Monday, October 18, 2010

ဒေါ်အောင်ဆန်းစုကြည် (သို့မဟုတ်)သဇင်နီ (နိဂုံးပိုင်း)



(၂၃၇)
အမှတ် (၉၇/ခ)အနောက်ရွှေဂုံတိုင်လမ်း။
၂ဝဝဝ ပြည့်နှစ် စက်တင်ဘာလ (၂)ရက်။

အမျိုးသား ဒီမိုကရေစီ အဖွဲ့ချုပ် ဥက္ကဋ္ဌ ဦးအောင်ရွှေနှင့် ဗဟိုအလုပ်မှုဆောင် အဖွဲ့ဝင် အားလုံးအား အာဏာပိုင်များက နေအိမ်အကျယ်ချုပ်နှင့် ထိန်းသိမ်းလိုက်ကြ၏။ ပြီးလျှင်… တပ်မတော်ထောက်လှမ်းရေးမှ ဗိုလ်မှူးကြီး သန်းထွန်းဦးဆောင်သည့် လုံခြုံရေးတပ်ဖွဲ့ဝင်များ T-E -11 ကားနှစ်စီးနှင့်အဖွဲ့ချုပ် ရုံးချုပ်ကို သိမ်းပိုက်လိုက်၏။ ရုံးခန်းတံခါးများ ရိုက်ချိုးဖွင့်၏။ ရုံးရှိ ဖိုင်တွဲစာရွက်စာတမ်းများ အားလုံးမွှေနှောက် ရှာ၏။ လိုချင်သည့်ရုံးပိုင်ပစ္စည်းများ၊ စာရွက်စာတမ်းဖိုင်တွဲများအား သိမ်းယူကြ၏။ ပြီးလျှင် …. တာဝန်ကျ ရုံးအဖွဲ့ဝင် (၄)ဦးကို ဖမ်းသွားကြသည်။

စစ်အုပ်စု၏အကြမ်းဖက်တိုက်ခိုက်မှုများအောက်၌ အဖွဲ့ချုပ်သည် မလူးသာ၊ မလွန့်သာနှင့် ကြံ့ကြံ့ခိုင်ခိုင် ရပ်ခံ၍နေဆဲ။ ဗဟိုအလုပ်မှုဆောင်အဖွဲ့တဖွဲ့လုံးထိန်းသိမ်းထားသဖြင့် အဖွဲ့ချုပ်၏ ဗဟိုခေါင်းဆောင်မှု ယာယီမဲ့သွားသည်။ ရွှေဂုံတိုင်လမ်းဌာနချုပ် ဖျက်ဆီးသိမ်းပိုက်ခံရသဖြင့် ဗဟိုဌာနချုပ်ပျောက်၍နေ၏။

စက်တင်ဘာ (၁၂)ရက်တွင် အမျိုးသားဒီမိုကရေစီအဖွဲ့ချုပ် အဖွဲ့ဝင်များအမည်ဖြင့် ကြေညာချက်တစောင် ထုတ်ပြန်၏။ ကြေညာချက်တွင် အခြေခံအချက် (၂)ချက်ကို တောင်းဆိုထား၏။
‘အဖွဲ့ချုပ်ခေါင်းဆောင်များ အားလုံး လွတ်လပ်စွာ လှုပ်ရှားသွားလာနိုင်ရေး အတွက်ဟန့်  တား ပိတ်ဆို့မှုများအားလုံး ချက်ချင်း ရုတ်သိမ်းပေးရန်၊ အဖွဲ့ချုပ်ရုံးချုပ် ပြန်လည်ဖွင့်လှစ်ပေးပြီး တရားဝင် နိုင်ငံရေးပါတီတခု၏ လွတ်လပ်ခွင့်၊ လုပ်ပိုင်ခွင့်များကို အပြည့်အဝပေးရန်’ဟူ၍ ဖြစ်သည်။ 

ကြေညာချက်ထုတ်ပြန်အပြီးနောက်တနေ့တွင်ပင် ကြေညာချက်ထုတ်ပြန်ခဲ့ကြသည့်သူများဟုယူဆပြီး…
အမျိုးသားဒီမိုကရေစီအဖွဲ့ချုပ်ပုဇွန်တောင်မြိုနယ်ပြည်သူ့လွတ်တော်ကိုယ်စားလှယ်ဦးစောနိုင်းနိုင်း၊ရန်ကုန်တိုင်းစည်းရုံးရေးအဖွဲဝင်ဦးစိုးဟန်၊ အမျိုးသားဒီမိုကရေစီအဖွဲ့ချုပ်ဗဟိုရုံးအဖွဲ့ဝင်ဦးထွန်းမြင့်၊ဗဟန်းမြို့နယ်စည်းရုံးရေးကော်မတီဥက္ကဋ္ဌဦးအောင်မြင့်(ကဗျာဆရာဖျာပုံနီလုံဦး)အပါအဝင် အဖွဲ့ဝင် (၈)ဦးကိုဖမ်းဆီးလိုက်ကြပြန်၏။

၂ဝဝဝ ပြည့်ုနှစ် စက်တင်ဘာလ (၁၄)ရက် မနက်တွင် စစ်ကောင်စီအတွင်းရေးမှူး (၁)ဗိုလ်ချုပ်ခင်ညွှန့်က အဖွဲ့ချုပ်ဥက္ကဋ္ဌ ဦးအောင်ရွှေအား အစိုးရဧည့်ဂေဟာတွင် ခေါ်ယူတွေ့ဆုံ၍ အဖွဲ့ချုပ်ခေါင်းဆောင်များအား နေအိမ်အကျယ်ချုပ်နှင့် ထိန်းသိမ်းထားသည်ကို ရုပ်သိမ်းလိုက်ပြီးဖြစ်ကြောင်းနှင့် အဖွဲ့ချုပ် ဗဟိုဌာနချုပ် ပြန်လည် ဖွင့်လှစ်နိုင်ပြီဖြစ်ကြောင်းပြော၏။

၁၄-ရက်ကြာ ဖြတ်သန်းခဲ့ရသည့် ခရီးက အဖွဲ့ချုပ်အတွက် မီးပင်လယ်နှင့် ဓားတောင်များအား ဖြတ်ကျော်ရသည့်ခရီးအစဟုပင် ဆိုရမလားမပြောတတ်။

(၂၃၈)

၂ဝဝဝ ပြည့်ုနှစ် စက်တင်ဘာ (၂၁)ရက်တွင် မန္တလေးသို့ မီးရထားဖြင့် သွားရောက်ကြရန် ဒေါ်အောင်ဆန်းစုကြည်တို့ ပြင်ဆင်ထားခဲ့ကြ၏။ ရန်ကုန်ဌာနချုပ်ရုံးအား အာဏာပိုင်များမှ ဝင်ရောက် ဖျက်ဆီးသကဲ့သို့် မန္တလေးအဖွဲ့ချုပ်ရုံးများကိုလည်း အာဏာပိုင်များ အကြမ်းဖက် ဖျက်ဆီးခဲ့ကြ၏။ အဖွဲ့ချုပ်အလံနှင့် ဆိုင်းဘုတ်များ ဖြုတ်ချကြ၏။ ရုံးခန်းများ ပိတ်ပစ်ကြ၏။ မန္တလေး အခြေအနေ မည်သို့ရှိမည်နည်း။ စက်တင်ဘာ (၂၁)ရက်တွင် ညရထားနှင့် မန္တလေးသို့ ဒေါ်အောင်ဆန်းစုကြည်တို့ သွားမည်။

ဒုဥက္ကဋ္ဌဦးတင်ဦးနှင့်လူငယ်အချို့ပါကြမည်။မော်တော်ယာဉ်ခရီးစဉ်များအားလုံး အာဏာပိုင်တို့ နှောက်ယှက် ဟန့်တားမှုများကြောင့်မအောင်မြင်ခဲ့။ယခုအခါတွင်မူ မီးရထား ဖြင့်သွားမည်။ မွန်းလွဲ၂နာရီ ကတည်းက ဒေါ်အောင်ဆန်းစုကြည်တို့ကို နှုတ်ဆက်ရန် အဖွဲ့ချုပ် အဖွဲ့ဝင်လူငယ်အချို့နှင့် အမျိုးသမီးအဖွဲ့ဝင် အချို့ ရန်ကုန်ဘူတာကြီးတွင် ရောက်ရှိနေကြ၏။ ပင်နီတိုက်ပုံ ကချင်ပုဆိုး ဝတ်မထားကြ၊ ရိုးရိုးအဝတ်အစားများသာ ဝတ်ဆင်ထားပြီး ဒေါ်အောင်ဆန်းစုကြည်ကို လိုက်ပို့ရန် ရန်ကုန်ဘူတာကြီးတွင်း ရောက်နေကြသည်။ မကြာ…။ တပ်မတော်ထောက်လှမ်းရေးများ သိသွားကြပြီး လုံထိန်းရဲများအားခေါ်၍ အဖွဲ့ချုပ် အဖွဲ့ဝင် လူငယ် အမျိုးသမီးများအား ရန်ကုန်ဘူတာကြီးအတွင်းက မောင်းထုတ်၏။ ရုန့်ရင်းကြမ်းတမ်းသော စကားများသုံး၍ မောင်းထုတ်၏။ နောက်ဆုံးတွင် လုံထိန်းများက သံပိုက်လုံးများဖြင့်ရိုက်၏။ သံလက်သီးများနှင့်ထိုး၏။ ရုန်းရင်းဆန်ခတ်ဖြစ်ပြီး အချို့ အဖမ်းခံကြရ၏။
မွန်းလွဲ၃နာရီခန့်တွင်ရန်ကုန်ဘူတာကြီးသို့ဒုဥက္ကဋ္ဌဦးတင်ဦးရောက်လာ၏။ဦးတင်ဦးရောက်လာသည့်အချိန်တွင်လုံထိန်းများအကြမ်းဖက်တိုက်ခိုက်မှုကပြီးသွားလေပြီ။ညနေ၄နာရီခန့်တွင်ရန်ကုန်ဘူတာကြီးသို့ဒေါ်အောင်ဆန်းစုကြည်ရောက်လာ၏။မီးရထားလက်မှတ်ကဝယ်၍မရသေး။ည၉နာရီထိုးသည်အထိလက်မှတ်ဝယ်၍မရ။အာဏာပိုင်များကတမင်ရောင်းမပေးခြင်းဖြစ်သည်။ယခုညထွက်သည့်မီးရထားလက်မှတ်မရလျှင်နောက်နေ့ထွက်မည့်မီးရထားလက်မှတ်အားစောင့်ပြီးဝယ်မည်။ထိုသို့ပင် စိတ်ပိုင်းဖြတ်ထားကြ၏။

ည(၉း၄၅)နာရီ…။
ရန်ကုန်ဘူတာကြီးအတွင်းဒေါ်အောင်ဆန်းစုကြည်တို့စောင့်နေသည့်နေရာကို လုံထိန်းရဲများရောက်လာကြပြီးဝိုင်းလိုက်ကြ၏။ဒေါ်အောင်ဆန်းစုကြည်နှင့်ဦးတင်ဦးကိုလုံထိန်းရဲများကအတင်းဝင်၍ဖမ်း၏။ပြီးလျှင်ကားတစီးစီခွဲတင်ပြီး
ခေါ်သွားကြ၏။ဒေါ်အောင်ဆန်းစုကြည်ကိုတက္ကသိုလ်ရိပ်သာလမ်းအမှတ်(၅၄)နေအိမ်သို့ပြန်ပို့၏။ အိမ်လုံခြုံရေးကို တင်းတင်းချထားလိုက်ပြီး ဒေါ်အောင်ဆန်းစုကြည်ကို နေအိမ်အကျယ်ချုပ်နှင့် ထိန်းသိမ်းလိုက်၏။

၂ဝဝဝပြည့်နှစ်၊စက်တင်ဘာလ(၂၂)ရက်။
ည(၁ဝး၃ဝ)နာရီ…။

ကိုးကား ……

- ရွှေခမောက် မှတ်တမ်းလွှာ
- ပြည်သူ့လွှတ်တော် ကိုယ်စားပြုကော်မတီ၏အစီရင်ခံစာ
- ဒေါ်အောင်ဆန်းစုကြည်၏ မိန့်ခွန်းများ
- ပြည်သူ့လွှတ်တော်ကိုယ်စားပြုကော်မတီ၏ကြေညာချက်အမှတ် ၊ (၉-၉/ဝဝ)၊ (၇ဝ-၉/ဝဝ)
- ပြည်သူ့လွှတ်တော် ကိုယ်စားပြုကော်မတီ၏ တစ်နှစ်မြောက် ကြေညာစာတမ်း
-ဒီပဲယင်းအစီရင်ခံစာ
-မောင်ရင်မှိုင်း၏ဆောင်းပါးများ
http://mizzimaburmese.com/edop/songpa/6289-2010-10-18-15-46-42.html

0 အကြံပြုခြင်း: