ်ချုပ်သားတွေ၊ ဗိုလ်မှူးသားတွေက ဘာမဆို လုပ်ပေးရတယ်” ဟု သူက ဆိုသည်။

ကော်ဖီဆိုင် ဝင်ရောက်ဖျက်ဆီးသည့် ကိစ္စနှင့် ပတ်သက်၍ ဗိုလ်ချုပ်ကြီး သီဟသူရ တင်အောင်မြင့်ဦး အပါအဝင် တခြားသော ဗိုလ်ချုပ်ကြီးများက မကျေနပ်သော်လည်း ဗိုလ်ချုပ်မှူးကြီး၏ မြေးဖြစ်နေ သောကြောင့် မည်သည့် အရေးယူမှု တစုံတခုကိုမှ မလုပ်ရဲကြကြောင်း ကြားသိရသည်။

“ပုံစံကတော့ လွန်ခဲ့တဲ့ ၉ နှစ်၊ ၁၀ နှစ်လောက်က ဦးနေဝင်း မြေးတွေလုပ်တဲ့ ပုံစံမျိုး စလာပြီ။ ဂိုဏ်းဖွဲ့တယ်၊ မိုက်တယ်၊ လုပ်ချင်ရာ လုပ်တယ် ဆိုတဲ့ပုံစံ။ အဲဒီ ကျော်နေဝင်းတို့၊ ဇွဲနေဝင်းတို့လောက် မဆိုးသေးတာ တခုပဲ” ဟု ရန်ကုန်စီးပွားရေး အသိုင်းအဝန်းတွင် ကျင်လည်နေသူ တဦးက ဆိုသည်။

ဗိုလ်ချုပ်မှူးကြီး၏ မြေးသည် ယခုအခါ မိထ္ထီလာတွင် ရဟတ်ယာဉ် အမောင်းသင် နေသည်ဟုလည်း သတင်း ရရှိသည်။ ပြီးခဲ့သည့် သင်္ကြန်ကာလကလည်း ရန်ကုန်မြို့တော်စည်ပင် ဥပဒေအရ မည်သူ တဦးတယောက်မှ ဆင်းခွင့်မရှိသော အင်းလျားကန်တွင် နေ့စဉ် စပိဘုတ် တစင်းဖြင့် ဗိုလ်မှူးတယောက် လိုက်ပါကာ ၎င်း၏ မဏ္ဍပ်ရှိရာသို့ သွားလေ့ရှိကြောင်း ကြားသိရသည်။

ယခုနှစ်ဆန်းပိုင်းကလည်း နာမည်ကြီးစ မော်ဒယ် ဝတ်မှုံရွှေရည်ကို ဖိုးလပြည့်က ခေါ်ဆောင်သွားကာ ၃ ရက်ခန့် အခန်းပိတ် ထားခဲ့သည်ဟူသည့် သတင်းထွက်ပေါ်ခဲ့သည်။ မကြာသေးမီက ကျင်းပခဲ့သည့် ဝတ်မှုံရွှေရည်၏ မွေးနေ့ပွဲတွင် ၎င်းက ကျပ်သိန်း ၅၀၀ တန် ကားတစီးနှင့် စိန်လက်စွပ်တကွင်း လက်ဆောင် ပေးခဲ့သည်ဟုလည်း သိရသည်။ ဝတ်မှုံရွှေရည်၏ မွေးနေ့ပွဲသို့ တက်ရောက်ခဲ့သည့် ဖိုးလပြည့်၏ ဓာတ်ပုံ တချို့ကို ပြည်တွင်းထုတ် ဂျာနယ်များတွင် တွေ့ခဲ့ရသည်။

စင်ကာပူတွင် ဖိုးလပြည့်နှင့်အတူ ကျောင်းတက်ခဲ့သည့် သူငယ်ချင်းဖြစ်သူကို မကျေနပ် သောကြောင့် အဆိုပါ သူငယ်ချင်း၏ အိမ်ကို ခဲနှင့်ပေါက်ခဲ့ပြီး သူငယ်ချင်းဖြစ်သူ၏ မိဘများကို တောင်းပန်ခိုင်းခဲ့သည့် သတင်းလည်း ယခုနှစ်ဆန်းပိုင်းက ထွက်ပေါ်ခဲ့ပြန်သည်။

လွန်ခဲ့သည့် ၉ နှစ်၊ ၁၀ နှစ် ကျော်ခန့်က ဦးနေဝင်း၏မြေး ကျော်နေဝင်း၊ ဇွဲနေဝင်းနှင့် အေးနေဝင်းတို့ ၃ ဦးသည် ၎င်းတို့၏ အဘိုးအရှိန်အဝါကို သုံးကာ ရန်ကုန်မြို့တွင် စကော်ပီယမ် ဂိုဏ်းဟူ၍ဖွဲ့ပြီး စိတ်ကြိုက် ရမ်းခဲ့ကြဖူးသည်။ ရန်ကုန် လှိုင်မြို့နယ် အတွင်းရှိ မိခင် ဒေါ်ခင်စန္ဒာဝင်း ပိုင်ဆိုင်သော နဝရတ် ဟိုတယ်မှာ ၎င်းတို့၏ ဌာနချုပ်ဖြစ်ခဲ့ပြီး သူတို့ မကျေနပ်သူကို နဝရတ် ဟိုတယ်တွင်းသို့ ဖမ်းဆီးခေါ်ယူကာ နှိပ်စက်ကြသည်၊ အသေသတ်သည် အထိလည်း ရဲတင်းခဲ့ ကြသည်ဟု သိခဲ့ရသည်။

၁၉၉၉ ခုနှစ် နှစ်သစ်ကူး ကာလက သားလိမ္မာ အမည်ရှိ လူငယ်တဦးကို ဦးနေဝင်း၏ မြေးများက အသေ သတ်ကာ ခြံဝတွင် သွားရောက် ပစ်ထားခဲ့ဖူးသည့် သာဓက ရှိခဲ့သည်။ ၎င်းတို့နှင့် ၎င်းတို့ အပေါင်းအပါများ ကြိုက်နှစ်သက်သည့် မိန်းကလေး မှန်သမျှကိုလည်း အလွတ်မပေးဘဲ အရ ကြံစည်ခဲ့ကြောင်း သတင်းကြီး ခဲ့သည်။

ဦးနေဝင်း၏ အရှိန်အဝါကိုသုံးကာ နိုင်ငံတော်အကြီးအကဲ ဗိုလ်ချုပ်ကြီးများကိုပါ မထီမဲ့မြင် ပြုလာခဲ့သဖြင့် ၂၀၀၂ ခုနှစ် မတ်လက အဆိုပါ မြေး ၃ ဦးနှင့် ဦးနေဝင်း၏ သားမက် ဦးအေးဇော်ဝင်းကို နိုင်ငံတော် အာဏာသိမ်းရန် ကြံစည်မှုဖြင့် ဖမ်းဆီးခဲ့၍ သေဒဏ် ချမှတ်ခဲ့သည်။ ၎င်းတို့ကို သေဒဏ် ချမှတ်မည့်ရက် အတိအကျ မသိရသေးသော်လည်း ယခုအချိန်ထိ ထောင်တွင်း၌ပင် ရှိနေသေးသည်။

ရန်ကုန်မြို့ လူချမ်းသာ အသိုင်းအဝန်းနှင့် ဦးနေဝင်း မြေးများ၏ဒဏ်ကို ခံခဲ့ရသော စစ်တပ် အသိုင်းအဝန်းက ၎င်းတို့အား ထိုသို့ ထောင်ဒဏ် သက်မှတ်ခဲ့ခြင်းကြောင့် ဝမ်းသာခဲ့ကြသည်။

ဦးနေဝင်း၏ မြေးများကို အရေးယူခဲ့စဉ်က ဗိုလ်ချုပ်မှူးကြီး သန်းရွှေလည်း ပါဝင်ခဲ့သည်။

လက်ရှိ အဆင့်မြင့် စစ်ဗိုလ်ချုပ်ကြီးများ၏ သား၊ သမီးများမှာ မြန်မာပြည်၏ စီးပွားရေး လုပ်ငန်းများကို လက်ဝါးကြီးအုပ် လုပ်ကိုင်လျက်ရှိရာ ၎င်းတို့အချင်းချင်း လုပ်ကွက် ရှယ်ယာများနှင့် ပတ်သက်သည့် အတွင်းကျိတ် ဖြေရှင်းမှုများ ရှိနေသည်ဆိုသည့် သတင်းများလည်း ထွက်ပေါ်နေသည်။

ယခုအခါ ဖိုးလပြည့်၏ လုပ်ရပ်များကို နေပြည်တော်ရှိ စစ်ဗိုလ်ချုပ်များ အသိုင်းအဝန်းက ဝေဖန်နေကြသည်။ တေဇာစောဦးနှင့် တခြားသူများ ပိုင်ဆိုင်သော ကော်ဖီဆိုင်ကို ဖျက်ဆီးခဲ့ခြင်းကြောင့် ဗိုလ်ချုပ်ကြီး သီဟသူရ တင်အောင်မြင့်ဦး အပါအဝင် တခြားသော စီးပွားဖက် ဗိုလ်ချုပ်များက မကျေမနပ်ဖြစ်နေကြသည်။ လက်ရှိ နိုင်ငံတော် အကြီးအကဲ၏ မြေးဖြစ်နေသောကြောင့် အရေးယူဖြေရှင်းခြင်း မပြုနိုင်သော်လည်း ဦးနေဝင်း မြေးများကဲ့သို့ အတင့်ရဲလာမည်လားဟု စောင့်ကြည့်နေကြခြင်း ဖြစ်သည်ဟု သိရသည်။

“အခု ဖိုးလပြည့်ကို တချို့ ဗိုလ်ချုပ်တွေက မကျေမနပ်ဖြစ်နေတယ်။ ကျနော်တို့ ကတော့ ဗိုလ်ချုပ်မှူးကြီး သန်းရွှေ ဝဋ်လည်တော့မလားလို့ စောင့်ကြည့်ရမှာပဲ” ဟု ရန်ကုန် စီးပွားရေး လောကသား တဦးက ဆိုသည်။