Friday, September 25, 2009

၂၀၁၀ မှလွဲ၍ တခြားနည်းလမ်းတွေ အများကြီးရှိပါသေးတယ်



မောင်ခင်အေးတင့်(မဒေါက်)

စစ်အုပ်စုကတော့ ၂၀၁၀ ရွေးကောက်ပွဲအတွက် နည်းမျိုးစုံနဲ့ ပြင်ဆင်စိုင်းပြင်းနေပါတယ်။ ၂၀၀၈ ဖွဲ့စည်းပုံဥပ ဒေကို အပြီးသတ်အတည်ပြုနိုင်ဖို့ပါ။ ဒီလိုအသက်သွင်းနိုင်မှ သူတို့စစ်အုပ်စုဗျူရိုကရက်တွေက လူမျိုးပေါင်းစုံ ပြည်သူလူထုကြီးကို စစ်ကျွန်ပြု စစ်ကျွန်ဇာတ်သွင်းပြီး စစ်သမ္မတနိုင်ငံကို ထူထောင်သွားနိုင်မှာဖြစ်ပါတယ်။ ဒါ ပေမယ့်လို့ ခက်နေတာက သူတို့တွက်ထား ထင်ထားသလို လွယ်လွယ်ကူကူနဲ့တော့ ဖြစ်လာမှာမဟုတ်ဘူး ဖြစ် နေပါတယ်။

အဓိက ကတော့ အပစ်ရပ်အဖွဲ့တွေပေါ့။ သူတို့တွက်ထားသလို လုပ်လို့မရဖြစ်နေတယ်။ အားလုံးနီးပါးလောက် လို့ ပြောနိုင်မယ်ထင်ပါတယ်။ စစ်အုပ်စုပြောသလို လိုက်မလုပ်နိုင်ဘူးလို့ အကြောင်းပြန်ကြတယ်။ ၂၀၁၀ ရွေး ကောက်ပွဲပြုလုပ်ဖို့ စစ်အစိုးရက ပြင်ဆင်စိုင်းပြင်းလာချိန်နဲ့ တပြိုင်တည်းမှာပဲ အပစ်ခတ်ရပ်စဲထားတဲ့ တိုင်း ရင်းသား လက်နက်ကိုင်အဖွဲ့အစည်းတွေကို နအဖက ညောင်နှစ်ပင်ဖွဲ့စည်းပုံအတိုင်း တခုတည်းသော တပ်မ တော်ဖြစ်ဖို့အတွက် နယ်ခြားစောင့်တပ်၊ ပြည်သူ့စစ်အဖြစ် အသွင်ပြောင်းပြီး ရွေးကောက်ပွဲဝင်ဖို့ ဖိအားပေးရာ မှာ ငြင်းဆန်မှုတွေနဲ့ချည်း ကြုံတွေ့နေရလို့ ကိုးကန့်တိုက်ပွဲကို ဖန်တီးပြီး ကျန်တဲ့အပစ်ရပ်အဖွဲ့(လေး)တွေကို စစ်ရေးအရ ခြိမ်းခြောက်ပြတဲ့ သဘောမျိုးလို့ ကောက်ချက်ချနိုင်ပါလိမ့်မယ်။

စစ်အုပ်စုဟာ ဘယ်ကလောက်ထိ ကောက်ကျစ်လိမ်ညာတတ်တယ်၊ ယုတ်မာရက်စက်တတ်တယ်ဆိုတာ ဒီ ကိုးကန့် အဖြစ်အပျက်က မီးမောင်းထိုးပြလိုက်တာပဲ မဟုတ်လား။ ပြေလည်နေတုန်းကတော့ တမျိုး၊ မပြေ လည်တဲ့အချိန်ကျတော့ တမျိုးလုပ်တယ်ဆိုတာ အထင်အရှားပဲလေ။ ဝေစုမြက်မြက်ကလေး ရနေတုန်းက တ မျိုး၊ ဒီနေရာမှာ စကားစပ်လို့ စစ်ဗိုလ်(ချုပ်)ကတော်တွေ မှာတာဆို ကိုးကန့်ခေါင်းဆောင် ဦးဖုန်ကြားရှင်က က လစ်ကလေးကအစ အကုန်ဝယ်လာပေးတာ။ ဘာမှ စာရင်းပြန်ရှင်းပေးစရာမလိုဘူး။ အဆင်ပြေနေ သဘော တွေ့နေကြတုန်းကလေ။ ဟော အခု အဆင်မပြေတော့ မူးယစ်ဆေးဝါး အကြောင်းပြလိုပြ၊ လက်နက်စက်ရုံရှိ တယ်ဆိုပြီး ရမယ်ရှာလိုရှာနဲ့ နောက်ဆုံး လက်နက်ကိုင်တိုက်ပွဲအထိ ရောက်သွားတော့တာပါပဲ။

စစ်အုပ်စုရဲ့ ဖန်တီးစွပ်စွဲချက်တွေကို ကိုးကန့်ခေါင်းဆောင် ဦးဖုန်ကြားရှင်က နှစ်ဘက်တိုက်ပွဲဖြစ်ပွားနေစဉ် ကာလမှာပဲ ဩဂုတ်လ (၂၈) ရက်နေ့မှာ ကုလသမဂ္ဂလုံခြုံရေးကောင်စီသို့ လိပ်မူတပ်ပြီး ယင်းတိုက်ပွဲအခြေအ နေနဲ့ပတ်သက်တဲ့ အထူးကြေညာချက်တစောင် ထုတ်ပြန်ခဲ့ပါတယ်။ ဒီကြေညာချက်အရ ကိုးကန့်ခေါင်းဆောင် ရဲ့ ရှင်းလင်းချက်မှာတော့ စစ်အစိုးရက မူးယစ်ဆေးဝါးနဲ့ လက်နက်ခဲယမ်းသိုလှောင်မှု စတဲ့ ဖန်တီးချက်များနဲ့ တရားစွဲဆိုမှုဟာ ကိုးကန့်တပ်ဖွဲ့နဲ့ ပြည်သူများအပေါ် နိုင်ငံတကာမှ အထင်မှားအောင် လုပ်ကြံဖန်တီးခြင်းဖြစ် ပြီး နိုင်ငံတကာနဲ့ နအဖတာဝန်ရှိသူများရှေ့မှာ ကိုးကန့်နယ်မြေအား မူးယစ်ဆေးဝါး ကင်းရှင်းသွားပြီဖြစ် ကြောင်း ၂၀၀၂ ခုနှစ်က အတိအလင်း ကြေညာထားခဲ့ကြောင်းနဲ့ ဆက်လက်ပြီး ကိုးကန့်တပ်ဖွဲ့ဝင်များအား တိုက်ခိုက်ခဲ့သည့် လုပ်ရပ်အတိုင်း ကျန်မဟာမိတ်တပ်ဖွဲ့များကိုလည်း မကြာသော အချိန်ကာလတခုအတွင်း တိုက်ခိုက်ဝါးမျိုနိုင်သဖြင့် စစ်အစိုးရအား လက်တွေ့ညီညွတ်စွာ ယနေ့မှစပြီး တိုက်ပွဲဝင်ရန် ကိုးကန့်ခေါင်း ဆောင် ဦးဖုန်ကြားရှင်က သတိပေးတောင်းဆိုကြောင်း ရေးသားထားပါတယ်။

ကျန်အဖွဲ့တွေကိုတော့ ဆက်လက်တိုက်ခိုက်ခြင်းမရှိသေးဘဲ လတ်တလော စစ်ရေးပြင်ဆင်မှုတွေပြုလုပ်ပြီး ဘီ လူးခေါင်းကို မင်းသားမျက်နှာဖုံးအတုစွပ်ပြီး ဆွေးနွေးညှိနှိုင်းမှုတွေ ဆက်လုပ်နေပါတယ်။ နအဖနဲ့ အကြိမ်ကြိမ် တွေ့ဆုံဆွေးနွေးအပြီးမှာ ကေအိုင်အိုနဲ့ မွန်ပြည်သစ်တို့ဆီက နအဖစစ်အုပ်စုရဲ့ ၂၀၀၈ ဖွဲ့စည်းပုံပါ တခုတည်း သော တပ်မတော်ဖြစ်ရေးကို လိမ်မာပါးနပ်စွာနဲ့ ရှောင်ထွက်ပြီး ပါတီအသစ်ထပ်ဖွဲ့ ရွေးကောက်ပွဲဝင်မယ်ဆိုတဲ့ ကျားကွက်သစ်တော့ ထွက်လာပါတယ်။ ဒါကိုကြည့်ရင် အပစ်ရပ်အဖွဲ့တွေဟာ နအဖစစ်အုပ်စုနဲ့ စစ်ရေးတိုက် ခိုက်မှုတွေ၊ ထိပ်တိုက်ရင်ဆိုင်မှုတွေ မဖြစ်ချင်ဘူးဆိုတာ ရှင်းလင်းမြင်သာပါတယ်။ နိုင်ငံရေးပြဿနာကို နိုင်ငံ ရေးနည်းအရ တွေ့ဆုံဆွေးနွေးပြီးတော့ အဖြေရှာမှ စစ်မှန်တဲ့ အဖြေမှန်ရမယ်ဆိုတာကို အားလုံးက သဘော ထားရှိကြကြောင်း လက်တွေ့ပြသနေကြတာ ဖြစ်ပါတယ်။

နောက် အခုလည်း စစ်အုပ်စုရဲ့ တောင်းဆိုချက်ကို မလိုက်လျောနိုင်ကြောင်း ပြတ်ပြတ်သားသား ငြင်းဆိုတုန့် ပြန်ခဲ့တဲ့ တိုင်းရင်းသားလက်နက်ကိုင် အင်အားစုများကြားမှာ လူအင်အားကော စစ်လက်နက်ပစ္စည်းအင်အား ကော အတောင့်တင်းဆုံးလို့ဆိုတဲ့ UWSA အဖွဲ့ကိုလည်း စစ်ပြုတိုက်ခိုက်နိုင်ဖို့ စစ်အင်အား (၁) သောင်းကျော် နဲ့ အားဖြည့်ဝန်းရံထားပြီး စစ်ရေးပြင်ဆင်မှုတွေ ဆက်လက်ပြုလုပ်နေတာကို ကြားနေရပါတယ်။ ဒါကြောင့်မို့လို့ သူတို့(နအဖ)ရဲ့တောင်းဆိုချက်ကို လက်မခံနိုင်တဲ့ တိုင်းရင်းသားလက်နက်ကိုင်အဖွဲ့အစည်းတွေကို နည်းလမ်း ပေါင်းစုံနဲ့ အကျပ်ကိုင်ဆောင်ရွက်ပြီး စစ်ရေးအရ တိုက်ခိုက်ဖို့အတွက် ပြင်ဆင်မှုများ ပြုလုပ်နေတယ်ဆိုတဲ့ အ ကဲခတ်သူများရဲ့ ဝေဖန်ပြောကြားချက်ဟာ မှန်ကန်တဲ့ အကဲဖြတ်ချက်လို့ ပြောရမှာဖြစ်ပါတယ်။

အမှန်တော့ စစ်အုပ်စုက ချက်ချင်းလက်နက်ဖြုတ်သိမ်းပစ်ချင်တာပါ။ အဲဒါလုပ်လို့မရလို့ တဖက်လှည့်နဲ့ နည်း နာပြောင်းပြီး နယ်ခြားစောင့်တပ်အဖြစ်အသွင်ပြောင်းခိုင်းပြီးမှ တဖြည်းဖြည်းနဲ့ချုပ်ကိုင်ခြယ်လှယ်သွားမှာလေ။ ဒါကို အပစ်ရပ်အဖွဲ့တွေကလည်း နားလည်ကြ ရိပ်မိကြမှာပေါ့။ အစကတည်းကမှ အပစ်ရပ်ချင်လို့ ရပ်ထားတာ မှမဟုတ်တာ၊ အခြေအနေအကြောင်းအမျိုးမျိုးကြောင့် သိပ်စိတ်မပါလှပေမယ့် အပစ်ရပ်တဲ့နည်းကို ရွေးလိုက် ရတဲ့ဟာကို။ လတ်တလော ရွေးခြယ်စရာမရှိလို့ လုပ်လိုက်ရတာလည်း ဖြစ်နိုင်ပါတယ်။ ဒါပေမယ့် တချို့အပစ် ရပ်အဖွဲ့တွေ (အနည်းစု လေးပါ) ကတော့ ခြေလွန်လက်လွန်ဖြစ်သွားပြီး ပြန်နှုတ်လို့မရတော့ဘူး ဖြစ်သွားကြ တယ်။ ပြန်မရုန်းထွက်ချင်တာလည်း ဖြစ်နိုင်တာပေါ့။ အကျိုးစီးပွားမက်လုံးတွေနဲ့ ချည်ထားလိုက်တာလည်း ပါ မှာပေါ့။ KNU က ခွဲထွက်သွားတဲ့ ဒီကေဘီအေလိုအဖွဲ့မျိုးပါ။ ဦးဇခုန်တင်ရင်းတို့ (NDAK) အဖွဲ့လိုမျိုး၊ ကလလ တ၊ ရလလဖ စတဲ့ အဖွဲ့မျိုးတွေလည်းရှိနေတာပါပဲ။ ဒါပေမယ့် တဖွဲ့နဲ့တဖွဲ့လည်း အကျိုးစီးပွားချင်း၊ အခြေအနေ ချင်း၊ အနေအထားချင်းလည်း မတူကြသေးဘူးမဟုတ်လား။ ဘယ်လိုပဲဖြစ်ဖြစ်ပါ ရန်သူရဲ့စီမံကွပ်ကဲချုပ်ကိုင်မှု အောက်မှာ နေနေရပြီလေ။ ဒါကတော့ အတူတူပါပဲ။

မွန်ပြည်သစ်ပါတီတို့လို အပစ်ရပ်စဲထားတဲ့အဖွဲ့ကိုတော့ သူတို့တွက်ထားသလို လုပ်မရတော့ နယ်ခြားစောင့် တပ်အဖြစ် အသွင်မပြောင်းနိုင်ရင် ပြည်သူ့စစ်အဖြစ် အသွင်ပြောင်းနိုင်မလားလို့ အကဲစမ်းကြည့်ပြန်ရော။ မွန် ပြည်သစ်ဘက်က ပြတ်ပြတ်သားသားပဲ ငြင်းလိုက်တော့ တော်တော်လေး မကျေမချမ်းဖြစ်သွားတာပေါ့။ မွန် ပြည်သစ်ပါတီဆိုတာကလည်း သာမာန်အဖွဲ့လေးမှမဟုတ်တာ၊ အုပ်စိုးသူအဆက်ဆက်ကို ဆန့်ကျင်တော်လှန် လာခဲ့တဲ့ ၀ါရင့်နိုင်ငံရေးပါတီကြီးပဲဟာ။ ဒါမျိုးသွားလုပ်လို့ မရဘူးလေ။ နိုင်ငံရေးရေချိန်က စကားပြောတာပေါ့။ သူတို့တွေ ဘာလုပ်ရင် ဘယ်ခြေလှမ်းလှမ်းတယ် ဘယ်အဆင့်ထိ ရောက်သွားမယ်ဆိုတာကို နိုင်ငံရေးအရ အ တွေ့အကြုံအရ တွက်ချက်နားလည်တာပေါ့။ အပစ်ရပ်စဲထားတာ ကာလအားဖြင့် ဆယ်စုနှစ်တခုတောင် ကျော် လာခဲ့ပေါ့။ နိုင်ငံရေးအရ တန်းတူရည်တူထား တွေ့ဆုံဆွေးနွေးတာ (၁၄) နှစ်တာကာလအတွင်း တကြိမ်တခါမှ မရှိခဲ့ဖူးတဲ့ဟာကို။ လက်နက်မရှိတော့တာနဲ့ သွားပြီဆိုတာ ကောင်းကောင်းကြီး သဘောပေါက်ထားပြီးသား လေ။

ရေးမယ်ပြောမယ်ဆိုရင်တော့ အခြားအပစ်ရပ်အဖွဲ့တွေလည်း အများကြီးကျန်ရှိပါသေးတယ်။ ဒီနေရာမှာ အား လုံးရဲ့ ဘုံတူညီချက်က နိုင်ငံရေးပြဿနာတွေကို နိုင်ငံရေးနည်းအရ တွေ့ဆုံဆွေးနွေး အဖြေရှာညှိနှိုင်းယူကြဖို့ မှာ တသဘောတည်းရှိကြပါတယ်။ နအဖဘက်ကသာ တဖက်သတ်ငြင်းဆန်နေတာ ဖြစ်ပါတယ်။ ဗိုလ်ချုပ်မှူး ကြီး သန်းရွှေဘက်က တွေ့ဆုံဆွေးနွေးအဖြေရှာတဲ့နည်းလမ်းကို လုံးဝကို ပစ်ပယ်ထားတာပါ။ တွေ့ဆုံဆွေးနွေး ချင်တဲ့ နိုင်ငံရေးအာသီသကို လုံးဝမရှိတာပါ။

၁၉၉၀ ခုနှစ် မေလရွေးကောက်ပွဲကနေ ပြည်သူလူထုကြီးက (၈၂) % နဲ့ တခဲနက်တပြိုင်နက် ရွေးချယ်ခဲ့တဲ့ အ မျိုးသားဒီမိုကရေစီအဖွဲ့ချုပ်ကဆိုရင် မြန်မာပြည်ရဲ့ နိုင်ငံရေးပြဿနာတွေကို နိုင်ငံရေးနည်းအရ စားပွဲဝိုင်းမှာ ထိုင် မျက်နှာချင်းဆိုင် တွေ့ဆုံဆွေးနွေးဖို့ကို တစိုက်မတ်မတ် အစဉ်မပြတ် တောင်းဆိုနေလာခဲ့တာပါ။ နည်း သဏ္ဍာန်မျိုးစုံနဲ့ကို တလျှောက်လုံး တောင်းဆိုနေလာခဲ့တာပါ။ အခုနောက်ဆုံးထုတ်ပြန်တဲ့ “ရွှေဂုံတိုင်ကြေညာ ချက်” ကို ကြည့်ရင်လည်း ဒီတောင်းဆိုချက်ကိုပဲ ထပ်ပြန်တလဲလဲ တွေ့မြင်ရမှာပါ။ ဒီကြေညာချက်မှာ အဖွဲ့ချုပ် ရဲ့ လက်ရှိရပ်တည်ချက် (၄) ချက်ကို ဖော်ပြထားပါတယ်။ ဒါတွေကတော့ ...

(က) အဖွဲ့ချုပ်ဒု-ဥက္ကဌ ဦးတင်ဦးနဲ့ အထွေထွေအတွင်းရေးမှူး ဒေါ်အောင်ဆန်းစုကြည် အပါအ၀င် နိုင်ငံရေးအ ကျဉ်းသားများ လွတ်မြောက်ရေး၊
(ခ) ပြည်သူ့လွှတ်တော်ပေါ်ပေါက်ရေး၊
(ဂ) ဖွဲ့စည်းပုံအခြေခံဥပဒေ ပြန်လည်သုံးသပ်ပြင်ဆင်ရေး၊
(ဃ) တွေ့ဆုံဆွေးနွေးရေး စသည်တို့ ဖြစ်ပါတယ်။

(ဃ) အချက်ဟာ မြန်မာပြည်ဒီမိုကရေစီရရှိရေး စနစ်ပြောင်းတော်လှန်ရေးကြီးမှာ တိုက်ပွဲဝင်နေကြတဲ့ တိုင်း ရင်းသားအင်အားစုအားလုံးနဲ့ ဒီမိုကရေစီအင်အားစုအားလုံးရဲ့ အမျိုးသားပြန်လည်ရင်ကြားစေ့ရေးဆိုတဲ့ ဘုံ ရည်မှန်းချက်ကို လက်တွေ့အကောင်အထည်ဖော်နိုင်မယ့် နိုင်ငံရေးအရ တွေ့ဆုံဆွေးနွေးအဖြေရှာရေးဆိုတဲ့ အချက်ဖြစ်ပါတယ်။ ကုလသမဂ္ဂအပါအ၀င် နိုင်ငံတကာက တောင်းဆိုတိုက်တွန်းနေတဲ့ အချက်လည်း ဖြစ်ပါ တယ်။

အမျိုးသားဒီမိုကရေစီအဖွဲ့ချုပ်ရဲ့ ဗဟိုအလုပ်အမှုဆောင်တဦးလည်းဖြစ်၊ သတင်းစာဆရာကြီးတဦးလည်းဖြစ် တဲ့နိုင်ငံရေးအကျဉ်းသားဟောင်း ဆရာကြီး ဦးဝင်းတင်ကလည်း “အမျိုးသားဒီမိုကရေစီအဖွဲ့ချုပ်၏ ဒေါ်အောင် ဆန်း စုကြည်နှင့်တကွ နိုင်ငံရေးအကျဉ်းသားအားလုံး လွှတ်ပေးရေးတောင်းဆိုချက်ကို လူထုအားနှင့် ထောက် ခံကြ” လို့ နှိုးဆော်တိုက်တွန်းထားသလို လောလောဆယ်မှာတော့ ကျနော်တို့ခံယူချက်အပေါ် ဘယ်လိုမှ တွေ ဝေသံသယစိတ်တွေ မပွားကြပါနဲ့။ အဖွဲ့ချုပ်ဟာ ဗမာပြည်သူလူထုကြီး တိုက်ပွဲဝင်ရယူနေတဲ့ လွတ်လပ်ရေးကို အဓမ္မလုယူမယ့်၊ ရှင်လမ်းမရှိအောင် ချို့ယွင်းပျက်စီးနေတဲ့ နိုင်ငံရေးဖြစ်စဉ်ထဲမှာ သွေးကြောင်တွေဝေစွာနဲ့ ဒူး ထောက်ပါဝင်မှာ မဟုတ်ပါဘူး။ ကျနော်တို့ဟာ ထိတွေ့ဆက်ဆံဖို့ အမြဲအသင့်ရှိပါတယ်၊ ဒါပေမယ့် ကျနော်တို့ အသက်သွေးချွေးတွေ၊ ဘဝတွေ အများကြီးစွန့်လွှတ်ရင်းနှီးခဲ့ပြီးတဲ့ ဒီမိုကရေစီတန်ဖိုးတွေ ဆွတ်ခူးရယူနိုင်ရေး တိုက်ပွဲကို ဆက်လက်ဆင်နွှဲဖို့ဆိုရင်တော့ အသင့်ရှိတာထက်တောင်ပိုပါတယ်လို့ ဆရာဦးဝင်းတင်ကိုယ်တိုင် အင်္ဂလိပ်လို ရေးသားထားတဲ့ “ကျင်းပဖို့မလိုတဲ့ ၂၀၁၀ ရွေးကောက်ပွဲ”ဆိုတဲ့ ဆောင်းပါးထဲမှာ ထုတ်ဖော်ပြော ကြားထားပါတယ်။

ဝါရင့်သတင်းစာဆရာကြီး လူထုဦးစိန်ဝင်းကလည်း ပြည်သူ့ဘက်ကို မျက်နှာမူကြဖို့နဲ့ ပြည်သူနဲ့ မကင်းကွာကြ ဖို့ကို မကြာသေးခင်လေးက အင်တာဗျူးတခုမှာ ထုတ်ဖော်ပြောကြားသွားပါတယ်။ ဘယ်သူ့ကိုမှ အားကိုးမနေ ဖို့၊ မမျှော်လင့်နေဖို့၊ စိတ်ကူးမယဉ်ကြဖို့၊ ကိုယ့်ကိစ္စကိုယ့်ဖာသာ ဖြေရှင်းကြဖို့ကို ပြတ်ပြတ်သားသားပဲ ဆော်ဩ ပြောကြားသွားပါတယ်။ ကုလသမဂ္ဂတို့၊ လုံခြုံရေးကောင်စီတို့ကို လာဖြေရှင်းပေးနိုး စောင့်စားမျှော်လင့်နေကြ မှာလား။ မိမိပြည်တွင်းရေးကို မိမိတို့ကသာ ကိုယ်တိုင်ကိုယ်ကျ ဖြေရှင်းသွားကြရမှာ ဖြစ်ပါတယ်။ ပြည်သူလူထု ကြီးရဲ့ အံ့မခန်း စွမ်းပကားတွေနဲ့ တော်လှန်ပစ်နိုင်စွမ်းကို အခိုင်အမာ ပြတ်ပြတ်သားသား ယုံကြည်ကြရမှာဖြစ် ပါတယ်။

တချိန်တည်းမှာလည်း ကျနော်တို့ အတိုက်အခံအင်အားစုများလို့ ခေါ်နေတဲ့ ဒီမိုကရေစီအင်အားစုတွေဟာ အ ချိန်ရဲ့ တိုက်စားမှုအောက်မှာ ဖရိုဖရဲဖြစ်လာသံတွေ ကြားနေသိနေရပါတယ်။ ပြင်ပလေထုဖိအားကလည်း အ သွေးအရောင်စုံ၊ အနံ့မျိုးစုံနဲ့ တဒင်္ဂအရှိတရားကို ထာဝရအမှန်တရားအဖြစ် ထင်အောင်မြင်အောင် နည်းမျိုးစုံနဲ့ ဖက်လှဲတကင်း ဆွဲဆောင်ဖြားယောင်းမှုတွေကလည်း တိုးလို့သာကြားနေရပါတယ်။ လက်ရှိနိုင်ငံရေးအနေအ ထားဟာ အတိုက်အခံအဖွဲ့အစည်းတိုင်းအတွက် သေနေတဲ့ နိုင်ငံရေးအနေအထားမျိုး မဟုတ်ပါ၊ နှေးကွေးနေ တဲ့ အနေအထားမျိုးပါ။ စနစ်ပြောင်းတော်လှန်ရေးတရပ်မှာ အချိုးအကွေ့တွေ၊ အတက်အကျတွေ၊ တော်လှန် ရေးအီလာမှုတွေဟာ ရင်ဆိုင်ကြုံတွေ့မယ့် တော်လှန်ရေးပကတိတရားတွေ ဖြစ်ပါတယ်။

အဲဒါကို တချို့သော ပြည်ပပညာရှိကြီးတွေ၊ တတိယအုပ်စုလို့ ခေါ်နေပြောနေကြတဲ့သူတွေက ရွေးစရာလမ်းမ ရှိတော့ဘူး။ ဒါကြောင့် လတ်တလောအရှိတရားဖြစ်တဲ့ ၂၀၁၀ ရွေးကောက်ပွဲကိုသာ အခွင့်အလမ်းတရပ်အဖြစ် ယူရမယ်ဆိုတဲ့စကားဟာ တရားသေကျလွန်းနေပါတယ်၊ မျှော်လင့်ချက်မဲ့ ဇွဲလုံ့လမရှိသူတို့ရဲ့ အလျှော့ပေးရေး ၀ါဒ၊ အညံ့ခံရေးအတွေးအခေါ်သာဖြစ်ပါတယ်။ ဒါဟာ တော်လှန်ရေးအတွေးအခေါ် ချွတ်ခြုံကျသူတွေရဲ့ ဖြစ်မြဲ ဓမ္မတာပါ။ စစ်ဝါဒီတွေဟာ နောက်ဆုံးခြေလှမ်းဖြစ်တဲ့ ၂၀၁၀ ရွေးကောက်ပွဲကို ပြီးစီးအောင် မရမက လုပ်နိုင် ကောင်းလုပ်နိုင်မယ်။ ဒါပေမယ့် ဒါဟာ ပြည်သူ့အောင်ပွဲမဟုတ်၊ ဒီမိုကရေစီတိုက်ပွဲရဲ့ ဇာတ်သိမ်းခန်းလည်းမ ဟုတ်ဘူးဆိုတာ တတိယအုပ်စုဆိုသူတွေ ပညာရှင်ဆရာကြီးတွေ နားလည်ဖို့လိုပါတယ်။ တကယ်နားမလည် တာဆိုရင်တော့ ကိုယ့်ကိုကိုယ် ငါဘာကောင်လဲ ဘာဖြစ်နေပြီလည်းဆိုတာ ပြန်ဆန်းစစ်တာ ကောင်းပါလိမ့် မယ်။ ၁၉၉၀ ရွေးကောက်ပွဲက ပြီးသွားပြီ၊ သမိုင်းဖြစ်သွားပြီ လက်တွေ့နဲ့ မကိုက်ညီတော့ဘူး စသဖြင့် နအဖစစ် အုပ်စုရဲ့ ဘက်တော်သားအင်အားစုတွေက ရိုင်းရိုင်းစိုင်းစိုင်းပြောနေကြသလို မဆလတဖြစ်လဲ တစညလိုပါတီ ကတော့ ၂၀၁၀ ရွေးကောက်ပွဲကို လေသံပြင်းပြင်းနဲ့ ဘယ်လိုနည်းနဲ့မှ အပျက်မခံဘူးဆိုပြီး ခြိမ်းခြောက်သလို လုပ်နေပြန်ပါတယ်။

ဒါပေမယ့်လို့ ပြည်သူ့လွှတ်တော်ကိုယ်စားပြုကော်မတီ (CRPP) အတွင်းရေးမှူးလည်းဖြစ် ရခိုင်ဒီမိုကရေစီအဖွဲ့ ချုပ်ရဲ့ အတွင်းရေးမှူးလည်းဖြစ်တဲ့ ဦးအေးသာအောင်နဲ့ ပြည်သူ့လွှတ်တော်ကိုယ်စားပြုကော်မတီဝင်လည်း ဖြစ်၊ ဇိုမီးအမျိုးသားကွန်ကရက်ရဲ့ ဥက္ကဌလည်းဖြစ်တဲ့ ဦးပူကျင့်ရှင်းထန်တို့ရဲ့ ဒီ၂၀၁၀ ရွေးကောက်ပွဲနဲ့ ပတ် သက်တဲ့ သဘောထားကလည်း အမျိုးသားဒီမိုကရေစီအဖွဲ့ချုပ်(NLD) က ထုတ်ပြန်ထားတဲ့ “ရွှေဂုံတိုင်ကြေညာ ချက်” ရဲ့အနှစ်သာရဖြစ်တဲ့ တွေ့ဆုံဆွေးနွေးရေးနည်းလမ်းကသာ တိုင်းပြည်ရဲ့အမျိုးသားပြန်လည်ရင်ကြားစေ့ ရေးကို ဖော်ဆောင်နိုင်မှာပဲဖြစ်တယ်လို့ ပြောကြားထားပါတယ်။

ဒါကြောင့် စစ်အာဏာရှင် ဖျက်သိမ်းရေးတိုက်ပွဲအတွက် မိမိကိုယ်ကို အတွေးအခေါ်အရ ကြံ့ခိုင်တောင့်တင်း ရေး၊ ကိုယ်ခံအားကောင်းရေးတို့အတွက် လေ့ကျင့်ပြင်ဆင်သွားကြရပါမယ်။ အင်အားစုတွေအားလုံးအကြား စည်းလုံးညီညွတ်ရေးကို အထူးအာရုံစိုက် လုပ်ဆောင်သွားကြရမဲ့အချိန်၊ ကာကွယ်သွားကြရမဲ့ကာလ ဖြစ်ပါ တယ်။

ဒီတော့ ကျနော်တို့ ဘာလုပ်ကြမလဲ။ ၂၀၀၈ ဖွဲ့စည်းပုံနဲ့ ၂၀၁၀ ရွေးကောက်ပွဲဆိုတာဟာကို အစွမ်းကုန် တိုက် ဖျက်ပစ်ကြဖို့သာ ရှိတော့မှာပေါ့။ မီးကုန်ယမ်းကုန် အားစိုက်ရုန်းကန် ထကြွကြရတော့မှာပဲ။ နောက်ဆုံး ပြည် သူ့အင်အားစွမ်းပကားနဲ့သာ နိုင်ငံရေးအာဏာအပြောင်းအလဲကို ဖော်ဆောင်ကြရတော့မှာပဲ။ ဘယ်နိုင်ငံတိုင်း ပြည်မှာမဆို ပြည်သူ့အင်အားနဲ့သာ အုပ်စိုးသူလူတန်းစားရဲ့ လက်ထဲရောက်နေတဲ့ နိုင်ငံရေးအာဏာကို အုပ် စိုးခံ လူတန်းစားတွေရဲ့ ပြည်သူ့အင်အားစွမ်းပကားနဲ့သာ အဆုံးသတ် ပြောင်းလဲစေနိုင်ခဲ့တာပဲ မဟုတ်ပါလား။ ဒါကိုက ပကတိအမှန်တရားပဲ မဟုတ်ပါလား။

မိမိပြည်တွင်းရေးကို မိမိဘာသာ ဖြေရှင်းရုံမှတပါး တခြားနည်းလမ်းမရှိဖူးပါဘူး။ အဲဒါကြောင့် ပြည်တွင်းက စစ် အုပ်စုအောက်မှာ လူမှုဆင်းရဲဒုက္ခပေါင်းစုံကို ခါးစည်းကျိတ်မှိတ်ခံနေကြရတဲ့ အလုပ်သမား၊ လယ်သမား၊ ရ ဟန်းသံဃာ၊ ကျောင်းသားလူငယ်များ၊ အမှုထမ်းပေါင်းစုံနဲ့ တိုင်းရင်းသားလူမျိုးပေါင်းစုံ အမျိုးသားပြည်သူလူ ထုကြီးတရပ်လုံးကို ဆက်လက်မှီခို စည်းရုံးလုပ်ဆောင်ရင်း အမျိုးသားပြည်သူလူထုကြီးနဲ့ အတူတကွ လက်တွဲ တိုက်ပွဲဝင်နိုင်ရေး မဟာဗျူဟာနည်းလမ်းတွေကိုသာ ဆထက်ထမ်းပိုး အားထုတ်ကြိုးပမ်း ရုန်းကန်ရှာဖွေသွား ကြရမှာပဲဖြစ်ပါတယ်။

တချိန်တည်းမှာလည်း တပ်မတော်ရဲ့ အောက်ခြေတပ်မှူးတပ်သားများအကြား ပြည်ချစ်တပ်မတော်သားများ ပေါ်ထွန်းလာရေးအတွက် အားသွန်ခွန်စိုက် လုပ်ဆောင်စည်းရုံးသွားရေးကိုလည်း အထူးအာရုံစိုက်သွားရမှာ ဖြစ်ပါတယ်။ ဒီလုပ်ငန်းတွေကို အားထုတ်လုပ်ကိုင်ထားရုံမှလွဲလို့ ကျနော်တို့ဟာ ဘာမှတွေဝေ စဉ်းစားနေစရာ မလိုပါဘူး။ အံ့ဩတကြီးဖြစ်နေစရာမလိုပါဘူး။ ပြည်သူလူထုကြီးကိုစည်းရုံး ပြည်သူ့အင်အားကို တည်ဆောက် ပြီး ဒီပြည်သူ့အင်အားနဲ့ပဲ နအဖစစ်အုပ်စုရဲ့ ၂၀၁၀ ရွေးကောက်ပွဲကို ဖျက်ဆီးပစ်ပြီး အမျိုးသားပြန်လည်ရင် ကြားစေ့ရေးအတွက် တွေ့ဆုံဆွေးနွေးရေးစားပွဲဝိုင်းကို တက်လှမ်းသွားရမှာဖြစ်ပါတယ်။

နိဂုံးချုပ်ရရင်တော့ ၂၀၁၀ ရွေးကောက်ပွဲဟာ တခုတည်းသော ထွက်ပေါက်မဟုတ်ဘဲ တဒင်္ဂအရှိတရားတခု သာဖြစ်ပါကြောင်းနဲ့ “ရွှေဂုံတိုင်ကြေညာချက်”ရဲ့ အနှစ်သာရပိုင်းဖြစ်တဲ့ တွေ့ဆုံဆွေးနွေးရေးနည်းလမ်းကသာ အမှန်တကယ့် ထာဝရအရှိတရား ဖြစ်တယ်ဆိုတာကို တင်ပြလိုက်ရပါတယ်။

မောင်ခင်အေးတင့် (မဒေါက်)
၂၀၀၉ စက်တင်ဘာလ (၁၉) ရက်

http://drlunswe.blogspot.com/2009/09/blog-post_25.html

နအဖရဲ့ လုပ်ရပ်တွေကို ဒီမိုကရေစီအင်အားစုများက ကမ္ဘာသိအောင်ဖွင့်ချ ခဲ့


9/23/09 - United Nations General Assembly - Protest Rallies Against Dictators From Burma
နအဖရဲ့ လုပ်ရပ်တွေကို ဒီမိုကရေစီအင်အားစုများက ကမ္ဘာသိအောင်ဖွင့်ချ ခဲ့တယ်။ နိင်ငံတကာ ဒီမိုကရေစီအင်အားစုများနဲ့ မြန်မာ အရေး
ကိုဆက်စပ်လှုပ်ရှားနိင်အောင်ကြိုးပန်းကြတယ်။ ဒီအခန်းအနားကို ရွှေဝါရောင်သံဃာ များဖြစ်ကြတဲ့ ဦးဇင်းနတ်ဇော၊ ဦးဇင်းကောဝိဒ နဲ့ သံဃာတွေတက်ရောက်ကြတယ်။



နအဖ လက်အောက်မှာ ကျရောက်နေတဲ့ မြန်မာ ပြည်သူလူထု ရဲ့  လူမှု ဘ၀ အနိဌာရုံနဲ့  ခါးသီးတဲ့ခံစားမှုတွေကို နိင်ငံတကာ ပြည်သူတွေသိအောင် သရုပ်ဖေါ်တင်ဆက်နေတဲ့ အမေရိကန် လူငယ်လေးများ။ သူတို့ က လူပေါင်း တသောင်းကျော်လာတဲ့
လူထုအစည်းဝေးကြီး ကျင်းပရာ ကုလသမဂ္ဂအဆောက်ဦးရှေ့ မှာ တင်ဆက်ပြသနေခြင်းဖြစ်ပါတယ်။





အေဘီအက်စ်ဒီအက်ရဲဘော်ဟောင်းများဖြစ်ကြတဲ့ ကိုမောင်တိတ်၊ ကိုစောငို ( ပန်းချီ) တို့ က အစာငတ်ခံဆန္ဒပြခဲ့ကြတယ်။
အခန်းနားကိုဖြစ်မြောက်အောင်ဦးဆောင်စီစဉ်ကြတဲ့ ကိုနေတင်မြင့်၊ ကိုဖိုးခွား၊ ကိုအောင်ခန့် ၊ကိုအောင်မိုး၊ကိုတင်မောင်အေး၊ကိုသိမ်းမြင့် ၊ ကိုဇော်လင်းကျော်၊ အတာ ( ၀ါရှင်တန်ဒီစီ) နဲ့  ယူတီကာ မှ အေဘီအက်စ်ဒီအက်ရဲဘော်ဟောင်းများ ကို အထူးကျေးဇူးတင်ရှိပါတယ်။

http://komoethee.blogspot.com/2009/09/92309-united-nations-general-assembly.html

ငွေကြာယံရဲ့ အိပ်မက်ဆိုး

စက်တင်ဘာ ၂၆ ရက် ၂၀၀၇ ခုနှစ်
တောင်ဥက္ကလာပ မြို့နယ်
ငွေကြာယံကျောင်းတိုက်

ည ၁၀နာရီ…..

(ဦးသုဒ္ဒရ)

ပြီးခဲ့တဲ့ ၂ ရက်လုံးလုံး ကောင်းကောင်းမကျိန်းစက်ရသေးတာရယ် ဆွမ်းလှုနေကျတကာကြီးတွေထဲက ကိုသူရက အဖမ်းခံရ ကိုကျော်သူလဲ ရှောင်တိမ်းနေရတာကြောင့် တစ်နေ့လုံး ဆွမ်းမဘုန်းပေးလိုက်ရတာရယ် တောက်လျှောက်မိုးမိထားတဲ့ဒါဏ်တွေရယ်ပေါင်းပြီး
ကျုပ်နဲ့တခြားကိုယ်တော်တွေတော်တော်များများတော့အဖျားတက်နေကြပြီလေ

ဒါကြောင့်မနက်ကဆရာတော်ကြီးကတော့ ဖျားနာနေတဲ့ကိုယ်တော်တွေမလိုက်ကြဖို့ပြောသား
ကျုပ်ကလဲမကျေနပ်လွန်းလို့ နယ်ကနေဒီထိ ရောက်အောင်လာခဲ့ပြီးမှ ဖျားတာလေးကြောင့်နဲ့တော့ နားရမှာက ကျုပ်တို့ကိုလက်ခံထားတဲ့ ဆရာတော်ကိုအားနာပါ့ဗျာ
ဒီနေ့တော့ကျုပ်တို့ ပင်ပန်းဆင်းရဲခံရကျိုးနပ်တယ်လို့ပြောရမှာဘဲ လူထုကြီးလဲ တစတစနဲ့ပါလာတယ်လေ ကျုပ်တို့ကိုလဲမျက်ရေလည်ရွဲနဲ့ ထိုင်ထိုင်ပြီးရှိခိုးကြတာဆိုတာ
ငယ်ဖြူဘုန်းကြီးကျုပ်တောင်မျက်ရေမထိန်းနှိုင်တဲ့အထိ
ကျောင်းသားတကာလေးတွေကလဲ ကျုပ်တို့ကိုလက်ချင်းဆက်လို့ စောင့်ရှောက်ပေးကြရှာပါရဲ့
ဘုန်းကြီးကတိပေးပါတယ်တကာ တကာမတို့ရယ်
ဒီ မသမာတဲ့အစိုးရ သံဃာကိုနှိပ်စက်ရဲတဲ့အစိုးရကို ဘုန်းကြီးတို့တစ်သက်ခွင့်မလွှတ်ဘူး
ဆွမ်းရှင်တွေရဲ့စားဝတ်နေရေး ပြဿနာတွေကိုလဲ ဘုန်းကြီးတို့ကြည့်မနေရက်ဘူး
ဒီတော့ဒီလူယုတ်မာတွေကသတ်မယ်ဆိုလဲ ဘုန်းကြီးတို့ဘဲအရင်အသက်ပေးသွားမယ်
အရိုးတွေတောင်လိုပုံမှ ဒီအရေးတော်ပုံ အောင်မယ်ဆိုရင်
ဘုန်းကြီးတို့အရိုးတွေဟာ အောက်ဆုံးမှာဘဲရှိနေစေရမယ်

ဒီလိုနဲ့ ညဥ့်နက်လာတာနဲ့အမျှ အဖျားကလဲပိုပြင်းလာတာနဲ့ အစောပိုင်းက မကွေးကကိုယ်တော်တစ်ပါးလာပေးသွားတဲ့ ကော်ဖီနဲ့ငန်းဆေးကိုအမြန်သောက်ပြီး လဲစရာအပိုလဲမရှိတော့လို့ မခြောက်တခြောက်သင်္ဃန်းနဲ့ဘဲ ကြိုးစားပြီးကျိန်းလိုက်ရတယ်။

ည ၂ နာရီခန့် အချိန်….. (ဆက်ဖတ်ရန်)

တစ်မှေးလေးရရုံရှိသေး ၀ုန်းကနဲ အပြင်ကကြားလိုက်ရတဲ့အသံကြောင့်
ရုတ်တရက်လန့်နိုးသွားတယ် ကမန်းကတန်းမီးထဖွင့်တော့လဲ မီးကမလာတော့ဘူးလေ
ဘေးကကိုယ်တော်တွေလဲ ဘာဖြစ်နေမှန်းမသိတော့ အမှောင်ကြီးထဲ အထိတ်တလန့်နဲ့ပေါ့ဗျာ
ပထမဆုံးတော့ မှန်ကွဲသံတွေတခွမ်းခွမ်း စကြားရတယ် နောက်တော့ကျုပ်တို့ဘက်က ပြူတင်းမှန်တွေကိုပါခဲတွေလာထိတယ် တုတ်တွေနဲ့လိုက်ရိုက်ခွဲနေတဲ့ အသံတွေလဲကြားနေရတယ် ဒီမှာတင် ဘေးကကျောင်းဆောင်က ကိုယ်တော်တွေရဲ့ ကြောက်လန့်တကြားအော်ဟစ်သံတွေကို ကြားရတော့တာဘဲ

“ ကယ်ကြပါဦးကိုယ်တော်တို့ ဒီမှာဘုန်းကြီးတွေကိုဝိုင်းရိုက်နေကြပါတယ် “
“ အား အောင်မယ်လေး မလုပ်ကြပါနဲ့ မလုပ်ကြပါနဲ့ “
“ ရပ်ကွက်ထဲကတကာတွေကို ပြောပေးကြပါဦး “
“ မင်းတို့ မမိုက်ရိုင်းကြနဲ့နော် “

အဲဒိလိုအသံတွေချက်ချင်းပွက်လောရိုက်သွားတဲ့အချိန်မှာဘဲ ကျုပ်တို့အဆောင်ထဲမှာလဲ နောက်ဘေးပေါက်ပြေးတဲ့ကိုယ်တော်ကပြေး ခုတင်အောက်ဝင်ပုန်းတဲ့ကိုယ်တော်ကပုန်းနဲ့ပေါ့
ဒီအချိန်မှာဘဲ အရှေ့တံခါးမကြီး လဲဝုန်းကနဲပွင့်သွားပြီးတော့
“ နောက်ဘက်ကိုလိုက်ကြ နောက်ကပြေးနေကြတယ် အပြင်မထွက်စေနဲ့ တကောင်မှမလွတ်စေနဲ့ “ လို့အော်ပြီး လူတအုပ်ကြီးဝင်ရောက်လာတယ်

ပြီးတော့ဗျာ ဘာပြောကောင်းမလဲ လက်နှိပ်ဓါတ်မီးတွေထိုးပြီး မြင်မြင်ရာကို ရိုက်တော့တာဘဲ
ကိုရင်ငယ်လေးတွေ ၀ါတော် ရင့်နေတဲ့ သက်ကြီးရွယ်အိုဘုန်းကြီးတွေလဲ မရှောင်ဘူးဗျာ
သူတို့ကိုင်ထားတာတွေက သစ်ကိုင်းတုတ်တွေရော ၀ါးရင်းတုတ်တွေ သံတုတ်တွေရော စုံလို့
ဘုန်းကြီးတွေမလဲ အမှောင်ကြီးထဲ ရုတ်တရက်ဆိုတော့ အလဲလဲအပြိုပြိုပေါ့
သွေးပျက်မတတ်အော်သံတွေကြားထဲ တခွပ်ခွပ်နဲ့ ရိုက်သံတွေကလဲ နားနဲ့တောင်မဆန့်အောင်ဘဲဗျာ တချို့ကိုရင်ငယ်လေးတွေကလဲ
“ မလုပ်ပါနဲ့ဗျာ ကြောက်ပါပြီဗျာ “ လို့ငိုယိုအော်ဟစ်ရင်း အသံတွေရပ်ရပ်သွားတာကြားရတယ်
တခွပ်ခွပ်ရိုက်သံတွေကတော့မရပ်သွားတဲ့အပြင်ပိုတောင်များလာသေးတယ်

ကျုပ်လဲနောက်ဖေးကနေရအောင်ပြေးမယ်ဆိုပြီး ခြုံထားတဲ့စောင်တစ်ထည်ကိုဆွဲ ခေါင်းကိုလုံအောင်ကာ ကိုယ်ပေါ်ကို တဘုန်းဘုန်းနဲ့ကျလာတဲ့ ဒုတ်ချက်တွေအောင့်ခံပြီး အတင်းကိုရုန်းပြေးပါသေးတယ် ဒါပေမယ့်ဆွမ်းမ၀တာနဲ့ ဖျားနေတာနဲ့ ဘယ်ပြေးနှိုင်မလဲဗျာ
ကျောင်းဘေးအကွေ့ ရောက်တယ်ဆိုရင်ဘဲ ကျုပ်မျက်နှာမှာဖျောင်းကနဲဖြစ်ပြီး ပစ်လဲသွားတယ် လဲရာကမော့အကြည့်မှာတော့ ကျုပ်ရဲ့ဘယ်ဘက်မျက်လုံးတည့်တည့်ကို တုတ်တစ်ချောင်းလိုအရာတစ်ခုခု အရှိန်ပြင်းပြင်းနဲ့ ၀င်လာတာကိုနောက်ဆုံးတွေ့လိုက်ရပြီး အားလုံးမှောင်အတိကျသွားတော့တာဘဲ။

(နာရီအနည်းငယ်ခန့်အကြာ…..)

ကျုပ်လန့်နိုးလာတယ် အာခေါင်တွေလဲခြောက်ကပ်နေတယ် တံတွေးတောင်မျိုချလို့မရဘူး ခေါင်းထဲမှာလဲ တစစ်စစ်နဲ့ ထုံကျင်ကိုက်ခဲနေတယ် မျက်လုံးလဲဖွင့်လို့မရဘူး
အဆိုးဆုံးက ဘယ်ဘက်မျက်နှာတစ်ခြမ်းလုံး ထူပိန်းနေအောင်နာကျင်နေတယ်
တကိုယ်လုံးကအကြောတွေလဲသေနေသလိုဘဲ ဘာမှလှုပ်လို့မရတော့ဘူး ဒါနဲ့ အတင်းကြိုးစားပြီးမျက်လုံးဖွင့်ကြည့်တော့မှ တစ်ခုသတိထားမိတယ်
ကျုပ်ရဲ့ဘယ်ဘက်မျက်လုံး ပေါက်ထွက်သွားပြီ မျက်တောင်ခတ်ရင်မျက်လုံးရဲ့ ပိန်ရှုံ့ကျန်နေတဲ့ မျက်အိမ်ကိုသွားထိမိတယ် ရက်စက်လိုက်ကြတာဗျာ

ကျုပ်ကိုယ်ပေါ်မှာလဲ လူတွေအများကြီးပိနေတယ် ဒီအထဲကတိုးတိုးညည်းညူသံတွေလဲကြားနေရတယ်
နောက်ပြီးလူတွေကိုဆွဲဆွဲချသွားတာကိုသိနေတယ် တဖြည်းဖြည်းပေါ့လာတယ်လေ
ဘေးကအသံတွေလဲနားထဲစကြားလာရတယ်

“ ဗိုလ်ကြီး ဒီဘက်မှာအရှင်တွေ များတယ် “
“ ရှင်နေသေးရင်လဲ ရှင်းပစ်လိုက်ကွာ “
“ ဘာမှမကျန်စေနဲ့ “

ဘုရားဘုရား ဒါတကယ်မဟုတ်ပါစေနဲ့ အိပ်မက်ဆိုးဘဲဖြစ်ပါစေလို့ ဆုတောင်းနေမိတယ်
ဆုတောင်းမပြည့်ပါဘူး ဘာလို့လဲဆိုတော့ ကျုပ်ရဲ့ကိုယ်ပေါ်တည့်တည့်ကနေ

“ မလုပ်ပါနဲ့ အကိုတို့ရယ် ကျွန်မအသက်ကိုချမ်းသာပေးကြပါ “
“ ကျွန်မမှာ ကိုယ်ဝန်ကြီးနဲ့ပါ မရက်စက်ကြပါနဲ့ ရှင် “ လို့ကြားလိုက်တယ် တဆက်ထဲဘဲ

“ ဒီကောင်မကိုအရင်ရှင်းပစ်ဟေ့ “ ဆိုတဲ့အသံရဲ့နောက်မှာ

“ အား အား “ ဆိုပြီး နာနာကျင်ကျင် ညည်းညူသံနဲ့အတူ ကျုပ်ကိုယ်ပေါ်မှာလဲ လှုပ်ခတ်သွားတာကိုခံစားလိုက်ရပါတယ် နောက်ထပ်လဲဘာအသံမှမကြားရတော့ဘူး
ပြီးတော့ စူးရှပြင်းထန်တဲ့ ညှော်နံ့တွေကိုလဲသတိထားမိလာတယ်
ဟာ ဒါဆိုရင်…..
မဖြစ်နှိုင်ပါဘူး ….. လုံးဝမဖြစ်နှိုင်ဘူး….. ဒီလောက်တော့လုပ်ရက်ကြမယ်မထင်ပါဘူး…..
မြန်မာတွေဘဲဗျာ….. ဗုဒ္ဓဘာသာတွေဘဲလေ…..

တွေးလို့တောင်မဆုံးသေးဘူး ကျုပ်အလှည့်ရောက်လာပါရောဗျာ

“ ဒီကတုံးကလဲ မသေနှိုင်သေးပါလား “ လို့တစ်ယောက်ကပြောသံကြားတယ်

“ ဆွဲသာထည့်လိုက်ကွာ “ လို့လဲပြောတယ်

ပြီးတော့ကျုပ်ကို ခြေနှစ်ဘက် လက်နှစ်ဘက်ဆီ ကနေဆောင့်ဆွဲလိုက်ကြတယ်
တကိုယ်လုံးစူးကနဲဖြစ်အောင် နာကျင်သွားတယ်ဗျာ
ပြီးတော့ဘုန်းကနဲပစ်တင်လိုက်တဲ့အခါ မီးဖိုပေါ်က ဒယ်အိုးပေါ်ကို ရောက်သွားသလိုဘဲ
လက်တွေခြေတွေကအသားတွေ ရှဲကနဲမြည်သွားတယ်
ကျုပ်လဲနာကျင်လွန်းလို့ အားကနဲ တချက်အသံထွက်လာတယ် ရယ်သံတစ်ချို့သဲ့သဲ့ကြားတယ်

ကျုပ်ကိုတွန်းထဲ့လိုက်ပြီးဂျိန်းကနဲ တံခါးမပိတ်လိုက်ခင်မှာ နောက်ဆုံးတစ်ခုတော့သေချာမြင်လိုက်တာရှိတယ်
ကျုပ်ယုံကြည်ကိုးကွယ်တဲ့ ဗုဒ္ဓဘုရားရှင်ရဲ့ မျက်နှာတော်ကို မီးတောက်ကြီးတွေကြားထဲမှာ သေချာကိုတွေ့လိုက်ရပါတယ်...



( ဖြစ်ရပ်မှန်များအပေါ် အခြေခံ၍ စိတ်ကူးပုံဖေါ်ထားပါသည် အကြောင်းအချက်မကိုက်ညီပါက ခွှင့်လွှတ်ပေးကြပါရန် တောင်းပန်ပါသည်)

မျိုးချစ်

မူရင်း - http://myochitmyanmar.blogspot.com/2007/10/blog-post_08.html

ပါလီမန်ဒီမိုကရေစီပါတီစာစောင်(စက်တင်ဘာ၂၅.၂၀၀၉)

ဖိုင်ရယူရန်

Binder1(2)

နိုးထကြလော့

25September ဒိုင်ယာရီ

ဇိုင်ရယူရန်


25 September News

ဂန္ဓာလရာဇ်မင်းတြားကို နေပြည်တော်တိုင်းက မချေမငံပြုမူ နေသလော



သောကြာနေ့၊ 25 စက်တင်ဘာလ 2009 သျှမ်းသံတော်ဆင့်


သမီးကညာအပါအ၀င် လက်ဆောင်ပဏ္ဏာများ ပုံမှန် ဆက်သနေမှသာ ဧကရာဇ်မင်းများက အမျက်တော် မထား ပဲ အမြဲ ကြည်ဖြူကာ ထီးနန်းအုပ်ချုပ်ပိုင်ခွင့်ကို ပေးသနားထားကြသည်။

လက်ဆောင်ဆက်သနေခြင်းများ ဖြတ်တောက်လိုက်ကာ အကြောင်းမပြန် အဆက်အဆံမပြုပဲ တင်းခံလာပါက ဘုန်းတော်ကြီးသည့် အရှင်ကိုယ်တော်မင်းတြားကြီးအား အာခံချေပြီ တကားဟု အထင်ရောက်ကာ အမျက်တော် ရှ၍ ကျူးကျော် စစ်ပြု ထီးနန်းချခဲ့ကြသည့် အစဉ်အလာများရှိခဲ့သည်။

ထိုအကြောင်းအရာများကတော့ လွန်ခဲ့သည့်နှစ်ပေါင်း (၅၀၀) လောက်က ပဒေသရာဇ်မင်းနိုင်ငံများ၏ ဆက်ဆံ ရေး ပုံစံ တစ်ခုဖြစ်သည်။

ယခုခေတ်သည် ပဒေသရာဇ်ခေတ် မဟုတ်တော့သဖြင့် သမီးကညာနှင့်တံစိုးလက်ဆောင်များ ဆက်သ၍ ထီးနန်း သက်ရှည်အောင် တခြားတစ်ပါးသောနိုင်ငံများ၏ သြဇာခံနေရသူများရှိနိုင် မရှိနိုင်ဆိုသည်မှာ အငြင်းပွားဖွယ်ရာဖြစ်သည်။

သည်နေရာတွင် လူတို့၏အပြုအမူများထဲမှ မြင်ရလေ့ရှိသော အလုပ်များနှင့် နိုင်းယှဉ် ပြောလိုသေးသည်။

တစ်ကျောင်းလုံးက မောင်မဲက မောင်ဖြူကို ကြောက်ရွံ့နေရကြောင်း သိရှိနေကြသည် ဆိုပါစို့။

ထိုအခါ မောင်မဲက မောင်ဖြူကို မကြောက်ဖူးဆိုတာ လူအများသိသာစေရန် ပြသချင်၍ မောင်ဖြူရှေ့ တည့်တည့် တွင် အကျီချွတ်ဗလ ထုတ်ပြတာမျိုး လုပ်ပြလိုက်သည်။ မောင်မဲကဲ့သို့သော လုပ်ရပ်ရှိသူများကို တွေ့ဖူးကြမည်လည်းဖြစ် သည်။

ယနေ့တရုတ်နယ်စပ်ရှိ ကိုးကန့်လက်နက်ကိုင်အဖွဲ့ကိစ္စတွင် ဗမာစစ်ဗိုလ်ချုပ်များက တရုတ်အပေါ် မောင်မဲကဲ့သို့ပြုမူခဲ့သလားဟု တစ်ခါတစ်လေတွေးမိသည်။

လွန်ခဲ့သည့် နှစ်(၂၀) ကာလအတွင်း မြန်မာစစ်ဗိုလ်ချုပ်များ အာဏာသိမ်းယူခဲ့ချိန်မှစ၍ ယနေ့အချိန်အထိ အင် အားကြီး တရုတ်ပြည်နှင့် မြန်မာစစ်ဗိုလ်ချုပ်အုပ်စုတို့ ဆက်ဆံရေးတွင် တစ်ကမ္ဘာလုံးက တရုတ်အား မြန်မာ စစ်ဗိုလ်များအပေါ် သြဇာအရှိဆုံးနိုင်ငံတစ်ခုဟု ထင်မြင်ယူဆခဲ့ကြသည်။

တကယ်တန်းတွင် အများယူဆသလိုမဟုတ်ပဲ မြန်မာစစ်ဗိုလ်ချုပ်များက ဆက်ဆံရေး၌ အသာစီးရနေခြင်း ဖြစ် ကြောင်း အကဲခတ်တချို့က ယူဆသည်လည်းရှိသည်။

နှစ် (၂၀) ကာလအတွင်း မြန်မာစစ်ဗိုလ်ချုပ်တစ်စုက တရုတ်ပြည်၏ အကျိုးစီးပွားနှင့်လိုအပ်ချက်များ အပေါ် မက် လုံး ပေးဆွဲဆောင်ကာ လှလှပပ အသုံးချခဲ့ခြင်းဖြစ်သည်ဟု သူတို့က ဆိုကြသည်။

တရုတ်ပြည်သို့ သွယ်တန်းမည့် ရေနံနှင့်ဂက်(စ်)ပိုက်လှိုင်းကိစ္စကို ကြည့်ခြင်းအားဖြင့် တရုတ်အားမည်သို့ အသုံးချ ခဲ့သည်ကို သိသာစေသည်။

အိန္ဒိယနိူင်ငံသည် ဂက်(စ်)၀ယ်ယူရေးတွင် တရုတ်ထက်ငွေပိုပေးခဲ့သော်လည်း မြန်မာဗိုလ်ချုပ်များက ငွေပိုရ သည့် အိန္ဒိယကို မရောင်းပဲ တရုတ်ကိုရောင်းခဲ့ခြင်းမှာ အကြောင်းမဲ့မဟုတ်ပါ။

တိုင်းရင်းသားလက်နက်ကိုင်အဖွဲ့နယ်မြေများအတွင်း ဖြတ်သန်းသွယ်ယူမည့်အဆိုပါ ပိုက်လှိုင်းများသည် ငြိမ်းချမ်း ရေး လက်နက်ကိုင်အဖွဲ့များအပေါ် ထိန်းချုပ်နိုင်ရန်နည်းလမ်းတစ်ခုအဖြစ် အသုံးချသွားခြင်းဖြစ်သည်။

၂ ကောင်ကျွေး၍ ကင်းယူမည့်အကွက်မျိုးဖြစ်သည် ။ တရုတ်နယ်စပ်ရှိ စစ်ရေးလေ့လာသူ ဦးအောင်ကျော်ဇောကခေတ်ပြိုင်နှင့်အင်တာဗျူးတွင် ဂက်(စ်) ပိုက်လှိုင်း၂ လှိုင်းနဲ့ တရုတ်က လည်စင်းပေးနေရသည့် အဖြစ်မျိုးရောက် နေကြောင်း ပြောကြားခဲ့သည်။

မကြာသေးမှီက တရုတ်နယ်စပ်အနီးဖြစ်ပွားခဲ့သည့် ဗမာစစ်တပ်နှင့် ကိုးကန့်လက်နက်ကိုင်တပ်ဖွဲ့တို့၏ လက်နက် ကိုင် ပဋ္ဋိပက္ခတွင် ကိုးကန့်လက်နက်စက်ရုံကိစ္စကို တရုတ်က သတင်းပေး၍ ပူးပေါင်း ဆောင်ရွက်ခဲ့ကြောင်း ပြော ကြားရခြင်း၏ နောက်ကွယ်မှ ရည်ရွယ်ချက်မှာ စိတ်ဝင်စားစရာကောင်းလှသည်။

တရုတ်က ယခုလို လက်နက်စက်ရုံရှိကြောင်း တရုတ်ကပြောခဲ့သည် ဆိုအုံးတော့ တရုတ်သတင်းပေးခဲ့ကြောင်း ထုတ်ဖေါ်ရန် သင့်မသင့်ဆိုသည်မှာ သာမန်လူတစ်ယောက်အနေဖြင့်ပင် ဆုံးဖြတ်နိုင်လောက်သည်။

ဗမာစစ်ဗိုလ်ချုပ်များက မည်သည့်ရည်ရွယ်ချက်ဖြင့် ယခုလို တမင်ဂျောက်ချလိုက်သနည်း ဆိုသည်မှာ စဉ်းစား စရာ ဖြစ်သည်။

ယခုကိစ္စက နယ်စပ်မှာတင်ဖြစ်သည့်ကိစ္စမို့ အရေးမကြီးသော်လည်း တကယ့် ရေထဲမိုးထဲတွင် နောက်ကျော ဓါးဖြင့် ထောက်သည့် အဖြစ်မျိုးကြုံရစရာရှိနေသည်။

တရုတ်ကို ကိုးကန့်နွယ်ဖွားများအပါအ၀င် အားလုံးက၀ိုင်းမုန်းတီးကြရန် လက်ညိုးထိုးအပစ်ဖို့ကြရန် တမင် ထုတ် ပြောလိုက်ခြင်း ဖြစ်ဖွယ်ရာရှိသည်။

ဗမာစစ်ဗိုလ်ချုပ်များက အမေရိကန်နှင့်အနောက်ကမ္ဘာကို ဆက်ဆံရေးကောင်းလို၍ တရုတ်အပေါ် ကလန်က ဆန် လုပ်ပြနေခြင်း ဖြစ်နိုင်ကြောင်း လေ့လာသူများက ဆိုသည်။

၎င်းမှာ (၂၀၁၀) တွင် ကျင်းပမည်ဆိုသည့် ရွေးကောက်ပွဲနှင့် ဆက်နွယ်သည်။ အဆိုပါ ရွေးကောက်ပွဲကို အနောက် ကမ္ဘာက ထောက်ခံစေရေး အတွက်ဖြစ်သည်။ အထူးသဖြင့်အမေရိကန်၏ထောက်ခံမှုကိုရရှိရန် အထူးမျှော်လင့်လိုလား နေပုံရသည်။

မကြာမှီ ၀ါရှင်တန်သို့ သွားမည့် နအဖ၀န်ကြီးချုပ်သိန်းစိန်၏ ခရီးစဉ်သည် အမေရိကန်နှင့် ဆက်ဆံရေးကောင်းမွ န်စေရန် ကြိုးပမ်းမှုတစ်ခုဖြစ်ပြီး ထိုမှတဆင့် (၂၀၁၀) ရွေးကောက်ပွဲအပါအ၀င် နအဖ၏အစီအစဉ်များကို ထောက် ခံမှုရစေရန် ခြေလှမ်းပြင်ခြင်းဖြစ်သည်။

အမေရိကန်နှင့်မြန်မာစစ်ဗိုလ်ချုပ်များ၏ ဆက်ဆံရေးသည် အချိုးအကွေ့တစ်ခုဆီသို့ ကူးပြောင်း လာနေကြောင်း ကို မကြာမှီက ရေကူးသမား ယက်တောကိစ္စနှင့် နေပြည်တော်လာရောက်ခဲ့သည့် ဂျမ်ဝက်ခရီးစဉ်ကို ကြည့်ပြီးနိုင်ငံတကာ ရေးရာ ကျွမ်းကျင်သူများ အပြောကို ကိုးကား၍ သတင်းမီဒီယာများက ဖေါ်ပြကြသည်။

ထိုသို့ဆိုလျှင် တရုတ်ပြည်၏ အခန်းကဏ္ဏသည် မှေးမိန်သွားမှာလားဆိုသည်မှာ မေးခွန်းသစ်တစ်ခု တိုးလာခြင်းဖြစ်သည်။

မိမိအာဏာလိုအပ်ချက်များ အတွက် မီးစင်ကြည့်၍ အကွက်ပြောင်းကနေသည့် ဗမာစစ်ဗိုလ်ချုပ်တို့အဖို့ အသက် ရူချောင်ခွင့်ရှိမရှိ ဆိုသည်မှာလည်း စိတ်ဝင်စားဖွယ်ရာဖြစ်လေသည်။
SOURCE

လက်နက်ကိုင်အကြမ်းဖက်မှုကိုလုပ်နိုင်တာ စစ်အုပ်စုပဲရှိပါတယ်။



သားဆွေ

စက်တင်ဘာ ၂၅၊၂၀၀၉။ GMT+2:00. 9:39

စက်တင်ဘာလ ၁၈ ရက်နေ့က ငြိမ်ပိ အာဏာသိမ်းခဲ့တဲ့နေ့။ အာဏာသိမ်း အထိမ်းအမှတ်အဖြစ်နဲ့ နအဖ စစ်ကောင်စီ က အကျဉ်းသားတွေ လွှတ်တယ်။ လွှတ်ပေးလိုက်တာ ၇၁၁၄ ယောက်ရှိတယ်။ NLD စာရင်း အရ ထောင်ကလွတ်လာ တဲ့အထဲမှာ နိုင်ငံရေးအကျဉ်းသား ၁၁၉ ယောက်ပါတယ်။ ရာခိုင်နှုန်းအရ 1,7 ရာခိုင် နှုန်း။ ကွင်းလုံးကျွတ် လွှတ်ပေး လိုက်တာမဟုတ်။ ၄၀၁ ခြေမန်းကွင်း တပ်ပြီး လွှတ်ပေးလိုက်တာ။ ရဲဘော်သည် သံ၊ တိုက်ပွဲသည် မီး၊ အကျဉ်းထောင် သည် တူ။ သံဟာ မီးနဲ့ တူနဲ့ ထိတွေ့ပြီးရင် ပိုပြီးထက်မြက်လာတတ်တယ်။ ပိုပြီး တောက်ပလာတတ်တယ်။ အကျဉ်း ထောင်ဟာ ဖက်ဆစ်ငရဲခန်းပဲ။ ဖက်ဆစ်ငရဲခန်းထဲမှာ နေခဲ့ရတဲ့ ကျနော်တို့ရဲ့ နိုင်ငံ့သားကောင်းတွေဟာ ရုပ်ပိုင်းအရ ချိနဲ့သွားခဲ့ကြရတယ်။ ဒါပေမယ့် စိတ်ဓါတ်ရေးရာမှာ အမြင့်မားဆုံးအဆင့်မှာ ရှိနေတယ်။

နအဖ စစ်ကောင်စီရဲ့ စိတ်ဓါတ်ရေးရာအခြေအနေက အောက်ဆုံးအဆင့်မှာရောက်နေတယ်။ ၁၉၈၈ တုန်းကလို အခြေ အနေမျိုးပြန်ပြီးဆိုက်ရောက်နေတယ်။ အမြင်အားလုံးကို စစ်ရေးအမြင်နဲ့ကိုင်တွယ်နေတယ်။ ၈၈ တုန်းကလိုပဲ နယ်မြေ တွေကို အရောင်တွေနဲ့သတ်မှတ်နေရတယ်။ စက်တင်ဘာလ တလလုံး အရေးပေါ်အခြေအနေအဆင့် သတ်မှတ်ထား တယ်။ မြို့ ကြီး ပြကြီး မှန်သမျှ “အညိုရောင်နယ်မြေ”။ လုံခြုံရေးတွေထူထူထဲထဲချထားရတယ်။ အဖမ်း အဆီးများတယ်။ ရခိုင်ပြည်နယ်ဘက်မှာ အခု ဖမ်းထားတာ ၄၀ လောက် ရှိတယ်။ ပခုက္ကူမြင်းခြံ ဘက်မှာလည်း အဖမ်းအဆီး တွေရှိတယ်။ သေနတ်မပေါက်တော့ပြီ ငြိမ်းချမ်းပြီဆိုတဲ့ နယ်စပ်ဒေသတွေနဲ့ အပစ်အခတ်ရပ်ထားတဲ့ တိုင်းရင်းသား နယ်မြေဒေသ တွေကျတော့“အမည်းရောင်နယ်မြေ”သို့ကလို သတ်မှတ်ထားတယ်။ အဖြူရောင်နယ်မြေဆိုလို့ ကြပ်ပြေးက မြေအောက် လှိုင်ခေါင်းပဲရှိတယ်။

ပြည်သူလူထုနဲ့ နအဖ စစ်ကောင်စီ ဆက်ဆံရေးအခြေအနေက ချောမွေ့မှုမရှိဘူး။ အထူးသဖြင့် သံဃာတော်တွေနဲ့ နအဖ ဆက်ဆံရေးအခြေအနေက အတင်းမာဆုံး အခြေအနေမှာရှိနေတယ်။ စက်တင်ဘာလမှာ နအဖ အာဏာသိမ်းခဲ့တယ်။ အရင်ကတော့ စက်တင်ဘာလ က နအဖ အဖို့ အောင်ပွဲခံတဲ့လ ဖြစ်ခဲ့ကောင်းဖြစ်ခဲ့မယ်။ အခုတော့ စက်တင်ဘာလဟာ နအဖ စစ်ကောင်စီအဖို့ ခြောက်ခြားစရာအကောင်းဆုံးလ ဖြစ်နေတယ်။ စက်တင်ဘာလ မှာ သံဃာတော်တွေ သွေးမြေ ကျခဲ့တယ်။ စက်တင်ဘာမှာ ဘုရားသား၊ ကျောင်းသား၊ ပြည်သူပြည်သား ပေါင်းစည်းမိခဲ့တယ်။ စစ်သားတွေ ပေါင်းစည်း လာဖို့ပဲလိုတော့တယ်။ အခု လူထုကြားမှာ စစ်သားတွေရှိနေတယ်။ ကျောင်းသားတွေ လူငယ်တွေက စစ်သားတွေကို ရင်းနှီးစွာ ဆက်ဆံကြမယ်။ ပြည်သူပြည်သားတွေက တပ်မတော်သားတွေကို ကျွေးမွေးပေးကမ်းကြမယ်။ သံဃာတော် တွေက မေတ္တာတရားလက်ကိုင်ထားဖို့ ဟောကြားကြမယ်။ စစ်သားနဲ့လူထုရင်းနှီးမှုရှိအောင် လုပ်ယူကြမယ်။ အဲသလို ဖြစ်မှာ နအဖ စစ်ကောင်စီ ကြောက်တယ်။ မကြာခင် တပ်တွေ ပြန်ရုပ်သိမ်းလိမ့်မယ်။ စစ်သားတွေနဲ့ ပြည်သူလူထု ရင်း နှီးသွားမှာ နအဖ စစ်ကောင်စီ မလိုလားဆုံးဖြစ်တယ်။

“အမည်းရောင်နယ်မြေတွေ“မှာ အခြေအနေကမတည်ငြိမ်။ လက်နက်အသင့်ငြိမ်းချမ်းရေး။ မနက်ဖန် ထတိုက်မလား -သန်ဘက်ခါ ထတိုက်မလား။ အခြေအနေက ပေါက်ကွဲတော့မယ့် ဗုံးတလုံး။ အဲဒီဗုံးက ရိုးရိုးဗုံးမဟုတ်ပဲ ချိန်ကိုက်ဗုံးဖြစ် သွားမှာ စစ်အုပ်စုကြောက်တယ်။ ဆိုလိုတာက…အချိန်ကိုက် တပြည်လုံး တပြိုင်နက် လက်နက်ကိုင်အုံကြွမှာ စစ်အုပ်စု ကြောက်တယ်။ တပြည်လုံးနဲ့ တယောက် ချရတော့မယ်လေ။ စစ်ရေးမျက်နှာစာမှာ အကြပ်အတည်း ရင်ဆိုင်ရရင် ပြည် တွင်းမြို့ပြမျက်နှာစာမှာ အုံကြွတော်လှန်မှုတွေဖြစ်လာနိုင်တယ်။(နိုင်ငံတကာ ဖိအားပေးမှုတွေဝင်လာမယ်။) ဆိုတော့ ဒီလို တပြည်လုံးနဲ့တယောက်ချမယ့် စစ်ဗျူဟာမျိုးကို နအဖ စစ်ကောင်စီ ကျင့်သုံးလိမ့်မယ်လို့ မထင်။
တကောင်ချင်း ဆွဲစားသည့် ဗျူဟာကိုသာ ကျင့်သုံးမှာဖြစ်တယ်။

ဟိုတုန်းက တယောက်ချင်းလာ၊ တဖွဲ့ချင်းဝင်၊ နိုင်ငံရေးစကားနောက်မှပြော၊ ဒေသဖွံ့ ဖြိုးရေးအရင်လုပ် ဆိုတဲ့ အပစ် အခတ်ရပ်ဆိုင်းရေးမူအရ တဖွဲ့ချင်းနဲ့ အပစ်အခတ် ရပ်ဆိုင်းခဲ့တယ်။ အခုလည်း ဟိုတုန်းကလို အကြံမျိုးနဲ့ တဖွဲ့ချင်းကို ဖဲ့စားဖို့ ချောင်းနေတာဖြစ်တယ်။ ကြောင်ကိုခြောက်ဖို့ စာကလေးကို သတ်ပြခဲ့ပြီးပြီ။ မြောက်ပိုင်းက ကိုးကန့်အဖွဲ့ကို လုပ် သွားတာ ပူပူနွေးနွေး ရှိသေးတယ်။ အင်အား (လက်နက်၊ ရိက္ခာ၊ လူသူ၊ ငွေကြေး၊ နယ်မြေဒေသ၊ စစ်ရေးနိုင်ငံရေး မဟာမိတ်၊ လူထုကြောထောက်နောက်ခံ၊)နည်းတဲ့ အဖွဲ့တွေအဖို့ အထူး သတိဝိရိယရှိကြဖို့လိုအပ်ပါတယ်။ ကိုယ့်အားနည်းချက်တွေ ကို စစ်ဆေးပြီး ပြင်ဆင်ထားနိုင်မှ တော်ကာကျမယ်။ ခြင်းထဲကကြက်လိုဘ၀မျိုးက အခံရခက်ပါတယ်။ မြေခွေး ကတော့ တကောင်ချင်းလာစားနေမှာပဲ။ ကိုယ့်ဘက်က “တအုပ်လုံး ခုခံတဲ့နည်း” နဲ့ တုံ့ပြန်နိုင်ဖို့ ပြင်ဆင်ထားသင့်တယ်။

“၀“ တွေကိုတိုက်ဖို့ဆိုရင် လေယာဉ်တွေသုံးမယ်တဲ့။ ကိုးကန့်ကိုတိုက်အပြီးမှာ စစ်သွေးတွေကြွ မာန်တွေတက်ပြီး ရေ လည်လန်းနေတဲ့ နအဖ စစ်ကောင်စီဝင် တိုင်းမှူးတယောက်ပြောခဲ့တယ်။ ဆိုတော့…ဘယ်လိုလေယာဉ်မျိုးလဲ၊ ဘယ် လောက်ကျွမ်းကျင်တဲ့ တိုက်လေယာဉ်မှူးတွေ ရှိနေလို့လဲ ကျနော်တို့မှာစဉ်းစားစရာတွေဖြစ်လာပါတယ်။ တိုက်လေယာဉ် တွေအကြောင်းကတော့ စစ်ရေးကျွမ်းကျင်သူတွေ ပိုပြီးသိပါလိမ့်မယ်။ ကျနော်တို့ကတော့ တိုက်လေယာဉ်မှူးတွေရဲ့ စိတ်ဓာတ်ရေးရာ အခြေအနေကို ဦးစားပေး လေ့လာပါတယ်။ တိုက်လေယာဉ်မှူး တယောက်ကို သာမန် ထရပ်ကား မောင်းတဲ့ စစ်သားတယောက်လို သဘောထားလို့မရပါဘူး။ သူ့မှာ လိုအပ်တဲ့ပညာအရည်အချင်း၊ လုံလောက်တဲ့ လေ့ ကျင့်မှု ရှိဖို့လိုပါတယ်။ နအဖ တပ်တွင်းအခြေအနေက ဒါမျိုးတွေကိုခွင့်ပြုမထားတဲ့အပြင် ကြီးနိုင်ငယ်ညှင်း ဆက်ဆံရေး ကို တွင်တွင်ကျယ်ကျယ် ထူထောင်ထားတာ ဖြစ်ပါတယ်။ ဒါ လေတပ်တခုထဲမှာဖြစ်နေတာမဟုတ်ဘူး။ ကြည်း ရေ လေ အားလုံးမှာဖြစ်နေတာဖြစ်ပါတယ်။ မတတ်သာလို့အမိန့်နာခံနေကြရမယ်။ မလွှဲသာလို့ခိုင်းတာလုပ်နေရမယ်။ အခြေအနေ ပေးတာနဲ့ လူထုဖက်ကို ပူးပေါင်းကြမှာပဲ။ နယ်စပ်နဲ့နီးတဲ့နေရာတွေမှာရောက်နေတဲ့ စစ်တပ်တွေက စစ်သားတွေဆို တော်လှန်ရေးတပ်တွေနဲ့ ပူးပေါင်းကြတယ်။ တဖက်နိုင်ငံတွေထဲ ၀င်ပြေးကြတယ်။ တတိယနိုင်ငံရောက်ကုန်တယ်။ ဒါမျိုးတွေအများကြီး ဖြစ်နေ တယ်။ ဖင်လန်နိုင်ငံမှာတင်ပဲ တပ်ကပြေးလာတဲ့ တပ်ပြေးရဲဘော်လေးတွေ တပုံကြီးရှိတယ်။ နအဖ ထိုးစစ်ကြောင့် ဒေသခံလူထုတွေ ထွက်ပြေးနေရသလို၊ စစ်သားတွေကိုယ်တိုင်ပါ ထွက်ပြေးနေကြရတယ်။ ကိုယ့် ဘက်က လုပ်ရမှာက ထွက်ပြေးလာတဲ့ သူတွေကို အဖြူ အမည်း ခွဲမနေပဲ နွေးထွေးစွာ ကြိုဆိုဖို့နဲ့ လုံခြုံမှုကို အာမခံပေးဖို့ လိုပါတယ်။ တပ်ကထွက်ပြေးတာဟာ စစ်အာဏာရှင်စနစ်ကို ကိုယ့်နည်းကိုယ့်ဟန်နဲ့ (ခေတ်မှီစွာ) တနိုင်တပိုင် ဆန့်ကျင် တာ ဖြစ်တယ်လို့ ယူဆနိုင်ပါတယ်။

နအဖ စိတ်ဝင်စားနေတဲ့ အကြောင်းအရာ အတော်များများရှိပါလိမ့်မယ်။ ဒါပေမယ့် လောလောဆယ် အကြောင်းအရာ ၄ ခုအပေါ်မှာ အာရုံစိုက်ထားတာ တွေ့ နေရတယ်။

၁) စက်တင်ဘာ ရွှေဝါရောင်တစ္ဆေ အခြောက်ခံနေရတယ်။ မြို့ပေါ် ဖိနှိပ်မှုတွေ နင်းကန်လုပ်နေတယ်။
၂) ဒေါ်အောင်ဆန်းစုကြည်အမှု တကျော့ပြန်ဝင်လာနေတယ်။ အောက်တိုဘာလဆန်းတာနဲ့ ဆုံးဖြတ်ရတော့မယ်။
၃) နယ်ခြားစောင့်တပ်အဖြစ်အသွင်ကူးပြောင်းရေးကို ၆လအချိန်ပေးထားတယ်။ အောက်တိုဘာလထဲမှာအချိန်စေ့မယ်။
၎) အမေရိကန်အစိုးရက မြန်မာနိုင်ငံဆိုင်ရာမူဝါဒရေးရာပြုပြင်မှုတွေလုပ်မယ်။ အောက်တိုဘာလထဲမှာပဲ။

ဒီအကြောင်းအရာ ၄ ခု ကို ၂၀၀၉ ခုနှစ်မှာ အပြတ်ဖြတ်ထားနိုင်မှ ၂၀၁၀ ရွေးကောက်ပွဲကို စိတ်အေးလက်အေး လုပ်နိုင် မယ်လို့ နအဖ စစ်ကောင်စီက ယူဆနေပုံရပါတယ်။ ရွေးကောက်ပွဲက ၂၀၁၀ မှာလုပ်မယ်သာပြောတယ်။ ဘယ်တော့ ဆို တာ မကြေညာရဲသေးဘူး။ ရွေးကောက်ပွဲဥပဒေမထုတ်ပြန်ပဲ လက်ဦးမှုယူတဲ့အနေနဲ့ သူ့ဘက်ကအရင်စပြီး အကြို စည်း ရုံးမှုတွေလုပ်နေတယ်။ ၀န်ကြီးတွေ ၀န်ကလေးတွေက အမတ်စာရင်းသွင်းနေကြတယ်။ ၂၀၁၀ ရွေးကောက်ပွဲကို ဗလာ ချည်ထောက်ခံနေတဲ့ အေးလွင်တို့ နေမျိုးဝေတို့ ဦးသုဝေ တို့ကလည်း ဒါတွေကြည့်ပြီး လိုက်လုပ်ကြရော။ ကိုယ့် သဘော နဲ့ကိုယ် ဆိုင်းဘုတ်တွေထောင်၊ ဟောပြောမှုတွေလုပ်ကြတော့ နအဖ စစ်ကောင်စီ ကျွဲမြီးတိုသွားပုံရတယ်။ ခေါ်ပြီး ဆူပူ ကြိမ်းမောင်းတာတွေ့ရတယ်။ စစ်အုပ်စုသွားနေတာက လက်ဦးမှုယူပြီးသွားနေတာ။ ဒါကို နားမလည်ကြဘူး ဆိုတော့ အင်း .. အရိပ်၃ပါးနားမလည်တဲ့ ချေသူငယ်ဟာ နောက်ဆုံးမှာ ကျားစာဖြစ်တာပဲ လို့သာ ပြောရတော့မှာပဲ။ စစ်အုပ်စု သွားနေတာက သပိတ်ဝင်အိတ်ဝင်နည်း “အရင်ထောက်ခံကြ နောက်မှ ထုတ်ပြန်ကြေညာမယ်”။ အဲဒီလို။

၂၀၀၈ ဆန္ဒခံယူပွဲတုန်းကလည်း ဒီလိုပဲ လုပ်ခဲ့တယ်မဟုတ်လား။ ဆန္ဒမဲကပေးရတော့မယ်။ ဖွဲ့ စည်းပုံက လူထုလက်ထဲ မရောက်သေးဘူး။ ထွက်လာတော့လည်း ပိုက်ဆံပေးဝယ်ကြတဲ့။ တကဲ့ သပိတ်ဝင်အိတ်ဝင်နည်း။ ဆန္ဒမဲသာပေးရတယ် ဖွဲ့စည်းပုံဆိုတာကြီးက ငပြူးလား ငပြဲလား မသိခဲ့ကြရဘူး။ ငပြူးမှန်းမသိ ငပြဲမှန်းမသိ မဲပေးခဲ့ကြရတယ်။ အခုလည်း စစ်အုပ်စုက ၂၀၁၀ ရွေးကောက်ပွဲကို အရင်လက်ခံတယ်ပြော။ ကျန်တာနောက်မှပေါ့။ ဒီလိုမျိုးလုပ်ချင်တယ်။ ကေအိုင်အို ကချင်နဲ့ ဆွေးနွေးတော့ ဒီလိုပဲပြောတာပဲ။ ကေအိုင်အိုက ရွေးကောက်ပွဲကို ကေအိုင်အို အနေနဲ့ မ၀င်ဘူး။ ပါတီသပ်သပ် ထောင်ပြီး ၀င်မယ်ဆိုတော့ နအဖ အောင့်သက်သက်ဖြစ်တယ်။ ပါးစပ်က မူအားဖြင့်သဘောတူညီမှုရပြီ လို့သာ တုံ့ပြန် လိုက်ရတယ်။ စိတ်ထဲကမပါဘူး။ အကြံထုတ်နေတယ်။

မွန်အမျိုးသားတွေကလည်း စစ်အုပ်စုအထာကို ကောင်းကောင်း ပေါက်ကြပါတယ်။ လုပ်ငန်းကော်မတီတခုဖွဲ့လိုက်တယ်။ လုပ်ငန်းကော်မတီက ရွေးကောက်ပွဲဝင်သင့် မ၀င်သင့်အရင်လေ့လာမယ်။ နောက်မှ ၀င်ချင်ဝင်မယ်။ ၀င်မယ်ဆိုတော့မှ လုပ်ငန်းကော်မတီ ကနေ နိုင်ငံရေးပါတီအဖြစ်အသွင်ကူးပြောင်းကြလိမ့်မယ်။ စစ်အုပ်စုရဲ့ “အရင်ထောက်ခံကြ နောက်မှ ထုတ်ပြန်ကြေညာမယ်” ကို “အရင်ထုတ်ပြန်လိုက် နောက်မှ သဘောထားပေးမယ်“ နဲ့ တုံ့ ပြန်လိုက်တာဖြစ်တယ်။
အမျိုးသားဒီမိုကရေစီအဖွဲ့ချုပ်ကလည်း ရွှေဂုံတိုင်ကြေညာချက်မှာ အလားတူပြောထားတာပဲ။ ၂၀၁၀ တွက်ကိန်းက မှန်း ချက်နဲ့ နှမ်းထွက်မကိုက်တော့ နအဖ စစ်ကောင်စီ တခုခုကြံနေပုံရတယ်။ လောလောဆယ်တော့ ကနေဒါက ကိုမြင့်ရွှေ ဆီက သတင်း ထွက်လာတာတွေ့ရတယ်။ ရွေးကောက်ပွဲကို ၂၀၁၀ ဆယ်လပိုင်း ဆယ်ရက်နေ့ လုပ်မယ်တဲ့။ ၈ လေးလုံး ကို ဘူကြီးနဲ့ စားမှာတဲ့။ နိုင်ငံရေးကို ဖဲသမားညဏ်နဲ့တွက်ကြတာ အံ့သြတယ်။ ကျနော်တို့ကတော့ လေလည်ပြတယ်လို့ ပဲ အောက်မေ့ပါတယ်။ ၀မ်းသာချင်တဲ့သူတွေ ၀မ်းသာကြပါ။

ဗုံးပေါက်တိုင်း စစ်အုပ်စုက အတိုက်အခံတွေကို လက်ညိုးထိုးတယ်။ NLD အဖွဲ့ဝင် သက်ကြီးရွယ်အိုကြီးကို ဖောက်ခွဲရေး အမှုနဲ့ထောင်ချခဲ့ဘူးတယ်။ အခုလည်း ရန်ကုန်မှာ ဗုံးတွေပေါက်ပြန်ပြီ။ ဘယ်သူ့လက်ညိုးထိုးဦးမလဲ။ လောလောဆယ် တော့ ကိုညီညီအောင် ခမျာ စွပ်စွဲခံထားရရှာတယ်။ အဖြစ်အပျက်က အမေရိကန်တွေ မူဝါဒကြားနာပွဲ လုပ်ဖို့စီစဉ်နေတာ နဲ့သွားပြီးတိုက်ဆိုင်နေတယ်။အမေရိကန်နိုင်ငံသားချင်းအတူတူ ယက်တော မှဲ့ တပေါက်မစွန်းခဲ့ဘူး။ ကိုညီညီအောင် မှာ တော့ အညိုအမဲတွေစွဲပြီး တကိုယ်လုံးဖူးရောင်နေပြီ။ ယက်တောကို သေနတ်တချက် အမြောက်တချက် မဖောက်ရပဲ ကယ်ထုတ်နိုင်ခဲ့တဲ့ သူရဲကောင်းကြီး ဂျင်ဝက် ဘာပြောမလဲ။ နားထောင်ချင်ပါတယ်။

အမေရိကန်တွေ ချမှတ်မယ့် မူဝါဒအသစ်ဆိုတာ အများဖြစ်စေချင်တဲ့ ပြတ်သားမှုရှိတဲ့ မူဝါဒ မဖြစ်နိုင်ပါဘူး။ ပိတ်ဆို့မှု ဆိုတာမှာလည်း အထည်ချုပ်စက်ရုံလောက်၊ ဆပ်ပြာစက်ရုံလောက်ကို စကားထဲ ထည့် ပြောနေကြတာပါ။ မြန်မာနိုင်ငံမှာ ရင်းနှီးမြှုပ်နှံတဲ့နိုင်ငံပေါင်း ၂၀ လောက်ရှိပါတယ်။ အဲဒီထဲမှာ အမေရိကန် နဲ့ ဥရောပနိုင်ငံတွေက ရေနံ လုပ်ငန်းကြီးတွေ ပါပါတယ်။ အဓိက ၀င်ငွေကို အဲဒီကနေ ရနေတာပါ။ ဒို့တွေထွက်သွားလည်း သူတို့တွေဝင်လာမှာပဲ ဆိုတဲ့ အကြောင်း ပြချက်ကလည်း မခိုင်လုံဘူးလို့မြင်ပါတယ်။ မခိုင်လုံတဲ့အကြောင်းပြချက်ကို မူဝါဒတခုလို လုပ်မယ်ဆိုရင်တော့ ထွက်လာ မည့်မူဝါဒက ဒို့တွေမထောက်ခံလဲ သူတို့တွေ(အာရှနိုင်ငံအစိုးရတွေ) ထောက်ခံနေတာပဲ ဒီတော့ ဒို့တွေလည်း ထောက်ခံ လိုက်ရအောင်ပါ ဆိုတဲ့ ထောက်ခံရေး မူသာဖြစ်ပါလိမ့်မယ်။

စက်တင်ဘာလှုပ်ရှားမှုအပြီးမှာပေါ်လာတဲ့ မြို့ပြပျောက်ကြားတွေကတော့ မူဝါဒတွေအပေါ်မှာ ယစ်မူးသာယာနေမည့် သူတွေမဟုတ်ပါဘူး။ အတွေးအခေါ်ရှိတဲ့သူတွေ အခြေအနေကို နားလည်တတ်တဲ့သူတွေဖြစ်တဲ့အလျောက် ရန်သူ-မိတ် ဆွေခွဲခြားတတ်ပါတယ်။ စစ်အုပ်စု၊ စစ်အစိုးရ၊ စစ်အာဏာရှင်စနစ်နဲ့ တပ်မတော်သားကို ခွဲခြားတတ်တယ်။ စစ်နောက် ပိုင်းဒေသတွေမှာရန်သူ့ပစ္စည်းတွေ၊ဂိုဒေါင်တွေဖျက်ဆီးကောင်းဖျက်ဆီးမယ်။မော်တော်ယာဉ်တွေကိုမီးရှိူ့ ကောင်းရှိူ့ မယ် ၊တံတားတွေကို ချိုးဖျက်ကောင်းချိုးဖျက်မယ်။ ဆန္ဒမပါပဲ အမိန့်အရ လုံခြုံရေးယူနေရတဲ့ သာမန် စစ်သားလေးတယောက် ကို ခဲ(ဂဲ)နဲ့တောင်မပေါက်ပါ။ လက်နက်ကိုင် အကြမ်းဖက်မှုကို လုပ်နေတာ- လုပ်နိုင်တာ နအဖ စစ်ကောင်စီ ပဲရှိပါတယ်။

http://www.kaowao.org/b/art09-sep25.php

ဗမာပြည်နိုင်ငံရေးရဲ့ အရေးကြီးအချိန်မှာ ပေါ်ထွက်လာတဲ့ ၀ါရှင်တန်ရဲ့ အပြောင်းအလဲ




ရဲဘော်ဖိုးသံချောင်း
၂၅ စက်တင်ဘာ ၂၀၀၉



ဗမာပြည်နဲ့ပတ်သက်တဲ့ နိုင်ငံတကာလေထုမှာ ကြီးမားတဲ့အပြောင်းအလဲတွေ ပေါ်ပေါက်လာတော့မယ့် လက္ခဏာတွေ စပြီးမြင်တွေ့နေရပါပြီ။ နအဖစစ်အစိုးရကို နဂိုက ဆေးဖော်ကြောဖက်မလုပ်ခဲ့တဲ့ အမေရိကန်အပါ အနောက်နိုင်ငံတွေက အခုတော့ ဒီဗိုလ်ချုပ်တွေကို လူလူသူသူပြန်ဆက်ဆံမယ်လို့ ဖြစ်လာနေပါပြီ။

တကယ်က သေသေချာချာကြည့်တတ်ရင် နိုင်ငံတကာအခင်းအကျင်းမှာကိုပဲ အပြောင်းအလဲတွေ တွေ့နေရပါတယ်။ စစ်အေးစစ်ပွဲလွန် နိုင်ငံရေးအခင်းအကျင်းမှာ စစ်အေးစစ်ပွဲမှာ ထိပ်ကပါဝင်ခဲ့ကြတဲ့ နိုင်ငံကြီးတွေဟာ စစ်အေးစစ်ပွဲရဲ့ အထုပ်အပိုးတွေကို ပစ်ချခဲ့ကြပါတယ်။ ဒါပေမယ့် တချို့ကတော့ နဂိုရှိခဲ့တဲ့ မာန်တွေ၊ ဟန်တွေကို အိနြေ္ဒမပျက် ထိန်းထားခဲ့ကြပါတယ်။ ဒါပေမယ့် ကာလတခုလွန်လာတော့ အခြေအနေအပြောင်းအလဲတွေ ဖြစ်ပေါ်ခဲ့ပါတယ်။ အထူးသဖြင့် ပြီးခဲ့တဲ့ စီးပွားရေးအကျပ်အတည်းကြီးပါ။

ဒီနှစ်သြဂုတ်လ (၁၀-၁၇) ရက်ထုတ် ညူးစ်ဝိခ်ဂျာနယ်ထဲက မျက်နှာဖုံးဆောင်းပါးမှာဆိုရင် ဒီတခါ စီးပွားရေးအကျပ်အတည်း ကြီးကြောင့် မဟာဗြိတိန် (Great Britain) တောင်မှ စူဠာဗြိတိန်။ ဒါမှမဟုတ် သာမန်ဗြိတိန်ဖြစ်သွားရပြီလို့ ရေးထားပါတယ်။ နိုင်ငံကြီးတွေအားလုံးကို ကြီးကြီးမားမား ထိခိုက်ခဲ့တယ်ဆိုတာကို ပြောချင်လို့ ကိုးကားတာဖြစ်ပါတယ်။ ဒီလိုအခြေအနေ အောက်မှာ နိုင်ငံကြီးတွေဟာ ထိန်းညှိမှုအမျိုးမျိုး လုပ်ကြရပါတယ်။ အဲဒီလိုလုပ်တဲ့ ထိန်းညှိမှုတွေထဲမှာ ဗမာပြည်နဲ့ဆိုင်တဲ့ ပေါ်လစီတွေလည်း ပါကုန်တော့တာပါပဲ။

ဒါတွေနဲ့တဆက်တည်း လူပြောများ၊ ဆွေးနွေးတာများလာတာကတော့ အမေရိကန်လိုနိုင်ငံကြီးက ပေါ်လစီသဘောထား ပြောင်းလဲတယ်ဆိုရင် ဗမာပြည်ရဲ့နိုင်ငံရေးကို ဘယ်လိုထိခိုက်နိုင်သလဲဆိုတာပဲ ဖြစ်ပါတယ်။ ဒီလိုဆွေးနွေးတာဟာ အမေရိကန်အစိုးရက ဘာလုပ်သင့်သလဲလို့ ဆွေးနွေးတာထက် ပိုကောင်းပါတယ်။ ပိုလက်တွေ့ကျပါတယ်။

တကယ်ကျတော့ ၀ါရှင်တန်ရဲ့ အပြောင်းအလဲတွေက အခုမှစကာစရှိပါသေးတယ်။ နောင်မှာ ပိုပြီးကြားလာရဦးမှာပါ။ ဗိုလ်သိန်းစိန်တို့နဲ့တွေ့ပြီးရင်၊ သူတို့ရဲ့အထူးတမန်ဆိုတာချင်း တွေ့ဆုံစကားပြောကြပြီးရင် ဘာတွေတဆင့်တက်လာမယ် မသိနိုင်ဘူး။ လောလောဆယ်မှာ နအဖစစ်ဗိုလ်တွေအဖို့တော့ လက်မထောင်စရာဖြစ်ချင်ဖြစ်မှာပါ။

ဗမာပြည် ပြည်သူလူထုအနေနဲ့ ပြောရရင် ဒီကိစ္စကြောင့် သူတို့မှာ အတွေးအခေါ်အရတော့ ဘာမှရှုပ်ထွေးစရာ မရှိပါဘူး။ အမေရိကန်ကနေ အသိအမှတ်ပြုလိုက်တဲ့အတွက် နအဖစစ်ဗိုလ်ချုပ်တွေဟာ အာဏာရှင်ကနေ သူတော်စင်အဖြစ် တဖြစ်လဲသွားမှာမဟုတ်ဘူးဆိုတာ သူတို့ဘ၀အသိအရ ရှင်းနေပါတယ်။ ဗိုလ်နေ၀င်းတုန်းကဆိုရင် အမေရိကန်၊ ရုရှား၊ တရုတ် အားလုံးက အသိအမှတ်ပြုတာ ခံခဲ့ရပြီးပါပြီ။ ဒါပေမယ့် အာဏာရှင်ဟာ အာဏာရှင်ပါပဲ။ ဂျပန်၊ အိုအီးစီဒီ၊ ကမ္ဘာ့ဘဏ် စတာတွေရဲ့ အကူအညီတွေရနေတဲ့ အကြားကပဲ တိုင်းပြည်ကြီး ချွတ်ခြုံကျသွားခဲ့တာကို ပြည်သူတွေ မမေ့ပါဘူး။ ပြည်သူလူထုက ဘာမှ မျက်စိမလည်ပါဘူး။

ဒါပေမယ့် ဒါဟာ နအဖစစ်အစိုးရကို ကြံဖန်အမွှန်းတင်ချင်နေတဲ့ လူတွေအတွက်တော့ ပြောစရာ၊ ရေးစရာ အချက်အလက် နည်းနည်းပါးပါး ရကောင်းရသွားနိုင်တာပေါ့။ သူတို့အနေနဲ့ ဒီအချက်အပေါ် အခြေခံပြီး ပြည်သူလူထုကို မျက်စိလည်အောင်၊ အမြင်မှားအောင် လုပ်ကြမယ်ဆိုတာကတော့ သံသယဖြစ်စရာ မလိုပါဘူး။ ဗိုလ်စကားကိုသုံးရင် အဆင့်ရှိတယ်လို့ ယူဆနေသူတွေကတော့ ဒေါ်ကလင်တန်ရဲ့ ဘယ်စကားလုံးကြီးတွေကို ကိုးကားလာမယ်ဆိုတာကိုပဲ စောင့်ကြည့်ရမှာပါ။

သူတို့ရဲ့ ပြောဆိုရေးသားမှုတွေကြောင့် တချို့ ရိုးသားတဲ့ နိုင်ငံရေးလိုက်စားသူတွေမှာ စိတ်ဓာတ်အရ ထိခိုက်တာ နည်းနည်းပါးပါး ဖြစ်ကောင်းဖြစ်နိုင်ပါတယ်။ ဒါပေမယ့် ဒါဟာ ယာယီ၊ နောက်ပြီး အနည်းအပါးလည်းဖြစ်၊ စိတ်ဓာတ်ပိုင်းလောက်ပဲ ဖြစ်ပါတယ်။ လက်တွေ့ ရုပ်သဘောအရ ဘာမှမထိခိုက်နိုင်ပါဘူး။

ဘာပဲပြောပြော ဒီကိစ္စနဲ့ပတ်သက်ပြီး ပြည်သူလူထုအမြင်ရှင်း၊ သဘောပေါက်ဖို့အတွက် ရှင်းပြတာတွေတော့ လုပ်ရပါလိမ့်မယ်။ နအဖကလည်း ဒါကိုပဲ ပိတ်ပင်မှာဖြစ်ပါတယ်။ နအဖနဲ့ သူတို့ရဲ့ဖွဲ့စည်းပုံအခြေခံဥပဒေ၊ သူတို့ရဲ့ ရွေးကောက်ပွဲအပေါ် သံယောဇဉ်ဖြစ်ဖို့ဆိုတာကို လူထုကို ဆက်ပြီးရှင်းပြ၊ ပြောပြနေရဦးမှာဖြစ်ပါတယ်။ တပါတည်း ဘယ်လိုနည်းနဲ့ဆန့်ကျင်မယ်၊ ဖြစ်ပေါ်လာတဲ့နောက်အကျိုးဆက်ကို ဘယ်လိုရင်ဆိုင်ကြမယ်ဆိုတာတွေလည်း စဉ်းစားပြင်ဆင်ပြီးဖြစ်သင့်ပါပြီ။

တည့်တည့်ပြောရရင် ပိတ်ဆို့မှုဆိုတာတွေလုပ်ခဲ့လို့ နအဖစစ်အုပ်စုရဲ့ သံဃာတွေကိုပါသတ်တဲ့ အကျင့်စရိုက်ကို ပြောင်းလဲမသွားစေခဲ့ပါဘူး။ ပြည်ပဖိအားဆိုတာဟာ အာဏာရှင်ဗိုလ်ချုပ်တွေအနေနဲ့ ပြည်ပဘက်ကို မျက်နှာလှည့်တဲ့အခါမှာ ပြုံးဖြဲဖြဲအသွင်ဆောင်အောင် လုပ်နိုင်ပေမယ့် ကိုယ့်ပြည်သူလူထုဘက်ကို လှည့်တဲ့အခါမှာတော့ ဘီလူးရုပ်သက်သက်ပါပဲ။ တကယ်တော့ ပြည်ပက ဖိအားပေးတယ်၊ ထောက်ခံတယ်ဆိုတာတွေဟာ အရန်အခန်းလောက်သာရှိတာပါ။ အဲဒါတွေ မရှိတော့ရင်လည်း ပြည်သူလူထုမှာ ပြောပလောက်အောင် ဘာမှမဆုံးရှုံးပါဘူး။ အားပျက်စရာ ဘာမှမရှိဘူး။ အဲ-ဗမာပြည်နိုင်ငံရေးမှာ သူများနိုင်ငံ၊ သူများအစိုးရကို မှန်းမျှော်တတ်တဲ့ အလေ့အကျင့်တခုတော့ ပျောက်သွားလိမ့်မယ်လို့ ယူဆရပါတယ်။

ဒါကြောင့် ဒီတကွေ့မှာ ရှေ့ကိုချီတက်ရင်း တဖက်ကိုလှည့်လှည့်ကြည့်နေရတဲ့ အတွေးအခေါ် ၀န်ထုပ်ဝန်ပိုးတခုကို ပစ်ချလိုက်နိုင်ပြီလို့ပဲ ကောင်းတဲ့ဘက်က လှည့်တွေးရပါတော့မယ်။

http://www.khitpyaing.org/articles/Sep09/250909.php