Monday, December 13, 2010

လှည့်ကွက်

" လှည့်ကွက် "  

ခရီးမသိလို့လမ်းလွဲနေတာလား ----- 
မလျှောက်လိုပဲမရောက်တာလား
ဒါမှမဟုတ် --- --- ---
မိစ္ဆာလူဆိုးတွေကပဲ
လမ်းလွဲအောင်လွှဲထားလေသလား
သေချာတာတခုက
တခုခုတော့လွဲချော်နေလို့ပါ --- ။
ငယ်ငယ်တုန်းကလို -----
အဖေနဲ့အမေ့ရင်ခွင်ကိုတိုးဝင်ကာ
လိုချင်တာကိုမရတော့တဲ့ ဒီအချိန်မှာတော့
တခါတလေအစွန်းရောက်မှုတွေကို
ဘ၀ပေးအသိနဲ့ခ၀ါချပြစ်ပါလို့
တရားနည်းလမ်းကျ
မျှတတဲ့အခွင့်အရေးတွေပဲလိုချင်တယ် --- ။
တလမ်းသွားအတွေးအခေါ်ပိုင်ရှင် -----
ဘ၀တ၀က်စံမိစ္ဆာလူဆိုးတွေကတော့
တင်းကျပ်တဲ့ဥပဒေတွေထုတ်
ဒီမိုကရေစီအရေခြုံကန့်လန့်ကာနောက်ကွယ်ကနေ
ဘီလူးဆိုင်းတီးပေးကာ
မင်းသားအက ကခိုင်းဖို့ကြိုးစားနေလေရဲ့ --- ။
ဇာနည်မောင်

0 အကြံပြုခြင်း: