Sunday, March 14, 2010

ဘယ်လမ်းလိုက်ကြမလဲနှင့် လက်တွေ့နိုင်ငံရေး (၁၁)




ဘယ်လမ်းလိုက်ကြမလဲနှင့် လက်တွေ့နိုင်ငံရေး (၁၁)

(Choosing Right Path and Real Politics)

- - - ဗမာ့တပ်မတော်ကိစ္စနှင့် ပတ်သက်၍ အချို့မလိုသော ပုဂ္ဂိုလ်များသည် ဗမာ့တပ်မတော်ကို အင်္ဂလိပ်အစိုးရ လက်အောက်ခံ တပ်မတော်အဖြစ် ထားရမလားဟု အပြစ်ပြောကြပါသည်။ ကျွန်ုပ်က ထိုကဲ့သို့ အပြစ်ပြောသူများကို အင်္ဂလိပ်အစိုးရ အုပ်ချုပ်လျှက်ရှိသေးသော ဗမာပြည်တွင် အင်္ဂလိပ်အစိုးရ လက်အောက်ခံ စစ်တပ်အဖြစ် မထားလို့ရှိလျှင် ဘယ်လိုလုပ် ထားရမှာလဲဟု မေးလိုပါသည်။ - - - -

- - - - ဗမာ့တပ်မတော်ကိစ္စမှာ လက်ငင်းအားဖြင့် အဖျက်အသိမ်း ခံမည်လော၊ သို့တည်းမဟုတ် စစ်တပ်အဖြစ် တည်ရှိရန် ကြိုးစားမည်လော ဟူသော အမေးနှစ်ရပ်ကို မူတည်၍ ကျွန်ုပ်တို့ လုပ်ကိုင်ခဲ့ခြင်း ဖြစ်သည်။ ဒီကိစ္စမှာ လက်ငင်း အရေးဆို၊ လက်ငင်း ဆုံးဖြတ်ရမည့်ကိစ္စ ဖြစ်သဖြင့် ဗမာနိုင်ငံ လွတ်လပ်ရေး ရသည်အထိ ရွှေ့ဆိုင်းနိုင်သော ကိစ္စမဟုတ်ပေ။ ထိုကဲ့သို့ လွတ်လပ်ရေး ရသည်အထိ ဗမာ့တပ်မတော်ကို အဖျက်အသိမ်း မခံလိုလျှင် အင်္ဂလိပ်နှင့် စစ်တိုက်ရန်သာ ရှိသည်။ သို့သော် စစ်တိုက်ခြင်း၊ နိုင်ငံလွတ်လပ်ရေးအတွက် ဆောင်ရွက်ခြင်း မည်သည်မှာ ကလေးကစားသလို စိတ်ထင်တိုင်း ပြုကျင့်အပ်သည့် အရာမျိုး မဟုတ်သဖြင့် အင်္ဂလိပ်လက်အောက်၌ ထားပင် ထားရစေကာမူ စစ်တပ်အဖြစ် တည်ရှိရန် ပဓာနဖြစ်ရကား၊ မူလကပင် ကျွန်ုပ်တို့သည် ရှင်းရှင်းလင်းလင်း ဆိုထားခဲ့ပေသည်။ - - - -

၁၉၄၅ခု၊ နိုဝင်္ဘာလ (၁၈)ရက်နေ့ ရွှေတိဂုံ စေတီတော် အလယ်ပစ္စယံတွင် ကျင်းပသော လူထုအစည်းအဝေးကြီး၌ ဗိုလ်ချုပ်အောင်ဆန်း မိန့်ကြားခဲ့သည့် “သတ္တိရှိလျှင် ရွေးကောက်ပွဲ လုပ်ကြရအောင်” အမည်ဖြင့် ထင်ရှားခဲ့သော မိန့်ခွန်းမှ ကောက်နှုတ်ချက် ဖြစ်ပါတယ်။

ဒီကောက်နှုတ်ချက်ကို တခုတ်တရ တင်ပြနေလေတော့ ကျုပ်က အင်အယ်လ်ဒီပါတီ အဖျက်သိမ်းမခံရအောင် မှတ်ပုံတင်ဖို့ တိုက်တွန်းနေတယ်လို့ ထင်ကောင်း ထင်ကြပေမယ်။ အင်အယ်လ်ဒီပါတီ မှတ်ပုံတင် မတင်၊ ရွေးကောက်ပွဲ ၀င် မ၀င်ကို ကျုပ်တို့ ပြည်ပက မည်သို့သော လူစွမ်းကောင်းကမှ ရွှေကြိုလုပ်နိုင်၊ နှပ်ကြောင်းပေးနိုင်၊ အဆုံးအဖြတ်ပေးနိုင်ကြမယ် မဟုတ်ပါဘူး။

ဒီနေရာမှာ NLDရဲ့ သဘောသဘာဝကို အနဲငယ်လောက် ဆန်းစစ်ကြည့်ချင်ပါတယ်။ NLDသည် အလုပ်သမား၊ လယ်သမား၊ လူငယ်၊ အမျိုးသမီးစတဲ့ သီးခြားလက္ခဏာဆောင်သော လူထုလူတန်းစား ပါတီ မဟုတ်ပါဘူး။ ရှမ်း၊ ကရင်၊ ချင်း၊ ဗမာ စတဲ့ သီးခြားသတ်မှတ်ထားတဲ့ လူမျိုးစုပါတီလည်း မဟုတ်ပါဘူး။ စစ်အာဏာရှင်စနစ် သက်ဆိုးရှည်ရေးသက်သက်အတွက် လက်ကိုင်ဒုတ်အဖြစ် ဖန်တီးထားတဲ့ ကြံ့ဖွတ်လို ပါတီမျိုးလည်း မဟုတ်သလို၊ ပစ်ချလိုက်တဲ့ အရိုးအရင်းတွေကို ခွေးကတက်က ထိုင်ဝါးရင်း စစ်အာဏာရှင်စနစ်ကို ဒူးထောက် အလုပ်အကြွေးပြုဖို့ အသေရေမဲ့စွာ ဖွဲ့စည်းထားတဲ့ ကျောင်းသားယောင်ယောင် ပါတီလည်း မဟုတ်ပါဘူး။ ပြည်ထောင်စု မြန်မာနိုင်ငံအတွင်း မှီတင်းနေထိုင်သော လူမျိုးမရွေး၊ ဘာသာမရွေး၊ လူတန်းစားပေါင်းစုံကို ကိုယ်စားပြုပြီး လူထုအကျိုးအတွက် ကျယ်ကျယ်ပြန့်ပြန့် ဖွဲ့စည်းထားတဲ့ လူထုအကျိုးဆောင်ပါတီ ဖြစ်ပါတယ်။

အခြေအနေတွေက သင်တုန်းဓါးဖျားက ပျားရည်စက်ကို လျှာနှင့် ယက်နေရသလို အနည်းငယ်မျှပင် အမှားမခံ၊ အတိမ်းအစောင်း အထိအရှ မခံတဲ့ အန္တရာယ်တွေနှင့် ပြည့်လျှမ်းနေတဲ့ ကာလလည်း ဖြစ်ပါတယ်။ တစ်နိုင်ငံလုံးကို ကိုယ်စားပြုပြီး လူမျိုးပေါင်းစုံ၊ လူတန်းစားပေါင်းစုံ ပါဝင်တဲ့ ပါတီဖြစ်သည်နှင့်အညီ၊ NLDပါတီ ခေါင်းဆောင်ပိုင်းမှာ ပါတီမှတ်ပုံတင်သင့်တယ်၊ ရွေးကောက်ပွဲ ၀င်သင့်တယ်လို့ ထင်သူများ၊ မှတ်ပုံမတင်သင့်၊ ရွေးကောက်ပွဲ မ၀င်သင့်လို့ ယူဆသူများ၊ လိုအပ်သော ပြင်ဆင်မှုတွေကို အဆက်မပြတ် လုပ်ကိုင်ရင်း အခြေအနေတွေကို နောက်ဆုံးအချိန်အထိ စောင့်ဆိုင်းပြီးမှ ဆုံးဖြတ်လိုသူများ စသဖြင့် အမြင်မတူသူတွေ သဘာဝကျစွာ ရှိနေမှာ ဖြစ်ပါတယ်။

ဒါ့ကြောင့် NLDသည် Unity in Diversityဆိုသော စကားကဲ့သို့ နိုင်ငံရေးအတွေ့အကြုံ၊ အသိအမြင် မတူညီကြသော ခေါင်းဆောင်များ စုစုပေါင်း (၁၂၀) အင်အားရှိ အလုပ်အမှုဆောင်အဖွဲ့၊ ဗဟိုဦးစီးအဖွဲ့တို့က လူထုခေါင်းဆောင် ဒေါ်အောင်ဆန်းစုကြည်နှင့် ညှိနှိုင်းပြီး တစ်နိုင်ငံလုံးအတိုင်းအတာအရ၊ လူထု၏ အကျိုးစီးပွါးအတွက် ပါတီအဖြစ် မှတ်ပုံတင်ရေး မတင်ရေး၊ ရွေးကောက်ပွဲ ၀င်ရေး၊ မ၀င်ရေးကို ဆုံးဖြတ်ကြမှာပါ။

ပါတီမှတ်ပုံတင်ဖို့ လိုလားတဲ့ NLDခေါင်းဆောင်တွေသည် နိုင်ငံရေး အမျှော်အမြင် ကြီးမားသူတွေဖြစ်ပြီး မှတ်ပုံမတင်လိုသူများကို နိုင်ငံရေး အမြင်တိုသူများဖြစ်တယ်။ ဒါမှမဟုတ်၊ ပါတီမှတ်ပုံမတင်လိုတဲ့ ခေါင်းဆောင်များသည် ရဲရဲတောက် လူထုခေါင်းဆောင် အစစ်အမှန်များဖြစ်ကြပြီး မှတ်ပုံတင်လိုသူများကို အချောင်သမားတွေ ဖြစ်တယ်လို့ အလွယ်သတ်မှတ်လို့ မရပါဘူး။ နိုင်ငံရေးဆိုတာ ဒီလောက်တော့ မလွယ်လောက်ပေဘူး။

ကျုပ်တို့ ပြည်ပအင်အားစုတွေ အလုပ်က ပြည်တွင်းက လူထုကိုယ်စားပြုသူများ၊ ပါတီအဖွဲ့အစည်းများကို အထောက်အကူပြုပေးရန်သာ ဖြစ်ပါတယ်။ သူတို့ကသာ ကျုပ်တို့ကို ဦးဆောင်မှာ ဖြစ်ပါတယ်။ ကျုပ်တို့က သူတို့ကို ဦးဆောင်လို့ မရပါဘူး။

သို့သော် အချက်အလက်အချို့နှင့် ပတ်သက်ပြီး ကျုပ်အမြင်ကို ဆွေးနွေးလိုပါတယ်။

နိုင်ငံရေးပါတီများ မှတ်ပုံတင်ခြင်း ဥပဒေ ပုဒ်မ(၆)(ဂ)ပါ “ပြည်ထောင်စု သမ္မတမြန်မာနိုင်ငံတော် ဖွဲ့စည်းပုံအခြေခံဥပဒေကို ထိမ်းသိမ်းစောင့်ရှောက်ရေး”ဆိုသည့် ကန့်သတ်ချက်နှင့် ပတ်သက်ပြီး ပြောလိုပါတယ်။ ဆောင်းပါး အမှတ်(၉)မှာ အသိအမှတ်ပြုခြင်း(Recognition)နှင့် ထိတွေ့ဆက်ဆံခြင်း(Engagement) မတူပုံကို အကျယ်ဆွေးနွေးခဲ့ဘူးပါတယ်။ နာဂစ်ဖွဲ့စည်းအုပ်ချုပ်ပုံတင်သာမက တရားမ၀င်တဲ့ န၀တ၊ နအဖတွေ ထုတ်ပြန်တဲ့ ဥပဒေမှန်သမျှ၊ တစ်ခုမှ တရားမ၀င်ပါဘူး။ အသိအမှတ်ပြုစရာ မလိုပါဘူး။ သို့သော် လက်တွေ့အခြေအနေ၊ လက်တွေ့နိုင်ငံရေး(Real Politics)အရ ထိတွေ့ဆက်ဆံရန် လိုအပ်သဖြင့် ပါတီ တည်တံ့ရေးဆိုင်ရာ၊ ပါတီလုပ်ပိုင်ခွင့်ဆိုင်ရာ အမှုကိစ္စတွေ၊ ဒေါ်အောင်ဆန်းစုကြည်အပါအ၀င် နိုင်ငံရေးသမားတွေရဲ့ အမှုအခင်းတွေမှာ ၄င်းဥပဒေတွေကို အနှစ်နှစ်ဆယ်လုံးလုံး အကိုးအကားပြု လျှောက်လဲကြ၊ တိုင်းကြားကြရပါတယ်။ ထိတွေ့ဆက်ဆံနိုင်ရန်အလို့ငှာ မလွှဲမရှောင်သာ (ယာယီ)အသိအမှတ်ပြုရတဲ့ သဘောဖြစ်ပါတယ်။ ဒီဖွဲ့စည်းပုံအရ ကျင်းပမဲ့ ရွေးကောက်ပွဲအပါအ၀င် နိုင်ငံရေးလုပ်ငန်းတွေကို လုပ်ဆောင်လိုလျှင်၊ လူထုကြားမှာ တရားဝင် စည်းရုံးလှုပ်ယှားလိုလျှင် အဲဒီဖွဲ့စည်းပုံကို အနည်းဆုံးအားဖြင့် (ယာယီ)လက်ခံပေးထားဖို့ လိုအပ်ပါလိမ့်မယ်။ ယာယီတောင်မှ လက်မခံပေးနိုင်ရင် ပါတီမဖွဲ့ဖို့၊ ရွေးကောက်ပွဲ မ၀င်ဖို့ဘဲ ဆုံးဖြတ်ရပါလိမ့်မယ်။

နောက်တစ်ချက်က နိုင်ငံရေးပါတီကို တည်ထောင်သူ၊ နိုင်ငံရေးပါတီဝင်များနှင့် အရွေးချုယ်ခံလိုသော လွှတ်တော်ကိုယ်စားလည်လောင်းများသည် ထောင်ဒါဏ်ကျခံသူများ မဖြစ်ရခြင်းဆိုသော ကန့်သတ်ချက်ဖြစ်ပါတယ်။ ၁၉၉၀ရွေးကောက်ပွဲကာလက ဒေါ်အောင်ဆန်းစုကြည်သည် ယခုကဲ့သို့ အကျယ်ချုပ်ခံထားရသော အခြေအနေတွင် ရှိနေခဲ့သော်လည်း လွှတ်တော်ကိုယ်စားလောင်းအဖြစ် အမည်တင်သွင်းခြင်းကို အဟန့်အတား မဖြစ်ခဲ့ပါ။ မည်သို့ပင်ဆိုစေ၊ ဒေါ်အောင်ဆန်းစုကြည်၏ လက်ရှိအနေအထားကို နအဖရဲ့ တည်ဆဲ ဥပဒေပေါင်းစုံပေါ် အခြေခံပြီး ချဉ်းကပ်မည့်အစား၊ ဗိုလ်ချုပ်မှူးကြီးနှင့် နအဖတို့က မိမိကိုယ်ကို ယုံကြည်စိတ်ချမှု ရှိ မရှိ၊ လက်တွေ့အရှိတရားကို အရှိအတိုင်း ရင်ဆိုင်ရဲတဲ့ သတ္တိ ရှိ မရှိ အပေါ် အခြေခံစဉ်းစားသည်က ပို၍ လက်တွေ့ကျပါလိမ့်မယ်။ နအဖတွေဟာ သူတို့ ထုတ်ပြန်တဲ့ ဘယ်ဥပဒေကိုမဆို နိုင်ငံရေး ရှုဒေါင့်က ကြည့်ပြီး မလိုရင် မလိုသလို ပစ်ပယ်တတ်ကြသူတွေပါ။ ဒါကြောင့် နိုင်ငံရေးအရ ဖြစ်ပေါ်နေသော ပြသနာများကို နိုင်ငံရေးအမြင်အရသာ စဉ်းစားတွက်ချက်ခြင်းသည်သာ သင့်လျှော်ပါတယ်။ ဆိုလိုတာက ဒေါ်အောင်ဆန်းစုကြည်ကို ပါတီမှာ ဦးဆောင်ခွင့်၊ အရွေးချယ်ခံပိုင်ခွင့် စသည်တို့ကို ဥပဒေကြောင်းအရ အရေးဆိုလိုက အရေးဆိုနိုင်သော်လည်း အဆုံးအဖြတ်သည် နိုင်ငံရေး အဆုံးအဖြတ်သာ ဖြစ်ပါလိမ့်မယ်။

၂၀၁၀ခု မတ်လ(၈)ရက်တွင် ထုတ်ပြန်သော ပြည်သူ့လွှတ်တော် ရွေးကောက်ပွဲဥပဒေ ပုဒ်မ၉၁(က)အရ ပြည်သူ့လွှတ်တော် ရွေးကောက်ပွဲဥပဒေ (န၀တ၏ ဥပဒေအမှတ် ၁၄/၈၉)ကို ရုပ်သိမ်းပြီး ၄င်းရုပ်သိမ်းမှုကြောင့် ပုဒ်မ၉၁(ခ)အရ ၁၉၉၀ရွေးကောက်ပွဲရလဒ် ပျက်ပြယ်သည်ဟု မှတ်ယူရမည်ဟု သတ်မှတ်ခြင်းသည် နအဖအနေနှင့် မိမိတွင် မရှိသောအာဏာကို သိသိသာသာ ကျော်လွန်ဖေါက်ဖျက်ပြီး စည်းမဲ့ကမ်းမဲ့ လုပ်ဆောင်ခြင်းဖြစ်ပါတယ်။ နအဖတွင် လွှတ်တော်အမတ်များကို ဥပဒေထုတ် ရုပ်သိမ်းပိုင်ခွင့် အာဏာ လုံးဝမရှိပါ။

န၀တက ၁၉၉၀ရွေးကောက်ပွဲကို ဦးဆောင် ကျင်းပပေးခဲ့သည် မှန်သော်လည်း လူထုက ရွေးချယ်ပြီးသော အမတ်များကို ကမ္ဘာပေါ်က မည်သည့်အစိုးရမျိုးကမှ အမိန့်ဒီကရီနှင့် ပြန်လည် ရုပ်သိမ်းခွင့် မရှိပါ။ လူထုကသာ ပြန်လည် ရုပ်သိမ်းခွင့် ရှိပါတယ်။ နာဂစ်ဖွဲ့စည်းပုံသည်ပင်လျှင် လာမဲ့ ရွေကောက်ပွဲမှာ အရွေးခံရတဲ့ အမတ်များရဲ့ လွှတ်တော် စတင်ကျင်းပကာမှ တရားဝင် အသက်ဝင်မည် ဖြစ်ပါတယ်။ ၄င်းလွှတ်တော် ကျင်းပဖြစ်သောအခါမှသာ နာဂစ်ဖွဲ့စည်းပုံအရ အရွေးကောက်ခံ အမတ်များက အမတ်အဖြစ် ကျမ်းသစ္စာကြိမ်ဆိုကြရမည် ဖြစ်ပါတယ်။ ထိုအချိန်ရောက်မှသာ ၁၉၉၀ခု အရွေးကောက်ခံ လွှတ်တော်ကိုယ်စားလည်များ၏ တရားဝင် ရပ်တည်မှု အနေအထားကို မေးခွန်းထုတ်နိုင်မည် ဖြစ်ပါတယ်။

အောင်ထီ

မတ်လ (၁၄)၊ ၂၀၁၀


0 အကြံပြုခြင်း: