Friday, October 16, 2009

အလွမ်း......လေးဖြူ

ဒီအတိုင်းအလွယ်တကူမေ့ပြစ်လို့သွေးအေးထားကြတော့မှာလား


ဗွီဒီယိုဖိုင်အဖြစ်ရယူရန်



http://wanna23.blogspot.com/2009/10/blog-post_7272.htmlမှရယူပါသည်။

“၂၀၁၀ ရွေးကောက်ပွဲအပေါ် သဘောထားထုတ်ပြန်ကြေငြာချက်”

အောက်တိုဘာလ/ (၁၅)ရက်/၂၀၀၉ ခုနှစ် ။
Rejecting Junta's 2010 election by Burmese Democratic Forces in USA

16 Oct ဒိုင်ယာရီ

http://ifile.it/jtyrb0x


16 Oct news

အနာဂတ်ကို ထိန်းသိမ်းခြင်း


Friday, 16 October 2009 16:33 ဖြူဖြူသင်း

ကျမတို့ တိုင်းပြည်ကို HIV/Aids ရောဂါဆိုး တိတ်တဆိတ် ဝင်ရောက်လာတာဟာ ၁၉၈၈ ခုနှစ်မှာ ဖြစ်ပါတယ်။ စတင် ဖြစ်ပွားစဉ်ကတော့ နိုင်ငံခြား သဘောင်္သား တယောက်က စဖြစ်တယ်လို့ ဆိုပါတယ်။

၁၉၉ဝ နောက်ပိုင်းမှာ သဘောင်္သားရောဂါ ဆိုပြီး ခေါ်ကြပါတယ်။ အဲ့ဒီက တဆင့် ၁၉၉၄-၉၅ လောက် ရောက်တော့ ဒီရောဂါဟာ လိင်တူ ဆက်ဆံသူတွေ အဖြစ်များလာပါတယ်။ အဲ့ဒီအချိန်ကျတော့ ဒီရောဂါကို အခြောက်ရောဂါ ဆိုပြီး ထပ်မံ ကင်ပွန်းတပ်ပါတယ်။

ကျောင်းမှာ ဒီရောဂါအကြောင်းသင်နေရပေမယ့် သင်တဲ့ဆရာကလည်း အလေးနက်မရှိ၊ အပွင့်လင်းဆုံး ပြောရ မယ်ဆိုရင် ကျမတို့ကိုယ်တိုင်လည်း စိတ်မဝင်စားခဲ့ပါဘူး။ ၁၉၉၆ ကျမကျောင်းပြီးလို့ အမျိုးသားဒီမိုကရေစီ အဖွဲ့ ချုပ်ကိုရောက်တော့လည်း တခြားသော လူမှုရေး လုပ်ငန်းတွေကိုသာ လုပ်ဖြစ်ပြီးတော့ ဒီရောဂါနဲ့ ပတ်သက်လို့ သိပ်မသိခဲ့ပါဘူး။

လူငယ်ထုကြားထဲမှာတော့ လေးလုံးရောဂါ၊ လေးလုံးရောဂါ ဆိုပြီးတော့ အတော်လေးတော့ အပြောများလာပါ တယ်။ အစိုးရကလည်း ကုရာနတ္ထိဆေးမရှိဆိုတဲ့ ဆိုင်းဘုတ်ကြီးတွေကို လမ်းဆုံလမ်းခွတွေမှာ လိုက်တင်ပါတယ်။ ပြည်သူလူထုကလည်း အတော်လေး အထိတ်တလန့် ဖြစ်ကုန်ပါတယ်။

အခြေအနေတွေကတော့ အတော်ဆိုးဝါးလာပြီ ဖြစ်ပါတယ်။ မူးယစ်ဆေးသုံး လူငယ်များ၊ ပြည့်တန်ဆာများ အားလုံးကို သွေးစစ်ပေးမယ့် အစီအစဉ်မျိုးလည်း အစိုးရမှာ ရှိပုံမပေါ်ပါဘူး။ သူ့အုပ်ချုပ်ရေးယန္တရား ခိုင်မြဲရေး တခုသာ ကြည့်ပြီးတော့ ကျန်းမာရေးကိစ္စကို လှည့်တောင်မကြည့်သလို ဖြစ်နေပါတယ်။

ဒီလို ဖြစ်သလိုသွားနေရင်းနဲ့ လူအတော်များများကလည်း သေကုန်ပါတယ်။ ကျမတို့ ပတ်ဝန်းကျင် အနီးနားက လူငယ်တွေ၊ လူလတ်တွေ ပိန်လှီပြီး သေကုန်တာမျိုးပါ။ မေးကြည့်လိုက်ရင် တီဘီကျွမ်းတယ်၊ ငှက်ဖျားပိုး ခေါင်း ထဲရောက်တယ် ပြောပါတယ်၊ ဒါကတော့ ကျမ ပတ်ဝန်းကျင် ကွက်ကွက်ကလေးက အခြေအနေပါ။ တတိုင်း ပြည်လုံးအခြေနေက ဘယ်လောက်ဆိုးဝါးနေပြီလဲ ဆိုတာတော့ သိပ်ပြောစရာ မလိုတော့ဘူး ထင်ပါတယ်။

ဒီလိုအခြေနေဆိုး ကြားထဲမှာပဲ ၂ဝဝ၂ ခု မေလခြောက်ရက်နေ့မှာ နေအိမ်အကျယ်ချုပ် ခံထားရတဲ့ လူထု ခေါင်းဆောင် ဒေါ်အောင်ဆန်းစုကြည် ပြန်လည်လွတ်မြောက်လာပါတယ်။

စစ်အစိုးရကလည်း သမိုင်းစာမျက်နှာသစ် ဖွင့်လှစ်လိုက်ပြီဆိုတဲ့ စကားလုံးလှလှလေး သုံးပြီးကမ္ဘာကို ရုတ် တရက် ဖမ်းစားလိုက်ပါတယ်။ ဒါပေမယ့် ပြည်သူလူထုရဲ့ အခြေခံပညာရေး၊ ကျန်းမာရေး၊ စီးပွားရေး အစရှိ တာတွေကတော့ ဘယ်ခေတ်ကနဲ့မှ နှိုင်းမရအောင် ဆိုးဝါး ဆုတ်ယုတ်နေတာပဲ ဖြစ်ပါတယ်။

ဒေါ်အောင်ဆန်းစုကြည်ဟာ တကယ့်အမြော်အမြင်ရှိတဲ့ ခေါင်းဆောင်ပါ။ “HIV ပိုးကို ထိန်းချုပ်ခြင်းသည် ကျမ တို့အနာဂတ်ကို ထိန်းသိမ်းခြင်းပင်ဖြစ်သည်” လို့ ဒေါ်အောင်ဆန်းစုကြည်က ၁၉၉၈ တောင်အာဖရိကနိုင်ငံ ဘန်ဒေါင်းမြို့မှာ ကျင်းပပြုလုပ်တဲ့ ခုခံအား ကျဆင်းမှုဆိုင်ရာ ညီလာခံကြီးအတွက် ပေးပို့တဲ့မိန့်ခွန်းထဲမှာ ပြောခဲ့ပါတယ်။

အာဏာပိုင်တွေက ကျန်းမာရေးလုပ်ငန်းတွေကို ဦးစားမပေးပေမယ့် ဒေါ်အောင်ဆန်းစုကြည်ကတော့ တိုင်းပြည် အတွက် ဆောင်ရွက်ရမယ့် ကိစ္စရပ်တွေကို စတင် လုပ်ဆောင်ပါတယ်။ အဲ့ဒီထဲမှာမှ ကျမတို့ လူငယ် ၁၉ ဦး စိစစ် ရွေးချယ်ပြီး UNDP ရုံးမှာ HIV ကာကွယ်တားဆီးရေးနဲ့ ပြုစုစောင့်ရှောက်ရေး သင်တန်း တက်ရောက်ဖို့ ပို့လွှတ် တာလည်း တခုပါဝင်ပါတယ်။

သင်တန်းကာလပြီးချိန်မှာတော့ ကျမတို့ လူငယ် ၁၉ ဦးစလုံး တက်ကြွစွာ ပါဝင် ဆောင်ရွက်ကြပါတယ်။ အဖွဲ့ချုပ် ရုံးမှာလုပ်တဲ့ ပညာပေး ဟောပြောပွဲတခု အမေရိကန်ပြည်ထောင်စုက ရောဂါဝေဒနာ ခံစားနေရသူ တယောက်၊ ဒေါ်အောင်ဆန်းစုကြည်နဲ့ ကျမ အတူတူ ဟောပြောကြပါတယ်။ အဲ့ဒီအချိန်ကစပြီး ဒီရောဂါဆိုးကြီး စွဲကပ်ခံနေရ သူတွေနဲ့ ကျမတို့ အဖွဲ့ချုပ်ဝင်တွေကြားမှာ လုံးထွေးပြီး လုပ်ကိုင်နေတာ ဒီနေ့ထက်တိုင်ပဲ ဖြစ်ပါတယ်။

ဒီအလုပ်ကိုလုပ်လို့ တခြား NGO တွေလို ငွေကြေး မရပါဘူး။ ဒီလောက်ကြီးကျယ်တဲ့ အလုပ်ကို လုပ်ကိုင်နေရ ပေမယ့် ရန်ပုံငွေလည်း ခုထက်ထိ မရှိပါဘူး။ အလျဉ်းသင့်သလို လုပ်ကိုင်ဆောင်ရွက်နေတာပါ။ ဒီတော့ ကျမတို့ အဖွဲ့လုပ်ကိုင်နေတာကိုကြည့်ရင် စည်းစနစ်တကျမရှိ ဆိုသလိုဖြစ်နေမှာပါ။

တဘက်မှာ အာဏာပိုင်တွေကလည်း အစဉ်တစိုက် ဒုက္ခပေးဖို့ စောင့်ကြည့်နေပါတယ်။ ဒီအကြောင်းချက်တွေကို တော်ရုံ လွတ်လပ်တဲ့နိုင်ငံက လူတွေ နားလည်မယ် မထင်ပါဘူး။ လူငယ်တွေဟာ ငွေကြေး တပြားတချပ်မှ မရ တာ ကြာလာတော့ သိပ်မလုပ်နိုင်တော့ပါဘူး။ ၂ဝဝ၃ ခုနှစ် နောက်ပိုင်းကျတော့ ကျမရယ်၊ အစ်မလို ခင်မင်ရတဲ့ မခင်ထားရီရယ် မိန်းမသား နှစ်ဦးတည်း လုပ်ကိုင် ဆောင်ရွက်ရပါတော့တယ်။

ကျမတို့မှာ စတင် လုပ်ကိုင်စဉ်ကတည်းက ငွေကြေး ရန်ပုံငွေကလည်း မရှိ။ မိန်းမသားနှစ်ဦးတည်းလည်း ဖြစ်ပြန် ဆိုတော့ အစစ အရာရာဟာ စိတ်မချစရာနဲ့ စိုးရိမ် ပူပန်စရာ ဖြစ်နေတာပါ။ မှတ်မှတ်ရရ ကျမတို့ကို စတင် လာ ရောက် ဆက်သွယ်တဲ့ လူနာဟာ အာဏာပိုင်တွေဘက်က ရဲဝန်ထမ်းတဦး ဖြစ်နေတာပါ။ သူ့ကို စတင်ပြီး ကူညီ ဆောင်ရွက်ပေးခဲ့တာ ခုဆို လူနာ ၂ဝဝဝ ကျော်သွားပါပြီ။

ကံမကောင်း အကြောင်းမလှလို့ အသက်ဆုံးရှုံးခဲ့ရတဲ့ လူနာတွေကလည်း အများကြီးပါပဲ။ နောက်ပိုင်းမှာတော့ စိတ်ဝင်စားစရာကောင်းတဲ့ လူနာတွေအကြောင်း ရေးသားပါဦးမယ်။

နည်းမှန်လမ်းမှန်နဲ့ ကျမတို့ဆီရောက်ရှိလာတဲ့ လူအတော်များများကိုတော့ အေအာဗွီဆေး အကူအညီ၊ ကျမတို့ရဲ့ အားပေးမှုတို့နဲ့ အသက်ဆက်ပေးနိုင်ခဲ့ပါတယ်။ ဒီရောဂါ တိုက်ဖျက်ရေးအတွက် ခုချိန်မှာ ကျမကိုယ်စွမ်းဉာဏ်စွမ်း ရှိသမျှ တိုက်ဖျက်နေပါတယ်။ အကယ်၍ လူထုခေါင်းဆောင် ဒေါ်အောင်ဆန်းစုကြည် လွတ်မြောက်လာပြီးတော့ လမ်းညွန်၊ ဦးဆောင်မှုပေးမယ်ဆိုရင် ဒီရောဂါဆိုးတိုက်ဖျက်ရေး ပိုမိုအားကောင်းလာမှာ မုချပါ။

ဒီရောဂါ အမြစ်ပြတ်ဆေး မပေါ်သေးသရွေ့ ကျမကတော့ HIV/Aids ကာကွယ်တားဆီးရေး၊ လူနာတွေကို ပြုစု စောင့်ရှောက်ရေးတွေ ဆောင်ရွက်ပေးနေမှာ ဖြစ်ပြီးတော့ ပြည်သူအားလုံးလည်း ကျန်းမာရေး သတိရှိရှိနဲ့ ဒီရောဂါ ဆိုးကြီး တိုက်ဖျက်ရေးမှာ အဖွဲ့တဖွဲ့နဲ့ ပူးပေါင်းလို့ဖြစ်စေ၊ တဦးချင်းဖြစ်စေ ပါဝင်ဆောင်ရွက်ကြပါလို့ တိုက်တွန်း ချင်ပါတယ်။

အစောပိုင်းမှာ အထက်က တင်ပြခဲ့သလို ကျမတို့မှာ နည်းလမ်းလည်းမသိ ဆေးဝါးလည်းမသိ ယောင်ဝါးဝါး လျှောက်လှမ်းရတာပါ။ ဒီတော့ လူနာတွေအိမ်တွေကို လိုက်ပြီး ပြုစုကုသပေးတာ အဝတ်လျှော်၊ ကြမ်းတိုက်၊ ထမင်းဟင်းချက်ပြုတ် ကျွေးမွေးတာတွေကို လိုက်လုပ်ပေးရုံက လွဲပြီး တခြားသော ဆေးဝါးကိစ္စတွေ မလုပ်ကိုင် နိုင်ဘူး ဖြစ်နေလေတော့ အစောပိုင်းလူနာတွေဟာ စိတ်ပိုင်းဆိုင်ရာ မြင့်တက်လာပေမယ့် ကိုယ်ခန္ဓာက မလိုက် နိုင်ဖြစ်ပြီး သေဆုံးကုန်ပါတယ်။

စလုပ်ကိုင်စဉ် အခက်အခဲ တခုကတော့ ကာယကံရှင်ကလက်ခံပါရဲ့ မိသားစုက လက်မခံဘဲ ကျမတို့ကို ဆဲဆို မောင်းထုတ်တာမျိုး လုပ်ပါတယ်။ တချို့ကျတော့လည်း မိသားစုကသိပြီး စိုးရိမ်၊ ကာယကံရှင်က လက်မခံတာ မျိုးတွေ အများကြီး ကြုံတွေ့ရပါတယ်။

ဒီရောဂါဟာ အကျင့်ပျက်လို့ဖြစ်တာ၊ စာရိတ္တချွတ်ယွင်းလို့ဖြစ်တာ ဆိုပြီး တလွဲအယူတွေ ရှိနေတာပါ။ အစိုးရက လည်း ကုရာနတ္ထိဆေးမရှိလို့ ပြောလိုပြော၊ ဘေးပတ်ဝန်းကျင်ကလည်း ဒီရောဂါဖြစ်ရင် ခြောက်လပဲ ခံတော့မယ်၊ သေမယ်၊ ဆေးရုံတင်လို့လည်း မဖြစ်ဘူး၊ ဆေးရုံက ဆေးထိုးသတ်တယ် ဆိုတာလိုမျိုး သတင်းမှားတွေကလည်း အများကြီး ထွက်နေတာပါ။

ဒီလိုကောလာဟလတွေကြောင့် လူတွေ အတော်များများက သူတို့မှာ ဒီရောဂါလက္ခဏာရှိကြောင်း ပြနေစေဦး တော့ ဒီရောဂါဖြစ်နေတာ မဟုတ်ပါဘူး ဆိုပြီး ခါးခါးသီးသီး ငြင်းဆန်တော့ပါပဲ။ ဒီတော့ ဆင့်ပွားကူးစက်တာတွေ၊ အရက်သေစာ သောက်စားပြီး နေချင်သလို နေလိုက်တာမျိုးတွေ အများကြီး ဖြစ်ကုန်တာပါ။

ကနဦး အစတုန်းက ကုရာနတ္ထိဆေးမရှိလို့ အစိုးရက ပြောမယ်ဆိုလည်း ပြောစရာပါ၊ ကျမတို့နိုင်ငံမှာ အေအာဗီ ဆိုတာ ကြားတောင် မကြားဘူးသေးလို့ပါ။ ရောဂါသည် အများစုက ရောဂါအဆင့်လွန်ပြီးတော့မှ ဝေဘာဂီ ကူးစက် ဆေးရုံရောက်၊ ရောက်ပြန်တော့လည်း ပိုးသတ်ဆေးကအစ ဆေး နဲ့ ဆေးပစ္စည်းမျိုးစုံ ဝယ်ယူရလေ တော့ လူနာ အများစုက အသက် ဆုံးရှုံးရပါတယ်။

အခုကျတော့ အေအာဗီဆေးက အရင်ကထက်စာရင် အများကြီးသက်သာတဲ့ ဈေးတွေနဲ့ ဝယ်သောက်လို့ ရလာ ပါပြီ။ ဒါပေမယ့် ပျောက်စေဆရာတွေ၊ တိုင်းရင်းဆေးယောင်ယောင် ဘီးဇပ်ရွက်လို အရွက်တွေနဲ့ ဒီရောဂါပျောက် တယ်၊ ဒီရောဂါဟာ တနေ့ ခွေးတကောင်စားရင် ပျောက်တယ် ဆိုတဲ့ လွဲမှားတဲ့ အယူအဆတွေကိုတော့ တိုက် ဖျက်ရဦးမှာပါ။

မဖြူဖြူသင်းသည် ပြီးခဲ့သည့် ၁၀ နှစ် ဝန်းကျင်မှစတင်၍ အမျိုးသား ဒီမိုကရေစီအဖွဲ့ချုပ် ၏ HIV/Aids ဝေဒနာရှင်များ ကူညီစောင့်ရှောက်ရေး နှင့် ပညာပေးရေး လုပ်ငန်းစဉ်များတွင် ဦးဆောင် လုပ်ကိုင်နေသူ တဦး ဖြစ်သည်။


SOURCE

စင်းခံမလား တွန်းလှန်မလား



မျိုးဇာနည် (သတင်းသုံးသပ်ချက်)
၁၆ အောက်တိုဘာ ၂၀၀၉

နယ်ခြားစောင့်တပ်ဖွဲ့အသွင်ပြောင်းရန် လက်ခံသဘောတူထားသည့် တိုးတက်သောဗုဒ္ဓဘာသာကရင်အမျိုးသားတပ်မတော် (ဒီကေဘီအေ) အနေဖြင့် တပ်ရင်းနှင့် တပ်သားဦးရေစာရင်းကို နအဖ စစ်ဘက်လုံခြုံရေးရာ အကြီးအကဲ ဒု-ဗိုလ်ချုပ်ကြီး ရဲမြင့်ထံ အောက်တိုဘာလ (၁၅) ရက်နေ့ နောက်ဆုံးထားပြီး တင်ရမည်ဟု ဒီမိုကရက်တစ်မြန်မာ့အသံ၏ သတင်းတပုဒ်တွင် ဖော်ပြသည်။

တပ်ရင်းတရင်းစီကို တပ်သားဦးရေ (၃၆၀) ဖြင့် ဖွဲ့စည်းပြီး နအဖစစ်တပ်မှ ဦးရေ (၃၀) ပါဝင်မည်ဟု သိရသည်။ နအဖစစ်တပ်မှ ပေးပို့မည့် (၃၀) ထဲတွင် တပ်ရင်းမှူးမှ တပွင့်အထိ (၁၅) ဦးနှင့် တပွင့်မှ တပ်သားအထိ (၁၅) ဦး တာဝန်ယူမည်ဖြစ်ပြီး ဒု-ဗိုလ်မှူးကြီးအဆင့်ကို အကြီးဆုံး တပ်ရင်းမှူးရာထူး၌ ခန့်ထားမည်ဟုဆိုသည်။

ဒီကေဘီအေဘက်မှ နယ်ခြားစောင့်တပ်ဖွဲ့ဝင်အဖြစ် တာဝန်ထမ်းဆောင်မည့်သူများကို အသက် (၁၈) နှစ်နှင့် (၅၀) ကြား အရွယ်ရှိသူများကိုသာ ခွင့်ပြုမည်ဖြစ်ပြီး (၅၀) ကျော်များကို ပင်စင်ပေးမည်ဟုဆိုသည်။ အမြင့်ဆုံး ရာထူးအနေဖြင့်လည်း ဗိုလ်မှူးအဆင့်၌သာ တာဝန်ထမ်းဆောင်ရမည်ဟု သိရသည်။

ဒီကေဘီအေနည်းတူ နယ်ခြားစောင့်တပ်ဖွဲ့အသွင်ပြောင်းရန် သဘောတူလက်ခံထားသည့် ကချင်ပြည်ဒီမိုကရေစီသစ် တပ်မတော် (အန်ဒီအေကေ) မှ အသက် (၅၀) ကျော် ပင်စင်အပေးခံရမည့် တပ်ဖွဲ့ဝင်များ နေထိုင်ရန်အတွက် ဒေသခံ စီးပွားရေးလုပ်ငန်ရှင်များထံ အလှူငွေကောက်ခံပြီး နေအိမ်များ ဆောက်လုပ်ပေးရန် နအဖက စီစဉ်နေကြောင်းလည်း ခေတ်ပြိုင်သတင်းတပုဒ်တွင် ဖော်ပြသည်။

ထိုသတင်းအချက်အလက်များအရဆိုလျှင် နယ်ခြားစောင့်တပ်ဖွဲ့အသွင်ပြောင်းရန် လက်ခံသဘောတူခဲ့သည့် အန်ဒီအေကေနှင့် ဒီကေဘီအေအဖွဲ့တို့သည် နအဖ ခြယ်လှယ်သမျှကို လည်စင်းခံကြရတော့မည်ဖြစ်ပြီး ပင်စင်အပေးခံကြရမည့် တပ်ဖွဲ့ဝင်များ၏ အနာဂတ်အရေးမှာလည်း အာမခံချက် ရေရေရာရာမရှိဘဲ နအဖစစ်အုပ်စု၏ ပစ်စလက်ခတ် စီစဉ်နေရာချထားပေးမှုကြောင့် ရင်လေးဖွယ်အနေအထားနှင့် ကြုံတွေ့ကြရမည်ဖြစ်ကြောင်း ခန့်မှန်းသိရှိနိုင်ပေသည်။

နအဖစစ်ဗိုလ်ချုပ်များ၏ တဖက်သတ် စည်းမျဉ်းစည်းကမ်းများနှင့် စိတ်ကြိုက်ရွေးချယ်ခန့်အပ်မည့် အစီအစဉ်အပေါ်တွင် အပစ်ရပ်တို့၏ မူလတပ်ဖွဲ့ဝင်အင်အား များစွာလျော့ပါသွားမည်ဖြစ်သလို ကြာလေလေ လုံးပါးပါးလေလေဖြစ်ပြီး နအဖစစ်တပ်မှသာ လုံးဝဥဿုံ စစ်ကျွန်ပြုသွားမည့် အနေအထားကို အထင်အရှား တွေ့မြင်နေရပေသည်။

၂၀၀၉ ခုနှစ် အောက်တိုဘာလကုန်တွင် အပစ်ရပ်တပ်ဖွဲ့များအားလုံး နယ်ခြားစောင့်တပ်အဖြစ် အသွင်ပြောင်းရန် နအဖ၏ သတ်မှတ်ချိန် ကုန်ဆုံးတော့မည်ဖြစ်သည့်အတွက် နယ်ခြားစောင့်တပ်ဖွဲ့အသွင်ပြောင်းရန် လက်မခံသေးသည့် အပစ်ရပ်အဖွဲ့များအနေဖြင့် ဒီကေဘီအေနှင့် အန်ဒီအေကေတို့ကဲ့သို့ လည်စင်းခံကြမည်လား၊ မိမိတို့တွင်ရှိသည့် တပ်ဖွဲ့အင်အား၊ လက်နက်အင်အားနှင့် နအဖစစ်တပ်ကို တွန်းလှန်တိုက်ခိုက်မည်လား၊ တွန်းလှန်တိုက်ခိုက်မည်ဆိုလျှင်လည်း မည်သို့မည်ပုံ ခုခံတွန်းလှန်ကြမည်ဆိုသည်ကို ပြတ်ပြတ်သားသား ဆုံးဖြတ်ပြင်ဆင်ထားရတော့မည့်အချိန် ရောက်ရှိနေပြီဖြစ်ပေသည်။

ထိုသို့ဆုံးဖြတ်ပြင်ဆင်ရာတွင် နအဖစစ်တပ်၏ လက်ရှိအနေအထားကိုလည်း ထည့်သွင်းစဉ်းစားဖို့ လိုလာသည်။ နအဖစစ်အုပ်စုက စစ်သည်အင်အား (၅) သိန်နီးပါးရှိသည်ဟု ပြောဆိုနေသော်လည်း သျှမ်းသံတော်ဆင့်၏ ရေးသားချက်အရ ၂၀၀၅ ခုနှစ် တတိယ- လေးလပတ်အစည်းအဝေးတွင် စစ်ရေးချုပ် ဒုဗိုလ်ချုပ်ကြီးသိန်းစိန် (ယခုနအဖ၀န်ကြီးချုပ်) က မြန်မာ့တပ်မတော်တွင် တပ်ရင်းပေါင်း (၅၅၀) ရှိသည့် အနက် (၂၈၄) ရင်းမှာ တရင်းလျှင် လူအင်အား (၂၀၀) ပင်မပြည့်ကြောင်း၊ ကျန်သည့် တပ်ရင်း (၂၂၀) တွင်လည်း (၂၀၀) နှင့် (၃၀၀) ကြားသာရှိကြောင်း တင်ပြခဲ့ဖူးသည်ဟု သိရ၏။ သို့သော် တပ်ရင်းတိုင်း၌ အမှန်တကယ် အင်အား (၁၅၆) ယောက် ထက်မပိုကြောင်း၊ ထိုအထဲမှ တပ်ရင်းတရင်း၏ တိုက်ခိုက်ရေးအင်အားမှာ (၁၂၀ - ၁၅၀) ခန့်ရှိပြီး ရှေ့တန်းသွားနိုင်သည့် အင်အားမှာ (၆၀-၈၀) ခန့်သာရှိကြောင်း အခြေအနေမှန်အတိုင်း တင်ပြခဲ့ဖူးသည်ဆို၏။

ထိုတင်ပြချက်အရဆိုလျှင် စစ်သည်အင်အား (၅) သိန်းနီးပါးရှိသည်ဆိုသည့် နအဖတပ်ရင်းများမှ စုစုပေါင်း ရှေ့တန်းထွက်နိုင်သည့် အင်အားမှာ (၅) သောင်းဝန်းကျင်ခန့်သာ ရှိသည်ကို တွေ့ရပေသည်။ ထို့အပြင် နအဖစစ်တပ်ထဲသို့ ၀င်ရောက်သည့် တပ်သားအများစုမှာလည်း ယုံကြည်ချက်စိတ်ဓာတ်အရင်းခံနှင့် ၀င်ရောက်ကြခြင်းမဟုတ်ဘဲ အတင်းအကျပ် တပ်သားစုဆောင်းခံရမှုနှင့် ၀မ်းရေးအဆင်မပြေဖြစ်၍ ၀င်ကြရသော တပ်သားများနှင့် ကလေးစစ်သားများက အများစုဖြစ်နေသည့်အတွက် စိတ်ဓာတ်ရေးရာ ပျက်ပြားနေသည့် စစ်တပ်အနေအထား ဖြစ်နေသည်ကို တွေ့ရပေသည်။ သို့သော် လက်နက်အင်အားတွင်မူ နအဖစစ်တပ်က တိုင်းရင်းသားအပစ်ရပ်တပ်ဖွဲ့များ အားလုံးထက် သာလွန်သည့်အတွက် လက်နက်အင်အားကို အသုံးပြု၍ တိုက်ခိုက်မည်ကိုတော့ သံသယရှိစရာလိုမည်မဟုတ်ပေ။

အပစ်ရပ်တပ်ဖွဲ့ တဖွဲ့ချင်းအနေဖြင့် အမှန်တကယ် ရှေ့တန်းထွက်နိုင်သည့် စစ်သည်အင်အားတွင် နအဖစစ်တပ်မှ ရှေ့တန်းထွက်နိုင်သည့် စုစုပေါင်းအင်အား (၅) သောင်းဝန်းကျင်ထက် မပိုနိုင်သော်လည်း နယ်ခြားစောင့်တပ်ဖွဲ့ အသွင်ပြောင်းရန် လက်မခံသေးသည့် ရှမ်းပြည်မြောက်ပိုင်းတပ်မတော် (SSA-N)၊ ဝပြည် သွေးစည်းညီညွတ်ရေးတပ်မတော် (UWSA)၊ အမျိုးသားဒီမိုကရက်တစ် မဟာမိတ်တပ်မတော် (NDAA – ESS) မိုင်းလားအဖွဲ့၊ ကချင်အမျိုးသားလွတ်မြောက်ရေးအဖွဲ့ (KIO)၊ မွန်ပြည်သစ်ပါတီ (NMSP) အပစ်ရပ်အဖွဲ့များအားလုံးစုပေါင်းလျှင်မူ တိုက်ခိုက်ရေးအင်အားမှာ နအဖနှင့် သူမသာကိုယ်မသာ အနေအထားတွင် ရှိနိုင်သည်ကို ကိန်းဂဏန်းများအရ သိရပေသည်။ ထိုအခြေအနေတွင် အပစ်ရပ်တပ်ဖွဲ့များ၏ စိတ်ဓာတ်ရေးရာ ခိုင်ကြည်မှုအနေအထားက နအဖတပ်သားများထက် များစွာသာလွန်လိမ့်မည်ဟု ယူဆရပေသည်။

ထို့ကြောင့် စိတ်ဓာတ်ရေးရာ ပျက်ပြားပြီး လက်နက်အင်အား သာလွန်သည့် နအဖစစ်တပ်၏ ဗိုလ်ကျတိုက်ခိုက်မှုကို စိတ်ဓာတ်ရေးရာ သာလွန်သည့် အပစ်ရပ်တပ်ဖွဲ့များက အစွမ်းကုန် စုပေါင်းတွန်းလှန်ခြင်းဖြင့် အောင်ပွဲရယူနိုင်သည့် အနေအထားရှိသည်ကို တွေ့ရပေသည်။ ခုခံတွန်းလှန်မည့် နည်းဗျူဟာ ကောင်းမွန်ရန်နှင့် ညီညွတ်မှုအင်အားက များစွာအရေးပါနေပေသည်။ ထို့အပြင် အပစ်မရပ်သေးသည့် ကေအန်ယူနှင့် SSA-S ကဲ့သို့သော တပ်ဖွဲ့များနှင့်လည်း မဟာမိတ်ဖွဲ့ ချိတ်ဆက်တိုက်ပွဲဝင်ရန် လိုအပ်မည်ဖြစ်ပေသည်။

ထိုသို့မဟုတ်ဘဲ အန်ဒီအေကေ၊ ဒီကေဘီအေတို့ကဲ့သို့ လည်စင်းခံလျှင် ရာသက်ပန် နအဖစစ်ကျွန်အဖြစ်သို့ ရောက်ရှိသွားမည်ဖြစ်သလို စုပေါင်းတွန်းလှန်ခြင်းမရှိဘဲ တဖွဲ့ချင်းခုခံတိုက်ခိုက်နေပါက ကိုးကန့်တပ်ဖွဲ့ကဲ့သို့ နအဖစစ်တပ်၏ အလွယ်တကူ ၀ါမျိုးခြင်းကို ခံရပြီး တဖွဲ့ပြီးတဖွဲ့ အလွယ်တကူ ခြေမှုန်းခံသွားရနိုင်သည်ကို သတိချပ်ရမည်ဖြစ်ပေသည်။ ထိုသို့ ရှေ့တိုးတံပိုး နောက်ဆုတ်လှည်းတုတ် ဖြစ်နေသည့်အနေအထားတွင် လည်စင်းခံခြင်းထက် စုပေါင်းတွန်းလှန်ခြင်းကသာ ရာသက်ပန်စစ်ကျွန်အပြုခံရမည့် အန္တရာယ်မှ လွတ်မြောက်နိုင်ပြီး ကိုယ့်ကြမ္မာကိုယ်ဖန်တီးနိုင်မည့် အနာဂတ် ဒီမိုကရေစီဖက်ဒရယ်ပြည်ထောင်စု တည်ဆောက်ရေးအတွက်လည်း တဖက်တလမ်းမှ အထောက်အကူ ဖြစ်စေလိမ့်မည်ဖြစ်ကြောင်း သုံးသပ်တင်ပြလိုက်ရပေသည်။

http://www.khitpyaing.org/articles/Oct09/161009b.php

စစ်အာဏာရှင်အရေခွံ ခွာချသင့်ပြီ



မောင်သြ
၁၆ အောက်တိုဘာ ၂၀၀၉


နအဖ ဘယ်လဲ … ဘာလဲ။

တကိုယ်တော်အာဏာရှင် နအဖ (တပ်မတော်အစိုးရ) ဟာ ငါ့လှေငါထိုး ပဲခူးရောက်ရောက်၊ ငါ့မြင်းငါစိုင်း စစ်ကိုင်းရောက်ရောက်နဲ့ ခရီးနှင်ခဲ့တာ နှစ်ပေါင်း (၂၁) နှစ်ကျော်ခဲ့ပြီ။ ငယ်နာမည် န၀တကို ဖျောက်ပြီး ၁၉၉၇ မှာ နအဖ အမည်သစ်နဲ့ လုပ်စားလာခဲ့တာ (၁၂) နှစ်ကျော်ခဲ့ပြီ။ ငယ်နာမည်နဲ့က (၉) နှစ်၊ ကြီးနာမည်နဲ့က (၁၂) နှစ်၊ စုစုပေါင်း (၂၁) နှစ်မှာ ဗမာပြည်ကြီးနဲ့တကွ ပြည်သူလူထုကြီးမှာ ဆင်းရဲမွဲချာတဲ့ တိုင်းပြည်ကြီးနဲ့ မွဲတေနုံချာတဲ့ လူတန်းစားဘ၀ကို ရောက်ခဲ့ရတယ်ပေါ့။

န၀တ၊ နအဖ ၀ိုင်းတော်သား စားဖော်စားဖက်၊ သေဖော်သေဖက် အကြံပက်စက်ကြတဲ့ ဆွေတော်မျိုးတော်သားများ၊ မြို့စားပယ်စား နယ်စားများကတော့ ဆွေစဉ်မျိုးဆက် (၁၀) ဆက်၊ (၁၅) ဆက် စားမကုန်၊ သောက်မကုန်၊ ဖြုန်းမကုန် ငွေကို ရေချိုး၊ စိန်ကို မီးလှုံ (ဆီကို ရေချိုး၊ ဆေးရိုး မီးလှုံ မဟုတ်ပါ)။ ကျောက်သံပတ္တမြား တောင်လိုပုံနဲ့ ကြပ်ပြေးမြို့တော်ကြီး တည်၊ နန်းတော်သစ်ဆောက်၊ ရေမီးအစုံနဲ့ ရွှေထီးဘုံရိပ်အောက်မှာ ခိုလှုံ၊ ဆွေ မြေး (မြည်း) အကုန်၊ အသိုင်းအ၀ိုင်း မှူးမတ်ဗိုလ်ပါ ခြံရံပြီး စံမြန်းနေကြလို့ ပျော်မဆုံးလား၊ မော်မဆုံး ဖြစ်နေကြပြီလား။ ဒါမှမဟုတ် ငါ မတရားယူထားတဲ့ တိုင်းပြည်ဘဏ္ဍာငွေတွေ ရွှေတွေ၊ စိန်တွေ၊ တိုက်တွေတာတွေ … ငါ မတရားသတ်ခဲ့တဲ့ ကျောင်းသားတွေ၊ ရဟန်းသံဃာတွေ … ငါ မတရားဖမ်းဆီးပြီး နှိပ်စက်ခဲ့တဲ့ အန်အယ်လ်ဒီက နိုင်ငံရေးသမားတွေ၊ ဒီမိုကရေစီအင်အားစု မင်းကိုနိုင်၊ ကိုကိုကြီး (၈၈) မျိုးဆက်ကျောင်းသားကျောင်းသူတွေနဲ့ ရဟန်းသံဃာတော်တွေ … စတဲ့ ငါ့အကုသိုလ်တွေက ငါ့နောက်ကို အရိပ်လို လိုက်နေပါပေါ့လားလို့ ကိုယ်စီကိုယ်စီ တွေးတောပြီး စိတ်တစ္ဆေခြောက်လှန့်ကာ အကြောက်ကြီးကြောက်လို့ အမောဖောက်နေကြပြီလား။

ရှေးဘ၀ဟောင်းက ကုသိုလ်ကံထောက်မလို့ ဒီဘ၀မှာ တောက်ပပြီး ကြွားမောက်နေခဲ့တဲ့ စစ်အာဏာရှင်တွေဟာ ကုသိုလ်ကံမှိန်ပျောက်၊ အကုသိုလ်အချိန်ရောက်လာရင် ချွေးသီးချွေးပေါက်တွေကျ၊ သောင်ပြင်လွှတ်တဲ့ဘ၀ကို ရောက်ကြတော့မှာပါ။

ဒါကြောင့်လည်း အပြေးအလွှား ဈေးကစားလို့ အမေရိကန်က ဂျွန်ဝက်ဘ်ကိုခေါ် ပြင်ချက်ကလေးတွေ နှိုးဆော်ခိုင်း၊ ဆန်ရှင် (Sanction) ကို လက်ဆင် (Lesson) လုပ်ဖို့ ဆရာတင်ရသပေါ့။ ဒါပေမယ့် အမေရိကန်သမ္မတ အိုဘားမားရဲ့ (Change) ကလည်း ချိုမလား၊ ခါးမလား မသိရပေမယ့် (Sanction) ကိုတော့ ပိတ်ထားမယ်၊ နအဖကိုတော့ တိုက်ရိုက်ထိတွေ့ဆက်ဆံပြီး ဒီမိုကရေစီနဲ့ လူ့အခွင့်အရေးများ ထင်သာမြင်သာ တိုးတက်ပြောင်းလဲလာရင်တော့ ဆန်ရှင်ဆိုတဲ့ ပိတ်ထားတဲ့ တံခါးကြီး ပွင့်လာမှာ ဖြစ်ပါတယ်။

ဒီကြားထဲ ကိုးကန့်မှာ ဖြစ်တဲ့အရေး၊ သူ့ပထွေး တရုတ်ကလည်း ထုချေလွှာတောင်း၊ လျော်ကြေးတောင်းနဲ့ ဘူးလေးရာ ဖရုံဆင့် အရူးခမျာ မီးဝိုင်းသင့်သလို ခေါင်းမီးတောက်ခံနေရတာလည်း သနားစရာပါ။ ဒါ့အပြင် …

မြေးဖြစ်သူ စိန်မျောက်မျောက် (အများပြည်သူအခေါ်) (ခ) ဖိုးလပြည့် (ခ) နေရွှေသွေးအောင်ရဲ့ (တပ်မတော်ဆေးတပ်က ဗိုလ်မှူးကြီး နေစိုးမောင်နဲ့ ဒေါ်ကြည်မာရွှေတို့ရဲ့သား) မူးယစ်ဆေးဝါးသုံးစွဲမှု၊ ဘိုးအေအရှိန်အ၀ါနဲ့ ဗိုလ်ကျ၊ နိုင်ထက်ကလူ စော်ကားမှုတွေကလည်း ပြည်သူကြားမှာ ပုပ်စောနံလှိုင်ဟောင်နေတဲ့အပြင် တပ်မတော်အကြီးအကဲတွေ ကြားထဲမှာ မပြောသာလို့ သည်းခံနေရကြရတဲ့ ဒုက္ခတွေကလည်း တမှောင့်။

နအဖစစ်အစိုးရ ထုတ်ဝေတဲ့ သတင်းစာတွေမှာ မေတ္တာနဲ့ပတ်သက်ပြီး …
မေတ္တာသည် မာန်မာနထားခြင်းမရှိ။
မေတ္တာသည် မလျော်သောအကျင့်ကို မကျင့်။
မေတ္တာသည် ကိုယ်ကျိုးမရှာတတ် … ဆိုတဲ့ မေတ္တာရဲ့ အဓိပ္ပာယ်ဖွင့်ဆိုချက်ကလေးတွေ တွေ့ရတော့ နအဖအတွက် ကိုယ်မွေးတဲ့မျောက်က ကိုယ့်ပြန်ခြောက်နေပြီ ထင်ရပါတယ်။ ဘာကြောင့်လဲဆိုတော့ အဲဒီအချက်တွေနဲ့ ငြိစွန်းနေတာက နအဖအစိုးရအဖွဲ့ဝင်တွေနဲ့ နအဖလက်ကိုင်တုတ် ပုဆိန်ရိုးတွေ ဖြစ်နေလို့ပါပဲ။

နောက် (၇-၁၀-၀၉) ရက်နေ့က ထုတ်ဝေတဲ့ ကြေးမုံသတင်းစာမျက်နှာဖုံးမှာ မောင်းထောင်ဆရာတော်ရဲ့ ဒေါသကထာမှာ …
ဒေါသကို သူယုတ်တို့ မှီဝဲ၏။
မေတ္တာကို သူတော်ကောင်းတို့ မှီဝဲ၏။
မေတ္တာသည် အရှုံးပေးခြင်းမဟုတ်။
ဒေါသသည်သာ ဆုံးရှုံးခြင်းဖြစ်၏။
ဒေါသဟူသည် ထွက်စရှိလျှင် ထွက်ချင်၏။
မေတ္တာဖြင့် ဖြေသိမ့်နှိပ်ကွပ်ဖန်များလျှင်
ဒေါသသည် အပိုးသေ၍လာ၏။
ခြံခုန်တတ်သော နွားကို နှိပ်ကွပ်ဖန်များလျှင်
ခြံမခုန်တော့သကဲ့သို့ ဖြစ်၏ … လို့ ဖော်ပြထားတာ တွေ့ရပါတယ်။ အဲဒီစာအရ ယနေ့မြန်မာနိုင်ငံတော်မှာ ဒေါသသမားတွေဟာ ဘယ်သူတွေလဲ၊ မေတ္တာသမားတွေဟာ ဘယ်သူတွေလဲဆိုတာ သန်းပေါင်း (၅၀) ကျော် ပြည်သူတွေ၊ ဗုဒ္ဓဘာသာ ရဟန်းသံဃာတွေနဲ့ ပြည်ပကမ္ဘာမိသားစုအားလုံးက သိကြပါတယ်။

လက်နက်နဲ့ အာဏာကို ဆုပ်ကိုင်ပြီး ဒေါသကို မိတ်ဆွေဖွဲ့ အနိုင်ကျင့်ဗိုလ်ကျစိုးမိုးပြီး ကိုယ်ကျိုးရှာသူတချို့ (စစ်အာဏာရှင် စစ်ယန္တရားဆွဲကိုင်သူများ) နဲ့ ကိုယ်ကျိုးစွန့်အနစ်နာခံ၊ ပြည်သူ့အကျိုးအတွက် တွန်းလှန်တိုက်ပွဲဝင်နေတဲ့ လက်နက်မဲ့ အာဏာမဲ့ မေတ္တာရှင် သူတော်ကောင်းတို့ရဲ့ အားပြိုင်ပွဲမှာ အဖြေထွက်ဖို့ အချိန်နီးလာပြီးဟု တွေးထင်မိပါတယ်။

ယနေ့အချိန်ဟာ အာဏာရှင်ကျဆုံးခန်းနဲ့ ဒီမိုကရေစီဘက်တော်သားတွေ အောင်ပွဲခံတဲ့ မေတ္တာပန်းများ ပွင့်လန်းတော့မယ့်အချိန် ဖြစ်ပါတယ်။

ဒါကြောင့် နအဖအစိုးရ အကြီးအကဲများဟာ မိမိကိုယ်ကိုသာ မှန်မှန်ကန်ကန် အောက်ပါအချက်များအရ သုံးသပ်စိစစ် ဝေဖန်သင့်ချိန် ရောက်နေပါပြီ။

(၁) အာဏာသိမ်းစဉ်က (၁၉၈၈) ခေတ္တခဏပါဟု ပြောခဲ့ပြီး ယခုနှစ်ပေါင်း (၂၁) နှစ်ကျော်ပြီ (အာဏာမက်တာ ဟုတ်/မဟုတ်)။

(၂) ၁၉၉၀ ပြည့်နှစ် ရွေးကောက်ပွဲကျင်းပခဲ့ပြီး ပေးခဲ့တဲ့ ကတိစကားများနဲ့ မိမိချမှတ်ခဲ့တဲ့ ၁/၉၀ ကို လိုက်နာခြင်း ရှိ/မရှိ။

(၃) ရွေးကောက်ပွဲကျင်းပပြီး အနိုင်ရ အန်အယ်လ်ဒီနဲ့ န၀တ (နအဖ) တို့ တွေ့ဆုံဆွေးနွေးပြီး တိုင်းပြည်ရဲ့အကျိုးကို
ပူးပေါင်းဆောင်ရွက်သွားမယ်ဆိုရင် တိုင်းပြည်ရဲ့ အကျိုးစီးပွား ဖွံ့ဖြိုးတိုးတက်နိုင်မှု ရှိနိုင်/မရှိနိုင်။

(၄) ဖဆပလ၊ မဆလ လက်ထက်တွေတုန်းက နိုင်ငံတကာနဲ့ ဆက်ဆံရေးချောမွေ့ပြီး မိမိတို့လက်ထက်ကျမှ နိုင်ငံတကာနဲ့ အဆင်မပြေဖြစ်ကာ ကုလသမဂ္ဂ အထွေထွေအတွင်းရေးမှူးချုပ်ရဲ့ အထူးကိုယ်စားလှယ် မစ္စတာ ဂမ်ဘာရီ (အကြိမ်ကြိမ်)၊ အထွေထွေအတွင်းရေးမှူးချုပ် မစ္စတာဘန်ကီမွန်းတို့အပြင် အခြားကမ္ဘာ့ကုလသမဂ္ဂ လူ့အခွင့်အရေးအဖွဲ့မှ အကြီးအကဲများ၊ အပြည်ပြည်ဆိုင်ရာ လွတ်ငြိမ်းချမ်းသာခွင့်အဖွဲ့မှ အကြီးအကဲများ၊ တရုတ်၊ ဂျပန်၊ အာဆီယံနိုင်ငံတို့မှ အကြီးအကဲများ၊ အမေရိကန်အထက်လွှတ်တော်အမတ် အရှေ့တောင်အာရှပစိဖိတ်ရေးရာ ဆပ်ကော်မတီဥက္ကဋ္ဌ ဂျွန်ဝက်ဘ် စသည်တို့ မြန်မာနိုင်ငံကိုလာရောက်ပြီး မြန်မာ့ခေါင်းဆောင်တွေနဲ့ မြန်မာနိုင်ငံရေးကိစ္စများကို ဖြေရှင်းဆွေးနွေးရခြင်းဟာ ဖြစ်သင့်/မဖြစ်သင့်။

(၅) မြန်မာ့စစ်ခေါင်းဆောင်တွေရဲ့ အုပ်ချုပ်ရေးညံ့ဖျင်းမှု၊ ဒီမိုကရေစီရေးနဲ့ လူ့အခွင့်အရေးချိုးဖောက်မှုတွေကြောင့် အမေရိကန်၊ အီးယူနိုင်ငံတွေရဲ့ စီးပွားရေးပိတ်ဆို့အရေးယူခံရခြင်း (ယခင်အစိုးရလက်ထက်များက မရှိခဲ့ဘဲ မိမိတို့လက်ထက်မှ ဖြစ်ခဲ့ရခြင်း) ဟာ နိုင်ငံနဲ့လူမျိုးအတွက် မျက်နှာငယ်အရှက်ရစရာနဲ့ နိုင်ငံ့ဂုဏ်သိက္ခာကျဆင်းစရာ ဖြစ်/မဖြစ်။

(၆) မိမိတို့အုပ်ချုပ်ခဲ့တဲ့ (၂၁) နှစ်အတွင်း စစ်တပ်အာဏာရှင်များနဲ့ အသိုင်းအ၀န်း ဆွေမျိုးတစုတို့ အလွန်အမင်း ချမ်းသာကြီးပွားခြင်း ရှိ/မရှိ။

(၇) ၂၀၀၇ ခုနှစ် စက်တင်ဘာ ရွှေဝါရောင်တော်လှန်ရေးမှာ အေးချမ်းစွာမေတ္တာပို့ ဆုတောင်းခဲ့ကြတဲ့ ရဟန်းသံဃာတွေကို အကြမ်းဖက်ပစ်ခတ်သတ်ဖြတ်တာ၊ ဖမ်းဆီးထောင်ချတာတွေ ပြုလုပ်ခဲ့ခြင်းဟာ ဗုဒ္ဓဘာသာဝင် အစိုးရရဲ့အလုပ် ဟုတ်/မဟုတ်။

(၈) ဥပဒေအထက်မှာ ဘယ်သူမှမရှိဘူးဆိုတာ မှန်/မမှန် (အဂတိတရားလေးပါး ကင်းကင်းနဲ့ စဉ်းစားဖြေပါ)။

(၉) မိမ်ိကိုယ်ကိုယ်မိမိ မင်းကျင့်တရား (၁၀) ပါးနဲ့ ညီ/မညီ။

(၁၀) မိမိတို့တပ်မတော်အစိုးရကို အများပြည်သူတို့က စက်ဆုပ်ရွံရှာ အော့နှလုံးနာ စိတ်ပျက်နေခြင်း ရှိ/မရှိ။

(၁၁) မိမိတို့ကိုယ်တိုင် ထုတ်ပြန်ခဲ့တဲ့ ဥပဒေတွေကို မိမိကိုယ်တိုင် ချိုးဖောက်မလိုက်နာခြင်းဟာ လူကြီးလူကောင်း ဆန်/မဆန်။

အထက်ပါအချက်တွေကို နအဖစစ်ဗိုလ်ချုပ်ကြီးများ လေးလေးနက်နက်စဉ်းစားပြီးရင် မိမိတို့ ဘာဆက်လုပ်ရမယ် ဆိုတာကိုပါ စဉ်းစားကြိုတင်ပြင်ဆင်ထားရပါလိမ့်မယ်။

တိုင်းပြည်နဲ့လူမျိုးကို အမှန်တကယ် ချစ်မြတ်နိုးတယ်ဆိုရင် လက်ရှိ နအဖစစ်အစိုးရရဲ့ တခုတည်းသော ထွက်ပေါက်ကတော့ မိမိတို့ကိုယ်တိုင် ထုတ်ပြန်ခဲ့တဲ့ ၁/၉၀ အရ ၉၀ ပြည့်နှစ် ရွေးကောက်ပွဲအနိုင်ရ လွှတ်တော်ကိုယ်စားလှယ်တွေပါဝင်တဲ့ ပြည်သူ့လွှတ်တော်ကို အမြန်ဆုံးခေါ်ယူကျင်းပပေးပြီး ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားများအားလုံးကို အမြန်ဆုံးလွှတ်ကာ အမျိုးသားပြန်လည်သင့်မြတ်ရေးအတွက် တွေ့ဆုံဆွေးနွေးရေးကို အမြန်ဆုံးဆောင်ရွက်ရမှာဖြစ်ကြောင်း တိုက်တွန်းလိုပါတယ်။

ဓမ္မနဲ့ အဓမ္မ၊ မေတ္တာနဲ့ ဒေါသ (လက်နက်နဲ့ အာဏာ စွဲကိုင်သူများ) သမားတို့ရဲ့ အန္တိမစစ်ပွဲဟာ မကြာမီချုပ်ငြိမ်းပြီး ငြိမ်းချမ်းရေးအောင်လံ လွှင့်တော့မယ်ဆိုရင် …

နအဖစစ်အစိုးရရဲ့ အာဏာရှင်အရေခွံခွာချပြီး သဘောထားအမြင်များ ပြောင်းလဲကာ မေတ္တာရှင် အန်အယ်လ်ဒီခေါင်းဆောင် ဒေါ်အောင်ဆန်းစုကြည်နဲ့ရော ကမ္ဘာ့ကုလသမဂ္ဂအဖွဲ့ကြီးနဲ့ပါ ပူးပေါင်းဆောင်ရွက်သွားကြရန် အချိန်တန်ပြီဖြစ်ကြောင်း ရေးသားတင်ပြလိုက်ရပါတယ်။

http://www.khitpyaing.org/articles/Oct09/161009.php

The Voice 5-50(Oct 15 Issue)

http://ifile.it/jt2ybia

The Voice 5-50

“ မြန်မာကွန်မြူနတီအထွေထွေအစည်းအဝေးပွဲ”

မြန်မာကွန်မြူနတီအထွေထွေအစည်းအဝေးပွဲ”
ကိုအောက်ပါ အစီအစဉ်အတိုင်း ပါဝင် တက်ရောက် ဆွေးနွေး အကြံဥာဏ်ပေးကြပါရန် လေးစားစွာဖိတ်ကြားအပ်ပါသည်။

Place: : Northwood Community Center ( Near Jane & Sheppard )
15 Clubhouse Ct ( Arleta Avenue & Clubhouse Ct )
( North of Shepperd and East of Jane )
Enter Arleta Avenue from Sheppard
Enter Grandravine Dr from Jane St
Enter Driftwood Ave from Finch Ave
Date : : October 24 , 2009 ( Saturday )
Time : : 1:30 PM To 4:00 PM
Dear All
We would like to invite you to attend the above-mentioned a general meeting
to discuss working together for promote culture, literature and social needs
among our community. Please come and join us.

This meeting is for everyone originally from Burma or ancestors came from Burma despite different races, religions and political backgrounds. The main goal is to build a strong community to work together for social-well beings, preserve and promote our own cultures. We all came from a same country and living together again in different country.

Please contact for further info:

Mahn Htun Naing ( 416 ) 457 8458
Zaw Zaw ( 416 ) 735 4128
Myo Thein ( 416 ) 648 6563
Tin Htut ( 647 ) 328 7703

Email : : BurmeseCommunityCanada@gmail.com

( please see the map and direction )
လမ်းညွန်မြေပုံဒီမှာကြည့်ရန်