Monday, November 2, 2009

သြော် ၊ ငါးထောင်တန်၊ ငါးထောင်တန် ၊

သြော် ၊ ငါးထောင်တန်၊ ငါးထောင်တန် ၊ ထွက်လာတာလဲ ၊ တ လ လောက်ရှိပြီထင်ပ
ဒင်း က လေး က လဲ ၊ ထွက်လာတာ မှ မကြာသေးဘူး ပေါ်လိုက် ပျောက်လိုက်ပါလား ၊
ဘဏ်တွေ က ဒီ ငါးထောင်တန် ကို အုပ်လိုက် ထုတ်မပေးသေးဘူး ဗျ၊
အရွက် အပြေ တွေ ကို ဘဲ ၊ ဟို နဲ နဲ ၊ ဒီ နဲ နဲ ၊ သဘော လောက်ဘဲ ဖြန့်ပေးနေပါတယ်။

ဒီ ငါးထောင်တန် အရွက်တွေ အပေါ် မှာ ၊ လဒ ရုပ်ပါတယ် ၊ လိပ် ရုပ် ပါတယ် စသဖြင့်
မြင်တတ်တဲ့ သူတွေ က လဲ မြင်တတ် ပ ဗျာ ၊ ကြည့် လိုက်ရင် တော့ ၊ ဟုတ်နိုးနိုး ပါဘဲ၊
ဒီ တခါ ၊ ဒီဇိုင်း ဆရာ က ပန်းချီလက်စွမ်း ပြထားတာ က တမျိုးပါလားခင်ဗျ။

ကျွန်တော် က တော့ ဒီ ငါးထောင်တန် ကို မကိုင်တော့ ပါဘူး ၊ အိတ် ထဲ မှာ ပိုက်ဆံ
မထည့်ခင် ငါးထောင်တန် မပါ အောင် ၊ သေချာ စစ်နေရ တာ ၊ အလုပ်တခုပါလားဗျာ၊
တွေ့ ရင် ဒီ ငါး ထောင်တန် ကို ၊ ရိုးရိုး တစ်ထောင်တန်တွေ နဲ့ အကုန် လဲပစ်လိုက်ရ
ပါတယ် ၊ အရင် က ပိုက်ဆံပေးရင် ၊ အိတ်ထဲ လက် နှိုက် ၊ ဘာ တန်တွေ လဲ ဆိုတာ
အထူးအထွေ ကြည့်စရာ မလို ၊ ဘယ် ၂ ရွက် ဆိုပြီး ရော့ ၊ အင့် ဆိုပြီး ပေး ပစ်လိုက်
လို့ ရပါတယ် ၊

အင်း ခုများတော့ မှောင်ရီဝေ ဝိုးတဝါးမှာ ၊ စေတနာ ထား စ ရာ လေး တွေ ကို
ရော့ ၊ အင့် ၊ ဆိုပီး ၊ လက်ထဲ ပါ သမျှ အရွက်တွေ ကို ခါတိုင်းလို ပေးမိခဲ့တာ
အရောင် ကို မကြည့် မိဘဲ ၊ ရော့ အင့် ဆိုပီး ၊ လေး ငါးရွက် ကို မကြည့်ဘဲ ပေးမိတဲ့
အထဲ ၊ ဒီ အညိုရောင် အရွက် တွေ ပါသွားရင် ၊ စိတ် ထဲ တနုံ့ နုံ့ ဖြစ်ရ လွန်းလို့ပါ။

အဲ ပါ ၊ အဲ ပါ ၊ ကျွန်တော်ပြောတာက ရုံး က အပြန်၊ မြန်ချင်ဇော နဲ့ မီးဝါ ဖြတ်မောင်းမိလို့
မော်တော်ပီကယ် ပလိပ်မင်း ကို မှောင်ရီဝေ ဝိုးတဝါးမှာ ၊ စေတနာ ထားခဲ့ ရတာ ကို
ပြောတာပါ ၊ ဘယ်လို ဘဲ ဖြစ်ဖြစ် ၊ ဒီ ငါးထောင်တန် ကို အိတ်ထဲ မထားတာ
အန်တရယ် အင်မတန်ကင်းပါတယ်ဗျာ။ ကံ မကောင်း လို့ ခါး ပိုက် အနှိုက် ခံ ရ တောင်
စိတ် ထဲ ဖြေ သာ ရ သေး ပါတယ် ခင်ဗျာ ။

အစိုးရ မှာ လဲ မြန်မာငွေ ကျပ်နေပုံ ရ ပါတယ် ၊ သူ လဲ ပိုက် ဆံ လို နေလို့
ဟို ဟာ ရောင်း ၊ ဒီ ဟာတွေ ထုတ် ရောင်း နဲ့ ၊ ၂ နှစ် ခွဲ လောက် အတွင်း
ရှိ သမျှ ရောင်း ၊ ကားတွေ ရောင်း ၊ တိုက်တွေ ရောင်း ၊ မြေ ကွက်တွေ ရောင်း
ဆိုင်ကယ် အခွန်ကောက် ၊ ဟို အခွန် ၊ ဒီ အခွန် ရှိ သမျှ အကုန် ကောက် နေသည့်
တိုင် အောင် ငွေ လည် ပုံ မရ ပါ ခင် ဗျာ။

အရင် မ ဆ လ အစိုးရ က တော့ ၊ အစိုးရ မှာ ငွေ မလည်တော့ ရင် ၊ ငွေတန်ဘိုး
ဖျက်သိမ်းကြောင်း ကြေငြာ တတ်ပါတယ် ၊ အပြင် လူထု ဆီ မှာ ရောက် နေတဲ့
ပိုက် ဆံ ကို သူ့ ပိုက်ဆံ ဖြစ်အောင် အဲလို လုပ်ပါတယ် ၊ ၃ ၊ ၄ ခါ လောက်လဲ လုပ်ပြီး
ရော အဲဒီ အစိုးရ ပြုတ်ကျရတဲ့ ကိန်း ဆိုက်ခဲ့ ရပါတယ်။

အခု အစိုးရ က တော့ ၊ သူ့ မှာ ငွေ မလည်ရင် ၊ အထူးအထွေ တွေ ဘာ မှ ပြော မနေပါဘူး၊
သူ က ဘယ်တော့ မှ ငွေတန်ဘိုး ဖျက်သိမ်းကြောင်း မကြေငြာပါဘူး လို့ လဲ ပြောထားပါတယ်
ပြောထားတဲ့ အတိုင်း သူ က မကြေငြာခဲ့ပါဘူး။
ဒါပေမဲ့ သူ က လက်ထဲ ပိုက်ဆံ မရှိရင် ငွေစက်ကူတွေ အိုဘာတိုင်ဆင်း ပြီး ရိုက်သုံးလာပါတယ်
အရင် ဒုတိယ ကဘာစစ် ဖြစ်တုံး က ဂျပန်ငွေစက်ကူ ထုတ်ခဲ့ တဲ့ အတိုင်းပါဘဲ။

ဟိုတနေ့ က ရွှေလုပ်ငန်းရှင် အသင်း အစည်းအဝေးမှာ သတုတွင်း ဝန်ကြီးပြောသွား သလိုပါဘဲ
၁၉၈၈ တုံး က ရွှေ တကျပ်သား က နှစ်သောင်း မရှိပါဘူး ၊ ခု များတော့ ခြောက်သိန်းကျော်
နေ ပ လား ဗျာ ၊ ငွေ စက်ကူ အရိုက်များ သွားလို့ ငွေကြေး တန်ဘိုး ဘယ်လောက် ဖောင်းပွ
ခဲ့ ရ သလဲ ဆိုတာ မှန်းကြည့် လို့ ရပါတယ်။

ပြီးခဲ့ တဲ့ မဆလ ကာလ တုံး က ၊ အစိုးရ က တနှစ် ကို ဝင်ငွေ ဘယ်လောက် ရှိလို့
သုံးငွေ ဘယ်လောက် သုံးတယ် ဆိုတာ ၊ စာရင်း ဇယား နှစ်စဉ် ထုတ်ပြန်ရပါတယ်။
အခု အစိုးရ က တော့ ဒါတွေ ထုတ်ပြော မနေ တော့ ပါဘူး၊
သူ အဆင်ပြေ သလို ၊ ထင်သလို လုပ်နေပါတယ်။

ပြီးခဲ့တဲ့ ၂ နှစ် ခွဲ လောက် က စပြီး အစိုးရ က ပိုက်ဆံသုံးတာ ချွေတာလာပါတယ်။
အရင်လို ဘုံးဘောလအော ပိုက်ဆံတွေ လှိမ့် မရိုက်တော့ပါဘူး ၊ ဝင်ငွေ တိုးလာအောင်
နည်းအမျိုးမျိုး နဲ့ ကြိုးစားလာပါတယ် ၊ အခု ဆို လူတွေ ဆီ က ကျပ်ငွေ တွေ အစိုးရ ဆီ
တော်တော် များများ ပြန်ရောက်နေပါဘီ။ သူ တို့ မှာ လည်း အကျပ်အတည်း ရှိပါတယ်
ရွေးကောက်ပွဲပြီး လို့ ဘယ် အစိုးရ ဘဲ တက်တက် ၊ ငွေကြေး စာရင်းဇယား မရှိလို့ မရပါဘူး

အရွေးအချယ်ခံ အစိုးရ မှာ အစိုးရ နဲ့ တူအောင် ဆောင်ရွက် ရ ဘို့ တာဝန်ရှိပါတယ်
ဒါကြောင့် လောလောဆယ် တတ်နိုင်သမျှ အစိုးရ မှာ ငွေကြေး တောင့်တင်းအောင်
နည်း မျိုး စုံ နဲ့ လုပ် နေ ရပုံပါ။ အခု ငွေကြေး စနစ် မှာ အစိုးရ က ဗမာငွေ မလည်နိုင်
ရင် လက်ထဲ ရှိတဲ့ နိုင်ငံခြားငွေ တွေ၊ တိုက် ရိုက် ထည့် သုံး နေရ ပုံ ရ ပါတယ်။

သူ့ မှာ က အခု ၃ နှစ်လောက် အတွင်း နိုင်ငံခြားငွေ တွေ မျက်မျက် က လေး တွေ
ရ နေတာ များ ပါတယ် ၊ နာဂစ် ကြီးဖြစ်လိုက်တာ တောင် ၊ သူ့ မှာ အဲ ဒီ က နေ
နိုင်ငံခြားငွေ အတော်တိုးခဲ့ ပါတယ်။ ခု ရက် ပိုင်း ၊ နိုင်ငံခြားငွေ ဈေး ကွက် ဘာ မှ
မလှုပ်နိုင်တာ ၊ အဲ ဒီ သဘောလေးတွေ ပါ နေပါတယ်။ အစိုးရ က သူပေးစရာ ရှိတဲ့
ဗမာငွေ တွေ အစား ၊ ပြည်တွင်း မှာ တင် သူ့ ရှိတဲ့ နိုင်ငံခြားငွေ နဲ့ လုပ်ငန်းတွေ ကို
ပေးချေဆောင်ရွက်နေပုံ ရ ပါတယ် ။

အခု များ ၊ နိုင်ငံခြားငွေ ဈေးလေး နဲနဲ တက်လာရင် ၊ ဈေးကွက်ထဲ ဒေါ်လာ ဝင်ရောင်း တဲ့ လူတွေ
အများသားဗျ ၊ ၂ဝ၁ဝ အပြီး အထိ တော့ အစိုးရ က ဒီလို နည်း နဲ့ ထိန်းထား မဲ့ သဘော
လို့ ထင်ရ ပါတယ် ၊ ကျွန်တော် က စီးပွားရေး ကို နားလည်လွန်းလို့ တော့ မဟုတ်ပါဘူး၊
ပြီးခဲ့ တဲ့ ၃ နှစ် အတွင်း ငွေကြေးဈေးကွက် နဲ့ ဖြစ်ပျက်ခဲ့တာတွေ ကြည့်ပြီး သုံးသပ်
ကြည့်တာပါ ၊ ၂ဝဝ၆ က လစာတွေ ထပ်တိုးပေးပြီး ကတဲက ဘယ်လို လုပ်နေတယ် ဆိုတာ
ကို သုံးသပ်ကြည့်တာပါ ခင်ဗျာ။

အခုတော့ ပစ်စည်းဈေး ၊ ငွေ ဈေး ၊ ကားဈေး ၊ မြေဈေး ၊ တိုက်ခန်း ဈေး တွေ က
ဝယ်လိုအား အပြောင်း အလဲကြောင့် ဈေး တက်စရာ ၊ ဈေး ကျ စရာ ရှိမယ် မထင်ပါ။
အစိုးရ ရဲ့ ငွေကြေးပေါ်လစီ ၊ ငွေဖောင်းပွ အောင် လုပ်မှု ၊ မလုပ်မှု အပေါ် မှာဘဲ
အဓိက မူတည်နေပါတယ် ၊ သူ က တမျိုးထွင် မှ ဈေးကွက် က လှုပ် သွား ရ မှာပါ။
တကယ်တော့ တိုင်းပြည်ရဲ့ စီးပွားရေး အတက် အကျ က ၊ အစိုးရ ရဲ့ လုပ်ဆောင်မှု
အပေါ် အများကြီး မူတည်နေပါတယ်။

အစိုးရမင်းများခင်ဗျား ၊
ငါ လုပ် တာ မှန် သမျှ အကုန် ကောင်း ရ မယ် လို့ တလွဲ ဆံပင်သန်တဲ့ စိတ်မျိုး အစား
ငါ ကောင်းတာ မှန်သမျှ သာ အကုန်လုပ် ပ မယ် လို့ စေတနာ စိတ် လေး ထား ပေးပါဗျာ။

ကောင်းတာမှန်သမျှ လုပ်ပေးနိုင်မဲ့ အစိုးရ ဆိုရင် ဘယ်သူဘဲ လာလာ အဆင်ပြေပါတယ်။
ငါ လုပ် သမျှ အကုန် ကောင်း ရ မယ် လို့ တလွဲ ဆံပင်သန် ၊ တယ် စိတ်မျိုးအစား
အစိုးရ ဆိုရင် ဘယ်သူဘဲ လာလာ ၊ ပြသနာ ဆို တာ ဘဲ ဖြစ် နေ မှာ ပ ဗျား ။

azawgyi
MMCP Reporter
Source

Voice of Burma Issue No.734 October 25, 2009

http://ifile.it/swne6jb
http://www.scribd.com/doc/22035160/VOB734KK
VOB734KK

02 Nov ဒိုင်ယာရီ

http://ifile.it/k18yq7e
http://www.scribd.com/doc/22035048/Nov-02-News
Nov 02 News

ရွေးကောက်ပွဲစနစ်နှင့် နိုင်ငံရေးတည်ငြိမ်မှု


Monday, 02 November 2009 13:06 ထက်အောင်
E-mail Print
ဒီမိုကရေစီနိုင်ငံတခုတွင် မူဝါဒများကို ရေးဆွဲ ချမှတ်ကာ တိုင်းပြည် အုပ်ချုပ်မည့် နိုင်ငံရေး ပါတီများက နိုင်ငံတော် အာဏာ ရယူရေးကြိုးပမ်းရာတွင် ရွေးကောက်ပွဲသည် တခုတည်းသော နည်းလမ်း ဖြစ်သည်။

စာဖတ်သူများသို့

၂၀၁၀ ပြည့်နှစ်တွင် စစ်အစိုးရက ပြုလုပ်မည့် ရွေးကောက်ပွဲသည် မြန်မာနိုင်ငံ၏ ၁၅ ခုမြောက် ရွေးကောက်ပွဲ ဖြစ်ပြီး ၁၉၉၀ ပြည့်နှစ် ရွေးကောက်ပွဲအပြီး နှစ် ၂၀ ကြာမှ ပြုလုပ်မည့် ရွေးကောက်ပွဲ ဖြစ်သည်။

မြန်မာ့သမိုင်းတွင် ရွေးကောက်ပွဲ အများစုမှာ ဗြိတိသျှအစိုးရနှင့် စစ်အစိုးရများ လက်ထက်တွင် ပေါ်ပေါက်ခဲ့သည်။ နောက်ဆုံး ပြုလုပ်ခဲ့သည့် ၁၉၉၀ ပြည့်နှစ် ရွေးကောက်ပွဲတွင် နိုင်ငံ၏ မဲပေးပိုင်ခွင့် ရှိသော လူဦးရေ သန်း ၂၀ တွင် ၁၅ သန်းက မဲပေးခဲ့သည်။ ရွေးကောက်ပွဲတွင် ဒေါ်အောင်ဆန်းစုကြည် ခေါင်းဆောင်သော အမျိုးသား ဒီမိုကရေစီ အဖွဲ့ချုပ်က အပြတ်အသတ် အနိုင်ရသော်လည်း စစ်အစိုးရက အာဏာလွှဲပေးခြင်း မပြုခဲ့ပေ။

အနှစ် ၂၀ ကြာပြီးသော အခါတွင် စစ်အစိုးရက ရွေးကောက်ပွဲတခု ထပ်မံ ပြုလုပ်ပြီး တရားဝင် အာဏာရယူရန် စီစဉ်နေပြီဖြစ်သည်။ “နိုင်ငံတော်၏ အမျိုးသား နိုင်ငံရေး ဦးဆောင်မှု အခန်းကဏ္ဍတွင် တပ်မတော်က ပါဝင် ထမ်းဆောင်နိုင်ရေး” ဟူသည့် ဗိုလ်ချုပ်ကြီးများ တရားဝင် ကြေညာထားသည့် ဆောင်ပုဒ် အတိုင်း ဖြစ်မြောက်လာ စေရန် ၂၀၁၀ ရွေးကောက်ပွဲကို စီစဉ်နေခြင်း ဖြစ်သည်ဟု လေ့လာသူ အများစုက ဆိုသည်။

လေ့လာသူများ၊ နိုင်ငံရေး သမားများက ဤရွေးကောက်ပွဲသည် လွတ်လပ်ပြီး တရားမျှတမည် မဟုတ်ဟု ယူဆထား သော်လည်း တချို့ကမူ စစ်အစိုးရက မည်သည့် ဖိအား၊ မည်သည့် ကမ်းလှမ်း ချက်ကိုမျှ ဂရုမစိုက်သည့် အတွက် ဤရွေးကောက်ပွဲ သည်သာ တခုတည်းသော နိုင်ငံရေး ထွက်ပေါက် ဖြစ်နေသည်ဟု သုံးသပ်ကြသည်။

ထို့ကြောင့် ကြိုက်သည် ဖြစ်စေ၊ မကြိုက်သည် ဖြစ်စေ ယခု ရွေးကောက်ပွဲသည် နိုင်ငံရေး ပြောင်းလဲ ဖြစ်ထွန်းမှုတခုဟု ဧရာဝတီက ယူဆသည်။

ထို့ကြောင့် ရွေးကောက်ပွဲနှင့် ဖွဲ့စည်းပုံ အုပ်ချုပ်ပုံ အခြေခံ ဥပဒေ ရေးရာများကို အပတ်စဉ် အသေးစိတ် သုံးသပ် တင်ပြသွားရန် ဧရာဝတီက ဤအထူးကဏ္ဍကို ဖွင့်လှစ်လိုက်သည်။

ဧရာဝတီ
မြန်မာနိုင်ငံတွင် ကျင်းပရန် စီစဉ်ထားသည့် ၂၀၁၀ ပြည့်နှစ် ရွေးကောက်ပွဲတွင် တိုင်းပြည်ကို အုပ်ချုပ်မည့် ဥပဒေများနှင့် စည်းမျဉ်းစည်းကမ်းများကို ပြဌာန်းမည့် ပြည်သူ့လွှတ်တော်တွင် နိုင်ငံရေးပါတီများအကြား အာဏာခွဲဝေမှုကို မဲဆန္ဒရှင်များက အဆုံးအဖြတ်ပေးရန် အခွင့်အရေး ရရှိပေလိမ့်မည်။

စစ်အစိုးရက ရွေးကောက်ပွဲ ဥပဒေများကို ကြေညာသည့်အခါ ထိုဥပဒေများသည် ကျင့်သုံးခဲ့ပြီးသော ရွေးကောက်ပွဲ စနစ်ကို မည်မျှ ပြုပြင်လိုက်ပြီး ဥပဒေအသစ်များ မည်မျှထည့်သွင်းထားမည်ကို အကဲခတ်များက အသေအချာ လေ့လာကြပေလိမ့်မည်။

၂၀၀၈ ခုနှစ်တွင် အတည်ပြုခဲ့သော အခြေခံဥပဒေတွင် ရွေးကောက်ပွဲစနစ်ကို စစ်အစိုးရက ထည့်သွင်း ပြဌာန်းထားခြင်း မရှိပါ။ ထိုသို့ ထည့်သွင်းမည်ဆိုပါကလည်း ပြင်ဆင်ပြောင်းလဲရန် အလွန်ခက်ခဲသွားပေမည်။ ရွေးကောက်ပွဲစနစ်ကို အခြေခံဥပဒေနှင့် ကင်းလွတ်ပြီး သီးခြားဥပဒေ ပြဌာန်းခြင်းကြောင့် ပို၍ ပြောင်းလွယ်ပြင်လွယ် ဖြစ်စေသည်။

သို့ရာတွင် ရွေးကောက်ပွဲကို ပြည်တွင်းပြည်ပမှ စောင့်ကြည့်လေ့လာသူများအနေဖြင့် ရွေးကောက်ပွဲစနစ်သည် အမှန်တကယ်အားဖြင့် အခြေခံဥပဒေနှင့် နီးကပ်စွာဆက်နွယ်နေသည်ကို သဘောပေါက်ရန် အရေးကြီးပါသည်။ အကြောင်းမှာ ရွေးကောက်ပွဲစနစ်တခု၏ ပုံစံသည် မည်သူတို့က ပြည်သူ့ လွှတ်တော်တွင် ကြီးစိုးနိုင်မည် ဆိုသည့် အာဏာချိန်ခွင်လျှာ ထိန်းညှိမှုအပေါ် အကြီးအကျယ် အကျိုးသက်ရောက်နိုင်သောကြောင့် ဖြစ်သည်။

မြန်မာပြည်သူများသည် ရွေးကောက်ပွဲစနစ် ပုံစံများနှင့် စပ်လျဉ်း၍ သတင်းအချက်အလက်ရရှိမှု အလွန်နည်းနေ သည်။ ရွေးကောက်ပွဲစနစ် ပုံစံများသည် ၎င်းတို့၏ဆန္ဒမဲများကို နိုင်ငံရေးပါတီတခု လွှတ်တော်တွင် ရရှိမည့် နေရာများ အဖြစ် ပြောင်းလဲမည်ဖြစ်သည်။

ထို့ကြောင့် ကမ္ဘာပေါ်တွင် ယခုကျင့်သုံးနေကြသော ရွေးကောက်ပွဲစနစ်များ၊ မြန်မာနိုင်ငံတွင် ယခင်ကကျင့်သုံးခဲ့သော ရွေးကောက်ပွဲစနစ်များ အကြောင်းကို နားလည်သဘောပေါက်ရန် အရေးကြီးပါသည်။ ရွေးကောက်ပွဲစနစ် အမျိုးအစား အမြောက်အမြား ရှိသော်လည်း အသုံးအများဆုံး စနစ်များကို ယေဘုယျအားဖြင့် အုပ်စု ၃ စု ခွဲခြားထားပါသည်။ ၎င်း တို့မှာ မဲအများစုအနိုင်ရစနစ် (Plurality-Majority)၊ အချိုးကျ ကိုယ်စားပြုမှုစနစ် (Proportional Representation) နှင့် အထက်ပါ စနစ်နှစ်ခုကို ပေါင်းစပ်အသုံးပြုသောစနစ် (Mixed Systems) တို့ ဖြစ်ပါသည်။

မဲအများစုအနိုင်ရစနစ် အုပ်စုတွင် အမျိုးအစား ၅ ခု ရှိသည်။

- မဲအများဆုံးရသော ကိုယ်စားလှယ်က အနိုင်ရသော First Pass The Post (FPTP)၊
- မဲအရေအတွက် ၅၀ ရာခိုင်နှုန်း မကျော်လျှင် နောက်ထပ် တကြိမ် မဲပေးရသော Two-Round System (TRS)၊
- မိမိ အနှစ်သက်ဆုံး ကိုယ်စားလှယ်လောင်း တဦးမကကို အစဉ်လိုက် ရွေးချယ်ပေးနိုင်သည့် Alternative Vote (AV)၊
- ကိုယ်စားပြုသည့်လူဦးရေပမာဏ အချိုးအစားအရ မဲတင်းပေးသော Block Vote (BV) နှင့်
- နိုင်ငံရေးပါတီများက တင်သွင်းသည့် ကိုယ်စားလှယ်လောင်းစာရင်းကို ကြည့်ပြီး ပေးသော Party Block Vote (PBV) စနစ်တို့ ဖြစ်သည်။

အချိုးကျ ကိုယ်စားပြုမှု စနစ် အုပ်စုတွင် အမျိုးအစား ၂ ခု ရှိသည်။

- စာရင်းအလိုက် အချိုးကျ ကိုယ်စားပြုမှုစနစ် List Proportional Representation (List PR) နှင့်
- လွဲပြောင်း၍ရသော တမဲတည်းပေးစနစ် Single Transferable Vote (STV) တို့ ဖြစ်သည်။

အထက်တွင် ဖော်ပြထားသောစနစ်များကို ပေါင်းစပ်အသုံးပြုသော အုပ်စုလည်းရှိပါသည်။

- FPTP နှင့် PR စနစ်များမှ ကောင်းမွန်သော ၀ိသေသများကို ပေါင်းစပ်ထားသော Mixed Member Proportional (MMP) နှင့်
- ပူးတွဲစင်ပြိုင်စနစ် Parallel System တို့ ဖြစ်သည်။

ဒီမိုကရေစီကျင့်သုံးစ နိုင်ငံသစ်များသည် ၎င်းတို့နှင့် အကျွမ်းတ၀င် အရှိဆုံးသော ရွေးကောက်ပွဲစနစ်ကို ရွေးချယ် ကျင့်သုံးလေ့ ရှိကြသည်။ ယခင် ကိုလိုနီ ဖြစ်ခဲ့သည့် နိုင်ငံများသည် ကိုလိုနီခေတ် ရွေးကောက်ပွဲစနစ်ကို အပြောင်း အလဲ ကြီးကြီးမားမား မလုပ်ဘဲ အမွေဆက်ခံ ကျင့်သုံးကြသည် ဟု ဆွီဒင်နိုင်ငံ အခြေစိုက် International Institute of Democracy and Electoral Assistance (IDEA) အဖွဲ့ကြီးက ၂၀၀၈ တွင် ပြန်လည် ဖြည့်စွက် ထုတ်ဝေခဲ့သော `ရွေးကောက်ပွဲစနစ်ပုံစံများ´ အမည်ရှိ လက်စွဲစာအုပ်တွင် သုတေသနပြု ရေးထားသည်။

FPTP စနစ်က မြန်မာ့နိုင်ငံရေးအပေါ် အကျိုးသက်ရောက်မှု

ဗြိတိသျှကိုလိုနီဟောင်းများ ဖြစ်ကြသော မလေးရှား၊ စင်္ကာပူ စသည့် အရှေ့တောင်အာရှ နိုင်ငံများကဲ့သို့ မြန်မာ နိုင်ငံသည် ဗြိတိသျှတို့ထံမှ FPTP စနစ်ကို အမွေ ဆက်ခံခဲ့သည်။ သို့ရာတွင် ယနေ့ စင်္ကာပူတွင် ကျင့်သုံးနေသော ရွေးကောက်ပွဲစနစ်မှာ FPTP နှင့် PBV စနစ်တို့ကို ပေါင်းစပ်ထားခြင်း ဖြစ်သည်။

FPTP စနစ်ဆိုသည်မှာ အဘယ်နည်း။ ထိုစနစ်က နိုင်ငံရေးတည်ငြိမ်မှုကို မည်ကဲ့သို့ သြဇာ သက်ရောက်စေနိုင် သနည်း။ IDEA လက်စွဲစာအုပ်အရ ထိုစနစ်သည့် အရိုးရှင်းဆုံး ရွေးကောက်ပွဲပုံစံ ဖြစ်သည်၊ မဲပေးသူက ကိုယ်စား လှယ်လောင်း တဦးကိုသာ မဲပေးရွေးချယ်ရန် လိုအပ်သည်၊ မဲအများဆုံး ရရှိသော ကိုယ်စားလှယ်က ရွေးကောက်ခံရ မည် ဖြစ်သည်။

FPTP စနစ်တွင် အားသာချက်များနှင့် အားနည်းချက်များ ယှဉ်တွဲ၍ ရှိနေပါသည်။ ထင်ရှားသောအချက် တခုမှာ ထို စနစ်သည် အနိုင်ရသူ အကုန်ယူဆိုသည့် စနစ်ဖြစ်သည်။ ပါတီတခုတည်းက လွှမ်းမိုးချုပ်ကိုင်နိုင်သည့် အခွင့်အလမ်းများ ဖန်တီးပေးထားသည်။

သီအိုရီအရ ပြောလျှင် အင်အားကောင်းသည့် ပါတီ တခုတည်းက လွှမ်းမိုးထားသည့် အစိုးရ တရပ်တွင် အရေးပါသော အားသာချက်တချို့ ရှိနေသည်။ ပထမအချက် - ထိုတိုင်းပြည်တွင် နိုင်ငံရေး တည်ငြိမ်မှု ရှိသည်။ ဒုတိယ အချက်မှာ ထိုစနစ်သည် ကိုယ်စားလှယ်လောင်းများကို အဓိကထားသော စနစ် ဖြစ်သည့် အတွက် တိုင်းရင်းသား လူနည်းစု နိုင်ငံရေး ပါတီများက လွှတ်တော်တွင် ၎င်းတို့ဒေသကို ကိုယ်စားပြုမှု ရနိုင်သည်။ တတိယအချက် အနေဖြင့် အစိုးရသည် နိုင်ငံတော်မူဝါဒများ၊ ဥပဒေများကို ပြတ်ပြတ်သားသား ဆုံးဖြတ်လုပ်ဆောင်နိုင်ပါသည်။ စတုတ္ထအချက်မှာ မူဝါဒများ နှင့် ဥပဒေများကို အကောင်အထည် ဖော်သည့်အခါ အောင်မြင်ခြင်း သို့မဟုတ် မအောင်မြင်ခြင်းအတွက် တာဝန်ယူမှု အပိုင်းတွင် ရှင်းလင်း မြင်သာသည်။ နောက်ဆုံးအချက် အနေဖြင့် တိုင်းပြည်၏ မူဝါဒများ၊ ဥပဒေများကို ပြင်ဆင်ရန် အခြေအနေက တောင်းဆိုလာပါက အစိုးရက စွမ်းဆောင်ရည်ရှိရှိဖြင့် ဆောင်ရွက်နိုင်သည်။

မြန်မာနိုင်ငံတွင် ကျင်းပခဲ့သော ၁၉၆၀ နှင့် ၁၉၉၀ ရွေးကောက်ပွဲများကို ပြန်လည် ဆန်းစစ် ကြည့်လျှင် ရွေးကောက်ပွဲ ရလဒ်များသည် ပါတီတခုတည်းက မဲအများစုဖြင့် အပြတ်အသတ် အနိုင်ရရှိကြပြီး အင်အားကောင်းသည့် ပါတီတခုတည်းက လွှမ်းမိုးထားသည့် အစိုးရတရပ် ဖွဲ့စည်းရန် ဦးတည်ခဲ့ကြောင်း တွေ့ရသည်။

၁၉၆၀ ရွေးကောက်ပွဲတွင် ထိုအချိန်က ၀န်ကြီးချုပ်ဦးနု၏ ပြည်ထောင်စုပါတီသည် လွှတ်တော်အမတ်နေရာ ၂၅၀ အနက် ၂၀၃ နေရာ အနိုင်ရခဲ့သည်။ ထိုနည်းအတူ ၁၉၉၀ ရွေးကောက်ပွဲတွင် ဒီမိုကရေစီ ခေါင်းဆောင် ဒေါ်အောင်ဆန်းစုကြည် ခေါင်းဆောင်သော အမျိုးသား ဒီမိုကရေစီ အဖွဲ့ချုပ် (NLD) က လွှတ်တော် အမတ်နေရာ ၄၈၅ နေရာတွင် ၃၉၂ နေရာ အနိုင်ရခဲ့သည်။

အချိန်ကာလ ကွဲပြား ခြားနားသော်လည်း ထိုနိုင်ငံရေးဖြစ်စဉ် နှစ်ခုလုံးတွင် တူညီချက်များ ရှိနေသည်။ အနိုင်ရ နိုင်ငံရေး ပါတီများက တိုင်းပြည်ကို အုပ်ချုပ်ခွင့် ပေးရန် စစ်တပ်က လက်မခံခဲ့သည့် အချက် ဖြစ်သည်။ ၁၉၆၀ ရွေးကောက်ပွဲတွင် စစ်တပ်က ထောက်ခံ အားပေးသော တည်မြဲ ဖဆပလ ရှုံးနိမ့်သွားရာ စစ်တပ်က ၁၉၆၂တွင် အာဏာသိမ်းလိုက်သည်။

၁၉၉၀ ရွေးကောက်ပွဲတွင် လက်ရှိ စစ်ဗိုလ်ချုပ်များ ထောက်ခံသော တိုင်းရင်းသား စည်းလုံး ညီညွတ်ရေး ပါတီ (တစည) က အံ့သြစရာ ကောင်းလောက်အောင် ရှုံးနိမ့်သွားသည့်အခါ ဗိုလ်ချုပ်ကြီးများက အနိုင်ရသော NLD ကို အာဏာလွှဲပေးမည့် ၎င်းတို့၏ကတိကို ဖျက်ခဲ့သည်။

မြန်မာ့နိုင်ငံရေး အကျပ်အတည်း၊ စစ်တပ်နှင့် အရပ်သား နိုင်ငံရေး ပါတီတို့၏ ပဋိပက္ခ စသည်တို့၏ နောက်ကွယ်တွင် အကြောင်းရင်း အများအပြား ရှိနေသော်လည်း ၎င်းတို့ထဲက အချက်တချက်မှာ FPTP ရွေးကောက်ပွဲစနစ်ပင် ဖြစ်သည်။ အကြောင်းရင်းမှာ ထိုစနစ်သည် နိုင်ငံရေးပါတီ တခုတည်းက လွှတ်တော်တွင် အချိုးအစား မညီသည့် ကိုယ်စားပြုမှု ရရှိပြီး အာဏာချိန်ခွင်လျှာ မညီမျှမှု ပေါ်ပေါက်စေသည့် အတွက် ဖြစ်ပါသည်။

ဥပမာ ၁၉၈၈ ခုနှစ်တွင် မြန်မာ့ဆိုရှယ်လစ်လမ်းစဉ်ပါတီကို အသွင်ပြောင်းပြီး ဖွဲ့စည်းခဲ့သည့် တစည ပါတီသည် ၁၉၉၀ ရွေးကောက်ပွဲတွင် တနိုင်ငံလုံး မဲအရေအတွက်၏ ၂၁.၂ ရာခိုင်နှုန်း ရရှိခဲ့သော်လည်း မဲဆန္ဒနယ် ၁၀ နေရာသာ အနိုင်ရသည်။ ထိုမဲအရေအတွက်သည် NLD ပြီးလျှင် အများဆုံး ရခြင်း ဖြစ်သည်။ သို့သော်လည်း မဲအရေအတွက် ၁.၇ ရာခိုင်နှုန်းသာ ရသည့် ရှမ်း တိုင်းရင်းသား ဒီမိုကရေစီ အဖွဲ့ချုပ်က ၂၃ နေရာ အနိုင်ရခဲ့သည်။

သီအိုရီအရ ကြည့်လျှင် ထိုကဲ့သို့သော အားသာချက်များနှင့် အားနည်းချက်များကို ရွေးကောက်ပွဲစနစ်အတွင်း ညှိနှိုင်း ပြင်ဆင်နိုင်သည်။ လွှတ်တော်တွင် ထိရောက်သော ကိုယ်စားပြုမှု ရရန် ပုံမှန် ကျင်းပသော ရွေးကောက်ပွဲများ မှတဆင့် နိုင်ငံရေးပါတီ အားလုံးကို တူညီသော အခွင့်အရေးများ ဖန်းတီးပေးနိုင်သည်။ သို့ရာတွင် စစ်အစိုးရက ရွေးကောက်ပွဲစနစ်ကို ဖျက်ဆီးပစ်ခဲ့သည်။ ယခုတဖန် ရွေးကောက်ပွဲစနစ်တခု ပြန်အသက်သွင်းရန် ထပ်မံ လုပ်ဆောင်နေသည်။

စစ်တပ်နှင့် အရပ်သား နိုင်ငံရေး အဖွဲ့များ အကြား ဆယ်စုနှစ်နှင့် ချီပြီး ကြာရှည်ခဲ့သည့် တင်းမာမှုများ နောက်ပိုင်း စစ်အစိုးရက ၂၀၀၈ အခြေခံ ဥပဒေဖြင့် နိုင်ငံရေး ပုံစံသစ်တခု ကျင့်သုံးရန် ကြိုးစားလျက်ရှိသည်။

စစ်အစိုးရသည် လွှတ်တော်နှစ်ရပ် စနစ်ကို ထူထောင်၍ ဒီမိုကရေစီနည်း မကျသောကိုယ်စားပြုမှု ပုံသဏ္ဌာာန်ကို ထို အခြေခံဥပဒေတွင် ပြဌာန်းထားသည်။ ထိုသို့ ပြဌာန်းထားချက်အရ လွှတ်တော်တွင် စစ်တပ်က ခန့်အပ်သော ကိုယ်စားလှယ် ၂၅ ရာခိုင်နှုန်း၊ ပြည်သူက ရွေးကောက် တင်မြှောက်သော ကိုယ်စားလှယ် ၇၅ ရာခိုင်နှုန်း ပါဝင်မည် ဖြစ်သည်။

ထိုအခြေခံဥပဒေတွင် ရေးဆွဲထားသော လွှတ်တော်ပုံစံအရ စစ်တပ် ထောက်ခံအားပေးသော နိုင်ငံရေးပါတီက ရွေးကောက်ပွဲတွင် ဆိုးဆိုးရွားရွား ရှုံးနိမ့်သွားလျှင်ပင် စစ်တပ်က အာဏာသိမ်းရန် မလိုအပ်တော့ပါ။ အကြောင်းရင်းမှာ စစ်တပ်သည် လွှတ်တော်ကို ချုပ်ကိုင်နိုင်သော အနေအထားကို ရယူထားသောကြောင့် ဖြစ်သည်။ ထို့အပြင် နိုင်ငံရေးပါတီတခုတည်းက လွှတ်တော်တွင် လွှမ်းမိုးထားသည့် အခြေအနေကို ရှောင်ရှားသည့် အနေဖြင့် အခြေခံဥပဒေအသစ်သည် လွှတ်တော်က ရွေးကောက်တင်မြှောက်သည့် သမ္မတစနစ်ကို ကျင့်သုံး သွားမည် ဖြစ်သည်။ ထိုစနစ်သည် စစ်တပ်ချုပ်ကိုင်မှု မရှိသည့် နိုင်ငံရေးပါတီတခုတည်းက အုပ်ချုပ်ရေး အာဏာကို ထိန်းချုပ်မှု မပြုနိုင်ရန်လည်း အကာအကွယ် ပေးထားသည်။

အသစ်ပြဌာန်းမည့် ရွေးကောက်ပွဲဥပဒေသည် FPTP စနစ်ကို ဆက်လက် ကျင့်သုံးသွားမည် ဆိုလျှင် စစ်တပ်ကြီးစိုးမှုကို ဆန့်ကျင်သော နိုင်ငံရေးပါတီသည် လာမည့် ရွေးကောက်ပွဲတွင် လွှတ်တော်၌ နေရာအများစုရရန် အခွင့်အရေး ရှိပါသည်။ သို့ရာတွင် စစ်တပ်က ဒီမိုကရေစီနည်း မကျစွာ ရယူထားသော လွှတ်တော်ဝေစုက ခိုင်မာ အားကောင်းသည့် ဒီမိုကရက်တစ် အစိုးရတရပ် ပေါ်ပေါက်ရေးကို ထိထိရောက်ရောက် ဟန့်တားပါလိမ့်မည်။

သို့သော် စစ်အစိုးရ အားပေးထောက်ခံသော နိုင်ငံရေးပါတီက ရွေးကောက်ပွဲတွင် မဲအများစုဖြင့် အနိုင်ရရှိပါက အင်အားကောင်းသော စစ်တပ်ကြီးစိုးသည့် အာဏာပိုင်အစိုးရတရပ် ထူထောင်ရေးအတွက် ထိုဝေစုက လမ်းခင်းပေးမည် ဖြစ်သည်။

ယခုတကြိမ်တွင် မည်ကဲ့သို့သော ရွေးကောက်ပွဲ စနစ်အား စစ်အစိုးရက သဘောကျသည်ကို မြန်မာ့အရေး လေ့လာသူများက ဂရုတစိုက် စောင့်ကြည့်ကြမည် ဖြစ်သည်။ လွှတ်တော်အတွင်း အာဏာခွဲဝေရာတွင် ထိုရွေးကောက်ပွဲစနစ်က မည်သို့ အကျိုး သက်ရောက်မည်ကိုလည်း နားလည် သဘောပေါက်ရန် ခွဲခြမ်းစိတ်ဖြာ လေ့လာကြပေလိမ့်မည်။ ။
SOURCE