Wednesday, September 29, 2010

မြန်မာစံနှုန်း အနိမ့်ဆုံးနှင့်အညံ့ခံ၍ ပါဝင်သူများ၏ရွေးကောက်ပွဲ



မြန်မာစံနှုန်း အနိမ့်ဆုံးနှင့်အညံ့ခံ၍ ပါဝင်သူများ၏ရွေးကောက်ပွဲ 

အဝေးရောက်သံတမန်တစ်ဦး
ရွေးကောက်ပွဲဆိုသည်မှာ လူထုအစိုးရ ဖွဲ့စည်းရေးအတွက် ဖြတ်သန်းရမည့် စီမံခန့်ခွဲအုပ်ချုပ်မှုပညာ စစ်ဆေးပွဲကြီး တစ်ခုပင်ဖြစ်ပါသည်။ နိုင်ငံတော်ကို စီမံခန့်ခွဲ အုပ်ချုပ်မည့်သူများသည် သာမန်ပြည်သူ ပြည်သားများထက် နိုင်ငံရေးစိတ်ဓါတ်၊ အသိစိတ်ဓါတ် ရှိရမည့်အပြင် ဥာဏ်ရည် ဥာဏ်သွေး မြင့်မားပြီး ကိုယ်ရည်ကိုယ်သွေး ရှိရပါ မည်။
နိုင်ငံရေးအလုပ်သည် သာမန် စာရေးစာချီ၊ ကျောင်းဆရာ၊ အင်ဂျင်နီယာ၊ ဆရာဝန်၊ သိပ္ပံပညာရှင်၊ စီးပွားရေး ပညာရှင်နှင့် ဥပဒေပညာရှင်၊ စာရေးဆရာ၊  သတင်းစာဆရာ စသည့် ပညာရှင်လုပ်ငန်းကဲ့သို့ ကိုယ်ဝါသနာပါရာ လုပ်သည့်၊ ကိုယ်ပိုင် စိတ်ပါရာလုပ်သည့် လုပ်ငန်း မဟုတ်ပါ။ နိုင်ငံရေးဆိုသည်မှာ နိုင်ငံသူ နိုင်ငံသားများ၏ ဘက်စုံ ဖွံ့ဖြိုးတိုးတက်ရေးလုပ်ငန်းပင် ဖြစ်၍ နိုင်ငံရေးလုပ်သူသည်လည်း ဘက်စုံဖွံ့ဖြိုးတိုးတက်နေသူ ဖြစ်ရပါမည်။ ကိုယ်တိုင် ဖွံ့ဖြိုးတိုးတက်မှု ရှိမရှိကို နေ့စဉ်၊ အပတ်စဉ် သတင်းသမားများနှင့် တွေ့ရဲ၊ ပြောရဲ၊ အမေးခံရဲ၊ မိန့်ခွန်းပြောရဲ စသဖြင့် အများပြည်သူ ရှေ့မှောက်တွင် မှတ်ကျောက်တင်ခံနိုင်ရပါမည်။
နိုင်ငံရေးစိတ်ဓါတ်ခံ မရှိဘဲ အောင်မြင်သော နိုင်ငံရေးသမားကောင်း တစ်ဦးဖြစ်ရန် မလွယ်ကူပါ။ နိုင်ငံရေးကို စိတ်ပါဝင်စားသော တိုင်းပြည်သူ ပြည်သားများ များပြားလေ တိုင်းပြည် တိုးတက်လေဖြစ်ပါသည်။ တိုင်းသူ ပြည်သားများ နိုင်ငံရေးကို စိတ်ပါဝင်စားမှု မရှိပါက အာဏာရှင် အတ္တသမား လူယုတ်မာများသာ တိုင်းပြည်ကို အုပ်စိုး ခြယ်လှယ် မင်းမူနေမည်သာ ဖြစ်ပါသည်။ နိုင်ငံရေးသမားစစ်စစ်နှင့် နိုင်ငံရေးလုပ်စားသူများကို ခွဲခြမ်း စိတ်ဖြာနိုင်ရန်အတွက် ပြည်သူ ပြည်သားများ နိုင်ငံရေး အသိပညာ တိုးပွားရန်အတွက် သတင်းလွတ်လပ်ခွင့်သည်လည်း ဒီမိုကရေစီစနစ် ထူထောင်ရာတွင် အလွန် အရေးကြီးပါသည်။
မြန်မာ့ရွေးကောက်ပွဲ စံချိန်စံနှုန်း
မြန်မာနိုင်ငံတွင် တပါးကျွန်ဘဝကပင် ရွေးကောက်ပွဲများ ရှိခဲ့ပါသည်။ (၁၉၂၂) ခုနှစ်တွင် ဗြိတိသျှနှင့် မြန်မာ နှစ်ဦး ပူးတွဲအုပ်ချုပ်ရေးအတွက် ပထမဆုံး ဒိုင်အာခီ (Dyarehy) ရွေးကောက်ပွဲ ဖြစ်ပါသည်။ မဲဆန္ဒပေးသူ (၉၂) ရာခိုင် နှုန်းပင်ရှိခဲ့ပြီး ဦးဆောင် ပါဝင်သူများလည်း ဘိလပ်ပြန် ဝတ်လုံတော်ရ ဦးချစ်လှိုင်နှင့် သာယာဝတီ ဦးပုတို့ကဲ့သို့ နိုင်ငံရေး အသိစိတ်ဓါတ်နှင့် နိုင်ငံရေးဓါတ်ခံရှိသော ပညာရှင်များပင် ဖြစ်ပါသည်။ (၁၉၂၅) ခုနှစ် ဒုတိယအကြိမ် ဒိုင်အာခီရွေးကောက်ပွဲ၊ (၁၉၃၂) ခုနှစ် ခွဲရေး တွဲရေး ရွေးကောက်ပွဲနှင့် (၁၉၃၈) ခုနှစ် (၉၁) ဌာနအုပ်ချုပ်ရေး ရွေးကောက်ပွဲများတွင်လည်း ပါရဂူဘွဲ့ရ မြန်မာ နိုင်ငံရေးသမားများပင် ပါဝင်ခဲ့ကြပါသည်။
(၁၉၄၇) ခုနှစ် ဧပြီလတွင် တိုင်းပြုပြည်ပြုလွှတ်တော် ရွေးကောက်ပွဲတွင်လည်း လွှတ်လပ်ရေးဖခင်ကြီး ဗိုလ်ချုပ် အောင်ဆန်းကိုယ်တိုင် ပါဝင်ခဲ့ပါသည်။
လွတ်လပ်ရေးရပြီး (၁၉၅၂) ခုနှစ်၊ (၁၉၅၆) ခုနှစ်၊ (၁၉၆၀) ခုနှစ်များတွင်ပြုလုပ်သည့် ရွေးကောက်ပွဲများ တွင်လည်း နိုင်ငံအကြီးအကဲများနှင့် ပညာရှင်များ ပါဝင်ခဲ့ပါသည်။
မြန်မာ့ဆိုရှယ်လစ် လမ်းစဉ် ပါတီခေတ် ရွေးကောက်ပွဲ (ရွေးကောက်ပွဲ မဟုတ်တော့ပါ၊ ဗဟိုက ချပေးသူ များကိုသာ ပြိုင်ဘက်မရှိ ထောက်ခံမဲ ပေးကြရသည်) များ ဖြစ်သည့် (၁၉၇၄) ခုနှစ်၊ (၁၉၇၈) ခုနှစ်၊ (၁၉၈၂) ခုနှစ်နှင့် (၁၉၈၆) ခုနှစ်များတွင်ပင် စစ်အာဏာရှင် ဗိုလ်ချုပ်ကြီးနေဝင်းနှင့် ဗိုလ်ချုပ်ကြီး စန်းယု စသည်များလည်း ပြည်သူ့ ကိုယ်စားလှယ်အဖြစ် ပါဝင်အရွေးခံခဲ့ကြပါသည်။
(၂၀၁၀) ပြည့်နှစ်တွင် ပြုလုပ်မည့်ရွေးကောက်ပွဲတွင် စစ်အာဏာရှင် ဗိုလ်ချုပ်မှူးကြီးသန်းရွှေနှင့် ဒုတိယ ဗိုလ်ချုပ်မှူးကြီးမောင်အေးတို့သည် ရွေးကောက်ပွဲ ပါဝင်ဆင်နွဲရန်မလိုပဲ နိုင်ငံအကြီးအကဲရာထူး ယူမည့် လုပ်ရပ် သည် မြန်မာစံချိန်စံနှုန်း အန်ိမ့်ဆုံးသော ရွေးကောက်ပွဲ ဖြစ်သလို အဆိုးဆုံးသော ဖွဲ့စည်းပုံအခြေခံ ဥပဒေကိုလည်း ရေးဆွဲထားပါသည်။ ဥပဒေအပေါ်က နေရာယူမည့် ကာကွယ်ရေးဦးစီးချုပ်၊ ကမ္ဘာ့သမိုင်းတွင်မရှိပါ။ အများပြည်သူ ရွေးချယ်မတင်မြှောက်သော သမ္မတကြီး ရာထူးဆိုသည်မှာ ကမ္ဘာတွင်မရှိပါ။
တိရစ္ဆာန်နိုင်ငံအဖြစ် မခံနိုင်ပါ
ကြံ့ခိုင်ဖွံ့ဖြိုးရေးပါတီဆိုသည်မှာ ကြံ့သတ္တဝါနှင့် ဖွတ်သတ္တဝါများ၏ ပါတီသာဖြစ်ပါသည်။ ကြံ့သတ္တဝါသည် ကိုယ် ခန္ဓာကိုယ်ကြီးပြီး အင်အားရှိပါသည်။ ဖွတ်သတ္တဝါ အိမ်ပေါ်တက်လျှင် မွဲတတ်ပါသည်။ ဖွတ်တက်ရင်မွဲသည် ဆိုသော စကားရပ်မှာ ယနေ့မြန်မာနိုင်ငံသူ နိုင်ငံသားများအတွက် လက်တွေ့ ဖြစ်ရပ်ပင်ဖြစ်ပါသည်။
အင်္ဂလန်နိုင်ငံတွင် နေထိုင်သော စစ်ပညာဘာသာရပ်ကိုပို့ချသူ ပါရဂူကြီးက (၁၉၈၈) ခုနှစ်ကပင် နဝတ စစ် ကောင်စီအား အကြံပေးလျက်ရှိပါသည်။ လန်ဒန်မြို့ရှိ မြန်မာသံရုံး၏အပတ်စဉ် သောကြာနေ့တိုင်း ရန်ကုန်မြို့သို့ ပို့လေ့ရှိသော သံတမန် ချောစာအိပ်ကို အဆိုပါ စစ်အကြံ့ပေး ပါရဂူထံမှ ဗိုလ်ချုပ်ကြီးများထံ လိပ်မူထားသောစာအိတ် မရောက်လာမခြင်း မပိတ်ရပါ။ သံအရာရှိများပင် သွားရောက်ယူကြရပါသည်။ အဆိုပါ ပါရဂူက မြန်မာနိုင်ငံတွင် ဒီမိုကရေစီစနစ် ထူထောင်ခြင်းသည် ရေခဲဖြင့် အရုပ်ထုသလို ကြာရှည်မခံ၊ အရည် ပျော်သွားလိမ့်မည်။ စစ်တပ်သည်လည်း ကြီးထွားရန် လိုသည်။ အင်အားများများ စုဆောင်း၊ လက်နက် များများဝယ်ရန် အကြံအဥာဏ်များ ပေးခဲ့ပါသည်။ စာရေးသူ၏ နောင်တော်ညီတော် သံတမန်များနှင့် အဆိုပါ စစ် ပညာရှင်ပါရဂူတို့ အချေအတင်ပြောဆိုမှုများလည်း ရှိခဲ့ပါသည်။
ယခုအချိန်အခါတွင် ဗမာတပ်မတော်သည် ကြံ့သတ္တဝါကဲ့သို့ ကြီးထွားလျက်ရှိကာ ဆန်နှင့်အိုး တော်ရုံမကျ၍ စစ်သားများပင် ရိက္ခာမလုံလောက်ဖြစ်နေပါသည်။ ယခင်ခေတ်က ဗိုလ်တစ်ဦးနှင့် စစ်သား (၁၅) ဦးခန့်သာ ရှိသော မြို့နယ်တစ်ခုတွင် ယခု ဗိုလ်မှူးချုပ်တစ်ဦးနှင့် တပ်ရင်းကြီးတစ်ရင်းပင် ရှိနေပါသည်။
ကြံ့သတ္တဝါ၊ ဖွတ်သတ္တဝါများနှင့် ရွေးကောက်ပွဲတွင် သူမသာ ကိုယ်မသာ ဖြစ်နေသည်ကတော့ တစည ဆိုသော တိရစ္ဆာန်များစ ည်းလုံးညီညွတ်ရေးပါတီပင် ဖြစ်ပါသည်။ တိရစ္ဆာန်အချင်းချင်း ပြိုင်ကြမည့် ရွေးကောက်ပွဲပင် ဖြစ်ပါသည်။ တစညဘဝ မရောက်ခင် မဆလ ဆိုတာလရှိခဲ့ဘူးပါသည်။ မဆလ ပါတီမှ ဗိုလ်မှူးချုပ် သန်းတင်နှင့်ဇနီးတို့က “ဒို့စစ်ဗိုလ်တွေ အရပ်ဘက်ကလူတွေနဲ့ နိုင်ငံရေးတွဲလုပ်ပါက စစ်ဗိုလ်မှူးကြီးများ ဒုက္ခ ရောက်သွားကြကြောင်း၊ အရပ်ဘက်မှာ တိုင်းကောင်စီဥက္ကဋ္ဌသွားလုပ်ကြတဲ့ ဗိုလ်မှူးကြီးတွေ အရပ်ဘက်က လုပ်ဖေါ်ကိုင်ဘက်တွေရဲ့ တိုင်စာပစ်စာတွေကြောင့် အလုပ်ပြုတ် ဘဝပျက်တာတွေ အများအပြားရှိပါကြောင်း၊ စစ်တပ်က ထီးထီး အာဏာသိမ်းထားတာကသာ ကောင်းကြောင်း စသဖြင့် လန်ဒန်မြို့သို့ ဆေးဝါးကုသရန် လာစဉ်က စာရေးသူအား ပြောပြဖူးပါသည်။ သတ္တုတွင်းဝန်ကြီး ဗိုလ်မှူးချုပ်သန်းတင်သည် အရပ်သားရုံးအဖွဲ့မှူး ဦးချိုဦးအား ဖိနပ်တိုက်ခိုင်းချိန် တနာရီကျော် နှစ်နာရီခန့်ကြာသည်ကိုလည်း ကြုံတွေ့ဘူးပါသည်။ လူ့ယဉ်ကျေးမှုကို မသိနားမလည်သော တိရစ္ဆာန်သာသာ လူမျိုးပင် ဖြစ်ပါသည်။
တစည ၏ တွဲဘက် အထွေထွေအတွင်းရေးမှူးဆိုသည့် ကုန်သွယ်ရေးဝန်ကြီးဟောင်း ဗိုလ်မှူးကြီး ခင်မောင်ကြီးသည်လည်း လူ့စိတ်မရှိသည်မှာ ကမ်းကုန်ပါသည်။ မဆလခေတ်တွင် နိုင်ငံခြားရေးဝန်ကြီး ပြည်ပသို့ခရီး ထွက်ချိန်တွင် နိုင်ငံခြားရေး ဝန်ကြီးရာထူးကို ခေတ္တပူးတွဲထမ်းဆောင်ရစဉ် သံတမန် အသုံးအနှုန်း အင်္ဂလိပ်စာများကိုပင် တတ်ယောင်ကားလုပ်ကာ ပြန်ရေးလေ့ရှိပါသည်။ နိုင်ငံခြားရေးဝန်ကြီးဌာနမှ ဝါရင့်သံတမန်ကြီးများက ”ဒီလူ နိုင်ငံခြားရေးဝန်ကြီး သိပ်လုပ်ချင်တဲ့လူ၊ ဦးနေဝင်းက သူ့အကြောင်းကို သိလို့မခန့်တာ၊ တော် တော် ကြောင်တဲ့လူ” ဟု ပြောဆို ဝေဖန်သံကို ကြားဖူးပါသည်။ ယခုနှစ် (၂၀၁၀) ပြည့်ရွေးကောက်ပွဲတွင် အမျိုးသား ဒီမိုကရေစီအဖွဲ့ချုပ်နှင့် ယှဉ်ပြိုင် အနိုင်ယူလိုသည်ဟု ပြောပြန်သည်။ ကာလဒေသ ပယောဂကို ဆင်ခြင် မသုံးသပ်တတ်သော ဘဝင်မြင့်နေသူတစ်ဦးပင် ဖြစ်ပါသည်။
ကြံ့ဖွတ်နှင့် တစည များကို တိရစ္ဆာန်စိတ်ဓါတ်မျိုးရှိသူများဟု ပြောရခြင်းမှာ ကိုယ်တွေ့အတွေ့အကြုံများ သာမက ဗုဒ္ဓဘာသာ မြန်မာနိုင်ငံတော်တွင် ကျောင်း၊ ကန်၊ ဘုရားများကို ဖျက်၊ သင်္ချိုင်းများကို ဖျက်၊ ရှေ့ဟောင်း အမွေအနှစ်များကို ဖျက်၊ သံဃာတော်များကို သတ်၊ ကိုယ်ဝန်ဆောင်မိခင်များကို သတ်နှင့် ကျောင်းသားအရွယ် လူငယ်လူရွယ်များကို သတ်ဖြတ်နေခြင်းများကြောင့်ပင် ဖြစ်ပါသည်။
တိ-မွေး-ကု ဆရာဝန်ကြီး ကယ်တော်မူနိုင်ပါစေ
ငါ့ဘို့၊ ငါ့မိသားစုဘို့ ဘို့တစ်ဘို့သာရှိသော တိရစ္ဆာန်များ၏ ငါ့ဘို့ဒီမိုကရေစီဦးနှောက်ကို လူထု ဒီမိုကရေစီ ဦးနှောက်ဖြင့် အစားထိုးကုသလိုသော စေတနာရှင် ရခိုင်လူမျိုး တိ-မွေး-ကု၊ တိရစ္ဆာန်များကို မွေးမြူကုသပေးသော လူစွမ်းကောင်း တယောက် ပေါ်ပေါက်လာပါသည်။ (၂၀ဝ၈) ခုနှစ် ဖွဲ့စည်းပုံကိုထောက်ခံပါသည်။ စစ်ဗိုလ် တမတ်သား ဆွဲခန့်သည်ကို ထောက်ခံပါသည်။ ကာကွယ်ရေး ဦးစီးချုပ်က ဥပဒေအပေါ်က ရပ်တည်မည်ကို ထောက်ခံပါသည်။ စစ်ကျွန်ဘဝ သက်ဆိုးရှည်စေမည့် ဖွဲ့စည်းပုံကို ပြင်ဆင်ရေးဆွဲရန် ရခိုင်ဒီမိုကရေစီအဖွဲ့ ချုပ်နှင့် အမျိုးသား ဒီမိုကရေစီ အဖွဲ့ချုပ်တို့အပါအဝင် တိုင်းရင်းသားပါတီများက တောင်းဆို သပိတ်မှောက်နေသည်ကို မျက်ကွယ်ပြု၍ အညံ့ခံ၍ ရွေးကောက်ပွဲ ဝင်နေပါသည်။
တော်ဝင်နန်းသုံး ဘွဲ့ရသမားတော် ဆရာဝန်ကြီး ဒေါက်တာ စောမြအောင်၏နေရာတွင် ရခိုင်လူမျိုးများကို ကိုယ်စားပြုမည်ဆိုသော တိရစ္ဆာန်ဆရာဝန်တဦး ပေါ်ပေါက်လာခြင်းသည်လည်း ကာလဒေသ ပယောဂ ကြောင့်သာ ဖြစ်ပါသည်။
တိရစ္ဆာန်များ၏ လွှတ်တော်ထဲသို့ တိရစ္ဆာန်ဆရာဝန်ကြီး ဝင်ရောက်သွားနိုင်ပါစေ။ စစ်တပ်ထဲတွင်လည်း ကြီးနိုင်ငယ်ညှဉ်း၊ လူလောကတွင်လည်း လက်နက်ရှိသူက လက်နက်မဲ့သူကို အနိုင်ကျင့်သော တိရစ္ဆာန် လောကကြီးမျိုး ဖြစ်နေ၍ တိရစ္ဆာန် ဆရာဝန်ကြီး ကယ်တော်မူနိုင်ပါစေဟုသာ ဆုတောင်းမိပါသည်။
ကလိမ်ကကျစ်ရွေးကောက်ပွဲ
နအဖ စစ်ကောင်စီ၏ (၂၀၁၀) ပြည့်နှစ် ရွေးကောက်ပွဲသည် (၂၀ဝ၈) ခုနှစ် ဖွဲ့စည်းပုံအခြေခံဥပဒေအပေါ် အခြေခံပြီး ကျင်းပမည့် ရွေးကောက်ပွဲဖြစ်၍ လူထုထံသို့ အာဏာလွဲပြောင်းပေးမည့် ဒီမိုကရေစီ ရွေးကောက်ပွဲမျိုး မဟုတ်ပါ။ ရွေးကောက်ပွဲ ကော်မရှင်မှ တာဝန်ရှိသူများသည်လည်း ဗိုလ်ချုပ်မှူးကြီး သန်းရွှေ၏ ထားရာနေ စေရာသွား အာဏာသား တုတ်တိုင်များသာဖြစ်ပါသည်။ ရွေးကောက်ပွဲ ဥပဒေများသည်လည်း ပွင့်လင်းမြင်သာမှု လုံးဝမရှိပဲ ကြံ့ဖွတ်သတ္တဝါများ တရားဝင် အစိုးရဖြစ်အောင် စကောလောက်မှ ဇောက်မနက်သော ပက်စက်သော အကြံဆိုး ဥာဏ်ဆိုးများဖြင့် ကြံစည်နေခြင်းပင် ဖြစ်ပါသည်။
ဗိုလ်ချုပ်မှူးကြီးသန်းရွှေ၏ဇနီး ဒေါ်ကြိုင်ကြိုင်တို့၏ ဝိသမလောဘကလည်း အတောမသတ်နိုင် သေးပါ။ သမက် ဦးဖြိုးဇော်ဝင်းကို တရုတ်ပြည် ကူမင်းမြို့တွင် မြန်မာကောင်စစ်ဝန်ချုပ် အဖြစ် ဘာတခုမှ သံတမန် အတွေ့အကြုံ မရှိဘဲ ခန့်အပ်ခဲ့ပါသည်။ ကောင်စစ်ဝန်ချုပ်ရုံးကို အခိုင်အမာ တည်ဆောက်ပြီး ခိုးဝှက်၍ ရသမျှပစ္စည်းဥစ္စာများကို သမက်နှင့်သမီးထံသို့ ပို့ထားပြီးကြောင်း သိရှိရပါသည်။ တစုံတရာ အကြောင်းမလှပါကလည်း မိသားစုအား လုံး တရုတ်ပြည်မှာ အခြေချနေထိုင်ရန် စီမံလျှက်ရှိကြောင်း သိရပါသည်။
နိုင်ငံရေးလုပ်စားမည့် အညံ့ခံ၍ပါဝင်သူများ

ဝန်ကြီးချုပ် ဦးနုသည်ပင်လျှင် စစ်အာဏာရှင်များထံတွင် အကြိမ်ကြိမ် အရှုံးပေး အညံ့ခံခဲ့ပါသည်။ ဦးနုကို အားကိုးအားထားပြု၍ ဘဝပျက်သူ အများအပြားထဲတွင် စာရေးသူ၏ဘခင် ဦးဘအေး (လွှတ်တော်အမတ်၊ ပြည်ထောင်စုပါတီ) လည်း ပါဝင်ပါသည်။ ဘခင်လည်း အသက်အရွယ်ကြီးမှ ဦးနုနှင့်အနီးကပ်ပေါင်းဖေါ်ကာ ဗုဒ္ဓဘာသာ ကျမ်းဂန်စာပေများကို အင်္ဂလိပ်ဘာသာပြန်အဖွဲ့တွင် ပါဝင်ခဲ့ပါသည်။ စာရေးသူ အင်္ဂလန်နိုင်ငံသို့ မထွက်ခွာလာမီ (၁၉၈၄) ခနှစ်နှစ်တွင် အဖေသည် စာရေးသူအိမ်သို့ ရောက်ရှိလာခဲ့ပါသည်။ အဖေက ဗုဒ္ဓကျမ်း ဂန်များကို ဘာသာပြန်ပြီး၍ ဥက္ကဋ္ဌကြီး ဦးနုက အောင်ပွဲခံအခမ်းအနားပြုလုပ်ရန် အကြောင်းကြား၍ လာခြင်း ဖြစ်သည်ဟု ဆိုပါသည်။ နောက်တနေ့ ဦးနုအိမ်ကအပြန် အလွန် စိတ်ဓါတ်ကျလာသည်ကို တွေ့ရပါသည်။ ဦးနုက အတွေ့မခံတော့ကြောင်း၊ အဓိဌာန်ဝင်နေကြောင်းနှင့် ဗုဒ္ဓကျမ်းဂန် ဘာသာပြန်အဖွဲ့၏ အောင်ပွဲအခမ်းအနားကို လည်း ရပ်ကွက်ကောင်စီက မလုပ်ရဟု အမိန့်ထုတ်၍ မလုပ်ဖြစ်တော့ကြောင်း ပြောကာ လက်မှိုင်ချနေပါ သည်။ စာရေးသူက ဦးနုသည် အရေးအကြောင်း ကျတိုင်း အဓိဌာန်ဝင်ပြီး လူများနှင့် အတွေ့မခံသည့် အကြောင်းများကို ကြားဖူးခဲ့ပါသည်။ သူ့အနေဖြင့် ရပ်ကွက်ကောင်စီက တားလျှင် မြို့နယ်တိုင်း ဗဟိုအထိ တက်ရမည်ဖြစ်ကြောင်း၊ နောက်ဆုံး ဦးနေဝင်းအထိ တက်ပြီး အကျိုးအကြောင်းပြောနိုင်လျက် လွယ်လွယ်ဖြင့် အရှုံးပေးအညံ့ခံတတ်သဖြင့် နောက်နောင် ဦးနု နောက်မလိုက်ရန် စာရေးသူက ဘခင်အား ပြောပြခဲ့ဖူးပါသည်။ ဘခင်လည်း စိတ်ပျက် လက်ပျက်ဖြင့် မာန်အောင်မြို့သို့ ပြန်သွားခဲ့ပါသည်။ စာရေးသူအနေဖြင့် အဖေနှင့် ဦးနု တို့ အဆက်ပြတ်သွားကြပြီဟု နိုင်ငံခြားက ယူဆနေမိခဲ့ပါသည်။ (၁၉၈၈) ခုနှစ် ဒီမိုကရေစီအရေးတော်ပုံ နောက် ပိုင်းတွင် ဦးနုနှင့်ပြန်ပေါင်းကာ (၁၉၉၀) ပြည့်နှစ် ရွေးကောက်ပွဲတွင် ဦးနု၏ ဒီမိုကရေစီနှင့် ငြိမ်းချမ်းရေး ပါတီဝင် အဖြစ် ရွေးကောက်ပွဲဝင်ခဲ့သည်ဟု ကြားသိရပါသည်။ အဖေသည် မြေ (၁၃) ဧကတွင် စိုက်ပျိုး၍ဝင်ငွေကောင်းနေသော အုန်းခင်းကြီးကို ရောင်းချပြီး ရွေးကောက်ပွဲ ဝင်ခဲ့ပါသည်။ ဆွေးမျိုးသားချင်းများ၏ မဲဆန္ဒ သုံးရာကျော် လောက်သာရရှိပြီး သားအရွယ်လောက်ရှိသော အမျိုးသား ဒီမိုကရေစီ အမတ်လောင်းထံတွင် အရှုံးကြီးရှုံးနိမ့် သွားခဲ့ပါသည်ဟု ကြားသိရပါသည်။ ရွေးကောက်ပွဲအပြီးမှာ အဖေအနေဖြင့် စားဝတ်နေရေးအတွက် ငွေလိုနေကြောင်း အစ်မကြီးထံမှ စာရ၍ စာရေးသူအနေဖြင့် ငွေအကြိမ်ကြိမ်ပို့ခဲ့ပြီး နောက်ဆုံးတွင် စာရေးသူ၏ ရန်ကုန်မြို့ရှိ အိမ်ကို မတန်တဆဈေးဖြင့် ရောင်းချပြီး ပေးခဲ့ရပါသည်။ ဒီမိုကရေစီကို အထူးလိုချင်ခဲ့သော ဘခင်၏ ”ဖွတ် မရ ဓါးမဆုံး” ဆိုသကဲ့သို့ စစ်ဗိုလ်ဆိုးများ၏ အလိမ်အညာ ရွေးကောက်ပွဲကို ဝင်မိ၍ ဒီမိုကရေစီမရပဲ စီးပွား ပျက်၊ ဘဝ ပျက်ခဲ့ရသည့် ပုံပြင်တစ်ခုပင် ဖြစ်ပါသည်။ အထူးသဖြင့် အညံ့ခံအရှုံးပေးခံလေ့ရှိသော ဦးနုနောက် သို့ လိုက်မိ၍ သိက္ခာကျသွားခြင်းလည်းဖြစ်သည်။
သပိတ်သပိတ် မှောက်မှောက်
(၁၉၉၀) ပြည့်နှစ်တွင် တပ်မတော်ကို ခုတုံးလုပ်ပြီး ဗိုလ်ကျမင်းမူနေသော နဝတ စစ်ကောင်စီကပင် တရားမျှတသော ရွေးကောက်ပွဲကို ကျင်းပခဲ့ပြီး၊ သူတို့ပြုလုပ်သည့်ရွေးကောက်ပွဲကို သူတို့ကပင် အသိအမှတ်မပြုပဲ အာဏာကို ဆက်လက် သိမ်းထားကြပါသည်။
(၂၀ဝ၈) ခုနှစ်တွင် နိုင်ငံတော်ဖွဲ့စည်းအုပ်ချုပ်ပုံ ဥပဒေကို နာဂစ်မုန်တိုင်းဖြစ်၍ လူပေါင်း တစ်သိန်းကျော် သေဆုံးချိန်တွင် မသမာသော နည်းမျိုးစုံသုံးပြီး လူထုဆန္ဒခံယူပွဲ ကျင်းပပြုလုပ်သယောင် လိမ်ညာ၍ အတင်း အဓမ္မအတည်ပြုခဲ့ကြပါသည်။
စစ်တပ်ကို ခုတုံးပြုလုပ်ပြီး စစ်ဗိုလ်ဆိုးတစ်စု ထာဝစဉ် စိုးမိုးခြယ်လှယ်မည့် ဖွဲ့စည်းပုံကို သဘောတူပါသည်ဟု ဝန်ခံချက်ဖြင့် ရွေးကောက်ပွဲဝင်သော ပါတီများနှင့် ပါတီခေါင်းဆောင်ဆိုသူများသည် ဒီမိုကရေစီနှင့် လူ့အခွင့် အရေးတိုက်ပွဲတွင် အကြိမ်ကြိမ် အညံ့ခံ အရှုံးပေးသူများ၏သမီးများနှင့် အပေါင်းပါ တစ်စုသာဖြစ်ပါသည်။ ရာဇဝင်သမိုင်းတွင် ယုံကြည်ခံယူချက်ကို ဦးထိပ်ပန်၍ အသေခံသူများ ရှိသကဲ့သို့ ယုံကြည်ခံယူချက်ကို မျက်ကွယ်ပြု၍ အရှုံးခံအညံ့ခံသူများလည်း ရှိကြပါသည်။ အညံ့ခံအရှုံးပေးတတ်သူ၏ နောက်လိုက်နောက်ပါ မဖြစ်ရန် အထူး သတိထားကြ စေလိုပါသည်။ လူညံ့ကိုထောက်ခံအားပေးသူသည် လူညံ့ပင်ဖြစ်ပါသည်။
(၁၉၉၀) ပြည့်နှစ်က အနိုင်ရရှိခဲ့သော အမျိုးသား ဒီမိုကရေစီ အဖွဲ့ချုပ်၊ ရခိုင် ဒီမိုကရေစီ အဖွဲ့ချုပ်၊ ရှမ်းတိုင်းရင်းသားများ ဒီမိုကရေစီ အဖွဲ့ချုပ်၊ မွန်အမျိုးသား ဒီမိုကရေစီ အဖွဲ့ချုပ်အပါအဝင် တိုင်းရင်းသား ဒီမိုကရေစီပါတီများက (၂၀၁၀) ပြည့်နှစ် ရွေးကောက်ပွဲကို ဒီမိုကရေစီနှင့် တရားမျှတမှု မရှိ၍ သပိတ်မှောက်ကြမည် ဖြစ်ပါသည်။ သပိတ်မှောက်ခြင်းသာလျှင် မြန်မာ့မြေပေါ်တွင် စစ်တပ်ကို ခုတုံးလုပ်ကာ လိမ်ညာ လှည့်ပတ် ခိုးဝှက် စားနေကြသော စစ်ဗိုလ်ဆိုးတစ်စု၏ အာဏာရှင်အစိုးရ ပျောက်ကွယ် သွားနိုင်ပါသည်။ သပိတ်မှောက်ခြင်းသည် ပထမ ဦးစားပေးပြုလုပ်ရမည့် လုပ်ငန်းစဉ်ဖြစ်ပါသည်။ သပိတ်မမှောက်ရဲသူ ပြည်သူ့ဝန်ထမ်းများအနေဖြင့် မဲရုံကို သွားပြီး ပယ်မဲပေးနိုင်ပါသည်။
အပယ်ခံဘဝ လွှတ်မြောက်ရေး ပယ်မဲပေး
မြန်မာနိုင်ငံတွင် သူ့ဆန်စား ရဲမှဆိုသော တလွဲတလျော် တွေးခေါ်နေသူများ ရှိပါသည်။ ပြည်သူ့ဆန်စားပြီး ပြည်သူ့ကို ရဲဝံ့စွာ ကူညီရပါမည်။ ပြည်သူများ ဆင်းရဲခေါင်းပါးနေ၍ ပြည်သူ့ ဝန်ထမ်း စစ်သား၊ ရဲသား၊ မီးသတ်သမားနှင့် ပြည်သူ့ ဝန်ထမ်းများလည်း ဆင်းရဲ ခေါင်းပါးနေပါသည်။ ပြည်သူလူထု ပေးဆောင်နေသော အခွန်အကောက်ငွေများကို စားနေကြသော ပြည်သူ့ဝန်ထမ်းများအနေဖြင့် ပြည်သူ့ဘက်တော်သား သာဖြစ်ရပါ မည်။ စစ်ဗိုလ် ဆိုးတစ်စု၏ လက်ဝေခံ ဒေါက်တိုင် အလုပ်အကျွေး ပြုသူများဘဝက ရုန်းထွက် ကြရပါမည်။ စစ် ဗိုလ်ဆိုးတစ်စု၏ သားဝ၊ မယားဝ ကိုယ်ကျိုး အတ္တလွန်ကဲသော ဝိသမလောဘကြောင့် တိုင်းပြည်ကြီးလည်း ကမ္ဘာ့ အဆင်းရဲဆုံးနိုင်ငံ ဖြစ်နေပါသည်။
မြန်မာလူမျိုးများသည် ကမ္ဘာအလယ်တွင် အလွန် မျက်နှာငယ် နေပါသည်။ မြန်မာနိုင်ငံကိုလည်း တိုးတက် ဖွံ့ဖြိုးသော နိုင်ငံကြီးများအပါအဝင် ကမ္ဘာ့ကုလသမဂ္ဂအဖွဲ့ချုပ်ကြီးနှင့် ကမ္ဘာ့ငွေကြေး ရံပုံငွေ အဖွဲ့ကြီးကပင် ပယ်ထားခြင်းခံနေရပါသည်။
အကြောက်တရားဖြင့် နေကြရသော ပြည်သူ့ဝန်ထမ်းနှင့် ဆင်းရဲသူဆင်းရဲသားများအနေဖြင့် ပေးတာယူ၊ ကျွေး တာစား၍ ချေးငွေများကို ယူကြပါ။ မဲရုံကိုလည်း သွားကြပါ။ မိမိပေးရမည့် မဲပြားပေါ်တွင် ကြံ့ဖွတ်ပါတီ၊ တစည ပါတီ၊ အညံ့ခံသူများပါတီ စသောပါတီကိုယ်စားလှယ်လောင်း သုံးဦးလေးဦးစလုံးကို အမှန်အမှတ်အသားအမှန်အမှတ်အသား ( ၊/) ခြစ်၍ ဆန္ဒမဲပေးလိုက်ပါ။
ပါတီအားလုံးထဲက ဘယ်ပါတီိကိုမှ ပိုပိုသာသာ မကြိုက်နှစ်သက်၍ ပါတီအားလုံးကို တပြိုင်နက်တည်း မဲဆန္ဒ ပေးနိုင်ပါသည်။ မိမိဆန္ဒကို အရှိအရှိအတိုင်း ဖေါ်ထုတ်ခြင်းကို ဘယ်ဥပဒေ စည်းကမ်းမှ မတားဆီးနိုင်ပါ။ အရေးအကြီးဆုံးက ညီညီညွတ်ညွတ် အပယ်ခံဘဝက လွတ်မြောက်ရေး အတွက် ပယ်မဲ ပေးကြရန်ပင် ဖြစ်ပါသည်။
(၂၀၁၀) ပြည့်ရွေးကောက်ပွဲကို သပိတ်မှောက်သူက မှောက်၊ ပယ်မဲပေးသူက ပေးကြပါ။ စစ်ကျွန်ဘဝက လွှတ် မြောက်ရေးအတွက် နည်းပရိယာယ် မျိုးစုံသုံး၍ ကြိုးစား အားထုတ်ကြပါစို့။ ။
အဝေးရောက်သံတမန်တစ်ဦး
(၂၅၊ ဝ၉၊ ၂၀၁၀)
လန်ဒန်မြို့
http://arakanreview.net/?p=2145

0 အကြံပြုခြင်း: