Wednesday, November 18, 2009

PROSPECT BURMA..SCHOLARSHIP APPLICATION FORM..FOR NEW APPLICANTS

http://ifile.it/hb0o8qy

Scholarship Application Form




http://www.hittai.org/job/pdf%20and%20photo/MMPH%20Application.pdf.pdf
http://ifile.it/21b9xk6
MMPH Application


http://www.hittai.org/main.htm

“စစ်အစိုးရ အဘိဓာန်မှာ လုံးဝမပါသည့်စကားလုံးနှင့် အမြင်သွေလွဲခြင်း”





စိုးနေလင်း
Wednesday, November 18, 2009



မြန်မာနိုင်ငံအကြောင်း စဉ်းစားလိုက်တိုင်း ကိုယ်ကိုယ်တိုင် အပါအ၀င်ဖြစ်တဲ့ ပြည်သူလူထုကြီးတရပ်လုံးဟာ တခြားဒီ ထက်ပိုပြီး အခြေအနေဆိုးဝါးတဲ့ နိုင်ငံအနည်းအကျဉ်းက လွဲရင် အတော်ကြီး ကံအကြောင်းမလှခဲ့ဖြစ်ခဲ့ရ၊ ဖြစ်နေရ တယ်လို့ ပြောရမှာပါပဲ။ လွတ်လပ်ရေးဆိုတဲ့အရသာကို အ မြည်းသဘောလောက်ပဲ ခံစားခွင့်ရခဲ့ကြသူတွေ ဖြစ်ခဲ့ကြ ပါတယ်။ တကယ်တန်းပြောရရင် မြန်မာနိုင်ငံရဲ့ အင်အာ အများဆုံးလူတန်းစားဖြစ်တဲ့ လယ်သမားနဲ့ အလုပ်သမား လူတန်းစား ဆင်းရဲသားကျောမွဲ ပြည်သူလူထုအများစုဟာ ဘယ်တုံးကမှ လွတ်လပ်ရေးအရသာကို မခံစားကြရသေး ပါဘူး။ နယ်ချဲ့အင်္ဂလိပ် ဖက်ဆစ်ဂျပန် နယ်ချဲ့အင်္ဂလိပ် အုပ်စိုးမင်းမူမှုတွေက လွတ်မြောက်ပြီး ဒီမိုကရေစီအ ညှောက်ကလေး ထွက်ပေါက်လာကာစမှာပဲ စစ်အာဏာရှင်တွေရဲ့ ကျေးကျွန်ပြန်ဖြစ်ခဲ့ကြရတာပါ။ စကားလုံးရွေးချယ်သုံးနှုန်းရရင် တော့ အမျိုးသား စစ်လက်ဝါးကြီးအုပ် အရင်းရှင်စနစ်အောက်မှာ ကျွန်သဘောက်တွေ ဖြစ်ခဲ့ကြရတာပါ။ ခုချိန်မထိလည်း စစ်အာဏာ ရှင်စနစ်အောက်က ကျေးကျွန်တွေဖြစ်နေဆဲပါပဲ။ နှစ်နဲ့တွက်ချက်ရရင်တော့ ဗိုလ်နေ၀င်းရဲ့ အိမ်စောင့်အစိုးရသက်တမ်းကိုပါ ထည့်ပြီး ရေတွက်မယ်ဆိုရင် ရာစုနှစ်ဝက် အနှစ် ၅၀ ပြည့်လုလု ဖြစ်နေပါပြီ။

စစ်အာဏာရှင်စနစ်ကတော့ သူ့ရဲ့စရိုက်သဘာဝအတိုင်း ပြည်သူလူထုကိုဖိနှိပ်မယ်၊ ညှင်းပမ်းနှိပ်စက်မယ်၊ ပြည်သူလူထုတွေပိုင်ဆိုင် တဲ့ တိုင်းပြည်ရဲ့သဘာဝ သယံဇာတပစ္စည်းတွေကို ကိုယ်ကျိုးစီးပွားအဖြစ် သုံးစွဲမယ် ရယူစုဆောင်းမယ်။ သူတို့ရဲ့ အာဏာနဲ့ကိုယ် ကျိုးစီးပွားကို ထိပါးလာမယ်ဆိုရင် ဘယ်သူကိုမဆိုခြေမှုန်းနှိမ်နှင်းမယ်၊ လိုအပ်ရင် သတ်ဖြတ်အပြတ်ရှင်းပစ်မယ်။ အဲဒီသဘာဝဟာ ခု ထိလည်း မပြောင်းမလဲ ဒီအတိုင်းပါပဲ။ ပြည်သူလူထုကြီးတရပ်လုံးဟာလည်း ဆင်းရဲတွင်း ငရဲတွင်းထဲမှာ နစ်မွန်းနေဆဲပါပဲ။ ကမ္ဘာကြီး တခုလုံးရဲ့ ဖွံဖြိုးတိုးတက်လာတဲ့ သိပ္ပံနဲ့နည်းပညာ ဆက်သွယ်ရေးနည်းပညာတွေရဲ့ ဝေစုရှယ်ယာအရ အနည်းအကျဉ်းပြောင်းလဲတိုး တက်လာတာမျိုးကလွဲရင် နှိင်းယှဉ်မှုအရ အိမ်နီးချင်းနိုင်ငံ အများစုအပါအ၀င် တခြားကမ္ဘာ့နိုင်ငံတွေနဲ့ ဘာမှမဆိုင်အောင် အောက် တန်းကျနေဆဲဖြစ်ပါတယ်။ တရားခံကိုတခြားရှည်ရှည်ဝေးဝေး ရှာနေစရာမလိုဘူးဆိုတာကိုသာမန်အသိတရား အဆင့်ရှိကြသူတိုင်း နားလည်သဘောပေါက်ပြီး ဖြစ်ကြပါလိမ့်မယ်။ တိုင်းပြည်နဲ့ပြည်သူလူထုကြီးတရပ်လုံး ဆင်းရဲမွဲပြာ အဖက်ဖက်က ချွတ်ခြုံကျနေတဲ့ အ ခြေအနေကနေ လွတ်မြေက်ဖို့ဆိုရင် ကျနော်တို့တိုင်းပြည်မှာ စိုးမိုးအုပ်ချုပ်နေဆဲဖြစ်တဲ့ စစ်အာဏာရှင်စနစ်ကို ဖယ်ရှားရှင်းလင်းပစ်မှ သာ ဖြစ်နိုင်မယ်ဆိုတာကို သူ့ရဲ့လုပ်ရပ်တွေကပြသခဲ့ ပြသနေဆဲဖြစ်ပါတယ်။

စစ်အစိုးရက အမေရိကန်နိုင်ငံသား ဂျွန်ယက်တော ရဲ့ လုပ်ရပ်ကိုအကြောင်းပြုပြီး ဒေါ်အောင်ဆန်းစုကြည်ကို ၂၀၁၀ ခုနှစ်ရွေး ကောက်ပွဲလွန်ကာလအထိ အကျဉ်းချထားရေးကြိုးပမ်းအားထုတ်မှု နောက်ပိုင်းကစပြီး လိပ်ခဲတင်းတင်း ရှေ့တိုးမရဖြစ်နေတဲ့ နိုင်ငံရေး အခြေအနေဟာ မြန်မာနိုင်ငံအပါအ၀င် အရှေ့အာရှ နိုင်ငံတွေအပေါ်ထားရှိတဲ့ အမေရိကန်နိုင်ငံရဲ့ နိုင်ငံခြားရေးမူဝါဒ အပြောင်းအလဲ ကြောင့် နည်းနည်းစပြီးလှုပ်လာတာကို သတိပြုမိကြမယ်ထင်ပါတယ်။ လူထုဒီမိုကရေစီခေါင်းဆောင် ဒေါ်အောင်ဆန်းစုကြည် ကိုယ် တိုင်က မြန်မာနိုင်ငံအပေါ်ချမှတ်ထားတဲ့ အရေးယူပိတ်ဆို့မှုတွေ ရုတ်သိမ်းပေးရေးမှာ ကိုယ်တိုင်ပါဝင်ဆောင်ရွက်ဖို့ တောင်းဆိုခဲ့ပြီးတဲ့ နောက်မှာ စစ်အစိုးရက သူမရဲ့တောင်းဆိုမှုတချို့ကို လိုက်လျှောခွင့်ပြုခဲ့လို့ စစ်အစိုးရ၊ ဒေါ်အောင်ဆန်းစုကြည်နဲ့ သူမရဲ့ပါတီဖြစ်တဲ့ အမျိုးသားဒီမိုကရေစီအဖွဲ့ချုပ်တို့ကြား ဆက်ဆံရေးဟာ အေးခဲနေရာကစပြီး အရည်ပျော်စပြုလာပုံရတယ်လို့ အကဲခတ်လာကြတာ ကိုလည်း သတိပြုမိကြပြီးဖြစ်ပါလိမ့်မယ်။

ကျနော်တို့သတိထားရမှာကတော့ ဘယ်သူတွေဘာပြောပြော အပြောထက် အလုပ်ကိုကြည့်တတ်ဖို့ပါပဲ။ အမေရိကန်အစိုးရက မြန်မာ နိုင်ငံအပေါ် အရေးယူပိတ်ဆို့မှုလုပ်တဲ့နည်းဟာ အလုပ်မဖြစ်ဘူးလို့ ယုံကြည်တဲ့အတွက် ပြန်လည်သုံးသပ်ပြောင်းလဲခဲ့တယ်လို့ ဆိုပါ တယ်။ ဒါပေမယ့် မြန်မာနိင်ငံအစိုးရက ဒီမိုကရေစီအသွင်ကူးပြောင်းရေးအတွက် ဘာမှတိုးတက်အောင်လုပ်မပြပဲ အရေးယူပိတ်ဆို့ မှုတွေကို ရုတ်သိမ်းမပေးနိုင်သေးဘူး။ ဒေါ်အောင်ဆန်းစုကြည် နဲ့နိုင်ငံရေးအကျဉ်းသားတွေ အားလုံးလွှတ်ပေးဖို့၊ တွေ့ဆုံဆွေးနွေးဖို့၊ ၂၀၁၀ ခုနှစ် ရွေးကောက်ပွဲမှာ အားလုံးပါဝင်ဆောင်ရွက်ခွင့်ရရှိအောင် အခြေအနေကောင်းတွေ ဖန်တည်းပေးဖို့တွေကိုတောင်းဆိုထား ပါတယ်။ အမျိုးသားဒီမိုကရေစီအဖွဲ့ချုပ်နဲ့ တခြားပါတီတွေနဲ့ တွေ့ဆုံပါတယ်။

အမျိုးသားဒီမိုကရေစီအဖွဲ့ချုပ်က ရွှေဂုံတိုင်ကြေငြာချက်မှာ တောင်းဆိုထားတဲ့အချက်တွေအတိုင်း တွေ့ဆုံဆွေးနွေးရေး၊ ၂၀၀၈ ဖွဲ့စည်း ပုံ အခြေခံဥပဒေကို ပြန်လည်သုံးသပ်ပြင်ဆင်ရေး၊ ၉၀ ခုနှစ် ရွေးကောက်ပွဲရလဒ်ကို တနည်းနည်းနဲ့ အသိအမှတ်ပြုရေး၊ ဒေါ်အောင် ဆန်းစုကြည် အပါအ၀င် နိုင်ငံရေးအကျဉ်းသားအားလုံးကို အမြန်ဆုံးလွှတ်ပေးရေး၊ တပြည်လုံးမှာ အပိတ်ခံထားရဆဲဖြစ်တဲ့ အမျိုးသား ဒီမိုကရေစီအဖွဲ့ချုပ်ရုံးတွေကို ပြန်လည်ဖွင့်လှစ်ဖို့ ခွင့်ပြုဖို့ဆက်လက်တောင်းဆိုနေပါတယ်။ နောက်ဆုံးအမေရိကန်အစိုးရရဲ့ ကိုယ်စ လှယ်တွေကိုလည်း အဲဒီတောင်းဆိုချက်တွေ ရရှိရေးအတွက်ပဲ အဓိကထားဆွေးနွေးခဲ့ပါတယ်။

စစ်အစိုးရကထုံးစံအတိုင်း အမျိုးသားဒီမိုကရေစီအဖွဲ့ချုပ်ရဲ့ တောင်းဆိုချက်တွေနဲ့ပတ်သက်ပြီး ဘာတခုမှတုန့်ပြန်ပြောကြားမလုပ်ခဲ့ပါ ဘူး၊ မသိချင်ယောင်အဖက်မတန်သယောင် လုပ်ထားခဲ့ပါတယ်။ အမေရိကန်အစိုးရကိုတော့ နိုင်ငံရေးအကျဉ်းသားအနည်းစုလေးနဲ့ တ ခြားရာဇ၀တ်အကျဉ်းသားအများစုကြီးကို လွှတ်ပြပြီးသူတို့ရဲ့ နည်းဟောင်းကြီးဖြစ်တဲ့ ဖမ်းလွှတ်ဖမ်းကစားနည်းကို ကစားပြလိုက်ပါ တယ်။ ဒေါ်အောင်ဆန်းစုကြည်အပါအ၀င် တခြားအရေးပါတဲ့ နိုင်ငံရေးအကျဉ်းသားတွေနဲ့ လှုပ်ရှားသူတွေကိုလွှတ်မပေးဘဲ ဆက် လက်ထိမ်းသိမ်းထားဆဲ ဖြစ်ပါတယ်။ သူတို့အာဏာတည်မြဲရေးကို ထိပါးမလာနိုင်လောက်သေးတဲ့ ဒေါ်အောင်ဆန်းစုကြည်ရဲ့ တချို့ တောင်းဆိုချက်တွေကို လိုက်လျှောခွင့်ပြုပေးခဲ့ပါတယ်။ တခြားဘာတောင်းဆိုချက်ကိုမှ ခုချိန်ထိ လိုက်လျှောခွင့်ပြုတာမရှိခဲ့သေးပါ ဘူး။ အမျိုးသားဒီမိုကရေစီအဖွဲ့ချုပ် တက်ကြွလှုပ်ရှားသူ လူကြီးလူငယ်တွေ တခြားဒီမိုကရေစီရေးလှုပ်ရှားသူတွေ၊ ရဟန်းသံဃာတွေ ကို မျက်ခြေမပြတ်စောင့်ကြည့်ပြီး နည်းနည်းမသင်ကာတာနဲ့ ဖမ်းဆီးစစ်ဆေး အရေးယူအပြစ်ပေးမှုတွေကို ဆက်တိုက်ပြုလုပ်နေပါ တယ်။ သူတို့မွေးမြူထားတဲ့ လူထုသစ္စာဖောက်တွေကို လူထုအုံကြွမှုခြေမှုန်းတိုက်ဖျက်ရေးသင်တန်းတွေ လက်သိပ်ထိုး ပေးလာတာ မျိုးတွေတွေ့လာရပါတယ်။ ဒီမိုကရေစီအသွင်ကူးပြောင်းရေးကို ရှေ့ရှုတဲ့ ခြေခြေမြစ်မြစ် လမ်းဖွင့်ပြုပြင်ပြောင်းလဲပေးတာမျိုးတွေကိုလုံး ၀မတွေ့ရသေးပါဘူး။ ဒါဟာလောလောဆယ် အမေရိကန်နဲ့နိုင်ငံတကာက ဖိအားပေးတောင်းဆိုနေတာတွေ အမျိုးသားဒီမိုကရေစီ အဖွဲ့ချုပ်ကတောင်းဆို လုပ်ဆောင်နေတာတွေနဲ့ စစ်အစိုးရရဲ့အပြော၊ အပြ၊ အလုပ်တွေပဲဖြစ်ပါတယ်။

အဲဒီအခြေအနေမှာ အမေရိကန် ကုလသမဂ္ဂနဲ့ နိုင်ငံတကာကတောင်းဆိုနေတဲ့ ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားလုံး လွှတ်ပေးရေးနဲ့ အမျိုးသားဒီမိုကရေစီအဖွဲ့ချုပ်က တောင်းဆိုနေတဲ့ ရွှေဂုံတိုင်ကြေငြာချက်ပါတောင်းဆိုချက်တွေကို စစ်အစိုးရက လိုက် လျှောခွင့်ပြုလာနိုင်ခြေ ရှိပါသလား။ စစ်အစိုးရဖက်က အခြေအနေအ၀န်းအ၀ိုင်းအားလုံးကို အသာစီးအခြေအနေနဲ့ စီးနင်းပြီး ဒေါ် အောင်ဆန်းစုကြည်နဲ့ အမျိုးသားဒီမိုကရေစီအဖွဲ့ချုပ်ကို လှုပ်လို့မရအောင်လုပ်၊ နိုင်ငံတကာကိုလည်း ၂၀၁၀ ရွေးကောက်ပွဲမှာ လွတ် လပ်တရားမျှတအောင် ဘယ်လိုစီစဉ်ဆောင်ရွက်ထားပါတယ်လို့ ဟန်ပြသဘောလုပ်ထားတွေနဲ့ လှည့်စားအယုံသွင်းပြီးတဲ့အချိန်မှာ ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားတွေအားလုံးကို လွှတ်ပေးလိုက်နိုင်တယ်လို့ပဲထား။ မြန်မာနိုင်ငံ ပြည်သူလူထုကြီးတ ရပ်လုံး လိုလားတောင့်တနေတဲ့ လူ့အခွင့်အရေးတွေကို လေးစားလိုက်နာအာမခံတဲ့ ဒီမိုကရေစီနိုင်ငံတခု တည်ဆောက်နိုင်ဖို့ကို တ ကယ်တန်းလိုက်လျှောခွင့်ပြုနိုင်ခြေ ရှိပါ့မလား။

အဲဒီစဉ်းစားချက်တွေကို ကြောင်းကျိုးယုတ္တိရှိရှိ ချဉ်းကပ်စဉ်းစားသုံးသပ်မယ်ဆိုရင်တော့ ဖြစ်နိုင်ခြေအလွန့်အလွန်နည်းပါးတယ်လို့ ယူ ဆရပါတယ်။ ဒါပေမယ့် မြန်မာနိုင်ငံတွေ့ကြုံရင်ဆိုင်နေရတဲ့ နိုင်ငံရေး၊ စီးပွားရေး၊ လူမှုရေး အကျပ်အတည်းတွေအားလုံးဟာ လုံးဝ အောင်အောင်မြင်မြင် ဖြတ်သန်းကျော်လွှားလို့မရနိုင်စရာ မရှိပါဘူး။ အားလုံးကိုအောင်အောင်မြင်မြင် ဖြတ်သန်းကျော်လွှားနိုင်ပါတယ်။

အဲဒီအတွက် အရေးအကြီးဆုံးလိုအပ်ချက်ကတော့ စစ်အစိုးရရဲ့ တိုင်းပြည်နဲ့ပြည်သူလူထုအပေါ်ထားတဲ့ စေတနာပါပဲ။ အဲဒီ စေတနာ သာ စစ်အစိုးရမှာတကယ်တန်းရှိခဲ့ရင် ဘယ်ကုလသမဂ္ဂ ရဲ့အထူးကိုယ်စလှယ် ဘယ်နိုင်ငံရဲ့ကိုယ်စလှယ်တွေမှ ကြားဝင်ဆွေးနွေး ပေးစရာ၊ ကိုယ့်ဘာသာစကားနဲ့ကိုယ် လွတ်လွတ်လပ်လပ် တိုက်ရိုက်တွေ့ဆုံပြောဆိုလို့ရရဲ့နဲ့ ဆက်ဆံရေးဝန်ကြီးဆိုတဲ့ ဘာလုပ်ပိုင် ခွင့်မှမရှိတဲ့ ၀န်ကြီးတယောက်ကိုလည်း ရုပ်ပြခန့်ထားဖို့မလိုပါဘူး။ ကျနော်တို့ တိုင်းပြည်ကို ဖွံဖြိုးတိုးတက်တဲ့ဒီမိုကရေစီ နိုင်ငံတခု အဖြစ် အချိန်မရွေးပြောင်းလဲသွားအောင် လုပ်လို့ရပါတယ်။ ဒါပေမယ့် အဲဒီအဓိက အရေးအကြီးဆုံးလိုအပ်ချက်ဖြစ်တဲ့ “တိုင်းပြည်နဲ့ ပြည်သူလူထုအပေါ်ထားတဲ့ စေတနာ” ဆိုတာ စစ်အစိုးရဆီမှာ စကတည်းကိုက လုံးဝမရှိခဲ့တဲ့အရာတခု ဖြစ်ပါတယ်။ ဒါကိုကြောင်း ကျိုးမဲ့ အခြေအမြစ်မဲ့ ပြောနေတာမဟုတ်ပါဘူး။ စစ်အစိုးရအဆက်ဆက် လုပ်ခဲ့တဲ့လုပ်ရပ်တွေဟာ စာမျက်နှာအထပ်ထပ်ပေါ်မှာ အ ထင်အရှားမြင်သာထင်ရှား ရှိနေခဲ့ပြီးဖြစ်ပါတယ်။ အထူးသက်သေပြနေစရာ မလိုအောင်ကိုအခိုင်အမာရှိနေပါတယ်။

မရှိတဲ့အရာတခုကိုတောင်းနေရင် ရဖို့မျှော်လင့်နေတယ်ဆိုရင် မှန်၏ မမှန်၏ ဖြစ်သင့်၏ မဖြစ်သင့်၏ ဆိုတာကတော့ ကလေးတ ယောက်ကိုမေးခွန်းထုတ်ရင်တောင် အလွယ်တကူအဖြေပေးနိုင်ပါလိမ့်မယ်။

စစ်အစိုးရကတော့ သူ့မှာရှိတဲ့ ဥာဏ်နီ ဥာဏ်နက်မျိုးစုံ ကောက်ကျစ်စဉ်းလဲမှု ကလိန်ကညစ်ကျမှု ယုတ်မာရိုင်းစိုင်းမှု ရက်စက်မှုတွေ အားလုံးကို အရှက်မဲ့ အသုံးချပြီး နိုင်ငံတကာကို အယုံသွင်းမျက်လှည့်ပြနေအုံးမှာဖြစ်သလို မြန်မာနိုင်ငံက ပြည်သူလူထုကိုလည်း လူ သားတွေအဖြစ်သဘောမထားပဲ ဆက်ပြီးဖိနှိပ်ညှင်းပမ်း ကျွန်ပြုအုပ်ချုပ်သွားဖို့ ကြိုးစားနေအုံးမှာပဲဖြစ်ပါတယ်။

ကျနော်တို့က ကျနော်တို့ပြည်သူလူထုကြီးရဲ့ လိုလားတောင့်တမှုကို ရယူပေးဖို့ကိုပဲ အလေးဂရုပြုကြရပါလိမ့်မယ်။ မဝေးတော့တဲ့အ ချိန်မှာ အဓမ္မစစ်ဝါဒီတွေကို ကျနော်တို့ ခြေမှုန်းအနိုင်ယူနိုင်တော့မှာပါ။

ဒေးဗစ်နဲ့ ဂေါလိယက် ကို ပြန်အမှတ်ရကြည့်လိုက်ပါ။ ။




စိုးနေလင်း

http://www.naytthit.com/articals/nov09/snl-nov18.html

ဗိုလ်သန်းရွှေရဲ့ ဂို့စ်လမ်းပြမြေပုံ၊ ကုပ်ချောင်းချောင်း စိတ္တဇနဲ့ ဘုရင်ရူးရောဂါ


ဒေါက်တာလွဏ်းဆွေ

၁၈ နိုဝင်ဘာ ၂၀၀၉


အာဏာသိမ်းအုပ်ချုပ်သက် (၂၁) နှစ်ကျော်လာပြီဖြစ်တဲ့ န၀တ/နအဖ စစ်အုပ်စုရဲ့ မကောင်းဆိုးဝါး သက္ကရာဇ်ဖလင်တွေကို နောက်ကြောင်းပြန်ရစ်ကြည့်တဲ့အခါမှာ အခု နအဖစစ်အုပ်စုပြောနေတဲ့ လမ်းပြမြေပုံ (Road Map) မဟုတ်ဘဲ ထူးခြားတဲ့ နောက်ထပ်လမ်းပြမြေပုံတခု ဆက်စပ်ပုံပေါ်လာတာကို တွေ့ရပါတယ်။ အဲဒီလမ်းပြမြေပုံဟာ နအဖရဲ့ လမ်းပြမြေပုံလို ပေါ်ပေါ်ထင်ထင် ခေါင်းပြူနေတာမဟုတ်ဘဲ စစ်အုပ်စုရဲ့နောက်ကွယ်မှာ တစ္ဆေသရဲ (Ghost) တကောင်လို တရိပ်ရိပ် ကပ်ပါလာခဲ့တာဖြစ်ပါတယ်။

အဲဒီဂို့စ်လမ်းပြမြေပုံရဲ့ ထူးခြားချက်က နအဖလို အုပ်စုတစုက စုပေါင်းအကောင်အထည်ဖော်နေခြင်းမျိုးမဟုတ်ဘဲ လူတဦးတယောက်တည်းက တိတ်တဆိတ်ကျိတ်ကြံပြီး ဉာဏ်နီဉာဏ်နက်ထုတ် လုပ်ဆောင်နေခဲ့တာပဲဖြစ်ပါတယ်။ အဲဒီဂို့စ်လမ်းပြမြေပုံအတိုင်း စိတ်ကူးယဉ်လျှောက်လှမ်းနေခဲ့သူကတော့ န၀တ/နအဖစစ်အုပ်စု ဖိနှိပ်အုပ်ချုပ်ခဲ့ချိန်တလျှောက် နှစ်အတော်ကြာ ကုပ်ချောင်းချောင်းနေခဲ့ပြီး နောက်ဆုံးမှာ အာဏာကို ကောင်းကောင်းချုပ်ကိုင်နိုင်အောင် ကြိုးပမ်းလုပ်ဆောင်ခဲ့တဲ့၊ အိုမင်းရွတ်တွပြီး (သိရီလင်္ကာအရောက် လေယာဉ်ပေါ်က တုန်ချိတုန်ချိ ဆင်းလာတာကို တွေ့လိုက်ရလို့ပါ) အခုအချိန်အထိ အာဏာကို ဆုပ်ကိုင်ထားဆဲဖြစ်တဲ့ ဗိုလ်သန်းရွှေပဲဖြစ်ပါတယ်။

တကယ်တော့ နအဖစစ်အုပ်စုက အကောင်အထည်ဖော်မယ်လို့ ကြွေးကြော်နေတဲ့ လမ်းပြမြေပုံ (၇) ချက်ဆိုတာ ဗိုလ်သန်းရွှေရဲ့ ကိုယ်ပိုင်လမ်းပြမြေပုံ (၇) ချက်ထဲက အချက်တချက်သာဖြစ်တာကို အခုအခါမှာ ထင်ထင်ရှားရှား တွေ့လာရပြီဖြစ်ပါတယ်။ ဗိုလ်သန်းရွှေဟာ သူတဦးတည်းရဲ့ ကိုယ်ပိုင်လမ်းပြမြေပုံ (ဂို့စ်လမ်းပြမြေပုံ) အောင်အောင်မြင်မြင် အကောင်အထည်ပေါ်လာဖို့အတွက် ကုပ်ချောင်းချောင်း အမူအကျင့်နဲ့ တိတ်တိတ်ဆိတ်ဆိတ် နေထိုင်လုပ်ကိုင်ခဲ့တာ ဖြစ်ပါတယ်။ တနည်းအားဖြင့် သူ့ကို တခြားအာဏာသိမ်းစစ်အုပ်စုဝင် ဗိုလ်ချုပ်တွေက မခုတ်တတ်တဲ့ ကြောင်တကောင် (ငတုံးငအတယောက်) လို အမြင်ရောက်စေမယ့်ပုံစံမျိုးနဲ့ ကျင့်ကြံနေထိုင်ရင်း သူ့ရဲ့ဂို့စ်လမ်းပြမြေပုံ ခရီးပေါက်အောင် ပါးပါးနပ်နပ် အားထုတ်နေခဲ့တာလို့ ပြောရင်လည်း မှားမယ်မဟုတ်ပါဘူး။

ဗိုလ်သန်းရွှေတယောက် အဲသလို ကျင့်ကြံအားထုတ်ခဲ့ရာမှာ ဂို့စ်လမ်းပြမြေပုံ ခရီးအတော်ပေါက်အောင် သူအသုံးချခဲ့တဲ့ သူတယောက်ရှိပါတယ်။ အဲဒီသူကတော့ အများသိကြပြီးဖြစ်တဲ့ နေရာတကာ ကိုပါရာလုပ်ခဲ့သူ ဗိုလ်ခင်ညွန့်ပဲဖြစ်ပါတယ်။ ဗိုလ်ခင်ညွန့်အနေနဲ့ တမိုးလုံးဖျောက်ဆိတ်လုပ်ခွင့်ရခဲ့တဲ့ အချိန်တုန်းက ကွေးနေအောင် နန်းစတော့ပ် ကနေခဲ့ရလို့ အသုံးချခံဖြစ်ခဲ့မှန်း သတိထားမိချင်မှ ထားမိမှာဖြစ်ပေမယ့် အခုလို ဆိုင်းငံ့ထောင်နန်းစံဘ၀မှာတော့ ဗိုလ်သန်းရွှေ အသုံးချတာကို ခံလိုက်ရမှန်း ရိပ်မိသိရှိပြီး သတိသံဝေဂတွေ အတော်ရနေလောက်ပြီလို့ထင်မိပါတယ် (တက်ကြွခဲ့တဲ့ ကြက်ဖဘ၀ကို ပြန်တွေးမိတိုင်း စိတ်အနာကြီးနာ၊ အရှက်ကြီးရှက်ပြီး နံရံကို လက်သီးနဲ့ တနေ့ အချက်တရာလောက် ထိုးနေလေရော့သလားတော့ မပြောတတ်)။

ဘယ်လိုပဲဖြစ်ဖြစ် ဗိုလ်သန်းရွှေကတော့ ကျေးဇူးရှင် ဗိုလ်ခင်ညွန့်ရဲ့ကောင်းမှုနဲ့ သူ့ရဲ့ကိုယ်ပိုင်လမ်းပြမြေပုံ (၇) ချက် ခရီးအတော်ပေါက်ခဲ့ပြီဖြစ်ပါတယ်။ ဗိုလ်သန်းရွှေဟာ သူ့ရဲ့ ကိုယ်ပိုင်လမ်းပြမြေပုံ (၇) ချက်ထဲက …

အဆင့် (၁) - န၀တ ဥက္ကဋ္ဌ ဗိုလ်ချုပ်မှူးကြီး စောမောင်ကို ဖြုတ်ချကာ ဥက္ကဋ္ဌနေရာကို တက်ယူခြင်း။
အဆင့် (၂) - ဗိုလ်ချုပ် ထွန်းကြည်၊ ဗိုလ်ချုပ် ကျော်ဘ၊ ဗိုလ်ချုပ် မြင့်အောင်တို့လို စီနီယာတိုင်းမှူးအုပ်စုနဲ့ ဗိုလ်ချုပ် တင်ဦး၊ ဗိုလ်ချုပ် သီဟသူရစစ်မောင်၊ ဗိုလ်ချုပ် ၀င်းမြင့်တို့လို့ ဂျူနီယာသမားများကို ဖြုတ်ထုတ်သတ်ခြင်း။
အဆင့် (၃) - တိုင်းရင်းသားလက်နက်ကိုင်တပ်ဖွဲ့များနှင့် အပစ်အခတ်ရပ်စဲခြင်း။
အဆင့် (၄) - အမျိုးသားဒီမိုကရေစီအဖွဲ့ချုပ်နှင့် အတိုက်အခံအင်အားစုများကို အမှည့်ခြွေခြွေခြင်း … ဆိုတဲ့ အဆင့်တွေကို အကောင်အထည်ဖော်ရာမှာ ဗိုလ်ခင်ညွန့်ကို ရှေ့တန်းတင်ပွဲထုတ်ပြီး နောက်ကွယ်ကနေ ကုပ်ချောင်းချောင်း အမူအကျင့်နဲ့ မျက်ခြည်မပြတ် စောင့်ကြည့်နေခဲ့တာဖြစ်ပါတယ်။ တနည်းအားဖြင့် ဗိုလ်ခင်ညွန့်ကို စိတ်ရှိလက်ရှိ ကွေးနေအောင် ကခွင့်ပေးထားပြီး မာန်တက်ပြီး မြောက်ကြွကြွဖြစ်နေတဲ့ အချိန်ကျမှ ကိုယ်ပိုင်လမ်းပြမြေပုံ အဆင့်တဆင့်အနေနဲ့ သူသတ်မှတ်ထားတဲ့ …

အဆင့် (၅) - ဗိုလ်ချုပ်ခင်ညွန့်ကို ကန်ထုတ်ခြင်း … ဆိုတဲ့အဆင့်မှာ ခြင်းလုံးတော့သလို တကယ့်ကို အသာအယာလေး ကန်ထုတ်ခဲ့တာပဲဖြစ်ပါတယ်။

ဗိုလ်ခင်ညွန့်ကို ကန့်လန့်ကာနောက်ကွယ် ပို့ပြီးတဲ့အခါမှာတော့ သူ့အတွက် ရန်စွယ်အတော်များများ ရှင်းလင်းသွားပြီမို့ ဗိုလ်သန်းရွှေဟာ သူ့ရဲ့အန္တိမရည်မှန်းချက်ဖြစ်တဲ့ ဘုရင်ရူးရောဂါကို ပြေပျောက်စေမယ့် …

အဆင့် (၆) - နေပြည်တော်စီမံကိန်းနှင့် (ဗိုလ်ခင်ညွန့်ကို မသိမသာ အစပျိုးခိုင်းခဲ့တဲ့) နအဖရဲ့ လမ်းပြမြေပုံကို အကောင်အထည်ဖော်ခြင်း … ဆိုတာတွေကို ဆက်လက်လုံးပန်းပါတော့တယ်။ အခုအခါမှာ နေပြည်တော်စီမံကိန်းကလည်း အတော်အတန် ခရီးပေါက်နေပြီမို့ ၂၀၁၀ မှာ အတုအယောင် ရွေးကောက်ပွဲကြီးကျင်းပပြီး သူ့ကိုယ်ပိုင်လမ်းပြမြေပုံရဲ့ နောက်ဆုံးအချက်ဖြစ်တဲ့ …

အဆင့် (၇) - အခြေခံဥပဒေနည်းကျ စစ်အာဏာရှင်ဘုရင်စနစ်ဖြင့် တိုင်းပြည်ကို ထာဝရ စစ်ကျွန်ပြုအုပ်ချုပ်ခြင်း … ဆီကို ချီတက်ဖို့ စိုင်းပြင်းလုပ်ဆောင်နေပြီဖြစ်ပါတယ်။ အဲဒီလို လုပ်ဆောင်နိုင်အောင်လည်း ညောင်နှစ်ပင်ဖွဲ့စည်းပုံဆိုတဲ့ အခြေခံဥပေဒတော်ကြီးကို အတိုက်အခံများ တုပ်တုပ်မျှမလှုပ်နိုင်အောင် သူ့စိတ်ကြိုက် ရေးဆွဲစေခဲ့ပါတယ်။

ဘုရင်ရူး ဗိုလ်သန်းရွှေ စိတ်ကူးယဉ်နေတဲ့ ဂို့စ်လမ်းပြမြေပုံကြီး ဖြစ်မြောက်အောင်မြင်သွားလို့ အတိုက်အခံတွေ အနားတောင် မသီနိုင်ဘူးပဲ ထားပါတော့ …။ အနို့ … အခြားအခြားသော စစ်တပ်က မောင်မင်းကြီးသား ကိုယ်တော်ချောများရော ဗိုလ်သန်းရွှေရဲ့ ရာဇပလ္လင်မှာ ဆက်ခံနိုင်မယ့် အခွင့်အရေးများ ရှိရဲ့လားဆိုတာကို အခုတလော မြင်တွေ့ကြားသိနေရတဲ့ သတင်းပလင်းတွေကြောင့် စိတ်ဝင်တစားဖြစ်နေမိပါတယ်။

သိရီလင်္ကာခရီးစဉ်မှာ ပြည်သူ့ချဉ်ဖတ်ဖြစ်နေတဲ့ မြေးတော် နေရွှေသွေးအောင် (ခ) ဖိုးလပြည့်ကို အတော်ပွဲထုတ်တာ တွေ့ရတဲ့အပြင် ပြည်တွင်းမှာလည်း မြေးတော်လေးရဲ့ အနိုင်ကျင့်ဗိုလ်ကျတဲ့ သတင်းတွေကို မကြာမကြာ ဖတ်နေရလေတော့ ဗိုလ်သန်းရွှေ စိတ်ကူးယဉ်နေတဲ့ “အဆင့် (၇) - အခြေခံဥပဒေနည်းကျ စစ်အာဏာရှင်ဘုရင်စနစ်ဖြင့် တိုင်းပြည်ကို ထာဝရ စစ်ကျွန်ပြုအုပ်ချုပ်ခြင်း” … ဆိုတာ ကျန်တဲ့ စစ်ဗိုလ်တွေအတွက် မဟုတ်ဘဲ သူ ပစားပေးထားတဲ့ မြေးတော် နေရွှေသွေးအောင်လေးနဲ့ ဆွေစဉ်မျိုးဆက် ထီးနန်းဆက်ခံဖို့ပဲ ရည်ရွယ်တာလားဆိုတာကို သံသယ၀င်လာမ်ိပါတယ်။

ကုပ်ချောင်းချောင်း စိတ္တဇဝေဒနာသည် အဘိုးလက်ထက်မှာတောင် စီနီယာဗိုလ်ချုပ်တွေ၊ ဂျူနီယာဗိုလ်ချုပ်တွေကို ဖြုတ်ထုတ်သတ်ခဲ့တာမို့ အဘိုးထက် နှစ်ဆသာမယ့် အရူံးဘုံမြှောက်လေး လက်ထက်ကျရင်တော့ မဖွယ်မရာတွေ ကောက်စားပြီး (ပြည်သူတွေ၊ အတိုက်အခံတွေ မဆိုထားနဲ့) ဗိုလ်ချုပ်မောင်အေး၊ ဗိုလ်ချုပ်ရွှေမန်း၊ ဗိုလ်ချုပ်တင်အောင်မြင့်ဦး၊ ဗိုလ်ချုပ်သိန်းစိန် …….စသူ စသူတို့ရဲ့ အမျိုးအဆွေကိုပါ ဖြုတ်ထုတ်သတ်တာတွေ မလုပ်လာဘူးလို့ ဘယ်သူအာမခံနိုင်မလဲနော်။ အဲသလို တွေးပူနေမိတဲ့အတွက်ကြောင့် နိုင်ငံနဲ့ပြည်သူကို ချစ်စိတ်ရှိတဲ့ ဗိုလ်ချုပ်တွေများ ရှိနေသေးတယ်ဆိုရင်ဖြင့် ဗိုလ်ချုပ်များရဲ့ နောင်ရေးနဲ့ မြန်မာပြည်သူတွေရဲ့ အနာဂတ်အတွက် ဘုရင်ရူးရောဂါ အရှိန်တက်နေတဲ့ ဗိုလ်သန်းရွှေနဲ့ ဆွေတော်မျိုးတော်အားလုံးကို (ဒီအတိုင်းလွှတ်မထားဘဲ) အမြန်လက်ဦးမှုယူပါ။ ပြီးရင် လူထုခေါင်းဆောင် ဒေါ်အောင်ဆန်းစုကြည်နှင့် ပူးပေါင်းပြီး တိုင်းပြည်ကို ကယ်တင်ပါလို့ အကြံပြု တိုက်တွန်းလိုက်ရပါတယ်။

http://www.khitpyaing.org/articles/Nov09/181109.php


18 Nov ဒိုင်ယာရီ

http://ifile.it/xk9mrwj
nov 18 09 Diary


ဖန်တက်စီဝေါ်လ်ကို ဖျက်သိမ်း (ရုပ်သံသတင်း)
မဇ္ဈိမသတင်းဌာန
ဗုဒ္ဓဟူးနေ့၊ နိုဝင်ဘာလ 18 ရက် 2009 ခုနှစ် 17 နာရီ 29 မိနစ်

ဗမာပြည်ကွန်မြူနစ်ပါတီ ဗဟိုသုတေသနဌာနကထုတ်ဝေတဲ့ ၂၁ စာစဉ်၊ အမှတ် (၁၄)

http://ifile.it/1u6vp9i
21sarsin14

အမျိုးသားဒီမိုကရေစီအဖွဲ့ချုပ်(လွတ်မြောက်နယ်မြေ) ဆဋ္ဌမအကြိမ်ညီလာခံမှ ထုတ်ပြန်ကြေငြာချက်။

http://ifile.it/6pf2gy1
Statement of 6th Conference