Tuesday, November 30, 2010

30 Nov 2010 ဒိုင်ယာရီ

http://www.mediafire.com/file/519o6jj341qv7qr/30%20Nov%202010%20Yeyintnge%27s%20Diary.pdf

http://www.mediafire.com/file/unylhivw5x3oxum/30%20Nov%202010%20Yeyintnge%27s%20Diary.doc

30 Nov 2010 Yeyintnge's Diary

မဲ မသမာမှုများကို စိန်ခေါ်ခြင်း


ဆလိုင်း ဟံသာစန်း | အင်္ဂါနေ့၊ နိုဝင်ဘာလ ၃၀ ရက် ၂၀၁၀ ခုနှစ် ၂၁ နာရီ ၁၃ မိနစ်


နယူးဒေလီ (မဇ္ဈိမ)။ ။ ဒေါ်အောင်ဆန်းစုကြည် လွတ်မြောက်လာသည့်နောက် သတင်းမီဒီယာများက သူ့အပေါ် အဓိက အာရုံစိုက်နေချိန်တွင် အခြားတဖက်၌လည်း လျစ်လျူမရှုသင့်သော နိုင်ငံရေး ဖြစ်ပေါ်မှုများ ရှိနေသည်။

စစ်အစိုးရက ဒေါ်အောင်ဆန်းစုကြည်ကို လွှတ်ပေးအပြီး ရက်ပိုင်းအတွင်း ၂ဝ၁ဝ ရွေးကောက်ပွဲအတွက် အပြီးသတ် မဲရလဒ်များကို သိုသိုသိပ်သိပ် ထုတ်ပြန်ခဲ့သလို၊ တဖက်တွင်တော့ ရွေးကောက်ပွဲတွင် မှန်းချက်နှင့် နှမ်းထွက် မကိုက်ခဲ့သည့် ပါတီများက ပြည်ထောင်စု ကြံ့ခိုင်ရေးပါတီအနေဖြင့် မဲမသမာမှုများကြောင့်သာ အနိုင်ရရှိခြင်းဖြစ်ကြောင်း စိန်ခေါ်မှုများ ပြုလုပ်နေကြခြင်း ဖြစ်သည်။

ယခုရက်ပိုင်းမှာပင် ရွေးကောက်ပွဲဝင် ပါတီ ၃ ခု၏ တိုင်တန်းမှုကြောင့် ရန်ကုန်တိုင်းနှင့် ပဲခူးတိုင်းအတွင်းရှိ မြို့နယ် ၁ဝ မြို့နယ်မှ မဲမသမာမှုများကို ရဲစခန်းက ခေါ်ယူစစ်ဆေးနေပြီဖြစ်သည်။

အမျိုးသား ဒီမိုကရေစီအင်အားစု NDF ၊ ပြည်ထောင်စု မြန်မာနိုင်ငံ အမျိုးသားနိုင်ငံရေးအဖွဲ့ချုပ် UMFNP နှင့် ၈၈ မျိုးဆက် ကျောင်းသားလူငယ်များ (ပြည်ထောင်စု မြန်မာနိုင်ငံ) ပါတီတို့က ရန်ကုန်တိုင်းတွင် ၃ မြို့နယ်နှင့် ပဲခူးတိုင်းတွင် ၇ မြို့နယ်မှ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီဝင်၊ ရယကနှင့် မဲရုံမှူးတို့အား မဲမသမာမှုပြုလုပ်သည်ဟု တိုင်တန်းခဲ့သဖြင့် သက်ဆိုင်ရာ မြို့နယ်ရဲစခန်းများက ခေါ်ယူစစ်ဆေးနေခြင်း ဖြစ်သည်။

ရဲတိုင်နိုင်သော မဲ မသမာအမှု

ရဲစခန်းများတွင် တိုင်ကြားရခြင်းမှာ ပြည်သူ့လွှတ်တော် ရွေးကောက်ပွဲ ဥပဒေ အခန်း ၁၃ ဖော်ပြချက်အရ ရွေးကောက်ပွဲဆိုင်ရာ ပြစ်မှုများကို ကျူးလွန်သူ မည်သူကိုမဆို မဲပေးခွင့်ရှိသူ၊ အမတ်လောင်း၊ အမတ်လောင်း၏ ရွေးကောက်ပွဲကိုယ်စားလှယ်၊ ယင်းမဲဆန္ဒနယ်၏ ကော်မရှင်အဖွဲ့ဝင် တဦးဦးက သက်သေခိုင်လုံစွာဖြင့် ရဲစခန်းတွင် တိုင်တန်းနိုင်သည်ဟု ဖော်ပြထားသည့်အတိုင်း တိုင်ကြားခဲ့သည်။

ရဲတိုင်ကြားခွင့်မှာ ရွေးကောက်ပွဲ ကျင်းပသည့်ရက်မှ ၁၅ ရက်အတွင်း တိုင်ကြားရမည် ဖြစ်သောကြောင့် ယခုလ ၂၂ ရက်နေ့ကပင် အမှုအသစ်များ တိုင်ကြားခွင့် ကုန်ဆုံးသွားပြီဖြစ်သည်။ သို့သော် ဤအချက်ကြောင့် ၂ဝ၁ဝ ရွေးကောက်ပွဲရလဒ်အပေါ် စိန်ခေါ်မှုများ ဆိတ်သုဉ်းသွားမည် မဟုတ်ပါ။

ရွေးကောက်ပွဲဝင် ပါတီများက မဲသမာမှုများကို အခြားသော နည်းလမ်းများဖြင့်လည်း ကန့်ကွက်နေကြသည်။ မိမိသာလျှင် အနိုင်ရ ကိုယ်စားလှယ်ဖြစ်ကြောင်း ရွေးကောက်ပွဲ ကော်မရှင်ကို သတ်မှတ်ထားသော ဥပဒေနှင့်အညီ တိုင်တန်းခြင်း၊ အာဏာပိုင်များထံ ရွေးကောက်ပွဲ မဲမသမာမှုများအပေါ် မကျေနပ်ကြောင်း စာရေးသား ပေးပို့ခြင်း နည်းလမ်းများအပြင် ရွေးကောက်ပွဲရလဒ်ကို အသိအမှတ် မပြုကြောင်း ကြေညာချက် ထုတ်ပြန်ခြင်း စသည့် နည်းလမ်းများဖြင့်လည်း မဲသမာမှုများကို လက်မခံနိုင်ကြောင်း ဖော်ပြနေကြသည်။

ယင်းသို့ ကန့်ကွက်မှုများ လုပ်သည့်အထဲတွင် နိုင်ငံရေးပါတီ ၈ ခုနှင့် တသီးပုဂ္ဂလ အမတ်လောင်းများ ပါဝင်နေသည်။

တိုင်းရင်းသား စည်းလုံးညီးညွတ်ရေးပါတီ (တစည)၊ အမျိုးသား ဒီမိုကရေစီ အင်အားစု NDF ၊ ပြည်ထောင်စု မြန်မာနိုင်ငံ အမျိုးသားနိုင်ငံရေးအဖွဲ့ချုပ် UMFNP ၊ ၈၈ မျိုးဆက် ကျောင်းသား လူငယ်များ (ပြည်ထောင်စု မြန်မာနိုင်ငံ)၊ ပြည်ထောင်စု ဒီမိုကရေစီပါတီ UDP ၊ ဒီမိုကရက်တစ်ပါတီ (မြန်မာ) DPM ၊ မွန်ဒေသလုံးဆိုင်ရာ ဒီမိုကရေစီပါတီ AMRDP ၊ ရှမ်းတိုင်းရင်းသား ဒီမိုကရက်တစ်ပါတီ SNDP စသည့် နိုင်ငံရေးပါတီများနှင့်တကွ တသီးပုဂ္ဂလ ကိုယ်စားလှယ်လောင်းများပါ နည်းမျိုးစုံဖြင့် ကန့်ကွက်မှုများ လုပ်နေကြသည်။ အခြားပါတီများကလည်း တိုင်တန်းရန် ပြင်ဆင်နေကြသည်။

သို့သော် လောလောဆယ်တွင် “မိမိသာ အနိုင်ရကြောင်း” တင်ပြချက်ဖြင့်၊ ကော်မရှင်၏ မဲစာရင်း ထုတ်ပြန်ချက်ကို ဥပဒေကြောင်းလမ်းအရ တိုက်ရိုက် စိန်ခေါ်မည့်သူအနေဖြင့် NDF ပါတီမှ အမတ်လောင်း ၂ ဦးသာ ရှိသည်ကို တွေ့ရသည်။

အနိုင်ရ ကိုယ်စားလှယ်ကို ကန့်ကွက်မှု

ပြည်သူ့လွှတ်တော် ရွေးကောက်ပွဲဥပဒေ အခန်း ၁၅၊ ပုဒ်မ ၆၇ နှင့် ၆၈ (ခ) တွင် ရွေးကောက်ပွဲအနိုင်ရ ကိုယ်စားလှယ်အား ကန့်ကွက်လိုပါက ရွေးကောက်ပွဲပြီးသည့်နောက် ရက်ပေါင်း ၆ဝ အတွင်း သတ်မှတ်ထားသော ငွေကြေးပေးသွင်း၍ ကန့်ကွက်နိုင်ကြောင်း ဖော်ပြထားချက်အရ NDF အမတ်လောင်း ၂ ဦးက စိန်ခေါ်ခြင်း ဖြစ်သည်။

ကန့်ကွက်ရာတွင် မိမိသာလျှင် ခိုင်လုံမဲ အများဆုံးရသူ (သို့မဟုတ်) အနိုင်ရသူ၏ ခိုင်လုံမဲများတွင် မဲမသမာမှု ပြုလုပ်၍ ရရှိသောမဲများကို မရေတွက်ပါက၊ မိမိသာ မဲအများဆုံးရသူဟု ကြေညာပေးရန် အကြောင်းပြ ကန့်ကွက်ရမည်။

ရွေးကောက်ပွဲ ကော်မရှင်သို့ ကန့်ကွက်လွှာ တင်သူတိုင်းသည် နိုင်ငံတော်က ကုန်ကျမည့် “အမှုစရိတ်” အတွက် ငွေ ၁ဝ သိန်းစီ ပေးသွင်းရမည်ဖြစ်ကာ မည်သည့်အကြောင်းနှင့်မျှ ပြန်ထုတ်ယူခွင့် မရှိကြောင်း ကော်မရှင်က ထုတ်ပြန်ထားသည်။

NDF ပါတီမှ ကချင်ပြည်နယ် ဖားကန့် ပြည်သူ့လွှတ်တော်တွင် ရှုံးနိမ့်ခဲ့သည့် အမတ်လောင်း ဒေါ်ဘောက်ဂျာနှင့် ရန်ကုန်တိုင်း အမျိုးသားလွှတ်တော် မဲဆန္ဒနယ် ၇ တွင် ရှုံးနိမ့်ခဲ့သည့် ရှေ့နေ ဦးသိန်းဇော်ညွန့်တို့က ငွေ ၁ဝ သိန်း အကုန်ကျခံ၍ အမှုရင်ဆိုင်သွားတော့မည်ဖြစ်သည်။

သို့သော် ယင်းသို့ ရဲတိုင်တန်းခြင်းနှင့် ကန့်ကွက်လွှာတင်သွင်းခြင်းတို့၏ နောက်ဆက်တွဲအဖြစ် တိုင်တန်းသူသည် လိမ်လည်တန်းကြောင်း ရွေးကောက်ပွဲခုံအဖွဲ့က ဆုံးဖြတ်ခဲ့ပါက ပြည်သူ့လွှတ်တော် ရွေးကောက်ပွဲဥပဒေ အခန်း ၁၃၊ ပုဒ်မ ၆၄ အရ ၃ နှစ်ထက်မပိုသော ထောင်ဒဏ် (သို့မဟုတ်) ၃ သိန်းထက်မပိုသော ဒဏ်ငွေ (သို့မဟုတ်) ပြစ်ဒဏ် ၂ ရပ်စလုံး ချမှတ်ခံရနိုင်သည်ဟူသော သတ်မှတ်ချက်လည်း ရှိနေပြန်သည်။

“တိုင်မယ်ဆိုရင်လည်း မဲခိုးထားတဲ့ ပုဂ္ဂိုလ်တွေဆီကို တိုင်ရမှာ။ တိုင်ပြန်တော့လည်း သက်သေမခိုင်လုံဘူးလို့ ဆုံးဖြတ်ရင် ကျမတို့က ထောင် ၃ နှစ်လည်းကျမယ် လျော်ကြေးလည်း ပေးရဦးမယ်။ အကုန်လုံး နစ်နာတာပေါ့။ ကန့်ကွက်လွှာတင်ဖို့ စဉ်းစားပါဦးမယ်” ဟု DP (M) ပါတီ တွဲဖက် အထွေထွေအတွင်းရေးမှူး ဒေါ်ချိုချိုကျော်ငြိမ်းက ပြောသည်။

သို့သော် မတူကွဲပြားခြင်းနှင့် ငြိမ်းချမ်းရေးပါတီ၊ UDP ၊ AMRDP၊ DP (M) စသည့် ပါတီများနှင့် မန္တလေးတိုင်းတွင် ရှုံးနိမ့်ခဲ့သည့် NDF အမတ်လောင်းများကမူ ရွေးကောက်ပွဲ မသမာမှုများကို စစ်ဆေးမည့် ခုံအဖွဲ့အပေါ် အယုံအကြည် မရှိသည့်အတွက် ကန့်ကွက်လွှာ တင်သွင်းမည် မဟုတ်ကြောင်း ပြောသည်။

NDF ပါတီ မန္တလေးတိုင်း ဒုဥက္ကဋ္ဌနှင့် ပြည်ကြီးတံခွန်မြို့နယ် ပြည်သူ့လွှတ်တော်တွင် ရှုံးနိမ့်ခဲ့သည့် အမတ်လောင်း ရှေ့နေ ဦးအောင်ခိုင်က “ကန့်ကွက်လွှာတင်ဖို့ အစီအစဉ် မရှိဘူး။ ၁ဝ သိန်း သွင်းရမယ့် ကိစ္စက ငွေကြေးအခက်အခဲ ဖြစ်စေတယ်။ ကျနော်တို့က ဒီရွေးကောက်ပွဲမှာ ကိုယ့်ငွေနဲ့ ကိုယ်သုံးရတယ်။ နောက်ထပ်လည်း ၁ဝ သိန်း ကုန်ရဦးမယ်။ ထွက်လာမယ့် ရလဒ်ကလည်း သူတို့ပဲ ခုံအဖွဲ့ဖွဲ့ပြီး ဆုံးဖြတ်မှာဆိုတော့ ဒီပုတ်ထဲက ပဲ၊ ဒီပဲ ပဲ ဖြစ်မှာဗျ” ဟု ပြောသည်။

AMRDP ဥက္ကဋ္ဌ နိုင်ငွေသိန်းကလည်း “ကြိုတင်မဲကြောင့် ခံရတယ်ဆိုတာတော့ ပြောချင်တာပေါ့။ ထောက်ပြစရာတော့ ရှိတာပေါ့နော်။ တရားတော့ မစွဲနိုင်ဘူးလေ။ ပိုက်ဆံ ဒီလောက်ကုန်တာ” ဟု ဆိုပြန်သည်။

ပြည်ထောင်စု ဒီမိုကရေစီပါတီ UDP နှင့် ပဲခူးတိုင်းအတွင်း ဝင်ပြိုင်ခဲ့သည့် NDF အမတ်လောင်း ၅ ဦး တို့ကမူ တိုင်ကြားမှု တစုံတရာ လုပ်မည်မဟုတ်ဘဲ၊ ရွေးကောက်ပွဲရလဒ်ကို အသိအမှတ် မပြုနိုင်ဟု ပြတ်သားစွာ ကြေညာထားသည်။

အထက်တွင် ဖော်ပြခဲ့သည့် ရဲကိုတိုင်ကြားထားသည့် အမှု၊ ရွေးကောက်ပွဲ ကော်မရှင်ထံ ငွေသွင်း၍ တိုင်ကြားမှုနှင့် ရွေးကောက်ပွဲ ရလဒ်ကို အသိအမှတ် မပြုကြောင်း ကန့်ကွက်မှု ၃ မျိုးစလုံးတွင် တူညီစွာ ထောက်ပြထားသည့် အချက်ကတော့ ကြိုတင်မဲနှင့် ပတ်သက်သည့် မဲမသမာမှုများပင် ဖြစ်သည်။

ကြိုတင်မဲဖြင့် မဲမသမာမှုများ

ကြံ့ဖွံ့အမတ်လောင်းများကို အနိုင်ရစေခဲ့သည်ဟု ဆိုသည့် ကြိုတင်မဲများနှင့် ဆက်စပ်နေသည့် မဲမသမာမှုများတွင် အဓိက အချက် ၂ ချက်ကို ထောက်ပြကြပြန်သည်။ ရွေးကောက်ပွဲအပြီး ညဘက်ကျမှ ကြိုတင်မဲများ ရောက်ရှိလာသည့် အချက်နှင့် ရွေးကောက်ပွဲမတိုင်မီ ကြိုတင်မဲ ရယူပုံ ရယူနည်းများတွင် ဥပဒေနှင့် မညီသည့် အချက်များ ဖြစ်ကြောင်း ပါတီများက ထောက်ပြပြောဆိုသည်။

“ည ၁၂ နာရီအထိ အောက်ခြေ ပြည်သူ့ ဆန္ဒမဲတွေ အားလုံး နိုင်ပါတယ်။ ၈ ရက်နေ့မနက် ၄ နာရီ ၅ နာရီလောက်တွင် ဘယ်ကရောက် လာမှန်းမသိတဲ့ ဆာလာအိတ်တွေနဲ့ ရောက်လာပြီးတော့ စာရင်းတွေ ပြုစုတဲ့အခါမှာ နိုင်ပြီးသား ကိုယ်စားလှယ်တွေ အားလုံး တယောက်မှ မကျန်တော့ပါဘူး” ဟု NDF ပါတီ၏ ဥပဒေရေးရာ အဖွဲ့ဝင် ရှေ့နေ ဦးမြင့်သွင်က ပြောသည်။

ပြည်သူ့လွှတ်တော် ရွေးကောက်ပွဲဥပဒေ အခန်း ၁ဝ၊ ပုဒ်မ ၄၈ (က) တွင် ရပ်ကွက် သို့မဟုတ် ကျေးရွာအုပ်စု ကော်မရှင် အဖွဲ့ခွဲသည် မိမိနှင့် သက်ဆိုင်သော မဲရုံအသီးသီးအတွက် ဆန္ဒပြုထားသော ကြိုတင်မဲ လက်မှတ်များနှင့် မဲဆန္ဒရှင် အမည်စာရင်းတို့ကို ရွေးကောက်ပွဲ ကျင်းပသည့်နေ့တွင် “မဲရုံမဖွင့်မီ” သက်ဆိုင်ရာ မဲရုံမှူးလက်ဝယ်သို့ အရောက်ပို့ပေးရမည်ဟု ဖော်ပြထားသည့်အတွက် ရွေးကောက်ပွဲနေ့ ညနက်ပိုင်းမှ ရောက်ရှိလာသည့် မဲများသည် တရားမဝင်ဖြစ်ကြောင်း ပါတီများက ထောက်ပြပြောဆိုနေကြသည်။

ထို့အပြင် ကြိုတင်မဲ ကောက်ခံရာတွင် ကြိုတင်မဲပေးရန် မလိုအပ်သူများကိုပါ ကောက်ခံခြင်း၊ လျှို့ဝှက်မဲပေးစနစ် မကျင့်သုံးခြင်းနှင့် ကြံ့ဖွံ့ပါတီကို ဖိအားပေး မဲထည့်စေခြင်းတို့ ရှိခဲ့ကြောင်းလည်း ပါတီအများအပြားက ထုတ်ဖော်ပြောဆိုခဲ့ကြသည်။

DP (M) ပါတီ တွဲဖက်အထွေထွေအတွင်းရေးမှူး ဒေါ်ချိုချိုကျော်ငြိမ်းက ပြည်သူ့လွှတ်တော်အတွက် သူဝင်ပြိုင်ခဲ့သည့် ကြို့ပင်ကောက်မြို့နယ်တွင် ကြိုတင်မဲအပါအဝင် မဲမသမာမှုများ ရှိခဲ့ကြောင်း မြို့နယ်၊ ခရိုင်၊ တိုင်းအဆင့် ရွေးကောက်ပွဲ ကော်မရှင်များနှင့် နေပြည်တော်ရှိ ဗိုလ်ချုပ်မှူးကြီးသန်းရွှေထံ လိပ်မူ တိုင်ကြားထားသည်။

ထို့အတူ စစ်ကိုင်းတိုင်း ဒီပဲယင်းမြို့နယ် ပြည်သူ့လွှတ်တော်အတွက် ဝင်ပြိုင်သူ ညီညွတ်သော ဒီမိုကရက်တစ်ပါတီ ဥက္ကဋ္ဌ ဦးဘိုမောင်းကလည်း ဒီပဲယင်းမြို့နယ်အတွင်း ကြံ့ဖွံ့ပါတီက ကြိုတင်မဲလိမ်ခြင်း၊ မဲဆန္ဒရှင်၏ ကိုယ်ရေးအကျဉ်း ပုံစံစာရွက်ဖြင့် မဲဆွယ်ခြင်းတို့ ကျူးလွန်ခဲ့ပြီး၊ သေဆုံးသူများ၏ အမည်များဖြင့်လည်း ကော်မရှင်က မဲထည့်ခဲ့သည်ဟု မဇ္ဈိမကို ပြောထားသည်။

တနင်္သာရီတိုင်း မြိတ်နှင့် ကော့သောင်းမြို့တို့တွင်လည်း ရပ်ကွက်ကော်မရှင်နှင့် အာဏာပိုင်များမှ ပင်လယ်သို့ ငါးဖမ်းထွက်မည့် လှေလုပ်သားများကို ကြံ့ခိုင်ရေးပါတီကို ဖိအားပေးကာ ကြိုတင်မဲထည့်ခိုင်းသဖြင့် တိုင်းရင်းသား စည်းလုံးညီညွတ်ရေးပါတီ တစည က ယင်းမဲများကို ပယ်ဖျက်ပေးရန် သက်ဆိုင်ရာ မြို့နယ်ကော်မရှင်ရုံးများသို့ တိုင်ကြားခဲ့သည်။

ကချင်ပြည်နယ် မြစ်ကြီးနားမြို့နယ် ဒူကထောင်ရပ်ကွက်၌ ကြိုတင်မဲကောက်ခဲ့ရာတွင် လျှို့ဝှက်မဲပေးစနစ် မသုံးဘဲ လူအများရှေ့မှာပင် ကြံ့ခိုင်ဖွံ့ဖြိုးရေးပါတီ စည်းရုံးရေးမှူးကိုယ်တိုင် ကြံ့ခိုင်ရေးကို အမှန်ခြစ် ပေးခဲ့ကြောင်း တစည ပါတီမှ အမတ်လောင်း ဦးလနန်ဘောက်က မြို့နယ်ရွေးကောက်ပွဲကော်မရှင်ကို တိုင်တန်းခဲ့သည်။

ရှမ်းပြည်မြောက်ပိုင်း ဗန်းမောက်နှင့်သိန္နီမြို့တွင် ကြိုတင်မဲ ကောက်ခံရာ၌ မဲပေးသူကိုယ်စား ရယက စာရေးများက ကြံ့ဖွံ့ပါတီကို အမှန်ခြစ်ပြီး မဲထည့်စေခဲ့ကြောင်း ရှမ်းတိုင်းရင်းသားများ ဒီမိုကရက်တစ်ပါတီ SDNP က မြို့နယ်ကော်မရှင်ကို တိုင်ကြားခဲ့ပြန်သည်။

အလားတူပင် ရှမ်းပြည်နယ်၊ မကွေးတိုင်း၊ စစ်ကိုင်းတိုင်း၊ ဧရာဝတီတိုင်းနှင့် ရန်ကုန်တိုင်း ဒေသအများအပြားတွင် ကြံ့ခိုင်ရေးပါတီနှင့် နယ်မြေ ရွေးကောက်ပွဲ ကော်မရှင်တို့ ပူးပေါင်းပြီး ဥပဒေမဲ့ ကြိုတင်မဲများ ကောက်ခံခဲ့ကြောင်း NDF ပါတီက ရွေးကောက်ပွဲ မတိုင်မီ တရက်အလိုတွင် နေပြည်တော်ရွေးကောက်ပွဲ ကော်မရှင်သို့ တိုင်ကြားခဲ့သည်။

ကြိုတင်မဲ ပေးခွင့်ရှိသူများကို သတ်မှတ်ရာ၌ ပြည်သူ့လွှတ်တော် ရွေးကောက်ပွဲဥပဒေ အခန်း ၉ ၊ ပုဒ်မ ၄၅ (ခ) (ဂ) နှင့် ပုဒ်မ ၄၆ များတွင် ကြိုတင်မဲပေးခွင့်ရှိသူများမှာ “သက်ဆိုင်ရာ မဲဆန္ဒနယ်မှကျော်၍ ခရီးဝေးသွားရန်ရှိသူ၊ အနာကြီး ရောဂါစွဲနေသူ၊ ရောဂါပြင်းထန်သူ၊ မီးဖွားနေသူ၊ အသက်ကြီးသူ၊ အချုပ်ခန်းနှင့် အကျဉ်းထောင်တွင် အချုပ်ကျနေသူ၊ ဆေးရုံ၌အတွင်း လူနာအဖြစ် တက်ရောက်နေသူနှင့် မဲစာရင်းရှိရာ ဒေသကို ကျော်လွန်၍ ယာယီ တာဝန်ထမ်းနေရသူ နိုင်ငံ့ဝန်ထမ်း၊ စစ်သား၊ ရဲ” ဟူ၍ ဖော်ပြထားသည်။

ယင်းသို့ ဥပဒေ သတ်မှတ်ချက် ရှိသော်လည်း ရွေးကောက်ပွဲ ကော်မရှင် အာဏာပိုင်အချို့နှင့် ပြည်ထောင်စုကြံ့ခိုင်ရေး ဖွံ့ဖြိုးရေးပါတီတို့က ဥပဒေကို လိုသလို အသုံးပြုမှုများ၊ ဥပဒေပြင်ပ ဆောင်ရွက်ချက်များ ရှိခဲ့ကြောင်း ၂ဝ၁ဝ ရွေးကောက်ပွဲဝင် ပါတီများက ပြောဆိုစိန်ခေါ်နေခြင်း ဖြစ်သည်။

သို့ရာတွင် နေပြည်တော် ကော်မရှင်အပါအဝင် သက်ဆိုင်ရာ မြို့နယ်၊ တိုင်းကော်မရှင် အသီးသီးက မဲမသမာ တိုင်ကြားချက်များနှင့် ပတ်သက်၍ တစုံတရာ ဖြေရှင်းပေးခြင်းကြောင်း မရှိသေးကြောင်း ရွေးကောက်ပွဲဝင် ပါတီများက ပြောကြသည်။

ဖေါ်ထုတ်ရခြင်း ရည်ရွယ်ချက်

နေပြည်တော် ရွေးကောက်ပွဲကော်မရှင်ဘက်က အရေးမယူ၊ အကြောင်းမပြန်သည်ဖြစ်စေ လွတ်လပ်ပြီး တရားမျှတခြင်း မရှိသည့် ရွေးကောက်ပွဲအဖြစ် ကမ္ဘာက သိရှိစေရန် ကြိုးပမ်းသည့် အနေဖြင့် ကြိုတင်မဲအပါအဝင် မဲမသမာမှုများကို ဖော်ထုတ်တိုင်ကြားရခြင်းဖြစ်ကြောင်း ပါတီများက ဆိုသည်။

“ကျနော်တို့ပါတီက ရွေးကောက်ပွဲမတိုင်ခင်က တခါ၊ ရွေးကောက်ပွဲပြီး ၁၂ ရက်နေ့က တခါ ကြိုတင်မဲ ကိစ္စတွေနဲ့ မဲမသမာမှုတွေကို မြို့နယ်အလိုက် သေချာအတိအကျ တိုင်ခဲ့ပါတယ်။ ကော်မရှင်က အခုထက်ထိ ဘာမှ အကြောင်းပြန်ကြားတာ မရှိသလို၊ ဘာမှလုပ်ဆောင်ပေးတာလည်း မရှိဘူး” ဟု NDF ပါတီ နိုင်ငံရေးခေါင်းဆောင် ဦးခင်မောင်ဆွေက မဇ္ဈိမကို ပြောသည်။

“မဲမသမာမှုတွေကို ကျနော်တို့ အခုလို တိုင်တန်းဖော်ထုတ်ခြင်းဟာ ဒီရွေးကောက်ပွဲဟာ ဘယ်လောက် မလွတ်လပ် တရားမမျှတသလဲဆိုတာ ကမ္ဘာက သိအောင်၊ အားလုံး သိအောင် လုပ်တာပါ” ဟု ၈၈ မျိုးဆက်ပါတီ ဥက္ကဋ္ဌ ကိုရဲထွန်းက ပြောသည်။

ဒီမိုကရက်တစ်ပါတီ (မြန်မာ) မှ ဒေါ်ချိုချိုကျော်ငြိမ်းကလည်း “သူတို့က ဘယ်လိုပဲ ဆုံးဖြတ်သည်ဖြစ်ပါစေ။ ခုလိုတိုင်တန်းခြင်းဟာ ဒီရွေးကောက်ပွဲမှာ မဲလိမ်၊ မဲခိုးမှုတွေ၊ မသမာမှုတွေ ရှိနေတယ်ဆိုတာကို ပေါ်လွင်ထင်ရှားစေလိုတဲ့သဘောပါ” ဟု ဆိုသည်။

ယခုအခါ မဲမသမာမှုများအတွက် ရဲစခန်းသို့ တိုင်ကြားနိုင်သည့် အချိန်ကာလ ပြီးဆုံးခဲ့သော်လည်း၊ ပြည်သူ့လွှတ်တော် ရွေးကောက်ပွဲဥပဒေ အခန်း ၁၅၊ ပုဒ်မ ၆၇ နှင့် ၆၈ (ခ) အရ၊ အနိုင်ရ ကိုယ်စားလှယ်ကို ကန့်ကွက်လွှာ တင်သွင်းနိုင်သည့် နောက်ဆုံးရက်မှာ ၂ဝ၁၁ ခုနှစ် ဇန္နဝါရီလ ၆ ရက်နေ့ ဖြစ်သောကြောင့် ပါတီများအနေဖြင့် အချိန်ရဦးမည် ဖြစ်သည်။ သို့သော် ငွေ ၁ဝ သိန်း ပေး၍ ကန့်ကွက်မည့်သူ အများအပြား ပေါ်ထွက်လာနိုင်ရန် ခဲယဉ်းနိုင်ကြောင်း ပါတီများက ခန့်မှန်းကြသည်။

တချိန်ထဲတွင် ၁၉၉ဝ ရွေးကောက်ပွဲ အနိုင်ရ အမျိုးသားဒီမိုကရေစီအဖွဲ့ချုပ်ကလည်း ၂ဝ၁ဝ ရွေးကောက်ပွဲ မဲသမမာမှုများ အပေါ် သုံးသပ်ချက် (မူကြမ်း) ရေးသားပြီးစီးသွားပြီဟု ဆိုသည်။ အာဏာပိုင်များဘက်မှ မဲမသမာမှုများကို တကယ်တမ်း အရေးယူရန် ရည်ရွယ်သည်ထက် ၂ဝ၁ဝ ရွေးကောက်ပွဲ မဲမသမာမှုများကို ဖော်ထုတ်စိန်ခေါ်ရာတွင် တတပ်တအား ဖြည့်ပေးနိုင်ရန်နှင့် NLD ခေါင်းဆောင်တဦးဖြစ်သည့် ဦးဝင်းတင်၏ စကားအရ “ရွေးကောက်ပွဲ၏ အရုပ်ဆိုးအကျည်းတန်မှုများ” ကို မီးမောင်းထိုးပြရန်သာ အဓိက ရည်ရွယ်ထားပုံရကြောင်း လေ့လာသူများက ဆိုနေကြသည်။
http://www.mizzimaburmese.com/edop/songpa/6517-2010-11-30-14-44-21.html

မဲမသမာမှု မူကြမ်း အန်အယ်ဒီ ရေးဆွဲပြီးပြီ
မဇ္ဈိမသတင်းဌာန | အင်္ဂါနေ့၊ နိုဝင်ဘာလ ၃၀ ရက် ၂၀၁၀ ခုနှစ် ၁၉ နာရီ ၁၄ မိနစ်


နယူးဒေလီ (မဇ္ဈိမ) ။ ။ ၂ဝ၁ဝ ရွေးကောက်ပွဲ မဲမသမာမှုအပေါ် သုံးသပ်ချက် (မူကြမ်း) ရေးဆွဲပြီးပြီဟု အမျိုးသား ဒီမိုကရေစီ အဖွဲ့ချုပ်က ပြောဆိုလိုက်သည်။

၂၀၁၀ ရွေးကောက်ပွဲ မဲမသမာမှုများအပေါ် သုံးသပ်ချက် (မှုကြမ်း) ကို တိုင်းနှင့် ပြည်နယ်များမှ တင်ပြချက်များ၊ လွှတ်တော် အမတ်လောင်းများ ပြောဆိုချက် အပါအဝင်ဖြင့် ရေးဆွဲထားခြင်း ဖြစ်သည်။

“ မဲမသမာမှု၊ လေ့လာတွေ့ရှိချက် သုံးသပ်ချက်တွေပေါ့ဗျာ။ ရွေးကောက်ပွဲက တရားဥပဒေနဲ့ ညီညွတ်မှု ရှိ၊မရှိကို သုံးသပ်တဲ့ စာတမ်းပါ။ စာမျက်နှာ ၂၀ နီးပါး ပါတယ်။ အကြမ်းကတော့ ပြီးပါပြီ။ လူကြီးတွေက ကြည့်ပြီးတော့ ပြင်သင့်တဲ့ဟာကို ပြင်ပြီး၊ ထည့်သင့်တဲ့ဟာတွေ ထပ်ထည့်မှာပါ” ဟု မူကြမ်း ရေးဆွဲရာတွင် ပါဝင်ခဲ့သူ လပွတ္တာ ဦးကြည်ဝင်းက မဇ္ဈိမကို ပြောသည်။

မူကြမ်းထဲတွင် နိဒါန်း၊ ရွေးကောက်ပွဲ ဖြစ်ပေါ်လာပုံ၊ ရွေးကောက်ပွဲအတွက် ကြိုတင် ပြင်ဆင်ထားသော ဥပဒေ၊ ဖွဲ့စည်းပုံ အခြေခံ ဥပဒေ၊ ရွေးကောက်ပွဲ ကျင်းပသည့် နေရာတွင် မဲမသမာမှု စသည့် အပိုင်းငယ်များဖြင့် ကဏ္ဍခွဲကာ တင်ပြထားသည်။

ဝန်ထမ်းများကို ကြိုတင်မဲပေးရန် ညွှန်ကြားထားပြီး ကြိုတင်မဲများနှင့် ပတ်သက်၍ ကြံ့ခိုင်ဖွံ့ဖြိုးရေးပါတီကို မဲထည့်ရန် စာဖြင့် ထုတ်ပြန်ထားသည့် အထောက်အထား စာရွက်စာတမ်းများ အပါအဝင် ပြည်နယ်နှင့် တိုင်းမှ တင်ပြလာသည့် အထောက်အထားများ၊ စာရွက်စာတမ်းများကိုပါ မူကြမ်းထဲတွင် ဖော်ပြထားသည်။

“ကြိုတင်မဲတွေနဲ့ နိုင်တာတွေချည်းပဲ။ တောင်ဥက္ကလာပက ဝင်ပြိုင်တဲ့ ဒေါက်တာစောနိုင်ဆိုရင် မဲရုံမှာ ပေးတဲ့ မဲတွေမှာ နိုင်တယ်။ ည ၁ဝ နာရီအထိ မဲက နိုင်နေတုန်းလို့ ပြောတယ်။ မနက် ၄ နာရီအထိ သူ့ပြိုင်ဘက်ကို ၆ မဲ နိုင်တယ်။ ကော်မရှင်က မဲနိုင်ကြောင်း ၇ ရက်နေ့က လက်မှတ်ထိုးခိုင်းတယ်။ ၉ ရက်နေ့ ညနေပိုင်းကျတော့ သူက ရှုံးပြီဆိုပြီး ရေဒီယိုက ကြေညာတယ်။ အဲဒီကိစ္စနဲ့ ပတ်သက်ပြီး ဒေါက်တာ စောနိုင်က ကိုယ်တိုင် အဖွဲ့ချုပ်မှာ ထွက်ဆိုချက်တွေ ပါတယ်” ဟု ဦးကြည်ဝင်းက ပြောသည်။

မဲမသမာမှုများ သုံးသပ်ချက် (မှုကြမ်း) ကို လာမည့် ဒီဇင်ဘာလ ပထမပတ်အတွင်း ထုတ်ပြန်ဖွယ်ရှိသည်။
http://mizzimaburmese.com/news/inside-burma/6513-2010-11-30-12-49-29.html

၂၀၁၀ ရွေးကောက်ပွဲ စစ်တမ်း ကောက်ခံချက် SNLD မကြာမီ ထုတ်ပြန်မည်

ဦးမိုးဇော် အင်္ဂါ, 30 နိုဝင်ဘာ 2010
NLD က ဒီလဆန်းက ကျင်းပပြီးစီးသွားခဲ့တဲ့ ရွေးကောက်ပွဲမှာ မဲမသမာမှုတွေ ရှိခဲ့တာနဲ့ ပတ်သက်လို့ အစီရင်ခံစာ ပြုစုနေရာမှာ ဒီရက်ပိုင်းမှာပဲ မူကြမ်း ပြီးစီးသွားခဲ့ပါတယ်။ ဒီအချိန်မှာပဲ ရှမ်းတိုင်းရင်းသားများ ဒီမိုကရေစီ အဖွဲ့ချုပ် (SNLD) ကလည်း နိုဝင်ဘာလ ၇ ရက်နေ့က ကျင်းပခဲ့တဲ့ ၂၀၁၀ ရွေးကောက်ပွဲဟာ ဘယ်လောက် လွတ်လပ်ပြီး တရားမျှတမှု ရှိသလဲ ဆိုတာကို ဖော်ထုတ်နိုင်ဖို့အတွက် ရှမ်းပြည်နယ်အတွင်းက မြို့ပေါင်း ၆၀ လောက်နဲ့ ကချင်ပြည်နယ်အတွင်းက မြို့ ၁၀ မြို့လောက်မှာ စစ်တမ်း ကောက်ယူနေပါတယ်။ ဒီလို ကောက်ယူရရှိတဲ့ သတင်းအချက်အလက်တွေကို နောက်လကုန်လောက်မှာ ထုတ်ပြန်ကြေညာဖို့ ပြင်ဆင်ထားပါတယ်။

SNLD ပါတီဟာ ၁၉၉၀ ပြည့် ရွေးကောက်ပွဲတုန်းက အမျိုးသား ဒီမိုကရေစီ အဖွဲ့ချုပ် (NLD) ပါတီပြီးရင် မဲအများဆုံး ရရှိတဲ့ ပါတီဖြစ်ပြီး ၂၀၁၀ ရွေးကောက်ပွဲအတွက် ထပ်မံ မှတ်ပုံမတင်တာကြောင့် ပြည်ထောင်စု ရွေးကောက်ပွဲ ကော်မရှင်က ဖျက်သိမ်းကြောင်း ကြေညာထားတဲ့ ပါတီလည်း ဖြစ်ပါတယ်။ အပြည့်အစုံကို ဗွီအိုအေ ထိုင်းအခြေစိုက် သတင်းထောက် ကိုမိုးဇော်က တင်ပြထားပါတယ်။

SNLD ပါတီက ၂၀၁၀ ရွေးကောက်ပွဲကို ပါဝင်ယှဉ်ပြိုင်ခြင်း မပြုပေမဲ့ ဒီရွေးကောက်ပွဲဟာ တရားမျှတမှု ရှိမရှိ စောင့်ကြည့် လေ့လာဖို့အတွက် ရွေးကောက်ပွဲ မတိုင်ခင်ကတည်းက ကြိုတင်ပြင်ဆင်ခဲ့တာ ဖြစ်ပါတယ်။

SNLD ပါတီရဲ့ ဗဟို အလုပ်အမှုဆောင် အဖွဲ့ဝင်တွေက သူတို့ပါတီဝင် လူငယ်တွေကို အစိုးရမဟုတ်တဲ့ အဖွဲ့အစည်းတွေက ပို့ချတဲ့ ရွေးကောက်ပွဲ စောင့်ကြည့် လေ့လာရေးဆိုင်ရာ သင်တန်းတွေကို တက်ရောက်စေခဲ့ပြီးမှ အခုလို စစ်တမ်းပြုစုတာ ဖြစ်တယ်လုိ့ ပါတီရဲ့ ပြောရေးဆိုခွင့်ရှိသူ ဦးစိုင်းလိတ်က ပြောပါတယ်။ ဒီစစ်တမ်းမှာ အဓိက ကောက်ယူခဲ့တဲ့ အချက်တွေကိုတော့ ဦးစိုင်းလိတ်က အခုလို ပြောပါတယ်။

“အဓိကကတော့ မဲထည့်တဲ့သူ အရေအတွက်၊ ဒီမဲစာရင်း ပေါ်ပေါက်တဲ့လူက ဘယ်လောက်ရှိတယ်၊ တကယ်တမ်း မဲလာထည့်တာ ဘယ်လောက်ရှိပြီးတော့မှ ကြိုတင်မဲ၊ နောက် နောက်တိုးမဲ အဲဒီ မဲမသမာမှုတွေက ဘယ်လို အနေအထားမျိုး ရှိတယ်၊ အဲဒါတွေကို အဓိက ထားတာပေါ့နော်။ လွတ်လပ်ပြီးတော့ တရားမျှတမှု ရှိမရှိကို အဓိက သိချင်တာပါ။ အဓိကကတော့ ရှမ်းပြည်နယ် အားလုံး မြို့ ၆၀ နဲ့ ကချင်ပြည်နယ် ၁၀ မြို့လောက်ကို အဓိကထားပြီး survey လုပ်တာပေါ့နော်။”

အခုလို ကောက်ယူတဲ့ နယ်မြေတွေကတော့ ရှမ်းတိုင်းရင်းသားတွေ အများစု နေထိုင်တဲ့ နယ်မြေတွေ ဖြစ်ပါတယ်။

လောလောဆယ်မှာတော့ စစ်တမ်းကောက်ယူမှုဟာ တ၀က်ကျော်လောက် ပြီးစီးနေပြီး ရရှိထားတဲ့ အချက်အလက်တွေအရ ဆိုရင် မြို့တိုင်းနီးပါးလောက်မှာ မဲမသမာမှုတွေကို တွေ့ရတယ်လို့ ဦးစိုင်းလိတ်က ပြောပါတယ်။

“ယေဘုယျအားဖြင့် ပြောမယ်ဆိုရင်တော့ လွတ်လပ် တရားမျှတမှုကတော့ မရှိသလောက်ပါပဲ။ လုပ်ပုံလုပ်နည်းခြင်း ကွာခြားပေမဲ့လို့ နောက်ဆုံး နိဂုံးဆွဲချရင်တော့ မဲမသမာမှုက မြို့တိုင်းလိုလို ရှိတယ်၊ အနည်းနဲ့ အများပဲ ကွာပါတယ်။ မြို့တိုင်းလိုလိုမှာ မသမာတဲ့ ကြိုတင်မဲတွေက အဓိက ကျပြီးတော့ နောက်ထပ် ခြိမ်းခြောက်ပြီးတော့မှ မဲလိမ်တာမျိုးတွေပေါ့။ အတင်းအဓမ္မ မဲထည့်ခိုင်းတာတွေ၊ နောက်တခါ မဲထည့်ချင်လျက်နဲ့ ထည့်ပိုင်ခွင့် မရှိအောင်၊ တခါ မဲသွားထည့်လျက်နဲ့ ပယ်မဲဖြစ်အောင် ကြိုတင်ကြံဆောင်ထားတဲ့ အချက်အလက်တွေလည်း တော်တော်များများ တွေ့ရပါတယ်။”

တချို့ပြည်သူတွေဟာ မဲထည့်ချင်ပေမဲ့ ထည့်ခွင့်မရတဲ့ အခြေအနေနဲ့ ကြိုတင်မဲပေးတဲ့ အခြေအနေကိုတော့ ဦးစိုင်းလိတ်က အခုလို ရှင်းပြပါတယ်။

“မဲထည့်ချင်လျက်နဲ့ ထည့်လို့မရဘူး ဆိုတာက အိမ်ထောင်စု တခုမှာ ဥပမာ မိသားစုဝင် ၅ ယောက် ရှိတယ်ဆိုလို့ရှိရင် မဲထည့်ပိုင်ခွင့် ကြိုတင် အကြောင်းကြားတဲ့ လက်မှတ်ကို ၂ စောင်လောက်ပဲ လာပေးထားတယ်၊ မိသားစု ၅ ယောက်ရှိတဲ့ဆီမှာ။ နောက် ကျန်တဲ့ ၃ ယောက် သွားပြီး မဲထည့်မယ် လုပ်တော့ အဲဒီအတွက်ကို သက်ဆိုင်ရာ အာဏာပိုင်တွေက ထည့်ပြီးသားဖြစ်တယ် ဆိုတာမျိုး၊ နောက်တခါ မဲစာရင်း မပေါ်ပေါက်ဘူး ဆိုတာမျိုး၊ မဲစာရင်း ကြေညာတဲ့ အချိန်မှာ လာပြီး အကြောင်းမကြားလုိ့ အခု နီးကပ်ချိန်ကျမှ အရေးဆိုတော့ လုပ်မပေးနိုင်ဘူး ဆိုတာမျိုး အဲဒါတွေက အစ တွေ့ရပါတယ်။

“ထူးထူးခြားခြားကတော့ ကြိုတင်မဲကို ဒီမိုကရေစီ အင်အားစုဘက်ကို မဲထည့်လောက်တဲ့ ရပ်ကျေးတွေကို သက်ဆိုင်ရာ ကော်မရှင်ရဲ့ တံဆိပ်တုံး မပါဘဲနဲ့၊ မဲရုံမှူးလက်မှတ် မပါဘဲနဲ့ ကြိုတင်မဲတွေ ပေးလွှတ်လိုက်တာမျိုး ရှိတယ်။ အဲဒါတော့ တော်တော် ထူးထူးခြားခြားကို တွေ့ရပါတယ်။”

ဒီစစ်တမ်းကို ရက်ပေါင်း ၁၀၀ အတွင်းမှာ အပြီးပြုစုပြီး နောက်လကုန်လောက်မှာ အများပြည်သူနဲ့ ကုလသမဂ္ဂ အပါအ၀င် နိုင်ငံတကာ အဖွဲ့အစည်းတွေ သိရှိနိုင်ဖို့ သတင်းထုတ်ပြန်သွားမယ်လို့ ပြောပါတယ်။

အခုလို စစ်တမ်းကောက်ယူတာကို SNLD ပါတီက သီးခြားလွတ်လပ်စွာ ဆောင်ရွက်နေတာဖြစ်ပြီး သတင်းထုတ်ပြန်ရာမှာတော့ လုပ်ငန်း ရည်ရွယ်ချက်ချင်း တူညီတဲ့ အဖွဲ့အစည်းတွေနဲ့ ပူးပေါင်း ဆောင်ရွက်ကောင်း ဆောင်ရွက်မယ်လို့ သိရပါတယ်။

တချိန်တည်းမှာပဲ အမျိုးသား ဒီမိုကရေစီ အဖွဲ့ချုပ်ကလည်း ရွေးကောက်ပွဲ မသမာမှုတွေကို စာရင်းပြုစုပြီး အစီရင်ခံစာ ထုတ်ပြန်ဖို့ ပြင်ဆင်နေပါတယ်။

ရွေးကောက်ပွဲ ကာလကတော့ ပါဝင်ယှဉ်ပြိုင်တဲ့ ပါတီတွေနဲ့ ကိုယ်စားလှယ်လောင်း အတော်များများက ရွေးကောက်ပွဲ မသမာမှုတွေကို သတင်းမီဒီယာတွေကနေ တဆင့် ကျယ်ကျယ်လောင်လောင် ဝေဖန်ခဲ့ကြပါတယ်။

အဲဒီနောက်မှာ ရွေးကောက်ပွဲ ကော်မရှင်က တရားမျှတမှု မရှိတာတွေကို ရွေးကောက်ပွဲ ဥပဒေနဲ့ အညီ ကန့်ကွက်လွှာ တင်သွင်းဖုိ့နဲ့ ပြည်ပ အသံလွှင့်ဌာနတွေ၊ သတင်းမီဒီယာတွေမှာ ပြောဆို ရေးသားတာတွေဟာ ဥပဒေနဲ့ ငြိစွန်းကြောင်း သတိပေးချက် ထုတ်ပြန်ခဲ့ပါတယ်။

ဒီလို ကန့်ကွက်လွှာ တင်သွင်းမယ် ဆိုရင်တော့ ကျပ်ငွေ ၁၀ သိန်း တရားစရိတ်အဖြစ် ပေးဆောင်ရမယ်လို့ ရွေးကောက်ပွဲ ဥပဒေမှာ ပြဋ္ဌာန်းထားတာလည်း ဖြစ်ပါတယ်။
http://www.voanews.com/burmese/news/myanmar-election-snld-111042654.html

စစ်အစိုးရသာ ဒဏ်ခတ်အရေးယူမှု၏ တရားခံ

စစ်အစိုးရသာ ဒဏ်ခတ်အရေးယူမှု၏ တရားခံ

မကြာသေးမီက ရေးသားတင်ပြခဲ့သော “ဒဏ်ခတ်အရေးယူမှုနှင့် ပတ်သက်သည့် ဒေါ်အောင်ဆန်းစုကြည်၏ သဘောထားကို အနောက်နိုင်ငံများ စောင့်မျှော်နေကြ (West Waits for Suu Kyi Sanctions Signals)” ဟူသည့် အင်္ဂလိပ်ဘာသာဖြင့် တင်ဆက်သော ဧရာဝတီ သတင်း၌ “အမေရိကန်နှင့် ဥရောပ စီးပွားရေး အဖွဲ့များသည် ဒေါ်အောင်ဆန်းစုကြည် လွတ်လာပြီးနောက် ၎င်းတို့၏ မြန်မာနိုင်ငံဆိုင်ရာ သဘောထားကို ပြန်လည် စဉ်းစားသုံးသပ်နေကြသည်” ဟု ထည့်သွင်းဖော်ပြခဲ့သည်။

နိုဝင်ဘာ ၁၃ ရက်နေ့က ဒီမိုကရေစီခေါင်းဆောင် ဒေါ်အောင်ဆန်းစုကြည် လွတ်မြောက်လာမှုသည် စစ်အစိုးရနှင့် စီးပွားရေး ရင်းနှီးမြှုပ်နှံမှုများကို ဆယ်စုနှစ်ချီ တားမြစ်ထားမှုများအား အဆုံးသတ်နိုင်စေလိမ့်မည်ဟူသော မျှော်လင့်ချက်များ မြင့်မားလာသည့်အပေါ် ဤသို့တင်ပြခဲ့ခြင်းဖြစ်သည်။

ယင်း သတင်း၌ “ဒဏ်ခတ်အရေးယူမှုတွေက မြန်မာနိုင်ငံမှာ နိုင်ငံရေးပြောင်းလဲမှုတွေ မဖြစ်လာစေဘူးဆိုတာ အတော်လေး ရှင်းနေပါတယ်။ အဲဒီလိုမဖြစ်တဲ့အပြင် ဒဏ်ခတ်အရေးယူမှုတွေကြောင့် အမေရိကန် ကုမ္ပဏီတွေရဲ့ အလုပ်တွေကို မြန်မာနိုင်ငံနဲ့ လွတ်လွတ်လပ်လပ် ရောင်းဝယ်ဖောက်ကားနေတဲ့ တခြားနိုင်ငံတွေက သူတို့ရဲ့ ပြိုင်ဘက်တွေဆီ လွှဲပေးလိုက်ရသလိုတောင် ဖြစ်သွားတာပါ” ဟုဆိုသော အမေရိကန် ကုန်သည်ကြီးများအသင်း၏ အာရှဒေသဆိုင်ရာ ဒုတိယ ဥက္ကဋ္ဌ တမီ အိုဗာဘီ (Tami Overby) ၏ The Wall Street ဂျာနယ်သို့ ပြောကြားချက်ကိုလည်း ကိုးကားခဲ့သည်။

“တကယ်လို့ ဒေါ်အောင်ဆန်းစုကြည်နဲ့ အတိုက်အခံကသာ မြန်မာစစ်အစိုးရကို ဒဏ်ခတ်အရေးယူတဲ့ ကိစ္စနဲ့ပတ်သက်ပြီး ပွင့်ပွင့်လင်းလင်း ပြန်လည်သုံးသပ်ဖို့ အရိပ်အယောင်ပြမယ်ဆိုရင် အမေရိကန် ကုမ္ပဏီတွေအနေနဲ့ မြန်မာနိုင်ငံအပေါ် ချမှတ်ထားတဲ့ ဒဏ်ခတ်အရေးယူမှုတွေကို ဖျက်သိမ်းဖို့အရေး စဉ်းစားဖို့ အမေရိကန်လွှတ်တော်နဲ့ သမ္မတ အိုဘားမား အစိုးရကို တိုက်တွန်းသွားမှာ ဖြစ်ပါတယ်” ဟုလည်း မစ္စ အိုဗာဘီက ဆိုသေးသည်။

မစ္စ အိုဗာဘီ၏ မှတ်ချက်များသည် မြန်မာစစ်အစိုးရအပေါ် ချမှတ်ထားသော ဒဏ်ခတ်အရေးယူမှုများကို ဖယ်ရှားနိုင်ရေး၏ အဓိက သော့ချက်မှာ ဒေါ်အောင်ဆန်းစုကြည် ဖြစ်သည်ဟူသော အနောက်နိုင်ငံ အတော်များများ၏ လွဲမှားနေသည့် အမြင်ကို ထပ်မံ လှစ်ဟပြလိုက်ခြင်းပင် ဖြစ်သည်။ ဤဝန်ထုပ်ဝန်ပိုးကို မြန်မာ့ဒီမိုကရေစီ ခေါင်းဆောင်အပေါ် ပုံချမည့်အစား ဒဏ်ခတ်အရေးယူမှုအပေါ် ဝေဖန်သုံးသပ်သူများ အနေဖြင့် အနောက်နိုင်ငံများက မြန်မာနိုင်ငံဆိုင်ရာ မူဝါဒသဘောထားကို ပြောင်းရလောက်အောင် မြန်မာစစ်အစိုးရက ဘာများလုပ်ပြခဲ့ပါသနည်းဟူသော မေးခွန်းကို မေးသင့်သည်။

ဤမေခွန်း၏ အဖြေကား စစ်အစိုးရလုပ်ပြခဲ့သည်မှာ နည်းလွန်းလှ၏ဟူ၍ ဖြစ်သည်။ ဒေါ်အောင်ဆန်းစုကြည်ကို လွှတ်ပေးခဲ့သည်၊ သို့သော် နိုင်ငံရေးအကျဉ်းသား ၂၀၀၀ ကျော်မှာ အကျဉ်းထောင်များအတွင်း ဒုက္ခခံနေရဆဲပင်။ စစ်အစိုးရအနေနှင့် အနောက်နိုင်ငံများက ၎င်းတို့အပေါ် ချမှတ်ထားသော ဒဏ်ခတ်အရေးယူမှုများ ရုပ်သိမ်းပေးစေလိုပါက အနိမ့်ဆုံးအဆင့်အဖြစ် နိုင်ငံရေးအကျဉ်းသားများကို ခြွင်းချက်မရှိ လွှတ်ပေးပေလိမ့်မည်။

ဒဏ်ခတ်အရေးယူမှုများအပေါ် ခါးခါးသီးသီး ဖြစ်နေသူများက မြန်မာ့ နိုင်ငံရေးအကျဉ်းသားများ၏ အကျပ်အတည်းနှင့် ပတ်သက်၍ ရံဖန်ရံခါ စကားအဖြစ်မျှသာ ထုတ်ဖော်ပြောဆိုမှုများ ရှိသော်လည်း ၎င်းတို့ အမှန်တကယ် အလေးထားသည်မှာကား ရင်းနှီးမြှုပ်နှံမှုအခွင့်အလမ်းများ လက်လွှတ်ဆုံးရှုံးရခြင်းပင် ဖြစ်သည်မှာ ရှင်းလှသည်။

ထိုသို့ လက်လွှတ်ထားရပြီး တရုတ်နှင့် စစ်အစိုးရ၏ ဒေသတွင်း “အပေါင်းအပါများ” က ထိုအခွင့်အရေးများကို ရသွားသည်ကား ၎င်းတို့ တကယ်အလေးထားသည့် ကိစ္စဖြစ်သည်။

နိုင်ငံခြားမှ ရင်းနှီးငွေအလုံးအရင်း မြန်မာနိုင်ငံတွင်းသို့ ဝင်ရောက်လာမှုကြောင့် နိုင်ငံသားများ၏ လူနေမှုအဆင့်အတန်း မြင့်မားလာလိမ့်မည်ဟု ဒဏ်ခတ်အရေးယူမှုအပေါ် ဝေဖန်သုံးသပ်သူများက အခိုင်အမာ ပြောလေ့ရှိသည်။ သို့သော် လက်တွေ့ဖြစ်ရပ်များကား ဤသို့မဟုတ်။ အာရှတဝန်းမှ နိုင်ငံတွင်းသို့ စီးဆင်းလာသော အလွန်ကြီးမားသည့် ငွေကြေးပမာဏသည် သာမန်ပြည်သူများကို ဆင်းရဲတွင်းမှ ရုန်းထွက်နိုင်ရန် မည်သို့မျှ စွမ်းဆောင်နိုင်ခြင်း မရှိသည့်အတွက် အနောက်နိုင်ငံများမှ ငွေကြေးကြောင့် ပြည်သူများ အကျိုးပိုရှိစေမည်ဆိုသည်မှာ မည်သို့မျှ ယုံကြည်နိုင်စရာအကြောင်း မရှိချေ။

အနောက်နိုင်ငံများမှ ကော်ပိုရေးရှင်းများအနေနှင့် မြန်မာနိုင်ငံတွင် ၎င်းတို့မှန်းချက်နှင့် နှမ်းထွက်မကိုက် ဖြစ်နေသည်ကို တစထက်တစ ရိပ်စားမိလာနေကြသည်။ ထို့ကြောင့်ပင် ၎င်းတို့ရှိနေခြင်းအားဖြင့် စစ်အစိုးရအတွက် လိုအပ်သည်များကို တစုံတရာ လမ်းညွှန်မှုပေးနိုင်ကြောင်း၊ အနောက်နိုင်ငံများ၏ နည်းလမ်းများကိုလည်း ဗိုလ်ချုပ်ကြီးများကို မိတ်ဆက်ပေးနိုင်ကြောင်း စသည့် ၎င်းတို့၏ ဓာတ်ပြားဟောင်းကြီးများကို ပြန်လည် အသက်သွင်းရန် ကြိုးစားလာနေကြခြင်းဖြစ်သည်။

အမြတ်အစွန်းရရေးသက်သက် အမြင်ဘက်မှ ကြည့်မည်ဆိုပါက စီးပွားရေးသမားများ၏ အမြတ်အစွန်း တစုံတရာ ရလိုသည့်အပေါ် အပြစ်ဖို့ရန် ခက်ခဲပါသည်။ တရုတ်၊ ထိုင်း၊ အိန္ဒိယ၊ စင်ကာပူနှင့် တောင်ကိုးရီးယားနိုင်ငံများက မြန်မာနိုင်ငံ၏ အခြေခံ စက်မှုလုပ်ငန်းများတွင် အလုံးအရင်းဖြင့် ရင်းနှီးမြှုပ်နှံထားကြသည် မဟုတ်ပါလား။ ကုန်ထုတ်လုပ်မှု အပါအဝင် တခြားကဏ္ဍများတွင်လည်း အခွင့်အလမ်း အသစ်များ ပေါ်လာနေပြီ မဟုတ်ပါလား။

ယခုနှစ် ပထမ ၆ လအတွင်း တရုတ်ကုမ္ပဏီများကချည်း မြန်မာနိုင်ငံ၌ ရင်းနှီးမြှုပ်နှံသည့်ပမာဏမှာ အမေရိကန် ဒေါ်လာ ၈ ဘီလီယံ ရှိကြောင်း၊ အများစုကို သဘာဝဓာတ်ငွေ့၊ ရေနံနှင့် ရေအားလျှပ်စစ် စီမံကိန်းများတွင် ရင်းနှီးမြှုပ်နှံကြကြောင်း  စစ်အစိုးရ၏ တရားဝင် ကိန်းဂဏန်းများကို ကိုးကားသည့် ရိုက်တာသတင်းဌာန၏ အဆိုအရ သိရသည်။

အိမ်နီးချင်း ထိုင်းနိုင်ငံကမူ တရုတ်နိုင်ငံထက်ပင် ရည်ရွယ်ချက်ပိုကြီးသေးသည်။ ထိုင်းအနေဖြင့် မြန်မာနိုင်ငံတောင်ပိုင်းရှိ တနင်္သာရီတိုင်း ထားဝယ်မြို့တွင် ရေနက်ဆိပ်ကမ်းတခုနှင့် ၆၄၀၀၀ ဟက်တာ အကျယ်အဝန်းရှိ စက်မှုဇုန်တခု တည်ဆောက်ရန် အစီအစဉ်များ ရှိသည်။

ဘန်ကောက်အခြေစိုက် Italian-Thai Development ကုမ္ပဏီနှင့် မြန်မာ့ဆိပ်ကမ်း အာဏာပိုင်တို့အကြား သဘောတူ လက်မှတ်ထိုးခဲ့သော ဤစီမံကိန်းအတွက် အခြေခံကုန်ကျမှု တန်ဖိုးစုစုပေါင်းမှာ အမေရိကန် ဒေါ်လာ ၁၃.၄ ဘီလီယံ ရှိသည်ဟု သိရသည်။ ယင်းဒေသကို ကုန်စည်ပို့ဆောင်ရာနှင့် ကုန်ထုတ်လုပ်ရာ ဗဟိုချက်အဖြစ် ပြောင်းရန် အစီအစဉ်ရှိသည်ဟုလည်း ခန့်မှန်းပြောဆိုနေကြကြောင်း သိရသည်။

“ကျနော်တို့ အလုပ်သမား အမြောက်အမြား လိုအပ်ပါတယ်၊ သန်းနဲ့ချီတဲ့ မြန်မာတွေကို အလုပ်လုပ်ဖို့ ကျနော်တို့ စည်းရုံးမယ်” ဟု Italian-Thai Development ကုမ္ပဏီ ဥက္ကဋ္ဌ ပရင်မ်ချိုင် ကာနာစု (Premchai Karnasuta) ကပြောကြောင်း မကြာသေးခင်က The New York Times သတင်းတပုဒ်၌ ဖော်ပြခဲ့သည်။

ဤနေရာ၌ ထည့်သွင်းဆွေးနွေးရန်လိုသည့် အချက်မှာ တချိန်က ဒေသအတွင်းတွင် အဖွံ့ဖြိုးဆုံးဖြစ်ခဲ့ပြီး အာဏာငမ်းငမ်းတက်သော အုပ်ချုပ်သူများကြောင့် တရွတ်တိုက် နောက်ပြန် ပြန်ဆွဲသွားသည့် တိုင်းပြည်ရှိ နိုင်ငံသားများ၏ ဘဝကို ယင်းသို့သော ရင်းနှီးမြှုပ်နှံမှုက မည်ကဲ့သို့ တိုးတက်စေနိုင်ပါသနည်းဟူသော အချက်ပင်ဖြစ်သည်။

ပြည်သူလူထု၏ ဆန္ဒသဘောထား ထုတ်ဖော်မှုများကို ပိတ်ဆို့ထားခြင်းမှာ မည်သို့မျှပြောပလောက်သည့် အရာမဟုတ်ဟု ယူဆထားကြသည့် မြန်မာစစ်အစိုးရသည် နိုင်ငံသားများ အခြေခံကျန်းမာရေး စောင့်ရှောက်မှုနှင့် ပညာရေး အခွင့်အလမ်းများ ဆုံးရှုံးနေမူအပေါ်တွင်လည်း များစွာ အလေးမထားချေ။ ဤအခြေအနေအတိုင်း ဆက်ရှိနေမည်ဆိုပါက မြန်မာစစ်အစိုးရအပေါ် ချမှတ်ထားသော ဒဏ်ခတ်အရေးယူမှုများ ဖယ်ရှားပစ်ခြင်းကြောင့် အနောက်နိုင်ငံ ကုမ္ပဏီများနှင့် မြန်မာ စစ်ဗိုလ်ချုပ်ကြီးများကို ပို၍ ကြွယ်ဝချမ်းသာလာသည်မှလွဲ၍ အခြား မည်သည့်အရာမျှ ဖြစ်လာစရာ အကြောင်းမရှိချေ။

ထိုသို့ဆိုပါက မည်သည့်အတွက်ကြောင့် ဒဏ်ခတ်အရေးယူသည့် မူဝါဒများနှင့် ပတ်သက်၍ ဒေါ်အောင်ဆန်းစုကြည်တွင် တာဝန်ရှိနေရပါသနည်း။ ဒေါ်အောင်ဆန်းစုကြည်သည် မြန်မာပြည်သူလူထု၏ အသံကို ကိုယ်စားပြုသည်ဟု အားလုံးက သိပြီးဖြစ်သည်။ သို့စဉ်တိုင် ကိုယ့်စံနှုန်းနှင့်ကိုယ် ရှိနေသော အနောက်နိုင်ငံများသည် စစ်အစိုးရအနေဖြင့် ၎င်း၏ ပြည်သူများ ရသင့်သော အခွင့်အရေးများအပေါ် လေးစားသင့်ကြောင်း တိုက်တွန်းသင့်ပေသည်။

Only Than Shwe Can Get West to Lift Sanctions ကို ဆီလျော်အောင် ပြန်ဆိုသည်။
http://www.irrawaddy.org/bur/index.php/editorial/2008-10-06-11-24-23/5100-2010-11-30-12-06-17

စစ်အစိုးရ နှင့် DKBA တို့၏ တိုက်ပွဲများကြောင့် ထွက်ပြေး ကြသော ဒုက္ခသည်များ၏ အခြေအနေ ( ၃၀ . ၁၁ . ၂၀၁၀ )



Nobel Peace Prize Laureate Wangari Maathai sent Aung San Suu Kyi a video message of support.



Last week, Nobel Peace Prize Laureate Wangari Maathai sent Aung San Suu Kyi a video message of support. Thousands of other followers flooded Aung San Suu Kyi with messages.

But Suu Kyi has yet to hear from you.  Will you sign our message to Suu Kyi saying that you stand with her?

Suu Kyi is now back on the streets of Rangoon rallying her supporters.  But the regime is trying to isolate Aung San Suu Kyi from her supporters in Burma.

Last week, Suu Kyi visited a free HIV/AIDS clinic run by a member of her party, the National League for Democracy.  The patients were overjoyed by Aung San Suu Kyi's visit.

However, the day after Suu Kyi's visit, military officials declared that the clinic would be shut down.  The regime is shutting down this clinic to send a clear message: those who associate with Suu Kyi will be punished.

But Aung San Suu Kyi will not be intimidated.  Her supporters are not backing down.  We must not back down.

Send a message to Suu Kyi today telling her you stand with her 

As the regime tries to isolate Aung San Suu Kyi from her supporters inside Burma, it is more important than ever that her international followers voice our support for her struggle for a free, democratic Burma.

With Appreciation,

Aung Din, Jennifer, Nadi, Patrick and Myra
Support 1991 Nobel Peace Prize recipient Aung San Suu Kyi and the struggle for freedom and democracy in Burma:

Become a member of the U.S. Campaign for Burma.

Or, make a tax-deductible donation today.


ကမ္ဘာကျော် Foreign Policy မဂ္ဂဇင်းကြီးမှ ထုတ်ပြန်ကြေညာသော ၂၀၁၀ ခုနှစ် ကမ္ဘာ့ထိပ်တန်း အတွေးအခေါ်ပညာရှင် အယောက် (၁၀၀) တွင် မြန်မာပြည်သူလူထုခေါင်းဆောင် ဒေါ်အောင်ဆန်းစုကြည်လည်း ပါဝင်

ကမ္ဘာကျော် Foreign Policy မဂ္ဂဇင်းကြီးမှ ထုတ်ပြန်ကြေညာသော ၂၀၁၀ ခုနှစ် ကမ္ဘာ့ထိပ်တန်း အတွေးအခေါ်ပညာရှင် အယောက် (၁၀၀) တွင် မြန်မာပြည်သူလူထုခေါင်းဆောင် ဒေါ်အောင်ဆန်းစုကြည်လည်း ပါဝင်ကြောင်း သိရှိရပါသည်။ မြန်မာပြည် စစ်မှန်သော ဒီမိုကရေစီရရှိရေးအတွက် မလျှော့သော ဇွဲလုံ့ လတို့ ဖြင့် ကြိုးပမ်းဆောင်ရွက်နေသော ဒေါ်အောင်ဆန်းစုကြည်အား ရွေးချယ်ခဲ့ခြင်း ဖြစ်ပါသည်။

အဆိုပါ Foreign Policy မဂ္ဂဇင်းကြီးသို့  မြန်မာပြည်သူလူထုခေါင်းဆောင် ဒေါ်အောင်ဆန်းစုကြည်မှ ယနေ့  ပေးပို့ ခဲ့သော ဗွီဒီယိုစကားပြောမှတ်တမ်းနှင့် ပြောကြားချက်မှာ -




ကမ္ဘာ့ထိပ်တန်း အတွေးအခေါ်သမားများတွင် ဒေါ်အောင်ဆန်းစုကြည် ပါဝင်

E-mail Print
၂၀၁၀ ပြည့်နှစ်အတွင်း ကမ္ဘာ့ထိပ်တန်း အတွေးအခေါ်သမားများတွင် ဒေါ်အောင်ဆန်းစုကြည်ကို Foreign Policy မဂ္ဂဇင်းကြီးက ထည့်သွင်းဖော်ပြလိုက်သည်။
Daw_Su_and_His_Son_at_BG_market
ယနေ့တွင် သားဖြစ်သူ ကင်မ် အဲရစ္စနှင့်အတူ ရန်ကုန်မြို့ ဗိုလ်ချုပ်အောင်ဆန်းဈေးသို့ ရောက်ရှိလာသော ဒေါ်အောင်ဆန်းစုကြည်။ (ဓာတ်ပုံ - Getty Images)
နိုဝင်ဘာလ ၁၃ ရက်နေ့တွင် နေအိမ်အကျယ်ချုပ်မှ လွတ်မြောက်လာသော ဒေါ်အောင်ဆန်းစုကြည်ကို အတွေးအခေါ်သမား ၁၀၀ အနက် အဆင့် ၇၅ တွင် ထည့်သွင်းဖော်ပြထားသည်။

ရွေးချယ်ခံရခြင်းနှင့် ပတ်သက်၍ Foreign Policy မဂ္ဂဇင်းကြီးသို့ ဗီဒီယိုမှတဆင့် ဂုဏ်ပြု အမှတ်တရ ပြောကြားရာ၌ ဒေါ်အောင်ဆန်းစုကြည်က သူနေအိမ်အကျယ်ချုပ် ကျနေစဉ်အတွင်း ကမ္ဘာကြီးသည် ပြောင်းလဲလာကြောင်းနှင့် ဒီမိုကရေစီရေးအတွက် ဆက်လက် တိုက်ပွဲဝင်ရန် လိုအပ်ကြောင်း ပြောသွားသည်။

ထို့ အပြင် ဒေါ်အောင်ဆန်းစုကြည်က “ပြီးခဲ့တဲ့ အနှစ်နှစ်ဆယ်အတွင်းမှာ ကျမဘဝဟာ ကာလအပိုင်းအခြား နှစ်ခုအတွင်း ကျင်လည်နေခဲ့ပါတယ်။ တွေးတောပြီး အပြန်ပြန်အလှန်လှန် သုံးသပ်ခြင်း ဆိုတဲ့ ကာလအပိုင်းအခြားနဲ့ လုပ်စရာတွေ များလွန်းလို့ ပြေးလွှားနေတဲ့ အတွေးတွေကို ဆုပ်ကိုင်ဖို့ အချိန်မရနိုင်တဲ့ ကာလအပိုင်းအခြားပါပဲ” ဟု ဆိုသည်။

“ဒါပေမယ့် ဒီနှစ်တွေထဲမှာ အတွေးတခု ဝင်နေတာက ဘယ်လို အခြေအနေမျိုးမှာ ဖြစ်ဖြစ် တိုးတက်မှုတခုရဖို့ ကျမတို့အားလုံး အတူတူ လက်တွဲ လုပ်ဆောင်ကြရမယ် ဆိုတာပါပဲ။ ဒါက လူသားဖြစ်တည်မှုနဲ့အတူ မွေးဖွားလာတဲ့ အတွေးအခေါ်ပါ။ အများနဲ့ လုပ်တာ အကျိုးရှိပါတယ်။ တဦးကိုတဦး ကူညီရိုင်းပင်းကြဖို့ ကြိုးစားကြရပါမယ်။ ဒါဟာ ဘယ်တော့မှ အိုမင်းဟောင်းနွမ်းသွားမယ့် အတွေးအခေါ် မဟုတ်ပါဘူး” ဟု ဒေါ်အောင်ဆန်းစုကြည်က ဆက်လက်ပြောသည်။

နေအိမ်အကျယ်ချုပ်မှ လွတ်မြောက်ပြီးနောက် ပြောင်းလဲနေသော အခြေအနေသစ်ကို တွေ့ရခြင်းနှင့် ပတ်သက်၍ ဒေါ်အောင်ဆန်းစုကြည်က “ကျမကို လာရောက် အားပေးသူတွေ၊ နှုတ်ဆက်ဖို့ လာတဲ့ သူတွေနဲ့ ကျမတို့ လုပ်ဆောင်နေတာကို ဆက်လက်ယုံကြည်ကြောင်း ပြသသူတွေဟာ လွန်ခဲ့တဲ့ နှစ်များစွာက ကျမ အလုပ် တွဲလုပ်ခဲ့ဖူးသူတွေထက် ပိုပြီး ငယ်ရွယ်နေကြပါတယ်။ တကယ့်ကို မျိုးဆက်သစ်တွေပါ။ မျိုးဆက်သစ်ပေါင်း များစွာလို့ ကျမပြောပါရစေ။ ကျမတို့နဲ့ ပူးပေါင်းလာတယ်။ တကယ့်ကို နုပျိုနေတဲ့ ကမ္ဘာသစ်ပါပဲ” ဆိုသည်။

ထို့အပြင် ဒေါ်အောင်ဆန်းစုကြည်က တချိန်တည်းတွင် ထိုလူငယ်မျိုးဆက်များသည် သတင်းနည်းပညာ တော်လှန်ရေးသစ်၌ ပို၍ အကျွမ်းတဝင်ဖြစ်နေသည့် ထူးသည့် ကမ္ဘာသစ်ဖြစ်ကြောင်း၊ သူ့ကို ပျော်ရွှင်စေ၊ အားတက်စေ၊ လန်းဆန်းစေခဲ့ကြောင်း၊ သတင်းနည်းပညာသည် ကွဲပြားသည့် လူအမျိုးမျိုး၊ ကွဲပြားသည့် မျိုးဆက်များကြားတွင် ပိုမိုကောင်းမွန်သော ကူးလူးဆက်ဆံမှုကို ဖြစ်ပေါ်စေကြောင်း သုံးသပ် ပြောကြားသွားသည်။ 

“ကမ္ဘာကို ထိပ်တန်း အတွေးအခေါ်သမားအဖြစ် ဘာတွေ ပြောပေးနိုင်မယ်ဆိုတာ မသိပါဘူး။ ပြောနိုင်တာကတော့ ကျမဟာ ပြန်လည်မျှဝေပေးဖို့၊ အတွေးအခေါ်သစ်တွေ သင်ယူဖို့၊ လူငယ်တွေဆီက သင်ယူလေ့လာဖို့၊ ကျမ အကျယ်ချုပ်ကျခံနေရတဲ့ ကာလအတွင်း ဖြတ်သန်းခဲ့သူတွေဆီကနေ ဘာတွေ ဖြစ်ပေါ်ခဲ့တယ်ဆိုတာကို သင်ယူဖို့၊ ထပ်ဆောင်း ဆင်ခြင်မှုတွေကို သင်ယူဖို့ အသင့်ပါပဲ” ဟု ဒေါ်အောင်ဆန်းစုကြည်က ဆိုသည်။

ဆင်ခြင်တွေးခေါ်ခြင်းသည် ပြီးဆုံးသည်၊ အဆုံးသတ်သွားသည်ဟူ၍ မရှိကြောင်း၊ ဤသည်မှာပင် စိတ်ဓာတ်နှင့် နှလုံးသား၏ အဆုံးမရှိ ခရီးဆက်နေသော လူ့သဘာဝ၏ အလှတရားဖြစ်ကြောင်း ဒေါ်အောင်ဆန်းစုကြည်က ပြောသည်။

ဒေါ်အောင်ဆန်းစုကြည်သည် နေအိမ် အကျယ်ချုပ်မှ လွတ်မြောက်လာပြီးနောက် အုပ်စိုးမှုအပြောင်းအလဲထက် “အရည်အသွေး တန်ဖိုး အပြောင်းအလဲ” အတွက် ရှေရှည်ပြုပြင်ပြောင်းလဲမှုကို ဆော်သြခဲ့ကြောင်း Foreign Policy မဂ္ဂဇင်းကြီးက ရေးသားထားသည်။

“သူ (ဒေါ်အောင်ဆန်းစုကြည်) က လုပ်စရာရှိတာတွေ စလုပ်နေပါပြီ။ သူ့ရဲ့ ပါတီ (အမျိုးသားဒီမိုကရေစီ အဖွဲ့ချုပ်) ဆက်လက် ရပ်တည်ရေးအတွက် ဥပဒေကြောင်းအရ ဆောင်ရွက်တယ်၊ မကြာသေးမီက ပြီးစီးသွားတဲ့ ရွေးကောက်ပွဲ မသမာမှုတွေကို စုံစမ်းဖော်ထုတ်ဖို့ ကတိပြုတယ်။ လွတ်လွတ်ချင်း ဒေါ်အောင်ဆန်းစုကြည် ပြောတဲ့ 'ကျမတို့ လုပ်စရာတွေလည်း အများကြီး ရှိသေးတယ်' ဆိုတဲ့အတိုင်းပါပဲ” ဟု  Foreign Policy မဂ္ဂဇင်းကြီးက မှတ်ချက်ပေးထားသည်။

ကမ္ဘာ့ အတွေးအခေါ်သမား ၁၀၀ အနက် ထိပ်ဆုံးတွင် ဘီလျံနာ သူဌေးကြီးများဖြစ်သော စီးပွားရေးရင်းနှီးမြှုပ်နှံသူ ဝါရင်း ဘတ်ဖတ် နှင့် မိုက္ကရိုဆော့ဖ်ကို တည်ထောင်သူ ဘီလ် ဂိတ်တို့ရှိနေပြီး အမေရိကန် သမ္မတ အိုဘားမားက တတိယဖြစ်သည်။

ဂျာမန် အဓိပဓိဖြစ်သူ အင်ဂလာ မာကယ်က အဆင့် ၁၀ တွင်ရှိနေပြီး အမေရိကန် နိုင်ငံခြားရေးဝန်ကြီး ဟီလာရီ ကလင်တန်က အဆင့် ၁၃ ဖြစ်သည်။
http://www.irrawaddy.org/bur/index.php/news/5095-2010-11-30-09-54-36

Canada Supports Families Impacted by Cyclone Giri in Burma

Canada Supports Families Impacted by Cyclone Giri in Burma
Nov 30, 2010 10:35 ET
OTTAWA, ONTARIO--(Marketwire - Nov. 30, 2010) - The Honourable Beverley J. Oda, Minister of International Cooperation, today announced Canada's humanitarian support to help the Burmese people affected by Cyclone Giri.
"The Government of Canada is responding to humanitarian emergencies caused by Cyclone Giri in Burma. Many families are now vulnerable and without access to essential services," said Minister Oda. "Canada's assistance will provide emergency shelter and health services, as well as access to drinkable water."
On October 22, this cyclone destroyed tens of thousands of homes, including roads and bridges, leaving 100,000 people homeless and at least 260,000 people in need of humanitarian assistance.
Canada is responding with $500,000 in humanitarian aid, through the Canadian International Development Agency (CIDA). Save the Children Canada and Médecins Sans Frontières Canada (MSF) will administer this aid. MSF will receive $250,000 to provide basic health care services to the disaster-affected population in the two hardest hit areas, Minbya and Myebon, while Save the Children Canada will receive $250,000 to distribute emergency shelter material and essential non-food items to families who have lost their homes in the cyclone, including essential supplies to prevent malaria and water-borne illnesses.
For more information, please contact
Office of the Minister of International Cooperation
Justin Broekema
Press Secretary
819-953-6238
or
Canadian International Development Agency (CIDA)
Media Relations Office
819-953-6534
media@acdi-cida.gc.ca

ဘာစစ်သားလဲ????




Set Pe Zaw on Monday, November 29, 2010 at 10:42pm
အချိန်ကား မတ်လ ၁ ရက်၊ ၁၉၄၅၊ နံနက် (၁၀)နာရီ။
နေရာကား မြန်မာပြည် အလယ်ပိုင်း။

ဗမာ့တပ်မတော် စစ်သည်တို့ နွေနေပူပူတွင် ဖက်ဆစ်ဂျပန်တော်လှန်ရေးအတွက် စစ်ရေး အပြင်းအထန်လေ့ကျင့်နေကြပါတယ်။ ကျယ်ဝန်းလှတဲ့ စစ်ရေးပြကွင်းကြီးကို ပတ်ပြေးနေရင်း--

ဘာလုပ်နေလဲ--------- လေ့ကျင့်နေတယ်
ဘယ်သူ့အတွက်လဲ---- ပြည်သူ့အတွက်ပဲ
ဘာလုပ်ဖို့လဲ----------- တိုက်ပွဲဝင်ဖို့
ဘာစိတ်ဓာတ်လဲ------- သံမဏိစိတ်ဓာတ်
ဘာစစ်သားလဲ--------- ပြည်သူ့စစ်သား၊ ပြည်သူ့စစ်သား၊ ပြည်သူ့စစ်သား။

အားတက်ဖွယ်ကောင်းတဲ့ ကြွေးကြော်သံတွေဟာ မိုးမြေ သိမ့်သိမ့်တုန်းအောင် ညံနေပါတော့တယ်။

--------------------------------------------------------------------------

နှစ်ပေါင်း (၅၆) နှစ်ကျော် ကြာသော်-------------

အရောင်ပျယ်နေတဲ့ ရေဒီယိုအစုတ်ကလေးကနေ - BBC World Service အသံ ပြတ်တောင်းပြတ်တောင်းနဲ့ ထွက်ပေါ်လာပါတယ်။ ဘီဘီစီ အာရှရေးရာ သတင်းထောက် တဦးဖြစ်တဲ့ ဂျွန်အပ်ဝဒ်က-

”ဒီကနေ့မှာတော့ ရှမ်းအမျိုးသမီးရေးရာ ပူးပေါင်းဆောင်ရွက်ရေးအဖွဲ့နဲ့ ရှမ်းလူ့အခွင့်အရေး အဖွဲ့တို့ ပူးပေါင်းပြီး ထုတ်ဝေတဲ့ License To Rape (မုဒိန်းကျင့်ခွင့်လိုင်စင်) အစီရင်ခံစာကို ကမ္ဘာ့ကုလသမဂ္ဂမှာ တင်ပြကြပါတယ်။ ဒီအစီရင်ခံစာဟာ ဆိုရင်ဖြင့် မြန်မာနိုင်ငံ ရှမ်းပြည်နယ် အတွင်းရှိ မြန်မာစစ်တပ်ရဲ့ ရှမ်းလူမျိုး မိန်းကလေးများအပေါ် အဓမ္မကျူးလွန်မှုများကို ဖော်ထုတ်ပြုစုထားခြင်း ဖြစ်ပါတယ်။ အစီရင်ခံစာဟာ အမှုပေါင်း ၁၇၃ မှုကို စာရင်းပြုစုခဲ့တာ ဖြစ်ပြီး စစ်တပ်ရဲ့ ပြုကျင့်မှုကို ခံခဲ့ရတဲ့ မိန်းကလေးနဲ့ အမျိုးသမီးပေါင်း ၆၂၅ ယောက်ကို မေးမြန်းစုံစမ်းထားခြင်း ဖြစ်ပါတယ်။ ဒီကျူးလွန်မှုတွေကိုတော့ ၁၉၉၆ ခုနှစ်နဲ့ ၂၀၀၁ ခုနှစ် အကြားမှာ ကျူးလွန်ခဲ့တာ ဖြစ်ပါတယ်။ ကျူးလွန်မှုတွေကို ကြည့်မယ်ဆိုရင်တာ့ ရှမ်းပြည်နယ်အတွင်း တာဝန်ကျခဲ့တဲ့ တပ်ရင်း ၅၂ ရင်း ပါဝင်ပတ်သက် နေပါတယ်။ ပြုကျင့်မှုတွေရဲ့ ၈၃ ရာခိုင်နှုန်းမှာ အရာရှိအဆင့်ရှိသူတွေ ပါဝင်ခဲ့ပြီး မိမိတို့ တပ်သားများရဲ့ ရှေ့မှောက်မှာ ကျူးလွန်ခဲ့ တယ်လို့ သိရပါတယ်။ ပြုကျင့်ခံရသူတွေရဲ့ ၂၅ ရာခိုင်နှုန်းဟာ သေဆုံးခဲ့ကြပါတယ်။ ၆၁ ရာခိုင်နှုန်းဟာဖြင့် အုပ်စုလိုက် ပြုကျင့်မှု တွေအဖြစ် တွေ့ရပါတယ်။ ပြုကျင့်မှုပေါင်း ၁၇၃ ခုမှာ တခုကိုသာ အရာရှိတွေက အရေးယူခဲ့ပါတယ်။ အချို့ အမျိုးသမီးငယ်များဟာ အသက်မပြည့်သေးသူများဖြစ်ပြီး တပ်ထဲတွင် လပေါင်းမြားစွာ ခေါ်ထားသည်ကိုလည်း တွေ့ရှိရပါတယ်” တဲ့။

------------------------------------------------

၉ နှစ်ခန့်ကြာသော်-------

“ကျနော်တို့က တိုင်းပြည်ကို ကာကွယ်ရပါတယ်။ ဘုန်းကြီးတွေဗျာ အေးဆေး လမ်းလျှောက်ရင် ဘယ်သူက ဘာလုပ်မတုန်း၊ အခုတော့ ဆူဆူပူပူလုပ်တော့ ကျနော်တို့လည်း ပစ်ခတ်ထိန်းသိမ်းရတာပေါ့။ ဒီလိုမှ မလုပ်ရင် တိုင်းပြည် ပြိုကွဲပြီး တစစီဖြစ်ကုန်တော့မပေါ့ဗျာ။ ဒါကြောင့် တာဝန်အရ သတ်ရတာပါ”

“ဒါဆို ရှေ့တန်းမှာ မုဒိန်းကျင့်တာလည်း တာဝန်အရပဲလား”

”ဒါက အလကားပါဗျာ။ ကျနော်တို့ တပ်ရင်းဆို လူပျိုတွေချည်းပဲ။ လူပျိုတွေဆိုတော့ တိုင်းရင်းသူတွေနဲ့ ကြိုက်တာပေါ့။ အိမ်ထောင်ပြု ကြတာပေါ့။ ဒါကို သူတို့လူမျိုးတွေက မကျေနပ်လို့ မုဒိန်းကျင့်ပါတယ်လို့ ပြောတာပါ။ ဒါဟာ မုဒိန်းမှုမြောက်လား ခင်ဗျားတို့ပဲ စဉ်းစား ကြည့်ဗျာ။”

----------------------------------------------------

အချိန်ကား ဒီဇင်ဘာလ (၁)ရက်နေ၊ ၂၀၁၀၊ ည (၈)နာရီ၊
နေရာကား ပြင်ဦးလွင်မြို့ ဗိုလ်သင်တန်းကျောင်း၊

ဗိုလ်သင်တန်းဆင်းပွဲအား ဂုဏ်ပြုသောအားဖြင့် ကြိုက်သလောက် သောက်ပြီး ကြိုက်သလောက်ဆိုနိုင်ရန် ကာရာအိုကေပါ စီစဉ်ပေးထားပါတယ်။ အသံအားကောင်း၊ ပေါများလှတဲ့ မိုက်များကို ကိုင်ကြရင်း-----

ဘာလုပ်နေလဲ--------------- လေ့ကျင့်နေတယ်
ဘယ်သူ့အတွက်လဲ---------- ဖေဖေကြီးအတွက်
ဘာလုပ်ဖို့လဲ----------------- မုဒိန်းကျင့်ဖို့
ဘာစိတ်ဓာတ်လဲ------------ ဖွတ်ကြားစိတ်ဓာတ်
ဘာစစ်သားလဲ -------------- မုဒိန်းစစ်သား၊ မုဒိန်းစစ်သား၊ မုဒိန်းစစ်သား------

ပြိုင်တူထွက်ပေါ်လာတဲ့ အသံတွေကို နားထောင်ရင်း သင်တန်းဆင်းပွဲလာတဲ့ ဗိုလ်ချုပ်မှုးကြီးတွေရဲ့ အဆီတ၀င်းဝင်း မျက်နှာမှာ အားရကျေနပ်တဲ့ အပြုံးတွေ ဝေလို့-----------------------------------------


၂၀၁၀ နိုဝင်ဘာ ၂၉ ရက်

ကိုးကား---- License to rape အစီရင်ခံစာ (SWAN and SHRF)
http://www.facebook.com/note.php?note_id=179050585445769&id=100000836835164#!/notes/set-pe-zaw/e5e814a7/452762301932

ဒေါ်အောင်ဆန်းစုကြည်နှင့် သားငယ်ကိုထိန်လင်းတို့ ဗိုလ်ချုပ်အောင်ဆန်းဈေးသို့ ရောက်ရှိစဉ်

စစ်အာဏာရှင်စနစ်နှင့် ငွေဖောင်းပွမှု ( Myo Nyint)


Feb 11, '09 2:24 PM



နိုင်ငံရေးဟာ စီးပွားရေးအပေါ်မှာ သက်ရောက်အားရှိတယ်ဆိုတာ အခု စီးပွားရေးပညာရှင်တွေ အာရုံပြန်စိုက် လာရပြီ။ အခုပြောတာ နိုင်ငံရေးဘောဂ၀ိဇ္ဇာကို ဆိုလိုတာမဟုတ်ဘူး။ အရင်က နိုင်ငံရေးဘောဂ၀ိဇ္ဇာက စီးပွားရေး အကျိုးရလဒ် ခွဲဝေခံစားမှု distribution of wealth ကို စိစစ်တာဖြစ်တယ်။ အခုပြောတဲ့ နိုင်ငံရေး ဘောဂ၀ိဇ္ဇာသစ်ဟာ နိုင်ငံရေးဟာ စီးပွားရေးအပေါ်မှာ ဘယ်လိုအကျိုးသက်ရောက်တယ်ဆိုတာတင် ပြောတာ မဟုတ်၊ ခေတ်ပေါ်စီးပွားရေး စိစစ်တဲ့ သဘောတရားရေးနဲ့ နည်းပညာလက်နက်ကို အသုံးပြု ချဉ်းကပ်ခြင်း ဖြစ်ပါတယ်။ conceptual and technical tools of modern economic analysis.

ဒီိနိုင်ငံရေးနဲ့စီးပွားရေးအဆက်အစပ်ကို ကိန်းကလည်း ပြောခဲ့ဖူးပါတယ်။
‘Political problem of mankind was how to combine economic efficiency, social justice and individual liberty’ လူသားတို့ရဲ့ နိုင်ငံရေးပြဿနာဟာ စီးပွားရေးစွမ်းဆောင်ရည်ရယ်၊ လူမှုရေး တရားမျှ တမှုရယ်၊ ပုဂ္ဂလိက လွတ်လပ်မှုရယ် ရောသမ ပေါင်းစပ်ခြင်း ဖြစ်ပါတယ်။

၁၈ ရာစုကတည်းက Adam Smith and Montesquieu တို့ကလည်း မှတ်ချက်ချခဲ့ဖူးတယ်။ အာဏာရှင် မင်းဆိုး မင်ညစ်နဲ့ စီးပွားရေးကျဆင်းမှု ဆက်စပ်နေတယ်လို့ ပြောဖူးပါတယ်။ ၂၀ ရာစုမှာ ဒီမိုကရေစီဟာ စီးပွားရေးဖွံ့ဖြိုးမှုအတွက် မရှိမဖြစ် အရေးပါတဲ့ အကြောင်းတရား ဖြစ်လာပါပြီ။ ၁၉၉၈ ခု စီးပွားရေး နိုဘယ်လ်ဆုကို Amatyr Sen ကို ပေးလိုက်တာဟာ အရေးပါတဲ့ မှတ်တိုင်တတိုင်ပါပဲ။ ဆင်းက ဒီမိုကရေစီနှင့် စီးပွားရေးတိုးတက်မှု အဆက်အစပ် ရှိမှုကို သက်ဝင်ယုံကြည်သူဖြစ်ပါတယ်။

ကုန်ဈေးနှုန်း အဆမတန်ကြီးမြင့်မှု တနည်းအားဖြင့် ငွေဖောင်းပွမှုဟာ စစ်အာဏာရှင်စနစ်နဲ့ ကပ်ပါလာတဲ့ ရောဂါလက္ခဏာဆိုးကြီးပါပဲ။ အာဏာရှင် နာဇီဟစ်တလာ လက်ထက်က ငွေစက္ကူတွေ ဗုံးပေါလအော ရိုက်ထုတ်ခဲ့လို့ ငွေဖောင်းပွမှုကြီးမားပြီး ဂျာမန် မတ်ငွေ တန်ဖိုး ထိုးကျခဲ့ရတဲ့ သာဓကတွေ၊ ဂျပန်ခေတ် ဗမာပြည်ဂျပန် ငွေစက္ကူသာဓကတွေ၊ ယူဂန္ဒာမှာ စစ်အာဏာရှင် အီဒီအာမင်က ငွေစက္ကူတွေ ဗုံးပေါလအော ရိုက်ထုတ်လို့ သူတို့ရဲ့ ရှီလင်ငွေတန်ဖိုးထိုးကျပြီး ငွေဖောင်းပွနှုန်း ခေါင်ခိုက်ခဲ့ရတဲ့ သာဓကတွေ၊ အဲဒီတုန်းက ယူဂန္ဒာဘဏ်ဥက္ကဋ္ဌက ငွေစက္ကူတွေ စီးမဲ့ကမ်းမဲ့ ရိုက်ထုတ်နေတာကြောင့် မိမိတို့ရဲ့ ရှီလင်ပိုက်ဆံဟာ အိမ်သာသုံး စက္ကူလောက်တောင် တန်ဖိုးမရှိတော့တဲ့အကြောင်း ဝေဖန်မိလို့ ထောင်သွင်းနှိပ်စက်ပြီး သတ်ပစ်လိုက်တယ်။ အာမင်ဘေးမှာပါလာတဲ့ ကိုယ်ရံတော်တပ်သားလေးကို မင်းဘဏ်ဥက္ကဋ္ဌ တက်လုပ်တော့ဆိုပြီး တထိုင်တည်း ရာထူးအာဏာအပ်နှင်းလိုက်တယ်။ နိုင်ဂျီးယားစစ်အာဏာရှင်တွေ လက်ထဲက နိုင်ရာငွေတန်ဖိုးကျပြီး ကုန်ဈေးနှုန်း အဆမတန် ထိုးတက်၊ ငွေဖောင်းပွနှုန်းကြီးမားတဲ့ သာဓကတွေ အနတဂ္ဂမပါဘဲ။

စစ်အာဏာရှင်တွေဟာ ဘာလုပ်လုပ် အာဏာလက်နက်ပဲ သုံးတတ်တယ်။ တခြားဘာမှ မတတ်ဘူး။ သူသုံးဖို့ ငွေလိုရင် စက်နဲ့ ရိုက်ထုတ်လိုက်တာပဲ။ ဟစ်တလာဟာ အလုပ်လက်မဲ့ကျဆင်းအောင် Public works တွေ အကြီးအကျယ် တိုးချဲ့လုပ်ကိုင်တယ်။ လမ်းတွေ ဖောက်တယ်၊ တံတားတွေ ဆောက်တယ်။ သူစစ်ရေး စစ်ရာအတွက် လမ်းပန်းဆက်သွယ်ရေးတွေ လိုအပ်နေတာကိုး။ လူတွေအလုပ်ရပြီး အလုပ်လက်မဲ့ ကျဆင်းမယ်။ ခုနလို လမ်းဖောက်၊ တံတားဆောက်တာဟာ ဟစ်တလာက ပိုက်ဆံပေးခိုင်းသေးတယ်။ ကျနော်တို့ စစ်တပ်ကတော့ ဟစ်တလာ့ထက် ပိုဆိုးသေး။ လုပ်အားပေးဆိုပြီး အလကားခိုင်းတာ။ ဟစ်တလာက လိုတဲ့ပိုက်ဆံတွေ စက်နဲ့ လှည့်ထုတ်၊ အဲဒီတော့ မတ်ငွေတန်ဖိုးကျ၊ ငွေဖောင်းပွ၊ ကုန်ဈေးနှုန်း အဆမတန်တက်၊ အဲဒီတော့ လုပ်ခတွေတိုးပေး၊ မီးလောင်ရာလေပင့်ဆိုသလို ကုန်ဈေးနှုန်းထပ်တက်။

နိုင်ဂျီးရီးယား စစ်အာဏာရှင်အစိုးရလည်း ဒီလိုပဲ။ ၁၉၈၇-၈၈ နဲ့ ၁၉၉၀-၉၄ ခုနှစ်အတွင်း expansionary monetary policy ခေါ်တဲ့ ငွေရိုက်ထုတ်ပြီး တဖက်က နိုင်ငံဘဏ္ဍာအသုံးစရိတ်ကို ရငွေနဲ့ မကာမိအောင် သုံးစွဲတဲ့အတွက် ငွေဖောင်းပွနှုန်း ကြီးမားလှပါတယ်။ နိုင်ငံခြားငွေကိုလည်း ပိတ်ထားလိုက်တဲ့အတွက် ပြင်ပ ဒေါ်လာဈေးက (၁၅၀) ရာခိုင်နှုန်း ခုန်တက်သွားတယ်။ သူရဲ့ငွေ Naira ကို အကြီးအကျယ်တန်ဖိုးချပေးလိုက် ပြီး နိုင်ငံခြားငွေကို လိုသလောက် ဖွင့်ပေးလိုက်တော့မှ ပြင်ပဒေါ်လာပေါက်ဈေး ကျဆင်းတည်ငြိမ်လာပါတယ်။ တိုင်းပြည်စီးပွားရေးကို စစ်တပ်ရဲ့အာဏာနဲ့ အုပ်ချုပ်လို့ မရဘူးဆိုတာ သိလာပြီးတဲ့နောက် ၁၉၉၉ ခုအတွင်း မှာ အာဏာလွှဲပေးလိုက်ပါတယ်။ စစ်အစိုးရ ခေတ်မရှိတော့ဘူးလို့လည်း စစ်ဗိုလ်ချုပ်ကြီး အဘူဘာကာက ဖွင့်ဟ၀န်ခံလိုက်ရပါတော့တယ်။

ငွေဖောင်းပွတယ်ဆိုတာဘာလဲ။

ကုန်ပစ္စည်းတခုအပေါ်မှာ အနုတ်အသိမ်းများရင်၊ အ၀ယ်လိုက်ရင် ဈေးတက်တတ်တယ်။ အဲဒီပစ္စည်းကို ပုံအောထုတ်ပေးနိုင်မှ ဈေးကွက်မှာ ပစ္စည်းမပြတ်နေသမျှတော့ ဈေးက တည်ငြိမ်နေဦးမှာပဲ။ ပစ္စည်းပြတ်ပြီး ရှားပါးသွားတာနဲ့ ဈေးတက်ပြီမှတ်ပေတော့။ သုံးငွေနဲ့ ကုန်ပစ္စည်း အားမျှနေရင် equilibrium ဖြစ်နေရင် ဈေးငြိမ်တယ်။ ကုန်ပစ္စည်းပေါများပြီး သုံးငွေအား မလိုက်နိုင်ရင် ဈေးကျနိုင်တယ်။ ကုန်ပစ္စည်းကရှားပြီး ငွေအင်အားကများပြီး အ၀ယ်လိုက်ရင် ဈေးတက်မယ်။ ပိုက်ဆံကပိုလာပြီး ပစ္စည်းပိုမထွက်လာရင်တော့ ဒါမှမဟုတ် ပစ္စည်းအရေအတွက်က ဒုံရင်းပဲဆိုရင် ဒါကို ငွေဖောင်းပွတယ်လို့ ခေါ်ပါတယ်။

ငွေဖောင်းပွတော့ ငွေတန်ဖိုးကျသွားတယ်။ ငွေကျပ် (၁၀၀) ဟာ ငါး (၁၀) သား ကနေ့ ၀ယ်စားနိုင်ပေမယ့် နောက်တပတ်အတွင်း ကုန်ဈေးနှုန်းတက်သွားတဲ့အခါ သူ့လက်ထဲကငွေ (၁၀၀) ဟာ အဲဒီ ငါး (၈) ကျပ်သားဖိုး ပဲ ၀ယ်ရနိုင်တော့တယ်။ ဈေးက တရိတ်ရိတ်တက်သွားလိုက်တာ နောက်တပတ်ကျတော့ သူ့လက်ထဲကငွေ (၁၀၀) ဟာ ငါး (၅) ကျပ်သားပဲ ၀ယ်ရတော့တယ်။ ငါးထုတ်လုပ်စရိတ်တက်လို့ ဈေးတက်သွားတာလား။ မွေးမြူရေးကန်က ငါးဆိုရင် ငါးစာဈေးတက်လို့ ဖြစ်စေ၊ ငါးကန်ရေထုတ်ရေသွင်းလုပ်ရာမှာ ဖြစ်စေ၊ တခြား တနေရာမှာ ဖြစ်စေ၊ မီးသုံးလို့ မီတာခတက်ရင် ဒါမှမဟုတ် လောင်စာဆီဈေးတက်လို့ ငါးဈေးတက်ရင်တော့ စရိတ်တက်လို့ ဈေးတက်သွားတာ ဖြစ်တယ်။ ဒါကို စရိတ်တွန်းငွေဖောင်းပွမှု cost-push inflation ခေါ်ပါတယ်။ တခါတရံ မိမိရဲ့ငါး ထုတ်ထုပ်စရိတ် တိုက်ရိုက်တက်တာမဟုတ်ဘဲ သူဝယ်စားသုံးတဲ့ပစ္စည်း ဒါမှမဟုတ် အထွေထွေဈေးနှုန်းတက်လို့ ကာမိအောင် လိုက်တက်ရတာလည်း ရှိပါတယ်။

ဥပမာ ဇိမ်ခံပစ္စည်းတခုက နိုင်ငံခြားကသွင်းပြီး ဈေးမှာချရောင်းတာကလည်း အကန့်အသတ်ဖြစ်၊ ဒီဇိမ်ခံပစ္စည်း ၀ယ်သုံးနိုင်တဲ့ လူတန်းစားကများလို့ ဖြစ်စေ၊ ပိုက်ဆံပေါလို့ ဖြစ်စေ၊ အ၀ယ်လိုက်နေရင်း ဈေးခုန်တက်မှာပဲ။ ဒါကို အ၀ယ်လိုက်ငွေဖောင်းပွမှု demand-pull inflation ခေါ်ပါတယ်။ အကွင်းသားမြင်အောင် နမူနာပြရရင်တော့ ဘိန်းငွေမဲတွေကို ငွေဖြူလုပ်ဖို့ ငွေဗုံးပေါလအောပေါက်ပြီးဝယ်တာ မန္တလေး၊ ရန်ကုန် အိမ်ဈေး၊ မြေဈေးတွေ တလောက တက်သွားတာဟာ အ၀ယ်လိုက်ငွေဖောင်းပွမှု demand-pull inflation ခေါ်ပါတယ်။

Monetarists တွေရဲ့ အယူအဆကတော့ တိုင်းပြည်ရဲ့ အမှန်တကယ် ထွက်ကုန်တိုးတက်နှုန်းနဲ့အညီသာ လှည့်လည်ငွေ တိုးနှုန်းရှိနေရပါမယ်။ သဘောကတော့ monetary growth>GDP growth ငွေဖောင်းပွလာမယ်။ ကုန်ဈေးနှုန်းတွေ တက်လာမယ်ဆိုလိုတာပါ။ ဗမာပြည်ရဲ့ monetary growth ကိုကြည့်ရင်၊
၁၉၉၁ (၄၅.၆)%
၁၉၉၂ (၃၀.၉)%
၁၉၉၃ (၃၄.၁)%
၁၉၉၄ (၄၁.၃)%
၁၉၉၅ (၃၄.၀)%
၁၉၉၆ (၃၉.၁)%
၁၉၉၇ (၂၈.၇)%
၁၉၉၈ (၂၇.၆)%

အသားတင်ကုန်ထုတ်လုပ်မှု တိုးတက်နှုန်းထက် များစွာမြင့်နေတဲ့အတွက် ဗမာပြည်ရဲ့ ငွေဖောင်းပွနှုန်းဟာ၊ ၁၉၉၁ ခုက (၂၆.၅) ရာခိုင်နှုန်း ၊ ၁၉၉၀ ခုမှ ၁၉၉၄ ခုနှစ်အတွင်း တနှစ်ပျမ်းမျှ (၂၆.၁) ရာခိုင်နှုန်းနဲ့ ၁၉၉၅ ခုမှာ (၂၂.၅) ရာခိုင်နှုန်း ဖြစ်ပေါ်ခဲ့ပါတယ်။ ၁၉၉၆ မှာ (၂၀) ရာခိုင်နှုန်း၊ ၁၉၉၇ မှာ (၃၃.၉) ရာခိုင်နှုန်း၊ ၁၉၉၈ မှာ (၄၉.၁) ရာခိုင်နှုန်း နောက်ပိုင်း ငွေဖောင်းပွနှုန်းဟာ (၆၇) ရာခိုင်နှုန်းအထိ ထောင်တက်သွားရာက ၁၉၉၉ ဧပြီလမှာ (၂၉) ရာခိုင်နှုန်းလောက် ပြန်ကျသွားပါတယ်။ တချိန်တည်းမှာပဲ စားသုံးကုန်ဈေးနှုန်းက ၁၉၉၈ ခု ဇွန်လမှာ ၁၉၉၇ ခု ဇွန်လထက် (၆၆) ရာခိုင်နှုန်း မြင့်တက်ပါတယ်။ ရန်ကုန်ဈေးဆနှုန်းဟာ ၁၉၈၆ ခုနှစ်ထက် (၁၁) ဆနီးပါး တက်ပါတယ်။

၁၉၉၉ ခု ဧပြီ ဆန်ဈေးသည် ၁၉၈၈ ခုနှစ် နောက်ပိုင်း ပျှမ်းမျှအားဖြင့် (၁,၈၀၀) ရာခိုင်နှုန်း တက်သည်ဟု စာရင်းရပါသည်။

ငွေဖောင်းပွပြီး ကျပ်ငွေတန်ဖိုးကျလိုက်လာရင် လူတွေက သူ့လက်ထဲမှာ ကျပ်ငွေကြာကြာ သိမ်းမထားလိုဘူး။ ရွှေ ဒါမှမဟုတ် FEC ၀ယ်ထားလိုက်မှာပဲ။ ဒါမှမဟုတ် တွက်ချေကိုက်မယ့် ကုန်ပစ္စည်းတခုခု ဖမ်းဝယ်လိုက် မယ်။ ဘဏ်မှာ သွားထားဖို့ကလည်း ဘဏ်တိုးက တနှစ် (၁၂) ရာခိုင်နှုန်း၊ တနှစ်ငွေဖောင်းပွနှုန်းက (၂၂) ရာခိုင်နှုန်း လုံးဝမကိုက်ဘူး။ ကျပ်ငွေဟာ ငွေပူဖြစ်လာတယ်။ လက်ထဲမှာ ကြာကြာမထားလိုကြဘူး။ ပိုက်ဆံ လက်ထဲရောက်လာတာနဲ့ ပစ္စည်းဝယ်၊ ဈေးတက်ရင်ပြန်ရောင်း၊ ငွေဝင်လာတာနဲ့ ပစ္စည်းထပ်ဝယ်။ ကုန်ပစ္စည်း က တိုးလာတာ မဟုတ်ဘဲ ငွေလည်ပတ်တာက မြန်သထက်မြန်လာတယ်။ Money Velocity ခေါ်တယ်။ လှည့်လည်သုံးစွဲငွေလည်ပတ်နှုန်းက အကြိမ်များလို့ ဖြစ်စေ၊ အစိုးရက ငွေစက္ကူတွေ စည်းမဲ့ကမ်းမဲ့ ရိုက်ထုတ်ပြီး ငွေလှည့်လည်စက်ဝိုင်းထဲဝင်သွားရင် ငွေအင်အားက များပြီး ပစ္စည်းအင်အားမလိုက်နိုင်ဘဲ ကုန်ဈေးနှုန်းကြီးမြင့်၊ ငွေဖောင်းပွနှုန်း ကြီးမားလာတတ်ပါတယ်။ ကျပ်ငွေကို လူတွေယုံကြည်စိတ်ချလာပြီး အပေါင်းလက္ခဏာပြ အမှန်ဘဏ်တိုးနှုန်းကလည်း ကောင်းရင် လူတွေလက်ထဲလှည့်လည်နေတဲ့ ငွေကို ဘဏ်အပ်ပြီး စုဆောင်းလာကြမှာပဲ။ သဘောက ဘဏ်တိုးနှုန်းက (၁၆) ရာခိုင်နှုန်း၊ ငွေဖောင်းပွနှုန်းက (၄) ရာခိုင်နှုန်းဆိုရင် အသားတင်အတိုးနှုန်းက (၁၂) ရာခိုင်နှုန်း၊ အပြင်လုပ်ငန်းမှာ ငွေအရင်းအနှီးထည့်လိုက်လို့ (၉) ရာခိုင်နှုန်းပဲ အကျိုးအမြတ် ပြန်ပေါ်ရင်၊ သူ့ပိုက်ဆံ ဘဏ်ပဲအပ်ထားတော့မှာပေါ့။ အဲဒီလိုလုပ်ရင် အပြင်က လှည့်လည်သုံးစွဲငွေက ကျသွားမယ်။ ငွေဖောင်းပွနှုန်းလည်း အရှိန်သေပြီး ထိန်းနိုင်လာလိမ့်မယ်။

ငွေဖောင်းပွတာကို ဘာနဲ့ တိုင်းသလဲ။

ဗမာနိုင်ငံလို အချို့နိုင်ငံတွေက စားသုံးသူဈေးဆနှုန်းနဲ့ တိုင်းပါတယ်။ ဖွံ့ဖြိုးပြီးနိုင်ငံအများကတော့ GDP Deflator နဲ့ တိုင်းပါတယ်။ ကျနော်တို့နဲ့ဆိုင်တဲ့ စားသုံးသူဈေးဆနှုန်း CPI ကို နည်းနည်းရှင်းပြပါမယ်။

ဗမာပြည်သူလူထု အများစားသုံး သုံးစွဲတဲ့ပစ္စည်းကို ပထမရွေးချယ်ရပါတယ်။ ဥပမာ ဆန်၊ ဆီ၊ ဆား၊ ငါး၊ ကြက်၊ ဘဲ၊ ၀က်၊ ဘဲဥ၊ ကြက်ဥ၊ ကန်စွန်းရွက်၊ ချဉ်ပေါင်၊ ငါးပိ၊ ငါးပိရေ၊ အိမ်လခ၊ မီတာခ၊ ပုဆိုး၊ ထဘီအင်္ကျီ စသည်ဖြင့်ပေါ့။ ဒီရွေးချယ်သတ်မှတ်လိုက်တဲ့ ပစ္စည်းတွေ အခြေခံနှစ်တနှစ်ကို (၁၀၀) ထားပြီး နောက်ပိုင်း နှစ်စဉ်ရာခိုင်နှုန်း ဘယ်လောက်တက်လာတယ်ဆိုတာ တွက်ချက်ပြီး ထုတ်ပြန်ကြေညာရတာပါ။ ဗမာပြည်ရဲ့ ငွေဖောင်းပွနှုန်းကို ရန်ကုန် ၁၉၈၆ ခုဈေးကို အခြေခံထားပြီးတွက်ချက်တာပါ။ ဒါပေမယ့် ပြင်ပပေါက်ဈေးကို မယူဘဲ အစိုးရဈေးနဲ့ တွက်ချက်တာဖြစ်ပါတယ်။ အစိုးရဈေးနဲ့ ပြင်ပပေါက်ဈေးဟာ ဆန်ကအစ များစွာ ကွာခြားပါတယ်။ ၀န်ထမ်းနဲ့တပ်ကို ထုတ်ပေးတဲ့ ဆန်ဈေးနဲ့ ပြင်ပဈေးများစွာ ကွာခြားပါတယ်။

ဒီကုန်ဈေးနှုန်းဟာ ပြည်တွင်းဖြစ် ပစ္စည်းဆိုရင် လုပ်ခစရိတ်တက်လို့ဖြစ်စေ၊ လောင်ဇာဆီဈေးတက်လို့ဖြစ်စေ၊ နိုင်ငံခြားက မှာယူရတဲ့ ကုန်ကြမ်းပစ္စည်း ဈေးတက်လို့ စသည်ဖြင့် ထုတ်လုပ်မှုစရိတ်တက်လို့လည်း ဈေးကြီး သွားရတယ်။ အပြင်က တင်သွင်းတဲ့ လူသုံးကုန်ပစ္စည်းဆိုရင်လည်း အဲဒီနိုင်ငံခြားငွေ လဲလှယ်နှုန်းတက်သွားလို့ ဈေးကြီးရတာလည်းရှိတယ်။ အဲဒီတော့ ငွေဖောင်းပွမှု အကြောင်းပြောရင် စရိတ်၊ အမျိုးသားငွေကြေး၊ နိုင်ငံခြားငွေ လဲလှယ်နှုန်းတို့ ပါလာပါတယ်။

အမျိုးသား ငွေကြေးစနစ်ကို အဓိကအားဖြင့် Fiat အာဏာပိုင်တို့က ဘာမျှအကိုးအကား မပြုဘဲ အမိန့်အာဏာဖြင့် ရိုက်ထုတ်ဖြန့်ဝေခြင်းနဲ့ commodity-backed currency commodity-valued currency ကုန်ပစ္စည်းနောက်ခံထား ဒါမှမဟုတ် ကုန်ပစ္စည်းနဲ့ တန်ဖိုးညှိထုတ်လုပ် ဖြန့်ဝေသုံးစွဲတာဖြစ်ပါတယ်။ အရင်တုန်းကတော့ ရွှေကို နောက်ခံထားပြီး ပိုက်ဆံထုတ်တယ်။ ဒေါ်လာကို အဲဒီလိ်ု လုပ်ခဲ့တာ ဖြစ်ပါတယ်။ ကမ္ဘာ့ရွှေအများစုဟာ အမေရိကမှာရှိနေ၊ ဒေါ်လာကလည်း အလွန်ခိုင်မာတော့ ဒေါ်လာကို ရွှေပြန်အမ်းနိုင်တယ်။ နောက်ပိုင်း ကမ္ဘာ့စီးပွားရေးအခြေနေကြောင့် ဒီလို မလုပ်နိုင်တော့ဘူး။

ဒါပေမယ့် တိုင်းပြည်ထုတ်ကုန် ကမ္ဘာ့ကုန်သွယ်ရေး အခြေနေပေါ်ကြည့်ပြီးတော့ ဒီပိုက်ဆံအပေါ်အနုတ်အသိမ်း အပေါ်မူတည်ပြီး Money Supply ကိုလုပ်ရတာ။ Money Supply ဆိုတာဘာလဲ။ လှည့်လည်သုံးစွဲငွေကို ခေါ်တာ။ Money in circulation ကို ခေါ်တာ။ Money Supply> Money Demand ဆိုရင် အနုတ်အသိမ်းလိုအပ်တာ ထက်ပိုနေရင် ငွေဖောင်းပွမှာပဲ။ ဥပမာပစ္စည်းက (၁၀၀) ဖိုးရှိပြီး ပိုက်ဆံကလည်း (၁၀၀) ဆိုရင် အိုကေတယ်။ ပစ္စည်းက (၁၀၀) ဖိုး၊ လှည့်လည်နေတဲ့ ပိုက်ဆံက (၁၁၅) ကျပ်ဖြစ်ရင် ငွေဖောင်းပွသွားပြီ။ ငွေတန်ဖိုးကျသွားပြီ။

၁၉၆၂ ခု ဦးနုလက်ထက်မှာ လှည့်လည်သုံးစွဲငွေ ကျပ်သန်း (၁,၁၉၄) ရှိရာက ၁၉၈၉ ခုနှစ်မှာ ငွေစက္ကူသစ်ကျပ်သန်း (၆,၇၄၀) ဖိုး ရိုက်ထုတ်ပြီး လှည့်လည်သုံးစွဲငွေဟာ ကျပ်သန်း (၁၈,၈၅၇) အထိဖြစ်လာတယ်။ ၁၉၉၁ ခုနှစ်မှာ ကျပ်သန်း (၁၀၆,၀၂၃) အထိ တိုးလာပြန်တယ်။ သူတို့အဖေကြီး ဗိုလ်နေ၀င်းရဲ့ မဆလ လက်ထက်ပြည်သူ့ဘဏ်ဥပဒေမှာတောင် ပြည်သူတို့လက်ထဲတွင် လှည့်လည်သုံးစွဲငွေ တန်ဖိုး၏ (၂၅) ရာခိုင်နှုန်းနှင့် ညီမျှသော အရန်ရွှေနဲ့ နိုင်ငံခြားငွေ ဘဏ်လက်ဝယ်ရှိရမယ်လို့ ပြဋ္ဌာန်းခဲ့ပါသေးတယ်။ ကြောထောက်နောက်ခံ နိုင်ငံခြားငွေ အင်အားနဲ့ချိန်ပြီး ငွေစက္ကူရိုက်ထုတ်ဖို့ စည်းကမ်းကလနားသတ်ပေးတာပါ။ ငွေတွေ ဗုံးပေါလအောမလုပ်အောင်ပါ။ အဲဒါက ၁၉၆၇ ခုနှစ်က ပြဋ္ဌာန်းတဲ့ ဥပဒေပါ။ ဒါပေမယ့် ၁၉၇၃ ခုနှစ်မှာ အရန်ရွှေနဲ့ နိုင်ငံခြားငွေ ကျပ်သန်းဖိုး (၄၀၈) သာ ရှိပေမယ့် လည်ပတ်တဲ့ ငွေက ကျပ်သန်း (၃) ထောင်ကျော် ဖြစ်နေပြီ။ အရန်ငွေမာဟာ (၁၃.၅) ရာခိုင်နှုန်းပဲ ရှိတော့တယ်။

ငွေတန်ဖိုးပြန်တက်အောင်၊ ငွေဖောင်းပွမှုကို ထိန်းနိုင်အောင် လည်ပတ်သုံးစွဲနေတဲ့ သံသရာထဲက ငွေတချို့ကို ဘဏ်ထဲပြန်ဝင်အောင် အတိုးကောင်းကောင်းပေးပြီး ဆွဲဆောင်တာ ဒါမှမဟုတ် အရင်းအနှီးပစ္စည်းထဲ လာမြုပ်နေအောင် လုပ်ပေးရတယ်။ သဘောကတော့ လည်ပတ်သံသရာထဲက ဖယ်ထုတ်လိုက်တာပဲ။ ကျနော်တို့ရဲ့ စစ်အာဏာရှင် ဥာဏ်ကြီးရှင်တွေကတော့ ၁၉၆၄ ခု မေလ (၁၇) ရက်က ကျပ် (၁၀၀) တန်နဲ့ (၅၀) တန်၊ (၂၅) တန်တွေ တရားမ၀င်လုပ်လိုက်လို့ လူထုဟာ ကျပ် (၉၁၆) သန်းဖိုး မွဲသွားခဲ့တယ်။ ၁၉၈၆ ခုမှာပဲ (၃၅) ကျပ်တန်၊ (၄၅) ကျပ်တန်၊ (၉၀) ကျပ်တန် ငွေစက္ကူသစ်တွေ ထပ်ထုတ်တယ်။ တခါ ၁၉၈၇ ခုနှစ် စက်တင်ဘာ (၅) ရက်က (၂၅) ကျပ်တန်၊ (၃၅) ကျပ်တန်၊ (၇၅) ကျပ်တန် ငွေစက္ကူတွေ လှည့်လည်သုံးစွဲ နေတဲ့ငွေမှ (၇၅) ရာခိုင်နှုန်းနီးပါးကို တရားမ၀င် ကြေညာလိုက်ပြန်ပါတယ်။

ဒီငွေတွေကလည်း ပထမတခါတုန်းက (၂၅) ကျပ်တန်၊ (၅၀) ကျပ်တန်၊ (၁၀၀) ကျပ်တန်တွေ တရားမ၀င် ဖျက်သိမ်းလိုက်ပေမယ့် ဗိုလ်နေ၀င်းအတွက် ဗေဒင်ကိန်းခန်းအရ ငွေစက္ကူအသစ်တွေ ရိုက်နှိပ်ထုတ်ဝေ လိုက်တာဖြစ်ပါတယ်။ အဲဒီတော့ တချို့ငွေတွေ လှည့်လည်သုံးစွဲငွေထဲက ထွက်သွားလို့ ယာယီခဏလေးသာ ငွေဖောင်းပွနှုန်းကျသွားပေမယ့် ပြန်ပြီး (၃၀.၇၅) ရာခိုင်နှုန်း ထောင်တက်သွားပြန်တယ်။ ဒုတိယအကြိမ်လည်း အဲဒီလိုပဲ ခဏပဲကျပြီး ၁၉၈၈ ခုမှာ ငွေဖောင်းပွနှုန်းဟာ ဒုံရင်း (၃၁.၆၇) ရာခိုင်နှုန်းပြန်တက်လာပြန်တယ်။ အထိနာတာက လက်လုပ်လက်စား၊ ကုန်စုံဆိုင်အသေးစားပိုင်ရှင်တွေ၊ လက်လွှဲလက်ပြောင်း လုပ်စားသောက် လုပ်ကိုင်စားရတဲ့ လူတန်းစားဟာ လက်ထဲမှာရှိစုမဲ့စု ငွေလေးဟာ နေ့ချင်းညချင်း စက္ကူစုပ်ဖြစ်ပြီး မွဲပြာကျသွားကြတယ်။ အသေးစားထုတ်လုပ်မှု ၀န်ဆောင်မှုလည်း အထွက်ကျသွားတယ်။

စစ်ဗိုလ်ကြီးတွေကတော့ မကြေညာခင်လေးမှာ လက်ထဲရှိတဲ့ အဲဒီငွေစက္ကူတွေ ပစ္စည်းဝယ်သုံးပစ်လိုက်ကြ တယ်။ သူတို့ကတော့ မထိဘူးပေါ့။ ဒုတိယအခါကျတော့ လူထုကမခံမရပ်နိုင်ဖြစ်ပြီး အုံကြွပေါက်ကွဲလို့ ရှစ်လေးလုံး အရေးအခင်းထိ ဖြစ်သွားရတယ် မဟုတ်လား။ အာဏာရှင်ပီပီ အာဏာနဲ့ လုပ်ရင်ရမယ် မှတ်နေတာကိုး။ ၁၉၉၄ ခုမှာ (၁၀) ကျပ်တန်၊ (၅၀) ကျပ်တန်၊ (၅၀၀) ကျပ်တန် နဲ့ ၁၉၉၈ ခုပိုင်းမှာ ကျပ် (၁,၀၀၀) တန်ပါ ထုတ်ပြန်တယ်။ ငွေတခါတခါချေရင် ဂုံနီအိတ်နဲ့ သယ်ပြီးချေရတဲ့ ဘိန်းဘုရင်တွေ အဲဒီဒုက္ခက လွတ်ကင်းအောင် အရွက်ကြီးတွေ အကျိုးဆောင်ထုတ်ပေးတာနဲ့ တူပါရဲ့။

တကယ်တော့ မှန်ကန်တဲ့ ငွေကြေးပေါ်လစီကို သုံးရမှာ။ ဒါလည်း တင်းကျပ်တဲ့ ဘဏ္ဍာရေးပေါ်လစီနဲ့ အားဖြည့်ပေးရမှာ ဖြစ်ပါတယ်။

(ဆက်လက်ဖော်ပြပါမည်။)
http://kotoegyi.multiply.com/reviews/item/85

Monday, November 29, 2010

ဦးဝင်းတင်နယူးယောက်တိုင်းမ်ပိုစ့်ကိစ္စရှင်း...

(အာအက်အေ)

http://www.zshare.net/audio/832865512ce2085b/

http://www.mediafire.com/file/3j7mhhzcdjyvjb4/rfa.mp3

ဦးဝင်းတင်နယူးယောက်တိုင်းပိုစ့်ကိစ္စရှင်း... by yeyintnge

29 Nov 2010 ဒိုင်ယာရီ


http://www.mediafire.com/file/0p8j5bi00knwegv/29%20Nov%202010%20Yeyintnge%27s%20Diary.doc

http://www.mediafire.com/file/49mf87rdq848myn/29%20Nov%202010%20Yeyintnge%27s%20Diary.pdf

29 Nov 2010 Yeyintnge's Diary

စစ်ထောက်လှမ်းရေး ရှိစဉ်က စိတ်ကူးမျိုးဖြင့် NLD ကို နအဖ သွေးတိုးစမ်း


November 28, 2010 freedom news group

ယနေ့ ထုတ် မြန်မာ့ အလင်း သတင်းစာဉ် ကုလ သမဂ္ဂ အထွေထွေ အတွင်းရေးမှုးချုပ် ၏ အထူး ကိုယ်စားလှယ်အိန္ဒိယနိုင်ငံသားဗီဂျေနမ်ဘီယား ရန်ကုန်သို့ လာရောက် သော သတင်းစာပိုဒ်တွင် အမျိုးသား ဒီမိုကရေစီ အဖွဲ့ ချုပ်အားဖျက်သိမ်းခံထားရသည် ဟု ၎င်း၊ ဒေါ်အောင်ဆန်းစုကြည် အား တစ်သီး ပုဂ္ဂလ တစ်ဦး အနေဖြင့် လည်းကောင်းအမျိုးသားဒီမိုကရေစီ အဖွဲ့ ချုပ် အဖွဲ့ ဝင်ခေါင်းဆောင် များ နှင့် ခွဲခြား၍ ဖော်ပြထားသည် ကို တွေ့ ရှိရပါသည်။နအဖသတင်းစာ ကိုထိုကဲ့ သို့ ရေးသားဖော်ပြ ချက်သည် အမျိုးသား ဒီမိုကရေစီ အဖွဲ့ ချုပ် ကို တရားမ၀င်တော့ ဟု ရေးသားရန်မ၀ံ့ရဲသေးဘဲ အကဲစမ်းသည့် အနေဖြင့် ကနဦး ရှေ့ တော်ပြေးသွေးတိုးစမ်း ကာ ဖော်ပြခြင်း ဖြစ်သည် ဟု ရန်ကုန် မြို့ မှာSecond Generation Citizen Journalistတစ်ဦး က Freedom News Group သို့ ပြောသည်။

နိုဝင်ဘာလ ၇ ရက်နေ့ က ရွေးကောက် ပွဲ တွင် ပါဝင် အရွေး ခံခဲ့သည့်  ဦးသုဝေ နှင့် ဒေါက်တာသန်းငြိမ်းတို့ ၏ နာမည် နှင့် ရာထူးများ ကိုယှဉ်တွဲ ဖော်ပြထား သော်လည်း အမျိုးသား ဒီမိုကရေစီ အဖွဲ့ ချုပ်၏အထွေထွေ အတွင်းရေးမှုး ရာထူး များ ကို ယှဉ်တွဲ ဖော်ပြထားခြင်းမရှိချေ။

မြန်မာ စစ်အစိုးရ သည် ဒေါ်အောင်ဆန်းစုကြည် ၊ အမျိုးသား ဒီမိုကရေစီ အဖွဲ့ ချုပ် နှင့် ဒီမိုကရေစီအင်အားစု ကို နည်းမျိုးစုံ ဖြင့် ဖြိုခွဲရန်ကြံစည်သည့် အနေ နှင့် ယမန်နေ့ က ရာထူးမှ ဖယ်ရှားခံရသည့်စစ်ထောက်လှမ်းရေး အကြီးအကဲ ဟောင်း ကို လူမြင်ကွင်း သို တစ်ကျော့ပြန် ၀င်ရောက် စေခဲ့ပြန်သည်။

မြန်မာ့ အလင်းသတင်းစာဉ် ယနေ့ ပါရှိလာ သည့် သတင်းမျိုး သည် ၂၀၀၄ ခုနှစ် မတိုင်ခင် မြန်မာ့ နိုင်ငံရေး ဉ် စစ်ထောက်လှမ်းရေး ရှိစဉ်ကအလေ့ အကျင့် မျိုး ဖြစ်သည့် လုပ်နည်း လုပ်ဟန် မျိုး ဖြစ်သည်ဟု မန္တလေး မြို့ မှ နိုင်ငံရေး အကျဉ်းသား ဟောင်း နှင့် စာရေးဆရာတစ်ဦး ဖြစ်သူက ပြောသည်။

ထိုကဲ့သို့ မြန်မာ စစ်ထောက်လှမ်းရေး ဟောင်း ပုံရိပ် ယောင် ဖြင့် အများပြည်သူများကြား တကျော့ပြန်ရောက်ရှိလာခြင်း နှင့် ပတ်သက်ပြီးယမန်နေ့ က ဗိုလ်ချုပ် ခင်ညွန့် ဗီဒီယို ကို အနုလုံ ပဋိလုံ ကြည့်ရှု ခဲ့ပြီးသည့်Freedom News Group ၏ Founderတစ်ဦးဖြစ်သူ ကိုငြိမ်းချမ်းငြိမ်းက သူတို့  လက်ခုပ်ထဲက ပြဿနာတစ်ခု ကို ရှင်းတဲ့ အခါ နအဖ က ဒါမျိုး ဘယ်တော့မှအသံထွက် မခံဘူး ….သူတို့ ချင်းချင်း ခွက်စောင်းခုတ်တာ မဟုတ်ရင် ကြိတ်ပြီး ရှင်းတယ်။ အခု ဒီကိစ္စက ဒီဗီဒီယို ဖိုင်ကဗိုလ်ချုပ်မှုးကြီး သန်းရွှေ ကလွှင့်လိုက် တာလို့ ပဲ … သူ့ ကို Report လုပ်ထား တယ့် ဗီဒိယို အခွေရောစက်ရော ပါ အပ်ရတာ မျိုး ဟုသုံးသပ်ပြောကြားသည်။

နောက် တစ်ခု က သူတို့ အချင်းချင်းမှာ အမြဲတမ်း တစ်ဦးကို တစ်ဦး Sympathize ရှိတယ်။ ဗိုလ်သန်းရွှေ
ကြိုးစင် တက် ဖို့ ကို ဗိုလ်ခင်ညွန့် က ဘယ်တော့မှ စဉ်းစားမှ မဟုတ်ဘူး ။ဗိုလ်ခင်ညွန့် ဟာ တစ်သက်လုံး
ဥာဏ်ဏီဥာဏ် နက် များလာခဲ့တာ အခု MEDIA WAVE တွေက အားကောင်းလာလို့ မီဒီယာ ပါးဝနေ
တဲ့ ဗိုလ်ခင်ညွှန့် ကို ပြန်ဆွဲ သုံးတာ ဖြစ်နိုင်တယ် ။ ဒီလူ က Spy အစစ်ပဲ… သေသည် အထိ Spy လုပ်သွား
မယ်ဆိုတဲ့ Once Spy, Always Spy တွေ ဟု ဆိုသည်။

မြန်မာ စစ်အစိုးရ သည် ဒီမိုကရေစီ ခေါင်းဆောင် ဒေါ်အောင်ဆန်းစုကြည် ၏ လူထု ထောက်ခံမှု အား နှင့်
ပတ်သက်၍ ဆုပ်လည်း စူး ၊ စားလည်း ရူး ဖြစ်နေသည်။
http://freedomnewsgroup.com/

လေဆိပ် သတင်းစာရှင်းလင်းပွဲ စာပေစိစစ်ရေးကြောင့် ပြည်တွင်း သတင်းသမားတွေ တက်ရောက်ခွင့်မရ


မသင်းသီရိ တနင်္လာ, 29 နိုဝင်ဘာ 2010

ကုလသမဂ္ဂ အထွေထွေ အတွင်းရေးမှူးချုပ်ရဲ့ အထူးအကြံပေး မစ္စတာ ဗီဂျေး နမ်ဘီးယား (Mr. Vijay Nambiar) မြန်မာပြည်ကအပြန် မနေ့က ရန်ကုန် အပြည်ပြည်ဆိုင်ရာ လေဆိပ်မှာ သတင်းထောက်တွေနဲ့ ခေတ္တတွေ့ဆုံခွင့် ရခဲ့ပါတယ်။ ဒီသတင်းကို ရယူဖို့အတွက် ကြိုးစားခဲ့ပေမဲ့ ပြည်တွင်း သတင်းထောက်တွေက စာပေစိစစ်ရေးရဲ့ စီစဉ်ပေးမှု နောက်ကျတာကြောင့် သတင်းယူခွင့် မရခဲ့ကြပါဘူး။ တခါ ဒီတပတ်တွင်း ထုတ်ဝေဖြန့်ချိလာမယ့် သတင်းဂျာနယ် တော်တော်များများမှာလည်း ဒေါ်အောင်ဆန်းစုကြည်ကို ဝေဖန်ထားတဲ့ သတင်းဆောင်းပါးကို စာပေစိစစ်ရေးက မဖြစ်မနေ ထည့်ခိုင်းနေပါတယ်။ အပြည့်အစုံကို မသင်းသီရိက တင်ပြပေးထားပါတယ်။

မြန်မာပြည်ကို ၂ ရက်ကြာ သွားရောက်ခဲ့ပြီး အပြန် မနေ့က ရန်ကုန်လေဆိပ်မှာ ခပ်တိုတို ပြုလုပ်ခဲ့တဲ့ မစ္စတာ ဗီဂျေး နမ်ဘီးယားရဲ့ သတင်းစာ ရှင်းလင်းပွဲကို ပြည်ပ သတင်းဌာနတွေအတွက် အခြေစိုက် လုပ်ပေးနေကြတဲ့ သတင်းသမားတွေသာ တက်ရောက်ခွင့် ရလိုက်ပြီး ပြည်တွင်း သတင်းဂျာနယ်က သတင်းသမားတွေ ဘယ်သူမှ တက်ရောက် သတင်းယူခွင့် မရလိုက်ကြပါဘူး။ အကြောင်းကတော့ စာပေစိစစ်ရေးရဲ့ စီစဉ်ပေးမှုနဲ့ သွားလာကြရတဲ့ သူတို့အတွက် မနေ့က စာပေစိစစ်ရေးက စီစဉ် အကြောင်းကြားတာတွေ နောက်ကျသွားတာမို့ လေဆိပ်ထဲ ၀င်မရတဲ့ ပြဿနာ ကြုံခဲ့ရတာလို့ ပြည်တွင်း သတင်းထောက်တဦးက ပြောပါတယ်။

“နိုင်ငံခြား သတင်းဌာနက လူတွေကျတော့ သူတို့က သူတို့နာမည်တွေက စာပေစိစစ်ရေးကို ကြိုပေးထားရတယ်။ ကျနော်တို့ ပြည်တွင်းဂျာနယ်တွေကျတော့ ကြိုလည်း တောင်းမထားဘူး။ အဲဒါကြောင့် ကျနော်တို့ အထဲကို ၀င်ခွင့်မရဘူး။ သူတို့ကိုက နောက်ကျသွားတာဗျ။ သူတို့ အဆင့်ဆင့် ဖြတ်သန်းနေတာမှာ နောက်ကျသွားတာ။ နောက်ကျပြီးတော့ လေဆိပ်ထဲကို လုံခြုံရေးတွေ လာပေးတဲ့အခါမှာ ဒီစာရွက် ပေးတဲ့လူတွေက နောက်ကျပြီး ၀င်လာလိုက်တာ အဲဒီမှာ မစ္စတာ ဗီဂျေး နမ်ဘီးယား အထဲရောက်နေပြီ။ Press က လုပ်တော့မယ်။ အဲဒီလို အခြေအနေမှာမှ နာမည်စာရင်းက ရောက်လာတော့ အဲဒီလို ဖြစ်သွားတာပါ။”

ပြည်ပ သတင်းဌာနတွေအတွက် သတင်းယူကြသူတွေကို မစ္စတာ နမ်ဘီးယားက မေးခွန်း ၃ ခွန်းကို မေးခွင့်ပြုခဲ့သလို မြန်မာနိုင်ငံမှာ တွေ့ဆုံဆွေးနွေးရေး ဖြစ်လာဖို့ အတွက်နဲ့ နိုင်ငံရေး အကျဉ်းသားတွေကို အမြန်လွှတ်ပေးဖို့တွေ ပါဝင်တဲ့ ကြေညာချက် တစောင်ကို ထုတ်ပြန်ခဲ့ပါတယ်။ ဒီလိုအခြေအနေတွေအပြင် ဒီတပတ်တွင်း ထွက်လာမယ့် သတင်းဂျာနယ်တွေထဲမှာ အမေရိကန် အပါအ၀င် အနောက်နိုင်ငံကြီးတွေရဲ့ စီးပွားရေး ပိတ်ဆို့မှုတွေဟာ ဒေါ်အောင်ဆန်းစုကြည်ရဲ့ တောင်းဆိုမှုတွေဖြစ်တယ် ဆိုတာကို ရေးထားတဲ့ ပေါ်လစီ ဆောင်းပါးတွေကို မဖြစ်မနေ ထည့်ခိုင်းနေတာတွေ ရှိနေပါတယ်။

နိုဝင်ဘာ ၇ ရက်နေ့မှာ ကျင်းပခဲ့တဲ့ ရွေးကောက်ပွဲ မတိုင်ခင်ကတော့ ဂျာနယ်တွေမှာ ပေါ်လစီ ဆောင်းပါးတွေ မထည့်မနေရ ညွှန်ကြားချက်တွေကို ရုပ်သိမ်းထားတာပါ။ ဒါပေမဲ့ အခုရက်ပိုင်းထဲမှာ ရောင်းတန်းဝင် ဂျာနယ်တွေ အားလုံးမှာ ငါးမင်းဆွေဆိုသူ ရေးသားထားတဲ့ ဒေါ်စုကြည်သို့ပေးစာ ၂ ဆိုတဲ့ ဆောင်းပါးတွေကို စာပေစိစစ်ရေးက ဖိအားပေးပြီး ထည့်ခိုင်းတာတွေ ကြုံနေရတယ်လို့ ပြည်တွင်း သတင်းအယ်ဒီတာ တဦးက ပြောပါတယ်။

“သတင်းလွတ်လပ်ခွင့်ဟာ ရွေးကောက်ပွဲ မတိုင်ခင် ကာလနဲ့ အတူတူပဲ။ စာပေလွတ်လပ်ခွင့်ဟာ ဘာမှ ပိုပြီးတော့ ကောင်းမွန်လာတယ်၊ တိုးတက်လာတယ်ဆိုတဲ့ လက္ခဏာ မရှိဘူး ဆိုတာကို ပြတာပဲလို့ ပြောနိုင်ပါတယ်။ မြန်မာနိုင်ငံမှာ လူ့အခွင့်အရေး ချိုးဖောက်မှုတွေနဲ့ ဒီမိုကရေစီအတွက် ဆောင်ရွက်မှုတွေ မပြုလုပ်တဲ့အတွက်၊ ပြုပြင်ပြောင်းလဲမှုတွေ မလုပ်တဲ့အတွက် စီးပွားရေး ပိတ်ဆို့ထားတယ်၊ နိုင်ငံတကာက။

“အဲတော့ အဲဒီ စီးပွားရေး ပိတ်ဆို့မှုဟာ တကယ်ထိရောက်တယ်၊ တကယ်ပဲ အဲဒီ စီးပွားရေး ပိတ်ဆို့မှုကြောင့် ပြည်တွင်းမှာ အကျပ်အတည်း အမျိုးမျိုး ပေါ်ပေါက်နေတယ် ဆိုတာကို မီးမောင်း ထိုးပြလိုက်တာပါပဲ။ အဲဒီလို ရုပ်သိမ်းဖို့ သူတို့က ပြောချင်တဲ့ဆန္ဒ ရှိပုံပေါ်တယ်။ တကယ်တော့ အစိုးရအနေနဲ့ ဒေါ်အောင်ဆန်းစုကြည်နဲ့ တွေ့ဆုံပြီး တိုင်းပြည် ကောင်းကျိုးအတွက် တိုက်ရိုက်တွေ့ဆုံ ပြောလိုက်ရင် ပိုပြီးတော့ ကောင်းမယ်၊ အခွင့်အလမ်းတွေလည်း ပိုကောင်းမယ်လို့ ကျနော်တို့ကတော့ မြင်တယ်။”

ပြည်တွင်း သတင်းအယ်ဒီတာတဦး သုံးသပ်ခဲ့တာ ဖြစ်ပါတယ်။

တခါ နိုဝင်ဘာလ ၂၁ ရက် တန်ဆောင်မုန်းလပြည့်နေ့က ဒါရိုက်တာ မောင်မျိုးမင်း (ရင်တွင်းဖြစ်) စီစဉ်တင်ဆက်ခဲ့တဲ့ ထာဝရနှင်းဆီ အငြိမ့်အခွေကို ရုပ်ရှင်လုပ်ငန်းက ချိတ်ပိတ် သိမ်းဆည်းသွားပါတယ်။ ခေတ်ရဲ့ အခြေအနေအမှန်ကို ထင်ဟပ်တဲ့ ထိထိမိမိ ပျက်လုံးတွေကြောင့် ပရိသတ် ဒီအငြိမ့်ကို အကြိုက်တွေ့ခဲ့တာမို့ အခွေမပြန့်သွားရအောင် သိမ်းပစ်တာ ဖြစ်တယ်လို့ ဒီအကြောင်းကို သိထားတဲ့ ပြည်တွင်း သတင်းထောက်တဦးက ဆိုပါတယ်။

“အဲဒီ ထာဝရနှင်းဆီ အငြိမ့်ကို ပရိသတ် တော်တော်များများ ကြိုက်ကြတယ်၊ အားပေးကြတယ်။ နောက်ရက်မှာတော့ စီစဉ်သူ ဒါရိုက်တာ မောင်မျိုးမင်းတို့ ပြဿနာ တက်တယ်လို့ ကြားတယ်။ မောင်မျိုးမင်းဆီကို အာဏာပိုင် အဖွဲ့အစည်းတွေက လာပြီးတော့ အဲဒီအခွေပေးဖို့ တောင်းတယ်လို့ ပြောတယ်။ မောင်မျိုးမင်းက ရန်ကုန်တိုင်း တိုင်းမှူးနဲ့ သွားတွေ့ပြီးတော့ ရှင်းပြတော့ တိုင်းမှူးက သူတို့ မပါစေချင်တဲ့ အချက်တွေ၊ သူတို့ မလိုလားတဲ့ အချက်တွေ ပါနေတယ်ပေါ့၊ ဒါပေမဲ့ ကိစ္စမရှိဘူး၊ ဒီအခွေကို ဘယ်မှမပြန့်အောင် မောင်မျိုးမင်း ထိန်းသိမ်းထားပါ ဆိုပြီးတော့ သတိပေးလိုက်တယ် ပြောတယ်။

“နောက် ကြားတာက တိုင်းမှူးနဲ့ အဆင်ပြေပေမဲ့ မြန်မာ့ရုပ်ရှင်လုပ်ငန်းက လာသွားပြီး အဲဒီအခွေကို အတင်းအဓမ္မ ချိတ်ပိတ် သိမ်းသွားတယ် ပြောတယ်။”

ပြည်တွင်း သတင်းထောက်တဦး ပြောပြခဲ့တာ ဖြစ်ပါတယ်။

ဒီ ထာဝရနှင်းဆီအငြိမ့် ဆင်ဆာအတွက် ကြိုတင်ကပြတဲ့ရက်က ရုပ်ရှင် ဆင်ဆာအဖွဲ့က လာမကြည့်ခဲ့သလို ပျက်လုံးတွေ ထွက်လာမှ စိုးရိမ်ပြီး အခွေကို ရုပ်ရှင်လုပ်ငန်းက အတင်း ချိတ်ပိတ် သိမ်းဆည်းသွားတာ ဖြစ်တယ်လို့လည်း သူက သုံးသပ်ပါတယ်။ အခုလို အခွေကို ချိတ်ပိတ် သိမ်းဆည်းသွားပေမဲ့ ဒါရိုက်တာ မောင်မျိုးမင်း အပါအ၀င် ဒီအငြိမ့်ခွေထဲမှာ ပါဝင်ကပြခဲ့ကြတဲ့ အနုပညာရှင်တွေ အားလုံးကို သူတို့ရဲ့ အနုပညာ လုပ်ငန်းတွေအပေါ် ဘယ်လို ကန့်သတ်ချက်မှ ထုတ်ပြန်ကန့်သတ်တာ မရှိဘူးလို့လည်း ပြောပါတယ်။
http://www.voanews.com/burmese/news/

ဗိုလ်ချုပ်မှူးကြီး သန်းရွှေ သမ္မတ လုပ်ချင်သလား


ထက်အောင် Monday, 29 November 2010 16:34 သူ့အတွေး သူ့အမြင်

နိုဝင်ဘာလ ၇ ရက်နေ့ ရွေးကောက်ပွဲ ပြီးသွားတဲ့နောက် အခုအခါ မြန်မာစစ်အစိုးရဟာ စစ်ဗိုလ်ချုပ် တယောက်ကို ပထမဆုံး အရပ်သားသမ္မတအဖြစ် ရွေးချယ်တင်မြှောက်ဖို့ နောက်ထပ်ရွေးကောက်ပွဲတခု ကျင်းပရေး အာရုံစိုက် လုပ်ဆောင်နိုင်ပါပြီ။

၂၀၀၈ ခုနှစ် ဖွဲ့စည်းပုံအခြေခံဥပဒေ ရေးဆွဲစဉ်က နှစ်ပေါင်း ၂၀ ကျော်အတွင်း ပထမဆုံးဖြစ်လာတော့မယ့် အရပ်သား သမ္မတ တယောက်အတွက် စစ်အစိုးရဟာ တိကျတဲ့ အရည်အချင်း သတ်မှတ်ချက်တခုကို ဂရုတစိုက် ထည့်သွင်းခဲ့ပါတယ်။

ဖွဲ့စည်းပုံအခြေခံဥပဒေရဲ့ ပုဒ်မ ၅၉ မှာ “နိုင်ငံတော်သမ္မတနှင့် ဒုသမ္မတများ၏ အရည်အချင်းများ” ကို ဖော်ပြထားရာ ပုဒ်မခွဲ (ဃ) တွင် “နိုင်ငံတော်အရေးအရာများဖြစ်သော နိုင်ငံရေး၊ အုပ်ချုပ်ရေး၊ စီးပွားရေး၊ စစ်ရေး စသည့် အမြင်များရှိရမည်” လို့ ပါရှိပါတယ်။ ဒါကြောင့် စစ်ရေးအတွေ့အကြုံမရှိတဲ့ အရပ်သား နိုင်ငံရေးသမားတယောက်ဟာ မြန်မာနိုင်ငံရဲ့ သမ္မတ တယောက် မဖြစ်နိုင်ပါ။

သမ္မတရွေးကောက်ပွဲကို ဘယ်လိုကျင်းပမှာလဲ။ အမေရိကန်နဲ့ အင်ဒိုနီးရှာနိုင်ငံတို့ရဲ့ သမ္မတ ရွေးကောက်ပွဲနဲ့မတူဘဲ မြန်မာနိုင်ငံသားတွေဟာ သူတို့ရဲ့သမ္မတကို တိုက်ရိုက် ရွေးကောက်တင်မြှောက်ခွင့် မရှိပါဘူး။

ဖွဲ့စည်းပုံအခြေခံဥပဒေရဲ့ ပုဒ်မ ၆၀ အရ နိုင်ငံတော်သမ္မတ ရွေးချယ်တင်မြှောက်ရေးအဖွဲ့ကို အဓိကအုပ်စုကြီး ၃ စုနဲ့ ဖွဲ့စည်းရမှာ ဖြစ်ပါတယ်။ ပထမအုပ်စုက လူထုက ရွေးချယ်တင်မြှောက်ခဲ့တဲ့ အမျိုးသားလွှတ်တော် ကိုယ်စားလှယ်များ၊ ဒုတိယအုပ်စုက ရွေးချယ်တင်မြှောက်ခံ ပြည်သူ့လွှတ်တော် ကိုယ်စားလှယ်များနဲ့ တတိယအုပ်စုက လွှတ်တော် ၂ ရပ်စလုံးအတွက် စစ်တပ်မှ ၂၅ ရာခိုင်နှုန်း ဝေစုရထားသော ကိုယ်စားလှယ်များ ဖြစ်ပါတယ်။ သမ္မတ ရွေးချယ်တင်မြှောက်ရေးအဖွဲ့က အဲဒီ အုပ်စု ၃ စု ရွေးချယ်လိုက်တဲ့ သမ္မတလောင်း ၃ ဦးထဲက သမ္မတကို ရွေးချယ်ရမှာဖြစ်ပါတယ်။ ကျန် ၂ ဦးက ဒုတိယ သမ္မတများ ဖြစ်ပါလိမ့်မယ်။

သမ္မတရွေးကောက်ပွဲကို ဘယ်အချိန်မှာ လုပ်နိုင်ပါသလဲ။ ၂၀၀၈ ဖွဲ့စည်းပုံအခြေခံဥပဒေက ထိုရွေးကောက်ပွဲအတွက် တိကျတဲ့ အချိန်ဇယား ပေးထားခြင်း မရှိပါဘူး။ ဒါပေမယ့် လွှတ်တော် ၂ ရပ်ပေါင်းတဲ့ ပထမဆုံး ပြည်ထောင်စုလွှတ်တော်ကို ရွေးကောက်ပွဲအပြီး ရက်ပေါင်း ၁၀၅ ရက်အတွင်း ကျင်းပရန် ဖွဲ့စည်းပုံအခြေခံဥပဒေက ပြဌာန်းထားပါတယ်။ အဲဒီ ၁၀၅ ရက်မြောက်နေ့ဟာ ၂၀၁၁ ခုနှစ် ဖေဖော်ဝါရီလ ၂၀ ရက်နေ့ ဖြစ်ပါတယ်။ အဲဒီနေ့မှာပဲ ဖွဲ့စည်းပုံအခြေခံဥပဒေ စတင်အသက်ဝင်မှာ ဖြစ်ပါတယ်။

ပထမအကြိမ် လွှတ်တော်မကျင်းပမီ ပြည်ထောင်စု ရွေးကောက်ပွဲကော်မရှင် သော်လည်းကောင်း၊ တခြားအဖွဲ့တခုခုက သော်လည်းကောင်း သမ္မတရွေးကောက်ပွဲဆိုင်ရာ ဥပဒေကို ပြဌာန်းကောင်း ပြဌာန်းပါလိမ့်မယ်။ ဖွဲ့စည်းပုံအခြေခံဥပဒေရဲ့ ပုဒ်မ ၆၀ (စ) က “ထိုသို့ နိုင်ငံတော်သမ္မတနှင့် ဒုသမ္မတများ ရွေးချယ်တင်မြှောက်နိုင်ရန် လိုအပ်သည့်ဥပဒေကို ပြဌာန်းပေးရမည်” လို့ ဖော်ပြထားပါတယ်။ ဒါကြောင့် သမ္မတရွေးကောက်ပွဲအတွက် ဖြစ်နိုင်ခြေရှိသော အစောဆုံးရက်မှာ ၂၀၁၀ ခုနှစ် မတ်လထဲတွင် ဖြစ်ပါတယ်။

ဒါပေမယ့် စိတ်ဝင်စားစရာ အကောင်းဆုံးမေးခွန်းက ဘယ်သူ့ကို သမ္မတအဖြစ် ရွေးချယ်မှာလဲ။

မြန်မာစစ်ခေါင်းဆောင် အာဏာရှင် ဗိုလ်ချုပ်မှူးကြီး သန်းရွှေသာ ဆန္ဒရှိမယ်ဆိုရင် သူ့ကို သမ္မတအဖြစ် ရွေးချယ်တင်မြှောက်ဖို့ နိုဝင်ဘာလ ၇ ရက်နေ့က ကျင်းပခဲ့တဲ့ ရွေးကောက်ပွဲရလဒ်များက လမ်းခင်းပေးခဲ့ပါတယ်။

ဗိုလ်ချုပ်မှူးကြီး သန်းရွှေရဲ့ အနာဂတ်နဲ့ပတ်သက်လို့ ဆွေးနွေးမှုများက စိတ်ဝင်စားစရာ ကောင်းလှပါတယ်။ ဒါပေမယ့် သူ့ရဲ့ အနာဂတ် အခန်းကဏ္ဍနဲ့ပတ်သက်ပြီး ပြည်တွင်းပြည်ပက လေ့လာသူ မည်သူကမျှ ခိုင်မာတဲ့သတင်းအချက်အလက် ရရှိထားတာမျိုး မရှိပါဘူး။

ဒါပေမယ့် ဗိုလ်ချုပ်မှူးကြီး သန်းရွှေရဲ့ အနာဂတ်အပေါ် တွေးတောမှန်းဆချက်က ဖြစ်နိုင်ခြေ ရွေးချယ်စရာ နည်းလမ်း ၃ သွယ် အပေါ်မှာ တည်ဆောက်ထားကြပါတယ်။ အဲဒါတွေကတော့ ဗိုလ်ချုပ်မှူးကြီး သန်းရွှေကို သမ္မတအဖြစ် တင်မြှောက်တာ၊ အာဏာကို အမှန်တကယ် စွန့်လွှတ်တာ မဟုတ်ဘဲ နောက်ကွယ်ကနေ ကြိုးကိုင်တာနဲ့ သူယုံကြည်စိတ်ချရတဲ့သူကို သမ္မတအဖြစ် တင်မြှောက်ပြီး စိတ်ချလက်ချ အငြိမ်းစားယူသွားတာတို့ ဖြစ်ပါတယ်။

လေ့လာသူ အများအပြားကတော့ ဗိုလ်ချုပ်မှူးကြီးဟာ လက်ရှိ ကာကွယ်ရေးဦးစီးချုပ် ရာထူးကိုတော့ ဆက်လက် ယူထားလိမ့်မယ်လို့ မထင်ကြပါ။ သမ္မတဖြစ်ဖို့အတွက် ဗိုလ်ချုပ်မှူးကြီးဟာ သူ့အောက်က ဗိုလ်ချုပ်ကြီးဟောင်းများ ဖြစ်ကြတဲ့ သူရဦးရွှေမန်းနဲ့ ၀န်ကြီးချုပ် ဦးသိန်းစိန်တို့လို ရွှေးကောက်တင်မြှောက်ခံ ကိုယ်စားလှယ် ဖြစ်စရာမလိုသလို လွှတ်တော်ရဲ့ ၂၅ ရာခိုင်နှုန်းကို ရယူထားတဲ့ စစ်အစိုးရခန့်အပ်မယ့် ကိုယ်စားလှယ်တွေထဲက တယောက်လည်း ဖြစ်စရာမလိုပါဘူး။

ဖွဲ့စည်းပုံအခြေခံဥပဒေ ပုဒ်မ ၆၀ (ဂ) က “ယင်း (နိုင်ငံတော်သမ္မတ ရွေးချယ်တင်မြှောက်ရေးအဖွဲ့) အစုအဖွဲ့တဖွဲ့စီက ဒုတိယ သမ္မတ တဦးစီကို လွှတ်တော်ကိုယ်စားလှယ်များထဲမှဖြစ်စေ၊ လွှတ်တော်ကိုယ်စားလှယ် မဟုတ်သူများထဲမှဖြစ်စေ ရွှေးချယ်တင် မြှောက်ရမည်” လို့ ဖော်ပြထားတယ်။

စစ်အစိုးရရဲ့ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ (ကြံ့ဖွံ့ပါတီ) က လွှတ်တော်နှစ်ရပ်စလုံးမှာ ၈၀ ရာခိုင်နှုန်းနီးပါး အနိုင်ရတဲ့အတွက်ကြောင့် ဗိုလ်ချုပ်မှူးကြီး သန်းရွှေသာ သမ္မတဖြစ်ချင်တယ်ဆိုရင် ကြံ့ဖွံ့ပါတီက သူ့ကို ပါတီရဲ့ သမ္မတလောင်းအဖြစ် တင်သွင်းလိုက်ရုံပဲ ဖြစ်ပါတယ်။

ကြံ့ဖွံ့ပါတီရဲ့ အထွေထွေ အတွင်းရေးမှူးလည်းဖြစ်၊ လက်ရှိ လယ်ယာစိုက်ပျိုးရေးနဲ့ ဆည်မြောင်းဝန်ကြီးဌာနရဲ့ ၀န်ကြီးလည်းဖြစ်တဲ့ ဦးဌေးဦးက ရွေးကောက်ပွဲမကျင်းပမီ ပါတီရဲ့ ပထမဆုံးနဲ့ တခုတည်းသော သတင်းစာရှင်းလင်းပွဲမှာ ကြံ့ဖွံ့ပါတီက ပါတီရဲ့သမ္မတလောင်းကို ရွေးချယ်ထားပြီးကြောင်း ပြောခဲ့ပါတယ်။ ဒါပေမယ့် မည်သူမည်ဝါဆိုတာကိုတော့ ထုတ်မပြောခဲ့ပါဘူး။

ထိုသူဟာ ဗိုလ်ချုပ်မှူးကြီး သန်းရွှေများ ဖြစ်နေမလား။
http://www.irrawaddy.org/bur/index.php/editorial/2009-02-27-05-56-44/5083-2010-11-29-09-35-22

Suu Kyi seeks to review sanctions on Myanmar

ထူးပေမယ့် မဆန်းပါ( တူမောင်ညို)

ထူးပေမယ့် မဆန်းပါ
တူမောင်ညို
(၂၀၁၀ နိုဝင်ဘာ ၂၉)


ဒေါ်အောင်ဆန်းစုကြည် လွတ်မြောက်လာတဲ့ နိုဝင်ဘာ ၁၃ ရက်နောက်ပိုင်းဖြစ်စဉ်များအပေါ် (နအဖ) စစ်အစိုးရ တုန့် ပြန်မှုတွေဟာ ယခင်ကနဲ့မတူပါဘူး။ မတူဘူးဆိုလိုက်လို့ သဘောထားပျော့ပြောင်းလာတယ်စသဖြင့် ဘာဘာညာညာပြောချင်တာ မဟုတ်ပါဘူး။
ဖြစ်ရပ်တွေက ရွေးကောက်ပွဲမှာကျူးလွန်ခဲ့တဲ့ မသမာမှုနဲ့ မတရားတဲ့ကိစ္စတွေကို တောင်ကျော်လွန်သွားသလိုဖြစ်ခဲ့ရပါ တယ်။ (နအဖ) စစ်အစိုးရအတွက်တော့ ဒါတွေကအကြိုက်တွေ့နေမှာပေါ့။ ရွေးကောက်ပွဲမသမာမှုတွေကို တရားစွဲဖို့ဆိုတာကလည်း ငွေချည်း ၁၀ သိန်းတင်ရမယ်မဟုတ်လား။
(နအဖ) စစ်အစိုးရတုန့်ပြန်မှုတွေက ယခင်ကနဲ့မတူဘူးလို့ဆိုရတာလည်း (နအဖ) စစ်အစိုးရအဖို့ ယခင်ကလို အခြေ အနေ မဟုတ်တော့တာလည်းပါတယ်။ အဓိက အချက်ကတော့ ရွေးကောက်ပွဲမှာ သူတို့ အနိုင်ရထားတယ်။ ဒါကြောင့် ဒီနေ့ဖြစ် နေတာတွေကို အရင်ကလိုသတင်းစာကနေဆောင်းပါးရေးပြီးမိုက်တိမိုက်ကန်းတုန့်ပြန်လို့ဖြစ်တာမဟုတ်တော့ဘူး။ “အောင်မိုးစံ” တို့ကိုရေးခိုင်းလို့လည်းရတော့တာမဟုတ်ဘူး။ သူတို့ကနိုင်ငံရေးပါတီထောင်ထားတယ်။
ဒီတော့အခြားနည်းတွေသုံးလာရတယ်။ လူထုနဲ့ဒေါ်အောင်ဆန်းစုကြည်၊လူငယ်ထုနဲ့ဒေါ်အောင်ဆန်းစုကြည် ရေနဲ့ငါးပမာ တစ်သားတည်း ဖြစ်နေမှာ/တာကို (နအဖ) စစ်အစိုးရ က မနာလိုမရှုဆိတ်ပါဘူး။ ဒီတော့ထုံးစံအတိုင်း ဉာဏ်နီဉာဏ်နက်တွေလက် ကုန် ထုတ်သုံးလာပါတယ်။
ပထမဆုံးတုန့်ပြန်တာကတော့ ဒီချုပ် တရားဝင်တည်ရှိမှုကိစ္စကို နေပြည်တော်တရားရုံးချုပ်ကနေ “ပယ်ချ”လိုက်တာပါပဲ။
နောက်ဆက်တွဲအနေနဲ့ ပြည်တွင်းက ဂျာနယ် (၉) စောင်ကို ဒေါ်အောင်ဆန်းစုကြည်သတင်းဖေါ်ပြလို့ဆိုပြီး ရက်သတ္တ ပတ် ကန့်သတ်ပိတ်ပင်တဲ့ဒဏ်ချမှတ်လိုက်တယ်။ အမျိုးသားဒီမိုကရေစီအဖွဲ့ချုပ်ကိုလည်း “ ဖျက်သိမ်းပြီးNLD” လုိ့သုံးရမယ် လို့ သံပတ်တင်းလိုက်ပါတယ်။
ပိတ်ပင်ခံရတဲ့ ဂျာနယ် (၉) စောင်ထဲမှာ “လျှပ်တစ်ပြက်ဂျာနယ်” ပါတယ်ဆိုတာကလည်း ကျောသားရင်သားမခွဲခြားဘူး ဆိုတဲ့ ဆင်ခြေပေးနိုင်ဖို့ဖြစ်တယ်။ “လျှပ်တစ်ပြက်ဂျာနယ်”ဆိုတာ အလံရှူးဂျာနယ်မှန်းလူတိုင်းသိပါတယ်။
နောက်တစ်ခုကတော့ မဖြူဖြူသင်းတို့ဖွင့်လှစ်ထားတဲ့ (PLWHA) တွေနဲ့ ပတ်သက်ပါတယ်။
ဒီကိစ္စမှာ ယခင်ကလို သက်ဆိုင်ရာအုပ်ချုပ်ရေးယန္တရားကနေ (မြို့နယ်/ရပ်ကွက်အုပ်ချုပ်ရေး) မကိုင်တော့ပဲ ကျန်းမာ ရေးဆိုင်ရာ တာဝန် ရှိသူတွေ/ ရပ်ကွက်လူထုတွေနဲ့လှည့်ပြီးရန်တိုက်ပေးလိုက်ပါတယ်။ (NGO) ဆိုရင် ပြည်ထဲရေးဝန်ကြီးဌာနမှ မှတ်ပုံတင်ရမယ်/ ဆေးရုံဆိုရင်လည်း စံသတ်မှတ်ချက်များနဲ့ကိုက်ညီရမယ်လို့ဆိုပါတယ်။
လောလောဆယ်တော့ ဧည့်စာရင်းတိုင်ခွင့် ထပ်မံပေးပါတယ်။ ဒါဟာ (နအဖ) စစ်အစိုးရဘက်က လိုက်လျောလိုက်တာ ခွင့်ပြုလိုက်တာမဟုတ်ပါဘူး။ သူတို့ဥပဒေကို သူတို့ကိုယ်တိုင် မချိုးဖောက်ဘူး ဆိုတာနဲ့ မဖြူဖြူသင်းတို့ဘက်တောင်းဆိုလို့ တင်းခံ နေလို့ လိုက်လျောရတာဆိုတဲ့ အနေအထားမျိုး မဖြစ်ရအောင် အကွက်ချတုန့်ပြန်တာပါ။
နေ့စဉ်ထုတ်သတင်းစာတွေထဲကနေသာ မတုန့်ပြန်ပေမယ့်(ကြေးမုံအွန်လိုင်းသတင်းစာ)မှာတော့ ဒေါ်အောင်ဆန်းစုကြည် ကို ရိုင်းစိုင်းစွာပုတ်ခတ်ဆဲရေးထားတာတွေကိုနေ့စဉ်ဖေါ်ပြနေပါတယ်။ လက်တွေ့မှာတော့ နိုဝင်ဘာ၂၅ ရက်နေ့မှာ ရွှေဂုံတိုင်ရုံး ရှေ့ကို “လူရမ်းကားငါးမင်းဆွေ” ရောက်လာပြီး သရုပ်ပျက် အော်ဟစ်ပါတယ်။
နောက်ဆုံးတုန့်ပြန်ချက်နဲ့ ရိုက်ချက်ကတော့ နိုင်ငံတကာနဲ့ပြည်တွင်းပြည်ပက အာရုံကျနေတဲ့ ဒေါ်အောင်ဆန်းစုကြည် ရဲ့ လှုပ်ရှားမှုတွေကိုအာရုံလွှဲပြောင်းနိုင်ဖို့အတွက်“ဗိုလ်ခင်ညွန့်နဲ့ဒေါ်ခင်ဝင်းရွှေတို့ရဲ့မိုးသည်းညအသံတိတ်ဗွီဒီယိုအပိုင်း”ကို(facebook) ကနေတဆင့်ဖြန့်လိုက်တာပါပဲ။ ရေကန်ထဲကခဲကျသလိုဂယက်တွေပြန့်သွားပါတယ်။ ထင်မြင်ယူဆချက်တွေ ဘောင်ဘင်ခတ်သွား ပါတယ်။
ဆံပင်ဖြူနေတဲ့ ဗိုလ်ခင်ညွန့်ကိုကြည့်ပြီး စိတ်မကောင်းသလိုလို/သံဝေဂ ရသလိုလိုပြောတဲ့ လူလည်းရှိပါတယ်။ စိတ်မ ကောင်းဖြစ်နေသူတွေ၊သံဝေဂရနေသူတွေကိုပြောချင်ပါတယ်။ ဗိုလ်ခင်ညွန့် ညွန်ကြားချက်နဲ့အဖမ်းခံရသူတွေထောင်ထဲမှာ အခုချိန် ထိအများအပြားရှိနေပါသေးတယ်။
ထောင်ထဲမှာသေရတဲ့/ရူးသွပ်သွားရတဲ့/ကျန်းမာရေးချို့ယွင်းသွားရတဲ့ ဖြစ်ရပ်တွေနဲ့ အဖမ်းခံရသူတွေ ရဲ့မိသားစုတွေ ဘယ်လိုဘဝပျက်သွားတယ်ဆိုတာကို မမေ့ဖို့လိုပါတယ်။ ဒီနေရာမှာ သံဝေဂ ထက် စာနာမှုကပိုအရေးကြီးပါတယ်။
ဗိုလ်ခင်ညွန့်ရဲ့ အဝေးယောက်တပည့်ကတော့ “တိုင်းရင်းသားအရေးနဲ့ ဒေါ်အောင်ဆန်းစုကြည်ကိစ္စ” ဖြေရှင်းဖို့ လူကြီး တွေကတွေ့ဖို့ နေရာပြောင်းတာဖြစ်နိုင်တယ်လို့ ထောက်လှမ်းရေးတို့ရဲ့အဋ္ဌာရဿတွေနဲ့ ထုံးစံအတိုင်း ချွန်ပေးပါတယ်။ စိတ်ကူး ယဉ်ဆန်လွန်းတဲ့ ထင်မြင်ချက်ဖြစ်ပါတယ်။ နိမ့်ပါးသွားတဲ့သူတို့ဆရာကို အသလွတ်ချီးမွန်းခန်းဖွင့်တာပါ။
“နိုင်ငံရေးကိစ္စတွေ နောက်တက်မယ့်အစိုးရနဲ့ပြောပါဆိုပြီး ” အပစ်အခတ်ရပ်စဲခဲ့တဲ့ တိုင်းရင်းသားတွေကိုတစ်ပတ်ရိုက် ခဲ့တာ ဗိုလ်ခင်ညွန့်ပဲမဟုတ်လား။ (CO) နဲ့ (IO) တို့ရဲ့ လက်တွဲညီညီရိုက်ခဲ့ကြတဲ့အကွက်တွေမဟုတ်ဘူးလား။
ဒေါ်အောင်ဆန်းစုကြည်နဲ့ဗိုလ်ခင်ညွန့်ပူးပေါင်းဆောင်ရွက်လိုက်ရင်အောင်မြင်မှာပါတဲ့။
ဖိတ်သွားတဲ့နို့ကိုပြန်လည်တမ်းတနေတာ။ အဆုံးအဖြတ်အာဏာကိုဘယ်သူကိုင်ထားတယ်/ ဘယ်သူ့လက်ထဲမှာ ရှိတယ် ဆိုတာကို ကျနော်တို့ အခုထိဝေဝါးနေကြဦးမှာလား။
ဘယ်သူကဗိုလ်ခင်ညွန့်ကိုဆိုင်းငံ့ထောင်ဒဏ်(၄၄)နှစ်အပြစ်ပေးပြီးဖယ်ရှားလိုက်တာလဲ။အခုလိုအချိ်န်မှာ “တိုင်းရင်းသား အရေးနဲ့ ဒေါ်အောင်ဆန်းစုကြည်ကိစ္စ” ကိုင်တွယ်ဖုိ့ ဗိုလ်ခင်ညွန့် ကို ဘယ်သူက ပွဲထုတ်ဗန်းတင်ပေးမှာလဲ။ တရားခံကို ဘယ်သူက ဟီးရိုးလုပ်ခွင့်ပေးမှာလဲဗျာ။ “ဗိုလ်ခင်ညွန့်နဲ့ဒေါ်ခင်ဝင်းရွှေတို့ရဲ့ မိုးသည်းည အသံတိတ်ဗွီဒီယိုအပိုင်း” ကိုတော့ (နအဖ) စစ်အစိုးရရဲ့ ရိုက်ကူးရေးအဖွဲ့ရိုက်ပြီး၊ သူတို့ကပဲတဆင့်ဖွပေးလိုက်တာပဲဖြစ်ပါတယ်။
အခုပဲ ကျနော်တို့အနေနဲ့ (နအဖ) စစ်အစိုးရရဲ့ တုန့်ပြန်ချက်တွေကြားမှာ အခြေအတင်တွေပြောနေဆိုနေရပြီပဲ။ ဒါကိုက (နအဖ) စစ်အစိုးရ ရည်ရွယ်ချက်မဟုတ်ဘူးလို့ဘယ်သူပြောနိုင်သလဲ။
(နအဖ) စစ်အစိုးရထံကနေ နောက်ထပ်တုန့်ပြန်ချက်တွေပုံစံမျိုးစုံနဲ့ ထပ်ထွက်လာဦးမယ်လို့ ကျနော်ယူဆတယ်။
(နအဖ) စစ်အစိုးရရဲ့ နောက်ဆုံးတုန့်ပြန်ချက်ကတော့ ကုလသမဂ္ဂအတွင်းရေးမှူးချုပ်ရဲ့ အထူးအကြံပေးပုဂ္ဂိုလ် မစ္စတာ ဗီဂျေနမ်ဘီးယား ရဲ့ မြန်မာပြည်ခရီးစဉ် (၂၈/၂၉ နိုဝင်ဘာ) သတင်းဖေါ်ပြရာမှာ ဒေါ်အောင်ဆန်းစုကြည်ကသပ်သပ်၊ “ဖျက်သိမ်း ထားသောအမျိုးသားဒီမိုကရေစီအဖွဲ့ချုပ်”သပ်သပ် ခွဲခြားဖေါ်ပြထားတာပဲဖြစ်ပါတယ်။



ဒီမှာငဖား မင်းဆွေနွားသို့

ဒီမှာငဖား၊မင်းဆွေကြားအောင်ပြောလိုက်ချင်သည်

သင့်ဥပဒိရုပ်၊ရူပါစုတ်ကို

မြင်ယုံခဏ၊တဒင်္ဂဖြင့်

ရင်မှာပျို့အန်၊အော်ဂလီဆန်...

ဒီမှာငဖား၊မင်းဆွေနွားသို့

သင်ရေးသမျှ၊ပေါက်ကရကို

ဖတ်ရရုံဖြင့်၊ယုံမှတ်ခဲ့ရ

အသုံးမကျ၊ဗာလာန...

ဒီမှာငဖား၊မင်းဆွေနွားသို့

အချုပ်မရောက်၊ထောင်မပေါက်တဲ့

သင့်ရဲ့လုပ်ရပ်၊အရှုပ်ဇာတ်ကို

ကြားရချိန်တွင်၊ရယ်လိုက်ချင်ဘိ

ရိပ်မိပါ၏၊သင့်သတ္တိ....

ဒီမှာငဖား၊မင်းဆွေနွားသို့

စစ်အာဏာရှင်၊လက်အောက်တွင်ဖြင့်

သင်လိုအရူး၊အရထူးသည့်

အရူးထခွင့်၊ပေါကြောင်ခွင့်ကိုင်

လှိုင်လှိုင်ကျင့်သုံး၊လူငတုံး...

ဒီမှာငဖား၊မင်းဆွေနွားသို့

နောက်ဆုံးစကား၊ပြောရပါက

ပြည်သူ့ဒေါသ၊မုန်တိုင်းမထခင်

ဆင်ခြင်သုံးသပ်၊သင့်လုပ်ရပ်ကို

ရပ်တန့်ဖို့ရန်၊အချိန်တန်လို့

သတိစကား၊ပြောကြားလိုက်အံ့...

ဖိုး သိကြား 

eleven ဂျာနယ် အယ်ဒီတာရဲ့ facebook ပေါ်မှ ဖြေရှင်းချက်..


ဒီနေ့ဟာ ကျွန်တော်တို့အတွက် ပုံမှန်မဟုတ်တဲ့ အင်္ဂါနေ့ပါပဲ။ စိတ်မကောင်းစရာနေ့တစ်နေ့ဖြစ်သလို၊ကျွန်တော်တို့ CEO လည်း တော်တော် စိတ်မကောင်းဖြစ်နေရှာပါတယ်။ ဒီမနက်ကျွန်တော့်ကို စကားခေါ်ပြောတဲ့အခါမှာ CEOတော်တော်စိတ်မကောင်း ဖြစ်နေတာကို သိခဲ့ရပါတယ်။ ဟုတ်ပါတယ်။အင်္ဂါနေ့မနက်တိုင်းပုံမှန်ဖတ်နေကျ First Eleven Sports Journal ကိုဒီမနက် ဖတ်ခွင့်မရပါဘူး။နောက်တစ်ပတ်မှာလည်း ဖတ်ခွင့်ရဦးမှာ မဟုတ်ပါဘူး။ဂျာနယ်တစ်စောင် ထုတ်ခွင့်မရလို့ဆိုတာထက် ပရိသတ်ကို ပုံမှန်ကျေပွန်ရမယ့်တာဝန်တစ်ခု ပျက်ကွက်ရတာတော်တော်ဝမ်းနည်းစရာ ကောင်းပါတယ်။ First ElevenSports Journal ဟာကျွန်တော်တို့ရဲ့ဘ၀ပါ။ Eleven Media Group ရဲ့အစဟာFirst Eleven Sports Journal ပါ။ First Elevenဆိုတာသာမရှိခဲ့ရင် WeeklyEleven ၊ Premier Eleven ၊Bi Weekly Eleven ဆိုတာတွေလည်းရှိလာမှာမဟုတ်ပါဘူး။ First Eleven ဂျာနယ် စတင်ထုတ်ဝေစဉ်ကာလတွေက အခုလိုဝန်ထမ်းတွေအများကြီးလည်း မရှိပါဘူး။ အဲဒီတုန်းက ကျွန်တော်တို့ CEOကိုယ်တိုင် တစ်နေ့(၃၊၄)နာရီပဲအိပ်ပြီး အပြည့်အ၀ အာရုံစိုက်အလုပ်လုပ်ခဲ့တာပါ။ တစ်ပတ်(၇)ရက်လုံး နားရက်မရှိလုပ်ခဲ့သလို၊ အခုမီဒီယာသက်တမ်း (၁၁)နှစ်အထိ ကျွန်တော်တို့ ရုံးပိတ်တယ်ဆိုတာလုံးဝမရှိပါဘူး။ ကုန်ကုန်ပြောရရင် နာဂစ်ဖြစ်တုန်းက မီးမရှိ၊ ရေမရှိ၊အစားအသောက်ဝယ်စားစရာဆိုင်မရှိ၊ တစ်ရုံးလုံးလည်းပျက်စီး၊ဘာဆိုဘာမှမရှိတဲ့အခြေအနေမှာတောင် ပုံမှန်ထွက်ရမယ့်ဂျာနယ်ကိုပုံမှန်အတိုင်းထွက်အောင် ရတဲ့နည်းနဲ့ရသလို လုပ်ခဲ့ကြတာပါ။အခုနောက်ပိုင်းမှစာပေစိစစ်ရေးက အစိုးရရုံးပိတ်ရက်တွေရှိလို့သင်္ကြန်ရက်မှာဂျာနယ်ထုတ်ခွင့်မရလို့ နားရတာပဲရှိပါတယ်။ ဒါတောင်သင်္ကြန်တွင်းမှာ ရုံးလုံးဝမပိတ်ပါဘူး။ ပုံမှန်အလုပ်တွေ လုပ်မြဲပါပဲ။အခုကိစ္စမှာ First Elevenမျက်မှာဖုံးမှာပါတဲ့ စာသားတွေနဲ့ ပတ်သက်ပြီးတာဝန်ခံအယ်ဒီတာ ကိုမြတ်ထွဋ်ဝင်းက သူဘာကြောင့်ဒီလိုရေးတယ်ဆိုတာရိုးရိုးသားသား ၀န်ခံပြောကြားခဲ့ပါတယ်။ ကျွန်တော်တို့ Eleven Mediaအနေနဲ့ ဒါမျိုးတော့ လုပ်လေ့မရှိပါဘူး။ သူ့ရဲ့လုပ်ဆောင်မှုဟာ Eleven Mediaရဲ့မူဝါဒစည်းကမ်းနဲ့လွဲချော်မှု ရှိခဲ့ပေမယ့် သူ ဘယ်လိုလူမျိုးဆိုတာ ၂၀၁၀ကမ္ဘာ့ဖလားပြိုင်ပွဲသတင်းသွားယူစဉ်က သူတင်ပြတာတွေကိုဖတ်ဖူးသူတိုင်းသိပါတယ်။သူကျွန်တော်တို့ဆီမှာ လုပ်သက်(၈)နှစ်ကျော်ပါပြီ။အဲဒီရက်ပိုင်းမှာ အပြင်မှာဖြစ်ပျက်နေတဲ့ သတင်းအခြေအနေတွေအရ သူ့မှာEmotion တွေ ရှိကောင်းရှိနေနိုင်ပါလိမ့်မယ်။ သူပြောတာက'' အဲဒီတစ်ပတ်ပရီးမီးယားလိဂ်ပြိုင်ပွဲတွေမှာလက်ရှိချန်ပီယံ ချယ်လ်ဆီးကို ဆန်းဒါးလန်းကအဝေးကွင်းမှာ(၃)ဂိုးပြတ်နဲ့နိုင်တယ်။ ဒါဟာ အံ့အားသင့်စရာ ရလဒ်ဆိုတာပရိသတ်တိုင်းသိတယ်။ အဲဒီလိုပဲ မန်ယူကလည်း ဗီလာကို (၂)ဂိုးရှုံးနေရာကနေလိုက်ကစားပြီးသရေကျခဲ့တယ်။ အာဆင်နယ်ကျတော့ ခက်ခက်ခဲခဲကစားရမယ်လို့ထင်တဲ့ အဲဗာတန်ကို အလွယ်တကူပဲ အဝေးကွင်းမှာ အနိုင်ယူခဲ့တယ်။ဒါကြောင့်ချန်ပီယံဆုအတွက် အပြိုင်ဖြစ်နေတဲ့ ဒီအသင်းတွေရဲ့ရလဒ်ကို coverမှာတင်ဖို့ခေါင်းစဉ်စာသားတွေ ချရေးခဲ့တယ်။ အသင်းတွေရဲ့အမည်စာသားတွေကထူးခြားနေလို့စာသားတွေကို အရောင်လေးတွေ ခွဲကြည့်လိုက်မိတယ်။အဲဒီမှာလက်ရှိဖြစ်ပေါ်နေတာတွေနဲ့ တိုက်ဆိုင်နေတာကိုတွေ့ရတယ်။ ကျွန်တော့်မှာဘာရည်ရွယ်ချက်မှ မရှိသလို၊ ဘာလှုံ့ဆော်မှုမှလည်း မပါပါဘူး။ နောက်ဒေါ်အောင်ဆန်းစုကြည်လွတ်မြောက်လာပြီဆိုတာ ဂျာနယ်အသီးသီးမှာဖော်ပြထားသလို၊ စိစစ်ရေးကခွင့်ပြုတာကိုလည်းသိရတယ်။ ဒါကြောင့်ကျွန်တော်တို့နိုင်ငံမှာ အားလုံးညီညီညွတ်ညွတ်ရှိကြဖို့ကိုပဲရည်ရွယ်ခဲ့တာပါ။ ၂၀၁၀ ကမ္ဘာ့ဖလားပွဲကို တောင်အာဖရိကမှာသတင်းသွားယူတုန်းကသူတို့နိုင်ငံရဲ့တိုးတက်မှုတွေက အားကျစရာပါ။ အရင်တုန်းကအသားအရောင်ခွဲခြားမှုတွေရှိခဲ့တဲ့ တောင်အာဖရိ ကနိုင်ငံဟာ လူဖြူ၊ လူမည်းသွေးစည်းညီညွတ်မှုနဲ့ နိုင်ငံတိုးတက်အောင် အတူတကွလုပ်ဆောင်နေတာကျွန်တော်တို့နမူနာယူစရာဖြစ်နေပါတယ်။ သူတို့လို အသားအရောင်လူမျိုးမတူတဲ့သူတွေတောင် သွေးစည်းညီညွတ်ခဲ့ရင် ကျွန်တော်တို့နိုင်ငံမှာတစ်မြေတည်းနေ၊တစ်ရေတည်းသောက်တဲ့ မြန်မာနိုင်ငံသားတွေအားလုံးဘာလို့မညီညွတ်နိုင်ရမှာလဲ။ ကျွန်တော်တို့ တိုင်းပြည်တစ်ခုလုံး ညီညွတ်ပြီးဖွံ့ဖြိုးတိုးတက်စေချင်တဲ့ ရည်ရွယ်ချက်နဲ့ကျွန်တော်တို့ရဲ့မျော်လင့်ချက်တွေ ပြည့်ဝစေလိုတဲ့ရည်ရွယ်ချက်ပဲရှိပါတယ်။ကျွန်တော့်မှာ မကောင်းတဲ့ အကြံအစည် ရည်ရွယ်ချက်မရှိသလို၊ဘာနိုင်ငံရေးလှုံ့ ဆော်မှုမှလည်းမပါပါဘူး''လို့ ပြောပါတယ်။ဒီနိုင်ငံမှာနေရင်ဒီနိုင်ငံရဲ့စည်းကမ်းတွေကို လိုက်နာရမယ်ဆိုတာကျွန်တော်တို့ သိပါတယ်လိုက်လည်းလိုက်နာခဲ့ပါတယ်။စည်းကမ်းဘောင်အတွင်းကပဲ အလုပ်လုပ်ခဲ့တာပါ။ ဒါပေမယ့်အခုလိုအပြောင်းအလဲကာလတစ်ခုမှာ First Eleven ပိတ်ခံရတာ ၀မ်းနည်းစရာကောင်းပါတယ်။ဒါဟာ ကျွန်တော်တို့ ဂျာနယ်အတွက်ပဲ မဟုတ်ပါဘူး။ စိစစ်ရေးကအခုလိုဂျာနယ်(၉)စောင်ပိတ်တာဟာ မြန်မာမီဒီယာလောကတစ်ခုလုံးနောက်ပြန်သွားသလိုဖြစ်ရတဲ့အတွက်ကြောင့်ပါ။ဒီစိတ်မကောင်း ၀မ်းနည်းမှုနဲ့အတူလွန်ခဲ့တဲ့ (၇)နှစ် အကြာ ၂၀၀၃ ခုနှစ်၊ဇူလိုင်လ(၁၇)ရက်နေ့ကိုလည်းမျက်စိထဲပြန်မြင်လာမိပါတယ်။ အဲဒီတုန်းကလည်းအခုလိုပါပဲ။ကျွန်တော်တို့ Eleven ရဲ့ ဖြတ်သန်းလာတဲ့ကာလ တစ်လျှောက်တစ်ပတ်(၇)ရက်အလုပ်လုပ်ပြီး လုံးဝရုံးမပိတ်ခဲ့ဖူးတဲ့ရုံးခန်းတံခါး(၂)ရက်တိတိအပိတ်ခံခဲ့ရပါတယ်။ ဇူလိုင်လ(၁၇)ရက်ကနေ(၁၉)ရက်နေ့အထိ ရုံးခန်းတံခါး ချိပ်ပိတ်ခံခဲ့ရတာပါ။ (ဒီဖြစ်ရပ်မတိုင်ခင်တစ်ပတ်အလိုမှာ ဂျာနယ်တစ်ပတ် အပိတ်ခံခဲ့ရပါတယ်)။ ဥပဒေရဲ့ အထက်မှာရောက်ရှိခဲ့တဲ့အဖွဲ့အစည်းဖြစ်လို့ ဖျက်သိမ်းလိုက်ပြီဖြစ်တဲ့တပ်မတော်ထောက်လှမ်းရေးကအဲဒီတုန်းက ကျွန်တော်တို့ရုံးကိုနာရီပေါင်းများစွာဝင်ရောက် စီးနင်းရှာဖွေခဲ့ပါတယ်။ဘာမှလည်းရှာမတွေ့သွားပါဘူး။ဥပဒေနဲ့မလွတ်ကင်းတာ ဘာမှလည်းရှိမှမရှိတာ။ဒါပေမယ့် ကျွန်တော်တို့ CEOအပါအ၀င် အယ်ဒီတာ(၅)ဦးကို ဖမ်းဆီးခေါ်ဆောင်သွားပါတယ်။ ဘာအပြစ်မှမရှိတဲ့အတွက် (၂)ရက်အကြာမှာ CEOပြန်လွတ်လာသလို၊ကျန်တဲ့သူတွေလည်း ပြန်လွတ်လာပေမယ့် အယ်ဒီတာတစ်ယောက်ကတော့ သေဒဏ်ချမှတ် ခံခဲ့ရပါတယ်။ (နောက် တစ်နှစ်ခွဲကြာမှပြန်လွတ်ခဲ့ပါတယ်)။ သူလည်းဘာအပြစ်မှမရှိပါဘူး။အဲဒီတော့ဗျာ ကျွန်တော်ပြောချင်တာကတော့ ကျွန်တော်တို့မှာအခြားဘာရည်ရွယ်ချက်မှမရှိဘူး။ ကျွန်တော်တို့က တိုင်းပြည်ကိုချစ်တယ်။တိုင်းပြည်တိုးတက်စေချင်တယ်။ အမှန်တရားကို မြတ်နိုးတယ်။အမှန်ကိုအမှန်အတိုင်းဖြစ်စေချင်တယ်။ အမှားကိုဘယ်တော့မှ အမှန်မလုပ်ဘူး။ကျွန်တော်တို့ရဲ့ခိုင်မာတဲ့မူဝါဒက အဲဒါပါပဲ။ အရင်ကလည်း ဒီအတိုင်းပဲ။အခုလည်းဒီအတိုင်းပဲ။နောင်လည်း ဒီအတိုင်းပဲ ရပ်တည်သွားမှာပါ။ ဘယ်တော့မှမပြောင်းလဲပါဘူး။ ကျွန်တော်တို့ရဲ့ရပ်တည် လုပ်ဆောင်မှုတွေကိုထင်ရာမြင်ရာတွေနဲ့လိုရာဆွဲပြီးချောက်တွန်းတာတွေလည်း မဖြစ်စေချင်ပါဘူး။
ကျွန်တော်တို့ရဲ့ရပ်တည်ချက်ကလည်း ဘာအခက်အခဲပဲတွေ့တွေ့ ဘာအနှောက်အယှက်ပဲတွေ့တွေ့ မပြောင်းလဲပါဘူး။
ဝေဖြိုး :တာဝန်ခံအယ်ဒီတာEleven Media Group

ရှားးးးရှားးးးးဘာရှားးးလဲ * ရုရှား* တဲ့ ကွယ်

ရှားးးးရှားးးးးဘာရှားးးလဲ * ရုရှား* တဲ့ ကွယ်

by Supyae Sandar on Monday, November 29, 2010 at 1:17pm
မဆလ စစ်အာဏာရှင် ခေတ် ကာလကတွင် သာမန်စစ်ဗိုလ် တစ်ယောက်အနေဖြင့် နိုင်ငံခြား သို့ ပညာတော်သင် သွားရောက် ဖို့ရာမှာ ကြုံတောင့်ကြုံခဲ အခွင့်အရေး တစ်ရပ်ပင် ဖြစ်ပါတယ်။ အမေရိကန်နိုင်ငံနှင့် အဆင်ပြေခဲ့စဉ်က အမေရိကန်နိုင်ငံသို့ သင်တန်းသွား တက်ရဖို့ကို အရာရှိ တော်တော်များများက ကျားကုပ်ကျားခဲ ကြိုးစားသင်ယူ ဖြေဆိုခဲ့ကြ ရပြီး ရှားရှားပါးပါး မြန်မာ့ တပ်မတော် တစ်ခုလုံးအနေဖြင့် ဗိုလ်မှူးအဆင့်ရှိ အရာရှိနှစ်ဦး (ဗိုလ်မှူးသန်းအောင်နဲ့ ဗိုလ်မှူးမြငြိမ်း) သာ ရွေးချယ်ခံရကာ ခက်ခက်ခဲခဲ သွားရောက်ခဲ့ ဖူးပါတယ်။

၁၉၈၈ နောက်ပိုင်းမှာ တရုတ်နိုင်ငံသို့ ပညာတော်သင်သွားခဲ့သော တပ်မတော် အရာရှိများ ရှိခဲ့သော်လည်း ညွှန်ကြားရေးမှူးရုံးများနှင့် ပညာသည် တပ်ဖွဲ့များသာ ဥပမာ - (တင့်ကား၊ သံချပ်ကာ၊ အမြောက်၊ ဆက်သွယ်ရေး၊ ရေတပ်၊ လေတပ်) စတဲ့ တပ်များမှ အရာရှိ များသာ သွားရောက်ခဲ့ရပြီး သာမန်ခြေလျင် တပ်က အရာရှိများအဖို့ အခွင့်အလမ်း နည်းပါးသေးကြောင်း တွေ့ရပါတယ်။ သို့ရာတွင် ရုရှားနိုင်ငံသို့ သွားရောက် ပညာတော်သင်ရမည့် အစီအစဉ် စတင်ချိန်မှာတော့ စစ်တက္ကသိုလ် ကျောင်းဆင်းချိန်မှစပြီး သာမန် ခြေလျင်တပ်မှာ တာဝန်ထမ်းဆောင်ဖို့ မလိုတော့ဘဲ အရာရှိထောင်နဲ့ချီကာ နိုင်ငံခြားသို့ ဆက်လက် ပညာဆည်းပူးနိုင်ရန် သွားရောက်ခွင့် အခြေအနေ ရှိလာပါတယ်။ ပညာ တော်သင် အရာရှိတစ်ဦးရဲ့ လစာကို ဒေါ်လာငွေဖြင့် ပေးသလို အဆင့်မြင့် နည်းပညာ အပါအ၀င် နျူကလီးယား ပညာရပ်ထိ သင်ယူဖို့ ရှိတာမို့ တပ်မတော် အရာရှိတိုင်း လှုပ်လှုပ်ရွရွနဲ့ စိတ်ကူးယဉ်ခဲ့ကြပေမဲ့ လစာငွေတွေ ပြည်တွင်းမှာ ရုတ်တရက် အဆပေါင်းများစွာ တိုးပေးလိုက်မှုကြောင့် လက်တွေ့နယ်ပယ်မှာ နိုင်ငံခြား ပညာတော် သင်တွေဟာ မှန်းချက်နဲ့ နှမ်းထွက်မကိုက် ဖြစ်ခဲ့ရကြောင်း သိခဲ့ရပါတယ်။

ထို့အပြင် ရုရှားသို့ သွားရောက် ပညာသင်ကြားသူများမှာ စောစီးစွာ ချောင်ထိုးခံရသူများ၊ အစတေးခံရသူများ ဖြစ်သွားပုံတွေ၊ ရုရှားပညာတော်သင် အဖွဲ့တွင် လူကြီးသားသမီးများ ပါဝင်မလာရခြင်းအတွက် အံ့သြဖွယ်ရာ တွေ့ရှိရပုံတွေ၊ ရုရှား ပညာတော်သင် သွားသူများမှာ ကျီးလန့်စာစားနှင့် နေထိုင်ပြီး ပညာသင်ယူနေကြပုံတွေ၊ စစ်အာဏာရှင်တွေဟာ ရုရှားမှာ နျူကလီးယား ပညာရပ်ကို သွားသင်ခိုင်းပြီး ကမ္ဘာမှာ Super Power နိုင်ငံတစ်ခုဖြစ်ဖို့ ဖြတ်လမ်းကနေ ကြံစည်နေမှုအား သုံးသပ်ထားပုံတွေမှာ အလွန်သေသပ်လှပသော လှည့်စားမှူတစ်ခု ဖြစ်နိုင်နေမည်မှာ မလွဲဧကန်ပင်ဖြစ်နိုင်ပါတယ်။

“ရုရှားသို့ ပညာတော်သင် သွားခြင်း” ဆိုတဲ့ ဝေါဟာရတစ်ခုဟာနှောင်းပိုင်း စစ်တက္ကသိုလ်တွင် အတော်လေးကို ခေတ်စားလာခဲ့ပါတယ်။ ကိုယ့်ရဲ့ ဘယ် Guardian ကဖြင့် ရုရှားကို ရောက်သွားပြီ၊ ဘယ်သူကဖြင့် သွားရတော့မည်၊ စသဖြင့် စသဖြင့် အားကျစဖွယ် ကြားသိခဲ့ရ ပြောပြရင်း အထင်ကြီးခဲ့ကြမည်မှာ အလွန်သေချာပါသည်။အတော်လည်း ရူးသွပ်မိကြမည်ဆိုတာထင်ရှားပါသည်။ ၎င်းအတွက်ပင် စာကိုလည်း ပိုကြိုးစားကြမည် ဟုလဲထင်မိပါသည်။ သူတို့ အတွေးများတွင်တော့ စစ်ဗိုလ်ဘ၀နှင့် နိုင်ငံခြားပညာတော်သင် သွားရပါက အဘယ်မျှ ဂုဏ်ယူစရာ ကောင်းလှမည်နည်းပေါ့။

ရုရှား ပညာတော်သင် သွားရမည့် အရာရှိငယ်များသည် ပြင်ဦးလွင် (စစ်တက္ကသိုလ် စာပေ - ၂) ၌ ရုရှား ဘာသာစကားအား (၇) လ သင်ကြား ခဲ့ကြရပါသည်။ မနက် (၈) နာရီမှ (၁၁) နာရီအထိ စာသင်၊ ပြီးလျင် ဟင်းကောင်းထမင်းကောင်းများစားသောက် ပြီးလျင်
12 နာရီမှ 2 နာရီ အထိသင်၊ ကျန်အချိန်များမှာ အရာရှိငယ်များ၏ ကိုယ်ပိုင်အချိန်များဖြစ်သည်။ကိုယ့် ရီစစ်(ဘာသာစကား) ဆရာမနှင့် ပိုင်လျှင်ပိုင်သလို အတန်းမတက်လဲ အဆင်ပြေကြပါတယ်။၎င်းတို့ အနေနှင့် ရုရှား သွားမည့်ရက်ကိုသာ သက်တောင့်သက်သာ လက်ချိုးပြီး စောင့်နေရုံ ဖြစ်ပါတယ်။

ရုရှားရောက် အကိုတော်အရာရှိများသည် ငါးစားသာမြင်၍ ငါးမျှားချိတ် မမြင်ဆိုသော အဖြစ်မျိူးဖြစ်နေသည်ကို
သတိမထားမိကြပေ။“သိပ္ပံနှင့် သုတေသနတပ်” အား ဖွဲ့စည်းလိုက်ကာ ရုရှားမှ ပြန်ရောက်လာသော အရာရှိများအား ၎င်းတပ်အတွင်းသို့ သွတ်သွင်းလိုက်သည့် လုပ်ရပ်သည် တပ်မတော်မှ စောစီးစွာ အရပ်ဘက်သို့ အပို့ခံရသော အရာရှိငယ်များဘ၀သို့ ရောက်ခြင်းမလှ ရောက်ခဲ့ရပါတော့တယ်။ အသုံးချခံ အစတေးခံ ဘ၀များသို့ ရောက်ရှိခဲ့ကြ ရပါတော့တယ်။

သို့ရာတွင် ထူးခြားသည်ကား ၎င်းရုရှားပညာတော်သင် အဖွဲ့များတွင် လူကြီးသား သမီးများ ပါဝင်မလာခြင်းပင် ဖြစ်ပါတယ်။သာမာန်အရာရှိများ ငမ်းငမ်းတက် သွားချင်လှသော ရုရှားအား အဘယ်ကြောင့် လူကြီးသားသမီးများ မသွားချင်ရသနည်း၊နောက်ကွယ်မှာ ဘာတွေ မြုပ်ကွက်ရှိနေသနည်း။ မေးခွန်းပေါင်းများစွာ မေးစရာ ဖြစ်လာပါတယ်။ လူကြီးသားသမီး ဆိုသူများသည် ရုရှားပြန်များအား ဂုတ်ခွစီးဖို့ အာဏာပိုင် နေရာများဆီသို့ ချီတက်သွားကြပြီဆိုတာ မသိကြလေရော့လား အကိုတော်တို့ရယ်။

ရုရှားရောက် အရာရှိများ အနေနှင့် ၎င်းတို့ အဓိကထား စဉ်းစားရမည့် အချက်များကို မေ့နေဟန်တူပါတယ်။

“ဒီ နျူကလီးယား ပညာရပ်ကို သင်ကြားနေရတာ ဘာအကျိုးအမြတ် အတွက်လဲ? "
“လျှပ်စစ်မီး ဖောဖောသီသီ သုံးနိုင်အောင်လို့လား?”
“နျူကလီးယား လက်နက်တွေထုတ်ပြီး ကမ္ဘာ့ Super Power နိုင်ငံတစ်ခု ဖြစ်ချင်လို့လား”

လျှပ်စစ်မီး ထုတ်လုပ်ဖို့ဆိုရင်တော့ သူများနိုင်ငံသွားပြီး နျူကလီးယား ပညာရပ်ကို သွား သင်နေစရာ မလိုပါ။ ကိုယ့်နိုင်ငံမှာ ထွက်တဲ့ သဘာဝဓါတ်ငွေ့တောင် နှစ်ပေါင်း ၂၀၀ လောက် လျှပ်စစ်မီးပေးလို့ ရပါတယ်။ အဲဒီ သယံဇာတတွေကိုတော့ တခြားနိုင်ငံတွေကို ရောင်းပြီး နျူကလီးယား ပညာရပ်က လျှပ်စစ်မီးအတွက် စက်မှုထွန်းကားဖို့အတွက် သွား သင်နေရတာပါ ဆိုရင်တော့ ဒါ အကြောင်းပြချက် သက်သက်သာ ဖြစ်နေပါလိမ့်မည်။ လုံးဝ မခိုင်လုံပါ။ လက်မခံနိုင်ပါ။

ဒါဖြင့် ဘာကြောင့် ရုရှားကို နျူကလီးယား ပညာရပ် သွားသင်နေရတာလဲ? ရိုးရိုးလေး စဉ်းစားကြည့်ပါ၊ ကမ္ဘာမှာ Super Power နိုင်ငံတစ်ခုဖြစ်ဖို့ ဖြတ်လမ်းကနေ ကြံနေတာကို တွေ့ရပါလိမ့်မယ်။ မေးလိုက်ချင်ပါသေးတယ် အကိုတော်အရာရှိတို့ရယ်

(၁) နျူကလီးယား လက်နက်တွေ ထုတ်လုပ်ဖို့အတွက် မြန်မာပြည်မှာ စီးပွားရေး အဆောက် အအုံတွေ ခိုင်မာနေပြီလား?

(၂)နိုင်ငံခြားဝင်ငွေတွေ ဒလဟော ရနေပြီလား?

(၃)ပြည်တွင်း ကုန်ထုတ်လုပ်မှု စွမ်းအားတွေ သိပ်ကိုမြင့်မားနေပြီလား?

(၄)မြန်မာပြည်သူတွေရဲ့တစ်ဦးချင်း ၀င်ငွေတွေ မြင့်မား ခိုင်မာနေပြီလား?

အဲ့ဒါတွေတောင်မှ ဝေလာဝေးတဲ့ အခြေအနေတွေမှာ နျူကလီးယားSuper Power နိုင်ငံတစ်ခုဖြစ်ဖို့ လုပ်နေပါတယ်ဆိုတဲ့
ကိစ္စရပ်တွေဟာ ၀ မရှိပဲ ၀ိ လုပ်နေတာတွေချည်းပါပဲ။

အဲ့ဒါတွေ မပြီးပြည့်စုံပဲနဲ့ နျူကလီးယား လက်နက်ကိုချည်း ထုတ်ဖို့ ကြိုးစားနေမယ်ဆိုရင် မြန်မာပြည်သူတွေ ဆင်းရဲတွင်း နက်သထက် နက်သွားလိမ့်မည်မှာ လူပြိန်းတောင် သိ နေပါတယ်။ ပြည်သူ့ ဘဏ္ဍာတွေ အကုန်လုံး အဲဒီနျူကလီးယား စီမံကိန်းထဲမှာ နစ်မြုပ်သွားမှာ အသေအချာပင် ဖြစ်ပါတယ်။ နောက်တစ်ခုက ပြင်ပကမ္ဘာနဲ့ အဆက်ပြတ်ပြီး မြန်မာပြည်ကြီး အထီးကျန် ဆန်သွားမှာ သမိုင်းဗီလိန် ဖြစ်သွားမှာကိုရော မစိုးရိမ်ကြဘူး လားဟု မေးစမ်းချင်ပါတယ်။ တကယ့်ကို တိုင်းပြည်အပေါ် ချစ်ကြစမ်းစေချင်ပါသည်။

အဲဒီတော့ ရုရှားရောက် အရာရှိများအနေနဲ့ စဉ်းစားကြည့်စေချင်ပါတယ်။ကမ္ဘာမှာ လူမိုက်လုပ်ချင်သလား၊ မြန်မာပြည်သူတွေ ချမ်းချမ်းသာသာနဲ့ လူတန်းစေ့ နေနိုင်တာကို မြင်ချင်သလားဆိုတာ စဉ်းစားတတ်မည်ဟု ထင်ပါတယ်။ပြည်သူတွေ ချမ်းချမ်းသာသာနဲ့ စိုပြေနေတာကို အရင်မြင်ချင်တယ်။ အဲ့ဒီလို အဆင့်ကို ရောက်ပြီးမှ နျူကလီးယား ကိစ္စကို ဆက်ဆွေးနွေးကြရင် မကောင်းဘူးလား”???

စိတ်ကူးယဉ် နျူကလီးယား နည်းစနစ်တွေ အတွက် ငွေကြေးအကုန်ခံမဲ့အစား အဆင့်မြင့် နည်းစနစ်တွေနဲ့ မော်တော်ကား ထုတ်လုပ်တဲ့ နည်းပညာ တွေဝယ်မယ်၊ စက်ရုံတွေထောင်မယ်၊ လေယာဉ်တွေကို ထုတ်လုပ်မယ်ဆိုရင် ပြည်သူတွေ အတွက် အလုပ်အကိုင် အခွင့်အလမ်းတွေ ပေါ်မလာဘူးလား ။နျူကလီးယား ထုတ်ဖို့ချည်း အတင်းစိုင်းပြင်းနေတော့ မြန်မာပြည်ကြီး ဆင်းရဲသထက် ဆင်းရဲသွားမှာ မြေကြီးလက်ခတ် မလွဲပါပဲ၊ အဲဒီ နျူကလီးယား ထုတ်လုပ်ဖို့ စီမံကိန်းအတွက် ကုန်ကျငွေဟာ လေယာဉ်စက်ရုံ အခု တစ်ရာ မက တည်ဆောက်တဲ့ အားနဲ့ သွားညီနေပါတယ်။

ဒါလဲ နျူကလီးယားကို( ရ - မရ ) ဆိုတာ မသေချာပါ။ ရမလားဆိုတဲ့ မျှော်လင့်ချက်နဲ့ ကိုယ်က ကိုယ့်နိုင်ငံရဲ့  ရေနံတွေ တွင်းထွက်တွေကို အလကားနီးနီး ရောင်းပေးနေရပါတယ်။ မိအေးက နာပြီးရင်းနာနေရတဲ့ အဖြစ်မျိုးကို သိကြစေချင်ပါတယ်။ လူပြိန်းတောင် နားလည်နိုင်ပါတယ်။ အဲဒီတော့ ရုရှား ပညာတော်သင် အကိုတော်များအနေနှင့် ကိုယ်လုပ်နေရတဲ့ အလုပ်ဟာ ပြည်သူတွေ ကောင်းကျိုး အတွက်လား၊ စစ်တပ် ခေါင်းကြီးပိုင်းတစ်စုရဲ့ တန်ခိုးအာဏာ ကြီးထွားရေး အတွက်လားဆိုတာ ပြန်စဉ်းစားကြပါလို့ ပြောကြားချင် ပါတယ် ။

“တပ်မတော်သည် ပြည်သူအတွက်” ဆိုတဲ့ ခံယူချက်လေး အခြေခံပြီး စဉ်းစားခဲ့မယ်ဆိုရင်တော့ အကိုတော်များအနေနှင့် အဖြေတစ်ခုတော့ ထွက်လာပါလိမ့်မည်။
ပြည်သူ့အတွက်လို့ မစဉ်းစားရင် တိုင်းပြည်အတွက် ဆိုတာလည်း စဉ်းစားတတ်မှာ မဟုတ်ပါ။ အဲဒီ တိုင်းပြည်ထဲမှာ ပြည်သူထဲမှာ ကိုယ့်ရဲ့ မိဘ၊ ဆွေမျိုး မောင်နှမ၊ သူငယ်ချင်း ရောင်းရင်း၊ ယုတ်စွအဆုံး ကိုယ့်ရဲ့ မျိုးဆက်သစ် ရင်သွေးလေးတွေလည်း ပါလာဦးမှာမို့ ကိုယ့်ကိုယ်ကိုတော့ လေးစားကြပြီး မှန်ကန်မြင့်မြတ်တဲ့ အတွေးအခေါ် အယူအဆတွေ မွေးကြရအောင်လို့ တိုက်တွန်းလိုက်ရပါတယ်။

အကိုတော်များအနေနှင့် ကပ်သတ်ပြီး ပြောလို့ရမယ့် စကားတွေရှိနေပါတယ်။ဥပမာ ရုရှားက ပညာတော်တွေဟာ နျူကလီးယားအတတ်ပညာတစ်ခုတည်းကို လေ့လာနေရတာမဟုတ်ဘူးလို့ ပြောနိုင်လာပါသေးတယ်။
တစ်ခြားပညာရပ်များဖြစ်တဲ့ ကွန်ပြူတာပရိုဂရမ်းမင်းရေးနည်းများ ၊ မော်တော်ကားတပ်ဆင်ရေးများ ၊ လေယာဉ်ပျံအစိတ်အပိုင်း ပြင်နည်းများ ၊
ထိုထိုသော ပညာရပ်များလဲသင်ကြားနေရတဲ့ သူတွေလဲရှိသေးတယ်ဆိုတာ သိပါတယ်။ သို့သော် ထိုပညာရပ်များအတွက် ရုရှားအထိသွားရောက်ပြီး လေ့လာသင်ယူစရာမလိုပါ။တမင်ပုံကြီးချဲ့၍ လည်း မပြောကြားစေလိုပါ။ဥာဏ်နှင့်ယှဉ်၍ အားလုံးကိုသေချာစွာ စဉ်းစားသုံးသပ်စေလိုပါတယ် ။...............................

(ရုရှားရောက် အကိုတော်အရာရှိများအတွက် အမှတ်တရ ရေးသားလိုက်ပါကြောင်း နှင့် တိုင်းပြည်နှင့်လူမျိူး အကျိူးကို အမှန်တစ်ကယ်သယ်ပိုးရွက်ဆောင်နိုင်သော သားကောင်းဇာနည်များ ဖြစ်ကြပါစေလို့ ဆန္ဒပြုလိုက်ရပါ၏ ။) 
http://www.facebook.com/note.php?note_id=153008998078794&id=100001601233620

မြန်မာပြည်သို့အိတ်ဖွင့်ပေးစာ(၁)

Flyer to Myanmar 1